مدات يدها سلمات عليه وهوا غير كيشوف فيها ..
واءل : هه!!! الوقت كامل وانا نتخيلك بشعرك زعر شوية كيطلع ليا كحل ! كي درتي ليها!!
ضحكات وقالت : هههه قلت نبدلوك شوية ... دابا واش غتعرض عليا ونرجع بحالي منين جيت ؟
واءل : ههه مرحبا ..
جلسات معاه فالطلبة دايرة رجل على رجل ... كتقاد حوايجها و واءل ساهي كيطلع فيها ويهبط حتى قالت
رحاب : ههه مالك مصدوم؟!
دوز يدو على لحيتو كيتنهد وقال : طلعتي عكس توقعاتي كاااملة .
دارت يدها حنكها متكية على الطبلة وقالت : ايوا هاد توقعاتك سلبية ولا ايجابية؟
واءل : عاادية ... مي ماشي المواصفات نفسها ... قلتي شعر زعر طويل! وشعرك كحل قصير.... حروفك كوحل .. وعامرة على لاطاي اللي تخيلت فبالي .. مي زوينة تبارك الله الله يحجبك
رحاب : ايوا ضاروري شوية من التغيير .
واءل : كنتي تبقاي كما نتي اوموان بعدا حتى نتشاوفو .. دابا انا تخيلت وحدا اخراااا ودابا قدامي وحدة اخرا
رحاب : هي دابا كتعايرني !
واءل : حاشا .. غير انا كنقول داكشي اللي كاين ... تخيلي معايا نجي نعطيك وصف ونقول ليك انا زعر وطويل وكدا .. فاللخر نخرج سمر وشعري كحل ... غادي تحسي براسك جالسة مع واحد غريب اولا لا ... وانا مكنحسش بيك غريبة فالتيليفون .
رحاب : دابا نرجع شعري كي كان ... غير قلت نبدل طلع ليا راسي فراسي واحد شوية وصافي ...ايوا نتا لاباس عليك؟
رجع اللور كيشوف فيها بابتسامة مزال ماتستوعب وقال : حمد لله ... والله لعجب ! (هز حاجبو) من بقيتي نتي كما نتي كان يكون حسن ... حاس براسي جتلس مع شي وحدة عمرني شفتها!
ضحكا ولاحت شعرها اللور : ههه وراه اصلا مكتعرفنيش... واول مرة تشوفني
واءل : ههه زعما ماشي بحال ... فغيمون احساس فشكل تيقي بيا .. مابغيتش نجرحك مي الصراحة نقولها ليك .. فاليتيلي كنرتاح ليك بزاف كنر مللي كتخيلي ماعرفتش علاش ... واخا بعيد على الوصف اللي عطيتيني مرتاح ليك من خلال المساجات اللي دازو ببناتنا ...وحتى الوصف عاد مؤخرا عطيتيه ليه ليا يعني فهمتيني شنو بغيت نقول ... مي دابا فشكل ... ماعرفتش علاش!
رحاب : قول ليا كتميل للشقراوات كثر ... ايوا سيدي ندمت اللي بدلت اللوك ... كن حسابني هاكا والله مانبدلو
واءل: نو ماشي كيستيون شقراوات ولا سوداوات ... راه قلت ليك شحال وانا كنهضر معاك ومرتاح قبل الوصف .. مي ماشي مشكل .. بالصحة للوك الجديد جاك زوين واخا ماعرفتش كفاش كنتي من قبل ... (ربع يديه للور بابتسامة حال رجليه ) كفاش وصلتي كفاش داز السفر؟ كلشي مزيان ؟ كلشي هوا هاداك؟ .. ....... ابنت حووومتي هه
رحاب: هههه كتسالي معايا بهاد بنت حومتي هههه علاش كتقول ليا هاكا مافهمتش
واءل : نقولو عاود مسألة احساس ... فاش قلتي كازا . انفا طق دغيا مشا عقلي بنت حومتي حيت قلت بزاف على هاد الصدف .. بقا ليها غير تقول ليا راه بنت الحومة وفنفس لغيزيدونص . (غمزها) مسألة احاسيس وداكشي .. غاندير ليك فيها كاضم الساهر عاوتاني ههه
رحاب : ايوا الصدفة خير من الف معاد ...
واءل : شنو تشربي؟
رحاب : جي دو رونج
واءل: شير بيدو ) واحد جي دورونج وكافي نص نص. (تلفت عند رحاب ) فراسك اش كاتب ليك فالسمية؟
رحاب : بنت الحومة هههه
واءل : ههه جيتي فيها ... سينو .... اش كتعاودي ..
