بشوية . ، حلات عينيها لقات واءل وصاحبو والبنت اللي معاهم واقفين حداها . شدات فراسها دايخة وجلسات بشوية
واءل : فين كتعرفي داك خونا ؟ اش قربو ليك؟
فاتي : مكنعرفوش .. كنت جالسة وجا عندي جلس بلا ميتشاور ... قبل منقول ليه نوض وقفات علينا مرتو
واءل : الكلب ... عند مو الزهر ماريبتش ليه داك الفم ... مابغاش يحشم الحمار لاخر
خزرات فاتي وقالت : منو عدد اللي ماحشمو متباغيين يحشمو ... مهم شكرا عدبتك معايا وسمحو ليا
ناضت وقغات وهوا يشد فيها : فين غاتمشي نوصلك؟
فاتي: لا شكرا غنشد طاكسي
واءل : انا نوصلك فين كاين المشكل؟
فاتي : سمح ليا سيدي كنعرف الطريف منين نرجع .. .فين حوايجي وصاكي؟
واءل : بقاو فالطموبيل
صاحبو : خاي واءل .. حنا غنمشيو حتى لمن بعد ونتشاوفو
البنت : الله يحد الباس احبيبة ... خلينا ليك الراحة ... واءل تهلا ليا فراسك نتشاوفو من بعد
سلمات عليه من الوجه عادي لاكن فاطمة الزهراء تقبات ليا جلدها بعينيها ، تلفت عندها واءل من بعد ما مشاو وهي تقلب عينيها وقالت
فاتي : يالاه عطيني حوايجي عفاك نمشي بحالي
خرجات قادمو وتبعها للطوموبيل وقفها : انا نوصلك علاش تمشي بوحدك .. انا نوصلك فينما بغيتي مالكي؟
فاتي : لا اسيدي شكرا .. داكشي اللي درتي على قبلي ليوم كافي بلا منزيد نمحنك
واءل: بأصرار ) غنوصلك انا ... صاافي رطبي راسك شوية مزالة نتي هي نتي؟
فاتي: لا اسيدي .. مامولفاش تمشي مع المزوجين ... غير سمح ليا
واءل: ههه! كفاش مزوجين ؟! مافهمتش؟!
فاتي: سير اسيدي عندك مراتك عطيها وقت وبعد مني .
واءل : كفاش مرتي وشكون قالك مزوج؟! مرة وحدة اللي تزوجت فحياتي صافي ... مامزوج دابا ما خاطب!
فاتي بارتباك : ماعرفتش .. المهم واخا هاكاك غنمشي راسي
واءل : غنوصلك اوك ... صافي نعلي الشيطان
فتح ليها الباب وبقات واقفة مترددة عاد طلعات .. ركبات حداه حشمانة مهلطة راسها وكتشوف الخاتم فيدو ديال الزواج باقي نفسو ، تبسم وهوا سايق وقال
واءل : غبرة هادي افاطمة الزهراء ... عماين تقريبا ما تشاوفنا ... لاباس عليك بعدا؟
فاطمة الزهراء : الحمد لله هاد الساعة ونتا ؟
واءل: تنهد ) حامدين الله .... مابقيتيش بنتي ليا من ديك الوقت .. فين غبرتي ؟
فاتي : مابقيتش فكازا ... رحلت وليت ساكنة فأكداير
تلفات وقال : واايلي! مشيتي حتى لأكادير؟
فاتي : مابقيتش مرتاحة فكازا .. تما سكنت . وخدمت .. ومرتاحة الحمد لله
واءل: فين خدمتي؟
فاتي: محاسبة
واءل : مزيان .. الله يسهل الامور
فاتي: ماشي طريق دارنا عفاك .. ديني لأوتيل ******
واءل : علاش ماجالساش مع داركم؟ رحلو حتى هما؟
فاتي : لا .. غير عندي شي شغل جيت على قبلو وهما مكاينيش مسافرين باش يعطيوني السوارت .
