🔥الجزء الخامس و العشرون🔥
الياقوت : الا خرجتي من هاد دار عمرك تفكر ترجع ليها
نوصير : (وقف مع الباب عاطيها بضهر ) لا فموتك ولا فموتي
لارا : نوصييير
الياقوت : لارا تبعيه متخليهش يضيع منك
لارا : واخا امامي كوني هانية (خرجات تابعاه )
♤ فالفيلا ديال نوصير ♤
كانو كالسين كولهوم فصمت حتى دخل عليهوم نوصير و تابعاه لارا
أمين : نوصير مالك اصاحبي
مهدي : اش تما ؟
نوصير : (هز يدو زعما من بعد و طلع فحالو لبيتو)
جيهان : نوصيير ؟ اووف
فيراس : (بهمس ) مال هاد المريض
لارا : (كتخنزر فعائشة ) سيد طلع حاط عينو على لخويديمة و انا مجايبة خبار
فيراس : كيفاش ؟
لارا : (عاضة على سنانها) بعدمني افيراس هاد ساعة
عائشة : (رضات ليها البال ) جيهان مال هاد الصفريطة كتخنزر فيا
جيهان : شكون ؟ لارا (شافت فيها لقاتها مخنزرة ) منعرف ليها مهم انا انطلع عند نوصير نشوف مالو
عائشة : واخا سيري
طلعات جيهان و مهدي وقف شاف ففتيحة غمزها باش تبعو و خرج للجردة
عائشة : ( من صباح و هي رادة ليهوم لبال كيشوفو فبعضياتهوم و غالباها ضحكة ) فتيحة تكلمي 😁
فتيحة : (شافتو ولكن بغات دير مافراسها والو ) ااا شنو احم لمن
عائشة : (ضرباتلها على كتافها) راني عارفة ااش تما غاا نوضي تكلمي متخليش دري كيتسنا
فتيحة : اوووف بقاي حاضياني نتي (ناضت و خرجات عندو بلاما تير الإنتباه)
♤ عند نوصير ♤
طلع لبيتو دخل نيشان دوش دوش خفيف سالة لبس بينوار عمر كاس بشراب جبد باكية دالكارو و خرج للشرفة ديال بيتو وقف كيطل مرا كينتر نترة من الكارو و مرة كيشرب جغمة من شراب بقا كيطل و كيشوف لبعيد هبط راسو شاف مهدي و فتيحة واقفين و عاود طلع راسو لسما سهااا حتى سمع دقان
نوصير : (لارد )
جيهان : نوصير هادي انا جيهان
نوصير : دخلي
جيهان : (دخلات و مشات عندو للشرفة و كلسات) نوصير كلس بغيت نهدر معاك
نوصير : (تنهت و حول ملامحو من تخنزيرة لإبتسامة لاح الكارو و كلس حداها) القطيطة ياك لاباس
جيهان : نوصير انا عارفاك مقلق بلاما تبين راسك فرحان و معندك والو
نوصير : لا لا مكاين والو مديريش فبالك
جيهان : لا كاين انا عارفاك ماللي كتكون معصب كتكمي نوصير متنساش باللي انا تويمتك يعني (حطات يديها على قلبو) اي حاجة كتحس بيها هنا حتى انا كنحس بيها هنا (اشارت لقلبها) و عاد راني قدي قدك ماشي صغيرة باش تبقا تخبي عليا
نوصير : (قاطعها و مسح على راسها ) واخا تكوني قدي كتبقاي ديما فعيني صغيورة
جيهان : امم فهمت دب كتقلب الموضوع ياك
نوصير : فحال داكشي 😉
جيهان : واخا على خاطرك
نوصير : اجي شتك مبقيتيش كدلعيني ياكما مقلقة مني هاا
جيهان : لا عادي مكاين والو
نوصير : كتردي صرف 🤨
جيهان : ماشي داكشي ولكن مااشي وقت هاد الموضوع
نوصير : لا وقتو هدري اش كاين
جيهان : نوصير (شافت فيه و سكتات شوية عاد هضرات) اووف والله ما وقتو
نوصير : واخا حتى تبغي على خاطرك
جيهان : (ابتاسمات ) واخا مهم انا مشيت
نوصير : اتمشي لهيه ولا اتباتي هنا
جيهان : معرفتش تا نشوف و نتا ؟
نوصير : (تكا ضهرو على لكورسي و غمض عينو ) انا غنولي نبقا هنا
جيهان : شنو زعما ديما ؟
نوصير : ديما
جيهان : هااء و علاش زعما
نوصير : (نتفها بشوية ) كتجريلي لساني القطيطة
جيهان :اووف بعدمني صافي كولكوم مشيتو اتخليوني بوحدي 😢
نوصير : فين كاين موشكيل فوقما بغيتي تجي اجي
جيهان : اووف (ناضت معبسة باستو فحنكو و خرجات )
🔥 الجزء السادس و العشرون 🔥
🔥عند مهدي و فتيحة 🔥
فتيحة : (خرجات عندو ) سلام مهدي
مهدي : (بإبتسامة) بقيتي عاقلة على سميتي
فتيحة : ااا صراحة قلتها غا على الله
