🌜قادو كلشي في طيافر او دوك دقايقية لابسين جلالب في حمر او طرابش او بلخة او صحاح جاو غزالين مليكة واقفة على دهاز كلو داكشي لي شرا ولدها تبارك اللّٰه اشمنك يروايح او قفاطن تكاشط جلالب او سكيان او سنادل بليزات اي حاجة مخلا مشا مهم تهلا في سمية بمعقول يخلي صحاب دوار يحلو فمهم او يعرفو راجل لي دات
تقاد كلشي او كلشي واجد فطيطم خرجات تاهي او جاو عائلة عريس غير قلال من عائلة مو او باه مقربين
فطيطم هازة سلة فيها شكلاط او تمر فيه لوز او كركاع من وسط او رويدات صغار فيهم حلوة باش مني توصل حدا دار عروسة تلوحها ناس
ايمن مشا لبس داك حوايج سروال جين او قاميجة او سبرديلة مكانة مهم تهلاو فيه او قاد شعرو مو تاهي لبست فراشة لي شراو ليها او فرحت بيها بزاف او دارت شحال او مشاو هزت طبيسل حلوة هي ايمن واحد بغات تعاون او مدخلش بيدها خاوين مشاو دار رودينا دقو حلات ليهم رودينا
رودينا:خالتي سعاد مرحبا بيك زيدي
ايمن:انا
رودينا:هاي هاي هاي على زرموز تمينين ضبرتي على هاد حطة
ايمن(تيتجبد عليها ينفخ صدرو لي اصلا مكاينش)اوا نتي بوحدك يشري ليك ويليام تا انا تهلا فيا
سعاد: هاكي بنتي هاد باركة قبلي عليا او سمحليا تال عرس او نتهلا في بنتي
رودينا: اويلي خالتي لاش معذبة راسك انا عيطت ليك حيت نتي لي قلبها علينا او تتبغي لينا خير
سعاد: اوا اللّٰه يخليكم بعضكم او يكمل بخير (ضبرتها بواحد تزغرية زعزعت دوار)
وردينا دخلت طباسل حلوة كوزنية زادتهم على لي عندهم خلاتهم هكاك واخا عامرين بغات باش لي شاف يعاود لي مشاف
مشات عند ختها لقتها جالسة تتسنا او خرجت حاج كان جالس في صالون هو حاجة هو لباس جلابة في قهوي خفيفة او تقاشر في بيض طربوش بيض او حاجة لابسة قميس في شبي زوين بسفيفة او زيف في بيض دخلت عندهم سعاد او ايمن
صافي تنتسناو غير صحاب عريس
سمية: تعطلو هادو افففف شداني خلعة
تيكسمعو دقايقة او زغاريت صلاة او سلام او دنيا مقلوبة ناضت تجري سمية او رودينا ايمن يطلو من سراجم تمن صفية او حاجة او حاج ناضو ضروري تبركيك
رودينا;اويلي شكون لي غيتخطب في نفس نهار
سمية: معرفتش ياه باينة خطبة واعرة شوفي راه جايبن طيافر لمن زعما
رودينا: عجب فلت هاد تبركيكة
مع هوما كانو بعاد مباتش ليهم ويليام او سام او فطيطم او مليكة او مصطفى او عائلة عريس تنقز
ايمن:شوفو شوفو هاداك يليام
رودينا:(تصدمت عند بالها غادي يخطب)اويلي والله تاهو ولد حرام غادي يخطب انا اشنو هادشي
سمية:صافي ميبقاش فيك حال
احاج او حاجة: اش غديري ممكتابش
سعاد: لاواه ابنتي راه مليكة معاهم شوفي صحبتك فطيطم
رودينا:اه اه هوما والله توهما جابو ليك خطبة هاكا
ناضو يتجارو شي يدخل فيشي سمية ولات غادة تحل ليهم باب تلفة مسكينة تشدتها رودينا تبتها او داتها بيتها
حاج او حاجة او سعاد خرجو حدا باب يستقبلوهم
بارت:42
🌜وردينا مشات جابت بلاطو فيه كيسان حليب او تمر او لوز كركاع تستقلبهم بيه
او دقايقة جاين تيضربو او يغنيو كاع صحاب دوار خرج تيشوفو اشنو هادشي متوقعوش هادشي كامل يكون اوا رجال هازين طيافر فيهم دفوع او مكاين غير شطيح فطيطم تتشير رودينا مع هوما متفقوش على خطبة هكا هوما تصدمو منها كاع دوار تيتفرج شي مخنز شي فرحان اما بنات كاملين مفقوصات يقولو سحارات داوهم بسحور
وصلو حدا دار او جهدت دقة مراكشية او داك رجال تيضورو بطيافر او يدرو رقصات او كلشي تيشطح فطيطم بدات تلوح ديك حلوة لي في سلة بداو دراري صغار تيخاطفو عليها او بنات تاهوما او كملت فطيطم او هي دخل ليهم وسط بدات تشطح او دردك هي تمشي تجر صحبتها رودينا مالاحش ليها لما كانت هي تمد صينة لصفية دخلو ليك وسط مكاين غير شعور تيتشايرو او ترامي تتلوز ويليام معجبوش حال مع دراري كانو هي كانت مبوكصة احححح غير شعلت فيه سام حاضيه هو يجرو وسط او دخلو يشطحو سام دور ليه فطيطم او سار على شطيح اما ويليام غير تيصفق بيدو او تيتحلف على رودينا
هوما يبيغيو يدخلو دقايقية دار باش تكمل نزاهة غير مع حباب ارك جدبة تما سعاد تتمد ليهم ع حليب تمر لي يشرب او خدا تمرة يدخل
دخلو صالون ناس عيالات تجمعو في جهة رجال في جهة او مع صالون كبير بقاو دقيايقة مقابلين معاهم
رودينا جرت فطيطيم
رودينا: نزاهة هادي مالك مقلتو تجيبوها هكا صراحة سرعتوها
فطيطيم: ولا راه ويليام او سام لي فكرو يديرو ليكم هادا كادو
رودينا: اواه ناري هادا باغي يسطيني اه
هوما تيهدرو او يفيفريو مع دقة توقف عليها ويليام همس في ودنها
ويليام:واجات قفطان الغزال
وردينا(بنفخة)غز
ويليام:انا صيدتو راه حدايا لابس قفطان
هي فرحانة مشات خلاتو ذايب فيها تشوف ناس تجيب ليهم ما اما سام جر فطيطم خرجها من دار
سام:(جبد خاتم شد يديها او حطو ليها )بصحتك
