رعد: صوفياااا... صوفيا فيقي متخلينيش عفاك.... دخلو الفرمليات وعلي تابعهم كيجري علي: (جبد رعد) خليني ندير خدمتي رعد: (ضربو لوجهو) تموت ندفنك نتا وهادو علي: (شد وجهو) راك نتا دبا لي غادي تقتلها.. بعد خليني ندير خدمتي.... قرب ليها علي ودار يديه بجوج فوق صدرها وبدا كيضغط... كرر العملية كثر من مرة مي مكانت حتى نتيجة علي: غنديرو الصعقات الكهربائية.... جابتهوملو الفرملية بالزربة ورعد واقف مصدوم حاس بقلبو غادي يوقف.. بدا كيكرر فالعملية مرة وجوج وتلاتة.. مملش حتى لواحد اللحظة وهو يرجع النبض... شاف فالالة كان نبض ضعيف مي المهم كان رعد: (بفرحة) صوفيا حية ياك.. صوفيا حية الحمد لله.... مشا عنق علي.. شكرااا علي: هذا واجبي... خرج دبا خليني نكمل خدمتي رعد: (خنزر فيه) مزال منسيت داكشي لي درتي حتى تسالي ونتفاهم معاك..... خرج وعلي كمل خدمتو وهو يخرج... غير وصل الباب ونقز عليه رعد بالعصا.. بقا كيضرب وعلي كيحامي على راسو.... سيف جا جبد رعد عندو سيف: رعد صافي اصاحبي تهدن... واش نتا معارفش صوفبا كيدايرة راه لي كدير لي فراسها رعد: راه مراتي هاديك لي كتموت واش فاهمين شناهيا... راه روحي هاديك نمووت بلا بيها علي: (كيمسح فمو من الدم) كنواعدك صوفيا غترجع كيف كانت وحسن... حدر وشاف جنبو فيه الدم... زيد معايا راه الجرح تحليك رعد: خليني عليك.. انبقا حدا صوفيا علي: معندك فاش تنفعها.. زيد نشوفليك الجرح والا خدمتنا اتمشي...... مشا رعد معاه وهو شاد جنبو... وصلو للمكتب جلس رعد وحيد تيشورت ديالو... جاب علي داكشي لي غادي يحتاج وبدا كينظفلو الجرح.. كمل وناض نظف الجىح لي جهة فمو رعد: احم سمحلي علي: حتى انا سمحلي.......... علي جبر رعد يمشي ينعس حيت خاصو الراحة.. مشا وجابولو بنتو عشق عشق: (مدلية شفايفها) بيت(بغيت) ماما رعد: (تنهد) واخة اباباتي... اجي نعسو دبا والصباح غادي نشوفو ماما.. اوكيي..... تكا وحشاها فيه بقات كتلعب فلحيتو حتى نعسات.. اما هو مقدرش ينعس... خايف ومعصب من راسو حيت محسش بيها وعرفها اش كتخطط........... صبح الصباح كان رعد ناعس... حيت تقريبا حتى بدا الظلام كيمشي عاد داتو عينو............. فاق على حركة بنتو شاف الساعة لقاها 12... دخل غسل وجهو وخرج هز عشق ومشا لفين كاينة صوفيا رعد: (تخلع) فين صوفيا.. شاف واحد الفرملية وهو يشنق عليها... فيين مراتي.. فيييين صوفيااااا الفرملية: معرفتش... طلق منها ومشا عند علي... دخل عندو بلا مايدق.... فين صوفيا علي: (بابتسامة) زيد معايا..... تبعو حتى دخلو للغرفة لي حدا غرفتو... دخل لقا صوفيا ناعسة وماماها جالسة فالفوتوي كتقرا القران نزلات دمعة من عينيه... فرح فاش شافها فغرفة عادية علي: البارح كان خطر على حياتها والحمد لله هاد الصباح زال الخطر وهاهيا قدامك بصحيحتها.. غير مزال خاصها تبقى فالكلينيك باش تاخذ الرعاية الكافية رعد: (بابتسامة) ضروري.. تبقا حتى شهراين معنديش مشكل..... مد عشق لجدتها ومشا قرب من صوفيا.. جلس فالكرسي حداها... باس يديها وهي تحل