كاوري في الدوار (الجزء الرابع) | قصص مغربية

بارت:31🌜

خرجت من عند الحاج وراسي مطنطن تفكرت با ومي وعرس ختي قرب ضرني خاطري تمنيت كون كانو معانا وشوفو بنتهم عروسة...

أيمن: بستت

انا: جيتي عوتاني أش بغيتي؟؟

أيمن: غير لي بغا يدير خير بفف نساي صافي أنمشي بحالي..

أنا: أجي لهنا قول أش عندك..

أيمن: دوري معايا بعدا..

انا: مكتشبعش من فلوس..

أيمن: واسربي راه غايطيرو لك بيه...

انا: هاكة ياله دوي شكون غايطيرو بيه؟؟

أيمن: صقرامة ولكن هانية على وجه حبيبي ويل ليام

انا:(شنقت عليه هزيتو عندي) تاقول أش كاين؟!

أيمن: واخة واخة غير طلقي ونطلق تانا..

انا: تا أش غطلق رانا لي شاداك؟؟ واتا دوي..

أيمن: احم دابة كيشتي بنات الدوار كتعرفيهم مع لحيس لكابة لديك إحسان..

انا: سربي خلاص أشنو كاين..

أيمن: أوكي أوكي مهم متافقينن يتلاقاو لراجلك ونسيبك ديرين خطة ياتسخف إحسان ولا شي حاجة ولعبو عليه باش ياخدو شعرهم بزوج وسحرو ليهم ... ونزيدك سمعو خبار ختك غتزوج وناوين يسحرو ليها..

انا: بنات كلاب ليومة نريشهم ....ليوم يقراعو والله يامهم تاغايضامنو مع مرضى سرطان ليومة..

أيمن:هاد سرطان كنسمعو بزاف واش صعب من لحناش؟؟

انا:سير فحالك دابة راه لقرودة كلعبو ليا فوق راسي..(أيمن شاف فيها وشاف فراسها ورمش ياله غايدوي) سيير فحالك حسن لك طييير منشوفكش..

مشى أيمن بشوية عليه كيتمختر وداير ضحكة جنب عزيز عليه يشري صداع يموت فلمضاربات.. 

غادة ونقلب على بنات الدوار وهوما يبانو ليا مجمعات حدا دار مي التايكة، زربت فالمشية هزيت كمشة ديال حجر ومشيت ليهم .. غير شافوني جاية كحلو بلعما..

إحسان:(وقفات) اييه نتي تجي حدايا نعيط لجوندارم نديكلاري بك..

انا:(وقفت قدام دار مي التايكة) عيطي ليهم رانا وياهم ولينا صحاب..

بنت1:رودينا شناك ترافقتي مع لكاوري ونفختي ريشك..

بنت2:خليها متيقة راسها حتى تجيب كرش ومشي وخليها ديك ساعة نشوفو شكون ينفخ ريشو.. 

انا:ساليتو؟؟ (وانا نهز لحجر وبديت نشير عليهم هال قزيبة هال لفخاض هالمعاكل*رجلين* وكنعير) والله يامكم ونلقى شي وحدة ضور بالكور ياتانقبر مها ياكلبة منك ليها عينكم غير فلمزوج ... ايه يالالة ونشوف شي وحدة كتعنب ولا تقول سلام (بديت نشير بحجر كبير) تامن سلام لسمعتها داك هو نها لخر ليكم كلكم..

بنت: (كتنقز فبلاصتها كتخوي لحجر)ها حي علك واش بغيتي رجالة بزوج خلي لينا غير ويييحد

إحسان:(مخبية من مورة بنت) انا انا لي غاناخد لكاوري..

انا: والله يامكم وضورو بأي واحد فيهم تانعطب مكم(هزيت عصية ومشيت ليهم نضرب غير لرجلين) كاوري لي جا ليوم راه ديال فطيطيم هي لي شافتو لولة...لاخر راكم عافينو ديالي والله ونشوووف وحدة فيكم دور بيا ولا بختي ولا بفطيطيم...

بنات هربو بقات إحسان مخبية ياله غنشحطها وهو يشد ليا إيدي شي حد ضرت وانا نلقاه داك سام.. رجعت فيت الروح بعدا...إحسان هزات جلايلها وعطات رجليها لريح...

سام: ههههه نتي واللهتا علام 

انا: خخخخ طلق طلق خلعتيني نسحبو داك خوك طيحتي فيا نص (سام كغمز فيها) ناري كون كان هنا كون نكدها عليا الله ينكدها عليه اووف جاب الله غير نتا..مالك نتا ضريف وخوك معقد...واه على تخنزيرات عندو يطيحو زرزور من فوق سور(سام ككحب وغمز فيها تسكت) أمالك ألعشير ياكما وحلات لك؟؟

سام: ككح كح موراك..

انا:(ضرت لقيت ويليام هاز حاجب وحاط لاخر) ههه بيلي زين ديال لكور ههه مشتكش ههه انا نمشي نشوف واش لغنم رجعت ولاواش دجاج قرق على لبيض(راجعة بلور)..

سام:(كضحك) واخويا راك قطعها فيها..

ويليام:(جرني من إيدي لعندو) واش نتي غير ضوري وضاربي؟؟

انا: والله ياخويا كنكون باااركة معليا مبيا كافية خيري شري عاتا كيجيو عندي..

ويليام: خويا؟؟ ايه انا خويا وهو لعشير؟!

سام: بعد من نسيبتي ونتا مدخل فيها رعب

انا:(تسليت من إيدو) انا مغنتزوجش غانبقا حياتي كلها بايرة عزيز عليا لحرية..

ويليام: بصح هي نمشيو نقلبو على ديك لبنت إحسان ياك سميتها؟!!

انا:(شنقت عليه نسييت سهييت) بربي تان..(عقت براسي) هههههه بربي تاعادي زعمة..

أيمن:(خرج من واحد لبنيقة) ويل ليام أجي انا نوريك فين كيكون لبنات مجموعين 

انا:أيمن هههه (تحت سناني كنتحلف عليه)غانجي لمك غير بلاتي...

أيمن: باااز لوجهك عيني فيه يخ منو...

🌛بارت:32🌜

سام:هادا أيمن ياك؟!

ويليام:(شاف فيه غمزو) اه هو هاد

انا:أش عندكم تما شتكم كتغامزو؟! وديك نهار توشوشو..

سام:(كبدل موضوع) أجي سمعتك قلتي كاوري لي جا ليومة ديال فطيطيم واش هيا فاطمة الزهراء..

انا: ايه الزين ديال الدوار، النويويرة ديالنا...

