فاطمة : الله الله ريحة د هدشي بنينة (ذاقتو) شكىامدرتيش الملحة
عائشة: مرحبا☺️ و سكتات ساعية غير كتخمم و فتاحاجة غير كتفكر
فاطمة كتاكل و تشوف فيها: همك كبير بزااف لدرجة خلاك كتمضغي فديك اللقمة عشرين مرة 😟 عاوديلي نقدر نفعك فشي حاجة اختي
عائشة: اودي معندي منعاود غير الهم و الغم و نتي اصلا عندك ما كتر☹️ اجي عاوديلي دابا كي جرا و طرا و وصلتي لداري
فاطمة بدات كدور فعينيها و حنات راسها كتامل و تهضر: انا هاربة من با .. باغي يزوجني صحة لصاحبو باش يكمل تمن الارض لي شرا لولدو من مرتو ثانية
عائشة😳: اويلي
فاطمة: اه و انا خليتهم حتا بداو يجهزوني و يشريو اش خاصني و واحد نهار مشاو بوحدهم يشريو التواب و يتافقو معا العدول شديت لامبة و رميتها فالتبن لي جنب دار تا طلعات العافية بزاف و ناس غفلو عليا و مالين دار مزال ما رجعو و نقزت من سطحنا لسطح الكوري و من تما هربت بقيت غير غادية تالفة تا وصلت للهنا ( و مدات يديها وراتها الحنة) هانتي مزال الحنة فيدي من الخطبة بغاو يديرو الكاغط زربة ( قلبات يدها) و ها الحرقة منين قاستنب شوية العافية ولا سولتي ناس دوار هنا ايقولولك راه فدوار لي حداك تحرقت واحد دار
عائشة غير كتسمع و حالة عينيها مصدومة من فاطمة و عائلتها لي بغاو يزوجوها زادت اكتئبت و عينيها غرغرو محسات على راسها حتا ترمات عليها كتبكي و تشهق و تعاود و فاطمة كطبطب عليها و عائشة ارتاحت و بقات هكاك تا نعسات ....
عند نوصير
لي منين خرجات عائشة و هوا خرج من دار و بقا غير كيدور تالف معارف كيف يدير من حهة عائشة لي كيبغيها و ميقدش يخليها و من جنب ولدو تاعوا نيقدش يتخلا عليه و حتا لا بغا يحيدو ل لارا اتوقف لبه هياو عائلتها و الياقوت جالس فواحد القهوة غير كيكمي و يعاود حتا سف جوج باكيات و خرجت عينيه حمريين ياله ايطلع فالاوطو تا نزل علبه فراس من حيت لا يحتسب بواحد الركلة للضهر جا ميرح فوق الاوطو
فراس: بقبتي على خاطرك ما تهنيتي تا طفجتيها نيت
نوصير ناض شاد فجنبو عاود ضربو بنص تا طاح فراس للارض تخردو يديه : متجبدش سميتها على فمك الزامل ولا باغي دير فيها الضمير الحي ليا دابا جاي توسوس ليا فراسي نوض تقود عليا ولا نخلط بوك
فراس وقف و ضحك واحد ضحكة خفيفة: زامل؟ ( و هوا ينزل هليه بركلة للكرش تا ترمى نوصير للارض شاد كرشو ) زانل هوا نتا لي كتلعب على جوج بنات وحدة محملها و تانية شادها تستغلها زعما كتبغيها ( دفل عليه و نوصير مزال شاد فكرشو ) صراحة هاد الدفلة بزاف على لي بحالك و مشا تحرك للاوطو ديالو و مشا
نوصير بحالا ضرباتو تصرفيقة فاق من صدمة و حل عبنيه بجهد 😳 عائشة مشات فخطرة و معارفش حتا فين هيا ناض ساعر كسيرا للدار....
نرجعو عند عائشة ♧♧
داز المغرب و العشاء و قرب ينتصف الليل عاد فاقت ماشي حيت عيانة و انما الوجع الداخلي كيخليك باغي غير تنعس و تنسا ... بدات كضور فعينيها عاد تفكرات انها نعسات و هيا كتبكي على فاطمة ... بلاتي فاطمة فينها...
