بارت171 دازت 2سيمانات وصوفيا كتهرب من رعد وخا بعد المرات كتشهاه مي كتحبس راسها وهو فهمها وخلاليها الوقت حتى تكون جاهزة... اليوم كانت فالخدمة رجعات معطلة مع عندها عرض قريب.. حلات الباب بشوية.. حيدات صباطها وحطات سوارتها... داخلة كتحيد فمونطوها دخلات لبيت بنتها هي اللولة لقاتها ناعسة... رعد بزز عليها تنعس فبيتها بوحدها ومزال مولفات غير كتفيق كتجي كتجري عندهم.... باستها وغطاتها مزيان عاد مشات لبيتها دخلات وهي تصدم طاح صاكها ومونطوها من يديها... كان رعد وسعاد ناعسين حدا بعضياتهم..... مقداتش تغوت وحاسة براسها فاشلة.. بقات مصدومة حتى طاحت غيبات... رعد قفز وهو يلقا هاديك ناعسة حداه تصدم ياله ناض يغوت عليها وهو يتصدم بصوفيا طايحة... مشا كيجري عندها رعد: (كيحركها) صوفيا فيقي.. صوفيا حبيبتي نوضي عفاك..... شافها مبغاتش تفيق وهو ينوض معصب.. لقا الاخرى واقفة كتشوف فيها وكضحك... محس براسو حتى صرفقها رعد: اش كديري هنا ال*حبة سعاد: (قاست صدرو) نتا كتعجبني.. وندير اي حاجة غير تكون ليا شحال من مرة بينتليك مي والو مفهمتيش...... رعد كيسمع ويزير على يديه.. سالات وناض جرها من شعرها رعد: انا غنوري لمك الكلبة.... دخلها لبيت اخرى وسد عليها.. رجع هز صوفيا وحطها فوق الناموسية... ورجع عند الاخرى عطاها قتلة دالعصا حتى خرج دمها... عاد رجع عند صوفيا رعد: حياتي فيقي عفاك... صوفيااا...... وقف تالف ومعصب.. هز الريحة دارها فيديه وبدا كيشممها.. شوية عاد بدات كتحرك رعد: حياتي كتسمعيني... صوفيا حلات عينيها وبدات كتبكي... حبيبتي سمحيلي والله مخنتك.. انا كنت ناعس والله معرفت فوقاش جات ديك المصيبة... صوفيا تيقيني عفاك صوفيا: بعد مني هئ هئ رعد: حبيبتي تيقيني والله مخنتك صوفيا: خرج عليا مبغيتش نشوف كمارتك هئ هئ... بعد مني لا نتا ولا هاديك منشوفكومش رعد: غير سمعيني صوفيا: سكككت وخرج.... تنهد وخرج من البيت مشا عند هاديك جرها من شعرها خرجها ومشا جلس فالصالون كيفكر اما صوفيا ناضت بدلات حوايجها وتكات فبلاصتها نعسات..... بعد ساعة دخل رعد لقاها ناعسة تنهد ومشا لبيت بنتو ونعس حداها فناموسيتها..... صبح الصباح فاقت صوفيا راسها ضارها وفيها الدوخة... دخلات دوشات وخرجات صلات صلاتها.. دازت لبيت بنتها وهي تلقا رعد ناعس تما جابليها الضحكة... رجعات لبيتها وبقات جالسة شوية سمعات الحركة.. كان رعد لي فاق دخل لقاها جالسة رعد: حبيبتي صوفيا: (قالبة وجهها) شنو رعد: (باسليها يدها) تيقي بلي انا نقدر نخونك صوفيا: (شافت فيه وعينيها مغرغرين) وعلاش منتيقش ياك نتا تيقتي فاش لقيتيني ناعسة حدا اناس رعد: (حدر راسو) الصمت صوفيا: حسيتي دبا بيا.. فقتي ولقيتي حداك شخص اخر كيفاش وفوقاش معارفش... واش حسيتي جاوبني رعد: اه صوفيا: ايوا انا داك النهار هادشي لي وقعلي... مخلتيليش فرصة نشرحليك.. علاش غنعطيهاليك رعد: (تحشا فحضنها الصغير وحط راسو على صدرها) عارف راسي حمار ومتسرع.. مي نتي ماشي بحالي.. سمحيلي عفاك صوفيا: (تنهدات وعنقات راسو) مسامحاك.... ضمها كتر وتحشا فيها بقاو مدة هكاك حتى جات مفسدة اللحظات بعداتهوم عشق: (عنقات صوفيا) منامنام صوفيا: واخة احبيبة رعد: (جبدها وحطها فالارض) بيتك عشق: هئ هئ مامااا رعد: (مخنزر) قلتليك