بارت:135
ذياب مشا ركب في طموبيلتو خلا عجاجا مواره معصب غادي او يضرب في دركسيون بفقصة اولا نقولو غيرة غيرة لي شعلت فيه لي تتحرقو في قلبو من قال ليه واليد خطبيتي اشمن خطبية هو مزوج بيها
هو على قبلها مشا واخا مستحملش انه تقوليه سير بحالك راه جرحاتو علاش قالت ليه هكاك بقا تيفكر مشا دار بغا يدوش او يرتاح او عشية يرجع عندها حيت هو ميقدرش يتخلا عليها هي راه ولات حياتو او كيانو شي حاجة فوق حب او عشق.....💖💖💖ولات
كيف دخل دار متيشوف تواحد مو شافتو بيدك حالة عرفات وقعت شي حاجة معاه بقات تدعي اللّٰه مقدرتش تمشي تسولو بغات تيبرد حاولات متشوفوش جيداء حيت غتمشي تعلق فيه يقدر غوت عليها او تقلق او هي يلاه ولات تضحك او حتا نسرين لي تتعتبرها ماماها مكيناش غتحس براسها واحيدة مر اخرى
هو طلع حيد حوايجو بقا غير بكسور دخل دوش طلق عليه ما بارد على اللّٰه يبرد عليه نار غيرة لي في قلبو بقا شي نص ساعة هو تحت ما خرج بدل لبس غير شورط او تسرح فوق ناموسية تيفكر بغا ينعس شوية ولكن والو ماجاهش نعاس
لالة امينة ناضت حيت بالها مع ولدها وكلات جيداء اطلعتها تنعس باش ترتاح تاهي حيت كلا مرة تسولها ماما غترجع ياك اميمية تقوليها ايه ابنتي
نعستها او توجهت بيت ولدها وقفت خدات نفس عميق
امينة:(دخلات بان ليها مجبد قالت ناعس هدرت بشوية ) ذياب ناعس
ذياب:(هز راسو ) لا اوليدة هاني فايق
امينة:مالك اولدي مهبطتي تغدا
ذياب:معندي نفس ماكلة
امينة:مالك اولدي من دخلتي بنتي ليا ماشي هو هاداك اشنو وقع
ذياب:(تنهد باغي يعاود باش يرتاح)نسرين اوليدة قالت ليا سير
امينة:(تصدمت) علاش اشنو وقع
ذياب:(عاود ليها كولشي) هادشي لي وقع
امينة:ولكن اولدي مكانش عليك ضربو كون تحكمتي في راسك راه كيف قلتي ولد عمها او نتا معمرك سولتها واش كان سي واحد في حياتك
ذياب:(معجباتوش هدرة امو) واليدة متصعرينيش راه لي فيا كافيني
امينة:فهمني اولدي (شدات يديه) راه نتا في اول خطيفيتها يمكن كانو مخطوبين ولكن متاكدة انها ماكنتش تتبغيه ربما فرضوه عليها دارهم متسرعش او تفقدها من يديك او قلبك راها بنت ناس او فكر في بنتك راه تتعتبرها مها
بارت:136
نسرين حست بيه تيتحرك حلات عينيها بغات تحد معاه هاد مشاعر لي من طرف واحد خدات نفس عميق او جرات كرسي حداه هو حس بيها غتقول شي حاجة
واليد:نسرين بغيتك تكوني صريحة معايا
نسرين:تا انا داكشي لي بغيت و
واليد:شكون هو داك سيد؟
نسرين:(قرات تقوليه لي كاين بطبيعة حال ماشي حقيقة حيت مغيسكتش فقرات تكذب حسن ليها ) هاداك ناوي معايا زواج
واليد:(كان حاس بلي شي حاجة كاينة حيت هي عمرها حساتو باهتماماها ليه)كملي
نسرين:هو لي كنت خدامة عندو او عندو بنت مها ماتت او انا كنشبه ماماها بزاف درجة بنتو عيطت ليا ماما انا بقات فيا حيت باقة صغيرة او محتاجة حنان ام او هو تعامل معايا مزيان او عجبتو او تاهو عجبني او طلب مني زواج او انا رجعت باش يبرا بابا او يجي يخطبني او نتزوجو (اويلي شتديري كذوب انسرين ياك مزوجين ههه) او كنت ناوية نصارحك تنتا
واليد انا بصارحة عمرني بغيتك مبغيتش نضلمك معايا حسن شوف ليك بنت ناس لي تبغيك او تستاهلك او ربي ممكتبش لينا رزق بجوج حياتنا مختالفة نتا ولد عمي ابحال خويا سمحليا بزاف ولكن احسن نقوليك لي كاين دابا باش نبقا امور واضحة بيناتنا او بلاصتك بيناتنا عمرها تبدلواليد:(شد يديها)سمعني نسرين لي تيبغي شي شخص تيتمنا ليها سعادة واخا ماشي معاه انا فرحت ليك نتمنا يسعدك في حياتك او تعيشو في سعادة او يعطيك لي مقدرتش نوفرو ليك
نسرين:لالا متقولش هاكا نتا ولد ناس غتلقا مع بنت لي تستاهلك مهم بقا تيكمل سيروم او انا نمشي نشوف بابا او ماما تعطلت عليهم
خرجات نسرين
واليد طاحت دمعة من عينو حس بقبلو تمزق ولكن هو باغي سعادتها او هو يقرر يمشي بحالو باش يبني راسو راسو حيت ميقدرش يبقى يشوفها او هي تتزوج يقدر يدير شي حاجة لي تجرحها واخا محملش وضع لي تحط فيه ولكن هي راه بغاها من قلبو تنهد او سد عينو يفكر في حياتو لي جاية
اما نسرين هس طالعة تلاقات مع فرح اورامز او تاهو تصدم مني شافها او تاهي تصدمت اما فرح مفهمت والو غير تتشوف فيهم بجوج لي واضح عليهم صدمة او بلي تيعرفو بعضهم
بارت:137
فرح بقات تتشوف فيهم هما بحال تقول توقف عندهم وقت نسرين تتقول مع راسها هادا اش جابو هنا واش مصيفطو ذياب اش تدير مع فرح او هو تيفكر علاش هي هنا او فرح مفاهمة توزة
يلاه غادي تسولهم فرح هي تسمع مها تتعيط ليها
فرح:هاني جايه
نسرين:(حمدت اللّٰه مني مشات)رامز اش تدير هنا مع ختي
رامز:(تصدم ختها كانت حداه معرفهاش)ختك واش بصح ختك
نسرين:(معجبة )اه ختي نتا منين تتعرفها
رامز:(مباغيش يكذب عليها) صارحة تنعرفها مدة هادي خدامة عندي ولكن معرفتاهش ختك
نسرين:(خدامة عندو) اش كانت تتخدم عندك
رامز:(حشم يقول خدامة) احم احم صارحة خدامة
نسرين:(واخا معجبها حال ولكن مهم هو عامل ختها كيف خدامة)مزيان بعدا نتا خدمتها اما خوك في اول راه عذبني
