طاحت فاطمة الزهراء نعسات مفقوصة .
الصباح بكري فاقت قبل من كلشي لبسات سروال دجين ونفس حوايجها باش جات وخرجات ديمارات الطوموبيل ومشات تسول على راسها ، قصدات محكمة الاسرة كتجمع المعلومات . جلسات مع محامية كتشرح ليا القضية حتى كيصوني مشقوفها اللي فكل مرة تعصب ضربو مع الارض وترجع تجمعو .. مابقاش لافيشور كتشعل ورجع كيصوني بلا مطلع النمرة ، مع فتحات الخط كان باها غيخرج ليها من التيليفون بالغوات
الاب : ااااالو فين مشيتي؟؟
فاتي : انا فالمحكمة
الاب: بغضب ) واش غترجعي لوالديك للدار ولا نوريك المحكمة .. بقا ليك المحاكم الله يخليها تريكة ... اجي للدار داااااابا
فاتي: راه قلت ليكم باغا نطلق ومغنتسناهش يطلقني على خاطر خاطرو
الاب: واااا الله ينعل وااااالديك الكلبة ... بغيت تسمعي هادشي .. ايوا الله يحرق طوااااسلك وطوااااسل طواااسلك... سمعي مترجعيش عندي للدار مانشووووفش كمااارتك يخخخ ... تفوووو ... مللي كديري اللي فراسك ماكتشاوري حد سيري درقي علينا كمااارتك وماتجيش عندي نشوف وجهك
قطع ليها فوجها خلاها كترعد بالفقصة . ولاكن هادشي ماخلاهاش تراجع على قرارها ... باها محاسش بيها غرضو يردها لدارها وكاع هادشي اللي وقع ليها ماعطاهش اهمية .. عادي هادو هما الاباب اللي عندهم عقلية بلدية .. ضرب المرى و لا الهضرة مع وحدة اخرى كيدوزوخ بجمغة دالماء . ديما يردو اللومة على بنتهم ويقولو ليها صبري . ولاكن فاتي ماشي النوع اللي كيصبر ولا يدوزوها بجغمة دالماء .
كملات الهضرة مع المحامية وعاد مازادت شدات الضدد وزاد طلعات ليها السخونية بمعيور باها .. ايوا صااافي يخونها ويخرج مع غيرها وفاش تغضب يتقلبو عليها واليديها حتى هما ! كلشي بسبابو وكاع اللي وقع ليا منو هوا .. هوا اللي قلب ليها حياتها سافها على علاها من بعد ماكانت مستقرة فدارها ... ودابا حتى باها جا من جيهتو هوا تقول ماشي بنتو !
خرجات من المحكة شاخدة .. عوالة تبيع الثلاجة وتعطي للمحامية الدفعة الاولى من الفلوس وتعجل ليها بالطلاق بلا ماتبقا مجرجرة جلسة مور جلسة .. مستاعدة تخلص براتها وتندمو وتوريه باللي ماشي صافي خيت كتبغيه تبقا لاسقة فيه وتقتل عليه الروح .
