قالت بلا مبالات : وانا مالي تزوج
بتاسم بعدوبة وقال : داكشي اللي ناوي ندير ... اجي دوزتي عماين كاملة فأكادير؟
فاتي : اممم .. خدامة .. ومابقاش ليا بزاف ونرجع بحالي
واءل : اممم .. مزيان الاللة
سكت وبدا فالغدا فصمت .. العيون اللي كتكلم هاد المرة ... مرتوثرين بجوج وحتى واحد مامرتاح . الجو مزال مكهرب بيناتهم .
سلات الغدا وناضت قالت : فاتي غنمشي بحال ... شكرا وسمح ليا عدبتك
واءل : هادا واجب ... واخا مسخيتش بيك ونتي دغيا سخيتي بينا
فاتي : تابعين شحال مايدار
واءل : واخا ماشي مشكل يالاه نوصلك
ماخلاهاش تخلص وخلص هوا .. خرجو طلعات معاه ويالاها ديمارا الطموبيل قال
واءل : غتمشي للاوتيل؟
فاتي: اه
و
قال بتردد : يالاه نديك ل..للدار ... بغيت نقول بزاف عليك لاوتيل مصاريف عندك تما ... الدار خاوية وانا غنمشي عند الوليدة باش تبقاي على راحتك
فاتي: شكرا بزاف ولاكن غنكون على راحتي كثر الى بقيت فالاوتيل
سكت مقالو والو ووصلها للباب دالاوتيل وقال : تعطيني نمرتك؟ غير نسول عليك الى مكان عند تا مشكل
حركات راسها عطاتو نمرة ومشات بحالها . سدات على راسها فالبيت وهي تسخف فشلانة طايرة من الفرحة ... اخيييرا قلبها رتاح شوية .. قلبها اللي كيرتاح بجنب واءل فقط .. صعيب يرتاح جنب شي حد اخر . مشلت تلاحت فوق النموسية معنقة المخدة كتحلم وتخايل فرحانة ومقاداها فرحة .. بدات تضحك ليها الايام من جديد وبدات ترجع حب حياتها وراجلها اللي ضيعات .
صبحات الصباح فايقة ناشطة وراااشقة ليها .. خدات دوش وخرجات ملوية عليها فوطة بيضاء لقات تيليفونها كيصوني ... طلات وهي تلقا نمرتو .. اييه حافضاها وماعمرها نسات عى نمرتو ، جاوبات وعينيها ضاحكين كتحلون وهوا كيهضر معاها بشوية وبالتقالة
واءل : كي صبحتي ؟ سافا؟
فاتي: حمد لله ونتا كي صبحتي
واءل : حسن من الايام اللي فاتو ... هاد الصباح صبحت فشكل .. اش كديري؟
فاتي : والو .. خرجت من الدوش وغنزل نفطر
واءل : 12 هادي .. وقت الغدا هادا .. شنو .. نخرجو نتغداو انسومبل؟
فاتي : فين ؟
واءل : فين ما بغيتي؟
فاتي: اوك
واءل : واحد الساعة وندوز عليك... طموبيلتك راها عندي . فاش نصلحها ونجيبها ليك
فاتي : اوك ... يالاه بسلامة
قطعات وهي تجبد فوق النموسية فرحاانة ... جمعات النوضة بالزربة وشتتات باليزتها كاملة وبدات توجد يالاه تلحق تسالي فالوقت . . . تلبس وتحط وتقيس وتجرب فاللخر خرجات بنتيجة .. خرجات لابسة سالوبيت توب واسع من لتحت مع صندالة عالية فالاسود جاها راءع مع الروايح والمكياج نزلات كتقرقب لاقرب صالون وجلسات كتصايب شعرها .. شوية صونا ليها تيلي وهي توقف الكوافورة
فاتي: بلاتي اختي غير نجاوب ... لاسمع صوت ... مابغيتش يسمع صوت السوشوار ولا حس الصالون غيقول مييتة عليه وكنوجد ليه (جاوبات) الو
واءل : انا حدا باب الاوتيل
فاتي: واخا هانا مشيت نجيب روشارج وراجعة عندك دابا تسناني تما (قطعات)
كملات شعرها وخرجات كتقرقب دازت خدات الروشارج ومشات طلعات حداها .سلم عليها من الوجه وقال
واءل : تعطلتي
فاتي: تلاقيت واحد صاحبتي شداتني بالهضرة
واءل: اوك ..