عينيها صوفيا: (بابتسامة) رعد رعد: روح رعد.. حبيبة رعد.. حيااااة رعد صوفيا: ههههه كح كح اووه اش هادشي رعد: (دوز يديه على شعرها) بشوية عليك متجهديش راسك.. رتاحي براكة عليا غير الشوفة فيك صوفيا: كيبقيتي نتا بعدا.. سمعت بلي معاطيش الراحة لراسك اش هادشي كنسمع رعد: انا بيخير وهادشي بفضلك صوفيا: نتا راك روحي وهادشي لي درت قليل فحقك رعد: (باس يديها) دبا انا بداخلي قطعة منك.. شكرا احياتي صوفيا: مبيناتناش هدا واجب واقل حاجة نقدر نديرها رعد: كيبقيتي دبا.. ياكما كضرك شي حاجة صوفيا: لا مكيضرني والو متخممش رعد: اوكي.. ارتاحي دبا..... متجهديش راسك صوفيا: واخة مي بقا حدايا رعد: انا حداك معندي فين نمشي... ياله نعسي وارتاحي احبيبة صوفيا: فين عشق بعدا كاع مشفتها رعد: راهيا حدا ماماك... دارت صوفيا ولقاتها شادة التسبيح كتلعب بيها.. ابتاسمات ورجعات شافت فرعد صوفيا: كنبغيك رعد: كنموت عليك... باس يديها وغمضات صوفيا عينيها..... بقا جالس حداها مدة طويلة حتى دخل سيف هاز ساشيات فيديه.. عطا لرعد وماماه سندويتش سيف: هاكو تغذاو... ونتي الخايبة اجي نعطيك تاكلي... مشات عندو كتجري هزها وجلسها فوق رجليه.... خدا دانون بدا كيوكلها ورعد كيشوف فبنتو لي بدات كتكبر.... جالسة كتاكل وسيف كيمسحليها فمها... حس بشي يد تحطات على يديه دور وجهو ولقا صوفيا حالة عينيها رعد: (بابتسامة) صباح الخير صوفيا: هههه صباح النور رعد: ارتاحيتي صوفيا: وي حمد لله.... عشق شافت ماماها حالة عينيها وهي تمشي كتجري عندها طلعات فوق الناموسية وتلاحت عليها صوفيا: (غمضات عينيها) ايي... هزها رعد بالزربة رعد: (بخوف) واش كضرك بزاف نعيط لعلي؟؟؟؟ صوفيا: (حطات يديها على جنبها) لا بلاش رعد: (خنزر فعشق) شحال من مرة كنقوليك البسالة لا عشق: (جمعات وجهها) هئ هئ ماماااا صوفيا: متبقاش تغوت عليها.. راه غتبقا تخاف منك بارت184 رعد: صافي احبيبة سمحيلي.. ياله سكتي.. بقا معاها حتى سكتات وحطها حدا صوفيا صوفيا: (دورات يدها عليها) توحشتك الزوينة ديالي.. شدات يدها باستها وهي تحدر عشق عندها باستها فحنكها... اوووه شكرا على هاد البوسة....... قربات عندها ماماها وهضرات معاها هي وسيف وحتى ريم... تجمعو معاها مدة عاد مشاو وداو معاهم عشق رعد: مالك صوفيا: بغيت ندخل للطواليط رعد: واخة احبيبة.. تقدري توقفي صوفيا: كنظن اه... وقف رعد ومد يديه وقفها.. شدها من خصرها.. حس بيها فاشلة وكتمشا غير بشوية وهو يهزها صوفيا: لا نزلني راه حتى نتا مزال مريض رعد: ماشي سوقك الالة.... دخلها للحمام وعاونها حتى قضات حاجتها وخا فاللول حشمات.... هزها عاوتاني وردها لبلاصتها صوفيا: نعس حدايا رعد: لا نتي خاصك الراحة والناموسية صغيرة.. غادي نقيسك وتضري صوفيا: لا غير اجي عفاك... كحزات وناض رعد تحشا حداها بشوية خاف لا يقيسها.... تكا وحطات راسها على صدرو وهو بدا كيدوز يديه على شعرها صوفيا: بغيت نشوف ولادنا رعد: واخة احياتي غذا الصباح تشوفيهم صوفيا: واخة... بقاو هكاك حتى نعسو... دخل