ناضت كتقلب الدار كاملة ملقاتهاش و البنت صغيرة ياكما خرجات و حصلها باها ... دغيا لبسات جلابية و خرجات كتجري ياله ادور و هيا تلقا فاطمة جاالسة عند البير لي حدا دارهم كيطل على الخلا و متكية عليه و كتخرج واحد الصوت بحالا كتنوح و تشهق من مدة طويلة بالخلعة مشات كتحري عندها و تعوذ بالله حتا وقفات غليها
عائشة: فاطمة اش كديري هنا .. ويلي نوضي نوضي ايضربك البرد فتالي ليل نوضي
فاطمة هزات عينيها فيها و مع ظلام مكيبانو لا واش كحلين تماما ولا غير ظلام: غير خليني اختي هنا مرتاحة
عائشة بقات شادة جنبها معرفات اش دير فتالي جلسات حداها: علاش كتبكي؟ واش باك؟
فاطمة مسحات عينيها بجهالة: لا غير هاد البير كيفكرني بشي حوايج...
و بقاو ساكتين ...
فاطمة: عائشة انا عاودتليك بصراحة شنو عندي و الله شاهد... عاوديلي حتا نتي نقدر نفعك..
عائشة بقات كتشوووف فيها جاتها فشكل هاد البنت هيا براسها هاربة فاش غادي تقدر تنفعها ... يمكن غير باغية تخفف عليها: اودي يا فاطمة ما عندك باش تنفعيني حتا و لو عاودت ليك
فاطمة تبسمات باستهزاء: متأكدة ؟ مبغيتيش تخوي لي عندك ؟ حيت منين كتشكي على شي واحك حتا هدشي كي نفع يخفف عليك
عائشة: بفففت نوضي نوضي ايضربني لبرد و تجيني ليغيكل بلوجع و يمكن حتا نتي نوضي ندخلو
فاطمة: غير خليني
عائشة ناضت نفضات راسها و شدات جنبها بحال الوقفة د المصريات: يا تي نووضي قالا لا يخرج لوالدينا شي جن يصمكنا فهاد الليل نوضي ... ولا عرفتي شنو دخلي معايا و نعاودليك غير ياله راني بديت كنتخلع
فاطمة وقفات بزربة و بدات كضحك عليها: كتخافي من جنون؟ ههههههه اودي متعدايش عليهم ميعملو ليك والو ... زيدي ندخلو و هاد ليلة ما تنعسي حتا تعاوديلي كولشي و تخوي المزيوظة
عائشة تنهدات و بدات تحر رجليها للدار داخلة: زيدي زيدي
نرجعو عدة ساعات قبل ...
منين خرجات عائشة من دار نوصير و حتا هوا خرج جاهل... جيهان طلعات كتبكي
لارا مشات تزدحات على فوتوي ف صالون كضحك و الياقوت تاهيا غير كضور و ضحك عائشة خرجات ليهم من الدار
لارا: و دابا ا ماما شنو ندير ما حدنا تهنينا من ديك الموصيبة خصني نشد ليا نوصير باسرع ما يكون ما بقيتش قادة نستحمل
الياقوت دارت رجل على رجل كضحك: و دابا ا بنتي غير بالمهل كيتكال بودنجال .. لا علا ديك العروبية و تهنينا منها دابا اتحضي الترابي لي فكرشك يكون هوا عينيك و ديري لي كنقوليك بالحرف سمعتي؟ و نوصير ايكون بين يديك كيما بغيتي .. دابا اتمشي تصوني لعائلتك واحد واحد تعلميهم و موراها تكاي ف بيتك ياله طيري من قدامي
لارا ناضت بالفرحة كتقزقز : هيا لولة
الياقوت هبطات حجبانها مخنزرة: اهيا غير بشوية حيدي منك هاد الخفة دابا راك زعما حاملة غير بشوية تمشاي نتي راه اطيحي داك البيبي من ساعة لولة
لارا: احم واخة ... دارت كتمشا على البيض و طالعة درجة درجة و الياقوت زادت تريحات فالجلسة و مبسمة كتفكر كي دير ... بعد عدة ساعات دخل عندهم نوصير مضروب ساعر كيعرعر
نوصير: هدشي ميمكنش ميمكنش تمشي هيا كتبغيني و اتبقا معايا
الياقوت : اش كتقول اولدي ياك شي باس ما كاين؟
نوصير دار عندها عينيه حمرين جمر: بسبابك نتي و لارا بسبابكم نتوما عارفكم مكتحملوهاش و ميكت و لكن باش تافقو عليا ولارا تحمل الاا ... فيناهيا فيين ؟
الياقوت: الله يهديك اولدي واش نتا بيدك كتوكلها البيلول و حاضي راسك و قدر الله واش انا الله استغفر الله ندخل فالقدر؟ و ولدك مسكين حاملة بيه لارا بنت نقية و تناسبك اش بغيتي بديك العروبية
نوصير زاد وجهو حمار و عروقو خرجو: وا كنبغيها و ما شغل حتا واحد تا واااحد
الياقوت : شتتت اتفيق البنت مسكينة حاملة و كتعيا و كتوحم واش باغي طيح ولدك ؟ تقتل ولدك؟
جيهان نازلة عينيها منفوخين بالبكا كتشوف هاد الصداع لي نايض و لي كان تما جا كيتفرج فيهم الا لارا لي وصاتها الياقوت متنزلش و تبت و بزز شادة راسها متهبطش ..
