🌼🌼فمقهى قريب من البحر..
ذو الوان فاتحة وكاتدخل البهجة والفرحة والسرور غلى القلب..الشيء اللي محتاجاه ريم...وبالصدفة كانو ألوان ملابسها مشابهين لألوان المقهى..
بقااو كايهضرو ويجمعوو وكاتحاول تطلق مع إليناا اللي باينة ماعاجبهاش الحال حيت هي معاهووم وكاتضحك مع مروان...بقااو كايهضروو على الطب والدروس والكلية..حتى لاحظ مروان إنزعاج إلينا وعدم إرتياحهاا ...شد من يدها وسولها...
-مروان:إلينا حبيبة ماعجبكش هناا..ندخلوو للبحر..
طلقات ريم ضحكة بلا ماتحس ودغيا جمعاتها..هنزر فيها مروان بمعنى سكتي..دور وجهو يمين وشمال ودار عند إلينا..
-مروان:وااش تقلقتي حيث كانهضر أنا وريم ولاا حيث ضحكناا قبيلة فالطونووبيل؟!راماضحكنااش عليك احبيبة غيتفكرناا موقف طرا ليناا قبل..را أنا وهاد خايتي هاكدا كانديرو مني كانتلاقاو..
-إلينا:لا عادي خودو راحتكوم..
فلتات يدها من وسط يديه وناضت تمشي للمرحاض ..
-ريم:مروان الاا درت ليكوم شي بروبليم نمشي فحالي..
-مروان:باغيااني نتقلق منك..هي دابا تولفك..بزز منهاا تولفك ابب..
-ريم:ههه تبقاش تقوليا بب داباا صافي رااك مرهون ههه قوليااا شنوو قصتكوم..
-مروان:من بعد ونعاود ليك..دابا لاا ههه
-ريم:(شدات حنيكاتو و جراتهوم ليه)هايهااي على خويينز..وليتي عنيبة أساط 😉😂
مروان:(شدها من عنقها ولصق ليها وجهاا مع الطبلة)غانملخ مك...لا أنا زبيبة
-مروان:ههه احح لا باقي ماوصلتي للسطاج د الزبيبة..حتى تكبر ابب هههه
-مروان:(دور وجهو يمين وشمال)والله حتى حمق اللي تاابعك ..كولي كولي وسكتي..إليناا بقات فالطواليط ؟!..
-ريم:نمشي نعيط ليها
-مروان:لاا غي كلسي باان لياا مارتاحتش لييك تصدقو مدابزين راا شويطنة هادييك الى حلفاتها فيك مشيتي فيها
-ريم:أودي رااقلنا ليك نبدلو ساعة بخراا ماكاتسمعش ..ياكماا تكون غاارت
ميل مروان شفايفو للتحت بمعنى الله وأعلم...
-ريم:شووف قوليهاا را مابينك وبيني والووو نصدق مخاصمة بينكووم كيف طراا لأشقر و فاتي..
-مروان:هادووك راا ديجاا كانو مخااصمين..
ماتديريش فباالك نتي ماعليك والووو..هاحح توووتة داكشي لااش كايغيرو منك ههه
-ريم:ربي ربي...
قرمعهاا مروان حتى شداات فراسهاا وكاتحك فييه بألم
-مروان:نوضي تجمعي ونتي تيقتي ههه
-ريم:سأخبر الله بكل شيء 😤
🌼🌼بجاانب المراحض وفمكان كايسمح ليهاا تشووف مروان وريم...واقفة إلينا كاتشوف فيعوم بغيض..وناار الغيرة كاتاكل فلداخل ديالهاا..ماعجبهااش منظرهوم بجووج وكيفاش كايتمازحوو..مزاحهووم ضااسر ..كيفااش حاطة يدهاا على خدودوو وكاتهضر...هادووك الخدود ملكها هي وبس..مامنحق حتى وااحد يقيسهووم...ماعارفااش باللي علاقتهووم كاتجااوز شيحااجة سميتهاا الحب...كاتجاوز الأخوة والصدااقة...علااقة باقي جدييدة ولكن وكأنهوم كايعرفو بعضهوم من سنواات ...كايفهموو بعضهووم غي بالأعين ..وماكايخبيو على بعضياتهوم والوو..حساات بالدموع كايعمرو فعينيهاا الخضراوتين ..طلعاات عينيهاا للفوق وبقات كاتنش على عينيهاااا باش ماتخليهوومش يخرجوو..
-إلينا:ماتبكييش غاتخسري ماكياجك وتباان زوينة عليك..هااه ماكياجي ..نمشي نقادوو..
دخلاات بسرعة للمرحااض ..وقفات قدام المرآة وبدات فعملية تثبيت ماكياجهاا..زادت فورصات على أحمر الشفاه..وزادت القليل من الهايلايتر على خدوودهاا لإضافة اللمعة...شافت فالمرآة بنظرة قوية ...خنزراات...وخرجاات بمشيتهاا الأنتوية...بحال شي عارضة أزياء ...نحيفة وطوييلة..وزايداهاا بالحذاء العالي..مؤهلاتها الأنتوية متوسطة...مطلعاا رأسهاا للأعلى..بخلاصة كاتبان إمرأة قوية..حدييدية ..صعب كسرهاا..وتقدر ديير أي حاجة ..أي حااجة فسبيل تحقييق أحلامهاا..
🌼🌼عند أشقر...
جاالس فغرفة فMagador kasbah اللي كاتواجد فأكدال..على بعد 2.3 من المدينة القديمة لمراكش..منهمك فعملوو..كايخط من هنااا..ويمسح من هنااا..من وجهوو باين أثاار العيااء..وكاتحوم حول عينيه البنيتين الجامحتين هالاات سوداء بسبب قلة النوم والطرييق..شرب كوب القهوة الخاامس على التوالي..حتى بداا كايحس براسو وكأنو كايكب الماء فالرملة..كيفاش باغي يكمل البروجي ومايديرش أخطاء وهو مامرتاحش..حتى من يدييه اللي شاد بيهوم القلم كايترعدو..
-أشقر:بفف يااربي عاوني..شكوون هاداا اللي داار هاد الفعلة..نكون زعماا بصح أناا اللي داير هاد ليفووط..أصلاا هاد الأيام كنت كانشرب بزااف ..
رجع راسوو للخلف وتفكر صديقو لا بل أخوه ديااب..
-أشقر:ولكن أنا ماقلت ليه والوو..يكون كايحس بشي حاجة من ناحية ريم..(خنزر وزير على قبضة يدو)لا لاا دياب مايديرهاش هو صااحبك ومايقدرش يخوونك..وأصلا كايبغي مرتوو..اللي ماتت يعني ممكن قلبوو يتحرك جهة ريم..لاا مستحييل يكوون هداا سبب كاافي اللي يخلييه يطج من الدار بهاد الطرييقة..أكييد هو زبلهاا عاودتااني وهرب لشي بلااصة..(ابتاسم)ااه شحاال من مرة كان عتقني فالبحووث ديالي..هههه باقي عااقل فااش عااوني فأهم اختباار عندي..وكون مانجحتش فييه يمكن ماكنتش نكون دابا هاكداا
🌼🌼فلاش باك
-أشقر:(بتوتر)صافي مشييت فيهااا..نتاا راك عاارفني كانبغي فاتي وو ومني تفارقناا ماقدرتش نتحكم فراسي...بسباب هادشي لاش كانتعااطى نسيت ماخدمتش على البروجي وغداا غايشدووه عندنا ليبرووف يااربي شنو غاندير
-دياب:عااد عرفتي ربي يا الز*** ..راك غاتولي مدمن..(حك نيفو وهو مخنزر)صاافي أناا غانعااونك ولكن هاا أخر مرة كانقسم لييك..
-أشقر:كييف غاادير شجاابك نتاا للهندسة..
-دياب:سكتنا أصااحبي ..الأهم هو غداا غايكون عندك البروجي مع الصبااح ...سير دوش ونعس ورتااح غداا يكون عندك..
فعلاا الغد جابو لأشقر اللي كان غارق فنومو...كيف قدر حتى وجدو.... شفروو من واحد الطالب مجتهد ذو أصول هندية فالكلية من حاسوبوو...كيف داار ليهاا حتى خداهوم عن بعد هو فمكان والأخر فمكان هو اللي عارف..ماكانش أمر سهل لأنوو بقاا سهران الليل كولوو وسط الحواسيب والخيووطة حتى قدر يجبدوو...خدا منو نسخة وجابهاليه فالصبااح بكري..وقاليه يبدل فيهاا حوايج بساط اللي يقدرو يتبدلو باش مايبانش التطابق..
🌼🌼رجوع للحاضر
-أشقر:هههه كان شيطاان وباقي شيطاان ..كولشي عندو ساهل...(مع نفسو)علاش تفكرتييه داباا نتاا ؟!..باش يعاونك تاني...ماتكوونش أناني يا أشقر.. دابااا يبان عاود تااني ماغايتعطلش بزااف...كانتمنى...
مشاا سد الريدوات دالبيت وطاح على فراشوو ينعس باش يرتاح ويستامد الطاقة باش يكمل عملوو وهاد المرة بدون مايعتامد على دياب..وفعلاا بسرعة غط فنوم عمييق اللي مستحيل شيواحد يقدر ينوضوو منوو ...وسااعدو على ذلك الهدووء دالمكان..لأنو ماختارش هاد الفندق غي هااكدااك ..إضافة لتصميمو الجميل اللي ممكن يلهموو بأفكاار جدااد...الهدووء والسكينة اللي فيه مناسبين للعمل...
من ديماا نعاسو الثقيل كان كايخلق ليه مشاكل مع فاطمة الزهراء...على ذكر فاطمة الزهراء شنو أخبارها؟!
🌼🌼عند فاطمة الزهراء..
بفستاان أسود ونظارات شمس سودااء وحذاء ذو كعب عالي أسود..أحمر شفاه ناصع ..حتى الإكسيسوارات سوداء..لا والأكثر حتى من شعرها صبغاتو أسود لشدة تعلقها بهاد اللون منذ دخولها لهاد المدينة..وكأنهاا في حدااد لفقدان حبيبها..خارجة من مؤسسة كبييرة كاتوقع خارج مدينة مراكش بعدة كيلوميترات...مكتوب عليهاا الفوق.." Marrakech Fashion Design"..حتى وقفات عليهاا سيارة..
-فاتي:(تحنات بشوية على النافذة وهي شادة صاكها بين يديها بجوج)هااي ميستر فراس..هااي الكتكووتة..
كاان شاب وسيم.. فالثلاثينيات من عمرو.. وفالخلف ديالو بنت صغييرة كيووت.. دايرة كرينات فشعرها..
-فراس:طلعي نوصلك مادموزيل راك باقي جدييدة هنااا وممكن يتصرف معاك شي موظف خايب..وخصووصا هنا الخلاا
-فاتي:(طلعات)ميغسي موسيو
-فراس:حيدي الرسميات بينناا حناا دابا خارج العمل يعني أناا ماشي مدييرك هه أوكي
-فاتي:أوكي فرااس
-فراس:تباارك الله تصميماتك زوينيين هوما اللي خلاوني نقبلك بسرعة وبلا مانفكر ..علاش ماجيتيش قبل..(بشوفاات غريبة..كاتفحص تفاصيل جسمهاا ووجهها الجميل)..
-فاتي:ماكتابش وصافي..
طوول الطريق وهو كايحااول يهضر معاهاا وكايسولها..وهي كاتكتافي بإجابات مختصرة..حتى وصلهاا للحي..
-فراس:نتي ساكنة فهاد الحي الشعبي..يعني ماخفتيش من الشماكرية هناا ونتي هاكداا بنوتة زوينة..
-فاتي:نو ماساكناش بوحدي وماعندي مناش نخاف هنا النااس شعبيين وعفويين بزااف ومتعاونين مع بعضهم..مالقيتش معاهوم مشكل..بسلامة عليك
-فراس:(شدها من يدها)بلاتي عندي ليك طلب وأكييد ماغاترفضييهش من مدييرك 😉
-فاتي:(دفعات ليه يديه)اشمن طلب اش كاتقول نتاا
-فراس:(مطلع يديه للفوق باستسلام)اووب اووب ماتفهميش غلط..بغيت غينخرجو نتعشاو بجووج ونتعرفو على بعضنا شنو بان ليك
-فاتي :(بتنهيدة وماحاملاش الوضع)واخا..
-فارس:أنا غانجي ليك ف 8 ..نلقاك واجدة
-فاتي:أوكي..
مشى فراس مخلي فاتي كاتمشى وهي كاتشعر بوااحد الدوخة غرييبة ..وكاتبان ليها الأرض كلها حفر و مطبات..حتى كاتسمع صوت نسائي من الأعلى...كان من نافذة صغييرة..
-المراا1:اوااا يا ختي مابقاو يحشموو الطونوبيلاات حتى للدرب
-المراا2:(من السطح دمنزل أخر)هاانتي تشوفي..شكون عرف تشفر ليا راجلي وعاد هي معرياا عليناا سيقاانهاا..
-المرا1:اواا صاافي شلاا ماغاتااخد تخلي الطونووبيل وتبع ليك باا المعطي الكلااس دالحماام(ياك قلت ليكوم هو البطل وماكاتسمعوش😌)اللي فراس مالو بيكالااا..
-المراا2:وماالو كيف جااك سييد الرجال ..علااه فحالك نتي يالهجاالة راجلك ماكمل معاك حتى شهرين ومات بالنحس اللي فييك..
-المراا1:اوااا يوااا حدك تمااااا ..فوتي علييك رااجليي رااميت...اشوفي ادييك اااه...
تمشات فاتي وهي كاتضور فوجها يمين وشمال لحال هاد الجوجاات اللي عاد كانوو متفاهمين حتى قلبوهاا سباط..ونسااوهاا كاع واش كااينة..
دخلاات لداارهاا البسييطة والمتوسطة الحجم اللي ولفااتها واخاا عاد أيام قلييلة دوزاتهوم فيهاا..لاحت حذاء فجهة والحذاء الاخر فجهة ..وكملات فطريقها وهي كاتحيد فأكسيسوراتهاا..وكل ماكاتمشى خطوات قلاال كاتحيد حااجة وتلووحهاا..مخلية وراءهاا خرااب...
🌼🌼فالمقهى
-ريم: الحمد لله ..
-مروان:إلينا بنتي ليا ماكليتي والو..؟
-إلينا :نوو غيدايرة ريجيم وصافي
-ريم:علاش احبيبة لاطاي ديالك ماشي د ريجيم راك ضعييفة بزاف! !
-إلينا :هه شنو بغيتوني نغلاض ونبان خايبة!!؟
-مروان:خلي عليك حبيبتي أنا باغيها كيفما هي ..واخا تكبر وتشرف غانبقا نبغيها..
-ريم:ندمتونا ..حتى أنا را ضعيفة و عارفة اش كاين غيدوينا 😑
اجييو طلو على إلينا فهاد اللحظة ...قلبها كايفرفر والابتسامة فوجها ...قربات ليه وباستو ففمو بخفة ورجعات لبلاصتها ..مخلية مروان كايشوف فيها بحب و ريم مصدومة من اللي شافت عينيها ..
-ريم:راعيو لينا حناا ..
-مروان:هه يالاه نخرجو من هنا جاني الملل...
وقفو ..حط الخلاص على الطبلة تمشى خطوات حتى كايحس بيد فيديه..دور وجهو ولقاها إلينا كاتشوف فيه بعينيها الخضراوتين..ابتاسم ليها وجرهاا لعندو معنقها..لحسن حظها هو طوييل القامة وكبير الحجم وإلا كان عليها تتخلى على الأحذية العالية
بقات ريم تابعاهوم من الوراء وكاتشوف فيهوم ..فرحات لمروان وبزااف كااع..يستاهل كل خير..يستاهل يعيش فسعادة كبييرة لأنوو ساعدها بزااف وطالما دخل الفرحة لقلبها..بحال دابا تماماا..كانت مأزمة بزااف وجاها الملل وغي جاا رجعات الضحكة لوجهاا..تدير أي حااجة باش ترجع ليه ولو شوية من الخيير اللي دار فيهاا ..تخليهووم بجووج أحسن يرتااحو مع بعضهم وياخذو راحتهوم..عاد بغات تفلت من وراهووم وتهرب..حتى شدها مروان من قرفادتها..
-مروان:فين كنتي غادياا ارتييلة ؟!
-ريم:عندي مايدار نخليكوم بجووج على راحتكووم
شدهاا من جنب كتافها وجرهاا ليه حتى دخل وجهاا مع صدرو اللي مالياه العضلات وعاطياه صلابة كبيرة..شافت فإلينا اللي كانت باقي شادة فيد مروان ..وكاتشوف فيه بشووفة حادة..أكيد فهمات شوفتها ما هي بنت بحالهاا وعارفة امور الغيرة واخا عمرها جرباتها...تنهداات وهي خايفة تفرق بينهوم الظاهر كايبغيو بعضهوم..
-مروان:غاتجي معايا للداار عندي ليك شيحااجة
-ريم:(مطلعة عينها فيه)بصااح شنو هي؟!
-مروان(رخف عليها)حتى تشوفيهاا..وبغيت نييت نتكلم معااك ...
-ريم:(بعدات منو)وااخاا
صغر مروان عينو فيهاا..خصوصا فاش بعدات علييه وماشداتش فيه كيف مولفة ..لا والأكثر بعداات منوو بقرابة متر..وحتى الابتسامة اللي عاد شاف ففمها قبيلة مابقاتش..دور وجهو جهة إليناا اللي حاطة راسها على يدو ومعنقاهاا..كانت كاتشوف فريم بشوفة انتصار ومطلعة حجبانها..وغير ردات البال لشوفاتو ليها طلعات عينها فيه وابتاسماات ابتسامة براءة..أكييد عارف شنوو كايدور فبالهاا..شيطاانة..باغة تقوول لريم باللي هو ديالهاا وبس ...كاتفيير عليه ...إذن تصرفاات إلينا اللي خلاو ريم تقلق هاكداا...سووء فهم وقع بينهوم..بغاا يحل بينهوم ويوضح لإلينا أنو مابيناتهوم والو...ولكن لاا..خليه يتفرج شنو غادير هاد المتوحشة دإليناا وكيفااش غااتداافع على حبهاا ليه..هناا فين غاايبان مدى حبها ليه..ويشوف ريم كيفااش غاتصرف..وواش الأياام اللي دوزااتها معااه قدرات تبدل ولا تنقص من حدة تصرفهاا ومابقاتش كاتسرع كييف كاينصحهاا ويقول ليها..ابتاسم لهاد الحرب الباردة اللي بيناتهووم..قرب حداا ريم وجرهاا ليه معنقهاا...مايسخااش بيها واخا يوقع اللي وقع...ولفهاا بزااف وولاات العيشة بلا بيهاا صعيبة بالنسبة ليه..حماقهاا وشقااوتهاا...وعمروو ينساا وعدو لأمهاا الله يرحمهاا بأنوو يعاونهاا فتحقيق أحلامها ويبقى معاهاا ديماا...زاد زيرهوم ليه بجووج ..بحال اللي كايقول ليهوم راكوم بجووج مهمين عندي ومانقدرش نستغني على وحدة فيكوم ...لجانبو الأيسر إليناا اللي حاطة راسها على كتفوو وجامعة فمهاا ومغوبشة بطريقة طفولية..وبجانبو الأيمن ريم بابتسامة مشرقة ..حاطة راسهاا على صدروو بسبب فارق الطول بيناتهوم ..ضحك حتى بانوو غمازااتو تكمشو عويناتوو...كانت عندو بنييتة ودابا عندوو جووج..يحسن عوانو مع هاد الجوجاات...
🌼🌼فمنزل مروان...
كلس مروان فوق الفوتوي..ومشات تخشات فيه إليناا...طلع عينوو فريم وحط يدو فالفوتوي لجنبو الأخر بمعنى أجي كلسي...شافت فيه ريم ومات بعينيها بمعنى صافي غي خليني..مشات كلساات فالفوتوي الأخر وبقات كاتشوف فيهوم..
-مروان:إلينا سيري أحبيبة حطي حوايجك فالبيت ودوشي باش ترتاحي..
-إلينا:لا غي خليني مرتاحة..
-مروان:(كايحاول يتحكم فأعصابو)حبيبة سيري للبيت 😊
-إلينا:(مخنزرة)واخا أنا مشييت..
تمشاات وهي كاتنتر بووحدهاا..حيدات حذاءها العالي وكملات للبيت وهي حفيانة..ضحك مروان لحالهاا وكيفاش دغيا كاتعصب عكسوو هو اللي كايقدر يتحكم فأعصابو..دار شاف فريم اللي كانت شااردة ..
-مروان:رييم..(حط يدو بجانبو)أجيي باغي ندوي معااك..
مشاات ريم كلسات بجانبوو وهي باقي مغوبشة..
-مروان:مالك واقعة ليك شي حااجة؟!..
عااد بغاا يحط يدوو على وجها وهي تدورها للجهة الأخرى..جمع يدو لعندو وهو فااهم أنهااا مابغاتش تجبد الصداع بينو وبين إليناا..ماهو كايفهمهاا غير من عينيهاا ومايفهمهاش دابا..
-مروان:احمم ريم ..شوفي فياا..ريم شوفي فياا راك بديتي كاتعصبيني...
طلعات فيه ريم عينيهاا اللي بداو كايعمروو دمووع...كاتحااول ما أمكن ماتبكييش وترجع الدمعة للدااخل..
-مروان:(شدها من يدها)رييم شنوو كنت كانقوليك هاا؟!..اعتابريني خووك بابااك اللي عجبك..وعمرك ديري بحااال هاكداا..نتي رااك كثر من ختي وحتى وحدة ماتقدر تبدل هادشي كيفما كانت..
خرجات ريم عينيها فيه بصدمة...
-مروان:ماتشووفيش فيا هاكداا راك عاارفاني كيف دااير..واش قالت ولا دارت ليك حاجة اللي ماعجباتكش ؟!الاا كان بصح أناا غانلزمهاا حدها وماغانخليهااش..
-ريم:(قاطعاتو وهي حاطة صبعها على فمو)شش عافااك شش...هي ماداارت والو..الحااجة الوحيدة اللي دارت أنها غارت عليك مني..وهادشي طبيعي ..لأنها شافت تصرفاتنا بجوج و ضحكناا أكييد عقلها هادشي اللي غايقوليهاا..أصلاا كان خاصني نلزم حدي من الأول..فالمقهى فاش كناا كانهضروو وكانضحكوو..وفاش قلت ليك نمشي نعيط عليهاا..أناا شفتهاا واقفة وكاتشوف فيناا..كانت كاتحااول ماتبكييش ..قوية بزااف..الذنب ديالي أناا ..أناا اللي ماكانفلح فحتى حاجة من غير كسر القلووب..كسرت قلب فاطمة الزهراء ودابا حتى إلينا ولكن والله والله ماكانقصدك كانحلف ليك مابخااطري اهئ اهئ ...
عنقهاا مروان لعندوو وبدا كايسكت فيهاا..
-مروان:شش برااكة من البكااا...كون كنت عارف هادشي غايوقع مانجيبهاش معاياا ونخليهاا فسلاا..
-ريم:اهئ نتا شنو كاتقول سكت غاتسمعك..ياك هي حبيبتك..غاتخلاا عليهاا على قبلي...
-مروان:كانبغيهاا ااه ولكن نقدر نتخلاا عليهاا وبكل سهوولة..اللي دار الغلط ماكانسمحش ليه..أناا ماعنديش شيحاجة اسمهاا فرصة ثانية..وهادشي دالغييرة راكبرناا علييه..راني عندي 34 عاام وهي 26 عام..واش هادشي دالمرااهقة يجي معااناا؟!ومن شكوون تغير منك نتيي..أناا قلت ليهاا باللي غانعرفك على صديقتي وكثر من صدييقتي..قلت ليها تتصرف مزياان مني تشووفك لأنوو عارفهاا قبيحة ولكن هي ماسمعاتش لياا..واش كون كاان كيف فباالهاا كنت غانديير قدامهاا؟!لاا كنت غاانخبي ..وماكنتش غانقوليهاا باغيك للزواج...وزايداهاا كاتجسس..أنا الحاجة اللي نديرهاا موراها نديرها حتى قدامها..(تنهد)كوون ما المرض ديالهاا ماكنتش غانسكت ليهاا على هاكداا أبداا...
-ريم:شمن مرض؟!هي مريضة..
-مروان:همم أصلاا كون ماشي هاد المشكل كنت غانعاود ليك...وعطلتينا ببكاك وخناينك..
-ريم:شنو هو المرض ديالها؟!واش هو سبب لقاءكم..
-مروان:تقريباا..ديجا تلاقيت معاها تقريبا 8 شهوور هادي..حدا واحد الموول ..كانو باغيين يشفروها شي برااهش وبدااو كايدورو بيهاا وهي مخلوعة وكاتبكي..واللي استغربت ليه هو حتى رااجل من تماا ماقال نمشي نعاونهاا بقااو كايشوفهاا..(بضحكة استهزاء)هه الرجلة رااحت فيها..تدخلت وسلخت دوك الز***..(عض ففمو)بفف ديزولي على تخصار الهضرة
-ريم:عادي عادي كمل..
-مروان:صافي بقيت معاهاا حتى سكتتات من البكاا ولااحظت أنهاا طول البكااء ديالهاا كانت شادة على صدهاا جهة قلبهاا ..ومرة مرة كاتشهق شهقة طوييلة..وفهمت باللي عندهاا شي مشكل إما فقلبهاا أولاا غير فجهازهاا التنفسي..عطيتها لاكارط فيزيت ديالي دالربااط..وحتى السبيطار فاش كانكون فسلاا..نسييت أمرهاا ..ودوزت حياتي عادي بين المرضى والعملياات والحالات المستعجلة ..وفااش جييت للرباط من بعد موت مامااك كانت هي رجعات لسلاا ومشات تقلب علياا تماا..خدات نمرتي من عند واحد الطبيب..ماعرفتش كيفاش قدرات تقنعوو ..صيفطات لي فواتسااب وقالت باللي هي البنت اللي عتقت ..أكيد عقلت عليهاا..هضرت معاهاا وعطيتهاا وقت ...طوالت المحاادثة بيناتناا..وتفاهمناا مع بعضنا حيث لقيتهاا ضرييفة بزااف وضحووكية..ماشي كيف كاتباان ليك داباا قاسية ..بالعكس ارتاحيت ليهاا..تبادلناا تصااورناا ووليناا ماكايدوزش النهار بلا ماندوييو..حسيت براسي وليت..
-مروان:..حتى ولييت كانبغيهاا..ماعرفتش كيفاش ولا ايمتاا ولكن وليت كانبغييهاا..قدراات تسرق قلبي بكلماتهاا و ذوقهاا وتفكييرهاا وعقليتهاا..قلت ليها باللي غانجي لسلاا..فرحات بزااف وقالت لي غانجي عندك..وفعلا جات عندي..فرحت حيث جات عندي ..ولكن الخدمة هي الأولى..طلبت منها تسنى حتى نكمل المرضى اللي عندي..وبقاات كاتسناني حتى للظهر..عاد خرجت عندهاا..تساالمناا وكأنو كانعرفو بعضنا من زماان..و عنقاتني وسط السبيطار حتى بداو الناس كااع كايشوفوو..دوزناا نصف نهار زوين وزدت تعرفت عليهاا كثر..وزاادت عجباتني بزااف دالجوانب من شخصيتهاا...عاد كنت باغي نعتارف ليهاا بحبي ليها..هه وهي تسبقني..وقالت باللي كاتبغيني..وباللي عمرهاا نساتني وديما كاتفكر فياا مني عتقتهاا..وقالت باللي أنا بطلها بحال فالأفلاام هه..فالأول جاتني غريبة كيفاش هي اعتارفت لياا..ولكن و بحكم كثر من نصف عمرها وهي فهولانداا ...تزادت فييه وكبراات فيه..بالنسبة لها هي ماشي عيب تعتارف بمشاعرك..وحتى أنا اعتارفت بحبي ليهاا...بقاات كااضحك وعاجبهاا الحال حتى شداات فقلبهاا من جدييد وهي كاتألم..قلت ليها وااش دوزتي وقالت لي لااا..بديت كانخااصم عليهاا حيث هااملة راسهاا وماادوزاتش ودارت فحص على راسها...مشينا ديك السااعة للمستشفى..درت ليها الفحص السريري وفحوصات الدم المخبرية وقمت بتخطيط القلب وفحصت صدى القلب ديالهاا اكتاشفت باللي عندهاا المرض الأكثر شيوعا اللي هو..
-ريم:(مقاطعاه وهي عاضة على فمها)متلازمة الشريان التاجي
-مروان:ااه ولكن كيفااش عرفتيهاا باقي ماوصلتوش لهاد المستوى؟!
-ريم:قريت عليها فكتااب شريتيه لياا...وضح لي أكثر على هااد المرض..
-مروان:المهم..فالأول كنت شااك فأنها كاتعاني منوو لأنوو الأعراض ديالو كانو فيهاا...الإختناق وصعوبة التنفس..الدبحة الصدرية..وكاتعرق بزااف...المهم كانظن راا عارفة ..الأوعية الدموية التويجية كايكونو مسدودين بالكولسترول و الدهون.
-ريم:(بصدمة)يعني الدم ماغايوصلش القلب..دونك ماغايوصلوش الغذاء و الأوكسيجين..
-مروان:ااه للأسف..كاينين بزااف دطرق العلاج الأدوية وحتى عملية جراحية..ولكن أنا فضلت وسائل وقائية لأنو الحلول السابقة عندهاا مضاعفات ..يعني خاصها تدير ريجيم وتبعد على كل ما هو دهني ومن أي حااجة تقدر توترهاا ..
-ريم:نااريي..ويمكن ليها تزاول أنشطتهاا اليومية عادي..؟!
-مروان:ااه عادي غي شوية دالحيطة والحذر..
-ريم:اووف وأناا اللي وترتهاا وكون وقعات ليها شيحااجة أنا اللي غانكون السبب..
-مروان:شش ماتقوليش هااكداا...خليناا منها دابا قولي لي شنوو خبارك مع أشقر؟!
-ريم:وليت كاانحسو كايتقرب مني وكايتصرف معاياا مزياان واخا مرة مرة كايغوت علياا..
-مروان:ممكن بدا كايحس بشي حاجة جهتك..
-ريم:لااا مستحيل ..
