295
🌷
🌷
هي مداتها في حد مشات نيشان عند ديك الفارماسييي لي كينا تماا
ميريام كتهدر بشوية: سلام عفاك عطيني اختبار ديال الحمل
الفارماسيي : شحال من واحد بغيتي
ميريام : عطيني خمسة عفاك ياك كيعطي دكشي هو هاداك
الفارماسيي : ااه ولكن خاصك من بعد تأكدي من طبيب
ميريام : واخا شكرا ...عطاتو ليها في واحد الكيس ديال الكارطون (بحكم ميكة قطعوها )و مدات ليها الكارط فاليدتها ليها و ردتها ليها و مشات درية خرجات و طلعات لطموبيل ديال
ظافر : شريتيه
ميريام : اه هاك لكارط ديالك ...و مداتها ليه
ظافر هو دار و شد الكيدون: خليها عندك صيبتها ليك ...و كسيرا
ميريام تصدمت من هادتصرف و ردت يديها اكيد كيدرليها هاكا فحالا كيخلصها على الوقت لي دوزت معاه هبطت يديها و هبطت راسها معاه و البكية حابساها باش ماتخصرش المكياج ديالها و كتشوف في الكارط و لا كانت حاملة شنو غدير تقولها ليه واش غيتسوق ولا لا دورت وجهها كتشوف في الفردي حداه اصلا هو غير مجرم اش خاصو بشي ولاد و مزال باغي يلعب ناري شنو عدير (افكارك بكل صراحة زبالة اختي مريم )
نرجعو لحفل ديال الزواج ديال قمر دارو عقد القران بحضور لجميع و فرحة الجميع و كلشي كيصفق و جاو كيعطيوهم تهاني ديالهم و كيرحبو بيهم ريما طارت لعند الحاج و كتسلم عليه
ريما : الحااااا ج توحشتاااااك
الحاج : هههه تانا ابنتيي
ريما حيدات من عناق الحاج و دازت طايرا لبامو : بامووو الحب دياليييي
بامو معنقها : اش على الكبيدة دياليي بنيتي زويونة كبرتي تبارك الله ....كانت معنقا بامو و فرحانة و هي تقشع ثائر هما يتحلو عينيها و حيدتها بامو
بامو : كيف ديرا ابنيتي مع الغربة تغربتي علينا
درية ممعاهاش كتشوف في ثائر و هي دور و لقاتها كتشوف في ثائر خاشي يد في جيب و كيهدر مع شي وحدين (مشافتش هاديك لي من الجيهة لوخرى شادا فيه )
ريما : انا جايا ابامو انا جايا ..و مشات لجيهة ديال ثائر
بامو : واخا عليك غشفتي ثائر ضربتي فياااا
ريما دارت و غمزتها : نتي الاصل الزين
الحاج : ههه هاد درية باقا هيا هيا
بامو : هههه باقا صغيرة مسكينة ....دخلت ريما وسط الناس ودخلت و عنقت ثائر من صدرو و تخشات فيه و غمضت عينيها و عن غير قصد دفعت يد سكينة....سكينة جبدت عينيها فيها و في ثائر ثائر هو يعنقها
ثائر : هههه الاميرة ديالنا كبرات ....و حيدها و حط يدو على شعرها
ريما بطفولية ربعت يديها : انا مخصمااااك حيت معمرك جيتي شفتيني لا نتا لا خويا
ثائر : هههه و هاد تعنيقة
عطاتو بضهرها : غير حيت توحشتك اما نتا لاا ...هو يجي من موراها عنقهاا
ثائر : صافي سمحليا الزوينة دياليي .... لوخر تفطحات في دراعو مع تعنيقة واحد البركان فايض اللور العافية شاعلة سميتو سكينة و هي تجي و حيدت ليه يديه من عندها و دفعت شوية للور بتخنزيرة و طلعت فيها و هبطت و زيرت على دراع ثائر بالعصاب و خشات في العضلة ديال دراعو ضفارها تهو حس بالبروات كيتخشاو في دراعو بالبرة بالبرة و عاضة قنوفتها و كتشوف في ريما و ريما تهيا كتشوف فيها و كترمش و كتشوفها كيف شادا فيه و هي تشوف في ثائر
ريما : هادي صاحبتك
سكينة ضحكت ضحكة ديال الفقصة طلعت راسها لسما : ها ها ها ها صاحبتو ها ها ها انا مرتو الزوينة
ريما دورات راسها عند ثائر و تعابير دوجهها تقلبو : م مرتك
ثائر كيضحك : ههه اه
ريما بعصبية طفولية : نتااا كدبتييي علياا قلتي ليااا تتكبري و نتزوج بيك سيري تترجعي
سكينة مفقوصة على نيتها : سيري احبيبة سيري قالا تزوجي بيه انا ضاربة معاه من لول و تا خديتو و عاد طلعي ليا نتي من صغر
ثائر حط يدو على يد سكينة كيهدر بحدة : سكينة
ريما كتشوف في سكينة : سعداااتك
سكينة : هاك على البرهوشة تهيا الحسد عين باين خمسة و خميس عليك اختي
ثائر كيهدر تحت سنانو و في ودن سكينة : اش كتخربقي
سكينة :ماشي برهوشة مدودة جايا من قرطة حنة تجي طيير عليك نوقفها دابا عند حدها كالا
ثائر خرج فيها عينو : سكيناااا ...ريما غير كتشوف فيهم بجوج
ريما : واش مدابزين عليا ؟؟؟
سكينة : لا الحبيبة سيري لعبي قدام داركم حسن ليك
و هي تشوف ريما في ثائر بطفولية : شحال عندها من عام
سكينة تنقز : عشريييين عااام على عين العديان
ريما : عشرين عاام ؟؟ وانا جيت لعندك في 22 عام و قلتي ليا باقا صغيرة صدرتيني ياك (زدقتي نتي البرهوشة اسكينة)....سكين
ريما صغرات عينيها : تاناا فهمتك نتااا اصلا كون تبغي شي وحدة كنتي غتاخدها وخا تكون قاصر و انا درتي ليا الصابونة ياك
سكينة كتزيد تخشي ضفارها في دراع ثائر : اعصابي اثائييير اعصااابييي والله كون ماكانت طفلت ختي لا عقلت عليها....هو يدخل آردي ايكس و لينا للحفلة و اتاجهو لعند العرسان لي واقفين مع الناس كيهدرو و يتعارفو و كيضحكو و هي طيير هاد ريما من طيوور مشات كتنقز عند لينا
سكينة حيدت يديها من يد ثائر و دارت عندو
296🌷
🌷
و كتخنزر فيه بغات تخرج الهدرة و تعاير و تسب وهي كتشوف فيه كيشوف فيها بشي نظرات مفهمهاش مالها مقدراتش تدوي : متهدرش معايا ....و عطاتو بالضهر و مشات جيهت لجنب كيطل على المدينة من الفوق و الشانطي كيبان غير خيط و طموبيلات كيبانو فحال نمل و ربعة يديها و بدات كتكبع كتوجد لبكية ثائر جا و شد ليها من كتفها
ثائر بهدوء : مالكي شنو واقع دوري ...دورها عندو لقا واحد دميعة نازلة على خدها هو يهز ليها راسها و بدا يمسحها ليها بالابهم ديالو ديك الدمعة
ثائر : هاد دميعة علاش
سكينة بدات تدوي و تشهق : هيء هاديك خيتي علاش هيء كتعنقك هي و قلتي ليها غتزجها هيء و حيدتي يدي انا هيء باش تمشي تعنقها هي هيء هيء
ثائر ضحك و شد ليها من وجهها : غرتيي هههه
سكينة : هيء هيء اااه متقيسكش و و وفاش قات ليها عشرين عام هيء هيء قالت ليا مبيناش فيك هيء علاش انا شارفا هيء هيء
ثائر : ههه تعالي عندي اووشش(خشاها عندو و كيمسح ليها في شعرها ) ريما كيفما هي خت آدام هي ختي حتى انا و هي غير كضحك مديش على هدرتها صافي صافي
كيمسح ليها في شعرها و خاشيها عندو و كتشهق و كتسمع و كدير براسها اااه بين دراعو ...هو يحيدها من دراعو و بدا كيمسح ليها وجهها بشوية بحنية (الحاجة لي محيراني هي انها متخصرش ليها المكياج مكنتش حاضرا ليها فاش كانت كتماكي يمكن فيكسات داكشي )
لينا معنقة ريما : حبيبة دياليي لباس عليك
ريما : الحمدالله اخالتيي عمييي حبيبي ....دارت تعنق في آردي ايكس تهوا
ريما : فين حبيبي ظافر (هاهوا جاي في طريق )
اردي : شوية غيجي معرفتش شنو عطلو
ريما : مممم ارديايكس توو ولا مشغول كثر من الوان مخصكمش شي واحد ثري تزيدوني معاكم ...و خرجت لسانها اردي ايكس كيضحك
اردي : ههههههه هاد البنت مغتكبرش ههههه
آدام : هههه هادشي لي مزال مجربتيه
ريما : ههههه علاش مكتهدريش اختي قمر
بامو : هههه غير حشمانة ....قمر كضحك و كتحني راسها آدام قرب ليها نيفو لحنكها و كيشم فيها
ريما : لا خويا ماشي قدااام كلشي ....بداو كيضحكو
و احمد جالس بعيد و دخل في كآبة و حداه نورا
نورا : يهديك الله تعالى نعدرو مع ناس مالك قنتيني هنا
احمد : لاء مغنمشيوش نهدرو مع ناس و نتي غتبقاي حدايا
نورا : و مالك غتخنقني
احمد : حدايا هي حدايا مبغي نهدر مع حد هاداك قالك ياخد بنتي
نورا : نوو نو بنتك لي بغاه دخلها في دماغك
احمد : بنتي باقا صغيرة معرفاش كيتسناها من عند هاداك انا خاصني نحميها
نورا : دابا غا قول ليا شنو مشكلتك مع ولدي ثائر
احمد : هادي هي المشكلة هو ولدك نتي و ربيتيه عوج انا عاارفو غيبكي ليا بنتي هاداك (فحالا علمك الله اسي احمد )
نورا : شوف غنقوليك جوج كلمات ياا غتقبلبيهم يا غتزدق فشي حاجة نادم عليها و دنبك على راسك ....و مشات لعندهم
احمد :اجي لهن اجيي تنتي سيري و خليني وحدي سيري سيري (غادا و دارت تشوف فيه ) غير تسناي تنصح غنبدا بيك نتي لولا جات معاها لبسة (هههه وايلي اسي احمد ههه )
دخل ظافر و في يدو ميريام و كيهدرو و شادها و محوط يدو على خصرها و جابدها لعندو هي مرة مرة كتحاول تبعد و مشاو لجيهة قمر و آدام كيتلقاو تهاني و كيعرفهم آدام على قمر عن قرب خاصو يدمجها معاهم ظافر جار معاه ميريام لجيهة ديالهم ميريام كتشوف في آدام و حداه قمر بلاغوب مبغاتش تقرب من الاحسن ليها متبانش ليه بغات ترجع للور
ظافر كيشوف فيها بعيون تابتة : شنو المشكل ؟؟ باغا ترجعي
ميريام : ءءء ؟؟ لااا .... ودارت كتشوف في آدام و قمر ظافر عض شفايفو بعصبية و دور عينيه جيهت آدام
ظافر كيهدر تحت سنانو : ياكماا بقا فيك الحال
دارت عندو : ءءء؟؟ علياش ....يلاه غيهدر و هي تلاح عليه ريمااا على عنقو و خشات و جهها في عنقو
ريما : حبيبييي توحشتك
ميريام صعقتها فاش تلاحت عليه هو يحيدها ظافر و ضحك
ظافر : بكوصة هههه نتي هناا
ريما شادا من دراعو و هو شادها من خصرها
ريما : توحشتك
ظافر قرب ليها لوجهها : وا نتي لي تخليتي عليا في امريكا
ريما يلاه غتجوب و هي تحس بيديها كتحيد من دراع ظافر و هي دور ريما و هي تلاقا عينيها بعينين ميريام بواحد الصدمة
ريما مخرجة عينيها : نتي ؟؟؟
و هي تشد في دراع ظافر : اااه انااا ...و ابتاسمت و هي طلع عينيها في ظافر
ريما : ياك تنتا ماشي مرتك
ظافر ضحك حتا بانت ليه تستيفة ديال السنان : هههه لااا
ريما : اووف خلعتيني (ميريام كتشوف في ظافر بقا فيها الحال علاش يقوليها لا و هي تشد ريما من دراعو تانية و جراتو ) تعالى حبيبي بان ليا غندوزها في المغرب تهو هههه ....و جراتو معاها هو بدون قصد حيد دراعو من ميريام و مشا مع ريما لجيهت آدام و خلا ميريام كتشوف فيها و صدرها كيطلع و كينزل بعصبية و هي دور عندها ريما بنظرات شرانية و حتى ميريام ماشي من العاكزين نفس النضرة كتسيفطها ليها و مشا ظافر عنق آدام صاحبو و بارك ليه و بارك حتى للقمر و كيضحكو و ميريام واقفة بعيد و كتشوف فيهم و كيف ريما شادا فيه
297🌷
🌷
بغات تهيا تقرب و تبعدها عليه و تشد منو هي و لكن مزعماتش كتمشي خطوة جيهتهم و جوج خطوات للور دارت عاود تاني ريما جيهتها شافتها باغا تجيي لعندهم خلاتهم و جات لعندها وقفت قدامها
ريما : شنو جايا تخصري عرس خويا
ميريام هي ضحك : ههه لا لا جايا نحضر لعرس صاحبتي شاأت الصدفة انه يكون خاطيبي السابق عاديي
ريما ضحكت جنب و مربعة يديها : ههه شنو بانت ليك في ظافر ههههه كنصحك متلعبيش بالعافية غتحرقك
ميريام : ههه ديري بهاد النصيحة نتي لولة و بعدي منها دابا حيدي من قدامي خاصني نمشي حدا حبيبي....و ضربت في كتفها و مشات لجيهتهم كانو كيضحكو حتى جات حطات يديها على كتف ظافر قدامهم ظافر دار عندها و هي تعلى بطالون و حطت يديها تحت ودنو و غمضت عينيها و مصات ليه شفاهو السفلي آدام طلع حجبلنو بجوج فيهم و قمر جبدت عينيها فيهم اما ظافر فغير حطات فمها على فمو غمض عينو و دار يد وحدة في خصرها و اليد التانية في جيبو و هي تبعد و ابتاسمت ليه و دارت شافت في آدام بابتسامة و مدات يدها ليه : فليطاسيو آدام ...آدام حول لكاس لي فيدو و حط يدو في يديها و رد عليها بنفس الابتسامة (لا شعوور عادي جدا )
آدام : شكرا ...حيو يديهم من يدين بعد و دازت تشوف في قمر عنقتها
ميريام : هههه مبروك احبيبتي هههه جيتيي زوينة بزاااف
قمر معنقاها : هههه شكرا مريام (كتدوي بشوية ) ماشي هادا لي تعدى عليك