رامز:مهم نتي واش قلتي لختك حقيقة حيت هي كانت قالت ليا نقلب عليك عاد جيت باش تعطيني صورتك ساعة نتي جيتي واش معاك ذياب
نسرين:(فرحات حيت ختها تتهتم ليها ) لا وصلني او مشا
رامز:مهم يمكن ختك معرفاش اشنو كاين ياك
نسرين:عنداك تقوليها اشنو كاين عفاك راه انا قلت ليهم كنت خدامة عند واحد سيد او تيخلصني مزيان متقول والو عفاك
رامز:(بقات فيه ) متخافيش هادكشي متيخصنيش نتي لي تقدري تقولي او لالا
نسرين:(رتاحت ليه مكانتش عرفاه ضريف) شكرا بزاف مهم انا نقوليها نتا اخ سيد لي خدامة معاه باش منعقدوش امور بزاف واخا
رامز:واخا لي ريحك مرحبا
هاهي جاية فرح او مليكة
ملكية:بنتي فينك باباك تيسول عليك واليد فين هو ؟
نسرين:(متقدرش تقوليهم ) اه راه مشا دابا يجي عندو شي حاجة
مليكة:فاش هدر معاك(منتبهتش رامز)
نسرين:ماما سلمي على سيد
مليكة: سمحليا اولدي والله منتباهت ليك راه بنتي خدات ليا عقل
بارت:138
بقات لالة امينة تتهدر مع ذياب لي رتاح شوية حس براسو تسرع لكن غيرة عمات ليه عينين ميتحملش يشوفها مع واحد اخور باخص كان باين عليهم مخاصمين او هو كان ناوي غير يحميها لكن هي جرحاتو مني جرات عليه هو غير تحكم في اعصابو اما كون دار شي حاجة
خرجات امينة بحالها خلاتو يرتاح شوي
بغا ينعس شوية ولكن حلف نعاس لاجاه بقا غير تيضور من هاد جيهة لهاد جيهة او هو ينوض مقدرش ميمشيش يشوفها بغا يعرفها اشنو تدير او هاداك ولد عمها اش كان باغي
ناض دخل غسل وجهو او لبس كوستيم كيف عادتو او مشط شعرو لور او هبط متوجه طموبيلتو رونج كحلة او مشا نيشن سبيطار
وصل او بقا متردد واش يدخل اولالا شوية هو يدخل سول اشمن طابق هو او يطلع في اسنسور وصل غادي عندهم تكتبان ليه نسرين او رامز او شي بنت او مراة واقفين ستغرب من خوه لي كاين تما اش جابو عندهم هو معندو تعلاقة مقدرش يصبر هو يوقف عليه
ذياب:سلام عليكم
نسرين:(رجليها فشلو عليها عند بالها جا باغي يديها هي تسخف هو يبغي يهزها رامز تكيحس بي ذياب طار عليها)
مليكة:اللّٰه على بنتي مالها
فرح:ماما تهدني غتكون غير مفطراتش متخافيش
مليكة :شكون هاداك لي هزها (يلاه غتقوليه حط بنت)
رامز:خويا هاداك اخالتي متخافيش
مليكة:اه صافي
مشاو تابعينو هو غير شافتو ممرضة هاز بنت مشات عندو دخلاتو واحد غرفة
ممرضة:حطها اسيدي هنا انا نمشي نعيط طبيب
ذياب:يلاه تحركي
هما واقفين عليها كيف ملاك موت جا طبيب او خرجهم كاملين تيفحصها ولكن ذياب والله مخرج
طبيب:(فحصها ) معندها تحاجة خطيرة خاصها غير تبعد على ضغوطات او موكلاش شي لي خلا طونسيو يطيح ليها او سخفت
ذياب:( عرفها خافت منو ) اه شكرا
خرج طبيب علمهم او دخلو عندها لقاوهم واقف على راسها
مليكة: شكرا اوليدي نتا او خوك بحال ملاك جيتو او عونتونا
ذياب:(شاف فيها) مكاين مشكل الالة هادا واجب زيد نتا قدامي شركة تتنسا
بارت:139
فرح مفهمت والو غير تتبحلق في عينها او مشات حدا ختها
فرح:ختي حبيبة فيقي خلاص
مليكة:خلي بنت ترتاح مسمعتش طبيب راه مكلاتش تيكمل سيروم عاد تفيق او نتي غتجيبي ليها متاكل او انا نمشي عند باك باش ميحس بشي حاجة مني ختك تولي مزيانة جبيها عندو واخا راه توحشها او غير شافها تحسنت حالتو
فرح:واخا اماما
مليكة:اجي هادو جوج خوت يكما عينيهم عليك سميعيتهم عندهم شركة ياربي يكونو من رزقكم او تزوجو بيهم او تعيشو بحال اميرات
فرح:(في خاطرها امين ياربي) ماما سيري عند بابا بديتي تخرفي
مليكة:احياني عليك تصحبني مشفتكش كيف تتشوفي في رامز عينيك نيبريو
فرح:ماما سيري عند بابا سيري
مليكة خرجت تضحك على بنتها عايقة بيها تيعجبها او طلبت اللّٰه يكونو من نصيبهم بعدا يعيشو معززين ميخصهم تخير مشات عند احمد تبقا معاه
ذياب:اش جابك نتا عندهم اش بينك او بينهم فين تتعرفهم نتا يلاه شفتي نسرين مرة واحدة لقاك معاهم
رامز:(عرفو غار عليها بغا يلعب ليه على وثر حساس) ايه كيف شتي جيت نشوف واحد سيد هنا بانت ليا نسرين او جيت تنسول فيها او عوادت ليا على باباها او بقيت مجمع معاهم
ذياب:(شعلت فيه عافية) ياك تتخور عليا دابا ياك واخا
رامز:مالك اصحبي شاعل راه ختها تنعرفها قبل نتا متعرف حب ديالك او تا انا تفجئت بيها تعودت ليا كولشي
ذياب:قدام ختها او مها
رامز:لالا مكانوش او وصاتني منقولش ليهم كولشي قالت مسكينة كانت خدامة عندك
ذياب:(رتاح ) اه مزيان كيفاش نتا ديك فرخة(تيقصد فرح) هي لي منوضا فيك عافية
رامز:جمع فمك قالا فرخة راه ام ولادي في مستقب
ذياب:ايه هي نويتي مزيان اللّٰه يصخر تهلا ليا في نسيبة
بقاو تيضحكو
شخص:سيدي راهم في سيبطار دابا اشنو معمول
كرناك:مهم مني تبان ليك دنيا خاوية دير لي قتليك حضي عنداك يشوفك شي واحد راه مهمة عندي مبغيت تقيصها تاحاجة هاد موضوع بغيتو يسالي يوم
شخص:كون هاني اسيدي ليلة تكون عندك
قطع عليه او داز من حداهم لباس حوايج طبيب او داير كمامة على وجهو رامز او ذياب تيضحكو
بارت:140
ذياب جاه اتصال من خدمة او مشا وصا رامز يرد البال الوقعت شي يعيط ليه بما قضا هو اشغالو او يجي مشا
