زوجي الملتحي (الجزء الثالث) (الجزء الرابع والاخير)| قصص رومانسية بالدرجة المغربية

هــــــام : لقد احدثنا إصدار جديد في التطبيق وأضفنا فيه مجموعة من الخصائص الاخرى وأصناف من القصص واللهجات العربية لكل من يرغب في الاصدار الجديد عليك بعمل تحديث لتطبيقك او إعادة تحميله إن لم يظهر لك كما في الصورة :

 : *اصبح الصبح و الملك لله* فقت صباح ولاول مرة قبل من عثمان شفت الساعة كانت 7 نضت دخلت للطواليط قضيت حاجتي وتوضيت خرجت صليت عاد مشيت كنفيق عثمان بزز باش ناض ونايض صاعر بحالا بايت مدابز لبست حويجي ونزلت وجدت الفطور بالخف وجلست كنساينو تا هبط ...عثمان(باسني):صباح الخير ...ميساء:صباح النور ...بدينا كنفطرو و السكات وهو عاقد غوباشتو بغيت نسولو ساعة سبق هو وهضر ...عثمان:تيليفونك بقاي طفيه بليل ...ميساء:احم واخا ايكون غير شي واحد غالط فالنمرة حيت نمرتي معاطياها لحد من غير نتا والدار تا الصحابات معنديش ...عثمان:عارف احبيبة غير من الاحسن طفيه فليل حيت كاينين شي حمير مكيلقاو ميديرو ...ميساء:واخا ...عثمان:يالاه الا ساليتي نوضي 8:45 هادي ...ميساء:وي ساليت ...نضت جمعت الطبلة بزربة ودرت الماعن فلاماشين عاد خرجنا الطريق كاملة وحنا كنضحكو ونهضرو...وصلنا للشركة دخلنا للبيرو بدينا الخدمة خصوصا انا لي كانو عندي افكار بزااف كلهم رسمت التصاميم ديالي وبديت كنشوف فيهم ونضت نوريهم لعثمان لي كان كيسني شي وراق ...ميساء:حبيبي ممكن تعطيني رأيك ...عثمان(تكا على الكرسي وقبطهم من عندي وبدا كيشوف وحدا بوحدة):اممم كنت عارفك قد المسؤولية تبارك الله عليك كنتي غضيعي الموهبة ديالك وراجلك فحاجتها ...ميساء(بفرحة):يعني عجبوك ...عثمان:اه بزاف(هز التيلي)إكرام اجي عندي دابا ...بدينا كنهضرو تا سمعنا الدقان فالباب عطا عثمان الإذن بالدخول كانت إكرام ...عثمان(مدليها التصاميم):إكرام هاكي هادو نزليهم للمعمل وخليهم يبداو فيهم ...إكرام:هي لولا سي عثمان(مشات) ...ميساء:بهاد السرعة كون غير صبرتي شوية ...عثمان:حنا فأواخر الشهر بغيت نبداو الخدمة جديدة باش نخرجوهم للسوق فالبداية ديال الشهر الماجي ...ميساء:اممم دابا نخدم على تصاميم آخرين ...عثمان(شاف الساعة):لا دابا غنمشيو نتغداو راه 2 دابا مفيكش جوع ...ميساء(حطيت يدي على كرشي)اه فيا محسيتش بالوقت ...عثمان:واخا،يالاه نتغداو فالدار نتي بقاي معاهم تال الليل وغنجي انا وياسر و عماد باش نهضرو فموضوعو ...ميساء:خالتك غتكون جات ...عثمان(باستغراب):علاش هي عرفات ...ميساء:ههه كلشي عرف و الفضل لغيثة .. عثمان(بابتسامة):دغيا وصلاتهالهم مزال ميوصلوش دابا حتال الليل ...ميساء:الله اجيبهم على خير ...خرجنا من الشركة مشينا للدار لقيت خالتي و عمي و غيثة و نورهان كلشي كاين فالدار يالاه جلسنا،شوية دخل عماد تغدينا فجو زوين ولاحظت بلي غيثة ونورهان ولاو متقربين من بعضياتهم الحمد لله لي تهدنو اما كوراهم كلا نهار مناتفين ...كملنا غدانا وكل واحد مشا لخدمتو بقينا غير حنا البنات وخالتي فالدار جمعنا الطبلة وغسلنا الماعن ودخلات هي تكا وطلعت انا وغيثة لفوق باش ناخد ما نلبس من عندها حيت مجبتش بيجامتي ومافيا لي بقا مزيرة بحويجي النهار كامل....
غيثة(جلسات فوق الناموسية):ناري شكون ايكون عيطليك ...ميساء:نعرف احبيبة والله تا نقوليك ...غيثة:عييت نخمم مطاحلي تا حد فالبال نتي اصلا معندك صحابات و اصلا اصلا اصلا راجلك بدليك النمرة غير مؤخرا على قبل ديك خيتي لي كنتي عاودتيلي عليها .. ميساء(لبست البيجامة وحيدت زيفي وتكيت حداها):وا صافي هنينا درتيلي فيها المحقق كرومبو ...غيثة:اححح عليا ...ميساء(حطيت،يدي على كرشها):حبيب خالتو ...غيثة:اه تفكرت(حلات المجر و جبدات واحد الكتاب)بغيتك تختاري معايا اسم ولد و بنت واخا حاسة اتكون عندي بنيتة ...ميساء:نتي و احساسك ههه ...بدينا كنقلبو فالكتاب وكنشوف الاسماء و المعاني ديالهم عجبوني اسماء بزااف اما غيثة معجبها والو ...ميساء:اففف قهرتيني عرفتي اش ديري الا كان ولد سميه بوشعيب ويلا بنت سميها كلتوم ...غيثة:اوا الله امسخك انا لي دايرة فيك عقلي ...ميساء:ههه وا بزاف اصحبتي كملنا الكتاب ونتي معاجباك حتى سمية مالها إيناس و زيد زوينين ...غيثة:سميهم لولادك ...ميساء:ان شاء الله صافي عنداك تاخديهم ...نورهان(دقات دخلات عندنا):احم نتوما هنا ...غيثة:اه اجي جلسي معانا ...ميساء:كنا كنقلبو على سميات ديال البيبي ...نورهان(بابتسامة):بصح شنو قررتي تسميهم ا غيثة ...غيثة:اففف مزال مختاريت ...نورهان:الا كان ولد سميه زيد ...ميساء:لااااا سمية ولدي هديك ...نورهان:هه واش تانتي حاملة ...ميساء:لا مزال ماجاب الله ولكن وجدتها زيد و ايناس ...نورهان:ههه زوينين هي تا انا نختار 📲📲📲📲امم سمحولي هادي صحبتي...الو وي حبيب...الحمد لله ونتي...اه بصاح اوا اجي اليوم تعشاي معانا خالتي راه كتعرفك ونيت تعرفي على ماما وختي و خطيبي ...غيثة:ويلي على خطيبي دابا طيروليك بهلة ...نورهان(خرجت فيها غيني باش تسكت):اوك حبيبة ان شاء الله مرحبا بيك بسلامة ...غيثة:واش عارضة على ديك صحبتك معامن تشاورتي باغا تفرقينا تاني فالعشا ...نورهان:علاش انتفرقو راه غير صحبتي ضريفة بزاف اتعجبكم والله اليوم دارهم مكاينينش وطلباتني باش تجي تبات معايا ...ميساء:ما،فيها باس غير وهو غنتفرقو فالعشا حيت عثمان هاكا كيبغي ...نورهان:ناري يختي داك الراجل عندك شحال معقد ...ميساء:انا مكيجينيش معقد بالعكس كيعجبني هكاك وكيجيني محتارم راسو ومحتارم الناس و محتارمني حتى انا كيفما ميبغيش البراني يشوف فيا حتى انا منبغيش لي تشوف فيه وكنضن ياسر نفس التفكير ديالو حيت على ملاحظت أول مرة تلاقينا مسلمش علينا باليد اكتفى بالسلام و صافي ...نورهان:حيت عارف عثمان كيف داير(تفكرت البرسة وحطيت يدي على فمي) ...غيثة:الماسخة لخرا درتوها ياك ...نورهان:ا ربي اختي غيثة لما قولي بيا شكون سلطك عليا راه شاكة الوحم جاك عليا ...غيثة:انا شاكة الوحم جاني على كلشي انمشي ناكل نجيبليكم شي حاجة ...ميساء و نورهان:دابا تفركعي ...غيثة:العمى ...مشات غيثة وبقيت انا ونورهان كنضحكو الصراحة ارتاحيت ملي تحسنات علاقتي بنورهان خصوصا انا من النوع لي مكنبغيش يكون عندي خصام ولا شي حاجة مع اي كان كنبغي علاقتي مزيانة مع كلشي بقينا جالسين تا رجعات غيثة شوية سمعنا الصونيط كانت ام نورهان و ختها نزلنا سلمنا عليهم و كالعادة بداو يتأمرو و ينتاقدو و مماها،غير كتسولها واش خدام مزيان واش غيعيشها مزيان.
من بعد ما سلمنا عليهم طلعت انا وغيثة لبيتها تكينا دغيا نعسنا انا وياها هاكا ولفنا ملي كنا فدارنا كنا كنتغداو كنعسو ...معرفتش شحال ديال الوقت حتى سمعنا الدقان فالباب ...عماد:غيثة:فيقي ميساء راه غندخل ...ميساء(نضت درت زيفي وشفت غيثة لي مغيبة ماشي ناعسة عاد مشيت حليت الباب):خويا عماد سمحليا ...عماد:هانية اختي ويلي داركم هادي فين غيثة ...ميساء(رجعت لور باش يدخل):هايا ناعسة دخل انا غنهبط لتحت ...دخل عماد شفتو مشا جلس حدا غيثة حط يد على كرشها وقربليها كيبوسها ويعنكشها عجبوني بجوج خليتهم وخرجت سديت الباب..هبطت لتحت كان كلشي جالس فالصالون الا عمي و عثمان بانولي فالصالة مشيت سلمت على عمي وجلست حدا عثمان لي جرني عندو وباسليا راسي ...الحاج:انمشي نصلي المغرب ...عثمان:الله اقبل الواليد انا شوية نوض ...ميساء:عاد جيتو ...عثمان:لا قبيلة شوية واش عيانة سولت عليك قالوليا من قبيلة ونتي ناعسة ...ميساء(حطيت يدي على صدرو وراسي على كتفو):لا حبيبي غير ملقيت مندير وتكيت حدا غيثة حتى داني النعاس عثمان:مزيان ترتاحي شوية نيت ...ميساء:واش مجاش ياسر ...عثمان:شوية وغيجي ...ميساء:اه حقا غتجي صاحبت نورهان ...عثمان(عقد حواجبو):ولاش ...ميساء:دارهم مسافرين ومبغاتش تبات بوحدها ...عثمان:و عندنا ملجأ حنا هنا ولا شنو مشكلة هادي ويلا وقعاتلها شي حاجة توحل فينا هنا ...ميساء:صافي احبيبي تهدن مغيوقع والو غير الخير ان شاء الله ...سمعنا الصونيط ونضنا خرجنا لقينا ياسر هو لي جا داخل ورا خالتي سلم عليهم وجلسنا مجموعين كان عماد و غيثة هبطو بقينا جالسين تا سمعنا الصونيط تاني نضت باش نحل وهي توقف غيثة ...نورهان:غير خليك هادي غير صاحبتي ...مشات نهيلة تحل بقينا جالسين وانا كنشوف مع عثمان فتيليفونو كان كيقرا فيه الاخبار تا سمعنا ...:السلام وعليكم ...كلشي رد السلام وحتى انا وعثمان واخا كنا كنشوفو فالتيلي ولكن غير عليت عيني تصدمت ...ميساء:نهيلة!!!!! نورهان(باستغراب):كتعرفو بعضياتكم ...نهيلة:اه كنا تلاقينا فإفران ...عثمان(شاف فيا وباينة معصب وكيهضر بشوية):هادي هي صحبتها واش هاد اللصقة مغنتهناوش منها ميساء:احم اه بصح كنا تلاقينا فإفران ...غيثة:اه هادي هي لي ...ميساء(قاطعتها وانا كنخرج فيها عيني باش تسكت):اه هي ...عماد(فهم شنو كاينة حيت اتكون غيثة عاوداتليه دكشي علاش جرها عندو):كنبغيك ...غيثة(دغيا تلفات):هه انا كتر ...خديجة:اوا دخلي ابنتي مرحبا بيك عا داتليا نورهان عليك ...ياسر(خنزر فنورها):الصمت ...نورهان(مشيت جلست حداه):مالك ...ياسر:هادي اش كدير هنا نسيت محلفت على ديلمك عليها ديك النها. هي لي داتك لتم ...نورهان:شش عافاك دابا يسمعونا صافي خلي دوز هاد الليلة ومن بعد نهضرو ...خديجة:مرحبا بيك ابنتي ...نهيلة(بميوعة):لهلا يخطيك اخالتي ...ميساء:اش خبار بنتك مجبتيهاش معاك ...نهيلة(تنشوف فعثمان):سافرات مع ماما و بابا نخليها تبدل الجو شوية ...خديجة:تبارك الله مزوجة وعندك بنية غزالة تبارك الله ...نهيلة:كنت اخالتي دابا طلقت ...ياسر(تعصبت بالمزيان):كملات...خديجة:احح ابنيتي غزالة ومتستاهليش تانتي ربي يعرضك بسيد سيدو ...عثمان(وقفت وانا طالع ليا الدم):ياسر نمشيو نجلسو فالصالة ...عماد(وقفت):وي من الاحسن ...ياسر(تا انا وقفت):واخا ...الحاج:فاطنة عشانا بوحدنا ونت نا خليكم على راحتكم فاش تساليو اجي نتي و خديجة لعندنا نهضرو فموضوع نورهان و ياسر ...خرجو الدراري وعمي بقيت انا غير كنشوف فنهيلة منكرش انني تعصبت من الوجود ديالها معرفتش علاش ولكن مدخلاتليش لخاطري نهائيا ...غيثة(جلسات حدايا):اجي واش هي عارفاك تتجي لنهيلة ...ميساء(باستغراب):لا منين غتعرف ...غيثة:واراه بانتليا كاعما تفاجآت فاش شافتك ...ميساء:اه لاحظتها زعما كانت عارفاني انا وعثمان لالا منضنش ...غيثة:غير ضني احبيبة شوفي شوفي خديجة كي كديرليها عجباتها ...ميساء:بفف ...غيثة:بلا متعصبي راسك الليلة غدوز باشما كان وغتمشي لدارك نتي وراجلك.. 
من بعد ما ناضو الدراري للصالة بوخدهم بقيت جالسة انا معاهم وحاسة براسي جالسة على العافية واش هدشي صدفة ولا كيفاش مفهمتش انا تلاقيت بيها فمدينة وحاولت نبعدها عليا وعلى حياتي لي كتحاول تقتاحمها و دابا طلع صاحبة نورهان و داخلة لقلب دار راجلي هدشي كلو كيدور فراسي وانا جالسة معاهم وكنشوف فيها كيفاش كتصرف وكيفاش خديجة كتهضر معاها عكسنا حنا لي بحالا جايين من الزنقة..بقيت جالسة انا و غيثة على جنب و تاحد مكيهضر معانا خالتي فاطنة فالكوزينة و خديجة و بناتها مجمعين مع نهيلة و غيثة كتشوف فيها وحاضياها بقيت تا عييت ونضت عند خالتي لقيتها كتسخن العشا ....#عند_الدراري ...الحاج:اوا ولدي مبروك عليك كنت ناوي نهضر معاك فهاد الموضوع تانتا بغيتك دير دارك و تستاقر وملي جات من عندك مزيان نورهان ضريفة و باقا صغيرة واخا طايشة راك قادر تخليها دير عقلها بالخاطر و العقل متمدش يدك عليها وكون حنين عليها خصوصا انها غتمشي معاك لبلاد خرا بوحدها مكاين حد حداها متخليهاش تحس راسها وحدانية كل مشكل واجهتوه جلسو وحلوه ...ياسر(تفكرت الطرشة لي عطيتها ديك النهار):احم ان شاء الله اعمي غندير لي فجهدي ...الحاج:ان شاء الله اولدي ..بعد اد(كنهضر بشوية مع عثمان):اجي ديك خيتي كيفاش تا عرفات نورهان ...عثمان(معصب):معرفتش من النهار لول مرتاحيتش ليها ...عماد:تا انا باينة فيها ماشي تال تم و زايدة مطلقة شفتي اللبس لي لابسة ...عثمان:عمااد صافي هنينا امتى غيسالي هدشي بغيت نمشي ...ياسر(شفت الدراري كيشوشو درت اشارة لعماد):شنو كاين ...عماد:من بعد فاطنة(دخلت عندهم):الحاج نحط العشا دابا؟ ...الحاج:اه حطي باش نهضرو مع خديجة وكل واحد يتيسر ...عماد:كتجري علينا الوالد ...الحاج:حاشا اولدي ولكن خوك راه بانليا ممرتاحش وباغي يمشي لدارو ...عثمان:غير عيان و بغيت نمشي نرتاح راك عارف ...من بعد مدة قليلة تحط العشا كلاو و سالاو جمعو الطبلة عيط الحاج لخديجة و نورهان جلسو معاهم ...الحاج:اوا ا خديجة راك عارفة الموضوع ياسر باغي بنتك على سنة الله و رسوله ...خديجة:اممم اوا خاصني نعرفو شكون هو و اش كيدير وواش بنتي غتعيش مرتاحة معاه و ...الحاج(قاطعتها وهضرت بحدة حيت عارفها):يكفي انني ضامنو ياسر ولدي وانا لي مربيه بحالو بحال عثمان وعماد مدام قصد الباب و بغا بنتك الا و انه باغيها وقاد بيها وتا البنت باغاه(شفت فنورهان)اولا ابنتي ...نورهان(تشجعت وانا كنشوف فياسر):اه اعمي ...ياسر(بابتسامة):ان شاء الله غنديرها فعينيا ولي بغاتها انا معاها ...الحاج:اذا نقراو الفاتحة عماد عيط لمرتك وختها يجيو ...من بعد ما دخلات ميساء و غيثة لي عيطلهم عماد باش يدخلو بلا ميحاشيها لنهيلة و مجدولين لي عيطاتليهم خديجة قراو الفاتحة و باركو ليهم وكلشي فرحان خصوصا نورهان و ياسر لي اخيرا تجمعو وولاو لبعضياتهم ...خديجة:اوا امتى باغيين العرس بالسلامة على حساب مقالتلتي نورهان نتا عندك غير شهر هنا ...ياسر:اه غير شهر والعقر مكرهتش السيمانة الماجية ...نهيلة[نقزات من بلاصتها]:سيمانة مكافياش للتوجاد ...كلشي ضار كيشوف فيها بمعني نتي مالك ...خديجة:عندك الحق ابنتي ...نورهان:احم ماما انا مباغاش العرس غير شي حفلة صغيرة بيناتنا وصافي ...خديجة(بالغوات):كيفااش ...الحاج(بحدة):كيف سمعتي هدا قرارهم هوما اذا العقد والحفلة السيمانة الماجية ان شااء الله الله اكمل عليكم بالخير ...الكل:امين ...عثمان(وقفت):ميسااء حبيبة يالاه نمشيو..
عثمان(وقفت):ميسااء حبيبة يالاه نمشيو ...ميساء:اه واخا نطلع نلبس ونجي ...عثمان:يالاه انا غنجي معاك(ضرت عندهم)بسلامة عليكم ...الكل:بسلامة ...طلعت انا وعثمان للبيت ديال غيثة انا كنلبس حويجي وهو وافف فالباب خاف ليطلع عماد ههه كملت ووقفت قدامو ...ميساء:يالاه ...عثمان(قبطتليها يديها وهبطنا):زيدي قدامي اليوم تخلصي ...ميساء:ههه الله يا ربي انا ديما مخلصة واخا مدايرة والو ...عثمان:لا والو ...ميساء(وصلنا لتحت):بلاتي نسلم عليهم ...عثمان:صافي راه قلنا بسلامة(جريتها لعندي ولصقتها معايا)راه بغيت نمشيو لدارنا خلاص ...ميساء(بابتسامة هزيت يدي حطيتها على وجهو وكنلعب بلحيتو):اممم تال هاد الدرجة ...عثمان(بستها بزربة):وكتر زيدي يالاه ...خرجنا من ركبنا فالطموبيل وتحركنا للدار ......//غيثة:اش موقفك نتي فالدروج ...نهيلة(قفزاتني هاد الزبلة تاهي):احم والو غير كنت كنهضر فالتيليفون ...غيثة:اممم اوا سيري تجلسي راك ساليتي امكن ...نورهان:مالكم غيثة:والو غير صاحبتك لقيتها واقفة هنا وساهية فباب الدار امكن بغات تمشي فحالها ...نورهان:اه بصح واش رجعو داركم ...نهيلة(ميقت فديك غيثة):لا حبيبة غير كنت كنهضر فالتيليفون مع ماما كنطمن على بنتي ...غيثة:اممم بنتك ...ياسر(وقفت عليهم وانا محاملش ديك خيتي):احم ...نورهان(ضرت عندو):حبيبي غتمشي ...ياسر:اه اجي نهضر معاك(شفت فغيثة)ختي غيثة بسلامة ...غيثة(بابتسامة):بسلامة اخويا و مبرك مرة خرا ...ياسر:الله ابارك فيك(جريت نورهان وخرجت لبرا حليت الطموبيل وجلسنا فيها) ...نورهان:عرفتي انا فرحانة بزاف ...ياسر:تا انا ولكن كاينة واحد الحاجة ...نورهان(بخوف):شنو هي ...ياسر:ديك خيتي لي لداخل بغيتك تقطعي علاقتك معاها سمعتي آخر مرة شفتك فديك الفيلا كنت غنرتاكب فيك جريمة وكون كانت بنت الناس متديكش لديك البلاصة وعاد زيد مزوجة و مطلقة وعندها بنت واش هديك حالة أم ...نورهان:ولكن ...ياسر(قاطعتها):نورهاان منعاودش الهضرة جوج مرات ديك بنادمة منعاودش نشوفك معاها غدا تمشي فحالها منعاودش نشوفها كدور بساحتك حيت غندور فيها قدامك ومكيهمنيش ...نورهان(حنيت راسي):صافي واخا ...ياسر(هزيتليها راسها وقربتها ليا بستها فراسها وبعدت):احم يالاه سيري دابا غدا غنجي عندك باش نخرجو نشريو الخواتم وشوفي شنو خاصك آخر ...نورهان:واخا حبيبي ان شاء الله يالاه تصبح على خير ...ياسر:ونتي بخير احبيبة ...هبطت من بعد ما كملت مع ياسر دخلت للدار لقيتهم جالسين مجمعين ونهيلة جالسة مع ماما تفكرت كلام ياسر وبديت كنفكر كيفاش غندير نقطع علاقتي بيها بلا منجرحها تفكرت غدا وتميت طالعة باش نسول غيثة شنو نشري ولكن خفتها تكون هي وعماد فشي حالة تاني ههه دكشي علاش سيفطتليها ميساج ودخلت لبيتي كنساينها تا دخلات عندي نهيلة ...نهيلة(جلست فوق الناموسية):هايهاي الناس ديال الحب ميسحابليش هاد ياسر بوكوص تال هاد الدرجة ...نورهان(بغيرة):الصمت ...نهيلة:اجي يا الشيطانة عندك ولاد خالتك متيتزين بحال هاكا ونخلياني معرفتيش تزوجيني لشي واحد منهم ...نورهان(بغيظ معجبنيش كلامها):اممم حبيبة نهار عرفتك هوما كانو مزوجين اصلا هوما لي ختارو البنات حيت كيبغيوهم ...نهيلة:اممم يعني ماشي زواج تقليدي بالحق داك عثمان احح اقلبي غزال ورزين يا ريت كون عرفتو قبل ميساء هههه ...غيثة(دخلت عندهم وسمعت كلامها):عاودي اش قلتي واش هداك وجهك ولا قفاك راك تتهضري على راجل مزوج ...نهيلطلعت فيها وهبطت):ومن بعد الا مزوج الشرع احبيبة عاطي ربعة ويلا مبغيتيش على راجل ختك نكون ضرتك اش بانليك😉 غيثة(غير قالت هكاك جنون طلعوليا لراسي طرت عليها بديت نتف وهي تغوت ونورهان تتفك):بغيتي تكوني ضرتي يااك هانا نوريك الضرة كيدايرة(جريتها من يديها وجلست فوقها وبديت نضرب فينما جات ونورهان كتفك وتغوت تا جاو كاع لي فالدار وخسيت براسي تهزيت من فوقها) ...عماد(معصب):اش هاااد الحالة اش طاااري هنا ...خديجة(مشيت عنقت نهيلة لي كانت منتوفة ووجها حمر):اويلي اش هدشي مالك ابنتي هماجية فين كابرة ...نهيلة(تتبوحط):اهئ اهئ والله مدرتلها،شي حاجة غير ضحكت معاها ...غيثة(كنتنتر لعماد لي حاكمني ممخلينيش نتحرك):ضحكتي وانا هجرتو ليك(شفت فنورهان)هداك ضحك لي قالت صاحبتك ...نورهان(بقيت كنشوف فيها مقدرتش نجاوبها بصح نهيلة استافزاتها ولكن هي خدات حقها وانا مجربة دقة غيثة خخخ):الصمت ...الحاج(بالغوات):صاافي براكة عماد خود مرتك وطلع لدارك ...عماد(جريتها من يديها):تحركي قدامي ...غيثة(طلعت معاه وانا كنتنر وكلامها باقي تياكل فيا دخلت للبيت وعماد زدح الباب حيدت الزيف وحيدت البينوار بقيت غير بالديباغدوغ و شورط قصير وكندوز يدي على عنقي حسيت براسي تخنقت ووجع خفيف شدني فكرشي بقيت غادا جاية وانا فديك الحالة وعماد محيح):الصمت ...عماد:لا مزيااان تباارك الله واااش نتي كل نهاار نهبط نلقاك طالعة فوق وحدة تتقتلي فيهااا عصا واش باغا شي واحد يموتليك فيديم ودخلي الحبس ولااا شنو دوييي شهاد الحالة درتي ...غيثة(جلست فوق الناموسية وعاطياه بضهري والنفس مبغات طلع والا تهبط):الصمت ...عماد(كنشوف فيها وهي عاطياني بالضهر زادت صعراتني):راااه معاااااك كنهضر(بقات ساكتة ضرت من جيهتها ووقفت قدامها خلعني المنضر ديالها.....
(بانتليا زادت كتحمار هزيتها لحت عليها عبايتها وشالها وهبطتها لتحت حطيتها فالطموبيل وانا طاير للسبيطار وعيني عليها من المراية باقة فنفس الحالة لالا ميمكنش نخسرها ميمكنش عمري شفتها فهاد الحالة شنو وقعليها تا وصلات لهاد الحالة هاكا مولفها ديما ضاحكة ولكن هاكا عمري شفتها حسيت براسي غنخسرها قلبي ضرني وانا كنشوف فيها حيدات الزيف وباقا كتماصي فعنقها وصلت للسبيطار خرجت خليت الباب محلول وشرت عندها هزيتها خليت الطموبيل قدام الباب الرئيسي والبيبان محلولين والسوارت فيها مفكرت فتاحاجة من غيرها ديك الساعة دخلتها حطيتها فالباياص وجاو شي ممرضات كيجريو دخلوها لواحد الغرفة وبانليا الطبيب لحق عليهم بقيت كنشوف فالباب وانا مصدوم عاد كانت كضحك كيفاش تا وصلات لهنا خايف نخسرها ونخسر ولدي...كلست فواحد الكرسي تما وراسي غيتشقق تا وقف عليا السيكيريتي عطاني سوارت الطموبيل ومشا دازت تقريبا نص ساعة عاد خرج الطبيب كي شفتو طرت عندو):مالها شنووقع ليها ...الطبيب:هاد السؤال نسولولك نتا ؟ عماد(انا معصب وغيزيد يعصبني هاد خينا):كتفلااا علياا ...الطبيب(بجدية):سمعني اسيدي مرتك حاملة و فأشرها الاولى تعرضات لانخفاض الضغط حيت تعصبات وهدشي ممزيانش ليها كون زادت شوية كان ممكن لا قدر الله تفقدها عماد(بخوف):دابا كيبقات ...الطبيب:دابا مزيانة ولكن رد بالك هدشي ميتكررش.حيت ماشي كل مرة ممكن تنفد منها خليها بعيدة على اي حاجة تعصبها وخصوصا راها باقة فمرحلة الوحم يعني هي دابا اكتر حساسية ...عماد(مسحت على وجهي):واخا ممكن نشوفها دابا ...الطبيب:دابا ناعسة واحد الساعتين عاد تفيق هي محتاجة للراحة ...عماد:واخا دكتور شكرا ...مشا الطبيب وبقيت واقف كنفكر فكلامو تعصبت فاش تفكرت الحالة لي لقيتها فيها مع ديك خيتي شنو غتكون قالتليها جبدت تيليفوني ودوزت نمرة نورهان ...نورهان(باستغراب):الو عماد !! ...عماد(بعصبية):شنو قالت ليها تا دابزو ...نورهان:احم شوف فينها غيثة بعدا انا نطلع عندكم ...عماد:حنا فالسبيطار ...نورهان:السبيطااار!!عللااش شنو وقع ...عماد:نسولك نتي شنو وقع حيت الحالة لي جبت فيها غيثة لهنا وكنت غنخسر ولدي بسباب ديك صاحبتك غتخليني نرجع للدار دابا ونريبها عليك وعليها من الاحسن عاوديليا شنو وقع بالتفصيل نورهان:بفف شوف(عاودتليه كلشي)وهدشي لي وقع ...عماد:اهااه هي السلكوطة باغا دير فعايل(سكت)واخا من بعد ونهضرو ونتي ا نورهان ديك صاحبتك تا تكوني فداركم وعرضي عليها تبات عندك واخا وغدا نتفاهمو(قطعت عليها) ...دازت ساعتين وانا جالس مرة نوض تطل عليها مرة نخرج برا تا فاقت دخلت عندها لقيتها متكية وتتشوف فالسقف جلست حداها وقبطت يدها بستها وهي تتشوف فيا وعينيها غرغرو ...غيثة:هي لي عصباتني ...عماد:ششت حبيبتي دابا سكتي متفكري فوالو حسابي معاها من بعد ...غيثة:عرفتي شنو قالت ليا اهئ اهئ ...عماد(قربت ليها وعنقتها):وا صافي اه عرفت وعبرتي عليها ولكن نتي ديال العصى واش هديك يديو على كلامها الناس و واش انا نديها فوحدة بحال هديك ولا غيرها وانا حبيبتي كنموت عليها ومنقدرش نعيش بلابيها عرفتي قد ما كنت معصب عليك قبيلة على قد ما خفت فاش شفتك فديك الحالة كون وقعاتليك شي حاجة ولا لولدي مغنصبرش الله اخليك ا غيثة ردي البال لراسك ومتبقايش لي قالك شي حاجة تيقي بيه انا كنبغيك نتي وعمري نشوف فغيرك دخليها هادي لراسك مزيان ...غيثة:ولكن نتا البارح قلتي غتزوج ...عماد:اناا؟!(تفكرت فاش ضحكت معاها)ولكن انا غير ضحكت معاك احبيبتي اخر حاجة نديرها هي نشوف فغيرك(بستها فشنيفاتها)تخلعت عليكم بزااف ...غيثة:صافي انا دابا مزيانة يالاه نمشيو ...عماد(جلستها وقاديتليها عبايتها وبقيت كنشوف فشعرها لي عريان حيت خلات الزيف فالطموبيل شفت واحد الملاية فوق السرير هزيتها ودرتها على راسها):خلي هادي على راسك الطبيب شاف شعرك😡 غيثة:بقاليه غير شعري يشوف فيه اففف زيد زيد نمشيو ...عماد:مغنمشيوش للدار يالاه نمشيو عند عثمان بلا مترجعي للدار وتلاقاي بديك الحمارة حسابي معاها باقي ماسالا ...غيثة:واااو انمشيو عندي ختي اه يالاه يالاه نمشيو ...بقيت كنشوف فيها فرحانة هاكا ولفتها هادي هي غيثة ديالي تفكرت الحالة لي كانت فيها قبيلة جريتها عندي عنقتها بجهد ...عماد:خفت عليك بزااف ...غيثة:حبيبي انا بيخير والله ...عماد:واخا يالاه....
شديتها و خرجنا من السبيطار من بعد ما كملت الاجراءات توجهنا لدار عثمان بقيت لتحت صونيت عليه بقا شحال عاد جاوبني ومن صوتو باينة قطعت عليه شي حاجة خخخ كملت معاه عاد طلعنا للدار حلات ميساء الباب وهي مزنكة حشمت منها ومن خويا حيت هدا ماشي وقت نجي فيه عندهم ولكن هوما حسن منرجعها للدار وتشوفها وترجع ليها الحالة دخلنا وبدات غيثة كتعاود ليهم المغامرة ديالها ولكن مقالتش كيفاش تا بداوها حدها قالت ليهم بلي هي استافزاتها طلعات مع ميساء باش تنعس وبقيت مع عثمان عاودتلو شنو طرا ...عثمان:وايني كلبة هادي النهار لول عرفتها هاكا وداخلة لدارنا بحال هاد الاشكال فين كنا كنعرفوهم حنا ...عماد:متصورش حالتي قبيلة اخويا حسيت بالدنيا دارت بيا وانا كنشوف غيثة فديك الحالة كون وقعات ليها شي حاجة كون قتلتها وندخل على ديلمها للحبس ...عثمان(حطيت يدي على ركبتو):الحمد لله خرجات بيخير غدا الا ممشاتش غنسيفطها لدارهم غير صبر يصبح ويفتح دابا طلع تنعس ومتفكر فوالو ...عماد:واخا سمحلياي اخويا جيت عندك دابا وقطعت عليك😉 عثمان(خنزرت فيه):طلع تنعس ...عماد:ههه هاهو غادي ..
ميساء:غيثة جيني نيشان شنو طرا حتى دابزتي نتي وياها باش استافزاتك شنو قالتليك ...غيثة:والو بدات كتعفر عليا وتهز وتحط بالحق مخليتشليها ريشتها بنت الحرام عرفتي بقيت كنضربها تا شدني الوجع فكرشي(حطيت يدي على كرشي) ...عماد(دخلت مع ديك الكلمة مشيت عندها بزربة):كيفاش الوجع واش بزااف ...غيثة:ههه والا كنعاود لميساء على ديك الساعة ...عماد:بففف أخرتي على يدك ...ميساء:ههه الله معاك اخويا تصبحو على خير ...عماد و غيثة:ونتي بخير ...خرجت من عندهم ومشيت للبيت لقيت عثمان متكي ومغمض عينيه حيدت فولاري والعباية وتخشيت حداه وحطيت راسي على صدرو ...عثمان:ختك مزيانة؟ ...ميساء:اه ههه مزالة كتعاود على كيفاش دارت ليها معرفتش شنو قالت ليها تا دارت هكاك غيثة كنعرفها مزيان ...عثمان(زيرت عليها):صافي نعسي نساي عليك هدشي ...ميساء(بستو فحنكو):تصبح على خير ...عثمان:ونتي بخير احبيبة ..*اصبح الصبح و الملك لله* ...#فدار_الحاج...الحاج:فين عماد و مرتو شفتهم مفطروش معانا ...فاطنة:انا نطلع نشوفهم ...نورهان:احم خالتي غير خليك هوما مباتوش هنا ...خديجة:هايهاي فين زادو ...نورهان(شفت فنهيلة):البارح فاش طرا المشكل وطلعو الفوق غيثة معرت شنو وقعلها وداها عماد للسبيطار ...فاطنة:الله يا ربي الله والبنت حاملة ...الحاج:لا حول ولا قوة الا بالله ...مجدولين:راه غير الفشوش هدوك بحالا غير هي لي حملات ...الحاج(وقفت):انا غادي ...فاطنة:مفطرتيش الحاج ...الحاج:خليتو ليكم نمشي نشوف الدري فين هو و شنو وقع لمرتو(خرجت دوزت نمرتو هضرت معاه عرفتو عند خوه طمني علي مرتو عاد تهنيت عليهم ومشيت لمحالي) ...نهيلة(وقفت):المهم انا غنمشي دابا مسخيتش بيكم ...نورهان(شعلتيها عاد غادا بفف):الصمت ...خديجة:تا انا ابنيتي دخلتيليا لخاطري متغبريش ومرحبا بيك فنهار صاحبتك ...نهيلة(بستها):ضروري اخالتي راه نورهان بحالي ختي(سلمت عليهم كاملين)يالاه نخليكم بسلامة ...خديجة:نوضي ابنتي وصلي مع صاحبتك للباب ...نورهان(نضت معاها وقفت قدام الباب حليتو وانا كنشوف فيها كتقاد حالتها ودرق عنقها بشعرها كاع زوقاتو ليها غيثة):عجبك الحال اش داك ليها ...نهيلة(ميقت فيها):شفتك جاتك النفس عليها ياك مكنتيش تتحمليها و زيدون انا مقلت والو بفف من هدشي كامل تلاحي نمشي فحالي دابا من بعد ونهضرو(بستها)بسلامة ...نورهان:بسلامة(سديت الباب ودخلت نيشان لبياي بدلت حويجي عاد خرجت جلست معاهم كنساين ياسر) ...خديجة:شوفي هاه سيري وختاري شي حاجة نيت و عاطية للعين عنداك تبقاي تفكري و تراعي راك عروسة فرحي براسك ...نورهان:كيفاش منراعيش ا ماما واش خارجة مع خطيبي ولا براني البراني ومنديرش معاه هاكا نتي مخاصكش تقوليلي بحال هاد الهضرة ...مجدولين:شوفليك الضبعة شفتك تفورماطيتي خليناك هنا ونتي تبدلي ياك لاباس ...فاطنة:واراها قالت الصح اختي راه غتزوج غيولي راجلها خاصها تراعي ليه ...خديجة:ومالها اختي شايطة لا عرس غيدار ولا دهاز مقاد مالها عرجة ولا عورة(قاطعني صوت الصونيط)تهزي هاوا جا سيري حليليه زواج الدل....#
نضت حليت الباب وانا معصبة من كلام ماما وختي لقيت عثمان فالباب هو و ياسر امكن تلاقاو هنا حيت عثمان عندو الساروت ديالو ...عثمان(شفت ودخلت):سلام ...ياسر(دخلت ورا عثمان سديت الباب وجريت نورهان عندها بانتليا معصبة):مالك ...نورهان:والو مال عثمان ...ياسر:معرفتش يالاه صونيت هو يجي ...نورهان:واخا يالاه ندخلو ...دخلنا لداخل لقيت عثمان واقف وكيشوف فيهم غير شافنا ضار عندي ...عثمان:فين ديك صاحبتك ...نورهان:مشات فحالها ...عثمان:مشات عندها الزهر مشات قبل منجي ...فاطنة:علاش اولدي اش بينك وبينها ...عثمان(بعصبية):كيفاش اش بيني وبينها واش السيدة جاية ضيفة سيفطات البنت للسبيطار ...ياسر(شفت فنورهان):شكون عثمان(شفت فنورهان):سمعيني ا نورهان ديك خيتي متعاودش دخل لدارنا بغيتي تشوفيها شوفيها على تيساع الدار متحطش فيها رجليها حيت الا شفتها هنا مرة خرة مغيعجبكمش الحال(ضرت عند الواليدة)كلامي مفهموم ياك ...فاطنة:واخا اولدي غير تهدن فين خوك بعدا هو ومرتو مباتوش هنا و كيبقات هي ...عثمان:هوما باتو عندي البنت حفض الله ومداراش اجهاض بسباب برهوشو ديال الخلا ...نورهان:عثمان خويا كون هاني آخر مرة تشوفها هنا ...ياسر:و آخر مرة تشوفيها تا نتي ...خديجة:اوا لاواه مالها قاتلة روح البنت مدارت والو مشتوش حالتها صباح راه تا ديك غيثة مكتحشمش ...عثمان:انا دابا هضرت ويلا شفتها مرة خرا مغيعجبكم حال(خرجت زدحت الباب ومشيت للشركة وانا معصب عندها الزهر مطاحتش بين يدي عيطت لميساء هضرت معاه حيت خليتها مع غيثة فالدار تال العشية عاد يجي عماد يديها) ...//#عند_البنات: ...غيثة:نااري يختي غلاضيت...ليلى لوليتا... ...ميساء:ههه عادي راك حاملة ضروري غتغلاضي وعاد الوحم جاك على الماكلة قريت بلي كاينة لي كضعاف وكتولي حالتها حالة مسكينة ...غيثة:هايهاي بديتي كتقراي على الحمل ياكما ...ميساء(بحزن):يا ريت بااقي مجاب الله ...غيثة(شفتها تقلقات ولات حساسة من هاد الموضوع بزاف):احم ميساء ختي صاوبيليا بيتزا تشهيتها نتي كتصرعيها عافاك عافاك ...ميساء:ههه واخا نيت كنت كنفكر اش ندير للغدا اجي عماد فين مشا ...غيثة:والله ما عرفت فقت صباح ملقيتوش ايكون مشا غير لخدمتو ...نضت انا وغيثة دخلنا للكوزينة بقينا مجمعين انا كنصاوب البيتزا وهي صاوبات العصير كملنا وحطينا كنتغداو تا دخل عماد كان جايبليها السقاطة وجابليا حتى انا وشرا حويجات ديال لي بيبي وشي لعاب حسيت بيه كيديرليها الخاطر خصوصا من بعد لي طرا البارح اكيد خاف عليها وعلى ولدو ...خليتهم ومشيت للبيت هضرت مع عثمان لي كان معصب عاودليا شنو وقع صباح حاولت نهدنو شوية ...غيثة(دخلت عندها):ختي حبيبتي انا غنمشي انا و عماد نخرجو اجي يالاه معانا ...ميساء:ههه نتي هبيلة معارفاش عثمان سيرو نتوما فوجو شوية وردي البال لراسك ...غيثة:واخا حبيبتي ...سلمت عليها مشاو وبقيت جالسة كنجمع الدار تا كملت وجلست كنتفرج تا سمعت الصونيط.
