جا نهار جديد فاقو لبنات بكري كيوجدو جيهان يالله فاقت مشات لعند مها للفيلا
جيهان : (دخلات لقات الياقوت كالسة كتقرا الجريدة باستها و كلسات حداها ) ماما
الياقوت : نعام
جيهان : واش مزال ما وجدتي
الياقوت : لشنو غنوجد ؟
جيهان : كيفاش لشنو غنوجد واش كتسطاي عليا ياك عيطتلك لبارح فليل و قتلك باللي امين غيجي يخطبني
الياقوت : (حطات الجريدة و شافت فيها ) انا مغنمشي لحتى بلاصة غنبقا فداري و اللي بغا يخطبك مني يجي لعندي لهنا
جيهان : ماما واش حماقيتي راه خاصهوم يخطبوني من راجل ديال دار يعني نوصير ماشي منك و نتي عارفاه مغاديش يجي لهنا واخا تنطابق سما مع الأرض
الساقوت : كلمة وحدة اللي عندي راني قلتها بغا يجي مرحبا مبغاش يجي هو يعرف (وقفات و تمات طالعة لبيتها )
جيهان : (تبعاتها كتبكي ) حشومة عليك هادشي اللي كديري فيه هوما غيخطبوني انا انا بنننتك ماشي ربيبتك عافاك اماما ما أجي
الياقوت : سيري رغبيه هو يجي
جيهان : مغيبغيييش و زايدون حنا وجدنا كولشي تما
الياقوت : (دخلات لبيتها و سدات الباب )
جيهان : كنكرهك حتى لنهار اللي غنفرح فيه بكيتيني فيه هئ هئ هئ😭😭😭 (خرجات من الفيلا كتبكي مشات نيشان للفيلا دنوصير )
عائشة : (طلاقاتها فالباب ) اويلي جيهان مالك شوااقع
جيهان : زعما معرفتيش مالي
عائشة : شنو دارتلك عاوتاني 😏
جيهان : مبغاتش تجي للخطوبة شنو غنقول لناس شنو 😭😭😭
عائشة : (مسحاتلها دموعها و عنقاتها ) شووت صافي ماتبكيش اجيهان ليوم خاصك تكوني فرحانة
فتيحة : تي مالك اصكعة
عائشة : ديك العقروشة دالياقوت مبغاتش تجي
فتيحة : اهيا ناري و مخاصكش تبكي ليوم حيت فال خاايب تبكي نهار خطوبتك
جيهان : مالي لخاطري افتيحة لخااطري
عائشة : صافي مسحي دموعك و طلعي وجدي راسك راه قربو ناس يجيو و هي حتى الا مجاتش كاين خوك نوصير معاك و حنا معاك معندك مديري بيها و بصداعها
جيهان : بصح عندك الحق (مسحات دموعها و طلعات لبيتها)
🔥 الجزء التامن و تلاتون 🔥
فتيحة : مسكينة بقات فيا لاش كدير لولادها هوكا انا كون كنت بلاصتها نوقف كولشي حتى تجي مي خدوج
عائشة : (تنهتات ) اوا الله يديرلها اللي فيه الخير يالله نكملو شغالنا
مشاو لبنات كيقادو داكشي فطبلة مخلاو ما صاوبو المملحات الحلويات العصائر و قادو الفيلة وكوولشي صاوبوه على حقو و طريق العشية تعاشات و جا نوصير ولارا و فيراس طلعو بدلو حوايجهوم و كلسو كيتسناو ناس
💍عند البنات 💍
عائشة : (سالات ليها ميكاب و كتقادلها بابيليز) جاك ميكاب زويين و حتى شعرك جا كيحمق 😍 اطط نصورك (جبدات طيلي ديالها و صوراتها )
جيهان : (شدات ففمها) ناااااري حقا نسيييت ما وجدتش شنو نلبس (ضربات راسها بالخف ) اووف اووف مشات من بالي