ميريام كتدوي بشوية : تال من بعد و نعاود ليك نتي و سكينة ....و حيدت من عندها و دارت كتشوف في جيهت ريما لقاتها كتشوف فيها و مربعة يديها و هي تضحك و دارت و هي تحس ريما فحالا شي حد كيتفرج فيها دارت لقات سكينة قارما على فمها و جامعة حجبانها و و دايرا ليه ردار من بعيد و هي تضحك ليها ريما و هي تقلب سكينة وجهها و كتزيد تزير على دراع ثائر لي كيهدر مع شي وحيدين
ظافر غير كيشوف في ميريام كيف شادا منو و كتضحك و كتهدر مع آدام و قمر بعفوية و شي يد تحطت فوق كتفو قفزاتو
آدام : غير عبرنا شويا أ ظافر حشومة نهدرو معاك و نتا عندك اهتمامات أخرى
ظافر دار عندو و ضحك : فحالا نتا معندكش اهتمامات اخرى (و دار شاف في قمر )
آدام : هههه صراحة مكرهتش غير امتا يسالي هاد العرس
قمر : علاااش
ريما جات حدا ظافر من لهيه : آدااام واخا نشرب غير كاس واحد
آدام بحدة : لاااء
ريما : و عافااااك مرت خويااا هدري معااه نتي غيسمع ليك في الاخر خلا كلشي على ودك ...و دارت شافت في ميريام حتى مريام كتشوف فيها بنفس النظرة و هي تكسر قمر روتين بصوتها
قمر : مخلاني نشرب تانااا من صباح و انا عطشانااا
آدام عطشانة تشربي الشراب
قمر : و كلشي كيشرب حشومة كااع الا انا لي لااا
آدام : لااا هي لاا ...سكتت و كتشوف بكره
ظافر : اوووو نايضة عندك
ريما : ظافر تعالى ندانسيو ....ميريام قفزت حداها
ظافر : لاااا غير عفيني
ريمااا : ويلاااااه ....و جراتو من دراعو لهيه هو غادي و دار عند ميريام لقاها كتشوف فيهم و هي تقلب وجهها و مشات غضبانة
ظافر : ميريام ....و تقول ريما طلقات منو و تهو مبغاش ينفض ليها يديها ولا شي حاجة و لا يخسر ليها حيت هي عزيزة عندهم بزاااف و زائد انها خت آدام صاحبو حطات يديه على خصرها و دورات يديها على عنقو هو يدور وجهو جيهت ميريام غادة بعصبية و هي تحط ليه يدها على حنكو و دوراتو...ميريام
ريما كتدانصي مع ظافر و هو ممعاهاش غير جسد بلا عقل
ريما : واش كتبغيها
ظافر دار عندها : ءء ؟ شكون
ريما : ميريام
ظافر ضحك و حنا راسو و رجع شاف فيها : هههه و اش بان ليك نتي
ريما : و منعرف انا قلت كتبغيها حيت كتشوف فيها بزااف و كتقلب عليها واش في خبارك بلي هي كانت خطيبت
ظافر : عارف
ثائر تلاها مع الناس كيهدرو و كيضحكو و هي بقات في طرف مفاهماهم حتى علاش كيهدرو فحال الاطرش في الزفة الحاجة الوحيدة لي لاحضتها هي داك الفان روج كلشي هازو و كيشرب تهيا بغات تهزو واخا متشربوش على الاقل غا ديكور مشات عند سرباي لي هازهم وقفت عليه هو قم ليها صينية باش تهز كاس و نتوما عارفين مكيكونوش معمرين الكاس غير نصاص فيهم بقات كتشوف تما
298🌷
🌷
سكينة : كلشي مشروب مبقاش شي واحد عامر
السرباي : كيفاش الالة
سكينة : هاد الكيسان خاويين فيهم غير النص شربو فيهم عباد الله
سرباي : لا الالة هادو يلاه عمرناهم
سكينة : شفت فيهم غير النص ولا اش غدير بلاتي ....هزت كاس خواتو في كاس و خوات اكاس ثالت فيه و هزاتو
سكينة : يلاه سير دابا كمل خدمتك ....مشات وقفت حدا ثائر كتشوف طريقة الشدة ديالهم الكاس كيخشيو داك العود لتحتاني بين صباعهم دارت بحالهم وقفت ديكور حدا ثائر مرة مرة كيوسوس ليها الشيطان تشرب كتشرب جغمة و تحيد جغمة و تحيد (ايوا الزوينة قطرة قطرة حتى يحمل الواد و عاد زايداها معمرة الكاس )
ميريام جالسا في طواليط مهبطة سترينك حتى لطالون لتحت و مليوحين سبعة ديال الاختبارات حدا رجليها و لاحت ثامن كلهم كيشيرو بلي هي حاملة هي دايرا يديها على وجهها و كسيرات بالبكااا
ميريام : هيء هيء شنو غنديير دابا شنوو هيء هيء شكون غيعاوني و عاد هو غيخليني هيء هيء شنو غندير شنوو ...بقات تما تبكي و تعد لي ميتعدش كاع لمشاكل لي واجهتها في الحياة من نهار عقلت على راسها حتى لهاد لحظة لي جالسة فيها هي في طواليط حتى تفشت على خاطرها و ناضت جمعت داكشي لاحتو في الزبل و حلات الباب مع الحلة كتبان ليها بامو كتغسل في يديها طلعت عينيها في المرايا و شافو في بعضياتهم بجوجات و هي دور بامو و هي تلاح عليها ميريا و بدات كتبكييي خشاات وجهها فيهااا
ميريام : هيء هيء باموو عتقينييي هيء هيء عتقينييي
بامو كضرب ليها في ظهرها : مالكي ابنتي اويلي مالكي اويلي اجي اجي .....ميريام مقدرت لا تهدر لا والو ياربي لقات شكون ترما عليه و تبكي عليه (صفو نية يا ناس هاديك جايا من ترما يرتمي ) جرتها بامو معاها لواحد البالكون بعيييد على العرس فيه لي فوطوي في الارض و لقات تما واحد الجوج باركين على البوس و هي طلق بامو حلقها
بامو : استغفرووو اللله العضيم استغفر الله العضيم ....هربو الشياطين و دراري قفزو من بلايصهم و حنا وراسهم و خرجو عاد جلست هي و جلست حداها ميريام لي غتبكي
بامو جبدات كلينيكس ولاحتو عليها : مسحي عليا خناينك و قولي ليا اش واقع
ميريام مع كتبكي ولات اتخربق عليها و دخل و تخرج في الهدرة
بامو : سكتي سكتي هاك شربي الما و سرطي البكية عاد دوي
ميريام شدات الكاس كترعد شربات منو شوية و عطاتو ليها كترعد و كتحاول تستنشق الهواء
بامو : مممم كنسمعك اش مبكيك
ميريام شافت فيها بعينين باكيين : انا حاملة ابامو
بامو تصرفقت في هاد لحظة و ناضت وقفت : اويلي واش واش من آدام
ميريام دارت ليها براسها لااا و حنات راسها
بامو خبطات حناكها : اويلييي منين جايبا هاد الكرش يا المسخوطة قولي ليا (كتنخد فيها ) انا غنوريه ياكما هرب عليك
ميريام دارت ليها لا براسها : هو هو باقي معايا و ديرنا فحال العشيقة ديالو هو معارفش بالخبر ديال الحمل (بدات كتبكي ) هو غيمشي بعد غدا فحالو على برا و غيخليينيي هيء هيء هيء
بامو : صافي شتي الفلوس فين وصلوك بقيتي تابعة ليا الفلوس
ميريام : هيء هيء راه مكنتش غنمشي عندو هيء هيء هو لي خداني بزز مني هيء هيء .....عنقتها بامو
بامو : صافي صافي شكون هادا مال سيبة في البلاد نوضي قولي ليا شكون واش كين هنا في العرس
ميريام ناضت كتشوف فيها و دارت ليها براسها ااه : ظ ظافر
بامو تصرفيقة الثانية من الحنك لاخر : ظ ظ ظافر و ولد ل لينا (دارت ليها براسها اه ) او او او تي فين مشيتي وو
ميريام : والله مامشيت لعندو هو جا عندي اش غندير ا بامو اش غندير
بامو مهبة راسها كتفكر و كتخمخم و هي طلع راسها فيها و هي كتشوف فيها : سميعيني مزيان و حلي ودنيك انا غنفك هاد المشكل و لكن لي قلتها غديريها
ميريام : عليك امان ابامو والله مانعصيك
بامو : غتجمعي رجليك و غتهبطي دابا دروك لتحت عند شيفور ديالي و غتقوليلو مسيفطاني بامو
ميريام : و اش غنقول لظافر
بامو : اش عندك متقولي ليه غتمشي من هنا بيما حليت هاد الموضوع
ميريام فحالا خشيتي ليها جناوة في قلبها و عاود شدتها البكية : م م منقدرش نخلي ظافر هيء هيء مبغيتش
بامو : اش كتخربقي عليا تما انا راه عارفة دوك رباعة مزيان من ثائر لظاافر لما حكيتهم ما يتحكو يلاه منلقاكش هنا سيري نزلي
ميريام : هيء ولكن
بامو : باغا تحل المشكلة زيري معايا يلاه سيري ...زيدتها بيديها من للور جتى وصلتها لسانسور و طلعتها لوخرا كتشوف فيها و كتبكي مبغاتش تمشي يلاه كان غيتسد سانسور و هي دير يديها و خرجت عند بامو لي كانت شادا تليفون و كدوز شي نمرة
ميريام : هيء هيء مبغيتش نمشي هيء
بامو طلعت فيها راسها : اويلي على مبغيتش نمشيي اويلي تي تسطيتي ولا خرج ليك المخ
ميريام : خليني انودعو
بامو : اش عندك ماتودعيي زيدي قالا تودعي زيديي دخلي ...حلت سانسور و دخلتها و دخلت معاها غتوصلها بيديها
ظافر كيدانسي مع ريما و عينيه كيقلبو على ميريام بدا كيشك حيت عاد الصباح هربت ليه
ريما : مشات لطواليط
299🌷
🌷
ظافر دار عندها : شنوو ؟؟
ريما : لكنتي كتقلب على ميريام راها مشات لطواليط شافتها قبيلة ماشيا لتما
ظافر كتحس بيه ارتاح نسبيا : اووو مزيان ...هو يصوني لريما تليفون
ريما : او ماي كود شي حد كيصوني ليا دقيقة حبيبي ظافر و نرجع ليك ...ورخات منو و مشات بعدت كتهدر في تليفون هو ديك الساع فحال طلقتيه من السجن مشا دغيا كيجري و كيقلب عليها
سكينة كملت الكاس تقريبل في جنب ثائر هو منتابهش ليه كيناقش معاهم هي ولا يبان ليها كل واحد منو جوج الارض بدا راسها كيدور و الارض كتقلب بغات تشد من دراع ثائر كيبانو ليها فيه جوج و يديها كتشد غير الخوا و هي تبدا ليها الفواقا (كيقولو ليها بلغة العربية الحازوقاا
😁) بداو كيضحكو شي وحدين تما بشكل خافت عليها و هي تعاودها تاني هو يدور عندها لقاها حاطة يديها فوق فمها و شادا لكاس باليد لوخرا 
🍷 و هي طلع فيه البؤبؤ ديال عينيها هو حبس و كيشوف فيها و كيشوف في الكاس لي شادا في يديها و هي تخبيه من مورا ضهرها و رماتو على سواري ديال وحد المرا
😁) بداو كيضحكو شي وحدين تما بشكل خافت عليها و هي تعاودها تاني هو يدور عندها لقاها حاطة يديها فوق فمها و شادا لكاس باليد لوخرا 🍷 و هي طلع فيه البؤبؤ ديال عينيها هو حبس و كيشوف فيها و كيشوف في الكاس لي شادا في يديها و هي تخبيه من مورا ضهرها و رماتو على سواري ديال وحد المرا
المراا : اووووو نووو سي كوا سا
دارت عندها كتبان ليها كدوبل فحال شكل سراب سيدة كيوليو منها بزاف و كتمسح في حوايجها و مع كتهدر بالفرونسي و بزربة و مع الموسيقى سكينة كتحس بيها كترابي و بدات تحرك راسها على إقاعات نغمة ديال صوتها و يلاه غتحل فمها غتبدا تضحك و هي تشهق
سكينة : ههههههه هاء ...هو يشدها ثائر من دراعها و رفعها غادي بيها يبعدها عليهم و هي غادا بداك الكاس و تقطر حتى وسلها لقنت و نخدها
ثائر : اش هاد الخرا درتي نتي
سكينة رافع ليها دراعها و كطل على الارض : فيناهوااا
ثائر : شناهو
سكينة شافت فيه : الخرا هاء
ثائر جبدها لعندو : واش كضحكي على مي ...باستو في فموو و رجعت و شافت فيه و ضحكت
سكينة : توحشتيني ههه نحيد حوايجي ههه
ثائر عقدهم على نيتوو : قلت المك متشربيش
سكينة : شنوووو مانشربشش هاء هاء
ثائر : براكاااا حيدي هاد الكاس من يدك ...و بغا ياخدو ليها و هي تبعدو و شانق عليها
سكينة عينيها تقال و في فمها ريحة الفان رووج : نتا راه هادا ماشيي شرااب ها حليب
ثائر : فين عمر موك شفتي حليب حمر
سكينة : وغاا شافك هو يحشم و تزنك
ثائر زير على دراعها : انا غنوري موك شناهيا شافك هو يحشم ...هو يجرها من دراعها غادي خارج بيها
سكينة شادا الكاس بجوج يدين : و *وي بشوية ...هو يوقف ممتيقشودنيه شنو سمعت من فمها دار هو يشوفها و شاد ليها من دراعها و هازا الكاس بيديها بجوج كتلحس بلسانها جناب ديال الكاس و كتشوف فيه بعينيها
ثائر ضحك : ههه لا ليوما غنكل موك هه....و جرها معاه
بامو دايرا تليفون في ودنها : يلاه سدي دابا ...واقفين على برا حدا واحد طموبيل بيضة ميريام واقفة حداها كتبكي
وهي دور عندها : جمعي عليا خناينك و اري تليفون
ميريام : علااش
بامو : باش لا قلب عليك ميلقاكش
ميريام : ووو تليفوني مالو انا مغنجوبوش
بامو : طلقي تليفون لهنا (خداتو ليها ) شفتي لبغاو يلقاوك GPS يديرو غير
ميريام : ءءء؟؟
بامو : ايه ابنيتي بلاناتهم وحدين انا عارفاهم هاك هادا دكدكو (عطاتو لشيفور ) و نتيي طلعيي لطموبيل ....حليها شيفور لباب و طلعت للور و جلست و هي تهبط الجاجة
ميريام : شوفي خليني نقوليه بالحمل يقدر يغير رئيو و يخليني معاه
بامو : طلعي طلعي الجاجة ياولي و تاصلي بيه راه ضبري ....طلعت الجاجة و جلست تما بحزن مسكينة
بامو : شوف نتا غديها نيشان لافيرم عندنا كتبانش هنا
شيفور : واخا الالة
بامو : يالاه سير ....