يالاه بغات تركب فطوموبيل وهوا يوقف عليها باها مكشكش هوا واءل . شافتو وتخلو عينيها عرفاتو غيضربها ولا يدير ليها شي شوهة تما .. وداكشي اللي كاين مشا عنظها نيشان بغا يجرها وصدق واءل اللي كيفك بيناتهم ما خلاش باها يحط يدو عليها ، مكانش واءل متوقع امشي للمحكة يكبر الموضوع لهاظ الدرجة .. وحتى واحد مقادر يوقفها وحتى من باها لللي صعيب وكتموت منو . الشارع دالمحكمة مامل كيتفرج فاتي وهي كتبكي وترجع اللور وباها كيغوت ويزيد يكرهها فكلشي ويقدها على واءل بهادشي اللي كيدير . كدور دور وترجع تمسح فيه كلشي .. هوا السبب حتى وصلات لهادشي
واءل : اجي اعمي .. اجي بررد .. برررد وجلس ترتاح ماشي بالضرب ولا الغوات كيتحلو المشاكل
جرو كيبرد فيه دخلو للطوموبيل جلسو ورجع عند فاتي اللي واقفة حدا طوموبيلتها كيهضر معاها بشوية
واءل : وصلنا المحاكم والطلاق افاتي ! نسيتي 5 سنين ديال العشرة قبل الزواج وعام وسقف واحد جامعنا ونجي نشتتو الشمل! ماحشوماش عليك؟
فاتي: بكره) هاد الهضرة عاودها راسك نتا ... نتا اللي مادرتيش بحساب العشرة و مشيتي كتلعب مور ضهري .. حشوومة عليك نتااا
واءل : وصافي احبيبة سمحي ليا نرجعو كي كنا ... نحلف ليك باش ما بغيتي عمرها تعاد ... غلطة وهادي اللولة وهادي اللخرة
فاتي: غييير بلا متصدع راسك ... مانقدرش نعيش معاك تحت سقف واحد ومستحييييل نرجع ليك ... باغا براااتي ... كرهتك ونتا اللي وصلتيني لهادشي هادشي ... ديك الساعة اخويا مللي وليت نبان ليك خايبة اجي قولها لياااا .. اجي قول ليا اختي راه مابقيتيش معمرة ليا عيني... وانا غنهز قشاوشي ونمشي بحالي ماشي طعني فضهري ... وانا اللي جالسة نضل نشكر فيك ونضرب بيك المثل.. راجلي راجلي راجلي وفاللخر طيحتي ليا وجههي فالتراب وخليتي كاع الجيران وصحباتي يضحكو عليا ... شوهتيني قدام مريم اللي كنضل نهتهت بيك قدامها ... قلت الى تلاقات بيك غتجمع وطوي و ماتعطيهاش وقت .. ساعة بقيتي جااالس معاها العشية كاملة وانا حااااضياك من بعيد كيفاش فرحان وكضحك .. واخا اللي مسيفطاها متصورش كفاش كنت نشوفك معاها فديم اللحضة ... بهدلتي بيا ودابا جاي باغي نتسامحو !
واءل : ونتي ماشوهاينيش قدام الدري صاحبي ! اش يقول عليا مراتي خارجة ليها!!! باش عرف هوا اش واقع ومفاهم وللو .. فهم غير اللي شافت عينيه .. كفاش مراتي جايا وباغا تجمع مع صاحبي ... حساب ليك انا متشوهتش! مشا ماخلا لمن قالها ... ووجهي اللي رديتيه ليا كولو دفال خاصو غا سويركلاص !
[23/1 19:09] بارت: فاتي: غانجيك من للخر اواءل باش ماتبقاش تعرض ليا ... انا باغا نطلق .. طارت معزة نزلت بقرة ... وماتبقاش توريني كمارتك وتزيد تحرش با عليا
واءل : واحق الرب مكنحرشو عليك .. شنو زعما دابا صافي هنت عليك انا ! دغيا بغيتي نتفارقو ؟ (قرب منها ) فاتي انا كنبغيك ونتي عارفة هادشي والله مانعست لبارح ولا شفتو . . . فنضرك كن مكنبغيكش غنبقا لاسق بحال هاكا ... من غدا نجيب وحدة اخرى
فاتي: جمع عليا يديك اللع يعطيك الكرض وكتقول فيها بوجهك حمر اشلاهبي! ... سير جيبها شكون شدك انا عطيتيني غير براتي والله يجعلك تغرق نتا وياها . . بغيني ولا عاود راسك واش نتا غادي عنظ وحدة اخرى وكتميساجا نتا وياها وجالس عليك كنبغيك كنخرى خليك .. سير بغي ولا جلس
واءل : وياك ديك الوحدة هي نتي وكن ما كنتي نتي اصلا ماكنتش نرتاح ليها وقلتها لديك بنت لق**** دصابحتك قلتها ليها فوجها نهار جات عندي . ونزيدك ديك صاحبتك عيطات ليا لبارح وحالسة عليا بشي هضرة واه حقا عييت فيها ماديرش هاكاك وهي مكتسمعش وانا مكنتش بغيت ندير معاها هاكا وهي بززات عليا وسمح ليا خويا واءل .. فين كتعرفني هيا باش تعاود تعيط ليا ! والصباح مسيفطة ليا مسج جالسة عليا واءل خويا لاباس عليك!!! راه دوك صحاباتك هنا اللي غيخرجو عليك ... فوجهك تقول ليك هضرة وانا كتعيط تمسكن عليا وتبرء راسها ماعرفت اش بغات مني هاد صاحبتك!
