الجزء الثالث عشر
جا يوم جديد حامل فطيارتو بزااف ديال الأحدات اللي تقدر نوعا ما تغير مجرا القصة للأسوء و نوعا ما للأفضل ناضت الياقوت و لارا صبااح بكري و جمعات الخدامات و منهوم عائشة طبعا
الياقوت : بلاما نطول فالموضوع بزاف ليوم اتكون خطوبة نوصير و الغزالة ديالي لارا
عائشة : (هزات راسها شافت فيها بصدمة) هاا
لارا : (شافت فعائشة اللي ولات كتصفار و تخضار و دارت إبتسامة إستفزاز ) كيف سمعتي احبيبة
الياقوت : مهم دب شوية ايجيب طريطور كاع داكشي اللي خاص ليل نبغي كولشي يكون واجد فجردة
لارا : و بدلو هاد الحوايج و قادو حالتكوم ليوم غيجيو ناس مهمين بزااف منبغيش يشوفوكوم بهاد الحالة
الياقوت : يالله سيرو لخدمتكوم
كلشي مشا غير عائشة اللي بقات واقفة و مصدومة ممتيقاش شنو سمعات
عائشة : (رجليها خواو بيها كلسات و شدات فراسها ) الله ياربي شنو درت فحياتي تا كنتعدب هاكدا😭😭
الياقوت : (طلعات عند نوصير كتدق ) نوصير نوصير
نوصير : (كان واقف فشرفة ديال بيتو بالبينوار معصب و كيكمي ) دخلي
الياقوت : (دخلات ) كح كح نوصير عارفني عندي الحساسية
نوصير : شكون قالك اجي عندي
الياقوت : احتارمنيييي
نوصير : ( لاح الكارو و دار شاف فيها و خنزر ) خاصك تعرفي باللي مزال لحد الآن محتارمك
الياقوت : ياااك اسيدي لا متحترمنيش ضربني ضربني داكشي اللي بقا شوف انا ليوم فرحانة اك مباغاش نتعصب مهم انا مشيت وجد راسك
نوصير : (بضحكة إستهزاء)نتي اللي تفرحي
خرجات الياقوت وزدحات الباب و نوصير بقا على تفس الوضعية واقف فالشرفة و كيفكر
⏩⏩⏩⏩⏩فلاش باك ⏩⏩⏩⏩⏩
بضبط فسويد كالسين فالبيرو دشركة نوصير و أحمد أب لارا
نوصير : (مكشكش ) دب جيني نيشان شبغيتي تقصد
أحمد : اللي بغيت نقصدو راه مفهوم انوصير يا غتزوج بلارا يا الشركات ديالك كولهوم ايوليو بسميتي ؟
نوصير : (ناض شنق عليه ) شناهوا يا ولد القحبة و بشمن صفة غيوليو بسميتك
أحمد : طلق مني و احتارم راسك (جبد ملف من المجر ) هاد الملف فيه كولشي و لكن الا تزوجتي بيها كولشي غرجعو ليك
نوصير : بلاتي تسنا ازامل هاني راجع ليك (خرج من البيرو و دوز ابيل لمو )
الياقوت : وي نوصير
نوصير : واش فخبارك داك ولد القحبة دراجل ختك
الياقوت : (قاطعاتو) وي نوصير فخباري هضر معايا صبح
نوصير : اااه هي دب نتوما ديجا متافقين
الياقوت :(بدات كتبكي دموع تماسيح 😏) نوصير قبل اولدي عافاك ما قبل راه الا مشاو شاركات غنوليو على الدس واش تبغي يجينا سيزي 😭😭😭
نوصير : شوفي دب بلا بكا واش منيتكوم باغيني نتزوج بلارا نتي عارفاني معنديش معاها و مكنبغيهاش
الياقوت : ولكن هي كتبغيك و مستعدة دير مستحيل على ودك و تيقني عمرك تلقا فحال لارا
نوصير : مستحيل نتزوج بيها
الياقوت : واخا الا مفكرتيش فراسك و مفكرتيش فيا فكر أفختك و مستقبالها 😢
نوصير : (قطع عليها و رجع للبيرو ) قولها توجد راسها غدا ارجع للمغريب
أحمد : اوا ديرها من اللول
نوصير : (ضرب يدو مع طبلة ) قسما برب الكعبة و مكانش على وجه ختي جيهان كون دفنت ربك هنا
يالله خرج نوصير هز أحمد طيليفون و عيطلها
أحمد : الخطة ديالنا نجحات
الياقوت : و أخيييرا 😍 كون سحابلي هاكدا كون درنا هادشي شحاال هادي
أحمد : هههه اوا هاحنا ولينا نساب مبروك علينا
⏪⏪⏪⏪⏪الحاضر ⏪⏪⏪⏪
عند عائشة
طلعات عائشة عند جيهان لقاتها مزال ناعسة
عائشة : جيهاان جيهان
جيهان :(حطات مخدا على وجها ) امم خليني نعس
عائشة : (تنهتات ) اييه اختي سعداتك نتي اللي تنعسي
جيهان : (لاحت المخدة و ناضت ) عويشتي مالك
عائشة : (نزلو دموعها ) علاااه نتي مفخبارك والو 😢
جيهان : (كلسات) لا ختي مفخباري والو شفت هاد دار ولا فيها كل نهار و مفاجئة شواقع عاوتاني
عائشة : اوا الالة مبروك عليك خوك ليوم عندو الخطوبة
جيهان : شناااهواا شمن خطوبة عاوتاني
سمعو دقان
جيهان : شكوون
الياقوت : انا
جيهان : دخلي اماما
عائشة سمعاتها ناضت تخبات فطواليط حيت محاملاش تسمع نكيرها
الياقوت : جيهان نوضي وجدي راسك
جيهان : علاش غنوجد راسي ؟
الياقوت : ليوم الخطوبة دنوصير و لارا
