ليوم مثقلاني قصة خطييييرة بوووووومب🚨♨♨♨ نووية .. قبل مانبدا لي عندها مشكل فسفالة بلا متقرا لان القصة جريئا نوعا ما لانو روووكان " البطل " مكيحشمش باااسل😈😂😂
- لااااا اااعمي و الله منعااااود عفااااك اعععمي والله منعاااود نشعلوووو عفااك سمحلياااااا
- سككككت و زيد قداااامي .. جروووه نتوووما
- عفاااك اعمي سمح ليا كنت باغي غي نسمع و قتاااش الدخول المدرسي عفاااك اعععمي مشعتلوش بالعاااني عفاااك متعاقبنييييش
- جروووووه نتوما ااش كتسناااو
جارينو الحرس وهو كيتررركل فيدييهم و داك الراجل شاااخد .. و ماماه لفووق كتشد على ودنيييهااا باش متسمعش لبكااا ديالو و غواتو تاكايجيو و لادها لوخرين تاخشاااو فييها خيفانين و عنقااتهم وهي كتبكي حيت ما فيديها ما ديررر .....
الولد صغير محنوووش فيه وهو كيبكي و ويغوت لربي لي خلقو و يردد كنت باغي غي نسمع و قتاش دخول لمدرسي .. و راجل ماماه شاخد حيت مكيحملش لي قرب ليه لحوايجووو و لا يمس الراديو ديالو .. و فاش لقاه جبدو ليه و شعلووو جن جنونو و بدا كيسخن فواحد سفوود و الولد كيبغي يطير من الكرسي ولا زررررق والحرس شادينو و شفقااانين عليه وهو ميغوت بجهههههد باغي يتفك منهم و راجل ماماه كيسخن فالسفود مزيااااان حتا ولا حمرررر مزنند و الحرس شادين فديك الوليد صغير و كيدخلووو فودنييه و الولد كيغوووت بجهدددد و صراااخ ديالووو كيتقاطع بالآلام و الحرس مدورين رايهوم ماقادينش يشوفووو
- تعاااود تسمع لراااديو دياللي ها ؟؟؟؟؟ اصلا مغاااتقدرش تسمعووو عاد
خشا ليه السفافد فودنيه وهو كيطلع ويهبط بالحريق و دم خاارج ليه من ودنيه و ميغوت بسمية ماماه
- مااااااااامااااااااااا
تنفض من الفراااش كينهج صدرووو كيهبط ويطلع و شعرووو مخربق و عرقااااااااان ...... بدا كيينهج و يترعد حيت ديما نفس الكااابوووس .. تاارد انفااسو مزياان و تكاا على سرير كيرد شعرو لور و كيتهدن شوية بشوية عاد بدا يفتح عينيه مزيااان و الشمس داخلا .. ناض ثقيييل كيجر رجليه لحماام .. دخل و بقااا مقابل مع المرايااا ... كيشوف فراسو عرقااان و شعرو مخربق .. حل الما و بدا يخوي على راسوو و يفزك عنقووو من حر الجو .. وهو كيشوف فعينيه لي حوومر كل ماتفكر الكابوس ..... خرج من دوش كيمسح وجهوو بفوطة ... .. وهو لابس غي شورط بسيوور فالابيض و ملفوق عريااان وااشم قرش تحت ضهرو من لور و البشرة ديالو مبرووونزيااا بحكم كيعيش غير حدا لبحرر ... حتا و لا اسمووو : روووكان 🐳 "القرش" .. حيت جل شواطىء المغرب و امريكا الاتينية و اسياا عندو فيها النص بالبحر و لاسماك ... وثروات البحر كاملة .. وكيفضل يعيش حداا مملكتوو لي هي البحاار ... .. حل دريسينغ " بيت تبديل الملابس " هو ينقز عليه روبن 🐯 و تعلق فعنقو
- كنتي هناا ناعس و نا كنقول علاش مجاش حدايا فسرير .... كوومااان روبن خيليني نلللبس .. يااالاه نزل عليااا
روبن هو نمر صغيير رباه ملي يالاه تزاد و مامات روبن فالجزيرة ديالو .. نهار تزاد عجبو وهزو معاه سماه و لا عايش معاه و دابا عندو 8 شهوور .. ولا كينعس حدااه و غي كيشم ريحتو من بعيد كنقز عليه ..وهو صديقو لوحيد ...
جبد شورط اسود لاكوسط و تيشورت تاهيا كحلة سامبل مشط شعرو المنفوش لور ودار الكاسكيط وهز نظاراتو وكلس على سرير كيلبس تقاشر و سبادرين كحلة ثم خرج و روبن تابعووو مع رجليه ... خرج من الفيلا ديالو تاوصل لرملة لي كتلمع مع شمس صبااح وجر كرسي كلس و روبن تاهو دار بحالو حيت ولا يقلدو فكلشي و كلس فالارض هز رجليه تكاهم على طبلة و شاد تيليفون
فركن اخر
عادل : سررربي راااسك راه جااا دغياااا للتعطلنااا 5 دقائق يحيح مافيا لي يسمع الهضرة على صباااح
الطباخ : كلللشي واجد اسي عادل .. غيير هو راه محمد مراتو ولدات ومشا عنهااا
عادل : اولي مشااا بلا ماياخد الادن من روكان؟؟؟؟
الطباخ : مقاالي والووو تاعيطت ليه قالي مشا بلا عقل
عادل : لا صااافي كحاالت علينا اكيد غايسول فيه هو لي موالف يديليه الفطوور وااا مولاي بوعبيد رقي ماتهناااو تايعلقني شي نهاررر من .... خليني ساكت😒😒😒
الطباخ : متخافش ربي جاب لينا واحد لولد كيطلب الخدمة و راه لبست ليه لبسة دمحمد غايمشي يديليه الفطور هو
عادل : هداااك راااه كيعرف الحنش تحت الارض فين كيبووول غاايسول عليه دابا تشووف وانا لي غاطيحوووني فالمشااااكل اوووف .. يالاه سربي عيط للولد يدي ليه لفطور و المقوتة د رووبن سربي
جا ديك الولد مخلووع مسكين لابس سروال اسود و قاميجة بيضة و داير طابلية كحلة ضايرة على نصو و هز لبلاطو د الفطور و مشا باتجااه أسد "روكان" كيقفقف لان تاحد مكيسخر على اسد منغير محمد .. و عادل كياكل ضفارو من بعيييد .. و الشاطئء بدا كيعممر و أسد كالس بعيد مركز مع تيليفون تاحط ليه ديك الولد الفطور فوق طبلة كيقفقف و اسد ماردش ليه لبال و وقف موراه
اشرف : لفطور و واجد اسيدي شي حاجة اخرى
عادل بدااا كيندددب وهضر ليه فالسماعة لي فودنو
عادل : سيييررر قدااامووو وهضررر غاتخرجووو عليا😭😭
اشرف : ا و وا واخا
مشا اشرف قدام اسد وهو يطلع فيه عنيه لي كيبريو بالشمس حيت ضاربا فيهم وطلع حاجبو بمعنى اش بغبتي
اشرف : ا ل ( توتر ) ل لفطور و واجد اسيدي ( اسد مركز ليه مع الشفتين ديالو تا سالا هضرتو و طلع عينو لعينيه )
اسد : شكون نتا ؟
اشرف : ( غير بدا كيهضر بدا يشوف ليه اسد ففمو ) ا انا ال اسيرفور جديد اسيدي
اسد : فيم محمد 😐
عادل كيقول ليه فسماعة : قوووليه مريييض مررييض
اسد : (بحدة) حيد لكيت و هضر معايا ..
اشرف توتر وحيد لكيت من ودنو : غ غير مريض اسيدي
اسد : عيط لعادل
اشرف : و واخا هي لولا اسيدي ..
مشا اشرف كيجري
عادل : اشنوو قاليك
اشرف : رااه بغااك 😎
عادل : لااا صااااافي كحااااالت كحااالت ينعل جدي انا لي تااايق فيكم لاوقعات لي شي حاجة تبرعو بالقضييب ديالي يشفع لي 😵
عادل بدا يتنفس و دار ضحكة صفرة ديال كلشي مزيان 😅و مشا باتجاهو وقف قداامو .. اسد كان كيداعب بيدو روبن غي شاف قدامو طلع عينو معاه مطلع حاجبو ليسرية... حيت هاد شوفة كتفشل ليهم ركاابي عادل شوية و يبول فسروالو
اسد : وخا نعرف علاش محمد مكاينش .. فين مشا
عادل : اا س سيدي .. ر راه محمد .. م مريض عيان شوية و مشا اغجونص لاكلينك
اسد : علاش هداك مالو ( شير بيديه لاكلينك لخاص بيه )
عادل : هاداك خاص بسيادتكم اسيدي
اسد : على امتى انا منعتو عليكم ... عاادل .. عارفني مكنحملش لي يكدب عليا .. وديك رجلين منبغيش نشوفوم كيترعدووو كدايا مفهوووم
عادل : ( جمع رجليه ) و واخا اسيدي ..
اسد : شكون هاد لولد
عادل : طلب لخدمة اسيدي ورااه عندو تجربى و خبرة و فايت خدام فالقصر الملكي فالامرات
اسد : يكون خدام تا مع ابوما .. منبغبييش لي يتسخر عليااا ركابيه كيترعدووو و كتفتف فالهضرة ... و كنعيا كنقول فهاد لكلام ..
عادل : ل لا اسيدي
اسد : تقلع من قدامي وفاش يرجع محمد سيفطو ليا .. خرجو jet ski (الدراجة المائية مطور د لبحر )
عادل : هي لولا اسيدي
قلب عنيه لفطور و هز لقهوة ديالو .. كيشرب ويشووف فالمواااج كيف كتمشي و تجي بصخب كبييير و لاكن اسد مكيسمعهااش وهي الوحيدة لي مكيقدش يعرف اش كتقول او يقرا شفايفها .. كيشوف مواجها كيتضربو فصوخوور بحدة كبيرة و رغوة مع جناب بيضة كتوحي بقوة الامواج .. هادشي لي كيخليه يتخيل صوتها فراسو بدون مايسمعها ... ناس بدات كدخل وكلشي كيعووم .. اسد كيفضل يكلس فالاماكن لي فيها لبشار داكشي علاش طالق كاع الشواطيء ديالو يدخلو ليهم ناس .. ولاكن حتا كيتفتشووو من طرف الحراااس ويشوفو الهويات ديالهم عاد كيدخلو .. و كيجيو تقريبا غي ناس الهاي كلاص من رؤوساء ووزراء و سياح ..حيت كيعجبهوم الامااان .. و ااشواطىء الخاصة بحال شواطى اسد .. وهو مرافضش يدخلووو ... عكس فاش كيكون معصب كيبعد لمنطقة الخاصة ديالو حيت فاش كطلعلو القردة لراس ياا عدااااب لي يهضر معاه .. رغم اعدائو الكتر لان انه رافض يكون عندو بوديغارد .. من غير الحرااس ديال لفيلا و المطاعم و الشواطيء.. اما هو رافض يكون عندو حارس شخصي من غير روبن .... كيعجبو ينتقل بحرية و يكلس فين قالهالو عقلووو .. و يااااويل لي يجي يجبدو ... حيت هو بوحدو فيه 50 بوديكارد .. مكيدخلش لمدن بزاف من غير الشواطيء و الجزر .. عندو مناجم مرجان و احجار كريمة و المعادن من ثروات لبحر كريستال لؤلؤ الخ ..بانيهم فواحد جزيرة اكتشفها كانت خاوية و عاود هيئها من جديد و خلاها خاصة بالمناجم و مخلي تما لي كيقابل و موفر ليهم جميع المرافق مدرسة و مستوصف و شرطة و بقالين و عايشين تماك و كيتخلصو حيت حاضيين ليه الجزيرة .. بلا مانهضرو على باطوات الصيد لي كتخرج كل نهار ثروة من الاسمااك .. وعندو شركة ديال تصدير خاصة بيه عندها فروع فجميع المدن و حاط ليها موظفين و مدير و رئيس وهو كيمشي غير يتحاسب .. ناهايك على المنتجعات و الفنااادق لي عندو فامريكا الاتينية و اسيااا .. و حتا فالمغرب .. اسد متقلب الجو مرة يفيق يبغي يصبح فاستارليااا و مرة ترشق ليه يبقا غير فدارو ميخرجش مرة تجيه يركب فاليخت ديالو و يقفووو فوسط المحيط و يكلس تمااا رفقة روبن .. هو وعقلو اش كيقول ليه و لفلووس داخلة خارجة ومكاينش لي يقوليه لا .. ااه فعلا مكيسمعش .. ولاكن عندو العين مكتزككلش .. ومكينش لي يتجرأ يدوزها عليه حيت دغيا كيكشف لكدوب غي من لعنين... و بعد لمرات كيشوف لكدوب بعنيه ويلا كان مولاه خايف .. كيدير راسو تايق وهو عارف كيكدب بحال كدبة محمد مريض... عنيه ثاااقبين و حاط فيهم حواااسو كاملين .. تخنزيرتو معهودة على وجهوو يمكن اكتسبها مع الحيوانات النفتسرة لي كيقيل وسطهم فالمحميات ديالو .. قليليييل و نادر فين كيبتسم ... ديما مشعبك
كمل اسد قهوتو و روبن تاهو كلا و ناض حطو موراه ف jet ski و حيد تيشورت وخلاها غي فعنقو بحال شي كاشكول على عادتوو و لبنااات لي فبلاج شادين على قلبهم كيلهتووو ..... ولاو مدمنين على لبحر غي باش يجيو يشوفوه ... ركب على مطووور تسمع صوووت ديالو فالارجاااء وهو غادي طاااايررر و روبن لاسق فيييه بمخالبوو فضهرو لي ديما مخبووش بسباب روبن ..
