تلوات فليزار وجلست دمع بلعاني .....
فاطمة ..الله اربي شنو درت هئ...هئ..هءهء ماكانش عليا ندير هاد لفضيحة
معتز .."كايلبس حوايجو "علاش كاتبكي كلشي كان بإراضتك
فاطمة ..انا ماشي ديال تدواز الوقت هئ..هئ...حبي ليك خلاني نغلط هاد الغلطة "رفعات راسها " ياااربي تسمح ليا ....
معتز ..اوووه ماتزديش فيه " شد خصلات شعرها " كان خاصني نعرفك من زمان هاد لحظة عمري ننساها
فاطمة ..الله يخليك اسي معتز ماتزيدش على مابيا "وقفت " الله ياربي عندك نحصل ونتفضح
معتز .."شد يدها ..بشوية عليك
_____اليخت___________🛥
تكمشات فالسرير ولوات عليها ليزار ودموعها على خدها بعد ما خدا دوش لبس شورط فالكحل وجلس فطرف السرير كايكمي ودماغو كايدي ويجيب ويبني ويريب.....ناضت بشوية كاتجر فرجليها فتجاه الحمام واسفل رحمها كايتقطع من الالم سد الباب من الداخل تحسبا لاي هجوم وتخشات تحت رشاشة كاتبكي والما نازل معاها
وئام ..الله ياربي شنو درت حتى نتعاقب بهاد شكل هئ...هئ..هءهءهءهء الله يلعن ساعة لي شفتك فيها افراس الكلب الله يعطيك الموت بسببك كانتعدب هئ..ءهءهءهءهء...
___مطار___سلا__الدولي______🛩
خرج من المطار هاز راسو لسما وجار شانطة وراه اول ماشافوه لكارد ديالو توجهو ليه كايجريو كي لكلاب شي هز الشانطة وشي فتج ليه باب رونج طلع لور وجلس ....
أوس .."بصوت رجولي " غانمشيو لقصر هو الاول ..
السائق ..امرك سيدي
مسافة طريق كانو قدام بوابة القصر باب حديدي كبير فالاسود محفور فيه فالوسط اسم العائلة بإتقان " colunga " والبودي كارد منتشرين حول القصر تفتح الباب بشكل اطوماتيكي ..ودخلت سيارة لداخل وربعة ديال البودي كارد كايجريو ورا سيارة ضربو مساافة عاد وصلو للباب الثاني كان باب زجاجي وواقفة رئيسة الخدم ف ستقبالو مرا فالخامسة والاربعين من عمرها قامة طويلة وقوام ممشوق وبشرة مشدودة لي شافها يقول امرأة ثلاتينية بملامح صارمة كانت لابسة زي الخدم والابتسامة على شفاها ...
زبيدة ..على سلامتك سيدي ....."ماتلفتش ناحيتها كمل طريقو وراسو فالسما وعاقد حجبانو اول ماوصل لصالة لمح الجدة ديالو جالسة فكرسيها المتحرك تبسم ابتسامة عريضة وتوجه ناحيتها جلس على ركابيه وباس يدها ....
أوس .. الميمة الحبيبة
لالة راضية .."نترت يدها منو " الحمد لله من مزال مفكر بلي عندك الميمة
أوس .."رجع شد يدها " ياك الحنانة يرضيك نجي بعد غياب دام ست شهور وتستقبليني هاد الاستقبال
لالة راضية .. هاد لكلام ماكاياكلش معايا اقليل الخير بحالك بحال باك طينة وحدة يخليكم بالخلا "كاتقلب بعينيها" فين هي ديك قليلة الحيا مراتك !
أوس .."مرر يدو على شعرو بعصبية " من اليوم ماعندي مرا
لالة راضية .."فجأة وجها تبشر" هي رمتيها اللله دابا عاد رجع ولدي لي كانعرف طريق لي دتاتها تجليها ان شاء الله "جراتو من خدودو " ويلي على حبيب ميمتو كايكبر وكايزيان
أوس .."ضحك حتى بانو الغمزات ديالو " اااااح عليك الشارفة مايقد عليك غا لي خلقك هه ....
لالة راضية ..شارفة هي لي ولداتك اقليل الحيا
أوس ..غانطلع ناخد دوش ونرتاح نشوفك من بعد الحنانة
لالة راضية .. "باست خدو " واخا احبيب قلبي
طلع لطابق الثاني بقات متبعاه بعينيها حتى غبر تنهدات تنهيدة وتكلمت.
لالة راضية ..ااااخ احبيب قلبي ديك قليلة الاصل باينة دارت ليك شي حاجة الله يجليها علينا بنت الزناقي
رئيسة الخدم ..لالة راضية شنو تبغي لغدا !!
راضية .."رفعت راسها وشافت فيها " راك كاتعرفي شنو كايبغي أوس كاع شهيوات لي كايبغي جهزوهم
رئيسة الخدم ..امرك لالة ...
وقف والسيجارة فيدو كل مرة ينتر منها نترة نترة نترة منها ورفع راسو لسقف خرج دخان من نيفو ...
عمار .."بصوت خشن وشبه مسموع "....شنو كادير اعمار اشنو كادير لين باغي توصل خديتي لي بغيتي اشنو باغي مزال ؟! نتر نترة اخرى وساط دخان ورجع تكلم " انا اول واحد مسها ادا هي ملكي وانا ماشي من عادتي نسمح ف ممتلاكتي ....."سكت ورجع تكلم" اش كاتخور الق*** اش كاتخور لازم نصفي ذهني ونرتب افكاري ماشي معقول نبقى فهاد لفوضى "طفى سيجارة اول ماسمع باب الحمام تفتح تلفت ناحيتها بالعرض البطيئ طلعها من ساسها لراسها ببرود وتكلم .....
_____مكان___اخر________
خرج من الڤيلا وهو ناشط ومزاجو رايق طلع فلوطو وديمارا فتجاه الشركة بعد ما خدات دوش نشفت شعرها ولبست بيجامة خفيفة نزلت لمطبخ فتحت ثلاجة خدات عصير داليمون وجلست فالكرسي وابتسامة عريضة على شفاها ...
فاطمة...والله ياسيهم معتز حتى نتلف ليك داك شوية لعقل لي باقي عندك "ضحكت بمياعة " هاهااااييييي "نزلت على العصير دقة وحدة " اااااح الحمد لله نوض نشوف اش نطيب " توجت لثلاجة وكاتغني " الحلاوة فين كاينا الحلاوة كاينا هنا 🎶🎶 ..........
___اليخت__________________🛥
وئام .."بحتقار " واحد مجرم الله ياخد فيك الحق الى ماخليت فضيحتك فكاع الجرائد راني ماشي وئام كاتسمع انا غانخرج من هنا وغانبلغ بي...."قبل ماتكمل شدها من الفك ديالك وزير عليها ".....امممم
عمار .."مزير عليها "صوتك مايعلاش عليا ولا غانهرس ليك فمك كلامي هو لي غايمشي كانقسم ليك الى حاولتي تخرجي شي لي وقع عنا على برا غاتكون نهايتك على يدي كاتسمعي "دفعها حتى طاحت على سرير " ودابا دوري تقودي "هز الحوايج لي كانت لابسة ولاحهم على وجها ......
مكان______اخر_____________
كانت كاتعبر الشارع وكاتهضر ف تيلي فنفس الوقت وما على بالهاش بالناس يالا غاترمي الخطوة الثانية وهي تكسيري سيارة من نوع رونج روڤر حدا رجليها شهقات وحلت فمها من الخلعة طاح تيلي من يدها ......
السائق ..طييييييييط .....طيييييييييط " خرج راسو من سرجم وكشاكشو كاطير ..."اديك الخرية جارية خوي ليا طريق
امل .."تحنت وهزت تيلي ومزال حابسة ليهم طريق " ويلي ويلي لافيشور مشات ليا " رفعت راسها وهي ساخطة والغضب متمكن منها " ...
الخرية هي لي غانطليها على طاسيلتك ادا ما غرمتيش ليا تيلي "خرجت فيه عينيها وصدرها كايطلع وينزل بعصبية ....
السائق .."بعصبية " خوي طريق القلا***
امل ..القلا*** لي كاتشير بيهم يمين وشمال غانترهم ليك من تحتك ازا** "غرم الخرا لي تهرس بسبابك
كان جالس فالمقعد الخلفي وداير نظارات شمسية فالاسود وكايشوف فيها بغضب رجع شاف فالساعة لقى الوقت كايدوز صونا ليه تيلي دوز الخط وتكلم بالاسبانية ....
أوس ..Estoy esperando...."كرز على يدو بعصبية وتكلم من تحت سنانو....." Juro que te mataré si no me esperas
___ترجمة____________
(انا جاي تسناني ....." كانقسم ليك الى ماتسنتينيش غانقتلك )....."قطع لخط وشاف ف امل شوفة كن كانت قرطاس كن قتلاتها ووجه كلامو لسائق
عفط الق*** وطير من هنا خليها تنبح
السائق .."كايتفتف" امرك سيدي ..."رجع بلور يلا غايقلب ويكسيري وهي طير كي زواق وجات قدامهم ثاني ....
امل ..امك لي كاتنبح اولد الق...... ازا** بو قل** ........نزل من سيارة صاعر ما كايشوفش قدامو توجه ليها ضربها ليها بقجة حتى عينيها تقلبو وكايديها ويجيبها ....
أوس .."من تحت سنانو " عاودي اش قولتي الق*** مي انا تجبديها على لسانك زفر
امل .."كاتفركل بين يديه كي شي مشة " قق ...قققق ..قققق....
طييييييييط.....طييييييييييييط......."كلشي كايكلاكسوني وراهم وطريق تبلوكات شي كايتفرج بلا مايدخل وشي كايسب ""دفعها كي ريشة جات منشورة فالارض .......
.....عندك الزهر الق*** ماعنديش الوقت "طلع فرونج وكسيرا سائق قبل ماتوقف ...
امل .."وقفت وحاطة يدها على عنقها " الله ينعل زا** لي حطك الكلب كترتو ازوا**
الشخص .."طل من نافدة سيارة " وخوي طريق اختي ...
امل .."تحنات هزات امشقوفها لي مابقى فيه مايتلبق وخنزرت فالشخص " يخوي لمك لمسارن القوم الشفاي....."كملت طريقها وهي فقمة غضبها وكاتسب أوس طريق كاملة
كملت طريقها للبنك والحوار لي دار بينها وبين مراد كايدور فدماغها ....
#فلاش #باااك
مراد .."باس ليها راسها " سمحي ليا اختي راه غير نيف جاني عليك عاد عاودات ليا مي لافير
امل .."عوجت فمها " اممممم قالك ختي هاد لمرة تعلم تسول قبل ما تمد فراقشك
مراد .."كايعنق فيها " وا صافي الخوادرية ماتزديش فيه عرفتي ديك عشرين مليون لي عندك الى ستتمرتيها غاترجع ليك بتريبل
امل ..احيييييه وفين غانستتمرها ؟!
مراد ..كاين واحد ساط كانعرفو كايعرف واحد خينا كايخد الفلوس وكايدخلهم لسوق كايتروجو ويرجعو تريبل كاياخد نسبة ديالو وكااتشدي حقك
امل .."دخلها طمع " تربيل هي غاتولي ستين مليون 🤔
مراد ..تمامااا
امل..."خدمت دكائها المتواضع " وشكون لي قالي هاد ساط ديالك ما غايهزنيش ويطلقني هااااا !!
مراد ..واااااايلي على انا ماشي راجل باش نتشمت راه معاك خوك هاد شي فيه لعب
امل .."بتردد " خليني نفكر "
مراد ..واااه هاد شي فيه تفكير راه من هنا ليومين غاديخل شي فلوس لسوق خلينا نضربو لحديد ماحدو سخون
امل ..خليني نجرب عشرة بعد ونشوفو
مراد ..صفي نيتك باركة من شكوك الخاوية وخلينا نضربو الحديد ماحدو سخون
رحمة ..سمعي لخوك وتوكلو على الله
امل ..نشوفو هاد البيعة وشرية ديالك لكن قبل مانسلمو لفلوس خاص ناخدو شي وتيقة موقع عليها كا ضمانة
مراد .. وااااايلي لاتوصي يتيم على بكى اانا ما غانسلمو لفلوس حتى تكون ضمانة لي ضمن حقنا
امل ..خلي حتى لغدا ونمشي ناخدهم من البنك
مراد ..هي دابا نيت
امل ..واخا سبقني انت انا دايرة ماسك لشعري خاص ندوش عاد نخرج
مراد .."قفز بسرعة " هي للولة بنك ***
امل .."متوجهة لدوش " ايييه اييييه ....
___الحااااضر_______
-----الشركة-----------------------🏙
صقر ..محاوطها بيدو " شنو هاد لعجب لي فمك عشرة لاف مرة كانقول ليك ماتحطي والو
ريحان .. هذا غير عكرر واااه
صقر .."عقد حجبانو " ايييه عرفتو عكر مي ماتحطيهش شنو كاتقولي لزوامل هافمي تشهاوه
ريحان .."دفعاتو " اييييه صلح فمك
صقر .."رجع جدبها " ادا باغياني نصلح فمي مسحي فمك هو للول
ريحان .."بتحدي "ماغانمسحوش ولي فجهدك ديرو
صقر ...اهااااه " طار على شنايفها كايمصهم بجهالة وبعنف ويديها كايدفعو فيه نفسها غاتقطع عيات تدفع ما فكتها غير سكرتيرة لي دخلت بلا مادق اول ما شافتهم شهقت ونزلت عينيها الارض وكاتفتف .......
سكرتيرة ..س سم سمح ليا اسيدي
صقر .."بعصبية " خرجي علياااااااااا
ريحان .."بعدت عليه كاتنهج " اش هاد تاهيماجيت نفس تقطعت فيا
صقر ..هاد لمرة شنايفك لي غايتقطعو ادا لقيت فيهم مرة اخرى هاد لعجب
ريحان ..انت راك مريضة انا لي حمقة دايرة فيك راسي .."يالا غاتخرج رجع لصقها عليه
_____مكان____اخر__________
اول ماوصلت للبنك لمحت مراد قدام الباب وكايفرنس دخلت هي وياه وخدات المبلغ كااامل حطوه فصاك هزو مراد وخرجو من البنك.....
مراد.. "شاف فيها " نتي رجعي لدار وانا غانتكلف
امل...لا رجلي على رجل
مراد .."حمر فيها " كيفاش رجلي على رجلك قالو ليك انا ديوت ناخد ختي لعند دوار درجالة هي ما كاتقيش فيا
امل ..اش كاترون خفت غير يدروها بيك
مراد .."رمى ليها صاك " بلا مادوخي عليا قولي ماتايقاش فيا وخرجي راسك من باك واسع
امل .."من تحت سنانها " هز صاك ناس كايشوفو فينا "شدت راسها " استغفر الله العظيم سير انا غانتسناك فدار ااااه تاصل ف تيلفون ماما ديالي تهرست ليه لفيشور يالا باي
مراد .."هز صاك " باسها فراسها والفرحة ظاهرة عليه اول مرة غاتشوفو فرحان وكايبوس فيها " سيري الله يخليك ديما الفوق الفوق تهلاي فالوليدة حتى نجي " شاف فيها شوفة مطولة عاد عطاها بظهر ومشى كلمة تهلاي فالوليدة دخلت فيها شك حتى كانت غاتوقفو ونعلت شيطان ورجعت لدار
___الحوار___بالإسبانية_____
الشخص ..Encontrado su lugar ...(لقيت بلاصتها )
أوس ..!!Dónde está Ada ....(فين هي يالااا )....
الشخص ..Me quedo aquí en Rabat ..(فواحد الاوطيل هنا فالرباط ) ...
أوس .."كرز على يدو والتشارش كايطير من عينو ) Ir al almacén ......(ديوها لديبو )
الشخص ..Bueno, Josh.....(واخا الوحش )
_____مكان__اخر______
حطها طاكسي قدام مركز الشرطة نزلت منو وتوجت لباب المركز وهي مترددة بعد اخد ورد مع ونفسها توجهات لداخل وقفها بوليسي لي عند الباب سولها فين غادية قالت له بغات تبلغ بشي حد نعت ليها المكتب لي غاتشكي فيه
وئام ..لازم مايدفع ثمن شكي بيه اويأم ماعندك مناش تخافي شكي بيه ...."خدات نفس عميق وتوجهت لمكتب ....يالا حطت يدها على لبواني وهي تراجع فأخر لحظة ....
وئام ..اشنو غاديري اوئام ادا عرفت ريحان شنو وقع غاتمشي فيها هاد المرة مافيهاش شك ثم هداك الكلب من عائلة معروفة اكيد غايطلع من القضية بحال الشعرة من العجين وانا لي غانتشوه وكلشي غايولي ينعت فيا ...بعد دقائق من تفكير خرجات من المركز وتوجهات لڤيلاا .....
-----بعد--سااااعة
__مكان___اخر____________
وقفات سيارة قدام باب المستودع جا خارج المدينة وفمكان معزول جرها رويريغو من شعرها وعينيها مغمضين ببانضة فالكحل لاحها للكارد وتكلم ...
رودريغو ..Su mejilla está frente a mí
(ديها من قدامي ) ....
جرها الكارد وهي كاتفركل بين يديه وكاتغوت دخلها لداخل ولاحها فالارض كي جيفة رجع هزها من شعر وتوجه لمكان لي غايربطها بيه دفعها على الحيط حتى ضلوها تهزو وبدا كايجر فسلاسل كايتسمع غير صوت سلاسل والغطوات كان قلبها كايضرب على جهدو وكلها كاترجف جرها لعندو وربط ليها يدها بالسلاسل وخلاها واقفة ومربوطة بدون مايكلف نفسو ويفتح ليها عينيها ....
يمنى ..ف فين انا هئ..هئ.. اش بغيتو عندي شكون انتما هءهءهءهءهء....
الشخص ..1 سكتينا
يمنى ..فك ليا يدي الله يخليك هئ..هئ...ع على الاقل خليني غير نشوف فين انا
الشخص 2 ..غاتسكتي لااا ؟! بلعي لسانك قبل لانقطعو ليك ......"دخل عندو زميلهم كايجري.
الشخص ..البوص جا
الشخص 1 ..كلشي هو هذاك ......"وقفت سيارة قدام باب المستودع نزل منها بهيبة وراسو فالسما كيف المعتاد ودخل لداخل كايتمختر جلس فالكرسي ودار رجل فوق الرجل وملامحو جامدة اشار بيدو للكارد بمعنى حيد ليها زيف لي فعينها توجه ليها الكارد وجر ليها الوشاح فتحت عينيها لي حمرين وعامرين دموع اول ما جات عينيها عليه وسعاتهم وحلت فمها ....
يمنى ..ا ا أوس ..
أوس .."وقف وتوجه ليها بخطوات تقيلة شد الفك ديالها وزير عليه وتكلم بصوت خشن " ايييه أوس احبيبة ماتقوليش ليا ماتوحشتنيش !!
يمنى.. "خزرت فيه " اش هاد شي درتي كيفاش تجرأ وت..........."قبل لا تسكت سكتها بصقلة خلات سنانها حمرين بدم وصباعو تصورو فخدها ....
أوس ..نتجرأ ونص الكلبة "خشى صباعو فشعرها وزير عليها " من نهار خرجتي من دار ورفعتي دعوى الطلاق حفرتي قبرك بيدك الق*** واش عند بالك صعيب نجيب هااااا ؟! عند بالك بلي طلقتي بزز مني ؟ نووووو غالطة عمرك كنتي طلقي لو ما وافقتش
يمنى .."ضحكت بستهزاء " كاتبرد على قلبك خلعتك درت الخلع ورميتك وجيت عند سيدك تقبلها ال......"صقلها بصفعة اخرى خلات وجها يدو ورجع جرها من شعرها بقوى ...
أوس ..غالطة العاهرة انا لي خليت المحامي يوهمك بلي غايحرك مني وطلبت منو تتنازلي ليه على الاملاك كلها باش داك القواد ديال باك مايبقى ليه حتى فرنك وانا لي سهلت طلاق خليتك تحلمي شوية وتيقي راسك ودابا جا الوقت لي نفيقك من حلمك الحشرة "زير على شعرها اكتر واكتر " غاندفعك ثمن غالي غاااالي بزاف غانخليك تمناي الموت وماتلقايهاش
يمنى .."بحال الى تكب عليها سطل دالما " ش شنو كاتقول !!
أوس .."بعد عليها ".مزال ما قلت يالا غانقول "غمز الكارد ...." شحال انتما هنا ؟!
الكارد ..حنا 6 اسيدي
أوس ..نبغيكم كاملين دوزو عليها بس ماتموتش وهي تحت منكم حيت مزال عندي ليها مفاجأت اخرين "دار نظارات شمسية وخرج وخلاها غاتحماق بالغوات .....
يمنى .."بصوت عالي ".أوووووس رجع هناا رجع أوووو أوووس هئ...هئ....الله يخليك رجع رجع الكلبببببببب....."حليو ليها يدها ودارو بيها كي لكلاب قطعو ليها حوايجها وهي واقفة ولاحوها فالارض صولو ...