فاتي: واسير عندها تزوجها هي مالك كتقراي عليا الزابور نتا وياها .. هي بنت لق**** ونتا كتر منها .. الكلب والباكتيريا مكيتفارقوش .
طلعات فالطوموبيل خلاتو واقف كينغل ماحاملش راسو وهي كتسب فيه وتصبن ومقادر يدير ليها وفنفس الوقت ندمان .. رجع لطموببلتو عند باها وطلع . غاديا فالطريق وكتصوني على مريم معصبة وباها فتفس الوقت تابعها هوا واءل من اللور كيصوني ليها فالتيلي معصب
الاب: ماعرفت معامن كتهضر هاد المسخوطة مابقات ضرب حساب لحتى واحد ... لغيت نقول ليها غير تمشي للدار ماتمشي لحتى بلاصة وتيليفون كتهضر فيه
واءل : لارد
واءل مابقاش بيه السوفل اللي يهضر بيه .. وصلات بيه للطوب وتزير وبغا عقلو يخرج مع فاتي اللي مانواش يخرج منها هادشي كامل .
فاتي: الو
مريم : الو فاتي
فاتي: النم هادي ماشي فاتي يا بنت لق**** دايرة ليا فيها سفيرة النوابا الحسنة كتصوني ليه زعما باش تباني بنت داركم ويتزوح ليك البايرة .. هانا نخليه ليك ..الكلب والباكتيريا يا ..... تيت تيت تيت
مريم ماجاوباتهاش قطعات ليها الخط فوجهها وهنا اكدات ليها صحة كلام واءل عليها . صونا ليها تيلي مرة اخرى وهي تجاوب
فاتي: الو
الاب: شوفي سيري للدار تما غنتفاهمو ماتمشي لحتى بلاصة..
غوتات فاتي ولاول مرة على باها : ماغنمشيييش جريييتي عليا الصباح صافي خليني نعوم بحري ولا غنخشي عاد الطموبيل فشي رموك ونتهنا ...
قطعات تيليفون وبدات تبكي على زهر الاب والراجل والصحبة الغدارة ... حتى كيدخل فيها رموك من الجنب كركبها مع الشانطي هي وطوموبيلتها حتى كلاها حيط ديال واحد القرض الفيلاحي جا شوكة تهرس فيه الزاج وناض كلشي مخلوع واقف على الكسيدة اللي وقعات
[23/1 19:11] بارت: الاسعاف كتجري وواءل وبابها تابعينها كيطيرو .. باها كيرجف وواءل عقلو غيخرج من بلاصتو . كانت كسيدة خايبة خلعات كاع الناس اللي دايرين من ديك الطريق .
وصلات لومبيلونص للكلينيك ونزلو منها فاطمة الزهراء كلها دمايات وججها مكيبانش . الاكسيجين على نيفها ومغطية بغطاء ابيض وكتخل عينيها وتسدهم وتأنأن بصعوبة بحال الى كتموت .. عينيها مقلوبين وكتحرك راسها يمين وشمال بزز .. الفرملي حاط يدو على راسها وكيطلبها متحركوش . باعا داخل موراها كيفيبري بالخلعة ويتمتم ويديه كيرجفو ميطلب غير الله وفي فمو كلمة الله .. انا واءل لاسق حداها مخلوع وكيعيط بسيميتها ويشوف فيها كتحل فعينيها وتسدهم .
