الشيخة و ولد عمها (الــــنـــهــايـــة) | قصص رومانسية بالدرجة المغربية

313🌷

سكينة : بان ليها غير راحلي دود علييه والله ياامها حتى ....و هي دخل ديك الخدامة عيشة جات غند بامو نيشان و هبطت راسها باش تخبرها جوج ريوسا تكاو يسمعو راس سكينة و راس لالة حفيظة 

عيشة : لالة راه جاو 

حفيظة : جااو ؟؟؟ 

سكينة بفرحة : هاهوو جااا 

ميريام قلبهاا بدا كيضرب و الفرحة بدات كتغرس في قلبها ناضت بامو وقفات : سيد الحاج الناس راه جاو نمشيو نستقبلوهم 

الحاج : ههه انا غنوض اسيادنا نستقبلو الناس ...خرجو بامو و الحاج و ناضت فليفلة دريما تبعاتهم و مخلية تليفون في يد ثائر كيخربق فيه و هي تنوض سكينة و جات جلست حدا ثائر أحمد جبد حجبانو فيهم و هيتم حداه مجبد نفس الحجبان (غير واحد مبغيش بنتو تكون مع ثائر و تاني حاسد ثائر كانت حداه ريما و دابا سكينة ) 

دخلو طموبيلات ديال آرديايكس وحدة من ورا وحدة و كيتقدمهم آردي في سوكان دخلو لافيرم وقفت طموبيل و خرج منها آردي و لينا لقاو في استقبالهم الحاج و بامو و عاد خرج من وراهم مباشرة ظافر شاف لينا نيشان و تهيا شافت فيه و دايرا ضحكة جنب العين بالعين 

الحاج : هههه مرحبا مرحبا تفضلو 

بامو كتقل في الضحكة : مرحبااا اولدييي ظافر هههه (هو كيصفط ليها الرصاص بعينو ) دخلو دخلوو تفضلوو 

دخل الحاج لينا و آردي كيضحكو مع بعضياتهم و بامو واقفة كتشوف في ظافر و مبتاسم حتى داز عليها 

بامو : ههه في الاخر غنزوجك على يدي فحالك فحال خوتك.....شاف فيها بطرف دعينو 

ظافر كيدوي من تحت سنانو : معندي ميتسالك لعبتي على مي مزيان 

بامو كتعوج : ههه ايوا انا درت غير الخير بغيت نزوجكم و ربي يجازيني من عندو هي لتاجأت ليا و انا مغنردهاش مسيكينة ....نفر حداها حرقاتو ديك لتاجأت ليا دخلاتو بين الضلوع و دخل معصب 

ريما كانت مقنتة واقفة غير مشا جات عند بامو تجري : عمتي عمتي عنداك ميقبلش بالخطبة قدام الناس 

بامو : ههه ميديرهاش عارف ولدو في كرشها و زيدون كنتيق في لينا 

ريما : مممم زعمة 

بامو : راه معاك بامو و اجرك على الله من عند الله كاع لي كنزوجهم بيدي ولا كنحضر ليهم في عرسهم كيتيسر ليهم من عند الله هو ثائر غير جا و جابني حيت عارفني مرة و نص 

سكينة لخبطة لي تخبطت حدا ثائر طلع فيها عينو و هي ضحك و كدوي تحت سنانها : عجباتك فاش جلست حداك تقيس فيك ياك 

ثائر كمش وجهو : علاياش كتهدري 

سكينة : البرهوشة لي كانت كتفرطط حداك 

ثائر ناض و قرب حتى لعندها : يكما الزين ديالي غار 

سكينة : غرت هههه و من من ؟؟ من هادييك شوف ااه انا عارفا بليي مكينش في هاد الدنيا شي وحدة تفوقو جمال سكينة بنت يزا غير ديرها في بالك 

ثائر عض شفايفو كيضحك : يخليلي الشكيكرة دراسها 

سكينة : و الحقيقة تقال (هزاات يديها دبيلجات و الخاتم كيبري وسط صباعها و بدات تعد بصباعها ) الزين الطاي الحداكة الشعر الناشاط الزواااق 

ثائر : ههه غتسوكتي ولا غنوض الموك قدام كلشيي 

سكينة : و اناا غتنكوليك ويلي ويلي عمي راديو كسي جااا 

ثائر : راديو كسي ؟؟؟....هو يدور لقا آردي داخل مع الحاج وراهم لينا ضحك على سمية لي عطاتها الاردي ناضو كيتسالمو آردي جلس مع رجال و لينا جلست غير حداهم مي في الكوطي ديال العيالات لينا تسالمات هي و نورا فوق سلك هي وياها مكيتخاملوش حفيظة غير حالة فمها في لينا ناضت سلمات عليها ريحة طلعت معاها و حنكها رطب و دازت تلاقات هي و ميريام العين بالعين ابتاسمت ليها لينا و حتى ميريام ردات عليها و حلست و حفيظة غير كطل عليها و ميريام كطلع راسها كتقلب بعينيها على ظافر شنو زعمة مجاش 

حفيظة : متواخدونييش و لكن فينهو العريس 

لينا : ههه هاهو غايدخل الالة ؟؟

حفيضة : حفيضة الالة ههه 

لينا : مشرفين انا لينا هاهو ولدي ....دخل ظافر و باينا طالعة ليه غير دخل سكتو لهيبة كتلعب دور ضرب بعينو دورة عليهم حتى تلاقات عينو بعينيها و كيشوف في عينيها ديك الفرحة فاش شافتو هو عاقدهم بدات كتلشى فرحتها بشوية بشوية تعابير دوجهو مطمأنوهاش تخلعت و هبطت راسها كتناخد 

احمد : هههه مرحبا بيك اولدي ظافر تعالى جلس تفضل سلم على عمك حسان بات خطيبتك ههههه انشاءالله 

ناض حسان بابتسامة : سلام اولدي ...دور راسو جيهتو كيبان ليه حسان راجل بينا فيه مغلوب على حالو حتى ظافر معطاش الامر اهمية سلم عليهم و جلس واخا معرف كيف دار ليها ماشي بلانو جات ريما لقات بلاصتها طارت جات و جلسات حدا سكينة من لهيه 

سكينة : كحزي اختي شوية راه صهد 

ريما طلعت فيها و نزلت و كحازت أما واحد ظافر جالس و مشبك يديه و كيزير عليهم كتحس بيه جالس على أعصابو و كيدور عينو جيهتها هي نوبة نوبة طلع فيه عينيها كتشوفو كيشوف فيها كتنزلهم والخلعة شاداها من صباع رجليها و كترعد و مثوترة و هو يقرب ليها شي فم لودنيها 

حفيظة : واش هادا هو لي غيخطب والله ابنيتي لا زين زيين منكولش غير هو خلعنيي ...حسان تهو مرة مرة يدور يشوف فيها مطيح منو النص هدوءو كيخلع بنادم آردي كيشوف فيه بنص عين واحد لي معلى بالوش هو احمد محيح بالهدرة

314🌷 

احمد : هههه كاع دراري تباركالله تزوجو عندي متخيلش فرحتي قداش ....ثائر ضارب فيها شوفة بنص عين 

الحاج : ههه الحمدالله الحمدالله الحلال مزيان

حسان : ههه الحمدالله ...و هي دخل بامو عليهم ظافر تبعها بعينو حتى جلسات 

بامو : نبداو على بركة الله ياكو 

لينا : ههه افضل لينا نبداو ايوا ابامو (دارت ليها بامو اه براسها) ايوا اسيدنا حنا طالبين في بنتكم ميريام لولدنا ظافر على سنة الله و رسوله 

آردي حط يدو فوق كتف ظافر : اش بان ليكم كنظن انكم موافقين (سي آردي راك في خطبة ماشي في صفقة )....كلشي كيشوف فيهم بصدمة و لينا كدير ليه بعينيه اش كدير زرب عليهم زربة خايبة 