فطيطم:(حلاتو هي تصدم كان خاتم ذهب غزال)هادا ليا
سام:(جبدو ركبو ليها باس جبتها تقول هونا ليعندهم خطبة) اه ليزين ديالي
فطيطم:(ذابت بالبوسة حست بيها دافية) ميمتي دابا وليت مرتك
سام:(ضحك عليها)علاش لا
فطيطم تتشوف غير في خاتم دور فيه تغفلها بوسة في شفيفها معرفا باش تبلات تحيد راسو مقوماتوش هي هز قفطانها طارت عند رودينا وجها ولا حمر اما سام فداخ جاوه شفيفها رطيبن مصخاش بيهم ولكن هو جاتو عليها دخلت ليه خاطر او تجدب ليها بزاف
رودينا ممقسراش من حقها او ناس ناشطين فرحانين فرقو عليهم حلوة عاصير تشبعو او عطاو حاج يعمر اتاي او كلشي ناشط فطيطم بغات تعاود رودينا ساعة شفاتها مشغولة قالت من بعد تعونها شوية مشاو خرجو سمية من بيت هي او ملكية حاجة خلات عمات عريس بصلاه سلام جات غزالة كانو مقادين ليها جلسة باش تبقى دكرى او توري تصاور مني يجي انيس بداو تصاور معها عائلة كلها فرحانة اودقايقة محبسوش من ضرب او ايمن تيشطح واخد راحتو تقول عرس دارهم
سام دخل بحالو مشا بارك سمية هو ويليام قدمو ليها داك كدوات لي جابو فرحت بزاف رودينا زاد كبر في عينيها فطيطم غير تهز راسها تلقا سام حاضيها او يغمز فيها
جات نقاشة جبتها مليكة حبت عادة تقاليد هاكاك مساو دقايقة طلقو اندلوسي او نقاشة تتنقش بنات دار يرين بيها باش يديرو فال تاهوما سام او يليام جلسو حدا حاج
حاج عمر اتاي او فرقوه على ناس عيالات مجمعين مهم جو رائع
شوية تيدخل عليهم واحد راجل لايقل وسامة كوستيم في كحل او كرافاط او شعر في جيه او لحية او مكانة او شهوبية
كلشي تصمر او يشوفو جيهت باب راجل هاد بوكي ورد او بتاسمة على وهو ناضت فطيطم تغوت خويا جا خويا
بارت:43
دخل شخص تاحد مكان متوقعو يجي داخل مبوكص دافع صدر وابتسامة خفيفة هاز بوكي ديال ورد رائع وعينيه مشاو ديريكت لسمية، لي هزات راسها وهي تخرج عينيها وهو عاد مزاد ابتاسم.. كانت حاطة إيديها على رودينا وهي تجمعها مع رودينا بقرصة...
رودينا:(غوتات) أاااي (وهي تهضر معاها تحت سنان) انعل طواسل حباب لوعد لي جمعني معاك مال مك على هاد لقرصة؟؟
سمية: بغيت نشوف واش كنحلم ولا حقيقة..
رودينا: واقرصي راسك باش تفيقي ماشي تليعيها معايا انا تفو تفو تفو لحمي زرقتيه
سمية: مابقيتش باغة نتزوج بيه
رودينا: أويليييي تسطيتي؟؟ وعلاش؟
سمية: زوين بزاااف لا لا منجيوش مع بعض ناااري على بوكوص أش كان كياكل هاد 12 عام حتى ولا هاكة هئ هئ هئ زوين عليا ولد لحرام هئ هئ هئ..
أنيس:(شافها بدات تبكي جا يجري) مال حبيبة؟؟
سمية:(سمعات حبيبة هزات راسها) هئ هئ بعد مني هئ هئ..
أنيس:(مفهم والو) رودينا ختك مالها؟؟
رودينا: قالت لك أسيدي جيتيها زوين بزااف وهادشي ماشي معقول حكرة.. وبغات تعاود تعازيلة..
سمية:(جمعاتها مع رودينا بقرصة) انعل مك أحمد لفرشة
أنيس:(كضحك) هي حبيبة غارت مني جديدة هادي هه ختي رودينا متنوضيش تعطيني بلاصتك؟؟...
فطيطيم: (جات تجري وتلاحت عليه بتعنيقة) خويااااا توحشنك بزااااف
أنيس؛(عنقها كيبوس فراسها وحناكها) تانا أحبيبة ..
سام:(خارج من طواليت مفراسو والو مشا ليهم ديريكت جر فطيطيم من إيدو وشنق على لعريس ههخ) أش عن ديمك تعنق فيها؟؟ ونتي حسابك معايا ملي نسالي معا هاد خينا..
أنيس:(كيشوف فيه مفاهم والو) شكون لأخ..
سام: لأخ هو لي غايكفنك فهاد كوستيم..أش داك تقيسها؟؟
فطيطيم: (غتسخف بالخلعة) خويا مديش على هادا؟؟
سام: اه وليت خوك انا دابة!! (هي كتهضر مع خوها وهو كصحتبها قالت ليه خويا)
ويليام:(ناد ضور إيديه على خوه وهزو ضورو لجيهة لوخرى وحطو راه صحيح اح عليه) انعل ديمك مالقيتي من من تغير غير خوها..
فطيطيم:(شدات فخوها) خويا هادا سام راه كاوري راهم مسطين مديش عليهم...
سام:(حال فمو) خوك؟؟ ولد مك وبوك؟؟
أنيس:(مخنزر) فين كتعرفيه؟
ويليام:(جا وقف قدام أنيس) سمح لخويا صغير راه كيغير على بنات الدوار بحال خواتاتو..
فطيطيم: لواه لواه قالك ختو وملي ..(وهي تشد فمها عاقت براسها وخرجات عينيها)
مليكة:(مت فطيطيم) يابنت لحرام باغة دوي فينا الدوار.. هااا؟؟
سام:(جا قدام أنيس) سلا أنا سام نسيبك لمستقبلي..
ويليام: الله يعطك لحلاقم انا لي داير رتسي فيك..
فطيطيم: ههه شتي أمي راه باغي يتزوجني هانتي شوفي خاتم لي جاب ليا..(مليكة شافت لخاتم وعجبها لحال وحتى حيت غار على بنتها ولكن مترش توافق)
أنيس: لاش تعطيها خاتم بإنا صفة؟؟
سام: هااا؟ دابة!!(كشوف فويليام يعتق)
رودينا:(هايا مولات المواقف الصعبة بدات تهلل بصوت عالي) صلا وسلام على رسول الله (غمزات فطيطيم لي تاهي طلقات بلحوحها) إلا جاي لاجاسيدنا محمد اللله مع جاه لعالي لولولولول (غمزات دقيقية وهي تنود لحيحة دغيا كلشي بدا كشطح)
سام: (غمز رودينا وبتاسم) لعز أمرت خويا...