مهدي : (صغر عينو) اممم تيقتك مهم لاباس عليك
فتيحة : حمدالله و نتا
مهدي : صافا حمدالله فتيحة ياك ؟
فتيحة : اه فتيحة
مهدي : سميتك زوينة فحالك
فتيحة :(حشمات) شكرا احم
مهدي : (قاسلها خدودها بطرف دصبعو) كتجي معاك الحشمة ههه
فتيحة : 😊
مهدي : (جبد تيليفونو ) ممكن تعطيني نمرتك
فتيحة :(تحرجات) هاا اا تيليفوني طافي و محافضاش نمرة
مهدي : اه واخا ماشي مشكيل (جبد لاكارط فيزيت من جيبو ) مهم هاكي راه تما نمرتي و كولشي فأي وقت بغيتي صوني عليا
فتيحة : (شداتها من عندو ) واخا انشاء الله 😊
مهدي : يالله ندخلو
♡عند جيهان ♡
هبطات لقات أمين كالس كيلعب بلاي مع فيراس
جيهان : فين عائشة
فيراس : طلعات فحالها
رجعات جيهان طلعات و دخلات عندها للبيت
جيهان : حوباي شكديري
عائشة : جابك الله اجي دخليلي كونط أنستغرام
جيهان : هادا هو اللي شريتي قبايلة هاي هاي شتك دخلتي كولشي لا لا براافو ههههه
عائشة : اوا اللي مصاحب معاك يعرف القرامد فين جاو
جيهان : هههه اراي لهنا نشوف (دخلات لها كونط أنستغرام و دارتلها فيه تصويرها فبروفيل ) هاكي الالة راه درتلك لكاع تيتيز ابوني هههه اجي حقا فين لارا
عائشة : سيدة واقيلة طايح عليها الكرش من صباح و هي داخلة خارجة لطواليط
جيهان : هههههه من صغرها فاش تتكون معصبة كتبقا تدخل لطواليط بزاف منعرف مالها
عائشة : امضرا قالك شي حاجة
جيهان : والو و تقوول
عائشة : امم مزيان
جيهان : حقا فين فتيحة
عائشة : علاه مفخباركش سيدة ماللي طلعتي و هي جماعة فجردة مع صاحب خوك
جيهان : شكون هادا مهدي ؟
عائشة : هادااك
جيهان : ههههه فتيحة و مهدي هاي هاي زعما بيناتهوم شي حاجة
فتيحة : (دخلات عندهوم) شتكوم سايرين تنمو فيا
عائشة : هاهيا جات عمرك طويييل
🔥 الجزء السابع و العشون 🔥
جيهان : اجي اجي شنو كنتو كتقولو
فتيحة : عادي غا هضرنا و صافي
جيهان : عرفناكوم هضرتو شنو قلتو
فتيحة : والو
عائشة : عنداك يسحابلك هادي هي انا ههههه هادي فتيحة و أجرك عالله واللهم تاخدي من فمها شي كلمة
جيهان : لا لا اتعاود لينا ياك افتيحة عاوديلنا
فتيحة : و توما شبغيتو نقولكوم دوينا عادي لاباس لاباس و عطاني نمرتو و صافي
عائشة : هاي هاي مهم بعدا عرفت فتيحة فاش كتخمم دب لابغات تجي الموت غا تجي هههه
جيهان : اه بصح بصح واش هو اللي كنتي كتخممي فيه و فوقاش طلاقيتو عاوديلنا
فتيحة : طلاقينا ديك المرة فالخطوبة
عائشة : اممم حب من أول نضرة
جيهان : ههههه كولنا عشنا حب من أول تضرة
فتيحة : ياااك احنينتي شووفيلك سيدات عايشين حب من أول نضرة و انا مفراسيشاي بالحق انا اللي منسواش كالسة نسرسب ليكوم
جيهان : (عيباتها)تي تعالاي هههه مهم انا نقولك الالة مهم انا كنبغي امين
فتيحة : تي شكون امين صاحب خوك
جيهان : شوووت باغا تخرحي عليا اه هو
فتيحة : تي كيفاش درتو ليها
جيهان : (عاودات ليها كولشي )
فتيحة : هاي هاي هاي هادشي كولو و مافراسيشاي اوا و تي اعويشة
عائشة : احم مهم قلبو علينا هاد الموضوع خليوني نعس سيرو فحالكوم نعسو فجيهة خرا
جيهان : ليوم كولنا انعسو هنا
عائشة : واخا تصبحو على خير فتيحة جمعي كراوعك اختي تقبتيني بيهوم
فتيحة : اوا تي اللي كحزي شوية
جيهان : (هزات تيليفونها و دخلات للواتساب لقات بزااف دليميساج من أمين )
أمين : فيينك جاوبي 😡
جيهان : وي أمين مالك ؟
تعطل شوية عاد جاوبها
أمين : فينك
جيهان : راني الفوق مع عائشة و فتيحة
أمين : مغتنزليش
جيهان : لا غنعس
أمين : واخا هربي مع راسك شحاال قدك
جيهان : 😝 هههه نتوما اتباتو هنا ولا شنو