الشخص ..1 انا لي غانبدا لول "كايضحك وطالق ريوgو هي هي هي ههههه
الشخص 2..اااااحححح على طاي عندك الق...
يمنى ..كاترجع بلور وكاتبكي " لااااا هئ...هئ...بعد لهيييه بعددددددددد........لااااااااااااااااا.."غوتات غوتا الجدران ردو عليها سمع غواتها على برا تبسم وعطى لامر لسائق يتحرك بعدو على المستودع وخلاها وراه كاتغوت ربي لي خلقها
___مكان___اخر________
__بعد••ثلات••ساعات____________
دخل لعندها لمكتب توجه ديريكت لبيرو بخطوات بطيئة حط لي ساشي فوق المكتب وجلس فالكرسي قدامها .....
ريحان.."بستغراب " شنو هاد شي !
صقر ..طلبت لغدا لهنا قبيلة قولتي ماغاتخرجيش "كايفتح فلي ساشي وكاينزل الغدا فوق المكتب تحت انظارها حط البيتزا وسلطات والفريت وكوكا كولاا طلعت معاها ريحت البيتزا بالكفتة حسات بمعدتها تقلبت وتبويعة طالعة معاها ناضت كاتجري فتجاه الحمام خرجت من المكتب وتوجهت لحمام كاتجري تحنات على لڤابو وكاتبوع تبعها كايجري دخل عندها كايلهت ....
صقر .."بخوف " مالك
ريحان .."رفعت راسها " اوووف هاد الايام المعدة قاتلاني
صقر .."شد وجها بين يدو " علاش ماقولتيهاش من قبل يالا الكلنيك
ريحان .."مسحت وجها " نووو ما كاين لاش غير المعدة دابا دوز
صقر .."بعصبية " مال راسك قاصح
ريحان .."عقدت حجبانها " علاش كاتغوت!
صقر .."كتم اعصابو " يالا خليني نطمن عليك زيدي قدامي
ريحان .."بإصرار "قلت ليك ما كاين لااش من بعد ونمشي
صقر ..علاش مادريش ليا خاطري وتزيدي قدامي
ريحان .."تنهدت "وعد غانمشي لعيادة مي ماشي دابا شفتيني غارقة خدمة
صقر .."رفع حاجبو " امكن نستي بلي انا لمدير "جرها من يدها "زيدي قدامي خلاااص...
خرجو من الشركة وطلعو فلوطو مسافة طريق كانو امام المصحة نزلت من سيارة بعدو وتوجهو للداخل ويدها فيدو اول ما جات عينو على طبيب العائلة توجه ليه بخطوات متسارعة صافحو بعضهم مطلب منو يكشف عليها بعد الاسئلة روتينية فحصها بعد ما فرغ من الفحص توجه لمكتب ديالو والابتسامة على شفاهو ...
صقر .. شنو عندها
الدكتور ..عندها كل خير "تبسم "مبروك عليكم المدام حاملة وداخلة فالشهر الثاني
حلو فمهم دقة وحدة ووسعو عينيهم .
ريحان ..ح ح حاملة ؟!
الدكتور "كايكتب ليها طخيطمو ) وي حاملة
صقر ..مزال تحت تأتير صدمة " واش،قولتي حاملة دابا ريحان حاملة ؟!.قولتي داخلة فالشهر الثاني يعني كلها اشهر قليلة وغايولي عندنا بيبي وغايقول ليا بابا
الدكتور .."كايضحك " تماما بعد سنة تقريبا غايولي ينطق بشي احرف ويقول ليك بابا هه يتربى ف عزكم وذلالكم ان شاء الله
صقر .."كايشوف فيها بحب " شنو لازم نديرو يعني شنو تاكل وشنو لا وكيفاش نتصرفو فالاشهر الاولى ؟! ........
___مكان__اخر_______
امل ..غادية جاية " دازت كتر من ثلاتة سوايع وولدك مزال ما جا لا وطافي تيلي من الفوق "شدات راسها " الله ياربي اش داني نخليه كان خاص نمشي معاه رجلي برجلو
رحمة ..جلسي تغداي دابا يجي مالو غايهرب
امل .."بعصبية "شكون عرف "كلمة يهرب كاتردد ف مسامعها " شكون عرف
خرجو من العيادة وتوجهو ديريكت لڤيلا طريق كلها وريحان كاتنgر .....
ريحان ..شنو سبب لي يخليني نجلس فالدار
صقر .."كايسوق وكايهضر" ايمكن نسيتي بلي راك حاملة !
ريحان ..واش هذا سبب ف نظرك انا ياالاا فالاشهر الاولى بلوس غير جالسة ماكاندير حتى مجهود ماشفتيش لعيالات لي كايخدمو فالديور وفالقهاوي وكاتكون كرشهم واصلة لفمهم وفلاخر كايولدو عادي وبيخير
صقر .."تلفت ناحيتها " الله معاهم مي انت غير مامضراش تبدلي مجهود انا ماغانقبلش يضيع مني ولدي كيف ضاع خوه
ريحان .."بعصبية " انت عارف شكون ضيعو وحرمنا منو
صقر .."زير على يدو " ايه عارف " بلع ريقو وحس بالغصة ف حلقو " بليز ماتزديش تناقشيني سمعتي الدكتور شنو قال وادا ميتة على الخدمة لهاد درجة غاتبقاي تراقبي الخدمة من الدار.......
_مكان___اخر___________
امل..لااا لااااا مستحيل نجلس على اعصابي غانخرج نقلب بنفسي
رحمة .."تزاد معاها زايد وولات تولول فخاطرها" فين غاتمشي ؟!
امل .."كاتلبس صباطها" فين كنا ساكنين قبل دوك رباعة الفانية دصاحبو غايكونو عارفين شي حاجة
رحمة .."وقفت كاتلبس جلابتها " تسناي انا جاية معاك ......."خرجو من الشقة شدو طاكسي وتوجهو للحي لي كانو فيه قبل.... ساعة زمن كانو وسط الحي اول ما دخلو ليه جلست رحمة تسلم على جاراتها كل وحدة كاتوقف فيها وتعنق وتعاود وهي قلبها ربي لي عالم بيه تخطاتهم امل وتوجهت لبيار ....
مسعودة .."كاتميق ف امل " هانتي ليك جدرة غير تحولت من هنا ولات تهز خنافرها ماراضية حتى تقول سلام
نعيمة ..هانتي تشوفي ايوا لي عطاتو يامو يشالي بكمامو
رحمة ..هه ايوا لواه ماتزدوش فيه غير مشطونة شوية خليتكم على خير
نعيمة ..تي اجي لهنا فين تحولتي راه الجيران غايتجمعو ويجيو لعندك
رحمة ..مرحبا بيكم تحولت لاكدال (الرباط ) ف شارع الاطلس اقامة *** غير توصلو تاصلو بيا ..."مشات كاتجري فتجاه امل وخلاتهم وراها كاينممو ).....
مسعود..هاااانتي ليك بين ليلة ونهار وبعد ما كانت كاتسيق الكوابن ولات ساكنة ف اكدال يالالة نموت ونعرف كي دارت ليها
نعيمة ..هه باينا لعمى على غااجي وسكن ف اكدال غاتكون ديك المسلوتة دبنتها عطات ز** لشي خليجي مافيهاش والله ما يحيدها ليها طبيب
معسودة .."بتأكيد " بحال الى شتيها بيعينك...
دخلت البيار وكاتقلب بعينيها اول ما شافوها الدراري ولا واحد كايشوف فواحد ومستغربين اش دخلها لهاد لبلاصة لي جامعة كاع البزناسة والشماكريا ....
رحمة ..اولد مينة اجي الله يرضي عليك
ولد مينة ..هانا اميمتي
رحمة ..مابانش ليك مراد هاد نهار !
ولد مينة ..لا اميمتي من البارح ماشفتو
عروب .."دخل فالحوار "مي رحمة كاتقلبي على مراد !
امل .."بلهفة " ااه كانقلبو عليه
عروب ..تلاقيتو فالقامرة (المحطة )
امل .."خرجت عينيها " اش داه ليها علاش مشى لمحطة !
عروب ..هانا جايك لهضرة "كي كاتعرفي انا خدام حمال تما فهاد صباح شفتو كايسول على لكار لي غادي لطنجة من نعت ليه ووقفت معاه حتى قطع تيكي قالي من تجي لعندك الوليدة وامل قولهم غايجي واحد نهار وغانرجع فيه ونعوضهم وقول لامل تسمح ليا
امل .."ضربات حناكها " اويلي وحدي على شفار دارها بيا هئ...هئ...هءهءهء اويلي وحدي شمتني ولد ميمتي شفرني وشمتني " طاحت الارض كاتضرب حناكها وتبكي وكاع دراري لي فالبيار دارو بيها وباغين يفهمو شنو كاين رحمة ما عقلتش على راسها حتى طاحت على وقفتها وغيبات...
#المساااء_________🌇
_مستشفى_السويسي_الرباط______🏥
كانت رحمة ممدودة فوق البياص فالون الابيض ومغطي نصها بليزار فنفس الون ومعلقين ليها سيروم كاتشوف فالسقف بدون اي حركة وفمها عواج ولا جيهت خدها ودمعتها نازلة وجنبها امل شادة يدها وكاتبكي فصمت ومرة مرة كايتسمعو شهقاتها رفعات راسها وشافت ف رحمة بعيون دامعة شدات يدها وباستها ودموعها دايزين ...
امل .."بصوت مبحوح " الله يخليك اماما رجعي كيف كنتي مابغيت لافلوس لا والو هئ....هئ...هءهءهءهء ماتقطعيش قلبي عليك الله يخليك هئ..هئ...هءهءهءهءه..
"نقزت مرا ناعسة فالبيياص لي جنبها وتكلمت"
......ماتبكيش ابنتي لا عتراض على قضاء الله ان شاء الله هذا غير ختبار من عند الله دابا ترجع ليها صحيحتها ...
امل .."كتفت بالبكاء " هئ...هئ...هءهءهء مامااا ماماااااا...
الممرضة .."دخلت لقاعة فين ناعسين المرضى توجهت ديريكت لعند امل حطت يدها على كتفها وتكلمت " ختي ماعيتيش من البكى رحمي راسك ورحميها البكى ما عندو فاش ينفعها بالعكس غير كاتزيدي على مابيها
امل .. شحال خاصها دالوقت باش ترجع كيف كانت "مسحت دموعها "
الممرضة ..ماعنديش فكرة الوليدة ديالك جاها شلل نصفي الدكتور هو لي غايجاوبك على هاد الاسئلة
امل ..لكن نتي ممرضة غاتكون عندك فكرة يعني متلا شحال كايجلسو على مايتشافاو اصحاب الشلل نصفي !؟
الممرضة ..اش غانقول ليك شفت شي مرضى جلسو اعوام وشي مرضى تشافاهو فاشهر يعني كل واحد حالتو الشلل لي كايكون عضوي كايتعالج يااما بالعملية ولا دوا والشلل لي كايكون نفسي على حسب المريض وفهاد الحالة الاخصائي النفساني هو لي كايدخل فالخط متلا واحد سيدة كانت جات عندنا مشلولة نصها كامل رگد وربع سنين وهما كايشخصو حالتها فالاخر تعرف بلي عندها الشلل متعلق بحالتها النفسية ........
__مكان_____اخر____________
بعد ما خدا شور خرج من دوش لابس بينوار فالابيض فجيهت صدر مطروز اسم العائلة "colounga" وفيدو فوطة صغيرة كاينشف بيها شعرو بعد مانشف شعرو خدا سيجارة من نوع الفاخر Cohiba Esplendido والمشروب من نوع "بوردو شوفال بلان" هاد نبيد كايتعتابر اغلى نبيد فالعالم هز الكاس فيد وسيجارة فيد وتوجه لاطيراس جلس فالكرسي ولاح رجليه فوق طبلة بكل راحة وجلس كايشرب ويدخن فنفس الوقت ودماغو كايبني ويريب بعد دقائق وصلو تصال .....
الشخص .. Sir Sidi entró en Marruecos
(سيدي سلعة دخلت المغرب ) ....
أوس .. Bueno, eso es bueno ...
(اوك مزيان بزاف )
الشخص .. Mañana será entregado
Clientes
(غدا غانسلموها لزبناء )
أوس .. "بصوت رجولي " Si hubo un error, incluso uno pequeño
(ياويلك توقع شي حاجة غانحيك
......"كايتفتف" No te preocupes, señor, todo bajo control ...
(ماتخافش اسيدي كلشي تحت سيطرة " .......سكت ورجع ستأنف كلام ) Pregunté sobre la red que exportaba a las niñas a Tailandia
Hablé con el oficial Entregaremos al rehén
سولت على شبكة لي كاتصدر نسا لتايلند وتكلمت مع المسؤول غانسلمو الرهينة اليلة
أوس .. Espera hasta que quiera verla la última vez ....(تسنى حتى نجي بغيت نشوفها لاخر مرة " قطع الخط ورتشف الشغمة لخرا لي بقات فالكاس ورفع راسو كايشوف ف منحى واحد ويعينيه حمرين كيف الجمر حط الكاس من يدو وتوجه لدرسينع كان مسطوكي بالحوايج والساعات اليدوية الفخمة والعطور الفاخرة والاحدية الغالية كل حاجة فمكانها خدا تيشورط فالابيض من كوتشي وسروال جينز لبس ساعتو اليدوية ورد شعرو لور تحنى لبس حداء رياضي فالابيض ورش البارفان ديالو من نوع chrome ...هز تيلي وخرج من القصر طلع فسيارة من نوع الفيراري فالاسود ماط فضل يسوق بوحدو عفط عفطة وحدة ماوقف حتى المستودع نزل من سيارة رمى لكونطاك لبودي كارد يبلاصيوها ودخل لداخل المستودع كانت عريانة زفطة وكلها كدمات و دماياات ولات كي شرويطة مابقى فيها مايتشاف غير شمات ريحة عطرو لي ماخافياش عليها رفعات راسها بالكشايف وعينيها حمرين كيف جمر بالبكى قرب منها حتى تخلطو انفاسهم وعطرو تغلغل داخلها حسات بالاشمئزاز كمشات عينيها وجمعات فمها شدها من شعرها بقوى حركتها ستفزاتوه
أوس .."بصوت فيه البحة " كيف جاتك الضيافة ديالنا هممم ؟!دارو معاك شباب الواجب ولا لا ؟! ........"جمعات البزقة حتى جمعاتها وعطاتها ليه لوجه حط يدو على خدو ودور وجهو مسحها وتلفت ليها كايشوف فيها بغضب هز يدو لسقف ونزل عليها لوجه حتى نقز دم من فمها ....
أوس ..ق*** دالخلا
يمنى ..ك كلب وغاتبقى ديما كلب عمرك كنتي راجل من نهارك وانت زام* وق...."قبل ماتسكت نزل عليها بالطرشة الثانية والثالتة والرابعة حتى جها ولا كولو دم بعد عليها وهو فقمة غضبو ...
أوس ..مزال الق*** مابغيتي تحشمي هااااا كنتي وغاتبقاي ق*** مكلخة وبليدة ختارت زام* دالخلاا
يمنى .."هزات راسها بالكشايف وتبسمت بزز
راجل عليك الشماته العيفة قليل الاصل عشت معاه اجمل ايام حياتي وغانرجع نعيش معاه خليها فبالك المسخ..."شدها من الفك ديالها وزير عليها بقوى """"
اوس .. "بستهزاء " فالاحلام الجيفة فالاحلام كانقسم ليك غانخليك تتمناي الموت وماتلقايهاش وداك الزا** حسابي معاه غايبدا من اليلة "دفعها ورجع لور بزوج خطوات تلفت ناحية الكارد وتكلم ....
أوس ..من دابا لنص ساعة غايجي رودريغو وغاياخدها ...
فاطمة ..ربي ربي واش حاملة
ريحان ..اييه ههه
فاطمة.."جراتها كاتعنق فيها " هنية عليك يتربى فعزكم ان شاء الله " شافت فصقر " مبارك ومسعود
صقر ..شكرا
فاطمة ..اش تبغي تاكلي فالعشا نتي غير تشهاي
ريحان ..والله مافياش لي ياكل
فاطمة ..ايوا لاواه راك هازة روح فكرشك
ريحان ..ماعلا بالي والو دابا ديري لي بان ليك
فاطمة ..غانوجد ليكم واحد مولاي طوجين تاكلو عليه صباعكم
ريحان .."تبسمت " شكرا ااه حقا فين هي وئام !
فاطمة ..نهار كامل وهي ف بيتها
ريحان ..وعماد فينو مابانش ليا
فاطمة ..عاد خرج درك يرجع
صقر.. "شدها من يدها وتوجه لدروج " اجي ترتاحي بعدا على مايوجد لعشا من صباح وحنا خارجين
فاطمة ..ايه قالك ليك الحق رتاحي على مايوجد لعشا
ريحان ..واخا شكرا فاطمة ....."توجهو لغرفة وفاطمة توجهات لكوزينة عند وئام كانت مكمشة فالسرير وكاتخمم فحياتها لي كاضيع وهي كاتشوف وماقادرة دير والو بعد ماعيات بتخمام ناضت من سرير بتتاقل يالا غاتوجه لباب وهي دخل ريحان ....
_مكان_اخر______________
الحاج محمد.. انا ما غانبقاش مربع يدي وكانشوف فولدي كايضيع تاصلت بالدكتوور مارك وشرحت ليه الحالة غدا ان شاء الله غانقلوه لفرنسا فطائرة خاصة
عمار ..انا بدوري سولت على واحد البروفيسور مشهور وسبق ليه عالج حالات بحال فراس كانتسنى ايميل منو اول مايرد عليا غانعرض عليه يتوجه لفرنسا كانتمنى يوافق
الحاج محمد ..شكون هذا ؟!
عمار ..مايكل ميندوزا
رانيا .."غاتاكل عمار بعينيها" اووووه هذا بروفيسور مشهور اصلو من البرتغال مختص فجراحة المخ والاعصاب
عمار .."تجاهلها " احم بابا بون نوي غدا ان شاء الله خير ...
__مكان___اخر_________
وئام .."ضمتها " مبرووووك
ريحان .."باست خدها " الله يبارك فيك اعمري ان شاء الله يجي نهار لي نشوفك فيه مع لي يستاهلك
وئام .."تحجرو دموع ف عينيها " احم هي دابا غانولي خالة " كاضحك بزز " هه
ريحان .."بفرح " اه وانا غانولي ماما 😍
وئام .."رجعت ضمتها " حبيبتي فرحت ليك
صقر .."دق الباب ودخل "بون سواغ وئام
وئام ..بون سواغ
صقر .."شاف ف ريحان " نزلو تعشاو
ريحان .."وقفت " واخا هاحنا ماجين .....
"نزلو لطابق السفلي مجموعين تجمعو على طاولة الاكل وفاطمة توجهت لكوزينة هزات طاجين ورجعت لغرفة الاكل حطاتو فوق الطبلة لي كانت عامرة بسلطات والعصائر يالا غايبداو عشاهم وهما يسمعو الباب كايتطرق
وئام .."لفاطمة " غير جلسي انا غانحل ...."توجهات لباب فتحاتو كان معتز غير شافها تبسم "
معتز ..اهلاا بنتي
وئام ..اهلا عمي دخل ..."فسحت ليه طريق
معتز .."سد لباب وراه توجه لغرفة الاكل معنقها وكايهضر معاها اول ما شافتو فاطمة القلوبة نقزو من عينيها وبدات فالميوعة ديالها
معتز ...مسا الخير عليكم
الكل / مساء الخير
معتز .."جلس " بديتو عشاكم بلا بيا " كايشوف ف فاطمة لي كانت كاتسبل ف عينيها وكاتبسم ليه "
فاطمة ..حماتك كاتبغيك اسي معتز جيتي مع العشا نيشان هه
صقر ..حماتي الله يرحمها يمكن غاتكون عندي حماة اخرى شكون عرف " غمزها "
فاطمة ..طلقت على عشرة " والهيلا مي مزال دك ودردك "ضحكت بمياعة" هها هااييي ....
صقر .."وحلت ليه " كح.....كح....كح....
ريحان قفزت من بلاصتها وتوجهات لما عمرت ليه لكاس مداتو ليه ومخرجة عينيها ف فاطمة لي وجها ولا كي ماطيشة ماحساتش براسها حتى لاحت الكلمة نزل صقر على لكاس دقة وحدة ومخنزر ف معتز لي ماعلا بالو بحتى شي حد حال فمو ف فاطمة ....
فاطمة .."وقفت " احم غانمشي نجيب لما
وئام .."عاقت بيها "هاهو الما كاين
فاطمة .."ضحكت بزز وكاتشوف ف صقر مخنزر " هه بغيت لما باارد ...."طارت من غرفة لاكل لكوزينة اول مادخلت ضربت بيدها على فمها ....
فاطمة ..هاااك افمي لي ما كايعرفش يسكت ...
ريحان .."دخلت لعندها " فاطمة زدتي فيه اش هاد لحالة وليتي مبيناها
فاطمة ..هاناري اخويتي اش درت ؟!
