انثى الاسد ( النهاية) | قصص بالدارجة

نادية لي كانت فرحانة بزاااف حيت كتشوف نتيجة لي بغات قدامها

نادية:جامعة ايديها وكتشوف فإيثار لي كانت قدامها) اوووه

إيثار:بتساؤل)كيف جيت من صباح وانت مانعة عليا لمرايا نشوف فيها بغيت نشوف راسي كيف جيت فخبارك شوفات ديالك دخلو ليا شك اني مجيتش زوينة باينة ياك؟ واخالتو نادوش وفين سهيتي؟

نادية:انا معاك ابنتي بالعكس جيتي بحال فراشة فهاد لكسوة زعمة بدون افتخار تبارك الله عليا وخلاص عرفت نختار

إيثار:وخليني نشوف راسي

نادية:لا ممنوع حتى نمشيو لوطيل كلشي كيتسنانا تما كوراه آسر ولدي كيتسناك على جمر بلاما نخليوهم كيتسناو بزاااف سهيل ايكون كيتسنانا يلاه مشينا،دارت شافت فالكوافورة لي صاوبات ليها شكراتها وخلصاتها وخرجو لقاو سهيل كيتسنى إيثار فرحانة اتشوف راسها فلمرايا غير ركبات وعلات راسها غوبشات

إيثار:ولا حتى سهيل حرشتيه يغطي لمرايات؟

نادية:ومالي انخلي جهد ديالي يضيع كلو غير بشوية عليك وبصبر اتشوفي كولشي

سهيل:لالا تبارك الله عليك اخالتي نادية ايديك كايخرجو دهب

إيثار:على أساس انا كنت فاخر ورجعت دهب

سهيل:لالا ماكلتش هكاك بالعكس انت ياقوتة اليوم

إيثار:وسكت لايسمعك بلارج ويوريك ياقوت شحال كيطلع

سهيل:انا اندير خير ونديماري حيت كيفما درت معاك وحلت وحلة كبيرة

إيثار:خير مغادير،ساك سهيل نيشان للاوطيل فين مديور الحفل ديالهم آسر عيط على عدد بسيط من جرائد والمجلات المهمة لي اتنشر خبر زواجو مرفوق مع صور ناس الاوطيل عامر وناس بداو كيوصلو طبيعة الحال صحاب آسر ولي دايرين معاه شراكة منهم شي وحدين من برازيل ومن بينهم لويس لي واقف مع آسر لي كان فكامل شياكة ديالو فبدلة أنيقة مع ربطة ديال لعنق على شكل بابيون كلشي وصل والدين إيثار نوال ريم سهيل كريم ليكان معنق كتاف نوال وكيتسناو غير فإيثار ايمتا

إيمتا توصل خصوصا آسر كل دقيقة يطل على باب واش وصلات،وصلت بيهم طوموبيل لقدام الاوطيل نزلو ونزل سهيل

نادية:اندخلو من لور باش ندير لمسات ديالي الاخيرة عاد تهبطي

إيثار:ناري كوراه كيتسناو هنا بقينا

نادية:خلي آسر يتسنا شوية مافيها باس وانت(موجهة كلامها لسهيل)ماتبانش لصاحبك ايبقى يسولك وتسرسب ليك كلشي صافي؟

سهيل:ماشفتكم ماشفتوني،دخلات نادية إيثار من لباب لوراني وهيا هازة كسوتها وكتمشى بشوية بصباطها لبيض لعالي طلعو فلسانسور نيشان لواحد لبيت دخلاتها نادية وسدات لباب كانت هازة فيدها بوشيط كبيرة فتحاتها وجبدات واحد لفوال دورات إيثار ولبساتو ليها وتبتاتو بفيليلات بحال لؤلؤ مع سرحاتو بقات إيثار غير كتشوف فيه وفلجمالية ديالو

نادية:ودابا شوفي راسك فلمرايا،دارت إيثار جيهت لمرايا طويلة لمعلقة طلعات راسها من رجليها وصباطها لعالي لبيض لكسوة دلعرس لي كانت لاصقة على لجسم ديالها لي كان كيبان بحال الى منحوت بالكمايم لاصقين لشكل ديتل جيهت صدر بحال فراشة عاد وجها ولمسات لمكياج لي كانت خفيفة وزوينة ايكسيسوارات ومشطة ديال شعر ليدار ليها ضفيرة على جنب واخيرا لفوال لي كان طويل بزاااف توبو رقيق مزين بطرزات خفاف منبتين بلؤلؤ

إيثار:واووووو مكنتش كنتصور يجينهار ونلبس كسوة بيضة ههههه روبين هود وكسوة بيضة 

نادية:هيا عجبك؟،دارت إيثار شافت فيها فتحات ايديها وعنقاتها

إيثار:حمقني ماشي غير عجبني

نادية:ويلاه الى تعطلنا شوية آسر ايقلب دنيا،فتحات نادية لباب تمشاو فلكولوار طويل وإيثار قلبها كيضرب 100فساعة وصلو لدروج وتمو هابطين كوسيقى غادية وكتسمع كولشي بدا كيشوف فدروج نوال غمزات كريم على راسو لدروج لويس كلشي وآخر واحد على راسو ومحيدش عينيه نهائيا من عليها هو آسر عينيه كيبريو فيهم حب فيهم عشق وفيهم

وفيهم إعجاب كبير قربات توصل عندو طلع عندها ومد ليها ايديه عطاتهم ليه شد فيها وهبطو بجوج مابقاش هامو شكون كاين حاس براسو غير هو وهيا صحافة كتصور من كل جيه أشعة ديال لكميرات مضوية الاوطيل كلو اما المدير فرحان حيت اوطيل ديالو ايوصل حتى لاوروبا ويجلب سياح ليه العرسان عطاو لحق لكل صحفي وبعدها بعدو على ناس شوية

آسر:ممتيقش راسي أنو وأخيرا انت معايا وليا

إيثار:هههه بغيتيني نقرصك باش تفيق مرحبا

آسر:لالا الى على قرصاتك مابغيتش انا حجزت غرفة الملكية لينا بجوج

إيثار:فين كليتي دق من عندي؟

آسر:أه تماما هههه منسيتهاش ليك ولكن ليوم انحيد كلشي من بالي مكاين غير انت وأنا

إيثار:ولكن حوايجي مجبتهمش

آسر:ههه نوال تكلفات بكلشي هي وأمنية معندك فين تهربي احبيبتي

إيثار:شكون كاليك انهرب انا موجة للمواجهة

آسر:كيضحك)مالنا انتحاربو؟

إيثار:بحال بحال بحال لحرب بحال للل....

أسر:ههههه للل أش كمليولا كتحشمي فير لوقت لي بغيتي

إيثار:اجي ماشفت لا غنا لا والو

آسر:معندنا منديرو بحتى غنا فرحنا دوزناه هادا غير حفل احبيبة على قبل صحافة وصافي دابا انا وانت انهربو لبيتنا وهوما راه ايفهمو ريوسهم ويمشيو يلاه أجي معايا مخلاهاش تهضر هزها بخفة بين ايديها زطل بيها فلاسانسور لغرفة الملكية فتح بلكارطديالو ودخل بيها حطها على الأرض لبيت كان كولو بالونات أو مشمومات ديال لورد بمختلف الالوان بالزها محطوطة وبالزو حتى هو دورها عندو وخدا وجها بين ايديه قلبها بدا كيضرب فتسعين

آسر:أول حاجة بغيت نكوليك بأنو عمري بغيت ولا أنبغي شي بنت بحالك حبك عشش فقللي وروحي وعروقي ودمي انت روحي حياتي ومن غير منتصورش حياتي كيف أتكوم بغيتك تعرفي انك اتكوني ملكة قلبي وحياتي كلها كنبغيك بزااااف أ إيثار كنبغيك كثر من راسي،طبع بوسة على راسها

راسها خلاها غير كتشوف 

آسر:رتاحي اندخل لدوش خودي راحتك حبيبي ومن بعد مانخرج دخلي انت لحمام اوك الليلة اتكوني ليا جسدا وروحا،خلاها ودخل لحمام خلاها اكترمش

إيثار:جسدا جسدا أ إيثار قفرتيها لطسيلتك ليزم ليوم كاع لي درتيه فيه ايضويل ليك الله ياربي الله فكني من هاد لوحلة شنو اندير دابا لا انا بنت قوية تضربت برصاصة كاع او واجهت لمخاطر(شوية بدات تغبن)ولكن رصاص ماشي بحال شي عمود ولا شي بوطة ماشفتيه ودخل فيك ناري نوال قاتليا صعيب بحال شي حد كايكرضك بجنوية ومالي انا غير ساهلة ليه والله حتى نخبطو هكاوا هاك ولكن راه راجلي ولكن راه حتى رجال كيغتاصبو عيالتهم،

آسر:حبيبي،قفزات من بلاصتها

آسر:مالك مزال واقفة وجهك صفر سيري دخلي دوشي ايكون غير لعيا،شافت غيه عاد بان ليها راه ملوي فلبينوار وشعرو فازك

إيثار:دغية خرجتي؟

آسر:تبسم)مابغيتش نخلي حبيبي كيتسناني(غمزها)

إيثار:ممم عع علاش كتغمزني 

آسر:هههه والو سيري احبيبة دوشي خلاص اما كنتسناك وإلى بغيتي انا ندوش ليك مكاين حتى مانع(رجع غمزها)،بقات كتشوف فيه خلاتو ودخلات لحمام حيدات لفوال ولكسوة بقات غير بدوبياس طتشوف فلمرايا غادية جايا غادية جايا وكتهضر مع راسها اشنو ندير دابا؟ آسر على برا كيتسنا فيها دازت نص ساعة ساعة مزال ماخرجت مشا حدا باب لحمام كيعيط

آسر:حبيبة تعطلتي فينك،مكاملاش 2دقايق باش عيط سمع شيحاجة طاحت تزدحات وشيحاجة تهرسات وغوتة مجهدة من داخل دلحمام 

آسر:مخلوع كيضرب فلباب دلحمام) شنو وقع إيثاااااار؟؟.....

"فلاش باك" أسر واكف بالبينوار ديال لحمام كيتسنى فإيثار تخرج حاط قدامو جوج علبات سونا ليها تيليفون كان سهيل

آسر:واش انت حتى فليلتي تابعني؟

سهيل:وانا مافهمت فيك والو علاش معطيتيهاش لكادة فلحفلة وماركبتيش ليهالخاتم عمري فحياتي ماشفت بحال هاد زواج

آسر:هانتا كلتيها بفمك عمرك شفتي بحال هاد زواج براافو انا اسيدي بغيت نركب لمرتي لخواتم نكونو غير انا وياها بجوج بلاما يشوفنا حتى واحد ودابا بسلامة ممساليش ليك،قطع على سهيل ورجع عطى انتباه ديالو للبواتات لي قدامو هز لكبيرة ليكان جلد ديالها منمر برك على واحد بوطونة دهبية وهيا تحل كانت كاتهز قلادة بخيط أسود مصنوع من جلد نمر الأسود فيها أية على شكل رأس أسد نقرية ومنبته بالاحجار حتى لعينيه لي كان لونهم من زمرد الأخضر بجنب من القلادة كان خاتم على شكل لبؤة حتى هيا نقرية وعينيها بزمرد الأخضر تبسم آسر وعجباتو لوحة لفنية لي كيشوف تماما كيف طلب تصنع وكيف رسمها وكيف تخيلها سد لبواطة وحطها وهز تانية لي كان صغيرة بلون نحاسي بحال شعر إيثار فتحها وكان فيها خاتم كيتكون من تلات قطع راقيين الاول بحال ضفيرة رقيق وتاني فيها أحجار رقيق اما تالت كانت حجرة ديالو كبيرة بحال ديال الأميرات كيتسنى غير تخرج حبيبتو ويتوجها بهاد لخاتم أميرة على عرش قلبو..

"نرجعو للواقع"

أسر:إيثار حلي حلي إيثار جاوبيني(كيضرب فلباب)ماجاوبو حتى واحد رجع بلور ضرب الباب بكتفو تفتح كتبان ليه مليوحة جنب البانيو ودم فراسها تلف معرفش شنو يقدم ولا شنو يوخر هزها بزربة بين ايديه حطها على نموسية لبس حوايجو دغية وهبط لتحت الاستقبالات طلبو ليه طبيب لي حضر ديك ساعات متعطلش طلع معاه لبيت قلب ليها عينيها مغيبة دوا ليها جرح لي على راسها دار ليها فاصمة دك ليها برا وخرج معاه على برا..

آسر:شنو عندها أدكتور؟؟

دكتور:يمكن المدام طاحت فلحمام طاتها الاصابة فراسها هادشي لي بين لينا انها طاحت انا دويت ليها جرح وعطيتها برا ضد الالام لي اتحس بيه خاص تسناها حتى تفيق وان شاء الله يكون خير 

آسر:شكراً بزااف سمح لينا عدبناك

دكتور:هدا واجب اي حاجة انافالخدمة،خرج طبيب ورجع لعندها غطاهاوكلس جنبها شاد ليها فيديها وكيشوف فيها بالبينوار ديال لحمام وجها صافي ناض مشا جيهت بلاكار هز منو بواطة ديال لخاتم ورجع لعندها حيدو من بلاصتو وركبو ليها

أسر:كنت بغيتك تكوني فايقة ونركبو ليك وتركبي ليا لخاتم ولكن مكتوب عليا نركبو ليك وانت ناعسة ونركب ديالي لراسي هز خاتم فنقري ودهبي محفور وركبو فيدو بقا حداها كيتأمل وجها وملامحها طفولية وهيا ناعسة تماطا لراسها باس جبهتها ورجع كلس جنبها وكانت هاديك هيا لكلسة لي نعس عليها حتى لصباح فاق وحاس براسو شي حد كيلعب ليه فشعرو وبحال الى مراقب بدا كيململ راسو بشوية على راسو لي كان حاطو على كرشها كيحك فعينيه شاف جيهتها كتبان ليه ناعسة ناض من حداها بشوية مشا لتيليفون طلب الاستقبال عطاهم اوامر يطلعو ليه لفطور لجناح ديالو دخل لدوش دوش وخرج وهي مزال ناعسة خلاها مرتاحة حتى دقو عليه خدمة الغرف دخلو ليه طبلة مشكلة ديال لفطور دخلوها حتى لداخل ستأدنو منو وخرجو قرر يفيقها باش تفطر وهي من لبارح ماكلات قرب لعندها وكلس حدا راسها كيلعب ليها فوجها وشعرها ويدلع فيها

أسر:حبيبي فيق حبيبة ديالي يلاه اعويناتي نوضي تفطري،بدات كتشبح شوية بشوية بدات كترمش فيكسات عينيها عليه طولات فيها شوفات وهو مبسم ليها علات حجبانها فيها وجمعات لكلسة شدات فراسها لي كيضرها جا يمسها بعدات عليه

إيثار:شنو كدير انت هنا وشنو كندير معاك انا هنا

أسر:كيفاش احبيبة طبيعةالحال انكون هنا وفين 

وفين انكون مثلا؟إيثار:فبيتك انا وانت مكتجمعنا غير لخدمة وباس الله ينعل نهار لي قبلت ندخل فيه لهاد لمهمة

آسر:اشمن مهمة واش كضحكي عليا ياك؟

إيثار:شوف اداك بلارج اداك رجلين نعامة راه منساش داكشي ديال لبارح بلا حشمة بلا حيا دايني نتعشا باش تفك من ديك صاحبتك ودابا كتكولي حبيبة بغيت ليك لحبوب فداك الفم

آسر:إيثار انت مراتي وانا راجلك اشمن صاحبتي واش من مهمة لمهمة لي عرفاتنا على بعضياتنا سلات شحال هادي وبغينا بعضياتنا وتزوجنا لبارح ليلة زواجنا واش كتسطاي عليا؟

إيثار:لا انت واقيلة خرج ليك لعقل يمكن مايمكنش انتزوج بيك وانا مكنحملك ويلاه تعارفنا بغيتي تستغلني ياك،وقفات بجهد شداتها دوخة سخفات طاحت هزها بين ايديه حل لباب وهبط بيها كيجري فتح طوموبيلتو طلعا ومشا بيها مكسيري لكلينيك دخلوها نيشان جا طبيب شرح ليه آسر شنو وقع طبيب كان باقي صغير تقريبا فعمر إيثار وقف آسر عند لباب ودخل عندها هيا وسد الباب وخلاه غادي جاي سونا عليه تيليفون من عند سهيل خبرو بلي وقع باش يعاودها لوخرين نص ساعة وطبيب لداخل جات عائلتها كلها والدين آسر هو مكيهضر مكايتكلم شوية تفتح لباب وخرج دكتور أنيس غير شافو آسر تلكا ليه

آسر:امضرا دكتور

أنيس:للأسف جاها فقدان داكرة جزئي

آسر:كيفاش بحالاش،نقزت مها

مليكة:مالها بنتي ادكتور؟

دكتور:لي وقع هو طيحة لي طاحت خلات إيثار تفقد جزء بسيط من داكرتها يعني هيا متدكرة غير لي وقع هادي 4شهور قبل اما لي وقع موخران ممتدكرة منو والو يعني انت بنسبة ليها عميل فشرطة خدام معاها لا غير معاقلاش على راسها انها مزوجة بيك مهم ممنوع دخلو عندها دابا انرجع ندخل عندها ندير ليها بعض لفوحوصات وتحاليل،خلاهم ورجع عندها لبيت آسر فشل بقا راجع بلور حتى طاح على لكرسي داخ حتى كيكول فرجات وكترجع تسد

سهيل وغسان حدا آسر واقفين معاه وعائلتها واقفين مع بعضياتهم غير ساهيين،"فلغرفة لداخل عند إيثار"

أنيس:ربي كولي ليا مكتحشميش واش انت عمرك تبدلي خليتيني نكدب على عائلتك واش عندك شي عقل ولا معندك 

إيثار:متزيدش فيه وزايدون انت مكدبتيش فعلا فاش فقت ماعقلتش عليه عقلت غير على 4شهور قبل محسيتش براسي حتى دخت وطحت ولكن منين فقت ولقيت راسي هنا وكلتيلي شنو كاليك قلت نستامر فهاد القضية

أنيس:وعلاش هادشي كلو مدام انت خايفة من زواج ومنو علاش تزوجتيه؟

إيثار:ماشي زواج لي خالعني وانا مكيخلعني حد ولكن نقطت ضعف ديالي هي انو كيفاش كيكولها بوحشية خلاني نخاف منو وهومن نهار بغينا بعضياتنا وهو كيتحلف عليا

أنيس:حنى رجال ديما كنكولو هكاك مع لبنت لي كنبغيو حيت كيكون اشتياق ليها ولكن مستحيل لي يبغيك يأديك تفاهمنا

إيثار:خليني اشي يامات بينما تعوت عليه وكنواعدك انكوليه لي كاين غير متفرشنيش دابا ومتنساش لمعروف لي درت معاك بسبابي خديتي لباك أفار دكيك

أنيس:فار دكيك ولا مدوخ لكلينيك كلو الالهم روبن هود وتكايسي على سيد انا انكتب ليك خروج دابا ونكوليه راه كتليك سيد لي برا راجلك وراه فاقدة داكرة متخليش سيد يتسطى مفهوم؟

إيثار:واخا اسيدي مفهوم مفهوم...