رامز بقا واقف تما تستسنا فرح تخرج شفاها تعطلت هو يدخل عندها بانت ليه جالسة على كورسي مقابلة مع ختها
رامز:كيف بقات
فرح:شوية باقا مفاقت
رامز:دابا تفيق غير صبري راه عادي بحال هاد امور
فرح:بصح راه مكلاتش مسكينة من صغرها او هي متتديهاش في راسها غير فينا واخة كانت علاقتي بيها متوثرة ولكن هي احن اخت ديما كانت تتبغي غير مصلاحتي
رامز:اجي بعدا نتي كليتي شي حاجة
فرح:لا معنديش شهية
رامز:(شدها من يديها اوقفها تجاباه ملاصقة مع صدرو)اشنو زيدي يلاه ناكلو راه تا انا فيا جوع
فرح:لالا مفياش سير نتا انا انبقا مع ختي
رامز:(باسها بوسة خفيفة لكن دافية) بغيتيني نتقلق غتمشي معايا ناكلو او رجعو نجيبو نيت نسرين ماتكل في يدينا
فرح:(باقة تحت تاتير بوسة ولات مخدرة) ا..اه..يلاه
رامز ضحك عليها عرفها مسكينة تبنجت تتعجبو بعوفيتها او وجها بريئ لي تيحس براحة مني تيشوف فيه هو واخا في اول كان ناوي يضحك عليها لكن قدر لعب لعبتو او طاح في شباكها او ولا تيحس باغيها في حلال ماشي تفليا او تيحس براسو معاها مرتاح او فرحان او ناشط او قرر انه يتزوج بيها مني تقاد امور مع خوه انسرين غيتقدم ليها
هي واخا كانت تتطير ولكن بحال اي بنت تطمح بزاف امور في حياتها مستقبلية
مشات فرح او يديه في يديها تتحس بارسها طايرة في سما تتفكر كلام مها مني دعات معاهم انهم يكونو من نصيبهم بقات تتقول امين او ضحكة على وجها
مشاو واحد ريسطو زوين طلبو لي بغاو في جو ضحك رامز غير تيشد في فرح لي دغيا تتعصب اولكن تترجع دغيا
نخليو هاد جوج عاصفير انمشيو جهة اخرى
بارت:141
واليد كمل سيروم ديالو او جات فرملية حيداتو ليه مسحات ليه وجهو او ضارت ليه دواء نيفو او خلاتو باش يخرج
هو خدا نفس عميق حيت صافي قرر انه يمشي بحالو ميقدرش يشوف نسرين مع راجل اخور حيت يقدر تهور يدير شي موصيبة لبس جكيط ديالو او ناض خرج من غرفة او توجه عند عمو باش يدوعو واخا ماشي وقت مناسب لكن صافي قرر انه يغادر ديك دار لي كبر فيها او دوز فيها يمكن احسن ايامو واخا مكانش حب متبادل ولكن هادشي لي وقع وصل حدا غرفة فين كاين عمو او سطانع ابتسامة او دخل
لقا غير عمو او مليكة
واليد:سلام عليكم عمي مرات عمي،كيف بقيتي عمي(تحنا باس يديو)
احمد:بخير اوليدي مني شفت بنتي نسرين هاداك هو نهار كبير لبغات تجي موت دابا غير تجي
مليكة:ياك اوا مكانت عارفة هماك غير بنتك،حنا منسواو والو عندك
احمد:(شد يديها) حشامة امراتي عزيزة راك نتي هي كل في كل
واليد:(ضحك على عمو امرتو تمنى يكون عندو حياة بحالهم ) اللّٰه يخليكم بعضكم
احمد مليكة:(في دقة واحدة) امين اوليدي
واليد:احم بغيت نهدر معاكم في واحد موضوع مهم نتمنى تسمعوني تال اخير
احمد:مالك اولدي اللّٰه يسمعنا خير
مليكة:خلعتني اولدي
واليد:كل خير عمي مرات عمي، واخا عارف ماشي وقت هاد كلام ولكن ضروري منو عمي (شد يدو) نتا هو اب ديالي نتي مرت عمي ام ديالي لي تحرمت منهم بجوج بيكم عتبرتوني ولدكم متخليتوش عليا كيف دارو اخرين انا مني حليت عيني غير عليكم كسيتوني وكلتوني غطيتوني قريتوني اي حاجة وفرتها ليا معمرني نسا هاد خير
احمد:ولدي هادا ماشي خير راك ولد خويا دمو راه هو دمي نتا راك منو ميمكنش ليا نخليك
واليد:عارف اعمي راك نتا هو صدر حنين او كلشي في حياتي كون مكنتي نتا او مرت عمي راه كونتي تلاقني مشمكر في زناقي لاحنين لا رحيم ولكن انا كبرت او خاصني نقد براسي(دموعي حابسهم بزز) او جاتني شي خدمة في مدينة اخرى او صالير مزيان او خاصني نمشي باش نجمع راسي او ندير داري
احمد: (كعجبوش حال) لا اولدي غير بقا معانا دار هاهي عندي داري ديالك بنات غيتزوجو او يخويو دار نتا تزوج او بقا معانا ياك امليكة قولي شي حاجة
مليكة:عمك عندو حق معندك فين تمشي
بارت:142
واليد:لا اعمي خاصني ضروري نمشي انا خاصني نوقف على رجلي او نعتامد على كتافي او دار راه ديالك ديال بنات انا غنبقا نجي عندكم غير تقاد اموري او غنجي غير تهنا اعمي راك نتا مقام اب اللّٰه يرحمو انا بغيت نكون راسي فهمني عفاك
احمد:اش نقوليك اولدي نتا راك ولدي او لي ريحاتك ديرها مهم عندي متنساش دار دراك في اي وقت مفتوحة في وجهك
مليكة:والدي كون بقتي حسن ليك معانا
واليد:راني غنجي مرت عمي غير تهناي معمرني نساكم
ناض او تلاح على عمو عيا حابس دموع ولكن خرجو ليه مسحهم بخف او سلم على مليكة او ودعهم خرجت معاه مليكة حدا غرفة
مليكة:(مدات ليه شي باركة من دلكشي لي عطاها رامز) هاك هادو عاون بيهم راسك
واليد:لا مرت عمي راه عندي
مليكة:شد او سكت راه مك انا
عنقاتو خرجو دموعها حيت ولدها توهو راه ام هي لي تتربي ماشي لي تتولد كبراتو بحال بناتها مكاينش فرق مشا مسكين او دموعو محجرين في عينو (راجل واخا راجل تيجيو للحضات تيضعف فيهم)
مشا دار عمو او جمع حويجو دخل بيت نسرين هز واحد شال ديالها او شم ريحتها تتغلغلت في اعماق قلبو
هز ورقة او ستيلو او كتب ليها
(وكم من سجين بِلا زنزانة ، وأيضاً بِلا قيود ،
هو فقط مُقيد الروح !)