عند شلة بنات
- اووووف اقلبي وااااش شتووه😍😍
- شششش سككتي هنااا لجواسيس ديالو مسفين يسمعنا شي واحد
- ويلي انا كيسطني شي نها يلاقيلي نقشة مع ختهاا و نعكدهم غي بالفقصة 😭😭😭
- نوضي احنينتي نوضي .. فين توصلييه
- غي من سميتو يبان العربوووه اححح اقلبي ااااسد 😍😍
- ( ضارت عندها ) سمية روكان اسد .. باش عرفتييييها 😮😮
- اولي مشفتوش صورتو فالمجلات لبارح راه طلق ماركة حديد د الاحدية الرياضية
- نوووو .. مشتووووش ناااري غي نخرج ناخد مجلة اش كاتبين عليه😯😯
- وااالو نزق مكيبغيش يهضرو عليه من غير قريت اسمو أسد تامن كنية مداكرينهاش 😏
سلا اسد الجولة ديالو و رجع حط لموطور و نزل روبن كينفض راسو من المااا وهو خارج من البحر كيرد شعرو لور لي فزك و كيقطر عليه و الشمش كضرب فعضلاتو السدااسية ولونو المبرووونزي و لحيتوو المبعثرة و حجبانوو لغلاض لون عنيه فالشمش كيباان كيف قطرة عسل .. قهوي فاااتح .. و لماعين .. فيهم بريق خاص .. خرج كيقطر وجار رجليه فرملة و روبن كيتعلق فيه فتالي حطو على كتفووو وزاد وخلا نص لبنات موراه سليبهم فازك 😂😂😂😂.... ودخل لداروو يدوش
دخل لدوش ولاح رووبن فجاكوزي طلق ليه لما يرغوي وهو كيفركل كيعجبوو الما و بقا كيصدر صوتو المخيف باش يلفت انتباه اسد لي كيحيد حوايجو ولاكن روبن ولا عايق ان اسد مكيسمعوش الا لاوقف حداه و مشا تلاح عليه تاخلا ليه كتفو كيجري بدم بقا كيشوف فيه اسد من مرايااا
اسد : هبطتي لحمي عاوتاني صاافي تهنيتي .. ااش بغيتي رااه شفنااك تعلمتي تغوت ...يالاه هبط فيين كنتي ... ( كيغوت و اسد كيشوف فيه عرفو كيصدر شي وصوت " ملاحضة كنقول ليكم كيغوت يعني كيصدر ديك زئير ديالو حيت صوت نمر خرخرة و حشما نقولكم كيخرخر 😂😂😂 لهم كيغوت حسن " لاحو اسد ورجع تعلق فيه تاني كيلحس ديك دم) انااا حجي مورااك غي هبط عليا كليتيني.. ( هز روبن يدو بحالا كيداعبو و اسد هرب وجهو )ووووجهي لا .. الا وجهي بعد منووو .. كووومان روووبن تلاااح ( روبن تلاح فجاكوزي تاخلا دنيا كولها فازكة و لاكن الفرفارات لي فدوش كينشفو لما دغيا من الحيووط و لارض ...
اسد نصل حوايجو كاملين و دخل فجاكوزي حدا روبن لي شاد بلاصة كاملة و طلعو فوق كتافوو و دار يديه على جناب جاكوز و غمض عيينيه كيتروولاكساااا ... بعد ماروبلووو روبن بغا يخرج ناض كيغسل ليه بالجيل لخاص بيه بريحة رياضية ردو كاامل مرغوووي و كيخوي عليه لما يشللو و خرجووو و وقف تاهوا تحت رشاااش بجسدو الرياضي المنحوووت بحكم الرياضات لي كيزاول ركوب الامواج تسلق الجباال و البوكس .. بالاظافة لحمل الاثقال لي خلاو كتافو عراض واقفين و قااسحين .. دار لالكول لجرحة فين خربشوو روبن ... و خرج من دووش لاوي فوطة على نصوو و وشعرو كيقطر عليه وكيردو لور ... تابدات سنسلة لي فعنقو كيتهز عرفو تيليفون و مشا هزو و فتح لمكالمة كيشوف فتيلي حيت داير بروكرام كيطرجم ليه لكلام لكتابة بسرعة فورية بحالا كيسنع ..
عزيز : و وللدي .. و ولدي اسد
أسد عنكر حجبانو و دار ضحكة ديال خزيييت
أسد : مالنا
عزيز : ما مااماك
أسد : ( ببرود ) مالها
عزيز : ك كت كتموووت اسد
اسد حس بشي حاجة قاسحة لداخل ديالو حرقاتو و لاكن وجهو مابين تاردة فعل ...
أسد : انا جاي ..
قطع عليه و لاح تيليفون تشخشخ .. و بقا حداه كيلههت .. وروبن تخلع و كلس فقنيتة .. لان بعد المرات كيتعصب و كيرد عليه جنوون .. عرفو غيجي يجمع معاه بشي ركلة ومشا دار العقل و صقر ... كلس اسد على سرير مزير على سنانو و القبضة ديالوو كيتقاااتل مع قلبوووو كيقول ليه علاااش غاااتمشي .. و قلبو كيقول هااادي ماااماك و كتموت و خصك تودعها ... منبعد قتااال شرس د أحاسيسو .. ناض لدريسينغ كيلبس بزعفة محاملش يزطم فديك الفيلا لي كان كيف العبد المأمور فيها .. لبس سروال جين و تيشورت كري مزيرة عليه و سبادرين بيضة ركب ساعتو و هو كاااارز على يديه مبغاتش تركب ليه دغيا و ضربها مع لحيط و رجع هز وحدة اخرى بحال البانضة دغيا كتلبس وخرج منييير وروبن تابعو دفعو برجليه تاحابو على راسو لدااهل وخرج سد لباب ... مشااا بتجاااه عادل كان فواحد تشابولا " بيت قصب " فيه بيرو ديالو كالس حاط رجليه على المكتب كياكل ف هامبركر بجوج يديه تادخل عليه بحال رعاد و هي توحل ليه و بدا يكح ولاح من يديه و ناض كيتفتف تاطاح على لكرسي و اسد معلي حاجبو فيه ... عادل بدا كيشد فرسو و ناض هز لكرسي حطو وهو وقف كيشوف فيه
اسد : باغي طير 😑 ؟
عادل : ا ل ل لاا
اسد : روووبن فداار .. كل شوية طل عليه متنساوش مكلتو و دوا انا خارج ...
عادل : حاااضر ا اسيدي ويلا سول فيك شي حد مشااا مردش عليه وصل لطموبيلتو جاكوار بيضة و ركب كسيرا عطا لباباها لي فكرشهااا و خرج على لمنطقة و لبوليس كيعطيه التحية و شد طريق لكازا .. كااارز على سنانو وكيزطم على لكسيراتور بجهد و لفيطاس قرب يقلعو من بلاصتو يد فالفلون و يد متكيها على سرجم كيحك بيها لحيتو محاملش راسو علاش قلبووو ربح عقلووو وهاهو مشااا .. لدار لي خرج منها مدلول .. )
فيلا قحطاني
عزيز كيمشي ويجي
راوية : ( مرا كبيرة فسن و شعرها بيض كيبان تحت لفولار و دايرة كلسة لملووك فوق واحد لكرسي ) عزيييز رونتيلي راسي
عزيز : راااه جااي .. جاااي ...خفت يدير لينا شي روينة بحال داك نهار سيمانة و وخدم كيجمع فزاج وباقي مسلاو ... متعرفييه علاش ناوي تاكيخررب كولشي حسابتو بحالو لفلوس كتجيني من الواد
راوية : وشكون قالك عيطلوووو اصلااا
عزيز : ماه كتموت و خصها عملية و نتي كاتشوفني مأزم انا خاص لي يعطني يجي يديرها ليها ولدها لاباس عليه مالي على حااالتي
راوية : وكلس لارض اولدي راه معندو مايدير ليك .. اييييه يا ليام دابا البعلووك ولا داير فينا الرعب
عزيز : ششششش سكتي دابا هو دخل راه داير كي لفار .. و يسمعنا يخلي دار بونا بجوج
راوية : ياااك مكيسمعش
عزيز: انااااا لي مكنسمعش مهاداك راه كيسنع القراامد الله يحفض عندو دوك العنين متعرفهم علاش ناوييين
راوية : نتا عيطتليه شغلك هداك مانتا خلي المتعوسة تعكدهم و تهنينا من خنشوشها
عزيز : ايييه فاش تموت ... شكون غاينقدني من هاد الازمة و صحاب سيزي مابقالهم والو ويديو هاد لفيلا و نبقا ربنا خلقتنا
راوية : علا هي باش غتنفك
عزيز : ولدها لاباس عليه .... تمشي تمسكن عليييه يجي يعاوني راااه ربيتو زعماااا فصغروو ولا نسا خيري
شوية تماات طموبيل جايا مكسيرية منوضة زلزااال ناضو وقفو بزززربة كيترعدو 😱😱 قالو غايدخل عليهم من لحيييط بطموبيل تاوصل حدا دار وفراانااااا بجججهد
عزيز : سلاااامة سلااامة ا .. يااااربي السلامة ياربي تحفففظ داير كي رعااااد ...
راوية : دابا نتاااا تبت و متعليش فيه لعين لايرزيني فيك اوليدي سسسكت هاهوا غايدق
عزيز : على الله غي ميهرسهاش اما لا دق ماعليش
مشات لخدامة كتجري فتحات ليه لباب و دخل مكيشوف لا هنا لا هنا ومشا دييييركت لدرووج عزيز يالاه تهجا يهضر فتالي سكت حيت طلع فردروج لي وسط دار كيطلع درجة ويخلف ربعة تاوصل لبيتها و حط يدو على لبوااني ومزير على عينيه حيت اخر مرة كان جا هو فاش قاتليه ضاروري تهضر معاه موضوع كيخص باه .. ولاكن .. لقاها غي كتكدب عليه باش تشووفوو .. حيتاش عزيز ولا عارف انو و لا من المليارديرين د افريقيا و طمع فيه و كيمشي يعمر فراس ماماه دغيا كياكلها .. ملي لقاها غي كتكدب رون ليهم دنيا و هرس كوولشي .. نتر يدو من البواني و بغا يرجع هوو يحس بالكحبة ديالها خاااااافتة جايا من لداخل ( واخا ماسمعهاش ) .. قلبووو ضروو و مهنااهش و حل لباب .. كانت مستلقية على سريرها و الاوكسيجين فنيفها و سيروم معلق و ااجهزة د طب محطوطن و جوج فرمليات حدا راسا وهي مغطي نصها بايزار بيض .. بقا كيشوف فيها عاقد حجباانووو .. هي ردات لبال لفرمليات فاش كيشوفو حيت ريوكهم سالو و عينيهم تبلونطااو و قلبات راسها وهي تشوفوو ترسمات ابتسامة على فمها باهتة و كتحاول تنوض و فرمليات شادينها هو باقي فلباب طلعها و هبطها و هي ضعاااااافت و لخيوووط فيدها و فصدرهااا ضرووو منظرها حيت رغم كلشي كتبقى مو لي حملاتو 9 اشهر ولاداتو وهي كترجااه بعينيها يقرب و كتهز يديها بتثاقل .. بدا كيقرب ليها بحال شي مغناطيس كيجبدو بلا هواه ...وكيتمشا بخطوات بطيئة و ديك فرمليا وحدة غاتسخف على لوخرااا كيطلعوه ويهبطوه .. وصل حدا سرير و كلس على ركابيه كيشوف فيها عاقد غوباشتو
ابتهال : ( بصوت متقطع ) ا اا اس د
حط صبعو على فمها وكيومي ليها بعينيه تسكت
ابتهال : و وو ول دي جيتي عندي .. و ولدي ق قال قالولي غا غانموت ... و أنا مابغيتش نموت ونتا .. ونتا مسامحتينيش اولدي
طلع عينو لسما و رجع شاف فيها
اسد : شكون قالك غاتموتي
ابتهال : ف فيا ل لكونسير اولدي .. ولكونسير كيقتل م مولاه
اسد : اوا هي لاطحتي على سجادة و دعي من الله يغفر ليك اما انا معندي مندير ليك .. حيت حتا نت نهار لاحوني لبرا فشتا و البرد راك مدرتي ليا والو و شفتي فيها كنطلبك و مشفقتيش على حالتي و دابا باغاني نشفق عليك .... انا راه معندي مندير ليك من غير اني غاندير واجبي و نقوم بكنازتك ( ناض هارب باش ميضعافش وقف عاطيها بالضهر بغا بمشي و بقا واقف شحال وهي كتهضر ماباغيش يضور يشوف اش كتقول و خا حاااس انها كتهضر )
ابتهال : عفاااك عفااك ( كتبكي بحرقة ) اولدي سااامحني .. ساامحليا اولدي عفااااك .. ( كتشوف عند فرمليات ) ضوروه عندي راه مكيسمعليش
مشات وحدة مستغربة و قاستو فكتفو ضورو هو يدفعها تاجات على قرفادتها وضور راسو شاف فيها يالاه غاتهضر و خرج لتخ لباب هو مسمعوش لاكن كلشي فدار تخلع من الزدحة ...و هبط فدرووج كان كلشي لتحت مكيشوفش لعندهم من غير وحدة جات حدااه طلع فيها العين
سارة : اااسد ..