بيييتك صوفيا: رعد حرام علييك بعد منها رعد: ماشي سوقك.. ياله نتي اش كتسناي بيتك... مشات عشق كتبكي ورجع رعد كيف كان معنق صوفيا صوفيا: راه بنتك هاديك علاش كدير معاها هكاك رعد: اي واحد بغا يفرقني عليك راه عدوي.. ودبا عشق عدوتي صوفيا: (دفعاتو) والله حتى تسطيتي نتا... ناضت صوفيا وتبعها رعد دخلات لبيت عشق وهي تلقا الروينة... عشق كانت حالة المجورة لي فيها حوايجها كتلوح فالارض.. مع سي رعد جا حوليها حوايجها كاملين لبيتها ودار حوايجو هو صوفيا: (شدات راسها) لا نتوما غادي تهبلوني.. شكون دبا غادي يجمع هاد الفضيحة.. دارت عند رعد.. نتا لي غادي تجمعهم طيبتونييييي... خرجات وخلاتو كيشوف رعد: اش هادشي كنشوف الباسلة.. باغا تخرجي من الدار زعما ولا شنو عشق: اعععععع... بغات تخرج وهو يجرها من حوايجها رعد: شي يدير الروينة وشي يحصل فيها.. شدي الارض عاونيني...... جلسات ودميعاتها فوق حناكها... مسحليها عينيها.. صافي سمحيلي احبيبة...... بقا جالس كيطوي وهي زعما كتعاونو حتى كمل..... داز #شهر اخر اليوم عندهم الطبيبة واخيرا غادي يعرفو جنس التوأم.. كانو متحمسين بزاااف الطبيبة: مبروك عليكم عندكم 2وليدات صوفيا: (فرحانة) الحمد لله شكرا ادكتورة... خداو نصائح ومشاو.. مالك بنتيلي فشكل رعد: والو صوفيا: لا قولي دبا شنو كااين.. واش مفرحانش رعد: بغيت يكونو بنات ماشي دراري صوفيا: وعلاش رعد: مبغيتش شي حد من غيري يقيسك.. وهما غادي يرضعو.. يعني غادي يقيسوك فصدرك صوفيا: اويلي راه ولادك هادو رعد: واخة هكاك انا بالسيف كنتحمل عشق تعنقك وتاخذ وقتك... عاد غادي نتحمل 2 اخرين وولاد صوفيا: (كتلعب فشعرو) ناااري صدق عندي ولد من الحجم الكبير رعد: (حط جبهتو على جبهتها) توحشتك اصوفيا.. حني فيا صوفيا: (حاطة يديها على حنكو ومبتاسمة) واخة احياتي.... باسها رعد ففمها وهو يتحرك ومرة مرة كيشوف فيديها كيفاش كتحرك فوق كرشها لي كبرات... شد يديها باسها وبقا شادها...... وصلو للدار وعشق كانو مخليينها عند مامات صوفيا رعد: (هز صوفيا) واخيرا انجلس غير انا وياك بلا بنتك المجنونة صوفيا: (خنزرات) راه بنتك هاديك رعد: غير كنضحك راه اميرتي الصغيرة هاديك صوفيا: مممم لعب بعقلي... مداهاش فيها ودخلو للبيت... غير حطها فوق الناموسية وبغا يبدا وهي توقفو صوفيا: بغيت لكلاص رعد: وخا احبيبة فالعشية نجيبوليك صوفيا: ولاااء بغيتو دبا هئ هئ رعد: (غمض عينيه) صوفيا حبيبتي راني غنجيبوليك مي ماشي دبا صوفيا: وانا مشهياه دبااااا رعد: (تنهد) واخة..... خرج وهو ساخط على الوضعية شراليها كاع الانواع عاد رجع... حطهومليها فوق رجليها.. يااله كولي صوفيا: ميرسيي.... بدات كتاكل وتلذذ وتصدر اصوات ورعد حداها كياكل فحوايجو بالاعصاب رعد: مزال مشبعتي صوفيا: مممم.. لا صافي براكة.... اجي جمع هادشي.... ناض جمع داكشي وداه للكوزينة وهي ناضت بشوية غسلات يديها وفمها لي وسخاتو.. خرجات بشوية عليها وهو يشدها رعد رعد: تقولي كلمة دبا منعقلش عليك صوفيا: انا دبا فيا النعاس.. ولادك هلكوني رعد: (باحباط) صافي ارتاحي... دار بغا يخرج وهي تشدلو يديه صوفيا: وخا هكاك مافيها باس نبرع حبيبي شوية رعد: (بابتسامة ماكرة) عقلي نتي لي هدرتي.................... صوفيا: صافي عييت بعد خليني