أحمد : هههه ولاكانو دراري موافقين معلينا الا نقراو الفاتحة ....و هز كفوفو لسما

حفيظة : لاااا بلاتي (كلشي دار عندها تقريبا حسان حل فيها عينيه ميريام كرزات على القفطان لي لابسة كمشاتو بيديها ) الزواج هادا ماشي لعب و خاصو شروطو 

لينا دايرا رجل فوق رجل : شرطي لي بغيتي الالة حفيظة 

بامو دارت عند حفيظة : خلي ا حفيظة تال العقد و كتبي الشروط في الورقة خلينا دابا نكملو الخطبة 

حفيظة : إيااه حيت ماشي بنتك لا اختي قولينا شحال لتعطيوها في الصداق ....احمد باقي غير هاز كفوفو ل السما و المجمع كلهم كيشوفو فيها نورا شافت فيها بشوفة ناقصة ميريام مرضااتش غير حانية راسها ولات كلها حمرة 

سكينة حنات على ثائر : نتا معطيتينش الصداق (دور غير اابؤبؤ ديال عينو جيهتها و تساخر لور ) و انا غا قلت ليك باش متكلنيش و تعطيني رزقي 

لينا كتهدر بهدوء : لي بغيتي غيكون الالة حفيضة و ميريام ماشي رخيصة عندنا 

حفيضة : شحاال غتعطيو ....وهي تحط ميريام يديها فوق يد مها و زيرت عليها و يسحابلكم تسوقات بقات في تخراج العينين 

أردي : لي طلبتها غادي تحضر 

حفيظة : عشرة المليوون ....و هي دور ميريام عندها و خرجات فيها عينها 

حسان : حفييييضة (ويليي دارو شوهة قدام الناس )

بامو غمضت على عينيها كاع توصيتها لهاد سيدة مشات في المجاري و شافت بنص عين ظافر اصلا جالس اعلى خزيت 

سكينة قربت لثائر : عشرة المليون قاصحة شوية ياك 

حفيظة : ورااه بنتي ماشيطاش عليا راها غاليا

لينا ابتاسمات : تحنا ماغنسوموكش فيها ميريام مكتباع مكتشرا و اي حاجة طلبتوها غتحضر 

آردي : متافقين دابا و لا مزال شي حاجة اخرى 

حسان تنفس الصعداء : نتوكلو على الله و نقراو الفاتحة ...سي احمد عاد نتابه ليدو مهزوزة هو حس بيها كدورو و لكن مدا ماجاب كان حاضي ستون ميريام حاسة فعلا باحراج تام و لي زاد حرجها هي فاش طلعات عينيها و شافت في ريما كتخبي ضحكة و دموع هابطين ليها تماا شدي ميريام و دفنيها 

ثائر قرب لودن سكينة تهيا عرفاتو غيهدر معاها نزلات ودنيها عندووو : غتزغرتي غنجبد لموك داك لسان من اللحلق .... و رجع الوضعية ديالو الاولة هي لي بقات كدورها في دماغها و بداو كيقراو عليهم الفاتحة صدق الله العضيم الله يكمل 

بامو : هههه ايوا مبروك عليكم ههه بالبنين و البنات انشاءالله يلاه اسكينة مغتزغرتيش لختك ...و شافت في سكينة و سكينة شافت فيها و دارت ليها بعينها ثائر و هي تدور بامو عينيها في ثائر لقاتو كيشوف فيها ببرودة 

بامو : اااه فهمت بااز 

حفيظة : دابا نهدرو على العرس نيشان تما نديرو الخاتم و كلشي....ظافر تهز من بلاصتو ناض فحالو مغيبقاش يسمع لهاد الزبور ديال والو حيت هاد سيدة مكتساليش شافت الفيلا و الفلوس بغات تجبد من عندهم اقصى مايمكن هو غير خرج تهز معاه قلب ميريام 

و هي تخبرها بامو : نوضي تبعيه 

ميريام فحالا مضروبة بمقلة : ءءء؟؟؟

بامو خرجت فيها صنطيحتها : تبعيييه ...ناضت و نوضتها معاها حتى خرجتها من صالون 

لينا : ظافر مغيبغيش يدير العرس مكيحملش فحال هاد الاجواء مكرهتش ليوما يكون كلشي خطبة و لاكط و كلشي 

حفيظة : لا لاااا متزربيش علينااا انا بغيت عرس بنيتي متول و مكمل 

بامو رجعت جلست : لالة حفيظة من الافضل نديرو هادشي لي كتقول لينا حيت ظافر مشغول بزااف و اعمالو متقدرش تخليه يضيع وقتو في عرس 

حفيظة : و خليه تايقضي شغلو و يرجع ليها 

آردي : في جميع الاحوال حنا غنديو البنت ليواما معانا حيت خاصنا من غدا منبقاوش في المغرب 

حسان : لا بغات درية اسيدي مبروك عليكم بنتكم 

آردي ابتاسم و سلم عليه : مبروك عليك تنتا ....حفيظة عيات تجبد في حناكها و تخبط في جنابها على حسان و لكن فاش كيهظرو رجال كيكون الختام سالينا 

سكينة دارت عند ثائر : و حناا امتا غنتزوجوو هاهما جاو غير من ورانا 

ثائر طلع عينو كيشوف في احمد لقاه براسو كيمشي و يجي فرحان يلاه كان غيهدر و هي تنقز ريما 

ريما : علاش نتوما ممزوجينش 

سكينة : سمحليا احبيبة غنهرس ليك هاد الفرحة و لكن راه حنا مزوجيين و الكاغط مخبينو على بااا 

ريما : الكاغط ؟؟....ناض فحالو و هي دور سكينة لقاتو خارج خلات ريما و ناضت تبعاتو هيتم استاغل ان كلشي مشغول بالهدرة و تحول حدا ريما 

هيتم : تيتيز صافا نتعارفو

315🌷 

ريما مجوباتوش خسرات عليه نظرة ناقصة و ناضت حدا العيلات تخشا تما 

بامو : انا غنعيط العدول هههه يجي لعندنا 

لينا : مزيان و انا درت دموند على الخواتم و غيجيو من بعد نص ساعة

ظافر واقف على برا و حاط سيجار في فمو و كيحاول يشعلوو و حجبانو عاقدهم و بكثرت الضغط لي حاطو على ديك القداحة هرسها و خبط مها مع الارض

ميريام جايا من موراه و شافتو لاح القداحة في الارض و هي تقفز و كتشوف كيتنفخ و كيتفش الحاجة الوحيدة لي جات ليها في بالها هو انه مابغيش هاد الزواج و لا شي حاجة و خاصها تعرف هادشي متعيش هي في الاوهام او في العداب يكفي داكشي لي عاشتو مبغات تكون عالة على حد دابا غتعرف كلشي دابا غتوضع حد لهادشي و كتقرب ليه و يديها كيترعدو بخطوات تابثة مكتزيد خطوة غير بزز و خايفا منو و او اي رد فعل ينتج عليه 

ميريام بصوت خافت بزاف : ظ ا فر ...هو غير سمع صوتها وقف و دار عندها بشوية بعينين كيخلعو لحاجة لي خلاتها ترجع جوج خطوات للور خاصة فاش تلاقات عينيه بعينيها ناري على خوف تملكها لسانها تعقد عليها هو حجبان ديالو معقودين 

ميريام : ظ ظاافر 

ظافر زاد عندها بخطوة و هي كترجع بخطوة زاد عندها بخطوة خرى خافت بغات تهرب هو يشدها من دراعها خشا فيه صباعوو رجعها لعندو حتى نضربات مع صدروو و عينيها خرجو فيه لقات تعابير وجهو بديك الطريقة قالت صافي المووت هادي 