شاف فيها و دار يدو على راسها خربق ليها فشعرها و شاف عند عزيز بعنين بحال النار
اسد : تبعني ..
خرج خلا موراه سارة كتعيط حيت كان كتبغيييه من صغرها و بكاااات عليه فاش مشا .. كبرات هي وياه فنفس المعاناة .. هي مات باها و ماماها سمحات فيها و ربتها جداها راوية و كانت كتعامل بقسوة من طرف عزيز و راوية و كانو ديما كينعسوهوم هي و اسد فواحد كرااج عامر فيراان و بخاخش معاقبين .... كانت كتبغيه من صغرها و باااقاا كتسطى عليه دابااا كترر ......
مشا لسيارتو و فتح لباب قرب يطيرها و جبد دفتر شيكات كيكتب فيه مبلغ و لاحو ليه على وجهو
اسد : مارانيش ناعس على كرشي .. عارف معيطليا حيت معندك باش دوايها .... شد وسير ديها لاحسن لاطباء ... بغييييتهااا ( زير على كل حرف ) تعيييش .. سمعتني تعييييييش .. ( وفتح طموبيل و ديمارا مشا خلا عزيز مكلاشي فاش شاف لمبلغ خواو ليه ركاابي و بضا يضحك كي شي هبيل
اسد ديمارا مشا و سارة بقات فسرجم متبعاه بيديها فوق زاج تااامشاااا و بقات كتبكي دغيا مسحاتهم باش متلفت الانتباه وجراات لبيتها ...
اسد وصل لمنطقتووو تاكان ليل طااح عطاوه تحية و دخل لدار غي فتح لباب مجاش عندو روووبن .. عرفوو باقي خايف .. و مشا لقاه فبلاصتووو "السلة ديالو"...ومشا كلس ربع رجليه حداه كيداعبو بيدو و روبن كي شي انساان كااعي و خاص لي يحزروو .. بدا ينبش فيه فودنوو نيفووو جبهتوو ففمو وعضوو روبن تاغوت اسد و بدا بنفض يدو بالحريق و روبن طااار عليه طيحو فالارض و كلس فوقو كيغوت و يخربش فيديه فكتافوو
اسد : ايييه ضسسسرتي .. ضرررب يالاه ضرررب .. غي كبروو عندك هاد جوج ضفرين هبطتيلي لحمي كامل .... اشنووو مقلق زعما .. هبطتي كواااريك دابا .. يالاه تكعد من فووقي نمشي نقلب ماناكل .. نتااا راااك مغدي و معععشي ...
لاح عليه روبن و مشا لكوزينة كينصل فتيشورت ديالو لاحها و دخل يطيب مكيعرف غير لسباكتي و بدا يوجد فيها وهزها شعل تلفازة خدم فيلم مترجم باش يقرا اش كيقولو و رووبن حداه كيفتح فمووو الكبير وقارم حدااه ... عينيه فالفيلم و عقلو كامل مع ماماه كيتفكرها
اسد : ماااما راااه كيتعدا عليااااا راه شي نهار و الله تانضربووو
ابتهال : شششس اولدي غير صبر عارفو مفشش ويلا قستيه باه غايجري عليا انا و ياااك
اسد : ياك ولدك تانتي وهضري معاه يبعد مني راه مكنجبدووووش والاه تاانضربو
ابتهال : صاافي احبيبي غير صبرر .. دابا نتبرا منووو .. و اجي راني مخبعا ليك واحد لحااجة .. مشاا موراها و هي تجبد ليه طابلو د شوكولا
ابتهال : هااا شوووووف
اسد : ( مخسر سيفتو) مبغييتهااش باينا غاتكون ديال ديك بيدوزة د سفيان ... شفرتيهاليه
ابتهال : وااخا ديتهالو خبيتها ليك
اسد : انا مكانكولش حاجة ناس سيري ردي ليه زمرووو لابغيتي تعطني شكلاط جيبهلي قدامهم ماشي بتخبية ببحالا انا ماشي ولدك .. علاش تبدلتي اماما منهار تزوجتي بهاد ناس و نت مخلياهم يتكرفسوو علياااا علاااش
ابتهال : مالك اولدي عنييف هاكا ونتا باقي صغير
خرج كيجري وهي بقات كتشوف فيه ..
رجع اسد بداكرتو لي مافيها تاشي حاجة تخليه يحن .. لقا روبن طايحلو على ركابيه كيديه نعاس و بقا كيملس ليه على شعرو وهو مستحلي ..
فيلا لقحطاني
عزيز : الله اكببرررر .....
راوية : ان الله و ان اليه راجعوون
سارة سمعات الخبر و شدات على فمها و دموع تحجرو فعينيها لان ابتهال هي الوحيييييييدة لي كانت كتحن فيهااا فهاد دار .. جاو سفيان و يونس كيتجرااووو لقا ماماهم ماااتت و تصدمووو بغاو يدخلو عندهل مخلاوهمش
سفيان : كيفاش ماااتت ياااك كانتي غاادير ليها لعملية ياااك عطاك اسد لفوولووس
عزيز : وهانتا كاتشوف قبل مايهزووهااا لسبيطار ماتت اش غاندير ليها انا
دخلو عندها و لادها كيبكيو على يدهااا .. تاغطاوها بالايزار على راسها .. وكلشي مخسر ..
راوية : عزييز عيط على ولدها ... لاساق لخبار ماتت و ماشفهاش غاينحرنا
عزيز : انا لي غااانتنحر دابا كو شتيييه كيفاش هضر معايا قبيلة كيقولي خاصها تعيش .. لا صاافي غايتبعني ليها مافيهاش .. غي حفرو جوج قبورة
راوية : عرفتي اش يجيك مليح ... سير غبررر منهناااا و خلي ولااادها يدفنوها و نا هنا نقوم بالواحب .. سير اوليدي رااه و الله مايحن فيك .. لي كان كيصبر على وجهها ماتت ... سييير لايرزيني فيك ويجمعلك قديم وجديد
عزيز بالخلعة هز وراقو و باسبورو و خرجو خلا ولادو كيغوتو موراه يرجع و هرب
راوية : غي خليوه راه جاتو خدمة مزروبة
يونس : شنووو اهم من الوااالدة شنووو .. ااااربي على حالة ... عمري شفت شي حد كيخلي مرتو يالاه ماتت و يمشي لخدمة
راوية : عيطو لولدهااا يجي يشووفها لايربل علينا دار
سفيان : انا معنديش نمرتو .. شوف نتا ايونس
يونس : عندي واقلة .. هنا غانصوني عليه ( بدا كيصوني ) لاااا تيليفونو طااافي ...
عند اسد ..
حس بالغمة نزلات عليها و لبس لبسة د الغطااسااا و دار موراه قرعة د الاكسيجين و خرج لبرااا خلا روبن فدار سد عليه لباب لكبيرة وخرج ...عادل كان بدا يديه نعاس شافو خارج يغطس فهاد ليل سرات معاه
عادل : اوولي فين ماشي هاد زمممر عاتاني ماينعس مايخلي لي ينعس .. . يااااااربي يااااربي لامخلي شي جنية تخرج ليه من داك لبحر و تهنني مننوووو ياااربي فهااااد ليلة 😭😭
ناض عادل بلهلا يطريه ليه هز لبيل و تبعو
بقا اسد داخل فالبحر كيتمشا بااغي يهرب من شي حاجة لداخل معارفش شنو هي تاوصل للغرق وغطس بقااا تحت لبحررر كيعوم بعنف كبييرر كيتلف دير الغصة لي فقلبووو و ينسى اش وقع .... يونس كيصوني عليه تيليفونو كان شخشخوو .. فتالي دخلو لانترنيت كيقلبو على شي رقم ديال حراسو ... . ولا ديال عادل ليهو مدبر اعمالو ....
عمركم سمعتو شي حد هارب من راسو !؟ هي ديال اسد دابا تحت لبحر هارب من احساسيو و صورة ماماه لي مفرقاتوش .. كيقسح قلبو بلا جدوى حيت كيبقي قلب انسان يعيا ميحجر فيه والو .. لوحيد لي كيغلب عليه فهاد لحياة هو قلبو .. دازت ساعات و ساعااات هو تحت لما لقااا راحتو عاد خرج ومشا كيعوم تاوصل لشط و لاح قرعة د الاوكسيجين و حيد دوك نضاضر عليه و لي بالغين ديال لاناطاسيون و تلاح فوق رملة فعز ليل ونجوم كتلمع فالما و جو سااااهط ...داير يديه تحت راسووو وهو فااازك .. و شاد عينيه بزززز ... عادل غي حاضيه مخلاهش ينعس خايف يدير شي حاجة كالس فوق واحد لكرسي وشاد بيل كيديه نعاس تاكيطيح من يدو ويرجع يفيق يشدوو ويبدا يديه تاني😪😪😪😪😪 ..... الحال بدا كيصبح🌅🌅 عاد ناض لدارو و عااااد عادل عفااا عليه الله و دخل ينعس .....
دوش و لبس شورط و تلاح فوق سرير على كرشووو و شعرو ساااارد و كتافو عراض شادين سرير كامل كيحاول ينعس و يبعد صورتها على عينيه ...
جاا صباااح جديد ...دخلات الشمش من زاااج حيت دارو بزاااج كيطل على لبحر و لاكن مكيشوفوش لي برا كتبانلهم غي لمرايا ... ناض من سرير تكا ولاح وسادة على روووبن كايكعدوو من بلاصتو و تلاح عليه كيفطر بيه و باللعب مع مخالبو ويبوس فيه المكبوت لاخور خلصو غي فيمن يخشي شلاقموو غاصبر اسي اسد هاهي جايااا وراااا متشلللقم 😂😂😂😂😂😂 بدا كيختبر قوتو مع قوة نمر صغيور بيديهم ... وخا صغير إلى انه قووي حيت كياكل غي لحووم و الاسماك و مهلي فيه من ناحية العلاج و التطبيب.. حتا يكبر ويردو لمحمية و يجيب واحد اخور حيت هاكا كيدير ليهم و كاع لحيوانات لي عندو تما عاشو معاه و رباهم صغار ومروضهم مزياان ... داارو مافيهاش البيباان كاع لان مولف كيعيش معاه الحيوانات كيخليهم يتنقلو بحرية يالاه عندو لباب لكبيرة لباب د لبيوت مكاينينش ....
بعد ماسخسخو روبن وخلاه كيجري بدم
ناض على سريرو وهو كيفكر فالحلمة لي حلم ماماه كتمد ليه يديه يشد فيها يلاه بغا يشدها و هي تللاشاااا و تبخررر و مشات كدير ليه باي باي .. حس بشيي حاجة ماشي تالهيه و جبد من ديريسينغ تيليفون اخوور و حط فيه لاكارط و شعلووو لقا بزاف د الاتصالات و المساجات من يونس و سارة وهو يطيح على ركابوو فشلوووو مقدش يهزهوم .. وعادل دخل عندو لقاه بديك الوضعية ماقدش يهضر وجا وقف قدامو ووجهو كلو آسى .. علا فيه اسد عينيه و فتفاصيلو لحزينة ...
اسد : م م ماتت !!!! ي ياااك
عادل حرك راسو بالايجاب بأسف
اسد غمض عينيه تاااااكي عليهم و تكا راسو على لحيييط قلبو كيتقطع لداااااخل حريييييق خفي خاااااايب وهو مزير عينيه مداير تاحركة اخرى ... عادل شافو فديك الحالة و خرج خاف يجيبها فعضامو و روبن بقا غي كيشوف معاه و يضور ... اسد وكض راسو و تبت راسووو
اسد : مغااانحزززنش عليها لللا .. هي تخلات عليا و لاحتني لشاررع ... مغااانحزنش مخصهاش تبقااا فيااا
بدا كيرمش باش يتحكم فدموع عينيه لي ماا هبطو هادي اعوااااام و مابغيهمش يهبطو ليوم ..... وهو كيتفكررر
ابتهال : ف فيا ل لكونسير اولدي .. ولكونسير كيقتل م مولاه
اسد : اوا هي لاطحتي على سجادة و دعي من الله يغفر ليك انا معندي مندير ليك ..
ناض جاعر كيضور فدااار و كيرد شعرووو لور متوووتر مهيستييري بحال شي واحد تابعو خصو يهرب منو ...وهو غي ماضيه لي تابعوو ...وهو كيتفكر اش عانا فديك دار مع راجلها و نهار تحرم من السمع ...وشد على ودنيه كيضووور معرف مايدير .. فتالي جبد سروالو كيلبس بزربة و لي لقاها حداه لاحها عليه و خرج شاخد كيف عادتوو و داباااا كتتتر ... ديمارا طموبيل خلا موراه غي اثار حكة د روااايض مع الارض... وصل لكاازاااا غي وصل حدا لفيلا بانتليه سيارة اسعاف و محمل محطوط حدا لباب و ناس بزاااااف جو دكنازة الكئيب... ...
