بارت161
رعد: صوفيا
صوفيا: (هزات راسها) وي
رعد: احم نقدرو غذا نمشيو لشي طبيبة باش نطمأن عليك
صوفيا: اوكي لي بغيتي.... كملو فطورهم وخرجو
رعد: بغيت ندوزو هاد النهار مجموعين ممكن
صوفيا: انا نرجع للدار وخلي عشق معاك
رعد: بغيتك حتى نتي معانا.. عفاك
صوفيا: (تنهدت) واخة... ركبو الطموبيل وتحركو ماوقفو حتى وصلو للملاهي ونزلو.... دا بنتو ركبها وركب معاها فالطموبيل وهي عاجبها الحال.. اما صوفيا جلسات فوق واحد الكرسي وحاضياهم... حتى حسات بشي حد جلس حداها
علي: صوفيا سافا
صوفيا: (شافت فيه ورجعات شافت قدامها) حمد الله ونتا
علي: بيخير هاد الساعة.. كيغادة مع الحمل
صوفيا: مزيان حمد الله.. اش كدير هنا
علي: جبت بنت ختي تلعب.. شنو درتي فقضية الطلاق
صوفيا: (تنهدت) معرفتش.. تلفت والله
علي: انا معارفش بالضبط شنو واقع بيناتكم مي باينة فيه كيبغيك.. شوفي غير شوفاتو دبا..... هزات راسها شافت فيه كان وقف من اللعب وكيشوف فيهم
صوفيا: مقادراش نسا اعلي
علي: متنسايش كلشي كيستاحق فرصة ثانية.. وبغيت نقوليك واحد السر مي متقلقيش مني
صوفيا: شناهو
علي: فاش جبتي راجلك وريتيه بنتك.. ديك الساعة نتي سخفتي.. فاش خرج من عندك جا نيشان لعندي.. وطلب مني يدير التحاليل مي مكان باغي حد يعرف.... وفعلا دارهوم كانو خرجو مطابقين مي مكانش يقدر يتبرع
صوفيا: (بصدمة) كيفاش
علي: راجلك مريض.. ووخا هكاك اصر انه يدير العملية رغم خطورتها على حياتو.. مي الحمد لله نجحات وموقعلو والو
صوفيا: باش مريض
علي: عندو الكليتين مراض.. والصراحة خاصو يزرع كلية والا غيمشي فيها.... انا معرفتش شنو دارليك حتى خلاك طلبي الطلاق.. مي لي عارف انا بلي كل واحد يستحق فرصة ثانية.. (مدليها ورقة) هادي كانت رسالة ليك فحالة مات فالعملية كان باغيني نعطيهاليك.... شداتها من عندو بغات تقراها وهي تشوف رعد جاي مخنزر وهي تخبعها بالزربة فالصاك
رعد: (مخنزر) صوفيا
صوفيا: شنو
رعد: ياله نمشيو من هنا
علي: (بابتسامة) ياله الله يعاونك.. شاف فرعد.. تهلا فيها.... مشا وخلا رعد مغدد
بارت162
رعد: اش كنتو كتقولو
صوفيا: والو هضرة عادية
رعد: وشنو ديك الورقة لي عطاك
صوفيا: ا.. اه الورقة هاديك ديال التحاليل دالحمل ديالي حيت كنت نسيتها ديك المرة عندو
رعد: ممم اوكي.. ياله نمشيو نتغذاو
صوفيا: واخة.... مشاو تغذاو ودازو للمول تساراو فيه وشرا رعد حوايج بزاف لبنتو.. حتى عيات صوفيا بالدوران وبانت فوجهها
رعد: عييتي
صوفيا: اه شوية... رعد عيط على الكارد جا هز عشق وهو هز صوفيا.. اويلي اش كادير هبطني
رعد: مالي اش درت هازك فيها شي حاجة
صوفيا: راه يديك مزال مريضة
رعد: نو مزيانة غير ارتاحي.... هبطو للطموبيل ركبها وركب حداها وعاد شد عشق...... كانت عشق جالسة فوقو ومتكية على صدرو وصوفيا حاطة راسها على الزاج ودموعها فطرف عينيها شادهم غير بزز...... وصلو للدار وهو هز عشق والكارد تابعهم هاز داكشي لي شراو.... حلات صوفيا الباب ودخلو حط الكارد داكشي ومشا
صوفيا: تقدر تبقا شادها شوية على مانصلي ونبدل حيت مكتبغيش ترصا
رعد: وي سيري انا شادهاليك
صوفيا: اوكي.... جلس رعد هو وبنتو وصوفيا دخلات بدلات وتوضات صلات صلاتها عاد خرجات عندهم لقاتهم ناعسين... رعد حاط راسو على الحيط وناعس وعشق ناعسة فوق صدرو... نزلو دموعها بلا ماتحس... مسحاتهم ومشات هزات بنتها بشوية داتها للبيت حطاتها فوق الناموسية وحيداتليها صباطها.. رجعات عندو لقاتو مزال ناعس قربات لعندو.. حدرات حيداتلو الصباط وجبداتو عندها بشوية تكاتو فوق المخدة وهزات رجليه حطاتهم عاد مشات جابت الغطا غطاتو وهي تجلس بجنبو... حطات يديها على شعرو وكتشوف فوجهو.. دوزات يديها على وجهو وهي تنوض دخلات لبيتها.. مشات نيشان لصاكها جبدات الورقة وبدات كتقرا
