هنية في المريكان (الجزء الرابع) | قصص مغربية
تكمشت مزادت حتى كلمة جرت طبسيلها بقات كتكول ...اما هنية جلست حدا هارون لحضيها بنص عين بتاسمات القيس .

قيس:😅لباس ؟!
هنية:(كتحك فخضها لضرها) 🙍لباس لباس ...شافت هارون كيفاش عقد حجبانو ميلت راسها جيهتو و همست باس ميسمعوها :سلامة ياربي عمرك طلقتيها واش مكضحكش؟!.
هارون:(بنفس الهمس ونفاذ صبر)ديها فسوق راسك .
هنية:😮واخا ...مبقات زادت معاه حتى كلمة ،هادشي كامل داز تحت نضرات زهرة لحضياهم 😍وسارحة بخيالها ها الخطبة ها العرس ..شوية العمارية نقزت الشهر العسل يالله وصلتها البلوك باش تولد 😂زربانة على رزقها...فيقها عدنان لمنصبح وهوا كيزعزعها.
عدنان : هيهو و سبحان الله 
زهرة:(تكرهت حيت حلمتها كانت زوين)آشنو خليها غ تزحم مالك زربان.
عدنان:😕تزحم شكون هذي ..(طبطب على كتفها) خصني نبدليك الدواء.
زهرة:(عاد عاقت براسها ) هههه متديش عليا بالي مشا بعيد .
ملاك:ههههه خليك معانا شنو تفكرتي 😉
زهرة:(سهات )😍الله يابنتي الله دكشي طوووب.
ملاك:ههههه رجوع عالله اماما كتحلمي و نتي فايقة.
زهرة:متخفيش على ميمتك قريب تخرج آحلامي الارض الواقع.
ملاك :(فهمتها)انا معاك و بجنبك وقت مبغيتي مرحبا الخطوة الاول درتها الوراق عطلتهم ست شهور عاد إخرجو .
زهرة:😀الله إرضي عليك 
توبة:(فمها عامر سمعتهوم حمد الفرشة) وانا و انا 
عدنان:(معرفهوم علاش كيهضرو حيت ناقصين صوت)😕مالك نتي !؟
ملاك :هيهي بغات تشرب هاكي .(.مدات ليها الكأس همست )مال جدك على الفرشة .
توبة:ههه والو ابابا احم نشرب(شدت الكأس جوبات ملاك بشوية)سوري😯غير بغيت نعونكم و صافي.
زهرة:(زاتها البسطيلة) قطعي حسك الهضدرا ماشي دبا ..(هزت رسها لقات كولشي حاضيها)هههه كولو كولو بصحتكم فتيحة جيبي ديسير .
عدنان:واش نتي لباس ياك محسا براسك عيانة؟
زهرة: هههه لالا لباس معندي والو انا و بناتي كنقشو موضوع خاص عندك شي مانيع.
عدنان : لا خودو رحتكم 😐
تبعها الصمت حتى سلاو العشا و ديسير كولها ناض البيتو إرتاح هنية ولات كتنعس حدا توبة باش تعطي خوصوصية الوليديها حشومة تشرك معهم دبا فاش ولفو .
🌞أصبحنا وأصبح الملك لله
نهار جديد على أبطالنا من بعد روتين صباحي الكل واحد متبوع بفطور جماعي ...لعندو شيخدمة ولا غراظ إقديه نساحب وليبقا مشتشين شي فشقا و شي كيتسركل فجردة .
بحال العربي لخلاه عدنان اليوم بحدو جاه تيصال مستعجل من الكلينيك مشا إشوف شنو واقع ...من قلت ميدار قرر العربي إفلي جردة قنت بقنت بدا بليكارد كيدور عليهم ...وقف على وحد الكارد عضمة ربي طول و العرض ضربة وحدا منو تعجنو وزيد عليها أسود اللون ضربا فيه شمس لكانت شوية سخونة .
العربي:(كيدير ليه سكانير بعينيه)سلام عليكم تبارك الله تبارك الله بلدي و لا رومي ؟
الكارد:🙅صمت 
العربي:(كيقيص فعضلاتو)الخير و البراكة واش زيزون اوليدي ..لا لا وقيلا شمس قطعت البوه الحس نتا ميجي إذن عليك العشا تالقاوك دبتي .
الكارد :🙅صمت(اصلان مكيفهموش )
العربي:إه شتي انا كنت عسكري كبير على مزيناتي ..كانت نوقف وسط صحرا بوحدي تجي دبابة غير نهز إدي تحبس✋(كيحك راسو )اما لسط فيها ويلي ويلي طير ...مع آخير كلمة كالها طارو طيور من كذوبو القتال 
العربي:(هز راسو فسما)شفتي شفتي 😎م...فين مشا هذا والعزي (القاه طار من حداه)خخخ طرتي تانتا راني واعر بففف خسارة مدايزا فيك دبيحة كون كنتي حولي نرضوك غ كديد .
رجع كمل على بحتو دخل بين شجر موقفو غ صور ليكان معاليش بزاف من فضولو حلف إعرف آش وراه...تفكر بلي شاف سلوم حدا دار الكلب مشا بزربة إجيبو ....جاب سلوم كلاه مع الحيط طلع فوقو مع طل وسع عينيه وفمو 😲😵
عند هنية لعونات فتيحة اليوم فشقا ملي سلاو جلسو فالكوزينة كيطبلو .
هنية :(كطبل وتغني) وصحاباتي و هلِياتي رااجل خرجو رجليه شواري .

فتيحة:( شادا معها الخط) ودكيه آدكيه كيف الحنااا دكيه لولولولولولولوي .
هنية: هتيك اوا اتيكا هاتيك اوا هتيكا .
اما واحد ليزا مسكينة واخا معرفاش اش كيكولو ناشطة معاهوم غير كتصفق وفمها محلول حتي الودنين😀👏👏....قطعتهم زهرة لغير سمعوها سقلو.
زهرة: تبارك الله تبارك الله شركونا معاكم توحشنا البندير و نشاط .
هنية:😊وقت مبغيتي اخالتي مرحبا .
زهرة : هههه ربي إخليك آجي بغيت نهضر معاك .
هنية: واخا 
زهرة:اه ليزا وجدي لينا قهوة 
ليزا:اوكي مدام
خرجو من الكوزينة مشاو الصالون جلسو فيه .
هنية:خبار الخير آش كاين ...فين وحد مااا.
زهرة:هههه الخير إنشاء الله مكاين والو غير بغيت نجمعو تعوديلي على راسك ماماك مع ملاك فالبيت.
هنية:(تقادات فالجلسة ) إه أخالتي مرحبا بالفرحات عليا نقرقب معاك ناب .
زهرة:هههه يالله عرفت سميتك هنية بنت العربي و ربيعة مكرهت نعرفك كتر.
هنية:😅عندي 20عام قريت حتى السادس كنعرف ندير كولشي طباخة ،قابلة ،وحتى شوافة.
زهرة:😓شوافة .
هنية:ههههه ديال بلعاني زعمة مال وجهك تخطف.
زهرة:ههههه خلعتيني اش بينا وبين شي شوافات آعوذو بالله..واش اول مرا تجي المدينة؟
هنية: إيه المرا الولى اخالتي
زهرة:وزعمة مطاين حتى راجل فحياتك هم ...
هنية: اوا شنكولك كان باغيني حميداا سراح والفاطمي العرج إوا و الحوسين الحول .
زهرة: ههههه اوا مشاء الله عليك طلب.
هنية: وهديك الله اخالتي شمن طلب شتي نجمعو هذو بتالتهم يالله اعطونا رويجل .
قربت زهرة جهتها يالله شدات إديها زعمة تفاتحها فموضوع ولدها وتشوف شتحت راسها سمعو الغوات ناضو قافزين.
زهرة:😨اويلي اشنو واقع
هنية:😱هذا غوات ماا جري ...طلعو كيجرو الفوق فرعو باب بيت ملاك وسعو عنيهم كانت ربيعة هازا زيد كيبكي مزيرا عليه وملاك مقابلة معاها مخلوعة على ولدها مبغاتش تعطيه ليها شدات فيه شدات العمى فالضلمة .