ويليام: بااز كاع نهار ونتي تنتفي فيها..

سام: عادي أصحبي راهم خواتات..

انا: نتا كتفهمني والله يعطك الرضا أجي شحال عندك من عام مزوج خاطب قاري؟ فاش خدام؟؟

ويليام:(جرني من شعري) كيفهمك ياك وكتسولي فيه قدامي محشمتيش أش بنت لك انا؟؟ ديكور؟؟

انا:نتا هو لعصا فالرويضة مالك معكس مالك..

أيمن:راه كتسول لصحبتها قالت ليها غاتجيب ليها بلانو...

سام: هكاااك!!

انا: سير أيمن ولد سعاد بغيت لك لقمل..

أيمن: تضرب فالبارة وترجع لك...

ويليام: أيمن سير لداركم تاليل ونتلاقاو..

انا: أويلي وليتي تلاقا مع الدراري صغار ياكما راك بيدوفيل..؟؟

أيمن: أشنو زعمة كيبغي فيل؟؟ واش جابني أنا لهضرة؟؟ رودينا زعمة نتي مسكولة ولكن مكلخة..

سام: وااااع هههههه هادو لهربة واللهتا عجبني هاد الدوار ههههههه 

ويليام: انا لمك بيدوفيل بغيتيني نطمنك؟؟ ها نأكد لك بلا مارانيش بيدوفيل..

انا:(ها القضية بدات تحماض شفت من موراه وانا نعيط) لحاااج جيتي جابك الله (دار ويليام يشوف وانا نهرب راجعة بلورانية وخرجت ليه لساني) نتا راك ماسخ تفو علك.. (تعكلت وجيت على قزيبتي) اححح ايي يامي صافي تحكات ليا (درت وانا نلقا أيمن كضحك هو لي عكلني)واخة على مك نتا غير بلاتي حردتيها ليا..

ويليام:(شفتو مخنزر وانا نسكت) أش ندير فمك دابة 

انا:(تهزيت هلى صباع رجليا شفت يمين وشمال وبستو فحنكو) ههه غير كنضحك معاك ..(بقا واقف مسمر)

سام:(جا قظامو كيدير باي باي قدام عينيه) بسم الله علك هادشي غير باستك فحنكك.. وايلي أصاحبي واللهتا ممشيتي عند الله هههه..

ويليام:(خنزر فيه)دابة تشوف إلا كنتي ناوي معقول مع فطيطيم وغاتفهم.. هاد لبنات راهم غير دوك لي دوزنا فحياتنا..ومحتارمين راسهم... تشوف نهار بستها دارت ليا جنازة ولبكا وتنخصيص...

سام: هيا بستيها 

ويليام تفكرها برك يقلب مورة سام لقاها مكيناش طارت من حداه عطاتو بوسة بنجاتو وهربت لعفريتة...

ويليام: أيمن أجي ياله نمشيو ندويو مع ماماك!

سام:( نزل عند أيمن كيشوف غيه وهدر) نتا هو الراجل ديال الدار ياك تبارك الاه علك..

أيمن: ايه راني راجل خاصني غير شوية فلوس ونوريكم...

ويليام: هههه صافي أنخدمك معايا؟؟

أيمن: فاش؟؟ تسلكيط؟؟

سام: واااع هههه عطاك محنش فك ههه عجبني هاد الدوار انا بت نبت هنا معاك.

بارت:33

#رودينا 

دخلت نجري لدار وسديت لباب اوف هربت ليه هههه مسكين غير بستو فحنكو تبنج أودي على لكاوري تقولب ..ويلي اش هاد زعامة لي وليت فيها نبوسو فحنكو تسطيت والله.. ولكن لحيلة حسن من لعار..

فطيطيم: عيييييو 

انا: تف تف تف سيري عطي لمك لعداب خلعتيني....

فطيطيم: خخخ بشوية علك وليتي ترعدي كتر من فلان ديال شكلاط ..

انا: كلبة كضحكي عليا واللهما نقولك على سام شي حاجة..

فطيطيم: لا هالعار...

انا: أجي بعدا نسولك مال خوك ماغايجيش لخطبة ديالو؟؟

فطيطيم: قالينا مايقدرش ياخد عطلة من خدمة..

انا:جاتني فشكل بحالة مباغيش هاد تزويجة؟!

فطيطيم:لا ويلي تعقلي كيكان يحماق عليها ملي كانا صغار..

انا: ولكن راه 12 عام ماجا بنادم كتبدل..

سمية:(خرجات من لبيت من لي سمعاتهم) ياكما خيب ومخبي تما..

فطيطيم: إوى بزاف علك خويا راه سيد رجال..

سمية: انا بغيت غير نفهم علاش ماغايجيش؟؟ مناش خايف؟

فطيطيم: من خنزك راه ماما قالت ليه مكتعوميش..

سمية بقا فيها لحال ودخلات لبيت كتجري...من نهار ماتو واليدينا أترو عليها سيرتو قاضية ديال لعومان.. سمية كانت هي لعقل ديال ماما واخة كبرات ماما كانت كدخل معاها لحمام وتكسلها وتغسل ليها شعرها .تخرج تنشف ليها شعرها ودهن ليها لحمها بشي خليط كانت كتصييو ليها خصيصا... بلاما نحس خرجات دمعة من عيني..

فطيطيم: بغيت ليا مصيبة مكنسكتش يخزيت هاكا فمي هاكا هاكا(كضرب فمها)

انا:(كنمسح دمعة مكنبغيش نبكي) عنداك تقولي ضلمتك من لي نضربها لك بنتفة... مهم داك سام عينو عليك تاهو سول علك..

فطيطيم:هالعار!! أش قال أش قال؟؟

انا: واتبتي لرض نتي غاطيري بلخفة، أجي نقرصك باش تعرفي كيديري تعاملي معاه.. أول حاجة ملي يتعنب علك متحليش راني شتك داك نهار باركة غير تفرنسي تابانت لك ضرسة لعقل ... ترجلي معانا..

فطيطيم:هاويلي على نترجل!

انا: واحلي ودنيك معايا وسمعي ملي قول لك كلام زوين ديما ضوري فيه قوليه ميتعنبش علك ... ولا بغا يقيسك حايحي على مو.. تعاملي معاه قاصح ماتلوحيش راسك عليه..

فطيطيم: واقلة بغيتيه يكرهني..أويلي وكيندير نطيحو؟!

انا: شوفي هادوك لكور راهم شابعين بنات وخير مكتغروش بداكشي، واش سيد كل نهار يقدر يكون مع وحدة أش يخليه يشوف فك؟؟ زين؟ عطى الله زين تافي لخاريج.. أما بفعايلك تحكميه...