بقا فسيارة ديالو كيشوف و عنيه محجرين و قلبو كتررررر .. صااافي مشاااات ... مشات هو باقي متسامح معاها ماعنقها ماشم ريحتها ... نزل من طموبيل و لتخ لباب ديالها يونس كان خارج شافو و جا بجيهتو اسد مركز مع فمو
يونس : اسد .. عزانا وعزاك واحد اخويا
اسد : فوقاش هادشي
يونس : لبارح بليل .. غي شي جوج سوايع مور ماخرجتي
اسد : فين باك
يونس : ( بدا كيرمش )
اسد : ( باستهزاء ) هرب .... مزيااان ... مزياان كون هاد نهار صلاو على جوج دناس
وزاد دخل و يونس عاد فمهم لاش باه هرب .. و دخل مور اسد لي ناس شافتو و معرفاتو شكون هاد الدب الروسي لي داخل منفووخ .. شاف فراوية لي كترعد طلعها و هبطها وطلع هو يتلاقا سارة كتبكي هابطة عندو كتشوف فيه .. شافها و عنيها ننفوخين و حوووومر .. وزاد فيها و مشا لبيت ماماه و هي متبعا ليه لعين ... شاد فلبواني دلباب عيااا ميتمنى يالقاها حية .. يضمها . ..ويتسامحو . ولاكن غي فتح لباب بانتليه مكسلة فلارض مكفنة فالابيض ... وريحة المسك فالبيت كتومي بالموت ... بيت بااااارد .... داك لبيت لي كان كيجي ليه بتخبية باش ينعس فحظنها ... داك لبيت ليكان ادفى مكان عندو فهاد الفيلا ولا بااااارد وريحة الموت ....ماشي اي موت ... موت ماماه ... هبط على ركابيه وهو جسد بلا روح تماما كيف جثمان ابتهال ... فلحظة مقدش يكبح دموعو و سالوووو وهو كيشهق بجهد و حاط راسو عليها
اسد : مساااااااامحك ... مسااااامحك امااا مساااامحك .... انا مغااانبكش باش منزيدش نحرقك .. ولاكن اما راه كيهبطو بووووحدوهم عييييييت باش نشدهوم مقديتش .. كيهبطووو اما اش غاندير لهاد دموع .. غي سمحيليااااا لاكنت كتعدبي بيهم ... انا مسااااامحك .. مسااااامحك.... و تانتي سمحي لياااا .. سمحي لياااا على كل السنوات لي بعدت عليك و خليتك وسط هاد تماسيح.... سمحي ليا عفاااك ..( حط راسووو كيبكي و سارة فلباب كتشهق ) ترحم عليها و قرا عليها قرآن كيحاول يثبت فراسوو تادقو عليه بلي حان و قت دفن عاد ناض .. كيقووي فرجليه يهزوه حيت فشلوو .. مسح دموعووو باش مايشوففهم تاحد و رسم غوباشتو من جديد و سارة مراقباه من بعيد ..
يونس : ( شد على كتفو ) كل نفس دائقة الموت
دفع ليه يديه وهزها معاهم حطوها فوق النعش قبل مايغطيوها عرا عليها باااس فراسها اااخر مرة ووجهها بااارد زرق .. عاودو غطاوهاا بسجادة د الموتى وهزها معاهم هو و يونس فالمقدمة وجوج لور و هبطو بيها و صوت الا الاه الا الله ماشي بيهم .. وخرجووو بيهااا و عائلتها كتبكي و شي كيوسل واش هداك اسد ... بقاو عيالات فدار ورجال مشاااو على رجليهم حيت المقبرة قريبة .. وصلووو لتما و يونس كان هضر مع الحفار ... كان القبر محفوور و حطووهااا
و اسد غي مغوبش ولداخل كيبكي غير بووحدووو ولا حمرررررر و عروقو منفوخين فيديه و تيشورت قرب يطرطق عليه .. و يونس ملاحظو بلي غاينفجر اما سفيان مجايب لدنيا خبار ... حطوها فقبرهااا وكيقراو القرآن و اسد كيقرا فنفسو ... و شد لبالة كيرد عليها تراب بيديوو وهو كيصبر راسو بصبر رجال و قوة جبال ... سلاووو و كيرشو الزهر وهو يقرب ليه واحد راجل
- واش نتا هو اسد ولد ابتهال
اسد مشافوش و مسمعوش تاهزهزو و شاف لعندو
- واش مسمعتنيش
- اش بغيتي
- واش نتا ولد بتهال
- شكون نتا
- خااالك .. معقلتنيش
طلعو و هبطووو حيت اصلا تاوكد معقل عليه نهار ترجاهم و لقا راسو فشارع و دابا لي ولا لاباس طاممعين فيه و حانين راس ... طلعو و هبطو و زاد مشا لسيارة و جا قدامو يونس
يونس : اسد ...وقف نهضروو
- كنسمعك
- اسد يوقع لي يوقع نتا راك كاتبقاا خويا ...
- اوا و منبعد
- عارفك حاقد ... لي تدار فيك ماشي قليل و داز كلو قدام عيني و لاكن كان لاحول لنا و لا قوة ... من حقك تكرهني حيت الواليد ماخلا لينا وجه نشوفو فيك ... متحقدش عليا عفاك معمري كرهههتك ...
- وشكون قاليك حاقد عليك
- عينيك ... برودك .. اسد متحرمنيش منك اخوتك ..بعد ما ماتت الوالدة محتاج لاخ معايا ... و نتا عارفني مكنتفاهش مع سفيان من صغري
- فوقتاش حرمتك مني !؟ جيتي عندي شي نهار و جريت عليك !؟
- صراحة لا
- اوا مالك كتأول من راسك .. مرحبا بيك فأي وقت تاحد مامحيدلك
يونس : تيقني ا اسد .. تقدر تقول بلي طامع .. ولاكن والله تاباغي غي اخوتك ودمنا يتجمع وخا معندناش نفس الاب .. نفس الام حملات بينا فكرشها نفس الكرش لي كبرتي فيها 9 شهور كبرت فيها حتا انا
- ممحتاحش تقوليا واش باغي الاخوة و لا حاجة اخرى .. حيت الاعاقة لي تسببلي بيها سيادة باباك .. خلاتني كنميز كولشي بعيني حتا من القلووب شنو فيها ...
- ادن منحتاجش نهضر ولا نبرر ليك
- ركب ( ركب اسد و تا يونس فتح لباب وركب حداه و انطلق اسد مكيهضروش حيت باش يهضر معاه خاصو شحال يركز على شفايفو .. وهو سايق و يونس شاد فيد لباب حيت طموبيل مكتمشاش ... كطيييير 💫💫💫💫 )
وصلو لداار .. و بدا الغداا كيتحط عيا يونس فاسد يتغدا مبغاش وخرج من ديك لجو لجردة برااا كينسا .. تاكتجي قدامو سارة
سارة : الباركة فراسك
اسد : مامشا معاك باس
سارة : بقات فيا بزاف
اسد : ترحمي عليها
سارة : اسد .. متصورش شحال كانت موحشاك و يلا مشيتي دابا لفراشها غاتلقا صورتك تحت مخدتها مكتفرقهاش و كيتعيط غي بسميتك طول مرضها وهي غي اسد اسد ( اسد متبع ليها شفايف كيقرا اش كتقول ) سمح ليها عفاك
- ( الصمت )
- واش نسيتيني آ اسد !؟
- كون نسيتك كون قتلك شكون نت
- كاع مكتسول فيا
- مي لي والداني و مسولتش فيها
- اش قسح قلبك
- علاش نت مزال ماقساح !؟ اش مصبرك مزال هنا
- رجووعك
- اش غيزيد و اش غاينقص رجوعي
- غاتحميني
- محميت حتا راسي من الهاااجس لي ساكني و العنف ليا فيا لدرجة راسي كنآديه بقا غانحميك نت
- مكنخاافش منك
- سارة ... انا خصني نمشي .. حتاجتي شي حاجة ....مرحبا
زاد قدامها و مشا وهي عنيها عامرين دموع.. يالاه غايخرج هو يتلاقاه يونس
يونس : ماشي !
اسد : اش غاندير هنا
يونس : متنساناش عفاك ..
اسد : عارفني فين كاين 😉( غمز ليه بعنى لابغيتني اجي عندي )
و ركب فسيارتو و مشاوو هو مهدن كتر حيت ماماه تحت تراب و ماشي مع تماسيح .. يونس بقا متبعوو .... يونس شاب ف 27 سنة من عمرو تاهوا عامر و معضل وجهو فيه لحية كحلة خفيفة و شعرو كحل و عنيه كوحل و جداب حتا هو .. قلبو حنيييين بززااف .. وكيبغي يكون وسط العائلة لي افتقدها و سط الخصام الدائم ديال عزيز و ابتهال و الطيش ديال خوه سفياان مكيتفاهموش ...
وصل اسد لمنطقتوو وتحل لباب د لحديد لي مكتوبة فيه روكان و دخل سيارة باركاها وبقا غادي لفيلا ديالو لقا كاع الحراس واقفين بوجوه متأسفين عزاااوه .. و قدم ليهم تحية براسو العيااان .. و دخل لداررر طار عليه روبن و لاحو بيديه ...روبن بكتر معايش معاه ولا فاهمو داكشي علاش بعد حتا يتهدن ويجي عندو هو .. دخل لبيتو جبد واحد فاليز صغيييرة و بدا يجمع فيها حوايجو لمهمين و هزها داز حدا سلة دروبن مد ليه يديه و روبن تعلق فيه و لسق فوق كتافو و خرج ركب فاليخت ديالو هو و روبن و مشا لمحمية عندو تماك دار دخل و حبس راسو تما مابغا يشوف تاحد وروبن طلقوو للغابة يترووض ويولف حيت غايجي نهار لي غايرجعو وهو بقاا حبيس فديك دار حتا يسمح لراسووو ...
بعد شهر
فيلا قحطاني
يونس : وخا نعرف فين زززدتي و خليتي لجنازة بوحدها واش هادي فعلا يديروها رجال
عزيز : شنوو بغيتني نبقا هنا باش يتبعني ولدها موراها ولا شنو !
يونس : طلللعتي شماااتة .... كنشمأز منك كأب
عزيز : ( علا يدو ) حتااارم راااسك
يونس : ( مستهزأ ) كتافي كبر من كتافك و باغي ترفع يديك... المرأة لي كنا كنحتارموك على وجههاا مااااتت
عزيز : واش باااغي تولي بحال اسد ولا شنو !!! هدااك رااااه بااااه مجلي معرفنا فين هوو اما نتا باااك حي ولد الحلال مااشي بحالوو
يونس : كنحسدو .. كنحسدو حيت معارفش باه .. ياااريت كون حتا انا بحالو و لا يكون عندي اب بحااالك ( ضور راسو بالنفي ) مكتشرفنيش اسي عزيز القحطاني ( مشا )
عزيز : اييييه هادشي لي بقااالي كبرو الكتاالف و ضسرووو .. اااجي نتاااا فين مدرم
سفيان : رجععتي ! اش كاين تاني الوالدي
عزيز : ولااااباس لي كتعيطلي الواليد منكرتينيش تانتا
دار سوفيان ليكيت فودنو و مشا خلا باه كيتفقص
عزيز : على منووونخ كيدااايررر ...
كلس على صال مونجي شاد على راسو تاكلسات مو
راوية : على سلامة .. طولتي
عزيز : ماجاش
راوية : لا منهار لكنازة مسمعنا عليه شي خبار .. مالك لونك مخطوف
عزيز : يوووونس .. ولدي نككرني .. بغا يوليلي بحال اسد .. كبرهوم و فتالي يضربوك برملة نقولو كاع هداك ماشي ولدي اوا وهادا
راوية : تانا مبقاااش عاحبني .. ولا غي دايز ويخنزر قبح من لاخور ... اوا لاتديش عليه هداك يدور تايدور ويرجع ليك فاش يخصو لكارو
عزيز : ماحيلتي لولادي ماحيلتي لناس لي قاااجني على فلوووسهم قربت نحماااق
راوية : ياك عطاك اسد لفلوس فين درتيهم
عزيز : حتااا اانتي داكشي يالاه خلصلي واحد دين ...
راوية : اوا اش ناوي دير تخلي تايجيو يهزونا لبرااا لا وياديو هاد دار لاا اولدي انا شرفت و عضامي مابقاو قادين لبروودة
عزيز : واش بنتلك حمار يديولي داري و شركتي لي فنيت عليهم عمري ! نت باقا غالطة
راوية : اوا اش ناوي دير
عزيز .: ماغايخرجني من هاد الغيس .. غي اسد
راوية : هاااولي يدور يدور ويرجع لدااك المجحوووم تااا خلي علينا هداك فتيقار حنا ماشي قدو .. اللهم زنقة و البرودة و لا موت مشنوقة على يدوو سلامة شوفتو كتخلع
عزيز : راااه مكاينش لي غايعتقني راه عليا لملاالير ... وخا نبيع دار و شركة و نبييع ولادي و الله لاخلصت الربع .. خااااص غي لي يرطب قلبووو .. و و ابتهال لي كنت معول عليها هاهي ودعات ... دابا خصني لي يرطب بيه قلبو ويسلت منووو ويعطيني
راوية : مابقيت شادة معاك تاكلمة
عزيز : نتي غي تهنااي .. راني عارف اش كندير..
راوية : وعلى الاقل قولي شكوون
عزيز : وشكون من غيرها وحدة لي تقدر ترطب الحجررر غي بهضرتها ....( شاف فماه بضحكة ) لاماار ....
راوية : لامااار !!!!!؟؟؟
عند اسد...
