بارت191 رعد: هههه كتغازليني صوفيا: وييي...جرها رعد من خصرها رعد: مممم هي نسد الباب.. حركاتلو راسها بالايجاب.. ضحك ومشا ياله وصل للباب باش يسدو وهو يتحل.... دخلات عشق كتجري جلسات فوق الناموسية وبدات كتشوف فيهم وضحك... رعد بقا مسمر قدام الباب وصوفيا حابسة الضحكة... دار رعد وهو مغمض عينيه بالاعصاب رعد: عشق خرجي عشق: لا رعد: انا شنو قلتليك على الدخول للبيت بدون إذن عشق: ممنوع رعد: اوى مزيان منين عارفها... ياله خرجي عشق: (تكات) لاء..... رعد كان غادي لعندها وهي تشدو صوفيا صوفيا: خليني انا نتفاهم معاها بلا مدابزة... قربات لعندها.. حبيبة عشق تقدري تمشي تحضي خوتك على ماندوش.. حيت نتي تبارك الله كبيرة وفاش كتكوني حاضياهم مكنخافش.. ممكن عشق: (حركات راسها بالايجاب) واخة اماما... نزلات من فوق الناموسية وصلات عند رعد وهزات راسها... حل باب...... حل رعد الباب وهو كيضحك.. سدو ومشا نقز على صوفيا رعد: الله يخلي لينا عقلك ياربي صوفيا: ههههههه حمق.............. طلقها ودخلات دوش وهي كتنكر.. تبعها كيضحك... دوشو ولبسو حوايجهم... عاد نزلو لقاو جاد وجود جالسين مكمشين ودموعهم فعينيهم.. وعشق واقفة عليهم وشادة عصا صوفيا: اويلي اش هادشي كنشوف.. عشق واش ضربتي خوتك عشق: لا اماما انا غير كنخلعهم صوفيا: منين جبتي العصا عشق: بابا جابهالي... دارت صوفيا كتخنزر فيه وهو كيدور فعينيه.. جات تهضر وهو يقاطعها رعد: صافي عارف اش غاتقولي... انا اب ممزايانش وكنعلم بنتي البسالة ونتي كتحاولي تصلحي مي كنجي انا كنخسرليك كلشي.. حفضت هاد الديسك والله صوفيا: (شدات راسها) ومنين حفضتيه راه خاصك طبقو.. ماشي تزيد فيه عشق: ماما نتي خايبة وبابا ضريف.. متبقايش تغوتي صوفيا: اييه ابنتي اجي سوطيني نيت بديك العصا هادشي لي بقاليك رعد: هههههه راه غير كضحك معاك صوفيا: قطعو الحس.. انا لي مسطية حيت كنهضر مع جوج كفس من بعض... طلعات وخلاتهم كيشوفو فيها عشق: ماما غضبات.. نتا السباب رعد: هاي هاي على المجنونة تحليها الفم ورجعات كتسمعنا المعيور... اري ديك العصا لهنا عشق: (لاحتها عليه) خودها.. اصلا مزويناش رعد: (خنزر فيها) كضربيني المجنونة عشق: اه ونتا هو المجنونة رعد: ههههههه انا مجنونة واخاااا... دبا شنو نديرو مع ماماك باش نصالحوها عشق: كيكة بالشكلاط رعد: نتي خلاص غير الشكلاط.. زيدي قدامي..... دخلو للكوزينة وعشق هي لي قدات الكيكة طلعوها لصوفيا لقاوها كترسم عشق: (بشوية) ياله مشيو فحالنا رعد: علاش عشق: ماما كترسم وهي مكتبغيش نصدعوها رعد: زعما راك مأدبة زيدي قدامي.... دخلو عندها حسات بالحركة فالبيت وهي تهز راسها مخنزرة بارت192 صوفيا: (مخنزرة) اش بغيتو تاني.. عشق تخبات من مور باباها رعد: ممم زعما كتخافي... احم جينا نصالحوك...... قرب لعندها باسها فراسها ومدليها الكيكة... هادي صاوبنها انا والمجنونة عشق: (ضرباتو لرجليه) نتا هو المجنونة.. انا لي قاديتها بوحدي صوفيا: ههههه اجي لهنا... قربات لعندها وهي تهزها باستها فحنكها.. الحبيبة ديالي كبرات وبدات كطيب عشق: اه اماما وفيه الشكلاط بزاااف صوفيا: ههههه مدمنة نتي.... هزات طرف داقتو.. اووه تبارك الله عليك لذييذ.... هزات عشق طرف جلسات كتاكل انضم ليهم رعد جلس من مور صوفيا وطلق رجليه تحشات صوفيا فيه.. دوقاتو وشدليها يديها باسها... تكات عليه صوفيا وهي مغمضة عينيها ورعد كيدوز يديه بلطف على يديها حتى كيوصل لكتافها ويعاود ينزل عشق: (باستغراب) اش كديرو رعد: هههه سيري فحالك صوفيا: (حلات يديها) اجي عندي... تلاحت عليها عشق كضحك عنقاتها صوفيا وكتبوسليها راسها... الحبيبة ديالي كبرات ورجعو فيها الاسئلة بزاف رعد: عاد عرفتيها راه من شحال هادي....... بقاو هكاك مجمعين حتى قفزات صوفيا وقفزاتهم معاها... ماااالك صوفيا: اويلي فين ولادي نسيتهم... نزلات كتجري لقاتهم كيدابزو بيناتهم وشادين شعر بعضياتهم... هداو اش كديرو جاد: ماما هئ هئ صوفيا: نعام احبيبي جاد: زود كيضلبني (كيضربني) صوفيا: صافي احبيبي متبكيش... هزاتو كتسكت فيه حتى حسات بضربة..