أنيس:(خلا كلشي كضحك ومشا حدا سمية لي غير كتشوف باقة مصدومة) سم سم حبيبة..
سمية: هااا؟؟
أنيس: هو هي... مالكي مصدومة؟؟ (تحنا لحنكها وباسها) جيتي غزالة مشاء الله عليك..
سمية:(تزنكات وتصدمات من بوسة) ت تت تانتا جيتي غزالة..
أنيس:هههه ياك ألالة
سمية: بغيت نقول ن ن نتتاا... تانتا.. احم ..على سلامتك بعدا..
أنيس:(قرب ليها وهي كتكحز تبعد) الله يسلمك.. توحشتك..
سمية: هااا ...اه مزيان الله يقوي لخير..
أنيس: هههههه توحشت هبالك.. وتزنيكتك..وأجوب
سمية:(بتاسمات) تانا توحشت ضحكتك..
أنيس:(شد قلبو) احح بشوية عليا قلبي ضعيف ماكتحملش هاد لهضرة..
سمية:(زعمات ضرباتها بوحد ضحكة) خخخخخ الله يمسخك (ونزلات عليه بدقة لكتفو حتى مشا وجا)..
أنيس: ههه طيحتي ليا لكتف رومنسية مع راسك...
فطيطيم: خويا نوض تشطح معايا..
أنيس: سيري فحالك خليني مع عروستي... سيري شطحي مع كاوري ديالك تانساليو هاد لخطبة ونخي لمك عشتك على خفت رجل لي ولات فك..
فطيطيم:(شداتها رعدة) هئ هئ واللهما درت شي حاجة (مشات تجري هربات)
سمية: حشومة علك .. ورا دري تاهو باغي يتزوجها وعلاش لا؟!
أنيس:(كيشوف فيها وساهي) لي قالتها حبيبتي نديرها..
سمية: احم حشم شوية راك حشمتيني..
أنيس: اح علة تزنيكة....ولكن خاصك تحتي لحشمة راه سيمانة ونتزوجو..
سمية: لا لا نأجلوه
بارت:44
أنيس:(خنزر فيها) علاش مالك مبقيتيش باغة؟؟
سمية:(سهات وكتعبر بيديها) ويلي راك زوين بزاف انا موحالش نقدر علك ونبدا نغير ونفرشخ كاع لبنات لي جيو فطريقي وه غاديني عند لكور وتاهوما يشوفو فك غانتف مهم .. وانا مزويناش بحالك غايحكروني..
أنيس:(هز كعب غزالة وخشاها ليها ففمها باش تسكت) واو لكلكلكلك سارطة كسيطة...
سمية:(كتنضغ وتهضر)ويلي على انا دويت بجهد..
أنيس: هانتي هزي عينيك فبنات لي معروضات تاوحدة مقدرات تشوف فيا خلعتيهم ههههخ
سمية: مزياااان راه ديالي ونشوف شي وحدة دور بيه واللهتا نحسك ليكم رجلين..
رودينا: وداها وداها ولهيما خلاها داتو وداتو ولهلا خلاتو...خخخ
ويليام: هاديك شيخة ريحي لرض شوية...
رودينا: ياويليام يالوردة وعليك يطيح ندى خخخخ
سام: ياويليام ياقطيب لوز خليوه يدوز هههخ
رودينا: ههه فين تعلمتي نتا هادشي؟؟
سام: كنت كنمشي لعراسات ديال مغاربة ولكن ويليام مكانش كيبغي(شد رودينا كشطح معاها)
ويليام:(دفعو وحيد إيديه من إيدها) سير نتا تبع فطيطيم راه خرجات كتبكي..
سام:(خنزر) شكون بكاها؟؟ ليومة نقتل شي حد وهداك لحد كيبان ليا غايكون هو خوها...
رودينا: هيييه جمع راسك قالاك تقتل لينا لبوكوص تخلي ختي مرملة...
سام: نمرمدوها فسنيدة؟؟ وتولي مسندةههه
رودينا: خخخخخ نتا واللهتا لحب نتا
ويليام: وانا عزرايل لي غايقبط روحك لماسكتيش من هاد لهضرة (سام سلت غادي وكضحك)
رودينا: مالك مالك ماتنشط متعرف لي ينشط
ويليام: شوفي مغنعاودش معاك لهضرة حيت ولا كطلع ليا دم... ماتعنبيش ليا على دراري واخة خويا وخا يكون خوك..
رودينا:(غير سمعت خوك عينيها غرغرو وبدات تبكي) عرفتي نتا متبقاش دوي معايا كاع وهاد قفطان غانمشي نحايدو وزيدو فك ..
ويليام:(غير كيشوف مفهم والو وهي مشات تجري حلات واحد بيت وسدات عليها) رودينا مالك!! رودينا علاش انا أش قلت؟!!.
مشا دق فلباب تاعيا والو محلتش وهو يقول غايمشي عند سمية تاوقف عليه أيمن فطريق...
أيمن: بسكشكش
ويليام: أش كاين راني معصب..
أيمن: نقولك ودور معايا؟؟
ويليام: أش غاتقوليا؟؟ وياك غنخدمك معايا ملي تكبر مالك طماع؟!
أيمن: انا باغي نتخلص دابة ماشي تانكبر... وا دور معايا ونقولك علاش كعات...
ويليام: غير قوليا كيدرتي حتى سمعتينا كنهضرو مع هاد لهايلالة كلها...
أيمن: انا راني واااااعر غير مكنبغيش نبان وصافي..
ويليام: (سها و دوا)ok tell me what hou know
اوكي قوليا أش عارف(اوكي تيلمي وات يو ناو)
أيمن: (بقا كيشوف مفهم والو)ناو مياو كلشي بحال بحال الله يرزق غير صحة وسلامة والله يخرجنا من دار لعيب بلا عيب...
ويليام: هههه سمحليا بغيت نقول طلقني وقوليا أش عارف
لحاج:هادوك شلاهبية أش كديرو..
أيمن: نخلو نخلو مديهاش فيه وسمعني...دابة نتا جبدتي سيرة خو رودينا .. هوما كان عندهم خوهم هو توأمديال رودينا.. ملي كانو ساكنين فنفس دوار لي فيه خو باها.. مهم كانو مشاو لعين كلاب ولا ذياب منعرف مهم راه بحر كاين في ضاربيضا ... وغرق خوهم فلبحر ومشكل مالاحوش لبحر مالقاو مايدفنو.. مامات رودينا شوية كانت تسطا...
ويليام: أوووووف دابة كيندير نهدر معاها
لحاج: هاك ها سوارت ديال بيت سير دوي معاها وبلا بسالات هاااا راني حاضيك دير هك ولا هك...