ظافر كيدور بين الناس و كيقلب عليها و مشا ديريكت لطواليط ديال العيالات كيحاول يطل تما واش كاينا لداخل و هي تجي فريفرة ديال ريما سلات الاتصال ديالها يلاه كانت غادا عندو و هي تلوى ليها رجليها طاحت الارض
ريما : ايي ايي هيء رجليي ايي ...ظافر دار و مشا لعندها و نزل المستوى ديالها
ظافر : ريماااا
ريما شادا من رجليها : اييي اي هيء هيء رجليييي
ظافر كيقلب في رجليها :واش كضرك بزااف
ريما : ايييي ....هو يدير يدو تحت من رجليها و هزها و دار دراعو تحت من رجليها و يديها عنقات ليه عنقو و خشات راسها في عنقو و ضحكت واحد ضحكة ممفهوماش و داها لواحد الغرفة بعيدة شوية جلسها فوق الفوطوي و بدا كيقلب ليها رجليها
ريما : اي اي كتقصحني
ظافر كيحاول يقلب ليها في رجليها و كيطلع عينو فيها و هي كتألم هو ينوض
ظافر : انا غنشوف ليك طبيب
ريما : لا لااا لااا بقا معايا غير نتا
ظافر هبط عندها وحط يدو في حناكها : خاصك طبيب ضروري نشوفو رجلك مالها
ريما : غتكون غير تفدعات عاوني غير نوقف بليييز
ظافر : لا غتبقاي هنا تيجي طبيب
300🌷
🌷
ريما : لا لااا وليت مزيان غير عاوني نوض مبغيتش نفلت عرس خويا بليييز ...هو شاف تاعيا و نزل دور ليها دراعها على عنقو و مشا بيها على برا كانو دخلو واحد لاطارت ديال ستة ديال لي طاج و وهديك شعلات النارية دايرا بيناتهم وهو موراها شاد معاها الموس و اليد تانية خاشيها في جيبو و هي قدامو شادا معاه بجوج يدين الموس و كضحك حتى بانو سنانها فحال لئالئ و عينيها كيلمعو من الفرحة و كدزر تشوف فيه كتلقاه كيشوف فيها بابتسامة و بداو الالعاب النارية في السما في الجيهة لوخرى دالعرس كانت دايرا بوسان بين ثائر و سكينة غير حلات عينيها في الالعاب نارية بدات كتبعد وجهها و فمها في فمو كتحولو بين جناب دفمو و كيردها تاني كاع عمر جناب دفمو عكر و بدات كتحرك بيديها برجليها بوجهها حتى رخاها و هي ترجع بلور كانت غطيح كون ماشدهاش ثائر و ردها عندو و هي تدفع بيديها سكرانة معقلاش على راسها رجعت تاني للور كتشوف في الالعاب النارية و كتدير ليهم باي باي و كتشير بيديها بجووج
سكينة : بااااي بااااي هههه هههه باي باي قماااار عيشييييي مزياااااان ههههه عيشي مزيااان سمياااااااا نرجسسسس عيشوووو مزيااااان هيء هيء عيشووو مزيان هيء هيء ....بدات كتبكي و كتشوف في سما و غمضت عينيها و كتبكييي هو يجيها من للور و عنقهاا هي تخشاات فيه و كتبكيي عليهم
ظافر شاد من ريمااا و ريمااا فرحانة كتشوف ديك الفرحة لي بين خوها و حبيبتو كيبان الحب لي بناتهم غير بنظراتو ليها و بعفويتها لي كتصرف بيها
ريما ضامة يديها ببعديتهم : الحب زوين ياك ا ظافر ....دارت عند ظافر لقاتو عاقدهم و كيطلع صدرو بزربة و كيدور عينيه بكاع الناس ديال الحفلة و هي تدخل بامو و زادت القدام و هي تشوف في ظافر نيشان كيف واقف و كيشوف و كيمسح في العرق ديالو هو ثائر جا من موراهم جايب معاه سكينة باكية معاه تشوف في قمر و عينيها دامعين من حد الموسيقى مجهدة و اصوات ديال الالعاب النارية و هي سكينة تبكي و حاطها ثائر على كتافو و كيمسح ليها في شعرها
ظافر دار عندو لقاه يلاه جايب سكينة معاه هو يلوح عليه ريما في اليد التانية
ظافر : هاك اهتم بيها راها مريضة ....و مشا كيجري خارج الحفلة بحال شي حمق عرفها هربت
ريما ضربها فحال الضو واش عاد لاحها دابا و هي دور و هي تشوف في بامو كتشوف فيها و هي متكيا على يد ثائر و هي تحس بيد كدفع فيها
سكينة : حيدي عليه مالووو ديالك نوضي نوضي (دفعتها و عنقات ثائر بيديها بجوج ) تحطي عليييه يديك نقطعها ليك
ثائر دار يدو على راسو وهي شادا منو و كتميل و ريما مافهمة فيها والووو
سكينة و كتقلب في عينيها : سيري سيري من هنا ...تلوات ليها رجليها مع طالون كانت غطيح هو يشدها ثائر
ثائر كيمسح في شعرها : صافي صافي (هي زادت تخشات فيه و كتخنزر في ريما ) ريما راها معارفاش اش تتقول
ريما تتشوف فيها بصدمة : اووو (و هي ضحك ) ماشي مشكيل نخليكم دابا ....و عطاتهم بضهر و مشات خرجات تبعات ظافر لقاتو دخل على البنات لطواليط كانو وحدين كيتمكيجو تخلعو فاش دخل عليهم و بداو كيغوتو ومداهاش فيهم و بدا كيقلب بعينه عليها و هو يمشي كيخبط في البيبان ديال طواليط و كيعيط بسميتها تكيحلو الباب ريما وقفات برا طواليط و كتشوف فيه كيفاش كيقلب فحال شي حمق فاش ملقاهاش خرج على برا كيجري ضرب كتف ريما و مشا كيجريي
ريما : ايي ظااافر ...بغات تبعو و هي توقفها بامو
بامو : غير خليه غيقلب عليها تيعيا و مغيلقاهاش
ريما : خلعتيني فاش صونيتي عليا قبيلة واش من نيتك غتخبيها على ظافر
بامو : بعدا مزيان منين لاهيتيه ليا شوية
ريما : راه ولا فحال حمق متخيليش كيف كان كيدور راسو انا غنمشي نقوليه راه عندك
بامو : ريما وقفييي راه تعدا على درية
ريما : و من بعد انا مكتهمنيش هيا انا كيهمنيي خويا ظافر انا غنقولها ليه
بامو شدات ريما : زيدي زيدي باركا من طيران الخاويي زيدي نكملو العرس
ريما : واش من نيتك ابامو راه كيقلب عليها فحال شي حمق و نتي باغاني نكمل العرس
بامو : زيدي دابا ميلقاكش خوك حداه و يتقلق زيديي ....جراتها معاها ظافر بدا كيخبط في سانسور مبغاش يتحل ليه حيت كانو هابطين فيه الناس هو يجمع القبضة ديال يدو و هبط كيجري في دروج و عينيه خرجو منها
العروقة و جبد تليفون كيهدر فيه كيقوليهم يحددو بلاصتها
GPs ب
رسلوها ليه بطليفون و هو كيشوف في بلاصتها نقطة حمرة مكتحركش وهي تحت العمارة مباشرة بدا كيزيد السرعة ديالو ديال الجرا باش يلحقها حتى خرج على برا مكين والووو كينين غطموبيلات دور يدو ليمن و ليسر و مسح على وجهو و رجع تليفون لقا ديك نقطة الحمرة تحت رجليه مباشرة حيد سباطو هو يلقا التليفون ديالها مهرس متخيلوش احساس ديالو ديك الساع هو يغوت تماا
ظافر : ميريااااااااااا
301🌷
🌷
و كتدوز على كرشها بحنية
العرس ديال آدام على مشارف النهاية وواحد سيد في القنت غطة في نوم عمييق إنه سي احمد دخل في الغد ليه مسكين و هي تجي توقف قدامو ريما
ريما : ميمكنش عمي نعس
نورا : اووش غير خليه من قبيلة و انا حاضياه حتى نعس
ريما : ههه هانا تاني على الحب اخالتي نورا
نورا : هههه (و مشات قدات ليه راسو و تكات الكرسي شوية) انا و احمد متزوجنا حتى كنت غنحماق انا كونما ربي و عمتك بامو
ريما : واش بسباب ديك الشيخة اصلا عمي و عمتي ولدين ثائر مكانوش غيوافقو عليها في الاخر كان غيكون ليك
نورا : ايه هههههه شوف القدر كيف داير ياك هما موافقوش عليها حيت شيخة جا ولدهم و خدا بنتهم ضد في كلشي بامو بنفسها متقدرش توقف هاد الزواج
ريما بدلع : اصلا ثائر ميقدر عليه حد بلاتي ديك البنت لي معاه بنت ديك الشيخة
نورا : ههه تهيا شيخة و هي بنت هديك خيتي و عمك احمد
ريما : اواااااه دابا ثائر تزوج بنت عمي احمد
نورا : تماما
احمد : باقي متزوجهاش حتى نوافق انااا ....حل عينيه فيهم هما يتفركعو بالضحك
نورا : ههههه خلعتيني أ أحمد
ريما : ممم زدقتي مشاكس ءءء ؟؟ هههه كتسمع هدرتنا في الخفا
نورا : هاهماا غيمشيو ببنتس قمر منعرف علاش شداتني البكية يلاه يلاه نمشيو .....مشاو لجيهة قمر كلشي تجمع عليهم كيسلمو عليهم و كيهنأهم جات نورا عنقتها و قمر بدات كتبكي في حضنها عنقات أحمد هي وياه دمعة و خنوة طلقها غير بزز و دازت الحاج باس ليها فوق راسها و دازت عند بامو كانت واقفة كتسناها و ضاحكة تلاحت عليها و كتبكي و بامو عنقتها تهيا و كتمسح ليها و خرجات ليها دمعة صغيرة و هي تمسحها دغيا و هي دور عند سكينة و بدات الملحمة الدرامية ديالهم بجوج مع سكينة سكرااات صافي جاتها الهستيرية ديال البكا عليهااا و حتى لوخرى ماسكرانة ماوالو و مبغاتش تطلقها راه العشرة لي بناتهم هادي
قمر : هيء هيء هيء وجودك معانا كيحسسنا بلي ميي يزاا باقااا معانااا
سكينة : هيء هيء عيشوووو مزيااان هيء هيء عيشو حسن من فاش كنتو عندي ...ثائر حط يدو على كتف آدام
ثائر : و تهلا اصحبي ....دار ليه براسو أااه و دار ثائر بعد قمر على سكينة فاش كان كيحيدها من حضن سكينة دارت كتشوف فيه هو يحط يدو على حنك قمر
ثائر بابتسامة : سيري راه راجلك كيتسناك ...و هي دور لقاتو مبتاسم ليها و كيبتاسم ليها و مشات لعندو سكينة تخشت تحت ثائر و خشات وجهها في صدرو و كتكمل بكاها هو اكتفى انه يعنقها كلشي تقريبا تأثر بهاد المشهد ...شد ليها من يديها و زاد بيها لجيهة ديال الهيليكوبطر أيه غيمشيو فحالهم ديريكت لشهر العسل بلهيليكوبطر
ريما بابتسامة كدير لخوها باي باي رد عليها بيد وحدة و دار عند قمر كيطلعها بديك الكسوة لهيليكوبطير كانت لينا واقفة متكيا على أردي و كيشوفو مع الناس و هو يصوني ليه تليفون دارو في ودنيه
آردي : شنو كين (هو يحل عينوووو ) انا جاااي ...قطع تليفون
لينا : شنو كين ؟؟
آردي : بقاي هنا غنحل غير واحد المشكل ....و خلاها و مشا بمشية و زربة و كيدوز شي نمرة في تليفون و حط تليفون في ودنو
آردي : يلاااه جاوب أ ظافر جاااوب (شااات تحل سانسور و دخل ليه )
ظافر حيح بالمزيااان تماااا كاع الرجال لي عندو خلاهم يقلبو و يتعقبو مكانها هو في طموبيلتو و شاد من الكيدون و الغروقة خارجين ليه من يديه و عينيه حمريين بزااف و بكثرت مزير على سنانو خرج منهم الدم و محسش بيه و مكسيري بطموبيل و ماعارف حتى فين غيمشي لي عرفو بلي هي كانت في الكميرات خرجت من العرس من بعد مكين لا كميرات لاوالو معرفوها حتى فين مشات و مخدم الهوت بارل في طموبيل كيدوزو غير ليزوديو بلا هو ميهدر
الاوديو 1 : مسيو بودكار 800 مكيناش في الدار عندهم
الاديو 2 : مسيو البودكار 97 الفيلا ديال مسيو ثائر مطوقة حراس على برا اضطرينا نستاعنو بالخدمات لي داخل و كيقرو بلي ميناش شنو تعليماتك
أردي : مال موك نتا حمق مخرج كاع لقوات دياولنا ....هو يفراني بطموبيل و بالقبضة ديدو جمع بيها التليفون تتهرس موقف طموبيل في وسط الشارع و دايرين بيه 14 طريق منين غيبدا تقلاب تقطع عليه كلشي و كلشي كيكلاكسوني عليه و فمو كينطق كلمة وحدة لي هي ميريام
ايوا اسيدنا العرس تسالا و كلشي راجع فحالو سكينة راجعة ناعسة فوق الكوسان مهبطو ليها و مجموعة فيه و مغطيها بالكمبلي ديالو و ن لور كينا ريماا (ياختي ركبات معاهم )
ريما كتشوف في سكينة : مرتك زوينة بزااف (شاف فيها من المرايا و ابتاسم ليها و رجع شاف في طريق) عاد عرفتك علاش اختاريتها كنحسدها على وحد فحالك .....هو يشوف فيها من المرايا لقاها كتشوف فيه في عينيه هو ينزل عينو دغيا
ثائر : ههه ياك بعدا
ريما : واش تهيا اعتارفت ليك ولا نتا لي اعتارفتي ليها
ثائر : هاحنا وصلنا ههههه (حبس طموبيل ودار عندها و جبد ليها نيفها ) انا عارفك باغا تعرفي قصتنا ههه
