زوجي الملتحي (الجزء الاول) (الجزء الثاني)| قصص رومانسية بالدرجة المغربية

ملاحظة : لكل من واجهته مشكلة عبر التطبيق ولكل استفسراتكم وتعليقاتكم المرجوا التواصل معنا عبر الواتساب :
212651371981+
ولا تبخلو علينا بتقييم التطبيق بخمسة نجمات ☆☆☆☆☆ عبر بلاي ستور والتعليق عليه لنطور التطبيق اكثر.

زوجي_الملتحي 😍
.....:هههههه شوفي شوفي هاديك لي داخلة
.......:اففففف والله ا غيتة ايلا عيقتي من قبيلة ونتي حاضية الناس واش جينا هنا نشوفو العرض ولا نبرككو فالناس
غيتة:وااا شحال فيك اصحبتي هاد العرض ديال الديفيلي انا راه طلعلي فراسي كنحس براسي مبقيتش حاملة شي حاجة سميتها التصاميم دابا ا ميساء بيني و بينك هاد الدومين درتيه بخاطرك ولا حيت مماك كانت باغاك تكوني مصممة
ميساء:هههن بليدة بجوج ا حبيبة متنسايش بلي فاش كنت صغيرة كنت انا وماما الله ارحمها متابعين الموضة وهدشي لي خلاني نبغيها ونحقق امنية ماما 
غيتة:اوا راك تا دابا مزالة صغيرة 24 عام راه والو
ميساء:احياني العمر دغيا كيطير شوفي ماما و بابا مشاو فعز شبابهم كاعما شبعت منهم(عينيها عمرو دموع)اهىء
غيتة:ميساء صافي احبيبة عاد كنا كنضحكو اش وصلنا لهدشي واش 3 سنين فاتت مبغيتيش تنساي موتهم العمر تسالا وديك الحادثة كانت السبب وا صافي راه غنتقلق منك مسحي دموعك قبل ميتنفخو عينيك راه ايلا شافتك ماما هاكا والله تا ناكل قتلة بسبابك كتحس براسي بلي انا لي بنت ختها ونتي بنتها......ليلى لوليتا
ميساء:هه خالتي غير كتشفق عليا ولا يمكن كتحس بالمسؤولية من بعد موت ختها
غيتة:هيييه ناري و تسمعك منعاودش ليك
ميساء:هههه ضحكتيني الله امسخك شششت صافي هاوما غيبداو
غيتة:هايا ساكتة
سكتو البنات و تابعو عرض الديفيلي لي كان مخصص للقفطان المغربي...بقاو حالين فمهم فالقفاطن اولا نقولو غير ميساء حيت الانسة غيتة مقابلة غير هادي طويلة و ضعيفة وهادي قصيرة و مطبزة تا عصبات ميساء وهي تليعها بقرصة من دكشي دخلاتها سوق راسها
#على_لسان_البطلة_ميساء:
داز العرض كامل وانا ظاهريا كنبان مركزة مع التصاميم المعروضة ولكن كنت مرفوعة تفكرت والديا وتفكرت الحادث لي سرقهم مني جرحي تفتح مرة خرا كيف عرفتو فعمري 24 سنة ولكن كنحس براسي عندة 100 عام هازة هموم الدنيا فوق ضهري مع انني معنديش مشاكيل ولكن انك تكون بلا سند فهاد الحياة اصعب شيء و بالنسبة ليا اكبر هم خصوصا انني كنحس براسي عبىء على خالتي لي جابتني وسكناتني فدارها و حاسباني بنتها ومكتخلب مدير على قبلي ولكن هدشي كلو كنساه ملي كنشوف راجلها وتنحس بيه مباغينيش نكون فديك الدار..كنحس براسي غير مرغوبة هو صراحة عمرو قال شي حاجة ولا سمعتو قال شي حاجة ولكن مجرد احساس خصوصا انه رجل متدين وكلشي عندو بقوانين الدخول و الخروج بالحساب و فاش نكونو ضايرين بالطبلة ممنوع الهضرة ولا الضحك وممنوع الصوت العالي فالدار اولا الضحك كيف كيسميه هو القهقهة هدشي مولفتوش فدارنا واخا 3 سنين وانا عايشة معاهم مزال مولفتش هاد القانون كنحس براسي مسجونة كنت فدارنا بحال الفراشة صوتي و الضحك ديالي ديما فالدار وكلو بسباب ماما و بابا لي كانو بالنسبة ليا الدنيا و ما فيها ولكن فاش خلاوني كنحس راسي بلا فائدة و معندي قيمة واخا خالتي ممخلياش من جهدها ولكن انا والو كنحس بيها غير كتشفق عليا..فيقني من سهوتي تصفيقات الجمهور و تصفيراتهم عليت عيني لقيتهم علنو على المصصم الفائز فهاد العرض بحكم انهم كانو منضمين مسابقة احسن مصمم لسنة 2017 
غيتة:وااو دكشي كان واعر واخا العارضات مسلوتين كون لبست انا دكشي كون واااا تشهرت بفففف 
ميساء:الصمت
غيتة:وااا العمالة كنهضر معاك
ميساء:غيتة هنينا صافي سمعتك نوضي يالاه فحالنا
غيتة:ولكن راه مزال كاين احتفال بالمصمم لي ربح
ميساء(هزيت صاكي ووقفت):الا بغيتي بقاي انا غادة..

ميساء(هزيت صاكي ووقفت):الا بغيتي بقاي انا غادة نمشي غيتة:اففف ديما مخسرة لينا الليلة زيدي تحركي تمينا خارجين و غيتة غادية وتتنكر هاد البنت شحال تتهضر ههه ولكن تنحماق عليها ختي الصغيرة لي معنديش واخا حنا قد قد فالعمر ولكن هي كنحسها طفولية وشفافة لي فقلبها على لسانها...بقينا غاديين وانا كنزرب تا دخلت فشي واحد هزيت عيني باش نعتادر لقيتو واحد خينا الطولة بلا فايدة باينة فيه سكران حيت كلو كيتمايل وشاد واحد المونيكة بجنبو عكرها كاع مجلخ باينة كانو لاعبين خخخ غيتة(فودني):شوفي شوفي فمها بنت الحرام كانت تتبوسو باينة شوفي قميجتو جيهة عنقو ميساء(حابسة الضحكة بزز):شتت هنينا(ضرت عند دوك جوج)سمحوليا كنعتادر الشاب(دايخ كيسد عينيه ويحلهم):ههههه عاااادي هدشي ديييما كيوقع و خصوووصا معايا ديما كديروها سبة مي هااانية عارف راسي تتيز ههههههه ياك احبيبة البنت(كتر منو وتتهضر بتقالة):امممم بزاااف وخصوصا(حطات يديها علة عنقو)دوك الشنيفات امممم بداو تيتباوسو قدامنا وانا و غيتة مبرقين عينينا فيهم عمرنا شفنها هاد المنضر الصراحة ههه تا التلفازة مكنشوفوهش فيها حيت اصلا قليل فين تنتفرجو غير بالتخبية ولا فاش متيكونش راجل خالتي بقينا حاضيينهم تا فقت براسي وجريت ديك البهلة انا جاراها وهي ضايرة جيهتهم غيتة:ويلي ويلي مبقاوش يحشمو ميساء:ههه زيدي المصيبة زيدي خليها هي تا تحمل و تلقا راسها ام عاد تعرف راسها اش دارت غيتة(تقادات معايا فالمشية):و مالها غتحمل من بوسة نتي راك هبيلة الحمل خاصو تطبيق و تكتيك دكشي كبير عليك ميساء(شديتها من شعرها):اهاه ومنين عرفتي وشنو هاد التكتيك بالسلامة فين سمعتي هدشي غيتة:اي وا طلقي طلقي اصحبتي راه ديك النهار بالصدفة قريت واحد الموضوع فالفيس ميساء(طلقتها):اممم الفيس اوا حربش وديريها والله تا خبارك يجيبوها لولين و شتي هادي لي جالس شابع فيها بوسان راه غير تدواز ليلة غيتة:اهاه وباش عرفتيها معرفتي يكون تيبغيها ميساء:هبيلة كون كان كيبغيها ميخليهاش تسكر هادي 1 و تانيا ميبوسهاش بديك الطريقة فالزنقة و اصلا ميتجرأش عليها وميحطش عليها يديه فهمتي غير يشبع منها غيسوسها ونهار يبغي يتزوج غيقلب على وحدة بنت دارهم لي تلعبو مزيان وتفدي فيه القديم وجديد غيتة:اممممم عندك خبرة هاه ميساء:مكلخة را حنا ف 2017 احبيبة و غير لي بغات تغابى عزي راسك وديري القيمة لراسك باش يديروهالك لخرين اما غير الا خليتي واحد مد عليك يديه عمرو يشوف فيك بشوفة زوينة غتكوني بالنسبة ليه بحالك بحال بنات الزنقة غيتة:واخا منديرش معاه علاقة احم احم ؟ ميساء:واخا مديريش معاه علاقة ههه راه غير يحط عليك يديه المرة لولة غيولفها و واحد النهار غتلقاي راسك ام عازبة و داركم مبريين منك تبقاي دوري فالزناقي يضربوك الحيوط وها حياتك ضاعت غيتة:الله احفض الله استر ناري ناري اش وصلنا لهاد الهضرة والله ما يحط عليا ولد المرا يديه لما كان راجلي ميساء(بابتسامة):هكاك الله ارضي عليك وطلقينا راه 10 دالليل هادي غيتة:وا ماشي مشكل اصحبتي نسيتي بلي بابا مسافر ميساء:منسيتش ولكن خالتي خلاتنا نجيو بلا مندموها باش مرة خرا الا بغينا نحضرو لشي عرض تخلينا غيتة(كتشير لطاكسي):واخا الالة هاوا طاكسي ركبنا فالطاكسي وشدينا الطريق للدار وانا و غيتة كتهضرو ونضحكو غيتة هي الوحيدة لي كتخليني فرحانة وكتنسيني فهمي بحماقها وهضرتها العجيبة من بعد مدة وصلنا للدار نزلنا من الطاكسي خلصناه ومشينا كنجريو حلينا الباب كان الضلام فالدار غيتة(بصوت خافت):امكن ماما نعسات ميساء:ولكن هي ممولفاش تنعس دابا غيتة(غوتات):وااااااااااع ميساء:اويلي مالك غتفيقي جيران غيتة(تتنعت بصبعها ورايا):شو..شوفي ضرت بشوية كيبانلي خيال واقف مقابل معانا ركابيا فشلو تا تشعل الضو شوية ما كنت غنطلقها فسروالي كيسحابلي شي جن ولكن لاهما حن ولا راحل خالتي اهىء اهىء غيتة:بابا ياك مسافر اهىء اهىء(بدات تتبكي) ميساء:عمي حن عبد الرحمان(راجل خالتي):بيتكم دابا و الصباح عندي معاكم هضرة غيتة(شافت فيا معجبة):ناااري قفرناها عبد الرحمان:تحركوووووو
عبد الرحمان:تحركوووووووو من قداامي طلعنا كنجريو للبيت وحنا كنترعدو دخلت وتبعاتني غيتة سدات للباب وجلسنا فوق الناموسية كنشوفو فبعضياتنا وكنلهتو بحالا كانو تابعينا الشفارة غيتة:شفتيه شفتيه ميساء:كرهتيني فالشوفان شفتو اختي ناااري خلعني غيتة:انا راه كنت على شوية انسخف ليكم تما تا ماما معرت فيناهيا ميساء:كوراه غوت عليها ناري مسكينة سمعات الهضرة بسبابنا رحمة(خالتي دخلات علينا بشوية وسدات الباب بلا حس):ياكو هدشي علاش تافقت معاكم درتكوم بنات كبار بعقلكم وتقت فيكم غيتة:وا ماما راه كيف سالا العرض جينا رحمة:واخا عليك ابنت الحرام نتي حسابك هو لخر داك الزيف لي دايرة فوق راسك صافي حيدتيه ياك لقيتو السيبة ونتي ا ميساء مولات العقل ياك ديك الكسوة المقزبة قتليك متلبسيهاش ضحكتو عليا ياكو وخليتوه يسمعني الهضرة ميساء:سمحيليا ا خالتي رحمة:تا كلمة نعسو دابا و صباح طلبو الله يعاونكم واخا انا خالعني سكاتو معرفتو اش ناوي نعسو دابا و غدا عاد الهضرة(خرجات) غيتة:ناري هاد بابا اعلم الله لاياش تيخطط شتي كون مكانت فراسو شي حاجة كوراه مزال كيسمعنا الهضرة ميساء(عيني عمرو دموع):باينة غيجري عليا اهىء اهىء باسنة هادي هي لخرة ليا اصلا هو متيحملنيش غيتة:اويلي على يجري عليك واش حماقيتي بابا دايرك بحال بنتو مكيفرقش بيني وبينك كيف تيغوت عليك تيغوت عليا مزال نتي راه داير معاك مزيان مفارضش عليك الحجاب و اللبس الطويل شوفي انا ميساء:داك الحجاب لي تتهضري عليه انا مكرهتوش وتنفكر فيه كل نهار ونتي كطرطاي عليه انا بغيتو يديرليك النقاب غيتة:ياك اختي سري انا لي جالسة دايرة فيك راسي نوضي نعسو وعولي غدا غنسمعو خل ودنينا ميساء:محال يجيني النعاس غيتة:غي نوضي نوضي حنا كنطيحو كي البكرات ميساء:هضري على راسك عبد الرحمان(من بيتو):واش غتنعسو و تسكتونا ولا لا كي سمعنا صوتو سقلنا نضت بدلت حويجي ودخلت للطواليط غسلت سناني و غيتة نفس الشيء تخشينا فراشنا و طفيت الضو بقيت تنشوف فالسقف حتى داني النعاس اما غيتة كي طفيت الضو نعسات مسمعتش حسها ■اصبح الصبح و الملك لله■ فقت الصباح على خالتي تتفيقنا رحمة:نوضو نوضو خلاص غيتة(تتكسل):امم وا ماما مزال الحال رحمة:تهزي را 10 هادي وزيدون باباك كيساينكم ميساء(قفزت من بلاصتي):نااري اليوم يجري عليا رحمة:كيفاش يجري عليك تاني ميساء اش هاد الهضرة ميساء:لا ا خالتي زعما رحمة(قاطعاتني):مزيان هاد المدة كاملة حاسبانا برانيين ياك ابنتي الله اكتر خيرك تمات غادة باش تخرج وانا نشدها ووقفت مقابلة معاها ميساء:راه مقصدتش اخالتي ولكن انا راه ماشي بنتو باش يبقى مبرزط راسو معايا يعني مملزومش مني وهادي هي الحقيقة رحمة:عرفتي الا سمع هاد الهضرة والله ن ما غيعجبو الحال راك بنتنا ونتي و غيتة ماكاين فرق بيناتكم المهم سربيو راسكم وهبطو تفطرو وسيرو عندو راه فالصالة كيقرا القرآن وصاني فاش تفطرو تمشيو عندو ميساء:واخا ا خالتي خرجات خالتي من البيت ومشيت انا للدوش غسلت وجهي و غسلت سناني وخرجت لبست توني مستور وجمعت شعري كعكة الفوق وسبقت غيتة هبطت مشيت للكوزينة لقيت خالتي كتحطلنا الفطور جلست تناكل وانا تنفكر فعمي شنو ايقولنا تا جات غيتة لبسات تا هي بحالي حيت غنجلسو قدام عمي وهو مكيعجبوش نكونو لابسين شي لبس مهواش من بعد ما فطرنا نضنا مشينا للصالة لقيناه جالس كيقرا القرآن بصوت عالي و زوين كيخليك تحس بالراحة ونتا كتسمعو...حس بينا وهو يحبس عبد الرحمان:صدق الله العظيم.
عبد الرحمان:صدق الله العظيم غيتة:بابا حنا البارح عبد الرحمان(قاطعها):البارح مبغيتش نتكلم فيه غيتة:هم؟! شافت فيا و شفت فيها مستغربين الا مكانش الموضوع ديال البارح شنو غيكون بففف الله الطف بينا هاد النهار و صافي...بقينا كنسابنوه يهضر وهو كيشوف فينا مرة فيا مرة فغيتة وحنا مرة مرة نشوفو فبعضياتنا تا حن فينا عاد نطق عبد الرحمان:ميساء ميساء:نعام ا عمي عبد الرحمان:سمعي ابنتي اش غنقول وديريه حلقة فودنيك نتي و غيتة راكم بناتي ومعندي فرق بينك وبينها الفرق لي كاين هو نتي عندي منك جوج مسؤوليات لولة نحافض عليك ونحميك و التانية انك امانة عندي امانة من المرحوم و المرحومة وهاد المسؤولية بالنسبة ليا كبيرة ربي رزقني ببنت وحدة ولكن عاود زادني بنت تانية تربية البنات صعيبة صعيب تربي البنت وتكبرها وتحافض عليها حتى توصلها ليد راجلها ودارها تبني حياتها وتستقر وتبني عائلة وتأسس كيان خاص بيها هدشي اكيد غيجيكم تخربيق حيت مهازين لا مسؤولية لا والو ولكن نهار تحطو فنفس الموقف غتفمرو كلامي دكشي علاش جا الوقت لي تحملو فيه المسؤولية وتعرفو بحقها غيتة:كيفاش ا بابا عبد الرحمان:بنتي نتوما كبرتو و وصل الوقت لي تبنيو فيه حياتكم مع ناس جداد يعني انا قررت غنزوجكم ميساء و غيتة:شنووووو عبد الرحمان:كيف سمعتو وحمدو الله انكم مغتفارقوش لاحقاش ازواجكم ان شاء الله خوت ولاد الحاج عيسى صاحبي ولاد واعيين ومتقفين مغيخصكم معاهم حتى خير غيتة:ولكن ا بابا عبد الرحمان(شاف فيها شوفة نارية خلاتنا نحدرو عينينا للارض):انا مجيتش هنا نتشاور معاك ولا معاها انا علمتكم لانني اصلا عطيت للراجل الكلمة و دابا انا قلت لي عندي سيرو لبيتكم تا تجي رحمة تعلمكم بوقت الخطوبة الرسمية نضت انا وغيتة مصدومين من هاد القرار وخصوصا انا كنحس براسي بحالا معرت فين هو معندوش الحق يقرر قرار مصيري بحال هادا هادي حياتي وانا لي نختار الانسان لي نتزوج بيه ونكمل معاه حياتي ماشي هو دخلنا للبيت وانا دايخة معارفة مندير جلست تا كنسمع غيتة كدندن ضرت شفت فيها لقيتها واقفة قدام المراية وتتصلي على النبي غيتة:صلااااااااة و سلاااااااام علىىى رسول الله ويتي ويتي عليا(تتقرص حناكها)سعدات هاد المزغوب بيا جابليه الله نقرة فين يغبر نحاسو اشمن نحاس قولي صدى شوفي الزين(تتلعب بشعرها)و التباتة ناااري حسدتو فهاد اللحظة بقيت كنشوف فهاد المخلوقة لي قدامي منين جاية مجردة من الاحاسيس دغيا كتعيش اللحظة لي شافها قبيلة مصدومة ميقولش دابا هي لي دايرا ليا فيها عروسة هنا ميساء:اربي من اينا كوكب جاية نتي غيتة:اكيد كوكب زمردة هو لي فيه التيتيز خخخخخ ميساء:نااااري كتبانليا فيك شي نتفة آآ لالة العروسة واش تيقتي راسك غيتة:ومالي منتيق راسي عروسة و بسم الله ما شاء الله عليا نعست وفقت لقيت عريس كامل مكمول الزين و لاطاي كلشي كاين(خخخ تحية للستاتي) ميساء:واش تتهضري من نيتك فرحانة بهاد الزواج!!ياك من ديما تتقولي انك متزوجيش بواحد متتبغيهش غيتة:اه هدشي لي كنت تنقول ولكن كيقولك انا اريد و انت تريد و انا يا عبدي افعل ما اريد يعني كلشي ديال الله كلشي بالمكتاب شكون بحالنا ما تعدبنا ما تكرفسنا بالحب نقدرو من بعد ما نتعاشرو معاهم نبغيوهم ميساء:ويلا مبغيناهمش غيتة:متكونيش متشاءمة اصحبتي(سكتات) ميساء:مالكي سكتي غيتة:سمعي سمعي ميساء:مسمعت والو شنو غيتة:شي هدية دايزة ميساء:لا نتي هربليك الفريخ ناضت تتجري حلات السرجم وهو يتسمه الصوت فعلا دايزة شي هدية حلات علينا السراجم وبدات تنقز وتصفق معاهم من تم وهوما يصليو على النبي وهي كتزغرت ليهم الصراحة منضرها قتلني بالضحك نضت وقفت حداها كنطل شحال كيعجبني هاد الجو وخصوصا كنشوف الناس كلشي فرحان معاهم بحال هاد الهبيلة غيتة:داها و داها الدراري الصغار فالزنقة:والله ما خلاها غيتة:داتو و داتو الدراري:والله ما خلاتو غيتة:يويويووووووووووووووي رحمة(من برا):غيتااااااااااااا غيتة(دفعاتني وسدات السراجم):ناري ماما ميساء:ههههههههههههنه اففففف كرشي وااا مي ههههههههه منين نتي منين غيتة:نطلعو للسطح؟ ميساء:ههههههههههههههههههه رحمة(دخلات علينا):بنت الحرام واش باغا باك يصفيهالك صوتك كيتسمع كتر من الطبالة و الغياطة تهزو جمعو الروينة باش نوجدو الناس غدا جايين....
رحمة(دخلات علينا):بنت الحراك واش باغا باك يصفيهالك صوتك كيتسمع كتر من الطبالة ة الغياطة تهزو جمعو الروينة باش نوجدو الناس غدا جايين عندنا(خرجات) غيتة:ياااي غدا غنشوف راجلي ميساء(شيرت عليها بصندالة):شوية ديري الولاد الله امسخك غيتة:يخخ على معقدة ميساء:غيتااا غيتة:غيتة غيتة واش غير انا لي كاينة فهاد الدار انا غنطلع للسطح نشوف الهدية عندمن خرجات غيتة من البيت وتكيت انا فوق الناموسية كنفكر فكلامها واخا هبيلة ولكن عندها ما تقول درتها فيد الله ونضت هبطت عند خالتي نعاونها تا جات غيتة جايبة الخبار بلي الهدية عند جيران فالزنقة لي ورانا بقينا من حاجة لحاجة وجدات خالتي الغدا تغدينا وطلعنا للبيت طحنا نعسنا تال العصر نضنا تاني وجدنا مع خالتي شي حلاوي هي تتورينا شنو ندبرو وحنا غير كنكورو تم تا جرات علينا ملقينا منديرو طلعنا جلسنا فالسطح مجمعين ميساء:اففف هاد العطلة طولات غيتة:اااه حنا كنقراو نسيت شوفي من الخير انني غنتزوج باش منكملش فديك الرسة ديال المصممين ميساء:كيفاش واش غتحبسي غيتة:اه غنولي ربة بيت ميساء:عطيك الدل قريتي باش تزوجي وتربي البز معندك هدف معندك رغبة انك تحققي ذاتك وتكون عندك شخصية مستقلة غيتة:شوفي ا حبيبة انا راسي ماشي ديال القراية نتي عارفة مزيان بلي انا كان الحلم ديالي ندير المسرح ونولي ممتلة مشهورة ولكن بابا مبغاش وباش منبقاش جالسة درت نفس الشعبة لي ختاريتي منها نتوانسو ومنها نعمر وقتي ميساء:امممم اوا على خاطرك غيتة:اكيد شوفي شوفي ميساء:ناري بديتي تاني انا غنهبط فحالي غيتة:وا اجي ا صحبتي ميساء:لااااا هبطت لتحت طليت على خالتي لقيتها سالات وتتستف الحلوى فالسطيلات كملنا وجات غيتة تتجري عرفت عمي جا ههه غير من ديك الهبطة فعلا صونا حلات ليه جلسنا مجموعين شوية هوما تيهضرو على الزواج و المستقبل و الصبر وانا حاضية غيتة لي مركزة معاهم ضحكاتني حيت اول مرة نشوفها مركزة وتتصنت فالقراية عمرها دارتها عبد الرحمان:الصبر ابنتي الصبر هو اساس اي علاقة زوجية صبري وخلي املك فالله كبير وخليك.ديما مولات العقل صوني دارك وراجلك متهجريش دارك غضبي فبيتك و اسراركم تبقى بينك وبينو ميعرفها حد باش ميستاغلها حد و حد ميدخل فيكم غيتة:بابا فاش خدامين رحمة:حشمي عبد الرحمان:خليها ا رحمة من حقها تعرف هوما ابنتي عندهم شركة معروفة هنا فالرباط شركة تقريبا ديال التصاميم بحال دكشي لي كتقراو(شفت فيه وتحلو عينيا وليت انا مركزة معاه)كيصممو اللباس الخاص بالمحجبات غيتة:وشحال فعمرهم عبد الرحمان:عماد 29 عام و عثمان 30 غيتة:امممم وشكون راجلي انا عماد ولا عثمان عبد الرحمان مزال معرفناشحيت باقيين متشاوفتو غدا ان شاء الله وتعرفي شكون راجلك و الله اعينو عليك ابنتي و على هبالك رحمة حطيلنا العشا باش نشرب الدوا و نعس ناضت خالتي وتبعتها للكوزينة رحمة:شفتي جنية مبقاتش تحشم ولكن بيني وبينك كان فيا الفضول ودكشي لي كنت باغا نسول عليه سولاتو هي هههه ميساء:ههه تا انا ا خالتي بنتك زعمات ولكن عمي الحمد لله كان دايرليها الخاطر رحمة:اييه ابنتي وعلى حنا شحال عندنا منكم غتخويو علينا الدار البارح بفمو قالي البنات غيخليو بلاصتهم غيتة(جات عندنا):اش تتوشوشو رحمة:والو هزي الخبز ديه غيتة:هايا غادة حطينا العشا تعشينا وجمعنا الطبلة وكل واحد مشا لبيتو معرفتش علاش حاسة براسي مرتاحة وممخلوعاش مع انني حياتي تقررات و تحسمات انني غنتزوج انسان مكنعرفو وعمري شفتو معارفة لا طبعو ولا شخصيتو كيف دايرة افكار كتيرة كتجول فبالي وخاطري حاولت نتخلص منها ونعس.....
اصبح الصبح و الملك لله● فقت اليوم راسي اول مرة بلا متفيقني خالتي ههه هزيت تيليفوني شفت الساعة لقيتها 8:30 العجب ضرت شفت فغيتة لقيتها مفرشخة كالعادة نضت دخل للدوش غسلت وجهي وقضيت حاجتي وخرجت بدلت حويجي وهبطت لتحت لقيت السقيل خالتي مزالة مفاقت دخلت للكوزينة عمرت اتاي وجبدت المسمن سخنتو و حطيت شي حليوات من دكشي لي وجدات خالتي فالطبلة وجلست باش نفطر تا وقفات عليا خالتي رحمة:ديك الحلوى للناس لاش جبدتيها ميساء:وا خالتي تشهيتها البارح مدقتهاش رحمة:اوا تا يجيو الناس ودوقيها معاهم ميساء:وا خالتي عافاك رحمة:اخر مرة تهزي لا نتي لا ديك الحلوفة(هزات السطيلة)وهاد الحلوى غنغبرها كنعرفكم نتوما اجي بعدا اش فيقك دابا ميساء:والو ضرباتني الفيقة ونضت رحمة:مزيان نطلع نفيق لاخرا خاصكم تمشيو للحمام رميساء:بلاش اخالتي ندوشو غير فالدار رحمة:لا الحمام حسن باش يطلع عليكم السر مشات خالتي تفيق غيتة وانا بقيت جالسة تا هبطو بجوج فطرنا بتلاتة حيت عمي كيخرج يصلي الفجر ومن تم كيمشي للمحل ديالو حيت هو تاجر كيبيع التواب...سالينافطورنا ونضنا جمعنا حويجنا ومشينا للحمام انا وغيتة والطريق كاملة لي لقاتها تقولها تخطبت تا وصلنا للحمام الطيابة:اهلا اهلا بلاليات البنات غيتة:خالتي زهرة كيدايرة زهرة الطيابة:لاباس ابنتي ميسا كيدايرة ميساء{ففف مكنحملش تقولي ميسا ديما لايحة ديك الهمزة}:لاباس الحمد لله حيدنا حويجنا درناهم فالصاك وهزينا السطولة ودخلنا للبيت الوسطاني ما سخون ما بارد لقينا شي بنات الحومة كاينين تما بقاو كيشوفو فينا ويلوحو الهضرة البنت1:يختي اففف حسيت براسي تخنقت دغيا تغممات علينا الدنيا البنت2:تا انا بحالك والله بففف شي حاجة دخلات علينا غيتة(نقزات):اييه احبيبة هدوك غير الملائكة دخلو وشياطنكم معحبهم الحال البنت3:غيتة لاباس غيتة:لااااباس ونتي البنت3:الحمد لله احبيبة بقات غيتة ودوك البنات كيشوفو فبعضياتهم ويضربو المعاني وانا بديت فالغسيل يمكن الخروج لي مكيخليناش عمي نخرجو ونعاشرو جيران هو لي خلا بنات الحومة يكرهونا وخصوصا انا مزال غيتة تتقول السلام اما انا مكنزعمش على بنادم خصوصا الا مكنعرفوش دازت مدة وحنا فالحمام غسلنا وحكينا تا قربنا نطيرو الجلدة شللنا حالتنا وخرجنا وخلينا البنات تما شادين النميمة جينا وراهم وخرجنا قبل منهم بفف معرت اش كيصنعو رجعنا للدار لقينا خالتي جمعات الدنيا ردات الدار كتشعل بقات تتزغرت فاش شافتنا وسيفطاتنا للبيت نيشان لقيناها حاطلنا جوج قفاطن هزيناهم وبدينا كنضحكو انا هزيت قفطان بيض ايفازي و سفيفة رقيقة و غيتة قفطان غوز تقريبا نفس الفصالة وقفنا قدام المراية وحنا كنشوفو فبعضياتنا تا دخلات عندنا خالتي رحمة(عينيها مغرغرين):عجبوكم غيتة:اه ا ماما زوينين بزااف امتى وجدتيهم لينا رحمة(جات عندي):موجدتش ابنتي كنت مخبياهم ليكم هدا ا ميساء ديال مماك لبساتو نهار حا يخطبها باباك(شافت فغيتة)وهداك ا غيتة ديالي تا انا لبستو فخطوبتي ديما كنت كنتمنى انا وختي نشوفوكم لابسينهم وهاوا جا النهار لي نفرح فيه بيكم ونشوفكم عريسات الحمد لله ميساء:اهىء اهىء متصوريش اخالتي شحال تمنيت ماما تكون معايا هاد النهار حاسة براسي محتاجاها بزاف اهىء اهىء رحمة(عنقاتني):اكيد هي معاك ابنتي وفرحانة ليك وانا مكتحسبينيش مماك ميساء(عنقتها):ربي لي عالم بمعزتك اخالتي غيتة:وااااع غتبكيوني..
وصل الوقت فاش غيجيو الناس وكان كلشي واجد حنا لبسنا وجلسنا فالبيت و خالتي وعمي لتحت كيساينو الناس غيتة:واش حيت زوينة فولاري مقاد ؟ ميساء:جيتي غزالة سرعتي المكياج فين تعلمتي تصاوبيه غيتة:الله اخلف على الفيسبوك هههه تانتي جيتي فنة سعداتك طالقة شعرك عرفتي التاج كيجاكو المكياج مع انه خفيف ولكن جاك زوين حيت مكديريهش بزااف ميساء:فخبارك حاسة براسي معيقة بهاد التاج نحيدو حسن غيتة:والله يا مك وتحيديه تا نحيد ليك راسك واش من قبيلة وانا نقاد من هنا و من هنا وتجي ضربي ليا كلشي ف الزيرو ميساء:افففف منك بقينا جالسين مرة نتناكرو مرة نتجمعو تا سمعنا الصونيط حسيت بقلبي غيسكت معرفتش علاش واش خلعة ولا فرحة غيتة:ناري جاو غنخرج نطل ميساء:خرجي خرجي عالله تلاقاي بعمي فالباب يصدقك محشمك قدام زوج المستقبل غيتة:فمك لاحسو كلب ميساء:هي ايلا تبتي للارض بقينا جالسين شحال تا جات خالتي عيطاتلينا باش نزلو هبطنا معاها دخلنا للكوزينة انا هزيت طبسيل د الحلوى و غيتة هزات بلاطو د العصير و مشينا للصالون سمعنا الهضرة شوية دخلت حادرة راسي وحاسة بحناكي غيطرطقو لقينا السلام و ردو علينا عبد الرحمان:جلسو ابنياتي حدايا الحاج عيسى:تبارك الله ما شاء الله الله احجبهم ربيتي وعرفتي اش تربي ا سي عبد الرحمان عبد الرحمان:الحمد لله كلو بفضل الله وتاهوما كانو نعم البنين عمرهوم خيبو ضني فيهم ولا خلاو شي واحد ينعت فيا بالخايب الحاج عيسى:الله يا ودي الكتاب باين من عنوانو و الحشمة لي فيهم تبارك الله اولا الالة فاطنة(مراتو) فاطنة:لا لا الحق يتقال جوهرات عندك فالدار الحاج و غيوليو فداري بحال بنياتي مرزقنيش الله بالبنات وهوما غيكونو بناتي عبد الرحمان:ان شاء الله لهلا يحاشمنا الحاج عيسى:اوا اسيادنا خير البر عاجله بالحق نعتادر اول خاجة على عثمان راه مقدرش يجي بحكم الخدمة راك عارف هو و عماد لي هازين الحمل وخاص ضروري واحد فيهم يكون وخصوصا اليوم كاينة شي خدمة ضرورية عبد الرحمان:ماشي مشكل وجهك كافي وحضورك مشرفنا فاطنة(تتهمس فودن ولدها):فين لي عجباتك اولدي عماد:الواليدة نتي عارفاني باغي بنت سي الحاج غيتة راه فايت هضرنا فهدشي فاطنة:ههه واخا واخا(ضارت عند راجلها)غيتة لعماد و ميساء لعثمان الحاج عيسى:مرحبا سي عبد الرحمان اه بعدا فين لالة رحمة تحي تحضرنا عبد الرحمان:رحمة ا رحمة خلي دكشي و اجي رحمة(جات عندنا):هاني سمحوليا عبد الرحمان:جلسي ا رحمة الحاج عيسى:سي عبد الرحمان نتا عارفني مزيان حنا عشرة ديال العمر ولادي كبرو قدام عينيك وعارفهم مزيان مكاين لاش نشكرهم ليك و ولادي كبرتهم ووصل وقت يديرو ديورهم ويكونو اسرتهم وانا و فاطنة ملقيناش ما حسن من بنتك غيتة و ميساء بنت سي مصطفى يكونو كنايني وماوات حفادي اش قلتي عبد الرحمان:اسيديانا منزيدك غير مبروك وبناتي تربية يدي وانا و مصطفى كنا خوت دكشي علاش بنتو هي بنتي ومصلاحتها كتهمني بحال غيتة وكتر وانا منطمن عليهم الا مع عماد و عثمان رجال ديال الصح و المعقول اولا البنات ميساء و غيتة(حدرو عينيهم):الصمت فاطنة:ههه السكوت علامة الرضا الحاج عيسى:نقراو الفاتحة.
الحاج عيسى:نقراو الفاتحة هزينا كفوفنا نقراو الفاتحة وانا غصة خانقاني و الدموع على طرف عيني واش حتى لهاد الدرجة انا منحوسة ههه تخطبت بلا منشوف هاد الانسان لي غنكمل معاه حياتي تربطت بيه وانا جاهلة علية كل التفاصيل شكلو؛طبعو؛شخصيتو كلشي...شفت فغيتة وشفت الفرحة لي فعينيها و النظرات لي كتبادل بينها وبين عماد لي منزلش عينو عليها مكرهتش تا انا نعيش هاد اللحظة فخطوبتي ولكن كنضن معنديش الحق فهاد الحياة معندي حق فوالو من غير انني نرضى بالوضع لي انا فيه ونسكت كالعادة دازت الليلة وانا ساهية مركزتش معاهم شنو تيقولو وكلما توجهات ليا شي كلمة كنرد بالابتسامة فقط الشيء لي فسروه بانني حشمانة... داز الوقت وتعشينا وودعنا الناس على اساس ان الاسبوع الماجي يكون العقد و تركاب الخواتم اكيد مكينش شي حاجة سميتها عرس و انما فقط الطلبة وقراءة القرآن فالدار وصافي طلعت للبيت انا وغيتة بدلنا علينا ونزلنا عاونا خالتي فجميع تعاونا وسالينا دغيا وكل واحد رجع لبيتو..وقفت قدام المراية وانا كنشوف فراسي شنو ناقصني حتى نحس بنقص فأهم ليلة فحياتي غيتة(تتشوف فيا):ميساء مالكي من صباح ونتي ساكتة مموالفاش ليك ميساء(مشيت جلست حداها):غنسولك و جاوبيني بصراحة غيتة(باستغراب):سولي ميساء:من 3 سنين هادي و دخلت لحياتكم وللدار واش حياتكم تبدلات؟يعني واش تبدلات للاسوأ ولا للاحسن غيتة:اش تتخربقي ميساء:غيتة تنحس براسي منحوسة و بزاااف والديا ماتو فنهار واحد وخلاوني(ابتسامة سخرية)حتى الانساء لي تقرر زواجي منو تخطبت ليه بلا ميحضر واش ممنحقيش دوز خطوبتي عادي بحالي بحال كاع البنات غيتة:اويلي اش هاد الهضرة تاني ميساء وليتي هاد الايام حساسة بزااف و زيدون علاش تتربطي شي بشي السيد عندو خدمتو وهو الكبير اكيد مدارهاش بلعاني وشفتي عمي عيسى كيف اعتادر حيدي منك هاد الوساويس راك غتمرضي راسك هاكا حاولي تعيشي حياتك(شدات يدي)ميساء نتي راك ختي حبيبتي مجيتك لهاد الدار دخلات لينا الفرحة نتي راك عارفة بابا كيف داير قبل متجي راه كنت مكنعتبش هاد للبيت غير للماكلة ونرجع نسد عليا ونتي من نهار جيتي وانا وياك طالعين هابطين فالدروج واخا بلى فايدة ههه المهم دايرين الحس ميساء:ههه قولي الصداع اجي بعدا اش دوك النظرات بينك وبين عماد قبيلة لي شافكم يقول بيناتكم شب حاجة ولا تتعرفو بعضياتكم قبل غيتة:ههه عماد الالة شفتو مرة وحدة عند بابا فالمحل كنت مشيت نجيب شي فلوس لماما اوا لقيتو تما وبقا تيشوف فيا احح على دوك العوينات حب من اول نظرة ههه شفتي الطولة و التكلضيمة كيف دايرة و الضحيكة يا سلام ميساء:ههه حمقة اجي معمرك شفتي خوه غيتة:عثمان لا غير سامعة بيه من بابا واحد النهار كان كيشكرو وكيقول لماما كون كان عندي ولد كون تمنيتو يخرج بحال عثمان اخلاق و خلق ميساء:امممم دابا نشوفو محال يحضر تا نهار العقد يسني باه بلاصتو غيتة:ناري بغيتي دخلي ضرة عل خالتي فاطنة خههههه ميساء:كلشي ممكن ههههه رحمة(دخلات علينا):شششت واش مكتقاداوش راه عبد الرحمان ناعس غيتة:واخا الالة رحمة سمحيلينا صدعنا ليك زمانك رحمة:الله اقلل حياك نعسو وطفيو الضو عليا خلاص راه 2د الليل هادي واه خرجات خالتي وخلاتنا تنضحكو طفبنا الضو وتخشينا فالفراش وبقينا مجمعين كنوشوشو تا طلع النهار عاد نعسنا..
نهار جديد فقت تنتكسل ونتجبد حاسة براسي جنابي طابو عليا تسرحت حتى جات يدي بلاصة غيتة لقيتها خاوية حليت عيني فعلا مكايناش هزيت تيليفوني باش نشوف الساعة بانلي ميساج من غيتة<<حبيبتي صباح الخير انا و ماما خرجنا مع بابا نقضيو شي شغل تا نجيو ونقولك موااح>>حطيت التيلي من يدي وعاودت تكسلت اممم يا سلام اول مرة نفيق مع 11 خالتي ديما مصبحة عليا مع 10 نضت مشيت للدوش قضيت حاجتي و غسلت وجي وخرجت كنت غنبدل حويجي ولكن مدام عمي مكاينش مكاين لاش كنت لابسة كسيوة د النعاسفوق الركبة شوية ونص كم فالغوز وفيها هيلو كيتي خخخ مشيت للمراية طلقت شعري ودرت بوندو فالغوز ولبست بانطوفتي وهبطت للكوزينة لقيت الفطور فوق الطبلة هممم يالاه جلست باش ناكل وانا نسمع السونيط نضت نسيت راسي اش لابسة ومشيت حليت الباب😳ما هذا صباح التتيز لقيت واحد الشاب اش غنقول ما شاء الله طول اييه و عرض ايييه والنور على وجهو يااااي واللحية لي كتحمقني وااو لابس سروال دجين وتيشورت بيض و صبادري فالبيض بقيت نبحلق فيه تا فيقني بصوتو شفت فيه بانلي حادر عينيه الشاب:السلام و عليكم ميساء:وعليكم السلام اش حب الخاطر الشاب(مزال حادر عينيه للارض):واش كاين سي عبد الرحمان مشيت عندو للمحل ملقيتوش ميساء:ل يالاه جيت نجاوبو وهو يوقف عمي و خالتي و غيتة لي بقات تتشوف فالولد وتشوف فيا وتفرنس اما عمي طلعني وهبطني عاد عقت براسي وتفكرت شنو لابسة ضربتها بجرية للبيت وغيتة و خالتي ورايا ميساء:ناري ناري ناري ويلي على حالة نسيت راسي اليوم عمي يطير ليا راسي صافي هاد لخرة ليا غيتة:هههههههههه ناري شتي شحال زوين رحمة:كوني تحشمي المجحومة ميساء اش وقفك مع السيد بهاد اللباس ميساء:والله اخالتي تا نسيت راسي اش لابسة يالاه حيت نفطر وهو يجي ونضت حليت مرديتش البال رحمة:هايهاي على بالسلامة يالاه فقتي مزيان تبارك الله غيتة:خائنة شي يفيق مع النبوري شي يصبح خامر رحمة:شوفو متخرجوش من هنا تا يمشي السيد راه دخل هو و عبد الرحمان للصالة انا نمشي نرد الغدا يطيب مشات خالتي وبقيت انا غادة حاية فالبيت وكنفكر فيه فاش كان كيهضر معايا وعينيه فالارض عاد عرفت علاش الدري حشم وانا محشمتش ميساء:اففف شنو يكون كيقول عليا دابا غيتة:التتيز ياك ههههه ميساء:غيتة الله اخليك لما هنيني غيتة:هايا ساكتة بالحق غير فهاد الموضوع عارفاني منقدرش نسكت اجي تشوفي شنو تقدينا هههه كنوجدو لزواحنا خليتك ناعسة حيت وجودك بحال عدمو كون مشيتي معانا كون ما خديتي والو ولكن شوفي والله تا تهليت فيك من دو بياس تال صباغة الضفار ميساء:من بعد من بعد(جبدت بيجامة مستورة لبستها) غيتة:لاش بدلتي راه باقي السيد ممشا تا يمشي وبدلي عبد الرحمان(دخل عندنا):ميساء ميساء:نعام ا عمي عبد الرحمان:هبطي ابنتي هضري مع خطيبك ميساء(مصدومة داك التتيز خطيبي انا):ها؟؟ عبد الرحمان:واش مكتسمعيش ابنتي نزلي عند خطيبك بغا يهضر معاك ميساء:وا..واخا واخا ا عمي عبد الرحمان:يالله الله ارضي عليك(خرج) ضرت عند غيتة لقيتها مصدومة شفنا فبعضياتنا ونطقنا فنفس الوقت غيتة و ميساء؛عثمااان غيتة:ناري والله ما طاحتليا فالبال هههههههههه زهقاتليا ميساء:دابا شنو ندير لا لا هدشي فشكل غيتة:بسم الله عليك ابنتي توكضي وهبطي هضري مع السيد هبطي هاكا راك غزالة(تدفعني)سيري سيري دغيا هبطت للتحت وانا حاسة براسي كنترعد كلي معرفتش علاش ولكن هاد السيد شي حاجة جدباتني ليه ميمكنش بهاد السرعة هادي ننجادب ليه ممكن يكون اعجاب مبدئيا الشكل مقبول...مقبول؟والله مكنحشم دكشي كامل ومقبول ااففف...وصلت للصالة دخلت كان جالس وعمي مشفتش فيه كاع دغيا حدرت راسي ومشيت حدا عمي عبد الرحمان:بنتي ميساء ها عثمان خطيبك جا بغا يهضر معاك غنخليكم تهضرو على راحتكم انا غير هنا فالصالون الا حتاحيتو شي حاجة ولدي مرحبا بيك مرة خرا عثمان(بصوت رجولي):بارك الله وفيك ا عمي خرج عمي وبقيت انا وكحل العفطة الراس فالراس كنحس بقلبي كيضرب بجهد بحالا كنت تنجري داك الصمت زاد وترني بقينا تقريبا شي 10 دقايق هكاك حتى نطق هو ...
