لعبة الحب والقدر (الجزء الاول) | قصص مغربية

اسم ديالي وفاء شرف
عمري:18 سنة من مدينة فاس
 قصة كتهدر على جوج كيبغيو بعضياتهوم ولاكن قدر فرقهوم .عاشوا أحداث كتيرة ومشاكيل كبيرة بسباب أعداءهوم ولاكن كيتحداوهوم وكيفوز الحب ديالهوم رغم العراقيل لشافوها
😚الجزء الاول 😙
😍😍أجمل ما في الحياة أن نعيش الحب الحقيقي لكن الأصعب أيضا أن يكون للقدر رأي أخر ..... فيكون من الصعب علينا العيش بين هذا وذاك ... منتضرين بفارغ الصبر أن نجتمع بتوأم روحنا .... أملا في إستنشاق عبير الحب والعيش بسعادة رفقة من نحب .. أحببتك وأحببتني .. هل سنجتمع معا أم للقدر رأي أخر ؟؟؟
Youness 😍😍

الأم : بنتي فيقي خلاص صاحبتك أسماء كتعيط ليك
وفاء : ماما قولي لها تطلع على ما نلبس حوايجي
ماما : أوكي دغيا 
أنا لبست بزربة كسوة فالكحل شال فالأحمر أو سبرديلا فالحمر لقيت صاحبتي كتسنى فيا 
أسماء : على سلامة لكسولة 
أنا : الله يسلمك مالكي جايا على نبوري
أسماء : بغيتك أحبيبة تخرجي معايا نتلاقا حبيبي عماد 
أنا : واش نتي هبلتي ماما متخلينيش نخرج أو نفرضو مشينا نبقا أنا بوحدي أو نتي تسركلي مع بوركابي ديالك 
أسماء : لا أحبيبة هو مجايش بوحدو جاي معاه صاحبو أو بحال خوه أو كلسي نتي وياه تهضرو
وفاء : أنا بنتلك مساليا معندي ميدار 
أسماء : عفاك أحبيبة بليز هادي هي الصحبة 
أنا : أوكي بففف أطط نقولها ماما 
مشيت قولتهالها وافقات حيت كتيق فيا بزاف أو دارتلي أسماء شوية ديال مكياج ولاكن بسيف حيت أنا مكنبغيهش
نسيت معرفتكومش براسي بعدا أنا وفاء بنت طويلة مي ماشي بزاف أو بيضة لون عيني عسلي شعري شوية زعر عندي حفاري دزين وطايتي زوينة كنشكر فراسي زعما هه عايشة حياة متالية معندناش ومخصناش والحمد الله ديما ضاحكة واخا هاد قلبي البيض ديما كيأديوه الناس حيت كنتيق بزربة 
مهم خرجنا أنا وأسماء شدينا طاكسي أو وصلنا لواحد جردة زوينة أو فيها بحيرة واعرة بقينا كالسين شوية أو هوما جاو سلمو علينا وأنا غير حادرة راسي جاتني الحشمة 
عماد : مال صاحبتك ساكتة 
أسماء : كتحشم مسكينة هه
عماد : هه يالاه نمشيو نخليو ياسر هو ليعرف ليها هه
مشاو أو خلاونا بوحدنا 
ياسر : الزويونة مالكي ساكتة متخافيش مغديش ناكلك هه 
(بتاسمت ): لا والو غير أنا مكندويش بزاف وصافي 
ياسر : أمم شنو سميتك ؟؟
سميتي وفاء ونتا 
سميتي ياسر فخبارك بلي سميتك زوينة ومولاتها زوينة كتر 
أنا : هه شكرا متشرفين أ ياسر
ياسر : شرف ليا الفنيكيشة إوا هزي عينيك شوفي فيا
(شفت فيه بصعوبة )واو تصدمت فيه عرفتو كيهبل داير بحال شي تركي عندو عضلات أو عينية خوضر أو طويل ومبودر أو باش زاد كمل عليا بديك ضحيكا ديالو تايبانو حفاري ديال الزين أححح قلبي
بفف وفاء جمعي راسك باينة فيه متكبر وحاس براسو ... طلب مني نعرفو على راسي مهم بقيت كندوي لو على راسي وهو كيشوف فيا وكيضحك معرفت مالو هه إمكن حيت كنتمتم فالهضرة من قوة الخلعة هه 
حتى هو عرفني على راسو أنا سميتي ياسر عايش فدبي أو واليديا عايشين فالمغرب أنا رجل أعمال شريك مع خويا عماد أو عندي كافي أو عندي جوج خوت أنا هو لكبير فخوتي فعمري 25 سنة أو بدا كيسول فيا وأنا كنجاوب المهم بقينا هاكاك حتى جات أسماء
أممم بنتو ليا بالزربة توالمتو 
(أنا تزنgت ) ياسر بقا كيضحك هه 
أسماء : نوضي أصاحبتي نمشيو راه مشا علينا لحال 
أنا : أوكي يلاه مهم طلب منا ياسر يوصلنا أنا رفضت 
مي هو بدا كيلح حتى وافقت .. بقينا غادين فالطريق أسماء كتعاود مع عماد وأنا غير ساكتة واخا حسيت بلي ياسر كيشوف فيا من مراية مسكين تلفتو ههه ... ملي وصلنا أسماء نزلات سلمات على عماد وأنا وياسر بقينا بوحدنا فاللوطو طلب مني النمرة معطيتهالو حتى شحفتو مسكين مهم وصلنا توادعنا ...طلعت دار و أنا فرحانة أو كنفكر فهاد لقاء لدار بيناتنا فتحت ويفي دخلت مباشرة للواتساب لقيت مساجات من نمرة جديدة عرفتو أيكون ياسر مي غادي نتنز عليه شوية هه 
أنا : سلام صافا شكون معايا وشكون عطاك نمرتي بعدا
ياسر : هه معجب 
أنا : دوي أو لا بلوك 
ياسر بففف 
أنا : ههه أه ياسر كيف داير لباس 
ياسر : لباس الحمد الله توحشتك 
أنا : ياك دبا عاد تفارقنا هه
ياسر : واخا هكاك توحشتك سحرتي ليا 
هه لا حاشا يا لاه هاني مشيت نعاون ماما حتى لمن بعد أو ندويو صافي ... ما جيت نكمل مساج حتى كضربني ماما بواحد صندالة جات فضهري حتى حسيت بضهري تقسم عليا هه 
ماما : فين ألحمارة هاد تعطيلة زغتي أو سبتي أو زيداها بالتلفون من الفوق 
أنا : ماما وغير ملقيناش طاكسي 
ماما : هاد لمرة دازت حمدي الله لي باباك مسافر 
أنا : سمحيلي ماماتي ماح عليك 
ماما : صافي طلعي بدلي أو هبطي تعشاي
أنا أوكي مامي 
طلعت لبست بيجامتي أو هبطت نتعشا أو أنا كنفكر غير فياسر ... تعشيت ساليت أو طلعت بيتي شوية أو هو يصوني ياسر ألو 
أنا : ألو شكون معايا هه 
ياسر : ههه كتنزي عليا ياك 
أنا : هه لا حاشا إوا لاباس عليك 
ياسر : الحمدلله لي سمع هاد الصوت الفنيون أيدوخ هه 
أنا : هه أممم 
ياسر : هه أجي غدا بغيت نتلاقاو منين تخرجي من ليسي 
أنا : سمحلي منقدرش حتى لمن بعد 
ياسر : عافاك بغيت غير نقوليك شي هضرة نتلاقاو حدا مدرسة مع 12
أنا أوكي يا لاه بون نوي
ياسر : أوكي بون غيف الفنيكيشة ديالي 


