فتحات عينيها على اشعة الشمس لي تسللت الغرفتهم معلنة على يوم جديد لأبطال كانت مجردة من ثيابها وجسمها كلو مطبع خلا اتر قبولاتو ومصو فكل جزء من جسدها جرات ليزار بالمهل ولواتو عليها قبل ما يفيق ويشوفها بديك الحالة خزرت فيه وناضت ببطئ توجهات لحمام بتتاقل اول مادخلت لحمام لاحت ليزار فالأرض بزعف ودورات ساروت تحسبا لأي هجوم تخشات تحت الرشاشة وطلقت الما وصابون فيدها كاتفرك جسدها بعصبية مشمئزة من كل مكان قاصو رفعات راسها وغمضت عينيها والما نازل على وجها ودماغها سترجع كل لحظة من لحظات ليلة الماضية .......
#فلاااااش #بااااااااك
قبل مانطق بشي حرف هزني بين دراعو وطلع لطابق الثاني وعينيه ف عيني قلبي كان كايضرب بسرعة حسيت بيه غايخرج من صدري امكن سمع دقات قلبي لي كانت كاتسارع متالكني خوف رهيب كأني مزال عدرا واول مرة غايمسني ويشوف جسدي عاري قدامو فكل ما كان كايطلع فدرجة قلبي كايزيد يضرب وجسدي كايرجف بين يديه ياااربي شنو غاندير واش غانقدر نصبر ونتقن دور اااااه لاااازم نتقنو لاااازم نوهمو ونخليه مسلوب العقل والقلب لااازم نطيحو فشباكي ونرد اعتباري وكرامتي لي مرمدها تحت رجليه لااازم نرد صااااع ونخلي اسم ريحان محفور فقلبو وعقلو اول ماوصل الغرفة خديت نفس وستجمعت كل قوتي شفت فيه بنظرة حسيت بيه ذاب واخا كان كايبان قوي قدامي حط يدو على البواني وانا مزال بين دراعو ودخل لداخل الغرفة فكل ما كان كايقرب لسرير قلبي كايبغي يخرج فلحظة كنت غاندفعو ونهرب من دراعو لكن رجعت قويت نفسي وتبسمت فوجهو ابتسامة خفيفة حطني فوق السرير وجلس جنبي قرب وجهو من وجهي حتى تخلطو انفاسنا انفاسو كانت سخونة كاضرب فوجهي وريحت عطرو تغلغلت فانفي بدون سابق انذار تلاح على شفاهي ولتهمهم حتى قطع فيا النفس كنت غانصرخ بأعلى صوت ونقول ليه بعدددد الحيوااان لكن منعت نفسي فأخر لحظة وقويتها حطيت يدي ورا رقبتو وحاولت نقلدو جريت شفاهو بسناني كيف كايدير دخلنا فقبلة طويلة ماوقفنا حتى حسيت بطعم دم كان نزل من شفاهي بعد ما دار فيهم شق لقيت راسي مسطحة على سرير وهو فوقي ودافن راسو فعنقي وكايعض عضات خفاف ستمر على داك الحال عدة دقائق حاولت ننساجم معاه ماقدرتش عيت نضغط على نفسي ونكابر فالتالي قلت نخليه يدير لي بغى اليوم الخطوة الأولى وكانت لابأس بيها لحظات لقيت راسي مجردة من تياب كيف دار وفين كان عقلي شاف فيا شوفة طويلة وماكاتفسرش ترسمت ابتسامة صغير على شافو ورجع دفن راسو فعنقي و................
#نهااااية #الفلاااااش ••••••
بعد ما فركت جسدها مزيان توضات ولبست بينوار فالابيض ولوات شعرها فالفوطة وطرفت الحمام عاد خرجت منو كان صقر جالس فطرف السرير لابس غير البوكسور والگارو فيدو كايكمي ..
ريحان..."بصوت عدب " صباح الخير
نتر نترة من الگارو وخرج دخان من انفو وعينيه عليها كايشوف فيها بستغراب ....
صقر..."بصوت خشن " صباح الخير
..."توجهات لدرسينغ تحت انظارو بعد ما كمل الگارو توجه لحمام خدا شور بين ما ريحان نشفت لحمها وشعرها وذهنت الكريم لجسمها ولبست سروال كلاسيك دغوا فالابيض مع شوميز جينز فالبلو وشال فالموڨ بارد وصباط فلون الشال من بعد توجهات لمكان الميك اب دارت إكخو وكحلت عينها وجبدات شفارها بالماسكارا دارت شوية دالفاغاجو وعكر غالغوز بااارد واخيرا رشات لبارفان ديالها وتوجهات لسرير جيداتو وطرفاات الغرفة ونزلت لطابق السفلي مشات ديريكت لكوزينة وبدات كاتجهز الفطور عصرات ليمون وجهزت القهوة وجبدت شي رغايف سخناتهم وحطات الكيك وشي حلوة وجهزت الكخيب وبدات كاتنزل لفطور ف غرفة الأكل بعد ما خدا شور خرج من الحمام لاوي الفوطة على نصو والفوطة صغيرة كاينشف بيها شعرو توجه لدرسينغ لبس كوسطار فالgري مع قميجة فالكحل برزات عضلاتو خلا زوج صدفات لفوق مفتوحين نشف شعرو وردو لور ورش برفان ديالو ودار ساعتو اليدوية وخرج من الغرفة ونزل لطابق سفلي كايقلب عليها بعينيه كانت فالجردة خدات بعض الازهار وحطاتهم فالمزهرية لي ف غرفة الاكل ودارت ليهم الما تحت انظار صقر لي كان متبع كل حركاتها بعينيه وفنجان القهوة فيدو كل مرة كايرتشف منو نزلت زينب كاتميق ف ريحان لي كانت منساجمة مع الازهار قالت صباح لخير لصقر وجلست صقر لي كان مرفوع لدرجة ماسمعش زينب فاش تكلمت شي لي نرفزها.......
زينب...."بغيض " اصبااااح الخير
صقر...."عاد نتابه ليها " صباح الخير ماماا
ريحان...." تلفتت ناحيتها والابتسامة على شفاها " صباح النور ماما
زينب..."فخاطرها " الغمة ان شاء الله / تبسمت بزز / صباح الخير ....."جلست ريحان وبداو فطورهم في صمت كايتسمع غير صوت الكيسان كايتقرقبو بعد دقائق وقف صقر اول ما شافتو وقف وقفات حتى هي وهزت حقيبتها اليدوية .......
ريحان...ماما بصحة فطورك انا غانمشي لشركة
زينب....اهااااه وهاد لماعن شكون يغسلهم انا متلااا ؟! " رفعت حاجبها "
ريحان...حاشا علاه انا شنو كاندير خليهم من غانجي غانغسلهم
زينب... لااا تبارك الله عليك هاكا يكونو المخموجات والى فلاااااا " قاطعها بحدة "
صقر...." من تحت سنانو " مامااااا " تمالك اعصابو " تاصلي بشافية تجي باش تهتم بدار فغياب ريحان ...."دار نظارات شمسية وخرج من الڤيلا ووراه ريحان لي ترسمت ابتسامة على شفاها وخلات وراها زينب غاطرطققق...
زينب...."بصوت عالي " من نجيب شافية شكون يقابل باباك هاااااا " فالوقت لي كانت كاتهلل فيه صقر كان قرب يوصل لشركة لاحت المنديل من يدها ووقفت بعصبية " لاااا لاااا هااادي بينتها فيا لازم نوقفها عند حدهااا "طلعت لغرفتها وكاتنgر مسافة طريق كانو امام باب الشركة بلاصة سيارة ونزلو منها بزوج دخلو داخل الشركة وتوجهو لمصعد لي خاص بيهم تحت انظار الموظفين والموظفات لي غير كايشوفو ريحان معاه كاتجيهم الغيرة والحسد وكايبداو فنفس الموال ......
مونية....بنت الق*** بدات كاتجبد مع راسها
شيماء..."بغيض " ايوا لي عطاتو يامو يشالي بكمامو
مونية......اااااااح على زهر عندها بنت الكلب الحصول الله يعطينا سعد الخايبات " كاع لبنات تلفتو ناحيتها وحلو فمهم على كلمة الخايبات
سارة..."تشتت بضحك " وااااش من نيتك بلا شك طلعت ليك سخانة ديك القنبولة كلها خايبة وباااااااااز ههههههه
مونية....تفرقع عليك ان شاء الله تفووووو ....بين ما هما كاينممو ريحان كانت جالسة ف مكتبها ودايرة رجل فوق رجل وكاتشوف ف منحى واحد حتى تفتح عليها الباب وقفزات على صوت باتول لي دخلت كي العجاجة ...........
باتول...."تلاحت فالكانابي " صباااااحوووووو
ريحان...."شهقات ودارت يدها على صدرها " الله ياربي شي نهار غاتسكتي ليا القلب بهاد فعايل دالويل .....
باتول..."غمزتها " ماذا هناك 😉
ريحان..."تبسمت " كل خييير هه...
باتول ...اطربي مسامعي 😍.... (حكات ليها كلشي بأدق تفاصيل بعد ماسكتت تكلمت باتول ) برااااااااااافو 10/10 "صغرات عينيها " لازم نقيسيو نبض الغيرة عندو ونشوفو واش دمو حامي وكايغير وواش ليلة البارح خلات شي تأتير ههه
ريحان...."رفعات حاجبها " اش كايدور ليك فداك راس ثاني ؟!
باتول...."تبسمت " ااااااح لهلااا يوريك 😉 ..
سكرتيرة...."طرقت الباب ودخلت " بون جوغ مدام الاجتماع من هنا ل 15 دقيقة
ريحان...اشمن اجتماع ؟! "شافت ف باتول
باتول..ماعلا بالي بوالو بحالي بحالك
ريحان..."شافت ف سكريترة " اوك شكرااا
باتول..."بعد ماخرجت السكرتيرة تكلمت " العجب اشمن جتماع ثاني ماقالي هشام والو
ريحان...كلها 15 دقيقة ونعرفو .......
باتول....عرفتي شنو مشهية دابا ؟!
ريحان..."بهتمام " شنوو ؟!
باتول...رفيسة بالقديد 😍
ريحان....اويلي مالقيتي ماتشهاي غاا القديد من غانجيبو لك هههه
باتول...عرفتي هاد سيمانة كاملة وريوgي غايطيحو على القديد ورفيسة هه الله ياربي
ريحان....."جات فبالها فاطمة " يقدر يكون عند فاطمة "صغرت عينيها " احتماااال
باتول..."خرجت عينيها " شكون فاطمة
ريحان....هااااء فاطمة فاطمة مرات بابا الله يرحمو هي لي كاظل تقدد فالحم ملهوفة بحالك على القديد والكرداس
باتول....انا فعارك عتقيني بيها
ريحان..."بستغراب " اويلي رجوع الله هاد لحالة كاملة على القديد
باتول...تاصلي بيها دابا تاصلي
ريحان...لاااا لااا انت بلا شك هرب ليك "وقفت " نوضي تهزي لقاعة الاجتماع
باتول..."جرتها من قفاها " والله وماتاصلي دابا حتى ناكل ختي
ريحان..."ميتة بضحك " هههههههههه ههههههههه طلقي المصعورة ..."بين ماهما كايضربو بعضهم وكايضحكو تفتح الباب تلفتو بزوج دقة وحدة اول ما شافتو كحلت بالعمى كان واقف بهيبتو المعتادة ويدو ف جيابو وعاقد غوباشتو كيف العادة بعدت عليها باتول وكاتقاد فشعرها......
باتول....بون جوغ ميسيو صقر
صقر..."كايشوف ف ريحان " بون جوغ / بصوت رجولي " تفضلو لقاعة الإجتماع
باتول...اوك ميغسي "تبسمت فوجهو وكاتشوف فريحان مالقات كي دير تغمزها خرج من المكتب وخلاهم وراهم وحدة كاتشوف فوحدة....
ريحان...تفووو كي تور مانعرف علاش دايرين الباب مدام مدرم بلا ادن
ريحان...ماكاينش شي تور قدك واش انا نبني ونتي تريبي ....
ريحان..."بعدم فهم " اشنو درت
باتول....لااا والو غير وقفتي وكاتخنزري فيه بقى ليك غاتشيري عليه بصباطك فين هي الابتسامة فين فين الغنج ودلع فين
ريحان...."دفعتها فتجاه الباب " زيدي قدامي اشمن دلع ولا بومبيرس ......."توجهو لقاعة الإجتماع كان صقر جلس فالقمة دطاولة وانفاص معاه هشام (راجل باتول ) فالأماكن الأخرى ثلاتة موطفين زوج رجال ومرا ف الاربعين من عمرها لكن كاتبان اصغر من سنها وانيقة على يمين صقر كان كرسي فارغ جلست فيه ريحان وعلى يمين هشام جلست باتول .......
ريحان / باتول ... بون جوغ
الكل ...."ماعاد صقر " بون جوووغ .....
صقر..."بصوت رجولي " احم كلكم كاتسألو شنو سبب هاد الإجتماع المفاجئ كيف ما كلكم كاتعرفو بلي مشروع *** مكلفة بيه مدام ريحان وهي المهندسة المكلفة بيه وبطاقم لي كايشرف عليه "كايلعب بستيلو وفيدو وداير رجل فوق رجل عتدل فالجلسة وشاف فريحان لي كاتشوف ف باتول وكايهضرو بالعينين......
المخطط لي خدمت مدام ريحان تسرق وهدا ان دل على شيئ فا كادل على تهاون المسؤولة لأولى على المشروع كاكل " قصد ريحان " عقد غوباشتو " مابقى قدامنا والو اسبوع فقط لازم مخطط جديد ويكون احسن من الاول بألف مرة ولازم تكون اعينكم مفتوحة 24/24 "وجه كلامو للموظفين لي جالسين معاهم " فالشركة كاين جاسوس كاينقل كل تحركاتنا للمنافسين وبأدق تفاصيل هاد الجاسوس مزوع وسطنا مانبغي حتى تهاون مؤخرا دخل لوبي يهودي من اصل امريكي وبغى يستولي على السوق وينزل كاع المنافسين ليه انا متأكد انو هو لي زارع الجسوس بينا وباغي يطيحنا ...
هشام...هاد شي ما كايبشرش بالخير الأمر خطير
صقر...اخطر مما تتصور "شاف ف ريحان " غاتعاودي تصميم وغاتوقفي على المجموعة لي مسؤولة عليها .."شاف ف باتول " ومدام باتول غاتوجه لدبي وغاتحضر للمؤتمر بنيابة علينا المؤتمر من هنا لاسبوع وانا وميسيو هشام غانتكلفو بالباقي "شاف فالموظفين "وانتما غاتحلو عينيكم وودنيكم 24 /24 واي خطأ منكم غاتعتابرو نفسكم موقوفين على العمل "اشار ليهم " تفضلو ...
الموطف..1 / كايتفتف " اا امرك سيدي .....
"خرجو الموظفين وبقى غير صقر وريحان وباتول وهشام......
باتول.....احم ان شاء الله كلشي غايكون مزيان وريحان قدها وقدود المخطط الجديد غايكون اروع من الاول والمشروع غاينجح جكارة فالاعداء
صقر... احم ان شاء الله .... " بعد ماتافقو على كلشي كل واحد توجه لمكتب ديالو اول مادخلت لمكتبها سدات الباب ولاحت الوراق لي فيدها بزعف...
ريحان...قالك اهمال بفففف "بتوتر " الله ياربي اسبوع ما كافيش والمخطط مطلوب بجودة عالية كيفاش غانخدم مخطط قرية سياحية قدها قد لخلا ف أسبوع ..."توجهات لبيرو جلسات فالكرسي وفتحت البيسي وبدات خدمتها بعد ثلات ساعاات من تفكير وتركيز تبسمت ابتسامة جانبية ورفعات راسها بتقة
ريحان....اوووف واخيراا ..."فهاد الاتناء دخلت عليها باتول بدون ماطرق الباب كيف العادة .........
باتول...وقت لغدا هذا الالة
ريحان...."مخشية وسط لوراق" يالا رسيت على بر من خرجت من الاجتماع وانا ملخبطة ومخشية هنا هوووووف
باتول...."جرتها من يدها " الخدمة غاتسنى سيهم صقر لي ماغايتسناش ...."حلت صاكها وجبدات منو الروج " العكر " اجي لهنا
ريحان....اش كاتخرفي بعدي لهيه.....
باتول...."حطت ليها لعكر على شفاها " زيدي خلاص صقر وهشام كايتسناو ...
ريحان...كاين جتماع اااخررررر 😌
باتول...."خرجاتها من المكتب وتوجهو لمصعد " نن غانتغداو على براا زيدي تعطلنا......"ثواني كانو فالطابق السفلي جراتها باتول للوطو ديالها وعفطت عفطة وحدة فتجاه احد اكبر المطاعم فالرباط وارقاها بلاصة السيارة ونزلو منها بزوج شافت ف ريحان وتبسمت....
باتول....بلا مانوصيك الخطية تبسمي وتغنجي
ريحان...الله يخرج الطرح على خير ظاهر لي ماغاتكملش هاد السمرحية على خير
باتول...اوووف منك اوووف زيدي قدامي ...."دخلو لمطعم وطلعو لطابق الثاني كانت طاولتهم معزولة على ناس وكاتشوف فالبحر اول ما جات عينها على صقر خاطرها تزير توجهات فتجاه طاولة بخطوات تابتة وابتسامة صفرا على شفاها .....
باتول..."جرت الكرسي "ياكما تعطلنا الطريق كانت عامرة
هشام..بااا كغاف شيغي "شاف ف ريحان "
بون جوغ مدام ريحان
ريحان...."تبسمت " بون جوغ
هشام..هاااه المطعم عجبكم ولا نبدلوه
ريحان...نووو زوين ميغسي ...." شافت ف صقر وتبسمت ابتسامة خفيفة بين ما هو كان كارز على يدو وكايخنزر فيها مافهمتش شنو سبب دوك شوفات لاحظة باتول نظراتو لريحان وتبسمت بدون ما تلفت الإنتباه ....
هشام..."هز الموني " شنو تبغيو لغدا ؟!
باتول....امممم بما اننا فالبحر اش بان ليكم فشي بلا دالحوت يممم يمممم 😍
هشام..."شاف ف صقر " شنو بان ليك ؟!
صقر..."كايشوف ف ريحان " لي بغيتو
هشام...وانت امدام !!
ريحان.... اوك ........" اشار هشام لسورڨور وطلب لغدا بعد دقائق نزلو ليهم الحوت مشكل ولي سلطاات والفريت والعصائر ... يالا غايبداو يتغداو هو يوقف عليهم شخص شاف صقر من بعيد وجا لعندو ...
دڤيد...."بالإنجليزية " اوووووه صقررررر
صقر...."وقف وصافحو " اهلااا دڤيد
دڤيد...."صافحو بحرارة " مفاجأة زوينة شكون قال غانرجع نشوفك بعد 10 سنوات
صقر...."بصوت رجولي " تفضل ...
دڤيد..."شاف ف باتول وريحان " بعد ادن البرنسيسات طبعااا
باتول .."تبسمت "بكل فرح .....
جلس دڤيد لي ماسكتش من الهضرة والضحك الحامض نساجم معاه هشام عكس صقر لي ماعندوش مع ضحك بزاف وكترت لكلام طول الوقت كان دڤيد كايشوف ف ريحان وكايحاول يخليها تكلم تبسمت فوجهو مجاملة فقط هي بدورها صدعها بنكتو الحامضة .....
دڤيد .."بالإنجليزية " قالك هادي وحدة سولت راجلها وقالت ليه حبيبي علاش كاتقلب قالها والو حتى حاجة قالت ليه حيت ساعة هادي ونت كاتقرا فعقد زواجنا قالها لقتيني كانقلب على تاريخ الإنتهاااء " تشتت بضحك " هاااا هااااا هههههههههههههههههههههههههه ...."شاف ف ريحان " ههههههههههه واعرة ياك !؟
ريحان..."كرزت على سنانها وضحكت بزز " ههه بزاااف
دڤيد....سمعي هادي قالك واحد سول صاحبو شنو الفرق بين الأم والزوجة رد عليه وقال الفرق انا الأم ولدتك وهي كاتبكي والزوجة غاتضمن ليك بلي حياتك كاملة غاتبقى كاتبكي "ضرب ريحان فكتفها حتى مشات وجات " هاااااااااا هااااا هههههههههههههههههههههه "كايمسح دموعو لي نزلو من ضحك بين ما ريحان حطت يدها على كتفها لي ريبو بضحكو الحامض صقر ولا على اخرو عينيه ولاو حمرين وعروق رقبتو برزو.....
صقر....من تحت سنانو" كول الحوت بردد
دڤيد....والله حتى هادي غاتعجبكم سمعو " قالك هدا واحد مشى ل......."قاطعاتهم ريحان " احم سمحو لي غانمشي لحمام
دڤيد...."شدها من يدها " جلسي حتى تسمعي هادي ....."قبل ما تنتر يدها منو نزل عليه صقر لوجه بلكمة حتى نقز دم من نيفو ....
صقر...."بعصبية" زدتي فيه الق***
باتول وريحان قلبو وجهم من الخجل على الكلمة لي قال صقر وهو فعز غضبو و بين ما دڤيد ناض من الأرض وكايمسح دم من نيفو شاف فيه وتكلم......
دڤيد....مالك اصاحبي شنو درت !!
صقر..."صدرو كايطلع وينزل "لااا مادرتي والو غير المرة للولة ضربتيها على كتفها والمرة ثانية شديتي يدها المرة الماجية بوسها انت حسننننننن "غوت فوجه ريحان " زيدددددي قدااااااااااامي......." كاع لي فالمطعم تلفتو ليهم وقف هشام بسرعة وحاول يهدنو" ....
هشام.....كالمااااا كالماااااااا ...
دڤيد....كنت غير كانضحك ماقصدت حتى اساءة كالمااااا
صقر....ضحك مع من بغيتي مراتي انا لاااااااااا
"جبد الفلوس ورماهم فطبلة وجر معاه ريحان وخرج من المطعم وهو فقمة غضبو فتح لوطو من بعيد ويدو فيد ريحان ......
ريحان..."مجرورة وراه " بشوية غانطيح
صقر..."دفعها حتى لصقات على لوطو وقرب منها حتى تخلطو انفاسهم " عجبك الحال هااااااا "من تحت سنانو " عجبككككككككك
ريحان ..."كاترجف من الخوف " ا ا ان انا مادرت وااا والو "تجمعو دموع ف عينها "
"" ....رجع بزوج خطوات لور ومرر يدو على شعرو بعصبية رجع شاف فيها وتكلم....
صقر..."اشار بعينيه " طلعييييييييييي....
____ داخل المطعم ______
هشام...."وقف من جديد " غانتبعو عندك يضربها ...
باتول..."جراتو من يدو " جلس الارض من لفضول وااااااه "خرجات عينها ونفخات شنايفها " .....