جيهان : (وقفات لعندها) مبقيت فاهمة والو فهاد دار مرا نوصير جايبها معاه مرا غيخطبها مع العلم عمر نوصير مبغا لارا انا متأكدة عندك يد فهادشي كااامل
الياقوت : اول حاجة هادشي ماشي سوقك فيه تاني حاجة غتنوضي توجدي راسك قبل ما يجيو ناس وبلاما تحاولي تهدري بلا خبارك (خرجات و خلاتها غير كتشوف )
عائشة : (خرجات من دوش ) هادشي اللي قاتليك هو اللي بغيت نقولوليك
جيهان : ميمكنش ميمكنش نوصير مكيحملهاااش كيفاش دب عندو خطوبة معاها لا لا خاسني نمشي نسولو
عائشة : (شداتلها يدها ) بلاما تحاولي كون مكانش باغيها كاع مغياخدها
جيهان : (عنقاتها ) ميبقاش فيك الحال
عائشة :(بحزن) عادي
جيهان : عرفتي اليوم ايجيو بزاااف درجال أعمال لابااس عليهوم و تيتيزين انقادليك باش طيحي شي واحد فيهوم و تفقصي نوصير كيفما فقصك هههههه
عائشة : واش منيتك علاش ايتفقص متلا شنو انا بنسبة ليه واالو مجرد خدامة كتخدم عندو جيهان خوي من بالك انا نوصير ايكون مع عائشة شي نهار نوصير و عائشة شي حاجة مستحيلة
الجزء الخامس عشر
بدات جيهان كتوجد راسها بمساعدة عائشة اما لارا جابت أحسن مصممة أزياء و أحسن ميكاب أغتيس عالله تطلع زوينة شوية 😂 الليل بدا كيطيح و الخدامات قادو طبالي و الضواو و ديكورات كولشي مقاد هو هاداك اما نوصير ماللي خرج صباح مزادش بان
ناس بداو كيجيو شوية بشوية و الياقوت واقفة فالباب دالفيلا كترحب بناس الجردة ولات عامرة بالناس و الخدامات كل مرة شنو كيسربيو الحلاويات و المشروبات و حتى شراب
عند عائشة و جيهان
عائشة : (بإبتسامة ) جيتي زوينة بزاف
جيهان : بصصح
عائشة : والله اصلا نتي زوينة
جيهان : (كانت كالسة كتشوف راسها فالمراية ضارت عندها ) عائشة سمحيلي بزاف
عائشة : علاش شنو درتيلي ؟
جيهان : حيت شوفي نتي الحالة اللي فيها و انا كالسة كنقاد فراسي
عائشة : جيهان نتي مدرتيلي والو و زايدون الخطوبة ديال خوك خاصك تكوني فرحانة و مقادة
جيهان : امم نفرح ولامن للارا هههه فالأحلام و اجي نقادليك
عائشة : لا لا مافياش اللي يدير شي حاجة والله
جيهان : واش منيتك اتهبطي عند ناس هاكدا صفرا كلسي كلسي نقادلك كلساتها قاداتلها لماكياج و و بوكلاتلها شعرها و جمعاتولها شوية
جيهان : وااو جيتي واعرة
عائشة : ياا جيهان داكشي اللي ناقصني زيدي زيدي نهبطو
جاو لبنات يهبطو و هوما يطلاقاو لارا
لارا : جيهان جييتي زوينة
جيهان : (بإبتسامة صفراء )مغسي حتى نتي
لارا : نتي شنو كديري هنا سيري قضي شغالك
عائشة : نتي ماشي شغلك
لارا : هاي هاي ياكما نسيتي راسك راكي غير خدامة عندي نقضر فأي لحضة نجري عليك
جيهان : لارا عائشة معايا و ماشي من حقك تهدري معاها بهاد طريقة
لارا : جيهان متدخليش ولا غنقولها لمامي الياقوت
جيهان : سيري قوليهاليها
جرات عائشة و هبطو لجردة
جيهان : اححح شوفيلك ياختي تيتيز
عائشة : داكشي اللي بقا اجي شداكشي لابسة ديك خيتي قوة الألوان فحال قوزو قوزح
جيهان : شكون لارا ههههه كيسحاب راسها كتلبس داكشي واعر و هي اكتخربق
عائشة : ولاهيلا
لارا : (جات عند الياقوت ) مامي فين نوصير
الياقوت : ااا معرفتش والله معرفت من صباح و هو غابر و طافي طيليفون ديالو
لارا : نوو ميمكنش فين ايكون مشا شوفي ناس كولشي جا و هو مزال
الياقوت : صبري نتسناو شوية
لارا : اووه راهو جا
عند عائشة و جيهان
جيهان : ناري معرف فين نوصير يااربي يديرهالهوم على قد يدهوم و ميجيش 😂😂😂
عائشة : (كتنغزها ) جيهان جيهان نوصير جا شوفي شوفي شكون جا معاه
جيهان : (هزات راسها تصدمات ) نااري ميمكنش
فتيحة كانت فالبيت كتقلب على مكياج دعائشة باش تقاد راسها كيف قالت ليها الياقوت جبدات فونطوتان دارتها و دارت مسكرة و عكار لبسات حوايجها و خرجات غادة كتقلب على خديجة تا تساطحات فشي حد
🔥الجزء الرابع عشر 🔥
الشخص : اوه سمحيلي واش قصحتك
فتيحة :(حالة فمها فيه) ها لا لا
الشخص : امم اك ممكن تنعتيلي على الطواليط
فتيحة : هاا ااه شوف سيير نيييشان غا دور على يدك ليمن غتلكاه
الشخص : واخا شكرا ( مدليها يدو) بالمناسبة أنا مهدي و نتي ؟
فتيحة : متشرفين انا فتيحة
مهدي : شرف ليا ازوينة
فتيحة : (حشمات ) احم نخليك
♤عند جيهان و عائشة ♤
جيهان : نااري أمين أعائشة شنو كيدير هنا وشنو كيدير مع خويا