ظافر : بغااا تهربي عاود تاني (هي غير كتشوف فيه و هو يغوووت ) هدرييييي علااااش هربتييييي علااااش علااااش انا أخر وحد كيعرف علااااااش (و كينخدهاا هي شداتها البكية و نزلت راسها مبقاتش قادة تشوف فيه خلعها ) شووووفيييي فيياااااااا (وهي طلع فيه عينيها دامعين و طلقها و خرج فيها عينيه ) واش عاجبك تلعبيي بياااااا كتعفطيييي على قلبيي وقتماااا بغييتيي (و ضرب بالقبضة ديال يدو قلبووو هي قفزت و بدات كتبكي بصمت ) و مدوزييي شنو كيسحابلك راسك هاااا ولديييي هوو الاخر ليي فكرشك سمعتوووو من فم واحد آخر واش كضحكييي على مييي 

ميريام و هي تنفجر قدامو : ونتاااا لي قلتييي غتخليينيي و تمشي هيى هيء هىء .....هو يجمعها بين يدها و خشا صبااعو في دراعهااااا هي تقصحت و كسيرات بالبكاا

ظافر عينيه حمريين : و انااا امتاااا لموووك قلت غنخليي مووك 

ميريام مهبطة عينيها و كتبكيي : هيء هيء هيء هيء انا ا نا س س معتك ن نتا و بااك كيقوليك خليهااا 

ظافر شدها من حناكهاا بعنف : دابا شديي مع مييي قنت وحدة شكون كال انا ولا باااا 

ميريام : باك هيء هيؤ باك اي اييي قصحتيني هيء هيء ....هو يرخيها بنفضة و هي شدات من وجهها كتبكي هو عطاها بضهرو و كيدوز على وجهو بعصبية وجهها ولا كولو دموع هو يدور عندها تاني 

ظافر : وولدي علاش مقلتهاش ليااا علااش مشيتي قلتيها لديك ببامو (وورك على بامو )

ميريام : هيء هيء كان عند بالي مغتقبلش بيه و غتلوحنيي

ظافر : واش كضحكي على ميي كتبتيي فيلم و حمقتينييي مع موووك 

ميريام كتبكيي ولات فحالة هيستيرية دلبكا و كلها كترعد : هيء هيء هيء كنت بغيت بقاا معااك هيء هيء و مبانت ليا غير بامو هيء هيء كنت نموووت و منعيش بلا بيك كان خاضني نهرب هيء هيء باش نلقا حل و نبقااا معاك هيء هيء فكرة تخلى عليا كان كتاكل فيا هيى هيى ....حنات راسها و كتبكييي و تكمشت و ولات كلها كترعد هو كان كيطلع النفس بحرارة و قالب وجهو هو يدور عينو شافها في ديك الحالة هو يجرها عندو بيد وحدة و عنقها لعندوو و هي كتبكي هي تخشات فيه و كتبكي و هو حوطها بيديه و زير عليييها و خشا راسو في عنقهاا و غمض عينو كاع داك الجبروت و ديك القوة تلاشات قدامها عينو مغمضين و فمو مشا حدا ودنيها و بهمس قال وحد الكلمة سكتاتها و صدماتها و قلبها ولا يطير 

ظافر : كنبغيك ....موحالش واش حس بيها خرجات و لكن حاليا ظافر كيهدر بقلبو و معنقها بين يديه و فحالا مكينش هنا هي فاش سمعات ديك الكلمة لي شحال و هي كتخلم تسمعها حولات دغيا دموعها من حزن لواحد سعادة و زادت تخشات فيه 

فاش خرج ثائر تبعااتو توتسويت كيفما قلنا هو غادي و هي موراه 

سكينة : ثائيير ثائيير فين غادي أ ثائيير ....دار عندهاا 

ثائر : باغا شي حاجة 

سكينة لصقاتو : اااه بغيتك دورني لفيرما (هي مكان هامها لا لافيرم لا والو غير سمعات ديك بغيتي شي حاجة مخصش طلب يدوز هبكون خلاوها هماا هباءا منتورا ) 

ثائر حط يدو على شعرها : دابا قريب ينزل ليل خلي تال صباح واخا 

سكينة : وااخااا ههه نيت باش نهدرو انا وياك على صدااق و دهاز و الهدية لي مدرتي ليا تاحاجة في هادو 

ثائر : سكينة غيجيك لي بغيتي غير ....قاطعاتو

سكينة : غير نصبر عليك ياك ياك نتا مكون راسك و لباس عليك اشنو فيها 

ثائر : سكينة تال من بعد و نهضرو سيري ترجعي جلسي ...و حط تليفون على ودنو و مشا كيهدر في تليفون 

سكينة : صحاب شكارة ديما هكا كيكونو مشغولين على عيالاتهم (الافلام ا سكينة ) مهيم مرة مرة نفكرو في الصداق (حفيضة لاحت كلمة لوحيدة لي عاشت مع الكلمة هي نتي )

316🌷 

جالس ظافر و ميريام في الارجوحة لي على برا و دايريين بيهم الضواو و الخضورة تمااا و كان الجنب ديالهم من لهيه لابيسين (ناريي على فيرما كيف دايرا اسي ثائر ووو ) 

و هي هازا رجليها على ارض و كتلعب بيها هو رجليه محطوطين في الارض و حاط يدو الكبيرة لي عامرة بالوشام على كريشتها و كيدوز عليها بشوية كتحس بيه وحش حنين هي الابتسامة على وجهها هو ضاحك من عينيه طلع فيها عينو و ضحك ورجع هبطهم في كرشها 

ظافر : شحال عندو 

ميريام : ههه معرفتش يلاه عرفت بوجودو غير لبارح 

ظافر طلع فيها عينو بجدية : خاصنا نمشيو لطبيب خاصو يعيش مزيان مينقصو والووو ....و هي تحط يديها على حنكو و كضحك 

ميريام : هههه اكييد غنديرو هادشي كامل وهو غيعيش مزيان غير حيت عندو أب فحالك 

هو ابتاسم بين يديها و هي تحس براسها تجرت من ضهرها لعندو قفزت و حلات فيه عينيها و ميل وجهو بزاوية باش يتحكم فيها و عينيه مفكسيين على فمها يلاه غيبوسها هو يسمع تحنحينة 

سكينة شاداها الضحكة و الحشمة : احم احم متواخدونيش يعني ههه لا مؤاخزة يعني قاطعتكم (دارو شافو فيها بجوج ميريام حشمانة و كضحك حيت سكينة شادا ضحكة تهيا ) كيشتو العدوول راه جا و يتسنا فييكم الا كنتو مساليين زعمة الى كنتوو مساليين جيو راه كيعطيو ليكم و انا غير مسخرة 

دار عند ميريام لقاها حشمانة و كضحك غير وحدها : نمشيو (طلعت فيه راسها و دارت ايه آااه براسها)...شد ليها من يديها و ناضو سكينة غاضة و هما من وراها كيهدرو سكينة ودنيها واصلة لعندهم و عينيها كيقلبو على ثائر بقات غادا بيهم دارت بيهم الدورة على الفيلا من لوور كان تمااا الشجر كتيف شوية مزينين بالضو مع جات بليل طلع المنظر خطيير و تما ربييع و ديريين طابة طوييلة مزينة بالورد الحمر و البيض و دايريين بيها الكراسة و كينا طابة خرا معزولة عليهم واقفين العائلة كيسينوهم و الفرحة في وجههم و كيضحكو سكينة انساحبت من قدامهم انضامات لحاضرين و بداو كيسفقو ميريام كتشوف فيهم كلهم فرحانين و كيشوفو فيها بوجوه مستبشرة هي متوقعاتش هادشي كااامل غير كتشوف فيهم بوجه مصدوم و عينيها عمرو بدموع (و صافي نتي من صباح و نتي تبكيي اوو عيقتيي ) جات ريما هازااا إكليل ديال الورد بالبيض و لاصق فيه لافوال من للور و حطاااتو فوق راسها 

ريما بابتسامة : مبروك عليكم ....و دارت عند ظافر كانت يدو في يديها و داير ابتسامة هادئة بزااف و يدو لوخرا في جيبو و هي توقف عليهم تاني سكينة و عطاتها بوكي دفلوور بالبيض 

