الحــب الــصــامــت (الجزء الاول) |

بارت1 البوديكارد: (متوتر) سيدي راه كاينة فواحد الاوطيل مع واحد الرجل مكنعرفوهش رعد: (شاد السيجار فيديه) اينا اوطيل البوديكارد: ******.... وقف غادي بهبة وهاز راسو للسما وكيكمي السيجار ديالو... وصل لطموبيلتو ركب وكسيرا ماوقف حتى للاوطيل هز الفردي ديالو وخرج شافوه كلشي بدا كيفيبري طلع نيشان للغرفة فرع الباب ودخل لقاهم عريانين غير شافتو مشا اللون من وجهها نورة: ر...رعد رعد: (موجه سلاحو) ال*حبة وصلات بيك تخونيني... شنو ناقصك معايا نورة: (كتبكي) طلقني اسيدي مقداش نعيش معاك مقداش نعيش مع واحد مافقلبو الرحمة وقاسي بمعنى الكلمة.. نتا السباب معطتنيش اهم حاجة لي هي الحب والامان ويلا مكانش هادشي من الاحسن تحبس العلاقة رعد: (عروق دوجهو بانو) غادي تحبس الالة ونتي غتمشي هكا فهاد الوسخ باش نيشان دخلي لجهنم العاهرة نورة: (كترعد) لا.. عفاك😢😢.... تيرا جابها فراس ديال هداك لي كانت معاه غير شافتو هكاك شداتها السخفة... رعد تهدن عفاك نعيش خدامة عندك غير متقتلنيش.... تيرا فيها جابهاليها فالراس وخرج بكل هدوء بحال الى قتل حشرة..... خرج من الاوطيل ودخلو رجالو نقاو داكشي لي دار اما هو مشا نيشان للبحر.. جلس كيفكر علاش كلشي كيخونو حتى من مراتو... مقهور وحاس براسو بوحدو هز تيليفون وعيط لختو الوحيدة ريم: خويا توحشتكك كيداير لباس عليك ونورة سافا رعد: محتاجك اختي ريم: خويا مالك شنو واقع رعد: اجي عندي خاصني نعاود لشي حد ولا غادي نطرطق ريم: (تخلعات) صافي اخويا انا دبا خارجة نشد طيارة ونجي رعد: اوكي... قطع معاها وتنهد وهو ينوض ركب طموبيلتو مشا نيشان لدارو.. طلع لبيتو دخل دوش ولبس غير شورط وهو ينزل للصال لتحت بقا كيتريني وكيخرج الاعصاب لي فيه فداك الصاك وكيتفكر هضرة مرتو... واش هو بالصح محسسهاش بالامان.. اه بالصح مكيبغيهاش مي هو اصلا مكيامنش بالحب... بقا كيتريني حتى عيا وطلع عاود دوش وتكا فبلاصتو كيفكر..... بارت2 صوفيا: (بالانجليزية) شنو حب الخاطر اسيدي شخص: رقم 20... مشات صوفيا وجدات اخر طلب وعطاتولو.. حيدات حوايج الخدمة... وهي تخرج شدات الطوبيس للمدرسة ديالها قرات ورجعات لدارها عيانة حيدات حوايجها ودخلات للدوش.. ارتاحت فيه عاد ناضت غسلات وخرجات... طيبات سباكيتي جلسات فالصالون غير بشورط والسوتيامات كتاكل وهو يبدا تيليفون كيضرب الفلاش فيه هزاتو لقات ابيل فيديو صوفيا: توحشتكككك سيف: حتى انا توحشتك بزااف الزوينة صوفيا: كيدايرة ماما وبابا سافا سيف: بخير الحمد لله اوى كيداز نهارك ياكما عييتي صوفيا: لا داز مزيان وهانا كناكل سباكيتي نكمل ونقرا شوية عاد نعس سيف: اوكي حبيبتي بونوي حتى الغدا صوفيا: ان شاء الله.... كملات ماكلتها وناضت غسلات الماعن وقرات شوية وهي تحشا فبلاصتها تنعس.... الكاتبة: البطل ديالنا رعد 31 سنة من اكبر رجال الاعمال وغير سميتو كتخلي التبوريشة طلع معاك وعلاش لا وهو ملقب بالشيطان الشخص القاسي لي مافقلبو رحمة... كان رئيس مافيا من قبل مي هادي عام اعتازل وخا صعيب تخرج من عالم المافيا الا انه كان فيديه ملفات ودلائل ضدهم وكلشي عارف الشيطان اش كيسوا داكشي علاش مقدوش يعارضو.. عندو ختو وحدة هي عائلتو.. فقد والديه فحادثة وكان مزال صغير عندو 20عام وخدم وكافح وربا ختو الصغيرة ريم.... ريم 24 سنة مقابلة فرع فالمغرب طويلة شوية وزوينة عينيها خوضر.. شعرها زعر وطويل.. البطلة سميتها صوفيا 22 سنة كتقرا تصميم الازياء فكندا (نفس المدينة لي كيتواجد فيها البطل) وكتخدم سرباية فواحد الريسطو رغم انها من عائلة غنية مي بغات تعتامد على راسها... عينيها كوحل وشعرها زعر حد الخصر ديالها.. بيضة وملاحمها زويينة وهادئة فنفس الوقت.. بالنسبة للطاي ديالها فهي مثاالية.... بالنسبة لشخصيتها تعرفوها من بعد.. سيف 29 سنة رجل اعمال خدام مع الاب ديالو وكيحماق على ختو صوفيا وعلاش لا وهي تولدات على يديه (من بعد وتعرفو القصة) قوي البنية والكرش مطراسية اللحية هي هادييك وقاهر الفتيات... دبا غادي نخلي الشخصيات يهضرو بلسانهم بارت3 #رعد وصلات ختي ريم لقاتني متكي جات تحشات حدايا وعنقاتني.. حطيت راسي على صدرها ريم: مالك اخويا شنو واقع وفين نورة رعد: نورة ماتت ريم: (غوتات) اوييلي كيفاش وفوقاش رعد: انا لي قتلتها ريم: (الصدمة والصمت).... رعد: خانتني اختي وشفتها عريانة مع رجل من غيري ريم: (كدوز يديها على شعرو) شش صافي نعس دبا وارتاح حتى الغدا الصباح ونهضرو... بقاو هكاك كل واحد وفاش كيفكر حتى نعسو... #صوفيا صبح الصباح فقت على الفيبرور ديال التليفون كان من تحت المخدة.. نضت توضيت وصليت صلاتي لبست حوايجي.. وجدت طوسط هزيتو فيدي وخرجت كناكل وغادا لقرايتي... وصلت جلست بلاصتي وهي تجي لينا صاحبتي عزيزة عليا وضريفة لينا: (بالانجليزية) حبيبة سافا انا: (كنشوف فيها) وي مزيان ونتي لينا: سافا.. اوى مابقا والو ونشدو ديبلوم شنو عوالة ديري من بعد انا: مزال معرفت قالي سيف جيبي ديبلوم واجي نشوفو شنو نديرو لينا: هي عوال يديرليك شي شركة تصميم انا: نو مغاديش نقبل انا بغيت نبدا بوحدي لينا: ناري اصاحبتي كتزيدي فيه.. انا كون كنت بلاصتك كون راني مقابلة غير قرايتي اش داني لشي خدمة وفريع الراس انا: هههه حمقة خليني نقرا ها البروف جا.... دخل البروف وبدا الدرس واقف قدامي وكيشرح وانا متبعة معاه مزيان.. كملت وخرجت مشيت لخدمتي بديت من هادي لهادي... #رعد صبح الصباح فاق لقا ختو لايحة عليه رجليها بتاسم باس راسها وناض دخل دوش وخرج لبس حوايجو وفيق ختو وهبط سبقها لتحت... ناضت مشات لبيتها دخلات دوشات ولبسات حوايجها.. نزلات لقات خوها فالجردة جالس قدام طبلة عامرة بالمأكولات وهي تجلس قدامو.. بارت4 ريم: خويا كيبقيتي مزيان رعد: حمد الله ريم: متبقاش تفكر بزاف.. صافي هادشي فات وانا متأكدة غادي تلقا شي بنت تبغيك رعد: كضحكي عليا انا عارف راسي خايب مي ماعندي مندير انا هكا داير ريم: لا بالعكس نتا احن واحد خاص غير ترتاح للواحد وانا متأكدة غتجي بنت تخلي الطيبة ديالك تبان رعد: (تنهد) عييت والله ريم: (شدات يديه) مايكون غير الخير ان شاء الله... انا غادي نرجع حيت عندي اجتماع فالعشية رعد: واخة اختي... فطرو وناض وصلها للمطار توادعو ومشا لخدمتو وصلات وقيتة دالغذا وهو يمشي لواحد الريسطو دخل وجلس جا السرباي خدا الطلبية ديالو... كيتغدى حتى كيشوف واحد البنت داخلة وشعرها كيتطاير مع الريح داخلة بالزربة شوية خرجات لابسة حوايج السرباية وبدات الخدمة.. محس براسو حتى سها فيها بقا متبعها بعينيه كيفاش كتهضر مع الناس والابتسامة مفارقاتش وجهها رغم العياء لي باين عليها.. كانت قريبة ليه كتحط الماكلة للناس شير ليها مكانش غرضو فشي حاجة من غير انه يسمع صوتها مي منتابهاتش ليه ومشات.... شاف الساعة لقاها 2 جمع راسو ومشا للشركة وتفكيرو مشغول غير فالبنت... #صوفيا بقيت خدامة حتى عييت وصلات 6 دالعشية بدلت حوايجي وخرجت كنت محتاجة نشم الهوى... قررت نمشي على رجلي.. غادا للدار ودزت من واحد الدرب حتى وقفو عليا 3 دالسكايرية انا جمدلي الما فالركابي مقديتش نتحرك بالخلعة وهوما يجيو لعندي كيتمايلو جيت نهرب وهو يشدني واحد من شعري جيت نغوت وهي توقف واحد الطموبيل بواحد السرعة.. نزل منها واحد مبانش ليا مزيان مع الظلام انا بالخلعة سخفت... #رعد بقيت فالشركة ممركزش مع الخدمة كنفكر غير فيها حتى عييت وانا نوض ركبت طموبيلتي وديماريت وصلت للريسطو وبقيت مراقبها من بعيد بلا ماندخل.. معرفتش شي حاجة جدباتني ليها بقيت هكاك حتى شفتها خارجة ماشية على رجليها... بقيت كنشوف كانت كتصرف بطريقة فشكل ماشي بحال البنات لاخرين كنحس بيها كدخل النفس حتى للاعماق... دازت من واحد الدرب وانا نتبعها.. بارت5 تعرضوليها 3 جات تهرب وهو يشدها واحد من شعرها معرفت كيدرت كسيريت وانا نوقف عليهم غير هبطت وهي تسخف مشيت بالزربة هزيتها حطيتها فالطموبيل ودزت عند هادوك عطيتهوم قتلة دالعصا.. خليتهم مليوحين ومشيت ركبت غير قستها بدا قلبي كيضرب بعدت عليها وانا نديماري ماوقفت حتى وصلت للكلينيك نزلت ومشيت جهتها.. هزيتها وهي ضربني ريحتها تخدرت وقلبي كنحس بيه ايخرج.. خداوها الفرمليات ودخل الطبيب فحصها وخرج رعد: شنو وقعليها الطبيب: غير نزليها الضغط وباينة مكلاتش هاد النهار داكشي علاش راه شوية وغادي تفيق رعد: اوكي... دخل عندها لقاها ناعسة جلس فالكرسي ساهي فيها مد يديه كيلعب فوجهها.. حس بيها كتحرك وهو ينوض خرج من بعد ماعطا للفرملية الفلوس تجيبليها الماكلة وخلص الكلينيك وهو يمشي ركب طموبيلتو وجلس كيتسنى #صوفيا حليت عيني لقيت راسي فالكلينيك دموعي نزلو خفت يكونو تكرفسو عليا شوية دخلت الفرملية وفيديها بلاطو دالماكلة صوفيا: (بخوف) عفاك شنو وقعلي الفرملية: غير نزليك الضغط وجابك واحد السيد صوفيا: (ارتاحيت) اوكي شكرا... حطاتلي البلاطو وبديت كناكل حتى شبعت مع تعطلت فالمدرسة gاع متغذيت... وقفت لقيت راسي مزال بحوايجي نقيين حمدت الله حيت نفذت هاد المرة.. هزيت صاكي وبغيت نخلص قالولي راه خلص داك السيد دعيت معاه من قلبي.. خرجت شديت طاكسي ومشيت لداري.. دخلت نيشان للدوش دوشت وتوضيت صليت داكشي لي فاتني ومشيت درت غير قهوة وشديت الكتوبة جلست تانقرا حتى عييت وانا نوض نعس... #رعد شفتها خرجات وشدات طاكسي وانا نتبعها حتى عرفتها فين ساكنة وشفتها طلعات لدارها عاد مشيت لداري.. دخلت دوشت وتلاحيت فوق الناموسية كنفكر فيها حتى نعست.... صبح الصباح كان عندي اجتماع نضت لبست كوستار فالكحل قاديت شعري ونزلت فطرت بالزربة وانا نكسيري للشركة... وصلت دخلت لقاعة الاجتماعات لقيت كلشي كاين جلست بلاصتي وبدينا...... رعد: (بصرامة) غلط واحد فهاد المشروع غير ترحمو على ريوسكم... كلشي بدا كيسرط ريقو بالخلعة... ناض خرج وهوما حانيين راسهم.. اما رعد غير خرج شاف الساعة لقاها 12 وهو يخرج ركب طموبيلتو غادي لنفس الريسطو.. بارت6 #صوفيا صبح الصباح صليت صلاتي وفطرت عاد لبست حوايجي (الصورة) ونزلت شديت الطوبيس للخدمة.. بقيت خدامة وصلات 12 ساليت دخلت بدلت حوايجي وخرجت مشيت لمدرستي... #رعد وصلت وبقيت كنقلب عليها بعيني مي والو مابانتليش.. تسنيت حتى عييت ووالو وانا نوض مشيت جهة دارها جلست تما حتى ظلام الحال وانا نشوفها جاية وباين عليها عيانة مكرهتش ناخدها نعيشها ملكة رعد: يهديك الله نتا رجعتي بحال المراهق اففف.. تنهدت وانا نكسيري للدار... #ريم فاش رجعت للمغرب بقيت كنفكر فخويا بقا فيا ومقداش نعاونو باش نخرجو من ديك الحالة.. دخلت للاجتماع لقيت كلشي كاين وهو يلفت انتباهي واحد نااري على بوكوص.. حاولت منبينش وجلست بلاصتي... بدينا الاجتماع داز مزيان جيت خارجة وانا نسمع سميتي ...: مدموزيل ريم ريم: (درت وانا نلقاه كيعيطلي احح اقلبي) وي موسيو سيف سيف: احم تقبلي عراضتي للعشا اليوم ريم: (😍😍) اوكي سيف: عطيني نمرتك باش نتافقو من بعد ريم: ***** سيف؛ اوكي ياله نخليك دبا... مشا وانا بقيت متبعاه بعيني وساهية فمشيتو الرجولية وظهرو العريضة... فقت من سهوتي ومشيت للبيرو ديالي وجلست كنفكر فيه #صوفيا صبح الصباح كان الاحد الله على راحة مكاينة لا قراية لا خدمة لبست كيطمتي من بعد ماصليت وجمعت شعري كوب شوفال لبست سبرديلة نايك هزيت سوارتي والفلوس درتهم فالجيب وسديت عليهم بالسنسلة... خرجت كان الحال مبرد اصلا كندا معروفة بالبرودة ديالها... بديت كنجري حتى وصلت جهة البحر... وبديت كندير التمارين الرياضية لي مولفة ندير بقيت هكاك حتى عييت ورجعت.. فطريقي دزت على سوبير مارشي تقديت داكشي لي ناقصني ومشيت... حطيت داكشي فالكوزينة ودخلت انا دوشت لبست شورط وسوتيامات ومشيت للكوزينة ستفت داكشي وصاوبت الفطور... فطرت جمعت داكشي وانا نلوح عليا بينوار وخرجت للبالكون جلست فالكرسي وهازا فيدي قلم واوراق رسم... بديت كنصمم حتى بدا تيليفوني كيضرب فيه الفلاش كانت ابيل فيديو من صاحبتي لينا. بارت7 لينا: هاالو انا: اهلا سافا لينا: وي ونتي انا: حمد الله اش كاين لينا: فكرت نتغداو مجموعين انا وياك وجان انا: اوكي هانا نوض نلبس لينا: اوكي شوية وندوزو عندك انا: واخة... قطعت معاها ونضت جمعت وراق دياولي هزيت راسي لمحت بحال شي واحد فالطموبيل كيشوف فيا.. متسوقتش ودخلت مشيت لبست سروال كحل لاصق عليا مع كبوط فالزرق سخون لبست صباط طالون.. هزيت صاكي درت شوية دالميكاب وخرجت لقيتهم كيتسناوني جلست اللور وهو يديماري جان... وقفنا فواحد الريسطو مقابل مع البحر داكشي زوين الصراحة... دخلنا طلبنا داكشي لي بغينا وبقينا مجمعين جان: اوى فاش غتسالي اترجعي للمغرب انا: وي ان شاء الله جان: (شد يدي) غادي نتوحشك انا: (حيدت يدي بلطف) حتى انا غنتوحشكم كااملين جان: (تنهد) نتمنى تعطيني فرصة انا: جان حنا هضرنا فهاد الموضوع وبلييز متعاودش تجبدو جان: اوكي على خاطرك... تغذينا ووصلوني للدار طلعت حيدت حوايجي وجلست كنرسم حتى لقيت راسي رسمت وجهو غير شفتها بقيت كنبكي توحشتو بزاااف.... #رعد صبح الصباح فقت هبطت ترينيت شوية طلعت دوشت ولبست حوايجي وانا نمشي جهة دارها بقيت كنتسنى حتى بانتلي لابسة كيطمة وهازة الميكات باينة كانت كدير الرياضة طلعات وانا نمشي لواحد الكافي تما فطرت شفتها منزلاتش بغيت نمشي بحالي حتى شفتها خارجة للبالكون بالبينوار فالغوز بارد وشعرها مطلوق جات كيوت جلسات فالكرسي وشادة شي وراق يمكن كترسم... هزيت تيليفون كنصورها داز الوقت وهي منساجمة مع داكشي لي كدير حتى هزات تيليفونها كتهضر شوية ناضت هزات وراقيها ودخلات... من بعد دقائق وقفات طموبيل قدام باب دارها كان فيها دري وبنت شوية خرجات اميرتي ركبات معاهم ومشاو تبعتهوم حتى وقفو قدام واحد الريسطو دخلو وتبعتهوم جلست موراهم حتى كنشوفو شدليها يديها تعصبت وزيرت على يدي شفتها حيداتها وانا نسمعو قاليها عطيني فرصة... مي مقبلاتش فرحت كملو ماكلتهم ورجعوها للدار اطمأنيت عليها ومشيت فحالي... بارت8 #ريم مشيت لداري لبست كسوة حد الركبة فالكحل قاديت شعري بالبابيليز ودرت سموكي ميكاب لبست صباط طالون فالكحل مع بوشيط فالكحل.. شوية صونا تيليفوني انا: الو سيف: اهلا سافا انا: وي ونتا سيف: وي حمد الله صيفطيلي العنوان ديال دارك باش نجي لعندك انا: اوكي.. قطعت معاه وصيفطلو ميساج... وقفت قدام المرايا كندير اللمسات الاخيرة من بعد دقائق عيطلي علمني بلي كيتسناني هزيت البارفان ديالي دوشت بيه هههه وانا نزل بالزربة مي غير وصلت للباب وانا نتقل لقيتو واقف قدام الطموبيل وكان لابس كلاس😍.. جا بوكوص وريحتو سابقاه سيف: (شد يديها باسها) شكرا حيت قبلتي عراضتي انا: (تزنكت) سي غيان سيف: (حل الباب) تفضلي انا: شكرا... سد الباب ومشا ركب وهو يديماري وقفنا قدام ريسطو راقي وزوين.. دخلنا شدينا طبلة وطلبنا داكشي لي بغينا سيف: المهم نعرفك على راسي انا سيف عندي 29 عام مي قريب نكمل 30 الاب ديالي هو مول الشركة والام ديالي منخارطة فجمعيات عندي اخت وحدة كتقرا فكندا.. ونتي ريم: انا عندي 24 عام وعندي اخ واحد سميتو رعد خدام فكندا ووالديا الله يرحمهم هادي 11 العام باش ماتو سيف: الله يرحمهم.. انا كنعرف خوك رعد انا: وايلي سيف: وي قرينا فنفس الجامعة كان فايتني بعام مي كنا كنلعبو كرة مجموعين تما تعارفنا ورجعنا صحاب.. ولحد الان كنهضرو مع بعضياتنا وبانلي غادي نوليو انا وياه عائلة.. وغمزني انا: (تزنكت وقلبي بدا كيضرب) الصمت سيف: (عجبو الحال) هههه مالكي انا: ا.. انا لا لا مكاين والو.... كملو ماكلتهم وهو كيحاول يخليها تطلق معاه.. وصلها لدارها وباسليها يديها سيف: تهلاي فراسك ونتمنا ماتكونش اخر مرة نتلقاو فيها انا: ان شاء الله😍 سيف: بونوي.. هبطات وهو يديماري وصل للدار طلع لبيتو اول حاجة دار عيط لختو.. بارت9 #صوفيا بقيت كنبكي لحد الان مقدراش نساه #فلاش_باك اناس: حبيبتي توحشتك انا: حتى انا اناس: مي انا كثثر منك انا: لا انا كون تعرف قداش توحشتك اناس: قداش انا: (بينتلو بيدي) قد هاكا اناس: (عنقني) ههههه حمقة ديالي انا: حبيبي فاش غنكبرو غادي نتزوجو ياك اناس: كتقصدي فاش تكبري نتي اما انا راه كبيير انا: عندك غير 24 عام اناس: زعما 17 عام طفرتيه انا: ههههه مي انا مغادي نتزوج بيك حتى تكون عندك 30 عام اناس: علاش😨😵 انا: كيعجبوني رجال ديال 30 عام كيكونو بعقلهم اناس: مالي بنتليك كنلوح حوايجي انا: (بستو فحنكو) نتا راك العقل مي فاش تكون عندك 30عام غادي تكون جذاب كثر اناس: نخاف على راسي.. نتي تشوفي شي حد بوكوص تنسايني انا: لا منقدرش نشوف فشي حد من غيرك نتا رجعتي هدا (شيرت لقلبي) اناس: (حشاني فيه) كنحماق عليك احبيبتي الصغيورة انا: (زيرت عليه) وانا كنموت عليك.. فخبارك سيف عارض عليك للغذا وياله باش منتعطلوش اناس: اوكي ياله... هزني وانا لويت رجلي عليه وحطيت راسي على كتفو وصلنا للطموبيل ركبني وركب حتى هو انا: فوقاش غتخليني نسوg اناس: بغيتي خوك يقتلني انا: وشكون غايقولهالو اناس: انا هههههه انا: حرام عليك صافي بعد مني... دورت وجهي للزاج اناس: هههه وصافي احبيبة متقلقيش كنواعدك غير تشدي الباك انا نعلمك تسوgي وناخذليك طموبيل انا: حلف😍😍😍 اناس: هههه والله مي بغيت نقطة زوينة بزاف وباغيك تولي مصممة مشهورة سمعتي انا باغيك تحققي حلمك الى بغيتي نكون فرحان انا: ان شاء الله غندير جهدي باش نفرحك نتا وخويا بارت10 اناس: هكاك نبغيك الزوينة ديالي.. ياله هاحنا وصلنا.... هبطنا وشديتلو فيدو دخلنا للريسطو شافنا خويا وهو يشير لينا سيف: فين تعطلتو المساخيط انا: (عنقتو) غير الطريق عامرة احبيبي اناس: راني كنغير سيف: هههه شفتي كنبقا انا حبيبها اللول اناس: ياك اوى بسلامة عليكم... جا يمشي وانا نشدلو يدو انا: فين بغيتي تمشي😢😢 سيف: جلس الى مشات نزلات دبا دمعة وحدة من عينيها منعقلش عليك اناس: حبسي دموعك واش بغيتيني ناكل العصا انا: (حبست البكية) صافي انا مكنبكيش ياله اجي نجلسو راه فيا الجوع سيف: اجي احبيبة خوها جلسي حدايا اناس: لا غتجلس حدايا انا: واش غادي تسكتو وتجيبولي الماكلة ولا نمشي فحالي اناس وسيف: (فدقة) شدي الارض... شافو فبعضياتهم وبقاو كيضحكو انا: يخخ منكم.. كارسوون سيف: لمك معجبناكش كتعيطي نتي للسرباي انا: اوى نتوما باغيين ضحكو انا كرشي لوات بالجوع اناس: ناري حبيبتي فيها الجوع وانا موجود ميمكنش السرباي: شنو حب الخاطر... طلبنا داكشي لي بغينا وجابولينا كلينا حتى شبعنا سيف: اوى نمشيو للدار ولا مزال بغا تبقاي مع اناس انا: (شفت فاناس) غنبقا معاه شوية ونجي سيف: (ناض) رجعها بكري راه عندها الجهوي هاد العام اناس: ساعة ونرجعها تال باب الدار سيف: اوكي.. باسني فحنكي ومشا اناس: نمشيو للبحر انا: اه😍😍... ركبنا الطموبيل وهو يديماري ماوقفنا تال البحر خلينا صبابطنا فالطموبيل وهبطنا... بدينا كنتمشاو وحنا مشادين باليدين... هضرنا وتعاودنا حتى شبعنا انا: فوقاش غادي تجي تخطبني اناس: غير تشدي الباك غادي نجي نخطبك انا: شحال بغيتي نولدو اناس: ممم بغيت بنت وولد براكة انا: هاء براكة انا بغيت بزااف اناس: هههه شحال بغيتي انا: شي 4 ولا 5 اناس: تباااارك الله دبا نتي بهاد الفصالة تقدري تولدي 5 انا: وخا قصيرة راني قادة اناس: ههههه اجي لهنا.. هزني... دبا نتي باغا تولدي 5 وهاد الكريشة الصغيورة تقدر تهزهم انا: (كنشوف فكرشي) ومالها كيجاتك.... جلس فالرملة وانا فوق رجليه شد كرشي بيديه اناس: صغيورة بزاف.. قربني ليه وهو يطبع بوسة فيها... مي زويونة انا: (تزنكت) ههه ياك بعدا اناس: (باس حناكي بجوج) نموت فحنيكاتك المزنكين انا: ههههه نوض وصلني لدارنا راه يجي سيف مايلقانيش وتشوف اش غيوقع اناس: زيدي مناقص عصا عضيماتي عزازين عليا انا: ههههه خوااف اناس: اشمن خواف الله يهديك راه مبغيتش نضرب نسيبي ويصدق معكس لينا زواجنا انا: اويلي الله يستر مايقدرش يديرها زيد وصلني اناس: هههه اوكي.... وصلني للدار باسني فراسي.. تهلاي فراسك وغدا فاش تمشي تقراي متنسايش تدي معاك اولويز راه غتجيك فهاد اليامات انا: اوكي حبيبي راه البارح فكرني سيف اناس: اوكي الزوينة ولبسي حوايجك متعرايش باش متجيكش بالوجع انا: واخة الحبيب ديالي... قربت ليه طبعت بوسة فشفايفو خفيفة وانا نزل خليتو مبتاسم... بارت11 #الحاضر تنهدت ومسحت دموعي وانا نوض صاوبت سندويش كليتو ياله غادي نعس وانا نشوف تليفون كيضرب فيه الفلاش كانت ابيل فيديو ديال سيف جاوبتو سيف: حبيبتي توحشتك انا: حتى انا😢😢😢 سيف: ششش متبكيش عفاك.. غادي نحاول نجي نطل عليك عارف راسي مقصر معاك مي كنواعدك فهاد الايام غنجي نشوفك وحتى نتي مبقاليك والو وتشدي ديبلوم وترجعي تعيشي معايا انا: (كنمسح دموعي) واخة اخويا سيف: تفكرتي اناس الله يرحمو ياك انا: اه😢😢😢😢😢😢 (كنشهق) توحشتو سيف: ششش الله يرحمو.. انا متاكد مغاديش يعجبو الحال يلقاك بهاد الحالة.. صوفيا ختي دبا هادي 4سنين وهو ميت خاصك تزيدي القدام وتخطاي الالم ديالك ماشي تزيدي تكفسي الوضع عليك.. واش فهمتيني اش بغيت نقوليك انا: اه😔😔 سيف: (تنهد) غادي نجي عندك غدا منقدرش نخليك فهاد الحالة انا: لا الى عندك شي شغل ماشي مشكل تال من بعد سيف: لا مكايناش شي حاجة اهم منك انا: الله يخليك ليا سف: ياله مسحي دموعك غدا غنجي عندك بونوي انا: اوكي حبيبي بونوي... حطيت تيليفون ومسحت دموعي.. ترحمت على اناس وانا نعس..... صبح الصباح فقت شفت راسي فالمراية لقيت عيني منفوخين بالبكا ديال البارح لبست كلشي فالكحل وخرجت مشيت قريت بقالينا شهر للامتحان ونشد ديبلوم ونحقق حلمي باش حبيبي اناس يكون فرحان.. خرجت مشيت للريسطو وبديت الخدمة وخا مكنتش حاملاها وصلت عند واحد غير وقفت بدا كيبتاسم الله يستر انا: (بالانجليزية) شنو حب الخاطر اسيدي ...: شنو عندكم انا: هاهو الموني فوق الطبلة.. المهم فاش تعرف ونرجع لعندك... مكانش خاصني نتعامل مع الكليان بديك الطريقة مي لي فيا كافيني مناقصني نشد الخاطر لشي حد.. بارت12 #رعد دوزت داك النهار وانا كنفكر فيها.. صبح الصباح مشيت للشركة وفوقيتة دالغدا دزت للريسطو جلست وهي تبانلي داخلة وعينيها منفوخين معرفت مالها كنت متعود نشوفها كضحك مع الناس مي اليوم لا حتى وصلات لعندي قلبي بدا كيضرب.. كان غرضي انني نهضر معاها مي باينة معصبة ومعطاتنيش وقت... شوية جات عندي سرباية اخرى تعصبت حيت مجاتش هي طلبت داكشي لي بغيت وبقيت جالس كنشوف فيها حتى عنقها واحد من اللور كان عاطيني بالظهر مشفتوش غير شافتو وهي تعنقو وجلسات كتبكي... حسيت بموس تغرس فقلبي مقديتش نشوف داك المنظر وانا نمشي فحالي #صوفيا جالسة كنخدم ودموعي فطرف عيني حتى عنقني شي حد من اللور درت وانا نلقا سيف زيرت عليه وبقيت كنبكي سيف: (وقفها قدامو ومسحليها دموعها) شش احبيبتي براكة من البكا طيبتي هاد العوينات انا: توحشتك بزاف سيف: حتى انا الخايبة.. اجي نخرجو انا: اوكي تسنا.. مشيت خديت الاذن وحيدت حوايج الخدمة لقيتو فالطموبيل ركبت اللور ودرت السمطة سيف؛ (تنهد ودار لعندي) مزال مقادرة تزعمي تجلسي القدام انا: لا انا مرتاحة هكا سيف: اوكي على خاطرك... ديمارا حتى وصلنا للدار طلعنا دخل يدوش وحتى انا مشيت لبيتي دوشت ولبست شورط وديباردور وخرجت لقيتو فالكوزينة غير بشورط كيطيب مشيت عنقتو... حس بيها وجبدها ردها قدامو وهو خدام كيطيب سيف: اوى اش كتعاود حبيبتي انا: غير القراية واليوم شدينا عطلة باش نبريباري.. بقا شهر للامتحانات سيف: صافي حبسي من الخدمة وركزي مع قرايتك انا: لا خليني مرتاحة هكا سيف: (غوبش) راني هضرت معاك صافي جلسي قابلي قرايتك.. قبل مانمشي غادي نخلص ليك الكرا وراه الكونط ديالك عامر صرفي بيه واي حاجة خاصك غير عيطيلي يوصلو تال عندك اوكي انا: وااخة... بارت13 سيف: (هزني حطني فوق البوطاجي) كيفما تافقنا غادي ترجعي للمغرب ياك انا: لا مبغيتش خليني غير هنا سيف: (تنهد) مناش كتهربي انا: المغرب كيذكرني بيه فهمني منقدرش نعيش تما سيف: (شد وجهها بيديه) حبيبة نتي كبرتي دبا وخاصك تواجهي مشاكلك انا: (بحزن) واخة سيف؛ (باسني فحنكي) يخليك ليلي الزوينة ديالي.. ياااله نوضي هاهيا سباكيتي وجدات انا: اححح شحال توحشت طيابك نموت فيك انا... كل واحد هز طبسيلو ومشينا للبيت جلست مقابلة معاه فالارض سيف: (توتر) احم حبيبتي دبا انا الى مشيت حتى تزوجت.. انا: (قاطعتو) نقتل هادي لي تفكر تاخذك مني.. (سكت شوية).. حبيبي ياكما كتبغي شي وحدة سيف: لا انا وحدة لي كنبغي هي نتي انا: (بستو فحنكو) كنحماق عليك... كملنا ماكلتنا وانا نوض حطيت الطباسل فالكوزينة ورجعت لقيتو شعل البلاي وكيوجد بديت كنضحك سيف: (شاف فيا) اجي الهبيلة... تلاحيت تكيت حداه وخديت مانيطة.. بدينا كنلعبو حتى داتني عيني ونعست.... سيف شاف لقاها نعسات طفا التلفزة وهو يهزها دخلها للبيت حطها وتحشا حداها سيف: (تنهد) حرت مابينك نتي ختي وبنتي لي منقدرش نشوف دمعة وحدة نازلة من عينيها ومابين حبيبتي لي خدات قلبي من اول نظرة.... ياربي عاوني.... حط صوفيا على صدرو ونعس وهو كيلعب فشعرها........ صبح الصباح حلات عينيها لقات راسها بوحدها فالناموسية وهي تغوبش هزات غطاها وخرجات لقاتو كيوجد الفطور وهي تمشي عنقاتو من اللور انا: علاش مفيقتينيش سيف: (جبدها قدامو) خليتك ترتاحي ياله سيري غسلي وجهك على مانحط طبلة انا: اوكي.. مشيت غسلت وجهي وتوضيت صليت صلاتي وانا نمشي لقيتو حاط كلشي مشيت جلست فوق رجليه سيف: ههههه حمقة راك كبرتي زعما مزال مبغات تحيد منك هاد القاعدة انا: لا هادو رجليا انا واصلا رجليك مريحين كتر من الكرسي سيف: هههه واخة احبيبتي خودي راحتك انا: (بستو فحنكو) ياله كول باش نخرجو سيف: فين انا: هاء بغيت نخرج نتسارا مع حبيبي فيها شي حاجة سيف: لا ياله كولي... بارت14 كلينا ونضت جمعت الماعن غسلتهوم بالزربة ومشيت لبست شورط فالكري مع كبوط فالموطارد وبوط فالكحل مدرتش الماكياج.. لقيت خويا لبس كيطمة وداير جيل لشعرو شدني من يدي ومشينا ركبت اللور وهو جلس القدام وديمارا مشينا للمول شرالي gاع داكشي لي تشهيت وفاش عييت نضت تحشيت فوسط الكروسة وبقا كيدفعني... كملنا وهز داكشي وانا شداه فكبوطو من اللور وغادا حتى وصلنا للطموبيل حط داكشي فالكوفر وركبنا داني لفوار عشقي لعبنا حتى عييت... عاد مشينا تغذينا... رجعنا للدار سيف: (جرني جلسني فالبيرو) ياله قراي قرايتك انا: خلي تال الغدا ونبدا بغيت نبقا معاك باش نشبع منك سيف: ممنوع القراية هي اللولة انا: عفااااااك سيف: صافي سكتي راك صمكتيلي ودني.. انا غادي نبدل حوايجي ونجي انا: اوكي... خرج وانا نضت لبست تيشورت وااسع وصل حد الفخاد خرجت للبالكون كنشم فالهوا.. حتى عنقني سيف من اللور وانا ندور عندو سيف: مجاكش البرد انا: لا كيعجبني يضرب في هاد الهوا بارد سيف: وي بالصح زوين.. ماما توحشاتك انا: حتى انا توحشتها بزاااف هي وبابا سيف: اوى نصبرو تشدي ديبلومك وترجعي لدارك... حطيت راسي على صدرو ومجاوبتوش.. #رعد مشا للدار هرس الديكورات لي عندو بالاعصاب وطلع لبيتو خوا عليه الما بااارد على الله تطفا العافية لي شعلات فيه... رعد: (عينيه حومر) ميمكنش هي ديالي بوحدي انا لي شفتها اللول ومستاعد نقتل اي واحد قربليها... صبح الصباح مشا لخدمتو معصب.. الموظفين غير شافوه هكاك بداو كيترعدو وكيدعيو يدوز هاد النهار بخير.... كمل خدمتو وصلات وقيتة دالغدا وهو يمشي لداك الريسطو... بقا كيتسنا ووالو مبانتلوش ناض مشا لدارها.. شوية وهي تبانلو خارجة للبالكون ولابسة غير تيشورت طويل بدا كيبتاسم وقلبو كيضرب بالجهد شوية وهو يشوف شي حد خارج للبالكون ومعنقها من اللور تزير عليه قلبو.. شافها دارت لعندو وحطات راسها فوق صدرو وهو حاشي وجهو فعنقها هز الفردي وهو يحطو مقابل معاه بارت15 جا يتيري وهو يتراجع خاف عليها تصدم وقرر يتبعو ويقتلو فاش يكون بوحدو شافو هزها مدخلها وهو يكسيري مشا نيشان للبار.. جلس كيشرب وعينيه حومر والشر خارج منهم.. حاس براسو عاجز ميقدرش يمشي يقولها اش هادشي ولا يغوت حيت مكتربطهم حتى علاقة.. بنت: (كتحلون) هااي حبيبة... طلعها ونزلها وهو يدور بقات كتشوف وهي تزعم حطات يديها فوق عنقو.... 50 دولار ونمتعك... وقف وجرها معاه بدون ميتكلم لاحها فالطموبيل وكسيرا.. وصلو للدار طلعها لواحد البيت وبدون مقدمات لاحها وهو يتلاح عليها كرفسها مزيان حتى بدات كطلب غير السلاك.. كمل ولاح الفلوس على وجهها... هزاتهم لقات 200 دولار عجبها الحال لبسات حوايجها ومشات بحالها... خرج من الدوش ملقهاش وهو يمشي لبيتو لبس شورط وتلاح فوق ناموسيتو شاد تيليفونو كيشوف فتصاور البنت لي خدات عقلو وقلبو حتى نعس وتيليفون فوقو.... #صوفيا هزني حبيبي سيف دخلنا لداخل ودرنا فيلم هزيت شيبس وجلسنا كنتفرجو ونهضرو حتى ظلام الحال وحنا نخرجو... مشينا للمول شرالي الحوايج مسكين دوختو... كملنا ونزلنا للريسطو لتحت طلبنا العشا كليت حتى شبعت وطلبلي لكلاص عشقي سيف: (كيمسح فمها) مزال مبغا تعلمي تاكلي لكلاص كيف الناس انا: هههه خليني ناكل على خاطري سيف: اوكي حبيبة... ممم ختي غدا خاصني نرجع انا: (حبست من الماكلة) علاش ياله جيتي سيف: خليت الخدمة كلها على بابا وعاد بعد غدا عندي اجتماع مع 8 دالصباح وضروري نحضرلو انا: (حابسة البكية) اوكي خويا الله يوصلك على خير سيف: حبيبتي متقلقيش عفاك ومبقا والو وتكملي قرايتك وترجعي تسكني معانا انا: واخة ان شاء الله غير متنسانيش سيف: واش كاين شي حد كينسا حبيبتو وبنتو وختو انا: (فرحت) كنبغييك سيف: وانا كنموت فيك... كملنا ومشينا للدار لبست بيجامتي ومشيت نعست فوقو سيف: هههه حمقة هالبلاصة كاينة انا: لا بغيت نعس هاكا سيف: اوكي اميرتي ياله نعسي.... صبح الصباح فقت لقيت خويا ناعس وانا نعنقو وزيرت عليه... حس بيها سيف وهو يبادلها العناق سيف: اش هاد الحب على الصباح انا: غادي نتوحشك سيف: حتى انا احبيبتي مي واعديني منبغيكش تخدمي قابلي غير قرايتك اوكي انا: واخة وعد مني سيف: الله يرضي عليك... بارت16 سيف: ياله احبيبتي انا نوض ندوش ونجمع راسي راه غير ساعة لي بقات على طيارة انا: اوكي... دخل خويا للدوش وانا مشيت للكوزينة وجدت الفطور واحد شوية وهو يدخل ريحتو ملات المكان عنقني وباسني فعنقي انا: (درت لعندو) اجي تفطر بعدا سيف: اوكي الزوينة... مشا جلس وجلست فوق رجلو فطرنا حتى كملنا وهو ينوض تعلقت فيه عنقتو سيف: (تنهد) غادي نتوحشك الزوينة ديالي... رجعني قدامو.. حبيبتي حضي راسك ويلا خصاتك شي حاجة عيطيلي اوكي انا: واخة ونتا فاش توصل عيطلي سيف: واخة ياله بسلامة... عنقني وزيرت عليه باسلي راسي.. تهلاي فراسك... اكتفيت ببوسة فحنكو وهو يمشي مشيت كنجري للبالكون طليت عليه... شيرتلو وبقيت حاضياه حتى مبقاش كيبان وانا ندخل.... جمعت الماعن ودخلت توضيت وصليت صلاتي جمعت الدار.. عاد مشيت جلست وبديت كنقرا حتى دارت 3 دالعشية جاني جوع وتشهيت البيتزا.. نضت لبست حوايجي وخرجت دزت نيشان لواحد الريسطو دخلت طلبت بيتزا غير تحطات قدامي وانا نتلاح عليها حتى وقف عليا واحد #رعد صبح الصباح مشيت لخدمتي مي مقديتش نصبر مشيت لدارها شحال وانا نتسنى عاد شفتها خرجات مي مكان معاها حد.. هبطت من الطموبيل وتبعتها غير على رجلي كنشوف فهاد الانثى الصغيرة لي قدامي.. قصيورة ورقيقة مي لطاي ديالها حمقاتني ديال تشدها تحشيها فيك متبقاش تبان... دخلات لواحد الريسطو شفتها طلبات بيتزا غير حطوهاليها جلسات كتاكل وكتلذذ بها حمقاتني وانا ندخل محسيت برجلي حتى وصلوني عندها.. هزات راسها وشافت فيا بدوك العوينات وفمها موسخاه بالبيتزا انا: (بالانجليزية) سلام بغيتي شي حاجة رعد: نقدر نجلس انا: (كنشوف فيه) وي تفضل رعد: (فرح) غير لقيت ريسطو عامر وجيت حداك الى ماكان حتى مشكل انا: نو عادي تااخد.. مديتلو طرف ديال البيتزا رعد: (قلبو كيضرب خداه من عندها وقاس يديها لي غير تحسسهم بحال ضربو الضو) ميرسي.. خدا كياكل وكيتلدد بيه بحال الى عمرو ماكلا بيتزا انا: (حدرت راسي كنكمل ماكلتي) رعد: انا سميتي رعد ونتي انا: الصمت... شافها ساكتة وهو يمد يديه حركها انا: (هزيت راسي) وي شنو قلتي رعد: شنو سميتك انا: صوفيا رعد: متشرفين انا: ياله نخليك دبا وبالصحة غداك... حطيت الفلوس فوق الطبلة ومشيت... مشات وخلات رعد متبعها بعينيه وفرحان حيت قدر يعرف اسم محبوبتو جا ينوض وهو ينتابه لتيليفونها هزو ومشا تبعها كيجري رعد: (كيغوت) صوفياا صوفياااا.... مدارتش ومشا كيجري حتى وصل لعندها وحط يديه على كتفها انا: (باستغراب) شنو رعد: (مدليها تيليفون) نسيتي تيليفونك انا: اه اوكي ميرسي رعد: عادي.... ابتاسمتلو ومشيت لداري وصلت لبست بيجامتي وبديت كنقرا عاود... بارت17 #صوفيا غيرت نظام حياتي رجعت كنفيق بكري كنخرج ندير الرياضة ونرجع ندوش عاد نبدا نقرا النهار كامل... هاد الصباح كيف العادة فقت بكري توضيت صليت صلاتي ولبست كيطمتي وانا نخرج بديت كنجري حتى وصلت للبحر.. درت حركات رياضية حتى كنلقا واحد الشخص بحال فايتة شايفاه شافني كنشوف فيه وهو يبتاسم وجا لعندي رعد: اهلا صوفيا سافا انا: وي ونتا رعد: مزيان عقلتي عليا انا: فايتة شايفاك مي فين مانعرف رعد: ههه انا لي جلست معاك داك النهار فالريسطو وكنتي نسيتي تيليفونك انا: ااه اهلا ا.. رعد: رعد انا: اوكي رعد اوى نخليك دبا رعد: نقدرو نفطرو بجوج انا: مرة اخرى ان شاء الله بسلامة رعد: (بخيبة امل) اوكي.... رجعت للدار دوشت وجدت فطوري كليت حتى شبعت جمعت الدار بالزربة وبديت قرايتي... داز شهر ووصلو الامتحانات دوزتهوم مزيان حمد الله.. اخر نهار غير ساليت مشيت للدار طحت نعست #رعد رجعت كل نهار كندير الرياضة.. وليت كنبغيها بزاف كلشي لاحظ تغيير ديالي حيت رجعت مكالمي بزاف وغير كنضحك مع الناس.... كنراقبها من بعيد وهي كدير الرياضة معاودتش شفت معاها شي ولد وهادشي زاد فرحني وريحني اليوم كنظن اخر نهار عندها فالامتحانات باينة بلي عيات بزاف.. بقيت جالس قدام مدرستها عرفت بلي كتقرا التصميم فرحت حيت بالنسبة ليا التصميم اكثر حاجة تقدر تجي معاها حيت هي انثى رقيقة وهادشي زادها رقة فاش كنشوفها وهي جالسة فالبالكون كترسم وشعرها كيتطاير مع الريح كنزيد نتغرم بيها... مزال معجب فراسي كيفاش ممشيتش هضرت معاها وصارحتها... يمكن حيت هي مختالفة على بنات اليوم.. كنحس بلي موراها شي سر وباغي نكتاشو... شفتها خارجة بابتسامتها المعهودة خدات طاكسي وصلات للدار اطمأنيت عليها... عاد مشيت للشركة كملت خدمتي وانا ندوز لدارها لقيت الضو مطفي بقيت كنتسنا حتى شعل الضو وانا نخرج من الطموبيل حاضي البالكون حفظت تحركاتها باينة حبيبتي كانت ناعسة حيت عيات... شوية خارجة غير بشورط وديباردور كان ظلام الحال بقيت واقف كنشوف فيها جلسات كتجبد فالبالكون شوية جا واحد الريح خلاها تجمع يديها عندها تارتني فديك اللقطة.. دخلات وانا دخلت لطموبيلتي ياله غنديماري وانا نشوف الضو تطفا تسنيت شوية وانا نشوفها نزلات مشات غير على رجليها سديت الطموبيل وتبعتها.. بارت18 بقيت تابعها وحاس بيها عاجبها الحال حيت كانت كتستنشق الهوا بطريقه فشكل يمكن حيت سالات امتحاناتها فرحت... رجعت بحال المراهق شفتها دخلات للريسطو هاد المرة دزت من حداها شافتني وابتاسمات وحركاتلي راسها من بعيد.. مشيت لعندها رعد: اهلا سافا... مداتلي يديها سلمت عليها صوفيا: حمد الله ونتا رعد: بخير صوفيا: الى بغيتي تجلس مرحبا بيك رعد: (فرح) اه شكرا... جلس وهو يجي السرباي طلبنا داكشي لي بغينا ومشا رعد: احم نتي كتقراي صوفيا: اه مي اليوم ساليت امتحاناتي رعد: مزيان بونكوغاج صوفيا: ميرسي... شوية تيليفونها بدا كيضرب الفلاش.. سمحلي واحد الدقيقة رعد: خودي راحتك صوفيا: (بالدارجة) توحشتك😢 سيف: وناري دموعك على سبة.. حتى انا توحشتك صوفيا: عليها كتسول فيا سيف: ياك عاد البارح هضرنا صوفيا: هانتا قلتيها البااارح دونك تعطلتي سيف: واخة سمحيلي كيدوزتي صوفيا: مزيان حمد الله سيف: واش نتي فالزنقة صوفيا: اه جيت نتعشا سيف: مزيان بصحتك صوفيا: الله يعطيك الصحة احبيبي سيف: ياله نخليك دبا تال غدا صوفيا: اوكي ان شاء الله.. صيفطلو بوسة عاد قطعت هزيت راسي وانا نلقا رعد كيشوف فيا رعد: (بالدارجة) نتي مغربية صوفيا: حتى نتا مغربي متشرفين رعد: ليا الشرف.. احم هدا حبيبك صوفيا: (بابتسامة) اه😍 رعد: (تعصب) مزيان... كملنا الماكلة وهو يخلص رعد بقينا غاديين وانا حداه رعد: نقدرو نفطرو غدا صوفيا: الصمت... تقلق حيت مجاوباتوش وصلها لدارها صوفيا: (دارت لعندو) شكرا وبونوي رعد: (بابتسامة باهتة) بونوي... ركب طموبيلتو وديمارا ماوقف حتى وصل لدارو طلع لبيتو ودخل للدوش بدا كيدوش وحاسس بقلبو كيضرو حيت الانسانة الوحيدة لي قدات تملك قلبو كتبغي شخص اخر... من بعد ماكان مكيأمنش بالحب جات صوفيا غيرات نظرتو بارت19 خرج من الدوش محطم لبس شورطو وتكا بقا كيفكر فشنو يقدر يدير.. بغا يدير اي حاجة غير تخلي لاخر وتولي معاه هو... صبح الصباح فاق على تيليفونو كيصوني هزو لقا ختو ريم: خويا صباح الخير رعد: صباح النور سافا ريم: حمد الله ونتا رعد: بخير ريم: ممم خويا بغيت نقوليك شي حاجة مي متقلقش مني رعد: غير قولي ريم: احم خويا انا تعرفت على واحد ورجعت كنبغيه وحتى هو المهم من هنا 4ايام عندو عيد ميلاد وداير حفلة وبغيتك تحضر رعد: شكون هدا وشنو سميتو واش كنعرفوه ريم: صاحبك سيف رعد: وايلي واخة على داك المسخوط شحال هادي مسول فيا صافي انا اليوم ولا غدا انجي ريم: (فرحات) واخة اخويا... قطع معاها وناض دوش ولبس حوايجو.. جمع حوايجو ونزل فطر وهو يخرج شد الطريق لدار صوفيا شافها فالبالكون كترسم تبسم وخداليها