عائشة : تانا فحالي فحالك معرفتش
جيهان : (جراتها قبالتها) ناري خبعيني عنداك يشوفني
عائشة : مفهمتش شنو علاقة أمين بنوصير
جيهان : شوفي أنا انطلع لبيتي و نتي بقاي متجي حتى تجيبيلي خبارو
عائشة : واخا واخا
مشات جيهان كتجري طلعات لبيتها و عائشة بقات واقفة
عائشة : ( شافت لارا تلاحت على نوصير كتعنقو ) تفو سيرو انا بغيتلكوم تونية
جرات لارا نوصير و أمين داتهوم لعند الياقوت
الياقوت : نوصير شهاد تعطيلة
نوصير : كانت عندي شي خدمة
الياقوت : امم واخا 😬
أمين : (مد يدو للياقوت سلم عليها ) مدام الياقوت أنا أمين صاحب نوصير
مهدي : (جا من اللور ) و أنا مهدي صاحب أمين و نوصير
الياقوت : مرحبا بيكوم 😊
أمين : (همس لمهدي فودنو) فين اختافيتي أصاحبي ضرنا ملقيناكش
مهدي : من بعد و نقولك
الياقوت : نوصير عمرك عرفتينا على صحابك
لارا : وي بصح
نوصير : مجابتهاش و صافي
أمين : لارا فين عائلتك مجاوش ؟
لارا : نوو ميقدروش يجيو دب على قبل الخدمة حتى للعرس و غيجيو
مهدي : (غالباه ضحكة ) و غيجيو حتى فسبوع
لارا : وي إنشاء الله 😆
نوصير : (كيخنزر فيهوم بجوج مكرهش يتلاح عليهوم قرب لعند مهدي و هدر بهمس ) برب تا نحويك و يحضرو فسبوعك نتا اللول
عويشة كانت كتقرب لحداهوم بشوية بشوية وطالقة ودنها هزات تبركيكة و طلعات كتجري لعند جيهان لقاتها كتطل عليه من البالكون دبيتها و مرا مرا الا طلع عينو كتهرب راسها
عائشة : (قربات ليها بشوية و بقات كتشوف فيها ) الله يستر
🔥الجزء الخامس عشر🔥
جيهان : اووف ناري خلعتيني أزمرة (جراتها للداخل ) عاوديلي شنو كاين فين كيعرفو و شكون هاداك اللي معاهوم و شنو كيقولو
عائشة : (كلسات فوق الفراش ) ياختي تصدمت شوف سبحان الله دنيا شحال صغيرة استعدي للمفاجئة
جيهان : (عضات على شنايفها ) ناري خلعتيني قولي قولي دغيا
عائشة : واخا هانتي أمين صاحب نوصير و هاداك اللي معاهوم سميتو مهدي و تاهوا صاحبهوم يعني بتلاتة بيهوم صحاب وعلى مكيضهرلي بتلاتة بيهوم بيست فراند ولا معرف أش كتقولولها
جيهان : لا صافي كمالت اوييلي و يسيق بينا لخبار كنهضرو ينحرنا بجوج (ناضت كتمشي و تجي و تاكل فضفارها )
عائشة : واش نتي حتى صحاب خوك معارفاهومش 😒
جيهان : ورااه نوووصير هادا متعرفي لا صاحبو لا صاحبتو لا فين كيمشي لا فين كيجي ودليل هاهوا دب شوية ايتخطب بلارا و انا مسقت لخبار حتى لنهار بنهارو
عائشة : (شدات فراسها ) اووف كلسي دوختيني
جيهان : (كلسات و جبدات تيليفونها كتخربق فيه ) هادا هو الحل
عائشة : شنو كديري دب
جيهان : انبلوكيه من ليزابيل و من كولشي باش ميبقاش يعيطلي
عائشة : (حيداتلها طيليفون) واش حماقيتي راه هادا ماشي هو الحل
جيهان : ياك الالة اوا أتينا بالحل من عندك
عائشة : هانتي هبطي دب وقفي حداهوم و تصرفي عادي الا سلم عليك سلمي عليه الا مسلمش متحاشيهالوش
جيهان : اويلي واش نتي باغا تخرجي عليا
عائشة : اجي فكري دب معايا منطقيا واش غيقولو راني كنهدر مع ختك انوصير
جيهان : اووف زعما ميوقع والو
عائشة : متخافيش غا هبطي و توكلي على الله
جيهان : و يالله معايا
عائشة : يالله ولكن نتي اتمشي عندهوم بوحدك حيت ديك مك و ديك الصفريطة يمشيو يقولولي شي هدرة مغنستحملهاش فهاد ساعة نرونها معاهوم
جيهان : واخا واخا زيدي يا جعواقة
هبطو لبنات وقفات عائشة كتسربي مع الخدامات و تمات جيهان غادا بتقالة لعدنهوم كتحس براسها غادة فسيراط
🔥الجزء السادس عشر 🔥
هز راسو و شافها جاية تصدم
أمين :( بهمس ) دراري راه درية اللي عاودتلكوم عليها
مهدي : وايلي شنو كدير هنا
نوصير : فينها
جيهان: (قربات عند نوصير ) ااا خويا
امين : (مصدوم) ااا لا غا وحدة كتشبهلها
نوصير : (عنقها و باسها ) حبيبتي فين كنتي
جيهان : كنت غير فبيتي
مهدي : شنو سميتك ؟
جيهان : (شافت فأمين ) ااا انا جيهان
مهدي : (مدلها يدو ) متشرفين
نوصير : بربي و ما تجمع يدك تا ندفن ربك هنا
مهدي : هههههه متخافش ختك فحالا ختي اساط
أمين : سمحولي انا جاي
مشا أمين لجردة اللور و صونا على جيهان
جبهان : (بقات تابعاه بعينها حتى ختافا شافتو كيصوني قطعات عليه و عاود صونا )