بدات رحاب كتهضر وتعوج وتلوح فشعرها للور واءل متكي على ضهرو كيطلع ويهبط فيها وابتسامة على فمو كيحاول يستوعب .. هضرة تجيب هضرة حتى تعاشات لعشية وناضو خرجو من القهوى وقفو حدا الطوموبيل وقال واءل
واءل : يالاه نوصلك
رحاب : لالا ماشي مشكل ... غنتسنى صحاباتي نشوفهم ... راه قلت ليهم نتشاوفو فالعشية
واءل : اوك .. نتشاوفو مرة اخرى ماتغبريش
رحاب : ان شاء الله ههه ضاروري
واءل : يالاه تسالي مع صحاباتك وفي سين
رحاب: اوك كن هاني
واءل تصرف مع رحاب هاد المرة ببرودة ماشي بحال اللي كان كيدير معاه فالتيلي .. شنو اللي تبدل وشنو اللي تغير .. وحتى اللي داز بيناتهم كان كيتصرف معاها عادي ومتدخلش فخصوصياتها ولا سول شي اسءلة بعيدة على اطار الصداقة بحال اللي كان كيدير فالتيليفون من قبل .
قلب الطريق واءل عند صحابو للقهوة ومادخل للدار حتى أدن العشى ، دخل لقا الدار مضلمة .. شعل الضور واستغرب
واءل : فاطمة الزهراء ! (دخل كيقلب ) فاطمة الزهراء؟؟ .... فين مشات هادي؟
جبد تيليفون من جيبو يالاه بغا يعيط ليها وهي تحل باب الدار دخلات لابسة سورفيت غزالة فالعوز بيبي من هادوك اللي شاري ليها ودايرة لشعرها السبولة وريحة بارفان كتعطعط ... دخلات بشوية وسدات الباب موراها مامسوقاش ليه .. دار عندها مخرج فيها عينيه ويدو على جنبو
واءل : فين كنتي تا لهاد الوقت بالسلامة؟ (شاف فالساعة ) تسعود ونص هادي ونتي برا !!!
مشات للبيت لبرودة مجاوباتوش وهوا يتبعها جرها من يدها دورها بالجهد
واءل : كنهضر معاااااك جاوبيييني ... فين كنتي وشهاد الوقت ؟
شاف وجها كي ماكي والجبان مطراسيين وهوا يصعر
واءل : اش هاد الحالة خارجة بيها للزنقة؟؟؟ معاامن كنتي هضرييييي
فاطمة الزهراء : واش انا كنسولك فين كنتي ومنين جيتي؟ ياك كدخل حتى لنصاص الليل عمرني سولتك ؟
واءل : شهاد الهضرة هادي وشكتخربقي عليا؟؟؟ !!! سولتك فييين كنتي جاوبيني ...
فاطمة الزهراء : ماشغلكش
دارت وهوا يدفعها فوق الناموسية : كفاش ماشغليييش!!! واش مرتي داخلة حتى 9h30 وماشغليش!!! (خرج فيها عينيه) هضري ... معامن كنتي .. ولا ليوم نبدح مك ... معاااامن كنتي ماتصعريش جد ديلمي
خرجات عينيها : بعد منيييي ... اش جاك هاد الليلة واش اول مرة ندخل مع هاد الوقت ... تخنقت منك وطلعتي ليا فرااااسي عطيييني التيساااع
شدها من فكها : مغاباغاش تقولي معامن كنتي ... كتلعبي وراء ضهري !!! خارجة مزوقة ومريحة عند الز****** هااااه ... شكون هادا اللي كنتي معاااه دوي ... والله تاندبح مك
غوتات كدفع : طلااااق منييي .. طلااااق بعد مني كنت مع صاحبتي .. ااااي يدي طلاااق
واءل: كيسوط) صاحبتك !!! صااااحبتك صاااحبتك ولا صااحبك ؟ واش حساب ليك انا حماااار!!! هاه! (طير ليها تيلي) ااريه هادا لهنا ... جبدي .. جبدي الكارط التانية اللي دايرة وراء ضهري
فاطمة الزهراء : واش نتا مريييض!!! واش تسطيتي!!
واءل : مرييض ! انا نوريك المرض..(كيقلب ليها تيليفونها) طلعي الكارطة التانية برااكة من التلوعيب... طلعي النمرة اللي مخبية عليا
وقفات مع الحيط كتلهت : شتي نتا تسطيتي ... ماعندي لا نمرة لا جوووج واش حماقيتي .. اش هاد التخربيق!!!