ملاك:(شدات هنية من ذراعها من كترت خوفها على ولدها كترجها)🙇عفاك كولي ليها طلق ولدي را مزال صغير روحو غتخرج ديري شيحاجة عفاك .
زهرة:(ركابيها تحاشو حولت تقرب الربيعة لزادت فالغوات)😨 رخفي عليه اريه شوفي مسكين غيموت من البكى.
ربيعة:(كتزيد ضمو الصدرها)واااااع بعدو بعدو هذي بنتي (كتشوف فزهرة)سميها هنية ماشي حادة موتي بسم يالله بعدي بعدي يالكافرة بالله .
ملاك:(عقلها غيخرج كتزعزع فهنية)😭غتختقو تحركي ولدي بغيت ولدي .
هنية:(هيا كتر منهم حولت تخدم عقلها والبولة قربت تطلقها دري صغير بين إدين مرا مسطية ) 😷سكتو سكتو (كتقلب فجنابها) عطيني عطيني فينو هذاك 
ملاك:اشنو اشنو نعطيك عفاك ولدي نتي غتسمع مناك .
هنية:(شدات اوجها بين اديها حولت تهدن و تهدنها )ولدك غنعطيه ليك عطيني شي مونيكة ولا ميخي .

سمعتها زهرة مشات بجرا جابتو من بيت زيد عطاتو ليها خداتو هنية لواتو فليزار كيبان بحال دري صغير .
هنية:(بدات كتغني وكتراري بيه و تشوف مها )هنية و هنية زين البلار و هنية ويتك ويتك.
ربيعة :(سمعت هذ الغنية هيا لكنت كتغنيها البنتها فاش كانت صغيرا شافت فيها و شافت فزيد لحاميها الغوات حطاتو بالمهل على نموسية )سلامة ياربي طبل ودني تقبتيه (دارت عند هنية)😬ياك كنكول ليك مبقيتيش تهزي بنتي .
هنية:(فاش حطات زيد تنفسات براحة غمزت ملاك تهز ولدها )شدي هاكيها .
ربيعة:(خداتو كتغني )هنية و هنية زين البلاك ...😙يالله احبيبتي نديك تنعسي.
هنية:(حلات ليها الباب)سيري سيري نعسيها مسكينة .
ممشات ربيعة البيتها حتى سمعتهم المنقي العقل طار .
زهرة:(شادا على قلبها)اوووف الله ياربي الله شوية و نموت(كطل على الباب)واش صافي مشات .
هنية:(سداتو)إيه مشات (شافت ملاك كتمسح دموعها بينا عليها معصبة وجها حمر )ياك وصيتك علاش خليتيه معاها .
ملاك:(متحكمة فاعصبها بزز فهذ اللحظة تقدر ضربها شافت فهما دوات كارزا على سنانها)😬خرجيها عليا مبقيتش بغيت نسمعها.
زهرة:😷صافي صافي كالم دبا نخرجها(وقفت وجرات معاها هنية بضحك صفرة وتوتر باين عليها)هيهي يالله نكملو جمعتنا.
هنية:(قبل متخرج حبستها مفهماتش الهضرة لدارت بيناتهوم مكانت بالعربية)😟بلاتي اخالتي نشوفو غ دري وهيا اش كتليك مالها مهضرت بالعربية نفهمها.
زهرة:(كتصفار و تخضار شافت بنتها دخان خرج من ودنيها) ااا والو والو ببغات شي دوا لراس سميتو كالم.
هنية:(مشات متقيس فراس ملاك لجنون الكحلة لعبين عندها)مسكينة و الله الا سخون اه اه (طلت عليها)شبغيتي بشي كااارم ديري ماء ورد دقة بطلة على تقليدي تمام السخانة طلقي دري نراري بيه .
بذون سابيق إندار نفاجرت ملاك فوجها عيات حابسة راسها .
ملاك:(بالغوات دفعتها شويا)😤وااش ابنادم مكتفهميش آوت برا عليا منشوفش وجهك براااا...
زهرة حولات تعتق قبل ميقلبوها سباط و لكين معا من ملاك عنيها نااار على هنية لمدارت حتى ردت فيعل واقفة عادي ببرودها كتزيد تشعل ملاك.

زهرة:😨تهدني عفاك هيا مدارت والو.
هنية:😯😯😯 
ملاك:هضرت معاك مبغيتيش تسمعي أوكي(شداتها من دراعها وخرجتها من البيت سدات الباب فوجها )تفو تفو آش داني لشي حماق كون تكمشت ندير الخير غ فراسي.
زهرة:(مشات طايرا تبعاها حلت الباب)آويلي اش درت تسطيتي .
هنية:(مسحت وجها لعمر دفال طار عليها فاش كانت ملاك كتغوت الهضرة ضراتها وعن قصد قربت ليها باش طلق آشنو عندها متبقاش هازا فخطرها )
زهرة:(حولت تشدها من إديها)م ممتديش عليها راها غير معصبة مسحيها فيا😥.
هنية:(بعدت)☺عادي اخالتي مديريش فبالك مسكينة عذراها سدي الباب خليها ترتاح .
ودكشي ليكان سدات زهرة الباب وهبطو التحت إكملو على جمعتهم واخا مبقا ليها خاطر تحت إصرار هنية قبلت، لكتبان عادي ياعني غوات ملاك مصور منها والو وهادشي لريح زهرة وخلاها حتى هيا تنسى 
~~~~~~~~~
نرجعو العربي لطلع سلوم شاف المناضير الخلابة گلس فوق صور هز السلوم ورضو الجيهاا اللوخرا باش إنزل استكشف على خاطرو مكنو مزيان وهبط .
كانت ڤيلا لا تقيل روعة على ديال عائلة الادريسي ،جردة بوحدها جنان و شمان جنان مقسومة على جوج جيهة خاصة بالنباتات وجيهة خاصة بالخضر و الفواكه كولشي طبيعي مولها فاني حياتو عليها .
العربي:(إديه مورا ضهرو وعينيه كيضورو)تبارك الله تبارك الله الخير و البراكة و فينك اتهامي جي تشوف النوار و فليلو وحتى الحباق خير ربي غ مشتت ...ماشي بحالك يالمگرد زارع لينا كبالة مضورها بشوك أوجه الويل ..(كيقيس بديه و شم)👃الله الله هدشي زين ممم خصو غ شيبة و نعناع نرضو بوه حسن من فيرمة القايد .
سيد غ مدرم تحت رجليه اغلا و انذر النباتات بجغهم وقطع الحباق ونوار كولشي مشا خلا😂 .
العربي:(هاز وردة حمرة)هذي الربوعتي إبان فيها غ الضو.
دار الجيهة تانية مشات إدو نيشان الكرموس و توت تبعو تفاح ومطيشة لمقطعها بجعها بصباطو ...جمع الخير و البراكة خاصو دبا فاش إديرو حيد طبلية للباس من نهار جاا متفرق معاها مرة وحدا صبنتها هنية و نشفت على ضهرو مكتوب فيها صباغة الاطلس 😂جاتو من كازا .
فرشها فالارض دار فيها ديسير و الحباق و نوار فجيب سروال ...سلا جميعو يالله هزها على ضهرو سمع صوت معروف ميخفا على حد دار شاف فيه.
كان مخنزر فمو محلول لسانو خارج ..من نوع شان بوليس على وضعيت هجوم .
قشعو العربي ورااااك بغاا اطلع سلوم يالله وصل فيه نص نقز عليه الكلب شدو من صباطو .
العربي يجبد و الكلب يجبد حتى واحد فيهم ممفاك فالخر ساس العربي رجلو بجهد جاب الكلب مزدوه فالارض برفقت صباطو والوجه الامامي التقاشر العربي زرقين .