دخلوها فحالة خطر وسدو الباب خلاو باها وراجلها واقفين والخلعة كتسري معاهم كل واحد فين واقف حامية فيه البيضة.
عمر الكلينيك بالعاءلة دواءل والعاءلة دشيماء .. كلشي كيسول كفاش وقع وشنو طرا وحتى واحد من باها وواءل مقاظر يهضر ولا ينطق . لسانهم تقال وغاديين جايين غيتسطاو .. المنضر ديالها وهي كتجبد من الطموبيل كاملة مدكدكة والبوليس والحيحة والروينة نايضة مزال قدام عينيهم مابغاش يتمحى .
ماخرج عندهم الطبيب حتى غفر ليهم ربي الدنوب .. مها كتلاوح من جهة لجهة بغات تسطا خايفة بنتها تموت وباها جاه الشلل ماقدرش يوقف وكولو كيترعد
داز عليهم نهار كحل عمرهم ينساوه .
نجات منها فاطمة الزهراء وتبعتات من جديد .. حتى قالو موحال تعيش لاكن ربي كبير كتب ليها عمر جديد .
خرجات من الانعاش مغيبة كلها مدكدة من يدها ورجليها وعنقها والفاصمات على وجهها .. تقاس ليها حمكها وتجرح جرحة خايبة بالزاج وجبتها تقاست دارو ليها فيها 4 دالغرزات . حولوها لبيت اخر معلقين ليها السيروم والاكسيجين على نيفها وخلاوها فوق بياص فبيت مهوي . دخلتت عندها عاءلتها طلات عليها شوية وخرجهم الطبيب خلاوها ترتاح مغطية .
تقلب باها على واءل ونوض معاه الصدع قدام العاءلة كاملة . .مسح فيه كلشي حتى ساق كلشي لخبار للمشاكل اللي واقعة بيناتهم . حتى من واءل لام راسو وسكت ماقدرش يرد عليه .. باش غيرد عليه؟ اش غايقول ليه؟ يكفي هادشي اللي وصل ليه وصلها ليه حتى هي ، تدخلو خواتاتو بخيط ابيض يسكتو باها لاكن نتض ليهم كاملين ماعقل على تا واحد فيهم لا لكبير لا الصغير ومخلاش ليهم من المنقي خيارهم حتى خرجو من الكلينيك ماراضيينش . بقات غير ام واءل ساعة تا هيا دار فيها وقال
الاب : الاااللة مابقينا منكم ما بقيتو مناااا .. على زين ترابيكم بسبب ولدكم شوف شنو وقع لبنتي الله ياخد فيكم الحق . سيري عليا بحالك خرجي عطيني تيساع الموصيبة اش مزالة كديري هنا .. سيري تبعي ولدك الله يخليها عاءلة عندكم
الام : هلدشي عيب اللي كتقول كاع كنتخاصمو ونتصالحو ولاكن ماشي تجري علينا ولاهيلا عيب .
الاب: خرجي عليا نتي وبناتك من هنا عطيونا التيساع وغدا نوقف باباه فباب المحكمة .. عاطيه البنت يتهلا فيها ولا يضحك عليها وفقصها .. كن ماتت اش عندكم ماديرو ليا ديك الساعة ...