تصويرة وهو يمشي قطع البيي ديال الطيارة.. من بعد ساعة ركب وخلا قلبو وعقلو هنا مي ضروري يمشي يشوف ختو ويطمأن عليها.. #صوفيا صبح الصباح فطرت وخرجت للبالكون بديت كنرسم حتى عيطلي سيف سيف: صباح الخير الزوينة انا: صباح النور سافا سيف: مزيان ونتي انا: بخير سيف: فوقاش غادي تنزلي للمغرب انا: مزال الحال على الاقل واحد شهرين سيف: (بحزن) علاش انا: مزال مخديت ديبلوم ديالي وخاصني نكون مستاعدة نفسانيا انني نزل سيف: اوكي ختي ديري لي عجبك.. اوى نخليك دبا انا: اوكي بسلامة... قطعت وبديت كنضحك على المسطي لي سحابلو نسيت عيد ميلادو.. كملت رسمي وخرجت تغديت رجعت وبديت كندرب على واحد الاغنية دات مني 3ايام ياله تقنتها ودبا انا فطيارة غادا عند حبيبي سيف... وصلت للمطار لقيت ماما وبابا كيتسناوني شفتهم ومشيت كنجري عندهم ماما: (عنقاتني) توحشتك ابنتي بابا: (عنقني) توحشتك انا: (شفت فيهم) توحشتكوم بزاف ماما: حتى حنا ابنتي وكبرتي تبارك الله بابا: (جر حوايجي) ياله زيدو نمشيو راه خوك طالعلو الدم حيت مغاديش تحضري... ركبت الطموبيل غادا وحاسة بقلبي كيضرني بارت20 قلبي كيضرني علاش لا وهاد البلاد شهدات على حبي مع اناس وانا دبا متاجهة للمدينة فاش مدفون الرباط.. معرفتش علاش خويا بغا يدير عيد ميلادو تما وحنا ساكنين فكازا كمدتها فقلبي ومشينا وصلنا مع 8 دالليل.. دخلت من باب الكوزينة لي كاين فالجردة توجهت نيشان لبيتو حطيت باليزتي وهزيت كسوة بيضة طويلة لبستها جمعت شعري ودرت مكياج خفيف ملبستش صباط خرجت بالحفا لقيت ماما كتسناني ماما: راه هضرت مع ديدجي باش يطلقليك اللحن هاكي هاهو الميكروفون ومن دبا شوية غادي يتطفا الضو وغادي يركزو الضو غير عليك انا: واخة.. #رعد وصلت للمغرب لقيت طموبيل كتسناني مشيت نيشان للدار لقيت ختي كتعشا وكتحابليا فالتليفون جيت من موراها وانا نخلعها ريم: (شدات قلبها) افف حرام عليك خلعتيني رعد: هههه الخايبة اش كديري ريم: (عنقاتو) كنتعشا علاش معلمتينيش كون جيت استقبلتك رعد: ماشي مشكل اوى هانا كنسمع ريم: (توترات) دبا اخويا نتا كتعرف سيف رعد: (داير يدو على خدو) وي كنعرفو ريم: المهم هادي فترة وحنا كنهضرو الصراحة رجعت كنبغيه وحتى هو رعد: اوى ريم؛ قلتهاليك باش تهضرو نتوما بيناتكم رعد: اوكي قوليلو نتغداو مجموعين غدا ريم: (بفرح) اوكي... هضرات معاه ووافق طلعات لبيتها كتنقز بالفرحة وعلاش لا وهي قريب غادي تجمع بشخص كتحماق عليه.. نعسات والابتسامة على وجهها رعد دخل لبيتو بدل حوايجو تكا وجبد تيليفونو كيتفرج فتصاورها حتى نعس..... صبح الصباح فطرو ومشا معاها للشركة ومنها يشوف اش طاري وصلات وقيتة دالغدا وهما يمشيو للريسطو لي متافقين عليه دخلو ولقاو سيف جالس كيتسناهم.. بارت21 سيف: سلام مرحبا بيكم رعد: (سلم عليه بالوجه) اش هاد الغبور اصاحبي.. مابقيتي كتسول سيف: غير فهاد الدنيا ومشاكلها ونمرتك مشاتلي والله رعد: ماشي مشكل... جلسو كيتعاودو وهضرو على يامتهم وريم حداهم غطير بالفرحة حيت شافت خوها وحبيبها متفاهمين سيف: اوى راك معروض داير حفلة عيد ميلاد فالرباط رعد: واخة ان شاء الله... تسالمو ومشاو... دازت 3ايام بسرعة وهاهو كيتواجد بالرباط مع ختو لي لابسة كسوة قصيرة فالحمر دخلو وهو يتلقالهم سيف كيرحب بيهم.. بعد مدة شفت والدين سيف جاو عندو سيف: (سلم عليهم) كيدرتو مع الطريق اب سيف: مزيان حمد الله سيف: كنعرفكم هدا رعد وهادي ختو ريم لي قريبا غادي تولي خطيبة ولدكم... الاب والام شافو فبعضياتهم ام سيف: وصوفيا سيف: (بعدها عليهم) غادي نهضر معاها متخافيش انا عارف كيندير نتعامل معاها.... رعد غير سمع سمية صوفيا بقا قلبو كيضرب شاف فختو لقاها حابسة البكية رعد: ختي مالك ريم: والو رعد: عادي هادشي يوقع هوما مكيعرفوكش واي والدين كيبغيو يزوجو ولدهم لشي بنت عاجباهم هما ريم: الى خلاني غادي نموت اخويا رعد: ششش انا معاك ونتي غادي تزوجي سيف ريم: ان شاء الله... رجع عندهم سيف مي مزعموش يسولوه وريم قالت حتى لغدا وتسولو ريم: سيف مالك شفتك مقلق سيف: لا والو.. جالس كيقلب بعينيه ياكما جات مي والو معجبوش الحال بنتو تنسا عيد ميلادو حتى من التليفون معيطاتش... شوية وهو يتطفا الضو وتطلق لحن اغنية sia- cheap thrills وتشعل فبلاصة وحدة لي هي الدروج وبدات صوفيا بالغناء صوت قوي كيشبه للمغنية سيا خوها شافها فرح وبدا كيضحك مقدرش يصبر حتى تكمل غير هبطات من الدروج عنقها من اللور وحشا وجهو فعنقها مخبي دموعو وخا حسات بيه حيت عنقها عمر بدموعو قوات راسها وكملات... اما هو كان عارف علاش ضعف وبكا اول حاجة حيت عرف بلي تعدبات باش تتقن الاغنية لي gاع الموجودين استغربو فيها حيت كانت اغنية جديدة كانو مولفينها تغني اغاني لي من صغرها وهي تغنيهم مي دبا ختارت اغنية جديدة مستغربين كيدارت تقناتها وبقا فيهم سيف فاش شافوه هكاك حيت تاهما حسو بيه وعرفو شحال صوفيا كتبغي خوها مدام دارت المخاطرة الا انها نجحات فيها... gاع الحضور كيعرفو هاد الثنائي والصعاب لي واجهوها بالاخص صوفيا.. البعض نزلو دموعو بدون مايحس وصلهم احساسها ولحمهم تبورش... واليديهم دموعهم كانو سبقو الحضور... الا رعد وريم لي شافو داك المنظر قلبهم تهز من بلاصتو... شافت حبيبها معنق وحدة وهي حاطة يديها على يديه لي محاوطين خصرها... اما رعد قلبو ضرو فاش شاف حبيبتو فاحضان شخص اخر مي دغيا نسا فاش عرف بلي داك الشخص هو سيف حبيب اختو وتفكر هضرة ماماه فاش قاتلو وصوفيا... شاف ختو لقا دموعها نزلو بارت22 كملات اغنيتها كلشي جا كيسلم عليها ويبوسها فرحانين بيها وسيف شبك يديه مع يد ختو والضحكة وصلاتلو لودنيه.. شير بيديه وهوما يجيو 4اشخاص هازين منصة صغيرة حطوها وسط الناس جر ختو من يديها وقفها من فوقها وهي مستغربة تطلق لحن اغنية اخرى ولي غير حسات بيه فرحات وبدات كضحك..wicked game - james vincent McMorrow خدا الميكروفون وطلع معاها فالمنصة حاوط خصرها وبداو كيغنيو اغنيتهم المفضلة تحت انظار الحاضرين.. رعد تعصب وعينيه رجعو حومر وهو كيشوف فيديه محاوطين خصر حبيبتو.. كملات الاغنية تحت تصفيقات الحاضرين جات الخدامة هازة صباط صوفيا خداه سيف وهبط لبسوليها... ريم مقدراتش تحبس دموعها وبدات كتبكي شافها خوها وجرها خرجها للجردة رعد: عفاك اختي براكة من البكا كنواعدك سيف غيكون ديالك بوحدك ريم: شكون هاديك غير شافها نساني رعد: مسحي دموعك وغدا غادي نصيفط هاديك منين جات نتي غير صبري وانا غادي نحل هادشي ريم: واخة... مسحات دموعها وتكالمات شوية عاد دخلو لقاوهم ياله بغاو يقطعو الحلوة بقا فيها الحال حيت مهتمش لامرها... سيف شد يد ختو وقطعو بجوج الحلوة خدا معلقة عمرها وحشاها ليها ففمها حتى وسخات فمها مسحليها وهو يبوسها فحنكها وهي فرحانة حدا خوها لي عارفاه كيدير المستحيل باش يشوف ضحكتها... شدو طبسيل واحد وبداو كيوكلو بعضياتهم والناس كيبتاسمو حيت علاقتهم فشكل ماشي بحال اي اخت واخ... كملات السهرة وهو بجنب ختو حبيبتو ودعو الناس بقاو هما وريم ورعد اما والديه مشاو رجعو حيت عندهم الخدمة بكري.... سيف نتابه لريم مقلقة سيف: ريم مالك... جات تجاوبو مي قاطعاتهم صوفيا لي جات كتجري تعلقات فخوها صوفيا: جاني النعاس سيف: اوكي.. تصبحو على خير حتى الغدا ونهضرو.... طلع وصوفيا حاطة راسها على كتفو وخلا بركان شاعل لتحت رعد: ياله نمشيو من هنا ريم: لا عفاك هئ هئ خليني نتسنا تال غدا ونهضر معاه ميمكنش يكون كدب عليا رعد: (تنهد) زيدي طلعي لبيتك.... طلعو وكل واحد دخل لبيت... ريم نعسات ودموعها على خدها اما رعد ممتيقش داكشي لي شاف بعينيه حلف النعاس مايجيه وهو ينوض بدا كيقلب البيوت فين غتكون ناعسة ملقاش بقات بيت وحدة ديال سيف حلها بشوية وهو يتصدم بداك المنظر... بارت23 دخل وهو يلقاها ناعسة غير بشورط قصير وسوتيانات سد الباب ومعنقه سيف رجع لبيتو غادي يطرطق بالاعصاب.. وبدا كيتحلف عليها وعوال يدوقها من هادشي لي داق منو..... صبح الصباح فاق سيف لقا ختو لايحا عليه يديها ورجليها بدا كيضحك وهي طيحلو فكرة فراسو ناض لاحها فوق كتفو وهبط كيجري كانت ريم ورعد جالسين فالبالكون كيهضرو وتيحاول يهدن ختو حتى شافوهم فالجردة وسيف كيجري وكيضحك وصوفيا مزال ناعسة.... وصل سيف لابسين وهو يتسوطا.. فاقت صوفيا مخلوعة صوفيا: (شادة قلبها) واش باغي تقتلني سيف: هههه غير فيقتك صوفيا: (عصبها وطارت عليه بدات كتنتف) مك نتا شي نهار غادي تقتلني سيف: (شد يديها وقابلها معاه) تهدني ونتي باغية ترجعيني قرع صافي سمحيلي صوفيا: غير جيتيني عزيز اما ناكلك سيف: هههه عارف صوفيا: ياله بغيت نعوم فوق ظهرك سيف: لا نتي زدتي فيه يشوفنا شي حد يسحابلو العشق الممنوع صوفيا: غادي تعطيني ظهرك ولا نوريك سيف: صافي هاهيا... دار وهي تعلقات فظهرو بدا كيعوم وهي ترخات حتى نعسات.. حس بيها سيف عرفها نعسات حيت ماشي اول مرة حاول يقلبها عندو غير بشوية وداكشي لي كان لاحها فوق كتفو وخرج من لبيسين طلعو للبيت ودخلها للدوش سيف: حبببتي براكة من النعاس ونوضي دوشي باش نفطرو صوفيا: (بصوت ناعس) اوكي... مشا هو لدوش اخر وهي ناضت دوشات نزلو دموعها بدون متحس كملات وخرجات لبسات سروال مع بودي فالكحل دخل خوها لابس كيطمتو سيف: (كيشوف فعينيها الحومر) مالك صوفيا؛ بغيت نمشي نزورو سيف: من الاحسن بلاش صوفيا: عفاااك والله حتى ندير عقلي😢😢 سيف؛ (تنهد) صافي وخا ياله نفطرو ونمشيو صوفيا: اوكي... رعد فاش شافهم هكاك زاد تعصب وتحلف عليهم بجوج هبطو لقاو الطبلة دالفطور واجدة جلسو شوية نزل سيف وصوفيا لي مزاجها تقلب بالزربة وعينيها حومر جلس سيف وكانت غادا تجلس فالكرسي وهو يجرها جلسها فوق رجليه رعد زير على يديه باش ميديرش شي حاجة بارت24 هز راسو سيف لقا ريم عينيها حومر عاد تفكر بلي معرفهومش على صوفيا واكيد فهمات غلط سيف: (دور وجه صوفيا عندو) كنعرفك هدا صاحبي رعد وهادي ختو ريم صحابي صوفيا: (شافت فيهم وبابتسامة باهتة) متشرفين.. محققاتش فرعد قالت جملتها وحدرات عينيها حابسة دموعها سيف: وهادي.. قاطعو صونيط تيليفون... سمحولي واحد الدقيقة..... ناض وجلس صوفيا فبلاصتو ريم: (بعصبية) شكون نتي صوفيا: الصمت ريم: اديك الحمارة اش باغا من خطيبي رعد: كنظن مشيتي بعيد وحدة بحالك غير سرباية باغية رجل اعمال كبير ريم: هادي سرباية رعد: اه خدامة فكندا واحد النهار مشيت لتما وشفتها وعقلت عليها ريم: باينة عليك عاهرة ولقيتي سيف ضريف وبغيتي تزربي عليه مي والله مانخليك ليه... دخل سيف وهما يسكتو شاف ختو لقا دموعها نازلين سيف: ششش براكة من البكا صوفيا: (وقفات) انا كنتسناك سربي... خرجات كتجري ركبات فالطموبيل اللور ودارت السمطة مسحات دموعها وشادة قلبها سيف: انا خارج شوية ونرجع ريم: نمشيو معاك سيف: غادي غير للمقبرة ريم: بغيت نمشي سيف: اوكي زيدو... مشا ركب سيف وحداه رعد مستغرب فاش شافها جالسة اللور وريم جلسات حداها... ديمارا وبقاو غاديين حتى حبس وهبط من بعد دقائق رجع فيديه بوكي دالورد بالحمر والبيض مدو لصوفيا لي غير شداتو دموعها نزلو بقات كتشوف فيها ريم باستغراب وغيرة فنفس الوقت.. شوية وهما يوصلو صوفيا: غادي ندخل بوحدي سيف: (دار لعندها) خليني نمشي معاك صوفيا: لا بغيت نبقا بوحدي... هبطات وبقا متبعها بعينيه ريم: (بعصبية) سيف شكون هادي سيف: سمحولي مع التلفة نسيت هادي ختي صوفيا... ريم ورعد تصدمو نزل سيف يشوف ختو وهما يتبعوه مصدومين رعد: (فخاطرو) الحمد لله صدقات ختو الحمد لله مي خاصني نعتادر منها على داكشي لي قلت وجرحتها ريم: (فخاطرها) نااري ويعرف اش قلت لختو يخليني مافيهاش... صوفيا دخلات للقبور قلبها تزير عليها... بارت25 #صوفيا وصلت لقبر حبيبي نزلو دموعي.. جلست بجنبو انا: (كنحط وردة بوردة فوق قبرو) حبيبي اناس هاهو الورد لي عزيز عليك جبتوليك... توحشتك بزاف 😢😢😢... علاش مشيتي وخليتيني علاااش.. فقدات السيطرة على راسها وبدات تبكي وتغوت... رججع عفاك رجع متخلينيش تعدبت بما فيه الكفاية مبقيتش قادة نتحمل... طاحت على قبرو كتبكي وتغوت وهي معنقا ترابو.... جا سيف كيجري سيف: (جرها لعندو كيمسحليها دموعها) حبيبتي براكة من البكا راك كتعدبيه هكا انا: توحشتو هئ هئ بغيت نموت ونتبعو سيف: ولمن تخليني انا.. ياله نوضي عفاك اختي... حاول يهزها مي بالاعصاب غلباتو ومقدرش عليها بوحدو شير لرعد لي جا كيجري مصدوم اول مرة يشوفها هكا كتبكي بحرقة... شدوها بجوج وهي كتركل وتغوت حتى سخفاتليهوم بين يديهم... هزها سيف وخرج كيجري ركب حداها ورعد مشا ساg بسرعة للكلينيك... دخلوها نيشان عند الطبيب كيفحصها وخرجو كيتسناوها ريم: (بخوف) مالها شنو وقعليها سيف: من بعد مافيا لي يهضر دبا... بقا كيدور وشاد راسو خايف تأزم مرة اخرى خرج الطبيب مشا كيجري لعندو سيف: كيبقات الطبيب: عطيناها ابرة مهدئة دبا راه مزيان مي نفسيتها محطمة حاول ديرليها داكشي لي كيعجبها باش تخرجها من هاد الحالة سيف: واخة نقدر ندخل عندها الطبيب: وي تفضل وغير يسالي السيروم تقدر تخرجها سيف: اوكي شكرا... دخل عندها لقاها متكية تبعاتو ريم ورعد لي حاس بقلبو شاعلة فيه العافية منين شافها بهاد الحالة.. سيف: (باسها فراسها وهي تحل عينيها) كيبقيتي احبيبتي صوفيا: بغيت نخرج ديني للفيرمة سيف: لا مغنديكش صوفيا: 😢😢😢 هئ هئ سيف: (تنهد) صافي براكة غادي نديك صوفيا: عنقني... عنقها وزير عليها... عنداك تخليني حتى نتا الى مشيتي غادي نموت😢 سيف: (تقابل مع وجهها) مغاديش نخليك نتي روحي وحياتي ماشي غير ختي نتي راك بنتي منقدرش نخليك هادشي دخليه فراسك صوفيا: (حشات وجهها فعنقو) كنبغيك... بقا كيدوز يديه على شعرها حتى نعسات قادها فبلاصتها سيف: غادي نمشي للفيرمة الى بغيتو تمشيو معانا ياله رعد: اه نمشيو سيف: مم خاصني نجيب حوايجها مي مبغيتش نخليها بوحدها رعد: سير نتا وريم وانا نبقى معاها حتى تجي ريم: اه وانا انجيبلك حوايجك معايا سيف: اوكي عفاك الى كانت شي حاجة عيطلي رعد: اوكي.. بارت26 خرجو وهو جلس فالكرسي لي حداها شد يديها باسها بوسة طويلة وحطها على وجهو رعد: (تنهد) نتمنى تسمحيلي على ديك الهضرة لي قتليك... عرفتي فرحت بزاف حيت صدق سيف خوك وكنظن هو لي كان معاك فكندا حيت نفس الفورما ديالو لي شفت معاك... (حط يديها على قلبو) افف على راحة كنحس بيها دبا مي لي مقلقني ومشوشني شنو وقعليك وشكون هداك لي زرتيه ودرتي هاد الحالة كاملة... تنهد ووقف حدر عندها صراع عندو لداخل وصل حتى لفمها وهو يعاود يوقف خاف.. جا يبعد معرف كيدار حتى لقا شفتيه ملاصقين مع دياولها... بقا كيبوس فيها ويتلذذ بمذاق شفتيها حس بيها تحركات وهو يوقف بالزربة وخرج وقف قدام الباب حاط يديه على قلبو لي تسارعات دقاتو... حس بحال الى اول مرة يبوس شي وحدة بدا كيبتاسم.... حس براسو رتاح وهو يدخل لقاها كتحاول توقف قرب لعندها شدها انا: (شافت فيه) اش كدير هنا رعد: (كيبتاسم) انا صاحب خوك راه فطرنا مجموعين.. سيف مشا يجيب حوايجك باش تمشيو للفيرمة انا: بالصح😍😍 رعد: (عجبو الحال فاش شافها فرحانة) اه واش بغيتي دخلي للطواليط انا: اه... هزها بدون ميتكلم دخلها وخرج كيتسناها برا... دخلت قضيت حاجتي وكنفكر فرعد معرفتش علاش تار انتباهي يمكن بتصرفاتو رغم كلامو القليل مي فيه شي حاجة فشكل.. كملت وخرجت لقيتو كيتسناني شديت فيديه وتسندت عليه حطني فالناموسية وغطاني رعد: ارتاحيتي شوية انا: اه الحمد الله عفاك عيط لسيف شوف فين تعطل رعد: علاش واش باغا شي حاجة انا: بغيتو هو علاش مشا وخلاني سيف: (دخل) وانا نقدر نخليك انا: (شفت معاه ريم وتقلقت) بغيت نهضر معاك.. خرج رعد وريم سيف: مالك انا: اش كنتي كدير مع هديك😢😢 سيف: غير مشات تجيب حوايجها وحوايج خوها من الفيلا انا: ممم واخة سيف: يخليلي المغيارة ديالي اجي نبدليك باش نمشيو انا: واخة... لبسني شورط دجين مع اكس كحلة وبلغينة كحلة طلقلي شعري جمع داكشي فالبلاستيكة وهزني لويت رجلي عليه حطيت راسي على كتفو سيف: مشينا رعد: (كيشوف فصوفيا معجبوش الحال فاش لبسات القصير وتعصب حيت سيف شافها عريانة) اوكي سيف: رعد نتا لي غادي تسوg وانا غانوريك الطريق رعد واخة... هبطو ركب سيف وصوفيا اللور ورعد وختو القدام... حطيت راسي على رجلين سيف ونعست... بارت27 بقا رعد غادي ومرة مرة كيشوفها من المراية مكرهش يكون بلاصة سيف وتكون هي متكية على رجليه وهو لي كيلعبليها بشعرها... وصلو لمحطة استراحة فاقت وهي تجلس سيف: بغيتي نجيبليك شي حاجة انا: بغيت الشكلاط سيف: واخة... خرج سيف وبقا رعد وريم فالطموبيل ريم: (مقداتش دور عندها) كنتمنى تسمحيلي اختي على ديك الهضرة لي قتليك والله ماقصدت... حليت الباب وخرجت بديت كنشم فالهوا.. طلقت رجلي شويا...... سيف رجع ملقاش ختو سيف: فين صوفيا ريم: كانت واقفة حدا الطموبيل ياكما مشات للحمام.. سيف حط داكشي ونزل كيقلب وهبط معاه رعد كيقلبو كل واحد مشا لجهة...... رعد قشعها جاية كتجري مشا كيجري لعندها لقا 2كلاب تابعينها غير شافتو تلاحت تعلقات فيه وهي كترعد.. رعد جرا على الكلاب وزير عليها رعد: تهدني صافي راه مشاو... بقات كترعد وقلباتها بكا ومزيرة عليه.. عجبو الحال زير عليها وراجع بيها للطموبيل... شافها سيف جا كيجري خداها من عندو سيف: مالها شنو وقعليها رعد: كانو تابعينها الكلاب سيف: شيييت عفاك عطيني قرعة دالما... مشا جابهالو وصوفيا مزال كترعد بين يديه خدا الما غسليها وجهها وشربها الما سيف: (قابلها مع وجهو) تهدني احبيبتي صافي راه مبقاوش صوفيا: دخلني للطموبيل.. هزها دخلها وجلس حداها حشاها فيه وبقا كيدوز يديه على شعرها حتى نعسات رعد: (كيسوg شافها نعسات) سيف شنو وقعليها سيف: (تنهد) هي عندها فوبيا من الكلاب.. حيت واحد النهار تعرضوليها شي 4 دالكلاب وعضوها كون ماشي واحد الولد لي نقذها كون قتلوها ومن تما تكونات الفوبيا رعد: (بحزن) اه اوكي... غير وصلو للفيرمة صوفيا حلات عينيها وقلبها كيضرب بالجهد حاسة بالفرحة غير حبسات الطموبيل نزلت بالجرا دخلت للدار انا: (كنغوت) دادا فاطمة فيينك دادا: (خرجات شافتها وجات بالزربة) مرحبا ببنتي توحشتك بزااف انا: حتى انا... عنقتها وبستليها يديها... كيجيتك كبرت ياك.. وبديت كندور دادا: (شداتني) كبرتي وزيانيتي تبارك الله عليك انا: ههههه الله يخليك ليا ادادا نتي لي كترفعيلي المعناويات سيف: (جبدها لعندو ومعنقها) وانا كنهبطهومليك انا: نتا راك الحب.. ياله انا طالعة نبدل حوايجي سيف: (تنهد) اوكي.... بارت28 هزيت باليزتي وطلعت لبست سروال مع تيشورت فالبيض وكونفيرس بيضة هزيت صكادو حطيت فيه فيستة سخونة نزلت للكوزينة هزيت اندومي حطيتو فصاكادو وخرجت ريم: (من موراها) صوفيا سمحيلي والله😔😔... خرجت مشيت نيشان للاسطبل دزت عند حصاني حبيبي انا: (كندوز يدي على وجهو) توحشتك... #رعد جالس فالجردة وكيفكر كيفاش غادي يعتاذر منها حتى جات ختو مقلقة رعد: ماالك ريم: عاودت طلبت منها السماحة مي مداتهاش فيا رعد: عادي راه جرحناها ريم: 😢😢😢😢 سيف: (شافها كتبكي وجا لعندها) رييم ماالك ريم: سيف غادي نقوليك واحد الحاجة مي متقلقش مني عفااك سيف: (شد يديها) مغاديش نتقلق غير سكتي وهضري ريم: انا عايرت ختك سيف: (طلق يديها) علاااش ريم: والله فاللول مسحابلي ختك فاش كنتي باغي تعرفنا عليها مشيتي تهضر فالتيليفون قبل مانعرفها شكون وقتليها شكون نتي وشنو باغا من حبيبي سيف رعد: (حدر راسو) حتى انا عايرتها حيت فايت شايفها فواحد الريسطو فكندا كتسربي الناس وقتليها بلي نتي غير سرباية وراك عارف ريم: ودبا طلبت منها السماحة مداتهاش فيا ومشات سيف: (دوز يديه على راسو) غير بلا ماتعاودي طلبي منها السماحة حيت هي اصلا مشافتكش فاش عايرتيها ومشافتكش فاش اعتادرتي منها ريم: مي راه كانت حدايا سيف: (تنهد) صوفيا مكتسمعش رعد: (تصدم) كيفااااش سيف: ختي وقعاتليها حادثة وفقدات السمع يعني الى مكانتش كتشوف فوجهك مغاتعرفش شنو كتقولي حيت هي كتقرا ليبسينغ (الشفايف) ريم: (دارت يديها على فمها) نقدر نعرف شنو وقعليها..... شافو صوفيا خارجة من الاسطبل راكبة الخيل لي غادي كيجري وشعرها طاير بالريح والضحكة مرسومة على وجهها شافت خوها صوفيا: (كتهضر بالحركات) انا غادا لمكاني المفضل سيف: (حرك غير شفايفو) اوكي حبيبتي حضي راسك صوفيا: متخافش.... انطلقت وخلات رعد مزال ممتيق عاد بدا كيتذكر فاش كيهضر معاها وهي مكتشوفش فيه مكانتش كتجاوبو رعد: عفاك عاودلينا شنو وقعليها سيف: (تنهد) اوكي.. بارت29 سيف: قصة ختي بدات مع الكلاب لي قتليك عضوها نقذها واحد سميتو اناس... كانت ديك الساعة عندها 16 عام داها للكلينيك... كيفما كان كيقول ختك سحراتني من اول نظرة هههه خليوني نكمل ليكم وبلا دوك شوفات.. المهم تما تكونات علاقة صداقة بيناتهم كانت عندو 23 عام.. تحولات قصتهم لقصة حب كان كيبغيها وكيحماق عليها وحتى هي كانت كتبغيه علاقتهم كنت على علم بيها.. لي زوين انه كان كيشجعها تقرا وكيعاونها ويلا جابت خايب كان كيدابز معاها عاونها حتى شدات الباك ديالها وجا خطبها كبر فعيني بزاف... كانت فرحانة ومعولين حتى تكمل قرايتها عاد يتزوجو... داز عام على خطوبتهم كلها حب وعشق واحترام خداليها طموبيل كادو فعيد ميلادها وهو لي تكلف بتعليمها السوgان حتى لنهار لي غادي يتقلب كلشي... كانو خارجين وعطاها تسوg ضاحكين وناشطين حتى خرجات فطريقهم طموبيل جات تهرب منها مي فقدات السيطرة ودارو كسيدة تما فين فقدات السمع ريم: واش خلاها حيت مابقاتش كتسمع سيف: اكيد لا انا متأكد مكانش غادي يخليها مي هو مات فديك الكسيدة الله يرحمو.. هو لي زارت هاد الصباح فالقبور ريم: (دموعها نزلو) الله يرحمو بقات فيا بزاف سيف: المكتاب هو هذا عاشت فصدمة لمدة عام غير سادة عليها وكتبكي.. فاش كتهرب من الدار ومكنلقاوهاش كنمشي للقبور كنلقاها كتبكي حداه... كان حلمو انها تولي مصممة ازياء وبزز باش قنعتها مي ختارت تبعد من هنا... خلا فيها عادات زوينة الله يرحمو... لي اولهم الاعتماد على النفس داكشي علاش فاش سافرات مبغاتش نصرفو عليها وخدمات فريسطو وكتصرف على راسها... من بعد 4سنين مازال منساتو ومزال كتبغيه بقات وفية ليه... ريم: الله يصبرها سيف: اميين... غادي نطلب منك طلب اريم ريم: شنو سيف: مبغيتش صوفيا تعرف بعلاقتنا.. هي متعلقة بيا بزاف ويلا عرفات بلي انا داير علاقة نخاف دير شي حاجة فراسها ويلا سمعتي ديك المرة ماما فاش عرفاتني كنبغيك سولاتني على صوفيا... حيت عارفين شحال متعلقة بيا وكتغير عليا... غير قبيلة فالكلينيك تقلقات فاش جينا انا وياك كتحس بلي الى مشيت بغيت شي وحدة غادي نبعد عليها ونساها... عطيني شوية دالوقت نحاول نهضر معاها ونفهمها ريم: ماشي مشكل انا غادي نصبر سيف: (باسليها يديها) الله يخليك ليا بارت30 ريم: فين مشات دبا سيف: لاكثر مكان كترتاح فيه فالليل غادي ترجع نخليكم دبا نطلع ندوش ونزل ريم: اوكي.. رعد بقا ساكت ومصدوم ممتيقش هادشي لي سمع لاحظات ريم هادشي وهي تقرب منو ريم: خويا مالك رعد: احم مغاديش نخبع عليك مي انا كنبغي صوفيا من اول مرة شفتها فريسطو دبا كتر من شهر ريم: (تصدمات) واش كتهضر بالصح رعد: اه جاتني مختالفة على البنات لاخرين كتحسي بلي مزال بريئة ريم: واش بالصح كتبغيها ولا غير عجباتك رعد: متأكد بلي كنبغيها فوقما كنشوفها قلبي كيبدا يضرب وكنحس براسي فرحان لدرجة كنت غنقتل سيف واحد النهار شفتو معاها فكندا ريم: اه بالصح كان مشا عندها هادي شهر دبا... اش غنقوليك اخويا الله يصبرك #صوفيا بقيت غادا وحصاني كيجري حتى وصلت لكوخ صغير بالخشب هبطت وربطتو غير دخلت ضرباتني ريحتو مزال المكان كيفما خليناه... نزلات دمعة من عيني مسحتها بالزربة سديت الباب حطيت صكادو ديالي وبديت كنحيد الغطاوات على لي فوتوي ولي طابلو حطيتهم فالجنب... جبدت الصباغة حطيتها قدامي وهزيت طابلو وبديت نرسم... رسمت حبيبي اناس بديك الابتسامة لي كتسطيني بقيت معاها حتى كملتها كرشي بدات كتشطح بالجوع.. وجدت اندومي بالزربة.. حطيتو حدايا كناكل وكنتأمل فحبيبي درتليها الفينيسيو خليتها كتنشف ودخلت لواحد البيت صغيرة حليت واحد الماريو هزيت قاميجتو لبستها ودرت البارفان ديالو هزيت تصاورنا بقيت كنتفرج فيهم وانا جالسة على الناموسية حتى داتني عيني.. #رعد بقا كيفكر فهادشي حتى جا سيف جلسو كيهضرو وكل مرة كيشوف الساعة وصلات 10 دالليل وظلام الحال رعد: سيف ماشي ختك تعطلات سيف: دبا شوية تلقاوها راجعة رعد: (الله يصبرني) اوكي... بقاو جالسين وصلات 11 وهو ينوض سيف سيف: انا غادي نمشي نشوف صوفيا رعد: نمشي معاك سيف: اوكي ياله ريم: ديوني معاكم مليت سيف: هههه اوكي زيدي.. بارت31 ركبو الاحصنة وريم ركبات مع سيف ومشاو وصلو للكوخ لقاو الحصان مزال مربوط ربطو حداه دوك جوج وهز سيف سوارت حل الباب ودخلو ورعد عينيه كيدورو فالمكان كان عامر بالتصاور وطابلويات.. لقا نفس الشخص مرسوم مي كل مرة وشكل عرف بلي هدا حبيبها تعصب ومكرهش يكون حي ويقتلو.... ريم شافت الطابلو لي عاد رسمات ريم: شكون رسم هدا سيف: (بابتسامة) صوفيا لي رسمات هادو كاملين وباينة هدا ياله رسماتو.. هدا اناس الله يرحمو...... دخل لديك البيت الصغيرة ولقاها ناعسة وشعرها طايح على وجهها تبعو رعد وريم... لقاوها لابسة قميجة دالرجال وحداها تصاور بزاف فيهم هي وياه مرة معانقين مرة كيضحكو مرة بايسها فحنكها مرة بايساه فحنكو.. شافهم رعد غار وتعصب شافتو ريم وحسات بيه مي معندها مادير.. سيف؛ (كيدوز يديه على شعرها) عرفتي هادي نعاسها تقيل اش جا مافيقها دبا.. بقا كيحرك فيها حتى عيا وناض جاب الما رش وجهها شوية وهي تحل عينيها شافت سيف ابتاسمات وجراتو عندها عنقاتو ولاحت رجليها عليه ونعسات سيف: (كيضحك) متديوش على ختي راه ناقصها حنان ههههه ريم: ههههه مسكينة باينة كتبغيك بزاف سيف؛ ويي.. بدا كيحركها وهي تحل عينيها انا: مغاديش تهنينا وتخليني نعس سيف: الله يمسخك نوضي نمشيو للدار انا: لا بغيت نعس هنا سيف: (خنزر فيها) صوفيااا انا: وخا مسمعتكش باينة غوتي عليا طلق ديك التغوبيشة ولا غنبدا نبكي سيف: (مزال مخنزر) نوضي نمشيو انا: 😢😢 سيف: (سدليها عينيها وعاود حلهم وهو مبتاسم) صافي متبكيش انا: بغيتي نمشي هزني سيف: (وقف) لا حول ولا قوة الا بالله.. هزها وخرجها ورعد تابعهم انا: حبسس هبطني... نزلها ومشات كتجري قاست الطابلو لقاتو نشف وهي تهزو... غادي ندي هدا معايا سيف: اوكي والقميجة اتبقاي لابسها انا: (شافت فيها) ممم لا غادي نخبعها... حيداتها قدامهم ودخلات حطاتها فبلاصتها عاودات رشات البارفان وخرجات هزات صكادو جبدات منو الفيستة لبساتها... خرجو ورعد ساكت وكيشوف كيبان هادئ مي العكس الى جينا نشوفو شنو واقع غادي نلقاو بركان قريب ينفاجر بارت32 سدات صوفيا الباب وكل واحد ركب فحصانو من غير ريم لي مشات ركبات مع رعد هاد المرة... سبقاتهم صوفيا وخلات شعرها يطير شادة فالطابلو بيد كتشوف فيه وتبتاسم ريم: خويا مالك رعد: غرت من هداك لي سميتو اناس ريم: منكدبش عليك قضيتك صعيبة اخويا وباينة بلي مزال كتبغيه رعد: (تنهد) عاارف... وصلو وداو الاحصنة للاسطبل.. رعد تعكسلو الحصان وحلف مايدخل شافتو صوفيا ومشات لعندو صوفيا: (كدوز يديها على الحصان) حتى هما كيحسو ويلا تعصبتي معاهم كيتعكسوليك.. شدات يديه وحطاتها فوق الحصان وبقات كتحركها... رعد فرح وقلبو تسارعات دقاتو صوفيا: (كتشوف فيه) ياله ندخلوه دبا رعد: واخة.... جرو رعد وهي غادا بجنبو وصلوه بلاصتو وقادولو عاد خرجو رعد: (قاسها وهي دور كتشوف فيه) سافا دبا صوفيا: وي حمد الله ونتا رعد: بخير... بقات كتشوف فيه ومنتبهاتش للطريق وهي تعكل مي شدها رعد بالزربة جبدها لعندو حتى ضربات فصدرو... شميت ريحتو حمقاتني قلبي بدا كيضرب طلعت راسي لقيتو كيشوف فيا بطريقة فشكل بعدت بالزربة صوفيا: شكرا رعد؛ عادي... وصلو الدار وطلعات لبيتها بالزربة حطات الطبلو ودخلات للدوش... بدات كدوش.. جاتها الحالة وبدات تتحك... حكات مزياااان... حلات الباب ديال الدوش وبدات كتغوت لسيف حتى جا عندها.. سيف: اش بغيتي انا: اجي حكلي ظهري سيف؛ ههههه زيدي الموصيبة... كنت لابسة دوبياس عطيتو بالظهر حكلي مزيان وهو يخرج عاد بديت كنغسل شعري... سيف كان خارج وعرقان لقا رعد وريم نازلين ريم: مالك عرقان سيف: غير كنت كنحك الظهر لختي انا نمشي ندوش ونجي ريم: اوكي رعد: واش فهمت مزيان ولا غلطت.. واش بالصح دخل عندها للدوش وهي عريانة ريم: وراه خوها واصلا غتكون لابسة دوبياس واش دبا غادي تغير من خوها رعد: اففف... نزل لتحت وتبعاتو ريم كضحك على خوها اول مرة تشوفو غيران حتى نزل عندهم سيف جلسو مجمعين... صوفيا خرجات من الدوش لبسات بيجامة ولوات الفوطة على شعرها هزات مشطتها ونزلات لقاتهم جالسين مجمعين وهي تلصق فخوها لي غير شافها بغا يهرب انا: (شداتو من يدو) والله مانتفاك معاك سيف: (دار لعندها) راني عيااان انا: عفااااك.. طلقات من يديه وبدات كضرب رجليها مع الارض وكتغبن... الله يعطيك الستر ياك انا حبيبتك ومباغيش ديرلي الخاطر بارت33 ريم: هههه مالها اش بغات سيف: هانتي غتشوفي اش بغات.. زيدي جلسي للارض نتي..... صوفيا بدات كضحك هزات مخدة حطاتها فالارض وربعات فوقها جلس من موراها سيف وهو كيضحك على ختو لي مزال كتصرف بحال الى عندها 10 سنين شد الفوطة لي ملوية على شعرها حيدهاليها وبدا كيمسحو حتى نشفو شوية وخدا المشطة من عندها وبدا كيمشطو فرقوليها على جوج ودارليها 2ضفيرات كمل وهي تنوض باستو فحنكو انا: شكرا😚😚 ريم: (لقاتها كتشوف فيها) جاوك زوينين بالصحة انا: الله يعطيك الصحة بغيتي ديريهوم ريم: ههه مكرهتش مي مكنعرفش انا: (بعد تفكير مشات شداتها من يديها وجلساتها بلاصتها) سيف قاد لريم حتى هي سيف: (بصدمة) متأكدة انا: اه انا نمشي نجيب الباندات ونجي... طلعات وخلات سيف مصدوم سيف: اول مرة كدير هكا.. هي مكتحملش نقرب لشي بنت ريم: (فرحانة) يعني ارتاحت ليا سيف: ممكن... بدا كيمشط لحبيبتو وهي غطرطق بالفرحة شافها رعد وبقا كيبتاسم فرح فاش شاف ختو فرحانة.. هز راسو لقا صوفيا هابطة وهي مبتاسمة بقا متبعها... هي جات وربعات قدام ريم انا: باش كتحسي وخويا كيديرليك ضفيرات ريم: (توترت) معرفتش انا: هههه انا بعدا كنفرح واصلا حبيبي يديه حنانين.. نتي خوك مكيمشطش ليك ريم: لا مكيعرفش انا: (شافت فيه) خاصك تعلم راه البنات كيعجبهوم هادشي رعد: (بابتسامة) صافي علميني نتي انا: ههه مكنعرفش هاهو سيف يعلمك.. ناضت شداتو من يديه جراتو وجلساتو حدا سيف انا: ياله شوف وتعلم... سيف زاد تصدم فيها فاش شدات فرعد... بقاو جالسين ورعد مرة يشوف فصوفيا مرة فسيف اش كيدير سلاو وهي تعيطليهم دادا فاطمة باش يتعشاو... ناض سيف مشا يغسل يديه.. ولاخرين ناضو للطبلة لقاو كل واحد قدامو طبسيل وواحد البلاصة فيها جوج طباسل وصوفيا واقفة ريم: مالكي واقفة انا: كنتسنا سيف سيف: (جا جلس وجبدها لعندو جلسها) ختي مكتبغيش تجلس فوق الكرسي.. هاد القاعدة ولفاتها من صغرها ولحد الان مزال كديرها.. وبزااف دالحوايج منهم مشيط الشعر المهم انا معليا غير السمع والطاعة.. بارت34 ريم: هههه الله يخليكم لبعضياتكم انا: اميييين... بستو فحنكو ودرت بديت كناكل حتى شبعت وانا نوض مشيت للكوزينة خديت لكلاص دالفاني ورجعت لقيتهم مزالين كياكلو.. جلست فالصالون ودرت فيلم بالترجمة باش نفهم جاو جلسو حدايا بقينا كنتفرجو وهي دوز لقطة حميمية وانا ندير يد على عيني ويد على عينين سيف... شافها رعد بقا كيضحك وزادت حمقاتو بهاد البراءة لي فيها... شوية بدات كتفوه انا: (وقفت) تصبحو على خير سيف: (باسها فحنكها) بونوي رعد وريم: بونوي... طلعات وهوما بقاو جالسين حتى كمل الفيلم.. طلع كل واحد لبيتو ينعس... رعد بقا جالس شحال وهو ينوض مشا لبيتها حل الباب لقاها لابسة شورط ودوني وكل رجل فين مليوحة بقا كيبتاسم قرب ليها بدا كيدوز يديه على وجهها وراسها.. رعد: (تنهد) نتمنى تبغيني وخا غير شوية... تفكر سيف فاش قالو نعاسها تقيل وهو ينوض نعس حداها وجبدها لعندو... هي زادت تحشات فيه و وجهها فعنقو رعد: (قلبو كيضرب بجهد) باينة نتي غادي تسكتيلي القلب.. احح اقلبي اش هاد الزين ناعس حدايا.... قلبها وجا فوق منها بدا كيبوسها فعنقها.. انتاقل لشفتيها كلاهوم ليها... بدات كتحرك وهو يوقف.. دارت ولاحت يديها ورجلها عليه وتحشات فصدرو عنقها وزير عليها والضحكة وصلاتلو لودنيه... بقا شحال وهو معنقها حتى جاه النعاس وهو ينوض.. باسها ففمها وغطاها وهو يخرج مشا لبيتو تلاح فوق الناموسية نعس....... صبح الصباح فاقت اميرتنا صوفيا دخلات توضات وصلات صلاتها لبسات حوايجها (الصورة) دخلات عند خوها لقاتو كيدير البارفان ديالو انا: (باستو) صباح الخير سيف: صباح الورد اميرتي.. هبطو كيفطرو ورعد كيشوف فيها ويتفكر البارح ويبتاسم انا: اه خويا عاد تفكرت واش جيتي عندي فالليل سيف: لا علاش انا: اوى صافي يمكن غير كنت كنحلم حيت بحال حسيت بشي حد جا نعس حدايا سيف: ههههه نو مجيتش انا ياله تهنيت منك البارح ونعست فراحتي انا: يااااك وااخة شكرا.. دورات وجهها ودارت راسها تقلقات... ريم شافت فخوها لقاتو رجع حمر وحادر راسو عرفاتو هو.. هز راسو شاف فيها وهي تغمزو وهو يدور وجهو... سيف: (شد وجهها دورو لعندو) سمحيلي حبيبتي😚😚 انا: صافي ماشي مشكل بارت35 كملت فطوري وانا نخرج مشيت للاسطبل ركبت فوق حصاني ومشيت للكوخ وصلت ربطتو ودخلت.. حيدت حوايجي ولبست غير قميجة حبيبي وصلاتلي للفخاض... جمعت شعري بشيتة دالصباغة هزيت السيديات ودرت واحد بديت كنتفرج... فخطوبتي انا واناس دموعي نزلو فاش شفتو بديك الابتسامة الساحرة ديالو.. #رعد ريم: فين صوفيا سيف: غاتكون مشات للكوخ كدوز الوقت غير تما ريم: اه اوكي... سمعهوم رعد وناض مشا للكوخ وصل لقا الباب غير مردود دخل وهو يلقاها لابسة غير قميجة وكتفرج فالتلفزة غير شاف داكشي وهو يتعصب... لقا اناس مدور يديه على خصرها وهوما كيشطحو وقرابين لبعضياتهم مي لي زاد ازمو فاش سلاو الرقصة باسو بعضياتهم... شاف فيها لقاها كتبتاسم وشادة ففمها طاحت دمعة من عينو مسحها بالزربة شافها بدلات السيدي بقا واقف كيتفرج.. لقاهم فاش كانو فالبحر وهو هازها فظهرو وشادين السيلفي #فلاش_باك صوفيا: حياتي اناس: نعام اروح حياتك صوفيا: كتبغيني اناس: لا كنموت فيك كنعشقك كنتسطا عليك صوفيا: (باستو فحنكو) الى كنتي كتبغيني غوت دبا وقولها للناس اناس: (رجعها قدامو وهي لاوية رجليها على خصرو وبقا شاد السيلفي) كنبغيك كنموت عليك وكنتسطا عليك صوفيا: هاء gاع مقلتيها للناس اناس: نتي بالنسبة ليا كلشي.. مبقيت كنشوف حتى واحد من غيرك... انت كل الناس صوفيا: كنموت فيك.. قربات ليه وباستو ففمو #الحاضر رعد مقدرش يشوف الانسانة لي كيبغي بين احضان شخص اخر.. جا يخرج وهي دور صوفيا لقاتو صوفيا: رعد رعد: (قوى راسو ودار لعندها) وي صوفيا: واش بغيتي شي حاجة رعد: لا غير كنت دايز من هنا وشفتك قلت نسلم عليك مي شفتك مشغولة مبغيتش نزعجك صوفيا؛ لا اجي جلس الى بغيتي رعد: اوكي... ناضت هي جمعات السيديات رجعاتهم لبلاصتهم ورجعات جلسات حداه مقابلة معاه رعد: كتعرفي ترسمي صوفيا: اه بغيتي نرسمك رعد: (تصدم من سؤالها) اه واخة صوفيا: اوكي صبر نجيب الماطريال.. ناضت قدامو وهي غير بالقميجة وفخاضها كيبانو تعلات باش تجبد طابلو جديد وهو ينوض قربليها وهزو مدوليها صوفيا: (قلبها كيضرب بالجهد) شكرا.. خداتو وهزات الصباغة بقات كتقلب على الشيتة شحال وعاد تفكرات بلي دايراها فشعرها خداتها وشعرها تطلق شافها رعد هكاك وهو يعض شفايفو بارت36 دارت لقاتو هكاك سهات فيه كان كيبان سيكسي شافها ساهية وهو ينوض لعندها قربليها وشد شعرها ردو مور ودنيها.. شداتها التبوريشة وطلعات راسها شافت فيه وهي متوترة من هادشي لي كتحس بيه.. حدر لعندها حتى قرب لشفايفها هز عينو فيها لقاها مطرطقة عينيها وباين عليها التوتر... حط شفايفو على شفايفها وهو كيشوف فعينيها كانت مصدومة.. بدا كيبوس فيها وهي مزال بنفس الوضعية.. شافها هكاك ومد يديه شدها من خصرها جرها عندو وكلاها مع الحيط... بقا كيلتاهم شفتيها حتى حس بطعم مالح هز عينيه لقا دموعها نازلين بعد بالزربة رعد: سمحيلي صوفيا: (بصوت غالب عليه البكا) خرج... حدر راسو وخرج وهو كيلعن راسو حيت تسرع... #صوفيا مصدقاتش داكشي لي طرا جلسات فالارض وبقات كتبكي حتى نشفو عينيها.. ناضت غسلات وجهها وبقات كتشوف فالمراية انا: ميمكنش نكون خنت حبيبي اناس هئ هئ😢😢.. مقداش نتيق بلي درت هادشي... ضربات يديها مع المراية... جلسات فالطواليط كتبكي ويديها كتقطر بالدم.. دخل سيف يطل عليها لقاها هكاك سيف: (مخلوع) صوفيااا مالك.. هزليها راسها... ماالك اختي انا: (عنقتو) 😢😢 انااااس😢😢 سيف: (قطع تيشورت ديالو ولواها على يديها وهزها) ششش احبيبتي... ركبها فوق الحصان وطار بيها للدار وهي معنقاه وكتبكي.. وصلو وهو يشوفها رعد تزير عليه قلبو مي دغيا تحول وخاف عليها فاش شاف سيف هازها ويديها فيها الدم... دخلها سيف للصالون وطار جاب علبة الاسعافات.. بدا كيحيد الزاج لي دخليها وهي تجي ريم ورعد ريم: (مخلوعة) مالها شنو وقعليها صوفيا: (شافت رعد وزادت فالبكا) سيرو بحالكم😢.. هزات مخدة كانت حداها وهي تشير على رعد... مبغيتش نشوفكم دي خوك وسيرو عطيونا بالتيقار😢😢 سيف: سمحولي نكمليها هادشي ونجيو نهضرو ريم: اوكي... مشات وجرات خوها... درتي شي حاجة رعد: (حدر راسو) بستها ريم: واش تسطيتي نتا عارفها كتبغي واحد وبقات وفية ليه 4سنين وجيتي نتا دبا بستيها كتحس براسها خانتو.. خويا نتا غلطتي رعد: اففف ندمت والله.... كمل سيف وهو يهز ختو طلعها لبيتها حيدليها ديك القميجة ولبسها بيجامتها.. تكاها فوق الناموسية وغطاها سيف: حبيبتي قوليلي مالك انا: والو بغيت نعس سيف: واخة احبيبة رتاحي دبا وفاش يوصل وقيتة دالغدا غادي نجي نفيقك انا: واخة... خرج سيف وانا غمضت عيني تفكرت داك الموقف وهما ينزلو دموعي... بقيت كنبكي حتى نعست بارت37 #رعد بقيت جالس انا وريم فالجردة وخايف تقول شي حاجة لسيف.. الى عرف اكيد غادي يبعدها عليا.. شوية شفتو جاي قاصدنا سيف: سمحولي على تصرف صوفيا هي فاش كتعصب مكتعرفش شنو كدير ريم: ماشي مشكل.. واش قاتليك مالها سيف: لا حدها كتقول اناس.. باينة تفكرات شي حاجة ريم: ان شاء الله دبا تنسا وتكمل حياتها سيف: محاال راه 4سنين وهي كل نهار كتفكر فيه عييت معاها ووالو #صوفيا فقت شفت الساعة لقيتها 12 نزلت لتحت وشعري طايح على وجهي لي يشوفني يتخلع.. مشيت نيشان حليت غرفة الموسيقى حيدت بانطوفتي ومشيت جلست فالبيانو.... بديت عزف موسيقى《wicked game》وكنغني معاها... سمعوها وهما ينوضو طلو عليها.. رعد زادت حمقاتو بديك البيجامة فالغوز وشعرها واصل حتى لخصرها وهي مندامجة مع موسيقتها.. مي غير شاف دموعها كره راسو.... خلاوها ورجعو للجردة ريم: سيف بغيت نسولك سيف: شنو ريم: كيفاش صوفيا كتقدر تبع الريتم ديال الموسيقى فالغنا سيف: الى نتابهتي فالحفلة كانت حفيانة... حيت برجليها كتحس بالايقاع (هاد القضية راه بالصح شفتها فواحد البرنامج وحدة مرضات وتضررو الاعصاب ومبقاتش كتسمع مي كتحس بايقاع الموسيقى برجليها) وديك الاغنية لي غنات فعيد ميلادي جديدة وباينة تعدبات باش تتقنها داكشي علاش gاع لي كانو حاضرين تصدمو فاش سمعو الاغنية حيت مولفينها تغني اغاني كانت ديجا مغنياهم.... ختي تعدبات فالعام اللول حيت مكانتش كتفهمنا اش كنقولو خاصنا نكتبوليها.. وكانت كتهضر بالغوات.. فاش تخطات شوية ازمة فقدان اناس بدات كتعلم وكتحاول تضبط صوتها حتى رجعات كتهضر عادي وغير بشوية.. تعلمات تقرا ليبسينغ وحتى الحركات... هادشي درناه انا وياها.. حيت صوفيا ماشي غير ختي راها بنتي وتولدات على يدي #فلاش_باك ام صوفيا: (كتوجع) افف كنموت اييييي ربي ربي راني كنولد سربي اب صوفيا: (كيسوg) تهدني هاحنا غنوصلو سيف: ماما صبري عفاك ام صوفيا: مقدراش غادي نولد دبا اب صوفيا: ولدي متخافش وعاون ماماك حيدليها سليب ياله اولدي سيف: (بصوت مرتجف) وخا... حيدليها وهي كتعصر وتدفع حتى خرجات صوفيا وطاحت بين يدين سيف لي كان مصدوم من داكشي لي شاف مي غير شاف ختو بدا كيضحك وفرحان.. كانت ديك الساعة عندو 8سنين بارت38 #الحاضر ريم: دبا صوفيا تولدات على يديك سيف: اه داكشي علاش علاقتنا مختلفة كنحس بيها بنتي ماشي غير ختي رعد: ومكاينش امل ترجع تسمع سيف: (تنهد) نسبة نجاح العملية ضعييفة شي %10 رعد: وعلاش مجربتوش ممكن تنجحليها سيف: مبغاتش ريم: (باستغراب) علاش سيف: مدام اناس مشا من هاد الدنيا مابقالي منسمع.. هادي هي هضرتها.... رعد تعصب ومكرهش يقتل اناس للمرة الثانية.. مقدش يبقا جالس وناض رعد: نخليكوم هاد الساعة وريم امانة عندك.. غادي نزل لكازا عندي شي شغل تما سيف: اوكي غير تهنا.... طلع رعد جمع حوايجو وقبل مايمشي طل عليها وروى عينو من رؤيتها.. عاد مشا كان عيط على لي كارد دياولو جابولو طموبيلتو.... سلم على سيف وريم وهو يكسيري.... الشيطان تلف لاول مرة فحياتو.. كان اي حاجة عجباتو كياخدها مي دبا مقدرش.. عرف راسو داك الحب لي مكانش كيآمن بيه طاح فيه... مي طاح حبو على حجرة كيف كنقولو... البنت لي بغا عقلها وقلبها مع شخص اخر........ وصل لدارو معصب وغيطرطق الخدامات ولي كارد كيترعدو بالخلعة وكيطلبو يدوز هاد النهار بيخير وعلى خير...... دادا فاطمة: الغذا واجد اولدي سيف: واخة ادادا.. ريم نوضي نتغذاو ريم: واخة.... جلسو فالطبلة شوية جات صوفيا وعينيها منفوخين بالبكا جلسات على رجلين سيف وعنقاتو وبدات كتبكي عوتاني.... ريم بقات فيها وبدات حتى هي كتبكي سيف: (كيدوز يديه على ظهرها وهو يشوف حتى ريم كتبكي) حبيبتي علاش كتبكي واش دبا غادي نسكت صوفيا ولا نسكتك نتي ريم: هئ هئ بقات فيا سيف: (تنهد) هدا هو المكتاب... هز راس صوفيا وقابلها معاه كيمسح دموعها... صافي احبيبة عفاك طيبتي هاد العوينات صوفيا: (كتشهق) انا ممزياناش هئ هئ.. انا خنت اناس.... ريم تصدمات وبقات غير كتشوف وكطلب متقول والو لسيف سيف: كيفاش خنتي اناس صوفيا: (انتابهات لريم عينيها حمرين) مالك ريم: والو سيف: (دور وجهها) فاش شافتك كتبكي بقيتي فيها وبدات كتبكي حتى هي.... ناضت صوفيا عنقاتها.. صوفيا: سمحيلي على قبيلة كنت معصبة ريم: لا عادي اختي...سيف عجبو الحال.. رجعات صوفيا فين كانت وبداو كياكلو.. وصوفيا كتاكل شوية وتسها فداكشي لي وقع...... كملو غذاهم وخرجات صوفيا للجردة جلسات.. تبعاتها ريم وجلسات مقابلة معاها وشداتليها يدها.. صوفيا بقات كتشوف فيها وكتسنا تعرف اش غتقول بارت39 ريم: (شادة يدين صوفيا) احم صوفيا انا حاسة بيك من بعد مافقدتي خطيبك..حيت حتى انا فقدت والديا بجوج فنهار واحد (نزلو دموعها) كانت ديك الساعة عندي 13 عام.. جا عندي خويا محطم وعينيه منفوخين بالبكا حدر راسو وقالي اسوأ حاجة نقدر نتخيلها.. ماما وبابا ماتو.. فاللول ضربتو سحابلي كيكدب مي لا كان كيقول الحقيقة... غوت وبكيت هربت من الدار.. مي الحقيقة كتبقا حقيقة... والديا ماتو ومبقالينا حد فالدنيا من غير بعضياتنا.... من بعد عام من موتهم مشا خويا لكندا وانا بقيت فالمغرب مع الخدامة كنت كنحس بنقص وتمنيت كون كانت عندي ختي.. لي نشكيلها ونلقا الحضن لي نحط عليه راسي... وخا رعد كان كيحاول ميحسسنيش بالفرق وفوقما لقا وقت كيجي لعندي مي انا كنت ففترة المراهقة... كنت محتاجة بزااف يكون حدايا شي حد... مي صبرت وكبرت راسي براسي... وكنحاول نخبي حزني على فقدان والديا لي معشتش معاهم بزاف...........صوفيا حتى هي كانو دموعها نازلين... تلاحت عليها عنقاتها وبقاو كيبكيو.. دارو جنازة... عند سيف لي كان كيطل من البالكون وسمع داكشي لي قالت ريم.. بقا فيه الحال خلاهم كيبكيو ودخل جلس كيفكر... صوفيا: (مسحات دموعها وكتمسح لريم) من اليوم انا ختك.. صافي ريم: واخة صوفيا: ياله معايا... ناضو بجوج طلعو للبيت.. فخبارك كنت باغة يكون عندي توأم وشريت واحد اللبسة منها جوج.. وبما اننا عندنا نفس لطاي بغيت نلبسوها انا وياك ريم: هههه واخة.... جبدات الحوايج عبارة عن شورط ديال دجين فالزرق وفيه تقيطعات مع بياسة فالغوز باارد وطايحة من جهة الكتاف وكونفيرس بيضة.. جمعو شوية من شعرهم ودارو سفنجة والباقي مطلوق صوفيا: واااو جينا زوينات ريم: (كتشوف فالمراية) وي بالصح😍😍 صوفيا: ياله زيدي نخرجو ريم: فين صوفيا: مفاااجأة.... هبطو وهما يلقاو سيف جالس شافهم وهو يفرح سيف: هاي هااي اش هاد الزين صوفيا: هههه شفتي جينا زوينات سيف: وي حبيية جيتي فنيونة صوفيا: حتى ريم جات زوينة هانتا شوف سيف: هههه حتى هي زوينة.. فين غاديين صوفيا: خارجين ندورو مي خرجة ديال البنات سيف: اييه هي كتقوليلي غير سير جلس صوفيا: ههههه ويي ياله باااي.... جرات ريم ومشاو كيجريو وخلاو سيف كيضحك عليهم صوفيا: تقدري تركبي الحصان بوحدك ريم: ويي... مشاو كل وحدة ركبات على واحد... وهما يتحركو غاديين وكيغوتو ويضحكو غير بوحدهوم بارت40 ريم: واااو😍😍 صوفيا: كيجاك المكان ريم: واعر بزاف.. وحتى هاد البحيرة فنة😍 صوفيا: هذا مكاني المفضل فوقما كنحس براسي مخنوقة كنجي لهنا.. كنحس بالراحة ريم: وي عندك الحق المكان مرييح....... المكان كان عبارة عن بحيرة صغيرة ودايرا بيها شجر.. ربطو الاحصنة ومشاو جلسو قدام البحيرة.. وكل واحدة غرقات فتفكيرها حتى كسرات صوفيا الصمت صوفيا: كان كيبغيني بزاااف.. (دارت ريم شافت فيها).. كيعاملني بحال الاميرة.. كانت عندي 16 عام اول حب فحياتي... شديت الباك وجا خطبني كنا عوالين نديرو العرس من مور التخرج... كون بقا حي كون دبا راه حنا كنوجدو عرسنا.. مزال عاقلة على داك النهار مزيااااان #فلاش_باك اناس: اجي تسوgي صوفيا؛ لا بلاش خايفة غير سوg نتا اناس: (جرها من يدها) والله حتى غادي تسوgي صوفيا: (تنهدات) واخة.... ركبو وهي ديماري صوفيا اناس: (كيبوسها فعنقها) احح شحال كتحمقني ريحتك صوفيا: هههه هدا خليني نسوg اناس: (دور وجهها وباسها ففمها بوسة عنيفة) كنبغيك صوفيا: (خنزرت) واش جهلتي هْدا خليني نسوg دبا نديرو كسيدة اناس: (حاط راسو على كتفها) الى كانت الموت غتجي وانا معاك غير مرحبا بيها صوفيا: (تعصبات) متجبدش الموت على فمك ياك ديما كنقولهاليك اناس: واخة سمحيلي اخر مرة..... بقات صوفيا سايgة واناس شاد يدها كيبوس فيها وكيشوف فيها بكل حب #الحاضر صوفيا: (نزلات دمعة من عينيها) بحال الى كان حاس بلي غيموت... داك النهار دارلي gاع داكشي لي كنبغي.. ومحرمنيش حتى من بوساتو الحنان بحال الى كان كيودعني ريم: (شدات يديها) الله يرحمو.. انا متاكدة مغيكونش عاجبو الحال يشوفك هكا... دبا راه 4سنين باش مات.. خاصك تكملي حياتك... ديري عملية لودنيك وعيشي حياتك نتي مزال صغيرة.. متقتليش راسك ونتي مزال حية....... صوفيا اكتفت بالصمت ودورات وجهها وبقات كتفكر فهضرتها... رجعو للدار فالعشية بدلو حوايجهم وتجمعو على العشا سيف: حبيبتي غدا غادي نرجعو صوفيا: وخا سيف: مالك صوفيا: والو... رجعات كتكمل ماكلتها وساهية كتفكر فاناس وهضرة ريم.. بقات هكاك حتى جات صورة ديال رعد وهو كيبوسها.. غوبشات وهي تكمل ماكلتها وناضت طلعات لبيتها سيف: واش وقعات شي حاجة برة ريم: لا كنا جالسين كنهضرو ونضحكو عادي معرفتش... ولا ياكما حيت قتليها خاصها تكمل حياتها ومتبقاش تفكر فاناس بزاف.. ودير حتى العملية على ودنيها سيف: (تنهد) نتمنا...... بقاو مجمعين شوية حتى جاهم النعاس وكل واحد مشا لبيتو........ صبح الصباح ناضو جمعو حوايجهم وفطرو.. وهما يشدو الطريق.... صوفيا ركبات اللور كيف العادة وريم جلسات حدا سيف القدام... بعد مدة وصلو.. نزلات صوفيا لدارها ومشا سيف يوصل ريم...... دخلات صوفيا للدار لقات ماماها جالسة ام صوفيا: حبيبتي توحشتك صوفيا: (عنقاتها) حتى انا كيدايرا سافا ام ص: (كدوز يديها على شعرها) حمد الله ونتي بخير صوفيا: بيخير ام ص: رتاحيتي فالمزرعة صوفيا: اه بزاف ام ص: غادي تبقاي هنا ياك احبيبتي صوفيا: معرفتش ام ص: (بدات كتبكي) عفاك ابنتي بقاي حدايا راه قلبي مشوي عليك.. ومبقيتش قادرة على فراقك هئ هئ صوفيا: (بحزن) صافي اماما غنبقا غير متبكيش ام ص: (عنقاتها) الله يخليك ليا احبيبتي... (رداتها قدامها) سيري دبا احبيبة دوشي ورتاحي على مايوجد العشا صوفيا: وخا... بستها وطلعت لبيتي لقيتو كيفما خليتو... رجعت بالذكريات للوراء #فلاش_باك صوفيا: (شادة فقلبي) اويلي اش كدير هنا اناس: (شادها من خصرها) توحشت حبيبتي وجيت عندها صوفيا: سير نزل دبا يشوفك شي حد فبيتي ويخاصمو عليا اناس: عطيني بوسة ونمشي صوفيا: لا سير ياله... كندفع فيه ووالو بحال كندفع الحيط اناس: هههه دبا غير كتعدبي راسك.. مشا تكا فوق ناموسيتي.. الله على الراحة صوفيا: (كتندب) اويلي نوض نزل راه يشوفك شي حد غادي تقفار عليا اناس: وينو حبيبتي جات كيوت بالبيجامة فالغوز صوفيا: (كتجرو من يدو) نوووض.... غفلها وهو يجبدها جات طايحة عليه قلبها بسرعة وحاصرها اناس: حصلتي ههههه صوفيا: (كترمش فعينيها) بعد علياا #الحاضر طاحت دمعة من عينيها مسحاتها ودخلات دوشات ولبسات بيجامتها.. لوات شعرها غير فالفوطة... تلاحت فوق ناموسيتها... سرحات بتفكيرها وهي متكية على ظهرها حتى نعسات.. بارت42 فاقت صوفيا غسلات وجهها ونزلات لقات والديها وسيف مجمعين فالصالون.. تحشات فماماها سيف: شفتي ماماك ونسيتيني الجنية ماما: بعد من بنتي صوفيا: (زادت تحشات فيها) راني توحشتهاا بابا: وانا متوحشتنيش صوفيا: (ناضت باستو) توحشتك بزاف بزاااف بابا: هههه يخليلي القطيوطة ديالي سيف: (شير عليها بمخدة) شفتك جيتي خديتيلي بابا وماما.. زربتي عليا صوفيا: (ناضت كتجري تلاحت عليه كتنتف) ياك كنقوليك مكنحملش لي يشير عليا بالمخاد ونتا اش درتي سيف: هداي واش بغيتي ترجعيني قرع..... هكا دوزو الليلة وهما غير مناكرين.. ووالديهم فرحانين حيت شافو بنتهم الابتسامة رجعاتليها من جديد..... دازت يومين وهي تجي ريم للدار صوفيا: (عنقاتها) توحشتك ريم: حتى انا زعما الى مسولتش فيك متسوليش نتي صوفيا: راه نسيت مخديتش نمرتك ومعارفاش فين كتخدمي ريم: صافي الالة نمرتي غادي نعطيهاليك دبا وفين كنخدم ياله معايا دبا ومنها تبدلي الجو شوية صوفيا؛ (بعد تفكير) ممم اوكي تسناي نلبس ريم: (بابتسامة) اوكي كنتسناك..... طلعات صوفيا تلبس وريم بقات جالسة كتفكر كيف غادي دير وحالة خوها معجبهاش.... نزلات صوفيا وركبات اللور وريم هي لي ساgت #رعد دوز دوك الايام وهو معصب.. كلشي خايف منو ولي دار ولو غلط صغير كيقربلها عليه رعد: (زدح يديه مع البيرو حتى قفز كلشي) واش مكتفهموووش.. اشنو قتليكم هاد المشرووووع مهم بالنسبة ليااااا... ونتوما اش درتو ضيعتوه... شنو غاندير معاكم ااه.... تحل الباب وهو يهز راسو مخنزر ريم: اويلي اخويا مالك كتغوت رعد: ريم خرجي دبا قبل مانتعصب عليك حتى نتي.... شوية لمح صوفيا خارجة من موراها وهازة راسها كتكتاشف فالمكان... قلبو بدا كيضرب وخرجات ابتسامة عفوية... لاخرين بقاو كيشوفو فيه معجبين رعد: (بهدوء) خرجو دبا..... كلشي خرج وصوفيا كانت عاطياه بالظهر كتشوف فواحد المكتبة عامرة بكتب... شوية دارت شافتو وهي تخنزر بارت43 ريم: (شافتها بغات تهضر وهي تزرب عليها) اجي نسلمو على خويا وعاد نمشيو نوريك الشركة صوفيا: (حشمات) احم واخة.... رعد وقف وسد الصدفة ديال الفيست وبكل اناقة مد يديه رعد: مرحبا بيك صوفيا: (مدات يديها) ميرسي... بقا شاد يديها وكيشوف فعينيها ريم: (من مور صوفيا) وانتا طلق البنت دبا تزيد تعصبها... طلق يديها وهي تجرها ريم لعندها رعد: جلسو تشربو شي حاجة بعدا صوفيا: ل... ريم: (قاطعاتها) اه واخة.... جلسات وصوفيا حشمات من ريم وجلسات حتى هي.. عيط رعد على السكرتيرة السكرتيرة: (بخوف) نعام اسي رعد رعد: (بابتسامة) شوفي الانسات شنو بغاو يشربو السكرتيرة: (مصدومة اول مرة تشوفو كيضحك) اه واخة.. شنو بغيتو ريم: انا جيبيلي كافي كريم رعد: صوفيا شنو بغيتي صوفيا: احم شي عصير دالليمون الى كان رعد: معلوم كاين ويلا مكاينش نحضروه... ياله سيري جيبي كافي كريم و2 عصير ليمون السكرتيرة: اوكي... مشات وبقا هو كيشوف فيها وهايم فتفاصيلها.. هي منتبهاتش ليه.. ريم بقات كتشوف فخوها بقا فيها ومكرهاتش دير شي حاجة تفرحو.... جابتليهم داكشي لي طلبو... صوفيا بدات كتشرب ورعد متبع حركاتها.... غاب على العالم وبقا حاضيها كيفاش كتهضر مع ريم وضحك... سد عينيه وبقا كيسمع صوت ضحكتها.. مكرهش يسجلو ويبقا يسمعو..... رجع لوعيو فاش شافهم وقفو ريم: (باست خوها فحنكو) هاحنا مشينا ندورو شوية فالشركة رعد: (تنهد) اوكي... خرجو البنات وريم كتوريها الشركة...... دوزو وقت طويل مع بعضياتهم وصوفيا رتاحت لريم... كانو خارجين لقاو الدنيا ضلامت.. تلقاليهم رعد رعد: صافي كملتو ريم: ويي رعد: كيجاتك الشركة؟ صوفيا: زوينة وعجبني حتى تصميمها رعد: اوا مزيان.. نمشيو نتعشاو مجموعين ريم: وييي بلييز مسخيتش بيك صوفيا: منقدرش مقلتهاش لمالين الدار ريم: عادي دبا يعيط رعد لسيف يقولهالو صوفيا: ممم واخة.... عيط رعد لسيف واستأذن منو باش يخلي صوفيا تبات معاهم ووافق... اما صوفيا سحابليها غير غادي تعشا وترجع لدارها.... ركبو فالطموبيل ديال رعد وهو يكسيري..... بعد دقائق وصلو للدار لقاو العشا موجداه الخدامة.... غسلو يديهم وجلسو كياكلو ومجمعين حتى سلاو... بقاو جالسين من مور العشا شي ساعة وهي تنوض صوفيا بغات تمشي رعد: انا غادي نوصلك صوفيا: (توترات) احم لا بلا مانعدبك رعد: مكاين حتى عداب هانا كنتسناك برة ريم: (عنقاتها) بيناتنا تيليفون اوكي.. هاد المرة نديرو شي خرجة ديال الشوبينغ صوفيا: اوكي ان شاء الله.... خرجات صوفيا وهي محاملاش الوضع لي تحطات فيه... ركبات اللور وهي تلقا رعد جالس مبتاسم وشيفور هو لي ديمارا.. بارت44 بقاو غاديين وصوفيا حطات راسها على شرجم بقات كتشوف فالطريق حتى نعسات..... رعد شافها ناعسة وهو يجرها لعندو عنقها وحط راسها على كتفو ويديه كتلعب فوجهها... شوية حشا وجهو فعنقها وبقا تما كيستنشق ريحتها.. بعد مدة وصلو لفيلا صغيرة جات فالخرجة ديال المدينة.... هزها ودخل طلعها لبيت النعاس غير حطها وهي تفيق صوفيا: (تخلعات) فين انا رعد: متخافيش راه غير نعستي وجبتك ترتاحي صوفيا: (ناضت) لا بغيت نمشي لدارنا رعد: انا هضرت مع سيف قتلو غادي تباتي عندنا.. وجبتك هنا بغيت نهضر معاك صوفيا: (دفعاتو) ماعندي فاش نهضر معاك.. هئ هئ عفاك خليني نمشي رعد: شش علاش كتبكي.. متخافيش مني...... دفعاتو حتى طاح فوق الناموسية وبدات كتجري... خرجات وبقات غادة فديك الجردة كتجري حتى خرجات من الباب... منتابهاتش للطموبيل لي كانت جاية... وخا عيات ماتكلاكصوني...... وهو ينقز عليها رعد وجرها حتى طاحو بجوج هي التحت وهو فوقها.... صوفيا: (كتغوت) بعدد مني.. واعباااد الله فكوني رعد: (تعصب) سكتيي.. واش مشفتيش الطموبيل لي كانت غضربك صوفيا: (كدور فعينيها) الصمت.... ناض رعد وهزها وهي مهدنة... دورات رجليها عليه وحاطة راسها على كتفو... رعد غادي والابتسامة على وجهو...... دخلو للفيلا وطلعها نيشان للبيت... جلسو فوق الفوتوي مقابلين مع بعضياتهم رعد: لي بغيت نقوليك كنعتادر على داكشي لي درت وكنواعدك معمري نعاود نقربليك مي كنتمنى تقبلي بصداقتي صوفيا: احم واخة وشكرا حيت نقدتيني رعد: (فرح وبدا كيدعي مع مول الطموبيل ههه) نو عادي... مد يديه... فراندز صوفيا: (مدات يديها) اصدقاء رعد: كنظن نخليك دبا تنعسي باش ترتاحي صوفيا: (حدرات راسها وحشمانة) الى ممكن تجيبلي شي حاجة منقدرش نعس بهاد الحوايج رعد: (مد يديه هزليها راسها) متحشميش مني دبا راه حنا صحاب... اوكي تسناي واحد شوية......... ناض رعد وهو غيطير بالفرحة حيت سمحاتلو وكثر من هادشي قبلات يكونو صحاب... اما صوفيا بقات جالسة وصراع الداخل عقلها: مكانش عليك تسامحيلو بالزربة قلبها: لا بالعكس هو راه نقدك.. كون ماشي هو كون راه حنا كنقراو عليك الفاتحة عقلها: مي وخا هكاك متقبلش يرجعو صحاب gاع قلبها: علاش شنو فيها.. بالعكس باينة فيه رجل ظريف ومعقول صوفيا: (شدات راسها) اففف سكتو.... شوية دخل رعد وفيديه بيجامة ديالو رعد: هانتي هالبيجامة صوفيا: شكرا وسمحلي عدبتك رعد: لا عادي.. بونوي صوفيا: بونوي.... مشا رعد لبيتو وهي ناضت لبسات غير الفوق وصليها حتى الركبة.. بقات هكاك بلا ماتلبس السروال... دخلات الحمام غسلات وجهها... وهي تخرج تلاحت فوق الناموسية وبدات كتشم فريحتو لي كانت فالبيجامة خرجات ابتسامة عفوية منها ونعسات..... عند رعد دخل دوش ولبس بيجامتو.... خرج للبالكون بدا كيفكر فيها ويضحك... فرحان حيت سامحاتو وقبلات يكونو صحاب خاص دبا غير يكسب قلبها.. بدا كيعطس وهو يدخل لبيتو نعس بارت45 صبح الصباح فاقت صوفيا كتحك فعويناتها وبدات كدور وجهها فالبيت... عاد عرفات راسها فين كاينة... دخلات غسلات وجهها وقضات حاجتها... خرجات من البيت وبدات كدور فالفيلا... جلسات شحال وهي فالصالون كتسناه ينزل ووالو... طلعات للبيوت كتقلب حتى لقاتو مزال ناعس... قربات لعندو كتفيق فيه صوفيا: رعد فيق رعد: (بصوت ثقيل) وي... شافتو هكاك وهي تحط يديها على جبهتو لقاتها سخوونة صوفيا: ناري فيك السخانة رعد: عادي دبا تنزل.. نزلات صوفيا كتجري للكوزينة دارت طاسة فيها ما بارد شوية وجبدات فوطات صغار ورقاق لقاتهم تما وطلعات.... جلسات جنبو وبدات كدير الكمادات.. وهو حال عينيه بزز وكيشوف فيها وكيبتاسم.... بقات مدة طويلة وهي كديرهوملو حتى نزلات الحرارة.. اما هي محسات براسها حتى نعسات حداه....... فاق رعد وكيحس براسو مزيان على قبل.. حس بيدو منملة... دار وهو يلقا ملاكو ناعسة على يديه وخصلات شعرها طايحين على وجهها... اما تيشورت ديالو طلعليها وكيبانو فخاضها البويض رعد: (بدا كيبعد الشعر من وجهها) احح فوقاش غتكوني ديالي.... حس بيها تحركات وهو يدير راسو ناعس.... فاقت صوفيا وهي تجلس مدات يديها تقيس الحرارة.. شوية حطات فمها على جبهتو... رعد قلبو بدا كيضرب فاش حس بشفايفها صوفيا: مممم دبا مزيان... ناضت صوفيا مشات للكوزينة... اما هو غير ناضت من حداه حل عينيه وبقا متبعها وكيضحك على تيشورت ديالو لي جاها كسوة... ناض دوش ولبس كيطمة ونزل كيقلب عليها... شم ريحة الماكلة وهو يدخل للكوزينة لقاها عاطياه بالظهر وكطيب رعد: (شد قلبو) الله ياربي هاد الملاك كامل جالس فالكوزينة كيطيب.... مشا لعندها شافتو وابتاسمات صوفيا: كيبقيتي دبا رعد: مزيان وهادشي بفضلك صوفيا: لا مادرت والو.. جلس هانا قربت نكمل باش تتغذا راه 2 هادي.. ونتا مفطرتيش رعد: (كل مرة كيزيد يتأكد بلي اختيارو كان صحيح) اوكي.... مشا جلس فالطبلة دالكوزينة... شوية بدات كتحط الماكلة وهو متبعها بعينيه.. حاضي تفاصيلها وحركاتها... يعشقها بمعنى الكلمة......... جلسو كياكلو وهو مرة مرة كيخطف شوفة منها.. كملو وناضت صوفيا جمعات داكشي بغا يعاونها ومخلاتوش... رجعات كل حاجة بلاصتها وطلعات بدلات حوايجها ونزلات عندو صوفيا: تقدر توصلني رعد: (تنهد) اوكي... خرجو ركبات هي اللور.. وهو مشا يسوg... غادي وحاديها من المراية... بعد مدة وصلها للفيلا... وهو يدور لعندها مدليها تيليفونو رعد: خليلي نمرتك.... خدات تيليفون سجلات نمرتها وعطاتولو صوفيا: باي.... نزلات وبقا هو متبعها بعينيه حتى دخلات وهو يديماري للدار عند ريم بارت46 ريم: فين كنتي وعلاش مرجعتيش فالليل رعد: (عنقها) سمحاتلي اختي سمحاتلي ريم: شكون هادي رعد: صوفيا ريم: (جراتو جلساتو) عاودلي باش نفهم.... جلس وعاودليها كلشي رعد: هادشي لي كاين وعاد دبا وصلتها للدار ريم: راك خطار وكون هضرت مع سيف وسولني على ختو على الاقل علمني.. الحمد الله كنت عيانة نعست نيشاان رعد: ماشي مهم.. الاهم هو رجعنا صحاب دبا هادشي لي باغي انا ريم: فرحتليك اخويا.. ودبا تأكدت بلي بالصح كتبغيها رعد: (تنهد) هي مختالفة على gاع البنات لي عرفت قبل ريم: ومعندكش مشكل حيت مكتسمعش رعد: لا انا بغيتها كيفما هي ولو تكون حتى مكتهضرش انا بغيتها ريم: اوى اش غنقوليك الله يسهل عليكم رعد: امين.. ياله نخليك دبا راه خاصني نمشي للشركة... اجي بعدا علاش نتي فالدار ماشي فالشركة ريم: احم عوالة نخرج انا وسيف هاد العشية رعد: ههههه اوكي.. ياله نخليك اا وبلا بسالة ريم: (تزنكت) لا اخويا راك عارفني رعد: المهم انا غير هضرت ياله هانا غنمشي..... طلع لبيتو بدل حوايجو ونزل مشا للشركة.... دخل ناشط على غير العادة.... خدم خدمتو وهو يتفكر صوفيا... رجع راسو اللور وهز تيليفونو دخل للوتساب لقاها دايرة تصويرتها.. عجباتو هزها احتفظ بيها.. لقاها ياله سدات هادي 20 دقيقة.. بقا كيفكر وهو يزعم وصونا ابيل فيديو...... عند صوفيا لي كانت غارقة فعالم الرسم جالسة فالارض ولابسة ديباردور مع شورط ويديها ملطخين بالصباغة... شعرها جامعاه غير بقلم وشي خصلات طايحين.... كانت كترسم حتى شافت الفلاش فالتيليفون هزاتو ولقات نمرة غريبة معيطاليها.. معرفاتهاش وهي تقطع.... شوية وصلها ميساج "سي رعد".. بدا تيليفونها كيصوني عاود.... هزاتو وجاوبات صوفيا: (حشمانة) سمحلي معرفتكش رعد: (حمقاتو فاش شافها) نو عادي انا لي نسيت مقتليكش شكون انا صوفيا: اوكي.. اوى سافا رعد: حمد الله ونتي صوفيا: وي بخير رعد: راك كترسمي صوفيا: كيدرتي عرفتي رعد: راه الصباغة فوجهك ههههه صوفيا: هههه وايلي منتابهتش.. اطط نمشي نغسل رعد: نو غير خليك ماشي مشكل... اش كترسمي صوفيا: مزال مقررت ها انا كنخربق حتى نشوف اش غادي يخرج رعد: اووه.. متشوق نعرف المهم فاش تساليها صيفطيهالي صوفيا: اوكيي مرحبا.. راك فالشركة رعد: اه.. نتي خرجتي هاد النهار صوفيا: لا ماعندي فين نمشي رعد: مم ماعندكش صحاب صوفيا: لا ماعنديش مع الناس رعد: ههههه هي دبا مبغاش نكون صديقك صوفيا: باش نكون صريحة معاك... انا قبلت غير حيت نقدتيني رعد: (بابتسامة) ممم الى كنت زاعجك قوليهالي نمسح نمرتك دبا صوفيا: لا مكتزعجنيش.. انا غير قتليك الصراحة رعد: اوكي كنظن نخليك تكملي رسمك.. وكنتسنا نشوفها بفارغ الصبر صوفيا: اوكي ان شاء الله...... قطعات معاه ورجعات كترسم وهي مبتاسمة.... بدات كترسم وهي غايبة عن الوعي... كملات وهي ترجع باللور... تصدمات من داكشي لي رسمات بارت47 كانت راسمة رعد كيفما شافتو قبيلة.. وهو متكي على الكرسي وبابتسامتو لي كان محافظ عليها طول المكالمة... بقات مصدومة فراسها كيفاش حتى رسماتها.... شوية حسات بالفيبرور هزات تيليفونها.. وهي تلقا ميساج فواتساب من رعد..《كنتسنا نشوف رسمتك》 صوفيا: اوييلي كيغاندير نصيفطهالو... هزات كتافها.. عادي اشنو فيها.... صوراتها وصيفطاتهالو ودخلات للدوش....... عند رعد لي كان فدارو وجالس فالجردة حتى وصلو الميساج حلو وهو يتصدم... بدا كيزومي حتى كيشوف راسو وهو متكي على كرسي ونفس اللبسة لي كان لابس فالعشية.... صونا عليها مي والو مكتجاوبش عاود كثر من مرة... طلع لبيتو لبس شورطو وتلاح فوق ناموسيتو كيفكر..... عند صوفيا لي ياله خرجات من الدوش وحنيكاتها مزنكين لبسات بيجامتها ونشفات شعرها غير بالفوطة طلات على الطابلو لقاتو مزال مانشف خلاتو ومشات تحشات فناموسيتها هزات تيليفونها وهي تلقا ليزابيل دياولو وهي تعاود تصوني... صوفيا: سمحلي مشفتش الطيل فاش صونيتي رعد: نو عادي بالصحة التحميمة صوفيا: (بصدمة) كيدرتي عرفتي رعد: ههههه حنيكاتك مزنكين صوفيا: (حشمات) مممم رعد: (الله يا ربي اش هاد الملاك) بغيت نقوليك اللوحة عجباتني بزاف شكرا... مكنتش متصور غادي ترسميني وبديك الدقة.. تبارك الله عليك صوفيا: ميرسي.. ممم بغيت نهديهاليك فاش يكون عندك وقت قولهالي باش نتلقاوا رعد: غذا صباح نفطرو انا وياك صوفيا: داكوغ.. ياله نخليك دبا رعد: اوكي بونوي صوفيا: بونوي..... #سيف تلقا مع ريم باسها فحنكها سيف: توحشتك ريم: حتى انا... مبقيناش كنتلقاو بزاف سيف: (باس يديها) عارف احياتي مقصر من جيهتك بزاف مي غير سمحيلي... ياله نتعشاو دبا ومن بعد نشوفو شنو نديرو ريم: اوكي..... مشاو للريسطو تعشاو وهما كيهضرو ويضحكو.. كملو وناضو مشاو للبحر.. بقاو فالطموبيل والبحر قدامهم سيف: (شاد يديها وكيشوف فيها) متشوق للنهار فين تكوني ديالي وحلالي ريم: حتى انا😔 سيف: (دوز يدو على وجهها) عارف احبيبتي بلي مقلقة مي غير صبري معايا.. انا خايف على صوفيا خاصني نشرحليها ريم: (قاطعاتو) عارفة احبيبي وانا غادي نصبر معاك حتى تقبل سيف: الله يخليك ليا.... قربليها وغرقو فقبلة نساتهوم كلشي بارت48 #صوفيا صبح الصباح فاقت على الفيبرور لقات ميساج من رعد《صباح الخير.. انا كنتسناك حدا الفيلا.. وجدي على خاطرك》 صوفيا: اناري هذا جا بكري.. شافت الساعة لقاتها 10:30.. بانلي انا لي ضربتها بنعسة..... ناضت توضات وصلات صلاتها... لبسات حوايجها... دارت مكياج صباحي خفيف.. هزات طابلو وصاكها ونزلات... خرجات لقاتو متكي على الطموبيل ولابس سبور.. قلبها بدا كيضرب رعد: (بابتسامة) صباح الخير صوفيا: صباح النور.. مدات الطابلو.. تفضل...... خداه رعد وبقا كيشوف فيه عجبو.... حطو فالطموبيل وقربليها رعد: (باس يديها من الداخل وهو كيشوف فعينيها) شكرا بزااف عجباتني.. والله يخليلك هاد اليديدات صوفيا؛ (تزنكات وقلبها زادت دقاتو) ميرسيي.. حليها الباب ديال الطموبيل ركبات.. ومشا ركب حداها... عطا اشارة للشيفور وهو يديماري... حركها بيديه وهي تشوف فيه رعد: نعستي مزيان صوفيا: وي حمد الله ونتا رعد: اوسي.... بعد مدة وقفات الطموبيل دورات وجهها شافت البحر ترسمات ابتسامة على وجهها.. نزل رعد وجا حليها الباب.. شدها من يديها نزلها وبقا شاد فيها... اما هي لاول مرة مقدرات دير حتى ردة فعل... خلاتو شادها وهي تابعاه من اللور وكتشوف فظهرو.... دخلو فالرملة كانت غادي طيح كون مشدهاش... هزها وبقا غادي وهي جالسة كترمش بعينيها..... محسات براسها حتى حطها فوق الكرسي.... دورات عينيها لقات هادي الطبلة الوحيدة لي كاينة قريبة للبحر ومحطوط الفطور فوقها... جلس قدامها رعد: كيجاتك البلاصة انا: غزاالة😍😍.. شكرا رعد: الحمد لله منين عجباتك.. هدا كتعبير عن الشكر ديالي ليك انا: ميرسي😄😄..... فطرو وحيدو صبابطهم وبقاو كيتمشاو حتى لواحد اللحظة رجليها قاسهم الما.. ومع كان بااارد وهي كانت ساهية قفزات وتحشات فرعد رعد: (تصدم) مالك انا: (حشمات) لا والو غير قاسني الما وتخلعت.. سمحلي رعد: (حابس الضحكة) لا عادي.... رجعات كتشوف قدامها وهو حاضيها حتى شاف دمعة نزلاتليها ومسحاتها بالزربة.. جا قدامها وقفها وشاف فعينيها حومر رعد: مالك.. بداو دموعها كيطيحو.. جرها جلسها فوق واحد الصخرة وجلس قدامها.. شد يديها... رعد: ماالك راك خلعتيني عليك.... تلاحت عليه عنقاتو وبدات كتبكي بهستيرية وهو بقا ساكت وكيدوز يديه على ظهرها.. حتى بدات كتهضر صوفيا: حتى واحد محاس بحجم الالم لي كنحس بيه.. انا لحد الان مزال مقادرة ننساه اي حاجة كتفكرني بيه... كنا ديما كنجيو للبحر... كان حنين معايا بزااف.. مشا وخلاني كنتعدب بوحدي... شحال من مرة كطيحلي فبالي انني نتاحر ونتبعو.... قلبي عيا توحشتو وتوحشت لمساتو وضحكتو... توحشت كلشي فيه...... ختك قاتلي ندير العملية لودنيا... منقدرش حيت الى درتها غادي نبغي نسمع صوتو... وغادي غير نزيد نتعدب.. بعدا دبا فاش كنقول توحشت صوتو كنتفكر بلي انا مكنسمعش وكنرتاح نوعا ما. بارت49 رعد فاش سمع لكلامها حبس على الحركة... هي شافت فيه بعينيها الحومر ونيفها حتى هو صوفيا: سمحلي رعد: (مسح دموعها بيديه) ماشي مشكل خودي راحتك.... عنقها وحشاها فيه وحتى هي بادلاتو العناق.... استنشقات ريحتو حتى تغلغلات فيها مزيان... تباعدو وبقات كتشوف فيه مدة عاد حدرات راسها... هزها بدون ميتكلم وهي تحشات فيه كتشم فريحتو لي حمقاتها.... وصلو للطموبيل ركبو بجوج اللور عطا اشارة للشيفور وهو يتحرك.... بقا جالس وحاس بقلبو كيضرو شوية حس بيدين صغار شدو يدو الكبيرة... دار وهو يلقاها شادة يدو وكتشوف فيه صوفيا: رعد رعد: (تقاد فالجلسة وحط يديه على يديها) وي صوفيا: بغيت نرجع طبيعية.. شدات يدو حطاتها على قلبها.. كل نهار كنتألم.. مبقيتش قادة نصبر رعد: انا مستاعد نساعدك الى بغيتي صوفيا: واخة مي شنو غادير رعد: نتي غير سمعي هضرتي وتيقي فيا وميكون غير الخير صوفيا: اوكي شكرا... سكتو وهو بقا كيشوف فيها.. بعد مدة وصلو قدام الفيلا ديال صوفيا رعد: (باس يديها) بيناتنا تيليفون وضروري غدا نتلقاو صوفيا: واخة بسلامة.... نزلات وبقا متبعها حتى مبقاتش كتبان وهما يتحركو.... مشا للشركة وهو كيفكر منين يبدا وشنو غادي يدير....... وصل للشركة وهو يتسيف رجع جدي وعقد غوباشتو.... بقا خدام حتى ل2 دالليل.. كمل داكشي وهو ينوض مشا لدارو.... لقا الطابلو محطوط فوق الطبلة هزو بقا كيشوف فيه وهو يعلقو فحيط قدام ناموسيتو.. ابتاسم ودخل دوش.. لبس شورطو وهو يتلاح فوق ناموسيتو... شد الناموسية كاملة كل رجل وفين لايحها ونعس...... صبح الصباح فاق على اشعة الشمس.. شاف الساعة لقاها 9 دالصباح دخل غسل وجهو باش يفيق وهز تيليفونو عيط لصوفيا عند صوفيا لي غرقانة فنعاسها حتى كتحس بالفيبرور هزات راسها من فوسط المخاد وهي مغوبشة.. لقات ابيل من رعد وهي تجاوب وغمضات عينيها رعد: (شافها هكاك وبدا كيضحك) هههههه وناري على حمقة كنبغي.. شوف سادة عينيها كيف غاندير معاها دبا..... فلحظة سها فيها وهي ناعسة مكرهش يكون حداها.. فاق من سهوتو فاش شافها كتحك عينيها بطريقة طفولية جدباتو كثر... صوفيا: (بصوت حنين) سمحليا محسيتش براسي حتى نعست رعد: نو عادي.. المهم رتاحيتي صوفيا: وي حمد الله.. بغيتي شي حاجة رعد: نوضي دبا وجدي راسك غادي نجي عندك صوفيا: علاش رعد: نسيتي شنو قتليك البارح.. سمعي هضرتي وتيقي فيا صوفيا: اوكي هانا كنتسناك رعد: ياله بسلامة..... ناضت صوفيا دخلات توضات وصلات صلاتها... لبسات حوايجها عبارة عن سروال سليم بيض مع تيشورت وكونفيرس دارت مكياج خفيف.... وهي تنزل سيف: صباح النور حبيبتي صوفيا: (باستو) صباح الورد سيف: شفتك لابسة فين غادة صوفيا: خارجة مع رعد سيف: (بصدمة) رعد صاحبي صوفيا: اه علاش مالك سيف: لا والو احبيبة صوفيا: ياله بااااي بابا: سيف اش هادشي سمعت.. واش بيناتهم شي حاجة سيف: لا مكنضنش مي غادي نهضر معاه ونفهم بابا: واخة.... خرجت لقيتو حدا الباب كيتسناني رعد: (باس يديها) النعاسة سافا صوفيا: ههههه انا نعاسة رعد: هههه غير كنضحك معاك.. ياله اجي نتحركو من هنا وعاد نهضرو صوفيا: اوكي.... ركبو بجوج وهو يتحرك الشيفور.. فين غاديين رعد: حتى نوصلو وغادي تعرفي بارت50 بعد مدة وصلو لواحد الخلا نزل الشيفور وخلاهم بوحدهوم... بقات صوفيا كدور عينيها صوفيا: (بخوف) فين حنا رعد: خرجي وغادي تعرفي.... هبطو بجوج وهو يجرها رعد بغا يركبها القدام صوفيا: (كتنتر منو) لا طلقني عفااك رعد: (رجعها قدامو) كلشي كيدير حوادث ماشي نتي اللولة ولا الاخيرة لي درتي كسيدة... هادشي عادي.. ونتي دبا خاصك ديري مجهودك كامل باش تحيدي منك هاد الخوف... وهادي الخطوة اللولة فالراحة ديالك...... صوفيا بقات متبعا معاه مي الخوف مسيطر عليها..... جرها رعد بغا يدخلها صوفيا: لا لا رعد طلقني انا خايفة هئ هئ رعد: (تنهد) صافي تهدني... عندي اقتراح اخر صوفيا: (بخوف) شنو رعد: غادي نجلسو انا وياك القدام صوفيا: كيفاش رعد: كتيقي فيا صوفيا: اه رعد: اجي معايا... دخل رعد جلس ومد يديه جرها جلسها فوقو وهي خايفة مي مرتاحة شوية حيت فحضنو.. اشار للشيفور يجي.. دخل الشيفور وهو يديماري.... صوفيا غمضات عينيها وزيرات على يديه رعد: (كيدوز يديه على وجهها وهي تحل عينيها والخوف باين فيها) تهدني ومتخافيش انا حداك صوفيا: (شفايفها كيترعدو) واخة مي بقا شاد فيا مطلقنيش عفاك رعد: وخا غير ترخاي راه مغيوقع والو صوفيا: واخة... حطات راسها على صدرو اما هو غير دارت هكاك وهو يبتاسم ابتسامة عرييضة... بعد دقائق اشار للشيفور وهو يحبس ونزل رعد:(هزليها راسها) شفتي ماوقع والو اجي نزلو.... نزلات ونزل حتى هو مدليها قرعة دالما... خداتها من عندو وشربات... اش بانليك تجلسي القدام وانا لي غادي نسوg صوفيا: لا مبغيتش رعد: (دار وجهها بين يديه) تيقي فيا ومتخافيش غنبقا شادك.... بعد مدة حركاتلو راسها بالايجاب.... جرها ركبها وركب حتى هو... قربليها دارليها السمطة... ياله ديمارا وهي تشد فيديه.. شاف فيها وطمنها بعينيه وهو يتحرك... بقات هي مزيرة على عينيها وكل شوية كتزيد تزير على يديه.. شوية بداو دموعها كيطيحو صوفيا: حبس صافي مقدراش هئ هئ.... فرانا رعد وهي تخرج بزربة... نزل عندها رعد وشدها وهي كتبكي... عنقها وبقات كتبكي حتى حس بيها ارتاحت... هزها ركبها اللور وهو يكسيري وصل عند الشيفور ونزل ركب حداها.. والشيفور ديمارا... حطات راسها على كتفو وهو محاوطها بيديه وصلو للفيلا ديالو.. طل عليها لقاها نعسات.. هزها وطلعها لواحد البيت.. بقا جالس جنبها وكيدوز يديه على شعرها... ومعجبوش هاد الحالة لي فيها.. حتى صونا تيليفونو كانت ختو رعد: وي ريم ريم: خويا واش نتا دبا مع صوفيا رعد: وي علاش ريم: راه سيف هضر معايا وسولني واش عندك علاقة بيها رعد: وشنو جاوبتيه ريم: قلتلو معرفتش وراه عوال يعيط ليك رعد: اوكي ماشي مشكل.. ياله باي ريم: باي.... قطع معاها وهو يدور لقا صوفيا مزال غارقة فنعاسها.. باسها فراسها وخرج بارت51 نزل رعد لتحت عيط فتيليفونو دموندا على الغذا شوية صونالو تيليفونو لقا سيف رعد: اهلا سيف سيف: اهلا سافا رعد: حمد الله ونتا سيف: مزيان.. بغيت نسولك رعد: مرحبا سيف: واش بينك وبين صوفيا شي حاجة رعد: لا علاش سيف: غير حيت اليوم قاتلي غادي تمشي تلقاك رعد: وي راها معايا دبا... سيف متخافش اصاحبي مغاديش نآديها سيف: كتبغيها رعد: الصمت سيف: كيفما توقعت.. سمعني مزيااان ختي تعدبات فحياتها بسباب الحب.. وهي لحد الان مزال مقادرة تجاوزها.. رعد: (قاطعو) انا عارف كلشي وهي طلباتني نعاونها تجاوز مخاوفها سيف: (بصدمة) واش بالصح رعد: اه انا لحد الان معترفتليهاش بحبي ومغاديش نعتارفليها حتى ترجع مزيانة سيف: (تنهد) ختي امانة عندك ا رعد ونتمنى متخونش تقتي رعد: متخافش غادي نحطها فعينيا سيف: شكرا ياله نخليك دبا.... قطع عليه وطلع للبيت لقاها مزال ناعسة رعد: (كيحركها) صوفيا يا صوفيا اش درتي فيا..... بقا معاها مدة عاد فاقت صوفيا: (كتحك عينيها) فين انا رعد: ههههه ماقلت النعاسة حتى بالصح نعاسة.. ااو غير تحركنا ونتي تنعسي صوفيا: (حشمات) سمحلي رعد: نو عادي ياله نوضي غسلي وجهك ونزلي هانا غادي نتسناك صوفيا: واخة.... نزل رعد لقا الغذا لي وصا عليه وصل.. بدا كيستف داكشي حتى شافها نزلات... جرليها الكرسي جلسات وجلس هو قدامها رعد: ارتاحيتي صوفيا: وي حمد الله ميرسي... بقاو كياكلو فصمت.. كملو وناض رعد كيجمع وهي تنوض عاوناتو.. كملو وخرجو للجردة رعد: نركبو فالطموبيل صوفيا: لا مبغيتش رعد: غادي نبقاو غير فالفيلا صوفيا: لا بلاش رعد: صافي على خاطرك.. شنو بغيتي نديرو صوفيا: معرفتش رعد: مممم نعرفك بعدا على راسي صوفيا: اوكي رعد: انا عندي 31عام عندي 2 شركات وحدة هنا فالمغرب و وحدة فكندا وقريبا غادي نحل وحدة ففرنسا... والديا ماتو منين كانت عندي 20 عام وتحملت المسؤولية ديال ختي والحمد لله بنيت راسي براسي.... وبالنسبة لحالتي الاجتماعية انا ارمل صوفيا: (بصدمة) كنتي مزوج رعد: اه صوفيا: ممم كنتي كتبغيها رعد: الصراحة لا انا معمري مبغيت فحياتي صوفيا: وعلاش رعد: كنت دايها غير فالخدمة ومعنديش لوقت للحب صوفيا: ممم مي الحياة ماشي غير خدمة وفلوس.. غادي توصل لواحد العمر غادي تندم.. الواحد خاصو يبغي ويعيش ويبني عائلة بارت52 رعد: هادشي لي بغيت نقوليك حتى انا... نتي مازال صغيرة والحياة مزاال قدامك... مزال تبغي شي حد وتبني حياتك وتولدي وليداتك.... خاصكي ديري جهدك كامل باش تقدري تواصلي حياتك بشكل طبيعي صوفيا: الصمت رعد: نتمنا تفكري فهضرتي مزيااان... تبغي تمشي للدار ولا نزيدو نجلسو صوفيا: (وقفات) ياله نمشيو رعد: اوكي.... ناضو بجوج وصلها للدار ومشا هو لخدمتو.... هكا دازت 2سيمانات كل صباح كيتلقاو وكيحاول معاها.... هاد الصباح جالس كيتسناها فباب الفيلة حتى خرجات عندو بكسيوة حد الركبة فالغوز بارد وطالقة شعرها وهازة صاك صغير بسمطة طويلة... وصلات لعندو بابتسامة صوفيا: صباح الخير رعد: صباح النوور سافا صوفيا: وي حمد الله ونتا رعد: بيخير.. مشينا صوفيا: اوكي..... ركبات صوفيا هاد المرة القدام وركب رعد ديمارا... شد يديها باش تحس بالامان وتحركو.... الخوف مزال فيها شوية مي كتحاول تقوي راسها ومضعفش.. وصلو للفيلا ديالو... لقاو الفطور محطوط جلسو كيفطرو صوفيا: شنو غنديرو هاد النهار رعد: (شاف فيها) هضرت مع واحد الطبيب اخصائي فالاذنين.. نمشيو نديرو فحوصات صوفيا: (بصدمة) كيفاش.. شكون قاليك انا باغية رعد: حتى لايمتا غتبقاي هكا... واش الى بقيتي صمكة غادي يرجع خطيبك صوفيا: (تجمعو الدموع فعينيها) انا ماشي صمكة هئ هئ... ناضت كتجري خرجات.. تبعها رعد مي لقاها ركبات فطاكسي.. ندم حيت قاليها هكاك....... عند صوفيا لي كانت منهارة مشات نيشان للشركة... مسحات دموعها وطلعات عند خوها ياله حلات الباب وهي تصدم... لقات خوها مع ريم كيتباوسو.. سيف: (شافها وهو يتصدم بعد على ريم) صوفيا خليني نشرحليك احبيبة صوفيا: هئ هئ بعد مني كلكم كتكدبو عليا... خرجات كتجري تبعها سيف شدها... خليني نمشي الى قلتي كلمة وحدة نسا بلي انا ختك... طلقها سيف وهو محطم اما هي خرجات كتجري...... بارت53 رجع سيف للبيرو ديالو لقا ريم جالسة كتبكي ريم: سمحلي بسبابي دابزتي مع ختك هئ هئ سيف: (عنقها) شش صافي متبكيش احبيبة وختي دبا نهضر معاها ريم: واخة... بقاو جالسين حتى دخل عليهم رعد رعد: سلام مشفتوش صوفيا مشيت للفيلا مي ملقيتهاش سيف: علاش مالك رعد: راه تقلقات مني ومشات سيف: شنو درتيلها رعد: هضرتليها على مشكلة السمع ومعرفت كيف درت قتليها صمكة وتقلقات سيف: (جلس وحط يديه على راسو) اففف رعد: مالكم شفتكم نتوما ماشي تا لهيه ريم: (حادرة راسها) راه قبيلة جات ولقاتنا بجوج وتقلقات وهي تمشي رعد: هي تجمعنا عليها كاملين...... خرج رعد مشا لخدمتو هو وختو وبقا سيف كيخدم ومرة مرة كيعيط للفيلا كيقولولو مزال مجات..... وصلات 8 دالليل طلعات معاه السخونية وخاف عليها... عيط لرعد لي غير عرف بلي مزال مابانت تخلع وناض كيجري مشا عند سيف.... وبداو كيقلبو وصلات 12 دالليل ووالو سيف: غادي نهبط للرباط رعد: علاش سيف: غادي نمشي نشوف واش مشات للقبور ولا الدار ديال الرباط رعد: اوكي زيد نمشيو..... شدو الطريق دازو للقبور هو اللول ووالو.. وهو يمشيو للدار ملقاو والو عوتاني... تخلعو ديال بالصح رعد: زعما فين غتكون مشات سيف: اففف معرفتش انا خايف عليها الى وقعاتليها شي حاجة غادي نموت... شوية وصل ميساج لرعد..