عائشة : تفو خلعتيتي سحابلي شي حاجة (حلات لماريو و جبداتلها قفطان ديال جوهرة فالبلون كاسي مطروز بالراندة ) امم هاد القفطان مع هاد البليغة
جيهان : (مصدومة) وااو شحاال زوين منين جبتيه😮
عائشة : (بإبتسامة حزينة) هاد القفطان كانت خيطاتولي ماما الله يرحمها و خبعاتولي باش ماللي نكبر نلبسو فالخطبة ديالي مي ماتت قبل ما تشوفني بيه
جيهان : الله يرحمها ولكن ماماك خيطاتو ليك نتي ميمكنش لبسو انا
عائشة : (تنهتات هبطاتلها دمعة من عينها مسحاتها بالخف و مداتلها القفطان ) شدي شدي لبسي دغيا مبقاش لوقت لهاد الهضرة دب
جيهان : واخا واخا (دخلات لبلاصة دتبدال لبساتو و خرجات عندها ) كيف جيت ؟ (مشات كتشوف فالمراية ) نااري حمقني هاد القفطان ماماك دوقها زوييين 😍
عائشة : واااو جيتي واعرة واعرة 🤤🤤 ليوم أمين يدوووخ 😉
جيهان : (حشمات ) بصح بصح 🤭
فتيحة : (حلات لباب و دخلات ) وااا درياات وتوما فينكوم راه ناس جاو
عائشة : اوااه جااو ويلي و عاد جاية كتقوليها
جيهان : ناري حشومة واقيلة تعطلنا على ناس
فتيحة : لا متخافوش راه عاد دخلو دب (شافت فجيهان ) هايهاي جيتي تهبلي
جيهان : شكرا 😍
عائشة : شتك تيقتي راسك الخيبوعة😒
جيهان : تفوو مالك مغيارة حسدتيني على جمالي تبركالله عليا و خلاص 😌
عائشة : لا ضسرتي اشعيبية ضسرتي
جيهان : نضسر على العالم كاامل و منضسرش عليك احبيي (سيفطاتلها بوسة فالهواء)
عائشة : (رداتهالها) مواح اوحيبوكي
فتيحة : (حطات يدها فوق راسها ) سلااامة معاكوم سلااامة معرفناكوم كدابزو ولا كتحابو
عائشة و جيهان فنفس الوقت : كنتقلونو 😂😂😂
جيهان : (ضربات فمها ) ناري علمتوني تخسار الهدرة و انا واحد الفتشاتش محتشرمة
عائشة : اييه نتي كتعرفي القرد منين كيكفت زيدو قدامي زيدو مخلين ناس كيتسناو
🔥 الجزء التاسع و تلاتون 🔥
هبطو لبنات دخلو نيشان للكوزينة هزات جيهان صينية فيها القهوة خرجاتها ليهوم و هي حانية راسها و حشمانة فرقاتها عليهوم ماللي وصلات لأمين سلمات عليه باليد مقدراتش حتى تهز فيه راسها بالحشمة لبنات بقاو واقفين كيطلو من الكوزينة ماتو عليها بضحك
نوصير : (شاف فجيهان ) اجي حدايا
جيهان : واخا امم لارا واخا تكحزي شوية
لارا : (كحزات ) وي وي كلسي احبيبة 😊
جيهان : مغسي (كلسات حداه وحشمانة منو )
الحاجة زهرة (مامات أمين) : فين ماماكوم لالة الياقوت ؟
نوصير : (بهمس ) فينها ؟
جيهان : (تحرجات ما لقات ما تقول ) اا احم ماما
الياقوت : (دخلات مع الباب ) السلام عليكم
الكل : وعليكم السلام
جيهان : (تصدمات ) ماما
الحاجة زهرة : لالة الياقوت اش خبارك لاباس عليك
مهدي : كتعرفو بعضياتكوم ؟
الحاجة زهرة : ههههه اييه لالة الياقوت معانا فالجمعية
أمين : بصح صدفة زوينة هادي