علي يطل على صوفيا لقاهم هكاك ابتاسم وخرج...... صبح الصباح فاق رعد كيف العادة هو اللول.. لقا حبيبتو مزال ناعسة وشعرها مليوح على وجهها... ابتاسم وناض بشوية قادها فبلاصتها ودخل للحمام غسل وجهو وقضا حاجتو عاد خرج.... لقاها حالة عينيها رعد: (باسها بقوة فحنكها) صباح الورد صوفيا: ههه صباح النور... اش هاد البوسة على الصباح رعد: نتي مراتي ندير فيك مابغيت صوفيا: هههه خود راحتك... عاوني نمشي للطواليط رعد: هي لي متعاودش... هزها وهي محشية فصدرو عاونها ورجعها... شنو مشهية حبيبتي فالفطور صوفيا: عادي لي كاين... بغيت فاقرب وقت نمشي نشوف ولادي عفاك رعد: واخة احبيبة.. تفطري ونديك تشوفيهم صوفيا: اوكي... دخلات الفرملية هازة الفطور ديال جوج دالناس... خداه من عندها رعد واستأذنات... فطرو ياله بغا يديها حتى دخل علي ومن موراه الفرمليات جارين قريعات فيهم الولاد علي: قلت صوفيا اتبغي تشوف ولادها.. ومتقدرش تحرك بزاف وانا نجيبهم حداها حسن صوفيا: شكرا اعلي بزااف رعد: (بابتسامة) شكرا.... خرجو الفرمليات وتبعهم علي... ناضت صوفيا ورعد شادها قربات منهم ودموعها نازلين.. حشات يديها وقاست ولدها.. مشات عند الاخر نفس الشيء صوفيا: زويونين هئ هئ رعد: صافي احبيبة متبكيش.. اجي جلسي مخاصكش تبقاي واقفة بزاف صوفيا: (عينيها عليهم) واخة... جلسات.. شنو غنسميوهم رعد: لي بغيتي نتي.. حيت نتي لي تعدبتي عليهم صوفيا: (بابتسامة) جاد وجود رعد: عجبوني.. صافي هدا جاد وهدا جود صوفيا: اوكي... حطات يدها على حنكو وقرب منها.. غرقو فقبلة مليئة بالمشاعر والحب.. تحل الباب وهما غايبين عن الوعي... كانت ماماها رجعات سدات الباب مي قبل مايتسد هرباتليها عشق ودخلات... عشق: (دفعات رعد) ماماا رعد: (زير على سنانو) ناااري اعشق وشنو غندير فيك بارت185 عشق: (مدات يديها) مامااا صوفيا: (حابسة الضحكة) هز البنت مدهالي... هزها ولا نقولو شنق عليها وحطها فوق الناموسية... عشق بقات كتخنزر فيه وكتحاول تقاد حوايجها لي خربقهم صوفيا: رعد راه بنتك هادي.. اويلي على هزة دايرليها واش بغيتي تقتلها رعد: خارجة فعودي هاد البنت.... عشق شافتو كيشوف فيها وهي تخرج لسانها... دار راسو غينوض عندها وهي تعنق ماماها بجنب وحشات وجهها فيها رعد: تخاف ماتحشم صوفيا: (شدات راسها) نتوما غادي تقتلوني قبل الوقت مافيهاش شك.. الله ياربي اش درت فحياتي حتى بليتيني بهادو رعد: صافي احبيبة متقلقيش عفاك... اجي نقادليك تكاي باش ترتاحي.... هز عشق من حوايجها حطها فالارض وقاد لصوفيا بلاصتها.. تكات وغطاها صوفيا: جيبلي بنتي لي لايح حشومة عليك... دار لقاها لاصقة فالباب كتشوف فيهم وكتخنزر... قرب لعندها شاف دميعاتها فوق خدها وهو يهزها رعد: (مسحليها دموعها) ناري فاش كنشوفك هكا كيتقطع قلبي... باسها فحناكها بجوج وحطها حدا صوفيا رعد: غير صبرو عليا ادوك الجوجات دبا يكبرو ولادي ونوريوكم صوفيا: هههههه هااحنا غنشوفو.... داز شهر صوفيا خرجات من الكلينيك والحمد لله تحسنات وحتى من ولادها خرجاتهم... راكبين