[5/1 23:41] بارت: الجزء: 1 قصة:تحت رحمة القيصر🔥 بقلم: ♥وئام العمراني♥ في مدينة الدار البيضاء والبضبط فحي شعبي فالطبقة التانية كانت كدور الاحدات التالية: فتيحة :ذهب وااا ذهب نووضي ابنتي راه فات الحال (حلات الشرجم ودخلات شميسة ضربات فوجهها ) ذهب:(غطات وجهها) وااا ماما خليني ننعس مزال فتيحة:(حيدات الغطا) وااتي نووضي قالاك خليني نعس راه 7:00 هادي ذهب :(قفزاات) اويلي فات الحال فتيحة :(باستهزاء) حلفي بالله ذهب :(ناضت بالزربةباتجاه الحمام) علااش اماما مفيقيتينيش حشومة عليييك فتيحة:اييوا الله يمسخك ابنيتي سربي لبسي ودوزي تفطري را الفطور موجود خرجات من البييت توجهات للمطبخ كتقاد الفطور وباش تخرج تخدم ....( هادا هو حالها كتخدم فالديور عند الناس وكتبيع المسمن باش توفر گاع الاحتياجات لبنتها ذهب لي حتى هي كتخدم فسوبر ماركت باش تقد تصرف على راسها وباش تقرا وتعاون مها ولفات على هاد الوضع من نهار دخل باباها للحبس بتهمة القتل وهي عندها 10 سنين خرجات مها تخدم باش تربيها وفاش كبرات حتى هي عرات على كتافها باش تعاون مها نظرا لان باها مكيعتقهمش بالدرهم هو الاخر من نهار خرج من الحبس وهو كياخد من عندهم ماشي كيعطيهم … ذهب بنت عندها 20 سنة متوسطة الطول لون بشرتها ابيض عيونها فلون السماء ولي كيميزها سواااد شعرها لي فحال ضلام الليل شنيفتها حوومر وعلى شكل قلب لاطااي حوووتة لي ديما كتجبد ليها المشاكل فاش كتكون خارجة هااد التركييبة خلاتها تكون بنت آية فالجمااال ولي شافها كيهبل عليها ذهب بنت حنيينة ومهدنة مي مكتسكتش على حقها شرسة الا تطلب الامر شخصيتها تهد الجبال وتقتها فنفسها حتى حد ميقد يزعزعها ).... كانت كتقاد الفطور حتى دخل عليها شي حد من صوتو وريحة الشراب عرفاتو هو
[5/1 23:41] بارت: الجزء: 2 قصة:تحت رحمة القيصر🔥 بقلم: ♥وئام العمراني حميد :كين شي عشا (كيقرب اتجاهها) تي را معاك داوي فتيحة:(الصباحتو لله) راه الطبلة محطوطة .... الفوق : دخلات الحمام قدات حاجتها غسلات وجهها وسنانها وخرجات لبسات حوايجها ... قادات شعرها بالزربة جمعات كتوبتها فالصاك ونزلات التحت لقاتو واقف على مها فالكوزينة خنزرات فيه وهزاات طرف ديال المسمن ومشات فتيحة :اجي ابنتي تفطري بعدا ذهب :لا اماما فات الوقت خاصني نمشي حميد: فين غادة ذهب :(مشافتش فيه) غادة نقرا حميد : (قرب لعندها وشدها من دراعها ) اشمن قرااية ياك هضرت معاك البارح القرااية باااح متبقاتش (كيهضر وهو كيمشي وجي سكراان وريحة الشراب والكيف خارجة من فمو الشي لي خلاها تشمئز كتكرهوو كتكرهو لاقصى درجة بسبابو هي ومها كيتعدبو هو عمرو حن فيها ولا بغااها هو ديما كيبغي غير حاجتو منها لي هي الفلوس لدرجة بعد المرااات كيتحرش بيها ... خشا ايدو فصاكها جبد منو 50. درهم خشاها فجيبو ودفعها ) ترييكة فحالك فحال مك يخخ ذهب: عطيني فلوسي راه معنديش باش نركب حميد :هي لا مشيتي تخدمي ذهب : حدرات راسها والدموع فعينها وخرجات كتجري تبعاتها فتيحة لي كانت غير كتشوف وكتبكي وشنو بيديها مدير عارفة راسها الا هضرات غادي يجمعها هي وي