هشام...."بتسغراب " غريب زعمة راها صاحبتك وشفتي طريقة لي خرجها بيها من المطعم
باتول..."هزات عصير اليمون وكاتشرب فيه والابتسامة على شفاها " رتاااااح هديك غير الغيرة عادي ماشي من حقو يغير على حلالو "رفعت حاجبها ".....
هشام......امرك غريب "غمزها " شنو تماا !!!
باتول...."هزات الفريت "امممممم هاد شي لذيذ
......طلع فلوطو وعفط عفطة وحدة وكسيرا فتجاه المجهول ودمو كايغلي فكل ما كاتجي صورة دڤيد وهو حاط يدو عليها لتزمت الصمت وتكمشات كادور فعينيها من الخوف بعد ساعة كان فوق الجرف وقف على الحافة ونزل من لوطو وعينيه عليها دورات عينها يمين وشمال كانت منطقة خالية من حس البشر جبد الكارو وبدا كايكمي وعينيه عليها بعد ماكمل سيجارة اشار ليها تنزل قرات المعوذتين ونزلت كاتفتت حاولت ما امكن تخبي خوفها ستجمعات قواها وتكلمت....
ريحان....احم علاش جينا هنا
صقر...طول فيها شوفة عاد تكلم بصوت رجولي " شنو داك العجب لي حاطة فوجهك !
ريحان..."بستعباط " هااااه " كاتلمس وجها " شنو كاين
صقر....من تحت سنانو " ماتصطايش عليا اش هاد الويل حاطة !! "كايقرب منها "
ريحان..."كادور عينيها " م م مافهمتش ..." جدبها لعندو ومصمص شفاها بقوة حتى تمسح العكر عاد بعد ......
صقر...اخرر مررة تحطي هاد الويل على فمك "بنرفزة " ثم علاش ديري هاد صباغة لمائية لوجهك " بدون شعور " نتي مامحتاجاش لهاد لويل ...."نتابه شنو قال " احم .......
" رجع غوبش " المخطط الجديد غاتخدمي عليه بوحددددك وممنوع نشوف معاك شي حد كاتسمعي ويااااويلك تديري ليا صدقات مع الموظفين واخرررر مرة غاتحطي هاد لويل لشنايفك "رفع حاجبو " مفهووووم !! "من تحت سنانو " مفهووووووم ؟؟؟
ريحان...م مفهووم احم " حطت يدها على رقبتها وكادور فعينيها جدبها لعندو ورفع يدو عند بالها عايضربها يصفعها خبات وجها بسرعة حبس ضحكة ومد يدو لشعرة شعر لي كان خارج من الفولار دخلو وبعد عليها....
صقر..."جمع ضحكة ورفع حاجبو" واخيراا مابغيتش نشوف شي شعرة خارجة من الفولار
ريحان..."رفعت حاجبها " شي اوامر ثانية !!...
صقر...."كايقرب منها " نعمممم !!
ريحان..."بلعت ريقها " ق ق قولت جاني البرد
صقر...اهااااا " جدبها لعندو ولصقها عليه حتى تخلطو انفاسهم حط شفاهو على شفاها ولتهمهم كانت غادفعو بقوة وتوقفو لكن توقفت فأخر لحظة وقررت تكمل مسرحيتها حطات يدها ورا رقبتو وحاولت تقلدو .....
_____ مكان ااااخرررر______
كانت مشابكة صباعها مع صباعو وكايدورو فالمول من محل المحل والمحل لي دخلت ما كاتقدرش تتمالك نفسها كاتحل فمها على اخرو فالحوايج لاحظ بلي وئام من نوع لي كايموت على شوبينغ تبسم بخبث وتوجهو لمحل مختص ف فساتين الحفلات وقفات قدام فستان سهرة طويل فالأحمر حلت فمها ووسعت عينيها.....
وئام....وااااااااااااو
فراس...عجبك !!
وئام ...بزااااااااااااف 😍
فراس...."اشار لفوندوز لي فالمحل " ممكن تعطي لانسة تإسي هاد الفستان ...
الفوندوز..."تبسمت " اكيد "اشارت ليها لسياج " تفضلي مادموزيل ....
وئام....حالة فمها " اناااااا !!
فراس...اكيد تفضلي "غمزها "
وئام...برتباك " لكن انا ماعند....."قاطعها "
فراس..."شاف فالساعة " طلقي راسك ماعنديش الوقت خليني نشوفو عليك 😉
وئام...."بحماس " اووك " مدات ليه صكادو ديالها وتيلي وتوجهات لسياج مدت ليها الڤوندوز الفستان دقائق قليلة خرجت من سياج لابسة الفستان لي ترسم على جسدها المنحوت لاحت شعرها ورا ظهرها وشافت ف فراس لي حل فمو فيها ......
فراس..."كايصفر " اوووو هوووه
وئام..."خدودها حمارو من الخجل " احم
فراس...."شد يدها وكايدور فيها " اميرتي 😍
وئام..."بخجل " فرااس
فراس....عيون فرااس
وئام..."همست " ششششت واش بصح جاني زوين !!
فراس...القالب غالب
وئام..."بخجل " ميغسي
فراس..."اشار لسياج " يالا حيديه باش نمشيو
وئام....اوك ......"رجعات ليساج وحيداتو ومداتو لڤوندوز وبدات كاتلبس حوايجها بعد ثواني خرجات من سياج وتوجهات لعند فراس لي كان دفع ثمن الفستان هز ساشي وخرجو من المول وتوجهو لسيارتو اول ما طلعو ليها مد ليها الساشي فتحاتو ووسعت عينيها.....
وئام.....واش خدتيه !!
فراس...معلوم كيفاش بغيتي نخليه واميرتي تغرمات بيه
وئام..."طارت عليه بتعنيقة وباستو فخدو " تاااااااااااااااانكس بب ايلوڤ يوووو ...ايلوڤ يووووو .....ايلوڤ يووووو 😍......
#المسااااااااااااء ••••••• 🌇
بعد ما دخلت لفيلا توجهات ديريكت لحمام خدات شور خفيف بدون ماتسرد شعرها بعد دوش توضات ولبست بينوار دالحمام فالغوز وتوجهات لدرسينغ نشفت لحمها ودهنت الكريم لجسمها ولبست بيجامة صيفية على شكل غوب قصيرة فالغوز ولاحت فوقها العباية وشال فالراسها وصلت لي فاتها بعد ما صلت حيدات العباية وشال وبقات غير بالبيجامة وخلات شعرها على راحتو ونزلت لطابق السفلي كان صقر جالس مع زينب توجهات ليهم غير شافها حل فمو ....
ريحان...ماما شنو تبغي على العشا
زينب..."وسعت فيها عينيها وعوجات فمها " ماخصنيش دايرة رجيم
صقر...."شاف ف زينب " من امتى كاديري رجيم اماما !!
زينب..."كاتميق ف ريحان " من اليومممم
ريحان..."تبسمت وشافت ف صقر " شنو تبغي لعشا !!
صقر...."رتبك "احم لي كاين
ريحان....تبسمت " اوكي ......."عطاتهم بظهر وتوجهات لمطبخ كاتمختر تحت انظار صقر وزينب لي قربت تنفجررررر..
ريحان..." داخل المطبخ " نننننن نننننن قالت ليك دايرة ريجيم اممممم باين عليها "حكت شعرها " هوووووف العفو من عندك اربي "غسلت يدها وتوجهات لثلاجة " نشوف اخرتها معاهم ......
___مكان - اخررررر______
دخلت لشقة هازة صكادو فظهرها وساشي لي فيه الغوب فيدها توجهت ديريكت لغرفتها تحت انظار فاطمة لي كاتبحلق فيها اول مادخلت لغرفتها دورات ساروت ولاحت صكادو فوق السرير وخدات الغوب كاتشوف فيها وكاتنقز من الفرحة ...
وئام..."بفرح " ياااااس يااااااس هادي هي لي غانلبس لحفل 😍 ....."حيدات حوايجها ورجعت لبستها وتقابلات مع المرايا وكاتشوف فراسها والقلوبة خارجين من عينها ......
____مكان - اخرررر______
جعت شعرها عشوائي وبداات كاتجهز فالعشا شوات صدر دجاج وحضرت سلطة خاصة برجيم وسلطة ليها هي وصقر من بعد عصر اليمون والفريز وقلات لفريت بعد ما كملت من تجهيز غسلت يدها ونشفاتهم وهزات بلاطو حطات فيه بعض الاطباق وتوجهت لغرفة الاكل وبدات كاتنزل العشا بعد ما فرغت من تنزيل لعشا توجهات لصالة وعلمتهم....
ريحان...ماما زينب وجدت ليك سلطة بالفروماج البيض واليزيتون خاصة برجيم وشويت ليك صدر دجاج يالا االعشا جاهز
زينب...."فخاطرها " يشوي ليك لعينين " تبسمت بتسامة صفراا " هه واخا ابنتي .......توجهو لغرفة الأكل وجلسو مجموعين صقر ما هزش عينيه عليها حاير ومتلخبط من التغير الجديد كان كاياكل والف سؤاال كايدور فدماغو شنو سبب هاد تغير وشنو كايدور ليه فراسها نظراتو ليها خربقوها كملت عشاها بزز بعد العشا غسلت لماعن عاد طلعت لغرفتها كان صقر خدا دوش ولابس غير البوكسور وواقف فلاطيراس اول ما شافها دخلت لغرفة توجه ليها بخطوات بطيئة وعينيه ف عينيها ........
صقر...."بصوت رجولي " شنو كاتحاولي ديري !
ريحان..."بستعباط " مافهمتش !!
صقر...كايقرب منها " هاد الحركات ماشي عليا "جدبها لعندو ولصقها على صدرو ويدو كايتلمسو فخاضها ......
#اليوم _ الموااااااااااالي
تسللت اشعة شمس بخيوطها ذهبية لغرفة ابطالنا معلنة على يوم جديد واحدات جديدة
فتحت عينيها ببطئ وبعدت شعرها على وجها يالا غاتنوض وهي تجي عينها فعين صقر لي كان جالس فالكرسي اونفاص مع وجها كايكمي الگارو وكايشوف فيها بنظرات ما كاتفسر بالخلعة جرات ليزار وتلوات فيه كانت شبه عارية امامو تبسم من منظرها لكن سرعان ما جمع الإبتسامة ورجع خنزر من جديد ومزال السؤال لي كايدور فدماغو مالقاش ليه جواب وقف وطفى الگارو وتكلم ....
صقر..."بصوت رجولي " صباح الخير ...
ريحان..."شادة ليزار بيدها ومرتابكة " ص صباح النور "تبسمت بزز
صقر....جهزي نفسك غانمشيو لشركة اااه وبلا ماتجهزي لفطور غانفطرو فالمكتب "غمزها وخرج من الغرفة.......
ريحان.....اصبحنا واصبح الملك لله ناس يصبحو على الخير وانا مصبحة على نحس "وقفات وتوجهات لحمام بتتاقل وليزار كايتجرجر وراها.........بعد ما خدات دوش وتوضات توجهات لدرسينغ دهنت لكريم لحمها بعد ما نشافتو ولبست عباية فالباج مع شال ديالها وصندالة عالية وتوجهات لمكان الميك اب دارتو خفيف رشت بارفانها وهزات صاكها وتيلي وخرجت من الغرفة كانت جالس فالوطو كايتكلم فالفون...........
صقر....بغيت دير الكاميرات ويتحطو فهاد صباح والجن الحمر ما يعرفش مكانهم وياويلك تشوفهم
الشخص...كن هاني مسيو من هنا لساعة غايكون مركبين وبحترافية عالية
صقر...."شافها جايا فتجاهو " اوك " قطع الخط وركز شوفة فيها جات بحال شي ملاك والابتسامة على شفاها فتحت الباب وجلست جنبو عفط عفطة وحدة ف تجاه الشركة مسافة طريق كانوا قدام باب الشركة نزل من الوطو ومد الكونطاك لحارس وتوجهو لداخل بخطوات تابته تحت انظار الموظفين والثاني حسود لي اول ما كاتجي عينهم عليها كايبداو بتعليقاتهم لي كلهم حقد وغيرة .....
اسماعيل... ( موظف) اااااح مرات مول شي كاتسالي معايا مك يامك على العبايات والوقفة 😍 كانتوفى انا .....
صمد ...(موظف ) ...." مصمص شنايفو " كاتزيان نهار على نهار "ضرب يدو " ااااااح شحال من شهر وهي تحت عيني خليتها ليه بسبب غبائي....
مونية ..."عوجات فمها " زعمة كانت غاتشوف فيك ابهلول هاااااء والله هيلا قالك تحت عيني سيدة كانت كاتضرب لدقة لكبيرة فين غاتشوف فيك وانت موظف عادي "لوات فمها " اصلا اش هاد المبالغة على زينة زرgة لخرااا
شيماء... اااااااح على بنت الهم نهار على نهار كاتزيد تزيان ولات عاطياها غير لبس والتبعصيص لالة سلمى ومادارتش بحالها بفففف اااااخ يازهري فينك 😥
صمد..." عطاهم بظهر وكمل طريقو وكايهضر " انااااري على حسد فيكم "تلفت لعندهم " فالحقيقة صاروووخ وفايتاكم فكولشي 😉
مونية...بغيض" انا بغيت صاروخ يخرج فيك ومايخلي فيك مايجمعو ........
___الطااابق السادس___
شد يدها وتوجه لمكتب ديالو اول مادخل سد الباب واشار ليها تجلس .....
صقر......كيف كاتبغي قهوتك ؟!
ريحان..احم بلا سكار
صقر...."بصوت رجولي " عندنا نقطة مشتركة 😉 " هز تيلي وطلب من سكرتيرة تبعت ليهم لفطور لمكتب وزوج قهوة قاصحة بلاسكر ....
بعد دقائق دخلت السكرتيرة وفيدها بلاطو فيه القهوة والبتي بان والشنيك والكيك شوكولا حطاتهم وستأدنت خدا القهوة وتكى راسو على الكرسي وكايشوف فيها نظراتو لي ماكاتفسرش ربكوها ماقدراتش تفهم شنو وراهم ...خدات الفنجان ورتشفت منو شوية وكادور ف عينيها يمين وشمال ...
صقر..... "عتدل فالجلسة " جبتك لهنا باش ناقشو المخطط ونخدمو عليه بزوج
ريحان.... "رفعات راسها وشافت فيه " احم من الاحسن نخدم عليه بوحدي اصلا كايعجبني نخدم بوحدي هاكا كانكون اليز وكانعطي كاع لي عندي "تبسمت "
صقر.... اهاااااه ..اوك لي بغيتي لكن عطيني فكرة على المخطط ....
( طبعا الغرض من وجودها فالمكتب واظح وباين فضل يخليها معاه باش يقدرو يركبو الكاميرات عندها بعد دقائق وصلو تصال بلي كلشي هو هداك تبسم وشاف فيها....
صقر..... احم تقدري ترجعي لمكتب باش تكوني اليز وتعطي كاع لي عندك " غمزها "
ريحان...." برتباك " احم شكراا ......" وقفات وهزات صاكها وخرجات من عندو اول ما دخلت لمكتبها تنفسات صعداء جلسات فوق الكرسي وخاشية يدها بين وجها وكاتخمم بعد دقائق رفعات راسها وهزات تيلي وتاصلت ب فاطمة ....
فاطمة.... الووو
ريحان.... الو فاطمة لاباس ؟!
فاطمة .....لاباس اخويتي نتي اش خبارك واش خبار مولا دارك ؟!
ريحان.. الحمد لله شكراا قولي اشنو تما ؟!
فاطمة...كلشي مزيان هاد ساعة من ديك النهار لي هضرتي معاها فيه ماتعطلت ولكن سهير عاطياه قتلة وداك المشقوف ما كاتحيدوش من يدها وكاظل سادة عليها البيت
ريحان..." بقلق " واخا شكرا غير نسالي الخدمة غانجي عفاك حاولي ماتعاطايش معاه وماتبيني ليها والو راقبيها من بيعد بلا ماتهضري
فاطمة....واخا اخويتي لي بان ليك
ريحان...احم شكرا بسلامة " قطعات الاتصال وبدات كاتكلم بصوت مسموع.......
ريحان....اش كايدور ليك فداك راس اوئام "تنهدات " هووووووف اش هاد شي ياربي كلشي تكب عليا فمرة وحدة " تنهدت تنهيدة طويل من بعد خدات الملف وبدات خدمتها وهاد شي كلو تحت انظار صقر لي كان كايشوف فيها من المكتب صوت وصورة بعد 15 دقيقة جات عندها باتول .......
باتول.... "دفعت لباب ودخلت " اييي هوووو حبي صافاااا
ريحان...." هزات راسها وشهقت " الله ياربي شي نهار غاتسكتي ليا القلب بهاد تهيميج ديالك .....
باتول.... "جلست فالكانابي ودارت رجل على رجل " فين هو القديد " رفعت حاجبها "
ريحان.... قدديني انا وكوليني 😂
باتول.... "بنرفزة " راه ما كانضحكش بغيت القدييييييييييييد 😡
ريحان .... "بستغراب " لا نتي ماشي طبيعية "خدات تيلي " تقطعي فالقلب صبري نسول فاطمة الى عندك شي زهرررر ....
باتول.... " بلهفة " سررربي سررررربي......
ريحان..." خرجات فيها عينيها بمعنى سكتي " احم الو فاطمةةةة ...
فاطمة.... الوووو ريحان
ريحان... فاطمة كاين القديد فالداار عندك !!!
فاطمة .... "وسعت عينيها " كاتوحمي 😨
ريحان ... كانبعرر اشمن وحم " تنهدت " قولي لي واش كاين !!
فاطمة... دارت يدها على نصها " ايييييه ضربيني حسسسن
ريحان.... ضحكت " الله رجعت فاطمة لي كانعرف 😂 "جمعت ضحكة " اه ولا لا راه عندي شلاا مايدار
فاطمة.... اييه باقين شي قديدات جبتهم معايا من لبلاد
ريحان...وجديه ليا الله يحفظك من نجي ناخدو
فاطمة.... واخا اخويتي اشوفي من تكوني جاية جيبي معاك شي لويمينات (اليمون ) وتفيفيحااات (تفاح) ثلاجة بدات تخوا
ريحان... واخا ان شاء الله بسلامة ...." اول ما قطعت معاه تكلمت باتووول...
باتول...." بفرح " ياااااس ..يااااااااس ...يااااااااس عندهاا " وقفت وجراتها "نوضي نجيبوه طلقي راسك
ريحان..." هزات صاكها " زيدي قدامي كلك ضجيج ........."خرجو من المكتب وتوجهو لمصعد فطريقهم دازو لكارفور تقدات ريحان الخضرة واللحم وديسير والعصائر الفرماج والمواد الاساسية وكل مايحتاجو فالمطبخ عاد كملو طريقهم مسافة طريق كانو قدام باب العمارة نزلو ساشيات (الاكياس ) ساعدهم العساس وطلعو لطابق الثالت فتحت ليهم فاطمة غير شافت تقدية تبشر وجها وبدات تعنق وتبوس فريحان...
فاطمة.... اش خبارك اخويتي لاش محنتي راسك هه
ريحان... دخلت لداخل " دخلي اباتول دار دارك ههه
باتول... " سلمت على فاطمة ودخلت " ماتوصينيش الحب ما غانحشمش 😂
فاطمة.... مرحبا بيك
باتول...." تبسمت " شكرااا " شافت ف ريحان " من قولتي ليا مرات بابا كان عند بالي وحدة كبيرة ساعة تاظح العكس 😍
فاطمة ..."تحلت " هه الله يكبر بيك هه
ودار داااارك اش تشربي اتاي ولا القهوة ؟
باتول.... لا غير رتاحي مابغيت والو
ريحان... وقفات " انا عارفة اش بغات " اشارت ليها زيدي قدامي هاد النهار غاندوزوه هنا ....."جراتها وتوجهو لغرفة وئام لي كانت فارغة خداو بيجامات وئام ريحان لبسات بيجامة بسروالها ونص كم فصومو وباتول لبسات بيجامة شورط قصير ودوني ديالو فالشيبي دارت ريحان تعصيبة ونزلو لطابق السفلي كايكركرو......
باتول... جات معاك تعصيبة العفريتة
ريحان.... جات معايا اييه والعفريته لاااااش هههههههههههه "دفعاتها لمطبخ"زيدي قدامي
باتول... غاناكلو من يدك اليوم
ريحان.... اييييه الالة ورفسية بالقديد من الفوق 😂
باتول.... حلت فمها " واش بصح " طارت عليها بتعنيقة " الللللللللللللللللللللله......
ريحان.... قجتيني الويلة غاندير بناقص
باتول.... زيدي قدامي اكبيرة الويلات
توجهو لمطبخ مرة يكركرو مرة يتشادو خدات ريحان طحين وبدات تجهز فتريد وباتول جالسة فوق البوطاجي وكادير فيديو ....
ريحان....دوختيني بداك المشقوف..
باتول... ادوري لعندي ونتي معوجة قمقومك خليني نرسخ الحظة 😂😂😂
ريحان .... "تلفتات لعندها ونفخات شنايفها "هاكاااااا 😗 ههههه الله يعفو عليا منك غاتحمقيني مافيهاش ....
باتول ...ويلي تريد غايتحرق اردي بالك وااااااع غانجلس بلا زفيسة
ريحان.....هي الى تبتي وخلتيني نركز....
باتول... كاترسمي مخطط القرية السياحية الله يمسخك ههه .....طول الوقت كانو كايتناقرو ريحان كاتوجد تريد والمرقة وباتول هازة تيلي كاتاخد ڤيديو وكاتهضر وتفاحة فيدها كاتغزز فيها بعد ما كملت من تسجيل رسالت الڤيدو لهشام كانت عارفة بلي جالس مع صقر تعمدات ترسلو باش يشوفها صقر تبسمت بعد ما وصل الڤيدو وتلفت لناحية ريحان....
باتول.... تبارك الله على شاف موحااا هه
ريحان.... مالك ماتكركري ثاني شعندك "رفعت حاجبها "......
_____الشركةةة_______
كانو جالسين فالمكتب كايدردشو فالخدمة اول ما وصلو الڤيديو بدا كايضحك شاف ف صقر وتكلم.......
هشام..... تبارك الله على المدام عندك حادكة ماشي بحال الفانية لي عندي هههه
صقر.... "بستغراب " عفوااا
هشام..... "توجه ليه وجلس حداه وخدم الڤيديو " ريحان وباتول ظاهر لي ريحان كاتوجد رفيسة " زاد فصوت وجلسو كايتفرجو فيهم مناقرين ركز شوفة ف ريحان وتبع كل حركاتها كانت باينة فرحانة وكاتضحك من قلبها وباتول مناقرة معاها وكاتنقب من تريد وريحان كاتضربها على يدها تبسم وشد التيلي من عند هشام خدا تيلي ديالو ورسل الڤيدو عندو .........اول ما وصلو الڤيدو خدا هشام التيلي وتاصل بريحان.....
هشام....باتولتي....
