دار الــمــتـعــة | قصص بالدرجة رومانسية المغربية

هكذا ابدأ الكلمات .. بالانين من القلب.. لقسوة الحياة.. لظلم الزمان.. وغدر الايام.. تتلاشى الاحلام.. لتقتل الاماني.. أصارع الاوهام.. في ظلمة الليالي.. وأبقى وحيدة .. نعم وحيدة .. أرسم الخيال على ضوء القمر.. وأسأل؟ أين الأمل ؟.. لأبدأ من جديد .. الحب، المستقبل، الاحلام.. وفجأة!! يصيبني الكدر وتتبخر الافكار.. وتصبح كالسراب وأعود للانين .. لأبقى وحيدة بين جدران الظلام.. 
الساعة 7:00 صباح.. بحال كل يوم غادية للخدمة.. انا اكرام..بنت بسيطة بزاف واحلامي ابسط مني.. خدامة فمعمل للنسيج..داخلة انا وبزاف دالبنات بحالي.. كلهم احلامهم ابسط منهم.. عيالات وبنات شابات.. كل وحدة حدا ماكينة الخياطة ديالها.. كلها ملهية فراسها.. حتى كيدخل احمد..الغيسبونصابل.. اللي كيعلي راسو وكيراقب اي وحدة شافها وداز من حداها حتى كيوصل عندي .. صبحنا ع الملك لله.. 
احمد: صباح الخير اكرام .. لاباس شوية؟ 
اكرام: لاباس الحمد لله.. 
احمد: فالبوز اجي تتغداي معايا.. جبت شي دجاج .. صاوباتولي الوليدة..😁
اكرام: شكرا .. غيستناني خطيبي جلال..
احمد: احم .. خدمي مالك ثقيلة .. اشهاد الخدمة الناقصة.. 
اكرام: بفف الصباحة لله.. 
احمد: قلتي شي حاجة؟
اكرام: قلت غادي نصاوب خدمتي اشاف.. 
اسطوانة كتتعاود كل نهار.. معرفتش اش كيبغي.. اهم شيء واللي مصبرني فهاد الخدمة.. اولا خطيبي جلال اللي خدام فهاد المعمل حتى هو .. ولكن فسرفيس اخور.. واللي بغيت نعاونو على الزمان باش نتزوجو .. وثانيا حيت انا عندي راجل ام .. مكيجيبلينا للدار انا واختي حتى كوميرة.. وخويا اللي فالدار مكيقابل غا يكمي لحشيش .. والسكرة.. كنهرب يعني من الدار .. حيت عييت وطاب جسمي من ضربو ومن حكرتو ليا ولختي.. هادشي كله خلاني نتحمل اللي بحال احمد فالخدمة .. باش نهرب من المشاكل.. ونتهنى وندير داري حتى انا.. ولا نقول غا بيت.. انا قابلة بيه.. المهم نهرب.. وننعس بلا صداع بلا خوف .. بلا مشاكيل..كيدوز نهاري فالروتين.. حتى يوصل وقت الغدا.. ونشوفو .. ديك الساعة تحلالي الدنيا..ونضحك.. مللي كيجي عندي.. ويستناني فالباب.. باش نمشيو ناكلو فشي كيوصك قريب.. 
جلال: توحشتك.. 
اكرام: حتى انا ... تمشى دغيا باش نتغداو ونرجعو فالوقت.. 
جلال: واخا.. 
بحال كل يوم.. كنمشيو انا وجلال نتغداو.. ونبنيو احلامناا وحنا كنهضرو على شنو خاصنا نوجدو.. 
جلال: لقيت دار ديال الكرا.. قريبة من الخدمة.، فيها بيت وكوزينة ،، وصالون صغير..1500 درهم.. غالية ياك.. 
اكرام: اه غالية.. واش مكينش شي دار فيها غا بيت وكوزينة.. انا مباغاش بزاف.. غانصبر معاك حتى يحن الله.. 
جلال: نقلب.. مكرهتش نتزوجو ليوما قبل غدا.، ولكن هانتي شايفة الظروف.. شفتي جواد ومرتو... شراو دار.. حسن من الكرا.. 
اكرام: فين لقاو الفلوس.. 
جلال: دارو كريدي على حساب المعمل.. وهاهما هانين.. 
اكرام: سعداتهم.. 
جلال: شنو بانلك نديرو كريدي حتا حنا.. 
اكرام: انا شايفة نجمعو الفلوس باش نتزوجو بعدا .. وفاللول نسكنو غا مع ماماك.. مابغيت لا عرس لا حوايج لا دهاز.. ومن تما نديرو كريدي مللي نستقرو.، 
جلال: واخا.. نسكنو مع مي.. واخا خوتي كل واحد شاد بيت هو ومرتو.. ولكن نديبانيو.. مرة مرة نمشيو عند امك.. 
اكرام: امي بلاش.. راك عارف راجل امي.. كنتحمل هضرتو دابا بزز.. 
جلال: ديك الساعة نكون معاك انا.. مالو يقدر يقوليك شي حاجة ولا يهضر عندك وانا كاين
اكرام: الله يخليك ليا.. 😚
كيسالي البوز .. بحال ديما.. وكنرجع للخدمة.. وانا المورال ديالي طالع.. بعدما كنت مع جلال.. الله يخليه ليا.. باراكة عليا غا هو.. وان ربي جازاني بيه .. واخا تمحنت فحياتي بزاف.. وكليت العصا وانا معندي حتى ذنب.. الا اني مرتاحة معاه .. وحاسة ان ربي غايعوضني خير منو.. سالات الخدمة.. وحان الوقت نخرجو.. كالعادة كنلقا جلال كيستناني فالباب.. باش يوصلني للدار.. 
اكرام: جلال.. شحال جمعتي دالفلوس دابا.. 
جلال: محسبتش احبيبة.. فلوسي مع فلوسك معرفتش شحال.. كنخبهم ديريكت
اكرام: ياك كتحطهم فمكان امن.. عندك يهزهوملك شي حد.. 
جلال: متخافيش.. راهم فالحفظ والصون
اكرام: مزيان راك عارف انا منقدرش نحطهم عندي.. حيت منأمنش يهزهم ليا راجل امي.. وحتى خويا.. 
جلال: متخافيش.. انا غانهنيك منهم كلهم.. مللي نتزوجو.. 
اكرام: املي كله فيك ومعاك.. كنبغيك بزاف..
جلال: يالله دخلي لداركم دغيا قبل منتحرش بيك.. 😜
اكرام: ههه بالسلامة .. 😘
كندخل للدار حتى كيوقف عليا ابو العُريف.. راجل امي علال.. 
علال: علاش تعطلتي.. 
اكرام: متعطلتش.. 
علال: وصلك داك خينة عاود .. باغا تشوهينا فالحومة.. 
اكرام: هاداك خطيبي والحومة كاملة عارفة هادشي.. وزايدون هو غا وصلني مدرنا حتى حاجة خايبة ..
علال: خاصكم التربية من جديد .. 
خليتو كيهضر كالعادة ودخلت لبيتي.. لقيت ختي كتحفظ.. عندها الباك هاد العام... مبغيتش نخليها تخدم واخا الزن المتواصل ديال امي وراجلها.. وزيد عليهم خويا،.. انا بغيتها تقرا،، ومديرش بحالي.. مرة مرة كناخد من جلال فلوسي باش نشريليها ما تحتاجو... 
شيماء: ختي جيتي.. 
اكرام: جيت .. وتلاقاني رجل امك يضيعلي ميزاجي.. مفهمتش انا علاش تزوجاتو امك.. على زينو.. 
شيماء: بردي بردي.. عاوديلي كيداز نهارك..
اكرام: غانعاودلك 😃
تأليف دودي العيساتي..الى لقيت التفاعل نكمل ..علااش مكتفاعلوش علاش 😭😭
2
ايامي تقريبا متشابهة . فيها السيء كتر من الجميل .. امي من نهار تزوجات ماهتمات بيا.. بالعكس.. كتقول باللي ولادة البنات مكتجيب غا الصداع والنحس...الولد هو اللي شيفاه جايب الصداع وديما مدابز فالحومة،.. ديما كناكل منو العصا باش ياخد مني الفلوس.. دابا بعدما وليت كنخبعهم عند جلال.. ولا كيجي يقلب.. مكيلقا غا 50 ولا 100 درهم هي الكتيرة.. كيشبعني عصا .. وليت فالمعمل دايرا التزام لجلال باش يتصرف ففلوسي وفخلصتي .. باش مياخدهمش ليا خويا.. ها هو جا بحال الحية ..
صامد: اجي نتيا.. علاش تعطلتي..
اكرام: متعطلتش..
ضربني بالبونية لظهري..
صامد: دوي فين كنتي.. كتخسري فلوسك مع داك المعفون.. جبدي اري الفلوس..
اكرام: معنديش 😭
صامد: جبدي ولا نخشي فيك هاد الجنوي نخرجو من ظهرك.. جبدي
اكرام: حرام عليك..
صامد: اري ولا ندبح مك هنا..
كان كيضرب ويسب باقبح الالفاظ.. حتى جبدت 100 درهم كنت مخبياها .. خداها وعطاني بركلة زلزلاتلي الضلوع.. جسمي طاب بقوة مكيضرب.. مكيعياش.. ديما هاكا كيمسيني بتفرشيخة..عييت بزاف.. ومبقيتش قادرة نتحمل كتر
شيماء: 😭 صبري اختي دابا تتزوجي نتي وجلال وتتهناو من هاد الصداع.،
اكرام: عييت.. حاسة باللي مبقات عندي صحة للدنيا.. فين غانمشي مازال.. غانقول لجلال يتزوجني.. باش نخرج من هاد الدار.. عييت منها.. مستعدة نبات معاه فالزنقة..ومنزيدهنا نهار..
شيماء: صافي اختي عفاك،. نعسي باش ترتاحي...
النعاس .. المهرب الوحيد ديال التعساء.. دايما اللي تعيس كيقولك بغا ينعس .. وبزاف العلماء قالو باللي اللي كينعس بزاف عندو اكتئاب.. انا كننعس ولا نقول كندير راسي ناعسة.. حيت كنبكي فصمت.. وكنحلم يسالي عذابي شي نهار.. من صغري وانا فهاد الحال.. حتى قرايتي مكملتهاش واخا كنت متفوقة.. سكتي اكرام سكتي.. نعسي وسدي على جروحك.. حيت شي نهار غادي تفيقي وتلقايها مكيناش.. حافظي على شوية دالطاقة لديك الايام.. قلبي اللي ولى مغموم وخايف.. لا الدنيا تتقلب عليا والشتا تبدا تصب ولبرق والرعد .. خايفة نقضي حياتي هاكا.. خايفة تكون حياتي مع جلال صعيبة..
كالعادة كيدوز نهاري.. ولكن هاد المرة قررت اني نسالي عدابي.. ونطلب من جلال يديرلي العقد.. ونتزوجو.. نخرج من هاد الدار.. مبغيتش العرس ولا دوك الشكليات.. بغيت غا نرتاح ..
فقت الصباح وشفت فالمرايا .. بانلي جسمي كله زرق تقريبا.. والاثار ديال الضرب كيحرق فكل بلاصة من جسمي.. لبست حوايجي على اساس كل نهار نسد على الضربات ونسكت .. وننسى او نتناسى.. كلشي غادي يفوت... كلشي غادي يفوت.. غادية وكنواعد راسي بهادشي.. انا غادي ننسى كلشي وغادي نبدا مع جلال من جديد.. احن يد تحطات عليا هي ديالو.. املي فيه ان عذابي يسالي .. وننسى موراه كلشي .. كالعادة مشيت نخدم ودوزت نهاري فالخدمة .. فوقت الغدا ملقيتش جلال كيستناني.. حتى الليل.. مللي خرجنا.. عاد بانلي كيستناني..
اكرام: فين كنتي.. خليتيني فالغدا بوحدي..
جلال: حبيبة راكي عارفة .. كنقلب على الدار.. مشيت مع واحد صاحبي وراني واحد الدار..
اكرام: ايوا..
جلال: معجبتنيش.. صغيرة بزاف..
اكرام: وعلاش مشديتيهاش اجلال.. مهما كانت راها ارحم من العيشة مع عائلتي.. انا واخا تكون خربة ديال الكلاب.. ننعس فيها وتبانلي جنة.،
جلال: مالك ليوما اكرام.. ماشي من عادتك تهضري هاكا..
اكرام: عييت اجلال 😭 عييت ..
جلال: مالكي احبيبة.. متبكيش .. مالكي علاش عييتي..
اكرام: عييت من ضرب اخويا ليا كل نهار.. ومن هضرة راجل امي وتسلطه.. ومن امي نفسها عييت.. مكرهتش نعيش معاك خلاص..
جلال: قريب احبيبة غاترتاحي.. كنواعدك.،
اكرام: مكرهتش 😖
3
دازت سيمانة.. وانا شادة فيها راسي بزز .. نفسيتي تدمرات بسبب عائلتي .. امي مسايقة ليا خبار.. وشايفاني عالة.. خصوصا بعدما قطعت عليها الصرف.. راجلها كذلك.. خويا داير حقو ..واحد النهار مشيت للخدمة كالعادة.. دوزت فيه نهاري.. جا وقت الغدا ستنيت جلال يجي .. مبانليش.. رجعت للخدمة.. مللي خرجنا ستنيتو مجاش.. اكيد كيقلب كالعادة على دار.. مشيت للدار.. بقيت كنصونيلو تلفونو طافي.. بقا فيا الستريس من جيهتو.. ياكما واقعة ليه شي حاجة.. صليت صلاتي ونعست.. الصباح فقت بقيت كنصوني والو.. مشيت للخدمة.. دوزت الوقت بزز.. وصلات وقت الغدا والناس ماشيين يتغداو انا مشيت للسرفيس ديال الصطوك اللي خدام فيه هو.. بقيت كنشوف حتى بانلي الغيصلونصابل ديالهم.. 
اكرام: سمحلي نسولك .. واش مبانليكش جلال اعمي.. 
السيد: جلال مجاش هادي يوماين.. 
اكرام: كيفاش 😳 ياكما واقعة ليه شي حاجة.. 
السيد: الى دازت تلاتة ايام ومبانش ومجابش مبرر غيابو غادي يشطبو على سميتو من الشركة
اكرام: لا لا غايجي اكيد مريض.. انا غادي نجيب ليكم المبرر.. عفاك اعمي صبر ومديرش شي اجراء.. هو عمر ما تغيب .. 
السيد: ايوا سربي علميه ابنتي القوانين هما هادو.. 
اكرام: يا ربي اش واقع ليه.. غادي نمشي للدار عائلتو اكيد عندهم خبر عليه.. 
رجعت للخدمة بلا منتغدا حيت كان سالا البوز.. جلست على نار.. وعقلي ماشي معايا وحتى الخدمة مدرتهاش مكادة.. وصلت الوقت دالخروج.. نضت دغيا وشديتها بجرية حتال دارهم.. بقيت كندق خرجات عندي ختو غا شافتني ضحكات،. ماشي ضحكة عادية وانما ضحكة وحدة شمتانة .. وكتستنى ردة فعلك..
الاخت: جيتي 😀
اكرام : فين هو جلال.. 
خرجو ديك الساعة كلهم فدارهم..وبقاو يشوفو فيا ويضحكو.. مفهمت والو.. عاودت سولت..
اكرام: فيناهو جلال.. 
خوه: جلال طار.. حرك لاسبانيا.. 
اكرام: كيفاش حرك.. 😥
خوه: حرك هي حرك.. جمع حوايجو وفلوسو ومشا.. ومتخافيش راه وصل تما كتستناه واحد الكاورية هي ساكن معاها.. 
كنشوف فيهم كيضحكو وكيشوفو فيا وشمتاتين.. وانا ديك الساعة مفهمت والو ومقدرتش نتحمل .. صدمة كبيرة.. بدون مننطق حتى كلمة مشيت ووجهي مصدوم وماقدرتش نهضر.. حرك!!! وانا.. هادي هي قريب يسالي عدابك.. وانا اللي كنحلم .. وكنطلب منو يسكني فأي خربة.. ونصبر معاه.. واش طج مني.. بقوة النواح اللي كنقيل نوحو عليه.. واش ماشي انا اللي كان ناوي يبني معاها احلامو.. واش كنخبي معاه فلوسي .. باش نكريو دار ونتزوجو ونتعاون معاه على حياتنا.. صدقت كنجمعلو باش يحرك.. واش كنحلم.. واش كابوس هادا،، لقيت راسي قدام دارنا.. شفت فيها .. رجعت من جديد .. واش مازال غانبقى هنا.. ومغاديش نتخلص من هاد القهرة.، غانبقا فيها ديما.. واش بقا فيك الحال حيت جلال باعك.. ولا حيت احلامك تبخرات وتدمرات فغمضة عين.. احلام!!! اينا احلام،، واش هادوك احلام.، واش يتسماو احلام.. واش انك تبغي تعيشي فخم كيتسمى حلم..؟ واش كلشي ضاع وغانبقى هنا حتى نموت بالقهرة ولا بالضرب 😭.. 
دخلت للدار وانا مقادراش نوقف على رجلي.. لقيت راجل امي كيهضر كالعادة ولكن هاد المرة مقدرتش نسمعو.. دخلت للبيت تلقاتني شيماء.. 
شيماء: ختي مالكي .. 
اكرام: جلال 😪
شيماء: مالو.. 
اكرام: حرك 
شيماء: وفلوسك؟؟😨
اكرام: حرك بيهم 😭
شيماء : ولد الحرام 😠غانمشيو لعائلتو نقولوهاليهم 
اكرام: هادشي اللي همك؟؟ الفلوس.. قلبي اللي تقهر مبقاش فيك 😭
شيماء: صافي احبيبة عفاك.. والله ميستاهلك.. 
اكرام: انا شكون يستاهلني.. 😭شكون انا اصلا.. الا جلال اللي بحالي مرضاش بيا .. ومشا الخاريج يقلب على اللي تليق بيه.. شكون غايستاهلني انا.. شكون هادا اللي تولد فالنهار الكحل.. انا اكتشفت راسي مكنسوى حتى بصلة.. انا عيانة بزااف اختي.. تقهرت بزاف.. كيبقا فيا راسي.. مللي كنحلم بحوايج .. المفروض انها تكون حقوق ليا.. حتى جلال .. اللي بغيتو.. وشفت فيه الحنان اللي افقدتو حياتي كلها.. مشا.. مشا ومكلفش راسو حتى يودعني
4
تكمشت فبلاصتي.. وعينيا طابو بالدموع.. دوزت الليلة هكاك.. والصدمة متمكنة مني.. اه الصدمة .. صحيح انه ماشي غريب على شي وحدة بحالي يوقع فيها هكا.. مولفتش احلامي كتتحقق ديما وعايشة الرفه باش نتفاجأ دابا.. ولكن هاد المرة تقهرت.. حيت كان عندي امل بسييط.. هو اللي خلاني نشد فيه ونتيق باللي ممكن حياتي تهدا وصاف .. مكنتش طامعة فالموحال.. طالبة غير الهنا.. واني نسالي من هاد الصداع .. 
دوزت ليلة كحلة.. فقت ولا نقول منعستش كاع.. وصل وقت الخدمة.. بدلت حوايجي مكليت والو.. مشيت للخدمة وانا عينيا منفوخين.. ومكنهضر مع حتى واحد.. كلشي كيشوف فيا وكيستغرب مالي.. انا بوحدي اللي عارفة مالي.. وشنو اللي كيقهرني لداخل.. كلشي تبدل عليا.. الحماس اللي كان فيا وانا كنخدم باش نكمل دغيا ونشوفو .، مبقاش .. حتى الضحكة الدي كنت كنوزعها عليهم ملي كنت كنرجع بعد لقاءي معاه.. حتى هي مبقاتش.. ولى كلشي كيبانلي كحل.. سالات الخدمة ومشيت.. مكنتش موالفة اني نتمشى بوحدي حتى للدار.. كان هو يوصلني ديما .. كلشي تبدل فغمضة عين.. كلشي مشا وتغير.. دخلت للدار لقيت راجل مي جالس وكيضحك 
علال: فيناهو اللي كان ديما كيوصلك..
الله يا ربي حتى هو ساق الخبار.. حتى هو غايشمت فيا دابا.. 
علال: جاوبي امولات الفهامات.. ياك قلتي الحومة كلها عارفاه خطيبك.. ها الحومة كلها عرفات باللي طج منك وحرك.. فالحة غا تجيبيلنا الشوهة.. 
مقدرتش نجاوبو.. اش غانقول وهو عندو الحق يقول اللي بغا دابا.. حيت اللي كنت كنتفاخر بيه قدامهم وباللي غايحميني منهم مشا وطج كما قال.. 
علال: دوي.. كلشي صابح اليوما كيهضر عليك.. وعلينا حيت معرفناش نربيوك.. سمعيني مزيان.. من هنا لفوق يا تعاوني على مصروف الدار.. يا تجلسي فالدار.. الى كنتي غاتخرجي باش تشوهينا بلاش.. 
حنيت راسي ومقدرتش ننطق حتى كلمة.. اللي كان كيقويني مشا..لمن نجمع الفلوس دابا.. خليني هنا .. نسكتهم بيها عليا على الاقل.. 
دخلت لبيتي لقيت شيماء كتحفظ.. مقدرتش نجلس كالعادة ونهضر معاها ونسولها على قرايتها.. حياتي رجعات للروتين القديم ديالها.. ولكن هاد المرة.. بلا جلال.. بلا مناكل تخشيت فبلاصتي.. 
شيماء: واش مغاتاكلي والو ليوما عاود.. 
اكرام: وعلاش غاناكل.. علاش.. 
شيماء: على قبلك اختي.. حتى واحد مينفعك .. صحتك هي المهمة..
خليتها كتهضر ودخلت فدوامة التفكير واليأس من جديد.. الوجه الاخر للحياة هو هادا.. وجه البؤس .. وجه الاحلام اللي مقدرناش نحقوهم رغم بساطتهم.. انا فصغري كانت احلامي كبر من هادي.. فصغري كنت كنشوف هاد العمر وهاد السنين حاجة اخرى.. كنت كنشوف راسي فيهم مختلفة.. كنت كنتمنى نخرج شاعرة.. هه اه شاعرة .. كنت كنبقى نكتب فالقصائد.. على كلشي وكانت كتقولي الاستاذة باللي نتي غاتكوني شاعرة ممتازة.. اجي تشوفي استاذة كيوليت.. مبقيتش كنحلم.. وليت كنخاف نحلم.. حتى قرايتي مكملتهاش.. والفشل تغلغل حياتي .. فكلشي فالقراية فالعائلة فالحب...
بحال كل يوم منعستش ونضت صليت وبدلت حوايجي وشربت قهوة كحلة.. باش منطيحش حيت القوة ديالي بديت نحس بيها نقصت.. مشيت لخدمتي .. دوزت فيها الصباح واحمد غادي جاي عليا.. مللي وصل وقت البوز.. جا كيجري عندي.. جا يتشمت حتى هو فيا 😔
حتى فاجأني .. 
احمد: اكرام.. واش نتي لاباس؟ 
اكرام: الحمد لله
احمد: تتغداي معايا.. ؟ 
اكرام: 😕واخا 
فاجأتو حتى انا مللي وافقت .. مشيت معاه للبيرو ديالو .. وجلست جبد غداه اللي كتوجدولو امه.. احمد راجل فالاربعينات عازب عايش مع امه.. بدا كيهضر بلباقة غير معهودة.. مالو حتى هو راجل.. شنو المانع الى وافقت نتزوجو ونخرج من الجحيم ديال دارنا.. على الاقل هو كيبغيني ومعمرو مل من انه يتلاطف معايا.. بدا ياكل ويهضر وفرحان.. واخا باينة انه ولد مو.. ولكن ماعليش.. غادي نتعايش مع الوضع كما كان .. احسن من الضرب والاهانات ديال دارنا..بدا يهضر وهو كياكل والماكلة كتطيح من فمو.. غيفلني.. واش هادا اللي غانكمل معاه حياتي.. نضت قلتلو غانرجع للخدمة.. بقا كيطلب مني نجلس ولكن مبغيتش.. رجعت لخدمتي.. وجلست فيها... علاش اربي كتحطني فهاد المواقف
5
اه لو علمت انك بي لاعب.. لاسلطن شياطين الجن والانس عليك يا كادب .. وأجهل شمسك قبل شروقها تغيب.. وأسود لون ايامك يا كذوب.. وسأقسم بجلال الله المجيب.. اني سأجعلك بالشك مضطرب.. تمشي ظليلا والدروب.. لتحس انك في ارضك غريب.. لا ترى الدنيا الا هموما وكروب.. وترى الموت على قارعة الطريق قريب.. فيترائى لك الحب معاص وذنوب.. فتوقن انه بالخيانة مشوب.. حينها سأتأكد أني يا لعوب.. قد علمتك كيف تحترم القلوب.. 
الاكتئاب خدا بلاصة من قلبي مبقيت كنضحك ولا حتى نبكي.. ديما فشلانة وحتى الصحابات مدايراهمش.. حتى انا مبقيت عاونت راسي نخرجها من هاد المحنة.. بحال الى غضبانة على الحياة .. كاعية على الوضعية.. وكننتقم من نفسي بأني نحرمها من الاستمتاع بأي حاجة.. كلشي باقي هو هو.. خويا اللي كيجي يضرب ويركل.. راجل امي اللي كيقيل يلوح الهضرة ومكيفوتش فرصة باش يضحك ويتشمت فأن جلال مشا وخلاني.. امي نفسها اللي ديما كتعاير وتسب وتلعن النهار اللي تزادينا فيه.. شفتي اجلال فين وصلتيني.. يا ريتك خليتيني فداكشي اللي كنت فيه .. يا ريتك خليتيني منحلمش ونعلق راسي من نهار اللول ونرضى بحياتي .. داز داك الشهر .. وصل وقت الخلاص.. اللي كنت كتخلي جلال هو اللي يهز ليا خلصتي.. ما اجملها من خلصة.. 1800 درهم.. شديت التور ديالي.. وكنستنى ندخل.. حتى وصل الدور ديالي .. شاف فيا المحاسب بعدما عطيتو سميتي .. 
المحاسب: جلسي .. حتى نكمل مع كلشي.. نتي خاصني نهضر معاك
خلعني معرفتش فاش غايهضر معايا.. بدات بزاف السيناريوات كتضور فعقلي.. كلها خايبة الا انها مكانتش اخيب من السيناريو اللي كان كيستناني.. مللي كمل مع كلشي شاف فيا وقال.. 
المحاسب: كنتي دايرا التزام لواحد السيد سميتو جلال باش يتصرف فأمورك المالية.. 
اكرام : اه.. 
المحاسب: وفيناهو
اكرام: 😞 حرك.. 
المحاسب: حرك 😒.. اذا على حسب الوثائق .. نتي اللي غاتتحملي المسؤولية.. 
اكرام: مسؤولية!؟
المحاسب: اه .. كتر من تلاتة شهور خدا قرض من الشركة ديال اربعة دالمليون .. بسميتك نتي.. وكل شهر الخلصة ديالك غاتغطي القرض.. حتى تكمليه.. دابا عاد يالله خلصتي شهرين وصاف.. اكرام: اش كتقول 😳 انا مخديت قرض.. 
المحاسب: بموجب هاد الالتزام.. نتي خديتيه.. وايلا مخلصتيهش فشهرين غاتعتابري مختلسة لهاد الفلوس.. وغادي تمشي للحبس.. 
اكرام: الحبس 😭لا والله مخديت شي فلوس والله
المحاسب: سمعي ابنتي..نتي باينة فيك نية وتلعب بيك .. مول الشيء مغايفهمش هادشي.. خصوصا ان اربعة مليون ماشي قليلة..حاولي تضبريها وترجعيها للشركة.. باش ميدعيوكش وتدخلي للحبس.. تضيعي حياتك ديك الساعة على قبل اربعة دالمليون.. 
اكرام: منين غانجيبها.. 😭😭
المحاسب: ديك الساعة سيري لمول الشركة تفاهمي معاه.. وقوليليه يصبر عليك تخلصيها شوية بشوية.. من الخلصة ديالك.. ولا تديري معاه التزام اخور.. ولوا اني مكنصحكش بيه.. سيري عندو راه ولد الناس.. وغايسمعك.. انا غاناخدلك موعد معاه .. 
اكرام: عفاك اعمي.. هضرلي معاه.. 😭 انا معرفتش اش هاد المصائب كتطيح عليا.. اش درت فحياتي.. 
خرجت من عندو وانا مهازانيش رجليا.. واش هاكا اجلال.. مكفاكش انك تخليتي عليا وكسرتي احلامي.. بغيتي تدخلني الحبس.. وتشمت فيا وتضحك عليا العديان.. علاش اش درت ليك.. واش هادشي كله حيت بغيتك.. وتمنيت نعيش معاك بعيد على الصداع والمشاكيل.. هادا يكون مصيري .. ندخل الحبس 😭 علاش اربي علاش.. انا مطلبتش شي حاجة كبيرة .. من دون اني نكون مرتاحة.. 
مشيت للدار.. دخلت سمعت الاسطوانة.. وبقيت كنشوف.. واش هادو اللي غايوقفو معايا.. ولا غادي يتبراو مني الى دخلت الحبس على الفلوس.. كيستناولي السبة اصلا.. 
6
دخلت للبيت مع ختي.. وجلست وانا مقادراش نعاود.. شوية انفجرت بالدموع وبديت نعاود ليها بلا منحس.. تصدمات وبدات تهدني 
شيماء: تهدني.. اكيد كاين شي حل.. سيري عند مول الشركة.. ياك قالك ولد الناس.. تفاهمي معاه.. وقوليلو ياخدد الخلصة ديالك..
اكرام: وباش غانسكت هادو.. مللي يعرفو باللي كنخدم بلاما نتخلص.. 
شيماء: اكيد كاين حل.. اجي ياك نتي كتعرفي تخيطي.. تفاهمي مع شي خياط.. تبقاي تجيبي الخدمة للدار.. تزيديها على خدمتك وانا غانعاونك.. باش تديباني راسك بداكشي اللي غاتسكتي بيه هادو .. 
اكرام: فكرة زوينة 😰.. يا ربي تعاوني..
شيماء: غدا غادي تمشي عندو ياك
اكرام: اه
شيماء: انا ندوزليك على شي جوج خياطا باش نتافق معاهم تشدي ليهم الخدمة فالدار.. فهاد الوقت كتكون الخدمة كتيرة عليهم.. 
اكرام: شفتي قلبي اش جابلي .. 
شيماء: ماشي قلبك .. وانما زهرك .. نتي فين كنتي تعرفي باللي جلال غايصدق كداب.. 
اكرام: 😖 
كالعادة مشفتش النعاس.. نضت بكري وانا قلبي كيضرب بحال شي وحدة غادية تموت.. رجليا مكانوش هازيني .. وصلت للخدمة ومشيت بحال ديما لبلاصتي .. لاحظت باللي كولشي جاو مفركسات حيت نخلصو البارح.. الا انا.. بديت الخدمة وكل دقيقة نشوف الساعة .. كنستنى الوقت المناسب باش نمشي لمول الشركة نهضر معاه.. كنت متوترة بزاف.. وكلشي لاحظها عليا.. حتى قررت نوض.. موتة وحدة هي اللي كاينة.. ايلا مبغاش غانمشي الحبس.. نضت ومشيت استأذنت المسؤول ديالنا وطلعت لعند المحاسب.. طلبتو يمشي معايا لعنده.. وافق على الفور.. ناض وجا معايا.. علامات التوتر كانت باينة مزيان على وجهي.. وصلنا استأذنات لينا السكرتيرة ودخلنا.. رفع ليا وجهو وشاف فيا بنظرة غريبة بحيث معن فيا النظر.. انا حنيت راسي ديك الساعة ومقدرتش نشوف فيه.. هضر معاه المحاسب وشرحليه شنو كاين.. 
المحاسب: ها شنو كاين اسي ايهاب.. 
ايهاب: خليها معايا.. سير نتا لخدمتك.. 
خرج وخلاني معاه.. وانا موطية راسي.. 
ايهاب: هضري .. قولي شنو عندك.. 
بديت كنترعد ومقادراش نهضر.. وكنتلعثم.. 
اكرام: 😪خطيبي هو اللي خدا الفلوس.. انا درتلو التزام ياخد فلوسي ماشي ياخد قرض 😓
بقا كيشوف فيا شحال وداير ابتسامة صفراء.. عاد هضر.. 
ايهاب:عينيك فيهم خوف رائع.. ولا نقول رعب.. 
طبعا نتي عارفة ان هاد الوثائق اللي قدامي تدخلك الحبس
اكرام: 😰
ايهاب: انا مغانستافد والو الى دخلتي الحبس.. 
تنفست الصعداء.. وبقيت كنستنى يكمل كلامو.. 
ايهاب: 😌.. انا مستعد نقطع قدامك هاد الوراق
اكرام: 😀 بالصح
ايهاب: بمقابل.. 
اكرام: عفوا؟ 
ايهاب: تكوني ديالي بوحدي.. 
اكرام: شنوو😳
ايهاب: كما سمعتي.. انا بعيت جسمك.. مقابل 10000 درهم.. والباقي غانصبر لك عليه حتى تخلصيه بشوية عليك .. ويلا بغيتي كل مرة كتمشي معايا فيها للدار تكون بواحد من هاد الوراق دالقرض.. انا موافق.. كلشي بيدك.. والا تجيبي 4 مليون دابا.. وكيبقا الخيار الاخير ليك.. واللي هو الحبس.. 
اكرام: عفاك 😭 انا ماشي بنت الزنقة.. صبر عليا .. والله حتى نخدم ونحلص.. 
ايهاب: فكري فهادشي مزيان.. انا قلت اللي عندي وكملت.. وبالنسبة لبنت الناس.. انا درت معاك حل مزيان... 10000 درهم من هاد القرض مقابل انك بنت الناس وغاتجي معايا.. ومكنظنش غاتبقاي بنت الناس الى دخلتي الحبس.. وديك الساعة زيد عليها الفضيحة وكذا.. اما الى وافقتي على شروطي.. كنأكدليك.. كلشي غايكون فسرية تامة.. حتى واحد مغايصيق الخبار.. 
اكرام: 😭😭😭😭
ايهاب : رجعي لخدمتك دابا.. 
7
فشلو عليا ركابيا.. وليت اساوم على حريتي وعلى الفضيحة بالفضيحة .. اش غاندير دابا وشكون غايعتقني ويخلص الفلوس.. يا ريتني مابغيت ولا فكرت فأني نتزوج فيوم اصلا.. واش انا مرضيتش بالهم وتمنيت نخرج منه .. نطيح فهم كبر منه.. يخليني نترحم على الايام اللي دوزت فالاول.. علاش 😭.. رجعت لخدمتي .. وانا مرفوعة ومشايفة حد قدامي.. مشيت للعافية برجلي.. كان صريح جدا.. جسمي مقابل انه يصبر عليا ونخلص الدين،. الدين اللي ماشفت منه انا ريال.. ايلا وافقت غايضيع شرفي بالرخييص.. وايلا رفضت .. غادي ندخل الحبس وديك الساعة غايتبراو مني عائلتي اللي اصلا كيستناولي السبة.. وعمري نفكر نخدم مزال .. وديك الساعة غانبيع راسي برخص اكتر.. داز العدا ومنضتش من بلاصتي.. وصلات وقت الخروج وانا عقلي ضايع وكيفكر.. دوامة فراسي.. عمري كنت نتمنى نحتار بين نارين.. مشيت للدار وانا مكنهضر مع حتى واحد .. استقبلني خويا.. بدا يسب ويعاير.. وانا مشايفاهش قدامي.. بدا يفتش فصاكي وملقاش علاياش كيقلب ..لاحو عليا وبدا يضرب.. وانا مدايرا حتى مقاومة .. واش هادا مللي يعرف باللي غاندخل الحبس .. مازال غايحن عليا.. ولا مللي غانخرج من الحبس ونبقى مليوحة بلا ريال بلا جوج غايحن عليا ؟..دخلت لعند ختي لقيتها كتستنى على احر من 
شيماء: شنوو 😥
اكرام: خيرني بين جسمي .. وانه يبلغ بيا.. 