فدار_الحاج: خديجة:فاطنة آري شي كويس دالما الله استر عليك ...مجدولين(كنبرد ضفاري):بففف الملل فهاد الدار ...فاطنة(جبتليها الما):هاكي اختي ...خديجة:اربي لما قوليليا داك الدري عندك لمن طالع ديما صاعر ومدابز مع راسو مالو اش كاين ...فاطنة:وا ساعاتو الله اختي ...خديجة:اممم اجي مرتو شتها مزال محملات تزوجات هي وختها نهار واحد لاخرا دغيا شدات راجلها بالدري وهي مزال ياكما عندها شي حاجة ...مجدولين:كوراها عاقرة ...فاطنة:ما حنا على فالك دكشي ديال الله ربي مزال مبغا ليهم الدراري ...خديجة:متكونش كتشرب الكينة ...فاطنة:لالا منضنش تا هي راه باغا وليدات وتا عثمان .. خديجة:داك الدري عندك على داك العصاب لي فيه ربي مغيعطيهش التريكة ...فاطنة:انااري يختي مالك على هاد الهضرة ...خديجة:اوا غير قلنا ليك سيري سيري شوفي راه ريحة الحراق ...مجدولين:زعما ا مي تكون كتشرب الكينة ...خديجة:ا باينة الدرية عندها شي مشكل شفتي خالتك كي تلونات و معجبها حال اعلم الله اش مخبيين ...مجدولين:وييه ا مي ...فاطنة(دخلت للكوزينة وانا تالفة كنهضر مع راسي):زعمة تكون كتشرب الكينة لالا ميمكنش انا باغا نشوف ولادو بصح راه تعطلو هي وختها تزوجو نهار واحد مالها هي بفففف ....////ميساء:ماما ولاهيلا فرحتيني ملي جيتي عندي علاش مجاش بابا معاك ...رحمة:باك ابنتي حطني عندك ومشا عند الحاج حماك راه ناويين يمشيو للعمرة بجوج تا يجي وغتشوفيه ...ميساء:بصح مفراسي والو هي عمي مغيحضرش لعرس نورهان ...رحمة:هادي بنت خالة راجلك ياك ...ميساء:اه ا ماما هي يالاه تخطبات غير البارح و السيمانة الماجية غتزوج ...رحمة:اوا الله يكمل عليهم بالخير ابنتي عيطت لختك باش تجي هنا ونشوفكم بجوج ساعة خارجة مع راجلها ...ميساء:اه خارجين(عنقتها)توحشتك ا ماما ...رحمة(بستها وزيرت عليها):تا انا ابنتي دكشي لاش لصقت باك يجيبني عندك ...ميساء:ماما غير يمشي بابا اتجي تجلسي معايا هنا متبقايش بوحدك فالدار ...رحمة:لالا ابنتي انا منبدلش فراشي ونخلي الدار خاوية مالي اش غيطراليا ...ميساء:اتبقاي تباتي بوحدك غتشطنيني عليك ...رحمة:معندك مناش تشطني راه باك هاد السيمانة عاد كان مسافر راه جلست بوحدي اش طرا والو ...ميساء:بصح فين مشا مفراسيش ...بقيت مجمعة انا و ماما تا جا عثمان و بابا شديناهم للعشا تعشينا مجموعين عاد مشاو..
غية:اففف عييت ...عماد:بدلي حوايجك ونعسي ارتاحي انا خرجتك باش تبدلي الجو واخا مرضتي ديلمي ...غيثة:وا،صافي شحال فيك ديال النكير حبيبي نطلبك طليبة .. عماد(كنبدل حويجي ونهضر معاها):كنسمع ...غيثة:دابا عمي و بابا مسافرين ياك وماما اتبقا بوحدها ياك خليني نمشي نجلس معاها شي سيمانة ...عماد:الصمت ...غيثة:عافاااااك ...عماد:نوضي تنعسي لنوض نعسك بطريقتي ...غيثة:اففف على معكس ...مشيت بدلت حويجي وهبطت لتحت لقيت ديك خديجة وبنتها جالسين مجمعين مديتهاش فيهم دخلت للكوزينة لقيت نورهان واقفة تتشرب تاهي مهضرتش معاها مشيت نيشان للتلاجة وبديت نبقشش فيها ...نورهان:غيثة امتى جيتي ...غيثة:الصمت ...نورهان(مشيت حداها):وا غيثة مكتسمعيش كي بقيتي تخلعت عليك البارح والله ...غيثة(جبدت الديسير من تم وسديت التلاجة وجلست فالطبلة كنقي وناكل مجاوبتهاش):الصمت ...نورهان(جلست حداها):واش مقلقة مني ا غيثة علاش مكتجاوبينيش ...غيثة:كيفما جيتي من صاحبتك وخليتيني كنطرطا بوحدي تا انا مبقيتش باغا نهضر معاك ...نورهان:انا غير مبغيتش نزيد الصداع والله ا غيثة تا ضرت فيها وقتليها دكشي لي درتي ممزيانش ...غيثة:وينوو بصاح ...نورهان(بقا فيا الحال من طريقتها فالهضرة معايا حيت فهاد المدة تقربت منها حسيتها اقرب وحدة ليا ارتاحيت ليها وحتى لميساء ومبغيتش نخسرهم بجوج):سمحيليا ا غيثة ...غيثة(بقيت كنشوف فيها ضحكاتني ميسحابليش هي هاكا):صافي كتقطعي فالقلب بالحق شوفي ديك صاحبتك نشوفها مرة خرا والله تا نصفيها ليها نوريها الضرة علاش قادة بغيتليها الضر تفووو(حطيت دكشي من يدي)تسدو الشهية لبنادم ...نورهان:ههه اه بصح شوفي الا كملتي اجي معايا لبيتي نوريك شنو شراليا ياسر ...غيثة:اه نوضي نوضي كملت شريتو الخواتم ...نورهان:اه زيدي نوريك ...مشيت معاها للبيت بدات كتوريني شنو شراليها كان دكشي زوين عندو الذوق خصوصا لي شوميز😂تهلا فيها بالمعقول ...نورهان:ماما وختي معجبهمش هدشي ...غيثة:اش كيعرفو هادوك غير التعياب بلا فايدة عرفتي ونشدهم نخلطهم بجوج يتقادو ...نورهان:هههههههه اويلي تسطيتي بقاتليك غير ماما والله تا تريشك ...غيثة:شفتيني ساهلة ليها ...عماد(دخل علينا):واش انا غنبقا تابعك تهزي من تم ...غيثة(هزيت يدي بحال شي بنيتة صغيرة):هزني ما فيا لي يتمشى ...عماد(مشيت عندها هزيتها):الله اصبرني معاك ...خرجنا من تم ونورهان تتفرنس دزنا من حدا دوك جوج بقاو تيخنزرو اما خالتي حانية راسها وتتخمم مهضراتش معايا كاع ولا سولاتني كي بقيت باينة فاقسينها هنا يبقاو لينا تاني افف...خطني عماد بلاصتي جابليا دوايا شربتو وتخشا حدايا عنقني عاد نعست حيت كنت مسخسخة بزااف..

#3_ايام_قبل_العرس: ميساء:بابا دعي معايا تماك ...بابا:ضروري ندعي معاكم ابنتي شكون عندي من غيركم تهلاو فمكم وبقاو طلو عليها متخليوهاش بوحدها ...غيثة:كون هاني ا بابا انا كون جات عليا كون جيت جلست معاها(شفت عماد كيخنزر فيا وانا نسقل) ...فاطنة:الله اديكم على خير الحاج ...الحاج:امين تهلاو فروسكم(شفت فنورهان)بنتي مبروك عليك الله اكمل عليكم بالخير عماد و عثمان راهم بخوتك غيوقفو معاك عاد راجلك تا هو ...نورهان(بستليه يدو):عارفة لي كاين اعمي واخا،كنت باغاك تحضر ...الحاج:اوا بنتي هدشي جا على غفلة ولكن حسبيني كاين وانا معاكم بدعواتي ان شاء الله ...بابا:يالاه الحاج راه تعطلنا تهلاو فروسكم الله اعونكم ...تسالمنا مع بابا و عمي بحكم كنا مجموعين فدار عمي تغدينا مجموعين عاد غيوصلوهم الدراري للمطار ...مشاو وبقيت انا وغيثة و ماما وخديجة وبناتها وخالتي لي كانت كتشوف فيا معرفتش مالها مولفة كتهضر معايا وتجمع معايا ولكن هاد المرة هضرتها معايا قليلة ...رحمة:اوا نوض انا نمشي ...غيثة:جلسي ا ماما بلاتي تا يجي عماد و يوصلك ولا تمشي مع عثمان و ميساء .. ميساء:اه اماما جلسي تا يجي عثمان ونوصلك فطريقنا ...خديجة:اوا ميساء مزال مهداك الله تجيبي لينا شي فنيكيش .. ميساء(تزيرت من هاد السؤال بالنسبة ليا ولا نقطة ضعفي بقيت كنشوف فيها وفخالتي لي من وجها باينة كتسنى جوابي):احم مزال اخالتي مجاب الله هاد الساعة ...خديجة:زعما مكتشربيش الكينة ...ميساء:لا عمري شربتها ...مجدولين:اوا خاصك تمشي تشوفي الطبيب اتكوني عاقرة راك تزوجتي نتي وختك فنهار واحد هي حملات ونتي مزال ...غيثة(بعصبية):ونتي مالك فهدشي شغلك ولا باغيين دخلو فإراادة الله .. رحمة(حمرت فغيثة واخا عندها الحق ولكن مخاصهاش تعلي صوتها على لي كبر منها):غيثة حشمي(شفت فخديجة)هدشي ديال الله هو لي عارف امتى يرزقهم بالذرية الصالحة ...فاطنة:اه ولكن خاصها دوز هدشي مبقاش كيطمن ...ميساء(تصدمت من كلام خالتي اول مرة تهضر بهاد الطريقة):الصمت ...نورهان(انا غير ساكتة كتشوف فيهم كيفاش ضارو بيها بقات فيا بزااف خصوصا انها مردات الهضرة على تا وحدة فيهم واخا كلامهم مستفز لي دارت انها حنات راسها ووجها ولا حمر بلا منحس وقفت وجريتها من يديها قدامهم ودخلتها للكوزينة جلسات عمرت ليها كاس دالما وعطيتها تشرب):شربي ا ميساء مديريش فبالك ماما وختي هاكا دايرين كلامهم بحال السم ...ميساء(شربت وحطيت الكاس جاوبتها وصوتي مخنوق):عرفت ولكن خالتي ...نورهان(قاطعتها):خالتي ماما كتأتر عليها وكلامها كتفكر فيه الف مرة مكتجاهلوش حيت كتحتارم ماما واخا تكون غالطة مكتخرحش معاها للعيب ...ميساء:اهئ اهئ ولكن انا شنو دنبي هدشي ماشي بيدي اهئ انا درت التحاليل ولقيت عندي كلشي مزيان شنو بغاوني ندير اهئ اهئ نورهان(عنقتها):ششت سكتي متبكيش عافاك الا جا عثمان لقاك هاكا غيقربل الدنيا ...غيثة(دخلات علينا):راه قتليك ديك مماك وختك خاصهم يدوقو دقتي اش دخلهم هوما فهدشي ...نورهان(حشمت منهم حيت تحطيت فموقف خايب):بصح مسحوها،فيا انا ومتديوهاش فهضرتهم لي كيهم ان ميساء و عثمان مفاهمين مع بعضياتهم مكيهمش كلام الناس ...غيثة:و..(قاطعني صوت الصونيط)امكن الدراري جاو ديري زيفك ا ميساء ...نضت خرجت برا هزيت زيفي درتو على راسي وجلست حدا ماما وغيثة تا هي دارت زيفها ومشات تحل ...رحمة(كنشوف فميساء):واش كنتي تتبكي ...ميساء(كنمسح عيني):لا غير عيني دمعو ا ماما(ابتاسمت ليها وحنيت راسي بزربة فاش دخلو الدراري) .. عثمان:ميساء يالاه نمشيو ...ميساء(بقيت حانية راسي ومشفتش فيه حيت مافيا لي يبقا يسول وهو على سبة دغيا كيتعصب):واخا ...عثمان(كنشوف فيها وكنهضر مع خالتي):خالتي رحمة اتمشي معانا ياك .. رحمة:اه اولدي وصلوني فطريقكم.

رحمة:اه اولدي وصلوني فطريقكم ...عثمان:واخا(مشيت عند وقفت قدام ميساء لي منين دخلت ما،علات فيا عينيها وتتقلب فصاكها)علاش تتقلبي من قبيلة ونتي حانية الراس .. ميساء(بقيت فنفس الوضع):غير واحد الشوكة ديال فولاري ...عثمان:صافي راه فولارك مقاد هزي راسك شوفي فيا ...ميساء:غير خليني نقلب ...عثمان(عصباتني مديت يدي هزيتليها راسها شفت عينيها حمرين وباينة كانت كتبكي مرتي و حافضها وجها حمر):مال غينيك كنتي كتبكي😡 ...ميساء(ابتاسمت ليه بزز مقادة على صداع):لا غير عيني ضروني ودمعو ليا ...عثمان(بعصبية):راني مااااشي كنرضع صبعيييي لاش كنتي كتبكي دوووي ...رحمة:احم ا ولدي راه مبكاتش غير عينيها مرة مرة كيديروليها هاكا ...عثمان(بقيت كنشوف فيها وانا مغدد خليتتم وخرجت ركبت فالطموبيل كنساينهم) ...رحمة:يالاه ابنتي بسلامة عليكم ...غيثة(مشيت عنقت ميساء):حبيبة عافاك مديريش فبالك ...ميساء:واخا يالاه بسلامة(اكتفينا بالسلام من بعيد انا و ماما وخرجنا ركبت حدا عثمان لي معصب شاف فيا عاود ابتاسمت ليه بزز وانا ربي لي عالم بيا دور وكهو بزربة غير ركبات ماما وهو يتحرك) ..///عماد(جريت غيثة):اجي نتي معايا ...غيثة:بشوية ابنادم مالك على هاد جران ...طلعنا للبيت جلسني وتقابل معايا ...عماد:كنسمع ...غيثة:حلف والله تا كيسحابلي صمك خخخخ ...عماد(خنزرت فيها):الصمت .. غيثة(شفتو خنزر وانا نجمع الضحكة وبديت نسرسب ليه كلشي قلتو ليه):صافي هدشي لي كاين ...عماد(بعصبية):واااش هوما شغلهم هدشي كيخص الراجل ومرتو اش دخلهم فهاد الزبل كامل و الوالدة تا هي زادت كملاتها من ايمتا كانت كتتضر هاكااا ...غيثة:واراه ديك خالتك وبنتها يكفرو بنادم باينة عمرو ليها راسها راه سيمانة وانا ملاحضة بلي خالتي معاملتها مع ميساء تبدلات ...عماد:عثمان الا عرف هدشي غيقربل الدنيا عليهم وعلينا ميساء خط حمر بالنسبة ليه 📲📲📲(شفت تيليفوني كيصوني)لالا كملات ...غيثة:شكون ...عماد:عثمان بففف(جاوبتو)وي عثمان...احم لا مفراسي والو...معاوداتليا والو مسولتهاش....وا صاحبي بلا متصعر عليا راه خالتك وبنتها ضارو بيها وقالوليها شي هضرة وزيد تا الواليدة معاهم...عث....بفففف ...غيثة:واناااري طلعتي كتر مني دغيا سرسبتي ليه هههه ...عماد:راه كان كيغوت و معصب وملي تيكون هكاك مكنبغيش نتشاد معاه وهاوا دابا جاي لهنا ...غيثة:هاااح هي خالتك اليوم تسمع ليها شي كليمات ...عماد:شوفي نتي هنا تبقاي تهبطي لتحت نقطع لمك الرجلين ...ما جيت فين نجاوبو تا سمعنا صوت الطموبيل وقفات بجهد طرت من بلاصتي طليت بانليا عثمان هبذ من الطموبيل صاعر ما جيت فين نوصل لباب البيت تا لقيت عماد قدامي ...عماد:كنهضر بالشينوية ياك رجعي لور يالاه ...رجعت جوج خطوات لور وانا كنشوف فيه تا بانليا سد عليا الباب وسورتو ويلي ولد الهم بغيت نتفرج فديك العقروشة يخخ على راجل... بقيت غادة جايو فالبيت وكنسمع عثمان محيح لتحت طليت من السرجم بانليا بنادم كيدوز ويشوف جهة الدار وشي جارات واقفين قدام الباب دايرين راسهم مجمعين وهوما كيتصنتو ...غيثة:اوا الله انعل لي ميحشم كتصنتو البركاكات يخليها قاعدة فيكم ...يامنة(جارة):ياك اغيثة كتنعلي فينا ...غيثة:اوا فعايلك جابوهاليك تحركي من تم لنهبط نبرد فيك هوايشي تحركيييي....
عماد:عثمااان تهدن اصاحبي ...عثمان:حييييدمن قدااااامي ...خديجة:اويلي بسم الله عليك مالك جاي صاعر علينا محرشينك ...مجدولين:باينة مرتو عمرات ليه راسو ...عثمان(مشيت جريتها من شعرها):هاااديك متحبديهااااش على فمك الخااانز كتسمعيييي شنوووو قلتو ليهاااا بالضبط تاااا ولات هكاك دويييي ...نورهان:عثمان خويا عافاك غير تهدن وطلقها ....عثمان(بالغوات):مغنطلقهاااااش تا نعرف شنووو قلتو لمرتيييي دوييييو ...فاطنة:براااااكة مالنا على هاد الغواااات كااامل اش قلنااا كااااع ...عثمان:مييييي...فاطنة:متعلييييش صووووتك علياااا منيمتاااا وليتي ترد علياااا صوتك ولا دااااباااا تقاااادو الكتاااف مااالنا سولنااااها لاش مزااال محملااات اش كاين كاع قتلناها ولا قطعنا ليهاااا راسهاااا ...عثمان(كنحاول نهدن راسي باش منعليش صوتي عليها):ونتوما اش دخلكم فهدشي ....فاطنة:كيفااااش اش دخلنااا راااك ولدي بغييت نشوف ولااادك قبل منمووت واااش ماااشي من حقيي دوي لاااش زوجناك ملي مغتجيب لا ولاااد لااا وتااااد ...عثمان:ا لالة اناا مباغي لا ولااد لا والو باغي غير مرتي مرتي و صاافي هي بنتي هي كلشي عندي دخلووو هدشي لراااسكم ومتبقاااوش دخلو فهدشي ولا كنقسم ليك بالله العلي العضيم هاد الوجه عمرررك تشوفيييه ولااا تسمعي صوووتي ...فاطنة:يااك اولدي يااك اهئ ياك اولد كرشي 9 شهور هزيت فكرشي وتعدبت عليك وكبرتك ورديتك رااجل باااش تجي تقوليا هاد الهضرة وتفضل مرتك علياا هي كون كاانت بنت الاصل متعااودشليك هااد الهضرة هضرة ضارت بيناتنا تسكت ولا كانت على سبة وباغا تجرك ليها ياااك ...عماد:الواليدة نعلي الشيطان اش هاد الهضرة مالو جايبها من الزنقة كيفاش بنت الاصل وديك الهضرة انا،لي قلتهاليه غيثة عاوداتليا كلشي غتقولي مااشي بنت الاصل تا هي غنقولك انا بي بززت عليهاا تهضر ...فاطنة:الله يا ربي الله(جلست وشديت راسي)على اخر يامي ولادي يوقفو ضدي ويعليو صوتهم عليا بسباب عيالاتهم ...خديجة:اوا راه قلتهاليك النهار لول ومسمعتيش هانتي وقفتي على هضرتي ...عثمان:بربيييي ونسمع صوتك مرة خرااا حتى نسا انك خاااالتي وااخا نااسيها اصلا حيت ميشرفنيش ومنراعيش لعمرك ...طرااااااخ..... ...فاااطنة(صرفقتو):قلييييل التراابي ...عثمان(بقيت واقف مصدوم اول،مرة تمد يدها عليا بقيت كنشوف فيها ومكنسمعش اش كتقول):الصمت ...عماد(تصدمت من دكشي لي دارت الواليدة):مي اش درتي ...فاطنة:درت لي خاااصو يدااار معرفتش نربيكم تا وليتو تعليو صووتكم ومتحتارمو لاااكبير لا صغير(شفت عثمان عطاني بضهرو وغادي خارج)وقف غنقولك جوج كلمات وديك الساعة سير الا بغيتي تمشي.

وم_العرس: ....#ميساء:من نهار المشكل لي وقع معاودت مشيت لدار عمي ولا شفت خالتي كنت كنهضر مع غيثة مرة مرة وصافي وتا هي معرفاتش شنو طرا بين عثمان و مو ديك النهار حيت عماد كان ساد عليها الباب وحتى عثمان من ديك النهار وهو مبدل معصب غير بوحدو وكيبقا غير ساهي يمكن قطع علاقتو بمو حيت من ديك النهار معاود مشا عندهم ولا جبدهم ليا ...اليوم انا ممشيتش للخدمة كنساين غيثة تحي عندي باش نمشيو للصالون نوجدو راسنا للعرس معاونتهم فوالو وموجدت معاهم والو وحتى العرس مكناش غنمشيو ليه لولا ياسر ونورهان لي جاو عندنا البارح وترجاونا باش نمشيو انا حشمت منهم وطلبت عثمان باش نديرولهم خاطرهم واخا نجلسو غير شوية ونمشيو فحالنا ...بقيت جالسة لابسة حويجي كنساين غيثة تا جات خرجنا مشينا كندورو على القيساريات فين كيكريو الخياطات التكاشط والقفاطن بقنيا نقيسو ونحطو تا اختاريت انا تكشيطة فالبوردو وغيثة قفيطين فالغوز بلا حزام على وديت كرشها لي بدات كتبان اختارينا اكسسوارات ليهم عاد خرجنا باش نمشيو للصالون نصايبو ماكياجنا تما..بقينا واقفين كنساينو طاكسي تا حسيت براسي شداتني الدوخة و السخفة ...غيثة:ميسااء مالك اويلي شفتك ترخيتي ...ميساء(بزز واقفة):معرفتش جاتني الدوخة وفيا السخفة ...غيثة:واراه وجهك صفر اصحبتي نمشيو للسبيطار ...ميساء:لالا بلاش دايرني مع الدراري يدرزو عندنا للصالون غنتعطلو ...غيثة:و نتعطلو صحتك هي لولة تحركي قدامي ...وقف الطاكسي قاتلو غيثة يدينا للسبيطار فعلا مشينا كانت الدنيا شوية خاوية مكاينة لا نوبة لا والو الحمد لله دخلت عند الطبيبة لي فحصاتني وبدات كتسولني اسئلة فشكل وانا،كنجاوبها ومستغربة ...الطبيبة:داباغنديرو التحاليل باش نتأكدو ...ميساء(باستغراب):مناش ...الطبيبة(بابتسامة):من حملك مثل ميساء(بصدمة):حمل؟!!!زعما انا حاملة ...الطبيبة:هه انا دابا سيفطت التحاليل،للمختبر من هنا لساعتين تكون عندي النتيجة ...ميساء:ساعتين ولكن انا خاصني نمشي عندنا مناسبة عائلية بفف وباغا نعرف النتيجة منقدرش نصبر تال غدا ...الطبيبة:ماشي مشكل يمكن بيك تمشي وخليلي نمرتك غير تخرج النتيجة ونعيطليك ...ميساء(بفرحة):واخااا شكرا بزااف ...قيدت ليها نمرتي وخرجت غنطير بالفرحة واخا مزال ممتأكدة ولكن عندي امل ان شاء الله ايكون خير قلتها لغيثة الطريق كاملة وهي كدعي معايا مشينا للصالون قادينا حالتنا ولبسنا تما تا جاو عثمان وعماد كانو مفركسين جاو باكص كل وحدة ركبات مع راجلها انا الطريق كاملة وانا كنضحك وقلبي كيفرفر ان شاء الله يا ربي هاد المرة يكون خبر زوين شفت فعثمان لي كان سايق ومركز فالطريق وعاقد غوباشتو جريت يدو عندي شاف فيا هزها باسها ورجع كيشوف فالطريق تا وصلنا للدار كانت الدنيا عامرة شوية واخا قالو حفلة صغيرة ولكن خديجة غتكون عرضات على جيران كاملين...دخلنا بحالنا بحال الضياف مشيت لواحد القنت انا وغيثة بقينا جالسين ومجدولين شافتنا دارت واحد الضحكة ومشات ...غيثة:عرفتي ماما عبرات لي مبغاتش اجي ...ميساء:ماشي مشكل ساعة دوز نفرحو لنورهان ونمشيو فحالنا ...غيثة:نتي لي غتنشي فحالك اما انا راه وجهي فوجهم تا خالتي تبدلات معايا مفهمتش مالها و تا عماد قلالت هضرتو معاها بحالا مخبي عليا شي حاجة معرفتش شنو هي ضرني راسي ...ميساء:شحال فضولية يختي ههه ...بقينا جالسين مجمعين وصلات العروسة دخلوها بالصلاة والسلام جات غزالة الصراحة جلسوها حدانا بتاسمات لينا وفرحات حيت شافتنا..بقينا ناشطين غير حنا العيالات حيت كنا معزولين الرجال،داروليهم البنية على برا ...داز الوقت ونورهان بدلات شحال من لبيسة وكل وحدة كانت حسن من لخرا طلع ليها السر تبارك الله جات النكافة خرجات العيالات باش يجي العريس يتصور مع مراتو بقيت انا و غيثة كنتصورو معاهم تا دخل ياسر بوحدو ومعاه المصور .. غيثة:فين عماد و عثمان ...ميساء:معرفتش .. غيثة:انا نمشي نعيطليهم باش نتصورو تا حنا معاهم ...مشات غيثة خرجات لبرا وبقيت انا كنشوف فيهم حسيت بتيليفوني كيڤيبري هزيتو وبعدت شوية عليهم جاوبت ...ميساء:الو...وي انا...اه دكتورة امدرا....(بفرحة)حلفيييي ههههه يعني انا حاااملة الله افرحك كيف فرحتيني شكرااا بزاااف هههه(قطعت) ...بقيت كنردد انا حاملة شفت فجنبي مشيت باش نخرج وانا نتلاقا مع،غيثة لي داخلة وباينة مصدومة وعينيها دايزين بالدموع باينة ضار فيها عماد ...ميساء:غيثة ماالك ياك ما ضربك ههه ...غيثة(تفركعت بالبكا وانا كنشوف فيها):اهئ اهئ ميساااء عثمان ...ميساء(بخوف جمعت الضحكة):عثمان ماالو فين هو ...غيثة:اهئ اهئ ميساء عثمان و نهيلة تزوجو اهئ اهئ لقيتهم كيسنيو العقد دابا.....

غيثة:اهئ اهئ ميساء عثمان و نهيلة تزوجو اهئ اهئ لقيتهم كيسنيو العقد دابااا ميساء:ههه كيفاش اش هاد الضحك الباسل ...غيثة:اهئ اهئ واراااا مكنضحكش ...بقيت كنشوف فيها وهي كتبكي حسيت بموس كيتغرس فقلبي حلقي نشف والهضرة تسرطاتليا كنحل فمي باش نطق وكنحس بلساني ملجم ...عماد(مشيت كنجري تبعت غيثة قبل متقولها لميساء كنت غنشرح ليها ولكن حيت معطل دخلت للدار لقيتهم فالدروج غيثة كتبكي وميساء واقفة مصدومة):بفف ميساء شوفي ...ميساء:هدشي لي قالت بصح ...عماد:اه ولكن ...مجدولين:ههه اوا سيري باركي لراجلك احبيبة(مشات) ...خليتهم واقفين وخرجت مشيت لجهة البنية لي براا كان عثمان واقف مع العدول امكن شفت وراه كانت واقفة نهيلة لي كتشوف فيا وكضحك مشيت بخطوات تقيلة تا وقفت قدامو غير شافني ضار عندي وهو مصدوم شاف ورايا فين كان عماد و غيثة وكنضن فهم انني عرفت يالاه قربليا بغا يهضر وانا نرجع لور ...ميساء(بصوت مخنوق):علاش ...عثمان:حبيبة سمعيني ...ميساء(قاطعتو):شنو درتليك باش تعاملني هاكا علاش درتيها ملي مبقيتيش باغيني وبغيتيها هي علاش مصارحتينيش ...عثمان(بعصبية):ميساااء سمعينييي اش غنبغي فزبلة بحال هاادي ...نهيلة:اوا حاشاك راني مراتك واقيلة ...عثمان(هزيت يدي وهبطت عليها بطرشة صباعي تصورو فيها):منسمعش حسك الموسخة ...ميساء(كنهضر عيني دايزين بالدموع وفنفس الوقت كنضحك):هه موسخة حشومة ا سي عثمان هادي ماشي اهي هضرة تقولها لمرتك ....عثمان(جريتها من يدها باش نشرحليها):زيدي خاصنا نهضرو ...ميساء(نترت يدي منو ودفعتو):متمسنيشو آخر مرة آخرة مرة تحط عليا يديك كتفهمممممم ...خليتو واقف تخطيتو ومشيت كنجري تبعاتني غيثة وعماد لي اصريت عليه باش يديني لدارنا واخا عثمان مبغاش يخليني نمشي وتشانقو تما ولكن عماد تنتر منو وخلاه مشينا وانا كنشوف فيه كيخبط ويغوت والرجال كانو تما كلهم واقفين كيشوفو فينا..وصلت للدار كيحلات ماما الباب تخطيتها وطلعت لبيتي كنجري ...رحمة:اش واقع مالكم ...غيثة:اهئ اهئ ماما عثمان تزوج على ختي ...عماد:غيثة نتوما مفاهمين والو ...غيثة(بالغوااات):آآش غنفهم آش ان خوك فضل موسخة على ختي علاااش هدشي حيت مكتولدش صااافي سمع كلااام مك و خالتك فين الحب لي كان كيقول،كيبغيها هااا ونتا نتا كيفاااش ممنعتيهش علاااش خبيتي وسكتي و مرتي وااالو علاااش كلكم بحااال بحااال،كنس واااحد... #
..عماد(عصباتنيبهضرتها ولكن هي مفاهمة والو وخفت عليها ملي شفتها كتبكي وتغوت):واخاا ا غيثة غير تهدني وسمعيني راه خاصك تتي باش نشرح ليك غيثة:مااااا عندك متشرح ليااا ا عماااد سييير من هنا و مترجعششش عمرك تعاااود توريني وجهك اهئ اهئ سير فحاااالك ياااك بيكم غير الولاد دكشي لاش مزوجين ياااك هاوا(خبطت فكرشي)نهااار نولدو اجي ديه لمك و خااالتك يربيوه ...عماد(صعراتني):غيثاااااااا برااااكة ...غيثة(كنمسح دموعي):بصح براكة هدشي كاافي اليوم براكة(خليتو وطلعت عند ختي) ...عماد(ضارت باش تمشي جيت نتبعها وهي تشدني خالتي):خالتي راه خاصهم يسمعونا ...رحمة(بحزن):ولدي سير فحالك دابا ...عماد(بقيت كنشوف فيها شفت جهة الدروج كيفاش غنمشي ونخليها هنا كيفاش حدرت راسي وخرجت من تم بزز بقيت كنشوف جهة السرجم وكنلعن الساعة) ...//#فلاش_باك...فاطنة(شفت عثمان غادي وانا نهضر):وقف غنقولك جوج كلمات وسير فحالك الا بغيتي تمشي ويلا بغيتي مترجعش مترجعش ...عثمان(بقيت عاطيها بضهري وانا نفسي كطلع وتهبط هاد الضربة ما خديتها حتى فصغري خديتها دابا):الصمت ...فاطنة:انا نهار زوجتكم زوجتكم باش نشوف ولادكم مابقالي فهاد الدنيا والو وغيدي مول الامانة امانتو ...عثمان(ضرت عندها):الموت كلنا ليها تا واحد مغيبقا فهاد الدنيا ومعرفتي شكون لي غيسبق انا ولا نتي ...فاطنة(قاطعتو):سمعني اش غنقول انا بغيت نشوف ولادك ...عثمان:ملي غيجيبهم الله غتشوفيهم ...فاطنة:مرتك مكتولدش دكشي علاش غتزوج ملي تحمل مرتك بغيتي طلقها ديك الساعة طلقها ...عثمان(بقيت كنشوف فيها كنستوعب الجملة):هههههههه لالا واش من نيتك هههه نتزوج على ميساء ...فاطنة:اه ...عثمان(بحدة):لا دابا راك فتي الحدود معايا و بزااف هادي حيااااااتي واااش سمعتي مستحيييل نديرها انا مخاااصني ولااد الااالة مباغي صداااع واااش باغااا تسطيني عرفتي شنو انا غنمشي فحالي حيت بانلي غندير شي مصيبة(ضرت باش نمشي تا وقفاتني للمرة التانية) ...فاطنة:هااا السخط هاااا الرضااا و نتا تختااار الا متزوجتيش لساني ميخاطب لسانك ليوم الدين ونساا بلي عندك شي مك ...عماد(مصدوم):الواليدة !!! ....عثمان(ضرت عندها والصدمة كتر من لولة):السخط!!!تال هااد الدرجة مستاعدة تنفيني من حياتك باش ترضيها(نعت فخديجة)بااش ترضي ختك ...فاطنة:انا مكنرضي حد ولي عندي قلتو ونتا تعرف ...عثمان:نتي مي وهاكا غتبقاي بالنسبة ليا ويلا نتي مبغيتينيش فحياتك ودرتي هدشي سبة انا غنعطيك التيساع لانا ولا مرتي وعمرك تشوفينا مزال هادي لخرة الواليدة هدشي ميبغيه لا ربي ولا عبدو الله اعاونكم(ضرت نمشي فحالي وانا حاس براسي غيطرطق السخط؟!تال،هاد الدرجة انا لي طول عمري والديا كنسعى رضاهم ولي قالوها نديرها تجي وتقولي هاد الكلمة بهاد السهولة...يالاه وصلت للباب وعماد ورايا تا سمعنا الغوات رجعنا لداخل لقيت الواليدة طايحة للارض تخلعت عليها بزاف هزيتها انا وعماد ديناها للسبيطار دخلوها وانا وعماد واقفين واحد مهضر مع لاخر واقف كنسترجع هدشي لي طرا اليوم كنحاول نستوعب واش كنحلم ولا فايق ولا شنو بالضبط...فيقني من سهوتي الطبيب لي جا وقف قبالتي)ياك لاباس شنو وقعلها ...الطبيب:كيفاش غفلتو عليها قلبها ضعيف بزااف و ابسط حاجة ممكن تعرضها لسكتة قلبية ...عماد(مسحت على وجهي):القلب عمرها تشكات منو ...الطبيب:اكيد غتكون حسات بآلام وتجاهلات الامر ودابا يمكن تعرضات لضغط هو السبب ...عثمان(بانكسار):وشنو المعمول ...الطبيب:غتحتاج عملية خاصكم تلقاو متبرع وفهاد المدة غنكتب ليها دوا والاهم من هدشي تبعد على الضغط و المشاكيل...
الطبيب:غتحتاج عملية خاصكم تلقاو متبرع وفهاد المدة غنكتب ليها دوا والاهم من هدشي تبعد على الضغط و المشاكيل ...عماد:واخا دكتور واش فاقت دابا ...الطبيب:اه يمكنلكم دخلو عندها غنسيفطلكم شنو قلتكلكم مع الممرضة ...عماد:شكرا ...دخلنا لعندها كانت متكية وكتشوف جهة الباب غير شافتنا وهي تقلب وجها جلست حداها قبطت يدها وهي تنترها مني ...فاطنة:باقة ممتش بلا متفرح ...عثمان:الواليدة نعلي الشيطان اش هاد الهضرة قلبك قساح عليا راك كتهضري مع ولدك ...فاطنة:وحيت ولدي كنطلب منو يحقق ليا الحاجة الوحيدة لي تخليني فرحانة ولكن صدقت مكنسوا عندو والو كح كح ...عماد:ششت الواليدة سكتي دابا ماشي وقت هاد الهضرة احم عثمان واخا تجي معايا برا نهضر معاك ...نضت معاه خرجنا لبرا بقيت كنشوف فيه وهو غادي جاي تا وقف قدامي ...عماد:خويا معندك تا حل من غير انك تنفد شنو بغات ...عثمان(شنقت عليه وانا مجنن خاصني غير معامن):واااش عاارف رااسك اش كتخرج على فمك ...عماد(نفضت يدو مني):واا غير سمع اصاحبي خليني نكمل انا عندي خطة مزيانة ...عثمان:ميمكنشميسااء ا عمااد لالا ميمكنش ...عماد:وااا سمع اصاحبي(............) ...عثمان(بتفكير):زعماا ولكن بفففف شهااااااد المصيبة(كان واحد الكرسي تم ضربتو مع الحيط)صاافي موافق لاهما هاكا ولكن ميسااء خاصني نشرح ليها ونفهمها ...عماد:ضروري يدوز العرس ونجلسو ونشرحو ليها واكيد هي غتفهم ...بزز باش تقبل فكرة عماد دخلنا عند الواليدة لي غير قالها عماد انني موافق ولات كضحك وترضا عليا وانا مفقوس مشينا للدار غير دخلنا جاو دوك جوج كيمتلو الخوف جلسات وبدات تتشوف قالتلهم على قراري وبداو كيفكرو فالعروسة وانا كنحاول نهدن راسي على قبلها باش متعاودش تعصب تا صدموني ملي اقتارحو نهيلة نضت كنغوت ونحيح بانتليا الواليدة كتصفار وتخضار وعماد كيهدني تقبلتها ووكلت امري لله ولكن الخطة غنفدها باسرع رقت دكشي علاش اقتارحت عليهم العقد يكون نهار عقد نورهان و ياسر...فديك اليومين كنت مضمر ولكن فاش كنشوف حبيبتي كنسا كلشي وكنقول هي غتفهمني ملي تعرف شنو كاين..#نهاية_الفلاش_باك
#عماد:مند ما خرجت من تم ركبت فالطموبيل بقيت جالس كنستوعب هدشي لي طرا هزيت التيلي دوزت نمرة غيثة بقا كيصوني ولكن مكتجاوبش تعصبت ضورت الطموبيل وتحركت للدار غير وقفت بانلي عثمان غادي جاي قدام الباب و التيلي فيديه شافني وهو يجي عندي .. عثمان:واش قلتيليها شنو كاين مكتجاوبنيش ...عماد:ما قلت والو بجوجهم راسهم قاسح غير وصلتهم ميساء طلعات لبيتها و غيثة سمعاتني شي هضرة وتبعاتها ...عثمان:اهاه وشنو اخرة هدشي شفتي شوارك و افكارك ...عماد:وا صحبي انا درت هدشي باش كلشي يدوز كي بغينا وهانتا تزوجتي و طلقتيها فنفس الوقت وتاحد مساق الخبار كون عرفات غيثة كون فضحاتنا قدام الواليدة ...عثمان:واخااا مكاانش عليا نخبي على ميسااء ...عماد:ولكن كون قلتيهاليها كون عاودات لغيثة و غيثة راك عارفها ...عثمان:بففف(دوزت نمرتها و والو)علااااش مكتجااوبنيش علاااش ...عماد:تهدن ا عثمان خليها تبرد شوية ونمشيو عندهم ...ياسر(وقف علينا):مالكم نتوما من صباح غابرين اش واقع ...عماد:بفف راك عارف المشكل ديال عثمان و الواليدة ودابا فاش كان كيسني العقد جات غيثة شافتهم ومشات قالتها لميساء ومشاو من هنا ...ياسر:وااايليبففف واش طلقتيها ولا مزال ياك سولتي الامام وقالك زواجك منها اصلا باطل من لول ...عثمان:اه الزواج باطل شرعا حيت انا ناري انني منكملش معاها وقانونا تزوجتها دكشي علاش تاففت مع العدول وقلتلو شنو كاين طلقنا فنفس الوقت ...ياسر:كون غير صبرتي شوية اصاحبي ...عثمان:احسن وقت كاان هو هدا ا ياااسور كلشي ملاهي و مغيردوش معايا البال والواليدة غير سنيت العقد مشات عاد تكلفت بشي لاخر وديك الكلبة مادات ما جابت ...عماد:هاديك مدلولة اصحبي بزااف هاديك البنت غير قالوهالها وافقات بلا والديها ولا والو ...ياسر:بفف و دابا شنو غديرو ...عثمان:دابا غنمشي عند مرتي ...فاطنة(جيت عندهم):مرتك هايا لداخل اولدي سير جلس حداها ...عثمان(بعصبية):هديك المرا ختاريتيها نتي وانا ممعتاااارفش بيها وبسبابك يمكن غنخسر مرتي ميساء وكنقسم ليك برب الكعبة الا خسرتها تا نتي غتخسريني ...مشا عثمان بغيت نتبعو ولكن مبغيتش نخلي ياسر بوحدو ومبغيتش نشوف غيثة دابا تا تبرد شوية ضرت شفت فالواليدة لي كانو عينيها مدمعين وكتشوف جهة عثمان ...عماد:مرتاحة دابا ...فاطنة:اه مرتاحة(خليتهم ومشيت) ...عماد:غيحمقووووني ...ياسر:تهدن تهدن واش غيثة تاهي مشات ...عماد:مشات وتا انا مغنفلتش منها كانت معصبة وقالت هضرة مكطمنش ...ياسر:هانتا قلتيها معصبة ملي غتبرد غتهضر معاك ...عماد:مكتعرفهاش ا ياسر انا لي حافضها بفف امتى غيسالي هدشي ...ياسر:والله اخاي معرفت ولكن انا هدشي ضرني فراسي غندي مرتي وغنمشيو للاوطيل صباح عندنا الطيارة مبغيت نزيد تا دقيقة هنا ...عماد:من حقك اخويا ...نهيلة(بميوعة):الدراري فينو عثمان راجلي ...عماد(طلعتها وهبطتها):هه راجلك سيري قلبي عليه تفو على ماركة ...خليتها واقفة جريت ياسر دخلنا لداخل عيط لنورهان قالها باش يمشيو وتا هي كانت على سبة سولاتني على البنات قلتلها مشاو بقات كتسول وانا معندي خاطر ودعوهم ومشاو فحالهم طلعت انا للدار بقيت غادي جاي فالبيت و كنصوني لغيثة والو حلفات لا جاوبات بقيت شحال وهبطت دزت من حدا الواليدة لي بقات تتعيط خليتها و خرجت مشيت نيشان لدارهم لقيت عثمان واقف بطموبيلتو ...عماد(ركبت حداه):واش هضرتي معاها ...عثمان(بعصبية):مرااتك مبغاتش تحليا الباب ...عماد:اذا مهم مكايناش خلينا جالسين هنا تا تجي وديك الساعة ندخلو نشوفوهم ...عثمان(ضربت الفولون):اشهاااااد الزمر منين خرجليا هدشي كامل ...عماد:ابتلاء من عند الله ا عثمان صبر غيمة و غتفوت ان شاء الله ...عثمان:الصمت.