خرج او هز ساكو اه مشا وجه هو براسو معرفش
فاقت نسرين تتحس بعيا او راسها تقيل معرفت راسها فين هي عاد تفكرت ناضت جالسه مبان ليها حد باخص ذياب معرفت اشنو غيكون وقع ناض حيدت سيروم انايضة بشوية عليها
تدخل واحد لابس لبسة طبيب
بارت:143
شخص: اش كديري ألالة فين نايضة؟؟
نسرين: راني بيخيؤ غانمشي نشوف بابا راه ياله داير عملية
شخص: اختي ممنوع تخرجي تاتولي بيخير(خرج برا من جيبو)
نسرين: لاش ليبرا؟؟ راني وليت بيخير
شخص: جاك نهؤار عصبي وضروري من مهدئ
نسرين: لا لا مبغيتوش انا بيخير غير كنت مخلوعة شوية
جات غتنوض دفعها فوق سرير ودغيا درب ليها برا فدراعها..
شخص: عطيتك وقت ماطلعيش فوق راسي هههه ياله دابة نيني ههههه
هادو كانو أخر كلمات سمعاتهم نسرين قبل ماتشوف غير ضلما..
فرح راجعة هيا ورامز ضاحكين من بعد ماكلاو وجابو معاهم لماكلة لنسرين متوجهين لبيتها حتى تلاقاو مع لالة مليكة..
رامز: خالتي جبنا ليكم ماتااكلو معانا
مليكة:(قلبها مقبوض مجوباتش رامز حيت ممرتحاش) فين كنتي أفرح؟؟
فرح: ها مشيت ناكل ونجيب معايا لنسرين تاهي ماتاكل
مليكة: زيدو نطلو عليها معرفتش علاش خاطري ضارني (قلب الأم ديما كحس)
فرح شطناتها ماماها وهي تسرع لمشية شوية بدات كنجري وتقول فخاطرها لا مايكون واقع والو .. دخلو لقاو صيروم طايح فالأرض ولفراش مخربق
فرح:نسرين! نسريين! (دخلات كتقلب عليها فالحمام)
مليكة: فين بنتي نسرين وا نسرين (دغيا عينيها غرغرو)
رامز:( كحاول يطمنهم)متخافوش غتكون مشات تشوف عمي احمد (والاو خالتو وعمو صافي سيد ناوي زواج)
مليكة: أولدي انا ياله جيت من تما
فرح خرجات تجري لقات واحد فرملية حدا لباب ياله غادخل عندهم
فرح: ختي فين لمريضة لي كانت هنا
فرملية: (بضحكة جانبية مامفهوماش) انا ياله جايا نشوفها ونبدل ليها صيروم(وراتها صيروم شاظاه فيدها)
فرح: ماما انا غنمشي بجرية نشوف واش راها عند بابا
مشات فرح تجري وتسول فلي شافتو قدامها تاهي قلبها مامطمنش لهادشي دخلات عند باها كان ناعس قلبت تاعيات، خرجات بلا عقل كتجري رجعات عند رامز ومليكة وعينيها كلهم دموع
مليكة: أمدرا أبنتي؟
فرح:( مبغاتش تخلع ماما) واقلة خرجت مع ذياب
رامز: ذياب م(خنزرات فيه فرح وهو يفهمها) أحم انا نعيط ليه نطمنو عليها(خرج من غرفة لي كانو فيها وهز تيليفون)
بارت:144
ذياب: أشنووو ياله كنت معاك اش باغي؟؟ مابقا حد يخدم معاكم
رامز: ذياب اه احم بغيت نسولك
ذياب: وطلقنا أزمر نتا كتمتم عليا اش كاين
رامز: دابة مشينا انا وفرح ناكلو ورجعنا
ذياب:(قاطعو) خليتو نسرين بوحدها لكلب تاع بوك ياك وصيتك تهلا فيها، جبتو ليها ماتاكل معاكم؟
رامز: سمعني القل*** راه رجعنا ملقيناش نسرين قلبنا أو والو
ذياب: هههه ضحك لباسل هادا، دوزها ليا ندوي معاها باش متبقاش نخلوعة مني.. هي لي قالت لك زعما تكدب هاكة؟؟ ضحك باسل
رامز: والقل*** داوي معاك بصح نسرين مكيناش دخلنا فين كانت لقينا سيروم فالأرض ناموسية مخربقا
طيط طيط ذياب قطع عليه وشعلت فيه لعافية وقف وخرج من بيرو قال لسكريتير تلغي كلشي هاد ليومين تايهدر معاها عوتاني. طلع لطوميبيلا وعفطة وحدة سايق بسرعة خيالية تاوقف قدام سبيطار داخل شاعل ديريكت لعند مدير لمستشفى وكحاول يبرد راسو، وصل دفع لباب ودخل
مدير: أسي فين عند راسك داخل لكوري خرج عليا برا
ذياب: (ماباغيش يتعصب تايتأكد أش وقع) معاك ذياب بغيتك توريني كاميرات ديال طابق تاني نهار كلو
فرملية:(دخلات كتجري موراه) سمح ليا أسيدي راه دخل بلا مايدوي معانا وكنا كنحاولو نحبسوه وندويو معاه معبرناش
ذياب:(شاف فيها وخنزر) تخرجي تقودي لا؟؟
مدير:(كقفقف ملي سمع سمية حيت شكون مايعرفوش)عبير سيري لكنطرول قوليهم يوريو لسي ذياب ككاميرات لي بغا يشوف وصليه تال تمة وتأكدي بلا غايسمعو كلامو ولي بغاها يحضروها ليه
ذياب: (ضحك بمكر ورجع خنزر فيها تاكانو غايطلقوها فحويجهم) تحركي نتي واش غنباتو هنا
فرملية: واخة سيدي
داتو فرملية فين كاميرات وجبدو ليه كاميرا مقابلا مع غرفة ديالها ذياب دفع لولد لي كان كيوريه وجلس رجع لكاميرا لوقيتة ضهر وهو يشوف واحد لابس طابلية بيضة وداير كمامة على فمو دخل وعاود خرج جاب كرسي متحرك ودخل بيه للغرفة وخرج حاط فيه نسرين لي كتبان ناعسة، عينيه حمارو وعروقو بانو وهو يهز كلافيي ضربو مع لرض وبدا كهز فأي كمبيوتر قدامو كشخشخو مع لرض وكغوت
ذياب: ياولاد الق*** فين نسرين وبربي ومانلقاهاش تانقتل زام** بوكوم واحد واحد
هز كرسي وكضرب بيه تلفازات لي لاصقين فالحيط وهو يدخل رامز يجري تابعاه فرح لي وقفات فلباب حطات إيدها على فمها ملي شافت كلشي مهرس وهو مزال كيهرس فلي جات فطريقو،