《صوفيا حبيبتي وملاكي.. أعتذر عن كل دمعة كنت سببها... أعتذر على اغتصابي لك... أردتك أن تكرهيني فقط.. فأنا لا أقوى على حزنك.. لم أرد أن تحزني بعد موتي... خيانتك لي سببت جرح في قلبي لا زال ينزف... أردت الانتقام منك لكن يبدو أني انتقمت من نفسي.. عندما تقراين هذه الرسالة سأكون ودعت الحياة... رغم أنه من الاصل ليس لدي حياة... أي حياة هذه بدونك.. بدون عطرك.. بدون لمساتك وابتسامتك... صغيرتي أعتذر مرة أخرى منك.... تمنيت أن نعيش معا.. عائلة صغيرة نربي أبناءنا.. لكن القدر كان له منظور آخر... أحبك》
بارت163
دارت يديها على فمها وبدات كتبكي... بقات هكاك حتى ضرها راسها... خبعات ديك الورقة وتكات فبلاصتها كتفكر حتى نعسات.... صبح الصباح فاق رعد.. جلس وهو كيشوف راسو فين كاين عاد عرف بلي نعس عند صوفيا... ناض كيقلب على الحمام حتى لقاه دخل غسل وجهو وهو يخرج... دخل للبيت لقا صوفيا وعشق ناعسين.. ونفس النعسة ابتاسم بحب... هز تيليفونو وصورهم.. شاف عشق كتحرك وهو يقربليها... هزات راسها لقات باباها حداها وهي تمد يديها... هزها وهو كيضحك خرجو من البيت
رعد: الخايبة ديالي
عشق: ماما
رعد: يااك صافي مبقيتيش باغاني
عشق: هئ هئ ماماا
رعد: واخة الالة.. حطها فالارض.. ياله سيري عندها..... مشات كتجري وطيح وتنوض مزال المشية عندها مخربقة... بقا كيشوف فيها ويضحك... دخل للكوزينة وبدا كيوجد الفطور... كمل ودخل للبيت لقا صوفيا مزال ناعسة وعشق متكية من فوقها
رعد: (مشا هزها) واش بغيتي تخرجي خوك قبل الوقت
عشق: (جمعات وجهها وطلقات صوتها) هئ هئ هئ
رعد: شش صافي سمحيلي الالة.. انا واحد ميسواش وصافي براكة احبيبة
صوفيا: (شافت فيهم وبصوت ناعس) مالها
رعد: (شاف فيها) محاملانيش هاد الصباح معرفتها مالها معايا
صوفيا: هكاك كدير فالصباح.. حتى انا كديرهالي مرة مرة.. عطيهالي
رعد: لا نوضي لبسي حوايجك باش نمشيو للطبيب واش نسيتي
صوفيا: واخة... دخلات للطواليط قضات حاجتها وتوضات.. خرجات تصلي لقاتو واحل مع عشق باش يلبسليها.. نزلات دمعة مسحتها بالزربة ومشات تصلي.. كملات ولبسات حوايجها قربات عندهم وعاوناتو حتى لبسو لعشق لي مخنزرة ومباغة تهدر مع حد..... هزها رعد ودخلو للكوزينة فطرو مجموعين وهما يخرحو..... بعد دقائق كانو فالعيادة كيتسناو دورهم.......... دخلو عند الطبيبة.. تكات صوفيا وعرات على كرشها.. بدات الطبيبة كتقلبها.. صوفيا كانت كتشوف فالتلفزة حتى حسات بيديها تشدات.. دورات وجهها لقات رعد شدها وعينيه فالتلفزة.. وعشق حاضية هادشي لي كيوقع
الطبيبة: هاهو الجنين.. تبارك الله راه بصحة جيدة غير خاص تكون نفسيتك مزيانة حيت هادشي كيأثر على الجنين حتى هو
رعد: (بحماس) شنو عندها بنت ولا ولد
الطبيبة: مزال مغادي نعرفو حتى تكمل 4شهور... دبا ياله عندها شهرين وسيمانة
رعد: شنو خاصها تاكل وشنو مخاصهاش تاكل
الطبيبة: الخضرة والفواكه كلها مفييدة.. تحاول متاكلش الدهون والسقاطة..... كانت كتشوف فالتلفزة شوية علات واحد الجانب... بلاتي واحد الدقيقة
رعد: (بخوف) شنو كاين
الطبيبة: (ابتاسمات) شوفو هنايا... وراتهم فالشاشة.. هدا الجنين التاني كان مخبع باينة فيه غيكون حشومي هههههه
صوفيا: ك..كيفاش واش عندي توام
الطبيبة: اه مبروك عليكم.... رعد ابتاسم ابتسامة عرييضة... ناضت الطبيبة للبيرو ديالها... رعد حط عشق فالارض وشد كلينيكس مسح كرش صوفيا.. شد يديها باسها