ريما تقلبت : وااااع قوليا حرام علييك
ثائر : فعايلك حافظهم ..ونزل
ريما : وعافاااك
302🌷
🌷
مشا دار ليها من لهيه و هي بقات كتشوف فيه حتى حل لباب لجيهت سكينة و نزل راسو و هزها هي تقلبت عليه و عنقاتو و تخشات فيه
ثائر : ههه كتنعس في اي بلاصة
ريما : حيت عارفا غتهزها ....شاف فيها كتشوف فيه بواحد نظرة فشي شكل هو ينزل عينو لسكينة
ثائر : هبطي نتي من تم....و هزها و سد الباب برجلو و غادي هازها كتجيه خفيفة كيلعب فيها بيدو ريما خرجت من طموبيل و جايا تابعاه
ريما : و قوليا كيفاش تلاقيتو و تزوجتووو
ثائر : سيري تنعسي (طالع فيها في دروج )
ريما تابعاه : حرام عليك اثائر عاود ليا قوليا راه نحماق و نعرف
ثائر : ههه يلاه حماقيي. نشوف
ريما : و ثاااااائر ....حل بيتو و دخل هي بغا دخل هو يحبسها هي قفزت فاش دارها
ثائر : هنا ساليتي بسلامة ....و سد الباب في وجهها
ريما : وااااخااا اثائر واخاا (و دارت و تكات على الباب و هبطت راسها بأسى ) ثائر ...هو حطها فوق ناموسية و بدا كيحيد ليها السباط طالون ديالها لقا شي جريحات صغار في رجليها بسباب طالون مدارش شي ردت فعل ناض و جبد وحد صندوق ديال الدوا و جبد منو سبرادرا و دارها ليها في دوك جريحات و طلع قلبها بشوية على فمها و هبط ليها سنسلة دالكسوة و بقا مع ديك الكسوة كيهبط فيها و هي تفقصو هو يجيب مقص و ضربها من ظهر ولاحها خلاها غير بستيان و سطرينك و دورها لعندو غير دورها عنقاتو هو يحيد ليها يديها و ناض فحالو حيد حوايجو و دخل دوش (شفتو الناس مكينعسوش بالعيا ديالهم ) خرج لاوي فوكة على نصو لقاها جالسة و كتشقلب في عينيها
ثائر : سكينة (مشا لجيهتها و هي طلع فيه عينيها و ضحكت ) رجعي تنعسي
سكينة 😁 : لاااء (شدها من كتفها مهبطها تنعس على ضهرها و هي كتقاومو مبغاش تنزل ) لاء لاء مبغيتش نعس لااء ....غير تكاها حيد يدو و هي تنوض تاني عندها استجابة سريعة ناضت وقفت على رجليها شداتو من يدو
😁 : لاااء (شدها من كتفها مهبطها تنعس على ضهرها و هي كتقاومو مبغاش تنزل ) لاء لاء مبغيتش نعس لااء ....غير تكاها حيد يدو و هي تنوض تاني عندها استجابة سريعة ناضت وقفت على رجليها شداتو من يدو
سكينة : بقااا معايا ....جلس حداها
ثائر كيدوز ليها على شعرها و هي تعنقو و كتدوز ليه على عضلاتو بيديها
سكينة : توحشتك ...هو يشد ليها يديها
ثائر : سكينة نعسي دابا انا عياان ....و كيحاول يتكيها ووجهو مقابل مع وجهها و هي تفركع في وجهو بالبكا
سكينة : مبقيتيييش تتبغيني هيء هيء مبغيتيش تكون معايا هيء هيء صافي ....ثائر ناض و هي تنوض توقف و تعربط عليه وهو يحط صبعو على فمها : اووووش ...و دفعها فوق ناموسية حتى تبومبات فيها هو حيد الفوطا و طلع فوقها و يلاه غينزل يبوسها كتبان ليه درية كتلوى غير راسها و شادا من المخدة و عاضة شفايفها و عاطياه عنقها (درية طالعة ليها الحرارة مع الفان رووج ) هو يشد ليها وجهها و دورو عندو و نزل كيبوس فيها (ليوم عرفة مغنحكرش في سفالة ) هاهنا في عنقها ها في صدرها و كيعض هنا و يمص هنا حتى غرق مزيان و هي دفعو هو يتقلب على ضهرو مفهم والو و هي طلع فوقو و بدات بوس يامتبوس هاك تبوس قيس هنا بغج هنا فاش وصل معاها المعقول مع هي ناعسة على ضهرها و بانت ليا فحالا بردت و هي تبعدو و دارت جنب
سكينة : صافي فيا النعاس
ثائر : ههه من نيتك تسخنت انا.....قلبها على ضهرها وقادها بدا ليها الايلاج و مع صرح طريق كيفورصي عليها و كيهبط راسو كيشوف و كيزيد يجهد هي كسرت بيت بالغوات و توحويح و عندها دوك الظفار رسمت ليه بيهم الخرائط في ضهرو تهو مطلقهاش حتى صبح الصباح (هادا غا عيان ) يقلب فيها و يشقلب و هي سكرانة و قالت ليه ندمت تاشديتك هههه مسكينة عاد تهد و طاح حداها هي غير حيد منها دارت و تجمعت عندو و نعست هو يضحك و غطاها و خشاها عندو
أصبحنا و أصبح الملك للله
صبح الحال عند ميريام كتحل عينيها بشوية بشوية كتحلها في الصقف دارت في جنابها لقات راسها في بيت كبيير كولو بيض ديرين ليه زربية دريش بالكحل في الارض و الكادر دناموسية و دالمارية تهما بالكحل و عاد كين لبالكون على برا ناضت جلست كتعقل على راسها آخر مرة كانت هي في طموبيل كانو جيين بلاتي بلاتي حتى حوايجها مبدلين لابسة غير بيجامة قصيرة و كين الهدوء في هاد البلاصة كتسمع غير الصوت ديال الفروخة على برا هو يتحل الباب و هي تقفز دارت تشوف دخلت منو بنت لابسة لباس الخدم محتارم قصيرة و سمرة و عندها غمازات مسرارة مشاءالله
عيشة : لالة صباح الخير
ميريام : فين انااا
عيشة : لالة نتي في الفيرما ديال مسيو ثائر
ميريام : اووو (وهي طلع فيها راسها ) اشنو فيرما ؟؟؟؟....و ناضت دغيا مشات لجيهت لبالكون و خرجات كطل مع البيت عالي شوية كتشوف الاراضي مسرحيين هاكااا طبيااات بالالوان كين صفر كين الخضر و الناس مشتين كيخدمو فيه
عيشة : لالة فين تبغي تفطري واش نوجد ليك الفطور على برا
🌷303🌷
ميريام : اش كين هنا بضبط
عيشة : هنايا في الفيرماا ؟؟ كلشي الالة هنا كين الحقولة و من للور كيني زريبات فيهم البهايم حشاك الالة و دجاح زريبة دالخيل بعيدة على هنا بشوية حدا ساحة الفروسية لي قبالت الواد
ميريام : وااو واش هادشي كولو ديال لعائلة ديال ثائر
عيشة : اااه الالة
ميريام : ممم صافي جيبي ليا فطوري هنااا عفاك
عيشة : واخا الالة ....و مشات و ميريام دارت تشوف في داكشي و تطل و تشوف بعينيها غير تفكرت ظافر هو يتقلب للونها
آردي ايكس في الفيلا ديالو و شاد تليفون حاطو في ودنو و كيصوني
كاردكور : وي مسيوو
آردي : شنو الجديد
كارد : حنا مطوقين لمدينة كاملة
آردي : ممم و ظافر
كارد : معرفناش اسيدي كتنلقاو غير تعليمات
آردي : ممم حول القضية الجو ليوم تلقا قبل غدا
كارد : عوليم سيدي ....و قطع
آردي : بفف نشوف هاد الفيلم كيف غيسالي
بامو جالسة في الفوكوي لتحت و كتشرب في آتاي جغمة جغمة و تنخوى عليه و ريما هابطة لابسة واحد القبية طويلة دنعاس طالعة على فخضها بشوية و دايرا جاج شفنجات بشعرها و مخلياه مطلوق و نازلة كتكسل و كتاوب و سيقانها عريانين
ريما : هاي هاي على الحاجة بامو شنو تشربي اتاي غير راسك
بامو : زيدي تريحي حدايا
ريما جات جلست حداها و طلعت رجليها في الفوطوي : كبي كبي كاس معاك نيت شحال مشربت اتاي
بامو : هانااا (طلعت لبراد تالسما و كبات ليها كاس )
ريما : ميرسيييي ههه
بامو كتشرب اتاي و كطلع عينيها في دروج شافتها ريما و هي كتنفخ على اتاي و هي دور تشوف من وراها ملقات والو و هي دور عند بامو
ريما : مالكي شفتي شي حد
بامو : لا غير كنتسنا ديك البرهوشة ديال مرت ثائر تفيق خلاص
ريما : علااش ؟؟
بامو : هي لي غتفك ليا المشكيل
ريما : ديالاش
بامو اجي قربي ودنك : ديت ميريام لا فيرم ديال ثائر و أكيد غيعطو ليه ولا لسكريطير ديالو و خفتو يعرف بوجودها تما و يقولها لظافر و غنزدق انا حاصلة في مشكل مع ظافر و ثائر بجوج
ريما : ااااه و اش غدير ليك مرت ثائر
بامو : غنزيدها تقوليه بلي باغا تمشي ليها و انا عارفاه مغيخسرش ليها و نمشيو تما عند ميريام و عاحنا تاحد مجاب خبارها تنحل مشكيلتها على خاطري
ريما : ننن ممم انا نقولو بغيت نمشي لافيرم ديالو و يخليني ماشي بضرورة غير مرتو
بامو : انتي متعرفيش هاداك و جرا على عائلة حيت لقاهم جالسين تم و لكن ديك البرهوشة طلب عينيه يحطهم ليها و تقيسيه في كلشي الا فيها
ريما : ماشي ضروري هانتي غتشوفي
بامو : هاهياا هابطة فايقا تال ظهر تحلفي عليها هي لعروسة ....دارت ريما كتشوف فيها كانت لابسة وحدة من كساويها المعتادين و حازما شعرها من للور و شادا من راسها كيضرها
سكينة بابتسامة ليهم : صباح الخير ....و مشات دور جيهت الكوزينة
بامو : تعالي هاديك اااه تعالي تفطري معانا
سكينة بفرحة : بصح ؟؟ ن ن نفطر معاك ...مشات عندها دغيا جلست من جنب لي من لهيه لبامو و عطاتها كاس تاع اتاي
ريما : فين ثائر
سكينة كانت كضحك و هي تهجرو و شافت فيها : علااش كتسولي عليه
ريما : ءءء؟؟ غير بغيت نعرف و صافي
بامو : تبغي ا سكينة تمشي معانا لفيرما
سكينة جغمت جيغمة لولة : اينا فيرما اعمتي
بامو :ويلي الفيرما ديال راجلك ثائر كينا في الخرجا ديال المدينة شادا جوج دواور
سكينة : مقاليا والو صراحة
بامو : اييه كبيييرة فيها الاراضيي هاكا الخيرات مدفكة فيهم و فيها فيها (كتفكر و دارت عند ريما ) شناهوا الاسطبل عندنا
ريما دارت ليها منعرف بيديها و دارت كتشوف في سكينة كيف طريقة لي كتهظر بيها كتلحن الهدرة و كتلعب بيديها بزااف
سكينة : هي زريبة اعمتي بامو غا كملي راه عاااندي مع للغة العربية
بامو : اياااه زريبة
سكينة : ايه صافي نمشي معاكم انا من شحال و انا نحلم بفيرما
بامو : تانا بغيت نمشي ولكن راجلك مغيخليناش حيت هي ديالو
سكينة : علاااش
بامو : الا لا نتي قلتي ليه بغيتي تمشي ليها
سكينة : اااه صافي واخا كوني هانية اعمتيي
و هي طير ريما من حداهم نقزت : ثائر ثائر ...كان هو هابط كيصد الساعة ديالو شافها جايا لعندو و طلع فيها راسو
ريما : اوو جيتي بكوص ...سكينة تقرصت بامو صغرت عينيها
ثائر ضحك و كمل سدة : هه شكرا
ريما : شوف ثائر بغينا نمشيو لافيرم ....سكينة بغات تنوض حبستها بامو و دارت يديها على حنكها كتفرج
ثائر هز راسو فيها : اينا فيرم
ريما : لا فيرم ديااك بغيت غير نمشي نشوفها
ثائر حط يدو فوق راسها : كنت كنتمنى نتيق بلي بغيتي تشوفيها و لكن عارفو ماشي بلانك بلان ديك سيدة لي موراك
بامو رجعت للور و قادت شالها بيديها و هو دور وجهو و جا غادي و ريما غادي تبعو و غتعيط و هي تنوض سكينة وقفات قدامو
304🌷
🌷
سكينة : تانا بغيت نمشي نشووف تانا و نطلق رجليا تما و نشم الهوا كي شتي قنطت هنايا في دار و منقدرش نخرج متخلينيش نتايا يلاه حدي لا بغيت نمشي لشي قسارية (مول ا حبيبة ) تديني طموبيل و تجيبني مبقيت نخرج مبقيت ندرج ....هو يقطعها
ثائر : صافي صافي دابا شنو باغا نخرجك ؟؟
سكينة : لا لااا بغيت نمشي لفيرما لي قالت ختي مريم (و شافت في ريما رايما هزات حجبانها )
ثائر هبط راسو : لاااء....و جا غادي و هي تلصقوو انقضت على دراعو و بدات تلعب بصبعها في دراعو و تهبط و طلع في عويناتها و تعابير دوجهها كتلعب بيهم ضحك ليها بلهلا يطريه ليه
سكينة كتهدر بشوية : عفاااك عاافك توحشت نشم ريحت العروبية (و كدوز يديها على دراعو باستمرار ) و زيدون تانا بغيت نشوف الفيرما دحبيبي كيف دايرا واش كبيرة ولا صغيرة و نشوف دجاج كيبيض...هو واقف و كيسمع ليها كيعجبو فاش كتكون كتهضر فحال شي طرب