باتول... وي عمري
هشام... يهون عليك هشامو يبقى بلا غداا يرضيك !!
باتول .... اااااح ماشهيتك فواحد الرفيسة ريحتها كاتسلب العقل يمم يمممم
هشام.... والله ماتخلي ليا حقي حت....." قاطعاتو " ......
باتول..... ديما مسبق لعيب اجويعين "بدات كاتعنب عليه " علاااه انا غانخلي زماني وتاج راسي بلا غدااا احييييه
... خرج من مكتب صقر باش ياخد راحتو بين ما صقر رجع كايشوف فالڤيديو من الاول .....
اول ما فرغت من المكالمة تلفت لناحية ريحان وعنقاتها من لور......
باتول.... روحي انت لهلا يخطيك عليا
ريحان.... عااااا غانبدا نبكي 😂 اش هاد الحنان طاح عليك فجأة
باتول... بعدت عليها وتكلمت....رسلت الڤيدو لهشام وصقر خداه من عندو 😎
ريحان... " بصدمة " شنوووووووووو.... طلقت باتول رجليها لريح وريحان تابعاها من الور كاتجري طلعو فوق السدادر وكايجريو كاع صالة قربلوها وقلبوها سفاها على علاها تلاحت عليها كاتقرص فيهااا ...
ريحان....ماعمن تشاورتي هاااااا واش باقية تجلطيني
باتول....كاتلوا بين يدهاا " وااااااااااع وطلقي هههههههههههههههههههه هههههههههههههه صافي تبت عمري نعاود طلقيييي هههههه
فاطمة...."دارت يدها على خدها وكاتشوف " هااااا ويلي من صغيراتك تي قطعي الحس الجيران غايدقو علينا.............
ترن...............تررررررن
فاطمة....هاااااا لي قلنا " توجهات لباب وريحان رجعات كاتقرص ف باتول لي عقلها قرب يخرج بضحك..... "اول ماتفتح لباب درمت فيها ودخلت .....
فاطمة.... تي قولي غا سلام وعليكم
وئام..."حالة فمها ف ريحان لي محيحة" ريحاااااااان
ريحان..... وئاااام " طلقت من باتول " حسابي معاك نتي من بعدد "توجهات لوئام باستها فخدها " وئااااامووووو........
باتول...."وقفت كاتقاد فحوايجها وشعرها لي تخربق " اهلااا وئام واخيرا حصل ليا شرف "جرتها من خدودها " غزااااالة يختي
وئام.... شافت فيها بستغراب" احم شكرا " شافت ف ريحان انا غانطلع ناخد دوش ونرتاح عيت كانو عندي امتحانات
ريحان.... نوووو غاتاخدي دوش وغاتنزلي تغداي معانا
وئام...اوك هه "لاحت ليها بوسة فالهوى وطلعت مع دروج ..
بعد ما خداات وئام دوش لبست بيجامتها ونزلت لعندهم عزلت باتول حق هشام وريحان تكلفات بالباقي تغداو مجموعين فجو مرح باتول اول ماتحطت الرفيسة ماهزاتش راسها
باتول..... اممممممم الله يعطيك الصحة
ريحان....ببصحتك هه ...
___مكان___ اخرررر______
زينب....فين هي ديك مراتك "فطت شنو قالت " هه قصدت ريحان ....
صقر.... كاينا فدارهم
زينب...."بندفاع " اشمن دار عندها ياك دار من فلوسنا هاااااه قالك دارهم
صقر....من تحت سنانو " ماماااااااا
زينب..."ستغربات من نفعالو " قولي باباك هضر معاك ..
صقر...هضرت معاه قبلية غايجي الاسبوع الماجي
زينب....ااااممممم كايهضر معاك انت لي نوضتيها معاه وانا منخليني ايوا مزيان اسي معتز مردودة ليك ان شاء الله " شافت فيه " مدام رجعتو سمن مع عسل اش جلسك هنا خلينا نرجعو لدار
صقر..."بتدمر "رفضت نتغدا فالشركة قلت نجي لهنا نريح دماغي ساعة بلي غلطت "شاف فيها " ثم انا ماغانمشي فين مرتاح هنا
زينب....شنو دابا غانبقى مقسومة بينكم هنا انت هنا وباباك لهيه
صقر..."غمزها " توحشتي سي معتزز ...اممممم
زينب..."ضرباتو بالمنديل "الله يمسخك كن تحشم "وجها حمار من الخجل "
جصقر...." حبس ضحكة " مكانك مع سي معتزز عيب تخلي رفيق درب بوحدو "شد يدها وباسها " انا وريحان غانبقاو نجيو فالويكاند
زينب ....."عقداتهم " نفهم بلي كاتجري عليا هاااااااا "وقفات بعصبية " لااا كاتجري عليااا
صقر..."وقف وشد يدها " مامااا انا ماقصدت والو هادي دارك وهاديك دارك "باس يدها "
زينب..."عوجات فمها " اممممم الله يجعلني نتيق
صقر.... "باس جبينها " روحي انتي شكون يسخى بروحو هااااا ؟!
زينب ... "تبسمت " ااااخ منك العفريت كاتعرف من تشدني
صقر ....."ضحك حتى بانو الغمزات ديالو " هههه
زينب....جلس كمل غداك جلس
صقر..."مسح فمو بالمنديل " الحمد لله "شاف فالساعة " وصل الوقت غانرجع لشركة "باس راسها " نشوفك فاليل باااي
زينب..."تبعاتو بعينها " في امان الله ........"اول ماخرج وسد الباب جلسات ودارت رجل فوق رجل وهزت كاس العصير شربت منو وتبسمات بزز ودمها كايفور ...
زينب..... ديك الفلاحة علنت عليا الحرب وبدات كاتاخد مني ولدي "بحرقة "غير صبري عليا الى ماخليتك تخرجي من هاد دار مدلولة راني ماشي زينب...
بعد ما كملو غداهم غسلو الماعن وباتول عمرات اتاي منعنع وتجمعو عليه ما عادة وئام لي طلعت لغرفتها وسدات عليها كاتهضر مع فراس ......
فراس....توحشتك
وئام....."تسطحات فوق السرير " حتى انا 😍
فراس..... بغيت نشوفك
وئام.... صعيب كاينا ختي وواقفة ليا على القرص حتى تمشي لدارها ونشوف
فراس..."بنرفزة " انت زدتي فيه بزاف حنا فالقرن 21 اش هاد تخلف
وئام..... فراس بليز كذا مرة قلت ليك انا ماشي بحال لبنات لي كاتعرف كلشي عندي بالحساب واي خطوة كانخطيها بالحساب "تنهدت " انا عارفة مقصرة معاك ولكن ماشي بيدي صدقني
فراس..... حتى لين غانبقاو هاكاا فكل ما كانبغي نشوفك كاتخرجي ليا بمبرر خاوي نساي شنو قلت باي
وئام.... فراس ان....."قطع عليها " ... الوووو .....الوووو ....فراااااس...."رجعت تاصلت بيه لقاتو طفاه .....
باتول.... نوووو ماغانرجعوش لشركة خلينا نخرجو نفوجو الخدمة ماغاتهربش
ريحان.... اوفين غانمشيو !!
باتول ... نمشيو لشي كافي ونديرو شوبينغ شوية "سكتت ورجعت ستأنفات كلامها " اش بان ليك نمشيو لمدينة الالعاب !!😍
ريحان..... "بعد تفكير " اوك اط نشوف وئام تمشي معانا تبدل الجو شوية
باتول.... اوكي يالاااا........."طلعو لغرفة وئام كانت جالسة على اعصابها وبالها كلو مع فراس .......
ريحان.... ايييي هووووو البنت فين مشيتي
وئام..... الصمت
ريحان..... "كاتحرك فيها " ابسم الله عليك
وئام..... "شهقات " هاااااااااه
باتول.... فين سافرتي هه
وئام..... "بضيق " انا معاكم
ريحان ....نوضي بدلي حوايجك باش نخرجو
وئام..... نووو مافيا لي يخرج غير بصحة
ريحان.... بلييييز اش غاتبقاي ديري وسط ربعة دالحيوط نهار لي بغيت نخرج معاك تعكستي
وئام.... ريحان بليييييييز قلت ليك مافياش
ريحان..... "بقلق " مالك حالك ما عاجبنيش !!
وئام......" بتوتر " ل ا لااا والو انا لاباس غير شوية دالعيا " تبسمت " سيري بدلي الجو
ريحان.... "بعدم ارتياح "واخا احم رتاحي غدا ان شاء الله نشوفك "باستها فخدها "
وئام...."بفرح " علاش ماغاترجعيش هنا !!
ريحان.... لاا غاندوز لدار "خربقت ليها شعرها "
باتول..... "سلمت عليها "يالا بااااي وئام وفرصة سعيدة
وئام....بمجاملة " انا اسعد بااااي ........"اول ما خرجت ريحان وباتول من شقة طارت وئام بالفرحة واخيرا خلا ليها الجو وغاتاخد راحتها رجعات تاصلت بفراس هاد المرا تيلي كان شاعل قالت ليه يدوز عليها بعد ماقطعت الاتصال توجهات لبلاكار وبدات كاتقلب شنو تلبس والفرحة ما سايعاهاش ........
______مكان- اخرررررر______
ريحان... هاد لابوتيك خاص بالرجال
باتول.... جراتها من يدها " ايييه زيدي خلاص
ريحان .... غاتاخدي لهشام شي حاجة
باتول ... وي يالااا ......."دخلو لبوتيك فيه حوايج الرجال وغير لمارك خدات باتول كذا قميجة (قميص ) لراجلها وربطات العنق وشي حوايج اخرين شافت ف ريحان وتكلمت...
باتول....نتي ماغاتاخدي لصقر والو ؟؟
ريحان..... نوووووووو واش نتي صافا قالو ليك كانحفر لفلوس ثم اشنو المناسبة هااااء
باتول.....ااااااححح على كنيمة (شحيحة ) لي سمعك يقول مقطعين بيك الحبال ونتي وخادة راجل خانزز فلوس بلا كترت لكلام خودي لسيد شي لعيبة غير لوجيسط 😉
ريحان .... "ماقنعتهاش " نن بلاش ياك خديتي لي خصك ايوا زيدي
باتول... "بنفاد صبر " يامتبت العقل والدين "غمضت عينها بعصبية ورجعت فتحتهم " واش باغية تصطيني غانبقى غير كانقري فيك هاااا ياك باغية توصلي لمبتغاك فأسرع وقت !! ايوا الهداية كايوطدو العلاقات ويزرعو المحبة " غمزتها " وبيها غايعرف بلي راك مهتمة بيه وبلي راه فبالك ههه
ريحان .... امري لله زيدي ...
ريحان.... "جات عينيها على ساعة يدوية " باتول كيف جاتك هادي ؟!
باتول .... اوووه زوينة بزاف
ريحان.... "اشارت لصاحب المحل " احم عفاك ممكن نشوف هاد الساعة
...... معلوم تفضلي " خداتها وكاتشوف فيه ودماغها حاير هزت عينيها وشافت ف باتول "
ريحان.... عندك غير ماتعجبوش ما كايعجبوش العجب ثم غارق سوايع وغير الغالين فين غاتبان ليه هادي
باتول ....مالك متشائمة واش روليكس رخصتيها هادي روليكس اشهر وافخم ماركة عالمية
صاحب المحل .... تماماا كيف قالت المدام كاتمتاز بالفخامة والجودة والدقة فى التصنيع والشياكة فى التصميم ،والرجل لي كايملك ساعة أصلية من روليكس كايتعتبر من أغنى الطبقات الإرستقراطية وصمطة ديالها من الجلد الطبيعي ...
ريحان.... احم اوك جمعها ليا
صاحب المحل .... ثواني "خدا العلبة دساعة وحطها فيها بعناية ودارها فالساشي خدات كارط gيشي ومداتها ليه وكاتشوف ف باتول لي كانت كاتبسم
ريحان..... همسات ليها " رتاحيتي دابا
باتول .... اخخخ منك امي العجوز شحال دنقير فيك 😂 .....بعد ما دفعت ثمن ديالها خرجات من المحل وقلبها غايوقف ....
ريحان.... الله ياربي هاد الساعة طلعات ليا بغسيل الفندق اويلي وحدي زبالة دفلوس
باتول .... اووو هووو بدينا ثاني ..."جراتها ف تجاه السيارة " زيدي قدامي هووووف
ريحان .... نتي الى بقيت تابعاك غانجلس صفر درهم
باتول ..... ههههههههههه نتي غير تبعيني وغانعجبك 😍
ريحان.... فين غانمشيو دابا
باتول .... غانمشيو نشربو قهيوة فشي كافي راسي غايتفرق ومن بعد نمشيو لمدينة الالعاب
ريحان .... يالاااا حتى انا بغيت القهوة هه
طلعو فلوطو وديمارات باتول ف تجاه الكافي مسافة طريق كانو قدام كافي كبيرة فحي راقي بلاصة السيارة نزلو منها وتوجهو لباب الكافي والابتسامة على شفاهم ....جلسو فالطابق الثاني وطلبو قهوة وجلسو كايدردشو بعد دقائق خرجو من الكافي وتوجهو لمدينة الالعاب كان ظلام طاح كاع الالعاب لي فالمدينة لعبو فيهم شبعو ضحك وحماق ....
ريحان ... ههههههههههه عيت والله سطوب
باتول..... غير هاد العبة صافي
ريحان .... "شافت تيلي " صقر تاصل شحال من مرررة بلاتي نشوف المساج ديالو ...فتحت المساج وقراتو " ...
💭 fink 3lach ma katjawbich !!
💭 ana m3a batoul mn hna lnass sa3a ghankoun fdar ...
رشيحان... " شافت ف باتول " يالا تعطلنا
باتول ... غير هادي صافي زيدي ...
ريحان .... يالااا ههه ...
توجهو للعبة لي ختارت باتول بما انا باتول كاتحماق على المغامرات ختارت للعبة خطيرة كاتحبس الانفاس ريحان عقلها كان خايخرج خصوصا عندها فوبية من الاماكن المرتفعة مانزلو منها حتي قلبها كان غايوقف ......
ريحان.... كاتلتقط انفاسها " الله ياربي قلبي غايسكت
باتول ... "كاضحك بدموع " هههههههههههههههههههههه واااااع شحال خوافة هههههههههههههههههههه
ريحان.... " خنزرت فيها " على انا كانخاف من لعلو ياااااه اخرر مرة نتبعك فهبالك قلبي كان غايسكت ...
باتول .... "شدت فيدها " ريحان غانطيح راسي ااااااه
ريحان .... بخوف " باتول مالك ؟؟
باتول ... باتول ماعرفتش رجعت ليا سخفة هاد الاسبوع حاسة براسي فاتيgي "شدات راسها " اااااه ...
ريحان .... "بخوف اكتر " اجي جلسي هنا بلاتي " فتحت قرعة الما " شربي الما
باتول ..."خداتو منها وشربة جغمة " ماتخافيش انا لاباس غير نرتاح شوية ونمشيو
ريحان ... بسيف مايدرك راسك كاع الالعاب الخطيرة لعبتي فيهم
باتول .... هههه " وقفت " زيدي قدامي اخربة ليام زيدي ههههه
ريحان ... واش شوية ؟
باتول ... وي الحمد لله يالااا ......." خرجو من مدينة العاب وتوجهو لفيلا دصقر وصلت ريحان عاد كملت طريقها لدارها ...
يالا فتحت الباب وهي تجي عينها عليه كان واقف كايتسناها وسط الظلام وخاشي يدو ف جيابو ومخنزر يالا غاتشعل ضو هو يجرها لعندو بقوة وزير على دراعها .....
صقر.... "بنبرة حادة " اش هاد الوقت هاااا !! كيفاش نهارك كامل خارجة وبلا ادني وفوق من هادشي ماكاتجاوبيش "زير عليها اكتر "
ريحان .... "تجمعو دموع ف عينيها " ط طلق درتيني ااااااااه
صقر ...."طلق دراعها وكايحاول يتمالك اعصابو " طلقي راسك فين كنتي !!
ريحان ... "بلعت ريقها " ف فين غانكون كنت مع باتول كنا كانديرو شوبينغ " توجهات لضو وشعلاتو "...
صقر .... "توجه ليها وشاف فيها بغضب " اخرررر مرة غاتخرجي بلا ماتعلميني هاد المرة فوتها لكن ادا كررتيها ما غانضمنش ليك
ريحان ... "الغصة فحلقها " الصمت
_ مكان --- اخرررر______
كانت لابسة فستان فالاسود فوق الركبة ودراعو عريانين وطالقة شعرها على راحتو والسعادة مالية قلبها شافت ف فراس وتكلمت
وئام ...فين غانمشيو دابا ؟!
فراس ... لوحد البلاصة غاتعجبك "غمزها وديمارا فتجاه نادي ليلي فحي راقي عامر غير بولاد الفشوش وبنات اليل مسافة طريق كانو قدام باب الملهى نزل من سيارة فتح ليها الباب ومد الكونطاك لبودي كاردي لي واقف حدا الباب وقفات كادور ف عينها يمين وشمال قدام باب الملهى مسطوكي بسيارات فالفارهة ماكاين غير الفيراري واخواتها حلت فمها فالسيارة ونسات بلي واقفة قدام ملهى ليلي لي كاتشوفو غير فالافلام الاجنبية لاحظ اعجابها بالسيارات وتبسم بخبث ....
فراس ... اي هووو فين مشيتي
وئام ... "عاد فطنت " هاااا " شافت فالملهى " علاش جينا هنااا !!
فراس .... "شدها من يدها وتوجه لباب " غايعجبك بزاف اجي ..... " جدبها من يدها وتوجهو لذاخل لي كان عالم اااخر عالم غريب عليها وعمرها تخيلت نفسها تكون شي نهار هنا وسط ملهى ليلي وعامر غير بشكون وشكون وبنات بملابس مفضوحة ودخان دشيشة مالية المكان الموسيقى صاخبة وريحة الشراب كاتعطي منين ومنين دخلو لداخل وتوجه لمكانو المعتاد كان مكان بعيد عليهم وكايشوف فكلشي جلست فالكرسي مرتابكة وحالة فمها من المنكر لي قدامها شي كايبوس فشي وشي كايتلمس فشي تلفتت لعندو وتكلمت ........
وئام .... هاد لبلاصة ما عجباتنيش خلينا نمشيو
فراس... نوووو غير جلسي شوية وغاتولفي ثم انا معاك ماعندك منهاش تخافي " اشار لسورفور " شنو تشربي ؟!
وئام ....عصير ليمون ...
فراس ... تبسم وشاف فالسرفور " معاك عصير ليمون ومشروبي المعتاد
السورفور .... امرك سي فراس ....
_____مكان __اخرررررر_______
بعد ما سمعها تهديدو طلعت لغرفتها كاعية خدات دوش وتوضت وصلت لي فاتها عاد هضرت مع باتول عاودات ليها شنو وقع بعد ما قراتها باتول تاحراميات ديالها ووصاتها قطعات معاها وتوجهات لدرسينغ دهنت لكريم لجسدها بنكهة الڨاني ولبست شوميز دو نوي من الحرير فالغوز بااااارد طويل حتى لتحت وفيه فتقة طويلة واصلة حتى لفخض وصدرو عريان وغير صميطات من بعد مشطت شعرها وخلاتو على راحتو ورشت بارفان ديالها وتوجهات لاطيراس بعد دقائق طلع صقر لغرفة خدا دوش ونشف شعرو ولبس شورط قصير فوق الركبة فالgري وتوجه لاطيراس فين كانت واقفة جبد السيجارة وبدا كايكمي
صقر.... سجلتك ف École de conduite لازم تتعلمي لسياقة وتعتمدي على نفسك
ريحان ...احم شكرا
صقر ... الصمت "كايطلع فيها وينزل
ريحان .... "دكرت لهدية " ااااوه نسيت " توجهات لسرير فين كان صاكها فتحاتو وخدات منو العلبة وتوجهات لاطيراس وقفات قدامو مرتابكة ستجمعت قواها وشافت فيه ....
ريحان .... خديت ليك هادي نتمنى تعجبك
ستغرب ركز شوفة ف عينيها بدون مايتكلم مد يدو وخداها منها فتح العلبة وجات عينو على ساعة الفخمة لي خدات ليه تبسم وشاف فيها
صقر ... "بصوت رجولي " شكرا
ريحان ... احم العفو .
صقر ... "شاف فيها " شنو المناسبة !!
ريحان ... تكركبات " م ماكينا حتى مناسبة كنت فالمول وشفتها وعجباتني ثم انت مهتم بساعات اليدوية قلت غاتعجبك "كادور فعينيها كانت كاتهضر وكاتلعتم ومرتابكة حركاتها وكركبتها ونظراتها سلبوه وحركو فيه احساس غريب ما قدرش يسيطر عليه كانت كاتهضر مابقاش كايسمع شنو كاتقول فقط كايشوف شفاها كايتحركو بطريقة مثيرة وعينيها فيهم بريق خاص جدبها لعندو وحط شفاهو على شفاها كايحاول يروي عطشو وسعت عينيها وقلبها بدا كايضرب بسرعة ..
#مكاان- #اخرررر____
تكات على كاس دالعصير دقة وحدة وتوتر قاتلها بين ما فراس كان كايشرب المشروب دياالو بشوية وعينيه عليها بعد دقاىق الصمت وقف ومد يدو ....
فراس ... اجي نرقصو
وئام ... " وقفات " احم اوك ..... "شدها من يدها وتوجهو لمكان المخصص لرقص كان عامر بالبنات والولاد وكل واحد ف عالمو جدبها لعندو حتى لصقات عليه وبدا كايحركها يمين وشماال فالاول كانت حشمانة لكن سرعان ما تأقلمات وبدات كاتشطح بطريقة خطيرة اصلا كاترقص رقص غربي بطريقة حترافية كاع لي فالملهى حلو فمهم فيها كان جسدها كايتحرك بطريقة مثيرة ماوقفت حتى صافي مابقاش عندها جهد كلشي كان كايصفق ويصفر وكايطلبو منها تعاود عتذرت ورجعت لمكانها كاضحك مع فراس لي زاد اعجابو بيها وولا على اخرو ..... هز قرعة دنبيد وكب ليها كاس ومدو ليها ....
فراس ... تفضلي
وئام ... "بعداتو بيدها "نوو ميغسي
فراس ..... غير جربي متأكد غايعجبك 😉
وئام .... "بتوتر " نوو ما كانشربش
فراس ... ما كنتش عارف بلي كاتعرفي ترقصي
وئام .... الرقص هو عقلي خصوصا الغربي انا وختي ريحان كانعرفو نرقصو هه اصلا هي لي علماتني وخلاتني نبغي الرقص
فراس .... اوووه ظاهر بلي هاد ختك عزيزة عليك
وئام ... كتر ماتصور
فراس ... "دعى الغيرة " اهاااا نفهم بلي كاتبغيها كتر مني !
وئام ...انت حبك غير
فراس ... "كايقرب وجهو من وجها " شرحي لي اكتر .....