ندوش رعد: وانا مزال مشبعت وهاد الكرة مخلاتنيش ناخذ راحتي صوفيا: دبا كرشي رجعات كرة... نستااهل انا لي شادالك هبالك.... ياله بعد خليني نوض رعد: (باسها فعنقها) يخليلي الغضبانة... راني غير كنضحك راكي عارفاني.... ناض وهزها... انا ندوش لحبيبتي غير رتاحي مع راسك....... دارليها كرسي فوسط البانيو جلسات عليه.. وهو مشا من موراها دوشليها وشحال لعب بكرشها حتى ضرباتو... غسليها شعرها وحاس بيها مرخية يعني عاجبها الحال... طل عليها لقاها مغمضة عينيها ومبتاسمة رعد: (باسها فحنكها) مرتاحة صوفيا: بزاف.. الله يخليك ليا رعد: ويخليك ليا يا ربي.. باسها ونوضها شلليها.. جاب بينوار لبسوليها وخرجها عاد دخل هو دوش... مسحات ودهنات كريمات لبسات شورط وديباردور.. نشفات شعرها غير بالفوطة.. مشات للصالون جلسات فوق الفوتوي وحاطة رجليها فوق الطبلة... شادة التليكموند كتقلب حتى لقات فيلم وجلسات كتفرج.... عند رعد دوش وخرج لبس حوايجو شوية شداتو الدوخة وهو يجلس..... بقا شوية حتى فاتو الدوخة وهو ينوض شرب دواه... اصطنع الابتسامة رغم خوفو.... لقاها منشورة نزلات دمعة من عينو مسحها بالزربة وتلاح حداها صوفيا: جاي بعجاجتك رعد: (حشا وجهو فعنقها) كنموت فيك صوفيا: (ابتاسمات) حتا انا احياتي..... دوزو العشية محشيين فبعضياتهم........ حلات صوفيا عينيها وكتفوه.. لقات رعد ناعس فوق رجليها... ابتاسمات وبدات كتفيق فيه صوفيا: حياتي فيق رعد: ممم شنو صوفيا: نوض احبيبي راه فيا الجوع وعشق خليناها عند ماما تلقاها هبلاتهم رعد: اوكيي... ناض رعد كيتجبد وحتى هي كتجبد فرجليها لي تنملو صوفيا: ممم نمشيو ناكلو برا مافيا لي يطيب رعد: واخة احبيبة... ياله نوضي لبسي حوايجك صوفيا: واخة.. عطيني يدك عاوني نوقف رعد: هههه نوضي الشارفة... مشاو للبيت لبسو حوايجهم وخرجو...مشاو كلاو اولا غير صوفيا لي كلات ورعد مقابلها.. هاهو مسحليها فمها هاهو مسحليها حوايجها...طيباتو مسكين.. عاد مشاو للدار جلسو مع العائلة شوية وهزو بنتهم رجعو لدارهم رت174 《كوني كما أنتي..... كوني بعيدة... كوني قريبة.. كوني صديقة ... كوني حبيبة.. كوني كالشمس تدفيني .... وفي قربها لا تحرقيني .....كوني كالماء يرويني ..... وفي بحر الشوق لا تغرقيني ........كوني كالدم يجري في شرياني ووريدي .. فنبضك يقويني .....كوني كالنفس مطيعة أميرة .. ولا تكوني كشيطان أهوائي تغويني .......كوني كالعطر متناثرا على جسدي .. يتعقب أثري .. وبأنفاسك عطريني.....كوني كالعين غالية رقيقة ... لطريقي تهديني .. وبالدمع لا تبكيني.. كوني كأضلعي تحتضني تحميني ... فبيديكي حول عنقي ضميني ....كوني كالفؤاد يحمل همومي .. يخفف أوجاعي .. وفي الأحزان يواسيني .....كوني كالشجر مثمرة فتطعمني ... وبأوراقك كساء يغطيني.. كوني كالمطر أحيا به .. ولأرضي أنهار عذبة تحييني ......كوني كالسماء قدرا عادلا ... ولا تكوني واقعا يضنيني ...كوني .....كوني .... كوني كل شئ في حياتي .. حتى أكون أنا ... فلا تحرميني ...