تلاح عليه رامز كيشد فيه وهو كيغوت
ذياب: فين نسرين فين مرتي ياولاد لق***
فرح: (كانت كتبكي وكتحسر على خالتو حتى سمعاتو) مرتي؟؟ اش كيخربق هادا؟ أويلي على مرتو؟
شخص: وي بوص راه محيح عليهم هنا
بوص: مزيان دكشي لي بغيت
شخص: صدق مجوجها كيبان ليا غايتسطى
بوص: هاي هاي ها خليه باش يتعلم يلعب معايا بقاي حاضية الأوضاع وعلميني بأي جديد
شخص: واخة سيدي ولكن بغيت (قطع عليها قبل ماتكمل)
بارت:145
دازو يوماين وليوم نهار لموعود حنين كتحل فعويناتها وهي فرحانة حيت أخيرا غاترجع لمغرب بغات تشم ريحت بلادها ومشطونة على نسرين باغة تشوفها، جسور باقي كاعي حيت كتخبي عليه ومصريحاش معاه كيما هو عاود ليها على حياتو كاملة..دخل جسور لقاها كتصيب فالفراش ولابسة كسوة طويلة فزيتي لاسقة عليها فيها جوج فتيحات فجناب
جسور: صباح لخير(كيشوف فيها بنص عين)
حنين:(دارت وبتاسمات وجات عنقاتو هو بقا واقف متحركش ماعرف مايدير) صباح لحب لأحلى شخص عندي فهاد دنيا
جسور:(تزير حيت دغيا كتأتر عليه) احم هادشي كلو فرحة حيت نازلة للمغرب
حنين: نو نو فرحانة حيت شفت حبيبي(باستو فحنكو) باقي مقلق مني؟؟
جسور:(حيد إيديها من على عنقو حيت كضعاف قدامها وهو باغيها تعاود ليه كلشي وبهاد طريقة تقدر تنفد لي فبالو) تكايسي على راسك راك باقة في فترة نقاهة
حنين:(عبسات وجهها حيت باين باقي كاعي) حياتي كلها وانا باغة نعرف اشنو هاد فترة نقاهة
جسور:(جابت ليه ضحكة) كتعني بلا راك باقي ماشي أونفورم وخاصك راحة ومتفورصيش على راسك
حنين:ايه ايه فهمت هاديك ولكن هاد نقاهة منين جابوها علاش ميقولوش ستراحة متلا لاش يعقدوها
جسور: (ضحكاتو وهو يبتاسم) ياله ألالة راه تابعانة طيارة ولا مابقيتيش باغة تمشي؟ انا نيت مابقيتش حامل ديمو داك مغرب، بغيت نفهم نتي أش عندك تما لي باغة ترجعي
حنين: باغة نشوف صاحبتي ونطمن عليها وعلى عائلتها راهم بحال عائلتي
جسور: (بتشكيك) اممم ياله نمشيو راه لوقت قرب
حنين: هانتا من هنا نقولك غير تحطنا غانمشيو نسولو فصاحبتي
جسور:(بالغوت) زدتي فيه أو هادشي كلو محبة(دار شافها كعات وعينيها غرغرو) صافي صافي نمشيو فينما بغيتي
حنين دارت عندو وعنقاتو باستو وهو عاجبو لحال ولكن مامبينش ليها، دازو سعات فالطيارة بملل على حنين لي كتسنا إمتى توصل وكتفكر شريط حياتها لي داز بحلوة والمرة وكيفاش تكتب ليها عمر جديد وأول إنسانة فكرات فيها هي نسرين. حطات طائرة فالأراضي المغربية حنون خرجات كلها أمل وعزيمة باش تقلب على صحبتها وتعاونها
ذياب: ألو وي
شخص: سيدي راه باقي مجاش
ذياب: صافي غير تسمع لخبار بلا جاي علمني(قطع معاه)
رامز: أجي نتا من غير نهار لول فاش نسرين غبرات لي حيحتي فيه شتك مبرد هاد تلت يام كيفاش بلانط لاش كتخطط
ذياب:(شاف فيه وخنزر) عؤفتي كنت عتزلت على إجرام ولكن دابة غاندير أخر جريمة ليا ومتشوق ليها
بارت:146
رامز:(تخلع) ذياب نعل شيطان عندك غير بنت وحدة عنداك تيتمها
ذياب: خرج قود عليا خليني نفكر
رامز: نوض ياله معايا ليوم يخرج سي احمد من صبيطار ياله نشوفوه ونيت عالله يهديك علينا الله وتقول اش كيدور عندك فداك دماغ
جر رامز ذياب داه معاه فرونج ديالو باش يسوق هو خايف من ذياب لي عينيه كيبانو كلهم شر
وصلو قدام صبسطار وذياب ماباغيش يشوف ديك نضرة ديال حزن فعينين دارهم ولكن باغي يكون معاهم فالمحنة ديالهم ياله غايدخلو بان ليه جسور جاي مع شي بنت
رامز: خويا جسور (كعنقو) عاش من شافك
جسور: روح تقود طلق مني بقى لمك غير تبوسني (دفعو) حيد أزمر
ذياب: (هز راسو فيه بمعنى سلام ومد إيدو) جسور غبرا هادي
جسور: غير شي مشاكل تانتعاودو من بعد ملي نجي نشوف ماما أمينة
ذياب: مرحبا ألعشير
رامز: كيبقات ختي حنون فينها؟
جسور:(كقلب بعينيه لقاها مخبيا موراه وكتقفقف) حبيبة مالك كترعدي؟
ذياب:(سمع سميةوهو يطل) نتي؟؟ كيفاش باقة حية؟
جسور:(دار شاف فيه وعينيه حمارو) كيفاش؟ فين كتعرفها
حنون:(بدات تبكي) انا انا انن واللهمااا قلت قلت لشي حد عفاك متآدينيش
جسور:(غير سمع هكاك شنق على ذياب) يازامل نتا هو لي سممتيها دوييي ليومة نقتلك
بدا جسور كضرب فذياب ولاخر مكضربةش غير كيكالي على ضرب بخفة بحالة كلعب نع دري صغير ورامز شداتو ضحكة بالمنضر .. حنين تخالعات وهي تسخف ياله كانت غتخبط مع الأرض شدها رامز.
رامز: واقل*** درية سخفات!! جسووور
جسور:(دار مخلوع مشى إجري عندها) حنون حنون فيقي
ذياب:نود هزها وجمه كر** راك فسبيطار غايشوفو مالها
جسور:(معصب) حسابك معايا نتا تانسالي لك
ذياب: ايه ايه فهمنا ياله
هزوها داوها دخلوها لغرفة وشافها طبيب قاليهم غير نقص غدائي ونفاعلات ولا تخلعات داكشي باش سخفات...