فالطموبيل صوفيا: فين غاديين رعد: (باس يديها) مفاجأة.... دارت شافت فعشق لقاتها مغوبشة وكتخنزر فخوتها الدراري.. عرفاتها غيرانة وغتواجه مشكلة معاها صوفيا: عشق غايرة من خوتها.. غادي نلقاو مشكل معاها رعد: الحمد لله ياربي.. جابليها الله فين تلها وتخليني انا فراحتي صوفيا: حتى انا مالقيت غير نتا لي نشكي عليك.... رعد شاف فعشق من المراية رعد: عشت وشفت عشق مفقوصة كيفما كتفقصني.. الحمد لله الحمد لله... حطات صوفيا راسها وخلاتو فرحان وكيفقص فعشق..... بعد لحظات وصلو لواحد الفيلا متوسطة.. دخلو من الباب الكبيرة كانت جردة زوينة.. عينين صوفيا تحولو لقلوبة... وقفات الطموبيل ونزلات صوفيا كدور وضحك رعد: (دور يدو على خصرها) كيجاتك دارنا جديدة صوفيا: زوينة بزااااف رعد: زيدي نشوفو الدار صوفيا: والدراري رعد: راهم ناعسين ومعندهم لي يقيسهم هنا صوفيا: وا صبر نجيب غير عشق بعدا... مشات هبطاتها وخرجات عشق كتشوف... بقا كيشوف فيها رعد ويضحك على مشيتها بارت186 دخلو لدار وهو كيوريها وفرحان..... عجباتها الدار بزااف.. طلعو للفوق كانو غير بيوت النعاس... دخل عشق لبيتها رعد: ها بيتك المجنونة... عجباتك..... لقاها مشات كتجري لواحد النونوس كبير تلاحت عليه.... دفع صوفيا وسد الباب صوفيا: اويلي علاش سديتي عليها رعد: بغيت ناخذ راحتي مع مراتي... ياله زيدي نوريك... دخلها لبيت الدراري.. هادي بيت ولادنا صوفيا: زوييينة.... وراها بيوت اضافية للضياف وعاد دخلها لبيتهم كانت على شكل جناح... كبيرة وواسعة رعد: وهادي غرفة العمليات صوفيا: (تزنكات) اويلي اش كتقول رعد: (باسها فحنكها) يخليلي الحشومية... جرها من خصرها ياله حط فمو على فمها وهو يقفز بالدقان صوفيا: شنو واقع رعد: معرفتش.... خرجو من بيتهم وهما يسمعو الدقان عاود كان جاي من بيت عشق رعد: (غمض عينيه) غادي ناكل هاد البنت... حل الباب شافتو عشق مخنزر وهي تهربلو مابين رجليه وتحشات فماماها من اللور معنقة رجليها صوفيا: (حابسة الضحكة) رعد حياتي.. راه بنتك هادي ومزال صغيرة ونتا كبير وبعقلك مديرش راسك فيها رعد: وعلاش ديمااااا محرماها عليا واش انا ماشي باباها صوفيا: هههههههه صافي احياتي مسحها فيا هاد المرة... شوف مسكينة مخلوعة... سير هبط جيب الدراري ياله رعد: (عض شفايفو) واخة.... هبط رعد وهي جبدات بنتها من موراها صوفيا: اجي الخايبة.. ماشي حشومة تفقصي باباك... زيدي قدامي راني مقداش نهزك.... سبقاتها عشق كتجري بقات صوفيا كضحك عليها..... جلسو بجوج فوق الناموسية... حيدات صوفيا فولارها وطلقات شعرها... ناضت عشق كتلعب بيه.. حتى تحل الباب ودخل رعد هاز كل واحد فيد... شافتهم عشق وهي تعنق ماماها رعد: هاكي هزي واحد صوفيا: كيف غندير وعشق لصقات فيا... رعد حط ولادو فوق الناموسية وهز عشق رعد: حبيبة باباها نخرجو انا وياك... دارتلو عشق براسها لا... حتى انا مسطي حيت كنسولك.. وخليك هنا يطرطقليك القلب.... حياتي انا نمشي للدار نجيب حوايجنا ونجي صوفيا: واخة..... خرج رعد وصوفيا هزات