ايي.. حدرات راسها لقات جود كيشوف فيها ومخنزر عشق: (دفعاتو) مضربش ماما جود: اععععع.... قربليها وشد شعرها كينتفها وهي كتغوت... جا كيجري رعد فكها وعنق بنتو رعد: اش هاد البسالة.. كضرب ختك ماشي حشومة جود: هئ هئ ماماااا... جات صوفيا تحط جاد وهو يشنق عليها... جلسات وجبدات جود بيديها عنقاتو صوفيا: صافي احبيبي متبكيش... شدها جود بعضة ففخدها.. اييي..... بعداتو وشدات فخدها.. ماشي حشومة تعض ماماك رعد: (كان قاد لعشق شعرها حطها وجبد جود) اش هاد البسالة.. حشومة هادشي ضارب خوك وختك وعاض ماماك..... جود بقا كيشوف فيه مخنزر هز يديه وضربو للوجه رعد: اييه اولدي.. نجيبليك العصا تزيد ضرب...... صوفيا حطات جاد وهزات جود طلعاتو للبيت.. جلساتو وجلسات قدامو مخنزرة وحتى هو كيشوف فيها مخنزر صوفيا: شحال من مرة كنقوليك ممنوع ضرب خوتك.. واش كتفهمني.... وزايدها ضارب باباك ماشي حشومة جود: ماما انا بيت زهاد (بغيت جهاد) صوفيا: (تنهدت) باش طيحولينا الدار... واخة راه غذا غادي يجي....................... اليوم عيد ميلاد جاد وجود لبسو بحال بحال وجا عندهم جهاد رونوها عاد شدو الارض.. وريم شادة راسها فقصها ولدها وهي كرشها واصلة لفمها سيف: اجي جلسي متعصبيش راسك معاه ريم: اففف غادي يحمقني هاد الولد صوفيا: اجي نتوما بجوج طفيو الشمع... تشاد جاد وجود ومشاو وقفو قدام طارطة بقاو مدة وهما كيحاولو يطفيو الشمع..... تطفا وبداو كيصفقو.... وجهاد مشا كيجري عندهم هزو طارطة بيديهم وبداو كيدابزو بيها وقربو عند عشق لي كانت لابسة فستان بيض... طلسوليها وجها عشق: هئ هئ باباااااا شد عليا هادو... جا رعد كيجري جر بنتو عندو رعد: بعدو من امييرتي بارت193 رعد: بعدو من اميرتي... صافي احبيبة اجي نغسليك وجهك عشق: خسرولي مكياجي ابابا هئ هئ رعد: (بصدمة) علاش ابنتي كنتي دايراه عشق: اه رعد: زيدي قدامي نتوما غادي تشيبوني..... داها غسليها وخلا سيف وعلي كيموتو بالضحك عليه.. حتى وقفو عليهم ريم وزينب ريم: اجي نتا شد ولدك راه غادي تنوض الروينة ونتا عارفو فاش كيتلاقا مع جود اش كيوقع.. وانا مقداش عليه سيف: واخة هانا غادي زينب: (مخنزرة) كضحك عاجبك الحال ومخليني انا واحلة مع بنتك... هاك شدها راه صدعاتني بالبكا علي: صافي صافي.. مالك كتغوتي اريها..... شدها.. مال حبيبة باباها ياسمين: هئ هئ هئ علي: ششش متبكيش احبيبة.. وقف كيراري بيها وجلسات زينب وريم حدا بعضياتهم وانضمات ليهم صوفيا مفقوصة ريم: مالك صوفيا: غادي يجننوني هاد الدراري.. والمشكل حتى رعد كيدير الزبايل انا راه عندي 4 الدراري زينب: جلسي وخليه هو يتكلف بيهم ريم: طاحت عليا فكرة صوفيا: شناهيا ريم: اجيو نسلتو دبا ونخليوهم معاهم نشوفو واش يقدرو زينب: عجباتني الفكرة ياله زيدو صوفيا: هههه نتوما رجالاتكم ضريفين.. انا رعد غادي يعلقني زينب: مالكي خوافة.. يقيسك نوصلوه للمحكمة رعد: شكون غادي توصلي للمحكمة زينب: (توترات) ا.. لا والو متديش فبالك رعد: (بتشكيك) ممم اوكي... مشا انضم للدراري لقاهم واحلين مع ولادهم بقا كيضحك شوية وهو يجمعها.. فاش شاف جود وجاد بغاو يطيحو واحد الفاز... مشا كيجري شدو.... صوفيا وريم وزينب شدو فبعضياتهم وخرجو كيجريو وهما كيضحكو عشق: فين غاديين... وقفو ودارو عندها غير بشوية صوفيا: هاحنا اماما جايين.. مي متقولي والو لبابا واخة عشق: ديوني معاكم صوفيا: لا احبيبة عشق: بابااا... طارت عليها سداتليها فمها صوفيا: الى سكتي انجيبليك الشكلاط عشق: (بابتسامة شريرة) بزااف صوفيا: اوكي بزاف زينب: (حدرات عندها) وحتى انا انجيبليك بزاف مي الى درتي واحد الحاجة عشق: شناهيا زينب: بغيتك نتي وخوتك تحمقو باباك وعمامكم.. متافقين عشق: وااخة اخالتي زينب: يخليلي الحبيبة ديالي لي كتفهم..... مشاو ودخلات عشق كتشوف فيهم بشر وكتفكر اش غادير #فلاش_باك قبل عامين كانت زينب خارجة من المحكمة ياله سلات قضية وهو يوقف عليها علي علي: (شدها