رعد: شكرا حيت خليتيني نعيش هاد اللحظة.. صوفيا غير سمعات هاد الهضرة بدات كتبكي.... جلس جنبها وجبدها عندو عنقها
رعد: سمحيلي.. عارف باش كتحسي دبا.. سمحيلي بزاااف..... بعدات عليه ومسحات دموعها عاونها وقفات وحدر لبسليها صباطها وهو يوقف جبدها من خصرها وباس جبهتها... مشاو بجوج عند الطبيبة خداو نصائح وعطاتهم الموعد الجاي... جاو يخرجو وهي توقفو صوفيا
صوفيا: فيناهيا عشق
بارت164
رعد مبانتلوش ومشا شاف جهة فين كيدوزو لقاها كتحاول تعلق.. هزها
رعد: اش كديري هنا الباسلة
عشق: (عرات كرشها) ماما.... رعد مات بالضحك وهو يحطها وحتى هي تكات وبدات كضحك.. خرج عندهم
صوفيا: (بخوف) واش مكايناش تما
رعد: هههه دكتورة حتى بنتي بغات دوزيليها عفاك اجي ديريلها خاطرها... صوفيا مشات بالزربة لقات بنتها متكية ومعرية على كرشها.. بدات كضحك.. جات الطبيبة وهي مبتاسمة.. جلسات فالكرسي وبدات كدوزليها وعشق كتشوف فالتلفزة... ناضت الطبيبة وشد رعد كلينيكس مسحليها حتى هي.. غير كمل وهي تمدلو يديها باسها وهو كيموت بالضحك.. وقفها وقادليها حوايجها عاد هزها وهي فرحانة... شكرو الطبيبة وخرجو.... كانو غاديين ورعد هاز عشق بيد وحدة.. مد يديه وجبد صوفيا من خصرها لعندو.. باسليها راسها
رعد: مشهية شي حاجة
صوفيا: (تنهدت) خاصنا نهدرو
رعد: ممم واخة نمشيو للدار ونهدرو... ركبو الطموبيل ومن بعد دقائق كانو وصلو للدار... جلسو فالصالون وخلاو عشق ملهية بالالعاب ديالها
صوفيا: احم بالنسبة للطلاق سيمانة جاية كاين موعد
رعد: (حدر راسو) الصمت
صوفيا: الى بغيتينا نكملو مع بعضياتنا خاصك تكون صريح معايا.. براكة من هاد الغموض
رعد: (بصدمة) يعني مباغاش طلقي
صوفيا: فحالة وحدة.. غادي تقولي علاش قبلتي بالطلاق ديك المرة.. وشكون ضربك.. وفين كتغبر.. وكلشي مبغيت تخبع عليا وااالو
رعد: انا ممخبع عليك والو
صوفيا: (وقفات) دونك نتلقاو فالمحكمة
رعد: (جبدها جلسها) صافي غادي نهدر
صوفيا: (جمعات يديها عندها) كنسمعك
رعد: (دوز يديه على شعرو) كيفما قلتليك انا رجعت للمافيا.. ولكن كجاسوس والحمد لله لقيت كاع الدلائل... والبوليس تمكن يشدو على الرئيس وخلال ديك المداهمة تقاسيت فكتفي.. وكان غادي يهرب كون مشديتوش ودبا راه معفن فالحبس...... قربات لعندو قاست كتفو
صوفيا: مزال كيضرك
رعد: (بحب) من بعد هاد اللمسة مبقيتش كنحس بيه.... المهم فاش تشد انا مشيت للطبيب جلست يومين ومشيت للمركز عطيتهم كاع داكشي لي عارف وحتى من اكرام تشدات حيت كانو دلائل ضدها حتى هي... وانا رجع الماضي ديالي نظيف او تقدري تقولي تولدت من جديد.... خلال ديك 3دالسيمانات لي غبرت فيها.. كنت فكندا حيت التحقيقات طولو وكانو محتاجيني والصراحة انا مكنتش باغي نبزز عليك انك تبقاي معايا.. المهم كملت داكشي معاهم وتحكم عليهم بالمؤبد.. وقبل مانمشي طلبت منهم طلب... انني نتلاقا اناس
صوفيا: (بصدمة) علاش اش بغيتيه
رعد: منقدرش نسا اش دار.. المهم وقفو معايا وقادولي الطريق باش نتلقاه.. وهادي يومين باش رجعت للمغرب ومشيت تلاقيتو
#فلاش_باك
اناس: اووه شكون جا عندي
رعد: (باستفزاز) كيجاك الحبس.. تربيتي شوية ولا مزال
اناس: الصراحة من بعد ديك **** مع مراتك خلاتني حاس براسي فوق السما... كانت حلوة بزاااف اصاحبي...... قدر يستافز رعد..... ناض بدا يضرب فيه
رعد: (بعصبية) انا عارف الحقيقة الحمار... كيضرب فيه... هاديك اشرف منك الكلب.. ولعلمك دبا عندنا بنت ومراتي حاملة.. انا وياها بنينا حياتنا وبقا نتا هنا حتى تعفن...... اناس غير سمع هادشي تعصب ومحملش راسو....