حتى نطق هو عثمان:ميساء لاباس عليك ميساء{ياااه سميتي شحال زوينة من فمو احم ويلي يا ميساء مالك وليتي مبهللة}:لاباس الحمد لله ونتا عثمان:الحمد لله هاد الساعة اول حاجة انا جيت باش نعتادر على البارح حيت محضرتش لخطوبتنا ولكن الخدمة كانت شي حاجة ضرورية ميمكنش تأجل سمحيليا ميساء(عليت عيني وشفت فيه):ماشي مشكل وخصوصا ملي جيتي تال هنا باش تعتادر عثمان:كنضن ا ميساء عارفة عليا كلشي ويلا كانت شي خاجة باغا تعرفيها مرحبا ميساء{اففف مالو تيهضر بهاد الجدية ومغوبش}:لا لا مكاين والو حاليا عثمان:مزيان انا عندي شي شروك الا قبلتي بيهم ا ميساء ميساء(باستغراب):شرووط!! عثمان:اه هو الصراحة ماشي شرط كتر ما هو طلب انا بغيتك ديري الحجاب بما انك غتكوني مرتي يعني راك غتكوني شرفي وعرضي متاخديش هاد الطلب بشي نضرة خايبة انا بغيتك تعرفي بلي الزواج تبادل اراء يعني الا معجباتكش فيا شي حاجة قولي الا قدرت نبدلها غنبدلها ويلا مقدرتش كنواعدك انني غندير لي فجهدي زيادة على انك غتكوني مرتاحة معايا فدارك غنسكنو فدارنا بوخدنا واخا والديا قالولكم امكن بلي غنسكنو معاهم ولكن انا عندي داري وكنبغي نكون على راحتي حتى مراتي نفس الشيء مبغيها تكون مرتاحة تلبس لي بغات دير لي بغات تفيق وقت ما بغات حريتها الشخصية منبغيهاش تكون مقيدة ولا انها مجرد احساس بأنها فدارها ومعندهاش حق دير شحال من حاجة اش قلتي الصراحة من بعد هدشي لي قال كلامو ريحني وبزااف كنت رافدة الهم لقضية السكن مع دارهم الحمد لله ملي جات منو من خلال كلامو انسان متفهم وواعي كيهضر بعقلانية وطريقتو زوينة بزااف زيادة على الحجاب انا معنديش فيه مشكل كنت كنفكر نديرو وربي جاب السبب جاوبتو وانا مطمأنة ومرتاحة لكل كلمة قالها ميساء:موافقة و الحجاب من غدا نديرو عثمان(بنفس الجدية مكاين لا ابتسامة لا والو):مزيان كنضن تافقنا خليتليك الراحة هاد الساعة ناض باش يمشي ووقفت كنشوف فيه حتى بانلي وقف وهو يضور عندي ورجع تال عندي وقف قدامي وليت بحال شي بخوشة قدام طولتو و الدليل انه حنا لعندي وهمس فودني الشيء لي وترني بزااف عثمان:نسيت حاجة خرا عافاك متبقايش تحلي الباب ونتي بداك اللباس تفوووووووو فكرني ولد الحرام خرج وخلاني كنتغدد طلعت للفوق كنتنتر دخلت للبيت وخبطت الباب غيتة:هرسيه اختي ميساء:نااااري شحال حاس براسو غيتة:هههه اوا اختي بالسيف راه الزين و الطولة تبارك الله ما شاء الله عرفتي جيتو مع بعضياتكم والله هو حروفو كحلين وسميمر الرجوولة وااع مكيتشابهش هو وعماد معرفت علاش اجي اش قلتو ميساء:قالي ندير الحجاب غيتة:اممم حاحة متوقعة ونتي اصلا كنتي تتفكري فيه اذا مكينش مشكل ميساء:دكشي قتلو موافقة ة نزيدك غيتة:شنو ميساء:غنسكنو فدار بوحدنا غيتة:اوااااه كيفاش زعما غيفرقونا ولكن ماشي مشكل خالتي فاطنة باينة فيها ضريفة غنتوانس انا وياها ميساء:اففف غيتة:مالك تتسوطي علينا ميساء:فاش كان غادي قاليا متبقايش تحلي الباب ونتي بداك الباس غيتة:ههههه الحكام من دابا اجي باش حسيتي فاش شفتيه عجبك؟ ميساء(نطقت بدون شعور):هو غير عجبني وسكتي غيتة:ههههههههههههههههه الله الله سريعة الاحساس صافي طحتي ميساء(شيرت عليها بمخدة):طيحي فبير غيتة:الله انجيني اهتي باقا باغا نتزوج وندير وليداتي ونربيهم ونزوجهم ونشوف حفادي ميساء:و تزوجيهم غيتة:اييه علاش لا وا اجي اجي تشوفي شنو شريت ليا وليك ناضت غيتة وبدات توريني دكشي لي شرات مسخوطة ما خلات تا حاجة مشراتهاش لي شوميز دو نوي غير المعريين واحد ينسيك فلاخر بقيت كنشوف فدكشي الصراحة عجبني الحال وبديت تنحس براسي عروسة ههه بديت نتخير ونتعزل تا فرقنا دكشي وكل وحدة دات حويجها للبلاكار ديالها وهبطنا عند خالتي جمعنا معاها شوية تا وصل الغدا
داز اسبوع فتوجاد خالتي و عمي ما خلاوش من جهدهم كلشي وحدوه لا من لباسنا انا و غيتة مفرقوش بيناتنا وحسسوني فعلا بلي انا وسط والديا...عثمان من ديك النهار مشفتوش حسيت براسي توحشتو بزااف بالحق ما بقا والو اليوم غنشوفو...انا دابا فالصالون انا و غيتة كنوجدو راسنا لليلة العمر ديالنا وكنتمنى انها دوز على خير وقررت باش نبرز بحجابي واخا العيالات بوحدهم و الرجال بوحدهم ولكن اكيد غنتلاقاو ملي نبغيو نعقدو غيتة:ميساء غديري لاصيغ؟ ميساء:اه ضروري ولكن لتحت لا منقدرش عليها غيتة:لا اصلا منديروهاش تم خايبة لديك البلاصة ميساء:اه بلاش نيت غيتة(للكوافورة)؛صافي اختي غير بداي لينا جات الكوافورة هي والبنت بي معاها وحدة شداتني انا ووحدة شدات غيتة بقاو ينتفو فينا تا طيبونا وبعد دازو لشي لاخر ماسالينا تا غفرلينا الله الدنوب و الحمد لله اننا بوحدنا فالصالون ممعانا حد بحكم ما عندنا لا عائلة لا والو تا عمي عبد الرحمان هو الوحيد لي عند والديه والله ارحمهم...بقينا جالسين من بعد ما لبسنا اللبسة لي غنبرزو بيها(البنات هاد التفاصيل منعرفش ليهم معنديش تجربة ههه نتزوج ونعرف😂)من بعد ما سالينا سمعنا صوت الطموبيلات وقفو قدام الصالون و الكلاكسون نزلات لينا الكوافورة الطرحة على وجهنا وخرجنا بانليا خطيبي واقف حدا طموبيلتو و عماد حتى هو و معاهم شي عيالات وبنات باينة من عائلتهم جا عندي عثمان قبطني من يدي وداني للطموبيل وحليا الباب القدام ركبت وتحنا عندي كيقاد ليا جلايلي وهو يهمس ليا فودني عثمان:ما شاء الله مشا وخلاني قلبي غيخرج من بلاصتو كلامو قليل ولا كتير كيدخل لقلبي بحال العسل وتنحس بيه بكلامو بحالا تنكون عطشانة وهو تيرويني الكل ركب وتاجهنا للدار لقينا البنية قدام دارنا كبيرة بزااف مكانش فراسي بلي كاينة شي بنية شفت فيه باستغراب وهو فهمني عثمان:نتوما العيالات كتبغيو تبقاو على خاطركم دكشي علاش وصيت الدراري يبنيو البنية على برا اححح ا قلبي واش سمعتوه هدا حرام واش بنادم هدا راه ملاك واش تال هاد الدرجة متفهم وعندو الخاطر كنحس براسي محظوظة بيه كيف وصلنا للدار حليا الباب عاوتاني ومدليا يديه شديتها ونزلت وبداو الزغاريت العيالات اكيد غير جيران بداو كيصليو على النبي ويزغرتو دخلنا لداخل وهو عثمان و عماد معانا تا وصلونا للبلاصة فين غنجلسو جلسنا وهزو الطرحة على وجهنا شفت فيه وجات عيني فعينو لقيتو داير ابتسامة على طرف فمو وحنا عليا باسليا راسي ونفس الشيء دار عماد وخرجو عاد دخلو العيالات وبداو يطبلو ويغنيو والبنات كيشطحو و شي وحدينات غير تيتعوجو وانا وغيتة كنشوفو فيهم ونضحكو وعلى مافهمت من غيتة بلي هادو من عائلة عثمان و عماد بنات خالاتو و عماتو و عمامو تبارك الله شحال عندهم دالبنات ولكن باينة فيهم بعكاكات كنهضر على دوك لي جالسين مستفين ومتحركوش غير تيشوفو ويدورو فعينيهم دازت الاجواء زوينة بزااف ووصل وقت العقد جات خالتي و خالتي فاطنة خرجونا من الصالة للصالون كان جالس تما عمي و عمي عيسى و عثمان و عماد و العدول جلسات غيتة و عماد هوما لولين سولهم العدول وسناو من بعد ما كان صداقهم واحد القدر ديال الفلوس حيت عمي رفض انه يطلب شي حاجة...من بعد جات نوبتي وجلست انا وعثمان نفس الشيء سولنا ونفس الشيء بالنسبة للصداق...سنينا وتعالات الزغاريت عنقاتني خالتي و خالتي فاطنة ومشيت بست لعمي يديه ونفس الشيء بالنسبة لعمي عيسى.....رجعنا للصالة فين جالسين الناس وجات النقاشة نقشاتلينا انا وغيتة كل وحدة والنقش لي اختارت....وصل وقت العشا وحطو للناس يتعشاو لا للرجال ولا للعيالات اما حنا طلعاتنا خالتي لببتنا باش نبقاو على راحتنا..
من بعد ما تعشينا رجعنا نزلنا لتحت ودخلو العرسان باش نتصورو جلس حدايا عثمان وحط يدو على كتفي معنقني واخا ممبتاسمش ومبايناش الضحكة ديالو ولكن فنفس الوقت ممغوبش ههه خليط هاد الانسان فشكل ونفس الشيء عماد لي جالس حدا غيتة وتيهضر ليها فودنيها وهي تتفرنس تصورنا بربعة بينا ومن بعد تصورنا كل تنائي بوحدو وتصورنا مع العائلة و آخر حاجة بقيت تنتصور انا وغيتة درنا الحماق وصل وقت الوداع حسيت بالدنوع فعينيا وانا كنشوف خالتي واقفة فالباب عينيها شلال وتتبكي تفكرت ماما وبديت نبكي وغيتة حتى هي تا جات عندنا خالتي عنقاتنا بجوج وكتوصي فينا وخالتي فاطنة هي لي تتجاوبها وطمنها اما حنا غير كنتنخصو من بعد جا عمي مسكين تا هو بكا اول مرة نشوف دموعو عنقني وباسليا راسي وهمس فودني عبد الرحمان:انا راضي عليك ابنتي الله افرحك متصوروش هاد الجملة شنو دارت فيا شفت فيه وتلاحيت عليه عنقتو بجهد وحتى هو حتى جاو عثمان و عماد كل واحد قبط عروستو تسالمتا مع باقي العائلة وخرجنا باش نركبو فالطموبيل انا وعثمان وهو يوقف دار عند خالتي فاطنة عثمان:اه الواليدة انا راه غنمشي لداري واخا فاطنة:كيفاش واش مغتمشيوش معانا للدار عماد:الواليدة خليه نتي عارفاه كيرتاح فدارو و زيدون هانا وغيتة غاديين معاكم ولا مكافيينش فاطنة(بضحكة صفرة):كافيين لي بغيتو حسيت بخالتي فاطنة بقا فيها الحال ولكن معجبنيش الحال حيت كيسحابلي واش هوما عارفين هدشي ماشي تال دابا ركبنا وشدينا الطريق بقيت ساكتة بلى منهضر حتى هضر هو عثمان:واش نتي بيخير ميساء:الحمد لله عثمان:الصمت بقيت ساكتة حتى عييت وانا نهضر لي ليها ليها ميساء:ممكن نسولك عثمان:اكيد شنو ميساء:واش عائلتك مكانوش عارفين بلي غنعيشو فدار بوحدنا عثمان:الصراحة لا حيت قلت انهم عارفيني كنبغي نبقى على راحتي الدار قليل فين كنمشي عندهم اغلبية كنجلس فداري يعني عادي راهم مولفين ميساء:اممم واخا عثمان:ها حنا وصلنا نزل عثمان وجا جيهتي حليا الباب نزلت طلعت عيني كنا قدام عمارة كبيرة هزيت راسي كنشوف حتى ضرني عنقي تا جا عثمان هاز باليزتي فيدو سد الطموبيل وشدني من يدي وبقا غادي بيا دخلنا وقفنا قدام لاسانسور وطلعنا للدار كان بابنا بوحدو فديك الطبقة يعني كل طبقة فيها شقة وحدة وفعلا تستاهل لان فاش حل الباب كانت الدار كبيرة بزاف لدرجة ان فيها جوج طبقات كانت مفرشة بطريقة زوينة عثمان:مرحبا بيك فدارك ميساء(بابتسامة):شكرا عثمان:الدار فرشتها قبل من الخطبة يعني الا معجباتكش شي حاجة غير قوليهالي ونديك تختاري لي يريحك ميساء:لا لا دوقك زوين بزاف عثمان:باقي مشفتي والو متحكميش(قبطني من يدي)اجي نوريك دارك باش تعرفي عليها جرني عثمان من يدي بحال شي بنيتة صغيرة يدخلني لهاد البيت ويديني لهادا وانا مديتها فوالو قد ما بقيت حاضياه هو ولكن لي فهمت ان الطبقة لي لتحت كلها صالونات وفيها كوزينة وحمام عاد طلعنا الفوق كانو 3د البيوت ديال النعاس جوج تقريبا قد قد و واحد كبير كان هو بيتنا دخلني ليه وبدا يوريني بلاصة الريسينغ و الدوش و الماريو فين ندير حويجي واي حاجة ممكن نحتاجها عجباتني الدار بزااف و عجباتني معاملتو كتر اكيد غتقولو باقي الحال باش نحكم ولكن الطمأنينة لي حاسة بيها هاد اللحظة مخلياني مرتااااااحة بزااف فيقني من شرودي صوت عثمان:ميساءهانتي خودي راحتك انا غنمشي نجيب ما ناكلو حيت الصراحة متعشيتش مزيان نتي فيك جوع؟ ميساء{الصراحة شبعانة ولكن ناكل مع راجلي ههه لا الصراحة نخاف نضيع}:اه عثمان:واخا خودي راحتك مغنتعطلش عليك.
عثمان:واخا خودي راحتك مغنتعطلش عليك ميساء:واخا خرج عثمان وبقيت متبعة ليه العين تا غبر وانا قلبي حاسة بيه غيسكت بالفرحة وبهاد المعاملة كنحس بيه حنين بزاف..نضت كنشوف البيت مزيان حيت محققتش فيه ههه من بعد مشيت هزيت باليزتي حليتها معرفت منلبس معرفتش واش هاد الزواج غيكون حقيقي وكامل ولا غتكون شي مفاجأة كتسناني درتها فيد الله هزيت شوميز فالبيض مع دوبياس ديالو فالبيض و مشبكين وهزيت الفوطة و التخربيق ديالي ودخلت للدوش دوشت مغسلتش شعري حيت مكاين لاش نضيعو دوشت دغيا وتوضيت عاد مشيت كاع الكريمات طليتهم لراسي الله اخلف على غيتة اما انا خلاتها هي كون مشيت كاعما ناخد هدشي ساليت ولبست دوبياس و شوميز فوق منهم وطلقت شعري وتقابلت مع المراية الصراحة عجبني راسي واخا حشمت من داك اللبس حيت كلو مفضوح خرجت من البيت دغيا هزيت العباية لبستها ودرت الزيف على راسي وهبطت للدار لتحت باش نشوفها تا سمعت التقرقيب فالكوزينة مشيت بشوية لقيت عثمان كيحط شي بلاستيكات فوق الطبلة شافني وهو يطلعني من رجلي تال راسي عثمان:ارتاحيتي شوية ميساء:اه الدوش ريحني عثمان:بصحتك اجي تاكلي ميساء:الا بغيتي سير دوش عاد ناكلو انا نتسناك عثمان:اممم واخا مشا عثمان ومشيت كنبقشش فالميكات لقيتو جايب شحال من حاجة بيتزا و الدجاج محمر و لي سوندويش ديال الكفتة وشي ساشيات فيهم الفريت بقيت غيى كنشوف واش غياكل هدشي كامل!!عاد الموناضة و الخبز بديت كنقاد دكشي فالطباسل وجلست كنتسناه حتى بانلي نازل وهاز الفوطة كينشف راسو كان لابس تيشورت كحل مزير عليه وسروال غري جاو معاه فنين الله الله على التيتيز ديالي بقيت حالة فيه فمي تا جا كحز الكرسي لي حدايا وحلس بجنبي عثمان:تعطلت عليك ميساء:لا اجي علاش جايب هدشي كامل عثمان:الصراحة معرفتش نتي شنو كيعجبك مسولتكش قبل منمشي دكشي علاش جبت هدشي لي عجبك كوليه ولي معحبكش خليه فالتلاجة ليا مغيضيعش ميساء:هه واخا بدينا كناكلو حسيت بالشهية تفتحاتليا بحالا معرت شحال مكليت ولكن محسيتش براسي حيت حاضياه غير هو كيفاش كياكل وكيفاش تيتحرك وهو مرة مرة كيحطليا ويقوليا كولي حتى ناض عثمان:الحمد لله ميساء:شبعتي عثمان:اه الحمد لله انا نغسل ونجي نعاونك تجمعي هدشي ميساء:لا معليش ماشي شي حاجة انا نجمع هدشي دغيا غير سير ارتاح عثمان:واخا مشا عثمان وضرت انا جمعت الطبلة مغسلت الميعنات فاش كلينا ودكشي لي شاط درتو فبواطات وحطيتو فالتلاجة ساليت وطلعت البيت مع دخلت لقيت.
دخلت لقيت عثمان كيفرش الصلايات فالارض ولابس الفوقية كانت كحلة جاتو فناااااااا😍تشوكيت اللحية و الفوقية الله يا ربي كيجا واش هدا بصح راجلي ديالي بوحدي ههه كالعادة بقيت ساهية فيه تا فيقني صوتو عثمان:ميساء آجي موضية ياك ميساء:اه عثمان:نصليو جوج ركعات باش ربي يبارك لنا فهاد الزواج ياك ميساء:اه عثمان:واخا اجي مورايا مشيت موراه وقلبي تيضرب واحد الفرحة حسيت بيها فهاد اللحظة لا توصف واقفة موراه وهو متخشع وكيقيم الصلاة عمري تصورت انني ممكن نتزوج انسان بحالو حقيقة كان عندي حلم بحال اي بنت انني نبغي الانسان لي نتزوج بيه قبل ولكن لي مكتبو ليك الله هو لي غيكون حنا كنتمناو ولكن ربي راسملينا حياتنا حسن من لي كنتمناوها حنا...صليت ورا عثمان وانا لحمي مبورش عليا بطريقة تجويدو للآيات ولا صوتو الرجولي لي كلو رزانة و تبات كيحسسني بالامان التام مكنتش متوقعة ان زواجي التقليدي غيكون بهاد السهولة وهاد الشكل هدا كملنا الصلا وسلمنا وحمدت ربي على نعمة الزوج الصالح بينما عثمان ضار عندي وحط يدو على راسي وهو كيردد الدعاء وانا حاضية تقاسيم وجهو وشفايفو لي كيعطيو لكا حرف حقو و تغوبيشتو واخا ممعصبش يمكن طبع فيه انه يبقى هاكا واخا لحد الآن مشفتش ابتسامتو ولا ضحكتو ولكن اكيد قريب غنشوفها... عثمان:اللهم امين ميساء:امين عثمان(تقاد فالجلسة قبالتي):ميساء حنا دابا زوج و زوجة يعني من هنا للقدام علاقتنا ان شاء الله غتكون ابدية وانا عاهدت الله و والديك و والديا انني غنديرك فعينيا ونصونك ونحافض عليك ونكون ليك نعم الزوج عمرك تخصي من شي حاجة وعمرك تحشمي مني لي خصاتك طلبيها مني انا راجلك ونتي مرتي علاقتنا غتكون مبنية على الثقة و الاحترام نتي بنت زوينة و متخلقة انا مجيتش وقبلت انك تكوني زوجة ليا الا من بعد ما عرفت انك بنت الحاج عبد الرحمان البنت لي تتكون مع غيتة وتتكون ديما هادية و تابتة فمشيتها وشكلها كتبان مرزنة ميساء(معجبة):فايت شفتيني قبل عثمان:اه مرة كنت دايز من حدا داركم كنت جاي من المحل ديال عمك و المرة الثانية شفتك ونتي واقفة فالمحطة نتي و غيتة ميساء:و و عثمان:و شنو ميساء لي فبالك قوليه انا جلست معاك هاد الجلسة باش نحطو كلشي و اي سؤال ولا استفسار انا موجود ميساء:زعما قبلتي تزوج بيا واخا شفتيني وشفتي لبسي يعني نتا عثمان(قاطعني):انسان ملتزم ياك ميساء(درتلو اشارة براسي):اه عثمان:ملتزم اه ولكن ماشي متزمت كاين فرق و الانسان ممعصومش على الخطأ و مدام قبلت انك تكوني زوجة ليا الا وكانت عندي تقة انك انسانة طيبة و خلوقة و المظهر ماشي معيار كنعتامدو فأحكامي و اكبر دليل انني فاش اقتارحت عليك الحجاب كان جوابك واضح انك قابلة يعني نتي كانت عندك رغبة فيه اولا؟ ميساء:اه بصح عثمان:مزيان الالة باقي عندك شي سؤال آخر ميساء:اه واش معمرك فكرتي فالزواج من قبل يعني نتا 30 سنة غتكون كانت عندك تجربة عثمان:صدقيني الا قتليك لا عمرها كانت عندي لاحقاش كان اهتمامي هو الخدمة واخا الوالدة كانت ديما معايا بهاد الموضوع ولكن كنت ديما كنأجلو حتى للنهار لي وصل المكتاب وقرر ربي انني نتزوج ورزقني ببنيتة بحالك ميساء:بنيتة ههه عثمان:اكيد نتي دابا ماشي غير مراتي نتي مراتي و بنتي و ختي و امي اممم و حبيبتي ميساء(قلبي غيسكت):كيفاش.

ميساء:كيفاش عثمان(رسم ابتسامة على وجهو):من بعد وتعرفي ميساء(ساهية فابتسامتولي اخيرا شفتها و شحال كتحمق😍):الصمت عثمان:فين مشيتي ميساء:هم لا لا والو اممم بقا سؤال واحد و امكن طلب عثمان:لي هو؟ ميساء:واش ممكن نكمل قرايتي فمجال التصميم عثمان:اكيد علاش لا قرايتك مغنحرمكش منها ويلا بغيتي ممكن تخدمي معانا فشركتنا تكون عندك تجربة وفنفس الوقت نستافدو خبرتك ميساء:ولكن انا مزال معنديش الخبرة يعني عاد غنكون قدام التطبيق ونتوما معروفين عثمان:ماشي مشكل انا ديما معاك و اي حاجة معرفتيهاش غنعاونك فيها شحال بقالك باش تكملي ميساء:هدا عامي لخر عثمان:بالنجاح ان شاء الله (هزلي يدي و باسها)مستعدة؟ ميساء:لاياش؟! عثمان؛لحياتنا الزوجية انا ا ميساء جلستك دابا و هضرت معاك باش ترتاحي لا فدارك ولا فالهضرة معايا ميساء(جاوبت بزربة):لا انا ارتاحيت و بزااف ناض عثمان قرب لعندي وشدني من كتافي ووقفني مقابلة معاه بقيت كنشوف فيه وهو كذلك حتى حشمت وحدرت عيني حسيت بيدو كتقرب ناحيتي حيدلي الزيف على شعري وخلاه طاح فالارض وطلقلي شعري وودوز يدو على راسي وباسلي راسي ومن بعد(........) ★اصبح الصبح و الملك لله★ فقت صباح تنتكسل من بعد ليلة و اروع ليلة مع راجلي حبيبياه هاد الكلمة وليت كنحسها واخا مقلتهاش ولكن فعلا كنحس بلي وليت كنبغيه ايام قليلة باش عرفتو ولكن المعاملة الطيبة ديال غناتني على انني نشك او ندير الحذر ديالي منو بالعكس كلشي فيه زوين خلقو و اخلاق الحمد لله لي ربي رزقني بيه...ضرت جيهتو كان باقي ناعس شفت شوفة مطولة ومكنشبعش من الشوفة فيه وفشكلو لي كيجذبي ليه فكل لحظة من بعد مدة نضت من فراشي دخلت للدوش دوشت من بعد خرجت لبست بيجامة طويلة ومستورة وتقابلت مع المراية باش نشف شعري وانا نتفكر فاش جا عثمان اول مرة عندنا و شافني بديك البيجامة وشوف دابا شنو لابسة فداري ومع راجلي مشيت نيشان للبلاكار جبدت بيجامة حد الركبة وبلى كتاف فاللون ازرق بارد لبستها و نشفت شعري خليتو مطلوق ودرت قلم فوق عيني وغلوز غوز شفت فالمراية عجبني راسي عاد هبطت لتحت نوجد الفطور واخا باقة عيانة ولكن ماشي مشكل هبطت وقاديت كلشي فوق الطبلة بشوية عليا يالاه بغيت نطلع نفيق عثمان وهو يدخل للكوزينة شافني وطلعني وهبطني خفتو ميعجبوش لبسي ولا شي حاجة ولكن الابتسامة لي كنشوفها تاني مرة ريحاتني عثمان(جا عندي باسلي راسي):صباح الخير مراتي الغزالة علاش وجدتي الفطور كنت ناوي نخرجو نفطرو على برا..
كنت ناوي نخرجو نفطرو على برا ميساء:معليش عثمان:واخا منضيعش فطور مراتي باين هدشي كيشهي ميساء:هه كديرليا الخاطر هدشي كلو كان فالتلاجة غير قاديت فالطبلة عثمان:اوا شكون قادو ماشي نتي متقادش راسو اه ميساء جلسي بغيت نهضر معاك فشي حاجة ميساء(جلست):نعام عثمان:نتي عارفة بلي الخدمة كلشي عليا دكشي علش بغيت نقولك على السفر غنأجلوه بينما رصيت كلشي و يرجع عماد نخليه هو ونمشيو حنا اش بانليك ميساء:اه معنديش مشكل اصلا حنا قربنا نرجعو للقراية عثمان:امتى ميساء:السيمانة الماجية عثمان:ان شاء الله انا غنبقا نديك ونجيبك واخا ميساء(بابتسامة):واخا فطرنا فجو زوين ارتاحيت مع عثمان بزااف خصوصا كلامو لي كيخليني مطمنة ومحسسني انني مع راجل ديال بصح كملنا الفطورو هضر عثمان:ميساء تقدري تخرجي؟ ميساء:فين عثمان:نتغداو على برا واش قادة تمشاي ميساء:اه مزيانة الحمد لله عثمان:واخا(ناض كيجمع الطباسل) ميساء:شنو كدير خلي دكشي عثمان(مشا حط دكشي فوق البوطاجي وجا عندي شدني من يدي وبقا جارني للصالون):نتيظابا غترتاحي وانا غنجمع دكشي دغيا غنديرة غير ف لاماشين البارح نسيت موريتهالك وخليتك غسلتيهم ميساء:ولكن نتا عثمان:ميساء حلسي رتاحي قبل الزواج راه كنت كندير هدشي يعني عادي ونتي راك بنادم باقا عيانة انا مجايبكش خدامة ميساء:لي بغيتي مشا عثمان للكوزينة خلاني غير كنشوف فيه مزال ممصدقاش بلي هاد السيد راجلي كنحس براسي كنحلم تنهد تنهيدة من القلب وطلبت ربي يدوم هاد الهدوء و هاد التفاهم منقدرش نتحمل توقع شي حاجة حيت غتكون صدمة بالنسبة ليا مبغيتش نخسر عثمان بقيت ساهية فأفكاري تا وقف عليا عثمان:نمشيو نلبسو باش نخرجو ميساء:باقي الحال عثمان:12:30 هادي صبحنا ناعسين اول مرة(بابتسامة) نضت وطلعت انا وياه للفوق دخل هو للدريسينغ وهو يعيطليا مشيت عندو لقيتو واقف قدام البلاكار وقفت حداه وهو يدورني تصدمت كان بلاكار على قدو بالالبسة الحجابية و الفولارات و كلشي لي نقدر نحتاج بقيت غير تنشوف عثمان:هادو كادو مني ليك ميساء(ضرت عندو عنقتو بجهد وعيني مغرغرين):شكرا بزااف ا عثمان شكرا عثمان:هدا واجب فرحت حيت عجبوك ميساء:متصورش شحال عثمان:يالاه لبسي عليك باش ندوزو النهار بجوج اول خرجة لينا غير قال هاد الكلمة وغمزني قلبي يا ربي غادي يسكت اففف اش هدشي
اختاريت كسوة طويلة فالاسود مع شال غرونة وصباط عالي شوية لبست الكسوة وتقابلت مع المراية عجباتني بزاف كانت ايفازي من الفوق مزيرة ومن لتحت مطلوقة وبالكمام من بعد جمعت شعري كعكة ودرت مكياج خفيف قلم كحل وعكر حمر ماط وشوية الفاغاجو عاد بديت نقاد فالشال باقا مكنعرفش نصاوب شدات عصريين و زويين ولكن درتو على راسي ودرت شوكة حدا رقبتي والباقي درتو على كتافي لبست الصباط بقيت كنشوف فالمراية جاني راسي مبدلة بزااف حيت عمري فكرت انني غنلبس هاد الستيل فاش كنت كنفكر فالحجاب كنت ديما كنتخيل راسي دايراه ولابسة جليليبة و بليغة ههه...هزيت بزطام كبير شوية فلون الشال درت فيه تليفوني وخرجت عند عثمان لقيتو لابس سروال الدجين وتيشورت كحل وسبرديلة فنفس اللون مطلع شعرو الفوق باقي فازك شوية كان واقف قدام المراية كيدير ساعتو فيدو هز الريحة رشها وشافني من المرية وضار عندي عثمان(جا وقف قدامي):ما شاء الله عليك جيتي زوينة بزاف ميساء:بصح عثمان:اه ولكن كاين مشكل واحد ميساء(باستغراب):شنو هو عثمان(قرب عندي وطبع قبلة على شفايفي):هو هدا ميساء(مصدومة ومفاهمة والو):هم ؟ عثمان:العكر ديريه فدارك ولراجلك واخا مساينش جوابي وجرني من يدي السوارت وهبطنا لتحت اصلا مكانش عندي جواب تخرست براكة غير العرس لي نايض لداخل عندي مابين قلبي وعقلي تا المشية تلفات عليا كون مشدني من يدي...هبطنا لتحت مشينا للباركينغ وصلنا للطموبيل لي كانت من نوع 407 كحلة حلي الباب ركبت عاد جا ركب هو عثمان(قربليا):بلاتي نصاوبليك السمطة ميساء:واخا عثمان(من بعد ما سالا):فين بغيتي نمشيو اول حاجة ميساء:نمشيو للبحر عثمان:هي لولا كيعجبك الحوت ميساء(بابتسامة):اه عثمان:اوكي غنوصيو عليه ونمشيو نتمشاو فالبحر شوية خدينا الوجهة ديالنا الطريق كاملةو عثمان كيفتح معايا مواضيع سواء على حياتي الشخصية او قرايتي او طفولتي كأنه كيحاول يخليني مرتاحة ومطلوقة معاه وفعلا هاد المرحلة انا فتها حيت اصلا هو ماشي انسان متعصب يعني كيخدم عقلو واخا مزال مجربت عصبيتو ولكن رزانتو فالكلام و الحوار كافي يببنلي انه انسان ممكن نتناقش معاه بعقلانية وصلنا للبحر وهبطنا قبطني من يدي وبقا جارني معاه والدنيا كانت عامرة لي دزنا من حداه كيشوف فينا وخصوصا البنات لي كانو بلباس مقزب اللحم غير مشتت شفت فعثمان بانلي حادر راسو انا لي عينيا تيلعبو توجهنا للمطعم لي تما استقبلنا واحد الشخص؛مرحبا بسي عثمان عثمان:الله ابارك فيك ا عصام شوفي وجدلنا الغدا من هنا لساعة واخا ديرلنا الحوت ونوعو عاد دكشي لاخر راك عارف عصام:على الراس والعين كون هاني كمل معاه الهضرة ولاحضت ان طول الحوار داك عصام مشافش جيهتي كاع ومحاولش تا يشوف عجبني الحال وحسيت بهيبة عثمان فهاد اللحظة خصوصا طريقة الهضرة ديالو مع هاد عصام كمل معاه وتاجهنا لجيهة البحر وصلنا للرملة وحيدنا من رجلينا يد شادة بيها صباطي ويد قابطني منها عثمان عجبني الحال بزاااااااف حسسني بلي انا حاجة مهمة فحياتو عمري ظنيت ان الزواج التقليدي ممكن يكون بهاد الروعة اكيد ربي كبير وكون غير انسان مزيان وقلبك بيض ربي غيرزقك من اوسع ابوابو بأي حاجة تمنيتها اولا متمنيتيهاش وصلنا لواحد الصخرة جلسنا فيها كان الجو زوين بزااف الشميشة باردة مكاينش شي صهد بالعكس عثمان:عجبك الحال ا ميساء ميساء:بزاف ميسحابليش نتا هاكا عثمان:كيفاش هاكا !!
عثمان:كيفاش هاكا ميساء:اول مرة شفتك جيتيني انسان عصبي عندك نيشان نيشان خصوصا انك مكضحكش قليل فين كتبتاسم قلت غتكون قليل الصبر ومعندك خاطر عثمان(ضحك):ههه ياك الالة ودابا شنو تغيرات نظرتك ليا ولا مزال ميساء:تغيرات بزااف البنت(وقفات علينا لابسة دوبياس فالكحل وهازة تيلي فيدها وموجهة كلامها لعثمان):عافاك ممكن تصورني انا وصحبتي عثمان(شاف فيا):هايا المدام ديالي تصورك ا آنسة البنت(معجبهاش الحال طلعات فيا وهبطات):امم واخا انا كي الهبيلة كنشوف فيهم تا دارلي عثمان اشارة زعما نوضي عاد مشيت صورتها هي وصحبتها وعطيتها التيلي خداتو من عندي ما قاتلي حتى شكرا البرهوشة لخرا يخخ شحال مقزدرة باينة حطات عليه العين رجعت عند عثمان لي كان حاضي الفيلم وانا معصبة عثمان:صورتيهم ميساء:اه و مقاتلي حتى شكرا عثمان:هدشي علاش معصبة ميساء:انا؟لا ممعصباش عثمان(قرصني فحناكي):عليها الحنيكات حمرين بقينا جالسين مجمعين شحال د الوقت وزدت وطدت علاقتي بعثمان وليت كنحس براسي قريبة منو بزاف يعني مكاينش شي حد بيني وبينو وممكن انني نهضر فأي حاجة وانا مطمئنة..جاني جوع وقلتهالو نضنا مشينا للمطعم لقينا كلشي واجد والطبلة كتشهي جلسنا كلينا على خاطرنا وتجمعنا تا جبد عثمان تيليفونو وصورني ودرنا السيلفي بجوج جينا مواتيين الصراحة خخخ...كملنا غدانا ونضنا تمشينا شوية تاني تا حسيت براسي عييت وقتلو باش نمشيو للدار ودكشي لي درنا ركبنا فالطموبيل ومشينا للدار غير وصلنا يالاه غيحل الباب وهو يصوني تيليفونو جبدو جاوب عثمان:الو الواليدة لاباس عليك.....الحمد لله حنا مزيانين....اه العشا الصراحة حنا يالاه دخلنا من برا و ميساء واقيلة عيات ميساء(هضرت من بعد ما فهمت انها بغاتنا نتعشاو معاهم):لا لا ماشي مشكل الا كانت عارضانا للعشا نمشيو عثمان:متأكدة؟؟ ميساء:اه عثمان:واخا الواليدة ها حنا جايين...بسلامة....ياك قلتي عيانة ميساء:واخا عيانة حشومة نردو العراضة فوجه خالتي مجاتش عثمان(باسليا راسي):واخا يالاه رجعنا هبطنا ومشينا نيشان لدارهم وصلنا وجبد السوارت حل الباب مع دخلنا سمعنا صوت الهراج و الهضرة بزااف باينة كاين شي حد آخر من غيرنا اكيد ماشي غيتة و عماد لاحقاش مسافرين من البارح...دخلنا لداخل ويدي فيد عثمان مع العلم ان دار عثمان جوج طبقات و والديه جالسين فالطبقة لي لتحت اولا على ود الدروج لي مكيقدوش عليهم وثانيا ان الفوق ولا ديال عماد وغيثة دخلنا للدار لقينا الدنيا عامرة مكنعرف حتى حد من دوك العيالات و البنات ليجالسين عاد شي جوج وليدات صغار تيتجاراو تم بقيت قابطة فعثمان لي قال السلام بصوتو الرجولي عاد كلشي ردلنا البال وهي تخرج خالتي فاطنة من الكوزينة فاطنة:مرحبا بولدي ومرات ولدي مرحبا بيكم(سلمات عليا) ميساء:الله يبارك فيك اخالتي عثمان:الواليدة مقلتيش ليا العائلة مجموعة هنا فاطنة:اوا مكاينش البراني اولدي راه غير خوالاتك بجوج ورجالهم شديتهم مخليتهمش يمشيو شحال هادي متشاوفنا خديجة(خالة عثمان):ياك ما مبغيتيناش ا عثمان عثمان(خنزر فيها):الواليدة عارفاني معنديش مع الصداع نسرين(بنت خالتو):كيفاش الصداع ياكما كتهضر على ولادي نورهان(بنت خالتو تا هي):لالا باينة العروسة لي غتصدع راه قالك كانت عيانة قبل ميجيو عثمان(شاف فخالتو):جمعي بناتك وقولهم يسدو فمهم شوية واخا وبالناقص من هاد العشا الله اعاونكم عمي عيسى(هبط من الفوق):مالن على هاد الصداع اش كاين خديجة:اوا ولدك اسي عثمان سولو معرت مالو محاملناش وملي تزوج زاد كمل مبقا كاع تيحتارم عيسى:ولديالله اهديك اش عندك مع خالتك بغيت غير نفهم عثمان:معندي والو غير معنديش مع الصداع ودابا غنمشي لداري نرتاح تا تكونو بوحدكم وغنجي انا ومرتي الله اعاونكم جرني عثمان وخرجنا وانا مفاهمة والو مالو معندوشمع خوالاتو وعلاش تعصب ملي شافهم بقيت ساكتة ومحاولتش نجبد معاه الموضوع.
وصلنا للدار مشا عثمان نيشان للصالون بقيت واقفة كنشوف فيه معرفت مندير فلخر خليتو وطلعت للبيت بدلت حويجي وهبطت لعندو لقيتو باقي جالس جلست حداه بلا صوت تا دار شاف فيا عثمان:قربي حدايا نضت مشيت جلست حداه وهو يقبطلي يدي باسها وشاف فيا عثمان:سمحيليا ا ميساء تعصبت قبيلة ميساء:علاش كتعتادر مني نتا مدرتيلي والو ولكن واخا نعرف السبب لي خلاك تعصب من خالتك وبناتها عثمان:هديك خالتي معنديش معاها من صغري مكنحملهاش الا ممشاتش معاك فالخراب مدير والو ملي كنت صغير كنت كنسمعها كتحرض الواليدة على الواليد كتعمرلها راسها و الواليدة الله اهديها كتسمع لكل كلمة كتقولها حيت هي ختها الكبيرة وكتحتارمها وكون ما الواليد انسان مزيان وعارف شنو كاين كون راها مطلقة دابا بحالها ميساء:اه هي مطلقة عثمان:متعمريش راسك بهدشي و العائلة من الاحسن تفادايهم حيت فيهم غير الخواض وملي كيتجمعو تيبداو يبانو على بعضياتهم نتي خليك بعيدة عليهم حتى الا تجمعتي معاهم ردي البال لكلامك حيت ممكن يقلبوه ويقولوك حاجة مقلتيهاش ميساء:اه فهمت عثمان:يالاه نطلعو لفوق طلعنا الفوق دخل عثمان بدل حويجو وخرج جلسنا ففراشنا بقينا كنتعاودو حتى تحول الكلام لحويج خرين ههه ★اصبح الصبح و الملك لله★ فقت اليوم ناشطة كيف ديما الحمد لله كالعادة وجدت راسي وهبطت نوجد الفطور وطلعت فيقت عثمان ميساء(تنحرك فيه):عثمان نوض راه 11 هادي عثمان(ساد عينيه وجرني فوق صدرو):غير شوية ميساء:وراه مشا الحال وزيدون بغيت نفطر انا وراجلي حبيبي هيه(تا قلتها ع شهقت مولفة نقولها غير فخاطري) عثمان(حل عينيه بجهد):عاودي شنو قلتي ميساء:والو نوض تفطر عثمان(زاد زير عليا)؛والله ما نطلقك تا تعاوديها ميساء:افف قلت بغيت نفطر مع راجلي حبيبي فيها شي مشكل عثمان(باسني):بالعكس مافيها تا مشكل تا انا بغيت نفطر مع مراتي حبيبتي سبقيني انا ندوش ونجي نضت من حداه بلا منجاوبو هبطت دغيا لتحت حاسة بحناكي غيطرطقو بقيت واقفة تنش عليا البرد تا سمعت الصونيط فالباب مشيت لحت عليا العباية و الشال وحليت لقيت خالتي فاطنة ميساء:خالتي مرحبا بيك دخلي فاطنة:الله ابارك فيك ياكما فيقتكم ميساء:لا اخالتي فايقين فاطنة:اممم عثمان(هابط من الفوق وكينشف راسو بالفوطة):الواليدة(باسليها راسها)نهار كبير هدا جيتي بوحدك مجاش معاك الواليد فاطنة(جلسات وحيدات الدرة على راسها):لا مجاش عجباتك الشوهة لي درتيلي البارح حشمتيني قدام خواتاتي دوي عثمان(جالس لوا الفوطة على عنقو وحاط يديه على ركابو وشابكهم وتيشوف قدامو):كنتي تفكري فيها قبل متعيطيلي وهوما كاينين عارفاني معنديش معاهم فاطنة:مالهم قاتلين ليك الروح(شافت فيا)ونتي ا ميساء معرفتيش تقوليليه على وجه ميمتك وديريليه عقلو ميساء(بتوتر)؛انا م عثمان(قاطعني):ميساء معندها تا دخل فهدشي خليها بعدة على داك التخلويض ديال خوتاتك نهار يكونو عندك متجمعينيش انا ومرتي بيهم حيت ليدرتو البارح غنعاودو مرة خرا فاطنة(وقفات):اييه ياك اولدي سري وليتي ترد عليا الهضرة وطيح كلمتي للارض ياك ميساء:خالتي غير بالخاطر فاطنة:ما خلا فيها خاطر نهار يدير القيمة القيمة لمو عاد يديرها لخوتاتو(خرجات وزدحات الباب) ميساء:مكنتيش تهضر معاها هكاك عثمان:تا تهدن ونمشي عندها انا عارفهم عمروليها راسها دكشي علاش غير صبح الصباح جات عندي ميساء:عرفتي من رايي تمشي تاخد بخاطرها قدامهم حيت كتبقا مك لي ولداتك وكبراتك عثمان(تنهد):واخا نفطرو ونمشي عندها غنخليك بوحدك الا مشينا بجوج غيشدونا للغدا وانا مكنبغيش نتقابل معاهم ميساء:لا مموافقاكش نمشيو بجوج باش متاخدش مني موقف تا انا ويعمرولها راسها عليا ويلا شدونا للغدا ما فيها باش ساعة دغيا دوز وقولها باش العيالات ياكلو بوحدهم و الرجال بوحدهم كنضن هدا حل مزيان اش بانليك عثمان(بابتسامة):الواليد اختار وعرف اش ختار الله اخليك ليا ويكملك بعقلك.... 