خرج طبيب من عندها ودخلو عائلتها ماماها وباها ونادية وجمال لي مشوشين وأمنية اما نوال وخوها وعمتها وأسية وريم وقفين وكيشوفو فيها بشك وبعينين فيهم لعافية

الحاجة:على سلامتك ابنتي باش كتحسي؟

إيثار:الحمد لله اماما بيخير متخافيش راه وليت مزيان

نادية:على سلامتك ابنتي

إيثار:الله يسلمك اطاتي نادية

نادية:بغات ضحكهم)الحمد لله لي مفكراني

نوال:فخاطرها)حتى تكون ناسياك أصلا،قربات عندها عمتها

سعاد:على سلامتك ابنتي بلاتي نقاد ليك لمخدة(قربات ليها عند ودنها وهمسات)دوك لقوالب مديريهومش عليا راه انا لي عاجناك وخابزاك،إيثار بقات غير كتشوف وساكتة

الحاج:يلاه خليوها ترتاح راه طبيب قاليك ممكن تخرج بلعشية خليوها حتى ترجع لدار،خرجو من عندها وبقا اخوها ونوال وختها

أسية:تسحابينا كنرضعو صبعنا ولا واش انت هبيلة ولا خارجة من 36

إيثار:مالي مافهمتش؟

نوال:شفتي هاد قضية داكرة عارفينها اكدبة تسحابيني مغانعيقش بيك وانك حرشتي أنيس منصور لي قرا معانا 

كريم:بغيت انعرف علاش كديري هاد تحريميات الى مابغيتي سيد لاش مزوجاه

إيثار:وراه والله مهكاك انا كنبغيه وكلشي ولكن

نوال:ولكن أش؟جاوبهم صوت من وراهم

آسر:ولكن هيا خايفة مني ياك ياك هادشي لي كنت بغيتي تكولي،تم داخل كيصفق

آسر:زعمة برافو ليك وبرافو عليك كتعرفي تمتلي بلا حشمة بلا حيا(شاف فيهم)الى ممكن واخا تخليوني دقيقة مع مراتي؟خرجو كاملين بقات غير هيا وهو

إيثار:هانتا انا انشرح ليك

آسر:ششت انا انهضر،باش منتسماش انا ماشي راجل ونسمع لهضرة من جيهت والديك انغمض عيني ونسكت وندوزها بجغمة لما اليوم ادخلي لدارك جديدة لي خديت وكنت دايرها ليك مفاجئة ولكن ديري فبالك بأنو عمر ايدي مغاتقيسش لحمك انا ماشي رخيص حتى لهاد درجة ولا رخيص عليا راسي يكما كنبان ليك مكبوت غادي

غادي نغتاصبك كل حاجة كتكون بتراضي وبالحب حتى حاجة مكتجي بزز انا دازو من قدامي الالاف لبنات أشكال والوان ومن مختلف لبلدان مايمشيش بالك غالط واخا ماشي غير كنبغيك معنيتو انخليك تزطمي على كرامتي وتهيني رجولتي كلشي حتى لكرامة لا ودابا انخليك ترتاحي شوية من فقدان داكرة ديالك،خلاها ضرب بالباب وخرج خلاها غير كتشوف فلفراغ لي خلى رجعت راسها للحيط كتفكر

إيثار:والله حتى حمارة انا مال لبنات كامل اش وقع ليهم حر دقيقة يفوت نصبر تفو صدقت مزبلاها شنو ندير دابا فكها فمن وحلتيها اجا مايصلحو دابا هو اصلا نفايخي بلا والو خلي دابا ايولي يدفع كبير انا لي جبتها راسي وكنحصدلي زرعتو

نوال:مزيان منين حسيتي بدنب شوية،حدرات عينها بانت ليها نوال دخلات

إيثار:بلاما تزيدي عليا انت داكشي لي كان ناقصني نيت

نوال:دايرها ومزال كتهضري بلا حشمة وجهك مصندل شحال كتلبسي فيه حشومة عليك والله حتى حشومة

إيثار:انت لي كتهضري على لحشمة ياك مخاصمة مع كريم على والو وهاجرة فراشك؟

نوال:شكون كالها ليك اختي انا وراجلي زي سمن على لعسل صالحتو بطريقتي ورجعنا حين من الاول كيتك انت بالكواوي لي لبنات مالقاوش بحال نمر المقنع بريق ناشف ومصابوه زوين متقف ولاباس عليه وفوقها رجولة وكيهبال عليك وهاكي(قلزت ليها)حاشا صبعي شفتي داكشي دغية يدوز حر دقيقة ويلى كان كايبغيك ايكايس عليك ايخاف لا يأديك مالو ولا غول تبتي شوية تبقاي هكا شي نهار والله حتى يطيروه لطاسيلتك من بين ايديك وهاني فين كلتها ليك وابقاي تبلاني فبلاناتك لخاوية زينة نهار لاخر ترجعي تنقزي مع لقرودة فشي غابة وأخرتها تديه عزي ايفريقي ريحت بيطانو تكلب وكولي نوال كالت....

وصل لعشية وخرجو إيثار من سبيطار أيديوها لدار لي فيها والدين آسر فوسط طوموبيل سايك آسر ايديه مبيضين بكثرة الأعصاب لي شاد بيه لفولون عضم ديال لفك ديالو كيزدح عاقد غوباشتو ومركز على طريق كالس حداه كريم لي ساكت حتى هو او لور نوال وإيثار لي ضاربة طم لي هرس هاد صمت هو صوت آسر:

دار لي انتاقلو ليها مزال خاصها غير شي رتوشات خفاف غدا ان شاء الله انتحولو ليها حوايجك راه كلفت بيهم غسان وصلهم لتما ولخدامة اتكلف بتستاف بلاما تعدبي خصوصا ضربة ديال راسك خايبة تقدري تنكسي وتفقدي داكرة مرة خرى وحنا منقصينش،دارت شافت فيه مخنزرة مجاوباتوش ورجعات كتشوف فطريق حتى وصلو غير هبطو ستقبلاتهم نادية وأمنية فرحانين طلعو بحال الأميرة لبيتها لقات بيت مفرش على حقو وطريقو.

نادية:هانتي أحبيبة وجدت ليك بيتك تكاي رتاحي لعشية أيجيو والديك يشوفوك ان شاء الله

إيثار:لهلا يخطيك طاتي نادية

نادية:يلاه انا انمشي نجيب ليك شيحاجة تاكليها واخا عندك تنوضي من بلاصتك لي بغستيها كوليها غير لأمنية وهي تجيب ليك انت غير رتاحي

إيثار:واخا،خرجات نادية وبقات نوال مع إيثار. 

نوال:انا خاصني نمشي

إيثار:خليك معايا انبقى بوحديتي 

نوال:من نيتك راه حماتك ولوستك وراجلك معاك 

إيثار:حماتي ولوستي اه اما راجلي صافي قفرتها معاه

نوال:انت لي مابغيتي تحمدي الله وتشكريه وداك راجل عندك يتقل بدهب ولكن انت صكعة والله شوفي كيف ديري تصلحي لمور زعمة ماشي انا لي غادي نعلمك تحريميات ديال دنيا كلهم عندكم كتخدميهم اوقت مابغيتي المهم انا مشيت حتى ليل ونجيو مع خالتي مليكة ودار وتبتي وحصني،خرجات نوال من عند إيثار خلاتها مجبدة بقات كتشوف فسقف وكتفكر فتصرف لي دارت.

إيثار:والله حتى حشومة عليا وعيب هادشي لي كندير فيه خاصني نيت لعصا ضروري نصحح هادشي.

وصلو عائلة إيثار كلسو على طبلة ديال لعشا معشيين مجموعين إيثار غير كتاكول وساكتة مرة مرة كطلع عينها فأسر كتلقاه كياكول ممعبرهاش نقزات الحاجة

الحاجة:بنتي كيكتحسي دابا شوية 

إيثار:الحمد لله اماما انا تفكرت كلشي،علاو دقة وحدة ريوسهم

الحاج:ايمتا ابنتي دابا انت عارفة راسك مزوجة ياك؟

إيثار:اه ابابا عارفة وعاقلة على كلشي منين نعست ورتاحيت فقت مفكرة كولشي

نادية:على سلامتك ابنتي الحمد لله كنا خايفين عليك

إيثار:سمحوليا إلى خلعتكم عليا مكنتش قاصدة

نادية لا ابنتي أهم حاجة وليتي بيخير هداك هو ربح..نقز آسر

آسر:غدا ان شاء الله فصباح انمشيو لدارنا جديدة وفلعشية اتكونو معروضين كاملين ان شاء الله

الحاجة:ان شاء الله اولدي مبارك ومسعود عليكم

آسر:الله يبارك فيك اخالتي،إيثار علات فيه عينيها تلاقاو عينين بعضياتهم ولكن دغية نزل عينيه ماقادش يشوف فيها حيت جرحاتو وبزاااف واش غادي تصلح الامور ولالا هادشي كولشي كيدور فراس إيثار وكتفكر ليه شنو ادير باش ترجع نظرت الحب ليه خلصها تخطط خطط لي تخلي قلبو يلين عليها....

تعشاو العائلات مجموعين سلاو لعشا دوزو وقت زوين مشاو عائلة إيثار رجعو بحالهم وإيثار دخلت لبيتها راسها مربوط بفاصمة غادية جاية كتفكر شنو دير شنو ديرإيثار:زعمة الانترنت يكون فيه كيفية ارجاع زوج الى أحضانك؟،هزات تيليفونها كتقلب فيه وكتفرج

إيثار:لالا هادشي مغاديش ينفع مع داك بلارج ديالي هو عايق وفايق مايمشيش معاه هادشي بلاتي كيكولو اقرب طريق لقلب رجل معدتو ولكن آسر اصلا طياب ماهر ايجي حتى لعندي انا شنو اندير ياربي فهاد لحريرة لمحرحرة،كلسات ربعات رجليها كتفكر كتفكر شوية خرجات عينيها طرطقاتهم 

إيثار:لقيتها والله حتى لقيتها خاص نقلب على لوصفة واش مزال كاينة،مشات شدات تيليفونها كتقلب فيوتيب على لوصفة خشات راسها وسط تيليفون حتى جبداتها

إيثار:هاهيا بنت لهم لقيتها بلاتي نسكرينيو المقادير اوبا دابامزيان ايوا دابا نشوفوك اسي نعامة واش اتقاوم سحر ديالي ولالا واش أيتحركو مشاعرك ولا تبقا جامد بحال ثلاجة غير بلاتي ابيا ولابيك ودابا سوف انام بي سلام،حطات تيليفون حداها تغطات ونعسات مع 2ديال ليل تفتح بابا بيتها مع ظلام ولقمرة كايبان الظل لي قرب منها بخطوات تقيلة وصل عندها قرب منها وطبع قبلة خفيفة هلى فمها ودغية تراجع وخرج بزربة تململات إيثار من بلاصتها حلت عين وسادة عين ولكن دغية طغا نعاس عليها ونعسات.

لغد فاقت بكري لبست حوايجها قميجة بيضة وفيست زرقا سرحت شعرها ابشوية على ضربة قدت بلاصتها وهبطات لتحت لقاتهم مجموعين على طبلة من غير آسر

جمال:صباح نور بنتي كلسي تفطري آسر خرج كبيلات مزال مارجع

إيثار:صباح نور عمي أه بصح مزيان

نادية:نعستي مزيان كيكتحسي؟

إيثار:لا دابا مزيان فين مشا سهيل وغسان ماشفتهمش

أمنية:غسان رجع لبرازيل صباح بكري اما سهيل مكينعسش هنا خدا شقة فلمدينة ستقر فيها..

إيثار:اه مزيان حسن ليه يستقر هنا،بداو فالفطور مرة كايكلو مرة مجمعين تسمع حس طوموبيل وقفات شوية تبعها باب تسد صوت رقاب ديال طالو جاي دورات إيثار راسها كيبان ليها أسر فكامل اناقتو شعرو مطلعو لبدلة رسمية فلكحل مخطة بزرق وأهم حاجة البنت لي كانت بجنبو طول قوام مشية ثقة فنفس لي باينة عليها والابتسامة ساحرة لي على وجها وجه إيثار تكوانسا عليهم بجوج حتى وصلو لطبلة هضر آسر

آسر:صباح نور بصحة فطوركم

نادية:الله يعطيك صحة ولدي فطرتي؟

آسر:اه فطرت كانت عندي خدمة خاص نقضيها داكشي باش خرجت بكري

نادية:خدمة وانت عريس احبيبي مجاتش

آسر:مكانش خاصني نأجلها وزايدون إيثار معندها حتى مانع ياك احبيبة؟(نظرة استفزاز)

إيثار:لا خود راحتك الله أودي

آسر:دار موجه كلامو لبنت لي معاه)إيمان تسنايني هنا انا نجيب ليك لملف لي خاص باش توصليه لموسيو جود

إيمان:داكوغ موسيو تايغر

إيثار:فنفسها)تحلوني ابنيتي تحلوني،خلاهم آسر ومشا لبيرو ديالو متعطلش رجع وفيديه واحد لملف زرق مدو لايمان لي كانت مساعدة ديالو شخصية ومد ليها معاه سوارت

آسر:هادو سوارت طوموبيل مغاديش نرجع معاك وهنا مغاتلقايش ترونسبور خليها قدام باب شركة وسوارت مع لعساس واخا

إيمان:ميغسي موسيو تايغر بون جوغني،ستأدنت وخلاتهم وخرجت رجعت إيثار كتشوف فتبسيلها وكتاكول وهيا لغدايد قاتلينها علاش الله أعلم

آسر:الى ساليتي فطورك نوضو نمشيو

إيثار:لفين؟

آسر:لدارنا هضرنا يمكن لبارح ولا عقلك مكاينش

إيثار:عقلي حاضر انت لي شوف عقلك واش حاضر ولا داتو مولات لميني؟

آسر:كيفاش؟

إيثار:وقفت)انا طالعة نوجد حوايجي

آسر:معندك متوجدي اصلا لبارح كتليك حوايجك كولهم كاينين فدارنا جديدة ودوك لي كنت لابسة لبارح غير خليهم حتى من بعد الى ساليتي نمشيو

إيثار:يلاه شنو كتسنا،ستأدنو من

من نادية وجمال وخرجو

أمنية:لاحضتي كيهضرو بحال واحد باغي يقتل تاني

نادية:خوك معيق نراتو عيانة ويلاه عروسة وغادي لخدمة وبلا حشمة بلا حيا جايب ديك مونيكة معاه إيثار الى تقلقت عندها الحق

جمال:واتقاو الله سيد غير دارخدمتو ورجع وسيدة غير مساعدة ديالو كون بغا تخلويض ميتزوجش وزايدون كيبغي مرتو وانتوما بجوج حنيو لعافية

نادية:انت غير سكت كدافع عليه حيت راجل بحالك بحالو واسيدي اخليني انا وبنتي نديو ونجيبو فالهضرة، شيرت ليها أمنية باش صافي تسد الموضوع.

"فطوموبيل"

إيثار:ايمتا خديتي هاد دارك عمرك جبدتيها ليا ولا وريتيها ليا؟

آسر:كيهضر وهو كيشوف فطريق)كنت دايرها مفاجأة ليك ولكن دابا مكاين لاش تبقى مفاجأة عادي عندك

إيثار:شفتك عجبك راسك وليتي تهكم فهضرتك

آسر:كنهضر عادي انت لي جاك فشكل

إيثار:صافي مافياش لي يدابز،دورت وجها لجيهت زاجة كتشوف فطريق مابقاتش نطقات بكلمة وحدة شوية رجعت شافت فيه

إيثار:شكون ديك سيدة لي جات معاك صباح؟على حجبانو ودور راسو فيها بشوية مستغرب جاتو ضحكة

إيثار:مالك معجب غير بغيت نسول وصافي عرفتي صافي بلاش بلاما تجاوب

آسر:باستفزاز)اهاه بصح نيت مكاين لاش تعرفي

إيثار:كتستفزني دابا ياك؟

آسر:شكون انا أبدا انت لي كتسولي وتجاوبي بوحدك

إيثار:شكون هاديك؟

آسر:اه شكون إيمان؟ 

إيثار:بحنية)أه إيمان كتنطقها بحنان يا سبحان الله

آسر:مساعدة ديالي شخصية هاحنا وصلنا،دخلو لحي كاليفورنيا راقي لي معروف غير بالفيلات رائعة فكازا تمت داخلة طوموبيل حتى لاخر رواق ودارت على ليمن كيبان ليها واجهة ديال دار روعة كبيرة بابها داير كبير فيها ديكور ديال ياجور حمر تفتح لباب ودخلت طوموبيل لداخل لي كان غزال كتر من واجهة بيسين على برا وشكل ديال دار من داخل وقف طوموبيل وخرج منها وخلاها وراه خرجات

خرجات وضربت لباب وراها شيلي خلاه يدور ويشوف فيها رجع دوروجهو وكمل طريقو لدار لداخل على لباب كان كالس عساس هو لي مكلف غير بالباب دارت آسر ساروت فالباب ودخل تبعاتو هي دافعة جبهة ودايرة يها عزة النفس مع دخلات لوسط طارت عزت النفس ولكرامة بحال شي بنت صغيرة جبتيها لمدينة الملاهي الانبهار خلاها تهضر وتعبر على باش كتحس

إيثار:واووو فخبارك مكنتش متوقعة ديكور ديالها يكون هكا 

آسر:عند بالك غير انا ساكن فاوروبا اندير ديكور داري اوروبي؟

إيثار:صراحة أه ايمتا صابتي هادشي؟

آسر:قبل منجي لمغرب درت تصال خديت فيه هاددلر لي شفتها فموقع بيع وشرا خاص باديور قاديت اموري او ولات بسميتي من وراها درت عقد عمل مع مهندس ديكور مغربي كنت عارفك مكتحمليش لحوايج لعصرية وكتموتي فلبلدي داكشي باش حاجة هنا اتلقايها مغربية أصلية،فعلا دار من داخل كلها زليج ونقش فالحيط وفسقف تريات بنحاس مع دخلة كاينين دروج حداهم مغسلة كبيرة ديال نحاس زليج كان برمادي ولكحل لحيط لي على دروج فيه سريجمات صغار فيهم شمع ومشبكين ديال لخشب ومن جهة لوخرا كاينة صالة متوسطة بلدية كلها نقش طلع آسر وتبعاتو من لور كتشوف فسقف كيف مزين ومنقوش وتريا لكبيرة لي مدلية منو نحاسية لفوق كان مفاجأة وحدا خرى غير صالون كبييير بزاااااف كولو زليج خضر مع زاج مفرش بكراصة عصرية مدهبة بابو مفتوح على صالون أخور مفرش بفراش بيج وموف راقي حيوطها كلهم تقليديين بنقش

آسر:أجي نوريك لكوزينة،تبعاتو وهي منباهرة مكتهضرش اتبعاه من لور دخلها لكوزينة حتى هيا كلها زليج وزاج بوطاجي ومجهزة بكل الاجهزة الالكترونية والكهربائية

آسر:بلاما نسولك باين عجباتك؟

إيثار:عجبني كلشي جاتني بحال شي رياض

آسر:اجي معايا نوريك صالون مخصص لماكلة،خرج من كوزينة ودخل لصالون حيوطو فالموف

والبيج كتوسطها طبلة طويلة بالكراسة ديالها

آسر:دابا انطلعو لفوق تشوفي بيتك والحمامات،طلعت تابعاه وصلو لطابق لفوكاني فتح واحد الباب كان فيه ماريو بالخشب واحد نموسية بيضة حتى هو تقليدي

آسر:هدا مخصص لضياف الى جا شي حد عندنا ختاريت ندير ديكور مغربي لكلشي،خرج من داك لبيت وفتح باب أخور بيت تقليدي فراشو بيض حتى هو دنعاس

آسر:هدا ديال ضياف حتى هو، سد داك لباب وفتح باب اخور مصبوغ بالبيج بارد بنموسية كبيرة سقف ديالو ديال لخشب وعند راس ناموسية فيه زليجات بزريرق 

آسر:عارفك كتبغي لحاجة لبسيطة هدا بيتك، شافت فيها إيثار

آسر:اتاخدي راحتك فيه وترتاحي فيه بوحدك مكاين لي يصدعك غير تهناي،خلاها واقفة كتشوف وخرج تبعاتو من لور فتح باب اخور كان فيه جوج نوامس سخون بحال لحمام فيه سطيلات من نحاس واحد ساكية ديال لما فيها لورد وشي زيوت

آسر:هادي غرفة ديال ماساج،خرج منها ودخل لوحدة خرا كان حمام معلق فيه بينوار كولو بيج زليج حمام تقليدي

آسر:هادا الحمام خاص ليك مكاين لي يبرزطك فيها وهدا لاخور(فتح باب مشترك كيدي لحمام كبر من لول فلخضر ديكور قليل فيه كلمة روعة)هادا حمام خاص بيا، خرج وخلاها

إيثار:وداك لبيت لي لهيه مدخلناش ليه؟على عينو فيها كيشوف فيها وعينيه فيهم عتاب كبير

آسر:هداك لبيت كان ايكون بيتنا ولكن مكاين لاش قررت ناخدو انا فيه حوايجي 

إيثار:آسر شو...