وئام ... "بخجل " فراااااس ...
#اليوم #الموااالي •••••
فاقت على اشعة شمس كاداعب وجها فتحت عينيها بزز مانعست حتى قربت تشرق شمس بسبب صقر جرت ليزار وتوجهات لحمام قبل مايفتح عينيه خدات دوش وتوضات ولبست بينوار ولوات الفوطة صغيرة على شعرهااا وتوجهات لدرسينغ لبست قاميجة صفية فالصومو فيها وريدات وسروال بوفو فالموڤ ودارت لشعرها لفت حجاب توربان بشال فالصومو من بعد توجهات لمكان اليك اب فهاد الاثناء فاق صقر كايتكسل توجه الحمام وهي كملت الميك اب دارت ايكخو وجبدات عينيها بالإيلاينر ودارت شوية دالفاغاجو وعكر فالغوز من بعد رشات بارفانها ونزلت لمطبخ توجد الفطور بعد ما خدا دوش توجه لدرسينغ لبس قميجة فالبيض مع كوسطار فالgري وكرفاط فالبوردو رد شعرو لور ورش البارفان ديالو جات عينو على ساعة لي خدات ليه ريحان هزها والابتسامة على شفاهو بعد ثواني من تأمل لبسها وهز تيلي ديالو ونزل لطابق السفلي كانت منزلة الفطور ف غرفة الاكل وزينب جالسة كاتميق فطرو فجو هادئ من بعد خرجو من الفيلا يلا غاطلع ف سيارة هو يوقفها شدها من دراعها ورفع حاجبو وكايشوف فشفاهاا ....
ريحان .... "بستغراب " شنو !!
صقر ... "بصوت رجولي " اشنو هاد الحالة سبق لي وقلت ليك هاد صباغة المائية نووو
ريحان ... "كتمت غضبها " احم انا ماكترتش غير شوية اصلا ماباينش
صقر ... "مد ليها منديل صغير من الحرير وتكلم بنرة حادة " مسحيه ولا غانسمحو بطريقتي "غمزها ".... فهمات قصدو وبسرعة خطفات المنذيل من يدو وبدات كاتمسح فمها تبسم ابتسامة جانبية وطلع فلوطو مسافة طريق كانو قدام باب الإيكول ....تعرفت على الإيكول وتكلمت مع السيدة لي غاتشرف على تدريبها طبعا صقر لي ختار تكون المشرفة مرا بعد دقائق توجهو لشركة دخلو تحت انظار الموظفين وتوجهو لطابق السادس اول ما تفتح باب المصعد كل واحد فيهم توجه لمكتب ديالو ......
فمكان اخرر فاقت وئام بزز وقفات وتوجهات لحمام كاتجر فرجليها بتتاقل وراسها كايعطيها الحريق يالا قدات حاجتها وغسلت وجها هو يتفتح باب غرفتها ودخلت فاطمة هازة حاجب ومنزلة لاخر ودايرة يدها على نصها ....
وئام ... "خنزرت فيها "اش جاية ديري عندي على صباح واصلا علاش دخلي بلا مادقي
فاطمة .... عندك لوجه لي يشوف فيا مات لحية والحشمة خرجتي ليها طاي طاي وبالعلالي والخيل تشالي
وئام ... ايييه جمعي فمكككك اش كاتخوري على صباح
فاطمة ... ماحشمتيش داخلة لدار حتى لنص ليل وجاية شاربة من الفوق اشنو كاديري ؟؟ واش باغية تفضحينا على خرر يامنا هااااا " كاتعلي صوتها " الالة هادي دار ماشي بورديل الى بغيتي تسهري وضربي لقراعي سيري لبلاصتهم كاتسمعييييييي .....
وئام .... هاااي هااااااااااااي دخلناهم على شتا بغاو يجريو علينا من دارررر هي ديالك....... الالة هادي دار ختي كاتسمعيييي ختيييييييي بنت باا ومي وانت غير ضايفة هنااا حطيها حلقة فودنيك ونزيدك ندخل وقت ماش بغيت وشراب هداك مولفة بيه نتي اما انا بزاف عليك وخليها فبالك الى بغيت نقلعك من هنا غانقلع من دابا وبطريقتي خليني كاسرة شر حسن ليك ولا غاترجعي لدور لي مولفة بيه
فاطمة ... تحل ليك الفم البرهوشة وتقادو لكتااااف هادي دار ريحان والى كنت انا ضايفة فا حتى نتي ضايفة وكيف ما نتي ختها حتى ولدي خوها كاتسمعييييي ونزيدك انا لي الى بغيت نرجعك لدوار نرجعك ليه ريحان ساهل نديرها فيدي كسري شررر حسن ليك " غمزتها " والفضيحة دالبارح ما غادوزش بسااهل عقلي اش قولت ..... "خرجات من الغرفة ورضخات الباب وراها حتى تهزز جلسات وئام فطرف دسرير وشادة راسها بيدها من كترت لحريق
#فلااااش #باااااك_______
حط شفاهو على شفاها يالا غايتعمق فالقبلة وهي توقف بسرعة وبعدت عليه دورت عينها من توتر وتكلمت ....
وئام .... يالا نرقصو
فراس ... "فهم بلي تهربت منو " اوكي "شدها من يدها وتوجهو لمكان الرقص وعينيه كايتفحصو جسدها ودماغو خداام بتفكير بعد ما رقصت رجعت لمكانها كاضحك جلسو ومد ليها المشروب ....
فراس .... جربي متأكد غايعجبك
وئام .... " بتردد " نوو
فراس ... تيقي فيا غايعجبك خليك جريئة شوية 😉
وئام ...."خداتو من عندو " اوك هه "يالا شربت شغمة للولة وهي تبزقو جاها مررر ومذاق فشكل رجع زعمها ورتشفت من جديد حتى كملت الكاس وزادها ثاني كملتو بزز بما انها اول مرة ليها دغية داخت وجلست تكركر وتشطح فكل ما كاتبغي طيح كايشدها من يدها ماحبست من شطيح غير بزز دخلو فقبلة طويلة كانت طايرة ودماغها فعالم اخرر حتى كان غاياخد لي بغى هو يوقف فأخر لحظة قرر يخليها لنهار الحفل تبسم بخبث وخرجو من الملهى ما دخلت لدار حتى 1:30 دصباح...
كانت داخل المكتب كاتخدم على المخطط وحاطة كل تركيزها معاه حتى تفتح الباب ودخلت باتول كاعية ......
ريحان.... "هزت راسها وشافت فيها " شنو مقلقك ؟!
باتول .... "جلست بتعب " ااااااخ ياربي ماكانت لاعلى الخاطر ولا على البال
ريحان .... "بخوف " مالك ؟! شنو واقع !!
باتول .... انا حاملة بشهرين تصوري شهرين عاد عرفت بفففف
ريحان .... "ناضت كاتعنق فيها " الله احسسن خبر والله مبرووووك 😍
باتول ... لكن انا ماكنتش عولة وماباغياش بيبي ليليا يلا عندها ثلت سنين تصوري واخا كاناخد الكينة حبلت شييييت
ريحان .... استغفر الله يارب وفين هو المشكل بنتك كبرت شوية وانت وهشام مزوجين عن حب وبينكم نسجام كبير لازم تفرحي ستغفري مولاااك
باتول .... "بحيرة " نخليه
ريحان .... شنوووووووو نعاااااااااااام !! علاه كاتفكري تحيديه " بغضب " جربي وغاتشوفي
باتول .... هاااي هااااي على لالة فقيهتي "تنهدت " راه ما ديراش حسابو واااااااااااااع
ريحان .... ايييخ شحال حامضة
باتول ... حترميني راني حاملة 😖
ريحان .... لاا نتي بزااااف ههههههههههههههه والله حتى فرحت ليك الكارتة دابا بقات ليك غير سبع شهور وتولدي يوبييييييييي 😍
باتول ..... ااااااخ ااااااخ سبع شهور طايتي غاتخسر ثاني وااااااااع هئ...هئ....
ريحان ....نوضي الله يمسخك
باتول .... "شافت فيها " خلينا من موصيبتي الحفل الخيري بقات ليه يومين وياااك تخوي بيا اجي الهدية عجباتو !!
ريحان ... وي عجباتو بيني وبينك هاد الحفل ما حاملاهش والله غير كاتخوري
باتول ... نتي لي غير كاتخوري واش بغيتي ديك صونيا تربح عليك لازم نضربو هنا وهنا ديك حماتك ماشي صعيبة كاااااع خاص غير تعرفي من تشديها
ريحان .... ما كايهمنيش رضاها فجميع الاحوال ما غانطولش معاهم عندي هدف لازم نركز عليه باش نسالي هاد المهزلة
باتول .... "جرتها من يدها " زيدي قدامي اهمي زيدي
ريحان ...ويلي فين غانزيد خاص نكمل المخطط اسبوع غايقدنيش ونتي عاطياها غالدوران
باتول .... ساعة زمن ونرجعو واااه زيدي..... "خرجو من شركة وتوجهو لمول باتول كاتموت على شي حاجة سميتها تسوق طريق كلها وهما مناقرين بين ما صقر كان كايعاود المقطع اكثر من مرة وكايحاول يفهم شنو قصدها من نسالي المهزلة عقد حجبانو وكرز على يدو ودماغو كايدي ويجيب
____ المول______
ريحان ... " جراتها لمكان الاطفال " ياااااي شوفي هادي 😍
باتول .... علاش جبتيني هنا جينا نشوفو شنو غانلبسو للحفل
ريحان ....هشششش "هزات الغوب " كانتخايل الخنفوشة لابساها ياااااي
باتول ... هاااء اش عرفك بلي غاتكون بنت
ريحان ... احسااااس 😍 حبيبت خالتها غاتكون غزالة
باتول .... تبسمت " عندك غاتطلع ضبعة كي خالتها 😂
ريحان.... عندك الزهر كاينين ناس اما نوريك الضبوعة اش كايديرو اصلا انا مابغيت ناخد والو اجي علاش كاتحماقي على تبدير ياك خديتي الكسوة لي غاتلبسي
باتول .... نوو ماعجباتنيش "رفعت حاجبها " اشنو غاتلبسي ؟!
ريحان .... مفاجأة 😝.........
باتول .... ااااح على مفجأتك عندك غاديري شي فضيحة
ريحان .... زيدي قدامي الفضيحة لكبيرة تابعاني الخدمة
باتول .... قولي ليا نلبس الكسوة الموڤ ولا الكحلة ؟!
ريحان ..... امممم نواغ حسن
باتول ... اوك يالاا ......."بعد ما خداو شنو بغاو ودفعو الحساب خرجو من المول وتوجهو لشركة باتول دخلت لمكتبها وريحان فمكتبها اول ما جلست بدات كاتخدم على المخطط وصقر متبعة بعينيه من داخل مكتبو والكلام لي سمع كايتردد دخلو ...
كانت حاطة كل تركيزها على المخطط لدرجة الغدا سمحت فيه وطول هاد المدة صقر كان مراقبها من داخل مكتبو بنظرات كلهم غضب وعقل متخبط وحاير بين ماهي مشغول دخلت باتول وهازة فيدها ساشي فيه الغدا حطت البيتزا وسلطة والعصائر والفريت واشارت لريحان تنوض لعندها .....
باتول ....نوضي تغداي بعدا الخدمة ماغاتهربش ....
ريحان.... الله درتيها زوينة "باست خدها " يخليك لييلي ....."هزت طرف البيتزا وبدات غداها"
باتول .... عارفاك غاتخشي راسك هنا ما غاتهزيهش ههههه ااااه لقيت شنو غانلبس 😍
ريحان .... خرجات فيها عينيها " نتي لمول كامل نقلتيه عندك ومزال حايرة
باتول .... حتى حاجة من داك شي ما عجبتني دخلت لواحد سيت ودرت كوموند على واحد الغوب غدا ان شاء الله غاتوصلني
ريحان .... ان شاء الله
باتول .... "كاتاكل وكاتهضر "نموووت ونعرف شنو غاتلبسي
ريحان .... كن غير عفتيني والله ماحاملاش نمشي اصلا ماكانعرف حد تما وزينب غاتجلس تسممني بهضرتها وتعليقاتها
باتول .... او هوووه رجعنا ثاني لنقطة البداية واش غانبقى غانقري فيك اكلخ وحدة شفتها فحياتي هي نتي علاش ماتحاربيش على قبل راجلك وتخلي زواجكم ينجح جكارة فالعديان
ريحان..... "حطت البيتزا من يدها " واش نتي صافا واعية شنو كاتقولي هاااا ؟! هاااااه قالت ليك نحارب علامن غانحارب أااا ؟! علامن على قبل واحد تزوجتو بزز مني "تنهدت " ياريت كان غير هدا كنت نقول يمكن نحارب على قبلو نحارب على قبل واحد شوفني الويل وشربني المرار أااا ؟! نحارب على قبل واحد ذلني وعيشني الرعب لي عمري عشتو ولي مو كانت سبب فموت ولدي قتلت ليا ولدي بدم بارد ومسحات كلشي فيا وصدقها اصلا كان باغي يقتلو بيدو هاد شي كامل ونحارب اخرر همي هو صقر كرهت نهار لي شفتو فيه وكرهت حياتي بسببو وبسبب ديك شيطانة ديال مو اصلا صونيا غادير فيا خير كبير ادا خلاتو يبعد مني واهاد لعبة مابقيتش باغية نلعبها كرهت نمتل وكرهت كل ليلة نخليه يمسني كرهت نضغط على نفسي ضغط غايقتلني مابقيت باغية نرد صاع لا صاعين سطووب
باتول .... "كاتصفق " برافوووو فغيمو براافو شابو ليك "نهضت فيها " فيقي ابنتي ادا بقيتي هاكا غاتعيشي حياتك كلها عداب الحياة مابغاتش وحدة ضعيفة بحالك لي جا يمسح فيها رجليه الحياة بغات وحدة قوية وعارفة شنو باغية من دنيا بغات وحدة قوية كاتسمعي قوية كيفاش غاتوصلي خوتك فين بغيتي ماتنسايش عندك مسؤولية كبيرة كاتسناك عندك وئام وعماد محتاجينك كيفاش غاتوقفي معاهم ونتي ضعيفة هاكا لي جا يمسح فيك رجليه ويمشي واش عند بالك سكات والصبر حتى يجي الفرج غاينفع الفرج عمرو غايجي ادا بقيتي هاكا اول صاع لازم ترديه لصقر ومو
ريحان ... "بعصبية" انا قوية وغانقدر نوصل وئام وعماد فين بغيت
باتول ..... نووو نتي ماشي قوية انت وحدة ضعيفة
ريحان ... "نزلو دموعها " انا قوية وغانتبت ليك بلي غانوصل خوتي هئ..هءهء
باتول .... "رفعت حاجبها " ادا كنتي قوية تبتي ليا
ريحان ... غانتبت ليك
باتول .... نهار تردي الصاع لصقر غانتأكد بلي نتي فعلا قوية
ريحان ... "مسحت دموعها " غانتبت ليك غاندمو وغاتشوفي
باتول ... "تبسمت " على احرر من الجمرررر...
وقفات وصدرها كايطلع وينزل بعصبية وعينيها حمرين بدموع بين ما باتول كانت كاتشوف فيها والإبتسامة على شفاها ...فمكان اخرر كان صقر فقمة غضبو وجهو حمر وعينيه كتر وعروق رقبتو ويدو بارزين وقف وضرب الكرسي برجليه حتي تهز وصدرو كايطلع وينزل بعصبية رفع راسو والغصة فحلقو ...
صقر..... ترد صاااع "ضحك بحرقة " ماما قتالة كيفاش تجرأ تكدب على ماما "مرر يدو على شعرو بعصبية " الله اربي اش هاد شي كيفاش زواج بزز واشمن صاع غاترد ليا "ضرب المكتب بيدو بعصبية ..........
____مكان_اخررر______
فاطمة ... هاد شي ماخاصش نسكت عليه لازم نقولها لختها " جلست " وانا مالي تعوم فبحرها لهلا يردها "وقفت حايرة " لااا لاااا ماشي انا لي نخليها ضيع راسها "شدات راسها " الله ياربي اش غاندير " تنهدت " لي ليها ليها نحيد تقليدها عليا ونقولها لختها ومنها ليها ديك ساع ......."هزات تيلي ودوزات لخط ثواني وسمعت صوت ريحان ....
ريحان ....الوو
فاطمة .... الوو ريحااان ...
اول ماسمعت شنو قالت ليها فاطمة حلت فمها 180 درجة ووسعت عينها من صدمة ....
ريحان .... شنووووووووووووو
فاطمة ... كيف سمعتي
ريحان .... مستحيل وئام ديرها
فاطمة ..... حيدت تقليد عليا ونتي ضبري راسك
ريحان .... انا جاية دابا "قطعت معاها وشافت ف باتول ....غانمشي ديك البرهوشة غاتسكت ليا لقلب
باتول ... خير اش واقع
ريحان ... "هزت صاكها " من بعد ونقول ليك "خرجات كاتجري من المكتب فنفس الوقت خرج صقر لحسن حظ ريحان توجهات المصعد قبل مايشوفها يالا غايدخل المكتب وهي تخرج باتول ......
باتول ... "تبسمت " بون جوغ
صقر .... عاقد غوباشتو وكايدور عينيه فالمكتب " عاد كانت هنا فين مشات ؟!
باتول .... "كاتشوف فيه بستغراب " كاتقصد ريحان عاد خرجات
صقر .... "خنزر فيها وصفق بيدو " برافووو اشمن مخطط مزال عندكم "رفع حاجبو
باتول ... "بحال الى تكب عليها سطل دالما " عفواا "كادور ف عينيها " ....
صقر .... باشمن حق ماتحرضي ريحان علاش كاتقلبي واشمن خطة عندكم " زير على دراعها
باتول ... ااااه يدي بعددد ليه اش كاتخرف
صقر ... "بصوت عالي " عند بالك ناعس على ك" حبس فأخر لحظة وصدرو كايطلع وينزل تنهد ورجع تكلم " ماتصعريش دين مي غانسى بلي نتي مرات شريكي طلقي راسك
باتول ... " كاتولول فالداخل " اش كاتخرف مافهمتش شنو كاتقص"قبل ماتكمل كلامها جرها من يدها ورجعو دخلو لمكتب طلق من يدها وتوجه لمكان الكاميرا "
صقر ... "بعصبية " هااا قصدي شفتيه.......
باتول ... "حلت فمها " ك ك كاميرا "حطت شدات راسها " الله اربي ....
صقر ...."بنرفزة " دابا غاتقولي ليا شنو كاتخطو وشنو واقع ولا غانعرف بطريقتي ...
باتول .... "رفعت حاجبها " بغيتي تعرف اوك لي واقع هو عندك جوهرة كايتمناه اي راجل مي للأسف ماعارفش قيمتها لي واقع هو انت ومك وصونيا وزمان تاحدتو عليها لي واقع هو مك قتلت ولدك وسبب شنو حيت ريحان فنظرها ما شي المرا المناسبة وماشي من مستواكم هذا علاش ماشي من حقها تكون ام وتفرح
صقر .... "صغر عينيه وتكلم بعصبية " اش كاتقولي مستحيل ماما تقتل ولدي هي "من تحت سنانو " هي لي قتلت ولدنا هي كاتسمعي هي اشمن صاع بغات ترد هي لي دخلت لحياتي وقلباتها هي لي قتلت روح بريئة حيت مني "الغصة فحلقو " هي لي فرضت نفسها على حياتي وعلى عقلي وقلبي "بحرقة " حتى قلبي ماسلمش منها اشمن صاااع هااااا ؟!!!
باتول .... صدقني ريحان مظلومة ريحان ماقتلتش ولدكم للأسف مك لي قتلتو "تنهدت " انت بإمكانك تعرف الحقيقة وقادر توصل ليها اذا بغيتي انا ماعندي حتى مصلحة فهاد شي كامل بغيت ليكم غير الخير ريحان يالا مؤخرا عرفتها تيقني الى قلت ليك كأني كانعرفها من زمان وماكانحسش بيها غريبة عليا هي ختي اذا باغي تعرف شنو ورا الصاع سمعني ....
صقر .... "بصوت رجولي " كانسمع
باتول.... ماشي هنا
صقر .... "اشار ليها " تفضلي ...." تقدم قدامها بخطوات تابتة وعقلو كايدي ويجيب وهي وراه فتح باب المكتب ديالو ودخلو سد الباب وراها وشاف فيها توجهت لكرسي جلست ودارت رجل فوق رجل وكاتشوف فيه بتقة جلس فمكانو وكايتسناها تهضر.....
باتول ... اول مرة شفت فيها ريحان كانت صدفة فديك ساع ماكنتش كانعرفها كنت جالسة انا وهشام فالبحر فجأة كانشوف شابة غادية لبلاصة خطر وقفت فوق الصخر وكانت كاتشوف فمنحى واحد ودموعها على خدها عرفتها غاتحاول تنتحر نضت كانجري الحمد لله وصلت فالوقت المناسب كانت يلاا غاتلوح نفسها لكن يدي كانت اسرع وجدباتها "نزلو دموعها وتبسمت " طحت انا وياها ضميتها بقوة وحاولت نهدنها كانت تائرة وكارهة دنيا دفعاتني ولامتني حيت وقفتها شفت حزن كبير ف عينيها حاولت نسولها رفضت تقول ليا سبب قالت ليا فقط بلي كاتعدب وكاتموت الف مرة فالنهار واحسن حل هو توضع حد لحياتها من بعد مشات ومابقيتش شفتها حتى لنهار لي كان اجتماع تما شفتها تصدمت كانت فالاجتماع متوترة وخايفة خافت نتكلم على موضوع الانتحار بعد الاجتماع مشيت لعندها لكن تكلمت معايا قاصح وحدرتني نقول لي شفت خديت منها موقف وقلت انا مالي شغلها هداك شوية جات لعندي لمكتب وعتدرت على لكلام لي قالت جاني الفضول وبغيت نعرف سبب الحزن لي مخيم ف عينيها عرضت عليها لغدا وتما بدات صداقتنا وحكات ليا شنو كاتعيش وسبب محاولة الانتحار " شافت فيه "
صقر ... "بحرقة " انااا...
باتول .... تماما كانت يالا جهضت صدقني ماشي هي .. هي فعلا ماكانتش باغية البيبي وفكرت تجهضو وخدات موعد مع الدكتورة لكن لما مشات احساس الأمومة تحرك داخلها ورفضت تجهض وتشبتت بولدها لكن ماماك كان ليها كلام فديك النهار كنتي ضربتيها ياك ؟
رصقر .." حتقر نفسو " اه
باتول ... فداك النهار ماماك جهزت ليها الغدا بنفسها وبعتتو ليها مع الخدامة "كادكر " ماعرفتش اش كان سميتها
صقر ... "بصوت مبحوح "شافية
باتول ... ااه هي شافية كانت بعتتو ليها معاها قالت ليا ريحان بزتو عليها واخا ماكان فيها لي ياكل كلات خافت الخدامة تبهدل بسببها اول ماكلاتو حسات بالوجع ونزل معاه دم ومات البيبي وهي لبست كولشي ماكفاكمش العداب الجسدي والنفسي لي عاشت ديك الحظة "تنهدت " احم ماعلينا كانت كل مرة كاتعاود ليا العداب النفسي والجسدي لي كاتعيشو معاك كل يوم ذنبها الوحيد خوها فلحظة طيش ضيعها وكان سبب فتعاستها .."قاطعها "
صقر ... خوهاا ؟!