وصلت للدار تغديت وبدلت كتوباتي ونعست شوية كنت عيانة حيت مقرياش حتى ل 4h وصل الوقت لبست كيطما حيت كان عندي السبور هه دوزت دوك جوج السوايع عاديين ومملين فنفس الوقت إمكن توحشت ياسر حيت كان خدام مدويتش معاه المهم خرجت مع 6h .. تلاقيت بحبيبتي أسماء خرجت أنا وياها درنا فالمدينة شوية دازت خرجة واعرة حماقينا مديال بصح ضحكت من كل قلبي وكنت فرحانة بزاف .... ياسر قدر يبدلني من وفاء المملة لوفاء خرى مفعمة بالحيوية والنشاط هه .. وصلات 7h كان طاح الضلام رجعت للدار لقيت ماما خارجة هنية وراحة باش متسولنيش فين كنت بدلت عليا وكليت شوية بعدا أنا والماكلة قصة عشق لا تنتهي هه .. شوية سمعت التلفون ديالي كيصوني لقيتو ياسر 
أنا : أممم ألو ياسر لباس عليك 
ياسر : لباس الحمد الله ونتيا تقدري تفتحي واتساب صيفت ليك واحد الحاجة 
أنا : أوكي هاني أنشوف 
أوكي (قطعت بالزربة جاني الفضول هه )
أمم أووف هاد الكونيكسيون شادة الضد هه هاهي خدمات لقيت مسيفط ليا واحد فيديو مقادو ليا هو فيه سميتي داكشي كان واعر بزاف فرحني وعجبني الحال مي مبينتش ليه هه 
أنا : أمم شكرا ياسر 
ياسر : هاكا صافي واش معجبكش 
أنا : واقيلا هه 
ياسر : ياك عقلي فيها كتنزي عليا عاوتاني 
هه المهم بقينا كندويو فالواتساب حتى وصلات ديك 10h هكاك طلبت منو يخليني نعس حيت كنفيق بكري مي طلب مني عاوتاني إتلاقاني غدا مع 4h دلعشية قلت ليه حتى نشوف ونعست وخليتو هه نسيت حتى النعاس كنعشقو هه 

أصبحنا وأصبح الملك لله ... شرقات شمس جديدة كيتمناها ياسر تكون شمس ساطعة بالفرحة وتكون بداية لقصتو مع أميرة أحلامو وفاء لي سرقات ليه قلبو بطيبوبتها وقلبها الحنين والحشمة لي فيها سيفط ليها مساج قاليها بلي غادي يتسناها مع 4h ... الوقت مبغاش يتحرك من بلاصتو وأميرنا ياسر بالو مشوش زعما غتقبل بيا أوووف واقيلة غترفضني فكرة كديه وفكرة كتجيبو حتى وصل الموعد المنتضر أنها الرابعة مساءا ماذا يخبئ لي القدر ؟؟ هل سأسير في درب الحب والسعادة ؟؟ أم سأسير في درب الحزن والتعاسة ؟؟
وفاء : دوزت صباح عادي واخا كان بالي مشوش ومقدرتش نركز فقرايتي عقلي كلو مع ياسر لي سلب لي قلبي وعقلي خفت غير ندم ويصدق ياسر حتى هو فحالو فحال هاد الدياب ديال هاد الوقت كيبغيو غير مصلحتهم ... أووف تلفت المهم صونات خرجت مشيت للجردة نيشان بقيت جالسة فواحد البلاصة حتى جا ياسر وجايب ليا معاه بوكي د الورد واو عجبني بزاف كان فالحمر لوني المفضل وأول مرة شي واحد يعطيني الورد حسيت بالفرحة والسعادة ...
ياسر شكرا ليك بزاف 
ياسر : لا مبيناتناش بب تستاهلي كتر من هادشي 
أنا : أممم غتفششني هكا هه
ياسر : ههه غير تفششي ألالة (همس ليا فودني بلي جيت زوينة واخا كانت الخلعة شاداني)
أنا : هه شكرا حتى نتا جيتي زوين 
ياسر : هه نن منكونش فحال عويناتي 
أنا : أمم (حشمت وبغيت نقلب الموضوع هه ) مالك أ ياسر وجهك مخطوف هاكا 
ياسر : ههه لا والو سربي قولي ليا جوابك
أنا : هه علاياش غادي نجاوبك 
ياسر : هه واش قابلة تكون بيناتنا شي علاقة جدية ولا لا 
أنا : أه الصراحة فكرت بزاف ولقيت بلي 
ياسر : بلي شنو ... 
أنا : بلي أنا وياك 
ياسر : أه كملي .. (بشوق)
أنا : أوووف ... سمح ليا 
ياسر : حرام عليك حتى قلت لقيت الحب الحقيقي وتخليتي عليا فنص الطريق ... شكرا على كل لحضة زوينة عيشتيني فيها نتمنى تلقاي ما حسن مني 
أنا : صافي بالزربة سخيتي بيا وأنا أصلا مزال ما نطقت بوالو أوف منك 
ياسر : سمحي ليا مي أنا كان عندي أمل كبير فيك و خدلتيني ... بقيت غادي فحالي وأنا كلي حزن شوية كنسمع ياسر دورت وجهي بزربة حتى كنشوف أميرتي جاية كتجري لجيهتي عنقاتني واش تيقتيني ألحمق أنا راه كنموت عليك .. صافي دورو وجهكم لهيه نتوما ههه 
حبيبتي فخبارك بلي متقلقتش غير قولبتك هه 
أنا : ياك والله لا بقات فيك هه 
بقينا واحد الشوية كندويو وهو شاد ليا فيدي مقدرش إطلقها خافني نهرب ليه هه 
أنا : حياتي مسخيتش بيك مي خاصني نمشي راك عارف 
ياسر : أوكي مي أطط نوصلك بب 
أنا : نن دار قريبة وأنا نيت باغا نتمشى شوية 
ياسر : أوكي عمري مي متشوفي فحتى واحد أخر أولا عينيك أنحيدهوم ليك 
أنا : هه أوكي ألمغيار بسلامة 
ياسر : بسلامة (ماح ماح 😘)