بقينا واقفين شحال تا بنتلينا خالتي رحمة جاية نزلنا من الطموبيل غير شافتنا عقدات حواجبها ومن حقها وعاد زيد مرتي العزيزة غيثة غتكون قاداتلنا الضوسي معاها ....رحمة:علاش جيتو ...عثمان:بغيت نهضر مع ميساء اخالتي هي معارفة والو ...رحمة:شوف اولدي البنت ملي جات وهي كتبكي بزز باش نعسات خليها حتى لمن بعد وهضرو واخا هدشي لي درتي معندو عذر بنتي متستاهلش هدشي منك ...عثمان:شوفي والله مفاهمين شي حاجة انا درت هدشي وعندي اسباب ولكن انا وديك خيتي م ...رحمة(قاطعتو):مكيهمنيش لي بيناتكم مكتهمني تا حاجة من غير بناتي سيرو من هنا الله ارضي عليكم ...عماد:عثمان يالاه تال غدا ونرجعو ...عثمان(بالغوات):واااش انا كل ساااعة تبقى تقولياااا يالااااه راااه خاااصهاا تعرف شنووو كاااين ...رحمة:الله اعاونكم(خليتهم ودخلت للدار سديت الباب) ...///غيثة(كنطل مور الخامية):بفف صافي هاوما مشاو ...ميساء:الصمت ...غيثة(جلست حداها):حبيبة مديريش فبالك عافاك براكة من الدموع الا تزوج على قبل الولاد الله اطليه بيهم المهم عرفناهم اش كيسواو ونتي ربي غيعوضك معرفتش علاش مجتمعنا هاكا كيدخلو فإرادة الله وفاش كيخصهم الامر تيوليو فقهاء وكيوليو يعرفو بلي الله هو لي كيرزق ...ميساء:غيثة انا حاملة اهئ اهئ ...غيثة:اه ولكن(عاد رديت البال لشنو قالت)شنووو واااش بصح ا ختي ههه ياااه و اخيرااا ...ميساء(بحرقة):اه و اخيرا اهئ اهئ جا معطل هاد الخبر(حطيت يدي على كرشي)علاش معرفتش قبل اهئ علاش اصلا دار فيا هاكا ياك هو كيبغيني اهئ اهئ علاااش دارليا هاكاااا علااااااش ...رحمة(سمعت كلامهم ودخلت عندها عنقتها):شششت ...ميساء:اهئ اهئ انا حاااملة ا ماماا اهئ اهئ علاااش مجاش فوقتووو علاااش اهئ ...رحمة:ششت استغفري الله ابنتي واش غدخلي فرزق الله هو كيعلم الغيب يمكن ربي عندو حكمة من هدشي ابنتي ...ميساء:اهئ اهئ انا ميمكنش نبقا هنا انا خاصني نمشي اكيد هوما غياخدو ليا ولدي ويعطيوه ليها تربيه اه اه هوما هدشي لي باغيين انا خاصني نمشي ...غيثة:اهئ ختي تهدني عافاك ماما شوفي كي ولات كتهضر ...رحمة:بنتي هدا ولدك و تا واحد مغيحيدوليك ...ميساء(بالغوات):لاااا هوماااا غياخدووه مني انا خاااصني نمشي ميمكنش نعيش بلا ولدي ميمكنش اهئ اهئ ماما عافاك فهميني انا خاصني نمشي ...رحمة(بقيت كنشوف فيها كتبكي قطعاتليا قلبي):ديري لي يريحك ابنتي غير بقاي مرتاحة برااكة من البكا ...غيثة:كيفاش ا ماما واش غتخليها تمشي ...رحمة:الا بغات مغنمنعهاش انا جربت وبعدت على كبدتي(مسحتلها دموعها)منبغيكمش تا نتوما تعيشو دكشي لي عشت سيرو من هنا و عيشو مع ولادكم ويلا مكتاب ليكم ترجعو لرجالكم غترجعو اهئ ...ميساء:لا ا ماما غنمشي غير انا غيثة غتبقا ...غيثة:مستحيل انا غنمشي معاك كيفما نتي خايفة على ولدك تا انا خايفة عليه اختي مدام هوما عاطيين الاهمية للولاد لهاد الدرجة اكيد ممكن يفكرو يبعدونا عليهم وانا اصلا منخليكش تمشي بوحدك اختي مستحيل نتفارق معاك ...بقينا جالسين انا كنبكي على حالي وفين وصلت كنت فرحانة وفدقيقة تقلب عليا كلشي الانسان لي كنت كنحمد الله انه لاقاني بيه صدمني صدمة عمري متوقعتهاش منو ههه لالا و نهيلة عثمان ونهيلة كون قالوهاليا مكنتش غنتيقها ولن انا مقالي حد دابا شفت بعيني وسمعتها منو بودني عثمان لي كان كيكرها ومكيحمل تا الشوفة فيها امتى فكر فيها وختارها اكيد كانو على علاقة ببعضياتهم وانا كي الحمارة جالسة بيناتهم مجايبة خبار دابا كلشي سالا مستحيل نسامحك ا عثمان و كيف حرقتي قلبي غنحرق قلبك على ولدك لي كنتي كترجاه لا نتا ولا مك نتا غتجيب غيرو ولكن انا هو الحاجة الوحيدة لي ربحتها من هاد الحياة لي معطاتني والو من غير الصدمات لي كل مرة كتقلب حياتي رأسا على عقب ...غيثة:ختي فين ساهية ...ميساء:غدا غنمشيو من هنا ...رحمة:فين غتمشيو ...ميساء:فرنسا غنمشيو لفرنسا ...غيثة:فرنسا!! ...رحمة:الله يا بنتي كيسحابلي غتخوي غير المدينة نتي باغا تخوي البلاد ...ميساء:ماما متصعبيهاش عليا عافاك اهئ لي فيا يكفيني انا منقدرش نبقى هنا حيت هو ممكن يلقاني وانا مبغيتوش مبغيتووووش ...رحمة:صافي ابنتي واخا غير متعصبيش ولكن ...ميساء:جمعي غير حويجك ا غيثة انا غنتكلف بالباقي
خليتهم جالسين كيشوفو فيا نضت بديت كنجمع حويجي حيدت دكشي لي كنت لابسة بادا ووصيت ماما باش ترجع ديالي وقفطان غيثة لمولاتهم..هزيت وراقي وكاع دكشي لي غنحتاج غيثة حتى عي ناضت بدات كتجمع وماما جالسة كتشوف فينا مبغيتش نخليها ولا نبعد عليها من بعد ما كنت بعيدة عليها فعلا ولكن يمكن القدر هدشي لي باغي ليا...كملت جميع جبدت لاكارط كيشي لي كان مخلي ليا بابا ولا راجل خالتي الله ارحمهم عمري قستهم بحالا كنت حاسة انني غيجي شي نهار ونحتاجهم زيادة على ان بابا و ماما عمرهم خلاوني نعتاز شي حاجة...كملت جميع وجلست كنرجع انفاسي لي كنت كنزرب وانا كنجمع بقيت كنشوف فغيثة وكنتفكر شحال كنا فرحانين معاهم وكيفاش تقلبات علينا ليام تا سمعت تيليفوني كيصوني هزيتو لقيتو عثمان تيليفوني غيطرطق باتصالاتو قطعت عليه وحيدت لاكارط هرستها ورميتها من بعد ما عيطت وقطعت جوج لي بيي كانت 10 د الليل تخشيت بلاصتي ورفضت ناكل ولا نشرب منين غيدوز ليا درت راسي ناعسة وماما جالسة حدايا كدوز يدها على شعري اما غيثة هبطات تاكل عاد طلعات تخشات ففراشها حسيت بماما غتنوض جريتها وطلبتها تنعس حدايا درتلها بلاصة وتخشيت فيها ودموعي نازلين بلا صوت كنحس بجهدي تقادا لي بكيتو اليوم مبكيتوش من نهار عرفت والديا عايشين ...//#اصبح_الصبح_و_الملك_لله: ...ضرباتني الفيقة من بعد ما سمعت الريفيي لي حققتو فتيليفون ماما مع 6:30 غير نضت ناضو بجوجات بذلت حويجي دغيا وبديت كنهبط الشوانط لتحت وماما مشات توجد الفطور ومرة مرة كتشوف فيا وانا كنحاول نتجاهل شوفاتها لاحقاش مباغاش نرجع فقراري مستحيل جلست كنفطر معاها بزز انا و غيثة لي غير كملات وقفت عنقت ماما وانا كنبكي وهي كتر سبقت غيثة لبرا عيطت لطاكسي لي كان كيدينا شحال،هادي المعهد و درت معاه البلاصة فين نتلاقاو جات غيثة خدات باليزتها جاراها سبقاتني اما انا بقيت كنشوف فماما لي كتشهق رجعت عنقتها وبستها عاد خرجت بلا منشوف فيها ...كل وحدة جارة باليزتها وهازة هم فوق كتافها و افكار فدماغها وصلنا للبلاصة لقيت الطاكسي واقف هبط حط باليزاتنا فالكوفر ومن تما للمطار كانت عندنا الطيارة مع 7:30 ..من بعد مدة قليلة كنا فالمطار نزلنا شديت فغيثة لي كانت كتحاول تشد راسها ومتبكيش جلسنا تا سمعنا النداء وتحركنا كملنا الاجراءات وكل وحدة شدات بلاصتها نحو المجهول معرفتش شنو مزال تابعنا تم ولكن غنحاول نتحكم فحياتي ونخليها مزيانة ....//////رحمة:غير خرجو البنات طحت على طولتي فباب الدار حاسة بقلبي خرج من بلاصتو وانا كنشوف بنياتي غاديين معارفا واش غنرجع نشوفهم ونعنقهم مرة خرا ولالا..هزيت راسي شربت دوايا وطلعت بلاصتهم تخشيت فيها حتى داني النعاس بحكم ان الدوا لي كنشرب كيرخي الاعصاب وهدشي لي كنت محتاجة...معرفتش شحال نعست تا فقت على صوت الصونيط فرحت وقلت بناتي رجعو هوما لي طاحوليا فبالي نضت بزربة كنتعتر فخطواتي تا وصلت للباب حليتو وخاب ظني ملي لقيتو عثمان..بقيت كنشوف فيه ودخلت جلست فالصالون تا جا جلس قدامي وهو كيدور عينيه فالدار ...رحمة(بانكسار):بلا متقلب مكايناش ...عثمان(بعصبية):وفيين مشااات ...رحمة:مشااو بناتي مشاو بسبابكم خلاوني ومشاو اهئ اهئ ...عثمان(بصدمة):ك..كيفاش مشاو واش خرجو لشي بلاصة وغيرجعو ياك ...رحمة:لا بناتي مشاو وعمرهم يرجعو بسبابك نتا وخوك عمري نسمحليكم بعدتوتم عليا اهئ اهئ ...عثمان(وقفت وانا ممتيقش كيفاش مشات فين مشات وخلااتتني):خالتي رحمة الله اخليك الا كديري هاكا باش تعاقبيني راك نجحتي ولكن خاصكم انني متزوجتش انا درت الخاطر للواليدة قدام عينيها و رجعت طلقتها انااااا غلطت حيت ماااقلت وااالو لميسااااء ولكن لالا دابا عافاك عيطيلها تجي ...رحمة:طلقتيها!!تعطلتي بزااف اولدي بنتي مشات خوات البلاد وقررات باش مترجعش ليك خليها ترتاح الا مكتابليكم تجمعو نتوما وودكم راه غترجع ...عثمان(مصدوم):ولدنا كتقصدي عماد و غيثة ...رحمة:ميسااء حاملة ا عثمان....
عثمان(بعدم تصديق):اكيد كضحكي معايا هي ميمكنش تخليني ياك هي غير مقلقة مني و غترجع ...رحمة:هدشي مفيهش الضحك و امتى غترجع مقالتش حيت هي خوات البلاد ماشي غير المدينة ...رحمة(بقيت كنشوف فيه كيفاش جلس وهو شاد راسو ووجهو حمار ومرة مرة كيعلي عينو فيا كأنه كيترجاني نقولو بلي هدشي غير كدوب ولكن للاسف هو ارتاكب خطأ ضيع بيه حياتو..يالاه جيت نهضر بانليا طالع للفوق خليتو على خاطرو باش يتأكد كون غير جا قبل يمنعها تمشي ويشرحلها شنو كاين ولكن كلشي كان واجد انها تمشي حتى وراقها كانت مخلياهم هنا لا هي ولا غيثة و تا الحوايج داو دكشي لي كانو مخليين هنا..بقيت جالسة تا هبط شاف فيا وشفت عينيه الحمرين حز فقلبي نشوفو هكاك ولكن هو غلط):تأكدتي؟ ...عثمان:الصمت ...رحمة(تنهدت ومشيت وقفت قدامو):نتا غلطتي ا ولدي ملي خبيتي عليها كون قلتيليها شنو كاين كانت غتغضب ساعة وترجع وغتلقاو حل ولكن نتا تصرفتي نتا وخوك راكم مزوجين يعني اي خطوة بغيتو ديروها خاصكم تشركوهم معاكم شنو استافدتو دابا .. عثمان(بصوت مبحوح):احم واخا ممكن نعرف فين مشات ...رحمة(بتأسف):منقدرش نقولك اولدي خليها تاخد وقتها ممكن ترجع شي نهار ...عثمان(بحسرة):شي نهار!! ...مشا وخلاني تبعتو باش نسد الباب تا بانلي عماد نزل من الطموبيل ووقف قدامو وبلا ميهضر معاه عثمان نزل عليه بضربة للوجه خلاه مصدوم ...عثمان(بالغوات):شفتييييي شوااااااارك و افكااااارك ها،حناااا خسرنااااهم و خسرناااا ولاااادنا مشاااااو بجووووج مشاااااو ...عماد(بعصبية):ماااالك اصااااحبي اش كاااين و شكووون لي مشاااو ...عثمان:مرااااتك ومرااتي مشاااو خواااو البلاد(تم غادي باش يركب وهو يرجع عندو)و نزيدك بجوجهم حااااملين وسافرووو غيير بوحدهم جوووج بنااات بوووحدهم فبلاد غريبة عليهم(دفعو من قدامو و مشا) ...عماد بقا مصدوم وهو كيحاول يستوعب كلام خوه هز راسو جهة الباب لقاني واقفة كنشوف فيه جا لعندي ...عماد:خالتي و..واش بصح غيثة و..غيثة مشات ؟؟ ...رحمة:نتوما غلطتو و دابا كدفعو ثمن الخطأ ديالكم ...سديت الباب وخليتو واقف بقاو فيا ومكرهتش نقولهم فين مشاو ويقلبو عليهم ولكن مصلحة بناتي اولى لي ممكن ندير هو ندعي معاهم يتجمعو فالقريب العاجل ..//خديجة:اففف تمارة ...مجدولين:بنتك هي لي جات معاها خوات هاد البلاد ...خديجة:اوا بصحتها(شفت فنهيلة)اجي نتي فين راجلك راك عروسة زعما ههههه ...نهيلة(مفقوسة):شكوون عرف من البارح ما شفتو غير سنينا العقد و شافتنا مرتو وهو يمشي معاود رجع ...مجدولين:ههه ناري فعايل الضريرات هدوك احبيبة ولكن شوفي خاصك ضربي على راسك راك دابا بحالك بحالها ...خديجة:و شنو شوفي ابنتي تحزمي وجريه ليك وجيبيلو الولد هاكا غتفرحيه وتفرحي حماتك اولا فاطنة ...فاطنة(ساهية كنخمم فهدشي لي درت فولدي واش صح ولا غلط):الصمت ...خديجة(كنحركها):واا فاطنة فين مشيتي ...فاطنة:ها هانا اختي مالكي ...خديجة:وا تي فين ولدك راه عروستو كتسناه راه خاصو يعدل بيناتهم دابا ...فاطنة(يالاه جيت نجاوبها هو يدخل علينا عماد):مع(شفت فيه)ولدي جيتي فين خوك ...عماد(عينيه حمرين وعروقو بارزين صدرو كيطلع ويهبط):ولدك؟!!متأكدة حنا ولادك؟ ...فاطنة(باستغراب):اش هاد الهضرة تاني ياكما حرشاتك مراتك شفتها غبرات تا هي ...عماد(بركاتليا على الجرح حسيتي بدمي كيفور ملي تفكرت غيثة و انني معارفش فين هي و واش غنولي نشوفها ولالا):مرتي،مرتي الالة مشااات خلااتني و مشات هي وولدي هه لالا نزيدك مشات هي وختها ميساء لي تا هي حاملة مشاو خلاونا و مشاااااااااااااو ...فاطنة(مصدومة):ميساء حاملة!!كيفاش امتى ؟؟!...
.عماد:اه ميساااء حااااملة ضيعتي عثمان و ضيعتيني تا انا دمرتي لينا حياتنا لدرجة باش نرضيوك نتي على حاجة نتي عتارضة عليها و مراضياش بحكم الله ضيعنا عائلتنا لي بنينيااااا مرتاااحة دابا؟جاوبيني عافاك واش مرتاحة ...فاطنة:اهئ ولدي انا ...عماد(قاطعتها):غير وفري كلامك ا ميمتي جهدي تقادى وحرقتي على مرتي وولدي هنا(شير لقلبو)باقي مفرحت لا بولدي ولا بمرتي لي مزال مكملت معاها عام ...نهيلة(بفرحة ولكن مبينتش):احم و فينو عثمان راجلي ...عماد(شفت فيها وانا مغزف عليها):هه راجلك؟!منين جاك راجلك ...نهيلة:مالك نسيتي راه البارح تزوجني ...عماد:اه و البارح طلقك ...نهيلة(بصدمة):شنوو كيفااش لالا اصلا ميمكنش يتزوجني ويطلقني فنفس النهار ...عماد:لا الالة ممكن وممكن بزاااف ملي يكون الزواج باطل شرعا من اساسو ممكن خديجة:كيفااش باطل واش هدشي فيه التفلية ...عماد:واخا ما فيا لي يبدا يشرح ولكن نبرد فقستي بالشوفة فوجوهكم لي كانت فرحانة بخبر ان مرتي مشات هي و ميساء و غنقولكم شنو قالنا الامام ملي سولناه ...#فلاش_باك...عماد:دابا فهمتي شنو كاين و شنو شرطات الواليدة عليه .. الامام:لا حول ولا قوة الا بالله الزواج عمرو كان بالغصب اولدي(شاف فعثمان)دابا نتا رافض الزواج ياك و فنيتك انك تبقا معاها مدة وطلقها ...عثمان:اه هدشي لي ناوي ندير ...الامام:سمعني اولدي الزواج لي كيبدا بنية عدم الاكتمال كيكون باطل شرعا لان الزواج رابط مقدس كيجمع ما،بين جوج الناس كيتعاهدو لبعضهم انهم يبقاو مع بعضهم طول العمر ويتشاركو الحلوة و المرة هادي اولا و ثانيا زواجك قدام القانون صحيح ...عثمان:يعني ممكن نطلقها فنفس النهار ...الامام:اه ممكن ولك ...عثمان(قاطعو):هدشي لي بغيت نعرف حيت هدشي لي كيهمني انا مزوج وكنبغي مرتي وهي لي ناوي انني نكمل معاها حياتي ماشي غيرها و الولاد الا مجاوش مبغيتهمش ...الامام:كلشي بيد الله اولدي ...#نهاية_الفلاش_باك ...نهيلة(مصدومة):كيفاااااااش طلقنيييييي ميمكنشششش نتا كتكدب ...عماد(ببرود):شوفي بلا متفرعي ليا مخي تحركي *** فحالك لداركم الا عندك شي دار(شفت فالواليدة)معرفتش كيفاش درتي هاكا خليتي بنت الاصل وزوجتي وحدة لولدك ممسوقاش لوالديها معارفينها تا واش تزوجات جات معروضة للعرس وفنيتها تزوج تال هاد الدرجة رخيصة ...نهيلة(بعصبية):منسمحشليككككككك تهضررر معاااايا هاكا(هزيت يدي باش نصرفقو هو يشدها) ...عماد(كيهضر وكارز على سنانو):كلبة بحاالك و رخيضة منوسخش فديلمك يدي مال مك معندك نفس(جريتها من شعرها وهي تتنتر ليا حليت الباب ودفعتها لبرا)*** دابا فحالك ولا غنعيطليك للبوليس يجيو يجمعووك ...خبطت الباب وجيت داخل بانتليا الواليدة واقفة فالباب شفت فيها تخطيتها وطلعت دخلت للبيت حاس بقلبي غيخرج مزال ممتيق انها مشات كنشوف البيت كيف مرون كيف خلاتو كيف باقي فكل بلاصة كتبانليا..
#فاطنة:ضيعت ولادي خرجتليهم على حياتهم اهئ انا،كنت باغا غير نشوفهم فرحانين ...خديجة:ولاينيولادك مساهلينش معقناش بيهم ...مجدولين:وييه ا مي معرت كيداروليها ميكونو غير اللفعات ديال مراواتهم ...خديجة:مالك مكلخة كون كانو هوما ميمشيوش و يخليوهم ملي يعرفو .. مجدولين:اه نسيت ...فاطنة:لالا انا خاصني نمشي نشوف عثمان قلبي واكلني عليه مجاش عندي يعلم الله بيه ...خديجة:سيري سيري شوفيه ...نضت لبست جلابتي ودرت زيفي بغيت نطلع عند عماد يديني ولكن عارفاه غيكون معصب خرجت من الدار بقيت واقفة كنساين طاكسي تا وقفليا واحد يالاه ركبت وهي طلع حدايا نهيلة ...فاطنة:اش كديري نتي هنا ...نهيلة:غادة عند عثمان ا خالتي ياك انا،بغيت نشوفو عماد اكيد غير كدب عليا ...فاطنة:شوفي ابنتي انا ما،فيا ميتجاحد معاك وعثمان نصحك بلا ماخليه يشوفك دابا راه ملي كيكون معصب راه معقلش عليا،تانا لي مو ...نهيلة:مني ليه سير اخويا سير ...تحركنا الطريق كاملة وانا كنفكر فحالتو كيغتكون تسرعت ومصبرتش هايا البنت طلعات حاملة ومشات صدقات لا هي لا الولد احياني الشيطان وسوس ليا ولعب بيا تا خيرت ولدي بين السخط و الرضا ...من بعد مدة وصلنا نزلت ونهيلة لاصقة فيا طلعت فالدروج وانا كنطلب الله يلطف صونيت شحال من مرة عاد تحل الباب غير شفتو تصدمت فيه اه كنشوفو معصب و معاجبو حال ولكن هاد الحال وجهو حمر وعينيه حمرين و دابلين بقيت غير كنشوف فيه اما هو غير شافني خلا الباب ورجع شفت،فنهيلة لي كانت واقفة جنبي ودخلت وهي تا بعاني جلست قدامو وهي بقات واقفة حدا الباب كتشوف فينا ...فاطنة:ولدي اش هاد الحالة ...عثمان:الصمت(جالس كيشوف فجهة محددة بلا ميتحرك ولا يرمش) ...فاطنة(بحسرة):ولدي مرتك دا ...عثمان(قاطعها):الوليدة غير،سكتي عافاك ما فيا لي يتصادع معاك هدشي كنتي عارفاه بلا متهضري دابا ...فاطنة:شنو كنت عارفة اولدي انا مكنتش ميساء حاملة ...عثمان(بعصبية):وااش بااغااا تحمقيني من ايمتا كنا كنعلمو الغيب ياك نتي مرا مؤمنة وكتآمني بان الارزاق بيد الله قتليك الا درت لي بغيتي حياتي غدمر وقلتليك الا دمرات وخسرت مرتي تا نتي غتخسريني ...فاطنة:لا اولدي اهئ انا منقدرش نخسركم نتا وخوك راه نتوما لي عندي .. عثمان(بسخرية):ماشي هدا هو كلامك ملي خيرتيني بين سخطك ورضاك(رجعت تكيت على الفوتوي وغمضت عيني)سيري من هنا عافاك ...نهيلة(بعصبية):و مالك على حاالتك اش تكون هاد ميساء فملك الله لي داير عليها هاد الحالة ...عثمان قفز من بلاصتو بمجرد ما سمع صوتها ضار شاف فيها وشاف فيا عاد مشا عندها ...عثمان:اش كديري نتي هناا اش جااابك لداري ...نهيلة:عثمان واش نسيتي راه البارج تزوجنا انا وياك يعني انا دابا مرتك دابا وعندي حق عليك ...عثمان غير قالتلو ديك الهضرة مجاوبهاش هز،يدو تال السما ونزل عليها بالضرب نضت كنفك وهو والو غير تيخبط ويسب فيها ويقولها بلي طلقها وهي نيفها كلو ولا دمايات بقيت كنرغبو وهو والو تا جرها من شعرها ودفعها مع الباب ومشا كيهرس فالماعن اول مرة نشوف ولدي فديك الحالة ندمت بزااااااف حيت تبعت ري ختي وضيعت ولادي ودمرت ليهم حياتهم حسيت بقلبي تزير عليا ونفسي ضاقت وانا كنشوفو فديك الحالة كيفاش جاعر خفت نقربليه وخفت عليه ولكن فضلت انني نمشي ونخليه...خرجت على برا ودموعي منشفوش ورجلي تقالو عليا قلبت على نهيلة مبانتليش بقيت واقفة شحال تا تقاد التنفس ديالي عاد خرجت شديت طاكسي ورجعت للدار ومنظر عثمان قدام عيني..

ميساء_غيثة: ...غيثة:اففف فين انمشيو دابا ...ميساء:غيثة براكة من النكير يالاه وصلنا ها حنا باقين فالمطار بغيتي ترجعي رجعي ...غيثة:افف وا صافي غا قلت ليك ...ميساء:دابا غنمشيو لشي اوطيل نرتاحو ومن غدا ان شاء الله غنبدا نقلب على خدمة ...غيثة:كتقصدي غنبداو ...ميساء:افف ا غيثة نتي دابا بديتي كتقلي خلي تا تولدي وديك الساعة خدمي ...غيثة(بحسرة):احم تا نولد!!انبقاو هنا ديما اختي ؟ ...ميساء(ضرت عندها وبانوليا عينيها مدمعين):غيثة نتي اختاريتي تجي معايا ونتي عندك الاختيار ترجعي ولا تبقاي لي بغيتي ولكن انا فالوقت الحالي فكرة الرجوع معنديش فبالي ...غيثة:دابا عماد ايكون كيقلب عليا ياك حتى عثمان ولكن هوما ميسواوش اففف شوفي زيدي زيدي نمشيو ...يالاه تحركنا من تم بقينا واقفين قدام الباب نشوفو شي طاكسي وغيثة مرة تنكر مرة تغبن مرة تبركك وانا كنفكر دابا شنو غيوقع حنا بجوج فبلاد الغربة معندنا حد هنا كيفاش غنبداو نأسسو حياة جديدة من لول باش نستقرو هنا حنا وولادنا..حطيت يدي على كرشي بدون شعور ترسمات ابتسامة على شفايفي فالوقت لي كنت كنتمنى ربي يرزقني بولد نفرح بيه انا و عثمان هو كان عايش حياتو وكيخطط يأسس عائلة جديدة مزال ممتيقاش ان عثمام دار فيا هدشي كان كيحسسني بلي الولاد مكيهموهش الا مكانوش مني كلشي كان كدوب اكيد دابا عايش حياتو معاها ومعارفني تا واش مشيت ولالا و اهم حاجة معارفش بلي غيجيه ولد ...ميساء:افففف موصيتش ماما متقولوش بلي حاملة ...غيثة:وا طلبي متكونش قاتليهم بلي جينا هنا ...ميساء:لالا منضنش ببف فين هاد الطاكسيات ...:ميساء!!؟ ...بقيت مسمرة بلاصتي وانا كنفكر شكون ايكون كيعرفني هنا ياكما كنحلم وباقا مخويت البلاد خصوصا ان الصوت مغريبش عليا ضرت بالعرض البطيء و غيثة تا هي معايا ..كيف ضرت تصدمت لالا ميمكنش ميمكنش القدر يكون باغي يعذبني اولا باغي يزيد يربطني بيه ميمكنش..بقيت كنشوف قدامي ومكنرمش و غيثة كتشوف فيا وتشوف فجهة لاخرا ...ميساء:ميمكنش...ياسر(بصدمة):اش كديرو نتوما هنا ...نورهان:ههه ياه سبقتونا عاد خليناكم فالمغرب فين عماد و عثمان فين مشاو(كنقلب بعيني) ...غيثة(كنميق فيها):اممم عماد و عثمان خليناهم فالمغرب و هربنا عليهم ...ياسر(بصدمة):هربتوووو!!كيفاش و علاش(شفت فميساء)لا واش على ود داك الموضوع راه .. ميساء(قاطعتو):ياسر عافاك مبغيتش نهضر فهاد الموضوع والله اخليك نسا بلي راك شفتينا هنا ولا غتخلينا نضطروا نمشيو لبلاد خرا عافاك ...نورهان:واش حماقيتو ...غيثة:لا حبيبة بعقلنا شفتي خالتك و مك فين وصلونا ونتي علاش مقلتيش ليا بلي خالتك بزات على عثمان الزواج ياك ولينا صحابات و كتعاوديليا ونعاودليك ...نورهان(بحزن):والله تا بغيت نقولها ليك ولكن ماما حلفات عليا متقلقيش مني عافاك ...ميساء:مبقاش كيهم دابا المهم حنا غنمشيو الله اخليك ا ياسر احتارم رغبتي ومتقول لعثمان والو عافاك ...ياسر:واش حمقة معندكم فين تمشيو بوحدكم ونتوما بنات ممعاكمش راجل نتوما غتمشيو معانا ...ميساء:لا بل ...ياسر(بحدة):ولا كلمة غتزيدو قدامي مستحيل نخليكم هنا يكفي انني غنسكت و مغنقول لعثمان والو ولكن نتوما دابا فحمايتي ...غيثة:شوفي على زهر ...نورهان:غيثة ...غيثة:ششت متهضريش معايا مخاصمة معاك ...ياسر:ايه زيدو دابا طلعو للطموبيل عاد تخاصمو على خاطركم ...ركبت انا وغيثة لور و نورهان وياسر قدام غادة و كاع المشاعر تجمعو عليا خايفة يقولها لعثمان،حشمانة منو،مطمأنة حيت ياسر معانا ومغيخليناش هنا بوحدنا فاش كتبعدي على بلادك و عائلتك ديما كيشدك احساس كأنك تعريتي مكاين لي يغطيك ولا يخاف عليك وهاكا كان احساسي فالمطار واخة كنت جبهة قدام غيثة ولكن فعلا كنت خايفة من العيش هنا وتالفة منين انبداو...حطيت راسي على الزاج وانا كنشوف شوارع باريس كان الجو مغيم والشتا غمضت عيني وغفيت حاسة براسي عيانة بزااف ...بعد مدة فقت على صوت غيثة نزلنا كنا قدام فيلا صغيرة شفت الشارع لي كنا فيه كان كلو فيلات صغار وحدة حدا وحدة وكاينة جردة صغيرة تما فيها الالعاب ديال الدراري الصغار ولكن الدنيا كانت خاوية تم مكاين لا جيران يطلو عليك لا والو الهدوء فقط ...ياسر:دخلو مرحبا بيكم(شفت فنورهان)حبيبة مرحبا بيك فدارك ...ميساء(بخجل):ياسر كون غير خليتينا نمشيو لشي اوطيل نتوما عرسان جداد وحنا ...ياسر(قاطعتها):ششت واقيلة انا راه كنعتابركم خوتاتي وتا نتوما خاصكم تعتابروني هاكا ...غيثة:احم واخا اخويا ياسر ممكن تورينا فين نعسو حيت الصراحة انا عيامة بزاف و نتوما مزال مطولين فالصواب ديالكم ...ياسر:ههه واخا اجيو معايا حبيبة انا نرجع عندك ...نورهان:واخا.
طلعنا ياسر لواحد البيت الفوق كان كبير وفيه سرير واحد كبير ...ياسر:خودو راحتكم و ارتاحو ...ميساء:شكرا اخويا بزاف ...ياسر:مبيناتناش ...مشا ياسر ضرت كنشوف فالبيت شفت غيثة لقيتها تكات ومغمضة عينيها مشيت حيدتليها صباطها باش تقاد فنعستها ومشيت رديت الخامية ضلمت البيت شوية حيدت فولاري ومشيت تكيت حداها بقيت كنفكر حتى غفيت... ////نورهان:نعسو؟ ...ياسر:خليتهم ياخدو راحتهم ايكونو عياو من الطريق و خصوصا غيثة حاملة ...نورهان:بفف غيثة مقلقة مني ولكن هوما خاصهم يعرفو بلي عثمان طلق نهيلة ...ياسر:متبقايشتجبدي سمية ديك المسخة على فمك كون ما نتي مكانتش غدخل،لقلب الدار ...نورهان:وانا باش عرفتها غدير هاكا ميسحابليش بلي الهضرة لي قالت ديك الليلة قاصداها كيسحابلي غير كضحك دابا نتا واش غتقولها لعثمان ...ياسر:معرفتش دابا مغندير والو خليهم يرتاحو شوية من الصداع و المشاكل ديك الساعة نشوف ضروري يحلو المشكل اكيد دابا الدراري غيكونو معصبين بزااف ...نورهان:هادو كلهم افكار ماما😞شتتات شملهم هي لي اقتارحات نهيلة على خالتي واخا هي مكانتش باغاها ولكن ماما تعصبات عليها وقالت ليها واش مبغاتهاش حيت هي مطلقة وبلي حتى هي مطلقة واش مراضياش بيها وخالتي كتحتارم ماما بزاف ومكتقدرش تخسرلبها خاطرها حيت ملي جداتي كانت على فراش الموت وصاتهم على بعضياتهم خالتي دايرة بالوصية ولكن ماما لا ...ياسر:كلشي غيتصلح احبيبتي نساي علينا هدشي دابا شفتي دارك ولا مزال ...نورهان:لا مزال مشفت والو ...قبطني ياسر من يدي وبقا كيساريني فالدار كانت زوينة بزاف عجباتني بزاف متكونة من جوج طبقات وحدة الفوق فيها غير البيوتة و دوش و الطبقة لي حنا فيها فيها صالونات والكوزينة و حمام..بقيت كندور فيها تا هزني وطلعني لبيتنا واخا كنت عيانة من الطريق و من ليلة البارح صبرت معاه حيت تا انا عندي رغبة انني نكون معاه كنحس براسي اسعد انسانة فهاد الدنيا شحال زوين تكون مع الانسان لي كتبغي بلا قيود ولا مشاكيل وكنتمني ان البنات يتحل المشكل ديالهم حيت عثمان و عماد كيبغيوهم بزاف وانا شفت عثمان ملي اقتارحو عليه الزواج كيفاش كانت حالتو شحال من مرة بغيت نقولها لغيثة ولكن مقدرتش مبغيتش يكون شي مشكل بسبابي وكان عندي امل ان المشكل يتحل بلا هدشي كامل...من بعذ مدة غفيت على صدر ياسر لي كان محاوطني بيديه كان الحال بدا كيضلام محسيتش براسي حتى غطيت فنوم عميق....
اصبح الصبح والملك لله* ...فاطنة(كنهضر مع عماد من ورا الباب):عماد نوض اجي تفطر الله ارضي عليك ...عماد:الصمت ...فاطنة:اولدي واش باغيين تقتلوني اهئ نتا ملي دخلتي البارح مخرجتي وخوك حالتو تا هو ممشاش لخدمتو اهئ عارفة راسي غلطت اولدي وندمت الله ارضي عليك حل ...عماد(حليتلهاالباب):الواليدة مخاصني فطور غير سيري نني ارتاحي ...فاطنة(كنشوف فيه ونشوف فحالتو عينيه حمرين وباينة بايت بلا نعاس):انا ممرتاح تا تنزل تفطر تا دوايا مشربتوش غنموت غير بالفقسة ...عماد(نزلت قدامها بلا منبقا نتجابد معاها هي مريضة وانا ما فيا لي يهضر هبطت لتحت بانوليا دوك جوج جالسين دخلت للكوزينة وهي ورايا):فين دواك ...فاطنة:هاوا هنا ...عماد(عمرت كاس د الما وعطيتها شرباتو):عافاك دري البال لصحتك كلشي درناه على قبلك متخليناش نخسروك حتى نتي كيف خسرناهم هوما وانا ملي نبغي ناكل غنجيليه(خليتها وطلعت للبيت سديت عليا كنحس بحياتي وقفات معرفت فين نقلب عليهم معندهم صحابات معندهم عائلة لي يمشيو عندهم بقا قدامي حل واحد هو نضهر مع صاحبي بوليسي هو يقلب عليهم نضت هزيت تيليفونس بديت كنقلب على النمرة تا لقيتها صونيت ليه و جاوبني ديك السااعة):الو ...:نهااار كبير هدا ملي تفكرتينا ا سي عماد ...عماد:احم يوسف صافا عليك ...يوسف:الحمد لله مال صوتك ...عماد:محتاجك فواحد الموضوع وبغيتك تعاوني ...يوسف:ههه كيسحابلي توحشتيني على الراس و العين اسيدي نتلاقاو فقهوتنا ..عماد:اه شوف وقتاش مسالي نتا ...يوسف:دابا الا بغيتي راني مسالي ...عماد:واخا من هنا لنص ساعة نشوفك ...يوسف:واخا اخاي الله اعاونك ...نضت لبست حويجي بزربة هزيت سوارت الطموبيل وشديت الطريق للقهوة لقيت يوسف جالس ...يوسف:غبورات هادي(شفت فيه باليا ماشي على عادتو عرفتو عندو شي مشكل) ...عماد:ها حنا ...يوسف:مالك اصاحبي شفتك ماشي تال لهيه ...عماد:خليها على الله مرتي خوات البلاد هي وختها لي هي مرات عثمان خويا معرفناش فين مشاو ...يوسف:احم وعلاش خواو البلاد واش مطلقين شنو دارولكم ...عماد:حنا لي شمو درنالهم نتا ماشي غريب غنعاودليك شنو كاين ...يوسف:كنسمع ...عماد:(...........)والبارح مشينا عندهم باش نشرحوليهم ما لقيناهمش ...يوسف:بفف هدشي كامل اصاحبي نتوما لاش خبيتو عليهم ملي عارفينهم غيتفهمو الوضع ...عماد:كانت الفكرة ديالي حيت مبغيتش نقولها لغيثة وتدور الهضرة فالدارو وينوضو يلعبو بعقل الواليدة ونوحلو معاها ...يوسف:ولو غلطتو كون وصيتيها وحمرتي فيها غتسكت ...عماد:يوووسف رااه مرتي وانا حاافضها دابا شنو غتعاوني ولالا ...يوسف:برد برد خلي ليا شوية دالوقت من هنا للعشية يكون عندك فين هوما ...عماد:ان شاء الله...#
ساء: ...ياسر:غيثة فطري مزيان راك حاملة خاصك تردي البال لراسك ...غيثة:هاء وراه ماشي غير انا لي حاملة تا ميساء حاملة ...نورهان و ياسر(بصدمة):حاملة!!! ...ميساء:احم اه ...ياسر:ولكن بفف واش عثمان عرف ...ميساء:كنتمنى ميكونش عرف و ماما كتكون قالتلتو والو ...ياسر:مكنتيش تخبي عليه ا ميساء تا هو من حقو يعرف ...ميساء:بصح وعلاش انا ممنحقيش نعرف بلي راجلي باغي يتزوج عليا ...ياسر(بعصبية):كون صبرتي شوية كون عرفتي انه طلقهاااا ...ميساء(بصدمة):طلقها!!هه لحق يمل منها ...نورهان:ميساءختي راه هوما دارو هدشي على قبل خالتي حيت عرفوها مريضة بالقلب ...غيثة:اوااه كيداروليها امتى طلقها ...ياسر(عاودتلهم كلشي):وهدشي لي كاين نتوما زربتو ...ميساء:مزربتش هو تزوج عليا و خبا عليا كون قالي هدشي مكنتش غنوقف ضدو ولكن هو رماني لجنب وتصرف من راسو كأنني مكايناش نسا العلاقة لي كتجمعنا بجوج و العهود لي تعاهدنا اننا نكونو بجوج من اول نهار ف السراء و الضراء ياك هدشي علاش كيتعاهدو اي زوج كيبغيو بعضياتهم ياك هدشي علاش تعاهدتي نتا و نورهان تقدر تزوج عليها؟جاوبني تقدر تخبي عليها حاجة بحال هادي ...ياسر:الصمت ...ميساء:شفتي الهضرة شحال ساهلة و ميحس بالجرح الا لي كيقاسيه انا حسيت بالغدر و الخيانة متوقعتش عثمان يدير فيا هاكا يكون السبب لي كان ميخليهش يدير فيا هدشي وميخلينيش نغفر ليه ...غيثة:احم ولكن اختي هوما ...ميساء(وقفت و قاطعتها):انا لي عندي قلتو ومن الاحسن نمشي من هنا ونتي ا غيثة رجعي عند راجلك ...ياسر:مغتمشي فين ا ميساااء ...ميساء:ياسر خويا نتا وقفتي معانا نضن درتي عليك ولكن انا باغا نمشي نبعد على هدشي باغا نرتاح عافاك فهمني ...غيثة:ختي واش غتخليني اهئ انا جيت معاك نتي لهنا متخلايش عليا عافاك اهئ اهئ ...ميساء(عنقتها):حبيبتي انا مغنخليكش انا غنبقا معاك تا ترجعي لراجلك و ...ياسر(قاطعتهم):برااكة تا وحدة فيكم مغتمشي من هنا واش حماقيتو انا مستحيل،نخليكم بجوج تبقاو هنا بوحدكم ...نورهان:ميساء ختي جلسي معانا دابا مكاين هنا معندك فين تمشي خليك معانا،باش نبقاو مرتاحين عليك ...بقينا ساكتين وشي كيشوف فشي حسيت براسي كيدور جلست بلاصتي وجلسو حتى هوما وعم السكون حتى كسرو صوت تيليفون ياسر📲📲📲 ...ياسر(جبدت تيليفوني لقيتو عماد شفت فيهم ونضت بعدت عاد جاوبت):الو ...عماد(بلهفة):ياسر سمع سمعني مزيان اش غنقولك انا عرفت البنات فين كاينين ...ياسر(بصدمة):ب..بصح وفين هوما ...عماد:هوما ففرنسا فين كاين نتا يعني قراب ليك شوف انا قطعتي تيكي ديال الطيارة فليل عاد غتكون غنمشي دابا عند عثمان باش نقولهاليه ونجيو الله اخليك ا ياسر الا كتعرف شي حد تم قولو يعاونك يقلب عليهم بينما جينا ...ياسر:احم البنات عندي فالدار ...عماد(بالغوات):كيفاااااااش عندك نتا واش كتفلااا عليا ا يااااسر علااااش مقلتيلنا واااالو ونتاااا عااارفني غنحماااق ونلقى مرتي وولدي ...ياسر:عماد تهدن انا بغيت حتى يتهدنو عاد نقولهالكم باش يتحل المشكل و دابا شوية عاد ميساء بغات تمشي واخا شرحتلها شنو كاين ...عماد(بعصبية):لالااااا متخليهمش امشيو اياسر الله اخليك متقولهمش بلي حناااا جااايين واخا ...ياسر:وااخا(قطعت)

قطعت مع عماد ضرت باش ندخل لقيت نورهان ورايا ...ياسر:اش كديري هنا ...نورهان:غيجيو...ياسر:كتصنتي عليا ...نورهان:لا حبيبي غير جيت عندك وانا نسمعك ...ياسر:اه،غيجيو عنداك تقولي شي حاجة قدامهم هاد المشكل خاصو يتحل كل واحد فيهم معدب وهو بعيد على لاخر بربعة بيهم خاصهم يجلسو ويتفاهمو ...نورهان:واخا كون هاني ...جريتها دخلنا لداخل لقيتهم كيفطرو جلست قدامهم وانا كنشوف فيهم..كملنا الفطور وناضو كيتعاونو وانا حاضي معاهم ليغفلوني و يمشيو تاني لشي بلاصة ..///عماد(كندق الباب بجهد):عثماااان حل اصحبي هاد الباب ولا غنفرع دلمو(خبطتو)حل ...عثمان(حل الباب ورجع دخل):الصمت ...عماد:اش هاد الحالة اصاحبي بفف نوض غنمشيو ...عثمان(متكي فوق الفوتوي):معندي فين نمشي سير فحالك ...عماد:لقيت البنات ...عثمان(قفز من بلاصتو):شنو فين لقيتيهم و كيفاش ...عماد:تهدن اصاحبي احم المهم راهم عند ياسر فالدار ...عثمان:ياسر!!هوما ففرنسا؟ ...عماد:اه انا قطعت التيكي من هنا لساعتين خاصنا نكونو فالمطار ...عثمان:واش باسر هو لي قالهالك ...عماد(مبغيتش نقولو بلي ياسر خبا علينا):اه هو ...عثمان:واخا واخا غنبدل عليا ونمشيو ...عماد:وجمع حويجك راه يقدر نجلسو تم ...عثمان:لا معندي منجلس ندير تم غنمشي نحيب مراتي لدارها وغنجي فحالي ...عماد:الا بغات ترجع معاك بعدا راه واخا عرفات شنو كاين مزال مقسحة راسها ...عثمان:يعني ياسر عاودليها ماشي مشكل هي دابا غير مقلقة ...عماد:واخا،سير دابا ...مشا عثمان يجمع حويجو بقيت انا واقف غادي جاي وكنطلب الله ميعرفو والو مستحيل،نعاود نضيع الفرصة من بعد ما لقيت غيثة فهاد المدة القصيرة لي غابت عليا حسيت براسي سنين مشفتها توحشتها توحشت كل حاجة كتخصها منقدرش نعيش بلا بيها انا من نهار شفتها اختاريتها تكون ليا حلالي ام ولادي نشارك معاها حياتي كلها تال آخر لحظة فعمري وعمري نفرقها ندمت بزااف على الخطأ لي درت ضيعت بيه راسي و ضيعت بيه تا عثمان كنت باغي غير نفك المشكل ولكن ميسحابليش الامور اتوصل تال هنا. لكن اكيد كلشي غيتصلح غير موصلو لتم ان شاء الله كلشي غيتصلح ...عثمان:يالاه ...خرجنا من الدار شدينا الطريق للمطار كان مزال الحال على موعد الطيارة ديالنا... عثمان(جالس وكل ساعة كنشوف فالساعة جاتني كتمشي ببطئ كيقتلني وانا كنت حاس براسي كنموت كل نهار وهي بعيدة عليا عمري تصورت شي نهار تبعد عليا تال،هاد الدرجة كانت غير كتقلق مني وهي حدايا كنتخنق ومكيعجبنيش الحال ولكن دابا كنحس براسي فشكل شي حاجة كبيرة ناقصاني فحياتي خلات فراغ كبير كبير بزااف غلطت ولكن كلشي درتو باش نحل مشكل ولكن حليت مشكل بمشكل كبر منو كون واجهاتني و غوتات فوجهي ومتبعدش عليا تال هاد الدرجة)بففف امتى هاد الزمر ...عماد(شفت فساعتي):مبقا والو ونمشيو ...بقينا جالسين شحال،تا،سمعنا النداء نضنا بزربة درنا الاجراءت وتوجهنا للطيارة ديالنا ركبنا وكل واحد كتخيل ردة الفعل ديال مرتو ....////#فاطنة: ...هاد الدراري غيحمقوني تا واحد فيهم مكيجاوب ...خديجة:لاش باغاهم ...فاطنة:كيفاش لاش باغاهم اختي راه كبدتس هدوك قلبي واكلني عليهم وعلى حالهم انا لي وصلتهم لهدشي انا ...خديجة:اوا خلاص عليا مكتاب الله ...فاطنة:مكتاب الله اه مكتاب الله لي مرضيتش بيه من قبل ...مجدولين:انا بغيت غير نعرف نهيلة فين غبرات ...فاطنة:الا معندها علاش تحشم تجي تورينا وجها من بعد القتلة لي عطاها عثمان ...مجدولين:مسكينة بقات فيا ...خديجة:اييوا يا بنتي الزهر كيمشي غير عندمن بغا...