واءل : زيرها مع الحيط) فعايل بنات ل ****** مديريهمش عليا كتسمعي .... طلعي نييم .
فاطمة الزهراء : ااااي خنقايني اهىء اهىء لهىء.... ماعندي حتى نمرة .. والله حتى كنت مع صاحبتي اهىء
واءل : زيدي وريني هاد صاحبتك اللي كنتي معاها ... تحركي وريها ليا
رجع راسو كيزدح بحال الباف ... ماشي غير التناوي اللي دخلات ليه بل ولا متأكد منها كتخونو ... شدها من يدها طلعها فالطموبيل وزدح الباب وركب حداها
واءل : فين كاينة هاد صاحبتك ... هضري وريني فين ساكنة
قالت كتشطح بالخلعة : كنا جالسين فالقهوى والله العاضيم
واءل : خرج عينيه) فالقهوى يا بنت الكلبة !!!!!
فاتي: وشنو فيها ياك ديما كنجلس فالقهوى!!
واءل : مع صاااحبتك ... وريني هاد القهوى فين جااات ... تحركي
قالت كترعد : دور من هنا
ديمارا الطموبيل حتى لسق راسها مع الكوسان .. غادي مكسيري وهي خايفة يخشيها فشي حيط .. بدات تنعت ليه بصبعها وخوا يشد الفران حدا قهوى كبيرة عامرة ببنادم وجرها من يدها كتغوت
دفاتي: براااكة من الشوهة ... طلق منييي تشوهك بوووحدك الزبل
[23/1 19:05] بارت: هبط يدو ليدها شدها من تما بحال كوبل عادي .. اما وجهو ماااااكيبشرش بالخير وهي سنانها كيتقرقبو بالخلعة .
واءل : وريني الطبلة فين كنتي جالسة
شارت بيدها كترجف : لهييه
دور عينيه شاف فالطبلة وجرها من يدها وقف على السرباي اللي كيمسح ديك الطبلة وقال
واءل: السلام عليكم.... واحد التيليفون تنسى فوق هاد الطبلة هادي شي ساعة دالمكانة تقريبا
السرباي: ماشفنا حتى تيليفون اسيدي !!
واءل : السيدة كانت جالسة فهاد الطبلة وهنا مشا ليها تيليفونها
السرباي: واخا بلاتي نسول السربايا لخرين يقدر شي واحد فيهم يكون سرباها ويقدر يكون لقا تيليفونها
واءل: هاز عينيه فالسقف) علاش قهوى قد هادي مافيهاش الكاميرات!!
السرباي: فيها بطبيعة الحال
واءل: دونك لهاد المواقف دارو الكميرات ولا لا! ... شوف ليا مع مولاها يرجع السينتة للور فاش المدام جالسة هنا مع صاحبتها .. باش بلا منبقا سول فلا سول فلان .
السرباي: واخا سيدي اجي معايا
شاف واءل فاتي كيتحلف ويحرك راسو وجرها من يدها لكونطوار وهي كتجر يدها
فاتي: طلق مني ... واش مكتيقش ولا مالك !
واءل: تحركي وسكتي
فاتي : والله تا كنت جالسة فديك الطبلة ... والى دوزو الكاميرة وبنت ليهم انا هزيت تيليفوني معايا اش ندرو
واءل : نديرو داكشي اللي كيدرو كاع الناس .. نعتاذرو ونبينا عليه السلام ... تحركي ماشي نتي اللي توريني اش ندير
جرها لكونطوار فين مجمعين كاع السرباية كيهضرو على تيليفون اللي مشا ... هضر واحد وقال
السرباي : انا الاللة اللي مسحت الطبلة من موراك فاش نضتي نتي وصاحبتك .. ومالقيت حتى حاجة
فاتي: عاقل عليا ياك ... انا اللي جيت انا وصاحبتي
السرباي: اه عااقل الاللة .. الى بغيتو تستاو راه مول الكافي عيطنا ليه وجاي
شاف فيها واءل كيسوط من مناخرو وقال
واءل : صافي ماعليش .. شكرا .. يقدر طاح ليها فالزنقة .. الله يعاون
جرها من يدها للزنقة هي تنتر كتغوت
فاتي: ماالك مشوه... مالك على حالتك الفتي قصة باش تعرف كنت مع بنت ولا مرى ..
واءل : خشاها فاللوطو .. تحركي وسكتي .. ومن اليوم ماتحطيش رجلك فالزنقة بلا خباري
فاتي: وعلاش بالسلامة!!