نوصير : شكون ؟
جيهان : ااا غير عائشة كتعيطلي معرف اش بغات انا نمشي نشوفها و نجي
مشات جيهان لبعيد و جاوباتو
جيهان : ألو
أمين : اجي عندي دب اللور دجردة
جيهان : اك
مشات جيهان لللور كتقلب عليه حتى لقاتو بوحدو واقف حدا لابيسين
جيهان : احم
أمين : (دار عندها ) جيهان
جيهان : وي ؟
أمين : علاش مقلتيهاليش اجيهان قبل علاش مقلتيليش نتي خت نوصير
جيهان : هاء باش غادي نعرف نتا صاحبو
أمين : (شد فراسو ) اووف تفوو على زهر
(قرب ليها و شد ليها وجها ) جيهان انا كنبغيك و بزااف ولكن نوصير ماشي غير صاحبي نوصير راه كتر من خويا منقدرش نغضرو
جيهان : دب ماللخر شنو غنديرو ؟
أمين : معرفتش معرفتش شوفي دب سيري عنداك يشوفنا شي حد فالليل نعيطلك و نهدرو فهادشي
جيهان : واخا واخا
أمين : (باسها فحنكها) كنبغيك
مشات جهان لعند عائشة و أمين رجع لعند دراري
لارا و نوصير ركبو لخواتم لبعضياتهوم إلخ... و هاكدا دازو مراسم الخطوبة مشاو ناس فحالهوم عائشة بدات كتجمع مع الخدامات سالاو و مشاو فحالهوم ينعسو و خرجات عائشة لجردة كلسات فكرسي حدا لابيسين تكات و بقات كتشوف فنجوم سارحة بالها لبعيد محسات براسها حتى نعسات بالعيا دازت ساعتاين او كتر عاد جا نوصير من عند صحابو دخل للفيلا و هو يشوفها فاللول معرفهاش حتى قرب عندها بقا كيشوف فيها كانت ناعسة فحال ملاك سرح فوجهها بلا ميحس حط صبعانو بشوية و حيدلها شعر على وجها عائشة حسات بيه ناضت فازعة
عائشة : شنو كدير
نوصير : (وقف دار يدو فجيبو و ضار كيشوف فلابيسين ) كنت باغي نفيقك
عائشة : اك
نوصير : (جات تمشي و هو يشدلها يدها ) عائشة واش مقلقاك شي حاجة ؟
عائشة (بضحكة إستهزاء ) هه انا شكون قالك مقلقة لا مامقلقاش بالعكس أنطير بالفرحة
نوصير : مزيان داكشي اللي بغيت 😊
عائشة : (خنزرات فيه تمات غادة و هي تشوف ضو شاعل عند جيهان طلعات عندها )
عند جيهان كانت ناعسة و هو يصونيلها طيليفون
جيهان : (شهلات ضو و جاوبات ) ألو
أمين : سلام جيهان واقيلة فيقتك
جيهان : احم ماشي مشكيل
أمين : مهم فكرت مع راسي مزييان و كنضن لقيت الحل الا كان مناسبك طبعا
جيهان : وي قول كنسمعك
أمين : امم احم مهم انخطبك من خوك
جيهان : (بصدمة ) كيفاش
أمين : تسناي انقولو باللي ماللي شفتك فبايلة عجبتيني
عائشة : (دخلات و كلسات حداها كتسناها تسالي الهدرة ) (بهمس) شنو شنو قالك
جيهان : (دارتلها بيدها بلاتي ) ولكن راه ميمكنش نوصير ميمكنش يتقبلها
..... يتبع
الجزء السابع عشر
عائشة : (دخلات و كلسات حداها كتسناها تسالي الهدرة ) (بهمس) شنو شنو قالك
جيهان : (دارتلها بيدها بلاتي ) ولكن راه ميمكنش نوصير ميمكنش يتقبلها
أمين : (تنهت ) نتوكلو على الله و يكون خير ياك نتي بعدا قابلة ؟
جيهان : صراحة انا كنحس بشي حاجة من جيهتك ولكن مزال ما متأكدة منها
أمين : كيضهرلي فحالة زربت عليك واقيلة هههه ؟
جيهان :ههه شوية مزال خاصني نفكر فهادشي
أمين : امم مهم الالة خودي وقتك الكامل فكري مع راسك و فوقما لقيتي لجواب صوا بأه صوا بلا علميني
جيهان : واخا إنشاء الله
أمين : كنبغ احم بونوي جيهان ❤
جيهان : بونوي
جيهان : (قطعات عليه و دارت عند عائشة عاوداتهلها كولشي)
عائشة : نااري مسكين بااينة كيبغيك
جيهان : ويييه داكشي اللي كنشوف كون كان شي حد بلاصتو و يعرفني خت نوصير كون راه بلوكاني و شد طيارة هرب لشي جايحة 😂
عائشة : اوا شفتي ويااك تفلتيه أجيهان ويااك و اجي لاش كالسة كتمرضي فسيد حقاا مزال باغا نفكر حقا مزال ما متأكداش ياك كتبغيه واقوليلو قابلة
جيهان : احم ضاروري نجرجرو شوية ميمكنش نقبل بهاد سهولة مالي رخيسة 😌
عائشة : شو درية تيقات راسها
جيهان : هههههه (تفوهات) صافي خليني نعس
عائشة : يالله بونوي القردة أنا مشيت فحالي
خرجات عائشة من عند جيهان و هبطات لبيتها دخلات لقات خديجة كتشخر و فتيحة مزال فايقة
عائشة : فتيحة شتك مزال فايقة مامولفاش ليك
فتيحة : تي عا مجانيش نعاس و صافي
عائشة : (كلسات حداها) امم متأكدة شوفي و كان
فتيحة : احم كيفاش و علاش كتسولي اصلا ماشي سوقك سيري تركدي و هنينا