فبدونك لا شئ في الحياة يعنيني ... حبيبتي كوني كما أنتي》 مرت شهور وكرش صوفياا كبراات ومبقاتش كتقدر تحرك اما رعد المرض بان على وجهو مي كيحاول يخبي على صوفيا.... اليوم فاقو على التيليفون صوفيا: (بخوف) شنو وقع رعد: تهدني ومتخافيش... ألو.... وي صافي هاحنا جايين صوفيا: شنو كاين رعد: ريم ولدات.. نوضي نمشيو عندها صوفيا: واخة..... ناضو لبسو حوايجهم وهز رعد عشق لي كانت ناعسة وشدو الطريق...... بعد دقائق كانو وصلو للكلينيك... لقاو سيف واقف قدام الغرفة صوفيا: (بخوف) امدرا كيبقات ريم سيف: الحمد لله واخة دازت عليها... هاحنا شوية وندخلو...... دخلو كانت متكية شافتهم وابتاسمات رغم العياء رعد: (بعينين دامعين باس راسها) مبروك عليك اختي ريم: الله يبارك فيك اخويا صوفيا: كيبقيتي ريم: الحمد لله مزيان... دخلات المربية هازة الولد عطاتو لريم ووراتها كيدير تهزو صوفيا: تبارك الله على الصغيور دعمتو رعد: صغير بزاااف صوفيا: وراه هكاك كانت ديك الفنيكيشة ديال بنتك.... رعد حدر راسو فاش تفكر بلي مكانش معاها فديك الوقيتة.. شوية حس بالدوخة رعد: (مدليها عشق) شدي هانا شوية ونجي صوفيا: اوكي... خداتها وحطاتها فوق الفوتوي... سيف هز ولدو وهو فرحان... أذن ليه وبقا كيشوف فيه صوفيا: شنو غادي تسميوه سيف: (بابتسامة) جهاد صوفيا: زوييونة.. الله يخليه ليكم ويفرحكم بيه ريم/سيف: اميييين علي: اش كدير هنا رعد: ختي ريم ولدات علي: اه مبروك عليك رعد: الله يبارك فيك علي: مالك بنتيلي عيان رعد: اه شاداني دوخة علي: زيد معايا........ بارت175 علي: (تنهد) وحدة تقريبا مبقاتش خدامة.. والاخرى عيانة ارعد رعد: مزال مكاين حتى متبرع ولا لقيتو الكلية علي: للاسف لا... بالنسبة لي كيتسناو راه بزاااف ومغاديش يوصلك الدور بالزربة... كون سمعتي مني وقلتيها لعائلتك ماتعرف شي حد يقدر يتبرع رعد: لا مبغيتش ندخلهم فهادشي.. المهم انا غادي دبا ويلا كانت شي حاجة علمني علي: وي ضروري.... مشا رعد وعلي تبعو بعينيه وكيتحصر على الحالة لي فيها... دخل للبيت لقا سيف كيلعب مع ولدو ابتاسم ومشا عند ختو... رعد: (شد يديها) كيبقيتي ريم: مزيان حمد الله رعد: (باس يدها) يتربا فعزكم اختي ويبارك ليكم فيه ان شاء الله ريم: امييين.. والعقبة لصوفيا حتى هي رعد: ان شاء الله.. انا غنمشي دبا نديها ترتاح والصباح نجي نطل عليك ريم: واخة اخويا.. وغير بشوية عليكم فالطريق رعد: اوكي.. سيف ايوا نخليك دبا حتى الغذا ان شاء الله سيف: واخة.... مشا هز عشق وشد يد صوفيا ومشاو صوفيا: (حطات يدها على وجهو) مالك بنتيلي عيان رعد: (باس يدها) لا غير حيت مناعسش مزيان صوفيا: اوكي.... ديمارا رعد ومشاو... صوفيا مرة مرة كتشوف فيه والخوف متملكها.... وصلو للدار وهما يكملو نعاسهم....... صبح الصباح كان رعد كيدوش... كمل وخرج لبس حوايجو... تقابل مع صوفيا لي كانت غارقة فنعاسها.. باس يديها وراسها وهو يخرج.... بعد دقائق كان وصل للكلينيك.... مشا نيشان عند ختو لقاها كترضع ولدها رعد: (باسها فراسها) كيبقيتي ريم: (فرحانة) بيخير اخويا ونتا رعد: (بابتسامة) مزيان حمد لله... كيداير الفنيكيش ديال خالو ريم: بييخير.. شفتي شحال صغيور رعد: (شد يدو) وي بزااف... دبا واش انا كنت هكا ريم: لا نتا تولدتي كبييير ههههه.. معلوم كنتي هكا رعد: هههههه... فين سيف مبانليش ريم: راه خرج يجيبلينا الفطور ويجيب حتى خالتي رعد: اه اوكي ريم: وفين صوفيا رعد: خليتها ناعسة.. راك عارفة لي كاين ريم: ويي الله يعاونها ويفك وحايلها على