ريحان ..لا مادرتي والو انا لي درت
فاطمة ..شحال فيك غير كنا نضحكو هاااو مابقى حد يضحك
ريحان ..حتى نكون ما كانعرفكش لاخر مرة غانقولك جمعي راسك ماناقصاش مشاكل مع زينب
فاطمة ..غير معمرة راسك بالخوا لخاوي سيري تعشاي سيري ...
____مكان___اخر_________
اول مادخل لقصر توجه ديريكت لحديقة فين جالسة جداه وهازة فيدها رواية عنوانها " madame bovary جلس اونفاص معاها وكايشوف ف غلاف الرواية بملامح باردة تبسم بستهزاء وتكلم بصوت رجولي ....
أوس .. Bovary el traidor.....(بوڨاري الخاينة ) ....
الحاجة راضية .."رفعات فيه عينيها" هضر بالعربية اعوج لسان
أوس .."كرز على يدو " كلهم بحال بحال جنس غدار
الحاجة راضية ..هاد مدام بوڤاري كانت داهية بنت الهم 😂 اييييه اليااام
أوس .."نتر ليها الرواية من يدها ولاحها بعيد " الحنانة ماتقرايش هاد لوسخ هادي كانت وحدة خاينة ماتستاحقش تقراي عليها
الحاجة راضية .."شدات وجهو بين يدها " شنو لي عگرك اولدي خوي ليا قلبك اش دارت فيك الكافرة بالله 😕
أوس .."شد يدها وباسها من الداخل " انا بخير "تنهد " ليلة سعيدة
الحاجة راضية ..وقفاتو بصوتها " ولدي بغيت شي بنت لي تلبي طلباتي وتونسني
أوس .."وقف وتلفت عندها "اوك غدا ان شاء الله تكون عندك ...
__مكان__اخر________
_السويسي__الرباااط_______🏥
رفضت ترجع لدار وفضلت تبات مع مها فالسبيطار كانت رحمة مسطحة فالسرير وكاتشوف فالسقف بدون اي حركة وجنبها جالسة امل فوق الكرسي وحاطة راسها على سرير غفاات من تعب طول النهار وهي تجري فالسبيطار من قاعة لقاعة بعد دقائق قفزات على انين رحمة كانت كاتنين وفمها عوج حاولت جاهدة تنطق بدون جدوى ...
رحمة ..انننن ....انننننن
امل .."قفزت وشدت يدها " نعام امي اش كايضرك ..
رحمة .."دورت راسها وكاتشوف فتجاه القرعة دالما "...نننننننن.... ننننننن
عيات تفكر شنو بغات بعد ثواني عاد فطنت بلي بغات الما ناضت بسرعة وتوجهات لقرعة هزاتها وعمرت ليها الكاس حطت يد تحت راسها كعدتها شوية واليد الثانية شرباتها بيها رتشفت شوية ودورت وجها حطات امل الكاس وتنهدت تنهيدة حارة طلعت من اعماق اعماقها تبعتهم دمعة شقت طريقها على خدها
امل .."بصوت مخنوق " سير امراد الله يلقيها ليك ..."نزلو دموع رحمة وتبعتهم شهقة رفعات راسها لسقف وكاتشوف فيه كأنها كاتناجي ربها وكاتدعي يفرج همها رجعت امل جلست فالكرسي وشدت يد رحمة وباستها ...
بعد العشا خرج معتز لجردة الڤيلا بطلب من صقر ....وقف قدام المسبح وداير يدو فجيابو وكايشوف ف معتز بنظراات ماكاتفسرش بعد صمت دام لثواني تكلم معتز ...
معتز ..خير علاش طلبتي مني نتكلمو هنا ؟!
صقر ..اش كايدور ليك فداك الراس
معتز .."عقد حجبانو " عفوااا ؟!.اش كاتقصد !!
صقر ..انت عارف مزيان اش كانقصد واش على اخر يامك غاتبدا تمعشق ليا مع مرات بات مراتي هاااا ؟! واش انت شوية لاباس !!
معتز .."بغضب " حترمني اقليل لحيا اش كاتخربق حشم على عرضك قالك كانتمعشق ولهيلا مزيان مابقى حيا ما بقات حشمة....
صقر ..حشم على عرضك انت لي بديتي كاتهترف غاتفوت عليك فاطمة و..."قاطعو بحدة وكشاكشو كاطير "
معتز ..مزيان لا والهيلا مزيان ولدي ولا يأمرني وا خراهم وربيهم ويوليو يأمروك اسمع اسيدي هادي حياتي نتمعشق ولا لاا انا حرر كاتسمع حررررر .
صقر .."من تحت سنانو " انت ماشي حر انت ماشي حرر ايمكن نستي ماما
معتز .."بتهكم " على اساس مك غير مسوقة ليك ياك هي لي حرمتك من ولدك وكانت محررة عيشة مراتك هااا ولا نسيتي ..
صقر .."بعصبية " باااااباااااااااا.....
معتز ..ماكاين لا بابا ولا حب لملوك جمع راسك معايا وبلاصة ماتبقى متبعني بعينيك هتم بمرتك وصلح اغلاطك قالك بابا همممم "ضرب فيه بكتفو وخرج من الڤيلا وخلا وراه صقر كايغلي طلت فاطمة من البالكو بان ليها طلع فلوطو ديالو وكسيرا ...
فاطمة .."حطت يدها على حنكها " لاا لااا غير يصبح ويفتح غانمجع شراوطي ونرجع لخيمتي هاكيلي على راجل واقف فطريقي (قصدت صقر ) ومالو شرع عطى ربعة يدير صبعو فقاعو ويقول عاش الملك هاااااء غامو لي تفطح ويقولو ليها لالة زعمة انا ماتجيش معايا لالة "جلست فطرف السرير " الى ما مشيت حتى ديتو بشرع والقانون راني ماشي فاطمة .........
#عند #ريحان_______
كانت جاالسة فلاطيراس اول ما شافتو دخل توجهت ليه ....
ريحان .. هضرتي معاه !
صقر .."جلس فالكانابي وطلق رجليه " سيدي يالا جاتو المراهقة "شاف فيه " حتى من ديك مرات باك ماطلعتش ساهلة
ريحان .." مارضاتش " الصمت
صقر .."حس بيها وقف وتوجه ليها جلس جنبها فالسرير وشد يدها " علاش ساكته روحي انت ماعندك دخل وحتى انا ماعندي دخل هما راشدين وعارفين شنو كايديرو ادا بقينا مراقبينهم غانمرضو غير راسنا '"باس يدها "
ريحان ..انا خايفة من المشاكيل ماماك ما غاتسكتش وغانرجعو لنقطة الصفر
صقر .."باس جبينها وحط صبعو على شفاهة" ششششت حنا بعااااد منهم ماما الى حاولت تقلقك غاتلقاني واقف فوجها "طبع قبلة على شفاهة
ريحان .."تبسمت " احم شكرا
صقر .."كايشوف فشفاها وتكلم بصوت شبه مسموع " وعلاش !!
ريحان .."برتباك " على لي قلتي
صقر .."بصوت خافت " شنو قلت !!
ريحان .."قلبها كايرقص سامبا " ص صقررر
صقر .. "حط شفاهو على شفاهة وتكلم "عيون صقر "جر شفاها فمصة ودخلو فقبلة طويلة كلا فيها شفاهة مد يدو وطفى ضو ...
#اليوم #الموااالي__________🌄
شرقت شمس جديدة وجايبة معاها احدات جديدة كانت امل فايقة وكاتشوف ف رحمة لي غارقة ف سبات عميق نزلت دمعة على خدها مسحتها وكاتخمم ف لي جاي وشنو مخبية ليهم دنيا تنهدت تنهيدة حارة طلعت من قلبها زفرت ورفعت راسها لسقف كاتشوف فيه ودماغها خدام كايخمم منين غاتجيب مصاريف السبيطار والدوا وشنو غاياكلو ومصاريف الما وضو فين غاتلقى الخدمة والى لقاتها شكون غايقابل مها ف غيابها رجعت رفعت راسها لسقف ورفعت يدها كاتدعي وتعطي لمراد من قلبها كاع المصايب دعات بيهم عليه رجعت تهندت وشافت ف رحمة لي كانت فاتحة عينيها وكاتشوف ف محنى واحد وعينيها مغرغرين بدموع ....
امل ..مامااا
___مكان___اخر____________
اول ما خرج صقر من الڤيلا خرجت فاطمة من غرفتها بعد ما شافتو ساق سيارتو وبعد جات عين ريحان عليها طلعتها وهبطتها وتكلمت ....
ريحان ..العاشقة الولهانة
فاطمة ..خلاااااص اريحان
ريحان .."حابسة ضحكة " علاش مانزلتيش لفطور !
فاطمة ..ويلي فين هو لوجه علاه ماشفتيش راجلك البارح وقف ليا نعمة فحلقي بدوك تخنزيرات وتقول واش نزيد ساعة اخرى هنا
ريحان ..زعمة كاتحشمي
فاطمة ..وعلاه مالي لي مانحشمش
ريحان .."رفعت حاحبها " من امتى 😂
فاطمة ..لاااا لااا نتي لحبالة ما وتاتكش بحال الى ضاربة لادروك
ريحان ..ماشفتيش نتي لي ضربتي سيهم معتز خطرة وحدة هههههههه
فاطمة .."كادور ف عينيها "هلا يطيح عليا شي باطل......
___مكان__اخر__________
وقفت سيارة من نوع الميرسيديس فالاسود قدام بوابة القصر نزلت منها شابة فالثلاتين من عمرها طويلة وضعيفة وشعرها كايضرب فوق مؤخرتها فالمارو وحريفاتها صغار اقل ما يقال عنها موديل رسلو ليها رجال أوس السيارة جابتها من الوكالة دخلت لداخل القصر طلعتها راضية من صبعها صغير لاخر شعرة فوق راسها بعد ما دارت ليها سكانير ب عينيها تكلمت ....
راضية .."عوجت فمها"ايخليه بالخلا دوق حفيدي
نتاليا .. Buenos días, señora, llamo a Natalia ......(بون جوغ مدام انا نتاليا )
راضية .."ضربت اخماس فأسداس " ايوا صاااافي هاد شي لي ناقصك اراضية ما كفاكش حفيدك المصون قاتلك بالاسبانية زادك حتى المرافقة لسانها عوج
نتاليا .. Señora, no entendí ..... " مدام ما فهمتش !! )
راضية .. "بصوت عالي " سعدية ..سعديةةةة
سعدية ..(رئيسة الخدم ) نعام الحاجة
راضية ..قول لأوس ينزل عندي
أوس .."نازل مع دروج "هاهو نازل الحنانة...
راضية .. اش هاد العجب جبتي ليا واش انا كانعرف شي اسبانية حتى جايب ليا هاد خيتي ؟! "عقدت حجبانها "
أوس .."باس راسها وجلس فالكانابي " نتاليا هضري بالعربية مع مي ونساي الاسبانية مدامك هنا
نتاليا .."حنات راسها " تحت امرك سيدي
راضية .."حلت فمها واشارت ليها" دابا هاد سليكا عليكة كاتعرف لعربية وجالسة تمنيك عليا ولهيلااا
أوس .."حبس ضحكة " الميمة انت حاجتك فلي تكون معاك وترافقك فين مامشيتي وتساعدك ايوا هاهي قدامك "اشار ل نتاليا"
راضية .."بإصرار " حراااام واش نقبل بيها " شافت فيها " سيري ابنتي الله يعرضك سلامة
نتاليا ..ولكن مدام ان....."قاطعها اوس "
أوس .."اشار ليها لباب وتكلم بصوت رجولي " تقدري ترجعي من جيتي
نتاليا .."حنات راسها بيأس " نهاركم مبروك ....
اول ماخرجت نتاليا مع لباب شافت فيه راضية وتكلمت ......
راضية ..ايوا صافي هادي هي لي غاتعاوني بانت ليا مفضية هي خاص لي عاونها شوف غاتجيب ليا لبنات وانا غانختار لي توالمني "عوجات فمها " ايوا صافي نتاتيا لي نقصتني
أوس .."ضحك حتى بانو الغمزات ديالو " نتاليا امي نتاليا ههه
راضية .."بزعف " تكون لي بغات تكون ماعجبتنيش
أوس ..من دابا شوية غايكون قدامك لبنات وختاري لي بغيتي
راضية .."تنهدت " كن تزوجتي كن مراتك لي مكبلاني وولادك مونسيني ايييييه الغالب الله
أوس .."كرز على يدو وعينيه ولاو حمرين كي جمر " مي سدي عليا هاد سيرة "من تحت سنانو " عمرك تجبدي هاد سيرة " وقف وعطاها بظهر " البنات من دابا شوية غايكونو عندك " خرج من القصر وهو ساخط وخلاه متبعاه بعينيها حتى غبر تنهدت تنهيدة حارة
راضية ..ياعالم اش دارت فيك الكافرة بالله
____مكان__اخر____________
جمعت فاطمة الحوايج ورجعت لشقة برفقة عماد بين ما وئام فضلات تبقى مع ريحان ريحان لي قنطت وبغات تمشي لشركة لكن صقر مانعها بين ما هما كايدردشو سمعات لباب وتوجهت ليه اول مافتحاتو جات عينها على باتول طارت عليها كاتعنق وتعاود ....
ريحان ..بفرح " باتووووووووول الللله شحال توحشتك "كاتعنق فيها "
باتول ..ريحانتي لو تشوفي انااا ااااخ شحال توحشتك
ريحان .. جرتها من يدها " دخلي دخلي ....
باتول .."وقفت ‘شافت فيها " مبروووك عليك صقر قالي بلي راك حاملة 😍 يااااااي بيناتنا غير شهر
ريحان .."بفرح " اااه غير شهر اااخ لوتعرفي شحال متشوقة نشوف كرشي كبيرة ونحس بحركات ولدي ونسمع نبضاات قلبو والشوق االاكبر هو نهار الولادة
باتول ..ان شاء الله غاتحسي بكاع هاد شي
..توجهو لداخل سلمت باتول على وئام وجلست كاتعاود هي وريحان وكاتحكي ليها على جمال برج العرب وشنو شرات من دبي
باتول ..عرفيتي ديك دبي عالم ثاااني الاسبوع لي دوزت فيها ولا اروع
ريحان ..فرحاتك هه
باتول ..ان شاء الله غانمشيو ليها بزوج وغانوزيك كاع لقنات
ريحان ..ان شاء الله
باتول ..هااا عاودي ليا على اخر المستجدات !
ريحان..اااااااحح اجي تشوفي فضيحة فاطمة
باتول ..واش مرات باباك الله يرحمو
ريحان ..ايييييه
باتول .."بهتمام " اش دارت ؟!
ريحان ..سمعي على فضيحة ماشي لاحت شباكها على عمي معتز و.........(بدات كاتحكي ليها ) .....
____مكان___اخر__________
زينب ..شفتك وليتي خيط ريط عند ديك العروبية اش هاد المعزة زايدة ؟!
معتز .."كايشرب القهوة " ماعندي ليك گانة هاد ساع وديك العروبية مرات ولدك وام حفيدك دخليها لداك لمخ لي ما كايفهمش
زينب .."وسعت عينيها " شنوووووو ؟! حفيدي ؟! ي ياك جهضات 😦
معتز ..مشى ليها للول بسببك وربي عوضها بولد اخر وحسك عينك طوفي بساحتها هاد المرة نهايتك غاتكون على يدي " حط فنجان القهوة وخرج "
زينب .."جلست مصدومة " اويلي على ولد اخر مشات حتى دارتها قنية العروبية المسخة حالفة بحلوفها حتى تربطو بالولاد الله ياربي طونسيو طاح ليا ...."بصوت عالي " شافية شاااافية ....
خرجت من سويسي وقفت فالبلاكا دطوبيس وفتحت يدها كاتشوف ف عشرة دراهم لي كاتكساب دارتها فجيب دسروال وجمعت شعرها على شكل كعكة بعد دقائق من الانتظار وصل الطوبيس طلعت فيه كاتزاحم مع البشار دفع فيا ندفع فيك والشمس كاطنطن ماوصلت لباب لحد حتى غفر ليها الله توجهت لمحالات الحوايج كاتقلب شكون يخدمها من بعد دازت على لقهاوي لي وسط المدينة كاتسول شكون يقبل يخدمها قلبت حتى طابو رجليها عاد رجعت لسويسي.........
___مكان___اخر_______
دخل القصر كانو عشرة البنات كلهم مغربيات واقفين قدام راضية كاتشوف ف سيڤياات ديالهم حتى وحدة ما قنعتها طلبت من رئيسة الخدم تسربكم بعد ما خرجو تاصلت ب أوس وطلبت منو يحط اعلان فالجريدة علا وعسى تلقى لي يجي على كانتها ....
السعدية .."رئيسة الخدم " الحاجة اش باغية بشي مساعدة القصر كاينغل بالخدم وكلشي تحت امرك انتي غير امري وحنا نفدو
راضية ..خنزرت فيها " دابا نتي غاتوريني اش ندير مزيان ولهيلا مزيان غبري من قدامي
سعدية .."كاتفتف " س سمحي ليا نعام الالة " قالت هاد الكلمات وضربتها بجرية وحدة ماوقفت حتى لمطبخ ....
منصف .."الطباخ " سعدية مالك كاعية هه
سعدية ..ديها فراسك انت لي ناقصني
العربي " السائق " شحال ديال البنات شافت فالتالي رفضتهم كلهم بغيت غير نعرف اش بغات بشي مساعدة
سعدية .."زمجرت " شكون عرف ديك العقروشة اش كايدور ليها فداك راس
العربي ..هااااه قولتي شي حاجة ؟!
سعدية ..والو والو كل واحد يديها فشغلو فرقو عليا هاد سوق ....
___مكان___اخر__________
اول ماتاصل بيها معتز وعلمها بلي غايتغدا عندها عطات لفلوس لعماد وسربكاتو باش يخلا ليها الجو توجهات لدوش ضربتها بتدويشة دايزها لكلام من بعد نشفت شعرها ودهنت لكريم لجسمها ولبست دوبياس مشبكين فالكحل وگاندورة طويلة وفيها فتحات فالجنب مبينين سيقانها كاملين ومن جيهت صدر مشبكة وبارزة صدرها بشكل مغري فالون الاحمر دارت الخلخال لرجليها مع صباغة ظفار فالاحمر ووطلقت شعر على راحتو بعد مادهناتو بزيت لكوك وجبدات العينين بالكحل وضربتها بواحد مولاتي تعكير فالاحمر ...گاندورة فالحمر وصباغة ظفار فالكحمر والعكر حمر ولات كاتبان بحال اشارة المرور 😂 رشت البارڤان وتوجهات لكوزينة كاتخربق لغدا وكاتغني فنفس الوقت ...
____مكان___اخر________
زينب ..هاكيلي على حاملة مشات العروبية الملقطة حتى دارتها بغات ربطو بالولاد اااخ ياربي اااااخ اشمن نهار نتهنى منها بالحق انا معاك حتى لين غانبقى مخلية ولدي جافر مني وغضبان لازم مانعفط على قلبي ونمشي عند الملقطة المهم نوصل لمرادي "صغرات عينيها ولوات شفاها " ايييه هذا هو مانفعش معاك الصداع غاتنفع معاك الحيلة ..."وقفت وتوجهات لغرفتها بدلت حوايجها وقادات حالتها وخرجات طلعت فسيارتها وتوجهات لڤيلا دولدها فطريقها دازت على محل مختص فالشوكولا الفاخرة خدات علبة شوكولا وتوجهاات لڤيلا مسافة طريق كانت قدام الباب بلاصات السيارة ونزلت منها...
___مكاان___اخر_________
أوس .. "كايشوف فالملف "بغيت هاد المناقصة ليا
......انت تأمر
أوس .."شاف فيه " الشخص لي زرعتي ليهم فالادارة تقة ؟!
...... اكيد
أوس .."تبسم بخبث " مزيان بزاف "شد ستيلو فيدو وكرز عليه " بغيتو يطيح طيحة مايقدرش يوقف مرة اخرى بعدها
...... كن هاني سيدي
أوس ..تقدر تتفضل " اشار للباب
.....نهارك مبروك سيدي ...."اول ماخرج الشخص دور اوس راسو وكايشوف ف منحى واحد بعد ثواني تكلم من تحت سنانو ...
أوس ..غير صبري عليا الكلب من اليوم انا الشبح لي غاينغص عليك حياتك ..
ترن.......ترن......ترن.....
أوس.. وي
الشخص ..سيدي مراتو سميتها ريحان المنصوري 25 سنة قبل زواجهم كانت موظفة عندهم عندها زوج دالخوت وئام المنصور 18 سنة وعماد المنصوري 16 سنة كايدرسو ف إيكول **** مؤخرا ختها كانت متهمة بقضية محاولة القتل وبعد ثلت ايام من حتجازها طلعت براءة وبخصوص مراتو مدام ريحان هي حاملة فشهرها الثاني وعلاقتها بحماتها ماشي حتى لتما ماراضياش على زواجهم وسبق ليها كانت سبب فإجهاضها فالحمل الاول
هاد شي لي قدرت نعرف و...."طيييييييييط
قطع عليه أوس الخط بعد ماعرف المعلومات صغر عينيه وتكلم ....