فطرت انا و عثمان سالينا هو مشا للصالون شعل التلفازة وجلس يتفرج وانا بقيت تنجمع الكوزينة ساليت ومشيت عندو قتلو باش نطلعو نوجدو راسنا دكشي لي درنا لبسنا حويجنا وتاجهنا لعندهم كالعادة مع الدخلة د الباب كيتسع الهراج شفت فعثمان بانليا مخنزر دخلنا عليهم كانت خالتي فاطنة جالسة وخوتاتها وبناتهم ضايرين بيها شافونا وهوما يسكتو زيرت على يد عثمان وهو يمشي عند مو باسليها راسها ويديها عثمان:ميمتي الحبيبة فاطنة(عجبها الحال ومبغاتش تبين):الله يرضي عليك ميساء(مشيت تا انا بستليها راسها):خالتي متبقايش تقلقي على ولدك نتي ميمتو وهو كبدتك مغتسخايش بيه ياك فاطنة:وعلى ابنتي كاين لي يسخا بكبدتو فرحتوني ملي جيتو وكبرتو بيا الله يكبر ييكم ومغتمشيو تا تغداو معانا الله ارضي عليك اولدي ديرليا خاطري عثمان:واخا الالة غير هو انا و الوليد غنتغداو مع الرجال بوحدنا خديجة:اممم مراضيش بينا ولا كيفاش فاطنة:ختي خديجة بلا متبداو خليه على خاطرو صافي اولدي لي بغيتي باك راه مشا للمحل ديال عم ميساء عثمان:غندي معايا ميساء نسرين:هههههه اوا صافي ديرليها المينوط وجرها معاك بففف خديجة:الله يا وليدي تقول غي نتا لي تزوجتي عثمان(تنهد بجهد):اللهم طولك يا روح ميساء(قربت عندو وكنهضر بشوية):حبيبي غير سير نتا انا غنكون مزيانة هنا وزيدون مماك معايا فاطنة:اه اولدي مرتك امانة عندي متخافش عليها عثمان:واخا(باسليا راسي)يالاه انا مشيت ميساء:بسلامة فاطنة:جلسي ابنتي جلسي جلست معاهم وهما بقاو ساكتين كيحنزو فيا ويطلعو ويهبطو فاطنة:فطرتي ابنتي ولا نجييليك تفطري نورهان:اوا لاواه اخالتي بقا ليك غير تغسلي ليها رجليها مالها معندهاش يديها ولا النعمة مكايناش فدار عثمان فاطنة:ديها فراسك نتي مرات ولدي نفششها كيف بغيت انا متأكدة هي لي جابتو ولدي وانا عارفاه ميحملش يجي ونتوما كاينين خديجة:ياك اختي ومالنا قاتلين ليه شي روح اوا عشنا وشفنا ملي الولد ولا يسمع كلام مرتو وينخل كلام مو فعلا عثمان مكدبش عندهم اسلوب خاص باش يعمرو راس بنادم ويقلبوه عليك هاد خديجة هي وبناتها لفعات ولكن علاش خالتو لخرا ساكتةومتتهضرش من بعد الكلمة لي قالت خديجة شفت فخالتي ليقتها تزيرات ميساء:لالا ا خالتي عثمان ملي خرجتي وهو معصب مبغاكش تمشي مقلقة وملي اقتارحت عليه باذ نجيو مرفضش نورهان(تتعوج):امممم..
نورهان(تتعوج):امممم ميساء:خالتي الا بغيتي نعاونك فتوجاد الغدا فاطنة:اييه علاش لا ابنتي نوضي معايا نضت مع خالتي للكوزينة كفضت كمامي بانوليا ماعن الفطور معرمين ف لافابو باينة فطرو وخلاوهم ليها هنا..مشيت بديت كنغسلهم ومجمعة معاها ولاخرين تا وحدة ما دخلات عندنا ولا قربات جيهة الكوزينة ردات خالتي الغدا يطيب وخرجنا جلسنا معاهم فاطنة:هنيتيني يا بنتي من الماعن ضهري غيتقسم ميساء:مدرت والو ا خالتي راني فدارناونتي بحال ماما فاطنة:الله يرضي عليك خديجة:الله يقوي المحبة😒 ميساء:امييين يا ربي من بعد دقائق صمت وشي كيشوف فشي نورهان(غمزات ختها):ميساء كيجاك الزواج نسرين:كي غيجيها مع عثمان احسن عوانك اكيد معقدك حيت هو مكيضحك مكيهضر تيبقى غير مغوبش ميساء:لا لا احبيبة بالعكس احسن حاجة ان ربي لاقاني بعثمان هازني فوق راسو وكيضل يهضر ويضحك معايا حتى من الخاطر داير معايا فوق جهدو نورهان(بغيظ):اممم العجب كاع البنات لي عرفوه كيقولو معقد نسرين(ضحكات بجهد):هههههه سبحان الله ا ميساء واقيلة فقيهك صحيح ميساء(بعصبية):كيفاش فاطنة:هنيونا مالكم نتونا شغلكم فيهم لاش تدخلو فلي بعيد عليكم خديجة:لاواه خليهم يتمازحو معاها راه غير دا يين ماشي كيضربوها فاطنة(سكتات):الصمت من بعد كلامهم تعصبت كيفاش البنات لي عرفوه تاني ياك قالي عمرو عرف شي وحدة اففف يا ربي سري انا لي قتلو نجيو هاوما غيدخلولي الشك لراسي....دازت مدة و حنا جالسين فاطنة:نسرين نوضي ابنتي طفي على البوطة ناضت كتعوج و بلا متجاوبها شوية تبعاتها نورهان وبقينا حنا جالسين ساكتين تا جات عندي بنت نسرين صغيورة وفنيونة اسماء(تتوريني ديها):خالتي سوفي يدي ميساء(شديتها عندي):اوو واش طحتي كيفاش تجرحتي اسماء:كنت باغا نسرب وانا نطيح ميساء(هزيتها):واخا الغزالة اجي نعطيك تشربي وتديك مماك داوي ليك جريحة اسماء:واخا هزيتها ومشيت بيها جيهة للكوزينة و قبل مندخل سمعت دوك السامات تيهضرو نسرين:ههههه شفتيها كي ولات باينة تعصبات نورهان:وييه هههه عجبتيني فيها كيفاش تا طاح فبالك تقولي ديك الهضرة على عثمان وهو معقد فين عمرو عرف البنات واخا الصراحة تتيز ولكن حاس براسو نسرين:اوا الزين المرا ما يقتلها غير الشك ويلا بغيتي تفرقي وحدة على راجلها شككيها فيه نورهان؛اممم ياك الالة اوا ها حنا غنشوفو من بعد ما سمعت كلامهم زدت تعصبت بصح قدرو يلعبو بيا كيف بغاو و عثمان مكدبش ملي قال تريكة ناقصة محاولتش ندخل عندهم اولا نبين ليهم بلي سمعت كلامهم درت راسي يالاه جيت وعيطت لنسرين لي خرجات عندي عطيتها بنتها ودرت ضحكة صفرة ورجعت بلاصتي...
بقيت جالسة معاهم ومبينت تا حاجة بالعكس ارتاحيت ان عثمان مكدبش عليا ولكن تعصبت منهم حيت مدرتلهم والو وبداو فالفعايل معايا بالحق واخا دابا نشوفو...جاو كيضحكو ويتغامزو وانا الضحكة الصفرة مفارقاتنيش ومرة مرة خالتي تجبدني بالهضرة مسكينة ما حيلتها لختها ولا بناتها..من بعد مدة سمعنا صوت الرجال لي جاو دخلو عندنا قالو السلام ومشاو جلسو شفت فدوك جوجات بانتليا وحدة تتقرص لخرا هزيت عيني فعثمان بانلي داخل وحاني راسو مع التيلي وقفت ومشيت تال قدامو حس بيا وهز راسو بتاسم ليا وانا طرت عليه عنقتو حتى هو مكانش من العاكزين ضور يديه على خصري وزيرني وهزني عندو تا طلعاتمن ضحكة عفوية دليل على سعادتي مع هاد الانسان حطني وباسليا راسي عثمان:توحشتيني ميساء؛اه بزااف عثمان(باسليا يدي):الله اخليك ليا فاطنة:الله احجبكم اوليداتي عثمان و ميساء:اميييين😍 ضرت شفت فدوك جوجات كاع الضحك لي كان عل وجهم اختفى بمرة نورهان كتشوفيا شوفات ديال القتيلة مفهمتشهاد بنادمة اش مشاركة معاها ولكن الحاجة ليجاتني فبالي وشاكة فيها انها حاطة العين على عثمان بقيت مع افكاري ومكيناش معاهم غير الجثة دياليتا سمعت عثمان:حبيبة سيري جلسي نتغداو ونمشيو واخا ميساء(بابتسامة):واخا مشا عثمان هند باه وراجل نسرين وراجل خالتو لخرا لي لحد الآن مسمتتش صوتها ولا عرفت قصتها جالسة معانا كأنها مكايناش مكتهضر مع حد مكيهضر معاها حد حطينا الغدا وتغدينا انا كليت على خاطري خصوصا ملي درتلهم قبيلة هكاك حسيت بيهم مزيرين وكون لقاو كون طارو عليا نتفوني اححح كون كانت غيثة هنا بالحق غير بلاتي مبقا والو وتجي من بعد ما تغدينا جمعت مع خالتي الطبلة ومشيت غسلت الماعن فاش كلينا حنا وفاش كلاو الرجال تا ساليت ومشيت عند عثمان توادعنا معاهم وخرجنا ركبنا فالطموبيل و الوجهة دارنا او دارخالتي لي اقتارح عليا عثمان نمشيو نشوفوهم وصلنا عندهم هبطت كنطير بديت كندق وكنسمع خالتي تتقول بلاتي من لداخل تا حلات الباب وهي كتهضر رحمة:هرسوه مالنا(شافتني)ميساء الله على بنتي جات توحشتك(عنقاتني)خليتو بلاصتكم ابنتي خاوية ميساء(كنبوس فيها):تا انا اخالتي توحشتك عثمان:وانا متوحشني حد رحمة:ههه سمحليا اولدي مرحبا بيك دخلو بعدا دخلو دخلنا كانت بوحدها فالدار جلسنا معاها بينما جا عمي عبد الرحمان فرح تا هو فاش شافني جلسنا معاهم مدة عاد مشينا فحالنا.
وصلنا للدار كنت عيانة بزااف دخلت دوشت و دخل عثمان تا هو وهبطنا للصالون جالسين كنتفرجو تا هضر عثمان:معاودتيش ليا كيداز نهارك معاهم ميساء:مزيان مماك ضريفة مسكينة فرحات حيت مشيتي عندها ورحبات بيا تا انا عثمان:اممم مزيان ميساء:اه بغيت نسولك عثمان:مرحبا ميساء:علاش خالتك لاخرا غير ساكتة ومكتهضرش عثمان:هديك الالة باقة مصدومة من نهار مات راجلهت و ولدها وهي فديك الحالة ميساء:مسكينة باش ماتو عثمان:كانو مسافرين تقلب بيهم الكار ميساء:الله ارحمهم حاسة بيها بيها تا انا والديا ماتو تقلبات بيهم الطموبيل عثمان(باسليا راسي):الله ارحمهم احبيبة ميساء:اميين اوا كمل وبنات خالتك مالك معاهم تا هوما عثمان:وال نسرين طالعة بسم مها عزيز عليها تخلوض و نورهان بيني وبينها مشكل ميساء(تقاديت فالجلسة وشفت فيه):اشمن مشكل عثمان:كان واحد صاحبي باغي يتزوج وكان عندي فالدار وقالي نقتارح عليه معرفتش وسولت الواليدة الا كتعرف شي بنت الناس قاتلو كاينة بنت ختي وانا نورهان كنعرفها مزيان كطير ومها غتبقى تحرشها و العيشة تحرار عليه دكشي باش قتليه لا ويخوي راسو منها اوا فوسط هاد الهضرة خرجات هي تتغوت من الكوزينة مكنتش عارفها كاينة فالدار صاحبي تصدم فيها وفهضرتها دابزت انا وياها ومن تما وحنا هاكا ميساء:اممم ولكن نتا علاش دخلتي معرفتي كون تزوجات بيه وتبدلات عثمان:تبدل منها لراسها اه ولكن مهم هي لي خارجة عليهم شوفي نسرين تا هي راجلها طلقها حيت مها ديما كدخل بينهم راجلها تا هو كان ولد الناس عزيز عليا ديما كان كيتشكى ليا منهم ولكن انا كنت عاطيهم التيساع وحتى نوصيك ونعاود نوصيك خليك بعيدة عليهم متشاركي معاهم حتى موضوع ومتخليهمش يعمرو ليك راسك بالهضرة الخاوية تفكرت اش دارو معايا طلعت حمارة الصراحة حيت واخا حذرني منهم خليت الشيطانات يتمكنو مني ويوسوسو ليا فراسي ولكن الحمد لله لي ربي بينلي الحق عثمان(كيحركني):فاش سهيتي ميساء:والو احبيبي تبغي تعشى عثمان:لاا مبقالي فين نزيد تغديت مزيان وزدت اتاي عندكم واخا مكنتش قاد ولكن حشومة ندخل ومنشرب تا كاس د اتاي ميساء(بستو فحنكو):ههه يخليلي المصواب ديالي عثمان(زاد زيرني عندو):شفتك هاد النهار غير كتبوسي وتعنقي فيا(غمزني)اش تماك ميساء:من حقي واقيلة راك راجلي ديال عثمان:كلي ديالك وتانتي من بعد هاد الهضرة ولات التلفازة كتفرج فينا هزني وطلعنا بيتنا و(.......
مر اسبوع متبدلش فيه بزااف من غير اننا مبقيناش كنمشيو بزااف لدار خالتي ولات هي لي كتجي عندنا هي و عمي تا من عمي عبد الرحمان وخالتي كيجيو مرة مرة ولا كيديني عثمان عندهم...غدا غنرجع لقرايتي حاسة براسي بحالا عام مقريت حيت خلال مدة قصيرة ديال العطلة دزت من احداث بزااف ★اصبح الصبح والملك لله★ فقت اليوم ناشطة وفيقت عثمان حيت تا هو غيبدا خدمتو اليوم معرفتش عماد و غيثة امتى غيرجعو توحشتها بزااف كنهضرو مرة مرة فالتيلي وصافي...وجدت الفطور فطرنا وطلعنا وجدنا راسنا لبست حويجي ومدرتش العكر تحت تعليمات سي عثمان عاد خرجنا حطني قدام المعهد بغيت نزل وهو يشدني ميساء:مالك راه غنتعطل عثمان:مزال الحال(شاف فساعتو )8 لاروب هادي صبري شوية ميساء:ههه مالك مسخيتيش بيا عثمان(قرب لعندي وطبع قبلة):كاين شي واحد كيسخى بروحو ميساء:اممم صونا تيليفونو جبدو ابتاسم وهو يرجعو فجيبو وهبط ضار جيهتي حليا الباب..هبطت بقيت تنشوف فيه تا سمعت شي اعصار مورايا لالا هاد الغوتة كنعرفها...ضرت بزربة بانتليا غيثة جاية تتجري وعماد موراها..مشيت كنجري عندها عنقتها وكنتغاوتو كلشي كيشوف فينا درنا الشوهة هههه غيثة:توحشتتتتتتك ميساء:تا انا مفاجأة زويييينة هادي امتى جيتو مقلتوهاش لينا عماد:بغينا نديروهالكم مفاجأة غيثة:لا عنداك بغا يتفك مني و دارليا السبة بلي خاصني نكمل قرايتي عثمان:اوا قرايتك هي لولا عماد:هانتا تشوف اخويا معرت اش بغات تبقا جالسة دير فالدار مع دوك التريكة معرفتهم واش ضياف ولا ولاو مالين الدار عثمان:مزيان ملي جيتو نيت توانسي نتي وميساء كنحس بيها قنطات ميساء(عنقتو):نقنط وانا مع راجلي غيثة:هايهاي الناس و الحب عماد(جرها عندو):وكيجيناك حنا غيثة:لا حنا حالة خاصة بقينا واقفين كنضحكو ومجمعين والبنات حاضيين الدراري دابا كيقولو غير صحابهم ماشي رجالاتهم ههه وصل وقت الدخول ودعناهم ودخلنا انا وغيثة كتعاودليا ونعاودليها تا مشا علينا الحال ودخلنا للبيvيت تما وبقينا جالسين عاودتليها كلشي وحتى هي غيثة:يختيييي ميسواوش عليها مخلانيش عماد معاهم ميساء:والله تا يحمقوك غيثة:مالي ساهلة ليهم نتي معرت اش جاك تا درتي داك التصرف قدامهم مولفة تحشمي ميساء:اه ولكن كنت معصبة بزااف وكنت محتاجة ندير شي تصرف لي نبرد بيه على قلبي حيت تيقتهم واخا عارفة اش كاين غيثة:اوا مزيان باش مرة خرا تحيدي منك ديك النية الخاوية لا تصدقي خارجة على راسك مع عثمان اصلا هو باينة فيه انسان حدودي معندوش مع التخلويض وقوة الهضرة وحتى عماد قالي نفس الهضرة وحذرني باش منجمعش معاهم بزاف و الحاجة لي غيشدوني منها راني عارفاها عماد كان كيبغي واحد البنت قبل مني وكان ناوي يخطبها ولكن هي خلاتو ومشات تزوجات واحد آخر ميساء:مكتابليك احبيبة غيثة:دكشي لي كاين.

غيثة:دكشي لي كاين اوا قوليلي هي وليتي تبغي سي عثمان طحتي على زنافرك ابنتي هههه ميساء:هه طحت وسكتي معاملتو هي لي خلاتني نبغيه من اول نهار حتارمني ودارلي قيمة و اي حاجة كيتشاور معايا فيها ويناقشني بالعقل ويلا طلبتو شي حاجة ميخسرليش حتى انه اقتارح عليا انني نخدم معاهم فالشركة غيثة:هههه اوااه شفتي قتليك كوني متفاءلة و ان شاء الله ربي مغيخيبناش حتى انا عماد الحمد لله مفاهمين و القضية ديال الحوار و النقاش يمكن ترباو هاكا من صغرهم حيت تا انا فموضوع القراية جلسني وهضر معايا حتى لقيت راسي مقتانعة ميساء؛ههه مزيان نتوانسو بعدا واخا بدينا النهار بالغياب غيثة:وييه بالحق الساعة الثانية ندخلو ميساء:ضروري بقيت جالسة مجمعة انا وغيثة تا وصل وقت الحصة الثانية دخلنا داز النهار مزيان سالاو الحصص خرجنا بجوج لقينا الدراري قدام الباب كيساينونا سلمنا عليهم و اقتارح عماد باش نمشيو لشي بلاصة نتغداو مجموعين و عثمان مرفضش...مشينا لواحد الريسطو فالبحر تحت طلبي انا وغيثة حيت كنحماقو على البحر جلسنا طلبنا الغدا ديالنا وبقينا مجمعين الضحك و الهضرة واخا عثمان مكيضحكش ولكن من ملامحو باينة عاجبو الحال واخا ديك التغوبيشة لي مكتزيدو الا رجولة...حطولينا الغدا وكل واحد كياكل فصمت حتى وقف علينا شي واحد الشخص:ميساء!! ميساء(عليت عيني):!!! اه كمال صافا مديتلو يدي باش نسلم عليه ولكن هو جرني وسلم عليا من وجهي ملقيتش كيندير نبعدو كمال:صدفةزوينة هادي من نهار العرض متشاوفنا(شاف غيثة وسلم عليها تا هي من الوجه)غيثة تا نتي هنا والله تا توحشتكم عماد(وقف وشنق عليه):ا سي شفتك غير ماد حنوكك واش شايطين عليك نحيدهم ليك دابا غيثة(تتجرو):عماد اشكدير الناس كيشوفو نتي حسابي معاك من بعد ميساء:عماد طلق الولد(ضرت عند عثمان)عثمان هضر مع خوك عثمان كان جالس بكل هدوك ولكن رديت البال لي يدو لي كانت على شكل قبضة و غير هضرت معاه مشافش فجيهتي كاع وقف تخطاني ومشا جيهتهم وهو يجر كمال من الكول د القميجة ديالو ونزل عليه بضربة للوجه بكترة ما تخلعت من داك المنضر والناس لي بداو تيغوتو محاولتش ندخل ولا نقرب ليه عكس غيثة لي بغات تجرو وشدها عماد اما عثمان بقا عليه بالضرب تا ردو كلو دمايات عاد وقفو وقابلو معاه عثمان:هادي باش تعلم تقرب لعيالات الرجال(دفعو تا طاح) كمال(ناض بزربة وبقا غادي وتيغوت اصلا هو خواف):غندمك الحكرة عقلو عليها عماد:سير ولا غنجي نهرس لدينمك راسك غيثة:ويلي على حالة ميساء:عثمان وا عثمان(قاطعني بلا ميشوف فيا):منسمعش حسك وتحركي قدامي للطموبيل غيثة:وا باقي متغديناش عماد:غيثاااا غيثة جلسات معاوداتش هضرات هزيت صاكي وانا تنشوف فيها زعما عتقيني ساعة حركاتلي راسها زعما قفراتيها هدا هو المضمون فيها اصلا خرجت سابقاه وهو ورايا وصلت للطموبيل حلها طلعت عاد جا هو ركب ومهضرناش طول الطريق تا وصلنا للدار دخلت وهو تخطاني وطلع الفوق.
بقيت كنشوف فيه تا غبر من قدامي وانا واقفة بلاصتي وسط الدار معنقة صاكي معرفت مندير واش نطلع عندو نهضر معاه ولا نتكمش نخليه تا يبغي يهضر هو من بعد اخذ و رد بيني وبين راسي قررت نطلع عندو ونديرها فيد الله خصوصا انني معارفاش طبعو ملي كيتعصب واش كيهضر و يغوت ولا كيسكت ويقطع الهضرة...وانا تنفكر طالعة فالدروج تا وصلت للبيت دخلت بشوية بانليا جالس فوق الناموسية وشاد البيسي ديالو و مبدل حويجو والغوباشة زادت كتر من لي موالف ترددت باش نهضر معاه ومشيت بدلت حويجي عاد جيت عندو جلست حداه مدار حتى ردة فعل زدت قربتلو شوية وهي يسد البيسي بجهد تا قفزت من بلاصتي ميساء:عثمان حبيبي واش مقلق مني انا راه مدرت والو والله را هو لي عثمان(دار عندي وشدني من كتافي):متعاوديش تجبدي حسو شوية كنت غنقتلو فين كتعرفي بحال داك الماركة فين ميساء:وراه كان كيقرا فنفس المعهد ديالنا وكان عرضنا لواحد العرض كان مشارك فيه بتصاميمو من تما ما شفتو عثمان(خنزر فيا):اييه ميساء:لا زعما من تما ما شفنها انا و غيثة عثمان:ميساء سمعيني مبغيتش نتعصب عليك وبزز شديت راسي باش منقولش ليك شي كلمة لي تجرحك حيت ملي كنتعصب مكنعرفش شنو كنخرج على فمي دكشي علاش حاولت منهضرش دكشي علاش منبغيش هاد التصرف ميتعاودش حيت منضمنش ليك شنو ندير ميساء:صافي ميتعاودش والله ميسحابليش كتغير ههه عثمان(خنزر فيا):نتي راك مرتي يعني ديالي ميقربليك حد وميقسك حد انا الوحيد لي عندي الحق انني نقيسك ونقرب ليك لي فكر فيها مجرد تفكير غنقتلو ميساء:!!!ماشي بزاف باش عرفتيني وليتي تتغير عليا عثمان:حيت دخلني لقلبي بسهولة وبغيتك فالحلال ماشي اننا متعارفناش عام ولا 5 سنين مخصنيش نبغيك ونغير عليك الناس عرفو بعضهم سنين وفلخر لقاو راسهم مكيبغيوش بعضياتهم وغير موالفين بعضهم ميساء:عندك الصح ونتا زعما متندمش حيت تزوجتي بيا عثمان:كتقلبي على شي تفرشيخة بحال لي درت لداك المونيكة امكن ميساء؛ههههه كرفستيه الصراحة و ميسحابليش هو هكاك كيبان قاصح وعندو هبة عثمان:ميسااااء متبقايش تجبدي ليا الزيل وخلينا هانيين ميساء:ههه واخا احبيبي اخر مرة عثمان:مزيان عاوديلي اش درتو الصباح وشنو قريتو ميساء:ها؟ عثمان:شنو لي ها ميساء:لا هو فصباح مشا علينا الحال فالحصة لولة ومدخلناش عثمان:وفين بقيتو ميساء:ف البيvيت عثمان:بوحدكم ولا معاكم الدراري ميساء:لا لا بوحدنا والله عثمان:متأكدة ميساء:والله تا بوحدنا عثمان:مزيان مضسريش عليك البراهش وها ودني منك نلقاك مع شي واحد تما ولا خليتي شي برهوش سلم عليك من وجهك والله تا نخلطكم ميساء:ضربني زعما ديرها عثمان:منضمنش ليك راسي كلي كنتعصب مكنعرف لا شنو كنخرج على فمي ولا شنو ممكن ندير دكشي علاش انا حذرتك دابا باش نبقاو هانيين حاجتي ميقربلها حد ونتي راك ديالي فهمتي ميساء:فهمت ههه عثمان:مزيان ميساء:اوا صافي فكها وضحك شوية بقيت معاه تا ضحك واخة ضحكة ديال بزز ولكن مبغيتوش يبقى معصب مني خصوصا انني درت خطأ حيت هو راجل ومكيسلمش تا باليد على البنات وهدشي لي شفتو دار مع غيثة هاد انا جيت خليت واحد غريب ما هو بابا ولا خويا ولا عمي ولا والو سلم عليا من وجهي ملي مهرسشليا هاد الوجه راه لاباس..
نهار جديد نفس الروتين كالعادة فقت وجدت الفطور ليا و لعثمان باش كل واحد يمشي يقضي حاجتو لبست وجلست كنساينو بزز فاق بحكم اننا نعسنا معطلين احم احم ههه 📲📲📲📲📲📲 هزيت تيليفوني لي كيصوني شفت لقيت خالتي رحمة توحشتها بزااف ميساء:الو خالتي رحمة:بنتي لاباس عليك كيدايرة وكيداير راجلك ميساء:لاباس ا خالتي الحمد لله نتي لاباس عليك و عمي رحمة:لاباس ابنتي الحمد لله هانتي فليل اجي نتي و عثمان تعشاو عندنا رانس عيطت لغيثة علمتها تا هي صافي ميساء:بلا منعدبوك ا خالتي رحمة:اشمن عداب راه غنتقلق منك و ها عمك حدايتا غيتقلق منك تا هو ميساء:واخا ا خالتي انا نقولها لعثمان ونشوف رحمة:واخا ابنتي سلمي على راجلك وتهلاي فراسك ميساء:بسلامة عثمان(هبط عندي باسني فحنكي):شكون كان كيهضر معاك ميساء:خالتي عارضانا للعشا حنا و عماد و غيثة قتلها تا نتشاور معاك عثمان:اهاه علاش لا ان شاء الله ميساء(بفرح):لهلا يخطيك و يخليك ليا يا احسن راجل فهاد الدنيا عثمان(كياكل ويشوف فيا بنص عين):كولي خلاص باش نمشيو ميساء:السلامة يا ربي قول غير كلمة زوينة عثمان(غمزني):معنديش مع الهضرة بزاف ولكن التطبيق نعجبك فيه ميساء:كول كول راه مشا الحال عثمان:قلبتي الهضرة بقيت انا وياه فالهضرة فطرنا ونضنا وصلني للمعهد ولقيت غيثة كتسايني حدا البابكان يالاه وصلها عماد تا هي ودعتو ودخلنا دوزنا الحصص ديالنا وصل وقت الخروج وجا عماد باش يدينا لدار خالتي من بعد ما قالي بلي عثمان عندو اجتماع فالشركة وهو غيوصلنا ويرجع...دكشي لي كان دانا لدارنا كي دخلنا عند خالتي مسكينة فرحات بينا و غيثة بدات فهبالها تنقز من بلاصة لبلاصة وخالتي مرة تغوت عليها مرة تعنقها مرة تسولنا كيجانا الزواج ههه....وصل وقت العشا وجاو عثمان و عماد و عمي معاهم تا هو فرح فاش شافنا وجدنا مع خالتي العشا وقادينا الطبلة تعشينا فجو ديال الضحك كان عثمان كيهضر مع عمي و خالتي و عاجبو الحال حسيت بيه مرتاح بالمقارنة مع نهار تغدينا فدارهم...من بعد ما سالينا بقينا جالسين شوية تا هضر عثمان(شاف فساعتو):هو هدا ا عمي نخليوكم رحمة:لااااا وتقوووول انا توحشن بنياتي اليوم يباتو معايا....
رحمة:لااااا و تقووووول انا توحشت بنياتي اليوم يباتو معايت وصباح نصبح عليهم عثمان:شنوووو عماد:ميمكنش رحمة:يمكن يمكن عبد الرحمان:يهديك الله يا هاد المرا خلي الناس يديو عيالاتهم رحمة:واراه بناتي عثمان(كيشوف فيا زعما هضري):ولكن ميساء راه صابحة قارية و مجايباش حويجها اولا ا ميساء عيثة:لا راه مقاريينش غدا عماد(مغوبش):اهاه وعلاش مقلتيهاش غيثة(حابسة الضحكة):نسيت انا جالسة وسطهم كنشوف فيهم وحابسة الضحكة خصوصا عثمان لي باينة فيه تعصب و غير تيسوط اما عماد كون لقا كون طار على غيثة بشي قجة ملقاو ميديرو قدام خالتي لي مصرة باش نباتو معاها اليوم وباينة دارت العراضة غير سبة ههه...نضت انا وغيثة وصلنا معاهك للباب من بعد ما ودعو خالتي وعمي...عماد جر غيثة على برا وانا بقيت مع عثمان عثمان:عجبك الحال ميساء:مكنتش عارفة بلي غتشدنا نباتو عثمان:وعلاش مفراسيش بلي غدا مقارياش يعني منشوفك لا بليل لا غدا بنهار تال الليل ميساء(قربت عندو وتعلقت فيه):مزيان باش نعرف واش غتوحشني ولالا عثمان(زيرني عندو):انا بديت نتوحشك من دابا يالاه سلتي مغتشوفكش ميساء(بستو بجهد):ههه حماقيتي واقيلة عثمان:بفففف آخر مرة نتعشاو هنا ميساء:هههه ياك عثمان(عنقني وباسني):تهلاي فراسك وخلي تيليفونط حداك فاش نوصل نعيطليك واخا ميساء:واخا ا حبيبي ----------------------- عماد★غيثة عماد(محاصر غيثة مع الطموبيل):فعايلك هادو ا غيثة راني حافضك غيثة(تدور فعينيها):واش هبلتي اشمن فعايل عماد:بلا متبهللي عليا ا غيثة علاش مقلتيش بلي مكاين قرايا غدا غيثة:واراه قتليك نسيت يااه عماد(زيرها من خصرها وقربها لعندو):شتي نتي كتقلبي عليا نفرشخك شي نهار غيثة:طلق طلق راه غيشوفنا شي حد من جيران عماد؛واراك مرتي مالنا مصاحبين غيثة:بحال بحال طلق عماد:شوفي فيا صباح غنجي نديك غيثة:لا تال العشية تافقت مع ما(شدات فمها) عماد(ابتاسم بمكر):اهاه قتليك فعايلك هادو و حافضهم هي نتي مولات الفكرة غيثة:والا شتي دابا فاش جينا ولقينا ماما بوحدها فالدار قتليها نبقى معاك غير بالضحك وهي دارتها بصح عثمان(وقف عليهم):عماد مشينا عماد:يالاه حيت الا بقيت غنرتاكب فيها شي جريمة(خنزر فيها)تحركي دخلي لداركم غيثة:هايا غادة بسلامة ا عثمان عثمان:بسلامة عماد:غدا ونتفاهمو غيثة(ضارت عندو خرجات لسانها):امممم😝 عثمان(حابس الضحكة):مالكم.
عثمان(حابس الضحكة):مالكم عماد:والله تا تغندير فيها شي حاجة را هي مولات الفيلم كامل عثمان:اشمن فيلم عماد:وا المباتة هنا ا صاحبي عثمان:اهاه ادا تا ميساء كانت عارفة عماد:لا راه زلقات دابا فالهضرة وقالت بلي متافقة هي و خالتي رحمة عثمان:خرجات عليا مرتك ا صاحبي غتخليني نبات فالدار بوحدي بلا مرتي عماد:غير بلاتي عليها يالاه معايا للدار بات معانا عثمان:لا اخويا لاهما داري ولا تريكة خالتك يالاه نتا بات عندي عماد(بعد تفكير):يالاه اسيدي غنعيط للواليدة نقولها بايتين عندكم الا عرفات غيثة و ميساء بايتين هنا بوحدهم غديرلنا فيلم تا هي عثمان(حل الطموبيل):ماشي هي خالتك و بناتها عماد:بففف نتلاقاو فالدار كل واحد فالدراري ركب طموبيلتو و تاجهو لدار عثمان ....ليلى لوليتا..... ★غيثة/ميساء★ لي بقاو جالسين مجمعين فالبيت رجعو لعادتهم القديمة غيثة:اعلم الله اش غيديرليا فعايلو خايبين ميساء:طفرتيه نتي لي بديتي واش كاينة شي مرا متتشاورش مع راجلها باش تبات فبلاصة خرا غيثة:اشمن بلاصة خرا راه دارنا هادي ميساء:ولو راه مبقيناش ديال روسنا دابا غيثة:وا صافي هنينا دابا و يالاه نهبطو عند ماما و بابا نجلسو معاهم ميساء:بلاتي نهضر مع عثمان غيثة:ماشي دابا ا حبيبة تال بلاتي نبغيو نعسو راه الا بديتو مغتساليوش زيدي يالاه جراتني غيثة و هابطين فالدروج سمعنا خالتي و عمي تيهضرو و بحالا كيتناقشو غيثة(دارتلي اشارة بيديها):ششت ميساء(بهمس):واش باغا تصنتي عليهم يالاه نرجعو للبيت بلاني و نزلو غيثة:ششت لا خاصني نعرف مالهم يالاه بغيت نجاوبها وانا نسمع الهضرة لي مفهمتش واش بصح ولا كنحلم رحمة:وا بناتي هدوك بناااتي من حقي يباتو معايا انا لي ولدتهم من كرشي وحدة تربات قدام عيني و وحدة 24 عام وهي عند ختي وكتعيطلي خالتي بالحق نتا السباب نتا لي بقيتي عليا ختك مكتولدش عطيهاليها تدي اجر اشمن أجر خديت دابا ها دوي فرقتيني علة بنتي و فرقت الخواتات على بعضياتهم عبد الرحمان:يا هاد المرا سكتي دابا يسمعوك البنات..
حسيت بالدنيا كدور بيا وانا كنشوف فغيثة مصدومة كتر مني و دايرة يدها على فمها اما انا كنحس براسي مشاتليا الهضرة مابقالي جهد لا على هضرة لا والو اما هوما مكملين فهضرتهم و مجايبين للدنيا خبار معارفينش ان سرهم تكشف و كدوبهم بانو 24 عام وانا عايشة مع خالتي و راجل خالتي على اساس انهم والديا كيفاش قدرو يديروها رحمة:مغيسمعوش كوراهم الفوق خليني نهضر خليني نفس على قلبي واش 24 عام مكفاتكش مبعدني على بنتي وزدتيها دابا كتلومني علاش شديتها تبات عبد الرحمان:باراكة من الهضرة الخااوية هداك قدرها تا انا راها بنتي ولكن نتي مفقلبكش الرحمة شفتي ختك كتوجع و مبغيتيش تعتقيها رحمة:هاهااااي على ختي هانتا قلتيها هديك ختي انا ماشي ختك نتا ولا حيت هي لي كنتي باغي تزوج بيها النهار لول سمحتي فبنتك على قبلها دوي عارفة با هو لي بززني عليك و زوجني ليك حيت انا الكبيرة ولكن انا عشت معان بنية وقلت راك معندكش مشكل واخا كنتي جاي تخطب وحدة وصدقتي فختها قلت معندكش مشكل عبد الرحمان(بالغوات):رحماااااا جمعي فمك وحدك تم ومتفوتيش حدودك معااايا الماضي كيبقا ماضي كتفهمي غيثة(دخلات عليهم):اشمن ماضي علاش كتهضرو اشمن ماضي شنو هاد الروينة رحمة و عبد الرحمان(مصدومين):غيثة!!! عبد الرحمان:بنتي الله ارضي عليك بلا شوهة وخلينا نهضرو بلا متسمع ميساء هدشي غيثة:سمعنا كلشييييييييي ا بابا كلشي سمعناه انا و ميساء من الصباح و حنا حدا الباب ونتوما خدامين تهضرو و محاسين بوااالو رحمة:لا لا ميمكنش(خرجات تتجري)ميسااء فين هي ميساء(رجعات عندهم)فين هي ميساء غيثة:كانت واقفة معايا ميساااااء ميساااء فينك طلعات غيثة الفوق تتقلب عليها ملقات حد قلبو الدار كاملة ملقاوهاش ★ميساء★....ليلى لوليتا..... من بعد ما دخلات عندهم غيثة خرجت من الدار بلا منحس و معرفتش راسي كيدرت تا وصلت لداري حسيت براسي محتاجة لعثمان محتاجة نبكي فحضنو كنحس براسي كنت عايشة كدبة كبيرة بزاااف علاش تخلاو عليا علاش مقالولي والو علاش محاولوش يفهموني كنت غنعدرهم عادي كون قالوها مكنتش غنتصدم منهم...خرجت من الدار الحمد لله كنت باقا بحويجي و مخلية فولاري...دموعي خلاو كاع لي فالشارع يبقاو متبعيني بعينهم شي كيقول مسكينة شي كيقول اعلم الله مالها كل واحد اش تيقول فبالو وانا مرفوعة...وصلت للدار وقفت فالباب وانا كندق بحر جهدي ونعيط لعثمان ميساء:عثمااااااان اهىء اهىء عثمان حل الباب عفاااااك اهىء اهىء عثمان(حل الباب وهو مخلوع):ميسااااء مالكي شنو واقع مالكي كتبكي ميساء(عنقتو وانا كنبكي):كدبو علياااا اهىء اهىء عماد(خارج من الدوش):اش واقع مالها عثمان(جرني دخلني):معرفتش سد سد الباب دخلني عثمان لداخل و عماد ورانا مفاهم والو وانا كنتنخصص و تا حاجة من كلامي ممفهومة عيا معايا وانا والو مقاداش نهضر غير كنبكي حتى صونا تيليفون عماد عماد:هادي غيثة(جاوب)الو غيثة غيثة(تتبكي):اهىء اهىء عماد ميساء ميساء خرجات من الدار و ملقيناهاش اهىء اهىء عماد:ششت تهدني ا غيثة تهدني ميساء هايا هنا انا عندهم فالدار هايا معايا انا و عثمان غيثة(بفرح):بصح انا جاية دابا عماد:فين تجي فهاد الليل تسطيتي بقاي انا نجي نجيبك غيثة:واخا متعطلش عليا عافاك عماد:صافي هانا جاي(قطع معاها)انا غنمشي نجيب غيثة معرفتش اش واقع تجي غيثة ونفهمو منها عثمان:واخا سير مشا عماد و هزني عثمان طلعني للبيت الفوق حطني فوق الناموسية حيدليا الفولار وحيدليا صباطي و جلس حدايا جرني لحضنو و بقا كيقرا عليا القرآن وانا كنتنخصص تا تهدنت و داني النعاس..
غيثة★ رحمة(كتبكي):اهىء اهىء بنتي مشاتليا الله على كبدتي غنتشوا فيها تاني اهىء اهىء غيثة:ههه بنتك ملي بنتك علاش محسستيهاش بهاد الكلمة ها علاش خليتيها تزيد تحرم منك مها الحقيقية واخا الالة بابا قاليك عطيها لختك واخا علاش محاولتوش تقولولنا بلي حنا خواتات علاش كنتو مبعدينا على بعضياتنا علاش هدشي كامل(شافت فباها)ونتا ا بابا زعما انسان واعي و كتعرف الله كيفاش قدرتي تفرط فبنتك علاش ملي ماتو والديها هههههه اه لا بغيت نقوة خالتها و راجل خالتها علاش مقلتو ليها والو ونتوما كتشوفو فيها 3 سنين وهي كتعدب علاااااااش بقاو جالسين ساكتين وانا حاسة بحرقة فقلبي البنت لي كنت كنضنها بنت خالتي صدقات ختي شحال تمنينا انا وياها كون كنا خواتات ولكن ماشي بهاد الطريقة...خليتهم جالسين ساكتين ونضت هزيت صاكي وخرجت لبرا وقفت كنساين عماد وكنفكر فحالة ميساء كيغتكون دابا تا وقف عليا عماد ضارب واحد الفران بجهد هبط وجا عندي تلاحيت عليه عنقتو وانا تنبكي عماد(مزيرني عندو):وا صافي مالكم هاد النهار كتباكاو اش وقع خليناكم مزيانين(بعدني عليه شوية)واش دابزتو غيثة:اهىء اهىء يا ريت كون دابزنا عماد:و شنو غيثة:ديني عندها دابا هء ونعاودليك عماد(غادي بيا جهة الطموبيل):واخا يالاه ركبت مع عماد و الطريق كاملة وانا تنبكي وهو كيسكت فيا تا وصلنا للدار طلعنا حلينا عثمان سولتو على ميساء قالي بلي ناعسة جلست جابليا عماد الما شربت وجلسو قبالتي وبديت كنعاودليهم شنو وقع بالتفصيل وهوما مصدومين...ليلى لوليتا..... عثمان(ضرب الطبلة):كيفاااش قدرو يديرو فيها هاكا واش مفكروش فيها معندهمش القلب وااااش نهار عرسها دموعها و امنيتها ان والديها يكونو حاضرين معاها محركو والو فيهم غيثة:اهىء اهىء مكانش كيسحابلي بلي هوما قاسحين هاكا مقادراش نتيق بلي هادوك والديا لي رباوني على الصدق و المبادئ الحسنة كيفاش نساو هدشي و متاقاوش الله فبنتهم وهي كتمنى قدامهم وفكل لحظة زوينة فحياتها ان والديها يكونو معاها ويشاركوها فيها اهىء عماد(عنقني):ششت تهدني عثمان:بففف الحالة لي جات فيها خلعاتني عليها بزااف كيفاش خليتوها خرجات بوحدها غيثة:مشفناهاش فاش خرجات انا دخلت عندهم و خليتها فالباب فاش جينا نقلبو ملقيناهاش فالدار كاملة و الحمد لله ملي جات لهنا على خير كون وقعاتليها شي حاجة اهىء اهىء عثمان:الله احفضها ليا يا رب خاصها تخرج من هاد الحالة ضروري ولا غدخل فحالة اكتئاب ميمكنش نبقا جالس كنتفرج فيها بلا مندير والو عماد:بصح شنو باليك تديها وتسافرو لشي بلاصة ميساء(وقفات قدامهم):انا بغيت نبدل المدينة كلها...
ميساء(وقفات قدامهم):انا بغيت نبدل المدينة كلها بغيت نمشي من هنا عثمان(ناض بزربة وجا عندي):حبيبي لاش نضتي ميساء(ضرت عندو وقبطت فيدو):عثمان عافاك الا كتبغيني ديني من هنا عافاك اهىء اهىء حاسة براسي مخنوقة ويلا بقيت هنا غندير شي حاجة راسي عثمان(قبط وجهي بين يديه):ميساء استغفري الله و نعلي الشيطان هادي ضبابة و غتفوت شوفي انا غنديك من هنا حتى تهدني و نجلسو نهضرو واخا انا كنت واعدتك اصلا غير يرجع عماد و غيثة غنسافرو وكنضن جا الوقت طلعي دابا جمعي حويجك غنمشيو ميساء:واخا غيثة:غنجي معاك طلعات غيثة مع ميساء للغوق بينما بقاو الدراري لتحت عماد:واش غتبدلو المدينة كيفاش غديرليها عثمان:هي غير معصبة دابا غنديها حتى تكالما ونهضر معاها ماشي ساهل هدشي لي كتعيشو منقدرش نضغط عليها اكيد هي خدات هاد القرار فلحظة غضب حيت صعيب نقل حياتي و الخدمة من هنا مكاينش كيفاش راك عارف عماد:عارف عارف المهم ديها و سيرو لشي بلاصة حاول تنسيها تا ترتاح عاد هضر معاها بففف بقات فيا بزااف 24 عام وهي عايشة مع خالتها و راجل خالتها على اساس انهم والديها و والديها حداها كيشوفوها كتعدب و مدارو والو عثمان(معصب):وهدشي لي عصبني كيفاش داك السيد لي كيعرف الله و محافض على بناتو قدر يخلي بنتو بعيدة عليه وهي كتمنى انهم يكونو معاها وقدامهم تتقولها عماد:هدشي لي تعجبت ليه ميساء وغيثة(نزلو عندهم):انا واجدة عثمان:واخا انا نطلع نجمع حويجي ميساء:كلشي جمعتو حويجي و حويجك عثمان(كيشوف فيها بحسرة ويتنهد):واخا يالاه عماد الدار ميعرفو والو قولهم سافرنا و صافي عماد:كون هاني بلا متوصيني غيثة(عنقاتني):اهىء حبيبة ردي البال لراسك عافاك هزيتلها راسي وانا مقادراش نتحرك شدني عثمان من يدي وجر الباليزات و هبطنا لتحت و عماد و غيثة معانا توادعنا و شدينا الطريق لي كلها وانا ساكتة و عثمان كيحاول يهضرني وانا والو مقادراش مدورة وجهي للزاج و كنشوف الكلمة الوحيدة لي نطقت بيها ميساء:هوما مبغاونيش دكشي علاش لاحوني عثمان(ضرب يدو مع الفولون):ميساء سمعيني حاولي تنساي هدشي لي طرا اليوم الله اخليك راه منقدرش نشوفك هاكا ا ميساء ميساء:الصمت.