رعد: (دفعو) ياله بسلامة
#الحاضر
رعد: (تنهد) هادشي لي كاين.. هانا قلتليك كلش
صوفيا: متأكد
رعد: (بتوتر) اه
بارت165
صوفيا: (تنهدت) شنو غنديرو باش منطلقوش
رعد: (بفرحة) غادي تهدري غير مع المحامية ديالك.. وهي غادي تكلف
صوفيا: واخة.... قرب ليها كثر وجبدها لعندو عنقها وحتى هي بادلاتو العناق.. بدا كيسمع شهقاتها ونزلو دموعو حتى هو بدون ميحس
رعد: صافي احبيبة.. نساي داكشي لي فات عفاك
صوفيا: غادي نحاول
رعد: اعظم هدية فحياتي هي نتي.. باس راسها.. توحشتك صغيرتي..... عنقاتو وتكات على صدرو.. غمضات عينيها وبقا هو كيدوز يديه على راسها ووجهها... مافيقهم غير الغوات ديال عشق وهي كضرب ماماها بيديها وتجبدها من درتها
رعد: (بعد عشق على صوفيا) بعدي من ماماك الباسلة... عشق رجعات اللور وبقات كتخنزر فيهم شوية وهي تبدا تغوت.. جات صوفيا تنوض عندها وهو يرجعها رعد
رعد: خليها تبكي حتى تعيا وتسكت..... عشق شافتهم مداوهاش فيها وهي تمشي جهة الباب كدق وتغوت
رعد: هههههه بغات تخرج كاع.. ايي هاد البنت غادي تخرج قاصحة
صوفيا: (عوجات فمها) معرفت لمن خرجات
رعد: هههههه ياك كتعايريني دبا
صوفيا: حيد يديك خليني نشوفها دبا دير شي كارثة.... ناضت لقاتها مزال حدا الباب ودميعاتها فوق حناكها
صوفيا: (حدرات عندها) حبيبة ماماها... شافت فيها عشق ودورات وجهها.. هزاتها صوفيا وهي كترغب فيها.. جلسات فوق الفوتوي
صوفيا: عشق يااك غضبتي من ماماك.. انا غادي نتقلق منك حتى انا... قرب عندهم رعد
رعد: (باس يد عشق) الزويونة دباباها تقلقات منا
عشق: (دميعاتها كينزلو) ماما هئ هئ
صوفيا: (عنقاتها) صافي احبيبة سمحيلي.... بقاو يرغبو فيها بالسيف باش سمحاتليهم... ناضت صوفيا بدلات ولبسات بيجامتها طاحت عينيها على الرسالة تنهدات.. قطعاتها ولاحتها فالطواليط... وقفات قدام المراية وعرات على كرشها.. كاين انتفاخ صغير.. دمعو عينيها... ابتاسمت وهي كتفكر بلي عندها توام.. معاقت حتى لقات راسها بين يدين رعد وهو حاط يديه على كرشها
رعد: (بهمس) عاارف طريقة حملك.. كانت خايبة وكاره راسي على داكشي لي درت
صوفيا: (حطات يديها على يديه) صافي نسا داكشي وانا بدوري غادي نحاول نسا..... دخلات بيناتهم عشق وفارقاتهم
عشق: اععععععع
رعد: (غمض عينيه بعصبية) واش نتي لمك مكترسايش
عشق: (خلعها وهي تشوف فماماها) مامااا
صوفيا: (حدرات عندها) نعام احبيبة... عنقاتها عشق وتحشات فيها.. وهي تهزها صوفيا... انا غنمشي نوجد الغذا
رعد: واخة... لبسات لعشق بيجامتها ومشات للكوزينة حطات عشق فالارض حداها... بدات كطيب وعشق كتلعب حدا رجليها شوية مشات تعلقات فالكرسي حتى طلعات فوقو ومدات يديها تهز الانطيرفون.. شافتها صوفيا جات كتجري هزاتها حطاتها فالارض
صوفيا: ياهاد الباسلة شدي الارض... هزاتو ومداتوليها.. ياله سكتينا....... شداتو عشق كضحك دارتو على ودنيها وكتخربق مكتفهمي حتى كلمة....... دخل رعد لقا بنتو هكاك ضحكاتو.. كانت صوفيا عاطياه بالظهر كطيب وهو يمشي عنقها من اللور
رعد: (فودنيها) متصوريش شحال توحشتك وتوحشت ريحتك... باسها فعنقها شوية نقز... كانت عشق عضاتو فرجليه... ومع دوك جوج سنينات لي ياله بغاو ينوضو.. يا سلام هههه.. دار عندها مخنزر
رعد: ولايني مكتحشميش كتعضي باباك... هي شافتو هكاك وهي تهرب كطيح وتنوض بقا بلاصتو مايت عليها بالضحك
بارت166
صوفيا: متبقاش تغوت عليها.. راه مغتبقاش تحملك
رعد: اوكي انا نمشي نصالحها... خرج كيقلب عليها لقاها محشية فوسط المخاد