رامز: دراري انا نمشي نجيب ليها ماكلة ونتومة حلو مشكيل بحال ناس المتحضرين
ذياب: خرج تقو** نتا داير فيها خيط لبيض
جسور: (جا قدام ذياب عينو فعينيه وباين معصب) دوي طلق راسك
ذياب: ريح لرض حط طرمتك وسمعني تال لخر
عود ذياب كلشي لجسور لي تأتر فالحالة لي وصل ليها صاحبو وتعصب ملي سمع اش دار فحبيبتو ولكن لي مكانش عارف هو أنه حنون كانت باغة تموت وطلبات ذياب يقتلها وهو عطاها سم ولكن واخة هكاك مشات تلقات لطوموبيل ديال رامز باش تموت ولكن عمرها طويل، جسور ماقدرش يحكم عليه خاص يشوفو حنون أشنو رأيها
صونا لذياب تيليفون خرج إهضر وجسور دار يشوف فحنون لقاها فايثة وكانت كتصنط
حنون: هئ هئ هئ
جسور: جا عنقها لاش كتبكي دابة انا حداك ولماضي غايبقا ماضي
حنون: هى هئ،ولكن صاحبتي مخطوفة هئ هئ
جسور: نسرين لي كيبغي ذياب هي صاحبتك؟
ذياب:(دخل وسمعها بقات فيه جا حداها) حنون كنطلب منك سماحة انا عارف صعيبة وداكشي لي درت ماشي قليل ولكن على قبل صحبتك لي سامحاتني سامحيني انا نادم وكل نهار كنحاول نستغفر على ذنوبي
حنون: انا رجع ليا ختي ونسى كلشي ولكن نسرين هي شرطي
ذياب: مقلتي عيب انا مشيت خليت ليكم الراحة، اه ورا باها فوق فبلوك ****
بارت:147
فمكان أخر هادا أول يوم نسرين كتحل عينيها شبعوها تخدير كل ماتقرب تفيق كانو كيعطيوها جرعة خرى ليومة حلات عينيها لقات بيت مضلم وشراجم مسدودين وهو يدخل واحد طويل وشهب بغات تحرك كتلقى راسها مربوطة
فرانك: أميرة فقتي عاسلامة
نسرين: شكون نتا؟؟
فرانك: ههه (جا كيقيس شعرها وهي كتحاول تنتر منو) انا ألالة هو لي غناخد الأعضاء دياولك لي سي ذياب نكرني فيهم
نسرين: (بلخلعة مبغاتش تخرج لهضرة)أشنو؟؟
فرانك: (بدا كتمختر فلبيت) هاوا طبيب تابعني ونساليو هاد سيناريو
نسرين:(بدات تبكي) عفاك ماديرش هادشي انا نقول لذياب يعطيك لي بغيتي
فرانك: تو توتو ذياب بغيتو يبكي دم وفعلا دكشي لي غايكون نلي غايجي ولقى جسم محلول من هنا (حط صبعو على صدرها لوسط وهبط تاوصل لسمطة ديال سروال) لهنا ولكن خاوي بلا اعضاء ولقاك نتي ودعتي هادشي لي باغي انا
دخل طبيب لابس وداير كمامة وهاز إبرا فيدو
طبيب: انا غنخدر لمريضة
فرانك: لا ماكين لاش بغيتها تحس بالألم مضاعف دوز دير خدمتك
نسرين: عفاك عفاك لا الله يخليك عتقني من هاد لوحش عفام هئ هئ هئ
صوتها بح بلغوات ولبكا وطبيب جاي جيهتها غمضات عينيها مبغاتش تشوف اش غايوقع ليها وهي تسمع شي حاجة طاحت لأرض هزات عينيها كيبان ليها طبيب واقف وفرانك فالأرض وفعنقو ديك شوكة لي كان هاز طبيب، تحل لباب دخلو رجال لابسين لكحل طبيب حيد لكمامة على وجهو ..
ذياب: هزو هادا ديوه لديبو
نسرين بقات كتشوف حتى غيبات... داز وقت كتحاول تحل عينيها وكتسمع حوار
ذياب: مالها علاش مفاقتش راه ظازو ربعة سوايع بربي وتوقع ليها شي حاجة تانثبر مكم فهاد سبيطار
شخص: لمريضة لقينا فتحاليل دم جرعات كبيرة ديال تخدير لي كانو كستعملو ولجسم ديالها باقي متخلصش من كلشي... هي غاتفيق فأي لحضة غير صبر
حسات بيد تحطات عليها دورت وجهها وحاولت تحل عينيها كتبان ليها حنون سدات عينيها وعودات حلاتهم
حنون: نسرين نسرين واش فقتي نسرين
ذياب:(جا يجري) حبيبتي عاسلامة
دورات وجهها كتشوف فحنون ومدات إيدها بغات تقيس وجهها هبطات حنون لعند ايدها..
حنون: نسرين انا حداك وي هادي انا متخافيش كلشي تصلح مهم توقفي لينا على رجليك
تحل لباب ودخلات فرح تجري تابعاها لالة مليكة ورامز موراهم دافع سي احمد لي فكرسي متحرك بحكم باقي مادازش بزاف على لعملية
سرعان ما لغرفة ولات كتسمع منها قهقهات ضحك وشهقات بكاء كلشي فرحان من غير نسرين لي مكتشوفش فذياب وهو حس عليها ومعرفهاش مالها
حنون عودات ليها كلشي وهي بدورها عودات لحنون لي بقات معاها نهار كلو تاجا جسور قنعها بلا تاهي لازمها الراحة خرجو خلاوها بوحدها..