سكينة : ههه العروسة خاصها دايما تشد مشموم تاع النواار (بغيت غير نعرف هاد مشموم تاع نوار منين جات مكينا لا في فرنسية لا في عربية لا في انجليزية ) ماعلينا شدات داك البوكي علاين تبكي و عي تحس بيدو كتحسس يديها و طلعت راسها فيه 

ظافر قرب ليها حتى لودنها : مبغيتش نشوف الدموع واخا ...ورجع بلور و هي دير ليه ااه براسها و حبست البكية و طلقات واحد الموسيقى هادئة 

حفيظة كتدمع : ربي يحفظ ليا بنتي حبيبتي نورت هيء هيء ...و بغات تكي راسها على نورا (الله الله علامن بغيتي تكاي ) 

وصلوهم قدام ديك طابلة لي مرتافعة كان واقف تما واحد راجل كبير و لابس كومببلي و قدامو واحد دفتار (روجيستر ) و حداه ستيلو وقفو قدامو و لعائلة كلشي واقفة بهدوء و كيشوفو فيهم بدا كيهدر العدول قدامهم وكيقرا عليهم الزبور ديالو 

ظافر بحدة : اختاااصر ....العدول طلع فيه عينيه و شاف فيه و شاف في آردي سيد كيترعد غير راسو اويلي تما هادو اش قالو لييه دغيا تهو زرب هادا سامع شي تنقنيقة اصلا مايجي عدول في هاد ليالي هوكا و في هاد البلاصة لبعيدة الا لا لقضية فيها ابتزاز تهديد و ناشي بعيد اختطاف حيت على ما سمعت لينا و آردي هما لي تكلفو بكلشي بدون تدخل اي واحد بامو عاونت في تهييئ البلاصة واخا ماشي ديالها 

العدول : س سي ظافر واش تقبل بالانسة 

ظافر : قابل 

العدول : عافاك سنيي لا جات على خاطرك اسيدي 

ظافر هز ستيلو بدون أي تردد ضرب سنياتير ديالو 

العدول : انسة مريم **** واش تقبلي تزوح بيسيد ظافر 

ميريام : لاااء ....ظافر يلاه حط ستيلو و داار عندها و خرج فيها عينو ميريام كتشوف في العدول و كترمش بالخلعة و رجعت تشوف في ظافر لي كيشوف فيها مصدوم 

العدول ببراءة : ك ك ف ف اش لاء و واش تنتي جابرينك (ههه دونك العدول مخطوف مافيهاش هههه)

ظافر دار عندو كيخلع (كيتحول هاد سيد ) : أش كتخربق نتااا ....الحضور لي تما مصدومين كيشوفو في بعضياتهم مافهمو والو اش واقع و سكينة حاطة يديها على حنكها و كتشوف هو يجي من وراها ثائر 

ثائر : شنو واقع هنا 

سكينة : هنتا كتشوف 

ثائر : أش غنشوف 

سكينة : واااراه درية مبغاتش تجوج بيه 

ثائر ضحك : هههه احنا غنشوفو سي ظافر اش غيدير ههه 

بامو جات من ورا ميريام : اويلي اش كتقولي 

حفيظة : تيي اش تتقولييي هادييك اااه 

حسان : خلي لبنت متبزو عليها والو 

ظافر دار عندها : اشنووو هاد تخربييق 

ميريام : بغيتك ت ت طلب م م مني زواج

317🌷 

ظافر كمش وجهو : شنووو 

ميريام : طلب مني زوااج فحال كااع البناات مالني انا منستاهلش ....و كتهدر و خايفة و تطلع فيه عينيها و تهبط 

ظافر : واش كتفلاي علياااا يلااه الالة انا كنطلب منك الزوااج 

ميريام : لا لاا ماشي بهاد طريقة 

هو مخرج عينو فيها و بامو كتنغز فيها و كتهدر من لتحت : ميريام متعيقيش عليه ليعود يصفيها ليناا 

ثائر : ههههههه انااا غنقول لييك كيفاش حيت نتاا عشيري مغنفوتكش (دور وجهو الجيهة ديال ثائر ) غتشد داك الخاتم لي محطوط من موراك و غتهزو و غتنزل على ركبتك و غطلب زوااج هههه غير زعم كلشي داز منها هههه ....و حوط يدو على عنق سكينة و ريما غير كتشوف فيهم و هبطت عينيها لخاتم لي ديراه سكينة و طلعت في ثائر (أيه احبيبة شوفي فيه مزياان و شوفي في ثائر نزل على رجليه عاد لبسو ليها بقاي تحنزي تما ) 

ظافر كان كيشوف في ثائر هو يدور يشوف في ميريام لقا دايرا واحد نظرة ديال راها كتسنا فييه 

آردي دور وجهو جيهة لينا : الله يخرج هاد ليلة على خير مع ظافر .....بقا كيشوف فيها معصب مرضاتو و هي لبغات تحشم صنطيحتها ضاربة كلشي هو يتحكم في أعصابو و دور وجهو كاع الانفاس ديالو تخطفو شنو غيدير دار و مشا الجيهة ديال الطبلة كلشي واقف على اعصابو إلا ثائر لي معنق سكينة من للور و حاط راسو على كتفها و كيموت بالضحك على ظافر 

سكينة : معرفتش اش غيضحكك ا ثائيير حشومة 

ظافر مشا لجيهة دالخواتم و هز واحد البواط حمرة وسط منها واحد الخاتم زوين سامبل فيها حجيرة الماسية الوسط هزو وبقا كيشوف فيه (غير ديرها و حيدها علييك هههه يالاه ) و دار عندها و هو كيشوف في الخاتم حتى وصل لعندها و هي كتسناه و دايرا معاه الحضر راه غير على سبة هو كيشوف في الخاتم هو يهبط بشوية على ركبة و حلو اتجاهها 

ظافر : تزوجي بياا 

ثائر : هههه هادا راه أمر أسيي طلب نيشان 

سكينة : اويليي ثائيير 

ظافر سد على عينوو بالعصاب و عاود حلهم : واخاا تزوجي بياا؟؟....و طلع راسو فيها عاد دارت ليه براسها آاااه و بالبكا و خدا يديها بإبتسامة و و خشا ليها الخاتم في يديها عاد ناض من الارض و شد ليها يديها و باسها ليها 

ثائر : ههه هادي زادها منعندو 

ظافر كيشوف فيها و مبتاسم : باقي شي حاجة اخرى نديرها 

ميريام دارت ليه براسها و عنقاتووو بداو لافامي كيصفقوو و داك هيتم كيصفر (كيحسابليه راسو في تيران ) 

اردي : دير شغلك نتا 

العدول كان ساهي هو يقفزوو : اه اه انسة واش ت ....قاطعاتووو 

ميريام : اااه 

العدول : تفضلي سني عافاك ...هي كتسني و العدول طاق ودنو مع آردي 

آردي واقف حدا لينا : كون مسناتش كان غيموت 

العدول راه بالبكا بديك سينياتور ديالها كتاب ليه عمر جديد ....غير سناو طاااار من تما و لكن تبعو آردي هي خشات ليه في صبعو الخاتم و مشاو كيباركو ليهم تجمعو عليهم تسالم ظافر هو و ثائر و تعانقو

ظافر : الله ينعل *بون موك نتا كنتي مخبيها 

ثائر : ههه صراحة مكرهتش ولكن عمتك بامو سبقتني 

ظافر : ديك الشارفة 

ثائر حيد وجهو عليه : هاهيا حداااك .....جات بامو عنقاتو مع قصيرة 

بامو : باش تبقا تعلم تحتارم لي كبر منك 

ظافر ضحكة ديال بزز : غنردها لييك الا بقيتي حية 

بامو : برا و الباس عليا مزال عمري يطوال و نزوج ولادك ...وحيدت كتشوف فيه بابتسامة ديال النصر هو دارها ليها ديال بزز مريام حداه تلااحت عليها بتعنيقة و زيرت عليهااا 