شيماء: كيفاش 😰 وشنو غاديري دابا.. 
اكرام: منقدرش .. جسمي هو اللي بقالي فهاد الدنيا.. اللي تقاس غادي نموت.. مغايبقاش عندي علاياش نعيش.. 
شيماء: انا كنت جايبة ليك خبار زوينة.. الخياط وافق يعطيني الخدمة للدار.. ولكن دابا معندك حل .. خاصك تخرجي من هاد المحنة بأقل الخسائر..
اكرام: اش كتقصدي.. 
شيماء: الى بعتي جسمك حتى واحد مغايصيقلك الخبار.. ولكن الى دخلتي الحبس .. غادي تتفضحي اختي وغاتخسري كلشي.. نتي مكتسمعيش راجل امك اش كيقول عليك النهار كله.. كيعمر ماما وكيقوليها بناتك غايجيبولك العار .. باغيها فينا حسيفة.. وكيستنى لينا السبة.. 
اكرام: 😭 امتحان صعيب بزاف.. نختار اما نموت او نموت..
شيماء: ختي سمعي مني وتنازلي.. هادي غاتكون غا مرة.. وربي يغفرلك عليها .. حيت مضطرة.. 
اكرام: اش كتقولي .. هاديك المرة اللي كتهضري عليها غايضيع فيها شرف عمري كله.. وعمري نحلم بالحياة بعدها.. 
شيماء: ومغاتحلميش بالحياة الى دخلتي الحبس.. ختاري الطريق الاخف.. شي حاجة تضرك بينك وبين راسك ماشي هي الحاجة ديال اللي داز يجرحك بيها .. 
بقيت كنفكر وعقلي طاب.. مستحيل انا نقدر نديرها.. واش نبيع راسي على قبل 10000 درهم.. ونخلص الباقي طريتات.. وشرفي فاش نفعني.. فكرت نهديه بالرخيص لجلال مللي كنت باغا نتزوج بيه .. هو باش شراني.. وانا اللي كنت كنعطيه الفلوس.. هادا دابا كنرفض نبيعو فابور.. كنتمنى نموت قبل منوصل لداك الوضع.. 
نضت الصباح ورجليا تقال عليا .. كرهت ديك الشركة بماليها.. مشيت بزز مني باش ميعيق بيا حتى واحد فالدار.. اسوء شيء هو تحس بالالم في صمت.. وتغلي لداخل ديالك وحتى واحد ميحس بيك.. دوزت نهاري فالخدمة ومهضرت مع حتى واحد.. وحتى واحد معيط عليا.. اكيد اللي سميتو ايهاب رجع فكلامو..فكر ولقا اني ماشي ديال داكشي .. حتى جينا نخرجو وانا نسمع احمد كيعطلي..
احمد: كتعيط عليك السكرتيرة ديال المدير.. طلعي عندها.. 
فشلو ركابيا من جديد.. واش غايساومني من جديد !؟ 
8
طلعت وانا وجليا تقال عليا .. لقيت البنت كتستناني شارتلي للبيرو .. وقالتلي دخلي .. دخلت وانا رجليا كيرجفو.، وانا نتفاجأ لقيت معاه البوليس .. مكانش كيتفلا.. شاف فيا وقال ليهم.. 
ايهاب: ها هيا.. خودوها نتوما تفاهمو معاها.. هادو فلوس وماشي لعب.. 
انا تصدمت وشفت فيه نظرة ترجي.. كأني كنستفسر على سبب رجوعه فاتفاقنا.. خفت بل ارتعبت.. مبغيتش نمشي للحبس،. تخيلت راسي فهاد اللحظة وانا كيخرجوني البوليس من الشركة وكلشي كيتفرجو فيا.. وكيتشمتو.. شاف فيا بزاف وقاليهم ستناوها برا واحد الدقيقة.. خرجو وشاف فيا 
ايهاب: ايوا الالة اكرام .. واش غانستناوك نتي حتى تفكري على خاطرك.. راه ماشي كنطلبك.. 
اكرام: (بلعت ريقي) 😰 انا .. انا 
ايهاب: شنو 😠
اكرام: انا غانجي معاك 😭 انا موافقة.. ولكن بشرط
ايهاب: 😌اما هو 
اكرام: تعطيني التزام بداك المبلغ.. الورقة اللي تثبت باني خلصتها.. وحتى باللي غاتصبر عليا فالباقي.. 
ايهاب: مللي تجي معايا ونقضي الغرض.. ديك الساعة غانقطعها قدامك
اكرام: وشنو اللي يضمنلي هادشي 😰
ايهاب: ماكاين ضمانات.. انا هو الضمان.. وايلا معجبك حال .. البوليس مازال هنا 
اكرام: البوليس لا 😭
ايهاب: اذا تفاهمنا..، غدا مع وقت الغدا.. غاتخرجي وتمشي لهاد العنوان.. وها السوارت.. 
اكرام: ويلا تعطلت.. 
ايهاب: انا هو مول الشركة .. 😒 .. نتي عندك اذن مني تمشي مور الغدا حيت مريضة.. هادشي البي غانوصيهم عليه.. 
اكرام: واخا 😭
ايهاب: سيري بحالك دابا.. وغدا واياك تتعطلي.. 
مشيت وانا كنلعن ساعتي.. واش عكس.. ولا حط سيء .. واش حتى لهاد الدرجة زهري خايب.. واش كاين شي حاجة اخيب من هادشي اللي غايطرالي دابا.. انا غاتضيع حياتي.. كنشوف فيها كتضيع ومنقدر ندير حتى حاجة.. لوكانو عندي الفلوس.. اكيد بزاف دالحوايج كانو غايتبدلو.. اكيد مكنتش غانكون مكتوفة الايدي.. معرفتش فين غانوصل.. مشيت للدار ونكتيت.. لا اكل ولا شرب..فكرت فخويا.. وفأنو لو فرشخني ليوما.. يمكن ايلا شاف داك الحيوان جسمي كله مفرشخ مغايطمعش فيه.. وغايقولي سيري بحالك.. نضت قلبت عليه ملقيتوش.. لقيت علال كيتفرج فسامحيني.. مشيت طفيت التلفزة.،
علال: 😠 اش هادشي درتي.. شكون صحابلك راسك
اكرام: راسي كيضرني.. طفي الزمر.. 
جرات ختي من بيتها دغيا 
شيماء : اكرام.. نعلي الشيطان اجي عفاك 😰
اكرام: خليني اختي .. شكون حسابو راسو 
علال: انا غانوريك شكون انا .. 
جرات مي وبدات تسب وتعاير فيا وانا والو كنقلب على تفرشيخة.. حتى جا الشاب الوسيم.. مكانش من العاكزين.. لوالي يدي وبدا يركل ويضرب.. ولاول مرة فحياتي كنستحب ضرب خويا ليا.. جاني حلو بالمقارنة مع داكشي اللي كيستناني.. مشيت لبلاصتي بعدما كليت تفرشيخة على قياسي.. حاولت ننعس ولكن مقدرتش.. حاولت نشغل راسي ولكن تفكيري كله فاتجاه واحد.. غدا.. بانولي الحوايج اللي جابت ختي من الخياط.. نضت هزيتهم وبديت نخيط.. على امل ننسى.. محسيتش براسي حتى ساليتهم كلهم.. لقيت الساعة 5 دالصباح وانا مازال مقدرت ننعس..حاسة جبل كبير على ظهري.. ماشي الحريق ديال الضرب.. وانما دالهم.. وصلت السبعة دالصبح.. دخلت دوشت.. ولبست حوايجي ومشيت للخدمة.. مبغاتش تدوز الساعة.. بحال الى مصرة تبتزني .. حتى الزهر معاند معايا.. مكرهتش داك الشاف يتهرس ولا يدوز فيه كاميو.. المهم ميجيش.. بقيت فبلاصتي حتى وصلات وقت الغدا.. مقديتش نتحرك حتى لقيت احمد جاي لعندي 
احمد: واش لاباس اكرام
اكرام: 😓 لاباس 
احمد: قالتلي السكرتيرة باللي طلبتي الاذن باش تمشي..
اكرام: ااه .. حاسة راسي عيانة.. والمدير وافق انس نمشي 
احمد: ميكون عندك باس 
نضت وانا كنرجف.. والورقة اللي فيها العنوان تفزكات فيدي.. تحركت بزز.. حتى وصلت لواحد العمارة.. دخلت وانا خايفة.. متلاقيت حد فالطريق او فالدروج.. طلعت للشقة وحليت الباب بتردد.. كنت خايفة نلقاه تما.. مكانش والشقة كانت خاوية.. هي شقة عادية ومتواضعة.. مافيهاش بزف ديال الفراش.. بقيت نتسارا ونشوف حتى بانتلي الناموسية .. ضرب قلبي بالجهد مللي شفتها كأنها مقصلة اعدامي..
9
بقيت جالسة وشادة صاكي بيدي وحانية راسي ومتحركتش.. خايفة حتى سمعت صوت السوارت فالباب .. تضرب قلبي بالجهد مللي شفتو داخل.. شافني دار واحد الابتسامة ماكرة.. غا شافني .. سد الباب زادت ضربات قلبي معاه...جا عندي وبقا كيشوف فيا وانا مرعوبة.. 
ايهاب: مرحبا.. تشربي شي حاجة.. 
اكرام: 😥لا شكرا.. 
شاف فالساعة ورجع قالي 
ايهاب: معنديش الوقت بزاف.. نوضي 
محملتش طريقتو.. ولكن انا بالنسبة ليه سلعة .. كيفاش بغيتو يعاملني..نضت وانا مرعوبة دخل لبيت النعاس وانا موراه وانا رجليا كيرجفو.. مشا حل الماريو وخرج منو واحد الشوميز.. سرحوليا على الناموسية واشارلي براسو ليه.. كسوة عمري فكرت نلبسها ابدا معرية وبذيئة بزاف.. ديال بنات الليل.. 
اكرام: شنو هادي 
ايهاب: معرفتيش؟ عادي غاتلبسيها دابا.. 
اكرام: مستحيل.. انا غانمشي بحالي .. 
ايهاب: اجي الهنا واش صحابليك دخول الحمام بحال خروجو.. 
شدني دغيا من يديا وحسيت الضربات دخويا حرقوني بزاف غوتت بالجهد مللي قاصني فيهم.. استغرب وحيدلي القاميجة دغيا وانا كنحاول نمنعو ولكنو كانو اقوى مني.. بدا كيتفحصهم وكيشوف فيهم مزيان.. قلت فراسي ربما نبقا فيه ويخليني نمشي.. 
ايهاب: شكون دارلك هاكا 
اكرام: خويا 😓
سكت شوية ونزل عليا بدا كيحيد عليا الحوايج بزاز وانا كنحاول نمنعو وكنبكي.. وهو بحال شي وحش.. والضربات كيحرقوني وانا زايدة فالغوات.. 
ايهاب: غوتي زيدي غوتي.. وكلما حسيتي بالخوف والرعب علميني.. 
اكرام: حرام عليك 😭
ايهاب: نتي هاد الساعة ديالي .. فهمتي.. زيدي قاومي.. قاومي وديري اللي فجهدك 😈
اكرام: 😭😭
مكانش رحيم عليا ابدا .. كان عنيف بزاف ولاحظت انه كيتمتع ويزيد يتمتع كلما غوتت او قاومتو.. كمل مني وعاملني بحال شي ساقطة .. ناض وبدا يشوف فيا نظرات تقزز.. انا جمعت راجليا عندي وضميت نفسي ودموعي مبغاوش يحبسو.. استجمعت نفسي وشفت فيه 
اكرام: 😭 فين اللي اتافقنا عليه 
ايهاب: راكي مركزة عليه ؟ معندي ميتسالك.. هاكي 
خدا الورقة ولاحها عليا .. بحال الى خلصني .. شديتها وتأكدت منها.. طاحو دموعي ،. نضت صاوبت حوايجي.. وخبيت الورقة.. وتمشيت.. كنت حاسة ضلوعي كلها كتحرق.. ومقديت نتمشى.. استجمعت قوتي ومشيت وماشفتش مورايا.. 
نزلت وبقيت كنتمشى حيت مكانش عندي فلوس المركوب.. بقيت ماشية وراسي حاني ووجهي فالارض.. حشمانة من راسي ومن ربي اللي خلقني.. حيت بعت راسي .. مكانش عندي حل اخور.. الله ياخد الحق فأي واحد وصلني لهادشي.. من عائلتي لجلال.. لهاد الملعون.. بقيت كنتمشى وانا مقادراش نتنفس.. جاتني الطريق طويلة.. ضلوعي كيحرقو والنفس كيتقطع فيا.. بانتلي دارنا .. وصلت ودخلت بالحس باش ميعيق بيا حتى واحد.. دخلت ولقيت علال واجد.. 
علال: علاش جاية دابا.. جراو عليك؟ 
اكرام: مريضة وخديت اذن.. 
لحسن الحظ مشدش فيا داك النهار.. حسيت اني غانطيح قدامو.. دخلت دغيا للبيت وطحت فالناموسية .. حيت رجلي مبقاوش هازيني وطلعت معايا السخانة من رجلي.. وشاعلة فيا العافية والنفس مقطوع.، شوية حسيت بالبرودة والتبوريشة.. تغطيت وبديت نرجف ونعرق.. دخلت فكوابيس .. وشي تقطيع وضرب .. حاسة بعذاب قوي .. شوية حسيت براسي كنغرق.. فأمواج كتضربني من بلاصة لبلاصة.. حتى حسيت بختي كتفيقني.. ودايرا ليا كمادات باش تنزل حرارتي 
شيماء: واش نتي لاباس.. خوفتيني عليك.. كنتي كتهضري بزاف ومفهمت حتى حاجة.. كنسمع غير حرام حرام... 
اكرام: 😢 انا انتهيت اختي.. 
شيماء: متقوليش هاكا.. ماشي على هادشي توقف حياتك.. قوليلي واش نتي كان ممكن تبغي شي واحد اخور شي نهار بعد هادشي اكيد لا.. عفاك متقوميش حياتك على راجل.. غاتخدمي وتوقفي هلى رجليك.. وغايجي شي نهار تخرجي من هاد الدار وتسكني بوحدك وتكوني حرة.. صحيح انه خدا اللي بغا.. ولكن نتي خاصك تكوني ذكية وتستغلي هادشي.. قوليلو يزيدك فالصاليغ ويخدمك فشي بوسط اعلى من هادي اللي خدامة فيها دابا.. حوايج اللي يخرجوك من هادشي ويخليوك قوية .. 
ولم تلبث طويلا حتى انطفأت الشمعة .. وذبلت تاك الورود المشعة .. وانكسرت الحصون المنيعة.. واتلفت الاحاسيس والمشاعر البديعة.. وبذلك فقد قلبي الامل وتلك الاشعة.. وساد عقلي بفلسفته البارعة.. في انكار الحب والدووس على المشاعر اليافعة .. وعاد عقلي للسيطرة على قلبي بأجوبته المقنعة.. عن الاحاسيس المزيفة.. والوجوه المقنعة.. فأثر الانطواء على التجارب المريعة .. المبنية على ثلاث.. الغش ، التظاهر .. والخديعة..
10
بقيت فالكاشة وجسمي كيحرق .. ومقاداش نتحرك ومكليت والو .. مشاعر دالصدمة والقهرة والخوف والترقب .. مجموعة فيا.. فهاد اللحظة.. بقات ختي مقابلاني وانا بالي مراهش معاها.. نعسو كلشي.. حتى انا ماشي نعست نقدر نقول فقدت الوعي.. احساس غريب بزاف.. صبح الصباح .. فيقاتني ختي باش نمشي الخدمة.. ولكن حسيت ضلوعي مقاداش نحركهم.. ومقدرتش حتى نبزز على راسي اني نوض.. بقيت فبلاصتي.. ومبغيتش نوض.. او بالاحرى مقدرتش نوض.. جلست ومنضتش .. مفكرتش اني بدون مبرر غادي يقدر يجريو عليا من الخدمة.. ولكن اش كنقول.. مول الشركة وخدا مني بزاف.. غانمشي عندو وهو يتصرف.. كما تصرف فالغياب دالبارح.. اش هادشي كناقشو.. واش اكرام مازال عندك الامل فالدنيا.. ولكن لا.. الى فقدت كلشي.. مغايبقاش قدامي حل من غير اني نمشي نقتل راسي .. واش نسيتي اكرام.. نسيتي باللي مازال عليك 3 دالمليون دين.. وخاصك تمشي لخدمتك باش تخلصيها.. هو بداكشي دالبارح ردليك غا مليون.. اللعنة على ايام كيتباع بيها الشرف بمليون .. 
نضت وانا مقادراش.. بحال شي وحدة فيها سكرات الموت.. دخلت للدوش .. بديت نغسل جسمي من الخنز اللي قاسو.. حاسة نفسي محاملاش جسمي .. دوشت بزز وخرجت شفت فالمرايا ..بقيت كنشوف وجهي صفر بزاف .. وعينيا منفوخين.. قصت فوجهي وحطيت يدي على فمي وبديت نبكي بحرقة وفصمت.. مبقيتش نسول علاش.. مبقيتش.. خوف حتى من البكا ومن الانهيار.. كنخاف نبكي على هادشي لا تصدق الدنيا ضارباني .. اكتر من هادشي.. لبست حوايجي بتثاقل كبير.. حيت كل بلاصة فجسمي كتحرق.. بسبب خويا وزاد كمل عليا داك الحيوان.. اش غاندير باش ننسى هادشي .. ونبدا من جديد.. لبست وخرجت لقيت امي كتسب النهار اللي تزادينا فيه حيت منفعناها بوالو.. عندك الحق امي عندك الحق.. انا لعنة تزادت.. منفعت راسي.. كيفاش حتى نفعك نتي.. حنيت راسي وخرجت.. كانت الساعة 11:30 .. والبوز ديال الغدا قريب.. عولت اني نمشي لعند داك الحيوان في حالة الى دارلي احمد شي بلان ولا .. بقيت كنتمشى بزز.. ورجليا تقال عليا بزاف.. حتى بانتلي ام جلال جاية ومثقلة بالسخرة ديال السوق.. حسيت بغصة فقلبي وتنحيت باش منتلاقاش معاها.. بحال هادو تشمتو حيت جلال تخلى عليا.. شنو غايديرو الى عرفو اش وقعلي .. كملت طريقي للخدمة حتى وصلت والنفس مقطوع عليا.. وليت كنحس اني كنفشل من ابسط مجهود.. دخلت لقيتهم غايخرجو الغدا دخلت ومشيت جلست فبلاصتي وكلشي بقا كيشوف فيا.. والنفس كيطلعلي بزز حيت عييت بالطريق.. حتى سمعت احمد مورايا.. 
احمد: على سلامة الالة اكرام. كون بقيتي شوية كتر لاش معدبة راسك 
اكرام: 😓 مريضة وجيت بزز.. وزايدون خديت اذن من السي ايهاب البارح( الله يلكيها ليكم بجوج) 
احمد: الالة انا اللي هنا الرئيس المباشر ديالك.. تعلميني انا اللول.. وديك الساعة نشوف 
اكرام: اووف مناقصنيش نتا فهاد النهار.. عطيني بالتيساع .. 
احمد: غالطة وزايدة بالفهامات.. خرجي برا .. انا غانعرف شغلي معاك.. 
جيت نوض حيت مافيا اللي يتناكر معاه .. وانا نسمع صوت.. كيعيط لاحمد .. كولشي التفت عندو .. هاد الصوت ديجا سمعتو وعرفتو.. تقلبت .. شفتو هو كان حاط يديه فجيابو.. اقترب منا وحنا ليه احمد الراس احتراما.. 
ايهاب: اش واقع هنا.. 
احمد: هاد البنت اسيدي صحابليها المعمل ديال باها.. عاد جاية دابا وغيبات بدون مبرر..
ايهاب: حتا نتا المعمل ماشي دباك باش تقوليها خرجي.. اكرام خدات مني الاذن.. وعندها يوماين ماشي غا نص نهار.. مشايفهاش كيباين فوجهها المرض.. 
شاف فيا وكمل كلامو.. 
ايهاب: سيري رتاحي.. حتى تبراي اجي تخدمي ديك الساعة.. 
حنيت راسي محملتش نشوف فيه.. كمل كلامو ومشا.. كلشي بقا مصدوم من هادشي اللي وقع .. حيت السي ايهاب .. عمرو منزل من قيمتو ونزل عندنا للمعمل.. ولا دافع على شي حد.. وحيت هو ممسوقش مرضي ولا موتي..خديت حوايجي ولقيتها مزية ومشيت بحالي.. مع الخرجة ديال الباب حسيت الدنيا كتتهز من قدام عيني ومبقيتش كنشوف.. ديك الساعة غيبت ومبقيت عاقلة على والو..
11
مفقت غا فالسبيطار.. حليت عيني وعلى غير العادة لقيت راسي فغرفة وفيدي السيرو .. ولكن الغرفة كانت نقية بزاف.. كيفاش زعما صاوبو سبيطاراتنا.. لا مستحيل.. وديك الريحة المعتادة مكايناش.. دخلات الفرملية 
الفرملية: على سلامتك.. 
اكرام: الله يسلمك.. ختي اينا سبيطار هادا.. 
الفرملية: هادي مصحة الشفاء اختي.. 
اكرام: هي قولي هاكاك.. وشكون جابني ليها
الفرملية: السي ايهاب.. هو اللي جابك.. 
اكرام: ايهاب!! غريبة.. كيقتل القتيل ويمشي فجنازتو.. 
شوية دخل .. وقلبي تقبظ من جديد مللي شفتو.. 
ايهاب: علاش مكليتيش.. واش باغا تفضحي راسك.. 
اكرام: علاش اش درتليك.. 
ايهاب: درتي لراسك.. واش معارفاش انه لو مشفتكش طحتي وداوك لمستشفى عمومي اش كان غايطرا.. معرفتيش؟ انا غانقولك.. كانو غايلقاو الضربات فيه ديال خوك طبعا ماشي ديالي.. وغايعيطو للبوليس.. ويعيطو لخوك.. ونتي عارفة لباقي.. 
اكرام: 😖 
ايهاب: اكرام .. شوفي فيا.. انا مخاسر والو.. ولكن خاصك توقفي على رجليك.. حيت مازال تابعاك 3 دالمليون اخرى.. ومنصحكش تتغاباي.. 
وقف قدامي وكمل كلامو 
ايهاب: كولي ووقفي على رجليك.. الحزن معندو باش يفيدك.. حيت حتى واخد فهاد الزمان مغاينفعك.. 
خرج وخلاني كنزير على عينيا باش مننفجرش بالبكا من جديد.. خداني للكلينيك باش ميتفضحش هو .. ماشي على قبلي.. ماشي حيت بقيت فيه.. هو مازال ناوي يتخلص فالفلوس الاخرين.. عندو الحق .. انا مغنضر حد غير راسي.. مغانضر حتى واحد .. غانضر غير راسي ... شوية لقيتهم مدخلين ليا الماكلة.. اكيد وصاهم هو..شديت فراسي وبديت ناكل.. كنت كنحس ان حلقي مسدود .. وكلما بديت نبلع شي حاجة كيردهالي.. بداو يطيحو دموعي.. واش انا كنت كنتوقع فيوم من الايام اني غانتعدب هاكا.. 😭 ايام مكنت حتى كنحلم بيها.. قبل سنوات لم تكن نظرتي لهذه السنين كما هي الان.. 
بعد ساعات وليت لاباس .. اكيد السيرو هو اللي رد فيا الجهد.. نضت وخرجت.. من المصحة.. كنت بوحدي.. حسيت لاول مرة اني بوحدي فهاد الدنيا.. وانه فعلا حتى واحد مغاينفعني.. من غير راسي.. ديك الساعة قررت انه لازم نفكر فمصلاحتي.. ماشي كما كنت كنفكر من قبل.. اني خاص نكون قوية.. 
وغابت الاحاسيس وغاب معها املي .. وانطفئت الشعلة المضيئة الى الازل.. وتجمد كل شيء وبات كالحجر والرمل.. وأعلنت الحداد وأعلنت الصمت والسهر.. وتعلمت لغة الليل لغة النجم والقمر.. ونسيت الدنيا وكل ما يتعلق بالبشر. واخترت الانعزال وزمن الركود .. وابتعدت عن ساحات العراك وعن هذا الوجود.. ونسيت كوني بشرا يعرف معنى للصمود.. وقبعت بداخلي شهرا بل شهرا بل شهورا وعهود.. فوقفت مستسلمة في وجه التيار.. انظر من يجرفني اي نهر من هذه الانهار.. أين سأكون وأين سترمي بي الاقدار.. جنوبا شمالا.. او حتو بين الاعصار.. كل هذا الماء وأنا مجرد انسان.. والانسان مخلوق من طين لا من دخان.. فكيف للطين ان يتحمل كل هذه البلة من هذا السيلان.. 
12
مشيت لدارنا.. وانا مستسلمة تماما لقدري.. عندو الحق خاصني نحزم باش نسدد الدين اللي عليا.. وتما غادي نفتح صفحة جديدة فحياتي.. غادي نعيش من اجل العيش فقط.. غاناكل ونشرب.. حتى يسالي اجلي.. الامل فهادرالدنيا متزادش باش يكون لشي وحدة بحالي.. والحياة والرفاهية ماشي ليا انا.. انا من الناس اللي تزادو باش يختفاو .. ماشي باش يعيشو.. غادي نسكت ونخبي كلشي فقلبي.. وغانسد عليه.، باش ميخرجش شي نهار ولا يبان عليا.. حتى البكاء على الاطلال ممنوع.. غادي نعيش جسد بلا روح.. حيت روحي ماتت نهار خرجت من دار المتعة تلك.. دخلت للدار ولقيت ختي مشطونة عليا.. 
شيماء: مالكي علاش تعطلتي.. نتي باقا مريضة وصفرا،، 
اكرام: كنت فالكلينيك،، سخفت فالخدمة وداوني للكلينيك.، 
شيماء: على سلامتك احبيبة .. انا خفت مللي لقيتك معطلة.. كنت غانحماق.. 
اكرام: كاين شي حد كيحماق على شي وحدة بحالي.. اش هاد الهضرة.. 
شيماء : ختي واش نتي بخير.. 
اكرام: انا غاننعس.. 😤 حاسة راسي عيانة.. غدا متفيقينيش.. مغانمشيش نخدم 
شيماء: كما بغيتي اختي .. 
النعاس هو المهرب ديال المكتئبين.. فاللول كيهربو بيه.. وكيديرر راسهم ناعسين.. فالتالي كيولي نعاس دالبصح.. حتى الى ولاو لاباس شي نهار وتغيرات ظروفهم وبغاو يعيشو من جديد ميقدروش .. حيت كيفشلو يديهم وكيبغيو ينعسو .. هادشب اللي قالينا واحد المرة واحد الاستاذ.. وديك الساعة مستوعبتش هضرتو.. حتى ضارت الايام.. وطحت فنفس الموقف،. ولكن انا فعلا مبغيتش نعيش.. خلي ليهم الحياة.. للي بحال ايهاب.. وكيدوسو على عباد الله برجليهم.. القوي كياكل الضعيف بكل بساطة.. نعست.. الصباح فقت.. ملقيتش ختي.. بقيت فبيتي.. كنفكر.. نضت بززت على راسي الماكلة.. بقيت كناكل.. حتى بانلي علال.. لهلا يعليه ليه،. 
علال: شفتك كاع مبقيتي تمشي تخدمي.. ياكما جراو عليك 
اكرام: ياك قلتلك مريضة.. خديت كونجي.. 
علال: مم وغايقطعوه ليك من الخلصة 
اكرام: على اساس مولفني كنخدم عليك.. قيلني عليك عفاك
علال: سمعيني مزيان.. انا اللي هاز فوق كتافي هاد الدار.. وكنخلص من جيبي.. من حقي تعاونوني دابا.. حيت كبرتكم..
اكرام: الله يخليك لينا 😏
علال: امين.. هي الى حطيتي فلوس الما والضو.. 
اكرام؛ معنديش... 
علال: فلوسك فين كيمشيو.. 
خليتو كيهضر ومشبت لبيتي سديت الباب.. ناقصني نتا فهاد النهار.. الله يلكيها ليك،. 
بقيت كنضر من قنت لقنت،، خديت تصاونا انا وجلال.. شفتي ها فين وصلني حبي ليك وتقتي فيك.. اكتر حاجة ندمت عليها فحياتي هي حبي ليك،، متخافش.. مشيتيني فواحد الطريق اللي الى نهار غا جيتي فبالك ندعي على راسي بالزهايمر.، الله ياخد فيك الحق.. خديت دوك التصاور وشديت البريكة وكنشعل فيهم وحدة بوحدة.. حتى حرقتهم كلهم.. ومبقات حتى وحدة.. دازو دوك اليوماين وانا كارهة فيهم راسي ... حتى رجعت للخدمة.. بقا احمد كيشوف فيا بنص عين.. ولكن اللي عصبني هو هضرة العيالات فالخدمة.. "شفتي صافي دارت المعرفة مع الباطرون.، ".." مشفتيش داك النهار كيفاش كان مخلوع عليها وجرا بيها للطوموبيل.. ".." وقالك داخا للكلينيك".." اصلا فين عمرك شفتي شي باذرون عاطي الحق للخدام".. " بابنة القضية فيها ان.. حتى انه كيعرف سميتها" 
كرهت الوشوشات ديالهم.. حاولت نسد ودني ونكمل خدمتي بلا منتعامل مع حتى واحد.. نشد تيقاري .. احسن منزيد مشاكل على راسي مانيش ناقصاهم،، 
13
وليت مكنختالط مع حد.. تيقاري شديتو.. اش ديت من معرفة عباد الله.. وسديت حتى ودني عليهم .. ومشاعري تجمدو.. زايد ناقص .. كلشي زايد ناقص ..كنوض الصباح نمشي الخدمة كنجي فالعشية.. باش يوصل الشهر نعطي الخلصة للشركة باش نسدد بيها الدين .. الى كل شهر عطيتو خلصتي غايخصني كتر من عام ونص ديال الخدمة فابور.. ولكن الى زدت الخدمة غانقدر نعاون ونخلص الدين دغيا.. 
التفكير استمر هاكا .. نفس التفكير.. نفس الاشياء.. شديت مع خياطة اخرين .. شديت الخدمة ديال العقاد والسفيفة.. وشديت البياصات العصرية.. كنبات الليل كله كنخدم.. باش يوصل الشهر ونخلص انا الشركة .. ماشي هي اللي تخلصني... حتى انه فبعض الاحيان كيشدني النعاس فالمعمل.. حيت مكنعسش بالايام.. وكيبقا فيا راسي فالخدمة وانا كنجمع ريال بريال.. حتى وصل اخر الشهر.. وجمعت 700 درهم.. هزيتها ومشيت نشد التور مع اللي كيتخلصو .. باش نخلص الشركة.. الضحك على الزهر.. دخلت شاف فيا المحاسب.. 
اكرام: لاباس عليك اعمي 
المحاسب: الحمد لله ابنتي.. نتي لاباس
اكرام: الحمد لله.. هانا اعمي جبت هاد الفلوس.. مع الخلصة ديالي قول للسي ايهاب ينقصها من الخلصة.. 
المحاسب: ولكن.. 
اكرام: عفاك اعمي.. بغيت نكمل القرض دغيا
المحاسب: السي ايهاب امرني نعطيك الخلصة ديالك.. ماشي غير هاد الشهر.. ديما.. وقالي باللي ساوى معاك القرض بطريقة اخرى
اكرام: 😳
صدمني.. واش عاودليه شي حاجة.. اكيد لا..مستحيل يفضح راسو.. خديت الفلوس من المحاسب ومشيت للبيرو ديال الشي ايهاب وطلبت من السكرتيرة تقوليه باللي بغيت نشوفو.. هزاتني من الفوق للتحت وقالت
السكرتيرة: فاش بغيتيه
اكرام: فشي حاجة خاصة 
السكرتيرة: الى عندك شي مشكل .. قوليه للمسؤول المباشر ديالك.. وهو غايخبرنا
اكرام: راني قلتليك شي حاجة خاصة .. معندهاش علاقة بالخدمة.. 
السكرتيرة: السي ايهاب مكاينش.. 
عصباتني جيت نمشي وانا نشوفو خارج من البيرو.. هادي هي مكاينش ... اوف شحال فيهم دالكدوب.. مفهمتش اشنو كيستافدو اللي بحالها من هاد التكبر.. باز.. شاف فيها ايهاب وتفاجأ 
اكرام: ممكن نهضر معاك
ايهاب: اجي.. 
دخلت للبيرو ديالو وقلت..
اكرام: كان بينا اتفاق انه المليون سنتيم اللول خلصتو بداكشي اللي وقع بينا.. وان ثلاثة دالمليون الباقية نخلصها من خدمتي.. نقدر نعرف على عطاهملي المحاسب اليوما.. وشنو قلتيلو بالضبط.. 
ايهاب: ياك سبقلي وقلتلك انه ريالاتك مكيهمونيش.. ومكينفعونيش.. 
اكرام: اذا عطيني دوك الاوراق ديال الديون اللي عندك الى هضرتك صحيحة.. 
ايهاب: هادوك عندهم قيمة.. ميمكنش نفرط فيهم
اكرام: اش كتقصد.. يعني نتا ممكن تبتزني بيهم مرة اخرى.. 
ايهاب: علاش لا.. خصوصا انك.. عجيتيني بزاف.. 
ايهاب: اكيد نتا كتضحك معايا.. واش مبقيتش فيك.. واش مكفاكش داكشي اللي داز عليا.. 😭واش عزيز عليك تشوفني كنتعدب..
ايهاب: تماما.. انا كنحماق عليك مللي كنشوفك معدبة.. اه قبل مننسى.. ياريت يضربك خوك قبل متجي عندي.. كيتكوني حلوة بزاف ونتي مضروبة.. 
اكرام: نتا ماشي طبيعي 😭 نتا واحد مريض.. 
ايهاب: سيري بحالك دابا.. وديك الخلصة تهلاي بيها فراسك.. ومعنديش مانع نزيدك... ولكن الى درتي شي تصرف غبي ولا مبغيتيش تمتثلي لاوامري وديري داكشي اللي كنقولك عليه.. غادي ندير داكشي اللي على بالك.. (بصوت خافت) الحبس .. 
اكرام: انا غانقتل راسي حسن ليا ونتهنا من هاد العذاب😭
ايهاب: الى قتلتي راسك متخافيش.. غادي نحبس بهاد الاوراق عائلتك.. ونشردهم.. ونفضحك.. اه نسيت حاجة مهمة.. عقلتي على داك النهار اللي 😬.. داكشي كله صورتو.. وعندي فسيدي.. شنو رأيك نشرو ونديرلو عنوان.. الفتاة المتوحشة والسادي.. عجبك.. 😌
اكرام: 😭😭😭حرام عليك.. شنو درتلك حتى كدير معايا هادشي كله.. 