العربي:(جلس فوق صور كينهج)أووف أوووف الله ياربي الله(كيطل على الكلب لجمع الوقفة بقا كنبح عليه)يا بالكلب غ بلاتي على ولديك(شاف رجلو)😤صباطي و تقاشري إتبع بوك البلا آتفوو.
الكلب:😬هاااو هاو هاو هاااااااو 
تقاد العربي باش ميطيح زير رزمتو مزيان لحها الجردة منين جاااا هز سلوم رضرو حتى هوا قبل ميهبط رمق الكلب بنضرات شيطانية وبلانا بعينيه فين تجيه الضربة ،نزل من سلوم ساس حوايجو و بدا كيقلب على شي حاجاا مجات عينو غير على نص ياجورا حمرة صغيرة هزها و رجع طلع طل عليه كان مزال فين خلاه.
العربي:😈انا تعضني يابالكلب يالله شد. باااق ..ضربو بالياجورا جابو كاو والله واعلم إكون قتلو ...قلب الضورا مهود عاود ساس حوايجو رد سلوم البلاصتو على وجهو فرحة الانتيصار .
العربي: دبا مزيان بالكلب رزاني فصباط خخخ معليش اليوم نزرد .
جمع رزمتو خباها بين شجر إبدل صباطو ورجع إنفارد بيها .
~~~~~~~~
وصل وقت الغدا شهية مسدود عند زهرة وهنية اما ربيعة واخا طيح روح تاكول ..
هنية:(كتاللعب فطبسيلها) فين ملاك واش مزال مقلقة.
زهرة:لا انتي غير ظارها رسها بغات تنعس...(سكتت شوية ورجعت سولتها)وسي العربي فينو .
هنية:معر...صافي هاهوا و بااا أجي اجي تغدا.
كان خارج من البيت مكره مالقا صباطو لبس بلغة 
مرتو المطرزة .
العربي:(عاكد غوباشتو )😠سلام وعليكوم فين صباطي المقمقم ...موجه كلامو الربيعة لمحضراش خدامة على كرشها مفيقها غير بنغزا بغيت نكول دفعة داتها و وجابتها😂ومفيقتهاش .
العربي:😬وااااا الهيشاااا و جراد و الدكاكة والوكلا رزقي ...وخطياات الخماس .
هنية:(تدخلت بينتهم)وبااا اهديك الله مالك تاني.
العربي:😤كلمتك ؟
هنية:😧لا 
العربي:ومعامن انا تكلمت؟هااا
هنية:😷مع مااا 
العربي:😬ومال كتنقزي كيفميلت ماك المقرداا🐒🐒..
حطت الخبز وسرطت القمة بزز موراها گأس ديال الماء إهبطها وسرح صوت طوات كمام بيجمتها .
ربيعة:😈احم احم (كتشير بديها وتغوت) آآ مالنا على الغوات غنتا لتعرف ليه كاااااع نعرفو نغوتو يااا هذ راجل انتا هوا القرد..
زهرة:(نقزت من بلاصتها ) لالا انا بغيت نكول هيا اه هيا و انا (شيرت الهنية )لقردات ياك اهنية.
هنية:😧 ايه ايه اا انا انا قردة .

العربي :(كلس و دار رجل على رجل بانت البلغة )😈كي فاميلت ماك ياك ؟
هنية :😧اه اه بحالها اهيا نار لالا لا ماشي هيا ماشي هيا 🙊.
ربيعة( شيرت عليها بصندلتها جاب الله خوات اما كون تفلقت):شادي المك 😤ياك يا اللفعة ياك جيتو من جيهتو .
العربي :😎الرضااا البنت بوهاا (كيقلي سم الربيعة)
زهرة:😱عندااااك ...حولت تحذر هنية من ضرباا تانية عيارها 39 ولكين مسعفهاش الحظ 😂جاتها فالكتف .
هنية :وااااع احححح امااا لاش لاش صندالة لاش 😥.
ربيعة:😤شكون لولدك انا و لا هوا تكالمي يالمصيبة ؟
هنية:😢بجوج اماا بجوج ....كلتها و هربت مخبيا ورا زهرة .
ربيعة:😬اجي اجي المك شكون لخرق و سهر تعصر...كان راسك كبر من البوطة يالمسخوطة .
زهرة: نعلو شيطان وتهدنو دبا علاش المدابزين .
العربي:(وقف قدام ربيعة مخرج عنيه) الله انعلك و خزيك الله انعلك و خزيك يا شيطان .
😂تصورو ربيعة كيفاش ولات طلعتو و هبطتو كحلت بالعمى فاش شافت بلغتها.
ربيعة :😬(قمت الغضب طلعت منها الهضرة بزز)ب ب ب ب ب ب...
هنية:(شدات راسها) 😨مشينا فيها 
زهرة:(تخلعت) م م مالها 😷
العربي:😂وليتي تقاقي من قردة الدجاجة (كيعيبها ) باق باق باق🐔🐔.
ربيعة:😬اليوم اليوم ميفكني منك فكاك (طارت عليه شداتو من شعرو) 
العربي:(كيحول اتفك ) واااا طلقي طلقي لنصمك بوك طلقي .
زهرة شداتها دوخة على بونت و طيح مصحصحها غير غوات هنية لدخلت بينتهوم تفك.
هنية: واااا ماااا ميمتك طلقيه عااار ربي طلقيه
زهرة:لدين ليدين فكي شعرو من اديها ...دخلت حتى هيا تفك تبعتها ليزا و فتيحة لسمعو الغوات جاو طايرين متفكو غير بزز .
العربي الجلدة دراسو طابت كان شعرو كتير شحال هذي محسن و ربيعة مزال مبردت لا لا هدشي ممقنعها خلاو مسافة بيناتهم ووقت استارحو فيه .
ربيعة:(كتنهج)😤حط حط ليا بلغتي حط 
هنية:عفاك ابا عطيها غير عطيها 
العربي:(كيحك راسو مقصح) احححح بنت الخماس طيرت راسي 😈بغيتي بلغتك هذي بلغتك يااك(مطلع رجلو كيوريها).
ربيعة : إيه حطها 😠
العربي:💃 و الله لشميتيها وجات فرجلك لمشفت صباطي المقمقم🏃 ....😂لاح كلامو وجبد عليها هارب من جلادو اليوم إتفلق شي رأس وربي كبير .
ربيعة:(كتجري وراه)🏃وقف وقف يعدو الله يا شيبا العاصياا👴.
هنية:(تابعاهم)واااااا بااااا حط البغلة 🐴اححح ياربي البلغة البلغة انا نجبد صباطك 🏃
العربي إجري🏃 ،ربيعة تجري🏃 .و هنية تجري 🏃😂مراطون فجردة اما زهرة مسكينة سكر طلع وطانصيو هبط تهدت معاها فتيحة و ليزا 🙀
~~~~~~~~~~~
داخل مع باب جردة كيميل بعنقو يامين و شمال ظارو من كترت ضواسا لرجع مع لجنة المراكيز صحية هذ الصباح .جات عينو على العربي كيجري الجيهتو 😂عند بالو جاي إعنقو .
عدنان:😀سلا... بااااااااق مسكين متعطاتوش فرصة اكمالها طار العربي من حداه وجات فيه ضربة بالبالة ،من فين جابتها ربيعة العيلمُ لله دقة وحدا كان كافية تجيبو كااااو على طولتو .
ربيعة:(مزال هازا البالة عنيها خرجو )😨س س سمحلي انا انا 
هنية :(طاحت على ركابيها فاش شفتو)😵مات ياك اما مات قتلتيه (قربت الجيهتو كتزحف قاست راسو ) سي سي عدنان واش كتسمعني عمي عفاك والله مقصدت (شافت فمها كتبكي )شغنديرو دبا صافي تهنيتي .
ربيعة : إهئ إهئ مشتوش والله مشتو ابنتي 😭
هنية: شووو صافي صافي وهيا انتا وداك الحلوف(الكارد) جي عاوني
اودي شكون لفهمك شافو مول شي طايح تجمعو كاملين هزوه ودخلوه الداخل مع الدخلة تالقاو بزهرة دكشي ليكان خصها دبا تكملو .