باتول ... اه عماد خوها عماد هو سبب زواجكم لو تعرف الهم لي هازة والمسؤولية لي هازة وتضحيات لي كاضحي على قبل خوتها
صقر ... سطوب سطوب شنو علاقة خوها ؟!
باتول ... عماد كان مع شي ولاد ودخل لمزرعة ديالكم كان كايسرقو ربما طيش الدراري الصغار وضربو العساس من تشدو وصلتها الخبار ومشات كاتجري تما كانت مفجأة مول الفيرمة طلع مديرها سي معتز ماعرفتش علاش قرر يلوي يدها ويرغمها تتزوجك خيرها بين حرية خوها وزواجكم طرت ترضح وضحي على قبل خوها
صقر .... حل فمو " شنوووووو !!!
باتول ...كيف سمعتي سول باباك وانت تعرف "رفعات راسها خدات نفس ورجعات شافت فيه " ريحان بعد هاد شي لي عاشت حلمها هو طلاق وكيفاش تتخلص من الجحيم لي عايشاه هي فنظرك وحدة لعوبة وطماعة كيفاش غمضتي عينيك وقصيتي عليها شوفة ف عينيها كافية تخليك تعرف هي شكون ومن اي نوع انت واحد ذكي وجلتي العالم وعرفتي ملاين البنات غاتكون قادر تميز الوحدة غير من شوفة غريب كيفاش ماقدرتيش تعرف شكون هي ريحان ..
صقر.... انا شفت بعيني المساجات لي بينها وبين داك الكلب "من تحت سنانو " وحدة بريئة غاتفكر تخون راجلها !!
باتول ... " بنفاد صبر " او هوووه هاد شي كامل لي عرفتي ومزال شاك واش صعيب عليك تفهم "زفرت بعصبية " ديك الكلبة دصونيا هي لي بعتت المساجات من الفون ديالها باش تخليك طلقها صونيا الممسوخة حاطة عينها عليك وبمباركة ماما ودعمها كاتتأمر على ريحان " بنفعاال " ماماك ماباغياش وحدة من فقيرة وبنت شعب فنظرها صونيا هي المرا المناسبة انا بنفسي شفت داك شكيب فالكافي جا لعندنا هو بنفسو عند بالو واش ريحان قدامي غوتات فوجهو وسباتو وقالت ليه يفوت طريقها هي وحدة مزوجة لكن رفض ووراها الرسائل ولما شد يدها صفعاتو فيق ...فيييييييق ريحان غاضيع من بين يديك وديك ساعة غاتندم وخلي صونيا تنفعك ساعتها
صقر ... "كرز على يدو " مستحييييييل "من تحت سنانو " وشنو قضية صااع هاااا ؟!
باتول ... ريحان بغات ترفع دعوة طلاق انا مابغيتهاش تطلق واخا كاع شي لي حكات ليا عندي يقين بلي انتما مناسبين لبعضكم وبلي غايجي الوقت وتعرف الحقيقة عيت نقول ليها تصبر مابغاتش مصممة على طلاق هدا علاش جات فبالي فكرة الصاع قولت ليها ترد الإعتبار لنفسها وتنتقم من شي لي درتو فيها قلت هاكا فكرة طلاق غاتأجل وغانقدر نقرب بينكم شكون عرف تق...."سكتت ورجعت ستأنفات كلامها " فالاول رفضت لكن قدرت نقنعها بطريقتي ولات كاطاطي وكاتحاول ترضيك باش تولي تبغيها ومن بعد غاتخرج من حياتك فمرة "شافت ف عينيه " دابا عرفتي كولشي ماعرفتش فاش كاتفكر لكن صدقني مهما كان تفكيرك عمري غانتخلا عليها وغانوقف فوجك ادا حاولتي تأديها
صقر .... "تبسم بزز " اهااااا قولتي طيحني فيها ومن بعد تخليني لااااا برااافو عندك افكار "خنزر فيها
باتول ... قلت ليك شنو هو غرضي احم "رفعت حاجبها مع ابتسامة " اصلا انت طايح وتغرمتي بيها كانشوف هاد شي ف عينيك انا خبيرة ف قراءة العيون زائد قولتيها بعظمة لسانك فرضت نفسها على عقلي وقلبي حتى قلبي ماسلمش منها "غمزاتو ووقفات " نهارك مبروك وخليها فبالك عمري نتخلا عليها وما غانسمحش ليك تأديها ..."هزات صاكها وخرجات ماتمختر تحت انظارو لسانو تخرس وحس بالغصة فحلقو زير على يدو بقوة وخرج من المكتب طاااير......
_____مكان _ اخرررررر_____
ريحان ... "دخلت لشقة " فين هي ؟!
فاطمة .... "اشارت ليها " راها فبيت...."قبل ماتكمل كلامها طلعت مع دروج كاتجري ودخلت لغرفة بدون ماتطرق الباب كانت وئام كاتهضر مع فراس فيديو ....
وئام .... ريحااااااان...
ريحان...."لاحت صاكها بزعف وهضرت بعصبية " اييييييه ريحااان "رفعت حاجبها " معامن كاتهضري ؟!
ئام ... بلعت ريقها " م م احم مع صاحبتي "شافت ف تيلي ...
فراس ... "تكلم بصوت مسموع " وئااام شوفي الفوطو لي صيفطت ليك
ريحان ... "بنبرة حادة " ردي على صاحبتك حشومة تخليها.....
وئام ...مقطعت الإتصال " احم من بعد علاش جيتي ق قصدت ع..."قاطعاتها "
ريحان .... "كاتشوف ف تيلي " عندي فضول نشوف الفوطو لي رسل صاحبك اوووبس قصدت صاحبتك
وئام .... "برتباك " م ماكاينا حتى فوطو زعمة فوطو عادية كنا فالإيكول وتصورنا
ريحان ... "نترات ليها تيلي "علااش هاد الخوف كامل خليني نشوف
وئام ...بعصبية " ريحااااااااااااااااااان...
... "كاتقلب بالتيلي وئام كاتحاول تاخدو منها وسعت عينيها على اول فوطو شافت كانت وئام بفستان قصير وكاتشطع فالملهى وفراس خاشي راسو فعنقها شافت فيها ورجعت شافت الصورة.....
ريحان ...."حطت يدها على فمها" الله اربي اش هاد شي " شافت الصور وولت شافت الفيديو لي بعت ليها كانت كاتشطح سكرانة قبل ماتكمل الفيديو وصل مساج من فراس دغية فتحاتو وشافت شنو فيه
🗨 J'ai aimé les envoyer était une merveilleuse journée à oublier 😍
(احببت ان ارسلهم كان يوم رائع 😍 )
...لاحت ريحان تيلي من يدها وغوتات "
ريحان .... "بصوت عالي " اش هاد شي دووووووووووووي ......
____مكان _ اخررررررررررر_________
فرانة قدام باب الفيلا حتى تحكو روايد مع الأرض نزل من سيارة وهو فقمة غضبو خبط باب سيارتو وتوجه لباب الفيلا يالا صونا وهي تفتح ليه شافية الباب .....
شافية .... اهلا سيدي.
صقر ... "كدم فيها ودخل " دخلي وسدي لباب وراك
شافية .. "بستغراب " واخا اسيدي " سدات لباب وتوجهات ليه كان واقف وكايشوف فيها والغضب ظاهر عليه
صقر .... شكون لي نزل البيبي ؟!
شافية ... بلعت ريقها وكاتفتف " م م مافهمتش اسيدي
صقر ... "من تحت سنانو " نهار ريحان جهضات "كتم غضبو " واش ماما ورا اجهاضها "بصوت عالي " تكلميييييييييييييي........
شافية .... كاتفتف ودموعها نازلين " و و والله ما انا اسيدي هئ....هئ....
صقر ... ماتختابريش صبري راك عارفاني تكلمي ولا غاندمك "بعصبية" طلقي راسك
شافية ... كاتلعتم " س سم سمع اسيدي راه والله ما انا د د داك نهار ياك هئ..هئ... كنت باغية نطيب لغدا ولكن لالة زينب جرات عليا من الكوزينة صافي ونا نطلع عند لالة ريحان ياك "بلعت ريقها " ومن طاب لغدا قالت ليا لالة زينب نطلعو للالة ريحان وقالت ليا الى ماكلاتش غاطين عيشتي "كاتبكي من الخوف " والله اسيدي ماكنت عارفة هي لي طيبت لغدا ودارت فيه شي عشوب كايجهضو لالة ريحان ما كانتش باغية تاكل ولكن كلات على ودي شوية كنت كانغسل لماعن سمعت صوتها من طلعت لبيت لقيت لالة ريحان مغيبة وغارقة فدمها ومن مشات لصبيطار لالة زينب هددتني وقالت ليا نكدب ولا غاتجري عليا هئ...هئ....والله ما درت شي حاجة "طلقت دموعها وخنونتها كان مصدوم من شي لي سمع حل فمو ووجهو تخطف فيه لون خلا شافية كاتهرنن وخرج بلا عقل طلع فسيارة وكسيرا فتجاه دارو ...
وئام .... ديك الفعى لي عمراتك عليا ثاني
ريحان.... "بصوت عالي "واش ماباغياش تحشمي باغية تسكتي ليا القلب هااااااا هاد لفضيحة كاملة بانت ليك غير فاطمة "ضربت حناكها " اويلي وحدي على كبرهات والسكرة اويلي اش هاد الفضيحة ياربي هئ...هئ.. علا اخر يامي تولي ختي سكايريا 'بصوت عالي" ماشي حرام عليك هاااا هادي هي غانقرا وغانفرح بابا وماما هااااا اتاري كاتحرقي فيهم بفعايلك الكلبة
وئام ....بعصبية ...ماشغلكش فيا هادي حياتي وانا عارفة اش كاندير انتي وحدة معقدة فاش نفعاتك تعقيدة هاااااا فاااش تعقدتي حتى عيتي وفالاخر تزوجتي بواحد كايمد يدو عليك مستحيل نعيش بحالك مستحييييييل...."قبل ماتسكت نزلت عليها لوجه حتى وجها ضار وجراتها من شعرها كادي فيها وتجيب.....
ريحان ....سكتيييييي ...سكتيييييي هئ...هئ... الله ياخد فيك الحق البرهوشة باغية تمرمدي بسمعتنا فالارض والله لا كانت ليك هاد دسارة كاملة غاتحد "دفعتها " هاد تلفون غاتنساية وداك شمكار لي كاتعرفي حتى هو غاتنسايه من اليوم عيني ما غايتهزوش عليك نهار نلقاك معاك غاندمكككك
وئام ... ماشغلكش هئ..هئ...انا ماكاندير حتى حاجة عيب كايبغيني وكانبغيك ومن غاناخدو الباك غايجي يخطبني كاتسمعي انا غانتزوج عن حب مستحيل نتزوج كيف زواجك
ريحان ...اش جاب زواجي لهضرة هاااا اشمن حب كاتهضري عليه المدودة اشمن حب قرانك كايقراو وكايفكرو فمستقبلهم واش باغية تشلليني "جلست فسرير " الله ياربي اش هاد لفضيحة شفت لبنات كايطيرو حتى عيت بحال خفتك ماشفتش شرااااب "بصوت عالي " شراااااااب اعباد الله والمنكر اش داك الوسخ كنتي فيه واش باغية ضيعي راسك وتشوهينا
وئام ...هانتي سمعي والله حتى كايبغيني هئ...وك...."قاطعاتها بحدة "
ريحان ... صوتك مانسمعوش والله مانخليك ديري لي بغيتي من اليوم حاجة اخري وداك شمكار غانسول عليه وغانشوهو هااااه قالت ليك كايبغيني هداك البرهوش لي مزال ما مسح خنونتو كايبغيك كن كان كايبغيك كاع مايدخلك لداك لوسخ نتي فنظرو وحدة مسخة وبنت زنقة نهار يشبع غايلوحك لوحة لكلاب
وئام ..."بصوت عالي " كايبغيني ونتي ماشي شغلكككككككككك
ريحان .... "جرات تيلي من يدها " اري داك المشقوف هنا ومن اليوم الخروج ودخول بالوقت ونهارك نلقاك معاه غاندمككك ....
____مكان _ اخررررررر____
كانت نازلة مع دروج وكاضحك بين ما صقر كان كايشوف فيها بغضب وعروق رقبتو بارزين .......
زينب ... ولدي هه
صقر.... "من تحت سنانو " ولدككك "تبسم بحرقة "ولدك هه
زينب.... "بستغراب " صقر ... ولدي مالك !!
صقر ... "بصوت عالي " ماتقوليش ولدي كيفاش طاوعك قلبك تقتلي ولدي تقلتي حفيدك وخلتيني نمد يدي عليها كنت غانقتلها بسببك وجاية كاتقولي ولدي
زينب .... "خرجات عينيها " ديك العروبية بنت دوار عمراتك عليا عمراتك على مك كيفاش قدرتي تيق كدوبها ياخسااااارة
صقر ... "قاطعها بحدة" سكتييييييييي ماتزديش تصغري راسك اكتر ريحان ماقالت والو طول هاد المدة كنتي كاتزرعي الكره فقلبي وكاتسودي وجها فعيني طول هاد المدة وصلت بيك تقتلي ولدي "بحرقة " يااااااااااااااااااااااه لهاد درجة قتلتي ولدي بيدك "من تحت سنانو " مستحيل نغفر ليك هاد شي مستحييييييييييل
زينب ....كدوب كدبات عليك الله يطيرها ان........."قاطعها بصوت عالي "
صقر .... سكتيييييييييييييي "صدرو كايطلع وينزل " خرجي من حيااااتي يكفي لي ضاع منها بسببك خرجي من حياتناا باركة ماغانسمحش ليك دمري زواجي ريحان مراتي كاتسمعي وهي المرا لي كانبغي مستحيل نسمح فيها وغاندير المستحيل باش تسمح ليا وتكون ليا عن طيب خاطر "اشار بصبعو فوجها " وانت غاتنساي بلي عندك شي ولد وغاتخرجي من حيااتي سطوووووب مابقى عندي فين نزيد "طلع لطابق الثاني وخلاها كاتبكي وحالة فمها من صدمة ...
زينب ..صقرررررررر....صقرررررررررررررر...."جلست فدروج " الله اربي اش هاد الكارتة طاحت على راسي ...
___امريكااا _____Amérique
يمنى .... اوس منشف راسو ورافض طلاق
المحامي.... هادي غير الجلسة للولة اقصى حد الجلسةوثالتة كاع غاطلقي مستحيل القاضي يرفض طلاقكم خصوصا ماحضرش فالجلسة ثالتة الى عندنا شي زهر وماحضرش فالثانية احتمال كبير طلقي
يمنى .... ياربي مايحضرش غانموت الى القاضي ماخلصنيش منو غانمووووت
المحامي ... بعد شررر تيقي فيا "غمزها "
يمنى ...احم شكرا تقدر تشوف شغلك ورد البال ماتبقاش تجي لعندي احتمال يكون مراقبك من بعيد
المحامي ... ماتخافيش معاك ثعبان .....
____ المغرب _ maroc______
خرجت من شقة مصدومة ومامصدقاش بلي هادي ختها صغيرة عمرها ضنات يخرج منها هاد شي جلست فدروج لي فباب العمارة وحاطة يدها على فمها وعقلها كايدي ويجيب فمكان اخر كان صقر جالس فطرف سرير كايكمي ودمو كايغلي مامصدقش بلي مو طلع منها هاد شي كامل وهي لي قتلت ولدو فكل ما كايدكر كيفاش كان كايضرب ريحان وكيفاش كانت كاتبكي وتبرء نفسها كايزيد يتعصب ويحتقر نفسو طفى الگارو وخرج من الغرفة شاعل كيف البركان...
باتول .... الووو
صقر ..... بغيت نشوفك ضروري وماتحاوليش تكلمي ريحان قبل مانشوفك
باتول..... اوك فين ؟!
صقر ..... كافي ****
بااتول ... اوك مسافة طريق ......"قطعت الاتصال وجلست فالكانابي كاتخمم شنو غايقول ليها بعد ثواني وقفات هزات صاكها وتوجهات للكافي مسافة طريق كانت قدام باب الكافي بلاصات سيارة وتوجهات لصقر لي كان جالس وكايتسناها جرات الكرسي وجلست
باتول ... بون سواغ
صقر .... بون سواغ
باتول ... خير ان شاء الله !!
صقر .... احم قولتي لريحان على الكاميرا !!
باتول ... مزال ماشفتها
صقر .... ماتقولي ليها والو تصرفي عادي كأن شيئ لم يكن وستمري فالخطة لي كنتي راسمة
باتول .... "رفعت حاجبها " عفوااا !!
صقر .... انت قولتي غرضك من هاد شي كامل هو زواجنا يستمر !
باتول .... تمامااا
صقر ... فنظرك الى خبرتيها بلي عرفت كولشي غاتبغي تستمر فهاد زواج اكيد نوو هدا علاش ماتقولي والو وخليها تستمر ..
باتول .... نقدر نعرف فاش كاتفكر ؟!
صقر .... "عتدل فالجلسة وتكلم بصوت رجولي " غانكدب عليك ادا قلت ليك ماكانبغيهاش قدرات تزرع حبها فقلبي وتتربع عليه قبل كاع مانعرف الحقيقة كنت ديما كانحاول نقمع احساسي ننهي هاد الحب قبل مايبان لنور لكن ماقدرتش وبعد ماعرفت الحقيقة زاد حبي ليها ومستحيل نتخلى عليها مستحيييل
باتول .... ادا صارحها وعتذر على مادرتي فيها
صقر .... فنظرك غاتوافق "تبسم بحرقة " صعيييب صعيب بزااااف "رجع شاف فيها " انا غاندير ما فجهدي باش نكسب قلبها ونخليها تأنيلي فكرة طلاق غانتصرف كأني ما عارف والو وانت غاتساعديني
باتول ..... بعد تفكير صغرات عينيها وشافت فيه " قولتي نساعدك باش دير Annuler لطلاق اممممم "لوات فمها " بشرط ادا شفت ماماك او ديك الفعى كايدورو بساحتها غانغير رئي وغادير ما فجهدك باش تسعدها وانا غانعاونك اهم حاجة عندي تكون مرتاحة وفرحانة pas plus .........
_____مكان اخررررر_______
بعد ما خرجت من عند وئام توجهات لشركة ودماغها مرفوع حاولت تركز فالمخطط لكن ما قدرتش لاحت الملف من يدها وتكات راسها على المكتب كاتخمم بين ما وئام هزات صكادو ديالها وخرجات من العمارة ...
#المسااااااء ••••••• 🌇
بعد ماوصل وقت الخروج هزات صاكها وخرجات من الشركة وقفات طاكسي وتوجهات لفيلا مسافة طريق كانت قدام باب الفيلا يالا نزلت من طاكسي وقف صقر قدامها بسيارة تجاهلاتو وتوجهات لباب وعقلها كلو مع وئام جبدات ساروت (المفتاح ) من صاكها وفتحت الباب يلا دخلت وهي طير عليها زينب جراتها من دراعها بقوة .....
زينب .... جيتي الفتانة اعدوة الله هااا جيتي (كاتديها وتجيبها ) ...
ريحان ..... ااااه طلقي مني اشنو درت ليك
زينب .... تدار ليك فالعمر ابنت لحرام بقيتي حتى ن....."دخل صقر وقاطعها بحدة ) ......
صقر .... مامااااااااااااااا "زير على يدو وتكلم من تحت سنانو " ماتخلنيش نتصرف شي تصرف ندمو عليه ........"خلاتهم ريحان وطلعت لغرفتها بدون ماتلفت وراها دخلت لغرفتها وزدحات لباب بين ما صقر كان فالطابق السفلي كايغلي .....
صقر..... "كايهضر بصوت شبه مسموع " فين باغية توصلي هاااا ماكفاكش ولدي تكدم بين رجلين بسببك ماكفاكش هاد شهورة ديال صداع وحرق الاعصاب نتي ام نتي "اشار ليها بصبعو " انتي اممممم ؟! "بلع ريقو بعصبية وشاف فيها بغضب " ماتزديش تشعلي لنار حد هنا وسطوب .....
زينب ..... نفهم بلي كاتجري عليا يااك "كادمع " بنت دوار خداتك مني وسممت ليك افكار هئ... هئ... فضلتي وحدة بنت زناقي على مك
صقر ....."بصوت عالي " ماماااااااااا "ضرب الكرسي برجلو حتى تهز وشاف فيها بنظرات كلهم غضب .....
زينب ..... غايجي نهار لي تندم غير صبر وهاد الدار عمري نحط فيها رجلي "طلعت مع دروج كادمع بين ما صقر توجه لجردة كايكمي بعصبية دخلت ريحان لحمام توضات ورجعت لغرفتها كاتصلي لي فاتها بعد ما جمعت زينب شنطتها خرجات من الڤيلا ودموعها فخدها مزال ماقدرت تصدق بلي ولدها الوحيد تبرء منها وخلاها تمشي بعد ما دازت 30 دقيقة طلع صقر لغرفة وسد لباب وراه ...
____مكان _ اخررررررر_____
وئام ....كاتبكي "خدات مني تيلي وقالت ليا نساك هئ....هئ.... عمرها فهماتني بغات تفرض عليا قرراتها وكيفاش نعيش "شافت فيه " انا مستحيل نتخلى عليك مستحيل هئ..هءهءهء
فراس .... "ضمها " حتى انا مستحيل نتخلى عليك وغانوقف فوجه العالم على قبلك صدقيني "شاف ف عينيها وتبسم بخبث " واش غاتوقفي فوجه الكل على قبلي ؟! حتى فوجه ختك ؟؟
وئام .... "ضماتو " اكيييد حتى فوجه ختي انا ليك وانت ليا
فراس .... "كايمرر يدو على شعرها " شششت بارك كل دمعة من عينك كاتحرق قلبي سطوب يالا ناخدو تيلي ....
وئام .... "بسداجة " ماعنديش لفلوس ...
فراس .... "رفع حاجبو " من نيتك انا معاك وكاتكلمي على لفلوس "جرها من يدها " بلييز
وئام ...لا لااا مستحيل نقبل نووو
فراس ... اهاااه وكيفاش غانتواصلو ؟
وئام ... كادور ف عينيها " الصمت .....
فراس .... "جرها من يدها وتوجه لسيارة" زيدي قدامي القطة .......