أوس ..ريحان المنصور "بخبث " وحاملة اووووه ديزولي مدام ريحان " قهقه" هاهاهاه
___مكان___اخر____________
اول مافتحت الباب جات عينيها على زينب لي كانت فكامل اناقتها وهازة فيدها حقيبتها وفاليد الاخرى علبة الشوكولا ومخبية عينيها ورا النظارات شمسية فالاسود ...
زينب .."حيدات نظارات" بنتي لاباس عليك
ريحان.."تفاجأت " الصمت
زينب ..واش غانبقى واقفة !!
ريحان .."ضغطت على نفسها " احم تفضلي "فسحات ليها طريق دخلت كادور ف عينيها توجهات لكانابي يالا غاتجلس وهي تحبس تلفت ناحية ريحان بعد ماحطت حقيبتهاوالشوكولا
زينب .."كاتمسكن " انا عارفة بلي مستغربة من زيارتي واكيد ما باغياش تشوفيني انا مقدراك ومن حقك تاخدي مني موقف وتقطعي لغاية هئ...هئ....سمحي ليا ابنتي هئ..هءهءهء سمحي ليا الشيطان لعلب بعقلي وخلاني نغلط غلطة عمري "جلس فالكانابي كاتبكي " سمحي ليا حياتي ولات جحيم بعد شي لي درت مرضت فصحتي وعقلي غايخرج سمحلي ليا
ريحان .."تحجرو دموع ف عينيها وحست بالغصة ف حلقها " طلبي الله يسمح ليك
زينب .."هزات راسها لسقف ونزلت دموعها "ياربي راك عالم وعارف ندمت اسيدي ربي ندمت هئ...هئ....هءهءهء شيطان دخل بينا ابنتي خلينا ننساو لي فات ونبداو صفحة جديدة صفحة بيضة كيف بياض قلبك "مسحت دموعها ...
ريحان ..رفعت راسها " مستحيل صعيب نسمح طلبي الله يسمح ليك انا ماغانقدرش انا ماشي ملاك سمحت ليك فلي فات لكن ولدي لاااا صعيب نسمح لي مات ولدي واش كاتسمعي ولدي "وركت على كل حرف " ولدي ...
___مكان___اخر________
بعد ماجهزت لغدا توجهات لبالكو لي كايطل على شارع كاتشوف واش وصل ولا مزال بعد دقائق لمحت سيارتو جاية من الشارع الرئيسي توجهت لغرفتها كادردك رجعت عاودات لعكر ودوشات بالبارڤان عاد توجهت لباب فتحاتو كان واقف بهيبتو وابتسامتو المعهودة وفيديه بوكي فلور فالحمر ....بعد ماتسالمو بلابيز فسحت ليه طريق يدخل وتمشات قدامو كاضرب بالمؤخرة يمين وشمال وريحت عطرها ماليا المكان .....
___مكان_____اخر__________
بعد مادمعات زينب حتى عيات خرجات من الڤيلا بدون ماتسمع من ريحان كلمة سمحت ليك طريق كلها وزينب كاتلعن فيها وتسب وقفات فمفترق الطرق وكاتشوف ف منحى واحد ....
زينب ..قليلة الاصل بنت دوار رفضت تسمح قليلة الحيا على اساس غلطت فيها قالت ليك ولدي هاااااء مانعرف شكون خاصها تبكي انا لي ولدت ورضعت وخرقت وكبرت جات هي وداتو جاهز وزايداها بتعفار بففففف لاااازم مانكركبها لااازم مانوصل للي بغيت وباش نوصل خاص نضحي شوية "رفعات راسها لسما ودعات الله " ياربي انت الحافيظ حفظني غير هاد المرة "رجعت شافت فطريق وكسيراات ...
طييييييييييييييييييييط .........
___مكان__اخر____________
أوس ..بغيتك تراقب ليا هاد ريحان ماتغفلش عليها غاتجيب ليا كاع تحركاتها وبخصوص المناقصة مستحيل داك وجه الكلب ياخدها كاتسمع !
الشخص ..كن هاني سيدي ..
أوس ..اشار ليه " سير شوف شغلك
____مكان___اخر_______
-بعد-دقااااائق••••••
كان منساجم فقبلتو مع فاطمة لي كانت كاتسعى جاهدة باش تزيد تغرقو فيها قطعهم اتصال من رقم غريب بعد عليها وكايشوف فالرقم بعد ماشاف رد ...
معتز ..وي الووو
الشخص ..واش هذا معتز نصر الدين ؟!
معتز ..اييه هو هذا شكون معايا !
الشخص ..مراتك دارت حادت فالشارع الرئسي د حي الرياض ونقلوها لمستشفى سويسي
معتز .."ناض قافز " شنووووووو...
#خرج طاير من عند فاطمة وخلاها غاتاكل جنابها فطريقو تاصل ب صقر لي ناض كايجري فتجاه المستشفى دقائق قليلة كانو وسط المستشفى وكايسولو فالاستقبال نعتوهم فين كاينا توجهو لمستعجلات كايجريو كانت فالغرفة ومعاها الطبيب وعلى برا مقلوب بناس شي جاي يغرز وشي شادو المصارن وشي مهرس كل واحد فهمو بعد دقائق خرج عندهم الدكتور اول ما شافوه مشاو عندو ..
معتز ..واحد السيدة دارت اكسيدو قالو لينا فهاد الغرفة
الدكتور ..مدام نصر الدين !
صقر .."بلهفة " ايييه
الدكتور حفظها الله على مافهمت منها حاولت تنتحر لازم ماتشوف اخصائي نفساني حالتها نفسية مدمرة وعند كسر فالرجل ومقصحة فيدها
معتز / صقر ..شنووووووو
صقر .."بلع ريقو " م محاولة انتحار !!
الدكتور ..هاد شي لي قدرت نفهم منها تقدرو تاخدوها مي لازم ماتشوف اخصائي نفساني.."خلاه صقر كايهضر ومشى كايجري لعندها كانت مسطحة فالباياص ورجليها فيها الجبص ويدها محزومة وجها فيه شي كدمات اول ما جات عينيها عليه جلست دمع ...
زينب ..ولدي هئ...هئ....بغيت نمووووت
صقر .."شد يدها وباسها " ماما ششششت اش كاتقولي علاش درتي هاكا علااااش...
زينب ..ا انا ماكانسواش هئ...هئ ...خاص نموت انت خلتيني وريحان رفضت تسمح ليا هئ...هئ...علاش غانعيش قولي علاااش ؟!
صقر .."وسع عينيه ومستغرب " ريحاااان ...
_بعد___مرور__اسبوووع_____
كانت كادور فالقهاوي كاتقلب على خدمة بدون جدوى يالا خارجة من القهوة وهي تلمح رجل خمسيني هاز جرنال وكايقرا فيه جات عينها على العنوان لي مكتوب بالبند العريض وفالصفحة الاولى بدون ماتشعر خدات الجرنال من يدو وخلاتو حال فمو ...
الرجل ..ايدك الحمقة طلقي ليا الجرنال هنا اش هاد قلة الحيا
امل .."كاتقرا فالعرض " صبر اعمي عفاك صبر
"قرات العنوان وحفظت الرقم فدماغها بزربة من بعد لاحت ليه الجرنال وخرجات من القهوة كاتجري فتجاه العنوان ..خدات طوبيس بعد ساعة تقريبا حطها فلاخر دتمارة كاينين قصورة.ديال شي خليجين وامراء المغرب وشخصيات مرموقة جا القصر ديال أوس فراس الشارع توجهت ليه ديريكت كانو البودي كارد معمرين برا كل واحد يا واحد وقفت قدام واحد منهم وتكلمت...
امل ..سلام عليكم
الكارد ..."بصوت غليض " وعليكم السلام
امل ..احم شفت اعلان فالجريدة على قبل الخدمة
الكارد .."طلعها ونزلها " اوك تسناي شوية "تاصل برئيسة الخدم بعد ما طلبت منو يدخلها اشار ليها خدات نفس عميق ودخلت تمشات مسافة عاد وصلت للباب الثاني كان باب زجاجي ومفتوح وفنتظارها رئيسة الخدم (السعدية ) طلعتها ونزلتها عاد تكلمت ....
السعدية ..تفضلي
امل ..احم شكراا .." تمشات قدامها سعدية بخطوات تابتة فتجاه راضية لي كانت جالسة فالكرسي المتحركة وهي فكامل اناقتها وقدامها صف دالبنات كاطيسطي فيهم وقفت امل فأخر الصف وكادور عينيها فالقصر بإعجاب لمحتها راضية وطولت فيها شوفة من بعد كملت كلامها ...
__مكان__اخر________
....حاولت تهز الكيك لكن ماقدرتش يدها كاتوجعها جلست تبوحط ودمع. ....
زينب.. "بألم " اااااااه يدي
ريحان .."مدت ليها الكيك " غير رتاحي والى بغتيها طلبيها مني
زينب ..ابسط حاجة مابقيتش قادرة نديرها هئ..هئ..عدبتك معايا ابنتي سمحي ليا
ريحان .."تنهدت " ماكاين حتى عداب ومااتشقيش نفسك يدك مزال مابرات عطي راسك الراحة الى بغيتي تشافاي دغية
زينب .."كاتمسكن "لهلا يحرمني منك
ريحان دورت وجها وقلبت عينيها ........
__مكان___اخر________
امل .."كادعي فخاطرها يااربي راك عالم شحال محتاجة هاد الخدمة ياربي ماتخيبنيش "شافت فالبنت لي قدامها " واخيرا بقات غير وحدة ياااربي تيسر امري وماتخليهاش تجري عليا كيف لبناات لي قبلي ...
راضية .."اشارت ليها " الله يسخر ليك فبلاصة اخرى تفضلي .." خرجت البنت ووقفت امل فمكانها وكاتفرك يدها من توتر ...
راضية ..بلا شك غاتكوني عارفة نوع الخدمة اسمك ..وسنك .. شنو هما المؤهلات ديالك ومستواك الدراسي وفين خدمتي من قبل
أمل ..احم امل الدريسي 24 سنة نيڤو ديالي الباك بلوس 3 (كدبت 😂 ) وسبق ليا خدمت فترة قصيرة فدار العجزة يعني عندي الخبرة (حتى هنا كدبت 😂 )
راضية .."كاطلعها وتنزلها " اهااا قولتي عندك الخبرة شنو لي يخليني نقبلك ؟!
أمل .. انت غير جربيني وكانأكد ليك ما غاتندميش حطيني على الجرح يبرا بالأضافة انا محتاجة لهاد الخدمة عندي مسؤولية كبيرة الله يخليك قبليني وماغاتندميش كانترجاك "جلست دمع " هئ..هئ.. انت املي الوحيد بعد الله عفاك قبليني ....
راضية .."عزت عليها " احم انا غانجربك لمدة اسبوع واذا ماقنعتنيش غاتمشي من هنا بلا كلمة بلا زوج توقيت الخدمة غاتبقاي تباتي انت غاتكوني المرافقة ديالي يعني غانحتاجك 24/24 وفين مامشيت تمشي معايا عندك الحد فقط ديالك ديري فيه لي بغيتي وتمشي فين بغيتي ...
امل .." وسعت عينيها " ن نبات هنا !!
زينب .." داخل الغرفة " الله بديت ندير العروبية فيدي غير صبري عليا حتى نشدك مزيان فيدي ديك الساعة غاندير فيك مابغيت وغانخليك تخوي هاد الدار والمدينة كاملة "ضحكت بشر " ههههه
_مكان__اخر_____
كانت كاتجمع الشانطة ديالها وحاسة برعشة فقلبها ف نفس الوقت احساس خايب مسيطر عليها زفرت وستاعدت بالله بعد ما كملت من جميع حوايجها لبست فستان كلوش فوق الركبة فالابيض وخلات شعرها على راحتو كتفت بإكخو ومرطب شفاه جرات شانطتها وخرجات من الغرفة ونزلت لطابق السفلي جارة شانطة بيد واليد الثانية فيها صاك صغير فيه تيلي ديالها وجواز السفر ....
معتز .."كايشوف االساعة " يالا ابنتي طيراتك من دابا لساعة
وئام ..احم يالا
ريحان .."دمعو عينيها " صافي غاتمشي !
وئام .."ضمتها " حبيبتي انا كبرت وجا الوقت لي نعتمد فيه على نفسي ماتخافيش عليا اول مانوصل غانتاصل بيك وغانبقى نهضر معاك يوميا
ريحان .."نزلو دموعها " مامرتاحاش لهاد السفر بليز خليك هنا هئ..هئ..
وئام ..ضاع شهر دالقرايا بسبب المشكل لي وقعو مابغيتش نزيد نضيع والى غانضيع عام كامل الحمد لله عمي معتز معانا وتوسط ليا والى كنت غانضيع عام بليز خليني نمشي بغيت ننسى وبغيت نركز على مستقبلي
ريحان .."ضمتها بقوى " اول ماتوصلي تاصلي بيا
وئام ..اكيد "شافت فيها " ما غاتمشيش معايا المطار !
ريحان .."مسحت دموع " نوو ما غانقدرش نودعك سيري مع عمي معتز وواياك توصلي وماتاصليش بيا
وئام .."رجعت ضمتها " كوني هانية ..." بعد ماسلمت عليهم كاملين خرجت من الشقة برفقة معتز بين ما ريحان توجهت لدارها مسافة طريق كانت فمطار سلا الدولي .....
__مكان__اخر_______
كان وسط المسبح غاطس التحت ودماغو كلو معاه بعد اخد ورد مع نفسو خرج من المسبح بالخف نشف شعرو بالفوطة وطلع ديريكت لغرفتو خدا دوش ولبس حوايجو عبارة عن سروال جينز وتيشورط فالبيض رد شعرو لور وخرج من الڤيلا فتجاه الشقة ...
عمار ..مستحيل نسمح فيها مستحيل وئام ملكي "من تحت سنانو " ملكيييييييي...
امل ..ماغانقدرش نبات كيف قلت ليك عندي مسؤولية ماما عندها شلل نصفي وماعندها حد من غيري فهاد الدنيا
راضية ..وانا فاش غايهمني هاد شي لازم تعرفي انا فحاجت وحدة تكون معايا "اشارت لكرسي المتحرك " انا ماشي حسن من مك حتى انا مشلولة وخاص لي يكون معايا والى ماكنتش غانطلب مساعدة "زفرت " تقدري ترجعي من جيتي
امل .."تحجرو دموع ف عينيها " الله يخليك
راضية .." ولا كلمة تفضلي .."اشارت للباب "
خرجت امل من عندها راسها فالارض والاحباط مسيطر عليها رفعات راسها لسما وطلبت ربي يكون معاها يالا غاخرجت من باب القصر هو يوقفها صوت الكارد ...
الكارد ..انسة ...
امل .."تلفتت عندو بتعب " نعام
الكارد .."اشار للباب " مدام راضية كاتسناك
امل .."وسعت عينيها " ياااااااااااااي ....
__مكان__اخر_________
اول ماوصلت لڤيلا توجهت لغرفتها فطريقها تصادفت مع دينب جالسة فالكانابي وكاتشوف فالتيلي ديالها لقات سلام وطلعت قلبها مامرتاحش ليها 100% زائد ما قادراش تسمح ليها واخا عيات تنسى وتشوف القدام ...
___فلاش__بااااك______
صقر .."شد يدها " ريحان ماما ندمت لدرجة حاولت تنتحر اااه غلطت ومن حقك ماتسمحيش لكن لما القضية ولا فيها الانتحار لازم نراجعو حساباتنا انا مامستعدش نخسر ماما مهما غلطت كاتبقى مي وهي لي ولدتني
ريحان .."وسعت عينيها " انتحااار ! ي ياك هي دارت غير حادت ؟!
صقر ..نو ماكانش حادت عادي هي لي تعمدت ديرو بغات توضع حد لحياتها "باس يدها " ريحانتي بليييز نساي لي فات الحمد لله ربي عوضنا ببيبي اخر وان شاء الله غايخرج لدنيا على خير خلينا نشوفو القدام ماما محتاجانا فهاد الوقت ختاري ياإما نمشيو عندها ولا هي تجي لعندنا ووعد اول ماتشافى غانبقاو بوحدنا وماغانسمحش ليها دخل ف حياتنا مرة اخرى " شاف فيها " هااااه اش قولتي ؟!
ريحان .." تنهدت " لي بان ليك
صقر .."باس جبينها " الله يكملك بعقلك جوطيم "طبع قبلة على شفاها "
ريحان ..حتى انا "تخشات فحضنو ...
__الحاااااااضر________
_مطارر_سلا_____________🛩
وئام .."تلفتت عند معتز لي كان كايشوف شي مساج " عمي غير سير الرحلة بقات ليها 15 دقيقة
معتز .."جاتو من جنة وناس " متأكدة !! تقدري تبقاي بوحدك
وئام .."تبسمت " اه معلوم "ضماتو " شكرا بزاف على كولشي ....
معتز ..ماتشكرنيش هدا حقك قراي مزيان وركزي على قرايتك وماتخلي حتى حاجة تلهيك
وئام .."تحجرو دموع ف عينيها " ماتخافش خديت درس احم بسلامة
معتز ..رحلة سعيدة بنتي " عطاها بظهر وكمل طريقو وكايهضر ف تيلي رجعت جلست وكاتسنى فرحلة دازت عشرة دقائق وبقات قدامها خمسة دقائق يالا غاتاخد قرعة الما وهي تحط يد على كتفها اول ماتلفتت قلبها ولا يخبط من كترت الخوف ووسعت عينيها..
عمار ..يهون عليك تمشي وتخليني همم
وئام .."كاترجف من الخوف " ش شنو بغيتي مني !!
عمار ..جمعي الوقفة وغاتعرفي شنو باغي
وئام .."ستجمعت قواها " م مستحيل الى ما مشيتيش من هنا غانشكي بيك سير عطيني بتساع
عمار .."زير على دراعها " الى مازدتيش قدامي انا لي غانشكي بيك ايمكن نسيتي بلي تسجيل عندي وبإمكاني نصيفطك تعفني فالحبس ...
__مكان____اخر_____________
بعد ما تافقو على كولشي سبعة دالصباح تكون عندها وستة دالعشية تمشي خرجو لحديقة القصر وجلست معاها ...
راضية ..سعدية ...سعديةةةةةةة
سعدية .."جات كاتجري " نعام الالة
راضية ..قول لعربي وجد سيارة من دابا لعشرة دقايق غانمشي نزور بنتي
سعدية ..امرك لالة ....."توجهات سعدية لعند سائق وخلات وراها راضية كاتكلم مع امل ..
راضية ..من دابا لعشرة دقائق غانمشيو لمقبرة الشهداء نزور بنتي الله يرحمها ومن بعد غانمشيو لاكدال نشوف ختي
امل .."بالها كولو مع مها " واخا امدام ..
راضية .."شافت فيها " قولتي ليا كاتسكني فاكدال !!
امل ..وي مدام
راضية ...من نكون عند ختي تقدري تمشي تشوفي مك واحد ساعة من بعد غايرجعك سائق ساعة ماتفوتيهاش ادا فتيها عتبري نفسك ترفضتي "عوجات فمها "
امل .." بفرح " شكرااا بزززاف مستحيل نفوتها
__مكان_____اخر_________
الشخص.. سيدي المناقصة خديناها
أوس .."تبسم بخبث "مزيان بزاف ماكرهتش نشوف وجهو من يعرف انا لي خديتها
الشخص ..غايكون دابا قالب دنيا "قهقه" هاهاه
أوس ..بغيت المخطط الثاني يكون عندي ليلة قبل مايبدا المشروع
الشخص ..صعيب حاولنا ناخدوه لكن الاتر ديالو غابر
أوس .."شنق عليه " انت لي غاتغبر الى ماجبتيهش كاتسمع "دفعو حتى طاح وتكلم من تحت سنانو " ياويلك ... مايكونش عندي
___مكان__اخر____________
قلب المكتب سفاه على علاه ولا بحال تور الهايج لي جات قدامو كايدكدكها والهضرة من الحزام لتحت السكرتيرة شدات واحد القنت وقطعات الحس اما النائب العاام علاين ويطلقها فحوايجو ....
صقر .."بصوت عالي " كيفاش زامل دالخلا خدا مني المناقصة هااااااااا كيفاااااش ...
النائب .."كايتفتف " س سي صقر تهدن حنا غانشوفو كيفاش دار ليها انت غير تهدن
الصقر .."قجو حتى تقلبو عينيه " فاش غاينفعني دابا نعرف ارباعة الزوامل هااا فااااش " دفعو على الحط حتى تهزو ضلوعو " من هاد دقيقة بغيتكم تحلو عينيكم وودنيكم وحتى كركم كاتسمعو داك القو** بدا الحرب ومدام دق بابي خاصو يسمع جوابي ..
دخلو الڤيلا عاد طلق من دراعها رجعاات ببضع خطوات لور وتكلمت ..
وئام ..اش بغيتي مني عطيني تسااااع
عمار .."زير على الفك ديالها " شنوو قلت ليك من قبل هاااا شنو قلت ...قلت ليك انتي ملكي وانا ماشي من عادتي نسمح ف ممتلاكااتي ...