أمين : راه نوصير هبط عندنا و غنقصرو بلاي
جيهان : ااه واخا مهم بونوي
أمين : بونوي كنبغيك ❤
جيهان : حتى انا
أمين : ولكن من بعد و نتفاهمو على ماشي سوقك
جيهان : واخا 😌
حطات تيليفونها و دارت باش تنعس و هي تلقا فتيحة كالسة كتبركك
جيهان : فتيحة محشمتيش البركاكة ههههه
فتيحة : اصلا مفاهمة والو اكنشوف و صافي
جيهان : شوفي غدا نشريلك شي طيليفون و نعلمك تخدمي بيه و ديك ساعة اراك الهدرة مع مهدي ههههه
عائشة : سكتوناا
🔥 الجزء التامن و العشرون 🔥
🌞 أصبحنا و أصبح الملك الله🌞
فتيحة : عائشة جيهان فيقو فيقو
جيهان : اممم سيري تلعبي لهيه خليني نعس
فتيحة : و نوضو راها 10h دصباح هادي بلاتي انا نوريكوم (ناضت تكات فبوطونة و بدا شرجم كيتحل شوية بشوية و شميسة دخلات للبيت )
عائشة : (كتغطي وجها من شعاع دالشمس ) سدي ازمرة
فتيحة : (غمضات عينها و استنشقات الهوا ) الله على هوا شحال نقي و على شميسة شحال زوينة جيهاان
جيهان : اممم
فتيحة : تي مال موك كانت عاطيانا داك البيت و حارمانا من الشمس ياكما بنا ليها أطفال القمر
جيهان : (كتكسل ) هههههههههه
عائشة : هانتي تشوفي أختي (تفوهات)
فتيحة : اهيا ناري نسيت مجبتش الحوايج دالخدمة
جيهان : اويلي منيتك بلااش لبسو اللي بغيتو ماما كاع مكاينة هههه
عائشة : اححح حلفييي
جيهان : والله لبسو مع رايكوم و دوخو ليا بنادم
عائشة : فتيحة مال عينيك غرغرو
فتيحة : توحشتك مي 😢
جيهان : فاش نفطرو انمشي لتما و نديك معايا تشوفيها
فتيحة : حلفي
جيهان : والله و زيدو يالله نوجدو الفطور قبل مايفيقو و يقولو علينا محادكينش 😁
ناضو لبنات لبسو حوايجهوم و هبطو وجدو الفطور
وكل وحدة مشات تفيق واحد من دراري
جيهان : (كتنغزو) أمين فيق فيق ابب
امين : اممم
جيهان : وا فيق أكبيدة
أمين : (جبدها من يدها ولاحها تحتو ) شديتك دب هاا علاش كتقلي
جيهان : امييين و نووض عليا
أمين : مبغيتش
جيهان : ونووض عنداك يشوفنا شي حد
أمين : وا بوسيني ونوض
جيهان : لاءح
أمين : اوا تانا لاءح
جيهان : اووف صافي واخا (جات تبوسو من حنكو و هو يدور وجهو بلعاني وجاتو البوسة ففمو )
جيهان : (دفعاتو و ناضت كتقاد حوايجها) باسل نوض تفطر
امين : هههه واخا انا جاي احبيبتي
هبطات جيهان عند عائشة و فتيحة مشات كتفيق فمهدي دخلات عندو لقاتو عريان من الفوق و ناعس على كرشو تحنات عندو بدات كتشووف فيه شوية مدات يديها كتلعبلو بلحيتو و بقات مهبطة يديها حتى وصلاتها لفمو
مهدي : (عضها) شكديري
فتيحة : (نترات يدها ) ااا كنت باغا غير نفيقك باش تفطر
مهدي : هههه واخا صباح النور
فتيحة : صباح الخير
مهدي : راه هاد صباح خير اللي فقت على وجهك زوين
فتيحة : (ابتاسمات ) و نوض تفطر
مهدي : كتحشمي ههه يالله سيري انا ناخد دوش خفيف و نجي
فتيحة : واخا (تمات خارجة)
مهدي : فحالة نسيتي شي حاجة والو زعما
فتيحة : شنو نسيت ؟
مدي : تفكري تفكري (نعتلها زعما بوسة )
فتيحة : ههه (باستو بالخف فحنكو و خرجات)
🔥 الجزء التاسع و العشرون🔥
فاقو دراري و هبطو مع نوصير ولارا و كلسو كيفطرو سالاو و كل واحد خرج يقضي شغالو
جيهان : (لبسات حوايجها و خبطات) فتيحة الا كنتي باغا تشوفي ماما يالله راني غادية
فتيحة : واخا تسناي نبدل حوايجي و نجي
جيهان : واخا يالله سربي عائشة تمشي معانا
عائشة : هي اتمشي تشوف مها و انا علاش غنمشي متلا نشوف داك مك باش تشبعني سبان
جيهان : و غير سولتك اصاحبتي مالك على سبة
لارا : (هبطات من بيتها ) عائشة معندها فين تمشي طلعي قاديلي بيتي و وجديلي الجاكوزي
جيهان : لارا