-مروان:علااش مستحيل..شنو فيهاا عطيه فرصة ممكن زواجكم ينجح وماتحتاجوش للطلاق كااع ..
-ريم:أصلا قالي الطلاق مانحلمش بييه..دابا قولي شنوو جبتي لياا معااك
-مروان:ياا ربي السلامة ماكاتنساايش هه ..تسنااي ..
مشى وجاب ليها علبة كبيرة..طارت عليها وحيداتها من يدوو ...كلسات مربعة فالأرض وبدات كاتحل فيها بالجهاالة..مابغااش يتحل الخييط وهي تعضوو بسنانهاا حتى تقطع
-مروان:سناان هادو عندك بشوية عليك رامااغايهربووش..
-ريم:ماغايهربووش يعني بزااف..
عاد كانت غاتحل وهي دور شافت فيه..
-ريم:ياكماا شيحااجة كاتحرك عندااك ديرهاا بيا المسخووط..
-مرواان:(كايجر العلبة)أري أري لهناا سري أناا اللي باغي ندير الصواب مع دينمك ..
-ريم:واصاافي سمح ليناا ..(حلاات العلبة وحلات فمهاا معاه)وااااو كاميرااات...
كانو كاميراات بأشكال وأحجام وألوان مختلفة..ألوان بنوتية..وردي..أبيض..ووسطهم كاميرا سوداء..بحال ديال ديااب..فرحاات بزااف وكأنوو كايقراا أفكارهاا وعارف متطلبااتهااا...
-ريم:وااااااع ...
طااحت علييه وبقاات تبووس فيه وتعنق وهو كايدفع فيها وكايضحك..
-مروان:هههه واازمر بعدي مني عمرتيني بريووگك
-ريم:مواااح موااااح تانحبك أنااا حقرب...شتيي تاا رااك تاا رااك هوو لااموووغ ..
وهي باقي كالسة فوقو..طلعات عينها وهي تبان ليهاا إلينا بفوطة قصيرة..وفوطة فووق راسهاا..كانت بلا ماكياج كاتبان غزاالة وصغر من عمرهاا..وحنيكاتها حمرين وهابط عليهاا السر..مخنزرة وكاتشوف فيهوم..دور مروان راسو جيهتهاا..وبحكم هو مفرش فالأرض شاف رجليهاا البيضين..بقاا مطلع عينيه ببطء كايشوف فجسمها ويتمعن فيه..حتى استقرو عينيه ف وجهاا وبالضبط فعينيهاا ..كايعجبووه عينيهاا..طالما قراا أنو أصحاب العيون الخضراء كايتميزو بثقة عالية بالنفس وبجراءة واضحة وشجاعة وداباا عااد ثااق بهاد الكلاام..شوفتهاا كاتبان حاادة وفنفس الوقت كاتبان ليه حنينة..سبحان الله💫...ناضت دغيا من فوقو وبقات واقفة ومهبطة راسها وكأنها دايرة شي فعلة خايبة ..وقف مروان حتى هو ورجع شعرو للوراء وشاف فريم كيفاش واقفة ..جابت ليه الضحكة..
شااف فإلينا وقال ليهاا..
-مروان:إلينا..مالك واقفة تما أجي..
خنزرات فييه ورجعات فحالهاا للبيت...
-مروان:بقااي هناا نمشي نحزرها ونرجع
-ريم:حاالتك صعييبة أسااط سير سيير..
مشى مرواان دخل عند إلينا للبيت مخلي ريم كاتشوف فالكاميراات قدامها ومامتيقااش واش ولاو دياالهااا...
-ريم:وينووو شحاال كيووت ..مواااح علييك حبيبة ديالي(الكاميرا😑)..أجيي حتى نتي عند ماماا مايبقاش فيك الحاال أجي موااااح..أجيي أجي حتى نتي..(عنقاتهوم بين يدهاا)كاان حمااق عليكووم..من اليوم نتوماا وليدااتي غانتهلاا فيكووم ونعيشكووم بيخيييير..الله سير ياا مرواان للهلاا يهرس فيك شي عظم ..هاححح اجيو نعاود نبووسكووم..اجييو
🌼🌼فالبيت عند مروان..
دخل للبيت ولقاا إلينا كاتدهن فالكريم لجلدهاا..طلعات عينها فيه ميقات وعاودت هبطات وجهاا..جا كلس حدااها وهي تنووض..شدها من يدها وبقات واقفة قداموو كاتشوف فيه ببرود..
-مروان:حبييبة كاتغيري علياا هه
-إلينا:(بتخنزيرة)علاش حتى غانغير عليك
-مروان:همم كاتغيري أشعيبية..
-إلينا:شكون الشعيبية.؟!
-مروان:وحدة من بعد ونقولييك..
-إلينا:شكون هاد الشعيبية شي وحدة كاتبغييهاا يااك الغداار؟!
-مروان:هههه والمسطية هاادا غي دور تمثيلي كوميدي من بعد ونتفرجوو فييه ..كاتغيري كاتغيري هه
جراات يدهاا وبغات تمشي فحالهاا..وهو يجرهاا حتى كلساات فوقوو وتكلم فودنيهاا بهمس حتى بورشهاا..
-مروان:كانبغيك..
بقاات إلينا ساكتة وماعارفاش شنو ديير ..الطريقة باش كالسة عليه و قربو ليهاا..الكاريزماا ديالو ورجولتو كاتخليهاا تتوتر وماتعرف ماتقول..
-مروان:رييم راهاا بحال ختي ماماها وصاتني عليهااا قبل ماتمووت وأنا واعدتهاا نتهلى فيها ومانخسرش ليهاا خاطرهاا..أه كانبغيهاا ولكن ماشي الحب اللي فباالك..هي بالنسبة لي حاجة مقدسة كثر من ختي ومانبغييش يطرا بينكوم مشكل من هناا للمستقبل هي راضرييفة بزااف ومتأكد غاتفاهموو..وزايدون هي را مزوجة..
-إلينا:بصااح؟!..وعلااش كاتصرف معاك هاكدااك ...؟!
-مروان:أنا وياهاا هاكداا عفويين وكانعبرو على مشاعرنا بهاد الطرييقة ..وكااع اللي شفتي قداامك من تصرفاتناا بريء ومامن موراه حتى غااية ..خوي عقلك(ضرب على راسها)من هاد الأفكاار واخاا؟!...(بابتسامة)كانبغييك..
صافي الله يرحمهااا مسكينة كانت الله يعمرهاا داار..بلاصة مايداوي قلبهاا عاد ماغايزيد يمرضوو ..دقاتوو متساارعين بزااف بحال الاا كاتجري...شااف فشفايفهاا وبسرعة طلع شوفاتو لعينيهاا...وعاود هبط لشفايفهاا..شوفاتو دوخووها..وخلاوها حتى هي تشوف فشفاايفو ..بداو كايقرب من شفايفها وكأنها هي المغنطيس وهو قطعة من الحدييد...كاتجذبوو ليها بقوة كبيرة..ماحسش براسو حتى بدا فالتهاام شفايفهاا بكل حب..وعاطي لكل وحدة حقهاا..وأكيد حتى هي تجاوبات معاه..لا والأكثر حطاات يديها بجوج وراء عنقوو ومدخلة أصابعهاا وراء شعرو وكاتلعب فيه...
🌼🌼عند ريم..
-ريم:بفف تعطل هادااا...
جمعاات كاميراتهاا فالعلبة وهي باقي كاتبووس فيهوم...عفوية جداا وكاتفرح لأبسط الحواايج..فكراتها هاد الفرحة بفرحة حوايج العييد اللي كانت كاتنعسهوم حداها وكاتقول غي إيمتاا تخرج الشميسة ويصبح العيد وتخرج توري صحابها وصحاباتها الحوايج..وتشد فلوس العيد من عند باباها...ابتااسماات للذكرياات اللي تفكراات..وتمشاات فاتجاه غرفة مرواان..لقات الباب مفتوح عاد بغات تدخل حتى كاتصدم من المنظر اللي قدامها..باقي ماشبعوش من بعضهوم ..مامشاتش فحالهاا بالعكس حطات راسها على الباب وبقات كااتشووف فيهوم بابتسامة..
-ريم:(بهمس)اييه كايقولوو الحووووب زييين...إيمتا تجي نوبتي أعباد الله إيمتااا (بملامح طفولية)أوووف ..
خرجاات على صباع رجليهاا بلا مادير الحس..حلات البااب..هزات العلبة بين يديهاا ..وخرجاتها حطاتها حدا البااب..وجراات الباب..تسد بجهد حتى تهزاات العمارة كولها بصوتوو..
-ريم:(كاتسوس فيدها بملامح شريرة)يانتباوسوو كامليين يا بلاااش😈..أصلاا كون مادرتش هاكداا ماغايوقفوو حتى..تف تف استغفرت الله العظييم..
هبطاات من السانسوور..ووقفات حدا العمارة كاتفكر فالطريق اللي غااتمشى..تنهدااات بعمق وبداات فالمشية..
-ريم:(بصوت خافت)يا بسم الله..أصلا السبوور مفيد للصحة..باش مايتبووشااوش لياا القوادس دالجسم ديالي ويتهواا..ويلي ويلي على القواادس الطبيبة دالمستقبل زعماا..من نيتك أرييم ...على هاد الحسااب اللي نتي فييه عمرك تهوااي واخاا تضربيهاا مشياا حتى لجزر المالدييف ..وابغيت اللي يهويني أعبااد الله اهئ ..مامنحقييش أنا اهئ اهئ..
بقاات غادة فالطريق كاتهضر بووحدهاا وتغبن ومرة مرة تفكر حاجة ماعجباتهااش وتوقف تضرب الارض برجليهاا وترجع تمشى..مخلية كااع الناس كايشوفو فيها وكايقولوو الله يستر..
🌼🌼فالفيلاا...
داخلة ريم ومن ملامحها باين عليها العياء...وعلاش ماتعياش وهي ضااربة مساافة طويلة على رجليهاا...والأكثر هاازة معاها ومثقلة...تلاقات مع سمية حدا الباب..
-سمية:بنتي عااد جيتي..
-ريم:ااه أخالتي..
-سمية:اواا الله يرضي علييك الاا وصل وقت العشاا وباقي ماجيت غي تعشااي نتي وخاالك مصطفى رااه الفوق أناا غانمشي عند ختي ونقدر نتعطل..
-ريم:واخا أخالتي..
مشات ريم دوشات بالخف بدلات حوايجها...وصلاات صلاتها اللي دازت عليها..هزاات كتاب كان شراه ليهاا مرواان بعنوان" La relation médecin-patient De Léon Chertok" خرجاات كلسات فصالون وهي باقي منهمكة بقراءتوو..بنظيظراتها دالشوف..اللي والموهاا..حتى كاتسمع صوت خطوات هابطين فالدروج..كان خالها مصطفى اللي جا كلس حداهاا...
-مصطفى:تباارك الله عليك ابنتي رااك كاتقراي..
-ريم:(بابتسامة)شكراا..
-مصطفى:بنتي بغيت نهضر معااك فأموور ضرورية..
-ريم:(طلعات راسها فيه باستفهام)ياك لابااس؟!
-مصطفى:احمم من بعد وتعرفي..يالااه معاياا للمكتب عمري دوزت شي سويعة زوينة أنا وبنت ختي الزويونة..
شاافت فيه بنظرة اللي وصلوو معناهاا..وكأنها كاتقول ليه وفيين كنتي شحاال هادا فاش كناا محتاجينك؟!تجااهل شوفتها وجرها لعندو مطلعها معاه فالدروج...كان كايصعد مع الدرووج بصعووبة..وصدى تنفسو كايتسمع...واضطرت أنها تشدو وتعاونو يطلع..
-ريم:بنتي لياا مريض..غداا نقول لمروان يجي يفحصك..
-مصطفى:لا ماديريش فبالك غي الكبر صافي..
طلعوو ودخلوو للمكتب واول حاجة دارها مصطفى حط لعبة الشطرنج قدامهاا..كانت متكونة من قطع ذهبية وفضية..
-مصطفى:كااتعرفي ليهاا..؟!
-ريم:نغلبك فيهاا كاع 😉
-مصطفى:ههه سبحان الله بحال ماماك..
-ريم:(متجاهلة كلاموو)احمم يالااه بدا نتاا...
بدااو فلعبهووم وهوما مركزين..بجوج باغيين يفوزوو وماكايبان قدامهوم غير الربح والفوز...فهاد النقطة بالذاات هوما متشابهيين...ماكايرضااوش بالهزيمة.
-ريم:(حركات قطعة الجندي للأمام)قريت فكتاب أنو معادلة الإنتصار فلعبة الشطرنج بنسبة 98% عمل..فكر..وجهد..و 2% فقط حظ..
-مصطفى:ااه بصااح ولكن ديك 2% ممكن تصنع فرق كبيير ويمكن تخلييك تربح كااع..عمرك تحتاقري الأشيااء الصغييرة..مثلاا(حرك قطعة الجندي هو كذلك)هااد الجندي..هااد القطعة الحقييرة قداامك ممكن تهدم القلعة دالملك ديالك والحصون ديالو..وتسقط الوزراء من الفوووق..(خدا قطعة ديالها)للتحت..
-ريم:(مطلعةحاجبها)مم بصااح ..وكنت غانستصغر القوة ديالك فهاد اللعبة..راك ماساهلش..(خدات القطعة ديالو)ولكن راك مع الشخص الخاطئ..
-مصطفى:همم الشطرنج بحاال الحيااة تماماا..الأسود والأبيض..يعني الخير والشر..الملك والوزرااء..يعني الناس ذوي السلطة..والجنوود هوماا الفقرااء والمساكين اللي كايعانيو من الجوع..الظلم وبزااف دالحواايج..كولشي مستااعد للحرب..ومافبالوو غير الفوز ..وفحالة الخسارة الجنود هوماا اللي كايخسرو أكثر..
-ريم:همم بحال الحياة..الفرق الوحييد أنو الشطرنج أكثر عدل من هااد الحياة الحقييرة..اللي كاتاخد اللي بغات وتعطييك اللي بغاات وفالوقت اللي بغات..من فين شريتي أخالي هاد اللعبة؟!
-مصطفى:(طلع عينو فيها)من متحف فلبناان..علاش؟!
-ريم:(باستهزاء)كنت غانحرك الوزيير وندير غلط كبيير..راك عاارف للأسف الوزرااء العرب ماكايتململووش من بلاصتهووم ..لو أنك شريتيها من أوربا ولا مكان أخر كان أحسن..(حركات جندي وخدات الحصان..)
-مصطفى:هه وعلاش ماحركتييش الفييل..كان يمكن توصلي للمنطقة الخطييرة ديالي..(خداا الجندي ديالها)..
-ريم:مم يمكن بغيت نعطيك فرصة.. الفيل حجر مغروور ومتهور..وغير مستقييم..هاداا علاش ديما كايتحرك فخط مائل..اخترااق الأنظمة ..القوة..الخداع..هاداا تحليلي ليه..
-مصطفى:هه كون قلتي ديااب حسن..(وعى بشنو قال)احمم زعما متهور..
-ريم:ديااب؟!لو أنك قلتي أشقر أحسن..مغروور بزااف..
-مصطفى:ههه من صغرو وهو هاكداا..
-ريم:مم..عااد عرفت دياب ولكن ماكانظنش الخداع من صفاتوو..يمكن عندو أسبابوو لأفعالو وتهورو..كانشوف باللي دياب هو (بابتسامة)الملك ..
-مصطفى:(مصغر عينيه)هم يمكن..درس جدييد..(حرك القلعة حتى قرب لمنطقة الخطر)ماتخلييش فرااغ لأنوو أي واحد يقدر يوصل لملكك..
-ريم:(عضات على شفتها وهي كاتفكر)مم عند الصح..الدنياا مافيهااش فرص بزااف..ولكن أنا ماكانبغيش نعرض جميع أوراقي ..كانبين الحااجة اللي بغييت فقط..وكانخلي شي حواايج للمستقبل..
-مصطفى:مم مزياان ..الإنسان ماخصش يكون كتاب مفتوح للجميع ..واللي جاا يقراا فيه..ماشي مشكل الى اظهرتي العنوان..ولا حتى الفهرس..ولكن المحتوى خليه لييك..
-ريم:ااه ولكن بعض المراات كاندم لأني بينت هااد العنوان لبعض النااس اللي ماكايستحقوو الا التجااهل..
-مصطفى:شحاال من كتاااب العنووان كايكون مختلف كلياا على المضموون..بحالك نتي داباا واخا كاتضحكي..داخلك فييه حزن وحزن كبير..كااينة ولا لا؟!
🌼🌼فريستورون راقية...الساعة 21 مساءاا...
جاالس أشقر جلستوو الرجولية ...وأماموو مدير أعمالو..كاينااقشو موضوع المشروع وفنفس الوقت كاياكلوو العشااا...
-م.الأعمال:سيدي..كاتباان عياان بزاااف وبحال اللي ماناعسش أيااام ولاا بايت فشي عراسية ماكااين غي ستك ستك (وبداا يطبل فالطبلة)
-أشقر:(مخنزر فيه)نتاا شنو كاديير ؟!النااس كايشوفو..
-م.الأعمال:سمحلي أسيدي تحمست شوية هيهي
-أشقر:هيهي لاا هاانية خوود رااحتك...
-م.الأعمال:هيهيهيي شكراا أسيدي
-أشقر:(جمع ضحكتو وخنزر)تجمع عليااا ونتاا كاضحك بحال اللي مزيوود فعرس..
-م.الأعمال:حقربي الى مزيوود فيه أسيدي...(هبط راسو)سمحلي سيدي..
-أشقر:التوبة يا ربي..بيمن محزم أناا...كول كوول..
طلع أشقر عينوو ناحية البااب..هبطهوم..وعاود طلعهووم بسرعة وهو مامصدقش اللي كايشوف قداامو...البنت اللي خطفاات قلبوو من صغروو..اللي شحاال لعبو عريس وعرووسة..وشحاال تمنى اللعبة تتحقق فالحقييقة...اللي دوز معاها الحلوة والمرة..اللي عاش معاها روحاا وجسداا..واللي ماتاقتش فييه وفأول مشكل مشاات وخلاتوو بلا ماتقوول والوو..كاتباان لييه بجسمهاا اللي حاافظوو كولوو..وبفستانها الأسود الليلي الطويل..وشعرهاا اللي صبغاتوو بالأسود وجامعاه للفوق..مخلية تفاصيل وجهها الجميل يبانو..وابتسامة ساحرة على شفايفهاا..ابتسامة اللي نسااتوو فين هو ومعاامن..حتى كاان غاينوض ويمشي عندها..ولمح يد رجولية على ظهرهاا..تلفتاات شافت فيه وابتاسماات..كاان فراس...ابتسامتهاا ليه...خلاات أشقر يفكر ويحلل فطبيعة علاقتهوم..بقاا كالس فبلاصتو وكايشوف فيهووم وهو داير راسوو خدام فتيليفونوو..شاافهوم كيفاش كايبتاسمو لبعضهوم ويضحكوو..فراس كان شخص خفيف الدم وطول العشاء وهو كايعاود فنكتو المضحكة مخلي فاتي ماسكتاش من الضحك حتى بداو عينيهاا كايدمعوو..وفلحظة ضحكهاا كان كل من أشقر و فراس كايشوفو فيها بإعجاب..للحظة شد فراس فيدهاا وقبلهاا بكل جنتلمانية وهو كايشوف فعينيها بهيام...توترات من حركتوو وحاولات تبعد يدها ولكن كان حاكمهاا..تنهداات فمحاولة للحفاظ على هدوءها وابتاسمات ليه...فالنهاية كايبقى مديرها..وهي مامستاعداش تخسر خدمتهاا..الحاجة الوحييدة اللي راضية بيهاا..ما هي هدفهاا منذ الصغر وبسبااب أشقر وغدرو ليهاا رجعاات لتحقيقوو..طلعات عينيها ففراس وبقات كاتشوف فيه...جذاب ووسيم جداا..والأكثر ضحوكي وماتقيلش على القلب..الظاهر عجباتوو.أكيد هو ماكايعرضش على كااع موظفينوو للعشاء..علاش ماتعطيهش فرصة وتعطي فرصة لراسها حتى هي...أشقر تجربة فااشلة وخاصها تنساه..واخاا مامشى حتى داا معاه شرفهاا..ولكن هو دابا مزوج وشكون عرف يكون حتى هو كايتعشى مع مرتوو..قربات يدها الأخرى لحدا شفاف فراس ومسحاتوو..
-فاتي:هه كانت لاصقة فيك واحد الحاجة
-فراس:شوفي حتى هاد الجهة لاصقة ليا فيها
-فاتي:هههه
ناار جهنم كانت كاتبخ فودنين أشقر..ماعجبووش المنظر بتاتاا...كيفاش دغياا نساتو وعاشت حياتها عادي..باغيهاا تبقى كاتبغييه وتبكي على فراقو..نساا راسو أنو حتى هو نساهاا وكايحاول يخلي ريم تبغييه..ياك هو كايقوول باللي نساا فاتي وباللي دابا كايبغي ريم..شنو اللي تبدل؟!شنو هاد الإحساس؟!..يمكن غي اشتااق ليها وتوحشهاا...أكييد ماغايكونش باقي كايبغيهاا..هو دابا كايبغي مراتو..اللي أصلا فالحقييقة ماشي مراتوو..تخربق ومابقاا عارف مايديير..شنو الصح وشنو الغلط ؟!محتااج اللي يوجهوو؟!صديقو ديااب اللي ديماا كايعااونو وكايرشدو..غبر وعلم الله اشمن مصيبة فاش طاايح..وشكون عرف يكوون حتى هو معجب بريم..حياتوو تخربقاات مني دخلاات ريم..ااه كان كايدير مشااكل حملات منو بنت ..وقدر باباه يفكوو..وديما كايقدر يخرج راسو ..ولكن داباا لاا..ريم لعنة وتصااب بيهاا..دخلات لحياتو وبدلات شحال من حاجة..قدراات تغير فشخصيتوو بزااف..مشااعروو تخربقاات..ولأول مرة مايعرفش راسو شنو باغي..ريم ولا فاتي؟!..
🌼🌼فمكتب مصطفى
كااتنقز رييم وتغوت وهي فرحاانة
-ريم:يااااي ربحتك ربحتك ههههه
بقاا مصطفى كايشوف فيهاا كيفاش غاطير بالفرحة بسباب حاحة بسيطة بحال هاكداا..حاى حس بالدوخة فجأة وولا كولشي كايبان قدامو مضبب..حرك راسو يمين وشمال ودغيا رجع ابتاسم..
-مصطفى:(مبتاسم)ماكنتش عاارف عزيز عليك الفوز..
-ريم:بزاااف هه..
-مصطفى:رييم بنتي..سمحي ليي عافااك..سمحيلي حيت ماكنتش كانهتم بيكووم من قبل..سمحي لياا حيت تخلييت عليكوم..أناا ناادم بزااف...خفت ربي مايطولش فعمري ومانقدرش نفرحك ونشووف بحال هاد الضحكة ففمك ...سمحيلي أبنتي..
-ريم:(جلسات القرفصاء قدامو وشدات فيديه)شش أناا مسامحااك أخالي..نتاا اللي خااصك تسمح لي..حييث كنت ديماا كانعااير فيك لماماا الله يرحمهاا...نتا اللي بقيتي ليا فعائلتي..عائلة باباا من نهار دفناا باباا الله يرحموو عمرهووم سولوو واش حناا حيين ولا ميتين..نتاا هو عاائلتي ربي يطول فعمرك..(وعاودت باست على يدييه)
-مصطفى:حنيينة بزااف بحال مامااك...ااه على حرقة مامااك فقلبي بااقي كاضرني..عذاب الضميير ماكايخلينيش ننعس..ربي يطول فعمرك أبنتي وينقي طريقك من الشووك ومن كل وااحد باغي لييك الشر..(خرج يدوو من بين يدهاا ودخلها لجيبو)هااكي..هادي كارط بونكييغ حطيت ليك فيها مبلغ محترم..شري اللي عجبك واخاا...
-ريم:لاا أخالي ماخاصني والوو أنا واكلة شاربة معاكوم الحمد لله..واللي بغيت كانطلبو ويجي
-مصطفى:لاا ابنتي هاد المرة غاتشدي..واخاا تعطلت ولكن فينما كانبغي نجبد معاك موضووع الفلوس كاتهربي ودابا ماعندك فين تهربي..شدي
-ريم::(خداتها من عندو)شكراا أخاالي..
-مصطفى:ماتقووليش شكراا هادو را فلووسك حتى نتي..ماماك ماتمتعااتش بيهووم..تمتعي بيهوم نتيي..بغيت نهضر معاك بخصووص الزوااج ديالك نتي و أشقر..كاينين أمور اللي خاصك تعرفيهوم..نتي وأشقر..
-ريم:(مقاطعاه)شش من بعد وندوييو فهاد الموضووع دابا غانهبطوو نتعشااو بجووج ..أناا وخاالي العزيز الراس فالرااس واخاا...(نوضاتو)يالااه زيد معاياا...
حس مصطفى بدواار من جديد ولكن هااد المرة بشكل حااد أكثر..وحس بالغثياان ..
-ريم:(شدات فيه)خالي يااك لابااس؟!
-مصطفى:(كايتنفس بصعوبة)بنتي..نتي وأشقر ااا..
مااقدرش يكمل كلااموو حتى طااح للورااء فوق الفوتووي...بقاات كاتشوف فيه بصدمة وماعارفااش شنوو ديير..قربات لييه وبقات كاتحرك فراسو..
-ريم:خاالي خاالي نتاا بيخيير يااك خاالي خاالي...(حطات راسها على صدرو)ياا ربي ماكااينش النبض..(وقفاات وبقات شادة فراسها)شنو كايعني هادشي شنوو؟!..(حلات فمها بصدمة)سكتة قلبية..الإسعااف ااه ااه الإسعااف...
مشاات دغيا تاصلات بالإسعاف ورجعات كاتشووف فيه...
-ريم:خااصوو يتنقل فدقائق قلييلة للمشفى..يا ربي تلطف يا ربي اهئ اهئ..مرواان...
دغياا عاودت خدات تيليفون وصونات لمروان..اللي دغيا جاوبهاا..
-مروان:ما فعاايل ماوالوو درتي اا
-ريم:(مقااطعاه)مرواان عافاك عاوني اهئ اهئ..خالي خالي جاتو سكتة قلبية..ووماعرفتش شنو نديير...
-مروان:شنوو وااش سكتة ولا غي نوبة قلبية؟!
-ريم:ماعرفتش مااعرفتش اهئ اهئ شنوو الفرق..
-مروان:رييم تهدني محتاج لتركيزك...خالك باقي قلبو كاينبض..
-ريم:لا لاا سكت ماكااينبضش أمرواان هو ماات يااك؟!
-مروان:(سد عينيه بأسى)شش شنو كلتقولي غايعتقووه..عيطي للإسعااف يااك؟!
-ريم:ااه ااه عيطت ليهووم ولكن تعطلوو بزااف اهئ اهئ علااش مايجيوش دغيااااا علااش..
-مروان:رييم حضري عقلك معاياا..حاولي ديري لييه مسااج للقلب بينما يجييو الإسعااف أناا دابا غانجي عندك واخاا ماتخاافيش واخاا؟!
-ريم:مروان عافاك جي ماتخلينييش بوحدي أناا خايفة يكوون ماات اهئ ..
-مروان:أنا غانجي ماتخافيش يالااه سيري ديري ليه ماسااج وحاولي تهوي البيت شوية تقدري؟!
-ريم:(كاتحرك راسها بتوتر)ااااه ااه نقدر..
مشاات ريم بزربة حلاات شراجم ورجعات عند خالهاا..حلات ليه صداايف قاميجتو وبدات كاتدير ليه فمسااج وعينيها باقي ماوقفووش من البكاا..
-ريم:عافاااكفييق اهئ علااش يا ربي كاتدي مني النااس اللي كانبغي علاااش...فييق فيبق فييييييق اهئ اهئ اهئ...دخلوو الإسعااف لعندهووم للداار بعد ماا غوتاات على الخدامات يحلو ليهوم..دخلوو قلبووه ..فحصو نبضوو..وحركتوو وبقاو كايشوفو فبعضهوم بأسى..
-المسعف:البركة فرااسك أختي
-ريم:هههه لااا لااا نتوماا كاتكذبوو ياااك خالي بااقي عاايش..هه عاد كناا كانلعبو الشطرنج شنوو وقع يا ربي...نتوماا السباااب نتووماا اللي تعطلتووو كان عليكوم تجيو بكري نتومااااا اهئ اهئ اهئ نتوومااا السبااب...
دخل مرواان كااينهج بسبااب الجري والدرووج..دور وجهو فالمكاان...مصطفى اللي مستلقي فوق الفوتووي بال حركة..المسعفين اللي مهبطين راسهوم للأسفل بأسى..وريم اللي كاتبكي وتغوت كيف شي مجنوونة..فهم الموضووع وعرف أنه ماات..حاجة بااينة كاان لازم عليه يتنقل للمشفى بسرعة ويديرو ليه جهااز إزالة الرجفاان وبسرعة..
لا فتح النوافذ ولا حتى المساج ماكان غايزييد والوو..هو فقط كان بغا يلاهيها بينماا يجي باش ماديرش شي حاجة فراسهاا...
تقدم نحوهاا بجري وجرهاا لعندوو معنقها وهي باقي كاتبكي...
-ريم:اهئ يااااا ربي ديني عندك يااا ربي..يا ربي واش مكتاب عليا نحضر للموت دالنااس اللي كانبغي كولهوم..أناا منحوسة وفينماا مشييت كايوقعوو مشاكل اهئ
-مروان:ششش نتي شنو كاتقولي واش كاتيقي فهاد الخراافاات هاا!!رااك طبيبة دالمستقبل زعماا..
-ريم:لاا لاا أنا مانلييقش نكون طبيبة..أناا ماقدرت نديير واالو..بقيت غيكانشووف فيه حتى ماات..واش الطبيب النااجح كايخلي المريض ديالو يموت وهو كايشووف هاا؟!