واءل : اوك ماشي مشكل نوصلك لأوتيل .... وكيغادية مع الخدمة و مع الحياة .. كلشي مزيان؟
فاتي : الحمد لله كنوجد للعرس ديالي فأكادير داكشي علاش جيت ناخد وراقي... صافي شكرا غير هنا .. وسمح ليا عدبتك
[23/1 19:25] بارت: فاتي : الحمد لله كنوحد للعرس ديالي فأكادير داكشي علاش جيت ناخد وراقي ... صافي شكرا غير هنت .. وسمح ليا عبدتك
تصدم ووقف الطموبيل كيشوف فيها .. ماقدرش يقول حتى كلمة .. حدر راسو مجروح في حين حلات الباب نزلات وقالت بابتسامة
فاتي : شكرا وسمح ليا عدبتك معايا
قال وهوا كيشتت النضر قدامو مشافاش فيها : الله اودي هادا واجب... الله يسخر ليك
ديمارا الطوموبيل وهي غادية جثت باب الاوتيل مخطوات تقال كتسنى يتبعها ولا ولا يوقفها يستفسر معاها ، لاكن خاب ضنها فاش سمعات الطموبيل مشات وتلفتات بأسى متبعة ليه العين .. للحضة ندمات على الكلمة اللي قالت .. مكانتش متوقعة منو يسكت ... وحتى الى يهضر اش عندو ميقول ؟ يوقف فطريق ختارتها هي؟ شكون قال ليه راه فرحانة وكتوجد ونسات اللي فات .. علاش يخشي راسو فشي حاجة مكتخصوش ؟ كل واحد كيقلب على اللي تسلكو واللي تريح بالو وينكن فاطمة الزهراء لقات راحتها مع شخص جديد وناوية تبدى معاه .. علاش غيعتارض طريقها ؟ بصفته شكون ؟ صافي رجع من الماضي و اي انسان راه عندو نفس .. وهوا ماعطاتوش نفسو يدل راسو بشي سؤال ولا يسمع شي جواب ماشي هوا هاداك . صفحة وتطوات وداز عليها وقت .. العقول تبدلات .. مشا وقت وجا وقت جديد ومعاه ناس جديدة . هادي نضرة فواءل والزاوية اللي شاف منها على حسب الموقف اللي تحط فيه معاها .
طلعات فاتي للاوتيل وسدات عليها .. جلسات على جنب السداري وقلبها كيضرب بقوة باغي يسكت ... حتى قالت نساتو ويمكن جا اللي ينسيها فيه... لاكن شنو اللي طر علاش يوقع ليها هاكا... علاش حاسة براسها ضعيفة .. فشلات وقلبها غيخرج من بلاصتو ... علاش دارت بيها الدنيا فاش شافتو فماكدو .. علاش هاد الاحساس .. فكرها فأيماتهم الاولى اللي يالاه تعارفو فيها .. فاش كانت كتبغي تلاقاه .. قلبها كيبغي يسكت .. وبالاخص فاش كتكون خارجة مع صحاباتها حتى كيخرج فيها ولا تلاقاه فالزنقة ... ركابيها كيشفلو وقلبها كيطيح فالارض ، نفس الشعور والاحساس كيراودها من جديد .
مشات ليها الشهية ماقدراتش تاكل .. ومشا من بالها موضوع كمال والجريمة اللي ارتاكب فحقها ... ماعطاتش اهمية للموضوع كتر ماعطاتو لشوفتها فواءل وهوا جالس فماكدو بعد عمين من الفراق .. مدة طويلة بزاف ... قالت انها بردات والقلب هنا .. ولاكن وقع العكس ... القلب اللي قالت عليه رتاح .. كان ناعس وصافي وفجأة فاق .
ماداهاش النعاس .. الليلة كاملة وهي كتخمم ساهيا ومرة مرة تنهد حتى صبح الحال عاد نعسات .
فاقت معطلة ومع حلة دعينيها اول مطاح فبالها هوا واءل .. ومن ديك الساعة وهي كتفكر .. تفطر وتفكر فيه .. تغدا وتفكر فيه .. خارجة الزنقة تقدا وتفكر فيه .. كتخيلو داز ولا جا عندها .. ولا جالسة هي وياه فشي بلاصة .. كل مرة يبان ليها حتى لقات راسها واقفة عند واحد مول الخواتم ديال النقرى كتشوف فيهم .. شادة خاتم رقيق فيديها في نجمة كضوي وعقلها كيفكر بعيد ..