أسر:سكتها بيدو)بغيتي تشوفيه اجي معايا،سبقها وتبعاتو فتح لباب لكبير ودخلات مع دخلت شهقت كاع لي كانت كتبغي يكون فبيتها كاين هنا طابلو كبير غيه لعاود زرابي فلحمر فيهم لموزون ماريو منقوش دخشب لعرعار نموسية تقليدية مغطية بفراش فيه موزون والارض فيها جلود ديال نمر ولحمار وحشي بيت كبير بزااف

إيثار:غوبشات)هاد لبيت بغيتو

آسر:هههه كتحلمي احبيبة بيتك لهيه

إيثار:اشمن شرع ولا قانون باش تاخد هادلبيت

آسر:شوفي هاد لموضوع سديناه هاد لبيت بيتي بغيتي ولا كرهتي انا لي مفرشو على دوقي وحوايجي كلهم هنا

إيثار:وانا بت هنا نبت(كلست على نموسية)انا هجبني لبيت وبغيتو هادي داري كيما هيا دارك

آسر:إيثار جنية طالعة بلاما تزيدي طلعيها

إيثار:حتى انا جني طالع بلاما تزيد طلعو من هاد لبيت مخارجاش بغيتي تخرج انت سير انا لا بغيتو

آسر:خنزر فيها)بلاما تحلمي نتنازل ليك على هاد لبيت

إيثار:وحتى انا بلاما تحلم نتنازل على لبيت بغستي تشاركو معايا مرحبا(كتفرنس)

آسر:أهاه حتى هدا نظر ابب نتقاسموه علاش لا ولكن غير لفراش لي انتقاسمو حاجة خرا بلاما تحلمي بيها،خلاها وخرج غوبشات إيثار كتغدد

إيثار:واخا دابا نشوفو واش انتقاسمو الفراش بوحدو الما نوضت فيك شواط ولعافية ونخلي تفتارسني بلا ارادتك مناش إيثار ابلاتي عليك ابلارج غير انا ولا أنت (بدات تغني) وهيا لمعفر تعفر بشوية وهاي وهاي...... 

مشات إيثار لبيتها وهزات حوايجها كاملين لي لقاتهم مستفين هزاتهم وجابتهم لبيت لي كان مقرر يكون ديال آسر ستفاتهم فلماريو وهيا فرحانة بدلات عليها لحالة لبسات كسوة قصيرة عند لفخاض فالغوز وجمعات شعرها لفوق دارت بانطوفة فرجليها وهبطات لدار لتحت كتقاب عليها مبانش ليها دخلات لكوزينة حتى كتلقى واحد سيدة فأواخر تلاتينات فعمرها

إيثار:شهقات)هههه سمحيليا كيحسابلي مكاين حتى واحد

نجاة:سمحيليا لالة انا خلعتك انا نجاة لخدامة كنت على برا فاش جيتو سي آسر خدمني هنا باش نخدمكم مبروك عليكم الالة

إيثار:شوفي عيطيلي غير إيثار ديك لالة كتجيني فشيشكل وانا يلاه عندي 25 كنحس بحال الى كبرت وشرفت

نجاة:هههه لالة تبارك الله مزال صغيرة شنو حب الخاطر لالة إيثار سمحيليا جاتني فشكل نكول إيثار

إيثار:وغير كوليها كوليها

نجاة:نخليوها بنتي ايثار؟

إيثار:مقبولة الالة صافي معليش خالتي نجاة مهم انصايبوانا وياك غدا خفيف نخليوه على جنب وديك ساعات نبداو نوجدو لعشا اليوم ايتعشاو عائلتي وعائلة آسر تابعنا بزاااف مايتقضى

نجاة:سي آسر كالي مغاديش يجي يتغدا مايجي حتى ليل

إيثار:ومنتغداوش حنا هههه الى ماجاش هو كاينين حنا يلاه يلاه اخالتي بلاما نتعطلو،هزات طليةة لبساتها وبداو فتوجاد كيوجدو فلأكلات ويغنيو ناشطين.

"فشركة عند آسر"كان واكف عاطي بظهرو لباب تدق لباب ودخلات إيمان مساعدة ديالو

إيمان:موسيو تايغر جبت ليك لوراق خاص غير الامضاء ديالك،ضار آسر عندها وشاف فالاوراق تمشا جيهت لكرسي ديالو كلس خدا لوراق وسنا فيهم على عينو بانت ليه ايمان كتشوف فيه بشوفات فشكل سلى من لوراق ومدهم ليها شداتهم من عندو وبقات واقفة

آسر:بستفهام)كاين شيحاجة؟

إيمان:موسيو تايغر بنتي ليا بحال الى عيان ومرهق ياك لباس؟

آسر:لا مكاين والو متشغليش بالك

إيمان:لا بلعكس انت مهم بنسبة لينا داكشي باش كتبان ليا عيان فخبارك كيكولو اني خبيرة فلمساج وبلمسة مني توتر كيمشي(كضحك بدلع)على آسر حاجبو ورجع بلور كيطلع فيها ويهبط من جيب لي فوق ركبة لصباطها لعالي لقميجة لمحلولة من صدر تبسم وشحال كيشوف فيها ونطق:

آسر:المساج الى بغيتو مراتي قادة بيه انت مسؤوليتك الخدمة وبس شيحاجة غير لخدمة مشغلكش فيها تاني حاجة انت مسؤوليتك باينة اي تجاوز لحدود منك اتلقاي راسك برات هادشركة مفهوم ومن الاحسن هادلباس ديال الكبريات منبغيهش عندي فهاد شركة بحالك بحال موظفات كاملات مفهوم أنسة إيمان كلامي واضح يمكن؟

إيمان:كتبلع ريقها ورعدة شداها)أه موسيو تايغر مفهوم وسمحليا،حدرات راسها وخرجات.

"فدار تايغر"

نجاة:واخيرا سالينة تبارك الله لي شاف هادشي ميكولش حنا بجوج صايبناه

إيثار:ولكن الفضل لكبير ليك انت اخالتي معندي منكول وهادشي بنين دابا انت سيري رتاحي وانا تكلف بكولشي

نجاة:لا ابنتي كجات انبقى معاك حتى يمشيو ضياف

إيثار:لا اخالتي ميحتاج راه واخا هكاك متحكرينيش قادة بشغالي اسيري ودي لملاك ورؤية حقهم(بنات نجاة)

نجاة:ايوا معندي مندير واخا مابغيتش نخليك ولكن انت تعرفي ابنتي،حيدات طبيلة ودارت حق بناتها فبلاستيكات هزت ساكها وخرجات وخلات إيثار

إيثار:دابا ندوزو للخطة تانية،فتحات لبلاكار كتقلب فيه لقات كاع لعشوب علاش كتقلب كاينين هزاتهم جبدت كاسرونة تبخاتهم مزيان حتى طلقو

إيثار:ممم ودابا اخر حاجة نزيدو بدور لكرافس ولمعدنوس يلاه خليك تغلاي مزياااان،خلات لعشوب كيغلاو وطفات عليهم دارتهم فواحد لقرعة وخباتهم طلعات لبيتها دخلات لدوش كدوش وتغني خرجات من لحمام دهنات لحمها بلكريمات جبدات سروال ديال توب فلبيض مع قميجة مكشكشة فالحمر ومزوقة قدات وجها مع عكر حمر وشعرها دارت

دارت ليه مشيطة خفيفة وخلاتو على راحتو تسمع صوت طوموبيل مشات كتجري جيهت سرجم بانت ليها طوموبيلت آسر داخلة رجعات بلور هازة حجبانها

إيثار:دابا غادي تبدا الخطة لولة،رجعات ايدها لور وفتحات لقميجة سلسلة ديالها تقابلات مع لمرايا وكدير راسها كتحاول طلعها تعطل آسر عاد دخل لبيت كيحيد فلافيست طلع عينو فيها بانت ليه كتعافر مع سنسلة راس كسكوليه يمشي يقاد ليها سنسلة وراس لا شاف حتى عيا وخدم عقلو حيد لافيست حطها على نموسية ودخل لحمام إيثار تجمدات وتبعاتو بعينيها

إيثار:لهاد درجة ارجلين بلارج انيف موكة دافع كبير واخة غير بلاتي مع خلطة إيثار انشوفو هاد عزة نفسي فين اتوصلك،بدات غادية جايا فلبيت غادية جايا حتى خرج من لحمام شترو فازك لاوي عليه لفوطة كيمسح فشعرو شاف فيها

أسر:برودة)فين مشات خالتي نجاة؟

إيثار:عيات معايا فصباح وسيفطها لدارها ترتاح،عطاها بظهر وحل دريسينك ديالو كيقلب مايلبس وهو ينطق:

آسر:داركم جاين من هنا لساعة من الأحسن نتصرفو عادي قدامهم

إيثار:مالي انا كنلوح حوايجي ولا كي بنت ليك مثلا،دور وجهو شاف فيها وكمل تقلاب فحوايجو

آسر:مابقيتش باغي نتناقش معاك ولا كلمة مني وكلمة منك انوصلو لشي حوايج خايبين من الاحسن منوصلوش ليهم والديك او والدية فرحانين لينا خليهم غاديين هكاك بلاما يعرفو بنتهم شنو دارت حسن ليا وليك،هز حوايجو ودخل لحمام خلاها بوحدها كتغدد

إيثار:جمعات ايدها ودارتها فمها كتعض فيها)واااااع فين مشاو تحريميات ديالك فين اويلي غدايدي واخا حتى هدا نظر،ضربات فالارض ونزلات تشغل راسها بترتيبات لعشا قدات صلا مونجي كدات طباسل هبط آسر لابس سروال مريح ديال دار مع صندالة وبودي فلكحل مع تريكو مفتوح فرمادي واقف بعيد حضيها حسات بيه وكلست تغني وتعوج

إيثار:كتستف فطباسل على طبلة)

مشربشي شاي أشرب أزوزة أنا مشربشي شاي هو عطاني مرواحي الله الله(كتحرك طرماحتها وتعوج)آسر غير كيصرط فريقو ويشوف حنحن وتم داخل

آسر:ناشطة مع راسك مزيان

إيثار:ومالي بغيتيني ندب ونبكي يكما شي حد ميت وانا مفخباريش

آسر:لالا غير نشطي بصحة وراحة 

إيثار:الى بغيتي شي كاس ديال اتاي ولاقهوة نجيبها ليك بينما جاو

آسر:كيفكر)أه علاش لا كاس ديال اتاي حسن كنحس براسي اينفاجر

إيثار:كلس شوية ويكون عندك،مشات طيارة لكوزينة كتوجد فتاي جبدت لقرعة لي دارت فيها لما ديال لعشوب كبات شوية منها فلبراد ورداتو كيتشحر حتى وجد دارتو فصينية وقداتو وتولاتو حطات كوكيز فطبسيل وداتو ليها حطاتو جنب طبلة

إيثار:نكب ليك ولا تكب راسك؟

آسر:لا براكة شكرا انا انكب لراسي،كب ليه كاس وليها هيا

إيثار:لا بلاش انا شربتو مع خالتي نجاة

آسر:أه واخا لي عجبك،هز لكاس لفمو جغم منو كيتمضق شاف فيها بنص عين

آسر:امم مفخباريش كتصرعي اتاي تبارك الله عليك

إيثار:شحال من حاجة مزال معارفهاش بصحة وراحة،عطاتو بظهر وتم خارجة من صالون وعي كضحك وكتردد بصوت خافت

إيثار:يس يس الما خليت علامك واقف اسريسير منتسماش ابلاتي الفيلم عاد ايبدا....

اسر عجبو اتاي وإيثار غير واقفة ورا باب كوزينة وكطل عليه وضحك تسمع صوت طوموبيلات داخلين من لباب وقف آسر وجا عندها كوزينة دارت راسها كتوجد حتى نباها من لور:

آسر:العائلة جات كيفما تافقنا واخا!

إيثار:علات عينها فيه وتصنعات ضحكة)لي بغيتي اراجلي لعزيز مايكون اخاطرك،سونا الباب قدات حالتها وضربات فيه وخرجات تحل ليهم لباب جات ماماها وباها نوال وكريم وريم أسية او والدين آسر وعمتها لعائلةكلها حاضرة من غير غسان وسهيل

إيثار:مرحبا بيكم نهار كبير هدا

نوال:معلية حاجبها)أم معرفت منين نزل عليك هاد صواب ولكن صراحة دارك غزااالة بحال شي رياض، تم جاي آسر وضحكة على وجهو

آسر:مرحبا بيكم زيدو دخلو دار داركم

نادية:مبروك عليكم اولدي دار تدخل عليكم بصحة وكل متمنيتو بشي وليد ولابنية ان شاء،نقزت إيثار من تحت سنانها

إيثار:إلى بقا ولدك نافخ ريشو موحال نديرو لا ولاد لا وتاد

نوال:راه سمعتك وانت سباب ويلى هجر فراشو متلوميهش،قربات عندهم أسية

أسية:اش كتبركمو انتوما بجوجات اجي نسولك مغاديش يجي داك عينين لمشة دصاحب راجلك ياك؟

إيثار:صغرت عينيها وكتشوف فختها بشك)علاش كتسولي هي بغيتيه يجي أ أ؟

أسية:ولا يحرم بنادم يسولك سؤال لله ياربي لعفو سولتك غير مابغيتش وجهي يجي فوجهو وصافي

إيثار:مجايش مكاينش اصلا فالمغرب،دورت أسية راسها بزربة فإيثار

أسية:بتساؤل)صافي مشا فحالو؟

إيثار:شافت فنوال)فهمتي شيحاجة ولا والو؟

نوال:فيا جوع هادشي لي فبالي دابا 

إيثار:أجي معايا كوزينة(شافت فختها)وانت انعسي على جنب راحة مامشا فين غير عندو شي خدمة ويرجع الله يرض بيك احنينتي،جرات نوال من ايدها وتمو غديين لكوزينة حتى جراتها ايد آسر

آسر:ممكن نعرف فين غادية راه خاصنا نكلو مع العائلة يمكن

إيثار:كتشوف فيه وفيديه)انا بغيت غير نشوف واش

خاص شيحاجة نقادها ونرجع رولاكس بيبي رولاكس،حيدت ليه ايدو ودخلت لكوزينة لقات نوال سابقاها كتنقب من طباسل محسات نوال بلقرصة منين جاتها

نوال:أيي واش هادو صباع ورجلين دلعكرب اغير دقنا

إيثار:حيدي منك هاد لقويعيدة

نوال:أجي كولي ليا كيغادية مع نمر مقنع مزال مرطاب قلبو عليك

إيثار:متخميش قريب يرطاب قلبو ويرطاب حتى شي لاخور

نوال:كيفاش؟زعمة يكما ناوية تقفيه ناري اويلاتك يولي كيف لهبيل

إيثار:شفتي انا نهار نوي ندير سحور انجربو فيك انت لولة نتهنى منك ومن هاد لسان لي مبري منك 

نوال:وعلاش كاين شيحاجة من غير سحور

إيثار:كتخنزر فيها)هيا ساحرة لخويا كريم ادوي المشعويدة دوي نفضحك دابا أ يكما كديري ليه زغيبات لفار واطل على مراتك اخويا ليل ومطال وهيا توكل فيك خسرتي خسرتي اشعيبية كنت نحسبك بنت داركم ساعة مصدقتيش اسحارة محشمتيش نكولها ليه دايا يطلقك 

نوال:انت هضرنا معاك بغيتي لبقي ليا مشكيل

إيثار:راه الفيلا كلها كميرات دابا راك تسجلتي وادوزي ف إيتي بالعربي تشوهتي المشعودة

نوال:غير ساكتة وكتشوف فيها)شفتي أنا منديرش راسي فحمقة بحالك

إيثار:عرفتي معرفتش علاش كيكولي راسي كون اجبت بزاف ديال ريبيات ونديرو ليهم مع نيسكافي ونعطي كاع لي على برا يشرب وتشوفي ليلة كي أدوز زاهية شنو بان ليك نديروها

نوال:إيثار واش فيك طيكوك ولا حزق ليك لعقل وحدة فجوج

إيثار:غير ضاحكين وصافي بلاما تيقي الي بغا يضحك معاك بنادم تهجروه ليه يخ مهم يلاه ندخلو حلويات ولعصير تلقايهم شحفو،هزو لبلاتزيات وخرجو لصالون. 

أسر:واش هوما لي بغاو يحولوك لمحمدية ولا انت لي طلبتي الإنتقال؟ 

كريم:مطلبت والو هوما لي باغيين يحولوني خاص ندفع طلب باش نبقى فكازا يقدرو يقبلوه يقدرو لا 

آسر:مهضرتيش مع رشدي؟

كريم:هضرت معاه وكيحاول يشوف شنو ايدير

الى بقاو مصرين على رأي ديالهم معندي غير نمشي، نباتو إيثار

إيثار:علاش كتهضرو فين اتمشيو؟

آسر:كريم جاه انتقال لمحمدية ومابغاش دافع طلب يشوفو شي واحد غيرو ومزال مردوعليه،شافت إيثار فنوال

نوال:بلاما تشوفي فيا كنت انكولها ليك ونسيتيني

إيثار:والى رفضو طلب ديالك؟

كريم:معندي غير نقبل ونمشي لتمة

إيثار:وشحال تبقا تم ؟

كريم:عامين وبا تلتسنين مهم على حسب هوما شحال ايعطيوني بقا ليا عام واحد ونكلس فلمدينة لي بغيت فخطرة وحدة نرتاح

آسر:مكاينش شي بلا شي ضروري كتعدب وطيح وتنوض باش توصل لمراد ديالك وتوصل لمستوى لي بغيتي خاص اشوية دصبر والى حتاجيتي شيحاجة انا هنا

كريم:عارف شكراً

آسر:ضرب على رجل كريم)العفو الله اودي راه ولينا خوت،جو زوين بين العائلة دايز فلحتيت كل مرة جابدين موضوع وصل وقت لعشا ناضت ايثار وأسية ونوال وريم كيحطو فالعشا على طبلة

إيثار:العشا راه واجد سبقونا لطبلة بينما جينا،ناضو لطبلة آسر مترأس طبلة حداه باه ومو وختو عاد حداه كرسي إيثار حداها كها وباها وسعاد وخواتاتها ونوال وكريم طبلو عمرات بشكال وانواع مأكولات بقى طبسيل واحد ديال آسر صلاد ديالو لي كيموت عليه 

إيثار:ودابا نزيدو عليها مليحة وشوية الحامض ممم مزيان بلاتي وأخير خلطتي سحرية(هزات لقرعة لي فيها لما ديال لعوش ورشاتو لسلطة قلباتها مزيان ورجعات بيها حطاتها قدام آسر ومشات كلسات فبلاصتها بحال الى حتى حاجة موقعات 

الحاجة:تبارك الله الماكلة بنينة واش طلبتوها من برا

إيثار:لا انا وعاوناتني خالتي نجاة اتبقى تجي تعاوني 

آسر:انا جبتها باش تقوم بشغال دار وانت شوفي شنو باغية تعمري وقتك

إيثار:بينما فكرت وقررت غادي نبقى نعاونها مكنبغيش نبقى شادة ايديا(شافت فباها)

إيثار:بابا بغيتك عفاك تصيفط ليا روني وسام وألكس لهنا بقاو

بقاو بوحدهم وانا عارفة حتى واحد فيكم مغادي يرد ليهم لبال

آسر:بلاما تعدب اعمي انا غدا ان شاء الله اندوز لعندكم ونجيبهم معايا(شاف فختو) أمنية عندنا بوسط خاوي خاصنا شي واحد لي عندو مع فن تصوير على قبل تصوير والإشهار بلاما تبقاي غير دار كولت من الأحسن تجي تعمري وقت شنو كلتي؟