من يديها) زيدي معايا زينب: (فرحات فاش شافتو) فين غادي بيا علي: سكتي وزيدي... دخلها للطموبيل وركب وهو يديماري... بعد لحظات وقفات الطموبيل لقات راسها فغابة زينب: (هزات حاجب) فين جبتيني علي: سكتي انا لي غنهضر..... كثر من شهرين وانا تابعك ونتي مزال مهداك الله... كل مرة نجي نهضر معاك كتصدريني.. الى معجبتكش قوليهالي فوجهي.. الى مبغيتينيش قوليهالي.. المهم فكلتا الحالات انا غنبقا لاصقك حيت بغيتك وعجبتيني زينب: (جاتها الضحكة مي حبساتها) انا عارفة لي بغا شي وحدة كيجي لدارها ماشي كايبقا يتعرضليها فالزنقة ويجيبها للغابة علي: (بعد تفكير) اوكي.. فوقاش نجي عند والديك زينب: (بحزن) الله يرحمهم علي: (باس يديها) الله يرحمهم.. ايوا من عند من غادي نخطبك زينب: عندي خويا واحد كاين ففرنسا علي: شنو دبا نطلع حتى لفرنسا بارت194 زينب: لا غادي يجي الشهر الجاي واجي مرحبا بيك علي: نتسنا دبا انا حتى للشهر الجاي عاد نهدر مع خوك ونخطبك ونتسناو فوقاش العرس... لا لا هادشي ممسلكنيش زينب: وشنو غادي نديرو علي: (دار لعندها بابتسامة) هي حتى نتي باغة ودافعا عليا كبيير هانا حصلتككك زينب: (توترات) ا.. اش كتخربق علي: غير قولي الحقيقة انا راني عقت بيك زينب: (تزنكات) رجعني لدارنا علي: (ضحكاتو) ههههه... ديمارا ورجع وهي الطريق كلها مدورة وجهها وكتولول فخاطرها اما هو مرة مرة كيشوف فيها ويضحك.... وصلها كانت بغات تنزل وهو يشدها علي: (باس يديها) غذا انجي عندك مع 9 دالصباح بغيتك تلغي كاع مواعيدك زينب: علاش علي: ديري داكشي لي كنقوليك ولو لمرة وحدة فحياتك بلا ماتسولي زينب: واخة................ صبح الصباح هبطات من بعد ماصدعها بتعياط لقاتو كيتسناها ركبات وهو يتحرك زينب: فين غاديين علي: دبا تعرفي...... بعد لحظات وقف دار شاف فيها بشر زينب: شنو.... قبل ماتكمل هضرتها قاطعها ببوسة.. تصدمات وطرطقات عينيها بقات كدفع ووالو.. حتى بعد راسو وعلى وجهو ابتسامة انتصار علي: صدقتي لذيذة بزاف زينب: (حاطة يديها على فمها ومصدومة) اش درتي دبا هئ هئ علي: بستك ودبا خدينا ذنب.. وباش نصلحو هادشي لي درنا غادي ندخلو نتزوجو زينب: هاااا علي: ياله زيدي مبقاليناش وقت بزاف... خرج وشدها من يديها جارها وهي مصدومة... دخلو وبقاو كيتسناو زينب: فين جايبني واش تسطيتي علي: (شاف فيها بحب) كنبغيك زينب: (تزنكات) الصمت علي: باغي نكمل حياتي معاك.. غير نتزوجو ونمشيو عند خوك انا نهضر معاه.. عارف فياش كتفكري.. كلشي غيدوز كيفما كنتي متخيلاه.. حنا دبا غادي نتزوجو ونطلعو عند خوك ومن بعد نديرو العرس متافقين زينب: (نزلو دموعها) واخة علي: (باس راسها) كنبغيك...... وهكا تزوجو هادا اسرع زواج فالعالم هههههه بارت195 عشق بقات كتشوف وتفكر حتى طاحو عليها افكار وبدات كضحك..... كان رعد وسيف وعلي كيهضرو منتابهوش للبنات لي مكاينينش حتى سمعو الغوات دارو لقاو عشق جالسة فالارض وشعرها منتوف وكتبكي... طار عندها رعد رعد: عشق حبيبتي مااالك شكون دار فيك هكا عشق: هئ هئ جووووود.... رعد دار شاف فيه وهو مخنزر.. غير دار عشق بدات كضحك... كان جود جالس كيلعب حتى جاتو دقة لراسو دار وهو مخنزر لقا باباه وهو يطلق غوتة.. ناض بلا عكز هز واحد الطبسيل وشير على باباه وهو يخوي.. (كلشي عارف بلي جود مكيحملش يتضرب وهو مداير والو اما فاش كيدير شي زبلة راه كيسكت ودبا هما جبدوه وهو مسكين كان غير كيلعب) رعد: (بصدمة) كضرب باباك المسخوط.... جهاد شافو هز طبسيل وناض حتى هو بلا عكز هز وشير على باباه... علي مات عليهم بالضحك ماحس براسو حتى جاه صباط لراسو كانت عشق لي شيرات عليه...... ناضت الفوضى وجود وجهاد وعشق كيضربو علي ورعد وسيف لي تصدمو ومقدرو يديرو والو... كيعيطو على صوفيا وزينب وريم مي مكايجاوبهم حد... دار علي وهو يلقا جاد تيبوس ياسمين علي: (بصدمة) بنتييي.... سيف ورعد دارو غير شافو داكشي وهما يتفرشخو بالضحك.... قلبو على البنات ملقاو حتى وحدة عرفوهم خرجو كيعيطو مي شكون يجاوب