____ مكان _ اخررررر______
سناء .. (المربية) لالة رياض مابغاش يتعشا عيت معاه من صباح ماطلق طابليت من يدو
رانيا .... "كاتبرض ظفارها " رياض ...رياض ... رياااااض سي طخو واش ماكاينش شي نهار لي ماتشكيش فيه علاش انا كانخلصك باش تهتمي بيه ومخي مايتفرعش "خنزرت فيها "
سناء ... ولكن الالة راه م....."قاطعاتها بحدة "
رانيا ....درقي عليا خليقتك واش غانوريك خدمتك !!
سناء.... "حنات راسها " امرك لالة ....."طلعت مع دروج كاتنكر وتلعن فيها فسرها بين ما رانيا كانت مشغولة مع ظفارها وصلها تصال حطات المبرد وهزات تيلي .....
رانيا .... "بمياعة " وي شيغي
نوفل .... رنوشتي توحشتك
رانيا .... "بدلع " حتى انا نونو
نوفل .... امتى غاترحميني بغيت نشوفك اليلة
رانيا ..... "كاتلعب بخصلات شعرها " نووو اليلة صعيب داك شارف جاي من سفر اليلة لازم نكون معاه
نوفل .... "بنرفزة " دابا داك شارف دراجلك حسن مني !!
رانيا .... ايييه ماتفرعنش عليا ثاني واش نسيتي بلي داك شارف معيشك فخيرو لولا داك شارف كن راني مزال وسط لبرارك والفقر والقهرة حمد الله من تلويت عليه وعيشتك معايا فالخير بعد ما كنت نكرة وليت مدام بن جلون وكايتضرب ليا الف حساب
نوفل .... صافي هاد ديسك حفتيه مابقتش باغي نشوفك على الله غايقدر يبردك من يسالي عندك تاصلي بيا وتجلسي طلبي باش نكمل لي بدا
رانيا .... سير ازا** اش فيدك هاد نمرة غاتنساها كاتسمع اييييخ على ويل ...."قبل مايتكلم قطعت عليه الخط ولاحت تيلي فوق الكانابي بعصبية ...
صقر... فين كنتي طول لنهار
ريحان ... "بضيق " مع وئام
صقر .... احم فين وصلتي مع المخطط !!
ريحان ... مزال ما كملتو
صقر .... اش بان ليك نخدمو انا وياك ماتنسايش حتى انا خريج كلية الهندسة
ريحان .... "بنرفزة " بليييز بغيت نرتاح "تنهدت وشافت فيه وتكلمت بتهكم" بغيت نرتاح ممكن ؟! " شاف فيها شوفة مطولة وخرج من الغرفة بلا مايتكلم كان عندو تخوف كبير وكايتسأل مع نفسو واش باتول حكات ليها اول ما خرج من الغرفة تاصل ب باتول وسألها بعد ما طمناتو بلي ما حكات ليها والو نزل لطابق السفلي وتوجه لمطبخ .......
__مكان _ اخرررررر_______
صونيا .... "بصدمة " كيفاااش عرف "حطت يدها على راسها " الله ياربي
زينب .... ولدي ضاع مني ضااااع هئ...هئ... داتو ليا العروبية بنت دوار " شافت فيها بعيون دامعة " لازم تساعديني باش نرجع ولدي
صونيا .... "بنرفزة " انا عيت من هاد شي فكل ما كانقول غانهيها كايخرج لي بلان فشكل هاد الفلاحة طلعت ما ساهلاش " كاتعض ظفارها بعصبية " الله ياربي
زينب .... واش غانبقاو مربعين يدينا ونتفرجو فيها لازم مانديرو شي حاجة
صونيا ...انا عيت ومليت مابقى عندي ماندير خصوصا فها الايام عندي مسابقة عالمية بين اشهر المصممين وجاني عقد عمل ف فرنسا طالمة كان حلمي نتعاقد مع هاد الشركة "شافت فيها "هذا كان اكبر حلم اليوم تحقق
زينب ....وصقر ؟! هاااا
صونيا .... ااااخ اااااخ "شدات يدها " صعيب عليا بزاااف مي لازم مانضحي ثم صقر عمرو مايكون ليا مستحيل شفتي شنو درت ومزال متشبت بيها
زينب ... ما كنتش عارفة بلي انت وحدة جبانة كيفاش غاتسمحي فيه هااا كيفاااش ؟!
صونيا ... " هزات صاكها ووقفات " واش غانبقى تابعة واحد عمرو مايكون ليا ؟! ديزولي مستقبلي اهم "خرجات وخلاتها حالة فمها من صدمة ............
زينب .... ايوا سيري الله يغصبك همممم قالت ليك مستقبلي "عوجات فمها " ....
____مكان _ اخرررررر______
اول مادخل لفيلا توجهات ليه وضماتو .....
رانيا ... "طبعات قبلة فمو " شيغييييي
الحاج محمد ..... اوووه توحشتك "ضمها
رانيا ..... حتى انا "كاتقلب عليه بعينيها "فين هو عمار ماجاش معاك !
الحاج محمد .... "جلس فالكانابي " نووو عندو شي لتزامات "كايقلب على ولدهم بعينيه " فين هو البطل ديالي
رانيا .... "لوات فمها " احم رياض تعشا ونعس "شافت فيه " امتى غايجي عمار .
الحاج محمد .... ماقالش ليا امتى اصلا ماباغيش ينزل المغرب راك عارفاه " بستغراب " علاش كاتسألي عليه ؟!
رانيا ... "بتوتر " مجرد سؤال "ضماتو" روحي اكيد حاس بالعيا دسفر "باستو فعنقو
الحاج محمد .... بزاااف ماكرهتش شي مساج من هاد ليديدات "باس يدها "
رانيا .... بغنج " بعد لعشا غاندير لحبيب قلبي مساج دايزو لكلام ...
وئام ..."شافت فالساعة " 21:30 دابا خاص نرجع لدار
فراس .... اوكي اول مادخلي غانهضرو ف تيلي 😉
وئام ...شكرا بزاف
فراس .... علاش ؟!
وئام ....على تيلي 😍
فراس .... من امتى كان شكر بين حبيبين هااا
وئام ...."خدودها حمارو من الخجل " فرااااس احم يالا خلينا نمشيو
فراس .... "فتح ليها باب سيارة " يالااا ههه
____مكان - اخررر_____
#بعد #سااااااااعة .......
ريحان .... الو
فاطمة ... الووو
ريحان .... شنو كادير وئام !!
فاطمة ....هاااء شكون عرف
ريحان ... "عقدات حجبانها " كيفاش !! فين هي ؟!
فاطمة ....مزال مادخلت
ريحان ... " حلت فمها " شنوووووووو
الله ياربي هاد البنت غاتجلطني بلاتي انا جايا
فاطمة ... صبري صبري هاهي جات
ريحان ..... ماتقولي ليها والو غدا غانجي
فاطمة .... واخا اخويتي ان شاء الله
قطعت الاتصال ودارت يدها على راسها وكاتكلم بصوت شبه مسموع .........
ريحان .... اش هاد لكارته ياربي اشنو غاندير مع هاد لبنت
صقر .... "فتح لباب ودخل " نزلي تعشاي
ريحان .... " وقفت " بلاتي مزال ما وجدتو
صقر .... وجدتو انا 😉 .....
نزل لطابق السفلي وخلاه متبعاه بعينيها عوجات فمها وقلبت عينيها ونزلت تشوف اش مرون ..........
صقر .... "اشار ليها تجلس " تفضلي
ريحان ... "مستغربة من تغير المفاجئ " احم شكراا ........"كانت جالسة وكاتشوف فيه نزل سباكيتي بالفروماج مع سلطة الاطالية كوكباد وعصير لليمون .....ولابتسامة على شفاهو خدات الفورشيط وتذوقات كان العشا لديذ وتقن السباغيتي لكن حتفظت برئيها لنفسها وتعشات فصمت بدون ماتعلق او تمدحو ....
صقر .... عشت 5 سنين ف اطاليا فهاد الخمس سنين تعلمت نطيب وتعلمت لاطباق اطاليا بحال فيتوتشيني بالدجاج وسباغيتي بالفروماج والبيزا وسلطة كوكباد " تبسم "
ريحان ... شنو كنتي كادير ف اطاليا !!
صقر .... كنا فتحنا فرع ف اطاليا وكان لازم مانكون فالشركة فالعام الاول على الاقل ديك ساعة كنت يالا تخرجت وبابا صيفطني لاطاليا كان مخطط نجلس غير عام لكن وقعو شي مشاكل وطوالت المدة من بعد ستانست وولفت الجو تما حتى كملت خمس سنين من بعد تكلف رشاد وانا رجعت لامريكا ........
ريحان .... اهاااه "شافت فيه '" فين هي زينب احم قصدت ماما زينب
صقر .... "حس بالغصة فحلقو " "من اليوم غانكون غير انا ونتي
ريحان .... "بستغراب " علاش ؟! شنو واقع
صقر ... "تبسم " لي واقع ماما توحشات دارها وبابا سي تووو كملي عشاك
ريحان ... "مسحات فمها بالمنديل " الحمد لله "وقفات " تصبح على خير ...
#اليوم #الموااااااااااالي ••••
اول مافتحت عينيها توجهات لحمام قضات روتينها وصلت صبح ولبست حوايجها وخرجت ديريكت لعند وئام بين ما صقر كان كايمارس رياضة ......مسافة طريق كانت قدام باب العمارة نزلت من طاكسي وتوجهات لمصعد ثواني كانت داخل الشقة .......
ريحان ... صباح الخير
فاطمة ... كاتكب اتاي " صباح الخير جلسي تفطري
ريحان ... فين هي وئام
فاطمة .... يالا لقتيها خرجت
ريحان .... اوك " خرجت من شقة وتوجهات الإيكول مسافة طريق كانت داخل الإيكول توجهت لإدارة وسألت عليها خبروها بلي هاد صباح مجاتش خرجات من الادارة وجلست قدام باب الإيكول كاتسنى بعد ساعة لمحاتها نازلة من سيارة من نوع الفيراري فالاحمر وقفات وتوجهات ليها بخطوات متسارعة اول ما شافتها وئام ولات كاتصفار وتخضاااار .....
وئام ..... بلعت ريقها " ر ريحان
ريحان .... تبارك الله عليك "شافت ف فراس " هدا هو فارس الاحلام ؟!
فراس .... "طلعها ونزلها " انت هي ريحان
ريحان ... "طلعاتو ونزلتو " اييييه هي هادي ريحان نقدر نعرف فين كنتو ؟!
وئام ... "من تحت سنانها " حنا فالإيكول بليز اجلي المحاضرة ديالك
ريحان .... انت غاتبلعي لسانك مانسمعش حسك "شافت ف فراس " اش هاد لحالة ؟! هاااا واش فنظركم هذا حب ؟! انتما مزال صغار ديوها ف قرايتكم
فراس .... عمر الحب كان حرام ولا عيب
ريحان ... لا تبارك الله عليك حافظ مع راسك شحال فعمرك أممم ؟! 17 ؟! 18 ؟! الماكسيمو 19 واش فهاد سن كايكون شي حب هادي غير تفلية ومراهقة بليزززز سطوب الحب اه حاجة زوينة ونقية لكن واش شي لي كاديرو نتما نقي ؟! لي كايمشي لبيران ويشرب نقي ؟! هذا العام لخر عندكم والعام الماجي ان شاء الله لافاك علاش تضيعو هاد لعام لي مهم فتفلية علاش ماتركزوش ف قرايتكم و..."قاطعها"
فراس .... اولا انا عندي 18 سنة وعندي لكارط ناسيونال وشاب راااااشد وعارف شنو باغي وباش نطمنك ماديها ف قرايتي " ضم وئام " وبخصوص الحب الحب ماعندو حتى سن محدد وحبنا نقي وطاهر وحتي شي مخلوق ما غايقدر يفرقنا حتى مخلوق
ريحان ... "جرات وئام عندها " 18 سنة هاااه قالك راشد شوف غاتفوت عليك وئام وئام ماشي للعلاقات العابرة وانا لي غانوقف فوجهكم صدقني لو شفت قد هاك دالحب قد هاك " جمعت صباعها " كنت غانبارك هاد العلاقة صدقني ما كاتبغيهاش وحتى هي هادي غير نزوة عابرة ومراهقة غايجي واحد الوقت كل واحد يشد طريق علاش ماتختاصروش الوقت والمسافة !!
وئام .... انت غادخلي سوق راسك كاتسمعي مستحيل تبعديني على فراس مستحييل
ريحان ... "بعصبية " وئااااااااااام
وئام ..."غمضت عينيها بعصبية " بليييز ماتزديش تصعبي الامور بليييز سطوب بارك "جرات فراس من يدو ودخلت الايكول وخلت ريحان حالة فمها وماقادراش تستوعب الامر بعد دقائق وقفات طاكسي وتوجهات لشركة ودماغها مرفوع ......
ريحان ... "دخلت لمكتب " الله ياربي اشنو غاندير "حطت يدها على راسها " شنو هاد شي واش هادي وئام ........"كان مراقبها من المكتب وكايتسأل مع نفسو شنو لي مقلقها خرج من المكتب ديالو طلب قهوة كحلة بعد ما خداها توجه لمكتب ريحان طرق الباب ودخل كانت شاردة حط الفنجان ف المكتب وجلس فالكرسي .....
صقر ... ريحان
ريحان ... صمت
صقر ... "حرك يدو " ايي هووو ...
ريحان ... هااااااااه ...
صقر ... "بستفهام " فين شاردة !!
ريحان ... احم والو غير مع المخطط
صقر ... "بعدم تصديق " اهاااااه "مد ليها الفنجان " خودي القهوة قاصحة وبلا سكر كيف كاتبغيها 😉
ريحان ... "بعدم اهتمام " شكرا
صقر .... اذا كان المخطط مقلقك خليني نساعدك
ريحان .... "بتدمر " سبق لي وقلت ليك بلي متعودة نخدم بوحدي شكرا "قلبات عينيها "
صقر ... "ركز شوفة ف عينيها " شنو لي مقلقك !!
ريحان ... "طولت فيه شوفة وتكلمت " احم حتى حاجة
صقر .... تقدري تيقي فيا
ريحان ... "بتدمر " قلت ليك ماعندي والو اووووف
صقر .... "كرز على يدو " اوك على راحتك "وقف " وقت لغدا ماتمشي فين تسنايني حتى نجي
ريحان ... الصمت ...... "يالا خرج من عندها وهي تدخل باتول "
باتول ... هااااي
ريحان ... "بضيق " هاااي
باتول. ... مالك ! مزال المشكل ديال وئام
ريحان ... ديك البنت غاتقلتني مافيهاش تصوري شنو دارت
باتول ... "بهتمام " شنووو ؟!!..
_مكان - اخررررر______
رانيا ... "خارجة من الفيلا " اوك انا ماجية
المربية .. مدام رياض رفض يفطر
رانيا.. اييخ منك ومنو ظاهر لي غانشوف مربية اخرى هلكتيني بشكاوي
الحاج محمد ... "نازل مع دروج " اش واقع
رانيا ... خنزرت ف المربية " والو شيغي " شافت فيها " طيري من قدامي
المربية ... "ضغطت على نفسها " امرك مدام
الحاج محمد " طبع قبلة فخدها "ماتبقايش تقلقي نفسك شيغي بلييز
رانيا ... تبسمت بزز " اوك روحي
الحاج محمد ... انا عندي جتماع نشوفك فالغدا
رانيا ... اوك روحي ........"اول ماخرج قلبات عينيها وتكلمت بعصبية " ..... اييخ منك ياهاد شارف امتى غاتودع ونتهنى منك بفففف " خرجات من الفيلا وطلعت فرونج ديالها وكسيرات ........
__الشركة------_____
باتول ... الله ياربي وصلت بيها تشرب شكون هدا ولد من !! نقدر نكون كانعرفو ؟
ريحان ... من دخلو سولت سكيريطي عليه قال فراس بن جلون
باتول .... اااااااااااه عرفتو عرفتو داك البرهوش كايطير مع طيور باه كان وزير سابق اصحبتي راهم خانزين فلوس ولد الحاج محمد بن جلون وكانعرف حتى مرات باه واحد المونيكا كاينا معايا فالكلوب
ريحان ... ماشغليش ولدمن وشكون باه بغيتو يبعد من ساحتها ماعرفتش شنو غاندير
باتول ... غير بشوية ماتزيريش معاه رخي نفسك
ريحان ... البنت تبدلت 180 درجة لدرجة مابقاتش كاتحترمني
باتول ... فترة مراهقة واغادوز فحالها ماتبقايش شادة زكير معاه حاولي تكسبيها وتصاحبي معاه الغوات وتهديد وصداع ماعندو فاش يفيد بالعكس غاتور
ريحان ... وشنو المعمول !!! .....
باتول ... انت غير سمعيني كلشي غايكون مزيان .......
____ امريكا ___ Amérique______
يمنى ... "كاتبكي من الفرحة " واخييييرا انا مامصدقاش وليت حرررة هئ..هءهء وليت مرا حرةةةة ههههه
المحامي ... قلت ليك تيقي فيا وغاتربحي هه
يمنى .. "مسحت دموعها " شكراا بزااف
المحامي ... انا رهن الاشارة فأي وقت شنو غاديري دابا ؟!
يمنى .. غانزل المغرب "شافت فيه وتبسمت " عموما شكراا
المحامي ... رحلة سعيدة وكيف قلت ليك انا رهن الإشارة ........."اول ماخرج المحامي تلاحت فوق السرير وكاتنقز من الفرحة ....
يمنى .. هوووووووووه يوووبييييييي هههههههههههههه واخيييييييييرااااا..
ريحان .. "تنهدت " غانحاول معاها وغانفد كاع لي قولتي مستحيل نخليها ضيع نفسها
باتول .. براافو هه "شافت الساعة " انا معروضة لعند حماتي 😂 غانمشي نوجد راسي وفاليل كاين عيد ميلاد عمة هشام نشوفك غدا لحب
ريحان ..ضحكت من حركاتها " هه الله يعطيك عقل
باتول ...اااه قبل لا نمشي فين وصلتي مع صقر "غمزتها "
ريحان ..اوووف شكون سوق لصقر ولا غيرو همي الوحيد هي وئام .
باتول ..الهضرة ماشي دابا غدا انا معاك الغبية بااااااي
ريحان ..بااااااي 😂......بعد ماخرجات باتول رتاحت نسبيا من الكلام لي قالت ليها تحنات على الملف وسأنفات العمل بين ما صقر كان جالس فالمكتب ديالو وشاد ستيلو فيدو وكايدور فيه ....
صقر ... قريب غانولي همك الوحيد وعد غانخلي قلبك يدق ليا وغانسيك فكاع لي فات "تبسم " ...........بعد ثلات ساعات خرج من المكتب ديالو وتوجه ليها كانت مشغولة مع المخطط دخل بلا مايطرق الباب ما عجبهاش لحال لكن مابيناتش ....
صقر ... صافي مشينا
ريحان .. "وقفات وهزات صاكها " اوكي .... توجهو لمصعد ونزلو لطابق السفلي اول ماخرجو من المصعد شد يدها وشابك صباعو مع صباعها وخرجو من شركها تضايقات وحاولت تسحب يدها لكن كان شادها بإحكام فتح لوطو من بيعد وتوجهو ليها تحت انظار لموظفين .....
سمر ... لاسماحة ليك اليام شي عطيتيه وشي ركلتيه تفففف
مونية ... سيدة ولات تخرج ويدها فيدو خافت يخطفوه ليها
سمر ... لا وكاتعوج من الفوق لي عطاتو يامو يشالي بكمامو
صمد .. اييييييه لي عطاتو يامو يشالي بكمامو هي ديال مول شي اااااااااحححح اقلبي
سمر .. هاد فار دقيق مانعرف اش عجبك فيها
صمد .. مانلومكش الغيرة يك كتر " مشى وخلاها غاتاكل جنابها...........
سمر .. هااااء قالك الغيرة من نيتوو.
مونية .. فقيها صحيح بنت الهم......."خرجو من الرباط بعد ساعة بلاصة سيارة فالبارك وتوجهو ليخت ديالو الخاص كانت كادور ف عينيها وكاتسأل نفسها شنو جاو يديرو هنا !!
صقر ..."نقز ليخت ومد يدو ليها " عطيني يدك ...
بعد ما طلعت اليخت شدها من يدها ووراها كل قنت فيه ابتداءا من الطابق السفلي كان يخت كبير بزوج طوابق نزلو لغرفة نوم كان فيها مايو دو بياس بلو غوا وكاش مايو وسلة صغيرة فيها كريمات وواقي شمس ومرطب الشفاه شاف فيها وغمزها ....
ريحان .. امتى خديتي هاد شي وعلاش ؟!
صقر .. قبل ساعة ....
#فلاش #باااك ••••
الشخص ... الو سيدي
صقر ... غاتجهز اليخت وغاتعمر الثلاجة ومن دابا ساعة غاتجي واحد الكوموند حط الحوايج فغرفة النوم
الشخص ... امرك سيدي
___الحاااضر______
صقر ... سي تو اما علاش...... بغيت ندوز هاد لعشية مع مراتي 😉
ريحان .. "برتباك "احم ولكن ا ن انا عندي الخدمة بقات ربع ايام صافي خاص نوجد المخطط ... "كادور ف عينيها "
صقر .. جدبها لعندو " نساي المخطط والخدمة هاد العشية كاين غير انا ونتي "حاول ياخد قبلة من فمها وتهربت بلع ريقو وتبسم " احم انا غانطلع نحدد الاتجاه وانت غيري حوايجك ااه حيدي لفولار وخودي راحتك كاين غير انا " غمزها وخرج من الغرفة "
ريحان .. كاتعوجو " نننننن ننننننننن قالك خودي راحتك تاخدك مولات لواد " هزات المايو وكاتشوف فيه " اش هاد لعجب من نيتو بغاني نلبسو "بستهزاء " هاااااه ..... "لاحتو فسرير ورجعت شافت فيه وتكلمت " وعلاش لااا ريحان لازم تكملي هاد المسرحية خلاص خاص نطيحو دغية ونرد ليه صاع اصلا بان لي بدا يطيح " تبسمت " غير صبر عليا اسي صقر غيييير صبرررررررررر "هزات المايو وتبسمت ...حيدات حوايجها ولبست المايو ودارت واقي شمس وطلقت شعرها ودارت مرطب شفاه من بعد لبست كاش مايو مفتوح خدات نفس عميق وطلعت لعندو اول ما شافها حل فمو كأنها حورية طالعة من البحر بقوامها الممشوقة حست بالارتباك وتلخبطات توجه ليها وجدبها من يدها ولصقها عليه وركز الشوفة ف عينيها ...
__مكان - اخرررر______
ريان .. بقى للحفل غير غدا عندك ماتجيش
وئام ..." بحماس " اكيد غانجي هه
ريان ...اوك قطيطة
__اليخت_____🛥
بعدت عليه كاتنهج كاتحاول تلتقط انفاسها وصدرهاا كايطلع وينزل بسرعة مصمص شفاهو وتبسم .....