هز بوكي دفلور من اللور وعلبة شكولاطة عطاهم ليها وقال
واءل: وقبلي علينا ههه
شداتهم فرحانة وقالت : شكرا ههه عدبتي راسك
واءل: مابيناتناش هاد الهضرة افاتي ... راه بيناتنا عشرة حيدي الرسميات
فاتي: هههه
مشا لنفس لغيسطو حدى لبحر وجلسو كيتغداو
واءل : شحال بقا ليك باش تمشي؟
فاتي : بعد غدا ان شاء الله
واءل : باقي طموبيلتك ما تصلحات
فاتي: زرب عليها حتى نمشي ونصلحها تما ... شحال تقام عليا الاصلاح ديالها ؟
هز حاجبو وقال : وايلي افاطمة الزهراء !!! قلنا مابيناتناش
سكتات مبسمة كتشرب الماء وواءل حداها مبرزط . بحال الى باغي يقول شي حاجة
واءل : احمم.. فاتي نجيك من اللخر... حنا ماشي عاد غنتعارفو ... انا باغي نرجك والى كنتي قابلة نعجلو بهادشي بلا مانزيدو نطولو نجبدوها واحد عام ولا عماين ...راه 5 سنين وحنا مصاحبين عاد تزوجنا ومافيا اللي يجلس 5 سنين اخرى ... انا كنكبر ماشي كنصغار وباغي ندير ولادي نلعب معاهم ماحد عندي الخاطر ليهم
بقات ساكتة مترددة .. حس بيها بحال الى بغات ترفض وهوا يشد فيديها وقال
واءل : كنواعدك عمرها تعاود .... عمرها تعاود افاتي ... تيقي بيا والله كنبغيك لواحد الدرجة متصوريش ... غلطت وندمت ونعاودها ليك للمرة المليون ... سمحي ليا وعمرني نعاود نديرها .... وحتى نتي عطي وقت راسك وتهلاي فراسك .. كنبغي نشوفك حسن من كاع هادوك اللي كيدوزو قدامي فالزنقة ... كنبغي نشوفك لابسة مزيان .. واكلة مزيان .. مرتاحة ... باش حتى انا نرتاح ونحس براسي مهلي فيك ومناقصك حتى خير ... تهلاي فراسك هوا اللول ... نشوفك مزيانة هاداك هوا النهار الكبير عندي
تنهدات وقال : والعاءلات ديالنا اش غايقولو؟
واءل : من عندي انا فستين داهية خلاوها المصريين! حياتنا هادي اللي دوا يرعف ... واللي دوا نعرفو باغي ليا الشر ... حيت ناوي نرجع مرتي وندير ولادي مانبقاش هاكا . غير نتي متسمعي لحتى واحد يعمر ليك راسك ... نتي باغاني وانا بااغييك وينعل بو البشار اللي معجبناش يقلب علينا يعطيها شبر التيساع
[23/1 19:36] بارت: سكتات فاطمة الزهراء مطولا كتسمع لكلام واءل .. حشمات جاوب وتقول قابلة نرجع .. والى هضرات غتقول ماقابلاش ودير فيعا عزة نفسي.. دورات وجهها للجنب جتى حسات بيدها كتباس ودارت شافتو كيلوس فيدها بشغف
واءل : غادي نرجعو ... انا مستحيل نعيش مع وحدة من غيرك ونتي مستحيل تعيشي مع واحد غيري... راحتي معاك كنلقاها .. وحتى نتي راحتك معايا كتلقايها
فاتي: والتقة كي غندير نرجعها؟
واءل : حلفت ليك ما تعاود ... ومع الوقت ترجعي تيقتك فيا . هادا جهدي وماعندي ما نقدم ليك باش تيقي فيا افاطمة الزهراء ... حلفت ليك بالله والله حسن من كلشي . تنهدات ساكنة وهوا يقول
واءل: غنمشي معاك تهزي حوايجك تديهم لدارك..
قاطعاتو : ماشي بهاد الطريقة اواءل ... خاصك ترجع ليا اعتباري قدام الناس اللي كلاو فلحمي حتى شبعو ... اللومة اللي رجعات ليا ... العاءلة اللي كتشوف فيا شوفة ناقصة بحال الى مجدامة ... الضحك اللي ضحكوه عليا .. واللي تزوجات كاعيط تشفا فيا .. سحاب ليك هادشي ساهل عليا ؟ مرضت بهضرة الناس وتقهرت ... وليت نحشم بحال الى درت شي جريمة ! ماتصورش وجههي اللي مرمدتي ليا فالتراب وصمعتي اللي طاحت للارض
واءل : اللي بغيتي نديرو ليك .. يكفي انني كنبغيك وغتعيشي معايا .. مايهمكش البشار .