-مروان:شش هادي را حاالة استثنائية..السكتة القلبية لاازم من جهاز إزالة الرجفاان باش نوقفوهاا..وخاصو تدخل طبي طاارئ وفدقاائق قلييلة..حتى أناا مانقدرش نفيدوو بوالوو بدون هاد الجهااز..نتي درتي ليه المسااج وصونيتي للإسعااف..درتي اللي عليك..رااك عااد فالعاام الأول ديالك والطلااب بحالك عااد كايتعلمو الأولياات والأساسيات دالطب ..نتي رااك فاايتااهوم وعارفة حواايج اللي كاتدرس فالتخصصاات وهادشي رااجع لإجتهاادك وذكاائك..غاتكووني طبيبة نااجحة أناا متأكد..صافي برااكة من البكااا(بااس على راسها وتنهد)برااكة عليك غاتخسري عويناتك زويونين..
دخلاات سمية وهي كاتدور فوجها باستفهام واللي شافت فيه كايحدر راسوو..دورات وجهها وبانت ليها ريم ومروان معانقين...عاد مشات جهتهوم تستفسر شنوو وااقع..وهو يبان ليها شخص فوق الفوتووي..مغطي بإيزاار أبيض..بقاات كاتدور فراسهاا بمعنى لاا وكاتطرد من بالهاا كل الأفكاار اللي جاو ليهاا..تلاحت على رجليهاا حدااه..حطاات يدها على الإيزاار كاتحااول تحيدوو..ولكن ماقدرااتش..يديها كانو كايرجفوو ...
وأخييراا حيداتوو..وباان ليهااا ..رااجلهاا اللي دوزات معااه سنواات من الزوااج..بحلوهاا ومرهاا..مرة مخاصمين مرة مصالحين..رجعات باللور وهي مامصدقااش اللي كاتشووف..مصطفى اللي طالماا بغاتوو وطيحاات بكراامتهاا ماشي مرة ماشي جووج حتى تزوجو..كانت عارفااه كايبغي وحدة أخرى ولكن بقات صابرة معااه حتى بغاهااا..وزاد بغاها فاش حملات بأشقر..كاتشوفو قدامها جثة هامدة بدون حرااك ...
-سمية:لاااااااااااا لااااا لاا ماشي بصااح ماشي بصااح لااا..
هااكداا بقاات سمية كاتغوت وتبكي بصوت مرتاافع..على عكس ريم اللي مخشية فرااسهاا ومتكية على الحيط وكاتبكي بصوت منخاافض..خلاها مرواان ومشا عند سمية..نوضها وحطها فوق كرسي..
-مروان:لالة سمية حااولي على راسك غاينخافض ضغط الدم ديالك بهاد الطريقة...الموت مامنهاا هرووب قوي رااسك واخاا..(حط يدوو على كتفها)الله يرحموو..
وعااود رجع حدا ريم..جلس حدااهاا وجرها لعندو عاود تاني معنقها..عارفهاا محتاجة اللي يكون معاهاا..عارفها حسااسة بزااف وسهلة تهرس..وهي عاد مازادت تمخششات فييه وكاتبكي..حتى عمرات حوايجو دموع وخنااين..وحتى هو خلاها على خاطرهاا تبكي بااش ترتااح..عارفهاا باش كاتحس..باللي هي منحووسة وماعندهاش الزهر..ولولا أنه ماكايتيقش فهاد الخزعبلاات لأنه ثااق..
دور وجهو جهة سمية ولقاها كاتشوف فيهوم بملامح باردة وماكاترمش..عاد كانو غايهزوو الجثة ديالوو وهي تتململ بسرعة وغوتات بصوت مرتافع..
-سمية:حبسسس..أشقر ولدي أشقر خااصوو يعرف ويشووف بابااه ..(شافت فريم)فينوو أشقر؟!
-ريم:(عاضة على شفتها السفلى كاتحاول تحبس دموعها)مراكش..
ومع أخر حرف خرجاات شهقة من قلبهاا..كاتبين مدى حزنهاا..ورجعاات دخلاات وجهها فمروان..وكاتحاول تبعد شوفاتها من الجثة ديالوو ومن سمية ومن العااالم كولوو..ماكرهااتش تبقى فبلاصة بووحدهاا..ولاا ياخدهاا ربي لعندوو أحسن...
🌼🌼فالريسطورون
بقاا أشقر كالس بلاصتو وهو مفقووص...وماكرهش ينووض يضربهوم بجوج ويوريهووم شكايسواا..ويشوهوم قداام كاع االي فريسطوو...للحظة خس بغصة فقلبوو..ماعرفش سبابها وبقاا شاد فالمكاان ديالهاا وهو ساد عينيه بألم...
-م.الأعمال:سيدي وااقعة ليك شيحاجة..نعيط على الطبييب ولا على...
قاطعوو أشقر وهو هاز يديه بمعنى ماكااين والوو..كان الألم بدا كايخف شوية بشوية..خدا كاس دالماا وشربوو بدقة وحدة...
-أشقر:يا ربي شنوو واقع ليااا (تنفس بعمق) غي الإرهااق وصافي ..خاصني نمشي نرتااح
وقف من بلااصتوو...هز سوارتوو وتيليفونوو..شااف ففاتي اللي كانت كاضحك بنظرة كلهاا عتااب وحزن..دور وجهو وخطاا خطوتو الأولى حتى كايحس بتيليفونوو كايهتز فيديه..كان داير ليه وضع الإهتزااز ...شااف فالمتصل وحس بقلبو تخطف من بلاصتوو..ماعرفش علاش..ولكن فور رؤيتوو لصورتو هو وأمو معانقين ومكتوبة الفوق "♡Mum"...حس برجلييه فشلوو علييه ...لدرجة شد فالطاولة باش يبقى واقف..مخلي مدير أعمالو كايشوف باستفهاام...أصبعوو حس بييه ثقييل ومااقدرش يقبل الإتصال...
وأخييرا جااوب...وحط الهاتف مباشرة على أذنو..بدون ماينطق بحتى كلمة...فقط كاينتاظر الخبر اللي غايسمع..لكن ماسمع حتى كلمة..فقط صوت شهقاات أموو..اللي عاد مازادو الطين بلة..ورجعو ليه الغصة لقلبو من جدييد..بقاا كايشووف للأماام بملامح بااردة وماقاال حتى كلمة...
"بابااك مشاا اولدي اهئ اهئ باباااك ماات ماات "..اخخ وتشوفو حالتو فديك اللحظة..فينوو أشقر اللي ماكاتأثرش فيه حتى حااجة ..فينو أشقر المتكبر والمغروور..فهااد اللحظة كاان أشقر مكسوور و جد حزيين..علاش مايحزنش والأب ديالوو مشاا..مشاا بلا مايطلب منو السمااحة على كااع اللي دار لييه..الأب اللي كان منبع الحناان بالنسبة ليه..طالما كانت أمو قااسية..الأب اللي استتر علييه شحاال من مرة..وخرجوو من مشااكل ومصائب كبااار..مشااا وهو بعييد عليه بمئاات الكيلووميتراات..نعل فنفسوو كل من كاان سبااب فبعدوو..الخدمة..المشروع..الفلووس ..وحتى حظوو ..
اختل تواازنوو فديك اللحظة ..شد فالكرسي حتى تسمع صوت الاحتكاك ديالو مع الأرض..صوت مزعج خلاا كااع اللي فالمكاان يدورو ناحيتوو..ومن بينهوم فاتي اللي ماتااقتش باللي كااتشووف..وااش بصااح هادا أشقر؟!..واش بصااح هادا حبيبهاا اللي تفاارق معاهاا وتزوج وخلاهاا....
-فارس:بفف اش شاارب هاداا ماقادرش حتى يوقف على رجليه...فااتي..فااتي..
ماكاانتش فاتي أبداا كاتسمعو..ولا كااتسمع كااع الأصووات اللي ضايريين بيهاا..عينيهاا عليه...هو فقط..وكأنو هو اللي فالعاالم وحدوو..علاش جاا؟!باش يفتح عليها المواجع من جدييد...يكوون شاافهاا؟!..وعلاش ماجاش عندهاا؟!كل هاد الأسئلة كانت كاتفكر فيهوم فاتي وهي كاتشوفوو كيف بداا كايجري بكل سرعة مخلي كااع اللي تماا كايشوفوو فيه من جدييد..
مشاا ركب فسياارتوو..وانطلق فطريقو وهو باقي فحاالة صدمة..غادي بكل سرعتوو وكاايقوول لرااسو ..باللي ماشي بصااح وباللي غاايلقى بابااه فالداار كاالس كاايتعشى..ولاا كايقرى فكتبوو التااريخية اللي شراا من مختلف دول العاالم..بنظاراتو الطبية اللي عاد مازاايدااه هيبة وقوة...
🌼🌼بعد مرور يومين...
في الصالون الكبيير للفيلاا...جالسة سمية بلبااسها الأبيض وبجانبهاا الأيمن أختهاا زهراء و الجانب الأيسر فاطمة الزهراء.. وحداهوم بعض بناات وأولاد ونسااء ورجاال العائلة..بلا مانسااو اللي فالكواان ..كان أشقر اللي جاالس جلستو الرجولية..رجليه متباعدين وحاط عليهوم يديه..اللي بدورهوم مسند عليهوم راسو وكايشوف فالأسفل.. باختصاار الصالون كان عامر
ماشي بعييد بزااف وبالضبط فالصالون الأخر..جالسة ريم بجلباب أسود بسيط وحجاب أسود..هذاا طلب من سمية اللي أصرات عليها تلبس الأسود حدادا على روح مصطفى..ماعجبهاش الأمر ولكن ماكان عليهاا غي تدير اللي قالت عليهاا..عيوونها كانو منفوخين ووجها شاحب..وعلاش لا وهي من نهاار مات ماحبسوش عينيها من الدمووع..وحداهاا مروان اللي شاد فيدهاا وكايحااول يهدأهاا و يسااندهاا..وإليناا حتى هي اللي ملامحها حزيينة وعينيها مغرغرين بالدموع..حساات بريم وحطات راسها بلاصتها..يعني واخا ديما عندها مشاكل مع واليديهاا وعليهااا ديما كاتهرب للمغرب..ولكن لو أصابهوم أدى فأكييد غاتحزن ما هوماا واليديهاا..
طلعات ريم عينيها وهو يبان ليها أشقر غادي طاالع مع الدرووج..هاد الأيام كولها ماقدراتش تهضر معاه وتعزييه ..دورات وجها لجهة مروان وبدون ماتكلم وما ليها باش تمشي تبعوو..هاكدا هو كايفهمها من عينيهاا..
مشاات طايرة لغرفتوو..رغم الجلابة اللي ماكاتخليهاش تخطى خطوة كبيرة...دقات فبابوو وماكانش حتى رد..حلات بالباب ودخلاات..كانت غرفتو رائعة وذاات طابع ملكي ونرجيسي..وكأنها كاتعبر على شخصيتوو..دورات وجها للناحية الحمام إثر سماعها لصوت فتح الباب..كان أشقر بشوورط والفوق عريان..فالأغلب كان غايدوش..
-ريم:اا الى كنتي غاتدوش نخرج حتى تكمل..
دارت باغاا تخرج حتى كاتسمعوو...
-أشقر:بقااي..
داارت ريم كاتشوف فيه بتعجب..أشقر كايطلب منها تبقى ..عجييب!!..مشى جلس فوق سريروو الكبيير ..شاف فيها بمعنى أجي جلسي وداكشي اللي دارت ..
-ريم:اا ماقدرتش نعزييك على بابااك حيت ماكاتجلسش فالداار..البرااكة فراسك..
-أشقر:هه هادي طرييقة جديدة فالإنتقاام هاا؟!
-ريم:اا نتاا شنو كاتقوول..اشمن إنتقاام
-أشقر:شنوو بغيتيني نتيق باللي نتي نسيتي اش درت فييك فاش ماتت مامااك..أنا ماعزيتكش بالعكس ماسمعتي مني غي الكلاام المسمووم...وجاياا دابا تعزيني..لشنو كاتخططي؟!
-ريم:هههه لاا والله ايلاا خاصني العصاا اللي جااية نعزييك وكانفكر لمشاعرك..حتى وباباك ميت كاتفكر فهادشي والإنتقاام؟!..سمع أسيي أشقر..هضرتك عندي مازاايدة مانااقصة...وكوون لعكس..وكو توشيتيني بكلامك..ديكساعة غااتشوف الإنتقاام بأصولوو..ولكن لااا بحال هاد الهضرة مابقااتش كاتحرك فياا والوو..حيت جربت نتيتم فباباا ومن بعد ماماا..وحتى خالي مشاا..وداباا شكون بقا ليا؟!..رااجلي اللي كايبغي وحدة اخرى وكايغبر بالشهوورة ومني كايجي كايتصرف عادي وكأنوو زواججنا حقيقي..أموور الغيرة ودااكشي..ومجري حتى على صااحبوو واللي كايقول ليه خوياا..شش ولاا كلمة خلينيي نتكلم..شكوون بقاا لياا دوك النااس اللي لتحت هاا؟!..عاارفااهوم من العائلة ولكن ماقاادراش نشووف فوجوههوم مناافقيين وماكاايجيو غي من الجناازة للجناازة باش يطيحوو دموعهووم ويبينو ليك باللي را محرووقين..شكوون بقاا ليا هاا؟!..ااه مرواان هه مرواان غايتزوج وغايعيش حياتو مع حبيبتوو ويولدو وليداات وأناا ما محلي من الإعرااب بيناتهوم من غير أني غانخلق بينهوم مشااكل..الإنتقاام والخواا الخااوي أخر حااجة نفكر فيهاا وسط هاد المشااكل فاش عايشة..راجع نفسك شوية..
وقفاات من حدااه ومن ملامحهاا باين الغضب...حتى كايشدها من يدها بقوة..كاتحس بيد حاولات تجرها لعندهاا ولكن لاا...بلاتي بلااتي شنو هادشي اللي فوق يدهاا ...دارت بسرعة تشووف...حتى كاتلقااه حاط راسو على يدهاا وشعرو البني الناعم هابط للأمام ..كاتحس في يديها بملمس شفايفوو ..ولحيتو الكثيفة..حلات عينيها عن حدهووم مامصدقااش اللي كاتشوف قدامهاا..واش فعلاا هاداا أشقر ولا غي جاب ليها الله؟!...
-أشقر:سمحيلي..
لاا أكييد ماشي بصااح..أكييد هادا ماشي أشقر اللي قداامهاا...لاا وكايطلب منها السمااحة..لو أنوو قالها ليها شيواحد كانت غاتضحك علييه وتكذبوو..ولكن هي واش تكذب عينيهاا دابا ...بقات في حالة صدمة كاتشووف وتحلل...أكييد موت باباه اللي لعباات على مشاعرو وأحاسيسوو..ولاا اقتاانع بكلامهاا اللي قالت ليه..ولا شكون عرف يكون ولا كايبغيها كيف قال مروان..حركات راسها يمين وشماال كاتبعد الأفكار اللي جاوهاا...
طلع راسوو فيهاا يشووف مالهاا..وعلااش ماتكلمااتش..لحظة لحظة تستوعب اللي كااتشووف..واش هادو دمووع اللي فعينين أشقر ولاا غي بان ليهاا..لا لاا مستحييل غاتكون غيشيحااجة اللي طاحت فعينوو ولا يكون غي المااا..لاا هاادوو دمووع..شافت دمعة كيفاش تسللات من عينيه هابطة مع خدودو حتى اختفت فلحيتوو...هبطات دمعة وحدة أخرى من العين الأخرى ..وقبل ماتختفي بحال صديقتهاا..خداتهاا ريم بين أصابعهاا..مقرباها لعينيهاا وكاتدقق فيهاا..قرباتهاا لأنفهاا كاتشمشم فيهاا ...مامتيقااش باللي أشقر كاايبكي وقداامهاا..فين مشى داك التكبر والجبرووت..
-أشقر:ماتخلينييش حتى نتي عافااك اهئ
لا لااا كفااية صدماات اليووم..أشقر بكاا والأكثر طلب منها ماتخلييهش..جلساات من جديد بجانبو فالسرير وهو مازال شاد فيدها..
-ريم:أشقر..واقعة ليك شيحاجة..؟!
-أشقر:سمحيليي على اللي درت فييك..عارف رااسي خاايب وماكاانخرج من فمي غي السم..ماشي بحاال مرواان ولا حتى ديااب..ولكن أنا هاكداا ماكانقدرش نخبي يمكن حتى هوما بحالي غي ماكايبغييوش يبينوو وصافي وو..
-ريم:(مقاطعاه)شش أناا مسامحااك..ماكاين حتى فرق بينك وبينهوم أكييد حتى نتا قلبك بيض وو..
-أشقر:شكون كايأكد لييك باللي قلبي ولا حتى قلبهوم بيض ؟!
-ريم:هاكداا إحساسي كايقوولي..
-أشقر:(مسح دموع اللي فعينيه)ماتيقيش فإحساسك بزااف..ممكن تبقاي معاياا؟!
-ريم:اا ولكن..(بعد صمت)واخاا..
كحز أشقر لبلاصتوو فالسرير ومشات هي جلسات حدااه ...رجليها كانو فالأرض وراسهاا حدا راسوو..
-أشقر:(بتنهيدة)الله يرحموو..
-ريم:أميين...(بعد صمت)لعبت معااه الشطرنج وتكلمناا بزااف..عجبني الحواار معاه..عقلوو عامر وبزااف كااع..
-أشقر:ااه ..عزيز عليه الشطرنج غايكون فرح اللي لقااك كاتلعبييه..أكييد غلبك..
-ريم:هه لا أناا اللي غلبت..
-أشقر:بصااح..على هاد الحساب راك واعرة..ماكنتش كانقدر نفووز عليه..(بابتسامة)من غير دياب اللي مرة يفوز مرة لا ..
-ريم:(بابتسامة)بصااح كايعرف للشطرنج..على هاد الحسااب رااه ذكيي وماساهلش
-أشقر:(جامع الابتسامة ما إن سمع مدحها لدياب)ااه ذكي..ريم ممكن تحكي على راسي
-ريم:اا واخاا..
بقاات ريم كاتحرك صباع يدهاا بسهولة وسط شعروو النااعم..وحتى هو كان شاد فيدها وكايلعب فصباع يدها الأخرى...خشاا يدو مور ظهرها وجرها ليه...وحط راسو على صدرهاا..مخليهاا مصدوومة من تصرفوو...أكيد هو بحالها كايحتاج للحنان فبحال هاد اللحظات..ولكن علاش هي بالضبط..ابتاسمات على إثر شهقة خرجاات منوو بحال الطفل الصغير فاش كاينعس وهو كايبكي..ورجعاات كاتحك على راسوو وهي سااهية وكاتفكر..
🌼🌼كانت كاطل عليهوم عينان بنيتاان من الباب اللي نسات ريم تسدو وهي كاتطلع لغرفة اشقر..أكيد عرفتو صاحبة العيون..ومن غيرها فاتي ..اللي كانوو دمووعها على طرف عينيها...كاتشووف حبيبها فحضن وحدة أخرى من غيرها ..هاد النعسة كان كاينعسها معاهاا هي..وكانت هي اللي كاتلعب فشعرو حتى ينعس..ومراات كاتعااود ليه الحكايات والحجايات باش ينسى همووم الخدمة والداار..كانت بحال الصماام اللي كايصم كل ماهو سلبي من جسمو وكاايجود عليه بكل ما هو إيجابي ..شنو ولا كايبغي ريم ونساهاا..ولا أصلا ماكانش كايبغيهاا من الأول وكان غي كيتفلا عليها..
-فاتي:مشى أفاطمة الزهرااء مشى..دخلي هاد الموضووع لعقلك..
تمشات بضع خطوات فاتجااه غرفة الضيووف..حتى كاتحس بالدووخة وكأنوو الأرض كادور بسرعة..وقفات بلاصتها شادة فالحيط حتى مشاات منها..وجاا بلاصتها الشعوور بالغثياان والقياء...الشيء اللي خلاها تجري بسرعة فاتجااه المرحااض تفرغ كل ماكلاات من الصبااح..
على فكرة هي هاااكدا فهاد الأياام كوولهاا...تكون مرييضة بالمعدة زعماا ؟!
فااق أشقر فالعشية..دور وجهوو جهة ريم ومالقاهااش..شنوو كايتسنى منهاا تبقى معااه ياك هي ماكاتحملوش..نااض دوش علييه باش يخفافو عظاموو..لبس شورط وتيشوورت ديالوو وخرج...
بالصدفة تلاقى هو وفاتي فالكولواار..حسات براسها متوترة وخصووصاا أنهاا هي ويااه الراس فالراس..أيام العزااء كولهاا وعمرهوم تكلمو مع بعضهوم..كاتبغي تهضر معاه وكايتهرب منهاا..عند بالوو راها فعلاقة مع فراس ونساتو..ولكن بلاتي بلااتي..ياك حتى هو باغي ريم تبغييه..واش هادا عندو انفصاام فالشخصية ولا شنوو؟!..واش كاين شي مرض جديد اللي كايخلييك تبغيي كااع الناس يبغييوك ويحمااقو عليك؟!..الاا كان فأشقر مرييض بييه..وفحالتو الحاادة يمكن..
مشى لجهتهاا ومد يدو لناحيتهاا..
-أشقر:السلام..
-فاتي:(مدات يدها)السلام..
-أشقر:صافاا؟!..
-فاتي:حمد لله طواا؟!
-أشقر:أوسي...
شنوو هاد البروود اللي بيناتهم..ماكاانووش هاكدا أبداا..شنو اللي وقع..لهاد الدرجة علاقتهوم ولات بااردة ومامنهااش أمل..
تمشااو بجوج فالكولواار ..حتى وصلو لدروج..
-أشقر:تفضلي..
-فاتي:لا غي تفضل نتاا..
لا لاا ماقالهااش لاا غي هبطي نتي..هبط وخلاها مبلوكياا بلاصتهاا..يااك هو اللي كان كايسبقهاا فأي حااجة..هو اللي كايجر ليهاا الكرسي فاش كايمشيو لأي مطعم حتى تجلس عاد يجلس هو ..يااك هو اللي كان كايوكلهاا بيدييه حتى تشبع عااد يمشي يقلب ماياكل هو..ويبقى يخربق فالكوزينة حيث مابينو وبين الطياب غي الخيير والإحساان..كان رجل جنتلماان..علاش مابقااش؟!..ضحكات باستهزااء على أسئلتهاا اللي عندها أجوبة ..هو باقي كيف الأول..ولكن مع غيرهاا...
هبط أشقر للتحت..كانت الداار خواات ومابقاتش كيف الأول...بقاات غي مامااه و خالتوو..وفاتي أكيد..دور وجهوو فالمكان كايقلب على ريم..شافتو فاتي وعرفاتو كايقلب عليهاا..
-فاتي:راها فالبيت لاخراا..
تلفت ليها أشقر ..وبدون حتى كلمة مشى وخلاهاا واقفة وسط الصالون كيف الهبيلة ..دخل للصالون لاخر ولقاا ريم ومرواان وإلينا..كانت متكية على كتفو اليمين...وإلينا على كتفو اليساار...ولاات كاتتقبل الوضع..أو بالأحرى بزز منها تتقبلوو ..وإلا مروان غايتقلق..كانو كايتفرجوو ف "الكوبل"...
-مروان:(مدور وجهو لناحية إلينا)شفتي الشعيبية معامن كانخوونك..تيتييزة هه
-إلينا:ههه ماضحكش عليا ماكنتش عارفة راني ماشي ديما فالمغرب وااه هه
-ريم:شفتي لاش قلت ليك خاصك تغلاضي ..شوفي هي كيف داايرة وحنا كيف دايرين ههه
-إلينا:(تطلقات معاها)ههه ااه خاصناا ناكلو دگ دگ
-مروان:هههههه دگ دگ..
-ريم:واامي ههههه واتي راماسميتوش دگ دگ سميتو دردگ..
-إلينا:بقااو مقابليني ههه
جرهووم مرواان لعندوو وزااد خاشيهوم فيه..عجبو الحال لأنهوم تطلقو مع بعضهووم..ومابقاش بينهوم داك سوء الفهم..باس على راس إليناا..ودار باس على راس ريم..عاد طلع راسو وهو يبان ليه أشقر واقف كيف عزرائييل قدام الباب
-مروان:ميسيو أشقر..؟!
تلفتات ريم لناحيتوو شافت فيه و ابتاسمات ليه .. ابتسامة اللي خلاتوو ينسى كااع داك الكلاام اللي كان غايقول ليهوم واللي كان كايوجد لييه وهو كايسمع لكلامهم وضحكهم..
-ريم:أجي جلس معانا...
مشى جلس أشقر حداهوم وهو مامتيقش اش كاايديير..كيفااش قدراات تسيطر عليه بابتسامتها وكلامها وتخليه تاابعها كيف العبد المأمور ..من طبعو ماكايبغييش الإختلاط وخصووصاا مع نااس غربااء وماكايعرفهومش..الصديق الوحييد اللي عندو هو دياب..
-مروان:إواا اسي أشقر ماكايكتاابش ليناا نجلسو ونتكلمو بجوج..هاحنا تلاقينا دابا
-أشقر:ااه...
بقات كاتشوف فيه ريم باستفهام..صافي..ااه اللي عندو ماايقوول..واش كايخلص على الكلماات..مروان فهم الأمر على أنوو أشقر غاار على ريم اللي معنق..
-مروان:(بهمس)ااه الغيرة وداكشي..
طلق منها ودفعها لعند اشقر..
-مروان:سيري عند رااجلك ونتي لاصقة فيا كيف الجرادة...بااين رااجلك منقصك حناان هاهاا..
خنزراات فيه ريم بمعنى هااهي والله لاابقاات فيك..أشقر عجبوو الحال وجرهاا لصدرو..
-اشقر:الله اودي ماكاين لا نقص لا والوو..بالعكس فاائض كاع ..ياك أحبيبة..
-ريم:(حالة فمها)ها...هيهي كايهضر على الفائض فالميزاان التجااري..خدمتو هيهي ..راك عارف الصادراات والواردات ..واحد كايعطي ولاخر كايااخد
-مروان:(كايسممها)هه من ناحية واحد كايعطي وواحد كاياخد أناا معاك ..ولكن رااجلك مهندس على ماافخبااري..
-ريم:قلب الخدمة..هو كل شهر بخدمة جدييدة..ااه حتى الطب دااز منوو..
-أشقر:اوب اوب اووب الطب مامعانااش داكشي دليبااري والدم وليزاابارااي ماعنديش معاه..
-إلينا:(زادت ارتاحت لتواجد أشقر مع ريم)هه ضحكتوني..جيتو كوبل غزاال صراحة..
-مروان:ااه غزالين😉
بقات ريم كاتعض فقنووفتهاا بالسم اللي فيهاا وكاتحلف على مرواان وفعايلو ..
-أشقر:هه حتى نتوماا كوبل زوين.ياك كوبل بعداا..
-إلينا:ااه كووبل(باست مروان ففمو بوسة خفيفة)..
-مروان:(بهمس)إليناا راحنا فدار دالعزاا يمكن...
-ريم:أراا شي بااب نهرسوو بووه ههه
-مرواان:بااقي مانسيتهااش ليك..
خرجاات ريم لساانهاا فيه وبداات كاطلع فحجباانهاا وتهبطهووم..
-مروان:صحاابلي زلزاال هه
-ريم:(طلعاات راسهاا للفووق حتى ضربات أشقر فصدروو)واااع ههه كنتو غاتموتو ونتوما كاديرو الفاحشة..جهنم وبئس المصييير..بلاصتك فالسخوون أسااط..
-مرواان:هيهي😑 هاهياا فيك...
طلع رااسو لجهة الباب وبانت ليه فاتي..كانت باغة دخل وفنفس الوقت ماباغااش..جاها الملل وسط ماماها وخالتهاا و برزطووهاا بأسئلتهوم على فين ولات وفاش خداامة..كون ماهي اللي صونات لماماهاا تستفسر اش وااقع ماللي شافت أشقر بديك الحالة ماتصييقش الخبار لموت مصطفى..
-مروان:السلاام..
تلفتوو كولهووم لجهة الباب حتى بانت ليهوم..بعدات ريم من أشقر ماللي شافتهاا..حس بيها أشقر وزاد مزيرها لعندو..
-فاتي:السلاام ..ياكماا تطفلت عليكوم..
-مروان:لاا لاا حناا اللي تطفلنا عليكووم وكانضحكو وحناا فدار العزاا ناديروهاش منا قلة الصواب..
-أشقر:لا لاا خود راحتك..
-مروان:الله يكبر بيك..(شاف ففاتي)فاتي ياك؟!
-فاتي:ااه فاتي ولكن أنا ماكانعرفكش..
-مروان:أنا مروان صديق ريم..سمعت بيك بزااف..وعاد كتاب نتعارفو..
-فاتي:(بابتسامة)ااه متشرفين مروان..
-مروان:هاادي إليناا حبيبتي..
-فاتي:غزالة ماشاء الله..
-إلينا:حتى نتي أحبيبة ..
بقاات ريم غي مبلقة عينيها وكاتشوف فركن التعاارف اللي قداامهاا..دورات وجهاا لأشقر وتكلمات فودنيه..
-ريم:(بهمس)أشقر طلق مني..نتاا استخدمتيني مرة بااش تغير وماغانخليكش تعااودهاا..
قرب ليها حتى هو وتكلم فودنها..
-أشقر:(بهمس)لاا أنا ماكانحاول ندير والو..عادي معنق مراتي مامنحقيش...
قرب باغي يبوسها ففمها وهي تبعد..واستقرت قبلتو فخدها..
-إلينا:احم احمم نحن هناا هههه
بعدات ريم منو بسرعة وحنيكااتها حمريين..ماعجبهااش لجييست وحسات بإحراج كبيير..
شااف فيها مروان بمعنى ياك لابااس..ومات بعينيها بمعنى والو..بقا كايشوف فيها بتشكيك..حتى سمع صوت إلينا..
-إلينا:هه خودو راحتكوم حناا اللي هاجميين عليكوم هه..اواا ماتعرفنااش مزيان أفاتي..فاتي...
-فاتي:(كانت ساهية فأشقر وريم)هاا؟!..سس سميتي فاطمة الزهرااء والناس القراب كايعيطولي فاتي(شافت فأشقر)
-إلينا:دوونك حتى حناا غانولييو قرااب لييك هه
-فاتي:شرف لي حبيبة..مغربية يااك؟؟
-إلينا:ااه مغربية هولندية..فشنوو خدامة حبيبة؟!
-فاتي:اا..(شافت فأشقر اللي بدورو كايشوف فيها وكايتسنى الجواب )تصمييم الأزياء...كنت وقفت واحد المدة بسباب واحد المشكل مي دابا تهنييت منو..