فطيطيم:بصح انا ماقرياش من مورة كطريام أش غايبغي فيا..

انا:عرفتي فرق بينا وبين لكور؟ هوما مستعملات وحنا باقين ببلاستيكتنا...

فطيطيم:هههه فهمتك صافي لي قلتيها نديرها

انا:عرفتي ياله معايا باغة نمشي نشوف سعاد مت أيمن كطلع ليها سكر مسكينة وديما مريضة...

خرجنا وتمينا غادين لدار أيمن ياله غندقو وهو يخرج أيمن مع ويليام وسام...

انا:فطيطيم خبيني مورة ضهرك

فطيطيم:وقفي مورايا وتحدري شوية راك طويلة (نفخات سدرها وعلات راسها زهمة مخبياها)

ويليام وسام كيشوفو ليهم حيو كلشي داز قدامهم وهوما يتفرقعو بضحك على هاد لهبيلات...

ويليام:ههههه باني غير باني مندير لك والو...

سام:هههه فاتي صافا.؟؟

فطيطيم:(دابت) ههه صافا حمد لله

انا:جمهي راسك تي تحليتي اش كنت نوصي فك...

ويليام:رورو خرجي را منقيسكش 

سام:راك بستيه دوختيه نسا علاش كان كاعي

فطيطيم:(دارت عندها) ياك أصوبيصة انا باركة تقرصي فيا ونني شابعة بوسان

انا:سير أوليدي سام بغيت لك الشوهة كيما شوهتيني..

سام:ههه مالك عادي ياك غير فحنكو

سعاد:(مت أيمن خارجة) أهلا زارتنا لباراكة زيدو دخلو تانتوما أدراري ياك كنتو غادين عندهم...إوى أجيو مرحبا شربو معايا أتاي راني دايرة طرح ديال ملوي...

سام:(شد فطيطيم ملي كانت داخلة وهي تنتر يدو) سمحي ليا مقصدتش شي حاجة غير بغيت نسولك

فطيطيم:(كطبق دكشي لي قالت ليها رودينا ودافعة كبير) أش حب لخاطر؟؟

سام: ممكن نمراتك؟؟

فطيطيم:ديالاش؟ جمعية؟؟

سام: ههه لا تيليفون؟؟

فطيطيم:اه معنديش..

سام:(جبد تيليفونو) هاكي هادة خليه عندك..

فطيطيم:لاش؟؟

سام:(قرب ليها) باش نسول فزهرة ديالي

فطيطيم:(شدات تيليفون وداروهو فصدرها) انا زهرة ديالك زعمة؟؟

سام: ايه زعمة زعمة..

فطيطيم:(فخاطرها مكدبتش رودينا عزيز عليهم تزلال) انا ديال راسي تايجي راجل يتزوجني...

سام:مبانش لك هاد راجل لي قدامك..

فطيطيم:مبانش ليا زواج

سام:هي نجي نخطب ؟؟

ويليام:زيدي نوي مالك حاضياهم؟

انا:كنشوف بنادم لي ناوي لمعقول كيجؤ ليها فاص ماشي بحال شي وحدين!!

ويليام:(برب ليا وشدني من خصري)غرتي واقلة؟ دابة نتي مخطوبة كيندير نخطبك؟؟

انا:متفكرنيش...

بارت: 34

أيمن:وادخلو خلاص فيا جوع

انا:نتا طلق مني

ويليام:مبغيتش

شديت إيدو وحيدتها بشوية وكنقيسها بحنية ويليا بتاسم عجبو لحال جبتها حتال فمي ودرت قنانفي على شكل بوسة سيد تيق عينييه تعسلو وغمضهم خخخ وانا كرش عليه بعضة حتى خليت لاطراس...

انا:مرة خرى ولي تجمع إيديك

فطيطيم:ههههه مسعورة هاديك

سام:دابة إلا عنقتك غديري ليا بحالها؟

فطيطم:لفم لي عضك بغيت لي لهرس (وشوف لبنت ولات هي لي كتعنب)

سام:ولكن انا عزيز عليا لعضان(وغمزها)

انا: مزيان راك نيت طحتي لكلب جاعر (هزيو صايا نوريه واحد العضة كانت عضاتني) هانتا شول أش دارت ليا راه مكينش لمسعور قدها

ويليام:(عاض علة سنانو) نزلي ديك صايا نني واش باغة نخلي ضاربوك...

سام: محشمتيش أصحبي كنتي وصاحب معاهم كيعريو كتر مايغطيو

انا:(شديت لسام فيدو) أجي نتا معايا عود ليا ضواسا هاد خينة

ويليام:(نتر لخوه إيدو) بربي نتا وباقي تقيسها تانتفاهمو

سام:راه هي لي مكتقدرش تقاومني وكل مرة تقيسني هههه

انا: والله ياخويا سام معرفتش واش راك عزيز ولا نيت ديال نتيف .. من شابه أخاهو فما ضلم

سام:واقلة خربقتي لمتل...

انا:فطيطيم شدي عليا حرامك راه واللهتا يدوز فخرج ولم يعد..

ويليام:(شدني من ودني) أجي بركي لرض هنا حدايا..

سعاد:(كتشوف فيهم وبلاما تحس دموعها نزلو) أش بغيتو عندي فهاد نهار..

أيمن: ماما سكتي مكنبغيش نشوف دموعك..

سام: خالتي متبكيش إن شاء الله نردو لك بنت معززة مكرمة..

ويليام: (شاف فخوه بحدة) سااام

انا: كيفاش كيفاش هادشي؟؟

ويليام: والو نساي..

فطيطيم: هئ هئ كانت صحبتنا هئ هئ...

انا: بيلي فين كتعرفو نيهاد؟؟

ويليام: احم تال شي نهار وجي وقت هاد لهضرة 

سام: واقلة فمي سابقني..

انا: شي حد إشرح ليا ولا واللهتا نود نمشي فحالي 

تاحد مجوبني وانا نجمع النوضة غانمشي فحالي مكنحملش الأسرار وتخلويض..

ويليام:(شدني وتم غادي بيا) ماكتصبريش؟؟

انا:ماعنديش مع الأصرار ....فين غادي بيا؟؟ وااطلق بعدا..

ويليام:(دخلني كوزينا وكلاني مع بوطاجي) علاش مكتبرديش تاتعصبيني؟

انا: كتعجبني ملي كتعصب وتحمار..و. (سرات معايا أش كنقول) بغييت نقووول دابة شتي..