😍😍 لم أكن أعلم أن هناك أميرة على هيئتك أنت في هذا الكون .... لم أكن أحيى من قبل ... والأن أصبحت فارسا يطير في سماء حبك أنت وحدك ... عشقتك من نضرة واحدة لم أعرف متى وكيف دخلت لأعماق قلبي وسرقت كل عواطفي ... كيف سأصف لهم إبتسامتك كيف أستطيع أن أخبرهم عن جمالك الذي سرق قلبي في تواني ... كيف سأصف لهم وجهك الذي يتغير لونه في حين لأخر كيف سأصف لهم أميرتي وكيف سأخبرهم أنني عشقتها حد الجنون ... نعم سأطلق عنان حبنا وسأسرخ أمام الجميع أنت لي وحدي ... أحبك بكل معنى من كلمة ... أرجوك أخبريني الأن اليوم وليس غدا أنك تبادليني نفس الأحاسيس وأنني سأكون لك وإنت لي ولن نفترق أبدا ... أرجوك أيها القدر إرحمني فأنا بدونها لا شيء ..

Youness 😘

منين سالينا لهدرة فالتيلفون بديت كنضحك غير بوحدي حسيت براسي طايرة فالسماء

😍😍 أحسست بشعور رائع عندما سمعت صوتك الحنين والهادئ الذي يشعرني بالفرحة والسرور ... خطفت قلبي وأصبح ملكك أنت ....أنت روحي أنت وجداني أنت حبيب قلبي .... كيف سأخبرك بأحاسيسي التي أشعر بها الأن ...أخدتني إلى عالم العشاق ... أصبحت أسكن في قلبك الأن بدون إيجار .. فأرجوك لا تتركني أنا وأغراضي (قلبي) ... ننام في مكان غير قلبك ... شعرت عندما لمست يدي بأنك جناحي المفقود ... أحسست كأنني أعرفك من قبل ...سرقت قلبي بتلك الإبتسامة الساحرة ...سرقت عواطفي كلها ... يارب لا تحرمني منك 😍😍

نعست على صورة ياسر ... صبح صباح فقت ف 7 لبست أحسن لبسة عندي كسوة دجين طويلة أو شال بيض أو كنفيرساي بيضة درت مسكارا أو عكار أو رشيت شوية د الريحة ... فطرت أو خرجت صافي دخلت ليسي قريت وأول مرة مديتهاش فالدرس الحب كيتلف ههه ... عرفتو دازو دوك سوايع بحال سنين ههه ما علينا وصل الوقت لي غنتلاقا فيه أنا وياسر شداتني التبوريشة ههه معرفتش لاش إمكن متشوقة نسمع أش أيقول ليا جاني الفضول مي نتوما كتر مني (القراء) هه ... شوية أو هي تحط يد على كتفي ضورت وجهي لقيت ياسر كيفرنس هههه ... سلمت عليه من يدي أو هو جرني أو باسني فحنكي عرفتو واحد إحساس زوين بزاف بوسة ديالو كانت حنينة مي فنفس الوقت قلبي كان كيضرب بجهد أول مرة يبوسني شي واحد حسيت بإحساس مكيتوصفش هه أو جاتني الحشمة حدرت راسي معودتش هزيت عيني فيه المراgية وداكشي تبارك الله عليا أو صافي هه 
ياسر : حبيبتي هزي راسك عرفتي لحشمة كتجي معاك أو أنا بديت تاني كندخل أو نخرج فالهدرة هه حتى بدا كيقولي واش مجرين عليك
وفاء : (ههه مسخوط حشمني ) أممم إوا متزيدش فيه بعدا أشنو هو لموضوع لبغيتيني فيه
ياسير : أنا الصراحة عندي بزاف ديال الحوايج بغيت نقولهوم ليك وجاتني الحشمة تعلمتها منك ههه 
أنا : هه إوا هدر خلاص غادي نتعطل أو ماما غادي تجفف بيا الدار ههه
ياسر : هههه أنا أندوي بصراحة نتي كتعجبيني بزاف من أول مرة شفتك فيها سحرتيني بالحشمة ديالك أو عينيك ما شاء الله أو أنا مبقيتش قادر نعس كنفكر غير فيك إلى كان هذا هو الحب فأنا كنبغيييك بزاف أحياتي 
أنا حماريت أو تعصبت قلت ليه يلاه تعارفنا هادي 24 ساعة مكملاش أو جاي تفلا عليا بجوج كليمات سمحلي أنا هاد نوع كنعرفو وكلكم فحال فحال بفف هانا مشيت نخليك 
ياسير : وفاء أنا مبغيتش نضحك عليك أنا باغيك لحلال نتي مختلفة على لبنات أو نتي أروع حاجا وقعاتلي فحياتي عافاك عطيني فرصة أو غتشوفي واش هادشي بصح ولا كدوب على الأقل خليني نبرهن ليك بلي نيتي صافية متحكميش عليا خايب من دبا 
أنا : أوكي نفكر
ياسير : إدن نتي كتبغيني 
أنا : منين جبتي هاد لهدرة أنا كنرتاح ليك وصافي المهم إكون خير خليني نمشي 
ياسر : أوكي فنيكيشة مي خاصك تعرفي بلي نتيا أتكوني ليا بوحدي هه 
أنا : ههه كتحلم 😛
ياسر : ههه يا لاه بسلامة بيناتنا واتساب 
وفاء : أوكي بسلامة 