وصل الليل حسيت براسي عيانة بزاف جالسة معاهم هما كيتفرجو وانا كنتفوه ...ميساء:انا غنطلع نعس عييت غيثة:باقي الحال ...نورهان:هي مع الحمل غتكون كتعيا فالشهورة لولين ...غيثة:فايتة حاملة ...نورهان:اففف ديما كتقوليلي هاد الجملة ...غيثة:وا نتي كتهضري بحالا فايتة حاملة ...نورهان:راه كنقرا على هدشي ماشي بحالك عاطياها غير للسريط ...غيثة:كيفاش عاطياها غير للسريط راه ...ياسر:براااكةواش نتوما غتبقاو كي المش مع الفار ديما راكم بعقلكم زعما ...غيثة:هي لدويتي مع مرتك هي مخشية فيك من صباح متراعيوش شوية ...ميساء:ضريتوني فراسي تصبحو على خير ...نورهان(عنقت ياسر):اخح على حبي توحشتي عماد ياكي ...غيثة(كنشوف جهة ميساء تا بانتليا مشات):الصراحة اه بزاف ولكن ميمكنش نخلي ختي بوحدها ...نورهان:الا شفتيه تسمحيليه(قرسني ياسر)آآي مالك نتا ...غيثة:بفف نطلع نعس حسن ليا فقستوني بجوج عرفناكم عرسان جداد يخ متحتارمو مشاعر حد شفتو هاد الفيلم لي من قبيلة متبعينو راه مو هي لي كتقتل ...ياسر:ايه الله اخلف عليك ا غيثة ...غيثة:تصبحو على خير ...نورهان(ضرت عندو):مالك نتا تتقرص فيا قسحتيني ...ياسر:راه وصيتك زعما متجبديش حس الدراري كون كانت ميساء كون شكات ...نورهان:وا مقلت والو انا غير افترضت ...ياسر(جريتها عندي):اممم شنو رايك نطلعو نفترضو حاجة خرا الفيلم دابا فرشاتو غيثة ومشا التشويق ...نورهان:وا بلاتي شوية راه باقي الحال ما فيا لي ينعس دابا ...ياسر(طفيت التلفازة وهزيتها):تا انا مقلتش غنعسو ...نورهان:اجي بعدا معاش غيوصلو الدراري ...ياسر:صباح يكونو هنا اه(حطيتها فالدروج)صبري نسد البيبان دوك جوجات منتيقش فيهم نخاف نفيق الصباح نلقا غير الريح ...نورهان:ههه وراه يديروها ...مشيت سديت باب الدار ر باب الكوزينة لي كيخرج للجردة وخديت السوارت عندي...ميمكنش نغامر من بعد مقلت لعماد بلس كاينين هنا و عطيتو امل انه يلقاهم يجي ميلقاو والو...رجعت عند حبيبتي هزيتها وطلعنا لبيتنا..... ....*اصبح الصبح و الملك لله* ...#فالمطار: ...عثمان:عندك العنوان ديال ياسر ولا ...عماد:عندي خديتو منو البارح انا غنسيفطليه ميساج باش يدير بحسابو ...عثمان:واخا(شفت طاكسي جريت الباليزات حطيتهم فيه وركبنا عطا عماد لادريس للشيفور وتحركنا الطريق كامل واناكنطلب الله باش نلقاها ومتكونش دارتها وهربات مني مرة خرا ملي قالي عماد بلي بغات تمشي وانا باغي غير امتى نوصل ونشوفها قدامي نشدها بيدي وسناني منطلقش متها تا ترضا وتسامحني على الخطأ لي ارتاكبت...من بعد مدة وقفنا قدام فيلا صغيرة نزلت انا وعماد خدينا شوانطنا وتوجهنا للباب صونا عماد تا تفتح الباب قدامنا وكانت غيثة وعلامة الصدمة على وجها) ...غيثة(من الصدمة بغيت نهضر ساعة بقيت غير حالة فمي):نتوما ...عماد(كنشوف فيها من راسها تال رجليها حبيبتي توحشتهااا بزااف بلا حتى كلمة عنقتها وانا كنشم ريحتها):توحشتك علاش مشيتي علاش ...غيثة(عنقني بقيت كنشم ريحتو لي توحشتها بزاف تا بغيت نعنقو وانا نتراجع بعدت عليه):نتوما،لي علاش جيتو ...عثمان(تخطيتها ودخلت كنسمع الهضرة جاية من واحد جهة وصلت كان صالون دخلت بانولي جالسين كيفطرو مقابل معايا ياسر و نورهان وحبيبتي كانت عاطياني بضهرها حسيت بقلبي زادت دقاتو وانا كنشوف فيها هادية كيف عادتها حانية راسها وكتاكل بشوية عليها مشيت بخطوات تقيلة تا وصلت حداها جلست قفازي على رجلي وانا كنشوف فيها تا ضارت عندي والصدمة خلاتها تنوض بزربة من بلاصتها وهي ممتيقاش انني واقف قدامها):ميس ...ميساء(قاطعتووانا،ممتيقاش):نتا ش..شنو كدير هنا كيفاش(شفت فياسر):قلتيهاليه ياك اهئ اعتابرتك خويا ا ياسر وغدرتي بيا ...ياسر:انا مغدرتكش هوما عرفو بلاصتكم ونتوما عاجلا ام آجلا كنتو غتقابلو دكشي علاش قصرو عليكم المسافة وجلسو وهضرو(شديت نورهان)حنا الفوق خودو راحتكم ...عثمان:تال هاد الدرجة مباغاش تشوفيني ...ميساء(كنشوف فيه وكنحس براسي كنغلي):اه تال،هاد الدرجة ياك بدلتيني ومشيتي تزوجتي علاش جاي لعندي دابا(حطيت يدي على كرشي) ...عثمان(شفتها حطات يدها على كرشها وتفكرت بلي هي حاملة بولدي):انا جيت على ودكم ...ميسااء:لالا هادا ولدي ولدي بوخدي كتسمع مغنخليكش تاخدو نتا ومك مني مستحيل نخليك تاخدو مني ...عثمان(مستغرب من حالتها كيفاش كتهضر وكترعد):وانا مناخدوش منك ا ميساء علاش كتهضري هاكا تهدني تا واحد مغياخد ولدك منك(كنقرب ليها)اجي نهضرو ...ميساء(رجعت لور):متقررررربش منيييي خلييييك بعيد عليياااا(دخلت فحالة هيستيرية وانا كنغوت معرفتش شنو وقعليا ولكن حسيت براسي كيضرني بزااف وقلبي مضغوط ما حسيت والدنيا كدور بيا وترخيت تا طحت على طولتي)...
: #غيثة:عماد متقيسنيش ...عماد:متوحشتينيش كيفاش قدرتي تبعدي عليا ...عماد:نتوما لي خليتونا نبعدو ملي مزوجين بينا على قبل الولاد ...عماد:واش حمقة كيفاش مزوجين على قبل الولاد(كنحاول نهدن راسي ومنتعصبش عليها ومنعصبهاش)واخا كنعتارف غلطنا او بالاصح انا،لي غلطت حيت الفكرة كلها كانت ديالي ...غيثة:اهاااه هي نتا هو المدبر ...عماد:غيثة حبيبة سمعيني راه كنت فواحد الوضع مخلانيش نفكر بزاف الواليدة كانت فالسبيطار و عثمان كان معصب حاولت نجي لوسط ونلقا حل يناسب كلشي قلت الا درنا هاكا كلشي غيدوز مزيان ...غيثة:لاا اسيدي تا حاجة مدازت مزيان نتا و خوك م(كنت كنهضر تا سمعت غوات ميساء و آخر حاجة صوت عثمان كيعيطليها مشيت كنجري و عماد مورايا لقيت ختي طايحة فالارض ركابي فشلو عليا تخلعت عليها بزاف..هزها،عثمان حطها فوق الفوتوي ومشيت جبت ريحة درتها فيدي وبديت كندورها على نيفها تا بدات كتحل عينيها شدات فراسها وضارت شافت فينا واحد بواحد تا استقرو نظراتها على عثمان) ...عثمان:حبيبة شوية واش كضرك شي حاجة ...ميساء(حطيت يدي على قلبي):اه كيضرني هنا و بزاف ...عثمان:ميساء حبيبتي شوفس انا عارف راسي غلطت ولكن كنت مضغوط ومقادرش نفكر و ...ميساء:و دكشي على اختاريتي تزوج هه وتبدلني بديك لي كنتي كتقول مكتحملهاش ...عثمان(بعصبية):اناااا مبدلتكش وعمري فكرت نديرهاا حااولي تفهميني انا كنت فوضع صعيب بزاف واش عارفة شنو هي السخط ولالا حطي راسك بلاصتي ...ميساء:كون كنت بلاااصتك كون جيت لعندك وشكيت ليك حيت عارفاك مغتخلينيش وغتوقف معايا وتعاوني نلقاو الحل بجوج حيت حنا بجوج واحد واي حاجة بغينيا نديروها غنفكروليها بجوج ماشي نفكر فراسي ومنتسوقش ليك واش اعتبرتيني ميتة ولا اعتبرتي راسك ممزوجش وماشي مهمة باش نعرف شنو كيدور فراس راجلي لي متعاهدة انا وياه على الصدق و الصراحة ...عثمان(قربتليها وشديت يديها بزز وهي كتنتر):وانا مخنتش العهد كنت محتاج غير وقت ونعاودليك كلشي كان خاصني نكون غير انا وياك باش نفهمك ونشرحليك وتا واحد ميعرف شنو درت تا تهدن الامور ...غيثة:اوا لاواه نتا جايبها نهار العرس شنو كنتي ناوي تعرس نتا و ياسر فنهار واحد ...ميساء(باستهزاء):اه يمكن ولكن حنا ضيعنا عليهم الفرصة ياك ...عماد:واش نتوما حماقيتو ولا شنو كيفاش كتفكرو هاكا هديك البرهوشة خديجة لي اختارتها و الواليدة راكم عارفينها ومن هدشي كامل راهم تزوجو وطلقو فنفس النهار لان العقد من اساسو باطل ...غيثة:صعيب تفهمو باش حسينا مزال انا غير ختي هي لي حسات بالخيانة ...عثمان:واااش باغيين تحمقووووني اشمن خياااانة انا مفكرتش فيها حتى مجرد تفكير عندي مرا وحدة وهي لي كنبغيها وكنموت عليها ...ميساء:ولكن مكتيقش فيا،علااااااش مجيتيييييش عاودتيلي شنو كااااين علاااش خليتين نعرف بديك الطريقة واش عااارف باش حسيت ولالا اكيد لا....
عثمان(شفت فعماد وكون لقيت نقجو):حيت سمعت لهاااد بنادم الحل لي لقينا ديك الساعة ولكن كنحلف ليك انني ندمت ومعرفتش راسي علاش تسرعت وخديت القرار بديك السرعة ولكن لي بغيتك تعرفي انني كنبغيك وكنمووت عليك وعمري فكرت نشوف فغيرك وعمري فكرت انني نحرمك من ولدك وانا كنت كنقولك الا مكانوش ولادي منك مبغيتهومش ...ميساء(بقيت كنشوف فيه عارفاه كيبغيني ومصدية كل كلمة قالها ولكن مستحيل نسا هاد الفعلة):هدشي كلو لي قلتي حاجة وانك تصرف من راسك وتاخد قرار بحال هدا حاجة خرا،صعيب نتقبل كيفاش همشتيني ومشيتي تزوجتي صعيب بزاف عثمان:حب ...ميساء(قاطعتو):عثمان عافاك والله معندي جهد انني ندي ونجيب معاك فالهضرة لي فيا يكفيني ...عثمان:واخا سيري ارتاحي من بعد ونهضرو انا هنا مغنمشي حتى نديك معايا ...ميساء:من الاحسن ترجع فحالك ومتخلينيش نفكر نخوي البلاد مرة خرا ...عثمان(بعصبية):متحااااوليش ا ميساااء سمعتي حيت عمري غنتفرق عليك وفييينماااا مشيتي غتلقايني ...ميساء(بقيت كنشوف فيه تخطيتو وخليتو كيغلي) ...غيثة(تميت تابعاها تا،شدني صعصع):مالنا ...عماد:مالنا نتي نيت شتك لمك ضسرتي جاية تال،فرنسا بوحدك ...غيثة:مجيتش بوحدي جيت مع ختي ...عماد:اهاه ونسيتي بلي عندك راجلك ...غيثة:اه نسيت حيت راجلي نسا بلي عندو مراتو خاصو يشاركها فكلشي ...عماد(عاض على فمو):جاوبك على نابك فينما جيتك كنلقاك ...غيثة:اوا راني ماشي عبدة عندك لي نبقا ساكتة ليك ونت(قاطعني بقبلة على شفايفي خلاني بدون وعي انساجم معاه خصوصا انني كنت موحشاه وموحشة ريحتو بقيت هكاك تا تفكرت عثمان دفعتو بجهد وضرت نشوف ملقيتوش حدانا) ...عماد(فهمتها علاياش كتقلب):خرج قبيلة احبيبة ملي كنتي مطولة لسانك عليا(كيقرب ليا)توحشتك خليتي بلاصتك ...غيثة(كنشوف فعويناتو):امم نتا لي بغيتي ...عماد(عنقتها):عارف كلشي مني انا لي غلطت وانا لي خصني نصلح هدشي ونصلح بين ميساء و عثمان خاص غير ختك ترطب راسها ...غيثة(بعدت عليه):اش ترطب السيد تزوج عليها بلا خبارها وطلق وكتقولي ترطب شوية لاباش ...عماد:انعطب مك كتشالي عليا بدوك اليدين غنهرسهمليك ...غيثة:يخخ جيتي تاني ...ياسر(هابط من الفوق):نتوما دليل على ان الامور مزيانة ههه ...عماد(مخنزر فيه):منساش فيك نتا لي درتي .. ياسر(بجدية):عماد نتا صاحبي و عارفني كيفاش داير ميساء ترجاتني باش منقول والو ...غيثة:ملي نتا مقلتيش ليه باش عرفتي نتا ابوراس ...عماد:كنجمع ليك قيدي عيطت لصاحبي بوليسي هو لي عاوني ...غيثة:عندك صاحبك بوليسي😍 ...عماد(كاز،علىسناني):اه ياكما نعرفك عليه ...غيثة:مكرهتش😍 ...عماد:غيثااااا😡 ...ياسر:لا نتوما حالتكم صعيبة بزااف
#عثمان: ...ملي هضرت معاها وانا معصب كون يرجع بيا الوقت لور كون مدرتش هاد الخطأ ولكن للاسف كنت فوضع محتاج حل سريع باش نتفك من المشكل و لاول مرة غنتصرف بدون تفكير...من بعد ما مشات خرجت من الدار وانا كنحاول نلقى حل //#ميساء:طلعت للبيت تخشيت بلاصتي واخا النهار ولكن الحاجة الوحيدة لي نهرب بيها من هدشي هو النعاس...بقيت متكية و كنحاول نغمض عيني تا دخلات عندي نورهان ...نورهان:احم ميساء ...ميساء(تقاديت فالجلسة):اجي ...نورهان(جلست حداها):هضرتي معاه ...ميساء(بتنهيدة):عادي ماشي شي هضرة الحرقة لي فقلبي صعيبة ...نورهان:ختي ميساء نتي عارفة عثمان كيبغيك وهدشي دارو فوق طاقتو وانا كنت حاضرة هو كان فوضع مكيسمحشليه يختار خصوصا هو يعني انسان شاد طريقو كيحافض على صلاتو وعلى علاقتو بالله و والديه ميمكنش يخسرهم يعني نتي خاصك تعدريه ...ميساء:وانا عادراه انا لي بقا فيا هو انه مشا تصرف و مدارش باعتباري هدشي كيف كيخصو هو كيخصني حتى انا اكيد كون جا عاودليا مكنتش غنقولو يختار السخط و كنت غنفكر فدكشي لي فكر فيه عماد ولكن هو دارني مكايناش الا حنا كل واحد غيتصرف فمشكلتو كيف بغا لاش مزوجين اصلا ...نورهان:عندك الحق بفف تا ديك نهيلة جاتها على قلبها معرفتش كيفاش معقتش بيها واخا ديك النهار هضرات وقالت بلي عثمان كيعجبها كان كيسحابلي غير،كضحك ...ميساء(باستغراب):امتى ...نورهان:احم نهار دابزات هي و غيثة ...ميساء:هه كانت حاطة عليه العين من لول ملي كنا تلاقينا فإفران ...نورهان:صدفة مكتاب ليكم تلاقاوها مرة خرا ...ميساء(تنهدت من اعماق اعماق قلبي):لقاء قبليا حياتي ...نورهان:مديريش فبالك كلشي غيتصلح ...ميساء:خاصني الوقت ا نورهان لي فقلبي محاس بيه حد ...نورهان:بالعكس والله تا حاسة بيك حطيت راسي بلاصتك وتخيلت لوكان طراليا مع،ياسر كيف طراليك مكنتش غنصبر لدرجة نفسي ضاقت بيا من مجرد تفكير بسيط يعني متحطيتش فالموقف لي يخليني نحس هكاك دكشي علاش جيت عندك ...ميساء:خليها على الله الوقت كفيل،باش يصلح كلشي ...نورهان:ان شاء الله يالاه نهبطو لتحت ...ميساء:غير سيري نتي انا غنعس حاسة براسي عيانة شوية و بلا متعيطولي للغدا ...نورهان:ولكن ...ميساء(قاطعتها):نورهان عافاك ...نورهان:واخا على خاطرك .../خليت ميساء تنعس هبطت لتحت لقيتهم جالسين الا،عثمان لي مكاينش جلست حدا ياسر حاوطني من خصري بقينا كنهضرو و مرة نبقاو حاضيين عماد و غيثة لي مكيساليوش من النكير..خليتهم ومشيت للكوزينة نوحد الغدا تبعاتني غيثة بدينا كنوجدو تا قادينا كلشي ومشينا جلسنا معاهم تا دخل عثمان عاد حطينا الغدا ...عثمان:احم غنمشي نعيط لميساء ...نورهان:راه وصاتني باش منفيقوهاش للغدا ...عثمان:بففف واش باغا تمرض راسها ولا شنو ...غيثة:خليها شوية ونطلعليها ماكلتها ...عثمان:الصمت..
غيثة:ميساااء نوضي تاكلي اصحبتي واش غتبقاي هاكا ...ميساء(كنغطي راسي):غيثة خليني نعس ...غيثة:وا جنابي طابوليا بلاصتك يختي معييتيش من النعاس نوضي تغداي راه ولدك خليتيه بجوع ...ميساء(نضت جلست وانا عيني مغمضين):وا،مبغيتش ناكل كون كان فيا جوع كون قلتها ...غيثة:انا،قلتها بلاصتك شدي كولي(حطيتلها البلاطو فوق رجليها) ...ميساء:نتي كلشي ديريه بلاصتي(بديت كناكل)اممم هدشي بنين شكون طيب ...غيثة:انا و نورهان كيجاك طيابنا احم احم ...ميساء:هه بنين ...غيثة:بصحتك احم ختي واش مغتسامحيش عثمان ...ميساء:لا ...غيثة:وتكن هو اعتادر وكيبغيك وتبعك تال هنا ...ميساء:مكيهمش لي كيهم هو الصراحة و الثقة وهو هدشي مدارش بيه ...غيثة:اه ولكن نتي مكتفكريش تبعدي عليه ياك نتي بغيتي غير تعلميه درس و صافي ...ميساء(جبت نجاوبها وهو يبانلي عثمان من المراية كان واقف حدا،الباب و كيتصنت):احم معندي منعلمو انا هاد الساعة مباغاش نشوفو ومغنرجعش ليه وولدو مغنحرموش منو ...غيثة:اويلي يختي قلبك ولا قاسح راه هدا عثمان حبيبك لي كتموتي عليه وضلي تقوليلي احسن حاجة وقعاتليا فحياتي شنو بدلك ياكما جاك الوحم عليه ...ميساء:قلبي هو لي قسحو ماشي انا اففف ا،غيثة هاد الموضوع طلعلي فراسي مبقيتش حاملة نهضر فيه دكشي علاش سدي عليا ...غيثة:واخا لي بغيتي كولي ويالاه نهبطو لتحت على وجه ياسر راه حشومة نبقاو مخشيين هنا وحنا فدارو ...ميساء:واخا،اجي نتي تصالحتي مع عماد ...غيثة(كنضور فعيني):شوفي هو انا ...ميساء:اودي غير سكتي راني عارفاك غير شفتيه دبتي ههه و اصلا غير بغيتي تخليه وتجي معايا هو الخطأ لي دار انه تا هو خبا عليك ماشي مشا تزوج عليك شفتي الفرق فين كاين(شفت جهة المراية بانليا مشا) ...غيثة:اه ودكشي علاش مقدرتش مبقا مقلقة عليه توحشتو بزاف ...ميساء(تا انا توحشتو ولكن مقادراش نسامحو):الله اخليكم لبعضياتكم(شربت الما)الحمد لله شبعت ...غيثة:هدشي غير مفيكش جوع باز يالاه نوضي ...ميساء:سبقيني ندخل للطواليط ونقاد زيفي ونجي ...هبطات غيثة ودخلت انا،للطواليط غسلت سناني وقضيت حاجتي غسلت يدي عاد خرجت زرت فولاري ونزلت لتحت كانو كلهم جالسين فالصالون شفت فعثمان لي كان حاضيني خنزرت فيه وجلست حدا عماد واخا تا هو مقلقة منو ...عماد(شفتها مهضراتش معايا عرفتها واخدة مني موقف):احم ميساء كيبقيتي ...ميساء:الحمد لله ...ياسر:اش بانلكم نخرجو نتساراو شوية ونتعشاو على برا ...ميساء:انا مفياش لي يخرج غير سيرو نتوما ...عثمان:لا كلنا غنمشيو تا نتي خاصك تبدلي الجو ...ميساء(مشفتش فيه وهضرت مع ياسر):سمعتيني شنو قلت ا ياسر ...ياسر(كنشوف فيها ونشوف فعثمان لي تعصب من تجاهلها):اه سمعت ولكن مموافقش نتي غتمشي معانا وبدون اعتراض نوضو وجدو روسكم ...غيثة:يااي و اخيرا غنخرجو نتساراو فباريس ديونا لبرج ايفل حمباك ا ياسر ...عماد(جريتها عندي):لاش كتقوليها لياسر انا نديك ...غيثة:ونتا عارفو فين جا ...عماد:راه ماشي اول مرة نجي لهنا الالة ...غيثة:اهااه هادي علاش مفراسيش راه بزااف د الحوايج مخبيهم عليا ...عماد:اش مخبي مجابتهاش الهضرة وصافي ...نورهان:واهيا الملك واش غتبقاو هاكا(جريت غيثة)تحركي نتي قداامي ونتي لسانك مبري منك ...غيثة:اففف وا خليني نعرف اش مخبي تاني الزمر ...ميساء(خليتهممناكرين طلعت للبيت بدلت عليا ودرت مكياج خفيف نغطي بيه ديك الصفورية لي فوجهي مفهمتش انا فين باغيين يخرجو السلامة با ربي بحالا مكانوش شادين الطريق كملت ودزت من حدا غيثة لي كتنكر وهبطت لتحت جلست حداهم مرة نلعب فيدي مرة نلعب فساعتي هدشي كلو باش نتفادى نظرات عثمان لي كان حاضيني) ...غيثة(هبطت انا ونورهان):يالا نمشيو ...ياسر:يالاه ...خرجنا من الدار بقينا غاديين ياسر غادي هو ونورهان قدامنا و غيثة شادة فيا و عماد و عثمان مورانا.
.عماد:مراتك كاعية تا عليا ...عثمان:حيت نتا مول المشاكل ...عماد:وانا باش عرفت هدشي غيوقع كان همي نتفكو وصافي ...عثمان:صافي سد عليا هاد الموضوع عافاك شوف الخير لي دير هو سير جر مرتك حداك ...عماد:ههه واخا ...مشيت حداهم جريت غيثة وميساء كملات طريقها ممسوقاش تابعة ياسر و نورهان تا وصل عليها عثمان ...عثمان(شديتليها يديها):توحشتك ...ميساء(كنحاول نجر يدي منو):طلق مني ...عثمان:لا مغنطلقش منك امتى غيحن قلبك عليا ...ميساء(خليت يدي فيديه حيت معندي جهد ليه وهو مزير عليا ضرت كنشوف قدامي وهو كيهضر معايا تا عيا وهو يسكت عارفاه اكتر حاجة كيكرها هي انني نتعامل معاه ببرود ولا نتجاهلو وهدشي لي غندير من اليوم):الصمت ...عثمان(بقيت كنهضر وهي ممسوقاشليا واخا تعصبت ولكن حا لت نهدن راسي ونعطيها وقت بقيت شاد فيها وغاديين ومرة مرة ندور عندها دايراني بحالا مكاينش بمرة..بقينا مدة هكاك تا وصلنا للبرج طلقات مني ومشات هي و غيثة كيتصورو ويضحكو) ...عماد:غيثة بشوية من الخفة ابنادم ...غيثة:اجي احبيبي نتصورو انا وياك اجي ...نورهان:انا نصوركم ...ياسر:تا حنا صورونا شنو رايكم نديرو صورة جماعية(ضرت بانليا واحد الولد وطلبتو يصورنا) ...ميساء(وقفنا باش نتصورو جا عثمان حدايا حط يدو على خصري هزيت راسي باش نغوت عليه وهو يغمزني خنزرت فيه وضرت منكرش انني كان عاجبني الحال ولكن والله لا دوزتها ليه تا نمحنو...صورنا الولد شكرناه و مشا فحالو دوزنا وقت زوين مشينا لشحال من بلاصة الدراري كلهم فايتين جايين لهنا تا انا عمري عرفت عثمان فايت جاي...ضلام الحال وقررو باش نمشيو نتعشاو تاجها لواحد الريسطو جلسنا كل وحدة مقابلة مع راجلها انا باش نتفادى عثمان حطيت راسي على يدي فوق الطبلة وتكيت خليتهم هوما يطلبولي شنو ناكل تا حسيت بيدين على وجهي ...عثمان:حبيبة واش مزيانة كضرك شي حاجة ...ميساء:مكيضرني والو غير بعد يدك عليا عافاك ...عثمان(جريت الكرسي وقربتليها):عمري غنبعد عليك كتسمعي وبراكة من هاد البرود راك كتقتليني ا ميساء ...ميساء(عليت عيني فيه تا ولا وجهو فوجهي انفاسو كنحس بيهم ومكيفصل بين شفايفي وشفايفو غير سنتيميترات قلال):نتا قتلتيني قبل ...عثمان:مكنتش قاصد ...ميساء:مدام خبيتي راك كنتي قاصد ...عثمان(قربتليها كتر وبستها):كنحلف ليك انني مكنتش قاصد سمحيليا ...ميساء(بتوتر بعدت عليه):خليني عليك عافاك ...عثمان(بتنهيدة):كولي دابا ...ميساء(ضرت جهة الطبلة كانت الماكلة وصلات كاعما حسيت بيهم ملي حطوها ضرت شفت فلاخرين لقيتهم كياكلو حنيت على طبسيلي تا انا كناكل وعثمان كيشوف فيا وياكل...كملنا ونضنا رجعنا للدار ورا ياسر للدراري فين ينعسو واخا كانو باغيين يمشيو لوطيل ولكن مخلاهمش كل واحد خدا بيت بوحدو بحكم الطابق الفوقاني كلو بيوتة ولكن انا و غيثة ختارينا بيت واحد نجلسو فيه بجوج....دخلت للبيت بدلت حويجي لبست بيجامتي وطلقت شعري وتخشيت ففراشي بقيت شحال،كنساين غيثة ولكن مدام تعطلات راه باينة فين غتكون...
غيثة:عماد طلقني نمشي عند ختي ...عماد:والله لمشيتي لشي بلاصة بلاصتك حدا راجلك وراني سديت الباب ...غيثة:وا زدتي فيه اففف ...عماد(قربت ليها تا حبستها مع الحيط):لا حبيبة انا توحشتك وتوحشتك لسانك الطويل😉 ...غيثة(كنشوف فيه وفوجهو كلو عينيا ضروني بقوة التحنزيز حيت مشدوش بلاصة وحدة):تا انا توحشتك ...عماد(خشيت وجهي فعنقها ويدي على كرشها):بزاف ولا شوية ...غيثة(حاوطتو من عنقو ووجهو فعنقي):بزااف(بلا ميجاوبني هزني عندي وبدا شغلو) ...//#ميساء: ...بقيت متكية تا بدا كيديني النعاس وانا نسمع الباب كيتحل عليت عيني كيسحابلي غيثة ...ميساء:اش كدير هنا ...عثمان:احم جيت غير نشوفك واش خاصاك شي حاجة ...ميساء:مخاصني والو غير هني بالك ...عثمان:بالي ميتهنى حتى ترجعيليا ...ميساء:عمري نرجعليك ...عثمان(جريتهالعندي وزيرت عليها):وانا ممفاكش معاك ماشي بالساهل،غتفكي مني انا،كنبغيك وحتى نتي ولا كان العكس قولي بلي مكتبغينيش ونتي كتشوفي فيا ...ميساء(كنحاول نحيد يديه من خصري):مغنقول والو تا حاجة مبقات كتجمعني بيك طلق مني وسير فحالك ومن الاحسن ترجع فين كنتي وعرفتي شنو آخر سير رجع نهيلة و اسس حياتك معاها راها نيت كتبغيك وحتا عايلتك باغيينها ...عثمان(بعصبية):مكيهمنيش بناادم شنو باغي كيهمني اناا شنو باغي وشكون باغي كتسمعي ويلا كنت عطيت لديك الحمارة فرصة انها دخل لحياتي راه ماشي لخاطري كلشي جا مزروب ...ميساء(باستهزاء):متأكد بلي كلشي جا مزروب حيت من نهار وقع المشكل فداركم ورجعتي عندهم تال نهار العرس كان عندك الوقت انك تجي تعاودليا شنو كاين ...عثمان:حبيبة فهميني انا الوقت لي كان عندي كنت كنحاول نفد فيه الخطة بلا ميعرف حد كان بالي مشطون ع من جهة نتي و من جهة الواليدة و المرض ديالها فهميني احبيبة الله اخليك ...ميساء:عثمان عافاك خليني عليك هديك انا حسيتها خيانة واش عرفتي باش حسيت ملي عرفتك تزوجتي عليا هدا راه قرار مصيري حطيتي علاقتنا على المحك ومهمكش ...عثمان:ولكن علاقتنا اقوى من انها تنهار بهاد الشكل اولا ...ميساء:نتا،مغتفهمنيش عافاك خيليني بغيت نعس ...عثمان:واخا ا ميساء واخا
ميساء:اوا خرج باش نعس ...عثمان:نعسي الا بغيتي تنعسي انا غنبقا هنا(جلست فالفوتوي لي مقابل معاها)مغنديرليك والو غير نعسي ...ميساء:باغي تبقا حاضيني ولا شنو ...عثمان:ميساء نعسي لا باغا تنعسي ...ميساء:افففف ...خبطت رجلي ومشيت تخشيت بلاصتي عاطياه بالضهر دابا انا شنو استافدت فاش هربت هاهوا معايا شنو الفرق من غدا غنرجع فحالي بعدا الا كنت فدارنا مغنبقاش نشوفو بزااف بفف حاسة بلي الوحم جاني عليه وليت باغا غير ندابز معاه..تفكرت ولدي ولا بنتي لي هازة فكرشي حطيت يدي عليها كنتحسسها وبديت كنتخيل راسي انا و عثمان وولادنا اكيد غنربيوهم احسن تربية...بقيت هكاك حتى غفيت ...اما،عثمان ملي نعسات ميساء وهو حاضيها ولا خايف يغفل عليها و ميلقاهاش خصوصا هاد البرود ديالها خايفها تزيد تبعد عليه كتر وهو مكيحكرش عليها باش متنفروش كتر وكتر..بقا على ديك الحال حتى حس بيها نعسات ناض بخطوات تقيلة باش ميفيقهاش قربليها وجلس قفازي قبالتها بدا كيبعد شعرها من وجها وهو مبتاسم بدون شعور قربليها ووزع قبلاتو على وجها وكيستنشق ريحتها لي توحشها وتحرم منها هاد المدة حط يدو فوق يدها لي على كرشها وهضر بهمس ...عثمان:كنواعدك اولدي غندير المستحيل باش مماك تسامحني ونرجعو كيف كنا انا مغنخليهاش تبقا مقلقة مني وعد(باسها فمها بوسة خفيفة ورجع لبلاصتو من بعد ما سورت الباب ودار السوارت فجيبو عاد قدر ينعس) ...**اصبح الصبح و الملكك لله** ...ضرباتني الفيقة بسباب الشعا ديال الشميشة لي داخلة من السرجم تكسلت على خاطري ضورت عيني فالبيت كان خاوي مباتش هنا يمكن..حيدت عليا الغطا دخلت للدوش قضيت حاجتي وغسلت وجهي وحكيت سناني وتوضيت خرجت صليت عاد بدلت حويجي قاديت زيفي وهبطت لتحت لقيتهم جالسين كيفطرو ...ميساء:صباح الخير ...الكل:صباح النور ...ياسر:كيصبحتي...ميساء:مزيان الحمد لله ...عماد:وليتي نعاسة ...ميساء(جاوبتو ومكنشوفش فيه):غير مع الحمل ...عثمان(حطيتلها كاس دالحليب قدامها):هاكي شربي هدا ...ميساء(خنزرت فيه خليت الكاس محطوط وهزيت كاس د العصير): ...عثمان:بففف ...غيثة:عماد مدليا داك الفرماج ...عماد(مديتولها):هاكي وتكايسي شوية راك وليتي دبة دابا توحل ليك ...غيثة:مغانجاوبكش دابا حيت ممسالياش ليك ...نورهان:ههه ناري الوحم خرج عليك اعلم الله انا كيغيجيني ...ياسر(عنقتها):ان شاء الله كنتمنى هاد النهار يوصل ...نورهان(بابتسامة):ان شاء الله احبيبي ...ميساء:احم بغيت نقولكم شي حاجة(كلشي سكت وضارو كيشوفو فيا)انا غنرجع للمغرب ...غيثة:كح كح ...عماد(بخوف):ها لي قلنا(عطيتها،كاس دالما شربات)وا بشوية عليك ...عثمان:واش بصح صافي بغيتي نرجعو ...ميساء:قلت غنرجع السبب لي خلاني نخوي بلادي ونخلي ماما مبقاش هانتا جيتي لهنا اذا مكاين لاش نبقا غنرجع عند ماما ...عثمان:ميساء واش مشفتيش قلبك شحال قساح عليا واش غنبقاو هاكا ...ميساء:لي عندي قلتو المهم انا،غنطلع دابا نجمع حويجي عافاك اياسر واخا تعيط وتقطعلي بيي ...ياسر(كنشوف فعثمان لي معصب):امم واخا ولكن كون غير ...ميساء(قاطعتو):شكرا بزااف بصحة فطوركم(خليتهم وطلعت للبيت كنجمع حويجي) ...غيثة:تا انا نمشي نجمع حويجي ...عماد:تبتي لرض حنا مغنمشيوش دابا خلي ميساء تمشي هي و عثمان خاصكم تحلو هاد المشكل دغيا ...عثمان(شفت فيه كون لقيت كون قتلتو):كلشي منك😡(خليتهم نضت خرجت لبرا كنحاول نهدن راسي عيطت قطعت جوج لي بيي عاد دخلت عندهم لقيت غير الدراري فالصالون البنات باينة غيكونو معاها.. ..#
غيثة:ناري دابا نتي غتمشي وتخليني ...ميساء:راك ماشي بوحدك ا غيثة ها راجلك معاك ...نورهان:ونتي مبغيتيش تكوني مع راجلك زدتي فيه اصحبتي راه غلط وندم اش بغيتيه يدير ...ميساء:يعطيني التيساع هاد الساعة ...غيثة:شوفي فيا ميكونش جاك الوحم عليه حيت نتي مستحيل تبعدي على عثمان عارفاك تتبغيه ...ميساء:بفف معرفتش مبقيت فاهمة فيا والو بغيت نسامحو ومبغيتش اصلا مزال منسيت شنو دار وانا خاصني وقت نتوما كلكم كضغطو عليا حاولو تفهموني ...غيثة:واخا واخا شوفي دابا نتي اكيد ملي غتمشيو غتمشي لدارنا ياك ديك الساعة غتكوني بعيدة علينا كاملين وغيكون عندك الوقت و المساحة الكاااافيين انك تفكري وتاخدي قرارك ولكن فوق هدشي كامل فكري فولدك عنداك تخلي الغضب ديالك وهاد المشاعر المخربقة يدفعوك تاخدي قرار غالط ...ميساء:اصلا دكشي لاش بغيت نرجع فحالي حيت طول ما هو قدامي كنزيد نتعصب .. غيثة:حبيبتي انا متأكدة هداك غير الوحم لاعب عليك اول حاجة ديريها ملي تمشي للمغرب خاصك تشوفي الطبيبة باش طمني على البيبي ....ميساء:ان شاء الله ...نورهان:يختي لي يشوفك تتهضري دابا يقول راك بعقلك ...غيثة:ها لي مبغيناش مالي بنتليك حمقة ولا شنو وزيدون ختي وكنصحها شوفي نهار تخاصمي مع ياسر نصحك ...نورهان:اويلي يختي على فال الله استر ...غيثة:اممم ...#عند_الدراري: ...ياسر:شنو ناوي دير ...عثمان(مسح على وجهو):معرفتشش معرفتش انا عارفها دابا باغا ترجع للمغرب باش تمشي نيشان لدارهم وديك الساعة مغنبقاش نشوفها بمرة ...عماد:علاش متديهاش صحة لداركم تا تفكو المشكل ...عثمان:الله ارحم باك افكارك خليهم عندك انا بغيتها ترجع ليا بخاطرها ماشي بز منها ونعصبها وهي حاملة ...ياسر:شي افكر عندك اصاحبي ههه ...عماد:وا غير قلنا ...ياسر:عثمان شوف من الاحسن تخليها على راحتها ومتفرضش عليها شي حاجة لي تعصبها وتخليها تبعد منك هي اكيد خاصها وقت باش تفكر مزيان وتعرف شنو دير ...عثمان:اصلا دكشي لي كندير كنحاول نخليها على خاطرها ...ياسر:مزيان امتى عندكم الطيارة ...عثمان:8 د العشية ...ياسر:مسخيناش بيكم ...عثمان:نرجعو فظروف حسن ان شاء الله نتوما اصلا باقين عرسان مخليناكمش فراحتكم ...ياسر:اش هاد الهضرة اصاحبي راكم خوتي ...عثمان:المهم انا نطلع نتكا شوية منعستش بليل ...عماد:احم عثمان متنساش الواليدة راه كل نهار كتسولني عليك ...عثمان:مناسيهاش غير مبغيتهاش تشوفني فهاد الحالة ...عماد:واخا،سير رتاح دابا باقي تابعاكم الطريق.
: #ف_المغرب: ...خديجة:اوا ولادك مبقاو حتى داوهمليك ...فاطنة:راه عيالاتهم مشاو يجيبوهم حنا غلطنا،فحقهم بغيتهم غير يرجعو ونطلب منهم السماحة غرني الشيطان ومرضيتش بحكم الله وهاوا دابا بعد عليا ولادي ...مجدولين:اوا صافي مالك اش درتي كاع راه ولادك هدوك وكلمتك فوق كلمتهم ...فاطنة(بعصبية):ايه صاافي،سدو عليا هاد الموضوع راه قلبي غيطرطق عليا شتت الشمل ديالي وديال ولادي غير مشا الحاج كلشي تفرق ...خديجة:اوا هاوا بقات سيمانة ويجي توحشتيه ههه ...فاطنة:ضحكي اختي ضحكي راك محاساش بيا(انا لي تبعتك اختي ودرت بريك غير يرجعولي وليداتي ونطلب السماحة من البنات لي عمري سمعت منهم كلمة العيب يا ربي تغفرليا وتسمحليا منهم) ...خديجة:وااا فاطنة راه العشا غيتحرق ...فاطنة:انا غندخل نعس راه الكوزينة قدامكم حطو تعشاو تصبحو على خير(خليتهم ومشيت نعس) ...مجدولين:هايهاي شكون ايحط العشا راه منغسلش الماعن ...خديجة:نوضي حطيلنا نتعشاو وخلي الماعن ف لافابو تال الصباح ...مجدولين:امم واخا ...//#فرنسا: ...ميساء:تهلاو فراسكم بسلامة ...الكل بسلامة ...عثمان(حطيت الباليزات فالطاكسي وحليت ليها الباب):طلعي ...ميساء:اففف بغيت نمشي بوحدي مالك هاكا ...عثمان:ميساء ركبي بلا مندابزو هنا ...ميساء(خليتو وركبت الطريق كلها وهو كيحاول يجبد معايا الهضرة وانا منخلاه تا وصلنا للمطار جلسنا شوية عاد تحركنا للطيارة شدينا بلايصنا انا غير جلست نعست هدا ولا حالي هاد الايام غير النعاس وصافي...من بعد مدة حسيت بيدني كيحركوني حليت عيني لقيتو هو قالي بلي وصلنا نضت دايخة بالنعاس وصلت لباب الطيارة ضربني الريح الله شحال توحشت بلادي وماما مسكينة كنت كنهضر معاها مرة مرة من تيليفون نورهان وكل مرة تبقا تبكي..من بعد ما سالينا الاجراءت قبطنا طاكسي والوجهة كانت دارنا..وصلنا هبط معايا عثمان هبط ليا باليزتي وبقا كيشوف فيا ...عثمان:باقا مصرة مترجعيش لدارك ...ميساء:راه هضرنا ا عثمان مغنبقاش نعاود الهضرة كل ساعة نتا،غلطتي وتقتي فيك تزعزعات شي نخاف شي نهار تجي شي وحدة جارة ولدها وتقولي هدا ولد راجلك ...عثمان(بعصبية):اش هااد الهضرة ...ميساء:كيف سمعتي ودابا خليني عليك(مشيت صونيت حلات ماما الباب غير،شفتها تلاحيت عليها عنقتها وكنبوس فيها شافت عثمان و شافت فيا جريت باليزتي وخليتهم ...رحمة:لباس اولدي ...عثمان(بابتسامة باهتة):الحمد لله نخليك دابا رديلها البال عافاك ...رحمة:متحتاجشتوصيني(بقيت حاضياه تا ركب فالطاكسي ومشا جيت نسد الباب وحسيت بشي حد دفعو ضرت نشوف لقيتها ديك البنت):نتي اش كديري هنا ...نهيلة:بغيت نشوف ميساء...