بقيت ساكتة وهو تيهضر كنسمع غير الهمهمات ديال كلامو اما باش نفرز شنو كيقول بالضبط مقدرتش حيت عقلي ماشي معاه عقلي كلو فالايام لي عشت مع والديا لي هوما اصلا خالتي و راجل خالتي كيفاش قدرو يمتلو عليا هاد السنين كاملة علاش خلاوني عايشة فكدبة كبيرة بحال هادي واش من نهار خلاقيت وانا مع ناس غراب عليا و حتى من الناس لي والديني كيشوفو فيا كنتعدب كلما تفكرت موت لي على اساس بابا و ماما مكلفوش راسهم يطفيو النار لي فقلبي وخلاوني عايشة احساس اليتم يتيمة و والديا عايشين ههه هادي هي سخرية القدر اصلا حسيت براسي كلشي كيسخر مني و يضحك عليا شفت فعثمان لي كان ساكت ومركز فالطريق و بديت كنضحك بهيستيرية وهو كيشوف فيا مفاهم والو عثمان:ميساء واش نتي مزيانة انا غير تنضحك ونتهز ونتحط حتى قلبتها بكا و نحيب وشديت راسي وبديت نغوت بكل قوتي ميساء:علااااااااااااااااااااااااااااااااااااااااش اهىء اهىء ماماااااااااااااااااا اهىء اهىء ماما علاش خليتيني ا ماما علاش اهىء هههههه دابا شكون فيهم لي خلاتني ههههه اهىء اهىء خلاوني بجوج تا من بابا و بابا خلاوني بجوج ههههه اهىء اهىء علاااااش ا عثمان عثمان(وقف جنب الطريق وكيجرني عندو كيحاول يسكتني وانا غير مزايدا فيه):ميساء اميرتي الله اخليك تهدني احبيبتي تهدني ميساء:بغيت نمووووت اهىء اهىء علاش انا عايشة علاش حتى نتا غتخليني عثمان:مستحيل عمري نخليك(عنقني وزير عليا)نموت و منتفرقش عليك من بعد ملقيتك ميساء:لا لا غتخليني كلكم تتكرهوني الا والديا تخلاو عليا علاش نتا عثمان:حييت كنبغييييك ا ميساء ميساء(من بعد مدة ديال الصمت بعدت عليه وشفت فيه):يعني هوما فعلا عمرهم بغاوني اه اه حيت كون كانو كيبغيوني ميخليونيش اهىء اهىء اه عثمان:لا انا مقصدتش ميساء(شديت راسي):ايييي راسي تيضرني افففف بغيت نعس عيييييت عييت بزااااف بغيت نرتاح عثمان(هبطليا الكوسان):واخا نعسي انا غنشوف اقرب اوطيل نباتو فيه و غدا ان شاء الله نكملو طريقنا لإفران(باسليا راسي) كيف تكيت حطيت راسي نعست كنت حاسة براسي عيانة بزااف و داتي مرخية و داك الغوات لي غوت ضرني راسي و حلقي كلشي كلشي حاسة بيه كيضرني.
ضرباتني الفيقة على يدين عثمان لي هزني من الطموبيل حليت عيني شفت فيه و سديتهم مكرهتش نبقى غير ناعسة حيت جهد معنديش...سمعتو هضر مع شي حد وخدا السوارت و قالهم يطلعو حويجنا عرفت بلي حنا فشي أوطيل...وصلنا لبيتنا حطني فوق الناموسية و مشا خدا الحوايج و جا عندي بدليا و دخلنا للدوش غسليا وجهي هدشي كلو كيديرو بمجهود لأنني مرخية و رامية تقلي عليه رجعني للناموسية و مشا هو بدل حويجو وجا جلس مقابل معايا و كيشوف فيا وحتى انا عثمان:شوية باش كتحسي ميساء(حطيت يدي على قلبي):هنا كيضرني بزاااف كنتمنى يكون هدشي حلم ماشي حقيقة مزال مقادراش نتيق ا عثمان عثمان(قبط يدي و باسها):ميساء سمعيني شي مرات الله كيحطنا قدام اختبارات صعاب فهاد الحياة صعاب بزاف الفائدة منهم اننا نحافضو على قوتنا ونتصرفو فيهم بحكمة ناخدو اطول وقت ممكن من الافكار قبل منتاخدو شي قرار لي ممكن نضيعو بيه حياتنا ونضيعو بيه رضى الله هادا اختبار نتي كدوزي منو وهدشي لي كتعيشيه ماشي نتي اول ولا آخر وحدة حنا معارفينش ظروفهم فديك الوقت لي خلاتهم يتخلاو عليك عارف مكانش خاصهم يديرو هدشي ولكن متنسايش ان داك الوقت ماشي هو الوقت و تفكيرنا ماشي هو تفكيرهم ميساء(قاطعتو وصوتي مخنوق):ولكن هدشي سبابو عبد الرحمان لي تخلى هلى بنتو على قبل الانسانة لي كيبغي لي هي خالتي لي كنت كنضن انها ماما ههه اهىء اهىء عثمان:شششت متبكيش ا ميساء متبكيش متخليش الضعف يتمكن منك هادشي خاصك تلقاي ليه حل نتي،نتي لي غتقرري كيفاش تصرفي فهاد الوضع واش ممكن تقبلي خالتك و راجل خالتك على اساس انهم والديك اولا لا ميساء:لا مستحيل عمري نسمحلهم و عمر كلمة ماما و بابا متخرج من فمي ليهم عثمان:ميساء متسرعيش قدام الله هوما والديك غلطو اه ولكن ماشي نتي لي غتخاسبيهم تجرحتي و قلبك ضرك وتصدمتي توجهي لله فصلاتك شكيليه و أكيد هو غيبينليك الحل ولكن متخليش الشيطان ياخدك ويدخا لقلبك الحقد و الكره لأنك مغتستافدي والو و الله غفور رحيم ميساء(عنقتو):اهىء اهىء صعيبة بزاااف ا عثمان اهىء اهىء مكنتصورش راسي مسامحاهم على رميتهم ليا عثمان(كيدوز يديه على شعري):ربي قادر يسهلها عليك و عليهم و علينا كاملين خلي ايمانك بالله قوي ونوضي توضاي و صلي وشكي لله باش ترتاحي ميساء:واخا خليت عثمان جالس ونضت دخلت للدوش توضيت و خرجت لبست عبايتي و درت الشال فوق راسي خديت الصلاية وتوجهت للقبلة كيف قلت الله أكبر حسيت بدمعة على خدي بديت كنصلي و بكيييييت فسجودي وركوعي لله بكيت و شكيت دعيت ربي انه يريحني و يريح قلبي من هاد النار لي شاعلة فيه عثمان(فخاطرو):{غضبك من والديك مغيطولش ا ميساء وانا منخليش هاد الغضب يبعدك على والديك لي صدقو عايشين ان شاء الله غتكملي حياتك معاهم و مغنبقايش تحسي انك يتيمة وتحسري كل ما شفتي أم معنقة بنتها ولا أب خايف على بنتو}:الله اقبل ميساء:اميين عثمان:رتاحيتي ميساء:الحمد لله.
اصبح الصبح و الملك لله★ فقت اليوم وانا مرتاحة نفسيا من بعد ما قرا عليا عثمان القرآن فليل الحمد لله لي هو معايا معرفتش كون مكانش شنو ممكن ندير قدر نفكر فالانتحار و منتراجعش عليه الحمد لله لي وقف معايا،ضرت عندو كنشوف فيه كيف ناعس خليتو بلا نعاس كلما تحركت تنحس بيه كينوض يشعل الضو يدوز يدو على راسي و يرجع ينعس...خليتو ناعس و نضت دخلت للدوش قضيت حاجتي و توضيت وخرجت تاجهت للقبلة من بعد ما لبست عبايتي و شالي فوق راسي و بكيت مرة خرا وشكيت همي وحزني لله..كملت وهزيت القرأن نقراه حيت هو الحاجة لي كتفيدني و كتريحني من بعد الصلاة...بقيت شحال وانا كنقرا حتى بانلي عثمان فاق شاف فيا و دخل للدوش وخرج و جا عندي باسليا راسي ميساء(سديت القرآن):صدق الله العظيم عثمان(باسني فحنكي):الله يقبل كيبقيتي ميساء:مرتاحة الحمد لله بفضلك من بعد الله سبحانه عثمان:الحمد للخ نوضي لبسي باش نزلو نفطرو ونكملو طريقنا ميساء:واش وصلنا لإفران عثمان:لا مزال مي ما بقا والو خصنا نطلقو روسنا باش نبداو نهارنا ونتساراو هاد المدة لي جاية غنساو كاع المشاكل وغتحاولي تخلي نفسيتك مرتاحة وهدشي مغيكون الا لحيدتي من بالك كلشي متفكري فواااالو من غير السفر و انا(غمزني)😉 ميساء(بابتسامة):غنحاول عثمان(باسني بجهد):وغتنجحي ان شاء الله يالاه نوضي نضت بدلت عليا و ساينت عثمان يلبس من بعد ما صلى صلاتو وجمعنا حويجنا لي جبدنا تما وقاديت كل حاجة بلاصتها و هبطنا لتحت دخلنا للمطعم من بعد ما وصاهم عثمان يهبطولنا باليزات ديولنا....فطرنا فجو هادىء وعثمان حمسني بزااف لإفران بحكم انني هادي اول مرة نسافر لشي بلاصة وليت انا كنسولو وهو كيجاوبني وكناكل بلا منحس فعلا هو لهاني على همي الحمد لله لي حطو سبب فطريقي،كملنا و نضنا شدينا الطريق وحنا مجمعين حتى بدا كيصوني تيليفون عثمان هزيتو نشوف شكون حيت هو سايق و طلب مني انني نفتح الخط ونعلي الصوت بعد ما خبرتو بلي هادي خالتي فاطنة عثمان:الو الواليدة لباس عليك فاطنة(بالغوات):ما لاباس والو عثمان(باستغراب):ياك لاباس اش واقع فاطنة:اش واقع!!لا والو غير ولدس لي هزيتو فكرشي 9 شهور كبر ولا راجل و مبقاشيدير بحساب مو عثمان(كيسوط):الواليدة الله اهديك اش هاد الهضرة على الصباح فاطنة:ياك اسيدي برزطتك على الصباح ياك اوليدي وليتي تهز راسك و تسافرمقلتي تا ندوز نشوف ميمتي ونسلم عليها ياك هزيتي مرتك وزدتي خليتي خوالاتك يتشفاو فيا عثمان(تعصب و شاد راسو بزز):الواليدة جا هدشي على غفلة جاتني شي خدمة وكان خاصني نجي نقضيها و جبت معايا ميساء راه مسافرناش نهار تزوجنا ولا ممنحقناش ولا كيفاش و آخر مرة تجبديلي خوتاتك حيت تتعصبيني وانا سايق دابا ويلا درت شي اكسيدون خليهم انفعوك فاطنة(بخوف):لا لا اوليدي الله انجيك صافي سير سير وبشوية عليك فالطريق و سلم على ميساء وردو البال لراسكم عثمان:بسلامة(دارلي اشارة باش نقطع) ميساء:بففف تسببت ليك فمشكل مع خالتي عثمان:مديريش فبالك كون ما ختها مغتديهاش فهدشي بالحق نرجعو ونشوف هاد القضية ديال جلاسهم عندنا شفتهم طولو بزاف ميساء:اويلي واش باغي تجري عليهم عثمان(باسلي يدي):نساي هدشي دابا خلينا هانيين..
عثمان(باسلي يدي):نساي هدشي دابا خلينا هانيين سكت مبغيتش نزيد نطول معاه فالموضوع وليت حاسة بلي خالتو هي عكوزتي ماشي خالتي فاطنة ..بقينا غاديين مرة مجمعين مرة ساكتين حتى وصلنا لواحد الاستراحة هبطنا تغدينا و عثمان عيط لشي واحد على حساب الدار لي غنكريو وقالو بلي من هنا لساعة نكونو عندو كملنا غدانا و شدينا الطريق...وصلنا لافران واو هاد المدينة شحال زوينة كلها ذات طابع اوروبي حتى من الديور كيفاش مبنيين زوينين بزااف و جوها معتدل ما سخون ما بارد بين و بين ههه...وصلنا للدار ولقينا الراجل كيساينا انا اكتفيت بالسلام من بعيد اما عثمان عنقو وبدا كيسولو على احوالو و احوال عائلتو باينة فيهم كيعرفو بعضياتهم من قديم و ماشي معرفة سطحية ودعنا سي فؤاد من بعد ما خدينا السوارت و دخلنا للدار ميساء(كنشوف فالدار):واو عثمان:عجباتك ميساء:زوينة بزااف عثمان:شفتيها بعدا هه هكا درتي اول نهار ليك فدارنا لهيه ميساء:ههه واراه الدخلة تتخليك تحكم نتا يمكن كتجي ديما لهنا حيت شفتك نتا و فؤاد معرفة قديمة عثمان:اه كنت كنجي هنا انا و عماد و شي صحابنا مرة مرة بالحق شحال هادي مبقيت جيت تقريبا شي عامين من نهار تكلفت بالشركة ميساء:اه مزيان عثمان(نعتلي واحد البيت):هانتي هداك غيكون بيتنا دخلي بدلي عليك و رتاحي بينما جيت الثلاجة خاوية ميساء:فين غادي واش بعيد عثمان:لا كاين سوبر مارشي قريب ميساء:نمشي معاك عثمان:واخا يالاه خرجت انا و عثمان مشينا للسوبر مارشي على رجلينا تحت طلبي حيت بغيت نتمشى...وصلنا خدينا الكروسة وبدينا كنهزو دكشي لي غنحتاجو وانا كنمشي ليه غير للسقاطة وهو مخليني على راحتي تا وقفات حدايا واحد البنيتة صغيرة شفت فيها لقيتها تتشوف فيت و ضحك تحنيت عندها بستها وكنهضر معاها تا وقفات علينا واحد البنت باقة صغيرة شوية كانت متوسطة الطول و زعرة و عينيها عسليين طالقة شعرها ولابسة دجين و تيشرت قصير كرشها باينة البنت:غيثة غيثة(جات عندنا)اففف غتخرجيلي عقلي نتي ميساء(بابتسامة):واش بنتك البنت:اه(مداتلييدها)سميتي نهيلة نتي جارتي ههه شفتكم فاش جيتو تا حنا يالاه جينا اليوم صباح ميساء:اه مرديتش البال نهيلة:معليش حنا جيران دابا غنتشاوفو بزاف شحال غتجلسو ميساء(باستغراب):مزال معرفت عثمان(وقف علينا):حبيبة كملت نمشيو(شاف فنهيلة وحدر عينيه)السلام و عليكم نهيلة(حالة فمها فيه ومداتلو يديها):سلام انا نهيلة عثمان:احم احم ميساء:امم سمحيليه ا نهيلة مكيسلمش نهيلة(جمعات يديها عندها وهي تتشوف فيه):اممم ماشي مشكل عثمان(قبطلي يدي):مشينا ميساء:واخا حبيبي نهيلة نخليك بسلامة(بست بنتها)بسلامة كتكوتة ههه غيثة يا غيثة مشيت انا و عثمان وخليناهم تما خلصنا دكشي لي تقدينا وخرجنا ميساء:عرفتي ديك البنيتة سميتها غيثة هه عثمان:هه متوحشتيهاش ميساء(بحزن):توحشتها و بزااف
ميساء(بحزن):توحشتها و بزااف شحال تمنيتها تكون ختي طلعات فعلا ختي من لحمي و دمي خلاوني نتمنى حاجة ربي رزقني بيها عثمان(دور يديه على كتافي و غادي بيا):ششت واش غنبداو دابا شكون بحالك طلعات عندك ختك هادي حاجة زوينة اممم هي توحشتي ختك و متوحشتيش راجلك ميساء(عليت عيني فيه):توحشتو بزاااااف بزاااف بزاااف عثمان:هي اليوم تبينيلي ميساء(بغباء):شنو نبينليك عثمان(ابتسامة على طرف شفاهو):فالليل تعرفي ميساء:عرفتي حاسة براسي عيانة بزااف عثمان:ها الدار دخلي و سيري رتاحي وصلنا للظار دخلنا للكوزينة قادينا دكشي فالثلاجة و مشينا للبيت بدلنا علينا و طحنا نعسنا مع العيا ديال الطريق محسيناش بالوقت...ما فقت غير على صوت الباب حليت عيني بانلي الضلام شفت فعثمان بانلي ناااعس مكاينش هنا نضت من حداه درت عبايتي و شالي ومشيت بشوية طلليت من السرجم بانتلي ديك البنت نهيلة لي تلاقيت معاها فالسوبر مشيت حليت ليها نهيلة:سلام ميساء:سلام!! نهيلة:بانلي الضلام فالدار قلت غتكونو ناعسين مع العيا ديال الطريق و جبتلكم العشا(مداتلي دكشي لي فيديها) ميساء:علاش عدبتي راسك نهيلة(كتشوف ورايا):مكاين لا عداب لا والو واش نتي بوحدك فالدار ميساء:احم لا راجلي ناعس نهيلة:اه اوا نخليك غدا ان شاء الله و نتلاقاو ويلا بغيتي ممكن نخرجو مجموعين انا جيت هنا انا و بنتي نغيرو الجو ميساء:مجاش راجلك معاكم نهيلة:لا حبيبة انا مطلقة ميساء:اه نهيلة:يالاه نخليك و سمحيلي على الازعاج تصبحي على خير ميساء:ونتي بخير مشات نهيلة ونا حاضياها كانت طالقة شعرها ولا بسة شوميز دونوي فوقو بينوار مشبك تيبين هو اه دارنا و دارها متقاربين ولكن تعجبت انها خرجات هكاك و هدشي لي خلاني نسول على راجلها هاد البنت فشكل...سديت الباب ودخلت دكشي للكوزينة مقلبتوش كاع ومشيت للبيت دخلت حيدت العبايا بشوية يالاه جيت نتكا وانا نحس بيد جراتني كان عثمان جيت على صدرو وهو مزيرني عندو عثمان:معامن كنتي مجمعة ميساء(بمكر):مع واحد الراجل عثمان:اممم راجل صوتو بحال ديال المرا ميساء:ههه اوا ملي سمعتي علاش كتسول هاديك غير ديك البنت لي تلاقيناها الصباح هي و بنتها غيثة جابتلنا العشا عثمان:علاش شكينا عليها ميساء:ششت حشومة دارت الصواب و صافي عثمان:اممم خليك بعيدة على دوك الاشكال ا حبيبة واخا(باسني)و دابا ديري تا نتي الصواب مع راجلك مخلانيش نكمل هضرتي وتا انا محبستوش
دازت 15 يوم بالحساب فهاد التسافيرة لي معرفتها واش تسافيرة ولا عثمان كيخلص حساباتو معايا حيت تقريبا دوزناها كلها غير فالدار مكيزكلنيش ولفتو بجنبي بزاااف معرت كيغندير كلي يرجع لخدمتو اهىء....فهاد المدة هادي خديت قرار فيما يخص علاقتي بوالديا قررت انني مغيكون عندي معاهم حتى اتصال حاليا مزال ممستعداش و فكرة انهم تخلاو عليا و امنياتي ان والديا يكونو معايا وهوما كيتفرجو فيا كنتعدب مبغاتش تنسالي حيت صعيبة بزاااف تفكرت نهار الخطبة ماما او خالتي كتشوف فيا وانا كنتحسر و كنعيش اليتم وهي كتشوف فيا دموعي و الحزن ديالي فواحد النهار لي كنعتابرو كيكون مرة فالعمر اعتابرت ديك اللحظة قسوة منها مرحماتنيش اما بابا او راجل خالتي معاملتو ليا قبل كمعاملة غريب لغريبة مكانتش فيه ولو شوية الندم او احساس الابوة يخليه يحن عليا و يحضني و يقولي نتي بنتي وانا باك انا عايش و غنحميك نتي ماشي بوحدك فهاد الدنيا،هدشي كلو مستحيل نقدر نساه او نمحيه من ذاكرتي ولكن كيف قال عثمان غنحاول نتناساه ونعيش حياتي عادي حتى يجي النهار لي نقدر نكون مستعدة فيه انني نتقبل دوك الناس على اساس بابا و ماما و نسا القسوة و الحرمان لي خلاوني عايشة فيهم....زيادة على هدشي علاقتي بنهيلة لي وليت كنتفاداها كل ما جات العين فالعين اولا جات عندي للدار كنحاول نخلي علاقتي بيها سطحية من بعد ما اصر عليا عثمان باش نقلل من تجماع معاها ولا فوة الكلام مع انه مكيحكمش على الانسان من المظهر ولكن نهيلة جاتني فضولية بزااف كتسول اسئلة بعيدة عنها كل البعد و المدة لي تعارفنا فيها متخليهاش توصل معايا لمواضيع و تفاصيل الشيء لي اعتبرتو تطفل على حياتي الشخصية و من طبعي مكنبغيش قوة الاسئلة و الاستفسارات اليوم آخر نهار لينا فمدينة إفران صراخة ارتاحيت و بدلت جو الحزن لي كنت فيه بفضل الله و عثمان لي وقف معايا و مخلانيش ندخل فحالة لي ممكن توصلني للاكتئاب جتى انه مخلاليش الوقت باش نفكر فيه فهدشي لي وقع ليا بالعكس حاول بكل جهدو انه يبسط الامور و يخليني نشوفها من ناحية إيجابية....من بعد ما جمعنا حويجنا و رتبنا كل حاجة فبلاصتها عثمان خرج كيقاد الحوايج فالطموبيل انا بقيت معطلة مع فولاري لي كنحاول نتعلم فيه شدات جداد كل مرة،ساليت و ضربت دويرة فالدار باش نشوف الا نسينا شي حاجة ملقيت والو وخرجت لقيت عثمان واقف مع داك السيد(فؤاد)شافني جا عندي سد الباب و عطاه السوارت ودعناه و شكرناه يالاه جينا نركبو الطموبيا باش نمشيو وانا نسمع صوت ورايا نهيلة:ميسااااء
نهيلة:ميساااء(تتجري)بلاتي بلاتي اصحبتي قولي غير بسلامة ميساء:امم سمحيلي ا نهيلة غير تلهيت اما كنت ناوية نسلم عليك نتي و غيثة نهيلة(شافت فعثمان):ياك الالة اوا مافيها باس عطيني نمرتك باش نسول فيك مرة مرة عثمان(بعصبية):ميساء يالاه غنتعطلو(ركب و خبط الباب) ميساء(توترت و معرفت مندير):واخا هاكي قيدي نهيلة(جبدات تليفونها):06...اممم انا كنصوني ليك هايا نمرتي عندك سجليها ميساء:واخا سجلتها(سلمت عليها)بوسيليا غيثة نهيلة:مبلغ احبيبة بسلامة ميساء:بسلامة ركبت مع عثنان لي غير سديت الباب طار و خلا غير العجاج عثمان:بففف على لصقة عمري شفت بنادم كيفرض راسو تال هاد خيتي ميساء:يمكن هي هكاك اجتماعية مع الناس عثمان:كاين فرق ما بين انسان اجتماعي و انسان فضولي و متطفل على حياة الناس مسحي ديك النمرة دابا ميساء:اصلا كنت غنمسحها تا انا مدخلاتليش لخاطري من بعد ربع ساعة ديال الصمت بدلنا الموضوع والطريق كاملة وحنا مجمعين و سيفطت ميساج لغيثة علمتها بلي جايين و قاتلي نتلاقاو تماك توحشتها بزااغ ياي احسن حاجة فحياتي المأساوية هي ان غيثة طلعات ختي بصح ماشي مجرد امنية الحمد لله حقيقة وصلنا للدار معطلين كانت 8 د الليل وصلنا لقينا طموبيل عماد قدام العمارة كان تما هو و غيثة غير شفتها نزلت بزربة و حتى هي تعانقنا و الدراري كيضحكو علينا بقاو كيساينو تا كملنا عاد قلت السلام لعماد و طلعنا للدار واخا كنا عيانين بزااف ولكن كنت موحشة غيثة و جماعة معاها طلعت انا وياها للبيت نستفو الحوايج ونتجمعو غيثة:خاصكم صباح تمشيو تشوفو خالتي ديك النهار تقلقات فاش عرفاتكم سافرتو ميساء:اه عرفت عيطاتلنا فاش كنا قابطين الطريق اممم عرفات شي حاجة غيثة:لا كوني هانية تا واحد معرف شي حاجة واخا دوك المسمومات عياو يلوحو الهضرة ويبحتو شنو سبب التسافيرة ولكن مصورو مني لا حق ولا باطل ولكن والله تا كرهوني فعيشتي واخا انا الفوق بوحدي والله الا كيديرو معايا فعايل اللوسات السوسات لقيت المشكل مع بنات خالتو و ملقيتوش مع مو مسكينة والله تا ضريفة ديك المرا غير بنات ختها و ختها لي كيجلسو يهضرو وهي كتسمع تا كتبدا تغوت معرفت واش ختها و لا عدوتها لي كتبقا غير تفقس فيها عثمان(دخل علينا):كوني هانية ا غيثة هادوك غدا حسابي معاهم...
عثمان(دخل علينا):كوني هانية ا غيثة هادوك غدا حسابي معاهم ميساء:اففف ا عثمان واش باغي تجري عليهم عثمان:لا احبيبتي مغنجريش عليهم غير غنخليهم يفهمو راسهم بلي غير مرغوب فيهم عماد(تيعيط من لتحت):غيثااااا يالاه ميساء:باقي الحال جلسو تعشاو غيثة:مرا خرا الزين نتوما اصلا عيانين انا حيت توحشتك دكشي علاش جيت اما تال غدا ونشوفك فالمعهد ميساء:انا مبقيتش غنمشي للمعهد عثمان و غيثة:شنووو ميساء:كيف سمعتو ديك الشعبة اختاريتها حبا فماما ولا خالتي الله ارحمها ملي طلع كلشي كدوب حاسة بيه تا هو كدوب مبقيت باغا حتى حاجة من الماضي عثمان:ولكن ا ميساء هدا الحلم ديالك نتي مدرتيه على قبل حد متشوفيش الامور بسلبية ميساء:عثمان هضرت معاك قراري خديتو و عفاك متناقشنيش فيه(خليتهم و خرجت) عثمان:اففف مشكلة هادي اش غتجلس دير فالدار غتزيد غير تفكر وتمرض راسها غيثة:شنو غنديرو عثمان:والله ما عرفت ملمحاتش ليا على هاد الموضوع بمرة اه كاينة شي خبار على والديك غيثة:من ديك النهار مشفتهم ولا سولت فيهم ماما صوناتليا شحال من مرة ولكن مجاوبتهاش هوما عيشونا فكدبة كبيرة منقدرش نسامحهم بسهولة عثمان:غيثة متنسايش بلي هادوك والديك فوق كلشي الا غلطو مكيعنيش نتي غتحاسبيهم ميساء عندها عذر هي صعيب تقبلها لانها عاشت اليتم و والديها مزالين عايشين و تيتفرجو فيها هدشي كيجرح ولكن نتي خليك معاهم و كوني واسطة خير بينهم و بين ميساء ربما يحن قلبها و تسامحهم عماد(بالغوات):واااا غيثاااااااا غيثة:يخخخخ على مجحوم منين جاب هاد الصوت عثمان:هه سيري دابا من بعد و نكملو يالاه نهبطو غيثة:ان شاء الله ...هبطات غيثة و عثمان وانا جالسة مع عماد واخا حاول يجبد معايا شي موضوع كنجاوبو على قد السؤال حتى قفزني ملي غوت على غيثة عماد:هاد البنت واش هاكا ديما ميساء:كيفاش عماد:يعني واش جنية بالفطرة ولا عاد ولاو فيها هاد الفعايل ميساء:هه مزال مشفتي والو هادي غير البداية عماد:ايه اختي ميساء الله يطمن قلبك كيف طمنتيني غيثة:مالنا نتا منخافوش عماد:تخراج العينين 10 ل 0 واش غنباتو هنا راني خدام صباح الالة غيثة:اوا صافي ها حنا جينا عثمان:واش نتوما ديما هاكا عماد:هانتا تشوف غيثة(خنزرات فيه):تصبحو على خير(عنقاتني وباستني)حبيبة ديالي غدا نهضرو ان شاء الله ميساء:ان شاء الله بسلامة من بعد ما ودعنا عماد و غيثة ضرت باش نطلع للبيت تا جرني عثمان من يدي ولصقني معاه و يديه على خصري
عثمان:شي واحد مقلقليا حبيبتي وريه ليا نفرجك فيه ميساء:لا ممقلقاش عثمان:شوفي فيا ميساء(شفت فيه):هاه عثمان(قربليا وطبع قبلة):متقلقيش مني احبيبي واخا انا مبغيتكش تبقاي جالسة فالدار حيت معندها باش تنفعك ميساء:افففف عثمان عافاك عثمان(زاد زير عليا):واخا واخا ششت هوب(هزني) ميساء:اويلي اش كدير نزلتي عثمان:شششت هضرت معاك اليوم نفدي فيك هاد التسافيرة ميساء:اويلي اش تفدي راه كنتي معايا تا الخروج مخرجناش🙄 عثمان:سوقي هداك بغيت مراتي الالة.... غيثة★عماد غيثة:عماد سوق بشوية مالك طاير واش باغي تسيفطنا للقبر عماد:اوا الالة انا هاكا كنسوق عحبك الحال مرحبا معجبكش غيعجبك بزز منك غيثة:اوا وقفليا نشد طاكسي حسن ليا عماد:تجلسي لرض و لا نحسك لحسك الرجلين غيثة:مالك مالك هاكا عماد:كيفاش هاكا تاني غيثة:معرفتش وليتي تتجيني فشكل بحالا معقد خخخخخخخ عماد(حبس الطموبيل بجهد و ضار عندها):عاودي اش قلتي غيثة(بتكبر):والو تحرك نمشيو فحالنا عماد:معقد ياك دابا انا معقد غيثة:اه حي قاطعها عماد بقبلة عنيفة على شفايفها و ختمها بعضة فعنقها غيثة:ايييييي متوحش اهىء اهىء عماد(تيتقاد فبلاصتو):باش تحتارمي راجلك غيثة مجاوباتوش الطريق كاملة وهي منخلاه وهو كيهضر معاها وتيحاول يعصبها وهي حلفات لا جاوباتو تا وصلو للدار هبطات و هبطات الباب بجهد عماد:هرسيه الالة وقفات قدام الباب كتساينو تا جا باش يحل الباب دخلو سد الباب وهو يجرها وحصرها مع الحيط غيثة:عماد بعد مني عافاك عماد:ياك لاباس شفتك وليتي تقلقي مني و تخاصمي معايا غيثة:مشفتيش راسك اش درتي عماد:اش درت بست مرتي غيثة(وراتو عنقها):اه وهادي عماد(قربلها كتر):اممم انشوف(باسها فعنقها)تضرك غيثة(بتوتر):حيد حيد ماشي شغلك يالاه جا يقربلها وهو يسمع صوت وراه خديجة(خالتو):اش هاد قلة الحيا ما بقيتو تحتارمو حد راه عندكم خربتكم تكمشو فيها وديرو مبغيتو يخ على جيل عماد(شد غيثة من يدها وزاد لصقها معاه):مالنا كنسرقو راجل و مرتو نديرو مبغينا بنادم لي كيتحسس معرفنا راسنا واش فدارنا ولا حنا لي ضياف فهاد الدار(غيثة زيرات على يديه) خديجة:اهاااه هي انا ضيفة هنا عماد:شوفي نتي وراه ضيافة النبي 3 ايام فاطنة(جات تتجري):مالكم اش كاين لاش تتغاوتو عماد(بعصبية):سولي ختك تفو عيشة المرض جر عماد غيثة و طلع بيها الفوق و خديجة تتغدد وهي ضور عند ختها كالعادة تبرد فيها سمها خديجة:على اخر يامي وليت ضيفة فدار ختي كان يسحابلي دارك ساعة تا نتي مدايرينش ليك قيمة فهاد الدار لي ميحتارمو ختك بالحق محتارمو تا مهم بقات غير خالتهم دخلات خديجة وخلات فاطنة واقفة تتشوف معرفات مدير وهي تبعها..
وجي الملتحي (الجزء الثاني) | قصص رومانسية بالدرجة المغربية


¤اصبح الصبح و الملك لله¤ فاق عثمان صباح بكري على قبل خدمتو واخا نعسو معطلين ناض بزربة طفا التيلي و شاف فميساء لي تحركات بانزعاج من الصوت مشا رد الريدويات و دخل للدوش ...خرج من بعد دقائق لبس حويجو و مشا باس لميساء راسها و قادلها غطاها و هز ورقة كتبلها فيها"اميرتي صباح الخير انا مشيت للخدمة مغنتعطلش عليك اليوم باش متبقايش بوحدك رتاحي مع راسك واخا كنبغيك"....حطلها الورقة حدا راسها و خرج متوجه نيشان لدارهم مع وقف بانلو عماد و غيثة واقفين حدا الطموبيل و باينة فيهم مناكرين كالعادة عماد:غيثة متحمقينيش ورجعي لدارك غيثة:وا لا بغيت نمشي للمعهد نقرا عماد: اش باغا نهرس ليك رااسك و لا شنو ياك بزز رجعتك ليه و دابا فاش قتليك جلسي باغا تمشي ضد و صافي ولا شنو غيثة:اه اسيدي ضد بغيت نمشي نتلف الوقت عماد:انا لي غنتلفك بانليا عثمان(وقف عليهم):مالنا على الصداع واش خارجين تال الزنقة باش تناكرو عماد:اخويا غتحمقني مبقيت فاهم فيها والو غيثة:خويا عثمان انا بغيت نمشي للمعهد نقرا واش فيها شي مشكل عثمان:ياك مكنتيش باغا اصلا تمشي ليه و غير على قبل ميساء قبلتي و هايا دابا ميساء جلسات غيثة(حكات راسها بغباء):اه بصح عماد(خنزر فيها):نتي غتحمقي ديلمي مافيهاش دخلي تنعسي غيثة:متغوتش عثمان:صافي هنيونا عماد شكون لداخل فايقين عماد:راك عارف التريكة راهم فايقين مع النبوري و مفيقين الواليدة معاهم من صباح وهي فالكوزينة توجدليهم الفطور تقول غير خدامين عثمان:تبعني عماد:فين مشا عثمان بلا ميجاوبو دخل للدارو عماد جر غيثة من يديها لي واقفة كتشوف فيهم بحال الهبيلة...دخلو للدار لقاو خالتهم و بناتها جالسين عاطيينها للضحك و الهضرة غير شافوه هوما يسقلو خديجة:اوا نهار كبير هدا ا ولد ختي حلمتي بينا شفتك مصبح علينا مموالفاش ليك عثمان(طلعها وهبطها وضحك ضحكة استهزاء)؛ه امكن هادي دارنا نجي ليها تا مع 4د صباح مكيهمكش نتي غير ضيفة هنا نتي و رباعتك فاطنة(خرجات من الكوزينة):عثمان مرحبا بيك اولدي عثمان(باسليها راسها):الله يبارك فيك الواليدة جيت نفطر معاك زعما ساعة بانتليا الدار مزال فيها الزحام خديجة(وقفات ويديها على جنابها):كيفاش مزال فيها الزحام ياكما كتمعني علينا عماد:ممحتاجاش شرح فاطنة:عماااد عثمان:عندو الصح الواليدة راه المعنى باين واخا الالة الا مفهمتيش نفهمك را جلستك هنا طولات بزااف وانا ايلا بغيت نجي نشوف والديا كندير بالناقص على ودك نتي و بناتك ضيافة النبي 3 ايام و نتوما راكم قربتو تكملو العام فهاد الخربة معندكم دار فاطنة:عثمااان اويلي حشم عثمان:مكاين بوحشم الواليدة ايلا بغيتيني نحشم مغتبقايش تشوفي كمارتي فهاد الدار عماد:زيدني عليك تا انا كيبانليا غنخرج نقلب على فين نسكن مبقيتش مرتاح هنا خديجة:هاكيلي هاكيلي شفتي ولادك ا فاطنة ردو خيتك جفاف ونتي ساكتة فاطنة:غير سمخيليهم اختي غير معصبين(شافت فعثمان)اولدي الله اهديك واش باغيين تفقسوني عثمان:لي عندي قلتو و بنادم يفهم راسو شوية واه العرس هادي شعرين باش درناه معندكم خدمة معندكم دار ترجعوليها...
نسرين(وقفات تتغوت):اوا هانتي ا مي ولاو يجريو علينا هادو هوما لي باغا تخلي بنتك عندهم والله تا يلوحوهاليك فالزناقي فاطنة:لاواه ابنيتي لاواه نورهان راها بحال بنتي خديجة:لا لا باينة نيت غير ملي جريتو علينا عثمان:عماد انا غادي الا غتمشي يالاه(خرج) عماد:انا جاي(دار عند غيثة لقاها هازا صباعها وتتحسب)اش كديري غيثة:دابا حنا شهرين باش تزوجنا حاسة براسي مدوزة معاك 30 عام عماد(جرها للدروج):ياكما مليتي مني غيثة(بدلع):لا الحب غير قتليك عماد(جرها عندو و باسها):واخا الهبيلة ديالي انا غنمشي دابا خليك مع مي ملي يمشيو واخا ويلا بقات نورهان تجاهليها و متعبريهاش غيثة:كون هاني بلا متوصيني عماد:الله يا ودي عارف لي كاين غيثة:ههه باي باي عماد:هه بسلامة خرج عماد و غيثة بقات حاضياه وهي ترجع دخلات عندهم لقاتهم كيجمعو حويجهم و فاطنة كترغب ختها باش مديرش عقلها فيهم خديجة:لالا و تقولي واش نزيد دقيقة هنا من بعد هاد التبهديلة واه راني بداري ماشي شايطة غيثة(تتبركم):باينة ونتي شوية تاخدي شهادة السكنى خديجة(شافت فيها مخنزرة واخا مسمعاتش اش قالت):ولادك ولاو يجريو علينا تزوجو وهوما يتقلبو فاطنة:الله اهديك اختي نتوما من نهار عقلت عليكم ونتوما هاكا خديجة(حطات حويجها حدا الباب و وقفات):شوفي ا فاطنة حاجة وحدة لي نطلبها منك بنتي نورهان تبقى عندك شي يامات غير بينما لقيت ليها فين تسكن القراية بدات و مبغيتش نضيعها فاطنة:واش غتوصيني عليها راها بنتي تا هي خديجة:نسرييييين تحركي جيبي براهشك و زيدي قدامي تسرين:هانااا ا مي زيدي زيدي يالاه راه الطاكسي على برا خديجة:زيدي نجيبو خالتك تا هي عاونيني باش نشدوها فاطنة:كون غير خليتيها شوفي فيها راه عيانة خديجة:لا لا ندي ختي معايا واخا هي كي الامانة جالسة ومكدير والو ولادك غيحسسوها بلي جالسة على قلبهم نسرين:وزيدي ا مي الشيفور ديال الطاكسي فضحنا بالكلاكسون خديجة(بالغوات):وا هااااحناااا جاييين غنطيرو نوهان خرجي الصيكان نورهان:واخا ا مي خرجو خديجة و بناتها كيتنفخو و فاطنة حاضياهم و حاسة براسها جات فالنص ما حيلتها لولادها لي نسبيا عندهم الحق عارفة ختها قاسحة و كلامها مسموم و من جهة مبغاتش تخسر علاقتها معاها حيت كتبقى ختها الكبيرة....بقات كتشوف فيهم بأسى حتى ركبو و زادو بلا حتى ميسلمو عليها اما نورهان ضربات فيها و دخلات للدار كتعوج و غيثة حاضياها تا دخلات للبيت فين كانت كتنعس هي و ختها عاد خرجات غيثة عند حماتها غيثة:خالتي دخلي دخلي فاطنة:شفتي على حالة ابنتي ختي مقلقة عليا راه غير هي لي بقاتليا من بعد المرحوم و المرحومة غيثة(كتشوف فيها بأسى):دابا غير معصبة وهي ختك راه متفرطش فيك شي يامات تبرد و غيصفى خاطرها فاطنة:ضرني راسي الله يا ربي غيثة؛عرفتي ا خالتي نتي سيري تنعسي اصلا راه باقي الحال عمي من الفجر خرج لمحالو ونتي سيري نعسي ترتاحي فاطنة:دكشي لي غندير نيت الله ارضي عليك مشات فاطنة لبيتها و غيثة دخلات للكوزينة لقات الخليب فايض فوق البوطة و الدنيا حالتها جمعات ديك الروينة و قادات كل حاجة بلاصتها عاد طلعات لدارها شافت الساعة لقاتها 8 لاروب وهي تحط التيليفون و تخشات ففراشها
معرفتش شحال د الوقت وانا ناعسة كون ما تليفوني صونا منضنش واش نفيق حليت عيني بالسيف هزيتو بانتلي غيثة تتعيط جاوبتها ميساء(بصوت غالب عليه النعاس):الو غيثة(بالغوات):ا فيقي الالة راه 12 هادي ويلي شفتك خمرتي تم من الصباح وانا نساينك تفتحي الواتساب ميساء:علاش بالسلامة موحشاني غيثة:اضافة لموحشاك عندي ليك خبيرات ههه دوك السامات مشاو فحالهم ميساء:بصح كيف طرا و جرا غيثة؛اوا الفضل يرجع لعثمان ميساء(ناضت جلسات):اوااه واش هو لي جرا عليهم غيثة:و جرية عالمية عطاهالهم فوجهم واخا بقات فيا خالتي فاطنة مسكينة جات فالنص ميساء:مسكينة عاوديلي بالتفاصيل اش طرا ...بقيت مع غيثة هي كتعاودليا و عاجبها الحال تفكات منهم بحكم المعاني لي كانو كيلوحو ليها فالطالعة و النازلة واخا بقات نورهان نتمنى ميوقع والو و متواجهش هي و غيثة شي نهار غيثة حافضاها كتر من راسي تحتارم لي كبر منها واه ولكن لي قدها و آداها متراجعش ولو دقيقة انها تاخد حقها بيدها...من بعد ما كملت معاها نضت دخلت للدوش دوشت و خرجت نشفت شعري لبست بيجامة قصيرة شوية فوق الركبة كان الحال سخون ومشيت فطرت بشوية عليا تا كملت ونضت كندور بالدار من هنا لهنا تا سمعت تيليفوني كيصوني تاني كيسحابلي واش غيثة جاوبت بلا منعرف شكون ميساء:اش كاين تاني الشخص:الو ميساء؟! ميساء(باستغراب):الوو وي شكون معايا الشخص:اممم هي مسجلتيش نمرتي ماشي مشكل الالة هه انا نهيلة تلاقينا فإفران ميساء(بتعجب):اه نهيلة سمحيلي معرفتكش لاباس عليك نهيلة:الحمد لله ونتي ميساء:مزيان الحمد لله نهيلة:و كيف داير عثمان ميساء(معجبنيش الحال علاش تسول عليه😡):مزيان نهيلة:اممم رجعت هادي 4 ايام وقلت نعيط ليك نتلاقاو ونخرجو ميساء:امم معرفتش والله هاد الساعة معندي كيف ندير مشغولة شوية نهيلة:واخا الا بغيتي ممكن تعطيني عنوانك انا نجي عندك نشوفك ميساء(اففف اش هاد اللصقة):واخا نسيفطوليك فميساج نهيلة:اوكي حبيبتي ف الانتظار ميساء:بسلامة قطعت معاها وانا معصبة لاقصى درجة اففف اش هاد الحال شوية تقولي نجي نسكن معاك مفهمتش كيفاش بنادم كيفرض راسو شديت التيليفون حطيتو بالزعاف فوق الطبلة وانا حاسة بالصهدة معرفتهاش لاباش بغات توصل و آخر حاجة نديرها ندخلها لداري خليها تسنى العنوان بقيت كندور فالدار و كنحاول نبرد راسي تا سمعت الباب كيتحل مشيت بالخف لقيت عثمان داخل وهاز بلاستيكات فيديه مشيت كنجري عندو تعلقت فيه وزدت تقلتو تا لاح دكشي لي فيديه هه عثمان(معنقني):كون عرفتك غتوحشيني تال هاد الدرجة كون غبرت عليك شحال هادي ميساء(ضربتو على كتفو):باغي تفك مني عثمان:كاين شي واحد كيتفك من روحو .
عثمان:كاين شي واحد كيتفك من روحو ميساء:اه نتا عثمان:امكن بغيتيني نعاقبك بطريقتي على هاد الهضرة ميساء:ههه لالا بلاش عثمان(طالع للبيت و باقي هازني):نبدل حويجي ونخرجو نتغداو برا ولا نطلبوه للدار اش بانليك ميساء:لا مافيا لي يخرج نبقاو غير فالدار عثمان:علاش مالكي ميساء:والو غير مراشقاليش على الخروج و صافي عثمان(بتشكيك):شوفي فيا شي حاجة تما دوي نسمع ميساء:اففففف عيطاتليا نهيلة دابا شوية عثمان:شكون هادي!! ميساء:ديك لي تلاقيناها فإفران واش معقلتيش عليها عثمان(غوبش):و شنو بغات لاش عيطاتليك ميساء:بغات تشوفني وفاش قتلها مشغولة قاتلي نسيفطلها العنوان عثمان:كملي ميساء:والو قتلها اوكي و مسيفطت والو عثمان:بفففف بنادم باغي يلصق صحة ميساء:ماشي من عادتي نكره بنادم بلا والو ولكن هاد السيدة مدخلاتليش لخاطري مفهمتش علاش عثمان:شوفي فالعشية نخرجو وبدلي ديك النمرة ميساء:دكشي فاش فكرت هاكا غنتهنى منها بمرة عثمان:من الاحسن دكشي علاش قتليك مضسريهاش عليك لانها باينة من النوع المتطفل ميساء:ندمت حيت ديت و جبت معاها فالهضرة اففف عثمان:صافي احبيبتي نساي انا غندخل ندوش و نخرجو نتغداو برا ميساء:واا مافيا لي يخرج عثمان:دويت معاك الموضوع ميستاهلش اصلا تعصبي على قبلو من حقنا نعيشو مرتاحين و نختارو الناس لي ندخلوهم لحياتنا يعني ميبقاش فيك الحال حيت خديتي منها هاد الموقف و غالبا احساس الانسان كيكون بحال المنبه يعني ميمكنش نتجاهلو هدشي ميساء:واخا صافي انا نوجد راسي بينما ساليتي عثمان(باسني):مغنتعطلش.