ميريام : بااامو كنشرك بزااااف كنبغيييك بزاف 

بامو : هههه الحمدالله ابنيتي ولاهيلا كنت هازا ليك الهم دابا غنرتاح عليك ...و باستها و مشاو تجمعوة في طبلة و جلسو العرسان جداد حدا بعضهم و حاط يدو في يديها و كيهدرو و كيضحكو و حتى عائلة دميريام بداو كيتوافقو مع ظافر حيت كيتصرف معاهم بلطافة سهل عليهم يتعارف بيهم رجع آردي و جلس حدا ولدو 

آردي : ههههه نبداو الاحتفال هههه ....شعلو الموسيقى و بدا النشاط إييه شوية بدا الشطيح بيناتهم داكشي دسالسااا ناض ظافر هو ميريام السالسا بالقفطان المغريبي حاط يدو في لي هونش ديالها و كيدورها بين يدوو و هي كدور و شعر كيطير على حساب ايقاع الموسيقى حفيظة كين غشتف فوق الارض آردي شاد لينا بين يديه و حاط حنكو على حنكها الموسيقى في جيه و هو في جيه معيشها موسيقى اخرى بين يديه داكشي بهدوء كيدندن ليها في ودنيها بالاغنية لي بغا هو و هي مغمضة عينيها هاد الناس الحب عندهم في الدم حسان غير كيصفق واواقف ثائر زيديه على ظافر كيدورها بين يديه و كيلعب بيها صراحة هي مكيدير والو غير كيدور فيها و هي فرحانة و كضحك الفيلم الحقيقي هو لي عند احمد جالس فوق الكرسي ياكو و مجلس نورا عندو و كيدور بيها و نورا كضحك هو بارك عليها كي جيتك الحاج واقف كيرابي غير براسو و حداه بامو مطلعة راسها لسما و شادا القفطان بجوج الصباع و تميل ريما جالسة و دايرا رجل فوق رجل و كتشوف فيهم و مبتاسمة و باقي فيها شوية ديال الحال كلشي عندو واحد و هي غير كتشوف بقات سولو و هو يتحول حداها هيتم معمر فمو

318🌷 

حلوى و هاز عاصير في يدو و مع هي كانت دايرا و كتشوف فيهم جا حدا حنكها و بغا يهدر لاح ليها كاع الحلوى على حنكها هي قفزت و دارت عندو و خنزرت فيه 

ريما : واش بعقلك نتايا 

هيتم كيهدر و داكشي في فمو : نشطحوو (و غاسرط داكشي لي في فمك )...دارت فيه شوفة ناقصة و ناضت دخلت الوسط بدات كتشطح سولو حدا ثائر زعمة و لكن ثائر حاضي الحلوة لي عندو كتعوج في يدووو ايوا مبرووك عليكم اسيدنااا بالبنين و البنااات إنشاء الله سلام ليكم و عقبة لي باقيين

🍷🍷🍷🍷🍷بعد مرور شهر 🍷🍷🍷🍷🍷🍷

ولاية فلوريدا المباني الشاهقة و العالية في وحد العمارة بضبط كينا واحد الابارطموون فخمة تمااا كتواجد في أعلى العمارة مفرشة بشكل عصري بزااف كيناسب المكان غير هي فيها ريحة دالمصمن عاطية و دايعا في الدار المصمن المغربيي الحر تسمع صونيط ديال الباب 

نرجس في الكوزينة لابسة شورط قصير بزااف و ديباردو و مبينة الصدر عاد من الفوق طابلية شعرها حازماه الفوق و كطيب بيديها المسمن و كتكرصو فوق المقلة غير سمعت الصونيط 

نرجس : شكووون ....مسحت يديها و مشات جيهة دالباب حلاتو كتلقا برا مليوحة قدام الباب كلهاا بيضة و مزوقة و في جنابها الدهبي نزلت هزاتها نايف عاد خارج يمكن من الدوش لاوي فوطة على نصو و كيمسح غير بيد بفوطة صغيرة شعرو 

نايف : نرجس شكون 

نرجس : والله معرفتش شكوون لقيت غير هاد البرية 

نايف : انشوف ...هي سدات الباب و جابتها ليه حوط يدو على خصرها و شد من عندها البرية كيشوفها 

نرجس كتشوف في ليزابدو و هي تسرط الريق : حبيبي سير تلبس لا يطرشك البرد ...هو يدور راسو عندها لقاها كتشوف ليه في صدرو 

نايف : ههه هي باغا شي طرح دابا 

نرجس نزات كتلعب بصدرو بنغج : نتا لي بان ليا باغي هاد طريح 

نايف : هعههه لااا طحنتيني في هادي 

نرجس بدات كتشم : كتشم شي حاجة ( و كتشم و هي تخرج عينيها ) ويليي لمسمن ....و مشات تجري الكوزينة 

نايف : هههه و متحرقيهش لياا باغي نفطر بالمسمن انايا ههههه ....وشد ديك البرا و بدا كيقلب فيها 

في الدار ديال لينااا جالسة سمية في الجردة لابسة سروال دجين مقطع و ميني بوط و جالسة حدا شهاب كان لابس FBI لبسة كومبليط ديال 

و جالسين كيفطرو تما و الخدامة كيحطو ليهم يلاه بغات تكب لشهاب القهوة 

سمية : صافي انااا غنكب لييه غير سيري شكرا 

كان هو حاني على تليفون غير تحط كلشي طفاه و دار عندها لقاها كتكب ليه في القهوة 

شهاب : اليوما غنخدم بليل ياك مغاتخفيش 

سمية حطات الطيرموس و دارت عندو : علاااااش 

شهاب حط يدو على حنكها : عندي واحد المهمة خاصها ليل 

سمية : ااه صافي دوزني عند قمر نجلس معاه منقدرش نبقا بوحدي هنايا 

شهاب : واخا لي بغات حبيبة 

سمية شدات ليه من يدو لي في حنكها : عفاك حضي راسك و تهلا في راسك 

شهاب : متخافش عليا الحبيبة ديالي 

الخدامة جايا كتجري عندهم :مدام جاتكم هاد البرية (نفس شكل لي جات لعند نرجس و نايف ) 

شهاب : ديالش هادي...و هي تمدها ليه باش يحلها و لصقت فيه 

روسيا البيضاء المركز الرئسي لتجمع المافيات كان جوايه العصر و في وحد المركز مسالم خاص بالحوامل او لتدريب الحوامل كلشي خارجين دي كابل و و كاع نساء حاملات غير السمك ديال الكرش كيختالف خارجة ميريام لابسة واحد الكسوة كحلة بليبا ديالها بالكحل و سباط طالون و لابسة مونطو بالبيض مدايرش بالريش و شعرها مطلوق خارجة من المركز ساخطة غطرطق هي توقف قدامها طموبيل كحلة تحل بابها و خرج منها ظافر شافها واقفة كتشوف فيه و القنديشة طالعة ليها هو يضحك ليها زعمة باش تبرد ووالو هي كيتسيفط ليه القرطاس بعينيها هو الضحكة هجرها و حك شعرو 

ميريام مشات بطالون لجيهتو : جيتي بكري أسي ظافر حتى دابا باقي الحال (يلاه بغا يهدر ) نمشيو حسن لينا ...عرف راسو قفرها معاها طلعت جالسة بالنفخة و مربعة يديها 

ظافر طلع من وراها : ها علاش تعطلت ...شافت فيه و دار ليها بعينو تشوف للور و هي تلقاا واحد الكونة صغيرة ددراري صغار كتحمق كونة فخمة بزاااف حلات عينيها 

ظافر : اضطرين نطلع حتى لينينكراد باش نختار ناموسية لولدنا 

ميريام دارت عندو كتشوف فيه هو كيسوق و يشوف فيها : شنو ؟؟ انا بغيت نجمع الحوايج لولدي بنفسي ...و هي تلااح علييه 