أمنية:فكرة مزيانة صافي غدا ندوز عندك،نقز كريم

كريم:عرفتي شنو اروبن هود لبارح لقينا واحد تصويرة ديالك لاشويه مونديال

إيثار:ششش(كتغمزو)سكتنا حسن 

آسر:شاف فيه)أشمن تصويرة وري وري

كريم:هههه صورتها بتيليفون نساايو لعشا ونوريها ليك تلى شفتيها بحال والو تغير رأيك،إيثار كتغزز عليه هزات فرشيطة وتخشات تحت طبلة بانت ليها رجل خوها هزات ايدها حتى سما وغرزاتها فيها حتى طار من بلاصتو وبلخف رجعت لبلاصتها

نوال:مالك كريم مالك ياك لباس؟(مخلوعة) 

كريم:كيتوجع)معرفتش شنو تخشا فيا بحال شي موس

إيثار:هداك غير لسانك سليط طويل فيه ميترو تلوى تلوى وهبط وعضك من رجليك حمد الله لي مكلعهاش ليك من بلاصتها

الحاجة:إيثار والله يهديك ابنتي

إيثار:اويلي مالي والله ما أنا فين تحركت انا خدامة كناكول لهلا يحط علينا باطل، آسر كيشوف فيها من تحت دف هزات عينها فيه لقاتو كيحنزز فيها

إيثار:حنزز كولني(بالهمس)،كملو ماكلتهم بحال الى حتى حاجة ماوقعات ناضو لصالون جمعات نوال طبلة هي وإيثار شداتها نوال فلقنت

نوال:اش درتي فطبسيل آسر راه شفتك؟

إيثار:أنا!(خرجات عينيها)إيمتى بالعمى

نوال:راه شفتك هزيتي قرعة وخويتي منها فشلاضة ديالو تسحابيني عورة كولي ولا انمشي دابا نكولها ليهم كتسحري ليه المشعودةأ حصلتك حصلتك

إيثار:فخاطرها) ياربي أشانكول لهاد لهبيلة هيا فمها كياكولها خاصني اه صافي لقيتها،شافت فنوال لي كتشوف فيها بشك

إيثار:هادو عشوب على قبال لحمالة

نوال:كدوخي عليا دابا ولا اش كاليك راسك مالو هو لي ايحمل ولا انت

إيثار:ولا دابا راجل الى مكانش مجهد ميمكنش يحمل فهمتي انا دابا مجهدة على آسر هو لا

نوال:اويلي واش ماشي راجل هو

إيثار:ولا ازبلة منين كتفهمي هو راجل اغير عندو داكشي ماهواش

نوال:واش لاوي بحال سلاوي لاوي ياك

إيثار:لا بحال لخيار لاوي بحال هكاك

نوال:ناري دابا ديك طولة كاملة وتجريدة لاوية

إيثار:فاتت لويان لهيه لاوية ومكمشة كتر من ديال با لعربي لعساس

نوال:وانت فين شفتي ديال با لعربي

إيثار:حصلتو واحد نهار كيبول ورا لكوري دلبهايم

نوال:كتسبل فعينيها)ترتورتي ختك انا ياك؟

إيثار:صغرات عينيها)عينك معجبينيش فيهم لغدر اشبغيتي شوفي فلوس معنديش حوايج معطياكش سيزيتيني تباتي هنا لا سيري لداركم

نوال:والله ماهكا

إيثار:وشنو باغية جيني نيشان

نوال:حتى انا بغيت نحمل ويكون عندي لمطور طاق امارش عطيني شوية احميمتك عايشك عايشك

إيثار:لا هو اديال رجال ماشي دلعيالات سيري تكلسي

نوال:بدات تغبن)أنت ممزياناش انت مابغينيتيش نحمل ونكون عودة وصحيحة أصلا كيكولو لوسة سوسة وانا عند بالي انت ختي وصاحبتي صدقتي بحالهم(بدات تبكي)

إيثار:صافي صافي ششش سكتينا فضحتيني هاكي(هزات بلاستيكة فيها لعشوب مداتها ليها)هاهيا تبخي وشربي حتى تشبعي وماشي شغلي فيك الى طرات ليك شيحاجة متجيش عندي،طارت عليها نوال عنقاتها

إيثار:صافي صافي براكة جمعي عليا شلاقمك براكة يلاه راه تعطلنا عليهم دي ليهم لكاطو وانا انجيب لقهوة،سبقاتها نوال بلكاطو وهي دارت شوية من لما دلعشوب فكاس آسر ودخلات بلكيسان عطات لكل واحد كاسو كالسين مجمعين إيثار مقابلة مع آسر وجهو بحال الى حمر مرة يسرح رجليه مرة يدير رجل على رجل بحال الى ممرتاحش وشيحاجة غادية وكتوقف عندو حط كاس ديالو وستأدن منهم

مشا نيشان لحمام بقا شحال وخرج مع خرج لقاهم واقفين ايمشيو تسيفطو معاهم وصلوهم عند لباب بقاو شحال حتى ركبو فطوموبيلاتهم ومشاو

إيثار:انمشي نضربها بتدويشة ونرتاح(شافت فيه بان ليها عرقان ولعلام واكف)حتى انت كيبان ليا خاصك تدوش ولكن بلما بارد حسن ليك،خلاتو ومشات

آسر:مستغرب)مالي انا اش واقع ليا كنحس بشيحاجة ماشي حتى لتما وقيلة خاص ندير بكلامها وندخل ندوش،مشا لبيتو لقاها مكيناش وصوت لما خدام هز حوايجو ومشا لحمام تاني بقا شحال تحت رشاشة حس براسو ولا صافا مسح ولبس حوايج نعاس وخرج من حمام مشا لبيتو دخل دور راسو بقا غير واقف وكيشوف كيبلع ريق ديالو قلبو كيضرب نفس كيطلع غير بزز توتر كيدوز ايدو فشعرو وكينفخ

آسر:فخاطرو(تعديب نفساني هدا مغاديش نقدر نصبر واش دايراها بلعاني زعمة)إيثار عاطياه بضهر ناعسة على جنبها مفرقة رجليها لابسة غير شوميز قصير خفيف شبكة من ظهر ومن عند صدر شعرها مسرح على لمخدة بحال شمس ولحمها بيض بحال لحليب ريحت ليكريم لي داهنة لحمها كيعطي حسات بيه مراقبها وكضحك عاجبها لحال

آسر:آسر كالم كالم متشوفش جيهتها سير ونعس ودور وجهك صافي خود نفس شهيق زفير راك حلفتي متجيش جيهتها وفي بكلمتك،خدا نفس طويل ومشا لبلاصتو حداها تكا ودور وجهو لجيهة ليمنية فاتت ساعة وهو ميت على جنبو ونعاس طاير من عينو كيحس براسو اينفاجر لادوز فيه زايدو ومعارف مايدير ساهي كيفكر واش يمشي للبيت تاني ولا شنو يدير شوية طرا لي ممحسوب ليه حساب...... 

كيسمع فصوت إيثار كتهضر

إيثار:لالا لالا ويلي هههه نعل شيطان الحاج ويلي يالحاج نعل شيطان يالحاج ويلي يالحاج خليتيني بلا زواج ههههه ماشي تما ماشي تما كون تحشم(مرة تلوح عليه ايدها مرة رجلها وتفركل بحال الى شي حد كيقرصها)

آسر:غير مصدوم وكيشوف فيها يلاه بغا يمد ايدو يفيقها

إيثار:لالا لالا متقجنيش الحاج متقجنيش لالا لالا عتقوني عتقوني بغا يقتلني وااااع واااااع ولا موكا بغا يقتلني شدوه شدوه

آسر:إيثار ايثار بسم الله عليك فيقي،مع كمل هاد لكلمة نقزات فوقو حتات عليه بقجة

إيثار:بيا ولا بيك الحاج بيا ولا بيك اليوم انا لي انقتلك كيما قتلتي مي هاينة ليوم

آسر:إيثار نزلي نزلي انا آسر نزلي بسم الله عليك، ترخفات لقبضة ديالها ورداتها نحيب

إيثار:شعل ضو شعل ضو انا خايفة من ضلام شعل ضو،شعل آسر لفيوز وناض كيجري جاب ليها كاس دلما تشرب كلها كترعد

آسر:لخوف واضح على وجهو)كي كتحسي دابا مزيان؟ شوية؟

إيثار:خليك معايا عفاك خايفة بزاااف عنقني عفاك متبعدش حلمت حلم خايب بزاااف،آسر قرب ليها ودغية ترمات فلحضن ديالو

آسر:كيدوز بيديه على راسها)ششش صافي ماوقع والو كالم توا غير كنتي كتحلمي ششش،تشبتات بيه بحال دري صغير لاصق فمو مزيرة عليه وهو حالتو عالم بيها غير الله وهي غير كتسرق نظرات من تحت دف وتضحك فخاطرها نعسات فلحضن ديالو حتى صبح صباح هي نعسات وهو والو نعاس واش داه ناض من حداها بشوية ودخل لبيت ديال ضياف ينعس شوية الى بقا حداها موحال واش ينعس..

فاقت وهيا كتشبح دورات راسها جيهتو مالقاتوش

إيثار:ناري فين مشا هدا ناري خطتي اتفشل،ناضت حفيانة كتقلب فلحمام مكاين خرجت من لبيت بان ليها بيت ضياف محلول طلات براسها كيبان ليها عريان نصو مغطي بليزار تبسمات ورجعات لبيتها دخلات لدوش غسلات حالتها لبسات شورط قصير

مع تيشورت خلات شعرها على راحتو شداتو غير بمقبط صغير رشات ريحتها وهبطات لكوزينة كتوجد فلفطور وتغني

إيثار:ودائما مع لمسة اخيرة من خلطة إيثار سحرية ورقصني يا كدع على وحدةونص،سمعت خطواتو هابط مع دروج دغية دات صينية ديال لفطور لفوق طبلة هبط كيقاد فلعقاد ديال قميجة 

آسر:صباح الخير كيصبحتي؟ 

إيثار:بيخير وعلى خير كلس تفطر 

آسر:لا غير فطري انت بصحة انا تعطلت عندي جتماع ضروري

إيثار:وغير كاس ديال لقهوة باش يوكضك نيت 

آسر:واخا الى كان كاس دلقهوة ماشي مشكيل،خوات ليك كاس ديال لقهوة شربو دثة وحدة ومشا خرج

إيثار:اوووف لملل لاشهر عسل كيف ناس لا والو ولكن اشمن شهر عسل كنهضر عليه وانا قامعة سيد بقا لينا العسل ولكن انا ممفكاش بغيت حقوقي"حقوقي حقوقي حقوقي لن انساها ولو أعدموني" رجعت لكوزينة وهو كتردد نفس لجملة.

"فشركة"

سالة الاجتماع ليكان عند آسر يلاه خرجو لمدراء تفتح لباب ودخل سهيل 

آسر:اوووه وأخيراً جيتي الحمد لله(فتح ليه ايديه عنقو)

سهيل:ماغبتش بزاف مالك حالك ماعجبنيش اش واقع

آسر:والو كلس كلس بعدا اجي كتحس بصهد ياك؟

سهيل:لا الجو زوين ولكليمة خدامة شنو بيك شفتك ماشي حتى لهيه

آسر:معرفتش والله هاد ليام كلها كانحس بسخونية وصهدة وفيا واحد طاقة كبيرة

سهيل:وستغل طاقتك وسير لدار اصاحبي وانت يلاه مزوج وجاي شركة كون انا بحالك اناخد شهل عسل كامل نمشي لاسبانيا ولا إيطاليا ندوز اجمل أيام حياتي 

آسر:سد هاد لموضزع انت معارف والو

سهيل:شنو واقع ياك لباس يكما تخاصمتو،مزال كاعما كمل هضرتو تدق لباب وتفتح ودخلات إيثار وتابعاها إيمان من لور

إيمان:موسيو تايغر كتليها راك مشغول وأصرات تدخل دارت عندها إيثار

إيثار:شوفي اديك لفجلة لاوية وقيلة كتليك انا مراتو لا وحسن ليك سيري كلسي فبلاصتك ولا انرجعك

بطاطا قصبية يلاه يلاه(بصوت محمد الجم)

سهيل:ايمان انت سيري إيثار مرحبا بيك عندنا انا انخليكم عندي ميدار خرج سهيل وبقات هي وآسر لي مهضر متكلم متحرك ماوالو بقا كالس كيشوف فيها أميرة ديال ثلج كتمشى قوام ديالها ممشوف فكسوة بسروال بضونتيل مشبكة بيضة مع حزام فضي رقيق وصالة عالية خشبية بالقهوي وشعرها مطلوق براحتو وريحتها ولات معمرة لمكتب

إيثار:آسر هيه واهيا آسر(كتشير ليه قدام وجهو)

آسر:أأ ايمتا جيتي بغيت نكول احم علاش جيتي

إيثار:سونات ليا نوال كاتليا كاينة واحد الأرض وبغيت نمشي نشوفها

آسر:أشمن أرض فين؟

إيثار:الموقع سميتو أراضي روكان ودابا بغيت نمشي انا ونوال نشوفوها

آسر:ولاش بغيتي انت هاد الأرض؟ 

إيثار:سرسورتي واش نسيتي(حطات ساكها ودارت ورا كرسي ديالو وعنقاتو من لور)،آسر جاتو دوخة وجهو ولا سخون قلبو كيضرب بجهد 

إيثار:ياك كتليك بغيت نحل لمحمية ديالي وانت كلتي غادي تعاوني

آسر:كيتنفس بصعوبة)أه أه بصح ووو واخا سيري سيري لا بلاتي غير خلي ليا هاد موضوع أنا انتكلف بيه

إيثار:صافي واخا انا انمشي ندور انا ونوال شوية اتجي تغدا؟

آسر:أه لا لا مغانجيش عندي شي خدمة 

إيثار:واخا انا مشيت،تحنات على عنقو وباستو بوسة طويلة هزات ساكها وخرجات،بقا آسر مفيكسي عنقو وكيبلع فريقو

آسر:ياربي تصبرني ياربي مابقيتش قادر شنو هادشي واقع ليا لالا صافي انا يمكن حماقيت...

خرجات إيثار هي ونوال كيدورو حتى تنصص ليل

نوال:عرفتي شنو دابا سونا ليا كريم عمي جاب جوج عودان

إيثار:ناري بغيت نشوفهم بليييز يلاه يلاه

نوال:انت واش معندك دار وأسر؟

إيثار:وغير يلاه انسيفط ليه ميساج نكولها ليه،ركبو فطوموبيلت إيثار وشدو طريق لعند والديها سيفطات ميساج لأسر لي كان جاي فطريق غير قراه وبدل الاتجاه لدلر والدين إيثار مع وصل دخل

دخل لقاهم مجموعين

الحاج:مرحبا بيك أولدي 

آسر:الله يبارك فيك أعمي كيداير مع صحيحة كولشي بيخير؟

الحاج:لي عندو صحيحتو اولدي يحمد الله ويشكرو

آسر:ونعم بالله فين هيا إيثار ماشفتهاش؟نقز نوال

نوال:راها فالكوري مع العودان جداد حلفت ماتمشي حتى تغسل ليهم لاهوما لا روني والكس وسام،وقف آسر

آسر:انا انمشي نشوفها سمحوليا،خرج آسر وفكرة فبالو كتدي وتجيب

آسر:نزطم على كبريائي ونتقرب منها ولا شنو ندير،محدو كيقرب وكيسمع صوت ديال ضحكة ديالها وقف عند باب لكوري كيشوف فلمنظر لي قدامو

إيثار:ههههه الكس وا رسى شوف كيف رضيتيني كولي ما،كانت مبدلة لبسة باش جات عندو لابسة كسوة بضونتيل قصيرة وشفافة وبقوة الما لي عمرها بيه الكس بتيو كولشي جسم ديالها كيبان دورات راسها بان ليها أسر واقف كيشوف فيها

إيثار:مالك واقف بحال قباض رواح دخل دخل عرفتك مغاديش تقد دخل مع لبريستيج ديالك

آسر:أهاه كتحدايني؟

إيثار:ممم بحال هكاك

آسر:اهاه واخا،حيد لافيست ديالو وصباطو وتقاشر بقا غير بلقميجة ودخل حتى وسط لكوري ديال لعودان

إيثار:ألكس يلاه بالي،ألكس بحال الى فهمها هز تيو وبدا كيرش فأسر ولا كولو فازك وعضلاتو ولاو باينين وشعرو طاح على عينيه حيد تيو لألكس وتم تابع إيثار كيرشها وهي كتجري وميتة بضحك

إيثار:وا رصا رصا راه انطيح اصكع راه انطيي،مجات فين تكملها حتى زلكات ليها رجلها ورجعات بلور جات فوق من آسر نيشان بقاو على داك شكل آسر لتحت وهي فوقو

آسر:ونوضي راه انا لي جات فيا دقة شتك ستحليتي نعسة،إيثار كتضحك وبدات تمحكك عليه

إيثار:خلينا هكا شوية عجبني سداري

آسر:ياك الالة انا دابا سداري،إيثار تقلبات ولا وجها مقابل معاه كتشوف فيها بعينيها لي فيهم غموض كبير

إيثار:خايف مني؟

آسر:علاياش كتهضري مناش غادي نخاف أنت غير..مقدرش يكمل

هضرتو نزلات عليه إيثار لفمو نيشان باستو فالاول صدماتو مقدش يتجاوب معاها بعدات عليه كتشوف فيه بالخف رجعها لتحت وكمل لي بدات كيبوس فيها بكل شوق ورغبة كبيرة وحب شفايفها كلامهم وجها نزل لعنقها كيبوس ويمص شوية وقف بعد على وجها كيشوف فيها حلات عينيها وقلبها كيضرب ولات كلها حمرة وكترعد

إيثار:علاش وقفتي؟

آسر:إيثار مابغيتش ديري شيحاجة بزز منك حيت، دارت ايدها على فمو سكتاتو

إيثار:أنا كنبغيك وكنموت عليك سمحليا على لي وقع مافكرتش اتسمح ليا ياك وقف بالخف وهزها فيديه

إيثار:فين غادي بيا ؟

آسر:نكملو لي بديناه عرفاي شحال وانا كنتسنى هاد لحظة واش بغيتي حيوانات بريئة يشوفونا شنو كنديرو

إيثار:ههههه سير عالله، خرجها من لكوري بديك لحالة

إيثار:واش انمشيو هكا؟

آسر:خير لبر عاجله معنديش كرام ديال صبر لي يبقى يتسنى بغيت ليلتنا تكون أحسن ليلة

إيثار:ماشي غير ليلتنا أحبيبي أيامنا كلها ان شاء الله.....

فطوموبيل شاد ايد سايك بيها وأيد أوخرى سايك بيها كل مرة يهز ايدها لعند فمو ويبوسها

إيثار:عرفتي شنو تمنيت فهاد ساعة ومضحكش عليا

آسر:شنو تمنى حبيبي نوجدو ليه غير أمري وأنا نفد

إيثار:تمنيت كون كنا غير أنا وانت فجزر سافانا نهار لي جيتي رجعتيني مكرهتش كون أول ليلة لينا تشهد عليها نجوم شجر مكرهتش ليلتنا تكون من أحسن ليالي لي عمري نساهم ولا تنساهم،سكت آسر شحال طلق ايدها هز تيليفون ديالو إيثار غير حاضياه دوز نمرة :

آسر:وي سهيل بغيت دابا طيارتي تكون واجدة أه دابا دابا مواقع والو أصاحبي دير لي كتليك وتكلف بالاجتماعات ديال شهر كلو(شاف فإيثار)مابغيت حتى واحد يبرزطني انا واخد كونجي تافقنا من هنا نص ساعة تكون واجدة،قطع الاتصال سولاتو إيثار

إيثار:بستغراب)لفين غادي؟

آسر:حبيبتي تمنات أمنية وبغيت نحققها ليها عندك شي مانع؟

إيثار:لا ولكن...