[23/1 19:25] بارت: دارتو فيدها قيساتو وخلصاتو وخرجات .. شدات طاكسي وماوقفات غير فالحي اللي كانت ساكنة فيه ووقفات بعيد .. شافت الجرات مجمعين فالباب بحال العادة... الصابو والجلالب والفولار عوج كيتناقشو ويهضرو بالجهد .. ضحكات بسخرية وتفكرات ياماتها فاش كانت توقف معاهم ، شافت بالنضرة اللي كانو كيشوفو بيها الناس فيهم .. اما هي فديك الوقت كانت كيجيها داكشي عادي حيت ولفات بيه . ماتيقاتش راسها ان حتى كانت بحالهم وتوقف معاهم .. غواتهم كيتسمع منين ومنين وسوقهم خاوي .. شاغلين راسهم بالنميمة وتالخربيق حيت معندهم لا شغل لا مشغلة ولا حتى حاجة فاش يتهلاو .
بقات واقفة كتسنى واءل يهبط . ولا يدوز من تما واخا غير تشوفو وترجع بحالها .. عيات تسنى مابانش ليها .. والوقت كامل اللي بقات واقفة فيه كانو العيالات مزال معياو من الهضرة .. اللي داز يدوز وسطهم واللي جاي يشوف ويقول " لا حولة ولا قوة الا بالله العلي العضيم " حشمو الرجال يبقاو غاديين جايين دايزين قدامهم وهما معمرين باب العمارة بحال بالهضرة والحسابات الفارغة .
عيات تسنى ورجعات مشات بحالها للاوتيل فطاكسي . طلعات لبيتها وجلسات مكمشة كتفكر وتبلاني .. عقلها كامل مع واءل . انا النمرة ديال الاتيليفون اللي كانت عندها هرساتها وشرات وحدة اخرى سيفطاتها لخالتها وامها والخدمة ديالها ومحسات الميساجات اللي كانت جامعة بينها وبين كمال ماخلاتهمش لا عندها لا عندو .. دارت مسحة جماعية لكلشي وطاحت نعسات
الصباح ناضت لبسات سورفيت رمادي سروال كولون وفيست ديالو خفيفة من لفوق بالقب وسبرديلة بيضاء .. طلقات شعرها ودارت مكياج وريحة خفيفة وخرجات شدات طاكسي هازة صاكها طويل صغير جنب فالكحل . حطها حدى عمارة شوكة على االشارع لكبير تحتها كراجات كبار شوكة 3 على الشارع اللي وقفاف فيه هيا و3 على الشارع لاخر فالدروة بالزاج فيهم 6 ديال الموبيلات جداد لداخل كيبريو كل وحدة كتشوف جيهت الزاج اللي قدامها . تنهدات ودخلات لداخل .. البروودة حيت لاكليم شاعلة .. وتما مكتب بجنب الطموبيلات جالس فيه واحد استقبلها بابتسامة .
- بنونجور مادموزيل ... مرحبا ... تفضلي .
جلسات كدور فراسها بارتباك وابتاسمات قاءلة
فاتي : شفت .. شفت البانو على برى فيه عندكم طوموبيلات جداد وحتى لقدام ... وكتكريو حتى الكرى اولا؟
- اييه الاللة مرحبا اش حب الخاطر .. كلشي موجود واللي مكايناش نجيبوها ... عندنا طموبيلات كندخلهم من برى معشرين وباقيين نقيين شوفي نتي اللي عجباتك؟
فاتي: بغيت شي طموبي صغيرة وزوينة مازوط .. جهدي 6 دالمليون
- واخا هي اللولة ... كاينة دوصونص سيس بلوس صبور دو بورط غتعجبك بزاف .. هانتي شوفي
بدا يوريها فاللبيسي وهي كل شوية تهز راسها جيهت الدروج البيضين اللي كيطلعو للمكتب لفوق ، حكات ودنها وقالت
فاتي : امممم . السي واءل حفيض مكاينش؟
- مكاينش قليل فين كيجي الى خصاتك شي حاجة مرحبا انا موجود .. واش نتي من طرفو؟
فاتي: ا .. اا لا غير حيت كنت سبق ليا شريت من عندو طموبيل و ..و وهوا اللي كان هضر معايا ... داكشي علاش مكرهتش كن تتاصل بيه
- واخا لاللة هي اللولة
[23/1 19:26] بارت: هز تيليفون فيكس تاصل وفاتي واقفة كتقرص فصبعانها متوثرة ومامرتاحاش وكل شوية دور فجنابها تشوف
- مسيو حفيض شي ناس بغاوك الى كان ممكن تجي........... واحد السيدة بغات طوموبيل اوكازيو وقال سبق ليها تعاملات معاك ....