لارا : (قاطعاتها) جيهان متدخليش فاش كانت خدامة عندكوم مكنتش كنتدخل ولكن دب خدامة عندي انا و فداري انا يعني انا اللي غنعطيها الأوامر
جيهان : (قربات عندها) شتك نتي تيقتييي راسك حدك تما ولا مغيعجبك حال عائشة ماشي خدامة لا ديالنا ولا ديال شي حد عائشة امانة ديال بابا و تاحد معندو حق يعطيها الأوامر و نزيدك هادي دار خويا ماشي دارك
عائشة : جيهان صافي متديهاش على هادي
فتيحة : عائشة ردي لبال لداكشي عنداك يتحرق شوية طفي عليه جيهان يالله نمشيو
جيهان : واخا انا جاية لارا عطي للبنت تيساع ولا مغيعجبك حال هانا علمتك (هزات ساكها و خرجات هي وفتيحة )
لارا : هاي هاي تحلك الفم الخديديمة (هزات كاس دالعصير و خواتو عليها ) باش نعلمك تردي الهدرة على لالاتك لارا
عائشة : نتي ااااصلا من نهار جيتي و نتي تقلبي عليا مكاينة دب لا لياقوت لا نوصير و اجي نوري لطبونمك (طارت عليها بترياش و العضان و القميش مخلات فيها غا اللي نسات كاع داكشي اللي جامعة عليها رداتو فيها )
♤ عند جيهان و فتيحة ♤
دخلو لقاو الفيلة خااوية غير الخدامات كيضورو مشات فتيحة للكوزينة عند مها و جيهان بقات كتقلب على الياقوت
جيهان : ماماا ماما فينها هادي
خديجة : فتيحة تي بركة عليا من البوسان لتلاهيني و يتحرق الغدا
فتيحة : و تي متصورييش شحال توحشتك
جيهان : (طلات عليهوم من الباب دالكوزينة) سلام خالتي خديجة
خديجة : و عليكم سلام ابنيتي لاباس عليك
جيهان : حمدالله اخالتي عافاك فين ماما
خديجة : منكدبشاي عليك ماماك ماللي وقع داكشي بينها و بين سي نوصير البارح طلعات لبيتها معاودات هبطات دينالها لفطور و تقوول واش بغات اللي مشا عندها كتغوت عليه
🔥الجزء التلاتون 🔥
جيهان : اووف اماما اووف واخا خالتي شكرا
خرجات من الكوزينة و طلعات كتجري لعندها
جيهان : (كتدق ) ماما حلي هادي انا جيهان
الياقوت : شنو بغيتي
جيهان : كيفاش شنو بغيت حلي بغيت نهدر معاك
الياقوت : (حلات لباب بجهد ) شنو بغيتي علاش جاية عندي
جيهان : ماما منيتك راه
الياقوت : (قاطعاتها) ماماك عاد بنتلك ماماك سيري فحالك رجعي عند خوك
جيهان : ماما خاصك تعرفي باللي انا معارفاش شنو وقع بينك و بين نوصير و معارفاهش حتى واش جا لعندك حتى قالتهالي خديجة
الياقوت : هادشي كامل معندي علاقة بيه (دخلات و زدحات الباب )
جيهان : علاش اماما مكتبغيش تبيني شنو فداخل ديالك علاش كتبيني لناس باللي قلبك كحل انا بنتك بنتتتك ماشي شي حد براني شنو فيها الا عاودتيلي و قلتي شنو ضارك مهم انا غنمشي دب بقاي شوية بوحدك و فاش تحسي براسك رتاحيتي عيطيلي باش نرجع (بضحكة إستهزاء) واخا انا عارفاك مغتعيطيليش
جيهان : (هبطات لتحت) فتيحة يالله نمشيو
خديجة : مالها ياك لاباس ؟
جيهان : والو باس اخالتي بلاما نوصيك ردولها البال واخا انا عارفا مامحتاجاش اللي يردلها لبال يالله اصاحبتي مزال مشبعتيش
فتيحة : هاني هاني تي شكوون يشبع من خدوج يسلامة امي تهلاي فراسك غدا تاني نجي عندك
جيهان : (جراتها) ازيدي قالك غدا حمدي الله مشافتكش الياقوت اما كون صبناتك
خرجو من الفيلا مشاو دارو شوية و دازو شراو طييليفون و رجعو للفيلة مع دخلو لقاو لارا كالسة حدا الباب شعرها مشعكك و كولها مقموشة و كتبكي
فاتيحة : بسمالله رحمان رحيم اهيا ناري تي مالها هادي
جيهان : لااارا مالك
دخل نوصير و معاه فيراس
فيراس : لارا شهاد الحالة
لارا : ديك الساقطة اللي كدافعو عليها هي اللي ضرباتتي هئ هئ شوفو شوفو كيف رداتلي شعري خاسرة عليه زبابل دالفلوس اووه نوووو شوفي ضفاري تهرسو وجهيييي قمشاتووو الهمجية غندعيهاااا 😭😭😭😭😭