فاتي : الى نتا عندك هادشي وايد ناقص انا راه مهم بزاااف بالنسبة ليا ولأي بنت هضرو فيا وطعنو فشرفها ... وخاص با يبغي بعدا هادي اول حاجة . منقدرش نرجع ليك بلا متيبغي با .. واخا هاكاك سخط الواليدين خايب والحاجة مكتكملش بلا رضاهم ... وشوف مك واش تبغي بعدا
واءل: مي والله عمرها قالت فيك شي كلمة خايبة ... ديما كانت تقول ليا ضيعتي بنت الناس وماتلقاش بحالها ... واخا باك خرج العيب مي ماعليش غنشوف معاها على قبل داركم اما عليك نتي مزالين كيدكروك بالخير لدابا
فاتي: المهم منك لبابا ... بغيتو هوا يعيط ليا ماشي انا نعيط ليه ... انا منقدرش نقول ليه نرجع ولا رجعت ولا شي حاجة ... هوا اللي يجي ويقنعني نرجع .
واءل : هضري مع ماماك شوفي شنو تقول ... ياك كتعاودي ليها كلشي ... وانا غنمشي دابا مع العصر نتسنى باك يخرج من الجامع ونهضر معاه ... غيبغي والى مابغاش غيبغي بزز منو
فاتي: بابا يقدر يبغي ... يقول الله ترجع ولا تبقا بايرة انا عااارفاه كي داير ... تجبدو حس الزواج يضحك تا لودنيه وينسا كاع اللي فات ... تجبد بيه الطلاق يكحال وجهو ويكرهك .
واءل : وراه عارفو واش علد توريني فيه .
خرجات عينيها : وماالك كتهضر هاكا!!! راه بابا هاداك!
واءل : !!! والو ماقلت وااالو .. الله يعمرها دار اش قلت ... صافي سمحي ليا لاللة
دورات وجهها زعفانة وهوا شاد فيديها كيرطب معاها ويراضيها حتى قربات العصر تأدن وناض رجعها بحالها للاوتيل ومشا هوا يتلقا باها . تاصلات بأمها تلقاها وشدات طاكسي قربات من المدينة تلقات امها وجلسات معاها فالقهوى كدخل وتخرج مقادراش تجبد الموضوع
فااي: احم... و.. وواحد خيينا بغا يتزوج بيا
الأم: شكون هادا؟ فين كتعرفيه
فاتي : مهم هوا راه ميسور وباقي صغير .. وزوين ... عاودت ليه عليا وبغا يهضر مع با
الام : وتخافي يطلع تا هدا كفس من لاخر... ماتبدل صاحبك غيييير بماكرف منو ابنتي ... انا كان يحساب ليا غتنعلي الشيطان وترجعي لراجلك ... بعدا بعدا كنعرفوه و عارفين كفاش كنتي عايشة معاه وكلشي حاسدك.... عوينة ضرباتكم وصافي
فرحات فاتي وخبات فرحتها وقالت : راه تعرض ليا باغي يرجعني ومابغيتش ... مهم هادا اللي بغا يخطبني راه
قاطعاتها: والله حتى تندمي هااااانا فين كنقولها ليك ... انا عمرني شفت شي راجل كيموت على شي مرى بحال اللي شفت هادا مسكين ... يجري موراك ويقول مايجريت ونتي باغا واحد ماعرفنا طبعو كي داير و لا عاءلتو تقدر تحرر فيك العيشة ... راه خانهم ديال بصح وسمحو ليهم وراهم واليدن ولادهم مجاب حد خبارهم ... اما نتي درتيا لعب صدقات بصح ... كن غير حصلتيه بعدا مع شي وحدة اخرى .... وزايدون ميقدرش يعاود وماعمرو يتيق فشي وحدة .. ديما غيبقا يقول تقدر تكون فاطمة الزهراء اللي مسيفطها... سمعي ليا ابنتي ورجعي راجلك ... انا دخل ليا لخاطري راجلك وكنرتاح من جيهتو ... واحد اخر عاد غنعرفوه وماعرفنا يصدق ولا ميصدقش.... راجلك زوين وصغير وبخيرو وخميرو ... والله ومشا خطب شي وحدة تا يعطيوها ليه ... المخيييييرة فالعاءلة ماكرهاتوش راسها واخا يصبح يعطيها فالعصى تبقا لاسقاه .