رعد: اش هاد الفارة عندي يا ربي... جبدها غير شافتو وهي تجمع وجهها بغات تبكي... ششش متبكيش عفااك
عشق: هئ هئ ماماااااا.... جات صوفيا خداتها من عندو
صوفيا: صافي احبيبة.. متبكيش عفاكك... بدات كتمسحليها دموعها.. عشق شافت رعد وهي تحشا فماماها وخبات وجهها
صوفيا: هاهي بدات تخاف منك ارتاحيتي... انا غاديا نصلي ونرجع نحط الغذا
رعد: اوكي.. عطيهالي نشدها
صوفيا: لا غير خليها معايا.... دخلات للبيت.. جلسي ومتحركيش خليني نصلي... حطاتها فوق الناموسية.. لبسات حوايج الصلاة بدات كتصلي وهي تنزل عشق من الناموسية وقفات حداها كتشوف اش كدير.. صوفيا كانت كدعي حتى لقاتها حداها كتجبد.. بدات كضحك عليها
صوفيا: اجي الخايبة ديالي نبوسك.... شداتها كتبوس فيها وتركشها وعشق كتمووووت بالضحك..... خرجو من البيت مشاو للكوزينة حطات الغذا وعيطات على رعد... بداو كيتغذاو حتى ناضت صوفيا كتجري للطواليط ترد حشاكم.. تبعها رعد وهو مخلوع
رعد: (بخوف) مالك
صوفيا: متخافش.. غير الوحم هكا كيديرلي
رعد: اجي ارتاحي.. جرها تكاها فوق الناموسية... تبغي تاكلي شي حاجة نجيبهاليك
صوفيا: لا مقديتش غير سير كمل ماكلتك وشوف فين عشق.. انا غادي نتكا شوية
رعد: (دوز يديه على شعرها) واخة احبيبة غير رتاحي.... خلاها غمضات عينيها.. ورجع للكوزينة لقا عشق مزلعة عليها الما... تيشورت ديالها كلو فازك ووجهها موسخ بالماكلة
رعد: اش هاد الحالة دايرة... شافتو وبغات تهرب ساعة هزها من تيشورت ديالها بيد وحدة ومشا دخل لبيتها.. حيدليها البيجامة بزز حيت مخلاتوش.. حشاها فوسط ناموسيتها عاد دخل لعند صوفيا بشوية حيت كانت حاطة حوايجها عندها فالبيت هز بيجامة جديدة... ورجع هزها غسليها وجهها.. مسحليها ولبسها بيجامتها رجع للكوزينة وعطاها تاكل بيديه.... كملات ومسحليها بداو عينيها كيتسدو وهو ينوض داها لبلاصتها.. بعد دقائق نعسات عشق... رجع هو غسل دوك الماعن حتى كمل وهو يعيط للكارد يجيبلو حوايجو..... بعد ساعة كانو وصلو دخل دوش وخرج لبس بيجامة... دخل عند صوفيا لقاها مزال غرقانة فنعاسها... مشا جلس قدام التلفزة شد فيلم وجلس كيتفرج....... بعد ساعات سمع خطوات جايين... كانت صوفيا ياله فاقت وكتحك فعينيها
رعد: (بابتسامة) صباح الخير النعاسة
صوفيا: (جلسات) هههه كضحك عليا.. فين عشق كاع مشفتها
رعد: (رجع كيشوف فالتلفزة) معرفت لمن خرجات فالنعاس
صوفيا: (حكات راسها) خرجات ليا
رعد: والحمد لله منين عارفة.... شوية سمعو خطوات دارو ولقاو عشق جاية كتحك فعويناتها
رعد: (باستغراب) كيدارت هادي خرجات من ناموسيتها
صوفيا: ههههه هادي اتخرج متسلقة الجبال... فينما حطيتها كتخرج.. اجي عندي اماما..... مدات يديها وجات عشق عندها هزاتها وهي تشوف فرعد
صوفيا: رعد
رعد: ويي
صوفيا: بغيت سباكيتي ومن يديك
رعد: مي انا مكنعرفش نطيب نتي عارفة هادشي
صوفيا: (نزلو دموعها) وانا تشهيتها اش بغيتي نديرليك هئ هئ..... عشق شافت ماماها كتبكي وبدات كتبكي حتى هي.. دارولو جنازة وهو جالس كيشوف فيهم ومطرطق عينيه
بارت167
رعد: (ناض) صافي سكتي انا غنوجدها غير تهدني... كان كيسكت فيهم ويمسح دموعهم وهو يسمع الدقان.. ناض حل لقا سيف وريم... ياله بغا يهدر وهو يسمع سيف البكا.. دفع رعد ودخل كيجري لقا ختو وبنتها كيبكيو
سيف: مالك.. شاف فرعد.. اش درتي لختي عاود
رعد: هههه ختك راها تسطات والله... محس حتى جاتو دقة للوجه
سيف: (بعصبية) اخر مرة نلقاك هنا.. ياك نتوما غادي طلقو فرق عليك ختي وخلينا هانيين
صوفيا: اويلي اخويا هْدا.. راه مدارلي والو
سيف: (شاف فيها) ومالك كتبكي