🔥 الجزء واحد و تلاتون 🔥
فتيحة : تي والله عويشة متقيصك الا مجبدتيهاش
جيهان : لارا انا صباح قتلك عطيها تيساع قلبتي عليها اوا هانتي لقيتيها
لارا : (ناضت تخشات فنصير) حبيبة شوف تكرفسات عليا و انا مدرتلها والو و هادو كيزيدو معاها 😭😭😭 اومونديووو
نوصير : (عيطلها) عائشة
عائشة : (خرجات من الكوزينة ) نعام
نوصير : شنو هادشي درتي
عائشة : شوف هاد صفريطة ديالك عياات تقلب عليا و سكت ليها بقات كضور كضووور و هانا عطيتها علاش ضوور
لارا : كلوشاغة
عائشة : عرفتي دب مع نتفتك والليتي فحال شطابة نيييشان
فيراس : (غلباتو ضحكة ) احم
نوصير : (مجاوبهومش و طلع فحالو )
جيهان : (بهمس ) عبرتي عليها 😂
فتيحة : سلااامة معاك فرستي البنت
لارا : (خنزرات فيهوم و تبعات نوصير )
مشاو جيهان و فتيحة كيبدلو حوايجهوم و عائشة حطات الغدا
عائشة : (طلعات لعند فيراس ) فيرااس
فيراس : وي دخل
عائشة : هبط باش تغدا
فيراس : (وقف و قرب عندها ) نتغدا اهنا بلاما نهبط
عائشة : (كتبعد ) ااا الا بغيتي نجيبلك لغدا لهنا
فيراس : (كلاها مع الحيط ) فهمي بغيت نتغدا بيك نتي
عائشة : احتارم را(قاطعها ببوسة عيات كدفعو مبغاش يطلق ) هييي احتارم راسك حمار ممربيش بعدمنييي
نوصير : (كان دايز من حدا البيت و سمعها كتغوت دخل مشا يه نيشان عطاه ببونية ولاخر ردها ليها و عائشة عياات تفك بدات كتغوت تا كولشي طلع )
جيهان : شوااقع اويلي مالكوم
لارا : نوووصير طلق منو
نوصير: ولد القحبة حطيتي عليها لعين يازامل
فيراس : (ردلو بونية ) مااشي سووقك ولا ياكما تانتا حاط عليها لعين
جيهان : قسما بالله و ما تفرقو تا نعيط لماما
لارا : (جرات فيراس ) اووف فيراس
نوصير : نشوفك مرا خرا كدور بيها نحوي طبونمك (قال هاد الهدرة وخرج فحالو )
لارا : (تبعاتو ) نوصيير
فيراس : (كيمسح دم من فمو ) والله ياولد القحبة تا انا اللي غنديها
جيهان : (تبعات عائشة اللي مشات كتجري للبيت ) عائشة شنو واقع
فتيحة : تي لاش دابزو هادو
عائشة : (عاودات ليهوم كولشي ) 😭😭😭
جيهان : يالحمقة علاش كتبكي خاصك تفرحي
عائشة : علاش غنفرح متلا 😢
جيهان : اوا شوفي نوصير جاتو الغيرة عليك شنو كيعني هادشي ؟
فتيحة : تي شكتقولو
عائشة : حتى كون كانت فتيحة ولا سي وحدا خرا كان غيدير نفس الحاجة
جيهان : مكنضنش بالعكس كون كانت شي وحدا خرا كون شبعو ضحك انا حافضاهوم
فتيحة : ااااه صافي فهمت دب كنت عارفاك طايحة فيه وليني دب تأكدت 😂
بعد مرور أقل من شهر
فهاد شهر وقعو بزاف دالحوايج فيراس شحال من مرا كيحاول يتقرب من عائشة وهي كتقمعو نوصير حسبو بينو و بين نفسو تحدي تقربو من بعضياتهوم هو وعائشة كتر و كتر و الكل طبعا لاحض هادشي لارا زادت ضعافت بالأعصاب اما دراري مهدي و أمين مرا مرا كانو كيتجمعو فالفيلا و كيشبعو حب مع البنت و نوصير مجايب خبار 😂
طاح ليل كولشي مشا ينعس و ناضت لارا كتسلت دخلات لعند فيراس لابسة دوبياس و فوقو بينوار و كولها نعرية
لارا : فيراس
فيراس : لارا مالك شنو كديري هنا ؟
لارا : فيراس انا صبري تقادا اليوم غنديرو حل لهاد شي
فيراس : شكتخربقي ؟
لارا : سمعني و طلق معايا ودنك نوصير مبقاش كاع كيديها فيا ولا كيعتابرني كاينة ولا مكيناش حاضي غير الخديديمة دعويشة هادشييي بزاااف بزاااف
فيراس : اييه هادشي عرفو جيني ماللخر ؟
لارا : خاصني نحمل
فيراس : شناهوا
لارا : كيف سمعتي خاصني نحمل منك هاكدا نوصير غيرجع ليا و نتي عويشة اتبقا ليك و دير فيها اللي بغيتي
فيراس : و علاش زعما اتحملي مني و هو لا