نسرين:(سمعات دقات على لباب ولكن شمات ريحتو قبل) دخل
ذياب:(دخل وجا حدا راسها وباسو) كيبقيتي
نسرين: لباس
ذياب: مالكي؟؟
نسرين: شوف نتا مالي
بارت:148
ذياب:(بدا كتعصب) معنديش مع الألغاز قولي خلاص
نسرين: غانسولك سؤال واحد وبغيت صراحة، واش درتيني طعم؟ باش تشد داك فرانك؟
ذياب:(صدماتو ماعرف مايقول) ماشي بحال هكاك
نسرين:(قاطعاتو)
ذياب:(بقا كيشوف فيها) اه ولكن راه كانت عندي خطة مدروسة عمرك كنتي فخطر
نسرين: ههههه كتهضر من نيتك؟ ملي عرفتك وانا فخطر لا لا نتا هو لخطر
ذياب:(تعصب وتجرح بكلامها) سمعيني بعدا قبل ماتحكمي
نسرين: عارفة كنتي مخطط واقلة وراسم لفكرة فراسك وانا كنت طعم وبقيتي كتسنا حتى جا كرانك ونتا هاد لوقت كولو مراقبني
ذياب:(عوج راسو كيشوف فيها فهمات كلشي) اه ولكن كيما قلت لك عمرك كنتي فخطر
نسرين: ايه ولعداب نفسي مفكرتيش فيه؟؟ مفكرتؤش فداك تخدير لي عودو جسمي عليه؟؟ اه مفكرتيش فجيداء لي كوراها كتبكي ليل ونهار؟؟
ذياب:(بقا فيه لحال) ولكن كون مدرتش هكاك كان ديما غايبقا تابعنا... كون ماكنتيش نتي تقدر تكون جيداء
نسرين: سكت حرام علك تقول هاكة بغيتيني نبدا نتخيل جيداء فداكشي لي شفتو!! علاش كتزيد فعدابي؟؟
ذياب:(قرب ليها وشد ايديها وهي مبعداتوش) نسرين انا مبغيتكش تبقاي تخافي مني ولا تخافي من مستقبالك معايا حيت من هنا خاصك تعرفي بلي نتي ديالي وانا ديالك(نسرين تزنكات)، هادشي كان ضروري يوقع سمحي ليا ولكن كون رجع لوقت بلور غاندير نفس الإجراءات حيت ماكيناش شي طريقة خرى، وكون كنت شاك فشي حاجة توقع لك راه منخليكش تفارقي عيني
نسرين: ولكن
قبل متكملها قاطعها ذياب بقبلة لي خلاتها مخرجة عينيها ثواني وسرعانة مستسلمات لأحاسيس والمشاعر ديالها من جيهتو وهزت ايديها دوراتهم على عنقو وهو شد فخصرها وكرز عليها حتى كحس بملوحية ففمو بعد عليها كيبانو ليه دموعها
ذياب: شووو علاش كتبكي؟؟ صافي منقيسكش غير متبكيش
نسرين: لا لا عادي
ذياب:(بضحكة سيكسي) اشنو لي عادي؟؟
نسرين: بغيت نقول زعمة مبكيتش على داكشي
ذياب: (شاد فيها) اشنو داكشي؟؟
نسرين:(تزنكات وحشمات) وصافي ههه
ذياب عنقها وضمها لصدرو وهو يتحل لباب دخلت لالة مليكة وفرح ورامز وسي حمد
احمد: اش هادشي؟؟
مليكة: نسرين اش هادشي
نسرين: امم لا دابة انا كنت كنبكي وو وو
ذياب: سي حمد بغيت نطلب ايد بنتك نسرين على سنة الله ورسوله
رامز: تانا تانا
مليكة: أويلي تانتا باغي نسرين
فرح: ولا أماما انا انا
احمد: واقلة هادي ماشي لوقيتة ولا مكان لمناسب
بارت:149
احمد: واقلة هادا ماشي لوقيتة ولا مكان لمناسب لهاد لهضرة
رامز: عمي حمد غير تمشيو لداركم نجيو نخطبو
كلشي بدا كضحك وبقاو مجمعين على ضحك، رامز دا سي حمد ومليكة لدارهم اتساراحو عاد يرجع عندهم بقات نسرين ذياب وفرح
فرح: نسرين بغيت نسولك
ذياب:(شاف فيها بنص عين) انا ماخارجش غير سولي
نسرين: مكتحشمش نتا؟ (هز كتافو بلا مبالات ومشا بعد عليهم حدا شرجم)
فرح: ماكهمش تانتا معني بالأمر. مهم سمعت ذياب ملي تخطفتي كيقول مرتي واش مزوجين؟؟
نسرين: كيفااش؟ (شافت فذياب زعمة عتق)
ذياب: اه مزوجين (سكت وبقا كشوف فرح) ولكن ختك باقة معطاتنيش لحلوة
نسرين: ذيااااب
فرح: (كتموت بضحك)انا غنخرج نتلاقا برامز تهلاي فراسك وملي تخرجي من صبيطار جي لدار (أو شافت فذياب زعمة رجعها لدار)
ذياب: غنجيبها لدار ونخطبها فنفس لوقت مابغيتش نضيع لوقت
نسرين: فرح سيري متخافيش غانجي سيري
فرح: ههه كتجري عليا واخة هايا غادة باي باي
ذياب: غنديك لداركم ونخطبك ولغد ليه نقولو ليهم غانمشؤو نديرو لاكط ولا نجيبو عدولات نتافقو معاهم
نسرين: غير بشوية علك مالك زربان؟
ذياب: (جا قرب ليها وحاوطها من خصرها جرها عندو) ماقدرش نصبر علك
نسرين طلعتها سخونية من قرب ليها وعاد زاد هاد الكلمات لي قال، هز ليها راسها باش تجي عينو فعينها ولغة لعيون تبدا، كوصل ليها حبو وشوقو ليها وهو ينزل على شفايفها ببوسة حنينة وتقيلة كعبر فيها على شوقو ليها وعلاش ماقدرش يصبر بلا بيها، نسرين ندامجات معاه ونسات العالم لخارجي هزات ايديها وحوطات عنقو بعد عليها بشوية وشاف فعينيها
ذياب: كنبغيك انسرين
بارت:150
نسرين: بغيت نسولك
ذياب: بلا ماتسوليني على داك لحيوان لي خطفك
نسرين: بغيتينا نبداو صفحة جدسدة مبنية على تقة والإحترام ونسى لماضي؟؟
ذياب: (حاس بيها اش غتقول) بففف ياله قولي
نسرين: فين درتي داك الحيوان بعدة
ذياب:(كشوف فيها مطول) عندي فديبو
نسرين: (عينيها توسعو) باقي عندك داك ديبو؟؟
ذياب: فصراحة كنت كنتسنى نضفيها ليه عاد نتهتا من ديك لبلاصة
نسرين:(شدات فيديه) ذياب بغيتك متقتلوش
ذياب:(نتر إيدو منها) واش تسطيتي لا هداك كان باغي يقتلك بأبشع طرق ونتي فايقة وحاسة لا لا خاصني نقتلو بيدي (بدا غادي جاي فلبيت وباين معصب وكيدوي)
نسرين:(غوتت) ذياااب (وهو يوقف وشاف فيها مخنزر، بلعات ريقها خلعها) أجي حدايا
رجع عندها وقف حداها وهي تكاحز فسرير ودارت ليه إشارة يتكا حداها ذياب زربان طلع لسرير وتكى حداها ولكن مابغيش يزرب عليها بشي جيست تسناها حتى جراتو لعندها وخشاتو فرها وهو مبتاسم عاجبو لحال، لأول مرة يكون قريب ليها هاكة وبرضاها
نسرين: حبيبي
ذياب:(قاطعها) اشنو اشنو؟ عاوديها
نسرين: (خشات وجهو فعنقها باش تشجع تقولها عوتاني حيت شوفاتو كوتروها) حبيبي وروحي وحياتي
ذياب: احح عليك دابة حكمتيني لي بغيتي نديرو
نسرين: هههه دابة احبيبة ياك غاتبعد على إجرام؟
ذياب:(كشم فعنقها) مممم
نسرين: انا بغيتك متوسخش ايديك بداك لحيوان وتعطيه لسلطات هو وأي أدلة ضدو ونقدرو نتاهموه تابخطف ديالي..