《صوفيا كاينة فدارك.. ويلا عاودتي قلقتيها نتا ولا سيف غادي نديها ومغاديش تلقاوها هذا اخر انذار》 رعد: (تعصب) اش هاد الميساج دالزبل سيف: (قراه) شكون هدا رعد: معرفتش زيد نرجعو لكازا ونشوفو بعدا صوفيا سيف: اوكي..... ركبو ورجعو بحالهم من بعد مدة وصلو.. دخل رعد ولقا gاع لي كارد سخفانين مشا كيجري هو وسيف دخلو وبداو كيقلبو... طلعو الفوق لقاوها ناعسة فبيت النعاس وشعرها طايح على وجهها... طمأنو عليها ونزلو مشا رعد نيشان لكاميرات ديال الدار لقاهم كاملين ممسوحين وهو يزيد يتعصب رعد: شكون هدا لي صيفط هاد الميساج وداخل لداري سيف: مفهمتش حتى انا.. صبر تفيق غدا صوفيا ونفهمو منها رعد: اوكي عرفتي غير خليها هنا راك عارف دبا معصبة منك وانا غادي نحاول معاها سيف: (تنهد) واخة.. المهم فاش تفيق طمأني عليها رعد: اوكي.... مشا سيف لدارو وطلع رعد دوش ولبس شورطو وهو يمشي لبيت فين ناعسة صوفيا... تكا حداها وعنقها حشاها فصدرو.. وحشا هو راسو فعنقها كيشم ريحتها حتى نعس بارت54 صبح الصباح فاقت صوفيا وهي تلقا راسها ناعسة فوق صدرو قفزات وهو ينوض رعد... عاد عاق براسو بلي نعس حداها رعد: (اففف اش درت انا) صباح الخير صوفيا: (بهدوء) شنو كندير انا هنا رعد: (جلس) البارح عيينا منقلبو عليك انا وخوك فين كنتي صوفيا: شكون جابني لهنا رعد: هادشي لي معرفتش... حنا جلسنا كنقلبو فاش رجعنا للدار لقيناك صوفيا: (باستغراب) كيفاش رعد: دبا غير قوليلي فين كنتي صوفيا: هبطت للرباط ودزت للقبور بقيت شحال تما... شوية وقفو عليا 2 شماكرية خفت منهم وانا نهرب مي شدوني رعد: (تعصب) ياكما داروليك شي حاجة صوفيا: لا واحد جا ضربهوم مي كان مغطي وجهو معرفتش شكون هو.. المهم فاش بدا كيضربهوم انا هربت.. شوية حسيت بشي ابرة فعنقي وانا نغيب حتى لدابا رعد: (يعني لي صيفطلي الميساج هو لي نقدك مي شكون) اوكي رتاحي دبا صوفيا: واخة.... خرج رعد وراسو غادي يطرطق بقوة التفكير وبقات صوفيا فبلاصتها مدة عاد ناضت توضات وخرجات هزات واحد الغطا نقي من الماريو صلات بيه... كملات ونزلات لتحت دخلات للكوزينة لقات رعد كيوجد الفطور... سهات فظهرو العريض وشعرو لي كيقطر بالما رعد: (دار وشافها) اجي عاونيني صوفيا: فاش رعد: فالفطور صوفيا: لا انا بغيت نمشي بحالي ودبا رعد: (خلا داكشي وقربليها) مزال مقلقة مني.. شد يديها... سمحيلي والله مقصدت وربي شاهد انا باغي غير مصلحتك صوفيا: (كتشوف فشفايفو كيفاش كيتحركو وشعرو لي كيقطر على صدرو) الصمت رعد: هضري متبقايش ساكتة صوفيا: (حدرات راسها) صافي مكاين مشكل رعد: (هزليها راسها) سامحتيني صوفيا: اه رعد: بغيت نهضر معاك على خوك صوفيا: (دمعو عينيها) حتى هو تخلا عليا هئ هئ رعد: ششش متبكيش شكون قاليك تخلا عليك.. واش زعما الى بغا شي وحدة مغاديش يديها فيك.. راه نتي ختو ميمكنش ينساك صوفيا: لا صافي انا غادي نبعد عليه هئ هئ... جرها رعد عنقها وحشاها فيه... تاهي عجبها الحال وزادت تحشات فيه... بقاو مدة هكاك حتى سكتات... وهو يقابلها معاه رعد: (مسحليها دموعها) خوك كيبغيك وغادي يبقا كيبغيك.. ميمكنش تجي شي وحدة تاخذ بلاصتك صوفيا: (ببراءة) بالصح رعد: عمري كدبت عليك صوفيا: ممم اوكي.. ديني عندو رعد: بلاتي نفطرو ونمشيو صوفيا: كتقصد نتغذاو رعد: هههه اه الالة نتغذاو صوفيا؛ (بدون متحس) ضحكتك زوينة رعد: (تصدم) آ.. صوفيا: ا لا والو اجي نتعاونو.... مشات قدامو وخلاتو مصدوم وممتيقش داكشي لي سمع.. بارت55 دخلات للكوزينة وتبعها رعد وهو عاجبو الحال... نقزات صوفيا فوق البوطاجي وجلسات رعد: هههههه اش كديري صوفيا: بغيت نجلس رعد: (حط يديه فوق البوطاجي محاصرها) ممم مبغيتيش تعاونيني صوفيا: (توترات من قربو وكتشوف فشفايفو وفصدرو) الصمت رعد: (زاد قربليها) مالكي ساكتة... دفعاتو بشوية صوفيا: هانا راجعة.. هبطات ومشات كتجري خلاتو كيضحك.. شوية رجعات وفيديها تيشورت ديالو صوفيا: هاك لبس حوايجك رعد: (حابس الضحكة) علاش صوفيا: هكاك ياله شد... عطاتو بالظهر ومشات جلسات فوق الكرسي.. اما هو غير عطاتو بالظهر وهو يتفرشخ بالضحك.. بالسيف باش جمعها... لبس التيشورت رعد: (جا قدامها) شنو بغيتي تاكلي صوفيا: شنو كتعرف دير رعد: والو صوفيا: اوا عولنا عليك بكري.. شنو دبا غادي نبقاو بالجوع رعد: علاش نتي مكتعرفيش طيبي صوفيا: كنعرف مي مافيا لي يطيب رعد: اوووه القطيوطة كتفشش صوفيا: ههههه نو مكنتفشش رعد: هههه اوكي ياله قوليلي وانا نطيب صوفيا: اوكي.. ناضت جراتو من يديه.. ياله جيب الكفتة.. مشا جابها والابتسامة مفارقاتش وجهو.. بدا كيطيب شوية وهي تحشا بينو وبين البوطاجي.. شاف فيها باستغراب صوفيا: مليت وبغيت نهضر معاك رعد: ههههه واخة الالة... بقاو مجمعين وهو كيطيب ويهضر معاها وفرحان حيت تطلقات معاه
صوفيا: وااع فيا الجوووع
رعد: (باسها فجبهتها) هانا قربت نكمل صوفيا: (قلبها كيضرب) واخة.... بقات كتشوف فيه.. لاحظ شرودها وهو يهبط حتى وصل وجهو اونفاص مع وجهها رعد: افين مشيتي صوفيا: (كترمش فعينيها) ا لا والو... بعداتو عليها وخرجات من تما جلسات فالكرسي.. خلاتو كيضحك عليها وبدا كيعجبو راسو حيت كيوترها.. حط الغذا كلاو حتى شبعو وناضو خرجو... ركبو الطموبيل رعد: اري يدك نشدك صوفيا: لا صافي انا دبا مبقيتش كنخاف رعد: اوووه تقدم ملحوظ.. مزيان الالة.... ديمارا وبقاو غاديين... شوية و هو يكسيري.. هي بالخلعة طارت على يديه شداتها وغمضات عينيها... رعد مات بالضحك عاد خفف السرعة... حلات عينيها لقاتو كيضحك رعد: (كيعيبها) مبقيتش كنخاف صوفيا: (تقلقات) بعد مني رعد: هههه صافي سمحيلي اخر مرة صوفيا: (بنفخة) اوكي... بعد دقائق وصلو للشركة... طلعو لقاو سيف وريم جالسين.. سيف شافها وهو يوقف بارت56 سيف: ختي... مشات صوفيا كتجري عنقاتو وبقات كتبكي.. عنقها وزير عليها... جلس وجلسات على رجليه وحاشية وجهها فعنقو.. بقا رعد كيشوف فيها بقات فيه صوفيا: (شافت فيه وهي كتشهق) غادي تبقا تبغيني ياك سيف: (حط جبهتو على جبهتها) نتي بنتي واش كاين شي حد مكيبغيش بنتو صوفيا: (شافت فريم) كتبغي خويا بالصح ريم: اه صوفيا: مغاديش تاخديه مني.. غادي تخليه يجي عندي حتى انا ريم: هو راه خوك وعندك حق فيه.. وانا عمري مغادي نبعدو عليك.. شافت فسيف صوفيا: كتبغيها سيف: وي.. سكتات وحطات وجهها فعنقو وهو كيدوز يديه على ظهرها.... بقاو مدة هكاك حتى هزات راسها صوفيا: (تنهدت) انا موافقة... عنقها سيف والضحكة وصلاتلو لودنيه.. ريم حتى هي فرحات.. بعدات عليه ومشات عنقات ريم.. جراتها عند سيف وشابكات يديهم مع بعضياتهم ودموعها نازلين صوفيا: هئ هئ مبروك عليكم... افف صافي حيدو يديكم راني مزال مولفت رعد: (من موراها) هههههههههههههه.. والله هاد ختك الى علام سيف: (جرها عنقها) هههه عارف.. ردها قدامو.. نخرجو هاد العشية صوفيا: واخة... خرجو كاملين وركبو فطموبيل وحدة.. بعد مدة وصلو.. دخلو لواحد الريسطو.. جلس سيف حدا ريم.. وصوفيا ورعد جلسو حدا بعضياتهم مقابلين معاهم.. صوفيا: (بابتسامة) دبا رجع عندي خويا سيف وختي ريم.. وشدات يد رعد لي فرح بهاذ الحركة.. وتزاد خويا رعد... تمحات ديك الابتسامة.. سيف وريم بقاو كيشوفو فيه صوفيا: مالكم مصدومين.. شافت فرعد.. مالك نتا عاود رعد: (بصوت مخنوق) لا والو صوفيا: (هزات كتافها) واخة.. بقاو جالسين كيهضرو ورعد ساكت كيشوف فيها.. خرجو مشاو جهة البحر بقاو كيتمشاو حتى جبد سيف رعد وخلاو البنات قدامهم سيف: عرفتي شكون جابها لدارك رعد: (تنهد) لا هي براسها معرفاتش.. هذا لي جابها راه دارليها مخدر نعسها.. مي غادي نحاول نعرف غير تهنا سيف: واخة.. ياله قولي دبا فوقاش نجي نخطب ريم بشكل رسمي رعد: فوقما بغيتي.. هدر مع والديك وتافقو على النهار وعلمني سيف: اوكي... وقفات عليهم صوفيا صوفيا: اش كتقولو نتوما بارت57 سيف: (شدليها حناكها جبدهوم) اش عندنا منقولو اشنيولة صوفيا: (حيداتلو يديه) ايي ياك كنقوليك مكنحملش لي يديرلي هكا سيف: وانا بغيت ههههه صوفيا: ممم واااخة.. هزات يديها وهو يهرب سيف.. داز عند ريم شدليها يدها وبداو كيجريو.. جات صوفيا تبعهوم وهو يشدها رعد صوفيا: طلق خليني نتفاهم معاه رعد: (هزها) لا بغيت نهضر معاك صوفيا: شنو بغيتي رعد: بالصح كتعتابريني خوك صوفيا: (توترات) اه علاش رعد: انا غير سولتك صوفيا؛ (باستو فحنكو) وهادي بوسة اخوية مني ليك رعد: (تنهد) شكرا... بقا غادي وهو هازها.. حطات راسها على كتفو.. وسرحات بتفكيرها صوفيا: (علاش فاش كنشوف فعينيك كنضعف.. علاش كنحس بيك قريب ليا وبغا نبقا غير نشوفك.. هاد الشعور معمري حسيتو.. علاش متشوقة نسمع صوتك واش غليض ولا رقيق.. علاش ريحتك كتبنجني وكتريحني... اففف انا كنبغي اناس مخاصنيش نفكر فيك نتا) الصمت رعد: (تنهد) ماشي مشكل حيت كتعتابريني خوك.. نصبر المهم نكون حداك وكنشوفك وكنشم ريحتك لي كتسطيني.... بقا كل واحد كيهضر ويحلل بوحدو حتى وصلو عند سيف وريم... سيف: هاي هاي كتحابولي رعد: (باستهزاء) كاين شي حد كيبغي ختو سيف: (تنهد) سمحلي اخويا معندي منديرلك رعد: عارف لي كاين.. ريم طلات على صوفيا لقاتها ناعسة ريم: هههه والله حتى هاد البنت واعرة رعد: علاش ريم: راها نعسات سيف؛ هههههههه انا ختي اكبر نعاسة.. وكتحماق على النعاس رعد: (رد وجهها للقدام.. لقاها ناعسة وملامحها بريئة) زيدو نمشيو.... ركبو الطموبيل وحطها اللور حدا ريم.. من بعد دقائق وصلو للدار ديال رعد... نزلات ريم هي وخوها توادعو مع سيف.. وهو يديماري وصل للدار هز صوفيا.. ودخل للدار داها لبيتها وقادليها.. وهبط يهضر مع والديه بارت58 سيف: الواليد الواليدة بغيت نهضر معاكم ماما: شنو كاين اولدي الله يسمعنا خبار الخير سيف: غير الخير ان شاء الله.. عقلتو على البنت لي عرفتكم عليها فعيد ميلادي وقتليكم زوجة ولدكم المستقبلية بابا: اه مالها سيف: بغيت تشوفو شي وقت عندكم خاوي.. باش نمشيو نخطبوها ماما: وصوفيا شنو غنديرو معاها سيف: انا هضرت معاها وهي قبلات.. راه ياله كنا مع ريم انا وياها بابا: متاكد بلي هي قابلة سيف: اه نتوما عارفين شحال كتهمني صوفيا.. ومنقدرش نشوفها غضبانة ماما: دبا ريحتيني.. حتى انا باغا نشوف حفادي.. مبروك اولدي والله يكمل عليكم بالخير سيف: اميين... غدا فالعشية مزيان بابا: واخة اولدي.. هضرتي مع والديها سيف: اه قبل مانسا.. راه هي ميتين والديها.. عندها غير خوها الكبير ماما: الله يرحمهم.. صافي اولدي غدا نمشيو عندها سيف: اوكي الله يخليكم ليا... باسليهم راسهم ومشا طلع لبيتو.. عيط لريم علمها.. طارت بالفرحة.... نمشيو عند صوفيا لي ياله فاقت.. شافت الساعة لقاتها 10 دالليل.. ناضت بدلات حوايجها.. لبسات شورط وديباردور.. خرجات للبالكون ضربها داك الريح.. رجعات بها الذاكرة فاش كانت فكندا.. عندها علاقة قوية مع البالكون.. نزلات لتحت لقاتهم ياله تجمعو على العشا.. تحشات فخوها ماما: رتاحيتي ابنتي صوفيا: اه اماما... قاليكم سيف بلي كيبغي واحد البنت وبغاو يتزوجو ماما: اه ابنتي.. ونتي اش كتقولي فهادشي صوفيا: (بابتسامة مزيفة) انا عاجبني الحال.. واصلا كنعرف ريم وهي بنت زوينة وضريفة.... باسها سيف فكتفها.. دارت لعندو وعنقاتو.. عاد بداو كيتعشاو.. او هما لي كيتعشاو اما صوفيا سرحات بتفكيرها.. ناضت قبل مايكملو صوفيا: تصبحو على خير الكل: بونوي... طلعات لبيتها غير سدات الباب بداو دموعها كينزلو.. تلاحت فوق الناموسية وبقات شحال وهي كتبكي بارت59 ناضت مسحات وجهها.. وبقات جالسة فالظلام.. حتى شافت الفلاش ديال التليفون.. هزاتو لقات رعد.. جاوبات رعد: ههههه مزال ناعسة.. جالسة فالظلام.. شعلي الضو خليني نشوفك نضحك شوية صوفيا: (بنبرة باكية) لا فقت قبيلة رعد: (تخلع) صوفيا مال صوتك.. واش كتبكي صوفيا: لا هئ هئ هئ رعد: صوفياااا مالك صوفيا: اجي عندي محتجاك رعد: (ناض) واخة.. شوية ونكون عندك.. غير نوصل نعيط ليك صوفيا: واخة..... بعد مدة وصلها ميساج.. ناضت لبسات غير بانطوفتها ونزلات هكاك.... خرجات من الباب دالفيلا لقاتو واقف قدام الطموبيل... شافها هكاك وهو يتصدم.. كانت غير بشورط وديباردور وشعرها طايح على ظهرها... مشات كتجري عنقاتو رعد: (بعدها عليه) مالك صوفيا: (كتبكي) هئ هئ.. جرها رعد دخلها للطموبيل وركب حتى هو وديمارا... بعد مدة وصل قدام البحر.. رعد: ياله قوليلي شنو كاين صوفيا: والو رعد: ومالك كتبكي صوفيا: مقداش نتخيل خويا غادي يخليني رعد: (كيمسحليها دموعها) شش هو ماشي بالضرورة يخليك الى تزوج... راك نتي ختو.. دبا انا الى تزوجت واش غادي نسا ريم.. اكيد لا صوفيا: (تصدمات) غادي تزوج حتى نتا رعد: الى كتاب صوفيا: (بحزن) اوكي... بقات جالسة كتفكر حتى حسات بيديه شدات يديها.. وهي تشوف فيه رعد: (باس يديها) ممم شنو بغات نديرو للاميرة صوفيا: نخرجو غير قدام الطموبيل رعد: واخة.. خرج رعد وتبعاتو صوفيا... بدا كيحقق فيها.. الشورط من فوق الركبة ورجيلاتها البويض.. مع ديباردور مبينة كولشي تقريبا.. وبانطوفة... جلسات جامعة يديها عندها حتى وقفو عليهم جوج كولهم مشرطين.. صوفيا تخلعات وهي تخبع فرعد.. لي غير شافهم عقد غوباشتو.. حيد بالزربة القميجة عطاها لصوفيا لبساتها من مور ظهرو وهي كتفيبري بالخلعة بارت60 الشمكار1: وا تيتيزة ديك البنت لي معاك.. الى ساليتي منها عطيهالينا.. تعامل مع خوتك راه محرومين الشمكار2: واييه ومتخافش غادي نتهلاو فيها رعد: (تعصب ورجع حمر وهو كيسمع كلامهم) غادي تمشيو تقودو عليا من هنا ولا نخلطكوم الشمكار2: ونتا مالك اصاحبي باغي دير فيها سبع... رعد جبد صوفيا من يديها وداها دخلها فالطموبيل وسد عليها ومشا عند واحد فيهم... هزو حتى السما وهو يلوحو فالارض.... جا الاخر بغا يضرب مي عطاه علاش كيقلب... مكانوش عارفين بلي طاحو مع الشيطان لي ما فقلبو رحمة... صوفيا بقات مصدومة فيه كان كيضرب فيهم بوحشية... وعروقو باينين بالاعصاب... محبس حتى مبقاوش كيتحركو... ناض عليهم جاي للطموبيل وصدرو كيطلع وينزل.. صوفيا غير شافتو وهي تكمش.. خافت من المنظر.... ركب وهو يكسيري.. بقا غادي بسرعة وهي غتموت بالخلعة مي مقدات تقوليه والو... ومقدات حتى تشد فيه... دموعها كينزلو فصمت.... بعد مدة دار شاف فيها ولقاها هكاك عاد بدا كيخفف السرعة.. حتى وقف جنب الطريق... بغا يقيسها وهي تبعد رعد: اففف هاهي بدات كتخاف منك.. كيبغي يقيس غير وجهها باش تشوف فيه مي مخلاتوش... تعصب وهو يجبدها لعندو جلسها فوق رجليه وهي كتجبد رعد: (شد وجهها بيديه قابلها معاه) مالك صوفيا: (خايفة) الصمت رعد: (تنهد) واش خفتي مني.. شوفي راه معمري نقدر نقيسك.. وهادوك قللو الادب ديالهم عليك.. وانا مصبرتش ليهم... جاوبيني متبقايش ساكتة صوفيا: مغاديش ضربني حتى انا رعد: لا علاش غنضربك مالي حمق صوفيا: (ببراءة) واخة... حيدات قميجتو ولبساتهالو وهو كيضحك... بدات كتسدلو فالعقادي وهو تايه فيها صوفيا: (شافت فيه) دبا مزيان رعد: هههههه علاش ديما كتلبسيني الحوايج صوفيا: بغيت ونتا سوقك رعد: ههههه سمحيلي الالة صوفيا: شكرا... عنقاتو وحتى هو بادلها العناق.. شافت فيه وهي تبوسو فحنكو... مع ديك اللقطة رعد سد عينيه وتنهد رعد: (اححح مكرهتش ناكلك دبا) صافي نرجعو للدار صوفيا: اوكي.. مي خليني فوق رجليك عجباتني الجلسة رعد: (اييه الالة وخليني انا كنتشوا) واخة خودي راحتك.. ديمارا رعد وصوفيا تكات على صدرو.... فاش وصلو لقاها نعسات مات بالضحك... هزليها وجهها وبقا كيشوف... محس براسو حتى حط شفايفو على دياولها.. وبدا كيبوس بحنية.. نسا راسو وتكاها على البولة وبقا كيبوسها حتى قرب ياكلهوم ليها.. هبط لعنقها كلاه حتى هو رعد: (هز راسو وعينيه حومر وكينهج) اححح اش درتي فيا.. صبر شوية حتى تهدن عاد بدا كيفيق فيها وهي تحل عينيها صوفيا: (كتشوف فيه) وصلنا رعد: اه ياله نزلي وتصبحي على خير صوفيا: بونوي... نزلات وتبعها شدها من يديها وجبدها لعندو.. حدر حتى ولا وجهو مقابل مع وجهها رعد: مغاديش تعطيني بوستي صوفيا: ياك خديتيها رعد: (توتر) فوقاش صوفيا: ماشي قبيلة قبل مانعس بستك رعد: ااه.. انا بغيت وحدة اخرى واش ماشي من حقي صوفيا: واخة.. شدات وجهو بين يديها قربات ليه وهي تبوسو ففمو بوسة خفيفة.. طرطق عينيه من الصدمة.. بونوي... جات تمشي وهو يجرها رعد لعندو ونزل باسها واندامجات معاه... ملوية يديها على عنقو وهو شاد خصرها.. صوفيا: (بعدات عليه) متبقاش تبوسني وانا ناعسة.. ياله بونوي... مشات كتجري دخلات وخلاتو مصدوم كثر من اللول.. رجع للطموبيل وبقا مدة كيفكر... عاد ديمارا والابتسامة على وجهو بارت61 دخلات صوفيا لبيتها جلسات فوق الناموسية.. وحطات يديها على شفايفها.. خرجات ابتسامة صغيرة صوفيا: افف هادشي لي كندير فيه غلط.. انا ديال اناس بوحدو.. مي علاش فاش باسني بقيت دايرة راسي ناعسة.. علاش حسيت بين يديه وقبلاتو بواحد الامان... مكرهتش كون بقينا هكاك الليل كامل... افف اش كنقول حتى انا.. مخاصنيش نخليه يعاود يدير هكا.. مغاديش نخليه يزيد يتعلق بيا.... تكات صوفيا فبلاصتها وبقات كتفكر حتى نعسات... #رعد وصل لدارو وممصدقش داكشي لي وقع.. كتجي اللقطة ديالها وهي شادا وجهو وباستو ففمو.. كيبغي يطير بالفرحة... وبقا كيضحك فاش تفكر "متبقاش تبوسني وانا ناعسة".. وصل للدار.. دخل دوش لبس شورطو.. وتلاح فوق ناموسيتو تيفكر فيها حتى نعس #صوفيا صبح الصباح فاقت كتكسل وتجبد فبلاصتها.. دارت وهي تلقا خوها كيشوف فيها ويبتاسم سيف: صباح الخير حبيبتي صوفيا: صباح النووور.. اش كدير هنا سيف: (كيلعب بشعرها) جيت نهضر معاك صوفيا: شنو بغيتي سيف: ممم اليوم فالعشية غادي نمشيو نخطبو ريم صوفيا؛ واخة اخويا.. مبروك عليك سيف: مقلقة صوفيا: شوية وصافي سيف: معمر حبي ينقص ليك... عنقها وحتى هي بادلاتو العناق.. بقاو مدة عاد بعدو على بعضياتهم سيف: (باسها فحنكها) ياله سيري بدلي حوايجك ونزلي راه 12 دبا النعاسة مبقا والو ونمشيو
صوفيا: اوكي حبيبي... خرج سيف وهي دخلات للحمام دوشات... خرجات لبسات بيجامة نقية.. وبدات كتشوف شنو تلبس حتى دخل عندها سيف وفيديه كرطونة سيف: عييت منتسنا فيك تنزلي وانا نطلع صوفيا: راه دوشت داكشي علاش تعطلت سيف: ماشي مشكل.. هاكي صوفيا: (شدات البواطة) شنو هادشي سيف: حلي وغادي تعرفي... حلات صوفيا وهي تلقا فستان فالغوز بارد مضيق من جهة الصدر والخصر وواسع شوية من التحت.. ستيل سامبل صوفيا: 😍😍زوييين سيف: الحمد الله حيت عجبك... ياله حطيه وهبطي نتغذاو عاد طلعي وجدي راسك صوفيا؛ اوكي... حطاتو ونزلو لقاو والديهم كيتسناوهم.. جلسو تغذاو.. عاد طلعات لبيتها بدات بشعرها هو اللول... نشفاتو وقداتو بلبلاك عاد دارتلو البابليز غير من تحت... ناضت لبسات كسوتها ورجعات دارت مكياج خفيف مع عكر غوز ماط.. جات كيوت... لبسات صباط طالون مع بوشيطة فنفس اللون دارت فيها غير تليفونها... نزلات لقاتهم واجدين وكيتسناوها... مدحو جمالها عاد مشاو ركبو... غاديين فاتجاه دار رعد وريم بارت62 عند ريم لي لبسات قفطان فالبيض جاها واعر وجات عندها الكوافورة دارتليها مشطة سامبل جاتها فنة.... قدات مكياج لي ناسبها مع القفطان... دخل رعد عندها رعد: (باسليها راسها) تبارك الله على ختي... مبروك عليك ريم: (بخجل) الله يبارك فيك اخويا رعد: كملتي حيت مابقا والو ويوصلو... راه 3 هادي ريم: نو صافي انا واجدة رعد: مزيان انا غادي نزل دبا حتى نصيفطليك الخدامة تعيطليك ريم: واخة اخويا.... نزل رعد جلس فالصالون ما هي الا دقائق حتى سمع صوت الطموبيل.. مشات للخدامة حلات الباب... رعد وقف سلم على والدين سيف وعلى سيف لي كان هاز بوكي دالورد... هز راسو حيت سمع صوت الطالون وهو يتبهر بالملاك لي داخل... سها فيها.. مفيقاتو غير قرصة ديال سيف سيف: وا تواكض معايا اصاحبي... راه ختي هاديك لي كليتيها بعينيك رعد: (حدر راسو) سمحلي... ياله دخلو تفضلو مرحبا بيكم... دخلو وهي توصل صوفيا حشمانة منو.. تسالمو باليدين وجلسو صوفيا: فيناهيا ريم رعد: راها الفوق صوفيا: نقدر نطلع عندها رعد: وي زيدي نوريك البيت... طلع رعد وتبعاتو صوفيا.. دخل للبيت وتبعاتو سد الباب صوفيا: فيناهيا رعد: بغيت نهضر معاك بعدا صوفيا: (توترت) شنو بغيتي رعد: بغيت نهضر معاك البارح صوفيا: (مشات جهة الباب) ماشي وقت الهدرة دبا رعد: (شدها رجعها قدامو) علاش بستيني البارح صوفيا: (تزنكت) رعد خليني نمشي عفاك رعد: انا سولتك ماشي باش نحشمك.. انا غير بغيت نعرف صوفيا: كنظن السؤال غادي نوجهو ليك نتا.. لي كليتيني ماشي غير بستيني رعد: (تصدم ماعرف باش يجاوب) ا.. صوفيا: (قاطعاتو) فين بيت ريم رعد: (تنهد) اوكي زيدي... وصلها للبيت ومشا نزل... دخلات صوفيا لقات ريم كتبكي صوفيا: (تخلعات) رييم مالك ريم: (كتمسح دموعها) ا لا والو صوفيا: ريم هدري ريم: تمنيت كون كانو والديا معايا هئ هئ... صوفيا بقات فيها وهي تعنقها صوفيا: (تقابلات معاها) صافي اختي متبكيش.. عرفتي هاد النهار عتابريني انا ماماك ريم: كيفاش زعما صوفيا: والدين سيف غادي يخطبوك مني انا وخوك.. حنا هما والديك... ياله قوليلي شروطك باش نقولهاليهم لتحت بارت63 نزلو البنات من بعد ماتناقشو.. جلسات صوفيا حدا رعد لي تصدم فيها.. وجرات ريم جلساتها حداها... جلسو مقابلين مع سيف ووالديه ماما: تبارك الله على عروستنا صوفيا: الله يبارك فيك الالة.. حنا بنتنا هدراتلينا على ولدكم.. مي مزال بغينا نتعرفو عليه كثر... فين خدام اولدي...... كلشي بقا كيشوف فيها ومطرطقين عينيهم.... مالكم ياك لباس بابا: بنتي مالك صوفيا: والو علاش ماما: وراك نتي من عائلة العريس صوفيا: لا غيرت رأيي انا من جهة ريم... سيف فهمها وعجبو الحال سيف: واخة الالة ماقلتي عيب.... بداو كيهضرو ويتافقو... ودبا ريم وسيف مخطوبين.. وكلشي فرحان سيف: العرس من هنا 2 سيمانات صوفيا: لواه ديها نتا دبا بلا ماتسنا 2 سيمانات الكل: هههههههههه رعد: نشوفو رأي ريم فهادشي ريم: (بخجل) لي بانليكم ماما: صافي اولادي من هنا 2 سيمانات..... ناضو يمشيو من بعد ماتسالمو وخرجو لبرا صوفيا: خويا انا غنبقا مع ريم سيف: مم اوكي حبيبة لي بغيتي ديريه صوفيا: مبروك عليك سيف: (باسليها راسها) الله يبارك فيك.... مشاو وبقات صوفيا ورعد عجبو الحال حيت ممشاتش معاهم... بغات دخل وهو يشدها من يديها رعد: علاش ممشتيش معاهم صوفيا: بغيت نبقا مع ريم رعد: (بابتسامة) ممم واخة.. دخلات صوفيا ومشات نيشان لبيت ريم لقاتها كتبكي صوفيا: (عنقاتها) حاسة بيك... بكي احبيبة باش ترتاحي ريم: (شافت فيها) توحشت ماما وبابا اصوفيا هئ هئ... تمنيت يكونو معايا فهاد النهار صوفيا: صافي اختي عفاك براكة من البكا.. ياله نوضي بدلي حوايجك وغسلي وجهك.... ناضت ريم لبسات بيجامة ومسحات وجهها من المكياج ريم: هاكي هاد البيجامة صوفيا: ميرسي... دخلات صوفيا للحمام بدلات حوايجها وغسلات وجهها.. عاد خرجات لقات ريم متكية فوق الناموسية... جلسات حداها ريم: شكرا صوفيا: علياش ريم: حيت قبلتي نتزوج بخوك صوفيا: راه غير حيت عجبتيني.. كون معجبتنيش راه مغنقبلش ريم: ياك الالة... شيرات عليها بوسادة.. بغيتي نبقا بايرة صوفيا: ايي والضرب لاش.. بدات صوفيا كضربها بالمخدة.. حتى هزات ريم كاس دالما كان حداها وهي تكبو على صوفيا صوفيا: (شهقات) ياك ابنت الحرام اليوم نوريك.... ناضت صوفيا للحمام عمرات واحد الطاسة... خرجات بان ليها خيال وهي تلوح عليه الما.. شوية طلعات راسها بالعرض البطيء وشهقات... وهي تبانليها ريم طاحت للارض وكتموت بالضحك بارت64 رعد: (مخنزر) اش هادشي صوفيا: (تلفات) ا..انا دبا مقصدتش.. سمحلي.... جرها رعد دخلها للحمام وشد الرشاشة وبدا كيرشها صوفيا: (كتجبد) لا عفاك.. اييي راه بارد رعد: (كيموت بالضحك) ههههههههه.... طلقها وشافت وهي مخنزرة.. باش تعلمي تلوحي عليا طاسة دالما صوفيا: وانا لحت عليك غير طاسة ماشي حشيتك فالما شوف كيف كنقطر... رعد بقا كيشوف وهو يلقا البيجامة لاصقة عليها وجسمها باين... استغلات صوفيا شرودو وهي تجبدو لعندها طيحاتو فوسط البانيو لي كان عامر بالما... وهربات...... دارت وهي تلقا رعد تابعها وهي كتموت بالضحك... مي كتحاول تجري... خرجات للجردة ملقاتوش وهي تحبس كتلتاقط أنفاسها.. حتى حسات بشي حد هزها.. دارت وهي تلقا رعد صوفيا: عفاااك مديرليش شي حاجة بلييييز رعد: مغاديش تأثري عليا صوفيا: (ببراءة) عفاك شوف هانتا حتى انا فازكة ونتا لي سبقتي.. انا كنت باغة نفزك ختك رعد: وكتقوليها بوجهك حمر.. اش دارتليك ختي مسكينة صوفيا: كتحماو فيا دبا.. راه هي لي جبداتني وبدات كضربني ورشاتني بالما ماشي انا... جالسة كتعبر بيديها وبوجهها وتحاول تشرحلو رعد: (حمقاتو كتبانلو بحال شي بنية صغيرة) ممم احياني عليك... بقا غادي وهي كترغبو حتى وصل للابسين.. دارت وبانليها لابسين.. حسات بيه غادي يلوحها وهي تزير عليه.. اما هو فقد التوازن ديالو وطاحو بجوج... رعد حل عينيه وهي تبانلو باغا تخرج.. مشا بالزربة جرها من رجليها... وهو يشدها من خصرها ولصقها معاه.. صوفيا توترات وبدات كتجبد باش تفلت منو.. ساعة معامن... حط شفايفو على شفايفها وهي طرطق عينيها... بدا كيبوس وحس بالنفس مبقالهاش وهو يطلعها.. خلاها خدات الاوكسجين ولصقها مع الحيط دلابسين... وكمل على داكشي لي بدا فيه.. اما هي ترخات بين يديه... حس بيها وعجبو الحال... حيدليها تيشورت لي كانت لابسة وهي غايبة على الوعي...بدا كيدوز يديه على ظهرها وكرشها.. اما هي طلعات معاه السخانة وزادت لصقات فيه وحتى هي كتبوس... بقاو مدة هكاك عاد بعدو على بعضياتهم... صوفيا عاد حسات بشنو دارت وحشمات وهي تحدر راسها رعد: (هزليها راسها) صوفيا صوفيا: (مزنكة) وي رعد: كنبغيك صوفيا: (تصدمات) ااا.. رعد: كنبغيك من اول مرة شفتك فالريسطو لي كنتي خدامة فيه فكندا... شفتك داخلة وشعرك كيتطاير فالسما... عشقتك من ديك اللحظة... بقيت ديما كنجي لعندك مي نتي معقلتيش عليا... رجعت كنراقبك وانا لي نقدتك من دوك 3 دالشماكرية لي تعرضوليك صوفيا: (مصدومة) نتا لي ديتيني للكلينيك رعد: اه وبقيت ديما كنمشي جهة دارك... حتى كتاب وهضرتي معايا فالريسطو زدت عشقتك كثر.. والزوينة انك اخت صاحبي.. الصراحة ندمت حيت مشفتكش قبل.. معمري ممشيت عند سيف لدارو.. اما كون راني معاك دبا... بغات تهضر وقاطعها... متقولي والو دبا... انا مطالبش منك تبغيني.. انا باغيك تعطي فرصة لراسك.. تعرفي عليا كثر.. وانا متأكد مغاديش تندمي.. حيت بالصح كنبغيك... وحتى الى مقبلتيش غادي نبقا كنبغيك.... جوتيييم... باسليها راسها وخرج من لابسين.. اما هي بقات مصدومة بارت65 خرجات من لابسين ولبسات داك التيشورت وبقات جالسة فالارض كتفكر... اما رعد طلع وهو مرتاح حيت اعتارف... دخل للدوش دوش ولبس كيطمتو وخرج لقا ختو ريم: شنو قلتي لصوفيا رعد: علاش مالها ريم: معرفتش.. اجي تشوف.. جراتو للبالكون لقاها جالسة وساهية رعد: (تنهد) اعتارفتليها ريم: باش رعد: قلتليها كنبغيك.. سيري نزلي هدري معاها طلع تبدل حوايجها دبا تمرض ريم: (شدات يديه) يكون خير ان شاء الله.. هانا غادا.... نزلات عندها وحطات يديها على كتف صوفيا.. لي فاقت من سهوتها صوفيا: شنو ريم: اجي طلعي دوشي وبدلي حوايجك راه غادي تمرضي صوفيا: تقدري توصليني للدار بغيت نمشي ريم: ياك قلتيلي غادي تبقاي معايا هاد النهار ودبا بغيتي تمشي صوفيا: (تنهدت) صافي غنبقا ريم: (نوضاتها) ياله زيدي دوشي هو اللول.. عاد نشوفو شنو نديرو صوفيا: واخة... طلعو تحت انظار رعد لي كان مراقبهم من البالكون... طلعات صوفيا دخلات وطلقات الما دافي.. دوشات لوات عليها الفوطة وخرجات.. لقات ريم حطاليها بيجامة جديدة مع دوبياس... لبساتهم ومشات هزات سيشوار نشفات شعرها شوية.. وكل شوية كتعطس... بقات جالسة فالبيت مقدراتش تنزل حتى دخلات عليها ريم ريم: مالك منزلتيش.. ياله نتعشاو صوفيا: (كتعطس) لا بلاش مفياش الجوع ريم: اش كتقولي زيدي قدامي تعشاي.... جراتها ومشاو وهي تعاود تعطس.. مرضتي اصاحبتي صوفيا: لا ماشي شي حاجة... هبطو وهي تشوف رعد جالس.. هز راسو شافها وبقا مراقبها اما هي حدرات راسها... جلسو كياكلو وكل شوية صوفيا تعطس رعد: (حط يديه على يديها) واش مرضتي.. نمشيو للطبيب صوفيا: (حيدات يديها) لا بلاش رعد: (تنهد) اوكي.... كملو العشا ياله بغاو وينوضو وهو يدخل واحد الشخص... بقا رعد وريم كيخنزرو.. وبالاكثرية رعد لي زير على يديه حتى بانو العروق بارت66 ....: هاااي رعد: اش جاية ديري هنا... دارت صوفيا وبقات كتشوف فيها ...: جيت نطل عليكم عادي ولاد خالتي جيت نشوفهم فيها شي حاجة ريم: سارة شنو بغيتي سارة: اويلي مالكم هكا ريم: غير حيت 11 دالليل هادي وتعجبت سارة: لا عادي كنت عوالة نتعشا معاكم ساعة سبقتوني.. شكون هادي صوفيا: (وقفات) تصبحو على خير... طلعات لبيت ريم وتكات وحاسة براسها مدكدكة... رعد: (ناض) تصبحو على خير... وطريق السلامة اسارة سارة: لا انا عوالة نبات معاكم... مدهاش فيها وطلع داز عند صوفيا هي اللولة.. لقاها ناعسة بدا كيدوز يديه على وجهها وشعرها.. تنهد وباسها فراسها وخرج... غير ناض وهي تحل صوفيا عينيها وترسمات ابتسامة صغيرة على وجهها... سدات عينيها وهي تنعس سارة: مجاوبتونيش شكون هاديك ريم: اخت خطيبي سارة: علاش نتي تخطبتي ريم: وي ومن هنا 2سيمانات العرس سارة: (بنفخة) مم مبروك عليك ريم: الله يبارك فيك.. ياله نوصلك لبيتك حيت حتى انا بغيت نعس..... طلعاتها لواحد البيت ومشات هي لبيتها دخلات لقات صوفيا ناعسة.. غطاتها ونعسات حداها........ رعد كان متكي وكيفكر فصوفيا حتى حس بالحركة فالبيت.. حل عينيه ولقا سارة لابسة دوبياس وهو يخنزر رعد: شنو جاية ديري هنا سارة: (كدوز يديها على وجهو) انا كنبغيك ونتا عارف هادشي.. مستاعدة نعطيك اي حاجة غير كون معايا... شحال هادي كنتي كتقولي بلي نتا مزوج... هانتا دبا سيليباطير ومعندك حتى سبب.... بقات كتبوس فيه ويديها كيتساراو فصدرو... غير قربات لفمو وهو يدفعها رعد: وياااك تقيسيني مرة اخرى الموسخة... ودبا غادي تحركي قبل مانلوحك للزنقة فهاد الليل...... تعصبات وهي تحيد سوتيامات سارة؛ هانتا شوف انا راني زوينة علاش مبغيتينيش عطيني سبب واحد... جات تحيد سليبها وهو يجمع معاها بتصرفيقة رعد: (قرب لودنيها) كتعيفيني... ياله تحركي........ ناضت هزات سوتيامات ومشات كتجري لبيتها.......... صبح الصباح ناضت صوفيا وحاسة براسها تقيل عليها.. لقات راسها بوحدها فالبيت... ناضت غسلات وجهها ونزلات لقات ريم جالسة ومشات جلسات حداها ريم: (قاستليها جبهتها) راكي سخونة اصاحبتي صوفيا: (كتعطس) انا غادي نمشي للدار حاسة براسي عيانة ريم: صبري فطري ويمشي يوصلك رعد صوفيا: لا بلاش نشد غير طاكسي سارة: (من موراها) علاش يوصلها رعد مالو واش رجع شيفور صوفيا: انا نوض دبا نلبس حوايجي باش نمشي ريم: واخة مي مغادي تمشي حتى تفطري صوفيا: اوكي... دارت وهي تشوفها.. (بابتسامة) صباح الخير... طلعات للبيت بدلات حوايجها عاد نزلات ريم: تبقاي تسكتي شوية ودخلي سوق راسك.. يوصلها رعد ولا ميوصلهاش هداك شغلي انا وياه ماشي نتي اوكي.... ناضت للكوزينة قالت للخدامة يحطو الفطور... هبطات صوفيا بلبستها ديال البارح جلسات فوق الطبلة ديال الفطور... سارة كانت فالصالون بقات كتشوف فيها كيفاش لابسة... شوية وهي تنوض اتجاهها وراسمة على وجهها ابتسامة شريرة بارت67 صوفيا حادرة راسها على التليفون وهي توقف سارة قدامها سارة: نوضي من تما انا بغيت نجلس صوفيا: الصمت سارة: اييه راني كنهضر معاك.. واش صمكة ولا شنو ريم: (كانت جاية وسمعاتها) اش بغيتي عند البنت سارة: مالها منفخة ومكتجاوبش ريم: راه البنت مكتسمعش سيري بعدي منها سارة: قولي صمكة ههههههههه ريم: ياله سيري الله اعاونك سارة: (جلسات مقابلة مع صوفيا) لا بغيت نفطر... شوية نزل رعد شاف سارة وخنزر.. مي غير شاف صوفيا كتعطس وعينيها ونيفها حومر.. محس براسو حتى جلس حداها وحط يدو على راسها رعد: السخانة طلعاتليك بزاف صوفيا: نو غير شوية رعد: فطري باش نمشيو للكلينيك صوفيا: لا بلاش بغيت نمشي لدارنا.. اتسيو رعد: (تنهد) اوكي لي عجبك... سارة بقات كتشوف فيهم وخلات صوفيا حتى شافت فيها وهي تهضر سارة: من قبيلة وانا كنهضر معاك ومجاوبتنيش صوفيا: سمحيلي اختي مسمعتكش سارة: ههههههه انا عارفاك صمكة بلا ماديري فيها مسمعتيش صوفيا: (عينيها غرغرو بالدموع) الصمت.... رعد شافها وتعصب من هضرة سارة.. ناض بلا هدرة بلا جوج.. جر سارة من شعرها سارة: ايي طلق مني ايي راك كضرني هئ هئ رعد: انا غادي نوري القحبة د مك كيفاش تجرئي تهضري معاها بديك الطريقة ريم: (كتحاول تفكهم) عفاك خويا طلق منها وخليها تمشي بحالها رعد: (كيغوت) رجعي اللور قبل مانشركك معاها... صوفيا بقات كتشوف ومصدومة فيه... كان جار سارة من شعرها وهي طايحة فالارض... خرجها ولاحها فالجردة وزطم ليها على حنكها بصباطو رعد: نشوفك مرة اخرى هنا الكلبة غادي نقتلك ونتي عارفاني مزياااان اشنو نقدر ندير... ياله تحركي واخر مرة تباني قدام وجهي.... دفل عليها وزاد.. ناضت كتبكي ركبات فطموبيلتها وتحركات وهي كترعد...... لقا صوفيا واقفة حدا الباب كتشوف فيه... عنقها وزير عليها وهي حتى هي بادلاتو العناق ونزلو دموعها رعد: (رجعها قدامو ومسح دموعها) معمري نسمح لشي مخلوق يقلقك صوفيا: (فرحات) شكرا... شافتهم ريم وهي تنساحب خلاتهم على خاطرهم... عنقاتو وباستو فحنكو رعد:(باسها فراسها) ياله زيدي نفطرو ونمشيو للطبيب وبدون نقاش صوفيا: واخة.... شدها من يديها ودخلو وهو فرحان حيت حس بيها حتى هي معجبة بيه.... فطرو وشدو الطريق للطبيب... كشف عليها وخرجليها شي دوى رعد: سمعتيه اش قال لبسي حوايجك متبقايش تعراي صوفيا: علاش بالسلامة شكون فزكني ومرضني رعد: هههه سمحيلي الزوينة... مشاو ركبو فالطموبيل وصلها للدار صوفيا: اتسيو ياله بسلامة رعد: ههههههه اش هاد العطسة صوفيا: كضحك عليا ياك رعد: (كيلعب فشعرها) كولك كيوت كتحمقيني... ودبا كثر مع هاد الحنيكات الحومر صوفيا: (حشمات) ممم سلم على ريم رعد: هانتي صيفطيليها بوسة حسن... مدليها حنكو.. بقات كضحك وهي تقربلو باستو... شاف فيها.. الله على بوسة كيدايرة ياله عطيني انا ديالي صوفيا: ههههه سير بحالك رعد: مغادي نتحرك حتى ناخذ بوستي... مدليها حنكو... قربات عوتاني مي هاد المرة دورات وجهو وباستو ففمو... جات تبعد وهو يرجعها رعد مطلقها حتى كان غادي يسرط فمها رعد: كنبغيك... وبغيتك تمشي تلبسي شي بيجامة سخونة وتشربي دواك اوكي صوفيا: واخة رعد: (باس يدها) غادي نتوحشك صوفيا: بسلامة..... هبطات صوفيا وبقا هو متبعليها العين حتى مشات.. وهو يتحرك بارت68 دخلات للدار شافتها ماماها وهي تجي كتجري ماما: بنتي مالك صوفيا:(كتعطس) متخافيش اماما غير شوية دالسخانة ماما: (قاستليها جبهتها) راكي سخونة بزاف.. زيدي معايا لبيتك..... طلعو للبيت... دخلاتها نيشان للدوش دوشاتليها بالما سخون.. خرجات ماماها سدات الشراجم عاد خرجات صوفيا ملوية فالفوطة.. لقات ماماها حطاتليها بيجامة سخونة مع ملابس داخلية.. لبساتهم وتحشات فالغطا ماما: هانا ابنتي نعيط للطبيب صوفيا: لا بلاش راني مشيت للطبيب.. هاهو الدوا فوق الكوافوز ماما: مشيتي بوحدك صوفيا: لا داني رعد ماما: (فرحات) بالصح.. اش بيناتكم صوفيا: (توترات) ا كيفاش.. لا مابيناتنا والو ماما: هههه واخة الالة هانا كنتسنا حتى تبغي تعاوديلي... انا غنزل نقوليهم يوجدوليك شي حاجة تاكليها صوفيا: واخة.... نزلات ماماها وصاتهم يوجدوليها الماكلة وطلعات بدلات حوايجها ومشات عند بنتها ماما: (قاستها لقاتها سخونة كثر) الله ابنيتي كيدار دربك البرد صوفيا: معرفتش.. متخافيش دبا نولي بيخير ماما: ان شاء الله ابنتي... دخلات الخدامة هازة بلاطو فيه زلافة ديال الشوربة مع طرف دالخبز.. خداتو ماماها ومشات صوفيا: لا اماما نتي عارفاني مكنحملهاش ماما: راه هي لي مزيانة ليك.. ياله خودي شربي.... بدات كتشربها وصوفيا مخصرة وجهها.. وحاسة بحلقها مجروح.. كملات داكشي وشربات الدوا.. غطاتها ماماها مزياان عاد مشات... هي غمضات عينيها وهي تجي فبالها اللقطة لي باستو صوفيا: علاش كنضعف قدامو... دبا هو كيبغيني مي انا كنبغي اناس مخاصنيش ندير هكا..... سدات عينيها وهي تنعس............ وصل الليل عاد حلات عينيها وحاسة براسها مدكدكة.. قاست راسها لقاتو مزال سخون.. شافت فالمرايا لقات وجهها حمر ومزنك... رجعات تكات بلاصتها وهزات تيليفون لقات ميساجات من رعد بارت69 💌: نتمنى تكوني بريتي شوية 💌: توحشتك فين غبرتي 💌: لا دبا بالصح خفت عليك.. واش نجي لداركم ولا شنو ندير..... بقيت كنضحك ومنكرش بلي عجبني الحال.. ياله بغيت نجاوبو وهو يدخل سيف عندي سيف:(باسلي راسي) حبيبة عاد دبا شوية دخلت للدار وقالتلي ماما بلي مريضة صوفيا: (بصوت مبحوح) شوية وصافي سيف: مشاليك الصوت.. كيدرتي مرضتي صوفيا: راه غير ضربني البرد وصافي متخافش سيف؛ راه ريم جات واش تقدري تنزلي عندها ولا بلاش صوفيا: غادي نزل اصلا مليت هنا بوحدي سيف: واخة احبيبة... نضت لبست بانطوفتي وهزيت معايا كلينيكس ونزلت... وصلت للصالون وانا نلقاه... هز راسو شافني وهو يبتاسم #رعد وصلت صوفيا وانا مشغول بالي عليها خفت يتزاد عليها الحال... مشيت للشركة خدمت وصيفطليها ميساج مي مجاوباتنيش... وزدت شحال من ميساج حتى تخلعت وانا نمشي عند ريم رعد: ريم نمشيو عند سيف لدارو ريم: علاش رعد: اففف صوفيا مريضة ودبا كنصيفطليها ميساجات مي مكتجاوبش وخفت عليها ريم؛ اوكي ياله.... عيطات ريم لسيف علماتو بلي جايين وشدينا الطريق..... وصلنا رحبو بينا والديها جلسنا شوية دخل سيف وانا نسمع ماماه ماماه: ولدي سير طل على ختك سيف: علاش مالها ماماه: راه مريضة نهار كامل وهي ناعسة... طلع سيف وانا بقيت كنتسنا... حتى شفتو هابط ومن موراه حبيبتي.... #صوفيا سلمت على ريم ورعد غير بيدي باش منعاديهمش وجلست ريم: شفتك زدتي مرضتي صوفيا: (بصوت شبه مسموع) غير شوية وصافي سيف: اشمن.. دبا فووقاش غادي تشافى.. هي كيشد فيها المرض بزاف...... بقينا جالسين وهما كيهضرو ورعد غير كيشوف فيا.. نضنا نتعشاو وهي تحطلي ماما عاوتاني ديك الحريرة صوفيا: ماماا مابغيتهاش عفاك خليني ناكل معاكم ماما: (بحزم) لا ياله شربي... بديت كنشرب وانا معصبة ومحاملاش حتى ندوقها.... رعد بقا كيشوف فيها كيفاش محاملاش تاكلها بقات فيه مي ماعندو ميدير.... كلاو ناضو والديا طلعو ينعسو سيف: رعد هانا نخرج انا وريم للجردة غير شوية رعد: واخة... غير خرجو وهو يشدلي يدي... سمحيلي انا السباب فمرضك صوفيا: عادي متديش فبالك... عنقني وانا نبعدو.. غادي نعاديك رعد: بغيت حتى انا نمرض ونتي سوقك ياله خليني نعنقك... عنقني وانا حطيت راسي على صدرو وكنشم ريحتو لي كتسطيني... حسيت بيه كينزل شوية حشا وجهو فعنقي وكيبوسني فيه.. شداتني التبوريشة صوفيا: (بهمس) رعد بعد دبا يجي شي حد رعد: (شاف فيها) علاش نتي زوينة بزاف صوفيا: احم انا غادي نمشي نعس بونوي رعد: اوكي بونوي...... طلعت لبيتي وقلبي كيضرب جيت نسد الباب وهو يتحبس عليت راسي وانا نلقا رعد بارت70 صوفيا: شنو بغيتي.... دفعني ودخل سد الباب رعد: مممم بيتك زوين صوفيا: شكرا...بقيت كنشوف فيه وهو كيدور فبيتي.. مشا جلس فوق ناموسيتي رعد: اجي... مشيت وقفت عليه وهو يجرني جلسني فوق رجليه... صوفيا: شنو رعد: بغيتك تبراي بالزربة صوفيا: علاش رعد: باش نعاودو نلعبو فلابسين صوفيا: هههههههه حمق رعد: (كيهرني) انا حمق هانا غادي نوريك اش كيديرو الحماق صوفيا: اتسيو رعد هدا غادي نسخفليك ههههه رعد: اش هاد العطسة ههههه.... بقا كيهرها وهي كتحاول تفلت وسخفانة غير طلقها وهي تهرب جلسات فالارض كترتاح صوفيا: (كتحاول تلتاقط أنفاسها) حشومة عليك نتا ممزيانش كنت غادي نموت رعد: ههههه نوضي من الارض راه دبا تزيدي تمرضي صوفيا: نتا لي مرضتيني وباغي تزيد تمرضني رعد: ياااك الالة.. مشا هزها وحطها فوق الناموسية.. قلتي انا ممزيانش ياك.. ودبا قلتي انا باغي نزيد نمرضك.. اا مالك سكتي دبا صوفيا: (كترمش فعويناتها) بعد عليا دبا تمرض حتى نتا رعد: (كيقرب) ششش.... وصل لفمها وبدا كيبوسو... تكا عليها وانتاقل لعنقها.. طلع راسو شاف فيها لقاها مغمضة عينيها.. ابتاسم ورجع لفمها..... بعد مدة دفعاتو وناضت كتبكي رعد مافهم والو رعد: صوفيا مالك صوفيا: هئ هئ رعد: (هزليها راسها) سمحيلي الى قلقتك صوفيا: (دفعاتلو يديه) بعد عليا هادشي لي كنديرو غلط وخاصنا نحبسو هنا رعد: احم واخة صافي مغاديش نعاود نقيسك سمحيلي صوفيا: هئ هئ انا ديال اناس بوحدو فهمتي.. اناس لي عندو الحق يبوسني.... رعد غير سمع هاد الهدرة وهو يتعصب وعروقو بانو.. زير على يديه وناض خرج.... هبط لتحت وصدرو كيطلع وينزل بالاعصاب سيف: (باستغراب) فين كنتي رعد: غير فالحمام.. ريم ياله نمشيو ريم: واخة... سيف بونوي سيف: بونوي.... خرجو وهو يكسيري رعد ريم: (خافت) خويا نقص السرعة رعد: باش حسن مني هداك ااا ريم: شكون رعد: هداك لي كان خاطبها.. (كيغوت) كل مرة كانقوول صافي بدااات كتبغيني وكيخرج دااك الحمار عاوتاني... تمنيت نقتلو للمرة التانية ريم: (تخلعات) خويا تهدن عفاك.. وانا متأكدة غادي تبغيك غير صبر رعد: كضحكي عليا.. هي كاع مداياها فيا... وعادي فاش تجاوبات معايا فالبوسة.. لحظة ضعف وصافي.. وانا لي حمار قلت راه بدات كتحس بشي حاجة من جهتي..... وصلو للدار وهو غير كيغوت ويعاير.. نزلات ريم وهو يكسيري بارت71 عند صوفيا لي غير خرج ناضت كتجري للبالكون شافتو فاش كسيرا وباينة فيه معصب.... بقات كتبكي حتى مشاليها الصوت صوفيا: (جلسات فالارض) هئ هئ سمحلي ارعد سمحلي..... بقات جامعة رجليها وكتبكي... شوية شداتها واحد الرجفة.. ناضت بشوية والدوخة شاداها دخلات غادة لناموسيتها.. مي خوات بيها رجليها وهي طيح غيبات.... سيف كان عاد طالع لبيتو وداز من حدا بيتها وسمع الزدحة... دخل بالزربة لقاها طايحة سيف: (مخلوع) صوفياااا... قاسها لقاها طايبة وكترجف... مشا كيجري فيق والديه ماما: اويلي بنتي هئ هئ بابا: (مخلوع) سيف هزها اولدي نديوها قبل ماتمشي منا البنت..... هزها سيف حطها اللور وشداتها ماماها وركب هو وباباه القدام.. وهو يكسيري...... وقف قدام الكلينيك... هزها سيف ودخلو كيجريو... تعرضولو الفرمليات حطوها على نقالة ودخلوها لغرفة المعاينة.... بقاو هما كيتسناو حتى خرج الطبيب سيف: عفاك شنو وقعليها الطبيب: الحرارة وصلت 40 دبا دربناليها ابرة باش تنزل الحرارة.. وغتبقا هاد الليلة هنا حتى نشوفو.. حيت يقدرو يجيوها شي مضاعفات ماما: هئ هئ الله على بنتي غتمشي مني الطبيب: دعي معاها الالة.. والله يجيب الشفاء.. مشا الطبيب وسيف جر ماماه جلسها وكيهدن فيها هو وباباه.. وخا هما مخلوعين كثر منها.. صونا تيليفون سيف بعد عليهم وجاوب سيف: الو حبيبة ريم: توحشتك وقلت نسمع صوتك قبل مانعس سيف: (تنهد) حتى انا احبيبة توحشتك ريم: سيف مالك معجبنيش صوتك سيف: صوفيا طلعاتليها الحرارة وديناها للكلينيك ريم: ياك عاد كانت مزيانة سيف: مفهمتش شنو وقعليها.. فاش مشيتو كنت طالع لبيتي حتى سمعت شي حاجة طاحت فبيتها فاش دخلت لقيتها مغيبة وكترجف.. الطبيب قالينا وصلت 40 وراه حاطينها دبا تحت المراقبة ريم: (وقفات) انا غنجي اينا كلينيك سيف: لا بلاش تال غدا الليل هدا ريم: راه صوفيا ختي.. ياله قولي سيف: ******* ريم: اوكي انا جاية.... قطعات معاه وناضت لبسات حوايجها وكتصوني على رعد مي مكيجاوبش.. حتى عيات وهي تصيفطلو ميساج #رعد كان جالس فالبار معصب ومخنوق... بقا كيشرب كاس مور كاس ولي جات عندو كيجري عليها... تيليفونو كيصوني شافو وخلاه... شوية وصلو ميساج حلو وهو يقرا《خويا انا غادا للكلينيك **** راه صوفيا تزاد عليها الحال وداوها》غير قرا الميساج وهو ينوض.. وخا كان شارب مي مزال شاد فراسو.. ركب ومشا طاير للكلينيك بارت72 وصل وطلع كيجري لقا ختو وسيف ووالديه كاينين.. وماماها كتبكي طاح فيه النص... مشا نيشان عند سيف رعد: (معصب) شنو وقعليها.. سيف شم ريحة الشراب وجرو بعدو على والديه سيف: تهدن اصاحبي.. راه طلعاتليها السخانة ودبا حطوها تحت المراقبة... اش هاد الحالة لي فيها نتا رعد: مالها حالتي سيف: شارب.. واش بغيتيني نزوج ختي لواحد كيشرب ههه رعد: مناقصنيش الضحك ديالك.. لي فيا كافيني سيف: مالك اصاحبي هضر رعد: (تنهد) ختك مزال كتبغي هداك.. وخا اعتارفتليها بحبي سيف: (تصدم) قلتيليها كنبغيك رعد: اه سيف: وشنو دارت رعد: فاللول سحابلي حتى انا كنعجبها مي دبا متاكد بلي كنت غالط وهي مزال متعلقة بالاخر سيف: (تنهد) يكون خير ان شاء الله... صبح الصباح وهما جالسين كيتسناو وخا سيف عيا مع والديه يمشيو مي مبغاوش.... دخل الطبيب فحصها وهو يخرج سيف: كيبقات دبا الطبيب: معندي منخبي عليك الحرارة مزال طالعاليها.. وراني عاودت ضربتليها ابرة سيف: واش فاقت الطبيب: هادشي لي خالعني.. هي مغيبة دبا..... مشا وخلاهم مخلوعين كثر من البارح............. #دازت_سيمانة.. سيمانة وهي مغيبة محاسة بوالو.. والحرارة مرة كطلع بزاف مرة كترجع عادية...... اليوم بطلتنا حلات عينيها بشوية.. كتحلهم وتعاود تسدهم.. حتى وضحات ليها الرؤية.. لقات راسها فبيت بيضة وصوت الالات كيتسمع عرفات راسها فالصبيطار.. شوية دخلات فرملية.. غير شافتها حالة عينيها وهي تبتاسم وخرجات كتجري... شوية دخل عندها الطبيب فحصها الطبيب: كيف كتحسي دبا امدموزيل صوفيا: حمد الله فين ماما وبابا الطبيب: راهم برا هاهما غيدخلو عندك دبا.... خرج ودخلات مها كتجري عنقاتها وكتبكي ماما: (شدات وجهها بين يديها) هئ هئ خلعتيني عليك ابنتي صوفيا: صافي اماما عفاك هانا حداك دبا.. عفاك متبكيش بابا: (شدلي يدي) الله ابنتي على خلعة درتيلينا صوفيا: غير السخانة مالكم مخلوعين هكا سيف: راك سيمانة ونتي مغيبة صوفيا: (شهقات) واش بالصح سيف: اه سيمانة وحنا مخلوعين.. السخانة طلعاتليك بزاف ونتي دخلي فغيبوبة... بقاو كيهضرو معاها وهي كتجاوبهم ومرة مرة كتشوف فرعد لي واقف بعيد وكيشوف فيها.. دخلات الفرملية هازا بلاطو دالماكلة.. غير شافت داكشي صوفيا خسرات وجهها ماما: (خداتو من عندها) شكرا... سيف عاون ختك تجلس باش تاكل صوفيا: (جلسات) لا اماما عفاك محاملاش ناكل هادشي ماما: (خنزرات فيها) غادي تاكلي بزز عليك... بدات كتوكلها وصوفيا كارهة داكشي.... بقاو معاها شوية وهما يمشيو والديها وبقا سيف وريم ورعد لي جالس بعيد.. ولحد الان مهدرش سيف: ريم اجي نقوليك شي حاجة... خرجو وبقا رعد معاها بارت73 ناض رعد جلس فالكرسي لي حداها رعد: كيبقيتي صوفيا: مزيان حمد الله رعد: الحمد الله... شوية تحل الباب ودخل الكارد فيديه البيتزا خداها رعد منو ومشا رعد: (حطها فوق رجلها) ياله كولي صوفيا: (بفرحة) فوقاش دمونديتي عليها رعد: فاش شفتك محاملاش داكشي لي عطاتك ماماك صوفيا: شكرااااا... هزات طرف بدات كتاكل ورعد حاضيها وكيشوف فيها بعينين حزينين... بقات كتاكل وهو كيمسحليها فمها حتى كملات وشبعات... هز داكشي لي بقا حطو فوق الكوافوز رعد: نخليك ترتاحي دبا... دار بغا يمشي حتى شداتو صوفيا من حوايجو صوفيا: رعد مالك رعد: والو صوفيا: (جراتو وجمعات واحد الرجل) جلس هنا... دار داكشي لي قاتلو.. مقلق مني على داكشي لي قلتليك ياك رعد: (تنهد) منقدرش نخليك تبغيني بزز داكشي علاش غادي نخليك على خاطرك وكنعتادر على داكشي لي درتليك... صوفيا قربات لعندو وهي تعنقو وزيرات عليه... غير حس بعناقها نسا كلشي وزاد دخلها فيه وحشا راسو فعنقها... حتى لواحد اللحظة حسات بعنقها فزك وهي تهزلو وجهو بالزربة.. لقات دموعو نازلين تصدمات... كان ديما كيبانليها داك الشخص القوي لي صعيب ينهزم... هاهو دبا قدامها منهزم وضعيف صوفيا: (بخوف) مااالك رعد: سيمانة اصوفيا.. سيمانة ونتي مغيبة كنت غادي نحماق.. انا منقدرش نستحمل فكرة توقعليك شي حاجة... وخا مكتبغينيش مي نتي حياتي وحبيبتي وروحي... كل ساعة دازت فهاد السيمانة كنت كنموت فيها 100 مرة... معارفكش واش غتفيقي.. خايف تمشي وتخليني من بعد مالقيت حب حياتي... وخا مكتبغينيش غادي نبقا نبغييييك.. صوفيا بقات كتشوف فيه وهو كيهضر ودموعو كيطيحو كثر وكثر تأكدات بلي هاد الشخص بالصح كيبغيها... بدات كتمسحلو دموعو... وهي تقربلو وباستو بوسة طويلة ففمو صوفيا: من اليوم انا ديالك رعد: (بصدمة) كيفاش صوفيا: انا غنكون معاك دبا... معرفتي نتغير من بعد ونرجع كنبغيك رعد: (فرح) واش بالصح صوفيا: اه... رعد طار على شفتيها كيبوس ويتلذذ.. بعد والابتسامة مفارقاتوش... بقات كتشوف فيه كيفاش تحول بالزربة بكلمة منها.... صوفيا: احم انا غادي نتكا دبا راني مزال عيانة رعد: (وقف) اه احبيبتي وخا.... قادليها بلاصتها وعاونها حتى تكات باسليها راسها عاد خرج.. لقا سيف وريم جالسين فوق الكراسا كيهضرو سيف: امدرا هدرتي معاها ولا لا رعد: (بابتسامة) هدرت معاها ريم: شفتك اخويا فرحان شنو وقع لداخل رعد: قالتليا من اليوم غتكون معايا وتقدر من بعد تبغيني... المهم انا غندير جهدي كامل باش تبغيني سيف: الى كانت هي فرحانة انا ماعندي منقول من غير.. الله يكمل عليكم بالخير... وختي امانة عندك ارعد رعد: غادي نحطها فعينيا..... خرج رعد وصوفيا بدات كتفكر فداكشي لي دارت واستغربات من راسها حيت حاسة بالراحة والفرحة من الفوق... غمضات عينيها وهي مبتاسمة... دازت يومين وخرجات صوفيا من بعد ماطمنهم الطبيب على حالتها.... وصلات للدار وطلعات لبيتها تبعها سيف وريم.. عاوناتها ريم بدلات حوايجها صوفيا: مابقا والو لعرسكم سيف: راه اجلناه صوفيا: علاش سيف: ونتي لي حلفتي منتزوجهاش... هاحنا اجلناه من هنا 2سيمانات صوفيا: ههههه سمحولي ريم: لا متقوليش هكا اختي.. فاش تحسي براسك مزيانة ونخرجو نتقداو حيت بغيتك تعاونيني صوفيا: واخة اختي... هبط سيف وريم وانا بقيت متكية حتى حسيت بنفس كيضرب فعنقي.. بارت74 درت بالزربة لقيت رعد صوفيا: خلعتيني رعد: ديزولي حبيبة صوفيا: اش جاي دير هنا.. سير دبا يشوفك شي حد رعد: بغيت نخرجو انا وياك شي عشية صوفيا: واخة ياله سير دبا رعد: ويلا مبغيتش صوفيا: رعد يهديك الله.. سير دبا طلع ماما ولا بابا ولا سيف.. ونصدق فموشكيل رعد: وانا مزال مشبعت منك.. واصلا معندهم مايديرو حيت مكنديرو والو... سيف دخل غير شافتو صوفيا وبدات كتبحلق بعويناتها سيف: (حابس الضحكة) اش كدير هنا صوفيا: خويا دبا.... راه... راه..ا رعد: (شاف فيها) اش كتقولي راه مفهمت والو صوفيا: احم خرجو بغيت نعس.... تحشات من تحت الغطا وعطاتهم بالظهر... هما تفرشخو بالضحك عليها..... صوفيا: راني مكنسمعكومش سيف: ههههه زيد اصاحبي هاد البنت راها حمقة رعد: متقوليش على حبيبتي هكا سيف: هههههه هاي هاي دخلتي دخلة صحيحة وجاي عندها حتى البيت محشمتيش رعد: ههههه راك عارف ختك كيدايرة.. واصلا جيت غير نطل عليها.. ياله الله يعاون...... خرج رعد ومشا سيف عند ختو تحشا حداها وهي تحل عينيها سيف: اش كان كيدير رعد هنا صوفيا: احم دبا اخويا عر... سيف: (قاطعها) انا عارف كلشي صوفيا: (جلسات) اش عارف سيف: عارف بلي رعد كيبغيك صوفيا: كيدرتي عرفتي سيف؛ قالهالي.. دبا بغيت نعرف نتي باش كتحسي من جهتو صوفيا: (تزنكت) معرفتش صراحة.. مي كيعجبني الحال فاش كنكون معاه سيف: ممم واخة... المهم انا دييما فجنبك ومعمري منخلي شي حد يقيسك ولا يقلقك اوكي حبيبة.. واي حاجة طرات معاك نبغيك تقوليهالي صوفيا: واخة احبيبي الله يخليك ليا... عنقاتو وحتى هو عنقها سيف:(باس راسها) ياله احبيبة هاني غادي دبا عندي شي شغل حتى الليل ونتلقاو صوفيا: اوكي😘😘.... خرج سيف وهي نعسات حتى العشية... ناضت بشوية عليها بدلات حوايجها ونزلات للجردة لتحت بقات كتشم فالهوا حتى جلسات حداها ماماها ماما: كنظن بلي رعد كيبغيك صوفيا: (بصدمة) كيفاش ماما: كون تشوفي حالتو مسكين فاش كنتي مغيبة.. منعس مشافو... الليل كامل كيدوزو فبيتك حال عينيه وكيتسناك تفيقي.... انا ام ومن النظرات ديالو ليك فهمت هادشي... اما فاش عرفناك فقتي يمكن هو فرح كثر منا... مي فاش دخلنا جلس بعيد مقدرش يقرب ليك... بقيت كنشوف فيه كيفاش كان كيشوف فيك داكشي علاش انا وباباك مشينا.. ياكما يقدر يهدر معاك...... دخلات ماما وخلاتني مصدومة وكنفكر واش نقدر نبغيه حتى انا.. وصلات وقيتة دالعشا..دخلت تعشيت وطلعت باش نعس حتى كنشوف تيليفوني كيصوني.. هزيتو لقيت رعد وانا نجاوب رعد: واش كنتي ناعسة صوفيا: لا كنت كنتعشا عاد طلعت لبيتي رعد: ومالكي طافية الضو شعليه خليني نشوفك صوفيا: هههه اوكي... شعلات الضو ورجعات لبلاصتها.. صافي رعد: احح على الحبيبة ديالي شحال زوينة وفنة صوفيا: (تزنكات) حشم شوية رعد: هههههه واخة الالة... اوى اش كتعاودي صوفيا: والو توحشتك رعد: (تصدم) عاودي اش قلتي صوفيا: توحشتكك رعد: نجي عندك دبا صوفيا: اه رعد: (ناض) اوكي هانا جاي... جات تهضر مي هو قطع صوفيا: اويلي دارها بالصح..... ارت75 بعد دقائق وصلها ميساج منو《هانا كنتسناك حدا الباب》.. ناضت لبسات فيستة وهي تنزل.. لقاتو لابس غير الكيطمة وكيف العادة متكي على طموبيلتو... شافها وهو يجي عندها عنقها وهزها رعد: نبقاو غير هنا ولا نمشيو لشي بلاصة صوفيا: (قلبها كيضرب) لي بغيتي.... مشا رعد ركبها فالطموبيل وركب حتى هو وديمارا... شدليها يديها وبقاو غاديين وهي جالسة كتشوف فيه وحاسة بفرحة كبيرة... بعد مدة وقف رعد ودار لعندها رعد: كنعجبك صوفيا: (توترات) اا.. دبا انا رعد: (قاطعها) خلينا نهدرو بصراحة.. حيت انا مبغيتش نكون جابرك على شي حاجة مبغيتيهاش صوفيا: احم مغاديش ننكر بلي كيعجبني الحال فاش كنكون معاك.. ويمكن كنحس بشي من جهتك رعد: (فرح) هادشي لي باغي انا هاد الساعة... فين بغيتي نمشيو صوفيا: معرفتش لي بغيتي رعد: اجي بعدا مجاكش البرد.. نتي لي خارجة بشورط صوفيا: هههه نو الطموبيل سخونة رعد: ممم اوكي... ديمارا رعد وموقف حتى لواحد الريسطو صوفيا: اش جينا نديرو هنا رعد: مزال متعشيت صوفيا: اه اوكي... نزل رعد وتبعاتو صوفيا وهي يجيها البرد.. شداتو من يدو وهو يبتاسم.... دخلو الداخل لقاو الريسطو معامرش بزاف خداو طبلة فواحد القنت وهز الموني كيشوف رعد: حبيبة هزي شوفي اش بغيتي صوفيا: مي انا ديجا تعشيت رعد: مكيعجبنيش نتعشا بوحدي صوفيا: اوكي... هزات الموني حتى هي تشوف.... شوية جا السرباي خدا طلباتهم ومشا بعد مدة رجع وحطليهم داكشي لي بغاو... بداو كياكلو وصوفيا حمقاتها ديك البيتزا جلسات كتاكل وتلذذ.... داز من حداهم رجل كبير فالسن شوية شافهم وابتاسم الرجل: حسن عوانك اولدي رعد: (باستغراب) علاش الرجل: الحمل راه فيه 9شهور ونتوما باينين ياله بديتو.. الوحم راه صعيب مي حاول ديرليها خاطرها.. واي حاجة بغاتها جيبهالها رعد: (شاف فصوفيا حادرة راسها وكتاكل ولابسة بيجامة وهو كيطمة بدا كيضحك) شكرا اعمي هاحنا صابرين الرجل: الله يفرحكم اوليداتي.... مشا الرجل ورعد بدا كيشوف فصوفيا وكيتخايل راه هما مزوجين وهي حاملة منو... ابتاسم ابتسامة عريضة صوفيا: (شافتو) مالك رعد: لا والو عجباتك البيتزا صوفيا: لذيذة بزااااف رعد: راه نتي لي لذيذة صوفيا: (تزنكات) حشم رعد: (بضحكتو الرجولية) ههههههه... صوفيا سهات فيه وفعينيه لي تغمضو وفتفاحة ادم لي كطلع وتنزل.. مفيقها غير لمسات يدو رعد: فين سهات حبيبتي صوفيا: احم لا والو... ياله نمشيو رعد: اوكي..... خلص رعد وهما يركبو وديمارا.... وصلها للدار جات تنزل وهو يجبدها لعندو رعد: فين بوستي صوفيا: هاد النهار مكايناش رعد: عطيهالي ولا مغاديش تنزلي صوفيا: تقدر رعد: كتحدايني صوفيا: اه الى قديتي متخلينيش نزل خوذ شحال مابغيتي ومغاديش نحبسك... مي الى قديت مابقات لا بوسة لا جوج رعد: (بابتسامة شريرة) اوكي.... بقات كتشوف فيه وهي تقربلو وهو حاضي معاها اش كادير... دوزات يديها على وجهو وعينيها فعينيه ماحس براسو حتى طلقها.... حلات الباب بالزربة وخرجات... نزل رعد بغا يشدها ساعة دخلات كتجري.. رجع للطموبيل وهز تيليفون كيصوني عليها... اما صوفيا دخلات كتموت بالضحك عليه وهي تنتابه لتيليفونها كيضرب الفلاش هزاتو لقاتو رعد صوفيا: (تكات) شنو بغيتي رعد؛ نزلي صوفيا: هههههههه لا رعد: حسن ليك نزلي راني مكنضحكش صوفيا: ههههه بونوي... قطعات عليه وهي كتموت بالضحك حيدات الفيستة وشورط لبسات شورط قصير وهي طفي الضو...... غمضات عينيها شوية حلاتهم وقلبها كيضرب.. حسات بشي نفس كضرب فعنقها جات تغوت وهو يتسدليها الفم... بارت76 تشعل الضو وهي تشوفو صوفيا: (شادة قلبها) خلعتيني رعد: ياك قلتليك نزلي ومبغيتيش صوفيا: كيدرتي دخلتي رعد: الله يخطي علينا الشجر والبالكون صوفيا: اويلي واش تسطيتي ياله رجع منين جيتي رعد: لا مبغيتش صوفيا: راه دبا يشوفك شي حد هنا يفهمونا غلط.... رعد ناض سد الباب دالبيت بالساروت وسد البالكون رعد: هاحنا دبا سدينا الباب مكاين لي غيدخل... صوفيا حيدات الغطا ومشات عندو صوفيا: سير ارعد راك غادي ديرلي المشاكل رعد: (كيشوفها اش لابسة وجسمها لي تقريبا معري) اش هاد الزين.... صوفيا شافت فراسها وهي تمشي تجري بغات تلبس شي حاجة ساعة شدها رعد: سحابليك كل مرة تقدري تهربي صوفيا: رعد مغاديش تقيسني نتا مواعدني غادي نحبسو هادشي رعد: (تنهد) واخة مي اليوم غادي نعس حداك وبدون نقاش صوفيا: صباح بكري غادي تمشي رعد: ويي صوفيا: اوكي... لبسات صوفيا شورطها طويل شوية ومشاو نعسو وهو يحيد رعد تيشورت ديالو... لبس حوايجك علاش حيدتيه رعد: علاش ديما كتقوليلي نلبس تيشورت مالكي معايا صوفيا: صافي دير لي عجبك... تكات وعطاتو بالظهر حتى حسات بالعناق ديالو وهي دور صوفيا: انا اش قلتليك رعد: راني مدرت والو غير عنقتك صوفيا: ممم عنداك تجاوز الحدود.. اطونسيو رعد: هههههه نعسي لانصدقو فشي حاجة ماشي تال لهيه قالك اطونسيو😂........ بعد رعد وتكا وهي تكات فوق صدرو رعد: هههههه ودبا شكون كيقلب على الاخر... طل عليها لقاها نعسات... مد يديه طفا الضو وعنقها ونعسو.......... صبح الصباح فاقت صوفيا كتكسل وهي تشوف راسها محشية فشي جسم ضخم... ابتاسمات وعلات راسها لقاتو نااعس وشعرو طايح على عينيه سهات فيه.... رعد حل عينيه لقاها كتشوف فيه ومبتاسمة رعد: صباح الورد حبيبة صوفيا: صباح الخير.. نعستي مزيان رعد: اول مرة فحياتي نعس مزيان صوفيا: (مزنكة) ياله نوض سير فحالك رعد: مزال الحال ياله 8 هادي صوفيا: علاش بغيتيهم حتى يفيقو عاد تمشي رعد: ههههه صاافي الالة هانا نايض.... ناض رعد دخل للحمام ديالها غسل وجهو وخرج هاز سوتيمات مشبكين فالحمر رعد: زويين هاد الشكل😍 بارت77 صوفيا: (تصدمات) ا..اش داكشي هزيتي واش حماقيتي... مشات بغات تحيدهوملو وهز يديه الفوق.. بدات كتعلق ووالو صوفيا: (خنزرات فيه) مبقيتيش كتحشم رعد: (غلباتو الضحكة) ههههههههههه... طارت عليه سداتلو فمو صوفيا: سكت واش بغيتي تشوهني.. حيداتلو سوتيامات لاحتهوم وجراتو... ياله زيد قدامي سير فحالك رعد: عطيني حوايجي بعدا... هزات تيشورت عطاتولو لبسو ومشا جهة الباب مشات كتجري حبساتو صوفيا: فين غادي بالسلامة.. رجع منين جيتي رعد: بغيتيني نتهرس الالة... انا غادي نخرج من الباب صوفيا: اوووف زيد من مورايا ويلا مشيتي حتى درتي الحس غادي ناكلك رعد: اوكي.... خرجات صوفيا مالقات حتى واحد وشيراتلو.. هي غادا بشوية وكتشوف فجنابها وهو حابس الضحكة غير بزز... نغزها من اللور وهي دور صوفيا: (بشوية) شنو.... شافتو حمر وقرب يطلق الضحكة وهي تنقز عليه سداتلو فمو وهو كيتهز بالضحك... ضحكة صامتة.... شافتو مبغاش يحبس وهي تجبدو لعندها... صوفيا: (بهمس) الى سكتي وخرجتي بلا مايشوفك شي حد غادي نبوسك شحال مابغيتي.... غير سمع رعد هادشي وهو يجرها من يديها خرجو بالزربة وصلو للطموبيل رعد: ياله عطيني حقي صوفيا: حقكك ههههه منين جاك... واصلا متستاهلش على ديك الخلعة لي درتيلي رعد: ياااك صوفيا: وي ياله باي... مشات كتجري خلاتو مغدد ركب طموبيلتو وديمارا....... صوفيا دخلات لبيتها دوشات ولبسات حوايجها وهي تنزل... لقاتهم مجمعين على طبلة دالفطور صوفيا: صباح الخير الكل: صباح النور سيف: (جرها جلسها فوق رجليه) شفتك نسيتيني واش مبقاوش كيعجبوك رجليا صوفيا: (باستو) لا ماشي هكاك غير كنحاول نتعود على ماتزوج سيف: حتى حاجة مغادي تغير اوكي صوفيا: اوكي سيف: ياله فطري باش نخرجو صوفيا: فيين سيف: مفاجأة... كملت فطوري وطلعت لبست حوايجي (الصورة) ونزلت عند خويا... شدني من يدي ومشينا ركبنا الطموبيل سيف: تبارك الله على رعد قدر يدير داكشي لي مقدرتش نديرو صوفيا: (تزنكت) خوياااااا سيف: ههههه صافي هانا ساكت.... ديمارا ومشينا حتى وقف حدا شركة ديال رعد شفت فيه باستغراب بارت78 سيف: نزلي بعدا صوفيا: اوكي.... نزلات وغادا فاتجاه الشركة حتى جرها من يدها سيف: فين غادا الالة.. توحشتي حبيب القلب صوفيا: (خنزرات) سيييف سيف: صافي صافي زيدي قدامي... مشاو دخلو للشركة لي حدا ديال رعد... طلعو للايطاج اللخر ودخلو لواحد المكتب واسع ومضوي صوفيا: ديالمن هاد المكتب... جرها جلسها فوق الكرسي سيف: ديالك.. او بالاحرى هادي شركتك صوفيا: (بصدمة) كيفاش سيف: شركة صوفيا لتصميم الازياء صوفيا: فوقاش درتي هادشي سيف: منين جيتي وانا كنقاد فهادشي انا وبابا... وماما هي لي تكلفات بالديكور ديال الشركة صوفيا: (دمعو عيني) شكرااا سيف: حنا عائلتك الحمقة... بغيتك تحمريلي وجهي وديري شي عرض ازياء لي يبقى يهضر عليه كلشي صوفيا: واخة احبيبي... انا اصلا ديجا مصممة شي حاجة مي غادي نزيد متخممش سيف: تاايق فيك... ياله زيدي قدامي راه عندك اجتماع باش يتعرفو عليك الموظفين صوفيا: (ترددات) مي انا... سيف: (قاطعها) السمع ماشي اعاقة ياله زيدي قدامي... جرها دخلو لقاعة الاجتماعات لي كانت عامرة سيف؛ (بجدية) سلام كنعرفكم على ختي مولات الشركة صوفيا.. نبغي منكم الانضباط والاحترام... وتعاونو كفرييق صوفيا: (بابتسامة) بلا مايخلعكم خويا... دبا حنا عائلة وغادي نتعاونو وشوية بشوية غادي نكبرو الشركة... حيت هادي شركتنا كاملين...... الموظفين رتاحولها كيفما عارفين بلي هي ملامحها هادئة وبريئة يعني تشوفيها ترتاحيلها...وهادشي لي وقع مع الموظفين لي كلهم شباب.... الشركة كانت صغيرة وفيها الوان كثيرة دخلي لها تحسي بالفرح.... كاين بلاصة فيها طبلة طويييلة وفوقها ادوات الرسم.... خرج كلشي ومشات هي وخوها لمكتبها سيف: عجبك الحال صوفيا: اه بزااف شكرا اخويا سيف: دبا نبغي نشوف مهارات ختي ونبغي فاقرب وقت نحضر للعرض ديالك صوفيا: مممم نواعدك فاش ترجع من شهر العسل غنكون ساليت وندير العرض سيف: اوكييي... ياله نخليك دبا انا غنمشي لخدمتي ودبا نسيفطليك الشيفور صوفيا: واخة اخويا..... خرج سيف ياله غادي يركب فطموبيلتو وهو يوقف عليه رعد رعد: فين كنتي ياكما كتخون ختي سيف: ههههه اش هاد الخيال عندك.. راني كنت مع ختي رعد: (كيدور عينيه) صوفيا.. فينها سيف: (شيرلو للشركة) راها لداخل رعد: اش كدير تما.. وهاد الشركة ياله حلات سيف: هادي الشركة ديالها رعد: (بابتسامة) واش بالصح سيف: اه راه هادي شركة تصميم رعد: مزيااان... غادي تخليها بوحدها كيغادير ترجع للدار سيف: راني عوال نصيفطليها الشيفور رعد: بلا ماتصيفطو انا غانجيبها سيف: صافي واخة ياله الله يعاون رعد: بسلامة.... سيف ركب طموبيلتو وديمارا اما رعد مشا دخل للشركة دصوفيا وسول على مكتبها وهو يطلع... حل الباب لقاها كدور فمكتبها وكضحك... سد الباب ومشا عنقها من اللور صوفيا: افف خلعيتيني رعد: (باسها ففمها) مبروك حبيبتي صوفيا: (بخجل) الله يبارك فيك.. باسها فحنكها رعد: شي نهار غادي ناكلك بكثرة مانتي حلوة صوفيا: (غطات وجهها) رعد حشم رعد: نااري هاد البنت غادي تسطيني... حيدليها يديها وباسهوم بجوج... كنبغيك... عنقاتو من كرشو وقلبها غيطير بالفرحة بارت79 رعد: نمشيو نتغداو صوفيا: واخة ياله.... تشادو باليدين ومشاو... ركبو فالطموبيل وهو يديماري رعد... طول الطريق وهي حاضياه وكتبتاسم رعد: (شاف فيها) هههه امالنا صوفيا: كيداير صوتك واش غليض ولا رقيق رعد: (حبس الطموبيل) حياتي علاش مبغيتيش تجربي العملية.. مغادي نخسرو والو صوفيا: (نزلات دمعة) مبغيتش نتأمل وفاللخر منسمعش.. مغاديش نتحمل رعد: (مسحليها دمعتها) انا معاك سواء كنتي كتسمعي ولا لا حيت انا كنبغيييك... ويلا قبلتي غادي تفرحيني كثر صوفيا: (تنهدت) وخا لي بغيتي نديروه رعد: (فرح) كنحماق عليك... عنقها وضحكتو واصلة لودنيه.. فرحان حيت تاكد بلي بالصح كتحس تجاهو بشي حاجة..... كملو طريقهم للريسطو... تغداو ورجعها لشركتها وهو دخل لشركتو...... صوفيا مشات نيشان لمكتبها حطات صاكها وخرجات مشات لديك الغرفة لي فيها الطبلة الطويلة لقاتهم تقريبا مجمعين تما وكل واحد اش كيخطط صوفيا: السلام الكل: وعليكم السلام.... جلسات بيناتهم وبدات كتشوف شنو كيرسم صوفيا: مممم الى درنا لهادي هكا... خدات قلم منو وبدات كتقاد.. غتجي حسن ياك الشاب: (بانبهار) ويي صوفيا: عرفوني عليكم بعدا بنت: انا نادية بنت2: انا سمية بنت3: انا دعاء ولد: انا طارق ولد2: انا معاذ ولد3: انا محسن..... عرفات لكلشي سميتو صوفيا: بغيت نقوليكم واحد الحاجة حيت غنخدمو مع بعضياتنا باش ميكونش سوء تفاهم... انا مكنسمعش معاذ: (مصدوم) وكيفاش كتهضري صوفيا: وقعاتلي كسيدة وفقدت السمع ديالي مي كنقرا ليبسينغ... انا قلتهاليكم باش حتى الى مجاوبتكومش ولا شي حاجة متقولوش منخلاكم.. داكشي علاش نادية: اوى هادي هي الدنيا ضروري متكون عند الواحد شي حاجة ناقصة... نتي دبا شبعانة وعندك شركة مي للاسف مكتسمعيش دعاء: (نغزاتها) حشمي شوية اش دارتليك البنت حتى درتيلها هكاك نادية: (غطات فمها وكتهضر) كون تشوفي على بوكوص مصاحبة معاه كون قتلتيها... ناري بقا فيا مصاحب مع صمكة........ صوفيا بقا فيها الحال على ديك الهدرة وهي تحدر راسها... حتى حسات بشي يد عنقاتها من خصرها دارت بالزربة وهي تشوف رعد عينيه حومر وعروقو باينين وباينة فيه معصب بارت80 صوفيا: رعد ماالك رعد: (سمع الهدرة كااملة) نتييي نادية: (تخلعات) ا..نا رعد: (مشا لعندها شنق عليها) كيفاش تجرئي الق*** تهضري مع لالاك هكا..... الدراري كيحاولو يفكوها مي والو.... طلق منها فاش شافها تخنقات وهز يديه تال السما صرفقها.. طاحت للارض والدم كيسيل من نيفها صوفيا: (تخلعات) رعد عفاك تهدن... مداهاش فيها وهبط لعندها كيضرب فيه.. شداتو من قميجتو... حبيبي عفاك بعد عليها رعد: (سمع ديك الكلمة وهو يحبس عن الحركة) الصمت..... شافتو مهدن وهي تنوضو جراتو وداتو فاتجاه مكتبها.... دخلو جلساتو وجلسات فوق رجليه رعد: شنو قلتي قبيلة صوفيا: (شدات وجهو بين يديها) كنبغييك رعد: (تصدم) كيفااش صوفيا: كنبغييييييييك.. شافتو مصدوم.. مالك رعد: واش بالصح كتبغيني صوفيا: اه.... بغيتك حيت لقيت فيك السند ديالي.. حطات يدها على قلبو... هاد القلب نقي لي بغاني بصدق وخا انا مكنسمعش.. ورغم بزااااف دالحوايج بغيتيني من قلبك ومنتظرتيش المقابل مني... كنتي ديما الشخص لي كيدافع عليا... وزيد عليها نتا بوكوص وريحتك كتحمقني ههه... دونك كيفاااش مبغيتيش نبغيك رعد: (كل كلمة قالتها ترسخات فدماغو) ممصدقش هادشي لي كنسمع صوفيا: كنبغيك احبيبي.... طار عليها رعد بقبلة وحلف مايطلق منها حتى داق طعم الدم والدموع رعد: (تعصب) سمحيلي احبيبتي من الفرحة متحكمتش فراسي صوفيا: (دموعها نزلو) كتخلعني ارعد نتا عصبي.. عفاك تحكم فراسك رعد: (كيمسحليها دموعها) متقوليش هكا الا نتي منقدرش نقيسك ولا نآذيك نتي روحي صوفيا: (عنقاتو وحشات وجهها فعنقو) جوتيم.... زير عليها رعد وهو غيطير بالفرحة ومزال ممصدق بلي حب حياتو حتى هي كتبغيه..... هزليها راسها ومسح داك الدم باسها بوسة خفيفة... وخرجو لقاو كلشي مجمع على نادية لي نص فوجهها زرق رعد: (بقسوة) منبغيش نشوفك مرة اخرى هنا فالشركة نادية: شكون نتا باش تطردني ياكما شركتك صوفيا: كنظن تطاولتي بزاااف وكنت عوالة نسمحليك مي نتي مخليتيلي حتى مجال.. ودبا منبغيش نشوفك هنا مرة اخرى..... خنزرات فينا ومشات... مكنتش باغا هادشي يوقع مي نتمنا نبداو الخدمة مزيان محسن: هي لي تمادات نتي مدرتي والو صوفيا: ميرسي.... رجعت انا ورعد للبيرو رعد: نخرجو فالليل صوفيا: نو انا دايرة مع ريم نخرجو انا وياها حيت بغات تقدا.. مي اجي بعدا علاش جيتي رعد: نسيتي تيليفونك هاهو... حطو فوق الطبلة وحشا وجهو فعنقها كيستنشق ريحتها وهي مغمضة عينيها ومبتاسمة صوفيا: (كدوز يديها على شعرو) ياله احبيبي سير لخدمتك رعد: (شاف فيها) واخة احبيبة التيليفون بيناتنا صوفيا: اوكي.. باسها ففمها وهو يخرج.... مشات جلسات بلاصتها وبدات كتصمم.... حتى وصلات ل5 دالعشية وهي تجمع داكشي حطاتو فصاكها ونزلات وصلات لشركة رعد هزات تيليفونها صيفطات ميساج لريم... لي غير قراتو وهي تنزل لعندها ريم: قاليا سيف خدمتي صوفيا: ويي فهاد الشركة ريم: يااي حدا بعضياتنا صوفيا: ههههه ويي... ياله زيدي نمشيو نتقداوليك العروسة ريم: اوكيي😍😍... ركبو فطموبيل دريم وهي ديماري... بعد مدة وصلو للمول بارت81 دخلو لكاع المحلات لي تما وكيشريو حتى عمرو يديهم وعاوناتهم وحدة من واحد المحل... نزلو داكشي داروه فالطموبيل.. دورو مع البنت وهما يركبو صوفيا: اففف عييت ريم: حتى اناااا.. نمشيو للدار نتعشاو ونعسو صوفيا: علاش واش غنمشي معاك؟؟؟ ريم: ويي بغيتك هاد المدة تبقاي معايا ياك قلتيلي نتي ختي وغتعاونيني صوفيا: (تنهدت) اوكي زيدي..... بعد مدة وصلو للدار.. عيطو على الكارد هز داكشي طلعو وعاد دخلو هما رعد: فين تعطلتي.. انتابه لصوفيا وهو يبتاسم ريم: خلينا نرتاحو ونهدرو راه سخفنا رعد: اوكي... طلعات ريم وصوفيا للبيت سبقاتها صوفيا للدوش... دوشات وخرجات عطاتها الحوايج عاد دخلات هي.... لبسات صوفيا ونشفات شعرها غير بالفوطة... لبسات بانطوفة وخرجات غادا حتى تجبدات من خصرها ودخلات لواحد البيت.... كان رعد لي دخلها وكلاها مع الحيط صوفيا: شنو بغيتي رعد: ماشي حشومة جيتي ومسلمتيش عليا صوفيا: غير حشمت وصافي رعد: ههههه وينو على الحشومية ديالي... باسها فحنكها صوفيا: (بخجل) خليني نخرج راه فيا الجوع رعد: حتى انا فيا الجوع وخليني ناكل... نزل لعنقها كيبوس ويعض وهي مغمضة عينيها حتى لواحد اللحظة كسرات الصمت صوفيا: فوقاش غندير العملية بغيت نسمع صوتك رعد: (هز راسو وفرحان) من مور العرس ان شاء الله... انا هضرت مع واحد الطبيب وخديت رونديفو صوفيا: (تنهدت) اوكي حبيبي رعد: انا غنبقا معاك فكلتا الحالات صوفيا: (عنقاتو) كنبغيك.... باسها فراسها وهو يهزها رعد: كنحماق عليك... طبع بوسة ففمها وخرجو نزلو لتحت وهي حاطة راسها على كتفو ريم: اش هادشي كنشوف رعد: ههه حنا دبا اونكوبل ريم: وااو فرحتليكم😍😍... دارت صوفيا وهي تشوف ريم وهي دور بالزربة حشات وجهها فعنقو صوفيا: (بهمس) نااري تفضحنا رعد: (هزليها راسها) علاش بالسلامة انا وياك كنبغيو بعضياتنا فيها شي حاجة.. نزلها وجات ريم عنقاتها ريم: (شافت فيها) انا فرحانة ليكم بزااف... مبروووووك صوفيا: (فرحات) شكرااا..... جلسو كيتعادو وكل مرة رعد يغمز صوفيا ولا يصيفطلها بوسة... ريم تأكدات بلي رعد بالصح كيبغي صوفيا..... اما صوفيا غرقات فبلاصتها بالحشمة.... كملو وهي تنوض ريم ريم: بونوي... مشات وهي تنوض صوفيا بغات تبعها رعد: (خنزر) جلسي.... رجعات جلسات شوية عينيها تغرغو بالدموع... شافها رعد وناض عندها رعد: ماالك صوفيا: (نزلو دموعها) هئ هئ.. علاش غوتي عليا شنو درت رعد: (غلباتو الضحكة) ههههههههه صوفيا: مضحكش عليا راه بالصح كنخاف منك هئ هئ رعد: (كيمسحليها دموعها) صافي احبيبة سمحيلي اخر مرة.. انا غير بغيت نجلس مع حبيبتي شوية ياله زيدي نخرجو للجردة صوفيا: (بنفخة) اوكي.... زادت قدامو وهو كيضحك من موراها.... جلسو فالجردة وهي متكية على كتفو حتى لواحد اللحظة حس بيها ترخات طل عليها وكيف العادة لقاها ناعسة... هزها بين يديه وطلع لبيتو حطها وتحشا حداها... بقا كيشوف فيها حتى نعس.... صبح الصباح فاقت صوفيا لقات رعد لايح يديه على كرشها وحاشي وجهو فعنقها... ابتاسمات وبدات كتشوف فظهرو العريضة ولحمو قاصح... محسات حتى هزات يدها وبدات كتقيس فظهرو... معرف كيدارت لقات راسها من تحتو وهو كيشوف فيها بخبث رعد: اش كنتي كديري بارت82 صوفيا: (كترمش بعويناتها) خليني نوض رعد: لا... تكا عليها صوفيا: (بصوت متقطع) او..