ويليام: ممم كملي ؟؟

انا:(دفعتو) شوف حتارم راسك شتك وليتي غير كتلمس..

ويليام: رزقي..

انا: لعار غير قوليا شكون علمك هادشي

أيمن: انا خلي سيد يتعلم راه بحالي معندوش مع لمدرسة..

ويليام: متخليناش بوحدنا زعمة؟؟

أيمن: جيت ناخد لما... وبغيت نقلك تقدر تقول لهاد خيتي لي بغيتي...

انا: وايلي أيمن هو لي كيعطي ضو لخضر؟؟

ويليام:(تسنا أيمن يخرج) هانتي سمعيني منقدرش نقولك كلشي حيت براسي معرفش شحال من حاجة.. لي غنبولك هو أنه خت أيمن كنعرفوها أنا وسام وفيتين شيفينها وراه خطفوها من دارهم وناس لي خاطفينها باقين كهددو دارهم ..

انا: أويلي ؟!! وعلاش غايخطفوها وباياش غيهددوهم أش دارو ليهم؟؟

ويليام: أيمن هو سباب كان شاهد على جريمة لي هاد لأشخاص دارو وملي شافوه تبعوه لدارهم وهادي طريقة باش هددوه وخادو ختو رهينة باش عمرو يحل فمو...

انا:(حالة فمي) دابة هادشي عدنا فالدوار؟؟ هادشي راه بحال لي فيلم..

ويليام: اه ولقضية معقدة ولكن غنرجعوها ليهم ان شاء الله..

انا: بحالة عارف كتر ومخبي عليا

ويليام: هادشي لي تقدري تعرفي دابة..

فطيطيم: والحيبان راني غانسخف بجوع...

انا: ومالي انا حابسك

سام:(جا من مورا فطيطيم باغي يسكت ليها لقلب) لخوت ملقيتو فين تحابو غير كوزينة؟؟ 

فطيطيم:(سلتات من موراه وجهها مزنك) انا ندير لما يطيب لأتاي...

دوزو أبطالنا لوقت مع بعضياتهم وتفارقو كلا واش فبالو وشطون لي شاطنو ومطير نوم من عينيه وحدة لي بايتة كتبكي لي هي رودينة غدا خطبة ختها واليديها مكينينش لي يفرحو ليها...

طلعت شمس نهار جديد على أبطالنا...

كتسمع الدقان بجهد فالباب خرجت من طواليت نجري غايهرسو لباب غير حليت لباب وعينيا خرجو..

انا: عع عع

الشخص: وليتو تزوجو بلا خبارنا هااا؟؟ أش هاد الزيغة؟؟

انا: عمييي!!

عمي: حيدي من قدامي ياوجه لبلا... معرفتش أش عجب عدنان فيك...

انا: كيشتي انا غير كنموت عايه اعطيكم غبارة..

عمي: أش كتبركمي؟!

انا: قلت لك كون علمتيني نصيب لك مسيمنات..

عمي: ومالك أش حابسك تادابة باقي لحال طلقي راسك سيري ... فين ديك باباعجينة ديال ختك؟؟

سمية:(خارجة كتحك فشعرها لمشعكك) بسم الله رحمان الرحيم سمعت بحال صوت عمي تف تف تف

عمي: انعل كلب بوك سايرة تعيري..

انا: الله يرحم با مسكين كون كان منسمعوش منك لمعيور..

عمي: تحل ليكم لفم يابنات إزا..

تسمع الدقان عوتاني وانا نمشي نجري وكنطلب ياربي مايكونوش دراري جايين عندي..حليت لباب..

فطيطيم: حبي لي عطاني سيدي ربي

انا: ششششش عمي كاين لداخل

فطيطيم: بسلامة علك..

انا: أجي لمك عونيني فمسمن!!

فطيطيم:لا ختي عمك كيخلع..

عمي: هاظيك لموصيبة فين مشيتي؟!

فطيطيم: تهلاي الله يعونك عليه انا غنمشي نوجد للخطبة..

انا: هالعار لبان لك أيمن قولي ليه يمشي عند دراري يقوليهم راه عمي جا عفاك..

فطيطيم: صافي واخة

عمي: أجي هاديك ها

انا: نعام أعمي 

عمي: واش عطاك لحاج شي أمانة خلاها عندو لمرحوم؟؟

انا: بلعما

عمي: ايه الله يجعلني نتيقك ... ختك راه مغتزوجش داك خاينة.. انا غنزوجها ولدي عصام..

انا: ياك فلحبس؟!

عمي: جمعي فمك ولا نهرسو لك ولد عمك راه فدار باخ معزز مكرم..

سمية: عمي انا غنتزوج خو فطيطيم راه تقرات فاتحتي عليه ملي كان با الله يرحمو..

عمي: باك راه مدفون وتاديك فاتحة دفنيها بحال عمرها مكانت..

انا: عمي ماتبززش عليها 

عمي: انا لي نقول ونتي راه عدنان جاي وغتزوجو راه جيت باش نأكد لك وتجمعي وراقيك..

انا: مغنتزوجش انا ماباغاش..

عمي: ماشي لخاطرك صافي راني دويت..

انا: عمي رةني كنحنارمك وماكنبغيش نزل كلامك لرض ولاكن انا وولد مامزوجينش...

عمي: (ناض وجمعها معايا بتصرفيقة) من إكتى وليتي سليطة لسان غتزوجي هي غاتزوجي..

انا: (عينيا مدمعين) ولهلا تزوجتو واخة نعرف ننتاحر...

خرجت نجري ودموعي شلال مشيت بلاصة لي كنرتاح فيها تحت شجرة لي كنت كنبرك انا وبا تحت ضلها ونتحتو.. مغنتزوجش انا هداك مبغيتوش بغيت ويليام هئ هئ هئ

ويليام: مالك شتك خرجتي تجري من الدار ياله كنت جاي عندك (قرب ولقاها كتبكي) رودينا مالك أش واقع...

انا: هئ هئ كلشي بسبابك بعد مني هئ هئ ولا عرفني أجي عنقني باغة نبكي هئ هئ هئ

ويليام: ههه واشدي طريق نبعد منك ولا نعنقك؟؟

انا: هئ هئ عمي جا 

ويليام: مزيااان 

انا: كيفاش؟؟

ويليام: أش وقع بعدا عودي ليا؟؟

عاودت ليه كلشي وكيبان ليا مبرد واقلة معلابالوش ماكيبغينيش غير انا لي مزعوطة وطايحة على زنافري..

ويليام: هانتي هاكي هاد جوا وعطيه لعمك وردي عليا أش غايدير ولا أش غايقول..