خرجت انا و عثمان دوزنا النهار برا تغدينا و فوجنا و ضحكنا و من بعد داني بدليا النمرة عاد دابا حسيت براسي رتاحيت...وصل الليل و حنا باقيين كندورو تاعيط عماد و قالنا باش نمشيو عندهم ودكشي لي درنا مشينا للدرا لقينا خالتي فاطنة و عمي عيسى و غيثة و عماد اما نورهان كانت مزال مجات جلست حدا غيثة و سولتها عليها غيثة:ملي خرجات صباح ما رجعات يعلم الله فين مشات خالتي من صباح وهي مخلوعة عليها ميساء:بفف لي معندو هم تولدولو حمارتو اش هاد الحالة غيثة:هانتي كتشوفي مفهمتش هاد البنت كدير شي تصرفات يا لطيف صباح لقيتها كتهضر مع شي واحد فالتيلي غير شافاني وهي تسيف عليا كون محشمت من خالتي والله تا نخلي دار بوها هنا ولكن حشمت ميساء:غير عطيها التيقار ا غيثة تفاداي المشاكل على وجه عمي و خالتي مديري والو معاها نخليها غيثة:راك عارفاني و راه معجزة انني حبست راسي اليوم ميساء:مزيان خليك هكاك عماد:اش كتوشوشو تماك عثمان:هادي عادتهم ديما من نهار العرس عمي عيسى:ههه اوا هادو هوما النسا كلهم هاكا غيثة:شفتي ولد ا عمي بغا يقطع فينا الحس عماد:مزال مقطعتو فيك غير بلاتي عارفاني امتى كنقطعوليك😉 غيثة:الصمت ميساء(ميتة عليها بالضحك):هههه انا عرفت امتى كيقطعو فيك غيثة:سكتي يسكتليك الحس ميساء:هههه صافي تقاداوليك وينو وينو الحنيكات حمارو غيثة(وقفات):غنمشي نعاون خالتي عماد:سيري سيري ميساء:انجي معاك هه تبعتها وانا كنضحك عليها دخلنا للكوزينة لقينا خالتي فاطنة جالسة و شادة التيليفون تتعيط لشي واحد و باينة فيها معصبة ميساء:خالتي ياك لاباس فاطنة:بنت الحرام غتركب فيا السكر غيثة:واش نورهان فاطنة:و شكون من غيرها 9 د الليل هادي باقا مدخلات للدار واش باقا شي قراية دابا ميساء:واش مكتجاوبكش فاطنة:والو ابنتي ميساء اش بانلك تمشي بلا ميحسو بيك تال لافاك فين تتقرا شوفيها واش كاينة الله ارضي عليك ميساء:دابا ؟😯 غيثة:اويلي ا خالتي واش باغاها تخرج فهاد الليل بوحدها و بلا خبار راجلها نقولوهالهم هوما بعدا رجال يخرجو يقلبو عليها فاطنة:لا لا الا عرف عثمان غيدير ليا شي مشكل تاني راك شفتي اش طرا صباح ميساء بنيتي سيري ديري ليا خاطري راها امانة عندي عثمان(دخل علينا):فين غتمشي فهاد الليل😡
عثمان(دخل علينا):فين غتمشي فهاد الليل😡 فاطنة(بتوتر):والو والو اولدي عثمان(كيشوف فيا):ميساء سولتك جاوبي ميساء(مقدرت نقول والو منقدرش نكدب عليه حنيت راسي للارض و بقيت ساكتة):الصمت عثمان(بالغوات):هضرييييي خلااااص فاطنة:صافي صافي اوليدي راه غير عماد(جا كيجري):مالكم اش كاين عثمان:غير اش فاطنة:راه غير بنت خالتك نورهان ملي خرجات صباح مزال مرجعات عثمان:اييه و بغيتي تسيفطي ميساء فنصاصات الليل تخرج تقلب على بنت ختك لي دايعة عماد:كيفاش الواليدة واش بصح فاطنة:وا ولدي قلت تمشي دغيا و ترجع عثمان:واش باغا تحمقيني ولا كيفاشو بنات الاصل راه دخلو لديورهم هاد بنت ختك راها مولفة بالديعان دكشي لاش جات تجلس هنا ونتي شديتيها ونتي غتجيبيها فراسك الواليدة راه مسؤولية كبيرة الا طرات شي حاجة ديك ختك غتجي تلومنا حنا ماشي بنتها كيفاش تتفكري بغيت غير نفهم فاطنة(بدات تتبكي):اهىء اهىء وا هدشي لي عطا الله اولدي عثمان(عنقها):افففف الواليدة تتجيبي غير الصداع لراسك واش نتي والداها و ناسياها انا غنخرج انا و عماد نقلبو عليها عماد:المرض بقاتليا غير هي تمو عماد و عثمان خارجين من الكوزينة وهي دخل لالة نورهان تتعوج نورهان(بميوعة):سلاام فاطنة:فين كنتي ابنتي خلعتيني عليك نورهان:غير لافاك ا خالتي راك عارفة(خلاتنا و تمات غادة) عثمان:سمعي الالة نورهان(وقفات و دارت عندنا):معايا عثمان(طلع فيها هبط):وشكون من غير ما حدك فهاد الدار نبغيك تحتارمي الناس لي ساكنين فيها داك الدخول و الخروج و تجي تال نصاصات الليل معندنا منديرو بيه و لافاك راه عارفينها ماشي عاد غتجي نتي و تبداي تبوهلي عليا تم ويلا تكرر هدشي غنسيفطك لداركم عند مك دخلي و خرجي و باتي نتي برا كاع ميتسوق ليك حد ماشي تجي ديري هنا لي بغيتي و تخلي لي يسوى و لي ميسواش ينعت فينا مفاهمين نورهان(كتشوف فيه بحقد):سمعتي ولد اخالتي عثمان:جاوبيني انا لي كنهضر معاك ماشي هي خبطات رجليها مع الارض و مشات تتجري دخلات للبيت وسداتو بجهد عثمان:هرسيييييه راه دار باك هااادي عمي عيسى:آش طاري مشيت نصلي العشا و سمعت الصداع مالكم(شاف فمرتو)مالكي نتي كتغبني فاطنة:والو غنمشي نشوف العشا عثمان:بصحتكم انا تسدات ليا الشهية ميساء يالاه نمشيو عماد:خليك ا صاحبي عثمان:غير خليني عليك ميساء يالاه ميساء:واخا خرجت انا و عثمان من بعد ما ودعتهم و خليت غيثة كتعطي التقرير لعمي ديك البنت مكتقشرش متقدرش تسكت.....
الطريق كاملة و عثمان ساكت ولكن صوت نفسو لي كطلع و تهبط اكبر دليل على الغضب لي ف الداخل ديالو بغيت نهضر و مزعمتش اصلا شنو غنقولو من حقو انه يتعصب الا وقعاتلها شي حاجة هوما لي غيتحملو المسؤولية ماشي هي ولا مها لي اكيد غتقولهم انا خليتهالكم امانة و نتوما محافضتوش عليها...معرفتش هاد البنت كيفاش تتفكر ولا شنو عندها فداك الراس واش باقا شي قراية فهاد للليل مخافتش على راسها شنو ممكن يوقع ليها لا قدر الله بففف الله يهديها و صافي وانا وسط شرودي فيقني صوت عثمان لي قفزني عثمان:كون مدخلتش عندكم كنتي غتمشي تخرجي فهاد الليل بوحدك ياك ميساء(بتوتر):لا دابا انا قتليها لخالتي باش نقولوهالكم ولكن هي خافت من الصداع و عثمان(قاطعني):و قررتي انك تخرجي و ديري بكلامها ياك ميساء:عثمان لاش كتغوت عليا دابا انا تحطيت فموقف محرج مع مك مقدرتش نرفض وانا كنشوف فيها كتبكي و فنفس الوقت مقدرتش ندير شي حاجة ورا ضهرك و دابا مشفتينيش خرجت للزنقة باش تبدا تحاسبني و تغوت على حاجة موقعاتش من الاساس عثمان:شوفي ميساء:شوف نتا الا باغي تفش فيا عصبيتك راك غالط لي فيا يكفيني عندي هم متقلتي بلا متزيدني حاجة مكايناش عافاك(صوتي تخنق و شداتني البكية)الله ارحم ليك الوالدين سكت ودورت وجهي جيهة السرجم حسيت بشوفاتو ليا تا كيبغي يهضر و كيسكت خصوصا انني قلبت وجهي عليه عارفاه معصب و مقلق ولكن انا ما دنبي والو و مدرت والو باش نتحاسب الطريق كملناها بالسكات المميت كل واحد فينا قاطع نفسو و مقلق من لاخر تا وصلنا للدار غير حبس وانا نزل بزربة خبطت الباب وهو حاضيني سد الطموبيل دغيا و تبعني وصلت للاسانسور بقيت كنساين تا جا هو وطلعنا للدار كي تحل باب الاسانسور وجا وجهي فوجه آخر شخص متوقعاه يكون هنا
حسيت براسي مرفوعة ممستعدة لحتى شي مواجهة و خصوصا فهاد الوقت مزال مستوعبت باش نواجه...شفت فعثمان لي كيشوف فيا و فبابا او عمي او راجل خالتي معرفتش ضخت ورجعوليا الاحاسيس المتراكمة الكره،الحقد،الشوق،العتاب،،كلشيتجمع معرفتش مندير واش نعاتبو و نلومو ولا نترمى فحضنو ونسا لي فات...هدشي كلو كان كيسيطر عليا و خلاني نبقا واقفة جامدة ومركزة الشوفة فيه وهو كذلك كيشوف فيا واحد النظرة معرفتها واش شفقة ولا ندم مقدرتش نفرزها معرفت مندير و مكانت عندي الشجاعة لحتى شي فعل الصمت كان سيد الموقف حتى كسرو عثمان عثمان:احمم اهلا عمي عبد الرحمان مرحبا بيك عبد الرحمان(كيشوف فيا):الله ابارك فيك اولدي عثمان:واش عاد جيتي دابا عبد الرحمان:لا اولدي جيت قبيلة وكنت كنساينكم عثمان:بصح تعطلنا عليك و بقيتي هنا(كيحل الباب)دخل دخل من الباب ترتاح مرحبا بيك تفضل عبد الرحمان(غادي داخل):يزيد فضلك اولدي عثمان(واقف حدا الباب و كيشوف فيا):ميساء دخلي ميساء(بغباء):ها عثمان(جا لعندي و قبطلي يدي):ميساء حبيبتي انا معاك دخلي ميساء(بديت تنبكي):ممستاعداش ا عثمان اهىء اهىء عثمان(عنقني):شششت و عمرك غتكوني مستعدة الا مواجهتيش شحال قدك تهربي هاد المشكل خاصو يتحل طال الزمان ولا قصار غيخصك تاخدي قرار يا تسامحيهم يا تعيشي محرومة منهم طول حياتك دابا دخلي وجلسي و هو غيهضر ونتي سمعيه و حكمي عقلك و الحاجة لي منبغيكش تنسايها انه كيبقى الاب ديالك قدام الله يعني حاولي ما امكن ضبطي راسك و عصبيتك و تعرفي شنو كتخرجي على فمك تافقنا ميساء(درتلو اشارة براسي):تافقنا جرني عثمان من يدي سد الباب و دخلنا للصالون كان جالسو التوتر باين عليه من خلال طريقة احتكاك يديه لي ولاو حمرين و وجهو فالارض..جلسنا قبالتو عثمان:واش تبغي تشرب شي حاجة عبد الرحمان:اه اولدي شي كاس دالما الله ارضي عليك عثمان:هي لولا مشا كيطير جابليه الما وهو شاف فيا وحدر عينيه تاني تا جا عثمان عطاه يشرب نزل على داك الكاس كامل وانا كنشوف فيه خسيت بقلبي ضرني كنت ديما كنشوفو قاسح وقوي اول مرة نشوفو بحال هاكا متوتر و ضعيف عاد ان صحتو كتبان بلي مريض ضعاف بزاف على آخر مرة شفتو فيها...هز عينو و شاف فيا مباشرة عبد الرحمان:بنتي ميساء انا جيت اليوم عندك نطلب منك السماحة عارف انني انا و مك غلطنا فحقك بزااف ولكن ندمنا ابنتي و كنعتارفو و الخطأ كلو كان ديالي خديت قرار غالط باش واحد الانسان يعيش مرتاح و فرحان و نسيت العواقب وزدت غلطت انني ما اعتارفتش ليك فالوقت لي كنتي محتاجة لينا فيه ولكن كنت خايفك تكرهينا وتبغي تمشي و منشوفكش قلت عادي الا سكت المهم انك فداري و تحت حمايتي وكتبقاي بنتي عارفة ولا معارفاش مكاين فرق ميساء(بعينين دامعين):هه مكاين فرق!!!متأكد؟؟.
ميساء(بعينين دامعين):هه مكاين تا فرق!!!متأكد؟؟ عثمان(بصوت هامس):ميساء ميساء(شفت فيه):لا لا خليني نقولو الفرق(ضرت عندو)عرفتي الفرق شناهوا الفرق انني عايشة مع والديا و كنبكي على ناس اغراب،الفرق ان والديا عايشين وانا حاسة باليتم كيقتلني،الفرق انني كنشوف غيثة كتقول كلمة ماما و بابا وانا كنتمنى كون نرجع نقولها و نحس بيها اهىء اهىء،الفرق هو انني نشوف بنات عايشين وسط والديهم و نتحسر على راسي ونقول كون غير بقاولي وهوما قدام عيني و ناكريني اهىء اهىء شفتي شحال ديال الفرق كاين بين انك نتا مرتاح انني تحت جناحك و انا 3 سنين ديال الحسرة و الحزن على كدبة عشت فيها من نهار شفت الدنيا اهىء كيفاش قدرتو ديرو فيا هاكا كيفاش بغيت غير نفهم و نستوعب داك القلب لي عندكم واش حجر اهىء اهىء ولا يمكن انا لي منحوسة و حياتي زايدة ناقصة عندكم ياك عثمان(عنقني جنب):ميساء تهدني عبد الرحمان(تيبكي):سمحيلينا ابنتي سمحيلينا اهىء(ناض بزربة وطاح عند رجلي)نبوسليك رجليك ابنتي عثمان(حدر عندو بزربة و وقفو):ا عمي الله اهديك وقف ميساء هو ندم و اعتارف بالخطأ و طلب منك السماح فكري فراسك و فيه متزيديش ضيعي الوقت وتعيشي بعيدة عليهم بني عائلتك من جديد بقيت واقفة كنشوف فيهم بجوج ضخت معرفت مندير قلبي تيقولي سامحيه و عقلي تيقولي هو تخلى عليك تفكرت خوفو اللامباشر عليا فاش كنت كنمرض او كنتعطل على برا تفكرت معاملتو لي كانت تماما كمعاملتو لغيثة تفكرت بزاف د الحوايج و قلبي بدا كيغلب على عقلي قربتليه بخطوات تقيلة تا وقفت قبالتو وهو تيشوف فيا بنوع من الترجي بدون سابق انذار رميت راسي فحضنو و طلقت العنان لدموعي كأنني بنت صغيرة تالفة على والديها كنبكي بصوت مسموع كنحاول نخرج فيه كاع الالم و الحزن لي كان فقلبي كنحاول نفش قلبي ونخويه من اي احساس بالحقد او العتاب نخلي فيه غير العطف و الرحمة لقلبي و لوالديا عييت و جا الوقت لي نرتاح فيه عثمان عندو الحق مخصنيش نضيع الوقت من هاد اللحظة غنبدا حياة جديدة حياة فيها اب و ام و اخت و زوج الحمد لله هادي نعمة و اكيد مغنحرمش راسي منها عبد الرحمان(معنقني وكيبكي):الله ارضي عليك ابنتي و يفرحك الله ارضي عليك عثمان:الله اكملك بعقلك كنت عارف قلبك بيض و غتسامحيهم ميساء(بعدت على بابا وانا كنشوف فيه):علاش مجاتش معاك عبد الرحمان:ماماك؟ كان لهاد الكلمة وقع كبير على ودني من 3 سنين مسمعتهاش موجهة ليا و منطقتهاش تخنق صوتي كتر وانا كنقولو "اه" عبد الرحمان:مريضة و باغاك نتي و ختك من نهار مشيتو وهي طايحة فالفراش ميساء(كنمسح دموعي و الخوف دخلني تاني):كيفاش اش وقعليها عبد الرحمان:غير تهدني ابنتي ماماك خاصها غير نتوما و غتولي بيخير ميساء:اه يالاه نمشيو عندها عثمان:اه ضروري و غنعيط لعماد يجيب غيثة و يلحقنا خرجنا من الدار و عثمان عيط لعماد و تافقو باش نتلاقاو تما الطريق كلها وانا كنبكي ولا عندي خوف انني نخسرها منقدرش نتحمل هاد الفكرة ممكن نموت وندير شي حاجة فراسي...الطريق كلها وانا كندعي فخاطري حتى حسيت بالطريق طوالت..
من بعد مدة لي جاتني طويلة بزااف كنا قدام دارنا حسيت بشعور غريب مدة ما جيت لهنا تفكرت آخر مرة خرجت من هاد الدار وانا حالتي مصدومة من خبر والديا لي مزالين على قيد الحياة وانا عايشة اليتم...نزلات دمعة على خدي مسحتها بسرعة قبل ما نزل عند بابا و عثمان لي كانو كيساينوني..مع هبطت وقف عماد و غيثة لي نزلات من الطموبيل و جات عندي عنقاتني وهي تتبكي غيثة(بصوت مخنوق):اهئ ماما ا ميساء ميساء(عنقتها بجهد):ششت غتكون مزيانة مسحي دموعك عافاك غيثة(بعدات عليا وتتمسح دموعها):واخا بابا:ندخلو عثمان(جا عندي و قبطني من يدي):اه ياللاه ...حل بابا الباب و دخلت انا و عثمان لي كان مزير على يدب و مورانا غيثة و عماد كان الهدوء فالدار و تقريبا كاع الضواو طافيين الا الضو ديال الكولوار لي حنا فيه شفت فغيثة لي فهماتني تا هي حيت مولفناش ضواو الدار هاكا طافيين بقينا كنشوفو فبعضياتنا حتى قاطعنا بابا:مماكم الفوق فبيتها قليل فاش تتخرج منو طلعو عندها غتفرح بزاف فاش غتشوفكم ...عثمان:طلعو نتوما عندها و هضرو معاها بعدا من بعد نشوفها انا و عماد ..ميساء:واخا ..بابا(شعل الضو فالصالة):تفضلو اولادي جلسو ..مشا عماد و عثمان جلسو فالصالة مع بابا و توجهت انا و غيثة لبيت ماما يااه هاد الكلمة شحال توحشتها من غير انها كلمة الا انني فاش تتقولها تنحس باحساس زويين بزاف الحنان و الطمأنينة توحشت حضنها بزاف اه كانت حنينة عليا و عمرها فرقات فمعاملتها بيني و بين غيثة ولكن حرماتني من هاد الكلمة..خرجت تنهيدة من اعماق اعماق قلبي وانا كنحاول نفض هاد الافكار ونتناساهم اكيد غنحاول نفتح صفحة جديدة من هاد اللحظة..التفت لغيثة لي كانت واقفة كتشوف فيا ..غيثة:مستاعدة ندخلو ؟ ..درتلها اشارة بالموافقة و رسمت ابتسامة على شفايفي وفتحت الباب وجات عيني فعينها المترقبة كأنها كانت عارفانا جايين...اعتادلات فجلستها وهي تتشوف فينا و ابتسامة كبيرة على وجها الشاحب لي كان صفر فعلا كان باين عليها التعب..طول السنين لي عشت معاها عمري شفت وجها فهاد الحالة للاسف دابا انا السباب قسيت عليها بزاف و حتى غيثة خليناها بجوج و بعدنا عليها.
بقيت كنشوف فيها بينما غيثة تلاحت عليها كتبوسها و تعنقها و هي كذللك و لكن عينيها عليا ..غيثة(حاطة يديها على وجها):ماما مال وجهك صفر اهئ اهئ واش مريضة بزاف باش تتحسي يالاه نمشيو عند الطبيب ا ماما عفاك ..ماما:بنتي تهدني انا ممريضاش غير عيانة شوية و صافي كانت ناقصاني شوفتكم(شافت فيا)تا حاجة مترجعني كيف كنت من غيركم بنتي مغتجيش تسلمي عليا ..تقدمت جيهتهم بخطوات ثقيلة و عيني مركزين على عينيها المدمعين كيف وصلت حداها تلاحيت عليها و عنقتها بكل قوتي ودموعي لقاو طريقهم من جديد حسيت براسي ماسكة كنز بين يدي اه هي كنز و كنز ثمين بزاف ما يحس باهميتو غير لي مفتاقدو صحيح كنت مقلقة عليها حيت حرماتني منها و هي قدام عيني ولكن دابا مستحيل نخليها من بعد ما لقيتها و من بعد ما الله سبحانه عطاني فرصة انني تكون عندي ام للمرة الثانية نتخشى فحضنها و نتحمى تحت جناحها و نتمتع بحنانها...اخيراغنتخلص من احساس اليتم و الاحساس لي كان كيتملكني كلما شفت بنت مع والديها منمشيش بعيد انا كنت كنحسد غيثة عليهم كنت ليالي كنبكي وانا كنشوفها كتردد كلمة ماما و بابا وانا توحشت نطق هاد الاسمين ولكن الحمد لله كنحمد ربي بزاااااااف لي عطاني فرصة خرا ...تمخششت فيها وهي تتمرر يديها على شعري بكل حنان وتتردد كلمة"توحشتكم" ...ميساء:تا انا توحشتك ا ماما اهئ اهئ توحشتك بزااف ..ماما:بنتي سمحيليا اهئ ماشي لخاطري ابنتي اهئ اهئ ..ميساء(هزيت راسي بسرعة وانا كنمسح دموعها):ششت ا ماما متبكيش عافاك انا مسامحاك و حتى نتي اهئ حتى نتي سمحيلي ا ماما سمحيلينا بجوج(شفت فغيثة لي كانت تتبكي و تشهق)حنا كنا انانيات و خليناك اهئ اهئ شوفي وجهك كيف ولا نتي مكنتيش هاكا ضعافيتي بزاف ا ماما يالاه نمشيو للطبيب ..بابا(دخل علينا):عييت معاها ابنتي مبغاتش راسها قاسح ولكن دابا غتولي مزيان ملي رجعتو غتحسن صحتها وترجع تاكل راه من نهار مشيتو مبقات كتاكل و لا تشرب ..ميساء(بستلها راسها):انا نمشي نوجدليك ما تاكلي ا ماما ..ماما:لا لا نتوما عاد جيتو انا نوجدلكم ..غيثة:نتي رتاحي ا ماما حنا نوجدو العشا و نتعشاو مجموعين راه عماد و عثمان تا هوما كاينين بابا(عنقنا كاملين):الله ارضي عليكم و اخيرا تجمعنا ..ميساء:احنا انمشيو ا بابا و نتا و ماما هبطو جلسو معاهم بينما وجد العشا ..ماما:واخا ابنتي الله ارضي عليكم..
هبطت انا و غيثة كنوجدو العشا من بعد ما هبطنا ماما لتحت فرحات بنا بزااف سلمات على عماد و عثمان لي حاولو معاها حتى هوما باش تمشي تشوف الطبيب ولكن راسها قاسح مبغاتش..خليناهم جالسين و دخلنا للكوزينة واخا مكنعرفو والو فالطياب ولكن حاولنا اننا نديرو لي فجهدنا واخا غيثة عصباتني ملي بدينا وهي دور بيا و تنقب تا دوخاتني ..ميساء:غيثة زدتي فيه راك جبتيليا الدوخة من قبيلة ونتي دوري بيا و براكة من النقيب باش نساليو خلاص ..غيثة:وا راه فيا جوع بزااف اصحبتي يالاه حطيت باش ناكر وهو يدخل عماد جرني معاه مخلاني تا ناكل ...ميساء:اوا صافي سربي قادي ديك شلاضة لي من صباح ونتي تمرضي فيها باش نحطو العشا و ديك الساعة كولي ...غيثة:اففف هايا ...من بعد مدة كملنا لي فيدينا ر كان كلشي واجد حطينا العشا وجلسنا مجموعين و ماما و بابا الفرحة باينة فعينيهم خصوصا ماما لي كلشي كيبزز عليها باش تاكل لان صحتها قلالت بزاف اكيد قلة الماكلة و النعاس ...📲📲📲سررر... سرررر.... سرررر ...عماد(جبد تليفونو ووقف):سمحولي نجاوب ونرجع ...بابا:سير اولدي خود راحتك ..كيف خرج عماد ناضت غيثة تبعاتو و كنعرف ديك النوضة لي دارت فاش كتبغي تصنت ولا تجسس على شب واحد يالاه نضت باش نتبعها وهو يوقف معايا ...عثمان:ميساء بغيت نغسل يدي ..ماما:اه دي راحلك ابنتي وريه الحمام ...خرجت انا وياه من البيت و مشيت معاه تا غسل يديه وهو كيشوف فيا تا كمل وهو يضور عندي وجرني ليه ميساء(قالبة وجهي ومكنشوفش فيه):الا كملتي يالاه نرجعو ..عثمان:باقة مقلقة مني ...ميساء:علاش غنتقلق مدرتيلي والو ...عثمان(قربليا وحط جبهتو على جبهتي):سمحيلي حيت غوت عليك قبيلة ولكن متحملتش فكرة انك كنتي غتخرجي فهاد الليل بوحدك ..ميساء:ولكن انا مكنتش غنخرج ..عثمان:ميساء راني عارفك و حافضك مدة قصيرة قدرت نحفضك فيها ونميز تصرفاتك نتي ملي شفتي الواليدة فديك الحالة كنتي غضعفي و ديريليها خاطرها و عوض منكونو فمشكل نوليو فجوج دكشي علاش الله اخليك عمرك تخبي عليا شي حاجة ولا تصرفي من ورا ضهري نتي عارفة مزيان بلي انا كنتيق فيك متخلي تا حد يدخل و يزعزع هاد الثقة لي بيناتنا واخا ..ميساء:امم واخا ...عثمان(حط يديه على خصري وزيرني معاه كتر):مزيان طلقي ديك الغوباشة حيت مكتجيش معاك واخا(طبع قبلة على شفايفي بزربة)تبغي نمشيو دابا ولا بلاتي شوية ...يالاه جيت نجاوبو و حنا نسمعو غوات غيث جاي نن بيتنا لي الفوق شفت فيه و طلعنا كنجريو حليت الباب بجهد و لقيت...
:عند عماد و غيثة: ...من بعد ما كملنا عشانا فجو زوين جا لعماد اتصال و اكيد انا من فضولي تبعتو باش نشوف معامن كيهضر شفتو طالع جيهة بيتي انا و ميساء دخل ورد عليه الباب بلا ميسدو عاد جاوب ...عماد:شنو كاين ..الشخص:.... ...عماد:ههه واش كتسطاي عليا دوي شنو باغا ...الشخص:.... ...عماد:اففففف ا مريم اففف انا وياك سالينا شحال هادي واش كتسفهمي ولالا ...مريم:.... ...عماد:لا الالة مبغيتش نشوفك ...مريم ههه شكون هاد مريم و كيفاش سالاو من شحال هادي حسيت بالعافية شاعلة فيا ياك فايتلي سولتو وقالي بلي عمرو كانت فحياتو علاقة جدية محسيتش براسي حتى دفعت الباب بجهد ودخلت عليه اما هو كيف شافني قطع المكالمة ودار التيلي فجيبو ...غيثة:ههه علاش قطعتي عليها مسكينة خليك تا تكمل معاها على خاطرك ...عماد:كنتي كتصنتي عليا ...غيثة:اه كنت كنتصنت عليك خيت قلبي حسسني بلي شي حاجة كاينة و احساسي مخابش شفتي طلعتي غدار ...عماد:غيثة جمعي فمك ...غيثة:علاش غنجمع فمي كدبت عليك؟علاش مبغيتيش تشوفها مسكينة هاا(دموعي خنقوني وبداو كينزلو وانا نيت كنت على سبة)علاش كدبتي عليا و قلتي عمرك بغيتي شي وحدة(بالغوات)علااااش ...عماد(جرني وسدليا فمي):ششت غيثة تهدني راك مفاهمة والو ..غيثة(دفعتو بجهد وبديت تنغوت):شنوووو لي مفاهماااش شنوو بالعكس اناا فهمت كلشي دابا شنو غتقولي وباش غتكدب عليا هضرررر كلكم شمايت و كلاااب ...عماد(هز يدو و صرفقني):غيثااااااا😡 ..مع صرفقني طحت للارض وجيت تحت رجلين ميساء لي حلات الباب هي و عثمان متيقتش انه ضربني بالحق نستاهل انا لي تقت فيه ههه قاليك عمرو بغا و دابا شنو حن هو وياها لياماتهم و بغاو يرجعوهم...بقيت مدة وانا فالارض كنشوف فاتجاه واحد و الدوخة شاداني من حر التصرفيقة ..ميساء(نزلات عندي):اويلي شنو واقع ...عثمان(سد الباب ودخل شنق على خوه):علاش ضربتيها واش تسطيتي ...عماد(معصب و كيشوف فيا):اه نضربهاا و نزيد نكمل عليها باش تجمع راسها و تحتارمني ...ميساء:دير لي دارت معندكش الحق ضربها(وقفاتني) ...عماد:انا غنمشي فحالي ...خرج ضرب فيا و هبط من بعد تبعو عثمان اما انا باقة واقفة بحالا جامدة حاسة بداتي بردات عليا معرفتش كيفاش ولكن الضبابة لي كانت على عيني و الصداع لي فراسي كانو كفيلين باش يفقدوني الوعي و نطيح على طولتي وصوت ميساء لي تتغوت بسميتي كنخس بيه بعيد بزااف
عثمان:: ..من بعد ما نزل عماد معصب تبعتو باش نفهم منو شنو وقع و لاش ضربها مبغاش يحيد منو هاد العادة يديه ديما سابقاه ولكن اكيد غيثة غتكون خرجات شي كلام لي خلاه يتصرف هكاك...لحقت عليه لتحت يالاه غيخرج وانا نشدو ..عماد(نتر يدو مني):عثمان خليني عليك عافاك الا بقيت هنا غندير شي مصيبة لاهما نبدل ساعة بخرا ..عثمان:معندك فين تمشي تا تفهمني شنو كاين ولاش ضربتيها مغنتفاكش معاك ...عماد(مسح على راسو بعصبية):مريم رجعات ..عثمان:شكون مريم(سكت كأنه تفكر)مريم؟؟كيفاش رجعات ونتا باش عرفتي(شنق عليه)عماااد واش بديتي تلعب بديلك ..عماد(دفعو عليه):طلق اصاحبي نتا مفاهم والو ويلا كنتي غتصرف بحال هاكا بلاش نمشي حسن ليا ..ميساء(وقفات علينا وهي تتنهج):عث..مان غيثة سخفات ...عماد ضرب فينا و طلع الفوق كيجري تمينا تابعينو وهو يخرج بابا و ماما ...بابا:اش واقع مالكم كلكم خرجتو ...ماما:فين ختك و راجلها ...عثمان:عمي مواقع والو غير تناقشو شوية وصافي راك عارف ضروري هدشي فالزواج ...ماما:اه ولكن ...عماد(قاطعنا وهو نازل وهاز غيثة فيديه):غنديها للسبيطار مبغاتش تفيق ..ماما:اويلي مالها شنو وقع شي حد يفهمني ...ميساء:ماما تهدني عافاك عثمان يالاه نمشيو معاهم ...ماما:تا انا غنمشي عثمان:خالتي نتي مريضة من الاحسن خليك هنا مع عمي وحنا غنطمنوكم غير ارتاحو ...مخليتلهمش الفرصة باش يزيدو معيا فالهضرة مزال ممستوعب شنو وقع جريت ميساء وخرجنا تبعنا عماد لي كان طار درت GPS عاد تبعتو....مفهمتش هدشي لي كيوقع بفف فينما كتقاد من جهة كتخسر من جهة خرا وكل مرة كنا هنا كيوقع مشكل فشكل....من بعد مدة وصلنا للسبيطار نزلت وشديت فميساء لي غير ساكتة طلعنا للطابق الاول بانليا عماد غادي جاي فالكولوار ...عثمان:شنو قالك الطبيب ...عماد(بعصبية):يالاه دخلوها هاد الحمير دابا من قبيلة وانا نغوت وهوما ممسوقينش ...عثمان:صافي تهدن ومتغوتش ...بقينا تقريبا 20 دقيقة وحنا واقفين تا خرج عندنا الطبيب لي وقف مقابل مع عماد وهو كيتبسم ...الطبيب:مبروك المدام حاملة عماد(بصدمة وفرحة):حاملة!! ...عثمان(عنقتو):ههه مبروك عليك ...ميساء(بفرحة):هههه ياي غنولي خالة ...عثمان(عنقتها):العقبى لينا احبيبتي(بهمس)بغيت تا انا ..ميساء(طلعات عينيها فيا):تا انا بغيت يكونو عندنا وليداتنا ...عثمان(بستها وعنقتها):ان شاء الله(ضرت عند عماد لي مزال واقف وممتيقش والفرحة باينة ليه فعينيه)ا ا ا السبع مغدخلش تشوف مراتك ...عماد(مسح على وجهو و زفر بجهد):شوف كيفاش عرفنا بهاد الخبر ...عثمان:نسا دابا و يالاه ندخلو نشوفوها ..عماد:واخا ...دخلنا عند غيثة لي كانت فايقة وحاطة يديها على بطنها غير شافتنا وهي تخنزر فعماد اما هو بالرغم من ان ديك النظرة توجه عندها و باسلها راسها ...عماد:حبيبة مبروك علينا(حط يدو على كرشها) ...غيثة(بعدات يديه وشافت فميساء):عافاك جيبيلي نشرب ...ميساء:واخا(خواتلها الما و عطاتها تشرب)ممتيقاش بلي نتي غتولي ام ههه ...غيثة(مداتلها الكاس بابتسامة):غير تيقي ههه حتى نتي غتولي خالة(شافت فيا)ونتا عم ...عثمان:ان شاء الله مبروك عليكم ...طلعت عيني فعماد لي كيشوف فغيثة.
<ميساء>>:فرحة كبيرة تملكاتني من بعد الخبر ديال الحمل ديال غيثة فرحتلها بزااف بدون شعور حطيت يدي على كرشي وانا كنتخيل راسي حاملة تا انا و عثمان اكيد غيكون فرحان بزاف هو من ديما كيعاودليا شحال هو عزازين عليه الدراري الصغار و كيتمنى يكونو عندنا وليدات هزيت عيني فيه لقيتو كيشوف فعماد لي بدورو حاضي غيثة وكيفاش منخلاه اكيد مقلقة منو معرفتش شنو السبب لي وصلهم لهاد الحالة ولكن غيثة ختي وانا اكثر وحدة كنعرفها ممكن تكون غلطات معاه فالهضرة و استفزاتو دكشي علاش ضربها..بقينا كنهضرو ونضحكو و عماد كيهضر معاها وهي منخلاه حسيت بيه تحرج منا بقا غير ساكت وكيشوف فيخا تا دخل الطبيب و معاه الممرضة لي مشات كتحيد ليها السيروم ..الطبيب(موجه كلامو لغيثة):مدام غيثة مبروك عليك نتي فشهرك الاول يعني خاصك تحاولي على راسك وتبعدي على اي حاجة ممكن تعصبك لان حملك مزال ممستقرش ونبغيك تنتابهي للاكل ديالك وتاخدي الراحة الكافية كنأكد عليها(ضار عند عماد)المدام ديالك دابا شوية غيتبدل المورال ديالها وتولي عصبية حيت غدخل فالوحم خاصك تعرف كيفاش تصرف معاها ..عماد(متبع معاه وفكل كلمة تيقولها):كون هاني ا دكتور اكيد غنرد لها البال ...غيثة:متحتاجش انا هاد الفترة غنجلس مع ماما وهي اكثر وحدة غتهتم بيا ...عماد(بعصبية):كيفاش غتجلسي مع مماك ...غيثة:كيف سمعتي ...الطبيب(شاف الجو متوتر):احم المهم نخليكم دابا ...عماد(جلس حداها وحاول يهدن راسو):غيثة حبيبة سمعيني نتي فاهمة الموضوع غلط معطيتينيش حتى الفرصة باش نشرحليك ...غيثة:معندك متشرح ليا انا سمعت كلشي اصلا كون مكان فنيتك والو مكنتيش غتخبي ولا كنتي ناوي ترجعليها ياك اه ولا ياكما تزوجتي بيا ضد فيها ..ميساء(باستغراب):شكون هادي ...غيثة(كتشوف فعماد):حبيبتو مريم ...ميساء:كيفاش حبيبتو ...عثمان:ميساء من بعد ...عماد:نوضي دابا غنمشيو للدار ونهضرو ونوضحو كلشي ..غيثة:مغنمشي معاك لحتى بلاصة غنمشي لدارنا ...عماد:غيثة هضرت معاك ...غيثة:و تا انا هضرت ...عماد وقف بلا ميجاوبها حيد عليها ليزار وهزها وهي تتنتر ليها فيديه تا حمر فيها وهي تكمش تخاف متحشم..بقيت انا كنشوف فيهم نحاول نفهم شنو واقع تبعناهم انا و عثمان لي مشا دار الاجراءات وتبعنا..ركبها عماد ودارلها السمطة ومشا بلا ميهضر معانا ...عثمان:هاد جوج مكيتفهموشليا ...ميساء:شكون مريم ...عثمان:ركبي و فالطريق نشرح ليك اه عيطي لمماك بعدا طمنيها باش ميبقاوش مشطونين ...دكشي لي درت نيت عيطت لماما و خبرتها بحمل غيثة مسكينة شحال فرحات وبقات تتزغرت و هضرت مع بابا تا هو لي كان مشطون عليهم.ملت معاهم وضرت عند عثمان ..ميساء:ممكن تفهمني دابا شكون هاد مريم ...عثمان:هادي الالة البنت لي كان كيبغيها وكان ناويها تكون مرتو ...ميساء:كمل ...عثمان:والو مكتابش ليهم يكملو معرفتش شنو السبب باش قلب عليها ولكن كان كيبغيها بزااف وفاش تفارقو تعدب ...ميساء:اه يعني دابا هو باقي كيبغيها و غيثة شنو محلها من الإعراب ...عثمان:سمعيني ا ميساء هدشي لي عاودتليك داز عليه تقريبا عام و غيثة كون مكانش كيبغيها مكانش غيتزوج بيها لاحقاش من بعد لي وقع الواليدة حاولات معاه بزاف باش تزوجو ولكن هو كان رافض تال النهار لي قالي بلي باغي يتزوج ولقا البنت لي تستاهل وانا هضرت معاه فالموضوع ولكن هو كان مصر عليها وحتى الطريقة باش كان كيحكي ليا عليها كانت كتبين شحال كيبغيها ميساء:امممم ...عثمان:شنو اممم ...ميساء:بفف مفهمت والو هدشي معقد ..عثمان(قبطلي يدي):متشغليش بالك بهدشي بين الراجل و المرا تا واحد مكيعرف شنو كاين وتا واحد ممنحقو يدخل فهمتي(باسلي يدي) ...ميساء:فهمت ...وصلنا للدار طلعت نيشان للبيت بدلت حوايجي وتخشيت ففراشي تا جا عثمان:صليتي العشا؟ ...ميساء:لا مقديتش ...عثمان:نعلي الشيطان ونوضي توضاي انا غنبدل و ندخل نتوضا ونصليو بجوج ...ميساء:واخا ...نضت من فراشي بزز الله اسمح ليا اححح على حبي ربي رزقني بيه احسن حاجة طراتليا فحياتي شحال كنبغيه...توضيت و ساليت دخل هو وانا مشيت لبست عبايتي و درتي شالي وفرشت الصلايات تا خرج لبس فوقيتو وقف قدامي قام الصلاة وبدا كيصلي ويقرا القرآن بصوتو لي كيخليني نركز معاه ونتخشع فصلاتي كملنا ودار عندي وبدا كيدعي باش ربي يرزقنا الذرية الصالحة وانا كنتبعو ب امين...كملنا و ناض حيد فوقيتو وحتى انا تخشينا ففراشنا وحطيت راسي على صدرو وهي محاوطني بيديه...هزيت راسي كنشوف فيه وزدت قربتليه تا بدات نفسو كضربلي فوجهي وهو كيشوف فيها ...ميساء:كنبغيك...عثمان(بابتسامة):كنموت عليك احبيبتي الله اخليك ليا...بدا كيقرب ليا كتر و كتر حتى دخلنا فعالمنا الخاص خلينا احاسيسنا بوحدها لي تعبر على لي فقلوبنا
غيثة>>: من بعد ما حمر فيا هاد راس الطبل مقدرتش نجاوبو اصلا تصرفيقتو باقا كتوزوز خباطات عندو ماشي يدين يخ بالحق والله لا دوزتها ليه قالك مريم مزيان هدشي لي كان ناقصني...الطريق كاملة وهو كيحاول يجبد معايا فالهضرة وانا ساكتة ومكنشوفش فيه وهو كيحاول ميتعصبش اه دابا حيت القضية فيها ولدو اما كوراه سمح فيا ومشا عندها...من بعد وقت قصير كنا قدام الدار كيف وقف نزلت وخبطت باب الطموبيل بجهد و سمعتو كيغوت ...عماد:ديه معااااك نتي حسن الله اصبرني ...خليتو ومشيت جبدت السوارت من الصاك حليت الباب وتميت داخلة وهي توقف قدامي ديك العوجة ديال نورهان ...نورهان:هايهاي شفتك جاية بوحدك فين راجلك ههه ولا لقيتي السيبة عاد راجلك عطاني درس هو وخوه على بنات الاصل ومنعرف شنو مشافش مرتو يعلم الله فين دايعة ...غيثة(رميت الصاك من يدي جيهة الدروج وحيدت الفولار بالنتير):شوفي الزين تحيدي من قدامي تبارك الله مغتحيديش كنقسم ليك بالله هاد العصاب لي فيا تا نبردو فيك ونتف ليك داك الشعر زغبة زغبة ..عماد(سد الباب وجا عندي):لاش واففة هنا اش كاين ..غيثة(تحنيت هزيت صاكي):ماشي شغلك ....نورهان:ههه مالك ابنتي غير بشوية عليك لا طرطقي اجي شفت حنكك منفوخ شكون جمعها معاك ...تميت غادة ليها وهو يجرني عماد لي وقف بيني وبينها نترت يدي منو وطلعت للدار وانا غنطرطق بالعصاب هادي بوحدها خاصني معاها بلانات باش تعطيني التيساع ولا غندير فيها شي كارتة...وصلت للنص فالدروج وانا نوقف نتصنت عليهم قاعدتي هي قاعدتي عارفة... ...عماد:شنو قلتيليها ...نورهان:والو غير سولتها فين كانت تال دابا حيت كيف قال ولد خالتي العزيز عثمان بلي بنات الاصل كيدخلو لديورهم بكري و انا ...عماد(جرها من يدها وهو مغزف عليها):بربي ا نورهان وتعاودي تهضري معاها ولا ضوري بساحتها حتى نهرسليك كمارتك الا كنتي نتي عاطياها للدوران و التسلكيط متجيش تحلي فمك عليها ولا نهرسوليك ومرتي انا لي من حقي نسولها فين مشات ومنين جات(دفعها تا كانت غطيح)و باش تهني بالك راها كانت معايا فهمتي سيري سيري تنعسي ونتي كتسحبي فنصاصات الليل ....هاح عليه برد ليا قلبي عطاها علاش كتقلب غير سمعتو طالع وانا نضربها بجرية للبيت وسديتو بالساروت تا جا بغا يحلو لقاه مسدود وهو يبدا يدق ...عماد:غيثة حلي الباب غيثة:ماحالاهش سير خليني عليك ...عماد:غنحسب حد 3 حليتيه مرحبا محليتيهش غنهرس ديلمو دابا ...غيثة(بشوية):تفو على بنادم مال جدو ولا نعصب هاكا ...مشيت بالتقالة حليت ليه الباب و بعدت عليه اما هو غير دخل سورتو تاني وجا عندي جرني من يدي وجلسني فوق الناموسية وهو مقابل معايا ...عماد:شهاد فعايل البراهش لي وليتي كديري ...غيثة:من النهار لول وانا هاكا ويلا جيتك دابا برهوشة خليني نمشي فحالي وسير عند ديك لي بعقلها ولي وليتي ضربني على قبلها ...عماد(مسح على وجهو بعصبية):غيثة سمعيني اش غنقوليك ومتبقايش تستافزيني حيت ملي كنتعصب مكنعرفش شنو كندير ...غيثة:شنو غدير كاع غضربني راك درتيها قبيلة ...عماد:اللهم طولك يا روح شوفي ديك خيتي انا مبيني وبينها والو كنقسم ليك بالله(حط يدو على كرشي)و بحياة ولدي لي باقي مشفتوش انا كنبغيك نتي انا مبغيتش نقولهالك باش متشغليش راسك بيها وتولي مبرزطة من جيهتها هي كتبانلي مريضة فمخها حيت كل مرة كتعيط بنمرة وكل مرة كنبلوكيها كنقول تفكيت كنلقاها كتصوني كون بغيتها ا غيثة منكونش معاك دابا منكونش مزوج بيك ...غيثة:ولكن نتا كدبتي عليا اسي عماد وقلتيلي عمرك بغيتي شي وحدة ...عماد:الله اهديك انا فايتلي قتليك بلي بغيت مرة و مكتابش ...غيثة(بعصبية):لا مقلتيش اسيدي ...عماد:واخا واخا سمحيليا نسيت امكن ...غيثة:هدشي مكيتنساش ...عماد:الا مكانت عندو حتى شي اهمية كيتنسا ...غيثة:علاش تفارقتو ...عماد(معصب من هاد الموضوع ولكن عارفها فضولية و مغتهنا حتى نعاودليها كلشي بفف):كنت ناوي معاها المعقول ولكن هي طلعات ماشي بنت الناس كنت مسافر على قبل شي خدمة ولكن كان شي مشكل و مبقيتش مشيت هضرت معاها كنت باغي نشوفها ولكن هي تحججات بلي والديها فالدار ومعندهاش كيدير تخرج تفهمتها وخليتها على خاطرها ديك الساعة كان صاحبي ياسر هنا كان اصر عليا باش نخرجو ونمشيو لواحد البواط مشيت معاه و تما لقيتها جالسة مع جوج دراري فوضعية خايبة بزااف عمري تخيلتها فيها ...غيثة(حالة فمها):اوا كمل كمل شنو درتي ...عماد:احم والو عطيتها قتلة ديال العصا و دفلت عليها وجيت فحالي ومن تما طويت صفحتها تال نهار شفتك و طاح حبي على حجرة ...غيثة(عقدات غوباشتها):سير سير عاطيها قتلة العصا يعني غرتي عليها اذا باقي كتبغيها ...عماد:راه غنوض نفرشخ ديلمك فهاد الليل من صباح ونتي كتقلبي عليا ...غيثة:شفتك ولفتيها ياكما بنتليك شايطة دابا نوض نمشي عند مي و با ..ليلى لوليتا ...عماد:راه باقي نسمع منك هاد الكلمة نهرسليك راسك نتي مرتي بغيتي ولا كرهتي معايا غتبقاي حتى ندفنك ولا دفنيني.