زهرة: (مخلوعة) مالو اويلي شنو وقع ليه .
الكارد: واش نطلعو البيتو .
زهرة : 😨 لا لا حطو فوق الكنابي فينكم فتيحة عيطي الطبيب (تحنات كتقيس جبهتو كان خارج منها شوية ديال دم كتحركو) عدنان واش كتسمعني جاوبني عفاك عدنان (بالغوات)فينكم
فتيحة:(جات كتجري) دبا دبا إحضر الالة تصالت بيه
زهرة:(شادا رسها )طبيب دزفت تفو(شافت فالكارد) دوي نتا مالو؟!
الكارد:(حاني راسو)لقيناه طايح فجردة معاه ضيافكم الالة .
عاد نتبهات الهنية لساقلة راسها محني وراها مها لكترعد ووجها مخطوف بينا مولات الفعلة .
زهرة:(حولت تحكم فاعصابها )😡شرحولي اشنو وقع (بالغوات)يالله.
هنية:(سرطت ريقها)ها اه دبا هوا كانا ياك بغيت.....😯.
ربيعة:(سدات ليها فمها قبل لتسرسب كولشي)طاح اه هوا طاح طاح ياك سوليه سوليه.
زهرة:كيفاش طاح واش هوا دري صغير وعلاش سديتي الهنية فمها..من بعد و نتفاهمو

جاء طبيب و جات معاه توبة لدوزت صباحها فلافاك ،فحصو طبيب ضمض جرحة وعطاه شي مسكينات ضربة كانت قوية شوية دكشي علاش فقد الوعي من بعد سعتين غيفيق على سلامتو والله اشافيه هذي كانت هضرت طبيب لجمع دوزانو و زاد بحالتو .
عند هارون وقيس لخارجين من ريسطو بعد غداء عمل مع مديرة أشهر مجلة فيويورك لغتنقل تفاصيل العرض لكاين من هنا الشهرين .
ركبو فالبورش الحمرة ديال هارون ،قبل ميديماري هز راسو فالمراية مستغرب من الرونج نواغ لوراهوم.

هارون:😕هذ اللوطو تبعانا من صباح .
قيس:هيا شيواحد حط العين علينا .
هارون: ممم ممكن دبا نتأكد.
قيس:(قاد سمطة ) يالله على بركة الله .
نطالق هارون بسرعة متوسط حيت طريق عامرة مزال الرونج تابعاه ،شوية بانت وحد قدامهم ولا محصور بين جوج ممخلينش ليه فين إضوبل .
هارون: 😠شهاد المرض(كيكلاكصوني والو)هاذو قصدينا وجد سلاحك.
قيس: (جبدو من تحت الكوسان ) واجد واش نعلم ليكارد ؟
هارون : لا بلا منتسرعو ...كيحول إضوبل والو ورونج لوراه لسقا عليه ولقدامو نفس شئ فلاخير ستسلم ليهوم إشوف فين حد طريقهم.
مسافة طريق بعدو شوية على المدينة ...تفك الحيصار على هارون و قيس من بعد مبلاصاو بجوج قدامهوم

..نصل هارون سمطة بزعفة ناوي على يخ زيت قبل مينزل حكمو قيس من دراعو منزلو تحت الكوسان شادين على ريوسهم و مكمشين مستعدين الهجوم

نزلو ربعت الرجال ملتمين من كولا للوطو حلالف سلامة ياربي هازين سلاح من نوع رشاش ،صوبوه جيهت اللوطو نزلو عليها قرطاس كيشتى كول واحد و فين كيضرب .

بعد خمس دقائق توقف القصف الرصاصي ...تقدم واحد من رجال هاز فيدو ورقة على شكل رسالة حطها فوق باربريز لرغمة القصف مزال شاد فراسو ،الحمدلله اللوطو كانت ضدد الرصاص اما كون رجعو غربال .
سلات المهمة و زادو .

من وراهوم بشوية جاو كارد سي هارون لوصلهم ميساج من قيس حددو الموقع عن طريق GBS .
كارد1:سي هارون واش كتسمعني
كارد2:😨ياك مماتو .
قيس:(كيضرب الشرجم برجلو)وحل إنعل جدك ديما معطلين.
هارون:(كيحاول احل الباب والو)ياااخ (بالغوات)جيب شي حديدا قلع هذ زمر .
كارد1: و ووخا سيدي...جابو ليكارد حديدة كبيرة فكو بيها الباب بمشقت الانفاس مع داق ليكلات وكانت إلكترونيا نيضامها كولو تعطل خرجو منها سالمين .
قيس:(كيقاد شعرو كيخنزر فيكارد)😠شكون صيفطهم.
كارد:(راسو فالارض)م م معرفناش آسيدي لقيناهم مشاو وخلاو هذي...مد ليه الورقة.
قيس:قراها أشنو فيها .
هارون:(شدها من عندو) انا نقراها ...حلها وبدا إقراها مع كول كلمة كيزيد إحمار وجهو عضلات فكو تصلبو ودنيه دخان خرج منهم قمة الغضب .
قيس:شنو كتبو 
هارون:😤شحال من مرا حدرتها مكتسمعش (كيمشي و جي) هاهيا دبا بسباب راسها القاصح العائلة كاملة فخطر .
قيس:(كيحاول إفهم)شكون هذي وشمن عائلة كدوي عليها .
هارون:ملاك ملاك كندوي على ملاك بسبابها و لينا كنتلقاو تهديدات من الكلاب شد قرا .

شد قيس الورقة قراها ^^هدية و تحذير بسيط المرا جايا نوبت فرد تاني من عائلتكوم سعيدة بلغ سلامي المدام ملاك الادريسي 🐲تنين الاحمر.^^😡شكون هذا 
هارون: مسمي راسو تنين الاحمر 
قيس: وشنو المعمول دبا هدشي خطير .
هارون : دار و تناقشو على هذشي (شاف فالكارد و شير اللوطو) بغيتها ترجع حسن من الول مفهوم.
كارد:مفهوم سيدي 
قيس:(طبطب على كتفو)دبا تصلح ...يالله نتحركو الدار هارون :(شاف بحوزن فاللوطو) اكيد ....
هذ اللوطو عزيزا عليه حيت كانت اخير كادو من جدو عثمان الادريسي الله ارحمو .
عند العربي لسلك بعضامو صحاح رجع الرزمتو حلها و بدا بالمديغ و سريط بلا غسيل ... حتى من الربيع كلاه جاه بنين ساس طبليتو لتكمشت ولبسها فطريقو شلل اديه فلابسين .

العربي :كاااع كااااااع (كيتكرع زعمة😂)الحمد لله .
شاف هارون و قيس داخلين مخنزرين مرضوش ليه البال يالله هز إديه إسلام خلاوه بلاكة .
العربي :مال هذو واقلا العشاء قرب نيت شمس غابت .
~~~~~~~~~~~~
الداخل سي عدنان فاق طارت عليه توبة بتعنيقاا جيفاتو 
عدنان: كح كح كح ههه طلقي يا المسطية 
توبة:(بزعل طوفولي ) ياك ياك هدشي حيت خفت عليك (كتبوس إدو ) على سلامتك 
عدنان:الله اسلمك احم احم مالكوم سكتين .
كانو كاملين مجموعين حداه شي فرحان و شي مخنزر الاجواء موترا ومدام زهرة وقفاا على راسو مدات ليه دوا.
زهرة : شرب هذا و ندويو 
عدنان:😕واخا ...خدا من عندها دوا شربو حط الكأس و هز راسو فيهوم .
هارون: كيفاش حتى تضربتي فراسك ؟
قيس: واش هجوم عليك ؟
توبة : شحال هوما؟
ملاك :(عاد نزلت مع دروج مفراسها ميتعاود حيت خدات دواء باش تكالماا صدق منعسها) .شكون هوما ؟!