ثائر : ايه كمليي ...ريما للور كتشوف و هي دور وجهها جيهت بامو و هي دير ليها بامو بعينيها شتي ريما ضحكت غير بزز كتعرفو العافية هي لي كتحرقها و سكينة باركا تلوى عليه و تعصر عليه جميع تعابير ديال وجهها دوزاتهم و يديها كتخدمهم باش يخليهم يمشيو و مطلقاتووش حتى خلاتو يوافق ليها عاد ختمتها ليها ببوسة اصلا هو مينين وقفت عليه وهو موافق كان بغيها غير دير ديزيفور صافي هو يخرج وهي نقزت بالفرحة و تهو خارج بابتسامة في وجهو
سكينة : ههن صافي اعمتي غيخلينا نمشيو
بامو : ههه مزيان يلاه سيري تلبسي
سكينة : واخا ....ومشات طالعة فرفارة للفوق
بامو و هي دور عند ريما كانت متبعة سكينة بعينيها : هاديك اااه اجي لهن
ريما دارت عندها : انا؟؟
بامو : ايه اجي لهنا ...مششات ريما جلست حداها
بامو صغرت عينيها فيها وقربت من وجهها : واش نتي حاطة العين على ثائر
ريما رمشات في بامو و هي طلقها بواحد ضحكات ديال بنات الكبريه : هههههههههههه بينتهااا ههههه
بامو نزلت راسها وقرمت على فمها : اويلي على بينتيها ؟؟
ريما : ههههه وصراحة ثائر بوكووووووص هههه و فاش كنت صغيرة كنت كنحماااق علييه و كنت ديما كنحلم نتزوج بيه مي عمري فكرت نتلاح عليه مي دابا لااا و لكن منكرش بلي كيعجبنيي دابا و كيعجبني نتقرب منو
بامو : ممم زعمة دابا محطاش عليه العين راه تزوج بديك شيخة
ريما : هههههه نووو شفتي كون كنت حاطة عليه العين والله ما تحلم بييه (لاء ووتقا من نفسيها ههه) مي شداتني شوية الغيرة فاش سمع منها و انا لاا
بامو : الله يعطيك شي عقل بعدي منها راها دريوشة
ريما : ههه و تانا قلت مغندير ليها وااالو
بامو : يلااه نوضي تلبسي باش تمشي نتي و سكينة لفيرم ط
ريما : اوكيي هههه....ناضت مدودة كطير تمشي لتما
ميريام جالسة مبندرا كي العروسة خرجت على برا جلست فواحد المتكآاا كين برااا في الارض مفرشة في الارض و كلها مخاد بالوان زاهية و مفرشين ليها قدامها الحلوى و لعواصر و الفواكه و جالسة و تاكل و تفشش و تقيس في كرشها و تبخجج بيها واقفة عليها عيشة في الخدمة و ظافر قالب عليها دنيا في المدينة تخيلو وقفو كاع المحطات ديال الكيران و ديال طران خلاو بنادم روطاار و متسوقووش سميتها ولات غوشيغش كميرات لي كينين في المحطة و قلبو دنيا سفاها على علاهااا باش يلقاوها
ثائر متكي في البيرو ديالو على ضهرو و داير سماعة في ودنو و كيشقلب شي دواسا و باينا فيه مشغول بزااف
ثائر : ولا ا *بي معنديش وا فهمها
ظافر : ناري اثائر و بربيي وتكون مخبيها منعقل على مووك
ثائر : واش من نيتك اصحبي اش غندير بيها
ظافر : تفووو على مرض
ثائر : تلاح عندي ميدار ...قطع ظافر كاين خارج المدينة في واحد الحافة كطل على المدينة كلهاا و اقف خارج طموبيل ديالو محيد لافيسط و قميجة محلولة من جيهت العنق و عروق ديال عنقو بينين عينيه محمرين و جنابهم خارجين العروقة و مزير على القبضة ديدووو لي فيها تليفون و من موراه صفوفة ديال الرجال لي عندو
ظافر : فين هيا فين هيا مقادرش نلقاها ...هو يزدح تليفون مع الارض حتى تشتت معقلش عليه
سكينة هابطة دايرا طربوش على راسها و نضاضر و داربا سروال دجين و تيشورطا بالشيبي بنت الحرام خادمة على طاي ديالها بالمزيان و هابطة من موراها ريما طالقا شعرها و دايرا نضاضر دالمرايا و لابسة كسوة قصيرة بزااف و سباط طالون و خرجو على برا شيفور وقف عليهم بطموبيل و بامو من وراها
بامو : يلاه طلعو دغيا ...طلعت سكينة هي لولا عاد من وراها ريما و سدات الباب و هي تهبط ريما جاجة
ريما : نتي مغتمشيش
بامو دارت ليها براسها لا : عندي شي شغل نقضيه و انااا معااكم انشاءالله سويرتي بليل نجي نلحق عليكم
ريما : اوكيي ...و دارت عند سكينة ضحكت معاها سكينة ردت عليها بديك ضحكة دبزز و قلبت وجهها جيهت الشرجم
305🌷
🌷
قمر باقا لابسة كسوة الغروسة و دايرا كاسك في ودنيهاااا و حداها آدام تهو داير نفس الكاسك و حداهم بيلوط آخر ثلاتة جالسي في غرفة التحكم ديال الهيليكوبطير آدام و البيلوط سايكين و قمر مخشية تحت دراع آدام و تشوف في السمااا و تشوف في ديور صغااار و ترجع تغمض عينيها و تخشا فيه
آدام دور وجهو عندها : حبيبتي شوفي لهيه ....حلااات عينيهااا كيبان ليها بين الغيوم واحد البرج طويل و دايرين بييه ديور صغاار و كان شاعل فيه الضو
قمر كتشوف فيه ووساعو عينيها : وااااو
آدام : حنا في باريس عاصمة ديال فرنسا و هاداك لي لهيه برج إيفيل
قمر : واااو حنا في فرنساا؟؟
آدام كيحس بيها فحال شي دري صغير كيشرح ليه : ههه ااه فرنسا ...دار عند لاخر كيهدر معاه و هي باقا اتحل في داك الفم و تقول واو و هي دور الهليكوبطير جنب و هي تخشا فيييه حتى تحطت فوق من واحد العمارة و كيبان فيه برج HD ايفل
آدام : حبيبةاحنى وصلنا ...حلات فيه عينيها لقاتو قبالتها كيضحك ( كانت غتكون ميريام بلاصتها جيت غنفكركم ههههه باي )
قمر : وووصلنااا ....حيد ليها الكاسك و حيد هو ناض و نوضها معااه شاد ليها من يديها و هبطو من هيليكوبطر و لقاو واحد جوج من الخدم ديال الفندق واقفين لاستقبال ديالهم
سكينة شادا تقرقيب الناب مع شيفور متقدرش تسكت هاد درية وصلت معاه حتى لولدو صغير امتا تزاد و شيفور مسكين ا كيجاوب و حادر راسو ريما ديرا رجل فوق رجل و مربعة يديها و كتشوف فيها بشوفة ناقصة
ريما : كيف درتي حتى تزوجتي بثائر ...سكينة كانت عاطيا ودنيها لشيفور سمعت ثائر دغيا قلبتهم جيهتها و هي دور عندها ببطء و قلبت شعرها و دارت ضحكة في فمها
سكينة : هههه ايوا اختي اش غنقول ليك و اش غنبدا ليك ثائر اول مرة جا عندنا للدوار باش يلقاني و نمشي نشوف باا غير شافني حل فمو فيااا معاود سدو
ريما جبدات فيها حجبانها : ثائر ؟؟
سكينة دافعا صنطيحة : إييه ثائيير انا صراحة مديتهاش فيه حيت ولد عمي كنت نعتابرو فحال خويا ولكن هو بقاا كيدور عليااا (هههه راك قلبتي الادوار اسكينة بينك و بين ثائر )
ريماا : ثائر ؟؟
سكينة : إييييه ثائيير بقا عليا يدور عليا و قال ليا باغيني تصدمت حيت كنت دايراه في مقام خويا و لكن هو بقا عليا تا بغيتووو ااه حقا هو لي شرا ليا هاد دبيلجاات (الحاجة الوحيدة لي قلتيها بالحق )
ريما : ممم والله يخليكم البعضياتكم
سكينة : امين واخا ربي موحال يستاجب لسفيه خلاها سي الحاج
ريما : كيفاش
سكينة : مغتفهميش كمل اسي عبد المجيد ولد مسيكين مالووو ....رجعات تشد ناب مع شيفور و عرفت سمية من الفوق
لينا جالسة في دارها كيفما العادة في الفوطوي لابسة سالوبيط رهيف خفيف بالباج بسميطات و دايرا رجل على رجل و شادا فينجان دالقهوى في يديها شربت شوية و حطات
لينا بابتسامة : مرحبا بييك ....كانت جالسة قبالتها لالة بامو لابسة فراشة بالكحل و الكرونة و دايرا شد بالكحل و مخرجة جزء مهم ديال شعر و دايرا عكر حمر و هي تشرب تهيا من القهوة
بامو : ترحب بيك الجنة الينا (لينا ابتاسمت ليها و هي تحط بامو ) واخا هادشي لي واقع مافيه ترحيب الينا
لينا استغربت مفهمت والو : علاه شنو واقع الالة بامو
بامو : ايوا الالة بنتنا حاملة من ولدكم لما كانش في خبارك
لينا : هههه و هادااا خبر زوين بزاااف مخاصوش غير ترحيب خاصو حفلة اصلا شهاب و سمية كانو متوقعين يجيهم ....قطعتها
بامو : لااا لينا ماشي شهاب و سمية ولدكم ظافر و بنتنا مريام
لينا : بنتكم ميريام ؟؟ (هي تفكر ميريام لي كتكون ديما مع ظافر و هي تجبد عينيها فيها ) واش واش هديك ب ب بنتكم
بامو : إيه كنا خاطبينها لآدام و متفاهموش و حا ولدك لقاها باردا خلا درية لينا حاملة و بغا يمشي و يخليها لينا شوفي من الافضل ليك ديري شي حل لولدك و متنسايش هادشي يقدر يأثر ليك حتى على زواج ولدك لاخر يلاه سلام عليكم خليت ليك الراحة شكرا على الكافي ....و ناضت كتعوج و خلات سيدة مخرجة عينيها و كتفكر و كتعقل على ميريام نيت كانت كتقول فين شايفها ماشي مرة ماشي جوج كانت كتكون مع آدام و اخر مرة شافتها مع شهاب
بامو واقفة حدا لباب : أحم احم (دارت عندها لينا ) الخطبة بغيتها تكون ليوم في ليل انشاءالله و لا دنبك على راسك و نتي عارفة عائلتنا كيف دايرا ...و دورت وجهها و زادت مع طريق لينا بقات كتشوف و مخرجة عينيها و شدات تليفون كدوز نمرة لآردي
306🌷
🌷
آردي دار تليفون في ودنو : وي ماشيغي
لينا : رياض اجي لعندي داباا ....وقطعت عليه سدا كانت في ودنو مفهمش بلانها
القطب الشمالي كيفما معروف عليه درجات الحرارة تحت الصفر دنيا كلها ثلج و البرد بزاااف و ثلج كيطيح بشكل كثيف وفي واحد جبل بضبط نرجس مكبطة مزيااااان و لابسة واحد لعيبة بالغوز و دايرا القب و قاجا راسها بيه و نضاضر تلجيين و دايرين ليها سباط ديال الثلج و طالعة في داك الجبل تزيد خطوة و يرجعها لبرد سبعة و كتقفقف و من وراها سمية لابسة نفس لبسة بالخضر بارد و طالعين محاربين نايف و شهاب قدامهم و مسابقين ديرين مغامرة هو ياه باغين يطلعو لقمة ديال الجبل و دوك الوليات مامحلهن من الاعراب
نرجس : ب ب باليا غ غنموتو ب بب اتشيو (عطست )
سمية زلقت رجليها شدت بديك العصا لي فيدها لا طيح زلقت ليها ثانية و كلات راسها بديك العصا و وقفت مبقاش قدت تزيد
سمية : عتقيني ا نرجس مابقيت قديت نزيد
نرجس : ماهنا شهر العساااال هاداا جابونا لايفراان اللهم مولاي عقوب كنا نكمدو عضيماتنا اتوما فيناهما هادو انا واللهما بقيت قديت نزيد جلسي جلسي ....جلسو هي وياها يحسابليهم لأرض سلاهم البرد هما يوقفو مكوفرين و مكيشوفو والو غير ضبابة و ثلوجات ثلوجات ...هو يبان ليهم جوج نازلين من ضبابة بجوجهم مكبطين و لابسين لكحل وحد مشا عند سمية نيشااان
شهاب : سمية
سمية 
😭 : سي شهااااب ك ك ك نموت ب بلبرد
😭 : سي شهااااب ك ك ك نموت ب بلبرد
شهاب : آريي يدك نطلعك
سمية : لا لااا لااا منقدش بغيييت نرجع
شهاب : فين غترجعي قربنا نوصلي آجيي...شد ليها من يديها و بغا يزيدهااا
سمية : لااا لاااا منقدش منقدش رجليا تكلاااصو اميمتيي منكدش منكدش منكدش منكدش (و راسها كدورو يمين و شمال بسرعة )
شهاب : واخا صافي هانتي مبقااش بزااف و نوصلووو
سمية : لا لااااا لااااا منقدش جمدت جمدت هيء هيء متجيبنييش هنايااا هيء هيء
شهاب : اووف (شاد من كتفها و مرة مرة تزكل ليها رجل يقادها ) واخا اجي نهزك
نايف تهو جاي لابس الكحل و سكي في رجليه و جا عند نرجس لي مايلا جنب و لايحا رجل من هنا و رجل من هنا و دايرا بزاوية آلفااا باش تحقق توازن باش متزلكش نايف جا ودخل فيها جرها من خصرها ووقف بيها و هي في يديه بغوتة
نايف : علاش حبيبتي وقفت
نرجس كتقفقف بالبرد : غ غ غنمووووت بالبرد تتتتتكلاصييت
نايف : هههه نسخن حبيبتي لابغات
نرجس : خ خخخخرجوني غامن هنااا
نايف : هههه مبقا والو و نوصلو
نرجس شافت شهاب هز سمية : تانا هزني مبقيت قادا نتمشا رجلي تزنكرو عليا