الياقوت : طبعا مرحبا بيكوم 😊
زهرة : ربي يخليك المهم بما أن الياقوت حضرات ندخلو فصلب الموضوع ياك اولدي نوصير
نوصير : احم مرحبا
زهرة : اوا اولدي نتا عارف باللي الأب ديال امين متوفي و ولات المسؤولية عليا انا داكشي علاش جيت اليوم و ناوية نطلب بنتكوم جيهان لولدي أمين الا قبلتو طبعا
نوصير : ويي الحاجة عارف اللي كاين اوا الا كان الأمر كيتوقف عليا انا راني موافق من دب حيت امين راه خويا و عارف عليه كولشي منحتاجش عاد نفكر ولا نتردد
الحاجة زهرة : لالة الياقوت شنو رأيك و نتي ابنتي جيهان سمعينا صوتك و شاركي معانا رأيك زعما نتي هي المعنية بالأمر
جيهان : (كتلعب بصبعها ) اا احم اللي درتوها
الياقوت : (قاطعاتها) الحاجة زهرة هاد القرار ماشي ديال صغار القرار الاول و الأخير ديالنا حنا و حنا اللي معنيين بالأمر حيت حنا اللي عارفين مصلاحتهوم كتر منهوم
الحاجة زهرة : الله ياودي طبعا القرار لأول و الأخير ديالك
الياقوت : (شافت فجيهان و شافت فأمين ) المهم نديرو دب الخطبة و العرس ايكون فصيف
أمين : (كيجر مو من جلايلها ) قولي ليها لا قولي ليها لا
الحاجة زهرة : (نترات يدها و نغزاتو شافت فالياقوت و دارت ضحكة صفرة ) اا اههه الله ياودي كلامك هو الكبير
جيهان : (كتنغز نوصير) نوصير
نوصير : اوا هي نقراو الفاتحة
الكل : (قراو الفاتحة)
نوصير : (باس ختو فراسها ) الله يكمل عليك بالخير القطيطة ديالي (ناض تسالم مع امين ) عشيري مبروك عليك
امين : الله يبارك فيك اساط (شاف فعائشة ورجع شاف فيه و دوا بهمس ) عقبا ليك 😉
نوصير : اميين ههههههه
الحاجة زهرة : ولكن بلاتي حنا ماجيناش غير على ود جيهان
فراس : (بهمس) ياكما اتخطبلو جوج
لارا : معرف شووت خليني نفهم
الياقوت : كيفاش
الحاجة زهرة : كيف سمعتو
الياقوت : الحاجة شكتقصدي
الحاجة زهرة : (شافت فعائشة و فتيحة ) شكون فيكوم فاتيحة
فتيحة : انا اخالتي
الحاجة زهرة : تباركالله تباركالله اوا ولدي مهدي تهضر نتا ولا نهضر انا
مهدي : ههه لا غا هضري اخالتي
نوصير : (شاف فيه و ضحك ) درتيها القرد
الحاجة زهرة : وااخا هي اللولة اوا حنا اسيدي طالبين راغبين ففتيحة لمهدي الا قبلتو على سنة الله و رسوله
الياقوت :(قاطعاتها) انا جيت لهنا على ود خطبة بنتي جيهان معندي علاقة فشي حد آخر و الا بغيتو فتيحة سيرو خطبوها من مها (ناضت غتمشي )
جيهان : (بهمس) ماما كلسي حشومة
نوصير : خويا مهدي فتيحة عندها ختها و هي اللي خاص تخطبها منها
عائشة : (جات من الكوزينة و حلات الباب ) بصح انا تها ولكن ها اللي خاص طلبوها منها
خديجة : (دخلات ) السلام عليكم
الكل : و عليكم سلام
جيهان : خالتي جيتي
خديجة : عيطاتلي عويشة جيت كنسبك