صوفيا: بغيت سباكيتي ومبغاش يديرهالي
سيف: (غمض عينو بعصبية) الله يمسخك... سمحلي ارعد
رعد: مكاين مشكل.. بقا كيشوف فريم لي ممسوقاش ليه حتى عيا ودخل للكوزينة.. هز تيليفونو دخل اليوتيوب.. بدا كيطيب ومتبع داكشي لي قالولو
ريم: ايوا مبروك عليك التوام
صوفيا: الله يبارك فيك
سيف: اش جا يدير هنا ياك نتوما غطلقو
صوفيا: (تنهدت) نو مغاديش نطلقو.. تصالحنا
سيف: نتي تعرفي اختي........ بقاو كيهدرو حتى رجع رعد هاز فيديه جوج طباسل عطا واحد لصوفيا وواحد لريم
صوفيا: اووه ميرسي.... شدات الفرشيطة ياله لاحت الدغمة اللولة بدات كتكحب هي وريم... عطاوهم الما بالزربة
ريم: ياااع اش هادشي
صوفيا: بغيتي تقتلني ارعد
رعد: علااش مالكم
صوفيا: (مخنزرة) اجي قرب عندي... جلس حداها وهي تحشيلو سباكيتي ففمو.. ناض كيكحب حتى هو
رعد: اش هادشي
صوفيا: ونسولك نتاا.. العطرية شايطة عليك غير قولي شحال درتي ديال البزار والملح
رعد: (جلس) ايوا راني قلتليك مكنعرفش نطيب
صوفيا: هئ هئ وبغيت سباكيتي اعباد الله
سيف: ششش صافي سكتي انا غنديرهاليك
صوفيا: (ناضت عنقاتو) ياااي نتا احسن اخ فهاد العالم.. ياله هزني انمشي معاك...... هزها وهو كيضحك دخل للكوزينة حطها فوق البوطاجي.. ياله بغا يبدا وهو يحس بعضة فرجليه.. نقز وهو يدور لقا عشق
سيف: كتعضي خالك الباسلة
عشق: اععععع ماماااا
صوفيا: مدلي ديك المجنونة.... هزها سيف وحطها حدا ماماها وبدا كيطيب....
رعد: ريم كيبقيتي مع الحمل
ريم: (مدورة وجهها وكتمسح دموعها) مزيان حمد الله... قرب عندها وعنقها
رعد: سمحيلي اختي بزاااف
ريم: هئ هئ غير نتا لي بقيتيلي من العائلة وتخليتي عليا
رعد: (باس راسها) ماشي لخاطري.. متبكيش احبيبة عفاك
ريم: مغاديش تمشي عوتاني
رعد: لا اخر مرة.... عندي دبا 3دالاميرات.. نتي وصوفيا والمجنونة عشق
ريم: اويلي كتقول على بنتك مجنونة
رعد: مشفتيهاش اش كديرلي راه غادي تسطيني
ريم: هههه بالعكس عشق ضريفة ومهدنة
رعد: اكيد مكتهدريش على بنتي
ريم: ههههه ناري وتسمعك صوفيا تاكلك راه مكتحملش لي يعايرلها بنتها
رعد: ههههه لا عنداك.. راه مزال مسامحاتني خليها بعدا غير ترجع مزيان
ريم: (تنهدت) صعيب عليها تنسا داكشي لي درتي... خليلها الوقت وكلشي غادي يتصلح
رعد: واخة اختي... دخل عندهم سيف
سيف: حبيبة مشينا
ريم: واخة ياله.. الله يعاونك اخويا
رعد: فين دوك الجوجات
سيف: راهم فالكوزينة كياكلو... هاد المرة فكيتك
رعد: ههههه شكراا... تسالمو وهما يخرجو مشا رعد للكوزينة.. هو كيقرب وكيسمع شي اصوات... دخل لقاهم جالسين فالارض صوفيا كتاكل وتصدر اصوات وعشق كتشوف فيها وكتسناها دوقها
صوفيا: مممممم
بارت168
شاف فبنتو لقاها كتمد يديها تاكل وصوفيا كتبعد طبسيلها
رعد: دوقي بنتك شوفي مسكينة كيف كتشوف فيك
صوفيا: لا بعدو مني هادشي ديالي بوحدي... مشا هز بنتو لي دميعاتها نزلو حطها فوق البوطاجي لقا سباكيتي كاينة.. هز شوية فالطبسيل وهز بنتو ومشا للصالون.... جلسها فوق رجليه وبدا كيعطيها شوية بشوية.. حتى شبعات ودخلها للطواليط غسليها وحطها فالارض حدا لعابها.. مشا طل على صوفيا لقاها جالسة فالارض والطبسيل حداها خاوي
رعد: ايوا شبعتي... شافت فيه صوفيا وهي دور وجهها... مشا جلس حداها.. مال حبيبتي مقلقة مني
صوفيا: (دموعها نزلو) نسولك
رعد: (كيمسحليها دموعها) سولي لي بغيتي
صوفيا: بصراااحة كتبغيني
رعد: كنموت عليك كنعشقك... واش مزال عندك شك فهادشي
صوفيا: من بعد داكشي لي دوزت معاك.. تولد شك كبيير