وئام ..دفعت يدو بقوى '" بعددد مني بعددددد انا ملك راسي الحبس حسن ليا من وجهك
عمار .."جر صاكها وخدا منو لكارط ناسيونال منها بزز " من دابا ليومين غاتولي ملكي بالقانون وبزز منك ...
وئام .."كاتجار معاه " عطيني لكارط ديالي ارا لهنا .....
عمار .."غوت حتى قطعت الحس " ايييييه صوتك مانسمعوش.....
___مكاان_اخر________
اول مافتحت الباب ‘وشافتو ترمات عليه كاتبوس فيه ويدها كاتحركم فوق صدرو ...
فاطمة ..هاد سيمانة كاملة وانت غابر عليا
معتز ..كلاها مع الحيط وكايبوس ف عنقهاا .
اااااح شحال توحشتك وتوحشت نشم ريحتك عدريني ماشي بيدي
فاطمة. ."بعدت عليه وكاتعوج " امممم قالك توحشني هي هادي غابر عليا سيمانة اااه ولا لالة زينب هي للولة ...
معتز ..اووف شحال فيك انت عارفة بلي دارت حادت وحالتها نفسية مدمرة "جرها لعندو " نسايها دابا وخلينا فراسنا ماتقوليش ليا ماتوحشتنيش امممم "خشى راسو فعنقها
فاطمة .."بعداتو عليها " ماشي هنا فالبيت "ضحكت بمياعة وجراتو وراها طلعو لغرفتها وبداو ف قبولاتهم بعد خمسة دقائق وصل عماد لشقة فتح الباب بساروت ودخل دور عينيه فدار مابانتش ليه لاح لكاخطابل فوق الكانابي وطلع مع دروج كايهضر ..
عماد ..نااااري عند ماتكون خاصني 50.درهم بففف "توجه لغرفتها وفتح لباب بلا مايدق جات عينو عليهم كان معتز فوق منها عريان من الفوق لابس غير سروال ....
عماد .."بصوت عالي " ماااااااااامااااااااا
اول مافتحت ليه الباب دخل ديريكت ودموع محجرين ليه فعينيه ووجهو حمر حالو ماعجبهاش شدات وجهو بين يدها وتكلمت ...
ريحان .."بخوف " عماد مالك !!
عماد .."بعد يدها والغصة فحلقو " الصمت
ريحان .."زاد خوفها " عماد هضر اش واقع واش وقعت شي حاجة لماماك فين هي فاطمة
عماد .."بصوت عالي " ماعنديش ماما عمرك تجبدي حسها هاديك وحدة موسخة مستحيل نشوف فيها مرة اخرى ...
ريحان ..عماد اش كاتقول اش واقع ؟؟
عماد ..."نزلو دموعو " شفتها هئ..هئ..شفتها مع داك شارف فبيت نعاس فوضع يخخخخخ كانكرهاااااا الله ينتقم منهم
ريحان .."دنيا ضارت بيها " وا و واش عمي معتز " قالتها بصوت شبه مسموع "
عماد .."بصوت عالي " ااااه داك شارف دشيخك سيهم معتز مصاحب مع لي كانت ماما وكايفسدو فقلب بيتهاا ....."صدرو كايطلع وينزل ووجهو ولا حمررر كلمة معتز كاتردد فمسامعها كانت وقفة فدروج ومسندة على لعكاز وسعت عينيها وحلت فمها 180 درجة
زينب ..ش شنووووووووووووووووووووو
ريحان .."دينا دارت بيها وشدت راسها " الله ياربي سمعت اش هاد الكارتة طاحت على راسي " تلفتت عند عماد " عماد طلع لفوق انا جاية عندك طلع احبيبي طلع ...."طلع مع دروج كايجري ودمو كايغلي تلفتت وشافت ف زينب لي مزاال تحت تأتير صدمة ...جلست فالدروج وكاتولول. ..
زينب ..اويلي وحدي على الكلبة مصاحبة ليا مع راجل هاااي هاااااي على سيهم معتز عاد جاتو المراهقة وانا لي فنيت عمري عليه ووقفت معاه حتى دار شركات والفيلات هدا هو جزاء تضحيتي وصبري هذا ماسويت عندو "زمجرت " بالحق الى ماندمتو راني ماشي زينب "رفعات راسها وشافت ف ريحان والغضب عامي عينيها ريحان لي تمنات الارض تنشق وتبلعها ولا تحط فهاد الموقف البايخ ...توجهات لناحية زينب وساعداتها توقف طلعو بزوج لغرفة دزينب ...
زينب .."كاتمة غضبها " بغيت نبقى بوحدي
ريحان ..و واخا ....."خرجات من الغرفة وتوجهات لغرفة فين كان عماد فتحت لباب ودخلت كان مسطح على كرشو ومخبي وجهو بالمخدة عرفاتو ماباغيتش يهضر تنهدات وخرجات من عندو نزلت لطابق السفلي وخرجت من الفيلا فتجاه دار فاطمة مسافة طريق كانت قدام باب العمارة نزلت من طاكسي وتوجهات لطابق الثالت فتحت الباب ودخلت كان فاطمة شادة راسها بيدها وغادية جاية فالكولوار ولونها مخطوف اول ما شافتها بلعت ريقها وتمتمت ..
فاطمة .. ع عماد جا عندك !
ريحان .."طلعاتها ونزلتها بحتقار " همم عماد حاشة واش تكوني ام وحاشة واش تكوني مرا اش هاد لوسخ عايشة فيه كنت كانقول المسألة غير تفلية وما كاين والو اتاري عايشة فالحرام ومع بات راجلي واش ماكفاكش خربتي حياتي وحياة عائلتي ضرتي لحمايا امتى غاتوبي وتعيشي عيشة نقية كي ناس "بصوت عالي " امتى !!!
فاطمة .."فاضت وخرجت لي فقلبها "ديها فراسك غانتي درتي الراجل والفيلات انا نفني شبابي قدي يالا كايتزوجو واش 35 سنة نعيش بلا راجل بلا دار هااااا نتي تمرغي فالخير وانا تلوحي ليا لفتايت فيقي فيقي وديها فحياتك فرقيني عليك خليني ندير داري ونبني حياتي ونحي شبابي لي مشات مع داك شارف دباك ختك صيفطتيها لامريكا ونتي مفطحة فالفيلا قدها قد سخط وانا فين من هاد شي هاااا ؟! فين ولا انا غير مرات باك لهلا يقلب ولا يشقلب فدين مي "جلست فاكانابي ولاحت شعرها ورا ظهر بالفقصة وعوجات فمها ...
ريحان .."بشمئزاز " عمر رقاصة ماتنسى هزت الكتف ديال الكلب عمرو يتقاد نتي تربيتي وسط الوسخ وولفتي تاكلي من عرق كر* مستحيل تعيشي نقية كيف ناس "بتهديد " هاد دار غاتخويها كاتسمعي سيري شوفي فين دي وسخك انا ماغانخربش زواجي ونشرد ولدي لي مزال ماشاف ضو بسبابك وعماد فرقيه عليك ماتخليش دري يمرض ويتعقد بسبب وسخك "اشارت بسبعها " عندك شهر وغاتهزي قلوعك وتغبري عليا نساينا
فاطمة ..هااااي هااااااااااااي قالت ليك نخرج عشم ابليس فالجنة ابنت محمد والى وصلتي ودنك عضيها وعماد ولدي كاتسمعي ولدي
ريحان ..هاحنا غانشوفو الالة فاطمة " طلعت لطابق الثاني وتوجهت لبيت عماد خدات شانطة دارت فيها حوايجو وهزت الكتوبة ديالو وخرجت من شقة تحت انظار فاطمة لي غاتنفاجر هزات تيلي وتاصلت بمعتز كادمع عليه ........
___مكاان____اخر_______
عمار ..نبغي عقد االزواج يجهز من هنا لغدا وياويلك تعطل عليا دفع الفلوس ولا موت انت كاع االمهم من هنا لغدا وئام تكون مراتي ...
الشخص ..امرك سيدي ...
خرج وخلاه غادي جاي كايبني ويريب وكايجمع افكار لي تبعترات الحاجة الوحيدة لي واظحة ومتأكد منها هي مستحيل يخلي وئام ضيع من بين يديه ماعرفش واش عناد ولا اعجاب ولا حب ..
عمار .."زفر بعصبية " اشمن حب ولا زمر من نهار مسيتها ولقيتها عذرا ولات ملكي وانا ماشي من عادتي نسمح ف ممتلاكتي "رجع زفر " هووووف اشمن ممتلاكت فيق اعمار وئام ستوطنات قلبك عترف بلي البنت الوحيدة من بين العشرات البنات لي دوزتي هي لي حركات فيك شي حاجة الداخل وخلات قلبك يتعلق بيها ومستحيل ينبض لغيرها هي ليا سواء بغات ولا لا "رفع راسو وبلع ريقو والعرق مطراسي ليه فجبينو " هز كاس دنبيد ونزل عليه دقة وحدة ....
____اكدال____الرباط________
وقفت سيارة من نوع الميرسيدس فالاسود فشارع الاطلس نزلت منها امل وتوجهات لباب العمارة فين كاينا رحمة ديمارات سيارة وتوجهات لشارع قيس فنفس الحي ....طلعت لطابق لي فيه شقتهم فتحات الباب بالمفتاح وتوجهات ديريكت لغرفة رحمة لي كانت مسطحة على ظهرها وكاتشوف فسقف والدموع مجموعين ف عينيها جلست جنبها امل وشدت يدها باستها ...
امل ..مي الحبيبة لقيت الخدمة وماشي اي خدمة فبلاصة نقية وعند عائلة معروفة وعندها وزن فالبلاد عرفتي امي على قصر عندهم وااااو قداش وشحال ديال لكار والخدم بحال داك شي لي كانشوفو فالافلام "ضحكت من بين دموعها " سالير مزيان والشيفور غايبقى يوصلني حتى لدار ان شاء الله غايترجعي كيف الاول وحسن هادي غيمة وغادوز عرفتي مدام راضية حنينة غانبقى حتى ندير بلاصتي وغانخليها تعاوني لازم ماتشفاي انا غاندير المستحيل على قبلك "باست يدها " المستحيل امي الحبيبة "مسحت دموعها وتوجهات لبلاكار خدت منو بيجامة خفيفة والملابس الداخلية حطاتهم فالحافة دسرير وتوجهات لدوش عمرات بانيو صغير بالما دافي وهزت الصابون والفوطة ورجعت لغرفة وبدات كاتطرف ليها حالتها وتبدل ليها الحوايج
#عند #صقر_______
__الحوار___بالإنجليزية_________
صقر .."من تحت سنانو" الى باغي مجموعة اكوا تكون تحت يديك وتاخد الاسهم ديالها غاتنفد شنو طلبت وادا حاولتي تطعني فالظهر غاندمك كن اكيد وراك سبقتي وجربتي غضبي " ضرب ليه غمزة "
سانطوس ... "مرر يدو على شارب ديالو وتكلم بصوت غليض " سبق لي وقولت ليك مستعد ندير يدي فيد شيطان ادا ستدعى لامر مدام غانربح الملاير "قهقه " هاهاهاهه "رجع شاف فيه وتكلم " انت كون هاني وعتبر اوس طاح طيحة غاتخلي العادي والبادي يتشفى فيه والمناقصة لي خسرتي غاتعوض خسارتها بالضوبل "رد ليه الغمزة " وانت عارف من كانوعد كانوفي اميسيو بن يزين
صقر .."تكا ظهرو على الكرسي وتنهد برتياح " وهذا هو العشم ___ رفع راسو وتبسم ابتسامة ماكرة .....
____مكان_____اخر________
كانت غادية جاية ف الغرفة ووجها حمر من الاعصاب جلست فطرف دسرير وكاتعض ظفارها _______
وئام ..مستحيل نقبل بهاد االوضع مستحيل نخليه يرجع يتعدى عليا ويسجني عندو لازم مانوقفو عند حدو والى ..."سكتت ورجعت ستأنفت كلامها " والى غانوضع حد لحياتي لي مابقاتش حياة "رفعت راسها والغصة فحلقة مدت ايدها لخدها ومسحت دمعتها لشقت طريقها وتبعتها شهقة كتمتها بيدها ...فينك اريحان هئ..هئ....فينك اختي اجي عتقيني من هاد الجحيم هئ...هئ....هءهءهءهءه مابقاتش عندي القوى باش نواجه هاد القدر الملعون مابقاش عندي الجهد 😭😭😭😭
___مكان___اخر__________
رجعت لفيلا وفيدها شانطة دعماد طلعتها لغرفة فين كاين ورتبت حوايجو فالبلاكار كان جالس فطرف دسرير وكايشوف ف منحى واحد توجهات ليه وجلست جنبو ...
ريحان ..عماد
عماد .. الصمت
ريحان .. "شدت يدو " عماد انت دابا كاتعتبر شاب فالحياة لازم مانمرو بعقبات لكن كانقدرو نتجاوزوهم وهاد شي لي شفتي غاتنساه باش تقدر تتجاوز العقبة انا ماغانبررش شنو دارت هما بزوج غلطو وغايتحملو مسؤولية غلطهم هما بزوج ناضجين وراشدين "سكتت ورجعت ستأنفت كلامها " انت قدامك مستقبلك لازم تركز عليه وماتخليش شي لي شفتي يشوش عليك ويشتت ليك تركيزك ونتباهك واخا
عماد .. االغصة فحلقو " و ا واخا "شاف فيها " لكن مابغيتش نرجع نشوفها ومابغيتش نقرا بفلوس داك شارف حتى هاد دار ديالو ما خاصش نكون فيها ...
ريحان ..نووو هاد دار دصقر ماشي ديالو وصقر ماعندو حتى علاقة هادي داري حتى انا وفين ما غانكون انا غاتكون انت والايكول انا لي غانخلصها انت ركز ف قرايتك وبس ماماك غلطات اوك مي كاتبقى المرا لي هزاتك فكرشها وتعبت عليك حتى وصلتي لهنا انا ما غانبررش فعلتها لكن هي كاتبقى مرا و "سكتت " احم خلينا نساو هاد الموضوع ونشوفو لقدام مانخليوش هاد المشكل ينخص علينا انت غاتخرج وتضحك وتقرا وتلعب وتعيش حياتك عاااادي جدااا وهاد النهار غاتلوحو ورا ظهرك كأنو عمرو ولا كان " مدات يدها " واخا
عماد .. "تنهد وضرب كفو مع كفها بإحباط " واخا
____مكان____اخر__________
"بعد ماطرفت ليها بصابون وبدلت ليها طرفت البيت وشمساتو ووجدات ليها شربة بالخف وشرباتها شوية بزز مسحت ليها فمها وباست جبينها ...
امال ..مي الحبيبة غاتسمحي ليا غانخليك هاد نهار بوحدك انا وصيت لجارة لي قبالتنا طل عليك مرا مرا مع الستة دلعشية غانجي دعي معايا "باست جبينها وخرجت من الغرفة ودموع محجرين ف عينيها سمعات تيلي كايصوني شافت رقم لقاتو ديال مدام راضية خرجات ديك الساع من شقة وعطات ساروت للجارة لي اونفاص معاهم وصاتها على رحمة ونزلت كاتجري مع دروج ثواني وكانت فالمقعد الخلفي لسيارة جنب مدام راضية لي اشارت لسائق يتوجه لقصر مسافة طريق وكانو اما البواب تفتح الباب بشكل الكتروني ودخلو لداخل نزل السائق بسرعة وفتح ليهم باب السيارة وجنبو سعدية (رئيسة الخدم ) شادة الكرسي المتحرك ترجل سائق فتجاه راضية وهزها بين دراعو كي ريشة حطها فالكرسي المتحرك وتوجهت امال دفعت بيها لكرسي لداخل القصر كان جالس فالكانابي عاطيهم بظهر والسيجارة من نوع الفاخر فيدو كاينتر منها مرة مرة اول ما شم ريحة عطرها لي مستحيل يخفى عليه تبسم وتلفت ناحيتها وابتسامة عريضة على شفاهو يالا نطق كلمة وحدة ولي هي (الحنانة ) وهو يجمع الابتسامة وعقد غوباشتو كأنو شاف مسخ قدامو ...
أوس ..من تحت سنانو" اش كادير هاد الماركة هنا !!
امال .."دكراتو " ا ان انت !!!
أوس .."بصوت عالي " اش كاديري هناا !!
راضية .."بستغراب " فين كاتعرفها " شافت ف امال " اشنو واقع !؟
أوس .."بعصبية " مي شكون هادي الخرا لي جبتي معاك
امال .. "بنفعال " تطليه على يامك اوجهو
أوس .. "توجه ليها وشدها من الفك ديالها وزير عليها " شكون انت لي تهزي صوتك عليا واش عارفة راسك معامن همممممم .
راضية .."بعصبية " أووووس طلق البنت "بصوت عالي " طلققققققق ....
أوس .."دفعها حتى جات منشورة فالكانابي " اش دخل هاد لماركة لهنا
راضية .."غمضت عينيها بعصبية ورجعت فتحتهم " امل سيري المطبخ من نبغيك غانعيط عليك ..
امال ..خنزرت فيه " واخا امدام ____عطاتهم بظهر وتوجهت المطبخ والغصة فحلقها مارضاتش يحتقرها عمر شي حد ماتجرأ حتى يهز عينو فيها كيفاش هذا تمادة ومد يدو عليها كانت باغية تخرج من القصر بعد ما تمسح بيه الارض لكن رحمة كتفات ليها يديها وخلاتها تحني راس مستعدة طاطي راسها على قبل صحة مها جرت الكرسي بالزعف وجلس دايرة يدها على خدها والخدامات كايتهامسو عليها ________
رقية .."بصوت شبه مسموع " سمعتي سي أوس كيف كان كايغوت عليها ....
مسعودة..ميقات فيها " يعلم لله اش دارت المصيبة وجه لبلا ايييخ تفووووو جنس ناقص
رجوى .. "بصوت خافت " هادي طريقها ماجايبة سلامة وياكم تجمعو معاها ولا تحاديوها ...
مسعودة .."عوجات فمها " امممم الله اشان " ميقات فيهم " يالا فرقو عليا هاد لملمة وكل وحدة ديها فشغلها
ستغلت الوقت لي كانت فيه ريحان كاتهضر مع عماد وخرجات من الڤيلا كاتعكز بعكازها كلفت العساس يطلب ليها طاكسي صغير بعد 10 دقايق تقريبا كان طاكسي قدام باب الڤيلا طلعت فالمقعد الخلفي وعطاتو عنوان الڤيلا ديالها دقائق قليلة وكانت قدام الباب نزلت من طاكسي بالمهل وتوجهات لباب فتحاتو بالمفتاح ودخلت لداخل جلست فالكانابي وكاتسنى قدومو عيطات على شافية وسألتها واش ما جاش اكدت ليها بلي ما جاش عتدلت فالجلسة وكاتسنى فقدومو على احر من الجمر والغضب عامي عينيها __________عند وئام كانت كاتغلي من الداخل وحاولت جاهدة تحل لباب لي كان مقفول بالمفتاح وتخرج لكن بدون جدوى كان مسدود بإحكام والقفل صحيح توجهات لاطيراس حتى هو بابو كان مسدود ضرباتو برجليها حتى توعتات وجلست الارض كاتبرد فدقة ودموع تحجرو ف عينيها
وئام .."بألم " اااااااااااه ااااي يااا يااااي شييييت اش هاد زهرر بففففف "رفعات راسها فسقف ورجعت شافت فتجاه الباب " ياربي كي غاندير حتى نحل هاد لباب خاص ضروري نخرج من هنا مايمكنش نقبل بهاد الوضع مايمكنش فكري اوئام المكلخة فكررررري "ضربت بيدها على راسها " اوووووه لقيتها ياااااس ياربي تصدق " خدات السلك لي كايكون وسط سوتيانات دالبونج وتوجهات لباب خشاتو فديك تقيبة وجلست كادور يمين وشمال بالمهل حتى تفتح ماقدرتش تيق بلي اخيرا قدرت تحلو وسعت عينيها وغوتت ...
وئام .."بصوت عالي نوعا ما " تحل تحللللل يااااااس " حطت يدها على فمها وهمست " هضري غير بشوية المفضوحة " كاتخاطب نفسها بصوت شبه مسموع " تحلل والله حتى تحل _____ضرباتها بجرية وحدة ماوقفت حتى لطابق السفلي جلست فالدرجة للخرا وكاتلتقط انفاسها .....بعد مارجعت فيها نفس توجهات لباب يالا حطت يدها عليه باش تفتحو وهو يتفتح دخل عمار وشاف فيها بنظرات جمدات فيها دم وخلاتها تبلع ريقها....
____مكان___اخر____________
بلاصة سيارة ونزل منها متقل بالهمول وبوجه شاحب توجه لباب فتحو بالمفتاح اول مارمى الخطوة الأولى جات عينو عليها كانت كاتشوف فيه بغضب وقفات وطلعاتو من ساسو لراسو بحتقار .....
زينب ..اوووه واخيرا شرفينا بطلتك البهية
معتز ..الصمت
زينب ...ياك الغدار هذا جزاائي على اخر يامي تبدلني بكلبة دالخلا "بصوت عالي " هااااااا...