😵بابا مالك ياك لباس(مشات كتجري عندو ) اشنو وقع هنا .
هارون:😠نسولوك نتي 
ملاك:😧بحالش انا فهموني 
عدنان : بلاتي بلاتي انا لباس موقع والو تهدنو نتوما تحميتو كنحس راسي فمركز شرطة.
زهرة:بشوية على باكوم يالله فاق (شافت فهنية لجالست بعيدا عليهوم و مها مخشيا فيها)هنية غتشرح لينا شنو وقع .
هنية:😷 هاا انا علاش انا .
ربيعة:(زيرت على دراعها و همست كترعد) متكوليش ليهوم عفاك.
ملاك :يالله آ هنية شنو كتعرفي .
هنية : انا انا كانت بغيت أووف و صافي اما زكاي وجعتيني .
ربيعة:😷😷
توبة: متخافيش غير دوي 
هنية: (سدات عنيها وتكلمت)ما ظرباتو بالة و طاح 
هارون:😬باااش واش تصطيتو كون قتلتو 
ملاك: ( شادا على رسها ) كيفاش بالة
زهرة : تهدنو خليها تكمل ( شافت فهنية ) كملي ابنتي.
هنية :(موترها مها لكتبكي بتخبية ولكين خصها تكول انشو كاين ) واخا ه .................. ،هدشي لوقع ( شافت فسي عدنان) سمحليها هيا هيا مقصداتش و الله العظيم مكانت نوياها غير غير بنتي قدامها ووقع لوقع.
عدنان : ماشي موشكيل ابنتي كتوقع .
هارون: عندك نتا انا لا سمعتي الالة ملاك ( وقف ) أوبس ظابطة ملاك الادريسي كولشي بسبابك .
قيس : برد اصاحبي ماشي هكا كيتفاهمو ناس .
ملاك  وقفت حتى هيا ) خليه اقيس اشنو كتقصد اسي هارون مالك كدخلني فكولشي .
هارون : 😠شكون لدخل هذ ناس و سطنا نتي واخا عرفاهوم خطااار غمرتي بعائلتك على قبلهوم اليوم مها( شير الهنية ) ضربتو بالة و غذا باها إضربو بشاقور .
زهرة : باركة هارون وزن كلامك 
ملاك : خليه خليه افش قلبو هااز من جيهتي 
كلمة مني كلمة منك الجاو مشحون بيناتهوم الاتيهامات لكيرمي هارون هذا طبعو لتعصب اخلط كولشي.
عدنان:(صدعوه)😠صافي براكة مبقيتو كتحترمو حد. دخل عليهوم العربي مشا نيشان العدنان تلاح عليه عنقو كولشي سكت و هنية عنيها خرجو مشات كتجري تبعدو لصدق قاتلو .
زهرة:😱بعدوه غيخنقو
هنية : 😨 بااا و باااا طلقو طلقو(كتجرو) 
العربي : ( كيبوسو فراسو ) على سلامتك اصاحبي حيدي حيدي الهيه (دفعها و نوض توبة باش اجلس حداه و طبطب على كتفو ) راك سبع ههههه كون جات فيا كون غيبتني يوماين و الله العظيم 
عدنان :(تهدن )غير خلوه 😅هههه والحمدلله على كول حال مزال صحيح .
العربي : واحد نهار ياك ( كيهز فديه و عاود على نيتو غافل على هارون لعيونو جمرة حمرة ) كانت هازا منجل انا نجري و هيا تجري .
هنية  قطعاتو) 😣با براكة خلي سيد إرتاح
العربي : سكتي إسكت البوك الحس خلينا أعودو بالله نسيت أشكنت كنكول .
قيس : ( متبع معاه)😕 كنتي كتجري
توبة:😲منجل 
العربي : ( دار رجل فوق رجل )إيه الرضاا شيرت بيه الموصيبة قسمتها على جوج .
زهرة:😱اويلي راس شيواحد لتقسم .
العربي :(شاف فعدنان لحابس ضحكة) ههههه وتي لا دلالحة كانت فوق بردعة حمار تاقي .....
هنية :(قطعاتو) صافي ابا عفاك نوض تنعس.
عدنان: ههههه خليه خليه 
زهرة:أووف خلعتيني 
توبة:بلاتي و شنو وقع (خنزر فيها هارون) احم بغيت بغيت بابا شوية دبا مشات دوخة .
عدنان:هههه لباس لباس (شاف فهارون) جلس و برد مالك شاعل(دور راسو الملاك)و حتى نتي تبتي الكلام معاكوم من بعد .
بجوج جلسو مكاين لزاد معاه كلمة هارون كاتم عضبو وصابر الهبال لكيشوف خاصو فتيلة و نفاجر و ملاك لكتحول تبرد اعصابها جات تعتاذر من هنية على صباح ساعة لقات مكفس .
ترن ترن شيواحد كيصوني فالباب حلت فتيحة مع ضحيكاا فوجها لستقبال مسكينة دغيا جمعتها دازت من حداها عجاجة ربع بلاصة ممكملاها موراه جوج من رجال شرطة موقفوها حتى الصالون حاافظين طريق .
فتيحة:(كترض نفس حيت دفعها)اوف اش هذا تسونامي و مدارها (عاد سرات معها بلي دخلو)😱ممتي مسيو وا فين داخل بلا إذن.


شكون سمعك القزام و صل صالون وقف عليهم موراه البوليس كولشي وقف مستغربين منو من غير عدنان لمزال متكي .
زهرة:😕مسيو ميااو عندنا 
فتيحة:(كتنهج) راه راه دفعني ودخل
ملاك:صافي غير سيري و نتوما شكديرو هنا 
شرطي:جينا نالقو القبض على ضيف ديالك .
ملاك: (مستغراب )ضيف ديالي 
هارون: (دار رجل على رجل )😒ممم و بشمن توهمة .
ملاك:(خنزرت فيه) نشوف إذن الاعتقال ...مدو ليها قراتو وزات تعصبت حريرا دبا جاب إفكها .😰تخريب و سريقت الممتلاكات و ضرب حيوان .
عدنان :(كيحاول اوقف مسنداه زهرة لسمعت سرقة و وجها صفار) واش متأكد سراق فداري هنا 
قيس: و ضرب من الفوق إمكان شي غلاط و لا سوء تفاهوم .
مسيو ميااو راجل شينوي قصير و غليظ شوية ملي دخل و هوا كيضور فراسو معلابالوش بكلامهم جات عينو على العربي لقشع البوليس و تخبى ورا هنية .
ميااو:( مشاا طاير عندو بغا يشنق عليه ) 😬أوهو ميغيدي بغاو نيتشا تشيتشا ( ايها المجرم سوف ألقنوك درسا لن تنساه :ترجمة شينوية 😂ننغغ قبلو علينا).
هنية:(دفعتو جا طايح) 😠و بسم الله عليك مشير و لا مالك مشي مشي الكربوز لحطك .
توبة: 😱دفعاتو ناري 
جمع مسيو ميااو الوقفة و دار و ضعيت هجوم سموراي سيد ناوي إفرشخ دخل قيس و هارون وحتي ملاك افكو البوليس شدو العربي لحاميها الغوات و ربيعة ضربها بنعسة فوق الفوطوي مجايبا خبار هنية غفلوها مفهما والو شداها توبة .
هنية : طلقيني و هيا و طلقو باا 
عدنان:😠شكون عطاكم الحق تشدوه.
الشرطي: كنديرو خدمتنا اسيدي 
ملاك : (بعصبيا)😤 طلقوه 
شرطي : ولك...
زهرة: (قطعاتو) كتعالى على سيادك .
شاف فصحبو و فك ليه المينوط ملاك معروفة فالمركز مكاين لاش إغرقو معها ....واخا مسيو ميااو تعصب و شعل هدنو قيس .
هنية : (رجع باها تخبا ورها) دبا الله ارحم بيها الولدين شرحولي راكوم من صباح وكتغنو درجولي اش كاين .