شارت ليه فاطمة الزهراء كتحرك راسها وتقول
فاتي: قولي غير فاطمة الزهراء غيعرفني
- قالت ليك فاطمة الزهراء وكتعرفها ..... (شاف فيها وقال) فاطمة الزهراء اش؟؟
تزيرات فاطمة الزهراء ماحملاتش راسها وقالت
فاتي: فاطمة الزهراء الجامعي
- فاطمة الزهراء الجامعي السي حفيض ...... اوك .. اوك اللسي حفيض الله يعاون ... مع السلامة (قطع) عندو شي شغل والى كنتي باغاه هوا غدا اجي الصباح غيكون هنا . مي دابا ميصلاحش ليه يجي ديزولي
حكات ودنها وقالت : اممم .. واخا ماشي مشكل ... حتى لغدا ان شاء الله ونجي .. شكرا على المساعدة .
خرجات عاقدة غباشتها معبسة وطلعات فطاكسي ماحملاتش راسها وكرهات تفكيرها العوح اللي جابها حتى لعندو ، مشات رجعات بحالها كتسي ودعي فراسها ورجعات للاوطيل تكمشات فيه جالسة ... كتخمم بوحدها .. واش هادشي اللي دارت صح ولا طيحات براسها .
فكرات تا عيات فاللخر طاحت نعسات .
الصباك ثاني مع العشرة ناضت لبسات نفس حوايجها وقادات الحالة زيزات .. مالها غاظية تشوفو هوا !!! اصلا غادية غير باش تشري طوموبيل . الى بغا يقول شي حاجة خليه يقولها مهم هي على الطموبيل غادية .
شدات طاكسي وريحة العنبر منها كتعطعط من بعيد ومشات لاجونص .. دخلات كتنهد لقات نفس الشاب استقبلها مرة اخرى وسلم عليها
- جلسي تفضلي
فاتي: السي واءل حفيض مزال ماجا ؟
- شوية ويجي .. جلسي .. تشربي شي حاجة ؟
فاتي: مو ميغسي
جلسات كدور فعينيها وتسنا .. قلبها كيزدح وكل شوية دوز شي كاط كاط من برا وتقول هوا .. عيات تسنا .. دازت ساعة وهي تلفت عند الولد اللي كيشوف بيسي وقال
فاتي: واش مزال معطل بزاف؟
- لالا غيكون عندو شي حاجة وصافي .. قالك غيجي غيجي
فاتي : في حيرة ) شفتو تعطل بزااف
- غير صبري دابا وهوا هنا
زادت تكمشات كتسنى وساكتة حتى ضربات 12 وعاودات سولات الشاب قالها ليها نفس الهضرة .. عيات بالجلاس وناضت خرجات طلات من الشارع ورجعات جلسات .. ضربات الوحدة وهوا يصوني الفيكس
- الو ... وي ؟؟ ... امم .. اووك مسيو .. اوك (قطع ) مادموزيل سمحي لينا ... السي حفيض قالك الى كان ممكن حتى للربعة وديك الساعة رجعي تلقايه هنا
[23/1 19:26] بارت: وقفات .. لالا وقفات بلاصتها عيشة قنديشة وخرجات فيه عينيها كتحيح
فاتي : وااااش من لباااارح وانا نتسنا ودابا كتقول ليا حتى الربعة !!!! واش انا مسالية ؟!!! واش هاكا مولفين تعاملو مع الكليان؟!!!! اش قلة الادب فييه ياكما ناوي يعطيني طوموبيل فابور ولا !!! راه جايا برزقي ماشي جايااا نسعاااه
- تهدني عافاك ..وسمحي لينا بزااف راع غيكون امر طارء حيت عمرو ما وقع ليه بحال هاكا ؟ اول مرة .. اللع يخليك جلسي رتاحي
فاتي: ماااتشدش فياااا .. مااااشي من لبااااااارح وهوا كل شوية جاي لا بلاتي تسناي لا بلاتي حتى الربعة! من اللول مايقولش ليا انا جاااي نمشي نقلب بلاصة اخرى اش هاااد التعامل ديال الزفت هاااادااا .. ماتقصنيش ماتقولش ليا لا بردي لا زمري الله يرحم باك ماشي تعامل هادا ..