رعد: (باس يديها) نساي عفاك.. انا كنبغيك وغنبقا كنبغيك داكشي لي باقيلي فالعمر... غير سمعاتو بقات كتبكي وعنقاتو.. ششش براكة من البكا احبيبة
صوفيا: (شافت فيه) نتا ممنحقش تموت سمعتي... انا وبنتك.. حطات يديه على كرشها... وولادك محتاجينك بزااف.... متخلينيش ارعد
رعد: (باس راسها) مغاديش نخليكم غير ارتاحي... عنقها وغمض عينيه.... ياله نوضي نمشيو للبيت... وقف وهزها بين يديه وهي محشية فيه... مشاو للبيت داز من حدا عشق لي كانت جالسة كتلعب غير شافتهم وهي تنوض تابعاهم بالجرا... حطها فوق الناموسية وتكا حداها وهي مزال محشية فيه... مشافوش الفارة لي كتعلق باش طلع عندهم
صوفيا: (شافت فيه) توحشت ريحتك
رعد: انا توحشتك كلك... قربليها وانغامسو فقبلة محسوش بعشق لي وصلات عندهم وعوجات راسها كتشوف اش كيديرو... صوفيا حلات عينيها وهي تلقاها كتشوف فيهم وهي دفع رعد بالزربة.... هز راسو وهو يلقا عشق غمض عينو بعصبية
رعد: اش كديري هنا الباسلة
عشق: (عنقات ماماها) ماماا
صوفيا: (حابسة الضحكة) نعام احبيبة ماماها.... تكات هي وبنتها وكتشوف فرعد كيعض شفايفو بعصبية.. اما عشق معنقة ماماها ومغمضة عينيها
صوفيا: مالك
رعد: والو انا غادي نشرب ونرجع.... خرج مشا للكوزينة جبد الدوا من جيبو شربو ورجع لقا عشق مزال حالة عينيها ومعنقة صوفيا
رعد: هادي مغاديش تنعس
صوفيا: علاش مالك... هاهيا البلاصة باقية نعس حتى نتا ارتاح
رعد: علاش واش غادي تنعس هنا
صوفيا: اه هي مولفة كتنعس حدايا
رعد: (تنهد وجا تكا حداهم) بونوي
صوفيا: بونوي... جبد يديها بغا يبوسها وهي تحيدهالو عشق.. تعصب وعطاهم بالظهر خلا صوفيا كتموت بالضحك
بارت169
صبح الصباح فاقت صوفيا هي اللولة دخلات للطواليط توضات وخرجات صلات صلاتها.. مشات للكوزينة وجدات الفطور ورجعات لبيتها لبسات حوايجها.. قربات لعند رعد
صوفيا: (كدوز يديها على شعرو) رعد فيق
رعد: ( بصوت ناعس) صباح الورد
صوفيا: صباح النور... راني وجدت الفطور غير رجع ارتاح وانا غادي نخرج دبا اوكي
رعد: فين غاديا
صوفيا: غادي نتلاقا بالمحامية وندوز للشركة.. نتا بقا مع عشق اوكي
رعد: واخة.... حدرات باستو فحنكو وناضت بقا متبعليها عينيه وهو مبتاسم حتى خرجات من البيت... دار شاف فبنتو ناعسة على كرشها وكل رجل مليوحة فجهة.. قرب عندها عنقها ونعس....... صوفيا مشات نيشان للكافي تلاقا بزينب
صوفيا: سلام كيدايرة
زينب: بيخير ونتي
صوفيا: سافا حمد الله هاد الساعة.. انا بغيت نلغي قضية الطلاق شنو خاصنا نديرو
زينب: اوكي ساهل حالها.. دبا نقاد داكشي
صوفيا: واخة ميرسي بوكو.. ايوا عاوديلي على حياتك نتي راه من الباك ماتلاقينا وتعاودنا
زينب: مكاين ميتقال من بعد الباك درت القانون وهانتي كاتشوفي وليت محامية
صوفيا: وبالنسبة لحياتك الشخصية
زينب: سينجل هههه مكاين حد هاد الساعة
صوفيا: حسن والله هههههه.. هادشي فيه غير فريع الراس
.....: دبا نقولهالو... دارت وهي تلقا علي بدات كضحك
صوفيا: باغي تشريهالي
علي: ههههه غير كنضحك معاك.. سافا
صوفيا: حمد الله ونتا
علي: بيخير هاد الساعة
صوفيا: تفضل جلس.. كنعرفك زينب صديقتي والمحامية ديالي
علي: اااه نتي لي دايرا المشاكل وباغا طلقيهم
زينب: اا
علي: ههههه غير كنضحك معاك... انا علي دكتور صوفيا
صوفيا: دكتور صوفيا هههههه زوينة هادي
علي: ومالها كيجاتك... ماشي انا دكتورك النفسي
صوفيا: مالي مسطية
علي: وراك مسطية منين بغيتي طلقي
صوفيا: صافي قلب الموضوع
علي: ههههه اوكي
زينب: انا غادي نمشي نتلقاو من بعد اصوفيا
علي: ياكما ديرونجيتك نقدر نمشي انا
زينب: لا ماشي هكاك غير..