ميريام : حبيبييي احسن زوج و احسن اب ولدنا غيكون فرحااان بييك احبيبي مواح مواح 

ظافر : ههههه ميريام راه كنسوق هههه ميريام....غادين و كيتغازلو بيناتهم طريق كانت طويل بحكم أن الفيلا ديالهم كانت في الجبل بعيدة شوية وصلوو تما نازليين كيضحكو و كيهدرو وهاز ديك الكونة في يدو و فمو في فمها داخلين حتى عفطو على شي حاجة نزلو هو يحيد فمو من فمها و شاف لتحت كانت نفس البرا هزها 

ميريام : ديالاش هادي 

ظافر : معرفتش عمر شي برا وصلات هنا 

ميريام : حلها نشوفو

319🌷 

المغرب في الباطومو ديال آدام راه سبق ليا شرت ليها قمر كتكسل خارجة من البيت ديالها لابسة القميجة دآدام و مشات لكوزينة كان آدام تما لابس شورط و عريان من الفوق و كيقطع في وحد الصلاد بسرعة خيالية و هي تجي عنقاتو من للور و حطات حنكها على ضهرو 

قمر : حبيبيي آداام 

هو يحط الموس في جنب و مسح يدو و دورها عندو : لحبببة ديالي فاقت ...و كيبغج ليها حنكها 

قمر كتحرك : حبيبي اناا لي خاصني نطيب ليك الفطور أنا هادي المرة رابعة لي تنقول فيها غنفيق و ندير ليك الفطور و مكنفيقش 

آدام عنقها عندو : غير رتاح ليا و داك الصغيور ديالنا تهو يرتاح لينا باباه غيسايب ليه كلشي ....و كيقيس ليها في كرشها و يلعب ليها في حناكها هما الجرس ديال الباب كيرن 

آدام : بقاي هنا نشوف شكون ....هو مشا و هي دارت كتنقب في ديك الصلاد لي سايبها لقا تحت بابو نفس البرا 

آدام : شنو هاديي 

الفيلا ديال ثائر جالسا فيها لتحت نورا و بامو كيشربو أتاي و مسيمنات و احمد جايبو لحاج كيتمشا بعكاز كيعكز عليه 

الحاج : هههه هانتا اسي احمد غادي و تحسن

جا و جلس حداهم 

نورا : هههه مزيان 

احمد : اح هههه الحمدالله على كل حال فيناهيا بنتي 

بامو بقا هي هي كتشرب في اتاي : غتلقاها الفوق فين غتكون 

نورا : غتكوون باقا ناعسة 

ريما داخلا للدار و كتشوف في نفس البريات كانت شادا عدد كبير منهم في يديها 

ريما باستغراب : شوفو شنو هادووو 

بامو دغيا حطات الكاس : أريي نشوف لهنا ....مداتهم ليها و بدات كتشوف فيهم و لقات وحدة بسميتها هي و الحاج حلاتها تشوف و هي تكمش وجهها تعابيرها تبدلو :اش هادشي ياربييي 

نورا : شنو واقع ابامو 

الحاج : اش كين ابامو تما ...ريما تخشات في بامو تشوف و هي تكمش وجهها و هي طلع بامو فيها عينيها

بامو : هاويلي هادي كونفوكاسيو ديال عرس ديال ثائر و سكينة 

كامليين : شنوووو ؟؟؟ 

نورا : ميمكنش ماقلينا والو 

ريما : و العرس ليوما بليل كيف غنلحقو نوجدو ليه 

بامو دارت عند احمد لي مصدوم مفهم والوو : هااااا لي قلت ليك أحمد كنقوليك ثائر ماشي ديال قصوحية الراااس و غيدير داكشي لي في بالو و سير نتا قلب على بنتك تا مبارك عرض علينا 

أحمد : لا لااا هادشي ميمكنش (ناض انا غنمشي نشووف بنتي في بيتها ) 

ريما : سكينة ميكناش في بيتها طلعت عندها ااصباح باش نسولها على ثائر لقيتو مكين لا هو لا هي 

نورا : و نوضو نوجدوو على الله نلحقو لعرس

بامو : اللهما نحفظو ماء وجهنا و نمشيو نحضرو و نتا بقا مكوانسي هاكاك نهار و مطال و انا نتبخ ليك راسك زوج دراري زوج دراري شوف ااه لبغيتي طيح قول لشيفور يوصلك لسبيطار و خلينا حنا نوجدو راسنا زيدو قدامي نتوما (على ريما و نورا ) 

سكينة ناعسة على ظهرها متكيا و مغمضة عينيها في سابع نومااا 

الصوت : مدام مدام 

سكينة : مممم (و تقلبت على جنبها ) تال من بعد تال من بعد ضربو دويرة و رجعو 

الصوت : مدام 

سكينة تقلبت : و صافييي واهيااا نارييي ....حلات عينيها في واحد البنت طويلة لابسة كوستيم كحل لباس رسمي و طالقة شعرهاا سكينة حلات فيها عينيها شكون هادي 

سكينة : اويلي شكون نتيا ويلي شكون نتوما ...كانو حداها جوج وحدات لابسين طابليات بيضين ايفازي دورات وجهها على الغرفة كانت كبيرة و كلاسيكية و هي فوق ناموسية 

سكينة : أربي اربي فين انااا اميمتيي...هو يتحل لباب و دخل ثائر لعندها 

ثائر : سكينة فقتيي ...ناضت دغيا تجاري عندو 

سكينة : فين انا ا ثائييير 

ثائر بابتسامة و هي تهدر ديك السيدة لي من موراه و دارت عندها : ليوما عرسك أمدام و خاصنا نجهزوك ...عاود دورات راسها عند ثائر

سكينة كتجبد في حجبانها : بصح ؟؟ (هو باقي في نفس الابتسامة ) ويليي ا ثائيير موجدت لوالو اثائيير فين انا و فين خالتي نورااا نمشيو نوجدوو 

ثائر : واجد كلشي غير خاصكي تجهزي ليا ليلة 

سكينة الفرحة بينا من عينيها و ضحكة من الودن تال ودن : هههه ويليي ممتيقاش ناريي و با وبااا اش درتي معاااه 

ثائر : انا تكلفت بييه ...و غمزهاا

320🌷 

🍾🍾🍾🍾🍾🍾الليلة الاسطورية 🍾🍾🍾🍾🍾🍾

السفينة الاسطورية سفينة ضخمة بمعنى الكلمة مصممة كأنها مدينة كتمشي في وسط البحر كتحمل أزيد من 10000 شخص كتكون سبع طوابق متتالية فيها غرف خمس نجووم لا متناهية ديريين بواحد الساحة لي لوسط في الطااابق السفليي كطل على الهواء الطلق واااسعة بزاااف بشكل خياليي كيتوسطهاا نافورة كتلعب و كتشطح على إيقاع الموسيقى و دايريين بيهااا محلاات صغااااار فيهم أنوااااع الاكل الفاخر من جميييع أنحاااء العالم و كل محل فيه اربعة من العمال كيرتديو بدلة رسمية وواقفيين بإنتظاام و كيدور عليهم الشاف ديالهم وكيشوف واش كلشي واجد و كينين جلسااات في الارض تقلييدية عصرية بطابع مغريبيي أنييق ملونا بشكل دهبيي فرقة موسيقية من رجال و نساء لابسين لي باس تقليدي جلباب بالباج المصفر و موزعيين بشكل منتاضم و و طالقين الموسيقى الاندوليسية لي كطرب المكاان بواحد شكل راقي و هادئ هاد الباخرة محطوكة في مكااان بعيييد على الناااس منعازل بزااف بداا توافد ديال الناس كيجيو من جميع الجوايه كين لي بالبطوات ديالهم كين لي عندهم طائرات الخاصة ديالهم هادي أكيد غتكون ليلة استثنائية رجل الاعمال الوسيم ثائر غيتزوج بنت عمو لي ضهرات من العدم جرائييد طبعوو بهاد العنوان كلشي كان توقعو بلي غيكون شي حاجة ايلترا اسطوريي أي فوق أسطورية مع العلم أن الصحافة غير مرحب بيها بتاتا و لكن هادشي ممنعهمش يجيو عند الباب رئيسي لي كيدخلو منو الناس باش اتاجهو لمكان لباخرة لي كتبان كلهااا أضواء و ديرين بيها لي هيليكوبطير باش ماتكون حتى مشكل طبعا المعروضين كيقدمو لي كارط ديالهم كيتعطاهم البادج الخاص بالغرف ديالهم الحفلة كانت مزيج غني مابين مختلف الاجناس و الالوان كيف لا و ثائر مستأجر سفينة قدها قد الخلا و غتسافر بيهم في وسط البحر على مدى أيام السفينة حلااات ابوابهاا من جمييع الجهات باش تسمح لناس بدخول بدات السفينة كتعمر بالمدوعين أصحاب المانيي الفلوس و الملابس لفاخرة حتى عمرات تقريبا ب 5000 شخص( بقاو 5000 خرين تهما كينين في الباخرة همت نتوما القارئات و أنا معاكم طبعا وخا جايين انا وياكم غير على رجلينا كين لي جاي ببيجامة كااع مكانتش في خبارو اهم حاجة ثائر منساناش البنات ) كانت توجهاتهم لغرف ديالهم نيشان فحال شي فندق كيدخلو لغرفة مفروشة بطريقة راقية فوق القياس بداو كيوجدو باش يتوجههو لساحة لي لتحت كين غير الملابس الفاخرة كتشتت هادي فرصة العمر باش يبينو النساء الراقيات أفضل ما عندهم كين ملابس غريبة جدا متقديش تلبسيهم مي هما دايرنها باش يختالفو على بعضياتهم 