😘😘صباح جديد .. صباح ليس ككل الصباحات .. صباح الأمل .. صباح الحب .. صباح الإشتياق لمن سرق قلبنا بدون سابق إنذار ...صباح معطر بنسماتك الرائعة .. صباح مليئ بالود .. صباح يراودني فيه إحساس عشقك .. صباح مليئ بالوفاء لوفاء الجميلة .. صباح أنتظر فيه رؤيتك بكل شوق .. صباح أنتضر فيه رسالة منك بفارغ الصبر .. 😘😘
ياسر : حبيبتي وفاء صباح الخير 
أنا : صباح النور حبيبي ياسر كيف صبحتي 
ياسر : علاش أنا نعست باش نصبح 
أنا : هه علاش أشنو عندك 
ياسر : بقيت كنفكر فيك 
أنا : أممم تيقت ... فاش فكرتي زعما 
ياسر : بغيتك تكوني معايا ونكونو أنا وياك شخص واحد تحت سقف واحد 
أنا : إوا أسيدي خاصك تجي لدارنا وأنا أناخد وقتي باش نفكر 
ياسر : ههه ياكي كتنزي عليا خلي حتى نشدك ألفنيكيشة ديالي 
أنا : ههه أش غدير كاع المهم دبا نخليك أنمشي نفطر مشا الحال على القراية 
ياسر : تسناي باغيك فواحد الموضوع 
أنا : أوكي تفضل شوشتيني 
ياسر : هه بغيت نشوفك اليوم ضروري 
أنا : هه خلعتيني واخا حتى العشية ونشوف 
ياسر : أوكي حياتي مع السلامة 
كملت نهاري عادي وكل تفكيري مع وفاء لي سرقات لي كل وقتي وكل تفكيري حتى كنسمع جاني مساج فالتلفون نضت كنجري بلهفة نشوف شنو فيه وشكون سيفطو لقيتو من أميرة أحلامي وفاء 😍😍 ياسر هانا خارجة نتلاقاو فنفس الجردة لي تلاقينا فيها أول مرة متعطلش عليا أوكي 😍😍 
وأنا زعما نقدر نتعطل عليك بسرعة البرق وصلت عند أميرة ديالي سلمت عليها وكلسنا كنهضرو 
_من بعد التحية_
وفاء : ياسر فاش بغيتيني 
ياسر : والو بب (شديت ليها فيديها) يا لاه ركبي أنمشيو لواحد البلاصة 
وفاء : لا .. منقدرش 
ياسر : صافي بلا أعذار هي مكتيقيش فيا 
أنا : لا ماشي هكاك 
ياسر : إوا ملي هكا يلاه زيدي نمشيو 
ركبنا فاللوطو وتاجهنا لواحد البلاصة والطريق كلو وحنا ساكتين حتى وصلنا لعين المكان فتح ليا ياسر الباب حسيت براسي فحال شي أميرة د بصح هه نزلت غمض ليا عيني وشد ليا فيدي وبقينا غادييين ...
ياسر : أمم بب وصلنا
أنا : على سلامتنا حيد ليا خلاص هادشي من عيني 
ياسر : ههه لا عجبتيني هكا 😜😜
بعد مني وخلاني كيف شي حمقة بقيت غادا بوحدي مكنشوف والو محسيتش براسي حتى تعكلت وطحت على ياسر جيت فوق منو أوووف على شوهتي ... شدني من خصري وتقرب مني بزاف حسيت بلي ولينا جسد واحد بقا كيقيس فالجسد ديالي وأنا كتنفس بصعوبة وفنفس الوقت مخلوعة ... حسيت بواحد إحساس زوين كنت غنطير بالفرحة فحال إلى عايشة فشي حلم وكنتمنى عمرو إسالي ... ياسر طبع ليا قبلة حنينة فجبهتي حسيت بالأمان .... مي ملي شفتو بدا كيتقرب مني بزاف خفت وأنا نوض إوا بسيف زيني كيهبل نخاف إشعل ونصدقو والدين شي ولد أولا بنت هه 
أنا : ياسر حيد ليا هادشي من عيني عافاك 
ياسر : أمم أوكي بب 
حيد ليا الغطا من عيني تصدمت من داكشي لي شفت كان منزل عبارة على قصر مليئ بالأتات الفخمة .. كان داكشي زوين بزاف وخصوصا الطريقة باش مرتب داك القصر وكان فيه دوق أوروبي وشوية د اللمسة المغربية داكشي واعر بزاف كيهبل ... وفكل أرجائه كاينة صورتي وكلمة أحبك فرحت بزاف وكان موجد ليا العشاء لي كان عبارة عن أكلتي المفضلة بيتزا بالمقبلات والورود الحمراء والشمع داكشي واعر منعاودش ليكم هه لا كما نعاود باش يضركوم راسكم ههه 
ي وبقيت كنفكر فاللحظة فاش عنقني ياسر حسيت بالأمان وراحة مختلفة أول مرة نحس بيها فحياتي ... حسيت بحضنو دافئ وكلو سعادة وأمل .. كنت سارحة فتفكيري حتى سمعت جاني مساج فالتلفون مشيت كنجري حيت عرفتو أيكون ياسر قالي فيه أميرتي فرحتيني بزاف كنواعدك نخليك أسعد بنت وندوز معاك أسعد اللحظات ونكون معاك ديما حتى نموتو كنبغيك بزاف أحياتي .. أنا فرحت بزاف 
جاوبتو فواتساب حيت مكانش عندي الصولد سديت ويفي وبقيت سارحة عاوتاني فعالم الحب والعشق ... حتى فيقاتني أسماء صونات عليا بقينا كنتعاودو قلت ليها بلي ياسر كيبغيني أو حتى أنا قلت ليه كنبغيك
هي : ياكي أصاحبتي هادشي كلو وقع و أنا فدار غفلون ههه
هه لا أحبيبة هادشي جا على غفلة 
أسماء : ههه ياك ماشي مشكيل غير عاودي ليا دبا بالتفاصيل 
بديت كنعاود ليها أو هي مسكينة كظحك عليا هه وفنفس الوقت فرحانة ليا مهم بقينا كندويو حتى بدات كتغوت عليا ماما 
وفاء هبطي تعشاي 
واخا أماما هاني جايا 
توادعت مع أسماء وهبطت عند مامي حطيت معاها العشاء وجا خويا الكبير يوسف تعشينا جمعت الطبلة وغسلت الماعن وطلعت لبيتي باش نعس ساعة النعاس حلف لا جاني هه بقيت كنتخايل مستقبلي مع حب حياتي ياسير حتى داني النعاس... 
صبح صباح فقت بكري كيف العادة لبست ليوم لبسة مختلفة سروال د جين مزير أو سميجة طويلة بيضة أو سبرديلة درت فولار زرق أو درت مكياج خفييف بحال ديما فطرت وخرجت تلاقيت حبيبتي أسماء أو بقينا غادين فطريق كنتعاودو ونضحكو شوية أو هما يتعرضو لينا شفارة أسماء خافت أو حتى أنا خفت بزاف 
شفارة : حطو داكشي لي عندكم
أنا : عافاك خلينا والله معندنا شي حاجة
شفارة : غتحطي أزوينة داكشي ولا نضيعلك زينك لي فرحانة بيه 
شوية جا ياسير ضربهم بنص بدا كيضرب فيهم أنا خفت بزاف 
ياسير براكا عليهم غاتقتلهم
هو لا يستاهلو انا غنوري لمهوم يتعرضو لخطيبتي بدا كيضرب فيهم تا فقدو الوعي أو عيط لبوليس أنا وأسماء ولينا صفرات بقوة لخلعة مقدرناش تانزيدو .... شوية جا عماد عندنا أو عنق أسماء
أنا شداتني سخفة طحت تما محسيتش براسي حتى لقيت راسي عند الطبيب .... شوية بشوية بديت كنحل عيني لقيت حدايا ياسير شاد ليا فيدي 
ياسر : حبيبتي خلعتيني عليك إلى وقعات لك شي حاجة أنا نقتل راسي
أنا : شششت متقولش هاكا الله ينجيك ليا أحبيبي أو متخافش عليا هانا وليت بخير غير تخلعت
ياسر : نتي مكترديش البال لراسك مرا جاية سيري فطاكسي لاش غاديا على رجليك مع الصباح 
أنا : حبيبي قلت زعمة نتمشاو شوية حسن ميصحابش ليا بلي هادشي غيوقع
ياسير أوكي حبيبتي صافي نتي معليك والو إوا وجدي راسك باش تمشي للدار أيكونو مخلوعين عليك 
أنا أوكي حياتي
ياسر : هاني أنتسناك لتحت باش نوصلكوم أوكي 
وصلني ياسر لحدا الدار نزلني وقال ليا نرد البال لراسي وبلي هو بلا بيا مكيسوا والو ... باسني فخدي وركب فالوطو مشا لخدمتو .... عرفتو حسيت بواحد شعور زوين مشحال زوين يكون عندك شي شخص كيهتم بيك هكا ... كتحس بلي عايش فعالم خالي من الأحزان وكأني عايشة فعالم أخر مليئ بالسعادة ... عايشة فيه غير أنا وياسر بوحدنا ... 
وصلت للدار ماما ملي شافتني فديك الحالة تخلعات عليا بزاف وبقات كتبكي حيت أنا بوحدي البنت لي فدار خافت عليا بزاف طلعاتني لبيتي .... عاودت ليها أش طرا وقالت ليا بلي عمرها أتخليني نمشي بوحدي وقالت ليا رتاحي أحبيبة أنا أنوجد ليك ما تاكلي مشات ماما وأنا نعست شوية كنت عيانة بزاف بقوة الخلعة ...
نعست شوية مي فيقاتني أسماء صونات عليا 
أنا : ألو أسماء 
أسماء : ألو حبيبة كيف بقيتي واش شوية 
أنا مزيان أ حبيبة أو نتي 
أسماء : حتى أنا باقا عايشة كناكل الخبز هه ... عرفتي عماد ليوم أيجي لدارنا بغا يطلب يدي للزواج
أنا : واو مبرووك عليك أحبيبة تستاهلي كل الخير 
هي : شكرا أزوينة ديالي العقوبة ليك نتيا 
أنا: هه أمين
وفاء حبيبتي نطلب منك واحد طليبة
أنا: أوكي بب طلبي
أسماء : وجدي راسك تمشي معايا نشري شي حوايج راكي عارفة على الخطوبة 
أنا : أوكي أطط نلبس 
أسماء : أوكي حبيبة شوية تلقايني وصلت عند لباب
أنا :أوكي 
مشيت لبست دغيا .. شوية أو ماما تقولي وفاء راه أسماء كتسناك قدام الباب .. مشيت هبطت عندها أو مشينا شرينا كسيوات أو واحد لبسة زوينة فلكحل أو مكياج أو بزاف ديال الحوايج ... أسماء كانت غطير بالفرحة حتى أنا فرحت ليها بزاف واخا غنخسر أقرب صديقة ليا أوووف ... 
أسماء : صاحبتي وفاء خودي لك شي حاجا 
أنا : لا ماشي دبا راه مجبتش معايا فلوس
أسماء : ياكي إوا أنا شنو كندير راه على حسابي 
أنا : لا حبيبة حشومه
أسماء : عافاك بليز خودي هاد كسوة لحمرة نتي زوينة أتجيك كتهبل هه
أنا : أوكي غادي ناخدها ولاكن عتابريها غير سلف
أسماء : أممم أوكي 
أنا : يالاه نمشيو 
أوكي
صافي جينا فحالنا وأنا كنفكر غير فياسر زعما يطلب مني الزواج شي نهار ... وصلت للدار طلعت لبيتي نعست حيت كنت عيانة 