غيثة:اوا صافي ضريتيني فراسي ...يالاه غيجاوبني وهو يبدا تيليفونو كيصونو شاف شكون وهو يبدا يسوط ...غيثة:هي ياك جاوبها جاوبها مسكينة ...عماد(رماليا التيليفون):هاكي جاوبيها نتي نيت انا طلعليا هاد الزبل فراسي(خرج وزدخ الباب) ...غيثة:هرسووو(شديت التيلي وجاوبت)الو ...مريم:اممم هدا تيليفون عماد شكون نتي ...غيثة:انا لي خاصني نسول احبيبة شكون نتي بي نعيطة لراجبي فهاد الليل ...مريم:نتي هي مراتو ههه ...غيثة:هههه يا لالة باز وجهك قاسح عارفاه مزوج بعدا ولاصقاه الكلبة ...مريم:جمعي فمك و احتارمي راسك و عماد ديالي و غنرجعوليا هو كيبغيني ...غيثة(بصوت مايع):اييي عماد حبيبي هدا..شوفي احبيبة كون كان كيبغيك ميخلينيش نهضر معاك ويقولي جاوبي هاد اللصقة يخخخ بنادم مبقات عندو كرامة تفووو....قطعت عليها وانا كنفور بنت الحرام قاتليك واش نتي هي مرتو لا جداه انا فين مشا تا هو بففف...مشيت بدلت حويجي لبست شوميز دو نوي فالكحل ولحت البينوار ديالو من الفوق وخرجت لقيتو واقف فالكوزينة كيشرب مشيت عندو على ريوس صباعي وعنقتو من لور وطبعت قبلة على ضهرو اما هو حط القرعة فوق البوطاجي وبخفة ضار عندي هزني عندو وعينيه فعيني ...عماد:تفشيتي ...غيثة:مالي بنتليك منفوخة ...عماد:راسك قاسح ولسانك طويل ...غيثة(هزيو كتافي):من اول نهار وانا هاكا يعني هاكا تزوجتيني وهاكا قبلتي بيا ويلا مبقاتش عاجباك خليني نمشي فحالي ونربي ولدي بوحدي ....عماد(غوبش وزير عليا):غيثة هاد الهضرة مكتعجبنيش وكتعصبني واش كلمة جوج تقوليلي نمشي فحالي نهار تزوجنا تعاهدنا نبقاو بجوج طول عمرنا ماشي باش نتفارقو ملي غنتفارقو لاش مصدعين روسنا ومزوجين ودابا جاينا ولاد فالطريق ...غيثة:اوا نتا كدير فعايل كيعصبوني وتتحسسني بلي مكتبغينيش ...عماد:انا لي كندير الفعايل ...غيثة:اه بحال قبيلة ضربتيني ...عماد:نتي لي قلبتي عليها نسيتي شنو قلتي ...غيثة:كنت معصبة ...عماد:اوا تا انا كنت معصب(كيشوف فوجهي)انشوف فين ضربتك معقلتش ...غيثة:مالك تتبوهل راها باينة بنت خالتك شافتها مع الدخلة و تشفات فيا ...عماد منطق بحتى كلمة بقا تيقربليا ويبوس فحناكي و غادي بيا جيهة البيت دخلنا و سد الباب.... *اصبح الصبح و الملك لله* صبح الصباح فقت كنتكسل ضرت نشوف عماد ملقيتوش بلاصتو شفت الساعة لقيتها 10 كيفاش محسيتش بيه...نضت بزز وانا مدكدكة دخلت للدوش دوشت وتوضيت و خرجت صليت وهبطت لتحت عند خالتي لقيتها جالسة يالاه تتفطر مسكينة عاد ولات تنعس اما فاش كانو خواتاتها 7 تكون موجدة الفطور وتتفكر فالغدا جلست حداها بست ليها راسها ...خالتي:صباح الخير ابنتي كيصبحتي ...غيثة:الحمد لله سمحيلي اخالتي صبحت ناعسة ...خالتي:لاواه ابنتي راك فدارك ماشي عند البراني ونيت نتوما تعطلتو فليل نعست ونتوما مزال ما جيتو ...غيثة:ههه اه اخالتي حيت كنا فالسبيطار ...خالتي(بخوف حطات كاس داتاي من يديها):اويلي اش داكم ليه ...غيثة:واالو تهدني غير الخير راكي غتولي جدة(حطيت يدي على كرشي)قريب يجيك حفيد ههه خالتي فرحات وبدات تعنق وتبوس فيا و بدات كتزغرت و الفرحة باينة فيها تا خرجات ديك العوجة ديال نورهان مخسرة سيفتها و تتخنزر ...نورهان:بففف اش كاين على الصباح اش هاد الصداع ...خالتي:غيجينيحفيد غيثة حاملة الله على فرحة الله ...نورهان(ميقات فيا):اوا صافي مالها اول وحدة غتحمل هدشي للش مفيقينا يا لاطيف....
هاد العوجة هادي والله تا كتقلب عليا نتفها ونا صابرة ليها بالحق بديت كنحس بوقتها قربات وانا نيت على سبة ...خالتي:متديش عليها ابنتي مبروك عليكم يتربى فعزكم ان شاء الله واش مماك و بباك عرفو ...كنت غنقولها اه ولكن خفتها تقلق وتقول علمات والديها هوما لولين ...غيثة:لا اخالتي نتي لولة عرفتي ...خالتي:الله الله كنحمد ربي ونشكرو نوضي نوضي ابنتي عيطي ليهم فرحيهم ولا عرفتي فطري بعدا ممزيانش تبقاي بجوع شنو تشهيتي نوجدليك مغتشربيش القهوة قاسحة عليك هاكي شربي الحليب ...غيثة:خالتي غير بشوية عليك غير ارتاحي نتي انا نكب لراسي كلشي قدامي و ممشهية والو هاد الساعة ...خالتي:واخا ابنتي شحال حلمت بهاد النهار العقبى لعثمان و ميساء تا هوما نفرحو بيهم ...غيثة:ان شاء الله كلشي ديال الله ...خالتي:و نعم بالله ...نورهان(جات جلسات حدانا وتتعوج):كبيلي اخالتي القهوة ...خالتي:واخا ابنتي ..بقيت جالسة كنفطر وحاضياها كيف تتصرف معاها دايراها بحال شي خدامة تا صباح الخير مقالتها كتاكل و تبقشش فمشقوفها و خالتي تحطليها و تقادليها متجغدد وهي منفخة بحالا راه خدامة عند باها انا بقوة الاعصاب لي فيا و لي كيزيدو كلما شفتها كنبغي نطير عليها ولكن شادة راسي على وجه خالتي...بقينا كنفطرو وانا و خالتي مجمعين تا سمعنا الصونيط خالتي بغات تنوض مخليتهاش مشيت حليت الباب لقيتها ميساء طرت عليها بتعنيقة ...ميساء:صباح الخير(حطات يديها على كرشي)صباح الخير حبيب خالتو عرفتي غير فقت من النعاس جيت لهنا البارح مشيتو بلا منهضرو تصالحتو بعدا ...غيثة:ششت بشوية ديك العوجة كاينة دابا تسمعك وهي خاصها غير منين دوز و زايدون خالتي معارفة والو و اه الالة تصالحنا بقايليا على خاطرك ...ميساء:اممم عليها وجهك منور ...غيثة:ههه زيدي زيدي براكة من الهضرة ..تاجهنا للصالون نورهان هزات راسها ميقات فميساء ورجعات لمشقوفها ...ميساء:صباح الخير ...خالتي(بوحدها لي جاوبات):صباح النووور ابنتي مرحباا بيك فين عثمان واش هو لي جابك ...ميساء:لاا اخالتي جيت راسي عثمان صباح مشا للخدمة وانا دابا كي فقت جيت عندكم ...خالتي:مرحبا بيك فطرتي ...ميساء:ههه الصراحة لا جيت بجوعي ...خالتي:لهلا يحوجك ابنتي الخير موجود شنو بغيتي اتاي ولا القهوة ...ميساء:غير رتاحي اخالتي كلشي قدامي انا نهز راسي راه دارنا هادي ماشي برانية ...خالتي:اييه ابنتي ومتحتاجيش العراضة وفرحتيني ملي جيتي عندي عمرتو عليا الدار الله احفضكم و يرضي عليكم ...نورهان(هزات راسها):امم وانا اخالتي كاعما تترحبي بيا بحال عيالات ولادك ولاهما بنات الاسياد و حنا بنات العبيد ....خالتي:اش هاد الهضرة ا نورهان ...نورهان(نخلاتها و شافت فغيثة):اوا غيثة للبارح جاية تال نصاصات الليل و حنكك حمر بالتصرفيق ياكما دابزتي نتي و عماد(غمزاتها) ..خالتي:اويلي على دابزو و كيفاش التصرفيق واش ضربك ...غيثة(تتشوف فنورهان و تتغدد):لا اخالتي مضربنيش وجهي كان حمر بحوايج خرين ميفهموهم غير المزوجين(ردات الغمزة لنورهان) ..ميساء(حابسة الضحكة):اه بصح ...خالتي(فهماتنا وبغات تبدل الموضوع):احم اليوم غنتغداو مجموعين ميساء عيطي ابنتي لراجلك و قوليلو يجي هو و عماد ...ميساء:واخا ...نورهان(وقفات):غير بالصحة انا دايرة مع صاحبتي غنتغداو على براا ...غيثة:دغيا درتي الصحابات بهاد السرعة ...نورهان:اكيد مالي غنبقا سادة على راسي و معقدة بحال شي بعضين ...خالتي(دخلات):صاغي سيري و متعطليش تاني تخليني مشوشة عليك ...مشات تتعوح بلا متجاوبها وحنا بقينا مجمعين و كنفطرو على خاطرنا تا سالينا بديت كنجمع انا و ميساء الطبلة و هي عيطات لعثمان علماتو عاد بدينا كنعاونو خالتي فالتوجاد واخا مسكينة مخلاتنيش ندير شي حاجة و كل ساعة تسولني واش مشهية شي حاجة...هوما كيطيبو و يقادو وانا كنقب ليهم تا قرب رقت الغدا و جاو الدراري و عمي حتى هو و تا واحد فيهم مسول فنورهان تغدينا وكل واحد رجع لشغلو وحنا بقينا مجمعين تال العشية جا عثمان دا ميساء و بقيت انا و عماد و عمي و خالتي مجمعين تا سمعنا الصونيط و مشيت حليت الباب..
حليت الباب لقيت نورهان موصلاها شي وحدة بالطموبيل ولا واحد مشفتش شكون حيت كانت كتهضر معاه من السرجم و عاطياني بالضهر كي هزات راسها تحركات الطموبيل عاد جات لالة مولاتي تتقرقب فديك الصنيديلة لي لابسة مونيكة دياب عاشورا صافي لابسة ديباغدوغ كحل و كالصو ديال الدجين و هازة صويك فيديها و طالقا دوك جوج زغبات الصراحة ملا محها زوينين ولكن مع تصرفات بحال تصرفاتها كيغطيو على زينها الزين بلا اخلاق مكيسوا والو ضربات فيا و دخلات سديت الباب و تبعتها تا بغينا ندخلو وهي توقف و ضارت عندي كطلع وتهبط ...غيثة(معلية حواجبها):ياك لاباس ...نورهان:والو باس احبيبة غير بغيت نقوليك ديك الهضرة لي قلتي الصباح ديال الصحابات و كدا متبقايش تقوليها واخا حياتي بعيدة عليك مدخليش فيا مي لي ولداتني مكتهضرش معايا بديك الطريقة ...غيثة(باستهزاء):على مك كون رباتك و هضرات معاك بديك الطريقة كنتي غتكوني هاكا(طلعتها بصبعي من رجليها لراسها) ...نورهان(بعصبية):هاد المرة دويت معاك مرة خرا مغيعجبك حال لا نتي لا ديك السفريطة ديال ختك لي دايرين ليا فيها الشرف و العفاف و نتوما يعلم الله اش مدوزين ...من بعد ما قالت هاد الهضرة دفعاتني و تمات غادة محسيتش براسي تا طرت عليها جريتها من شعرها طيحتها للارض وطلعت فوقها بديت نصرفق ونتف وهي تتغوت ...نورهان:طلقي مني الحماارة الموسخة ...غيثة:انا نوريك الحمارة اش غدير فيك من نهار شفت كمارتك وانا صابرة عليك و عاطياك التيساع ونتي غير ما زايدا فيه نتي مولفة بالتسلكيط تجي تحلي فمك على لالياتك الخانزة ...بديت نعطيها و كازة على سناني تا جاو عمي و خالتي و عماد تيجريو و يغوتو و هي كتر حامياها للغوات عماد يجر وانا نجر تا تعاون عليا هو و عمي عاد فرقوني عليها كاع داك جهد لي كان عندي خرجتو فيها ناضت كتنخصص و تمسح فكمارتها لي مجخلطة بالماكياج وتشكى عليهم و تشهق وخالتي شاداها ...عماد(بعصبية):اش وقع اش هاد الحالة ...نورهان:اهئ شفتي شفتي مرتك شنو دارت هماج اهئ اهئ شفتي اخالتي اش دارت فيا ...غيثة(كنتنر و عماد شادني):الا مسكتيش غنزيد نكمل عليك نوريك تحلي عليا فمك شفتيني ساكتة ليك بغيتي طيري ....عماد(بالغوات):غيثة تهدنييي😡و طلعي بيتك ....غيثة:هايا طالعة ...عماد(موجه كلامو لنورهان):شوفي نتي عطيها التيساع كون مجبدتيهاش متمدش عليك يديها ونتي راني عارفك اش كتسولي عطيها التيساع حيت الا وقعات ليها شي حاجة ولا لولدي كنحلف بربي تا ندفنك حية ...عمي:ولدك!!غيثة حاملة ...عماد خلاه و طلع الفوق بينما نورهان بدات تتشوف فجنبها نترات يديها من خالتها و دخلات لبيتها وزدحات الباب ...عمي:لا حول ولا قوة الا بالله اش هاد المصيبة تسلطات علينا لي معندو هم تولدولو حمارتو ....خالتي:الله اهديك الحاج راه بنت ختي هديك و بحال بنتي ...عمي(بعصبية):والله كون كانت بنتي تا نهرسليها رجليها ونشوفها جاياني فهاد الحالة انا الالة معندي بنات ربي عطاني غير الدراري لي رافعين راسي تجي وحدة ما بنتي ما والو طيح بيا قدام جيران لي يدوي يدوي ولي ينعت ينعت الالة هدشي مبقاش مسلكني عيطي لمها تجي تشوفليها شي حل مناقصني مشاكيل لا انا لا ولادي و البنت حاملة كون وقعاتليها شي حاجة فين غنوليو لا حول ولا قوة الا بالله....خرج الحاج وخلا مرتو تتحسر على حالتها ماحيلتها لولدها و مرتو ولا لراجلها ولا لبنت ختها لي مخلياها ليها امامة و متقدش تقولها دي عليا بنتك واخا هي كتشوف كلشي بعينيها ولكن مكتفدرش تجبد العيب مع ختها لي كاحتارمها بزااف...بقات واقفة تا عيات و تبعات راجلها للبيت لقاتو ناعس وتا هي تخشات ففراشها و حاولات تنعس واخا معندها منين يجيها.... *غيثة*عماد نتا عارفني مزيان كيف دايرة كون ما سمماتني بهضرتها مكنتش غندير فيها يدي ...عماد:شنو قالت علاياش تناقشتو ...غيثة:قالتليا انا و ميساء كنمتلو العفاف و الشرف بحالا شافتنا كنتسلكطو ومن واحد لواحد ولا كنضلو دايعين تال نصاصات الليل فالزناقي(حسيت بالضو ضربني فكرشي)اااااي اففففف ...عماد(ناض مخلوع):مالكييي!! ...غيثة:غير وجع اففف شوية غيمشي ...عماد:هدشي ممسلكش ا عيثة حاولي على راسك راك هازة روح فكرشك الله اخليك حاولي على راسك و على ولدنا(باسليا راسي) ...غيثة(حسيت بالوجع بدا كيخفاف):متخافش غير شوية غنولي مزيان انا غنزل نشرب ...عماد:جلسي انا غنجيبليك تشربي ارتاحي ...نزل عماد جابلي شربت وتكا حدايا بقيت شحال متكية وكندوز يدي على كرشي تا فاتني الوجع و داني النعاس...
اصبح الصبح و الملك لله*...." #ميساء"فقت هاد النهار حاسة براسي مهلوكة شفت مديت يدي جيهة التيلي هزيتو نشوف شحال الساعة لقيتها 11 رجعتو بلاصتو وبديت تنتقلب تا قصت عثمان حليت عيني وانا كنشوف فيه اويلي هادا مزال ممشا اخدمتو قفزت من بلاصتي حطيت يدي على راسو خفتو يكون مريض حيت مموالفاش ليه كنقيس فيه حرارتو عادية بديت تنقرب ليه ونشوف واش كيتنفس....عثمان(هرو شعرها حل عين و ساد عين بحكم الشعا لي ضارب فيهم):اممم شنو كديري ...ميساء:واش مريض شفتك باقي ناعس راه 11 هادي ممشيتيش لخدمتك ياكما فيك السخانة ...عثمان(جرها لعندو وعنقها):السخانة هي لي فيك اليوم راه السبت احبيبة مكاينة خدمة ...ميساء(عاد تفكرت):هاء تلفت وتخلعت كيسحابلي واش مريض ...عثمان(مزيرني عندو من خصري وهزني تا تقابلت معاه ووجهي قريب لوجهو):بصح خفتي عليا زعما ...ميساء(دايبة فيه):الا مخفتش على راجلي حبيبي علامن انخاف ...عثمان(كيقرب ليا):شنو درتي ليا ...ميساء:مدرت والو ...عثمان(كيخطف قبلات وكيهضر):متأكدة حيت انا مبقيتش عارف راسي واش عايش ولا كنحلم ...ميساء(عنقتو ودفنت راسي فعنقو):لا مكتحلمش انا مراتك و نتا راجلي احلى حاجة وقعاتلي فحياتي ههه ...عثمان:علاش كضحكي ...ميساء:تفكرت نهار قالينا بابا على موضوع الزواج كنت خايفة بزاف ...عثمان:مناش كنتي خايفة مني ولا ...ميساء(قاطعاتو):انا مكنتش كنعرفك باش نخاف منك و انما كنت خايفة من فكرة الزواج ككل عمري تخيلت انني نتزوج انسان مكنعرفوش وبلا منشوفو وزادت كملتيها ملي محضرتيش لخطوبتنا ...عثمان:اممم هدشي جديد عاوديليا بغيت نسمع ...ميساء:ههه شنو غتسمع هدشي لي كاين كنت خايفة من فكرة الزواج التقليدي زيادة على انني كنت كنقول ممكن يكونو بزوني عليك وتكون كتبغي شي وحدة وجيت انا فطريقك خفتك تعدبني و تكرفص عليا ههه ولكن عرفتي شنو لي زعمني ...عثمان(كنسمع ليها وانا مراقب تعابير وجها فكل مرة كتهضر كيعجبني الحال نشوفها مطلوقة معايا وكتشاركني فذكراياتها ولا اي حاجة كيفما كانت):شنو!! ...ميساء:غيثة ههه نهار قالنا بابا غنتزوجو كنا مصدومين بجوج طلعنا لبيتنا بلا تا كلمة وانا واقفة كنفكر تا بدات غيثة دايرة فيها عروسة و تتغني تعجبت فيها كيفاظ تقبلات الموضوع بسهولة فاش هضرت معاها وقلتلها انني خايفة منبغيش هادا لي غنتزوج بيه بقات كتهضر على شحال من حاجة حتى قنعاتني بالفكرة ...عثمان(علا حاجبو):كنتي خايفة متبغيهش ...ميساء(درت يدي فشعرو كنلعب ليه فيه وعيني فعينيه):اه كنت خايفة ولكن فاش شفتك و عرفتك و عاشرتك فمدة قليلة قدرتي تاخد قلبي كلشي فيك كيملكني تصرفات و حنانك عليا و تعاملك معايا خلاوني نعشقك ماشي غير نبغيك حيت هاد الكلمة قليلة فحقك منقدرش نتخيل حياتي بلا بيك حيت نتا هو كلشي فحياتي واعدني عمرك تبعد عليا ...عثمان(عنقني وزير عليا):كنواعدك كنموت عليك ومستحيل نخليك من بعد مالقيتك ...ميساء:يالاه نوض نفطرو راه جاني جوع ...عثمان:خلينا هاكا بلاتي شوية ...ميساء:واراه فيا جوع و زيدون قنطت وبغيتك تخرجني ...عثمان:هي لولة سيري وجدي الفطور يالاه ...ميساء:ندخل للحمام بعدا باقا مغسلت وجهي ...عثمان:واخا طلقي راسك ولا ندير بالناقص انا مكرهتش نبقاو غير هنا ..ميساء(نضت داخلة للدوش وانا كنهضر معاه):مكتعياش ...عثمان:لا ا حبيبة ....دخلت للدوش قضيت حاجتي و غسلت وجهي عاد خرجت باش نوجد الفطور وهو يدخل يدوش..بعد مدة هبط و جلسنا كنفطرو تا بدا تيليفوني كيصوني هزيتو وشفت فعثمان لي كيشوف فيا وكيديرليا بإشارة شكون.....؟؟؟
ميساء:هادي غير غيثة(جاوبتها)صباح الخير صباح النور....غيثة:عاد فايقة...ميساء:اه عاد دابا شوية مالك بايتة كتحلمي بيا....غيثة:ههه اه من البارح وانا كنساين الضو د النهار يطلع باش نعاودليك....ميساء(شفت فعثمان وكنشرب قهوتي):ياك لاباس....غيثة:ريشت نورهااااان هههه.....مع هاد الكلمة محسيت براسي تا بزقت القهوة من فمي....ميساء:اويلييييي....عثمان(مفاهم والو):شنوو واقع....ميساء:كيفاش ريشتيها واش حماقيتي....غيثة:اوا هي لي قلبات عليا وانا كنت مجننة وجات عندي برجليها...ميساء:ياك قتليك عطيها التيساع ومتديهاش فيها...غيثة:كتقولي هدشي حيت مسمعتيهاش شنو قاتليا وخلاتني نتجنن عليها بالحق متخافيش على ختك بردت فيها جنوني..ليلى لوليتا....ميساء:بفف راسك قاسح شوفي نتي دابا راك حاملة ردي بالك لولدك وبعدي على الصداع ا غيثة.... غيثة:صافي صافي خليني نعاودليك التفاصيل ...ميساء:معندك متعاوديلي هدشي كيضرني فراسي سيري خليني نفطر.... غيثة:يااك تتجري عليا واخا ...ميساء: سيري من بعد ونهضرو ...قطعت عليها وانا كنشوف فعثمان لي كيسايني نهضر ونفهمو ...ميساء:غيثة و نورهان دابزو البارح ...عثمان(غوبش):و السبب ...ميساء:على حساب نفهمت نورهان قالت شي هضرة لغيثة وهي متحكماتش فراسها و تشادو تما ....عثمان(خبط الكاس فوق الطبلة):مصيبة هادي ...ميساء:بلا متعصب دابا نهضر مع غيثة ...عثمان:مكاين لاش تهضري معاها كون مدارتليها شي حاجة متصرفش هكاك و نورهان انا حافضها مزيان اذا تستاهل و عاد موضوعها اصلا مبرزطني جلاسها فالدار تما ممريحنيش لاقيا السيبة و دايرة مبغات دابا تجيب شي مصيبة و نوحلو فيها هي و مها لي غتلوم الوالدة و تحملها المسؤولية ...ميساء:شنو باغي دير ...عثمان:معرفتش ولكن خاصني نلقى شي حل غنهضر معاها لآخر مرة هي مكتجي غير بالقاسح ...ميساء:عثمان راها باقا صغيرة و طايشة ...عثمان:نساي عليا هاد الزمر نوضي لبسي باش نخرجو ...ميساء:سبقني بينما جمعت الطبلة ونلحق عليك ..مشا عثمان وانا بديت كنجمع الطبلة و بالي مع غيثة و نورهان ماحدهم تحت سقف واحد هاكا غيبقاو واخا نهضر مع غيثة انا عارفاها كدير غير لي فراسها ولكن خاصها تحاول تحكم فراسها ودير اعتبار لعمي و خالتي وتعرف بلي هي مساكناش بوحدها باش تاخد راحتها بديك الطريقة و تصرف كيف بغات ضروري من الاحترام هديك كتبقا منهم و ليهم من عائلتهم واخا تصرف معاها هكاك متجاوبهاش وتعطيها النخال لان غالبا الصمت كيقتل بنادم حسن من داك الاحتكاك وقوة الهضرة الخاوية ....كملت جميع و طلعت لقيتو لابس وكيهضر فالتيليفون بديت كنلبس حويجي و كنسمع ليه فهمت بلي كيهضر مع عماد و بالضبط على المشكل لي وقع كملت ووقفت حداه شافيا وقبطلي يدي وهو مزال كيهضر ...عثمان:المهم من بعد و نكملو نتا رد ليها البال وخليهم بعاد على بعضياتهم..مبلغ بسلامة ...ميساء:شنو قالك عماد ...عثمان:نساي عليا هاد الموضوع(طلع فيا وهبط وبدا يحقق فوجهي وهو يبدا يسوط)الف مرة كنقولك مديريش داك الزبل فمك ...ميساء:وراه مباينش ...عثمان(بجدية):ميسااااء مسحي الزبل من فمك براكة غير داك الكحل بي فعينيك ...ميساء:اففف(مشيت هزيت كلينيكس وبديت كنمسح ساليت وضرت عندوو)تهنيتي ...عثمان(شدني من خصري وغادي بيا):شتي شحال تتولي زوينة فاش تتسمعي الهضرة... 
خرجت انا و عثمان دوزنا نهار زوين بزااف ما خلا فين داني كيعاملني بحالا انا بنتو ماشي مراتو طول المدة ويدي فيديه مطلقش مني ودايرليا خاطري عييت و جاني جوع مشينا لواحد المطعم حدا البحر جلسنا والريح كيضرب فينا واخا كان الحال بارد شوية ولكن الجو كان زوين ضرت كنشوف فالبحر دخلت فحالة تأمل البحر مجرد نظرة فيه كيجدبك كيخليك متحيدش عينك عليه و هدشي لي وقعلي حتا سمعت صوت ..عثمان:حبيبة ديالي ارتاحيتي شوية مشات القنطة ...ميساء(غمضت عيني وانا كنستنشق الهواء):بزااااف ...عثمان:واش ممليتيش بالجلسة فالدار علاش مترجعيش للمعهد تكملي قرايتك ياك من ديما كان حلمك تكوني مصممة هدشي لي كنتي تتقولي ...ميساء:اه ولكن هدشي كان شحال هادي ملي كنت متحمسة وكان التصميم هدف بالنسبة ليا ...عثمان:و دابا مبقاش هدفك؟!! ...ميساء:ل ...قاطعني السيرفور لي جاب الطلب ديالنا بقيت ساكتة حتى مشا عاد كملت ..ميساء:لا مبقاش هدف ديالي مبقيتش حاسة براسي متحمسة ليه بزاف وانا ملي كنفقد احساسي بشي حاجة مستحيل نرجع ليها كيفما بغات تكون ...عثمان:واخا مغنبززش عليك ولكن خاصك تعمري وقتك بشي حاجة الجلاس فالدار معندو باش يفيدك وشوفي غير اليوم بقوة ما غير جالسة مبقيتيش عارفة حنا اينا نهار ...ميساء(تنفكر فكلامو لقيت بلي عندو الصح انا من ديما كان عندي طموح مقريتش باش نجلس فالدار مزال كون كان عندي شي بيبي واه كنت غنقول نربي ولدي ولكن دابا مكندير والو شفت فيه و ابتاسمت ليه):عندك الحق خاصني نفكر فشي حاجة نلاهي بيها وقتي ....عثمان(بديت كناكل و كنهضر):متحتاجيش تفكري حيت كاين ماديري خاصك غير العزيمة ...ميساء(باستغراب):شنوو؟؟ ...عثمان:سبقلي اقتارحت عليك باش تخدمي معانا وتكوني مصممة فشركتنا الصغيرة(غمزني)😉...ليلى لوليتا ...ميساء:ولكن انا معنديش خبرة كافية وهادي مسؤولية لا لا منقدرش نقدر ندير شي حاجة ماشي هي هديك ...عثمان(شديتلها يديها):شش تهدني مالك مترفضيش قبل متجربي ونتي راك قريتي هدشي ماشي غير غتجي وتلاحي ليه عاد كاينين مصممين عندنا غيكونو معاك نتي عارفة بلي التصاميم لي عندنا مكتعداش عبايات بستايلات مختلفة و الوان مختالفة ونتي آخر تصميم شفتو عندك كان تصميم حجابي عصري عجبني بزاف هداك التصميم اول حاجة غتبداي بيها و نخدمو عليها انا معاك يعني معندك مناش تخافي ...حسيت بيه كيهضر وهو متحمس لدرجة تا انا حسيت براسي تحمست معاه ...ميساء:ههه صافي موافقة مدام نتا معايا معندي مناش نخاف(حطيت يدي على يدو) ...عثمان(باسلي يدي):هادي حاجة اكيدة يالاه كولي باش نكملو خرجتنا ...ميساء(بفرحة):باقيين غنزيدو معييتيش ...عثمان:لا انا مع مرتي بغيت ندوز وقت كتر معاك ...بديت كناكل وانا فرحانة وبديت كنفكر فالتصاميم هادي مسؤولية خاصني نكون قدها وقد تقة عثمان..
:داز النهار غير فالمسارية تا طاح الضلام ...ميساء:افف عييت بزاف ...عثمان(بابتسامة):المهم عجبك الحال قبل منمشيو نديو معانا العشا ياك ...ميساء:اه،ضروري منعسش الا متعشيتش ههه بغيت البيتزا😍 ...عثمان:هي لولة يالاه طلعي ...ركبنا فالطموبيل خدمت الراديو وكانت اغنية ايمن سرحاني نديرلها عرس فالسينيما سايس سايس😂بديت كنغني معاها وعثمان كيشوف فيا ويبتاسم تا نطق ...عثمان:كون درتيلنا القرآن حسن من هاد التخربيق ...ميساء(بديت تنضور فعيني):صافي هانا نديرو اصلا متتعجبنيش هاد الاغنية ...عثمان:دكشي علاش حافضاها اجي كتهضر مع بابا و مماك ...ميساء:اه ضروري صباح هضرت مع ماما و دوزاتليا بابا تا هو هضرت معاه ...عثمان:مزيان كنضن علاقتكم دابا مزيانة ...ميساء:اه الحمد لله متصورش فرحتي انني عندي والديا يخافو عليا ...عثمان(قبطلي يدي):متنسايش تا انا كاين وكنخاف عليك ...ميساء:اكيد احبيبي كنحمد الله لي لاقاني بيك فالوقت لي كنت غنكون فيه بوحدي منقدرش نتصور كون مكنتيش فحياتي ديك الليلة معرفتش شنو كنت غندير ولا شنو كان غيكون مصيري اكيد كنت غنفكر فالانتحار ها ...عثمان(فرانا بجهد ووقف وسط الطريق):آخر مرة نسمعك قلتي هاد الكلمة ...ميساء(خلعني شكلو والشوفة لي كان كيدير فيا):انا غير ...عثمان(قاطعني):مكاين ما غير آخر مرة نسمعك قلتي هاد الكلمة(جريتها لعندي وعنقتها بكل قوتي منقدرش نتخيل ان الموت ممكن تاخدها مني واخا كتهضر على اساس كون مكنتش فحياتها ولكن انا منبغيش نسمع هاد الكلمة ومبغيتهاش تفكر فحاجة بحال هادي الدنيا عامرة بالمفاجآت ميمكنش نعرفو شنو ممكن يوقع من هنا للقدام مبغيتش هاد الفكرة تكون عندها فبالها وتكون ضعيفة وفعز محنتها تفكر فهاد شي بقيت كنتنفس بجهد وانا ضامها ليا تا فيقني صوت الكلاكصون ديال الطموبيلات عاد بعدتها عليا بشوية كانت تتشوف فيا شوفة حنينة بستها ووخليت يدها فيدي عادي تحركت وانا كنفكر فكلامها تا وصلنا لواحد السناك خليتها ونزلت خديت البيتزا و رجعت عندها كانت كتهضر فالتيليفون مع ختها) ...ميساء:صافي فهمت ا غيثة خليني نسول عثمان ونرد عليك(عثمان شاف فيا)صافي واخا يالاه بسلامة سلمي عليهم ...قطعت معاها وضرت عند عثمان لي من بعد الخديث ديالنا وهو ساكت شفت الخوف فعينيه انا ديك الكلمة قلتها حيت كان ممكن نفكر فيها لانني كنت فحالة ضعف وكون مكانش هو بجنبي مكنتش غنعرف نتصرف ولكن كنضن منوصلش للانتحار ايماني ماشي تال هاد الدرجة ضعيف..بقيت كنشوف وهو سايق هزيت يدو بستها وبديت كندوز يدي عليها بشوية تا ضار عندي ...عثمان:شنو بغاتك غيثة ...ميساء:قاتلي غدا بغاتني نخرج انا وياها بغات تشري حويجات للبيبي ...عثمان:واخا غدا نوصلكم ...ميساء:واش مقلق مني ...عثمان:لا غير مشطون شوية ...ميساء:مناش ...عثمان:والو احبيبة(وقف الطموبيل)يالاه نزلي وصلنا ...نزلت وتسنيتو تا سد الطموبيل وجا عندي عنقني جنب وهو هاز البيتزات طلعنا للدار خديتهم من عندو ديتهم للكوزينة عاد لحقت عليه للبيت لقيتو فالدوش بدلت حويجي جبدت بيجامة سخونة شوية حيت البرد ديال البحر جابليا التبوريشة خصوصا ان دابا فصل الشتا تسنيتو تا خرج عاد دخلت انا قضيت حاجتي و توضيت باش نصلي لي فاتني عكس عثمان لي فاش كنا خارجين كان كيمشي يصلي فالجامع بقالو غير العشا خرجت لقيتو كيصليه كمل وضار عندي ...عثمان:انا عنزل لتحت صلي واجي واخا ...ميساء:واخا... 
كملت صلاتي ونزلت لتحت لقيتو جالس كيتفرج دخلت للكوزينة حطيت دوك البيتزات فالطباسل وجبدت العصير من التلاجة ومشيت حطيت فوق الطبلة وجلست حداه عثمان:اممم على السلامة الالة ...ميساء:توحشتيني هه ...عثمان:اه بزاف تعطلتي عليا ...ميساء:صافي هاني جيت شنو رايك نتعشاو ونديرو شي فيلم نتفرجو فيه ..عثمان:وي كنت غنقتارحها عليك(جرني عندو)اجي كولي بعدا بنتليا ضعافيتي هاد الايام ...ميساء(مخرجة فيه عيني):حلف واش بزااف فورمتي ولات خايبة ياك بففف ...عثمان:هه غير ضحكت معاك ولكن خاصك تاكلي حيت ماكلتك غير نقيب اما فورمتك هي هديك احبيبتي عاجباني ...بديت كنضحك وهو مرة مرة كيشد فيا كلينا وسالينا مشيت غسلت الماعن وطلعت للبيت جبت مانطة سخونة وهبطت لقيتو داير فيلم تخشيت حداه وتغطينا بدينا كنتفرجو وانا راسي على صدرو وهو كيلعبلي فشعري جابليا النعاس تا سمعتو هضر ...عثمان:غدا فاش تخرجي مع ختك شريلك شي حاجة شوفي شنو ناقصك ...ميساء:اه غنشري شي حويجات حجابيين جديدة يليقو بالخدمة ياك تنين انبدا ...عثمان:نتي مرات المدير بداي وقتما بغيتي ...ميساء:ههه لا غنخدم بحالي بحال الناس وتما بغيتك تعاملني كموظفة عندك يعني مديرش اختلاف فالمعاملة بيني و بينهم ...عثمان:كوني هانية هدشي عارفو نتي غير ديها فخدمتك وانا غنكون معاك وحتى المصممة لي تما غنوصيها عليك راها بنت ضريفة ومتخلقة ...ميساء(هزيت راسي فيه):اممم وشنو آخر ...عثمان(هه عرفتها بالها مشا بعيد مغيارة):ومزوجة و والدة هه ...ميساء(بديت كنضحك):اه مزيان ...عثمان(باسليا راسي):لي نوصيك خلي مسافة بينك وبين الرجال لي تما واخا ...ميساء:واخا ...سكتنا وكملنا الفراجة تا ولات التلفازة هي لي تتفرج فينا احم احم.... √عماد و غيثة√....غيثة:عماد ...عماد(خدام فالبيسي):اممم ...غيثة:غنخرج غدا ...عماد:جربي ...غيثة(عقدت حواجبي):كيفاش جربي تاني ...عماد:كيف كتسمعي مكاينش الخروج ...غيثة:ولكن انا درت مع ختي باش نخرجو ...عماد(خنزر فيا):ومعامن تشاورتي الالة كديري لي قالك راسك واش ممعمرشليك العين ولا شنو شفتك كتصرفي بحالا ديال راسك معندك راجل تشاوري معاه ...غيثة:وا لا احبيبي دابا كيشتي(مشيت عندو وجلست فوق رجليه وهو مزال كيخنزر فيا)انا حاملة ياك وبغيت نمشي نشري شي حويجات لولدنا عافاك عافاك ميساء اتكون معايا ...عماد:ملي باغا تشري الحوايج لولدنا قوليهاليا نديك ...غيثة(وقفت وبديت نهلل عليه):نتا،كيما درنا معاك وحلة صباح قتليك خرجني قلتي مشغول معندكش الوقت قلنا ماشي مشكل دابا ملي بغيت نخرج مع ختي كتقولي نقولك نتا تمشي معايا واش كتسطا عليا ...عماد:غنوض نفرشخ ملتك فهاد الليل بقاي تجبدي عليا تم جلسي للارض ...غيثة:مجالساش راك زدتي فيه وب ...عماد(بالغوات):جلسييييييييي😡...غيثة(جلست بلهلا يطريه ليا وخطيت يدي على كرشي):بشوية عليك كنتي غطيحليا الولد تفو على بشار ...عماد(دفعت الكرسي لي كنت جالس عليه ووقفت غادي جيهتها وانا معصب):عاودي شنو قلتي ...غيثة(خلعني بديت كنضور فعينيا تفكرت آخر مرة صرفقني ملقيت تا حل من غير انني نمثل عليه حطيت يدي على كرشي وبديت كنغوت):آآآآآي كرشييييي اهئ اهى آآآي ...عماد(خلعاتنيحطيت يد على خصرها ويد على كرشها):مااالكي غاسكتي لديلمي القلب شي نهار هضرررري شنو كيضرك ...غيثة:اهئ اهئ مكاينش لي كيضرني فصحتي قدك ديما فاقسني وشاد معايا العكس آآآي والله ويموتليا ولدي تا ندبحك(الله انجيه مسيكين سمحلي اولدي ندوز فوجهك هاد المرة) ...عماد(طلعات معايا الصهدة ملي سمعتها قالت هكاك بديت كنتفس بجهد وهزيتها خارج بيها):صافي سكتي مغيوقع والو غنمشيو للسبيطار ...غيثة(بتوتر):هاا لالا راه وجع عادي ...عماد(وقف و عقد غوباشتو):كيفاش عادي ملي عادي لاش دايرة هاد الحالة ...غيثة:واراه ملي كنتعصب كيوقعلي هاكا مسمعتيش الطبيب داك النهار قالي بعدي على الصداع ...عماد(حطيتها للارض وبديت كندوز يدي على وجهي وانا معصب):الصداع نتي لي تتقلبي عليه ...غيثة:هاوا غيبدا يغوت تاني شوف اخويا عرفتي اش غدير انا غنمشي لدارنا عند مي و با تا نولد وندوز 9 شهور ديالي على خير ديك الساعة نهضرو حيت الا بقيت معاك غتسيفطني للقبر انا وولدي ...عماد(زادت عصباتني):القبر هو لي غنسيفط مك ليه هاد الليلة(بالغوات)حيدييييي من قدااااامي ...مشيت كنجري للبيت سديت عليا الباب وبديت،كنتصنت عليه اش كيدي سمعت حسو مقطوع وانا نمشي نجلس وبديت نغزز فضفاري ناري و يعيق بيا تفليت عليه يشد مي ينتفني من شعري زغبة زغبة....
عماد* ...بقيت جالس فالصالون وشاد راسي بين يدي ورجلي كيفيبريو حاس براسي غنوض نريب عزيها داك البيت كتعصبني وكدير غير لي فراسها كانت هاكا فلول ودابا مع الحمالة لي خاصخا تبت زادت كملات لي باقي بقيت جالس وانا كنفكر فهضرتها كتعصبني ملي كتقولي نمشي لدارنا واش انا تزوجتها باش تبقا حدايا وقدام عيني ولا تجلس هي فدارهم وانا هنا انا عارفها دارت هاد التمتيلية بلعاني ولكن خليتها باش منديرش فيها يدي وخصوصا ملي كنتعصب مكنتحكمش فراسي بقيت جالس شحال تا طلعات عندي الواليدة ...فاطنة:عماد مالك جالس هنا باقي منعستي ...عماد:هانتي كشتوفي فيا ...فاطنة(عرفتو معصب جلست حداه ودرت يدي على ضهرو):معصب تاني الخدمة ولا غيثة ...عماد:الصمت ...فاطنة:شوف اولدي الخدمة مغتهربش و كولشي كيتحل بالعقل و غيثة راها حاملة دابا و الوحم ديالها بانليا صعيب وهي باقا صغيرة و اول حبالة ليها راه خاصك تسايسها اولدي وتوسع خاطرك معاها تا دوز الشهورة لولة بيخير ...عماد(ضرت عندها):واراه زادت فيه بزاف كلمة جوج تقولي نمشي لدارنا ودابا زايداها دارت مع ختها يخرجو بلا شواري ...فاطنة:راه قتليك سايسها اولدي و زيدون ياك خارجة مع ختها خليها تخرج تفوج شوية وهي النهار كامل مخشية فالدار ونتا فخدمتك معارفها اش كدير كضل طالعة هابطة مرة تجمع معايا مرة تنعس مرة طلع تبقا طل من السطح تا،كتمل ودخل لبيتها وهدشي ممزيانش ليها ضروري خاصها تبدل الجو شوية باش نفسيتها ترتاح ومتبقاش تفكر بزاف فهاد الفترة كتولي المرا الحاملة تتفكر غير فالولادة وشنو غيوقع ليها وهدشي راه كيأثر عليها وعلى لي فكرشها ...بقيت كنشوف فيها وكنسمع ليها حسيت براسي بعيد عليها بزاف خصوصا ان غيثة من النوع لي كيضحك ويهضر بزاف ولكن مكتعبرش على لي فداخل ديالها و اكيد هدشي لي كيخليها تشد معايا الضد ودير عكس كلامي بست بلواليدة راسها جات فالوقت المناسب و الحمد لله انني بعدت عليها ومدرتش شي تصرف خايب معاها دابا فهمت بلي هي ففترة صعيبة وحساسة خاصني نكون بجنبها ونتحكم فأعصابي معاها ...عماد:جيتي فوفتك اميمتي ...فاطنة:الله ارضي عليك اولدي ووسع خاطرك هدشي كلو غيفوت نوض عند مرتك دابا متخليهاش مقلقة واش كلات بعدا راه متعشاتش معانا جيت باش نشوفها وتانتا متعشيتيش و مسمعتكش ملي جيتي....ليلى لوليتا... ...عماد:اه جيت غير قبيلة شوية اتكون كلات شي حاجة قبل متعشاو دكشي علاش ..فاطنة:لا من الغدا ما كلات وتا الغدا غير نقبات وصافي ...عماد(تنهد):بففف صافي هانا غشنوفها ...فاطنة:يالاه تصبحو على خير ...عماد:ونتي بخير ...هبطات الواليدة ومشيت للبيت حليت الباب غير بشوية نشوفها اش كدير بانتليا مسرحة فوق الناموسية ناعسة على كرشها وكل رجل فين مليوحة بقيت كنشوفيها وتفكرت بلي مواكلة والو قربت ليها باش نفيقها لقيت تيليفونها حداها كان باقي شاعل يعني عاد نعسات هزيتو باش نطفيه لقيتها داخلة لشي صفحة فالفيس كتهضر على الحوامل وبالضبط الولادة حطيتو وقاديتها بلاصتها بلا منفيقها حيت بانتليا مرتاحة مشيت طفيت البيسي ورجعت تخشيت حداها عنقتها عندي من خصرها وبقيت كنفكر فحياتي انا وياها وولدنا لي جاي(حطيت يدي على كرشهاكنتحسسها وابتسامة على فمي)كنتخيلها وهي ام كتربي ولدنا ههه هي خاص لي يربيها ويرد ليها البال بهاد الفعايل ديالها كتجيني شي مرات برهوشة ديال 10 سنين بهاد العكس لي كتشد معايا..تفكرت منضرها وهي كتمتل عليا منكرش انني تخلعت عليها وخفت يكون بصح ولكن غير بدات كتجابه معايا وتتسنطح عرفتها غير طالقاها عليا دكشي لاش محكرتش على السبيطار....