نهيلة:بغيت نشوف ميساء ...رحمة سيري من هنا ميساء مكايناش ...نهيلة:كتكدبي محشمتيش على شرفك عاد شفتها دابا ميساااااااء فينك ا خطااااافة الرجاااال هبطي لعندي ...رحمة(كنشوف فيها ونشوف فجيران لي بداو كيطلو):اويلي واش نتي هبيلة ولا مالك ...نهيلة(بالغوات):ههه هبيلة ياااك الالة هبيلة حيت جاية نهضر على حقي حيدي من قدامي ...رحمة(تمات طالعة لفوق سديت الباب وتابعاها):اجي لهنا،فين غادا والله تا،نعيط ليك للبوليس نوريك تهجمي علينا ...نهيلة(كنقلب فالبيوت واحد واحد تا لقيتها ناعسة):هايهاي هايهاي نتي لي تنعسي الالة(كنحركها)افيقي تهزي ...ميساء(نضت قافزة اويلي كيدرت نعست دغيا شفت فشكون كيغوت مفهمت والو):اش كديري نتي هنا ...نهيلة:جيت نشوووفك وااش مبغيتيش تعطينا التيسااع ...ميساء:انا لي نعطيك التيساع!!راك نتي الالة جاية عندي وتال قلب بيتي اش هاد قلة الحيا لي فيك ...نهيلة:نتي السباااب نتي السبااب باش طلقني ...ميساء:علاش انا السباب بالسلامة انا مكان فراسي لا عرس ولا طلاق و فوق هدشي كامل لي جاية كتحاسبي معايا راه انا لي خصني نلومك نتي لي جيتي دخلتي بيني وبين راجلي وهو من لول،مكانش حاملك و كملتيها زايدة كطيحي الدل على راسك ...نهيلة:هاهاي على الدل و شكون كيهضر عليه انا الزين مو هي لي بغاتني وهي لي اقتارحات عليا نتزوج بولدها وهو كان موافق وفوق هدشي كامل هوما مباغيينكش حيت نتي عاقرة و مكتولديش وانا لي غنجيب لعثمان الولد كتفهمي ...ميساء(باستهزاء):من نيتك بغاتك مو وا سيري تزوجي بيها هي ديك الساعة ونزيدك(حطيت يدي على كرشي)انا حاملة وقريب يجيني بيبي انا وحبيبي عثمان ...نهيلة(بشر):كتكدبي نتي عاقرة ميمكنش تحملي ...ميساء(بعصبية):الالة خرجي بعدي مني اش هاد الحالة ماشي نتد لي غتقوليلي شنو غتدير ...جريتها من يدها باش نخرجها على برا وهي تتنتر وتسب وتغوت محسيت حتى دفعاتني وانا كنت على السبة مع الدوخة ديال الطيارة و النعاس كنت مرخية رجعت بلور وضحت على الكوافوز لي تما ماما بدات تغوت جات عندي تتجري ...نهيلة:مزال غتندمي ا ميساء مزال الحساب مسالاش بيناتنا عثمان عمرو يكون ليك كتسمعيييييييي ...هبطات تتجري وانا حسيت بالسخفة بزز باش كنقاوم ...رحمة:اهئ بنتي شوفي فيا ...ميساء(بصوت ثقيل):انا مزيانة ا ماما بغيت غير الم..ا عافاك ...رحمة:واخا واخا ابنتي اجي نقادك بلاصتك بعدا نوضي(بقيت معاها تا وقفتها ديتها لبلاصتها وهبطت جبتلها الما شربات شفت جبهتها،كانت مجروحة شوية مسحتليها داك الدم وعقمت داك الجرح وخليتها تكا..هبطت لتحت بقيت كنضور وممتيقاش اش واقع هادي باينة فيها حمقة ومناوياش تخرجها على خير بدون تفكير مشيت للتيلي دوزت نمرت عثمان ...عثمان:الو..خالتي رحمة!!واش واقعة شي حاجة لميساء فين هي ...رحمة:ولدي اجي لعندي دابا الله ارضي عليك اجي للدار ...عثمان(بخوف):واش واقعة شي حاجة جاوبيني ...رحمة:ملي تجي غتفهم متعطلش اولدي الهضرة ماشي فالتيليفون ...عثمان:انا جاي دابا ...قطعت معاه ورجعت طلعت عند ميساء لقيتها نعسات جلست حداها بقيت كندوز بدي على شعرها...
بقيت جالسة حداها مدة تا سمعت صوت الدقان فالباب بجهد و الصونيط عرفتو عثمان نضت من حداها بشوية سديت الباب وهبطت بزربة حليتليه ...عثمان:شنو واقع فين ميساء ...رحمة:تهدن اولدي تهدن راها ناعسة الفوق دخل جلس باش نهضرو ...دخلنا جلسنا وهو كيشوف فيا ...رحمة:نهيلة كانت هنا ...عثمان:شنوو؟!اش جابها لهنا ياكما دارت لميساء شي حاجة ...رحمة:ربي لطف اولدي تشادو فالهضرة ودفعاتها والبنت عيانة محيلتها للحمالة لي مسخسخاها ولا العيا ديال الطريق دغيا طاحت ...عثمان(وقفت):غنطلع نشوفها ...رحمة:نكمل معاك اولدي وسير شوفها دابا راها مزيانة ..عثمان(جلست وانا على اعصابي):الصمت ...رحمة:شوف اولدي انا عيطتليك باش تعرف شنو كاين وتلقا حل مع ديك البنت راه بانتليا مريضة قبل متخرج تحلفات على ميساء انا خايفة على بنتي لديرلها شي حاجة ملي جات تهجمات علينا هنا وطلعات عند ميساء تال بيتها وبدات تغوت وتعاير راه تا حاجة ممستحيلة عندها وممكن دير اي حاجة على قبلك ...عثمان:هديك حسابها معايا انا مكفاتهاش القتلة ديال ديك النهار كوني هانية ولكن ميساء كون غير مشات معايا للدار باش نبقا مرتاح عليها هنا غنبقى مشطون ...رحمة:راسها قاسح ومغتبغيش صبر تا يجي باها وديك الساعة هضر معاه باش تا هو يهضر معاها واخا مغتسلمش من اللوم منو ...عثمان(بأسف):نستاهل حيت غلطت وعطيت فرصة لبحال داك شكل دخل لحياتنا ولكن ندمت حيت خبيت عليها ...رحمة:عارفة اولدي وكلنا كنغلطو انا حاسة بيك كنتي فموقف صعيب تاحد مكيختار سخط والديه ...عثمان:بغيت نشوفها ...رحمة:واخا بلاما تفيقها الله ارضي عليك مبغيتهاش تعصب ...عثمان:مكنتش غنفيقها حيت عارفها مغتبغيش تشوفني ...طلعت عندها دخلت بشوية بلاما ندير الحس قربتليها كانت غارقة فالنعاس بستها وبانتليا جرحة فجبهتها زدت تعصبت كتر حساب ديك البرهوشة تقال بزااف تال ميساء وحبس...خليتها وخرجت من بعد ما ودعت خالتي رحمة..ركبت فالطموبيل دوزت نمرة عماد طلبت منو نمرة يوسف صاحبو البوليسي بلا منشرح لاش بغيتها..غير سيفطهاليا اتاصلت بيه ونعتليا بلاصة خدمتو ديك الساعة مشيت عندو...وصلت للكوميسارية باركيت الطموبيل دخلت سولت عليه ودخلوني عندو ...يوسف:اهلا اهلا سي عثمان اش خبارك ...عثمان:الحمد لله ...يوسف:فين واحد عماد امضرا بعدا لقيتو المدامات ديالكم ...عثمان(باستغراب):كيفاش ...يوسف:احم سولتك واش لقيتو المدامات ديالكم كان جا عندي عماد باش نقلب عليهم وقلتلو راهم ففرنسا واش ملقيتوهمش؟!!..
عثمان:لا لقيناهم ماشي على هدشي جيت عندك ...يوسف:ياك لاباس ...عثمان:كنضن عماد عاودليك كلشي ياك ...يوسف:اه كان قالي شي حاجة و الزواج التاني ...عثمان:هو هدا جيت عندك على قبل هاد البرهوشة لي تزوجتها وطلقتها باش ندير الخاطر للواليدة و صافي والمشكل انني واخا طلقتها هي كتهدد مرتي واليوم تهجمات عليهم فالدار ربي حفض وموقع والو ونتا عارفني ا يوسف الا مشيت تا حطيت فيها يدي ولكن اختاريت نجي لعندك ...يوسف:لالا واياك واش باغي تخرج على راسك اصحبي شوف عطيني المعلومات ديالها غنجيبها وجيب المدام ديالك دير شكوى ونقيدو محضر ونهبطها تربى مع خوتها ...عثمان:لا مرتي مبغيتهاش تجي لهنا ...يوسف:واخا اسيدي غنجيبها هنا ونخليها تسني التزام بعدم التعرض(جبد ورقة وستيلو ومهملو)كتب ليا المعلومات ديالها هنا ...عثمان:معارفش عليها بزااف المهم الاسم لي غنعطيك سميتها نهيلة الزايدي ...يوسف:امم معارفش فين خدامة ولا شنو كدير ...عثمان:معرفتش اه كانت كتقرا فلافاك مع بنت خالتي نورهان ...يوسف:مزيان عارف لافاك لي فيها نورهان كنت شفتها واحد النهار تما اجي واش هوما صحابات ...عثمان:كانو ولكن دابا نورهان تزوجات ومشات لفرنسا علاقتهم تقطعات ...يوسف(بأسف):نورهان تزوجات ...عثمان:احم شنو درنا دابا ...يوسف:صافي سير نتا فاش نجيبها عندي غنعيطليك ...عثمان(وقف):شكرا ا يوسف وسمحلينا كل مرة مصدعينك ...يوسف:مبيناتناش اصحبي غير متغبروش عليا ...عثمان:ان شاء الله بسلامة ...//رحمة:بنتي فيقي براكة عليك من النعاس ...ميساء:اممم غير شوية ...رحمة:وا نوضي الله ارضي عليك باغا تشركي الليل مع النهار نوضي جلسي معايا شوية راه توحشتك ...ميساء(نضت بزز):هانا ا ماما افف النعاس ولا داير فيا حالة ...رحمة:غير مع الحمالة ابنتي نوضي انا نوجد شي حاجة ناكلوها انا وياك ...ميساء:واخا(شفت الساعة كانت 5 د العشية ناري نعست بزااف،نضت من فراشي دخلت للطواليط قضيت حاجتي وتوضيت عاد خرجت صليت الظهر و العصر ولبست بيجامة خفيفة عاد هبطت عند ماما لقيتها فالكوزينة بديت كنهز معاها دينا دكشي لي وجدات للبيت شعلت التلفازة وجلست كنتفرج تا جات)ماما توحشت اتاي ...رحمة:واخا شربيه ومتكتريش منو هاوا الحليب تال بلاتي وشربيه ...ميساء:واخا ...رحمة:اوا عاوديليا شفت ختك مجاتش معاك ...ميساء:بقات مع راجلها اجي اماما واش نتي لي قلتيليهم فين كنا ...رحمة:لا ابنتي والله ما انا ...ميساء:معرت كيدارو لقاونا ميكون غير ياسر واخا قال ماشي هو ...رحمة:وا..(جيت نجاوبها وانا نسمع الصونيط بقيت كنشوف فيها)شكون غيكون تاني عنداك تكون ديك المجنونة رجعات ...ميساء:لا منضنش انا نشوف شكون ...رحمة:جلسي لرض راك مساتراش راسك(خليتها ونضت حليت الباب) ...:السلام و عليكم لالة رحمة غدخليني ولا تخليني فالباب ...رحمة:وعليكم السلام حاشا واش نخليك فالباب ماشي ديالنا دخلي.
فاطنة:لهلا يخطيك ...رحمة:الدار دارك(سديت الباب وديتها للبيت ميساء غير شافتها وقفات كتشوف فيها)بنتي عكوزتك جات ...ميساء(مشيت سلمت عليها،بحال كيكنسلم ديما مغيرتش طريقتي معاها):مرحبا بيك اخالتي ...فاطنة(حشمت منهم ومن تعاملهم معايا):ترحب بيك الجنة ابنتي الله ارضي عليك ...رحمة:جلسي الحاجة جيتي فوقتك(كبيت اتاي)هاكي ...فاطنة(قبطت الكاس من عندها وكنشوف فميساء لي كتشوف فالتلفازة):يزيدفضلك بنتي ميساء لاباس عليك ...ميساء:الحمد لله اخالتي ...فاطنة:غير قالي عماد وصلتو جيت نشوفك ابنتي واخا حشمانة منك ...ميساء:نتي مدرتيليا والو اخالتي ...فاطنة:درت ابنتي درت كلشي بسبابي انا لي بعدتك على راجلك وفرقتكم ...ميساء:مكتاب الله ...فاطنة:سمحيليا ابنتي انا جيت نطلب منك السماحة ونرجعك لدارك ولراجلك لي منهار مشيتي وهو لور لور مبقيتش كنشوفو تا من خدمتو فرط فيها ...ميساء:مجيتك على راسي وعيني اخالتي وانا ممقلقاش منك باش نسمحليك ولكن انا مغنرجعش عل الاقل دابا عثمان لي غلط فحقي ومدارش بالعشرة ملي خبا عليا ومشا تزوج ...فاطنة:ولكن ابنتي هو راه دار هدشي حيت انا بززت عليه ودابا نتي حاملة خاصك تكوني حدا راجلك وولدك يكبر حدا باه ...ميساء:عارفة هدشي وولدي عمري نبعدو على باه ...رحمة:احم الحاجة شربي كاسك غيبرد ...فاطنة(بقيت كنشوف فيها عرفتها باقة هازة فقلبها من جيهتي ومن حقها هزيت كاسي كنشرب فيه وقررت نوض نمشي):الله اخلف الحاجة(وقفت) ...رحمة(وقفت معاها):لواه مكليتي والو شربتي اتاي بوحدو ...فاطنة:معندو منين يدوز الالة رحمة محدي مشفتهمش مجموعين مغنرتاحش نرجع مرة خرا ...رحمة:مرحبا بيك فأي وقت الدار دارك ...فاطنة:الله اكبر بيك بسلامة ابنتي تهلاي فراسك ...ميساء:بسلامة ...خرجات ماما مع خالتي فاطنة وبقيت انا جالسة كناكل ونتفرج دخلات ماما كتهضر معايا وكتحاول تقنعني وانا كلمة نسمعها كلمة لا تا كملنا وهزيت دكشي ديتو للكوزينة دوزت دوك الميعنات دغيا ورجعت جلست بقيت شادة التلفازة من فيلم لفيلم مرة نهضر مع ماما مرة نتفرج ونسكت تا طاح الضلام تعشينا وكل واحد مشا لبلاصتو ..**اصبح الصبح و الملك لله** ...يوسف:دوي البرهوشة غادة كتهجمي على الناس فديورهم ...نهيلة:كندافع على حقي ...يوسف(بالغوات):ااااشمن حق السيد راااه طلقك وااش باغا فيمن تلصقي بزز ولا كيفاااش ...نهيلة:لالا هو كان باغيني هي هي مراتو لي بعداتو عليا اه هي ميساء ديك العاقرة ...يوسف(خبط فالبيرو):اجمعي رااسك الالة وسمعيني مزيان السيد غيجي دابا وغتسني التزام بعدم التعرض لا ليه ولا لمرتو ولا لأي واحد من افراد العائلة ديالهم كتسمعي وحمدي الله لي مشكاوش بيك اما نزلك تكلاصاي مع السلكوطااات بحاالك ...نهيلة:بزاااف عليك انا اشرف منك ...يوسف(طلعت فيها وهبطت):هه باش بأمارة العمارة لي فالوفاق اممم ...نهيلة(لونها تخطف):ا..اشمن عمارة اش كتقول ...يوسف:سمعيني الموسخة ضوسيك هاوا قدامي دابا اي حاجة درتيها راه توصلني حيت مراقبك المرة جاية غنجيبك بملايتك من دار رشيد ...نهيلة:الصمت ...عثمان(دخل):السلام وعليكم ...يوسف(وقفت سلمت عليه):وعليكم السلام جلس ...عثمان:يوسف خلص الاجراءات دغيا باش نمشي فحالي حيت شاد راسي عليها بزز ...نهيلة(بغيت نهضر وخفت من داك البوليسي د الزبل):الصمت ...يوسف:كون هاني كبشي واجد غير غتمضيو وصافي وهي راني هضرت معاها😉ياك زيدي هنا وقعي ...نهيلة(مشيت بشوية وشديت الستيلو كنترعد وكارهة الموقف سنيت وشفت فعثمان لي مشافش جيهتي):الصمت ...يوسف:خرجي سيري بحالك دابا ومتنسايش الهضرة ديالي ...نهيلة(بابتسامة صفرا):امم(خرجت)...يوسف:هدن راسك راني هضرت معاها من بعد دكشي لي سمعات منضنش غدير شي حاجة وفوق هدشي انا حطيتها تحت المراقبة ...عثمان:واخا الله احفضك ...يوسف:مبيناتناش اخويا وقتما احتاجيتيني انا معاك ...عثمان:عارف لي كاين يالاه نخليك ...يوسف:تهلا فراسك وسلم على مالين الدار ...عثمان:مبلغ...
بعد_مرور_اسبوع: ...غيثة:ناري توحشتكم بزااف ...ميساء:هه اوا هانتي جيتي غلاضيتي و الكريشة بانت ...غيثة:الراحة لي دارتها ...رحمة:مزيان ابنتي دابا نتي فشهرك الرابع ...غيثة:اه اماما يالاه دخلت فيه ناري توحشت بابا بزاف و اخيرا غيجي غدا ...رحمة:ان شااء الله ...عماد:احم خالتي رحمة راه الواليدة عارضة عليكم غدا للعشا حيت فاش غنجيبو الواليد و الحاج ايجيو نيشان للدار يعني نتوما غدا غنديكم عاد نمشي للمطار انا وعثمان ...ميساء:سيرو نتوما انا مافيا لي يمشي والله ...عماد:ميمكنش ا ميساء خلي المشاكل على جنب مبغيناهمش يجيو يلقاو المشاكل ...ميساء:بفف ...غيثة:صافي اختي عافاك راه غير العشا وترجعي فحالك ...رحمة:عندهم الصح خلي غدا يدوز مزيان ابنتي ...ميساء:واخا امري لله ...عماد(وقف):انشاء الله غيثة مشينا ...غيثة(بغباء):فين ...عماد:هايا بدات راه عندك دارك امكن غنمشيو ليها ...غيثة:اه شوف عماد خليني نبات اليوم مع ماما وختي وغدا نمشي فاش تجي تدينا ...عماد(بعصبية):هدشي لاش مكنبغيش نجيبك ...رحمة:وا لواه اولدي راه غتجلس فدارهم ماشي عند البراني خليها غدا ونرجعوهاليك هه ...عماد(كاز على سنانو):واخا غدا نتحاسبو ...غيثة:سكت ولا تا غدا تحي نبات هنا راه بابا جاي ...عماد(خارج):واخا واخا زيدي ...رحمة:سكتي ابنت الحرام ...غيثة:وا مالي اش قلت ...رحمة:غتحمقيني نتي نوض نوجد ...غيثة:غتوجدي لراجلك ا رحمة ...رحمة(شيرت عليها بالصندالة):الله اقلل حياك ...غيثة:اي وا ماما راني كبيرة وكرشي لفمي وباقة تضربيني ...ميساء:ههه حو فيك مالك كبرتي عليها ...غيثة:ضحكي ضحكي ...داز النهار عادي مع ماما و غيثة ماما وجدات شي حلاوي وانا صاوبت كيكة باش نديوهم معانا غدا ندخلوهم فيدينا واخا محاملاش نمشي ...**اصبح الصبح و الملك لله** ...فقت صباح معطلة شوية لقيت غيثة ناعسة من بعد ما صليت الصبح هبطت لتحت لقيت ماما كتوجد الغدا فطرت ودخلت مجمعة معاها تا هبطات غيثة فطرات بقينا مجمعين وضرنا بالدار شوية جمعناها وبقينا جالسين تغدينا تال 3 بحكم فطرنا معطلين و عيط عماد لغيثة علمها بلي 5 يجي يدينا ...ميساء:افف من دابا وحنا تما ...غيثة:وييه ديك خديجة وبنتها معنديش معاهم ...رحمة:اوا الصبر الليلة دوز باشما كان اجي نورهان وراجلها مجاوش ...غيثة:لا كانو باغيين يجيو ولكن ياسر عندو شي خدمة قلت لنورهان تجي معانا ولكن مخلاهاش ...ميساء:اصلا مجلسوش فخاطرهم النهار لول ليهم تما لقاونا فوجهم ...دوزنا السوايع هاكا تا وصل الوقت نضنا نلبسو اختاريت جلابة باج كنت خيطتها فعرسي لبستها مرة وحدة درت فولاري ولبست بليغة ودرت مكياج خفيف وتا ماما وغيثة لبسو جلالبهم كملنا وهبطنا كنقادو دكشي لي غنديو معانا تا جا عماد ركبنا معاه مشينا للدار دخلنا لقينا دوك جوجات جالسين سلمو علينا سلام ناقص عكس خالتي لي فرحات بينا ورحبات بينا كنتفكر آخر مرة كنت هنا ومعاملتها الناشفة معايا جلست حدا ماما وغيثة طلعات لفوق تبدل حويجها نضت باش نتبعها وانا نتلاقا بعثمان يالاه جا شافني وهو يجي عندي ...عثمان:حبيبة ديالي توحشتك ...ميساء:الصمت ...عثمان(قربت ليها بستها فراسها):باقي مهداك الله عليا ...ميساء:لا مزال ودابا خليني عليك(خبيتو وطلعت) ...عثمان:واخا الالة دابا نشوفو واش هاد الليلة غتباتي فدارك ولالا...
غيثة:ختي يالاه نهبطو لتحت خلينا ماما بوحدها ...ميساء:بلاتي تا يمشي عماد و عثمان ونزلو ...غيثة(طليت من السرجم):غير يالاه مكايناش طموبيلة راجلك قدام الدار ...ميساء:امم يالاه ...هبطنا لتحت لقيت ماما جالسة مجمعة مع خالتي فاطنة ودوك جوجات مقابلين معاهم كيوشوشو جلست انا وغيثة مرة نهضرو بيناتنا مرة تشاركنا خالتي فالهضرة كتحاول تجبدني بأي طريقة وانا فعلا سامحتها ممقلقاش منها قد ممقلقة من عثمان واخا هي لي بزات عليه ولكن هو كان يدير بحسابي ويعلمني ...من بعد مدة سمعنا الكلاكصون عرفناهم هوما نضنا للباب نتعرضو ليهم حلات خالتي الباب وهي هازة المبخرة فيديها وكتصلي على النبي هي و ماما شفت بابا و عمي هبطو و جيران كيسلمو عليهم ويباركوليهم تا كملو وجاو عندنا انا،غير شفت بابا تلاحيت عليه عنقتو وبستليه راسو نفس الشيئ درت مع عمي سلمو علينا ودخلو الدراري وراهم هازين باليزاتهم حطوهم فالدروج و دخلنا للدار جلسنا مجموعين كلهم كيهضرو ويضحكو وانا كنحاول نتجنب شوفات عثمان ...فاطنة:على سلاامتكم ...الحاج:الله اسلمك الحاجة هاد المرة تمشي نتي ولالة رحمة ...رحمة:ان شاء الله ...عبد الرحمان:ايه علاش لا فايت مشيت انا وياها للعمرة هاد المرة تمشي هي و الحاجة وغير يزيدو الدراري شوية يمشيو بربعة بيهم ...الكل:ان شاء الله ...الحاج:غيثة بنتي كيغادا مع التقل ...غيثة(حطيت يدي على كرشي):هانا كنعدي ا عمي هلكني بفف ...الحاج:ههه الله افكك على خير ابنتي ويفرحك بيه ...عماد و غيثة:امين ...عثمان:احم الواليد مباركتيش لينا حنا تا مراتي راه حاملة(شاف فيا وغمزني) ...الحاج(بفرحة):بصح مبروووك خبار زينة هادي(نضا عندي عنقني)مبروك عليك ابنتي الله افكك على خير حتى نتي ...ميساء:الله ابارك فيك اعمي ربي يخليك ...عبد الرحمان:اجي عندي ابنتي(مشيت عنقتو تاهو)كبرتونا بكري ههه مبروك عليكم ...عثمان:الله ابارك فيك ويطول فعمركم حتى تشوفو ولادهم ان شاء الله ...الحاج:ان شاء الله ولاهيلا درتوها زوينة ملي تجمعتو كاملين هنا ...غيثة:واراه بزز اعمي باش جات ميساء اما هي راه ااااي ...عماد(قرصتها وهضرت فودنيها):بديتي لمك هدشي غير وصيتك ...غيثة(كنحك بلاصة القرصة ففخضي):ايخ تفوو غتزراق عماد(بهمس):مزال مشفتي والو غير بلاتي تكمشي حسنليك وضربي الطم ...الحاج:اش كنشوشو تما شنو كنتي باغا تقولي ابنتي علاش ختك مبغاتش تجي ...عثمان:احم غير كانت عيانة شوية راك عارف الحمل ...الحاج:عارف اولدي اوا نتعشاو مجموعين وسير نتا ومرتك لداركم ترتاحو ...ميساء(نقزت من بلاصتي):لاا ...عبد الرحمان(باستغراب):علاش ابنتي سيري ترتاحي فدارك غدا ورجعي ...ميساء:احم لا ا بابا انا غندوز هاد الايام معاكم موحشاك ...عبد الرحمان:ولكن راك مزوجة ابنتي المهم بينك وبينو ...مجدولين(كنهضر مع ماما بشوية):ههه مسكين معارفش اش طاري ...خديجة(بابتسامة):وييه شوفي كي تيمتلو عليهم ها باش تنقولك لفعات ...الحاج(سمعت هضرتهم واخا كيحاولو يهضرو بشوية وقفت ودرت اشارة لعماد يتبعني طلعت لفوق جلست فالصالون تا جا وجلس مقابل معايا):كنسمع ...عماد:مفهمتش ...الحاج:بلا دخول و خروج فالهضرة خوك و مرتو اش واقع بيناتهم ...عماد(بتوتر):والو والو الواليد راك عارف ميساء دابا حاملة فترة الحمل و الوحم و ...الحاج(بحدة قاطعتو):عماااد جيني من لخر بلا منهبط دابا ونسول قدام كلشي ...عماد(مسح على وجهو):بففف مكاين والو ...الحاج(بالغوات): عماااااد ...عماد:مشكلة هادي واخا،غنعاودليك(عاودتلو كلشي من لول تال لخر)و صافي وميساء لدابا مبغاتش ترجع لدارها ...الحاج(بعصبية):هبط كلمو ليا ...عماد:عثمان؟ ...الحاج:تحررررك.
#عماد:هبطت لتحت درت اشارة لعثمان ناض عندي قتلو يطلع لفوق مشا تميت تابعو تا بانتليا غيثة غتنوض وتجي عندي خرجت فيها عيني وهي تجلس لرض طلعت لفوق دخلة وسديت الباب باش ميتسمعش الغوات لتحت كنعرف الواليد فاش كيتعصب ...عثمان:الواليد ياك لاباس ...الحاج:وكتسول بوجهك حمررر ااااش دكشي درتي وااااش اناا مشيت خليتكم مجموعين وتهنيت عليكم باش نجي نلقا كل واحد فقنت دووووي ...عثمان(شفت فعماد وخنزرت فيه):مدام عادوليك كبشي غتعرف لاش درت هكاك تحطيت فموقف مسمحليش نفكر،بزااف و اول حل بانليا هو هداك مكنتش عارف الامور غتوصل لهدشي ...الحاج:لالا مزياان مكنتيش عارف وشنو كنتي عاارف قلتي نخبي عليها وهي غتسامحني ياااك النهار لول وصيتك وقتليك بنات الناس ماشي لعبة وخصوصا بنات الحاج صاحبي وااش وصيتك ولالا ...عثمان:عاااارف ولكن راك مشفتيش الحالة لي وصلات ليها الواليدة عقلي تبلوكا ونتا عارف معزتك عندي نتا وياها و ميساء راها مرتي عمري نفرط فيها وعمري فكرت نفررط فيهاا ولكن السخط صعيب الواليد خاصك تعدرني ماشي لخاطري ختا يت دااك الحل ...الحاج(بقا ساكت كيشوف فيه عثمان هو الابن الاكبر عندو معزة خاصة خصوصا انه موضي بزااف وعمرو خصر لمو و باه بالعكس ديما رضاتهم من اولوياتو واخا كيتعصب كيحاول يهدن راسو باش ميخسرهمش ولا يقولهم شي كلمة تجرحهم اكيد هادي تربية يديه هو لي رباه على الدين الصحيح و طاعة الوالدين عمرو دار شي.حاجة خايبة ولا فكر يديرها رجولتو مع الناس حاجة ولكن قدام والديه كيبقى الابن البار لي كيسمع كلامهم وينفدو بدون نقاش فما بالك الا تخط قدام رضاهم و سخطهم اكيد مغيفكرش جوج مرات انه يخسر واحد منهم لذالك اختار حل وسط واخا كيدفع الثمن ديالو دابا ببعدانو على مرتو ولكن عندو امل ان امورهم غتصلح مدام ربي جعلها من نصيبو الا وغادي يرجع يجمع بيناتهم هي مسألة وقت لا غير):واخا سير دابا من بعد ونهضرو ...ضار عثمان باش يخرج يالاه حل الباب وحنا نلقاو عمي عبد الرحمان واقف تما اكيد سمع كلشي شفت فعثمان لي بانليا زاد تعصب والواليد لي حدر راسو كأنه حشم منو ...عبد الرحمان:هدشي كلو واقع ...عثمان(مسح على شعرو مرجعو لور):عمي شوف لي قلتيها عندك الحق ولكن كنقسمليك انني كنبغي بنتك وعمري فكرت نآديها ولا نضرها وهدشي لي درت ...عبد الرحمان(قاطعتو):عارف اولدي و عادرك تا واحد فهاد الدنيا مغيخنار سخط والديه وانا نهار عطيتك بنتي عطيتهالك حيت عارفك راجل ماشي غيرحيت ولد صاحبي لا الاخلاق هي كلشي اولدي ولي كيحتارم والديه ويديرلهم قيمة قدام نفسو قبل من الناس اكيد غيدير الخير فمرتو ويصونها سمعني ميساء انا لنهضر معاها اليوم غتمشي معانا وغدا كنواعدك نرجعليك مراتك ...عثمان(بفرحة):و اخيرا ...الحاج:سمحليا اخويا بنتك فمدة قصيرة تعدبات بسباب ولدي خوات البلاد هي كاع وهي واحلة فروحها .. عبد الرحمان:مطلبش مني السماحة الحاج انا وياك خوت وولادي ولادك وولادك ولادي ولدك غلط وندم ومزيان ملي دازو من هدشي هدا اكيد ابتلاء من الله عز وجل باش يعرفو بقيمة بعضياتهم ويتعلمو النقة و الصراحة فهاد العلاقة الزواج اولدي راه مافيهش التخبية النهار لول قتليك اي مشكل كان عندكم جلسو فوق الطبلة وحطوه غيعلا صوتكم وغتختالفو ولكن فآخر المطاف غتلقاو حل متافقين عليه بجوج نتمنى هدشي ميتكررش حيت مرة خرا مغنفرضش عليها ترجع ليك و الانسان كيتعلم من الخطأ ديالو مرة وحدة ...عثمان:اكيد عمرو يتكرر غير هي ترجع ...عبد الرحمان:ههه خليها عليا اوا يالاه نهبطو راه العشا واجد ....الحديث لي داز كلو وانا ساكت باش منسمعش شي كلمة من الواليد عارف راسي انا مول الفكرة ولكن هدشي لي جاني ديك اللحظة و آخر مرة نحاول نفكر😂هبطنا لتحت لقيناهم ضايرين بالطبلة جلست حدا الدبة ديالي لي مكتساين حد بدينا كناكلو وانا كنشوف الواليد كيتجاهل كلام الواليدة بففف مشكل جديد اكيد مغيفوتهاش ليها تا هي نوبتها باقا جاية ...كملنا العشا فجو زوين ناضو جمعو الطبلة اكيد دوك جوجات ماشي معاهم الخير لي دارو فينا هو سكاتهم ديما فحضور الحاج مكيقدروش يديرو دكشي لي كيديرو فغيابو ...عبد الرحمان(وقف):سيادنا السلام و عليكم والله اخلف عليكم ...الحاج:كون غير بتو معانا ...عبد الرحمان:هه توحشت داري اسيدي بغيت نمشي نعس ففراشي ...الحاج:ههه على راحتك غدا نساينك فالمحال ...عبد الرحمان:ان شاء الله ...تسالمو ودعناهم وانا شاد فليفلة لي قاتلك باغا تمشي معاهم غير مشا و تبعهم عثمان تا هو مشا لدارو ...غيثة(كنتغبن بغت نمشي معاهم يالاه جيت نهضر):ع ...عماد(حمر فيها):شششت...#
 #ميساء:من بعد ما خرجنا من عندهم كنا عوالين نشدو طاكسي ولكن عثمان خرج ورانا ديك الساعة واصر علينا باش يوصلنا هو ركبت انا وماما لور و بابا حداه الطريق كاملة وهو حاضيني من المراية فينما تجي عيني فعينو كنخنزر فيه واخا توحشتو وعاد كان لابس مزيان وقاد اللحية ديالو كيف كتعجبني ولابس قميجة بيضة مطلعها من جيهة الكمام وحال الصدايف لولين جهة صدرو و خاشيها فالسروال كيعجبني عليه هاد الستيل افف باغا نسامحو ومباغاش بغيتو يتربي ونعلمو كيفاش يتزوج عليا اععع كنتفكرها كنبغي نطرطق...وانا مع افكاري حسيت بالطموبيل وقفات نزلنا ونزل معانا انا كان عندي الساروت مشيت بلا كلمة بلا جوج حليت الباب وطلعت ...عبد الرحمان(شفتها طلعات بلا متهضر معاه وهو حاضيها):صبر شوية ...عثمان:مبقيتش قادر برودها كيقتلني مكنبغيهاش تجاهلني ...عبد الرحمان:خاصك تفهمها دكشي لي درتي صعيب عليها والحمل زاد كمل ...عثمان(بتنهيدة):الله يصاوب ...عبد الرحمان:امين ...عثمان(مشيت جبدت الباليزة ديالو من الكوفر دخلتها لداخل وودعتهم):تصبحو على خير ...عبد الرحمان و رحمة:ونتا بخير ...عبد الرحمان:اتكون نعسات تال،غدا ونهضر معاها ...رحمة:احم واش عرفتي شنو طرا ...عبد الرحمان:ايه عرفت كلشي سمعت الحاج كيلومهم فاش طلعت عندهم قبيلة وواعدتو باش غدا ميساء ترجع لدارها ...رحمة:البنت راسها قاسح الحاج ...عبد الرحمان:اكون خير يالاه نعسو راني عييت بالطريق ...ميساء:دخلت لبيتي مشعلتش الضو بقيت كنطل من السرجم شفتو كيهضر هو وبابا مسمعتش شنو قالو حيت السرجم مسدود بقيت حاضياه تا مشا تنهدت حاسة براسي هازة جبل فوق كتافي مشيت بدلت حويجي لبست بيجامتي وتخشيت ففراشي وقادم عينيا غير نظراتو ليا بقيت هكاك حتى داني النعاس ...//#فدار_الحاج ...الحاج(بالغوات):عاااجبك الحاال دابا دوي ...فاطنة(كتبكي):مكنتش باغا هدشي يوقع اهئ اهئ ...الحاج:لااااا الالة كنتي بااغا حيت خيرتي ولدك بين السخط ر الرضاااا واش عمرنا وصلنا مع ولادنا لهدشي ا فاطنة ...عماد:الواليد دابا لي وقع وقع ...الحاج:نتاااا سكتتت اصلا نتا مول الافكاار العوجيين فعوض متقولو صاارح مرتك اقتارحتي عليه باش تخبيو ...غيثة:اه اعمي مقالولنا والو ختي مسكينة بكات بزااف وحتى انا ...عماد(كيتحلف عليها):غير بلاتي نتي ...الحاج:سمعي ا فاطنة ملي وليتي تفرقي شمل ولادك وتبعي ري ختك رااك خرحتي على شوري انا مشيت وبالي هاني عاافك مولات العقل كتبغي ولادك يبقاو مجموعين والبنات بنات الناس مااشي ديال اللعب باش تلوحي البنت جنب وتقولي للولد تزوج وهديك لي مزوج بيهااا شنو لاااا وفوق هدشي كااامل مراضياش بأمر الله هاياااا دابا حاااملة وربي غيرزقهم الذرية شنو استافدتي .. فاطنة:غير س ...الحاج:كلمة وحدة غنقولها صباح غير طلع الشمش تجمعي حويجك وتمشي مع ختك وبنتها(ضار عندهم)ونتوما آآآخر مرة تعتبو باااااب هااد الدااار السلام وعليكم.... 
غيثة:دخل،عمي لبيتو وخلانا مصدومين خصوصا خالتي لي بقات مصمرة بلاصتها ولخرينات غير كيضورو فعينيهم ..بدات خالتي تتبكي وتضرب فراسها وتلوم راسها ...خديجة:وا صافي مديريش فراسك هاد الحالة ماشي نتي اول وحدة ولا آخر وحدة يسيفطها راجلها بحالها ...فاطنة(بالغوات):نتي السباااااب نتيييي لي بقيتي كتعمريليا رااااسي يا السااامة دعيييتك الله...الله يااااخد فيك الحق بسبابك شتت شمل ولدي وشتت شملي الله ياخد فيك الحق اهئ اهئ ...عماد(مشيت عندها عنقتها كنحاول نهديها وهي كضرب راسها خفت عليها بزااف):ششت الواليدة تهدني الله اخليك ...غيثة(خلعاتني حالتها ومبغيتهاش توصل،لهدشي بديت تنبكي وانا كنشوفها هكاك):اهئ اهئ خالتي متبكيش عافاك ...فاطنة(تقطعات فيها النفس):ا..نا...الس..با..ب ...عماد(بالغوات):مي شوفي فيااااا،غيثااااا الدوااا جيبي دواها ...مشيت كنجري دخلت للكوزينة جبدت الدوا وعمرت كاس دالما ديتو ليها وانا،كنترعد نصو تخوا فالطريق خطفو مني عماد جلسنا معاها فالارض من بعد ما ترخات وجلسات كتشد فعنقها وتحاول تنفس شربها عماد الدوا بزز وعنقها وتيقرا عليها القرآن حتى ترخات بحكم الدوا لي كتشرب كينعسها بقينا معاها تا تقادليها التنفس ديالها وهزها عماد طلعها لبيتنا وحطها فوق الناموسية حيدتليها زيفها وغطيتها شفت فعماد كان جالس مقابل معاها وشاد راسو ووجهو حمر وصدرو طالع نازل قربت ليه وجلست على ركابي مقابلة معاه هزيت ليه راسو لقيت عينيه حمررررررين لدرجة شدني الخوف منو حتى من عروق جبينو بارزين هزيت يدي دوزتها على وجهو ...غيثة:غتولي مزيانة تهدن ...عماد:شفتي هااد الحالة هي لي كانت فيها تا خدينا داك القرار وااش شفتي داباا على عينيك للمرة الثانية كنا،غنخسروها ...غيثة:اهئ حبيبي تهدن عافاك دابا هي مزيانة ...عماد(عنقتها وجلستها حدايا):انا مهدن بالحق مغنتهدن تا نخرج دوك جوجااات من هناا ...غيثة:خليهم تاال صباح ا عماد 3 د الصباح هادي فين ايمشيو ...عماد(بعصبية):بربيي لاباتوها هنا هاد الليلة ...ناض صاعر خرج من البيت وانا تابعاه وشادة كرشي بزز كنتمشى هبطنا لتحت مبانوشلينا قالصالون مشا نيشان للبيت فين كينعسو دفعو بجهد دخلنا لقينا،غير يدينا و الريح اويلي هادو واش مشاو وانا لي قلت الليل عليهم ...عماد:هربوووو شفتيييهم شفتيييي كيمشاو خلات ختها مليوحة ومشااات ...غيثة:صافي ا عماد الله اخليك(حسيت بوجع فكرشي وشديت فيها وتحنيت شادة فركابي)افففف ...عماد(بخوف):غيثااا مالك تا نتي مااااال جدكممم باغييين تحمقووني هاد النهااار(هزيتها طلعتها لفوق حطيتها فالصالون ومشيت جبتليها تا هي دواها):شدي شربي دوااك وتهدني متعصبيش رااسك ...غيثة:متعصبش نتا انا غنكون مزيانة ا عماد كتخلعني فاش كتبدا تغوت ...عماد(زفر):انا مهدن مهدن غير ارتاحي نتي ...غيثة(كحازيت باش يجي حدايا):اجي حدايا ...عماد:البلاصة صغيرة بلا منضايقك ...غيثة:وا آجي ولا مغنعسش خلي خالتي تنعس فبيتنا صباح ونهضرو مع عمي(تخشا حدايا بلا ميجاوبني عنقني وانا حاطة راسي على صدرو تا،داني النعاس) ...#اصبح_الصبح_والملك_لله..فقت من النعاس انا لولة نضت من حدا عماد بشوية ومشيت نطل على خلتي لقيت بلاصتها خاوية هبطت لتحت نشوفها قلبت الدار كاملة ملقيتهاش تا من بيت النعاس ديالها طلعت بجرا عند عماد ...غيثة:عماااد نووض نوووض خالتي مكايناش فالداار ...عماد(ناض قافز):كيفاااش مكايناش .. يتبع في الحلقة الأخيرة ..
ملاحظة : لكل من واجهته مشكلة عبر التطبيق ولكل استفسراتكم وتعليقاتكم المرجوا التواصل معنا عبر الواتساب :
212651371981+

ولا تبخلو علينا بتقييم التطبيق بخمسة نجمات ☆☆☆☆☆ عبر بلاي ستور والتعليق عليه لنطور التطبيق اكثر.