أيمن: لحاج نتا باقي هنا بفف.
لحاج: واتبركيكة نزكلها خاصني ندي مانعاود..
خدا سوارت ومشا لبيت حلو ودخل ورودينا مشافتوش متكية على سرير كتبكي حتى حسات بتحريكة ديال سرير بحال شي حد برك..وضارت شافتو وهوما يخرجو عينيها هو مخلاش ليها فرصة تهضر وجرها عنقها وكطبطب على ضهراها، رودينا حسات بأمان وطلقات لعنان لدموعها...
ويليام:(من مورة شي خمسة دقايق) نوضي راك مسحتي كاع خنونتك فيا..
رودينا: مخنة هيا حناك باسل لاخر..ويلي قمجة سردات...
ويليام: هانية غانلبس لاغيست وضركها...بغيت نقولك سمحي ليا معرفتش قصة خوك ياله عاود ليا أيمن..
رودينا: داك بعلوك بسلامتو يعاود كلشي
ويليام: غير عطيه فلوس وجيب لك خبار الدوار كلو... ياله حايدي هاد تغوبيشا وياله نخرجو نفرحو مع ختك فنهارها ولكن متشطحي مع تاحد وماتبسلي على تاحد...
رودينا: هههه نتبسل لي سمعك يقول كنتحرش بولاد الدوار..
ويليام:(نوضها وقفات وحاوط إيديه على خصرها) انا لي غنتحرش بك إلا زدنا شي دقيقة هنا
رودينا: وااطلق أويلي كون تحشم ... علاش كدير هاكة معايا (عفطات ليه على رجلو وهو يطلقها وخرجات تجري)
ويليام:(تابعها لفين بركات حدا ختها وهضر حدى ودنها) شحااال قدك تهربي مني..
رودينا:(مع دقيقية ولحيحة) أه أشنو؟؟
ويليام: (غوت) علاش كتهربي مني..
رودينا:(تاهيا كتغوت) راك كتحرجني وتحشمني... علاش كدير معايا هاكة..
ويليام:(تشجع وقال لي ليها ليها) حيت كنبغيك أبنت الدوار..
رودينا: أشنو مسمعتكش؟مال بنت الدوار؟؟
ويليام:(غوت وجات مع لموسيقا تحبسات وكلشي غايبرك من شطيح وعم صقيييل إلا صوتو لي تسمع بجهد وكغوت ) وا كنبغيك أبنت الدوار...
بارت:45
كلشي سقل وكيشوفو فيهم ورودينا تزنكات وختها كضحك عليها أما واحد سام مكرشخ بضحك على خوه لي من لي شاف كلشي كيشوف فيه جبد تيليفون برك يبقشش فيه وهي تنطق فطيطيم..
فطيطيم: داتو وداتو رورو واللهما خلاتو
كلشي تكرشخ بضحك وبداو يسولو ويليام إمتى غايجي اخطب ويتزوجها وبداو أسئلة لي مكتقاداوش..
أيمن:(كغوت) شوووو شششش بغيت ندوي..(كلشي سكت) أنا معارض
لحاج: خخخخ إيه من حقك هههه فهمنا علاش
أيمن: دري يهودي كافر خاصنا نختنوه وندخلوه إسلام..
سام: تهلاو ولينا فختانة غنمشي نشد طيارة ديال سبعة نتلاح فحالاتي ولينا فتخصار لهضرة ... فطيطيم وااا فطيطيم لا بغيتيني كفري وياله معايا ههههههه
ويليام:انا راني مختن وحتى سام راه مختن...
سام:(حط إيدو عل...) حمد لله طيرتوها مني خلعة
فطيطيم:هئ هئ نتا مامزيانش دغيا سمحتي فيا..
أنيس:هاديك بعلوكة نجي نهرس لك سنانك.؟ ضسرتي والله
مليكة:(أم دفطيطيم ناضت ليها وهازة صندالة) هاديك بنت لحرام وليتي ديري ليا هادشي ديال أفلام ميكسيكية هاا؟ تحابي ليا نتي وياه واقلة مربيتكش مزيان(كتنزل عليها بصندالة 44 خباطة جا سام يكالي عليها ولا يتشوى) زيد تانتا يابل كاوري لاخر عمرك تسلختي بصندالة؟؟
سام: اح اح لا خالتي عمرني تسلخت أي أح كيقصح هاد لعجب
رودينا:واااااع خخخخخ اعطيه أزيديه هاديك أخالتي الله يرضي عليك
سمية:أنيس هئ هئ هادي خطبة ولا شنو هئ هئ دير شي حاجة هئ هئ
أنيس:أوكي حبيبة متكعايش عفاك (ناض مشا يفك ووقف قدام سام)
رودينا:(فودن سمية) أحياني علك أبوحاطية وكلتيه سبرديلة..
سمية:(كتمسح فدموع وضحك) ههه غير شوية وصافي ههه ولكن راني تزعطت دابة انا نتزوج هاد زين
رودينا:مالك حاكرة راسك راكي بوكوصة خت قرطاسة
ويليام:(تكا يدوي تاهوا فودنيهم) نتي راك فردي خاوي
رودينا:يخوي لك ضراس ديها فراسك دخل سوق راسك
أنيس:سام سميتك ياك
سام:(نافخ صدرو) اه هو هادا
أنيس:شوف انا عارف ناس ديال برا وبسالتهم ونقولها لك من هنا تقيس ختي ندفن مك حي... فاطيمة أجي لهنا(فطيطيم ولفات على فطيطيم مدتهاش فيه) فطووومة اجي وأري داك خاتم لي عطاك هاد خينة..
فطيطيم:(فيها لبكية وكتحيد لخاتم) واخة خويا
سام:حاجة مليكة بغيت نطلب إيد بنتك نقراو فاتحة ولا منعرف غير خليوها لابسة خاتمي.. انا بغيتها تكون حلالي..
مليكة:أولدي أش غانقولك راه مقرية فاتحتها ملي كانت صغيرة على ولد خالتها..(تم داخل واحد دري يكون فتلاتين من عمرو) راهو جاي يوصل مو للدار
سام تم غادي جيهت دري وجهو مكبشرش بلخير تلاقا ليهم ويليام ودوا معاه باش يتهدن وخلاه واقف ومشا هو عند الدري داز شوية وهو يتم جاي دري مع مو لي هي خت حاجة مليكة..
لولد:خالتي إلا كانت فاطمة لقات لي يصونها وحافض عليها فانا كنلغي ديك لفاتحة وانا نيت باغي نعزل لبنت لي ندوز حياتي معاها
أم لولد:فحقيقة من شحال هادي وانا حشمانة نقولها لك..