نزل اسد من الباطوو و رجال قدامو و روبن فوق عنقو لي بدا يتعضل ويكبرو نيابو هبط هو لونو مغمووق بشمش القاسحة دجزيرة لي كان فيها .. نزل و عادل جا عندو كيجري
عادل : على سلاااامتك .. حمد الله لي شفناك على خير
اسد : ماسول فيا حد
عادل : جااو بزاااف بغاو يعزيوك و كنردوهوم لغينا كاع مواعديك و راه جا واحد الولد جوج دمرات و مكيلقاكش
اسد : شكون
عادل : قال سميتو يونس
اسد : ااه صافي .. جيبلي لغدا لدار و ماكلة روبن
دخل اسد لدار و عادل عاد رد نفس فاش كيكون حداه كيكون قاطعها
عادل : حسابتني غايخلي داك نمرر تما لاش جااابو عاوتاني ... شي نهار يطير لي شي رججل ( مشا جيهت طباخ )
عادل : وجد لغداااا راااه ارووكان جا
الطباخ : على سلاامتوو غايكون تهدن شوية
عادل : انا معرفتش هاد بنااادم كيداير شي عقل ميقولو شدووو قجووو ومتعرفو علاش نااوي الله يستر شفتي كو مكانش الهلصة لي كيعطني كتيرة و الله تاااننن
طباخ : ( كيشوف مور عادل ) روووكان
عادل دار مخلوووع 😨😨😨
طباخ : ااااح على نشدو نننن انوض تكعد و نتا غي سمعتي سميتو خلطتي تنين مع الخميس
اسد دخل لدارو و لاح روبن عليه يمشي لبلاصتو وهو دخل لبيتو لبس سورفيت د دار راشقا ليه يدوز نهار غي فنعاس .. لبس سورفيت فالابيض و الكري وصلو الغدا كلا هو وروبن و طاح نعس على كرشوو كيف عادتو محسش بالوقت تاظلام لحال وهو باقي ناعس من العياء حيت دوز الوقت فجزيرة كيهرس فالخشب ويخدم معاهم فللمناجم ويهز الثقل وروض الحياوانات باش ينحت الجسم ديالو خوصا تهراس جدوع دالشجر كيخدم بيه الكتاف مزيان و كان كينوض مع الفجر يجري تاولا لحمو قسسسح من الحجر ....
فمكان آخر....
خارجااا من واحد الكتباريه من الكباريات لكباار د مدينة .. بعكر حمرررر و كسوة مزييييرة عليها و ريش من لفوق .. خارجة كتمضغ فالمسكة و ضحك لناس تالقات سيارة عند لباب مرسيديس كحلة و مشات كيف سي حوتة كتخلي لي موراها كيفشل و حلات لباب و دخلات لور حدا الراجل لي كاالس و شافت فيه ناشطة كتمضغ فالمسكة و تحلون فالهضرة
لامار : عااااااش من شااااافك عزوووزي
عزيز : لمااار يا لمااار شي نهاااار غاتسطيني .. مزالا مابغيتي تقبلي بياااا
لامار : ( شداتو من الكرافاط بتحلوين ) اسمع اعاازووزي .. انا رااااقصة ماشي عهااارة دخلها لدااامااغك ( بإغراء ) اووكاااااي ماااي لووووف
عزيز : ااااح عليك .. كتطنزي عليا بهاد جوج كلمات و نت تلقايه عندك وسع من غيران توودغاا
طلقات قهقهة بجهد و شافت فيه
لامار : لي ملحق العنب .. كيقول عليه حااامض هههه عادراااك ازيين .. قوليااا ( حيدات لمسكة و لساقتها ليه تحت الكوسان وهو كيشووف ) اش جابك لعندي السهرة راه تفرقات و مول المليح باع و راااح ازين
عزيز : ندخلووو لمعقووول ... جايب ليك افير مطرررررطقة
لامار : اهااا .. وشنو هي هاد لافيير
عزيز : بغيت نصيد روووكان ...
لامار : هههههههه زوينة عندك هادي اشارف .. تصيد روكان بنتك صناارة انا
عزيز : لا ... نت الطععم
لامار : ماقشبلت معاك تالعبة ... نوض نقود فحالي حسن لي
عزيز : صبببري نكمل ...هدا روووكان .. ماشي بحال الروكان لي كتعرفي نت .. ماشي القرش ... هذا راه بنادم
لامار : هاااكداك .. اوا و نا اش دخل شوالي
عزيز : بغيت نطيحوووو فشبكة
لامار : ( شدات على فمها و طرطقات عينيها ) يااااكمااا ... نوو .. يااكما وليتي كتبغي رجال ( كضحك بجهد تاخلات شيفور يقيم ) نوووو
عزيز : بااركا من الطنز .. سمعي ليا و حلي دوك الودنين
لامار : اااحبس ... القضية فيها شي لعاااقة شي بينكة و لا غالقمومة !!!
عزيز: فيها فلوس صحييييييحة ...فلوس عمرك حتا حلمتي بيها غاتشديها بين هاد ليدين زوييينين
لامار : اوا الى كان هكاك هاودني مقلشين ..
فؤاد : وداباااا عجبتيني ... وسمعيني مزيااااااان " بدا يعاود ليها على الخطة ديالو "
لاماار : هاااااااويلي وحي وهاااا غدايدي .. واااش صايط فخرررزتك ريح ولا شنو .... نرررطبو ايه .. يبغيني ايييه ولاكن الكدوووب راه مابيني و بينهم غالخير و الاحسان راه يخنزر فيا نسرسسب بكككلشي غااااحيدني من راسك منصلاحش
عزيز : طلللعتي خواااافة مقطرة
لامار : واش بعقلك ولا تخووورتي ... منيتك باغي تلوحني فيد واحد بحال هداك ويلا صبحت مشنوقة فعز شبابي و نا عاد باغا نولي مشهووورة كيف صاافينار
عزيز : مغاايطرااا ليك والو الى تبعتي هضرررتي مالكي بديتي ترعدي عليا من دابا
لامار : اشوف اداك عنق زيزوار واخا تشوف فيا هاكا لساني مااانع راه مابيني و بين تخرويض غاااالخير و الاحسان رااا غالوقت لي رداتنا هاكا نخرجو نيابنا و نكونو رجال حيت ضايرين بينا غي دياااب و ناكلهم قبل ماياكلوونا باش نوكل ديك طااشمة لي كتسناني فدار اما نكدب و نخروض مغااانعرفش ينوض يجبد عليا شي سيف نحطهوم فسروالي
عزيز : يجبد عليك سيف عنننتر بن شدااد راه غارجل عاادي و بوووكوص غادي يعحبك غي تشوفيه اتولي تقووليلي هنااا نبقا
لامار : لا لااا ويلا عاق بيااا وهاد روكان كلاني وييلا دارلي شي حاااجة
عزيز : ( بدا يطلع فيها و يهبط ) لاهو من ناحية يااكلك يااااكلك ( خنزراات فيه ) احم احم .. سمعيني الامار .. راه عندو كنوز دنيا ملا يعد ولا يحصى غاتعيشي نعيييم .. وزيدي راه عاايش بوووحدوو .. نت ماعليك غي تخليه يبغيك و يتعلق بيك .. و دوري بيه يكتب ليك و لو غي ربع من داكشي لعندو .. وراه غايبرعك دهووباات و تيليفونات و نقسمو انا وياك فنص و الله يعاوني ويعاونك.... راه ماعندو علامن يخسر داك الفلوس ويلا لقااا شي وحدة بحااالك راه يكتبلك السما بسميتك
لامار : ( تكات على الكوسان كتفكر )
عزيز : باركا من تفكير .. سمعي ليا .. هادي فرصة دهبية جات ليديك ... بقاي تسناي لي داك سكايرية د للبار يشهرووك .. راه و الله لاداها فيك شي حد ينشطو معاك ديك اللحظة و غي تمشي للنشوة د الشراب ينساوك .. اما لامشيتي عند هاد سيد غاتجمعي فلوس صحيحة و تقدي تسافري لشي بلاد و تعيشي فوووق فيكيك ... و تمارسي الهواااية ديالك و عااد تولي مشهورة .... اش قلتي
لامار : ويلا عاااق
عزييز : مغايعيقش .. حيت نت مغاتمشيش هاكا .. لامار راقصة د للكابريه لااا .. نت غاتمشي بنت خاااالد فهري
لامار : لاااااا واش داك الملعق المصري لي مزوج مغربية
عزيز : هدااااك .. غاتكوني نت بنتو .. لامار فهري ...وراقك على حسابي ... نردك بنتو بين ليلة و نهار
لامار : لا هنا عرفتك مخووور بللبيااان اعزوووزي .. بغيتيني نكون بنت داك الملعق و نا مكنعرف تانشد الموس و لفورشيط .. وهضرتي مبجلقة كي حليمة مولات رايب و نقوليه افين اساط انا بنت خالد فهري لا واش رديتيه تور بالكروون دوزها عليه و الله تايعيق
عزيز : يااااربي تصبرني معااك هاد ليلة ... كوولشي غاتعلمي ليه ( جبد دفتر شيكات و كتب مبلغ ) هانتي .. غاتمشي تكسي راااسك .. و تشري ااحسن لكساوي و لباقي دابا يشريه ليك هو راه معنديش فلوس كتيرة نطبهوم عليك ويلا مصدقتيش نبقا انا على ضس شري نص و خلي هو يكمل .... و غانسيفط ليك وحدة تعلمك تمشي و تاكلي و تهضري بحال البورجوازين .. نت ماعليك غي تقبلي كولشي ضاربليه الحساب....
لامار : مممم .. اوا الى هاااكااا .... انا مواالفقة اصلا باغا نشوف البرجوازين كيف كيعيشو كيدخلو لطواليط يااك !؟
عزيز : ( ضحك ) لا كايحطوها تحتهم ...
لامار : ممممم .... صااافي انا موااافقة
عزيز : اوا دابا عجبتني ... يالاه عطيني شي بوسة
لامار : ( نترات شيك من يدو ) في احلامك باااايبي ( نزلات كتمختر و طللت عليه ) غي كون هاني .. انخليه يههترف بسمية لامااار 😉😉😉😉😉يلاه تلاح اشارف ... بيناتنا الفوووون
ضحك ليها فؤاد و قال لشيفور يزيد و هي شافت فديك الشيك خباتو فصاكها و جبدات مسكة اخرى لاحتها ففمها و تاجهات لطاكسي لي كان واقف و ركبات
لامار : يالاه عفففط لدااار
مول طاكسي : هي لولا الحمييمة .. شكون مول داك المرسيديس ياكما ضبرتي فشي فيكتيم
لامار : صووووك وباركا مدير خدمة الوسخ و دخل بين اللحم و الظفر ... تريكة الززفت .. عفففط و سكتنل حسك .. ( كيصوني تيليفونها نفسي فسيااارة داابليووو نلبس البدلة من سيليوووو . هزاتو و جاوبات ) اش مفكرك فيا فهاد ليلة حلمتي بياااا العمررر
حنان : الله يلكيها ليك كنحلم باللبسة لي مسلفاليك ... رديهالي بغا نحضر بيها غدا لعيد ميلاد سيمو
لامار : انوضي تقادوي بحالا مسلفالي غوب د كيم كارديشن .. دوزي صباح تاخديها
زاد بيها تاكسي لواحد الحي شعبي بامتياز كل باب حداها رباعة كياكلو فزريعة ويتفوو على الغادي و جاي ويشدو نميمة فجيران وكاين لي طالقة رجليها هي ولادها واحد جابدالو البزولة كترضعو و صينية دلاح داهم بقا فيها غي الجلخ .. وفراس كل درب كليكة د العاطلين عن العمل شادين حجوان و حاطين على الطرامي هادي كبيرة هادي صغيرة هادي واقفة هادي طايحة هادي د دردك هادي د القوالب كيفهمو فطرامي كتر من دكاترة الاعضاء .. وصلها طاكسي حدا دار لامار اااحم بغيت نقول" فاطمة زهراء " حيت لامار غي اسم معروفة بيه فالكاباريه ....دارهم دار شععععبية لباب مفتوحة فيها خامية و كارين غي السفلي نزلات خلصات مول طاكسي ودراري فلقنات عااسين ... و دخلات دفعات لخامية ولقات ماها ناااعسة و خوتها مستفين كي سردين فهاد الصهد و تلفازة مشعولة كيتفرجو فرشيد شو
رقية : زويييهرة شففتك جتي بكري ماموالفالكش
لامار : ( داخلا كضرب برجليها ) جمع نتتا رجليك خليني ندوز ..ايخ بحللا طحتو مشي طيااارة ...جيت بكري حيت ناضت المطااايفة و تفرقات جوقة .. صدقت خاسررا لفلوس دالكوافورة على والو زهر المكوز .. كاين شي عشااا
رقية : مامولفلكش تجي داكشي علاش لي بقا كلاه خوك .. سيري ديباني راسك
لامار : ممي حرام عليك .. اولي وحي شغاناكول و نت عارفني مكنعرفش نطيب
رقية : دخلي عند مليكة شوفيها واش تعشاو قردي معاهم
لامار : هادوك نفخولي كرشي بالعدس نبات بجوع و لا لماكلة معاهم ..( تلاحت على قرعة دلما كانت فتلاجة لي فبيت لكلاس وبدات اشرب بالفم ولاحت عليها ديك ريش وكلسات كتحيد فصندال و خشات يديها حيدات سوتياام عااد ارتاحت
لامار : اااااح يااامي غايجي نهاااار لي نتشهر فيه و نوكلككم غي لكلامار و الكروفيت
رقية : اييييه الكلاماار قالك و بقاي تحلميلي تما بالشهرة ولله و ماقفلتي لا فورتي .. ناس كتشهرهم قراايتهم ماشي طرمتهم
لامار : ( كوزاتها ليها ) شتي هاد طرمة رااه خصكم تبوسها ليل و نهار .. الى ملوزتهاش متلقاو متعلفو حيت غي كندير ليها هاااه ( دوزاتها ليمن ) كطيييحو زرقات ولا ديرتليها هاااه ( دوزاتها ليسر ) كيطحو الارواااح .. ولاكن هاااانا هااانتي .. مزال يحن عليا سيدي ربي وترتاح طرمتي من تلواز
رقية : اااه حلمي قالوهالك فلمنام
لامار : لا قالتهالي قارئة الفنجان .. حسن ليا نعس بجوعي ولا المهاودة معاكم ..