زوجي الملتحي (الجزء الرابع والاخير) | قصص رومانسية بالدرجة المغربية

.عماد:كيفاش مكايناش فين مشااات ...غيثة:معرفتش قلبت عليها ملقيتهاش ...ناض عماد عبط يتأكد وانا طلعت للسطح نسيت مشفت فيه ولكن مكانتش هبطت لقيتو طالع عندي ...غيثة:تا هنا مكايناش ا عماد ...عماد:مشكلة هادي غنعيط لعثمان تقدر تكون مشات عندو(جبدت تيليفوني ودوزت نمرتو شحال عاد جاوبني)الوو عثمان ...عثمان(بصوت تقيل):شنو بغيتي من الصباح ...عماد:بفف عثمان ركز معايت واش الواليدة عندك جات عندك هاد الصباح ...عثمان(قفز من بلاصتو):لا مجاتش متقوليش دكشي لي فبالي وقع ...عماد؛اه جرا عليها البارح ...عثمان(بعصبية):كيفاااش جرااا عليهااا رااه هضرت معاه زعما قطع قطع انا جاي ...عماد(قطعت):مكايناش عندو ...غيثة:فين غتكون مشات دابا اكيد مغتمشيش عند خديجة من بعد ما خلاوها هنا ...عماد:معررفتشمعرفتش عمرها خرجات بلا خبارنا ومكتعرف حد هنا فين غتمشي فييييييين ...غيثة:حبيبي تهدن عافاك ...عماد:سيري فطري نتي باش تشربي دواك يجي عثمان ونخرجو نقلبو عليها ...غيثة:لا ما فيا لي ياكل ...عماد(بالغوات):غيثاااا متصعرينييش وسيري كولي باااش تشربي دواك تحرررركي ...مزدتش معاه الهضرة ملي كيتعصب كيتسيف هبطت لتحت دخلت للكوزينة هزيت شي تخربيق كليتو بزز باش منشربش الدوا ومعدتي خاوية كملت وبقيت جالسة تا سمعت باب الدار تحل نضت بزربة لقيتو عثمان ...عثمان:مرجعاتش ...غيثة:لا كنا ناعسين فاش خرجات محسيناش بيها ...عماد(هبطت عندهم):عثمان فين غنقلبو عليها ...عثمان:معرفتش ولكن غنقلبو فينما كان نشوفو جيران تقدر تكون غير عند شي وحدة فيهم ...غيثة:انا نمشي نشوف ...عماد:واخا سيري ...خرجت من الدار مشيت كندق على جيران لي كتجمع معاهم ونسولهم عليها ولكن مكاينة عند تا واحد رجعت للدار لقيتهم فين خليتهم ...غيثة(بأسف):مكاينة عند تا واحد فيهم وتا حد مشافها(سكت وتفكرت دارنا)اه زعمااا تكون مشاات عندنا لدارنا ...عثمان:كيفااشنسيت دار عمي انا غنمشي نشوف ...عماد:تسنى نمشي معاك ...عثمان:معندناش الوقت انا نشوف ونرد عليك ...عماد:واخا ...غيثة؛يا ربي تكون تما ...عماد:غنطلع ندوش ونبدل حويجي الا عيط جاوبيه ...طلع عماد وبقيت انا غادا جاية فالدار وكنطلب الله تكون عندنا ...#عثمان:وصلت لدار عمي حطيت الطموبيل وخرجت كنصوني وندق تا حلات ميساء الباب ...ميساء:مالك شنو واقع غتهرس علينا الباب ...عثمان:ميسااء الواليدة كاينة عندكم ؟ ...ميساء(باستغراب):خالتي فاطنة!!لا مكايناش ...عثمان(مسح على وجهو عطاها بالضهر وهو كيشوف يمين وشمال) ...ميساء:عثمان شنو واقع فين مشات خالتي ...عثمان:تناقشات هر و الواليد البارح بسباب موضوعنا وجرا عليها واليوم صباح هزات راسها ومشات بلا ميشوفها شي حد ...عبد الرحمان(خرجت عندهم):ولدي عثمان مالك واقف هنا دخل ...عثمان:من بعد ا عمي دابا زربان ميساء عافاك الا جات علميني ...ميساء:واخا وحتى نتا رد عليا باش ما كان و رد بالك فالطريق ا عثمان غير بشوية ...عثمان(بابتسامة باهتة):واخا ...مشا عثمان بقيت واقفة كنشوف فيه سديت البابو بابا مفاهم والو ...ميساء:خالتي فاطنة تناقشات هي و عمي وجرا عليها ...عبد الرحمان:لا حول ولا قوة الا بالله اكيد بسباب موضوعكم ...ميساء:كيفاش ...عبد الرحمان:اجي تبعيني بغيت نهضر معاك.
دخلت ورا بابا اكيد ماما عاوداتليه كلشي ...عبد الرحمان:بنتي انا عرفت لي وقع ونتي راك كبرتي الموضوع ...ميساء:كبرت الموضوع!!بابا نتا ...عبد الرحمان:بنتي سمعيني غنسولك و جاوبيني ...ميساء:واخا ...عبد الرحمان:واش عمر راجلك ضربك ...ميساء(باستغراب):لا! ...عبد الرحمان؛واش عمرو هانكو عاملك معاملة خلاك تندمي حيت قبلتي تزوجي بيه ...ميساء:لا ...عبد الرحمان:واش نتي مكنتيش مرتاحة فدارك و مع راجلك ...ميساء:لا ا بابا بالعكس كنت مرتاحة بزاف عثمان كيعاملني مزيان وعمرو قلقني وحتىالا قلقني مكيرتاح حتى كراضيني(ترسمات ابتسامة على شفايفي بدون شعور بقيت ساهية وانا كنتفكر كل لحظة ليا معاه) ...عبد الرحمان:و هدشي ميشفعليهش عندك باش تسامحيه على الخطأ ديالو لي كان اول خطأ و غيكون آخر واحد؟! ...ميساء:الصمت ...عبد الرحمان:ميساء نتي كبيرة وقادرة تميزي بين الخطأ و الصواب ونتي عارفة مزيان بلي الانسان ممعصومش من الخطأ نتي براسك ممكن تغلطي فحقو وتحطي فبلاصتو شنو كنتي غديري كيفاش كنتي غتفكري وهو واخد منك موقف ومباغيش اسامحك،كنتي غتقولي هو اصلا مبقاش باغيك وتخلا على علاقتكم وعليك ...ميساء:ولكن ا بابا انا عمريندير خطأ بحال هدا ...عبد الرحمان:باش عرفتي؟واش كتعلمي الغيب؟راه تا هو كان كيفول عمرو يدير شي حاجة بحال هاكا ولكن الظرف لي تحط قيه خلاه ياخد قرار شافو مناسب ليه ولي دايرين بيه اولهم مو و الام ابنتي تجي قبل متك ورضاها قبل رضاك خاصك تكوني متفهماه وتوقفي جنبو حيت هو مفرطش فيك الذنب لي دار انه خبا ولكن كان ناوي انه يخبرك ...ميساء:الصمت ...عبد الرحمان:خاصك ترطعي لدارك وراجلك وتخلي شملكم مجموع وعلاقتكم قوية مضمرهاش مشكلة بحال هادي و اكيد هاد الخطأ مغيتكررش هو تعلم منو وحتى نتي حيت واحد النهار غتحطي فموقف تحيري واش تقوليلو شنو كاين ولا تخبي عندك وتقلبي على حل راسك وكنضن من بعد هدشي مغتحاوليش تفكري مجرد تفكير انك تخبي شي حاجة عليه وفوق هدشي كاامل نتي غتولي ام مسؤوليتك غضاعف غتحتاجي راجلك يكون بجنبك كيفما هو محتاجك فهاد اللحظة تكوني بجنبو حتى يلقى مو ...ميساء:كلامك كلو معقول ا بابا انا مغنضيعش زواجي على خطأ دارو و اعترف بيه و اعتادر ...عبد الرحمان:دابا نتي بنتي العاقلة الله ارضي عليك ...ميساء:بابا انا غنمشي عند ختي تقدر خالتي ترجع ...عبد الرحمان:واخا لبسي و يالاه نوصلك انا غنمشي نشوف الحاج ...ميساء:واخا مغنتعطلش(خرجت لقيت ماما حدا الباب عنقتها وطلعت لبيتي) ...رحمة(دخلت عندو):نتا لي كتعرف ليهم ...عبد الرحمان:الله اهديهم ...رحمة:اميين ...ميساء(هبطت عندهم):بابا يالاه ...عبد الرحمان(وقف):يابسم الله توكلنا على الله.
#عثمان:من بعد ما تحركت من عند ميساء لقيت حل واحد هو يوسف مشيت عندو و طلبت المساعدة ديالو ديك الساعة عطا الاوامر باش يقلبو عليها من بعد معطيتو تصويرتها وزعها عليهم بقيت جالس معاه وانا على اعصابي فين غتمشي و عندمن والمشكل هي مريضة ممكن تجيها الحالة وطيح فالزنقة واش غيعتقوها ولا غيخليوها مرمية..بقيت جالس وانا كندعي فنفسي ربي يحميها وميوقعليها والو 📲📲📲📲هزيت تيليفوني لقيتها ميساء جاوبت بزربة ...عثمان:واش رجعات ...ميساء:احم لا غير عيطت نسولك واش كاين شي جديد ...عثمان(بتنهيدة):لا مزال مكاين والو ...ميساء؛ان شاء الله غنلقاوها غير حاول تهدن راسك ومتعصبش ...عثمان؛كنحاولولكن فاش كنتفكر بلي مريضة كن(سكت)بففف ...ميساء(بعد صمت):حبيبي ...عثمان(مصدوم كنحاول نستوعب واش سمعت مزيان ولالا):احم شنو قلتي ...ميساء:حبيبي و حياتي و روحي انا معاك و غنبقا ديما معاك بغيتك نبقى مهدن ومتعصبش و ان شاء الله غنلقاوها انا متأكدة ...الشرطي(دخل عندنا):سيدي لقيناها ...عثمان(بفرحة):بصاح فين هي ...الشرطي:كاينة ف المحطة الطرقية حنا غنمشيو نجيبوها دابا ...يوسف:حنا غنجيو معاكم عثمان يالاه ...عثمان:اه يالاه(رجعت هضرت مع ميساء)حبيبتي لقيناها كنموت عليك ...ميساء(بفرحة):انا كثر غتلقاني فاداركم متعطلوش ...عثمان:واخا علمي عماد واخا ...ميساء:اكيد بسلامة ...قطعت مع ميساء وخرجت معاهم توجهنا للمحطة وصلنا من بعد مدة قصيرة حيت مبعيداش على الكوميسارية غير وصلنا هبطت بزربة كنقلب فكل بلاصة دخلت لداخل كنشوف تا بانتليا جالسة فوق واحد الكرسي وكتشوف فاتجاه واحد و ساهية تقدمت عندها بخطوات تقال تا وقفت قدامها وهي مزال ساهية جلست قفاوي مقابل معاها وشديت يدها بستها هزات عينيها فيا وهوما عامرين دموع وهدشي لي مكنبغيش مكنبغيهاش تقلق ولا تبكي قيمتها كبيرة عندي بزااف وكنخاف عليها بزاف ...عثمان:فين باغا تمشي و تخلينا ...فاطنة:مبقات عندي بلاصة بيناتكم اولدي كبرت وليت نخرف اهئ فرفتك على مرتك تبعت الشيطان ...عثمان:هدشي مكتاب علينا نعيشوه ...فاطنة:اهئ اهئ لا اولدي انا لي اهئ انا لي فرقتكم باك عندو الحق يجري عليا نيت مبقاش عندي الوجه لي نشوف فيكم بيه اهئ(حطات يديها على وجها وهي تتبكي وتنخصص) ...عثمان(عنقها):شششت الله اهديك الواليدة سكتي ...فاطنة:اهئ اهئ غير سير اولدي سير نتا ورجع مرتك متفرطش فيها راها بنت الناس الله اسمحليا منها ومنكم ...عثمان(باسليها راسها):مغنفرط لا فيك و لا فيها ودابا نوضي ترجعي لدارك ...فاطنة:لا اولدي اهئ مغنرجعش باك جرا عليا وانا نستاهل اهئ انا لي درتها لراسي ...عثمان:الواليد غير كان معصب ويلا مبغيتيش ترجعي لتم يالاه معايا لداري ولا تا دار ولدك لا ...فاطنة:اهئ اهئ ...وقفت ووقفتها معايا وهي غير تتبكي درت اشارة ليوسف لي بقا غادي معايا ركبتها فالطموبيل وضرت عندو شكرتو وطلعت مشيت نيشان لداري طلعنا دخلتها للبيت تكات خليتها وخرجت عيطت لعماد علمتو بلي جبتها لداري وقتلو باش يجي و يجيب معاه ميساء....
#ميساء:اففف تعطلو بزااف ...غيثة:دابا يجيو الحمد لله غير ملي لقاوها عرفتي كنت خايفة عليها بزاف خصوصا فاش شفت حالتها البارح ...ميساء:الحمد لله،الله اشافيها ...عماد(جيت للدار من بعد ما عيطليا عثمان دخلت لقيت البنات مجمعين):السلام ...البنات:وعليكم السلام ...غيثة:فين عثمان واش مزال مغيجي تعطلو ...عماد:حنا لي غنمشيو عندو راه الواليدة عندكم فالدار(وجهت كلامي لميساء)عيطليا عثمان باش نجي نديك ...غيثة:تا انا غنمشي ...عماد:يالاه نوضي لبسي حوايجك وسربي ...غيثة:واخا ...طلعات غيثة و بقيت جالسة انا و عماد مزال لحد الآن مهضرنا انا وياه من داك المشكل شي لي خلاه جالس قدامي باغي يهضر تا كيبغي ينطق ويرجع يسكت ...ميساء:عماد الا عندك شي حاجة باغي تقولها قولها ...عماد:احم ختي ميساء شوفي والله تا حشمان منك ولكن خاصك تفهميني و ...ميساء(قاطعتو):هدشي فات ا عماد ومن الاحسن نسدوه حيت محدك كتفتحو نتا وغيرك انا كنتخربق فراسي من الاحسن تسدو وانا عثمان سامحتو واخا خاطري مزال مصفاش من جيهتو ولكن غنحاول نبزز على راسي نسى او نتناسى لي وقع ...عماد:يعني؟مزال مغترجعي لدارك؟! ...ميساء:اه غنرجع ولكن ماشي على قبل عثمان(حطيت يدي على كرشي)انما على قبل ولدي دكشي لي دار عثمان خاصو وقت كتر باش نتخطاه انا اليوم بديت بالخطوة لولة فالمحاولة وان شاء الله غنكمل حتى ترجع الامورميف كانت بيني وبيني ...عماد:ان شاء الله اكيد كلشي غيتصلح عثمان كيبغيك بزااف ودابا ملي غترجعي ليه كلشي غيبدا يتقاد بشوية بشوية و يرجع لخدمتو لي هملها هاد المدة ...ميساء:ان شاء الله ...غيثة(دخلت عليهم من بعد مسمعت كلامهم حيت كنت كنتصنت خخخ):انا واجدة ...عماد(وقف):يالاه ...خرجنا مع عماد غيثة ركبات حداهوانا طلعت لور حطيت راسي على الزاجة وكنطلب من الله يصبرني ويقويني باش نتخطى المشكل ونكمل حياتيمع عثمان وولدي ومتعقدش الامور واخا حاسة بلي القضية مزال مسالات ونهيلة مزال غتبان فحياتي مرة خرا ولكن انا مغنخليهاش دمرليا حياتي...وانا مع افكاري حسيت بالطموبيل وقفات هزير راسي على الزاجة كنا قدام العمارة الله شحال توحشت داري الصراحة ودوك الايام لي دوزت مع عثمان كنت عايشة مرتاحة بزااف ...عماد:يالاه ا ميساء ...ميساء:واخا ...نزلت وانا حاسة بقلبي كيضرب بجهد شفت فغيثة لى كانت سبقاتني و نزلات مشيت عندها وعماد ورانا طلعنا للدار صونا عماد تا حل عثمان بقيت كنشوف فيه كيبان عيان وعينيه غالب عليهم النعاس سلمو عليه ودخلو وانا كنفكر واش ندخل ولا لا تا هضر ...عثمان:غتبقاي واقفة ولا كتسناينعرض عليك دخلي لدارك ...تخطيتو ودخلت وهو سد الباب وتبعني دخلنا للصالون جلست حدا غيثة وهو جلس مقابل معايا ...عماد:عثمان فيناهيا عثمان(جاوبو وعينيه عليا):ناعسة خليها ترتاح شوية ونفيقها باش تاكل وتشرب دواها .. عماد:واخا ...غيثة:فين كانت ...عثمان:فمحطة الكيران ...عماد(باستغراب):الكيران!!فين كانت باغا تمشي ...عثمان:معرفتش تا هي مكانت عارفة فين تمشي كانت جالسة وصافي ...ميساء:الحمد لله على سلامتها ...عثمان(بابتسامة):الله اسلمك وتانتي على سلامتك ومرحبا بيك فدارك توحشتك ...ميساء(حسيت بحناكي غيطرطقو اول مرة غيهضر معايا هاكا قدام شي واحد وخصوصا عماد واخا عماد جاتو عادي حيت مولف هاكا هو وغيثة ولكن انا لا دغيا نزلت عيني للارض وجاوبتو بصوت بزز باش سمعتو انا):شكرا ...غيثة:اممم ختي اش بانليك نوضو نوجدو الغدا ...ميساء:امم واخا ولكن ...عثمان:طلعي بدلي حويجك بعدا باش تبقاي مرتاحة ...ميساء:لا مكاين لاش ...غيثة:اشمن مكاين لاش كيغديري تحركي بديك جلابة سيري سيري بدلي وعطيني تا انا شي بيجامة نلبسها ...عماد:ههه كضربي على راسك ...غيثة:اكيد يالاه نتي(جريتها من يديها طلعنا للفوق كان كلشي باقي كيف خلاتو من آخر مرة حيت كانت بيجامتها فوق الناموسية بقات واقفة كتشوف وانا مشيت جبدتليا بيجامة طويلة واسعة شوية نازلة تال لتحت شفت فيها لقيتها باقا واقفة خليتها على خاطرها وهبطت لتحت غير شافني عثمام وهو يوقف) ...عثمان:فين ميساء ...غيثة:باقا فالبيت ...عثمان:احم انا غنشوفها ونجي ...غيثة:خود راحتك اخويا..
بقيت كنشوف فالبيت كيف خليتو مزال حتى من بيجامتي لي كنت لابسة نهار بغيت نمشي للصالون باقة هنا تا حاجة متبدلات بحالا مغبتش على الدار بمرة...نفضت الافكار من راسيومشيت للبلاكار جبدت بيجامة مستورة حيت كاين عماد يالاه خيدت الزيف على راسي تا حسيت بيدين على خصري ونفس كضرب فعنقي اكيد هو وشكون غيرو تعالات دقات قلبي وانا قريبة ليه من بعد مدة ديال البعد توحشتو توحشت كلشي فيه ...عثمان:توحشتك بزااف بزااف ا ميساء متبقايش تبعدي عليا الله اخليك ...ميساء:عثمان ...عثمان(دورني عندو ويديه مزالين على خصري وزاد قربني ليه كتر تا حطيت يدي على صدرو وعيني تالفين فوجهو من عينيه لشفايفو لعنقو لي عروقو بارزين واخا ممعصبش ولكن اكيد متوتر):حبيبة خلينا نساو لي فات عمري نغلط ولا نفكر نعيد نفس الخطأ كنواعدك اول مرة وآخر مرة حيت من هاد اللحظة مغنخليكش تبعدي عليا واخا نشدك بزز ونسد عليك غير متغيبيش على عيني ...ميساء:عثمان انا فعلا كنحاول نسا والا مكنتيش غتشوفني هنا واخا خاطري مزال مصفا من جيهتك وقلبي مزال كيضرني ملي كنتفكر انك مشيتي تزوجتي و ...عثمان(قاطعني بقبلة على شفايفي انساجمت فيها معاه بدون شعور حيت فعلا كنت موحشاه بقينا هكاك تا بعد على خاطرو وحط جبهتو على جبهتي):كنبغيك نتي روحي وحياتي هداك متعتابريهش زواج هداك اعتابريه صفقة كيف اعتابرتو انا صفقة حاولت نحل بيها مشكل باش منخسر تا واحد ولكن للاسف اول حاجة كنبغيك نتي ونتي لي اختاريت باش نكمل معاك حياتي وتكوني ام ولادي(حط يدو على كرشي)وهدشي كلو تحقق الحمد لله ومن هاد اللحظة غنبداو صفحة جديدة ...ميساء(ذايبة فيه وفصوتو وطريقة كلامو جاوبت بلا وعي)؛ان شاء الله احم ممكن تخليني دابا نبدل باش نزل ...عثمان(باسليا راسي):واخا احبيبة من بعد ونكملو هضرتنا(خرج بقيت متبعاه شحال وانا واقفة كي البهلة عاد ضرت بدلت حويجي ودرت زيفي وهبطت للكوزينة لقيت غيثة بادية التوجاد) ...///#عند_الحاج: ...الحاج:سمحليا تعطلت عليك عاد ساليت مع الكليان طالب سلعة كتيرة ديال التوب ...عبد الرحمان:الله ازيد الخير ...الحاج:اميين ...عبد الرحمان:اوا الحاج اش دكشي درتي ...الحاج(باستغراب):شنو درت؟! ...عبد الرحمان:نسيتي لالة فاطنة ...الحاج:وصلاتكالخبار دكشي والو قدام لي دارت ...عبد الرحمان:راك بعقلك الحاج ونتوما عشرة ديال سينين وولادكم رجال تبارك الله كيفاش جريتي عليها ...الحاج:ساعة غضب ولكن عارفها مغتمشيش غير بغيتها تحس بالذنب على شنو دارت ومتبقاش تابعة ختها وانا فالاصل جريت على ختها وهي جات فالطريق كنت معصب بزاف الحاج خليت الشمل مجموع وجيت بقيت كل واحد فجيه ...عبد الرحمان:وا سيدي مراتك راه هزات راسها صباح ومشات عثمان جا كيقلب عليها ...الحاج:كيفااش مشات زعما نيت مشات مع ختها ...عبد الرحمان:لا على حساب ما فهمت من غيثة بنتي صباح بلي هديجة وبنتها مشاو البارح فليل حيت سولت واش عيطوليها ....الحاج:ميمكنش فين غتمشي(جبدت تيليفوني دوزت نمرة عماد):الو ...عماد:نعام الواليد ....الحاج:فين مك واش لقيتوها انا عاد عرفت دابا ...عماد:اه لقيناها حنا دابا فدار عثمان ...الحاج؛الحمد لله واخا اولدي نسالي شي شغل ونجي عندكم ...عماد:واخا الله اعاونك ...الحاج:بسلامة ...عبد الرحمان:على سلامتها ...الحاج:الله اسلمك ...عبد الرحمان:مرة خرا تحكم فراسك ومتخرجش للعيب ونعل الشيطان ...الحاج:الله انعلو ويخزيه..
والله الشاف تا آخر مرة ...يوسف(ضرب فالبيرو بجهد):سكتناااا تالت مرة كتشد متلبس بنفس التهمة و بسبب شكوى من جيران كتخليو بلايص الخنز وتجيو توسخو ديور الناس لي عايشين مع ولادهم باش يشوفو مناضر بحالك(شفت فالمسخة لي معاه ملوية فملاية)اش قلت لمك نتي ديك المرة هايا جابوك رجليك تال عندي و بملايتك ...نهيلة(تتبكي):اهئ اهئ والله تا هو لي ضحك عليا ...:انا ال*** لا عنداك الشاف هي لي جات عندي البارح فالبار عطيتها الفلوس وجات معايا للدار ...يوسف(بالغوات):جمع راااسك الحيوان فين كتسحاب رااسك باش تهضر هاكا تفوو على ماركات سعييد سعيبيد ...سعيد(دخلت عندهم):وي الشاف ...يوسف:هبط هاد جوج لتحت ورجع عندي ...سعيد:واخا الشاف(جريتهم بجوج)تحركو ...نهيلة؛اهئ عافاك الشاف والله منبقا نعاود راه بنتي كتسناني ...يوسف:بنتك!!الله اعطيك العذاب هدشي غير والدة تفو تريكة *** دي عليا الزبل ...داهم سعيد وجبدت واحد الضوسي كنخدم فيه تا تحل الباب ...:الشاف واحد السيدة برا كتسول على بنتها ...يوسف:دخلهم ...مشا ورجع موراه مرا كبيرة ومعاها بنت شاداها من يديها كانت زوينة بزااف وفيها شبه من المرا لي معاها امكن بنتها ...المرا:السلام وعليكم ...يوسف:وعليكم السلام جلسو ...المرا:ولدي انا جيت نسول على بنتي اهئ قالوليا اليوم جبتوها هنا اهئ اهئ ...يوسف:كاينة هنا ؟!عارفين السبب ؟ ...البنت:معرفناش صاحبتها جات عندنا صباح قالت بلي جابوها لعندكم ...يوسف(كنشوف فيها كتهضر معصبة ومكتشوفش فيا لابسة جلابة حمرا وطالقة شعرها الكحل):امم واخا شنو سميتها ...المرا:نهيلة اولدي نهيلة المرواني ...يوسف(بصدمة)؛نهيلة!!احم واش هي بنتك ...المرا:اه اولدي واش كاينة هنا اهئ ريحني الله اريحك اولدي قوليا شنو دارت ...البنت؛اش غدير متلا راه مصايبها كتار اعلم الله شنو دارت ...المرا(بحدة):عليااااء مااشي وقت هاد الهضرة دابا ...#فدار_ميساء: ...غيثة:واش نفيقو خالتي دابا راه الغدا واجد من قبيلة ...عثمان:ميساء سيري فيقيها ...ميساء:انا!!اه واخا ...نضت من بلاصتي ومشيت باتجاه البيت لي هي فيه حليتو بشوية وطليت عليها لقيتها فايقة وجالسة ضارت شافت فيا وابتاسمات ليا ...فاطنة:ميساء ...ميساء(تقدمت جيهتها وجلت حداها):خالتي كيبقيتي شوية ...فاطنة(عنقاتني):الحمد لله ابنتي الحمد لله رجعتي لدارك ياك رجعتي لراجلك ...ميساء(بابتسامة):اه اخالتي رجعت...
فاطنة:مرحبا بيك ابنتي فرحتيني(جريتلها يديها باش نبوسها)سمحيليا الله ارضي عليك ...ميساء(هربت يدي بزربة):خالتي شنو كديري اويلي(عنقتها وبستليها راسها)انا ديك النهار قتليك مسامحاك حيت اصلا ممقلقاش منك نتي و آخر مرة طلبي مني السماحة ولا ديري بحال هاد الحركة حيت غنتقلق منك بصح نتي راك فمقام ماما ...فاطنة:ونتي بحال بنتي ربي شاهد عليا الشيطان الله انعلو ويخزيه خلاني ن ...ميساء(قاطعتها):لي فات مات حنا دابا غنبداو صفحة جديدة حنا وحفادك لي جايين فالطريق ...فاطنة(بفرحة):ان شاء الله ابنتي(حطيت يدي على كرشها)شحال عندك دابا ...ميساء:شهر ونص ...فاطنة:تبارك الله؛الله افكك على خير شنو كتشهاي ابنتي الا نفسك فشي حاجة قوليهاليا ...ميساء(بخجل):احم بصراحة دابا مشهية الرفيسة ولكن راه قلت لماما باش ديرهاليا ...فاطنة:ولاش مماك انا نديرهاليك بيدي ...ميساء:ربي يخليك ليا يالاه نوضي باش نتغداو راه الغدا واجد و عماد و غيثة برا ...فاطنة:واخا و الرفيسة غنديرهالك للعشا ...ميساء:واخا😍 ....///المرا(بحدة):علياااااء ماشي وقت هاد الهضرة دابا(ضرت عند الولد)ولدي الله ارضي عليك خليني نشوفها وقوليا شنو دارت علاش جبتوها عندكم ...يوسف(حشمت نقولها تهمة بنتها كتبان فيها مرا معقولة وماشي ديال هدشي بالحق ديك البرهوشة معرت لمن خرجات):احم ...علياء؛اخويا طلقنا خلاص نتخركو فحالاتنا من هنااا ...يوسف(خنزرت فيها باينة فيها قاسحة):بنتك الالة جبناها هنا بتهمة احم تهمة الدعارة ...علياء(بشهقة):اويلييي ...المرا(بصدمة):شنوو الد..دعارة قلتي لالا اولدي ميمكنش امكن كاين شي خطأ ...علياء(نضت وقفت حداها وشديتها من كتافها):ماما عافاك تهدني ونوضي يالاه نمشيو ...المرا(بالغوات):فيييين غنمشيييو فييين واااش حمااقيتي هديك راهااا ختك اكيد كااااين شي خطأ ميمكنش بنتي دير هدشي انا مربياكم ولدي الله ارضي عليك تأكد مزيان ...يوسف(بأسف):للاسف الحاجة انا متأكد وراه جابوها بملايتها ...المرا:بملايتها اهئ اهئ بغيت نشوفها بغيت نشوفها بعينيا .. يوسف:واخا..سعيييد ...سعيد:وي الشاف ...يوسف:جيب البنت لي هبطتيها دابا ...سعيد:واخا(مشيت جبت ديك البرهوشة طلعتها للمكتب ديال سي يوسف حليت الباب دخلتها)هايا سيدي ...يوسف:سير نتا ...نهيلة(شفت شكون كاين تصدمت آخر حاجة نتمناها هي ماما وختي يشوفوني فهاد الوضع):م--ا ما ...المرا(صرفقتها):آخر مرة تنطقي بيها اهئ ياك هادي هي الخدمة ابنت الحرام هي هادي ياك اهئ كون غير مت مع باك ومنشوفش هاد الشوهة اهئ اهئ سيري الله ياخد فيك الحق نساي واش عندك شي ام ولا اخت ومن الاحسن تنساي تا بنتك وخليها تربى بعيد عليك اهئ ...علياء(مشيت عنقت ماما وانا كنشوف فيها):من ديما وانا كنشمأز من راسي حيت عندي اخت بحالك كنت شاكة ولكن دابا(طلعت فيها وهبطت)شكي تأكد نساينا وعمرك تورينا وجهك يالاه ا ماما ...يوسف(عيطت لسعيد جا دا نهيلة وهي ساكتة ومصدومة ما نطقات بحتى حرف من غير دموعها لي نازلين على خدها رجعها منين جات وانا متبع بعيني علياء و مها حتى بانتليا المرا طاحت للارض):الحاجة ...علياء:ماماااا اهئ اهئ....
يوسف:تهدني غنديوها للسبيطار ...علياء:اه اهئ عافاك دغيا ...يوسف(حاولت نجر السيدة بمساعدة شي دراري خدامين معايا خرجناها حطيناها فالطموبيل وعلياء ركبات حداها الطريق كاملة وهي تتبكي وانا حاضيها من المراية تا وصلنا للسبيطار نزلت انا لول وعيطت لشي واحد يعاوني خرجناها وحطوها فالباياص دخلوها لداخل وحنا موراهم تا دخلوها لواحد البيت وسدو الباب بقيت واقف وكنشوف فعليا غادا جاية ...يوسف؛غتكون مزيانة متخافيش ...علياء:اهئ اهئ ان شاء الله هي لي بقاتليا مباغاش نخسرها اهئ غنموت الا وقعاتليها شي حاجة اهئ اهئ ...يوسف:اكيد مغيوقع ليها والو متخافيش جلسي ارتاحي ...علياء:لالا مبغيتش منرتاح تا نشوفها و ...الطبيب(قاطعنا):نتوما لي جيتو مع السيدة ...علياء(بخوف):اه اه ماما هديك شنو عندها واش فاقت ...الطبيب:اه هي دابا مزيانة جاها انهيار عصبي نتيجة شي صدمة مقدراتش تحملها عطيناهت مهدئ شوية تفيق وغتكون مزيانة من غير هدشي معندها حتى حاجة خطيرة كلشي مزيان كيلزمها غير الراحة ومتعصبش باش مترجعش ليها الحالة ...علياء:اففف الحمد لله يا ربي ...يوسف:الحمد لله ...مشا الطبيب وجات عندنا الممرضة:ممكن واحد فيكم يجي معايا باش نخلصو الاجراءات ...يوسف:انا نجي امم ممكن تقوليلي اسم الحاجة ...علياء:معليش انا نمشي خليك نتا ...يوسف:لاا سولتك جاوبيني ...علياء(خنزرات فيه):زينب المرابط هدا غنعتابرو دين ...يوسف:شغلك هداك(مشيت مع الممرضة وخليتها تم) ...علياء:يخخخ شحال حاس براسو هاد الزمر ...///#فدار_ميساء: ...فاطنة:الحمد لله؛الله اعطيكم الصحة ...ميساء:مكليتي والو ...فاطنة:كليييت ابنتي مبقا عندي فين نزيد الله اخلف ...غيثة(كنهضر وفمي عامر):بصحتك اخالتي ...عماد:سرطي عاد دوي المصيبة غتجيفي ...غيثة:وااع مشغلكش ...فاطنة:هه خليها على راحتها ...عثمان(كياكل وممديهاش فيهم):الصمت ...غيثة:واراه ماشي غير انا شوفو عثمان كيتسابق معايا ...عثمان(بابتسامة):راه من شحال مكليت هاكا(شفت فميساء)مكانتش عندي الشهية دابا عاد تحلات ...فاطنة:بصحتك اولدي الله اخليكم لبعضياتكم ...الكل:اميين ...فاطنة:فليل انديرليكم الرفيسة للعشا بنتي ميساء تشهاتها ...غيثة:😍اواااه تا انا تشهيتهااا اليوم انبات عندكم ...عماد:الزمر لا معامن تشاورتي ...فاطنة:هاوما غيبداو جلسو تا تعشاو عاد سيرو .. عثمان:اه و غنعيط للواليد و عمي عبد الرحمان يجيو ويجيبو معاهم خالتي رحمة ياك الواليدة ...فاطنة:مرحبا بيهم دارك هادي اولدي دير لي بغيتي ...ميساء:ودارك حتى نتي ا خالتي ...فاطنة:الله اكبر بيك ابنتس انا غنوض نشرب دوايا ونتكا شوية ...ميساء:واخا انا نجمع الطبلة ...غيثة:بلاتي باقا مكملت ماكلتي ...عماد:يا ربي السلامة اجي دابا ا ميساء ختك عندها 5 شهور ونتي ...ميساء(بابتسامة)؛شهر و نص هه ...عماد:وااع اذا ولدي غيكون هو الكبير ونتوما غتكون عندكم بنيتة غنزوجوهم لبعضياتهم ....غيثة:ا ربي لما سكت ونتا حاضي غير زوج طلق كون خدمتي عدول حسن ...ميساء(جمعات الضحكة):احم انا نسبقك تا تكملي ...غيثة:عجبك الحال دابا ...عماد:انا ولا نتي ....عثمان:ششششتبراااكة واش مكتقاداوش(خليتهم جالسين وتبعت ميساء للكوزينة دخلت لقيتها واقفة قدام التلاجة و ساهية)حبيبتي ...ميساء:نعام...
ميساء؛نعام ...عثمان:واش مزيانة ...ميساء:اه الحمد لله ...عثمان:احم شوفي انا ...ميساء(قاطعتو):بلا متجبد الموضوع من جديد ا عثمان انا كندير لي فجهدي باش نسا ولكن كاع لي ضايرين بيا مصرين انهم يفكروني ...عثمان:مكنتش غنجبد الموضوع ا ميساء حيت ميستاهلش نهضرو فيه ...ميساء:اه بصح و ...غيثة(قاطعاتنا):ختي سيري نتي ترتاحي انا نجمع الكوزينة ...ميساء:لا واش حماقيتي نتي متقلة و باغا تجمعي هاد الروينة ...غيثة:وا هضرت معاك سيري انا راه خاصني نتحرك الطبيبة وصاتني باش نتحرك شوية وهدشي راه والو دغيا نكملو ...عثمان:صافي اجي نيت بغيت نهضر معاك ...جرني عثمان وغيثة كتضحك داني للبيت دخلت جلست فوق الناموسية وهو جلس مقابل معايا و كيشوف فيا ...عثمان:عمرك ا ميساء عمرك تعاودي تبعدي عليا ...ميساء:ماشي انا لي اختاريت ا سي عثمان ...عثمان(شد يدي باسهم وحط يد على وجهي):و تا انا مختاريتش بفف شوفي نساي هدشي الله اخليك ياك تافقنا ...ميساء؛اه انا كنحاول واخا صعيب ن ...قاطعني بقبلة مسكتني بيها معرفتش كيفاش دارليها ولكن لي عارفة انني مقدرتش نبعدو بالعكس تا انا كنت موحشاه بزااف دخلت معاه فقبلات متتالية فصلاتنا على العالم لي حنا فيه ...///عماد:الناس ديال الحداكة ...غيثة:حبيبو الا باغي تناكر سير جلس تا نسالي ونجي نتناكر انا وياك ...عماد:لا حبيبة بغيت حاجة خرا انا ...غيثة:عماد يهديك الله سير تجلس ...عماد(جريتها لعندي وسكتها بطريقتي وهي تتنتر تا رطابت):خاصني ديما نشدك بزز متجيش بخاطرك زعما ...غيثة(دايبة فيه وفعويناتو):هم ...عماد:هه الهضرة من بعد اجي عندي دابا ....///#فالمستشفى: ...يوسف:مزال مفاقت؟ ...علياء:مزال و مخلاونيش ندخل عندها ...يوسف:خليها دابا ترتاح شوية اكيد الصدمة كانت قوية عليها بزااف ...علياء:بصح شكون كان كيقول ختي تكون(سكتات)بففف ...يوسف:احم شوفي انا معرفتش ختك شنو لي خلاها توصل لهاد المرحلة و ضيع راسها خصوصا انكم تتبانو ناس ماشي ديال هدشي ...علياء:صدقني تا انا معرفتش شنو وصلها لهنا وعلاش دارت هدشي مشاكل معندهاش عايشين هانيين ممخصوصينش تا من راجلها كان كيبغيها هي لي طلبات الطلاق منو بلا سبب حاولات تنتاحر فاش مبغاش يطلقها يمكن هي اختارت هاد الطريقة برغبتها حيت معندها حتى تفسير آخر فالايام الاخيرة وليت تنسمع الهضرة بزااف ولكن متيقتش قلت مستحيل ختي ديرها ولكن اليوم وهي بملايتها(سكتات ودارت يدها على وجها كأنها حشمات من الموقف) ...يوسف(حس بيها):تا واحد مكيهز خطأ لاخر لي دار الخطأ هو لي كيتحمل نتيجتو ماشي نتي ماشي الام ديالك و ماشي حتى بنتها ...علياء:هيييه ويلي ...يوسف(باستغراب):مالك؟! ...علياء:غيثة نسيتها غتكون خرجات من المدرسة خصني نمشي نجيبها ...يوسف؛واخا انا نوصلك ونرجعو لهنا ...علياء:شكرا بزااف على وقفتك معانا(شفت واحد الممرضة دايزة)ختي الله اخليك ...الممرضة:نعام ....علياء:شوفي هنا كاينة ماما الله اخليك انا عندي شي شغل ضروري غنمشي ونرجع عافاك اختي ردي ليها البال(جبدت من بزطامي 100درهم حطيتهاليهت فيديها اكيد مغتردش ليها البال فابور)الله استر عليك ...الممرضة(خشاتالفلوس فجيب الطبلية):كوني هانية اختي ...علياء:شكرا(ضرت عند الولد)يالاه نمشيو ...يوسف(مصدوم فيها):واش دابا عطيتي الرشوة ولا جابليا الله ...علياء(باستهزاء):لا غير جابليك الله مالك فين عايش باقي شي حد كيدير الخير بلا مقابل(خليتو كيبرق فعينيه و سبقتو) ...يوسف(تبعتها وانا كنشوف فيها كيفاش غادة وديك جلابة مزيرة عليها من لور خرجنا لبرا وضارت شافت فيا حليت الطموبيل و مشات ليها حلات الباب ركبات و ركبت تا انا يالاه جيت نتحرك شفتها واحلة مع السمطة قربتليها باش نقادهاليها مع ضارت ولا وجهي فوجها ونفسها كضرب فوجهي و بدون شعور لقيت راسي مقرب كتر وحاط شفايفي على شفايفها تا فيقاتني بتصرفيقة) ...علياء:حيوااااان ها حنا باقيين فيه قتلييك كلشي كيبغي المقااابل ويلا كنتي شفتي ختي *** متغلطش و يسحابلك بحالها تفو على كمامر(يالاه جيت نحل الباب باش نهبط وهو يجرني من شعري وسد الباب)ااااي طلق مني طلق الزبل ...يوسف(عينيه حمرين):عاودي شنوو قلتي كيفاش برهوشة بحاالك تمد عليا يديها ...علياء؛و كيفاااش شماتة بحاالك بقرب ليا(بالغوات)طللللللللللق منييييييييييي ...يوسف(جمعها معاها بتصرفيقة):منسمعش حسك لديلمك من بعد و غنتفاهمو و دابا عطيني اسم المدرسة ...علياء(كنشوف فيه و مصدومة من هدشي لي دار):الصمت ....يوسف(بالغوات):طلقيييي راااااسك ...علياء(قفزات):مدرسة الاندلس ...يوسف(سكت وتحرك بلا ميجاوبها الطريق كاملة غادي طاير و صدرو طالع نازل تا وقف قدام المدرسة):نزلي جيبيها ...علياء(نزلت بلا منزيد معاه الهضرة هبطت وضرت كنشوف فيه لقيتو متبعني بعينيه وكيضرب فالvولون زربت ومشيت دخلت لقيت غيثة جالسة مع الحارسة تما هزيتها ورجعت ركبتها فالطموبيل لور وركبت حداها محاولتش نهضر ولا نتحرك غير نوصل للسبيطار غنقلي على جد بوه نوريه يبوسني و يضربني...بقيت ساكتة تا بانتليا الطريق ماشي ديال السبيطار تزايد معايا الزايد وانا نهضر):فين غاديين ...يوسف:الصمت ...علياء:راااه معاااك دااوية ...يوسف:سكتيناااااا ...غيثة(بخوف):طاتي سكون هدا ...علياء(بهمس):الحمار الوحشي الله يلكيهاليه تفوو..