وهما مخليين تيليفوناتهم فالدار..... رجعو للصالون لقاو الدنيا مقلوبة والطارطة مطلسة فالارض... المخاد كلهم طايحين وشي فوتويات مبقاوش بلاصتهم... بالصدمة جلسو كيشوفو... دارو عليهم الدراري كلها كيبكي من هنا ويشكيو... كيهضرو فدقة داخو وشدو راسهم.... شوية شافو فبعضياتهم وهما يضحكو....... عند البنات لي جالسين فكافي كطل على البحر صوفيا: الله على راحة شحال هادي مخرجت بوحدي وفهاد الهدوء... بكثرة الصداع لي كيكون فالدار كنقول كون غير بقيت صمكة البنات: ههههههههه ريم: عندك الحق اختي... انا دبا غير جهاد ومحمقني كنفكر شنو غندير فاش تجي الاخرى صوفيا: ليك الله هادشي لي غنقوليك زينب: انا البنات مغاديش نزيد براااكة عليا غير ياسمين حبيبتي وهي اصلا مهدنة ريم: كلنا كنا كنقولو هكاك.. ودبا ياسمين عندها غير عام بلاتي تزيد شوية وتشوفي اش غيوقعليك صوفيا: ههههه ويي.. انا صافي قربت نفوت هاد المرحلة ونتهنا......... بقاو البنات مجمعين كيتعاودو ويضحكو حتى شبعو وهما يرجعو غير قربو للدار شداتهم الخلعة مي حتى وحدة مرضات تقول للاخرى راني خايفة..... دخلو مشادات غير شافو اش كاين وهما يشهقو اما صوفيا طاحت سخفات بارت196 كان السفلي كولو مطلي بالصباغة.. مبقاو لا فوتويات لا حيوط لا طبالي كولشي مطلي... اما جود وجاد وجهاد وعشق حتى من الصغيرة ياسمين كيبان فيهم غير العينين.... بلا مانشوفو فالكبار رعد وسيف وعلي لي حتى هما مطليين...... وكيتمرغو فالارض ويضحكو والولاد كيشوفو فيهم بصدمة... سمعو شي حد طاح لقاو صوفيا ناض رعد بغا يجي وهو يزلقولو رجليه وطاح على سيف وعلي.... حاول ينوض مي والو... شوية ناضو بثلاثة شادين فبعضياتهم تمشاو جوج خطوات وهما يطيحو... بقاو متكيين فالارض وصوت ضحكهم كيتسمع من بعيد.... الدراري الصغار كيشوفو فوالديهم مصدومين وكيشوفو فراسهم لي مطلي بالصباغة وهما مساكن كانو غير كيلعبو... حتى جاو باواتهم طلاوهم وهما يجلسو..... زينب وريم بقاو مصدومات نساو هاديك لي طايحة فالارض........... جاو كيزحفو لعندهم... لبسو مشايات كانو تما عاد قدرو يوقفو..... رعد قرب عند صوفيا كيحاول يفيقها.... حلات عينيها بتتاقل شافتو وبدات كتبكي صوفيا: الله يا ربي.. اش درت فحياتي.. واش انا قادة على دوك الثلاثة باش تزيدني هاد الرابع وقدو قد الخلا منقدر حتى عليه هئ هئ... داري مشات اعباد الله هئ هئ.. داري مشات وكلت فيكم الله كلكم.. الله يخليكم بالخلا رعد: صافي احبيبة متبكيش انا غنجمع هادشي غير تهدني صوفيا: بعد عليا يديك الموسخين عشق: ماما جبتيلي الشكلاط صوفيا: (بعصبية) لا مجبتوش عشق: هى هئ باباااااااا رعد: صافي متبكيش احبيبة انا نجيبوليك عشق: (كتمسح دموعها) بابا عرفتي ماما هي وخالتي زينب وعمتي خرجو وقالولي نديرليكم الصداع.. ونفقصكم ونضربكم وندوخكم..... البنات كيسمعو اش كتقول وهما مطرطقين عينيهم.. غير سلات هدرتها وهو يطير علي على زينب وسيف على ريم ريم: اويلي هدا راني حاملة وهانتا كتسمع صوفيا لي قالتليها ماشي انا زينب: طلق مني هانتا سمعتي راه صوفيا ماشي انا... صوفيا شافت فيهم والصدمة باينة على وجهها عشق: لاء اعمي راه حتى هما قالولي انجيبوليك الشكلاط.... غير سالات هدرتها وهي ضحك صوفيا مي جمعاتها بالزربة فاش لقات رعد كيخنزر فيها.. جرها من حوايجها وقفها ووقف.... وقفو حدا بعضياتهم بثلاثة... والرجال كيخنزرو فيهم رعد: ممممم خرجتو وخليتونا مع البراهش قلنا ماشي مشكل سيف: مقلتولناش راه خارجين وقلنا ماشي مشكل علي: مي باش تحرشوهم علينا رعد/علي/سيف: كاااااين مشكل.. ومشكل كبيييير ريم: (خافت مي حاولات تقوي راسها) شوفوو راني حاملة انطيحليكم هنا ونتسبا عليكم... واصلا ماشي انا مولات الفكرة.. انا مسكينة غير مجرجرة....... زينب وصوفيا شافو فيها وهما مطرطقين عينيهم زينب: احم شوف انا مدرت وااالو واصلا خليتك غير مع ياسمين... وبنتي مهدنة مكديرش الصداع.. يعني مدرت حتى حاجة صوفيا: (كتشوف فدارها مفقوصة) شوفو نتوما... كتشير