لارا : (بضحكة إستهزاء) حيت موسيو نوصير قبل مكنديرو العلاقة الجنسية كيعطيني نشرب دوا د منع الحمل و كيبقا حاضيييني حتى نشربو 😏
فيراس : اندير أي حاجة غير عائشة تولي ديالي (جرها من خصرها ولاحها فوق الفراش كيبوس فيها )
🔥 الجزء الثاني و تلاتون 🔥
☀️ أصبحنا و أصبح الملك الله ☀️
فيراس : (حل عينيه بشوية لباها ناعسة حداه عريانة و مخطية بليزار مفهم والو عاد رجعاتلو داكرة و تفكر شنو داز البارح ) لارا
لارا : امم وي
فيراس : نوضي عنداك يردو البال
لارا : واخا واخا (ناضت هزات شوميز دونوي ديالها و لبساتها ) صباح الخير بعدا
فيراس : (معصب) صباح الخير
لارا : فيراس مالك
فيراس : والو غير هادشي مداخليش لراسي حيت استوعبت ولقيت باللي درنا أكبر خطأ
لارا : (رجعات كلسات حداه ) فيراس هادشي راه لمصلاحتنا بجوج كون متأكد عائشة غتولي ديالك حيت مستحيل نوصير يسمح فيا و انا حاملة منو غيولي مهتم غير بيا و مغيبقاش يديها فيها حيت معندو ميدير بيها انا هي اللي غنكون مراتو
فيراس : و شنو غتقولي الياقوت و لباباك حملتي منو و نتوما مزال مخطوبين واش غيقبلو هادشي
لارا : بالعكس راه هوما اصلا هادشي اللي باغيين اما العقشروشة دالياقوت خاصها افوقاش نحمل بالوريت ديالهوم ههههههه مسكينة منيتها خاصني افوقاش نتزوج بنوصير و نجري عليها 😌
فيراس : بقاي تحلمي نتي نوضي نوضي
لارا : هههه تعقل اول مرا نعسنا مع بعضياتنا
فيراس : هادشي شحااال هادي ماشي دب كاين فرق
لارا : بصح (حنات باستو ففمو ) مواح باي باي
خرجات كتسلت و دخلات للبيتها دوشات لبسات حوايجها عاد هبطات تفطر
لارا : (باست نوصير ففمو ) كبيدة صباح الخير
نوصير : (لارد )
فيراس : صباح الخير لارا
عائشة : (كلسات كتفطر ) صباح الخير
نوصير : صباح الخير
فيراس : صباح نور و الورد و الياسمين 😍
عائشة : 😊
نوصير : (خنزر فيه و هدر بهمس ) صباح القلاوي
لارا : (محملاتش راسها دارت راسها اتخوي العصير و خواتو عليها بلعاني) اووبس سمحيلي احبيبة
عائشة : ماشي موشكيل (بهمس ) و لينعلطبونمك فنفس الوقت
🔥 الجزء الثالث و االتلاتون 🔥
جيهان : (مدات ليها كاغيط ) هاكي مسحي مسحي تاتفطري و بدلي حوايجك
فتيحة : (هدرات مع جيهان بهمس) دارتها بلعاني شتها بعيني
جيهان : تانا شفتها صافي غا سكتي لاينوض صداع
فيراس : موقع باس كلسي تفطري
عائشة : اووف واخا
لارا : علاش كتنفخي عليا مدرتهاش بلعاني
عائشة : اختي نفخ سوقك نتي
نوصير : لارا سكتونا
لارا : 😤😤😤😤
فطرو و كل واحد فين مشا و ناضت عائشة و فتيحة كيجمعو طبلة
عائشة : (كانت فالكوزينة كتغسل لماعن تا حسات بشي حد جبدها من يدها )
نوصير : عائشة بغيت نهدر معاك
عائشة : وي نوصير ؟
نوصير : (قرب عندا و كيلعبلها بشعرها ) عينيك زوينين
عائشة : (عصبها) شكرا مي هادشي اللي بغيتي تقول ؟
نوصير : (ضحك ) علاش شنو بغيتي تسمعي
عائشة : اا والو والو مهم من حدنا بوحدنا سمعني
نوصير : ويي
عائشة : عافاك انوصير متبقاش تقرب مني حيت نتا واحد راجل اللي خاطب
نوصير : (قاطعها ) شووو انا بصح خاطب ولكن مكنبغيهاش
عائشة : ولكن كتبغيها ولا مكتبغيهاش كتسما خااطيبتك و اصلا ماللي مكتبغيهاش علاش خطبتيها
نوصير : ماللي ايجي الوقت المناسب غنقولك علاش ولكن اللي خاسك ديريه فبالك دب هو أنني مكنبغيهاش هي (صغر عينو و قرب لوجها ) فهاد العالم كاامل كنبغي وحدة و مكنبغي تا وحدة خرا من موراها
عائشة :(بغات تأكد) ااا شكون احم شكون هادي
نوصير : واحد البنيتة زويينة و غزيولة فحالك
جيهان : (حلات الباب دالكوزينة و دخلات على غفلة ) عائشة
عائشة : (دفعات نوصير و دارت للافابو ) وي وي جيهان