بقيت ساكتة وانا مغددة اكيد مغيديرليا والو و البنت معانا اكيد لا بقيت كنفكر ونخيط فراسي تا بانليا وقف قدام واحد البوتيك ديال الحوايج مفهمت والو هادا جاي يشري لراسو الحوايج وحنا معاه مالو مريض شفت فالبوتيك كان كبير و فيه حوايج الرجال و العيالات ضرت كنشوف فيه نزل و ضار جيهتي حل الباب مد يديه لغيثة دغيا تلاحت عليه تقول كتعرفو قرن و زمار..هزها وبقا كيشوف فيا تا قفزني بغواتو تاني ...يوسف:واا تحركي هبطي ...علياء(هبطت عندو):لاش جايبنا هنا واش هبلتي ...يوسف(سد الطموبيل وجرني من يدي و يد هاز بيها غيثة):الصمت ...دخلنا للبوتيك تا وقفات علينا واحد خيتي ...البنت:مرحبا بيكم ...يوسف:عطي لهادي ما تلبس شي حاجة مستورة عافاط ...علياء(خرجت فيه عيتيا):شناااهوااااا مالي بنتليك عريانة اويلي على عطيها متلبس وااش تسطيتي و مستور من لفوق فيق اولدي فيق شوف آرا البنت لهنا وسير الله اعاونك عاونتينا وا صافي شفتك بديتي دخل فشبوقات بعادين عليك ...يوسف(شاف فيها وغزز سنانو تا بان فكو كيتحرك وضار شاف فالبنت):ديها وديري شنو قلت ليك ...البنت:احم اجي معايا اختي ...علياء:كيفاش اجي معايا طلقي مني مرتاحة فجلابتي ...يوسف(حط غيثة لرض و جا عندي حط يديه ورا عنقي وقرب وجهو لوجهي وكيهضر بصوت معصب ومهدن فنفس الوقت):غتسدي داك الفم وغدخلي تبدلي هاد الزبل لي لابسة وبلا هضرة زايد حيت الا سمعت صوتك مرة خرا غنهرسليك وجهك تفاهمنا(بعد عليا)يالا سيري ...من بعد النبرة لي هضر معايا بيها بديت غير كنبلع فريقي ونرمش فعويناتي حيت بصح خفت منو ومشيت مع البنت بلا كلمة بلا جوج واخا مفهمتش شنو السبب لي خلاه يجيبني لهنا ونبدل حويجي يمكن ممولفش بالبنات كيلبسو جلالب مال طاسيلتو فين كابر تفوو ملي مراضيش بيا ديك الساعة ميجيش معايا و زيدون انا مطلبتوش هو لي اقتارح يوصلني وجه الويل...مشيت مع ديك خيتي وهي كتعزل عليا تما خليتها ومشيت هزيت سروال وشوميز طويلة شوية دخلت حيدت جلابتي ولبستهم جاني السروال مزير شوية ولكن الشوميز كانت طويلة وساترة العورة خخخ هزيت جلابتي ومشيت وقفت قدامو وهو كيطلع ويهبط فيا و عاقد حواجبو ...يوسف:ضوري ...علياء:فين غنضور ...يوسف(بنفاذ صبر):ضوري ...علياء(ضرت عطيتو بضهري ورجعت تقابلت معاه دغيا بانليا معاجبو حال ضار عند البنت خلصها وعاود جرني من يدي تا وصلنا للطموبيل حل الباب لوراني حط غيثة يالاه جيت نركب وهو يسدو وجرني للقدام وركبني حداه سد الباب و ضار بلاصتو) ...علياء:ملي مراضيش نمشي معاك وانا لابسة جلابة كنتي تقولها كنت غنمشي بوحدي نجيب البنت حيت اصلا نتا لي اقتارحتي توصلني كاشي انا لي طلبت منك دكشي علاش ممنحقكش تفرض عليا شنو نلبس و شنو لا بمكن نتا مولف بالبنات مقزبين جاتك جلابة عيب ههه باز فين ولينا ...يوسف:سدي فمك ضريتيني فراسي ...علياء:شوف اخويا متبقاش تعفر عليا و وقف ليا هنا الله ارحم باك الطاكسيات عطاهم الله اويلي مالك معاجبك حال تقول انا لي لسقتك توصلني وقف وقف يالاه ....يوسف(بالغوات):واااااا سكتيييييييي سكتيييي شوية وااااش ساااارطة كسيييطة غنرعف مك الا سمعت حسك حسنليك ضربي الطم ...غيثة(كضحك):هي متقدرس تسكت فيها الدوي بجاااف ميمة ديما تتقولهاليها ...علياء:تقاليك ا بنت الحرام ...يوسف:اللهم طولك يا روح ...سكت او حاولت نسكت واخا كل ساعة كنبغي نهضر ولكن خفت منو بقيت مطمرة تا وصلنا للسبيطار غير وقف حليت الباب هبطت هزيت غيثة وطلعت سابقاه تا وصلت فين كاينة ماما حليت الباب و دخلت لقيتها فايقة غيثة غير شافتها طلقات مني ومشات عندها كتبوسها وماما غير شافتها بدات تتبكي ...علياء:ماما حبيبتي كي بقيتي ...زينب:الحمد لله ابنتي ...غيثة:ميمة مالكي ...علياء(هزيتهت وجلستها عندي):غير عيات شوية اجي جلسي هنا وسكتي ...يوسف(دخل عندنا خنزر فيا):السلام و عليكم الحاجة كيف بقيتي ...زينب:الحمد لله عدبناك معانا اولدي سمحلينا ...يوسف:متقوليش هاكا حسبيني ولدك وواحد منكم ...زينب:لهلا يخطيك اولدي ...يوسف:الحاجة انا بغيت نتزوج بنتك علياء ...علياء(مصدومة):شنووووو ...زينب(باستغراب):كيفاش...
 #ميساء:معرفتش شحال د الوقت نعست فقت كنتجبد لقيت عثمان خارج من الدوش وهاز فوطة كيمسح شعرو شافني جا باسليا راسي ومنطق بوالو باش ميحشمنيش هادي انا لي كنت مقلقة الوحم بهدلني بقيت متبعاه مشا لبس حويجو و هز الصلاية حطها وبدا يصلي هزيت تيليفوني شفت الساعة لقيتها 4:30 العصر ايكون ودن مسمعتوش نضت من الفراش دخلت للدوش دوشت تا انا عاد خرجت ملقيتوش فالبيت لبست حويجي و صليت قاديت زيفي و خرجت لقيتهم جالسين فالصالون عماد لي مكاينش ...غيثة:بالصحة(غمزاتني و كتفرنس حرام واش كتحشم شفت فخالتي تا هي كانت كضحك ضورت وجهي جيهة عثمان هو يغمزني حنيت راسي وجلست لرض وهو حاضيني مرة نهضر معاهم مرة نشوف فالتلفازة) ...فاطنة:بنتي عيطي لمماك تجي دابا ...عثمان:لا انا نمشي نجيبها واش عيطتو للواليد و الحاج ...غيثة:اه عيطلهم عماد ...عثمان:واخا انا نمشي نجيبها(مشا هز السوارت كان لابس توني و كلاكيطة فرجليه وصل للباب وهو يوقف)ميساء ...ميساء:نعام(نضت ومشيت عندو) ...عثمان(حط يدو على خصري):واش خاصاكم شي حاجة نجيبها معايا؟ ...ميساء(بابتسامة):لا كلشي كاين ...عثمان:واخا حبيبتي انا نمشي نجيب مماك و نرجع واخا ...ميساء؛واخا(تم غادي وانا نشدو من يدو ضار شاف فيا و علامة الاستغراب على وجهو ضرت شفت جهة خالتي و غيثة لقيتهم كيهضرو وانا نرجع قربتليه وبستو ورجعت لور وهو عجبو الحال جرني عنقني بجهد تا كان غيفلعصني عاد طلقني) ...عثمان:كنموت فيك ...ميساء:انا كتر ...عثمان:يالاه انا مشيت ...ميساء:الله اديك و يجيبك على خير ...مشا عثمان ورجعت جلست حداهم وعقلي غايب زيادة على الوحم ومشاعري لي تخربقو حبي ليه كبير بزاف و معاملتو الزوينة ليا كتجرني ليه كتر و كتر كيف جراتني ليه اول مرة مزال كتأتر فيا لدابا ....///#فالسبيطار: ...علياء:اش كتخربق نتا ...يوسف(بحدة):مكنخربقش عارف المكان ممناسبش ولكن خير البر عاجله اش قلتي ا الحاجة ...زينب(تلفات بيناتهم):فاجأتيني اولدي واش كتعرفو بعضياتكم قبل ؟؟ ...علياء و يوسف(فدقة):لاا ...زينب(باستغراب):لا يعني نتا شفتيها غير اليوم و بغيتيها للزواج حتى من الموقف لي تعرفتي علينا فيه ...يوسف(قاطعتها):هدشي معندو تا علاقة يمكن جابتها الصدفة و مكيهمش المكان ولا الوقت لي كيهم المعقول انا بعقلي 30 عام بخدمتي و بداري جيت قاصد المعقول نيشان مبغيتش ندير بحال البراهش ونقولها نتعرفو و نبقا ندور يبيها فالزناقي و القهاوي ...علياء(حالة فمها فيه):من نيتك اولد العبد ...يوسف(خنزر فيها):اش قلتي الحاجة ...زينب:كلامك معقول اولدي ولكن خاصكم تافقو مكاين لاش الزربة وهي مزال كتقرا بغيتها تكمل قرايتها ...يوسف:وانا مغنمنعهاش من قرايتها وحتى الخدمة الا بغات تخدم انا بغيت غير موافقتك و نجيب والديا فأقرب وقت ...زينب:الله يدير لي فيها الخير اولدي ...يوسف:امين احم ممكن نهضر معاك برا ا علياء ...علياء:علاش ...زينب:سيري ابنتي(الله اجعلو من نصيبك و يجعل مكتوب حسن من مكتوب ختك) ...علياء:افف واخا ...ناضت علياء كتنتر سبقاتو وهو ابتاسم للحاجة وتبعها سد الباب ووقف قبالتها وهي واقفة مربعة يديها و عاقدة غوباشتها ...علياء:اش هاد المسرحية درتي دابا ياكما باغي تنتاقم مني حيت صرفقتك ...يوسف:شحال فعمرك ...علياء(بفخر):24 ...يوسف:24 كتباني بفعايلك بنت 7 سنين خاصني نقادك من لول ...علياء؛ههه بنتليك عوجة ...يوسف:نمرتك ...علياء:ها ...يوسف:بفف(مديت يدي للصاك لي دايرة حليتو جبدت تيليفونها ومديتولها)اري نمرتك ...علياء:وا لا شفتك دخلتي فيا طول و عرض اويلي اشمن زواج واش داوي من نيتك ...يوسف:طلقي راسك مكنبغيش الهضرة بزاف ...علياء:افففف ارا نكتبهالك(مدليا تيليفونو قيدت نمرتي وكتبت فيها علياء حبيبتي😂ياك غيتزوجني اوا نضمن راسي)هاك ...يوسف(قلبت شفت شنو كتبات عجبني شنو دارت ولكن مبينتش ليها صونيت ليها وخديت التيليفون وكتبت نفس الشيئ يوسف حبيبي):هاكي احبيبتي ...علياء(مخرجة عينيها فالتيل):يخخ معامن انا..
غيثة:صافي كلشي واجد بقا غير يجي عمي و بابا ...رحمة:ايكونو جايين ابنتي ...فاطنة:معرت اينا وجه غنشوف بيه الحاج ...ميساء:عمي قلبو كبير ا خالتي ودكشي لي دار كان فساعة غضب و صافي معندو علاش غيفرط فعشرة عمرو ...غيثة:ايييه راك مرتو و حبيبتو ميسخاش بيك ...رحمة(قرصتها):حشمي شوية ونتي وليتي غير حالة داك الفم ...غيثة:واااع وا مالكم غير مقابليني واش منهضرش ...رحمة؛اه غديري خير فراسك و فينا ...غيثة:ياك ا ماما ...فاطنة:خليها على خاطرها ا رحمة راني ولفتها وراها بنتي تهضر كيف بغات مهضراتش مع البراني ...عماد(دخلت عندهم للكوزينة):هضرت مع الواليد هاوما قراب للدار(شفت فغيثة مغوبشة)مالك نتي ...غيثة(هزات كتافها):الصمت ...ميساء:ههه غوتات عليها ماما ...عماد:هي درتي شي زبلة اجي عندي ...غيثة:مبغيتش ...عماد(مشيت عندها جريتها):زيدي قدامي ...فاطنة:ههه الله اخليهم لبعضياتهم رخفي عليها ا رحمة راها حساسة بزاف ملي حملات وهي دغيا كتقلق ...رحمة:ضرب راسها مع الحيط كاع مالها كبرات عليها نحطو العشا وتشوفي ديك التقليقة واش غتبقا ...فاطنة:هههه ...ميساء:هه وييه ا ماما(سمعت الصونيط)هاوما جاو انمشي نحل ...خرجت باش نحل لقيت عثمان غادي مشيت وراه حل الباب ودخل بابا و عمي سلمنا عليهم ودخلنا للصالة جات ماما و خالتي سلمو عليهم وخالتي فاطنة حانية راسها ...الحاج عيسى:اش هدشي ا فاطنة هزيتي راسك ومشيتي كنتي على سبة ...فاطنة:هدشي لي نستاهل الحاج انا لي درتها لراسي واخا جريتي عليا ولكن والله متقلقت حيت عارفة راسي غلطت و نستاهل ...الحاج:الله اهديك عارفاني كنتعصب ونغوت ومنفرطش فيك واش عاد اتعرفيني ...عماد(دخل عندهم ومعنق غيثة جنب):ههه وا صافي الحيبان فضيو علينا هدشي وخليونا نبداو صفحة جديدة ...رحمة:يا وليدي بحالك بحال مرتك طاح الحك و صاب غطاه ...غيثة:وا امتى غتحطو هاد العشا ...عماد:وا حطو العشا مراتي فيها جوع شوية تاكلنا ...غيثة:تاكل جنابك ...عبد الرحمان:نتوما مغديروش عقلكم ...عثمان(جريت ميساء عندي):براكة غير حنا بعقلنا ا عمي اولا حبيبة ...ميساء(بخجل):احم نمشي نوجد باش نحطو ...رحمة:بلاتي نجي معاك ...فاطنة:تا انا ...الحاج:وا جاوبيني بعدا الالة فاطنة متسامحين ولالا ...فاطنة(بابتسامة):متسامحين الحاج(تبعات رحمة و ميساء) ...غيثة:وينو خالتي كتحشم ههه ...عماد:وا حشمي تا نتي و سيري عاونيهم ...غيثة:هايا غادة ....وجدنا الطبلة و قادينا كلشي جلسنا تعشينا فجو زوين من شحال هادي متجمعنا بحال هاكا هضرنا و ضحكنا وكلشي كان فرحان و مرتاح وتا حد مهاز فخاطرو من لاخر بالعكس كنا عائلة وحدة و ان شاء الله هاكا نبقاو ديما... ///#علياء: ...زينب:الله ارضي عليك اولدي عدبناك معانا ...يوسف:الله اهديك الحاجة متقوليش هاكا عدابكم راحة ...زينب:بنتي هبطي حليليا الباب وهزي غيثة راه نعسات ...علياء:واخا ا ماما ...هبطت حليت ليها الباب ومشيت حليت باب الدار سلمات على يوسف ودخلات وانا مشيت هزيت غيثة ويوسف حاضيني ...يوسف:احم شنو بانلك غدا نتلاقاو ونهضرو فموضوعنا مزيان ...علياء:اهاه ياك قلتي باغي المعقول و مباغيش الدوران ...يوسف:و هدشي لي باغي بصح ولكن نتي بنتيلي مترددة و باغا تعرفيني كتر ...علياء:اه حيت مدخلاتليش لراسي شفتيني اليوم وطلبتيني للزواج هدشي كان زمان دابا لا مقادراش نتيقك و ماشي لخاطري خاصك تعدرني ...يوسف:من حقك وانا نعطيك الوقت باش تيقي ...علياء:فوق هدشي كامل ا يوسف كيفاش غتعرفني على داركم واش غيقبلو مرات ولدهم لي ختها حباسة و عاهرة؟
يوسف؛هدشي مكيهمنيش ومكيهمهمش حتى هوما انا لي اختاريتك مكيهمونيش عائلتك كتهميني نتي عجبتيني وجيت قاصدك وناوي الحلال واش مباغاهش؟ ...علياء(عينيها عامرين دموع):تا واحد مكره يصادف انسان بحالك ولكن المجتمع مكيرحمش ا يوسف سير قولهم شكون انا وفين عرفتيني ويلا قبلو بيا اجي ها دارنا كتعرفها وكنواعدك غنكون ليك تصبح على خير ...خليتو واقف ودخلت للدار مشيت نيشان لبيتي حطيت غيثة وجلست حداها ودموعي شلال اه كأي بنت حلمها تلاقا بإنسان يبغيها ويكون ليها طول العمر ومن بعد ها القدر لاقاني بيه ولكن الوقت مكانش مناسب و مخجل بزااف واخا اليوم لي شفتو ولكن شخصيتو و رجولتو تعجبت بيهم وملي فاجأني بالزواج علقني بيه كتر من ديما كنقول منتصاحبش و منديرش علاقات ونتسنى النهار لي يلاقيني فيه الله بولد الناس هاحنا تلاقينا ولكن الظرف لي تلاقينا فيه هو العقبة لي غتكون فطريقي مستحيل عائلتو يتقبلو وحدة ختها خارجة الطريق وولدهم هو لي شدها حتى الا سكتنا و خبينا اكيد واحد النهار غيبان المستور و صحاب الحسنات كتار لا مستحيل نغامر ونخبي ميمكنش نبني حياتي على كذبة ممكن دمرني من بعد...نضت بدلت حويجي ومشيت توضيت خرجت فرشت الصلاية و لبست عبايتي وصليت صلاتي وطلبت الله يوقف معايا الا كان فيه الخير يخليه معايا و يبينليا الطريق الصحيح ويلا لا يبعدو عليا ...كملت مشيت نطل على ماما لقيتها ناعسة قاديت ليها غطاها ورجعت لبيتي لبست بيجامتي وتخشيت حدا غيثة بقيت كنشوف فيها دابا هي وحدها مها فالحبس بسباب فعايلها وباها خوا البلاد باقا صغيرة ومتستاهلش هاد الحياة ...📲📲📲📲قاطعني من افكاري صوت تيليفوني هزيتو كان يوسف كنت غنجاوبو ولكن تراجعت من الاحسن يفكر فهدشي لي بغا يدير حيت ممكن من هنا لغدا يتنادم معاه الحال ويقول زربت و كيفاش انا غنتزوج بهاديك بففف...طفيت تيليفوني وغمضت عيني وانا كنرغب النعاس مع ان النص فيا فرحان بشنو وقع و النص لاخر كنفكر فختي لي مليوحة فالحبس ويعلم الله كيف حالتها دابا ...//#يوسف: ...من بعد ما وصلتهم وهضرت مع علياء اتاجهت للدار الطريقكاملة وانا كنفكر فكلامها وانا فعلا مكيهمنيش شنو دارت ختها ولا فين شفتها..عمري ضنيت انني نتزوج بهاد الطريقة ولكن دابا فعلا كنآمن بمقولة #الحب_من_اول_نظرة ...وصلت للدار حطيت الطموبيل هبطت جبدت تيليفوني صونيتليها بقا شحال فلخر قطعات عليا عاودت صونيت ليها لقيتو طافي...دخلت للدار كالعادة لقيت الواليدة مزال فايقة كتسناني ...رقية:الله يا ولدي خلعتيني عليك فين تعطلتي ...يوسف(بستليها راسها):معندك علبش تخلعي واش انا باقي صغير ...رقية؛اوا كون كنتي والد كون خسيتي بيا وراك غير نتا لي عندي معنديش منك عشرة واش نحطليك تعشا ...يوسف(جلست حداها):لا مفياش لي ياكل الواليد نعس ...رقية:اه راك عارفو كيشرب دواه وينعس مالك اولدي بنتيليا ماشي هو هداك ...يوسف:والو ...رقية(ضورت وجهو لعندي):لا كاينة شي حاجة منيمتا وليتي تخبي عليا ههه ياكما شي وحدة خربقاتليك دماغك ...يوسف(بابتسامة):ههه باش عرفتيها ...رقية:ولدي و حافضاك ههه اوا الا عينك فيها من غدا نخطبها لوليدي ...يوسف:بففف هنا فاش بقات ...رقية(باستغراب):كيفاش واش مبغاتش
رقية(باستغراب):كيفاش واش مبغاتش ...يوسف:رافضة بسباب مشكل فعائلتهم ...رقية:اشمن مشكل و زيدون ياك المشكل عند عائلتهم نتوما اش دخلكم فيه ...يوسف:احم تعرفت عليها بسباب ختها(سكت عاد هضرت)مشدودوة عندي ...رقية:مشدودة؟امم وشنو السبب ...يوسف(مسح على وجهو):شوفي الواليدة انا كتهمني البنت مكيهمونيش عائلتها ...رقية:ما قلت والو اولدي انا غير سولتك ويمكن فهمت السبب ختها خارجة الطريق ؟ ...يوسف:الصمت ...رقية:سمعني ا يوسف نتا دابا راك راجل تبارك الله يعني عارف الصح من الغلط وحنا من صغرك ربيناك احسن تربية و كاع الناس شاهدين و ربيناك باش كناخدوش الناس بأخطاء غيرهم الا كانت ختها هي هكاك الله اهديها ويستر على بنات الناس انا و باك منزيدوك غير الله يكمل بالخير اولا و اخيرا الاختيار كيرجع ليك نتا لي غتعيش معاها ماشي حنا ...يوسف:يعني نتي معندك حتى مشكل ...رقية:وحتى كون كان عندي كنتي غدير لي فراسك ههه ولدي وانا عارفاك و باينة البنت عاجباك ملي جيتي وقررتي تزوج بيها وانا هدشي لي بغيت نشوفك بدارك ووليداتك ...يوسف(باسليهاراسها):الله اخليك ليا ...رقية:اوا نحطليك تعشا ...يوسف:الا تعشاي معايا ...رقية:كليت مع باك اولدي ...يوسف:هداك الواليد و هدا انا ...رقية:ههه واخا اسيدي الله ارضي عليك و يفرحك اولدي ...يوسف:اميييين ...مشات الواليدة تسخن العشا وبقيت انا جالس كنفكر فعلياء معرفتش كيفاش سيطرات عليا وعلى تفكيري بهاد السرعة ...//#ميساء:غتخويو علينا الدار كون غير بتو ...عبد الرحمان:انا عارفاني ابنتي كنبغي نبات فداري ...الحاج:وانا بحال الحاج ههه را حنا غير فمدينة وحدة ابنتي غدا دوزي لعندنا نتي اجي جلسي مع ختك و خالتك ...غيثة:اه اجي اجي ...عماد:غتحركي نتي لا راه صابح خدام عثمان:اه غدا راه غندوز للشركة ...عماد:على سلامتك ملي تفكرتي ...عثمان(جرني لعندو):دابا بالي مرتاح اكيد غنرجع لخدمتي ...رحمة:ان شاء الله يالاه تصبحو على خير بسلامة عليكم ...سلمنا عليهم مشاو سد عثمان الباب ودار عندي وهو مبتاسم ...عثمان:امم و اخيرا بقيت انا و مرتي ...ميساء:احم شوف عثمان والله تا عيانة و فيا النعاس بزاف ...عثمان:هه وانا مقلت والو(هزيتها عندي)غنمشيو نعسو نرتاحو ...ميساء:اه اه ...عثمان(وصلنا للبيت حطني فوق الناموسية ومشا كيقاد الغطا وجا تخشا حدايا ...ميساء:اممم عثمان فين وصلو التصاميم ...عثمان:هه تيقيني الا قتليك معرفتش من نهار مشيتي مطليت على الشركة نتي شنو مقررة غترجعي تخدمي معانا ولالا ...ميساء:لا مبغيتش معندي خاطر لشي خدمة خليني مقابلة غير داري و وليداتي وراجلي ...عثمان(جرني حطيت راسي علة صدرو باسليا راسي):الله اخليك ليا ...ميساء:ويخليك ليا
★اصبح الصبح و الملك لله★ علياء:ماما انا مشيت ...زينب:اجي بعدا شنو درتي مع الولد ...علياء(بتنهيدة):والو ا ماما قتلو يشوف دارهم بعدا واش يبغيو وحدة بحالي ...زينب:كيفاش بحالك ...علياء:لا والو ا ماما والو غير ختي الكبيرة خارجة الطريق وهو لي شادها بملايتها واش فنضرك فيبغيو ولدهم يتزوج بوحدة بحالي ماشي غير هو اي واحد غيرو اكيد لا ومن حقهم تا واحد ميبغي تكون عندو علاقة بناس بحالنا ...زينب(عينيها عمرو دموع):عندك الحق ابنتي ختك خرجات على راسها وعليك و على بنتها و عليا اهئ الله يا ربي وفين كان مخبي هدشي ...علياء:تا حاجة مكتخبا ا ماما وحتى جيران واحد النهار غيعرغو وغنوبيو ضحكة بيناتهم وموضوع الساعة ...زينب:صافي سكتي متزيديش عليا اهئ اهئ ...علياء(مشيت جلست حداها وعنقتها):سمحيليا ا ماما ولكن ماشي لخاطري اهئ بنتك مفكراتش فينا علاش دارت هدشي شنو لي ناقصها بغيت غير نفهم ...زينب:متبقايش تجبديها ليا انا مبقات عندي بنت من غيرك و غيثة اما هي منها لمولاها هو يتولاها نوضي سيري لقرايتك ولي فيها الخير ربي غيديرهالك ...علياء:ان شاء الله غيثة راها باقة ناعسة بسلامة ...خرجت من الدار وانا الف فكرة كدور فراسي شفت فبنات جيران لي مجمعين حدا الحانوت كيطلعو ويهبطو فيا يا خوفي نهار يعرفو غيشمتو فيا من ديما دايرة حدود بيني وبينهم وبالنسبة ليهم انا متكبرة ولكن انا كنآمن بشي حاجة سميتها التيقار وكل واحد يديها فراسو...حنيت راسي وزدت فطريقي وصلت للمحطة ديال الطوبيس جلست وجبدت تيليفوني شعلتو بقيت كنشوف فيه شحال شنو غيكون دار واش فاتح والديه ولا كان كيتفلى واش باقي شي واحد فهاد الوقت يشوفك ويجيك للحلال نيشان اكيد لا هدشي كاين غير فالافلام و الروايات الحب الاسطوري معندوش مكان فحياتنا الواقعية ولكن علاش لا فحياتنا الواقعية كاين الله لي كنتمناو منو وهو قادر يحقق لينا امانينا ممكن يكون كلام يوسف حقيقة وبصح باغيني كنتمنى من الله نعيش حب حقيقي و زوين انا مغنتعلقش بيه ولكن غنخلي الامل ديالي فربي مخاسرة والو...بقيت مع راسي فكرة تديني و فكرة تجيبني تا حسيت بشي واحد حيدليا التيلي من يدي هزيت راسي بزربة لقيتو هو ...يوسف:هاد المشقوف ملي غطفيه لاش دايراه من الاساس ...علياء(وقفت مقابلة معاه وخديت تيليغوني):احم دشيارجا ليا البارح دابا عاد شعلتو ...يوسف:غندير راسي تيقتك قارية اليوم ...علياء:اه ...يوسف:بغيت نهضر معاك فموضوعنا واش الحصة مهمة ...علياء:ماشي شي حاجة ولكن مكاين لاش انا عارفة شنو غتقول والديا مبغاوش وانا منقدرش ندير شي حاجة ضد الرغبة ديالهم ومن حقك انا معنلومكش حيت ...يوسف(قاطعني):ممكن تسكتي شوية وتزيدي قدامي نجلسو ونهضرو مزيان حيت هاد التخربيق لي قلتي دابا تا حاجة مكاينة منو ...علياء:كيفاش ...يوسف(جريتها وركبتها فالطموبيل عاد ركبت انا):نوصلو وغتفهمي ...علياء:فين غاديين ...يوسف:غنمشيو لشي بلاصة نجلسو ونهضرو نت تقولي لي عندك وانا نقول لي عندي و دابا عافاك متزيدي تا سؤال ...علياء:واخا ...بقينا غاديين الطريق كاملة وحنا ساكتين تا بانليا وقف قدام واحد الكافي بجنب البحر هبط ودار حليا الباب ومدلي يدو بقيت كنشوف فيه عاد قبطت فيه سد الطموبيل وتم غادي وهو مزال شاد فيا بحالا شاد شي بنيتة صغيرة فيديه منكرش انني عجبني الحال بزاف وبانلي واحد البصيص ديال الامل يمكن هدشي غيولي حقيقي وانا غنكون ليه وهو ليا.
اديك هاه تهزي من تم راها بلاصتي وهنينا من التنخصيص ضريتيني فراسي ...نهيلة:سيري بعدي مني تا الضس تزاحمو فيه ...:وا تكعدي قبل مندير فيك شرع يدي ...نهيلة:نضت من تم بلا منزيد معاها كلمة كنحس براسي فاشلة ومقادة على صداع..تكمشت فواحد القنت وسيناريو حياتي كلو داز قدامي كيفاش كنت وكيفاش وليت عاهرة علاش وصلت هنا وكيفاش معرفتش ولكن طيشي وقسوحية راسي جبتها فراسي..تفكرت فاش كنت كنقرا فالباك وجا بابا قالي غتزوجي وغدا غتمشي مع راجلك ههه اه بهاد البساطة مفهمت والو وقلت غير كيضحك معايا ولكن فاش جات عندي ماما وفيديها قفطان لي غنقابل بيه العريس و عائلتو عرفت بلي الامر جدي وكاينة تفلية حسيت براسي وصلت للنهاية طموحاتي انني نخدم وندير مستقبل لراسي كلهم تهدمو فليلة وحدة لا وغنتزوج واحد معارفاهش سولت ماما فالتلي بلي شافني وانا فطريقي للمدرسة وعحبتو ومشا خطبني من عند بابا و بابا وافق وحدد معاه الموعد بلا مياخد رأيي ولا تا حاجة..من ديك اللحظة حسيت براسي انسانة خرا متقبلتش كيفاش يقررو مصيري وليت انفعالية وغادة غير ضد اي حاجة كنتعكس فيه..شفت العريس منكرش انه كان ولد الناس لا هو لا عائلتو ولكن عنادي والغضب ديالي مخلاونيش نشوف الجانب الزوين بالعكس كنت كنشوفو الانسان لي وقف ضد احلامي مخلانيش نعيش كيف كنا باغا نتعرف تا انا ونبغي ونخرج نسافر نلبس لي بغيت ندير لي بغيت....فالسينين لي كنت عايشة معاه فيهم كنت كل نهار كنحاول نكرهو فيا ولكن هو كان عندو خاطر وصبر معرفتوش منين جابهم وهدشي مكان كيخليني غير نزيد فعنادي وكملات نهار عرفت راسي حاملة حسيت براسي تخنقت حتى دكشي لي فكرشي مكنتش باغاه وحتى فاش ولدت غيثة مكنتش كنحس بيها بنتي كنت كنحس بكلشي عقبة فحياتي وكلشي ضلام...وليت كنخرج وكنتصاحب وندير علاقات حتى مات بابا وولات فكرة الطلاق معششة فعقلي نصبح بيها ونعس بيها حتى طلقت واخا مكانش باغي ولكن هددتو بلي غنقتل راسي وهو من حبو ليا قرر ينفذ لحد الآن مزال معرفتش شنو لي خلاه يبغيني تال ديك الدرجة...طلقت و سافر ورجعت ديال راسي قلت وليت حرة ديت بنتي خليتها مع ماما وعشت فداري بوحدي ندخل وقتما بغيت نخرج وقتما بغيت تا واحد ممسوقليا تال نهار كنت مسافرة انا وغيثة تحت اصرار ماما لي طلباتني باش نحاول نتقرب منها ولكن تما تقلبات حياتي من جديد فاش شفت عثمان وبغيتو من اول نظرة مهمنيش انه مزوج ولا غيرو بغيتو ليا بأي طريقة حتى نهار عرضات عليا خديجة الفكرة ديال انني نتزوج بيه مفكرتش زوج مرات وافقت على الفور مديتها لا فكرامتي لا فعائلتي لا والو وكالعادة عمر الحاجة لي نبغيها توقع لقيت راسي مطلقة منو فنفس النهار ههه عادي هادا جزاء لي مترضاش بحكم الله نسيت بلي الانسان ميمشي غير فين مشاه الله شنو كان غيوقع كون رضيت بقدري وعشت مع راجلي وبنتي علاش بقيت مصرة انني نضمر حياتي هدشي كلو كوم وان ماما وختي يشوفوني فهاد الوضع زاد قتلني حاسة بقلبي خاوي كلشي ضاع وتا حاجة ممهمة بالنسبة ليا ومعندي تا حاجة نخسرها وجودي فهاد الحياة بحال عدمو...هزيت يدي حليتها وبقيت كنشوف فطرف ديال المراية لي هزيتو للبنت لي معايا تما وحطيتو على يدي وبالضبط شراييني نقررة انني ندير حد لحياتي لي بالنسبة ليا مجرد عذاب فعذاب وموتي حسن من حياتي مخديتش وقت طويل فالتفكير ضربت يدي وضميتها لعندي وغمضت عيني ودموعي هابطين كلشي ضاع وندمت فوقت الندم مينفعني بوالو...خسيت بذاتي كترخا وعيني زادو تسدو والصورة الوخيدة لي بانتلي قدام عيني هي نهيلة بنت 18 عام بطبليتها وضحكتها و الامل لي كان فعينيها...
علياء:ممكن تهضر من قبيلة ونتا كتشوف فيا وساكت ...يوسف:بغيت نشوف فيك واش ممنحقيش البارح واعدتيني بلي الا عائلتي وافقو غتكوني ليا باقة عند وعدك ؟ ...علياء(بتوتر):احم اه مزالة عند وعدي ...يوسف(قبطت يديها):واخا ممكن الالة علياء تحددي ليا موعد مع مماك باش نجيب والديا ونجي نخطبك ...علياء؛كيفاش واش فاتحتي والديك وبش قلتي ليهم شكون انا وفين عرفتيني ...يوسف:اه و موافقين ودابا بغيتك تعطيني موعد حيت بصراحة انا باغي ندير داري ووليداتي ...علياء(بفرحة):هه معرفتش خليني نسول ماما ونجاوبك ...يوسف:واخا الالة📲📲📲سمحيليا ...علياء(بابتسامة):خود راحتك ...يوسف:الو..وي سعيد شنو كاين...(وقف)كيفاااااش...امتى هدشي....بففف واخا واخا اينا سبيطار...واخا انا جاي بسلامة...بفففف ...علياء(وقفت):يوسف مالك شنو واقع ...يوسف(شديت راسي ومعرفت منقولها):الصراحة شوفي ...علياء:واا هضرر خلااص شنو واقع(بصوت باكي وكترعد)وااش نه..ختي واش ختي واقعة ليها شي حاجة اهئ اهئ ...يوسف(عنقتها):ششت تهدني هي فالسبيطار خاصنا نمشيو دابا ...علياء:اهئ اهئ علاش فالسبيطارشنو وقعليها ...يوسف(غادي خارج وجارها معايا):حاولات تنتاحر ...علياء(بصدمة):تنتاحر ...جرني يوسف ركبني وانا كي الجماد الطريق كاملة وانا ساكتة غير صوت شهيقي لي كيتسمع واش تال هاد الدرجة ياءسة من حياتها علاش هدشي كامل وكيفاش تا وصلات لهاد الحالة ..يوسف:حبيبة وصلنا هبطي ...كان يوسف واقف جيهتي شفت فيه مديتلو يدي ونزلت هو غادي وجارني وراه دخلنا للسبيطار وجا عندو داك سعيد وشوش ليه شي حاجة فودنيه وبانليا ملامح يوسف تبدلو ضار شاف فيا وجرني عندو عنقني وبلا منسول عرفت شنو كاين ...علياء:ماتت ياك اهئ اهئ ختي ماتت ا يوسف اهئ ختيييييييي اهئ اهئ نهيلة اهئ اهئ ...يوسف؛تقادا العمر ا علياء دعيليها بالرحمة و المغفرة ...علياء:اهئ اهئ ختي باقااا صغيييرة ا يوسف اهئ اهئ علااااااش داارت هاكااا و ضيعات حياتها علااااش اهئ اهئ ختي ...يوسف:شششت الله اخليك ا علياء نتي خاصك تكوني قوية مماك محتاجة ليك دابا و غيثة حتى هي ...علياء(بعدت عليه):بغيت نشوفها عافاك ...سعيد:راه مزالة فالغرفة ديال المعاينة يمكن ليك تشوفيها دابا ...حركت ليه راسي وتبعتو انا و يوسف تا وصلنا قدام واحد البيت وقفو بجوج قدام الباب ودخلت انا كانت ختي حبيبتي متكية وكلها مغطية من راسها تال رجليها وقفت شحال كنشوف فيها الدنيا شحال كدور بينا دغيا البارح كانت بملايتها واقفة و اليوم هايا اهئ اهئ قربت ليها وانا كتتنخصص وكل لحظة من حياتي دوزتها معاها كدوز قدام عيني وقفت حدا راسها وهزت الغطا عليها كان وجها بيض بزااااف مفيهش قطرة ديال الدم حطيت يدي على راسها كانت باردة بزاف متلجة طاحت دمعة من عيني فوق عينها..حبيبتي مشيتي ياك ا نهيلة اهئ ياك اختي مشيتي وخليتينا علاش درتي هاكا علاش ضيعتي حياتك اختي علاش اهئ اهئ حرام عليك راسك وبنتك ا نهيلة اهئ اهئ الله اخليك فيقي ونصلحو كلشي وترجعي كيف كنتي عافاك ا نهيلة فيقي اهئ اهئ ختي فيقييييي ...بقيت كنحركها وانا كنبكي ونغوت ختي الوحيدة مشات واخة كنت مقلقة منها بزاف ولكن مكنتش باغا نشوفها فهاد الحالة حسيت بخرقة كبيرة فقلبي فلول بابا و دابا هي لي مشات وهي كلها ذنوب و اخطاء عللش زادت ذنب فوق ذنب علاش محاولاتش توب وتبدا من جديد حياة نقية مع بنتها علاش دغيا استسلمات...بقيت فديك الحالة تا دخل عندي يوسف و سعيد لي رجع غطاها وخرجوني لبرا وانا مزالة كنجدب كيفاش غنقولها لماما و غيثة كيفاش...بقيت شحال فداك الوضع و يوسف معايا تا تهدنت وطلبت منو باش يديني للدار ودكشي لي دار وصلنا للدار ماما غير شافت حالتي بدات تبكي كأنها كانت حاسة غير قلتليها الخبر بدات تغوت وباغة تخرج كاع جيران تجمعو عندنا اما انا بقيت جالسة وكنشوف بعيني و غيثة فيدي معنقاني وتتبكي حيت خافت من المنضر لي تما واخا قلتلها بلي مماها مشات و عمرها ترجع مبكاتش عليها قد مبكات وهي كتشوف ماما طايحة وعيالات الحومة مجموعين عليها ويوسف تا هو.
#ميساء:اففف وليت كناكل بزاف ...غيثة:عادي ...ميساء:بالنسبة ليا ماشي عادي يالاه شهرين دابا نتي 5 شهور وشوفي كي وليتي كرشك كبرات بزااف ههه ...فاطنة:امكن عندها وليد كيقولو بلي الولد كتكون كرشو كبيرة ...ميساء:يعني نتي ا خالتي فاش كنتي حاملة بعثمان و عماد كانت كرشك كبيرة ؟ ...فاطنة:اه ابنتي بزاف ...ميساء:اممم اوا صافي ا غيثة عندك وليد ...غيثة:لي جات من عند الله مرحبا بيها ...فاطنة:دكشي لي كابن الله ارزق غير الصحة و السلامة ...غيثة و ميساء:امين يا ربي ...عماد(دخل علينا):السلام و عليكم ...الكل؛و عليكم السلام ...غيثة:مالك جيتي بكري ...عثمان(دخل وراه):السلام و عليكم ...الكل:وعليكم السلام ...ميساء(باستغراب):مالكم جيتو دابا شنو واقع ...عماد:احم نهيلة ...غيثة:مالها تاني اش دارت ...عثمان:ماتت ...ميساء(بشهقة):ماتت!! ...عماد:اه اليوم عيطليا يوسف صاحبي وقالهاليا وحنى غنمشيو نعزيو ... فاطنة:يا ربي السلامة الله ارحمها ويرزق ميمتها الصبر سيرو اولدي عزيو فيها تديو اجر ...الكل:اميين ...ميساء:انمشي معاكم ...غيثة:تا انا ...عثمان:واخا يالاه ...خرجنا معاهم انا مشيت مع عثمان و غيثة مع عماد وحنا تابعينهم من لور بحكم عماد خدا العنوان من عند صاحبو...الطريق كاملة وحنا ساكتين واخا لي دارت ولكن بقات فيا بزاافو خصوصا بنتها لي باقا صغيرة الله ارحمها ويغفر ليها يا رب..بعد مدة وصلنا لواحد الحومة كانت فيها البنية قدام الباب و صوت القرآن نزلنا مشينا تال للباب وجا عندنا واحد الولد سلم على عثمان و عماد ...يوسف:مزيان ملي جيتو ختها و مها لداخل ...عثمان:واخا ندخلو عندهم ...يوسف:اجيو اه راني عاودت لختها عليكم وشنو وقع وهي لي طلباتني باش نعلمكم بغات تسامح معاكم ...ميساء:مسامحينها اخويا كلنا كنغلطو الله اسمحلينا ...تبعنا يوسف تا وصلنا لواحد البيت حلو ودخلنا كانت بنت و مرا كبيرة ناعسة ...يوسف:علياء ...علياء:نعام(شافت فينا)السلام و عليكم ...الكل و عليكم السلام ...سلمت عليها انا و غيثة و عثمان و عماد اكتفاو بإلقاء السلام رحبات بينا البنت وداتنا للصالون ...علياء:شكرا بزاف حيت جيتو يوسف عاودليا على(سكتات)احم المهم ...ميساء(قاطعتها):لي فات مات وحنا مسامحينها و الدليل اننا كيف سمعنا الخبر جينا الله ارحمها ويصبركم ...علياء(بصوت باكي):امين ...غيثة:ختي مديريش هاكا هدا مكتاب الله عمرها تقادى واش غتوقفي قدام ارادة الله ...علياء:حاشا ونعم بالله شنو تشربو ...ميساء:مبغينا والو غير جلسي حنا شوية غنمشيو حتى نرجعو عندك ...علياء(بابتسامة غالب عليها الحزن):مرحبا بيكم فأي وقت ...يوسف(بهمس):مكنتش باغي تجيو ونحطكم فهاد الوقف ولكن هي البارح كانت فوضع خايب سولاتني واش ختها دايرة شي حاجة خرا عاوظتلها عليكم و اصرات باش تشوفكم وتطلب منكم السماح ...عثمان:متقولشهدشي كون مقلتيهاش وعرفنا راسنا كنا غنجيو ...عماد:كيفاش تا ماتت ...يوسف(شفت فعلياء لي كتهضر مع البنات وضرت عندو):انتاحرات فالحبس ...عماد:بفف الله ارحمها و يغفر ليها ...الكل :امين ...ميساء:احم فين بنتها غيثة ...علياء:صباح داتها جداها معاها جات تعزي وطلبتها باش تديها معاها مكاين لاش تبقا فهاد الجو ...زينب(دخلات علينا):السلام و عليكم ...الكل(وقفو):وعليكم السلام ...علياء:ماما لاش نضتي من فراشك ...زينب(بصوت تقيل ومتعب):بغيت نتحرك مغنبقاش النهار كامل ناعسة ابنتي مرحبا بيكم اوليداتي نتوما كنتو تتعرفو بنتي ...ميساء(بابتسامة):اه ا خالتي الله ارحمها ويصبرك ...زينب:امين ابنتي ...عثمان و عماد:البراكة فراسك ...زينب:ممشا معاكم باش اولدي علياء جيبي للناس اتاي ...علياء:واخا ...عثمان(وقف):لا بلا متعدبي راسك الحاجة حنا خصنا نمشيو من بعد ونرجعو نشوفوكم ...زينب:مرحبا بيكم اولدي ...توادعنا معاهم ورجعنا حنا للدار والدراري رجعو لخدمتهم .....