نايف : ههه واخا اجيي ....تهو هزهااا طالع بيها الفوق (ولاهيلا هاد الهانيمون تمتعو غير هزان ههه )
قمر و آدام داخليين وحد الجناح ملكي راقيي ولكن فيه غير طابق واحد فيه نانوسية كبيرة دائرية في الوسط و فيه بالكون كيطل نيشان على برج إيفييل و و فيه الباقات ديال الورود الحمرا منتاشرة في الغرفة و في البالكون كينا طبلة كبيرة شوية فيها شمع و فيها ضوء خافت على برا (شفتو الناس لي كيعرفو لرومانسية لباقي الشيخات لمجاونا مجمدين )
وصلت طموبيل لي فيها سكينة و ريما لواحد البادية ألآراضي ديالهاا مسرحيين فحال زرابيي و تراكتورات متطورين منتاشرين فيهاا
سكينة عينيها تالمعو بالفرحة و هبطت الجاجة و مع ضربها البرد و شعرها كيطير و كتشم ريحة
سكينة : الله على رويحة شحال توحشتها (وهي دور عند شيفور ) مكينش شي سويقة عامرة قريبة نمشي نجيبو غير شوية كفيتة مشوية
ريما : من نيتك يوو
سكينة قلبت عينيها : ايه من نيتي اصلي هادا و منحشمش منو قبل ما نتلقا بثائير و باا كنت عاطياها غير لسواق انا ودريات
ريما : متقوليليش حتى مرت خويا كانت معاكم
سكينة : ياء و اش فيها تشبعك غير شي و كبد و لحم يااء
ريما : با فغيي ...هما يدورو مع وحد الدورة و تحل قدامهم وحد الباب كبيير و دخلو اش غنقوليكم لداخل جنة فوق الارض و كلها ربييع و جراديي وورود و فواكه و دينين فيها لجارديني كيقادوها غير دخلووو ميريام شافت طموبيل و هي تنوض تشوف شكون هادو خرجت سكينة هي لولة حطت رجليها تما و هي تكسل ريما عاد خرجت من وراها كتشقلب في شعرها
ميريام بفرحة : سكيناااا ...سكينة دارت وهي تقشعهااا و اراك لصياااح : ميريااااااام ....خبباط تلاقاو و تعانقوو
سكينة : اخويتي توحشتك
ميريام : تانااا ولاهيلا مشتكش لبارح في عرس قمر ...ريما مربعة يديها و كتشوف فيهم و تقلب في عينيها و هي تقشعها ميريام
ميريام : هادي علاش جاات ...و هي تقلب ريما شعرها ورا ودنها و جبدت فيها حجبانها
سكينة : مسكينة بغاات تشووف الفيرماا دراجليي و سيفطتها معيا بامو
ميريام : ممم زيدي زيدي عنديي بزااف ميتعاود لييك تعالي نجلسوو هناا
سكينة : ياختيي على جليسة زوينة ....جاو جلسو هي وياها سكينة تباركالله دغيا مداات يديها لطبلة ريما حيدت سباطها و جات جلست حداهم هما يشوفو فيها بجوجات
ريما : مالكم هههه بلاما تحلمو بلي غنووض و نتي راه قالت ليا عليك بامو كلشي
307🌷
🌷
ريما : يعني بلاما تخبيي و اصلا انا لي لاهيت ظافر باش تقد بامو تهربك منو واخا فاش عرفها مشكلش ليه فرق صراحة
ميريام ضربتها ديك مشكلش ليه فرق لعضم و عينيها عمرو دموع : مشكلش ليه فرق فخطرة ؟؟ مدار حتى شي رد فعل
ريما هزت كتافها عليها
سكينة كتشوف فيهم مافهمة حتى وزة : هو شنو وقع بضبط واش داك خو نسيبي باقي يدور بيك و هرباتك عمتي باموو (ميريام شافت فيها بعينين باكيين ) هادشي لي فهمت
ميريام : انا حاملة ا سكينة حامل
سكينة دارت يدها فوق صدرها : اربييي ربيي واش من هاداك نيت
ميريام : اه منوو
سكينة : و هيا خاصو يعتارف بولدو و يديرو في الحمدانية متخليش يمشي فحالو و يضيع دريري رضيع باقي مزيدش هاباكون (هاد هاباكون زعمة هي هبأ منثورا عندك ا سكينة ؟؟ )
ريما ضحكت جنب : ههه من نيتك شنو باغا دعي ظافر هههه واش كتعرفو شكون ظافر ....ميريام هبطات عينيها بأسى كتحس براسها ضاعت
سكينة : الله يرحم بيها الوليدين ديها في سوقكم لي حدا داركم راك من قبيلة و نتي مطلعة ليا زعتر لراسي و مبغاش ندوي معاك مراعيا انك طفلت ختي
ريما : هههه واش كتهدري معايا
سكينة : اختي منين جلستي حدايا و نتي باركا تسولي واش من نيتي واش كنهدرك معاك لكانو مساليين ليك الكلماات متجيش تفرعي ليا مخي فيك متجلسي متبتة ساكتة تباركالله مفيكش راه هاك ولا هاك منعقلش على ختي (هاي هاي هاي على سكينة ) ريما تصدمات بقات غكتشوف فيها
ميريام : هههه يالاه الزوينة جاوبيها شتي كون كانت فيك غير شوية النفس كون نضت فحالي ...شافت فيهم فحالا حكروها بدات كتنحاد درية صدرها كيطلع و كينزل و هي تنوض لبست سباطها و مشات غادا في إتجااه واحد الفيلا كبييرة الواجهة ديالها بالجاج باينين كاع الاثاث ديال الدار
سكينة : وااو هديك الداار ووو
ميريام : اااه هههه عجبتيني فيها
سكينة : ياختي فقصتني واخا بقات فيا غتبقا وحدها ولكن راها من لبارح و هي تزاوط على ثائيير و تقيس فيه و تعنق فيه مرضتيني غاصباح دارت فيلم ساعة حبيبي ثائيير كيسمع غير منيي (ميريام هبطات عينيها بأسى ) عاودي ليا نتي شنو المشكل راني مفهمت في العجب ديالك حتى حاجة
لينا واقفة في الدار كتمشي و تجيي و ثوتر باين عليها و كتسناا آردي بفارغ الصبر
آردي داخل من الباب : حبيبة ههه توحشتيني
لينا دارت عندو و مشات عندو و هي عاقدا حجبانها : كيف العادا جيتي بالمشاكل ديالك نتا وولدك
آردي باستغراب : شنو واقع
لينا : فينهواا ظافر فيناهو
آردي : شكون عرف ظافر فين راه هز كاع الرجال عندو و داعو في النواحي ديال المدينة و راه رسلت ليه الدعم من عندي
لينا : مكيهمنيش غتعيط عليه دابا داباا يكون عندييي
آردي بحدة : علااش شنوو كاين
لينا : ديييك البنت لي كاانت معاااه طلعت من عائلة بامو و سي أحمد و ثائر و عرفو بهاد القضية و حتى زواج دولدي شهاب غيدمر بسباب اللعب ديال خوه لاول مرة كنشوف ولدي فرحان غيجي ظافر بطيش ديالو غيهدم كلشي
آردي : واش ديك البنت بصح من عائلتهم هي عندهم دابا
لينا : اااه و نزيدك هي حااملة من الفوق ...آردي جاتو فحال الضربة لدرجت انه كيشوف في لينا و مخرج عينو فيها و لينا حاطة يد على نصها و تانية على راسها
آردي : بلاتي انا غنجيبو
لينا : ااه و جيبو داباااا واخا تعرف تقلب عليه دنيا دابا يكون عندي اووف ...آردي كيدوز نيميرو ديال واحد من لي بوديكار عندو
آدام داخل للدوش تما في الغرفة و هي لابسة غير بينوار سطان منو لحمها و كتخربق في وحد صاك بيديها و تجبد هاد ينفع لا ترودو تانا تاجبدت واحد شوميز بالبيض عجبها غير هو كولو خيوط معرفت ضهرو من وجها من هو من الفوق من لتحت
قمر : كيغندير لبس هادا اويلي متعرف وجهو من كفاه نلبسو على حساب عرفي ولازدق هو هداك يلاه حيدت البينوار كتشوف البواني ديال لباب طواليط غيتحلو وهي تمشي بجرية تخبطت على الباب آدام يلاه لبس بينوار قصير معري فيه صدرو و شعرو فازك و كان باغي يحل لباب و هو يرجع يتسد عليه
قمر : بلاتييي بلاااتي تنلبس وخرج
آدام : علاشش (حل لباب و هي تزيد تخبط على الباب )
قمر : عفاك عافك انبدل و خرج
آدام : قمر غير حلي راني شايف كلشي
قمر : عيشك عيشك ماشي دابا غانلبس و نحل
آدام : ههه وانا باغي نشوفك كتبدلي...و حل لباب عيات تدفع ووالو غير حلو و هي تبان ليه لاحت شوميز من يديها و غادا طيراا عرياانة و تخشات تحت المانطة (ههه علام هاد قمر تاهيا ههه)
308🌷
🌷
قمر تجمعت تحت المانطة و خرجت روايسها كطل بيه و ناضت وهي ملوية بديك المانطة لقاتو متكي على لحيط و مربع يدو و كيتفرج فيها
قمر : ولاهيلااا حرام عليك كون غاخليتيني اتا لبست
ناض من على الحيط و حاي لجيهتها بثقالة و كيهدر
آدام : تانا بغيتك بلا حوايج
قمر : لاا شوف نتا خديتيني بحوايجي هانتا تنلبس و حيدهم لا بغيتي
آدام جلس فوق ناموسية : ههه لا انا بغيت نشوفك هاكا
قمر : لااا والله و تقول
آدام : هي ندخل عندك
قمر : شنو فيها لا تسنيتني تالبست مكملاش جوج دقايق لااا اويليي ....ناض و بدا يحيد في المانطة و هي شاداها و تشوف و باركا عليه لاااا لاا هو كيحيد و كيبتاسم و عاض شفايفوو هي مطلعة فيه عويناتها و كتشوف فيه ببراءة و شانقة على المانطة و تهو محيدش ناوي على خزيت
نايف و سهاب وصلو لقمة و اخيرا ولكن راه العداب مع هازين البنات و ثلج بزااف و عاد ترفع ضغط و قل تنفس ديالهم شوية هما لي باغين يديرو المغمرات الشيخات دياولي ماهماش ديال المغمرات ديولكم الله يخليكم كانو عند سكينة مرتاحين ماعلينل غير وصلو تما لقاو هيليكوبطير بالكحل م كتساينهم مشاو ليها و حطو البنات غير وقفت رجليهم في ثلج مشاو طايرين ليها من كترت البرد نايف هز ليك نرجع من لتحت السيدة ديالو يهز منين بغا يااه و طلعها و من وراها طلع شهاب لخرى بنفس طريقة اصلا قاريين في مدرسة وحدة طلعوهم وحدة تابعة وحدة و تخشاو في بعضياتهم بقا غير نايف و شهاب واقفين كيستمتعو بالانجاز لي حققوه و اخيرا وصلو لقمة كيشوفو قدامهم جبال شامخة عالياا مغطية بالثلج شي حاجة فوق الخيال كانو شي وحدين تهما من لهيه ديرين نفس البلان دايرين مغامرة بقاو شحال كيشوفو و كيهدرو و كيضحكو تغامزو بيناتهم هزو ثلج في يدهم و طلعو لهيليكيبطير و مشاو ليهم كيلعبو معاهم كينا غا هادا حراام عليك اناييف ولوخرا لا لا اسي شهاب (بعدو من لبنات راكم كبار زعمة ) و كيضحكوو من بعد رجعو في الهليكوبطير المنتجع لي مقيمين فيه و نرجس مكتهدرش مع نايف حيت وكلها ثلج و شهاب لعبو خايب هرس ليها نيف كتبكي و هو كيسكت فيها و معنقها و كيعاملها بشوية تخيلو شهاب كيحاول يراضيها بشوية أما نرجس و ناريي و مكترضاش و عيا فيها و هي قالبة خنافرها
واحد خينا مصعصع لابس طريكو كحل كيطلب الشرع من العضلات لي خارجين فيه ووجهو كيخلع و مشا جيهت واحد طموبيل حمرة قدام واحد الحافة و فوق منها جالس ظافر و مزير على القبضة ديالو و عاض شفايفو و عينيه جمرين وجههو تبدل ولا كيخلع كيحس بالعجز لاول مرة مقادرش يلقاها شي حاجة لي كتاكلو لداخل في صدرو بمجرد تفكير انه يقدر ميلقاهاش في خطرو كيتنفض من فوق طموبيل ديالو و أكثر حاجة خايف منها لايكون خاطفها شي واحد (مشيتي بعيد أسي ظافر )
المصعصع : مسيو ظافر (شافيه من القنت ديال عينو )
المصعصع : جانا بلاغ من مسيو آردي ايكس بلي الانسة كينا في بيتكم ....ظافر دار عندو مخرج عينيه فيه و ضرب فيه و طلع في طموبيل بلا حتى كلمة عينو فحالا جاها الانعاش الفرحة كتبان في عينيه و حاول يخبي ديك الابتسامة ولكن غلباتو طلع ديمارا طموبيل و حط القبضة ديدو فوق فمو و غمض عينو ارتاح من بعد سماع هاد لخبر و دور لاتجاه ديالو دغيا و مشاا مكسيري طاير لفيلا ديالهم و تابعينو رجالو من موراها صفوفة ديال طموبيلات كحليين مرونين لمدينة كلشي كيتفرج فيهم وسط المدينة الحيحة كيدوزو كي البرد
بامو جالسة مسرحة رجليها و كشترب كاس ديال أتاي في الفيلا ديال ثائر
الخدامة : لالة هاهما جاو
بامو : دخليهم
دخلات لالة حفيضة و حسان و هيتم (الاسرة ديال ميريام ) حفضية لابسة جلابة عادية فحال فاش كتلبس أي ام و حسان تهو لابس سروال و قويميجة لبسة ديال راجل درويش عندك هيتم هو لي مستيلي بعلوك ولد 97 نورا جات و شافت فيهم و دورات عينها عليهم واحد واحد
نورا : شكون نتوما ؟؟
بامو : انا لي عيطت ليهم تفضل اسي حسان و لالة حفيضة