مليكة:(عنقات ختها) الله ياودي ياختي يابنت مي وبويا عارفاني نتفكع علك راك نتي لي بقيتي ليا من ريحة لغاليين الله يرحمهم
سام:(زربان) نقراو لفاتحة ولا قارية شي سورة خرى مع شي حد خر
أنيس:ههههه وازربان ألعشير
سام:(غمزو) زربة لي جابتك تال لهنا بلا وقت هي نفسها لي دايرة فيا وفخويا هاد لحالة
أنيس:(عنقو عناق رجولي) شتي ماكين ماحسن من بنات الدوار أخلاق وزين
ويليام: هههه مع شوية نتيف وتجعويق
بارت:46
أيمن:تانا بغيت نتزوج ماتشوفوش ليا...
لحاج:إوى لخارج من جماعة شيطان تانا باغي نتزوج
لحاجة: الله ألحاج غادير مزية نمشي تانا نشوف لي شي راجل من حدي باقة عاطية لعين
لحاج:عاطية لعين لشعا هههه لواه ألحاجة تامن وشاماتك بداو يبهاتو ويدبلو...
لحاجة:(جات حداه كدوي بشوية) نقوليهم أشنو خر دبل؟؟
لحاج:(عنقها وبرك يبوس فراس وليدين) ههه غير ضاحكين مانسخا انا بيك يالحاجة حتى لموت تفرقنا...
لحاجة:بسع لهيه انا نسخاااا
كلشي كضحك فجو مرح حطو لعشا وبنادم كياكل مجموعين رجال بحدهم ولعيالات فبيت بوحدهم كلشي ملاهي مع لماكلة...إلا واحد لي هو بطل ديالنا كل مرة يهز عينو كيقلب على رودينا فينها رد ليه لبال لحاج وعرفو كقلب عليها وهو يتفكر ماشافهاش..
لحاج: فطيطم وااافطيطيم
فطيطيم:(دخلات حطات قراعي دمونادا) انعام الحاج
لحاج: فين ختك رودينا
فطيطيم: ولهما عرفنا راه ماما وسمية قالبين دنية كيقلبو عليها..
ويليام: كيفاش؟؟ مكيناش فالدار؟؟
فطيطيم: لا مكيناش..
سام:(شاف ويليام تزنك وغايجعر) بيلي تهدن أو ياله نشوفو با فينهيا قبل مانقولو شي حاجة...
#بعد ربع ساعات..
جوندارم: مهم حنا قلبنا الدوار كلو ومع صغير دغيا ساليناه وملقينا والو ماكينش لأتر
لحاج: مايمكنش فين تكون مشات؟؟
ويليام: لحاج واش غاتخرج وتخلي خطبة ختها
أيمن: ويليام ويليااام
ويليام: أيمن عفاك ماشي وقتو..
أيمن: وتسمع ألباشار ...
سام: أشنو كاين قول هاحنا كنسمعو..
أيمن: لقيت لاطراس ديال طوموبيل مورة دار حدا الجنان..
ويليام:(شنق على جوندار) واش هادي هيا لخدمة..
شاف ديال جوندارم: طلق كنو راه داير خدمتو..
ويليام:(طلق منو وشد فشاف ديالهم) واش بعلوك جاب خبار ونتوما هنا كتكسلو عليا الله ينعل ******.
سام: (بغا يبردو بأي طريقة) خويا ياله نمشيو نشوفو طراس ديال طوموبيل تشوف واش تعرف شي حاجة من لاطراس
مشاو بجرا وأيمن غادي بيهم يوريهم وقف ويليام وكتفقد لاطراس حيت خبير فطوموبيلات كهواية..
ويليام: جوج طوموبيلات رنج روفر ومن نوع ديال روايد مايمكنش يكونو من لمغريب...
لحاج: واي واي هادشي مجهد ... كيدار تعرف هادشي؟؟
أيمن: عادي غايكون كعرف شكل ولحجم ديال تقريبا جميع روايد ديال طموبيلات..
ويليام:(شنق فسام) خطفوها أسام خطفوها راك عارف علامن كندوي...
سام: برد يقدرو يكونو ماشي هوما
ويليام: مايمكنش ماكينش ياهوما يا ولد عمها... بغيتك دابة تعيط لرجالي كلهم يكونو عندي ونبداو لخدمة..
سام: ويليام إلا رجعتي رجال راك غترجع كيكنتي...
ويليام: مشعليش مهم نلقاها (بقا كيشوف فطراس ديال روايض بنضرات كلهم غضب وشر
فبلاصة أخرى فكوخ وسط غابة رودينا كتحل عينيها فبيت فلموف بارد وكل أنوثي وفراش رطب وأتات فاخم وهي تغمض عينيها ترجع تنعس... مجهاش نعاس وهي تحل عينيها عوتاني وكتحك فيهم ..
رودينا: خخخخخ دانا حوليت ياجدعان خخخخ أش هادشي.. باقة كنحلم زعمة؟؟
نزلات رجليها وهي طلع شوفة فراسها أش لابسة لقات راسها لابسة بيجامة حرير بشورط ولقات بانطوفة محطوطة فأرض حداها.. وقفات وهي تجمعها مع راسها بقرسة ديال خاطر..
رودينا: أي أي واللهما كنحلم وااااااع أش هادشي؟؟
طلعت فوق ناموسية كتنقز وتلعب بمخاد ومشات تجري لحمام حلات كاع برودويات وكتشم فيهم وفرحانة...
رودينا: بلاتي فين انا أخر مرة كنت فكوزينا فدار خشيت راسي فبرميل ديال ما ... حليت عيني هنا... ياكما ويليام..
شوية سمعت لحس وهي تمشي لباب دورات بواني وهو يتحل كتشوف فالدار مبنية بالعود قالت كوراه جابوها لإفران تحوص هوما لي كيبنيو بالعود لا لا واقلة ماكيبنيوش بالعود منعرف منعرف ...نزلات لقات شخص بارك كفطر كتحاول طل عليه ...
شخص: رودي فقتي!!
تسمرات فبلاصتها بدات كترعد وعينيها غرغرو...
بارت:47
سام:وصافي باركة علك من لبكا طيبتي دوك لعوينات
فطيطيم:هئ هئ بغيت غير نفهم شكون غايكون خطفها؟؟
أنيس:(خارج من بيت سمية مع طبيب) شكرا بزاف على تعبك معتنا دكتور انا عارف جيتي من لمدينة وطريق طويلة لابغيتي تبرك عدنا فالدار نقدرو نحتاجوك..
طبيب:لقيتيني كنفكر فنفس لحاجة أولدي... هاد نهيار عصبي لي جا لهاد لبنت يقدر يكون خطر علة حالتها دكشي علاش كنفضل نبقى قريب..