صقر ... ااااخ من حلاوت هاد شفاه
ريحان .. "برتباك " ف ف فيا احم فيا العطش
صقر .. "جدبها لعندو " لو تعرفي العطش لي فيا حني وروي هاد العطشان "حط شفاهو على شفاها ورجع كايلتهم فيه كان قلبها كايضرب بسرعة وكاتنفس بسرعة بكيرة ستجمعات قواها ودفعاتو بجهد ورجعات زوج خطوات لور كاتنهج ...
خلاها ترتاح نزل هو لغرفة حيد حوايجو ولبس شورط فالبيض قصير وبقى من الفوق عريان من بعد عيط عليها وتوجه لمطبخ فتح ثلاجة وبدا كايجهز لغدا كانت كاتشوف فيه كيفاش كان كايتحرك فالمطبخ تلفت شاف فيها وتكلم ....
صقر .. اليوم غاتذوقي احس بايلا فالعالم 😉
ريحان .. ماتكونش كاطيبها بحالي
صقر ... نفهم بلي كاتحدايني
ريحان .. "بتقة " اكيد
صقر ... من بعد ونشوفو التحدي اليوم رتاحي اميرتي
ريحات "مستغربة " احم
صقر ... " خدا قرعة الما صغيرة ومدها ليها " مزال عطشانا ؟!
ريحان .. "خداتها منو ونزلت عليها " شكراا "حطت القرعة وكادور ف عينيها من توتر
صقر .. روليكس هه
ريحان .. "وقفت " غ غانشوف تيلي ديالي ....."قبل مايرد عليها خرجت من المطبخ بخطوات متسارعة وخلاتو متبعها بعينيه وكايتبسم بعد ساعة جهز لغدا نزلو ف طبلة وعيط ليها جلسو وتغداو فجو هادئ والهوى كايضرب فيهم كانت مرتابكة نوعا ما خصوصا ما هزش عليها عينيه بعد الغدا نزلو لما عامو دازت العشية طايرة وماحسوش بيها بعد ما طاح ظلام طلبت منو يرجعو بعد ساعتين كانو فالفيلا طلعت ديريكت لغرفتها خدات دوش وصلت لي فاتها وطاحت كاااااااااااااو...
#اليوم #المواااالي .........
فاقت بطلتنا على اشعت شمس لي تسللت لغرفتها وداعبت وجها توجهات لحمام بتتاقل قضات روتينها وتوضاات وصلت الصبح عاد لبست حوايجها بعدها بدقائق فاق صقر خدا شور خفيف بين ما ريحان كانت كاتجهز لفطور بعد دقائق تجمعو بزوج وفطرو من بعد توجهو لشركة مسافة طريق كانو داخلها كل واحد توجه لمكتبو بدات خدمتها بعد ساعة جات على باالها القهوة خرجات من المكتب ونزلت لكافي يالا غاتاخد القهوة وهو يوقف صمد (موطف ) .........
صمد ... مدام ريحان بون جوغ.
ريحان ...بون جوغ
صمد ... علاش عدبتي راسك كنتي طلبي مني
ريحان ... شكرا .
صمد ... احم المخطط كمل
ريحان ... "كاتسنى قهوتها وماحاملاش تدي وتجيب معاه " مزال
صمد ... انا من ضمن فريقك وسعيد بزاف
ريحان .. ميرسي... " يالا غاتعز طاس دالقهوة هو يحط يدو على يدها زعمة بغى يمدو عليها كان صقر كايشوف فيه من بعيد خدام كايهضر فيها اول ماشافو حط عليها يدو توجه ليه جدبو لعندو بقوة ونزل عليه لوجه كايضرب فيه بكل قوتو ماطلق منو حتى ردو كلو دم ...
فكل ماكانت كاتحاول تفك صمد من بين يديه كان كايبعدها وكاينزل على صمد خلى ليه وجهو كلو دم كاع الموظفين كانو حالين فمهم وكايشوفو دفعو برجليه وهضر بصوت عالي
صقر ... "بصوت عالي " هاكا غايكون مصير اي كلب حاول يشوف ولو شوفة فمراتي ...."قال هاد لكلمة وشاف فيها وشرارت الغضب كاطير من عينيه توجه ليها فكل ما كان كايقرب كان قلبها كايضرب وكاترجف من الخوف قالت مع نفسها اكيد غايرجع يمد يدو عليها يالا غاترجع بزوج خطوات لور وهي تجدبها يدو شابك صباعو مع صباعها وتوجه لطابق السادس وخلا وراه صمد مرمي فالارض كايتلوا من الالم ....... ثواني كانو داخل المكتب ديالو طلق من يدها ......
صقر .. "بعصبية " اش نزلك هااااه ياك قلت ليك ماتهضر مع حتى شي حد وخلي بينك وبينهم حدود "شاف فيها بغضب " ..
ريحان .. ن نزلت نجيب القهوة ثم السيد مادار والو انت ل...."قاطعها بحدة "
صقر .. القهوة ! القهوةة اوسكرتيرة شنو كادير من تنزلي نتي "مرر يدو على شعرو بعصبية " قالت ليك ما دار والو واليد لي حطا علي يدك شنو قاضيتها ؟!
ريحان .. كان بغى يمدها ليا انت لي كبرتي الموضوع
صقر .. "بعصبية " مزال كادافعي عليه هاا "قرب منها يالا هز يدو وهي تخبي وجها ضنات غايضربها حط يدو على خدها وشاف ف عينيها " ..... علاش ماباغياش تفهمي بلي ماكانقدرش نستحمل نظرات شي كلب ليك "بحرقة " علاااااااش .....
ريحان .. بثلعتم " ان ن احم انا مادرت والو
صقر .. بليز حاولي تفهميني حاولي تفهمي بلي ...."سكت ورجع ستأنف كلامو " نساي شوفي خدمتك ....."بعد عليها وخرج من المكتب ديالها وخلاها كاتبحلق فيه ومزال مصدومة من ردت فعلو وكيفاش كان كايضرب ف صمد جلست فالمكتب وكاتشوف ف منحى واحد بعد دقائق دخلت عندها سكرتيرة وهازة القهوة فيدها ...
السكرتيرة ..بون جوغ مدام ميسيو صقر بعت ليك لكافي ..
ريحان .. شكرااا ..........
اول ما خرجت السكرتيرة هزات الفنجان ورتشفت منو وصورة صقر ما فارقاتش بالها تنهدت وستغفرت الله ورجعت كاتكمل خدمتها بين ما صقر كان مراقبها من داخل مكتبو وفيدو سجارة بعد اربع ساعات تقريباااا توجه لمكتب ديالها ودخل بلا مايطرق الباب كانت غارقة وسط الوراق ومانتابهاتش ليه واش دخل ....
صقر ... "بصوت رجولي " وقت الغدا
ريحان .. مابغيتش نتغدا غير بصحة
صقر .. " جدبها من يدها وسد الملف " ماشي وقت الخدمة ساعة زمن ونرجعو يالااا .... "خرج من المكتب ويدو فيدها كانت دراجة نارية من نوع T_max ...فالاسود قدام باب الشركة توجه ليها ومد ليها الخودة (الكاسك ) وسعت عينيها وشافت فيه ...
ريحان .. غانمشيو فالمطور!
صقر .. "بصوت رجولي " وي يالا
ريحان .. "بخوف " نو عمري ركبت فيه زائد كانخاف من سرعة "رجعت ليه لكاسك )
صقر .. "تبسم ابتسامة ساحر ورجع مدو ليها " ماتخافيش انا معاك "طلع هو للول ودار لكاسك وتسناها تطلع بقات واقفة شحال ومترددة تلفت لعندها وحرك ليها راسو بمعنى طلعي خدات نفس عميق وغمضت عينيها وطلعت فالاول رفضت تشد فيه لكن اول ما تحرك وسمعت صوت المحرك قوي طلعت معاها الخلعة شدات فيه وحطات يدها بزوج على كرشو وراسها فوق ظهرو وتكمشات مشى بسرعة كبير غوتات بصوت عالي وكلها كاترجف من الخوف
ريحان ... "خاشية راسها فيه " بشوييييييييةةةةةةةةةةةةةةةةةةةةة واااااااااااااااع نقص سررررررررعةةةةةةة
فكل كان كايزيد سرعة كاتزيد تلصق فيه وتزير عليه بيدها قربها منو حرك فيه احساس عمرو حسو قبل طول الطريق والابتسامة على شافو بعد دقاىق كانو خارج الرباط وقف فنطقة معزولة كايتواجد فيها مطعم شعبي جنب البحر وقف الموطور وحيد الكاسك وتلفت لعندها ....
صقر ... وصلنا
ريحان .. حيدات الكاسك بزعف وخنزرت فيه " اش هاد الحالة كنت غانموت
صقر .. نتي لي خوافة بلا قياس
ريحان .. "بنرفزة " دابا انا لي خوافة شكون لي كان غادي بسرعة جنونية هااااااا ؟! اصلا درتيها بلاعني عقت بيك انا
صقر ... "قرب منها ولصقها عليه " اهاااا قولتي درتها بلعاني وشنو سبب
ريحان .. "قربو منها وترها وحسات بالخجل " ب ب عدد بعددد ليه ناس كايشوفو فينا
صقر .. "شاف ف تجاه المطعم " ناس بعاد ثم ماشغل حد راجل ومراتو فين هو المشكل !!
ريحان .. المشكل هو انك واحد ما كايحشمش وحامض " بعداتو عليها
صقر .. " رفع حاجبو وكايقرب منها " اهاااااا قولتي حااامض اشنو ظهر ليك تجربي الحامض 😉
ريحان .. "خدودها توردو من الخجل " احم
حسن .. "كايشير عليه من بعيد " صقررررر.. صقرررررر... "جاي كايجري عندو والفرحة ما سايعاهش "
صقر ... "تلفت عندو " بااا حسننن ...
اول ما وصل عندو حسن عنقو بعضهم عناق حاااار كان حسن رجل فالخمسين من عمرو تقريبا اول اكبر بسنوات قامة طويلة 197 سم وبنية قوية95 كلم رغم كبر سنو الى انو كايملك جسم رياضي بمتياز وعندو بعض خصلات من شيب فشعرو بعد ما عنق صقر شاف ف ريحا وتبسم .....
حسن ... مرحبا "رجع شاف صقر وغمزو بمعنى شكون هادي !
صقر .. "شد يدها وتبسم " كانقدم ليك ريحان "شاف ف عينيها " مراتي
حسن .. "شاف فيه وعقد حجبانو " مراااتك !! تزوجتي بلا خباري "
صقر .. ماتقولش ليا مافرحانش "حط يدو فوق كتف حسن وضمو " جا كولشي على غفلة غانحكي لك من بعد
حسن .. بقيتي حتى درتيها بالحق الكلام ماشي دابا "شاف ف ريحان وتبسم "مرحبا بمرات الغالي
ريحان .. "حسات بالخجل " ش شكرااا
صقر .. " شابك صباعو مع صباعها " شنو غاتغدينا اليوم اسي حسن
حسن .. الغدا غايكون على ذوقي "شاف ف ريحان " اليوم غاذوقي من يدي
ريحان .. احم ان شاء الله شكرا ......"تقدم حسن هو الاول بخطوات متسارعة وجد ليهم طبلة فوق الما وبعيدة على ناس حيدات صندالة وتمشات فوق الرملة فتجاه طبلة صقر بدورو حيد صباط وتمشى فوق الرملة جلسو فالكراسى وهوى دالبحر كايضرب فيهم بين ما حسن توجه لمطبخ المطعم وبدا كايجهز ليهم الغدا بعد ساعة تقريبا نزل حسن الغدا عبارة عن بلا كبير دالحوت مشكل وسلطات اروبية ومغربية وعصير لليمون والحامض بعد ما حط كلشي جر الكرسي وجلس ....
حسن .. اش هاد الغيبة عاااامين على قدهم ماشفتك ونهار نشوفك نلقاك مزوج
صقر .. يالا مؤخرا دخلت لمغرب ويالا تزوجنا مزال ما كملنا حتى ثلت شهور مقادة زواجنا صدفة "شاف فيها " وكانت اجمل صدفة .......حساات بالخجل نزلت راسها بسرعة بين ما صقر كان كايشوف فيها بحب كبير تبسم حسن وتكلم.......
حسن .. اوووه هاد شي زوين ظاهر لي قصة حب كبيرة هادي
ريحان .. "بغات تقلب الموضوع " احم هاد سلطة لذيذة بغيت لاغوسيط ادا كان ممكن
حسن .. طبعا انت تأمري امر
صقر .. "شاف فيها " با حسن اشهر طباخ فيك يالمغرب غير مابغاش يبان الاعلام اي طبق يجي فبالك يجهزو ليك حتى انو هو لي علمني الطبخ بالاضافة انو بطل عالمي فالكيك بوكس غير الاعلام مانصفوش خدا جوائز دولية وفاز 45 مباراة دولية وبضربة القاضية 🤛
ريحان .. "بإعجاب " اووه تبارك الله عليك
حسن .. الله يبارك فيك ابنتي واش كاتعرفي بلي صقر حتى هو رياضي وكايلعب الكيك بوكس بحترافية حتى انو فاز كاع المقابلات لي لعب غير رافض يبان للإعلام
ريحان .. "تبسمت " نن ماكنتش عارفة
حسن .. حكيتي ليها على مايكل لي قديتي عليه بضربة القاضية ودخل اسبوع ف غيبوبة "قهقه ههه هههه هههههه
ريحان .. "بهتمام "نو ماحكاش ليا
حسن .. وحكى ليك شنو دار ليه معتز من عرف كايلعب الكيك بوكس خفية
ريحان .. نوو
حسن .. ايوا سمعي .
صقر .. "خرج فيه عينيه " با حسن هاد السلطك لذيذة عمري ذقتها عندك
حسن .. سكت ماتقاطعنيش "شاف فيها" كان كايلعب الكيك خفية بلا خبار معتز وحتى انا ماكنتش عارفة كانو فديك الوقت مستقرين ف ف نيويورك فديك الوقت كانت عندو 17 سنة كان كايقرا فالباك من صغرو مشاغب وما كايديرش صداقات خصوصا مع الاغنياء كان كايهرب من الإيكول وكاياخد طرام وكاينزل لواحد لحي شعبي بمتياز وعامر بالأفارقة تما كان كايلعب الكيك بوكس فواحد لصال فداك الحي ومول داك لصال كان كاينظم مباريات لشباب لي عندو وكايخلي الحضور يقمرو عليهم كان صقر اصغر واحد فيهم شافو كايلعب مزيان وختارو ينظم لفريقو المشاغب وافق بسرعة وخلا داك لكانبو يستغلو لعب ليه شحال من مقابلة وفاز فيهم كاملين كان كايشد فلوس صحاح من ورا صقر صقر لي ما كانش مهتم لفلوس كل همو يفوز دازت عام نحج فالباك وطلع لجامعة ومزال كايلعب كايخليهم حتى كاينعسو وكاينقز من البالكو وكايمشي لصال فين كايكونو المباريات حتى لواحد نهار وصلت لخبار لمعتز وعس عليه حتى خرج وتبعو يالا بدا لعب هو يشدو من قرفادتو وكلا ماكلا طبل داك نهار حتى انو داه لفيلا وعلقو فشجرة ليلة كاملة ههههههههههههههههههههههه
ريحان .." ضحكت " ههههههههههههه
حسن .. بلاتي نهار الختانة لي غاتعجبك سمعي ..."قاطعو صقر "
صقر .. حسن سطووووووووووووب
حسن .. قلت ليك ماتقاطعنيش "شاف فيها " نهار غايتختن كانت عندو 5 سنين تعطلو باش ختنوه بما انو تزاد ف امريكا الختان تما ممنوع هذا علاش تعطلو حتى نزلو لمغرب عاد تختن ماعلينا نهار الختان كنا فالمزرعة ووجدنا كولشي معتز كان دار ختان جماعي كاع الاطفال لي مزال ماتختنو فالفيلاج عرض عليهم لمزرعة باش يتختنو مع صقر المزرعة ديك النهار كانت بلان بالناس د دوار وولادهم كان طبيب تما وقال ليه معتز يبدا ب صقر هو للول ايوا سي صقر كان لابس ليك الجبادور فالبيض وسلهام والبلغة وكاينقز وكايلعب ماعلابالوش مشيت لعندو وقلت ليه عندي ليه مفجأة الولد فرح وكايقولي فينها فينها قلت ليه ثواني ويشوفها هزيتو وديتو عند طبيب لي كان فالغرفة كايتسناه حطيتو فوق السرير وحيدت ليه سروال وهو مزال ما فاهمش شنو كاين دغيا زرب عليه الطبيب وختنو كسر الدنيا بالبكى وكاع وجه طبيب كلاه بالقميش غير نزل عينيه وشاف ديك جليدة طارت جلس يهلل وكايدور ويقول وااشفار رد لي طوطة ديالي هههههههههههههههه مع ماكانش كايعرف لعربية مزيان كان كايقولها بواحد طريقة كاتفشل بضحك " ضحك بصوت عالي " ههههههههع ههههههههههههه
صقر .. "نزل على كاس الما دقة وحدة " احمم
ريحان .. "كاتشوف فيه وكاضحك " هههههههه
حسن .. بلاتي هادي اخر وحدة " فاش كان عايش جدو الله يرحمو كان مستقر فالمزرعة وصقر كاينزل لمغرب من الصيف لصيف وكايصيف فالمزرعة ايوا مرات جدو كانت ما فحالهاش وكان ف المزوعة بيت الخزين فيه كاع المواد الاساسية جدو فداك الوقت كان على خلاف مع نسابو ايوا مرات جدو كانت كاتبغي تعاون عائلتها كانت كاطر تسرق من بيت لخزين بيت لخزين كانو المفاتيح ديالو مع جدو الحاج الحسين كان انسب حل عندها هو تخلي صقر ينقز من السرجم (نافدة ) ويسرق ويعطيها ايوا كانت كل مرة كاتهزو وتحطو فالسرجم وهو كاينقز وكايسرق ويمد ليها داز عام وهو على داك الحال العام الماجي فاش رجع المغرب رجعت كاتكرر شنو كانت كادير واحد نهار ما كانتش هي فالدار رسلتو وقالت ليه ينقز من سرجم ويسرق ليها الزيت ودقيق ...الخ ويجيبو لدار باها ناض دري نقز من سرجم لي كان صغير وعالي ومن بغى يخرج وحل كسر الدنيا بالبكى حتى سمعو جدو ومشى فتجاه الصوت مع كانت دار عامرة بضياف كلهم تجمعو عليه حاول جدو يخرجو ماعرفش وهو يجلس يبكي يقول جيبو ليا مي صفية هي لي كاتعرف تخرجني هههههههههههه فضح راسو وفضح المرا معاه. هههههههههههههههههههههههه
ريحان .. لا هادي بزاف هههههههههههه
صقر .. "مارداش " كانت عندي 6 سنين وكنت صغير مالي كدبت هي لي كانت كاتعرف تخرجني من السرجم
حسن .. سيدة كتر من عام وهي كاتسرق جيتي فدقيقة فضحتيها وكشفتي المستور هه
......طول الوقت كان حسن كايعاود لريحان طرائف صقر فاش كان صغير كانت كاتضحك من قلبها ونساجمات بسرعة مع حسن بين ما صقر كتفى بمراقبتها كيفاش كاتضحك وكاتهضر دازت ساعتين عاد ناضو ....
حسن .. هاد زيارة ما محسوباش لابد ما تكررها
صقر .. ان شاء الله اكيد "يالا غايحط الفلوس وهو يمنعو " .
حسن .. جمع فلوسك عندك
صقر .. نووو حنا اليوم زبناء المرة الماجية غانعتبرها عراضة
حسن .. حتى هادي عراضة "رجع ليه لفلوس وشاف ف ريحان " المرة الماجية غانخليك تاكلي اطباق اطالية شعبية متأكد غايعحبوك بزاف ..
ريحان .. ان شاء الله وشكرا فرحت بزاف بمعرفتك
حسن .. حتى انا وتهلاو فبعضكم "شاف فصقر " صدقيني صقر رجل بمعنى الكلمة ولا يعوض
صقر .. "ضرب على كتافو ' من طيب اصلك وغانكرر زيارة قريب ان شاء الله " بعد ماضمو بعض وتسالمو رطلعو ف طاي ماكس وتوجه لشركة شوية بشوية زال الخوف من قلبها وبدات تستانس بالركبة رفعات راسها وغمضات عينيها وغوتات من الفرحة كان طاير بسرعة والريح كايضرب فوجها مسافة طريق كانو داخل الشركة وقف T-max ومد لكونطاك لحارس وشد يدها وتوجهو لطابق السادس يالا غادخل لمكتبها جدبها لعندو وخدا قبلة طويلة من فمها عاد طلقها حسات بإحساس غريب وبالعصافير كايلعبو فكرشها دخلت لمكتبها بسرعة سدات الباب وراها وحطت يدها على قلبها لي كان كايضرب بسرعة من بعد حطت يدها على خدودها لي كانو حمرين وسخان بعد ما لتقطت انفاسها وقلبها نتاضمو دقاتو توجهات لكرسي وجلست ودماغها مرفوع وحاااير ..
__مطااار _ محمد _ الخااامس _ الدولييييييييي_______ 🛩
اول ماخرجت من المطار توجهات لموقف سيارات الاجرة وقفات طاكسي كبير من نوع ميرسيدس وطلعت فيه بعد ما عطاتو العنوان ساعة زمن كان فمدينة الرباط قدام اوطيل الفرح دفعت ليه حساب كورسا وجرت شانطتها وراها وتوجهت لإستقبال بعد دقائق عطاوها مفتاح الجناح لي حجزت توجهت المصعد وطلعت لطابق الثااني فتحت باب الجناح ودخلت حطت الشانطة فالارض وحيدات صباط بالكعب العالي كل فردة فجيه وتلاحت فوق السرير .......
يمنى .. واخييييييييييييييييراااااا "ضحكت " اليوم غانشوف حبيب قلبي وروحي ااااااخ لو تعرف شحال متشوقة نشوفك ونضمك ليا ...
#المساااااااااااااااااااء ________🌃
طاح الظلام وريحان مزال فالمكتب كاتخدم على المخطط الشركة خوات من الموظفين حتى من باتول مشات لدارها رفع راسو وشاف فالساعة .....
صقر .. اوووه 21:00 الوقت كايجري ..."رفع راسو وشاف ريحان مزال فمكتبها وحانية راسها كاتخدم دور راسو يمين وشمال وطرطق عنقو حتى تسمع صوت وقف بتعب هز تيلي ديالو وتوجه لمكتب ريحان ....
صقر .. ريحااان
ريحان .. وي .
صقر .. اليل هذا يالا
ريحان .. "وقفت بتعب " واخيييييرا كملت المخطط
صقر .. تبسم " خليني نشوف
ريحان .. "برتباك " ماعرفتش واش غايعجبك
صقر ... "بصوت رجولي " انا تايق فيك اكيد غايكون فالمستوى "فتح يدو كايتسناها تمدو ليه شافت فيه بنظرات ما كاتفسرش من بعد مداتو ليه ............" اول ما شافو تبسم برضى وشاف فيه .....