خير.. راه هازة جوج انا غير واحد وقهرني رعد: ايوا الله يدير لي فيها الخير ريم: اميين........... صوفيا فاقت على تيليفون صوفيا: الو..................... طاح التيليفون من يديها وهي كترعد ودموعها نازلين...... طاحت للارض كتبكي بصوت مرتفع حتى حسات بالوجع.... بقات هكاك والوجع كيتزاد تكمشت فالارض كتبكي.. والعرق كينزل من جبينها وشفايفها كيترعدو..... عشق جات شافت ماماها هكاك وبدات كتبكي....... تحل الباب ديال الدار سمع غوات عشق وبدا كيضحك مي غير ميز بلي صوت حبيبتو حتى هو كاين... وهو يمشي كيجري.... دخل للبيت وهو يتصدم فاش شاف مراتو فالارض كتبكي وكلها فازكة كتقطر ومن تحتها الما رعد: (مخلوع) صوفياااا بارت176 رعد: صوفيااا... صوفيا ماالك صوفيا: (بصوت مرتعش) متخلينيش..متخلينيش ارعد رعد: هانا احبيبة معاك... هزها.. متخافيش احبيبة كلشي غيدوز مزيان صوفيا: هئ هئ انا منقدرش نعيش بلا بيك رعد: حتى انا احبيبة... متجهديش راسك هاحنا غنمشيو للكلينيك ونشوفو مالك.. الولادة مزال عليها الحال صوفيا: بغيت نولد دبا مبقيتش قادة نتحمل هئ هئ رعد: وخا احبيبة... حطها فالطموبيل... صبري نجيب عشق احبيبة..... طلع كيجري لقا عشق واقفة قدام الباب كتبكي... هزها وسد الباب وهو ينزل رعد: شش صافي احبيبة... هاحنا غاديين عند ماما...... حط بنتو اللور وهو يركب.. هز تيليفونو رعد: 5دقايق نلقاكم قدام كلينيك*****..... حبيبتي صبري شوية صوفيا: ايي ارعد مقداش نصبر هئ هئ...... مشا مكسيري بعد دقائق وصل قدام الكلينيك تعرضولو لي كارد دياولو رعد: (بجدية) شي واحد يهز البنت ويتبعني..... هز صوفيا ودخل كيجري تعرضولو الفرمليات حطوها فوق الكرسي وتبعها... دخلوها عند الطبيبة الطبيبة: وجدو غرفة العمليات.. غادي تولد دبا...... خرجوها وهي كتبكي وتقلب بعينيها حتى شافت رعد ومدات يديها رعد: (جا بالزربة شد يديها) مالك احبيبة.. فين دايينها فرملية: المدام غادي تولد دبا رعد: ك..كيفااش هي مزال بقاليها سيمانة عاد دخل لشهرها الثامن فرملية: عادي كيجيونا حالات ولادة مبكرة رعد: مكاينش خطر على حياتها وحياة التوام فرملية: ان شاء الله غيكونو بيخير.... كان سيف وعلي مجمعين حتى سمعو الغوات.. دارو وهما يلقاو صوفيا كتبكي وتغوت سيف: (جا كيجري ومخلوع) مالها رعد: غادي تولد سيف: مي مزال الحال رعد: ايوا هادشي لي كتاب..... علي شاف فصوفيا وحدر راسو.... تبعوها وهي شادة فيد رعد كتبكي... دخلو لغرفة العمليات صوفيا: متخلينيش ارعد هئ هئ رعد: (كيدوز يدو على شعرها) هانا حداك احبيبة متخافيش وتهدني...... دخلات الطبيبة الطبيبة: ياله اختي تنفسي مزيان ودفعي صوفيا: اف اف اااااااا...... بقات هكاك كدفع حتى كترجع حمرة........ دازت الولادة صعيبة بزاف ورعد مصدوم حداها... خرج اللول الطبيبة: صبري اختي مبقاليكش بزاف.. ياله تنفسي ودفعي.............. دفعيييي غادي تقتلي ولدك هكا رعد: (بخوف) صبري احبيبة....... بعد لحظات خرج الولد التاني وهي تغيب الطبيبة: بامكانك تخرج دبا رعد: (بخوف) كيفاش نخرج وهي مغيبة مااالها الطبيبة: متخافش غير العيا.. ممكن تفضل د بارت177 خرج رعد مزير جلس فوق الكرسي ودار راسو بين يديه سيف: مالك ياكما وقعاتليها شي حاجة رعد: لا مي دازت عليها علي: مبروك