-إلينا:و أنا مايك آب أرتيست هه دونك نتي اللي غااتصممي ليا كسوة دالعرس..ياك أمروان؟!
-مروان:أهااه علاش لاا..
-فاتي:مرحباا..
-إلينا:نتي اللي صممتي لريم وأشقر؟!
سكتو كوولهوم وماتكلمووش..من غير مروان اللي خنزر فيها بمعنى سكتي..
-ريم:(بعيون دامعة)لاا احبيبة..أنا كان أخر همي هو الكسوة...حيت الوقت فاش كانلبس الكسوة البيضااء حتى ماما كانو موجدين ليها ثوب أبيض..ماشي كسوة ولا حتى جلاابة...كفن فاش داروهاا ولواوهاا فيه..وحطوهاا فديك الحفرة الصغيرة تحت الأرض..غطاوها بالتراب ورجعو لديورهوم مخليينها تماا بووحدهاا..يعني أنا ماشي عروسة بحال كااع العروسات..يمكن تقولي لعنة ..نحس أي حاجة طااحت فبالك...هاكدا أنا(بابتسامة)
كولهوم بقا فيهوم الحال على كلامها..أشقر..مروان..إلينا وحتى فاتي...
-إلينا:سمحيلي حبيبة ماقصدش نفكرك..
-ريم:نو عادي أصلا مانسييتش باش نتفكر (بابتسامة)..
-مروان:(خنزر فإلينا)يالااه للدار راتعطلناا...
وقف وشد فإليناا..ومشااو
-ريم:بلاتي نمشي معااكوم..
وقف مروان كايتسناها حتى جاات وشدها من جانب كتافهاا وجرها معاه...
بقاات فاتي وأشقر الراس فالرااس..كايشوفو فبعضهوم وكل واحد كايتسنى لاخر يتكلم..وأخيرا تكلم أشقر
-أشقر:مم رجعتي لتصميم الأزياء..
-فاتي:ااه رجعت لتحقيق أحلامي..راك عارف تخليت على بزااف دالحواايج على قبلك ولكن للأسف ماتستاحقش..
-أشقر:(بشوفات باردة)خااصك تشكريني..بسبابي مشيتي لمرااكش..وتعرفتي على شخص جدييد..وعاايشة معااه الرومنسية..نصيحة مني ...
وقف من بلاصتو..هبط الشورط اللي تجمع عليه وهو كالس..ودار شاف فيها..
-أشقر:ماتخلاايش على بزااف دالحوايج على قبلو..حيت ممكن يمشي ويخليك كيف درت أناا ..والأهم تيقي فييه وماديريش معااه أمور الغيرة وداك الزمر اللي درتي معايا أناا..وإلاا ..غاتخوري تمااماا كيف دابا 😉..
تمشى خطواات قلاال وهي تبعوو وشدات فيدييه....
-فاتي:نتاا شنو كاتقوول؟!..هه أناا ماكانعرف حتى وااحد كانحلف لييك ..هادااك المديير ديالي ومابيني وبينوو والو..
شداات فوجهوو بين يديهاا ...قربات ليه وحطات جبهتها على جبهتو...
-فاتي:نتاا باقي كاتبغيني أنا متأكدة..نتاا كادير هاد التصرفاات قدامي باش نغير ونجي نطلب منك السمااحة..صافيي أناا غانطلبهاا منك..سمحلي على الغوات اللي غوت علييك وعلى أي كلمة خرجاات من فمي ولكن عدرني اناا كانبغيك ومانقدرش نتخيلك فحضن وحدة أخرى..(بتوتر)نتاا تقدر تخيلني مع واحد أخر هاا؟!
طوول كلامهاا و أشقر كايشوف فعينيها البنيتين..اللي طالما عشقهوم وطاالما تغزل فيهوم..كان كايقول ليهاا أنو عيوونها عسل..ومامنحق حتى وااحد يشوفهوم من غيرو..عينيها كايدوخووه وكاينسيوه فين كااين هو..وشنو كايدير ..كاينسييه حتى فسميتو يمكن..سد عينيه وكأنو كايقااوم سحر عيونهاا..ونطق ببرود..
-أشقر:عاادي شنو دخلني أناا؟!
بعدات منو فاتي بسرعة وهي كاتحرك راسها بمعنى لاا وكاتضحك بجنون..
-فاتي:هههههههه لاا لاا هااداا ماشي أشقر اللي كانعرف..هاداا ماشي أشقر حبيبي...ماشي أشقر اللي ماخليناا مادوزنااا..ماشي أشقر اللي كان كايواسيني فاش نكون كانبكي..يعنقني ويمسح دمووعي ويقولي كانبغييك..ويقوولي كانكره نشووف الدموع كايهبطو من عوينااتك..ماشي أشقر اللي كان كايشري لي شوكوولاا ويدلعني بحال شي بنية صغييرة..ماشي أشقر اللي كانو كااع صحاباتي حاسديني علييه وكايقولو لي سعدااتك بييه..ماشي أشقر اللي بغيتوو وعطيتوو شرفي فطبق من ذهب..ماشي أشقر اللي أول مرة نعس معااه ..فااش شااف دم عذريتي باسني على جبهتي وواعدني عمرو يتخلاا علياا..وأناا كيف الحماارة متيقااه ..ماكانش عندي أدنى شك فكلاامك...ماشي أشقر اللي طيحت بكرامتي على ودو وطلبت منو السمااحة رغم أنو هو اللي خاصو يطلبهاا...ههه والله حتى حمقة أفااتي..حمقة اللي تقتي فييه شنو كنتي كاتسناايه يديير ..أكيد غااياخد شرفك ويمشي يتزوج بوحدة باقي بشرفهاا ..ههههههههه لاا والله حتى حمقة نييت..عندك الصح أولد خاالتي تخورت أكبر تخوييرة فحيااتي ..برافوو برافووو..
بعداات منو باغة تمشي فحالها...حتى جرها بكل قوتو ليه..وسكتهاا ببووسة عنيفة منو..بوسة اللي خلاتها واقفة بلاصتهاا وهي مصدومة...كاترمش عينيهاا ببطء وكأنوو خدرهاا..ماقدراتش تبعدوو ماقدرااتش...بقاا كايبوس فيها بكل شغف..مخلي لسانوو يتجول ففمهاا ويتذوق ريقهاا بتلذذ..بعد ببطء وهو جار معاه شفتها السفلى..وكايشوف فيها شوفات اللي عااد مادوبوهاا..وكأنو أول مرة يقرب منهاا..ولا أول مرة يقبلهاا..بعد بخطوة للوراء..وكايشوف فيهاا كيفاش واقفة جامدة وماقادراش تحرك..ابتاسم باستهزاء ليها..دور وجهو وخرج فحالو مخليهاا وااقفة بوحدها من جديد..وهاد المرة ماحبساتش دموعهاا..خلاتهوم يخرجو على راحتهوم ..هبطات جلسات على ركابيها وكاتشوف فالبعييد ونفس الوقت كاتعااتب نفسهاا..علااش استسلمات ليه؟!..علاش ماكاتقدرش تحكم فراسها قدامو..علاش تصرفاتوو كايتلفوهاا..وقبلاتوو كايخليوها تنسى اسمها...
-زهرة:بنتي...فاطمة الزهرااء فينك...فااتي؟!مالك كااتبكي؟!..شكون داار ليك شيحااجة؟!..أشقر ولاا مرتو هااا؟!
-فاتي:(كاتمسح دموعها)شكاتقولي أمامااا شنو غايديرلياا..أناا..اا تفكرت خاالي مصطفى...وتفكرت أني غاانرجع فحالي فهاد الأياام وغانخليكووم ..خفت حتى نتوما تمشيو وتخليوني..صافي هادشي اللي كاين أماماا..
-زهرة:اخخ ابنتي اخخ راسك قااصح كتر من بابااك..شغاانقووليك ابنتي ديري اللي عجبك ومرتااحة فيه أناا ماعندي مانقوليك أصلا كاديري اللي قالك راسك..نتي وخووك مسقيين بمغرفة وحدة..علم الله فينوو داباا..كاتشطنوني عليكوم ابنتي..
-فاتي:(عنقات ماماها)اهئ مامااا عارفة راسي أناا ماشي بنت مزياانة ودرت حواايج اللي ماكاتعجبكوومش ولكن واخاا هاكدااك غاتبقااو تبغيوني يااك ؟!ماغاتخلااوش على بنتكوم..يااك أماماا؟!
-زهرة:لاا ابنتي غانبقاو معاك ولكن شنوو اللي درتي وماعاجبنااش..!!
-فاتي:ماشي شيحاجة غي حيت مشيت وخلييي..ااعع
-زهرة:بنتي ماالك...؟!
مشاات فاتي كاتجري تقياا من جديد..مخلية مهاا كاتشوف فيهاا باستفهام؟!
*المعدة بنت الحراام😂*
🌼🌼بجانب الباب الخارجي للفيلا..
-مروان:رييم يااكما بقاا فيك الحال لكلام إلينا راماقصداتش تقول هاكداك
-ريم:لاا عادي مابقااش فيا الحاال والله..كلاامها ماغايبدلش الحقييقة..اللي وقع وقع..
-إليناا:(معنقاهاا)اهئ عافااك سمحيلي على كااع اللي درت لييك والله ماقااصدة احبيبة اهئ
-ريم:أويلي على حمقة ماتبكيش.. صافي عادي ماوقع والو...غاتخسري ماكيااجك و مروان يقلب على شي شعييبية ههه راوااحد الزهواني هاداا مامنووش...
قرب ليهاا مروان بابتساامة..وشنق عليهاا من عنقهاا مهبطهاا لمستوى بطنو اللي ماليااه العضلات السداسية..
-مروان:وااش ماكاتحشمييش يا هااد الفاارة علاش سديتي البااب بديك الطرييقة مامنحقييش نبووس هاا؟!
-ريم:غزييت فيكووم الكفرة بالله حتى تزوجوو وديروو اللي بغيتووو..شوفي أإليناا عندااك يغرك الشيطاان وتخلييه يدير فيك ماابغااا..صبري أحبييبة الحلاال را زيين...
-مروان:طفرتييه نتي بالحلاال..كوني هاانية كانقدر نتحكم فنفسي..يعني وااخاا صعيبة شوية قداام هاد الكتلة دالجماال..ولكن راني صاابر هه
-ريم:عنييبة ...وااااع ههه واصافي سمحلي ...
طلق منهاا مروان وهو كايضحك عارفهاا حمقة..وواخا يطرا اللي يطراا وتبكي وكولشي كاترجع تضحك وتنسى...
-مروان:مسطية..غااتمشي غداا للكلية ؟!
-ريم:ااه ضروري..اووف خاصني عااود نمشي للإداارة ..مشاكييييل
-مروان:لاا كوني هانية راا هضرت مع المديير..
-ريم:بصاااح..شكرااا بزاااف (نقزات عليه معنقاه)تاانمووت فييك أناا..
-مروان:ماتبقايش تقولي شكراا الحماارة ..
-ريم:بغل😑..إليناا دي علياا هاداا..
-إلينا:ههه أوكي...
-مروان:نلقااك واجدة غداا أوكي بب؟!
-ريم:مم المهم حتى نشووف عندي وااحد الغرض غايخصني نقضييه غدا فالصباح..
-مروان:شنو هو؟!
-ريم:من بعد ونقول ليك..سير رااك خليتي العياادة..
-مروان:لاا اليوم روبوو قلت ليهوم مايحلوش..غانخرج مع إليناا..تخرجي معاناا؟!
-ريم:لاا لاا خليكوم بوحدكووم الراس فالراس..
-مرواان:مرة خراا..(قرب وباسها فحنكها)بسلامة القردة..
-ريم:بسلاامة عليكووم...
تماات راجعة فحالهاا حتى تزادحاات مع أشقر اللي كان غادي ساهي ويديه على فموو..
-ريم:هااء شوف قداامك..
-أشقر:جيت نعيط لييك باش تعشااي..
-ريم:همم ميغسي..
ضرباات فيه وخلااتو وااقف..كماا تدين تداان اسي أشقر😑...تبعهاا أشقر وجلسو يتعشااو..هما بجوج وسمية وزهرة..التاحقات عليهوم فاتي ومن ملامحهاا باين العيااء..كان وجهها صفر وعينيها منفوخين وناعسين...باقي قطرات الماء على جبهتهاا..وجامعة شعرها كعكة مهملة للأعلى..
-سمية:بنتي فاتي يااكما مرييضة؟!
-فاتي:هاا الاا لاا غي عيانة وصافي..
-زهرة:كولي كولي رااك ماواكلة والو من الصبااح مااعرفت شكااتردي..
-فاتي:يعع شنو هادا؟!
-سمية:الدجااج شنو غايكون ههه
-فاتي:اووف ومال ريحتوو هاكداا..مابغيتووش بصحتكووم..
-سمية:أويليي أبنتي مابيه والوو هانتي شووفي ريم كاتاكل فيه عاادي..ياك أريم..
-ريم:(لا رد)
-سمية:احمم هه نقول للخدامات يديرو ليك شيحاجة قبل مايمشيو ..
-فاتي:لا لاا مابغيتش..خالتي كااين الخووخ؟!
-سمية:غاايكون فالثلااجة ..
مشاات فاتي كاتجري للكوزينة مخلية كل من زهرة وسمية كايشوفو فيها بتشكييك..و اشقر كاايشوف فيهاا كيفاش كاتجري وكاايفكر قبلتهوم وهو ساهي..
-سمية:أشقر..أشقر..فين سااهي أولدي؟!وليتي بحال ريم
طلع أشقر عينيه فموو وفريم ...
-أشقر:لا لاا أنا معاكووم..
كملوو عشااهوم فصمت..وبدوون حتى كلمة..أكييد حسوو بمكان مصطفى الفارغ ..
🌼🌼فالكوزينة..
جالسة فاتي فوق الحائط القصيير دالكوزينة..وحااطة قدامهاا شبكة دالفوااكه..كاتااكل وتتلذذ بمذااقهووم..ومراات تقطب حوااجبهاا الاا كان المذاق حاامض..
-فاتي:(كاتاكل فخوخة)العجب شنو طرااالي مااكنتش كانحمل الخووخ..همم صدق بنيييين
كملاات ماكلتهاا وطلعاات فحالها للبيت..دوشاات تريح رااسهاا وخرجات حتى كاتلقى ماماهاا فالبيت جالسة فالسرير وهازة تيليفونها
-فاتي:(وهي كاتمسح شعرها)ماما شنوو كاديري بتيليفووني..(خطفاتو من يدهاا)كاتقلبي لياا فتيليفوني!!باشمن حق اشهااد الفعاايل أمامااا؟؟
-زهرة:غيي شفت الساعة ماتزيدييش فييه..
-فاتي:شنو بغيتي اماماا؟!
-زهرة:غاانجييك للصراااحة..كااتعرفي شيواحد؟!هادشي اللي فييك ماشي نوورماال..الدوخة وكاتعيفي حاجاات وتبغي حااجاات..يااكماا غلطتي مع شيواحد؟!..أشقر يااك!!
-فاتي:(بتوتر)ماما نتي شنوو كاتقولي ..زعماا حاملة..الاا شكاتقوولي حتى نتي اماماا..
-زهرة:ماكااتعرفيش تكدبي..(شاادة على شعرها بجهد)غلطي الحماارة ها!!..جااتك العاادة الشهرية؟!
-فاتي:(شادة على يد ماماها)احح اه اهه جااتني..والله حتى جاتني..
-زهرة:أشقر ياك؟!
طلعات فاتي راسها بمعنى ااه وهي مهبطة رااسها بخجل..
-زهرة:مامشيتوو حتى درتوها..بلاتي بلاتي ديك 3 شهور اللي قلتي كنتي عند صاااحبتك اللي ماتت مامااها كنتي معااه..
-فاتي:(الصمت)
-زهرة:خسااارة تربيتي فيييك...
🌼🌼فغرفة ريم..
جالسة فبيتهاا ..جامعة شعرهاا ...وكاتراجع اللي فاتهاا..حتى سمعات الباب غايتحل ودغيا طارت على شالها ولبساتوو..
-اشقر:ماالك على حاالتك مالني عمري شفت الشعر..
-ريم:عيقتيي....واابقاا تدق الباااب وااه..
-أشقر:راني رااجلك يمكن؟؟
قرباات منو ريم بخطوات بطيئة..وشافت فيه بنظرات حادة..
-ريم:شنوو كاتحاول ديير هاا؟؟أناا أسي أشقر ماااشي لعبة بين يدييك..صبرت لهااد الزوااج ولتصرفااتك وكلامك المسمووم..ودابا مانقدرش نزييد نصبر ..خالي علامن كنت صابرة ماااات..بغيت طلاقي وااخاا
-أشقر:(زاد مقرب ليها بنظرات حادة)نتي مراتي بيتي ولاا كرهتي..على أي هاااد الموضوع غاانهضرو فييه والوضع غايتبدل😉
-ريم:(بتخنزيرة)اشمن وضع كاتكلم نتاا؟!..
-أشقر:على هداا..
لا لاا أكييد هو مابااسهاش..أكييد هو ماسرقش منهاا دابا أول قبلة ليهاا..كانت بغاات أول وااحد يقيس شفايفهاا يكون اللي كاتبغيه..وحتى لو كانت بدات كاتحس بشي حاجة من جيهتو فالأيام الأخيرة..غايكون قتلها بهاد التصرف الهمجي ديالو..كيفاش عطاتو نفسوو يقبلها بدون إرادتهاا..ماشي من حقوو يفرض عليها حاجة اللي هي ماباغاهاش..كيفاش عطاتو نفسوو يكمل فتقبيلها واخاا كاتدفع فيه بكل قوتهاا..لا والأكثر دفعهاا على الحيط وكمل على مابدا...لحظة لحظة وااش يديه اللي فخصرهاا..وكايحاولو يقييسو فمؤخرتهاا..لا هي ماتقدرش تزييد تصبر كثر..
عضاتوو فقنوفتوو حتى خرج منها الدم..وضرباتوو لحجرو بقوة ..الضربة اللي خلاتو مفرش فالأرض وكايحاول يكتم صراخوو من كثرة الألم..
-ريم:(بصراخ)خرج علياا...مابغييتش نشوف وجهك خرج..
-اشقر:سمحيلي..رييم انااا...
-ريم:سكت سكت..ماتقوليش سمحيلي..على شنوو غانسمح ليك هاا؟!..خرج عليااا ..
بدا تيليفون اشقر كاايصوني..وقف بصعووبة..شاف فيها كيفاش كانت كاتبان فقمة الغضب ديالها..رجع شاف فتيلي ديالوو وخرج وهو مهبط راسو للأرض
-اشقر:الو شكون معايا؟!
-دياب:الوو هادا أنا دياب..
-اشقر:عااد غاتهضر..علاش مشيتي بلا ماتقولها؟!
-دياب:احمم ماشي هادا هو الموضوع اللي باغيك فييه..البركة فراسك من جهة عمي مصطفى..حزنت عليه بزااف..
-اشقر:مامشى معااك بااس..
-دياب:خوياا..مقلق على المشية ديالي بلا مانقوولهاا..راكان عندي سبب.. رااه..
-اشقر:(مقاطعو)ماكايهمش السبب أصلاا مولف كاديرهاا..نسيتي فاش كاتكون بايت معايا فألمانيا مقصرين فالصباح كانفيق ماكانلقاكش..حتى كاتصوني ليا من تركياا..
-دياب:لا مانسيتش..احمم خوياا اناا غانجي للمغرب غدا نصبح تما اوكي؟!..
🌼🌼عند ريم...
اللي قفلات عليها الباب وبدات كاتبكي على زهرهاا..كاتقوول كون بقات ماماا ماغااايوقعش لياا هاكداا..وماغايتجرأش حتى واحد يقيسني..كنت غاانبقاا فدارنا معززة مكرمة حتى نلقاا اللي يبغيني ونبغيه حتى أنا..وكوون بقاا خالهاا فالحياة..على الأقل اشقر ماايطغاش ويدير هااكدا كااع..كاتفكر كيفااش غااتقدر توقف هااد الزواج..والاا وقفااتوو أكييد غايجري عليهاا من الدار..فين غاتعيش وشنو غاتااكل؟!وبشنوو غاتصرف؟!مصروف الكلية والدرووس ؟!..كل هااد الأسئلة كانو كايدورو فرااسهاا وكاتقلب على إجابات ليهووم..جمعات كتوباتها ووراقهاا حيت مشاات ليها الكاانة دالقراية..توضاات وصلاات وطلباات ربي ينتاقم ليهاا منوو ..عارفااه راجلها ولكن هادشي ماكايعنييش يفرض عليهاا حاجة ماباغاهاش..طلباات ربي يبعدوو عليها من طريقهاا بأي طرييقة وتفك منوو..وأخيراا طلباات الرحمة لواليديها ولخالها..ورجعات لبلاصتها تنعس وكل ماتفكراات تصرف أشقر كااتزييد تعصب..خدات تيليفونهاا ودارت حلقة دمسلسل تركي متبعااه تسهر بيه..وكلما شاهدت لقطة رومنسية كاتبتااسم بلا هوااها وتبداا تبني فأحلامها الوردية مع بطل مجهوول باقي ماكتاشفاتوش ..الأهم هو أنهاا مبعدة أشقر من دور البطولة فقصتهاا..وقاااحتوو وحماقتوو لا تغتفر بالنسبة ليها..
🌼🌼الصباح الباكر
متكية على لافابوو وكاتشوف فاختبار الحمل اللي فاقت وشرااتو بكري..كان فيه خطين أحمرين..هذا إن دل غاايدل على حملهاا..ماحساتش حتى هبطات دمعة من عينيهاا..وتبعاتها دمعة..ودمعة..
-فاتي:ااه شنوو درتي افااتي شنوو اهئ..علاااش استسلمتي لييه علااش..اخخ ياربي شنوو درت حتى نكون حاملة من راجل مزوج..يااربي سمح لي على اللي درت..كان خاصني نفهم باللي الحراام طريقوو مسدوودة..ياربي سمح لي..اهئ..
تلفتاات وشافت فالمرآة وهي حاطة يدها على كرشها..
-فاتي:ماخااصكش تجي لهاد الدنياا..ماجيتيش فالوقت المناسب ..بابااك مزوج اهئ..خاصني ندير الاجهاض...(شدات فراسهاا)اهئ اهئ ماانقدرش..لا لاا أناا ماغاانصححش غلط بغلط كبر منوو ..هو غاايكبر معايا أنا وباباه..أكيد ماغايتخلااش عليه..
بقاات كاتشوف فراسها كيف ولاات بالبكا..غسلاات وجهها ومشطات شعرها...
-فاتي:(بابتسامة)دابا كرشي غااتكبر شهر على شهر..غاايكبر فكرشي حتى نولي نتمشى كيف البطرييق هه غانعييش أناا ويااك وباباك..
دغياا جمعات ابتسامتها مني تفكرات أشقر وشخصيتو العدوانية..واخا يدير اللي دار كاتبغيه..لا ماشي كاتبغيه كاتعشقو..واخاا كايطيح بكرامتها ماشي مرة ماشي جووج باقاا كاتبغيه..لاازم تقوليه على البيبي..فالأخيير كايبقى هو بابااه..شكوون عرف يرجع ليهاا كيف كانوو قبل..
عااد خرجات وفيدها اختبار الحمل وهي تلقى ماماهاا واقفة..خباتو بسرعة مور ظهرهاوابتاسمات لماماها
-زهرة:كانعيط ليك ماكاتجاوبيش فين كنتي غارقة..شنوو خبيتي مور ضهرك..
-فاتي:غي واحد الأكسسوار لقيتو طايح لياا ..ماماا بابا كاين فالدار يااك؟!
-زهرة:ااه فالداار غاتمشي عندو؟؟راا مقلق منك هاادشي باقي ماعارفش حرييرتك ومصاايبك
-فاتي:ماماا عافااك ماتقولي ليه والوو..ولا على الأقل حتى نمشي فحاالي عاافااك..اناا غانمشي نهضر معااه واخاا..
-زهرة:الله يهدييك ماعندي مانقوول..ماكنتيش قد الثقة اللي عطيتك..انا ماغانقول والوو ..
-فاتي:(معنقاها)ماماا سمحيلي عافاااك..لحظة ضعف اماماا..ثقت فييه ولكن هو غدرني..
-زهرة:(مبعداها عليها)غدرتيني أنا وبابااك وخووك ومابغيتيهش يغدرك...هبطي تفطري وماتبقاايش فهاد الدار بااقي..أنا غانشوف شي حل اناا وخالتك..
خرجاات زهرة وخلات فاتي كاتلوم فرااسها على فعلتها..هزاات اختبار الحمل بين يديهاا وكاتفكر فين تلوحوو..أكيد ماماهاا غاتجي تقلب فبيتهاا..الجردة..هي غااتغبروو فالجردة حد ماغايلقااه..وحتى لو لقاوه ماغاتجيهومش فبالهوم..
هبطات بلا مادير صوت..ومشات للحديقة الخلفية...لاحتو مور شجرة وتمات راجعة حتى تلاقات مع اشقر وفيدو كارو..عجييب!!عمرو دخن طول علاقتهووم..يكونو عندو مشاكل زعمااا!!
-اشقر:شنو لحتي تماا...
مشا ورا الشجرة وهز الاختبار بين يديه..بقاا كايشوف فيه شحااال..تفكر فيلم شاهدو هو وفاتي فالسينيماا..كانت البطلة هازاه فيدهاا..فاش كتااشفات باللي حاملة من البطل..طلع عينو فيها باستفهاام ..كانت مهبطة راسها للأسفل ..وعاضة فشفتها السفلى..
-أشقر:حااملة؟!
طلعات راسهاا وهبطاتو بمعنى ااه...
طلع أشقر راسو للسمااء وعااود هبطوو ..
-أشقر:(مطلع حاجبو)من شكون؟!..
-فاتي:هه نتا داباا راك كاتهبط من قيمتي بهاد الكلام..واش كانبان ليك بنت الزنقة؟!
-أشقر:مم..نكونو وااقعيين أناا شفتك كيفاش كنتي كاتصرفي مع مديرك كيف قلتي..شكون عرف تكوني عطيتيه مقابل باش دخلي للخدمة..باش أنك تلقاي خدمة بهاد السهولة بيزار شوية..أجي ياكما باغا تقولي باللي ولدي هه
بقات فاتي كاتشوف فيه بصدمة..لا دابا عاد تأكدات باللي هاداا ماشي أشقر اللي كاتبغي ..حبيبهاا كان رااجل وماكايديرش فعايل الشماايت..واش هو ماعارفهااش..ماعارفش برااءتهاا..ماعارفش نيتهاا الصافية..ياك من ديما كايقول ليهاا My angel شنوو تبدل دابا؟!..عند بالوو باللي كيفما هو خانهاا ماشي مرة ماشي جووج حتى هي غاتخونوو ..عند بالو باللي الحقارة صفة لكاع الناس ماشي ليه هو فقط...تنفساات الصعداء كاتحاول تتحكم فغضبها ودموعها..ضحكتها وكولشي..أحااسيسها كولهوم تخلطوو عليهاا..
-فاتي:هه لا كون هاني ماشي ولدك..أصلاا مايحصلش ليا الشرف نحمل من وااحد حقيير وشمااتة فحالك..ماعندكش ذرة رجولة..بعد يدك الموسخة مني..ماغانسمحش ليك تقيسني من بعد اليووم..أناا غانعيش بيك ولا بلا بييك..هه صرااحة كانشكرك من كل قلبي..عرفتي علاش ..علمتيني درس كبير فموضووع الثقة..باش عمري نثييق فشي واحد كيفما كان ولو خاني حتى أناا غانخونوو ببسااطة..تهلاا فراسك أولد خالتي..وماتبقااش تكمي غااتزيد تكحل داك القلب عندك..
داارت فحالهاا وهي حاابسة دمووعها..مشات لجهة الدار وجلساات فكرسي وبدات فالبكاا..صدرها كان كايطلع ويهبط بسرعة كبيرة...
تيليفونها كايصوني..كان فراس..
-فراس:ألوو فاتي..ألو
-فاتي:(بصوت باكي)الو فراس..
-فراس:فاتي وااقعة ليك شيحااجة؟؟..كنت باغي نسولك ايمتا غاتجي؟؟
-فاتي:ماواقعلي والوو غي تفكرت خالي مصطفى..واخا ماشي خالي بصااح ولكن عزيز علياا بزااف..كان حنيين بزااف اهئ..
-فراس:الله يرحموو وابرااكة من البكاا غاطيبي عوينااتك..غاتجي اليووم باش نقطع ليك البيي دالتران من هناا..
-فاتي:ااه غانجي اليووم..ولكن ماكاين لااش تقطع ليا من تماا ..
-فراس:لا لاا مانخلييكش تقلبي تماا ..شوية ونصيفط ليك فميساج المعلومات وايمتاا غايخرج التراان أوكي؟؟
-فاتي:(بابتسامة)أوكي..اا فراس..شكرا
-فراس:ولو هذاا واجب..يالااه بسلامة نمشي نقاابل شغالي..طريق السلامة..
-فاتي:شكرا..
دخلات فاتي من بعد ماا مسحات دموعهاا..وجلسات معاهوم فمائدة الفطور..تبعهوم أشقر..وجلس حتى هو..طلع عينو ففاتي شافت فيه وقلبات عينيهاا..دور وجهو لريم خنزرات فيه وقلبات عينيهاا..وبقاا كايتكلم مع رااسوو..
-أشقر:(فنفسو)بفف اشكاادير أ أشقرر اشكادير..خسرتي الضواسا معاهوم بجووج..شنوو داك التصرف اللي درت مع ريم..ولكن..ماقدرتش نتحكم فراسي هي راهاا مراتي..اوف اووف لاا ماشي مراتي كدبتي كدبة وتيقتيهاا..وفااتي..فاتي راها حاملة دابا ومن واحد أخر..والاا كانت حاملة مني أناا؟!..لا لاا كون كانت حاملة مني كانت غاتقولها ..علااش غاتكدب..
طلع راسو وعاود كايشوف فيهوم بجووج..وهو حااير..
-أشقر:(فنفسو)صافي ..قررت..هاداا هو الأنسب..أناا غانعتاارف لريم..غانقول ليها باللي زواجنا ماشي حقيقي..ومن بعد غاانرجعووه حقيقي وغانتزوجوو هاد المرة بصااح..والاا مابغااتش؟؟..بزز منهاا تبغي..مع الوقت غاتبغيني..أصلا من بعد الزوااج كايجي الحب..وفاتي؟!..اووف يااربيي ..