ماهي إلا لحظات حتى ولا البلاصة المحيطة على الباخرة خاوية فيها تقريبا غير الامن و لي خدامين تما غير هي سفينة مسداتش أبوابها برغم أن كلشي جاهز كان خاصهم مدعو وااحد باش يجي كان ثائر واقف في غرفة التحكم لي كلهااا أزرار بشكل نصف دائيري موزع عليها الناس لي خدامين على القيادة و كيترأسها ربان كان ثائر واقف و داير سماعة في ودنيه وواقف تما لابس جبدور لفوقاني ديالو ديال الملوك بالمبرا بالبلو مارين شي حاجة فوق راقية عاد سروال عادي تهو بلبلو مرين و مع هو عامر ناريي كيف جاتو خطييرة تصريحة دشع مقادها مزيان لحية مسيبة تهيا 

ثائر : كين شي أخبار 

السماعة : والو اسيدي ...ساط بفمو بهدوء و عطا ضهرو ليهم باش يجي خارج 

السماعة : سيدي هاهو جاا ....دار دغيااا و مشا كيشوف لقاا أحمد جاي تهو لابس كوستيم راقي و داير عكاز و تهو مقاد و محلق لحية و شادا من دراعو نورااا لابسة تكشيطة زوينة مخدومة بالصم بنفس اللون دالكوستيم داحمد دايرين كوبل و مطلعة شعرها الفوق و مقاداه و دايرا المكياح رجعت صغر بعشرين عام اللور 

ثائر ضحك : يلاه أنطالقو دابا ....و دار فحالو يمشي يشوف عروستو فين واصلة خارج كأنه أمير على عرش الملوك بداك الجبدور 😍اوماي هارت 

الساحة عمراات كليا تقريباا على حساب تقاليد كلشي كان جلوسو في الارض بقا كرسي واحد كبيير مزين بدهبي شااااد العرض تقريباا كولووو مغطاا بالحرير الصفر و جالسة تما واحد البنت في الارض لابسة تكشيطة و زويونة و مقادة و حاطة قدامها زلااايف ددهب عامريين بالحنى تخيلوو و عاد البرا ديال النقش محطوطة تما 

سمية / نرجس / قمر / ميريام ....هاد ربعة لبسو ملابش تقليدية عبارة عن تكاشط او قفاطن بألوان مختلفة كتحس ببهم عارضات الازياء و الابطال تهما خرجو من نمطية دالكلاسيكي و اتابعو النمط التقليدي و تلاقاو فاس افاس البنات مشاو دغيا عند بعضياتهم مواح مواح كيديرين بوسة من هاد الحنك و هاد الحنك لوخرين تلاقاو عادي تبادلو السلام غير بالفم هو يطلقو الالعاب نارية فوق راسهم زائد نفير ديال السفينة كتعلن التحرك ديالها متخيلوش السعادة لي دايرا مابين الحضور حمات تصفاق و تعالى صوت الغنااا و الطرب الاندلوسي و الختااام كان هو ظهور ديال سكينة و ثائر نازلين من واحد دروج تما بنادم حل فمو ديااال بصح من هول

321🌷 

المنظر كلشي بقا غير حال عينيه كانو نازلين بجوج هو حداها و شاد ليها من يديها لابسة سواري ماهي كسوة ماهي قفطاان من الفوق مزيرة و من لتحت بحال شكل ديال المضلة بالخزي و كلهااا بريو شعرها مقادينو و نص طالع الفوقو عاد التاج هو الاخر فوق الراس طلعات شي حاجة زوينة بزااف و حشمانة مهبطة راسها (و من شحال و نتي مهبلانا على العرس في الاخر راكي حشمانة هزي عينيك نشوفك) كان ثائر شاد منها و عينيه ممحيدهاش عليها و من موراهم صفوفا ديال البنات تقادا وحدة زوينات لابسين تقليدي و هازين دوك الشموعة طواااال كان منظر خياليي كانو كيلمعو بجوج 

سمية شادا من دراع شهاب : ختي سكينة طلعات زوينة بزااف ...و دارت عندو لقاتو كيشوف فيها : مكينش حسن منك ....و هي تزيد تلويي يديها على درااعو و تكات راسها على دراعو 

سمية : شهاب انا انا ن نن كنبغيك والله 

شهاب ضحك : ايوا الحمدالله منين بغيتيني ههه

جلسوها في داك الكرسي العرييض بشكل لائق بيها و جلس حداها ثائر و مدات يديها لحناا كلشي جلسو في دوك الفرشات لي في الارض كتحس بيهم فحالا كيحنيو ليهم و بقاو كينقششو ليها ماشي ديك الحنة العااااامرة غير بين و بين و كلشي كيمدح في جمال العروسة شوية دخلوو الاطبااق هازينها الخدم مليئة بالدهب و جاو و تحطو قدام رجليين سكينة عينين سكينة خرجو فيهم و دارت عندو بسعادة 

سكينة : نتااا لي جبتيهم 

ثائر : لااا هو ...و كيشوف قدامو طلعات راسها كيبان ليها احمد جاي لجيهتها بداك العكاز و حداه نورا و من وراه بامو و الحاج جاو سلمو عليهم احمد جا و عنق بنتووو 

احمد و في صوتو البكا : ب بنتي اجمل عروسة في العالم ب بنتي 

سكينة انفاجرات بالبكا بين يدو : هيء هيء بااا باااهيء هيء 

ثائر : ايييه نتااا راك بكيتي ليا مرتي واقيلا 

احمد دار عندو : تكعد نتاااا 

ثائر ناض وقف عليه هو كيبان كي الكميشة قدامو : مالنا نتااا ....هو يضحك و تعانقو هو وياااه 

احمد : كبرتي البرهوش معرفتكش غتاخد بنتي كون زاوطتك شحال هادي 

ثائر : هههه عارف ....تعانقو و تفارحو كلشي فرحان بلقائهم بامو نورا الحاج كلهم دازو من عندهم و باركو ليهم و مشاو جلسو قبالتهم 