بارت: 35

انا: أش فيه جوا؟؟

ويليام: غير عطيه ليه نودي دابة نيت قبل مايسخن بلاصتو وعنداك تحليه راه مشمع غير تحليه نعرفو تحل وحتى عمك غايعرفو تحل..

انا: اييه كنحس براسي بحال فداكشي ديال مافيا ولعصابات..

ويليام:(وجهو تخطف) اه ههه مالهم كخلعوك؟؟

انا: لالا عزيز عليا مافيا ودكشي كنت ديما كنحلم نكون خطيرة وعزيز عليا لقتيلة ...كنتفرج فداك لعبة العروش game of throne واعر كتعرفو؟؟

ويليام: اه كنتفرج فيه..

انا: ناري داك جون سنو شحال بوكوص وشخصية اححح كعجبني

ويليام: احح كاع وانود ن*** قبل من فوت فك شي ضربة..

انا: خخخخ را دطشي ديال افلام ماشي حقيقة..

ويليام: هاكي هادا (جبد تيليفوم) باش نهدر معاك وقتما..

انا: خخخ غرتي أكبور غرتي من خوك حيت عطى لفطيطيم نيليفون وبقيتي تاكل فجنابك كيييفاش مطاحتش علك(خديت تيليفون نبقشش لقيتو داير تصويرتو فوديكرو ههه اخح كبغيني خخخ)

ويليام: نوضي ياله سيري...

نضت مشيت لدار ياله دخلت سمعت عمي كيدوي فتيليفون وكيقول والله يامها تزوجو بلهلا يتبتو ليها عرفتو شعلات فيا لعافية وحسيت بالحكرة...

انا: عمي!!

عمي: لعما أش بغيتي..

انا:(ماطيت ليه جوا) هاكا

عمي: أشنو هادشي ياطما رزق لي خلا باك مع لحاج..

انا: لوااع نبك على عينيك..

عمي:(حل جوا وعينيه خرجو عينيه حيد شي تلاتة لوراق وشاف فالورقة تالتة انا طليت لقيتها مكتوب بفرونسيوبقا كيشوف كيبان ليا كتهجا حيت عمي قاري وعندو لوغات كان شحال هادي كيخدم كيد توريستيك)روديناأشنو هادشي..

انا: أشنو؟؟

عمي: أش كيعني هادشي؟؟

انا: أش كيعني؟؟

عمي: هضري طلقيني منين جتي هادشي؟؟

انا: ها مم ممعرت؟؟

عمي: كيفاش معرت هووووف تهدن أمصطفى تهدن ....دابة أش بغيتي أبنتي؟؟

انا: بنتي؟؟

عمي: أش حب لخاطر لي بغيتوها تكون؟ واش على ختك الله يتودي تزوج بداك لي فرنسا معندي مشكل..

انا:(نقزت فالهضرة من حدو منعرف مالو) انا تانا مابغيتش نتزوج ولدك ..

عمي: واخة أبنتي هي لولة (ضور قبو وجبد منو ميكة فيها فلوس) هاكي حقكم من لحريت ولبيع ديال لرض

انا: هاااا؟ فلوس؟؟ ديالنا؟ ناخدهم؟؟(عمرو عطانا ريال)

عمي: اه أبنتي مهم لحاصول انا غنمشي تابعني شي غرض

انا: عمي ياله جيتي بقا غير تحضر لخطبة جيتي جيتي..

عمي: ههه لا لا مانصيبش غيريرو نتوما لي بان ليكم الله يرضي عليكم..

انا: شكون نتا أش درتي لعمي؟؟

عمي: (شرك دوك لوراق فتات فتات ولاحهم فطارو)ههه ديما كضحكيني كتفوجي عليا هانا مشيت .. 

انا(مشيت معاه لحدا لباب) متأكد أعمي راك بيخير؟؟

عمي: ايه ايه بيخير بسلامة أبنتي

فطيطيم:(جات معاه غادي فحالو) أبنتي؟؟؟ شكون هادا؟؟

انا: أويلي راه عمي

فطيطيم: واعرفتو عمك متيقتش قالك بنتي هادا مالو ؟؟

انا: دخلي دخلي منعرف أش لقا فواحد جوا عطاه ليا ويليام... واتي عطاني فلوس مفهمت والو..

فطيطيم: بغيتي تقولي خدا لك فلوس

انا: ولا واللهتا عطاني فلوس..

فطيطيم: ياكما ضربو جن؟؟

انا: كاين شي جن تا قدك أجي تبعيني نمشي لطارو ديال زبل..

فطيطيم:(قطعاتني) لواه لواه بسم الله علك ياكما نفس جن ضربك؟؟

انا: زيدي زيدي واللهتا غاطرطقي ليا مرارة.... دابة كيشتي عمي غير خل ظاك جوا وتبدل لونو ولا يقول بنتي وقاليا بلا منتزوج بولدو وشرك داكشي ولاحو فطارو..

فطيطيم: زيدي زيدي نقلبو فطارو أش كتسناي نعرض علك..

انا: كلبة مك راني انا لي شرحت لك...

فطيطيم: وصافي صافي زيدي..

انا:(جبدت تفرتيت وكنبقشش) هاي هاي هادو شيكات سانيهم عمي على راسو يقدرو يدخلوه لحبس وهاد لورقة مكتوبة بفرونسي لا لا لإنجليزية...هانتي فيها سميت عدنان ولكن كنية خرى ومكتوبة ... mariage

كتعني زواج ومكتوبة certificate زعمة بحال سرتفيكا لي يكتب طبيب...

فطيطيم: أشنو زعمة كيتزوجو عند طبيب ولا شنو؟؟

انا: واتي لا غايكون عقد زواج

فطيطيم: واشنو ماعنيت سرفاتيكا؟؟

انا: سارفاتيكا هي حناك ..واش فمك مراجل متعرفيش تسكمي لهضرة؟؟

فطيطيم: واكنحاول نحل معاك هاد لغز هههه بحال محقق كونان ودكشي خخخخ.

انا: انا لي دايرة فك راسي سيري عطك لغراق...(رجعت نشوف فورقة) اااااه عدنان مزوج وهادا عقد زواج ولكن كيفاش هاد كنية ماشي كنيتو..

فطيطيم: خاصنا نديرو ترحيات..

