عائشة : (شداتها من عندو) انشاء الله
فيراس : (باسها فخدها ) بسلامة و تهلاي فراسك و الا حتاجيتي اي حاجة عيطيلي
عائشة : (خلاتو كيهدر و نزلات مسحات البوسة) تفوو
فيراس : باي باي 👋👋
مشات عائشة قطعات الورقة جبدات تيليفونها هرسات الكارطة و شرات كارطة جديدة و دخلات كلسات فواحد القهوى تسنات الكار حتى جا ركبات و شدو طريق
بعد ساعتاين
المرا : بنتي ابنتي
عائشة : (ناضت فازعة ) ااا نعام نعام
المرا : بسمالله عليك ابنتي راه وصلنا
عائشة : شكرا اخالتي 😊
المرا : العفو
نزلات عائشة مع الباب صغرات عينيها من الضو ديال شمس خدات نفس عمييق و تنهتات
عائشة : الله ياربي شحال توحشت الدوار و هواه و شمسو و ويدانو (هزات ساكها و زادت شوية كتبان ليها صاحبتها مريم عاقدة الدرة فراسها و لابسة واحد الكسوة واسعة و هازة بيدوزات دالما ) مرييم مرييم
مريم : (دارت كتشوف موراها ) شكون تي اخيتي كتعرفيني
عائشة : شوفي مزيان زعما معرفتينيش
مريم : (بعدات لوور صغرات عينها و بدات كطلع و تهبط فيها ) هي صراحة فحالة فايتة كنعرفك ولكن معقلتش فشييي شكل
عائشة : يا معيزاتي يا معيزاتي ديوني لعويشتي واهيا جبال واهيا جبال جيبولي عويشة ولا نهبال...
مريم :(قاطعاتها) سكتي اخيتي سكتي متفكرينيش فهاد الغناية ايييه كنت نغنيها لعويشتي فاش كنتخاصمو 😢😢(خرجات عينها) تييي عويييشة هاااو 😳(طارت كتعنق و تبوس فيه )
عويشة : ههه بشوية بشوية
مريم : تي كي درتي حتى وليتي هوكا ضعافيتي و زيانيتي (بدات تقيسلها فشعرها) ياو شعرك مبقاش مشعيكيك و حوايجك هوك يشعلو
عويشة : هادشي غير من برا اما لداخل يعلم بيه غير الله
مريم : تي تعالي تعالي عاوديلي فين مشيتو و اش وقع ليكوم ليلة الجنازة دعمي تهامي بتو ما صبحتو تبلدتي و نسيتيني ياك اعويشة 😢
عائشة : انا براسي مكنتش عارفة فين غادة و لين غادة (تنهتات ) و شنو القدر اللي كيتسناني كون كنت عارفة والله ما نمشي اوديي
مريم : زيدي بعدا نمشيو لدار و عاوديلي (مداتليها البرامل) شدي عاونين
عائشة : هههه والله ما كتبدلي مريم هي مريم
مريم : تبدلي غا تي اخيتي
بقاو غادين و كيتعاودو العيالات و بنات دوار شي عرفها شي معرفها اللي عرفها مصدوم و اللي معرفها كيتسائل شكون يطلعو
مريم : زيدي زيدي اخيتي ندخلو و قراي عليك آية الكرسي ليعينوك راه كولشي غياكلك بعينيه
عائشة : مريم خلي عافاك حتى لغدا نجي عندك الدار و نعاودليك والله ما قدرا نوقف على رجلي باغا ندخل نيشان ننعس
مريم : واخا خيتي على خاطرك يالله بسلامة
عائشة : بسلامة (دخلات لدار و بدات كدور عينها قنت بقنت و كتنهد ) اييه فييينك يا با تجي تشوف بنتك سمحات فدارك و مشات لديور ناس دخلات للماريو حطات ساكها و دخلات لبيتها جبدات فوقية دباها وعبايا دمها كانت مخبعاهوم تلاحت فوق الفراش عنقاتهوم و بدات كتشم فيهوم و دموعها نازلين شلااال داتها عينها مفاقت غير على دقان