صبح الصباح فقت على صوت الساعة فالتيليفون انا و غيثة تافقنا باش نخرجو مع 12 باغا دوز النهار كامل على برا معرت كيفاش خلاها عماد...ضرت شفت عثمان كان مزال ناعس خليتو ونضت دخلت للدوش قضيت حاجتي وتوضيت وصليت الصبح كانت 10 د الصباح مشيت وجدت الفطور يالاه تميت طالعة باش نفيقو وانا نسمع الصونيط مشيت حليت وهي تلاح عليا غيثة ...غيثة:توحشتتتتك ...ميساء(عنقتها):ههه تا انا توحشتك ...عماد:ختي ميساء سمحيلينا ياكما فيقناك من النعاس هاد ختك بايتة كتحلم بالخروج ...ميساء:ههه لالا كنت فايقة دخلو دخلو بعدا ومزيان ملي جيتو نفطرو مجموعين دخلو ...غيثة:اممم شميت ريحة الكيكة لي كنتي كتصاوبي ...ميساء:ههه هي هديك جلسي انا نفيق عثمان ونجي ...عثمان(هابط):هاوا جا صباح الخير ...الكل:صباح النور ...عثمان(سلم على خوه ودار عند غيثة):غيثة كيصبحتي ...غيثة:بيخير اخويا الحمد لله ...ميساء:ولاهيلا درتوها زوينة ملي جيتو تونسونا فالفطور ...غيثة:وا قوليهاليه من صباح وهو يقولي حشومة ...عثمان(كيخوي اتاي):حشومة مالكم جايين عند البراني شوفي هاد المرة تبغي تجي عيطيليا نجي نجيبك ...غيثة:صافي مشات ...عماد(عنقتها وجريتها عندي):لالا مرتي متخرجش بلا شواري فينما بغات تمشي انا نديها ...ميساء:ههه اوا فطرو ...عثمان:عماد غنوصلوهم ونمشيو انا وياك عند الحاج ...عماد:واخا ...كملنا فطورنا بقينا جالسين مجمعين شوية تا وصل الوقت وطلعت بدلت حوايجي وخرجنا وصلونا للسويقة لفين بغينا ومشاو وهوما كيوصيو خصوصا عماد بانليا هاد المرة مهدن بزااف واخا غيثة كتبقا تجابد معاه ولكن كيديرليها خاطرها واخا مموالفاش ليه...بقينا شحال كنضورو ومن محل لمحل تا دخلنا لواحد القيسارية فيها بوتيك خاص بحوايج الدراري الصغار دخلت انا و غيثة وهي غير كتنقز كلشي عاجبها فرحانة بزااف ...غيثة:ختي شوفي هاد الكسيوة شحال زوينة غناخدها ...ميساء:اه زوينة ولكن نتي دابا باقا معارفاش شنو عندك خودي حاجة ممكن تليق للبنت و الولد باش ميضيعوش ...غيثة(بتفكير):اممم بصح ولكن غناخد هاد الكسيوة شوفي هاد اللوين الغوز كنحماق عليه ...ميساء:واخا يالاه اجي نشوفو حوايج خرين ...غيثة:واخا ...مشينا كنقلبو وهي غير كتهز وتحط وانا كنشوف معاها منكرش انني خديت شي حويجات لولدي ولا بنتي لي يجيوني ان شاء الله ههه حيت دكشي زوين بزااف وانا لي كنت كنقولها تا تعرف شنو عندها وتاخد ...غيثة:ههه شفتك كتاخدي ياكما مخبية عليا شي حاجة ...ميساء(بابتسامة وكنشوف فواحد الصبيبيط):يا ريت ولكن مكاين والو هاد الساعة(حطيت يدي على كرشها)احساس زوين ونتي هازة روح فكرشك ياك ...غيثة(حطيت يدي على يديها):اه بزااف و قريب تانتي ان شاء الله غتجربيه احبيبة ...ميساء:ان شاء الله غيثة:الا كملتي اجي نخلصو ونمشيو نشوفو بلايص اخرين ...ميساء:يالاه اه تا انا خاصني ناخد ليا شي حوايج حيت غنبدا الخدمة مع عثمان ...غيثة:اوااااه حلفي حلفي فالتصاميم ياك كنتي شحال،هادي قلتيلي بلي اقتارح عليك هدشي ...ميساء:اه والبارح فاش كنا خارجين عاود جبد معايا الموضوع وانا قبلت نيت بغيت نشغل راسي شوية ومنبقاش غير فالدار تصوري البارح معرفتش اينا نهار ...غيثة:ههه عادي عادي انا مكنعرف لا النهار ولا الشهر الا مكانش شي فيلم والله لا رديت البال ...ميساء:نتي غير سكتي ههه زيدي قدامي ...مشيت انا وياها خلصنا دكشي من بعد مجمعوهلينا وخرجنا توجهنا لبوتيك آخر خاص بحوايج المحجبات اختاريت شي لبيسات و خديت معاهم شيلان ...غيثة:هدشي زوين ميساء شوفي ...ضرت عندها لقيتها هازة واحد الشوميز دو نوي ...ميساء:اه زوين ههه خوديه ايعجب لعماد ...غيثة:ههه عماد حبيبي كنعجبو بلا هدشي ...ميساء(كنشوف فالبنت لي كتجمعلي الحوايج خلصتها وخديتهم من عندها):شكرا اختي(وقفت حدا غيثة)دابا غتاخدي هدا ولالا ...غيثة:لا تال مرة خرا دابا جاني جوع شوفي هاد البوتيك لي شافو من برا يقول غير حوايج المحجبات وهو عامر بهاد العجب ...ميساء:ولكن دكشي عندهم زوين ...غيثة:بزااف مجاكش جوع ...ميساء:اه جاني يالاه نمشيو نتغداو(شفت الساعة)2 هادي الوقت دغيا داز ...غيثة:اه(بدا تيليفوني كيصوني)جاوبي جاوبي راجلك ههه...ليلى لوليتا.... ...ميساء:ههه شكون ايعيطلي من غيرو(جاوبتو)الو.. ...عثمان:حبيبتي ساليتو ...ميساء:اه احبيبي ودابا غاديين نتغداو ...عثمان:امم مهضر معاك حد لا نتي ولا،غيثة ...ميساء(بابتسامة):لا مهضر معانا حتى حد كون هاني ...عثمان:ملي تغداو نجي عندكم ؟ ...ميساء(كشنوف فغيثة):معرفتش غيثة ملي نتغداو نرجعو فحالنا ولا باقة شي حاجة ...غيثة:لااا باقي الحال بغيت نمشيو للبحر نشم الهوا شوية اختي ...عثمان(سمعت كلامها):احم ولكن البحر ونتوما بوحدكم ...ميساء:متخافش احبيبي غنجلسو غير فالكورنيش فين تيكونو الناس ومغنطولوش ...عثمان(معجبنيش الحال ولكن خليت على خاطرها):واخا ردو البال لراسكم وفاش نعيطلك جاوبيني متخلينيش نتشوش عليك ...ميساء:واخا بسلامة ...عثمان:بسلامة.
عثمان/عماد* ...عثمان:بسلامة(ضرت عند عماد لي معصب)ريح اصاحبي مالك داير هاد الحالة ...عماد(معصب):مخليتينش نهضر معاها ا عثمان اينا بحر لي باغا تمشي بيه وهوما جوج بنات بوحدهم ...عثمان:وا جلس اصاحبي هوما دابا غاديين يتغداو واحد الساعة ونمشيو عندهم تا انا مبغيتيش ولكن مبغيتش نزير معاها راه قليل فين كيخرجو ...عماد:عارف وتا غيثة راه قليل مكتمشي فين ولكن مكنبغيهاش تخرج بلا بيا وفنفس الوقت الخدمة مزيراني ودابا الحمالة ولا نفسيتها فشكل كلمة جوج كتشاد معايا والبارح فليل هضرت مع الواليدة لقيت عندها الحق دكشي لاش خليتها خرجات ولكن ماشي تال هاد الدرجة البحر تيكون عامر بالشماكرية ...عثمان(عصبني بهضرتو وزاد شطني):مصيبة معاك نتا نوض تهز نمشيو عندهم ...يالاه نضنا باش نمشيو وهو يجي الواليد ...الحاج عيسى:فين غاديين عاد جيتو ...عثمان:انمشيو عند البنات نجيبوهم ...الحاج عيسى:جلسو جلسو بلاتي شوية راه جايين شي ناس ...عماد:اشمن ناس الواليد خلينا نمشيو ...الحاج عيسى(خنزر فيه):عماد جلس هي جلس ياكما تسحابليك كبرتي غتبدا،تعلي صوتك عليا ...عماد(بستليه راسو):حاشة راه غير معصب شوية وصافي وبالي مشطون ...الحاج عيسى:اولدي رخف على مرتك شوية تاهي راه من حقها تبدل الجو راه مكدير تا حاجة عيب ولا حرام ولا نتا كتشك فيها ؟ ...عماد(كنشوف فيه):كيفاش كنشك فيها لالا غيثة عمري شكيت فيها ...الحاج:اوا مالك مزيرها تال هاد الدرجة متخرج مدرج شوف خوك مدايرش لمرتو هاد الحالة ...عثمان:اودي الحاج راه غير مكنبغيش نزير معاها ...الحاج:و هدا هو المهم كاما وسعتي خاطرك معاها كلما تا هي راعاتليك ودارتليك خاطرك كتر وكتر المرا راه كتجي غير بالمعاملة الطيبة و الاهتمام و الثقة ...عماد:هايهاي على الحاج عندك خبرة دكشي علاش الواليدة كتخاف منك ...الحاج:مك اولدي مكتخافش مني و انما كتحتارمني وهازاني فوق راسها و تا انا داير كتر من جهدي كون شفتو العداب لي دوزنا فياماتنا تحمدو الله انا مكم زوجهاليا جدكم الله ارحمو بزز كان و نعم الرجل لا هو ولا مرتو لقيت المشكل مع ختها وملقيتوش مع والديها ولكن بالصبر كلشي داز وها نتوما كبرتو وتزوجتو وقريب غيتزادو عندكم وليداتكم ...عثمان:ان شاء الله عماد:ان شاء الله الواليد دابا شكون هاد الناس لي قلتي جايين ...الحاج(كيشوف فساعتو):هاوا دابا،غيجي ...بقينا جالسين كنهضرو وانا كل ساعة كنسيفط ميساج لميساء نسولها واش مزيان باش نبقا هاني وكنشوف فعماد لي حاضيني وكنطمنو غير بعيني بقينا هاكاك تا بانليا الحاج كيشوف مورانا و كيبتاسم وهو يوقف ضرت انا و عماد كنشوفو ....ليلى لوليتا.... ...عماد:لاااا هههه ...عثمان(عنقتو):مفاجأة زوينة هادي نهار كبير ...الشخص(عنقو تا هو):كبير بيكم توحشتكم(شاف فعماد و عنقو)فين السبع ...عماد:واا غبرتي اصاحبي نسيتينا ...الشخص:ديما فالبال ...الحاج:ولدي ياسر على سلامتك مرة خرا ...باسر(بستليه راسو):الله اسلمك الحاج(ضرت عند الدراري)وا فين السبوعة ههه ...عثمان:امتى جيتي علاش معلمتيناش ...ياسر:بغيت نديرهالكم مفاجأة ...عماد:احسن حاجة درتي ...ياسر:مبروك ما درتو بعدا هه ونتا مبرك البيبي لي جاي ...عماد:الله ابارك فيك نتا مكاين والو مغنفرحوش بيك ...ياسر(جمع الضحكة):احم انا الموضوع سديتو شحال هادي ...عثمان:باقي منسيتيهاش ...ياسر:خليكم مني اش خباركم كيدايرة الحاجة ...الحاج عيسى:لاباس عليها اولديتسلم عليك و عارضة عليك اليوم للعشا(شاف فولادو)نتوما جيبو عيالاتكم وجيو للدار غنتعشاو مجموعين ...عماد(شفت فعثمان):واخا ...ياسر:ان شاء الله نيت توحشت طيابها هه اوا عاودوليا نتوما شنو درتي فغيابي ياكما عمرتو بلاصتي ...الحاج:انا نخليكم غنمشي للدار نرتاح عييت متعطلوش بسلامة عليكم ...الدراري:بسلامة ...عماد:ماجا بلاصتك حد نتي لي ياكما درتي الصحاب ف فرنسا ونسيتينا ...ياسر:هه مكانش عندي الوقت اما نديرهم راك عارف الظروف علاش سافرت تدهيت مع الخدمة بديت حياة جديدة تم من لول كان صعيب عليا نتأقلم تما ...عثمان:مكنتيش تمشي ...ياسر:نتا ماحاسش بيا ديك الساعة هاد الحل هو لي لقيت عارفك نصحتيني واخا حاولت ندير لي فجهدي ونشد معاها الطريق ولكن هي راسها قاسح وانا كنت بغيتها و للاسف باقي كنبغيها ...عماد:نتا خبيتي علينا كون من النهار لول قلتيلنا شنو كاين كون عاوناك ولا على الاقل منخليوكش توصل لهدشي ...ياسر:اودي نساو لي فات ...عماد(شاف فالساعة):صافي صبري تقادا غنمشي نجيبها ...عثمان(وقف):واخا يالاه نمشيو نصليو العصر عاد نمشيو نجيبوهم ياسر معندك فين تمشي ...ياسر:معندي فين نمشي من غيركم ههه نتوما لي عندي فهاد الدنيا ...عثمان(بابتسامة):نتا راك خونا يالاه نمشيو نجيبو البنات ونمشيو للدار ...ياسر:واخا ...عماد:احم ياسر قبل منمشيو ...ياسر:نعام ...عماد:نورهان عندنا فالدار..
عماد:نورهان فالدار جالسة معانا هاد الفترة حيت كتقرا ف لافاك لي هنا ...ياسر:مزيان(مشا) ...عثمان(مغوبش):لاش قلتيهاليه ...عماد:خاصو يعرف ...عثمان:ولكن ماشي دابا غيثة لي كتعرف عليك ...عماد(تفكرها):زيد زيد تعطلنا عليهم ...عثمان:قلنا نصليو العصر بعدا ...عماد:واخا زيد ...خرجنا لقينا ياسر واقف حدا الطموبيل ديالو وكيخربق فتيليفونو وففنا حداه شاف فينا ومشينا للجامع كان قريب للمحال تما صلينا و خرجنا ...ياسر:نتوما سبقوني وانا نتبعكم عماد اجي ركب معايا ...عثمان:واخا يالاه ...ركبت وسيفطت ميساج لميساء بلي حنا جايين وقاتليا البلاصة فين كاينين وصلنا للطريق دالبحر كانت الدنيا عامرة بزااف بحكم اليوم الاحد والعشية دابا اغلبية الناس كيخرجو ليه واخا الحال بارد شوية بقينا شحال معطلين فالسطوب عاد تحركنا وقفت الطموبيل جنب وهبطت وهو يوقف مورايا ياسر و عماد ساينتهم تا هبطو عاد تحركنا زدنا وحنا،كنقلبو بعينينا تا بانتليا ميساء واقفة هي و غيثة وكيتصورو كانو كيبانو مرتاحين وعاجبهم الحال عاد ارتاحيت الحمد لله داز النهار مزيان ضرت عند الدراري ...عثمان:راهم لهيه ...عماد:اه شفتهم ...ياسر:ههه على سلامتك ملي شفتيها كنتي باغي طير من الطموبيل ...وصلنا عندهم كانو عاطيينا بالضهر مشيت عنقت ميساء من لور ضارت قافزة تا شافتني عاد ابتاسمات ميساء:خلعتيني(بستو من وجهو) ...عثمان(بابتسامة وقبطتليها يديها):توحشتك ...ميساء(بهمس):تا انا ...غيثة(كنشوف فعماد):مالنا على دوك الشوفات ...عماد:والو كنشوف فمرتي منشوفش ...غيثة:اوا منعرف ليك(شفت غداك لي معاهم)شكون هاد الاخ ...عماد(جريتها عندي وعنقتها من خصرها):هدا ياسر صاحبنا كان مسافر و يالاه جا اليوم ...ياسر بحكم انه عارفنا و خصوصا انا اكتفى انه يلقي السلام و يبتاسم للبنات بلا ميمد يديه ...ياسر:السلام وعليكم ...البنات:و عليكم السلام ...غيثة:يااه عويناتو عسليين زوينين اااي(شفت فعماد لي زيرليا على خصري)اويلي قتلني نتا ...عماد(بهمس):كنبغي ندير عقلي معاك ولا نتي حالفة تسعريني ...غيثة:وا مالك هو لي عويناتو زوينين شوف عندو اللحية بحال عثمان(ضرت عندو وحطيت يدي على وجهو)نتا لحيتك خفيفة ولكن زوينة ...عماد(مغزف):اهاه زيدي شنو آخر ...غيثة(ضرت كنشوف فياسر):امم هدشي باش متميز اما الطولة والفورمة نتا حسن منو عويناتو عجبوني بغيت ولدي يكونو عويناتو بحالو ...ميساء(سمعت هضرتها وانا حابسة الضحكة هاد اللحظة عرفت ان عماد بصح داير فوق جهدو ومسايرها عرفتها جاها الوحم على ياسر ملي شافتو وهي تتبلق فعينيها دكشي علاش قربت ليهم وهضرت مع عماد):ههه عماد مراتك جاها الوحم على ياسر ...عماد:كيفاش ...ميساء:شنو لي كيفاش راها الوحم دابا ولدك غيجيب عوينات ياسر هه ...عماد:ومال ميجيب عوينات باه ...غيثة(كتشوف فياسر لي كيهضر مع عثمان):لا عينيه زوينين....ليلى لوليتا.... ...عماد:وا صافي راك كليتيه ضوري شوفي فيا(ضورتليها وجها عندي)توحشتك ...غيثة(دغيا نسيت ياسر وبديت كنبتاسم قربت ليه وكنشمشم فيه):تا انا افف ريحتك زوينة ...عماد(بستها دغيا وجريتها عندي):هاد الهضرة كتقوليها،تا كنكونو فالزنقة فالدار كتعطيها غير للغوات ...غيثة:حيت كتعصبني ...عثمان:يالاه نمشيو ...تحركنا من تم عماد و غيثة ركبو مع ياسر وانا و ميساء جينا بجوج ...ميساء:باينة عزيز عليكم ...عثمان:هو بحال خونا تقريبا كبر معانا كان صغير فاش ماتو والديه كانو جيرانا تكون عندو ديك الساعة 13 عام من تما وهو معانا حتى كبر ...ميساء:وعلاش مشا لفرنسا ...عثمان:على قبل نورهان هو لي كنت عاودتليك عليه وباقي لحد الآن كيبغيها ...ميساء:مسكين ولكن نتا علاش معاونتيهش يتجمع معاها ...عثمان:مدخلتش حيت انا لي كنعرف نورهان مها كتأتر،عليها بزاف وراك شفتي الواليدة اكبر متال وانا مبغيتش ياسر يتعدب ويعيش فالمشاكل ...ميساء:الا كانو مكتابين لبعضياتهم ربي غيجمعهم ...بقيت سايق ومرة مرة كنهضر معاها تا وصلنا للدار نزلنا حليت الباب ودخلنا،كان الوليد و الواليدة جالسين الواليدة غير شافت ياسر ناضت عندو وبدات تتبكي توحشاتو وتاهو جلسنا بقينا كنهضرو حتى تحل الباب ودخلات نورهان لي غير وصلات عندنا وقفات والصدمة باينة على وجها....#
نورهان(متوترة وعينيا على ياسر):السلام الكل:وعليكم السلام ...فاطنة:بنتي اجي سلمي على ياسر عقلتي عليه ياك ...نورهان(تقدمت عندهم ووقفت قدامو ومديت يدي لي كترجف):سلام ...ياسر(شفت فيها ونزلت عيني بزربة عاد مديت):سلام ...بقاو واقفين شي كيشوف فشي وانا حاضياهم اول مرة نشوف نورهان متوترة هاكا وبما انها فهاد الحالة اذا راها كتبغيه اولا مكانتش غتوتر بهاد الطريقة ...فاطنة:بنتي سيري بدلي عليك واجي جلسي شوية غنتعشاو ...نورهان:غير بالصحة اخالتي انا ما فيا لي ياكل ...دخلات نورهان للبيت بزربة وبقينا حنا جالسين تا حسيت بغيثة كتهضر فودني ...غيثة:كنشم شي ريحة ...ميساء:حبيبة مع هاد الوحم وليتي كتر من السلوڭي ههه ...غيثة(غوبشات):بزااف عليك الحلوفة مكنهضرش اصلا على الماكلة كنهضر على نورهان و ياسر شفتيهم على شوفات دارو فبعضياتهم ...ميساء:لا اختي مشفتش نتي تا حاجة مكتزهق ليك ...غيثة:شحال فيك اففف خالتي جاني جوع ...فاطنة:واخا ابنتي انا نوض نوجد ...ميساء(وقفت معاها):انا نجي معاك ...غيثة:تا انا ...عماد(وقفت وجريتها):لا نتي اجي طلعي معايا الفوق بغيتك ...غيثة:وا ...ميساء(قاطعتها):صافي ا غيثة سيري مع راجلك ونيت بدلي حوايجك بينما ساليتو تلقاونا وجدنا ...غيثة:واخا يالاه ...دخلت انا وخالتي للكوزينة بدينا كنوجدو ...ميساء:خالتي واش انتعشاو مجموعين ولا غنفرقو ...فاطنة:لا ابنتي مجموعين ياسر ماشي براني راه ولدي هداك ...ميساء:واخا اممم عرفتي شنو ديريلي حق نورهان جنب ندخلولها لبيتها ...فاطنة:اه ابنتي فكرتيني الله ارضي عليك ديك البنت ضل برا وملي تجي تنقب ولا متاكلش معرت باش عايشة ...بقيت مع خالتي هي كتوجد وانا كنمشي نحط فوق الطبلة وعثمان كل مرة كيغمزني واخا كيكون يهضر مع ياسر و عمي كملت ورجعت للكوزينة هزيت البلاطو لي فيه عشا نورهان ومشيت لبيتها دقيت وحليت الباب دخلت بانتليا متكية فوق الناموسية عاطياني بضهر ومكورة على راسها حطيت البلاطو فوق الطبلة لي تما وقربت ليها ...ميساء:نورهان نعستي ...نورهان(بصوت مخنوق):علاش جيتي عندي ...ميساء:جبتليك عشاك حيت مبغيتيش تعشاي معانا ...نورهان(ضارت عندي وعينيها حومر):مبغيتش غير خرجي ...ميساء:كنتي تتبكي؟ ...نورهان:ماشي شغلك خرجي بعدي من(قاطعها صوت تيليفونها ناضت بزربة شافت شكون وجاوبات)الو...وي مزيانة...لالا منقدرش اصاحبتي غير سيري نتي بصحتك...لا والو غير عيانة شوية....ان شااء الله(قطعات وشاغت فيا)شنو باقا كديري هنا ...ميساء:سمحيلي الا برزطتك ها عشاك هنا ويلا بغيتي شي حاجة عيطيلي ...نورهان(ناضت وتقابلات معايا):عافاك ا ميساء متبقايش ديري قدامي هاد التمثيل ديالك وتعاملي على اساس نتي ملاك ...ميساء:علاش انا شيطان؟شنو كتعرفي عليا ا نورهان؟عمرك سمعتي مني كلمة د العيب ولا حصلتي عليا شي حاجة؟نتي من النوع لي كيقيم الانسان من بعيد ومكيعطيش فرصة انه يعرفو مزيان(كنت غادة وانا نرجع عندها)اه حاجة خرا الا كان عندك شي مشكل فراه بسبابك نتي و الحل فيدك نتي نيت كيفا بغا يكون حاولي مدخلي تا حد فمشاكيلك الا كنتي باغا شي حاجة ديري المستحيل باش توصلي ليها ومتسمعي لحد من غير هدا(حطيت يدي جيهة قلبها)هو لي غيوريك الصح ...نورهان(باستغراب):شنو كتقصدي ...ميساء:انا مهضرتش من فراغ جلسي مع راسك وفكري فكلامي وفالمشكل لي عندك وغتفهمي تصبحي على خير ...خرجت وخليتها واقفة بلاصتها دخلت للصالة من بعد ما غسلت يدي كانو جالسين وكيساينوني ...ميساء:سمحولي تعطلت غير بداو علاش تسنيتوني ...غيثة:واراه قلتهاليهم مبغاوش ...الحاج:ههه لاواه ابنتي حنا بغينا نتعشاو مجموعين ...عثمان(همسلي فودني):فين كنتي ...ميساء:دخلت غير العشا لنورهان ...عثمان(علا حاجبو):ياكما قاتليك شي حاجة ...ميساء:لا والله غير هضرت معاها شوية وجيت ...عثمان(باستغراب):اممم يالاه كولي باش نمشيو ...بدينا كنتعشاو ومجمعين و مرة مرة عماد كيشد فغيثة لي كتاكل ومداياها فحد حتى ياسر مرة مرة كيهضر واخا كانت باينة فعينيه انه مشطون الصراحة كنتمنى انهم يتجمعو بجوج و نورهان بيدها الحل خاصها تحاول ترجعو ليها الا كانت كتبغيه وانا متأكدة انها كتبغيه اولا مكانتش غتبكي وتوتر من بعد ما شافتو ...كملنا عشانا ونضت انا وغيثة جمعنا الطبلة مع خالتي انا كنغسل الماعن وخالتي كتعمر اتاي و غيثة جالسة حدانا ...غيثة:خالتي لاش كتعمري اتاي دابا ...فاطنة:عمك ابنتي كيبغي يشربو ...ميساء:تا بابا كيعجبو ...فاطنة:الله ارحمو ابنتي ...ميساء(ضرت شفت فغيثة):احم امين ...غيثة:خالتي امتى غتنفخ كرشي ...فاطنة:هه باقي شوية ابنتي نتي يالاه فشهرك التاني تال الرابع عاد تبدا تبان ...غيثة:اه مكرهتش تكون عندي بنيتة ...فاطنة:لي جابها الله مرحبا بيها يتزاد غير بصحتو هداك هو الربح ميساء نتي باقي مكاين والو ...ميساء(تزيرات):باقي مجاب الله اخالتي ...فاطنة:و نعم بالله ابنتي تا انا فاش يالاه تزوجت بعمكم بقيت شي عامين عاد ولدت عثمان ...غيثة:ههه عثمان من صغرو وهو متقل و مرزن ....عثمان(دخل عندنا):سمعت سميتي ...غيثة:ههه اه جبدناك غير بالخير اخويا متخافش ...فاطنة(هزات البلاطو ديال اتاي):اجيو تشربو اتاي ...غيثة(وقفات):انا جاية
خرجو وبقيت انا،كنغسل الماعن وكنفكر علاش مزال ما حملت بفف تا انا بغيت نجرب بقيت مدة هكاك تا حسيت بيد عثمان على ضهري عاد رديت البال كنت كملت الماعن شللت يدي وضرت عندو ...عثمان:فاش كتفكري ...ميساء(بابتسامة):والو ...عثمان:متأكدة مقالتلك نورهان والو ميساء راني حافضك هاد السهوة ديالك عندها سبب ...ميساء:والله مكايمة شي حاجة احبيبي كنتنفكر غير فالخدمة ديال غدا متوترة شوية ...عثمان(جرني عندو وشدني من خصري):وعلاش متوترة انا معاك مكاين لاش تفكري كلشي غيدوز مزيان واي حاجة جاتك صعيبة اجي عندي ...ميساء(عليت راسي فيه وحطيت يدي على صدرو):عرفتي كنبغيك بزااااااااف ...عثمان(قرب عندي وباسني من شفايفي):انا كتر احبيبتي يالاه نمشيو للدار خاصك ترتاحي باش تفيقي مزيان ...ميساء:واخا،يالاه
من بعد ما ودعناهم مشينا للدار كان الوقت معطل بدلنا حويجنا وقاديت انا دكشي لي شريت فالبلاكار وتخشيت حدا عثمان لي كان مغمض عينيه غير حس بيا جرني عندو وطفا الضو بقيت شحال حالة عيني كنفكر حتى سمعت صوت ...عثمان:نعسي ...ميساء:هه باش عرفتيني فايقة ...عثمان(وعينيه مزال مغمضين):حيت ملي مكتخشيش وجهك فعنقي كنعرفك باقة فايقة(جرني عندو وخشيت وجهي فعنقو بحال ديما)دابا نعسي وبراكة من التفكير ....*اصبح الصبح والملك لله* ...عثمان(كيحركني):ميساء نوضي ...ميساء:اممم خليني ...عثمان(هزني عندو):لالا غنوحل معاك فالفياق ...هزني وانا مرخية باغا غير نعس اش داني لشي خدمة حسيت بيه حطني واقفة ويديه حاكميني من خصري وانا مرخية تا كيقفزني بالما لي رش عليا كان بارد بزااف بزز من حليت عيني و قاديت الوقفة وانا كنشوف فيه وهو واقف داير يدو على جنابو ...عثمان:دابا مزيان يالاه ...ميساء(كنتغبن):حرام عليك ...عثمان:براكة من الفشوش تابعانا الخدمة يالاه الله ارضي عليك ...ميساء:بففف واخا ...خرج هو من الدوش سديت الباب وقضيت حاجتي وغسلت سنيناتي عاد خرجت ملقيتوش فالبيت مشيت جبدت حوايجي لي غنلبس اختاريت كسيوة كحلة طويلة جاية مشدودة من الصدر تال،الخصر عاد مطلوقة شوية جبدت معاها شال فالبوردو وصباط عالي شوية فنفس اللون لبستها ومشيت للمراية درت الشال درت شدة عصرية ولا كيعجبني شكلي بالحجاب بزااف ساليت درت ماسكارا وقلم كحل فوق عيني عاد هزت عكر فالبوردو بديت كنتشاور نديرو منديروش تا عييت وانا نحطو مافيا لي يجبد الصداع هزيت غير كلوص غرز بارد درتو عاد لبست صباطي وهزيت بزطام كحل كبير شوية درت فيه تيليفوني وشي تصاميم كانو عندي عاد نزلت لتحت دخلت للكوزينة لقيتو واقف وهاز كاس دالعصير فيديه وشاد الجريدة فاليد لاخرا ...عثمان(شاف فيا طلعني من رجلي تال راسي عاد ركز الشوفة ففمي):مسحيه ...ميساء:حراااام عليك والله ما باين عافاك عافاك ...عثمان(مغوبش وكيشوف فيا):الصمت ...مشيت هزيت كلينيكس ومسحتو وانا كنتغبن خويت ليا كاس د العصير وهزيت طريف د الكيكة كليت بزربة عاد خرجنا الطريق كاملة وهو كيوصيني مرة كيحاول يريحني باش منتخلعش ومنتوترش ومرة يبدا يهضر بجدية وهو كيوصيني منهضر مع حتى شي راجل.. ...الطريق كانت طويلة شوية تقريبا ساعة لاروب عاد كنا قدام الشركة نزلت انا وياه قبطلي فيدي وتمينا داخلين وكلشي كيصبح عليه ويشوفو فيا تا وصلنا لواحد البيرو كانت جالسة فيه واحد البنت صغيرة شوية ودايرة الحجاز حتى هي ...عثمان:إكرام عيطيلي لأشرف و سلوى(😂😂تحية لسلوى و اشغف هههه هانا دخلتك للقصة باني فالتعليق نشوفك) ...إكرام:واخا ...مشيت انا وياه لبيرو آخر كان كبير وزوين حيد الفيستا ديالو وعلقها عاد جلس ...ميساء:البيرو ديالك زوين ...عثمان:اليوم غنعرفك على المصممين لي خدامين معانا ونخلي إكرام تديك توريك الشركة غدا ان شاء الله عاد تبداي ...ميساء:مغنبداش اليوم ...عثمان:لا اليوم غير تحيدي منك الخلعة لي فيك ونوصيهم يوجدوليك بيرو هنا ...ميساء:ههه بيرو هنا معاك ...عثمان(متكي على الكرسي وكيشوف فيا):اه ضروري تبقاي قدام عيني ...ميساء(بدلع):هاكا غنطلعليك فراسك ...عثمان:قربي عندي ...مشيت عندو وضار عندي جرني من يدي وجلسني على رجليه وهو كيشوف فيا ....ليلى لوليتا... .. عثمان:مكرهتش نبقا ديما نشوف فيك وتبقاي قدام عيني الا كنتي كتفكري انني ممكن نمل منك يعني تا نتي ممكن تملي مني ونتي النهار كامل معايا ...ميساء:بالعكس هادي احسن حاجة بالنسبة ليا نتا عارفني شحال كنتوحشك فاش كضل النهار كامل هنا فخدمتك وانا فالدار واخا كتهضر معايا ولكن ماشي بحال ونتا قريب ليا وحدايا ...بدا كيقرب ليا يالاه دخلنا فالمعقول وحنا نسمعو الدقان وقفت بزربة ومشيت جلست فالكرسي لي قدام البيرو ديالو عاد عطا الاذن بالدخول ...شفت جيهة الباب دخلات إكرام ومعاها ولد بنت تا هي كانت محتاجبة لابسة سروال بيض وشوميز كحلة طويلة حتى للركبة و الولد كان طويل ورقيق شوية لابس الكلاص دخلو لقاو السلام ومشات إكرام ...عثمان:جلسو نعرفكم بعدا هادي ميساء المدام ديالي ميساء هادو اشرف و سلوى مصممين معانا هنا هو مصمم الملابس الرجالية و سلوى مصممة ملابس حجابية نسائية هوما معامن غتعاملي(ضار شاف فيهم)ميساء غتكون مصممة معاكم هي قارية هاد التخصص بغيتكم تعاونوها بينما ولفات وتعرفات على خدمتنا ...سلوى:مرحبا بيك معانا انا مستاعدة نعاونك وغنكون معاك حتى تعرفي على طريقة الخدمة ديالنا ...اشرف:مرحبا بيك ان شاء الله مغتلقاي حتى شي صعوبة معانا ...ميساء(بفرحة ارتاحيت ليهم بزااف):ان شاء الله شكرا ليكم ...عثمان:يمكنليكم تمشيو دابا ...مشاو هوما وضرت عند عثمان ...ميساء:اففف هادي اول خطوة باينة فيهم ضريفين بزااف وغنولفهم ...عثمان(هاز حواجبو):كنضن كتهضري على سلوى ...ميساء:اه اه هي ضريفة بزاف هي مصممة ملابس نسائية غنتعامل معاها بزااف اما اشرف غير الا بغيت نسولو فشي حاجة فإطار الخدمة طبعا ...عثمان:مزيان(هز التيليفون)اكرام قولي لسعيد يجيب ليا الفطور لهنا ديال جوج دالناس..شكرا ...ميساء:نيت فيا جوع ...عثمان:دكشي علاش عيطتلهم يجيبو الفطور ...بقينا جالسين وعثمان خدام فشي وراق حتى جا واحد الراجل دخل الفطور حطو قدامي ناض عثمان فطرنا وهو تيحاول يشرح ليا شحال من حاجة.
كملنا و عيط لإكرام باش تعرفني على الشركة مشيت معاها وهي كتوريني كل قسم باش مختصين نزلنا لتحت كان معمل خياطة كانو فيه بزاف ديال العيالات كل وحدة و آلة الخياطة ديالها عاد داتني لواحد الجهة خرا كامو فيخا التصاميم لي واجدين وباقيين مخرجوش للسوق كان دكشي زوين بزاف ولكن غير عبايات متنوعين فالالوان وطريقة التصميم وهاد النوع من العبايات ماشي كلشي النساء كيميلو ليهم وكيبغيو يلبسوهم تفكرت التصاميم لي عندي وقررت باش نخدم عليهم بأشكال مختلفة...كملنا الجولة ورجعت عند عثمان دخلت لقيت عندو ياسر.

ميساء:السلام وعليكم ...ياسر:وعليكم السلام ختي ميساء ...عثمان:كملتي ...ميساء:اه إكرام وراتني كلشي تقريبا حتى القسم لي فيه التصاميم لي واجدين لاحظت انكم كتصممو غير العبايات ...عثمان:وهدشي لي قلتليك ومن بعد ما شفت التصاميم ديالك دكشي علاش اقتارحت عليك تخدمي معانا و نستافدو من الموهبة ديالك ...ميساء:كون هاني جاوني افكار بزاف ههه ...عثمان(بابتسامة):مزيان جلسي دابا تم وبداي تا يوصل وقت الغدا ونرجعك للدار تال غدا ان شاء الله وتبداي يكونو جابولك البيرو ديالك ...ميساء:واخا ...عثمان(ضار عند ياسر):اوا فكرتي ...ياسر:صعيب هدشي لي كتقول اصاحبي انا اسست حياتي تم ميمكنش نرجع لهنا فتحت شركة تم ورصيت الامور عاد جيت نشوفكم ....ليلى لوليتا... ...عثمان(تنهد):راسك قاسح المهم منبززش عليك لي ريحك ديرو و اي حاجة احتاجيتيها انا معاك ...ياسر:احم كاينة واحد الحاجة ...عثمان:شنو هي ...ياسر(شفت فميساء):نورهان ...عثمان(علا حاجبو):مالها واش باقي كتفكر فيها ...ياسر:اه البارح فاش شفتها لقيت راسي منسيتهاش ...ميساء(عجبني الحال ملي سمعت كلامو وهضرت بلا منشعر):و حتى هي منساتكش(شفت فعثمان لي خنزر فيا)احم سمحولي قاطعتكم ...ياسر(شاف فيا و شاف فعثمان):بصح باش عرفتيها ...عثمان(شاف فيا وهو مزال مخنزر):جاوبيه ...ميساء:امم والو البارح فاش دخلت عندها للبيت لقيتها كانت كتبكي و فاش دخلات للدار لاحظت التوتر لي كانت فيه ملي شافتك ...عثمان:صافي هدشي ونتي الالة بديتي كتحللي غير بوحدك ...بقيت كنشوف فيه صدمني من الطريقة باش هضر معايا غلطت ملي هضرت ولكن مكانش يهضر معايا هاكا حسيت بحناكي غيطرطقو وودنيا السخونية طالعة منهم تزيرت ومرضيتش علاش هضر معايا هكاك حنيت راسي وبقيت ساكتة والدموع باغيين غير السبة ...ياسر(شاف الجو توتر ودخل):عثمان كنضن ميساء عندها الحق و البنات كيفهمو بعضياتهم ...عثمان(عينيه على ميساء):اممم ...عماد(دخل علينا):ها واحد السلام وعليكم ...غيثة(داخلة موراه):اه اه سخفت ...الكل:وعليكم السلام ...غيثة(جلسات حدايا):هايهاي الناس ديال الخدمة ...ميساء(اكتافيت بابتسامة):الصمت...غيثة:مالكي ...ياسر:فين كنتي ا سي ...عماد:كنا عند الطبيب ديال غيثة ومن تما جينا لهنا ...ياسر:هي شفتو البيبي ...غيثة:ههه لا مزال ميبانش دابا عماد يالاه بغيت نمشي للدار ...ميساء(وقفت):تا انا واخا توصلوني معاكم ...عثمان(وقف):انا غنوصلكم ...ميساء(كنرجع وراقي فالصاك ومكنشوفش فيه):بلا متعدب راسك عماد و غيثة فطريقي بغيت نمشي نشوف بابا و ماما...ليلى لوليتا.... عثمان(بقيت كنشوف فيها عرفتها تقلقات):واخا عماد وصلها عافاك فالعشية غندوز عليك ...ميساء(مجاوبتوش شفت فياسر):خويا ياسر بسلامة ...ياسر:بسلامة اختي ...خرجت سبقتهم وغيثة تابعاني ...غيثة:مالكي واش تخاصمتو ...ميساء:الصمت ...عماد(جا عندنا):يالاه نمشيو ...ياسر:مالك هضرتي معاها هكاك ...عثمان:خليني عليك ا ياسر ...ياسر:المهم نخليك دابا انا مشيت بسلامة ...عثمان:بسلام
ركبت مع عماد و غيثة لي كتحاول تعرف مالي ولكن مكان فيا لي يهضر حيت مرضيتش يهضر معايا هكاك قدام صاحبو حاسة براسي باقة مزيرة سمعت تيليفوني كيصوني جبدتو لقيتو هو بقيت كنفكر نجاوب منجاوبش تا عييت وانا نجاوبو خفتو يكون باغي شي حاجة ...ميساء:الو ...عثمان:احم وصلتي لداركم ...ميساء:مزال ...عثمان:واخا غير بغيت نسول فيك و ...ميساء(قاطعتو):اوك انا غنمشي دابا ...عثمان(بتنهيدة):واخا سيري رتاحي ومتخرجيش تا نجي عندك مغنتعطلش ...ميساء:بسلامة ...قطعت معاه وانا عارفاه غيطرطق حيت مكيعجبوش نهضر معاه بهاد البرود القاتل ولكن هو لي قلب عليا اكيد مغنضحكش ليه من بعد الطريقة لي عاملني بيها ...غيثة:مالك مقلتيلي غادية تجي عند ماما كون درت بحسابي وجبت دوايا وبقيت معاكم دابا تا انا اففف من دابا وانا فالدار ...عماد:شكون قالك غاديين للدار غنوصلو ميساء وغنخرجو انا وياك ...غيثة(بفرحة):حلف حلف ولكن راه مجبتش دوايا خاصني ناخدو مور الغدا سمعتي الطبيبة كانت تتوصيني ...عماد:اه احبيبة سمعتها وراني جبتو فاش كنا تم سيفطت لي يجيبو ليا من الفارماسيان ...غيثة:اممم اش جاك تا بغيتي تخرجني ...عماد:بدينا ختي ميساء واش هاد ختك ديما هاكا ...ميساء(ساهية):الصمت ...غيثة:خليها عليك معرفت مالها هاد النهار ...من بعد مدة وصلت لدارنا هبطت وهبطو معايا حتى هوما دخلو سلمو على ماما و بابا وخرجو..طلعت لبيتي لبست بيجامتي لي مخلياها هنا وهبطت عند ماما كانت فالكوزينة ...ماما:فرحتيني ابنتي ملي جيتي راجلك.ميجيش يتغدا عاد يرجع؟ ...ميساء:لا ا ماماتي هو كيتغدا تما شنو دايرة لينا للغدا ...ماما:باك ابنتي صابح باغي الرفيسة تقولي كيتوحم ...ميساء:ههه الله تا انا توحشتها شحال هادي مكليتها من يديك كتصرعيها ...ماما:هانا،غنديرها لبنتي وكولي حتى تشبعي ...ميساء(عنقتها):الله اخليك ليا ...ماما:ويخليك ليا ا بنتي ...ميساء:اممم ماما بغيت نسولك ...ماما(كتقدي شغلها وتهضر معايا):سولي ابنتي شنو ...ميساء:دابا انا ا ماما امتى غنحمل ماشي تعطلت ...ماما(ضارت عندي)؛اويلي على تعطلتي ههه راك ابنتي باقا مكملتي نتي وراجلك تا العام ...ميساء:وراه حتى غيثة باقة مكملاتها هي وعماد وحملات ...ماما:وا بنتي راه كل واحد وشنو مكتبليه الله نتي حاجة و ختك حاجة كاينة لي كتحمل فالسيمانة لولة من زواجها وكاينة لي كتعطل عام عامين دكشي ارزاق ابنتي راك باقة صغيرة معمرك شربتي الكينة ياك ...ميساء:لا ...ماما:اوا صافي دابا ربي يرزقك تا تولي طالبة الشرع من صداعهم ههه ...ميساء:هه ان شاء الله رلكن انا خايفة منكونش(بتوتر)خايفة منكونش كنولد ...ماما:اعوذ بالله اشهاد الهضرة ابنتي متسبقيش الاحداث ومدخليش الوسواس لراسك ويلا بغيتي ترتاحي سيري دوزي وهني راسك ...بقيت ساكتة دورتها فراسي مزيان ...ميساء:ماما يالاه نمشيو دابا ...ماما:فين ...ميساء:عند الطبيبة هايا غير فالشارع الكبير مغنتعطلوش عافاك ا ماما ...ماما:أمري لله زيدي نلبس جلابتي ونعلم باك راه فالصالة ...ميساء:واخا انا نلبس حويجي ونجي ...مشيت طلعت لبيتي لبست حويجي بزربة وهبطت لقيت ماما واقفة خرجنا وتوجهنا للعيادة كاينة غير قريبة لينا دكشي علاش معيطتش لعثمان نقولهاليه اصلا مبغيتش يعرف تايلا كانت شي حاجة عاد نقولهاليه...وصلنا استقبلاتنا البنت لي تما و قالت لينا باش نتسناو شوية الحمد لله كانت الدنيا خاوية حيت باقي الحال وانا معندي صبر..بقينا مدة عاد جات عندنا قالت لي باش ندخل نضت وتلاقيت بالمرا لي كانت عندها خارجة كرشها لفمها مسكينة وكتمشى بزز...دخلت وجلست بقات كتسولني اسئلة عادية من امتى تزوجت و واش عمري شربت مانع الحمل و واش الحيض عندي منتاظمة عاد مشيت دارتليا الفحص وانا قلبي حاسة بيه غيخرج من بلاصتو كملات وقالتلي باش نتبعها جلست كنقاد حويجي عاد جات هي ...الطبيية:سمعيني ا ميساء....