فاتي: اففف حرت
الام : سمعي مني انا باغا ليك الخير ... الى مزال تابعك رجعي ليه ... كن مكان باغيك والله لا بقا تابعك .. تجيه من الجنة والناس ويجيب وحدة اخرى ... ياك مطلق مطلق علاش يرجع القديمة يشوف ليه وحدي جديدة ... لا ولاد علاش يصبر ... لا ورت ... ولا واااالو .. تزعط الدري زعطة زغبية وهيااا نااري الزعطة دالرجال شحال صعيبة
[23/1 19:37] بارت: فاتي : المهم دابا هوا صافي مشااا تزوج وسالينا .. نشوف راسي حتى انا
الام : عطاتها صبع ) ها تزوج ... يجيو البرهوشات يتفلاو عليك تيقيهم ... ماتزوج ما زمر غير كانو باغيين يفقصوك ويمرضوك فصحتك ... اما انا شحاال هادي تلاقاني وجا عندي سلم عليا عادي فرحان وفيه الصواب قلت ليه مبروك مادرتي شبع عليا ضحك ... قالي مكاين والو من داكشي غير وحدة بغات تلسقو ومشا معروض لشي عرس صاحبو ....مهم روييينة داز منها تا هوا الله ياخد الحق فاللي كان حيلة وسباب ... رجعي ابنتي لراجلك .. تلاقاني مسكين وبقا كيوسل عليك حتى حشمت انا قلت ليه مشاااات للسعودية ههه
فاتي: والله ماعرفت اش ندير حرت
الام : ماتحيري ما وااالو .. الولد باغيك وشاريك حتى واحد ميدير عليك بحال هادشي وعمرك تيقي فالناس وعطي التيساع للبشار راه الى مغرق لبوك الشقف مايهز بيك ... سمعي مني انا اللي مك
فاتي : ايوا اللي دارها الله هي اللي كاينة ... الى بغا با بعدا .. اما الى مابغاش راه هناني
الام : يبغي بزز من مو وباه ... كره بعدا يرجعك .. الله ترجعي ورجعو كي كنا ولا هاد الحالة اللي رجعنا فيها . تي والله تا يردك ليه ومشا دوا معاه
فاتي: المهم مايجيش يهصر معايا انا ... يمشي منو لبا . . . يالاه راه مشا الحال نرجعو فحالنا
الام : نيييت باش نمشي نقرقب لباك عند راسو باش حتى الى مشا واءل هضر معاه ولا تلاقا ببه يعرف يدوي معاه ماشي يطلق عليه قرقارتو الخانزة ويطجج الراجل منا
ناضو كل وحدة شدات اتجاه ، غاتي رجعات لاوتيل ومها مشات للدار
يالاه دخلات للبيت وهوا يجيها اتصال من عند واءل ناشط ماشط
واءل : فين احبيبة .. رجعتي؟
فاتي: لا باقا برا
واءل : كفاش برا ل 10 هادي اش مزالة كديري فالزنقة؟ من نيتك افاتي !!!
فاتي: الاااههه كنضحك راه رجعات قبييييلة
واءل : اااه حسابلي .... مهم راه دويت مع باك ماطلقتو تا عصرتو حدى الجامعm: فاتي: اويييلي شنو قلتي ليه ؟ عنداك تكون قلتي ليه هضرتي معايا؟!
واءل : قلت ليه ناوي نرجع مرتي من اللخر
فاتي : بحماس) اهاااه وشنو قال؟
واءل : قالي تا ترجع من السعودية؟!! امتى مشيتي لشي سعودية نتي؟!
فاتي: وراه مابغاش يقول ليك طجييت من الدار ومشيت عند خالتي لأكادير .