نوصير شاف جيهان طار لعندها: جيهان .. جيهاان عافاكي معارفاش فين مشات عائشة؟ راكي عارفاها بوحدها و فين اتمشي ايطرالعا شي حاحة جيهااان
جسهان شافت فيه و دموعها بداو يطيحو: سمحلي و لكن حتا انا معارفاش و حتا لو كنت عارفة منقولكش ماشي محمل وحدة و مجرجر لوخرى موراك هدشي حراام
هوا مقدرش يزيد يتحمل عاود خرج كيصوك تايه بحالا حماق غير كيدور بالاوكو و يقول هنا نشوفها هنا نشوفها تا وصل الفجر رجع للدار ياله ايدخل بالاوطو قال بلاش بقا هكاك برا و حط راسو نعس ..
نرجعو عند عويشة فين خليناها..
دخلات حيدات جلابيتها و فرشات ليها فالصالون ذداري حدا فاطمة و تكاو بجوج و بدات تعاود شنو وقع ليها من لول حتا اللخر فين عرفات لارا حاملة و مقداتش تستحمل و خرجات من دار و رجعات ..
فاطمة متكية على كرشها كتشووف فيها مخرجة عينيها: ولايني هادو قوم لوط مكيحشمو مكيستحياو ...
عائشة تنهدت: دابا معندي مندير انا منقدرش نفرق ولد على باه واخا مو مكتسواش ...
فاطمةة واخة هكاك اتخليه ليها هكاك باردة؟ كو كنت منك ما نخرج من تما تا نخرج فيها شيب زرق هيا و تريكتهم المنحوسة
عائشة: متقوليش هكا ا فاطمة مخصكش تفكري هكا
فاطمة: و لكن انا مكنسمحش فحقي ف حتا با منين هربت ليه هوا و مرتو ما هربت تا حرقت دار ولاوعلم لاوصل الحريق للارض لي موراهم لي باعني با باش يشريها لولدو و حرق الزرع لي فيها
عائشة : اممم ( تفوهات) انا عييت والله انعس تصبحي على خير
فاطمة رجعات تكات على ضهرها كتشوف فالسقف : تصبحي على خير و بقااات كتشوف فالسقف
صبح الصباح و كل واحظ فين ملهي فهاد الدنيا...
نوصير لي فاق فالطموبيل عنقو ضارو بالنعسة شاف تا شاف فالدار و مدخلش و انما عاود كسيرا كيدور
اما عائشة فاقت تال حداش د نهار ب دقان د مريم فاقت مدوخة شمات ريحة د طياب و دار مسيقة و فاطمة مكيناش و صالون مجموع بقا غير جيهة فين ناعسة هيا ... تاضت كتجر فرجليها فتحات الباب و كبعا مريم دخلات مدرمة و جارا لوخرى لي مبوقة: واش منيتكي نتي شفتكي مشيتي للمدينة اخويتي ولفتي سهير و فياق معطل
عائشة: صبحنا على الله اختي داخلة كيف شي اعصار زعما مكتبدليش..
مريم: وا جلسي جلسي دابا بربي ما مفامة تا تعاوديلي اش واقع..
عائشة: ... واخا سمعي يا لالة... بدات تعاود ليها اش طرا و كيرجعات و كولشي
مريم دايرة يدها عل حنكها تغبنت : اييخ ياختي نعل بو الرجالة
عائشة: وايييه ... اجي يصح الدوار لي حدانا تحرقت فيه شي دار
مريم نقزت كتعاود بزربة : واييه و هانتي سمعي ...