حفيضة كتشوف في الفيلا و دور عيينيها كيبيرو بالفرحة : ءءء؟ اه اه واخا لالة
حسان وقفها : ربي يخليك الالة فيناهيا بنتنا و فيناهيا هاد الخطبة
بامو : هههه و دخل دخل بعدا و قبل منا ضيافة و خطبت بنتك غتكون في العشية انشاءالله (لاء ووثقة من نفسيها يعني ) ماشي غدخل و غتلقاها بادية فين عمرك شتي هادي اسي حسان (فمها موس ياربي ) دخلو دخلو تفضلو ....دخلو و جلسو قبالتها
بامو دارت عند نورا لي غكتشوف : هادو واليدين ديال ميريام (جبدات فيها نورا حجبانها ) مرحبا بيكم تفضلو شربو .....و تفطحت قدامهم
سكينة هزات يديها تالسمااا و خبطاتها مع يديها الثانية صلاااي
سكينة : اويلييي هو عارف بليي راك حاملة
دارت ليها ميريام لا براسها و مهبطة راسها : اول وحدة عرفتها هي بامو
سكينة : و خاصو يهز ولدو مال سيبة في البلاد وو
ميريام : معرفتش لاش كتخطط بامو
سكينة : لا لاا خيتيي لقضية فيها دريري حرام يكبر بلا باه لاويلي
ميريام : و انا براسي منقدرش نبعد على ظافر
309🌷
🌷
سكينة : يديرها البغو يديرها
ميريام حشمت و هبطات راسها و حاكة يديها على كرشها و مبتاسمة
سكينة : هههه ويلي على درية هه قولي ليا علايش كتوحمي نجيبو ليك اش مشهية اش بغيتي
ميريام : ههه ظافر
سكينة : ههههه ياريت احبيبة كون كان بيدي نجيبو لختي ههه مبروك احبيبة البيبي و كولي عليه مزيان
ميريام عنقتها : ربي يخليك اسكينة احبيبة ديالي
سكينة دارت : فيناهيا ديك بوجنيبة
ميريام : غتكون دخلات ياختي مكنحملهااااش و في يماتي مع آدام باردون سمحليا مقصدتش
سكينة : الا هانية متقوليهاش غا قدام قمر كملي
ميريام : واا كنت كنكون معاه كتجي هي مكنبقاش نشوفووو و ديما كانت كتحشمني في جمايع ديال البنات مع كنت ياربي تسمحليا كنقر بزااف كانت كنطلق سلوكية كتجري عليهم و تهما حمارات كيتيقونيي ههه كنتفكرهم كان همهم الوحيد يلبسو و يبانو قدام بعضياتهم تانا كنت فحال الحمقة كنا تانا باغا نبان واعرااا زعمة ساعة تاحجة مدايما دابا ....و نزلت راسها الارض
سكينة : تانايا كنت نقر على البنات في دوار ويلي ويلي اش كنت نقوليهم ديما بعدا انا دافعا في المضام ديال الدهب و كانو كيستفزووني حيت كنت ممخطوبا ممزوجا و كاع كراناتنا في الدوار تزوجو حيت حنا كانو يجيو يخطبو و لكن ماشي كد المستوى أغلبيتهم شارفين و لا صحاب سيتيرنات كيكونو سكيرية و متعرفيهم مزوجين ولا مطلقين و لا شنو تحت راسهم هههه واحد لي تبعنا في سوق باقا نعقل بغا يجملناا كالينا شرع عطا ربعة هانتونا ربعة ههههه
ميريام تفرشخات بالضحك : 
😂😂😂 كضحك بالدموع
😂😂😂 كضحك بالدموع
سكينة : هههه ولاهيلا عاد جرينا عليه كالا بربعة هههه
ظافر وصل بطموبيل ديالو لفيلا دآردي وقفها بجهد حتى رويد طراساو في الارض نزل دغيا كيجري و الكونطاك في يدو دخل طاير عندهم لقا لينا جالسة في الفوطوي و كتسنا فيه و أردي جالس حداها من لهيه و مشبح و داير رجل على رجل كيتسناو في ظافر
ظافر : فيناهيااا ميريام ...كيشوف في آردي
آردي شافيه بلامبالات و دور وجهو جيهت لينا حيت هي لي شاعلة و باغا تهدر ظافر تهو دور وجهو لينا
لينا بحدة : ظافر جلس
ظافر استغرب حيت اول مرة كيشوف هاد تعبير في وجه لينا او كتهدر معاه بحدة
آردي : جلس ا ظافر ...جلس ظافر قدامهم نضراتهم مكيبشروش بالخير اتجاهو
ظافر عقد حجبو : شنو واقع نتوما
لينا : نسولوك نتا اسي ظافر
آردي : دخلي في الموضوع نيشان ا لينا ...ظافر كيشوف فيهم بجوج مافهم حتى حاجة
لينا : ملقيتي فاش تاعب غير مع ديك العائلة و من الفوق هي عائلة دخوووك دابا يمكن ليك تخرجي عليه بهاد الافعال لي كدير دابا غتمشي معايا وغتخطب لبنت ...ظافر معرفعاش حتى علايش كتهدر
آردي برودة : كتهدر على ميريام
ظافر غير سمعةميريام كمش وجههو
لينا : اه هديك ميريام راها حاملة منك اسي ظافر (هو حل عينو فيهم ) و جات عندي بامو و هددتني و نتا في العشية غتمشي معايا باش نخطبوها ...ظافر هبط راسو و ديك الهدرة كتردد ليه في ودنو و زير عل. القبضة ديال يدو و عض فمو و نااض تهز طلع فحالو
لينا : ظاافر ظااافر
هو يحط آردي يدو فوق كتفها : غيمشي معاك هو كيقلب اصلا كيقلب عليها
لينا دارت عندو : من الافضل يجيي نتا عارف شنو ...هو يحط يدو على حنكها
آردي : انا عارف ولدي ...هما يسمعو تهراس بجوج الفوق الاثاث كيدكدك لينا دارت كتشوف الفوق
آردي ببرودة : ضيعت وقتي في المزاد العلني باش نجمع القطع نادرة و دابا غيهرس كلشي...و حط سيكار في فموو و نفخ
لينا : الله يعطينا دمك البارد
قمر متكية على ضهرها و كتغوت و تغمض عينيها و و تطلع و تنل و العرق و آدام فوقها و شاد ليها من يديها بجوج يد من هنا و اليد لوخرى من الجيهة لوخرى و و مهبط راسو و كيمارس غملية النكاح بقوة و ليزابدو كيدوز منهم لعرق و العضلات لي في ظهرو خدامين هي كتغوت كتخرق بنشوة هادا هو لي كيتسمى بالالم لديد مهداش من الخبيط تهو حتى جابو فيها غير مرة وحدة و ناض عليها هي عاد تهدت سخفانة و لكن هو موال عندو سوفل يلاه خصر عليها ماتش واحد لوا لفوطة على نصو و هي ملاوحة كلا رجل في جيه و كل يد في جيه و كتلتاقط هو يجلس و مبتاسم ليها
آدام : يلاه امرتي زوينة نتعشاو راه مزال قدامنا ليل كولو
قمر حلات فيه عينيها : باقي ليل ؟؟
آدام : هههه باقي حياتنا كلها يلاه ...هز داك البينوار دسطان و نوضها تهيا غير قاسها ناضت معاه ولبسو ليها
آدام : يلاه اجي ....نوضها و مشاو بجوج لبالكون يديرو العشاء الرومانسي في مدينة الاضواء باريس جر ليها لكرسي و جلسها تما و مشا جلس هو قدامها على ضوء الشموع هو وياها و كيشوف في برج ايفيل شاعل فيه الضو اما قمر تكات على كاس ديال المااا قدامها مع سخفت و فاش سرطاتو جاها حااار هو يدو عندها آدام لقا سيدة تكات على الكاس هو يخطفو من يديها
قمر : صحابلي ماا طلع والماس
آدام : اوو شااات ( وكيشوف في الكاس و هي طيح قدامو كي العمارة من الكرسي )....ناض كيضرب ليها في وجهها مشات ليك الحلوة اسي آدام
310🌷
🌷
آدام : اوو شات اش داك تشربي هاد المرض ....هزها بين يدو و دخلها مابقا لعشاء لا تلعبة سيدة شربات الشراب زايد جرعة بنادم كيسكر بيه كيحيح و هي غيبت الله اكبر
الهيليكوبطير لي فيها نايف و شهاب وصلاات الواحد المنتجع كبييير وسط الثلج ديال الينابيع الحارة (شوفو سبحان الله الينابيع سخونة وسط الثلج ) كان داك المنتجع عرضو كيتقاس بالامتااار مصايب بجليج و فاينص شبيه بثلج كين تم غرف للنعاس و لي كوافور لي مساج كلشي فيب سانك إيطواال حطات بيهم هليكيبطور قدام لمنتجع لي كان الباب ديالو كبيير من الزاااج نزل شهاب هو لول و نزل معاه مرتو هادي حاجة ضرورية و نرجس نازلة قدام نايف و كتخاصم
نرجس : والووو وتقوول تقيسنيي كنت علاين نتجمد بالبرد فاش ساليتي حتى سليتي عركتيها ليا ثلج ابينين و بينك حتى دير ليا هوكايا
نايف من موراها مباشرة و كيضحك : هههه و اجيي نتسامحوو
نرجس على نيتها : لا وتقوول دابا تخيل كون مرضت ولا شي حاجة
سمية وقفت كتفرج فيهم هو يلصق عليها شهاب و نزل فمو في ودنيها و حط يدو في خسرها هي قفزت و كتجبد في عينيها و دورهم هاك و هاك و قلبها كيضرب بزربة بزربة (قلبها كيشبه ليها
شهاب : اجي ندخلو نسخنو شوية
سمية تهيا فهماتو طلعت فيه عينيها : خ خ خصناا ن نفكوهم ن نرجس مدابزا
شهاب دورها و حط يدو كيلعب بي بصباعو في وجها خشا الابهم ديالو وسط فمها لي باارد بزاااف و كيلعب بلسنها بصبعو هي غير مطرطقة فيه عينيها و ترمش بيدها و حاطا يديها صغيورين فوق المعصم ديالو
شهاب : نايف غيتكلف بيها ....بغات تسرط ريق زدقت ماصا ليه صبعو هو سطاتو هاد الحركة (راه مدرتهاش بلعاني راه غير هبلة ) جر صبعو و مصو و شد ليها من يديها و جرها للداخل نرجس غادة داخلا و تنكر و تقريبا اغلب كلماتها ممفهومينش و نايف غادي من وراها و كيموت بضحك واقيلا لا عجباه كتنكر
نرجس : ويلي هادا شهر العسل هادا كامل برودات هالبحر ديتيني ليه نخاف فيه لا نغرق فاش كملتيها و جملتيها جبتينا للثلاجة نتكلاصو كاع عضامي تكنزو عليا
نايف من موراها : ههههه و غا وقفي
نرجس : لا لا وتكووول نوقف ....غادا غدخل لمنتجع معصبة و زربانة ب و هي دخل طول وعرض في جاجة مع راسها ويلي ولي رجعات طاحت لارض
نايف وجهو تخطف و مشا عندها كيجري و نزل على ركابيه هزها من تحت راسها لقاها دايخا و شادا من راسها : نرجس نرجس
نرجس و هي تنفاجر عليه بالبكااا : هيء هيء كلشي خدم معايا بالعكس شهر العسال كلو داز هوكايا انا اصلا معنديش الزهر من صغري ....هو يخشيها عندو في صدرو
نايف : اوووش صافي احنا غنمشي دابا فيما بغيتي متبكيش....و كيمسح ليها دموع من حنكاتها و كيشوف فيها بعينيه زرقين بزاف
نايف : انا مغنخلكش تبكي انا غنعوضك على كلشي ...و هي كتشوف فيه و في عينيه سكتت و كترمش بين يديه كتدور في عينيها و ترجع تشوف فيه في عينيه
نرجس : كيعجبوني عينيك
هو يضحك و نزل راسو مص ليها شافيفها : و انا كتعجبيني كلك ...هي حشمت في سدو زعمة ناض و هزهاا عيات فيه غير حطنيي تهو وتقولي حطها (حمدي الله لقيتي لي تفشي عليه انا ملقيتش حتى نصو بنادم كيتكبر على نعمة )
سكينة و ميريام باقين غير شادين تقشاب و تقرقيب ناب خرجت عندهم تاني ديك ريما بلا حشما بلا حيا بلا نفس جات و جلست حداهم شافو فيها
ريما : بلاماا تبقااو تشوفو فيا هاكدا انا مموالفاش نبقااا بوحدي
ميريام : سبحان الله
سكينة : مسكينة كتقطعي في القلب ....يلاه غتحاوبها ريما هما يسمعو صوت ديال طموبيلات جيين
ريما : اكيد هادي بامووو
سكينة : مغتكون غير باموو لي جات. ...ناضو وقفو كيشوفو بثلاتة دخلو ثلاتة ديال طموبيلات واعرين و متقدماهم طموبيل ديال ثائر
سكينة : هادي طنوبيل ديال راجلي (طموبيل اسكينة )
ميريام : غيكون وصل بامو
سكينة : لا لاا موحالش ميتحاملش هو وياها غيكون توحشني ...و كتلوى بفرحة
ريما دارت عندها و طلعت فيها حواجبها ياختي لحسد لحسد هبط كيفما العادة ثائى بالهيبة ديالو نزل نضاضر و كيشوف حتى بانت ليه سكينة رافعة يديها لسما و كدير ليه باي باي هو يبتاسم ليها و تخرج من وسط منهم و مشات عندو دغيا في طريق شافت بامو نازلة و نازلا معاها شي مرة وراجل و معاهم شاب و نورا و الحاج و سي احمد خارجين من الطموبيل لوخرا ثائر واقف كيساينها توصل لعندو هي مدورا وجههت غير شافت باها خرج تهو معاهم و قلبت دورة و مشات عند نورا وخلات ثائر بلاكة (ياودي راه عارف كلشي غير سيري عند راجلك ) يلاه غيهدر و هي تقاس في جنبو ريمااا
ريما : شكون هادو ؟؟