علي: (قاطعها) دونك قبل ماتمشي عطيني نمرتك.. مدليها التيليفون بقات كتشوف فيه مصدومة اما صوفيا قربات طرطق بكثرة ماهي مزيرة الضحكة
علي: 06.. كملي مالك ساكتة...... بقا مادليها التيليفون وهي كترمش بعينيها
صوفيا: بعد من البنت
علي: ونتي سوقك
زينب: احم انا غادا... هزات صاكها ومشات بالزربة
علي: عجباتني
صوفيا: هههههه نتا مسطي والله... زيد قدامي
علي: اش بيني وبينك باش نمشي معاك
صوفيا: راني كنت عوالة نجي عندك ياله زيد......... كملات شغلها ورجعات للدار ياله دارت السورات فالباب باش تحل وهو يتحل.. هزات راسها لقات بنت دايرة يديها على جنبها وكتشوف فيها
صوفيا: (باستغراب) شكون نتي
بارت170
.....: نتي لي شكون... صوفيا دفعاتها ودخلات... الالة فين داخلة
رعد: (خارج من البيت) اش هاد الصداع... شاف صوفيا.. حبيبتي جيتي
صوفيا: شكون هادي
رعد: اجي معايا... دخلو للبيت جلسها فوق الناموسية.. نتي دبا حاملة بتوام مغتقدريش ديري شغل الدار وتهتمي بعشق وتخدمي.. داكشي علاش جبت وحدة تعاونك
صوفيا: لا انا قادة بشغلي مابغيت حتى وحدة تعاوني
رعد: (دوز يديه على وجهها) علاش احبيبة... دبا راكي قادرة مي من بعد غادي تكبر كرشك ومتقدريش
صوفيا: اففف صافي فين عشق
رعد: راها فبيتها كتلعب
صوفيا: اوكي.... ناضت قدامو بدلات حوايجها وطلقات شعرها
رعد: (عنقها من اللور) مقلتليكش بلي زيانيتي وكبرتي
صوفيا: هههه بالصح
رعد: (باسها فعنقها) ويي ماماتي
صوفيا: هههههه انا ماماك
رعد: ويييي... ياله زيدي تغذااي ونشوفو المجنونة دبنتك
صوفيا: متعايرش بنتي... خرجات وخلاتو كيضحك عليها.. دخلات لبيت بنتها غير شافتها عشق.. وهي توقف وجات كتجري عندها
عشق: مامااا
صوفيا: نعام اماما... فيك جوع.. حركات عشق راسها باه.. هزاتها صوفيا ومشاو للكوزينة لقاو رعد جالس فالطبلة والخدامة كتحط الماكلة فوق الطبلة وكتوعج فمشيتها.... صوفيا غوبشات وهي تجلس..
رعد: (بشوية) مالك
صوفيا: (معوجة فمها) والو.... ضحك رعد عليها وبدا كياكل... بدات كتوكل بنتها.. هزات راسها لقاتها كتخنزر فيها
صوفيا: مالك
....: (حدرات راسها) والو
صوفيا: (مخنزرة) شنو سميتك
....: سعاد
صوفيا: اوكي جلسي تغذاي..... تغذاو وهي حاضياها.. كانت كتشوف فرعد لي هو مجايبليها خبار وكيلعب مع بنتو... كملو وناضو للبيت وبقات سعاد كتغسل الماعن.... صوفيا مشات جلسات فوق الفوتوي وبنتها حداها ورعد من جهة الاخرى
رعد: (كيلعب فشعرها) تعطلتي اش درتي هاد الصباح
صوفيا: والو بقيت مع المحامية شوية ودزت للشركة
رعد: ممم اوكي
صوفيا: نتا مخدامش
رعد: هاد الساعة عاطي لراسي كونجي.. مكاين غير النعااس
صوفيا: كسوول
رعد: (حشا وجهو فعنقها) اححح على هاد الريحة وشحال كتحمقني
صوفيا: (مبتاسمة) غير الريحة
رعد: كلك.. كتسالي معايا... هزاتلو راسو باستو ففمو ورجعاتو كيف كان
رعد: شنو نفهم من هادشي دبا
صوفيا: نوض عليا وبعد مني
رعد: (وقف وهزها) واخة هي لي متعاودش
عشق: ماماا هئ هئ
رعد: (غمض عينيه) الله يعطيك الغمة ابنتي
صوفيا: (غوبشات) علاش كتدعي عليها واش حماقيتي نزلني
رعد: لا ممنزلكش وغادي نمشيو لبيتنا دبا
صوفيا: (توترات) ك..كيفاش اش غنديرو تما.. نزلني وبلا بسالة... عشق كانت كتبكي وهي تجي سعاد لقاتهم هكاك وبقات كتشوف فيهم
رعد: (طلع راسو شافها وخنزر) فاش كتفرجي نتي بالسلامة.. رجعي فين كنتي