عليكم رعد: الله يبارك فيك الفرملية: تقدر تفضل معايا.... تبعها هو وسيف وعلي دخلو عندها للبيت كانت متكية وصفرة.. ملبسينها غير اللباس ديال الكلينيك وشعرها طايح جنبها... علي شافها هكاك حدر راسو وخرج...... رعد قربليها وباسها فراسها.. حلات عينيها شافتو ونزلات دمعة من عينيها رعد: (مسحليها دمعتها) سافا دبا صوفيا: شوية حمد الله سيف: (شد يديها) مبروك عليك اختي صوفيا: الله يبارك فيك رعد: فوقاش شدك الوجع صوفيا: مبقيتش عاقلة.. فين الولاد رعد: معرفتش هانا غادي نسول... خرج رعد وهي بقات مع سيف صوفيا: مدلي داك الفولار... ناض عطاهليها وعاونها جلسات حتى دارتو ورجعات تكات... عيطلي على علي عفاك سيف: اوكي......... دخل علي عندها علي: (بابتسامة) مبروك عليك صوفيا: الله يبارك فيك............... رعد رجع دخل لقا صوفيا وعلي رعد: (خنزر) فين سيف صوفيا: مشا يعيط لماما تجي عندي راها عند ريم.. فين الولاد رعد: ميمكنش نشوفوهم دبا.. راه حطوهم فالقرعة حيت النمو ديالهم مزال مكمل علي: هادشي عادي بلا ماتخلعي.. غير تبراي شوية ويديك رعد تشوفيهم صوفيا: (بحزن) واخة...... دخلات ماماها كتجري ماما: بنتي كيبقيتي صوفيا: حمد الله اماما متخافيش ماما: الله ابنتي.. ياك مزال الحال على الولادة صوفيا: المكتاب هو هدا..... بقات ماماها حداها اما رعد خرج يطل على ولادو... وصل وراتو الفرملية فين كاينين.. بقا كيشوف فيهم شحال صغار محس حتى نزلو دمعو شوية حس بالدوخة... خواو بيه رجليه وطاح.... داك الشخص لي كيبان قوي وصعيب ينهزم هاهو طايح وضعييف... جات الفرملية كتجري فاش شافتو طايح حاولات تفيقو ووالو.. وهي تمشي كتعيط على الطبيب.... علي كان دايز وشافهم هازينو مشا كيجري علي: خليوه ليا هدا المريض ديالي..... دخلوه للغرفة ديالو ومشاو.... فحصو ودارلو شي تحاليل............. رعد حل عينيه شد راسو بيديه وكيحاول يعرف فين هو علي؛ (وقف حداه) غذا غادي دير العملية رعد: ك..كفاش علي: انت صافي الى مدرتيش العملية فاقرب وقت غادي تودع.. والكلية الحمد لله لقيناها رعد: فوقاش لقيتوها علي: اليوم كنت غادي نعيطليك نقولهاليك مي نتا جيتي وكنتي حاصل مع مراتك رعد: منقدروش نأجلوها شوية.. كيف كتشوف مرتي عاد ولدات علي: اي تاجيل فيه خطورة على حياتك.. ومن الاحسن ديرها غذا رعد: (تنهد) اوكي.. ناض مشا عند صوفيا بارت178 دخل عندها هي شافتو هكاك تخلعات صوفيا: (بخوف) رعد مالك... مشا نيشان عنقها وحشا وجهو فعنقها... ماماها وسيف ناضو خرجو بغاو يديو معاهم عشق مي مبغاتش وخلاوها.... رعد بدا كيبكي وصوفيا مخلوعة صوفيا: رعد حياتي مالك رعد: كنبغيك اصوفيا... كنبغيييك وسمحيلي على اي حاجة خايبة درتهاليك صوفيا: انا مسامحاك من شحال هادي ومن قلبي... هزاتلو راسو.. مالك رعد: والو.. غير بغيت نقوليك هاد العشية خاصني نسافر صوفيا: فين رعد: عندي شي شغل مهم فكندا.. الى كترت 3ايام نكون عندك.. سمحيلي صوفيا: واخة احبيبي ماشي مشكل.. باسها ففمها وهو يوقف حس بشي حد عنق رجليه.. حدر ولقا عشق كتشوف فيه ودميعاتها فوق حناكها.. هزها وعنقها حشات وجهها فيه وبدات كتبكي كأنها حسات.. عنقها وهو كيحاول يسكتها...... بعد مدة سكتات هزليها راسها ومسحليها دموعها رعد: اميرتي البكا ممنوع اوكي... ياله