عائشة : فتيحة الا كنتي باغا تعاودي شي حاجة انا هنا متنسايش باللي انا ختك واخا
دخلات عويشة دوشات و لبسات بيجامتها و مشات تنعس
الجزء التامن عشر
عند نوصير
كان كالس فبيتو ببينوار ديال الدوش و شاد بيسي كيخدم فيه و حداه كاس ديال فودكا مرا مرا كيجغم منو مهي الا دقائق حتى دخلات عندو لارا لابسة بينوار و تحت منو دوبياس
لارا :( باستو من فمو و كلسات حداه) موناموغ مزال منعستي
نوصير : (عينو فالبسي) مزال
لارا : علاش
نوصير : (لا رد )
لارا : مهم راه هدر معايا فراس و قالي باللي غدا غيجي
نوصير : مزيان
لارا : اووف و حيد داك البيسي و أجي عندي (حلات لبينوار و عضات على شفايفها بطريقة مغرية) راه توحشتك بزااف
نوصير : (حط بيسي و ناض عندها لاحها فوق فراش و بدا كيبوس فيها و حتى هي كانت متجاوبة معاه شوية بعدات فمها ) مالك ؟؟؟
لارا : علاش فاش كتكون ناعس معايا كتغمض عينك ؟
نوصير : معرفتش
لارا : اك ماشي مهم (جراتو لعندها و هاكدا كملو ليلتهوم فالسفالة 🔥 حتى بدا يطلع صباح عاد نعسو)
☀️أصبحنا و أصبح الملك لله ☀️
فاقت الياقوت و جيهان و كلسو كيتسناو لارا و نوصير باش يهبطو و عائشة كتحط الفطور
جيهان : اوف عائشة طلعي فيقي نوصير راه بغينا نفطرو
هبط نوصير ولا راه حداه(عفوا لاصقة فيه فحالة ايطير ليها 🙂)
لارا : صباح الخير
الياقوت : صباح الخير حبيبة
نوصير : (خربقلها شعرها و كلس حداها) هانا القطيطة مالك مزروبة
جيهان : ورااه فيا جووع
لارا : جيهان خاصك تبعي دايت و تنقصي من الماكلة شوية بديتي كتغلاضي
جيهان : اييه و نتي خاصك تزيدي من الماكلة شوية نخافو شي نهار طيري لينا من شرجم الله يحفض و صافي 😊
نوصير : (غلباتو ضحكة )
لارا : (مرضاتش ) احم هاد طاي اللي عندي كيحسدوني عليها ليمانكان
جيهان : لا باينة 😁
الياقوت : جييهان حشمي
لارا : هانتي كتشوفيها امامي انا غير نصحتها و هي كالسة تعايرني 😔
جيهان : الالة متنصحينيش ديري خير فراسك و نصحي راسك
الياقوت : سكتوونا
لارا : مامي راه فيراس جاي فطريق
الياقوت : فخباري قالتهالي ماماك (شافت فساعة ) قرب يوصل
لارا : (دارت عند نوصير ) حبيبة غتديني نطلاقاه فالماطار ياك
نوصير : فاش يجي اتشوفيه
لارا : عافاااك
نوصير : هدرة وحدة راه قتلها مامساليش
الياقوت : سيري مع شيفور
لارا : داكشي اللي اندير 🙁
جيهان : (بهمس) غتلاقاو الوازير
الجزء التاسع عشر
نوصير : (وقف و باس جيهان فحنكها ) قطيطة خاسك شي حاجة ؟
جيهان : (كتقلي سم لارا بعينها اللي بغات طرطق ) لا مبغيت والو
نوصير : مالك هاد الأيام وليتي كتهدري معايا هاكدا ؟
جيهان : والو
الياقوت : اضسرات هاديك و صافي
جيهان : قتليكوم معندي والو هاء
نوصير : (بهمس) حتى نجي و نشوف اش عندك يالله انا مشيت
لارا : (محملاتش راسها حيت مداهاش فيها ) حبيبة فوقاش اترجع
نوصير : (مجاوبهاش و مشا خارج شاف عائشة واقفة حدا دروج غمزها و زاد )
جيهان : (غلباتها ضحكة ) احم
الياقوت : ايسالي خدمتو احبيبة و غيجي
لارا : (ابتاسمات بزز) اه واخا ☺
الياقوت : عائشة اجي جمعي هادشي (شافت ساعة) لارا يالله نمشيو راه خوك قرب يوصل
لارا : اتمشي معايا امامي ؟
الياقوت : اه يالله زيدي دغيا
جيهان : ماما انا انخرج ندير شوية دشوبينغ
الياقوت : واخا متعطليش نجي نلقاك فدار
لارا : خسارة اما كون مشيت معاك احبيبة مي حتى لمرا خرا 😘
جيهان : انشاء الله (شافت فعائشة اللي كانت كتجمع طبلة و غمزاتها زعما سربي باش نمشيو )
عائشة : (فهماتها و حركات راسها بواخا )
طلعات لارا لبسلات حوايجها بزربة و هبطات تبعات لياقوت باش يمشيو للمطار
جيهان : اووف تخنقت بنفاق تفو
عائشة : عجبني فيها نوصير هههه
جيهان : تانا ياختي بردلي قلبي (ناضت حيداتلها داكشي من يدها ) تي زيدي دغيا لبسو حوايجنا خلي هادشي لوخرين يجمعوه
عائشة : واخا اجي واخا نديو معانا فتيحة ؟
جيهان : شنااهوا فتيحة منيتك ولا كضحكي
عائشة : لا منيتي والله لبارح كانت مقلقة معرفتش مالها و ليل كولو منعساتش حسن تخرج باش تبدل الجو شوية
جيهان : اهاه تمشي معانا ولكن منين طاح عليك هاد الحب كامل من جيهتها