ايهاب: انا احبيبة مبغيتش ندير معاك حتى عيب.. بامكانك تلبي رغباتي فسكات وحتى واحد ميعيق بيك .. وتيقي بيا غاتعيشي princise.. وايلا بقات فالضرب .. عادي نتي موالفة.. ولا لا؟ 
اكرام: 😭😭
14
خوكرجت من عندو مصدومة.. علاش يا ربي علاش.. كلما بغيت نوقف على رجلي من جديد نتضرب بقوة اكتر من الاول.. محملتش راسي.. انا وليت لعبة فيدو ومصورني من الفوق.. انا اللي عشت حياتي كلها حتى واحد ميقدر يرفع فيا عينيه.. انا اللي كان كلشي كيحلف بأخلاقي.. الى تفضحت كلشي غايشمت فيا .. كلشي غايبغيها فيا.. مشيت للدار وانا مقادراش نوقف على راجلي.. بقبت ساهية ودموعي فعينيا..شافتني ختي وبلا منهضرو بجوج انفجرنا بالبكا.. لغة العيون هي اللي هضرات.. كل وحدة فينا هازة فقلبها جبال من الهموم.. بقيت كنشوف .. واش هادشي علاياش كبرنا.. علاش حنا كان عندنا امل للحياة كبير.. وفجأة اتضربنا وبشدة.. كان املنا كبير وحلمنا صغير.. خصوصا انا،. علاش درت هاكا.. علاش تعاكست معايا الحياة حتى لهاد الدرجة.. سمعت خويا جاي ودخل لعندنا بلا ميهضر.. كان باين فيه السكر.. تقكرت هضرة الذئب ايها مللي قال باللي كيعجبو يشوف جسمي مضروب من عند خويا.. نضت دغيا للصاك جبت 200 درهم وعطيتها ليه باش يسكت.. وفعلا سكتاتو.. وخرج .. بقيت فالبيت نعاسي طار.. فكرت فالهروب.. ولكن باش غايفيدني مادام كلشي خسرتو ومادام الذئب مصورني..
شيماء: ختي.. سايسيه.. 
اكرام: باش عرفتيني كنفكر فيه.. 😓
شيماء: انا كنعرفك مزيان.. عفاك اختي.. سايسيه .. مبقاش عندك باش تواجهيه.. من الاحسن سايريه على شنو بغا.. واستغلي منو نتي اكتر ما قدرتي.. هادا اقل تعويض على شنو خدا منك.. 
اكرام: تعويض!! انا باينة فيا غانموت ومغاديش نشوف نهار بيض فهاد الدنيا.. 😖
عندها الحق.. اش غانستافد الى شديت معاه.. هو شادني من يدي اللي كتحرقني.. منقدر ندير معاه والو.. ياك خدا كلشي.. اش باقيلي مازال نخاف عليه... صافي كلشي خسرتو.. حتى كرامتي خسرتها.. 
هاد المرة فكرت بعقلانية شوية.. ومشيت لابوسط وحطيت فلوسي.. مابقات تقة فعتيقة.. رجعت لخدمتي.. وبقيت كالعادة شادة تيقاري.. دازت ايام.. بقيت خدامة حتى خرجت راحد النهار نمشي نتغدا.. فالطريق بانتلي الطوموبيل ديال ايهاب.. دازت من حدايا وهبط الزاج ونزل راسو عندي.. كان لابس نظاظر دالشمس.. 
ايهاب: تبعيني للدار المعلومة.. دابا.. 
اكرام: والخدمة؟!! 
ايهاب: انا مول الخدمة.. وكنقولك سيري.. انا غانتصرف.. 
مشا وبقيت قلبي مقبوط.. طلعت راسي نشوف واش شي حد كيشوفني.. لقيت كلها ملهي فراسو.. حنيت راسي ومشيت للطريق اللي كنت حافظاها مزيان..واللي مستحيل تتنسى ليا.. طلعت وانا رجلي كيرجعوني اللور.. جيت ندق .. الباب تفتحات.. 
ايهاب: دخلي.. 
دخلت وسديت الباب مورايا .. جسمي كله كان كيترعش.. 
ايهاب: ياك عطيتك السوارت المرة الفايتة علاش مخديتيهمش معاك
اكرام: نسيتهم.. 
ايهاب: السوارت من هنا الفوق يبقاو معاك.. اجي مورايا.. 
اكرام: نتافقو هو اللول.. 
ايهاب: كنسمعك.. 
اكرام: ثمن هاد المرة 10000 اخرى.. 
ايهاب: واخا غالية ولكن .. واخا 
اكرام: شكون اللي ضمنلي بلا مغتصورنيش هاد المرة عاود
ايهاب: قلبي ايلا لقيتي شي كاميرا هرسيها..
اكرام: كنهضر نيشان..اكيد مغانحطش الكاميرا قبالتي 
ايهاب: سمعيني مزيان.. حتى انا نخاف على صورتي فالمجتمع.. اكيد مغانوسخهاش بيدي.. كنواعدك.. مكاين تصوير ولا غدر مني شخصيا.. حتى وتحد مغايعرف شي حاجة.. 
اكرام: رد بالك مبقا عندي منخسر.. 
ايهاب: الى مشيتي مورايا ...غاتربحي بزاف كنواعدك.. اه قبل مننسى.. هاكي هاد الفلوس.. حطيهم فصاكك.. 
اكرام: اشنو هادشي.. 
ايهاب: حقك.. ديال المرة الفايتة.. وديال هاد المرة.. برعيلي راسك.. 
اكرام: كيفاش . ياك خديتي مقابل.. 
ايهاب: هادي اكرامية مني ليك.. معندهاش علاقة بالقرض
اكرام: سترنا يا الله 
15
بقيت مترددة قبل مندخل معاه مرة اخرى.. خصوصا وان هاد الغرفة عندي معاها ذكرى خايبة بزاف.. تفكرت هضرتو.. مني قال باللي الى درتي عقلك غاتربحي بزاف والى تعوجتي معايا غانزيد نخسرك.. انا خسرت كلشي.. باراكة من الخسارة.. من هنا الفوق خاصني نعوض كل ما خسرتو.. دخلت معاه وسايرتو فداكشي اللي بغا.. حتى ممارستو للجنس منحرفة بزاف.. كيبغي يشوفني مذلولة وكنتألم.. كنت كنحس بيه كيزيد ينتشي..كلما غوتت من تعذيبو ليا .. ربطلي يديها بجوج .. وبدا يضربني.. اي نوع من الناس هذا.. كنت كنسمع بيهم بزاف ولكن عمري عرفتهم عن قرب ولا شفت هادشي قدامي.. والاغرب انه عارف راسو سادي.. علاش معالجش راسو.. ولا عاجبو يكون هاكا .. مكمل حتى تعدبت بزاف وبديت نحس بألم فكل انحاء جسمي.. معرفتش كيفاش حتى صبرت ليه.. شنو درت ذنوب باش نتعذب هاكا.. ذنبي الوحيد هو حبي.. هو اللي وصلني لهادشي.. يوم عن يوم كنكره شي حاجة سميتها حب.. وشي حاجة سميتها احلام حلمتها فيوم من الايام.. نضت وانا مقادراش نطلق ضلوعي.. جيت نلبس حوايجي وهو يشدني.. 
ايهاب: مغادخليش دوشي؟؟ 
اكرام: حتى نمشي للدار 
ايهاب: هادي دارك.. 
اكرام: هادي دار المتعة .. ماشي داري.. 
نضت ولبست حوايجي وجيت نخرج سمعتو 
ايهاب: الى حسيتي راسك عيانة بلا مترجعي للخدمة.. سيري ترتاحي.. 
اكرام: راحة !!😓.. الراحة نسيت معناها شحال هادي.. عطيني الورقة.. 
ايهاب: هاكي.. 
خديتها وخرجت من الدار .. نزلت دمعة خفيفة من عيني ومسحتها دغيا.. ممنوع الدموع.. هاد الدموع اللي مخبيين موراهم بركان.. غايحرقني ويحرق اللي قدامي...
مشيت للدار .. حيت مشا الحال على رجوعي للخدمة.. لقيت السي علال تما.. مفهمتش هاد الراجل كيقيل يأمر ويتشرط.. وهو مكيدير حتى حاجة.. هه قالك هازنا على عاتقه.. من نهار دخل لهاد الدار ووجهه نحس.. كياكل منا.. حتى حقنا انا وختي فالورث دالواليد كلاه لينا.. ومازال كياكل.. انا فاهمة ..باغي يخرجنا من هاد الدار باش يبيعها.. وياكل اللي باقي من فلوس ماما.. ديك الساعة ها وجهي الى بقا معاها مازال.. غايمشي يقلب على شي وحدة اخرى بحالها.. ياكل رزقها.. كلهم بحال بحال.. بحالو بحال جلال.. حتى هو كلا رزقي.. ولاحني للاشواك والذياب.. 
علال: على السلامة .. 
خرجت من صاكي 500 درهم وحطيتهالو على الطبلة.. بانولي عينيه تفتحو على وسعو.. 
اكرام: هادو فلوس الما والضو.. 
علال: هاكا نبغي بنتي.. 
خليتو ودخلت لبيتي.. شفت فالمرايا وحيدت الكسوة .. بانليا ظهري احمر.. دابا يزراق.. هاد الحيوان .. معدرو يديرلي هاكا.. انا وليت لعبة فيديه.. وكيخلصني على هادشي.. مكرهتش نكمل داك الدين دغيا.. جوج المرات وصاف اللي بقاو.. غير جوج المرات.. وبعدها نقدر نتخلص من هاد بنادم.. غانخرج من الخدمة ونمشي نقلب على شي خدمة اخرى.. نخدمها بالحلال.. ونتعلم من اخطائي.. ومنتيقش فبنادم
جلست وهزيت صاكي خديت منو الفلوس.. حسبتهم.. ياللمهزلة .، اكثر بكثير من الخلصة ديالي.. اكيد ان ايهاب مستعد يخلص اكثر على قبل شذوذه.. نضت ندوش.. مع انه جسمي مكانش كيتحمل.. دوشت ودخلت فالمانطة.. داني النعاس ديك الساعة.. وحلمت راسي فظلام حالك.. وخايفة بزاف..فجأة بانلي مرا..لابسة البيض و كتطيح ومقدارش تتنفس.. حليت عيني.. لقيت ختي جالسة كتحفظ.. 
اكرام: فوقاش جيتي..
شيماء: قبيلة.. لقيتك ناعسة ومبغيتش نفيقك.. 
اكرام: شحال فالساعة..
شيماء: 8 
اكرام: اووف من 3 العشية وانا ناعسة 
شيماء: مخدمتيش؟ 
اكرام: لا.. الشاف داني نخدم فدار المتعة.. وعطاني روبو.. 
شيماء: ولد الحرام.. 
اكرام: نوضي لبسي حوايجك نخرجو.. 
شيماء: دابا؟ فين نمشيو 
اكرام: ناكلو فشي مطعم زوين.. ونشريو حوايج جداد
شيماء: واخا 😃
16
خرجت مع ختي ومشينا لرييطورون قريب .. جلسنا بحال الناس وخدينا ل menu وختارينا اللي حبينا براحة تامة..شيماء متيقاتش.. اول مرة نخسرو الفلوس هاكا.. كنا ديما نجمعوهم.. عندي ثمن لحمي.. غايكفيني وزيادة.. كلينا حتى شبعنا وخلصت ومشينا.. ضرنا على الحوانت.. شريت حوايج جداد وصباط وشريت حتى لختي.. فرحات بزاف بهادشي.. شرينا اللي حتاجيناه وشرينا صباط لداك السكايري اللي غايكون كيستنانا باش ينكد علينا ورجعنا للدار وفعلا.. لقيناه كيستنى.. قبل ميهضر جبدت الصباط من داك النوع اللي كيعجبو.. شافهم وسكت خداهم ومشا بلا شكر.. الفلوس شحال كتبدل النفوس.. اكبر مشاكلي فالحياة كان سبابها الفلوس.. معرفتش واش نبغيها ولا نكرهها.. بقينا كنشوفو الحوايج انا وختي .. واللي لاحظت انها فرحت بزاف.. باش نفعوني المبادئ.. انا فدارنا كنت كناكل العصا وفابور.. دابا على الاقل كناكل العصا بالفلوس.. اول مرة كنحس بقلبي متزيرش وانا كنصرف الفلوس.. ماشي مشكل.. اللي جاي احلى.. داز داك النهار وانا مهدنة نوعا ما .. ماشي بحال قبل .. الغد ليه مشيت الخدمة.. شاف فيا مسيو احمد مقالي والو.. العجب.. مايكون غا السي ايهاب.. وصاه.. 😏.. بقيت خدامة وكالعادة مهضرت مع حد.. التيقار زوين..داز سيمانة وايهاب مبانش قدامي.. معندي ما ندير .. واحد النهار كنت خدامة حتى سمعت التلفون كيصوني.. نمرة بريفي.. مقدرتش نجاوب.. ميكت.. اكيد مايكون غا داك ايهاب.. جاتو الحالة يجلدني عاود.. الله يلكيها ليه.. دعيتو لله.. جيت نخرج .. وانا غادية فالطريق وحانية الراس .. سمعت التلفون كيصوني عاود ونفس النمرة..جاوبت هاد المرة
-الو!! 
- اكرام.. لاباس؟ 
- شكون معايا.. 
- دغيا نسيتي صوتي.. انا جلال . 
- 😳 
الوقت توقف فهاد اللحظة ومبقاش كيتحرك.. اش غانقول.. اش جا يقول.. جا يطمئن واش كسرني ولا باقي.. واش نجح فتدميري ولا لا.. جا يشوف واش البنت اللي تعلقات بيه .. خلصات راسها من ديك المصيبة اللي وحلها فيها ولا لا.. علاش كيسول .. كلها اسئلة جات فبالي قبل منستجمع قوتي ونهضر 
اكرام: شنو بغيتي 
جلال: اكرام انا توحشتك بزاف.. ومكننعسش الليل بالتفكير فيك.. انا.. اناكنبغيك .. كان يصحابلي باللي غانقدر نبعد عليك.. ولكن مقدرتش.. كنفكر فيك ديما.. 
اكرام: شنو المطلوب مني دابا 😤
جلال: تستنايني .. غانجمع شوية الفلوس ونجي المغرب نتزوجو.. انا مبغيتش نبقا هنا.. بلاصتي حداك.. بغيت نعيش معاك الى الابد.. 
اكرام: انا باغا منك حاجة وحدة.. 
جلال: آمري .. 
اكرام: تنسا باللي عرفتي شي نهار وحدة سميتها اكرام.. وتقيلني عليك.. باراكة غير داكشي اللي وقعلي بسبابك.. ومتعاودش تصوني فهاد النمرة 
جلال: اكرام انا غانعوضك وند.. طيت طيت طيت 
سديت تلفوني.. ومشيت.. وانا كنفكر فكلما داز عليا.. ماشي ساهلة .. الانسان الوحيد اللي بغيتيه فحياتك.. هو او من يدوس عليك برجليه ويسببليك خيبة ما بعدها خيبة.. 
احترت الغضب والكره.. وانا أراك تلعب على اعصابي .. انا التي احببتك قبل نفسي.. فضفتك بين اجمل امنياتي.. فما جنيت من حبي لك.. غير توهاني وضياع عمري.. فجئتك امشي على جروحي.. على جروحي والام روحي.. جئتك أقدم كل قرابيني .. كل حبي واحلامي.. فدست على مشاعري.. ودست على براءتي وكبريائي.. ترى؟ هل هذا هو جزائي؟ ..جزاء صبري ومعاناتي!! .. فذرفت دمعتا على خيبتي.. وغادرت مصحوبة بندمي .. 
17
مفهمتش بإينا وجه جاي يهضر كأنه كدار حتى حاجة.. مبقاتش فأنه تخلى عليا وصاف وانما فالعذاب اللي مازال كنشوفو بسبابو هو.. دمرلي حياتي وخلى اللي معندهم ضمير يلعبو بيا.. لو بقيتي اخر راجل فالدنيا .. مستحيل نرجع ليك..😭 .. لوكان عرفتي اجلال فين وصلني طمعك.. وصلني لطريق ما منها رجوع.. 
شفت فالتلفون لقيتو مازال كيصوني ويعاود.. طفيت التلفون وكملت طريقي.. وصلت للدار لقيت ختي كتسناني.. كلينا ولكن بقيت ساهية 
شيماء: ختي.. مالك.. 
اكرام: جلال.. صونالي ليوما..
شيماء: مازال عندو الوجه اللي يخليه يصوني 
اكرام: تخيلي.. 
شيماء: مكيحشمش.. وشنو قالك 
اكرام: قالك بغاني نستناه،. حتى يجمع الفلوس ويجي نتزوجو
شيماء: باش جاوبتيه
اكرام: قطعت عليه.. 
شيماء : الله يقطعلو اللسان.. مازال زايد فيهم.. 
اكرام: عرفتي اشيماء.. نصحك نصيحة وحدة.. عمرك تيقي فراجل.. 
شيماء: صبيعاتك ماشي بحال بحال.. 
اكرام: الرجال عمرهم يكونو بحال صبيعات اليد.. علاش مازال كتدافعي عليهم... مشفتينيش اش داز عليا 
شيماء: عندك الحق.. شحال بقالك عند داك الحيوانات 
اكرام: جوج دالمليون.. جوج دالمرات.. وغانرتاح.. 
شيماء: انشاء الله.. 
دوزت داك النهار وانا كنتناكر مع عقلي.. كنحاول ننسى كلما متعلق بجلال.. حتى مكالمتو.. الا اني بدون شعور كنفكر فداكشي اللي وقعلي بسبابو.. وكيفاش كنت غبية بزاف نهار فكرت انه ممكن ينقذني من هاد المشاكل اللي عندي.. اللي عندها شي مشاكل تحمد عليهم الله ومتلوحش راسها.. ومتجزعش عليهم.. حيت ممكن القدر يكون مخبيلها مصائب اسوء من هاديك .. بسبب عدم حمدها الله.. الحمد لله.. 
دوزت داك الشهر بهدوء.. وجلال كيحاول كل مرة يصونيلي.. معياش.. تجاهلتو.. وصل نهار الخلاص شديت التور كالعادة.. وتفاجأت مللي وصلت بزيادة فالخلصة ديالي.. محاولتش نسول المحاسب باش منديرش البلبلة للعمال الاخرين.. فهمت ان الزيادة من مول الشي.. وعرفت انه عاجبو الحال من الخدمة اللي كندير فدار المتعة كتر من الخدمة دالمعمل.. حنيت راسي ومشيت.. كنخبع فلوسي فلابوسط باش ميشوفنيش خويا.. وياخدهم.. كنخبعهم لدواير الزمان.. مع انه اختلط منهم اللي خدامات بعرق جبيني مع الحرام.. للاسف الشديد...بقيت في هدوء... حتى لواحد النهار جا عندي احمد وتحنا بهدوء
احمد: مللي تديري بوز .. طلعي لعند السكرتيرة راه كتقلب عليك.. 
اكرام: واخا.. 
عرفت شكون باغيني بالضبط.. وبقات دقات قلبي كتزيد .. حتى وصل البوز.. طلعت الفوق.. 
السكرتيرة: دخلي .. السي ايهاب كيستناك
اكرام: 😏 واخا 
دخلت لعندو لقيتو كيستنى غير شافني ضحك .. مبقاتش نظرتو ليا شيطانية بحال قبل.. شنو باغي نتصاحبو؟ مستحيل نكون صديقة لشي واحد بحالو.. 
ايهاب: اكرام لاباس.. 
اكرام: الحمد لله.. قالولي باللي بغيتيني..
ايهاب: اولا .. معاجبنيش هاد الوساطة بيناتنا.. كلما بغيتك نصيفط قشلة ديال الناس عندك.. 
اكرام: وشنو المعمول.، 
ايهاب: انا شريتلك تلفون..٠باش نبقى نهضرو فيه الى بغيت شي حاجة 
اكرام: 😳.. وثانيا 
ايهاب: قوليلي بغدا واش عجبك؟ الى معجبكش نبدلوه.، 
اكرام: ولكن باينة فيه غالي.. 
ايهاب؛ منبغيش نسمع هاد الهضرة.. اي حاجة عندك فيها الخاطر قوليهالي. نجيبهالك ولو تحت الارض.. 
اكرام: وعلاش هادشي كله..
قرب عندي وبدا يدوز يدو على راسي
ايهاب: حيت انا.. كنكون فرحان ومرتاح معاك.. ماشي ديما كنكون سعيد هاكا فعلاقاتي.. وبغيت نشكرك.. 
اكرام: راك شكرتيني.. مللي جبتي ليا البوليس.. 
ايهاب: كنت مضطر.. نساي داكشي دابا.. انا مستعد نوفرليك اي حاجة بغيتيها.. بشرط .. تبقاي معايا.. ومغايخصك خير.. 
اكرام: نكون عشيقة ليك يعني..
ايهاب: تقدري تقولي هاكا.. وغاتربحي منها بزاف.. غاتهزك من الفقر اللي نتي فيه.. مستعد نعطيك.. 10000 درهم كل شهر .. شنو رأيك.. 
اكرام: 😒..اللي بيني وبينك دين فقط.. نهار غايتسالا الدين.. غاتتسالا العلاقة بيني وبينك.. 
خرجت وخليتو.. مزيان تبارك الله مازال باغيني نبقى معاه.. 
18
انا محاملاش النهار اللي شفت فيه كمارتو.. زايد فيهم باغي نبقا معاه ديما.. بنادم كيداير.. مشيت للدار وانا محاملاش راسي.. شفت فالتلفون اللي جابلي كان جديد وفلابواط ديالو.. ودايرليه حتى لاكارط.. بنادم مشحال مستعد يخلص الفلوس على الحرام.. 
شيماء: مالك 
اكرام: تخيلي .. قالك بغا يبقى معايا ديما.. 
شيماء: شنو قلتيلو 
اكرام: اكيد لا.. واش هادي محتاجة تفكير
شيماء: غلطتي اختي مللي قلتيلو لا.. 
اكرام: واش تسطيتي.. واش صحابلك عاجبني الحال معاه.. 
شيماء: مقصدتش داكشي .. ولكن هو دابا اكيد غايشد معاك الضد بعدما رفضتيه.. وغادي يرجع يبتزك من جديد.. قلتلك من قبل سايريه .. حتى تاخدي منو داكشي اللي بغيتي.. ديك الساعة غبري من حداه.. 
اكرام: فنظرك غادي يبتزني.. 
شيماء: هادي مفيهاش الشك.. 
اكرام: مصيبة.. وشنو خاصني ندير 
شيماء: سايريه.. خليه حتى يعاود يطلب .. وديك الساعة تصرفي عادي.. 
اكرام: اووف انا عييت
شيماء: الفرج قريب اختي..
اكرام: شوفي شنو جابلي.. تلفون 
شيماء: شفتي .. هادا باين طاح فيك بالعما.. ومستعد يدير اي حاجة طلبتيها.. 
اكرام؛ داكشي اللي قال.. 
شيماء : انا منك نبقا نطلب منو .. ونستغل مزيان.. هادا اقل مقابل.. 
اكرام: قالي 10000 درهم فالشهر.. 
شيماء: حلفي .. مسطية نتي.. انا بلاصتك نقبل ببساطة.. 
اكرام: اش هاد الهضرة .. علاش كتحسسيني باللي الشرف معندوش قيمة عندك
شيماء: الفلوس اختي فهاد الدنيا هما اكثر حاجة عندها قيمة.. واش فخبارك باللي ديك 10000 درهم ممكن تقدك وتديري بيها عملية تردك بنت.. 
اكرام: هادا التفكير ديال بنات الزنقة.. ومعاجبنيش كاع.. انا ضحيت براسي عليك نتي.. باش تقراي وتوعاي.. ماشي باش تعرفيلي هادشي.. الكذب والخداع مخاصش يكون عندهم بلاصة فقاموس حياتك.. كما معندهمش بلاصة فحياتي.. 
شيماء: اش درتي بيهم .. تقتي بيهم فإنسان خلاك ومشا يقلب على الفلوس.. 
اكرام: سكتي ..😠
شيماء: هادي هي الحقيقة اللي مبغيتيش تشوفيها بعينيك
اكرام: انا اللي غلطت حيت شكيت لبرهوشة بحالك.. سيري تحفظي حفاظتك.. واخر مرة نسمعك كتهضري فهاد المواضيع.. 
خفت بزاف على شيماء من هاد الطريقة ديال التفكير.. كيفاش قدرات انها تقبل بهادشي.. خايفة عليها من نفسها.. انا مغنتحملش نشوفها كتتعدب.. مغانتحملش..نضت وخرجت وبقيت كنتمشى.. باش نشم شوية الهوا.. لقيت التلفون الجديد كيصوني.. 
ايهاب: بون سواغ.. 
اكرام: اهلا.. 
ايهاب: فكرتي فداكشي اللي قلتلك.. 
اكرام: فكرت.. 
ايهاب: شنو قررتي.. 
اكرام: 😪 انا موافقة..
ايهاب: مزيان.. 
اكرام: ولكن عندي شروط
ايهاب: كنسمعك
اكرام: تعطيني دوك الوراق ديال الدين... 
ايهاب: نعطيهملك.. 
اكرام: مزيان.. اذا حنا متفاهمين دابا..
ايهاب:عندي ليك واحد الشرط حتى انا 
اكرام: شناهو،.
ايهاب: طبعا سبقلي وقلتلك اني غانعطيك كل شهر فلوس اللي تبرعي بيهم راسك.. بغيتك تخرجي من الخدمة.. 
اكرام: ولكن فالدار عارفيني خدامة... 
ايهاب: ماشي مشكل خرجي من الدار فوقت الخدمة .. سيري للدار دوزي فيها نهارك وبالليل رجعي لداركم كأنك خرجتي من الخدمة.. 
اكرام: ماولفتش الكدوب.. 
ايهاب: اصلا شكون غايسولك.. 
اكرام: عندك الحق.. شكون داها فيا انا.. 
ايهاب: فين راكي دابا.. 
اكرام: فالزنقة.. 
ايهاب: ندوز عندك نمشي نتعشاو.. 
اكرام: خاصني نرجع للدار مخاصنيش مشاكل مع خويا.. 
ايهاب: اذا غدا نتشاوفو فدارنا.. متعطليش عليا.. وبالنسبة للخدمة انا غانتكلف بصمت باش ميسيقوش الخبار داركم باللي خرجتي منها.. 
اكرام: اوك.. بالسلامة.. 
19
رجعت للدار لقيت ختي ناعسة.. تكيت حتى وانا وبقيت كنفكر.. نهرب مللي يعطيني دوك الوراق.. في كل الاحوال غانخرج من الخدمة.. المهم غانتصرف بهدوء.. كأني بالصح قبلت اني نكون معاه.. نعست وانا كنخمم فداكشي اللي غاندير غدا .. الصباح فقت لبست الحوايج الجديدة اللي شريت .. وصاوبت راسي وخرجت.. مشيت باتجاه دار المتعة.. اجمل شيء فالموضوع ان جلال مكيصونيش لهاد النمرة ديال ايهاب.. تهنيت منو.. كان فارعلي راسي.. جبدت السوارت وحليت الباب.. ودخلت .. ملقيتوش تما .. طبعا اش غايدير هنا الصباح بكري.. سديت مورايا الباب وبقيت كنضور فالدار حتى وصلت لبيت النعاس.. بانلي شي صيكان تما.. مشيت قلبتهم لقبت فيهم كساوي كل الانواع.. شوميز دو نوي.. شي بيض شي حمر.. وشي بيسات مكنتش نفكر فحياتي اني ممكن فيوم نلبسهم .. معريين وبذيئين .. متلبسهم غير بنت ليل.. تجاهلتهك بعدما طلعولي الدم بقيت جالسة وجا فبالي ان ايهاب ممكن يكون حاط الوراق هنا.. بقيت كنقلب من المجر والماريو،. حتى لقيت شي حوايج اللي كان غايوقفلي القلب بيهم.. سوط بحال هاداك اللي كيجلدو بيه.، وواحد اللعيبة كيديروها للكلاب فالعنق.. وحبال.. وموس.. ومينوط.. منين جاب هادشي.. واش وجدو ليا.. فشلو عليا الركابي وفكرت ديك الساعة نخوي البرطمة.. هادا الى بقيت معاه غادي يقتلني.. ردي بالك اكرام نتي خاصك تاخدي الوراق وتمشي.. بردي وتكالماي.. تكالماي.. تنفست بعمق .. وجلست كنستنى.. تعطل بزاف حتى داني النعاس على ديك الناموسية... حتى فيقني وهو كيفرنس.. 
اكرام: تعطلتي.. 
ايهاب: كنتي تشغلي راسك بشي حاجة.. تكونيكطاي ولا تفرجي فالتلفزة.. 
اكرام: واخا.. فين الاوراق اللي واعدتيني بيهم.. 
ايهاب: جبتهم.. هاهما.. 
شديتهم وانا فرحانة.. واخيرا غادي نتهنى من العداب..واخيرا .. كنت كنستنى غير الفرصة اللي غادي يسالي فيها هاد الحيوان شغلو باش نمشي بحالي وميعاودش يشوفني من بعدها.. تمادى بزاف هاد المرة ومينوطاني ودارلي ديك اللعبة فالعنق وبدا يجرني بيها.. حسيت عنقي غايتقلع ديك الساعة.. ومكفاهش غا هادشي وانما كمملي فمي ..وجبد موس وبدا يشرط ففخذي بيه.. حسيت بحريق وانا مقادرة نغوت.. كان كيشوفني كنتعدب وانا مقادراش نعتق راسي وهو زايد كيضحك وفرحان بحالتي.. كيف لا وهادي هي الطريقة اللي كتوصلو للذروة.. كمل وخلا فخدي كله دم.. بدا يفكني.. وانا كنترعد.. بحال الى حس باللي اخر مرة وبغاني نبقا عاقلة عليها.. شد واحد الفاصمة وبدا يمسحلي رجلي من الدم.. نضت دغيا وهو يشدني.. 
ايهاب: فين غادية.. 
اكرام: 😭 نمشي فحالي 
ايهاب: اتافقنا تبقاي هنا حتى يوصل وقت الخروج من الخدمة.. 
اكرام: انا عيانة.. 
ايهاب: اكرام جلسي الارض.. 😠اجي ندوشو مرا.. 😉
اكرام: لا انا عيانة .. غاننعس شوية وندوش من بعد.. دوش نتا..😭 
ايهاب: واخا كما حبيتي.. غانغطيك ورتاحي 😘 
كما العادة درت السبة بالنعاس.. كنحس جسمي كله كيحرق .. خصوصا فخدي.. اش وصلني انا لهاد المرض كله.. ولكن الصبر.. دابا تتهناي منه.. الحمد لله مللي خديت الوراق.. دخلت هو يدوش .. متعطلش بزاف حتى خرج .. كان ناشط وكيغني.. وانا كنتعدب وجسمي كيحرق.. درت راسي ناعسة وتكمشت.. هو لبس حوايجو وجا عندي دوزلي على راسي وباسو.. وخرج.. الوحش داير راسو رومانسي.. وفقلبو الحنان.. اللي بحالو عمرو يعرف الحنان.. ولا الرحمة.. وباينة فمعاملتو ليا .. متنفست حتى خرج.. نضت دغيا لبست حوايجي.. وجمعت الوراق فصاكي وخرجت .. واخيرا واخيرا.. غانسالي هاد العذاب 
20
مشيت كنجري للدار.. وخبعت الوراق مع خوتهم.. حيدت حوايجي وبانولي الجرحات ففخاضي.. حسيت بحريق فيهم كبير.. هازيت بيتادين ودرتو.. عسى يحيد مني الحريق.. طفيت التلفون اللي جابلي ايهاب .. ودخلت ندوش.. الله ياخد فيه الحق وليت كارهة جسمي بسبابه.. بقيت متكية وخايفة.. مترقبة المجهول... واشنو غايوقع مللي غايعرف ايهاب باللي مغانرجعش ليه مرة اخرى.. حليت تلفوني لقيت فيه عشرات الميساجات من جلال.. مقدرت حتى نقراهم حيت جابولي الملل غا من طولهم.. خطاب ماشي رسائل.. انا كنبغيك ومكنقدرش ننعس بالليل ونتي فعلتي ونتي درتي وانا واش عقلتي .. اوفف الملل.. انا بغيت نفهم هاجا وحدة واش هادا عبط ولا استعباط.. زعما واش جا حتى لهادشي اللي لاحني فيه وجاه الزهايمر.. ولا مفهمتش.. لقيت مكالمة من احمد.. خليهم الما والشطابة لديك الخدمة حتى لقاع البحر.. سديت التلفون حتى هو باش نرتاح .. وغمضت عيني ونعست لاول مرة.. فقت الصباح حتى 10 ماصدعني حد.. نضت لقيت ابو العريف جالس .. 
علال: صبحنا لله.. مامشيتيش تخدمي 
اكرام: وا قول غا صباح الخير.. خرجت من الخدمة .. تهنيتي 
علال: اش هاد الهضرة واش تسطيتي.. وشكون غايخدم عليك 
اكرام: غانبقى بالجوع اسيدي.. تهنيتي.. اوف النكد الصباحة لله.. 
دخلت الكوزينة فطرت وخرجت.. مشيت لبيتي وبقيت تما .. شوية بدلت حوايجي ومشيت حليت كونط .. حطيت فيها الفلوس.. غانخبعهم لدواير الزمان.. رجعت للدار وبقيت فيها.. حتى جات ختي.. بقيت كنسولها على القراية وبقات كتجاوبني ببرود.. 
اكرام: مالك معايا
شيماء: نتي اللي بغيتي منذخلكش فسوقك 
اكرام: انا تهنيت من المشكل.. 
شيماء: بالصح 
اكرام: اه واخيرا .. خديت من عندو الوراق ديال الديون.. سالينا صافي.. 
شيماء: الحمد لله.. 
بقيت انا وياها نهضرو وعاودتليها كلشي.. حتى شنو وقع ليوما ووريت ليها الجرحات.. بقات كتشوف.. قالتلي باللي شرط تماi .. اول حرف من اسمو.. تفو كرهت جسمي فعلا.. حيت لعب فيه كما بغا.. بقيت سيمانة فالدار .. حتى لواحد النهار سمعت امي كتعيط .. باللي شي وحدة كتعيطلي.. خرجت وانا قلبي تقبط مللي شفت السكرتيرة المشؤومة فالباب.. 
السكرتيرة: اكرام اجي معايا بغاك السي ايهاب.. 
اكرام: منمشي لاين 
السكرتيرة.. راه فراس الدرب كيستناك.. الى ماجيتيش غادي يضطر يجي هو .. حسن ليك 
اكرام: اووف حتى تخلصت منو ورجع عاود.. 

ملاحظة : لكل من واجهته مشكلة عبر التطبيق ولكل استفتراتكم وتعليقاتكم المرجوا التواصل معنا عبر الواتساب :
212651371981+
ولا تبخلو علينا بوضع خمسة نجمات للتطبيق عبر بلاي ستور لنطور التطبيق اكثر.
دار المتعة (الجزء الثاني) |قصص رومانسية بالدرجة المغربية

21
دار المتعة- الحلقة الواحدة والعشرون..
تأليف دودي العيساتي
خفت يجي يديرلي شي فضيحة هنا.. مفكرتش انه ممكن يجي حتى للدار.. مشيت لقيتو فالطوموبيل.. ركبت معاه وبعد من الدرب
ايهاب: علاش طافية التلفون..