جاد لي كان كيبكي... عطاتو يرضع.. عشق غوبشات وقربات منها عشق: (كتبعد وجهو) ماما هئ هئ صوفيا: لا احبيبة هدا راه خوك.. جلسي نقوليك... جلسات عشق وصوفيا مدات يديها هزات جود وحطاتوليها فوق رجليها وقاداتليها يديها.... هانتي شفتي شحال زويون هدا خوك جود وهدا خوك جاد تافقنا عشق: (ابتاسمات) واحة.... نعس جاد وحطاتو غير حداها اما جود كان ناعس.. عشق فاش شافتها حطاتو حتى هي ناضت حطاتو حدا جاد وكانت صوفيا كتعاونها..... تكات حداهم عشق كتشوف فيهم وصوفيا فرحات حيت كان سحابليها غتواجه مشكل كبير معاها مي الحمد لله..... بعد ساعات قليلة رجع رعد طلع نيشان لعندهم.. لقاهم كاملين ناعسين ابتاسم وقرب من مرتو باسها فراسها وهي تحل عينيها صوفيا: فوقاش جيتي رعد: عاد دبا.. ياكما سخفوك صوفيا: لا بالعكس.. بانتلي عشق الحمد لله تقبلاتهم رعد: ايوا مزيان... حدر عندها رعد وغرقو فقبلة عشق: (هزات راسها) ماما... مد يديه رعد هز مخدة وحطها فوق راس عشق.. حيداتها وهي مغوبشة قربات منهم.. وقربات وجهها حتى ولا حداهم.. صوفيا كدفع رعد ووالو.. اما رعد كيخنزر فعشق وتقول واش خافت ولا حشمات... مدات يديها وحشاتها بين فمهم.... شدها رعد بعضة رعد: ها لي كيحرمها على باباه عشق: (شدات يديها) هئ هئ هئ صوفيا: والله حتى زدتي فيه.. واش جعرتي عاض بنتك بارت187 رعد: تستااهل.... ناض مشا يجيب حوايجهم من التحت وصوفيا عنقات بنتها وكتسكت فيها صوفيا: (باست يديها) صافي احبيبة سمحيلي.. عنقاتها وكتبوس فراسها حتى سكتات.... دخل رعد شاف فيهم وضحك.. عشق شافتو وخبعات وجهها فصدر ماماها رعد: (هزها) زعما كتخافي مني المجنونة صوفيا: حشومة عليك والله رعد: ههههه شدي بنتك انا داخل ندوش صوفيا: اوكي.... حطها ودخل للدوش ياله حيد الحوايج وبغا يحيد البوكسر وهو يسمع الدقان.. حل غير شاف شكون مات بالضحك... كانت عشق مدورة عليها فوطة وكدق صوفيا: ههههه دوشليها معاك رعد: (جرها من يديها) اووه الاميرة ديالي باغا دوش دخلي دخلي... سد الباب وهزها جلسها وبقا كيلوح عليها الما وهي كتموت بالضحك.... شحال وهو كيلعب معاها... جا يحيدليها الفوطة وبدات تغوت رعد: راني غير باباك الحمقة عشق: اععععع رعد: مكدبتش فاش قلت عليك مجنونة... حل الباب لقا مراتو لبسات كولون وديباردور وكتستف الحوايج فالماريو... حياتي اجي دي بنتك عليا.... جات عندو كضحك لقاتها مزال ملوية فالفوطة صوفيا: علاش مدوشتيلهاش.. وفزكتي الفوطة رعد: راه هي لي مبغاتش... دخل للدوش وسد عليه وبقات مع بنتها حيداتليها الفوطة دوشاتليها وخرجات جابت فوطة جديدة لواتها فيها وخرجاتها صوفيا: (حطاتها فوق الناموسية) الخايبة جلسي نجيبليك الحوايج..... لبساتها ونشفاتليها شعرها وحطاتها فالارض كتلعب وهي كملات شغلها.... خرج رعد ملوي على نصو الفوطة لقا عشق ناعسة فالارض هزها حطها حدا خوتها ومشا عنق صوفيا من اللور رعد: (باسها فعنقها) براكة عليك.. خلي الباقي نكملو انا نتي عييتي صوفيا: (بابتسامة) نو عادي انا مزيان رعد: (حط يديه على