بقينا كناكلو وياسر محيدش عينيه عليا 
أنا : ياسر مالك كتشوف فيا بهاد شوفات 
ياسر : مالي معنديش الحق نشوف ف حبيبتي ومراتي 
أنا : لا لا من حقك غير متكترش حشمتيني هه
ياسر : الله الله على حبيبتي كتحشم هه 
أنا : ومالي كيف جيتك ؟؟
ياسر : (برومانسية )كتحمقي قرب لشفايفها وباسها 
بطلتنا ألوان قوس قزح بانو ليها فوجهها وياسر مات عليها بالضحك وهي فالداخل ديالها كتقول عاود بوسني حيت حسات بإحساس أول مرة تحس بيه 
أمم ياسر شافها حشمات وطلب منها يطلق شي موسيقى 
أنا : أوكي بب لي بان ليك 
ياسر طلق الموسيقى لي كانت عبارة عن موسيقى بيانو هادئة وأول فكرة طاحت ليه على راسو هو إخلي وفاء ترقص معاه رفضات فاللول ولكن من بعد وافقات حيت الحب كيخلينا بلا عقل بداو كيرقصو على أنغام الموسيقى فجو حميمي كانو قراب لبعضياتهم بزاف حتى قربو يوليو شخص واحد .. أجسادهم تتمايل على إيقاعات الموسيقى ياسر فرحان ووفاء كتنفس بصعوبة حيت أول مرة ترقص فحياتها واخا هكاك عجبها الحال مي مسكينة كانت لا بسة الطالون تعكلات وهي طيح وياسر بلعاني طاح فوق منها بقا كيشوف ليها فعينيها وجسدو فوق جسد وفاء لي مقدراتش تقول ليه نوض راك صحيح عليا ههه للأسف رن هاتف وفاء وإنقضت الرومانسية 
وفاء : ألو ماما بصوت خافت وكلو خوف 
الأم : فينك أجي دبا عمك جا وملقاكش وراك عارفاه كيف داير 
وفاء : أوكي ماما 
أنا : ياسر سمح ليا خاص نمشي عافاك وصلني بزربة 
ياسر : أممم تغوبش 
أنا : حبيبي باستو وهمسات ليه فودنو بلي أتعوضها ليه بما حسن 
ياسر : ضحك ليها فوجها ووصلها للدار هو رجع لخدمتو ووفاء سرحات فهاد اللقاء لي كان أحلى لحظة فحياتها وعمرها تقدر تنساه إوا هكا رجعو الحيبان ديالنا لحياتهم العادية
😍😍