سام:تفضل معايا أدكتور...غانديه
أنيس:سير أصاحبي انا نبقى معاها..راه ختي هاديك قبل ماتعرفها نتا
سام:مهم تهلى ليا فمرتي
أنيس:(فطيطيم واخة كتبكب بتاسمات هه) ساك سير فحالك قبل مانخسر معاك..ضارب عليها كاغط تقول مرتك..
سام:نضربو كاغط ورااق لي بغيتو مهم مرتي...ياله أدكتور
أنيس:فطومتي باركة علك من بكا..
فطيطيم: بغيت خني وصحبتي ترجع هئ هئ هئ عنداك يقتلوها هئ هئ
أنيس:نعلي شيطان شكون غايبغي يقتلها.. كتفرجي فأفلام بزاااف
فطيطيم:هئ هئ غايحيدو ليها ضفارها وعدبوها وبداو يهرسو ليها فصباعها ناري وقدرو يغتاصبوها هئ هئ هئ
أنيس:ولهما راشقة ليا وشتك غاضحكيني..نعلي شيطان دكشي غير فأفلام..
فطيطيم:حتى دبيحة غير فأفلام ياااك ومال باباها مات مدبوح
أنيس:(غوت تاقفزها) واش وقت هاد لهضرة متعصبينيش(فطيطي
فطيطيم:هئ هئ طلع راجل وماتخلاش علينا هئ هئ (وهوما يسمعو لغوت ديال سمية)
سمية:ختييييي وارجعو ليا ختيييي واااااااااا
أنيس:(دخل يجري لقاها كتنتف فشعرها وكتندب) سمية سمية تهدني (شد ليها إيديها وعنقها) حبيبة تهدني عفاك..
سمية:(مهدودة وفاشلة كتهدر بصوت باح) غتمشي عندهم وتخليني توحشاتهم ومشات وخلاتني.. انا نحس انا لي خاصني نغبر من هاد الدنيا..
أنيس:ختك مامشات فين غترجع لك وتشطح فعرسك غير تهدنس كنواعدك غنلقاوها
سمية:رضوان مشا هو لول وخلانا ماما وبابا تبعوه وحتى رودينا عتمشي وتخليني هئ هئ حياتي كلها غنبقا بوحدي شي نهار تانتا غاتخلا عليا..
أنيس:تنا ديما فجنبك عمرني نتفرق مع روحي (كرزات عليه فتعنيقة شوية حس بيها ترخات باينة دوى ياله بدا مفعول)
فطيطيم:(حطات إيدها علة راس سمية) خويا سير عاون دراري ...وانا غانبقا مقابلاها تاتنزل ليها حرارة شوية..
أنيس:مبغيتش نخليكم بوحدكم
فطيطيم:راه ويليام صيفط شي بيدرات واقفين قدام لباب حاضين لغاشي ولماشي..
أنيس:(بتاسم) لي فيك مامهنيك أختي..مريضة وباكية وحاضية وراقيك..ههه
خرج سام معاه طبيب غير وصل قدام لباب لقى رجال ويليام واقفين تما لابسين كوستيم كحل نضاضر كحلين واقفين فتأهب
بارت:48
شار ليهم براسو وهوما حناو راس احتراما ليه..شوية كيبان ويليام جاي بهيبتو وتابعينو ستة رجال وحتى أيمن جاي معاهم كانو كيبانو كخلعو حتى كتشوف أيمن وكتولي باغي ضحك..
ويليام: سام بغيتك تبعني..
سام: خاصني نوصل طبيب لدار خالتي تايكة..
أيمن:(حيد نضاضر ديال شمس) انا نديه نتوما سيرو هضرو..
سام:(مشا أيمن)ههخ تاهو لبستيه كوستيم كحل ونضاضر كحلين هه(بغا يضحك شاف ويليام مخنزر وهو يجمعها)
ويليام: أيمن (دار بتسامة خفيفة) لصقني قالك انا واحد من رجالك بغيت نلبس بحالهم..ماشتيش برك يغوت على رجال أش يديرو وهوما غير كيشوفو فيا زعمة واش نسمعو ليه...
سام: خليه هو لي مفوج علينا شوية..(شاف فخوه وطول شوفة) نتا صافا؟؟ مقتلتي تاحد ياك؟؟
ويليام: كيبغيتيني نكون؟؟ إلامليقتهاش منضمنش لك غانتحكم فراسي..
سام:( حط يدو على كتفو) غنلقاوها غير متقتل تاحد حيت عارفك تقدر ترجع كيما كنتي ونتا عاد رجعتي نورمال..
ويليام: راك مفاهمش أشنو هي بنسبة ليا عرفتي ملي هربت من داكشي باش نبرد شوية هي شخص لول لي لقيت فوجهي وعوناتني نحيد داك ويليام لقديم..(بتاسم بحزن) عرفتي خوك عنق فروج ودار فيها مسطي..بلاتي بلاتي ماشي بسبابها هرست كتفي..
سام:(كضحك) بلاتي بلاتي قال ليا لحاج حيدتي تيشورط وضربتي كتفك مع لحيط رجعتيه لبلاصتو..بيني وبينك ماشي ضروري كنتي تحيد تيشورط ولا تزعطتي فيها من نهار لول وبغيتي تبين ليها لبادر...
ويليام:(كبتاسم من فوق قلبو) بحال والو نكون بغيتها ولكن زدت بغيتها بفعايلها وتسطيتها...(رجع
سام: ومن بعد؟؟
ويليام: واش من نيتك فهاد الدوار راه مفحالهمش أي ريال زيد فيهم ..
سام: خطير هاد أيمن..
فطيطيم: ساااام وا سااام
سام:(ضار لقاها لابسة بيجامة لي خلاها بيها وخارجة وهو يعقد حجبانو)أش كديري هنا تسطيتي ولا؟ خارجة هاكة؟
فطيطيم: عادي ديما كنخرج هاكة
سام: ماباقاش تعتبيها هاكة واللهتا نهرس لمك دوك ركابي..
ويليام: وااا**** واش دابة وقت تمعشيق..فطيطيم اش بغيتي راه تابعنا مايدار...
فطيطيم: راه جيت حيت عندي شي خبار تقدر تنفعكم..
سام: قولي ياله ورجعي فحالك..
فطيطيم: مهم جات عندي واحد بنت الدوار قالت ليا بلي احسان عرفتوها ديك لي نتفنا انا ورويدا..مهم قالت لي بلي شي حد لبارح لابس كوستيم كحل وضاير نضاضر ديال شمس بحال هاد بيدرات لي معاكم عطاها نمرة ديال تيليفون وتعنب عليها..