واءل: هاااكاك .. رشقاات ليا ... مخي قالها ليا ... قالي متعتبيش باب الدار ... وحيدي عليا هاد الالوان الطيف اللي دايرة فوجهك واخر مرة تخرجي هاكا سمعتي وماتخرجيش كاااااع تا كن انا
[23/1 19:05] بارت: رجعها للدار كينكر وهي قالبة وجهها للزاج مكتجاوبوش . دخلها وزدح الباب ومشا لبيت النعاس كيبدل حوايجو طالع ليه الدم ومشا للحمام دوش . وحتى هي دارت بحالو .. مشات حيدات حوايجها ومسحات وجهها بمنضف ودهناتو بكريم ليلي جبدات مسكة لاحتها ففمها كتمضغ وطرطقها بطريقة مثيرة .. لبسات سوميج دو نوي خفيفة سيكسي كحلة وهزات عود ديال الريحة دوزاتو وسط ص...رها وعلى عنقها .. دهنات لحمها بكريمات وطلقات الشعور وجلسات فوق الناموسية دتيرة رجل على رجل والصدر نبندر شادة تيليفون فيدها . دخل عليها واءل ملوي الفوطة على عنقو وهوا يطلعها من رجليها حتى لراسها وعقد حجبانو .. مشا حتى لحداها وتكى على جنبو هاز رجلو وحيدها ليه تيلفون من يدها
واءل : اري نشوف معامن كضحكي
فاتي: افففف ... مه صاحبتي . مالك مالك ... مالك وليتي هاكا !
واءل : كيلقب فالتيليفون ببرودة) وهاد صاحبتك مكتساليش نتي وياها ولا شنو؟! عاد كنتي معاها !
فاتي: سمع ... هاد التخربيق ديالك كديخل من ودن ويخرج من ودن ... مابغيتش ندير فيك راسي ولحد الساعة ساكتة ليك ... غتعطيني تيليفوني وتوقرني حسن ليك
واءل: هز حاجبو فيها ) وشنو غديري كاع!
قلبات وجهها كتسوط ) مافهمتش اشنو جاك حاط عليا هاد النهار
واءل : نتي اللي مفهمتش علاش كديري هاكا
فاتي: مالي اش كندير !
واءل :من هادشي كامل ... هادي هي صاحبتك اللي نهار كامل شادة معاها ستون؟
فاتي: اااه .. ومن بعد ؟
واءل:عيطي ليها دابا نسمع صوتها
طلعات حاجبها : وشنو باغي نتا بصوتها ؟
واءل : نسمع ... نعرف شكون .
فاتي: واش كتشك فيا ولا شنو؟
واءل: مافديلمك تيقة ... عيطي ليها وبااكة من البلابلا
طيرات ليه تيليفون من يدو وصونات على النمرة ..
....: الو فاطمة الزهراء
طيرو ليها واءل من ودنها وكبر الصوت وشار ليها بعينيه تهضر
كمشات فمها وقالت : الو مريم ... سافا؟
مريم: هاينا مالكي معطية ليا فهاد الوقت ياكما دابزتي مع واءل عاوتاني؟
شاف واءل فاتي وضحك بسخرية وهي تقول
فاتي: فين تصالحنا باش نرجعو ندابزو بعدا ... مهم سيري حتى لغدا ونهضرو
قطعات ومع القطعة خيدها ليها تيليفةن من يدها وبدا كيقرب منها
واءل : وشكون قالك حنا مخاصمين ؟
فاتي: سير سير بعد مني ... مالك اش باغي دابا؟
رجع ليها شعرها للور وقرب يبوسها فعنقها
واءل : توحشتك . وبغيتك
دورات وجهها : نتا بالسلامة مكتوحش حتى كيدوز الشهر !!! صمتي رمضان قبل مايوصل ولا شنو؟
واءل : هههه خلينا دابا من هاد الهضرة واجي نقول ليك شي حاجة
دفعاتو : عياانة .. عطيني شبر ديال التيساع حتى ترشق ليا انا ماشي حتى ترشق ليك نتا
واءل: باغا الملاءكة تبات كتنعل فيك فبلاصت ماترضي عليك؟ امم
هادا حال فاطمة الزهراء ... بوسة ولا جوج من واءل كتنسى اللي وراها واللي قدامها ... ديما مدوخها بهضرتو وغير ببوسة حنينة منو كترجع على خاطرها ... الحب وماداير فيها .. كيلعب عليها كي بغا واخا تعيا تكابر فأخر المطاف كتلقا راسها بين يدين واءل عايشة معاه وعلى طريقتو الخاصة .. وحتى هوا طاح معاها طيحة وحدة مكيقولش ان شاء الله بحال الى عمرو قاسها وبحال الى هادي اخر مرة يشوفها فيها .