سأصمت ليتكلم الحب في قلبي 
يقول ما لا أستطيع أن أنطقه بلساني 
من شدة حبي العميق 
أحببتك فنسيت الكلام 
عشقتك فبدأت الاحلام 
إنتضرتك فغلبتني الأشواق 
أريد أن تعلم شيئا واحدا 
أنني لا أحب ولا أعشق غيرك 
فبدونك لا توجد حياة لي 
وفي ختام كتاباتي 
أهديك قلبي وعيوني 
أهديك عشقي وجنوني 
أريد أن تكوني معشوقي
وحبي الأبدي 

😍😍


إوا هكا رجعو لحبان ديالنا لحياتهم العادية ... وفاء مسكينة كان عندها لجيهوي ... كانت كتقيل ديما كتحفظ صافي دوزات الجيهوي أو نجحات بنقطة ممتازة 
دازت أيام ... علاقتها بياسر زوينة نهار على نهار كتزيد تبغيه وتعلق بيه وهو كذلك 
أنا : ألو أسماء بغيتك ضروري 
أسماء : أوكي حبيبة ولاكن ياك لاباس
أنا : حبيبتي بغيت نوجد لياسر واحد لمفاجأة ولكن عنداك تمشي تقوليها لعماد يفرشلي كلشي
أسماء : أويلي كوني هانيا ولاكن شنو هي هاد المفاجاة
أنا : بغيت نديرلو واحد حفلة صغيرة فالكافي حيت غدا غيقفل 26 سنة
أسماء : أوكي ولاكن يلاه تمشي ديري دموند باش يوجدو داكشي 
أنا :أوكي ولكن من بعد ندوز نشري شي كسيوة او صبيبيط أو شي مكياج
أسماء : واخا نتلاقاو حدا الجردة
أنا : أوكي حبيبتي 
مشيت لبست غير عباية أو شال ... خرجت كنجري تلاقيت أسماء دزنا للكافي قولت ليهم أش غيديرو ... أو موراها دزنا خديت لاغوب فلزرق ملاكي أو شي أكسيسورات أو مكياج و طالون فدهبي ... منين سالينا رجعت لدار و أنا فرحانة حيت غنفرح حياتي وحبيبي ياسير تعشيت ونعست حتى فقت لقيت 9 د الصباح كان يوم السبت مقرياش عندي خاوي ... صونيت على أسماء قلت ليها تجي عندي تعاوني تصاوبلي شعري أو ديرلي شي مكياج مبدل ... مشيت دوشت و قلت ماما سيري راها بغاتك خالتي تعاونيها فعرس أسماء ...
ماما : أنا كنت غنمشي يلاه أبنتي غتلقاي فطور فالكوزينة فطري أو جمعي هاد الحالة 
أنا : أوكي حبيبتي
ماما يلاه بسلامة 
شوية أسماء طلعات عندي 
أسماء : صباح نور أميرتي
أنا : صباح لورد أجي دغيا عاونيني راني معرفتش نصاوب شعري
هي : هههه أجي ألموصيبة
أنا : أوكي صاوباتلي مكياج أو لبست ... ملي شفت راسي فالمراية تصدمت فراسي تبدلت وجيت كنحمق هه (الله يمسخني ) واش أنا هي هادي هه ولا كنحلم 
أسماء : أوا شكون كما الجنون هه
أنا : هههه أصاحبتي تبارك الله عليك ... بستها وعنقتها فنفس الوقت لهلا يخطيك عليا وصافي أحبيبة 
أسماء : أيييي طلقي مني غتقتليني
أنا : ههه سمحيلي تحمست هه 😛😛
صونيت على ياسير 
ياسر : ألو حبيبتي لاباس
أنا : الحمدلله عمري توحشتك
ياسير : أنا كتر منك أميرتي وفنكيشة ديالي 
أنا : ههه حشمتيني ... مهم حبيبي نتلاقاو فلكافي لي حدا الجردا 
ياسير : أوكي عمري