اكرام: باش ميسمعوهش دارنا.. مبغيت مشاكل..
ايهاب: ولا مبغاش تهضري معايا.. هادا هو اتفاقنا ياك..
اكرام: ايهاب.. انا كنتعدب.. مرضتيتي.. ماشي حياة هاديك.. ديك المرة جرحتي رجلي.. الله اعلم المرة الجاية اش غادير..
ايهاب: ياك قلتلك غانعوضك..
اكرام: ونفسيتي شكون غايعوضها.. راني مرضت ومبقيتش كننعس.. جسمي تشوه كله بسبب شذوذك..
ايهاب: عليها اذا سديتي التلفون..
اكرام: ايهاب عفاك فرقني عليك.. انا عييت.. ومبقيتش قادرة..
ايهاب: ولكن انا مبغيتش..
اكرام: انا مبقيتش غانجي عندك..
ايهاب: غاتجي ..
اكرام: لأ ايهاب.. مغانجيش.. وعفاك نساني.. ونصيحة مني ليك .. قلب ليك على شي طبيب يداويك.. حيت هاداك مرض..
ايهاب: انا مامريضش..
اكرام: مريض..
ايهاب: اكرام.. غانستناك غدا..
اكرام: قلتلك مجاياش..
ايهاب: غاتندمي..
اكرام: مبقا بيناتنا حتى حاجة.. خديتي مني بزاف مقابل الدين.. صافي دابا سالا.. كل واحد فينا فطريق..
ايهاب: كنت عارفك غاديري هاكا... وغاتغدري..
اكرام: انا ماشي غدارة ولا كلبة تلعب بيها.. انا انسان فهم..
ايهاب: كنت ناوي نعيشك اميرة ونعطيك اللي بغيتي.. لوكنتي سمعتي مني.. ودرتي داكشي اللي بغيت.. ولكن نتي غدرتي.. دابا غانضطر نوريك الوجه الاخر ديالي..
اكرام: اش غادير.. غاتفضحني.. نتا غاتفضح راسك..
ايهاب: لا.. ولكن مازال بيدي ندخلك الحبس..
اكرام: اش كتقصد..
ايهاب: حيت نتي امية ومقارياش.. صحابليك راك تخلصتي من الدين.. ومعرفتيش باللي الوراق اللي عندك هي فقط اوراق فرعية.. والورقة الاصلية اللي كتدينك راها مازال عندي.. يعني اللي عندك نتي فزكيهم وشربي الما ديالهم..
اكرام: 😰 يعني .. كنتي كتتفلا عليا..
ايهاب: نتي اللي غدرتي اكرام ماشي انا.. كون قبلتي بشروطي كاع منوصلو لهادشي..
اكرام: 😭 شنو بغيتي مني
ايهاب: هاكداك..شدي قنت وباراكة من التفرعين اللي عاد كنتي مطلعة منو دابا .. انا ماشي غبي باش ديرها بيا وحدة بحالك.. متنسايش راسك.. ديري عقلك نهزك فوق راسي ونديرك تاج.. تستعملي كيد النسا؟.. نوريك اللي عمرك ماشتيه.. وتولي تبانلك علاقتنا جنة..
اكرام: عندي ليك رجاء.. 😭
ايهاب: 😠
اكرام: عفاك متعدبنيش راني عييت ..
ايهاب: انا عارف مزيان اش كندير.. ها حنا وصلنا لحومتك.. نزلي .. وغدا الصباح نلقاك فالدار.. هه دار المتعة 😉
نزلت من الطوموبيل وانا مهازانيش رجلي.. انا اللي كنت فرحانة اني ساليت العداب .. هو صدق ديب .. عارف مزيان اش كيدير.. ياربي فوقاش غايسالي هاد العداب.. عييت.. علاش تقلب عليا الحظ فجأة هاكا.. واش هادا عكس ولا زهر خايب.. ولا تابعة.. بديت كنشك فشي حاجة خارج الطبيعة هي اللي دايرة هاكا.. مشيت للدار وانا مكسورة.. وماحاملاش راسي.. حطيت يدي على خدي.. وغمضت عيني فوجه الاعصار..
ايام ورا ايام وانا كنمشي لدار المتعة... سمية في محلها.. حيت عمري شفت ديك الدار غير ذلك.. كنمشي وانا كنستنى جلادي يمل شي نهار.. هو ولا مل ولا كل.. زايد فيهم وعارف منين شادني.. كنرجع مهلوكة للدار بحال الى كنت فحرب.. كرهت راسي بالمعقول.. وكرهت الظروف اللي خلات واحد بحال ايهاب يدير فيا هادشي.. واحد النهار فقت الصباح لقيت فيا الدم.. فرحت حيت غنرتاح منو واحد السيمانة .. كان فيا الحريق على غير العادة والدم كيجري.. قلت فراسي ربما العيالات غير البنات العزبات.. بحكم اني وليت مرا.. يا لسخرية القدر.. اتصلت بايهاب وعلمتو.. معجبوش الحال طبعا.. خصوصا اني غانبعد سيمانة على قدها عليه.. شديت المانطة وجلست نرتاح من الهم ديالو ..
22
كرشي كانت كتحرق بزاف.. شربت مسكنات .. ومبغاش الحريق يمشي.. حسيت انه شي حاجة ماشي عادية كاينة.. باينة انه الاعراض ديال الحرام بانو.. اما شي مرض فالرحم او حمل.. الى كانت الاولى الحمد لله انه ربي بغا يكفر عليا سيئاتي فالدنيا.. قبل الاخرة.. اما الى كانت التانية فهاديك غاتكون مصيبة.. في كل الاحوال اول شخص فكرت فيه يحل ليا المشكل ويديني للطبيب هو ايهاب.. خديت تلفوني وصونيت ليه...
ايهاب: نعام..
اكرام: انا فيا نزيف.. خاص تديني للطبيب..
ايهاب: خرجي للدرب .. انا 10 دقايق نكون معاك .. نديك للطبيب ..
اكرام: واخا..
نضت بتثاقل وخرجت بلا ميحس بيا شي واحد.. وبقيت كنستناه.. حتى داز بالطوموبيل وهزني.. مشينا لنفس المصحة ديال ديك المرة.. انا واخا فيا الحريق ولكن كنت مركزة على كل التفاصيل.. دخلنا ومشا هضر معاهم وانا بقيت نستنى.. شوية لقيتو جاي هو وواحد الطبيبة ودخلوني لبيت .. قالتلي نعسي على واحد الباياص.. حدا الايكوغرافي.. غطاتني.. وعراتلي كرشي ودارت بوماد.. ديك الساعة بدات كتدوز بداك الجهاز.. شوية قالت..
الطبيبة: مللي عارفة راسك كاين عنف لاش كتحملي.. باغا تديري اجهاض وخلاص..
عنف!! اجهاض.. واش هاد السيدة عارفة شي حاجة..
اكرام: اجهاض؟؟ ولكن انا مدرت اجهاض..
الطبيبة: شنو كنتي كتسناي.. علاش مكنتيش كتشربي كنينة..
ايهاب: هي معندها ذنب.. انا اللي كان خاصني نعلمها.. هي معارفاش فداكشي..
الطبيبة: كل مرة كتجيبلي وحدة وتقولي هي معارفة والو.. راه هادي صحتهم.. شي نهار تموت شي وحدة بهادشي..
كل مرة.. يعني جاب قبل مني بزاف دالبنات.. انا كنت عارفة انه لللي بحال ايهاب ذئب وضحاياه كتار ..
الطبيبة: راها دارت اجهاض.. المرة الجاية بقا تفكر فالكنينة..
حسيت بغصة.. مبقاش فيا الحمل قد ما بقا قيا راسي اللي وليت لعبة فانسان احترف التعذيب.. درت الاجهاض ورغبت الطبيبة نمشي لدارنا.. منقدرش نبات حيت غايعيقو بيا.. كرهت ومليت.. اتصلت بختي تتلقاني.. وصلني ايهاب.. رجعت للدار ودخلت للبيت نيشان ونعست.. قلت لامي باللي فيا الدم.. وبقيت ناعسة وما ديتها فحد.. وليت لا ماكلة ولا نعاس.. شفت فالدوا اللي شرالي ايهاب.. وتفكرت هضرة الطبيبة.. اللي قالت باللي كل مرة يجيب وحدة.. انا من ضمن بزاف..بقا كل نهار كيصوني يسول فيا.. كنجاوب بزز.. هو كيسول غا فوقاش نولي لاباس.. باش نمشي لعندو.. كيكملها بتوحشتك.. مكرهتش نموت ونتهنى.. ونسالي هاد العداب..
بعد شهرين.. وليت لاباس ورجعت عاود لداك العداب..ولكن هاد المرة ركزت مع راسي وبديت نشرب الكنينة.. واحد النهار كنت راجعة من عندو.. وانا نتلاقا واخد السيدة كنعرفها كانت خدامة معايا..
المرا: لاباس اكرام.. فين غبورك.. مبقيتيش خدامة؟
اكرام: خدامة فمعمل اخور..
المرا: فخبارك جات واحد البنت ولات علينا باطرون.. قالك مرت مول الشركة.. الصراحة زويينة..
اكرام: مرتو!!!
جاني عجب .. هو مزوج واش باغي مني مازال..
المرا: قالك خطيبتو ومازال مادارو العرس.. بنت العز باينة فيها..
اكرام: غانخليك تعطلت.. بالسلامة..
ولد الحرام.. خاطب بنت العز.. وانا مخليني للمتعة.. الله يخليه بالخلا..
23
ديتها فراسي ورجعت للدار.. يا ربي يتزوج ويعطيني بشبر دالتيساع.. صونالي باش نمشي عندو وفعلا مشيت..
ايهاب: توحشتك
اكرام: مبروك
ايهاب: علاياش
اكرام: على الزواج..
ايهاب: خههه اومنبعد..
اكرام: غاتبني حياتك.. وانا ؟
ايهاب: نتي شنو
اكرام: حتى انا بغيت نبني حياتي .. مغانبقاش حياتي كلها عشيقة
ايهاب: شنو بغيتي ..
اكرام: بغيت نعيش حياتي..
ايهاب: انا مموافقش
اكرام: اش هاد البرود.. نتا تعيش حياتك عادي .. وانا نبقا محبوسة..
ايهاب: حسبي راسك دخلتي الحبس.. عادي.. ولكن حبس زوين.. وفيه الفلوس
اكرام: نتا كلشي عندك كيتقاس بالفلوس.. انا مكيهموني فلوس.. شبع بيهم..
ايهاب: عليها متعلق بيك..
اكرام: وزواجك..
ايهاب: سمعيني اكرام.. انا خاطب قبل ما نتعرف عليك.. غير بروتوكول.. ودايما العشيقة كتكون عزيزة كتر من الزوجة.. يعني نتي مقامك اكبر عندي..
اكرام: نتا كتحكم عليا بالاعدام..
ايهاب: اش دخلك لهاد الهضرة.. خلينا نتمتعو..
اكرام: 😒
هو مامسوقش اصلا لزواجو.. هو لقا الكلبة او الدمية اللي يخرج فيا عقدو.. بقيت معاه داك النهار وحتا هو مامشاش.. واستغليتها فرصة نسولو.. ونشوف اش خلاه يكون هاكا..
اكرام: ايهاب
ايهاب: مم
اكرام: عمرك فكرتي تمشي لطبيب؟
ايهاب: هه علاش كتسولي ..
اكرام: هادشي ماشي طبيعي .. لوكانو كاع اللي مزوجين هاكا كون كلشي طلق..
ايهاب: انا مشيت لطبيب .. ولكن انا فرحان حيت انا هاكا وعاجيني الحال.. ومبغيتش نتغير..
اكرام: والطبيب قالك هادشي طبيعي؟
ايهاب: بقا كيخرف.. ويقول باللي انا معقد من والديا.. وشي هضرة فارغة..
اكرام: والديك؟ واش بتك كان سادي
ايهاب: بالعكس.. امي تطلقات منو.. كنت مازال صغير مللي سمعتها كتقول عليه ماشي راجل.. خلينا من هاد الهضرة .. اش دخلك نتي فخصوصياتي..
اكرام: سمحلي.
دابا عاد فهمت منين جاه هاد العنف كله.. تعقد من والديه.. وجاه باللي العنف هو وسيلة اللي تخليه يبان راجل.. بفف معقد ومفرغ فيا انا عقدو..
دازت عام وانا فهاد العذاب.. العام الفايت بحال ليوما بالضبط.. تصدمت اول صدمة فحياتي.. مللي عرفت باللي جلال خدا فلوسي وغرقني فبير.. مازال كنغرق فيه لحد الان.. معرفتش كيفاش غانتفك منو... بعد ايام.. وفحياتي الروتينية.. خرجت نتسخر.. مللي رجعت لقبت حدا دارنا اخر انسان كنت نتحمل اني نشوفو .. هو بشحمو ولحمو.، رجع .. ولى نقي شوية الهوا ديال اوروبا خلاه يتنقى .. ولكن انا غانبقى حياتي كلها شايفاه قدامي جلاخة وزبل عمرو يولي نقي.. قربت منو ببطء.. هو شافني وحل فمو بالفرحة،، واشفرح ليا حيت غرقني.. وجا يطئن واش مت ولا باقي..
جلال: اكرام 😍
اكرام: اشنو بغيتي..
جلال: انا جبت حيت توحشتك.، ومقدرتش نصبر مازال على فراقك.، انا سمحت فكلشي.. على قبلك نتي ا اكرام.. جيت من جديد باش نعوضك عن كل العذاب اللي شفتيه فحياتك
اكرام: كل العداب!! نتا اخر واحد تهضر على العذاب،، سمعتي..
جلال: اكرام انا مغانخليك تحتاجي حتى حاجة.. تيقي بيا وسمحيلي..
اكرام: ساليتي؟
جلال: معمري نمل من الهضرة معاك
اكرام: بالسلامة.، سير رجع منين جيتي.. راني ديجا قلتلك انا مباغاكش.. سير فحالك..
24
عصبني هاد بنادم .. اش باغي مني واش مكفاهش داكشي اللي وقعلي بسبابو.. مرضني ... مستحيل نرجعلو واخا يبقا غا هو فالدنيا.. واش حتى غرقني عاد جا .. ساهلة عندو.. دخلت للدار وحطيت السخرة.. بشفت فالساعة لقيتها 7 .. فين مشات شيماء.. تعطلات بزاف.. بقيت معصبة وطالعلي الدم من داك بنادم اللي شفتو.. جلست نلعب فداك التلفون د ايهاب.. باش نشغل راسي.. حتى بنولي كتوبة شيماء.. قلت ارى نتسلى فيهم بحال ديما .. على ما تجي.. اما هي مللي تجي حسابها معايا على هاد التعطال.. بانتلي واحد الورقة وحليتها وانا نتصدم..
اختي الغالية اكرام.. اود ان اشكركي على كل ما فعلته من اجلي.. صدقا كنتي الوحيدة التي صبرت من اجلها في هذا المنزل اللعين.. فقد صبرتي على مصائب اكبر من عمرك.. وكنتي ضعيفة امامها .. ذلك لانك قنوعة.. ولم تطلبي الكثير.. اما انا.. فلا اريد ان يكون مصيري مثلك.. لن اقبل بذلك .. اود ان اقول لكي اني قررت الرحيل من هذا المنزل.. الى الابد.. لا تبحثي عني لانك لن تجيديني.. سوف ابدأ حياتي كما اود ان تكون .. ولن ارضى ان اكون مجرد انثى لا قيمة لها هنا.. اعتني بنفسك .. وتذكري اني احبكِ.. اختكِ شيماء..
اش هاد المصيبة .. علاش درتي هاكا اشيماء علاش.. علاش ضيعتي راسك.. كنا غادي نحلو مشاكلنا.. علاش تضيعي كلشي.. خديت التلفون دغيا وصونيت لايهاب
ايهاب: وي
اكرام: ايهاب عتقني .. ختي هربات من الدار..
ايهاب: اش غاندير ليها انا..
اكرام: كيفاش اش غادير.. خاصك تعاوني نلقاها
ايهاب: بففف.. صيفطيلي شي فوطو ديالها .. وغانشوف اش غاندير..
اكرام: واخا.. عفاك لقاهالي وانا غانبقى خدامة تحت رجليك ابعمر كله..
ايهاب: غانشوف .. وياربي متنسايش هاد الوعد..
اكرام: كنقسمليك بالله.. حتى نوفي بيه..
ايهاب: واخا..
قطعت معاه ونضت لعند ماما نقولهالها.. لقيتها جالسة مع الجحش وكتوكل فيه.. الله يوحلو ليه..
اكرام: ماما .. بغيت نهضر معاك بوحدنا..
امي: هضري هنا.. علال بحال باك..
اكرام: حشاك.. بغيت نقولك باللي شيماء طجات من الدار.. 😥
امي : الله يغبر ليها الشقف.. البرهوشة لوخرا .. لهلا يردها.. الله يتبعك ليها ونتهنى منكم بجوج..
اكرام: واش تني ام ولا جايبانا من الزنقة.. نتي معندك حتى ذرة ديال الامومة.. واش كتبيعينا على قبل هادا.. هادا غاياخد كاع داكشي اللي عندك ويلوحك.. هادو اللي كتهضري عليهم راهم بناتك.. واش مكتحشميش ..
امي: سمعيني ياهاد سليطة اللسان.. انا دفنت شبابي مع باكم..وصبرت وخدمت عليكم حتى كبرتكم..دابا متسالوني غا الصلاة ع النبي.. واللي بغات فيكم تخرج ها الباب ..
اكرام: انا ممتيقاش هادشي اللي كنسمع.. ولكن انا معامن كنهضر.. اللي بحالك كتشوف بناتها كيتمحنو ويتحكرو قدامها ومكيتحرك فيها والو.. ماشي غريب عليها هاد الموقف.
25
خرجت وبقيت كنسول الجيران.. واش شافو شيماء .. حتى واحد مشافها.. تقهرت حيت مشات.. هي اللي كانت باقيا ليا فهاد الدنيا.. كنت كنشكي عليها همي.. مكانش خاصني نقسى عليها.. كان ضروري نفهمها غا بالخاطر انه غانتجاوزو هاد المحنة.. انا السبب .. انا اللي خليتها كارهة العيشة .. بسبب الشكوى الدائمة ديالي.. علاش ياربي كيوقعلي هاكا.. واش مكتاب عليا نتمحن فحياتي.. دازو يوماين ورجليا طابو بالدوران والتقلاب.. مخليت حتى قنت.. حتى صحاباتها والمدرسة .. كلهم قلبت فيهم.. والو.. مشيت لعند ايهاب اللي تعصب محيت غبرت عليه
ايهاب: اش هاد اللعب ..
اكرام: ملقيتيش ليا ختي..
ايهاب: قلبت ومالقيتش.. درت مجهودي .. والو..
اكرام: 😭 انا اللي ضيعتها..
ايهاب: سمعيني مزيان.. هي حرة دير مبغات .. فهاد الدنيا كل واحد حر .. نسايها وعيشي اللحظة..
اكرام: اشمن حياة واشمن لحظة كتهضر عليها.. انا مبقات عندي حياة 😓
رجعت للدار وانا منكسرة .. ومعندي امل فأني نلقا ختي.. ضاع الامل .. وصلت للدار وانا نلقا جلال حدا الباب كيستنى
اكرام: افف.. اش بغيتي تاني..
جلال: نتي عارفة اش بغيت.. اكرام علاش ولى قلبك قاصح هاكا.. مبقيتش عارفك..
اكرام: البركة فيك.. نتا اللي قصحتيهلي قلبي
جلال: اكرام خلينا ننساو كلشي ونبداو من جديد
اكرام: هه ننسى!! شنو ننسى باللي علقت فيك املي وخيبتيه.. ولا اني جمعت معاك كل ريال باش نبني معاك حياتي وهدمتيها... ولا ننسى الدين ديال 4 المليون اللي خليتيه فرقبتي وبسميتي انا .. واللي كان ممكن يديني الحبس..
جلال: انا مستعد نخلصها ليك.. واش تسلفتيها من شي حد.. انا غانردهالو..
اكرام: تردهالو هه.. فات الفوت اجلال.. تعطلتي بزاف..
جلال: اكرام كنترجاك.. انا مستعد ندير اي حاجة باش ترجعيلي.. غانكون عبد ليك.. غير سمحيلي..
اكرام: قيلني عليك اجلال.. والله يسامحك على داكشي اللي درتي فيا..
جلال: علاش هاد القسوة.. قوليلي ياكما رجع عندك شي حبيب.. كاين شي راجل اخور فحياتك؟ جاوبيني..
اكرام: ونتا مالك.. ماشي من حقك تسول
جلال: جاوبيني .. بدلتيني ؟
اكرام: نتا اللي بدلتي راسك..
جلال: يعني كاين!! 😠
اكرام: قلتلك ماشي سوقك.. قيلني عليك .. ونساني كما نسيتك انا ..
جلال: يا تكوني ليا.. يا مغتكوتي لحتى واحد فحياتك كلها..
اكرام: هه وراه هادشي صحيح.. مغانكون لحتى واحد.. كرهتيني فشي حاجة سميتها ثقة وحب.. عرفتي اجلال.. واخا تكون اخر راجل فالدنيا.. مغاديش نرجع ليك .. فهمتي..
لم عدت تعاتبني الان.. لم اخترت تحديدا هذا الاوان.. اظننت ان قلبي لن يسع احدا سواك.. ام خلت هذا القلب لن يقبل بهوى غير هواك.. أعذرني يا سيدي، ولكنك أخطأت التقدير . وأغلقت كبرياؤك المزيفة كل مجال للتفكير.. ربما نسيت أو جعلت نفسك تتناسى.. ففي هذا الزمان ليس هناك من في الاخلاص يتفانى.. بيديك أخذت دفتر أحلامي ومزقته.. وجمعت ذكرياتي في كتاب ثم عنوة بعثرته.. لن أنسى ذلك الإعصار الذي حل بكياني.. وسرق مني كل ضحكة أردت اهداءها لزماني.. ولكن اعلم انني قد اعلنت الانتقام.. فليس لك مني من بين جديد الاحلام مكان.. فاذهب يا سيدي .. لقد عدت بعد فوات الاوان
دخلت للدار وخليتو.. مزيان تبارك الله .. داير زبلة قدها قداش وجاي كأن شيئا لم يكن.. باز الوجه القاصح.. مبقيت كنهضر مع حتى واحد فالدار.. كنسد عليا الباب.. حتى داك خويا اللي كان كيضربي .. وليت كنسكتو بزرقالاف .. ومكيدوزش من جيهتي.. الفلوس شحال دايرين قيمة لبنادم مع هاد القوم.. كنبروفيتي من ايهاب.. مبقاش كيعطيني بزاف.. ولكن على الاقل كتر من داكشي البي كنت كنتخلصو فالمصنع.. شيماء يا شيماء.. خليتي بلاصتك..دابا وليت نهضر مع الحيط 😞
26
دازت ايام روتينية.. جلال كل نهار منقزلي للدار.. ولى تقيل على القلب.. هادا هو اللي كنت غانحماق نهار مشا وخلاني.. للاسف بنادم مكيعرف قيمة الانسان حتى يتفارق عليه.. ولكن مللي كيرجع يقلب عليه مكيلقاهش.. هادشي اللي صرا لجلال معايا.. رجع حتى فاات الفوت.. مبقاش كيهمني ابدا.. انا دابا مبقات تهمني حتى حاجة من غير اني نتخلص من ايهاب..وليت كنتهلا فراسي وكنشري حوايج جداد كل مرة .. كنتهلا فراسي ..واحد النهار كالعادة مشيت دوزت نهاري فدار المتعة.. مللي جا يخرج ايهاب.. لقا جلال فالباب.. تصدمت واش كان تابعني.. اش بغا مني.. واش غايوقع..
ايهاب: شكون نتا..
جلال: انا خطيبها..
ايهاب: ااه نتا هو اللي خدا القرض من الشركة.. بغيت نشكرك بزاف ..
جلال: انا غانرونكم.. هادا باش بدلتيني.. لاباس عليه وكيعطيك الفلوس .. هادا هو باش بدلتيني.. وراكي معاه فالدار بوحدكم يالشريفة العفيفة..
ايهاب: غاتمشي بحالك دابا.. ولا ندير فيك شرع يدي..
جلال: لا غير دير.. انا غانقتلكم بجوج..انا ضيعت حياتي .. باش نرجع ليك اكرام..فالاخر نتي بعتي راسك لهادا.. هادي هي النية والحب..
ايهاب: خرج برا..
خرجو برا وسد الباب.. وانا تبكمت .. معرفتش اش غانقول.. واش نقوليه باللي نتا السبب.. طمعك هو اللي وصلني لهادشي.. لا .. مغنشرحبو حتا حاجة.. حيت هو مبقات ليه بلاصة فحياتي.. ومغانديرليه حتى قيمة..
تأكدت ان جلال مكاينش ومشيت للدار.. تما لقيت امي كتتسنى..
امي: يا بنت الحرام.. واش باغا تخرجي عليا..
اكرام: شنو كاين..
امي: اش ةديري فالديور مع الرجال.. خرجتي الطريق.. هادي هي تربيتي ليك..
اكرام: باش عرفتي
امي: غاتخرجي من داري.. يا بنت الحرام.. نتي معادش ليك بلاصة فهاد الدار.. الله يتبعليك البلا.. جلال جا دار لينا فضيحة .. وخوك خدا جنوي وحالف يقتلك ليوما.. ويقتل داك المدير ديالك..
اكرام: خويا 😰ً
دخلت دغيا لبيتي .. جمعت حوايجي.. خاصني ضروري نمشي لعند ايهاب .. هو اللي غايحميني من خويا.. اكيد غادي يلقالي بلاصة نتخبا فيها.. هادشي اللي كنت خايفة منو.. دابا وقع.. خرجت دغيا وماشفتش مورايا.. سمعت غا امي متبعالي الدعاوي.. شديت طاكسي .، وصونيت لايهاب..
ايهاب: شنو
اكرام: عائلتي ساقو لخبار.. وخويا حالف يقتلنا بجوج..
ايهاب: شنوو؟؟ انا .. انا مخاصني مشاكل.. حللي مشاكلك مع خوك.. انا متدخلونيش بيناتكم
اكرام: كيفاااش.. هادشي اللي قدرك عليه الله.. ماشي نتا اللي طيحتينا فهاد المشاكل..!
ايهاب: سمعيني مزيان.. تخباي فشي بلاصة هاد الايام ولا شدي شي غرفة فشي اوطيل.. حتى يهدا الحال.. ومن الافضل منتلاقاوش .. الى جا خوك لدار عائلتي ولا للمصنع يشوهني غاتكون مصيبة..
اكرام: هادشي ماشي غريب عليك.. عرفتي ايهاب.. انا خسرت كلشي.. ومعندي منخسر اخور.. عمرك تشوف هاد الوجه مرة اخرى.. كنواعدك..
قطعت وخليتو.. حتى وصلنا للمعقول خلا بيا .. وحتى جلال .. مكنتش عارفة انه برهوش حتى لهاد الدرجة..وانه مسموم وقلبه كله حقد.. فين غانمشي دابا.. اه قررت نمشي بحالي .. الى الابد من هاد المدينة.. ماجا فبالي الى طريق المحطة.. وصلت ليها وبقيت كنشوف .. الكيران مستفين الى جميع المدن.. مكانش مهم عندي فين بالضبط.. الكار اللي جا قدامي ركبت فيه ..وجلست وبدات رحلتي الى المجهول.. رحلة معارفاش اش كيستناني فيها
27
لالة فيقي الالة.. راه وصلنا..
فقت بعدما كنت مربعة يديا ومكمشة ومسندة راسي للزاج ديال الكار.. فقت على الكريسون كيفيقني.. شفت لقيت الكار خاوي مافيه حتى شي واحد.. معرفتش كيفاش حتى نعست.. نضت نخرج وانا معارفاش فين وصلنا بالضبط.. كان ظلام الحال.. بقبت كنتمشى فالمحطة جاني البرد.. شي كيبيع الديطاي شي كيقطع الوراق.. شي كيبيع كلينيكس.. شي كيسعى .. شي كيجري يلحق على الكار..شي حمق.. شي ناعس فالارض.. بزاف دالمشاهد هما،. تمشيت وانا حاضنة صاكي.. خرجت من المحطة بانلي كيشي قريب.. تفكرت انه خاصني نتيري الفلوس.. مشيت تيريتهم.. ورجعت للمحطة.. جلست فواحد الكرسي وتخشيت فراسي.. كل واحد دايها فراسو .. انا غريبة على هاد المدينة وعمري خرجت من مدينتي.. معرفتش اش كيستناني واش غانتقتل هنا ولا غانولي بحالهم كنسعى..جلست شي ساعتين والليل كيزيد يبرد فيه الجو.. جبدت شال من صاكي درتو على ظهري وبقيت كنتأمل.. انا سمحت فدارنا وفإيهاب.. كان خاصني ندير هادشي شحال هادي.. ولكن خاطري كان كيقول لا.. على قبل عائلتي .. وعلى قبل شيماء.. واش دابا غايحبسني ايهاب حيت مغنرجعش ليه.. خليه يحبس.. مكيهمش.. دابا خسرت كلشي.. بردت حيت حطيت من على ظهري جبل.. اللي هو الخوف من الفظيحة.. دابا صافي تفضحت واللي وقع وقع.. لاول مرة فحياتي كنضرب الدنيا بركلة.. ومكتهمني حتى حاجة.. تنفست بهدوء .. وجلست..كان الظلام بزاف والناس مبقاوش.. كتبانلي مرا كتنوض من بلاصتها .. معرفتش علاش طولت النظر فيها.. شوية فقدات التوازن ديالها.. وبقات كتشد راسها باش مطيحش ولكن توازنها قل وبدات كتحاول تشد فأي حاجة قدامة وطاحت فالارض.. قلبي ضرني عليها ومقدرش نخليها هكاك .. نضت بسرعة لعندها وشديتها ..
اكرام: لالة مالك.. واش نتي لاباس.. لالة..
مكانتش قادرة تهضر.. قلبي مهنانيش.. كيفاش مرا كبيرة هاكا يخليوها ولادها بوحدها هاكا.. انا كنت حدا مي باغا غير رضاها.. وهي كانت كتقمعني وتبعدني عليها.. جريت جبدت قرعة الما كانت عندي وبديت نرش عليها وكنحاول نشربها.. مكانتش كتقدر تحل عينيها.. وحتى الهضرة مكانتش كتقدر عليها .. حليت تلفوني وبديت نصوني للاسعاف.. مكانوش كيجاوبو occupe.. فكرت نصوتي ل 19 جاوبوني.. قلت ليهم باللي لقيت واحد المرة فالمحطة مغيبة وباللي كنتاصل بالاسعاف والو.. قالولي غايصيفطوها حالا.. بقيت كنستنى شوية حتى وقف عليا البوليسي ديال المحطة
البوليسي: اش كاين الالة..
اكرام: هاد المرا سخفات هنا..
البوليسي: واش كتعرفيها
اكرام: لا ..
البوليسي: دابا توصل الاسعاف.. ونتي غاتجي معانا..
الله يا ربي واش اللي يقدم مساعدة فهاد الزمان.. غايوحل فمشاكل..
ما امتنعتش وبقيت مع المرا.. هزيت صاكي ودخلت معاها للامبيلونص ومعانا البوليسي.. وصلنا للسبيطار..دخلوها وبقيت كنستنى.. والصراحة مكنتش خايفة ابدا.. حرج عندنا الطبيب ..
الطبيب: واش نتي كتجيلها..
اكرام: لا غا لقيتها طايحة فالمحطة..
البوليسي: مالها ادكتور..
الطبيب: والو غا طايح ليها السكر وطالع شوية الطونسيو.. باينة فيها ماكلاتش النهار كله.. درنا ليها محلول كليكوز وغاتفيق دابا شوية.. لقينا هادي فيدها.. ورقة فيها ابني ورقم التلفون..
الطونسيو: مزيان غادي نتاصلو بيه..
اكرام: ممكن نشوفها..
الطبيب: تفضلي ..
دخلت عندها وشفت فيها.. كانت ناعسة شوية حلات عينيها..
المرا: شكون نتي ابنتي..
حسيت بالدموع غاينزلو مني مللي سمعت كلمة بنتي..فحياتي مسمعتها.. حتى امي اللي ولداتني مقالتهاش ليا.. زيرت راسي وهضرت
اكرام: انا واحد البنت.. لقيتك طايحة فالمحطة .. وجبتك لهنا..
المرا: قربي مني ..
اكرام: هانا اخالتي..
المرا: شنو سميتك
اكرام: سميتي اكرام..
المرا: الله يرضي عليك ابنتي..
شديت يدها وبستها شوية تفتح الباب بالجهد ودخل منو واحد الراجل.. مخلوع
الرجل: امي.. 😰
باينة ولدها هادا مخلوع عليها.. وكيبوس يدها.. فين كان مللي بقات هي فالمحطة بوحدها.. انا لوكنت بلاصته وعندي ام بحالها نعتكف حداها ومنخليهاش بوحدها.. شوية رد ليها البال باللي كاينة..
الرجل: قالو ليا باللي نتي اللي جبتيها للسبيطار..
اكرام: اه..
الرجل : ممكن نهضرو برا شوية..
اكرام: طبعا..
خرجنا وحط يدو فجيبو.. وجبد فلوس.. وعطاهملي ..
الرجل : كنشكرك بزاف على هاد المعروف ..
شفت فيه وتأسفت.. واش صحابلي درت هادشي على قبل الفلوس..
اكرام: شكرا.. ولكن ماشي اي واحد كيدير الخير على قبل الفلوس.. تهلا فالواليدة .. وسلم عليها
خليته ومشيت.. غانرجع من تاني للمحطة.. معنديش فين نمشي والمدينة مكنعرف فيها حتى واحد..
29
تمشيت فأرض الله وانا كنتأمل .. واش كلهم هازين هم بحالي.. الوجوه تختلف .. منها اللي باين فيه البؤس ومنها اللي فرحان.. ولكن حتى واحد معارف شنو مخبية الضحكة.. مرا وراجل كل واحد غادي بوحده ومكيشوف فلاخور..ووحدبن اخرين شادين فيد بعضياتهم.. وفرحانين.. وصلت للمحطة معرفتش شحال ضربت دالطريق .. بقيت كنسول كل دقيقة واحد ونقوليه فين طريق المحطة.. وشوية يدوزو عليا شباب يبداو يهضرو .. مبقيت كيهمني حد.. والخوف تسالا.. وصلت ومشيت نجلس.. المكان الوحيد اللي عامر بالناس.. واللي نقدر نجلس فيه بلا ما نقدر ننعس.. مع انه بزاف اللي باينين ليا ناعسين .. العيا كان متمكن مني بزاف.. بقيت كنفكر شنو يكون واقع دابا.. وايهاب اش غايكون داير...داني النعاس وانا كنقكر.. شوية فقت على واحد كيجبد مني صاكي.. شفت فيه وبديت نغوت وكنجر صاكي .. فجاأة جبد الموس وعطاني بيه لدراعي .. طلقت بعدو الصاك وبدا كيسيل مني الدم.. طار ومبقيت شفتو .. وحتى واحد مداها فيا يعتقني.. بدات الضربة كتحرقني.. شوية بداو الناس يتجمعو عليا وانا بديت نحس قوتي كتنقص مني.. بعد شوية جات الاسعاف وهزاتني..مشاو الفلوس ومشاو الحوايج وكلشي.. وحتى لاكارت ناسيونال ديالي مشات.. داوني للسبيطار خيطولي دراعي.. وداوني للناموسية ننعس.. بقيت غير كنشوف .. وليت وحيدة مع انه حياتي كلها وانا بوحدي.. كل الناس جاو عندهم عائلاتهم جابو ليهم الماكلة الا انا.. شوية جات عندي واحد البنت .. كانت جاية لعائلتها..