سام: رجالنا مجاو تال ليوم إدن شي واحد من رجال لي خطفها..
فطيطيم: دكي مع راسك تر أواه تر ورةه دكشي علاش جيت نعلمكم..
ويليام: أجي فطيطيم ورينا دارهم
فطيطيم: زيدو تبعوني..
سام:(جاحداها وهضر بشوية) متبقايش تلوزي..
فطيطيم:(تزنكات)
سام: واهي لاجمعتي ديك طرماحة ولي تستريها..ولا نجرها لمك..
فطيطيم:وصافي عيقتي كتحشمني
سام: تاحد ناكسمع عادي..توحشتك...
فطيطيم هربات عليه بحشمة وبقا هو مبتاسم مشات بدات دق فدار إحسان بحال دقة ديال بوليس غتهرسو..
فطيطيم: واات بنت بوشعيب ... احساااااان
احسان: مالنا اش كاين؟؟ هداك دقان مالك كتساليني فلوس؟؟
فطيطيم: كون كنت نتسالك نحلبهم لمك درهم درهم..
ويليام: (غوت) سكتوووو (عم سقيل وتم جاي حداها)قالو ليا عطاك شي حد نمرة تيليفون بارح واش تقدري تعطيها ليا..؟؟
احسان: اه اشنو لالا غير كدبو..
فطيطيم: بوشعايب وااا بوشعيب أجي تشوف بنتك كتاخد نوامر..
احسان:(سدات لفطيطيم فمها) هالعار انا مزاوكة ستريني..
فطيطيم: هي لاعطيتينا نمرة وقلتي لينا هاد خينة كيدير..
احسان: واخة واخة..
بارت:49
احسان: كنت كنبركك لخطبة ديال سمية جاني فضول وهوما يبانو ليا جوج طوموبيلات من دكشي فريع وجاج مكيبينش مشيت بظيت نصيب حالتي باش ندخل نبارك لسمية وهو يخرج واحد زين ... مهم انا بغيت نمشي وهو يقوليا رجعي داركم راني شفتك عجبتيني وبديت نغير.. وعطاني نمراتو..(خشات إيدها فسدرها جبدات نمرة) هاكة أسي ويليام..
فطيطيم: أري ليا انا نمرة..متهزيش فيه لعين ولانتقبهم لك..
احسان: (حدرات عينيها) واخة ختي غير بلا شوهة
فطيطيم: سيري ياله فحالك
سام:(جا عنقها) كيبان ليا نتي هي بيدرات ديالنا..
ويليام:(خدا نمرة تيليفون ودار عند رجالو) نص ساعة تجيب ليا فيم كاين هتد تيليفون..
أيمن:(جاي كيجري) ويليام خاصني ندوي معاك...
ويليام:(جرو وبعد على كلشي) أش كاين مالك
أيمن: ختي عيطات لماما بتخبية وقالت لينا بلي عدنان كاين فمغريب..
ويليام: ولد ل*** هو لي خطفها..
أيمن: ماعرفتش ولكن وصل ليوم فصباح..وعطاتني نمراتو لمخدم فلمغريب..
ويليام: مزيان غيبدا لعب.. عطيني ديك نمرة..
أيمن:(حدر راسو وباين فيه حزن) انا نمشي نرجع عند ماما نبقا معاها..
ويليام: مالك نتا معجبتينيش..
أيمن: لا والو..
ويليام:(نزل عندو وشدو من كتافو) أيمن صاحبك انا وخوك قول أشنو عندك..
أيمن: غيير ختي..
ويليام:(مع لي دوزت عليه باقي مقدرش يسامحها) اممم مالها..
أيمن: عودات لينا أش دارت لك وو...
ويليام:(عرفها عودات ليهم على كيولا من بعد داكشي ملي ولا مع عصابات ولقتيلة..) داكشي فلماضي أيمن انا عمرني نأديكم..
أيمن:ماشي هكاك انا وماما حشمانين منك على هادشي كلو لي دارت فك وغاتعوننا...لاب
ويليام: (بتاسم من عفوية هاد بجغوط)سميتها صفقة وانا مكنرجعش فكلامي راكم عائلتي دابة..
أيمن: سمح ليها راه كانت مجبرة كان كهددها بينا..
ويليام: صافي نسا عليا هادشي...
أيمن: راه راه..
ويليام: دوي مالك..
أيمن: راه حاملة منو..
وليام:(صدمو) احم أش بغيتيني ندير..
أيمن: ماكرهتش تعاونها طيحو ولكن رجالو مراقبينها..
ويليام: ياك مجوجة بيع علاش باغة تنزل بيبي..
أيمن:(شاف فيه وعينيه مغرغرين وحمرين) هداك خاصو لموت ماشي لولاد...
ويليام:(عوتاني صدمو بعلوك) أيمن إلا خليتي لحقد وانتقام يعميك غانولي بحالي داكشي لي عودات لك ختك ...أجي نعاود لك..
نهار ختك غدراتني نتاقمت شر انتقام وقتلت بزاف ناس ومصيبة أنني ملي جربت لقتيلة وعارف راسي مغنتشدش بقيت غير كنقتل لي جا فطريقي وليت فعصابة انا وصاحبي..(سكت شوية) كنا ملي مكنكونوش نقتلو كنكونو نشربو ونعاس مع بنات زنقة ...
أيمن:(كضحك) هاديك هي لحياة هه
ويليام:(ضربو لجبهتو) واسمع داك لعالم ماشي كدخل ليه ولاكن كستعمرك مكتبقاش حنين مكتعقل عل والديك كتهمل كاع ناس لي دايرين بيك وكتفقد خوتك لي ولداتهم لك لحياة.. صاحبي لي قلت لك كان شريكي فكلشي وفنهار واحد قتلوه بلا أي رحمة .. وكتسحاب حدث بحال هاكة غايرجعك طريق ولكن عاد ماكتخرج ليها فاس...أيمن انا فقدت لإنسانية فقدت رحمة قتلت ناس أبرياء فقدت راسي ..
أيمن:ورودينا كانت سباب باش رجعتي نتا ديال زمان؟؟
ويليام:(دار براسو اه) دكشي علاش خصني نلقاها كنجس بهاد لعالم كجرني ليه عوتاني..
أيمن:(شد فيه بيديه صغار) حنا معاك وغانلقاوها
ويليام: (دار عند كاردكور تاني) نتا هاد نمرة جيب ليا فينها دغيا طلقو ريوسكم..
أيمن: شوف ويليام بغيت نعاونك.
ويليام: مديش فبالك انا بيخير
أيمن: لا راك ماشي بيخير من لي جاو هاد رجال ودارو بك وليتي كنبان شخص أخر وتعاملك تبدل...عارفك باغي تفرغ غضب ديالك..