هارون : (بستهزاء) ممم زعمة مفهما والو من نهار الول عارفكم كذابا و زيد عليها نصابة .
عدنان:😬هارون سكت
هنية: إيه واش اخور خليه اعمي زيد معندك 
قيس: باك سرق مسيو ميااو و ضرب ليه الكلب ديالو دبا فغبوبة .
هنية : هاكك حتى نتا( شافت فملاك بحزن مفيها لضارب عيات ) و دبا شنو واش بصح هدشي شكون هذ المغمض (شيرت الميااو)
ملاك: هذاك هوا مول الدار لدخل ليها باك شكا بيه 
هنية : دبا غ جا كاليكم سرق و تيقتوه فين شافو 
توبة: وي فين دليل مشفناه حشومة ضلمو سيد 
كولشي دار جيهت توبة ممم دليل حتى وحد مسول عليه من غيرها ذكية معا رسها .
زهرة: شتي نتي لتكسابي العقل فيهوم (شافت فقيس)سولو.
سولو قيس حيت عندو شوية مع شنوية مسيو ميااو ملي تعصب تفيكسا لسانو على لوغتو الام شينوية😂

هنية:( شافت فباها ) واش ابا كتعرف هذ سيد 
العربي: لا لا ابنتي 
هنية: هوا كيكول بلي نتا سرقتيه 
العربي : (نفخ صدرو و كشاكشو خارجين مبالو غير فاز حداه شدو شير بيه نيشان على مسيو ميااو لكانت عندو الحاسة سادسة خدامة مال براسو تشت الفأز وراه حفظو الله .
نكولو شهقو من صدمة و توبة سدات عنيها و هنية ركبيها خواو كلست على ركابيها فمها محلول .
زهرة: 🙊قتلو 
عدنان:😨لا مزال عايش 
توبة :🙈🙈
ملاك جنون الكحلة فراسها و زيد عليها بوليس واقف بغاو ادخلو منعتهم 
ملاك: (معصبة)سيرو من هنا 
شرطي : خلينا نديرو خدمتنا هذي محاولت قتل 
ملاك: (بالغوات ) براا منبغيش هدشي اتذكر و لا حسابكم معايا عسير .
نساحبو سالكين بعضمهم سمعتها سئ لتعصبت سبقاها .
هارون  مورك على دراع العربي ) واش عندك شي عقل و لا لا مريض ف..( على بونت و خصر الهضرة تفكر باه و حبس ) 
زهرة:(شادا رسها) هارون طلق من سيد 
هنية جمعت الوقفة وقفت بين باها والعربي عيونها ناااار و جها حمر قمة الغضب :😬طلق من باا
هارون:(بنفس نضرة)😠غتحيدي لنخلطك معاه
هنية : نسميك راااجل ديرها 
كلمة هزت كيانو و زات نار على نار كون متدخول ملاك كون خلاطها طلق العربي بأمر من باه.
تعاشات العشية و روبلا مزال نايضااا فدار عائلة الادريسي ..😂مسيو ميااو مجرد تخيلو لضربة لكانت غتجي فيه و شوفة فالڤأز لتشتت خلاتو إفقد الوعي.

قيس: ( طاح عليه تقيل عيا صابر مسكين )😲احم احم الاخوان شي مساعدة هنا .
توبة:😰 مات
زهرة:😷😷جيبو طبيب
عدنان شد راسو بين اديه اش هذ المصايب اليوم مبغا إسالي عاون هارون قيس حطو سيد فوق الفوطوي تحسست ملاك نبضو كان مزيان .
ملاك:غير فاقد الوعي(شافت فالعربي) سي العربي كنتسناو توضيح .
العربي:😡بلاتي بلاتي(كيطوي كمامو) نفكو معا دك المغمض بعدا فيقي بوه نوريه خونتو فين نعرفو انا بن القزومي الاخور(تحني إطوي حتى سروال) .
زهرة:بليز بليز بلا غوات تاني .
هنية: لا لا اخالتي مكاين لاش البريز باا هود كمامك راغير غنتناقشو ماشي نقطعو الواد.
عدنان: انا غنطلع نرتاح ( شاف فهارون) تحكم فأعصابك...أوماليه براسو و زاد تبعتو زهرة لتبخ راسها
قيس هاز تيلي فيدو كيشوف تسجيل الكاميرة لشدت العربي و الفضيحة ليدار :😑😑
هارون: 😕شنو دكشي؟
قيس: دليل (عطاه تيلي)
شافو هارون ورماه فحجر ملاك لكانت كتحول تهدن 
ملاك:😣علاش علاش ياربي شهاذ المصيبة 
توبة:(خشات راسها تفرج)😨والله حتى هوا ناااااري ضرب الكلب بحجرة.
ملاك:(دفعتها)😡بعدي شوية ...لحت تيلي على طبلة قدام هنية و باها باش إتفرجو😬شي تفسير ها دليل .
هنية:😲والله حتى باا 
العربي:😮والله حتى انا 
هارون:(بالغوات قفزهوم ) و برااكة من الهبال أبنادم أش داك الدار سيد 
هنية:😣و نتااا مالك من صباح وتهلل علينا ياك لباس شوف كي خلعتيه(كتوريه باها لتكمش وراها) .
هارون:😤😤
قيس: هدشي لدار ر كيعاقب عليه القانون .
توبة : و كدخل فيها حتى جمعية حقوق الحيوان و سجن كيوصل العشر سنوات.
ملاك:(كتمشي و تجي) الحل الوحيد لقدامنا نقنعو مسيو ميااو إتنازل و نفكوها بالخاطر .
هنية : (مفهما والو ) 😕بالعمى لقشعت شيحاجة شكنتو تكولو .
توبة:😑الاسف باك مشااا فيها 
هارون:😈ماشي غير هوا حتى بنتو و مرتو نيت نتهناو منهوم.
ملاك:(خنزرت فيه و مشات حدا هنية) سمعيني مزيان و حضري عقلك كولي الباك إطلب سماحة من سيد و نسدو هذ الموضوع.
هنية: شي إكول مشاا فيها شي سماحة دبا باا عرفتو دخل الجنان سيد ياك و ضربلو كلبو ياك
ملاك : تمامان هنتي فهمتي .
هنية:وصااااافي هذشي علاش مصدعينا من صباح دبا نهز باا و نجيبو سكر 
توبة:😮سكر لاش
العربي: 😒إوحلو فركابي 
هنية:(نغزت باها)باا حشومة سكر باش نطلبو سماحة منو و نحبو گاااع هنا فوق راسو (شافت فقيس) شسماه الله بعدا .
قيس:(مصدوم مسكين الكلاخ شخصيا و صبيطار المجانين قدامو ) 😲ميااااو
هنية:😕مياااو كيفاش مياااو و سبحان الله
العربي: صااااااب 
ملاك:(بنفاد صبر) سميتو سميتو ميااااو سميتو فهمتي 
هنية : هاااا عاد فهمت و باا را سميتو سميتو مياااو .
العربي: 😒إخليه بالخلا نصحابو غ مش فيقي بوه نطلبو سماحة شتو غمشبح سكر والله لشافو عندي .
هنية : حشومة اباا حشومة .
هارون : (دق نقوس االغضب حيد الفيست و لحها) لا لا صااافي صااافي حد هنااا سطووب غذاا غذااا إمشو من هنا انا لغنتكلف بورقهوم .
ملاك: كيفاش كيفاش ماشي من حقك اسيدي دخل فخدمتي .
هارون: ( بستهزاء) ها ها خدمتي و فين هذ الخدمة أمدام ملاك سيد دخل الدارو و تهجم عليه كولشي هذ المشاكيل بسبابهوم.
العربي : ( بالغوات حتى هوا تعصب😂) 😬دخل دخل توما من صباح كلسين عليا دخل و انا شي دخول مدخلتو نقزت اعيباد الله نقزت سور الجنان خطفت نوار الربوعتي و كريميسات فيها شي عيب.