جمعهم الفراش بجوج نساهم فالمشاكل اللي عايشينها .. نساو كلشي رجعو كيشوفو غير بعضياتهم .
رحاب فتيلسفون واءل كتصوني وتعاود .. محطوط فوق الطبلة كيفيبري بوحدو وشكون مسوق ليه ولا سامعو اصلا .
صبحات فاتي ناعسة وصبح واءل كيلبس جوايجو ... حلات عينيها شافتو واقف قدامها كيلبس وبقات ساهيا فيه تلفت عندها وقال
واءل : ماتخرجيش ... هانا فين كنوصيك
فاتي: انا بغيت نعرف غير اش درت حتى دير ليا بحال هاكا ؟
واءل : ماعندك ماديري برا ... ثلاجتك عااامرة وماخصك حتى حاجة من الحانوت .. حتى نجي ونخرجو بجوج واراي مادوري تا تسخفي
فاتي : وعلاش!
واءل : باش انا نرتاح من جيهتك ... مايبقاش راسي كيزدح ونعرف اش كندير واش مكنديرش ... تزوقي .. لبسي ت راي .. ديري اللي عجبك فدارك .. ولاكن الباب ماتفوتيهش وفوتي عليك هاد الجيران منشوفكش عند شي وحدة فيهم
فاتي: ااه بعدا فكرتيني .. وحدة كتسالني 500 درهم غادق عليا ليوم نعطيها ليها
واءل: عبس) وعلاش خديتيها من عندها؟ مالي انا مكنعطيكش؟
فاتي: وراه كنا خرجنا ومكانوش عندي وتسلفتها منها
تنهد ماعارفها كتهضر بصح ولا كتدب ... هز بزطامو جبدهم مو وحطهم ليها فوق الطبلة وقال
واءل : الطوموبيل مافيهاش المازوط
فاتي : ايوا خلي ليا باش نديرو
واءل : قلتها ليه باش تعطي الراحة راسك ... وماعندي مانخلي ليك وماعندك فين تمشي حتى نجي ونديك فين ما بغيتي
هزات مخدة خبطاتها كتسوط وناضت لوات عليها فوطة دخلات للدوش .
لبس حوايجو وخرج .. طلع فسيارتو وهوا يتفكر التيليفون وطل عليه لقا ليزابيل عرام من عند ريحاب . اوك ماشي مشكل الصباح هادا تقدر تكون ناعسة .. حتى للعشية ويعيط ليها ولا تعيط نيت هي .
مشا للخدمة تلها معاها وكل شوية يعيط على فاتي يشوف اش كدير فالدار .. واش خرجات ولا ماخرجاتش .. الوقت كامل وهوا موسوس حتى وصل وقت لغدا وطلع فطموبيلتو ناوي يرجع للدار يتغدى ... شوية صونا ليه تيلس وفتح الخط بابتسامة
واءل : الو وي رحاب سافا؟
رحاب : ما سافا والز مال تيليفون الليل كامل وهوا كيصوني .. قلتي غتتاصل بيا؟
واءل : داني النعاس ونعست بكري .. شوي ديزولي
رحاب : غتخلص الحق اواءل
واءل : ههه نخلصو الاللة .. فينك ؟
رحاب: لقيتيني كنحمع حوايجي نسافر عاوتاني ... قلت نتغداو مجموعين ليوم الة مكان عندك والو قبل مانمشي
واءل : واخا لاللة هي اللولة .. فين نشوفك ؟
رحاب : نتلاقاو فالطازج ؟
واءل : اوك
رحاب : نقدر نجي انا وصاحبتي حيت معايا .. الى معاك شي صاحبك جيبو نتوانسو كاملين
واءل : اوك
رحاب : يالاه بيزو .. نتلاقاو تما ... ااه وجيب شي صاحبك يكون ضريف .. حيت متأكدة غتعجبو صاحبتي وماتعرف نولي مجموعة وحدة ههه
واءل : هههه واخا لاللة كااين موحود تاهوا خاصو غير معامن
رحاب : يالاه بيزو
قطع ورحع تاصل بفاتي : الو فاتي مغنجيش للغدا راه عندي مشكل فالخدمة بلا ماتسنايني
فاتي: واخا ماشي مشكل واخا درت بحسابك ودرت الطاجين اللي كيعجبك
واءل : وصافي غير تغداي بالصحة انا راه مشغول
فاتي : واخا .. الله يعاون