معتز .."بعصبية " اييييه ماتعليش صوتك عليا اش كنتي منتاظرة مني اهااااا فين عمرك هتميتي بيا ولا حسستيني عندي قيمة عندك فين عمرك حسستيني بلي كاننهمك من مهار تزوج صقر ولا همك الوحيد هو كيفاش تخلصي من ريحان ودمري زواجهم وجاية تحاسبيني بكل وقاحة ؟؟" خرج فيها عينيه"
زينب ..."بصوت عالي " كيفاش كاتخلط هادي بهادي بررتي خيانتك بعدم هتمامي الغدار هاااااا هذا جزاء تضحيتي ووقفتي معاك بعد ماكنتي جالس على الحديدة شكون لي رداتك راجل وماشي اي راجل هممم شكون ؟! الكلبة لي بعتيني على قبلها !؟ شكون لي دات سخط باها باش تكون معاك ولي باعت ذهبها على ودك وكلات معاك غير الخبز والما شكون !؟ شكون لي تشردات فبلادات ناس بعد هاد شي كلو وبعد عشرة دامت كتر من ثلاتين عام تبيعني "بصوت اعلى من الاول " انا تبيعني الكلببببب والله لاا كانت ليك طلقنيييي ماشي انا لي نسكت على خيانتك من اليوم كل واحد فينا يشد طريق ودير فبالك الاسهم لي عندي فالشركة غانبيعهم وحقي فالشركة لي فامريكا حتى هو غانبيعو وهاد دار عندي نص فيها غانلوح ليك تمن نص لاخر وخوي عليا سير عند الكلبة لي من سهمك
معتز .."من تحت سنانو " لحد الان مزال ساكت على هبالك
فاطمة ..بتهديد " الى ما نفدتيش لي قلت غانخلي سيرتك على كل لسان كاتسمع "بصوت عالي " على كل لسااااان_________________
___مكان__اخر__________
بعد ماطلع أوس لغرفتو ندات راضية على امل لي كانت مزال كاتغلي من االداخل ومزال ماتصرطت ليها الاهانة دياال أوس .....
راضية ..طلعيني لغرفتي بغيت نرتاح
امال .."دفعت بيها الكرسي فتجاه المصعد " اوك ...."تواني وكانو داخل غرفتها " تلفت ناحيتها وتكلمت ....
راضية .. غاتمشي للغرفة لي فأخر الممر على يدك اليمن وغاتقولي لأوس يجي يحطني فوق السرير ______
امال .."بلعت ريقها " انا غانشوف وحدة من الخدامات تساعدني بلاش مانعدبو سي أوس
راضية .. "نهضت فيها " دابا نتي غاتوريني شنو ندير ؟!
امال .."كتمت غضبها " حاشا ...."عطاتها بظهر وتوجهات لنعت لي عطاتها بين ما راضية خدات تيلي وتاصلت بالشخص لي كلفاتو يجيب ليها الشادة والفادة على امال عطاها كل تفاصيل حياتها من نهار خرجت لدنيا لدابا لكن الشيئ الوحيد لي قالت على باها انو ما كاينش ماعارف واش ميت ولا حي حتى من الشدة لي تشدت على قبل الفلوس كانت عندها قطعت الخط وتنهدت ....
راضية .." كاتكلم نفسها " راضية ياراضية ماشي هادي لي كاتمناي كيفاش غانقبل بوحدة دخلت لحبس على قبل الفلوس " ردت على نفسها " لكن هي ضحت وكانت غادوز عمرها فالحبس على قبل عائلتها هي ماشي مادية نوو هي وحدة بغات تشوف عائلتها فمستوى يليق بيها وبيهم وهدا من حقها تم انها كانت غاضيع عمرها على قبلهم ولي ضحت مرة مستعدة ضحي الف مرة فما بلك الى ضحكت على قبل قلبها "تبسمت وشافت فتجاه الباب " لازم ماندير شي حاجة لاااازم ....
اول ماوصلت لباب غرفتو خدات نفس عميق عاد طرقت الباب زوج طرقات خفاف تسنات شوية ورجعت طرقت للمرة الثالت حطت يدها على لبواني وفتحت لباب يالا دفعت راسها لداخل باش تشوف واش الغرفة فارغة وهي تجدبها يدو لداخل الغرفة
عمار .."بصوت خشن " فين كنتي غادية هم ؟!
وئام .. "شافت فيه بغضب " لجايحة لي تجليني عليك انت ماشي من حقك تحبسني هنا خليني نمشي فحالي اش باقي باغي مني !
عمار .."قرب منها حتى تخلطو انفاسهم " باغي بزاااف "حط يدو على خدها وشاف ف شفاهة" بزاف ...."دفعت يدو بزعف وتكلمت "
وئام ..اش كاتخربق بعد مني واش ماكاتفهمش ماحاملاش نشوف وجهك ولا نشم ريحتك لي كاتجيب ليا تقية فكل مرة خلي عندك كرامة وبعد مني "من تحت سنانها " بعدددددددد من حياتي
عمار .."زير على الفك ديالها وتكلم " ماتخلنيش ندير شي حاجة لي ندمو عليها بزوج القطة " بصوت رجولي " خليني معاك زوين 😉 " بعد عليها ورجع تكلم " اه فراس فاق من الغيبوبة وحالتو مستقرة
وئام .."بحقد " الله يرجعو ليها ويتبعك ليك اقبيلة المجرمين الله يلعن ساعة لي شفتكم فيها ول......."قبل ماتكمل كلامها نزل عليها لوجه ماقدرش يتحكم فنفسو حطات يدها على خدها وضربت طم جرها من دراعها وطلع لطابق الثاني وهي كاتفركل بين يدو وكاتغوت باش يطلقها دخلها لغرفة لي كانت فيها وسد الباب ...
____مكان_____اخر_________
دخل لداخل وكايقلب عليها بعينيه كان متلهف يشوف ف عينيها بعد صباح شاق وبعد ماتحرقو اعصابو من الصدمة لي خدا بسبب اوس طلع لطابق الثاني وتوجه لغرفتو فتح لباب ودخل كانت جالسة فالسرير وجامعة رجليها عندها وكاتخمم ....
صقر .. " جلس جنبها " شنو مقلقك ؟!
ريحان .."شافت فيه " عماد ..عماد شافهم اصقر شافهم
صقر .."بعدم فهم " اش شاف ؟!
ريحان .. شاف باباك وفاطمة فوضع خايب فقلب بيتها ماتصورش حالتو كيف كانت خايفة شي لي شاف يأتر على قرايتو ويدير ليه شي عقدة من بعد
صقر .."بعصبية " هادو فاتوت الحدود كتر من لازم "شاف فيها " فين هو دابا !
ريحان .. كاين هنا جبت ليه حوايجو من الاحسن يبقى حدا عيني الى بقى معاها اكيد غاتصيفطو للهاوية
صقر .."بصوت رجولي " احسن مادرتي وبابا غانرجع نهضر معاه باش يجمع راسو حنا ماناقصينش المشاكل يكفي المشاكل لي عشنا قبل
ريحان .."عاد فطنت " خاص نتاصل ب وئام دازت كذا ساعة غاتكون وصلت هوووووووف ياربي قلت ليها اول ماتوصل تتاصل بيا____
___مكان___اخر__________
امال .."حطت يدها على صدرو وكادفع فيه بكل جهدها " اش هاد لوقاحة بعد لهيه بعدددد
أوس .."مكاليها على الحيط وشادها بإحكام وشعرو فازg كايقطر ... كاين شي وقاحة كتر من هادي هم ؟! "بصوت رجولي " اش دخلك لبيتي ؟! هاد الحركات دالقحاب مادريهمش معايا ولا غاتلقاي راسك برا هاد لقصر ماشي حيت مي بغاتك غاطلعي ليا فكر* ...
امال .."بتهكم " شكون داها فيك العصيدة نهار العيد بعدد لهيييه وهضرتك الخامجة ضربها فيك قالك كاندور بيه هااااااااه "خنزرت فيه "
أوس .."خشى صباعو وسط شعرها وزير عليها حتى وجها ولا حمر من كتر الالم ودفعها فوق سرير حتى ضلوعها تهزو وجا فوق منها حط تقلو كلو عليها ....
أوس ..هاد لسان لي سليط غانجبدو من جدر ونوكلو لكلاب وديري فبالك بلي نتي طلعتي ولا نزلتي فعيني وحدة من االقحبات لي كايكونو تحت مني كل ليلة كاتسمعي "كايشوف ف عينيها لي وسعاتهم على الاخر وحلت فمها كاتحاول تسوعب شنو قال
ناضت كااتجري ف تجاه غرفة راضية وحطات يدها على فمها كايزنزن .....
راضية .."بمكر " شنو تما
امال .. هااااااه
راضية .. "أوس فين هو ؟!
امال .. "زيرت على يدها وعقد حجبانها .. الصمت ...
أوس .. "توجه ف تجاه راضية بدون مايشوف ف امال " هانا الحنانة " تحنى باس يدها وهزها بين دراعو كي ريشة حطها فوق السرير وجلس فالطرف ديالو " هااا كيف داز نهارك !
راضية .. "تبسمت " الحمد لله اولدي وانت !
أوس ..مزيان بزاف "شاف ف امال لي كانت شاردة وكاتشوف ف منحى واحد ...
أوس .. "بصوت رجولي " ايييه انت
امال .. "شاردة " الصمت
أوس.. "غوت حتى قفزات " ايييييييييييه
امال .. "خنزرت فيه " بشوية صمكتيني
أوس ..ضغط على يدو " عفواااا ؟! "من تحت سنانو " نوضي تهزي سيري لبيتي غاتلقاي علبة فالازرق فوق سرير جبيها "بصرامة " طلقي راسك ........" عطاتو بظهر وتوجهات لغرفتو بخطوات متسارعة وكاضرب رجليها مع الارض من الاعصاب فكل ما كادكر شنو دار ....
#فلاش_بااك________
أوس ..هاد لسان لي سليط غانجبدو من جدر ونوكلو لكلاب وديري فبالك بلي نتي طلعتي ولا نزلتي فعيني وحدة من االقحبات لي كايكونو تحت مني كل ليلة كاتسمعي "كايشوف ف عينيها لي وسعاتهم على الاخر وحلت فمها كاتحاول تسوعب شنو قال..
امال ..حطت يدها على صدرو وكادفع فيه بكل جهدها " القحب* هي مك الزا** اش يسحاب ليك راسك ال......قبل ماتسكت هز يدو لفوق ونزل عليها لوجه شد لفك ديالها وزير عليها حتى غايقلعو "
أوس .. "من تحت سنانو " عاودي اش قولتي هااااا ؟! بنبرة قاصية ممزوجة بحة " لي جبدتي على لسانك تاج راسك القحب* وادا بغيتي تزيدي نهار اخر هنا تفاداي شري حسن ليك ولا غاتجبيها فكرك معايا القطة "تلاح على فمها ولتهمو كايعض ويجر ويدها كايدفعوه بقوى بعد عليها بعد ما دار شق ف شفاها وتكلم ...... " هذا مجرد انطار
الحاضر___________
دفعت باب غرفتو وتوجهاات لسرير وهي كاتلعن فيه هزاات لعلبة لي قال ليها ورجعت لغرفة راضية ....
دفع باب المكتب لي كايتواجد داخل الڤيلا وتوجه ف تجاهو وعينيه عليه .
صقر .. رتاحيتي هااااا وصلتي للي بغيتي ؟؟ لين باغي توصل بهاد المراهقة ديالك ! واش باغي ضحك فيك ناس على اخر يامك كاتمعشق "عقد حجبانو "
معتز .. انت لي باقي ناقصني اش دخلك فيا ؟؟ واش ديت ليك شي حاجة ؟! وقفت ف طريقك شي نهار ؟! ديها ف شغلك وتهلا ف مراتك وخليني عليك وبلاصة ماتبقى تابعني فالطالعة ونازلة ديها فالصفقاات لي كايطيرو من بين يدك وانت اخر همك
صقر ..ماتبقاش تخلط الامور باش تنسيني ف فضيحتك واش عند بالك ماما غاتسكت لااااا وانت عارف مزيان بلي هاد النزوة غاتفتح عليك ابواب ما غاتقدرش تسدهم من بعد .....
لا سمعتك غاتبقى فالسوق ولا راحة البال غاتولي عندك ولا الثراء لي راك فيه غايبقى ماتنساش بلي ماما عندها نص فاملاكك وبلي حنا غارقين حتى لودن وادا خدات نصيبها اسهمنا غايطيحو فالسوق وشحال من كلب عطشان كايتسنى لفرصة
معتز .. هااااا قول همك الفلوس خفتي طيح وماتبقاش ف نفس المستوى اقليل لحيا لا انت ولا ديك قليلة الاصل ولا فلوسكم كايهموني خرج علياااااااااااااااااااااا ...
صقر .. 'بصوت عالي " انت عارف مزيان بلي مامحتاجك لا انت ولا هي وبلي عندي شركتي الخاصة وعندي اسهمي معاكم نقدر نستقل من هاد لحظة ونرجع لامريكا نكبر شركتي ونديها ف شغلي لكن ماشي انا لي نخلي با ومي يكزرو بعضهم ويشفيو فيهم ناس غاتبيع عشرة ثنين وثلاتين سنة على قبل نزوة فيق فييييق قبل مايفوت الفوت وتندم ديك فاطمة لي عماات عينيك وحدة رخيصة وهمها لفلوس واش،كاتسمع لفلووووووس شكون خرب عائلة ريحان من غيرها هاااا ؟! شكون لي جلست صديق عمرك على لحديدة وبيعاتو لي وراه ولي قدامو هااااا !! ريحان حكاتليا عليا تيق بيا ماشي هي لي تناسبك وماشي وحدة طماعة لي تخليك بلا عقل وتهور وادا باغي تأكد من صحة كلامي غاتأكد وراك ذكي مانحتاجش نقريك ...... "خرج من عندو ورضخ الباب وراه وخلاه متخبط ف أفكار وكايبني ويريب فدماغو جبد الكارو كايكمي وكايخمم فالكلام لي قال ليه صقر بعد اخد ورد قرر يلعب هاد لعبة باش يتأكد طفى سيجارة وخرج من المكتب ف تجاه شقة فاطمة ....
___مكان__اخر_____________
عيات تتاصل الخط مفصول الخوف سيطر عليها وخلاها تتخايل الاسواء لاحت الشال فوق راسها وهزت تيلي فيدها وخرجاات من الڤيلا بخطوات متسارعة فتجاه المطار تسأل على وئام ......
__فالجهة _ الثانية________
خدا العلبة من يدها وشاف ف راضية وكايفتح فيها .....
أوس .. لحنانة هذا العقد ديالك لي كنت فسدتو قبل عشرين سنة ولي كان ضايع اليوم اليوم الصايغ كمل من اعادة حجر الماس لي كان طاح منو ورجعو كيف كان "وراه ليها وكايتبسم غرغرو عينيها وتربط لسانها مامتيقاش بلي العقد لي كتر من عشرين عام وهو مجلي بان لا وتصلح بعد ما كان قطعو اوس فاش كانت عندو عشر سنين هاد العقد لي مكانة كبيرة ف قلبها الدكرى الوحيدة لي بقات ليها من مها مدت يدها لي كاترجف للعقد وشداتو كاتفحص فيه وكاتمتم. ..
راضيك .. "نزلت دمعتها من الفرحة " ه و هو والله الى هو "رفعت فيه عينيها " فين لقتيه هاااا وامتى ؟! وكيفاش لقيتيها قبل عشرين عام قلبنا دنيا عليه ومابانش
أوس .. قبل عام لقيتو فالمزرعة بضبط ورا المدفئة فين كنت كانلعب نهار ضاع ليك جا مخبي فواحد القنت صعيب على شي حد يلمحو خديتو وديتو معايا نهار رجعت لامريكا كنت غانصلحو ليك لكن شي مشاكل لهاوني عليه شوية قبل شهر عطيتو لصايغ ونبهتو ما يخطأش لازم يرجع كيف كان وقدر يرجعو كأنو عمرو تقطع "باس يدها "
راضية .. " بحب " حبيب جداه "مداتو ليه " لبسو ليا
أوس .. "شدو منها ووقف " هي للولة .....
كانت كااتشوف فيهم خصوصا ف راضية كيف فرحانة بهدية مها لي كانت ضايعة منها حست بالوخز ف قلبها والغصة فحلقها هنا راضية مع حفيدها فرحانة وعايشة عيشة الملكات ولهيه مها مشلول نصها ومليوحة فالشقة بلا حنين بلا رحيم تحجرو دموع ف عينيها وسخطت على الوضع لي هي فيه فيقها من سهوتها صوت أوس لي رجع كايقلل من قيمتها مرة اخرى تنفست بعمق وشافت ف عينيه بحدة
امال .. نعام !!
راضية .. "دخلت بسرعة " ب بنتي مدي ليا ديك رواية واجي قرايها ليا
امال .. "تلفتت ناحية رواية " اوك
أوس .. "وقفها بصوتو " ماشي قبل مانقول لي عندي " بصرامة " الى باغية تبقاي شاردة طول لوقت غاتغبري عليا من هنا وفمرة ماشي كل مرة خاصني نعلي صوتي باش تنتبهي ثانيا ما غاتخرجي من هنا حتى تعشا مي وتنعس ووقت نعاسها مع 21:00 ماشي ستة "شاف فيها بتعالي ..
امال .. "جنون بداو يشطحو فوق راسها " لكن انا تافقت مع مدام راضية على ستة دلعشية ماشي تسعود ...
امال .. "جنون بداو يشطحو فوق راسها " لكن انا تافقت مع مدام راضية على ستة دلعشية ماشي تسعود ..
أوس .. "من تحت سنانو " ترجعي تعلي صوتك مرة اخرى غانريب ليك سنانك والى توقيت ما عجبكش لباب الحباب "اشار للباب بسببابة ديالو ...
راضية ..أووووووس ..."كتمت غضبها " ولدي انا تفاهمت مع امال غاتبقى تمشي مع ستة
أوس .. وانا قلت لي عندي سي نو تمشي عليا ماعندي ماندير بيها " شاف فأمال بحتقار " كانتسنى الجواب وي ونو ؟!
امال .. "تحجرو دموع ف عينيها " لكن ان__قاطعها بحدة ومن تحت سنانو_____
أوس .. وي ! و نو !!
امال .. "الغصة ف حلقها " احم وي
أوس .. تبسم بنتصار " الحنانة نشوفك من بعد "باس يد جداه وخرج من الغرفة وخلا وراه بركان ....
راضية .. نديرو ليه خاطرو هاد نهار باش مايزيدش يتعكس وانا غانهضر معاه من نكون انا وياه على نفراد ولدي حنين الدنيا لي قصاتو
امال .. بستهزاء " لا بزااف " تنهدات وتوجهاات لرواية " madame bovary
راضية .. وصلت لصفحة 25 كملي عليها
امال .. "حنحنت " احم اوك ...."فتحت رواية وحطت عينيها على صفحة 25 وبدات كاتقرا ليها بصوت هادئ_______
___مكان__اخر____________
بعد ماوصلت لمطار سألت عليه وعلموها بلي مامشات فالرحلة لي كان من المفترض تمشي فيها الدنيا ضارت بيها والما طاح ليها فركابي تسندت على الحيط وكلها كاترجف ....
ريحان .. الله ياربي فين غاتكون مشات ! الله ياربي اش هاد لكارتة طاحت عليا ثاني ..."خرجت من المطار دماغها مرفوع وقف طاكسي ورجعت لڤيلا ف طريقها تاصلت ب باتول تشوف معاها هاد لحريرة .....
___فالجهة__الثااانية________
كان جالس فالكانابي بوجه حزين ومهموم جلست جنبو وشدت فيدو ....
فاطمة ..اش واقع !
معتز .. "بحزن " لي واقع انا زينب طلبت طلاق
فاطمة .."وسعت عينيها من الفرحة " بصاااااح الله هه "جمعت ضحكة " زعمة قصدت علاش !
معتز .."بعصبية مصطنعة "كيفاش علاش ولدك فضح علاقتنا وناض صداع
فاطمة ..هاانت قولتيها بلسانك علاقتنا بغيت نعرف انا شنو كانعني ليك من كلشي تحط فالطبق خاص نحطو النقط على الحروف ونعرف راسي من رجلي " رفعت حاجبها " واليوم خاص نعرف شنو انا عندك !؟
معتز .. انت عندي الدنيا ومافيها فاطمة ماتت فقلبي الدنيا جلاتها عليا وخلاتها تنساني وتهملني انت لقيت فيك كل مابغيت الحنان والهتمام والحب لكن واش غاتقدري تصبري معايا بعد لي وقع
فاطمة.. ونديرك فوق راسي ونقول انا ما عيت انت راك زماني وتاج راس وكل ماعندي "سبلت عينيها ...