للرجال وريم وزينب.. والله وداري ماترجع كيف كانت لاعتبتو برى... حيدات صباطها ديال الطالون وشداتو بيديها... نفلقكم والله حتى نديرها.. ياله دبااا ترجعو داري كيف كانت وولادي كيف كانو عاد تمشيو... تحركوووووو... كلشي قفز من غواتها حتى الدراري الصغار تكمشو ريم: ياك انا ختك وحاملة مغندير والو صوفيا: نتي بالذات والله ماتعتبي باب الدار الى متنقاتش.. اصلا نتي مولات هاد الفكرة الغبية... ياله اش كتساينو بدااااااو بارت197 صوفيا: اجيو ادوك الجنون لهنايا... جا جود وتبعو جهاد ومن موراهم جاد.. عشق كانت واقفة حداها وجات حتى ياسمين كتحبو..... زيدو قدامي نيشان للحمام.. ونتوما بداو فالشغل ريم: (كتغبن) وااع حرام عليكم انا حاملة صوفيا: منسمعش صوتك ياله تحركي..... دخلات صوفيا للحمام لي كاين فالسفلي مع الدراري ب5... نتوما عطيوني بالظهر دورو نعطيكم العصا... دار جاد وجود وجهاد وهما مخنزرين... حيدات للبنات الحوايج وحشاتهم فالبانيو بدات كتفرك فيهم وتغسليهم حتى رجعو حومر خايفات منها مقدروش يهدرو ولا يبكيو.. كملات ولوات كل وحدة فالبينوار صوفيا: بقاو واقفين هنا ونتي قابلي ختك ياسمين على مانجي.... خرجات لقات كل واحد وشنو كيدير ها لي كيمسح الحيوط ها لي كيمسح الطبالي ها لي كيمسح الارض.. المهم كل واحد وشنو كيدير... طلعات لبيت عشق هزات حوايجها وشي حوايج صغارين عليها.. نزلاتهم دخلات مسحاتليهم وسبقات ياسمين لبساتها عاد لبسات عشق دارتليهم الطرابش باش ميمرضوش وخرجاتهم... هازة ياسمين وجارة عشق... طلعاتهم للبيت وجلساتهم صوفيا: حضيها ووياااك نشوفك لتحت عشق: واخة اماما.... دازت لبيت الدراري هزات حوايجهم ولجهاد حتى هو ونزلات..... دخلات لقاتهم جالسين وكيدورو فعينيهم عارفين راسهم مكحلينها معاها وخا هما مدارو والو..... دخلاتهم ب3 فالبانيو غسلاتليهم مزياان وبدات تلبس لكل واحد كملات وخرجاتهم... غاديين قدامها مشادين.. طلعو للفوق ودخلاتهم عند عشق صوفيا: جلسو هنا نسمع دبانة كتزنزن نجي ناكلكم كاملين فهمتونيي... حركوليها راسها بالايجاب وهي تخرج... هبطات عند الاخرين كانو مزال واحلين... مشات نيشان للكوزينة وجدات كاسكروطات وماكلة لياسمين وطلعاتهم.. عطات لكل واحد وشدات ياسمين وكلاتها.. فرشاتليهم فالارض وجلسو صوفيا: اليوم غتنعسو هنا كلكم.. منبغيش الصداع.... طفات عليهم الضو وخلات الضو ديال الفيوز لي شاعل..... نزلات عاوتاني عند الاخرين بدات كتعاونهم حتى كملو وداكشي رجع كيشعل... اما الفوتويات خرجهم الدراري للجردة حيت صافي ضاعو... كانو جوج حمامات فالسفلي كل واحد دخل مع مراتو.. طلعات صوفيا هزات من حوايجها ومن حوايج رعد هبطات لكل واحد عطاتهم.. عاد طلعات لبيتها لقات رعد دخل للحمام.. دخلات عليه لقاتو واحل مع الصباغة لسقاتليه.. حيدات حوايجها ودخلات لعندو بدات تفرك فيه وهو شاداه الضحكة اما هي مخنزرة.. حتى كملاتلو عاد بعدات عليه رعد: (جبد لعندو باسها فحنكها) يخليلي الحبيبة ديالي صوفيا: ممم ديرها قد راسك واجي تبوس رعد: وصافي احبيبة متبقايش مقلقة... بقا كيرغبها عاد طلقات معاه صوفيا: وشوف دبا تقريبا جوج دالليل هادي... من العيد ميلاد صدقنا فهاد الكارثة رعد: هههههه غير ضحكنا شوية وصافي.. ياله اجي ندوشليك انا...... دوشليها وكمل هو تدواشو وهوما يخرجو.. لبسو بيجاماتهم ودارت صوفيا فولارها عاد نزلو... ملقاو حد وهي تمشي للكوزينة رعد: تلقايهم كيلعبو ماتشات الا انا مسكين صوفيا: (حبسات الضحكة) حشم شوية........ بدات توجد شي حاجة ياكلوها ورعد كيمدليها.. عند ريم وسيف.. جالسة مغمضة عينيها وهو كيدوشليها ريم: (حاطة يدها على كرشها) افف عييت سيف: كاع مكلتها انا لي كندوشليك ريم: وراه حتى انا غسلتليك شعرك.. كون ماشي انا كون بقاتليك الصباغة لاصقة سيف: ممم وبقاي دبا تمني عليا حتى لغذا..... تلقايهم هما لعابين ماتشات وانا مسكين محرماها عليا ريم: سير بعد مني راني حاملة ومعنديش الجهد ديالك.. عند زينب وعلي علي: اجي لمك لهنا راني توحشتك زينب: (دايرة وضعية الدفاع) تقرب نرعفك علي: امييمتي على زهر عندي انا.. تلقايهم لعابين ماتشات وانا مسكين محرماها عليا زينب: مغاديش تاكل دماغي بهاد الهدرة بارت198 خرجو من بعد مالبسو حوايجهم سمعو الحس فالكوزينة.. دخلو لقاو صوفيا كطيب ريم: الله على ريحة الله.... حطي دبا ولا نطيحليكم هنا زينب: مالك اختي هدرتك كلها تهديد.. طيحي وحنا مالنا ريم: هئ هئ ياك اختي وشكراا سيف: مالك رجعتي كتبكي بالزربة.. راه غير ضحكات معاك ياله سكتي احبيبة رعد: (جا جرها) اجي اختي الزوينة جلسي ارتاحي.. هانا نحطليك دبا ريم: الله يخليك ليا اخويا.. نتا لي هاز هبالي ماشي بحال شي وحدين بغاو ياكلوني زينب: وصافي براكة من الدراما ديالك ريم: هانتا اخويا شفتي.. واش دبا انا جبدتها علي: نتي خلي عليك السيدة مالك معاها زينب: هانا ساكتة..... جلسو فالطبلة لي كاينة فالكوزينة.. حطاتليهم صوفيا وبداو كيتعشاو سيف: ههههه ونهااار هدا... انا لي عمرني جففت.. جففت هاد النهار الكل: ههههههههههه صوفيا: باش تعلمو توسخولي الدار زينب: هادي هي السباب ريم: هاهي عاوتاني كتجبدني دبا انا شنو درت هئ هئ علي: واش مغاديش تسكتي نتي زينب: (عوجات فمها) هانا ساكتة صوفيا: زعما نتي طفرتيه.. ماشي نتي لي حرشتي عشق وقلتيلها ديرليهم الروينة ريم: هههههه الله ارتاحيت دبا... شافو فيها الرجال وهي تبدا ترمش بعينيها علي: (كيعيبها) انا خليتليك غير ياسمين.. وبنتي مهدنة.. ونتي محرشة علينا المجنونة ديال عشق رعد: ايوااا اش كتقول نتا.. كتعاير بنتي قدامي علي: نتا براسك كتقوليها مجنونة رعد: هاديك بنتي وانا بوحدي لي نقولهاليها سيف: صافي صافي بردو.. خليو هاد الليلة دوز مزيان صوفيا: ياله نوضو غسلو الماعن ريم: (صغرات عينيها) معامن كتهضري صوفيا: مع سيف وعلي ريم: (ارتاحت) هههه اوكي سيف: ايوا حتى لهنا وحبسي.. ينوض راجلك نيت صوفيا: رعد هو لي عاوني فالطياب.. ياله نوضو علي: (ناض كيجمع الطبلة) نوض اخويا.. هادي ممعاها مزاح..... ناضو كيغسلو الماعن ولاخرين جالسين فوق الطبلة كيشربو العصير.. وصوفيا متكية على كتف رعد وهو كيدوز يديه على ظهرها ريم: (دلات شفايفها) بغيت حتى انا راجلي يديرلي هكا زينب: شو على محسادة كيدايرة.. سكتات شوية.. الصراحة حتى انا غرت... هادي نوضات رجالنا وخلات راجلها حداها صوفيا: (حلات عين) سكتونا شوية ريم: سيييف اجي لهنا حدايا... اييي زينب: مالك ريم: (شدات كرشها) ايي.. امييمتي كنولد ااااااااااااااا.... ناضو كيتجراو هزوها ومشاو نيشان للكلينيك... داخلين وهي قالبة الدنيا بغواتها وتغوت كانت زينب ركبات حداها شبعاتها نتيف.. خرجات زينب وشعرها طالع للسما... بعد ساعة كانت ولدات بنية نقلوها لغرفتها ودخلو عندها طلو عليها وباركوليهم صوفيا: اويلي الولاد خليناهم بوحدهم ريم: اويلي ولدي مشا هئ هئ... الله ياخذ فيكم الحق يا الكفرة هئ هئ زينب: كاع مدرت هاد الحالة لي خليت بنتي مزال صغيرة مقادة حتى تمشى مع الحتارف ديال ولادكم علي: اويلي بنتي كاينة مع جاد بوحدهم... الرجال تفكرو ديك اللقطة وهما يتفرشخو بالضحك..... رجعو وخلاو سيف معاها............... وصل السبوع كانت جات ام صوفيا وسيف من الحج.. وهي فرحانة بحفيدتها الخامسة.... عشق حلفات حتى دير المكياج قدات الحالة وكلشي.. وبدات كتعاون خوتها فاللباس......... داز السبوع مزيان فجو عائلي بامتياز من غير زينب لي جالسة مغبنة صوفيا: وصافي احبيبة مالكي واش بغيتي تخلي ياسمين بوحدها زينب: وااع ومبغيتش نحمل دبا صوفيا: وانا لي قلتليك بقاو.. استغفر الله..... صافي سكتي وفرحي اتجي ريم تلقاك هكا غادي تنتفك بارت199 بعد مرور سنواات.. ريم ولدات ولد اخر.. اما زينب عطاها الله توام ولد وبنت.. مسكينة تصدمات وشيبوها ولادها..... اما سي رعد ولالة صوفيا متزاد عندهم والو... ولادهم كبرو تبارك الله عشق عندها دبا 16 العام وجاد وجود عندهم 13 العام.. رعد بدا كيبان فراسو شوية ديال الشيب مي مزال محافظ على لياقتو البدنية.. صوفيا