-سمية:ولدي ماكاتاكل والوو..فشنو كاتخمم؟!
-أشقر:غي الخدمة وصافي..ااه صونالياا ديااب الباارح بالليل..
لحظة لحظة واش اسمو اللي سمعاات ولاا غيتهيأ ليها..وقفات من الماكلة وبقات كاتشوف فالطبسيل وتركيزها مع كلامهوم..
-سمية:بصاااح اش خبااروو ماقاليكش علاش مشاا ديك المرة هاكداك
-أشقر:مابييه والوو هاداك عندو سبعة دالرواح..احمم المهم قال ليا نوصل تعازيه ليك..وقال باللي غايجي اليوم الصبااح..
طلعاات ريم عينيها فيهوم بصدمة...حتى لاحظوهاا..وعاودات هبطاتهوم باش ماتعيقش..
-سمية:بصااح هي غاايكون دابا فالطرييق..
-أشقر:(شاف فريم)لااا قلت ليه ماكاين لااش..وزاايدون ماعندو مايدير هناا..
-سمية:اويليي غايبقاا فيه الحاال..ياك كنتي ديما كاتقوليه يجي عندك اش تبدل؟!..مخاصمين على شيحاجة؟!
-أشقر:لاا الواليدة ماكاين لا مخاصمة لا والوو..(شاف فريم)غي قلت بلاش مايجيش ماعندو باش ينفع هناا..وأصلا أيام العزاا رادازوو..
-سمية:اللي عجبك..اواا حتى تعطيني نمرتوو نهضر معاه..
-أشقر:جربت نصوني لييه فالصبااح وماشدش..أكييد بدل الرقم كيف ديماا..
-سمية:الله يهدييه ماكايخليش راس الخيط موراه..مامااه ماغايكونش فخبارهاا..شوية ونصوني ليهاا..
-أشقر:اووكي..(وقف)احمم بصحتكووم..ريم يالااه نديك فطريقي..
-ريم:لا غي سير باغا نطرك شيحاحة نشريها..
-أشقر:أوكي..
كملات فاتي ماكلتها وناضت..
-فاتي:ماماا أنا غانمشي عند بابا..ماغاتمشيش نتي رااك طولتي هنا!
-زهرة:مانخليش ختي بوحدهاا فهااد الأيام..على الأقل ماغانجلسش بالشهورا
-فاتي:(بابتسامة حزينة)بسلامة..
خرجاات ريم فحالهاا حتى كاتلاقاا فالحدييقة..
-ريم:معااذ؟!شنو كادير هناا؟!
-معاذ:السلاام..هاكدا غاترحبي بأستاذك..
-ريم:(بابتسامة صفراء)لاا لا تفضل..
دخلو بجوج للصالة ولقااو سمية وزهرة كايتكلموو..وما إن شافوهوم سكتوو وبداو كايشوفو فمعاذ باستفهام ...
-ريم:خالتي هاداا أستاذ ديالي معاذ..معاذ هادي خالتي سمية مرات خالي مصطفى الله يرحمو..وهادي ختها زهرة..
-معاذ:مشرفيين..سمحولي على المجية..قالي المديير باللي خالك مات وقلت ضروري نجي نعزيكووم..البركة فراسك الالة سمية..
-سمية:مامشاا معاك باس أولدي جلس جلس..بلاتي نقوليهوم يجيبو لييك كويس دأتااي ..
مشاات سمية تقول للخدامات يحطو ليهوم..رجعاات جلسات حداهوم..
-سمية:(كاتشوف فمعاذ اللي جالس حدا ريم)اواا كيف غاادي مع الخدمة أولدي..
-معاذ:هاحناا غاديين مزياان..الطلبة مزيانيين تبارك الله..ولو كانوو بحال ريم غايكونو حسن..(شاف فريم)ذكية تبارك الله
بقات سمية كاتشوف فيه كيفااش كايتكلم ويشوف فيهاا..دورات وجهها لزهرة ولقاتها حتى هي كاتشوف..أكييد كاينة شيحاجة والاا ماكانتش غاترد البال هي وختها بجووج..
-سمية:اواا واش المدير اللي جا قالها ليك..
-معاذ:لا لا انا اللي مشيت سولت عليهااا..يعني لاحظت غيابهاا..واخا الطلااب كثاار..مي هي مميزة عندي ضرووري نلاحظ أنها ماحاضراش ياك أريم؟!
-ريم:(بتوتر)مم ااه هه.. نخليكووم عندي مايدار بسلاامة ..
وقف معاذ باغي يتبعها وهي تطير من قدااموو بسرعة..
-سمية:ولدي معااذ..ممكن نتكلمو شوية
-معاذ:أوكي..
🌼🌼عند ريم..
اللي خرجات فحالهاا ومشات للبنك..سولاات على البطاقة البنكية اللي عطاها خالها وعلى شحال فيهاا ...مشات لمحل ديال بيع المجوهرات ..ودخلات كاتستكشف المكان حتى سمعات صوت من الوراء..
-البائع:آنسة كاين فاش نساعدك..
-ريم:ااه أنا غانختاار ونجي عندك..
بقاات كاتشووف..وتقييس فالسناسل وتشوف النوع ديالهووم..السمك ديالهوم والقرااط ديالهووم..ديجا قراات كتوبة على الذهب وعاارفة عليه معلوماات..تذكراات ماماها فاش كانت كاتقوليهاا.."الذهب أحسن من الفلووس أبنتي..الاا كانو عندك الفلوس عااد ماغايضسرووك وماغاتحسيش حتى ضيعيهوم..الذهب غايبقاا عندك..تتزيني بييه وفدوااير الزماان تبيعيه وتقضي بيه غرضك..سقسيني على الفلووس دغياا كايطيروو"
ابتااسماات فاش تفكراات كلام ماماهاا..حتى من بعد مماتهاا باقي كلامها ونصائهاا عايشين..باقي كاتعاون بنتهاا..
-ريم:عافااك..بغيت هاد الطقم..
-البائع:همم ذوقك زويين..غي هو الثمن غالي شوية..واخاا كايبانو ليك رقااق ..مي راهووم عيار
-ريم:(مقاطعاه)24 عاارفة..(بصوت رقيق)هه غااتقااد معااياا ضروري😉
-البائع:(حال فمو فيها)ااه نتقاادو مع الزيين ضرووري ..
-ريم:(بصوت منخفض)تف الله يخلييكوم بالخلاا..احم اواا جمعوو ليا بعدا والثمن غاانتفاهمو فيه هه
🌼🌼عند فاتي..
دقات فباب المكتب دباباهاا..
-محمد:دخل..
دخلات بخطوات بطيئة لعندوو وهي مهبطة راسهاا..
-محمد:هه على السلامة عااد جاية..
مشات عندو فاتي خدات يدو وباستها بحرارة..
-فاتي:بابا حبيبي سمحلي عااد جيت كان كايصحاابلي غاتجي للجناازة..
-محمد:ماغاانمشييش لجناازة هادااك..وبلا ماتسولي علاش داكشي بيني وبينوو..
-فاتي:واخاا خااطرك..اش خباار أسامة؟!
-محمد:شكوون عرف..ماعرفت اش كايعجبو عند دوك الشينواا..
-فاتي:الياباان اباباا ههه
-محمد:بحاال بحاال..بعداا هو عارفينوو فينوو نتي ماباغاش تقولي..مخلييني أنا وماماك بوحدناا هناا..
-فاتي:المهم أناا فالمغرب..وراني خداامة وكريت بالفلوس اللي عطيتيني وشااط ليا باش باش نصرف بينماا نتخلص..وزاايدون خليكووم بجووج تحييو الشباااب من جدييد هه
-محمد:كوني تحشمي هه..بنتي تهلااي فرااسك ..أناا تاايق فييك عندااك ديري شيحااجة اللي ماتعجبنييش واخاا؟!
-فاتي:(بعد صمت)امم واخاا..
🌼🌼 عند ريم..
شرات الطقم أكييد بثمن قل من ثمنوو..حطااتو فصاكهاا ودارت عندوو..
-ريم:الله يخليها فيكوم قااعدة نتوما الرجاال..(كاتعيبوو)هاا بقاا حال فمك عند بالك غانبقى ضااحكة لييك هه..عااد تأكدت باللي الرجال أغبى الكائناات فالوجوود..كون غي نفااوكوم وتهنااو ..
خرجات فحالها وهي شادة فصاكهاا بقوة..خايفة من الشفارة ..شرات شي لعيباات بساط خاصينها..من الماكيااج و الأكسيسواراات..تغداات ومشاات للكلية..دوزاات حصصهاا..وخرجاات..
بقاات كاتفكر فيبن غااتمشي..مابغاتش تمشي للدار بااش تفادى الاحتكااك مع أشقر..تفكرات مروان وهي تصوني ليه..وجاوبها المجيب الآلي بصوت مروان..
"أدييك الفارة أناا خارج أنا وإليناا نسهروو وعرفتك ماكاتبغيش جو السهراات..نرجعو للدار ونصونيو ليك بب (صوت إلينا)بيزووو"
ابتااسماات مني سمعاتهووم..أكيد باغيين يدوزوو وقت بوحدهوم..ومن حقهووم..
كانت كاتمشى باغة تخرج حتى قفزاتها يد على كتفها..
-البنت:عافااك أختي واش نتي هي ريم؟!
-ريم:ااه هي أنا علاش؟!
-البنت:سمعت باللي راك طالبة مجتهدة وذكية ماشااء الله..الاا ماكان حتى مشكل تقدري تعاونيني فواحد الموضووع عندي..بلييييز ختي مانسااش ليك خيرك..
-ريم:ااه وااخاا يالااه للمكتبة..
-البنت:ربي يخلييك أختي..
دخلوو للمكتبة لكانت نوعاا ماا فارغة..باستثنااء جوج ولااد وبنت اللي جالسين فطااولة ديالهوم وكايرااجعوو..
دخلو للدااخل دالمكتبة كاانت فاارغة تماماا..جلسو فطاولة ليهووم ..حطاات ليهاا البنت الأوراق دالأسئلة وبداات كاتقرا فيهوم ريم بتركييز..حتى سمعاات صوت التيليفوون..
-البنت:ألوو ماماا أناا باقي فالكلية..أويلي شنو وقع لييه..أناا جااية داباا ..اشمن صبيطاار..واخاا واخا أنا جاية..
-ريم:شنوو واقع أختي؟!
-البنت:باباا مريض بالسكري وطااح ليهووم فالداار..عافااك أختي بقااي هناا حتى تكملي لياا هادشي أناا غانعاود نرجع ..هااد الموضووع ضرووري عندي الله يخلي لييك ماعز علييك أختي..
-ريم:صافي صافي غي سيري أختي أنا غانبقى هناا نكملوو..الله يشافي ليك بابااك..شنو سميتك بعداا؟!
-البنت:(بتوتر)اا ساارة ساارة أختي..هاني مشييت..
-ريم:ماتعطلييش..بفف بقييت هناا..مزياان نييت نتهنى من قمقووم دااك راس الطاروو..
بقاات ريم خداامة فالموضووع بكل تركييز..كاتفرك فرااسهاا حتى تلقى الإجابة وتكتبها بسرعة قبل ماتنسى ليهاا..طلعات راسهاا كادير حركات ريااضية بااش تحيد التشنج..حتى كاايبان ليهاا الظلاام فالمكتبة كوولهاا..فقط المكاان فاش كالسة اللي فيه الضو..طلات على تيليفونهاا ولقااتها 9 إلا الربع..
-ريم:بفف وهاادي تعطيييلة..فين مشاات عاود تاني هاادي..وقفاات كادوور فالمكاان بتوتر..خرجاات من البلاصة المضوية للمنطقة المظلمة..ماكاان كايبان ليهاا إلا السوااد..بدات كاتمشى ببطء..وهي شاادة فرفووف الكتب بجانبها باش ماتلفش..حتى كايبان ليهاا البااب..مشات ليه بسرعة كاتحاول تحلو ولكن كان مقفوول..أكييد مارضوش البال لتواجدهاا وسدو عليهاا..تماات راجعة تاخد تيليفونهاا وهي كاتفكر لمن غاتصوني حتى كاتسمع صوت سقووط شيحاجة فمكان قريب ليهاا..
-ريم:(بخوف)شش شكوون تماا؟!..ااايي..
طااحت ريم للأرض مغمى عليهاا على إثر الضربة اللي جاتها فالرااس..بلاتي بلاتي شكون ضربها؟!..
-معاذ:هه طحتي بين يدي ألغزااالة هههههه😈
هبط لمستوااها كايقيس فوجهاا ويشوف ففمهاا بشهوة..هبط لعندهاا وبدا كايبووس ويتلذذ فييه..شوية بداا كايقيص فصدرهاا ..كرشها..رجليهاا وكأنوو عمرو شااف أنثى فالوجود..تحكم فنفسو وناض وهو كاينهج..
-معاذ:هاححح بنينة بنت الحرام..
مشى بالجراا حل البااب ورجع لعندهاا..بقا كايطلعها ويهبطهاا وكأنوو كايعبر فيهاا..هبط لمستواهاا باغي يرجع يكمل مابدااه وهو يسمع صوت خطوات قراب من المكاان..دغياا خشاا وجهو فعنقهاا..ودور يدها على عنقو...كانو كايبانو فوضعية وكأنهم متفاعلين مع بعضهووم..
دخل أشقر بخطواتو الرجولية المتزنة..كايبحث بنظرو عليهاا..حتى رمقهاا فداك المنظر هي معاذ..ماصدقش اللي شافت عينيه..بقاا وااقف مصدوم كايشوفهووم فديك الوضعية..لعن راسو فنفسو مليون مرة لأنوو خاف عليهاا تكون وقعات ليها شيحااجة..داار وتم راجع فحالوو وهو كايحك فلحيتوو بتوتر..ماقدرش يمشي عندهووم ولاا يقرب ليهووم أكثر..
ركب فطوموبيلتوو..وقف العساس غايسولو واش لقاا اللي كايقلب عليه حتى كان غايدوز عليه بالسرعة باش غادي..
-العساس:بفف ولاد اليوم مابقيتي تعرف ماالهووم..
بقاا أشقر كاايفكر ..علااش داارت هاكداا؟!..علااش ماشي معااه هو؟!..علاش نفراات منوو وكأنو ماشي راجل؟!..بشنوو حسن منوو هاداا؟!..مرواان..دياب؟!..أكييد عندها مشكل معاه هو فقط..ضحك باستهزااء لحالوو..وهو اللي كان ناوي يعتارف ليهاا اليوم..يطلب منهاا السمااحة على كولشي ويبدااو صفحة جديدة..بزوااج جديد وهاد المرة حقيقي؟!..تفكر فااش دخل للدار كايقلب عليها وقالت ليه مامااه را باقي ماجاات..جاوه فدييك اللحظة كااع الأفكاار الخايبيين..ممكن تعرض للسرقة..الاغتصااب..القتل..وماجاتوش فكرة أنها تكون مستمتعة بوقتهاا مع واحد أخر..كاان غايقلب عليها فالمدينة كولهاا.."بيت بيت..زنقة زنقة.."لولاا مامااه اللي قالت لييه.."سيير أولدي شوف مرااتك غاتكون غي فالمكتبة دالكلية ..فاش جاا أستاذهاا معاذ ولا شنو سميتو يعزي..سمعتهوم كايتاافقو يراجعو..تبارك الله باغاا تقراا"
رجع فحالو للدار ولقاا مامااه واقفة حدا الباب..
-سمية:ولدي فينها بنتي رييم ياكماا وقعات ليها شيحاجة؟!
-أشقر:ماتخاافيش عليهاا ..هي ماتستاهلش خوفك عليهاا...أناا غانوريهاا شكون هو أشقر..
طلع أشقر فحالوو وضرب بالباب..مخلي سمية وزهرة كايضحكوو ويتغامزو بشر..
🌼🌼فالمكتبة..
ناض معاذ كايشوف فريم..للحظة فاق ضميروو وبدا كايسول راسو على السبب اللي يخليه يدير فيها هاكدا..هي شنو دارت ليه؟!..ماشي ذنبها الاا ماكانتش بحال البنات لاخرين وماكاتضصرش عليهاا أي واحد ..ماشي ذنبهاا الا ماغتراتش بوسامتو..
-معاذ:شنوو درت أناا؟!..اخخ أمعااذ بحال اللي عمرك شفتي البنات اخخ..
خرج من المكتبة بسرعة وهو متخفي مخلي ريم مفرشة فبلاصتها ..غير وااعية باللي وااقع وباللي غايوقع ليها فالمستقبل...
بعد مدة ..بدات ريم كاترمش برموشها الكثيفة بتتاقل..حلات عينيها وكايبان ليها غي الظلاام..ناضت جلساات وهي شادة فراسهاا بسباب الألم اللي كاتحس بيه..دورات وجها وبان ليها الباب محلوول..وكايباان الخارج مضوي بمصابيحو..عااد تفكرات اللي وقع ليهاا وأول حااجة جاتها فبالها هي أنها تكون تشفرات..ناضت دغياا كاتجري لصاكهاا..قلبااتو ولقات فيه الطقم والأشياء ديالها باقي كيف هوماا..تنفساات الصعدااء..هزات أشياءها وخرجاات..حتى كاتلاقى مع العساس..
-العساس:بنتي شنو كاديري هناا؟!
-ريم:كنت كاانقراا ..حتى طحت ماعرفتش كيفااش ولكن لقيت راسي طايحة فالأرض..(شدات فراسها)بفف ماعرفتش ماعرفتش..
-العساس:بلاتي نشد ليك الطاكسي أبنتي راا 11 دلييل هاادي..واليديك غايكونو خايفيين عليك..
-ريم:لاا أعمي ..أنا يتيمة..واليدياا ماتو بجووج ..الاا ماخفتش على راسي ماكاين اللي يخاف علياا..
-العساس:الله يرحمهوم..جلسي فالكرسي أناا نصوني للطاكسي يجي ..
بقاات ريم جاالسة وكااتشوف فالمكاان..سااهية فالكلب دالحراسة الأسود كحظها.. كايبحلق فيها عينوو..ومرة مرة ينووض ينبح..ولو أنه ماكانش مربووط كون راا كايگدد فعظامها داباا..تفكراات البنت اللي عاوناتها فموضوعها..شنو اسمها؟!..اه اه ساارة..وكاتقول مع رااسها عنداك تكون وقعاات شيحاجة خايبة لباباهاا؟!..اخخ عليك أرييم نية بزااف
شكرات العساس وركبات فالطااكسي..وهي بااقي كاتفكر فالسبب اللي خلاهاا تطييح وتبقاا سخفاانة ساعتين تقريبا..وصلات للداار..دقات وحلات ليهاا الخدامة(المسمومة)
-الخدامة:على السلااامة..
-ريم:حيدي من الطريق مامساليااش ليك..
-الخدامة:اييه ماغاتساليش ليا أصلاا..دخلي دخلي..
دخلات ريم ولقات سمية وزهرة كالسين فالصالون..لقات عليهوم السلام وماجاوبووش..
-ريم:خالتي ياكما واقعة شيحااجة؟!
-سمية:يخوي ليك الضرااس..ماماليش غي فوتيني عليك هااد الساعة..
شافت فيهوم ريم بتعجب ..وخصوصا لسمية اللي تقلبات 180 درجة..تكون مقلقة حيت دخلاات معطلة..
-ريم:خالتي الا كان على التعطيلة راا..
-سمية:(مقاطعاها)شرحي لراجلك ماشي ليا أناا..
طلعات ريم كتافها بلا مبالاة ومشات طاالعة لبيتهاا..
-زهرة:الله يااربي اش ولدت أناا..الوقت فاش خااصها تجي توااسيه وتوقف جنبوو غبرات كون راها مشات فحالها..
-سمية:كااع هادشي اللي درنا غايتضرب لينا فالزيرو..بعداا هاد معااذ صدق قدهاا وقدوود..
-زهرة:من اللول مامرتاحاش لهاد ريم..جات ودغياا خلات أشقر يتزوج بيهاا..كاتشبه لمهاا..
-سمية:تف تف مااتفكرينيش فيهاا..هاا ها الصدااع بادي الفووق ..تفرجي تفرجي هههه
طلعات ريم مع الدروج...دخلات لبيتهاا وهو يبان ليها أشقر جالس فوق سريرهاا وكايشوف فيهاا بغضب..
-ريم:نتاا شنو كادير فبيتي ..خرج عليااا..
وقف أشقر وقرب ليهاا..وملامح الغضب باينين فوجهوو..
-أشقر:مم قرباات ل12 ..(بغمزة متسائلة)فين كنتي؟!
-ريم:كنت فالمكتبة وتعطلت شوية..ونتاا لاش كاتسول؟!
-أشقر:همم مزياان ماكاتكدبييش..وشنو كنتي كاديري فهاد المكتبة؟!
-ريم:(بصرااخ)ونتاااا ماالك؟!..
طلع يدو حتى للأعلى وصفعها فوجهها..بقات شادة فخدها وهي مامتيقااش باللي ضربهاا..
-أشقر:هادي باش تعلمي ترفعي عليا صوتك..(بابتسامة)خرجي من دااري..
-ريم:هاا؟!..نتا شنو كاتقول أنا فين غانخرج فهاد الليل..أناا كنت فالمكتبة وماحسيتش براسي حتى سخفت ومني فقت جيت لهناا...
-أشقر:هووو!!..تصلاحي تكوني مخرجة الق***..
-ريم:(مطلعة أصبعها السبابة)شش مانسمحش لييك ..أناا أنقى منك الحماار..
شدهاا من فكهاا ودفعها حتى لصقات مع الحيط..طلعها بيدييه حتى مابقاوش رجليها فالأرض..بقات مدابزة معاه يحيد يدوو وهو عاد مازاايد كايخنق فيهاا وكايشوف فيه بعينيه البنيتين اللي أصبحوا حمراوتين خارج منهوم الشر..طلقهاا حتى طاحت فالأرض وركلها برجليه حتى غوتات بصوت عالي من شدة الألم..
-أشقر:كولكوم بحال بحاال...كولكوم ق***...الحمد لله ماللي زواجنا ماشي حقيقي..
طلعات ريم راسها فيه بصدمة وهي باقي كاتنهج..
-ريم:كيفااش زعماا...حنا مامزوجيينش..
-أشقر:ااه مامزوجينش..يعني مااعندك مااتدي مني..والاا كان حتى نتي فكرشك شي زبل..غي قلبي فيمن تلصقييه...
-ريم:ايييييه حتارم رااسك..أناا أنقى منك ومن 10 بحاالك..عند بالك رااك رااجل ههه..لاا لاا الرجلة بزااف علييك..الراجل عمروو يهز يدو على امرأة باش يبين قوتوو..الرجلة ماشي هي أنك تبان فحل..مغروور ..متكبر..مسترجل..باش يطيحو فيك البناات..عند بالك غانبغيك هاهاهاهاااا...أناا هادشي ماكايغرينييش..هادا اللي غانبغي غايكوون راجل علييك..مزياان اللي فاتي مشات فحالهاا غاتكون تهناات منك ومن نرجسيتك..عند باالك نتا هو مركز الكون...نووض على سلاامتك رااك غي حيواان كايبين قوتو ويسترجل على النساا.بلاتي اشمن حيواان..بهاد الطريقة أنا كانهيين الحيوااناات..
-أشقر:(بصراخ)اععععع سكتي..سكتي ..قسماا بالرب حتى نقتلك..سكتي..
-ريم:(باستفزاز)اوو راك فتي المرحلة دالضرب..وليتي فالقتل..(كاتصفق)برافو براافوو..
-أشقر:(كايتنفس بسرعة)خرجي عليااا..وبلا مانزيدو فالكلاام..
-ريم:(وقفات)اهااه غانخرج ..ولكن كوون أكييد غااندمك..لا لاا علاش غاندمك نتا غاتندم بووحدك..أناا عاايشة حياتي بيك ولا بلا بيك..
"عايشة حياتي بيك ولا بلا بيك"هااد الجملة سمعها جوج مرات اليوم..من عند فاتي ودابا من عند ريم..عجيب!
هزات ريم صاكهاا ودارت عندو...
-ريم:أنا غانبقى حداا البااب حتى تخرجو لياا حوايجي و ورااقي وكتوبي..كولشي بغيتوو يوصلني..
-أشقر:أساساا ماعندي مانديير بحواايجك الموسخين ..بحالك تمااما..
ضحكات ريم باستهزااء لكلامو..وقفات حداه ودفلات حداه..
-ريم:تف على النسبة دالدم اللي مشااركينهاا..تف على النهاار اللي قبلت نجي فيه لعندكوم..تف على اللحظة اللي قلت نعطيك فرصة وقلت أنو قلبك بيض..قلبك كحل وبزااف كااع أسااط...
لحظة لحظة واش هاد الجوجات متافقين على الكلام اللي غايقولو ليه..وشكون قاليهوم أنو قلبو أسود..هو هاكداا شخصيتو..واش غايكدب اللي شاافت عينيه ويقوليهاا ماشي مشكل؟!..
هبطات ريم مع الدروج ولقات سمية وزهرة كايضحكو..غي شافوها وهوما يجمعو ضحكتهوم..
-ريم:اوو كان خاصني نعرف أنوو نتوما من وراكوم شي حاجة..شنو قلتو ليه هاا؟!..شنو درتو حتى خليتوه يجري علياا..عند بالكووم فرقتوناا؟!حناا أصلا ماكنااش مجموعين ..شنوو مادرتوو كانشكركووم من كل قلبي..حيت هنيتوني من هاد المعقد دولدكوم..(طلعاتهوم وهبطاتهوم)اللي شافكوم يقول معقولاات..(شافت فسمية)ونتي يا حسرة اللي باقي لابسة الأبيض..وماحتارمتيش خالي وقبرو اللي باقي مانشفش ترابوو..عييب..
خرجات ريم وبقات كاتمشى فالحديقة..حتى وصلات للحديقة الخلفية..مشات جلسات تحت الشجرة الكبييرة وبقاات كاتفكر..شنو دارت حتى يتصرف معاها هاكداا؟!..ويخرحها فنصاصات الليل ؟!..بقاات كاتبكي للظلم اللي تعرضات ليه..باش أنك تعاقب على حاجة نتاا ماعافهاش صعيبة بزااف..سمعات خطوات قراب ليها..وبسرعة مسحات دموعها..مابغات حتى واحد فهاد الدار المشؤومة يشوف ضعفها..كانت الخداامة ديال ديما..
-الخدامة:هو الغزالة ديالنا كاتبكي..(جلسات حداها)فراسك مامشيتش اليوم لدارنا وبقيت هناا مني سمعت سي أشقر دااخل معصب..عرفتو غايفاريها معااك..من الأول مادخلتيليش لقلبي..صدقتي فالخيانة كااع هه..صراحة مانقدرش نخليك تمشي بلا مانشوف(قاست فوجه ريم)هاد الوجه هاكداا..الدمووع هههه
-ريم:خخخ بصااح اواا حتى أناا مانقدرش نمشي بلا مانخلي(قاست فوجه الخدامة)فهااد الوجه العلامة ديالي ..أجي لهنااا..
طااحت عليها ريم ضرب وتقول مااضربت..قمشات ليها وجهها..عنقها..صدرها..يديهاا..نتفاات ليها شعرها مزيااان وخوات فيها سمهاا..
وقفات وهي دفل حدااهاا..
-ريم:ماايليق لمكووم غي هااكداا..باش مني تشوفي كماارتك فالمرااية تفكريني وتعلمي دخلي سووق ك**..الله ينعل بوو اللي يخلي بلاصتو زيينة..
مشات حداا الباب ولقات حوايجها وكتووبهاا مجموعين فثلاثة دليفاليز..جراتهوم وحدة وحدة وهي معصبة..وفأخر فاليز دارت طلعات راسها..وبان ليها أشقر فالبالكون واقف مغوبش وكايشوف فيها..قلزات ليه ودارت كملات طريقها...مخلياه مصدوم من حركتها
خرجات من الفيلا..وتكات على الحائط وبداو دموعها كايخرجو من جديد ..
-ريم:اه يا ربي شنو درت حتى يوقع لي هاكداا..واش حيت الباارح دعيت فيه وطلبت ربي يفكني منو داكشي علاش وقع هاكدااا..ولكن أنا شنو درت؟!..علاش جرا عليا فهاد الليل اهئ..ماخاافش عليا اهئ..فين غانباات أناا يا ربي اهئ...
بقات جالسة تماا كاتبكي ..ماقدراتش تمشى خافت يشدها شي واحد ..قالت نبقى قريبة حتى لاوقعات شيحاجة العسااس غايتدخل..داهاا النعاس فالزنقة حتى قفزها صوت رنة هاتفها..
"وارييدك يا غالي ياللي منور لياالي..وارييدك حبيبي..غيرك لا مايحلالي..🎶🎵"
جااوبات بسرعة فاش شافت اسم مروان..هو أملها فهاد الليلة المنحوسة..
-ريم:ا..ألوو
-مروان:باقي مانعستييش..ياكما فيقتك..
-ريم:ااه فيقتيني..مروان جي عندي دابا..
-مروان:علاش شنوو واقع؟!..
-ريم:عافااك أجي دغياا من بعد ونتكلمو..
-مروان:أوكي أنا دابا جاي..
بقاات فاايقة كاتصاارع النعااس اللي كايدق بيبانهاا..وكايقوليهاا نعسي وارتاحي..غير مبالي بالمكان..الوقت ..والوضع اللي هي فييه..داها النعاس من جديد..حتى فيقاتهاا يد على كتفهاا..ناضت قافزة وابتاسمات مني شافتوو..ناضت ونقزات غليه معنقااه وهي كاتبكي..
-ريم:اهئ مرواان اهئ اهئ..
عنقهاا مروان لعندو كايطبطب على ظهرهاا..وكايدور عينو فالمكان ..
-مروان:شش أناا معااك ..شنو وقع ليك أريم؟!
-ريم:اهئ اهئ عافااك ديني من هناا اهئ حاسة براسي مخنووقة...
-مروان:واخا واخاا يالااه معايا..
مشااو ركبو فالطونوبيل..وطول الطريق ريم ماسكتاتش من البكاا..ماتكلمش معاها مروان مخليها تبكي على خاطرها..ربما ترتاح..
وصلو للموبل..دخلو بجوج فصمت..تلقاات ليهوم إلينا ..
-إلينا:مروان..ريم..شنو واقع؟!