الطبيية:سمعيني ا ميساء نتي معندك حتى حاجة وصحتك مزيانة كلشي هو هداك يعني معندك مناش تخافي وحيدي الوسواس من راسك ...ميساء(بفرحة):بصح اففف الحمد لله عرفتي كنت خايفة بزاف ...الطبيبة:و دكشي علاش قلتليك حيدي الوسواس من راسك حيت من طريقة الهضرة ديالك عرفتك معمرة راسك الحمل احبيبة راه بيد الله وكيف قلتيلي ختك حملات ونتوما تزوجتو فنفس النهار راه الجسم ديالك ماشي هو ديالها و فوق هدشي كيبقى مكتاب الله فوق كلشي ...ميساء:و نعم بالله شكرا بزاف ...الطبيبة:العفو خلي ايمانك بالله و ان شاء الله ميكون غير الخير ...ميساء(بابتسامة):ان شااء الله بسلامة ...ودعتها وخرجت برا خلصت البنت لي تما عاد مشيت عند ماما لي بقات كتشوف فيا وباينة خايفة ...ميساء:ههه انا مزيانة ا ماما معندي حتى مشكل كلشي هو هداك ...ماما:افف الحمد لله شفتي غير شاطنة راسك وشطنتيني معاك الحمد لله الحمد لله ...ميساء:عاد ارتاحيت ...ماما:اوا على سلامتك يالاه زيدي نمشيو للدار ...خرجت انا وماما والفرحة مالية قلبي اففف شحال ارتاحيت دابا يا ربي فرحني بشي بيبي يا ربي...وصلنا للدار ملقيناش بابا طلعت انا بدلت عليا تلني وعاد هبطت عند ماما ...ميساء:ماما بغيت نفطر جاني جوع ...ماما:ههه تفتحاتليك الشهية جلسي نحطليك جلسي ...ميساء:ههه اه بزاف لا انحط راسي احبيبتي غير خليك نتي ...مشيت بديت كنجبد ونحط وجلست كناكل تقول عام مكليت كنهضر ونضحك مع ماما حتى هي شادة فيا تا سمعنا التيليفون ديال الدار كيصوني مشات جاوبات وجات عندي ...ماما:هاكي راجلك ابنتي ...ميساء(باستغراب):مالو عيط هنا...الو ...عثمان(معصب):فيين كنتي سااعة وانا كنصوني ليك تا قلت واش وقعاتليك شي حاجة ...ميساء:احم مواقع والو نسيت تيليفوني فبيتي الفوق دكشي علاش ...عثمان:اوووف منك اووف ياك مزيامة بعدا ...ميساء:اه ...عثمان:شنو كنتي كديري ...ميساء:كنفطر ...عثمان:ياك فطرتي صباح ولا مشبعتيش ...ميساء:رشقاتليا نعاود الفطور ...عثمان:واش غتبقاي تهضري معايا هاكا مكنبغيكش تقلقي مني ...ميساء:علاش غنتقلق درتيليا شي حاجة؟ ...عثمان:حبيبة شوفي صباح انا مقصدتش ولكن نتي عارفاني مكنبغيكش تهضري مع شي واحد متحكمتش فراسي ...ميساء:عادي ...عثمان:غنجي عندك دابا ...ميساء:كيفاش دابا ...عثمان:اه دابا غنجي عندك كتصعريني ملي كتهضري معايا بهاد البرود وانا هادي اعدى حاجة عندي ...ميساء:كنهضر عادي و مديرش فبالك وتشطن راسك بيا وانا باغا ندوز النهار مع ماما و بابا ونتغدا معاهم ...عثمان:ياك الالة واخا على خاطرك فالعشية ونتفاهمو على هاد قسوحية الراس ...ميساء:بسلامة...عثمان:بسلامة(قطع) ...ماما(جات عندي):قلتي لراجلك مشيتي دوزتي ...ميساء:لا مبغيتوش يعرف حيت مغيبغيش ...ماما:غتبداي تخبي على راجلك من دابا راه الراجل ومرتو مخاصش يكون بيناتهم الاسرار ابنتي ...ميساء:عارفة ا ماما ولكن هاد الموضوع بالذات مبغيتوش يعرفو وملي داز كلشي على خير ومكاين والو مكاين لاش يعرف ...ماما:اوا نتي تعرفي ....*عند نورهان* ...نورهان:افف اصحبتي طلعاتليا هاد القراية فراسي ...البنت:كون تشوفي انا معرت اش داني لشي زمر نرجع نقرا كنت هانية ...نورهان:ههه دايرة فيها مطورة باغا تزيدي فالعلم ...البنت:بفف هنينا دابا عرفتي فليل كاينة واحد الحفلة فدار داك انس لي عرفتك عليه داك النهار و عرض عليا انا وياك ...نورهان:لالا منمشيش واش نسيتي داك النهار فاش عاودتليك شنو داروليا دار خالتي حيت تعطلت ...البنت:وا صافي تانتي فليل نمشي معاك ونطلب هاد خالتك نقولها عندنا الحفاضة باش تخليك تباتي معايا على مفهمت هي غير نية دغيا تيقنا ...نورهان(بتفكير):لالا منقدرش ...البنت:تقدري احبيبة غير هنينا دابا...#
نورهان:باغا تخرجي عليا نتيا غتبقاي حتى يجري عليا راجل خالتي وولادو من الدار ...البنت:اربي لما عرفيني على ولاد خالتك معرفتي نعجب شي تيتيز ويتزوج بيا هههه ...نورهان:هه كتحلمي احبيبة مزوجين بجوج و بالخواتات ...البنت:يخخ زهري ديما عوج نورهان:انا جاني جوع بغيت ناكل ...البنت:اصلا هدا وقت الغدا شوفي انا غنمشي عندي رونديفو ...نورهان:باز يختي مكتقادايش ...البنت:اوا الواحد هو لي يدبر على راسو يالاه انا مشيت تشاو ...نورهان:باي باي ...بقيت جالسة بوحدي شحال عاد نضت هزيت صاكي وخرجت من لافاك مشيت لواحد السناك قريب لتما تغديت ورجعت لافاك دخلت للمحاضرة شي سمعتو شي مسمعتوش عقلي غايب و شكون من غيرو ياسر لي رجع بان فطريقي مرة خرا الله شحال توحشتو طول هاد المدة كان كيسحابلي نسيتو ولكن غير شفتو البارح حسيت بقلبي كيضرب وجرحي تحل من جديد من نهار مشا وانا كل ليلة نبات نبكي عليه منكرش انني حقدت على عثمان لي نصح صاحبو انه ووقف فطريقي انا وياه ولكن انا كان ليا دور كبير انه يخليني ويمشي بهاد السهولة لانه حس بيا ممتشبتاش بيه على عكسو هو لي مكانت هاماه لا ماما لا عثمان ولكن انا خليت قلبي وتبعت كلام ماما لي كل نهار كتقولي عمرك تعيشي معاه مزيان وهو مفحالوش ديك الساعة كان صغير وكان يالاه كيقرا وكيخدم فاش مكان باش يكون راسو كان كيبغيني بزاف و حتى انا ولكن مدرت والو باش هاد الحب يبقى ويزيد القدام اكيد دابا هو عايش حياتو برا وبحال والو تكون عندو حبيبتو بففف تا حاجة مغترجع كيف كانت من الاحسن نحيدو من بالي كيفما دار هو ما شاف فيا حتى الشوفة عاد يكون باقي كيبغيني ...الاستاذ:آنسة اش كنا كنقولو ...هزيت راسي فالبروف لي كان واقف قدامي وعاقد غوباشتو شفت فالمدرج كان كلشي داير كيشوف فيا بقيت كنضور فعينيا تا دارليا اشارة باش نخرج وتا انا مزدتش معاه كلمة هزيت صاكي وخرجت بقيت كنقلب على ديك التالفة مبانتليش وانا نخرج بقيت واقفة قدام الباب تا جات هي وواحد خينا نزلو من واحد الرونج بقيت كنشوف فيهم وهو شادها من خصرها وهي جالسة تتعوج عليه ...الولد:اممم مسخيتش بيك احبيبة ...البنت:وا صافي بب راه هضرت معاك وزيدون فالليل غنتشاوفو فالحفلة غتكون ياك ...الولد:ضروري تبغي نجي نجيبك ...البنت:لا لا نتلاقاو تما انا غنجي انا ونورهان ...الولد(خشا راسو فعنقها):اممم واخا يالاه انا نمشي دابا ...البنت:باي باي ...نورهان:ناري يختي جايباها تالهنا مخفتيش يشوفك شي واحد ...البنت:شكون ايشوفني الهبيلة يالاه زيدي نمشيو نهضرو مع خالتك باش نمشيو نختارو اش غنلبسو ونوجدو روسنا ...نورهان:بفف الله ادوز هاد الليلة على خير ...مشيت ركبت انا وياها فطموبيلتها مشينا للدار يالاه جيت نزل وهي تبانلي طموبيلة عثمان نزل هو وعمي ...نورهان:ناري على زهر متهبطيش ...البنت:علاش ...نورهان:راجل خالتي وولدو ...البنت:واش هوما هادوك ...نورهان:اه شنو غنديرو دابا ...البنت(بقيت جالسة كنشوف فيهم وعقلي مشا لبعيد عاد ضرت عندها):عيطي لخالتك واريليا نهضر معاها غير فالتيلي ...نورهان:ها ...البنت:وا سربيي راه خاصنا نمشيو ...جبدتليها التيلي ودوزت نمرة خالتي لي كانت كتهضر بشوية باش ميسمعهاش عمي و عثمان عاد عطيتها لهاد البهلة بقيت غير كنشوف فيها الصواب و الآداب كيكتهضر تا مداتلي تيليفوني وهي تتفرنس دغيا قنعاتها...تحركنا من تم ومشينا لدارها ماشي اول مرة نجي معاها لهنا مرة مرة كنجي نجلس انا وياها هنا ملي كنسلتو من الحصص...دخلنا وبدات كتخلط ف لي ماسك وتطلي لوجها وليا..
داز النهار ووصلات العشية قرب يجي عثمان بقيت جالسة مجمعة انا و ماما و بابا تا سمعت الصونيط ...ماما:راجلك هدا يمكن ...ميساء:غير خليك ا ماما انا نحل ...مشيت لحت فولار على راسي وحليت الباب كان نيت هو دخل وبقا كيشوف فيا سديت الباب وضرت عندو وانا كنحيد الفولار ...عثمان:باقا ملبستي حويجك ...ميساء:دخل جلس انا غنبدل ونجي(تميت غادة) ...عثمان(جرني عندو وزيرني معاه):مالنا ...ميساء:ممالناش طلق مني راه غيشوفنا بابا ولا ماما ...عثمان(باسني بجهد عاد طلقني):سيري دابا اليوم نتفاهمو على هدشي لي درتي اليوم ...بابا:ميسااااء واش ماشي راجلك هداك ...ميساء:لااا هو ابابا زيد دخل ...مشيت معاه للصالة دخل سلم عليهم و جلس عاد طلعت انا بدلت عليا دغيا ونزلت ...ماما:جلس اولدي شرب غير كاس داتاي ...عثمان:غير خليك الحاجة عاد وصلت الواليد شربت معاهم تما وجيت خليها مرة خرا ...بابا:ان شاء الله اولدي ومتغبروش علينا دوز تانتا نشوفوك ...عثمان:غير مع الخدمة شوية مزيرة وصافي اما راه نجي نبرزطكم ...بابا:الله يا ودي الدار داركم اولدي ...عثمان(شاف فيا):صافي نمشيو ...ميساء:يالاه ...سلمت على ماما و بابا وخرجت انا و عثمان كانت الشتا كتنشنش والحال بدا يضلام كيحمقني هاد الجو ركبت وبديت كنقاد السمطة حتى تحطات يديه على يديه و قادهاليا هو ضرت شفت فيه شعرو كان فازك شوية ولحيتو حتى هي شحال كيحمقني شكلو هكاك بدا كيقربليا وانا عيني تالفة بين عينيه وشعرو ولحيتو وشفايفو لي كيقربو عليا حتى حطهم عليا وغمضت عيني بدون شعور ويدي فيديه كيلعب بيهم...بقينا شحال على داك الوضع و صوت الشتا لي تجهدات تجاوبت معاه وهزيت يدي حطيتها على وجهو كنتحسس لحيتو تا بعد وهو كيبتاسم جرني لعندو عنقني ...عثمان:توحشتك اليوم بزااف مولف كنهضر معاك كتر من مرة واليوم حيت تقلقتي مني مهضرناش كاع ...ميساء(بعدت عليه ملي تفكرت الفرطة ديال الصباح):اممم ...عثمان(جرني من فمي):كيفاش اممم متوحشتينيش ...ميساء(بدلع):لاء ...عثمان:بصح شوفي فيا ...ميساء:علاش غنتوحشك ونتا غوتي عليا قدام صاحبك ...عثمان:يعني باقا مقلقة مني ...ميساء:اه ...عثمان:وشنو ندير لحبيبتي باش تسامحني ...ميساء(بتفكير وكنلعب بفمي):اممم دابا مفبالي والو خليني نفكر ...عثمان(جرني تاني وباسني):شي نهار غناكلك بالحق اليوم تخلصي غندوزو نديو معانا العشا ...ميساء:واخا انا بغيت بيتزا ...عثمان:واش مكتعيايش منها مكطلعشليك فراسك ...ميساء:لا كنحماق عليها ...عثمان:هي كتبغيها كتر مني ...ميساء:ههه لا نتا حياتي كنبغيك بزااف ...عثمان:كنموت عليك متصوريش كيداز عندي هاد النهار عارفاني مكنبغيكش تقلقي مني ...ميساء:اوا راك نتا لي قلقتيني انا غير قلتليه شنو شفت ...عثمان:واخا الالة كنعتادر(باسليا يدي)نساي عليا هدشي ....تحركنا من تم الجو كان زوين بزاف الشتا كانت خيط من السما دزنا خدينا العشا ومشينا للدار مع دخلنا ديت دكشي للكوزين ضرت لقيتو ورايا بلا كلمة بلا جوج هزني للبيت و فدا فيا غددايدو ههه ...#عند_نورهان: ...البنت:وا هداي اصحبتي وخلي ديك الكسوة قتلتيها بالتجباد ...نورهان:واراها معيقة بزاف ...البنت:واناري شفتي نتي راك مستورة شوفي هادو لي هنا اش لابسين طلقي راسك اصحبتي ومتبقايش مزيرة راسك شوفي انس ملي دخلنا وهو كيشوف فيك ...نورهان:شفتو ناري شحال مكنحملوش افف ...البنت:ههه وا سكتينا هاوا جاي عندك ...انس:البنات مرحبا بيكم(كيشوف فيا)جيتي زوينة نورهان(بضحكة صفرا):شكرا ...انس:تشربو شي حاجة ...البنت:خليكم هنا انا نمشي نجيب شي حاجة نشربوها ...مشات ديك الزفتة وخلاتني مع هاد اللصقة هاز كاس دالشراب فيديه وكيتحرك مع الموسيقى لي كانت مالية ارجاء الفيلا بحكم هو عايش بوحدو كل ليلة داير حفلة هنا على ما عرفت انه ساكن هنا بوحدو وعائلتو كلهم فإسبانيا..بقيت كنحاول نتجنب نضراتو وهو منزلش عينو عليا يخ شحال باسل خصوصا انه ماشي من النوع لي كيعجبني طويل و رقيق وعويناتو عسليين وزعيعر شوية..بقيت ساهية كنشوف فالبنات لي كيشطحو حتى حسيت بيديه على خصري ...انس:اجي نشطحو ...نورهان:لا غير خليني مرتاحة هاكا ...مداهاش فجوابي وجرني من يدي لوسط الدراري لي تما ولصقني معاه ويديه كيتساراو على جسمي عفت راسي من لمساتو بديت كنحاول ندفعو وهو عاد مكيزيد يلصق حتى تجريت من يدي وكيبانليا هو منشور فالارض وشي واحد فوق منو بديت كنشوف شكون تصدمت ...نورهان:ياااا
نورهان:يااسر ...مشيت كنجري عندو كنجرو وهو والو طاح على انس بالدق ولاخر مفجهدو والو عاطيها غير للسبان حتى صحابو تا واحد مدخل سالا حتى سالا وهو يجرو من رجليه و غادي بيه لجيهة لابيسين ولاحو تم وبقا واقف تيشوف فيه وهو تيفركل تم ...نورهان:واش حماقيتي شنو تدشي درتي ...ياسر(بقا واقف عاطيني بضهرو شحال عاد دار وجمعها معايا بواحد التصرفيقة حسيت براسي فقدت الداكرة ورجعتها):هادي باش نوري لديلمك التسلكيط(جرني من شعري)الا مك معرفاتش تربيك غنعاود لجدك الترابي من لول جالسة عند الناس و دايرة مبغيتي لقيتي السيبة ...نورهان:اي وا طلق مني قصحتيني ...وقف على غفلة وزاد زير ليا على شعري وقرب وجهو من وجهي كان معصب بزاف و اعينيه حمرين ...ياسر:قصحتك يااك هدشي راااه وااالو قدام فعايلك حمدي الله حيت شاد راسي بزز اما نحيد السمطة ونعطيك لهاد الفخاض لي معرية(شحطني لفخاضي) ...نورهان:آآآي اهئ اهئ وا صافي طلق مني ...بقيت كنتنتر وهو غادي جارني تا خرجنا لبرا وصلنا للطموبيل حلها ودفعني بجهد تا ضربت راسي ورجع خبط الباب عاد ركب وغادي سايق بجهد وتيسوط وانا محيلتي للضربة لي كليت فراسي ولا الشحطة ولا للتصرفيقة بقيت كنشوف فيه وهو معصب تفكرت آخر مرة شفتو معصب فاش رفضت انني نتزوج بيه تعصب بحال هاكا وكتر شحال ترجاني انني نبدل رأيي ولكن انا كانت ماما بين عينيا لي عرفات بعلاقتنا من ختي سمعاتني كنهضر معاه ومشات قالتهاليها كنت صغيرة بزاف على هاكا و مقادراش ناخد قرار واخا حياتي ومكنت كندير حتى حاجة خايبة بغيتو و بغاني وبغينا نكملو فالحلال ولكن هضرة ماما ديك الساعة لعبات بعقلي حتى كون قبلت وتحديتها اكيد مكنتش غنعيش انا وياه مرتاحين كنا غنبقاو فالمشاكيل بحال ختي لي هربات و تزوجات بالانسان لي كتبغي ورجعات وتقبلنا زواجها ولكن بحالي كلام ماما،كنديرو ليه اعتبار بقات كتسمع ليها ولي قالتها ليها كديرو حتى مل و طلقها انا مبغيتش مصيري يكون هكاك خصوصا انني كنت كنبغي ياسر كان حب حقيقي ماشي حب مراهقة والدليل انني لدابا مزالة كنموت عليه ...طول الطريق وحنا ساكتين حتى وقف قدام البحر كانت الدنيا خاوية حيت ديك الساعة تقريبا 3 د الصباح بقيت كنشوف فيه ...نورهان:علاش جبتيني هنا ...ياسر:الصمت ...نورهان:كنهضر معاك جااوبني ...ياسر:عاجباك حالتك هاكا(ضار عندي طلع فيا وهبط بواحد النضرة حسيتو مشمأز مني خلاني نغرق فداك ربع ميترو لي لابسة)مكنتيش هاكا ...نورهان:ماشي شغلك شكون نتا لي تهضر معايا بحال هاكا با،خويا،راجلي شنو نتا باش تحاسبني ...ياسر(جرني من دراعي وزير عليا):كون مقصحتيش راسك هادي عامين كنت غنكون هادو كاملين ...نورهان(حسيت براسي تخنقت والدموع بداو تاني):كنت صغيرة ...ياسر:كنتي كتعرفي الصح من الخطأ كنتي كتقولي بلي كتبغيني ولا كنت لعبة بين يديك ...نورهان:اهئ اهئ انا فعلا كنت كنبغيك ولكن نتا مصبرتيش دغيا مشيتي وخليتيني و دابا راجع باش تحكم فيا بصفتك شكوووون،شكون نتا لي تمد عليا يديك و تحاسبني على لباسي و شنو كندير ...ياسر(باستهزاء):هه كنتي كتبغيني ...نورهان:و باقة كنبغيك(ضرت عندو وعيني فعينيه)عرفتي فاش شفتك البارح باش حسيت اهئ حسيت بيه ضرب من جديد(حطيت يدي جهة قلبي)شعور فقدتو من نهار مشيتي،من نهار خليتيني وانا كنتعدب حاولت نساك ونبدا حياتي مع غيرك ولكن مقدرتش مقدرتش نخرجك من قلبي اهئ اهئ ندمت حيت موقفتش فوجه ماما كانت كتقولي غير كيتفلا عليك وعمرو يبغيك وكنت كنقوليها لا هو كيبغيني وعمرو يخليني ولكن نتا شنو درتي هزيتي راسك و مشيتي بلا حتى كلمة ...ياسر:أكيد مكنتش غنجي ونديك بزز منك ...نورهان(بالغوات):اااااه كنتيييي ديرهاااا كنتييييي دينيييي بزز ومتخلينييييش اهئ اهئ مكنتيش تمشي وتخليني تعدبت بزاف ونتا بعيد علياااا زدتي اكدتي ليا كلام ماماا وخليتيها كل نهار تعايرني وتقولي هاوا لاحك ومشا ...ياسر(بالغواات):انااا ملحتكش كنت شااريك بالغاالي ابنت الناس وكنت دايرك فعيني عمري حطيت علييك يدي ولا شفت فيك شوووفة ناااقصة كيفاااش بغيتيني نديك بزز وانا يالاه كنكون رااسي شنو بغيتيني نجيبك نكرفصك معايا نهربو ونعيشو فالخوف وعاد نتي كنتي رافضاني رفضتي انك تزوجي بيا يمكن كون وافقتي ديك الساااعة كنت غندير على قبلك المستحيل على الاقل نعرفك معااايا و ديااالي ...نورهان:اهئ اهئ صاافي برااكة عافاك ديني من هنا هاد الهضرة كلها مابقات نافعة فوالو كلشي داز و اكيد نتا بديتي حياتك ولقيتي البنت لي تستاحل دير عليها المستحيل ديني دابا للدار عافاك ...مسحت دموعي وانا كنتنخصص وحاسة بنظراتو ليا ولي زاد قتلني انه مكدبش كلامي كنت باغا نسمع بلي هو باقي كيبغيني ومفحياتو تا وحدة دابا ولكن للاسف كلشي ضاع...بقينا ساكتين تا وصل للحومة كان السقيل حليت الباب وجيت نهبط تا حسيت بيه جرني وسد الباب بجهد ولصق شفايفو مع شفايفي تصعقت معرفت راسي واش كنحلم ولا كنتخيل بقيت مخرجة فيه عيني وهو يديه بجوج على عنقي بدون شعور حطيت يدي على وجهو وبادلتو وانا حاسة بقلبي غيخرج من بلاصتو..
معرفتش شحال د الوقت وحنا هكاك تا بعد وحط جبهتو على جبهتي وهو كيتنفس بجهد غمضت عيني كنحاول نشبع منو فهاد اللحظة قبل ميتسيف عليا تاني حتى هضر .. ياسر:كنبغيك ...نورهان(مصدومة):الصمت ...ياسر(قابل وجهو مع وجهي ويديه كيدوزو على شفايفي):كنبغيك وعمري بغيت غيرك حاولت نساك ومقدرتش خليتك مرة ولكن دابا مستحييل نخليك ولا نفرط فيك واخا يوقع لي وقع مستحيييل نبعد عليك ...نورهان(ببلاهة):كيفاش ...ياسر(بابتسامة):كيف سمعتي نتي ديالي منتي و باقا ديالي هاد المرة مغنمشي حتى نديك معايا ...نورهان:هاا ...ياسر:ههه مالك تصدمتي(باسني فراسي وقبطلي يدي)كتبغيني ياك ...نورهان:بزاااف كنبغيك بزااف بزااف بزااف ...ياسر:هاد المرة مغترفضينيش ...نورهان:مستحيل ...ياسر(عقد غوباشتو):اليوم مدرت فيك والو ولكن كنقسمليك بالله ونعاود نشوفك لابسة بحال هاد اللبس ولا مشيتي لبحال دوك البلايص حتى نتفاهم معاك ودابا دخلي فحالك غدا غنشوفك خاصنا نهضرو ...نورهان:فاش ...ياسر:غدا و تعرفي ...بقيت كنشوف فيه بستو بزربة وجيت باش نهبط وانا نتفكر صاكي لي بقا تما فيه السوارت و التيليفون ضرت عندو وبديت كنضور فعيني .. نورهان:صاكي بقا لهيه فيه الساروت و تيليفوني ...ياسر:بففف ديال التفرشيخ ...نورهان:شنو غندير دابا ...ياسر:غنعيط لعماد يحليك الباب ...نورهان:لالا بغيتيه يضربني ...ياسر:تستاهلي متخافيش(جبدت تيليفونو دوز النمرة بقا كيصوني شحال)الو ...غيثة:شكون نتا ...ياسر:امكن غلطت فالرقم واش ماشي نمرة عماد هادي ...غيثة:اه هي و انا مرتو شكون سيادتك ...ياسر:هه غيثة انا ياسر ...غيثة(دايخة بالنعاس):شكون ياسر ...نورهان(خطفت ليه التيلي):غيثة حلي ليا الباب ...غيثة:اويلي شكون نتي لي نحليك الباب واش كتفلاو ولا انا ضربني حمار الليل ...نورهان:وااا غيثة توكضي معايا الله اخليك انا نورهان حلي ليا الباب عافاك ...غيثة:واخا واخا ...قطعت عطيتو تيليفونو هو يبانلي الضو ديال الدروج شعل سلمت عليه بزربة ومشيت كنجري كي حلات الباب دخلت وسديتو وهي هازة طبسيل فيه الحرشة كتاجل وتشوف فيا ...نورهان:اويلي نتي باقا كتاكلي صباح خليتك كتاكلي ...غيثة:خمسة فعينيك شهاد الحالة نورهان(تفكرت شنو وقع وبديت كنضحك):هاااح شحال كنبغيه ...غيثة:شكون ياسر يااك عاوديليا عافاك عافاك ...جريتها من يديها ودخلنا للبيت بديت كنبدل حويجي وكنعاودليها وهي جالسة فوق الناموسية مربعة رجليها كتاكل وتسمع ليا تا ساليت وهي طلع معايا بلي سرسبت ليها كلشي وانا وياها مكنتحاملوش ...غيثة:ياااه قصتكم زوينة امتى غيجي يخطبك ...نورهان(كنخنزر فيها):شفتك غتصاحبي معايا ...غيثة(تا هي بدات كتخنزر):شوفلك المسمومة جيتي تال المهم وتفكرتي سمك اوا سري انا لي حالا ليك الباب اما كون فيقتهم ليك يشوفوك معاش داخلة و الحالة لي جيتي فيها بالحق ليام كدور دابا تعاودي تحتاجيني ...نورهان(بديت كنضور فعيني):احم وا شوفي نتي اصلا كنتي غتعاوديليهم حيت نتي مكتحملينيش ...غيثة:اوا نتي لي شديتي معايا السم من لول انا وختي عاد اما حنا مابينا وبينك والو ...نورهان(مشيت جلست حداها وهزيت حريشة):اممم صافي شوفي انبداو صفحة جديدة مع هاد الجيست لي درتي معايا عرفتك ما فنيتك والو اما كوراك ضربتيليا الطر فهاد الليل ...غيثة:الطر هو لي غنضرب لختي الا محطيتيش داك الطرف ...نورهان:فيا جوع خليني ناكلو عافاك ...غيثة:تاكلي جنابك يخ تسدو الشهية لبنادم نوض نعس ...نورهان:ههه الطبسيل كان عامر هدشي كلو و تسدات ليك الشهية ...غيثة:ماشي سوقك ...مشات غيثة كليت انا داك الطريف ومشيت غسلت سنيناتي عاد تخشيت ففراشي وقلبي كيفرفر بالفرحة بديت كنتفكر هدشي لي داز لحظة بلحظة تا داني النعاس.
اصبح الصبح و الملك لله<< ميساء:حياتي عافااك غير دقيقة و نوض ...عثمان:واقيلة نهزك نديك تحت الرشاشة ...ميساء:الصمت ...عثمان:واش هدا كاع نعاس(هزيتها دخلتها للدوش وهي مرخية بديت كنغسل ليها وجها) ...ميساء:افف صافي فقت غير سير انا نكمل ...عثمان(بستها):يالاه احبيبة و متعطليش ...خرج عثمان وقضيت شغلي دغيا لبست وقاديت راسي هبطت عندو مفطرناش كالعادة تال تما عاد نفطرو...وصلنا للشركة تلاقينا بياسر و عماد لي واقفين ...عثمان و ميساء:السلام وعليكم ...ياسر:و عليكم السلام ...عماد:على السلامة عاد جايين ...عثمان:اه شي مشكل ...عماد:هه لا اخاي مكاين حتى مشكل قول لياسر مبروك بعدا ...عثمان(باستغراب):علاش ...ياسر:غنتزوج ههه ...عثمان(هز حاجبو):امم عاد البارح كنتي كتقول مزال كتبغي نورهان ...ياسر:و تا دابا مقلتش العكس هي لي غنتزوج صبرت بزااف ولكن دابا ملي عرفتها باقا كتبغيني مغنتخلاش عليها مرة خرا ...عثمان:هي هضرتو ...ياسر:احم اه البارح تلاقينا و هضرنا ...عثمان:مزيان ...ميساء(بهمس):حبيبي انا غنمشي تا تجي واخا ...عثمان:واخا سيري ...خليتهم كيهضرو و مشيت باتجاه البيرو ديال عثمان حتى وقفاتني إكرام ...إكرام:مدام ميساء صباح الخير ...ميساء(بابتسامة):صباح النور إكرام ...إكرام:راه الببرو ديالك واجد وكلشي كاين و سلوى و اشرف حطو ليك موديلات ديال التصاميم ديالهم خليتهم فوق البيرو الا حتاجيتي شي حاجة انا ف الخدمة ...ميساء:شكرا احبيبتي(تميت داخلة وهي توقفني) ...إكرام:اه صباح صونات شي وحدة وسولات فيك ...ميساء(باستغراب):شكون هي ...إكرام:معرفتش يالاه سولاتني واش الشركة ديال سي عثمان هادي و واش نتي خدامة معاه صافي كيسحابلي واش شي وحدة من العائلة ولكن فاش سولتها شكون قطعات عليا ...عثمان(وقف علينا وحط يدو على خصري):شكون هادي ...ميساء:معرفتش شي وحدة سولات عليا و على الشركة واش ديالك المهم شكرا إكرام الا عاودات تاصلات قوليهالي ...إكرام:اكيد عثمان:إكرام عافاك با سعيد قولو يجيب الفطور ...إكرام:واخا ...دهلنا للبيرو بانليا المكتب ديالي اونفاص مع ديال عثمان بديت كنضحك وهو كيشوف فيا ...عثمان:عجبك ...ميساء:ههه اه غنبقا فوجهك 24 ساعة على 24 ...عثمان:و دكشي لي بغيت يالاه غنفطرو اول حاجة و نبداو خدمتنا عطلتينا اليوم وليتي نعاسة ...ميساء:واراك نتا لي سهرتيني الليل كامل ...عثمان:اكتفى بابتسامة ...جلست قدامو تا جا با،سعيد حطلينا الفطور فطرنا و سالينا عاد مشيت للبيرو شفت دكشي لي خلاولي المصممين لقيت عندد افكار بزاف بحكم ان هدشي لي فبالي مكاينش تقارب بينو وبين تصاميمهم هزيت الوراق وبديت كنخدم وانا مركزة وحتى عثمان كان دايها فخدمتو مرة مرة كنعلي عيني فيه كنلقاه خدام و التغوبيشة على وجهو مكتفارقوش و مرة مرة يلعب فلحيتو هاكا داز الوقت تا وصل وقت الغدا جا عماد و ياسر لي قرر انه يدمج شركتو مع الشركة ديالهم بحكم انه هو شركتو كتصدر الاتواب وقررو باش يتعاملو معاه ويطورو شغلهم مجموعين تغدينا فجو زوين خصوصا عماد لي كيعاودلينا على فعايل غيثة لي محمقاه سالينا وكل واحد رجع لشغلو... #عند_غيثة...فاطنة:بنتي جلسي تكاي ليك شوية ونتي النهار كامل طالعة هابطة ...غيثة:لا لا اخالتي راه قاليك المشي مزيان للحامل ...نورهان:اه و معارفاش بلي الماكلة بزاف خايبة للحامل ...غيثة:اجي اختي فايت ليك حملتي ...نورهان:اويلي ...غيثة:اوا سكتي و خليك فداك المشقوف لي فيديك اجي بعدا هاد صاحبتك لي جابتليك صاكك صباح فين كتسكن ...نورهان:كتسكن بعيدة علينا شوية ...غيثة:معجباتنيش ...نورهان:و آش بينك و بينها مكتعرفيها مكتعرفك ...غيثة:وا المهم غير قتليك اجي امتى غتزوجو.... ليلى. لوليتا..... ...فاطنة:شكون ايتزوج ...نورهان(تقادات فالجلسة وتتحلف على غيثة):خالتي واش دايرة شي حاجة فوق البوطة كنشم ريحة الحريق ...فاطنة:اه خليت الما يطيب باش نعمر اتاي لعمكم راه قرب يجي(مشات) ...نورهان:ياك ا غيثة باغا تفضحيني ...غيثة(جلست حداها):وا راه نسيتها والله قوليلي دابا امتى غتزوجو ...نورهان:واش هبيلة هو يالاه هضر معايا البارح يتزوجني اليوم ...غيثة:اوا مالك انا وختي راه تزوجنا بلا منشوفو عماد ولا عثمان ...نورهان:اه ولكن انا و ياسر وضعنا مختالف بفف خايفة ماما متبغيهش ...غيثة:اممم ماماك تشوف غير الطموبيل و تسمع برا تلوحك ليه ...نورهان:غيثة خلينا مزيانين راه واخا هكاك منبغيش لي يهضر عليها ...غيثة:صافي هايا ساكتة افف جاني جوع ...نورهان:يا ربي السلامة ...غيثة'قطعي الحس غتسدي ليا الشهية ...نورهان:ههه نتي تسد ليك الشهية..
نورهان:نااري ياسر كيعيط ...غيثة(كناكل ونهضر):جاوبيه جاوبيه دغيا ...نورهان:هووف احم الو ...ياسر(بحدة):ساعة باش تجاوبي ...نورهان:لا راه مكنتش حداه ...غيثة:هيييه كدابة ...نورهان(كنتحلف عليها):معيطتيش ليا النهار كامل قلت مغتعيطش تا دابا دكشي علاش ...ياسر:كانت عندي شي خدمة و يالاه ساليت نتي فالدار بعدا ...نورهان:اه فالدارممشيت فين اليوم ...غيثة(كنحل قرعة د الشكلاط):هههه الله اعز الحكام كنتي سايبة خخخ السايبة الدايعة ...نورهان:غيثة اللقواااااااا ...ياسر(سمعت كلام غيثة):هه خلي عليك البنت راه مكدباتش عليك بالحق ديك السيبة كلها غنحدها ليك غير صبري عليا المهم انا عندي شهر لي غنبقا فيه هنا فالمغرب يعني معنديش الوقت بزاف دكشي علاش غدا هضري مع مماك ...نورهان:علاياش غنهضر معاها ...ياسر:على الخطبة خاصها تجي فهاد اليومين ...نورهان:علاش هي لي تجي كنضن نتا لي خاصك تمشي عندها ...ياسر:مكرهتش ولكن عمي مغيبغيش يمشي و حتى الدراري عثمان و عماد دكشي علاش من الاحسن تجي لهنا ونديرو الخطبة فدار خالتك يكون كلشي حاضر ونيت تبقى هنا حتى نديرو العقد ...غيثة(بجهد):والعرررررس امتتتتتتى ...ياسر:ههه هدا شغلكم نتوما قررو بيناتكم امتى بغيتي العرس ...نورهان:معرفتش ضوختيني هدشي مزروب بزاف ...ياسر:ضيعنا الوقت بزااف وانا ممستاعدش نخسرك مرة خرا و كنضن البارح حلينا المشكل ولا تراجعتي ...نورهان:لالا متراجعتش غير فاجأتيني ...ياسر:هدشي لي عطا الله احبيبة بغيت نديك ونمشيو نعيشو حياتنا بجوج ونديرو عائلتنا الصغيرة ...نورهان(بابتسامة):ان شاء الله ...ياسر:يالاه سيري دابا تال الليل ونصوني ليك واخا ...نورهان:واخا ...ياسر:كنبغيك ...نورهان(بخجل):انا كثر(قطعت وحطيت التيلي على صدري) ...غيثة:هااح على الحب ...نورهان(تفكرتاش دارتليا ضرت عندها باش نغوت ولكن صدماتني حالتها بقيت غير كنضحك):هههه اويلي اش هاد الحالة ا غيثة ...غيثة(كنمص صباعي من الشكلاط):مالي غزالة ما شاء الله ...نورهان:هههه وا ناري نوضي شوفي راسك فالمراية نيفك وفمك واش كتاكلي ولا كطلي الماسك لوجهك ...غيثة(نضت كنهضز دكشي ديالي):انا لي حمارة جالسة معاك ونصح فيك معرفتش اش جابني لبيتك ...نورهان:صافي جلسي جلسي نعاودليك اش قاليا ههه ...غيثة:سمعت كلشي ...عماد(كيدق فالباب):غيثة نتي هنا ...غير سمعتو لحت دكشي فوق الناموسية ومشيت كنجري حليت الباب عماد(كيشوف فيا ويشوف ورايا):اش كديري هنا واش نتي مزيانة فين نورهان ياكما قتلتيها ...غيثة(قربت ليه وكنشمشم فيه):ريحتك زوينة(خشيت وجهي فعنقو) ...عماد(حط يدو على خصري):غيثة حبيبة شداتك الحالة تاني راه الوالد برا ديري عقلك ...غيثة(لويت يدي على عنقو):حبيبي توحشتك بزااف ...نورهان(حابسةالضحكة):ههه عرفتو اش ديرو دخلو هنا تا تفوتها الحالة انا غنخرج خودو راحتكم ...عماد(مشات نورهان وجريت غيثة لداخل وسيديت الباب السيدة مكايناش هنا و تا انانت على سبة وموحشها واخا ضحكاتني بديك الحالة لي دايرة بالشكلاط ولكن ولفت عليها كل مرة فشكل جريتها لعندي ويدي على خصرها حطيت شفايفي على شفايفها وهي متجاوبة معايا استمتعت بلمساتها هاد الحمل خلاها تولي جريئة بالمقارنة مع قبل يالاه بديت كنمهد لحاجة خرا حتى بعدات عليا):مالك ...غيثة:امتى جيتي نتا محسيتش بيك ...عماد:انعل طواسلك هدشي كلو ومحسيتيش بيا مالك مشيرة ...غيثة:وا صافي راه جاتني عليك الحالة ودابا فاتتني ...عماد:اييه و حالتي انا اش ندير فيها ...غيثة(حابشة الضحكة):سير دوش راك يالاه جيتي ...عماد(هزيت يدي على شكل قبضة):ديال الواحد يشدك يفرشخك اش كديري بعدا فبيت نورهان شفتكم تصاحبتو هاد اليومين ...غيثة:اه عندك شي مانع(ضرت كنجمع البيموات ديالي والشكلاط)اجي نمشيو عند خالتي ...عماد:سيري سيري قبل مندير فيك شي مصيبة انا غنطلع ندوش اللخ ياخد فيك الحق.
ميساء:عثمااان نزل تعشاا خلاص ...عثمان:اوك صافي غدا ان شاء الله كون هاني يالله بسلامة..امم الله اعطيك الصحة هدشي باينة كيشهي ...ميساء:ههه كتصبغني ...عثمان(قبطلي يدي و باسها):كنقول لي كاين اه غدا فليل اندوزو للدار ياسر غيهضر مع الوالد و الوالدة على موضوعو ...ميساء:ان شاء الله فرحتلهم بزااف ...عثمان:ياسر ولد الناس يستاهل كل خير ودابا انا،مرتاح من جيهتو مدام غيدي مراتو ويمشي اكيد غيعيشو مزيان ...ميساء:اه واش خالتك وبنتها غيجيو لهنا ولا ياسر غيسافر ...عثمان:لا غيجيو لهنا الا مبغاتش انا معندي فين نمشي حتى الوالد مغيبغيش يمشي ...ميساء:اممم على الله توافق تجي ومتحرمهاش على بنتها هاد المرة ...عثمان:ان شاء الله كولي دابا ...ميساء(بديت كناكل):هانا كناكل ...*فدار عماد* كلشي مجموع على الطبلة وكيتعشاو فصمت ...غيثة:احم فخباركم نورهان غتزوج ههههه ...نورهان(وحلات ليا):كح كح كح ...عماد(حابس الضحكة):الصمت ...فاطنة:بصااح وشكون هاد المرضي لي غياخد بنيتي ...نورهان(بهمس لغيثة):غنقتلك ...غيثة:يااااسر ...الحاج عيسى:بصااح خبار زينة هادي نعم الاختيار مقالي والو ...عماد(خنزرت فغيثة):راه كان غيجي يقولهالكم غدا فالعشا ولكن مرتي الا عرفات شي خبار كتبقا تاكل فيها ...غيثة:وا بغينا نفرحو ليهم ...فاطنة:فرحة نيت ابنتي الله اكمل عليكم بالخير علمتي مك ...نورهان:احم اه اخالتي هضرت معاها قبل منتعشاو قاتلي غدا تشد الطريق هي و مجدولين ...عماد:مالهم زربانين زعما باقي الحال ...فاطنة:ماشي مشكل يالاه نوجدو تافقتو ابنتي امتى غيجي ...نورهان:وا مزال اخالتي راه باقي تا ما فاتحكم فالموضوع(خنزرت فغيثة) ...غيثة:كولوني مالكم تتخنزرو ...الحاج:خليك منهم و كولي ابنتي متديهاش فيهم ...غيثة:واراه سدو ليا الشهية ...الحاج(كنشوف فيها ونضحك):هه وييه ابنتي راك مكليتي والو ...عماد:ههه صافي كولي وخلي ولدي ياكل ...غيثة:صافي شبعت غنطلع نعس ...عماد:لااااا متنعسيش احم زعما ساينيني باقي بغيت نكملو الموضوع لي بدينا قبيلة فبيت نورهان😉 ...نورهان:ههههههه ...غيثة(خنززت فيها):تهجريه ونتا انا معقلتش اينا موضوع تصبحو على خير ...عماد(سمحت فالعشا ووقفت):سيادنا الله اخلف تصبحو على خير ...فاطنة:بصحتك اولدي ونتوما بخير ...طلعت كنجري فالدروج و عماد ورايا تا قربت للبيت وهو يهزني ...عماد:دابا شنو ...غيثة:وا عماد حبيبي دابا شوف انا،عيانة والله ...عماد(حطيتها):عيانة اهاه واقيلة خاصني نضربها بشي تزويجة حيت هدشي ديالك مبقاش عاجبني مبقيتيش داياها فيا(سبقتها للبيت وكنشوف فيها بنص عين حيدت التيشورت وتكيت فوق الناموسية) ...غيثة:كيفاش ضربها بتزويجة راه انا لي غنضربها لحبيبي بنتفة لديك اللحية معندك تا الشعر لي نتفك منو مالك صلع مالك معرفتش فين كان عقلي النهار لول اححح وتشوف التيتيز لي كانو ديك النهار فالبحر واحد ينسيك فلاخر ...بديت كنكمل كلامي ومعايقاش براسي تا بانليا واقف قدامي عاقد غوباشتو وعاض على فكو ويديه على شكل قبضة ...عماد:اييه زيدي كملي😡 ...غيثة:احم ولكن زينهم باسل ماشي بحال حبيبي وروحي ...عماد:غيثة راك تتقلبي عليا قسما بالله وطلعي ليا الخز لراسي تا نصدق ضاربك ومفوت فيك شي دقة نعطب مك نوريك التيتيز ويلا باقي خرجتي بلا بيا اجي دفلي على هاد الكمارة ...ناااري قفرتها ههه احح على المغيار ديالي بالحق هو لي جبدني قاليك يتزوج بقيت كنشوف فيه خلاني و مشا رجع بلاصتو تكا على ضهرو وبديه ورا راسو مغمض عينيه وصدرو كيطلع ويهبط عرفت لعبت ليه على اعصابو ولكن هو لي بدا ...مشيت قربت ليه جلست حداه وبديت كندوز يدي على وجهو جهة حواجبو نحاول نفك ديك الغوباشة ...عماد:ريحي لرض ...غيثة(بستو فمو):كنبغيك ...عماد:الصمت ...غيثة(قربت لودنيه وهمست بصوت واااطي ههه):كنموت عليك توحشتك بزاف ...مجيت فين نكملها تا طار عليا مخلاني حتى ناخد نفسي #ميساء:📲📲📲 ميساء:امم افف عثماان شوف تيليفونك شكون كيصوني عليك فهاد الليل ...عثمان(نضت معصب شعلت الضو شفت تيليفوني ماشي هو لي كيصوني كان ديال ميساء هزيتو وانا صاعر):شكون هاد المرض لي معيطليك دابا ...ميساء(نضت وكنحل عيني بزز):واش تيليفوني شكون ...عثمان(جاوب):الووو...الووو...قطعو شكون هاد الحمار تا النمرة مكايناش ...ميساء:يمكن شي حد غالط ...عثمان(طفيتو وحطيتو وانا معصب طفيت الضو و جريتها عندي عاد نعست)....