أسر:ششش مابغيت حتى عتراض انا كنت حاس من الاول اتكولي ليا ياشهر عسلنا يكون فالادغال ياشيحاجة بحال هكا وانا لقيتيني على سبة احبيبة أصلا مكاين ماحسن من الهواء طلق ولبرد يضرب فيك من كل جوايه ياك؟(غمزها)

إيثار:ويااااه ونكونو مالبسين والو نديرو شي ربيع حتى هنا بحال ليزانديان اش بان ليك

آسر:هههه ومابقيتيش تحشمي اعينين بوعبولة

إيثار:ههههه انا عام انا كنت كنحشم بعدا معقلتش

آسر:الله يخرج ليلتك على خير أول حاجة انمشيو لدار نجمعو حوايجنا ونشدو طريق اوك حبيبي

إيثار:مشات،عنقات ايدو وشدو طريق لدار دخلو طلعو بجوج لبيت دخلات إيثار لدوش نيشان فسلات عليها حالتها وخرجات كتمسح فشعرها تم داخل آسر بالبينوار وشعرو فازك بالخف ولا قدامها شدها من ايدها جرها لعندو

آسر:كيتمخشش فعنقها)ممم توحشت هاد ريحة معرفتش كيفاش انبقى صابر حتى نوصلو ونبداو شهر عسل ديالنا

إيثار:كتلعب ليه

كتلعب ليه فعنقو)فاتت لكثير حبيبي بقا غير لقليل خليني نجمع حوايجي،تسلات من بين ايديه ولاحتوعلى نموسية مشات لدريسينغ كتجبد فحوايجها وهو مقابلها

آسر:هيه هيه شفتك شفتك

إيثار:دارت كتشوف فيه شنو شفتيني علاش؟

آسر:كيغمزها)علاش دركتي داك شوميز لحمر راه شفتك وكاع شوميزات لي خديت ليك مديتينوم ديتي الي ختاريتي انت هممم عقت بيك حصلتك

إيثار:بففف انت غير كالس تم وحاضيني،حسات بيديه عنقاتها من لور ونازل بفمو على عنقها

آسر:ممم مواح(بلهمس) الما حضيت حبيبتي شكون انحضي أ،شلل تركيزها بوساتو لي كانت كتحس بيهم على عنقها إيد معنقها بيها زيد كتجبد كاع شوميزات لي خبعات كيحطهم فباليزتها

إيثار:ممم راه هو

آسر:هو شنو أ علاش كتمتمي؟

إيثار:ووو ويلاه نمشيو راه راه ايمشي الحال،بعد عليها كيشوف فعينيها لي تعسلو كتشيشي وانا مفخباريش؟

إيثار:سير براكة من بسالة خلينا نساليو دغية

آسر:لا احبيبة مزال مبديتش فلبسالة يلاه ناوي

إيثار:هههه انت باسل من شحال هدا يلاه اتبسال يلاه انا انمشي نلبس ونرجع هزات حوايجها يلاه غادية لحمام تلبس رجعها بيدو

آسر:فين غادية؟

إيثار:نبدل عليا ونرجع باش نوجد

آسر:أهاء بدلي هنا وقدامي راكي مراتي ومن هنا لشوية انشوف كولشي بعويناتي

إيثار:أسر وهنينة

آسر:انا بعدا انبدل هنا قدامك

إيثار:لالالالا وياك لالا،بدا كيحل فالبينوار قدامها شركات عينيها كترمش يلاه بغا يحيد لبينوار بلخف دارت ايديخا على عينها

آسر:هههه(كيضحك)يخليلي حبيبي لي كيحشم،جا لعندها خداها بين ايديه عنقها وباسها فجبهتها

آسر:ولعجب نهار لي خشيتي ايديك محشمتيش

إيثار:قبل منتزوجو كنت مقزدرة دابا معرفتش منين طاحت عليا لحشمة

آسر:من هنا لشوية اطير لحشمة احبيبة غير بلات يلاه سيري وجدي راسك،مشات طيارة لحمام لبسات شورط قصير وقميجة

وسبرديلة بيضة هزات ساكها على جنب خرجات لقات آسر كيتسناها لابس بودي كحل مع ساعة فنفس لون وهاز واحد قرعة كحلة كيشرب منها

إيثار:شنو كتشرب؟

آسر:واحد عصير لقيتو فكوزينة بنين عجبني قلت نديه نشربو فطريق

إيثار:فخاطرها)ناري ليلة يكويني من نيوفي ناري مشا لعصير لي خلطت مع لقرعة ديال لعشوب كاملة

آسر:حبيبي يلاه مشينا؟

إيثار:أه أه يلاه، خرجو ركبو فطوموبيل

إيثار:أجي جمعتي حوايجك؟

آسر:يلاه تفكرتيني جمعتهم فاش كنت كتلبسي حوايجك وبالخف هبطهم لطوموبيل

إيثار:حادك ههههه، ديمارة طوموبيل وشد طريق لجيهت لمطار مع وصل لقا سهيل واقف مع طيار لي أيديهم

سهيل:كاع لي وصيتيني عليه درتو الى بغيتي اي حاجة سوني ليا طريق سلامة

آسر:شركة امانة عندك حتى نرجع

سهيل:انت غير نشط ليا مع راسك لمباقي خليه عليا،عنقو آسر وعطاه سوارت طوموبيل طلعات إيثار سبقاتو تبعها آسر تسدات باب طيارة وقلعات.

من بعيد كان واقف واحد الافريقي مقابلهم خدا تيليفون ركب نمرة:

"هكوا هاماما هيموريكاما يوهاي تشيتواتا اسمو لوكو ساكا" قطع الاتصال ومشا بحالو ركب فطوموبيل ومشا

تحطات طيارة على اراضي أفريقيا الجو مغاير على لمغرب صهد كانت ساعة 3 ديال ليل لقاو جمايكا كيتسناهم عطاوه لابلز وركبو معاه وصلهوم لوطيل دخلو بدلو عليهم وخداو دوش لبسات إيثار كسوة قصيرة بلبيستاج وأسر لبس قميجة خفيفة فالبيض وسروال بحالها

آسر:حبيبي نخرجو نتمشاو شوية هو لول شنو بان ليك؟

إيثار:داكشي لي كنت بغيت نكوليك، دارو ليد فليد وخرجو مشادين

جمايكا:يكما نوصلكم لشي بلاصة؟

آسر:لا غير خليك انتمشاو شوية ورنرجعو خرجو من باب لاوطيل دور ايدو على ظهرها وخرجو غير ضو ديال لقمر لي مضوي عليهم صوت لحيوانات واحد الجو زوين بزاف دارت إيثار عند آسر

إيثار:كتسمع شي صوت؟يلاه كملت هضرتها...

مع كملت هضرتها داز شي خيال وراهم بلخف

آسر:حبيبي ايكون غير شي قردمن شمبانزي هنا كيكونو كتار بزااف قربنا جنب لبحر نكلسو شوية تما ونرجعو واخا؟

إيثار:أه بصح يلاه،دارت شافت وراها وكملو طريقهم معانقين بعضيتهم صوت لغصن كيتهىس تار انتباه ديالهم ومشية لي وراه خلاتهم يوقفو

آسر:باين هدا شي قرد باسل

إيثار:لا أحبيبي كايبان ليا عندنا صحاب هنا

أسر:صغر عينيه)كيفاش؟

إيثار:شوف وراك،دار آسر وراه كيبان ليه شي 8ديال رجال لابسين شورطات وديباردورات فلبيض غير لعينين لي كيبان فيهم هازين لعصي دوروهم وداروهم لوسط إيثار دورات راسها عليهم كاملين وقفو عينيها عند واحد

إيثار:بالانجليزية)هدا انت كنت عارفة أيجي شي نهار انتلاكاك

كمايو:جا لوقت لي تخلصي فيه لحساب مغاديش نسى شنو درتي خرجتي عليا وعلى لمحمية كلها رجعت بلا خدمة بلا دار

إيثار:سرك يصلح ليك كثر على مكنتي كدير فدوك لحيوانات مساكن اخرتك اتكون فحبس بين ربعة ديال لحيوط 

آسر:مغوبش)شكون هدا وشنو بغا من عندك؟صافي بلاما نسول هدا هو لي هربي من لمحمية ديالو دوك سبوعة ونمورة ياك كنت عارف هاد ليلة مغاتكمل واطرى شيحاجة حتى لهيه انا ايبقى محكوم عليا طول حياتي ندوش بلما بارد،شاف فيه إيثار

إيثار:حنا فين وانت فين ناس فناس ولقرع فمشيط راس(شافت وراه) عندااااك،هزات رجلها حتى لسما ودفعات بيها ليفريقي لي جا ورا آسر بغا يضربو، تجمعو عليهم ب8 دارت إيثار شدات جوج وأسر لوخرين دقو فيا دقة فيك

آسر:كيضرب ويهضر)واش انا نبقى ديما معول جايين وراك لمصايب واش مغانتهناوش خلاص 

إيثار:كضرب وتجاوب)مع إيثار مش حتقدر تغمض عينيك توقع اي حاجة لي بغا لعسل يصبر لقريس نحل 

آسر:ضريب لعوازة هادو ماشي قريس نحل

إيثار:ومزيان ديك طاقة لي كنتي اتخدم هاد ليلة فطراكسيو خدمها فدق وتشرشيم

ايثار قدات على جوج طيحتهم وأسر مضارب مع لوخرين طتحس بشي حاد جاها من لور خنقها بقات كتعافر شافها آسر جا كيجري شدوه جوج مخلاوهش يوصل ليها

إيثار:بصوت مبحوح)متجيش انا دابا انوريه عيالات مغريبيات علاش قادات هزات ايدها بزز دارتها فمها وصفرات تصفيرة وحدة غير كملاتها نقز توم لقرد من فوق شجرة ترما على كمايو دار ليه ايديه على عينيه عورو وقفات إيثار كتنفس شافت فتوم

إيثار:توم عاون آسر صفرات جوج تصفيرات حيد توم من فوق كمايو ومشا لرجال لوخرين لي كيضارب معاهم آسر

إيثار:ودابا انصفيو انا وياك لحساب،نقزت عليه كتعطيه لراسو لقرع تقرص وتعض وهو كيوغت ربي لي خلقو آسر بالة بلوخرين هو وتوم سلخهوم شوية كيبان ليهم ضو طوبيل جايا بوليس مع جمايكا وصلو نزلو كيجريو جمعو رجال لي كانو طايحين مضروبين جا آسر عند إيثار لي طالعة فوق جمايكا وكتسلخ فيه 

إيثار:هاك لطاسيلتك هاك أ محشمتيش قاطع علينا لحظة مخليتيني ندوق لحلوة كيدايرة نبقى انا هكا عاجبك الحال أأ كالسين نشربو ليه فلعشوب على لخوا لخاوي، جا آسر وراها هزها رجعها وراها أو وقف كمايو هز ايدو حتى لسما عطاه بالبونية لوجهو خلاتو يجيح فمرة هزوه لبوليس وجا عندهم جمايكا

جمايكا:واحد سيد من ديك دار لي لهيه سمع لغوات وصداع وجا كالهاليا خفت لاتكونو انتوما جبت معايا الامن وجيت يكما طرا ليكم شيحاجة؟

آسر:لا والو الحمد لله والو صافي غير سير انت

جمايكا:يكما بغيتو شيحاجة نوصلكم لوطيل؟

آسر:لا غير سير،دار كتبان ليها إيثار خلاتو وغادية

آسر:إيثار إيثار بلاتي وقفي إيثار،خلى جمايكا وتبعها غادية جيهت لبحر بعدات عليه بشحال وهو تابعها بخطوات سريعة كتبان ليه وصلات لبحر وطلعات مع دروج ديال واحد تشابولة مديورة بشتم ولخشب مشدودة بالحبال بين واحد شجرة تبعها وطلع فدروج لقاها

لقاها كالسة ومقابلة مع لبحر ولقمر كيبان كبييير ضو ديالو كيعكسو لبحر

آسر:علاش خليتيني ومشيتي؟

إيثار:خنزرات فيه)حيتاش انا كنجيب غير لمشاكيل وصداع راس ياك هادشي لي كلتي؟

آسر:اوووف أخ منك أخ،كلس حداها مشافتش فيه كتشوف فلبحر قدامها

آسر:انا مقصدت والو وانت عرفاني غير حيت تعصبت وصافي واخا تكوني كيفما بغيتي تكوني انا كنبغيك وقابل بهبالك وهادشي لي كنحماق عليه فيك ودابا محشوماش عليك تشرشمت هاد تشرشيمة كاملة ومخاصماني وزين وتوتوز ولعسل ديالي،شافت فيه

إيثار:مجاش معاك تمسكين وتعناب احيدو منك كيجي معاك تكون راجل

آسر:وراني راجل ونص نبين ليك، رجعت شافت فيه ودورت وجها شوية رجهت شافت فيه مخلوعة دغية شدات ليه وجهو 

إيثار:ولقلق على وجها)ناري مضروب فوجهك 

آسر:ماشي شيحاجة

إيثار:لا بلاتي صبر بقا هنا انا جايا

آسر:فين غادية تاني؟

إيثار:غير كلس هنا انا جايا دابا،خلاتو وهبطات شوية رجعات هازا شي ورك بحال ديال شجر واحد لحجرة صغيرة طلعات وكلست حداه شدات ديك لوركة هرستها بديك لحجرة حتى خرج منها داك لما هزات وقربات لوجه آسر كتهز من داك لما وتحطو على وجه آسر

آسر:أأح بشوية

إيثار:تبوحط تبوحط، هيا كدوي ليه وهو كيشوف فيها حاضي ملامح ديالها هز ايدو وحيد ليها واحد لخصلة على وجها دارها ورا ودنها ونزل بصبعو بلخف وبشوية من ورا ودنها لعنقها إيثار بدات كتسرط ريقها وقلبها كيضرب

إيثار:فخاطرها)هادا واخا يتحماو عليه لقبيلة كاملة مايدي منو لاحق لاباطل وهو شارب لعشوب ناري مشيت فيها نهرب ونغطس ويكول راه غرقات حسن

آسر:حبيبي فاش كيفكر كيفكر يهرب تاني ولا فشي بلان جديد أم؟

إيثار:شش شكون أنا الا لا علاش انهرب احم علاه كاين علاش نهرب؟

آسر:لا مكاين علاش تهربي،طلع ايديه لايدها زولها على وجهو وحيد ليها ايدها تانية

داهم لفمو هبط بشفايفو على صباع ايديها كيبوس كل صبع بوحدو خلى رعشة طلع مع رجليها لراسها ايمتا رجعها لور وتكاها معرفاتش حلات عينيها كيبان ليها وجهو على وجها نزل بشفيفو على شفايفها كيبوسها بكل حنان وحب لا شعوريا دورات ايديها وراه عنقاتو هو كيبوس فيها وايدو كتزول ليها تيشور لاحو نزل بفمو لكتافها وعند صدرها عقلها مابقاش محكم فيها ايدها كتلعب بعقاد قميجتو حيداتها ليه كتحسس عضلاتو تحت ايديها قمر بوحدو هو لي شاهد على تلاحم لاجساد ديالهم بجوج حتى واحد مكيسمع أهاتهم بجوج نساو لعالم كلو خالقين حياة بوحدهم غير هوما لي كاينين فيها ولحب تالتهم شي لي كانت خايفة منو إيثار مابقاتش حاسة بيه نغزة خلاتها تغوت كرشها تهزات سكتها آسر بوسة طويلة وأخيرا ولات مرتو إسميا وجسديا،بدا ضو ديال صباح كيطلع هي ناعسة مخشية فيه قلبها كيضرب وهو كدلك قطع هاد صمت صوت ديالوآسر:كنبغييك بزااف

إيثار:وانا كنمووت فيك

آسر:مكرهتش نزل نعوم فلبحر تعومي معايا حبيبي؟

إيثار:مخاصنيش نعوم بلما بارد

إيثار:أوبس نسيت انا راجع احبيبي، هز سروال ديالو وهبط غير بالبوكسور تكات إيثار على جنبها مقابلاه مشا كيجري جيهت لبحر شحال وهو كيعوم شوية خرج لبس سروال ديالو وتم راجع صدرو كيبري وشعرو فازك ناضت هي بشوية عليها موعتة شوية ومدكدكة لبسات عليها بشوية بغات تحدر تلبس شورط مقادتش وقف عليها

آسر:بلاتي انا نلبسك،تحنا هز شورط لبسو ليها لبس قميجتو دار وراها بلخف هزها بين ايديه

إيثار:هبطني انا قادة نتمشى

آسر:هاء انا انهزك وبلاما تعتارضي اوك،نزل بيها دروج غادي بيها هازها وهيا مدورة ايدها عليه عاجبها لحال بزااف لجو كان زوين

آسر:انا فرحان بزاف وكنحس براحة كبيرة حيت كاين معاك مع روبن هود ديالي

إيثار:هههه حتى انت هههه واخا ابلارج ديالي...