دخل واءل سمعو كيغوت على مو الوحيدة اللي عندو وهوا يتسيف عليه وجر مو موراه
واءل : قدر الله وماشء فعل .. باش تجي تسب فمي بحال الى ماعندها رجال ماعندها تا واحد يحامي عليها راه ما نسمحش ليك السي عبد الله ... عرف اش كتخرج على فمك راه كاع لسانا خاسر .. جريتي على خوتي قلتا هااانيا الراجل معصب الله يكون فلعوان . جريتي عليا قلت ماشي مشكل نستاهل .. ولاكن باش تبدا تسب ليا فمي وتجري عليها حتا يكون لكلينيك ديال بااك عاد اجي دوي معاها .. والطلاااق ما مطلقش واسطح راسك مع الحي
[23/1 19:11] بارت: شنق عليه عبد الله " الاب " وبدا يسب فيه ويلعن وهوا فيه غير كمشة ورقيوق وقصير ومعلق فواءل اللي بحال هرقل يهزو بيد وحدة يلوحو مع الباب .
الاب: بغضب ) واش باغيني نقتل .. واش باغي نقتل والديك خرج عليا عطيني التيساع .. عطيني التيساع الكلب
واءل كيترعد عليه بالاعصاب وشاد ليه فيدو كينهج : طلق .. طلق وعرف اش كتقول راه غنخسر معاك ونولي كلب ديال بصح . نعل الشيطان السي عبد الله ...
الام: كتفك ) وا نعل الشيطان حشوومة هادشي وعييب راك راجل بعقلك ... نعل الشيطان اللع يعديك وطلق من الولد حشومة هادشي اللي كدير ليه
ام فاتي : حشووومااا! حشووما اللي دار فيها هواا ... الرجال ميغدروش وهوا غذر بيها ... خرجي ولدك الله يرحم الواليدين علينا من هنا .. وميعادنا فالمحكمة .
تدخل السيكريتي فك بيناتهم وبعد السي عبد الله وهوا كيرجف و واءل كيترعد عليه وضهرو كامل عرقان .. كان يتمنى لو كان خوها ولا شي واحد من غير باها كان يخوي فيه بركان الغضب اللي كيحرق فيه كامل . كمدها فصدرو وجر مو وهي كتساب مع ام فاتي خرجها لبرى عند عاءلتو اللي واقفين ماعرفو يمشيو ماعرفو يجلسو . خرج كينهج ومو كدعي وهازة كفوفها للسماء برى حدا الطوموبيلات اللي مسطاسيونيين
الام : الله ياااربي تاخد فيهم الحق... الله ياربي بهدلهم كتر من هاد التبهديلة اللي دارو لينا (كتبكي)
واءل : صاااافي امي براااكة من الدعاوي واش فتيهم مطفرينو دابا لاحنا لا هما ... صافي برااكة الله يحفضك . ماعنديش فين تزيد شي نقشة
فايزة : الاخت) وباااقي كتجي منهم يا خويا باااز ! مادير هير مايطرا باس .. كتشوفيهم كيفاش جراو علينا قدام عينيك وخرجنا كنزطمو فجلايلنا ومزال كدافع عليهم !
واءل : بنرفزة ) مدافعت على حد ... وسكتونا برااكة من الهضرة .. كتشوفو بنادم كيغلي طالع ليه الخرا (ضرب طوبيل بيدو) وكتزيدو تشعلو فيه .
الام : يالاه ابنتي نمشي بحالنا
خوه الكبير: يالاه تمشي بحالك ماعندك مادير هنا
واءل : بغضب كيشير بيدو) راه مرتي هاديك اللي مرمية لداااخل كفاش ماعندي ماندير هنا !
الام: ايوا خليك مع مرتك الله يطليك بيها ... سكتنا ليهم حتى عيينا ومسحو فينا رجليهم .. هادا لله مالنا حنا اللي دفعناها !.... فااايزة يالاخ تمشي بحالك .. يالاه انسرين تمشي .. فؤاد يالاه خليه يبقا حداها مافيه نفس
واءل : بالون انا مافيا نفس! اففف (تقلب كيسوط )
فؤاد : غير سيرو غنبقا معاه شوية ونجي
طلعات الام وبناتها كيسوطو فالطوموبيل داتهم فايزة وبقا واءل متكي على كوفر طموبيلتو وحاط يدو على جبهتو ... هز راسو وطير الكاسكيطة زدحها مع الارض وخوه واثف مابغاش يخليه بوحدو فديك لحالة .. ماتعرف يتصادف مع عبد الله ويبقا يسب فيه ويصدق واءل مفوت فيه شي دقة وهوا على سبة .