انا: تحريات تحرياااات تي خليك غير فالدارجة مالك على حالتك

بارت 36 🌜 

فطيطم:هادشي فشكل اختي لكن مالكي اصحبتي مهم هناك منو اش بغيتي 

رودينا: نموت او نعرف مينين جاب ويليام هاد عجب 

فطيطم:تراهم ميريكان اصحبتي اشنو تسناي منهم 

وردينا: مهم تهنيت منو ولد حرام داك عدنان كان مزوج باغي يديرني تانية مشرط كمراة 

فطيطم:حكل عطفة تفو كنكرهو ولد كلب كان يضل يطلاوط على بنات دوار خاصو غير يطرطق ليهم بوشونة 

وردينا: ناري يفطيطم على هاد بلان لي دار ويليام اذن تيبغيني ياكي 

فطيطم:بانية مزعوط فيك تالجدر ناري غنتزوجو برجال عايشين في مريكان نمشيو تحنا احححح اقلبي لكن خاصنا باش نشدوهم ؟ 

رودينا: باش نشدوهم ؟!!!!!

فطيطم:خاص نحملو منهم 

رودينا:😨😨😨😨منيتك منين تتجبي هاد افكار

فطيطم:(نفخت صدر عند بالها قالت شي حاجة واعرة) ترا ه انا دماغ 

رودينا:(عارفها معارفة تزفة على جنس)ايه كيفاش نديرو باش نحملو؟

فطيطم:مالكي متتحشمي داكشي لي تيديرو بين راجل او مراة (مزنكة)

رودينا:انا ناخدك على قد عقلك بغيت نعرف 

فطيطم: واخا نعاود ليك اش قالت ليا مي ولكن سر بيناتنا واعديني 

رودينا: وعد قولي اش قالت هاد مك(عارفها دوايه خاوية)

فطيطم:قالت ليا مي راجل مني تيبغي مرا تحمل منو كيشدها او يديها شي قنت كشيتي باش تواحد ميشوفهم باش يديرو داكشي على راحتهم فهمتي هادشي بعدا 

رودينا: اللّٰه يصبرني كملي فهمت 

فطيطم:غادي ندخل سخون دابا جمعي راسك 

رودينا: راسي راني جمعاه متتشوفيش درايرة سفنجة 

فطيطم:مهم مني تيديها بلاصة بعيدة مفيها تواحد خاوية تيشدها او يدفعها مع حيط او يتلفت هك او هك او يتلاح على فمها يبوسو بشوية او مني تيدخل لاسانو او يتلاقا يريقك مع ريقو صافي تما تتكحال او تيهبط داك دفال لمعدة تيدوز يمصران او تيمشي ولادة او يدخل مع داكشي ديال ولادة سلوكة(تتقصد مبيض قناة فلوب)او تحملي اوا شتي خاص غير نقنتهم او يبسونا بريقهم او نحملو او يتزوجنا ديك ساعة بزز عليهم شتي على افكار عندي واعرين غير جلسي بلما تجي تبوسي ليا راسي

رودينا:(حطيت يدي فوق راسي بقيت نشوف هاد مخلوق لي جالس يهدر حدايا )منيتك غنجي نبوس ليك راسك كون تعرفي ولاد كيف تيجيو بربي تتكرهي سام (جمعت معاها بقرصة وسط فخاض) 

فطيطم: احححح امي مالك تقرصي راه مي عاودت ليا 

وردينا:غير كذبت عليك

بارت 37🌜

رودينا: عرفتي نتي سيري بحالك والله حسن خلني نوض نمشي نقابل شغالي شتي نتي برب تهبيلة لانتي لامك راه غير كاذبة عليك 

(حيت بزاف امهات يكذبو على بناتهم بهاد شكل باش هكا بنت تخاف من جنس خشن ميقربش ليها تتخليها مسكينة في دار غفلون حيت كون كانت بصح برب تتلقا مغريب كلو ولاد)

فطيطم:ميمية اويلي تتهدري بصح عاودي ليا نتي 

رودينا:دابا ممسالياش سيري بعدي مني راه تباعني خطبة في ليل تال منبعد نعاود ليك 

فطيطم:كون مكانت خطبة والله منعقل عليك 

مشات فطيطم دارهم اف تهنيت من هاد موصيبة قالك بوسة تحمل هههه اويلي والله مطلع معاك بوشاشية لا حملتي عار خاص يكونو حيواناتو مجهدين هههه نمشي نجيب خالتي حاجة باش نبداو في طياب لبست غير واحد جلابة في كرونة او مشيت نجر في سندالتي 

سمية:(تتهدر مع انيس في تيلفون)انيس يوم غتجي خالتي مليكة تجيب خطبتنا 

انيس:اه مزيان نتمنى يكون هادشي لي شريت ليك عجبك 

سمية:انا تايقة في ذوقك 

انيس:سمية باغي نسولك نتمنى توجبني بصارحة حيت حنا 12 عام متليقنا واخا عارف هاد اسئلة خاصها مباشر لكن منقدرش نصبر تنجي 

سمية:(ميمتي فيا خلعة اللّٰه يستر من هاد اسئلة)

انيس:فينك جوبني تصارحني بلي كاين 

سمية: اه غير سول

انيس:(تنفس بهدوء)واش نتي موافقة على هاد زواج 

سمية:اه انيس انا راه موافقة 

انيس:واش تتبغيني سمية؟

سمية:(تصدمت من سوال حيت هو راه روحي كنت تنتسناه غير امتا يجي يديني او يكون باقي تيبغيني كيف كنا في صغر فرحت مني جا يخطبني )زعما نتا معرفش هاد جواب

انيس: باغي حبيبتي مرتي مستقلبية نسمعها تتقوليا اه كنبغيك 

سمية:(غرقت في حويجها بحشمة او ولات كيف مطيشة) اشنو انا مرتك مستقلبية 

انيس: ايه الالة نزيدك انا سيمانة جاي غنجي او نديرو عقد او عرس باش تكوني ديما معايا راني توحشتك 

سمية:(صافي دابت مسكينة عمرها سمعت هاد كلام)بصح اللّٰه يجبك على خير 

انيس:سمية تنبغيك نتي؟

سمية:(قالتها بشوية ) تا انا 

انيس: مسعتش

سمية: كنبغيك (قطعت هبيلة) 

انيس: فرحت مني سمعتها منها او ضحكتني مني قطعت هبيلة هاد بنت 

انيس رجل لايقل وسامة من صغرو غزال فيه واحد نفس حارة قرا او قرا او كافح خدم مشا فرنسا يقرا تولا طبيب هو كتعجبو سمية من صغر حاط عليها عين كانت تتعجبو ديما داخلة سوق راسها تلقها ديما خارجة مع مها او بها كان دايما تيبقى يشوف فيها تاهي كان تيعجيها كانو تيهدرو بعينين واحد نهار كانو مشاو عند مليكة او ملكية قالت ليهم هادي عرست ولدي انيس او ازا تاهي قالت ليهم ملقاش حسن منكم تنقز ليهم انيس من بيت تا انا باغيها مراتي او عاد وعا على راسو او خرج تيطير بقاو يضحكو او دازت 3 يام او مشاو او قراو فاتحة عليهم باش مني مشا هو فرنسا خلاها في رقبتو واعدها معمرو يسمح فيها ولكن هي هاد مدة كانت قطعت ياس منو حيت معمرو سول فيها ولكن هو معمرو نساها وجا وقت يديرو وعد ديالو