صقر .. كيف توقعت
ريحان .. "بهتمام " كيف جاك
صقر .. "كايشوف فيه " هاااايل 😉........
ماغايبقاش هنا غاناخدوه معانا يالا وفدار شرحي ليا كل ما كايخص المخطط .....
ريحان .. احم اوكي ........"خرجو من المكتب ومن الشركة وتوجهو لڤيلا مسافة طريق كانو داخل الڤيلا طلعت لغرفتها ديريكت خدات دوش وتوضاات وصلت لي فاتحها من بعد لبست بيجامة بشورط وشجمعت شعرها عشوائي عاد نزلت لمطبخ توجد العشا يالا غايطلع لغرفة هو يصوني ليه تيلي......
____طرن.........طرن ........طرن_____
صقر .. "شاف رقم غريب" الوو ....الوووو
يمنى .. "قلبها كايضرب بسرعة " الوو .... ص صقر حبيبي ........"اول ماسمع صوتها تبلوكا سكت مارجع تكلم مرة اخرى كانت كاتكلم ودموعها نازلين ........
يمنى... روحي حبيب قلبي هضر هئ..هئ.. ماتصورش قداش موحشاك وموحشة نسمع صوتك
صقر .."بصوت رجولي " شكون معايا !!
يمنى .. "بلعت ريقها عرفاتو هاز فقلبو ومجروح " روحي انا يمنى حبيبت قلبك روحي انا رجعت هئ...هئ.... صقر انا رجعت على قبلك كنت ومازال كانبغيك صق....."قاطعها نبرة حادة "
صقر .. مزال ماعرفت شكون معايا الرقم غلط وباش نأكد ليه انا واحد مزوج وعندي حبيبة وحدة هي مراتي "قبل ماترد قطع الخط وكرز على يدو وصدرو كايطلع وينزل بعصبية وعينيه حمرين ......." كلمة مراتي كانت كاتردد داغلها حلت فمها 180 درجة ووسعت عينها حطت يدها على فمها وتكلمت .....
يمنى .. الله ياربي قال مراتي ؟ صقر قالت مراتي وبلي مزوج لاااا لاااااا لاااااااا مستيحل هو مجروح هذا علاش كدب اول ما غايشوفني غايضمني وغايرجع يبغيني كيف قبل وكتر كاع ...... "خدات تيلي ورجعت تاصلت مرة وزوج وثلاتة بعد ما فقدت الامل سردت ليه مساج ويدها كايرجفو من الاعصاب
🗨 I set your site and will come myself to see you
(حددت الموقع ديالك وغانجي بنفسي نشوفك )...
اول ما قرا المساج كرز على يدو وخرج لجردة باش ماتسمعوش ريحان تاصل ديك ساعة وتكلم بصوت خشن ممزوج بنبرة قاصية
صقر .. اشنو باغية مني هااا ! حتى قنع منك عاد راجعة لعندي ؟! وكاتهضري معايا بوجهك حمر من لفوق
يمنى .. صقر سمعني أوس رغمني ماتخليتش عليك بإرادتي هئ... هئ... صقر انا كانبغيك وعمري نسيتك ص....."قاطعها"
صقر .. انا لاااا ماتت وحدة كان سميتها يمنى وخدات مكانها ريحان مستحيل نخلي مراتي على قبل شي وحدة مهما كانت غاتنساي هاد نمرة ومولاها كيف ما نساك الغدارة وماتحاوليش تهضري معايا او تقربي لساحتي ولا غاندمك كاتسمعي " من تحت سنانو " غاندمككككككككك ...."قطع الاتصال وبلوكا رقمها ديك ساع لاح تيلي بزعف ورفع راسو كايحاول يهدئ نفسو ويضبط اعصابو جبد سيجارة وكايكمي بعصبية وغادي جادي ....
صقر .. كلبة ماكاتسواش عند بالها غاتقدر ضحك عليا بزوج دمعات مستحيل نرجع نشوف فيها مستحيل "ضرب جيهة قلبو بقوى " هنا كاينا غير ريحان ريحاااان وبسسسسس وحتى وحدة ما غاتاخد مكانهااا حتى وحدةةة
ريحان .. "وقفات وراها "العشا جاهز ..... "تلفت لعندها وشاف فيها بنظرات كلهم حب وعينيه مغرغرين جدبها لعندو ولصقها عليه وحط انفو فوق انفها حتى تخلطو انفاسهم وتكلم بصوت مبحوح ..........
صقر .. نتي ملكي وانا ملكك وحتى شي مخلوق ما غايدخل بينا حتى مخلوق ...."حط شفاهو على شفاها ومص شفتها التحتية بعناية وبشوية خلى قلبها يرفرفر وعقلها يتلخبط تسارعو دقات قلبها وحسات بالعصافير كايفرفرو اسفل بطنها طلع لشفة الفوقية وعطاها حقها يالا غايدخل لسانو داخل تغرها وهي دفعو بكل قوتها وبعدت عليها كاتحاول تلتاقط انفاسها وصدرها كايطلع وينزل بسرعة . ....
___مكان _ اخرررررر_______
يمنى .. "طاحت الارض كاتبكي " مستحيل صقر ينساني مستحيل هئ..هئ.... هءهءهء صقر ملكي مستحيل يبغي شي وحدة من غيري اااااااااااه هئ...هئ ....صقرررررر صقررررررررررر هئ...هئ... "مسحات دموعها " ياإما نكون معاه ولا مانكونش مستحيل نرجع نعيش بلا بييه مستحيل هئ....هئ....." رجعت مسحت دموعها ووقفات بتعب وخرجات من الجناح كاتجر فرجليها نزلت لبار لي فالفندق وطلبت المشروب كاتشرب وعينيها منفوخين بدموع ........"فمكان اخرر كانت وئام داخل غرفتها وسادة باب الغرفة بالمفتاح ولابسة الفستان الاحمر لي شرا ليها فراس وكاتعوج قدام المرايا والفرحة ما سايعاهاش .....
وئام ..يااااس ...يااااس ...يااااس غدا الحفل ااااااااااخ شحال متشوقة ليلة غداا غانكون بحال شي اميرة بهاد الفستان وفراس غايفرح بشوفتي 😍...........
_مكان _اخرررررررررر______
اول ما بعدت عليه توجهات لطابق الثاني كاتجري دخلت لغرفة نوم وحطات يدها على قلبها كأنها كاتخاطب قلبها وكاتقول ليه مالك شنو لي خلاك تضرب بسرعة بليز غاتفضحني
رفعت راسها كاتحاول تلتقط انفاسها وحطت يدها على شفاها وكاتحسسهم برفق وقلبها كايضرب لحق عليها بخطوات متسارعة فتح باب الغرفة ودخل شافها حاطة يدها على شفاها ولون وجها مخطوب توجه ليها بخطوات بطيئة فكل ما كان كايقرب كان قلبها كايرفرف حط يدو ورا رقبتها ودخلو فقبلة عميقة كان هو المسيطر ترخات بين يدو وخلاتو يتفنن فتقبيل شفاها بعد دقائق لقات راسها فوق السرير مجردة من تياب وهو فوقها كيفاش دار ووقتاش ماعرفاتش كانت مخدرة ومرفوعة بين يديه ...
#اليوم #المواااااالي 🌄
شرقت شمس جديدة معلنة على يوم جديد واحدات جديدة تسللت اشعة من وراء ستار ودخلت داخل الغرفة كاداعب وجها الملائكي تبسمات ابتسامة خفيفة وهي مغمضة عينيه جر ليزار وستر بعض الاجزاء من جسدها وحط شفاهو على شفاها كايمصمص فيهم برفق فتحت عينيها ووسعتهم وهي بين احضانو بعدت راسها وجرت ليزار وكرزت عليه وخدودها كيف حبات الكرز غايطرطقو بالحمورية من كترت الخجل تبسم من بعد وقف كان لابس بينوار دالحمام فالابيض وشعرو فازك شاف فيها وتكلم بصوت رجولي......
صقر .. صباح الخير
ريحان .. "بصوت شبه مسموع " صباح الخير
صقر .. نوضي خودي دوش على ما وجدت الفطور 😉 غمزها وتوجه لدرسينغ بين ما هي ناضت بسرعة وتوجهات لحمام هاربة من نظراتو نشف شعرو وردو لور ولبس سروال لاطوال فالابيض مع قاميجة فالبلو سيل وخلا زوج صدفات لفوق مفتوحين لبس صباطو ولبس ساعة يدوية ورش لبارفان ديالو عاد نزل لمطبخ وبدا فتحضير لفطور بين ما ريحان خدات دوش وتوضات ولبست الاسدال وصلت لي فاتها وبدات كاتجهز نفسها لبست بيل فالابيض مع سروال بوفو فالصومو وفوق ودارت شدة التوربان فلون صونو وسبرديلة بيضة كتفت بإكخو ومرطب شفاه رشت عطرها وهزات صاكها ونزلت لطابق السفلي كان منزل لفطور القهوة والبتي بان والحلوة وعصير ليمون فطرو فجو هادئ نظراتو ليها وتروها وخلاوها مكركبة من داخل مسحت فمها بالمنديل ووقفت .....
ريحان .. احم الحمد لله
صقر .."مسح فمو " يالا مشينا
ريحان .. "بتلعتم " ي يالا ا ......"سبقاتو بخطوات متسارعة كاتحاول ما امكن تهرب من عينيه لي كايخليوها متخبطة ومكركبة طلعت فلوطو كان فتحها من بعيد جلس جنبها وعفط عفطة وحدة فتجاه الشركة مسافة طريق كانو داخلها توجهات لمكتب بسرعة بين ما صقر توجه لمكتب ديالو وابتسامة عريضة على شفاهو .......
#بعد #ساعة______
بعد ساعة بضبط وقف طاكسي صغير قدام باب الشركة ونزلت منو يمنى رفعاات راسها وشافت الشركة كانت كاتكون من عدة طوابق وكلها زاج ومساحتها كبيرة خدات نفس عميق مع ابتسامة عريضة توجهات لاستقبال بخطوات تابتة وواتقة سألت على المكتب ديالو خبروها بلي فالطابق السادس توجهات لمصعد ثواني كانت فالطابق السادس توجهات لسكرتيرة وسألت عليه ....
يمنى .. بون جوغ
السكرتيرة .. "رفعت راسها " بون جوغ
يمنى .. بغيت نشوف ميسيو صقر
السكرتيرة .. عندك معاه موعد مسبق ؟!
يمنى.. انت قولي ليه يمنى وبس
السكرتيرة .. اوك "رفعات سماعة وتكلمت " بون جوغ ميسيو مدام مادموزيل يمنى بغات تشوفك ... الووو ... الووووو ...
صقر .. قولها دخل " قطع الخط ووقف عاطيها بظهر وكارز على يدو دخلت بسرعة والفرحة ماليا قلبها ضماتو من لور وحطات راسها على ظهرو ....
يمنى .. روحييييييي.....
صقر .. "دار وبعدها عليه " اش رجعك شنو باغية ؟!
يمنى .. "تجمعو دموع ف عينيها " صقر سمعني اوس رغم عليا زواج هئ... هئ... انا عمري بغيت شي حد كيف بغيتك صدقني تنت رجل الوحيد لي دخل لقلبي وتربع فيه هئ. ...هئ.... ماشي بيدي كنت ضحية ماتصورش شنو درت باش نرجع نشوفك حياتي كانت عداب بلا بيك
صقر .. "بعدم تصديق " اش كاتخرفي شكون رغم عليك تخلاي عليا ! اصلا ما كايهمنيش خرجي من حياتي
يمنى .. سمعني "حكات ليه كلشي ‘من الالف للباء طول هاد دقائق كان واقف ساكت بملامح جامد وبنظرات ما كاتفسرش بعد ماسكتت تكلم.........
صقر .. مامصدقش حتى لو كان كلامك صح انا نسيتك ومابقيت كانحس فجيهتك بحتى حاجة وهاد لقلب " اشار لقلبو " فيه مرا وحدة هي مراتي " اشار ليها كانت بلازما كبيرة اونفاص مع البيرو منها كايشوف ريحان حلت يمنى فمها ونزلت دمعتهااا .....
يمنى ...يااااااااه هادي لخدات مكاني ماقادرش تبعد عليها ولا ثانية لدرجة حاط الكاميرات باش تبقى تحت عينيك "بصوت عالي " شكون هادي كيفاش تاخدك مني هئ...هئ... الله ياخد فيها الحق هئ...هئ....هءهءهءهء "مسحت دموعها وخرجات من المكتب بخطوات متسارعة وقفت قدام مكتب سكرتيرة وكاتغوت " فين هي فييييين
صقر ... "جرها من دراعها " يمممممممنى..........
يمنى .. مستحيل نخليها تاخدك مني مستحيل هئ..هئ.. "بصوت عالي " خرجي عنديييييييي
صقر .."من تحت سنانو " خرجي عليا ولا غاتندمي مسرحيتك ماعندها فاش تنفعك....
ريحان ... خرجات من المكتب " شنو واقع هناا
يمنى .. "تلفتت عندها " انت هي الكلبة خطافة رجالة لي خدات مني حبيبي "كاتشوف فيها بحقد
ريحان .. اش كاتخرفي شكون انت !!!
باتول .. "وقفت " اش واقع هنا
صقر .. لي واقع هادي وحدة حمقة وغالطة فالعنوان " جرها من دراعها بقوة توجه لمصعد لاحها فيه ونزلو بزوج لطابق السفلي وريحان كاتشوف ف باتول لي كانت متبعاهم بعينيها
باتول .. شكون هادي ثاني ؟!
ريحان .. علمي علمك 🙄...
دخلت باتول وريحان المكتب بين ما صقر خرج من شركة برفقة يمنى طلع فلوطو وكسيرا فتجاه المجهول ودمو مايغلي....
ريحان .. هااااء قالت ليك خطافة رجالة مانعرف شكون جاية عند لخرا وشكون لي كاتلاح على راجل مزوج " كرزت فمها ......
باتول .. "كاتلعب ليها على اعصابها " باين هادي كاتبغيه بزااف والى ما كانتش تجي لهنا ظاهر لي حبيبتو لقديمة "رفعت حاجبها "اشنو رئيك !!
ريحان .. "بغيض " قال حبيبتو قال اصلا انا ماشغليش، فيه اخرررر همي .
باتول .. "بعدم تصديق " اهاااااااه
ريحان .. مالك ؟!
باتول .. "وقفت " والو هههههه "تحنات عندها وهمست " ديها فراجلك ولا غاتهرب ليك بيه العصفورة 😉......."قالت هاد الجملة وخرجت بين ما ريحان كانت غاتاكل جنابها كمشات لورقة لي كانت هازة ولاحتها بعصبية ......
__مكان _ اخررررررر_______
وقف سيارة وشاف فيها بغضب "
صقر .. اش جابك سبق لي وهضرت معاك كيفاش تجرئي وتكلمي مراتي بديك طريقة
يمنى .. هئ...هئ..هءهءهء علاااش تزوجتي علاااش باش حسن مني هي كيفاش نستي حبنا وكاع لي عشنا هئ...هئ..هءهءهء
صقر ... قولتي علاااش هاااا علااااش ؟! شكون لي سمح فلاخر شكون لي غدر وخان جايا بعد عامين تقولي بلي كاتبغيني لي كايبغي ما كايتخلاش،شنو كنتي باغية نجلس نبكي ونتسنى سيادتك حتى تشبع ....."رجع لكلمة من فمو فاخر لحظة " خرجي من حياتي ونسايني كيف ما نسيتك كاتسمعي مابغيتش نشوفك وجهك مرة اخرى.....
يمنى ... مستحيل نعيش بلا بيك يانكون معاك يا نموت
صقر .. "فتح ليها باب سيارة " ما كايهمنيش خرجي عليااااااااا "بصوت عالي " خرجييييي
يمنى ... "مسحت دموعها وخرجت " غاتندم صدقني ...."نزلت من سيارة مكسورة الخاطر وقلبها محطم اول ما نزلت كسيرا وخلا العجاج وراه توجهات لبحر وجلست كاتبكي بين ما ريحان وباتول خرجو من شركة كايجهزو للحفل لي غايكون ليلة خلات ليه ريحان رسالة فوق المكتب وخبراتو فيها بلي غادير شوبينغ وفالمساء غاتحضر للحفل بعد ثلاتين دقيقة رجع لشركة وتوجه ديريكت لمكتب ريحان لقاه فارغ سول السكرتيرة عاد توجه لمكتب ديالو كانت رسالة فوق المكتب هزها وقراها.......
#المسااااااااااااااااااء ______🌇
بعد ما دارو شوبينغ كل وحدة رجعت لدارها طلعت لغرفتها ديريكت وبدات كاتجهز نفسها فتحات العلبة وخدات منها القفطان لي شرات فالباج لبساتو وبدات كاتحط الميك اب رفضت تلبس الفستان خصوصا الحضور اغلبهم اجانب فضلت تحضر بزي التقليدي وتكون متميزة بعد ما حطت الميك اب دارت لشعرها لفة التوربان مناسبة لون القفطان من بعد لي بوكل (الحلقات ) يالا غاترش العطر هو يدخل صقر شاف فيها شوفة مطولة ماحملش يشوفها كاتزين للبراني وقف وجدبها من يدها ....
صقر ... علاش هاد المبالغة كاملة !!
ريحان .. انت اخرر واحد يهضر كل مرة خارجة ليا عشيقة فشكل
صقر .. "بعصبية " اش جاب هادي لهادي ؟!
ريحان .. جاب ونص انت عايش على هواك وانا كاتفرض عليا شنو نلبس وشنو ندير ومعامن نهضر
صقر .. معلوم نفرض عليك انت مرات الراجل باغياني نشوف مرتي مزوقة وجها وخارجة فليل لحفل كلو رجال ونسكت "عقد حجبانو
ريحان ..."بعصبية " طلق يدي وعتيني ماشي من حقك دخل فيا
صقر .. من حقي انت مراتي ومن حقي ندخل فكل صغيرة وكبيرة "من تحت سنانو " من حقييييي كيف ما من حقي نمنعك تحضري
ريحان .. جرب تمنعني وغاتشوف "رفعت حاجبها
صقر ... بعصبية " ظاهر لي بغيتي نرجع لعادتي القديمة ونخدم يدي
ريحان .. "خرجات عينيها " شنو غاضربني ؟
صقر .. وغانهرس راسك من الفوق الى ما بغتيش تسمعي كلامي "شاف فيها بغضب...
___مكاان -اخررررر_______
بعد ما خرجت من شقة نزلت لطابق السفلي وتوجهت تحت دروج جلست وفتحت صاكادو ديالها خدات الفستان لي غاتلبس فالحفل تعرات بسرعة ولبساتو وبدات كاتحط الميك اب رتقاد شعرها بسرعة بعدما كملت دارت تيلي فالبوشيط والحوايج خباتهم فصاكادو وحطاتهم تحت دروج وخرجت من العمارة بالفستان الاحمر لي كان بارز مفاتنها وخلاها تبان كأنها اميرة وقفات طاكسي صغير وعطاتو العنوان مسافة طريق كانت قدام باب الڤيلا...
مسافة طريق كانت قدام باب الڤيلا لي نزلت من طاكسي وحلت فمها من الكم الهائل دسيارات وغير الفارهة اول ما شافها ريان توجه ليها وابتسامة خبيثة على شفاهو.
ريان .. اوو هووووه البرانسيس هنا "شدها من يدها كايدور فيها وكايصفر بإعجاب...
وئام ... شكراا هااااه فراس هنا ؟!
ريان .. نو مزال ما جا مي قريب يوصل "اشار ليها " تفضلي
وئام ..شكرااا ......"دخلو لداخل الڤيلا لي كانت مساحتها شاسعة وفخمة توجهو لجردة كانت عامرة بالشباب والبنات لي لابسين فساتين سهرة شبه عارية وهازين فيدهم المشروبات وفجهة الثانية كانت جولي وصاحبتها وكاتشوف ف وئام بحقد وغل بعد نصف ساعة وصل فراس طفاو ضو زعمة عاملين ليه مفاجأة اول مادخل شعلو ضو وبداو كايغنيو ليه سنة حلوة ياجميل دار براسو فاجأوه بعد ما قدمو ليه تهاني توجه لوئام وباس يدها .....
فراس ... هادي احسن مفاجأة وانت اجمل ما فالحفل ...
وئام .. كل عام وانت بألف خير وعقبى لألف عام
فراس .. كل عام ونتي حبيبت قلبي
وئام .. "بخجل " ان شاء الله
فراس .. "شدها من يدها " اجي نعرفك على صحابي لازم يعرفو بلي انت حبيبة قلبي
وئام .. بليز بلاش ماتخبرهم
فراس ... علاش
وئام ... كانحشم 😝
فراس ... "ضحك حتى بانو لغمزات ديالو " اجي قالك كاتحشمي "جدبها من يدها ووقف الوسط هز كاس وسكين وضرب فالكاس باش يلفت الانتباه بعد ماتلفتو ناحيتو كلهم تكلم..
فراس .. احم اولا كانشكركم واحد واحد على حضوركم خصوصا صديقي ريان لي عمل ليا هاد الفجأة وكانقدم ليك حبيبتي ومراتي فالمستقبل وئام المنصوري ....
الكل / (كايصفرو ويصفقو )هوووووووووووووووووه اليييييييييييييييييي..........." بعد ما قدمها ليهم طلقت الموسيقى وبداو كايرصقو ومحيحين بعد ساعة خرجو من ساحة الرقص ووقفو بعيد ..
فراس ... بغيت نبقى معاك عاى نفراد الموسيقى صدعاتني .
وئام ..اوك فين نمشيو !!
فراس .. "جدبها من يدها " غير هنا فالڤيلا اجي ".......خرجو من الجردة وتوجهو لطابق الثاني فتح باب الغرفة ودخل.....
وئام ... "برتباك " ع ع علاش جينا هنا خلينا لتحت احسن ..
فراس ... سد لباب " نو هنا حسن خليك اليز "جلس فسرير واشار ليها تجلس ".بعد تردد جلست جنبو ومرتابكة
فراس ...اليوم درنا اول خطوة وعترفت لصحابي بلي بينا غرلاسيو وكانبغيو بعضنا قربب غانخلي العالم كامل يعرف ...."يالا غايبوسها وهي تبعد ووقفات"
وئام .."مامرتاحاش " بليز خلينا نخرجو من هنا
فراس .. نو انا بغيت نبقى معاك هنا " كايقرب منها " وبغيت نستمتعو بهاد الحظة بزوج "جدبها لعندو وحاول ياخد قبلة من فمها دفعاتو ورجعات لور بزوج خطوات بغات تفتح لباب .......
وئام ... فراااااس بليز فتح لباب
فراس.. "جدبها لعندو بقوة " ماشي قبل ما ناخد لي بغيت بب
وئام ... "وسعت عينيها " فرااااااااااااااااااااااااااااااااس...