جيهان : (شافتهوم ) ااا عائشة الا كنتي مسالية يالله نخرجو نوصير شكدير هنا ياكما جيت فشي وقت ماشي هو هاداك
نوصير : (ضربها بالخف فراسها و جبدلها نيفها ) فحال داكشي القطيطة مهم انا غنخرج عند دراري الا احتاجيتي شي حاجة عيطيلي
جيهان : (كتشوف فعائشة مصغرة عينها ) امم واخا واخا
خرج نوصير سدات لباب و مشات عندها كتجري
جيهان : شنو كنتو كديرو واش باسك شنو قالك عاوديلي عاوديلي
فتيحة : (دخلات عندهوم ) توما مالكوم سادين لباب ياكما شي جيتيماع 😉
جيهان : اجتماع افتيحة اجتماع سدي لباب و زيدي تسمعي اخر الأخبار لقيت نوصير واقف مع لالة عائشة و كيتحابو😆😉
🔥 الجزء الرابع و تلاتون 🔥
عائشة : جيهااان سكتييي سكتيي فضحتي بيا دنيا مدرنا والو اهضرنا
فتيحة : اييه وعاودي لينا
جيهان : سربي سربي
عائشة : (بدات كتضحك و كتلعب بشعرها ) احم قالي باللي هو مكيبغيش لارا و قالي باللي كنبغي واحد البنت زوينة فحالك 🙈
جيهان : شوفي شوفي درية ضحكة اتوصلها حتى لودنيها شفتي شفتي شحال و انا نقولك مكيبغيهاش
فتيحة : عائشة خاصك تخوي بالك من نوصير و تبعدي عليه اه نقولو بصح مكيبغيهاش ولكن كيبقاو مخطوبين شنو اتفرقيه على خطيبتو سمحيلي ولكن هادشي ميبغيه لا الله لا عبدو
عائشة : خليني انفرح فخاطري ضاروري ما تنكديها عليا
جيهان : ولكن سمحيلي افتيحة نوصير مكيبغيش لارا و أكيييد كاينة شي خطة كبيييرة ورا هادشي و اللي خلا نوصير يتنازل و ياخدها
عائشة : و هادشي اللي قالي فاش سولتو علاش خطبتيها قالي ايجي نهار المناسب و انقولك علاش
جيهان : شتي هاللي قلنا و الا كان هادشي صحيح يعني مخاسش العقروشة دلارا تديه
فتيحة : اواا مااعرت انا قلت عا داكشي اللي بالي
هاد الهدرة كاملة سمعاتها لارا اللي كانت واقفة مور الباب كتصنت شداتها السخفة بالفقصة طلعات لبيتها كتجري واللي لقاتو قدامها هرساتو مخلات تا حاجة كانت فوق الكوافوز واحد صينية فيها بزااف دروايح هزاتهوم كولهوم لاحتهوم فالأرض و المكياج و الفيزان كولشي
جيهان و فتيحة سمعو صداع طلعو عندها كيجريو
جيهان : (كتدق عليها ) لارا شنو واقع
لارا : والو غير طاحتلي صينية اللي فيها ريحات و تهرسو
جيهان : ياك موقعلك والو
لارا : (دارت على وجها ابتسامة كتخبي بيها الغضب اللي فداخل ديالها و خرجات عندهوم) نو نو موقعلي والو احبيبة غير رتاحي (قالت هادشي و هبطات )
فتيحة : (دخلات ) تي هادشي كولو مهرس و كاتلك غا ريحات
جيهان : باينة سمعاتنا 🤤
فتيحة : اوييلي و كضحكي ناري مشات فيها عويشة جري هبطي قبل ما يقتلو بعضياتهوم انا انجمع هادشي
جيهان : هههههه واخا واخا 😂
🔥 الجزء الخامس و تلاتون 🔥
مشات جيهان عوالة تعتق شي روح ساعة ملقاتهاش معاها
جا نوصير و معاه دراري تعشاو و كلسو فجردة جماعين اما لارا دارت راسها مفخبارها والو مرا مرا كتخنزر فالبنات
جيهان كانت واقفة فالكوزينة مع البنات كيصاوبو العشا و هو يوصلها ميساج فطيليفونها من عند أمين
أمين : حبيبة
جيهان : وي بب
أمين : فين راك
جيهان : راني مع البنات فالكوزينة كنوجدو العشا
أمين : هاي هاي حبيبتي حادكة
جيهان : شوية و صافي هههه
أمين : ههه مهم شنو فكرتي فداك الموضوع باش نهدر مع نوصير فيه
جيهان : اويلي واش باغي تهدر مع نوصير هنا بغيتيه يجي يقتلني
أمين : نتي غا جاوبي بأه ولا لا الباقي عليا
جيهان : امم وي 🙈
أمين : و أخيييرا هههه كنبغييييك ❤❤❤❤
جيهان : حتى انا 😍😍
حطات طيليفون هزات راسها لقات عائشة و فتيحة كيشوفو فيها
جيهان : مالكوم ؟ 😅
عائشة : شنو اللي خلاك ضحكي هاد ضحكة كولها 😌
جيهان : امين 😳