واءل : ومابانت بيه غا السعودية!!! .. هاد باك مشرك الوراق .. يالاه خارج من الجامع غاسل دنوبو وصل عندي وخوا يجمعهم عاود تاني !!! لعجب ... كدبة كحلة هادي ... مهم نتي امتى غتجي من السعوية باش نفضيو هاد الحريرة؟
فاتي: خليه تا يعيط ليا راه معارفتيش فكازا اما كن كزز ليا مساسطي ولسقني لسقة . صبر تا يعيط ليا نشوف اش يقول بعدا
واءل : راه قلت ليه رحلت من داك القنت ركب معايا فالطموبيل ضربنا دويرة كنهضرو ودوزتو حدا الدار قلت ليه الى بغاتكم تبقاو قراب منها اجي سكنو فوقنا ... قالي ضربها على حسابي غا تا ترجع من السعودية ... وطلقينا نتي ورجعي
فاتي : راه قلت ليك خليه حتى يعيط ليا ... وكن غير ماقلتيش ليه يسكنو فوق منا اويييلي غنبدا نصبح عليه كينكر علينا والله ما تشوف النهار الزوين غايبقا حاضينا
واءل: وا غير قلت ليه .. مهم فاش تجي نتي من هاد السعودية ديالك ديرب معاه اللي عجبك ... انا غا مللي قالي ضربها على حسابي صافي تهنيت
[23/1 19:38] بارت: وهي كتهضر مع واءل جاها اتصال وقالت بلهفة
فاتي : قطع قطع نمرة دبابا
قطعات عليه وجاوبات باها بأدب : الو بابا ؟
قال منفخ : السلام ... واش نتي ماعندك واليدين تسولي عليهم ماعندك عاءلة!!! لقتيها من الجنة والناس !
فاتي: راه كنبغي نسول وخفت
الاب : قالت ليا مك راكي هنا فكازا؟!
فاتي : اه كاينة
الاب : ايوا ماقدرتيش تجي لدار باك ماشي حشومة جالسة فلوتيل؟ واش جريت عليك ؟ جرى عليك شي واحد ؟ علاش ماجيتيش؟
فاتي : دابا نجي
الاب: جمعي حوايجك واجي راه دار باك هادي مكاينش اللي يخرجك منها ... جمعي حوايجك ابنتي واجي لدار باك ... المسامح كريم
فاتي : واخا
الاب: يالاه ها حنا كنتسناوك .. ماتعطليش ابنتي
قطع خلاها مصدومة .. بنتي !!!
كي طرا وجرا حتى رجع زوين ؟ ماعليش تجمع حوايجها يلاه تلحق.
جمعاتهم وشدات طاكسي لداره مباشرة جارة باليزتها ولابسة جلابة قدام باها زعما دارت عقلها . حلات ليها امها الباب وبدات تسلم وتعمق بحال الى اول مرة تشوفها . دخلات حشمانة لقات باها جالس فالصالة .. مشات عندو باست يديه وسلم عليها كأن شيءا لم يكن .. جلسات حشمانة مربعة يديها وهوا كيشوف فيها
الاب : كي درتي مع الخدمة ؟ والسفر والعيا ؟ لاباس
فاتي: لابااس ابااا
الاب: ايوا مالك ماتجيش لدار باك ؟ جرا عليك شي حد ؟
فاتي : لا
الاب: ايوا جلسي فدار باك مالك مناش خايفة؟... عيييشة ..حطي لينا العشا نوضو ركدو... وتركد تا لبنا راه عيات مسكينة مكرفسة في داك لوتيل
حطات عيشة قصرية ديال كسكسو فوق الطبلة وقال
عيشة : هاااا العشاااا ... عنداك تاكلنا.... زيدي ابنتي تعشاي
تجمغو على الطبلة بحال اي اسرة .. تعشاو وكل واحد فين اجبد .. الاب مشا لبيتو وفاتي تسرحات فوق واحد السداري خي ومها كيتجمعو
فاتي: شنو قال؟
الام : فرح وجا هوا قلب ليا راه دوا معاه واءل ... بغا يرجعك ليه ... لعار ابنيتي جعي راجلك وخلينا نرتاحو من الصداع ... شتي كن كان شي ولد لحرام والله مانقول ليك رجعي
فاتي: بشرط
الام : شناهوا ؟
فاتي : تا حد ميعرفنا اش كنديرو ولاياش كنطبخو ... يجي يخطبني با بحال اللول .. ويدير ليا عرس .. واللي سول قولو ليه غتزوج من جديد... مابغيت تل واحد يعرف شكون غنتزوج
عيشة : انا من عندي سرك في بير ... شوفي غا باك يزم فمو
فاتي: لا جبد معايا الهضرة غنشرطو عليه الى بغاني نرجع وتشوفي الى زم فمو باش منتعكسش ليه ... واتصبحي على خير
عطات وجهها للحيط نعسات .