هنية :(عصبها هارون ) لا لا ابااا برد برد مدرتي ميتعاااب (شافت فهارون ) منين شفتينا و نتا تعرنط .
توبة:😮تعرنط كوا تعرنط
هنية:(خنزرت فيها) 😠تسكتي لا
توبة :😰استسميح كملي كملي 
هنية : جابدنا فطالعة و نازلة لاش هذ صداع كامل اسيدي حنى إصبح الحال نهزو قلوعنا و نزيدو خليناليك هنا تبورد فيه إيييخ على كنس ....رمات كلامها و زادت خلات وراها بوركان يالله غتبعها حبسو قيس.
هارون: 😬سمعتيها أش كلت ياك (بالغوات باش تسمعو) غندنك سمعتي 
قيس: تهدن اصاحبي حتى نتا مخليتي فيها غ لنسيتي هارون: (نترو) حيدي اصلان كولشي منها 
ملاك: وي وي ديما كولشي مني صاافي....طلعت البيتها و خلاتو اليوم وصلو قيمة نيقاش بيناتهوم فين عمرهوم دبزو تجات هنية و روناتهوم.
تحنى هز لافست و خرج زادح الباب من وراه بقا قيس و توبة و سي العربي لكان محني كيطل على ربيعة و منساوش مسيو ميااو لمزال مغيب.
قيس:(دار شاف) شكدير ؟!
العربي:😠باغي نهز مرتي عندك شي مشكيل .
قيس:😮لالا خود رحتك .
العربي :(تحنى هز مرتو واخا تقيلة صبر مرضاش إضحكو فيه)و الحفيظ الله 😡حيد خوي طريق اه فيق داك ميااو ديالكوم إمشي الخيمتهم ماشي عندي دار ضيافة.
قيس:(بعدلو)😲واخاا ..بففف اش هذ ناس مستشفى المجنين.
توبة: هل تعلم انا نميمة حراام 
قيس:(مديها على قد هبالها) وهل تعلمينا انا نكح بدون زواج حرام يالله سير البيتك لنوريك تطبيق 😈.

توبة:(شيرت عليه بالمخدة) 😨تف تف قليل الحياء الماسخ م م مكتحشمش ...وهربت لشدها .
قيس:ونتي لنقصاني عطيني دورس فالشريعة ..بفف دبا شغندير مع هذا ...عيط على ليكارد هزوه اللوطو باش إديه الكلينك هدشي بزاف على مغيب .
~~~~~~~~~~~
🌚🌚🌚و اخيرا جا ليل 
داخل عيان بالو الحس مقطوع فدار باينا كولشي ناعس طل على سعتو لقاها 2:00 ...زيارة خفيفة المكانو المفضل خلاتو إرتاح و نسا غضبو ..تنهد بعمق و طلع البيتو ياخود دوش عاد إنعس.

عند هنية لعيات تقلب فبلاصتها نعاس مجاها مفرشاا فالارض و لديها فوق نموسية شخيرهم مسموع من وهران ...جمعت الوقفة دخل توضاء وتصلي طلب ربها ياسر أومورها و صبرها .

كانت ناعسا معليها مبيها ومعاوناا زمانها فشخير شوية ناضت موسعة عنيها ...جاتها الحالة تاني😂 دورت رسها جيهت دوش ضوو شاعل وقفت حزمت زيفها مزيان لبست صباطها و زادت خارجاا فضلام سبحان الله حافظة طريق ...وصلات جردا و بين ربيع كتقلب على ويلي البالة 😨 .
ربيعة:😈ليلة نرشوهوم بالبروك (كتجدب براسها) وسيدي ميمون و سيدي سعدون بجوادكم عينوني (حبست ) وااا الحفيظ الله .

لكارد خدامين كولها خاضي بلاصتو جوج فكل قنت ..واحد منهم سمع تخرشيش حدا دار الكلب و بين ربيع حنا راسو إقلب عند بالو شي مش تسمعت باااااق ...مسكين معرفة ضربة منين جاتو طاح كاو 
ربيعة:😈بسم الله هااا وحد الله (تحنات كتشوف فيه) لباس أوليدي (كتحركو ) وهيااا و معاك دويا ..مسكين نعس ...زادت و خلاتو مكملة على خدمتها تخرشش فقنت باش لجا إشوف اش كاين تصمكو.

نرجعو الهنية لخرجت من دوش كتمسح و جها يالله بغات تصلي جات عينها على بلاصت مها خاوية.
هنية:😱اهيا ناري فين مشات...بدات كتقلب البلاكرات و تحت نموسية والو مبانت .
هنية :باااا و بااا(كتحركو)وبااا نوووض
العربي:(ميت بنعاس)مممم خميس خميس زمامرا 
هنية:لواه حد سوالم(بالغوات) وباااااا
ناض طاير مسكين شاد على قلبو لبالخلعة شوية وسكت.
هنية:بسم الله بسم عليك تف تف نتا في عار الله 
العربي:(هاز إدو بحال لبغا إسرفقها)😬الله إنعل حسك لاش تغوتي لاش 
هنية:(مدركة وجها)مااا و مااا اباا مكيناش
العربي:(مكشكش) 😠جاااايحااااا الكحلة لضربك نتي و هيااا فين الموصيبة .
هنية:(جمعة الوقفة)معرفت ابا معرفت نوض نجمعو شكوشنا ليلة منزيدوها.
العربي:زيدي زيدي كيفك كيف مك ياوجه الويل إيخ تفو لا عشاا تعشيناه لا نعاس نعسناه.
جمعت هنية شكوشها باش خرجت من دوار تحت نکِير باها لمبغا إسالي لبست جلابها الخضرة وعكدت زيفها الحمر 😂...قبل متحل الباب وصاتو .
هنية: هنتا بقاا و رايا و مشي بشوية واياك دير الحس
العربي:😠لا لا نتي هزيني فضهرك و بداي راري بيا دري صغير انا هاكاوا تقادو الكتاف.
هنية:😰حاشا ابااا نتا الكبير صافي سبق نتا.
العربي: (هاز بيل شعلو )وهكاك شدي فيا لطيحي نسمع حسك نربطك حدا البكرة.
هنية: 😢وااخاا اباا
شوية بشوية خرجو من البيت ومن باب جردة لي فالكوزينة بلاحس باش متفضحو .
~~~~~~~~~~~
واخيرا فك حريرتو مع مسيو ميااو لبسباب الخلعة لشداتو مشا منو سكر تنازل على القضية بمشقة الانفاس حتى شرحلو بلي مسطي عاد برد و طلب تعويض مادي خلصو قيس فالحين ...تسد ضوسي ورجع الدار بلاصاا اللوطو نزل منها غادي داخل تجات عينو على كارد طايح تقدم لجيهتو مستغرب شواقع هذ اليام تاني مرا إلقا الكارد فهاد الحالة غير هذ المرة مفلقين ماشي نعسين .
تحنى إقلبو إعرف مالو حس بخطوات حداه بدا يهز راسو شوية بشوية موسع عنيه .
ربيعة:😈لباس أوليدي ...باااااق مسكين جبتو مسند على الكارد لتحت منو معطتو حتى فورصة إستوعب.
ربيعة:(كطل عليه) دبااا لباس الوناساااا زينااا انا درت غ الخير...تخطاتهم تقلب على ضحية رقم ربعطااااش.

خرج من دوش كنشف شعرو تحرك جيهت البالكو إسدو لاح عينو الجردة قشع هنية و باها بحال مناقشين .
هارون:😕شكيديرو هذو و فهاد الوقت( لاح الفوطة) فاك شي موشكيل تاني ...نزل طاير إشوف اش كيصنعو 
~~~~~~~~~~
هنية:(كتقلب حدا لبسين و بين الكراساا)يااربي فين مشات 
العربي: (كيدور راسو وربانا تبان فشي قنت شوية تفكر شي حاجة)صافي صافي القيتها
هنية:(بفرحة) فين فين هيا .
العربي:واااااقيلا هزت البالة و سايرا طبع فبنادم 
هنية:😱اويلي ابا لتكولهاش نسيت البالة مغبرتهاش.