[5/1 23:43] بارت: الجزء: 3 قصة:تحت رحمة القيصر🔥 بقلم: ♥وئام العمراني عارفة راسها الا هضرات غيجمعها هي ويها فتيحة: ( فين غادا ابنيتي ومازال مافطرتي ومعندك حتى باش تركبي ) ذهب : غير خليني اماما انضبر لراسي فتيحة : لاواه ابنيتي علاه شحال عندي منك ( جبدات 100 درهم من جيبها دارتها لها فايديها ) هاكي خودي باش تركبي وباش تاكلي وخبي دكشي لي بقاليك ذهب : لا اماما غير خلي ليك فلوسك فتيحة : واا الله ايرضي عليك ابنيتي سمعي لهضرتي خوي راسك منو نسايه راه قدما طال الوقت غنتهناو منو ديها فقرايتك ابنيتي الله ايرضي عليك راني بغيتك غير تقراي وتكوني شي حاجة فالبلاد وتهزي لينا راسنا الفوووق ونتهناو من هاد العيشة دالذل ( باستها ) الله ايرضي عليك ابنيتي ذهب : ( عنقاتها ) كوني هانية اماما مكتهمني حتى حاجة غنخدم وندير لي فجهدي على قبلك فتيحة : الله ايرضي عليك ابنتي يالاه سيري راك تعطلتي ذهب : ( باست راسها ) واخا اماما دعي معايا ( مشات ) فتيحة : الله ينقي طريقك من الشوك ابنيتي ( دخلات للدار لقاتو جالس حاط رجل فوق رجل وكيتفرج خنزرات فيه ومشات لبسات جلابتها باش تخرج لخدمتها كتخدم فالديور كل نهار من دار لدار باش تأمن لقمة العيش ليها ولبنتها ولهاد المصيبة لي رزقها ليها الله ندماات على النهار لي تزوجاتو ولكن ماشي بخاطرها مشا بالها النهار لي تزوجات بيه ماكانتش باغة كانت كتبكي وكطلب فباها باش ميزوجهاش حيت كانت صغيرة بزااف 15 عام وهو قد باها من داك النهار وهي عايشة معاه فالذل والحگرة والضرب هدشي كامل صابرة باش متسماش مطلقة باش ميشوفوش فيها الناس بنظرة خااايبة ونعتو فشرفها وشرف بنتها … تبسمات فاش تفكرات ذهب هي بصح ذهب … سماتها هاد السمية حيت هي اكثر حاجة غالية فحياتها هي لي منورة عليها سالات اللبس وخرجات مشافتش جيهتو توجهات لخدمتها ) …..... # يتبع
[5/1 23:45] بارت: الجزء :4 قصة:تحت رحمة القيصر🔥 بقلم: ♥وئام العمراني #عند_ذهب : مشات والدموع فعينيها من جهة ماماها لي كاتبقا فيها وباغا تعوض ليها كلشي ومن جهة باها لي كتكره تقول ليه بابا كتكرهو لدرجة كبيرة … ماشي ساهل البنت تحل عينيها فأب معندو لا شفقة لا رحمة كل ما كيهمو هوما الفلوس والشراب عمرو حن فيها ولا سمع ليها البنت كيكون السند الوحيد هو باها مي هي محرومة منو وهو عايش لدرجة بعد المرات كتحسد البنات لي باواتهم ميتين .… خدات طاكسي متوجهة لقرايتها بعدما سالات دازت للخدمة دوزات فيها نص نهار اللخر فحال ديما … كان طاح الظلام … سالات وهي غاتموت بالعيا خرجات وخدات طكسي متوجهة للدار وهي كتدعي فخاطرها باش ميكونش … وصلات حلات الباب كتحاول تستكشف واش كاين ولا لا لحسن حضها ملقاتوش حيت عارفاه الا كان غيبدا يسب فيها تاني لقات ماها كتوجد العشا باستها وطلعات لبيتها بدلات ونزلات عاوناتها تعشاو فجو هادئ من بعد كل وحدة مشات تنعس بحكم انهم عياو بالخدمة … #فبلاصة_اخرى : والبظبط فاحدى الكاباريهات … كان جالس كيقمر هو وصاحبو بجوجهم سكرانين جايبين الكااااو