صبح الحال وناضت كتعاون مها فالشقا وتصبن حوايجهها المسخين .. سمعات الدقات ومشات حلات الباب لقات جارتهم بدات تعنق وتبوس
- اهلااا الزين على سلااامتك ... شداتك السعودية علينا هههه
[23/1 21:11] بارت: طلعات فاتي حاجبها مضهشرةشوية وهي ضحك ضحكة صفرة وقالت
فاتي : اااه السعودية ..خههه ويييلي دوخاتني الطيارة .. اففف سخفت دخلي مرحبا
خلات الجارة جلسات وبدات تحمحم وتبحت
الجارة : ايوا غبرااا هادي .. عماين ياختي ماشفناك ! ... تبدلتي وزيانيتي
فاتي: ايوا السعودية هادي يا الحبيبة .. كتمشي خايبة وتجي غزاالة .
الجارة : ايوا كاين شي روايح شي عبيات شي بخور .. ماجبتي والو
فاتي: معلوووم جبت مالي نجي طويلة ... جبت لماما وختي وخويا... ايوا كلشي تفرق يا حبيبة خصاارة جيتي معطلة .. مع جيت وماخرجتش بقيت غير فالدار
الجارة :(كطلع وتهبط فيها ) اممم... ايوا مزيان .. بصحتك .
فاتي: خليت ليك الراحة ... غنمشي نشر شي حوايج ديالي .
ناضت فاتي من حداها وخلاتها من موراها كتعوج فمها وطلع وتهبط .
مشات رجعات بشغالاتها شوية وهوا يعيط ليها واءل
واءل : الحب ... اش كديري؟
فاتي: بميوعة ) كنصبن
واءل : بالصحة هههه
فاتي: اش درتي مع بابا
واءل : صافي هضرت معاه قالي اجي مرحبا ... مهم غنجيب الوليدة ونجي
فاتي: جي تخطب بحال النهار الاول ... عنداك تجي طويل
واءل : اااايهااااااي هااااي هااااي ..
فاتي : هههه اييييه احبيبي ليوا شنو يحساب ليك ... بعتيني بالرخيص غتشريني بالغاااالي
واءل : الريال ولا الاورو
فاتي: اللي حبيتي المهم فاش نصرفو يتضوبل ليا
واءل: اهاه واخا لاللة ...وبغيتي نجيب معايا جمل ولا جموسة ؟
فاتي: تور بولادو
واءل : تستاهلي ... اجي كنهضر ض
دابا بصح شنو غنجيب معايا؟
قالت حشمانة : ليوا نتاا تعرف ... هضرتي بعدا مع داركم ؟
واءل : هضرت معاهم ... واش انا باقي دري صغير كنردع صبعي!
فاتي: وماقالو والو؟
واءل : مقالو والو الصراحة واصلا عارفين المشكل منين بادي يعني انا اللي غلطت ... الوليدة اللي باقة مقصحة من باك ومك شوية مي هضرت معاها ... غير نتي وصيهم يكبرو بيها راك عارفة بنادم فاش كيكبر كيبغي اللي يتهلا فيه ويدير ليه بحال الدري الصغير فهمتيني ، وراه غلطو فحقها بزااف واخا هاكاك قبلات تجي معايا باش متخليش ولدها باير خخخههه
فاتي : ههههه الله يمسخك ... ياك ما مقلقلة مني؟
واءل : سي مقلقة حيت عمرك سولتي فيها وكنتي عزيزة عليها حيت كتهلاي فيا عههه
فاتي: عارفها بعدا ايوا باااز
واءل : وكن ماكنتي كتهلاي فيا فنبقا تابعك كي الحمق الحمقة .. علامن غنجيب هبالي وتصبر عليا من غيرك الزين ديالي هههه
فاتي:وجهك قصحك من السوميلة دالصباط د با باز لوجهك
واءل : كنضحك معاك احبيبة ... مهم شنو نجيب؟ راه حشمت نهضر مع شي وحدة فخواتاتي ولا مع الوليدة نقول ليها شنو ندي معايا تقول ليا واش غادي نتصالحو ولا نخطبو؟ وانا مافيا اللي يشرح مهم نوجدو راسي
فاتي: جيب تفصيلة ديال تكشيطة ... وخاتم جديد ديال الذهب راك عارف صبعي ... وبلغة وجلابة وحوايج راك عارف ... والحليب والتمر والحلوى .. الشكلاط .. شي براسلي زوين ديال الذهب و الريحة .. الحنة ...
قاطعها : شوفي شوفي .. كتبي هاد التقدية فواتساب وسيفطيه ليا .