فؤاد : مالك اصاحبي اش وقع بينك وبينها عاود ليا
واءل : خليني الله يحفضك افؤاد هاد الساعة مافيا اللي يهضر اففففف
وقف داير يده على جنابو وهاز راسو فالسماء كينفخ .. صونا ليه تيليفون وجبدو لقا مريم اللي كتصوني وجاوبها مغزف عليها
واءل : نعام اختي!!؟؟؟؟
مريم: لاباس عليك؟ بغيت غير نسولك على فاتي واش معاك حيت دارت معايا نتلاقاو ماعرفتش فاش بغاتني وكنصوني بيها مكتجاوبنيش؟!
فؤاد : واسيري ت***** الى عندك شي دار ق****** راه انا منصلاحش ليك .. سيري شوفي شي شيباني يصرف عليك فوتيني وفوتي مراتي عليك وسيري ديريها على شي دمدومة وضربي على نمرتي ولا غنجي لداركم نفرع ز""""" بوك تما كتسمعي(قطع)
فؤاد : مالك اش كاين معامن كتهضر!
واءل : مييك عليا
زاد داخل للكلينيك وفؤاد تابعو من للور
فؤاد : فين اصاحبي داخل واش باغي تنوضها مع باها ؟
واءل : وايمشي ي****** هاداك كيقلب عليا والى سميتو راجل دابا ميخلينيش ندخل عندها .
[23/1 19:11] بارت: دخل للكلينيك وخوه كيجر فيه ويساوي معاه حتى خرج السي عبد الله ومرتو بعد انتهاء الزيارة عاد مشا واءل هضر معاهم فالاستقبال وسمحو ليه يدخل .. دخل عندها لقاها مكاونسيا فبلاصتها حاللة عينيها مكتحركش وترمش بزز .. دخل عندها يائس كيشوف فيها وهي باغا تبكي .. دورات وجهها وهوا جالس حداها شاد ليها فيدها مدكوكة فيها لبرى وكيبوس فيها
واءل: سمحي ليا الحبيبة ديالي.. انا السبب فكلشي .. انا اللي وصلت لهاد ... لهادشي وماكنتش ناوي ولا فبالي نوصلو ليه
جرات يدها كتأنان متبغاتش تهضر معاه ولا تسمع ليه .. بقا ساكت تا هوا حادر راسو مكيهضرش ومالقا مايقول ليها .. حتى عيا وخرج خلاها ترتاح .
بعد مرور 3 اشهر...
دوزاتو فاتي فدراهم و واليديها دايرين ليها كي الماء لقليل ... مابقاتش كتشوف واءل وحتى نمرتها بدلاتها ... مشاكليهم بقاو متوقفين هاد المدة اللي كانت فيها مريضة ودايرة الجبص . قطعات معاه الهضرة وحتى هوا مكيقدرش يجي لدارهم وماعندو فين يشوفها حيت مكتخرجش .. باها مقابل ليها قضية لاصورناص اللي خرجات ليها فيها 18 لمليون تعويض ليها . وللطوموبيل ديالها اللي مشات كفتة وساوية كتر من داك الثمن اللي عطاوها ، كان واءل هوا اللي كيخلص لكلينيك من جيبو لوقيتة اللي دوزات فيه كاملة وحتى دوايات على بيدمن تشد فلوس باصيرونص ديالها واخا مكانش طامع فيها ولا فباها يرجعو ليه شي ريال .. من ديك الوقيتة ما عاود تصادف هوا وباها . كان يخليه حتى يخرج عاد يدخل عليها يطل عليها وهي ناعسة ويخرج .