وما ليها مروان بفمو بالله وأعلم..دخلات ريم مباشرة للحمام تغسل وجهها مخلية مروان يدخل الشانطات..
خرجات من بعد ماغسلات وجهها وجلسات فالصالون..جا حداها مروان..
-مروان:يالااه عاودي ليا شنو اللي خلاك تخرجي فهاد الوقت ونتي كاتبكي؟!..أشقر؟!
-ريم:نتا جاوبتي على السؤال ..ااه أشقر..
-مروان:شنو وقع؟!يااك عاد كنتو بديتو تفاهمو؟!
-ريم:وقع بيناا مشكل وصافي..مانقدرش نزيد نبقى ساعة وحدة فديك الدار..مستحيل..
-مروان:أوكي..أوكي...ارتاحي دابا حتى لغدا ونتكلمو واخا؟!
-ريم:مم..سمحولي حيت تطفلت عليكوم
-مروان:نتي شنو كاتقولي هادي راها داارك حتى نتي..راه البيت دخلت حوايجك ليها سيري رتاحي شوية..
-ريم:أوكي..تصبحو على خير..
مشات ريم بخطوات متثاقلة..كاتحس براسها عياانة وباغة غي تحط راسهاا..باغاا تنعس وماتفيقش..ربما ترتاح من هاد الحياة البئيسة اللي كاتاخد منها كثر ماكاتعطي..
-مروان:بفف واقعة ليهاا شيحاجة..ياكما يكون حط عليها يدييه؟!..بالرب حتى نقطعهوم لييه..
قرباات منو إليناا اللي كانت جالسة على حاشية الفوتوي وجلسات حداه..شدات فوجهو بيديهاا وقربات ليه..
-إلينا:(بهمس)شش كاالم..هي ماوقع ليها والو..راها دابا نااعسة ومرتاحة..غدا ونحلو المشكل أوكي؟!..هه شكرا على السهرة كانت زوينة..
-مروان:(بابتسامة)بحال عويناتك..
قرباات منو إليناا وشدات راسو من الوراء..وبدأت فتقبيلو..أكيد تجاوب معاها..تكاها فوق الفوتوي وكمل على مابداه والأكثر دخل يدو تحت لباسها وكأنو باغي يوصل ليهاا أنها كلها ملكو ..هو فقط...
حسات ريم بصداع كبير فراسها..
"الصداع يقيم إحتفالا في رأسي"همهمات بيها ريم وهي كاتشوف فسقف الغرفة الأبيض..كانت كاتحس بصداع أليم..عيونها كانت مرهقة من شدة البكاء وقلة النوم أكيد..جسدها كان جد متعب..لو أنو كان فاستطاعتهاا تخلي جسدهاا وتتجول بروحها فقط..ربماا تخلي أحاسيسهاا،ألمها وهمومهاا في جسدها..ضحكات باستهزاء على الأفكار اللي جاوهاا..وقفات بتثاقل تسول مروان على مسكن ألم..لأنو بهاد الصداع يستحيل عليها تنعس ولا ترتاح..
خرجات من غرفتها وصدمها المنظر اللي شافت قدامها..وهاد المرة ماضرباتش بالباب ولا دارت شي حماقة..تمات راجعة فحالها سامحة فالمسكن وكولشي..شكون هي باش ديما تفسد عليهوم لحظاتهوم؟!..
حتى كايستوقفها نداء مروان ليها..
-مروان:رييم..!!
وقف من فوق إلينا مخليها مبلوكية بلاصتها وماعارفاش السبب اللي خلاه يوقف😑🐍..
-ريم:احم..كنت بغيت غي مسكن دألم الرأس..ولكن صافي مابقيتش باغاه..
-مروان:لاا لاا بلاتي أنا نجيبو ليك..
مشى مروان يقلب ليها على الدواء..مخلي إلينا معصبة وكاتقلب عينيها بفقصة..وعلااش ماتفقصش وهي كانت مستمتعة معااه وعاايشة اللحظة وخسراتهاا عليهاا...حسات ريم بنظرات إلينا ليها وحاولات تتفاداهوم لأنهوم عاد ماكايزيدو على مابيها..
-مروان:هااهوا..ياكماا كايوجعك بزااف..
-ريم:لا لاا شوية ...ليلة سعيدة..
دخلات ريم للبيت وسدات عليهاا..حيدات شالها..شربات المسكن ورجعات لبلاصتهاا..رجعات لتأمل سقف الغرفة من جديد..وكاتفكر فشنو ديير فالصبااح..وشنو غايوقع ليها؟!..شنو كايخبي ليها المستقبل؟..واش غاياخد منها القدر شخص ثاني من جديد؟!..ولا هاد المرة غايعطيها؟!..ماطولاتش بزاف وبسرعة داها النعاس..أكيد مفعول المسكن..
🌼🌼خارج الغرفة..
كان كل من إلينا ومروان كايتكلمو بهمس..باش مااتسمعهوومش ريم..ماعند بالهوومش أنوو ريم غاطة فنوم عميق..
-مروان:مالك كاتشوفي فيا هاكداا..
-إلينا:وااش مامنحقنااش نبقااو بجووج وندوزو وقيت بجووج بحال أي حبيبين هاا؟!..
-مروان:إليناا التاازمي حدودك..كانظن فاايت قلت ليك مكانة ريم فقلبي..مانحتاجش نعاود نفس الديسك..هي راها أماانة عندي..سمعتيي..
-إلينا:ااه قلتي لي مكاانتها فقلبك وماتحتااجش تعااود..ولكن أنا خايفة تكون مكانتها كبر من مكانتي ..قل شيحاجة تخليني نثيق باللي أناا الوحيدة اللي فكراسي قلبك؟!
-مروان:نتي شنوو كاتخربقي..نتي ماشي الوحيدة فهاد القلب ألالة..كاينة ريم..كاينة عائلتي..المهنة ديالي..أصدقائي..ماتكونيش أنانية فحبك لياا..فهمي نتي حاجة وهي حااجة..أنا مستحييل نفرط فيهاا..كانظن إلينا اللي عرفت منفتحة وأفكاارها راقيين..أناا راقلت ليك بلااش من الغيرة ودااكشي حنا راكباار على هاد التبرهييش..حركاتك ماكايقربوناش لبعضنا عاد ماكايبعدوناا..راني رااجل أإلينا وكانحاول ما أمكن نتحكم فغريزتي قداامك..أناا باغيك فالحلاال ولكن باين لياا نتي غي كاتفلااي وكادوزي بيا الوقت بينما ترجعي لبلادك..
مشى مروان مخلي إلينا كاترمش فرموشها المصطنعة..شوية بدات كاتبكي حتى تجلخوو عينيهاا..
-إلينا:اهئ اهئ أناا بغيت غي نقربك مني وصافي..بغيتك تبغيني أناا وبس..أووف تقلق مني اهئ
🌼🌼فالفيلاا..
جالس أشقر كايشرب وهو كايشوف فالسمااء..عينيه حمراوتين بكثرة الغضب..هانووه فرجولتوو..أولا فاطمة الزهراء وثانيا ريم..شنوو عند بالهووم غايسكت على أخطاءهوم..هو هاكداا كايتصرف..عنييف فردة فعلو..وماكايفكرش بالعقل قبل مايقوم بالحاجة..وفالأخيير كايتنادم معاه الحال..ولكن واش هاد المرة غاايندم؟!
صونا ليه تيليفونوو..كانت نمرة غريبة والظاهر الإتصال من إيطاليا..قطب حجبانو باستفهام..وجاوب..
-أشقر:ألوو..
-دياب:ألوو أشقر..
-أشقر:ديااب؟؟
-دياب:بردتي شوية ولا باقي شااعل..
-أشقر:نتا شنو كادير فإيطالياا؟!..ياكما مدخل راسك فشي مشكل تاني؟!
-دياب:مم..ياكماا غاتجي تخرجني منوو..نسيتي شكون كايتكلم معااك را ديااب هادا وأجرك عالله هه..مااتخافش العشير..اواا بقاا نتا محشي فداك المغرب ماعارفينكش واش عاايش أصلاا دور أصاحبي دور أرض الله واسعة مانقصك والو..بفلووسك..بخدمتك..مم بمراتك..بز** أشخااصك..
-أشقر:فوت عليك ز** يا الز***..صراحة باغي نيت ندور شوية..مشااكيل
-دياب:واقعة شي حاجة؟!شووف أنا راباقي مانسيت القضية دالبارح فاش مابغيتينيش نجي للمغرب..كنت غانجي ضد فيك كون ماا هاد ..بفف المهم نساا قول شنو عندك؟؟
-أشقر:المشاكييل بزااف أديااب..تلفت ومابقيت عارف شكون باغي..واش فاتي ولا ريم؟!وقعو لي مشاكل معاهوم بجوج..وبقيت بوحدي..بحالك تماماا..
-دياب:شنو المشاكل اللي وقعو ليك معاهوم؟!
-أشقر:مم ماشي مهم..المهم أنا فضييت معاهوم بجوج..حيتااش كولهوم ق***
-دياب:بلاتي بلاتي واش طلقتي من ريم؟ اشمن ق*** ولا ز** اش هاد الكلاام أأشقر؟!هادوك رامن عائلتك ونتا غاتكون عارفهوم كثر مني..أولا!!
-أشقر:فاتي كانعرفها كثر منك ولكن ريم ماكنظنش أشريكي..
-دياب:نفس المشكل عاودتاني..لاا بان لياا غانقطع على الز***بوك طلعتي لياا الخ**فهاد الليل كنت نيت ناشط..جمع ك** أصااحبي وخدم عقلك راك غاكاتخور..نتاا راك عارفني كيف داير..وعارف كاراكطيري مزياان.. كانجي گوود وماعنديش مع الدغل..وأصلاا أنا..عرفتي شنوو دوور ق** ماناقصينيش مشااكيل
-أشقر:ألو..ألو..بفف هداا مالو تاني..(طلع كتافو بلامبالاة)دابا يعاود يصوني..حتى لابغيت نصوني مانقدرش.. تلقاه دابا كايبدل فالكاارط سيم..تقول عندو شركة دالإتصالات..ماكايساليش من المشاكل..
خليني هاكداا الحيااة زوينة بدون الجنس اللطيف..لا صدااع لا مشاكل..الكاالم والراحة النفسية..الحياة بلا بيهوم كاتكون طووب..كاتبرد على راسك أأشقر..فين يكونو هوما دابا؟!فين بايتين؟!ومعاامن؟!...اعع غانتسطى مافيهاش
🌼🌼عند فاتي..
وصلات لمراكش فالساعة الثالثة صباحا..هبطات من القطار ولقات فانتظارها فراس بسيارتو الفخمة..مشات فاتي فاتجاهو فور ماشافتو..هبط من السيارة ومشى سلم عليها بالوجه..
-فراس:السلاام ياكما عييتي فالطريق..
-فاتي:لا لاا أصلا نعست..نتاا اللي غاتكون عييتي..
-غراس:لا لاا عادي أصلا اليوم كنت معول نسهر ..يالااه طلعي ..
طلعو بجوج فالسيارة ودار عندها فراس..
-فراس:عاارف غايكون عندك شي مشكل ..نتي غاتعاودي لياا واخاا..اعتابريني صدييق ولا أخ ..
خرجات تنهيدة حارة من فاتي مني تفكرات اللي وقع ليهاا..
-فاتي:ماشي داباا..حتى لغداا دابا باغاا غي ننعس..
-فراس:أوكي..نديك لداري..ماتفهميش غلط عاود تاني..يعني الحي فاش ساكنة ماعجبنيش..هاد الوقت غايكون عامر بالشماكرية..وغايقولو عليك كلاام مامزيانش ونتي راجعة فهاد الوقت..داري فيهاا أنا وبنتي و داداا مرا كبيرة غااتعجبك..
-فاتي:اه ولكن مابغيتش نكثر عليكوم و..
-فراس:ماتزيدي حتى كلمة..(بابتسامة)أمر من مديرك هه
-فاتي:حاضر مديري هه..
داها فراس لدارو..كانت عبارة عن فيلا تقريبا فنفس مساحة الفيلا دالرباط..فقط التصميم مختلف..كانو الأضواء كولهوم مطفيين..شعلو الأضواء وتقدمو بصمت باش مايفيقوش اللي ناعسين..داها لبيت فارغ ..حل الباب وتلفت عندهاا..مشير للباب بمعنى تفضلي..
-فراس:هاهو بيتك ..يالااه سيري تنعسي غداا بلاش ماتجيش للخدمة..
-فاتي:لا لاا أناا غيبت بزااف..أصلاا نتا غاتنقص ليا فالخلصة على الأيام اللي ماحضرتش..
-فراس:علاش؟!..كان عندك مبرر..ولو أنك ماجيتيش بلا سبب ديك الساعة غانقص ليك ونتصرف بطريقة أخرى ..سيري تنعسي وغدا ماتجيش فالصباح غي نعسي مزياان..وأصلا ماعندكش الحوايج باش تبدلي..يالااه سيري أماماا تنعسي سيري..
-فاتي:ههه علاش كاتصرف معايا بحال بيبي صغييور ..(بعد صمت)فراس..شكرا بزااف ..
قربات منو وقبلاتو فخدوو ..مخلياه مبلوكي بلاصتو ومامتيقش واش بصاح باستو..
-فراس:نتي كاتقلبي على شيحاجة فهاد الليل ..سيري تنعسي..
-فاتي:(بتساؤل)هاا؟!..على شنو كانقلب..(عاد فهماات)زعماا..
وماا ليها بحواجبو بمعنى ااه اللي فبالك..وغمزهاا بمعنى دخلي ..وداكشي اللي كان..دخلات بسرعة وسدات عليهاا..مخلياه كايضحك بوحدوو..مشى طل على بنتو اللي كانت نااعسة وسط فراشها الوردي بحال شي أميرة هاربة من قصة خيالية..
"أميرتي..الجميلة النائمة"..همس بيها فراس وهو كايقرب ليها..باسها فخدهاا وغطاهاا..وخرج فحالو...ودخل حتى هو فحالو لبيتوو ينعس والابتسامة مامفارقاش شفايفوو..
🌼🌼" أشرقت أنوار الصباح، تفتحاات النوافذ، وقبلتني الشمس بأشعتها الذهبية الدافئة، وأحسست وكأنها ألقت علي بظلالها أنوارا من الأمل والتفاؤل.. بنهار إن شاء الله يكون جميل ومشرق.."
كتباات ريم هاد الكلمات اللي جاوها فالصباح لعقلها ما إن حلات عينهاا..ناضت توضاات وصلاات ..لبسات حوايجهاا ..هزات كتوباتهاا وصاكها وخرجاات..
-ريم:صباح الخير..
-مروان:صباح النور..أجي تفطري بااينة البارح ماتعشيتيش..
-ريم:أكيد غانجي ماكانتسناش عراضتك..فينها إلينا؟!
-مروان:غاتكون باقي نااعسة..عييت معاها البارح ماتشربش ومابغاتش..أكييد هو اللي ماخلاهاش تفييق..
-ريم:(بتعجب)كااتشرب!!
-مروان:مم راك عارفة ..مشبعة بزااف بالأفكاار دالغرب..وهادشي غايخلق لينا مشااكل..كانحااول نصبر ولكن ماقاادرش..وأناا باغيها للحلاال..ماهمنيش واش فايتة دايرة علاقة جنسية ولا لاا..حيث باغيها لأفكاارها وعقليتهاا..على الأقل جانب منهوم عجبني..والجانب الأخر للأسف لاا..
-ريم:حاول معاها بالهدااوة وماتبززش عليها شيحاجة..هي هاكدا ترباات وسط نااس فشكل..وجات هنا أكييد غاتلقى نااس مختاالفين.."إن الله مع الصابرين"مااتنسااش..باينة من عينيك كااتبغيهاا..ماتخليهااش كيفما كان السبب..حتى لو كنت أناا..واخا!!
-مروان:رييم نتي شنو كاتقوولي..أناا مانقدرش نتخلى عليك..معزتك فقلبي كبيرة وربي اللي عاالم بيهاا..
-ريم:حتى نتاا أمروان عزييز وبزااف كااع..عمري نساا خيرك لياا..كيفااش نسيتيني فأحزاني وعطيتيني قوة بااش نكمل ونحقق أحلامي..عاونتيني بزااف دالمراات..ودخلتي البسمة علياا..وليتي الأماان ديالي..ومني كانشوفك بحال اللي كاع مخاوفي كايمشيو..وليتي أب..أخ..صديق..وشيحاجة كبيرة بزااف بالنسبة لياا..داكشي لااش اتاخدت قرار..كانشوفو أنو الأنسب لينا بجوج..نتا خاصك تشوف حياتك مع إليناا وماتفكرش فيا باقي..أناا غانكري ونخدم وفنفس الوقت نقراا..حتى يحن ربي
-مروان:ريم نتي شنو كاتقولي؟!..مالهاا الدار عندي..الاا كان على قبل إليناا راني حدرتها البارح و..
-ريم:(مقاطعااه)مااخااصكش تحدرهاا ولا تغوت عليهاا على قبلي..صافي براكة من المشاكل..عيش حيااتك ونسااني أناا..قادة بمشاكلي ماعندك مناش تخااف..
-مروان:(شد فيدها)ريم..الاا مابغيتيش هاد الدار أناا غانكري ليك أبارتومون وتكون قريبة للكلية..واخا؟!
-ريم:لاا أمرواان برااكة..كفااية اللي درتيه على قبلي وأنا ماكانعطيك والوو..من غير المشاكل والصدااع..أنا خايفة أمروان..خايفة حتى نتاا تمشي بسبابي..كانحس براسي لعنة ..منحوسة..المهم أناا قادة براسي..عندي باش نكري ونصرف..أكييد أنا ماغانقطعش علاقتي معااك وقتماا بغيتي تجي مرحباا بيك..غانبقاو كيف ديما نضحكوو ونلعبوو واخاا؟!..الله يخليك احتارم قراري..عافااك
مروان:بفف واخاا ولكن أنا اللي غانقلب ليك على دار حدا الكلية..منهاا نيت تقتاصدي فطرونسبور..وتكون فبلاصة نقية..باش يكون بالي مرتاح عليك ..
-ريم:(بتنهيدة)واخاا..
-مروان:شنو وقع ليك مع اشقر؟!..
-ريم:أنا براسي ماعارفاش..المهم جراا علياا من بعد مااسمعني من سم لساانو كيف ديما..ولكن كوون هااني ريم هاادي..ماسكتش لييه 😉
-مروان:ياكما حط عليك يديه..قسما بالله حتى نمشي نهرسهوم ليه
-ريم:لا لاا ماقاسنيش ماعندك لاش تهرسهوم ليه..كانفكر نولي ندير السبور..يعني شيحااجة باش نقدر ندافع على راسي..ماعرفتي الوقت والزمان اشغايجيبو ليا.. باقي حتى مالقيت خدمة وفاش كانفكر..
-مروان:كايبان لياا راك مهبطة من قيمتي أنسة رييم...كنت فاليابان واحد المدة..استاغليت ديك الفترة وتعلمت لبزااف دالأنوااع من الفنون القتالية..يعني جسمي الرياضي سااعدني شوية(طلعها وهبطهاا)خفتك غي تقسمي لياا
-ريم:هيهي حكرتييني ودااباا تشوف..
-مروان:أناا غانبقى معااك حتى تعلمي ..ولكن ماشي غي تعلمي وتولي اللي جا قدامك تعطييه..خاصك تعلمي تحكمي فغضبك..وتستخدمي الطرق السلمية فحل المشكل..وتخرجي بأقل الخسائر..ولاا مافادتش ديك الساااعة تصرفي..المهم هادشي من بعد ونتكلمو فيه..عندي واحد البلااصة زوينة كانتمرن فيهاا فوقت الفراغ وكانسترخي بااش نرتااح من الستريس دالخدمة حتى نمشيو ليها..
-ريم:(لفرحة)بصاااح..أوكي حتى نمشييو
-مروان:كولي كولي..أناا نمشي نفيق ديك الخمييرة..تزوجنا بكري..
-إليناا:هه سير سيير..
-مروان:عندااك تمشي ..تسناي حتى نوصلك..
-ريم:أوكي سربي..باغاا نقضي واحد الغرض فالطريق..
-مروان:أوكي..
🌼🌼عند فاتي..
فااقت على الشمييشة اللي داخلة للبيت..كاتحس بعظامها كاملين ضارينهاا..أول حاجة مشات دارتها هي تقيات كيف ديما..غسلاات وجهاا وجمعات شعرهاا كعكة مهملة..هبطات للتحت ولقاات فراس و بنتو جالسين كايفطرو..وامرأة كبيرة كاتحط ليهوم الفطور وفنفس الوقت كاتكلم وضحك معاهوم..طلعو عينيهوم فيها كولهوم على إثر سماعهوم صوت خطواتها..الشيء اللي خلاها تتوتر وتهبط عينيها للأسفل بخجل..
-فراس:فاتي أجي جلسي..
-فاتي:صباح الخير..سمحولي خديت راحتي فالدار..
-فراس:مرحبا بيك فأي وقت..هادي دادا رقية..داداا هادي فاتي..(بابتسامة)موظفة عندي..
-رقية:همم موظفة هه مرحبا بيك أبنتي..جلسي أنا نجيب ليك فطورك..
-فراس:كيف صبحتي..رتاحيتي شوية؟!
-فاتي:ااه الحمد لله..شنو سمية هاد الغزييولة شفتها ديك المرة ونسيت مااسولتش هه
-فراس:سميتها أفناان..حبيبة ماغاترحبيش مع طاطا فاتي هاا؟!
وقفاات أفنان من كرسيهاا ومشات فاتجااه فاتي وبااستها فخدهاا..
-أفنان:مرحبا بيك طاطاا فاتي..
-فاتي:(بابتساامة)يخليلي اللي يقوولي طااطاا هه (شداتها من خدودها وباستها ففمها)مم حلوة..بنيينة..هربي قبل مانااكلك ونااكل هااد العويناات الغزاالين..هربي ههه
هربات بجري وهي كاتضحك جهة بابااها..
-فراس:ههه أوب ..أجي أماماا أجي..كانت غاتااكلك وفين غانلقى أمييرة أناا هاا؟!ههه..موااح..يالااه سيري هبطي الكارطابل ديالك يالااه..
-أفنان:أووف بغيت نبقى مع طاطاا فاتي..مابغيتش المدرسة
-فراس:كوني تسمعي للكلاام..مابقى والوو وتشدو فاكونص
-أفنان:لاااا اهئ
-فاتي:أفناان أناا غانمشي للخدمة بغيتي بابااك يجري علياا ونبقى بلا خدمة هاا؟!
-أفنان:نووو..
-فاتي:اواا سيري جيبي اللي قالك بابااك وجيبي معاك المشطة ولاستيكاات ديولك ندير ليك مشيطة كانت كاديرها ليا ماماا فاش كنت صغييورة قدك هه ..يالااه جري جري..
مشاات أفنان كاتجري جريتهاا المضحكة..وشعرها الأشقر الطويل كايتحرك يمين يساار مع حركتهاا..
-رقية:هاكي أبنتي درت ليك قهوة بالحليب خفت ماتكونيش كاتشربي القهوة قاصحة..
-فاتي:شكراا أخاالتي..
-رقية:قوليلياا دادا أحسن أبنتي..
-فاتي:(بابتسامة)هه واخاا..أداداا
كلات فاتي شوية من طبسيلها وطلعات راسها ففراس لقاتو كايشوف فيها..
-فراس:ماكاتاكلي والو..ياكما مريضة؟!
-فاتي:لا لا غي شبعت وصافي..هاا هاهي أفنان جاات..
أجي للصالوون نمشط ليك غاتعمري الماكلة بشعرك..
-أفنان:أوكي..
-فراس:احمم هاني سبقتكووم للطونوبيل ..تبعوني..
-فاتي:لاا بلاش مانعطلك..أنا غانشد طاكسي..
-فراس:مانعاودش كلامي..سربيو..
🌼🌼فمحل مجوهرات..
-ريم:لاا لاا غي زيد شوية رااك رخصتي الثمن..
-البائع:ألالاا هادا ثمنهوم ماعندي مانزيد..
تلفتات ريم لعند مروان اللي كان واقف بجانبها وداير يدو فجيابو..شدات فيديه وتكلمات وهي كاتزير على يدو..
-ريم:حبيبي فاش كان عندناا داك المحل كنتي كاتبييع بهااد الثمن..
-مروان:هاا؟!..لا لاا كناا كانبيعو بكثر..تقااد فالثمن ألشريف..
-البائع:إوا مني عندكوم محل دالذهب لااش باغين تبيعو هاد الخاتم..
-ريم:هه لاا هادا ماشي ديالنا غي دالخدامة اللي عندناا..وحنا مابقاش عندنا المحل عطاه راجلي لخوه حيث هو تبارك الله طبيب وماخااصوش..اواا تقاد فالثمن راا المرا مسكينة بااغا الفلوس ضروري..
-البائع:اوا لاش ماتعطيوهاش الفلوس نتوماا..
-مروان:هي ماكاتبغيش تشد الفلوس راسهاا قاصح كاتبغي كولشي يكون من عرق كتاافهاا..
-ريم:ومالك على كثرة الأسئلة ..داباا واش غاتقاد فالثمن أسيدي ولاا نمشيو لمحل أخر..
-البائع:(بتنهيدة)واخا واخاا..
-ريم:(بابتسامة)إواا هاكدااك ..ماتسالنا حتى حناا غي نوصييو كاع الكليان القديم ديالناا يجي عندك هه
-البائع:بارك الله فيك ألالة..
-ريم:أمييين..إواا الاا تزيراات عاود تاني وبغاتني نبيع ليها غانجي عندك رااولينا كلياان ديالك أولاا؟!
-البائع:الله أودي شرف لياا..مرحبا بيك فأي وقت ضرووري نتقااد معاك فالثمن..
من بعد ماخرجو من المحل..خدات ريم الفلوس وعطاتهوم لمروان..
-ريم:هااك..قلتي باللي غاتلقى ليا فين نسكن..الاا طلبو منك التسبيق عطيهوم..
-مروان:راسك قااصح أريم..ههه خليتيني نكدب بلا إرادتي .. عندي محل دالذهب وعطيتو لخويا بلا خباري..العجب!!
-ريم:الاا مادرتش هااكداا غايااكلوني ففلوسي ونبقا على الضس..واحد غاينصب على لاخر علااش نكون أنا الخاسرة هه
-مروان:لا لاا مايتخافش عليك الصرااحة..
-ريم:والوااعرة هي وااخدااه بثمن قل من ثمنو الأصلي وبايعااه بثمن كثر من ثمنوو هاحح علياا وخلااص خاصني ندير شي مشرووع هه
-مروان:هه(شاف فساعة يدو)بفف الوقت فااتت غانلقى العيادة عاامرة ..طلعي نوصلك طلعي..
🌼🌼عند أشقر..
سايق فطونوبيلتوو بسرعة متوسطة وشاعل الراديو..صونا تيليفونو ..نقص فالراديو ودار مكبر الصوت لتيلي وجاوب..
-أشقر:ألوو
-م.الأعمال:سيدي مول المشرووع جاا للأوطيل وكايقلب عليك باغي يشوف فين وصل المشروع..نقول ليه باللي نتا ماشي فمراكش..
-أشقر:لاا أصلا أنا فالطريق داباا لمراكش..قوليه انا مشيت للأحياء الشعبية باش يجيوني أفكاار جدااد..الاا بغا يتسناا يتسناا...
-م.الأعمال:والااايني راك كديدييب أسيدي ههه
-أشقر:أيواا جمع راسك
-م.الأعمال:احمم سمحلي سيدي..
-أشقر:المهم أصلاا خدمت شوية فالمشروع وأنا فالربااط..مابقا ليه والو ويكمل..مابقيتيش تقبل مشاريع جدااد لياا فهااد المدة..عطي للمهندسين لااخرين..غاانخرج برا البلاد..
-م.الأعمال:بصااح..فين أسيدي؟!
-أشقر:باقي ماعارفش..حتى نفكر ونرد عليك غي وجد أورااق السفر ليا وليك..
-م.الأعمال:(بفرحة)اييه علااش لااا..سيدي واش بلاصة سخونة ولا باردة باش نوجد حوايجي..
-أشقر:غاتسكت ولا مابقيتيش غادي معاياا..
-م.الأعمال:سمييط لمييط سمحلي مابقيتش نتكلم..
-أشقر:تلااح..
بقا كايدور أشقر راسو بمعنى لاحول ولا قوة إلا بالله..هو باغيه ياخدو معااه غي بااش ينشطو شوية وينسى المشاكل اللي عندو..دياب اللي كان باغي يمشي عندو ولا يسافرو بجوج الظاهر مقلق منوو وعلى الكلام اللي قال..ممكن يكون ماكايحسش بوالو من جهة ريم ويكون غي تخايل ليه..والاا كاع كان حاس بشي حاجة هو شنو دخلوو..ماابقاتش كاتهموو أصلاا..
عاود صونا تيليفونو من جديد..هاد المرة كان المحامي دالعائلة..
-أشقر:ألو ..
-المحامي:السلام وعليكم السي أشقر..صونيت ليك على قبل أمر ضروري..خاصنا ضروري نتلاقاو..
-أشقر:اشمن أمر؟!..أنا ماكاينش فالرباط دابا..
-المحامي:فين كاين باش نجي عندك..الأمر عندو علااقة بالورث..
-أشقر:(بتعجب)الورث!!..أناا فمراكش..جي فطياارة أحسن الطريق بالطونوبيل طويلة...غايتلقى ليك مدير أعمالي فالمطار ..
-المحامي :واخا أسيدي..ولكن فلوس الطيارة غاليين شوية وأنا..
قلب أشقر عينيه بملل وتكلم بنبرة باردة..
-أشقر:أناا غانعوضك..اليوم خاصناا نتكلموو ونشوفوو مال هاد الإرث..
-المحامي:واخا أسيدي..نهارك مبرووك..
قطع أشقر وبقا كايتكلم مع نفسو..شنوو غايكون فهاد الإرث..يكون الواليد كتب لشيواحد أخر..ولكن أناا ولدو الوحيد..وغايكون نصيب للواليدة حتى هي..يعني لو كاان خويا الكبير باقي حي غانكوونو ثلاثة دالورثة..
حبس سيارتو فوسط الطريق بلا مايعير الإهتمام للسيارة اللي من وراؤو و اللي كانت غاتدخل فيه..ولاا للكم الهائل من الشتائم اللي قاالو عليه الراكبين فالسيارة..حط راسو على الفولون دالسيارة وبقاا كايتكلم مع نفسو..