احبيبة براكة من البكا.. باسها فحناكها وبقا هازها.. حدر راسو لقا صوفيا رجعات حمرة ودموعها نازلين رعد: (حدر عندها) مال حبيبتي صوفيا: والو غير تأثرت هئ هئ رعد: (بابتسامة) حمقة ديالي... نوصيك ديها فصحتك وفاش تقدري توقفي يديك سيف تشوفي وليداتك اوكي صوفيا: واخة رعد: ياله احبيبة نخليك دبا.. نمشي نوجد راسي صوفيا: واخة الله يخليك ليا رعد: امين ويخليك ليا... باسها ففمها وباس بنتو.. حطها حدا صوفيا وخرج....... صبح الصباح كان رعد فقاعة العمليات.. متوتر نوعا ما خايف متنجحش العملية وميرجعش عند مراتو وولادو.... دخل علي عندو بابتسامة علي: متخافش كلشي غيدوز بيخير ان شاء الله... وزرع الكلية شي حاجة ساهلة خاص غير جسمك يتقبلها وصافي رعد: اوكي شكرا بزاف علي: هادي خدمتي..... دارلو هاديك ديال الاوكسجين.. بقا مدة وهو يغمض عينيه.................. بدات العملية كلشي كان غادي مزيان حتى لواحد اللحظة تقلبات موازين العملية.... علي توتر وبدا كيعراق الفرملية: المتبرعة غادي تموت.. دقات القلب بداو كينخافضو... كانو هاد الجمل كفيلة باش تزرع الخوف والندم ف علي بارت179 علي توتر ومعرف ميدير تلف.... خدا نفس وتذكر نضراتهم لبعضياتهم ميمكنش يتفارقو..... كمل وحاول كل جهدو ينقذ المتبرعة.... استغرقت العملية اكثر من ثلاث ساعات... رعد نجحاتلو العملية وخرجوه.. اما المتبرعة فكانت كتصارع الموت نتيجة ايموراجي جاتها فوسط العملية........... خرج علي حادر راسو سيف: (بخوف) فين صوفيا.. ياكما وقعاتليها شي حاجة #فلاش_باك1 صوفيا: زيد معايا بغيتك علي: اش بغيتي صوفيا: وغير زيد ياله نمشيو للكلينيك... شدو الطريق.. فالصراحة انا باغة ندير التحاليل باش نتبرع لرعد علي: مي نتي حاملة وخا يكونو مطابقين ميمكنش تبرعيلو صوفيا: وخا هكاك بغيت غير نعرف.. على الاقل يكون عندي امل انني نساعدو فحالة مكانش متبرع علي: اوكي لي بغيتي.... وصلو دارت التحاليل ورجعات لدارها... بعد يومين جاها اتصال من علي كيخبرها بلي مطابقين فرحات ومقداتها فرحة #فلاش_باك2 فاقت صوفيا على التيليفون صوفيا: الو علي؛ صباح الخير صوفيا سافا صوفيا: حمد الله ونتا علي: حمد الله.. بغيت نقوليك شي حاجة صوفيا: شنو علي: رعد مغايقدرش يزيد يصبر حالتو تكفسات.. واحد الكلية مبقاتش خدامة والاخرى الى كترات سيمانة.... حالتو متدهورة بزاف راه غير كيكابر..... صوفيا مستحملاتش هاد الخبر و........ #فلاش_باك3 صوفيا: (دارت فولارها) عفاك اخويا عيطلي لعلي سيف: وخا.... دخل علي وسيف مشا يجيب ماماه علي: مبروك عليك صوفيا: الله يبارك فيك.... انا بغيت نتبرع لرعد علي: وخا تبراي وتبرعيلو صوفيا: لا غذا غادي يدير العملية علي: واش حمقة.. باغة تقتلي راسك راك ياله ولدتي صوفيا: غادي نكون حمقة الى خليت راجلي يموت قدامي وانا قادرة نساعدو علي: ميمكنش اصوفيا حاولي تفهميني نتي ياله ولدتي... وولدتي بكري كاااع العوامل كيقولو لا ميمكنش صوفيا: هدرة وحدة راني قلتها.. غذا العملية ولا معمري نسامحك الى وقعات شي حاجة لرعد علي: (تنهد) واخة....... صبح الصباح جا سيف يطل على ختو حتى لقاها حاطينها فكرسي وبغاو يخرجوها.. سيف: فين غادة صوفيا: رعد مريض خاصو يزرع كلية وانا غادة نتبرعلو سيف: ك..