ايثار حبيبي نوضي براكة راه مشا لحال نوضي خلاص،إيثار كتشبح وتقلب 

إيثار:بلاتي عفاك والله حتى مسخسخة

آسر:نوضي انعاسة خلاص يلاه،جرها من ايدها وهي ناعسة هزها بين ايديه نيشان لحمام

آسر:يلاه نوضي انا وجدت ليك لحمام نوضي خلاص

إيثار:مدوخة)والله مافيا عضم صحيح 

آسر:بسيف لبارح قتلة ديال لعصا لي كلينا ومن جوج جوايه،دورت ايدها عليه

إيثار:عومني انت نيت شنو بان ليك؟

آسر:كتجبديني الى عومتك راه ماحنا فخير وانا بغيت نحاول على حبيبة ديالي جرح مزال جديد يكفي انو شاد راسي غير بزز عليك باش مانأديك

إيثار:يخليلي حبيبي لي كيخاف عليا يلاه صافي واخا انا اندوش ونجي،قبل مايخرج طبع بوسة كبيرة جنب فمها وخرج حيدت شوميز لي كانت لابسة ودخلة لبانيو غسلات عليها وطرفات حالتها عاد توكضات شوية جبدات لبينوار دلحمام لبساتو وخرجات لقاتو واقف عند لبالكون لابس سروال دجين كحل مع قميجة بيضة هاز كاس ديال لقهوة فيديه

آسر:بصحة وراحة،حط كاس ديال وجا لعندها عنقها كيدوز على شعرها بعدها عليه شد راسها بين ايديه باسها فلحنك ليمن رجع شاف فيها وباس لحنك تاني حس بيها حمارت نزل على فمها بوسة دورات ايديها ورا راسو كتبوس فيه حتى تسمع دقان فلباب بعدات عليه

إيثار:شكون أيكون؟

آسر:مغنهناو يمكن حتى نرجعو فحالنا،بعد عليها ومشا فتح لباب لقا جمايكا واقف

جمايكا:سمحوليا على الإزعاج ولكن رئيس لبلدية مع مدير لفندق كيتسناكم

آسر:أه واخا شوية وانجيو شكراً،سد الباب ورجع عندها

آسر:جمايكا كاليك رئيس البلدية ومدير الاوطيل بغاونا

إيثار:علاش؟،كتسول فيه وهو خاشي وجهو فعنقها

آسر:معرفتش خليهم يتسناو اش بغيناهم،تملصات منو وبعدات

إيثار:لا حشومة نخليو ناس يتسناو يلاه نشوفو شنو بغاو وزايدون ياك كلتي انا مزال عيانة زخاص تكايس عليا ولا بدلتي كلامك؟

آسر:همم واخا هاهو الالة غادي معندي مندير بلا هواية ماشي بيدي ولكن غادي نصبر يلاه سيري لبسي حوايجك نهبطو نشوفو شنو بغاو،قربات ليه إيثار باستو فحنكو ومشات لباليزتها هزات سروال دجيت مع كوستيم ملون وشوميزة ديالو جمعات شعرها على شكل كعكة رشات ريحتها وهزات ساكها شافت فيه لقاتو حاضيها

إيثار:مالك كتشوف فيا؟

آسر:أول مرة اتبدلي قدامي مارديتيش ليها لبال ههههه

إيثار:تسيت ههههه صافي من بعد لبارح يمكن راه مابقات حشمة بيناتنا يلاه زيد حاضي غير لاخرات،جراتو من ايدو وخرجو من شومبر هبطو كيبان ليهم رئيس لبلدية واقف مع مدير ديال لوطيل غير شافوهم بداو كيصفقو إيثار كتشوف فأسر وكضحك جات واحد لبنت بلباس ديال المنطقة هازة مشموم ديال الورد او واحد لكرطونة منمرة عطاوها لإيثار

إيثار:شكراً بزااف عدبتو راسكم

المدير:هدا واجب حنا فرحانين حيت أخيراً تلاقيتي براجل المناسب 

رئيس:وبهاد لمناسبة قررنا نديرو ليكم حفل زفاف هلى طريقة ديالنا منساوش شحال خدمتينا فاش كنتي خدامة هنا وكنتي كتحسبي لبلاد بحال الى بلادك 

إيثار:انتوما عارفيني من شحال هدا شكرا بزااف والله معرفت منكول ليكم ولكن حنا عندنا شهر واحد قررنا ندورو فيه لمغرب داكشي باش معندناش وقت

رئيس:كلشي واجد فاش كنتو انتوما ناعسين بقاو غير انتوما صافي 

آسر:الى كان بحال هكاك مرحبا بلاما نحرجوكم هدا شرف لينا والله،عيط رئيس على جوج بنات شدو إيثار من ايديها داوها وأسر بقا معاهم رافقوها لواحد لبيت فالاوطيل نيت كلسوها اول حاجة بداو ليها بشعرها ضفروه ليها وجمعوه على شكل كعكة كبيرة حلو بواطة كبيرة جبدو منها كسوة ايفريقة منمرة كلها كتبري بتوب واقف لبسو ليها صاية هيا لولة وعاد واحد توب لواوه ليها من جهة صدر ولخصر فتحو ديك بواطة لي عطا ليها رئيس جبدو منها

واحد لكوليي ديال دهب فيهم جوج نياب صغار لبسوه ليها مع اكسيسوارات ومكياج إفريقي جات فنة بحال تحفة فنية خرجوها بشي زغاريت وأغاني فشكال هبطوها مع دروج وخرجوها على برا لقات جردة كلها عامرة ولغنا ديال الافارقة كيبان ليها أسر موكفينو مقداتش تمالك راسها طرطقات بضحك من لمنظر ديالو ملبسينو سروال بحال صايا مع قميجة او واحد شد شادين ليه بيه راسو 

آسر:لي كان يكون انلبس هكا مغاديش نتيقو بسبابك وليت كندير شي حوايج مكنوش على لبال(طول شوفة فيها وفضحكة ديالها)فخبارك جيتي بحال نيفرتيتي تحفة فنية

إيثار:راه انت لي تحفة نيت ناري مقاداش نحبس راسي من ضحك والله اووف اقلبي هههههه جاتك صايا واعرة بزااف

آسر:هادشي كامل اتخلصيه انت غير بلاتي حتى نبقاو بوحدنا

إيثار:انا فترة نقاهة دابا مخاصك تيقيسني ولا تقرب جيهتي حتى تفوت 7يام 

آسر:بحال نهار داز لعرس ب 7يام مغاتمشاش عليا 

آسر:سول لي بغيتي تسول وشوف واش عندي صح ولالا

آسر:واخا يسالي هادشي ونتفاهمو

إيثار:واخا حتى يسالي،حتافلو بيهم مزيان ودارو ليهم احسن حفلة نوضوهم يشطحو مع الافارقة لوخرين مسالات لحفلة حتى ليل عاد سلات.

"فلبيت"

إيثار:عييت والله(كتجر ليزار)

آسر:تكى حداها)امم زعمة كتعلميني منقربش حداك 

إيثار:لا كنهضر بصح انت ديما ظالمني،كتشوف فيه شوفات ديال تمسكين

آسر:جرها عندو)اجي عندي اجي الالة يكفي غير تكوني حدايا نصبرو حنى هاد 7يام فخبارك صباح خاص نوضو بكري باش تلقانا فطنجة ان شاء الله ومن تماك نبقاو هابطين

إيثار:متحمسة لهاد سفر بزااف وعجبني لحال منين سايرتيني وختاريتي ندورو مدون لمغرب كاملة فبلاصت شي دولة أوروبية

آسر:كيدوز على شعرها)اوروبا طلعات لينا فراس وكاينين شي مدن لحد دابا عمري زرتهم واحسن حاجة هيا حبيبتي تكون معايا،علا ليها راسها

ونزل بشفايفو على شفايفها باسها بوسة طويلة وخشاها وسط صدرو بحال شي بيبي صغير حتى غفات ونعسات.

مع صباح بكري فاقو بجوج دقة وحدة خداو دوش بجوج بيهم بلا بسالات ولكن ضروري من نكهات صغيرة جمعو حوايجهم وخرجو يتسيفطو مع مدير لفندق

إيثار:عيطي على سهيل يسيفط ليك طيارة؟

آسر:وي حبيبي لبارح بليل هضرت معاه،جا عندهم المدير

المدير:صافي اتمشيو؟

آسر:مد ليه ايديه)أه يلاه نبداو سفر ديالنا شكراً ليكم بزااف على حسن الاستقبال وعلى لحفلة ديال لبارح ويلى جيتي لمغرب مرحبا بيكم هادي لاكارط ديال شركة انا فالخدمة 

المدير:اووه موسيو تايغر شكراً بزااف ومرحبا بيكم فأي وقت مدام إيثار انت بابنا مفتوح فأي وقت والى بغيتي توم تديه معاك معندنا حتى إشكال

إيثار:ماشي دابا بينما قديت محمية ديالي كون اكيد انخطفو منكم هههه

المدير:هههه مرحبا بيك انت اولى بيه هادي ماشي هضرتي هضرت حتى رئيس البلدية

آسر:يلاه خلينا ليكم راحة فرصة سعيدة

المدير:ونحن الأسعد،سلمو عليه وخرجو لبرا كان كيتسناهم جمايكا هز ليهم لبالز فتح ليهم لباب دخلو بجوج لكوموبيل وركب هو ساك بيهم لباحة فين كانت كتسناهم طيارة آسر لخاصة نزل ليهم جمايكا لبالز 

آسر:شكراً جمايكا راه خليت ليك واحد جوا فالاستقبالات

جمايكا:شكراً شكرا ليكم رحلة ممتعة ليكم،طلعات إيثار هيا وأسر وشدو طريق لاول مدينة ولي هي طنجة عروس الشمال..

"بعد مرور شهر"

من بعد شهر داز فدوران وتحواص فالمغرب كلو من طنجة لمدينة لعيون "فمطار محمد لخامس بدار البيضاء"

إيثار:مشفتش سهيل فين هو؟

آسر:سونيت ليه كاليا خوك كريم لي بغا يجي يدينا حيت دايرين لينا عراضة فظار عندكم

إيثار:والله الى أحسن حاجة توحشت دار وتشهيت شي قصرية ديال رفيسة

آسر:يكما؟

إيثار:لاواه لاواه زدتي فيه يلاه شهر هدا

آسر:وحبيبك عندو

تلموطور طاق امارش غير الما بغيتيش تحمليإيثار:مالك مومسيخ مالك؟

آسر:لهضرة ماشي دابا خوك جاي،تم جاي كريم عندهم

كريم:لهرابة كنتو عندنا حتى وليتو فأفريقيا 

إيثار:هههه والله مكنا دايرين حساب داكشي جا على غفلة فين نوال مشفتهاش؟

كريم:وراك الالة غادي تولي عمة

إيثار:لا متكوليش درتوها مبروك عليكم(تلاحت عليه عنقاتو)

آسر:عنقو) مبروك عليك الابوة اسيدي بصحتك

كريم:الله يعطيك صحة،خرجو لي باكاج خرجو من لمطار رمبو فطوموبيل وشدو طريق إيثار مسكتاتش من تسوال

كريم:شوفي حتى لدار واتعرفي كولشي واش كالو ليا عليك مخبر كنخلي تسوال فلخدمة نجي نلقاه هنا

أسر:ولي سمعها يكول 5سنين هادي مجات لمغرب وهيا غير شهر هدا 

إيثار:شافت فيه)شهر وانت محيد ليا تيليفون طافيه

كريم:صراحة عبر عليك اما كوراه كل نهار مبرزطانة بتيليفون

إيثار:واش كولشي مجموعين فدار؟

كريم:كولشي كاين،وصلو لدار وقف كريم طوموبيل نزلات إيثار كتحنق صبقاتهم كدقدق.

الحاجة:هادا دقان ديال بنتي ميخفاش عليا، مشات بزربة فتحات

إيثار:ها المبرزيطة ديال دار جات(عنقات مها)

الحاجة:هههه عارفة راسك مبرزيطة فين آسر؟

إيثار:وكولي غير على سلامة دغيا كتسولي على آسر خدا ليك عقلك

الحاجة:الله يمسخك على سلامتك مالك كنتي شادينك بوليزاريو، خلات مها كتسلم على آسر لي دخل وهيا مشات تكمل سلامها على مالين دار خلطات عليهم الحاجة وأسر إيثار مخشية تحت دراع باها مخشة فيه

الحاج:كيسلم على آسر)مرحبا بيكم اولدي كيدرتو مع سفر كولشي مزيان؟ 

آسر:الحمد لله الحاج

إيثار:فين ديك دواح ديال نوال،شوية حتى خارجة نوال من لكوزينة خاشية كل قشرة ديال ليمون قد صندالة فنيفها اشافت إيثار ومشات كتجري كتبوس فيها وتعنق ودمع

إيثار:اويلي اختي انت مالك تكولي كنت مسجونة مالك كتبكي مبروك عليك

عليك أشنيولة درتيها،نوال خنزرات فكريم

نوال:داكشي باش مبغيتيش تديني وعارفني ميتة نشوفها

كريم:لوحم راه جاها عليك دور وتهز حوايجك وتشم فيهم وتنعس فبيتك وليل نهار تهترت بيك وكتليك فاش تجي تكلس عندك حتى تولد

إيثار:خرجات عينيها فيها)سيري نعلي شيطان كاليك حتى تولدي عندي كلسي فدارك

نوال:راه دارنا وجدات وبغا يديني وانا مابغيتش مالك مسمومة أختي

إيثار:اجي فين هيا ريم وأسية؟ 

الحاج:ريم ابنتي راها فلقراية وختك أش انكوليك مهم متخلعيش ماشي شيحاجة

إيثار:تشوشات كيفاش ابابا مافهمتش ياك لاباس

أسية:هاني جيت،دورت إيثار راسها وقفات مبهوضة آسر وقف حتى هو

آسر:سهيل أش كدير هنا؟

إيثار:أويلي مالكي تاني واش كيدير سهيل معاك،تم هابط سهيل هاز أسية دايرة جبيرة لرجلها

أسية:هداك هاه حطني فوق سداري لي على ليمن لالا لي على ليسر حسن كاع

سهيل:جنية طالعة ليه)رصاي على سداري واحد راه ماشي خدام عندك أنا

أسية:حسن ليك سكت ولا تبات فلبنيقة

سهيل:نبات حسن من هاد دل هدا

آسر:شي واحد فيكم يفهمني شنو واقع هنا؟

إيثار:حتى انا مفهمت والو اش واقع؟

سهيل:انا انفهمكم ختك الالة كتبوحط انا جاي فطريق وهيا خارجة من لمول ملقات فين تلوح راسها غير قدام طوموبيلتي وكاتليك حكا ماحكا خاصني نولي خدام ديالها الى بغيتها متشكيش بيا صراحة وسمحليا الحاج واخا بنتك حاس دايراها غير سبة

أسية:انا المبعصص دايراها غير سبة ياك

الحاج:أسية شوية دسكات راك بنتي وانا عارفاك كتبقاي غادية غير طفشي مكتعرفي فين تحطي رجليك

سهيل:الحمد لله هاهو باها وشهد فيها

أسية:بابا ماشي كدام لعديان

إيثار:ماما انا انطلع لبيتي نرتاح راسي اينفاجر

آسر:وقف)سهيل اجي معايا بغيتك،شوية تدق لباب مشات لخدامة حلات حتى سمعو صوت وراهم"سلامو عليكم"

إيثار:أويلي اش كديرو نتوما بجوج؟

ريم:كتبلع فريقها)انا يلاه جيت تلاقيت معاه عند الباب

إيثار:أجي معايا انت وانت(مع نوال)، طلعات نوال وإيثار لبيت وتبعاتهم ريم هازة كتوبها وحادرا راسها

آسر:موجه هضرتو لحاج)سمحليا اعمي انا راجع

الحاج:خود راحتك أولدي،جر آسر غسان من ايد وسهيل من ايد وخرجهم على برا،وقف بقا عطيهم بظهر وداير ايد على جنبو ولوخرا كيدوزها فشعرو دار كيشوف فيهم خدا نفس عميق او برودة نطق:

آسر:وقيلة كنتسالكم تشرحو ليا شحال من حاجة أولها انت اسي غسان شنو كدير هنا سيادتكم شنو جابك بعدا وانت اسهيل علاش مكلتيش شنو واقع هنا؟

سهيل:انت كنتي فشهر العسل مابغيتش نخربق ليك عقلك كلت حتى تجي وغادي تعرف وانت عارفني مع سوكان معنديش فيه مشكيل المشكيل فيها هيا وانت عارفها كتر مني انا بلاما نكوليك

آسر:وانت اسي غسان؟

غسان:انت عارفني شرح ملح ميخنز وكنجي بنادم فاص انا كنبغي ريم

آسر:صغر عينيه)شنو متبغي ريم شوف اغسان مكاين شي واحد فهاد دنيا كيعرفك كتر مني خليني مزيان مع نسابي ريم باقي صغيرة وانت بو بنات و..

غسان:بجدية)انا عمري كنت معقول فحياتي حتى لدابا هاد لمدة كلها لي مشيت فيها وانا كنفكر فريم وقديت شغالي باش نستاقر هنا انا كنبغيها من قلبي مكنتفلاش بغيتي تيق مابغيتي انت تعرف ولا انت لا مراتك لا حتى واحد اخور مغادي يوقف ليا فطريقي وديرها فبالك غدا انجي لعندهم ونخطبها رسميا انا علمتك،ضرب فيه ومشا فحالو خلى آسر غير كيشوف

آسر:شفتيه كيفاش كان كيهضر معايا؟

سهيل:عمري شقتو فحياتي جدي بحال هكا يكون كيبغيها بصح؟

آسر:معرفتش والله ولكن بان ليا هادلمرة دار عقلو ولكن إيثار موحال توافق مراتي وانا كنعرفها.

"عند إيثار فلبيت"

إيثار غادية جايا ونوال هازا زلافة كبيرة عامرة بزريعة ديال لكرعة كتاكول فيها وحاضية إيثار

إيثار:شافت فنوال)

زعمة مابغيتيش تهضري ياك نوال اطلعيهم فيا غادي...

نوال:شش صافي انكوليك كولشي شوفي بلعربية تاعرابت أسية ولات كتبغي سهيل وهيا لي لاحت راسها قدام طوموبيلتو بلعاني باش يجي لهنا ويقابلها وتبقى تشوفو ليل ونهار صافي انا كلت كاع لي كنعرف

إيثار:كتصرط ريقها مخرجة عينيها)أسية دارت هادشي كولشي وبنادم مابقاش سويهل ياختي زيدك لبوليسي ولا كيحب وديك زريمقة ديال ريم

نوال:لالا ريم قرايا لدار دار لقرايا والله توحشتك والله،شافت فيها إيثار

إيثار:نعلي شيطان راه كتجيني بحال الى وليتي من هادوك

نوال:واراه واحد طاقة كبيرة فيا ومهاوشة عليك والله

إيثار:يكما وليتي ليسبيانة ابنت لحرام من فعلك راه حالتك معجبانيش نوضي عفاك خليني انتكا راسي ايتهرس

نوال:كتندغ زريعة)وانت زعمة محملاش؟

إيثار:نوضي خرجي نوضي،هزات ليها زريعة وشداتها من ايديها مخرجاها)سيري لبيتك ونقي زريعتك على راحتك

نوال:كتغبن وخليني معاك نشم اريحتك احميمتك

إيثار:لالا انت هبلتي مافيهاش،خرجاتها وردات لباب وتلاحت على سداري

إيثار:اوووف اراسي، تفتح الباب ودخل عليها آسر

آسر:حبيبي يكما مريضة وجهك صفر

إيثار:ختي هبلات وتسطات عرفتي أسية شنو دارت ولالا هيا لي رمات راسها على طوموبيلت سهيل تخيل 

آسر:شد ليها فيديها كلسها على رجليه)وايلي علاش هادشي؟

إيثار:ولات كتبغيه ودارت هكاك باش يكابلها وتولي تشوفو ليل ونهار

آسر:كيباني ليا كاع بنات هاد العائلة ايتزوجو

إيثار:شافت فيه علاش كتكول هكاك؟

آسر:غسان بغا يتزوج بريم

إيثار:من نيتو داك بعلوك بو بنات واخا ولد خالتك سمحليا انت عارفو كتار مني انا

آسر:اه كنعرفو وكلتها ليه ولكن عمري شفتو جدي فحياتو بحال هاد لمرة حول خدمتو لهنا باش يكون قريب منها وكيتحدا اي واحد يوقف فطريقو واخا يكون انا لي طول عنرو كيحتارمني

وكاليا نكولها ليك حتى انت وديري فبالك غدا ايجي يخطب ريم يعني سيد راه مصر على ختك

إيثار:همممم(كتفكر)

آسر:انا عارف داك لعقل ديالك فاش كيفكر أقسم لك يمينا وتمشي حتى ديري شيحاجة متلومي غير راسك وانا نكوليك والله حتى ندير شيحاجة متعجبك خلي الأمور تمشي على طبيعتها وبلاما دخلي

إيثار:وراه ختي هاديك

آسر:باك مزال حي لي ايحكم ماشي انت دخلي سوق راسك شوية مفهوم يلاه نمشيو لدارنا بغيت نرتاح

إيثار:انبقى هنا حتى يجي ولد خالتك ونشوف شنو غادي يكول

آسر:والدة عارضانا لعشا مع 8 تكوني واجدة اوك

إيثار:واخا ان شاء الله

آسر:يلاه احبيبي رتاحي دابا انمشي نشوف احوال شركة ونرجع اوك

إيثار:اوك حبيبي الله معاك،جبدها لعندو باسها بوسة طويلة خلاها وخرج رجعات براسها لور وتكات حتى داها نعاس.