معتز ..شد يدها وهذا هو المضمون فيك " خاصنا نديرو ولازم ونحللو علاقتنا غير هو غاتصبري عليا واحد شهر على مانوقف على رجلي لي ماكاتعرفيهش زينب عندها نص فالاملاك وهي رفعت القضية لمحكمة باش نطلقو اول مايتم طلاق غاتاخد كاع املاكها ومن بينهم الڤيلا والاسهم ديالي غايطيحو خصوصا وانا غارق ديون غانطر نبيع المزرعة والسيارات لي عندي وبعض الاسهم باش نغطي الديون لي غاتراكم عليا صقر غايفصل خدمتو وغايخليني نعوم ف بحري يالا نوضها معايا وانا غانرجع لنقطة صفر لا شركات ولا دار ولا اسهم عطيني شهر نرصي راسي وغانشوف شي تصريفة نخرج بيها بأقل الاضرار "طأطأ راسو كانت كاتسمع وحالة فمها بحال الى تكب عليها سطل دالما لسانها تعقد ماعرفت اش تقدم واش توخر كتفت بالسكات طول فيها شوفة وتكلم ...
معتز .. فاطمة ....فاطمة
فاطمة ..هااااااه
معتز .."رفع حاجبو " فين شردتي ؟!
فاطمة .."تبسمت بزز " معاك اخوي معاك
ريحان ..الله ياربي حسها ما مقطوع اش ندير هئ..هئ....
باتول .. اول حاجة غانبلغو البوليس
ريحان ..بلغت بلغت وقالو ليا حتى دوز 48 ساعة زائد هي ماشي قاصر
باتول .."بعصبية " شكون هاد لحمار لي قال ليك هاد لهضرة صافي حيت ماشي قاصر مانبلغوش حنا ما غانتسناوش حتى دوز 48 ساعة خاص نتحركو من دابا اجي علمتي صقر ؟!
ريحان .. "شادة راسها بيدها " مزال هءهءهءهء
باتول .. اش كاتسناي تاصلي بيه طلقي راسك وانا غانتاصل ب هشام مصاحب مع وكيل الملك غايدخل لينا اليوم غانعرفو فين هي ماتخافيش ان شاء الله خير
ريحان .."لونها مخطوف" ياااااااااااااااارب
_فالجهة_الثانية___________
أوس .. ضرب تيلي مع الأرض " كيفاش قدر يديرها كيفاااششششش منين جاب اسراري منين "كايشوف فيدو المنى " داك الكلب طلع ادكى مما تصورت قدر يخلي شريكي يوقف فصفو وباع ليه الاسهم ديالو يعني الكلب دصقر ولا شريكي وبنسبة 50فالمية "بصوت عالي " واش كاتسمعععععععععععععععع خمسييين فالمية يعني نص بنص " بصوت عالي " ااااااااااااااه غانقتل اجاك غانقتلككككك
الشخص .." كايتفتف " ولا شريكك غير ف مجموعة ____ يعني ماشي فكاع المجموعات غانشوفو شي تصريفة ونتخلصو منو فأقرب وقت ...
أوس .. "شنق عليه " انت لي غانشوف ليك تصريفة ونهني الكرة الارضية من غبائك بغيت غير نعرف اشنو هو دورك هممم ! شنو هو ؟! "دفعو حتى طاح " نوض قود من قدامي تهزززززززززز.........."اول ماخرج الشخص خدا أوس كاس نبيد كايشرب منو وعينيه حمرين كيف جمر وكايتواعد لصقر بضربة ماتخليهش يهز راسو بعدها صقر لي كان محتفل بالإنجاز قدر ياخد الاسهم من شريكو يولي شريك مهم وهنا غايبدا خدمتو لي شرا الاسهم على قبلها وصلو تصال من ريحان اول ماسمع شنو وقع طار لعندها وقطريقو تاصل بضابط شرطة كايعرفو بالمعارف ونفود بداو خدمتهم وتوجهو لعائلة بن جلون ......
_مكان__اخر________
صقر .. ماتخافيش البوليس تحركو وتوجهو ل بن جلون اكيد غانعرفو فينها غانتوجه لمطار وغاناخد ادن من وكيل الملك باش نردو الكاميرات ونشوفو قبل الرحلة شنو وقع
ريحان .. 'بلهفة "ااااه ااااه الكاميرا غاتبين كولشي كيفاش مشات من بالي " وقفت وشدت يدو " يالا دغية مابقيتش قادرة نصبر
باتول ..انا غانتاصل بصاحب هشام يوجد لينا الادن باش مانضيعوش الوقت .
صقر .. " شد يد ريحان " واخا يالاااا
___فالجهة____الثانية ______
كانت داخل الغرفة محبوسة وكاتعض ظفارها من الفقصة بعد طول انتظار تفتح الباب كان عمار بهيبتو وبوسامتو هاز بلاطو فيدو فيه الماكلة حطو فوق الكوفوز وجلس جنبها .....
عمار ..بلا شك فيك جوع " رد شعرها ورا ودنها "
وئام.. "دفعت يدو " فيا لخرااا بعد لهييييه
عمار .. "تمالك نفسو واشار لبلاطو " بداي ماكلتك بلا كترت لكلام ....
وئام .." واش ماكاتسمعش بعددد مني بعددددددد "هزات لبلاطو وشتاتو فالارض وكاتشوف فيه بغضب هز يدو لفوق يالا غاينزل عليها هو يحبس خرج من الغرفة بسرعة قبل مايرتكب شي حماقة ويندم وخلاها وراه كاتغلي كي البركان...
أول ماوصلو لمطار وصلو تصال من واحد من رجالو وعلمو بالي البوليس مشاو لدار باه وحاليا فالمطار طلع مع دروج كايجري فتح باب الغرفة وشدها من يدها ونزل مع دروج كايجري وهي كاتفركل بين يديه طلعها فلوطو وكسيرا فتجاه المجهول ________
__المطاار_ الدولي _ سلااا_____🛩
صقر .. اشار لڤيديو " هذا هو عمار بن جلون هو لي خطفها من هناا
الضابط .. الڤيديو مافيه حتى عتداء او هجوم مشات معاه بهدوء
صقر .. من تحت سنانو " اش كاتخرف اكيد هددها مايمكنش تمشي معاه بدون سبب
ريحان .. "شدات راسها وكاتبكي " الله ياربي اش بغى منها شنو درنا ليه هئ..هئ...
صقر .. شد يدها " ماتخافيش غاترجع وداك الكلب حسابي معاه
الضابط .. ميسيو صقر ياريت تخليك بعيد وتخلي القانون ياخد مجراه حنا غانستدعيوه وغانحقو معاه وادا القضية فيها ختطاف غايتعاقب طبقا للقانون ____________
_مكان _ اخر _____
كان غادي جاي ودمو كايفور ومزال مامصدق بلي صقر ولا شريكو جلس فالكرسي وشد راسو بيدو وكايخمم فاش كايفكر صقر وشنو الدقة لي موجد ليه خدا تيلي وتاصل بواحد من رجالو _______
أوس .. بغيت لبيبي لي كايتسنى داك الكلب مايشوفش نور راقبو مراتو واليلة قبل مايطلع ضو نهار البيبي بغيتو يولي فخبر كان
الشخص .. امرك سيدي __طييييييييط ___
قطع الخط وخدا المشروب شربو دقة وحدة ورجع تاصل بشخص اخر ......
الشخص .. وي سيدي
أوس .. ديك الكلبة مزال مالقتوها !
الشخص .. "هربت اسيدي من ديك ليلة مابان ليها اتر
أوس .. "من تحت سنانو " كانقسم ليك ادا مابانتش غانحيكم واحد واحد "بعصبية " كاتسمععععع ......
الشخص .."كايتفتف " ا امرك سيدي
قطع االخط ولاح تيلي فوق المكتب بزعف وجلس كايشرب كاس ورا كاس ودماغو كايدي ويجيب فالجهة الاخرى بعد ماخرجو من المطار توجهو لڤيلا ريحان ماسكتتش من البكى ودماغها ماوقفش من تفكير فين غايكون خداها وشنو بغى منها عيا صقر يواسي فيها ويهدنها بدون جدوى شاف حتى عيا خلاها مع باتول وتوجه لمطعم فين كاين اجتماع مع شريك لي خان أوس ______
__مكان _ اخر_______
وصلت سبعة دالعشيا ومزال امال فالقصر وبالها كولو مع رحمة والوقت كلو وهي كاتدعي ف أوس لي خرج فعودها وخلاها تجلس حتى تنعس راضية راضية لي كانت كاتخمم كيفاش تخلي أوس يتقرب من امال لي عجباتها ودخلت لدماغها بدات تخدم داك شيطان د دماغها وتفصل وتخيط على الله تلقى شي تصريفة
دازت ساعتين ووصلت تسعود داليل ومزال ماكاين حتى خبار على وئام والبوليس مالقاوش اتر لعمار لي لارض نشقت وبلعاتو اول ما تسطحت راضية فاالسرير باش تنعس خرجات من عندها امال بعد ماتمنات ليها ليلة سعيدة يالا خرجت من الغرفة وتوجهات لمصعد وهي تجرها يد أوس لي كان متقل فالشراب حط يدو على فمها ودخلها لغرفتو لاحها فوق سرير وحط كل تقلو عليها .....
امال .. "ماعرفت باش تبلات" اش كادير بعد لهيييه بعدددددددد_قاطعها بقبلة كلا فيها شفاها ويديو كايمرر فوق لحمها دفعاتو بكل قوتها وطلعات معاه لمعلم وقفت وحطت يدها على صدرها وكاترجف ....
امال .. "كاترعد " الى قربتي مني غانغوت ونجمعهم عليك
أوس .. "لسانو تقيل بشراب " ا ش غاتجمعي ياهاد لقحب* خرجي عليا برااااا "دفعها ورضخ لباب وراها وتلاح فوق السرير على كرشو دارت بناقص من شي مصعد ونزلت مع دروج كاتجري ورجليها كايرجفو اول ما شافها الساىق فتح ليها باب سيارة مسافة طريق كانت فشقة ديالهم توجهات ديريكت لغرفة رحمة _____
_مكان _ اخر______
ريحان .. هئ...هئ..هءهءهءهء فين غاتكون اسيدي ربي فين
صقر .. "تنهد " غادي ترجع تيقي بيا
ريحان .. "بعصبية " فين غاترجع فين هئ..هءه خبارها مقطوعة فين غاترجع فين
صقر .. "بنفاد صبر " دابا البكى فاش غاينفعها هااا حاولي على راسك واش نسيتي بلي راك حاملة !
ريحان .." خنزرت فيه " طول عمرك اناني وعمرك تبدل همك الوحيد هو ولدك وانا ختي لهلا يردها ياااااك ! "خرجت فيه عينيها لي عامرين دموع "
صقر .."تعصب " ‘واش عارفة اش كاتقولي هاااااا عارفة ؟! "طلعها ونزلها وخرج بلا مايضيف كلمة اخرى طلع فلوطو وكسيرا ودمو كايغلي تلاحت فوق السرير وتكمشات كاتبكي وتشهق دموعها وخناينها دايزين_________
_ اليوم _ الموااالي_________
شرقت شمس جديدة معلنة عن يوم جديد واحدات جديدة لابطالنا الثلات كل واحد فيهم حامل هم الدنيا عمار كايبرد على قلبو بلي زواج انسب حل وصقر لي كولشي تقلب فوق راسو أوس وريحان ووئام فالجهة الأخرى أوس لي الإنتقام عامي عينيه ونساه انسانيتو دماغو تفرق بين صقر ويمنى لي هربات وامال لي بين الفينة والاخرى كاتجي فدماغو ماعرفش شنو سر وعلاش كاتجي فبلاو وكايتلذد فمجاكرتها نفض عليه الافكار لي بلوكات ليه دماغو وتصال بواحد من رجاالو اخيرا فاق واحد الجزء من ضميرو وخلاه يتراجع على اديت لبيبي لي ماعندو ذنب
أوس .. دير Annuler للمهمة لي عطيتك
الشخص .. بخصوص مدام نصر الدين !
أوس .."بنرفزة " اييه الخرااا _طيييييييط
لاح تيلي فوق السرير وتوجه لحمام راسو كايحرقو تخشى تحت رشاشة وكايخطط شنو يدير لصقر ويرد ليه دقة جات فبالو ليلة لبارح وكيفاش كاين كايبوس ف امال بزز مرر يدو على شعرو بعصبية والما نازل عليه ....فجهة اخرى وصل المحامي عند عمار ومد ليه العقد لي خاص غير توقيع ديالهم خداه منو وتوجه للغرفة فين كاينا وئام لي غير شافتو رجعت تغوت وتسب ......
وئام .. الله ياخد فيك الحق خرجني من هناااا
عمار ..حط العقد قدامها " وقعي
وئام .."لاحتو ليه بدون ماتشوفو " اش غانوقع ولا نخرا قلت ليك خرجني من هاد لغار
عمار .. "رجع مدو ليها وتكلم بصرامة " ظاهر ليا بغيتي نرجع كيف الاول ونوريك العين لحمرا " وقعي خلااص
وئام .."شافت العقد ووسعت عينيها " شنوووووووووو
__مكان_ اخر__________
كان مسطح فوق الكانابي فتح عينيه ببطئ يالا غايتقلب على جيهة الثانية وهو يجي منشور فالارض نسى بلي ناعس فالكانابي وقف وكايطرطق فعنقو بتعب توجه لحمام خدا شور لوا الفوطة على نصو والفوطة ثانية نشف بيها شعرو خدا الحوايج لي كان لابس البارح رجع لبسهم وخرج من الغرفة كانت فغرفة نومهم جامعة رجليها وكاتخمم فختها وقفات بتعب توضات وصلات وخرجت من الغرفة فتجاه المطبخ يالا دخلت وهي تلمحو كايجهز ليه القهوة ...
ريحان ..صباح االخير
صقر .. الصمت
ريحان .. علاش مانعستيش البارح فبيتك
صقر .. الصمت "هز طاس دالقهوة وخرج من الكوزينة بلا مايهضرها طلعاتو ونزلاتو"
ريحان .. "بينها وبين نفسها " هاااااااه منخلني "عقدت حجبانها وخرجات عندو كان جالس فصالة مونجي كايشرب القهوة وكايهضر ف تيلي فنفس الوقت .
صقر .. مزيان بزااااف خود الادن بتوقيفو انا جاي
ريحان .. "فهمات بلي كايضهر على وئام " فين هو واش لقاوهم "شدت يدو " هضرررررررر واش لقاو وئام " تجمعو دموع ف عينيها " الله يخليك هضر هئ..هئ..هءهءهءهء
صقر ..."حس بالوخز فقلبو " ايييه لقاوهم دقائق وتكون معاك امراتي العزيزة يالي كاتاهمني بالانانية وتقصير " خرج من الڤيلا بخطوات متسارعة عاقد حجبانو تبعاتو كاتجري يالا غاتطلع فلوطو وهو يكسيري خلاها وراه حالة فمها وغاتاكل جنابها تاصلت بيه ديك ساع كدا مرة بدون مايرد _______
_ فالجهة _ الثااانية_________
بعد ماطرفت ليها حالتها وشرباتها شوية دشربة بزز مسحت ليها فمها وباست جبينها وخرجات من شقة عطات ساروت لخدامة لي عند جارتهم ووصاتها عليها تطل عليها كل مرة خرجات من العمارة بعد ماشكراتها وتوجهات لراس شارع وقفت طاكسي مسافة طريق كانت قدام باب القصر يالا غادخل وهي تخرج ف أوس لي كان خارج مزروب غير شافت ف عينيه بحال الى ضربها ضو شريط ليلة لبارح داز قدام عينيها ....
أوس .. "بنرفزة " حلي عينيك البشار
امال ..الصمت
أوس ..ثم اش هاد الوقت درنا معاك 7 الالة ماشي 7:30
امال ..نفجرت فوجهو " اييييييه باش من حق كاتهز عليا صوتك انا كانجي من رباط وماعنديش طنوبيل باش نجيك فالوقت انت لي دارك فجايحة لكحلة زايدون مدام راضية لي من حقها تحاسبني على روطار ماشي سيادتك اااااه واخر مرة تحاول دور بساحتي او تتجاوز حدودك كيف البارح حيت انا ماشي من القحبات لي كايكونو تحت كل ليلة كاتسمع "رفعت حاجبها وكاتسنى الاجابة "
أوس .. "حل فمو من جرأتها " ش شنو قولتي هاااا "صغر عينيه وكايعاود كلامها " مانحاولش نتجرأ حيت نتي شنو "اط ندكر " اااه حيت نتي ماشي قحبة "صفق بيدو " اوووووه صدمتيني الالة شريفة " تحنى بحترام " احترامااتي الشريفة ماكنتش عارف " شدها من الفك ديالها وزير عليها حتى وجها حمار وتكلم من تحت سنانو " كيفاش تهزي عليا صوتك وتحلي كرك فوجهي همممم "زير اكتر واكتر " واش ماعارفاش راسك معامن ولا كاتستعبطي دور شريفة ماشي معايا دوزت منك عدد وحدة قحبة "دفعها حتى جات منشورة "وشاف فالساعة "لقتيني مزروب من بعد وانا معاك "يالا غايخرج هو يتلفت ليها " وتيقي بيا الماسك لي لابسة غاتلوحيه قريب وغاتجي لعندي وطلبي مني نطلعو معاك غير صبري "خرج وخلاها غاتنفاجر وقفات وتبعاتو وكاتعلي صوتها "
امال .. تطلع معاك مولات الواد اقليل ترابي عند بالك غاتذلني حيت خدامة عندك الف واحد يتمناني نخدم عندو البغل "رجع لهنا نوريك علاش قادة رجععععععع "كان مطلع زاج وماكايسمعش هضرتها كسيرا بدون مايسمع اش قالت ضربات رجلها مع االارض وطلعت لعند راضية فالجهة االثانية كان عمار جالس وكايشوف ف توقيع وئام والابتسامة على شفاهو .....
#فلاش _ #باااك_____
وئام .. مستحيل نوقع مستحيييييييييل ..
عمار .. سي غاتوقعي امكن نسيتي بلي الڤيديو عندي اش بان ليك نقدمو لبوليس ونخليك دوزي شبابك فالحبس وسط المجرمات همم ؟!
وئام .. الله ياخد فيك الحق
عمار .. "مد ليها العقد " طلقي راسك
خداتو منو ودموع ف عينيها بعد تردد وقعات العقد فكل ما كايجي فبالها تقدر ترجع لحبس قلبها كايبغي يوقف مداتو ليه والغصة ف حلقها ....
__الحااضر ________
سمع صونيط لباب كان عارف بلي البوليس لي جاو توجه لباب كايتمختر والابتسامة على شفاهو يالا فتح لباب وهي تجيه لكمة لوجه من عند صقر حط يدو على وجهو ووسع عينو
شد وجهو وكايشوف ف صقر بغضب
صقر ..فين هي البنت الكلب
عمار .."جمع يدو على شكل لكمة وعطاه لوجه " اجي نوريك الز******* شكون لي كلب فينا تشابكو بزوج والغضب مالي عيونهم دخلو لبوليس وبعدوهم على بعضهم ___________
الضابط ..ميسيو بن جلون معانا امر بتفتيش وتوقيف سيادتكم بتهمة الخطف
عمار ..علاشمن خطف كاتهضر هااا !!!
صقر .. "من تحت سنانو " فين هي وئام
عمار ..وانت اش دخلك فمراتي تكون فين بغات "خزر فيه
صقر .. "بصدمة " ش شنوووووو !!نعااام "عقد حجبانو " فين هي لبنتتتتتتت !
الضابط .. كيفاش مراتك !؟
عمار.. "مد ليه العقد " ايه مراتي وانا لي غانطلب بتوقيفكم ومعاقبتكم على الاتهامات الباطلة والازعاج "___كايشوف ف صقر لي خطف العقد من يد الضابط وقراه حل فمو من صدمة ووسع عينو سرعان ماجمع فمو ورجع شاف فيه والغضب متمكن منو__________
صقر .. انا عارف بل متأكد بلي درتي شي حاجة لبنت ورغمتيها حركات ولاد لق*******
حافظهم "بتهديد " فين هي لبنت ولا غاندمك
عمار .. "بنفاد صبر " انا لي غاندمك ادا ما عطتينيش بتساع "بنرفزة " يالااا خويو عليا من هنااااا_________
___مكان_اخر____________
امال .. "بخوف " ماما مالها اش وقع "حطت يدها على فمها " الله ياربي هئ...هئ...انا جاية تاصلي بالإسعاف الله يخليك___قطت الخط وشافت ف راضية لي كاتشوف فيها ومافاهمة والو ...
راضية ..اش واقع ؟!
امال .. "دموعها نازلين " م ماما هئ..هئ...ماما مريضة بزاااااف________
__فجهة_اخرى_____________
بعد ما البوليس شافو عقد زواج لسانهم تعقد ومابقى قدامهم مايديرو رجعو بأدراجهم للولاية بعد ماعتذرو على الازعاج وبقى صقر محيح مع عمار بعد ماعرف بلي ماغايصور منو والو رجع لشركة ودماغو مقلوب ما كانش عندو لا الخاطر ولا الوجه لي يشوف ف ريحان ريحان لي عقلها غايخرج عيات تتاصل حلف لا رد عليها عند امال بعد ماخبرت راضية بلي مها زاد عليها الحال خرجات من القصر كاتجري بلاعقل وصلت هي والاسعاف قد قد كانت الخدامة لي فالشقة لي جنبها ف نتظارها وحكات ليها شنو وقع
طلعت مع رحمة فالإسعاف وتوجهات بيهم لمستشفى سويسي بالرباط ____________ بعد ماكمل شغلو رجع لقصر وعينيه كايقلبو عليها
أوس .. فين هي مي !