عائشة : شكوون تسناو هانا جايا (حلات الباب) با حمد
با حمد(العساس ديال الفيرمة دتهامي) : بنتي عويشة كي دايرة لاباس صحيحتك مزيانة
عائشة : حمدالله ابا حمد و نتا لاباس عليك كيف بقاو بنياتك
باحمد : (تنهت)اودي ابنتي من نهار مشا الحاج تهامي تاحد مابقا لاباس فهاد الدوار مشات روحو و مشات معاه حتى روح الدوار
عويشة : اييه عندك الحق كون كان مزال حي مكانش ايوقع هادشي كامل الله يرحمو ياربي
باحمد : اميين مهم ابنيتي راه عيطاتلي طفلة تاع الحاج تهامي وصاتني نجيبلك هادشي (مد ليها القفاف ) هاد البركة ما تاكلي اليوم و غدا تاني صباح انشاء الله نجيبلك داكشي اللي بغيتي
عويشة :(قبطات من عندو) شكرا اباحمد الله يسهل عليك (دخلا و سدات الباب) اخخ عليك اجيهان اخخ
حطات داكشي فالكوزينة و مشات كلسات مهي الا دقائق حتى سمعات دقان
عائشة : با حمد هانا جاية (حلات الباب وشافت باستغراب) شكون نتي اختي ؟
البنت : معرفتينيش ؟
عائشة : لاا
البنت : انا فاطمة بنت دوار اللي حداكوم
عائشة : متشرفين اختي اش حب الخاطر
فاطمة : اتخليني فالباب ؟
عائشة : لا دخلي اختي دخلي (دخلو و سدات الباب) ااا سمحيلي على هاد روينة راه شحاال و حنا غايبين على دار عاد جيت اليوم
فاطمة : عارفة
عائشة : (باستغراب)كيفاش عرفتي
فاطمة : سمعت شي ناس كيقولوها
عائشة : اااه واخا ختي كلسي مرحبا
فاطمة : شكرا اخيتي
عائشة : اوا اختي ياك لاباس...
فاطمة : (قاطعاتها) جيت طالبة ضيف الله
عائشة : ااه مرحبا مرحبا انوض نجيبلك شي حاجة متاكلي
فاطمة : لا لا مجيتش على قبل الماكلة بصراحة جيت نتخبا عندك حيت هربانة من
عائشة : (قاطعاتها) كيفاش تتخباي عندي مفهمتش و هربانة من شكون ؟؟
فاطمة : من با حيت بغا يزوجني بواحد شارف على قبل فلوسي بغا يحرمني من قرايتي و طفولتي و يزوجني بواحد عندو 60 عام و انا مزال بنت 16 😢
عائشة : (خرجات عينها بصدمة ) اويلي مالو حمااق شوفي احبيبة انا مرحبا بيك عندي كلسي معايا فوقما بغيتي
فاطمة : اصلا انا عندي واحد البريريكة كنبقا فيها ولكن ساق الخبار و جا كيقلب عليا تما داكشي لاش لقيتك غير نتي نتخبا عندك
عائشة : من اليوم اتبقاي معايا هنا ميقدرش باك يلقاك و حتى الا لقاك مغاديش نعطيك ليه غير تهناي
فاطمة : شكرااختي الله يكتر خيرك
عائشة : مرحبا احبيبة 😊
فاطمة : اوا انا عاودتلك اش بيا و نتي مغتعاوديليش و تخوي قلبك حيت من عينيك باينة باللي هازة هم فقلبك
عائشة : (ضحكة باستهزاء) ااش انعاودلك همي ميباانش قد همك (مسحاتلها على شعرها) و نتي مزالة صغيرة منزيدش نعمرلك راسك بهمومي
فاطمة : شوفي كيفما بغا يكون همك كيبقا سميتو همم و كل واحد و اش هاز فقلبو من همووم غير عاودي انا كنسمعك
عائشة : واخا صغيرة عقلك كبير مهم انوض نوجدلك شي حاجة ما تاكلي
فاطمة : مديريليش الملحة عافاك مانعها عليا الطبيب
عائشة : واخا اختي
Tags:
51