الجرح) مزال كضرك صوفيا: لا دبا مزيان رعد: وخا هكاك عنداك تهزي التقل اوكي صوفيا: واخة... دبا غذا السبوع رعد: وي ان شاء الله صوفيا: اوكي..... داز داك النهار مزيان وعادي... صبح الصباح كانو شدو الطريق لدار صوفيا فين غيتقام السبوع... ديال جاد وجود وجهاد حتى هو ريم: فين تعطلتو صوفيا: مزال الحال اصاحبتي راه ياله ل10.. ومالكي متوترة هكا ريم: (معوجة فمها) ممتوتراش.. بشوية.. اليوم عيد ميلادي والعجل نسا (عيد ميلاد سعييد مرة اخرى للقارئة الجميلة ريم😍) صوفيا: ههههه وتلقايه غير مع التوجاد نسا.. عيد ميلاد سعيد الالة ريم: ميرسي.... طلعو للبيت مجمعين الدراري ناعسين وعشق جالسة فالارض كتلعب.. سمعو الدقان ريم: دخل... دخلات زينب وهي مبتاسمة صوفيا: اهلاا توحشتك زينب: (سلمات عليها) حتى انا.. كيبقيتي شوية؟؟ صوفيا: ويي حمد الله هاد الساعة.. كيغادة مع الخدمة مزيان؟ زينب: ويي مزيان هاد الساعة..... بقاو مجمعين وريم وزينب تعرفو اكثر على بعضياتهم.... وصل الوقيتة فين غينزلو لبسو القفاطن بثلاثة وعشق حتى هي لبسات قفيطين فالغوز.. هزاتها زينب وسبقاتهم.. رعد جا هز جاد وصوفيا هزات جود وريم هازة ولدها جهاد وسيف حداها كيبتاسم وهي مخنزرة علي: اوووه شكون هاد الجميلة زينب: ايوا احتارم راسك شوية علي: انا مهدرتش معاك انا هدرت مع عشق... زينب سرطات لسانها ومكرهتش تشق الارض وتبلعها.... حيدليها عشق كيلعب معاها وكيشوف فزينب بنص عين ويضحك بارت188 علي: (بابتسامة) احم سافا زينب: الصمت علي: من الأدب فاش يسولك شي حد تجاوبيه زينب: معايا كتهدر ولا مع عشق علي: ههههه نو معاك نتي... شافت فيه وزادت خلاتو.. وشفتي اعشق هاد صاحبة ماماك دافعة كبير... عشق هزات يديها وعطاتو للوجه... اي صدقتي قبييحة فين ماماك عشق: (كتجبد باش تنزل) مامااا علي: (حطها) سيري عندها... هزات عشق القفطان بيديها ومشات كتقلب على ماماها.. حتى تشدات رعد: فين غادة عشق: ماما رعد: زيدي قدامي... بقات غادة معاه حتى وصلها لماماها.. مشات جلسات حداها وسكتات كتشوف فالناس..... زينب كانت واقفة كتشوف حتى تجرات من يديها زينب: (كتجبد يديها) فين دايني نتا علي: (خنزر) ششش.... جرها حتى خرجو للجردة.. سافا زينب: مخرجني تال الهنا باش تقولي سافا علي: هههه وشنو سحابليك غادي نبوسك زينب: (توترات) ا..اش كتخربق علي: (جلسها فوق الفوتوي وجلس قدامها) شوفي اجي نساو هادشي كامل ونتعارفو من جديد... مد يديه.. سلام انا علي زينب: (بقات كتشوف فيه مدة عاد مدات يديها) زينب علي: متشرفين.. انا طبيب وعمري30 عام وعااازب.. ونتي زينب: 25 عام ومحامية علي: عازبة؟ زينب: وي علي: مكتفكريش تشافاي زينب: مناش غادي نتشافا علي: راك عارفة كيقولك العازب=معاق (شكرااااا خويا علي رفعتيلي المعنويات😑) زينب: لا عاجبني راسي هكا علي: وانا معاجبنيش... جبد خاتم... تقبلي تكوني حبيبتي نتعارفو على بعضياتنا ويلا كتاب علاش لا منتزوجوش زينب: (تصدمات) الصمت علي: (شد يديها ركبليها الخاتم) اوكي انا فرحاان بزااف... هز صاكها وجبد تيليفونها دخل نمرتو وصونا على راسو عاد رجعوليها... المهم التيليفون بيناتنا احبيبتي... باسها فحنكها ومشا خلاها مطرطقة عينيها وكتشوف فبلاصة وحدة... شوية عاد رجعليها الوعي زينب: (شافت فيديها وهي تشهق) ناري ولد الحرام زرب عليا.. وخدا نمرتي.. اويلي وباااسني علي: (من موراها) نزيدك بوسة اخرى... دارت شافتو وهي تحيد صباطها وشيرات عليه... ناري حبيبتي صدقات مجنونة زينب: (شدات راسها) الله يا ربي الله.. صمت حتاااا صمت وغادي نفطر على هاد الحمق اش هاد الزهر يا ربي...... ناضت هزات صباطها لبساتو ودخلات خلاتو تابعها كيفقص فيها....... السبوع داز مزيااان ورعد حاضي صوفيا من ولاد عمها.. كان جا واحد يسلم عليها بالوجه.. رعد تعصب مي ماقدر يدير والو... هداك كيقرب ماحس حتى جاتو تصرفيقة من عشق وبعدات وجهو رعد: (بفرحة) نتي بنتييي... كنحماق عليك.. كنبغيك انا المجنونة ديالي صوفيا: ويلي عشق حشمي شوية.. علاش ضاربة عمو ولد عمها: هههه نو ماشي مشكل راه مزال صغيرة صوفيا: سمحلي اخويا راه كتغير بزاف ولد عمها: الدنيا هانية ياله نخليك دبا.... مشا ورعد جالس من بعيد كيضحك عجبو الحال...... تسالا السبوع رجع رعد وصوفيا وولادهم لدارو.. وطلعات ريم وولدها للبيت مقلقة.. تبعها سيف وهو يعنقها من اللور سيف: مال حبيبتي ريم: (معوجة فمها) والو سيف: هههه اجي معايا... حيدليها جهاد حطو بلاصتو وجرها.. بقات تابعاه حتى دخلو لواحد البيت شافتها وهي دير يديها على فمها وعينيها غرغرو سيف: (قرب لودنيها.. بهمس) عيد ميلاد سعيد روحي... سحابليك نسيتو ريم: (حركات راسها) اه سيف: هههه حمقة.. كنت باغي نخرجو مي مع جهاد منقدروش وقاديت هادشي غير هنا..قبلي عليا ريم: بالعكس هادشي كيحمق..... كانت طبلة ديال جوج دالناس فيها ماكلة والشموع.. وفالارض مرسوم قلب بالورود ومن الداخل ديالو مكتوبة ريم وحداها بواطة.... قربات وخدات البواطة حلاتها ولقات عقد زوين بزاف.... خداه سيف من عندها وركبوليها سيف: (باسها فعنقها) كنبغيك ريم: حتى انا... جرها جلسو فداك الجو الرومانسي وسيف طلق موسيقى هادئة.. زادت من جمالية المكان.... جلسو كياكلو ويتعاودو ويضحكو بارت189 وصل رعد وصوفيا للدار... طلعو حطو ولادهم ومشاو لبيتهم رعد: (هاز عشق) حبيبة باباها.. باسها فحناكها.. جاك النعاس صوفيا: اش هاد الحب طاح عليك رعد: مالكب واش غرتي... هادي راه بنتي حبيبتي.. لي نعول عليها فاش منكونش..... عشق كانت معنقاه حاطة راسها فوق كتفو ونعسات..... حطها فالناموسية وغطاها.... بدل حوايجو هو وصوفيا وتحشاو نعسو وعشق بيناتهم... صبح الصباح فاقت عشق لقات راسها ناعسة فوسطهم.. ناضت مدوخة طلعات فوق ظهر رعد وتكات... حس بيها رعد مد يديه وجبدها لعندو رعد: صباح الخير اميرتي... باسها فحنكها وهي كضحك وتلعب... هكاك نبغيك ديما حضي ماماك ولي قرليها عطيه شي دقة انا عاطيك الرخصة اوكي.... عشق حركاتلو راسها بالايجاب... يخليك ليلي الفنيونة ديالي صوفيا: (طلات عليهم) اش كديرو.... عشق شافت ماماها