مهدي : (عيا صابر و هو يدوي) خالتي واش نتي قابلة تعطيني فتيحة
خديجة : و فين عائلتك اولدي
مهدي : (تزير ) احم عندهوم شي ضوروف ميقدروش يجيو
الياقووت : قول مبغاوش يخطبولك خدامة 😏 (ضحكات باستهزاء و كلسات )
خديجة : اه ماشي مشكيل اوليدي الله يحسن العوان مهم نتا صاحب ولدي نوصير يعني فحالك فحالو بجوجكوم ولاد ناس و الا جيتي عليا انا عاطياهلك و عيني مغمضين
فتيحة : (نقزات ) حتى انا قابلة
عائشة :( نغزاتها ) اويلي ترزني
زهرة : يويويوووو اوا مبرووك عليكوم كاملين اوليداتي
لارا : اوا تسناي اخالتي متغرتيش دب حتى تكمل الفرحة (جبدات طست) حبيبي نوصير مامي الياقوت انا حااملةةة هههههه
الياقوت : واش بصصح مبروووك عليك احبيبة لالة زهرة اراي شي تزغريتة
..... يتبع
🔥 الجزء الأربعون 🔥
زهرة : مبروووك مبروك يويويوووو
عائشة : (بقات مصدومة طلعات كتجري لبيتها و دموع محجرين فعينها )
نوصير : (ناض عندها خطف الطيست من يدها و تاكد) شناهوا دب هادشي شنو (جرها من يدها بجهد و خرجها للجردة )
لارا : ايي يديي احبيبة قصحتيني مالك واش مفرحتيش ولا عندنا بيبي 😍
نوصير : شهاد القلاوي ياك كتشربي دوا ديال منع الحمل كيفاش حتى حملتي
لارا : ااه كنشربو ياك نتا براسك كتعطيهلي قبل مكنديرو شي حاجة ولكن معرفتش كيفاش
نوصير : شحال عندك من شهار
لارا : ااا شهر يمكن
نوصير : كيفاش يمكن ولا زبي انا شهر مقصتك اصلا ايمتا حملتك
لارا : ااا يمكن اخر مرا نعسنا تما باش حملت ابب
نوصير : (بدون رد)
لارا : (باستو ودخلات ) مامي بغيتيه يكون ولد ولا بنت
الياقوت : اللي جا من عند الله مرحبا بيه احبيبة 😉 تسناي نعيط لماماك و باباك نقولهالهوم باش حتى هوما يفرحو معانا
مهدي : (خرج هو و امين كيقلبو على نوصير ) نوصير نوصير
امين : اصاحبي ياك قلتي مغتحملهاش
نوصير : (ضرب يدو مع الحيط وتم طالع)
مهدي : اجي اصاحبي فين غادي
نوصير : هانا جاي (طلع لعند عائشة)
عائشة : شكون
نوصير : (كيدق ) عائشة حلي انا
عائشة : شنو بغييتييي
نوصير : حلي بغيت نهدر معاك
عائشة : (مسحات دموعها و حلات ليه الباب) شنو بغيتي
نوصير : (دخلها و سد الباب) علاش كتجمعي حوايجك فين غادة ؟؟؟؟؟
عائشة : ماشي سووقك قول شنو بغيتي دغيا
نوصير : (غوت) دويييت مع ربك فين غاادية
عائشة : (جاوبوتو بنفس نبرة الصوت) و تانا قتلللك ماشي سوقك و مزال جاي عندي بلا حشمة بلا حيا
نوصير : عاائشة انا شهر مقصتهاش ومنعست مع حتى شي وحدة احتراما ليك و حيت واعدتك نهار اللخر اللي نعست معاها حملات شنو بغيتي ندير مكتاب الله تصرف
عائشة : اسيدي تحمل ولا متحملش حياتكوم هاديك مسوقيش
نوصير : سمعييي كما كان الحال هاداك ولا هاديك اللي فكرشها كيبقا ولدي من دمي ولحمي منقدرش نفرط فيه غتبقا معايا حتى تولد و غنسيفطها فحالها