عند ياسر فالمنزل ✌✌

مشا لبس أحسن لبسة عندو ورش ريحة زوينة خداها من عاصمة العشاق باريس .. ونزل يفطر 
أم ديال ياسير : ولدي أجي تفطر واخا مشى لحال أنا خليت لك حقك أنا أنقول لخدامة تجيبو ليك 
ياسير : لا أماما أنا غنفطر برا عندي إجتماع ضروري
أم ديال ياسير : أوكي ولدي الله يرضي عليك 
ياسير صافي ها أنا مشيت أماما (باس ليها على راسها)
خرج ياسير بزربة أو مشا للكافي أو هو فرحان حيت غيشوف حبيبت قلبو .... وصل و أكيد وفاء وصلات قبل منوو ... دخل ولكن تفاجأ حيت لقا جميع الأضواء مطفية ... شوية بشوية بدا شي شخص كيحسب حتى ل 3 وهو يشعل الضو وهاد المرة تفاجأ كتر بداكشي لي شاف كانو صحابو كلهوم مجموعين وحبيبتو وفاء لي جات فحال القمر وفجميع أرجاء الكافي كاينين النفافخ والورد الحمر والحلوة فيها  😍 عيد ميلاد سعيد حبيبي ياسر 😍 
ياسير دمعات عينيه بقوت الفرحة أو لي زاد صدمو كتر هو ملي شاف حبيبتو وفاء جات كيف شي أميرة ... أول مرة غيشوفها بلا درة أو مشا كيجري عنقها والحضور كيصفق هه ... قال ليها بلي كنبغيك من أعماق قلبي وحتى هي قالت ليه كنبغيك أ ياسر ... وإنقضت الرومانسية ملي أسماء طلبات من ياسر يقطع الحلوة هه 
😍😍كيف سأصف لكم إحساس الحب ما أعرفه الأن هو أن قلبي لم يعد ملكي ... تفكيري وعقلي وجوارحي كلهم في ملكها الأن ورتت قلبي للأبد ... لن أكون لغيرها مهما حدث ... سأكون لكي روحا وجسدا ... قلبا وعقلا ... سأكون لكي عاشقا متيما .... سأكون لكي عاشقا ولهانا ... بحبك أنت سأعيش ... سأكون أنانيا من أجل عشقنا لبعض.... سأكون محاربا يحارب من أجل أميرته ... حتى وإن تحديت مجريات القدر ... فأنا لكي وأنت لي ....😍😍 

ياسر : حياتي شكرا ليك بزاف أول مرة نحس براسي طفل واخا شرفت فرحت بزاف بهاد المفاجأة وخصوصا جمالك لي غلب على ضوء القمر .. عينين ياسر تغرغرو بالدموع من كترة الفرحة 
وفاء : حبيبي بلا دموع عافاك اليوم النهار نهارك خاصك تكون فرحان 
ياسر : أوكي حبيبة نموت فيك أنا 
وفاء : يا لاه براكة من الهضرة أجي قطع الحلوة هه
ياسر : أوكي 123 
وفاء : لا لا بلاتي تمنى شي حاجة تحقق ليك 
ياسر : أمم واخا أحياتي (يا ربي تكوني ليا بوحدي ونعيش معاك لي بقا ليا من حياتي )
من بعد الأمنية قطع ياسر الحلوة على أنغام سنة حلوة يا جميل سنة حلوة يا ياسر وكل سنة نحنا مع بعض يا حبيبي الغالي كلشي فرح وخصوصا وفاء لي قدرات تشوف السعادة فعينين حبيب قلبها 
ياسر : أممم وفاء فنيكيشة ديالي هاد النهار نهاري وأي طلب أيتحقق ليا 
وفاء : على حساب أحياتي إلا كان بإستطاعتي علاش لا 
ياسر : صافي بلاش كاع
وفاء : عافاك بلا ما تقلق يا لاه غير قول 
ياسر : بغيتك تبقاي معايا هاد الليلة 
وفاء : ناري كيف غادي ندير ليها واش حماقيتي 
وفاء تلفات مبغاتش تخسر هاد النهار الزوين مكان عندها حتى حل إلا تشاور مع أسماء وبالفعل لقات ليها الحل بحجة أنها غتبات معاها اليوم ومن زهرها باباها مسافر والأمهات حنينات هه 
وفاء : ياسر للأسف منقدرش سمح ليا 
ياسر : بالتغوبيشة صافي مكتابش مرة خرى 
وفاء : أمممم فين غنمشيو 
ياسر : كيفاش ... هه واو أتبقاي معايا 
وفاء : أه هه 
هزني قدام الناس وأنا جاتني المراgيه تزنgت بزاف ركبنا فاللوطو وتاجهنا لواحد البلاصة ماعندي عليها حتى فكرة ...
😍😍😍😍😍😍😍😍😍😍😍😍😍😍

لطالما قلتُ أنني لست محظوظة ... لكنني اليوم سأقول العكس ... قلبي ووجهي لا تفارقهم الإبتسامة .. فقد وجدت فارسي وفارس أحلامي ... أرجوك أيها النصيب إمنحه لي وإمنحني له ... فنحن نعيش تحت نبض واحد ... أرجوك لا تحرمني منه ... فعيوني قد جفت من الدموع .... وقلبي لم يعد يستطيع تحمل الأحزان ... ألا أستحق أن أبقى سعيدة هكذا دوما ... أرجوك أيها القدر غير مجريات كتاباتك ... وإمنحنا لبعض ... أعدك يا ربي ... أن لا أطلب شيئا أخر ... غير هذا الطلب ... أرجوك ... 🙊🙊
😍😍😍😍😍😍😍😍😍😍😍😍😍

ياسر : حبيبتي نعستي 
وفاء : لا غير داتني عيني 
ياسر : يا لاه راه وصلنا 
وفاء : واو حياتي جبتيني البحر كيعجبني بزاف شكون قالها ليك 
ياسر : أمم كلشي ساهل أحياتي 

😍😍كانت مدينة تطوان تشع بنور العشاق وكأنها تستقبل قصة أخرى من قصص الحب ... كحب روميو لجوليات ... أو إن لم تخدلني الذاكرة قصة قيس وليلى ... الحمامة البيضاء مستعدة لإستقبال عشاق جدد في زمن المصالح ... كانت المدينة تشع نورا وبهجة ... وكأنها تخبر ياسر ووفاء بمايلي.. أهلا وسهلا بكم شرفتمونا فأنتم أخر ما تبقى من قصص الحب و الصدق والوفاء ....😍😍 