البنت: تاكلي اختي..
اكرام: شكرا..
البنت: واش مجا معاك حد..
اكرام: لا راني بوحدي..
البنت: وعلاش مجاوش معاك عائلتك..
اكرام: حيت معندي حد.. مقطوعة من شجرة..
البنت: اه .. واخا انا كنجي كل وقت لعند خالتي كنجيب ليها الماكلة.. غانجيب ليك حقك حتى نتي..
اكرام: الله يجازيك بخير..
عطاتني كليت وعاوناتني.. مهما كان الشر بزاف فالدنيا.. رغم ذلك مازالين كاينين الناس اللي فيهم الخير.. فعلا كل وقت كانت كتجيبلي الماكلة.. وبزاف دالناس بعدها اللي جا يزور عائلتو كيطل عليا يشوفني ويطمئن عليا وكل واحد كيقولي واش خاصاك شي حاجة نجيبهالك.. وتصادفت مع نهار الجمعة تما.. شفت بزاف دالناس جاين وجايبين ماكلة وحوايج كيفرقوهم على المرضى اللي معندهم حد.. ناس كيجيو من بعيد بزاف وكيضربو تمارا باش يديرو الخير فواحد مكيعرفوهش.. وباغين غا دعوة الخير.. كاين اللي عطاني الفلوس بعدما عرف اني اتسرقت.. جاو البوليس خداو اقوالي النهار الاول.. طول المدة اللي انا جالسة فيها تما.. وانا كنفكر اش غاندير ملي نخرج من هنا اش غاندير وفين غانمشي.. اما النهار الاخير واللي كتبلي فيه الطبيب الخروج.. تفاجأت بانسان جا عندي للسبيطاار.. كان ابن المرا اللي ديرها للسبيطار.. يا ترى علاش جاي..
الراجل: سولت عليك قالولي تضربتي ومشيتي للسبيطار.. على سلامتك..
اكرام: الله يسلمك.، يا ترى علاش كتسول فيا
الراجل : انا اسف على داك النهار.. مقصدتش .. على العموم امي باغا تشوفك وتشكرك بنفسها.. وانا منقدرش نكسر ليها كلمة..
اكرام: خرجات من السبيطار؟
الراجل: اه راها فالدار.. وكتستناك تشربي معاها شي كاس داتاي العشية..
اكرام: واخا..
عاوني وخرجت من السبيطار.. كان موجد الطوموبيل .. ركبت فيها ومشينا.. مكانش كثير الكلام ابدا..وعينيه فيهم حدا غريبة.. وصلنا للدار ... وخرجت وانا شادة دراعي.. ومازال حوايجي فيهم الدم.. كلهم سرقهم الشفار.. الله يقطع يديه..نتضامن مع عاهرة ومنتضامنش مع شفار فحياتي.. حيت بالسرقة ديالهم كيدمرو بنادم... دخلت للدار .. واستقبلاتني المرا.. سبحان الله كاين شي ناس غا تشوف فوجهم ينشرح قلبك من عند الله..
المرا: بنتي اش وقعلك..
اكرام: تكريسيت..
المرا: الله يقطعلو يدو هادا اللي دار فيك هادشي.. اجي جلسي ..
اكرام: ربي يحفظك..
المرا: قوليليا اكرام.. فين عائلتك..
اكرام: انا معندي حد.. امي تزوجات وجرات عليا من الدار.. وبا الله يرحمو..
المرا: وفين جالسة دابا نتي..
اكرام: فالزنقة.. 😞 عاد جيت البارح.. وتسرقو فلوسي وحوايجي..
المرا: من ليوم غانعتبرك بحال فارس..
اكرام: شكون فارس..
المرا: ولدي .. وبقاي تعيطيلي مي هنية..
اكرام: واخا امي.. ليا الشرف تكوني امي ..
هنية.. حتى انا ابنتي.. مكرهتش تكوني بنتي.. اللي تحرمت منها.. 😞
اكرام: واش عندك بنت؟
هنية: كانت عندي.. قبل ما تقرر تكون مع راجلها وتمشي..
اكرام: كيفاش..
هنية: مشيت نطل عليها .. ولكن راجلها محملش وجودي .. وخيرها اما تمشي معاه اما تبقا معايا.. سمعتها كتقول ليه غانمشي معاك.. وجمعت حوايجي وخرجت جيت للمحطة وركبت لهنا.. ووقع للي وقع..
اكرام: فين كانت بنتك غاتمشي ..
هنية: مشات مع راجلها لايطاليا..
اكرام: سمحيلي على هاد الهضرة.. ولكن بنتك حمارة.. انا لوكانت امي بغاتني .. غانسمح فالدنيا على قبلها..
هنية: الله يهنيها مع راجلها.. الى كانت مرتاحة معاه.. انا غانكون فرحانة ليها.
30
هنية: نتي غاتبقاي معايا.. الدار كبيرة .. وغانعطيك بيت وتونسيني هنا..
اكرام: ولكن يقدر ولدك ميبغيش..
هنية: ولدي النهار كله وهو فالجامعة.. مكيجي حتى الليل.. وانا كنبقا النهار كله بوحدي ..
اكرام: سوليه ربما يكون عندو مانع..
دخل فارس وقالت ليه امه الكلام تصدم..
هنية: ولدي .. اكرام غاتبقا معانا..
فارس: امي..ممكن نهضرو بوحدنا..
ناضت امي هنية وبقات مع ولدها.. ولكن هضرتهم كانت مسموعة..
فارس: امي اش عاد الهضرة.. فين عرفنا هاد البنت شكون ولا اصلها وفصلها.. تخيلي صدقات نصابة ولا شفارة..
هنية: لا باينة فيها نية ودريويشة.. منرضاش نخليها للذياب فالزنقة..
فارس: امي..
هنية: واش باغي تعصيني.. انا صافي قررت..
فارس: مستحيل نعصيك امي.. ولكن كيفاش نقدر ناخد راحتي فداري ومعايا بنت غريبة ..
هنية: نتا متاقي الله.. وغاتعرف حدودك.. واش عاجبك الله النهار كله وانا وجهي فالحيوط.. بغيتها تونسني ..
فارس: 😓 كما بغيتي امي.. ولكن انا ممريحانيش.. وبانلي موراها شي سر..
هنية: وسع خاطرك اولدي.. ماشي كاع العيالات بحال بحال..
رجعات عندي امي هنية وانا كتعاود فودني كل كلمة قالتها.. اش كتقصد بالعيالات ماشي بحال بحال.. واش ديجا نصبات عليهم شي وحدة ولا..
هنية: اجي ابنتي نوريك بيتك.. غانحسبك بحال بنتي بيسان.. وغانعطيك بيتها وحتى حوايجها..
نصت معاها وتبعتها دخلت للبيت.. ولقيتو زوين .. مكنتش كنحلم باللي فيوم من الايام غايكون عندي بيت بحالو.. حلاتلي الماريو.. فين حوايج سبحان الله تقول ليا.. الدنيا غريبة.. كنت راضية بيت فوق السطح مع جلال.. والله عطاني دابا بيت كبير وام ثانية .. عوضني بيها.. فرحت بزاف..
هنية: دوشي راه الحمام فيه كلشي.. وحاولي على دراعك.. بدلي حوايجك .. ديك الساعة اجي تتعشاي ..
اكرام: لهلا يخطيك عليا اماما.. معرفتش كيفاش غانردليك هاد الخير..
هنية: باراكة عليا غير هاد الكلمة.. ابنتي..
عنقتها وحسيت براحة كبيرة بزاف.. عمري معنقت امي.. اول مرك نحس بطعم الحنان.. كان من هاد السيدة .. خرجات وبقيت كنتفرج فبيتي.. عجبني بزاف.. واخيرا غانبدا حياة جديدة.. وغاننسى كلشي.. ننسى الماضي ديال ايهاب.. وديال جلال .. واخا نموت هنا مغايهمنيش.. حيت غانموت مرتاحة... دخلت للدوش .. كان فيه كلشي.. البرودويات والفوطات... انا هادشي كنت كنلقا فيه صعوبة.. كنت نشري شمبوان بزز.. الدنيا كتتقلب فلحظة.. ياريتني هرب من زمان.. ومخفتش من الهروب.. حيت احيانا الهروب نجاح.. دوشت وحسيت جسمي خفاف بزاف عليا.. اول مرة كنحس راسي نقية.. ومافياش داك الوسخ ديال ايهاب..ساليت الدوش وخرجت لبست حوايج جداد.. الله يرحم الايام اللي كنت كنشري فيهم من البال.. هادو ميتحسبوش اوكازيون بالمقارنة مع هادوك اللي كنت كنلبس.. فرحت براسي وخرجت نقية .. كنت كنحس براسي ديك الساعة ليدي ديانا.. نزلت لقيت امي هنية جالسة .. وفارس كيحط فالعشا.. استغربت واش هو اللي وجد العشا زعما.. وكيحطو بنفسو.. واش مازال فهاد الزمان كاينين رجال بحال هادا بارين بوالديهم.. سعداتو اللي غايتزوجها
هنية: اجي ابنتي تجلسي.، جلسي حدايا..
اكرام: لهلا يخطيك
هنية: مدي يديك.. راه ولدي فارس كيعرف يطيب.. شهوة من طيابو..
اكرام: بالصح؟ الله يعطيه الصحة..
هو حنا راسو ومجاوبش.. كما قالت امه متقي الله .. ومكيهزش عينو فيا.. الله ياربي واش باقيين فالدنيا بحال هاد الرجال.. انا عرفت جوج رجال فحياتي.. كل واحد ازبل من التاني.. وكرهوني فالرجال دالدنيا كلهم.. كملنا العشا .. وبدا عاود يجمع الطبلة.. ومعكزش.. الله ينعل العيالات قدامو،. مغنكدبش ونقول انه ما جدبش انتباهي.. هو من اول نظرة .. ومن اول تصرف .. قدر يثير انتباهي.. وغير نطرتي على الرجال.. وانهم كيشوفو المرا فقط مثيرة.. ومتصلاح غير للشهوة
31
دخلت لبيتي ونعست لاول مرة فحياتي مرتاحة.. لحت كلشي مور ظهري ونسيت كلشي.. غاننسا الماضي ديالي وغانبدا حياتي .. ولات عندي ام .. و.. واخ 🙈.. هه تصبحو على خير.. 😬
فقت الصباح على هوا نقي.. فرحني بزاف.. مكنتش كنحس ابدا بالالم.. نضت وتوضيت وصليت .. خرجت لقيت غا مي هنية جالسة..
اكرام: صباح الخير اماما..
هنية: صباح الخير ابنتي.. نعستي شوية مزيان..
اكرام: اه بزاف..
هنية: فطورك واجد..
اكرام: هادشي بزاف عليا ههه
هنية: كل صباح ولدي فارس كيوجد الفطور.. كنفطرو انا وياه.. وليوما طلبت منو يخلي الفطور على الطبلة.. حتى تفيقي على خاطرك وتفطري ..
اكرام: من هنا لفوق خاصني نوض قبل منكم ونوجد انا لفطور.. فارس خاص يرتاح شوية..
هنية: نتي هاد الساعة حاولي على دراعك .. وبعدو ديري اللي حبيتي..
اكرام: عمر مكان شي حد حنين عليا بحالك وخايف عليا.. الله يخليك ليا..
هنية: ويجعل فيك الخير ابنتي..
جلست نفطر.. وانا فرحانة وعندي الشهية دالماكلة.. وهو يجي فبالي نسول مي هنية..
اكرام: ماما.. علاش فارس متزوجش حتى لدابا..
هنية: ولدي .. الله يرضي عليه.. كان مزوج وطلق..
اكرام: طلق.. شكون هاد المخبولة اللي تطلقات من واحد بحال فارس..
هنية: شكون يسمع ابنتي..كاين شي ناس كيحرمو على راسهم النعمة.. ومكيقدروهاش.. قصة طويلة.. غانعاودهاليك الى مغاتمليش..
اكرام: عمري نمل من حديثك امي ..
هنية: الله يرضي عليك ابنتي.. المهم فارس من صغرو وهو عينو على بنت عمو.. كان يبغيها.. عرفتي ابنتي كان يجيبليها اللي تطلبو.. يحيدها من عينو ويعطيهالها.. ولكن هي مكانتش حاملة .. كان يبغيها .. ويقيل جالس حدا مدرستها يستناها .. وحتى حدا دارهم.. سالات قرايتها ومشيت نخطبو ليها.. ولوسي الله يرحمو وافق وفرح بزاف.. عرفتي فالخطوبة الى وريتك تصاورها غتضحكي.. التغوبيشة باينة.. دارو العرس.. وسكنت معانا هنا.. كنت ديما كنسمع غواتها.. فاول يوم زواجهم بدا الصداع.. كيبغي رضاها .. ولكن هي والو.. يقول ليها اليمين تقوله يسار.. معكسة.. حتى انه انا مكانتش حاملة ليا شي كلمة.. ولكن عمري قلت لولدي عليها شي حاجة.. كنت باغاهم غا يتراضاو.. واحد المرة.. عرفنا انها حاملة.. فرحنا بزاف.. ولكن هي لا.. حتى واحد النهار وصلاتها صاحبتها ودخلات تنعس.. على بالنا الحمل هو اللي مفشلها..صدقت مطيحة الحمل..
اكرام: حمارة 😳
هنية: واهنتي شفتي.. تما نوضوها بيناتهم.. وسمعاتو كلام ميتقالش.. قالتلو طلقني انا مكنحملكش.. انا كنبغي واحد اخور.. طلقها.. سالات شهور عدتها وتزوجات واحد اخور.. بحال الا كان كيستنى فيها..
اكرام: هو اللي ربح..
هنية: ولدي من نهار عرفها وهو اللور لور.. رغبتو بزاف يتزوج مبغاش.. كره العيالات فمرة.. عايش عزري شحال من عام دابا.. كتر من 10 سنين.. وعمرو حتى متعرف على شي وحدة .. ولا حاول يبني حياتو.. مكرهتش يلقا بنت الناس ويدير وليداتو.. الانسان كيكبر.. شحال غانعيشلو انا..
اكرام: الله يرزقو بنت الحال اللي تسعدو.. هو مرضي.. وغادي يعطيه ربي على قد نيتو ..
هنية: امين ابنتي .. امين
32
دازت ايام ودراعي ولات بخير،. مي هنية ما مخلياني محتاجة حتى حاجة.. اما فارس مكيطلعش فيا عينيه.. حتى انه مكيطلب مني نديرليه حتى حاجة..كلشي كيديرو بخاطرو.. واحد النهار فاق لقاني فالكوزينة كنوجد الفطور..
فارس: صباح الخير..
اكرام: صباح النور.. غانوجد ليك الفطور..
فارس: نتي ماشي مجبرة ديريلي اي حاجة.. انا نعرف ندير كلشي لراسي..
اكرام: ولو.. عدابك راحة.. قولي .. نتا اش كدير فالجامعة..
فارس: كنقري.. استاذ ..
اكرام: نتاعاش..
فارس: ديال القانون..
اكرام: تبارك الله عليك.. يعني كتعرف مزيان فالقانون..
فارس: والا مكنتش غانقريه..
اكرام: مم .. واحد البنت كنت كنعرفها خدات قرض من شركة.. وخلصاتو .. ولكن نصبو عليها وعطاوها وراق مزورين.. واش تقدر تاخد حقها..
فارس : القانون لا يحمي المغفلين.. شكون هاد البنت..
شاف فيا بتمعن كأنه فهم اني كنهضر على راسي.. تبدلو فيا الالوان..
اكرام: وحدة كنت كنعرفها..
كمل الفطور وناض.. وصل الباب وقال ..
لا تأمنن الى النساء ولا تثق بعهودهن.. فرضائهن وسخطهن.. معلق بصدورهن.. يبدين ودا كاذبا.. والغدر حضو ثيابهن.. بحديث يوسف فاعتبر.. متحذرا من كيدهن.. او ما ترى ابليس.. اخرج ادما من اجلهن..
صدمني من هضرتو.. خرج ومشا.. وانا اتفقصت من هاد الهضرة.. واش صحابليه باللي العيالات كلهم بحال بحال.. او اش قصد.. واش صحابليه كنتقرب منه.. 😳لا لا لا.. انا مكنتقرب منو ما والو... ومباغا منو والو.. فاقت هي هنية ولقاتني كناكل فجنابي..
هنية: مالكي..
اكرام: والو.. مكاين والو
هنية: واش قلقك فارس فشي حاجة..
اكرام: اا لا.. مقلقنيش..
هنية: مممم.. هههه واخا تيقتك..
اكرام: مي واش فارس كره العيالات كاع..
هنية: مكيتيقش فيهم.. حيت مرفضاتوش بنت عمو من الاول ومكانتش صريحة برفضها.. وانا شاكة باللي باها هو اللي بزز عليها..
اكرام: يعني شداتو خيبة امل من حبو الوحيد..
هنية: هاكداك..
اكرام: واخا
هنية: شنو اللي واخا
اكرام: ههه والو
هنية: ههه احياني عليك..
يفوح شذى الياسمين ولو دسناه الف مرة.. مازال قلبي رغم كاع داكشي اللي داز عليه.. كيحس وكيتشد لاشخاص.. بحال فارس.. ولكن واش فارس غايقدر يقبل بشي وحدة بحالي .. انا فين وهو فين..واش غايديها فيا انا.. حتى لو داها فيا.. واش غايقبل بيا بعدما يعرف بالماضي ديالي..وباللي كنت لعبة فدار المتعة.. ديك الدار اللي غاتبقا نقطة سوداء فحياتي .. مهما حاولت نفرح غانبقا نتفكرها.. اثارها مازالت فجسمي لحد الان.. تنفست بعمق.. وتهدنت.. حيت اللي بحالي مخاصهاش تحلم.. كيكفيني هاد الهدنة اللي راني فيها واللي مكنتش كنحلم بيها .. دخلت للبيت وخيبة املي باينة فيها.. فارس يا فارس.. هل تمانع بان ابعث لك برسالة؟ .. رسالة مشت عليها الازمان... رسالة تبعثر فيها الكلام..رسالة لم يكتب لها عنوان.. ولكن كتبت فيها صمتا.. في لحظات خطت لها نفسي.. نفسي التي لم اجدها بين تلك الكلمات .. فاعذرني ! على صدق احاسيسي.. فذنبي الوحيد أني لم أغفر لنفسي .. نفسي التي باتت تكتب كي لا تضيع في الطرقات .. طرقات الالام والاهات.. فكانت النهاية رسالة مغلفة بروح انسانة.. معبأة بالعطف والحنان..
33
وليت عارفة راسي معجبة بفارس.. شخصيته الانطوائية الممزوجة بجدية غير طبيعية.. كتخليني نتجذب ليها .. وليت كنتبعو بعينيا فينما مشا .. حتى انه مللي كيخرج كنتبعو بعيني .. وكنطل عليه من السرجم حتى يركب فطوموبيلتو ويمشي..
وكنوض بكري قبل منو كنوجد الفطور.. وكنوجد العشا بالليل .. كنحفظ التوقيت اللي كيدخل فيه وكيخرج..جلسنا العشا واحد النهار..
هنية: قوليلي ابنتي.. حتى فين وصلتي فقرايتك
اكرام: التاسعة..
فارس: نجحتي فيها
اكرام: ☺️اه انا كنت قراية..
فارس: الى بغيتي نقدر نسجلك فباك حر .. الى نجحتي غادي نسجلك فالجامعة..
اكرام: واش يمكن 😃
فارس: فالقانون الى نجحتي فالتاسعة تكوني خديتي بيها شهادة الاعدادية.. تقدي تدفعي لباك حر.. وبعدها تقدري تسجلي فالجامعة..
اكرام: فرحتيني بزاف..
فارس : شهر 11 غايبدا التسجيل.. وجديلي لاكارط ناسيونال ديالك.. نجيبلك بيها الوثائق كلشي.. بلا متتعدبي نتي..
اكرام: لاكارط ناسيونال 😳
فارس: معندكش؟
اكرام: تسرقاتلي 😔
فارس: خاصك تديكلاري بيها ..
اكرام: واخا..
فارس: شي نهار سيري نتي وماما .. غانتاصل ليكم بصاحبي فالكوميسارية.. غايعاونك..
اكرام: واخا..
جمعت الطابلة.. بقيت كنشوف فيه بطرف العين.. تصدمت مللي لقيتو محيدش عينيه عليا.. كان غايوقفلي القلب .. وووجهي ولا حمر.. متنفست حتى وقف واستأذن باش ينعس.. ناضت مي هنية تنعس حتى هيا .. وانا قلبي بقا كيضرب.. حتى مشيت لبيتي .. ووقفت مور الباب وانا شادة على قلبي.. نظرات نظرات.. اتراه يفكر فيّٓ؟.. أتراني بباله..؟أحقا نظراته تعبر عما بداخله؟ اذا كان كذلك فأنبأك أن تطمئن.. فالرسالة قد وصلت.. او اني متوهمة حالمة.. انسج احلامي على مقاسه.. نظرات اخرى.. الاهي احفظني من نار هذه النظرات.. الملتهبة الحارقة كالشرارة.. وقودها اللهفة والسكوت.. نظرات .. نظرات.. نظرات كالسهام يبعثها بقوة.. فتخترق جدار الصدر وتنغرس في قلبي.. فلماذا..؟ وماذا ؟ والى ماذا يرمي..؟ كيفما كان الحال فأنا تعبت.. وطال بي الصمت.. وطالت معاناتي.. فلك ان تتقدم خطوة .. او تتراجع خطوات.. تأكد من ان ذلك سيكون خيرا لي .. ولك.
بقيت متبعاه فكل خطوة.. فالغالب هو ساكت وكيقرا كتاب.. او جريدة.. او كيهضر مع امه..
نهار الويكاند ديالو فاق الصبح بكري كالعادة.. ولقاني كنوجد الفطور..
فارس: حتى فالويكاند كتنوضي بكري.. كتمحني بزاف.. كلشي نتي اللي كديريه.. الميناج والتصبين والطياب.. الى كتعياي انا ممكن نجيب شي وحدة اللي دير هادشي.،
اكرام: هادشي عمرو مكان متعب ليا.. ابدا.. هادشي اقل شيء ممكن نديرو ليكم.. حيت درتو معايا خير عمري ننساه..
فارس: انا اللي خاصني نشكرك.. امي من نهار جيتي للدار وصحتها تحسنات.. كتفوجي عليها بزاف.. نفسيتها ولات مزيانة.. هادشي منقدرش نجازيك بيه..
اكرام: متبادل.. حتى انا نفسيتي تحسنات بزاف مع مي .. كاين شي بنت كتسخى من امها وكتسنى مقابل..؟
فارس: الله يجازيك على قد نيتك
قلبي فرح بزاف حيت نيتو اتجاهي بدات كتتحسن.. بدا كيتعامل معايا مزيان.. حتى انه قرر يخرجنا انا وامه داك النهار.. تسارينا حتى شبعنا.. وفوجنا.. جيت للدار حتى نعسو كلهم.. وانا يبانولي الحوايج اللي كنت لابسة نهار جيت هنا.. الحوايج دالنحس.. جبتهم وبديت نقلب فيهم.. حتى لقيت الساروت ديال دار المتعة.. تفكرت باللي كنت دايراه فالجيب... حطيتو فالماريو حتى نتخلص منو من بعد.. بقبت كنفكر .. من اول يوم بغيت فيه جلال وحلمت ببيت صغير معاه.. وقنعت بالقليل.. حتى لهاد الشي للي وصلت ليه.. فكرت فأن جلال هو اكثر شخص اذاني فهاد الدنيا.. وهو السبب المباشر فمشاكلي
34
بقيت نفكر فجلال.. حتى لقيت راسي كنقول فيه خاطرة.. احترت بين الفرح والحزن منك.. بين حبي وكرهي لك.. بين الشكوى والعتاب عليك.. آثرت السكوت والكتمان فنسيتك.. غادرت المكان فكنت غير آبهة لك..عشت ايامي مرتاحة بدونك.. نسيت السهر وليالي السمر بقربك.. فرحت لما سبوت اليه في بعدك.. عشت دنياي فوجودك مثل عدمك.. وظننت الذكرى هي كل ما تبقى لي من حبك.. فرحت اجمع بقاياها من الطرق التي جمعتني بك.. وارصها في مفكراتي المهدات لي منك.. فتحملني لحظات وتعيدني اليك.. فأتذكر من جديد اني نسيتك..
الله ينعل اللي ما يحشم.. كنت بخير وكنفكر ففارس.. حتى بانلي نفكر فالطفيليات.. باز والبه حتى باز.. نعست وانا مغمضة عيني وانا كنقول فارس .. فارس.. فارس.. ههه تخيلتو جاي كيجري وكيعيط عليا اكراااام اكراااام.. ونعست .. فقت الصباح .. وانا فرحانة مشيت نوجد الفطور .. لقيت فارس الاحلام سابقني وكيحط فالفطور..
فارس: صباح الخير..
اكرام: صباح النور..
فارس: انا هضرت مع صاحبي اللي فالكوميسارية.. غاتمشيو نتي وماما ليوما تديكلاريو.. باش يخرج ليك لاكارت جديدة..
اكرام: واخا..
فارس: يالله انا غانمشي .. تعطلت..
اكرام: الله يسر ليك.، ويبعد عليك ولاد الحرام..
شاف فيا لحظة وهضر: امين .. كان قلبي غايوقف.. الله يا ربي.. مالي.. واش ممكن ينسى الانسان كلشي اللي داز عليه فلحظة.. غير بسبب حب جديد .. الله يجعلو خير.. فاقت مي هنية وفطرات.. وانا مشيت بدلت حوايجي..وخرجنا.. شحال زوين تتمشى مع ام بحالها فالزنقة.. وصلنا للكوميسارية.. واستقبلنا السيد اللي قالينا عليه فارس.. المعرفة زوينة .. بقينا كنديرو فالاجراءات.. وجلسنا كنستناو.. شوية ناض السيد وتعطل.. شوية رجع عندي وكان مبدل فيه اللون..
هنية: علاش معطلين اولدي..
الراجل: غانستناو فارس يجي الواليدة..
هنية: واخا..
بقينا كنستناو.. حتى جا فارس.. كانت شي حاجة ماشي هي هاديك.. دخل معاه لبيرو اخور وبقاو كيهضرو.. حتى خرجو بجوج ولكن فارس كانت على وجهو واحد التغوبيشة.. موجهة ليا بالتحديد..
فارس: امي.. نوضي نمشيو بحالنا..
هنية: اش كاين اولدي.. اش واقع..
الراجل: هاد السيدة الواليدة عليها مذكرة بحث وطنية .. فقضية اختلاس..
اكرام: 😱كيفاش.. انا مدرت والو.. اقسم بالله.. ماما عفاك متخلايش عليا.. ماما انا مدرت والو والله مدرت شي حاجة..
فارس: خلينا نمشيو اماما..
اكرام: فارس 😭 عفاك انا شحال هادي وانا معاكم.. واش شفتو مني شي حاجة خايبة..
فارس: انا كنت عارف انه موراك شي سر.. والصراحة اخر حاجة توقعتها انك تكوني نصابة، سيري بحالك.. ونساينا..
بقيت كنغوت وشداني هيستيرية.. والبوليسي كيشد فيا ويجرني بعيد على امي اللي كانت مصدومة ومنطقات حتى كلمة.. علاش ياربي حتى قلت تهنيت عاد رجع كلشي للزيرو علاش.. دارها بيا ايهاب.. مللي ملقانيش ديكلارا بيا.. الله ياخد فيه الحق.. 😭😭😭
35
علاش يا زهري.. كلما نقول نرتاح نرجع من الاول.. واش وجهي ديال البكا .. خدي ديال الدموع.. عييت.. بقيت مرعوبة.. والضابط دايرلي التحقيق وانا كنترعد .. كنجاوب هضرة اه وهضرة لا.. حسيت راسي من جديد بوحدي.. سالا التحقيق ودخل عندي ايهاب ..
اكرام: معيتيش.. 😭
ايهاب: اش قلتلك انا.. واش قلتلك بدلي المدينة!!! ياك قلتلك غبري يوماين فشي اوطيل.. حيت خايف عليك.. نتي مشيتي هربتي وسديتي تلفونك .. اش كنتي باغا ديري .. وشكون هاد الناس اللي راكي معاهم ،،،
اكرام: عفاك خليني نعيش .. راك دمرتيني
ايهاب: اشمن دمار.. واش باغا تحمقيني.. درتلك دار ليك.. وكنعطيك كل شهر مبلغ عمرك حلمتي بيه..
اكرام: انا مبغيتش هادشي.. بغيتك تعطيني بالتيساع انا عييت 😭
ايهاب : اكرام متعصبينيش..شوفي .. انا غانديرك الله بسميتك.. وهاكا غاتضمني مستقبلك وباللي عمرك تتلاحي عند عباد الله..
اكرام: هاديك عمرها تكون داري.. هاديك دار المتعة..
ايهاب: سمعيني انا تفارقت مع خطيبتي.. من نهار جا خوك للشركة ودارلي فضيحة تما وكلشي ساق الخبار.. اضطريت نحبسو.. يعني مبقا خطر عليك.. ومعندك مناش تخافي ... رجعي عفاك..
اكرام: عفاك نتا.. نبوس رجليك.. خليني فالتيقار
ايهاب: مستحيل .. طلبي اي طلب .. من غير اني نتفارق معاك.. انا مغانخرجش من هنا الا معاك... والا غاتبقاي هنا..
اكرام: مازالك كتهدد... انا منقدرش .. هادشي سميتو زنا.. باراكة عليا من الاثام..
ايهاب: بسيطة.. نتزوجو ..
اكرام: شنو 😳
ايهاب: كما سمعتي.. انا مستعد نتزوج بيك وتكوني مرتي على سنة الله ورسوله وقدام كاع الناس.. اش قلتي..
اكرام: واش كتهضر بالصح ..
ايهاب: اه .. الى وافقتي غانخرجك من هنا حالا..
اكرام: موافقة 😓
ايهاب: 😀اذا غادي ندير الافادة ديالي باش نخرجك من هنا..
ماعرفتش علاش وافقت .. يمكن حيت تجاوزت مرحلة الالم ووصلت لمرحلة التبلد والامبالاة.. ومبقاش كيأثر فيا الالم ديالو والضرب والتعذيب.. اللهم نضمن دار وزواج.. وفارس!! حلم زوين وضاع فلحظة .. بضياع عمري.. سالا الاجراءات وجا عندي..
اكرام: ممكن توصلني لدار امي هنية .. نهز حوايجي..
ايهاب: افف..
اكرام: عفاك..
ايهاب: واخا 😒
وصلني ايهاب لدار فارس .. غرغرو عينيا بالدموع.. نزلت ..
ايهاب: متعطليش .. انا كنستنى..
نزلت بزز ومشبت دقيت.. ويديها ورجليا كيترعدو.. حلاتلي مي هنية غير شافتني تلاحت عليا وعنقاتني وبقات كتبكي
اكرام: امي 😭
هنية: بنتي 😭دخلي ..
دخلت ومشيت جلست معاها..
هنية: اش واقع ابنتي..
اكرام؛ انا عييت امي ..
هنية: عاوديلي ابنتي..
اكرام: غادي نختصر ليك.. حيت كيستناني.. وخاصني نمشي معاه.. ولكن واعديني اني مهما عاودتلك.. غانبقى بنتك.. وغاتفكريني بدعوة زوينة..
هنية: معندك فين تمشي غاتبقاي هنا..
اكرام: انا كنت مخطوبة لواحد السيد..وكنا بجوج خدامين فواحد المعمل ديال الخياطة.. وكنت كنخليه يهز الخلصة ديالي باش نجمعو الفلوس ونتزوجو.. ولكن هو غدر بيا ومشا خدا قرض بسميتي من الشركة.. وخدا فلوسي وحرك بيهم.. مول الشركة استغل هاد الفرصة وحيت انا معندي حد فالدنيا اللي يعاوني.. خيرني بين الحبس وبين اني نعطيه نفسي .. كنت خايفة من عائلتي ومن الفضيحة.. مشيت معاه.. صدق سادي وعدبني حتى مليت حياتي.. الاثار فجسمي مازالين.. مبغاش يبعد مني وكان كيهددني.. حتى انه مقبلش نخلص الفلوس بالتقسيط.. دار المتعة .. هي اللي كان باغي وصاف.. مكانش بيدي حل .. حتى تفضحت.. وكان باغي خويا يقتلني.. ومي جرات عليا وسخطات عليا.. وهربت الهنا.. واليوما شفتي .. تبعني حتى الهنا.. ماشي حيت بغا فلوسو.. لا حيت بغاني نزجع لدار المتعة..
هنية: الله ياربي.. كاع هادشي .. نتي صغيرة على هاد المصائب كلها كيفاش قدرتي تتحملي ..
اكرام: تحم..
فارس: ساليتي من الكدوب.. اش جاية ديري فداري.. خرجي برا..
اكرام: انا عمري كدبت 😭
فارس: برا ..
هنية: ولدي اكرام غاتبقا معانا..
جا جرني من دراعي بلا ميدير خاطر لامه.. وجرني برا.. وسد عليا الباب..
فارس: معمرك تعتبي باب هاد الدار..
حسيت بحرقة من اعماق قلبي طلعاتلي السخانة والعرق مخلط بالدموع.. كنت كنتمنى انه يتيق بيا.. حيت ثقته بيا كتهمني.. حيت مشاعري اتجاهه صادقة.. حيت كنبغيه.. اه ولاول مرة كنقولها كنبغيه... مسحت دموعي وزيرت على عيني .. صافي عييت من البكا.. هاد البكا اللي كيعدبني اكثر وكيخلي راسي كيحرق وغاينفجر.. طلعلي فراسي .. مسحت دموعي.. ومشيت للطوموبيل ديال ايهاب.. وركبت
ايهاب: علاش تعطلتي.. كنت غاننزل عندك..
اكرام: غا كنت كنودع المرا..
ايهاب: عليها عينيك حومر..
اكرام: اه.. خلينا نمشيو..
ايهاب: واخا 😬
ديمارا الطوموبيل.. ورجعت للادغال من جديد.. لحياتي الاولى .. ولكن مارجعتش اكرام الاولى.. رجعت اكرام وحدة اخرى..
36
مشيت معاه لدار المتعة .. دخلت من جديد ولكن هاد المرة بنفس جديد.. هو فرح بزاف.. ولكن انا محاملاهش.. عرفت طريقي هاد المرة بدون ما يجرني ليه.. السرير.. معطيتوش علاياش كيقلب.. ماغوتش ومتوسلتوش.. حيت هو داكشي اللي كان كيقلب عليه.. اكتشفت انه كيزيد نشوة بعذابي .. صبرت وهو كايزيد يضرب.. وانا ساكتة وصابرة.. شوية شدلي فعنقي وبدا كيخنقني .. حسيت عيني خارجة والنفس مقطوع .. حسيت الروح كتطلع.. غوت هو غوتة وحدة وطلق مني وناض.. بديت كنكح بالجهد.. وكنشهق .. والدموع نازلين... وكنحط يديا على صدري .. وكنزيد نكح.. وهو مجايبلي خبار اصلا.. واش غانتزوج بيه ويقتلني.. امري لله.. مع انه يحز في نفسي نموت فهاد البلاصة .. شغاتقول لله .. باللي خفت وسايرتو.. يا ربي انت عالم بحالي ..