----نمشيو للفيلا دنوصير
الياقوت فاقت ناشطة ماشطة دخلات غسلات و ياله فتحات الماريو حتا ضربتها واحد ريحة بحال الخرا حشاكم خاااانزة كي جيفة بغات تسخف و بدات تغوت دخلو عندها كي جريو
فتيحة: اهيا ناري اش واقع
جيهان: بسم الله الرحمان الرحيم اش واقع
الياقوت شكون هاد المعفونة لي خنزات لي حوايجي ... اويلي و عبايات ديال الحج ريحتهم كي جيفة
جيهان: بسم الله الرحمان الرحيم تف تف تف ما دخل عندك حد ياك نتي براسك كتنعسي و تقفلي الباب عليك من الداخل
فتيحة : اييه ولاهيلا و عاد البارح تصبن هدشي كامل و تستف
الياقوت بدات عير كتخسبن و تحاول توقف و كلشي داخ بالريحة حتا سمعو غوات لارا خرجو كاملين كيتجاراو لقاو البنت بركة ديال الدم فوق ليزار عندها و مش مذبوح تما و تاعيا ريحة خانزة كتقهر و لارا صفرة صفرة و كلها مطلية بالدم
الياقوت:(بدات كتصفار و تخضار) ياربي السلامة اربي اش هدشي
جيهان و فتيحة بداو كيتخلعو و المشكيل تاواحد من الرجالة مكاين فالدار كولا فخداميه و نوصير مرجعش من لبارح
لارا : مامي مامي😭😭 اش هدشي
الياقوت : (شدات ففمها) جيهاان جيهان جري عيطي لطبيبة
جيهان : (شافت فلارا بتخنزيرة) انعيط لطبيب اعلى ود هاداك اللي فكرشك اما نتي واخا نشوفك كتقطعي قدامي منعتقكش (جبدات طيلي و عيطات لطبيبة)
لارا : (كتنتف فراسها و تغوت) عتقووولي ولدييييييي عتقوووني هئ هئ هئ عافاكوم عيطو لنوصير
---عند عويشة ---
مريم : اوا حرقات دارهوم و جات هربات
عائشة : اييه هادشي عارفاه
مريم : وو جات لهنا ااوو (شدات فراسها )
عائشة : مريم مالك
مريم : معرفت (كتسد عينها و تحلهوم) جاتني دوخة
عائشة : ايكون غا طانسيو انا نجيبلك الما و سكار
مريم : لا لا بالي ماشي طونسيو كولشي فدوار كيجيبد هاد الموضوع كتوقعلو شي حاجة (ناضت سلمات عليها) بسلامة اخيتي انا مشيت
عائشة : و تبعي دوك الإشاعات بسلامة بسلامة
مريم : اوا ختي الله و علم (مشات و ردات الباب وراها )
عائشة : اووف سيري امريم كيفما وسوستيني الله يجيبلك شي طيارة طيرك
مريم : (جاوباتها من مور الباب ) اميين ياختي نيشان لزبانيا
عائشة : يخليك بالخلا
جات طبيبة فحصاتها و خرجات عندهوم
الياقت : (كانت كتعيط لنوصير اللي طافي تيليفون شافت طبيبة خرجات من البيت مشات عندها كتجري) امضرا مالها واش وقع للبيبي شي حاجة قولي
الطبيبة : تهدني الالة الياقوت الحمدالله البيبي مواقعلو حتى حاجة و هي راها عطيتها مهدئ و نعسات
الياقوت : و منين جا دوك دمايات كاملين
الطبيبة : (مستغربة) مفهمتش مفهمتش فحصتها قنت بقنت معندها حتى مشكيل و حتى البيبي بيخير و صحتو مزيانة و كيكبر مزيان (مداتلها ورقة) جيبو ليها هاد دوا و متنساش تتبع ريجيم خاص بالحوامل
الياقوت : (كتحاول متبينش الخوف) فشكل هادشي واخا شكرا دوكتوغة
الطبيبة : مرحبا الا عاود وقعاتليها شي حاجة فحال هاكدا خاص ضروووري تديوها للمستشفى يفحصوها اكتر (قالت هاد الهدرة ودعاتها و مشات )
فتيحة : (دوات مع جيهان بهمس) تي بالي هاد طبيبة عا كتخربق سيدة غرقات فدم و قاتليك ما واقع ليها والو
الياقوت : (سمعاتها ودارت شافت فيها) داكشي اللي قارياه هاد الطبيبة متوصلي لحتى شويييية منو يالله سيري ديري شغالك