نزلنا حيدت صندالتي لبست عباية فلون أزرق سماوي أما ياسر لبس شورط فوق الركبة وتريكو لي بين عضلاتو كتر كان الجو معتدل وسماء صافية صاطعة بلون القمر .. جلسنا شد ليا فيدي بقينا كنتعاودو عاودت ليه أسراري كلهم وحتى هو كذالك عجبني الحال بزاف أول مرة نحس براسي حرة 
ياسر : أمم حبيبتي هاني جاي 
وفاء : فين غادي أتخليني بوحدي إلا خداني ليك البحر هه 
ياسر : ههه هاني جاي ألحميمقة ديالي 
مشا ياسر وأنا جلست كنشوف فهدوء البحر حتا حسيت بشي حد كيقرب ليا تخلعت بزاف شكون تما ... شكون نتا... مقدرتش نضور وجهي خفت بزاف 
ياسر حبيبتي هاني جيت 
طرت عليه بتعنيقة إهئ إهئ 😭😭 فين كنتي تخلعت بزاف 
ياسر: أويلي أش طرا مال لون وجهك مخطوف 
وفاء : أهئ أهئ واش جيتي قبيلة 
ياسر : لا أحبيبة عاد جيت دبا علاش ؟؟؟ 
وفاء : غير حسيت بلي شي واحد كان حدايا وكان ناوي على الشر 
ياسر : صافي أحبيبة متخافيش أخر مرة نخليك بوحدك 
وفاء : أممم فين مشيتي بالدموع 😭😭
ياسر : مشيت شريت g يتار بغيت نعزف ليك على شرف حبنا وعلى شرف أول ليلة لينا مع بعض 
وفاء : واو عمرك قلتي ليا كتعرف ليه 
ياسر : غنتعلم على قبلك أعمري 
وفاء : أمم يلاه بدا نشوف 
بدا ياسر كيعزف على أغنية حزينة إسبانية لمسات قلب وفاء وأحاسيسها وخلاتها تسرح فعالم الحب المليء بالسعادة ...
ياسر : هيهو حبيبتي فين سهيتي 
وفاء : أمم حبيبي راك واعر وكتكدب عليا 
ياسر : ههه وغير شوية أوصافي 
وفاء : بغيتك تغني ليا 
ياسر : لا مكنعرفش أحبيبتي 
وفاء : (بتغوبيشة) أوكي 
ياسر : صافي بلا هاد التقليقة هاني أنحاول على قبل عيون وفاء 
وفاء : ههه أوكي حبيبي 
❤❤ حبيبتي وفاء .. تيريرا حياتي الgاية هعيشها لك وهعمل كل لي فبالك وبموت يا حبيبي عشان هرضيك - حبيبتي ... أنا يا حبيبي لي بقيتلك وفحضني وفعيوني هشيلك وجوا فقلبي في مكان إلك إنت وبس ... وردتي بحبك وبموت فيك أنا ❤❤ 
وفاء : واو راك واعر أحبيبي فاجئتيني وصوتك كيحمق ماااح عليك 😘
ياسر : ههه غير شوية وصافي إوا باقا باغا شي حاجة 
وفاء : أمممم باغا شعر هه 
ياسر : واخا ألالة اليوم غتسالي ليا هاد الإلهام لي عندي وغنبقا بلاش هه
وفاء : هه يا لاه بدا بدا متشوقة نسمع 
ياسر : أوكي حبيبة 

😘😘 وفاء حبيبتي ...أنني أناديك ألا تسمعينني 
أتعلمين أنك نجمة فوق الأرض وما النجوم إلا بالسماء 
وقمر ساطع بنور وضياء 
ضياء يسود بعد ضلام وعناء
أتعلمين أيضا أن إسمك رمزا للحب والوفاء 
حبيبتي أنت زهرة بيضاء في حقول خضراء 
أنت لي يا وردتي الشقراء ويا عصفورة البستان وفاء 
أحبك وسأضل أحبك ما دمت أتنفس 
فأنا سأتنفس عبير عشقك فقط ...  😘😘 

وفاء : ياسر فاجئتيني كاع هادشي مخبيه فقلبك من جيهتي كتبغيني لهاد الدرجة 
ياسر : أه كنبغيك كتر من هكا نتيا كلشي بالنسبة ليا وأنا منتصورش حياتي بلا بيك 
وفاء : كنموت فيك
تعانقو مع بعضياتهم بجهد حتى واحد مقدر يبعد على الأخر في لحضة صمت لم ينطقو ولا بكلمة لكن قلبيهما تحدت إستغل الفرصة لينطق بمشاعر جياشة كانت مدفونة في أعماق قلوبهم ... 
قلب ياسر يتحدت ❤❤ : وفاء شكرا لكي على كل هذه اللحظات الجميلة ... شكرا لأنك جعلتِ قلبي يخفق مرة أخرى ... شكرا لأنك أيقظتِ في إحساس الحب الذي دفنته في قلبي منذ مدة ... شكرا لأنك أحييتي قلبي بعدما قتلته تلك الغبية سابقا ... شكرا لأنك علمتني أن الوفاء ممكن أن يأتي من الغرباء أيضا ... شكرا لأنك دخلت لحياتي وجعلتِ قلبي يطير فرحا وسعادة ... شكرا لأنك لي قلبا وروحا ... شكرا حتى تمل الكلمات من النطق ... شكرا حتى ينتهي بي المطاف معك تحت سقف واحد ... شكرا فأنت وردتي وسر إبتسامتي ... شكرا فأنت لست مجرد فتاة فقط ... شكرا فأنت عالمي الوحيد الذي أحيى فيه الأن بعد أن كنت ميتا ... شكرا فقط فالكلمات لا تنتهي وخير الكلام ما قل ودل ... 

قلب وفاء يتحدت الأن ❤❤ : لا تشكرني أرجوك فأنت من يستحق الشكر ... أنت وحدك من أيقضت فتاة كانت لا تعرف للحظ معنى ... لا تشكرني فأنت من جعلت قلبي يخفق حبا وسعادة ... لا تشكرني فأنت بجمالك الفاتن أحببتني رغم أني لست جميلة متل باقي نساء العالم ... لا تشكرني فأنت من جعلتني أعرف معنى الحب والصدق ... لا تشكرني فأنت من جعلتني أتجاوز معنى المنطق ... لا تشكرني فأنت من جعلتني أخرج من عالمي الممل ...لا تشكرني من الأن فصاعدا فأنا لك وأنت لي والشكر لا يجوز بين العشاق ... لا تشكرني من فضلك فأنت أميري الذي حلمت بيه وأنا أقرأ قصص الخيال .... لا تشكرني فأنت من يستحق الشكر في زمن المصالح ... لا تشكرني فأنت من علمتني أن الوفاء لا زال موجودا ...لا تشكرني فأنت من جعلتني أتأكد أن الحب لم يمت بعد ... لا تشكرني حتى يبلغ كلامي منتهاه فأنا لست متلك لن أكتفي بجملة خير الكلام ما قل ودل ... لا تشكرني من الأن فصاعدا حتى لا أحس أنني لا شيء عندك ... أتعلم لماذا ؟؟ لأن الشكر في الحب جريمة أعاقب عليها أنا في فصول الغيرة والعشق ...