بارت:38🌜

مشيت جبت خالتي حاجة حيت هي معروفة بطياب عدنا لي داق مكلتها ضروري يبقا يتسنى زيادة اما حاج يطيعه صحة مشا بكرولتو سوق فوق او تقدا ليها كلشي لي خاص من دجاج بلدي مكاينش رومي او لحم غير هبرا دسير او مونضا او قوام او اي حاجة كتبتها ليه رودينا في ورقة جابها حلف ميشد منها ريال حيت بحال بناتو او خلص كلشي من جيبو (ونعمة رجل) مسكينة هي عاد متتزيد تفرح بالي كاين خير في ناس 

هوما مشاو دار لقاو سمية جمعات دار او فرشت طلامط جداد كانو مصاوبينهم هاد مناسبة في كورنة فيهم ورد في بلونكاصي جاو غزالين او جوج طبالي كبار او عليهم لاناب في بونكاسي او زربية مخلطة تاهي بكورنة او بلوناكاصي (وخا دوار مهلين)

الحاجة:تبارك اللّٰه على عروسة حادكة

سمية: ربي يخليك خالتي ياك مزياينين

الحاجة:مزاينين ولكن نتي سيري حمام ضبريها ليك بتحميمة او هاكي هاد طاسة فيها واحد تخليطة حنا دريها في اول او خليها تتبدا تيبس او غسلي او هاد طاسة فيها عشوب دهنيهم مني كوني خارجة راه يخليو ريحتك كيف مسك او يوردو ليك حنكات 

سمية:(فكرتها غير بمها تلاحت عليها بتعنيقة) شكرا خالتي لهلا يحرمك 

الحاجة: راكم بناتي اجي رودينا (عنقتهم بتلاتة او سمية تشهق او رودينا دموع غير هابطين بصمت تحاجة بكات معاهم لكن جمعت راسها) يلاه توكدو سيري نتي دخلي حمام او باش تخرجي منورة انا او رودينانتكلفو 

مشات سمية فرحانة واخا بغا واليديها ولكن قدر اللّٰه مافعل وشاء 

كملت رودينا جميع مشات حاجة كوزينة جبدت طناجر غسلتهم او رشيو او مغارف او اي حاجة تحتاج جا حاج او كان معاه ايمن تلقاه في طريق او تيهز او دخل مع حاج كوزينة تكملو كلشي حاج دخل عند حاجة بقاو يهدرو او تشوف اشنو جاب بالي يكون نقص شي حاجة رودينا جرت ايمن عندها 

ايمن:اش بغيتي تاني 

رودينا:بعدا عارف راسك غير ديال صخرة

ايمن:طلقني راه تبعاني اشغال 

رودينا:فمك شحال سليط غتمشي عند ويليام او سام او تقوليهم قالت ليكم رودينا مرحبا بيكم في عشية مع 6 مرحبا بيهم خطبة ديال سمية صافي 

ايمن: اهاه نتي بان ليك غير هوما من دوار كامل 

رودينا: نتا مالك كيف شتي دوار مسوق لينا غير محاسدين كون فيهم خير يجيو يعاونونا او يسولو سكت نتا اش عارف

ايمن:واخا صافي انا ؟

وردينا: مالك؟

ايمن: ممعروضش ؟

رودينا: نتا راك مول دار اه قول ماماك تاهي تجي 

ايمن: واخا 

مشا ايمن طاير عند مو علمها فرحات او مشات تصاوب ليهم شي جوج شكال حلوة تعاونهم بيها ايمن مشا علم ويليام او سام فرح ويليام حيت فكرت فيه بحال هاد مناسبة لي تتكون فيها غير ناس عزاز او مقريبن عرف راسو راه مهم اما سام تاهو فرح حيت يشوف فطيطم او يقشب عليها تافقو خوت يطلعو فيلاج يختارو شي كادو يليق بهاد مناسبة ايمن تاهو لسق فيهم 

حاجة او رودينا تعاونو على دجاج او شرملتهم حاجة رودينا تتشوف او تعاونها او تسول تتعلم او مشاو تاني الحم نصابتو كلا في طنجرة او وردينا ستفات داك ديسر في طبالس او مونضا في بلاطو مع كيسان او جبدت سرابت اي حاجة غتحتاجها جبدتها مبغات تنقص تاحاجة في خطبة حيت نهار مهم واخا مكاينش خطيب ولكن نهار مهم عندهم

بارت:39🌜

دخلت رودينا عند ختها او حكت ليها ضهرها او غسلت ليها شعرها مزيان من حنة او خلاتها تتكمل او تخرج مشات بيتهم وجدت ليها واحد فراشة في سومو (انضر صورة تحت) غزالة منبتة بسفيفة او عقيق او من كمام غتجيها تتحمق 

اما سام او ويليام مشاو تافقو مع دقايقة بغا يديرهم ليهم في دفوع يكون داكشي ديال مدينة تا ايمن قاليهم تواحد معمرو دارهم حيت غالين او رجعو تاني عند مليكة علموها بلي بغاو يديرو هادشي تاهي فرحات بغات تبان عليهم في دوار 

رجعو تاني (صلو خيطي بيطي ) فيلاج سام خدا ليها ساك او سندالة او ريحة او شي حاجة مكياج عندو مع داكشي او دخل محل ذهب خدا براصلي او شاف واحد خاتم سانبل عجبو او هي طيح في بالو فطيطم او خداه ليها دراو في جيب (مسكينة غير تشوف خاتم غتفروح)

كساو تا ايمن او تاهو منسيش مو قاليهم يشريو ليها شي حاجة خداو ليها فراشة على دوق ايمن اما ويليام خدا لرودينا واحد قفطان بيض بكامام او صمطة مرصيعن بالحجر عرفها يجيها غزال غلفو كلشي او هبطو تاني بطاكسي 