العربي:واا صافي درتها المزغوبة وتي نسيتي ديك نوبة اهل دوار جاو إحفرو البير ياك كانو ربعطاااش ...كرمتهم بنت الخماس كولشي صيفطاتو مطبوع صحاب جالبا و مدروهاش .
هنية:(تخلطو عليها العرارم موصيبة كبيرة) عرفت ابا عرفت 😥
العربي: ياك فكيناها غ بكمشة تحميرة وزار بيض نسدو بيه راس المفلقين فاش سولناها كتليك سبعة السيدي ميمون و سبعة السيدي حزنون.
هنية: سعدون ابا سيدي سعدون .

كان واقف وراهم مخنزر كيف العادة إديه فجيابو مفهم والو من هضرتهوم.
هارون: ممكين نفهم شكديرو هنا 
العربي:(مزال مشافو ) كنزرعو الكبال (دار قشعووهرب ورا هنية) غير غير كنحاجي ليها أوليدي ياك ابنتي
هنية:(موترا)اه اه كتشمو الهواء و نقجم انا و باا
هارون:(كيطلعها و هبطها متايقش فيها جات عينو على شكوشها و لباسها )ممم شنو ناويا تهربي نتي ولديك .

هنية:(ركابيها تحشو عاق بيها)هاا لا لا حنى غير جالسين ياك ابا 
العربي حسو مقطوع مكمش وراها هذ سيد كيسالي معاه.
هنية:(كتجبدو بيدها) بااا و باا كوليه كوليه
العربي:(خاشي وجهو فضهرها) لا لا ابنتي منك ليه .
هنية:(شافت فهارون تخنزيرتو زادت خلعتها)هيهي و الله غ مجمعين .
تقدم الجهتها حاكمها من ذراعها بعصبة متقبلش تستحمرو : 😬واش عند بالك انا حمار مكنفهمش 
هنية:(قصحها ودافعاا جبهاا) وطلق طلق ابنادم متعرفش دوي بفمك (كتحول تفك دراعها)
زاد كارز عليها جبدها بجهد زادح راسها مع صدرو العريض المخ تزعزع .
هارون: 😬رصاي بالي حسابي معاك غيطول وكلامي ديريه فودنيك ياويل للعب مورا ضهري (بالغوات) واش مفهوم .
1 2 3 باااااااق ااااااي جات نوبتو مسكين طااااح و طيح معاه هنية و العربي جاو تحتو.
ربيعة: (هازا البالة الفوق)😈مفهووووم و هااااا ربعطااااش سبعة لسيدي ميمون و سبعة السيدي سعدون شيلاه ارسول الله .
العربي:(كيطل عليها من التحت مبجوغ) 😫وااااا الموصيبة و بااااش بلاني الله عتقي عتقي عضامي مشاو.
هنية:(هارون فوقها و فمو فعنقها بورشها وباها تحت منها عنكشها) وبااا و رصاااا رصااا نحيدو هذ الحلوف( كتحاول تفيقو) واااا سي قارون وااا هياا واك واك قتلتيه اما قتلتيه.
ربيعة:عععععععع(كتحول دفعو ) وعاونو عاونو ممات والو .
تحيد بمشقت الانفاس وقفت هنية كتسوس حوايجها و العربي ضهرو تقوص مسند غا بزز 
ربيعة: 😦نتوما لباس.
هنية:ااه (كتلوي جنابها حست بيهوم تنملو) ل...
قبل منكملها طار عليها العربي ساد فمها.
العربي: مالباس مالباس والووو بالعمى شي باس مشفناه ياك ابنتي(غمزها حركت راسها بأه و طلقها)
😂إيه مسكين خاف ليكول لباس و تبعو هارون مرتو و حافضها .
ربيعة:(شافت شاكوش) لين بسلامة ؟
هنية:(جرتهوم بجوج ) نمشو نمشو بحالنا 
ربيعة: ودوك الحلالف لبرا شنديرو ليهوم .
هنية:(حبست) أوووف نسيتهم را خصنا نمشو لفاقو هذ المرا مكاين لفكنا من قارون .
ربيعة:😷وشنديرو دبا
العربي:😎تبعوني نخرجكم 
تبعو العربي من اللو على اساس عارف باب اخور و صلهوم حدا صور لكيحد الجردا حدا هذاك لنقز منو صباح.
العربي: هااانااا
هنية:😧صور اباا صور نقزوه قرودا حناا 
ربيعة : لا لا و قيلا ندخلو فيه ياك
العربي: سكتي نتي و هيا تسناوني ها انا جاي 
ماشي بزاف باش مشى و جا راجع هاز فيدو سلو لصقو مع الحيط تبتو مزيان و شاف فيهم .
العربي:هانا😎
ربيعة :(جمعت بيجامتها وطلعت )يابسم الله انا نبدا ...درجة و را درجة طلت من صور باليها شاريع خاوي ولكين كيفاش غدير تنزل الجيهة تانية.
ربيعة:😭واااا مي و سير العربي بيتك دقة كندير نزل 
هنية:(خافت عليها) و شداك اما لشي سلوم مالك زربتي مالك.
العربي:قطعو حسكم (طلع راسو) و سمعي واا الهايشاا ركبي صور ركبيه بحال لراكباا الحمار 
ربيعة:😭وزعماا منطيحش لا لا غنطيح
هنية: واا ماا غ ديري كيكال متخافي انا نتبع 
ركبت ربيعة صور هز العربي سلوم مكحزو الهنية باش تبعها ..جمعت جلابتها و طلعت تابعت مها بنفس طريقة من بعد العربي تبعهم .
بتالت دبا فوق صور رجل هنا و رجل جيهة تانية😂خلاها العربي ركبت الحمار .
العربي:😈ودبااا (طل على التحت ) نسيب ولديكم
ربيعة:(زيرت على هنية) واااااع ميمتك ميمتك عار المرحومة 😭نزلنا.
هنية:(تقجت) وااا مااا نفس قطعتيه را غ كيقجم معاك طلقي طلقي.
العربي:😂وليتي ترمي العار يالله هبطو ريوسكم نحول سلوم .
سكتت ربيعة خصها غ توصل الارض و تفديها فيه حناو راسهم هز العربي سلوم و حولو الجيهة تانية تبتو مزيان ...سبق نزل عاد تبعتو هنية من وراها ربيعة لدرجة لخرا زلقت رجلها ،ومع العربي كان مكاليها بديه جات على كرشو تزوا مسكين .
العربي :(دفعها و تطوا اكمد دقتو) اااعععععع بنت الخماس قتلتني لخلا الحلوف(هارون) كملتو بغيتي بغلة تركلك . 
ربيعة:(كتسوس بجمتها) 😈 ياك كنتي باغي تسيبني يالله كمدهااا دبا .....شافتو ناظ ليها هربت كتجري تبعها .
هنية:😮لالا والله تجراو ( بالغوات) و هانا غ هنا تنشوف فين حدكم يالله ...شدت الارض طالقا رجليها عياوها.
ربيعة تجري و العربي وراها ضربو مسافة صدق العربي راجع اجري و ربيعة وراه ..رجعو بجوج شادين فدرعان هنية تفكرو اخير مرا جاو فيها فضلام فين طاحو .
هنية:😡صافي جريتو و شبعتو ياك كنعود نكولكم لتهربو فين لقاكم انا لتجليتو .
ربيعة: (كتمسكن )منعودوش منعودوش غ نوضي نحيدو من هنا .....لحضت صمت تسمع صوت عجيب غريب غااااااااار غااار دارو بجوج جيهت العربي.
هنية و ربيعة:😣😣
العربي: (كيحك كرشو)هيهي تخلعتو غ مسارني جوع جوع والله حتى جوع.😥
ربيعة: 🙀احياني جوع الغدار تانا تانا ابنيتي هلكني غار هوا مسرني مطرطروش😒(كتشوف فالعربي).




Tags:
أحدث أقدم