[5/1 23:47] بارت: الجزء: 5 قصة:تحت رحمة القيصر🔥 بقلم: ♥وئام العمراني حميد : ( بصوت تقييل ) واتا بربي لا ربحتيها رضوان : بلاتي بلاتي دابا تشا غتغلبني انا حميد: شناوا دابا حگرتيني رضوان : واتاا اصحبي مكتعرفش تلعب حميد : واخا هاحنا فانشووفو رضواان : بين ليا …(كملو القمر ديالهم وسالات اللعبة بفوز حميد ) حميد : ( بفرحة ) واااهااا لي قلنا دابا شناوا رضوان : ديتيها هاد المرة حميد يالاه زيد خلص القصارة رضوان : جاااتك … ( مشاو لبلاصة اخرى لي كانت عبارة على شقة فيها البنات او بعبارة اصح دار الدعارة قصروو تما حتى الصباح كل واحد مشا لدارو ) … كان الصباح والشميسة بداات كاتبان فاقت البطلة ديالنا وجدات الفطور بكري حطاتو فوق الطبلة وجلسات كتسنا ماماها مابغاتش تفيقها حيت عارفاها عيانة من تمارة دالبارح … نزلات فتيحة وهي مبتاسمة صبحو على بعضياتهم وجلسو يفطرو … ما هي الا دقائق حتى كايسمعو صوتو جاي سكرااان وكيغوت … ديما مشوههم فالحومة لدرجة ااجيران كايتشكاو منو … ناضو فحالاتهم ماتسوقوش ليه خرجات فتيحة هي الاولى لخدمتها ومن بعدها ذهب … لبسات حوايجها وقادات شعرها وخرجات بلا متسمع هضرتو وغواتو او بالاحرى سمعات مي ماتسوقتش ليه … خرجات مع الباب يالاه غتسدو … تفاجئات بواحد الشخص قدامها كان كيسول على باها … ذهب : شكون نتا اسيدي رضوان : ( كيطلع وينزل فيها من راسها حتى لرجليها كاتبان ليه دجاجة بكامونها همزة ميمكنش يضيعها … دوا بصوت تقيل كيحاول يبين راسو طبيعي ) كاين سي حميد ذهب : ( رفعات حاجبها الحاااد لي كيف السيف ) وشكون نتا لي كاتسول عليه … رضوان : انا صاحبو … ذهب ؛ ( وهي عاطياه بالضهر غادة فحالها ) لا ماكاينش … مشات بلا متسوق ليه ولا تعطيه اهتمام حيت عارفة هاد النوع لي كايتصاحب معاهم باها مكيقلوش عليه بحتى حااجة …
[5/1 23:49] بارت: الجزء:6 قصة:تحت رحمة القيصر🔥 بقلم: ♥وئام العمراني بقا حاااضيييها حتى بدات كتغبر … لاا هو مستحيل يضيع هاد الفرصة … هادي راها كنز ميمكنش يفلتو من بين ايديه … جبد الطيلي من جيبو ودوز ابيل بقا شحال كايتسنى عاد جاوب … حميد : ( بصوت تقيل غالب عليه الشراب والنعاس ) واا مالك اصحبي يالاه كنت معاك رضوان : تاا فينك حميد : انا فالدار رضوان : دابا واش نتأكد ولا الشراب دوخك كوراك مخشي فشي طارو الزبل وكيحساب ليك فالدار حميد : تشاا لااا اصحبي راني فالدار رضوان : خرج عندي انا قداام الباب حميد : واتشا خلينا ننعسو شي شوية رضوان : وابااغيك اصحبي فواحد البلان حميد : اما هو رضوان : نديرو شي قصارة الليلة حميد : باش نديها ليك تاني رضوان : ههه اش بان ليك حميد : مشات رضوان : يالاه حيد مع 9 فبلاصتنا نشوفك … ( قطع الخط وعلى وجهو ابتسامة انتصار شريرة خبيثة ) … #عند_ذهب … خدمات نص نهار الاول والتاني قرات فيه … راجعة للدار عيااانة … شافت الساعة فيديها 7:30 خاص ترجع للدار باش توجد لماماخا العشا حيت خدامة فشي عرس كاتغسل الماعن غانجي عياانة خاص تلقى العشا موجود … خدات طاكسي وصلها حدا الدار … نزلات وكيفما العادة كتدعي فنفسها باش مايكونش … للاسف حضها ماكانش معاها هاد المرة … دخلات لقاتو فالصالون متكي كايتفرج فالشيخات … خنزرات فيه بلا ماتقول السلام وطلعات لبيتها نيشان … بدلات عليها ونزلات للكوزينة كتوجد العشا … حتى كتسمع صوتو جاي … حاولات تبقى هادئة … جا خشا ايدو فجيوب البيجامة لقا فيها 100 درهم جبدها باسها من جوج جوايه وخداها بلا مايتشاور معاااها خلاها غير مصدومة … خرج وسد الباب مورااه … ذهب : وهي حابسة البكية ( سير الله ياخد فيك الحق ) … رجعات لشغلها كتنقي الخضرة حتى سمعات شي صوت براا … صوت ماغريبش عليها … صوت الغوات … هادا صوت غوات ماماها … مشاات كتجري حلات الباب لقاتو شادها من عنقها وكيضرب فيها لكرشها … جات تفكها من ايديه ماقدراتش كان صحيح عليها بقا كيضربها حتى غيباات وطاحت بين ايديه … شاف فيها مزياان لاحها وزاد … نزلات لعندها كتبكي وكتحااول تفيقها واالو مافاقتش … الجيران تجمعو حتى حد ماقاد يعاون … شافت فيهم وهي كتغوت .… دهب : شي حد يعااوني الله ايخليكم … خرج شخص من وسط الجوقة جا كيحاول يعاون الحاج : يااك لاباس ابنتي اش واقع ليها ذهب : عافاك الا ماعاونني نديوها للطبيب الحاج : ايه واخا تسناي نجيب الطوموبيل … مشا ايجيبها وخلا ذهب كتبكي حاطة راس ماماها على رجليها كتحاول تفيقها … بعد لحضاات جا الراجل وماعااه ولدو هزو فتيحة بجوج بيناتهم وذهب شادة فيديها … طلعوها اللور وكسيرا نيشاان للطبيب …
[5/1 23:49] بارت: الجزء: 7 قصة:تحت رحمة القيصر🔥 بقلم: ♥وئام العمراني كسييراا نبيشااان للطبيب … دخلوها لغرفة الفحص ما هي الا دقائق كانت الطبيبة خارجة … ذهب : ( مشات عندها كتجري ) اشنو عاندها واش هي بيخير الطبيبة : ماتخافيش ماشي شي حاجة يمكن تعبات بزااف وعندها السكري وزيادة على هادا كلات العصا دونك سي نوغمال يوقع ليها هاكا … ذهب : ( الدموع فعينيها ) وفوقاش نقد نشوفها ،؟ واش فاقت ولا مازال ؟ الطبيبة : دابا مازال مافاقت مي تقدري دخلي عندها ونفكرك ماخاصهاش تتعصب وتبع الدوا ديالها بانتظام ذهب : واخا شكرا ( دخلات لعندها للغرفة كانت ناعسة … جلسات حداها كتشوف فوجهها لي بداو فيه التجاعيد … وجه شاحب بااينة عليه تماارة والمشاكل … نزلات عينيها لايديها لي عيااااو بالشقا وتماارة هزاتهم وباستهم والدموع فعينيها كتوااعد راسها بلي غتنقدها من هاد الحالة طال الزمان ولا قصاار غادير لي فجهدها باش توقف على رجليها وتعاون مها … غاتعوضها على كلشي … احسااس صعيبب انك تشوفي ماماك لي تعذبات عليك حتى كبرتي مازال كتعذب واخا كبرتي … مازال كاتقاصي وكاتعاني … من جهة مع الزمان والفقر ومن الذل لي كتشوفو كل نهاار لا مع الناس لي كاتخدم عندهم لا مع راجلها يا حصرى لي هو اكتر واحد معذبها فحياتها … حطات راسها على ايديها وهي كتبكي حتى داتها عينيها … #فجهة_اخرى كانو جالسين كايقمرو كيف ديما رضوان : هاد الليلة ماشي فحال لي دازو الا ربحتي حكم باش ما بغيتي والا ربحت انا غاتعطيني دكشي لي بغيت حميد : واخا اسيدي مشات عارفك ماغاتربحش رضوان : شتك غلبتيني مرة ولفتيها … وا لعب لعب … كملو اللعب ديالهم وكل واخد مركز اكثر من الاخر. … رضوان ميمكنش يفلت هاد الفرصة خاصو يربح باشماا كاان ويطلب منو دكشي لي باغي
[5/1 23:49] بارت: الجزء: 8 قصة:تحت رحمة القيصر🔥 بقلم: ♥وئام العمراني…… لعبو تلات جولات المرة الاولى ربح حميد والتانية والتالتة ربح رضوان وأخيرا وصل لدكشي لي باغي واخيرا غادي ياخد دكشي لي بغا … رضوان : ( بانتصار ) اييوا اسي حميد اش بان ليك دابا حميد : وااا فهادي غلبتيني … اش دكشي رضوان : ( بتردد ) واا اصحبي اش غنقوليك … هادا قانوون اللعب دكشي لي غانطلب غاتعطيه ليا … حميد : واا دوي رضوان : احم مهم ممكن ماتبغيش ولكن را هادا القانون … حميد : وا طلقنا اصحبي … غير متطلبهاش غالية… رضوان : ( بحسم ) بنتك … حميد : مالها ؟ … رضوان : ( جبد شيك من جيبو مسيني وحطو ليه فوق الطبلة ) شحال تعطيني فيها … حميد : ( بدون تردد ) شيك … رضوان : ( بابتسامة شريرة ) جاتك … طلب لي بغيتي… حميد : 10 .… رضوان : جاتك … ( مد ليه ايديه باش يسلم عليه ) متافقين … حميد : ( سلم عليه ودوا ببرود ) تهلى فيها … رضوان : متحتاجش توصيني …. كملو السهرة ديالهم من بعد مشا معاه باش يعطيه الفلوس … وضوان :( مدهم ليه ) متنساش انه اتفاق بيناتنا من اللحضة لي خديتي فيها هاد الفلوس ولات غريبة عليك … حميد : ( وهو كيحسب فالفلوس ) متافقين ( عطاه گاع المعلومات على ذهب … فين كاتقرا وفين خدامة وفوقاش كتخرج … كلشي ) … رضواان : مزيااان هكا انكونو تفاهمنا … تبرع ليا مع راسك اصحبي …
[5/1 23:49] بارت: الجزء: 9 قصة:تحت رحمة القيصر🔥 بقلم: ♥وئام العمراني…… هز الفلوس وخرج وهو فرحان كأن شيئا لم يكن مشا للبار كيفما العادة بقا كيشرب حتى سكر وفوت …… #عند_ذهب : كانت ناعسة على ايدين حناان ايدين لي واخا الشقا وتمارة كرفصاتهم مازال كتحس بيهم رطبين وحنان عليها … حسات بيهم كيتحركو … حلات عينيها بالزربة شافت فيها لقاتها حالة عينيها … تبادلو نظرات بيناتهم .