ذياب: (كهضر من عنقها) هاداك لاعطيتو للبوليس يخرج فنهارو (سكت شوية) صافي انا غنعطيه للأنتربول هوما لي غايعرفو ليه
نسرين:(باستو فراسو) إخليك ليلي
ذياب: إوى خاصك تخلصيني على هاد جيست لي غندير حيت مساهلش
نسرين: كيفااش نخلصك ونتا عند فلوس كتر من لهم على قلب
ذياب: ههههه هادوك ألالة فلوسنا وخلاصي ساهل أجي نقول لك فودنك
قربات ليه وشاكة وهو يجرها عندو ولتاحمو شيفاهم ومعنقين بعدياتهم ودخلو فعالم ديالهم بوحدهم ماطلقها تاحس براسو غادي يوصل لشي حاجة مغتعجبهاش وهو ماباغيش يخسرها وهو يحبس راسو، باس جبينها وضمها ليه ونعسو فحضن بعض
بارت:151
صبح صباح ذياب فاق قبل
ذياب:حب حب
نسرين:صبح خير
ذياب:كنبغيك
نسرين تتحس بفراشات تيشطحو في كرشها بفرحة او كلمة كنبغيك كيف خارجة من فمو بحال عسل تاهي قدرات تيحد داك حاجز او تجشعات
نسرين:(قربات تال حدا وذنو همست) تا انا كنبغيك ذياب
ذياب يا ذياب مني سمع هاد كلمة ولا حمق بفرحة هزها بدا يدرو بيها بحال شي عصفورة
ذياب:ممصدقش نسرين راكي حياتي او فرحتي معاك راه منقدرش نعيش نتي بعيدة عليا غادي نعوضك على اي حاجة صدرت مني في ماضي
نسرين:(شدات وجهو بين يديها) ذياب راه انا نسيت كلشي مهم اللّٰه عوضني بيك او جيداء هو بابا ولا بخير صافي حمد اللّٰه
ذياب:نتي ملاك سمحليا بزاف(باس جبهتها بحنية) متنسايش جيداء راه خاصها شي خوها او ختها اولا
نسرين:(حشمات ولات غير تضور في عنيها) اه..من بعد تتكبر
ذياب:بنت كبيرة خاصها لي يونسها انا بغيت شي طرف منك باش يشهد على حبنا
نسرين:انشالله
مشاو وصلها دار دخلات عيط ليها باها باش يهدرو
نسرين:نعام بابا يكما كضرك شي حاجة
احمد:لالا ابنتي بغيت نهدر معاك بخصوص داك سيد ذياب
نسرين:نعام ابابا
احمد:واش نتي مواقفة زواج بيه مقتانعة او مرتاحة اولا كنتي رافضة مكاينش لي يبزز عليك
مليكة كانت واقفة حدا تتسمع اويلي راجل كامل مكمول علاش ترفضو
مليكة:احمد راه راجل كامل مكمول عندو رزقو جابو ليها اللّٰه خليها تعيش هي موافقة انا عارفة بنتي
احمد:بنتي جاوبي مديهاش في كلام ماماك
نسرين:بابا انا..(حشمت)...ل
ناضت تجري حشمات هي طلق واحد تزغريتة مليكة تخلعت احمد مسكين معرف باش تبلا
احمد:مالك ياهاد مراة خلعتني
مليكة:اويلي فرحانة بناتي غينزوجو
احمد:فرح باقة صغيرة او هاداك راه كبير عليها اولي يعود قاتل بنت نهار اول (قصد ليها معلم )
مليكة:بنت راها بغاه خليها او ولاد يوم عرافين اش تديرو
مشات خلاتو بتسام او فرح اخير بناتو غيتزوجو واخا تخوا دار لكن حمد اللّٰه تفكر واليد حس بنقص مني مشا
بارت:152
تافقو على نهار يديرو خطبة عقد في نهار واحد ولكن مليكة قالت ليهم ولله مدرت عرس بناتي لاخرجو (عصا في رويدة اشنو ضروري عرس قالا)
وافقو بزز منهم باخص ذياب مني شاف نسرين تاهي باغا عرس صافي تنازل بزز منو جاو خطبوهم او نسرين عودات مها او باها فرح على جيداء على سبب لي تيخليها تقولها ماما باش ميقولو والو غير شبه بينها او بين مها هادشي لي قالت رضاو عليها دارو هدية او مشاو متوجيهن قاعة لي كانت ولا اروع اشمنك يضواو او مكالة او حلاوي عواصر كلشي موجود كاع ضرب عرضو ليه عائلة كلشي فرحان دخلو بصلاة او سلام او زغاريت او دقة مراكشية كانو وجدو عروسات من لباس او مكياج او شعر جاو فنين ملكية دموع خانوها متوقعاتش غيتزوجو بناتها دقة واحدة او تخوا دار فرحات بزاف احمد تاهو فرحة باينة عليه
مني دخلو لقاو تلاتة كوشات
نسرين:على شكون عرسان 3 يكما غاطلنا في قاعة
ذياب:مفاجاة
تدخلو تاني حنون او جسور هي تكشيطة خضرة حنا او هو بجابادور جاو كيوت نسرين دمعو عينها بفرحة ممتيتقاش هي او ختها او صحبتها مزوجين في نهار واحد شدات دموعها بزز باش ميخصر مكياج او بدا عرس بحنة هي اولى
وصل واليد دار عمو عيا يدق مجوبو حد استغرب من وضع هو يجي عندو مول حانوت خبرو بلي راه يوم عرس بناتهم او راهم مشاو قاعة...
مشا واليد في طموبيل مع مرتو او نسبيو لي تلقا معاه في طريق كانت خاسرة ليهم طموبيل عوانو صوبها ليه او وصلو معاه عواد ليه واليد قصة حياتو بقا فيه او طلب منو يخدم معاه هو معندو حد عندو بنت هو راجل كبير وافق شوية هو يقترح عليه يزوجو بنتو رفض في اول شوية فكر تاهو خاصو يعيش حياتو او ربي فتح ليه رزق او تزوج بيها او عجباتو او بداو حياتهم
توجه قاعة دخل هو مرتو انسيبو مشا عند عمو فرح بيه او مليكة تاهي فرحات مني شافتو عاود ليهم اشنو وقع كملات فرحتهم او رحبت بيهم مليكة او تهلات فيهم عرس كلو مشا بارك عرسان فرحو ليه تاهما باخص نسرين حيت كان بقا فيها
داز عرس في أجواء كلها ضحك نشاط او شطيح كمل عرس او تفرقو بالبكا بزز او كلا مشا يدوز ليلتو في اوطيل (مغنقوليكمش اش وقع حيت كلا او ليلة دخلتها كيف عاملة)
جا صباح او مشاو كاملين فيلا ذياب لقاوهم كلهم مجموعين دوزو صباح غزال او قرو يمشيو شهل عسل ذياب نسرين طلعو شمال على قبل نسرين خلوها تتبكي قالو نبقاو غير سميانة رجعو تال منبعد او يمشيو بي 3 شي دولة اما رامز او فرح مشاو فرنسا حيت كان حلم فرح تشوف برج افيل
جسور او حنون مشاو غير افران حيت باقة خاصها راحة
داز كلشي على خير