عائشة : قتلك ماسوقيش انا غنخلي ليكوم هاد الدار و ديرو اللي بغيتو نساني من بالك دير باللي عمرك عرفتيني و غير خليكوم مع بعضياتكوم الله يكمل عليكوم بالخير
نوصير : (بعد عليها ورجع خنزر) عائشة داكشي اللي عندي قلتو بغيتي تبقاي و تسنايها تا تولد بقاي مبغيتيش نتي تعرفي طريق قدامك (قال هاد الهدرة و خرج )
عائشة : كنكرههههك كنكرههههك (هزات فاز وشيرات بيه ) 😭😭😭😭😭😭
جيهان : اويلي عائشة شنو واقع مال نوصير خرج سعران دخان خارج من ودنو
فتيحة : تاعمن هاد الباليزة هاويلي فين غادة اصكعة
عائشة : (شافت فيهوم )البنات نتوما لقيتو شركاء حياتكوم الله يكمل عليكوم بالخير الله عالم شحال فرحت ليكوم ولكن انا ممكتابليش نفرح فحياتي و جا الوقت باش نرجع منين جيت (عنقاتهوم) ردو البال لراسكوم
جيهان : اويلي شكتخربقي فين غتمشييي
فتيحة : اصكعة فين باغا تمشي اجي واش حيت لارا حاملة ؟
عائشة : داكشي مبقاش كيهمني افتيحة و عافاكوم البنات بلا اسئلة بزاف (ضارت كتكمل جميع حوايجها)
جيهان :(حيداتلها الباليزة) راه معندك فين تمشيي غير كلسي بلاصتي و اصلا الكلبة تصاحبي مع فيراس و فقصيه غير بالبرودي
عائشة : الااا فيراس مكنحملوش اصلا مبقيتش قادرة نستحمل ديك العوجة و بلاما تزيدو تحاولو راه غنمشي واخا تنطابق سما مع الارض منزيدش دقيقة فهاد الفيلا
فتيحة : ياك اختي ياك بغيتي تخليني بوحدي 😭
جيهان : اووف شغنقولك اختي عارفاك راسك قاصح و مكرهتش نمشي معاك ولكن 😢
عائشة : لا لا حتى وحدة مغتمشي معايا انمشي بوحدي انا قادة براسي (هزات باليزتها لبسات جلابتها و تمات خارجة )
جيهان و فتيحة : 😭😭😭😭
♤ التحت ♤
جيهان : نووصيررر قولها متمشيش عافاك
نوصير : (خلاهوم و طلع فحالو )
لارا : باي باي احبيبة 😌👋
فتيحة : (بهمس) لما طيحتو لك بالفقصة راني ماشي فتيحة بنت خدوج
فيراس : عائشة فين غادة
عائشة : فيراس بلاما تحاول تهدر معايا هاد ساعة عطيني تيساع
فيراس : واخا غير قوليلي فين غادة نوصلك
عائشة : المحطة
فيراس : فين غاضة بضبط
عائشة : (خلاتو و زادت )
فيراس : صافي صافي
تبعها و ركب فطوموليل و ركبات حداه ديمارا نيشان للمحطة بلاما يهدر معاها حيت عرفها معصبة و الا نطق غتهبطلو فطريق
فيراس : وصلنا عائشة هافاك قوليلي فين غادة
عائشة : فيراس بعيت نمشي فحالي تخنقققت بغيت نرتاح
فيراس : واخا نخايك على راحتك (جبد نمرتو ) هادي نمرتي عافاك عيطيلي مرا مرا و متطوليش الغيبة عافاك
عائشة : (شداتها من عندو) انشاء الله
فيراس : (باسها فخدها ) بسلامة و تهلاي فراسك و الا حتاجيتي اي حاجة عيطيلي
عائشة : (خلاتو كيهدر و نزلات ) تفووو (مسحات البوسة)
....يتبع
Tags:
51