✔️في بيت فارس
وجد فارس العشا وامه جالسة وحاطة يدها على خدها ومكتهضرش...
فارس: امي .. واش غادوزي النهار هاكا .. مغاتهضريش معايا..
هنية: اش غانقول 😒
فارس: واش معصبة على قبل ديك البنت اللي معرفنا اصلها شكون.. نسايها عليك امي..
هنية: ديك البنت ضحية.. ولحناها فالعافية ليوما..
فارس: متقوليش ليا تيقتيها.. دوك النوع انا عارف كيفاش كيمثلو ويكدبو على عباد الله..
هنية: ديك البنت مكتكدبش اولدي.. انا متأكدة.. ياك نتا استاذ قانون.. شوف شي ثغرة تقدر تخرجها بيها من القضية.. الله يرضي عليك اولدي
فارس: لا حول ولا قوة الا بالله..
هنية: الله يرضي على ولدي.. الى بغيتي تفرحني جيبلي البنت .. بغيت نسمعها حتى الاخر..
فارس: واخا.. اجي تاكلي دابا.. ويكون خير..
هنية: الله يرضي على ولدي..
نعسات الام وطلع فارس لبيت اكرام.. دخل وبقا كيشوف فيه.. بانليه الماريو حلو.. لقاها مكمشة حوايجها ولايحة فيهم التلفون.. هزو وشعلو .. وبقا كيقرا الميساجات.. {{اكرام فينك واش بغيتي تهربي مني.. انا غانديكلاري بيك وغاندخلك الحبس الا مبغيتيش تجي لدار المتعة كما مسمياها نتي .. }}
فارس: دار المتعة!!!
✔️عند اكرام
خرجت من الدوش ومشيت للمرايا..بقيت كنشوف .. معقلتش راسي.. اثار التعذيب باينة فعنقي.. الى بقيت شادة الضد مع ايهاب غايخرج عليا.. غانحاول نمثل اني كنغوت وكنتعذب.. باش يخفف عذابو.. والا غانصدق خارجة من هنا فتابوت.. لاول مرة غاننعس فهاد الدار.. سمعت الباب تحلات لقيت ايهاب جاي وجايب معاه ماكلة..
ايهاب: انا جبت ماكلة .. اجي تاكلي.. ويلا معجباتكش نمشي نبدلها..
جيت ومهضرتش جريت الكرسي وجلست.. جبدت الماكلة وبديت ناكل..
ايهاب: بصحتك.. الى خاطرك فشي حاجة اخرى علميني..
بقيت كناكل ومكنجاوبش..
ايهاب: اكرام.. نتي مغتهربيش مرة اخرى ياك..
وقفت الماكلة وطلعت عيني فيه.. بقيت كنشوف باستغراب..
ايهاب: احم انا وياك غانمشيو نتسخرو الحوايج اللي خاصين للدار .. باش تبقاي تطيبي ديما هنا..
اكرام : واخا 😒
ايهاب: عرفتي اكرام.. دوزت وقت خايب بزاف .. مللي مكنتش لاقيك.. سولت كاع الاوطيلات .. ووصيت كاع صحابي.. ومكانش عندي حل اخور من غير اني نديكلاري..
اكرام: تيقتك..
بقيت كناكل ومكنشوفش فيه .. شوية شدلي فيدي
ايهاب: اكرام.. انا كنبغيك..
اكرام: 😒
37
كلمة كنبغيك مكتعنيلي والو.. حتى اني متحركتش مللي قالها ومتهزات فيا شعرة.. اش غايزيدلي هاد الحب.. غايبردلي الضربات اللي كناخدهم منو.. ولا غاتصبرني على عدابو.. كرهتو هادي اقل كلمة نقوها فحقو.، استغلالي واخا يجيبلي كنوز الدنيا مغاديش يشفعولو فقلبي.. لاول مرة كنبات فدار المتعة.. معمري نعست فيها ولا غمضلي جفن.. نعس معايا ايهاب.. كيحسسني باللي انا كنحماق على البقاء معاه.. حاوطني بيدو فخصري ونعس وهو خاط راسو على ظهري.. انا وليت متأكدة ماشي من حبو وانما من خوفه بل رعبو من اني نمشي منو مرة اخرى.. ونهرب ليه.. ولا عندو مرض جديد زادو على السادية.. مرض اسمه اكرام.. ماشي مغرم وانما حب امتلاك.. الحاجة حاسبها من ممتلكاتو.. الى جانب الفونتازم ديالو اللي لقاه فيا انا.. وهو متأكد انه مغايلقاش شي وحدة اللي تصبر على ربع العذاب اللي كيعذبو ليا.. نعست وسكتت.. فقت الصباح ملقيتش ايهاب.. نضت لقيتو موجدلي الفطور .. تفكرت فارس نهار كان كيوجدلينا الفطور.. ولكن اكيد هاد الفطور كيختلف على لاخور.. جلست فطرت.. حيت تقريبا تبلدت.. مبقات كتهمني حتى حاجة.. الالم فاق التصور وحتى واحد ما داها فيا ولا حن فيا.. امي اللي ولداتني وما حناتش فيا.. كيفاش غايحنو فيا الاغراب.. امي.. خاصني نشوفها ونتحاسب معاها.. مدام مباغانيش لا انا لا خوتي علاش ولداتنا.. من حقي نحاسبها علاش ولداتني لهاد الدنيا .. ولهاد العداب.. ياريتني متزاديت.. نضت ولبست حوايجي.. خديت شي سوارت لقيتهم فالدار.. وخرجت.. رجليا كان كيديوني لطريق الدار.. الطريق اللي حافضاها كتر من نفسي.. وصلت بقيت مترددة بزاف قبل مندق.. ولكن زعمت.. خاصني نخرج داك الفقصة اللي فقلبي.. دقيت .. فتحاتلي واحد المرا الباب مكنعرفهاش..
اكرام: شكون نتي 😳
المرا: نتي اللي شكون ..
اكرام: ماما فين هي .. امم سعاد .. وعلال فيناهو
المرا: اه .. كتقصدي السكان اللي قبل.. باعو الدار .. حنا اللي شريناها..
اكرام: باعوها!! وفين مشاو هما..
الدار: معرفتش اختي..
اكرام: شكرا..
بعدت وانا كنشوف الدار اللي خلاها لينا با.. تباعت وساكنها واحد اخور،، الصدمة ماشب غريبة.، ولكن الصوت اللي سمعتو موراها هو اللي غريب..
جلال: اكرام 😧
تلفت عندو.. وبكل برود
اكرام: فين مشات ماما
جلال: خرج عليها داك علال.. بيعها الدار وخدا فلوسها .. وطلقها ومشا دا وحدة صغيرة.. كيقولو مشات العروبية..
اكرام: علال.. مللي غادي نسالي مشاكلي.. غادي نتلها مع هادشي.. ونرد دار با بزز عليهم..
جلال: راكي مع داك ايهاب ياك.. عاجبينك فلوسو..
اكرام: ونتا مالك.. ياك بعتيني النهار اللول ولحتيني للذياب ياكلو فلحمي.. اش جاي باغي
جلال: اكرام انا كنبغيك.. وندمان بزاف على اللي وقع.. عفاك نساي.. واجي نفتحو صفحة جديدةً
اكرام: صفحة جديدة. عرفتي اش درتي فيا اجلال.. واقيلة معرفتيش .. انا غانعرفك.. نخار خديتي الدين عقلتي؟ كانو كيهددوني بالحبس.. والسي ايهاب مول الشركة خيرني من جسمي والحبس... اكيد بعت راسي ومازال .. مقابل انه ميدخلنيش الحبس...كيمارس عليا كل انواع التعذيب.. (عريت على عنقي) شوف مزيان. حبي ليك فين وصلني.. للجحيم..ونتا اسي جلال .. جاي بكل بساطة تقوليا نرجعو.. وننسا كاع هادشي اللي داز عليا... بسبابك نتا.. كتطلب مني المستحيل..
بقا مصدوم ومنطق بحتى كلمة.. وانا خليتو ومشيت.. باقي نصدع مخي على قبل شي قمقوم.. الى الجحيم كلهم.. وصلت لدار المتعة.. لقيت ايهاب شاعل..
ايهاب: فين كنتي 😡
اكرام: تهدن .. مشيت نزور دارنا..
ايهاب: وعلاش مطلبتيش الاذن..
اكرام: علاش مالك حابسني ولا.. ياك جالسة هنا بخاطري..
حسيتو تطلق مللي قلت هادشي بحال الى حسستو اني باغا نبقا معاه.. واني مغانعاودش نهرب ومجالساش بزز مني..
ايهاب: خفت عليك.. من هنا الفوق بقاي تعلميني وصاف.. اجي فين التلفون اللي جبتلك..
اكرام: ضاع..
ايهاب: صافي انا غانجيبلك واحد اخور.. غا بقايلي على خاطرك..
38
بقيت مستسلمة تماما.. ايهاب مجبدليش حس الزواج من داك النهار.. اش غايدير بشي زواج وانا راني معاه.. دوزت نفس العذاب اليوما.. مشا للشركة فالعشية وانا بقيت جالسة كنتفرج فالتلفزة.. شوية سمعت الدقان فالباب.. يكون داك الزمر نسا السوارت.. نضت بتثاقل مشيت كنتصنت مور الباب ..
اكرام: شكون..
فارس: انا فارس..
قلبي ضرب 200 دقة فالدقيقة.. فارس .. علاش جاي وكيفاش حتى عرف طريقي.. حليت الباب.. شاف فيا بصدمة.. مقدرناش نهضرو بجوج.. مد يدو وطلعلي راسي.. وشاف فعنقي..
فارس: هو اللي دارليك هاكا ؟؟😠
اكرام: منعرف.. نقدر نكون كنكتب ولا باغا ننصب.. ونكون قمشت عنقي لراسي.. وحاولت نخنقني..
فارس: 😤 هادي هي دار المتعة!!
تصدمت مللي سمعتو.. كيفاش حتى عرف هاد المصطلح وانا الوحيدة اللي كنقولو..
اكرام: 😓 شنو بغيتي افارس..
فارس: انا غادي نعتقك منو.. اجي معايا..
اكرام: 😔بلاتي نبدل حوايجي.. وغانجي معاك
بقا كيستنى فالباب وانا دخلت دغيا باش نبدل حوايجي.. باش نمشي مع فارس.. ماشي على قبل حبي ليه.. وانما حيت وعدني يخرجني من هاد القضية .. والغريق يتعلق بقشة.. هو استاذ جامعي يمكن يلقالي حل يقدر يخلصني بيه من ايهاب.. بدلت دغيا حوايجي ولحت الاخرين بسرعة.. وخرجت عند فارس اللي كان كيستنى.. لقيتو لداخل كيشوف فالدار .. والباب محلولة..
فارس: زيدي ..
ايهاب :فين غاتزيد..
قلبي كان غايوقف مللي شفت ايهاب جاي .. ماشي وقتو..
فارس: نتا بأي حق حابس هنا بنت .. ماهي مرتك ماهي ختك.. بالاثار دالتعذيب اللي فيها نقدر ندخلك الحبس..
ايهاب : 😠 اكرام.. دخلي للبيت.. ولا نتي عارفة اش غاندير..
اكرام: مغندخلش.. وايلا بغيتي تدخلني للحبس ..دخلني.. اهون عليا من وجهك..
ايهاب: اكرام 😡😡 انا غانحاسبك على هاد الهضرة.. ولكن منبعد..
فارس: هضرتها غاتكون فالكوميسارية.. واللي فجهدك ديرو..
ايهاب: خرج من داري والا غاندفنك ليوما فيها..
فارس: انا مغانخرج الا واكرام معايا..
جا ايهاب باتجاهي وبدا كيدفعني للبيت .. محسيت حتى تجر من حوايجو وتضرب بالبونية.. فارس عطاه بالبونية حتى طاح الارض..
فارس: يالله دغيا..
شديت فيدو ومشيت معاه دغيا.. وانا كنشوف فايهاب فالارض .. كان كيشوف فيا بنظرة غريبة بزاف.. نظرة غضب ممزوجة بحزن.. كأني اخر مرة غانشوف هاد الوجه.. خرجنا بسرعة وركبنا فالطوموبيل.. مشفتش فيه.. وبقيت ساكتة طول الوقت.. حيت حتى واحد مغايحس بيا فهاد الدنيا مهما شكيت وعاودت.. قلبي تضرر بزاف واحلامي كلها ولات سراب.. قررت اني بمجرد ما نتخلص قانونيا من هاد القضية غادي نسمح فكلشي وغانمشي بعيد .. ومغنعرف حد ولا نعطي ثقتي لشي حد .. المهم اني نعيش... بلا مشاكل..
فارس: عاوديلي ..مللول ..
اكرام: 😳..
فارس: بغيت نسمع منك..
اكرام: هددني بالحبس.. وجابلي البوليس حتى للمعمل..وانا كنت كناكل الدق من عند خويا.. طاب جسمي بالضرب.. وخفت يعرف يقتلني.. مكان حتى واحد يقدر يوقف بجنبي.. الدنيا كلها كتضرب فيا.. وافقت على اساس مرة وحدة..قالي غايعطيلي مقابلها ورقة ب 10000 درهم.. وفعلا.. ولكنه زاد شد فيا.. ومبغاش يتفك مني.. خديت منو الوراق كلشي.. ولكن اكتشفت انه كدب وعطاني غا الاوراق الفرعية.. بحال الى عمرني خلصت الدين..
فارس: الاوراق مازالين عندك..
اكرام: لا.. تسرقو.. مع الصاك ديالي..
فارس: كان ممكن نبرئك بيهم.. ولكن.. ماعليش.. نشوفو حاجة اخرى..
وصلنا بعد طريق طويلة.. وبعدما نعست وفقت.. وصلت لدار مي هنية.. نزلت لقيتها كتسناني.. مشيت عنقتها بالدموع..
هنية: بنتي.. 😭
اكرام: ماما.. سمحيلي 😭
هنية: سمحيلي نتي.. كان عليا نشدك داك النهار.. وريلي اش هادشي فعنقك 😱
اكرام: 😭 كان غايقتلني..
هنية: ولد الحرام.. الله يقطع ليه يديه.. نتي عمرك تخرجي من هنا .. متخافيش ابنتي
39
دخلت لبيتي.. وضرت فيه وانا خايفة.. خايفة نكون كنحلم ... وهدوءي غايكون نسبي ونرجع من جديد للالم.. كرهت حياتي.. تفكرت واحد البنت كانت كتقرا معايا فالاعدادية.، وكانت كتبغي واحد السيد.. طلع حتى هو شماتة معاها وبدلها بوحدة اخرى.. بدات كتنوح وتبكي.. وكتقول انا غادي ننتاحر.، شحال غبية.. عندها امل تعيش ومكتعيش على قبل راجل.. فتحت الماريو.. باش نبدل حوايجي.. لفت انتباهي عدم وجود البورطابل اللي جابلي المسخوط.. التلفون اللي من زهرو درتو فالجيب نهار جيت لهاد المدينة ومتسرقش مع الحوايج الاخرين.. ولكن فين غايكون مشا.. زعما يكون خداه فارس.. وبيه عرف دار المتعة.، خرجت دغيا من البيت مشبت لقيتو جالس وكيقرا فكتاب.. شاف فيا وسدو.،
فارس: جلسي..
اكرام: عندي شي اسئلة بغيتك تجاوبني عليهم..
فارس: تفضلي..
اكرام: كيفاش حتى عرفتي فين انا.. وعرفتي الدار.. وكيفاش عرفتي سميتها دار المتعة..
فارس: (ابتسم وحنا راسو وعاود طلعو) نبداو بدار المتعة.. تلفونك راه عندي.، ومنو قريت الميساجات اللي كان كيصيفطلك داك الجحش واللي كان كيهددك بيهم.، وتما عرفت دار المتعة.. اما كيفاش عرفت بلاصتك،،، مشيت للكوميسارية جبت الاسم والعنوان ديال السي ايهاب.. ومشيت لعندو الشركة بقيت كنرفبو وتبعتو حتى جا للدار.، خليتو حتى خرج وجيت دقيت عليك.،
اكرام: 😔 بغيت التلفون.،
فارس: الى بغيتي نخلصك من ايهاب.. التلفون يبقى عندي .. الميساجات دليل مهم فالقضية.. ابتزازو مغايدوزش عادي.، بيه غانقلبو عليه القفة..
اكرام: واخا.. شكرا ليك
فارس: اكرام.،
اكرام : نعام
فارس: (الصمت) تيقي بيا واخا؟
اكرام: اكيد..
نضت دخلت لبيتي وشايفة بعيني تابعني بنظراته.. شحال زوينة تشوفي حرص شخص عزيز عليك فعينيه.. تمنيت لوكان تاق بيا من الاول.. دابا مبقيتش باغا نتصدم مرة اخرى.. حيت مبقا فيا فين تجي شي دقة اخرى .. نعست وانا خايفة بزاف..اش غايوقع واش ايهاب غايسكت.. وغايخليني..هوسه بيا غايخليني.. منظنش.. ولكن اللي متأكدة منو ان فارس معايا.. او على الاقل امه معايا.. فقت الصباح .. ونضت مشيت نوجد الفطور.. فاق فارس كيتكسل.. وشاف فيا.. وابتسم.. الله يا ربي واش هادا اللي كان ديما مغوبش فوجهي..
فارس: صباح الخير..
بلعت ريقي من هو الصدمة.. المشهد جديد عليا.. ولكن لا مخاصش نتيق راسي بزاف .. مافيا ما يتحمل صدمة جديدة.. خاص نتعامل برسمية ..
اكرام: صباح الخير استاذ فارس..
شاف فيا وضحك هاد المرة بالجهد ماشي غا ابتسامة..
اكرام: واش قلت شي حاجة غلط
فارس: لا ابدا..هه غير الرسميات مكاين لاش نتعاملو بيهم..
اكرام: مهما كان .. العين عمرها ما تعلا على الحاجب.. نتا استاذ وغاتبقا استاذ.. اما انا.. شكون انا..
فارس: عمرك تقللي من نفسك.. حيت نتي قوة هائلة .. مشفتش بحالها فالدنيا.. ربما تكوني نتي اعظم مني عند الله.. وفالحقيقة نتي اعظم مني.. انا كنت ضعيف من اول مشكلة واجهاتني فالحياة.. واستسلمت.. ولكن نتي لا.. كنتي قوية حتى الاخر.. وتحملتي اللي ميتحملوش انسان.. نتي فعلا عملة نادرة فهاد الدنيا..
اكرام: 😅
بدا العرق كيطيح مني وكنرجف.. اش هادا .. بقالو غا يقول قصيدة فيا.. واش متأكد كيهضر عليا.. شكون هادي اللي كيهضر عليها.. ناري غانسخف هنا دابا،.
فارس: فين القهوة ديالي.. 😉
اكرام: هاهي 😀ً
كنت علاين نكبها عليه بقوة الرعدة اللي فيدي ...
فارس: ههه بشوية عليك..
ناري هاد السبد غايقتلني ويخرج عليا.. اكتشفت اني فعمري ما بغيت جلال.. وانه كان فقط ملاذ ليا.. ومهرب من ظروف عيشي فدارنا.. ولكن دابا احاسيسي مختلفة.. كنتكركب غا مع راسي.. كنحس بتفاعل فالاعماق دالقلب ديالي مللي كنشوفو.. عمري كنت كنظن ان هاد القلب غايحيى من جديد ويبغي ويعيش الحب.. كنت كنظن ان ايهاب قتل كل شيء زوين فيا.. ولكن فارس استطع يفيق من جديد هاد الروح ويرجعها للحياة..
فارس: اكرام..شنو رأيك تمشي ليوما معايا للجامعة.. وتدخلي تحضري المحاضرة اللي غاندير مع الطلبة..
اكرام: 😳بالصح..؟
فارس: الى بغيتي 😊
اكرام: حلم حياتي انه نقرا فالجامعة.. جوج دقايق نلبس ونجي..
فارس: غانستناك
مشيت كنجري وانا مامتيقاش راسي.. لبست اللي جات قدامي.. وخرجت لقيت مي هنية جالسة كتفطر
هنية: صباح الخير ابنتي... فين باغا تمشي..
فارس: غاتمشي تقرا..
هنية: بالصح،.، تبارك الله على بنتي..
اكرام: ربي يخليك اخالتي
40

مشيت مع فارس وصلنا وانا قلبي بدا كيضرب.. بقيت حالة فمي بحال شي وحدة دخلات لمدينة الاحلام.. بزاف دالشباب والشابات.. كل الانواع،، شي ملتزم شي مفركس شي مواضب.. كل الانواع.. فرحت بزاف.. وصلنا لواحد القاعة كييرة وفيها الطاولات كبار.. شاف فيا فارس.. بحال الى قرا عيني..
فارس: هادا سميتو مدرج.. بالفرنسية emphi.. وهنا كنقدم المحاضرات ديالي..
اكرام: وااو.. قلبي تشد لهادشي..مكرهتش نقرا هنا ديما.. ونتعرف على كاع الناس..
فارس: ليس كل ما يلمع ذهبا .. فالجامعة فيها فصائل بزاف.. الاسلامي مثلا والقاعدي والامازيغي.. كل واحد من هادو مختلف على لاخور بزاف.. وكل واحد عندو افكار خاصة وقناعات..
اكرام: غريب..
فارس: كما ان الجامعة عالام بوحدو.. مثلا غاتشوفي محاكمات هنا.. يعني الى شي حد دار خطية هنا كيتحاكم وفقا للعرف الجامعي ماش برا..
اكرام: اوو
فارس: هادا شيء جميل حيت الحق مكايضيعش.. ولكن من جهة اخرى عندو سلبياتو
اكرام: شكرا بزاف.. انا حاسة راسي مكنتش عايشة.. ونتا رديتي فيا الروح..
فارس: يا ريت 😌
حشمت وشديت بلاصة.. شوية بداو كيدخلو الطلبة.. وكل واحد جالس فبلاصة وكيشوفو بانتظام للاستاذ.. نظمو راسهم براسهم.. والى شي حد هضر او دار الفوضة كلشي كيوقف فوجهو.، لا علاقة مع الاقسام ديال الاعدادية ههه.. مازال كنسمع جملة" انضبط الطالب..." تقال له من طلبة اخرين.، وقف فارس شامخ وبشخصية قوية قدام الطلبة ديالو.. وانا كنشوف فيه باعجاب وافتخار كبير..
فارس: اذا نبداو الدرس ديالنا ليوما.. بمقولة " القانون لا يحمي المغفلين" ما رأيكم.. هل يجب ان تسن تشريعات جديدة تحمي المغفلين .. ضحايا النصب .. والتي يمكن ان تفتح قضايا كثيرة تم فيها النصب على اشخاص دون وجه حق من طرف اشخاص استغلو النية الطيبة للبعض.. ام ان هذا سيفتح باب استغلال ثغرة المغفل .. بين قوسين.. من اجل الخروج من قضايا اخرى.،
ناري قلبي.. حتى الشرح ديالو كيدخل للقلب.. معدر الطلبة منتابهين.. لاحظت في عيون بزاف ديال الطالبات .. الاعجاب بأستاذهم.. ناري غايديوه ليا.. 😭.، شدي راسك اكرام وركزي مع الاستاذ..
سالات المحاظرة وكلشي خرج والكثير مشاو لعند فارس كيستفسرو منو.. وانا بقيت جالسة كنستنى فيه.. بانلي فيه قيس .. وانا ليلى.. ترى واش داها فيا .. احبك.، لا اعرف ما احب بك.، شخصك وجهك ام كلك.، انسان انت لا نظير لك.، احببتك وانا فخورة بحبك.، لم اظن يوما اني سألتقي مثيلك.. رعاك الله واحسن رعايتك،، وغسل بالماء والثلج والبرد ذنوبك،، ومن شياطين الجن والانس حفظك.. يامن على جميع خلقه اصطفاك،، لتدخل قلبي وتحفظ مكانك.. فأذنلي ان اسألك.، اذا ما كنت راضيا بحبي لك؟!! او اني مقصرة بحقك.. صدقني ليس ذنبي حبك،، بل هو قلبي ... قلبي يتقلب تجاهك.. ويصرخ احبك.، احبك،.
سالا وجا عندي.. وطلب مني نمشيو.، مشيت معاه وانا فرحانة..
اكرام: عرفتي افارس.. مكرهتش نبدا نقرا من دابا..
فارس: غاتقراي متخافيش ..
اكرام: علاش فنظرك سكت ايهاب.. ماشي من عوايدو.. مدار حتى ردة فعل..
فارس: يمكن لقاني معاك.. عرف انك مبقيتيش بوحدك
اكرام: اه كان كيستفرد بيا..
فارس: نسايه عليك.. ماما تكون كتستنى فينا
اكرام: سمحت فيها ليوما..
وصلنا للدار ..
هنية: خليتوني بوحدي..
اكرام: مغنعاودش اماما ههه
هنية: ماعليش.. اهم شيء عندي هو تكونو نتوما سمن على عسل..
فارس: هاهي المجتهدة ديالنا جات..
ناري قلبي كيفرفر مللي كيهضر عليا.. بقيت تابعاه بعينيا وفرحانة.. عمري كنت كنتخيل اني نفرح شي مرة.. كانت الفرحة حلم بعيد جدا..
هنية: بعد غدا حنا معروضين لعرس فالعائلة.. غانمشيو ياك
فارس: طبعا.. ومنو باش تبدل اكرام شوية الجو.. وتتعرف على عائلتنا..
كان غايسكتلي القلب.. ناري عندو غرض يعرفني على عائلتو.. قلبي الصغير لا يتحمل.. وانا اللي قلت غادي يصتعر مني.. حيت.. نساي صافي اكرام.. الباب كتتفتح قدامك.. باش تنساي وتبداي من جديد..
الغد ليه نضنا انا وخالتي.. ووصلنا فارس للقيساريات.. بقينا كنضورو ونشوفو التكاشط.. شي تكاشط واعرين كيحمقو.. اختاريت وحدة زوينة بزاف وخلصاتها مي هنية.. شريت معاها طالون باش نلبسو .. رجعنا للدار وماوريناش لفارس اشنو شرينا وحتى هو ما هتمش.. الغد ليه.. نضنا بكري ووصلني فارس الكوافورة ودرت معاه يدوز مورايا.. ونمشيو للعرس من تما.. لبسات مي هنية من الدار تكشيطها وشالها فالدار.. وانا صاوباتلي الكوفورة الشعر والمايكاب.. شفت فراسي معقلتنيش.. ههه يا ترى واش غنعجبو.. جات وحدة قالتلي راه كيستناك واحد سميتو فارس.. اه فارس احلامي.. خرجت وانا مستريسية.. شاف فيا ومحيدش عينو.. كان بريق الاعجاب كينتثر من عينيه..
اكرام: جيت زوينة ؟☺️
فارس: كلمة زوينة قليلة فحقك.. 😄
مللي سمعت هادشي تكعبلت فالتكشيطة وكنت غانطيح لولا ان فارس شدني.. ولاول مرة كنقرب من عينيه.. لون الطماطم ولا فوجهي ديك الساعة..
فارس: تفضلي ..
الحمد لله انه عتق الموقف دغيا وحللي الباب ديال الطوموبيل وركبت.. ركب حتى هو وبدا يصوك .. امه لقدام ..
هنية: تبارك الله على بنتي.. جيتي زوينة..
اكرام: الله يخليك لينا امي ..
بقيت كنشوف قدامي وحشمانة من الموقف اللي وقع.. شوية بانلي كيشوف فيا فالمرايا.. تما زدت حشمت كتر وحنيت راسي..
يتبع....
لا تنسى الاعجاب بصفحتنا على فيسبوك
مجلة كلمات جميلتي

ملاحظة : لكل من واجهته مشكلة عبر التطبيق ولكل استفتراتكم وتعليقاتكم المرجوا التواصل معنا عبر الواتساب :
212651371981+
ولا تبخلو علينا بوضع خمسة نجمات للتطبيق عبر بلاي ستور لنطور التطبيق اكثر.
دار المتعة (الجزء الثالث) | قصص رومانسية بالدرجة المغربية 

41
وصلنا للعرس اللي كان فقاعة .. نزل فارس بأناقتو وحل الباب لامه.. نزلات .. انا نزلت قبلها لراسي.. وبقيت كنستناه وهو شاد فيها وكينزلها.. سد الباب ديال الطوموبيل.. وعطا دراعو لامه.. شدات فيه.. شافت فيه ديك الساعة شاف فيا وعطاني دراعو الاخرى.، انا تزنكت وحماريت من جديد.. شفت فمي هنية ضحكات عندي وحركات راسها بمعنى شدي فيه.. شديت فدراعو وانا قريب نسخف.. تمشينا بثلاثة بينا.. وانا حاسة راسي طايرة فالسما.. انا اللي مكان حتى واحد دايرلي اعتبار ... ولا حاسبني فالدنيا كاع.. وليت شادة فيد خيرة الناس وداخل بيا لعائلتو.. لا هادشي بزاف عليا.. دخلنا واكثر من عين كانت علينا.. وعليا انا بالذات.. يمكن حيت مكيعرفونيش وبزاف مستغرب علاش انا مع فارس وامه.. استقبلاتنا مولات العرس وكنسمعها كتسول مي هنية عليا.. قالتليها بنتي.. لوخرا جاوباتها ب الله يفرحك بولدك فارس يا ربي.. مشينا جلسنا فراحد الطاولة.. حسيتو عرس فخم وفين غانبان انا معاهم.. بقيت جالسة وشادة يديا عندي.. وبزاف دالبنات كانو كيشطحو قدامي..
فارس: ياكما قنطي..
اكرام: لا ابدا.. العرس زوين بزاف..
فارس: نوضي نشطحو انا وياك..
اكرام: 😳انا؟
فارس: اه .. نوضي..
ناض وصاوب الكوستوم ديالو ومدلي يدو باش نوض.. قلبي مقدرش يتحمل.. كما المصائب لا تأتي فرادى .. بحال الافراح لا تأتي فرادى.. وانا قلبي تخلع من الفرحة.، مشاعري ميمكنش نوصفها .. نضت وبقيت كنتهر قدامو زعما را كنشطح وهو قدامي راقي حتى فشطيح ديالو.. شاد فيديا بجوج وكيشطحني.. وانا غانسخف بقوة الحشمة.. فالعادة معنديش مع الشطيح ولكن من هاد النهار وليت كنحماق عليك.. شوية وجلسنا..
هنية: تبارك الله عليكم..
اكرام: الله يبارك فيك ☺️
هنية: الله يحفظكم من العين..
فارس: امين..
شوية جا واحد سلم على مي هنية.. وشاف فيا..
الشاب: خالتي هنية..شكون هاد البنت..
هنية: بنتي..
الشاب: بالصح؟؟ هي نجي نخطب..
حشمت انا شفت ففارس.. بدل الضحكة.. 😒
هنية: نفوت ولدي فارس ونعطيهالك.. راه مايمكنش.. خبز الدار ياكلوه مالين الدار..
كوووول.. وهدف في منتصف الجبهة.. بزاف هادشي بزاف.. واش وليت ماريا شارابوفا .. كيدابزو عليا الرجالة.. شفت ففارس دار واحد الضحكة خطييرة..
الشاب: مبارك ومسعود اخويا فارس.. تستاهل .. ديتي الزين والتباتة..
فارس : الله يبارك فيك.،
واش كنحلم.. واش قاليه الله يبارك فيك.. يعني.. اش كيعني هادا.. عندك نكون كنحلم.. واقيلة كنحلم باينة ..مي هنية تلهات مع شي عيالات.. العرس كله.. وانا كنسرق نظرات باش نشوف فيه وهو كذلك.. حطو العشا.. وبدينا الماكلة.. كنت كناكل بواحد التباتة كبيرة.. خفت يشوف فيا شوفة خايبة .. بغيت نبقى نبانليه زوينة وصاف..كملنا العشا.. وبدات العروسة كتضور بالباسي.. تمنيت راسي بلاصتها.. بقيت غا كنشوف فيا.. الدنيا فشكل.. قبل مكنت باغا لا عرس لا والو كنت باغا غير نخرج من دارنا .. اما دابا تطورو احلامي.. وليت باغا نركب فالعمارية حتى انا..
فارس: اوهوو فين مشا عقلك..
اكرام: مع العروسة 😊
فارس: بغيتي تكوني بلاصتها؟؟
تزنكت مللي قالها وارتبكت معرفت منقول وهو يجي عندو واحد سلم عليه.. تمنيت نشنق عليه فهاديك اللحظة.. علاش مخليتيهش يكمل هضرتو.. كان غايقولي شي حاجة. كان غايطلب مني الزواج مثلا.. ااه يا قلبي.. فيقي اكرام.. واش صافي جلسوك حداهم تيقتي.. متنسايش منين جابوك.. سالا مع السيد وتقلب عندي وبقا كيشوف ..، ولكن سكت... حتى انا سكتت وتقلبت شفت فالعروسة عاود..
فارس: شفتي البوفي..
اكرام: اشناهوا؟؟
فارس: ديك الطبلة الطويلة اللي عامرة بالحلويات..
اكرام: اااه زوينة ..
فارس: يمكنليك تهزي منها اللي بغيتي .. سيري .
اكرام: بالصح،؟؟
فارس: طبعا .. وجيبيلي معاك حتى انا 😉
نضت وانا فرحانة .. كنشوف الاشكال والالوان ..بقيت كنختار .. خديت واحد المادلين عامرة بالكريمة مكتوب فيها .. كاا كاب.. كاب كيك.. كاب كيك،. هي هادي.. وشي حلوات .. و..
مجهول: نعاونك،،
اكرام: شكرا.. ممحتاجاش..
مجهول: نتي الوحيدة اللي بعقلها فالبنات هنا.. غايحصلي الشرف الى تعرفت عليك..
اكرام: سمحلي .. منقدرش..
مجهول: حيدي عليك الحشمة.. هاكي ها النمرة ديالي .. غانستنا اتصالك..
حطلي ورقة فيدي ومشا .. انا ارتبكت.. ولكن ضربي بدا يضرب مللي بانلي فارس قدامي جاي لعندي وحاط يديه بجوج فجياب السروال.. ومغوبش.. ناري قفرتها.. وصل عندي ومازال مهضر..وانا نطلع الورقة وعطيتهالو..
اكرام: مم مكنعرفوش.. حطلي الورقة ومشا .. ا انا قلتلو لا ..
شد مني ديك الورقة وشاف تما واحد الشمعة شاعلة دا ليها الورقة وحرقها وطفاها.. كان قلبي غايوقف ..
فارس: ختاريتي شي حاجة؟
مقدرتش نهضر تصدمت.. واش صافي مغايدابزش معايا.. ؟؟ بدا كياخد فجوج طباسل صغار عمرهم بالحلو..
فارس: شدي طبسلك.. يالله نجلسو
فارس: شدي طبسلك.. يالله نجلسو..
شديت منو وانا مصدومة وتمشيت موراه حتى وصلنا لبلاصتنا.. وجلسنا.. دابا كيغاندير ناكل.. اش هادشي وقع دابا وشنو معناه.. زعما يكون غار.. لا اكرام ربما شافو ضاسر عليك وجا يعتقك..