يلي قتلتيني... نوض راني مبقيتش كنتفس رعد: (ناض) ههههه نتي قليولة بزاف صوفيا: راه نتا لي داير بحال الوحش.. اش كتاكل رعد: مزال مكليت عاد عوال ناكل.. هبط كيبوس فعنقها ويعض صوفيا: (كدفع فيه) نوض راه الصباح هدا رعد: (طلع راسو) خليني نفطر.... رجع لعنقها وهي كضحك.. حتى سمع رعد الدقان فالباب وهو يبعد عليها وناض حل الباب ريم: صباح الخير.. مشفتيش فين نعسات صوفيا راه ملقيتهاش رعد: هاهيا ناعسة هنا ريم: اويلي نعستو بجوج رعد: ويي... دخل للدوش وتبعاتو ريم لقات صوفيا جالسة انتابهات لعنقها حمر ريم: نعستي هنا صوفيا: (بخجل) اه ريم: (حركات غير شفايفها باش ميسمعهاش رعد) ياكما درتو شي حاجة ماشي تال لهيه صوفيا: اويلي لا ريم: اوكييي....... دازت 2سيمانات دوزاتها صوفيا الصباح فالشركة والعشية مع ريم وفالليل فحضن رعد... دوزات هاد المدة كاملة مع ريم كتعاونها وتوجد معاها... سلاو كلشي وريم فرحاانة حيت بالصح لقات الانسانة لي تعاونها ولي زاد فرحها صوفيا هي لي صممات الفستان الابيض... ريم: (كتبكي) هئ هئ شكراااا اختي.. كيحمق صوفيا: (عنقاتها) تستاااهلي احبيبة ريم: باينة تعدبتي فيه بزاف.. 2سيمانات قليلة صوفيا: باش نكون صريحة معاك... هدا كنت مصمماه من شحال هادي.. حيت كنت باغا نلبسو فعرسي.. داكشي علاش قدني الوقت نخيطو حيت التصميم كان ديجا واجد ريم: (تصدمات) واش بالصح كتهضري... هدا تصميم ديال فستانك نتي صوفيا: اه ريم: لا منقدرش نلبسو اختي.. هدا ديالك نتي صوفيا: هي كنتي كتكدبي عليا فاش قلتيلي بلي انا ختك ريم: لا والله حتى كنعتابرك ختي وكثر مي مبغيتش ناخد شي حاجة عاجباك نتي صوفيا: نتي ختي دبا والحاجة ديالي هي ديالك... وانا فرحانة حيت صممتليك فستان عرسك... ياله حيديه ونوضي تنعسي راه غدا العرس ريم: اوكيي😍😍.. عاونتها حيداتو وعلقناه ومشات تنعس ياله تحشيت حداها وهو يدخل رعد هزني ريم: ههههههه فين داي البنت.. ياكما تزوجتيها وانا مفخباريش صوفيا: وااااع وابغيت نعس حدا ريم رعد: (مخنزر) سكتي.... سكتات وبقات كترمش بعويناتها دخلو للبيت وحطها فوق الناموسية... حيد التيشورت ودخل للدوش غسل سنانو وخرج لقاها مزال كيفما خلاها حادرة راسها رعد: (هزليها وجها لقاه حمر وعينيها ونيفها حومر) ماالك صوفيا: (كتمسح دموعها بكمام الكبوط) علاش كتغوت عليا هئ هئ رعد: سمحيلي احبيبة.... عنقها وبقا كيدوز يدو على ظهرها حتى حس بيها ارتاحت وردها قدامو... علاش خيطتي لريم فستانك صوفيا: عادي راها رجعات ختي دبا رعد: ملقيت منقوليك نتي راك ملاك... تكا فوق الناموسية وجبدها جلسها فوقو... كنبغيييك صوفيا: حتى انا كنبغيك... نزلات لعندو باستو ففمو ونعسات فوقو ووجها فعنقو رعد: (تنهد) كنموت فيكك..... صبح الصباح فاق رعد لقا صوفيا مزال ناعسة ومحشية فيه وكبوطها طايح من واحد جيهة كتفها باين... بقا كيتأمل فيها... نزل راسو باس كتفها وهي تحرك صوفيا: (كتحك عينيها) صباح الخير رعد: صباح الورد حبيبة بارت83 نضت غسلت وجهي وحكيت سناني وجا وقف حدايا رعد حتى هو كيحك سنانو... ولفتو بزااف معرفت كيفاش غادي نقدر نرجع للدار ومنشوفوش صوفيا: (بحزن) غادي نتوحشك رعد: (هزني) حتى انا احبيبة... ولفت نفيق على وجهك وريحتك... ممم مي حنا غنبقاو ديما نتلقاو صوفيا: وي ضروري... باستو ونزلات مشات قدام انظارو دخلات للبيت ديال حوايجو (دريسينغ) لبسات حوايجها وخرجات عندو صوفيا: (عنقاتو من كرشو) اففف مسخيتش بيك رعد: (جلس وجرها جلسات على رجليه) كنبغيك حبيبتي وحتى انا غادي نتوحشك بزااف صوفيا: (حطات جبهتها على جبهتو) عنداك تشوف فشي وحدة فالعرس رعد: هههههه لا الحمقة انا كنبغيك نتي صوفيا: جوتيييم... قربليها وغاصو فقبلة بعدات عليه وناضت.. ياله احبيبي انا غادا نتلقاو فالليل رعد: اوكي الزوينة..... خرجات صوفيا وناض رعد لبس حوايجو صوفيا: واجدة ريم: وي ياله.... ركبو فالطموبيل وشدو الطريق لسبا... دخلو ولقاو شي بنات من العائلة كيتسناوهم..... دارو لاصيغ ومساج... تهلاو فراسهم مزياااان وصل الليل بالزربة وهاهما كيوضعو اللمسات الاخيرة... صوفيا: تبارك الله.. جيتي فنة الله يحجبك ريم: حتى نتي غزاالة.... تشادو وخرجو بجوج لقاو سيف ورعد وشي دراري دالعائلة كيتسناوهم.... سيف جا باس لمرتو راسها وباس حتى صوفيا... خدا ريم ركبها فالطموبيل وجا رعد لي حماقو عليه البنات دا معاه صوفيا رعد: (باعجاب) جيتي كتحمقي صوفيا: (بخجل) حتى نتا جيتي بوكوص... باسها رعد فحنكها وهو يديماري............ داز العرس روعة ورعد حاضي غير صوفيا لي كانو معجبيها بزاف... كل دقيقة يصوط معجبوش الحال... رعد: جلسي حدايا ومتحركيش صوفيا: (ببراءة) علاش رعد: واش باغية تحمقيني.. شوفي ولاد عمك كيف كيشوفو فيك صوفيا: مالهم اش دارو رعد: اففف جلسي حدايا وسكتي صوفيا: (بعد مدة) غرتي ياك رعد: ياربي صبرني........ داز العرس واعر وحان لحظة الوداع صوفيا: (عنقت سيف وكتبكي) غادي نتوحشك هئ هئ سيف: (شد وجهها بين يديه) حتى انا احبيبة تهلاي فراسك صوفيا: حتى نتا تهلا فراسك وفريم... عنقت ريم... تهلاي فراسك وفسيف ريم: حتى نتي تهلاي فراسك اختي... عنقات خوها وبدات كتبكي رعد: (باس راسها) صافي احبيبة.. مبروك عليك اختي وتهلاي فراسك وفراجلك ريم: واخة... تسالم هو وسيف رعد: ختي امانة عندك اسيف نبغيك تحطها فعينيك سيف: متخممش راه حبيبتي هادي.. ونوصيك على صوفيا امانة عندك فغيابي رعد: متخممش.... توادعو وركبو العرسان طموبيلتهم وتحركو...صوفيا مشات مع والديها وصلات للدار دخلات دوشات لبسات بيجامتها وتحشات ففراشها نعسات.... اما رعد وصل لدارو دوش لبس شورطو.. تكا وبقا كيفكر فصوفيا حتى داتو عينو بارت84 نمشيو عند عرسانا لي شدو الطريق للمطار بغاو يدوزو شهر العسل فباريس سيف: (باس يديها) واخيرا وليتي ديالي ريم: (بخجل) مبروك علينا سيف: غادي نخلص فيك الجديد والقديم غير تسناي ريم: (تخلعات) الصمت سيف: هههههههه غير كنضحك معاك احبيبة متخلعيش.... وصلو للمطار وهي مزال بالفستان والناس كتشوف فيهم بحب... ركبو طيارتهم وبعد دقائق حلقات... دوزو الوقت وهما كيهضرو والفرحة باينة فعينيهم...... وصلو لقاو طموبيل ديال الاوطيل كتسناهم.. ركبو وبعد دقائق وصلو... بدلو حوايجهم وطاحو نعسو........ فاق سيف وهو يلقا ريم مزال ناعسة وشعرها طايح على وجهها سيف: (كيحيد شعرها) حبيبة.. رورو فيقي براكة من النعاس ريم: مممم سيف: (حشا وجهو فعنقها) حبيبة فيقييي راني مليت... بدا كيبوس فيها حتى حلات عينيها ريم: (كتبعدو) سيييف خليني نعس.. عضها فعنقها... ايي سيف: يااله نوضي براكة من الفشوش ريم: (جلسات) هانا فقت شنو بغيتي سيف: (باسها ففمها) بغيت ناكلك جاني الجوع ريم: (انااري اش غندير دبا) الصمت سيف: (عرفها خايفة) نطلبو بعدا الماكلة ياك ريم: ويي فيا جوع سيف: اوكي.... ناض عيطليهم ودموندا على داكشي لي بغاو... اما ريم دخلات للحمام دوشات ودهنات جسمها بكريمات.. لبسات شوميز دونوي فالبيض.. بقات كتشوف فالمراية حشمات تخرج قدامو هكاك... هزات بينوار طويل لبساتو وخرجات... جا سيف عندها سيف: (باسها فعنقها) بالصحة احبيبة ريم: الله يعطيك الصحة.... دخل سيف دوش بالزربة وخرج لابس غير شورط وشعرو كيقطر بالما... سمعو الدقان مشا حل لقاهم جابو الماكلة...جلسو كياكلو وكيحاول يهضر معاها ويتلفها باش تطلق معاه... كملو وهو ينوض قربليها وبدا فالمداعبات ديالو حتى ترخات بين يديه حيدليها البينوار وحل فمو بقا مدة كيشوف فيه وهو ينوض هزها للناموسية... حيدليها شوميز وعينيه كيتفحصو جسدها اما هي حشمانة من نظراتو سيف:(بهمس) كنموت عليك................ ياكما قصحتك ريم: (متكية على صدرو) لا بالعكس كنتي حنين معايا بزاف.. شكرا سيف: نتي راك روحي.. ياله نوضي ندوشو...... هزها بين يديه دوشو بجوج.. خرجو ولبسو بيجاماتهم... دارو فيلم وجلسو كيتفرجو..... مبغاش سيف يخرجو خلاها ترتاح هاد النهار وحتى الغدا عاد يبداو يتساراو بارت85 #صوفيا صبح الصباح فاقت صوفيا ودخلات للدوش.. دوشات وارتاحت فيه عاد خرجات لبسات حوايجها ونزلات تفطر صوفيا: ياله اماما هانا غادا ماما: الله يسهل عليك صوفيا: اميين... خرجات صوفيا ركبات فالطموبيل وهو يتحرك الشيفور ماوقف حتى للشركة... دخلات ومشات نيشان للمكتب ديالها وقالت للسكرتيرة تعلم المصممين بلي كاين اجتماع.... بعد مدة دخلو عندها صوفيا: احم بغيت نقوليكم بلي من هاد النهار غادي نبداو نوجدو لاول كوليكسيو محسن: شناهو الموضوع صوفيا: الصراحة مزال معرفت ومقررت مي نتوما غير بداو وضروري غنلقاو شي حاجة مابين تصاميمكم... انا ديجا موجدة شي تصاميم... وغادي نغيب هاد السيمانة مي نبغي فاش نجي نلقاكم درتو شي حاجة دعاء: اوكي مدموزيل.... خرجو وانا بقيت كنقلب فالانترنيت على اخر صيحات المودة... حتى حسيت بنفس فعنقي صوفيا: توحشتك رعد: (باسها فعنقها وهو يشوف فيها) حتى انا احبيبة.. اش كدير اميرتي صوفيا: غير كنشوف شنو خارج فالموضة رعد: (جلس فوق البيرو) مممم غدا عندك موعد مع الطبيب صوفيا: بهاد السرعة رعد: (باس يديها) وي حبيبة.. وهاد العشية انجي لداركم باش نهضر مع والديك صوفيا: ممم واخة رعد:(كيدوز يديه على وجهها) متخافيش احبيبتي انا معاك اوكي صوفيا: الله يخليك ليا رعد: امين ياله احبيبة انا غادي دبا نتلقاو بالعشية صوفيا: اوكي... خرج رعد وبقيت كنخدم حتى كملت وخديت شي نقط باش نعتامد عليهم وانا نوض... مشيت للدار تغديت وجلست فبيتي كنصمم حتى وصلني ميساج من رعد "انا لتحت نزلي"... نزلت لقيتو جالس مع ماما ماما: بنتي اجي جلسي مع رعد هانا راجعة صوفيا: فين غادا ماما: نمشي نعيط لباباك راه فالمكتب ديالو حيت بغا يهضر معانا مجموعين صوفيا: واخة... جلست قدامو رعد: توحشتك صوفيا: (بابتسامة) حتى انا رعد: اجي عندي صوفيا: دبا ينزلو رعد: واغير اجي وسيري بالزربة... ناضت لعندو جلسات فوق رجليه صوفيا: هانا... باسها ففمها رعد: اححح شحال حلوة... جات تنوض ورجعها.. مالك زربانة صوفيا: دبا ينزلو ونصدقو فمشكل رعد: متخافيش ياله زيديني بوسة وسيري.... باستو ورجعات لبلاصتها.... شوية دخلو والديها بابا: اهلا ولدي لباس عليك رعد: الحمد الله اعمي كيداير نتا لباس بابا: بخير هاد الساعة... جلسو كاملين.. ياكما كاين شي مشكل رعد: لا غير بغيت نهضر معاك فواحد الموضوع بابا: تفضل اولدي رعد: احم هادشي كيخص صوفيا.. المهم مؤخرا تقربت من صوفيا والحمد لله قنعتها دير العملية على ودنيها.. هضرت مع واحد الطبيب وغدا خاصها تمشي دير فحوصات باش نعرفو فوقاش غدير العملية ماما: (دموعها نزلو) بالصح ابنتي غاديري العملية صوفيا: اه بابا: ممكن توضحلي كيفاش تقربتي منها رعد: احم باش منكدبش عليكم.. انا كنبغي بنتكم وعوال غير ترجع ختي وسيف نجي نخطبها بابا: (شاف فصوفيا) ونتي قابلة صوفيا: (حدرت راسي) اه ابابا بابا: (فرح مي مبغاش يبين) اوكي دونك غدا نمشيو للكلينيك رعد: وي ان شاء الله... مشا رعد وانا طلعت لبيتي... فرحت حيت فكر فانه يخطبني مي خايفة لمتنجحش العملية..... دازت 3ايام بالزربة فالفحوصات وهانا دبا دخلت لغرفة العمليات ماما: نجحات العملية الطبيب: غير تفيق وغادي نعرفو ماما: ان شاء الله ياربي....... دخلو لعندها ورعد متوتر بزاف.... بعد مدة حلات عينيها وهما ينوضو لعندها بابا: بنتي كتسمعينا بارت86 صوفيا: (كدور فعينيها) الصمت ماما: (حطات يدها على راسي) بنتي حبيبتي كيبقيتي ياكما كضرك شي حاجة صوفيا: هئ هئ بابا: بنتي مالك صوفيا: (كتغوت) انا مكنسمعش هئ هئ مكنسمعششش بابا: (عنقها) تهدني ابنتي تهدني... رعد خرج بالزربة مقدرش يشوفها منهارة.. دخل نيشان عند الطبيب بلا هضرة بلا جوج عطاه بكروشي للوجه رعد: (شانق عليه) البنت مزال مكتسمع يا الحمار اليوم نهدم عليكم هاد الكلينيك الطبيب: (خايف) تهدن اسيدي.. حنا درنا لي علينا مي هانا غنمشي نفحصها...... طلق منو وخلاه يدوز..... مشا الطبيب دخل لعندها لقاها كتبكي... بدا كيفحص فيها الطبيب: تهدني ابنتي.. عيط لواحد الفرملية حطوها فوق كرسي وداوها لواحد الغرفة.. فالطريق شافت فرعد لي غير شافها حدر راسو..... دخلوها وحطوليها واحد الالة فودنيها وبداو كيشوفو.. كمل وخرج الطبيب لعندهم الطبيب: كنعتادر منكم مي بنتكم مكتسمعش ومغاديش تسمع ماما: الله على ابنتي مسكينة هئ هئ... رعد سمع داكشي وهو يخرج... اما صوفيا كانت منهارة.... دوزات يومين فالكلينيك وفهاد المدة مشافتش رعد كاع بقا فيها الحال.... داوها والديها للدار وطلعوها لبيتها بابا: (شد يديها) متقلقيش ابنتي وحتى الى بغيتي نمشيو نشوفو شي طبيب برا معنديش مشكل صوفيا: لا ابابا صافي مبقيتش باغا بابا: (باس راسها) رتاحي دبا ابنتي تال من بعد ونهضرو.... خرج وهي تبدا تبكي على زهرها وكتعاتب فرعد لي مشا وخلاها...... نعسات ودموعها فعينيها...... بدات كتحل عينيها على شي يدين محاوطينها من ريحتو عرفاتو شكون... دارت لعندو وتحشات فيه معنقاه وكتبكي رعد: (كيدوز يديه على ظهرها) الصمت صوفيا: هئ هئ علاش خليتيني ومشيتي علاش مبقيتيش حدايا رعد: (هزليها راسها) سمحيلي احبيبتي مي مقدرتش نشوفك ونتي منهارة صوفيا: متخلينيش عفاك.. انا كنبغيك هئ هئ رعد: وانا كنموت فيك... عنقها وهي تحشات فيه كتبكي حتى نعسو بجوج......... فاق رعد على شي صوت حل عينيه ولقا مامات صوفيا ماما: (باستغراب) اش كدير هنا اولدي رعد: (تلف) سمحيلي اخالتي جيت شفت صوفيا ماما: منين دخلتي رعد: احم من البالكون صوفيا: (مغمضة عينيها زادت قربات لرعد وعنقاتو) خليك حدايا محتاجاك ماما: (تنهدت) انا غادي نسد عليكم الباب حتى الصباح.. حيت الى شافكم باباها مغيعجبوش الحال رعد: شكرا اخالتي... خرجات ماماها سدات الباب بالساروت.. رعد حاوطها بيديه وغمض عينيه بارت87 صبح الصباح فاقت صوفيا لقات رعد حاط راسو على صدرها.. بدات كدوز يدها على شعرو شوية تحل الباب ودخلات ماماها.. غير شافتها صوفيا وهي تصفار صوفيا: م..اما ماما: اش هادشي كنشوف.. مدخلة الرجل لبيتك صوفيا: لا.. دبا انا ماما: هههههه سكتي هانا خارجة حتى تفيقيه وهبطو تفطرو.. متخافيش باباك خرج بكري لخدمتو..... خرجات ماما خلاتني مصدومة... رعد حل عينيه وهو مبتاسم رعد: اميرتي فايقة صوفيا: (بابتسامة) صباح الخير رعد: صباح الورد والياسمين والجمال والحب صوفيا: هههههه حمق رعد: انا حمق صوفيا: اه.... تلاح عليها رعد بالهران وهي كضحك حتى بغات تسخف عاد حبس... افف هدا راك سخفتيني.... قاطعها ببوسة خلاها دايبة من تحتو... هزها وهي حاشية وجهها فعنقو... دخلو للدوش غسلو وجههم وخرجو... صوفيا: فخبارك ماما دخلات علينا الصباح وشافتك رعد: هههههه فخبارك بلي ماماك دخلات علينا البارح فالليل وهي لي سدات الباب علينا بالساروت باش ميدخلش علينا باباك صوفيا: (مصدومة) اويلي رعد: ههههه.. باسها فعنقها... ياله هاني غادي فحالي صوفيا: صبر راه ماما كتسنانا لتحت وقالتليك نزل تفطر رعد: يااه نسيبتي ضريفة صوفيا: (بحزن) متأكد باغي تبقى معايا وخا... رعد: (حط يديه على فمها) منبغيش نسمع هاد الهدرة منك... انا باغيك كيفما نتي ميهمش... وخا تكوني مكتهضريش ومكتشوفيش ومكتمشايش.. انا كنبغييييييك فهمتي دبا صوفيا: (عنقاتو) حتى انا كنبغيك هئ هئ... رعد: (كيمسحليها دموعها) وصافي احبيبتي براكة من البكا... مكنحملش نشوف دموعك... ياله زيدي نزلو نفطرو صوفيا: واخة... شداتو من يدو ونزلو لتحت.. لقاو ماماها جالسة فالطبلة كتسناهم والابتسامة على وجهها ماما: صباح الخير اولدي رعد: (بابتسامة) صباح الخير.... جلسو كيفطرو وصوفيا جالسة قدام رعد لي كل دقيقة كيغمزها وهي مزنكة وحادرة راسها.. اما ماماها حاضية الفيلم وكضحك وفرحانة لبنتها... كملو فطورهم وخرجات معاه للباب باش تودعو رعد: مغاديش تجي للشركة اليوم صوفيا: مبغيتش رعد: ههههه كتفششي صوفيا: لا ماشي هكاك غير مقداش رعد: اوكي حبيبتي ارتاحي ليك شوية صوفيا: غادي نتوحشك رعد: حتى انا.. ياله احبيبتي هاني غادا صوفيا: باي.. قرباتلو باستو ففمو ودخلات.. مشات عند ماماها عنقاتها...... ماما حاسة براسي كنظلم رعد معايا هئ هئ ماما: (هزاتليها راسها ومسحاتليها دموعها) فاش قاليك كنبغيك واش كنتي كتسمعي صوفيا: لا ماما: دونك هو من اللول بغاك وهو عارف بلي نتي مكتسمعيش... متعقديش على راسك الامور وعيشي حياتك ومع حبيبك... صافي احبيبة صوفيا: واخة ماما: ياله طلعي لبيتك صممي ياك واعدتي خوك غير يجي غاديري عرض وراه مبقاش بزاف صوفيا: واخة اماما... طلعات لبيتها وجبدات وراق وقلم جلسات فالارض... بدات كتفكر فرعد شوية بدات كضحك حيت عرفات الموضوع لي غادي تخدم عليه بارت88 دازت شهرين سيف وريم رجعو هادي شهر... وصوفيا حاصلة مع التوجاد للعرض.. بقاتليها يومين والخلعة شاداها رعد: مال حبيبتي صوفيا: اففف راني خايفة بعد غدا العرض رعد: متخافيش كلشي غيدوز زوين بحالك صوفيا: ان شاء الله رعد: مممم قربيلي نعطي لحبيبتي الطاقة صوفيا: ههههههه بعد مني... مداهاش فيها وجرها لعندو غاصو فقبلة رعد: تمشي معايا للدار صوفيا: اوكي... ديمارا رعد موقف حتى وصل لدارو... دخلو للدار وطلعات صوفيا لبسات بيجامتها مع طول هاد المدة كانت مرة مرة كتجي عندو للدار وخلات شي حوايج تما... نزلات ودخلات للكوزينة بدات كتوجد الغدا رعد: (باسها فعنقها وهي دور) اش كطيب حبيبتي صوفيا: صبر شوية وغادي تعرف رعد: اوكيي.... كملت الطياب وحطيت الماكلة بدينا كناكلو ونهضرو رعد: (باس يدي) تبارك الله ماكلتك كتحمق بحالك صوفيا: بصحتك.... كملنا وجمعت داكشي بالزربة وخرجنا للجردة... انا خايفة ارعد.. خايفة من ردة فعل الناس حيت انا زعما مكنسمعش رعد: اش كتقولي.. واش حمقة.... خاصك تيقي فراسك وديري جهدك باش تنجحي... من مور العرض عندي ليك مفجاة نبغيك تحمريلي وجهي صوفيا: واخة مي شناهيا المفاجاة رعد: ههههههه حتى لتما وتعرفي...... دوزو العشية مع بعضياتهم وحاول يخفف من التوتر ديالها............. صوفيا دبا فالكواليس.. كتشوف العارضات صوفيا: نبغي كلشي يكون هو هداك... لا ديرليها لشعرها هكا.... عفاكم تبعو التعليمات لي قلتليكم رعد: (جرها من يديها) تهدني صوتك مشا بكثرة الغوات صوفيا: افف فيا الخلعة رعد: صوفيا غادي نتقلق منك... تهدني اوكي صوفيا: بوسني رعد: (جاتو الضحكة) هههه صوفيا والناس صوفيا: بوووسني.... حدر لعندها باسها جا يوقف وهي تجرو لعندها... وبقات كتبوس حتى بعدات بوحدها..... ياله سير رعد: ههههههههه نتي كتستغليني صوفيا: خديت طاقتي شنو فيها رعد: (باسها ففمها) وهاكي هادي اضافية... غمزها ومشا وهي رجعات لخدمتها بابتسامة.... بداو العارضات كيخرجو وانبهار بدا كيوضح على وجه الجمهور..... لبسات صوفيا فستان فالابيض بانت بحال الاميرة ولي كان من تصميمها.... سالا العرض وتعالات تصفيقات الجمهور واحاديث عن روعة التصاميم.... بعد دقائق خرجو كاع العارضات والعارضة الرئيسية شادة يد صوفيا وخرجو... وقفو الناس كيصفقو وكيلوحو الورود دليل على اعجابهم بالعرض..... رعد زاد تفتن باميرتو ووالديها وخوها مفتاخرين بها صوفيا: (شادة الميكروفون) كنشكركم على حضوركم.. وكنتمنى نكون نلت انا وفريقي اعجابكم... موضوع الكوليكسيو هو الحب والتضحية.. (شافت فرعد).. اعتمدت الوان الحب وفنفس الوقت جرأة التضحية... كيفما كنعرفو بلي التضحية خاصها جرأة كبيرة... هادشي عرفتو واكتسبتو من (سكتات شوية) نقدرو نقولو ملهمي... والشخص لي وقف معايا ومتخلاش عليا رغم الاختلاف الكبير لي بيناتنا... بلا مانطول عليكم.. كنشكركم مرة اخرى....... تعالات التصفيقات مرة اخرى مي حبسات بالزربة فاش طلع واحد الشخص للمنصة وجلس على ركابيه وهاز بواطة رعد: (حل البواطة) اميرتي وحبيبتي تقبلي تزوجي بيا بارت89 صوفيا: (كتبكي) اه هئ هئ... وقف لبسليها الخاتم وعنقها وكلشي بدا كيصفق👏👏👏 رعد: (فرحان) كنبغيك كنبغييك احبيبتي.... دخلو للداخل وهما مشابكين يديهم.... جاو الناس لي خدامين معاها كيباركو ليهم رعد: حبيبتي مشينا صوفيا: اه... خرجو لقات والديها وخوها وريم كيتسناوهم.. شافت باباها وحشمات منو وهي تحدر راسها بابا: (قرب منها وهزليها راسها) مبروك عليك ابنتي وانا مفتاخر بيك صوفيا: (بستلو يديه) الله يخليك ليا ابابا سيف: مبروك عليكم هي نخرجو نسهرو بابا: وي ضروري علاش شحال عندي من صوفيا...... ركبات صوفيا مع رعد وعائلتها فطموبيل الاخرى صوفيا:(شادة يديه) شكرا على كلشي احبيبي رعد: (شاف فيها) نتي راك حبيبتي وحياتي... وانا باغي نكمل معاك حياتي كاملة وولادي باغيهم منك صوفيا: (عينيها كيبريو) شحال بغيتي نولدو رعد: بزااف انا باغي دارنا تعمر بالدراري صوفيا:(تفكرات اناس لي كان باغي غير 1 ولا 2) الصمت رعد: ياكما تخلعتي غير كنضحك معاك صوفيا: لا بالعكس انا اصلا باغة نولد بزااف.... وصلو لواحد الريسطو دخلو وشدو طبلة كبيرة.... بقاو مجمعين وكيهضرو ويضحكو.. شوية سهات صوفيا شافها رعد وهو يشد يدها صوفيا: (شافت فيه) شنو رعد: مال حبيبتي شفتها مقلقة صوفيا: (تنهدت) تمنيت كون كنت كنسمع متشوقة نعرف صوتك رعد: (بقا فيه الحال) الالة صوتي خايب احسن حاجة هي مكتسمعيهش اما كون هربتي عليا صوفيا: (بابتسامة باهتة) اوكي... حدرات راسها وبقا رعد كيشوف فيها معجبوش يشوفها مقلقة هكا.. ومكرهش دير العملية وترجع تسمع.. تنهد وشاف قدامو لقا العائلة كتشوف فيهم وواضح معالم الحزن عليهم رعد: (شد يد صوفيا لي دارت شافت فيه) احم بما اننا مجموعين انا بغيت نتزوج بصوفيا من هنا 2سيمانات صوفيا: (قلبها كيضرب) واش بالصح رعد: اه كنظن مكاين لاش نزيدو نأجلو بابا: لي بغيتو اولادي نتوما تافقو وحنا نوجدو رعد: الله يخليك لينا اعمي.... كملو وخرجو وركبات صوفيا مع رعد صوفيا: بالصح من هنا جوج سيمانات غادي نتزوجو رعد: نو من هنا جوج سيمانات انديرو العرس اما الزواج شي يومين نمشيو نكتبو العقد اوكي حبيبة صوفيا: متأكد من قرارك... انا منبغيش نظلمك معايا رعد: (وقف الطموبيل) واش عارفة اش كتقولي... كيفاش هاد نظللمك معايا عاود... انا كنبغيييييك اعباد الله هادشي خاصك تفهميه ودخليه لهاد العقل صوفيا: (دموعها نازلين) غادي يقولو الناس انك مزوج صمك.. رعد: (قاطعها) صوفياااا منبغيش نسمع هاد الكلام مرة اخرى صوفيا: (حدرات راسها) واخة رعد: (تنهد وهزليها راسها) نساي داكشي لي كيدورليك فالدماغ... فهميني احبيبة انا راه كنعشقك صوفيا: (باستو فحنكو) الله يخليك ليا.. كنبغيك..... ديمارا رعد وشدو الطريق بعد دقائق وصلو.. نزلات وهو مشا لدارو........ دازت يومين بالزربة وهاهيا جالسة حدا رعد وسيف والعدول قدامهم.... العدول قال الهضرة الاعتيادية وجاوبو عرسانا بالقبول... وهاهما الان #زوج_وزوجة... رعد مقاداه فرحة وحتى من صوفيا لي من عينيها باين كلشي بارت90 سيف/ريم: مبروك عليكم رعد: الله يبارك فيكم... انا غادي نمشي مع صوفيا حتى العشية ونرجعها سيف: دبا راها مراتك شغلكم هداك الله يعاون.... مشا سيف وريم وبقا رعد مع صوفيا رعد: حياتي ياله... شداتو من يدو ومشاو ركبو الطموبيل وهما يتحركو.... بعد دقائق وصلو للدار.. هبط ومشا كيجري هزها صوفيا: ههههه اش كدير رعد: هاز حبيبتي فيها شي حاجة صوفيا: هههههه..... طلعها للبيت عاد حطها.... احم اش جينا نديرو هنا رعد: (كيلعب فوجهها) توحشتك ومبقيتش قادر نصبر صوفيا: (كترمش) راك ديما كتشوفني رعد: ههههه متخافيش احبيبة صوفيا: (قلبها كيضرب) انا فيا هاديك منقدرش رعد: (بإحباط) فلتي الخايبة.. ماشي مشكل ياله زيدي نديرو مناكلو صوفيا: (بتوتر) واخة.. هبطو لتحت عاد ارتاحت طيبو الغذا وتجمعو عليه كياكلو ويهضرو ويضحكو.. مشا تكا فالصالون وهي حطات داكشي فالكوزينة طلات عليه لقاتو منساجم مع التلفزة طلعات للبيت وتوضات جبدات واحد العباية كانت مخلياها صلات الظهر ياله دارت وهي تلقاه متكي على الحيط وجامع يديه عندو رعد: مكنتش عارف بلي كتصليو وخا فيكم صوفيا: (كترمش عينيها) انا..انا رعد: شنو مالك كتفتفي.. قرب لعندها وجبدها حتى تساطحات مع صدرو وهو يغمزها.... مسحابليش كتعرفي تكدبي صوفيا: رعد بغيت نرجع لدارنا هئ هئ رعد: اويلي مالك كتبكي صوفيا: انا خايفة هئ هئ.. رجعني للدار دبا مبقيتش باغة نتزوج رعد: (حبس الضحكة) انا حبيبك الحمقة واش غندير شي حاجة تضرك اكييد لا... حدر لعندها وغرقها بوسات.. بعد مدة صوفيا ترخات بين يديه.... هزها حطها فوق الناموسية.. معاقت براسها حتى ولات غير بدوبياس وهي دفعو بالزربة صوفيا: (مخلوعة) ا..ش كنديرو رعد: حبيبة متخافيش مغايوقع والو صوفيا: (بعدات) لا لا انا مبغيتش دبا رعد: (تنهد) صافي على خاطرك... خرج رعد من البيت وخلا صوفيا غارقة فتفكيرها.. شوية ناضت هكاك بدوبياس نزلات كتقلب عليه لقاتو فالصالون... مشات جلسات فوق رجليه صوفيا: سمحلي احبيبة... جا يهضر وهي تقاطعو ببوسة خلاتو دايب فغرامها... هزها وطالع للبيت وشفتيهم متلاصقين............ رعد: (كيمسح دموعها) سمحيلي احياتي عفاك صوفيا: واش معارفش بلي انا مزال فييغج.. ياك واعدتيني هئ هئ رعد: عااارف مي فقدت السيطرة على راسي.. سمحيلي صوفيا: افف صافي خليني نعس بغيت نرتاح رعد: بلاتي ندوشليك... هزها دخلها للحمام دوشليها لواها فالفوطة وخرجها لبسها بيجامتها وتحشات فالفراش غمضات عينيها... رعد تنهد ودخل دوش وهو يخرج لبس حوايجو وتحشا حداها نعس........ بعد مدة حلات صوفيا عينيها لقات رعد حاشي وجهو فعنقها وناعس ابتاسمات... بعدات بشوية جات تنوض وهي تقصح صوفيا: اي... فاق رعد لقاها مغمضة عينيها ومزيرة على الفراش... حاوط كرشها بيديه وباسها فعنقها... شافت فيه رعد: (بحب) سمحيلي احبيبتي صوفيا: ماشي مشكل احياتي... عاوني نلبس رعد: علاش صوفيا: خاصني نمشي للدار رعد: لا منقدرش نخليك هكا.. اليوم غادي تباتي معايا صوفيا: ومالين الدار رعد: راه حنا دبا مزوجين مكنديرو حتى حاجة حرام... رتاحي انا نمشي نشريلك شي دوى ونرجع صوفيا: اوكي.. رجعات تكات وهو لبس تيشورت وخرج.... بعد ساعة رجع... طلع لعندها لقاها متكية رعد: حبيبة ياله نوضي هاهو دوى والطريقة راه مكتوبة فيه صوفيا: اوكي... خداتو من عندو ودخلات طواليط... اما هو بدل داك الغطا لي كان فيه قطرات من الدم والابتسامة على وجهو.. طواه وخبعو عاد نزل قاد العشا لي كان شراه... طلع لقاها ياله جلسات.. جلس حداها وبداو كيتعشاو... كملو جمع داكشي رعد ورجع لعندها رعد: مزال مقصحة صوفيا: شوية وصافي ماشي بحال اللول رعد: الحمد الله... تكا وتكات هي على صدرو بقاو هكاك حتى نعسو....... بارت91 صبح الصباح فاقت صوفيا لقات راسها محشية فرعد طلعات راسها وبدات كتبوس فيه رعد: (حل عينيه) اش كديري الشفارة صوفيا: كنبوس راجلي رعد: ههههه حمقة.... كيبقيتي صوفيا: مزيان وبغيت نعتادر منك على البارح رعد: علاش صوفيا: حيت تقلقت منك.. خاص البارح يدوز زوين مي انا خيبتو.. رعد: (قاطعها) اش كتخربقي راه انا لي حمار.. ومعرفتش نتعامل معاك صوفيا: واشوف نتا قداش وانا... راه فرق كبييير رعد: ههههه نتي قليولة بزاف ماعرفت اش عجبني فيك صوفيا: (تقلقات) ياااك رعد: غير كنضحك معاك... نتي راكي هبلتيني ومخلتيليش العقل..... رجعها تحتو وبدا كيبوس فيها.. انتاقلو لعالم الحب والعشق حتى بعد رعد رعد: (عض شفايفو) نوض حسن ليا الى بقيت هنا غنوصلو لشي حاجة اخرى صوفيا: (تزنكات) الصمت رعد: هالعار متبقايش تزنكي راه كتزيدي تشهيني فيك.... دخل للحمام وهو زعفان وخلا صوفيا كضحك عليه... من بعد دقائق خرج وهي دخلات غسلات وجهها وسنانها ودارت داك الدوا عاد خرجات.. نزلات لتحت لقات رعد حاصل مع الفطور صوفيا: اش كادير رعد: (شاف فيها) اجي عاونيني صوفيا: (هزات كتافها) انا عيانة رعد: (تنهد) اوكي جلسي ارتاحي.. هانا ندموندي على فطور صوفيا: صافي غير جلس اسيدي انا نديرو.. مشات بدات كتصاوب وهو حداها كيمدليها داكشي لي بغات.... فطرو وناضت صوفيا بدلات حوايجها... وصلها رعد للدار رعد:(باس يديها) غادي نتوحشك صوفيا: حتى انا... حطات جبهتها على جبهتو.. عنداك تشوف فشي وحدة دبا نتا ملكية خاصة رعد: ههههه وااخة الالة.. وهاد الكلام مطبق عليك حتى نتي هااا ودني منك صوفيا: نتا لي كاين فالقلب.. باستو ففمو.. تهلا فراسك اوكي رعد: اوكي حبيبة.... هبط لعنقها وهو يعضها صوفيا: ايي واش هبلتي رعد: بغيت كلشي يعرف بلي نتي محجوزة.. ياله باي صوفيا: تسطيتي نتا.... خرجات وهي كتنكر خلاتو كيضحك... دخلات للدار مابانليها حد وهي تزرب فالمشية طلعات لبيتها غير دخلات وهي طير عليها ريم ريم: (شادة ودنيها) فين كنتي المسخوطة صوفيا: ا.. دبا راه داتنا الهدرة ومشا الحال وانا نعس عندو ريم: (كتشوف فالعضة) قولي بايتة فالكومبا صوفيا: كيفاش ريم: انا عارفة خويا والله مايزكلك... كلا الحلوة ياك صوفيا: (غوبشات) حشمي شوية ريم: وانتي غير هضري صوفيا: لا داكشي بيني وبينو بارت92 ريم: صافي الالة على خاطرك... خرجات ريم ودخلات صوفيا للدوش دوشات وارتاحت.. جات تهز الفوطة وهي تشوف راسها فالمراية مطبعة صوفيا: نااري كيف رجعني بحال الى نعست مع وحش.... تلوات فالفوطة وهي تخرج لقات ماماها جالسة فوق الناموسية كتسناها ماما: بنتي كيدايرة صوفيا: حمد الله اماما ماما: (شافت الطبايع جهة صدرها ويديها) بنتي اجي جلسي... جلسات.. واش قصحك صوفيا: (حشمات وهي تحدر راسها) الصمت ماما: (هزاتليها راسها) مكاين مناش تحشمي راجلك هداك وحلالك... كنت عوالة نخرجو هاد العشية باش نبداو التوجاد مي خليك هاد النهار رتاحي حتى الغدا صوفيا: واخة اماما... خرجات ماما وانا نضت لبست بيجامتي ودرت ديك البومادة لي جابلي.. تكيت فبلاصتي جا فبالي اناس تنهدت وانا نغمض عيني....... دازت الايام وصوفيا غير كتجري من هنا وهنا... اما رعد محلف فيها حيت مبغاتش تلقاه وحتى من تليفون مكتبغيش تهضر معاه غير بميساجات..... ريم حتى هي عاوناتها وكثر ديما خارجة معاها وتختار معاها الحوايج.. اما سيف هو ورعد تكلفو يلقاو القاعة... اليوم هو يوم الحنة لبسات صوفيا قفطان بالخضر.. والنقاشة جالسة كتنقشليها شوية دخل مولاي السلطان... البنات غير شافوه بديك الجلابة لي لاصقة على صدرو العريض حلو فمهم.. وحسدو صوفيا... اما هو كانو عينيه كيشوفو غير فصوفيا لي كتنقش ومغطيين ليها وجهها... جلس حداها غير حسات بيه وهي تبتاسم رغم حزنها.. شد يدها لي مزال متنقشات باسها... طلع الغطا على وجهها شاف عينيها كيبريو بالدموع فهمها بلا ماتهضر رعد: (حرك غير شفايفو) كنبغيك.. وباغيك تفرحي هاد النهار مباغيش نشوف دموعك صوفيا: واخة... باس راسها وجلسو... سالات وبداو الناس كيمشيو وهي عيات غير بالجلاس ماما: ياله احبيبتي اري يديك نحيدليك الحنا صوفيا: اففف واخيرا عرفتي عييت.... حيدات الحنة جات توقف وهو يهزها رعد.. هي حشمات من العائلة اما بنات عمامها وخوالها زادو حماقو عليه.... طلعها لبيتها صوفيا: شكرا رعد: انا راجلك الحمقة ومن واجبي نريحك... ياله حيدي هاد القفطان باش ترتاحي صوفيا: اوكي... ناضت تحت انظارو حيدات القفطان بقات غير بدوبياس.. جبدات شورط وتيشورت لبساتهوم ودخلات للحمام غسلات يديها ورجليها من بقايا الحنة عاد خرجات.. لقاتو متكي فوق ناموسيتها.. مشات طلعات فوقو تكات وحشات وجهها فعنقو.. حط يدو على ظهرها وبقا كيدوزها حتى حس بقطرات ماء فوق عنقو.. هزليها وجهها بالزربة لقاها مزنكة ودموعها نازلين... عنقها وخلاها على خاطرها حتى حس بيها ارتاحت رعد: (مسحليها دموعها) زيانيتي العفريتة صوفيا:(ضحكها) هههه شكرا... عضها فحنكها... ايي واش حماقيتي رعد: هادي حيت خليتيني كثر من سيمانة بلا مانشوفك صوفيا: (كتلعب فصدرو) بغيتك توحشني رعد: نتي حدايا وكنتوحشك غير تهناي... ممم علاش بكيتي بارت93 صوفيا: صعيبة عليا نتقبل انني فعرسي مكنسمعش.. معمري فكرت او تخايلت نهار عرسي غادي نكون صمكة... (كتبكي).. البنات نهار عرسهم كيضحكو وينشطو الا انا لي عايشة فواحد الهدوء تااام... دبانة مكنسمعهاش..... عنقها رعد وقلبو تحطم حيت مقادرش يدير شي حاجة تفرح حبيبتو.. رعد: صافي احبيبة عفاك راك كتحرقيني بدموعك.. شنو بغيتي نديرو دبا.. الى بغيتي منديروش العرس منديروهش... مكاين حتى مشكل صوفيا: لا غير خليه... جبدها لعندو عنقها.. تكاو وهي محشية فيه وكيتسمع غير صوت شهقاتها.. تحل الباب ودخلو بنات عمها وريم لقاوهم هكاك وبداو كيشوفو.. دار عندهم وهو يشيرليهم بيديه باش يخرجو... مزادوش معاه خرجو بالزربة.... شاف فيها لقاها نعسات باسها ففمها وهو يغطيها عاد خرج..... هبط وهي تعرضلو ختو ريم: مالك رعد: (تنهد) صوفيا من قبيلة وهي كتبكي ريم: علاش رعد: على حساب السمع ديالها ريم: اه هانا غادي نطلع عندها رعد: لا بلاش انا غادي نصيفط الكارد يجيبولي نبدل وغادي نرجع عندها ريم: واخة اخويا..... خرج للباب وصيفط الكارد ديالو يجيبلو الحوايج وهو يرجع لعندها.. كانت ناعسة بقا جالس فالفوتوي كيفكر شوية شاف البيسي ديالها محطوط وهو ينوض هزو... حلو وبدا كيقلب حتى سمع الدقان رعد: دخل..... كان سيف هاز صاك صغير سيف: (شاف ختو ناعسة ورعد عاقد حجبانو) شنو واقع رعد: (تنهد) عطيني بعدا نبدل راني قنطت فهاد اللباس سيف: هاك... ناض لبس شورطو وتيشورت فالحمام ورجع رعد: ختك من قبيلة وهي كتبكي سيف: علاش مالها رعد: مقداش تحمل انه غادي يدوز عرسها وهي مكتسمعش سيف: (تنهد) اففف وشنو غانديرو دبا رعد: غادي تعاود العملية... لقيتيني كنقلب على طبيب مزيان فهاد المجال سيف: (جلس حداه) ياله زيد نشوفو...... جلسو مدة طويلة وهما كيقلبو وناض سيف جاب البيسي ديالو حتى هو كيقلب حتى لقاو واحد وهما ياخدو نمرتو رعد: غدا غادي نهضر معاه سيف: ان شاء الله... الله يدير لي فيها الخير وصافي... وبغيت نشكرك رعد: علاش سيف: حيت بالصح كتبغي ختي.. شكرا رعد: راها روحي ماشي غير حبيبتي سيف: (بابتسامة) ياله نخليك دبا... واش تنزلو تعشاو ولا نصيفطهم يطلعوه ليكم رعد: انشوف الى بغات تنزل حسن باش تبدل الجو سيف: واخة...... خرج سيف ورعد ناض عند صوفيا حشا وجهو فعنقها كيبوس ويعض عضيضات خفاف صوفيا: (مغمضة عينيها) هههه رعد هداا... حلات عينيها وبعدات وجهو عليها... حشومة عليك خليني نعس رعد: من قبيلة وانا جالس كنقول هاهيا غتفيق و وااالو صوفيا: (لوات يديها على عنقو) وينو حبيبي مقلق مني رعد: اه بزاااف وباغيك تصالحيه صوفيا: مممم شنو بغا حبيبو رعد: بوسة صوفيا: هههههه كتستغلني رعد: ويييي..... حدر لعندها وغاصو فقبلة مليئة بالحب والعشق بعدو على بعضياتهم والبسمة على وجههم رعد: ياله احبيبة نهبطو نتعشاو صوفيا: مبغيتش نهبط خلينا غير هنا رعد: لا غادي نزلو مي قبل لبسي شي سروال دبا الدار مخلطة صوفيا: ههههه مغيااار رعد: اييه الالة مغيار غير لبسي حوايجك.... ناضت وهي فرحانة لبسات تحت انظارو وهو كيعض فشفايفو صوفيا: ياله هانا واجدة رعد: اوكي مي قبل ناخد بوستي... لصقها مع الحيط باسها وشبع عاد طلقها... تشادو باليدين ونزلو وهي فرحاانة بارت94 هبطو لقاو الصالون عامر بالعائلة... بنات العائلة غير شافوه لابس الشورط وتيشورت لاصق عليه.. زادو تزعطو فيه شافهم رعد هكاك.. خنزر فيهم وهما يحدرو راسهم.. جلس رعد وجبد صوفيا جلسها حداه صوفيا: (جبدات تيليفونها وبدات كتكتب ميساج لرعد وهو كيقرا) ياله نطلعو هادو مكيحشموش شوف كيبغاو ياكلوك بعينيهم رعد: (خدا تيليفون من عندها) خليهم المهم انا عينيا كتشوفك غير نتي وقلبي كيبغيك غير نتي صوفيا: (فرحات) كنبغييييك رعد: هي هاد الليلة غادي تبرعيني صوفيا: (تزنكات) اويلي مبقيتيش كتحشم رعد: نتي مراتي مناش غادي نحشم صوفيا: خلي حتى لمور العرس باش متملش مني رعد: يمكن حماقيتي... كيفاش غادي نمل من هاد الحلوة.... راكي لذيييذة....... بقاو هكاك بجوج عايشين فعالمهم الخاص ونساو جميع الاعين لي كتشوف فيهم... وهما كيقراو ميساجات بعضياتهم وضحكاتهم تعالات وهما محاسينش براسهم..... وباش كملوها رعد شد يدها باسها وهي مبتاسمة بابا: (سيف عاود لباباه شنو واقع مع صوفيا وحتى هو معجبوش الحال مي فاش شاف دبا كيفاش رعد كيتعامل معاها ورجعليها ضحكتها عجبو الحال) احم ياله نوضو تعشاو... ناضو وهو شادليها يديها بغات تحيدها وهو يزير عليها.... جلسو فالطبلة لي عامرة بالمأكولات.. رعد حاط يديه فوق رجليها وكيتسارا.. كتبغي تحيدلو يديه كيزير عليها حتى عيات وخلاتو.... تعشاو بغاو يطلعو وهو يعيط باباها لرعد رعد: سبقيني هانا جاي صوفيا: واخة.... طلعات هي لبيتها ورعد تبع باباها دخلو للمكتب بابا: بغيت نشكرك اولدي رعد: علياش بابا: حيت كدير جهدك باش تفرح بنتي وهادشي بانلي... صوفيا كنعتابرها ملاك ديال الدار... قبل ماتفقد السمع ديالها.. كانت الفرحة ديال الدار ومكاينش النهار لي منسمعوش للعزف ديالها وغناءها مي داكشي بدا كينقص شوية بشوية... مي نتا رجعتيهالي كيف كانت.... كنشكرك اولدي على كلشي رعد: انا كنبغي بنتك وغندير جهدي كامل باش تبقا فرحانة بابا: الله يرضي عليك اولدي ويريحك كيفما ريحتيني رعد: امين... تصبح على خير....... طلع رعد لبيتها حل الباب ملقا حتى واحد جلس كيتسنا حتى خرجات من الدوش.... غير شافها وهو يحل فمو ناض بالزربة سد الباب بالساروت...... صوفيا فاش طلعات لبيتها دخلات نيشان للدوش دوشات بالزربة ودهنات جسمها بكريمات هزات واحد شوميز دونوي فالكحل ومع هي بيضة جاها وااعر.. دارت مكياج خفيف وخلات شعرها فازك مسحاتو غير بالفوطة..... خرجات وهي حشمانة من داكشي لي لابسة.. شافتو سد الباب بالساروت خافت وبغات ترجع ساعة شدها صوفيا: طلق صافي مبقيتش باغا رعد: (دورها لعندو) احح متخلينيش معلق هكا عفاك احبيبتي.... بقات كتشوف فيه وهي تقربلو بشوية وهو كيتسناها يشوف اش غادير.... تعلات وهو يزيد يحدر باش توصلو... بدات كتبوس فيه وهو يديه كيتساراو فجسمها حتى وصلو للناموسية رعد: (كيشوف فيها) اححح شحال رطبة صوفيا: (حشمات) الصمت.... رعد تلاح عليها و........ صوفيا: (باستو ففمو) شكرا رعد: علياش صوفيا: حيت كنتي حنين معايا رعد: وديييما.. ديري هادي فعقلك صوفيا: الله يخليك ليا.. ياله بونوي رعد: لبسي حوايجك بعدا عاد نعسي صوفيا: واخة... ناضت لبسات حوايجها ورجعات تحشات فيه.. بدا كيلعب ليها فشعرها حتى نعسات بارت95 صبح الصباح فاقت صوفيا كتكسل مالقاتش رعد مي لقات ورقة《روحي انا مشيت بكري باش نكمل شغلي غادي نتوحشك بزاااف... ميعادنا بالليل》ناضت بخطوات بطيئة للدوش... خدات دوش ديالها عاد خرجات.. لبسات بيجامتها ونزلات لتحت... لقاتهم مرونين كل واحد ومنين كيجري ابتاسمات وكملات طريقها للكوزينة صوفيا: دادا عفاك بغيت نفطر دادا: هي لي متعاودش اعروستنا الزوينة صوفيا: شكرا حتى تصيفطيهلي للجردة..... خرجات صوفيا للجردة وجلسات كتشمش كان الجو زويين... شوية جات الخدامة حطاتليها بلاطو كان فيه البتيبان وطوسط وعصير الليمون مع الفرماج والكونفتير... بقات كتفطر وساهية فهادشي لي واقع حتى قاطع تفكيرها شي واحد جلس حداها... دارت وهي تلقا بنت عمها (نهيلة) نهيلة: عاد فايقة صوفيا: ويي نهيلة: وزعما اليوم عرسك خاصك تكوني مخلوعة صوفيا: راه غير عرس ماشي حرب مناش غادي نخاف نهيلة: بازليك انا غير نشوف داك الرجل لي عندك قداش غادي نبدا نفكر نهار وليل فليلة الدخلة.... نتي قليولة وهو داير منك شي 10 ولا كثر صوفيا: راه رجل علاش واش بغيتيه يكون قدي نهيلة: اوكي معليناش انا بغيت غير نسولك صوفيا: شنو نهيلة: مبقيتيش كتبغي اناس زعما صوفيا: اول حاجة الله يرحمو فهاد النهار.. وثاني حاجة انا كنبغي رعد نهيلة: مزيان.... ناضت وكملات صوفيا فطورها بشوية عليها عاد طلعات لبيتها لبسات حوايجها ومشات عند ريم صوفيا: نمشيو دبا للسبا ريم: ياك مشينالها البارح قبل الحنة صوفيا: وي عارفة بغيت ندير مساج ريم: اوكي واخة تسناي نلبس صوفيا: اوكي..... لبسات ريم حوايجها وهما ينزلو..... بعد دقائق كانو فالسبا........... جا سيف ورعد عندهم كل واحد دا مراتو رعد: (كيبوس يديها) اححح شحال جيتي كتحمقي صوفيا: حتى نتا جيتي بوكووص رعد: (حط جيهتو على جبهتها) بغيت نبوسك... قبل ماتجاوبو تلاح على شفايفها مطلق منهم حتى رجعو حومر صوفيا: صافي براكة ياله زيد تحرك رعد: هههه فمك حمر صوفيا: وقولها لراسك رعد: مالك راه هداك عكر طبيعي صوفيا: يااك واخة... ديمارا رعد والطريق كاملة وهو شاد فيها...... وصلو وتعرضوليهم بالصلاة على النبي والزغاريت........... داز العرس رااائع وصوفيا غادي طير بالفرحة وهادشي واضح من عينيها.... اما رعد مقداتوش الدنيا.. وكيحمد الله حيت حب حياتو معاه دبا....... الا واحد الشخص لي كان مراقب هادشي من بعيد وحاقد عليهم... غادر المكان وهو منهزم ومحطم...... بارت96 العرس فنهايتو لبسات صوفيا الكسوة البيضة لي جاتها كادو من مصمم كان حضر للديفيلي ديالها وعجبوه تصاميمها..... جاها واااعر ورعد زاد حماق عليها كثر وكثر...... سالا العرس وغادرو العرسان ديالنا فاتجاه المطار رعد: هاهيا طيارتنا زيدي نمشيو صوفيا: ياك قلتيلي غنمشيو لميامي.. وهادي ديال برلين رعد: وي حبيبة عندي شي شغل مهم نساليوه وندي حبيبتي لميامي صوفيا: (بابتسامة) اه اوكي صافي ماشي مشكل وحتى الى كنتي مشغول نأجلوها حتى لمرة اخرى رعد: (باس يديها) كنبغيك... تشادو باليدين ومشاو ركبو فالطيارة... بعد ساعات وصلو لقاو طموبيل كتسناهم ركبو.... وصلو لواحد الفيلا صغيرة.. دخلات صوفيا وهي دايخة وحاسة براسها غادي ترد... طلعو لبيتهم عاونها حيدات الكسوة البيضة ومشات كتجري للطواليط بدات كترد... رعد تخلع وتبعها بقا كيدوز يديه على ظهرها حتى كملات وغسلات فمها... شوية حسات بشي حاجة نزلات رعد: مالك واش مريضة صوفيا: (متوترة) ا.. لا لا يمكن غير بالطيارة.. خرج بغيت ندوش رعد: خليني ندوش معاك صوفيا: لا حتى نخرج ودخل رعد: هههه اوكي.... خرج رعد وهي سدات الباب دوشات بالزربة والوجع بدا كيشدها.. لبسات بينوار وخرجات رعد: (داخل للدوش) بقاي غير هكا بلا ماتعدبيني وتلبسي.... مديتهاش فهدرتو ومشيت لبست بيجامتي سخونة شوية ودرت خلاص اولويز.. عاد مشيت تحشيت فالملاية غير تغطيت وهو يخرج مدور على نصو الفوطة.. حشمت وانا نغطي وجهي بيدي.. حتى حسيت بشي قطرات دالما فوقي.. حيدت يدي وانا نلقا وجهو قريب لوجهي رعد: مزال كتحشمي مني صوفيا: (قلبها كيضرب) رعد سير لبس حوايجك رعد: ااه نسيت.. اجي علاش فاش كنكون ملابسش تيشورت كتلبسيهلي بزز صوفيا: (حدرات عينيها) حيت كيعجبوني عضلاتك وكنت كنخاف نقيسك فيهم رعد: (بضحكة رجولية) ههههه ياله هانا قدامك قيسيهم صوفيا: (شدها الوجع) لا دبا بغيت نعس رعد: مالك واش مريضة صوفيا: لا غير عييت وبغيت نعس راه الليل كامل مانعست رعد: واخة احبيبة رتاحي دبا.... ناض لبس حوايجو رجع لعندها لقاها مكمشة ولاوية يديها على كرشها.. تحشا حداها وجبدها لعندو وهي تحل عينيها رعد: حبيبة مالكي صوفيا: (بحزن) ضراتني كرشي رعد: (جلس) علاش مقلتيهاليش.. ياله نوضي نديك للطبيب صوفيا: لا راه ماشي هكاك رعد: كيفاش صوفيا: (حادرة راسها) احم فيا ليغيكل رعد: (هزليها راسها) انا راجلك معندك مناش تحشمي.. واش كتشربي شي دوى نجيبوليك صوفيا: لا مي الى ممكن تجيبلي شي كاس دالحليب سخون رعد: واخة احبيبة.... نزل لتحت طيب الحليب ورجع... خداتو من عندو شرباتو وهي تكا.. حط الكاس وجا تحشا حداها وحاوط كرشها بيديه بقا مدة وهو كيدوز يديه على كرشها حتى ترخات طل عليها لقاها نعسات.. باسها فكتفها وغمض عينيه بارت97 تعاشات العشية فاق رعد لقا صوفيا غرقانة فنعاسها ومحشية فيه.. ابتاسم وهو ينوض غسل وجهو وهبط لتحت.. هز تيليفونو ودوز اتصال رعد: (الحوار بالانجليزية) سلام دكتور.. انا لي كنت هضرت معاك على الحالة ديال الزوجة ديالي ودبا راني وصلت لبرلين.. الى كان ممكن تحدد معايا موعد دكتور: اجي غدا الصباح مع ل10 نديرو فحوصات ونشوفو اش كاين رعد: واخة شكرا بزاف..... قطع معاه وطلع لقاها مزال ناعسة... بدا كيفيق فيها بالسيف باش فاقتلو صوفيا: (بصوت ناعس) شنو رعد: نوضي احبيبتي تاكلي شي حاجة ونرجعو نعسو صوفيا: معنديش شهية غير تعشا نتا احبيبي رعد: عفاااك.. نوضي غير جلسي معايا راني قنطت صوفيا: واخة... ندخل الطواليط ونتبعك رعد: اوكي.... هبط رعد وهي دخلات للطواليط بدلات اولويز.. عاد نزلات عندو لقاتو جالس فالصالون... جلسات حداه جا يهضر قاطعو صوت الدقان.. ناض حل لقا البيتزا وصلات خلصو ودخل رعد: ياله احبيبتي كولي شوية صوفيا: اوكي... بداو كياكلو وهو كيفكر كيغادي يدير يفاتحها فالموضوع.. كملو وجمع داكشي داه للكوزينة ورجع لعندها جلس وجرها جلسها فوق رجليه رعد: حبيبتي بغيت نقوليك شي حاجة صوفيا: وي هضر رعد: قبل بعدا واش كتبغيني صوفيا: كنعشقك رعد: دونك داكشي لي غنقوليك ديريه غادي ديريه صوفيا: وي شنو بغيتي رعد: غدا غادي نمشيو لواحد الطبيب على حساب السمع ديالك صوفيا: لا عفاك صافي مبغيتش نتأمل وفاللخر نتصدم رعد: (شد وجهها) حبيبة سمعيني... انا هضرت مع احسن طبيب داكشي علاش جينا لهنا... غير قبلي وخليني انا نتكلف صوفيا: (بحزن) واخة نتا تعرف رعد: مبغيتش نقلقك انا باغي نفرحك وندير داكشي لي باغا نتي صوفيا: (نزلات دمعة) ويلا منجحاتش العملية رعد: تفاءلي وحتى الى منجحتش عادي المهم نكونو درنا لي علينا صوفيا: واخة... حطات جبهتها على جبهتو وغمضات عينيها.... بقا كيشوف فيها وعارفها فاش كتفكر وباش كتحس قرب ليها وبدا كيبوسها بحنان باش يحسسها بلي هو معاها.... بقاو سهرانين حتى جاهم النعاس وطلعو ينعسو.... صبح الصباح فاقت صوفيا بكري اصلا منعساتش بالتفكير... دخلات غسلات وجهها وبدلات اولويز وهي تمشي فيقات رعد رعد: (باسها ففمها) صباح الورد حبيبتي صوفيا: صباح النوور ياله نوض راه 8:30 هادي رعد: اوكي... دخل للحمام وهي ناضت لبسات حوايجها (الصورة) خرج رعد لبس حتى هو رعد: زيدي شي جاكيط ولا مونطو راه البرد هنا صوفيا: واخة.... لبسات مونطو ومشاو ركبو الطموبيل دازو على كافي فطرو عاد شدو طريقهم للكلينيك..... وصلو واستقبلهم الطبيب الطبيب: تفضلي معايا مي قبل حيدي المونطو ديالك صوفيا: اوكي... حيدات المونطو والكاشكول خلاتهم عند رعد وتبعات الطبيب.... دارليها شي فحوصات ورجعو عند رعد لي كان متوتر.... الطبيب: باش ترجعي تسمعي صعيبة مي ماشي مستحيلة رعد: يعني تقدر ترجع تسمع الطبيب: وي من الاحسن تجلس هنا فالكلينيك باش نوجدوها للعملية حيت مزال خاصنا نديرو فحوصات رعد: وفوقاش العملية الطبيب: الى كان كلشي مزيان من هنا 3ايام رعد: اوكي..... داوها لواحد الغرفة ترتاح ورعد مشا جابليها حوايجها.. بارت98 دازت 3ايام كلها فحوصات وهاد الصباح عندها العملية رعد: كوني قوية احبيبتي صوفيا: (كتبكي) هئ هئ خايفة رعد: ششش متبكيش احبيبة معندك مناش تخافي وواخة متنجحش انا غنبقا معاك وكنبغيك..... دخلات صوفيا للبلوك وجلس رعد كيتسنا وهو متوتر... من بعد 4ساعات خرج الطبيب رعد: كيدازت العملية الطبيب: العملية دازت مزيانة خاصها تفيق باش نعرفو شنو كاين رعد: فوقاش غادي تفيق الطبيب: غدا الصباح رعد: اوكي شكرا..... خرجوها وداوها للغرفة دخل عندها رعد باس يديها رعد: (كيدوز يديه على شعرها) اش هاد الملاك يا ربي... اففف فوقاش يوصل غدا...... هبط تغدا ورجع هز البيسي ديالو خدم حتى ظلام الحال... عيا وهو يسدو ونعس......... صبح الصباح فاقت صوفيا دورات وجهها وهي تشوف رعد ناعس... بغات تهضر مي خافت تصدم.... شوية تحل الباب وهي دور وقلبها كيضرب كان الطبيب.. كيهضر معاها وهي غير كتشوف فيه رعد فاق على الهضرة غير شاف الطبيب وشاف صوفيا لي فايقة وقف بالزربة رعد: حبيبتي صوفيا: هئ هئ رعد: (بحزن) صافي احبيبة متبكيش عفاك... ماشي مشكل انا غنبقا نبغيك كيفما نتي صوفيا: (جبداتو لعندها عنقاتو) هئ هئ صوتك زوينن رعد: (بصدمة شاف فيها) كتسمعيني صوفيا: (حركات راسها بالايجاب) اه.... عنقها وهي محشية فيه كتبكي.... الطبيب خرج وخلاهم على خاطرهوم صوفيا: (معنقاه) نطق بسميتي رعد: صوفيااا روحي وعشقي صوفيا: هئ هئ كنبغيك ارعد كنبغيييك رعد: وانا كنموت فيككك.. شاف فيها وهي تقربلو باستو بشغف وحب وشكر..... دخل الطبيب الطبيب: (بابتسامة) خليوني نهضر انا شوية.... رعد بعد عليها وهو كيضحك اما هي حشمات.... كتسمعي صوفيا: (بفرحة) اه مي ماشي بزاف رعد: كيفاش الطبيب: عادي هادشي.. مغاديش تسمعي مزيان من المرة اللولة... دبا غادي نديرو شي فحوصات باش نشوفو شنو خاصنا نديرو.. من بعد تقدري تخرجي صوفيا: اوكي ميرسي.... خرج الطبيب ورجع رعد عنقها وهي دافنة راسها فعنقو................. دازت 2سيمانات ..خرجو الفحوصات مزيانين وبطلتنا رجعليها السمع مي عطاها الطبيب واحد الطخيطمو تبعو..... شدو طيارة نيشان لميامي باش يدوزو شهر العسل.. وصلو عيانين دخلو نعسو نيشان... فاق رعد لقا صوفيا ناعسة وكل رجل فين مليوحة ضحك على نعستها... قرب لودنيها رعد: (بهمس) حبيبة.... زويونة صوفيا: مممم رعد: (هزها) نتي متنفعش معاك رومانسية صوفيا: عفااااك خليني نعس رعد: (دخل للحمام) لا.. حطها فوسط البانيو وبدا كيحيد حوايجو شافتو وهي توقف بغات تخرج.. وهو يحبسها.... غادي ندوشو بجوج صوفيا: (توترات) لا مبغيتش خليني نخرج رعد: لا بلا ماتعيي راسك ياله حيدي حوايجك صوفيا: (كدور فعينيها) لا مزال فيا ليغيكل رعد: مالها غتبقا فيك 3دسيمانات كاع.. ياله حيدي حوايجك متخلينيش ندير شرع يديا...... بدات كتحيد وهي كتنكر.. بقا واقف وكيضحك عليها.... بقات بدوبياس وهو يقربليها مد يديه حيد سوتيامات... حطات يديها على صدرها وحناكها غيطرطقو بكثرة مرجعو حومر.... لاحهم فالارض وهو يحيد شورطو والبوكسر... غير شافت المعلم وهي تشهق وسدات عينيها ومزيرة عليهم رعد: (قرب لودنيها بهمس) نعسنا جوج مرات ونتي مزال مشفتيه حشومة.. ياله حلي عينيك صوفيا: رعد عفاك خليني ندوز.... حدر لعندها وبدا كيبوس فيها... شعل الما بيديه وفمها مزال ملاصق مع فمها.... وكملو مسخهم فالما ههههه بارت99 لوى الفوطة على نصو هز صوفيا لي حتى هي ملوية الفوطة عليها وحشمانة منو.. وهو عااجبو الحال حطها فوق الناموسية.. جات تنوض باش تلبس وهو يحبسها بيديه رعد: صوفيا صوفيا: (شافت فيه) وي رعد: هههه نااري على شوفات عندك كيدوبوني صوفيا: (حشمات وهي تحدر راسها) الصمت رعد: صوفيا انا راجلك وحبيبك مبقيتش باغيك تحشمي مني وتصرفي عادي صوفيا: احم واخة غادي نحاول رعد: (باس عنقها) ياله نوضي لبسي باش نخرجو صوفيا: فيين رعد: مفاجأة..... ناضت لبسات اكس فالابيض مع شورط دالتجين قصير... شافها وهو يطلع حاجب رعد: اش هادشي لابسة صوفيا: عفاااك راه الصهد رعد: زيدي قدامي... مشات كتنقز قدامو... هههه نااري مزوج ببرهوشة صوفيا: راني كنسمعك رعد: هههه نسيت صوفيا: (دارت لعندو) يعلم الله شحال من مرة عايرتيني رعد: (جرها من خصرها) الصراحة معرفتش.... بقا حادر عندها صوفيا: (هدرات بالزربة) شناهيا المفاجأة رعد: هههههه زيدي الموصيبة.... جرها من يديها وكيتمشا بالزربة وهي كتجري من موراه صوفيا: رعععد رعد: شنو صوفيا: سخفتيني تمشا بشوية راني على قد الحال رعد: (هزها وهي لوات رجليها عليه) الى بقينا غاديين كيف كتمشاي نتي مغنديرو والو هاد النهار صوفيا: (عاجبها الحال) ههههه اوكي... غادي وهي جالسة كتلعب فاللحية ديالو حتى وصلو لواحد اليخت.... ياااي غادي نركبو فيه رعد: ويي.... دخلو وهي عاجبها الحال... تحرك اليخت وهو يجرها من يديها مشاو للمقدمة بقاو شحااال حتى دخلو لداخل وهو يحبس... جاب رعد الصنارة رعد: اليوم نعلمك تصيدي صوفيا: بالصح😍😍😍 رعد: ويي.... وقف من موراها وكيوريها كيدير حتى عرفات... بقات شاداها ومتحمسة صوفيا: (كتغوت) رعد يمكن صيدت رعد: ههههه صبري.... جا من موراها وبداو كيجبدو بشوية حتى تعلات الصنارة وهي تشوف الحوتة بدات كضحك كيف الهبيلة وبغات تشدها......... دوزو بقية النهار غير فوسط البحر ونزل رعد عام شوية وعاود رجع اما صوفيا مبغاتش حيت خافت...... رجعو دخل دوش رعد وهما يعاودو يخرجو... تعشاو برا وتساراو عاد رجعو للدار بارت100 صبح الصباح فاقت صوفيا هي اللولة... لقات رعد ناعس على كرشو وشاد الناموسية كاملة... بقات كتشوف فيه وهي طيح عليها فكرة غبية ناضت بالزربة للحمام عمرات طاسة صغيرة بالما وجات غير بشوية.. طلعات فوق الناموسية ياله جات تخوي الما وهي تشدليها يديها رعد: اش كنتي باغا ديري صوفيا: (تلفات) ا لا والو رعد: وشنو هادشي لي هازة فيديك صوفيا: بغيت نشرب رعد: (هز حاجب) فالطاسة صوفيا: اه رعد: ياله شربي... طلق يديها وكيشوف فيها... هي بقات مقرباه لفمها وهي تغفلو وخواتو عليه رعد: (خنزر) اش هادشي درتي... خافت جات تهرب وهو يشدها ولاحها فوق الناموسية.. رجعات تحتو رعد: شنو نديرليك دبا اااا صوفيا: ديني للبحر رعد: (ضحكاتو) ههههه شفتك كاع مخفتي مني صوفيا: (دورات يديها على عنقو) نتا راجلي علاش غنخاف منك رعد: متخافيش ومتحشميش... حدر لعندها وحلف مايطلقها حتى ندمها صوفيا: واعيباد الله عييت ونتا معيتيش رعد: (باسها ففمها) نتي لي لديدة بزاااف😍😍... سعدااتي بيك صوفيا: (حشمها) كنبغيك رعد: انا فت الحب رجعت كنعشقك صوفيا: (باستو ففمو) الله يخليك ليا... ناضو دوشو ولبسو حوايجهوم... وخرجو فطرو ومن بعد مشاو للبحر........ هكا داز شهر غير مسارية وعشق...... هما دبا شادين طيارة راجعين للمغرب لقاو طموبيل كتسناهم مشاو نيشان لدار والدين صوفيا....... وصلو حلاتليهم الخدامة الباب... صوفيا كانت متحمسة شافت ماماها ومشات كتجري عنقتها صوفيا: توحشتكككك ماما: (رجعاتها قدامها) حتى انا ابنتي.. توحشتك بزااف رعد: وانا متوحشتينيش انسيبتي ماما: اجي اولدي عندي تبقا تقولي ماما... عنقاتو وباسليها راسها صوفيا: فين بابا ماما: شوية وتلقايه هنا صوفيا: وريم وسيف ماما: حتى هما مزال فالخدمة صوفيا: اوكي ماما: اجي ابنتي معايا... ناضت ماماها وهي تبعاتها طلعو للبيت.... اجي جلسي قدامي صوفيا: خليني حداك بغيت نبقا معنقاك وكنشم ريحتك ماما: بغيت نهضر معاك صوفيا: (تكات على كتفها) غير هضري ماما: ههههه ناري هاد البنت غادي تسطيني صوفيا: راني كنسمعك ماشي حشومة تقولي هاد الهدرة ماما: (تصدمات وهي تهزليها وجهها) كيفاش واش بالصح ولا كتفلاي صوفيا: بالصح اماما.. راني درت العملية ورجعت كنسمعك ماما: (كتبكي) الحمد لله هئ هئ... شدات وجهها كتبوس فيه كامل صوفيا: (دموعها نازلين) توحشت صوتك مزال غزال بحالك ماما: (مساحتليها دموعها) صافي احبيبة نساي داكشي لي فات... فوقاش درتي العملية صوفيا: فاش سافرنا مشينا لبرلين كان رعد مخطط لهادشي وقنعني باش نعاودها ونجحات الحمد لله ماما: الله يسهل عليه ياربي ويفرحو كيف فرحني صوفيا: امييين ماما: باينة كيبغيك بزاف... كيف كيعاملك ابنتي صوفيا: فوق مزياان الحمد لله.. معمرو خسرلي خاطري ومحتارمني ماما: الحمد لله هادشي لي بغيت... كتبغيه ابنتي ياك صوفيا: (بابتسامة) كنعشقو رجع الاوكسجين لي كنتفس بيه ماما: غادي نسولك ومتقلقيش.. واش مزال عندك شي شعور تجاه اناس........ كان رعد غادي للحمام غير سمع السؤال وهو يوقف كيتنصت بارت101 صوفيا: منكدبش عليك اماما... فاش عرفت رعد وعشت معاه عرفت ولا نقدر نقول تأكدت بلي مشاعري تجاه اناس مكانتش حب... حيت كنت مراهقة واول مرة نتعرف على شاب وكان كيسحابلي بلي حب... مي مع رعد عرفت شناهو العشق ماما: ريحتيني بهاد الكلام ابنتي.. الله يخليكم لبعضياتكم ويبعد عليكم ولاد الحرام صوفيا: امييين اماما.. ياله نزلو راه خليناه بوحدو ماما: هههه ياله زيدي... رعد فرح بهضرتها وهو ينزل لتحت... رجعات هي وماماها جلسو... شوية ناضت ماماها للكوزينة صوفيا: مالك من قبيلة ونتا كتشوف فيا وتبتاسم رعد: اجي حدايا نقوليك شي حاجة.... ناضت صوفيا وهي مبتاسمة جلسات حداه صوفيا: هانا شنو بغيتي رعد: (حشا وجهو فعنقها) توحشت ريحتك صوفيا: (كضحك بشوية) هههه اويلي نوض ونتا جاتك الحالة عاود رعد: (حط جبهتو على جبهتها) أعشقك اميرتي صوفيا: (حطات يديها على حنكو) كنبغيك... باسها ففمها بوسة خفيفة رعد: احح زيانيتي الخايبة صوفيا: ههههه كيدرتيليها دبا انا واش خايبة ولا زوينة رعد: نتي حبيبتي😍😍..... بقا رعد كيتغزل فيها وهي كضحك وعاجبها الحال حتى رجعات ماماها وهما يتقادو فالجلسة... شوية جا باباها وخوها وريم... تسالمو وجلسو غير تحطات الماكلة وهي تمشي كتجري للطبلة سيف: ناري شحال هاد البنت متوحشة صوفيا: (دارت خنزرات فيه) ماشي حشومة عليك كتعاير ختك فظهرها... كلهم تصدمو فيها بابا: بنتي كتسمعينا صوفيا: اه سيف: واش بالصح ولا طالقاها علينا صوفيا: والله حتى كنسمع رعد: فاش سافرنا من مور العرس.. مشينا لبرلين وتما دارت العملية والحمد لله نجحاتليها.... سيف عنقها سيف: ااه هي مشيتو لداك الطبيب.. مبروك عليك حبيبتي صوفيا: الله يبارك فيك ريم: (عنقاتها) ياااي فرحتليك خيتو صوفيا: شكراا بابا: (باسلي راسي) الله يفرحك ابنتي ويخليك ليا صوفيا: امين ابابا والله يخليك لينا نتا وماما..... تجمعو على الطبلة وكلشي فرحان حيت صوفيا رجعليها السمع.... بقاو مجمعين على الهضرة والضحك حتى ظلام الحال وهما يتجمعو عاود تعشاو رعد: ياله خلينالكم الراحة ماما: كون غير نعستو هاد الليلة معانا رعد: (جات تهضر صوفيا وقاطعها) مرة اخرى اخالتي.. تصبحو على خير الكل: تصبحو على خير..... ركبو فطموبيل وهو يديماري صوفيا: كون غير بتنا معاهم... عجباتني الجماعة مع ريم رعد: لا الالة معمرك تحلمي تنعسي تما... نجيبك ندوزو النهار كامل معنديش مشكل مي النعاس فدارنا صوفيا: ممم واخة لي بغيتي رعد: (باس يديها) مبغيتش نقلقك مي باغي نعس فخاطري..... بارت102 وصلو للدار طلعات صوفيا نيشان للبيت وتبعها رعد هاز الباليزات... دخلات دوشات وخرجات لبسات بيجامة شورط واكس ديالو.... دخل رعد حتى هو دوش وخرج تحشا حدا صوفيا لي كانت مزال مقلقة منو رعد: حبيبة صوفيا: شنو رعد: مقلقة مني صوفيا: انا معمري عصيت كلامك مي حتى نتا خاصك تبقا ديرلي خاطري رعد: اوكي سمحيلي و وقتما بغيتي نباتو تما نمشيو صوفيا: (فرحات) اوكيي ميرسي رعد: ياله ضحكي وطلقي ديك الغوباشة صوفيا: ههههه هانا رعد: هههه برهوشة صوفيا: راه عندي 23 نتا لي شارف رعد: نااري على 23 دونك انا مزوج ببرهوشة صوفيا: (خنزرات) رعد رعد: هههه صافي غير كنضحك معاك.... بقاو كيهدرو ويضحكو حتى نعسو وهما محشيين فبعضياتهم... صبح الصباح فاقت صوفيا غسلات وجهها ونزلات للكوزينة بدات كتوجد الفطور وكتغني... حتى حاوط رعد خصرها بيديه صوفيا: خلعتيني رعد: فهاد الدار معندك مناش تخافي صوفيا: اوكي ياله جلس باش تفطر رعد: بغيتك ديما تغنيلي كيحمقني صوتك صوفيا: (بخجل) واخة... باسها فحنكها ومشا جلس فالطبلة بدات كتحط وهو متبع مع حركاتها حتى كملات... جات تجلس وهو يجبدها رعد جلسها فوق رجليه رعد: (باسها فكتفها) من اليوم هادي بلاصتك صوفيا:(عجبها الحال) جوتييم..... فطرو وجمعات داكشي بالخف وطلعو لبسو حوايجهم رعد: مممم خاصنا نمشيو نشريو شي حوايج جداد ليك صوفيا:(ببراءة) علاش رعد: هادشي معيق وانا مراتي منبغيش لي يشوف فيها صوفيا: واخة ياله زيد باش منتعطلوش..... ركبو الطموبيل بعد دقائق وصلو.. تفارقو وكل واحد دخل لشريكتو...... رعد غير دخل وهو يتسيف بحال الى ماشي هو لي كان كيضحك قبيلة ويغازل... عاقد غوباشتو وغادي... اما صوفيا دخلات والابتسامة على وجهها.. واي واحد صادفاتو كتسلم عليه وصلات لمكتبها وتبعاتها السكرتيرة صوفيا: (كتحيد فيستها) فين وصلتو.... هضري مالك ساكتة.. (شافت فيها) راني درت العملية ورجعت كنسمع بامكانك تهضري عادي السكرتيرة: مبروك امدام فرحتليك صوفيا: ميرسي.. ياله قوليلي شناهيا اخر الاخبار السكرتيرة: بون بالنسبة للعرض لي درنا جاونا طلبات كثيرة من محلات كبار وحتى من خارج المغرب..... دبا حنا كنخدمو وفآخر هاد السيمانة غانكونو وجدنا الطلبات ويبقا لينا غير نصيفطهوم صوفيا: (بفرح) مزيااان... عفاك جيبيلي قهوة وعيطيلي على المصممين السكرتيرة: اوكي... بعد دقائق دخلو صوفيا: تفضلو دعاء: شكرا وقبل من كولشي بغينا نباركوليك زواجك وحتى انك رجعتي كتسمعي صوفيا: ميرسي... ندخلو فالموضوع الحمد لله العرض لي درنا داز مزيان وكثر من المتوقع... خاصنا دبا نبداو نوجدو للعرض الجاي محسن: اوكي بارت103 كمل رعد خدمتو وهو يمشي لشركة عند صوفيا دخل لمكتبها لقاها مندامجة مع الرسم رعد: عشقي صوفيا: (مدات يديها) حبيبي توحشتك رعد: (عنقها) كون تشوفي انا... ياله نوضي نمشيو نتغداو صوفيا: اوكيي...ناضت جمعات وراقيها فالصاك شداتو من يدو جبداتو حتى حدر لعندها وهي تبوسو ففمو صوفيا: مشينا رعد: (دور يديه على خصرها) اححح شحال موحشك صوفيا: هههه حشم.... غاديين فالطريق ورعد كيتغزل فيها حتى وصلو لدارهم.... طلعات بالزربة للبيت لبسات بيجامة فالغوز بانت بحال شي بنية صغيرة... هبطات بالزربة للكوزينة غسلات يديها وبدات طياب... شوية حسات بيدين محاوطينها صوفيا: هانا احبيبي شوية ونحطليك تغذا رعد: انا فيا الجوع لاخر.... بدا كيبوس فعنقها وكتافها العريانين صوفيا: رعد خليني نكمل شغلي رعد: (دورها لعندو) انا بغيتك نتي صوفيا: خليني نكمل طياب حتى لمن بعد داكشي رعد: (تقلق) اوكي لي بغيتي.... مشا للصالون وهي كملات شغلها.... تغذاو وجمعات داكشي رعد: (بنفخة) ياله لبسي حوايجك باش نمشيو صوفيا: نو انا غادي نبقا فالدار رعد: اوكي.... خرج رعد وطلعات هي لبيتها.. بقات كتصمم حتى وصلات 6 دالعشية وهي تنوض بالزربة بدات كتوجد العشا.... كملاتو وطلعات دوشات ولبسات شوميز دونوي فالحمر مع مكياج بسيط مي زوين لبسات بينوار وهي تلبس بانطوفتها ونزلات.... بدات كتوجد فالطبلة مع شميعات.. سمعات صوت الطموبيل وهي طفي الضو وشعلات غير الشمع.... دخل رعد لقا الضو مطفي وهو يغوبش شوية نتابه لشميعات مشعولين وشي واحد واقف حدا الطبلة... ابتاسم وتقدم جهتها رعد: (طبع بوسة ففمها) توحشتك صوفيا: (حاطة يديها على حنكو) حتى انا... سمحلي على... رعد: (حط يدو على شفايفها) شش نساي كلشي دبا.... جلس وجرها فوق رجليه صوفيا: صبر نشعل الضو رعد: لا غير خلينا هكا حسن.... اصلا ماحدك حدايا ممحتاجش نشعل الضو انور عينيا صوفيا: (عجبها الحال) كنبغيك رعد:(باسها فعنقها) كنحماق عليك.. جلسو كيتعشاو تحت ضوء خفيف ديال الشمع.... وطول العشاء ورعد كيغازلها وكيلوحليها كلمات خلاها دايبة بين ذراعو.... محسات براسها حتى كان هازها بين ذراعو وطالع بيها للفوق صوفيا: خليني نجمع الطبلة رعد: حتى الغذا ونجمعوها.... دخلو لبيتها وحطها بشوية فوق الناموسية... تسناي 10 دقايق ندوش ونجي لحبيبتي صوفيا: (بخجل) اوكي.... دخل رعد دوش بالزربة خرج لاوي الفوطة على نصو وشعرو كيقطر... شافتو صوفيا هكاك حمقها وقفات حيدات البينوار وتقدمات بخطوات بطيئة تجاهو.... اما هو غير شافها هكاك تصدم بقا حال فمو فيها.... لصقات فيه وهو يدور يديه مور ظهرها زاد لصقها معاه.... وحدر لعندها بدا خدمتو ههههه........ هكا دازت #شهرينتقريبا غير الخدمة وكل عشية كتبقى صوفيا فالدار وكتحاول ديرلو خاطرو... اما هو فرحان ومقادو حد... حبيبتو قدامو ونهار على نهار كتزيان فعينيه..... اليوم فاق لقا صوفيا ناعسة عريانة مغطية غير بالغطا... ضحك عليها وهو ينوض دوش عاد خرج لعندها كيفيقها بارت104 رعد: حبيبتي فيقي براكة من النعاس صوفيا: (حشات وجهها فالمخاد) غير سير انا عيانة رعد: (هزليها وجهها) واش مريضة صوفيا: لا غير مزال فيا النعاس وصافي رعد: ههههههه واخة النعاسة ومتنسايش بلي عندك العرض غدا صوفيا: مناسياش غير بلا ماتزيد تخلعني رعد: متخافيش كلشي غيدوز مزيان... ياله رجعي كملي نعاسك صوفيا: اوكي حبيبي... ونقص شوية من العصبية ديالك.. راه غادي تشرف بالزربة رعد: هههه اوكي حياتي.... باسها فحنكها وهي ترجع تحشات فالغطا وغمضات عينيها... اما رعد لبس حوايجو دار ساعتو وريحتو.. مشا طل عليها لقاها نعسات ابتاسم وهو يمشي لخدمتو......... وصلات 12 رجع للدار لقا السكات.. طلع لبيتو وهو يلقاها مزال ناعسة رعد: (مخلوع) صوفيا فيقي.. صوفيااا صوفيا: (كتحك عينيها) مالك على هاد الفياق رعد: خلعتيني المسخوطة سحابلي وقعاتليك شي حاجة صوفيا: علاش رعد: راه 12:30 هادي الحاجة صوفيا: اويلي رعد: (كيعيبها) اويلي... وعولنا عليك بكري.. زعما انا جاي وكنفكر شنو غتكون حبيبتي طيبات... ساعة نتي طيبتي نعاسك صوفيا: (غرغرو عينيها) سمحلي والله مقصدت.. انا كنت عوالة نزيد غير شي ساعة رعد: (تصدم) علاش كتبكي دبا واش غوت عليك... انا غير ضحكت معاك... نتي الالة غير رتاحي انا نتعلم طياب ونبدا نطيب... غير كوني على خاطرك صوفيا: (عنقاتو وحطات راسها على صدرو) مزال كتبغيني كيفما اللول ياك رعد: لا انا دبا كنعشقك... ياله نوضي احبيبة لبسي حوايجك قبل مانصدقو فشي حاجة ماشي تالهيه ونتي جالسة قدامي بصدرك عريان صوفيا: (جبدات الغطا عندها وهي حشمانة) احم هانا نايضة ندوش بالزربة ونجي نوجد الغدا رعد: غير دوشي على خاطرك انا غادي نطلب الماكلة من برا صوفيا: ممم طلبلي عفاك دجاج كنتاكي تشهيتو رعد: واخة احبيبة..... خرج رعد وانا نضت دوشت خرجت لبست بيجامتي ونشفت شعري غير بالفوطة.... نزلت لتحت لقيت حبيبي كيحط الماكلة فوق الطبلة.. مشيت كنجري جلست وبديت كناكل رعد: غير بشوية عليك صوفيا: سير جيبلي الكيتشوب والموطارد رعد: هاهما صوفيا: لا هادشي قليل رعد: (تنهد) واخة.... مشا جابليها داكشي لي بغات.... جلسات كتاكل حتى كملات حقها وهي تشوف رعد كياكل البيتزا... مدات يديها تهز وهو يضربها رعد: لي كلا حقو يغمض عينو صوفيا: (دموعها نزلو) هئ هئ وانا فيا جوع.. ونتا كتحكر عليا حيت عارفني منقدرش عليك رعد: اويلي صوفيا مالك هاد النهار... كنقوليك كلمة كتبداي تبكي....... جرها جلسها فوق رجليه وكيمسحليها دموعها.. صافي سمحيلي انا منسواش الالة غير متبكيش عفاك صوفيا: واخة ياله عطيني ناكل رعد: (حبس الضحكة) هاكي... بدا كيوكلها وهي محشية فيه وكتبتاسم حتى شبعات صوفيا: صافي شبعت شكرا... شدات يدو باستها رعد: (باس راسها) كنموت عليك... ياله نوضي لبسي باش نمشيو للخدمة راه تعطلنا صوفيا: واخة احبيبي.... طلعات صوفيا تبدل حوايجها ورعد كمل ماكلتو وجمع داكشي وهي تنزل عندو... ركبو الطموبيل وديمارا... غاديين وهي كتلعب فلحيتو رعد:(شد يديها باسها) اش هاد الحب طاح عليك هاد النهار بارت105 صوفيا: هههه انا ديما كنبغيك ماشي غير هاد النهار رعد: عارف احبيبة... ياله هاحنا وصلنا بون كوغاج صوفيا: ميرسي... باستو وهي تنزل دخلات لشركتها.... وبدات الخدمة كتشوف واش كلشي هو هداك.. محسن: مدام صوفيا اجي شوفي معايا لي مانكا راه جاو صوفيا: اوكي ياله.... دخلت للمكتب ديالو لقيت 10 دالبنات طوالات وزوينات.... سلام نتمنا نخدمو فواحد الجو مزيان والاهم نكونو فريق واحد... ان شاء الله غذا كاين العرض ولي عندها شي تساؤل تفضل عارضة: انا معنديش مي بغيت نقوليك بلي عجبني العرض ديالك اللول وحتى تصاميمك حمقوني وبالاخص انا متبعاك على الانستجرام... كتعجبيني بزاف وكنت نتمنا نلبس شي حاجة من تصاميمك والحمد لله تحققلي الحلم صوفيا: اوووه ميرسي بوكو حبيبة... مشيت عنقتها والابتسامة على وجهي....... تهنيت بعدا من العارضات حيت عجبوني بقا دبا يدوز العرض باش نتهنا مزيان.. مشيت شفت المسائل الأخرى حتى كملت.... هزات صاكها ومشات للشركة ديال رعد طلعات نيشان للمكتب ديالو صوفيا: هاناااا رعد: ههههه الحمقة ديالي جات نهار كبير هدا وانا كنقول مال الشركة نورات صوفيا: توحشتكك بزااف.. مشات جلسات فوق رجليه وحشات وجهها فعنقو... هو مدور يديه على خصرها وكيبتاسم رعد: نمشيو للدار صوفيا: اش بانليك نتعشاو برا رعد: هي لي متعاودش امراتي العزيزة.... ناضو بجوج مشابكين يديهم مع بعضياتهم ومشاو..... داها للمول شراليها شي حوايج وتساراو فيه عاد مشاو للريسطو تعشاو ورجعو لدارهم... فاقت صوفيا مع ديك 3 دالصباح شافت فرعد ناعس بدات كتلعب بيديها بتوتر.. شوية حدرات جهة ودنيه.. صوفيا: (بهمس) رعد.. رعد فيق رعد: (بصوت ناعس) مالك شنو بغيتي صوفيا: احم نوض رعد: (جلس) هانا اش بغيتي صوفيا: (بخجل) تشهيتك رعد: (هز حجبانو) كيفاش صوفيا: (شافت فيه وعينيها كيبريو) بغيتك وفهم وبراكة من الأسئلة رعد: (قاس جبهتها) واش فيك السخانة... نعسي راه زعما غذا عندك عرض صوفيا: (بصوت باكي) صافي غير نعس... تكات وعطاتو بالظهر.. بقا كيشوف فيها وهو مستغرب مي فاش سمع شهقاتها حدر لعندها بدون تفكير وبدا فخدمتو.. حتى عيا عاد طلقات منو وهي تنعس.. صبح الصباح فاقت صوفيا فيها الدوخة مشات كتجري ردات.. سمعها رعد وناض بالزربة لعندها رعد: حبيبة ماالك صوفيا: (غسلات وجهها) متخافش غير مع الخلعة رعد: تهدني ومغيكون غير الخير صوفيا: ان شاء الله... دوشو وفطرو ولبسو حوايجهم وهما يمشيو رعد: نتلقاو فالعرض ان شاء الله.. وغير بشوية عليك ومتنسايش تغذاي صوفيا: اوكي حبيبي.... دخلات صوفيا لمكان العرض تما فين غيكونو التجهيزات... وبدات خدمتها راقبات الديكور لي دارو فصالة العرض عاد مشات تشوف واش الملابس كلهم موجودين وواش مكاين حتى خطأ.... جاتها الردة عاوتاني ومشات كتجري للطواليط ردات.. شافتها سكرتيرتها وهي تبعها السكرتيرة: مدام واش مريضة صوفيا: والله ماعرفت غير فقت رديت ودبا عاوتاني رديت السكرتيرة: (بابتسامة) ياكما حاملة صوفيا: (تصدمات) زعما السكرتيرة: انا لاحظت فيك بلي رجعتي كتاكلي بزاف تبارك الله وديما كتصيفطيني نجيبليك الكاب كيك مع عصير مي قبل كنتي كتاخدي غير قهوة صوفيا: (ياربي نكون بالصح حاملة) واش كاين شي حد يتسخرلي يجيبلي اختبار الحمل السكرتيرة: انا نيت علاش اش كندير صوفيا: شكرا اختي....مشات السكرتيرة وصوفيا بقات كتسنا وتحلل وتناقش وضحك غير بوحدها حتى جابتوليها ووراتها طريقة الاستعمال... دخلات للطواليط بالزربة دارت داكشي وكتسنا النتيجة طلع بارت106 شوية خرجوليها 2شريطات بدات كتنقز بالفرحة صوفيا: (دموعها نزلو) وينو دبا انا حاملة هئ هئ.... بقات شحال حتى ارتاحت ومسحات دموعها وهي تخرج... لقاتهم كيتغداو كلات معاهم.... وقررات انها متقولها لرعد حتى تأكد من الطبيبة..... وصلات وقت العرض وبداو العارضات كيخرجو وهي راضية على داكشي لي قدمات.... تعالات تصفيقات الجمهور والاعجاب واضح من وجههم للمرة الثانية.... خرجات بابتسامة لكن كانت مغايرة هاد المرة..... هاد المرة كاين بريق فعينيها وكتمنى بالصح تكون حاملة وتحمل قطعة من رعد... شافت فيه وصيفطليها بوسة فالهوا... مفتاخر بحبيبتو وبداكشي لي كتقدم..... كملو وهي تدخل بدلات حوايجها وسلمات على الطاقم وشكراتهم..... كانت خارجة حتى تلاقات برعد... مشات كتجري تلاحت فحضنو وعنقاتو.. حتى هو بادلها العناق رعد: مبروك عليك احبيبتي صوفيا: الله يبارك فيك رعد: هي نمشيو نحتافلو صوفيا: نو عيانة دبا خلي غدا فالعشية نحتافلو ويمشيو معانا سيف وريم رعد: اوكي حبيبة ياله مشينا....... مشاو للدار دخلات دوشات ولبسات بيجامتها وتكات.. تحشا حداها رعد وعنقها من اللور رعد: (باسها فكتفها) كنبغيك صوفيا: (حطات يدها على يديه) وانا كنموت عليييك😍😍... بقا حاشي وجهو فعنقها كيبوسو وهي مبتاسمة وكتمنا تكون بالصح حاملة وتفرحو حتى هو.... نعسو فحضن بعضياتهم حتى صبح الصباح وفاق رعد هو اللول كيف العادة.. دخل غسل وجهو وقضا حاجتو... خرج لبس حوايجو وبدا كيفيقها صوفيا: ممم خليني نعس رعد: ههههه نااري على نعاسة... انووضي صوفيا: (مدات يديها وجبدات راسو حطاتو فوق صدرها) خلينا نعسو شوية رعد: هههههه نااري معامن مزوج انا.. بانلي نتي داايخة شوفي فيا صوفيا: (حالة عين) شنو رعد: انا غنمشي للخدمة ونتي ارتاحي حتى العشية وسيري صوفيا: صافي واخة.... ناض رعد باسها فعنقها ومشا وهو كيضحك عليها.... دازت ساعة فاقت صوفيا غسلات وجهها ولبسات حوايجها وهي تخرج صوفيا: عفاك جيب الطموبيل ونتا لي غادي توصلني الكارد: واخة امدام... بعد دقائق وقفات قدامها الطموبيل وخرج كيجري حليها الباب ركبات وقالتلو الوجهة.... وصلات وخرجات غادة وقلبها كيضرب... بعد ساعة وصلات نوبتها دخلات عند الطبيبة صوفيا: سلام انا البارح درت اختبار حمل وطلع ايجابي مي بغيت نتأكد طبيبة: وي تفضلي..... مشات تكات وبدات الطبيبة كتفحصها... مبرووك راك حاملة وعندك شهر صوفيا: (بفرحة) بالصح طبيبة: اه مبروك عليك صوفيا: هئ هئ شكرااا يااي غادي نولي ام.... خرجات متسناتش الطبيبة تعطيها نصائح.... ركبات الطموبيل والابتسامة واضحة على وجهها... مدورة يديها على كرشها كأنها كتقوليه انا ماماك صوفيا: حاسة بلي غتكوني بنت زويونة الكارد: قلتي شي حاجة امدام صوفيا: لا والو.. بصوت خافت... كيغانديرو نقولوها لباباك الخايبة..... بارت107 وصلات للدار لبسات بيجامتها ومشات للكوزينة كتوجد فالماكلة وضحك... حتى حسات بنفس كضرب فعنقها صوفيا: حياتي جيتي رعد: (باسها فعنقها) احح اربي اش هاد الزين مزوج بيه انا صوفيا: (دارت لعندو) سير احبيبي بدل حوايجك واجي تغذا غيكون فيك الجوع رعد: فيا الجوع لاخر صوفيا: (بصوت انثوي) ههههه وخا مور الغذا نعطيه لحبيبي رعد: واش بالصح كتهضري ولا كضحكي عليا صوفيا: (باستو ففمو) هانتا غتشوف... غمزاتو وبعدات عليه خلاتو دايخ رعد: (طالع فالدروج) حطي بالزربة هانا جاي... دوش ونزل لابس غير شورط لقاها حطات.. جلس فالكرسي وجبدها جلسها فوق رجليها صوفيا: عندي ليك مفاجأة رعد: شناهيا صوفيا: (كتلعب فصدرو) مغاديش نقوليك دبا خلي حتى الليل ونقولهاليك نتا وخويا وريم رعد: مممم زوينة بعدا صوفيا: متأكدة غادي تفرح فاش تعرفها رعد: (حشا وجهو فعنقها) اوكي هاحنا غنشوفو صوفيا: (بعدات وجهو) وخلينا ناكلو بعدا راه فيا الجوووع رعد: اوكي كولي مزياااان.... درت وانا كنضحك عليه كليت حتى شبعت... ياله غادي نوقف وانا نحس براسي مهزوزة صوفيا: رعد هههه صبر شوية غير نجمع الطبلة رعد: الطبلة مغتهربش... طلعها وهي كضحك وفرحانة حيت ديما كيحسسها بلي كيبغيها... طلعها ومطلقها حتى كانت غتسخفلو بين يديه... هزها بين يديه ودخلها للدوش رعد: سوري احبيبة عارف راسي زدت فيه مي نتي لي بنينة صوفيا: خاصك تبقا تحكم فراسك الى بقيتي غادي تعوجلي البنت رعد: اينا بنت صوفيا: احم اشمن بنت راه انا لي غنتوعج رعد: (باسها فظهرها) سمحيلي احبيبة اخر مرة صوفيا: (دارت لعندو) اوكي حياتي ياله نسربيو باش منتعطلوش على سيف وريم رعد: اوكي حياتي.... دوشو وخرجو بقات صوفيا ملوية فالفوطة وبدات كتنشف شعرها.... قداتو وناضت لبسات كسيوة فالبيض.. دارت مكياج هادئ جات بحال شي ملاك رعد: (باس يديها) انا لي مزوج والله صوفيا: (تزنكات) ههه براكة عليا من الغزل راه غيعجبني راسي رعد: راه خاصك يعجبك راسك... طبع بوسة فحنكها ونزلو... ركبو فالطموبيل وبعد دقائق وصلو... تلقاو مع سيف وريم فالباب سيف: (عنق صوفيا) تزوجتي ونسيتي حبيبك صوفيا: سمحلي اخويا راك عارف كنت مبرزطة مع العرض سيف: عاارف احبيبة مكاين لاش تعتادري.. كيدايرة نتي سافا صوفيا: ويي بيخير ونتا سيف: انا مزيااان الحمد... تسالمات مع ريم ودخلو... كل وحدة جلسات حدا راجلها صوفيا: اوا اش كتعاودي ريم: والو اختي غير الخدمة والدار راك عارفة الروتين.. والله مليت بغيت نبدل الجو صوفيا: وايييه حتى انا مكرهتش شي تسافيرة نبدلو الجو... بقاو هكا كيهدرو والدراري مجمعين مع بعضياتهم وكياكلو حتى تشجعات صوفيا وهي تقطع هضرتهم صوفيا: احم عندي ليكم مفاجأة وبغيت نقولهاليكم مجموعين سيف: وي شنو كاين... ياله جات تجاوب وهي تسمع واحد الصوت كيغني..