كتبان بحال ختهم الكبيرة.. كلشي كيتعجب فاش كيعرفها ام... صوفيا: (بابتسامة) هادي هي قصتي مع باباك عشق: (كتشهق) تعدبتو بزاف صوفيا: (مسحاتليها دموعها وعنقاتها) هذا هو الحب الصامت ابنتي.. كان تولد عند باباك هو اللول مي مقدرش يصارح بيه بسبب حالتي.. وحتى انا رجعت كنبغيه مي بسبب انني مكنتش كنسمع مقدرتش نقولهالو.. ومن بعد ماعترفنا وتزوجنا وتفارقنا.. تولد حب ولا نقدرو نقولو عشق مي عاوتاني كل واحد فينا كتم حبو فنفسو عشق: (باست يديها) كنبغيكم اماما وانا مفتاخرة بيكم صوفيا: (دوزات يديها على شعرها) الله يخليك ليا ابنتي الحبيبة عشق: (تحشات فيها) انعس حداك هاد الليلة صوفيا: ههههه واخة... تكاو وهوما محشيين فبعضياتهم عشق: ماماتي فين وصلتي فتصميم الفستان ديالي صوفيا: غذا نجيبو لبنتي واجد عشق: (بفرحة) شكراااا.... محسات براسها حتى تجبدات من رجليها.... بابااااا طلق مني بغيت نعس حدا ماما رعد: ديكور انا.. وفين غادي نعس بالسلامة عشق: هاهي الناموسية كبيرة.. انا غادي نعس فوسطكم رعد: الشيطان لي كيكون فالوسط... هزها ولاحها فوق كتفو وهي كضربو فظهرو عشق: وااااع.. طلق منييي نتا ممزيانش رعد: نتيي لي ممزياناش ابنتي بغا تحرميها على باباك... حل الباب ولاحها فوق ناموسيتها.... واجي فالصباح بكري عاوتاني صدعينا.. هاد المرة ديريها نلوحك من البالكون ها ودني منك عشق: (عوجات فمها) واخة....... خرج من عندها رعد وهو كيضحك طل على ولادو.. لقا جود شاد البلاي كيلعب وجاد هاز كتاب كيقرا رعد: نتا مزال مهداك الله تبعد شوية من هادشي جود: وا الواليد راه ياله شديتو رعد: (ضربو لراسو) شحال من مرة كنقوليك انا باباك ماشي الواليد البرهوش جود: اففف رعد: (بابتسامة) تعلم غير من خوك بعدا.. شوف هاهو كيقرا ومرزن ماشي بحالك لي يشوفكم يقول مخارجينش من كرش وحدة جاد: (باس يديه) متعصبش راسك معاه ابابا رعد: الله يرضي عليك اولدي.... خرج من عندهم دخل نيشان للبيت لقا صوفيا جالسة قدام المراية كدهن كريم ليديها رعد: (عنقها من اللور) ميس يوو صوفيا: (بابتسامة) هانا غير حدااك رعد: (هزها بين يديه) بغيت نزيدو شي وليد صوفيا: لا لا والله لا كانت ليك رعد: (بشر) هاحنا غنشوفو...... هزها وهي كتنطر من بين يديه............... اليوم هو عيد ميلاد اميرتنا عشق كملات 17 العام لبسات فستان لي صمماتليها ماماها... قداتليها ماماها شعرها ودارتليها مكياج خفيف...... هبطات اميرتنا وكلشي مبهور من جمالها..... كانت ريم وسيف وولادهم وعلي وزينب وولادهم حتى هما ومامات صوفيا... زيد عليها صحاب عشق وحتى صحاب الدراري.... كانو مجمعين والموسيقا العالية كتسمع.. كلشي فرحان وناشط.. كانت صوفيا ورعد جالسين كيشوفو فولادهم وفرحانين رعد: خاصنا دبا غير شي فنيكيش ونكونو هما هادوك صوفيا: (بصدمة) البارح قلتيهالي ودبا عاود.. واش من نيتك رعد: وييي علاش اش فيها صوفيا: حتى كبرو الولاد عاد نوض انا نولد واش ساطليك الريح فالودنين رعد: (باس يديها) عادي.. ومنها تكوني مهتمة غير بواحد ماشي بحال يكونو كلهم صغار اتوحلي معاهم هكاك صوفيا: خليني فرحانة ببنتي وديك الهدرة كولها انا مغاديش نزيد نحمل... ناضت من حداه خلاتو كيضحك عليها.... بارت200 والاخييييير نمشيو عند المحترم جاد جالس وعينيه تابعين ياسمين لي كانت مجمعة مع اخت جهاد وكضحك.. هزات راسها شافت فيه وهي تعاود تحدرو..... ابتاسم ابتسامة خفيفة وناض.. كيقرب لعندها وهي كتشوف فيه بنص عين ومتوترة... شدها من يديها وجرها خرجو للجردة.. وقفها حدا الحيط وحط يدو كلاها ياسمين: (حادرة راسها) شنو بغيتي جاد: (مد يديه وهزليها وجهها) توحشتك ياسمين: احم حتى انا جاد: (خنزر) علاش البارح كنتي واقفة مع عصام فالساحة.. اش بينك وبينو ياسمين: (بخوف) والو والله جاد: منبغيش مرة اخرى نشوفك معاه ياسمين: وخا لي بغيتي جاد: (باسها فحنكها) ياله دخلي.... دخلات كتجري وبقا متبعليها عينيه كيضحك حتى وقفو عليه الجنون ديال جود وجهاد وداروه فالوسط جهاد: اييه عايش قصة حب وحنا مفخبارناش جود: مصدقتيش اصاحبي جاد: (خنزر فيهم) داك اللعب ديالكم ديروه بعيد عليا فهمتو جود: والله بابا ظالمني وكيسحابلو انا الشرير ونتى الابن المطيع جاد: (بابتسامة جانبية) حيت نتا مكتخدمش هدا.. شير لعقلو.. وانا معندي منديرليك...... دخل وخلاهم مصدومين فيه.. من ديما كيسحابليهم هو الدرويش مي كانو غالطين هو كيضرب غير من التحت...... نرجعو عند الاميرة ديالنا عشق... غير شافت الشاب لي داخل وهما يتحولو عينيها لقلوبة كرم: (باس يديها) عيد ميلاد سعيد عشقي عشق: ميرسي... جمعات الضحكة فاش شافت باباها واقف من موراه وهو مخنزر كرم: انا فرحااان حيت قبلتي بيا والله... غذا غادي نقولوليهم فالليسي بلي حنا انكوبل كلشي غادي يتصدم ويفرح لينا عشق: (كتولول فخاطرها) بابا كرم: نو متخافيش باباك مغادي يعيق بوالو انا كنعرف نتفلا على الرجال الكبار... كيف كتعرفي هما ماشي من الجيل ديالنا دونك مغيفهموش بزاف دالحوايج.. وانا قادر نلعب عليه عشق: باباااا رعد: (شدو من عنقو) عاود اش قلتي كرم: حيد اصاحبي.. ماالك عشق: اويلي راه بابا هدا كرم: احم عمي لباس..... رعد مهضرش جرو من عنقو حتى خرجو من الدار رعد: نشوفك مع بنتي مرة اخرى غادي نوريك ياله تلاح.... دخل لعندها وهو مخنزر عشق: (متوترة) بابا.. ها رعد: (قاطعها) ديها فقرايتك وديك البسالة ماعندي مندير بيها.. راك مزال صغيرة على داكشي عشق: (دلات شفايفها) واخة... جات صوفيا لي عرفات شنو وقع هدنات رعد وصيفطاتو وشافت فبنتها صوفيا: (تنهدت) انا البارح عاودتليك قصتي ومنبغيكش تكوني بحالي.. وقعت فالحب اولا لي كان كيسحابلي حب وانا مزالة مراهقة.... العمر مزااال قدامك.. دبا قراي واجتاهدي وكوني راسك عاد شوفي الحب.. تكوني واعية وعارفة راسك اش كديري.. قادة تحملي المسؤولية... 17 العام راك مزال بنتي الصغيرة لي غير فاش كيجيها الوجع ديال ليغيكل كديرلي حالة.. ايوا وفاش يتجرح قلبك شنو غديري... بنتي وعشقي الحياة مافيهاش غير الحب وفارس الاحلام.. الحياة بحال الدروج ميمكنش نقز درجة راه كنطلع درجة درجة... وفهاد السن هادا الدرجة ديال الحب مزااال بعيدة... نتمنى احبيبة ديري بنصيحتي انا ماماك وبغيتلك غير الخير عشق: (باستها فحنكها) عندك الحق اماما.. وانا كنواعدك غندير بنصيحتك........ جا رعد عنق مراتو وبنتو حيت سمع الحديث وكل مرة كيزيد يتأكد بلي اختيارو لشريكة الحياة كان صحيح بعد مرور سنتين فاقت صوفيا على صداع بنتها جوري.. مدات يديها كتفيق فرعد رعد: ممم شنو صوفيا: نوض شوف بنتك ياك بغيتيها وقابلها.... ناض رعد وهو مقلوب بالنعاس هزها كيراري بيها حتى نعسات ورجعها وهو يتلاح نعس....... صبح الصباح كانو مجموعين على مائدة الفطور مترأسها رعد بجنبو حبيبتو صوفيا حداها كاينة الصغيورة ديال العائلة جوري فكرسيها جالسة وفالجهة الاخرى كاينة عشق وجاد وجود كيفطرو فجو عائلي ضاحكين وفرحانين رعد: كنبغيكم عشق: وما سر هدا الحب على بكرة الصبح صوفيا: هههههههه رعد: المجنونة عمرها تكبر عشق: (عوجات فمها) انا ماشي مجنونة هاهي بنتك المجنونة رعد: وزعما نتي كبيرة وكتغيري منها عشق: علاش غادي نغير.. مي نموت ونعرف كيفاش درتوليها وانا ديما جاية عندكم للبيت رعد: (شدها من ودنها) كتعتارفي بعدا عشق: اي اي اغير كنضحك... طلق منها وهي تهز صاكها وهربات.... تبعوها جاد وجود من بعد ماسلمو على والديهم.... خرج رعد وصوفيا للجردة جلس وهي تحشات فيه رعد: اعشقك اميرتي... الدعاء لي كنقول ديما هو يحميكم ليا وميبعدنيش عليكم.... عشت حياة كلها خطأ فخطأ مي الحمد لله بسببك نتي عرفت النور والحب.. وبسبابك رجعات عندي عائلة كبيرة من بعد ماكنت وحيد... كنبغيك وغادي نبقا كنبغيك صوفيا: (مسحات دموعها) حتى انا كنبغيك.. والله يخليك ليا نتا هو سندي فالحياة وراجلي وحبيبي وخويا وبابا وطفلي لي عمرو مغادي يكبر... انا بدونك نكرة.. انت ماشي نصفي انت كلي... اعشقك....... باسها فعنقها وزاد حشاها فيه ♧النهااااااااية♧