فارس: كولي 😒
اكرام: واخا
شدات فيا الرعدة كليت شوية ووحلاتلي .. مقدرتش نصرط..
فارس: هاد العرس مالو ما بغا يسالي..
اكرام: واش مليتي .. خلينا نمشيو الى مليتي..
فارس: ونتي.. باغا تبقاي ولا مليتي حتى نتي؟
اكرام: فين ما تكونو نتوما انا غانكون فالدار ولا هنا.. المهم هو نتوما..
دار واحد الابتسامة عريضة ومفاجئة..
فارس: انا بغيت نمشي 😀
اكرام: صافي واخا قول لمي هنية تنوض..
نوضنا مي هنية وخرجنا وانا تابعة فارس بعيني مشا للطوموبيل .. وحل لامه الباب وحل الباب اللوراني ليا.. هادشي بزاف عليا.. حياتي كلها دوزتها بالعنف والغصب.. عمري دوزت هاد اللطافة فحياتي.
42
دخلنا للدار وانا فرحانة .. مكرهتش نبقا نقصر الليل كله معاه.. ولكن فارس دغيا استأذن ودخل ينعس.. الزهر.. وحتى مي هنية كانت عيانة بزاف دخلات تنعس.. اما انا دخلت لبيتي .. لحت الطالون كل فردة فجهة.. جلست فوق ناموسيتي وحطيط رجل على رجل .. وجلست كنستحضر الذكريات اللي دازولي ليوما معاه.. قلبي يا انا .. لا يتحمل.. كيفاش كيشوف فيا وكيفاش انا كتتلفلي الهضرة معاه.. كينزل عليا الحياء.. كنموت عليك افارس.. كنموت.. نضت كنغمي وكنشطح الكلاسيك فالبيت.. حيدت التكشيطة وبديت كنشطح غا ب دوبياس.. فلحظة تقلبت وشفت فالمرايا.. بانلي جسمي.. يا ربي .. كله طبعات .. واثار ضربات.. السيكاتريس ديال الكريساج فيدي قداش.. والحرف ديال ايهاب ففخذي .. وبعض الضربات كان دايرهم ليا هو نيت باقي اثرهم لحد الان.. وشي قديم ديال خويا.. واش غانوري هاد الجسم لفارس.. اكيد غايكرهو.. علاش كلما حلمت كنفيق فجأة.. تشهيت راسي شي مرة نحلم ونبقى كنحلم بلا منفيق.. حتى الاحلام .. مبقاش ليا فيهم مكان..لبست حوايجي وغطيت راسي.. وحليت شعري.. وحيدت الماكياج.. ودخلت نتكمش فبلاصتي.. نعسي اكرام نعسي.. من الاحسن نرجع لاحلامي.، ونضحك.. باراكة عليا من الواقع.. باراكة.. فارس.. تصبح على خير حبيبي 😁 ههه
فقت الصباح وفذاكرتي شخص واحد.. وهو فارس.. نضت ناشطة ومشيت نوجدليه الفطور.. مشيت وجدتو لقيتو جاي وهاز فيدو جاكيتة وفيد اخرى صاك ديال البيسي..
فارس: صباح الخير
اكرام: صباح النور.. نعستي مزيان
فارس: بخير .. ونتي
اكرام: حتى انا..
جلسنا فطرنا وحشمانين من بعضياتنا.. شرب قهوته الصباحية اللي منوجدهالو يوميا.. شاف فالساعة ..
فارس: اووه تعطلت.. انا غانمشي.. تهلاي فراسك وفالواليدة.،
اكرام: واخا.. حتى نتا تهلا فراسك.،
اول مرة كيقولي تهلاي فراسك.. قلبي يانا..
بديت نخمل بنشاط.. ناضت مي هنية فطرات وبقات تهضر معايا.. حتى سمعنا الصونيت فالباب.. قلبي تقبط.. شكون كيدق .. ياكما ايهاب..
هنية: فتحي ابنتي..
اكرام: انا خايفة يكون ايهاب..
هنية: طلي من السرجم.. الى كان هو متحليش..
اكرام: واخا
جريت طليت من السرجم،، لقيتها بنت .. جاية وهازة معاها باليرة.، تكون زعما بنت مي هنية..
هنية: شكون ابنتي.،
اكرام: وحدة هازة باليزتها..
هنية : فتحي الباب .،
مشيت حليت.. شافت فيا البنت من فوق لتحت،، عبراتني بعينيها ودخلات جرات موراها الباليزة.. مشات سلمات على مي هنية ببرود. .. مشبت عندهم ندير الصواب
اكرام: تشربو شي خاجة.،
البنت: الا
هنية: صافي ابنتي سيري لشغالك.،
مشيت للكوزينة واكتيفيت ودني.. وبديت نسمع
هنية :شنو جاية ديري هنا
البنت : جاية نشوف فارس.. باقي ماجا من الخدمة؟
هنية: سمعي ابنتي.. معندك شغل مع فارس.. نتي مرت الراجل.. وفارس ولا غريب عليك.. بعدما طلقك..
البنت: فارس ولد عمي.. ومن حقي نتلاقاه ونشوفو..
هنية: الله يرضي على بنتي لما سيري.. ولدي تعدب بسبابك بزاف.. ومكانش ساهلة عليه يرجع يعيش من جديد.. متجيش دابا تمرضيه تاني..
البنت: انا غانجلس .. حتى يجي فارس.. وهو اللي يجري عليا..
جلسات وحدارت رجل على رجل.. وجبدات تلفونها كتلعب فيه ومدارت بحساب خالتي هنية كاع.. ناري هادي طليقتو.. علاش راجعة دابا وفهاد الوقت بالضبط.. والاهم من هادشي كله.. هي زوينة 😭 .. فين نبان انا.. هي الطاية وكتعرف تلبس.. وباينة بنت الناس.. انا والو معاها .. واااع علاش علاش.. شديت شي خص كنت باغا ندير بيه شلاضة للغدا وبديت ناكل فيه بالفقصة.. كناكل ناكل ناكل.. مللي انتبهت لقيت راسي واكلاه كله.. شوية سمعت الباب تفتح،، اكيد فارس.. نضت وبقيت نطل.. بقا كيشوف فيها بصدمة.. طلبات منو يمشيو يهضرو فغرفة المكتب.. مشا معاها 😭😭 كنت كنتوقع انه غايطردها ويقوليها نسيتك.. شكون نتي ا اكرام باش يبدلها بيك ..
43
بقيت كناكل الهوايش.. وكنتفقص ونوجد فالغدا.. فيقي صافي فيقي.. نتي هنا غا خدامة.. ومولات الدار هي هادي ورجعات لدارها.. مالكي نتي ومالهم.. كنقشر البطاطا بالفقايص وكنسب ونعاير.. الله يجعل كاميو يدوز فيك.. الله يهرس ليك ضلوعك ضلعة ضلعة ومايلقاو ما يجمعو فيك.. الله يخليك بالخلا ويجيب شي جايحة تديك.. هنية: علامن كتدعي .، اكرام: 😳والو.. انا دعيت.. هنية: من الصباح ونتي تدعي.. علامن؟ اكرام: تى واحد.. هنية: ايوا وجدتي شي غدا.. مالك موجدتي والو ليوما.، اكرام: عشرة دالدقايق يوجد.. هنية: غاتسحريه باش يوجد.. اكرام: صافي اخالتي.. هانو غايوجد دابا.. هنية: عمرك ماقلتيلي اخالتي .. اش واقع.. اكرام: سمحيلي امي.. مقصدتش.. واش سالاو هضرتهم.. هنية: ااااه.. فهمت.. معرفتش علاش جاية .. وبيني وبينك خايفة تاكل عقلو مرة اخرى.. هاديك الافعى مسمومة.. انا مكتحتارمنيش راكي شفتي.. اكرام: 😱 ممكن .. تقدر تخليه يرجع ليها.. هنية: مم .. واش هاد الموضوع مقلقك 😌 اكرام: ام .. لا غا باينة فيا محاملانيش.. تقدر تجري عليا من الدار.. هنية: الى خرجتي نتي.. حتى انا غانخرج معاك.. تهنيتي.. اكرام: لهلا يخطيك عليا امي.. هنية: فين الخص .؟! اكرام: امم لقيتو خانز.. ورميتو.. هنية: فين رميتيه.. وريلي.. غريب انا جبتو بيدي من السيد اللي كيبيعو فالكارو ديالو.. اكرام: امم لحتو من السرجم.. هنية: صافي فهمت.. الفقصة دير كتر ههه اكرام: اي فقصة 😳 هنية: ههه وجدي الغدا دغيا.. راه فارس تابعاه الخدمة.، اكرام: اه باينة هنية: اشنو قلتي.. اكرام: والو.. بقيت جالسة على نار.. حتى سمعت الباب تفتح.. نقزت من بلاصتي باش نمشي نشوف.. لقيتها خارجة فرحانة ومشات عند باليزتها وهزاتها وطلعات لفوق.. تما قلبي حرقني.. صافي تصالحو اكيد.. كنت غانبكي وعينيا غرغرو.. رجعت بانكسار لعند لغدا وبقيت كنصاوب ونحط على الطبلة.. يديا كانو فشلانين بزاف... جيت نحط واحد الطبسيل وانا نلقا فارس فالباب وداير يديه فجيابو.. الحركة اللي معروف بيها .. مقدرتش نطلع عينيا بقيت منزلاهم قدامي ومكملة شغلي.. خفت نضعف ونبكي قدامو.. ونتفضح باللي حلمت حلمة كبيرة عليا.. شفتو جر الكرسي وجلس .. وهو ساكت.. امه جات جلست حداه وانا بقيت كنحط .. حتى ساليت.. شوية لقيتها قدامي.. زدت جعرت وخبيتها فقلبي.. فارس: جلسي اناريمان.. ناريمان: معرفتونيش .. شكون هاد السيدة.. هنية: هادي بنتي.. فمثابة بنتي.. كتقوليا امي .. ناريمان: اه جبتوها من الزنقة.. فارس: ناريمان 😠 ناريمان: صافي ما قلت والو.. اكرام: بصحتكم.. استسمح غانطلع للبيت.. فارس: اكرام جلسي تتغداي.. اكرام: بصحتكم.، عيانة شوية وباغا نرتاح.. خرجت وانا نسمعو كيهضر معاها فارس: واش كان ضروري تقللي من احترامها.. هانتي حرمتي عليها الغدا.. ناريمان: بشوية عليك.، مالي اش قلت.. حتى لهاد الدرجة كتخافو على مشاعرها.. وزايدون انا ما قلت حتى حاجة عيب ولا غلط.. نتا اللي قلتيلي راه كانت فالزنقة وامك طلباتها تجلس معاكم.. زدت تفقصت كتر وطلعت للبيت وسديت الباب .. وانا نطلقها بالبكا.. حسيت الدموع كيخرجولي من الاعماق.. حسيت بالحكرة.. ومن جهة اخرى حسيت بخيبة امل اخرى.، حيت حسيت من جهة فارس بشي حاجة صادقة.. والمشاعر الزوينة كنت كنفتقدها .. ومحرومة منها.، وبقات فيا حيت تجرحات.. مشاعري اللي مابقيت كنملك فالدنيا غير.، بديت كنبكي وكنخرج فدموعي .. شفت فالمرايا.. كانو عينيا منفوخين وحومر بزاف بالبكا.. عمري حسيت بحال هاد الحرقة حتى مللي كانت حياتي كتدمر.، مكنتعلمش من اخطائي.. اكرام نتي شفتي بعيد.. شكون نتي وشكون هوما.. عندها الحق جابوك غا من الزنقة.. حمدي الله حيت رضاو يعطيوك بيت ويسكنوك بيناتهم.. هادشي وماكنتيش كتحلمي بيه.. واش كتتخيلي ان فارس بعدما عرف ان ايهاب شبع لعب فيك .. غايرضى بيك ويفكر فيوم من الايام يتزوج بيك.، غاتكوني هبيلة وكتحلمي.. اللي سميتها ناريمان واخا خانتو الا انها فنظرو نقية اكتر منك.. دخلت فالمانطة وتكمشت وفزكت المخدة بالدموع.. كنت كنحس ان شي حجرة محطوطة على قلبي.. بقيت متكية وكنبكي.، حتى سمعت الدقان فالباب..
44
شوية تفتح الباب لقيت مي هنية دخلات.. مسحت دموعي دغيا.. وجات عندي جلسات حدايا.. هنية: مسحيها فيا ابنتي.. عارفاها جرحاتك.. اكرام: عندها الحق تقول اللي بغات امي.. هي راه مولات الدار.. هنية: هي ماشي مولات الدار .. وحيدي هاد الوساوس من بالك.. اكرام: يكفيني انك والسي فارس .. قبلتو اني نجلس معاكم ودرتو فيا الثقة.. هادشي على راسي وعينيا.. ولو بقيت كنخدمكم حياتي كاملة مغاديش نردليكم الجميل ديالكم.. هنية: السي فارس!!! دغيا قلبتيها للرسميات معاه.. ههه اكرام: هادي هي الحقيقة اللي مخاصنيش ننساها 😓 هنية: اجي ابنتي.، (عنقتها) نتي راكي بنتي اللي مولدتهاش.. وغايبقا مقامك عندي كبير.. مهما كان الحال.. رتاحيت بزاف فحضنها.. هادي هي الانسانة الوحيدة اللي كتفهمني فالدنيا.. غمضت عيني وقررت ننسى كلشي.. مهما يكون الحال.. ونعرف قيمتي.. نعترف بالجميل اللي داروه فيا.. هنية: نوضي تاكلي راه خلينالك حقك فالغدا.. اكرام: مقادراش امي .، غاننعس يمكن نوض مزيانة.، وديك الساعة ناكل.. هنية: باغا تخليني مع ديك المسمومة بوحدي.. اكرام: هاديك بنتكم.، ومغاديرليك والو.. خليني على راحتي امي عفاك.. هنية: واخا ابنتي.. كما بغيتي.. خرجات مي هنية وانا بقيت فالبيت .. منعستش طبعا ولكن بقيت كنفكر .. فداكشي اللي وقع كله.. حسيت براسي كيحرقلي.. وانا ماقادراش نرتاح.. وصل الليل . سمعت الطوموبيل ديال فارس جات.، ووصل للدار.. قررت ننعس بزز ولكن مقدرتش.. كلما سمعت شي حاجة كتخصو كنتألم.. منقدرش نمنع راسي اني نفكر فيه.. كنبغيك بكل ما تملك الكلمة من معنى.. هو الوحيد اللي حسيت اني انسانة معاه وعندي ولو قيمة بسيطة.. جات عندي مي هنية.. هنية: بنتي نوضي تتعشاي اكرام: مافيا ما ياكل امي.. والله ماعندي منين يدوز.. هنية: فارس هو اللي صيفطني..سول فيك بنفسو.. اكرام: بالصح 😳.. ااا واخا.. لا قوليلو نعسات.. هنية: ههههه واخا .. ناضت مي هنية وخرجات.. كتزيد تفقص فياوهي فاهمة اني كنغلي من جهة فارس.. وعلاش مدابزاتش معاه.. مللي جات ديك الزمرة.. زعما يكون نسا اش دارت فيه.. وباللي طيحات الدري اللي منو.. وباللي بدلاتو بواحد اخور.. اش كنقول دابا .. اوووف.. درت مخدة على راسي باش ننعس والو.. الليل كله وانا جالسة كنتقلب وعينيا محلووولين كنسدهم بزز ومكيبغيوش يتسدو.. فين تكون بايتة هاديك.. 😱عندك تكون بايتة معاه.. قفزت من بلاصتي ونضت خرجت من البيت وبقيت كنتمشى بشوية باش نشوف .. وصلت بيتو بقيت كنتصنط لا نسمع حسها لداخل.. والو السكاات.. جيت راجعة لبيتي وسديت الباب.. بقيت جالسة مفقوصة.. بقيت شي ساعة وانا جالسة كنشوف فالسقف وتكول واش بغا يجيني النعاس.. حتى سمعت الباب ديال بيتو تفتح ونزل فالدروج .. نضت بغيت نشوفو .. ياكما مشا عندها.. الوسواس وما يدير.. بقيت كنشوف ونقلب عليه بعيني.،. حتى سمعت صوت ماعرفت منين خرجلي.. فارس: واش مازال فايقة؟ اكرام: 😳 ال اه.. فارس: علاش مبغيتيش تجي تاكلي.. بقيت كنستناك.، اكرام: كتستناني انا؟ اه كنت عيانة .. فارس: ودابا وليتي لاباس ؟ اكرام: اه لاباس.. ونتا لاباس.. فارس: لا .. اكرام: تصبح على خير 😒 دخلت لبيتي وخليتو.. مبقيتش باغا نعطي امل كتر لراسي.. زيرت على عيني ونعست بزز.. صبح الصباح مبغيتش نوض نوجد الفطور لفارس خليتو.. وبقيت كنطل من السرجم.. وكنشوف حتى خرج عاد تهنيت.. جمعت بيتي .. حسيت بالجوع.. وانا نوض مشيت الكوزينة نوجد ما نفطر.. الكرش كاع ما كتحزن.. وجدت القهوة وجي حلويات وفطرت.. شافتني مي هنية وضحكات.. وانا نلقا ديك العوجة جات عندي.. ناريمان: تيقتي راسك.. وجيتي شادة لفارس فدراعو نهار العرس.. وانا نفهم.. شافتني ولا وصلوهاليه.. اكرام: فيها شي عيب.. العيب الى لصقت فيه ولا لحت عليه راسي.. انا الحمد لله هو اللي باغي نشد فيه .. وهو اللي عطاني دراعو.. وانا قبلت.. عرفتي علاش.. حبت انا كنقدر النعمة اللي كنشوف قدامي.. ماشي بحالك كنركلها.. حسيتها غانتطرطق.. واخيرا عرفت حتى انا نقصف جبهتها.. نرد عليها جواب يخليها تسد فمها ومتوليش تفتحو.. فعلا داكشي اللي وقع.. وسداتو وماعاوداتش هضرت.. جمعت المواعن وغسلتهم.. وطيبت الغدا دغيا.. قبل ما يجي فارس .. طفيت عليه.. وطلعت لبيتي.. بقات مي هنية كترغبني نبقا .. مابغبتش.. بقيت فالبيت كنضورها فدماغي.. كيجيوني شي افكار ديال ابليس فالبال.. نسممها ونتهنا.. سمعت فارس وصل.. وانا نزير على قلبي.. بديت نهز ونحط بلا منحس.. حتى سمعت الدقان فالباب.. اكيد هادي مي هنية.. جاية تطلب مني ننزل عاود.. نقزت ومشيت حليت الباب.. وانا نتصدم مللي لقيت فارس هو اللي كيدق.. اكرام: 😳.. نعام اسي فارس.. نعام اسي فارس.. فارس: سي فارس.!! يعني غضبانة مني.. نقدر نعرف اش درتلك..؟ اكرام: والو.. 😔 فارس: سمعيني .. ناريمان جات عندي باش نعاونها تطلق من راجلها بصفتي رجل قانون من جهة ومن جهة اخرى حيت ولد عمها.. هادشي اللي كاين لا اكتر.. اكرام: نسيتي كاع داكشي اللي دارت 😒امم بغيت نقول.. نتا تعرف .. علاش كتبررلي انا.. فارس: لا منسيتش.. ولكن نسيت اني فيوم من الايام كنت كنبغيها.. ناريمان بنت عمي وصاف فهمتي.. ماشي كتر.. اكرام: 😥 فارس: زيدي قدامي تتغداي.. وما عمرك تعاودي تغبري بلا ما تواجهي.. سمعتي.. عرفي شنو كاين عاد غضبي الى بغيتي.. خرجت من البيت قدامو بلا منحس.. ياي تأثيرو عليا كبير .. زعما علاش غايكون كيبررلي .. زعما داكشي اللي فبالي.. اوف اكرام واعدتيني انك مغاديش تبقاي تحلمي بزاف.. بوان فينال.. نزلت معاه وجلست فالطبلة بعدما جرلي الكرسي .. وبدا يحطلي قدامي.. وديك العوجة غا كتشوف بنص عين ومفقوصة.، انا زدت فيهم وبديت نضحك عندو .. غا باش نفقصها.. تغدينا وطول الوقت فارس كيشوف فيا.. والفرحة باينة فعينيه حيت نزلت نتغدا معاه.. واخا عليك غا بلاتي تشوفي
45
كليت ونضت بديت كنجمع والمسمومة محاملانيش.. فارس بدا يجمع معايا ويعاوني.. وانا عاجبني الحال حيت حسيت اني فقصتها.. علاش مخليها هنا مدام مباغيهاش.. الغيرة بدات تشعل فيا عاود تاني.. مشا فارس رجع لخدمتو.. وانا بقيت وجه فوجه مع المسمومة اللي بانت حاقدة عليا نيشان.. ولكن حتى انا مشاعري من جيهتها مكتختلفش .. حتى انا كنكرهها.. بقيت هانية وكنفقص ساعات.. فيها حتى دوات.. ناريمان: غاتكوني كتحلمي لو فكرتي انك ممكن تكوني مولات الدار.. اكرام: هاهاها.. ونتي غاتكوني كتحلمي الى فكرتي ان فارس ممكن ينسى داكشي اللي درتيه فيه ويرجع ليك .. ناريمان: غادي ندمك.. شكون نتي باش تجي تدوي معايا بهاد الطريقة.. نتي غا بنت الزنقة ما معروف ليك اصل ولا فصل.. اكرام: بنت الزنقة واشرف منك.. على الاقل مغدرتش براجلي وطيحت كرشي من موراه.. شفت فيها شعلات وجات تشد فيا باش تضربني وحتى انا شديت فيها .. الاعصاب ديالي غانخرجهم فيها.. مي هنية كتفك مقدراتش علينا حتى لقينا فارس دخل وفرقنا على بعض ووقف فالوسط.. فارس: اش واقع هنا.. ناريمان: هاد بنت الزنقة مامربياش.. وانا غانربيها.. اكرام: انا اشرف منك الكلبة.. شاف فيا فارس.. وبدا كيهدن.. فارس: صافي اكرام نتي مولات العقل.. طلعي لبيتك عفاك.. شاف فناريمان.. فارس: واش جاية للدار باش نعاونك ولا باش ديريلي مشاكل.، الى باغا نعاونك جلسي بالسكات.. الى ماباغاش ها الباب.. حسيت الفرحة والانتصار خرجولي من الاعماق.. خصوصا مللي بان الفرق الكبير فالمعاملة بيني وبينها.. واكد ليها انها مابقات كتعنيليه والو.. يااي .. حسات بالشمتك وطلعات الفوق.. وشاف فيا فارس.. من جديد وبنفس الهدوء.. فارس: اش واقع اش وصلكم لهادشي.. اكرام: (بالتبوحيط)كنت جالسة حتى بدات تسبني وتقولي بنت الزنقة.. وسول ماماك.. هي االلي ناضت تضربني.. فارس: مسحيها فيا انا.. اكرام: حاشا.. هي اللي فيها الغلط ماشي نتا.. فارس: انا غانمشي نهضر معاها.. اكرام: علاش 😠 فارس: والو على قبل قضيتها.. بغيت نساليوها دغيا.. باش نتهنى من هاد الصداع.. بقا غادي وانا موراه.. اكرام: ايوا هضرو هنا.. ايوا سيري للمكتب.. ايو اش غاتقولو.. ايوا حل ليها المشكل بلا هضرة.. تقلب عندي فجأة وخلعني.. فارس: تهدني ا اكرام.. متخافيش.. غانهضرو غا فالقضية.، ماشي اكتر.. وريحي ليك شوية هاذ القلب.. ارتبكت .. اا اينا قلب مالو... تقولي كيقرا افكاري.. وراه نتي مفروووشة اكرام.. وتصرفاتك باينين .. بقيت كناكل فجنابي .. وكنستناه يخرج.. ماتهنيت حتى خرج ولقاني تما جالسة.. فارس:تهنيتي.، اكرام: ها .. من اش فارس: من الوسواس.. اكرام: اينا وسواس.. فارس: ههههههه لا حول ولا قوة الا بالله. مشيت وجدت العشا وفارس كيشوف فيا.. امي انا.. بديت كنصاوب ونشوف فيه حتى انا ونضحك وحتى هو كيضحك.. حطيت العشا وناض يعيط لناري الزمر.، تفقصت.. حتى لقيتو راجع بوحدو.. هنية: جات؟ فارس: قالك معندهاش كانا للماكلة.. اكرام:( هناتنا) كليت وانا مرتاحة بزاف.. وفرحانة.. مللي كملنا جمع معايا الطبلة.. وهو يقول.. فارس: راكي وليتي مهملة الالة.. فخبارك الصباح مشيت الخدمة بلا فطور.. 😁 اكرام: بالصح؟؟ سمحلي بزاف.. كان يحسابلي باللي مي هنية وجداتوليك فارس: غدا نبغي نشرب قهوتي من يديك.. ولفتها 😉 اكرام: 😃 ههه واخا .. فارس: تصبحي على خير.. اكرام: ونتا بخير.. مشيت كنقز لبيتي.. الله يا ربي ولف قهوتي.. ومكيقدرش يشرب غيرها.. بقيت كنقز على الناموسية بالفرحة.. وااااو.. هههه كنبغيك كنبغيك سديت فمي باش ميسمعني حد.، وتخشيت فمانطة وغمضت عيني.. تصبح على احلى خير يا فارس احلامي.. 😍 فتحت عيني الصباح.. ونضت دغيا توضيت وصليت.. وشفت فالمرايا باش نشوف كيفاش كنبان لفارس.. ونزلت.. وجدت الفطور وحطيت على الطابلة كل ما لذ وطاب.. باش يجي حبيب عمري يفطر.. واخير لقيتو جاي باناقتو الرائعة ديال الاساتذة.. وهاز جاكيتو وصاكو.. قلبي الصغير لا يتحمل.. ابتسامتو اتجاهي ذوباتني.. فارس: صباح الخير.. اكرام: صباح الورد.. فارس: كيصبحتي.. اكرام: مزيانة 😊ونتا.. فارس: مزيان.. وجدتي القهوة.. مفهمتش علاش كتكون زوينة من يديك.. حاولت نصاوبها بحالك معرفتش.. كتخرج مرة.. اما من يديك كتكون حلوة السخفة السخفة اخوتي.. حسيت العرق كيجري شلال من وجهي اللي ولا بحال ماطي اللي طايبة.. اكرام: انا فرحانة حيت كتعجبك .. فارس: الواليدة فاقت.؟ اكرام: لا مازال... فارس: قوليلي.. نهار الاحد رراس العام.. وبزاف غايخرجو يحتفلو بالعام الجديد.. شنو رأيك نخرجو انا وياك.. اكرام:😨 اا.. واخا الى كانت مي هنية لاباس فصحتها.. علاش لا .. تفوج شوية مسكينة.. فارس: لا.. انا ونتي وصاف.. مي غاتمشي تتعشى مع جاراتها.. كما كدير كل عام.. اكرام: انا ونتا؟؟ فارس: اه .. نمشيو نتعشاو فواحد الريسطورون زوين.. على ضوء الشموع وصاف.. كيكونو فيه غا الناس اللي مشاعرهم صافية وصادقة.. ومنها نهضر انا وياك فواحد الموضوع... اكرام: 😨 واخا.. فارس: مزيان.. وجدي راسك من هنا لتما.. يالله وصلات الوقت.. شكرا على الفطور.. ناض وخرج وانا فمي باقي ما قدرت نسدو من هول الصدمة.. انا وفارس بوحدنا.. انا وفارس بوحدنا.. انا وفارس .. موضوع .. موضوع.. موضوع.. مشاعر صادقة .. مشاعر صادقة.. مشاعر صادقة.. قلبي اااح.. فيقي عفاك.. بقيت كنصرفق وجهي باش نفيق.. تخالطو ليا الاحلام بالواقع.، واش طلب مني نتعشاو بوحدنا.. وبغا يهضر معايا.. غانمشي ننعس يمكن نفييق.. يمكن كنحلم .
49
سرح عقلي.. فأيامات ما كنت على قبلها كنصبر فبزاف دالحوايج.. ومن اهمها الظلم ديال ايهاب.. ايام ما كانت كتنصحني .. واخا صغر مني الا اني كندير بنصائحها.. ايام ما كنت كنشوف فيها نظرة امل.. انها تنجح فقرايتها وتولي شي حاجة فهاد المجتمع البئيس.. وتخرجنا منو.. خسارة.. ختارت هلاكها بيدها.. فارس: فين سارحة.. اكرام: والو.. انا فرحانة وحاسة اني كنحلم.. فارس: ها العشا جا.. كولي وكنواعدك غاتولفي معايا الفرحة.، اكرام: الله يخليك ليا افارس..، نتا املي فالدنيا.. فارس: ويخليكي ليا يا احلى اكرام،، خودي مني.، حلي فمك،، قطع قطعة لحم بالفرشيط وعطاهالي ففمي.. كليتها وانا فرحانة.. بديت كناكل وانا عقلي مقدرتش نحيدو من شيماء.. كيفاش حتى قدرات توصل راسها للحضيض.. صحيح اني دزت من مرحلة صعيبة .. الا اني عمري استسلمت.، وكاع داكشي اللي داز عليا كان بزز عليا.. وعمري تخليت عن مبادئي.. كيفاش قدرات ترتاح وهي عارفة راسها دمية من راجل لراجل.، مكايشوفوش فيا الا كوسيلة لافراغ شهوتهم.. كيفاش كتقدر تاكل فلوس الحرام.، بانتلي ناضت واتاجهات للطواليط.. اكرام: حبيبي .. غانوض للطواليط.. فارس: تفضلي احياتي.. متعطليش عليا.، اكرام: مغانتعطلش.. نضت وانا قلبي كيضرب.. دخلت لقيتها كتصاوب مكياجها فالمرايا.. وقفت فالباب كنشوف فيها.. اكرام: مرتاحة بعدما بعتي راسك؟ توقفات وتغيرو ملامح وجهها.. شافتني فالمرايا موراها مباشرة.، حطات من يدها ودارت عندي.. شيماء: اكرام!! 😳 اكرام: خسارة.. كنتي انسان.. ولكن دابا مكنشوفك قدامي الا مجرد قذارة.. الطارو دالزبل انظف منك.. شيماء: 😰 ختي اكرام.. انا اكرام: شووووت.. مبغيتش نسمع منك.. انا جاية نقولك جملة.. انا غانتزوج الراجل اللي تمنيتو.. وانا نقية.. حيت عمري ما تنازلت.. ربي جازاني بأعظم راجل فالدنيا.. ولكن نتي.. ختاريتي طريق كلها وحل .. غاتوحلي فنص الطريق.. ومغاتلقاي حد بجنبك.. تهلاي ابنت امي وبا.. شيماء: ختي اكرام 😭😭 عفاك سمحيلي.. خليتها كتبكي ورجعت لبلاصتي اكرام: تعطلت عليك حبيبي.. فارس: دقيقة فبعدك كتكون عام على قدو ههه اكرام: غانبقا بجنبك ديما.. وعمري نبعد منك.. فارس: الله يخليلي هاد العوينات.. بقيت كنكمل الماكلة ديالي.. حتى بانتلي شيماء خارجة ووجها كله دموع.. خرجات وهي كتشوف فيا.. ومداتهاش فدوك الجراثيم وهما كيعيطو عليها.. انا درت راسي مركزة مع فارس وكنضحك معاه وشادين فيد بعضياتنا.. صعيبة اني نشوف ختي واحلة ومندير ليها والو.. قصحت قلبي عليها حيت هي اللي ختارت بيدها هاد الطريق.. وحتى واحد ما فرضو عليها اكرام: فارس.. فارس: حياتي.. اكرام: كيفاش حتى بغيتيني.. فارس: ههه فالصراحة من نهار الاول عجبتيني.. ولكن بيني وبين راسي كنت كنكابر..ونقول مع راسي العيالات كلهم بحال بحال.. كنت كنشوف ارتباكك مللي كتكوني معايا.. وكان كيعجبني نشوفك هكاك.. وكنبقى نتعمد اني نشوف فيك باش نشتت انتباهك..ولكن نهار شدك البوليسي.. جعرت وبقيت نقول اكيد هادي نصابة.. مللي عرفت حقيقتك ديك الساعة كرهت راسي .. حيت ما عطيتكش فرصة.. وخليتك لداك الذئب.. اكرام: فارس... تقدر تتفارق معايا لو عرفتي اني من نسب مايشرفش.. فارس: انا كنعرفك نتي.. ومكيهمني حتى حاجة..من غيرك نتي.. اكرام: كنبغيك ا فارس.. فارس: عمري كنت كنتخيل اني نعيش العشق من جديد.. عرفتي .. حسيت اني اول مرة كنجرب الحب.. اكرام: الله يقدرني ونخليك اسعد واحد فالدنيا.. دوزنا احلى سهرة انا وحبيبي فارس.. مسخيتش بالعشا.. نضت انا وياه مشابكين اليدين.. وخرجنا.. جينا نركبو فالطوموبيل وانا نلقا شيماء جاية وكتبكي.. شيماء : اكرام عفاك سمحيلي اكرام عفاك اختي 😭 اكرام: سيري بحالك بعدي مني.. فارس خلينا نمشيو.. فارس: اكرام شكون هادي.. واش كتعرفيها.. اكرام: مكنعرفهاش خلينا نمشيو 😡 جيت نركب فالطوموبيل وهي شادة فيا نفضتها مني.. وسديت الباب وهي بقات كتدق وانا دايرة راسي مشايفاهاش.. فارس: اكرام.. جاوبيني شكون هادي... اكرام: خلينا نمشيو ونعاودلك من بعد.. شيماء: عفاك اخويا ديني معاكم.، 😭 ختي .. فارس: ركبي.. اكرام: فارس😡 فارس: الامور كتتحل بالحوار احياتي.. خلينا نسمعوها ومن تما نقررو اش نديرو،.. سكتت ومبغيتش نجاوب وهي ركبات اللور.. وانا مكنشوفش لا فيها ولا ففارس.. هو ديمارا الطوموبيل.، ومشا.. شوية شاف فيا وشد فيدي وهزها باسها.، وشاف فيا نظرة تهدئة.. انا ماحملتهاش.. واش غاتمشي هاكا لعند مي هنية.. اش غانقوليها.، انا مازال حشمانة منهم على قبل الماضي ديالي.. غانزيد نبين ختي بهاد الشكل.. يا ربي عاوني.. وصلنا ونزلنا وانا مشايفاش فيها.. مشيت دغيا دخلت لحسن الحظ لقيت امي هنية ناعسة.. فارس: دخلي.. اكرام اجي للبيرو نهضرو.، اجي حتى نتي .. دخلنا انا وشيماء وفارس وانا طول الوقت مكنشوفش فيها.. اكرام: فارس.. خاصني نهضر معاك بوحدنا هو اللول.. فارس: كما بغيتي.. تفضلي اسميتك؟ شيماء: شيماء فارس: اشيماء: سيري الدار دارك.، الى بغيتي تشربي شي حاجة.. الكوزينة من هنا.. شيماء: انا غانستناكم برا .. فارس: تفضلي.. خرجات وسد موراها فارس الباب.. وتلفت عندي.. فارس: كنسمعك احياتي..