… هزات ايديها وباستها … ذهب : كي بقيتي احبيبة … فتيحة : شويا ابنتي الحمد لله … (دخلات عندهم فرملية ) : على سلامتك الالة … فتيحة : الله ايسلمك ابنيتي … ذهب : ايمتا تقد تخرج .… الفرملية : من دابا الا بغات مي بشرط تبع الدوا ديالها بانتظام … ذهب : واخا شكرا … ( شافت فماماها ) رتاحي شويا انا غانمشي نجيب ليك حوايجك … فتيحة : واخا ابنيتي الله ايرضي عليك متعطليش را جاتني الغمة هنا … ذهب : ( بابتسامة باست ليها على راسها ) واخا اماما رتاحي … خرجات شدات طاكسي نيشان للدار جمعات ليها الحوايج لي غاتلبس فصاك وخرجات من الدار سدات وراها الباب ومشات … هدشي كامل داز تحت عينين شحص كان حاضيها ملي خرجات من الطبيب … وقفات فراس الدرب كتسنا طاكسي وقف قدامها ركبات وكسيرا بجهد … كانت كتشوف فالطريق متكية على الزاج وساهية شويا كتشوف الطريق ماشي ديال الطبيب … … سكتات شويا كتشوفو غادي فاتجاه شي بلاصة فحال الغابة … ذهب : اسيدي هادي را ماشي هي الطريق … ( مجاوبهاش ) … الشرف را معاك كنهضر … اسيدي ( لا رد فحالا مكيسمعش ) … بقات كتغوت وكضرب فالزاج بايديها لعلى وعسى يسمعها شي واحد … بدونً نتيجة ……
[5/1 23:50] بارت: الجزء : 10 قصة:تحت رحمة القيصر🔥 بقلم: ♥وئام العمراني….... شويا حسات بشي حاجة محطوطة فوق نيفها من بعد مابقات عاقلة على والو …… دازو ساعات … كتحل عينيها بشوياا كتحس براسها غيطرطق وگاع اعضائها تقال عليها مقداتش تحرك حدها حالة عينيها وكتشرف راسها فبيت صغيير حيوطتو موسخين والارض محفرة كانت ناعسة على بونجة رقيقة ورجليها مربوطين .… حاولاات تحرك بشويا حتى حلات الرباط لي فرجليها وناضت حدا الباب لي كان من الحديد بقات كضرب بيديها ورجليها وكتغوت هلى حر جهدها باش يحلو ليها بقات على هاد الحال حتى عياات ورجعات لبلاصتها جمعات رجليها عندهاا بيديها وحطات فوقهوم راسها كتفكر فمها لي بقات بوحدها فالطبيب … غاتكون دابا كتسناها باش تجي تديها …. بلا متحس ناضت قافزة تاني للباب كتخبط فيه كتر من الاول كتغوت وكتبكي فنفس الوقت …… ذهب : حلوووووو حلوووو لياااااا هاد الباااااب الله يخخخخليييكم حلووو عليا …. … بقات كضرب حتى حسات بحلقها نشف رجعات لبلاصتها تاني بنفس الوضعية لي كانت فيها …. … سهااات بتفكيرها كتفكر فماماها تاني للحضة مشا تفكيرها لباها … هو السباب فهادشي كامل … هو لي وصلهم لهادشي حيت كون مضربش مها حتى مشات للطبيب مكانتش غاتخطف هدشي لي كان كيدور فدماغها كون كان حاميها وواقف معاها مغاديش يديرو فيها هدشي … فيقها من سهوتها صوت الباب وهو كيتحل ضورات وجهها جات عينيها فرجلين راجل بقات هازا راسها بالعرض البطيئ كتشوف قدامها راجل كبير شويا فالسن … رقيق وقرع عندو شويا الشعر جامعو اللور … الشخص: ( نزل لمستواها ) مرحبا بالزوينة ديالنا نورتينا … ذهب : شكوون نتا اش باغي مني علااش جايبني لهنا … الشخص : شووو تهدني الغزالة حط حداها بلاطو فيه الماكلة ……
Tags:
46