فتيحة : تي مالو
جيهان : غيقول الخويا باللي باغي يخطبني 🤭
عائشة : (جات تزغرت و هي تسكتها) اويلي خليني نزغرت اختي
جيهان : سكتي واش باغا تشوهيتي مع خويا
عائشة : اوا هاء ياك اصلا غيقولهالو
جيهان : اييه ولكن راه مخاصوش يعرف باللي كان كيهدر معايا فهمتو الكلاخ
عائشة : اااه واخا احح و اخيرا قريب ياكلك أمين الحلوة شحال و هو صابر مسكين 😂
جيهان : سكتي سكتي كتحشميني 🤭
عائشة : نتي كتحشمي نتي اوا افتيحة نتي فوقاش مهيدو ديالك ايخطبك ؟
فتيحة : صراحة معمرو جبد معايا موضوع دزواج كل ليلة كنهدرو ابيل ومعمرو قال باللي كيفكر فزواج
عائشة : اوا الا مقالهاش هو قوليها نتي جبدي معاه الموضوع دزواج
جيهان : بصح افتيحة داك مهدي من خلال ما عاودلي عليه أمين وااحد زهواني داير فحال فيراس يعني الا مطرتيش بيه دغيا طيرلك بيه شي عقروشة
فتيحة : يكون خير انشاءالله
🔥 الجزء السادس و تلاتون 🔥
🔥 عند دراري 🔥
أمين : (باغي يهدر و خايف من ردة فعلو ) احم نوصير
نوصير : وي
أمين : اا بغيت نهضر معاك فشي حاجة
نوصير : مالك من صباح و نتا تقرق عليا دوي غا دوي
مهدي : اش تما اساط 😉
أمين : سكت نتا مدويتش معاك مهم نوصير نتا خويا و عارفني شكنسوا و انا خوك و من صغر و حنا كنعرفو بعضياتنا ووو
أمين : مهم نجيك ماللخر انا احم بغيت نخطب منك ختك جيهان على سنة الله و رسوله
نوصير : (ناض شنق عليه ) شناهوا اولد القحبة كتغضرني فضهري و حاط عينك على ختي
مهدي : بروجولة مصدقتيش نتا واحد زامل منك ماكان
أمين : اشمن غضرتك واش صفابا طلق مني انوصير
نوصير : (شافو فبعضياتهوم هو و مهدي و طاحو فالأرض بضحك ) 😂😂😂😂😂😂
أمين : (مفهم والو ) دب علاش كضحكو
نوصير : واش منيتك ازبي اتكون كتهدر مع ختي و فداري و مغتكونش فراسي 😂
أمين : كيفاش
مهدي : ههههههه اصلا حنا من اللول فراسنا كولشي
أمين : متقلقتيش ؟
نوصير : (ضربلو على كتفو ) نتا خويا ماشي غير عشيري و عارفك عمرك غتفكر تأديها داكشي علاش تايق فيك ناوي المعقول
أمين : شو ولد القحبة عارف و مخليني انا كنبيض و نحير
مهدي : هههههه اوا اصلا هادشي اللي بغينا 😂
نوصير : كنا كنتسناو هاد اللحضة بفارغ صبر باش نطلعوها عليك 😂
أمين : هي دب قابل ؟
نوصير : من جيهتي انا نعطيهالك و عيني مغمضين
أمين : (ناض عنقو غيطير بالفرحة ) خويا نتا خوياا ههههه
نوصير : نتا امهدي فوقاش ناوي 😉
مهدي : ساليتي معاه ضرتي ليا انا 🙄 وا فوقاش ناوي نتا نيت 😉
نوصير : شغنوي متلا
أمين : اصاحبي بصح وليتي متقرب من عائشة بزاف و كتهدر عليها بزااف اش تما
مهدي : سكت هاهيا غتسمعك لارا تمشي تعمر الياقوت عليك 😂
نوصير : شكون قالك نتا بعدا هادشي
أمين : اش سحابلك الخبار كولها كتوصلني 😇
مهدي : و طبعا الخبار اللي كتوصل لمهدي كتوصلني أنا أيضا 😇
نوصير : ديك اللفعة دجيهان حتى نتفاهم معاها
أمين : شناهواا راه برب تننن👊
نوصير : اجي جرب ما نهرس خويا توحشتي العصا من عندي 😂
مهدي : بلااما تقلب الموضوع اهدر 😌
نوصير : شنو غنقولكوم ؟زعما على عائشة
أمين : اه اصاحبي دوي راه حنا صحابك زعما و مولفين نعاودو لبعضياتنا
نوصير : (حط راسو على لفوطوي و غمض عينو ) احم مهم من أول نهار شفتها قلبي ضرب ليها حاولت منبينش و حاولت نخبي حبي ليها للأبد ولكن مقدرتش فينما كنشوفها قلبي كيعاود يضرب من جديد فينما نشوفها كنحس براسي لأول مرا غنشوفها قلت زعما تقدر لارا تنسيني فيها ولكن مقدرتش نمحيها من قلبي نهار جا فيراس كنشوفو مقرب منها كنحس بعقلي وقلبي غيخرجو من بلاصتهوم بالغيرة ماللخر كنبغيها ادراري
Tags:
51