كانت 5 عشية 

ويليام: ايمن هاك دي هادا رودينا قوليها نجي لقاك لابساه 

ايمن:احياني عليك مسخوط 

ويليام:سير دغيا نتا متتسكتش 

مشا ايمن بجرا وصل دار دق حليت ليه 

رودينا: اشنو كاين 

ايمن: هادا صيفطو ليك بيلي قالك لبسيه مني يجي يشوفك 

وردينا: ارا لهنا 

يلاه غنهدر تكلقاه طار مشا انا دخلن نيشين بيتي حليت كرطونة تكنتصدم بقفطان عجبني بزاف فرحت بزااف حيت فكر ليا تدخلت فطيطم 

فطيطم:اععععععع اشنو هادا بنت حرام عندك هادا مخبياه عليا كلبة تفو عليك يمسمومة 

رودينا: ويليام صيفطو ليا 

فطيطيم:(بدات تبكي )انا ولد حرام سام مصيفط ليا والو(تقول ضارب عليها عقد) 

رودينا: ناري تيبغيني افطيطم صافي مشيت فيها انا 

فطيطيم: سعداتك انا خوه والله محشاه ليا يخ على زهر 

رودينا: زيدي قدامي نخرجو سمية من حمام لبسها او سيري بلحالك نتي لاش جاية 

فطيطيم: جيت نشوف واش كلشي مزيان 

وردينا: صافي سيري وجدي راسك راه قريب وقت سيري انا نخرجها راسي 

مشات فطيطيم او مشات رودينا خرجت سمية او نشفت ليها شعرها او جبدت ليها سليب او سوتميات او برديمة في بيض باش تكون حياتها كلها مبيضة(افكارهم هاكا ) او لبستها قفطان جاها تتحمق او قادت ليها شعرها بوكلي دارت ليها كحل او كلوز او رسيل صافي غدودها غوز من عشبة ليعطاتها حاجة او هي بضية جات تتحمق 

رودينا:اللّٰه يكمل عليك بخير راكي منورة (عنقتها)

سمية:(ناضت شافت في مرايا تصدمت عينها عمرو بدموع) شكرا بزاف اختي 

رودينا: اويلي حمقة تخسري وجهك صافي نهارك هادا فرحي باركة مهم انا نمشي او نجي دغيا 

خرجت مشات واحد صندوقة في بيت مها جبدت واحد تاج بسيط لكن روعة ديال مهم كانت مخلاياه قالت رودينا لي تزوجت اولى غادي لبسو ليها ولكن شاءت اقدار متكونش هي ولكن وردينا غتلبسو ليها رجعت هي فرحة في عينها تدراتو ليها فوق راسها 

سمية: اااه اختي نتي راك بحال ميمتي 

رودينا: نتي اولى غتزوجي ماما وصيتها نفدتها يلاه جلسي هنا نمشي نشوف خالتي حاجة 

سمية: دغيا باش تجي تلبسي تنتي 

بتاسمت ليها رودنيا مشات كوزينة لقات كلشي ناضي حاجة مقصرتش من جيهمتهم او قالت ليها غتمشي تبدل او ترجع دغيا حيت توسخت بمرقاي او روايح تتقلب فيها 

بارت:40🌜

مليكة:اللّٰه يرضي عليك ويليام راك تهليتي فيهم درتي داكشي لي مداروهش صحاب دوار 

ويليام: هانية اخالتي 

سام:انشالله تنكونو مع بنتك

مليكة:(طلعتو هبطتو)نتا منين تتعرف بنتي 

يلاه يهدر سام تنقز 

ويليام:خالتي راه شفاها مع رودينا انا عاودت ليه عليها بلي ممزوجاش مديش عليه خالتي 

مليكة:اه اوا اللّٰه يجيبنا في صواب 

ويليام:امين امين اخاالتي مهم نمشيو حنا نبدلو او رجعو صافي 

مليكة:اه سيرو اولادي 

ويليام: دراري قادو هادشي مزيان حنا راجعين صافي يكون كلشي متول (مع صحاب دقايقية)

ويليام جر سام او مشاو 

ويليام:مالك متعرفش تسد فمك راه دوار هادا ناس محافضين 

سام:(دار فيه واحد شوفة)منتيك اعشير مني كنتي مع رودينا نستي محافضين اولا حرام عليا او حلال عليكم اه 

ويليام:جوابك على لسانك اح اصحبي شحال فيك 

مشاو تيضحكو بجوج هوما اخوة لكن أصدقاء بزاف تواحد فيهم ميفرط في اخور ديما واقفين مع بعضهم 

وصلو دار دخلو دخل ويليام دوش دغيا خفيف خرج دخل سام تاهو دغيا 

ويليام لبس كوستيم في بلومارين او قميجة في بيض او دار سمطة في كرونة او سباط تاهو كرونة او قادو شعرو او نضاضر جا واعر اما سام لبس كوستيم في كحل مع قميجة في بيض او قاد شعرو تاهو لحية سباط في كحل جا زاز لوز او دارو ريحتهم او هز سام كدوات لي شرا او مشاو بحال اسود في غابة لي تتشوفهم تتبغي طيح توجهو دار مليكة باش يمشيو دار خطبة

مليكة لبست جلابه جوهرة في شبي جاتها غزالة مخدومة برانضة مع فولار في بيض بلغة تاهي نفس لون اما غطيطم لبس قفطان في حمر مرصع بحجر موصلش يدين او قادت شعر سانبل او دارت وردة فيه على شكل فليل او سندالة معلياش بزاف على حساب حجر او دوار هادا 

اما رودينا فبخرت دار او غسلت دوك معان او كلشي رجع تيشعل دخلت خوات عليها طسل ما مع صابون دغيا او خرجت شعرها مغسلاتوش مع طويل غيكرفسها مشات بيتها جبدت حوايج تحت لبستهم او برميدة او لبست داك قفطان جاها شهوة منو تقول عبراتو عليها (ويليام حفظ فصالتها)فرحت بيه بزاف مشطت شعرها او سرحاتو مزيان جمعاتو فوق على شكل سفنجة او خرجات زغبات من جناب دارت كحل او ايلينر خفيف او عكر غوز ماط كتفات غير بهادشي جبدت واحد سندالة في كحل عالية شوية لبستها او هي تشوف في مرايا عجبها راسها ولات تعوج غير بوحدها تدخلت عليها سمية 

سمية : اي اي اي جيتي غزالة منين ضبرتي على هاد قفطان 

وردينا:(حشمت)ويليام صيفطو ليا(متتخبيش على ختها)

سمية: تهلا فيك اعفريتة باينة طاح على زنافرو

بقاو يضحكو خواتات تدخلت غليهم حاجة:مشاءالله ربي يحفظكم من عين او يحميكم 

رودينا سمية:امين اخالتي