♧بعد 3 اشهر♧ ...يوسف:علياء هدشي راه بزااف 3 شهور وانا صابر ليك قلتي تفوت 40 ديال ختك و فاتت قلتي نخدم نعاون ماما خدمتي شنو مزال باغا شوفي ابنت الناس الا كتهربي مني و مبقيتيش باغاني جيني نيشان ...علياء:يوسف واش جايبنا لهاد القهوة باش تبدا تغوت عليا كاع الناس تيشوفو فينا ...يوسف:بغيت جواب دابا ...علياء:بفف عارفة راسي طولت عليك ونتا صبرتي صافي انا نهضر مع ماما ونقول ليك امتى تجي تخطبني صافي بقيتي على خاطرك ...يوسف:مكاين لا خطبة لا زمر غنديرو العقد نيشان وديري العرس الا بغيتي الخطبة راه كنا بحال المخطوبين داركم عارفين و تادارنا و تعرفتي عليهم فالجنازة يعني مكاين لا خطبة لا نمي ...علياء:اويلي تسطيتي ...يوسف:متحمقيشديلمي 3 شهور وانا صابر عليك براكة عييت انا مبقاش عندي دابا مجرد اعجاب فهاد الفترة كنت قريب منك بزاف و عرفتك وليت كنبغيك و بزااف ومبقيتش باغي نضيع الوقت مزال دكشي علاش ابنت الناس غاديا تمشي لداركم دابت و غتعلمي مك و غدا غنمشيو نديرو العقد حيت كلشي واجد تا الوراق د الزواج خرجوليا شحال هادي ...علياء:كيدرتي ليها بفف صافي واخا ولكن انا باغا العرس ...يوسف:ممنعتكش منو المهم تولي مرتي ...علياء:هه واخا ممكن دابا تديني لدارنا باش نشوف خاصني نوجد عندي الزهر هاد السيمانة مخداماش اه و مغتجلسنيش من خدمتي ياك ...يوسف:لا الالة مغنجلسكش حيت عارفك فين خدامة مديتك لشركة صاحبي تا عارف شكون هوما ونتي راك عرفتيهم ووليتي مصاحبة مع عيالاتهم كاع ...علياء:اه الصراحة ميساء و غيثة ضريفين بزاف ...يوسف:دابا نوضي نديك لداركم باش نرجع انا لخدمتي ...علياء:احم يوسف ...يوسف:ياك لاباس شنو تفكرتي ...علياء:كنبغيك...يوسف(بابتسامة خدا يدي وباسها):وانا كنموت فيك احبيبتي الله اخليك ليا ...علياء:ويخليك ليا حتى نتا يالاه مشينا ...يوسف:يالاه ...خرجت انا ويوسف من القهوة وانا غنطير بالفرحة و اخيرا غنتجمع انا وياه طول هاد الفترة مخلانيش ولو دقيقة وحدة لا هو ولا ميساء و غيثة خرجوني من حزني وعمرو عليا حياتي حتى فاش خدمت فالشركة ديال عثمان حسيت براحة كبيرة بزااف حسيت بحياتي تقادات وصلحت علاقة ختي بهاد الناس و اهم حاجة انهك سامحوها و كيدكروها غير بالخير عمري سمعت منهم شي كلمة خايبة فحقها ولاو عائلتي كيجيو يزوروني و يزورو ماما لي ولات تتحماق عليهم حتى من غيثة الصغيرة لي خلاها معانا باباها بحكم هو تزوج وجا عزا فنهيلة و ماما رغباتو باش يخلي غيثة معانا وهو من طول عمرو ولد الناس مرفضش وكل نهار كيهضر مع غيثة فالسكايب على الاقل تعرف باها...وصلت للدار سلمت على ماما و عاودتليها شنو طرا و كالعادة جات من جيهتو كنت متوقعة انها ترفض ولكن قالتلي بلي السيد عندو الحق و خاصني نتوكل على الله حيت جيران بداو كيسولو شكون هدا وواش بصح خاطبني ولالا عيطت ليوسف قتلو غدا نمشيو و عيطت للبنات علمتهم و قالولي باش يجيو عندي للدا
ميساء:غيثة طلقي راسك خلاص واه نص ساعة غير فاللبس ...غيثة:وا ختي صبري راه كلشي جاني مزير افف حاسة براسي غنولد دابا ...ميساء:راك يالاه فشهر التامن اشمن ولادة سربيني خلاص ...غيثة:يا ربي السلامة كي وليتي نكارة يختي صافي زيدي هاني لحت غير الكاب ديالي تانا مراشقاليا على لبس ...خرجت انا و غيثة شدينا طاكسي وصلنا لدار علياء استقبلاتنا كالعادة هي و خالتي و رحبو بينا ...زينب:اوا بنتي فين غتمشيو دابا ...ميساء:اول حاجة نمشيو عند شي خياطة خاصك جليلبة باش تمشي ديري العقد نتي عارفة هدشي تابعك علاش موجدتيش ...غيثة(قرصتها):واش نتي هبيلة السيدة هدشي لاش كانت مسالية ...زينب:ههه بنتي ميساء شفتك وليتي عصبية ...غيثة:مشفتي والو ا خالتي احسن عوان عثمان مسكين مشيباه كاع ديك الضرافة لي كانت فيها تقلبات ولات شادة غير الضد ...زينب:ههه دابا يفوت هدشي ابنتي غير مع الحبالو الله افككم على خير ...ميساء و غيثة:اميين ...📲📲📲📲ميساء:هدا عثمان(نضت خرجت لبرا عاد جاوبتو)الو ...عثمان:حبيبة ديالي مزيانة ...ميساء:الحمد لله هاد الساعة ...عثمان:هه واخة الالة واش هضرتي مع علياء اليوم قالي يوسف بلي غدا غيديرو العقد ...ميساء:اه راني عندها فالدار ...عثمان(بعصبية):كيفااش معامن تشاورتي علااش معلمتينيش ...ميساء:بلا متغوت راه مجيتش بوحدي غيثة معايا ...عثمان:هدشي لي وليتي كديري بزاااف ا ميساء كنحاول نضبط راسي و منتعصبش عليك ونتي غير مزايدة فيه و مبقيتيش كديري ليا اعتبار ...ميساء:الصمت ...عثمان:سيري دابا فليل غنهضرو ويلا بغيتي تمشي لشي بلاصة علميني واخا ...ميساء:اه نقدر نخرجو مع علياء تقدا شي حاجة ...عثمان:مزيان(قطع) ...ميساء:بفف هدا ولا معصب غير بوحدو ياه(بالغوات)يالاه الا غتمشيييييو ...غيثة(من البيت):هااا حنااا جااايين ختي نوضي راه ولات كتخلعني ...علياء:ههه زيدي زيدي يالاه ...خرجنا من الدار انا والبنات مشينا عند واحد الخياطة تما كانو حويجات ديال العريسات لقينا تما جلابة فالباج نيت قيساتها علياء جاتها هي هديك تاوينا معاها على التمن و خرجنا مشينا للقيسارية خدات شي لعيبات و بليغة فنفس اللون ...غيثة:اش بانليك تمشي تصاوبي شعرك دابا فالصالون ...علياء:مكاين لاش غنمشي للدار دابا ندوش ونصاوبو راسي ...ميساء:اه واش غيتغداو عندكم ...علياء:ضروري ماما غتشدهم للغدا ملي نجيو من عند العدول خليتلها باش تمشي تقدا شنو خاصها ...ميساء؛اه مزيان كنضن دابا مخاصك والو ...علياء:لا كلشي هو هداك لهلا يخطيكم عليا مزال غتعدبو معايا فالعرس شنو بانلكم ندير غير ليلة فدارنا بينا انا معنديش العائلة بزااف و يكونو غير عائلتو وندير شي جوج لبسات ..غيثة:تا حنا دكشي لي درنا كيبانلي من الاحسن خصوصا ان الوقت مبقاش بزاف ...ميساء:علاش امتى باغا نتي هاد الليلة ...علياء:يوسف قاليا عندك سيمانة منزيدكش عليها ...غيثة:ههه زربان مسكين بالحق راه صبر عليك ...علياء:و دكشي لاش متزايدتش معاه فالهضرة ...ميساء:اوا صافي من بعد غدا ان شاء الله نبداو فالتوجاد دابا سيري ارتاحي ونعسي بكري باش تصبحي مزيانة ...علياء:واخا شكرا بزااف البنات ...ميساء:وا صافي واش غتبقاي كل ساعة تشكرينا زيدي نشدو طاكسي باش نمشيو فحالنا الحال بدا يضلام ...مشينا لمحطات الطاكسيات مشات علياء بوحدها ومشينا حنا فطاكسي حطينا غيثة هي لولة عاد و صلني انا بزز طالعة فالدروج كرشي كبرات بزاف وتقلات عليا هدشي غير 5 شهور اعلم الله مبي نزيد السادس و السابع وصلت للباب حليتو و دخلت مع ضرت لقيت...
مع ضرت لقيت عثمان جالس وباينة فيه معصب و باش منزيدش نعصبو خليتو وتميت غادة للبيت تا وقفني ...عثمان:اييه الالة سيري خرجي بلا متعلمي ورجعي ليا فليل وعطيني بالضهر و سيري معندك راااااجل معندك دار يااااك اش هااااد الحااالة وليتي فيهاااا ...ميساء(جيدت زيفي وانا كنتأفف هدا ولا حالنا حتى انا مبقيتش حاملة لا راسي لا هاد الدار):عثمان عافاك متزيدش فيه ...عثمان(بعصبية):كيفاااش منزيدش فيييه واااش باغااا تحمقيني ولا كيفااااش ...ميساء:برااااااكة بزااااف هدشي كل نهار غوات غوات شنو وقع كاع الا خرجت مرة بلاااا منقولهاااا ليك عااادي موقع واالو راك هضرتي معاااايا وعرفتيني فيين مشيت لااااش تتبغي تكبر الموضوع و تتهضر بحالااااا خرجت نتسلكط ...عثمان(بلا ميشعر هز يدو وصرفقها):ميسااااااااء ...مع ضربني حسيت براسي كيدور رجعت بلور تا طحت على الفوتوي لي تما وانا دايرة يدي على وجهي عمرو ضربني عليت عيني شفت فيه وهو شاد راسو وغادي جاي قدامي ...عثمان:شفي فييين وصلتينااا و كيفاااش وليتي كتهضري شنو هاد الكلام و هاد الالفاظ منيمتا وليتي تهضري معايا هاكا و تعلي صوووتط عليا منيمتااااا(جا وقف قبالتي) ...مجاوبتوش شي لي زاد عصبو حاولت نوض من الفوتوي هزيت زيفي لويتو عليا وتميت غادة للباب تا شدني ...عثمان:فين غاااادة ...ميساء(ببرود):طلق مني خليني نمشي ...عثمان:دوووزي تجلسي و بلا متزيدي تعصبيني انا غلطت و حتى نتي.نتي لي استفزيتيني دابا رجعي فحاااالك ...ميساء:مرااااجعااااش غنمشي لدارناااا و متبعنييييش ...حليت الباب وخرجت هابطة فالدروج كنسمعو كيغوت تا سمعت الباب تسد وهو تابعني فالدروج و كيعيط وصلت للباب بقيت كنشوف تا بانلي طاكسي جاي شيرت ليه وقفليا وركبت وقلتلو يمشي ضرت شفت جهة عثمان بانلي هبط ومشا لطموبيلتو...معرفتش علاش مبكيتش بحالا حاسة براسي نستاهل ديك الضربة حيت اصلا كان معصب و زدت كملت عليه ولكن ماشي لخاطري وليت حاسة براسي مخنوقة فديك الدار بزااف وباغا غير نخرج منها...بعد مدة وصلت لدارنا خلصت مول الطاكسي وهبطت صونيت فالدار مع حلات ماما الباب وقف عثمان دخلت بزربة طلعت لبيتي و ماما مفاهمة والو ...رحمة:اش واقع ولدي مالكم ...عثمان:بفف والو ا خالتي غير مشكل صغير انهضر معاها و نمشيو ...عبد الرحمان(وقف عليهم):السلام و عليكم اش موقفكم هنا
عبد الرحمان(وقف عليهم):السلام و عليكم اش موقفكم هنا ...عثمان:احم غير تناقشت شوية انا و ميساء و جات لهنا ...عبد الرحمان:الله اهديكم اولدي زيد دخل زيد ...رحمة:انا غنطلع نشوفها ...طلعت لبيتي بقيت كنطل من السرجم تا بانوليا دخلو وانا نرجع حيدت زيفي و بقيت غادة جاية تا دخلات عندي ماما ...رحمة:اش طاري عاوتاني ...ميساء:والو ا ماما والو غير تناقشنا ...رحمة:راه عرفت غير تناقشتو ولكن علاش شنو السبب نتي اصلا وليتي عصبية بزاف ابنتي راه راجلك شحال ما صبر و دار باعتبار الحمل و الوحم راه تا هو بنادم و صبرو عندو حد ...ميساء:ماما بلا متبداي عافاك(مشيت تخشيت بلاصتي)الله شحاب توحشت فراشي عرفتي ا ماما حاسة براسي فيا نعاس بزااف ديك الدار وليت كنكرها ...رحمة(جلست حداها وبديت نلعب ليها فشعرها):اوا ارتاحي ابنتي الوحم جاك على دارك هه(بقيت معاها تا نعسات غطيتها و نضت هبطت لتحت دخلت للصالة عند الحاج و عثمان) ...عبد الرحمان:فين هي ...رحمة:نعسات امكن الوحم جاها على دارها ههه قاتليك مبقاتش حاملاها ...عثمان(باستغراب):كيفاش واش مناوياش ترجع ...رحمة:خليها على خاطرها شوية اولدي وحمها بانليا صعيب دغيا ولات كتعصب وهي طبعها هادي ماشي هاكا كانت ...عبد الرحمان:وا نتا قولي اولدي شنو السبب باش تناقشتو الا كان يتحل نحلوه ...عثمان:احم والو ا عمي بلا متشطن راسك المهم انا نخليها اليوم هنا غدا ونجي نديها ...رحمة:هه الا بغات تمشي ليك ...عثمان:علااش ...عبد الرحمان:رحمة الله اهديك راه خاصها ترجع لدارها ...رحمة:نتوما راكم غير تتهضرو كنقولكم البنت وحمها صعيب الا جلسات فبلاصة هي محاملاهاش غتبقا ديما معصبة هكاك وهدشي ممزيانش ليها فهاد الفترة ...عثمان:بففف و شنو المعمول ...رحمة:غدا و اجي هضر معاها اولدي وشوفو شي حل ...عثمان:واخا ان شاء الله تصبحو على خير و سمحوليا على هاد المجية ...عبد الرحمان:الله يا ودي الدار داركم اولدي مرحبا بيك ...///#غيثة:اففف عماد...عماد(خدام فالبيسي):اممم شنو ...غيثة:اجي اجي قادليا هاد المخدة تحت رجلي راه عدباتني ...عماد؛بلاتي ...غيثة:واااااا نووووووض داااااابا ...عماد:الصعر مال ديلمك كتغوتي راه الليل هدا ...غيثة:وا سربي قادلي المخدة راه رجلي ضروني اهىء اهىء واش مكتشوفنيش معدبة الا مقادش تردليا البال خليني نمشي لدارنا بعدا ماما مسكينة تعاوني اهىء اهىء ...عماد(شفتها تتبكي نضت عندها بزربة قاديتليها المخدة وجلست حداها):شش وا صافي البكاية كنقول لمك مغتمشي فين ديك الدار نسايها ...غيثة:عماد انا خايفة بزاف اهىء ...عماد(عنقتها):معندك مناش تخافي كلشي غيدوز مزيان غتولدي وغتهزي ولدك فيديك وغنفرحو بيه غير نتي تهدني باش متولديش قبل الوقت وليتي بكاية بزاف ...غيثة:خايفة نموت و منشوفش ولدي ا عماد اهىء ونتا اكيد غتزوج عليا(نضت تقابلت معاه)والله و ديرها منسمحليك وكل ليلة نخرجليك فمنامك تا نديك معايا للقبر ...عماد(جريتها عندي كيكانت وانا كنضحك على هبالها ولكن منكرش انني فعلا خايف عليها بزاف):ههه شريرة حيدي من بالك هاد الافكار احبيبتي وديري فبالك بلي كلشي مكتاب من عند الله و خلي املك فربي كبير كلشي غيدوز على خير غير هني بالك ...غيثة:الصمت ...عماد:ملي مجاوباتنيش طليت عليها لقيتها ناعسة قاديتها فبلاصتها وبقيت كنشوف فيها كل نهار وليت نسمع منها هاد الكلمة خايفة من الولادة حتى وليت تا انا خايف عليها ولكن انا متأكد ان شاء الله كلشي غيدوز مزيان بستها و غطيتها و مشيت نكمل خدمتي تا ساليت ومشيت تخشيت حداها وانا كنشوف فيها ناعسة تا داتني عيني...
اصبح الصبح و الملك لله★ يوسف:طلقي راسك ...علياء:وا صبر هانا جايا صافي قطع ...يوسف:متعطليش ...علياء:اوك مامااا يالاه يوسف جاا ...زينب:هانا ابنتي جيت زيدي ...خرجت انا و ماما من الدار لقيت يوسف قدام الباب و معاه خالتي رقية و عمي قاسم سلمنا عليهم وتاجهنا عند العدول الطريق كاملة وهو حاضيني من المراية وكيفرنس وانا شاداني الهلعة خايفاه يقولي بغيت خقي الليلة والله لا خداه تا لليلة ديال العرس...من بعد مدة وصلت لمكتب العدول طلعنا كاملين دخلنا عندو عطاه عماد الوراق ودكشي لي غيخصو(البنات انا معارفاش اش كيديرو عند العدول ههه دكشي علاش لغلطت فشي حاجة ميكو🙊)...سنيت علة العقد انا و يوسف وزغرتات خالتي تما باسليا يوسف راسي قدامهم ...يوسف(تنهد):و اخيييرا ...قاسم:ههه مبروك عليكم ابنتي ...علياء:الله بارك فيك اعمي ...رقية:لالة زينب مبروك علينا و اخيرا تهنينا عليهم ...زينب:الحمد لله الله يكمل عليكم بالخير ...الكل:امين ...زينب:دابا غنمشيو للدار راكم معروضين للغدا ...رقية:لا الالة زينب حشومة نتوما لي خاصكم تجيو عندنا وراني موجدة كلشي ودايرة بحسابكم ...زينب:تا انا وجدت كلشي ههه شنو نديرو دابا ...يوسف:صافي الغدا فدارنا و العشا فدار نسيبتي ...قاسم:ههه تا هدا نظر يالاه اسيادنا ...توجهنا لدار يوسف فجو ديال الضحك الحمد لله اول خطوة وكلشي مزيان وصلنا للدار دخلنا و عمي و خالتي كيرحبو بينا الصراحة ناس الله يعمر ليهم الدار المعاملة و الطيبة ديالهم لي باينة فوجهم و دغيا كيدخلو للقلب...غير دخلنا جرني يوسف وطلعني لبيتو قالك يوريه ليا طلعنا وبدا هادا بيتي هادي نموسيتي وانا حاضياه وواقفة فالباب ...يوسف:دخلي مالك واقفة تم ...علياء:حشومة احبيبي غير يالاه نهبطو لتحت ويلا فبالك شي حاجة غير حيدها ...يوسف(بمكر):اممم شنو غيكون فبالي مثلا ...علياء(بتوتر):و وشكون عرف يالاه نهبطو ...يوسف(تمات غادة وانا نجرها عندي):كيفما صبرت 3 شهور مستعد نصبر سيمانة المهم انك وليتي مرتي حلالي يعني علاقتنا ولا عندها اسم ...علياء(بابتسامة):متصورش شحال فرحانة ...يوسف(باسليا راسي):متكونش قد فرحتي بيك ...علياء:وا يالاه نهبطو ...يوسف:واخا يالاه ...هبطنا لتحت بقينا مجمعين تا وصل وقت الغدا تغدينا وحسيت براسي فدارنا كنت مرتاحة بزاف كملنا و ناض عمي طلع يرتاح حيت فاش كيشرب الدوا كيبغي ينعس..و ماما بقات مجمعة هي و خالتي رقية اما انا خرجت مع يوسف داني لواحد البوتيك مخلا مشراليا لي شوميز دو نوي؛دو بياس؛كيختار كلشي على دوقو وانا غير كنشوف فيه تا سالينا ورجعنا للدار هزيناهم ومشينا لدارنا ههه يعني النهار كامل داز غير ماكلة تعشينا ومشاو فحالهم هزيت تيليفوني صونيت لميساء لقيتو طافي وصونيت لغيثة عاودتليها شنو كاين وهي تتباركليا و فرحاتليا بزااف..كملت معاها ونعست ...///عماد:ممشيتيش تهضر معاها ...عثمان(بعصبية):خليتيليا الوقت بعداا هاد الخدمة هادي امتى كنت موصيييك عليها عااد تفكرتي ...عماد:وا صاحبي يالاه خدمتها البارح وفاش سيفطتلهم الايميل قالو بغاو اجتماع اليوم و هانتا كتشوف درنا الاجتماع و الصفقة دازت مزيانة ...عثمان:بففف ميمكنش نمشي عندهم دابا للدار حشومة وحتى هي طافياااا داااك التيليفون ...عماد:شوف غدا بلا متجي من الصباح سير عندها و حل المشكل ...عثمان:غنتسناك تفتي عليا ريك المهم انا غنمشي دابا غدا ايلا كانت شي حاجة تكلف نتا ...عماد:واخا بسلامة ...///#ميساء:شفتي ا ماما اهىء اهىء كان على سبة ياك قاليكم غيجي اليوم عندي علاش مجاش اهىء اهىء ...رحمة:وا ياك نتي لي خليتيه ومبغيتيهش هاوا خلاك على خاطرك ...ميساء:لا انا مخليتوش خليت الدار اهىء اهىء بغيتو دابا شنو ندير(تفكرت التصرفيقة)اصلا ميسواش صرفقني اهىء اهىء ...رحمة:صرفقك!!!كيفاش علاش اش درتي ...ميساء(عاد طلعات معايا مكنتش باغاها تعرف):ها لالا والو ...رحمة:تهضري ولا نمشي نفيق باك يجي يسولك بطريقتو ...ميساء(زدت فالبكا):اهىء اهىء وااااا لاش كديري معايا هاكا صافي انا نعاودليك دابا انا البارح(............)صااافي ...رحمة:ويلي على بنت الحرام واش هديك هضرة كتقال وزايدها خارجة بلا شوار راجلك و تتقابحي معاه محشمتيش ...ميساء(تدور فعينيها وساكتة):الصمت ...رحمة:عرفتي وكون قال لباباك على الكلمة لي قلتيليه ولا شنو درتي نيت كنتي غتسمعي كلام اخور باز لوجهك نعسب نعسي غدا الا جا غترجعي معاه ...ميساء:لا مبغيتش ...رحمة:نفيقو ...ميساء(تخشيت ففراشي):اصلا كنت غادا فحالي طفي الضو ...رحمة(بابتسامة):تخافي متحشمي تصبحي على خير ...ميساء:ونتي بخير ا ماما...
يوم جديد و نهار جديد فقت اليوم بكري و كنساين عثمان غير امتى يجي بغيت نشوفو توحشتو عارفة راسي مني الغلط و لكن ماشي لخاطري...فقت بكري بقيت واقفة حدا السرجم نشوف لي غادي و لي جاي حتى سمعت الحركة فالدار عرفتهم فاقو خرجت سلمت على ماما و بابا ومشيت كنوجد مع ماما الفطور وبالي مع الباب..جلسنا كنفطرو و بابا كل مرة يهضر معايا فحاجة وانا كلمة نسمعها كلمة لا تا سمعت الصونيط وانا نقفز من بلاصتي ...رحمة:بسم الله عليك جلسي ابنتي جلسي لرض ...ميساء:لالا نمشي نحل الباب هدا عثمان(خرجت كنجري وخليتهم كيشوفو فيا) ...عبد الرحمان:ههه ملي باغا راجلها لاش محناه معاها .. رحمة:الوحم لي دارها ههه ...حليت الباب ولقيتو هو غبر شافني وهو يبدا يضحك دخل سد الباب وجرني لعندو ...عثمان:غنديك بزز بالخاطر غتمشي معايا ...ميساء؛امم عليها جيتي البارح راك كنتي على سبة ...عثمان:والله احبيبة الا غير الخدمة مساليتش عارفاني متخليكش تباتي بعيدة عليا(شاف حنكي وباسني فيه)سمحليا مديت يدي عليك ...ميساء:مسامحاك حيت عارفة راسي غلطت ولكن مرة خرا والله منسمحليك ...عثمان:مكايناش مرة خرا اول مرة و آخر مرة ...ميساء:صافي يالاه نمشيو ...رحمة:ايه ابنتي من الباب خلي الدري يدخل عليها مشرجة من الصباح ولابسة حويجك ...عثمان:ههه هانتي كتشوفي ا خالتي خليني بعدا نسلم على الحاج و نمشيو ...ميساء:واخا سير سلم ...دخلنا للبيت سلم على بابا و بقاو كيهضرو ويضحكو وانا كنشوف فيه تا وقف ...عثمان:يالاه نخليوكم ...ميساء:عثمان مبغيتش نمشي للدار ...عثمان(باستغراب وطلع حواجبو):عاوتاني كيفاش مبغيتيش تمشي ...ميساء:اه يالاه نمشيو لداركم مبغيتش نرجع لديك الدار كنتخنق فيها ...رحمة(كتغمز فعثمان):صافي اولدي سيرو جلسو فداركم شي يامات علة ميفوتها الحال ...عثمان:اشمن حال ...رحمة:راه جاها الوحم صعيب اولدي كرهات دارها غير ساعف معاها ...عثمان(بتنهيدة):امري لله واخا لي بغيتي يالاه ...ميساء(بفرحة مشيت عنقتو):الله اخليك ليا ...عثمان(بابتسامة):ويخليك ليا ...عبد الرحمان:احم احم ...عثمان:المهم ا عمي سمحولنا ههه بسلامة عليكم ...رحمة و عبد الرحمان:بسلامة ...خرجنا من دارنا ركبت مع عثمان الطريق كاملة وانا كنهضر دزنا لدارنا هزينا حويجنا لي غنحتاجو ومشينا لدارهم غير دخلنا طارت عليا غيثة و خالتي فرحات ملي عرفاتنا غنجلسو معاهم..جلسنا فالصالون حيت لقيناهم يالاه كيفطرو غير جلست بانتليا واحد الحلوى د لاكريم فوق الطبلة بقيت كنشوف فيها وعثمان كيهضر معايا وانا مداياهاش فيه يالاه بغيت نمد يدي وانا نهز عيني فغيثة لي كتشوف فيا ...غيثة:متحاوليش ...ميساء:بغيتها...عثمان(معجب منهم):شنو هي لي بغيتي ...تا وحدة فينا مجاوباتو انا رادة البال مع الحلوى و غيثة كتر مني بقينا كنشوفو فبعضياتنا تا طرنا عليها فدقة وكلها تبغجات عمرنا حالتنا بالكريم حسيت بالبكية شداتني شفت فيدي لي عامرة بلاكريم و شفت فعثمان لي مصدوم وكيشوف فينا ...عثمان:من نيتكوم اش هاد الحالة ...غيثة:راه قتليها ديالي😡 ...ميساء:وانا تشهيتها اهىء اهىء ...فاطنة:الله يا بنيتي الوحم خرج عليك غيثة قيسيها ومتقيسيش ليها ماكلتها انا نمشي نجيبلكم راه كاينة فالتلاجة ...ميساء(كنمسح دموعي):غير خليك اخالتي انا نجيبها ...غيثة:جلسي لرض انا نجيبها هنا و نقسمو ...عثمان:واش غدابزو على الحلوى ولا شنو انا دابا نمشي نجيبلكم شنو بغيتو غير هنينونا
نضت للكوزينة جبت ديك الحلوى لي تما وغيثة تابعاني بزز باش كتمشى تا هي جلسنا وقسمنا دكشي بيناتنت وخالتي و عثمان جالسين وسطنا حاضيينا..بقيت كناكل ونتبنن ونشوف فغيثة لي كتحشي فوجها ومخيبة سيفتها يا ربي السلامة غتوحلها ليا بقينا هكاك تا قفزاتني غيثة بغواتها ....غيثة:ااااااااااااي كرشي اهىء اهىء لالا ماشي داباااا اهىء ...عثمان(مخلوع):شنو وقع مالك ا غيثة ...فاطنة:اويلي ياكما غتولدي ...ميساء(نضت وقفت حداها وحالتي كلها عامرة بلاكريم):لا راه مزال الحال عليها غتكون غير الحلوى ضراتها .. غيثة؛وااا عتقونييييي اهىء اهىء راااه كنولد اهىء اهىء ....عثمان:شنوو شنو دابا شنو نديرو خاصني نعيط لعماد ...فاطنة:نديوها للسبيطار اولدي فالطريق ونعيطوليه سربي نخرجوها ...تعاونات خالتي هي وعثمان عليها خرجوها لبرا وانا تابعاهم كنشوف فيها كتوجع وكتبكي بقات فيا وشدني الخوف تا انا ركبنا فالطموبيل الطريق كاملة وهي تتغوت تا وصلنا للسبيطار دخلوها وكانت فعلا غتولد حيت الما هبط...جلست انا فواحد الكرسي تما وعثمان غادي جاي كيصوني لعماد ...فاطنة:واش مكيجاوبش ...عثمان:بففف لا ...فاطنة؛بقا تصوني اولدي تا يجاوبك .. عثمان(عاود كيصوني ليه وهو يجاوبو):على السلااااامة عاااام باااش تجاااوب ...عماد:ماالك اصحبي راه مسمعتوش شنو واقع .. عثمان:احم شوف راه غيثة كتولد جبناها للسبيطار ...عماد:ها شكون غيثة كتولد كيفاااش امتى هدشي ...عثمان(بالغوات):توككككض ا عمااد اجي دابا للسبيطار ديال****دابا تكون هنا ...عماد:اه انا جاي جاي ...قطع عثمان مع عماد وجا جلس حدايا ...عثمان:واش مزيانة نتي مكيضرك والو ...ميساء:مزيانة خاصني غير نشوف ختي بيخير ...عثمان:ان شاء الله غتولد ويدوز كلشي على خير غير هدني راسك نتي ...مدازش وقت بزاف جا عماد ومخلوع على غيثة كل مرة كيسول كيفاش كانت حالتها واش بكات شنو كانت كتقول وخالتي تتحاول تهدنو تا خرجات الطبيبة و باركات ليه وقالت بلي غيثة ولدات وليد سولناها على حالتها هي قالتلنا بلي كلشي مزيان لا هي ولا الجنين صحتهم مزيانة...فرحنا بزااف و عماد اكتر واحد لدرجة بكا ونزل للارض كيحمد الله حيت رجعلو مرتو بيخير ...بعد مدة خرجو غيثة لي كانت ناعسة وهدا نتيجة طبيعية للمجهود لي دارت داوها لواحد الغرفة دخلنا معاها وعماد جالس حدا راسها تا بدات كتفيق غير شافتنا وبدات تضحك واخا مسخسخة تا جاوبوليها البيبي كان غزيول تبارك الله وصغير بزاف مقديتش نهزو حدي بستو وهو فحضنها حيت خاصها ترضعو دكشي علاش خرجت انا و عثمان على برا شوية حيت حسيت بكرشي تزيرات عليا.... ///عماد:على سلامتك احبيبة ...غيثة:الله اسلمك شوف ا عماد ولدنا شحال زوين ...عماد:حاجة طبيعية راه ولدي اكيد غيشبهني ويكون زوين بحال باباه ...غيثة:منين جاك الزين ...عماد:الولادة ولدتي بلا متبقاي توحمي عليا دابا ...غيثة:صافي هنينا اممم شنو غنسمي حبيبي(بستو من يديداتو الصغيورين) ...عماد:انا نسميه ...غيثة:لا انا لي توجعت عليه ماشي نتا اممم غنسميه صقر زوينة ياك ...عماد:شحال كتعجبك الحاجة لي كطير حيت نتي نيت كطيري لا معحباتنيش ...غيثة:لهلا تعجبك متشاورتش معاك اصلا انا غير علمتك بلا متعصبني ...عماد:بففف واخا الالة هدا نتي لي غتسميه لي جايين والله منتعاتق ...غيثة:اوا تا يجيو ههه ...عماد:ضحكي غير نتي ...غيثة(بستو من فمو بزربة):احح شحال تنبغيك ...عماد(عنقتها):كنموت عليك انا..
من بعد 3 ايام خرجات غيثة من السبيطار ومشات نيشان للدار وقررو باش يكون السبوع ورا عرس علياء و يوسف لي جاو باركو لعماد و غيثة...اما انا السيمانة كاملة تقريبا دوزتها مع علياء كيديني عثمان عندها ويجيبني فليل تا وصل نهار العرس داونا الدراري انا وغيثة لعندها و صقر خليناه مع خالتي فاطنة و ماما فالدار واخا كانو معروضين ولكن مبغاوش يمشيو...مشينا مع علياء للصالون لي كنا واخدين عندهم موعد قبل باش يتكلفو بينا تهلينا فراسنا مزيان و خصوصا علياء لي جات غزالة بزااف لبسات تكشيطة فالخضر جاتها فنة مع مشيطة و مكياج خفيف بامر من يوسف لي جلس كيوصي فيها و تا انا صاوبت شعري حيت غنحضر بيه مدام العرس غيكون مفروق بين العيالات و الرجال مكاين لاش نخلي الزيف و غيثة نفس الشيء دارت...كملنا و وصل الوقت جاو الدراري داونا من الصالون تا هوما كانو مقادين و الكوستيمات فالكحل اخح على حبيبي عثمان و كيف جا بديك اللحية غير شفتو مشيت عندو عنقتو وبستو فالزنقة وقدام الناس مهمني حد اما هو على قد ما ولا كيتصدم من هاد الجرأة ديالي على قد ما كيعجبو الحال...كا وحدة ركبات مع راجلها و توجهنا لدار علياء كانت البنية قدام الباب فيها فين غيجلسو الرجال و لداخل العيالات نزلنا ومشينا حدا علياء لي خرجو العيالات كيستقبلوها بالزغاريت و الصلاة على النبي وخالتي زينب و حماتهت واقفين حداها دخلنا لداخل وخلينا الدراري على برا جلسات علياء فالبلاصة ديالها لي وجدوليها و النقاشة كانت تما حيدت انا الزيف لي كنت دايرة على راسي وجلست انا وغيثة حداها و العيالات خدامين بالغنا و الشطيح كان الجو زوين بزااف وفرحت لعلياء بزااف بنت الناس و تستاهل الفرحة ...داز كلشي زوين وبدلات علياء اللبيسات تصورات هي و يوسف و تا حنا تصورنا معاهم وصل الوقت لي خاصهم يمشيو فيه ودعناهم و جينا بربعة بينا دخلنا للدار لقينا خالتي فاطنة باقا فايقة مع صقر و عمي حتى هو سلمنا عليهم وخدات غيثة ولدها وكل واحد دخل لبيتو انا كي حطيت راسي على المخدة نعست... ★من بعد اسبوع★كان كلشي واجد لسبوع صقر وكلشي هو هداك واخا كنا باغيين علياء و يوسف يحضرو ولكن هوما فشهر العسل تا كن نورهان و ياسين مصلاحلهمش يجيو بحكم ياسين مزير بزاف فالخدمة...داز السبوع زوين كالعادة دكشي مفرق الرجال بوحدهم و العيالات بوحدهم باش كل واحد ياخد راحتو ...رحمة:بنتي جلسي ارتاحي شوية ...ميساء:انا مرتاحة ا ماما واش حطيتو للناس العشا ...رحمة:كلشي هو هداك غير اجي تجلسب ولا نمشي نعيط لراجلك راه من الصباح وهو يوصي فيك زعما كوني تسمعي الهضرة ...عثمان(وقف علينا):علاش شنو دارت ...ميساء:والو والو ...رحمة:اشمن والو ديها اولدي لبيتها ترتاح شوية غنجيب ليها تاكل راه مكلات والو ...عثمان(خنزر فيا):تحركي قدامي ...ميساء:اففف ...مشيت معاه دخلت للبيت سد الباب وجا جلس حدايا تحنا حيدليا البلغة من رجلي و قادني تا تكيت ...ميساء:راه مغنعسشدابا بلا متحاول ...عثمان:مقالك حد نعسي غير عطي شوية الراحة لراسك راه مبقالك والو ا ميساء بقا شهر واحد وتولدي ...ميساء:اففف محسسيني بحالا كنحتاضر وغنموت ...عثمان:اش هااد الهضرة ...ميساء:وا شوف نتا شنو كتقول ...عثمان:حبيبة بلا منبداو واخا ...رحمة(دخلات هازة بلاطو):هاك اولدي جلس معاها تا تاكل هدشي انا راه ولات كتغلبني ...ميساء:ياك ا ماما ...رحمة:ايه ...خرجات ماما و بقيت مع عثمان كيوكلني بيديه بحال شي بنيتة صغيرة تا كملت دكشي كامل عاد خلاني خرجت و متفارق معايا تا وصا عليا غيثة باش منوضش من حداها وتا هي خاص غير لي وصيها دارتليا بحال العسكري...داز الوقت دغيا وبداو الناس كيمشيو فحالهم خوات الدنيا و ماما و بابا شدهم عمي باش يباتو تا هوما تال صباح ودكشي لي كان كلشي دخل لبيتو وخلينا الروينة كما هي تال غدا ونتعاونو عليها....
بعد شهر♣ ...فاطنة:ولاهيلا نهار كبير هادا لي جيتو منين مشيتو ما عاودتو سولتو فينا ...نورهان:والله اخالتي الا توحشتكم راه غير ياسين خدمتو كانت مزيرة بزاف وكان مواعدني غير يكمل نجيو ودكشي لي دار نيت ...ياسين:مخلفتش بوعدي بعدا ...فاطنة:ههه اوا تبارك الله عليك الراجل هو الكلمة و مبروك عليكم الله افكك على خير ابنتي ...نورهان:اميين ا خالتي غيثة عطيني نهز داك الفنيكيش ...غيثة:هاكي قولي بسم الله بعدا ...نورهان:ههه بسم الله ويتي ويتي ما دا منك والو ...عماد:ياك بعدا راه قتليها كيشبه ليا متيقاتش ...ياسين:ههه لا ليك ولا ليها كيشبه لعثمان ...عثمان(بابتسامة):دكشي لي بانليا غيطلع لعمو ...ميساء:وولدك لمن غيطلع كيشبه ...عثمان(غمزني):لمرتي حبيبتي ...غيثة:هايهاي على الناس ...ميساء؛ديها فراسك نتي ...غيثة:يختي هانا ساكتة قتلتيني امتى تولدي خلاص ...ميساء(حسيت بنغزة فكرشي):بانليا قريب ...عثمان:مزال الخال احبيبة باش دخلي فشهرك ...ميساء(زاد الوجع فكرشي وانا كنحاول منزربش حيت ممكن يكون بحال كل مرة ولكن لا هاد المرة حاسة بالوجع كيزيد مقديتش نصبر شديت فعثمان وغرست فيه ضفاري):ااااي اهىء الوجع الوجع ا عثمان ...غير شافوني تنتوجع كلشي ناض مخلوع و اولهم عثمان لي تلف وانا بزز شادة راسي يالاه شهري التامن واش غنولد دابا بقيت كنغوت ونبكي و عثمان هزني حطني فالطموبيل ركبات معايا نورهان و ياسين حداه الطريق كلها وانا كنغوت تا وصلنا للسبيطار نزلوني جاو شي فرمليات جابو كرسي متحرك جلست فيه وانا مزال شادة فيد عثمان مبغيتش نطلقو وهو عرقان كتر مني دخلوني للبلوك حطوني فوق الباياص و دخلات الطبيبة قلباتني و قالتلي بلي غنولد و طلبات من عثمان يخرج ولكن انا معرفتش منين جبت داك جهد مبغيتش نطلقو وحتى هو مكانش باغي يخرج الطبيبة ملقات مدير خلاتو معايا بدات تتولدني وتقولي شنو ندير ...الطبيبة:زحمي مزيان وحبسي الغوتة متغوتيش ...ميساء:امممممممم اااااه اهىء اهىء ...عثمان(كيبوسليا راسي):حبيبي صبري صبري مبقا والو كلشي غيدوز بيخير قولي بسم الله و زحمي ا حبيبتي يالاه ...درتلو اشارة براسي وضرت كنشوف فالطبيبة وانا مزيرة على يدي قلت بسم الله باعلى صوت وغمضت عيني وزحمت بكل قوتي حتى سمعت صوتو ولا صوتها رجعت راسي لور وانا كنرجع انفاسي و عثمان كيبوس فيا و يردد كلمة الحمد لله وانا كنشوف فيه تا جابتلي الطبيبة بنتي حطاتها لي فوق صدرتي ...الطبيبة:على سلامتك ولدتي بنيتة غزالة ما شاء الله ...درتلها ابتسامة وبست بنتي لي وجها فعنقي وهي تترضعو وانا حاسة بداتي مرخية تا بدات كتديني عيني ...عثمان:ميساء ميساء فيقي مالها شنو وقعلها ...الطبيبة:متخافش اسيدي هي دارت مجهود كبير دابا خاصها ترتاح شوية كلشي مزيان النبض ديالها مستقر و التنفس منتظم غنديوها لغرفتها دابا و نغسلو للبنيتة ونلبسوها ونجيبوهالكم يمكنليك تخرج نتا ...خرج عثمان من البلوك لقا العائلة كلهم برا طمنهم عليه و باركوليه وبقاو كيساينو تا خرجو ميساء داوها لبيتها وطلبو منهم باش يخليوها حتى تفيق... و دكشي لي كان من بعد ساعة ...حليت عيني بزز وانا حاسة براسي داتي كلها كضرني تفكرت شنو زقع حليت عيني وضورت راسي فالبيت حاولت نحلس يالاه بديت كنتحرك تا سمعت الباب تحل عليت عيني لقيتو عثمان كيطل عليا غير شافني وهو يدخل عندي بزربة جا عنقني وبدا كيبوس فيا ...عثمان:نعاسة تعطلتي تا خلعتيني عليك ...ميساء:ههه مزال مغنموت باقة لاسقة فيك ...عثمان:الله اخليك ليا حياتي بلا بيك متسوا والو ا ميساء نتي هي حياتي منقدرش نعيش بلا بيك و الحمد لله اليوم ربي هداني طرف منك بنيتة زوينة بزااف كتشبه ليك وهدشى لي كنت كنطلب من الله فصلاتي وانا كندعي باش تولدي على خير و ترجعي ليا ...ميساء(بابتسامة):حتى نتا الله اخليك ليا عمري كنت كنتصور غنبغي انسان تال هاد الدرجة ...الممرضة(دخلات علينا):سمحوليا ولكن الآنسة فيها جوع و بغات تاكل ...ميساء:هه عطيهالي ...حطاتهاليا فحضني كانت بحال الكميشة وحنيكاتها موردين وراتني كيفاش نرضعها وخرجات و عثمان مقابل معانا مرة يبوسني مرة يبوسها ...عثمان:ميساء الصغيرة ...ميساء:ههه ياكما ناوي تسميها ميساء ...عثمان:احسن اسم و احب اسم لقلبي غنسميها ميساء ...بقيت كنشوف فيه وهو فرحان بزااف رضعت بنتي و مشا عيط للعائلة دخلو باركولبا و كلشي كان فرحان ببنتي حسيت براسي غنطير بالفرحة وانا بين عائلتي لي كنت قبل حاسة باليتم واخا لي وقعلي و اكتاشفت انني عندي والديا ولكن كلشي فات و الاهم اننا نسامحو ونعيشو اللحظة و منخليوش الكره و الحقد يتمكنو منا حيت متمشي غير فين مشاك الله و اي حاجة دارها ربي نحمدوه عليها و نشكرو حيت ديما الارادة ديالة كتغلب وكتكون عندها حكمة و اهم حاجة انني اول مرة قبلت بمكتوبي انني نتزوج انسان مكنعرفوش وكانت بداية لحياتي و سعادتي مع راجلي حبيبي #زوجي_الملتحي 
    ♥النهااااااية♥