عائشة : وراه كما كان الحال كتبقا ختي واخا غير من بابا ولكن تيقيني فتيحة حنينة والله و قلبها بيض غير مها الله يهديها اللي زرعات فيها هاد الكره من جيهتي
جيهان : هانا غنبدا نغير تاني 😒
عائشة : ههههه اوا صاافي
جيهان : و سيرو دغيا وجدو باش نمشي قبل ما تجي الياقوت
🔥الجزء التاسع عشر 🔥
عائشة : عندك ليها بعدا شي حاجة تلبسها حيت حوايجي كبار عليها شوية
جيهان : اه قولها طلع عندي
عائشة : واخا واخا
دخلات عائشة لبيت باش تلبس حوايجها و هي تلقا فتيحة كالسة كتخمم
عائشة : فتيحة مالك عاوتاتي
فتيحة : (فاقت من سهوتها) والو
عائشة : (قربات عندها ) شوفي انا عارفاك مباغاش تعاوديلي و مغاديش نضغط عليك حتى تبغي نتي تعاوديلي بخاطرك مهم نوضي لبسي حوايجك نمشيو
فتيحة : شناهوا تي فين انمشيو ؟
عائشة : (كتبدل حوايجها و كتهدر) انمشيو مع جيهان ندورو شوية و نشريو شي حوايج
فتيحة : لا مبغيتش غا سيرو
عائشة : وا زييدي افتيحة خرجي بدلي الجو شوية متبقايش افدار
فتيحة : لا
عائشة : (كتصاوب وجها و شعرها) اك بخاطرك اممم خاصنا ندوزو انا و جيهان نشريو المكياج تسالا ليا (بلعاني قالت هاد الهدرة حيت عارفة فتيحة كتمووت على المكياج )
فتيحة : اا احم شنو البس ؟
عائشة : (ضارت عندها ) اتمشيي معانا ؟؟؟
فتيحة : امم اه
عائشة : يالله نطلعو عند جيهان راها وجداتلك شنو تلبسي
طلعات عائشة فتيحة لعند جيهان عطاتها شنو تلبس وقداتلها شعرها و دارتلها مكياج خفييف
جيهان : هاي هاي افتيحة جيتي زويينة
فتيحة : بصح
جيهان : وييي
عائشة : ياك الغدارة
جيهان : ههههه نتي اصلا ديما زوينة و زيدو لانتعطلوو
خرجو البنات ركبو مع جيهان فطوموبيلتها و مشاو نيشان لواحد البوتيك معرووف و فيه دااكشي غاالي المكياج الحوايج الصيكان الصبابط ليغوب كولشي كولشي
جيهان : لبنات بلاما نوصيكووم هزووو اللي بغيتووو مضربوش حساب لوالو يالله انا نمشي نشوف داك لاغوب من صباح و انا عيني فيها 😍
مشات جيهان كتقيص لاغوب و فتيحة دخلات لبلاصة دالمكياج رريوكها طاحو و بقات غير كتهز اما عويشة دازت على المحال كامل كل حاجة كتهز منها سالاو شوبينغ ديالهوم من بعد عااام 🙂 وخرجو كيدورو حتى بدا كيطيح الليل عاد عاقو براسهوم باللي تعطلو
جيهان :(ركبات فطوموبيل ) نااري يالبنات تعطلنا ليوم الياقوت تجري عليا انا وياكم 😂
فتيحة : تي فرحانة و كضحكي من الفوق لا صافي ليوم لخرا لينا
عائشة : (شافت فجيهان و تفرشخو بضحك) 😂😂😂😂😂😂
فتيحة : توما مالكوم
عائشة : هههههه عرفتي افتيحة ديما كنخرجو انا و جيهان و مكنرجعو لدار تا لنصاصات ليل و شحال من مرا حصلاتنا كتعطينا معيورة و كتنقي لينا و دنينا
جيهان : ولاهيلا و كنخليوها تهدر تا كتعيا و كتسكت 😂
فتيحة : امم وبلا بيا 😒
عائشة : اوا راكي عارفة مكنتش كنتيق فيك كنخافك لاتشكمي بينا ههههه
فتيحة : اييييه
جيهان : هههه مهم بدلتي الجو شوية
فتيحة : اه
عائشة : مبقيتيش مقلقة ؟
فتيحة : احم اصلا انا مامقلقاش
جيهان : فتيحة الا كانت عندك شي حاجة عاودي لينا انا بعدا حسبيني فحال ختك اما عائشة راها اصلا ختك يعني معندك مناش تخافي
فتيحة : نهار تيقو فيا نتوما و تعاودولي حتى انا انعادلكوم (نزلات من طوموبيل و تمات داخلة للفيلا)
جيهان : مالها عاوتاني
عائشة : مديهاش عليها نزلي نزلي
نزلو لبنات و تبعو فتيحة داخلين للفيلة مع دخلة لقاو كولشي كالس لارا و فيراس و الياقوت
🔥الجزء العشرين 🔥
فيراس : (صفر ) (بهمس)شكون هاد تيتيزة
لارا : هاديك جيهان
فيراس : عارف جيهان كنهدر على هاديك سمرة اللي حداها ديك اللي عامرة شوية
لارا : (شافت فيه ) منيتك مكانش سحابلي كيعجبوك الخدامات
الياقوت : (وقفات عند جيهان و صرفقاتها تا طاحت )
جيهان : (شدات فوجها ) ايييي
الياقوت : اول حاجة قتلك نجي نلقاك فدار تاااني حاجة ياك شحااال من مرا كنقووولك فوتي عليك الخدااامااات حيت مقامهوم ماشي من مقامك
فيراس : (ناض عندهوم ) خالتي تهدني
جيهان : (وقفات خنزرات فيها و طلعات فحالها لبيت كتجري)
عائشة : علاااش ضربتيهااا هي مداارت والوو
الياقوت : نتييي بضبط غتسكتي حيت صاافي حتى لهنا صبري تقاضا معاك ولكن صافي لقيتلك الحل باش تبعدي من بنتي بجوجكوم اتجمعو حوايجكوم و اتمشيو مع فيراس (قالت هاد الهدرة و طلعات فحالها)