فتيحة : احم واخا
جيهان : (شداتها) فتيحة مخداماش عندك فتيحة خدامة عند نوصير و هو اللي غيقرر شنو دير و شنو مديرش ماشي نتي حيت هادي دارو ماشي دارك يعني ماشي من حقك تآمري فيها كيفما بغيتي
ااياقوت : (قربات عندها ) اولا هاد الفيلا كون مكنتش انا مكانش ايحلم بيها تاانيا حاجة وحظة اللي مكلساني فهاد الدار هي داكشي اللي فكرش لارا اما منزيدش دقيقة هنا (خنزرات فيها و هبطات)
طلاقات مع نوصير فدروج هاز جاكيطتو فيدو و طالع لونو شاحب و تحت عينو زرق شعرو كولو مخربق و حوايجو مكمشين
الياقوت : (تخلعات من شكلو اول مرا تشوفو هاكدا ) ويلي ويلي نوصير شهاد الحالة فين كنتي
نوصير : (ضحك باستهزاء ) ياك هادشي اللي كنتي باغا توصليلو علاش استغربتي دب
الياقوت : شكتخربق (قربات كتشم فيه ) و زايدها شاارب متقوليش داير فراسك هاد الحالة على قبل ديك الخدامة دعوييشة بنت الدواار
نوصير : (قرب عندها كارز على سنانو ) متجبديييش سميتها على فمك
الياقوت : حيد من قدامي طلع لبيتك دوش و حيد عليك هاد الحالة
جيهان : (سمعات غواتهوم و هبطات كتجري ) شنو واقع
نوصير : (شاف فيها ) يا غتقوليلي فين كاينة يا غادي نعرف بطاريقتي
جيهان : (ضحكات باستهزاء) سي نوصير خليك تزيد تعيش شوية من العداب اللي عاشتو بسبابك ديك البنت المسكينة
نوصير : (طلع فحالو بلاما يجاوبها)
جيهان : (طلعات لبيتها و تبعاتها فتيحة)
فتيحة : تي سيد زدق حتى هو كيبغيها
جيهان : (شافت فيها ) عاد فقتي من الكلبة اصلا من اللول كيبغيها
فتيحة : اوا لاش مشا تزوج بلارا و خلاها
جيهان : مزال يجي الوقت و غنعرفو
فتيحة : معرت عويشتي شكدير دب
جيهان : سيفطت با حمد باش يعطيني نمرتها جديدة و قالي مبغاتش 😢
فتيحة : مسيكينة متديهاش عليها تقصحات بزاف هاد المرا (هزات يدها لسما ) ياااربي يااربي يتجمع شملها بنوصير و ترجع الفرحة لقلبهوم
جيهان : ياااربي امين امين 😳 توحشتو 😭 عرفتي اندير سبة بنوصير باش يجي و نشوفو 😋
فتيحة : سلااامة معاك السليعفانة
جيهان : 😉 (دوزاتلو ابيل)
أمين : حبيبة ديالي توحشتك فين غابرة عليا
جيهان : هادي هي صحبة
أمين : كيفاش ؟
جيهان : مخلين صاحبكوم بوحدو فهاد الوقيتة اللي خاسكوم تكونو معاها اليوم جا سكران كون وقعاتلو شي حاجة فطريق ؟
أمين : مبغاناش و طفا تيليفون بغينا نخليوه على راحتو زعما (ضرب فالفولون دطوموبيل) تفو تفو قطعي هاحنا جايين
جيهان : واخا كنتسناكوم (جيهان ) اوا شتي هاوا ايجيب معاه حتى مهدي 😌
فتيحة : (طارت عليها بتعناق) هااح تي خيتي تي
لارا كانت ناعسة حتى فاقت على صوت تيليفونها كيصوني
لارا : (جاوبات و عينها مسدودين ) الو
.... : الو واش معايا مادام لارا
لارا : وي هي انا شكون معايا
... : مدام حنا متاصلين بيك من المستشفا عيطنالك حيت نتي اللخرة عيطلك سيد اللي دار اكسيدون
لارا : (ناضت فازعة ولاحت طيلي ) لا لا ميمكنش نوصير نوصير وقعاتلو شي حاجة ماااامييي مااامييي 😭😭😭😭😭
الياقوت و جيهان جاو كيجريو
الياقوت : شنو واققع شنو
لارا : نوصير دار اكسيدون عاد عيطولي من كلينيك
جيهان : شكتخربقي نتي نوصير راه فبيتو
.... : ألو ألو مادام تهدني واش كتسمعيني