سعدية .."رئيسة الخدم " لالة راضية لحقات على امال لسبيطار
أوس .. "خاف على جداه " سبيطار ! اش واقع ؟
سعدية ..ماتخافش اسيدي لالة راضية لاباس عليها هادي مامات امال لي نقلوها لمشفى
أوس .. "تنهد برتياح " اوك شوفي شغلك "جبد تيلي من جيبو ودوز لخط رد عليه سائق ......
سائق .. نعام سيدي ؟!
أوس .. بصوت رجولي "فينكم !؟
سائق ..حنا ف سويسي اسيدي
أوس .. اش واقع لديك لق********
سائق .. "بلع ريقو " مها عندها شلل نصفي وليوم فالصباح لقاتها لجارة فاقدة الوعي ديالها ومزال ماعرفنا شنو عندها لالة راضية كاتكلم مع الطبيب لي مشرف على حالتها
أوس .."بخبث '" دابا رقم الدكتور يكون عندي
سائق ..امرك سيدي____طيييييييييط قطع عليه لخط وطلع لغرفتو وكايطرطق فعنقو من تعب لاح تيلي فوق السرير وتوجه لحمام____
_فجهة___اخرى______
رجع لڤيلا طايرة ليه وماعندو خاطر وقفاتو ريحان عند لباب وتسرسبات عليه بلأسئلة...
ريحان ..فين هي ؟! علاش ماكايناش معاك؟! هضررررر "شداتو من الكول دالقميجة وكاديه وتجيبو .....
ريحان ..هضر خلاااص فين هي ؟
صقر .."دفع يدها بنرفزة " اووووووف هاد شي بزااف ختك الالة تزوجات وسدي عليا هاد لموضوع ماتبقايش تفرعي ليا ك******* فطالعة ونازلة __ عطاها بظهر وتوجه لدروج بين ما هي حلت فمها من صدمة ومزال ماقدرتش تستوعب شنو قال شافت فيه وفمها محلول على االاخرر_____
ريحان ..ش شنووووووووووووووو "تبعاتو كاتجري " شنو قولتي تزوجااات !! اش كاتخرف شرح ليا "وقفت قدامو والغضب عامي عينيها " هضرر شرح لي !
صقر .." مرر يدو على شعرو بعصبية وتنهد" كيف سمعتي تزوجت انا بيدي ديت لبوليس حتى لقلب دارو فالتالي عرفنا بلي مزوجين كيفاش وعلاش ماعندي حتى فكرة ومابقى فيدنا والو سيد مزوج وماعند البوليس مايدير ليه
حست بدنيا كادور بيها ورجليها خواو ثواني وكانت طايحة فالارض وفاقدة الوعي لون وجهو تخطف هزها بين دراعو بسرعة وتوجه لسرير والخوف مسيطر عليه ضربها على وجها بشوية وكايحاول يفيقها ....
صقر .."بخوف " ريحان...ريحااااان
كانت غادية جاية ودموعها على خدها وقفاات قدامها راضية بالكرسي المتحرك وعلامة الأسى على وجها شافت فيها بعيون دامعة وتكلمت والغصة فحلقها________________
امال .. ش شنو قال ليك طبيب ماما مالها هئ..هئ..هءهءهء......
راضية .. "شدات يدها " ماتخافيش غاتولي لاباس جاها نهيار عصبي هو لي خلاها تغيب وتفقد الوعي والشلل سببو ازمة نفسية الحل الوحيد هو الطبيب نفسي على الله شيفة تجي على يدو
امال.. ماما مسكينة هئ..هءهءهءهء سير امراد الله ياخد فيك الحق الله ينتقم منك هءهءهءه
راضية .."بستفسار "شكون مرااد ؟!
___فالجهة__الثانية_____
فاطمة ..لاااا لاااا هاد لحالة ماعجبنيش اش هاد زهر عندك ازرgت ليام حتى قلت الميمون تكعد ليا صدق عاطيني بقاعو بعد ماكان خانز فلوس رجع مزلوط كتر من وعدي بفففففف "وقفت وكاتخمم " خاص نشوف شي تصريفة معاه اش غاندير بواحد مزلوط وغارق ديون هااااااء "عوجات فمها "
__مكان__اخر_________
االحاج محمد ..."بصدمة " شنووووو تزوجتي وبيمن بديك قليلة الحيا لي ضربت خوك وكانت غادي عمرو عند بالك انا ناعس على ودني فراس قالي شكون ضرباتو فالاول مستحيل نخلي ديك الملقطة تفلت من العقاب
عمار .."بعصبية " باااباااااااا "كتم غضبو " اذا ضربتو ف دفاعن على نفسها والى كان شي حد خاصو يتعاقب ف قليل ترابي دولدك لي خلاني ن_____ رجع الكلمة من فمو " قبل ولا ماتقبلش شغلك هداك وئام مرااتي "من تحت سنانو " مرااااااتي ولي قلل منها قلل مني ولي مابغاهاش مابغانيش "شاف ف عينيه بتقة"
الحاج محمد " بصوت عالي " خرج عليااا خرررررررررج عمرني نقبل بيها وماحدها مراتك نساني ونسى هاد دار والشركة والاملاك غاتخرج من عندي يدك فوق راسك وعمرك تحلم تخدم فشي شركة سير حتى يضربوك لحيوط وغاترجع وديك ساع ما غانسمح ليك حتى طلقها وترميها رمية لكلاب " شاف فيه وعينيه حمرين كيف جمر "
عمار.. "لاح لي لكونطاك دلوطو ولكارط بونكيغ وشاف فيه بغضب " عند بالك غانموت بجوع ادا تفرقت عليك انت لي غاتنساني بمرة وعمرم تحلم نفرقها "خرج من الڤيلا ساخط على الوضعية وماكايشوفش قدامو وخلا وراه الحاج محمد شاد قلبو كايتعصر عليه وجنبو رانيا حالة فمها على الاخر ومزال ماقدرت تستوعب شنو سمعت وكلمة مراتي كاتردد داخلها كرزت على يدها والحقد عامي عينها
زينب .. قلت ليك غاترفع دعوى ولا غانطري عليك من ديك المجموعة
المحامي .. "بلع ريقو " انا قلت زعمة ماتسرعيش نتي وسي معتز عشرة سنين وبينكم و-------- قاطعاتو بحدة "
زينب .. وانت اش مشى ليك ياقليل لفهامة هاااااا شغلك ؟! دير خدمتك ولا غبر عليا خليقتك فمرة.
المحامي .. "حنا راسو " امرك لالة
__فجهة__اخرى_____
بعد ما تاصل بطبيب وكشف عليها طمنو بلي غير ضغط لي نزل ليها وصف ليها شي ادويك ومشى جلس جنبها صقر وشد يدها ...
صقر .. دابا شوية
ريحان ..يغيت ختي هئ..هئ...وئام مستحيل ديرها هئ..هءهء مستحيل
صقر .."بعد تفكير تنهد " يكون خير انت رتاحي وماتجهديش نفسك
ريحان ..كيفاش غانرتاح كيفاااااش هئ..هئ..
____بعد _ مرور _ اسبوع_______
..... فكر اصاحبي ماعندك حتى حل من غير هاد لحل ماتنساش انت دابا مزوج وعندك مسؤولية اكبر من الاول شوف مصلاحتك فين
عمار .. "وقف ومرر يدو على شعرو بعصبية" واش عارف اش كاتقول هاااا ؟! بغتيني ندير يدي فيد الشخص لي كايتعتابر اكبر منافس لبابا ولي كان ورا لحادت لي وقع ليه قبل 15 سنة ولي بسبابو كان غايموت " بإصرار " مستحيل وبليز سد عليا هاد الموضوع
..... على اساس باك غامسوق ليك ياك جرا عليك وخلاك على لحديدة انا لو منك مانتلفتش ليه مزال فهاد دنيا نفسي نفسي كاتسمع نف_______ قاطعو بحدة'
عمار .. "بعصبية " منعمممممممممم "تنهد " سد عليا هاد لقلا******** جيت لعندك باش تعاوني ماشي باش تحرضني على با ادا باغي توقف معايا مرحبا وادا لا خليني ندبر على كر***** فجيهة اخرى
منعم .. "ببتسامة صفرا " برد اصاحبي برد "مد ليه كاس من البيرا " كالما حنا غير كانهضرو احم انا غانشوف ليك تصريفة
عمار .. "جلس فالكانابي وكايمرر يدو على شعرو بعصبية "هاد الوضع ما عاجبنيش المشاكل طاحو عليا كيف شتا بابا من جيه ووئام من جيه وداك لق******* دطوماس من جيه
____فمكان _ اخر__________
باتول .. شوفي حالتك كيف ولات ضعافيتي ووجهك ولا صفر تقول داخلاك الموت صافي البنت تزوجات ولي عطا الله عطاه علاش كاتهلكي فصحتك هاااا واش نسيتي بلي راك حاملة ؟! ثم صقر اش دار ليك همم ؟! ياك دار مافجهدو بهاد شكل غاتخربي زواجك سيد مابقاش كاع كايشوف جيهتك بكتر ما كاتبردي فيه سمك ايوا بقاي حتى ضيعيه من يدك وديك ساع اجي عندي تبكي
ريحان .. "شافت فيها " انت غير كاتهضري البنت مزال صغيرة مابغاتش تدخل ليا لدماغي كيفاش تزوجت كتر من سيمانة ماشفتهاش وتيلي ديالها طافي كيفاش بغيتي حالتي تكون هاديك راه ختي واش كاتسمعي ختي زيد عليهم ديك لالهم فاطمة منوضة روينة ماحليتي ل عماد لي ولاجافر وفاطمة غاتخرجو على طوعو وغايضيع مستقبلو ماحيلتي لوئام لي لارض نشقت وبلعتها عاد جاية تقولي ليا صقر هااااااء مزيان ولهيلا مزيان صقر لي هامني فهاد ساع "قلبت عينيها وزفرت بعصبية بدون ماترد لبال لصقر لي دخل وسمع كلامها وشاف كيفاش قلبت عينيها كرز على يدو وطلع لطابق الثاني بدون مايقول حتى كلمة او يرجع يشوف فيها مرة اخرى باتول حلت فمها وخرجت عينيها ف ريحان لي حست بوخز ف قلبها وماحملتش راسها لكن سرعان ما نفضت عليها الاحساس بدنب ورجعت كملت كلامها ...
ريحان .. قلبي عليا هاد سيرة عفاك
باتول .. "هزت صاكها ووقفت " عومي فبحرك ابنت الناس "تخطااتها وخرجت تحت انظار ريحان لي وسعت عينيها على االاخر وجلست تكلم نفسها ...
ريحان ..علاه اش قولت انااا حتى تخليني وتخرج هاااااء "شدت راسها بيدها " الله ياربي راسي غايطرطق هاد شي بزاف علياااا
اول مادخل للغرفة لاح لاڤيست فالارض بعصبية وحيد لكرفاط لاحها بزعف وجلس فطرف دسرير صدرو كايطلع وينزل بعصبية وعروق يدو ورقبتو بارزين جبد سيجار شعلو وجلس يكمي ودمو كايغلي بعد ماكملو توجه لدوش ودماغو كايدور سبعة دورات تخشا تحت رشاشة وعينيه حمرين كيف جمر وكلامها كايتردد داخلو ...
كان جالس فالمكتب ديالو داخل القصر مكتب طاغي عليه الون الاسود القااتم وسيجار من نوع الفاخر فيدو كل مرة كاينتر منها نترة وكايخرج دخان من انفو بعد دقائق طرقت الباب ودخلت بعد ماسمعت الادن _______
امال .. قالت ليا رئيسة الخدم طلبتيني
أوس .. نتر نترة من سيجارة وتكلم بصوت رجولي " جلسي "اشار ليها "
امال .. انا ماجيتش نجلس ونضايف اش حب لخاطر " زيرت فمها وقلبت عينيها بعصبية "
وقف وتوجه ليها بخطوات تقيلة وعينيه ف عينها جدبها لعندو وزير على الفك ديالها "
أوس .. اش كايسحاب لقح***** مك هاااا امكن نسيتي بلي انت وحدة من الخدم لي عدني ولي كانعطف عليهم ب دراهمي
امال .. "ستجمعت قواها ودفعاتو والغضب متمكن منها " انت غالط ماكاتعطفش عليا انا كانخدم وكاناخد دراهم من عرق كتافي كاتسمع من عرق كتافي "وركت على كل حرف وعينيها ف عينيه " وياريت تخليك بعيد عليا حسن لك وعندك ظن بلي غاتقدر تخوفني راك غالط "يالا جات تخرج وهو يجرها من دراعها بقوى وزدحها على الحيط وكالاها بيديه بزوج رعروق رقبتو بارزين تكلم من تحت سنانو وغينيه نقطة دم والعرق نازل مع جبينو ....
أوس .. ظاهر لي ماعارفاش راسك شكون هذا لي قدامك وخطورة عنادك خليها حلقة فودانك طلعتي نزلتي كاتبقاي وحدة من الق******* لي كايهزو ليا رجليهم كل ليلة _______قرب منها اكتر واكتر حتى تخلطو انفاسهم وكمل كلامو لي كيف سم وعينيه ف عينيها _____
وخلي حتى هادي فبالك غاتجي لعندي وتترجايني باش تكوني تحتي وغاتزهي ليا رجليك بعد ما تترجايني كيف لكلبة وديك ساع عاد غانفكر واش نعطيك شرف تكوني معايا ف فراشي ولا لا "غمزها قبل مايدفعها بعيد عليه حتى جات منشورة فالارض خدا سيجارة ورجع كايكمي وعينيه ف عينيها جنون بداو يشطحو فوق راسها جمعات لوقفة وتوجهات ليه والغضب عامي عينيها ......
___فجهة __ اخرى _______
بعد ما خدا دوش لوا الفوطة على نصو وتوجه لدرسينغ لبس سروال جينز مع تيشور فالابيض نشف شعرو وردو لور ولبس ساعتو اليدوية ورش عطرو عاد خرج من الغرفة عاقد غوباشتو فطريقو جات عينو ف عينيها ضرب ليها تخنزيرة خلاتها تغرق ف حوايجها وخرج بدون ما يكلمها جلست فالكانابي وكاتاكل ظفارها من الفقصة وكاتكلم نفسها .....
ريحان .. هذا مالو كايخنزر فيا اش درت ليه هااااااء "زفرت بعصبية وتوجهت للغرفة لقاتها مقلوبة سفاها على علاها تنهدات وبدات كاتجمع فيها ودماغها كايدي ويجيب
طلع فلوطو ديالو وكسيرا ف تجاه الشركة دخل ديريكت للمكتب والسكرتيرة وراه كاتجري وكاتهضر بزربة فنفس الوقت ...
السكرتيرة .. ميسيو من دابا ل 15 دقيقة عندك اجتماع مع زبناء الجدد وفاليل مع 21:00 بضبط كاين عشاء عمل ف مطعم ***** مع الزبون الامريكي ركاردو طوماس "حطت ليه الملف قدامو " واذا سمحتي وقع ليا هاد الاوراق و....."قاطعها بعصبية "
صقر .. دو دوو دوو خرجي عليا وماغانوقع حتى خرا برااااا
سكرتيرة .. ل لكن م___قاطعها بحدة " برااااا
كانت جالسة ف طوبيس فالمقعد لاخير وحاطة راسها على زاج ودماغها سارح وكاتفكر
#فلاش_____#باااك______
امال .. بزاااف عليك ولهلا يوصل يديك لرجليك حتى نكون وحدة من لق***** لي كاتهضر عليهم عشم ابليس فالجنة عند بالك كاع لبنات ميتات عليك دير فبالك لاانت ولا هاد لقصر دخرا ديالك ولا طنوبيلات دلويل ديالك ولا فلوسك ولا خرااك هامني ومافايقاش ليك من نعاس كاتسمع وهاد لخدمة شبع بيها بزاف عليك حتى نكون وحدة من الخدم لي عندك "عطاتو بظهر يالا حطات يدها على لبواني باش تخرج وهو يوقفها صوتو .................
أوس .. انا لو مي مشلولة وضارباني لحزقة حتى لودن كنت غاندير لمستحيل وغانستغل اي فرصة تجي فطريقي على قبل مي وعلى قبل لحزقة لي ضارباني لجدرت لودن "تبسم بخبث "
امال .. "تلفتت ناحيتو " اش كاتخور اش وصلك لمي اش كاتخ__ ردت الكلمة من فمها كتمت غضبها وزمجرت " تافه "شافت فيه والغضب مخليها كلها كاتغزل " اش كاتقصد بهاد تخوار هااااا !!!!
أوس .. "جلس ودار رجل فوق رجل وكاينتر من سيجارة " قصدي واظح وظوح شمس فنهار جميل انتي ذكية بما يكفي "عتدل فالجلسة " اوك نقول بلي انت وحدة مكلخة وناخدك على قد عقلك "وقف وتوجه ليها " كيف ما كانعرف مك وحدة مشلولة عندها شلل نصفي ومؤخرا جاها نهيار عصبي خلاها مليوحة فديك زبالة دسبيطار ابن سينا لي هو سويسي والسبب مشكل نفسي ولاطباء ماعندهم باش يفيدوها ما عادة طبيب مختص فالامراض نفسية ولي تكاليفو باهضة هذا اذا بغيتي طبيب نيت ماشي خشيبة وانت وحدة حازقة عليك دنيا وعاطياك بقاعها ماعندك باش تفديها ما عادة ادا "كايشوف فيها بشهوة " عريتي على قاعك وهزيتي رجلك وهزان رجلين فيه وفيه كاين لي غاتهزي ليه رجليك ويلوح ليك 50 درهم بعد مايخوي فيك وسخو المسخة وفيه لي غايعطيك فلوس صحاح ولي بيهم غاتخلي ديك العقروشة دمك توقف على رجليها وشخص الثاني واقف قدامك "جدبها لعندو ولصقها عليه وحاول يبوسها من فمها "
امال .. "ستجمعت قواها ودفعاتو بكل قوتها وعطاتو لوجه " بزاااف عليك القو****** كاتسمع بزااف عليك
أوس .. "حط يدو على خدو وعينيه قطرة من دم هز يدو لفوق ونزل عليها لوجه حتى نقز دم من فمها وجات طايحة حدا رجليه تحنا لعندها وهزها من شعرها وقابلها مع وجهو وتكلم من تحت سنانو " كانقسم ليك غاتجي طلبيني كيف لكلبة وديك العقروشة دمك غاتبقى هاكاك مدام انت منشفة راسك غايضربوك لحيوط وغايتسدو لبيبان فوجهك كتر ماراهم مسدودين وديك ساع لينا كلام الق**** دفعها حتى طاحت " ودابا دوري تقود****** مانشوفش وجهك هنا وعمرك تحلمي تخدمي فشي بلاصة طوليط هي لخرا ماتحلميش تغسليها "نفض يدو بعد ما دفعها وقفات شافت فيه بشمئزاز وخرجت من عندو بدون ماتكلمو خرجات من االقصر وتوجهت لراس شارع دمها كايغلي ودمعتها فطرف شفارها وقف طوبيس وتلاحت فيه
___نهاية _ الفلااش _____
السائق .. الالة البنت نزلي هادي هي لمحطة لخرا "بصوت عالي " واااااا دار البيضا نزلي
امال .. "فاقت من سهوتها وشهقت " هاااااااا "تلفتت يمين وشمال لقات طوبيس كايسفر كاع ناس لي فيه نزلو هزت صاكها وخرجت منو فتجاه السويسي جلست قدام بابو حتى وصل وقت زيارة دخلت لداخل وتوجهات لطابق لي فيه رحمة مها
#المساااااااااء_______🌇
طول النهار كايدور بلوطو وسط لمدينة ولغا كاع لمواعد لي عندو بعد ما عيا توجه لبار جلس فمكانو المعتاد وطلب المشروب ديالو وجلس كايشرب حتى تقلبو عينيه كتر من المشروب ولاو عينيه حمرين كيف جمر وكلامها صداه كايتردد فمسامعو وعرق مطراسي فجبينو رتشف المشروب حتى لجغمة الاخيرة عاد خرج من البار كايميل يمين وشمال وقرعة المشروب مزال ما مفتوحة فيدو طلع فلوطو وتوجه لبحر وقف بسيارتو فوق الجرف ونزل منها بتتاقل ____
____بعد منتصف اليل ____
كانت غادية جاية والخوف مالي قلبها وكل مرة تهز عينيها وتشوف فالساعة ...
ريحان .. الله يابي لوحدة ونص هادي فين غايكون "ضربت بيدها على راسها " اخخخخ منك اريحان اخخخخ اش درتي شنو ذنبو هو فهاد شي كامل اش داني نقول داك لكلام "تنهدت وجلست فوق الكانابي بقلة حيلة والندم غاياكلها " فالجهة الثانية كان صقر جالس فالارض ومتكي على لوطو وكايشرب المشروب من القرعة ودماغو كايبني ويريب ...