"فشركة"

سهيل:كك كيفاش واش هادي مصطية ولا خرج ليها لعقل وكون طرات ليها شيحاجة غامرات بحياتها ورامية راسها قدام طوموبيل،آسر كالس على لكرسي داير رجل على رجل وكيلعب بيديه فوق لبيرو وحاضي سهيل

آسر:همم معرفتش علاش كنحس حتى انت كتعجبك أسية

سهيل:هز حجبانو)هاه شكون انا من نيتك آسر الله يخليك بلا تفليات اصلا غادي نمشي ليها ونوريها كيفاش تضحك عليا

آسر:زعمة مكتعجبكش ولاو غير شوية غير بيني وبينك

سهيل:بدون تفكير)أه

آسر:شنو كلتي؟

سهيل:هاه كلت لا بطبيعت الحال

آسر:سهيل كلتي اه فالاول ادا كتعجبك بلاما تبقى دوخ عليا راني عاجنك وعارف شنو تحتك آسر هدا ماشي شي واحد غريب،وقف سهيل هز واحد الملف وعطاه بظهر

سهيل:انا عندي منقضي نشوفك من بعد

آسر:غير بقى خبي وبدل فلموضوع تهرب قدما بغيتي اتحصل اتحصل،طالع آسر على الاوراق وطمن على لخدمة ورجع لدار كتبان ليه إيثار عند الباب واقفة كتسناه لابسة سروال دجين مع فيست طويلة فالموف فيها وريدات وشوميز

وشوميز ديالها وهازة ساكها غير شافتو وقفاتإيثار:هدي هيا 8 تعطلتي بزااف من صباح وانا كنتسنى فيك

آسر:باسها)حبيبي راه زحام فطريق يلاه يلاه باش وصلت

إيثار:دخل دوش هو الاول ولا نمشيو؟

آسر:غمزها)خلينا حتى نديرو علاش بعدا أمم

إيثار:هزات ساكها ضرباتو بيه)زيد قدامي مغاديش تحيد منك هاد تطوال لسان

آسر:شيحاجة فيا صعيب تحيد أحبيبي بدا تيليفون آسر كيسوني يلاه مشينا الوالدة كتعيط فتيليفون بلامانزيدو نتعطلو،فتح ليها باب طوموبيل ركبات ركب هو وديمارا لدار والديه وصلو ستقبلاتهم لالة نادية أحسن استقبال هيا وسي جمال من بعد الاخد ورد تجمعو على طابلة ديال لعشا نقز جمال

جمال:بنتي ايثار كالو ليا خطيرة فلعبة شطرنج؟

إيثار:عمي بركاكك صحيح وعرفت شكون هو ولكن جاب ليك المعلومة صحيحة

جمال:شنو بان ليك فشي طرح ورا لعشا؟

آسر:هيا لي متعاودش الله أودي

نادية:بنتي كاليك آسر غسان بغا ريم لزواج

إيثار:اه كالها ليا ولكن انت عارفة غسان راه بو لعيالات وسمحيليا واخا ولد ختك ولكن انا مكنعرفش نسكت والله فمي كياكلني وخاصني نكول لي كاين 

نادية:كضحك)لا ابنتي خودي راحتك ولكن كنحلف ليك الى غسان تبدل بزاااف مابقاش كيف كان وكيبغي ريم ديال بصح حتى ختي لاحضاتها فيه قطع سهرات قطع كولشي ومستاعد يتسناها حتى تسالي قرايتها

إيثار:الى كان هادشي بصح الله يكمليهم بالخير هادشي لي انكول، سلاو لعشا جمال وإيثار مشاو لصالة كيلعبو

إيثار:والله حتى علبتك بالله وايلي معانن انت هادي إيثار وأجرك على الله ولي معجبناه نفقسوه(كتمعني على آسر)

جمال:لا غشيتي ماشي معقول غلبتيني هادي رابع مرة انا صافي عييت 

إيثار:اودي ودي عولنا عليك بكري دغية ترخيتي معليش اسيدي هاد لمرة ممحسوباش ومغادي نحكم عليك بوالو مرة جايا تخلص الحق،سلاو لعب جات نادية حطات

حطات قهوة ولحلوة كلسو مجمعين نقزات نادية

نادية:فخبارك آسر كان كيبول فلفراش حتى ولا عزري كات محني راجل وكيبول،آسر وحلات ليه بدا كيكح وإيثار ميتة عليه بضحك

نادية:كان عزري يمشي يخرج يلعب مع دراري ويجي لعندي يرضع ماحيد رضاعة حتى ولا كدو كداش

إيثار:بلا فرانات)وكولي مزال شارف لدابا وكيرضع

نادية:كيفاش؟ 

إيثار:ههه كتليك كونما حيدتو ليه رضاعة اتلقايه لدابا كيرضع

آسر:لوالدة لاش هاد الهضرة هادي؟

إيثار:مالك حشمتي نعرفوك كنتي بوال البوال هههههههه 

آسر:صافيييي هادشي لي بغيتي واجا مايسكتها دابا يلاه نوضي نمشي بحالنا

نادية:باتو معانا هاد ليلة

آسر:لابلاش غير ساعة وخويتي ليها لمزيودة اما الى باتت علم الله اش اتعاودي ليها يلاه فحالنا يلاه

إيثار:خالتو ندوش واتساب بيناتنا كملي لياباقي لمعلومات عمو جمال مرة وخرى ونلعبو طرح اخور وهاد لمرة انلعبو على لحكيم

جمال:ان شاء الله ابنتي يلاه تصبحو خير

نادية:هاودوها منين تجي أمنية من سفر

إيثار:ان شاء الله سلمي عليها تصبحو على خير،خرجو من عندهم ركبو فطوموبيل إيثار طريق شادة ضحكة غير بزز

آسر:تنطقيها نهرس لمك سنانك

إيثار:تنطقيها نهرس لمك سنانك

آسر:تهرسي ليا انا سناني بديك لفورمة

إيثار:تهرسي ليا انا سناني بديك لفورمة

آسر:كيجاتك فورمتي راجل ونكد بيها

إيثار:كيجاتك فورمتي راجل ونكد بيها

آسر:إيثار بلاما تهبليني

إيثار:إيثار بلاما تهبليني

آسر:بلغوات)إيثار

إيثار:بواااال هههههههههه واااااع البوال كنتي كدير بيبي فلحوايج كبرتي ولا عندك كد لكبالةوكدير بيبي فلحوايج محشمتيش ههههههه شرفتي ومزال كترضع ارضايضيع ههههههه واكواك كرشي

آسر:هداك كان صغر مشا وفات ومتبقايش تكولي البواال

إيثار:بلارج لبوال ههههههههه

آسر:راه انهرس لمك فمك غير زيدي راه كنجمع لحسك فيهم....

إيثار:متنساش منين تجمعهم ديرهومليا فالبنك شعبي ابلارج لبوال 

آسر:واخا مكلتي عيب حتى هدا كلام،زطم نيشان لدار إيثار حطات راسها على لكرسي عرفاتو فاش كيفكر غمضت عينيها ودارت راسها ناعسة كتشخر،دور راسو جيهتها كتبان ليه حالة فمها ناعسة

آسر:اهاه دغية نعستي ماشي مشكيل،وصلو لدار دخل طوموبيل لباركينك ديال دار نزل هزها بين ايديه وهيا عاجبها لحال عند بالها تاق بيها حتى كتحس براسها تهزات وتلحت فوسط لبسين

إيثار:ببللبيمزةريبتتتن كتمتم بالخلعة ولما بارد

آسر:هادي غير لقليل باش تعلمي تسدي داك لفم عندك وهاد لمرة انكلعو ليك بيدي

إيثار:كضرب فلما ولي شاف طولة يكول هنا نبات وانت عقلك قد لعدسة هادو فعايل هادو كيديروهوم اصحاب 15 لعام ابلارج لبوال سلوكي 

آسر:واش مكتحشميش مزال زايدة فيه خليني متاقي فيك وجه الله اديك نص بلاصة واش كتقلبي على شي دكة فهاد ليلة؟

إيثار:حربوش اجي قيسني ولا مسني وتشوف والله حتى ندير ليك موتة حمار فهاد لبيسين ونكوليهم كنت بغيتي تغرقني وتهنى مني انا راه هبيلة وبوراقية

آسر:أستغفر الله العظيم وأتوب إليه لا حول ولا قوة الا بالله

إيثار:هاء نزل عليك لايمان دقة وحدة وجهك مصندل

آسر:خليك تكلاصاي شوية انا طالع، خلاها وطلع

إيثار:ولهية خلاني بلارج لاخور سمح فيا وخلاني ولاحني فبيسين بلا حشمة بلا والو،تمت طالعة كتجر فحوايجها لي تقالو بلما بثات واقفة كتسقطر حسات بشيحاجة تقيلة طاحت على راسها هزاتها لقات لفوطة علات عينها لبالكون بان ليها واقف فيه بدل عليه دغية

آسر:مسحي بيها وانت كتفيبري ابوحدك،صغارت إيثار عينيها وخرجات ليه لسانها لوات عليها لفوطة حيدات صباطها هزاتو فيديها وطلعات دخلات نيشان لحمام طلقات سخون حيدت حوايجها وتخشات تحتو حسات بسخونية رجعات ليها لبسات بينوار وخرجات

دخلات لبيت حانية راسها نيشان لماريو جبدت بيجامة سخونة وكتبركم

إيثار:كيفما عدبتيني فهاد ليل بغيت بوغطاط يجيك بليل يقجك حتى يخرجو عينيك بغيت لالا ميرا تسكنك بسم الله الرحمن الرحيم دكرنا سمن ولعسل بغيت لقمل يلعب زليكة فداك شعر لي عاجبك وصيبنة ماتلقا فين تبول تبوليك شعرك انت بوال وهيا بوالة وتلاقاو...قطع فيها لمعيور

آسر:مجبد على نموسية)غير عايري بجهد واسمعتك

إيثار:دورت راسها شافت فيه)هممم ولاش انعدب راسي ونعاير بجهد انت اصلا ودنيك دايرين بحال لانتير ديال شحال هادي داك لي كانو كيشدو بيه بورتوكال كايشد جميع الاقمار الله يستر غير طالقهم كيف صرافق وتجسس مابقى حد يهضر مع ضميرو مع داتو ودخل فيا كولني انت كاع تريكة كيدايرة

آسر:واش انت شويةلاباس ولا مضروب مخك بفردي خاوي ولا مالك كنتي صحة سلام دغية تقلبتي ياك لاباس

إيثار:ياخويا انا مشاماكش محملاكش كاع عرفتي اشنو انهز حوايجي ونعس فلبيت لاخور انا كاع مالي عليها،خرجات كتجر فرجليها لبيت لوخرا دخلات وسدات عليها وتلاحت على نموسية وغطات وجها وسدات عينيها شوية رمات لغطا من على وجها بدات تغبن وهيا طلق دموعها هيك هيك هيك وتنخصص

إيثار:أنا أصلا معنديش زهر انا معنديش ديما كيطرا ليا هكا مال زهري مكفس مالو اش غير حالو اهيء اهيء أنا صلا كنشك فراسي ماشي بنت والدي جايبيني امن زنقة انا مالي هكا انا عارفة بلارج ولا كيخوني مابقيتش عاجباه مابقاش حاملني،سمع آسر كاع كلامها حيت كان واقف كايتسنط تم داخل نشا حداها وكلس جرها عندو

إيثار:ختاينها ودموعها هابطين)بعد مني سير عند عشيقتك انتوما رجال بحال هكا ديما علاش علاش كديرو هكا من بعد شهر زواج كتقلبو كيف لحيات 

آسر:حبيبي الله يهديك اش واقع ليك هاد نهار حالتك معجبانيش

إيثار:شفتي شفتي دابا بغيتي ترضني

حمقة ياك وكنلوح حوايجي باش تكوليهم انا حمقة وتخرجني وتجيب عشيقتك لهنا شفتي انا عقت بيك منين كنتي كتشوف فديك خيتي ديك سرباية ديال طياير هادي زعرة مولات لجيبة بلو مارين

آسر:ياربي صبر من عندك والله مكاين شيحاجة داكشي لي كتكولي الله يهديك واش انا كنموت عليك وحولت خدمتي كلها لهنا باش نشوف وحدا خرى الله يهديك حبيبي انا كنبغيك

إيثار:شافت فيه بنص عين)أصلا كيكولو الراجل منين كيبدى يتبلحس عليك عرفيه داير شي كاريتة اشمن وحدة فالكوارت دايرغير عتارف دابا حسن

آسر:اوووووووف بناقص صبر تقادا أو انا انمشي نعس تصبحي على خير،ضرب بالباب وخرج خلاها كترمش وتشوف فلباب رجعات راسها لور وكملات لبكى ديالها حتى داها نعاس...

"فصباح بكري"

غسان:صباح نور توحشتك بزااااف

ريم:حتى انا واش بصح جاي ليوم عندنا مزال ممتيقاش

غسان:غير تيقي الالة عندك غير ختك دير لينا لعصا فرويضة كلشي ليه دوا حتى لإيثار ماليها دوا

ريم:متكولش هكاك ختي هاديك وكتبغي ليا مصلاحتي 

غسان:مكلناش شيحاجة ديال لعيب انا كنبغيك من قلبي والله شاهد على كلامي مابقيتش بغيت تفلية دور فحياتي بغيت نبدا معاك صفحة جديدة كنتمنى والديك يوافقو 

ريم:ان شاء الله يلاه نخليك دابا عندي ميدار بسلامة

غسان:الله معاك حبيبة ديالي،قطع غسان الاتصال وهو فرحان وكيتمنى مايوقع حتى حاجة لي تعرقل خطبة ديالو مع ريم لي ولا كيبغيها بجهد..

فاقت إيثار ضارها راسها دخلات لدوش خدات دوش خفيف خرجات بلبينوار مشات لبيت ديال نعاس كتبان ليها نموسية خاوية مشات لماريو ديالها هزتت تريكو كولمونتي فالحمر وصايا كحلة مع صباط كحل نشفات شعرها مع رش بسيطة من لعطر ديالها وهبطات كتبان ليها طبلة مقادة ولفطور واجد مع وردة او ورقة مكتوب عليها"حبيبة ديالي كنتمى تكوني بيخير انا فقت بكري عندي

عندي شي خدمة غير نساليها انجي اليوم ايجي غسان يخطب ريم كنبغيك"

إيثار:نسيت كاع واش داك بو لعيالات جاي اليوم،مشات كتجري هزات سوارتها ديال طوموبيل قبل متخرج من دار رجعات لطبلة نقبات من لفطور هزات لخبزارت فبه فرماج وكوفيتير وهزاتو فيديها سدات لباب وراها وشدات طريق لدارهم فنص طريق بدا تيليفونها كيسوني هزاتو دارتو على ودنيها سايكة وكتاكل

إيثار:فمها عامر)هممم ألو

آسر:جاعر)فينك جيت لدار مالقيتكش؟

إيثار:انا غادية لدارنا ياك اليوم كلتي جاي و خالتك

آسر:ضرب ايدو مع طوموبيل)إيثار وياك ديري شيحاجة غسان راه هاد لمرة كيهضر بصح

إيثار:اش بغيت ندير ويلي واش منحضرش لختي لاواه زدتي فيه وزايدون متهضرش معتيا مابغياش نهضر معاك،قطعات تيليفون عليه وكملت ماكلتها ناشطة ابوحدها شوية خدمت موسبقى ودارت ستاتي وجهداتو

إيثار:هاديك هاديك استاتي بوشعكاكة واي واي سير عالله...

"عند آسر"

أسر:اوووف منك اوووف،جر الباب وركب وكسيرا بجهد..

وصلات إيثار لدار وقفات طوموبيلتها وتمات داخلة لقات لباب محلول وريحة طياب ولبخورات كتعطي داخلة وكتنش على نيفها

إيثار:واش دايرين لحضرة فدار،جاوباتها سعاد خارجة من كوزينة

سعاد:ابنتي البخور وريحة طيبة ضروري منها وليوم عندنا كناسبة وراكي عارفة هادشي

إيثار:واييياه سليعفانة بغات تزوج،نباتها الحاجة

الحاجة:ختك كبرات وقربات تزوج تايكولو دار لبنات خالية اتخويو عليا دار،جاتها لبكية

إيثار:انا بعدا بلاما تحلمو نخوي عليكم دار كل مرة اتلقاوني عندكم هنا فين هيا ريم؟

الحاجة:مشات داتها نوال تصاوب شعرها اوجها وتقدا شي قفيطين وأسية راها لفوق حابسة راسها معرفت مالها حتى هيا

إيثار:هاديك اخايها حكايتها بوحديتها ماما انا انمشي نتمشى شوية كنحس براسي تخنقت،خرجات وخلاتهم كيرتبو ويقادو وصل آسر هو وكريم دقة وة عند الباب

كريم:اهلا آسر صافا فين إيثار؟ 

آسر:ختك مكتسنى حتى واحد خلاتني فلخدمة وجات هيا

كريم:هههه غير ولف هادشي،دخلو بجوج

الحاجة:مرحبا ولدي 

آسر:الله يبارك فيك اخالتي فين هيا إيثار؟ 

الحاجة:كاتليك خنقاتها ريحت لبخور وخرجات تمشا اتلقاها غير هنا حدا دار،ستأدن منهم وخرج كيقلب عليها حدا دار مكيناش مشا جيهت كوري صغير مكاينة بقا ليه لكوري لكبير طل براسو لداخل مالقاهاش يلاه بغا يشد واحد طريق جيهت سوق كتبان ليه كالسة مربعة وعاطياه بضهر مشا عندها نيشان

آسر:لا تبارك الله كنقلب عليك وانت هنا هادشي علاش تافقنا ياك كتليك حتى نجي ونجيو بجوج،دورت راسها عندو وسع عينيه بصدمة

آسر:أأأشش هاد الحالة انت فيها لا صافي انا غادي نحماق

إيثار:فمها عامر حموم كحل وحاطة حداها خنشة ديال لفاخر او وجها مطلي بلغيس)مالي اش كندير اويلي؟وزايدون انت اش كدير هنا خليني عليك

آسر:لا مكاديري والو غير طالية وجهك بالغيس وحاطة حداك خنشة ديال لفاخر وكالس كول يماتكول نوضي معايا نوضي

إيثار:لا منيضاش واطرطق يلاه

آسر:اهاه حتى هادا كلام،مشا نيشان لجيهتها وهزها على كتافو كتركل وتغوت ربي لي خلقها أو والو غادي بيها تلقا مع غسان ونادية وجمال عند لباب جايبين مشوم ديال الورد وكارطونة ديال لحلوى وشكلاط

نادية:مخلوعة)ولدي ياك لباس شنو واقع؟

إيثار:كوليه يهبطني وكواك بعد مني وعتقو روح اعيباد الله،خرج لحاج ولحاجة وسعاد ونوال وريم بواحد كسيوة بحال قفطان مقادة لحالة

الحاج:ياك لباس اولدي اش واقع هنا؟

إيثار:بابا كوليه يهبطني واه مكنحملوش بعد مني طلقني وتهنا انت كاع 

الحاجة:أستغفر الله ابنتي اش كتخربقي مالك على هاد لحالة واش هادشي دايرة فراسك هبطها اولدي بعدا نفهمو،هبطها آسر وتكلم:

آسر:حصلتها ورا لكوري كالسة حاطة حداها حنشة ديال الفاخر وكتاكول ومعمرة وجها بالغيس هادشي بزااف اعمي بزااف

إيثار:ماشي شغلك ندير لي بغيت لكرش كرشي لوجه وجهي وانت مالك؟

الحاج:ايثااار(بصرامة)حتارمي راجلك،بدا قلبها كيضرب ضبابة غشات عينيها ومطارق خدامين فراسها هزات ايديها حطاتها على راسها فقدت توازن ديالها وطاحت

آسر:شدها)إيثار إيثار كتسمعيني إيثار،هزها بين ايديه مخلوع ومشا جيحت طوموبيلتو كيجري

آسر:كريم حل بيا لباب دغية حل،حل ليه كريم لباب دخلها وطلع مكسيري تبعوه كاملين كلهم مخلوعين داها لسبيطار ديال لحومة دخلها كيجري بيها لمستعجلات عيطات لفرملية على طبيب جا خرج آسر بقا واقف حدا الباب حتى دخلو عائلتها وعائلتو نطقات ريم

ريم:ياربي مبان ليها ايمتا تسخف غير نهار لخطبة ديالي أنا

نوال:انت بانت ليم اخطبتك وختك مبانتش ليك لي معرفنا مالها مالكي كطيري وفيك لفزة بعلوكة لاخرة هاي هاي تحل ليك لفم سكتي لا نزل عليك،ماتلاتش عاودات لهضرة معاها آسر غادي جاي وكيدوز على راسو متوتر

آسر:اووف تعطلو علينا بزااف شنو ايكون واقع انا اندخل مابقيتش قاد نصبر

كريم:غير تهدن دابا غادي يخرجو راه هكا هنا كيتعطلو،خرج طبيب عندهم شد فيه آسر

آسر:شنو واقع ادكتور مالها مراتي؟

دكتور:منقدروش نعرفو والو دابا حنى درنا ليها تحاليل ومايخرجو حتى لغدا

آسر:انا منقدرش نصبر حتى لغدا بغيت نعرف دابا ادكتور

دكتور:انا انسيفطهم لمختبر لي فكازا باغ ايميي ومن هنا ربعة ديال سوايع انعرفو شنو كاين دابا راها كترتاح عطيناها برة تهدنها حتى من أعصابها متوترة

آسر:واخا ندخل عندها؟ 

دكتور:اه ولكن خليها ترتاح،دخل آسر عندها وبقاو لوخرين على برا كيتسناو فاتت ربعة ديال سوايع ومزال تحاليل موصلوش مع 6ديال لعشية تم جاي طبيب عندهم كلهم كالسين ومعاهم آسر كالس وحاني راسو نطق كريم

كريم:طبيب جاي،هز راسو آسر دغية او وقف مشا عند طبيب بخطوات سريعة

آسر:أمضرا وصلو تحاليل ادكتور شنو واقع شنو كاين شوف بلاما تخليني هكا معصب مالها مرتي جاوب دغية مالها،شد ليه كريم فكتفو

كريم:آسر تهدن خليه بعدا يهضر دكتور شنو واقع الله يخليك مالها ختي؟

دكتور:غير تهدنو مكاين لاش تشوشو المدام حاملة مبروك عليك،آسر رجع خطوة لور شد فلكرسي وكلس وكيسمع فطبيب كيهضر

دكتور:غير هو لوحم جاها صعيب شوية داكشي باش ايبان عليها تصرفات غريبة بحال ممكن تاكول شي حوايج غريبة توقعو منها اي حاجة وتقدر تكره شي حد من افراد الأسرة ديالها وتقدر متحملش حتى راسها ولعكس صحيح انا كانعرف واحد دكتورة فكازا اختصاصية تبع معاها متعصبوهاش وخاصها راحة تامة وان شاء الله مايكون غير الخير ومن هنا لساعة ممكن تخرجوها ميكون عندها باس(مع ابتسامة).