عند اسد ..
تخشا روبن فبلاصتو وهو هز كانيطة د شراب خفيف وخرج حدا لبحر .. عادل كانت بدات تديه عينو هو شاف ضو تشعل و ناض جمع نوضة عاوتاني مكررره ...
اسد قرب لبحر و كلس على واحد كرسي وحاط رجليه على لكرسي لاخور كيشرب وكيشوف فالاموواج لي لون نجوم تعاكس فيهم ... وكيفكر فماه .. ليل كااامل حتااا ودن الفجر و دخل طاح نعس ..
وهكااا داز اسبوع لامار ولات داخلة خارجة لموروكو مول كتشري فكساوي و سبابط و كاع اش تحتاج .. و كل ليلة تمرن حدا المرايا حراكات تحلوين و ارنباااات ودااكشي .. وكاتجي عندها لبنت لي كتلبسها طالون فيه 2 متر و تحط فوق راسها 5 د كتوبة وتعلمها تمشى مستقيمة مرة طيحهم مرة طيح هي مرة يتقرط طالون و ماماها مافهما والو كتقولها غي شي سهرة خاصها تمشي ليها .. ويلا قالولها منين جبتي لفلوس كتسكتهم بتدويرة ... ولات مقابلة غي لماسكات لوجها و شعرها وجسمها تاوللت كي شي بيضة بلدية رطووبة و نعوومة ... وخا هي متحتاجش جمال رباني و كاتهلا فراسها من صغرها عندها 24 عام .. وقاريا تالباك و لاكن الطبقة الكادحة لي كتنتمي ليها ماسمحاتش ليها تكمل حيت توافا باها لي كان خدام عليهم عساس ديال طموبيلات .. من صغرها وهي كتحماق على الرقص الشرقي و الغربي .. ودايما كتفرج فراقصات و كتقلدهم مع لمرايا حتا ولات راقصة كاباريه مشهورة تما باسم لامار وخا هي اسمها الحقيقي فاطمة زهراء .. معندهاش شي حاجة تهتم بيها كتر من راسها عاطيا العناية التامة لجسمها و البشرة ديالها و شعرها و خا طبقتها تحت السلك ولاكن مضيبانيا راسها غي بوصفات طبيعية ... و تقيل تعوج مع سكوات تاخرجات طرمة بلهلا يطريه ليها ولات عندها ااقفة و مشدودة خصوصا بالرقص و تلوااز ...مع الصدر بلا منهضرو عليه منفووخ وملهلهل رطيطب و رويساات غوووز مقلبزين.. .. هي رشيقة فيها غي ديك الثروات الطبيعية الجياااشة 😂😂.. حيت لابغات تبقا تخدم فالكاباريه خصها تكون رشييقة وطرمة مثيييرة ... عندها شنيفات منفووخين وعينيها مارون لاكن كدير لي لونتي بسباب نقص البصر وكيجيو معاها طووووب فالكري .. مفرررروحة بااامتيااز و ضاربة دنيا بجوج ركالي
ناس لي معجبتهومش شخصية لامااار كتوضيح القصة مختالفة و مبغيتش كيف جميع القصص نجيب ديك البطلة لبريئة لي دغيا كتأثر و ضعيفة بغيت وحدددة شرررسة بحاال اللبوؤة وحدا دا فيها زمان وجاب و كتعرف النحاس من للفضة و دهب من القزدير ... باش تصلاح لبطل بحال اسد و تقدر توقف فوجه عدوانيتو و ترجعوو حمل ودييييع .... خليوكم متبعين القصة عاااد حكمو ماداك سارة عاين يدوز شوية د الوقت و نشوفكوم واش باقين باغينها😂
بعد اسبوعين ...
فاق تاني اسد على عادتوو فنهار جديد مشمش مصصصهد كيضرب بالمخاد فروبن يفيقوو .. وفاقو بجوج دخلو لدوش وهو فاق راشقالو حيت شركتو د التصدير و لات متصدرة القائمة فالبورصة وكولشي عال العال .. خرج من دوش وبدا هو وروبن كيدابزو بديهم كل نهار داير كومبا هو ويااه مطلق منو تاخلا ليه كتفو كيسيل بدم ... تاجه لدريسينغ لبس شورط بيض بسيور كوحل و بقا عريان ملفوق غي سنسلة فضية رقيييقة فعنقو بحكم هي لي كتعطيه الاشارة ديال التيليفون .. هز نضاضرو و كاسكيط ديالو لبسها بالمقلوب و لاح واحد كاسكيط اخرى على روبن دارهاليه كيضحك عليه ههه وجا خارج هو يتعلق فبه روبن من لور و نزلو هو وياه لبحر جاب ليه محمد الفطور محمد هو اعز واحد عندو .. حيتاش كيشوفو معقول و داخل سوق راسو وهدام على وليداتو بنية وهو الوحيد لي كيعرف يهضر معاه بشوية لان كاع الناذلين لي جاب كيهضرو مقفقفين مكيقدرش يفهم و يقرا شفايف مزيان خاصو لي يهضر بشوية ويفرز الحروف .... حط ليه محمد فطورو المعتاد .. وروبن تاهوا حطو حداه فخد د الخنزير و كلس يفترس .. اسد شد عندو كافي بيد و تيليفون بيد كيشوف لجديد .. حتا كيتجر الكرسي و كلس واحد دار رجل على رجل وشاف عندو
يونس : كتفطر بوحدك
اسد : يوونيس ؟ .. صافا اش جابك على صباح
يونس : جيت ننسا .. ياك نتا لي كتقول البحر كينسي الهموم
اسد : وشنو ضارك
يونس : ( هز روبن فيدو يداعبو هو يعضو و دغيا خطف يدو بدا ينفضها بلحريق ) اااح ماالك ليوم ماموالفش تعض
اسد : راك شتيه كياكل قالك خليه يااكل متقاطعوش
يونس : هااكداك .. سير سير ( طلقو )
اسد : ( كيرتشف القهوة ) اوا .. اشنو ضارك
يونس : وشكون غايكون من غير سي عزيز القحطاني
اسد : شتي نتاا و الله ماتبقى فيا .. انا قتليك خوي .. نناا لي راسك قاسح
يونس : واش منيتك اسد .. نخوي فين نمشي ؟ واش حسابتك كولشي غايتلاقاهم بحال راجل لي رباك
اسد : كتافك اصاحبي كتر من باك و باغي لي يربيك الخرا .. انا كاع لارباني راه كنت صغير .. خوي اصاحبي و دير شي مشروع لاحتاجيتي لفلووس انا نعطيك .. خوي خوي ديك داار راه ضربها الخلااا .. حسابتك علاش انا مدرتش فيه يدي ؟؟ حيت شايف ربي كياخاد حقي بشوية بشوية و نا كتتفرج و هذا اكبر عقاب .. خوي اصاحبي
يونس : مكرهتش من غدا ولاكن نجمع راسي هو لول و ندير شي راس مال بسيط و نخوي ديك ساع .. راحنا كنكبرو خاصنا نتزوجو و نديرو ولادنا واش انا نبقا كلا ليلة كنحكو مع المخاد يبرد
اسد : الى غاتزوج على قبلو غي سير خوي الما على كرشك ما هاداك حالو ساهل قحبة ب 500 درهم تبردو .. اما زواج متزوجش على قبلو تزوج نهار تلقا راسك مسؤول و قاد تنوض بليل 6 مرات على غوات البجاغط
يونس : مالقيت تافلوس باش نخوي بقا غانخلص القحاب ... دكرنا بعدا زواج ونتا اشارف ماناويش تعرس
اسد : باركا عليا غي روبن قاضي الغراض
يونس : نتا ساد عليك هنا مع البحر فين غاتشوف لبنات كتسنا شي حورية البحر تبعث من وسط المحيط ولا ...
اسد : بحال داكشي .. قلب و شندر مابغبتش نهضر فهاد الموضوع ..( جا محمد حط فطور ليونس و بقاااو يشوفوو فموااج تاكتم خااارجة وححدة من ووسط البحر
بدووبياااس فالدهبي و محجرين و كضرب فيهم الشمس كيلمعو جايا كاتمختر بالطاي المنحووتة و كترد شعرها السااارد لور بيدها .. كانت كتبان مميزززة على بنات الشاطىء كاملين و كاع الانظار مراقباها لدرجة فاش وصلات لرولاكس ديالها واحد كان تما طاح على لكرسي بكثرة ما كان ساهي فيها وهي معفرة مدايرا اعتبار لحتا واحد ... وقفات فداك رولاكس هزات فوطة كتنشف فشعرها تحت انظار يونس و اسد لي كالسين بعاد .. نشفات شعرها و هزات كريم و كلسات كتدهن فيه و تماسي على فخادها و لي فالبحر كاع قييمووو 🍗🍗🍗.. خلات جسدها كامل كيلمع بالكريم و تكات على رولاكس شادة مجلة وهازا بيد عصيير ..
يونس : اوا هانتا هالحورية خرجات من وسط البحر اش بغيتي اخور ههههه
اسد : هاديك قحبة خارجا من البحر ماشي حورية
يونس : دابا عاد فهمت لاش ديما قارم قدام البحر .. كون حسابتني كيخرج بهال هاد المنتوج دينا نبقا قارم غي نتفرج ههه
اسد : تفرج ويبردو ليك روبن ...
يونس : شكون بعدا هاد خيتي
اسد : منعرف مشتهاش من قبل ( علا يدو و جا محمد )
محمد : نعام اسيدي بغيتيني
اسد : ديك ختي اول مرة نشوفها هنا شتوها شكون ! ولا غامدرما
محمد : لا سيدي شافو هويتها عاد دخلات ... راها بنت خالد فهري
اسد : ( عوج سيفتو ) شنو بنت من
يونس : خالد فهري
اسد : ( دار ضحكة مستهزأة ) هي قالتهالكم
محمد : اه اسيدي ( يونس شد ضحكة )
اسد : مسكيييينة
محمد : كاين شي مشكل اسيدي
اسد : لا والو .. رجع لخدمتك ..
يونس : خالد فهري ؟ ياك هداك عقيم
اسد : داكشي لي كنشوف هاد ختي بانتلي جات لبلاد فليو و ضربها رواح
يونس : وعلاش ككتكدب تقول نيشان بنت من وصافي
اسد : بنت خالد فهري اصاحبي مال مك هذا غي عقيم وشوف قداش البنت لي ولد و نتا حياواناتك المنوية كتر من سكان الصين و باقي صولو ..
يونس : ويااااه هههه انا جاتني ماشي د الله الله بحالا بغا تلفت انتباه شي واحد شوف كيف كدير
اسد : نوض نقودو من نهنا شحال هادي مدرت لامارش هاهو روبن سالا ماكلتو يالاه نتمشاو الغابة لداخل زوينة .. وهاد خيتي لاكانت ناوية على شي حاجة راه غانعرفوها منين مكجدرة مدارت والو و مشات فحالها ان الله غفور رحيم ..
يونس : ايه تاهذا نظر ....
ناضو بجوج يتمشاو و روبن تابعهم مع رجليهم للغابة حتا ل 12 و سخنات الشمش يونس مشا حيت عندو خدمة فشركة دباه هو لي مقابل كولشي وخا كولها ولات مدهورة و نقصات الخدمة بسباب السمعة لي طاحت ليها حيت مكيخلصوش الفواتير د ناس تاحد مابغا يتعامل معاهم مزال و اسد رجع لدارو عرقاان حيت تمشا بزاف ..لاح روبن و تخشا تحت الرشاشة كيدوش وخرج .. لبس سروال ديال للعسكر خفيف و سوفيطمة د سماطي زيتية وطاح على كرشو فوق الكانابي مشندر رجليه وشعل لكليمة تاولات دار بحال القطب الشمالي
عند لامار ..
بقات كالسة فرولاكس تاعيات...
لامار : هذاااا موحال واااش شااافني .. شنو زعما ماتكونش ثيرت انتباهو يجي يتعرف عليا ولا على الاقل يخلص عليا كيف قالي عزوز ( هزات تيليفون ) وي الشارف .. رااه مجاش لعندي كاااع ..
عزيز : لبستي اش قتليك ؟
لامار : راه اصلا كاع لبنات ليهنا جاو قالولي مكتعرفي فالعرااا والو موحال يجي عندي على قبل هاد دو بياس باينا شابع فخاد راهم هما غي مشندرين
عزيز : عرفتي سيري نت عندو ملي هو مجاش
لامار : وهنا مشيت كاع .. اش غانقول ليه
عزيز : قوليله لي عجبك خدمي شوية ديك العقل ياك نت مراا و كيدك عضيم وبيني ليااا
لامار : انا اصلا هادشي جايا ليه بسيف صافي درت لي قلتيلي و ماشافش فيا و خليني نمشي فحالي غي للغرامة د سكايرية كافياني
عزيز : لامار راني خاسر عليك فلوس صحيحة باش خدمتليك وراقك ..نوضي تكعدي و سولي على واحد سميتو عادل هو ليد ليمنة ديالو يوريك دارو يالاه راه عندي اجتماع نبغي تعيطي ليا و معاك خبار زوينة
لامار : صافي صافي قطع ... ايخ لي دير عقلو فشوارف ...