فتيحة : فين انمشيو معاه
عائشة : معرفتش افتيحة معرفتش اووف
فيراس : (كيشوف فيها بإعجاب ) اتمشيو معايا للفيلة ديال نوصير
عائشة : و علاش انمشيو معاك و شنو غنديرو تما اصلا
لارا : (ناضت مربعو يديها و الفرحة خارجة من عينها ) هههههه اتمشيو ترتاحو عيتو امساكن
فتيحة : كيفاش
لارا : (طلعات فيهوم و هبطات ) ياكما تيقتي اتمشيو تخدمو بين سيغ حيت سهمكوم سهم خدامات للأسف ههههههه (خرجات للجردة )
فيراس : متديوهاش فلارا راه واخا هاكاك قلبها بيض
عائشة : قلبها بيض سير ضحك على شي واحد آخر مكيعرفهاش ماشي علينا
فيراس : ههههه مهم سيرو وجدو راسكوم و جمعو حوايجكوم باش نمشيو
فتيحة : و ماما
فيراس : معرفتش سولو خالتي
عائشة : لا لا بزاف هادشي (طلعات كتدق على جيهان ) جيهان حلي أنا عائشة
جيهان : عائشة خليني بوحدي عافاك
عائشة : و حلي ضارورييي
جيهان : (ناضت حلات ليها لباب ) مالك
عائشة : (عنقاتها كتبكي ) هئ هئ
جيهان : (دخلاتها و سدات الباب ) اويلي مالك شنو واقع
عائشة : ماماك جرات علينا من هنا
جيهان : اويييلي واش حمااقت و فين اتمشيو
عائشة : انمشيو مع داك فيراس للفيلا ديالو
جيهان : فيلا ديالو ؟ كيفاش فيراس معندوش فيلا هنا فالمغريب
عائشة : زعما للفيلا دنوصير
جيهان : هووف خلعتيني سحابلي جرات عليكوم فمرا مهم الا كان غير للفيلا دنوصير كوني هانية راها غا هنا بجوج خطوات انبقا نجي نطل عليكوم كل ساعة
عائشة : وراه هي اصلا جرات علينا باش تفرقني انا وياك
جيهان : اوالله لاكانت ليها والله و نقولها لنوصير تا يديني بزز منها
عائشة : بصاااب اجي بعدا شكون هاد فيراس واش خو لارا
🔥 الجزء الواحد و العرشرون 🔥
جيهان : لا ولد خالي
عائشة : و علاش كتقولو خويا
جيهان : حيت دب فيراس ماماه و باباه اللي هو خالي دارو كسيدة و هو كبر مع لارا داكشي علاش كتقولو خويا
عائشة : اااه اجي علاش مقلتيليش باللي نوصير عندو فيلا
لارا : قلتهالك شحال هادي انسيتي
عائشة : و علاش مساكنش فيها
جيهان : حيت ماما مبغاتش ولكن ديما كيكون تما صوا مع صحابو صوا بوحدو 😉
عائشة : اممم مزيان و علاش هاد فيراس بغا يمشي لتما
جيهان : حيت كيبغي يبقا بوحدو باش يبقا عاطيها غا لحوا ولبنات
عائشة : هي هاد فيراس شي زهواني
جيهان : كتر مكتصوري
عائشة : مهم انا انمشي نجمع حوايجي
جيهان : واخا سيري انا لبس حوايجي و نتبعكوم
عائشة : واخا
هبطات عائشة جمعات حوايجا هي و فتيحة و تسالمات مع ماماها (خديجة) بقا كيتسناو جيهان حتى جات كتسلت باش متشوفهاش لياقوت و داتهوم للفيلا لقاو فيراس كالس كيتسناهوم
فيراس : جيهان شكديري هنا ؟
جيهان : بغيت نجي لدار خويا سوقك
فيراس : لا ولكن خالتي فخبارها
جيهان : لا ولكن تقولهالها انتخاصم معاك 😊 لبنات زيدو نوريكوم لبيوتة ديالكوم (طلعو )
فيراس : تفووو بقيتيلي غانتي فالحساب
🔥عند نوصير 🔥
جا هو و مهدي و أمين للفيلا و عوالين يقصرو فشي ماتش فبلاي
مهدي : دراري كنسمع الحس لداخل
أمين : وييه حتى انا
نوصير : ايكون افيراس
أمين : علاش فيراس جا
🔥 الجزء الثاني و العشرون 🔥
مهدي : وايلي (دخل عندو ) تا فييين اساط
أمين : توحشناك القرد
فيراس : علاش جيتو
نوصير : شناهوا
فيراس : زعما كون غير قلتوها
أمين : حنا براسنا مكانش سحابلينا باللي راك هنا
مهدي : علاش ياكما 😉(سحابلو معاه شي بنت)
فيراس : (حك راسو ) لا لا
نوصير : شكون الفوق ؟
🔥عند البنات 🔥
جيهان : اوا و هادا بيت نوصير ااه هاد البيت مكيحملش اللي يدخلو عنداك تقولو باللي وريتو ليكوم هههه
فتيحة : تي مالو مضلم هوكا لاش صابغو بالكحل
جيهان : شتي هاد اللون الكحل اللي كتشوفي كينطابق على شخصية نوصير حتى هو مضلم فحالو و متقدري تفهمي ولا تعرفي عليه والو غير ضلاام
عائشة : ياختي هادشي شحال واعر حسن من فيلا ديالكوم بميات مرا
جيهان : وييه اوا راه مصممينها أحسن المصميمين فالمغرب و ديكورات مصممين خصيصا ليه ماشي فحال الفيلا ديالنا ماما اللي ختارت فيها كولشي حتى من البيوتة ديالنا ماما اللي ختارتهوم نوصير معقداه شوية هاد المسألة داكشي علاش شرا هاد الفيلا و دار فيها كااع داكشي اللي هو باغيه