وهي تخبع فرعد رعد: (دار يديه غطا عشق) اش بغيتي صوفيا: (غوبشات) صافي تصاحبتو وخليتوني رعد: (جبدها لعندو) وانا نقدر نبعد على روحي صوفيا: ممم كتاكل دماغي رعد: (لاحها ورجع فوقها) انا باغي ناكلك كلك صوفيا: ههههه ميمكنش انا مزال شادة كونجي واصلا منقدرش رعد: (باسها فراسها) عارف احبيبة... حتى تبراي معندي فين نهرب صوفيا: (شافت فعشق لقاتها كتشوف فيهم وضحك) اناري اش درتي للبنت.... شاف فيها رعد وضحك رعد: هههه مالها كيجاتك صوفيا: موالفة تحرمها عليك.. مالها دابا رعد: (ناض وهز بنتو عنقها) هادي راها بنتي حبيبتي وصاحبتي.. تافقنا انا وياها ودرنا هدنة صوفيا: ايوا هنية علينا.. واخيرا.... نااري الولاد كيبكيو انا غادة... مشات كتجري خلاتو كيضحك.... دخل غسل وجهو وحك سنانو وهز عشق غسليها وجهها.. بدليها حوايجها ومشا عند صوفيا لقاها واحلة مع ولادها... حط عشق ومشا هز جود كيسكت فيه... صوفيا كانت كتبدل لجاد.... كملاتلو وشدات جود بدلاتلو... عطاتهم يرضعو عاد رجعاتهم لبلاصتهم.... مشات غسلات وجهها وبدلات حوايجها عاد نزلات وجدات الفطور... اما رعد وعشق كانو كيلعبو... كملات وعيطاتليهم تجمعو على الفطور بالضحك والتقشاب... بارت190 دازت #عامين عشق كبرات تبارك الله ورجعات هي وباباها صحاب مي تقريبا ديما محرمها عليه فاش كيقرب لصوفيا.... حتى من الوليدات جاد وجود وجهاد كبرو... صوفيا مكملة فخدمتها وعندها مربية وخدامة لي كيعاونوها... رعد رجع لخدمتو وهو مرتاح لأنو الماضي ديالو مغيبقاش مطاردو.. وملفو ابيض دابا.... رجع من شركتو للدار... تعرضولو الدراري حدر لمستواهم وعنقوه رعد: الله على تعنيقة... توحشتكم..... جات عشق كتجري بعداتهم وعنقاتو عشق: توشحتك رعد: هههههه لا سميتها توحشتك عشق: توشحتك رعد: ههههه حتى انا توشحتك عشق: زبتيلي الشكلاط رعد: (جبد من جيبو) هاكي الالة... باستو فحنكو ومشات كتجري.. ياله وقف وهو يسمع الباب تحل... كانت صوفيا لي جات رعد: (جرها من خصرها وطبع قبلة فحنكها) توحشتك صوفيا: حتى انا... فوقاش جيتي رعد: عاد دبا وولادك تعرضولي فالباب صوفيا: (صغرات عينيها) عنداك تكون جبتي لعشق الشكلاط رعد: لا مجبتوش صوفيا: ممم اوكي.... خرجات عشق فمها مطلس بالشكلاط عشق: ماما زيتي صوفيا: (دارت عند رعد) وشنو هادشي بالسلامة رعد: معرفتش المهم انا طالع نبدل حوايجو.... طلع كيجري خلا صوفيا شادة راسها صوفيا: (حدرات عندها) علاش الخايبة كتاكلي الشكلاط شحال من مرة كنقوليك الشكلاط لا عشق: بابا لي زابولي (جابولي) صوفيا: واخة ياله عطيهلي... جات تحيدولها وهي ترجعو عشق من مواراها عشق: لا سيري فحالك صوفيا: كتقولي لماماك سيري فحالك الباسلة عشق: اه صوفيا: (ضرباتها بشوية لمؤخرتها) نتي خايبة.. ومغاديش نعاود نهضر معاك عشق: حتى انا منبقاش نهضر معاك.... مشات كتجري وخلات صوفيا كضحك...... طلعات لبيتها بدلات حوايجها وهو يخرج رعد من الدوش لاوي على نصو الفوطة صوفيا: (باستو ففمو) اش هاد التبوكيصة رعد: هههههه كتغازليني صوفيا: وييي