الياقوت : (هزات طيلي اللي كان طايح فالأرض) ألو بركة من تفليا البنت حاملة و كتخلعو فيها كون وقعاتلها شي حاجة فاش انصدقو نوصير راه فبيتو و نتوما كتقولولها دار كسيدة
..... : الالة اشمن نوصير سيد اللي دار اكسيدون سميتو فيراس برادة
الياقوت : فيراااس
جيهان : اويلي
لارا : (تنفسات صعداء) اووف الحمدالله (عاودات قفزات) فيرااس نووو ميمكنش 😢
عند عويشة كانت كالسة كتخمم كيف عوايدها حتى سمعات دقان مشات حلات لقات حليمة هي وولدها حميد الكراش دعويشة سابقا 😂
عائشة :(خسرات وجها) تفوو بقيتي انتي فالحساب (حلات الباب) سلام خالتي حليمة ياك لاباس
حليمة : بنيتي عويشة (طارت كتبوسها) تي كيدايرا لاباس فين موك و ختك ااه ولا بقاو فالفيلا تاعهوم
عائشة : (باستغراب) كيفاش
حليمة : اوا اتخلينا فالباب
عائشة : اا لا دخلو دخلو مرحبا بيكوم
حليمة : (دخلات وجرات ولدها وكلسات) تبركالله تبركالله زيانيتي ابنيتي عويشة جاو معاك الفلوس 😉
عائشة : شمن فلوس
حليمة : اوا ياكما سحابلك مجايبين لدنيا خبار سمعنا باللي الحاج تهامي مات وخلا ليكوم شلاا فيلات فالمدينا و الفلوس هووك هووك
عائشة : حليييمة باااركة من تخراف و حيني ماللخر شنو باغيا
حليمة : تهدني ابنيتي تهدني احم الالة انا جيت طالباك راغباك لوليدي حميد
عائشة : (ناضت واقفة و حطات يدها على نصها ) ياااك الالة عااد بنتلك دب و جيتي تخطبيني لولدك و فاش كان كيعجبني كنتي كتعطيني القاصح ما تحمليني ما تقبليني حالفة تا تخلي ولدك عزري و متزوجيه ليا واخا نبقا غا انا فدوار ياك هادا هو كلامك اا دويي اطميميعا اوا اخوي بالك معندي لا فلوس لا فيلات باااح يالله نوضي خرجي عليا
حليمة : هاي هاااي قلببك عااامر اعةيشة الهوييشة ياكما نسيتي راسك فاش كنتي تجي طلبي و ترغي نزوجك ليه دب تبلدتي و تكبرتي اييه سرييي سرييي
حميد : مي زيدي نمشيو فحالنا هادي ولات من بنات المدينة ما بقات تحشم ما بقات تحيا متنسايش اعويشة يامك كنتي تموتي عليا و مكنتش دايها حتى فيك
عائشة : هاي هاي هاي تحليك الفم الغشيم كنت كنموت عليك انووض جمع راسك المراهقة و صغر و ميدير علاش انبغيك متلا على زينك على فلوسك اولا على داك شعر اللي عندك فحالة لاحساه عجلة خوييو عليا
حليمة : واخا والله لابقات فيك اليتيمة
عائشة : خرجووووووو علياااااا يالله خرجووو تفووو الله يخليها سلعا (زدحات موراهم الباب )
عائشة : قالك كنموت عليه تبركالله تبركالله (دخلات لبيتها و كلسات )
فاطمة : (تبعاتها) امالك اخيتي
عائشة : (تفزعات) اووف خلعيني منين خرجتي نتي
فاطمة : راه عاد دخلت موراك مالك معصبة و شكون هاديك اللي خرجات عاوديلي
عائشة : هاديك الالة حليمة ساكنة هنا فدوار سيدة مكانت تحملني مكانت تقبلني و انا مع الصغر و المراهقة كان كيعجبني ولدها يععع تفو على دوق كان عندي مهم كان حلمي تجي تخطبني و سيدة كانت تحلف والله لاداتني ليه نبات نبكي و دب سحابها عمي تهامي خلالي الفلوس جايا طامعة الكلبة
فاطمة : (غمضات عينها ) عويشة
عائشة : فاطمة مالك ياك لاباس
فاطمة : (شدات فقلبها و دوات بهمس) كنحس بشي حاجة قريبة جاية لعندك جا الوقت خاص نمشي
عائشة : كيفاش شكتقولي
فاطمة : (عنقاتها) بسلامة تهلاي فراسك عمرك تنسايني
Tags:
51