فتيحة : اوا هادشي زيين صراحة
جيهان : اجي نوريكوم واحد الحاجة هههه (جراتهوم و دخلاتهوم لواحد البيت كبييير فيه ترية كبيييرة و ناموسية كبييرة و فيه واحد شرفة و الحمامات و بزااف ديال البيوتة كل واحد و ديالاش واحد فيه ريحات و واحد فيه الصبابط و السيكان و واحد فيه الحوايج مهم وااعر بجهد )
عائشة : واااو هاد البيت شحال واعر
فتيحة : (ريوكها طاحو ) تي تاعمن هادا
جيهان : ههه هادا ماما دارتو من بعد صرااع طوييل مع نوصير
فتيحة : لاش زعما مفهمتش
جيهان : زعما نهار اللي ايتزوج ايولي ينعس فيه ولكن مسكين هاد البيت من نهار تصاوب مادخلو شي حد 😂
فتيحة : اوا دب تجيلو داك صفريطة دلارا تاخدو بارد
عائشة : ( حسات براسها تخنقات و فحالة جاتها البكية ) (تنهتات) احم يالله البنات نهبطو
فتيحة : عويشة مالك صفاريتي
جيهان : (عاقت بيها سدات الباب دالبيت ) يمكن احيت مكلاتش و صافي يالله نهبطو نوجدو شي حاجة
🔥الجزء الثالث و العشرون 🔥
فتيحة : اييه واخا تانا جاني جوع(جرات عائشة) زيدي يلمسخوطة لاتسخفي لينا
جيهان : (تمات هابطة مع لبنات ) فيراس حنا غنوجدو شي حاجة ناكلوها نوجدو ليك معانا ؟
أمين : (بصدمة) جيهان
نوصير : (بشك) شكديرو هنا ؟؟؟؟؟
فيراس : ااا احم كنت انقولهالك و هوما يهبطو
نوصير : (تعصب و شنق عليه ) شنااهوا شكتخور عليا ختي جيهان شنو كدير معاك
فيراس : (نترلو يدو ) تهدن اصاحبي أنا انشرحلك
مهدي : نوصير تهدن
جيهان : نوصييير طلق منو واش منيتك نتا عارف باللي فيراس فحال خويا تسنا غير نشرحولك
نوصير : (طلق منو ) هدري نسمع
جيهان : هانتا دب ماما سيفطات جيهان و فتيحة باش يوليو يخدمو هنا
أمين : و نتي شنو كديري هنا
جيهان : (شافت فيه ) نتا ماشي سوقك (رجعات شافت فنوصير ) و انا غير جيت معاهوم وصلتهوم و غرجع فحالي
نوصير : دب شكتخربقو عليا شنو جابهوم لهنا و علاش ايخدمو هنا اصلا و الفيلا كتبقا خاوية
جيهان : سير سول ماماك الياقوت قالك اسيدي بغات تبعدني على عائشة
نوصير : (بضحكة إستهزاء ) ماشي نتي المستهدفة واخا انا انوريها
جيهان : (بعدم فهم) كيفاش ماشي أنا المستهدفة ؟
فيراس : نوصير انا مدرت والو راه ماماك اللي بغات
نوصير : (خنزر فيه ) نتا بعدا غير سكت ازامل عارفك شنو باغي داكشي اللي عندك فداك دماغ فاهمو وحافضو
(قال هاد الهدرة و خرج )
مهدي : نوصييير فين غادي اصاحبي
أمين : (قرب عند جيهان ) من بعد و نتفاهمو على هادشي
جيهان : (خنزرات فيه و مشات عند عائشة ) ازمر واش فهمتي شي حاجة
عائشة : بالعما
🔥 الجزء الرابع و العشرون 🔥
🔥 عند نوصير 🔥
مشا نيشان للفيلا عند الياقوت دخل معصب بعجاجتو الخدامات كولهوم مشاو للكوزينة خافو منو
لارا : (عنقاتو و دفعها ) بب مالك
نوصير : الياقوت (بجههد ) اليااااقووووت
الياقوت : (نازلة من دروج ) مالنا شوااقع مالك على هاد الغوات
نوصير : (خنزر فيها ) شنو كتحاولي ديري
الياقوت : مفهمتش
نوصير : (بالغوات ) علااااااش سيفطتي عائشة مع فيراس
الياقوت : اول حاجة مترفعش عليا صوتك تاني حاجة اه سيفطتهوم و ماشي شغلك نصيفط اللي بغيت
نوصير : قتلك علاااش
الياقوت : احم حيت بغيت نبعدها على جيهان
نوصير : مبغيتيش تبعديها على جيهان بغيتي تبعديها عليا انا
لارا : كيفاش
الياقوت : اااه ااااه باش نبعدها عليك و نبعدها حتى على جيهان حيت هادشي بزاااف بزاااف نتا فينما نشوفك لقاك كتشوف فيها ولا ساهي اما جيهان تصبح بيها و تمسي بيها ولادي مقامهوم ماشي من مقام خدامة والله كون مكانوش وصية تهامي كون جريت عليهوم شحاال هادي
نوصير : متجبديش سميتو على فمك (خنزر فيها) كنكرهك عرفتي علاش حيت نتي انانية كتبغي غير راسك كتبغي كولشي يمشي كيفما نتي بغيتيه كولشي خاصك تحكمي فيه كووولشي خاص تمشيه على هواك عرفتي شنو هاد دار اللي جامعاني بيك هانا خليتهالك ( تم خارج )
الياقوت : الا خرجتي من هاد دار عمرك تفكر ترجع ليها
نوصير : (وقف مع الباب عاطيها بضهر ) لا فموتك ولا فموتي
لارا : نوصييير
الياقوت : لارا تبعيه متخليهش يضيع منك
لارا : واخا امامي كوني هانية (خرجات تابعاه )
Tags:
51