-أشقر:لاا عندااك تكون درتيها ألولييد عندااك...
🌼🌼فقاعة الدرس..
تقدم ليها بخطوات متازنين..أكتافو العريضة كاتحرك يمين وشمال متزامنة مع مشيتو الرجولية..وقف حداها..هبط راسو لجهتها وتكلم..
-معاذ:أنسة ريم بغيت نتكلم معاك ضروري!!ممكن تبعيني للمختبر..
-ريم:(بتساؤل)علاش؟!..راك غاتقطع عليا الكور..وزايدون البروف ماغايبغيش..شووف الاكنتي غاتحرش بيا كيف ديما هاد المرة ماغانسكتش قسما بالرب..
-معاذ:شش الطلاب كايشوفو..تبعيني الموضوع ضروري..
-ريم:(بشك)لا مابغيتش
-معاذ:ريم..الموضووع عليك نتي وراجلك(بغمزة)تبعيني..
فور ماسمعاات كلمة"راجلك"وقفاات وتبعاتو بسرعة..مخلية البنات والولااد كايشوشو ويتكلمو عليهووم..ويختارعو فقصص من نسج خيالهووم..
🌼🌼فالمختبر..
اللي كان كبيير..وكاتحييط بيه خزاانة زجاجية فجميع الأحيط الأربعة...باستثناء الباب أكيد..كانو مليئين بالأدوات الطبية..القليل منهوم تمكنات ريم من معرفتو ومعرفة الغرض منوو..والباقي لاا..شيء طبيعي..ماهي عااد فالسنة الأولى ليها..
حنحن معااذ حتى فيقهاا من سهوتهاا فالأدواات وقال..
-معاذ:احمم..بغيت نعتارف ليك بواحد الحاجة..
شنو هاد الحااجة اللي باغي يعتارف ليها بيهاا؟!..أول حاجة طاحت فبالها هي اعتراف بالحب..كل تصرفاتو كاتبين بأنه كايبغيهاا..أكيد ماشي حب حقيقي..هي عارفاه من النوع اللي كايبغي الحاجة المستحيلة..مغرور بوسامتو..وكايعتابر النساا كلهوم فحال فحاال..مستاعدين يركعو قدامو ويستاجبو لأوامرو..أكيد ماغايعجبهاش الحال الى اعتارف ليها بالحب..استوقفاتو بكلامها قبل مايكمل كلامو..
-ريم:معااذ..أستاذ معااذ..عاارفاك باغي تعتاارف بمشاعرك اتجاهي..وأنا محتارمااك..ولكن سمحلي أناا ماباغاش تربطنا حتى علاقة..من غير علاقة دطالبة وأستاذها..عافااك الاا كان هادشي اللي عندك ماتقول أناا بغيت نمشي فحالي الكور غايدوز علياا...
تمشاات بضع خطوات فاتجاه البااب..حتى استوقفها كلامو..
-معاذ:أناا اللي ضربتك فالمكتبة حتى سخفتي...
دارت عندو ببطء ومن ملامحها ظاهر عدم الفهم والإستفساار حول الموضوع أكثر..
-ريم:كيفاش نتا اللي ضربتيني؟!و..وشنو السبب؟!
-معاذ:المهم أكيد مني غانقول هاد الكلام غانبان ليك إنسان شرير..ولكن تيقيني حتى أنا عندي ضمير..الشيطان غرني وخلاني نتكبر ونتجبر..بغيتك حتى نتي تكوني ملكي..وو
-ريم:(مقاطعاه)شنو درتي ليا؟!..بلاتي بلاتي..نتاا ماقستينيش يااك..لا لا نتا مادرتيش لياا شيحااجة..(بصراخ)جااوب ماتبقاش ساكت..
-معاذ:(مهبط راسو للأسفل)..لاا لاا..كنت غاندير ولكن مااقدرتش..المهم أنا مستاعد نتحمل الذنب اللي درت والاا بغيتي عيطي للبوليس كاع ماعنديش مشكل..
-ريم:اشمن بوليس ولا زمر..زيد وضح لياا..علاش درتي هااكدا..
-معاذ:سمية..احمم يعني عجوزتك..هي وختها مابقيتش عاقل على اسمهاا..اتافقو معاياا باش نتقرب منك ويشوفك أشقر..ويتهناو منك..وديك السااعة نتي تبقاي ليا أنا..
-ريم:هه بلاتي بلاتي..يمكن أنا إنسان ماشي سلعة تبيعو وتشريو فيها كيفما بغيتو..يعني أشقر شافنا فوضع حميمي اللي أنا ماعاقلاش عليه..داكشي علاش جرا عليا!!
-معاذ:علاش هو جرا عليك؟!
-ريم:(متجاهلة كلامو)يعني نتوماا وليتو عصاابة..كاتخططو وتخيطوو وتفصلو كيف بغيتوو..وفشنو ضريتكوم؟!الله أعلم..
-معاذ:أناا مشيت فالصباح كانقلب على أشقر بااش نعتارف ليه..وجرات عليا سمية..قالت باللي راه مسافر وماعارفاش فيين
-ريم:مم مزيان مزيان..
-معاذ:ريم هاكدا غاتصرفي ببرود..يعني ماغاتغوتيش وتعصبي..
-ريم:همم بغيتيني نتعصب ونغوت ..
دورات وجهها فالمكان..وبان ليها مشرط فوق المكتب بجانبو..بسرعة خداتو وشدات عنقو مهبطاه لعندها قبل مايقوم بردة فعل..
-ريم:همم بصفتي باقي طالبة جديدة فالطب..ماغانكونش عارفة أنه هنا(ضغطات على جانب عنقو بالمشرط حتى تجرح)كاين واحد العصب اسمو الشريان السبااتي..وماغانكوونش عاارفة أنو هاد الشريان كايوصل الدم للرأس والدماغ..يعني كايوصل الغذاء والأكسيجين..وماغانكونش عارفة باللي قطعو غايتسبب فنزييف حااد اللي يخلييك تمووت..وماغانكوونش عارفة باللي كيفماا كاين شريان فالجهة اليمنى..(ضغطات على الجهة اليسرى حتى تجرحات هي الأخرى)كاين حتى فالجهة اليسرى..همم شنو بان ليك نلعبو لعبة زوينة..نتا غاتبقى ساكت وغاتخليني ندوز عليك من هنا(الجهة اليسرى) حتى لهنا(الجهة اليمنى)بااش نضمن موتك..ونضمن موت ضميرك اللي ماكايفيق حتى يفوت الفوت همم(زادت ضغطات عليه حتى بدا كايخرج الدم بكمية كبيرة)هاد الشريان كايبانلي بعيد بزااف..شنو بان ليك أأستاذي ندخل المشرط بطريقة عمودية..يوصل ياك؟
-معاذ:(كاينهج)ريم..حيدي داكشي من يدك
-ريم:علاش مادفعتينيش ها؟!(بعد صمت)تتحرك شوية غاندوز عليك وبلا مانفكر..مابقا عندي مانخسر..
-معاذ:واخا واخاا..سمحيلي ..عافاك سمحيلي..أووف عارف راسي درت غلط كانعتاذر منك
-ريم:همم كاتعتاذر..واخا..إعتذارك مقبوول أستاذي
طلقاات منو وبسرعة بعد وهو شاد فعنقو المجروح من الجهتين وكايشوف فيها بصدمة..
-ريم:(بملامح بريئة)أستاذي..نداوي ليك جرووحك..كون هاني كيفما كانعرف نجرح كانعرف نداوي
-معاذ:(بدعر)لا لاا..أنا غانداوي راسي..
-ريم:أوكي..نهارك سعيد..
هزات المشرط ومسحاتو مع إيزار كاين تما وحطاتو..دارت جهة معاذ ولقاتو كايشوف فيها باستفهام..
-ريم:رااك عارف أي واحد فينا عندو بصمات..الغدر ماشي حاجة جديدة عليكووم..تصدقو مدخليني للحبس هه..بسلاامة أستاذي
مشات بخطاها الأنثوية مطلعة راسها للأعلى بشموخ..وراضية بكل مادارتو..مخليااه كايلف فالضماداات على عنقو..وهو باقي فحالة صدمة من ردة فعلها القوية
رجعات جلسات فبلاصتها وكملات الكوور ..ماعارتش الاهتمام للكلام اللي مرة مرة كايستاقر فأذنيها...من بعد الطلاب اللي كايحاولو يستافزوها...أكيد ماغاديرش اللي باغيين..
جات وقيتة الغذا..وقررات تمشي لشي مقهى قريب وتخلص من الفلوس اللي بقاو فالكارط بونكيغ..حتى كاتلقى مروان فالطونوبيل حدا الباب..شير ليها بمعنى أجي وداكشي اللي دارت..
-ريم:السلاام..علاش جيتي كنت غانمشي نتغداا فشي بلاصة..
-مروان:لا شكر على واجب😑..هاكي(عطاها علبة بلاستيكية كانت فيها صالاد دالخضرة والأرز..وعلبة دالعصير المعلب)كولي..
-ريم:همم هادشي كايشهي عندك..ايمتا وجدتييهوم..
-مروان:(وهو كاياكل)شريتها فالطريق..كيف دوزتي الحصص ديولك..
-ريم:عادي كيف ديما..فينها إلينا؟!
-مروان:فالصباح قالت غاتجي ليها شي صاحبتها وغادوز معاهاا النهار..كايجيها الملل فاش كانكون فالخدمة..
-ريم:ااه مزياان حسن ليها تفوج شوية..
بقاات ريم ومروان كايتكلمو ويضحكو ولكن ماشي كيف ديما..حتى كلمات وقيتة الغذاا وكل واحد مشى لشغلو..وأول حاجة دارتها ريم هي بقات كاتقلب على البنت دالبارح وبعد جهد جهيد لقاتها مع كليكتها..
-ريم:السلاام ساارة..
-سارة:(بتوتر)سسلاام ريم..
-ريم:سمحيلي ماتسنيتكش البارح عيطولي مالين الدار..جيتي ومالقيتينيش ياك؟!
-سارة:ااه جيت ومالقيتكش ودابا محتاجة للموضوع بزااف..
-ريم:ااه فكرتيني فيه..بقيت خدامة عليه البارح فالدار حتى كملتوو ..راه خليتو عند واحد البنت صاحبتي فالطواليطات أجي معايا نعطيه ليك..
-سارة:أوكي..الدراري أنا جاية تسناوني..
🌼🌼فالمراحض دالفتيات
-ريم:إواا هي عندك عشية خااوية..
-سارة:ااه نص نهار ونتي ..
-ريم:(وهي كاتحل صاكها)أناا عندي حصة مي ديجا دخلتها مع كلاص أخرى...اواا اش خبار بابااك..
-سارة:(بتوتر)ااه بابا بيخير ..(كادور عينها فالمكان)فينهاا البنت..
بسرعة جات ريم من وراهاا وشداتها من شعرهاا وهي هازة مقص فاليد الأخرى..
-سارة:(بخوف)انتي شنو كاديري؟!
-ريم:بقيتي الباارح كاتمثلي علياا وتكذبي وأنا كيف الحماارة متيقااك..مزياان..
-سارة:عافااك أختي سمحيلي..طلبها مني الأستاذ معاذ وماقدرتش نرجع ليه طلبو..حيتاش كانبغيه أختي والله حتى كانبغيه..
-ريم:حيت كاتبغيه درتي فيا ديك الحالة وخليتيني فديك البلااصة محمقة راسي فالموضووع..باش يجي هاداك اللي كاتبغي ويدير فيا مابغاا..وزايداهاا باباك مريض..
-سارة:عافاك أختي طلقي مني والله مابقيت نعاود..سمحيلي أختي..عافاك حطي المقص من يدك الله يرحم ليك والديك..
-ريم:أميين..على هاد الدعوة الزوينة غاندير معاك المزياان وماغانديرش ليك كيف درت لداك اللي كاتبغي ونشوه ليك عنقك..لا لاا أناا غانقطع ليك شعرك صاافي..
-سارة:لا لاا إلاا شعري لا ..
-ريم:أصلاا شعرك مشوك عندك ليبواان بزاف ..أختي شعرك قهرتيه بديكابااج و الشيشواار..حسن تقطعيه كوب گاغصون غاتجيك واعرة..
-سارة:والله حتى تندمي الاا درتيهاا..أنا غانديكلاري بيك..
-ريم:بصااح..اواا حتى أنا غانديكلاري بيكوم بأنكم حاولتو تغتاصبوني..وحبيبك تكلمت معاه ومستاعد يعتارف عند البوليس وأكييد ماغايسترش عليك..وديك الساعة ودعي شيحاجة اسمها الطب..اش بان ليك؟!
-سارة:اهئ صافي صافي قطعيه اهئ..
بقات ريم كاتشوف فيها كيفاش كاتبكي..دفعاتها حتى طاحت فالأرض ودفلات عليها..
-ريم:ينعل بو هاد الحب اللي يخليني نضر بالناس ..ناس اللي ماكانعرفهومش وماضروني فوالو..كانتعجب ليكوم كيفاش كاتنعسو براحة بدون مايعدبكوم ضميركم..الطريق اللي نكون فيها خويهاا..وإلا قسماا بالله حتى ندير كثر..هاد المرة حذرتك..
رجعات المقص لصاكها وخرجات وكأنها مادارت والو..مخلية سارة فالأرض بدموعها وماكياجها اللي خسر كولو..وشعرها المنتوف من قبضة ريم القوية..
هاكدا هي..عمرها كاتسمح فحقها..وماكتعرفهاش ايمتا تثور عليك..كاع الضغوطات والمشاكل اللي وقعو ليها فهاد الأيام..مابقاتش تقدر تحبسهوم ..وقررات تفرغهوم بهاد الطريقة..وفعلاا حسات براحة نفسية كبيرة..وولات كاتحس بدغدغة الأكسيجين لرئتيها..وبدقات قلبها المعتدلة..وبالضحكة اللي ترسمات ففمها من جديد..اخخ وشحال حاولات معاهاا تجمع وماقدرااتش..باقي نااس أخرين ظلموهاا وحطموها..لكنها غاتخليهوم منهوم لخالقهوم..هو الأولى بيهوم..كفاية اللي دارت اليوم..أكيد ماغاتخليهومش براحتهوم..ضروري تنكدها عليهوم..
🌼🌼فالأوتيل..
جالس أشقر جلستو الرجولية وكايشوول فالمحامي قدامو بنظرة إن دلت غاتدل على غضبوو وسخطو على الوضع..بجانبو مدير أعمالو اللي جالس مهبط راسو وماتكلمش مني شاف حالة أشقر..
-أشقر:هي ماخاصهااش تعرف...هادشي غايبقى بيناتناا هناا...هناا غايتدفن..حتى الواليدة ماخاصهاش تعرف..كولشي غاايبقى طبيعي..على الأقل حتى دووز واحد المدة وديك الساعة غانتصرف..مستحيل نخليها تصرف ريال من فلوس الواليد..حيث هوماا ماشي من حقهاا وماتستاهلهوومش...
-المحامي:ولكن أسيدي هي رااعندها نسبة 50% من ممتلكات الأب ديالك الله يرحمو..نتا عندك 40% والأم ديالك 10%..يعني أنها هي المالكة دشركات الأب دياالك ونتوما مجرد شركااء..وحتى المنازل والأرااضي كاتملك منهوم نسبة 50% ..سمحلي ولكن قانونيا هي خاصها تعرف..من الأول كان لازم يكونو جميع الورثة مجموعين..ولكن بحكم علاقتي بييك قررت تعرف نتا الأول و
-أشقر:(مقاطعو)من اللخر نتاا ماغاتقوول والو..قسماا بالله ونسمع كلمة خرجاات من هناااا حتى نمحيك من الدنيا كانظن نتا باقي ماعارفنيش فاش كانتعصب..غانصيفطك للآخرة ونتبع ليك طاسيلتك واحد واحد يونسوك..نتا ماغاتقول والو متافقين؟!
-المحامي:(بخوف)واخاا أسيدي..ولكن أنا ماكانتحملش المسؤولية..درت اللي علياا و..
-أشقر:(قلب عينيه بملل)كولشي غايكون مزيان ماعندك منااش تخااف..يمكن ليك تمشي ..رجع فحالك بالطيارة الخلاص على حسابنا
شااف فمدير أعمالوو وغمزو بمعنى تبعوو..وقف من بلاصتو وتبع المحامي بركض..مخليين أشقر كايسووط بوحدو بعصبية..باقي ماتقبلش أنو ريم مشاركااه ممتلكات اللي فالأصل خاص يكونو ليه..كيفااش أشقر اللي أي حاجة بغاها كاتجي لبين يديه ولا مشارك جمييع ممتلكاتو باستثناء شركتو الخاصة طبعا..مع وحدة فنظرو موسخة وقليلة الحيااء بحال ريم..نااض للحمام يدوش لربماا يبرد ناار الغضب اللي شاعلة فيه..واللي خلاتو يشوف كولشي باللون الأحمر..ولو كانت ريم قدامو لكانت فخبر كاان..أكيد غايخنقهاا وبدون تفكيير..
🌼فنفس المدينة..
جالسة فاتي فمكتبهاا ..رجل فوق رجل..ظهر مستقيم وراس عالي ..اللي شافها مايقولش هي اللي عاد كانو كتافها طايحين وتمشى خطوة وتشدها الدوخة..بفستان أسود قصير مطروز من جهة فخضيها على شكل زهور ملونة..مطلعة شعرها للأعلى على شكل ديل حصان ومخلية خصلتين منو على وجهها..كاترسم وتخطط من هناا وتمسح من هناا..حتى كايقفزها صوت الهاتف ديالها..طلات عليه ولقات فراس هو المتصل..
-فاتي:وي ميسيو..داكوغ ميسيو..
مشات فاتي فاتجاه مكتب مديرها وبعد طلب الإذن دخلات لعندو..كان كايبان جد وسيم بلباسو الرسمي..وشعرو الأشقر اللي مطلعو للفوق بطريقة رجولية..
-فاتي:بغيتي مني شيحااجة موسيو..
-فراس:ميسيو؟اشهاد الرسمية ؟
-فاتي:حنا فالخدمة سيدي..
-فراس:همم هاكدااك..قربي لعندي..
قربات لعندو فاتي بخطوات بطيئين وهو كاتسول نفسها شنو بغا منهاا..وقف من كرسيو وجرها جلسها فيه..وبدورو جر كرسي أخر وجلس وهو شاد يدها وكايشوف فعينيها..
-فراس:بصفتي مديرك كانقوليك ماتبقاايش تصرفي معايا رسمي..سميتي فراس ماشي سيدي..
-فاتي:كاتصرف مع كاع الموظفين هاكدا؟!
-فراس:لاا غي معااك نتي..كاين شي مشكل؟!
-فاتي:(بتوتر)اا فراس..انا عندي الخدمة داباا نكملها ونتكلمو على راحتنا..
وقفات من بلاصتها وعاود رجعها من جديد..
-فراس:بغيت نتعرف عليك أكثر..ماشي المعلومات العادية..ديجا قريت الملف الشخصي ديالك..بغيت نعرف علاش جيتي لمراكش؟!وشنو اللي خلاك ماتخدميش حتى لدابا ونتي عندك موهبة كبيرة فالتصميم؟!ماديريهااش مني قلة الصواب..غي فضول وصافي ..يعني كيفما تعرفتي على جزء من حياتي وعلاش لا تعرفي الجزء الباقي..حتى أنا بغيت نعرف عليك شيحواايج..ممكن؟!
-فاتي:(بتنهيدة عميقة)همم أوكي..أصلا محتاجة لمن نخوي قلبي..ولكن هاد الكلام يبقى بيناا أوكي؟!
-فراس:همم أوكي تكلمي..
-فاتي:عقلتي على الشخص اللي تصرف بطريقة غريبة فالريسطو داك النهاار؟!
-فراس:(باستفهام)ااه عقلت عليه ..شنو دخلو فالموضوع؟!
-فاتي:هاداك هو السباب فمجيئي لمراكش وحتى السبب اللي خلاني مانخدمش حتى لدابا..هو ولد خالتي..ولد الشخص اللي عاد مات..كنا كانبغيو بعضناا..مامتأكداش من مشاعرو المهم أنا كنت كانبغييه بزااف ..مادوزناش القليل..بغيتو من كل قلبي..لدرجة وليت بحال عبدة ليه كانفد اللي أمرني بيه وعيني مغمضين..غدرني وتزوج بوحدة غيري..تزوج ببنت عمتو اللي عمرو شاافهاا فحياتو..تزوج بيهاا ودوز معايا شهوراا عادي ..كايشوف فعيني ويكدب عليا ببساطة..داكشي علاش جيت لمراكش هربت من كولشي..المشااكل..وحبي ليه..
-فراس:تجربة فاشلة وداازت..فيها خير بسباب تصرفو نتي حليتي عيننيك ورجعتي تحققي أحلامك..نسايه وكملي حياتك عادي..
-فاتي:مانقدرش اهئ..مانقدرش ..حيتاش أنااا..(فلتات يدها من بين يدو وحطاتها على كرشها)حاملة منو..اهئ هازة طرف منو..كيفاش غانقدر ننساه ونكرهو ها؟هو حتى ماعتارفش بيه..شنو ندير؟!
بقا كايشوف فيها فراس ببرود..توقع يكون ماضيها أليم..لأنو من وجها واضح الحزن..قرب منهاا وجرها لعندوو معنقهاا ومخليها تبكي فصدرو..حتى حس بقميجتو فزكاات ..بعد راسها من على صدرو وتقابل معاهاا وهو كايمسح فدموعها بحنية..
-فراس:شش خااصك تنسايه هو مايستاهلش دموعك..مايستاهلش يبكي هاد العينين الغزالين..دايرين كيف العسل..
-فاتي:(زادت فوثيرة البكاء)اهئ هو هااكدا كان كايقولي اهئ اهئ..مانقدرش ننسااه..كولشي كايفكرني فيه كوولشي..مادوزنااش القليل أفراس..مادرتش ليه حتى حااجة اللي تخليه يغدرني..فاش مشيت للرباط اعتاذرت منوو وقلت باللي حاملة هه وهو قالي باللي أكيد ماشي ولدو..طعني فشرفي اهئ..
-فراس:بفف..(بدا كايمسح فدموعها من جديد)أناا غانساعدك حتى تنساايه..ثيقي بياا هو الاا شافك ناجحة عااد ماغايندم على فراقو عليك..ماعرفتش كيفاش قدر يضيع جوهرة بحالك ؟!..
قرب منها وباس أنفها بحنية..
-فراس:نسااي داباا وبراكة من البكاا..نعاود ليك قصتي هم؟!
طلعات فاتي راسها وهبطاتو بمعنى ااه وهي كاتمسح فدموعها..الشيء اللي خلاه يضحك..
-فاتي:هه سو كيوت..بنتي أفنان من أم سويسرية..فاش كنت فسويسرا واحد المدة..تعرفت عليها فالخدمة..كانت عارضة أزياء عااد بدات..عجباتني وطلبت منها تجي تعيش معايا..وبحكم تما حاجة طبيعية قبلاات..وجات عندي..عشنا أيام زوينين مع بعضنا..الكلام دالحب وداكشي..واخا صراحة ماكنتش كانحس بالحب جهتها..كنت باغيها لغرض واحد هو الفراش..بينماا رجعت فحالي للمغرب..
-فاتي:(بتخنزيرة)وماحشومااش عليك..حتى نتاا استاغليتيها كيفماا هو استاغلني..
-فراس:هه لا ماستاغليتهااش أنا نكمل ليك..بقينا هاكدااك قول شي 4 أشهر حتى كملات مدة إقامتي تماا..انهينا علاقتناا بكل بسااطة لأنو حتى واحد فينا ماكايبغي لاخر..يعني إعجاب لا غير..وقررنا تبقى علاقتنا فإطار الصدااقة..يعني فالتيلي صافي..رجعت للمغرب وبعد شهرين هاكدااك صونات ليا وقالت باللي هي حاملة..قلت ليهاا باللي موحالش يكون مني وباللي كنت كاندير إحتياطاتي..ولكن هي أكدات ليا أن الجنين ولدي وباللي مادارت حتى علاقة جنسية من بعدي وقالت مني تولد نجي ندير التحاليل ونشوف..وافقت ودوزت حياتي عاادي حتى ولداات ومشيت درت التحاليل..ولقيت باللي البنت بنتي فعلاا..ماعرفتش لحد الآن كيفاش تم الحمل لأنو على حد علمي ديما داير الإحتياط..يمكن شي مرة ماكنتش فوعيي..المهم قلت ليها باللي أنا ماغانسمحش فبنتي وقلت باللي بغيت نديها معايا للمغرب..قبلات ببسااطة..وقالت باللي هي غاتعرقل مسيرتها فعرض الأزياء..وباللي بسباب الولادة غايخصها تدير عمليات دالتجميل وكدا باش يرجع جسمها كيف كاان..خلصت عليها العمليات وكولشي وبقيت معاهاا مدة..باش تبقى ترضع ليا بنتي..هي اللي سماتها أفنان..من بعد قالت باللي جاها عرض عمل فمجلة فكنداا..وباللي غاتمشي..باست بنتها ومشاات..ومن داك النهار عمرها سولات فيها..لحد الآن..أفنان عندها دابا 6 سنيين..يغني أنا أب عازب ههه
-فاتي:ههه أب عازب..كيفاش قدرات تخلي بنتها بهاد البساطة..وأفنان ماكاتسولش فماماها؟!
-فراس:أكيد كاتسول..قلت ليها باللي خدامة فبلاصة بعييدة وباللي غاترجع..
-فاتي:والا مارجعااتش؟!
-فراس:أصلا ماغاترجعش..كاتي وأنا عارفهاا..
-فاتي:سميتها كاتي(قلبات عينيها)سمية دالمشااش..المشة بعدا ماكاتسمحش فولادهاا وكاتهزهووم بسناانهاا..
-فراس:اوااا هادا ماكاان..فاتي..عندي ليك عرض..ونتمنى تقبلي
-فاتي:عرض؟!..شنو هو؟!
🌼🌼أمام منزل متواضع..
واقفة ريم ومروان كايشوفو فيه وكايدورو عينيهوم فالمكاان..دور مروان يدوو على كتاف ريم وجرها لعندو..
-مروان:يالااه ندخلو..غاتكون كاتسنانا..
طلعات ريم راسها فيه باستفهام..فهم معنى شوفاتها وتكلم..
-مروان:نتي ماغاتسكنيش بوحدك..السكريتيرة اللي خدامة عندي فالعيادة عطاتني العنوان..وراها تكلمات مع مولات الدار..قالت باللي هي مراا شارفة وساكنة بوحدهاا..وبغات شي طالبة تسكن معاها وتصرف بغلوس الكراا..عندها ولدها ولكن..
-ريم:(مقاطعاه)أويلي عندها ولدها وبغيتي نسكن معاهووم..
-مروان:رااه حاارك لإسبانياا شحال من عام هاداا..هي رابوحدها الزمر..أنا قلت مزيان باش توانسي نتي وياهاا..والا مارتاحيتيش ليهاا نشوفو بلاصة أخرى..
-ريم:مم أوكي..يالاه ندخلو..
دقو فالباب وبعض ثواني حلات ليهوم امرأة كبيرة تكون فالخمسينيات نم عمرها..وجهها منور...لابسة بيجامة وعاقدة زيف حياتي..
-المرا:(وهي كاتمسح يدها فالطابلية)السلاام وعليكوم..
-مروان:وعليكوم السلام ألالاا..يمكن ندخلو..حنا اللي بغينا نكريو..
-المرا:ايه ايه تفضلو..
دخلو بجوج وهوما كايشوفو فالدار..كانت متوسطة الحجم بفراش متواضع..دخلو للصالون اللي كان عبارة عن زربية ومانطات مفرشين فالأرض..ومخيدات مستفين مع جناب الحيوط..
قمة البسااطة..💖
هبطات ريم ومروان كايحلو فسبابطهوم وتكلم مروان..
-مروان:سمحيلينا الالاا على هاد الوقت فاش جينا..
-المرا:الله أودي ماشي مشكل..جلسو أنا نجيب ليكوم متشربو..
-مروان:ماكاين لااش بلا ماتصدعي راسك..
-المرا:ماكاين صداع الله أودي..
مشات المراا وبقات ريم كاتبحلق عينيها فالمكان..وقفات كاتمشى وتدور عينيهاا وتشوف فالتصاور المعلقين فالحائط..كانت صورة مكتوبة فيها سورة الفلق..وبجانبها صورة لرجل شاب ذو شارب كبير بالأسود والأبيض..
-مروان:بسبس..اتي جلسي بلاصتك..
-ريم:خليني نشووف..(تنفسات بعمق)الله عجباتني الدار..بسييطة بزااف..النوع المفضل عندي..فكراتني فالدار فاش كناا ساكنين فسلاا..
-مروان:شنو وقع ليهاا..كراها شيواحد؟!
-ريم:أخر مرة تكلمت مع هند قالت لي سكنو فيها شي ناس وحدين أخرين..
-المرا:مرحبا مرحباا..أجي أبنتي شربي ليك كويس دالقهوة..
-ريم:اا واخاا..
مشات جلسات فالأرض بجانب مروان..هزات أول كأس دالقهوة كباتو المرأة..قرباتو لنيفها واستنشقات ريحتو..
-ريم:الله..قهوة معطرة..فكراتني فماما الله يرحمها كانت كاديرهاالي ..
-مرا:الله يرحمها..هزو هاللوز ها الكركااع ..
-مروان:بارك الله فيك..الموهيم بلا مانطولو علييك..(شاف فريم)ريم..طالبة كاتقرا الطب..إن شاء الله غاتولي طبيبة..واليديها ماتو..وجات سكنات مع خالها..وعاد أيام قليلة مات حتى هو وبغات تكري وتسكن فبلاصة قريبة للكلية..
-ريم:الله يرحمهوم..مرحبا بيك أبنتي..أنا لالة نزهة وكايعيطولي الشريفية..أنا أصلي فاسية..تزوجت برباطي وجيناا لهناا وولدنا وليد تبارك الله يكون كبر منك غي بشوية..اواا وصبرت معاه حتى بناا هاد الدويرة..(شافت فالصورة)ماات وخلاني بوحدني مدابزة مع الزمان..ومسلكة بفلوس التقاعد الله يرحمك ياا سيمحمد..