وقفات و لوات عليها واحد شال خفيف من لتحت بحال معقود فجنب و فخدها ليسري كيبان كامل و جمعات شعرها لفوق بمقبط خلات غي شي زغبات نازلين ودايرا مكياج صااارخ مضاد للماء و خشات تيليفونها ف صاكها صغير .. و بقات كتسول تاوراو ليها شابولا د عادل .. و مشات كتمختر بجيهتها ... عادل كان متكي كيقلب فتلفازة وهي تدخل عليه بقا مبلووووكي بنفس وضعيتووو شاد تيليكومند لجيهة تلفازة و مطرطق فيها عينيه
لامار : ( بتحلوين ) سلاااام .. وخا نسوووولك لاجات على خاااطرك
عادل : هاااا !!
لامار : نسووولك نسوولك
عادل : ااا ااا اااه ( قاد الكلسة ) عمممرني شوفت القمر بالنهار
لامار : ( تحت سنانها : انا غانوريك نجومو ) سوووبحان الله تانا عمري شفت طياب العنب بنهار ( بووووووم💥💥 العصير فالكاس لكبير 🍸)
عادل : يااك دابا هاد الجمال الفاااتن رديتيه طياب العنب
لامار : ونا بانتلي غا فاتن عندها الموسطاج .. احم احم دابا واش نسول ولا نقلب ستة تسعود
عادل : ااااح على هضيرة كدوب الحديد على دكر الحديد اجي نضربوه محدو سخون ونديرو الولاد و ندكو الوتاد و( قاطعاتو )
لامار : دااااار د روووووكاااان فين نلاقاها
عادل : ها ؟!؟ ( تنحنح القضية حماضت ) وعلاش بغيتيه
لامار : وشوووغلك
عادل : اهاه .. ولاكن الغزالة دارزو راه ماشي غير اجي و سير ليها .. لي بغا شي حاجة كنتوسط ليه انا
لامار : تو تو تو .. انا بغيتو هواااا
قاطهم محمد
محمد : عادل .. الكوطي د روكان واجد انا غانديه ليه
لامار سمعاتو و تبعاتو هو يتبعهم عادل كيجري تاوصلو لباب ديالو وشدها
لامار : هاااا اذن هادي هي دارو ( كطلع معاها و تهبط و تصفر )
عادل : اوووقفي .. راااه ميمكنش ددخلي ماشي سيبة
لامار : ا دااك العلقة د لبيار بعد من طريقي ولا ميعجبببك حاال
عادل : رااه لامشيتي حتا تادخلتي راه مغايعجبنا حااال بجووج
لامار : شتي ناا مون تباع فالفرماسيانات سبارادرا والله حتا تمشااا .. مال مك لسقة بعد مني شكون يكون هاد روكان كاع موولاي اسماعيل
عادل : راه مسؤوليتي هادي .. سيري منهنا عفاااك راه ميمكلكش دخلي عندو لابغيتي شي حاجة انا نقولها ليه
لامار : سمع ابوكيمون لي بغيت انا .. هو نشووفوو هواااا
عادل : وراه الالاف د لبنات كل نهار كيجيو باغين يشوفوه و كيرجعو حيت ميمكنش .. مكيستقبل حد فدارو راه غي غايقمعك بشي كلمة و تكلسي دمعي عليا هنايا و تكلينكس معانديش
محمد خرج من عندو ( فيلا ديالو صغيييرة و بسيييطة بطبق وااحد لانو مكيعجبعوش ديك الترف .. رغم ان عندو باش يبني قصر )
عادل : سيري عفاك منهنا راه ديك زمر مكيعرفش للهضرة
لامار : زمر ! قلللتي عليه زززمر !!! اوا عاااااين الى مقلتهالووووش غاااديا نربي الموسطااااج
عادل : سكككتي شدددي فمك اربي شكون سلطك عليااا هاد نهار
لامار : واخليتي ندخل و لا غانفضح
عادل : شدددي فمك راااه ميمكنش نخليييك
لامار : ولله منااا شاااداه و الله تانقوليه قلتي عليه زمر و نزيد سيناريو من راااسي خلين يندخل اش خااسر
عادل : امي اممممي
لامار : خلي مك فتيقار دابا و سير و خليني مني ليه
عادل : مكتتتعرفيني مكنععرفك
لامار : على شكووون نتااا ( بتحلوين ) لافيووووو طيبااااب العنب ( بوسة 😙 )
مشا كيجري لتشابولا ديالو وهي فتحات ديك الباب و دخلات كتشوف مع جناابها حالة فمها فروعة جريدة الصغيرة و حوض الاسماك فيه واحد نوع د حوت كبيييير غريب بدات كطل كان حتا احواض خاصة بسلحفاة البحر لي مهددة بالانقراض الجريدة مقادة على حقها و طريقها رغما بساطتها وصلات لباب لكبييرة لي هي مراااية و منقوش عليها رأس سمك القرش بدات كتشوف فراسها تعكيرة طاارت و المشيطة ضاااعت " اسد لداخل كان ماشي لطواليط هو يلمحها عند لباب شادة المقبط " فليل " بفمها و كتصايب شعرها و خاشيا صاك بين رجليها بقاا مطلع فيها حاحبو اش وصلهااا لتما وهي كتسكد فرااسها و جبدات صاكها دارت الفاغاجو " لباب على برا مراية و ملداخل كتبين كولشي " بدات كديرو لحنوكها و تعووج و ضحك و ضرب فحنيكاتها يحمارو رغم جماااالهاااا الطفوولي المرح... جبدات عكااار و بدااات تعكر تاردات شنايفها حوووومر و اسد ضور راسو لجنب مستهزأ و مشا بجيهة لباب وهي عكرااات و بدات تمد شنايفها بحالا غاتصور سيلفي فرحانا بروووج تاكايفتح الباب فوجهها تبلووووكااااات و هي بقا مجبدة شنيفاتها على شكل بووسة و عينيها و لاو قد ظيال مووكة وهو رامقها بنظرة اااااااح اش فيها منوصف لدرجة روج طاحلها من يدها تصعقات صعقة HD كانت كتصورو شي قررررع شي بو سنان شي بوو كرش متوقعاتوش بقلاااااوة مدردرة ب البيسطااااش ... تنحنح عاد جمعات رااسها و بدات كاتسرط فريقها حيت كتبان حداه قد شي دباانة شيء لي خلاها تعرف مصيرها هو الدددعس و العععفس من طرف الفييل
لامار : س س سممحلي ا انا غي غلطت صاافي انا ماشيا فحالي ( جاات ماشية هاربة ندمااانة لاش جات )
اسد : وووققي ...
وقفات كتصرط فريقها دموعها قربو ينزلوو هذا راه غي شوفة فيه خلاتها غاديا تبول فسروالهااا و يعاود يخنزر فيها غي جوج مرات تعاود ليه تا نمرة سباطها ماشي غي علاش جات ...ضاارت عندو مزززززنكة وهو كيشوف فيها مستغرب لانو عارف موراها شي قصة مدام جات تالعندو وكادبا فهويتها
اسد : اش بغيتي .. وشكون خلاك دخلي
لامار : اا يي ه ه هوو وو " اسد غي كيرمش حيت كيحسابتو كتهضر وهو مفاهمش )
اسد : نعام ؟؟
لامار : ( مع راسها : ااااح كيشوف لشنيفاااتي اكيد دوووخوووه ...اهيااااا فااطمة زهرااا توووكضيي تفكري شااارف راه غايدبببحك لا رجعتي بلوور ويلا زدت القدام هاد برقووق بلادي غايشلضني مهم مشلضة مشلضة اللهم نتشلض على يد تيتيييز تتتبتي تببببتي و تفكري اش قالك عزيز ) احم .. ا س سمحليااا تطفلت عليك .. غ غي انااا جيت جيييت من س سووريا ب بغيت نقول ر روووسيا رووسيا ندوز الصيف فالبلاد اوااا ( ربع يدو كيسمع للخيال الواسع حيت من عينيها عرفها غي كتخور خاصة ان لامار هي و الكدوب لاااعلاقة ) اوااا ملي جيت لداري و كتعرف انا غيير بنيييتة بوحدي هجموو عليا شفااارة ... و هرربت و مابانتلي غر هااد داار واحد على برا مخلانيش ندخل ولاكن غفلتوو .. قلت لاكانت شي عائلة ساكنة هنااا .. ن نكلس عندهم علاما نسالي لي فاكونص " الله يا حنتينتي يا لامار مقديتي تلقاي تا كدبة اخرى "
اسد : اهاه جايا من روسيا .. و طالبا ضيف الله .. روسيا معطاتكش فلوس الاوطيل
لامار : دااااوهم .. د داااو كوولشي سرقوووني خلاو ليا غي ورااقي
اسد : ممم مساكن طلعو ولاد ناس هاد الشفارة ملي خلاو وراقك
لامار : ( هذا كيطنز عليا ولا مالو ) و وااش ن نقد ندخل
اسد : شوفي شي دار اخرى هادي ماشي ديال ضيف الله
لامار : اا و ومااااشي حشووومة عليك ( كتحلون ) تخلي بنت بحااالي فزنقة و دياااب بزااااف هااا حشوووومة عليك
اسد : دابا نت تسرقتي وجيتي لبحر تعوومي كيدرتي ليها
لامار : ا ل لاا مجيتش نعوم
اسد : ودو بياس .. كنت كتصلي بيهم نوافل
سكتات بدات كترمش وتلعب بمومو عينيها
اسد : ماعلينا كاين واحد الفندق تابع لبلاج كلسي فيه ( دخل و سد لباب )
لامار :ووااا ولااكن ... ييييي و الله تاااسدو ... سد فووجهي لباااب ... بااينا بحالا متيقنيش هاد زمممر شغاندير دابا نقوليه انا معجبة ؟؟؟ لا لا منطيحش براسي لهاد درجة ... خرااااا على حصلة .. عزوووووز
جبدات نيليفزن تصوني وااالو مكيجاوبهاش ...
اسد دخل لدار و كلس فواحد الكرسي اونفااض مع لباب و ربع يديه كيتفرج فيهاا ...لانووو عرف موراها شي قصة و جبد تيليفونو كيعيط لعادل ...