كريم:شكراً بزااف ادكتور سمحلينا عدبناك

الحاجة:الحمد لله ياربي كنت خايفة عليها 

نادية:مبروك علينا وعليكم كاملين

نوال:انا كنت حاسة وكلتها ليها وكدباتني اصلا عينيها كانو غير كايلوبو بيضين عقت بيها مزبلاها واخا هيا مكانتش باغية تحمل فهاد لوقت

الحاجة:لي عند الله مرحبا بيها ربي بغاها تحمل من دابا الله يكمل عليكم بالخير، آسر غير ساكت

كريم:آسر آسر مالك واش مفرحتيش؟

آسر:مصدوم)هاه أش كلتي اش كلتو؟ 

كريم:خاصك ترتاح شوية صدمة اترت عليك ولخلعة نوض رتاح شوية نوض،عيط كريم على ممرضة دكات لأسر برا باش يتهدن حيت كان مخلوع عليها بزااف غير توكض وناض لعندهم

آسر:ايمتا طبيب كالينا نخرجوها انا اندهل عندها دابا،تخطاهم فتح باب لبيت ودخل عندها دارت شافتو

إيثار:اش بايتي لاش جاي عندي طلقني،مجات فين تكملها حتى ترمى على فمها كيبوس فيها من فمها لوجها وراسها يبوس ودمعتو هابطة 

آسر:حبيبة ديالي عمري نور ديال عينيا كنبغيك كنموت عليك كنحماااق عليك

إيثار:مبهوضة فيه)واش بيك شيحاجة واش انا كنكوليك طلقني وانت كتكوليا فشعر وبعد مني واش مضروب فمخك مكنحملكش

آسر:وانا كنموت عليك كنهبال عليك احبيبة ديالي لمجينينة ديالي اي حاجة بغيتيها نديرها ليك رتاحي ومديري حتى حاجة بغيتك انت او ولدنا تكونو بيخير وعلى خير

إيثار:مصدومة ومبهوضة فيه)اشمن ولد فلولاد انا مزال ماعندي ولاد اشمن ولاد؟

آسر:حبيبي راكي حاملة اتولي ماما إيثار ايتزاد عندنا وليد ان شاء الله ولكن لي مفهمت ياك داك نهار كلتي ماشي وقت لولاد واش مكنتيش كتشربي مانع الحمل ولكن مزيان نيت معندك مديري بيه غير غايضرك وصافي

إيثار:انا مانع حمل انا عمري ستعملت مانع حمل دابا انا حاملة ياك ياك

آسر:أه احبيبي،شنقات عليه من لكول ديال قميجتو

إيثار:درتيها اولد لحرام حملتيني درتيها انت فرعان ياك حيت لمطور عندك طاق امارش ياك اتنفخ ليا كرشي ونولي نتقيا وانا لي باغية عاد نحلمحمية ديالي كي اندير درتيها درتيها ابلارج لبوال

آسر:طلقيني الله يهديك واش انا درتها بوحدي راه انا وانت شكون لي كان يلوح عليا رجليه ويجبدني عندو ماشي انت ولا نفكرك فليالي الملاح لي كنتي كديري ليا نفكرك حتى فلبوزات الى بغيتي

إيثار:كدي فيه وتجيبو)انا يالمومسيخ ياصوبيص يا سليكيط ادوي معامن كنتي كتمشي وتزهى أ حصلتي بين ايدي اليوم يفرقونا جدارمية ليوم،نزلاتو بجهد وحتى عليه على عنقو بعضة

آسر:كيغوت)وااااااااااااااااع مصعورة طلقي مني طلقيييييييييييي.....

"من بعد 8شهور وفشعر تاسع"

إيثار واقفة فكوزينة لابسة بينوار وكرشها عند فمها

آسر:دخل كوزينة)حبيبي فقتي بكري يكما كتحسي بشيحاجة؟

إيثار:لا حبيبي والو هاد ساعة خاصني نوض بكري ليوم حفلة افتتاح المحمية خاصني نوكف على كلشي بيديا،جا وراها آسر عنقها من لور

آسر:حبيبي انا تكلفت بكولشي معدنك مناش تخافي ولا تخمي فشيحاجة

إيثار:الأرض عجباتني بزاااف وكبيرة وجات لمحمية روعة حمقاتني أخيراً تحقق الحلم ديالي لي كنت شحال وانا كنحلم بيه

آسر:هممم مكلتيش ليا شنو بغيتي تسمي ولدنا ولا بنتنا

إيثار:إلى كان ولد انسميه ان شاء الله رائد وإلى كانت بنت انسميها كامليا ونبقاو نعيطو ليها كامي شنو بان ليك،آسر كيدوز على كرشها

آسر:ان شاء الله احبيبي وعلاش لا منولدوش جوج رائد وكامليا كولشي قريب عند الله،درات وجها عندو باستو بوسة طويلة على شفايفو،تحضيرات ديال حفل افتتاح المحمية على قدو وساق كولشي واجد لبوفي كولشي الحيوانات لي دوموندات عليهم إيثار يجيوها من محمية لي كانت خدامة فيها قبل جاو كانو صغار وكانت هيا المشرفة عليهم،إيثار لبسات كسوة بالبيض وزرق بالفرافر جمعات شعرها وكريشتها بينة مع صندالة دومي طالون خرجات من لباب لقات آسر كيتسناها لابس كوستيم وبابيون زرقة

آسر:الأميرة ديالي واجدة ؟

إيثار:أه واجدة، شدليها فيديها وخرجو بجوج ركبها ودار ليها لحزام وطلع حداها وديمارا طوموبيل.

لمحمية كانت كبيرة بزااااف وبخط أفريقي مكتوب #محمية_ايثار_ماروكو_أفريكا ضيوف بداو كيوصلو صحافة كذلك وصل آسر وإيثار دخلو مشادين ليدين وصحافة كتصفق كولشي كاين ريم مع غسان لي تخطبو مزال فليلة فاش طاحت إيثار اما أسية واقفة بعيد ملامح ديالها باردين من بعدما سهيل مابقاش شاف وجها من نهار عرف الحقيقة طلع آسر للمنصة وخدا لميكرو

آسر:واحد دقيقة عفاكم أول حاجة مرحبا بيكم معانا كيشرفنا تواجد ديالكم فالافتتاح ديالنا اول حاجة انا جد فخور انو نكون زوج وشريك حياة هاد الانسانة العظيمة انا فرحان حيت انت مراتي تفضلي معايا لهنا

مدات ليه ايديها وطلعات حداه باستو فوجهو عنقها وعطاها الميكرو

إيثار:هووف ههه سمحوليا مملفاش بهادجو صحافة والاضواء هههه ولكن قبل كل حاجةبغيت نشكر عائلتي لي حاضرة معايا اليوم بغيت نشكر زوج ديالي لي سندني من أول نهار فكرت فيه ندير هاد المشروع معارضش قراري بلعكس وقف معايا وبهاد المناسبة بغيت نهدي ليه هاد لهدية لبسيطة،تم جاي جمايكا لي خدم عند إيثار رسمياً جايب واحد طابلو مغطي حطو وزول لغطا كان طابلو كيضمن كاع تصاور آسر منين كان فالمخابرات تصازر على غفلة بزااف ديال تصاور ومكتوب فيه بخط عريض دهبي"كنبغيك بزاااف تايغر"ولحت سميتها هيا،خداها آسر فلحضن ديالو عنقها بجهد

آسر:حتى انا عندي ليك هدية بسيطة جمايكا،تم جاي جمايكا هاز توم القرد

إيثار:هييي توم جبتيليا توم شكرا بزااف حبيبي لهلا يخطيك عليا

آسر:ودابا كنعلنو على افتتاح المحمية رسميا،تفتحو لقفوصة ودخلو نمورة وسبوعة صغار لأقفاص ديالهم لكبيرة زرافات صغار كول نوع من الحيوانات منو شوية شوية واقفة إيثار ونوال وكريم

إيثار:انت سبقتيني فلحمالة راه خاصك تكوني واولدتي

نوال:بنتي دافعة كبيرة ياختي حالفة لاخرجات ههههه شوفي شوفي ماشي هاداك سهيل مع أسية

إيثار:أيياه والله هو ايمتا جا،جاوبها آسر عنقها من لور

آسر:جا غير دابا ختك باينة اتخطب هنا فهاد لمحمية

إيثار:مافهمتش؟

آسر:هانتي شوفي...

سهيل:أسية انا معنديش مع كترة الهضرة بزااف ومكنعرفش نعبر وكنجي لواحد نيشان فاص فاص شوفي لي نطولوه نقصروه انا كنبغيك وبغيتك لزواج اه لا وبلا متمرمديني اه لا انا صبري قليل ماشي بحال آسر

أسية:أه اه موافقة ها ايدي جبتي لخاتم،ضحك سهيل وركب ليها لخاتم كولشي كيزغرت ويغوت

الحاج:وهانتي الحاجة ولا راجل يخطب لبنت بلا والديها

الحاجة:ايوا الحاج زمانة غير زمانهم...

إيثار:ايوا هادي خدمة سانك سسأااااااااااي أاااااي مي مي،بدات إيثار كتغوت ربي لي خلقها آسر تلف مخلوع معارف شنو يدير

آسر:حبيبي تنفسي بشوية بشوية فين سوارت، كلسوها على لكرسي جراتو من كول قميجتو

إيثار:متمشيش لالا بلاتيييي مقاداش متحركونيش بعدو مني بعدو مني متمسونيش،صحافة كتصور كلشي مخلوع عليها

آسر:شي واحد يعيط لطبيب ديرو شيحاجة حبيبة صافي صافي عفاك كولشي ايكون بيغير تنفسي تنفسي

إيثار:جيب جيب ايزار جيييييب ايزاااار،وقف كيجري يقلب بان ليه لاناب ديال لبوفي جبدو لاح كاع لمأكولات لي عليه

آسر:هاهو شنو ندير؟

إيثار:اوف اوف اوف حطني فالارض حطني دغية، هزها نعسخا على الارض وحطها 

إيثار:كتستنشق لهوى وتزفر)اوووف غطيني غطيني، غطا ليها نصها فتحات رجليها شدات ليه فيديها كتزحم وتغوووت ربي لي خلقها

إيثار:خشي راسك شوف واش ايبان ليك راس خارج كانحس براسو خارج طل طل،خشا آسر راسو بين رجليها

آسر:مصدوم)زيدي زحمي راسو خارج باين ليا

إيثار:خشي ايديك تلقى ليه جبدو

آسر:شنو؟!!

إيثار:دير لي قلت ليك،دار لي كاتليه كتزحم وتغوت ربي لي خلقهابدا البيبي كيخرج حتى خرج كلو خرجو من تحتها كولو فيه دم ومغلف خارج كيغوت لاحو ليها ايزار لاواه فيه، إيثار غير ولاداتو سخفات شوية بدات نوال تغوت ربي لي خلقها شادة فكرشها

أسية:الله يربي واش اليوم خاص بالولادة

سهيل:يمكن الخير منين كيجي كيجي دقة وحدة....

"بعد مرور عام"

"قاعة الافراح"

إيثار:هازة رائد فيديها كتشطح بيه

آسر:وينو الامراء ديالي كيهبلو

إيثار:رائد دير لبابا باي باي 

آسر:هاهوما مدخلين العرسان

إيثار:سهيل جا غزاال وتاو بعضياتهم

آسر:جمعي عينيك وقيلة هدا لي واكف حداك بوكيمون

إيثار:حبيبي لمغيار سيد الرجال الله يخليك ليا وميحرمنيش منك ياربي

آسر:الله يخليكم ليا ياربي..

"بعد مرور 10سنوات"

إيثار:كامي كامي 

كاميليا:مامي انا هنايا مع دة نزات

إيثار:نجاة نجاة

كاميليا:نزات نزات

نجاة:هههه غير خليها،تم داخل آسر هاز ولدو لي كون عندو 10سنين هكاك لي زادت رجولة ديالو اما إيثار تبدلات فيها غير شعر لي قطعاتو كاري 

إيثار:اويلي مالو هكا مال وجهو مقموش حبيبي شكون ضربك يعطيه ضربة

رائد:كيبكي)ماميييي عاوتاني ضرباتني،حطو آسر تحنات إيثار على رجليها كتقلب فيه

إيثار:شكون احبيبي لي ضربك شكون انا نمشي ليه

رائد:هادي لبنتة صغيطرونة لي كتقرا فروضة

إيثار:ايمتا هاد دري ايسكد الهضرة حبيبي اسمها روض والبنت ماشي البنتة

آسر:جيت لقيتو كيبكي كلو مقموش

إيثار:هاديك لبعلوكة مابغاتش تقيلو عليها(شافت فولدها لي كان نسخة طبق الأصل على آسر غير هو مهدن ومكيجبدش صداع)وانت أدعدوع مخلي وحدة قد فخضك تغلب عليك انا انتفاهم معاها غدا غادي نمشي معاه

رائد:ماما شنو هو دعدوع؟

إيثار:سير لبيتك من بعد ونشرح ليك،خرجات كاميليا من كوزينة قلها دقيق تعلقات فباها

كاميليا:بابي زيتي توحستك بثااف انا صايبت لحوة وينة بسكلاط، هزها آسر

آسر:الاميرة ديالي صغيرة حادكة من صغر يلاه ابابا سيري لبيتك باش ندوش لبنتي

كاميليا:ويييي بابي ايدوسس ليا،مشات كتجري رجعات لكوزينة،جر إيثار عنقها

آسر:توحشتك احبيبو،دورات ايدها على عنقو

إيثار:همم حتى انا توحشتك بزاااف احبيبي حبيبي شنو درتي فلموضوع لي كلت ليك؟حيد ليها ايدها مخنزر فيها

أسر:عاوتاني رجعنا لنفس لموضوع تاني واش بعقلك

إيثار:شوف سبوع انديرو انديرو طرتي ولا نزلتي كيما زوجتهم اندير ليهم سبوع

آسر:واش ديري سبوع لقرد وقردة؟

إيثار:متكولش على توم وبيانكا قرودة كيما زوجتهم اندير ليهم سبوع غير وجد راسك هاد لعشية ايكون سبوع ديالهم

آسر:هيا درتي لي فراسك او وجدتي كلشي؟

إيثار:غير بتيليفون كلشي ايوجد غير وجد راسك راك معروض، خلاتو ومشات طلعات عند ولدها دوشات ليه

إيثار:انا غدا انمشي مع ولدي لمدرسة نشوف هاد خيتي لي كل مرة كتجيني مضروب ومقموش

رائد:ماما هيا واخا تاتقمشني بحال نمر لي عندنا ولكن زواينة بزااف عينيها كبارات وصغيرة بزااف قد ولد توم

إيثار:ههههه ولايني عينيك طوالو بحالك بحال باك من صغرك اشويطين يالاه راجع دروسك باش لعشية نلبسك لكومبلي ديالك فسبوع ديال توم

رائد:واخا اماما، بتصال واحد دوموندات على كولشي تريتور دقايقية كولشي واجد فساعتين المحمية ولات قاعة ديال الافراح عيطات لعائلتها كلها كلشي حضر نوال وكريم مع بناتها بجوج غفران او نسرين ريم وغسان او ولدها محسن أسية وسهيل لي رزقهم الله بتلاتة ديال توام جوج بنات سكينة وشهد وياسين إيثار واكفة لابسة كسوة بضونتيل فالاحمر مع بونضو بلورد فلحمر هازة قريد صغير ملبساه جبادور دقايقية خدامين ولغنا ولحيحة

نوال:ههههه إيثار الى حلفات على شيحاجة ديرها ديرها

كريم:حمقات آسر شفتو مكاينش راه مراضيش على هاد لحماق هادا شوفي رائد وكامي كايحمقوني هاد جوج خصوصا كامي وهضرتها تكول معندهاش 5سنين وقويفزة وشوفي سبحان الله رائد نسخة على باه وكامي نسخة على إيثار

نوال:هههه عكس نسرين وغفران غير انا بجوج

كريم:الله يخليكم ليا(عنقها)،تم داخل آسر قرب الإيثار هز توم وبيانكا معنقهم

إيثار:شفتك جيتي!!

آسر:درتي لي فراسك ولي عطا الله عطاه عارفاني اي حاجة كنكون معاك فيها

إيثار:لهلا يخطيك عليا عارفاك متخلينيش بوحدي،بداو دقايقية وإيثار كتشطح بلقريد ولد إيثار وتغني وتشطح شوية جا كيجري رائد كيجر فكسوة إيثار

رائد:ماما ماما 

إيثار:مالك اولدي شكون ضربك

آسر:انت غير واجدة 

رائد:لهيه اماما لهيه لبنتة لي ضرباتني راه شفتها دازت من لهيهة أماما ودارت ليا هكا (خرج ليها لسانو) وكتليا دعدوع

إيثار:أشنو دعدوع فين هيا؟

رائد:لهيهة اماما لهيه

إيثار:واااااخا(مدات ولد توم لي سماوه جيري لأسر)هاك شاد هدا يلاه اولدي زيد

رائد:ماما راه شتها كتجري هاربة يلاه اماما جري، كلعات إيثار صباطها لاحتو رائد كيجري وهيا موراه تابعاه كتجري كولشي وقف كيشوف فيها وأسر تابعها من لور كيعيط عليها على حر جهدو هاز جيري فيديه وكيجري ويعيط فنفس الوقت: 

آسر:إيثار وقفي إيثار إيثار إييييثاااااااارر..... 

النهاية

كانت هادي هيا حكايتنا وقصتنا لي عشنا معاها ضحكنا فرحنا عشنا مغامارات وزبايل ومقالب إيثار شفنا صبر وحب ورجولة تايغر صراحة ماسخيت ولكن كيف كل مرة لكل بداية عندها نهاية وهادي غير بداية ليهم أما حنا ممكن تكون هادي اخير مرة نسمعو اخبارهم هههه وممكن تاني يكون لينا معاهم لقاء فجزء أخور هههه معرفتش صراحة من تما لتما يحن الله

#سناء_الصنهاجي