لحاج:(نزل من كرمة لي كانو واقفين تحتها) عندي لحل ليكم..
ويليام:(ضحك حيو هاد ناس غتيسطيوه) لحاج أش طلعك لاكرمة؟؟
لحاج: كنت مشهي لباكور (كرموس)
سام:(جتي وكشوف فلحاج وكهز راسو فشجرة) واش طحتي من سما ولا كنتي فهاد شجرة ولا قلت نعاس خرجات عليا؟؟
لحاج: ايه ايه طحت من شجرة...ويل ليام هانتا أنديك لواحد بلاصة غايعجبك لحال وتبرد غدايدك...
من بعد نص ساعة...
لحاج: هانتا ولاد الدوار واحد لعام كانو مجموعين فقهوة بلحسين قبل مايولي ساهل تشري جينيراتور ولا دخل الضو... وتفرجو فواحد فيلم ديال مضاربة وبوكس وداكشي ديال خلي ضاربو بعضياتكم...ماعل
دخلو لقاو ولاد الدوار وولاد دواوير لي حداهم أشكال وأنواع هالغليض ها رقيق.. مهم دخلو ويليام تحمس بزاااف باغي يبرد قلبو..
سام: بيلي تكايس عليهم هنا راه ماكيضاربوش بحالك هانتا تفرج فلي مضاربين واخة كروشيات ولكن معندهم صحة..
ويليام:متخافش..
بارت:50
مشا عند واحد جحوشة قد لخلا تلاتة بيهم كهدر معاهم شوية حيد تيشيرطو ودوك تلاتة كلهم بداو يبتاسمو وكوجدو يضاربو..
لحاج: أهيا ناري غتيضارب معاهم بتلاتة عنداك يقتلوه ناخد دنوبو..
سام: غير تفرج ألحاج واخة كيبان لك بيلي ماشي قدهم ولكن راه صحيح وعندو تجارب من لواقع.. غير تفرج أش غايدير ليهم..
بداو كيضاربو ودوك تلاتة تحماو عليه وضريب وهو حامي غير وجهو..
لحاج: أويلي راهم كيخليو ضاربوه..
سام: هو هداك بيلي عزيز عليه ياكل لعصا باش كحس براسو مضارب قبل مايتسيف عليهم...
خلاهم كضربو فيه تابداو يعياو وهو يبان على حقيقتو كلشي لي كيضارب ولا كتفرج دارو كيتفرجو فيه وشي وحدين بداو يتخاطرو عليه وهو بدا كجندخهم بلواحد بلواحد..شوية واحد فيهم مشا هز بلاكة ديال عود وجا من موراه بزربة ضربو لراس..
سام تعصب كان غايدخل وهو يدير ليه بيدو وقف ودار ليه وفوجهو بتسامة شريرة كطيح ما فركابي عرفو سام أنه يقدر يقتلو وتخلع..أما ويليام نزل عليه بلعصا ودري غيب وهو باقي كضرب وبنادم تجمع كيحاولو يوقفوه وهو بحال لوحش...
ويليام: فيناهيا فيناهيا ...روديناااا
سام: ويلياام فيييق(والو باقي كضرب فدري) ويليام رودينا أش غتتقول لاقتلتيه
وقف ويليام فبلاصتو ودار شاف فخوه وعينيه كلهم شر غمضهم خمسة تواني عاود حلهم كيبانو عاديين مشا فتجاه خوه ولحاج لي تخبا من مورة سام خلعو زغبي...
ويليام: عرفتي رودينا عزيز عليها لمافيا ولقتيلة...
لحاج: أوووف خلعتيني قلت جاي يقتلنا...
ويليام: هههه ونخلي لحاجة طامو تزوج بعزري..
سام:(فرح ملي شاف خوه ضاحك) على سلامتك ملي رجعتي لينا...
ويليام:كنحس براسي قتدر نتنفس دابة وتفكيري مبقاش مشتت..ياله نشوفو دراري فين وصلو..
#رودينا
رودينا:مايمكنش!
الشخص:حبيبة باباها رودي معقلتيش عليا؟؟
رودينا: ولكن كيفاش عرفتي هاد وردي؟ واحد فدنيا لي كان كيقول ليا هاكة... شكون نتا؟؟ رجعني فحالي خطاف لي قالها لك
الشخص:راك وصلتي لاج لي تواعدنا نتزوجو!!
رودينا:لا لا مايمكنش ... داوود؟؟
داوود:رودينا حبيبة داوود...داوود حبيب رودينا
رودينا:(دموعها سايلين) اا أشنوو؟؟ولكن كيفاش؟؟ فين كنتي هاد سنين كلها.؟ أخر مرة شتك كانت ف...
داوود:متوحشتيني
رودينا: أش هاد تخربيق لاش خاطفني وفين كنتي هاد سنين كلها سحبناك غرقتي مع رضوان... فين كنتي..
داوود: انا نعاود لك ألالة ..
*فلاش باك
رودينا: بغيت نمسي معاكم نعوم أفااااااك أفاااك..
رضوان: حبيبت خوها دراري غايمشيو بوحدهم
داوود:خليها تمشي..
رضوان: لا هي لا ياله نتا...
داوود: صاحبي أجي نمشيو نشريو حلوة من داك حانوت..
داوود كان كبر من رضوان بتلت سنين واخة هكاك باقي صغير باه كان بزناس ديال دوار كبيع حشيش وشراب وزيد وزيد... ملي مشاو لكازا تلاقاو بيهم صدفة هادشي لي كانو كيسحابليهم أما لحقيقة هو أنه داك بزناس كان مخطط يتبعهم..
رضوان: لا بلاش ماما قالت ليا منمشي فين
داوود: ههه خواف ولد مامي وبابي..
رضوان: انا راجل مكنخافش...
داه داوود حدا واحد حانوت وهو يخرج أب ديال داوود معاه واحد زوج بزربة دارو لرضوان شي حاجة على نيفو وعطاوه لدو رجال داوه..
أب داوود: معليكش أولدي غاتدلي بحال باك وتشد فالحرفة..
داوود: ياك مغتقتلوهش؟؟
أب: لا غنبيعوه
رجع لأب عند عائلة رودينا وقاليهم بلا غرقو بزوجهم لولاد وشافهم ومقدرش يعتقهم ومتل عليهم ... ومن بعد عةم باش ميشكوش خرج من الدوار وعمرو رجع...
نهاية فلاش باك
رودينا: دااابة نتااا نتااا درتي هادشي..
داوود:(ناض كقرب ليها وهي كتبعد) كنت صغير معارفش..
رودينا:(كتبكي) كداب كداب لا خويا مات حسن ليه حسن لينا ... لا لا نتا مجرم