كيفاش.. فوقاش هادشي وعلاش معندناش الخبار وكيفاش غادي تبرعيلو ونتي ياله ولدتي صوفيا: سيف متدخلش عفاك فقراري... رعد كيموت وخاصني نقدو........... دخلات لغرفة العمليات كان رعد مغيب صوفيا: (باست راسو) كنبغييك... تكات وشداتلو يديه بقات هكاك حتى غيبات بارت180 سيف: فين صوفيا.. ياكما وقعاتليها شي حاجة علي: سمحلي مكانش عليا.. نسمحلها دير العملية دبا سيف: (بخوف) فين صوفيا علي: جاوها مضاعفات وسط العملية.. وجاتها ايموراجي.. الحمد لله انا تبرعتليها بالدم مي خاصها تزيد تبقا هنا فالكلينيك غادي نحطوها فالعناية المشددة سيف: فوقاش نقدر نشوفها علي: غير تفيق من البنج سيف: واخة مي علاش رعد وافق انها دير العملية وهي ياله ولدات علي: رعد مفخبارو والو... هو معارفش اصلا بلي هي عارفة بالمرض ديالو.. هو مخبي عليكم كاملين سيف: (جلس) ناري فاش غيفيق... الكلينيك غادي يحرقو ويحرقنا معاه علي: (تنهد) نخليك دبا نمشي نرتاح شوية راني عيان سيف: واخة..... مشا سيف عند ريم لقاها متكية وماماه جالسة فوق الفوتوي وشادة عشق لي ناعسة ماما: فين غبرتي اولدي... واش دزتي عند صوفيا سيف: (حدر راسو) صوفيا كانت كدير عملية ماما: اويلي اينا عملية سيف: تبرعات لرعد بكلية ريم: (بصدمة) اش كتقول سيف: هادشي لي كاين.. رعد كان مريض وخاصو زراعة كلية ومخبي علينا كاملين حتى من صوفيا مقالهاش ليها... هي عرفات عن طريق علي ودبا فاش ولدات اصرت تبرعلو هي.. علي حاول يمنعها مي والو داكشي لي فراسها راه فراسها... وفوسط العملية جاوها مضاعفات.. راها دبا فالعناية المشددة ماما: الله على بنتي ديني عندها سيف: غير صبري شوية على مايجي علي ويدينا نشوفو فين كاينة هي ورعد ريم: حتى انا بغيت نشوفهم هئ هئ سيف: (تنهد) واخة...... دازت شي ساعتين عاد جا علي عندهم علي: سلام تقدرو تجيو تشوفهم دبا..... ناضت ريم وشد فيها سيف... دخل واحد الكارد من دياول رعد بقا حدا عشق وجهاد الصغير..... مشاو طلو عليها غير من الزاج كانو دايرين بيها الالات... ريم وماماها مقدروش يحبسو دموعهم ماما: عفاك اولدي خليني ندخل عندها علي: واخة اخالتي مي متعطليش خاصها الراحة ماما: واخة... دخلات عندها وحابسة دموعها شدات يدها باستها.... الله معاك ابنتي صوفيا: (حلات عينيها بزز.. وحيدات الاوكسجين) ما..ما ماما: هانا ابنتي حداك شنو بغيتي صوفيا: ف..ين رعد.. كيبقا ماما: بيخير راه نجحاتلو العملية دبا فكري غير فراسك صوفيا: انا... حاسة بلي قريب نمشي عند بابا ماما: هئ هئ متقوليش هكا ابنتي نتي مزال صغيرة وعندك وليداتك صغار ومحتاجينك صوفيا: شش متبكيش... كح كح.. ولادي امانة عندك وحتى رعد راه بحال الدري صغير.. ديريه ولدك وردي بالك منو ماما: واش باغة تقتليني.. نتي ابنتي غادي تعيشي ردي الاوكسجين وارتاحي احبيبة..... دخل علي علي: براكة اخالتي خليها ترتاح..... ردليها الاوكسجين... نتي غادي ترجعي مزيان متخافيش...... خرج وجر ماماها لي كانت كتبكي ماما: عفاك اولدي دير جهدك باش تبقا بنتي عايشة هئ هئ... نموت الى وقعاتليها شي حاجة علي: متخافيش اخالتي.. غادي ندير جهدي كامل ونتي عليك بالدعاء ماما: الله يشافيها ياربي علي: تفضلو نديكم تشوفو رعد.... مشاو معاه دخلو كان ناعس حس بالحركة وحل عينيه رعد: (تصدم) اش كديرو هنا