آدام : كلشي مزيان 

قمر : كنكس غير بشوية 

آدام : غير ديال البحر شي شوية غتفوتك 

بعد ساعة تقريبا تقلبااات ديك الحفلة كلها لعرس ديال بصح كلشي بدلو لباسهم تهما و لي سوااري و واقفين و كيشطحو و كدور فوق منهم العمارية راكبة فيها لالات البنات ديال سكينة لابسة لاغوب نصها تكشيطة و نصها غوب و كدير ليهم باي باي بالحنا لي في يديها و فوق منها دايرين البريو و حاميااا شعبي بيناتهم كين غير شطيح الشطيح و الشخات وووو ثائر لابس كومبلي وواقف بعيد كيشوفها كيف كدور بيناتهم و كضحك و دايرين بيها الشيخات زائد ميريام و كينيشو عليها بيديهم

ظافر : ايوا مبروك العريس ديالناا 

شهاب : ههه خديتها لباها 

ثائر : كانت من الأول ديالي 

آدام : وراك طلعتي تامل مع راسك ....ثائر ضحك جنب 

نايف : عرسك مابيهش 

ثائر سمع فحال طرشة دار عندو بالعرض البطيء : من نيتك اصلا باقي مسالاش غيعجبك سيرتو في الاخر 

نايف : ههه نشوف 

تقلب تاني الغناء كلاسيكي الاوبيرا راقية كيدانسيو عليها الناس بالميالان يمين و يسار كيتوسطهم ثائر و سكينة و لوخرين في الجناب 

ميريام كتمايل مع ظافر 

ظافر كيشوف فيها : أول مرة شفتك عرفتك غتكوني شي حاجة استثنائية في حياتي و لكن معرفتكش غتكوني مرتي 

ميريام : ههه بصح 

ظافر : كنبغييك 

ميريام : حتى انااا حبيبيي

نايف و نرجس كانو كيتمايلو بجوج هما يخرجو فشي كوبل حداهم دارو يشوفو لقاو جايكوب و ميرنا (عاقلين على ميرنا مرت نايف لولة لي داتو ليها نرجس ) شافو في بعضياتهم و ضحكو 

نايف : ميرنا ؟؟؟

ميرنا : ناايف ؟؟ (شافت في نرجس حداه ) مرتك ؟ (دار شاف في نرجس و نرجس كتشوف فيها طلع فيها و تنزل عقلت عليها مزيااان )

نايف كيشوف في نرجس : اااه مرتيي 

ميرنا : مشرفين اختي كنقدم ليك جايكوب خطيبيي 

جايكوب : هاااي 

نايف : هاااي 

نرجس : يلااه نمشيو ا نايف 

نايف : نخليكم دابا ...و جراااتو معاها 

نرجس : متبقاش دوي مع هاديي 

نايف : علاش غرتيي 

نرجس : ءءءا؟؟ و ووو لاا غ غير...و حنات راسها 

نايف هو يطلع ليها راسها : انا كنبغيك نتيي مكين لاش هاد الغيرة نتي غتكون أجمل بنت شفتها في حياتي و غتبقاا هاكاا ...ابتاسمت ليه و عنقاتووو 

نرجس : يخليك لياا التاج راسي 

نايف : هههه و حتى ليااا ....و عنقهاا 

ريماا واقفة بعيد و كتفرج في ثائر و سكينة كانت شاداها البكية و كتحاول تحبسها 

الصوت : هاااي ...و هي دور حداها و هي تحل عينيها كان واحد راجل زعر تباركالله الطول و العرض هي جبدات فيها عينيها 

ريما : ليون اوماي كود (الحوار بالانجليزية ) شحال هادي ماشتك او ماي كود كبرتي اش خبارك 

ليون مكوانسي فيها و كيشوف فيها و هي دوز ليه بيديها على عينوو 

ريما : ليون ليون 

هو يقفز : ههه باقا زوينة كيفما كنتي

322🌷 

ريما : ههه عارفة اش كدير هنا 

ليون : ههه مسيو ثائر شريكي في الاعمال بفرنسا 

ريما : اووو هههه هي وليتي رجل أعمال 

ليون : هههه ااه يلاه نرقصو و نهدرو 

ريما : هههه اوكيي 

سكينة معنقة ثائر : شكرا احبيبيي بزاااف 

ثائر : كلشي ديالك طلبي عيني غنجيبهم ليك 

سكينة : لا غير خليهم كيعجبوني نشوف فيهم 

ثائر : ههه اري عندي داك الفم ....دار يدو من ورا راسها و قربها ليه و مال بزاوية و تلاقات أفواااههم وسط الحشود كترقص و الضو مسلط علييهم هي مغمضة عينيها و كتحاوب معاه بشوية من بعد توجهووو كيكالو و كيهدرو و كيضحكو في أجواء رائعة و كيبان ليا انسجام زوين واقع بين ريما و ليون و هي تنفر الباخرة المرة التانية كتعلن إقترابها من اليابسة كلشي توجه لجنب ديال الباخرة كان الصباح يلاه بدا كيطلع الجناب ديال الباخرة كلهم عمرو بالناااس و كيديرو باي بايي توقفت الباخرة في ميناء ديال شي جزيرة و نزلو من الباخرة غير سكينة و ثائر و سكينة لابسا ديك لاغوب و كضحك و كدير ليهم باي باي و شادا من ثائر و ثائر داير واحد الضحكة جنب ماموريحاش و كيدير ليهم بصباعو باي 

شهاب و ظافر و نايف و آدام مستفين و كيشوفو فيه من الباخرة و الباخرة بدات كتزيد

ظافر : هاد الضحكة ماعجبانيش 

شهاب : تانااا 

آدام : هو هبط هناا و الباخرة كتزيد في إتجاه معاكس لجينا منو 

نايف : فين غاديين بينا بضبط 

ظافر : انا غنشوف القضية م*ودة غنعيط لطائرة الخاصة دياي 

شهاب : عرفت البرودة ديال ثائر غتكون نهايتها م*ودة علينا 

سكينة كتشوف في الباخرة غادة و سلات من باي باي و هي دور عند ثائر : واش غيرجعو فحالهم 

ثائر : هههه لا لا نساريوهم شوية حشومة نردوهم ليوما

سكينة : بصح ؟؟ و ديك الساع نمشيو معاهم 

ثائر : لا حنا غنكونو بوحدنا حتى نساليو شهر العسل ديالنا و يرجعو يدونا تاني ...و ضحك ضحكة جنب 

سكينة : و هما غيبقاو في الباطو على شهر اويلي ...شدليها في يديها و جرها معاه لداخل لجزيرة (باش يتعلمو يخليو ثائر هو الاخر هادا انتقام بسيط ليهم هههه احسنت يا ثائر ) 

🌷🌷🌷🌷🌷النهاااية 🌷🌷🌷🌷🌷 

و بهادا سلات الشيخة وولد عمها كنشكركم على المتابعة 

سكينة : أتيي بلاتي اااه بلاتييي خليني انا دوي نتي نهار ومطال و نتي دوي 

أنا : هانا ختي دويي نتيي 

سكينة : ها وحد سلام عليكم نشكركم البنات جزيرة الشكر عن المتابعة ياك اميمة هاكا نقولها 

انا : و غكملي خليني نسالي 

سكينة : تي راك واحد بنت الحرام منك ماكان بغيتي تجري عليا دغية المهيم البنااات شكراااا جزيرا حيت بغيتوني في قلبكم و حبيتوني و تانا ولفتكم والله و نحبكم و نعتادر لا درت شي حاجة معجبتكمش و نصاحكم و ثم نصحكم تهلاو في صحيحتكم 

أنا : هههه غا مليقيتي متقوليي ديري ديري ليا ديدكاس 

سكينة : ااااه كنت غنساااا شوفووو تابعووو ديك القصة الجديدة اش سمها ياربي هوسي بإبنت عدويي غتلقاو تما صحيبتي وفاء تهلاو فيها مسيكينة راه هي حنينة ولاهيلا ومسخيتش بيكم احبيباتي و تهلاو في راسكم بااااااااي بااااااي نحبكم 

👏👏👏👏👏👏👏👏👏👏👏👏👏👏👏👏

لي مزال مدارش خمسة نجمات فبلاي ستور ايديرها باش نكملو القصص جداد