اسد : عادل ... بانلي بحالا كتقولي نجيب شي واحد اخور فبلاصتك
عادل : ( كيقرا اسد الرد ديالو ) ا س سيدي علااااش اش درت
اسد : شكون هادي لي مدرما علياااا
عادل : و والله م ماااعرفت م مشتهااااش اسيدي
اسد : هانا غانصيفطليك تصويرتها و شوووفها مزيان و سيفطهااا لمكتب دمخبارات ديالي قول لدراري 15 دقيقة بغيت دوووسي ديالها يكون عندي شكون هي و منين و سميتهااا يالاه 15 دقيقة ( قطع عليه و هز تيل صورها و هي كتشوف فتيلي كتحاول تصوني و سيفطها لعادل و كلس كيتسنا ) شمس بدات كتغرب وهي خرجات لجردة و ربعات رجليها تمااا
لامار : و الله ماااانا مهزهزة منهنا تانبقااا هنااا ناابتة تايدير معايا شي حل للله يجعلني ندير يديا فودني و نقول عتقو رووح هادا راجلي و مشا و خلاني و نا واغة دراااري يالاه " كيقرا اسد شفايفها من داخل اش كتقول جابت ليه ضحكة " واااصلا كيشوف لشنيفاااااتي باااينا حرركتوووو طول لمدة هو مراقبلي فمي اصلا رجال ضلعة وحدة هذاك لي تحتهم مكيخلي ليهم كرامة ساهل نطيحو مو الارض وها راه مطيحني على رااااسي
اسد : هااااكداك
دازت 15 دقيقة هو مراقبها و مرة مرة كيجي عندو رووبن يتقاامشو تاوصلو مسج و فتحو
الاسم : فاطمة زهراء مغراوي
لاب : محمد مغراوي " متوفي " مهنة صباغ
الام : رقية موغيث
الاخوة : امين 8 سنوات و مروان 5 سنوات و اسماعيل 14 سنة
السن : 24 سنة
مستوى دراسي : باكالوريا
رصيد بنكي : ( بدون )
الهاتف : (06 10 43 56 **)
المهنة : راقصة كباريه
اطلع اسد على ضووسي ديالها مزياان هووو كيحك فلحيتووو مفهمش علاش مطمسة هويتها ... مادمت سميتها فاطمة زهراء مغرواي علاش الهوية لي عطات للحراس فيها لامار فهري ...وشكون هاد اليد صحيحة لي خدمات ليها الهوية حيت هي من دوسي ديالها باينا ماتقدش لهادشي مافهم والو و رجع شاف لعندها باقيا فنفس بلاصتها و كتحاول تصوني على شي حد تمنى لو انها تهضر ويجاوبهااا هذا لي كتصوني عليه يفهم شنو كاين بلا عداب حيت تأكد انها مسيفطينها ... والو حطات تيليفون و بقات كتلعب بواحد عمود و ترسم بيه فالارض و تخطط ومرة مرة تشوف مع جنابها حيت صيف و الحشرات كيدخلووو لانو اسد عندو الجريدة كاملة بخاخش باش يحافضو ليه على تربة دجردة وميخليوش شي حشرة سامة دخل لاحواض الحوت ... بقا عاس عليها و عيط لعادل قاليه لاخرجات تبعوها و عرفو فين غاتمشي .. و بقا يتسنا واش تخرج باش يعرف شكون مصيفطها ليه و قصتها .. واااالووو عيا يتسنااا جا محمد مدخل ليه العشااا وهي كتشوف مع ديك بلاطو و فيها موووت د جوووع مكانش اسد باغي ياكل و رد محمد البلاطو وهي متبعا ليه العييبن و شادة على كرشها تادارت شي 11 دليل والو بانتليه مغاتمشيش وهو يخرج لعندها غي فتح لباب نقزااتت واااقفة كتفرنس كانت عارفة غايرجع يفتح ليها
لامار : ( ناري مي جا عندي تاليل عنداك غير يدير لي شي حاجة و نا دافعة جبهة و معرية و نا لكوا مكنعرف منين نبدااا مو اعزووووز فين وصلتيني مدربتش لحساااب لكوااا زمر حسابتو كنعرف و لا مولفة ونا غارحمة سيدي ربي )
اسد : ناويا تستقري هنا
لامار : ا م ملقيت فين نمشي و براا كيضسرو عليا
اسد : لابسة مليم ديال ثوب اش بغيتهم يديرو ليك راه هاد لبلاد حمارة و طمعو فيها بلا ميعجبك راسك حيت هنا كياكلو الاخضر و اليابس ماشي بحال روسيا
لامار بدات غي كتتترمش قمعها حسات بالحكرة
اسد : ( بقا كيشوف فيها مصغرر عينوو ... عاد مازايدا فالكدووب وهو راسو ضرو وركبات فيه الفارة خصو يعرف قصتها ووما ليها دخل طرطقاات عينيها بالفرحة و مشات لصاكها هزاتو و دخلات كتجري فرشاااات راسها بلي كان هدفها هو فقط تدخل لدارو حيت لامار من ناس لي مافيهومش تاحراميات و مكيعرفوش ليها غي مزيدها عزوز .... يالاه اسد غايسد لباب و هي تجي كتجرررري و نقزات عليه ملوية عليه رجليها و كتغوووووت ربي لي خلقها قربات طلعليه فوق راسو و كترعد هو مافاهم والو باغا غير يديرها قدامو يشوف يقرا شفايفها مالها والو يبسااات عليه عيا معاها تنزل ...اما هي معنقاه بيديها و رجليهااا وطالعة فوقو كتتتهرنن الخوف كيخليها تسرسب بكلشي لحسن حظها روكان مكيسمعش
لامار : واااااعتقوووووني وعزووووز خرجتي عليا وغاااااخليني نمشي فحاااااالي مبغيييييت واااالو مابغيت فلووووس مابغيت شهرة سير اصافينااار الله يااااخد فيك الحق عتقوووووووووووني
اسد : هببببطي علياااا خنقتني هببببططططي
لامار : والله ماااانهبط غااايااااكلني ونماااار نماااار عندك فدار قسما بالله الى نمررررر وااااامي واااااااررررقية عتقيتي غي خلني اخووويا ننمشي فحالي خفة رجلي دااارتها ليااااا واااااعتقووو روححح نممر فدااار
قمشااااتو افترساتو لقات ضهرو عريان لي خلاه روبن كملاتو هي بظفااارهااا خنقاتو و هزها بجوج يدين وحطها فالارض غي قاسو رجليها للارض رجعت طارت تاني عليه مابغاتش رجليها يقيسو الارض
اسد : و غااافهميني مااالكي
لامار : وراااااه قتليك نمممر نمممر ازززمر نممممر اززممر راااه زمممر انمممر
اسد والو مكيسمعش واخا عارفها راها كترهرنن تاكيابن ليه روبن جاي ...براسو مفاهم والو 😂😂😂 وهي كتراطا على ضهر اسد ...عااااد فهم البلان
اسد : صااافي غي نزلي راااه مغايدير ليك والو نزززلي راااك قتلتيني ( كيبغي غير يشد فيها لحمها كامل عريان مالقا مايشد ) نززلي مغاايقيسكش
لامار : هااا ؟؟؟ غ غ غ غي نززل ؟؟؟
بدات كتنزل بشوية و عاد كتعيق براااسها اش كدييير قووداااتها يالاه نزلات بغات دور وهي تشوفو ورجعات تاني تعلقات فيه تاكنت غاطيحو و كالا بالزااج و عنقااتووو مزيرة عليه خنقااتتتو
لامار : لاااااا عااافااااااك منننقدش غي خليني نمشي فحاااالي اااااربي اش جابني انا لهنا الله يععطني الهرررس
اسد : رووووبن دخل لبيت ... يالاه روووبن لبيييت ( مشا رووبن ) صااافي مشاااا يللاه نززلي ( بقات كتشوف من موراها لقاتو مشا عاد نزلات كترررعد وهو مراقبهااا كيشوفها بسيييطة اش داها لشي تخرويض و تزويير الهويات و تنقض على روكان بحالو ....
لامار : و و واا و ووواش ع ععع عاا
اسد : حااولي تهضري بشوية مفهمتش
لامار :واش عاايش معاك ؟؟؟؟ مابقيت فاهمة والو نمر فداار اعباد الله
اسد : واش متأكدة نت من روسيا
لامار : ( ردات لبال لراسها وبدات تحلون عاوتيني ) ا ااه ااه غ غي اناااا اااناا كنخاف من الحيوانات صووفاااج داكشي علاش .. قلبي هشيييش
اسد : مم .. دخلي
لامار : ل لااا لاااا شكراا غي خليني هنا و ولا نمشي بحالي صاافي ( ضارت و شدها )
اسد : جيتي برجليك تالهنا وقلتي ماعندك فين تباتي و تسرقتي وتانا بحالك قلبي هشييييش " لحنها " دخلي راه كيعجبني ندير الخير
لامار : (ببراءة ) و وننمر ؟؟؟
اسد : سميتو روبن .. و مغاديش يقرب ليك حيت مربي ..
لامار : هااء راه نمووورا مفترسييين
اسد : كيفترسو فاش كيجوعو .. روووبن شبعان ومكنخليهش يجوع ... غير دخلي شكون داها فيك
زاد هو و عاد زادت قدامو كتشوف مع رجليها لايخرج ليها شي وحيد القرن من جنب و اسد مامعبرهاش و تكا فوق الفوتوي شاد عندو الفون ديالو وهي بقات وااقفة شادة صاكها عندها ماعرفااا مادير غي كضور بعينيها فروووعة دالفيلا ديالو داروو بسيييطة وراااااااقية و فراش خفيف و قليل وكيبان البحر و نجوم على برااا وتا الضو لي عندو حمر خفييييف بدات تحك فدراعها حرقهاا لبررررد كليما شاعلة واسد داير راسو مشغول ولاكن هو عاااس عليها اش بغا تصنع و فين بغا توصل .... وشنو باغا بضبط
رد ليها لبال غي واقفة
اسد : نت جايا بلا حشمة بلا حيا هاجمااا .. ودابا كديري فيها حشمانة دوزي تكلسي
بقات غي كترمش بعويناتهاا
لامار : ماااهجمتش انا غي تقطعو بيا الحبال
اسد : ممم ودوزي تكلسي دوزي متبقايش واقفالي عند راسي كي شي جدارمي
داازت وكلسات خاايفة كتشوف مع جناابهااا
لامار : ( مع راسها : اولي كيغندير نجبد مع هذا شي موضوع .. خرااااا شحال قاااسح ولاكن علاش كيشوف ليا لفمي ياكما طرطقات شي سخاانة ... خرااا وضووور شووف فيناا الزمر ... ياربي هذا معيش معاه نمر و تجي لامار تقضي عليه بففف مشيت بعيد حسابتني غي غايشوووفني يجي عندي كيف لووخرين سعا هذا بانلي عاحبو كروو بلا قياااس ايه وعلاش ميعحبووووش مي مي على فورمة هذا غايعبزني غي بيد وحدااا ... ااااااح شحااال زويييين واااامي عتقي بنتك ... عزيييز مقاليش قااسح هاكا .. )
عيات تسناه يههضر والو فتالي جمع الوقفة و ناض صدمهاا
اسد : تعطل الحال غانمشي نعس ( تاهو كان كيتسنى تنطق بشي كلمة على الاقل يعرف اش كاين .. فتالي مشا دخل لواحد لبيت و لامار متبعا ليه العين ..)
لامار : هاء ؟؟؟ ه هااء ؟؟؟؟ نعس وخلاني ؟؟؟؟؟ ( بقات متبعا ليه لعين تادخل لبيتو شوية وهي طرطقهم و رجعات كتشوف مع جناابها لقات راسها و سط صالون و لبيوت دايرين بيه ولاكن بلا بييييييباااان🚪🚪🚪🚪 طرطقات عينيها على وسعهم
لامار : اوويلي و فين غااانعس انا ... هادشي عندو ليييبر libre ...
ناضت تبعاتووو لبيت لي دخل ليه لقاتو كيداعب روبن فسلة ديالو وهي ترجع جوج خطوات و اسد طلع فيها عينو بمعنى اش بغيتي
لامار : ا . ف ف فيين غانعس
اسد دار يدو فوق راسو
اسد : اجي هنا
لامار : ا ك كن كنقصد مابانلي حتا شي بيت عندو لباب
اسد : داري مافيهاش لبيبان
لامار : وعلاالش
اسد : راه مغايجي يغتصبك حد غي سيري تنعسي
لامار : ا و ول ولاكن .. ففف صااافي واااخا ...
دخل هو لسريرو و مراااقبها وهي مشات لصاالون و كلسات دايرا عليها واكد لوسادة " مخدة " حيت دار برداتها لكليمة بزاااف وهي مالابساش
لامار : وااش هاد خيناااا بارد لهاد درجة ... يجي غير يجبد معايا موضووع اصلا ناعرفتش علاش كاع تنوعير ديالي جا تالعند ها زمر و قلب عليا وجهو ..... فففف راه رخصت راسي عليه بزااااف كووولشي منك اعزووووز خليتني نطيح براسي بنااقس من هاد لفلووس .. دااابا طياااحت براسي اللهم نكمل وصاافي شحال مابقيت غانطيحو فشبكة راه بدا من دابا يتبع لي شنايفي بحالا مشهي شي بووسة والله لاااااادقتيييهاااا ... اجي حقاا وباش يولي حبيبي خاصو يببقا يبوسني !!! لالاااا لللااا لااا .. اناااري واااه كيبوووسوو ... تخوييييرة ساانك سانك.... اولي وحي والله لاقرب ليااااا .... وداك نمر زعما مايجيش عندي بليل ها !! ...
ناضت تاني كتجري عندو لبيت كان شاد الفون شافها و ركز تاني عليها اش باغا
لامار : اا د دااك نمررر مسكييين داااك ضريييف مكينووضش بليل ها !!! زعمااا يدير بيبي ولا شي حاجة
اسد بقا غي كيشوف فيها
لامار : ااه ص صاافي فهمت مكينوضش .. و وااخا صافي ..
مشاات تاني و اسد طابت ليه ضحكة بعفويتها بقا غي كيضور راسو
اسد : شكون هاد مسخوط لواليدين لي بنتيليه نت تقضيليه الغراض و نت متنوضي دجاجة على بيضها .. ( بدا كيطل عليها بانتليه بقا كاالسة متتوترة كتفرك صبعانها )
لامار : ونا فييين غاااانعس داابا .. ناااري نعاس ديالي مشندر الى جااا و شافني ناعسة و رجل فأفريقيا و رجل فآسيا غايعرفني ما لامار ما تازوة حيت نعاسي غي د زويهرة و نا ديك المرا قاتلي ننعس و نا جامعة رجلي و مبتسمة كي غندير و ناريووكي طيصلو لحنوب الالاسكاا ... زمممر ويلا نعست و طاحو هاد دوبياس و نبقا صولو مينطي وتوتو يتفرج فيه كيبغا اااح متبغيهاش لعدوك .. لا لا خلصني ضروووري شي بلاصة ميشووفنيش ( ناضت كتقلب والو كوولشي مفتوح و رجعات كلسات مفقوسة )
لامار : ايييه نعس نعس نتا لي جات معاك اعباد الله عمري شت شي واحد معاه بنت زوينة بحالي بدو بياس وهو مشا ينعس خراا دابا انا هاد دوااا د نعاس لاش جبتو فصااك غي باش لاقربتي ليا نبنج بوووك ولاكن نتا بانلي مبنج خلوووق .. ( بدات كرشها كتغرغر ) ااااااح فياااا جوووووع اوووف .. ناااري مكنعرفش نطيييب .. ااااي جعت جعععت .. ن نمشي عندو و لي ليها ليها الا كررشي و الله ماانصبر
ناضت تاني لعندو وهو داير راسو ناعس و لاكن حاااس بيها لانو شاام ريحتها ...
لامار : نااااري مي نعس
مشات كتقرب غي بشوووية طل عليه واش ناعس تاقربات ليه عاد فتح عينيه
اسد : لا اجي كويييينا نت حسن .. انا دابا لي خايف تغتصبيني
لامار : لا راا غي
اسد : غاتمشي تنعسي و لا نطلقو عليك ( شاف عند رووبن )
لامار : لا لاااااا خليه ناااعس مسيكين لاش تفيقو شوووف كي برييييء غايكون كيحلم بشي نمرررة .. انا غااادا ( عطات تاني بضهرها و لاكن كرشها كتغرغر و شادة عليها و اسد فهمها جاعت و حشمت تقولها و مشا موراها ضارت لقاتو موراها بقات كتشوف فيه )
اسد : جيعان .. ورينا حنة يديك و سيري طيبي شي حاجة را لكوزينة
لامار بقات غي كترمش مابينها و بين طياب غي لخير و الاحسان
لامار : ( مع راسها : ينننعل ديلمي انا اشمن طياااب اولي وحي ولاكن صبببر الاماار .. راه اقرب طريق لقلب الرجل هي معدته .. يووتيب يفكك غي سيري توكلي على الله )