《 i can't get you out of my mind》 بدات كتردد فنفسها لا ميمكنش مي ردة فعل سيف وهو مشوكي وكيشوف موراها خلاها تزيد تخلع.. دارت بالعرض البطيء بارت108 دارت غير شافت شكون كيغني ومفيكسي عينيه عليها.. شهقات ودموعها نزلو رعد: صوفيا مالك.. كيشوف فيها وكيشوف فسيف لي مصدوم.. شاف فين كيشوفو حس بحال الى شايفو مي فين معرفش..... وقفات صوفيا وهو يشدليها سيف يديها سيف: صوفيا لا... نترات يديها ومشات بقا رعد متبعها بعينيه وكيشوف حتى لقاها قربات لهداك لي كان كيغني رعد: (معصب) شكون هداك سيف: (بتلعثم) انا..س...... رعد وريم تصدمو دار بالزربة لقاها حطات يديها على وجهو....... اناس: (عنقها) توحشتك احبيبتي.. توحشتك بزااااف صوفيا: (قلبها كيضرب) ن..تا حي اناس: غادي نشرحليك كلشي احبيبتي مي خليني نشبع منك دبا..... جا رعد حمر وعرقو برزو جرها لعندو وضربو ببونية حتى طاح فالارض..... جرها وبقا غادي بالزربة وهي تابعاه ومصدومة عقلها مزال مبغا يستوعب هادشي لي واقع... دخلها بعصبية للطموبيل.. ركب ومشا مكسيري وصدرو كيطلع ويهبط... وصل للدار وبقا كيتسناها تنزل مي هي كانت بحال الجماد رعد: (غوت) نزليييييييييي.... قفزات وعاد رجعات لارض الواقع شافت فعينيه لقاتهم حوومر وباينة عليه معصب.. مدات يديها لوجهو وهو يبعد ونزل دخل للدار... تبعاتو وهي خايفة منو دخلات لبيتها سمعات صوت الما عرفاتو فالطواليط بدلات حوايجها.. ومشات للطواليط لي برا غسلات وجهها وجلسات فوق الناموسية.. بقات كتسناه حتى خرج لاوي على نصو الفوطة.. تسناتو لبس وهي تنوض لعندو صوفيا: (شدات يديه) حبيبي رعد: ششششش... متقولي حتى كلمة انا بالسيف باش بردت ونتي عارفاني بلي معمرني حطيت يدي عليك ومباغيش نديرها دونك بعدي لانصدق ملصقك فشي حيط صوفيا: علاش هاد الاعصاب كاملة رعد: ومزااال كتسولي مخليا داك الحمار معنقك وباغاني منتعصبش اااا صوفيا: هداك اناس خطيبي رعد: (تعصب وهو يصرفقها) كاااااان وانا دبا راجلك صوفيا: (شدات وجهها) هئ هئ ممنحقكش تضربني رعد: (صدرو كيطلع وينزل) غبري من قدامي قبل مانصدق داير شي حاجة كثر من هكا.. ولا عرفتي انا لي غنغبر..... خرج وخلاها مصدومة وخايفة منو اول مرة تشوفو هكا.... سمعات صوت الطموبيل وقف والصونيط نزلات بالزربة حلات الباب... لقات خوها وهي تلاح عليه عنقاتو وكتبكي فصدرو سيف: ششش احبيبة عفاك متبكييش صوفيا: هئ هئ انا مفاهمة والو.. كيفاش هو مماتش سيف: حتى انا مفهمتش.. المهم فين رعد ياكما ضربك صوفيا: (حدرات راسها) لا.... هزوليها وهي تبان ليه لاطراس ديال يد فوجهو... تعصب مي حاول ميبينش سيف: سيري لبسي حوايجك غادي تباتي معايا اليوم رعد: معندها فين تمشي سيف: (شاف فصوفيا) 5دقايق نلقاك حدايا لابسة ولا غنديك هكا.... ونتا ممنحقكش تمد يديك على ختي رعد: بلا ماتزيد تعصبني راه مغاديش تخرج من هنا سيف: مغاديش نخليها عندك حتى تهدن وتناقشو... نزلات صوفيا وهو يجرها ركبها فالطموبيل اللور اما ريم كانت جالسة القدام.... ديمارا سيف نيشان للدار ورعد بقا بوحدو فالدار زاد تعصب... وبدا كيهرس اي حاجة جات قدامو....... وصلو للدار وطلعها سيف لبيتها سيف: بونوي حبيبتي وغدا يكون خير صوفيا: (تنهدت) ان شاء الله.... خرج سيف وهي تكات وبقات كتفكر فاناس حتى نعسات بارت109 صبح الصباح فاقت صوفيا مكتاءبة غسلات وجهها وبقات فبيتها حتى دخلات عندها ريم ريم: (شدات يديها) باقة كتبغي اناس صوفيا: لا والله ريم: وعلاش مشيتي عندو البارح صوفيا: حطي راسك بلاصتي.. 4سنين ونتي عايشة بضمير كيعذبك حيت معتاقدة بلي نتي السبب فموت شخص.... وداك الشخص كان اول حب فحياتك... وفاللخر يطلع حي كيفاش مفهمتش وداك القبر لي كنت ديما نمشي نبكي عليه ديالمن معرفتش..... حسو بيا حتى انا ومن حقي نعرف شنو كاين.... اما رعد كنبغيه وهادشي مغاديش يتبدل وقريب غادي نزيدو نتعلقو ببعضياتنا حيت قريب يولي اب ريم: (بصدمة) نتي حاملة صوفيا: اه والبارح كنت عوالة نقولهاليكم مي مكتابش ريم: رعد كيبغيك غير مقلق منك... حتى نتي حسي بيه كيشوفك بين يدين خطيبك القديم صوفيا: افففف انا معرفتش كيفاش وقع هادشي ريم: جلسي دبا يومين وانا متأكدة غادي يتهدن ويجي تال عندك صوفيا: واخة مي عفاك متقولي لحد بلي انا حاملة ريم: نو مغنقولها لحد حتى تقوليهالهم نتي ومبرووك عليك صوفيا: الله يبارك فيك ريم: ياله زيدي تفطري متخليش ولد خويا بالجوع صوفيا: لا غتكون بنت ريم: ههههه اوكي الالة غير زيدي تاكلي.... هبطو لتحت فطرو ومن حسن الحظ والديها مسافرين سيف: كيدايرة دبا سافا صوفيا: كنتي عارف بلي اناس حي سيف: لا ومباغيش نسمع سميتو مرة اخرى... مدام هو حي دونك هو ختار يبعد عليك متخليش الطيبوبة ديالك تسيطر عليك وتعميلك عينيك... نتي دبا براجلك فهمتيني صوفيا: واخة.. فطرات وهي تخرج للجردة بقات جالسة كتفكر اما ريم وسيف مشاو لخدمتهم.. بقات غير مع الخدامة شوية وهي تشوف شي حد وقف عليها هزات راسها وهي تشوفو صوفيا: (بعصبية) اش كادير هنا اناس: (جلس) خاصك تسمعيلي صوفيا: هئ هئ علاش مشيتي وخليتيني... فخبارك عيشتيني فعذاب منين مشيتي... فخبارك ياله هادي شهور باش رجعت كنسمع حيت كنت صمكة وكنت عايشة وضميري كيعذبني.. كنت ديما كنمشي لقبرك نبكي عليك ونشكي... اناس: (قاطعها) عارف كلشي... انا معمري بعدت عليك مي كنت مجبر وكنت ديما قربك... عقلتي فاش اكتاشفتي خوك كيبغي بنت ومشيتي للقبور وتعرضوليك شمكارا انا لي فكيتك منهوم وديتك لدار ديال هداك الحمار حيت قلت غضبانة من خوك مغاديش تبغي تمشي لدارو صوفيا: (بعصبية) هداك راجلي ماشي حمار... هداك حبيبي وعشقي ولي داوا الجروح لي خليتهم... هو لي علمني نشوف الحياة بنظرة اخرى اناس: فاااش مكنتش اما دبا انا كاين ونتي ديالييي سمعتي بارت110 صوفيا: (وقفات) خرج من داري واخر مرة نشوف وجهك هنايا سمعتيني... مبغيت نعرف والو عليك وكنتمنى فهاد اللحظة كون كنتي ميت بالصح.... كنت مخدوعة فييك بزاااف وعرفتييي تلعب عليا مي دبا انا كبرت وعارفة اش كندير... واخر مرة توريني وجهك اناس:(وقف شدليها يدها) انا كنبغيك اصوفيا مديريش هكا.. خليني غير نشرحليك صوفيا: (حيدات يديها) معندك متشرحلي صااافي بعد مني وخرج من حياتي اناس: لا غادي تسمعي... شدني جلسني وجلس قدامي.. فاش درنا كسيدة وفقت لقيت راسي فبيت فشكل ومجهز بالادوات الطبية وحدايا فرملية غير شافتني فقت ابتاسمات وخرجات بالزربة... شوية دخل واحد الرجل كبير فالعمر... عرفتي شكون هداك صوفيا: شكون اناس: بابا صوفيا: كضحك عليا ياك نتا معندكش اناس: هادشي لي كان كيسحابلي حتى انا مي اكتاشفت بلي حتى انا عندي اب... والصدمة الكبيرة لي تلقيتها انه انا ماشي فالمغرب وبالنسبة لكل واحد كيعرفني تما.. انا ميت..... نتي اول وحدة طحتي فبالي وكنت خايف عليك تكون واقعاليك شي حاجة.... مي بابا قالي بلي راك بخير متيقتوش حيت قلبي مكانش مهنيني..... صبرت حتى تشافيت ولقيتو مقادليا الوراق بسميتو وكلشي... اول حاجة درت هبطت للمغرب تما عرفت بلي نتي فقدتي السمع وكنت كنشوفك فاش كتبكي حدا القبر... قلبي كيتقطع عليك مقدرتش نصبر وكنت جاي لعندك مي وصلني ميساج لي خلاني نتراجع... 《الى قربتي منها غادي تودعها وغادي نقتلها قدام عينيك》 خفت عليك ورجعت لفرنسا... كنت معصب وقلتلو يشرحلي علاش هادشي كامل... بامكانو يظهر فحياتي مي ماشي بهاد الطريقة... قالي بغيتك تخدم معايا وتما غادي نكتاشف بلي بابا خدام مع المافيا ومن المفروض ندخل معاه والا غادي يقتلك.... كنتي نقطة ضعفي وعرف كيفاش يستخدمها.... من بعد 3سنين كنت جالس حتى جا الاب ديالي معصب فاش سولتو قالي بلي الشيطان استقال من المافيا وفيديه وراق لي يديونا كاملين للحبس صوفيا: شكون هاد الشيطان اناس: هانا جايليك فالطريق... اقتارح عليا الاب ديالي نبقا نراقبو ونجمع اي حاجة لي توصلو للحبس باش نتهناو منو.. انا معمري متلاقيت معاه وجها لوجه مي عطاني الاب ديالي تصاورو.... داكشي لي كان طلعت لكندا حيت كان تما وبقيت ديما مراقبو حتى شفتو قتل مراتو... مي دغيا خرج منها مي لي صدمني هو فاش شفتك فكندا عاوتاني..... حيت انا من ديك المرة معاودت راقبتك ومعرفت عليك والو...... الشيطان كان كيراقبك وفينما مشيتي كان كيتبعك تما عرفت بلي عجبتيه وغتكوني فريستو الجاية صوفيا: (تخلعات) كيفاش شكون هادا لي كيراقبني اناس: الشيطان هو رعد راجلك... كان ملقب بالشيطان فاش كان خدام فالمافيا صوفيا: (بصدمة) ك..كيفاش اش كتخربق واش عارف اش كتقول... دبا رعد راجلي مجرم وقتل مرتو اللولة اناس: انا عمري كدبت عليك.... فاش تزوجك مقدرتش نصبر وخفت عليك داكشي علاش ظهرت مرة اخرى باش نقدك منو بارت111 صوفيا: نتا اكيد كتكدب عليا.... هداك لي كتهدر عليه عمرو مهز يديه عليا ولا قلقني بكلمة وحدة... عمرو مخسرلي خاطري وكان كيدير جهدو باش يفرحني اناس: هههههه بالامارة خوك جا البارح ولقاك مضروبة وداك معاه ياك.... جات تجاوب وهو يقاطعها وقوف شخص اخر هزات راسها لقاتو معصب وعروقو باينين رعد: انا جاي نصالحك باش نلقاك مع هاد ال*امل ال*حبة اناس: هدا هو حبيبك... متشرفين...... نقز عليه رعد كيضرب وحتى اناس كيضرب اناس: شفتي الشيطان لي كنهدر ليك عليه.. تيقتيني دبا..... رعد غير سمع اش قال وهو يدور بالزربة لقاها مكمشة وكتشوف فيه وكتبكي... دار عطاه بالراس وهو يغيب.. ناض جاي باتجاهها وهي تنوض تهرب مي شدها صوفيا: هئ هئ عفاك طلق مني..... داها ركبها فالطموبيل وهو يديماري باقصى سرعة للدار.... وصل نزل وحليها الباب وهو يجرها من يديها مدخلها للدار... وصلها للصالون وهو يدفعها طاحت فوق الفوتوي... كتشوف فيه معصب مقدراش تهدر وخايفة منو رعد: اش كنتي كديري مع هداك فالدار صوفيا: (بصوت مرتجف) واش بالصح نتا لي قتلتي مراتك اللولة رعد: (قرب وجهو لوجهها) اه انااااا لي قتلتها عرفتي علاش... حيت لقيتها كتخوني مع واحد وقتلتهم بجوج ومستااااعد نديرها مرة اخرى... غير سمعات جوابو طاح فيها النص صوفيا: عفاك خليني هئ هئ نمشي بحالي الى مبقيتيش باغي تشوفني والله منخليك مي مديرلي والو عفااك رعد: (هز يدو حتى السما وصرفقها) اش داك تهضري مع هداك الحمارة.... جرها من شعرها حتى وقفات على ريوس صباعها... انا ممعمرش ليك العين ولا توحشتي تبوسيه وتعنقيه الكلبة ااااا هضري جاااوبيني صوفيا: (كدفعو) طلقني راك ضريتيني عفاك هئ هئ رعد: ديييييما كنعاملك مزيان مي نتي لي جبدتيني ودبا تحملي اش غيوقعليك.......جرها من شعرها وهي كتغوت وطيح فالارض مي ماهمو والو... وصلها للبيت ولاحها فوق الناموسية رعد: حيدي حوايجك صوفيا: (خافت) رعد عفاك تهدن.... قرب لعندها وحيدليها حوايجها كاملين وهي كتبكي وترغبو... لاحها وطلع من فوقها... فلحظة رجع لوعيو وشاف شفايفها لي كيترعدو ودموعها لي نازلين... شاف جسمها كلو كيترعد... عنقها وحشاها فيه رعد: (تنهد) سمحيلي.... ناض لبسها وهي كتشوف فيه ومصدومة كيفاش تقلب بالزربة... شافها زرقة وباردة مشا بيجامة سخونة لبسهاليها ولبسها تقاشر... غطاها وتحشا حداها عنقها وبقا هكاك حتى غفات فحضنو.... ناض بشوية من بعد ماسمع الدقان نزل حل وهو يلقا سيف وريم ريم: (بخوف) فين صوفيا رعد: (ببرود) راها ناعسة علاش مالكم سيف: بغيت نشوفها... حيد من قدامهم وطلعو بالزربة للبيت لقاوها ناعسة ومن حسن الحظ كانت ناعسة على حنكها لي تضربات فيه.... طل عليها سيف بانتلو مزيانة باسها فراسها وخرج سيف: رعد عفاك مديرليها والو انا كنرغبك... راني شفت كيفاش رديتي اناس رعد: متجبدش سميتو قدامي سيف: اوكي مي صوفيا متقيسهاااش... خرجو وطلع لبيتو بقا جالس فوق الفوتوي وكيشوف فيها وكيتفكر شنو كان غيدير كون مرجعش لوعيو..... وكيفكر انها عرفات بلي هو الشيطان واكيد غتخاف منو... بقا كثر من ساعتين هكاك فكرة تديه وفكرة تجيبو حتى شافها كتحرك وهو يوقف مشا لعندها... مع الهزة دراسها شاف حنكها رجع زرق... تصدم وبدا كيلعن فراسو كيفاش قدر يآدي هاد الملاك لي قدامو... هي بقات كتشوف فيه ببراءة وخا عندها واحد الخوف منو مي متقدرش تنكر بلي هاد الشخص مالك قلبها وعقلها.. مد يديه قاسليها حنكها وهي تنقز رعد: كيضرك بارت112 صوفيا: (بخوف) لا مكيضرنيش رعد: (عرفها خايفة منو) فيك الجوع صوفيا: لا مفياش رعد: (تنهد) وانا فيا الجوع صوفيا: واخة انا نوض نوجدليك الماكلة رعد: اوكي... وقفات وهي تغمض عينيها... مالك صوفيا: لا والو... مشات وهو تبعها بعينيه كانت كتعرج عرفها مقصحة فرجليها... نزل لتحت صيفط الكارد يجيب الدوا من لفرماسي... وهو يمشي لعندها لقاها كطيب ودموعها نازلين... قرب عندها وعنقها من اللور وهو محاوط كرشها رعد: (بهمس) علاش كتبكي صوفيا: (كتمسح دموعها) لا لا مكنبكيش غير البصلة رعد: ممم فين هاد البصلة كاع مشفتها.. جات تهضر وهو يقاطعها.. كنبغيييك ونتي صوفيا: حتا انا هئ هئ... دورها لعندو وعنقها وحتى هي بادلاتو العناق بقاو هكاك حتى حس بيها ارتاحت عاد بعد رعد: اجي جلسي صوفيا: والعشا رعد: بلاتي ونكملوه... جرها جلسها فوق الكرسي وحدر هزليها سروالها لقا جهة ركبتها زرقة حتى هي... باسها وهز راسو.... سمحيلي احبيبتي صوفيا: حتى انا سمحليي.... سمع الصونيط وهو ينوض لقا الكارد خدا من عندو البومادة ودخل.... قرب عندها ودهنليها حنكها ورجلها رعد: هادي باش تحيدليك هاد الزروقية صوفيا: اوكي ميرسي.... بقا كيشوف فيها عرفها خايفة منو وقف وهي تنوض كملات العشا وحطاتلو بغات تمشي وهو يشدها من يدها رعد: جلسي كولي راك النهار كامل مكليتيش... جلسات بدون متهضر.. بدات كتاكل وحيت كان فيها الجوع.. نسات راسها وبدات كتاكل بشراسة ورعد غير حاضيها.. كملات وهي تهز راسها لقاتو كيشوف وهي تعاود تحدرو رعد: بالصحة صوفيا: الله يعطيك الصحة... ناضت جمعات الطبلة وهي طلع لبيتها.. لقاتو متكي وهاز تيليفونو... سدات الباب ومشات تكات فالجنب ديال الناموسية بقات بيناتهم مسافة كبيرة... شاف فيها وحط تيليفونو... مد يديه جبدها لعندو وعنقها وهي دايرة راسها ناعسة... شوية قلبها على ظهرها وبدا كيبوس فيها... حلات عينيها وهو حاشي وجهو فعنقها ويديه من تحت البيجامة.. نزلو دموعها حتى بداو كيتسمعو شهقاتها... هز راسو بالزربة رعد: مالك صوفيا: (كتمسح دموعها) لا والو رعد: (خنزر) مبغانيش صوفيا: (بخوف) بغيت نعس رعد: (وقف) اوكي... خرج وهو يزدح الباب حتى نقزات.. حدرات حوايجها وهي تغطا.. بقات كتفكر وقررات متقولوش بلي حاملة حيت خافت يقتلها الى عرف... بقات كتبكي حتى نعسات... اما رعد مشا لبيت اخرى بقا كيفكر فشنو يقدر يدير حتى نعس بارت113 صبح الصباح وشرقات الشمس على صوفيا لي من قبيلة وهي فالحمام كترد حتى رجعات صفرة.... غسلات وجهها وخرجات ضربات فرعد لي كان واقف قدام الحمام... غير خرجات وهو يشدها من خصرها وكيشوف فوجهها رعد: مالك واش مريضة.. نمشيو للطبيب صوفيا: لا لا انا مزيانة رعد: وعلاش كنتي كتردي صوفيا: ا لا غير حيت البارح كليت بزاف وصافي رعد: ممم اوكي... لبسي حوايجك غادي نخرجو نفطرو برا صوفيا: انا مافيا لي يخرج بغيت نبقا فالدار رعد: اوكي لي بغيتي... مشات لناموسيتها تكات وهي حاسة بالدوخة... بقا كيشوف فيها حتى عيا وخرج.... بعد مدة رجع وهو هاز بلاطو فيه عصير مع طوسط محمر وفيه الشكلاط كيف كيعجبها... حطو فوق الكوافوز وقرب لعندها لقاها ناعسة بقا مدة وهو كيتأملها رعد: (كيفاش عطاتني خاطري نعدب ملاكي الصغير... مي كيف غندير دبا نحيد الخوف لي تكون عندها من جهتي) صوفيااا فيقي صوفيا: مممم رعد: فيقي احياتي براكة عليك من النعاس... دارت لعندو وهي كتحك عينيها بطريقة طفولية صوفيا: شنو بغيتي رعد: (باسها ففمها) بغيتك تفيقي ياله جلسي راني جبتليك الفطور صوفيا: (مصدومة من تصرفو) اوكي... جلسات وحطليها البلاطو فوق رجليها.. اصلا كان فيها الجوع بدات كتاكل وهو حاضيها حتى كملات وهز كلينيكس مسحليها فمها وهو يهزها.. لوات رجليه على خصرو بغات تسولو فين غادي مي خافت وهي تسكت...... نزلها لتحت وجلسها فالصالون رعد: خاصنا نهضرو ونحطو النقط على الحروف.. مي قبل مانبداو بغيت نعتادر منك حيت ضربتك صوفيا: واخة وحتى انا كنعتاذر منك رعد: اوكي اول حاجة منبغييش نشوفك مع هداك ولا مع اي واحد اخر... نتي ديالي انااااا ومعندش الحق لشي حد يقربليك ولا حتى يشدليك يديك تفاهمنااا صوفيا: واخة رعد: عندك شي سؤال صوفيا: (بخوف) لا رعد: مبغاش تعرفي على مراتي اللولة شي حاجة صوفيا: الصمت رعد: (تنهد) انا مكنتش كنبغيها مي واخة هكاك كنت محتارمها حتى لواحد النهار كنلقاها فالفراش مع واحد وعريانين... تعصبت ومتحكمتش فراسي وانا نقتلهوم بجوج صوفيا: (بصوت مرتجف) و..انا رعد: مالك نتي صوفيا: غادي...تقتلني رعد: (دوز يديه على جبهتو وشاف فيها) علاش... سمعيني ودخلي هاد الهدرة فراسك... انا كنبغيك وتزوجتك باش نكمل معاك حياتي ونكونو عائلة.. انا باغي بزاف دالولاد منك.. باغي ولادي يكونو منك نتي سمعتي... بغييتك تفهميني اصوفيا انا كنبغيك ومنقدرش نآذيك.. كل نهار كنتسنا تقوليلي انا حاملة... مي ماشي مشكل غادي نتسنا ونستقبل داك النهار بفرح فاش نعرفك حامل بارت114 صوفيا: واخة... ارتاحت نوعا ما من هضرتو مي مبغاتش تقولهالو دبا حتى تأكد... فاقت من سهوتها على مداعباتو والقبل دياولو... اصلا كانت مشهياه مي شدات راسها ودبا مقدراتش تسيطر على شعورها... قرباتلو وحطات يديها على حناكو وبدات كتقبل فيه بشغف.... عجبو الحال وهو يهزها وهي لوات رجليها عليه طلعو للبيت.. وحدو جسدهم ومبقا كيتسمع غير صوت نفسهم واهاتهم... هاد المرة كان رعد فشكل وحسات بيه صوفيا.... كان حنين معاها لدرجة كبييرة خلاها دايبة فيه كثر وكثر... رعد: (بهمس) كنبغييك...... كان كيكون عنيف معاها شوية حتى ولفات مي دبا لا.. حاول عليها كثر من القياس بغا يحسسها بالامان.. بغا يرجع تيقتها فيه مرة اخرى....... تكا وحط راسها على صدرو وهي متكية عليه وكتبتاسم عاجبها الحال.. طل عليها لقاها كضحك رعد: (بابتسامة) مالك صوفيا: والو.. خبعات وجهها بين يديها رعد: (جرها وقابل وجهو مع وجهها) واش حبيبتي فرحانة صوفيا: (عينيها كيبريو) اه شكرا بزااف رعد: وعلاش صوفيا: حيت اول مرة تكون معايا بحال هكا رعد: (باسها ففمها) ودييما الغزالة ديالي... ناض هزها ودخلو للدوش... كيدوشليها وهي كتفكر واش تقولهالو ولا لا.. فاللخر قالت غاديرلو عشا وتخبرو... شافت فيه كان شعرو طايح على عينيه تشهاتو وهي تقربلو.. بدات كتبوسو فصدرو ويديها كيتساراو فجسمو.. تصدم منها حيت هادي المرة التانية لي كتكون المبادرة منها مي نفض من افكارو وزاد قربها ليه... مارسو من تحت الما حتى عياو وكملو تدواشهم وهما يخرجو ملويين فالفوطات رعد: لبسي غادي نخرجو نتغذاو برا صوفيا: (بفرحة) اوكي.... لبسات حوايجها ونشفات شعرها كملات وهوما يخرجو.. مشاو لريسطو خداليها كاع داكشي لي تشهات واخة استغرب حيت طلبات بزاف مي مبغاش يخسرليها خاطرها وجابليها كلشي.... بداو كياكلو وهي حاسة بالفرحة كملو وداها للبحر... داك الجو فادها بزاف وانتاعشات.. شادلو يدو وكيتمشاو.. شوية وقفات قدامو رعد: (حط يديه على حنكها) شنو صوفيا: (شافت فيه) انا كنبغيك نتا وكيفما كنتي انا باغاك.. شدات يدو لي حاطها على حنكها ودارتها على قلبها.. قلبي كيضرب على قبلك نتا..... بغيت غير نطلب منك طلب.. متخليش شي حاجة تعميلك عينك وتنسا بلي انا كنبغيك.. بل كنعشقك وبوووحدك رعد: (فرحاتو) اعشقكي ملاكي... باس جبهتها وكملو طريقهم وهو فرحاتو هضرتها... وصلها للدار رعد: حياتي ساعة ونرجع غير نمشي نسني شي وراق فالخدمة ونرجع صوفيا: اوكي حياتي... نزلات صوفيا وبقا كيتسناها حتى دخلات عاد ديمارا.... صوفيا دخلات للدار وهي مقررة دير عشا وتخبرو على الحمل ديالها... كانت ديك الساعة 5دالعشية قالت تنعس شوية حيت حاسة بالدوخة وحتى لديك 7 وتنوض توجد.. بدلات حوايجها وهي تكا فناموسيتها وغرقات فنعاسها... فاقت على شي حد حاوط كرشها من اللور ابتاسمات وزادت تحشات فيه بقات مغمضة عينيها حتى قفزات فاش سمعات سميتها رعد:(معصب وعينيه حومر) صوفياااااااااااا.... شافتو هكاك وهي تصدم دارت وهي تلقاه متكي صوفيا: (بصوت مرتجف) اش كدير نتا هنا بارت115 سيف: (كيدوز يديه على شعرها) حبيبتي اي حاجة حتاجيتيها قوليهالي.. وكيف سمعتي الطبيب خاصك شهرين تبقاي ناعسة على ظهرك ومتحركيش باش ياخذ الجنين بلاصتو..... بقا كيشوف فيها حتى عيا وهو ينوض غير خرج دارت يديها على فمها وبقات كتبكي #فلاش_باك قبل ماينطق اناس نقز عليه رعد وبدا كيضرب بهمجية كثر من اللول.... هاد المرة كانت فشكل.. هاد المرة لقاهم ففراشو معانقين مقدرش يميز بين الخطأ والصواب.. بقا غير كيضرب.. صوفيا شافتو هكاك وهي تهز تيليفونها وهربات سدات عليها الطواليط وهي كترجف عيطات لخوها سيف: الو خيتو صوفيا: (كتبكي) سيف اجي دبا اليوم غادي يقتلني رعد هى هئ سيف: (ناض) مااالك شنو واقع صوفيا: والله اخويا مادرت شي حاجة والله... بدات كتسمع الزديح فالباب زادت تخلعات سيف: (سمع الزديح ركب طموبيلتو وكسيرا) بقاي تما احبيبتي هانا جاي متخافيش.... تفرع الباب ودخل لقاها مكمشة فواحد القنت وكتبكي صوفيا: رعد حياتي تهدن.. والله مدرت شي حاجة انا كنت ناعسة والله هئ هئ تيق بيا.. جرها من شعرها وهي مليوحة فالارض... حدر لمستواها رعد: شنو قلتليك... الخيانة كنكرهها... وشنو درتي نتي على بالك ديك كنبغيك بوحدك متخلينيش نشوف الحقيقة.. زدحليها راسها مع الارض... ففراشي ال*حبة ففراشي..... بدا كيصرفق فيها حتى ولات كلها حمرة وجنب فمها تجرح... وقف وبدا كيشتف عليها وهي محاوطة كرشها بيديها وكتبكي.... هز رجليه وهو يضربها لكرشها حتى غوتات لربي لي خلقها... هو غير كيسمع غواتها كيزيد يجعر.. بقا كيضربها وهو مغيب حتى حس بشي حد دفعو... كان سيف لي تصدم فاش شاف ختو غرقانة فدماياتها سيف: الكلبب شكون عطاك الحق تقيس ختي... عطاه جوج بونيات حتى طيحو... رعد ناض يردهالو وهو يتصدم فاش شاف صوفيا مغيبة ومن تحتها واد ديال الدم.. مفهمش شنو وقعليها ومنين جاها الدم.... سيف هزها بالزربة ونزل كيجري ركبها فالطموبيل وكسيرا للكلينيك دخلوها بالزربة للعمليات وبقا سيف كيتسنا...... اما رعد وقف جمع حوايجو فالباليزة وخرج.... سيف: عفااك شنو وقعليها الطبيب: الحمد لله قدرنا نقدوها هي والجنين مي غادي يخصها الراحة والقليلة تبقا واحد شهرين ناعسة على ظهرها... تعرضات لعنف والمشكل دبا حتى نفسي.. يعني خاصكم تردو معاها البال.. وضروري نفسيتها تكون مزيانة الى بغات الحمل يكمل سيف: (بأسى) اوكي.. بعد مرور يومان صوفيا فالكلينيك متكية ومصدومة مكتهضر مع حد... والديها وخوها وريم كيجيو اشوفوها ويرجعو للدار..... بقات على ديك الحال حتى دازت 2سيمانات ومكاين حتى خبار على رعد.. خرجات من الكلينيك داوها للدار #الحاضر صوفيا كانت ناعسة وهي دخل ريم بشوية بقات كتشوف فالبيت وهي تبتاسم... ومشات ركبات واحد الكاميرة صغيرة فواحد البلاصة.. تأكدات منها خدامة وكلشي عاد مشات بدات كتفيقها بارت116 ريم: صوفيا ختي فيقي صوفيا: (بصوت خافت) شنو ريم: فيقي اخيتو تاكلي باش تشربي الدوا صوفيا: واخة... جات الفرملية تعاونو جلسوها وعطاوها كلات وهي ترجع تكات.. كانت ريم غادة وهي تشدها من يديها ريم: (رجعات جلسات) بغيتي شي حاجة صوفيا: (بصوت مرتجف) رعد ريم: (بحزن) مالو صوفيا:(غرغرو عينيها) فينو علاش مجاش.. واش بالصح سحابليه خنتو... ريم تيقي بيا عفاك اختي هئ هئ والله مخنتو.. هو فاش وصلني للدار كانت فيا الدوخة ومشيت نعست شوية وكنت عوالة غير نرتاح نوض نوجد العشا باش نخبرو بلي انا حاملة... المهم فاش كنت ناعسة حسيت بشي حد معنقني من اللور وهو ديما كيديرلي هكا.. وسحابلي هو صافي بقيت مغمضة عيني حتى قفزني فاش غوت...درت وانا نلقا اناس تمنيت نموت فديك اللحظة.. وميشوفنيش هكا... والله اريم مخنتو انا كنبغييه ومسامحاه وخا ضربني غير يرجع هئ هئ ريم:(نزلو دموعها) صافي اختي براكة من البكا... انا متيقاك اختي وعمري شكيت فيك وعارفاك كتبغيه وحتى هو كيبغيك غير لحظة غضب صوفيا: لا مكيبغينيش... كون كيبغيني ميضربنيش وكيشوف دمي وهو مزال كيضرب.. مي انا باقا كنبغيه هئ هى ريم: (عنقاتها وباستليها راسها) صافي اختي ارتاحي دبا ونسايه عليك صوفيا: علاش مجاش شافني ريم: رعد اختفى من داك النهار... كنعيطلو فالتيليفون مي طافي معرفت فين مشا مي اكيدة غادي يرجع ميقدرش يبعد عليك صوفيا: (بحزن) اوكي...... هكا دازت #شهرين وصوفيا مكتحركش غير الى نوضوها يدوشوليها بالزربة ويرجعوليها... كل ليلة كتبقا تبكي رجعات صفرة وقليل فين تبغي تاكل غير كيبززو عليها... هاد النهار داها خوها للطبيبة لي متبع معاها... وكتمنا تكون مزيانة حيت عيات بداك النعاس الطبيبة: (من بعد مافحصتها) الحمد لله الجنين بصحة جيدة وشاد بلاصتو.. دبا بامكانك تحركي عادي غير متهزيش التقل وبعدي من اي حاجة تعصبك ولا توترك صوفيا: اوكي ميرسي... خرجات هي وخوها ركبو فالطموبيل وهو يديماري صوفيا: خويا ممكن توصلني لشي سبا عظامي حاسة بيهم مشدودين محتاجة لشي مساج سيف: (باس يديها) هي اللولة احبيبتي صوفيا: احم عمرك شفتي اناس سيف: اخر مرة شفت داك الكلب فاش جيت عندك كان خارج كيجري صوفيا: (نزلو دموعها) الله ينتاقم منو خرجلي على حياتي سيف: صافي احبيبة متبكيش عفاك ونساي عليك هادشي كامل... ديها فصحتك وفصحة ولدك اوكي صوفيا: (تنهدت) واخة...... وصلها وتوادعو دخلات.. واستقبلوها تهلاو فيها مزيااان... داروليها لاسيغ ودخلوها للصونا من بعد داروليها مساج بالزيوت حسات بالراحة... خرجوها عطاوها كاس دالعصير كانت كتشربو حتى دخلات عندها ريم هازة صاك صغير ريم: وينوو نورتي بصحتك صوفيا: ميرسي ريم: هانا جبتليك حوايجك صوفيا: شكرااا... خداتهم من عندها ودخلات لبساتهم عاد خرجو... وصلاتها ريم للدار كانت بغات تمشي وهي تحبسها صوفيا: انا عارفة راسي عيقت عليك مي بغيت منك واحد الحاجة ريم: وي شنو بغيتي صوفيا: تقدري تمشي للدار تجيبيلي حوايج رعد ريم: علاش صوفيا: (تنهدات) توحشتو.. جيبيلي واخة غير قميجة ويلا كان خلا البارفان ديالو جيبيهلي حتى هو ريم: (بقات فيها) واخة اختي بارت117 ريم مشات للدار طلعات للبيت وهي تصدم من داك المنظر.. كان دم يابس فالارض والمرايا مهرسة.. المهم روينة مشات قلبات الماريو وهي تهز شي حوايج ديالو ولقات حتى البارفان هزاتو... خلات ديك الروينة هكاك قالك حتى يجي ويشوف اش دار..... رجعات للدار لقات صوفيا جالسة فالجردة ريم: هانتي الالة هاهو الصاك صوفيا: شكرا اختي.... طلعات لبيتها وحلات الصاك بالزربة هزات قميجتو حطاتها فوق نيفها كتشمها ودموعها كينزلو.. جلسات فالارض معنقاها وكتبكي صوفيا: هئ هئ علاش مكتيقش فيا علاش هئ هئ... بقات معنقاها وكتشم ريحتو حتى نعسات فالارض........ بعد مدة فاقت كانت 8 دالليل ناضت للطواليط ومن بعد نزلات لتحت.. لقاتهم مجموعين فالصالون وكانو كيهضرو غير شافوها وهما يسكتو.. شافت فريم لقاتها حادرة راسها وبحال فيها البكية عرفاتهم كانو كيهضرو على رعد.... كانت بغات تهضر ساعة شمات ريحة ديال الحريرة صوفيا: (بلهفة) درتو الحريرة... باباها شاف فماماها وبدا كيضحك ماما: (بابتسامة) لا ابنتي واش بغيتيها صوفيا: (بحزن) صافي بلاش.... بقاو جالسين مجمعين وصوفيا ساهية وريحة ديال الحريرة كتجهاد.. شوية بدات كتبكي بابا: صوفياا مالك صوفيا: هئ هئ بغيت الحريرة الكل: ههههههه صوفيا: (كتمسح فدموعها) كضحكو عليا ياك وشكرا... طلعات لبيتها وخلاتهم مايتين بالضحك بابا: منعرف فمن فكراتني
ماما: اويلي سكت دراري كيسمعونا سيف: هههههه هي قولي ابابا ماما حمقاتك بابا: لهلا يوريك اولدي كل مرة وشنو مشهيالي شيباتني قبل من الوقت سيف: هههههههه... فودن ريم... العقبة لينا ريم: (تزنكات) ان شاء الله الخدامة: مدام راه الحريرة لي وصيتيني عليها وجدات ماما: جيبيلي شي زلافة ابنتي نطلعها لصوفيا الخدامة: واخة.. بعد دقائق جابتليها بلاطو فيه زلافة دالحريرة مع كاس دالما بابا: عطيهالي انا لي غنطلعها ليها..... هز البلاطو وطلع لقاها متكية وكتبكي.. حط البلاطو فوق الكوافوز ونوضها بابا: (معنقها) مال اميرتي صوفيا: بغيت رعد ابابا هئ هئ بابا: (تنهد) ومبغيتيش الحريرة صوفيا: (كتمسح دموعها) بغييتها بابا: هههه ياله هاهي جلسي تشربي صوفيا: (شافتها) ياااي... هزاتها شربات وهي تحرق... اححح بابا: ههههه بشوية المسطية.... بردهاليها وخداتها من عندو شرباتها كاملة... تزيدي صوفيا: لا صافي شبعت بابا: (دوز يديه على شعرها) اميرتي الصغيرة قريب تولي أم صوفيا: (بحماس) بغيت ابابا تكون عندي بنت بابا: اووه باش يوليو عندي 2اميرات صوفيا: (خنزرات) لا نتا بابا ديالي بوحدي.. وعندك غير اميرة وحدة لي هي انا بابا: هههه نتي راك النور لي كنشوف بيه... واي حاجة تشهيتها قوليهالي نجيبها لبنتي صوفيا: (عنقاتو) الله يخليك ليا بابا: ياله ابنتي نعسي دبا واعطي الراحة لراسك صوفيا: اوكي بونوي.... خرج باباها وهي ناضت للطواليط غسلات سنانها وخرجات.. شدات واحد المخدة طويلة رشات ريحة رعد.. عنقاتها ونعسات............ داز #شهر كان سيف كيتسنا فصوفيا تنزل باش يمشيو للطبيب.. شوية نزلات غير شافها وهو يتصدم بارت118 سيف: واش دوشتي صوفيا: لا سيف: وعلاش دايرة الفولار صوفيا: احم انا قررت ندير الحجاب سيف: (بابتسامة) بالصح صوفيا: اه... فاش نرجعو من عند الطبيب تقدر توصلني للمول باش ناخد حوايج جداد سيف: نوصلك ونبقا معاك كاع حتى تشري داكشي لي بغيتي صوفيا: نموت فيك انا سيف: هههه ياله زيدي.....مشاو للطبيبة بدات كتفحصها الطبيبة: مستاعدا تعرفي جنس المولود سيف: (شادليها فيديها) اه الطبيبة: مبروك امدام عندك بنيتة زويونة بحال ماماها صوفيا: واش بالصح الطبيبة: وييي تبغي تسمعي دقات قلبها... حركات راسها باه شوية وبدات كتسمعو... بقات كتبكي وسيف كيسكت فيها..... عطاتهم النصائح وهوما يمشيو صوفيا: (شادة يديه) يااي دبا انا عندي بنيوتة سيف: ههههه هانتي الالة كنتي مصدعانا على البنت... هانتي غادي تولديها تهنيتي صوفيا: هههه ويي.... وصلو وبقات كتشري فالحوايج.. خدات بزاف وسيف كيخلص ويهز يحط فالطموبيل شي 3دالمرات... هاد المرة رجع عندها وهو يلقاها كتشوف فحوايج الدراري الصغار صوفيا: (ببراءة) نقدر نشري شي حويجات سيف: ويي خودي لي عجبك.... شرات كلشي فالغوز خلص داكشي وهما يرجعو للدار ريم: من قبيلة وانا كنتسناكم مت بالجوع... فين كنتو.. اجي نتي علاش دايرة الدرة سيف: (عنق صوفيا بجنب) ختي دارت الحجااب ريم: اووه مبروك عليك صوفيا: الله يبارك فيك ريم: اوى شنو عندك صوفيا: (بفرحة) بنت ريم: وينووو مبروك اختي صوفيا: الله يبارك فيك سيف: وراه فيا الجوع زيدو تاكلو.... جلسو ب3 حيت والديهم مسافرين... تغذاو وطلعات صوفيا لبيتها ستفات حوايجها وقدات حوايج بنتها وهي فرحانة... كملات ودخلات للدوش دوشات... خرجات لاوية عليها الفوطة لبسات دوبياس ومشات وقفات قدام المرايا كتشوف فكرشها لي كبرات شوية والابتسامة مرسومة على وجهها.... لبسات بيجامتها ومن فوقهم حوايج الصلاة... بدات كتصلي وتدعي الله كملات وهي تشوف شي حد واقف عليها.. هزات راسها وهي تصدم بارت119 صوفيا: (وقفات.. بعصبية) اش كدير هنا اناس: جاي عند حبيبتي فيها شي حاجة صوفيا: (حاطة يديها على كرشها) اش كتخربق علاش اش بيني وبينك اناس: نتي حبيبتي ودبا تهنيت من داك الحمار صوفيا: هئ هئ علاش درتي هكاك.. حرام عليك بعدتيني عليه اناس: هو لي حمار.. انا اش غنديرلو صوفيا: بزاف عليك.. نتا هو الحمار.... غير قوليا كيفاش دخلتي عندي لبيتي داك النهار اناس: ههههه ممم... كان الباب اللوراني محلول ودخلت منو عادي... فاش كنتي ناعسة مقدرتش نقاومك وانا نلصق فيك وحتى نتي عجبك الحال وزدتي تحشيتي فيا... كنت غنبدا ن.. كون مجاش هداك مي حتى دبا مزال الحال هاهو خلاليا الساحة خاوية... مم كان مولف يعنقك من اللور ياك وحتى انا غنبدا نعنق حبيبتي من اللور صوفيا: هئ هئ حراام عليك... كنكرهك سمعتي ودبا خرج عليا ومتعاودش توريني وجهك اناس: (قربليها وشدها جرها من خصرها) انا درت جهدي كامل باش تخوالي الساحة وتبقايلي بوحدي ودبا كتقولي نخليك لا ميمكنش.... حس بشي حاجة قاصحة قاستو... مد يدو وقاسها فكرشها مع كانت لابسة حوايج الصلاة واسعين مبايناش كرشها.. بعدات عليه وحطات يدها على كرشها صوفيا: متحاولش تقيسني مرة اخرى اناس: (بصدمة) نتي حاملة صوفيا: ونتا سوقك اناس: (بعصبية) غادي طيحي هاد الزبل ودبااا صوفيا: بنتييي هادي قالك زبل... خرج علياااااا #ريم جالسين فالجردة هي وراجلها هزات تيليفون كتخربق فيه شوية دخلات لبلاصة الكاميرة وهي تصدم فاش شافت اناس عندها... دارت الكيط وخلاتو حتى اعتارف بلي جا لعندها وهي معارفاش عاد وقفات ريم: اجي نطلعو عند صوفيا نشوفوها سيف: علاش ريم: (جراتو من يدو) زييد... طلعو وهي تحل الباب.. سيف غير شافو وهو ينقز عليه بدا كيضرب فيه.. وريم جرات صوفيا لعندها عنقاتها ريم: صافي اختي تهدني صوفيا: هئ هئ كيفاش بغيتيني نتهدن وهو فارقني مع راجلي ريم: ششش صافي اختي تهدني عفاك.... جاو لي كارد هزوه وهبط سيف موراهم معصب.... نيشان للكوميسارية وقدم شكاية ضدو #صوفيا ريم: نوضي حيدي حوايج الصلاة وتكاي ارتاحي صوفيا: هئ هئ كيفاش غنرتاح وهدا فوقما بغا يدخل عندي كيدخل.. مبقيتش كنحس بالامان حتى فدارنا ريم: انا غادي نتكا حداك ياله نوضي صوفيا: (بحزن) واخة... حيدات العباية لي كانت لابسة وشالها.. بقات ببيجامة خفيفة تكات حدا ريم.. بدات ريم كتلعبليها فشعرها حتى نعسات... ناضت سدات البالكون وطفات الضو وهي تخرج لقات سيف ياله داخل ريم: امضرا شنو درتي مع هداك سيف: ديتو فين يتربا والحمد الله البوليس كانو كيقلبو عليه حيت متهم بشي جرائم وزيد عليها بالنسبة للدولة ميت وحتى هادشي جريمة ريم: ان شاء الله ياخذ مؤبد سيف: ان شاء الله... انا طالع ناخد شي دوش ونرتاح ريم: انا نتبعك نديرليك شي مساج سيف: (جرها من خصرها) مكرهتش الزوينة ريم: (كتحلون) هي لي متعاودش... طلعو ووجداتلو الحمام... دخلو دوشو بجوج.. خرجو وهزات ريم زيوت معطرة دارتليه مساج وهما يقلبوها كومبا سيف: مكرهتش تجي تقوليلي انا حاملة ريم: احم حبيبي انا بغيت نهضر معاك فهاد الموضوع سيف: وي حياتي شنو بارت120 ريم: (ناعسة على صدرو) حنا تزوجنا قبل من صوفيا ومعمري شربت كينة دمنع الحمل.. وقلت زعما ياكما كاين شي مشكل ومكرهتش نمشيو لعند شي طبيبة سيف: واخة احبيبة لي بغيتي نديروها.. وحتى الى كانت شي حاجة ماشي مهم... المهم هو انا وياك مزوجين معندي مندير بالولاد ريم: (باستو فصدرو) الله يخليك ليا.... ناضو يدوشو باش ينزلو يتعشاو..... اما صوفيا فكانت فاقت ملقات حد وهي تلبس حوايجها.. نزلات لتحت ومشات للكراج خدات نفس وهي تركب فالطموبيل... فاللول جاتها صعيبة مي قدرات تتغلب على الخوف ديالها وكسيرات... موقفات حتى لواحد الريسطو خدات طبلة وجابوليها الموني... داكشي لي تشهات طلباتو وبدات كتاكل حتى شبعات وعمرات كرشها.. خلصات وركبات فطموبيل كسيرات فاتجاه البحر... نزلات بقات كتمشا وقررات انها ترجع للخدمة وفنفس الوقت تحاول تنسا رعد لي مهموش الامر ديالها وخلاها غارقة فدماياتها وكاع مسول.... رجعات للدار دخلات لقاتهم كيتعشاو سيف: اجي تعشاي صوفيا: غير بالصحة انا تعشيت برا سيف: شكون وصلك صوفيا: مشيت بوحدي ريم: هي صافي تغلبتي على خوفك صوفيا: وي الحمد الله.. ياله نخليكم دبا بونوي سيف/ريم: بونوي..... طلعات لبيتها حيدات الحوايج بقات بدوبياس وهزات تيشورت ديال رعد لبساتو ودارت ريحتو... جلسات فوق البيرو ديالها وجبدات المذكرة لي منين تفارقات هي ورعد بدات الكتابة.... بقات كتكتب حتى حسات بالراحة وخوات قلبها عاد ناضت نعسات....... صبح الصباح فاقت توضات وصلات صلاتها لبسات حوايجها (الصورة).. هبطات فطرات وهي تركب طموبيل وديمارات لشركتها.. #ريم فاقت كتكسل دخلات للحمام قضات حاجتها وخرجات.. سيف فاق باسها فحنكها ودخل للحمام...... لبسو حوايجهم ونزلو فطرو وهما يشدو الطريق للكلينيك الطبيبة: (من بعد مافحصاتها) دبا نتي محملاش غنديرو شي فحوصات ونشوفو واش كاين شي مشكل ولا لا ريم:(بخيبة امل) اوكي.... داروليها شي تحاليل وفحوصات عاد خرجو سيف: (معنقها بجنب) متقلقيش احبيبة عفاك.. يقدر غير مزال مكتبلينا الله الولاد... انا كنبغيك نتي براكة عليا اش بغيت بشي ولاد ريم: الله يخليك ليا احياتي... غذاها برا عاد مشاو لخدمتهم وهي عقلها مكاينش معاها.. كتفكر غير فالتحاليل