رفع ليها باها دعوة ديال الطلاق ووصلات لواءل .. سيفط بيهم الناس كل مرة يسيفط شي واحد كبير يتوسطو ليه باش يرجع مرتو .. لاكن باها شد الضدد وحالف لا رجعها ليه . . . اما هي نفستها مدمرة ..غير ساهية وداخلة سوق راسها مكتهضر مع تا واحد ومكتجدب حتى موضوع ، لا ديال الكسيدة لا ديال الطلاق . براكا عليها غير الجيران اللي كل مرة يجي يطل عليها شي واحد فيهم ويفقصها بهضرتو.
متكية فوق واحد السداري دايرة بومامة دسيكاتريس لوجها باش يتمحاو الطبايع ديال الجرح على نية تشد الفلوس دلاصورانص و دير بيهم عملية تمحي طبايع لغراز اللي فجبهتها . دخل عندها لابس جيلي رمادي عامر جياب مع سروال توب وصباط هاز ميلف فيدو وقال
الاب : عاد جيت من عند المحامي .. غدا ان شاء الله الجلسة ... الى عندك شي ماتقوليه غير قوليه وماتنازليش ليه على حقك . راه سولتو على الدار واش تاخدي فيها النص قالك مايمكنش حيت ماعندك ولاد معاه وزايدون راهم بولادهم وكيخرجو بيهم يكريو.
حركات ليه راسها ورجعات تكات تسنط لعضامها .. شوية تسمع الدقان فالباب ومشات مها فتحات لقات جدات واءل وجدو هازين السكر .. مالقات مها مادير ودخلاتهم للصالة جلسو حادرين راسهم حتى دخل عندهم باها سلم بالنفخة وجلس
الاب: اش داكشي الحاج
لحاج لكبير لحيتو بيضة لابس جلابة فلكرونة ومرتو مرة كبيرة بيضاء فوجهها دايرة فولار ابيض وجلابة باج
الحاج:: بلا شك راك عارفنا علاش جينا
عبد الله : اييه ... ومابغيتش نردها ليكم فلوجه ونقول ليكم راه مكاينة رجعة .. الدم تقطع السي الحاج ولا ديرهاش مني قلة الصواب... مابقات ليها رجعة عندو .. يعطيها براتها وغدا نفضيو هاد الروينة
الحاجة : نعلو الشيطان السي عبد الله ... الولد مسكين رجع حالتو باغي مرتو ... صفيو الخواطر ونعلو الشيطان ودير بوجه العشرة ... عيط لينا على فاطمة الزهراء نهضرو معاها تنعل الشيطان .
الحاج : غير ترجع راجلها واللي حلات عليها فمها يحضرها ليها ... ولاهيلا حشومة هادشي السي عبد لله
الحاجة : كتعيط ) بنتي فاطمة ... ابنتي فااااطمة اجي ابنتي لهنا نهضرو معاك
السي عبد الله : ماعندها ماتقول الحاجة ... البنت صافي بغات براتها يعطيها ليها ... مايبقاشاي كل مرة يسيفط ليها شي واحد
الحاج: لا حولى ولاقوة الا بالله .. ان ابغض الحلال عند الله الطلاق... الولد كيبغيها السي عبد الله واه ... هاحنا ولينا نهضرو بلغة المراهقين عاوتاني! مرتو هاديك وراه مريض عندو داك غدا ديال المحكمة بحال المأبد . . . راه باغي مرتو ومهانش عليه يطلقها .
الحاجة : خليها تخرج عندو تهضر هيا وياه ... يتفاهمو ويرجعو لدارهم علاش نوقفو فطريقهم .. خزيو الشيطان و خلينا نهضرو مع البنت ونرجعو ليها عقلها و ترجع عند راجلها