-ريم ومروان:الله يرحمو..
-لالة نزهة:(بتنهيدة)أمين..اواا وولدي حمزة كان عايش معايا وكايقراا..حتى عمرو ليه عقلوو وحرگ وخلاني قلبي مشوي علييه..ماخليت فين قلبت عليه وماعرفتو حي ولا ميت..حرگ وهو باقي صغير ..كانت عندو 14 سنة مشاا لبلاد الكفاار وشكون يحن فيه..هادشي الاا ماغدروش البحر وكلااه الحوت قبل مايوصل..(بتنهيدة عميقة)الحمد لله على كل حال..
-ريم:يكون خيير الحاجة..
-لالة نزهة:لا يابنيتي ماحاجة شاي..تكافيت عاد مع الزمان بقا لي غي نزور داك المقاام..
-ريم:(بحزن)الاا كتاب الله تزوريه ان شاء الله..
-لالة نزهة:ان شااء الله..اواا اش نقول ليكوم أوليداتي..أنا بغيت غي اللي يعمر عليا الدار ومانبقاش وحدانية..ونتعاون أنا وياه على الزماان..اواا الاا بفات ريم وعجباتها الداار مرحباا بيهاا..والثمن راحنا تافقنا عليه ماطالباش الكثير..نبغي منها غي ماديرليش المشاكل وتحتارم الجيران..أعواام وأعواام وحنا محتارمين بعضنا ..مانبغيش تخسر صورتي قداامهوم..
-ريم:أنا عجباتني الدار وارتاحيت فيها..وكوني هانية ماكاين لا مشاكل لا والو..
-لالة نزهة:اواا مزيان ..أجي تشوفي البيت فاش غاتولي تباتي..
دخلاتها للبيت..كان متوسط الحجم فيه حصيرة ومانطات ومخاد فالركينة ...وليها شرجم كبير اللي مهوي البيت..
-ريم:عجبني😍
-لالة:كااان عامر غي بالخوا الخاوي..اواا ونضت ليه اليوم سيقتو ونقيتوو..زيدي ليه اللي بغيتي را ولا بيتك..
مشات ريم فاتجاهها وعنقاتها بشدة وعينيها مدمعين..
-ريم:عافاك نقدر نقول ليك ماماا..
ابتاسمات لالة نزهة وربتاات على ظهرها..
-لالة نزهة:وكاين اللي مايبغيش تكون عندو بنت بحالك..غزالة تبارك الله.. ماشاء الله..
🌼🌼فالسيارة..
-ريم:ارتاحيت ليها بزاااف..النور على وجهها ماشاء الله..
-مروان:ااه باينة ضريفة..ريم عجباتك الدار..يعني غاترتاحي فيها ..
-ريم:ااه عجباتني والله ..حسن لي من ديك الفيلاا دداك خاينة..
-مروان:أوكي..الا بغيتي أنا نجيب ليك سرير مريح غايضرك ظهرك بالنعاس فالأرض..
-ريم:لا عادي..بالعكس عجبني الجو اللي كاين فهاد الدار..جو عائلي وفشكل..الجو اللي كانقلب عليه..ننعس فالأرض حسن ليا من أني ننعس ففراش من الريش والحصيرة حسن لي من سجادة فارسية فاخرة والله..البسااطة
دار عندها مروان مبتاسم وهو باقي سايق..جر ليهاا حنيكاتهاا بيديه وباسها فيهوم..
-مروان:خليلي البسااطة هه
-ريم:هه واشوف فالطريق غاتقلبناا..
-مروان:وشنو فيها نموت مع التيتييز هه
-ريم:احمم حشمتيني يعطيك المووت هه
-مروان:ناري على دعاوي كيف وجهك..
-ريم:(كاطلع حجبانها وتهبطهوم)زوينيين هيهي
-مروان:هيهيهي..ماعرفتش إلينا واش جات للدار ولا باقي..
-ريم:شحال فالساعة(شافت فساعة يدها)باقي الوقت يالااه 8 ..
-مروان:النهار كولو وهي خارجة..وحتى ماصوناتش ليا..
-ريم:غي شدات الجماعة مع البنت وصافي عادي تنسااك هه..صوني ليها نتاا
-مروان:واخاا(عطاها التيليفون)شديهالي..
-ريم:دااير ليا الفارة ياا الحقيير 😑ماكاتسوااش..هايهاايهااي على العنييبة Ma vie قالك ههه ..لا لاا دابا وليتي زبيبة ههه
-مروان:غانصليها مع طاسيلتك..ديري مكبر الصوت..
(بعدما شد الاتصال)
-إلينا:ألو حبيبي..
-مروان:ألو حياتي..فين رااك دابا؟!
-إلينا:أنا فالداار جيت من قبيلة وكانتسناا فيكوم..مابغيتش نبرزطكوم..
-مروان:شكون حنا؟!
-ريم:(بهمس)اللي..مم
سد ليها مروان فمها بيد وبقا سايق بيد..
-مروان:كاتكلمي على ريم..ااه راها معايا حنا نيت جايين دابا للدار..
-إلينا:ااه صافي..نوجد ليكوم شيحاجة تاكلوها..
-مروان:(بتعجب)لا لا ماتوجدي والو..وجدي غي راسك نخرجوو نسهرو..أنا ويااك والفارة..
-ريم:تعضك إن شاء الله..لا لا غيسيرو بجووج خودو راحتكوم أصلا ماكانسهرش فدوك البلايص..
-مروان:لا ماغانمشيوش لبلاايص اللي ماكايعجبووكش..غانمشيو للبحر ههه
-ريم:لا لا هادي والتوبة هههه
-إلينا:أناا هناا نسيتوني..صافي حنا غانخرجوو بثلااثة ونفوجوو يالاه غانقطع يالااه نوجد بيزوو..
-ريم:شفتي غي ظلمتيها هي غي فالدار..
-مروان:حيت ماعيطاتلييش وصافي..ونتي أصلا أش دخل حمارك لأسبوع الفرس..
-ريم:عرفتي راسك حمار بعداا..وااع وااطلق مني ..وااعتقو الروح أعبااد الله باغي يقتلني..
طلق مروان من عنقهاا اللي كان جارو لعندو وخانقهاا..خنزر فيها وتكلم وهو مطلع حواجبو للأعلى..
-مروان:الله يعميها ليك..
-ريم:(كاتصنع البكا)الحكااار غي نتا االي عندك العضلاات..يديك كبر مني اهئ..غي بلاتي رااجلي المستقبلي غاايسلخك ويدكدك أناا حاسة..
دار عندها مروان باستفهام ورجع عينيه للطريق..
-مروان:راجلك المستقبلي..طلقتي نتي وأشقر؟!
-ريم:(بتنهيدة)أصلا مامزوجااش بيه
دار عندها مروان وهو ماامتيقش اللي سمعوو وهي تدور ليه وجهو للطريق من جديد..
-ريم:واشووف فالطريق راباقي باغا نعيش الزمر..المهم أنا ماكانتش عاارفة هو قالها قبل مانخرج من الدار..
-مروان:هو اللي جرا عليك؟!
-ريم:لاا أويلي على يجري علياا..أنا خرجت بنفسي مانتسناهش يجري عليا..
-مروان:(بشك)همم واخاا..هاحنا وصلناا تطلعي تبدلي حوايجك؟!
-ريم:مافياش خليني غي بهاد الحوايج..
-مروان:هه متأكدة نتي أنثى؟!
-ريم:(ضربات على صدرها)تاا را معاك الرجولة..عيط على الأنثى تهبط
صونا مروان على إلينا..تكا على الطونوبيل وتكلم معاها..
-مروان:ألوو أنا حدا الباب هبطي..اواا سربي..وسدي الباب مزيان..ياكما خليتي شيحاجة فوق البوطة ولاا فالفران..أوكي يالاه سربي..
*بعد 10 دقائق..
-مروان:بفف فين هادي..تعطلاات بزااف..
-ريم:حمد الله اللي حتى أنا ماشي أنثى هههه..(خنزر فيها بمعنى الساعة لله)صافي صافي ماتقلقش غي ضحكنا..
طلعات عينها جهة الباب وبانت ليها إلينا خاارجة..بقات كاتشوف فيها بصدمة..تحلف عليهاا عارضة أزياء كاتقدم عرض..ولا شخصية مشهورة فوق البساط الأحمر..بملابسها القصيرة وماكياجها..شعرها..وحذاءها العالي اللي ماتفرقش عليه..هبطات راسها كاتشوف حوايجها..بودي خفيف..سروال دجين وسبرديلة بحال اللي غاتسابق مع هشام الكروج..غوبشات بطفولية وهمسات فنفسها وهي كاتشوف مروان كايبوس يد إلينا..
-ريم:(بهمس)أصلا المهم هو الأخلااق..واش بصاح أنا أنثى..أصلا الأنووثة ماشي لباس..الأنوثة رقة..هااااء حتى هادي ماصدقاتش ضحكتي تفيق الميتين وأصلاا..
قاطعها على همسها مروان اللي بقا كايحرك فيها..
-ريم:هاا شنوو؟!خلعتينا أصاحبي..
-مروان:الله يستر..
مشا حل الباب الأمامي لإلينا حتى دخلات تبسم ليهاا ودار لبلاصتو ..شاف فريم ولقاها كاتشوف فيه بمعنى وأنا ماتحلش ليا الباب..قلز ليها وخرج لسانو..ودخل للطونوبيل..دخلات حتى هي وبقات كاتشوف فيه بغضب من المرآة..تبسم وغمز ليهاا..رجع شاف فالأمام..وكسيرا بطونوبيلتوو..
🌼🌼عند فاطمة الزهراء
مكمشة فبلاصتهاا ببيجامتها البيتية..جامعة شعرها بإهمال..ووجها كايبان شااحب بالمرض..كاتفكر كلام فراس ليها فالمكتب..والعرض اللي قدمو ليها..
"فراس:كانتمنى من كل قلبي تقبلي بيا..أنا باغي نتزوج بييك..شش ماتقولي والو حتى نكمل كلامي..ماكايهمنيش واش خطأتي ولا لاا..هاداك كايبقى ماضي والإنسان مامعفيش من الخطأ..عجبتيني من النهار الأول وكنت كانحاول نتقرب منك..شفت طريقة تعاملك مع أفنان..كانشوفك نتي هي الزوجة المناسبة ليا والأم المناسبة لبنتي..الاا قبلتي كانأكد ليك غانكون نعم الزوج والأب لولدك ولا بنتك اللي جايين فالطريق..قلتي باللي ولد خالتك ماعرفتش سميتو مااعتارفش بيه.. أنا مستاعد نعتارف بيه ..مااتقولي والو..سيري للدار دوشي ونعسي رتااحي..وفكري مزياان عاد عطيني جوااب..اعتابريه يوم عطلة أصلا غاتكوني عيانة واخا..(قرب وباس جبهتها)كانتمنى من كل قلبي تقبلي"
شنو ندير؟! نقبل ولا لا؟! ولكن أنا ماكانحس بوالو اتجاه فراس..أنا ماكانبغييهش..أنا باقي كانبغي أشقر..غانظلمو الاا ماخليتوش يشوف ولدو..ولكن هو مابغاهش أصلا..هو راه مزوج حتى نتي خاصك تزوجي..اهئ لاا مانقدرش..كااع الحوايج اللي كنت كانديرهوم معاه نولي نديرهوم مع شخص أخر..شخص عاد عرفتو..غانظلمو الاا قبلت..هو كايبغيني ولكن أنا لاا..ماغانقدرش نخليه سعييد..شنو ندير يا ربي؟
خداا مروان ريم وإلينا للسيرك..لعبوو وضحكوو وخداو تصااور..كلاو الذرة..وبقاو كايتمشاو..حتى وصلو لغزل البنات..
-الينا:حبيبي بغيت غزل البناات..
-مروان:واخا احبيبة..ريم بغيتيه؟!
-ريم:(ساهية)ها؟!لا ماكانكلوش..
بقات سااهية فالماكينة اللي كادور..وكيفاش كاتصنع من حبات سكر وملون قطع كبيرة شبيهة بالصوف..تفكرات فاش خرجات مع دياب وفاش مابغاتش غزل البناات..فاش عاودات ليه على باباها..وشنو دار على قبلها باش ترجع الضحكة لوجهها..دغيا نفضات الأفكار اللي جاوها فبالها وكملات المشية معاهووم..
دخلو لمقهى بسيط قرب البحر..خداو وجبة عشاء لكل واحد فيهوم والجو لا يخلو من المشداات بين ريم ومروان..
بدات ريم كاتاكل فصمت كالعاادة..مخلية مروان وإلينا كايعبرو على حبهم كيف ديما..طلعات راسها كاتشوف فالسما..بحكم طاولتهوم كانت بجانب النوافذ..سماء مزينة بالنجوم المتلألئة..كايتوسطهاا قمر والظاهر أنو بدر..تخيلات حوار النجوم والقمر..لو كانت نجمة كانت غاتسأل القمر..كيفاش كاتبان الأرض..ماادام هو الأقرب ليها..كيفاش كايبانو ليه الناس من مكانو..على الأغلب غايبانو مجانين..غاتسألو واش هاد الحياة تستاهل نتعصبو على قبلها؟!..غاتسألو واش كايتمنى يكون إنسان؟!..ابتاسماات لأسئلتهاا وكملاات على أفكارها..كاتقول فنفسها لو كنت نجمة..لم ولن أكثرت لنجم بحالي..كنت سأحب القمر..يهوى الأضواء واللمعان..بحالي تماما..ولكن والبعد اللي بيني وبينو؟!..وااش يمكن نتجمعو واخا البعد اللي بيننا؟!..واخا الاختلاف اللي بيناتنا؟!..لمحات طائر أبيض كايحلق ..صغرات عينيها وعرفاتو طائر نورس..بقات متبعاه حتى اختفى من أمامهاا..حرك مروان يدو قدام عينيها وخلاها تفيق من سهوتها..
-مروان:فشنو كنتي ساهية؟!
-ريم:(بابتسامة)فطائر نورس..مروان؟!واش الطيور كايقدرو يهاجرو لمكاان بعيد بزااف..
-مروان:ااه كايقدرو يهاجرو علاش؟!
-ريم:سؤال وصافي..يعني يقدرو يصبرو للمساافة البعيدة..والاا عياو؟!
-مروان:للأسف الا عياا كايطيح..وكايموت..وكايولي وجبة طعام شهية للحيوانات فالأسفل..
-ريم:يعني من الأحسن يبقى فموطنو..ويبقى فسلاام..
-مروان:ااه من الاحسن يبقى فموطنو..بين أصحابو وأحباابو..
-ريم:وإلا ماعندووش أصحابو وحبابوو فموطنو..كاينين فمكان آخر..مكان بعيد بزاااف..شنو يدير؟
-مروان:هو وشخصيتو..ممكن يغامر ويمشي يقلب عليهوم..وممكن يخاف ويبقى
-ريم:وو أنا كيف كان بان ليك..يعني نقدر نغامر؟!
-مروان:ااه شخصيتك قوية ولو ماكانتيش قوية ماكنتيش تصبري لكاع المشاكل اللي وقعو ليك..وماكنتيش تقدري تضحكي..
-ريم:(بابتسامة)ويحدث أن تبكي كل جوارحك..إلا عينيك..
-مروان:فعلاا..أنا لو كنت فمكان الطائر كنت نبقى فوطني..نشوف الحوايج اللي عندي هناا..واللي ماخصنيش نخسرهوم..فالأخير حياتي غالية ومانقدرش نضيعها ..حتى نتي رغم قوتك ماخصكش تغامري..مارفتكش بالضبط علاش كاتكلمي..ولكن هذا رأيي..ماتسعايش ديما للأشياء اللي ماعندكش شوفي حدااك غاتلقااي أشيااء زوينة..خلي كولشي للقدر..باستطاعتو يلاقي هاد النورس بأصحابو رغم البعد..حتى حاجة مامستحيلة عند الله..
-ريم:(بابتسامة كبيرة)ونعم بالله..ماقصدت والو مجرد سؤال فقط..كاتعجبني بهااكدا كاتفهمني طاير..
-مروان:(شدها من حنيكاتها)والاا مافهمتكش أناا شكون يفهمك..
-ريم:اللي...مم
كان سد ليهاا فمها بيديه..وخنزر فيها بمعنى ولا كلمة..طلعات راسها وهبطاتو كإجابة..حيد يدو وصفعها فخدها بخفة..وما بعينيه للطعام باش تكمل..وداكشي اللي كان..دور وجهو لإلينا اللي كانت كاتبحلق فيهوم بجوج بعدم فهم..غرز أصابع يدو بين أصابعها..قبل يدها بكل حب..ورجع كمل ماكلتو فصمت..ومرة مرة كايشوف بشك فريم اللي سااهية..
🌼🌼أشرقت شمس الصباح معلنة على يوم جديد مخبي بين طياتووو أحداث جديدة..
مشات فاتي بخطوات ثابتة بمشيتهاا الأنثوية..دقات فباب مديرها جوج دقات..ودخلات بعدما أذن ليها بالدخول
كان خداام وفور مالمحهاا وقف بسرعة وتقدم لناحيتها..
-فراس:فاتي؟!..قلت ليك اليوم بلا ماتجي وترتاحي فالدار؟!
-فاتي:لا أنا بيخير..المهم جيت نقول ليك على قراري فالعرض ديالك..
بقات لثواني وهي ساكتة..الشيء اللي خلا الدم يغلي فعروقو وهو كايتسنى إجابتها..هاد الدم اللي دغيا رجع لطبيعتوو فور ماسمع إجابتها..
فاتي:احمم أنا موافقة..ولكن..
ماخلاهاش تكمل كلامهاا وسكتها بقبلة..قبلة كايعبر فيها على رضااه..امتناانو..وشكرو لاختيارها..بغاها..ااه بغاهاا..ولكن..هل هو حب من أول نظرة؟!أم أنه مجرد إعجاب؟!قرار فاتي فمحلو أو لا ؟!
🌼🌼دقات ريم وفتحات ليها لالة نزهة..
-ريم:السلاام ماما نزهة ياكما فيقتك..
-لالة نزهة:أويلي على نبقى ناعسة حتى لدابا دخلي..
-ريم:واخاا..بلاتي نعاون مروان فالحوايج..
-لالة نزهة:اوا بلاتي نعاونكوم..
ماخلاتش الفرصة لريم ومشات بسرعة فاتجاه مروان..تسالمو وجرات من عندو فاليز دريم مدخلاها..تبعاتها ريم حتى هي جارة فاليز..ومن بعدهوم مروان هو الآخر محمل..
حطو الفاليزات فالركن دالبيت من جهة الباب..
-مروان:يالاه نديك للكلية..
-ريم:لا ماعندي والو الصباح..غي سير عطلتك على شغلك شكرا
جرها مروان لعندو معنقها وباس على راسها..
-مروان:ماكاين لاش شكرا الفارة
بغات ريم تقرصو فكرشو..ولكن نظرا لصلابة عضلاتو ماقدراتش..حس بيديها هبط وجهو لعندها ومات ليه بمعنى لالة نزهة اللي كاتشوف فهمها كيف ديما وضحك ببلاهة وهو كايشوف فلالة نزهة..
-مروان:ختي اللي ماولداتهاش ليا مي هه مني خلاتها ماماها عندي أمانة واعدت نفسي عمري نتخلا عليها..
-لالة نزهة:ما شاء الله باينين متفاهمين..
تفكات ريم من حضن مروان وقالت ليه..
-ريم:يالاه الباب ألحبااب..سير لخدمتك
-مروان:يااك كاتجري عليا..هاهو غادي
-لالة نزهة:أويلي حشومة أبنتي هه
-ريم:غي كانضحك معاه أماما نزهة..أصلا ماكايتقلقش..كون غي تقلق وهنانا..
داز من حداها وهز يدو بحال اللي باغي يضربها..خبات وجها بيدها..ومشا وخلاها وهو كايضحك..حيدات يدها ولقات لالة نزهة كاتشوف فيها وتضحك ..
-لالة نزهة:ضحكتوني هه..أجي تفطري أبنتي
-ريم:لا فطرت الحمد لله..أنا غانخرج دابا..نقلب على خدمة..
-لالة نزهة:الله يسهل عليك أبنتي ويفرحك
-ريم:أمين يا ربي(باست يد لالة نزهة)شكرا على دعااويك الزوينين..بسلامة..
-لالة نزهة:بلاتي بلاتي هاكي السوارت دالدار ودبيتك ..
-ريم:(خداتهوم بابتسامة)شكراا..
خرجات ريم وبدات فالتقلاب على الخدمة..دازت للمولات ووالو..بدات كاتمشي للريسطووات حتى هوما كايقولو ليها مامحتاجينش..عيات بالتقلاب حتى ولاو رجليها كايضرووها..مشات للبحر وبقات جااسة فيه شحاال..كاتخرج الطاقة السلبية وتخزن بلاصتها طاقة إيجابية..بقات كاتمشى حتى كايبان ليها المقهى الأزرق.. اللي فايت مشات ليه هي ودياب..تفكرات فعايلوو وأسئلتو البايخة ونكتو الحامضة..فاش طلعوها على صاحبة الشعر الأحمر..شوشو ورورو..تفكرات عصبيتو وفاش حصلها كاتسنط ليه..بدون ماتحس ترسمات ابتسامة على فمها..صرفقات راسها باش ترجع لعقلها ودخلات آملة فأنها تلقى خدمة فهاد المكان..
🌼🌼عند أشقر..
الليل كولو مانعسش..بايت خدام فالمشرووع ومصمم أنو يكملو قبل ماتخرج الشمس..وفعلا بعد جهد كبير قدر يكملو..رجع راسوو للوراء فوق الأريكة الجلدية...كايشوف فالسقف المزخرف بشكل تقليدي بشرود..جااه فبالو موضوع الورث..ظهرت علامات الغضب من جديد فوجهو وتكلم مع نفسو وهو كايتنفس بقوة..
-أشقر:هي ماغاتسيقش الخبار..غايبقى هادشي هاكدا..
تفكر فاتي من جديد وتفكر الجنين اللي فكرشو..وإلا كان ولدو؟!..فاتي اللي كايعرف كاتبغيه وماتسلمش نفسها لشخص أخر..ولكن هو شاف تصرفاتها مع فراس..والاا كان ولد فراس..كيفاش قدرات تنساه بهاد السهولة..إذا هي ماكاتبغيهش كيفما كاتقول..
شد فراسو من الألم اللي راودو وتكلم بصوت مسمووع..
-فاتي:نتا اللي خليتيها بسهولة..على قبل وحدة ماكاتستاهلش..موسخة وقليلة الأصل..هي قالت غاتبدل مني وفعلاا قدرات..كيفاش عمات لي عيني وخلاتني نتصرف بغباء ومانخدمش عقلي..ولكن حتى فاتي غدارة..حتى هي ماتاقتش فيا ودغيا سمحات فيا..كون مامشاتش ماكنتش نفكر فإنجاح علاقتي مع ريم..كون بقات معاياا ورجعاتلي بلا ماتسول كنت غانتفك من ريم ونرجع ليها..شنو بغاتني نقوليها حملات مني وحدة وعتقني الواليد منها..وكان ضروري ندير اللي طلب مني..بفف ماشي غي هوماا اللي ماكايسوااوش..نتاا كثر منهووم أأشقر..شكون غاايخرجني من هاد المشااكل اللي طاحو عليا فدقة وحدة يا ربي..
بعد ثواني تسمع صوت رنة هاتفو..ناض كايقلب عليه ولقاه بين الأوراق..نمرة من ألمانيا..ابتاسم وجاوب بسرعة على الإتصال..
-أشقر:ألوو ديااب..
-دياب:ألوو..
-أشقر:ماالك كاتكلم بالغراام؟!
-دياب:شوف نتاا؟!
-أشقر:وااسمحلي ماكنتش فوعيي أصاحبي راك عارفني..بااز ليك ماكاتشدكش بلاصة وحدة
-دياب:جيت غي نشوف الواليدة أخر مرة شفتها قبل مانجي للمغرب..ونرجع فحالي
-أشقر:فين غاادي تاني؟!
-دياب:ماعرفتش..روسياا يمكن..
-أشقر:يااكما شي مشكل..ديك العصابة دالمخدرات مابينك وبينهوم والوو
-دياب:هه من نيتك هادوك كاع ماكايخلعوني ..واحد المشكل صغير وصافي ماشي شيحااجة
-أشقر:داكشي علاش كاتنقل بزاف..همم عارفك ماغاتقولش لياا..
-دياب:مزيان مني فهمتي ك**..المهم يقدر هذا أخر اتصال لياا معاك..تهلاا فرااسك أعشيري..
-أشقر:لاا نتاا واقعاا ليك شي مصيبة..باسل معاك..
-دياب:أصلا ماديتوش معايا لإيطاليا خليتو عند الواليدة وجبت ليه مربية باش يقرا
-أشقر:ماديتييش معااك باسل!!لا نتا بيك شيحااجة؟!
-دياب:والاا عادي ماواقع والو..
-أشقر:لا لاا واقعة ليك شيحاجة..نتا ماكاتفارقش مع ولدك قول أش واقع..
-دياب:واماتندمنييش أصاحبي..راك عارف بلاناتي..طحت فواحد البروبليم ودابا كايهددوني بالقتل صافي..
-أشقر:صاافي..دمك بارد اصااحبي..
-دياب:نبرد كولي مايبردش غي ز** هههه..واصافي ماتزيدش اش غايطرا كاع الاا مت..عادي كاع الناس كايموتو..
-أشقر:دياب..بديتي كاتعصبني والله..بغيت غي نعرف اش كايدخلك للمشاكل ديماا..
-دياب:كسر الملل هه..وامااغيطرا ليا والوو والله ماخالعيني غانعرف نخرج راسي..بفف طولت فالمكالمة بزااف غايخصني نقطع..
-أشقر:غاتهرس لاكارط سيم تاني..بفف والله حتى كاتعصب
-دياب:كاتشريهووم لديلمي..تهلا
🌼🌼عند ريم..
خرجات من المقهى وهي فرحانة..وعلاش ماتفرحش وهي تقبلات تخدم عندهوم..تقاابل لاكيص هي ووحدة أخرى وبأجر محترم..قاليهوم المدير بيناتكوم تتافقوو على المناوبة ديالكوم..تكلمات مع البنت واتافقاات معاهاا ..خصوصا بعدما عرفات أنها طالبة..قادو التوقيت دبعضهوم وتوادعو..
دخلات لمحل تجاري كبيير..بقات كادور ودور وتشوف الأثمنة..وتقلب على الارخص..وفالأخير..شرات علاقة للحوايج باش تعلق اللي كايتكمش..بغات تمشي عند مالين الكرارس تقداا شوية دالخضراا والديسير ولكن هي كاتخلص بكارط بونكير اللي عطاها خالها..كون ساقليهاا أشقر الخباار كون رااه حبسهاا ليها..فالأخير تقدات حوايج قلال فالمحل التجاري..
-ريم:بفف خاصني نقول لمروان يعطيني شيحاجة من ثمن الخااتم
اللي بقاو بعدما خلص لالة نزهة..قالتلو يخبيهوم عندو..
دخلات للدار محملة وتلقات ليها لالة نزهة اللي كانت كاطيب الغداا..
-ريم:ماما نزهة..تقديت لينا شوية شوية من الحاجة..
-لالة نزهة:لاش معدبا راسك أبنتي اللي كتاب ناكلوه..كاين الخير الحمدلله
-ريم:غانكمل ليك الخير راكاناكل بزااف هه
-لالة نزهة:عمر الرزق يكمل ولا يوقف أبنتي
-ريم:ماما نزهة كاين دوش حسيت براسي عراقيت
-لالة نزهة:كاينة الطواليط أبنتي..سخني ليك الماا را الكيس والصابون البلدي كولشي كاين
-ريم:الله خاصني نيت شي تفريكة فااعلة تااركة(باست راس لالة نزهة)الله يخلف عليك
-لالة نزهة:أميين..سيري دوشي دغيا باش يالاه تغدااي ياك داخلة العشية
-ريم:ااه داخلة ولكن الكلية قريبة نمشي غي على رجلي..فين نسخن الما؟!
-لالة نزهة:راكاينة بوطة صغيرة فوقها برمة حدا الطواليط..وعيطيلي نحك ليك ظهرك..
-ريم:اييه واخاا..
🌼🌼فالكلية..
دوزات ريم أول حصة ليها في هدووء..مركزة مع البرووف..ثاني حصة كانت عند معاذ..دخلات من الأوائل للقاعة..كان مدور على عنقو بضمادة بيضاء..بداو كايمشيو عندو البنات والقلييل من الأولاد وكايقولو ليه ياك لاباس وداك الصواب..ناضت حتى هي مبتاسمة سلمات معاه وتكلمات بهمس..
-ريم:كيف بقيتي شوية؟!
-معاذ:همم تجرحت وصاافي..
-ريم:ااه..(قربات ليه وتكلمات فودنو)محتاجااك فالعشية..(ورجعات وقفات بلاصتها)
شاف فيها باستفهام كايتسنى توضيح أكثر..قلبات عينيها بمعنى والبنات اللي حدانا؟!جرها من يدها ودخلها للمختبر وسد الباب..مخلي الطلبة كايوشوشو من جديد..
أول حاجة دار معاذ هي فحص المكان ياكما فيه أداة حادة..ضحكات عليه باستهزاء وتكلمات..
-ريم:قلتي باللي باغي تكفر على ذنبك وباللي ضميرك حيا من جديد..وأنا سامحتك..وغاتولي شخص عزييز عليا الا عاونتيني..
-معاذ:واخا..ولكن فشنو؟!
-ريم:مسألة انتقام وصافي..بغيت نتسلا شوية..😈
مدات يدها ليه وتكلمات..
-ريم:معايا؟!
صافحهاا وقال..
-معاذ:معااك..
ضربات على كتفو وغمزاتو..
-ريم:دابا بديتي كاتعجبني..(شاف فيها بإعجاب)علاش كاتشوف فيا هاكداا..غاتبداا تندمني..
-معاذ:صافي صافي سمحيليا..أنا معااك فاللي بغيتي..
-ريم:مزياان..دير هاكاا ولا هاكا مانقولكش اش نقدر ندير..
-معاذ:كوني هانية..شنو المطلوب مني بالضبط..
-ريم:باقي كانفكر..نخرجو ونتكلموو..تعطلتي على الدرس يالااه نخرجو..
Tags:
عشق النوارس