ثائر برد و دار عندها : هادوك ولدين ميريام ...و دار كمل شوفة في سكينة لي كانت لاصقة في نورا و كتشوف في الاسرة لي جات الوحيدة لي غطلقهاا في سروالها هي ميريام فاش شافتهم صواعق الرعدية ضربتها رجليها فشلو اويلي واش بامو جايباهم ليها باش يعرفوها حاملة ناري غيقتلوها
بامو دورات راسها ليمن و ليسر : هاهيا ميريام أجي ابنتي اجيي
سكينة : خالتي شكون هادو
311🌷
🌷
نورا : والدين هاد خيتي
سكينة : و و علاش جبتوهم ....ميريام جايا لعندهم و الاضر كدور بيها رجليها تقالو كتحس بدوخة موحالش واقيلا توصل عندهم و العرق العرق لي ولا في وجهها تحلف عليها كتجري عاد قلبها لي غيخرج من بلاصتو حتى وصلات عندهم و يديها كترعد كلهااا يلاه غتشدها بامو و هي تخطفها منها حفظة و عنقتهاا
حفيظة : هههه الله على بنيتي نهاار كبيير هاداا لي غتزوجي فيه ياربي و بعائلة تباركالله وصلى على نبي ....و كدور في عينيها كتشوف الفيلا كيف ديرا و الجنان و عاد طموبيلات لي كانت جايا فيهم
حفيظة دارت عند بامو : انا من صغرها عرفت غتولي شي حاااجة و تناسب ليا مع الدار الكبيرة فحااال وجوهكم ...ريما شداتها الضحكة حدا ثائر و لكن مقداتش تحبسها و هي تشد في دراع ثائر و خبات وجهها و بدات كضحك نورا محملتهاش سكينة كانت كتشوف في حفيظة كيف تعامل و تعنق في بنتها و بنتها مفاهمة والو و كتشوف في لونتوراج و فحالا حشمانة منهم سكينة كانت كتشوف مكرهتش تهيا تكون يزاا حاضرة و تعنقها فحال هاكا وتفرح بيها و تكون حاضرة في عرسها هي وثائر و تغني و تزغرت ليها و تشطح ليها و هي دور وجهها باش تشوف في ثائر لقات ديك القردة مخشية فيه و كضحك و هي تبدا تغلي الدم عندها بدا يبقبق في العروقة هو كان واقف عادي داير يدو في جيابو و كيتفرج تهو فيهم حسان تهو عنق بنتو و بارك ليها ولكن علااياش هي معرفاااش هيتم عنقها : ايوا ختي مبروك عليك عنداك هاد الخطبة متكملش فحال لولة (عندي فحال هاد الكائنات في دار ياسبحان الله )
بامو حطت يدها فوق دراع ميريام : إنشاءالله ليوما غيجيو ظافر و عائلتو يخطبوك انشاءالله ....ميريام جبدات فيها عينيها و الفرحة كتسلل ليهم بشوية و عمقات باامو
ميريام : كنبغيييك اباموو كنبغييك ....مشاعرها مسكينة تخلطو بين الفرحة و الخلعة و بداو دموع كينزلو دمعة دمعة شحال زوينة تعرف راسك غتزوج لي كتبغي و انها حاملة منو كتمنى هادا ميكونش حلم و حتى لكان حلم مكتبغيش تفيق منو ببساطة واخا يكون الثمن تبقا ناعس أبديا المهم تبقا مقيد بديك للحظة سكينة تسلتت من حدا نورا و مشات جيهت ثائر و ريما غفلت ريما و بدات عليها خباااط خباااط لكتف خبااط ريما تخلعات و دارت تشوف فيها
سكينة : ويليي توسختيي عايني عايني ننفض ليك بعد اثائيير لهيه باش مطيرش عليك الغبرا
ريما : ويلي كتقصحيني صافي صافي انا نفض راسي
سكينة : لا حشومة حبيبتي وايليي ....و بقات عليها نفض ياما تنفض عطاتها قتلة في دراعها لي معرياهم
بامو : يلاه ندخلو منبقاوش هنا تفضلو ....العائلة غادين فب واحد الممر بين ربيع في إتجاه الفيلا هي خشبية و القدام كولو جاج كيفما وصفت سابقا سكينة دارت حاجز بين ثائر و ريما
دخلو تما حفيضة غير كدور في عينيها على الفيلا سطاتها اشمن يا فوطوي ديال الجلد و الارضية خشبية و كبيرة بزااف و كتنغز في حسان حسان حاضي بنتو كيف شادا في بنتو و فرحانة
حسان : على الله عاد الخطبة دوز مزيانة و تكمل ماشي فحال لولة
حفيظة لصقات فيه : خاصها تكمل دابا حنا حاضرين ليها نزربو العرس شوف الخير لي غيولي عند بنتك (بسمة الله عليك ا خالتي ) ....هيتم رجع شعرو للور و قرب لريما
هيتم : تيتيز
دارت عندو شافت فيه شوفة ناقصة من لتحت الفوق و قلبات عينيها و رجعت حدا سكينة ماشي ثائر ثائر باينا فيه محاملش البلان كيشوف بنادم كيتسارا في ممتلاكاتو كأنها ديالو و المستهدف الاول هي بامو
الينابيع الحارة هي عبارة عن ضية دالمااا فيها الماا سخون بزااف و حاار و ديرين بيهم حجر كيلمع من جانب الزينة و عاد الثلج في الجناب من ضواهر الغريبة لي في الارض الينابيع الحارة وسط الثلج و استغلها المنتجع و جعل في كل غرفة فخمة ضاية خاصة في وحدة من الغرف جالس نايف مشبح في هاد ضاية الاستجمام و قدامو نرجس ويلي ويلي تهز الما بيديها و دوز على الحمها كدير طقوس ديال مولاي عقوب كيبغي يجبدها لعندو من دراعها كتزلق ليه مع الما
نايف شاف في يدو : واش كتزلقي
نرجس : كيفاش كنزلق
نايف طلع فيها راسو : تعالي هناا
نرجس : خليها تال بيت الله يعطيك الستر بغيت غير نكمد عضيماتي مكنزين عليا
نايف : هههوغا تعالي لهنا ....جات لعندو حابية لابسا غير بيكيني بالباج و دورها و جلسها مبين رجليه و كيطلع الما و كيدوز ليها على كتفها و ولا رطب و كتزلق ليه يديه مع كتفها شي حاجة غير عادية (زعمة تكون دايرا صابون البلدي 
🤔 ههههه لا لا ميمكنش منين غتجيبو ) كيدوز يديه على ضهرها على كتفها هي كتحسس بلمساتو قدامو و عندها لملمس ناعم هبط نيفو لضهرها و حل لبيكيني و كيشم في ضهرها ريحة دالورد (لا لا نرجس قوليلي اش درتي للحمك ) بقات شادا البيكيني بيديها من القدام و مغمضة عينيها و كتحس و كتعيش للحظة غير حسات بالبوسة شغلت فيها النااار القوية الرحم عندها ولا كيغليي (غير جلس هاهما الحيونات المنوية في الطريق )
🤔 ههههه لا لا ميمكنش منين غتجيبو ) كيدوز يديه على ضهرها على كتفها هي كتحسس بلمساتو قدامو و عندها لملمس ناعم هبط نيفو لضهرها و حل لبيكيني و كيشم في ضهرها ريحة دالورد (لا لا نرجس قوليلي اش درتي للحمك ) بقات شادا البيكيني بيديها من القدام و مغمضة عينيها و كتحس و كتعيش للحظة غير حسات بالبوسة شغلت فيها النااار القوية الرحم عندها ولا كيغليي (غير جلس هاهما الحيونات المنوية في الطريق )
سمية و شهاب في الضاية لوخرا شهاب تهو مشباح و حط يد من هاد جيهة
312🌷
🌷
واليد الثانية شاد بيهل كاس ديال الشراب كيتفرج في مرتو الحبيبة كتلعب بالما قدامو و دكشي عندها كيلعب لا صدر لا مؤخرة و شعرها لي لاصق ليها في لحمها و كيلصق ليها في وجهها و كتحيدو بيديها و كتلعب تما عاجبها الماا سخون و كتددن (من دون صحابك نتا لي مزوج ببعلوكة ) كيتفرج فيها فرجة ممتعة صراحة و هي تقفزوو
سمية : و العزيز على مميتو عمرو مايتخص (ختمت الدندينة )...و هي طلع فيه عينيها لقاتو كيشوف فيها و هي تنوض جات لعندو و جلست فوق رجليه بلاصتها المعتادة هو حيد يدو و حطها على خصرها و هي كتلعب برجليها في الما و فوق فخضو
سمية : المااا زويين انا كيعجبني المااا سخون كنت كنمشي ليه مع مي يزاا فاش كنت صغيرة لمولاي عقووب كنت كنتمنى نعاود نمشي ليه ولكن نتا جبتيني لهادا حساان من مولاي عقوب
جرها حطها على صدرو و معنقها وهي كتخشا فيه و تخربش في صدرو
شهاب : و مزال عنديك فيما بغيتيي ....و باسها فوق راسها و طلع ليها راسها عندو لقا دوك الحنيكان حميمرين مع السخونية باسهم ليها وحدة من هنا ووحدة من هنا هي كتغمض عينيها و كترخى و يديها غير حاطها في صدرو و كتعيش لحظة (يلاه نمشيو كاملين لشهر العسل راه فيه الحلو. انا فاليزتي مجموعة )
آردي كيسوق طموبيل ديالو و حداه ليناا و كيطلع عينو في المرايا دطموبيل كيشوف ظافر جالس و داير رجل على رجل و مشعل سيكار و حال شرجم و كيحطو فمو و يحيدو و كينفخ في الهوى و تعابير ديال وجههو ممفهومينش و من موراه شلا طموبيلات للحماية حيت مؤخرا تعرضو لهجوم مبغاش بتعاوض نفس سيناريو و لكن الهدوء لي جالس بيه ظافر بدوك تعابير وبديك الطريقة خالع كلشي
أما في ببت المزرعة كانت القاضية نايضة تما في صالون جلسة مغربية اصيلة تحت انغام الطرب الاندلوسي و البخور مطلوق تما و المائدة مزينة بالحلوياات و العواصر من جميع الاشكال و الالوان و الانواع و العيالات لابسين لباس تقليدي قفطنات اما رجال هما هما كيف جاو كيف بقاو جالسين ف صالون مجموعين كيهدرو مع سي حسان سيد معقول و عندو غير نيشان و هيتم جالس هو سي سيد تمااا بامو و نورا و حفيضة جالسين في الجيهة لوخرى و كيهدرو بامو كتهدر مع حفيظة و كتسيفط ليها ميساج من لتحت بلي بلاما تهدر هي غتكلف بكلشي على الله تفهمها ثائر جالس و مجبااااد و كيشوف فيهم كيهدرو و كيضحكوو كاع صحابو تخطبو عندو و تزوجو عندو و هو لاخطبة لا عرس كون مازربش في العروبية دار لاكط كون راه باقي حاصل دخلات سكينة هي لولة لابسة قفطان بلفضي و طالقا شعرها و دايرا مكياج زوين هادئ هيتم تقاد في الجلسة (غير ريح اوليدي راها مزوجة ) و من وراها كانت داخلا ميريام لابسة و حاد القطان بالباج مطروز من الفوق لتحت زوين و جاميعين ليها شعرها لفوق بواحد البوند كيلمع و مكياج خفيف داخلة حشمانة
بامو : تباركالله تعالي ابنتي تعالي
الحاج : مشاءالله عليك ابنتي
حفيظة : الله يحجبك ابنتي (دارت عند نورا ) كتشبه ليااا فاش كنت صغيرة كنت هاكا دايرا ....نورا اصلا محملاهاش دارت فيها ضحكة ناقصة وسكينة شادا في ميريام و غادا بيها جيهتهم عاد دخلات ريما لابسة غير سواري مقزبة هاد خيتي مكيدوي معاها حد تمن الحاج و بامو و مصايبة شعرها جنب و شادا المكياج
هيتم : التيتيز الاجنبي و المغربي (نتا بوحدك )
أحمد دار عندو : كول اولدي مرحبا مرحبا
هيتم : الله يخليك اعميي ....ريما نقزت حدا ثائر هو مجبد و هي مخشية حداه و جبدات تليفون
ريما : شوف ليا هادي بلييز مبغاتش تخدم ليا
ثائر كان متبع سكينة بعينيه كيف كضحك مع ميريام و كتهدر هو يدور عينو عند ريما : اري نشوف ...خدا من عندها تليفون و بدا كيتفقدو ليها و هي خاشية وجهها في صدرو و كتشوف معاه و هي طلع عينيها في هيتم نيشان شاد كاس تاع اتاي هو يغمزها مع شربة و هي طلع فيه و تنزل و دارت عند ثائر تكمل معاه الخشية سكينة ملاهيا مع ميريام
سكينة : هههه هانتي ربي غيجيب ليك حبيبك تال عندك ههه
(ميريام حشماات )
حفيظة : مريم من صغرها كانت تقوليا ماما انا بغيت نكون من ناس الكبار
ميريام بدات كتنغزها بدراعها تسكت
بامو : ايوا كاع الامهات كيبغيو اهاكا لبناتهم
سكينة : الا مي يزاا الله يرحمها كانت تقول ليا نبعد على ناس لي لاباس عليهم مكانت تحملهم مكانت تقبلهم
بامو : و تباركالله سمعتيي كلامها جيتي نيشان لصقتي في ثائر
سكينة : علاش كتقولي ليا هاكا ا عمتي راه هو لي بغاني هانتيي سولييه ...طلعت عينيها فيه بانت ليها ديك ريما مخشية فيه تخشاو فيها الجناوة و جبدات عينيها ميريام كتشوف فيهم و كترجع تشوف في سكينة
كحفيضة نغزت ميريام : واش هادو مدابزين (على سكينة و بامو )
ميريام : صافي ا ماما (دورات راسها عند سكيينة و كتهمس ليها في ودنها ) سكينة متخليهاش فيها
سكينة : بدات تعصبني هاد الخرية غنشدها غنعصرها و تالاخر عاجبو الحااال
ميريام : لا لا ثائر ديرها كي ختو هي لي باينا فيه الدودة
سكينة : لا كانت مدودة نبردها