50
اكرام: انا كنت عايشة فدار مع راجل امي.. وخويا وختي شيماء😖.. كنت عايشة فالجحيم.. راجل امي متسلط.. وكيستغل كلشي.. وامي مامسوقاش.. وخويا سكايري وكيضربني وكياخد فلوسي.، كان املي الوحيد هو ختي شيماء.. كنت صابرة على قبلها وشادة فقرايتها،، كنجيبليها اللي بغات.، على قبلها هي.، كنت مخطوبة لجلال.. وكنت باغا نتزوج بيه باللي قسمو الله ونتعاونو على الزمان.. غدر بيا جلال وخدا كريدي بسميتي.، طحت فايهاب.. اللي استغل هادشي اللي انا فيه باش يبتزني اما نكون دمية ليه او الحبس،.، كنت خايفة.، على ختي خصوصا.. وخايفة من خويا ومن الفضيحة.. وسكتت.. وتحملت ،. حتى تصدمت بواحد النهار.. ختي مشات.. هربات.. مخليت فين قلبت عليها.. والو.. مع انها كانت عارفة انها هي اللي بقاتلي فالدنيا.. نساتني ومتفكراتتيش.. رجع جلال.. ودارها قد راسو.. وفضحني.، ديك الساعة خويا كان ناوي يقتلني.. هربت .. والحمد لله اني هربت.. بعدها عرفت ان راجل امي بيعها الدار وخدا فلوسها وطلقها.. وخويا تشاد مع ايهاب دخلو الحبس.. وختي لقيتها مع الحوالا.، كيلعبو فيها كيف بغاو.، تشتتات عائلتي،، نسب مكيشرفش ياك.. تقبل ولادك يكون عندهم خال فالحبس.. وخالة .، عاهرة.، وتكون امهم وحدة بحالي،،كانت عايشة فدار المتعة.. 😭 فارس.. انا غاناخد ختي.. وهاد الخاتم انقى من انه تلبسو وحدة بحالي.. الله يجيبلك شي بنت الناس اللي تكون من مستواك اولد الناس.. 😭 وكنواعدك .. غانبقا مرة مرة نجي نطل على مي هنية ونطمئن عليها.،
فارس: ساليتي.، !! آخر مرة فحياتك تحيدي هاد الخاتم من يديك،، واش صحابلك انا مافكرتش فكاع هادشي.، انا نهار ختاريتك.، تأكدت انه مكيهمنيش شكون نتي.. ولا شكون اهلك.، تأكدت اني بغيت نكون معاك وصاف.. بلا مقدمات،، وبلا شروط.. ولادي يشرفني تكوني امهم.. مشاكلك مكانش ليك فيهم يد.. وانا غانحلهم ليك.،
اكرام: باقي غانحملك مشاكلي.،
فارس: معايا عمرك يكونو عندك مشاكل.. ختك غاتبقا فالدار هنا.. وغاترجع لقرايتها وحتى نتي.. غاترجعي تقراي.، خوك نشوفو فينو نمشي نخطبك منو.، وحتى ديك الدار اللي نصب عليكم فيها راجل مك غانرجعها ليكم.، حيت قانونيا ميمكنش تتباع دار الورثة بلا موافقتهم.، نتي وافقتي!؟
اكرام: لا.،
فارس: شفتي..، مسحيلي هاد الدموع .. هاد اليوم دالفرحة..
اكرام: معرفتش اش غانقولك.، بقوة ما كتفاجئني.، كنشك واش كنحلم.،
فارس: حياتي انا واعدتك.. وغانوفي بوعدي ليك.. نتي جوهرة .. وخاصني نحافظ على ابتسامتك ديما على وجهك.. هادا اقل شيء ممكن نقدمو ليك..
اكرام: انا غانخرج عندها.. ونهضر معاها..
فارس: مسحي دموعك.. وطلعي معاك حتك لبيتك.. على ما تخليه ليها وتجي تسكني معايا فبيتي 😉
اكرام: ههه واخا..
خرجت لعند ختي لقيتها جالسة فبلاصتها ومتحركاتش..
اكرام: اجي مورايا..
شيماء: واخا...
طلعت مورايا لبيتي.. دخلتها وسديت الباب..
اكرام: سمعيني مزيان.. تحشميني مع فارس ومي هنية منعقلش عليك.. بزز باش تقاد الزهر الكحل ديالي وبغاني فارس.. مبغيتش نرجع للنحس تاني..
شيماء: كون شفتي شنو داز عليا .. كنتي غاتعتقيني وتبكي معايا 😢
اكرام: مسكيينااا.. على اساس خرجوك بزز لداك الطريق.. ياك كان بخاطرك .. ومدرتي بحساب حتى واحد..
شيماء: واش غاتبقاي تأنبيني هكا ديما.. راني ندمت.. عفاك سمحيلي.. 😭
اكرام: هادشي بيدك.. مبقيتش كنتيق فيك.. على العموم حيدي دوك الحوايج دالعاهرات .. هاكي البيجامة.. لبسي ومن هنا الفوق بقاي تلبسي مستور .. ونقصي الهضرة.. باركة غا داكشي اللي كيعرفو علينا..
شيماء: واخا 😖
51
بقيت هازة الهم وخايفة من ختي.. مبقيتش كنتيق فيها.. فقت الصباح قبل منها.. خليتها ناعسة.. لبست حوايجي .. ونزلت نوجد الفطور لفارس..
فارس: صباح الخير..
اكرام: صباح النور.. اش خبارك..
فارس: كما العادة.. نعستي مزيان.. هضرتي مع ختك،،
اكرام: ختي خلاص الهضرة معاها ولات باينة.. غلطات ومكاينش شي مسوغ لداكشي اللي دارت..
فارس: خليها ترتاح ليوما .. وغدا غاتجي معايا باش تمشي نسجلها فمدرسة قريبة.. كنظن عندها الباك ياك..
اكرام: اه.. شكرا بزاف افارس.. معرفتش كيفاش غانرد ليك هادشي اللي كادير معايا..
فارس: هادو غا شكليات صغار.. الاهم دابا.. حددتي تاريخ لزواجنا.. انا مزروب 😉
اكرام: ههه حدد الوقت اللي بغيتي .. نمشيو للعدول ونديرو العقد.. انا باراكة عليا غا نتا..
فارس: غانديرلك عرس.. ضروري منه..
اكرام: مكاين لاش المصاريف.. غا حفلة هنا صغيرة بيناتنا..
فارس: انا غانشوف...
هنية: علاياش كتهضرو..
فارس: على العرس.. اكرام مبغاتوش
هنية: اش هاد الهضرة.. انا بغيت نفرح بيكم بجوج.. ضروري من العرس..
فارس: الواليدة.. هاكي هاد الفلوس خرجي نتي واكرام وشيماء ليوما.. شريو الحوايج اللي غاتحتاج اكرام.. انا بغيت العرس قريب .. هه
هنية: شيماء!!
اكرام: شيماء هادي ختي.. جات معانا البارح بالليل..😔
هنية: بالصح.. مزيان تونسنا.. خاصني نتعرف عليها..
اكرام: واخا😕 غانمشي نفيقها
هنية: خليها تنعس الى مازال ناعسة..
مازال مكملنا الهضرة حتى لقينا شيماء جات وحانية راسها
شيماء: صباح الخير..
ناضت عندها مي هنية وعنقاتها..
هنية: مرحبا ببنتي..
انا حشمت وحطيت راسي فالارض.. كيفاش حتى نقدر نقول لمي هنية باللي ختي عاهرة.. صرطات قصتي بزز،. اووف على زهر..
فارس: يالله نخليكم انا غانمشي لخدمتي..
هنية: الله يعاونك اولدي..
اكرام.: الله يحفظك ويحميك.،
فارس: امين..
مشا كيغني.. في حياتك يا ولدي امرأة...
اكرام: 😍
جلسات شيماء كتفطر.، حتى بدات تسول فيها مي هنية.،
هنية: قوليلي ابنتي،. فين كنتي غابرة..
اكرام: اممم 😳كانت فدار عمي.،
شيماء: اه فدار عمي
هنية: عمك مازال عايش؟ خاص نمشيو نتعرفو عليه
اكرام: لا لا حنا قاطعناهم من نهار مات الواليد..
هنية: واخا ابنتي.. عرفتو شغانديرو.. ليوما غانمشيو للسويقة نشريو حوايج الوصفات دالحمام،، ونمشيو ندوزو النهار كله فالحنام نتكسلو فيه... نكمدو عضيماتنا،.
اكرام: 😍 واخا..
هنية: جري وجدي الحوايج دالحمام جري..
مشيت كنجري هزيت السطولة والفوطات،، وكل لوازم الحمام.، وحتى شيماء معايا.. هزيت حوايجي اللي نبدل تما.. مشينا للسويقة شرينا كل ما نحتاجو باش نديرو وصفات الحمام المغربي من عكار فاسي وحنة وغاسول وصابرن بلدي وحامض وخزامة... دخلنا للحمام... اللي كان سخون.، درت الماسك لوجهي وجلست نسترخي.. شافت فيا مي هنية..
هنية: بنتي.. اش داكشي فرجليك
اكرام: فين
هنية: فالفخذ
اكرام: 😳
رجعات بيا الذاكرة لايهاب مللي كان كيجرج رجلي باش ينقش اسمه.، واخا مات وسالات الحكاية الا ان هاد الحرف ملازمني.. مجاوبتهاش.. دخلت لواحد البلاصة نائية.. وخديت زيزوارة من عند الكلاسة.. وبديت نخدج فخدي وكنحاول نوضر داك الحرف وميبقاش.. زيرت على نفسي بالالم اللي كنت كنحسو.. والدم كيجري مني.، اهون بكثير من انه يشوفها فارس ويسولني اش هادي.. 😭
52
تجرحت بزاف وبقا الدم كيسيل مني وانا كنلوح عليه الما.. شافتني واحد السيدة.. جابتلي خرقة حطيتها على الجرحة.. ونضت كنزحف..
هنية: فين كنتي من قبيلة كنقلبو عليك ..
اكرام: هانا غا هنا..
هنية: مالك كتزحفي..
اكرام: تفرعت من رجلي..انا غانغسل ونلبس حوايجي..
هنية: بسم الله عليك ابنتي.. الله يحفظك..
شيماء: حتى انا غانغسل ونلبس حوايجي..
هنية: غانبقا هنا بوحدي ولا.. حتى انا بحالكم..
غسلت دغيا باش منعيقش ونشفت جسمي ولبست... كنت كنحس بحريق كبير فرجلي.. شدينا طاكسي ومشينا للدار.. دخلنا وطلعت لبيتي .. حسيت رجلي طايبة ومقدرتش نتمشى عليها بالحريق... على الله نكون تخلصت من هاد القذارة.. شديت المانطة ونعست.. محسيتش براسي.. حتى حسيت يد كتدوز عليا..
اكرام: فارس 😪
فارس: حياتي فيك السخانة... انا غانديك للسبيطار..
اكرام: لا مكاين لاش.. انا غانكون لاباس.. 😪
فارس: واش مشايفاش راسك كتتنفسي بزز.. انا غانتاصل بالاسعاف
محسيتش براسي حتى سخفت عاود تاني ونعست.. مافقت الا فالسبيطار.. كنسمع لاصوات بزاف.. دايرين الصداع فودني دايرين صدى.. فرزت غا صوت مي هنية.. وواحد يمكن الطبيب..
الطبيب: درنا ليها فحص سريري.. تبين بللي عندها جرح على مستوى الفخذ باينة تجرح بآلة حادة غير معقمة.. وهو اللي دار ليها السخانة..
خرج الطبيب وانا بديت كنستعد شوية وعيي.. كنسمع مي هنية كتهضر مع فارس وتقوليه.. باللي هادشي وقع فالحمام بعدما شافت فيا جرحة وسولاتني عليها.. بعدها اختفيت.. نعست من جديد .. المفعول ديال الدوا.. حتى فقت بالليل لقيت حدايا فارس شاد فيدي.. حسيت راسي احسن دابا..
اكرام: فارس
فارس: حياتي..
اكرام: انا وليت لاباس .. خرجني من هنا..
فارس: علاش ا اكرام.. الى نتي مكتهمكش صحتك انا كتهمني وبزاف.. زيزوار ا إكرام.. مخفتيش تقتلك.،
اكرام: 😭 اثر خلاه فيا ايهاب.. مبغيت حتى حاجة تفكرني بيه..
فارس: متبكيش.. انا ماشي كنلومك ولا محاسش بيك.. ولكن كان عليك تعلميني ونمشيو بجوج لطبيب تجميل يحيدهالك.. ولكن تجرحي راسك .. هانتي دخلتي للسبيطار بسبابها..
اكرام: سمحلي.. 😢
فارس: واعديني انك من هنا الفوق تتهلاي فصحتك.. وتبغي نفسك.. كنحس انك كتستحي من راسك ومني.. اكرام انا كنبغيك كما نتي.. معندك مناش تحشمي مني.. ماضيك كنعرفو وقابل بيه.. علاش هادشي كله..
اكرام: مكاين والو افارس انا بخير.. 😥
فارس: لا .. نتي من الداخل ديالك بركان.. عاصفة دازت عليك.. وخلات اثارها.. ومن سيسلم من جراح العاصفة بعد هدوءها.. واخا مشاكلك تحلات الا انك مقادراش تنساي.. وداكشي الداخل ديالك مكيخليكش تستمري..
اكرام: انا بخير افارس 😓 هاد الهضرة معندها فايدة دابا..
فارس: انا غانكون ديما بجنبك.. متخافيش.. غاتكوني بخير،. رتاحي احبيبة.. وغادي تخرجي غدا.. نعسي دابا..
اكرام: واخا..
تهربت من الحديث.. كأني فرحت حيت سالا الموضوع.. باب سديتو على جروحي من شحال هادي.. علاش باغي يفتحو.. وانا مقادراش على تذكرها حتى.. خايفة نغرق فيها.. وميعتقني حد من الغرق.. خليني هاكا..كالعادة النعاس حل وهروب من المواجهة..
الصباح جات عندي شيماء ومي هنية.. وخرجني فارس.. وانا شادة فيه.. مازال كنحس الحريق فرجلي.. ولكن نوعا ما مللي عرف فارس ارتاحيت.. وصلنا للدار .. يوماين بعدها وانا مكنهز منحط.. شيماء كدير كلشي.. بالمناسبة سجلها فارس فواحد المدرسة بريفي .. وبانليا فيها دارت عقلها.. وبقات كتحفظ.. واحد النهار رجع فارس من الخدمة.. دخل وجاب معاه انسان رجعت جروحي حيات كلها مللي شفتو.. دخل وحاني راسو .. على غير العادة اللي كنت كنعرفو عليها.، الحرقة والدموع والصدمة كلهم تخالطو ليا .. محسن خويا.. اللي معمرو عنقني.. اللي ضربني قبل اي واحد.. اللي ماحمانيش من راجل امي.. اللي عمرو ما حس بيا.. اللي كان باغي يقتلني نهار عرف مصيبتي..
فارس: جبت محسن معايا .. باغي يقوليك شي حاجة اكرام..
مطلعش عينيه فيا.. وانا دموعي غلبوني.. شي حاجة لداخل ديالي حرقاتني.. رابطة الاخوة البي بيناتنا.. اللي ما ماتتش رغم العداوة الكبيرة.. حيت شفت البغض دالغرباء.. رغم اني طول حياتي وانا كنقول كلمة كنكرهو بعدما يجيبو سيرتو قدامي.. الرابطة ماماتتش.. والجينات المشتركة اللي بيناتنا حتى هي ما ماتتش.. قربت منو وانا مخايفاش.. رفعت دراعاي.. طلع عينيه وعنقني لاول مرة وهو كيبكي،. خويا انكسر الحبس كسرو بزاف.. وعرف ان حضن خواتاتو جنة.. فهاد الدنيا وهو معارفش قيمتهم.. عنقتو وانا كنبكي.. وكلشي تأثرو بهادشي.. هو بقا كيردد كلمة وهو كيتخصص..
محسن : 😭 سمحيلي اختي.. سمحيلي .
53
عمرنا الدار على فارس.. وعلى مي هنية.. ماشي بعيد شي نهار نلقاه جايب ليا امي.. عنداكو غا من زهري يجري عليا معاهم.. زهري وانا عارفاه..😂 شاد معايا الضد منً نهار تزاديت.. كثرة الهم كتضحك،، الاهم من هادشي ان فارس ومحسن متفاهمين.. واحد النهار بقينا مجمعين مور العشا..
فارس: ايوا السي محسن،، كيجيتك.. موافق على زواجي من ختك ولا لا،، انا راني واجد 👔..
محسن: منلقاوش حسن منك اسي فارس..
اكرام: فارس..
فارس: نعام احياتي.،
اكرام: ☺️ احم احم.. بغيت نسولك.، شحال غاتاخد منا الدعوة ديال الدار.،
فارس: سينيو ليا على الوكالة.. يوماين على الاكثر غانردها،،
شيماء: هادوك اللي شراو الدار غايضيعو ففلوسهم،.!؟
فارس: هادوك غايعتبر القاضي ان علال نصب عليهم.. ويتابعوه باش يرجع الفلوس.. ويدخل الحبس..
اكرام: حسن فيه.،
هنية: الدار من حقكم نتوما..
اكرام: مكرهناش ترجع لينا دغيا.. ديك الدار ديال بانا.، ومكرهناش نتجمعو فيها من جديد..
فارس: اه اه اه.. اش هاد الهضرة.. علاه يحسابليك باللي غادي تخرجي من هاد الدار تاني ولا.العتبة ديالك هي هادي الالة..
اكرام: هههه لا مغانخرجش.. غاندخل ليها..
فارس: فوقاش غانديرو العرس.. 😐
محسن: نهار اللي ترجع لينا دارنا،، غانديرولكم احسن عرس،،
فارس: كتساومني اسيدي واخا،. جات معاكم،،هه
محسن: حاشا ولله.، نتا تاج على راسنا..
فارس: وانا تاج راسي هي اكرام،.،
اكرام: ☺️
الغد ليه صبحات علينا مي هنية.. وداتنا معاها شرينا كلما كتحتاج العروسة.. حشمت بزاف.. احساس غريب معرفتش نوصفو.. شراتلي قفطان بيض ومطروز،، قررت نلبسو نهار العرس.. مكاين لاش التكاليف .، النهار كامل وحنا فالزنقة حتى طابو رجلينا.، لقينا محسن جاي لعندنا وهز لمي هنية الميكات اللي كانت هازة.. معمري شفت خويا هاكا ومعمري عرفت باللي الحبس كيربي.. بعد يوماين تماما وحنا كنشريو،، مي هنية مخلاتني محتاجة فحتى حاجة،،.. وقفات معايا وقفة ام.. ودارتلي الدهب اللي تتمناه اي بنت،، وشراتلي دهازي كله.. وشرات حتى لشيماء غوب زوينة .، حتى جا واحد النهار فارس،، وهاز بيديه مفاتيح،،
فارس: فوقاش العرس.. شحفتوني.. هادو سوارت داركم،،
نقزنا بالفرحة وبقينا نغوتو ونعنقو بعضياتنيا.. واخيرا رجعت لينا الدار واخيرا.. مشيت لعند فارس .. جيت نهضر وهو يسد فمي بيدو،،
فارس: شووت.. مبغيتش نسمع شكر.. مبيناتناش شكر صافي؟
اكرام: الله يخليك ليا.. يا أحلى راجل عرفتو فحياتي.،
فارس: ويخليك ليا يا احلى مرا عرفها الكون..
كلهم: احم احم.. نحن هنا..
ضحكنا.. واخيرا فرحت من قلبي..ساعة الصفر وصلات.. مشينا كلنا لدارنا.. غا دخلنا للحومة وانا تقبظ قلبي.. ديك البلاصة فراس الدرب شفت فيها راسي وانا غادية مع السكرتيرة لعند ايهاب اللي ستناني فالطوموبيل.. وديك البلاصة كان كل يوم يوصلني جلال فيها نبقاو نهضرو حتى ندخلو للدار.. وديك البلاصة تفرقنا اخر مرة وأنبتو عليها.. وصلنا للدار ونزلنا.. فارس كان شاد فيدي وانا مرفوعة.. كنشوف كل ذكرى خايبة ليا هنا.. وكنتحسر عليها.، دخلت وشفت فكل اركان الدار.. هنا كتبت اول خواطري.. وبكيت اول دمعة.، هنا سالا ليا الامل.. وليوما كيبدا من جديد .. شدلي فارس فيدي.. بحال الى كيحس بيا وبجروحي مللي كنكون محتاجة ليه.. محسن وشيماء فرحو بزاف.. ولكن الفرحة ناقصة... مكاين دار من غير ام ..
فارس: فين ممكن نلقاو ماماك..
اكرام: هه 😪 بحال الى قريتي ليا افكاري..
فارس: ها .. فين
اكرام: قالي جلال اخر مرة باللي قالو ليه مشات لعروبية.. يقدر تكون مشات لدار جدودي.. احتمال فقط..
فارس: نمشيو غدا الصباح نقلبو عليها..
اكرام: انشاء الله
54
خليت خوتي باتو فالدار.. وانا حلف عليا فارس نرجع معاه للدار.. قالك مقادرش ينعس وهو عارف اني ماشي حداه هه.. يخليه ليلي.. الصباح لقاني واجدة حيت اصلا منعستش.. ركبنا فالطوموبيل.. وشدينا الطريق للعروبية.. وصلنا.. ومشيت لدار جدي.. لقيت خوالي تما..غا شافوني.. عرفوني لاش جاية.. دخلوني لعند امي.. اللي لقيتها فالارض.. ضعافت بزاف ومكتهضرش.. غا شافتني غرغرو عينيها بالدموع.. محسيتش براسي حتى نزلت على ركابيا وحطيت راسي فحجرها.. وبكيت فصمت.. مهما كان هادي امي .. واللي مازال اثر الحبل السري فكرشي.. اللي ربطني بيها.. العاطفة غلباتني.. حطات يدها على راسي وبدات تدوز عليه..
الام: كان يحسابلي ضيعتك من يدي.. بنتي اكرام.. نتي اكثر وحدة هزيتي الحمل .. وماكنتش ام مثالية ليك ابدا..
اكرام: صافي امي.. غانطويو صفحة الماضي.. وغانبداو من جديد..
سكتنا بجوج وتعانقنا .، حسيت ان الكلام سالا.. ومابقا ليا من امي غير العناق.. بقينا مدة هاكاك.، حتى انتابهت باللي فارس من مدة وهو كيشوف فيا..
امي: شكون هاد السيد..
مسحت دموعي .. وجاوبتها بفخر..
اكرام: هادا طوق النجاة.. خطيبي فارس..
امي: الله يرضي عليك اولدي..
فارس: خاصك تجي معانا الالة..
امي: معندي فين نمشي اولدي.. غانبقا هنا.. ويكفيني اني طمئنيت على بنتي اكرام فيد راجل بحالك..
اكرام: ماما حنا ردينا الدار.، وخوتي كيستناوك فيها..
امي: بالصح 😭
اكرام: اه امي .. من هنا الفوق.. مكاين دموع.. غانفرحو وصاف امي..
امي: الله يرضي عليك ابنتي.. 😭
شديت فامي وديتها للطوموبيل.. بعدما ودعنا خوالي.. شدينا الطريق وانا فرحانة.. وكنشوف هاد الراجل اللي حل ليا مشاكلي كلها.. بلا مقابل.. باغي غير حب مني.. شفت فيه وشديت فيديه.. هو زير عليها وخداها وباسها.. الله يخليك ليا افارس.. ويجعلني نردليك جزء صغير من هادشي اللي درتي معايا..
وصلنا للدار دخلت امي ودموعها فعينيها.. تلقاو ليها محسن وشيماء وعنقاتهم وهي كتبكي..
واخيرا.. تجمعو عائلتي.. والفضل لفارس.. الراجل اللي عمري مندمت ولا غانندم حيت غانرتبط بيه.. هادا هو الحب.. الحبيب الحقيقي هو اللي يدير المستحيل على قبل اللي كيبغي.. ومايستى منو والو.. هادشي كان كيختلف فعلاقتي بجلال.. بحيث منت كندير مجهودي.. باش يكون بخير وفرحان.. باش نسهل عليه ارتباطنا.. الا انه مكان كيدير والو.. من غير انه عطاني ضربة عمري.. ولكن الحمد لله انه خرجني لبر الامان.. لو انه موقعش داكشي.. مكنتش غادي نتعرف على فارس.. ونبغيه ويبغيني..
دازو ايام وتعارفت مي هنية على امي.. وبغاتها كما بغيتها انا.. الام الثانية ليا.. وفرحو وبداو يوجدو لعرسنا.. انا قررت انه يكون بسيط.. جاو دارنا.. ونشطو بعدما وجدو الدار.. قررت اني ننشط معاهم بيناتنا.. وانهم يجيبو لعدول للدار.. كنت باغا نلبس قفطاني وصاف.. حتى لقيت واحد جوج بنات داخلين للبيت وجابين معاهم لوازمهم.. قالتلي مي هنية راه جابهم فارس باش يوجدوني للعرس .. خليت ليهم نفسي.. ومبغاونيش نشوف فالمرايا حتى سالاو.. لبسوني كسوة العرس.. شفت فالمرايا معقلتش راسي.. خرجو.. ودخل حبيبي ..كان لابس الكوستوم.. وانيق وعاطي للعين... وهز يدي وباسها..
فارس: يا اجمل ما رأت عيني..
اكرام: يا اعظم رجل في الكون.. كنبغيك افارس.. شكرا على كل ما درتي على قبلي.. وعلى صبرك عليا.. وعلى قبولك بيا..
فارس: شوووت.. هاد الهضرة مغاتجيبليك الا الدموع،. وانا مبغيتش حبيبتي تبكي.. ورب عينيكي.. لأزيلن الحزن من قلبكي.. كما نزعتي رتاج قلبي وسكنتيه..
مقدرتش ننطق .. حيت هاد الجملة لخصات كلشي .. واسكتت لهيب الخوف في اعماقي.. شديت فيه ونزلت.. وتبهرت بروعة المكان.. الورد الابيضc فكل بلاصة.. مكنتش كنتخيل اني فيوم من الايام غانكون اميرة هاكا.. فارس عتقني من جمر الماضي.. وبنا معايا المستقبل.. جلسنا وكتبنا العقد وانا مامتيقاش اني وليت زوجة لفارس.. واني تخلصت من اللعنة ديال الماضي.. بداو الزغاريد والافراح.. شد فيا فارس وبدا غادي للخارج.. انا مفهمت والو.. فين غادي.. ركبني فالطوموبيل..
اكرام: فين غانمشيو..
فارس: غانمشيو لعرسنا.. 😌
مفهمت والو.. عرسنا 😳
55
خليت خوتي باتو فالدار.. وانا حلف عليا فارس نرجع معاه للدار.. قالك مقادرش ينعس وهو عارف اني ماشي حداه هه.. يخليه ليلي.. الصباح لقاني واجدة حيت اصلا منعستش.. ركبنا فالطوموبيل.. وشدينا الطريق للعروبية.. وصلنا.. ومشيت لدار جدي.. لقيت خوالي تما..غا شافوني.. عرفوني لاش جاية.. دخلوني لعند امي.. اللي لقيتها فالارض.. ضعافت بزاف ومكتهضرش.. غا شافتني غرغرو عينيها بالدموع.. محسيتش براسي حتى نزلت على ركابيا وحطيت راسي فحجرها.. وبكيت فصمت.. مهما كان هادي امي .. واللي مازال اثر الحبل السري فكرشي.. اللي ربطني بيها.. العاطفة غلباتني.. حطات يدها على راسي وبدات تدوز عليه..
الام: كان يحسابلي ضيعتك من يدي.. بنتي اكرام.. نتي اكثر وحدة هزيتي الحمل .. وماكنتش ام مثالية ليك ابدا..
اكرام: صافي امي.. غانطويو صفحة الماضي.. وغانبداو من جديد..
سكتنا بجوج وتعانقنا .، حسيت ان الكلام سالا.. ومابقا ليا من امي غير العناق.. بقينا مدة هاكاك.، حتى انتابهت باللي فارس من مدة وهو كيشوف فيا..
امي: شكون هاد السيد..
مسحت دموعي .. وجاوبتها بفخر..
اكرام: هادا طوق النجاة.. خطيبي فارس..
امي: الله يرضي عليك اولدي..
فارس: خاصك تجي معانا الالة..
امي: معندي فين نمشي اولدي.. غانبقا هنا.. ويكفيني اني طمئنيت على بنتي اكرام فيد راجل بحالك..
اكرام: ماما حنا ردينا الدار.، وخوتي كيستناوك فيها..
امي: بالصح 😭
اكرام: اه امي .. من هنا الفوق.. مكاين دموع.. غانفرحو وصاف امي..
امي: الله يرضي عليك ابنتي.. 😭
شديت فامي وديتها للطوموبيل.. بعدما ودعنا خوالي.. شدينا الطريق وانا فرحانة.. وكنشوف هاد الراجل اللي حل ليا مشاكلي كلها.. بلا مقابل.. باغي غير حب مني.. شفت فيه وشديت فيديه.. هو زير عليها وخداها وباسها.. الله يخليك ليا افارس.. ويجعلني نردليك جزء صغير من هادشي اللي درتي معايا..
وصلنا للدار دخلت امي ودموعها فعينيها.. تلقاو ليها محسن وشيماء وعنقاتهم وهي كتبكي..
واخيرا.. تجمعو عائلتي.. والفضل لفارس.. الراجل اللي عمري مندمت ولا غانندم حيت غانرتبط بيه.. هادا هو الحب.. الحبيب الحقيقي هو اللي يدير المستحيل على قبل اللي كيبغي.. ومايستى منو والو.. هادشي كان كيختلف فعلاقتي بجلال.. بحيث منت كندير مجهودي.. باش يكون بخير وفرحان.. باش نسهل عليه ارتباطنا.. الا انه مكان كيدير والو.. من غير انه عطاني ضربة عمري.. ولكن الحمد لله انه خرجني لبر الامان.. لو انه موقعش داكشي.. مكنتش غادي نتعرف على فارس.. ونبغيه ويبغيني..
دازو ايام وتعارفت مي هنية على امي.. وبغاتها كما بغيتها انا.. الام الثانية ليا.. وفرحو وبداو يوجدو لعرسنا.. انا قررت انه يكون بسيط.. جاو دارنا.. ونشطو بعدما وجدو الدار.. قررت اني ننشط معاهم بيناتنا.. وانهم يجيبو لعدول للدار.. كنت باغا نلبس قفطاني وصاف.. حتى لقيت واحد جوج بنات داخلين للبيت وجابين معاهم لوازمهم.. قالتلي مي هنية راه جابهم فارس باش يوجدوني للعرس .. خليت ليهم نفسي.. ومبغاونيش نشوف فالمرايا حتى سالاو.. لبسوني كسوة العرس.. شفت فالمرايا معقلتش راسي.. خرجو.. ودخل حبيبي ..كان لابس الكوستوم.. وانيق وعاطي للعين... وهز يدي وباسها..
فارس: يا اجمل ما رأت عيني..
اكرام: يا اعظم رجل في الكون.. كنبغيك افارس.. شكرا على كل ما درتي على قبلي.. وعلى صبرك عليا.. وعلى قبولك بيا..
فارس: شوووت.. هاد الهضرة مغاتجيبليك الا الدموع،. وانا مبغيتش حبيبتي تبكي.. ورب عينيكي.. لأزيلن الحزن من قلبكي.. كما نزعتي رتاج قلبي وسكنتيه..
مقدرتش ننطق .. حيت هاد الجملة لخصات كلشي .. واسكتت لهيب الخوف في اعماقي.. شديت فيه ونزلت.. وتبهرت بروعة المكان.. الورد الابيض فكل بلاصة.. مكنتش كنتخيل اني فيوم من الايام غانكون اميرة هاكا.. فارس عتقني من جمر الماضي.. وبنا معايا المستقبل.. جلسنا وكتبنا العقد وانا مامتيقاش اني وليت زوجة لفارس.. واني تخلصت من اللعنة ديال الماضي.. بداو الزغاريد والافراح.. شد فيا فارس وبدا غادي للخارج.. انا مفهمت والو.. فين غادي.. ركبني فالطوموبيل..
اكرام: فين غانمشيو..
فارس: غانمشيو لعرسنا.. 😌
مفهمت والو.. عرسنا 😳
مشينا بالطوموبيل.. نزلنا حتى لقيتا راسنا حدا قاعة.. بقينا غاديين تحلات قدامي بوابة كبيرة .. شفت ناس بزاف حدا واقفين وكيشوفو فيا وكيصفقولي.. الطابلات والقاعة مزوقة بطريقة رائعة الورود والفرقة الموسيقية فاستقبالي.. شفت ففارس بدهشة
فارس: حبيبة هادا كان حلمك.. نهار حضرنا العرس دبنت عائلتي.. شفت فعينيك امنية انك ديري عرس زوين.. وقررت نحققليك الأمنية..
اكرام: 😢 بزاف عليا..
عنقني حدا الناس..
فارس: متبكيش .. ليوما ديال السعادة فقط..
اكرام: كنحماق عليك افارس..
هزني بالكسوة وبقا كيضور بيا.. والناس كيصفقو وكيصورو.. احساس لا يوصف بالكلمات،. كأن الله كيعوضني على كل دمعة نزلت مني.. على كل لحظة صعيبة دازت عليا وصبرت عليها.. جاني الفرج على صورة انسان شهم وطيب.. وكيبغيني.. دخلنا وكلشي صفق لينا.. العرس بحال داكشي فالافلام.. موسيقى كلاسيكية وهادئة.. طلعنا على المنصة وسط االاضواء الكلاسيكية.. حط يدو على خصري وانا حطيتو على كتفو.. وبدينا نشطحو .. حطيت راسي على صدرو وانا لاول مرة حاسة بالامان غمضت عيني وانا مرتاحة وقلبي ماشي مقبوظ.. فرحانة وحاسة ان جروحي بدات تبرا .. احلامي البسيطة بدات تولي واقع كبير..
عرسي داز ولا في الاحلام.. مشينا للدار تحت طلبي.. حيت طول عمري كنتمنى اني ندخل لهاد الدار وانا عروسة وشادة فيد فارس.. دخلت لاول مرة لبيتو .. شفتو كان رائع..
فارس: اول مرة كتشوفي بيتي..
اكرام: اول مرة..
فارس: عمرك دخلتيه حتى فغيابي!
اكرام: حتى فغيابك.. عمري دخلت ليه..
قرب مني وباس جبهتي.. حسيت ديك الساعة ان الوان الطيف تخالطو فيا..
فارس: متخافيش مني.. انا ماشي ايهاب ولا جلال.. انا فارس.. اللي غايكون احن عليك من النسمة..
اكرام: فارس.. متخلاش عليا مهما كان .. ومهما طال الزمان..
فارس: عمري نتخلا عليك.. نتخلا عن روحي.. ومنتخلاش عليك..
فقت الصباح وانا فحضت فارس.. وتذكرت ليلة امس.. مالي قاصني فارس لاول مرة.. وبداو يطيحو دموعي.. مر شريط علاقتي بايهاب قدام عيني.. وكل العنف اللي شفتو فدار المتعة.. انتفضت وبعدت من فارس.. ولكن هو كان ذكي.. وعاملني بطريقة لطيفة.. وكان رقيق فتعاملو معايا الى اقصى حد.. فارس الراجل اللي وليت ملكو دابا.. وأنا فحضنو.. قررت نطوي صفحة دار المتعة الى الابد.. ومنوليش نحلها ابدا.. النهاية..
الشكر الجزيل لمدام X التي امدتني بالخواطر التي مزجتها بالقصة.. مع تحياتي

لا تنسى زيارة صفحتنا على الفيسبوك:
قصص الواتساب