هي كتحيح مكشكشة وصوتها وسط لاجونص كيتسمع بالجهد .. فديك اللحضة دخل مع الباب السوارت فيدو وكاسكيطة كحلة على راسو ... لابس دجين وتيشورط كحلة سامبل لقاها محيحة .. شافتو وهي تسكت ودورات وجها كتنهج وترد شعرها اللور معصبة
واءل : السلام عليكم ؟
قالت بصرامة مدورة وجهها : وعاليكم السلام ... ماشي تعامل هادا اللي درتي معايا ! قولي ماجايش نمشي بلاصة اخرى ماشي من الصباح وانا كنتسنى راه حتى ان عندي شغلي ماشي مسالية نبقا كتسنى
واءل : بجدية ) واخا الاللة سمحي لينا ... الى واجدة نديك تشوفي الطموبيلات
هزات خنافرها لجهة اخرى وقالت : ضيعتي ليا وقتي .. نص نهار مشا ليا فالخوا الخاوي
قلبات وجهها و خرجات قدامو منفخة شيرات على طاكسي .. وقف حدا طموبيلو وقال
واءل : ها هي الطموبيل انا اللي غنديك حتى للبلاصة
فاتي : لا اسيدي انا غنمشي فطاكسي شكرا
واءل : باستغراب ) وشنو فيها الى طلعتي فالطموبيل! الطاكسي مغيبقاش يدور بيك وغيوصلك لواحد لبلاصة ويوقف وتكملي على رجليك!
ساطت من نيفها وكترجع شعرها اللور ومشات عندو للطموبيل طلعات حداه مربعة يديها وهوا سايق الطموبيل كيشوف قدامو
واءل : اشمن نوع بغيتي؟
فاتي : مازوط .. تكون مزيانة و ماتفوتش 6 دالمليون
واءل : امم .. واخا
سكت معاودش هضر .. دخل بيها لساحة كبيرة ديار بيها الصور عالي وفيها بيت واحد كبير .. مستفين فالساحة اشكال وانواع الطموبيلات الكبيرة والصغيرة ، سبق ليها جات لهاد البلاصة اول مرة وهي فاش تعرفات عليه وتزوجات بيه ، نزلات ووقفات كتسناه ينزل .. جلس كيهضر فالتيليفون لداخل وهي واقفة كتسنى فاللخر مشات عندو للزاج وقالت بغضب
فاتي: واش غنبات هنا كنتسنى!
بعد تيلي وقال : شوفي اللي بغيتي ها الطموبيلات قدامك ! ديال 6 دالملوين ها هما راه مكتوب عليهم الثمن وجميع المعطيات .. شحال ضاربة وشحال فيها من خيل وكاع داكشي اللي باغا تعرفي.
جمعات النفس وطلقاتها ومشات كدور بين الطموبيلات وتشوف وكل شوية دور تشوف فهي مزال كيهضر قالب وجهو للجهة اللخرى وهاز شي وراق فيدو مشغول .. سالا الهضرة ونزل عندها قال
واءل : ماعجباتكش تا وحدة ؟
فاتي: عجباتني هادي ... مي غالية شوية 7 بزاف
واءل : مهم عجباتك هادي ؟
فاتي: وي هادي
واءل : رجعي لاجونص تما يتفاهم معاك السيد على الثمن .. هوا اللي مكلف وعارف بشحال دخلات كل وحدة فيهم .. انا معاقلش ومنقدرش نعطيك شي ثمن .
دورات وجها كتسوط وقال : امم. واخا شكرا
واءل : غتخرجي مع هاد الباب ودوري على ليمن كاينين الطاكسيات تما ... انا مزال معطل هنا