هنية في المريكان (الجزء الثـالث) | قصص



البارت :21📃بقلم أم جود📃

هنية :(مزال فوقها)😤العمى نتي و ياه متعرفونا عريانين متعرفونا خامرين نتوما لاش ديرين الباب دقو دقو .
توبة:(كدفعها)حيدي حيدي(كتشوف فيهم )غنشرح ليكم 😰.
ملاك:س س سمحولينا (سدات الباب و شافت فقيس لمزال مصدوم)واش شفتي شنو شفت .
قيس:😲وي شفت و نتي فهمتي شنو فهمت .
ملاك:😱آويلي ميمكنش زيد زيد (جراتو) إمكن غ سوء تفاهم.
قيس:ممكن يالله نطلو على خالتي .
~~~~~~~~
عند توبة لدفعتها بزز و ناضو جمعو روينا لدارو ..
هنية :(جلست)و آخيرا سلينا يالله ياختي مت بجوع.
توبة :أجي بعدا شنو جابك حدايا 
هنية:(وقفت)إيه عندك صح يالله نزلو إفهمونا ر دخت
توبة :(جراتها جيهت دوش) و أجي بعدا ندوشو ..
هنية :وااا غسلي وحدك و نغسل وحدي لنصدق خشياك فالخابيا 🚽😂
توبة:😂هههه زيدي زيدي عارفك حنينة...دوشو البنات و نزلو التحت بدلت هنية حويجها و توجهو الطبلة..كانت فتيحة كتجمع الماعن 
هنية و توبة :(عنقوها من اللور)صباح الخير 
فتيحة:هههه صباح نور بعدو يالهيشات قتلتوني
هنية :(بعدت جرت الكرسي و جلست)الله الله طلقي داك الكأس نحنجرو عاد تباني .
توبة:ههههه بقرة كُولي كُولي (شافت فتيحة)فين ماما و بابا .
فتيحة:جلسين فجردة 
هنية :(فمها عامر) بااا و ماا إنا تيجاه شادين .
توبة:ههههههه خوي فمك بعدا
فتيحة:هههههه جلسين معهوم كولشي مجموع تما اليوم الحد.
توبة:ههههه واش نتي شوياا لباس اليوم ثلات 
حليمة:😮وصبحان الله راك دايخا هاكي شوفي تليفون(مداتو ليها).
توبة:(شداتو)والله الا آويلي فين الاربعاء و خميس جمعة (وقفت)لالا هدشي بزاف.
هنية:😂عرض عليهم سبت.
توبة:😒براكة من طنز و نوضي نشوفو شنو وقع
هنية :(كتشرب العصير)مم أخير شي عقلت عليه كلينا الكسكس.
حليمة:😰نوضو نوضو را سي هرون بغانا فجردة عاد علمتني ليزا.
توبة:😱صافي صافي اليوم إعلاقنا
هنية:شو ككترعدو زيدو إعطيكم الخلا(زات قدمهم)ومالو إخلاعنا اش درنا گااع.
~~~~~~~~~~~~~~
كان كولشي مجموع فالجردا ربيعة و زهرة فقنت مجمعين جنبهم عدنان و العربي طلقها عليه ...و الفوطوي لحدهم ملاك و قيس كوشوشو و كيسان القهوة قبلتهم اما هارون جاه تصال و بعد جيهت لبيسين إجوب .
هنية:☺سلام و عليكم 
الجميع :وعليم سلام 
عدنان:لباس عليكم 
هنية :لباس اعمي و نتوما
زهرة :(كطل على توبة لمخبياا ورا هنية)مالك مخشيا تما ؟
قيس:😂شتي وخا تخباي تحت الارض إجبدك
ملاك :هههههه اليوم المحكمة 
توبة:(مشات تخشات فباها)😡وبابا دوي معهم والله مدرت شي حاجة.
عدنان:(عنقها)ههههه وي آبنتي ماشي شيحاجة غ غيابتيهم 5يام 
توبة:(كتزيد تخشا فيه)دوي معاه عفاك
زهرة :هههههه مكاين لفكك
كولشي شاد فيها اما هنية مع جلست حدا مها طلعت معها بقرصة من نوع الرفيع خلات عوينتها إدمعو
هنية:(كتحك فخضها)😢احححح اما حرام عليك...شوفي ناش كيمعنقين ولادهم تعلمي الحنان
ربيعة:😠باش تعلمي تشدي لرض تي آش درتي الداك الحلوف(هارون)ساير إقلب عليك بقا البوك غ تعناق.
العربي:(داير رجل فوق رجل) وتي وديك الهيشاا بعدي من بنتي.
عدنان :ههههه مالكم ياك لباس
العربي:وايلي تانتا جموع العيالات 
هنية مسكينة بدلت البلاصة جلست حدا ملاك و قيس
هنية:😑سمحوليا على ديك ساع كنت مفلقة فراسي
ملاك:😕كيفاش
قيس:ههههه بغات تكول كتفيق خاسرة هانيا الالة حتى حنا كان علينا ندقو.
ملاك:هههههه اااه عاد فهمت نونو أزين عادي


ضحكهم مسموع من بعيد ناشطين واخا خمس يام ديال التوتو و الخلعة مي الحمدلله كولشي بخير دباا ..سالا لتيصال ديالو وقف عليهم كي ملاك الموت ملاميحو مكيبشروش بالخير نافخ صدرو و إديه فجيابو كولشي سكت😯.
هارون:(آشار بصبعو التوبة و هنية)😠نتي و نتي تبعوني المكتب...زاد و خلاهم 

توبة:😰واخا(شافت فهنية )يالله نوضي
ربيعة:نوضو سيرو سيرو ليجي إخلاطنا
زهرة:هههه لالا ماشي تال ديك دراجة غ هوما
توبة:😢حشوما عليكم كتزيدو على همنا
هنية:(جراتها)زيدي زيدي لشفك إكول غرقليك البابور.
قيس:ههههه متخفوش إدو حنينة
ملاك:(دربتو لكتفو)ههههه حشوما مساكن شوف كي مخلوعين(بالغوات حيت بعدو )الله إعونكم
شبعو فيهم ضحك عارفين بلي غيسمعهوم خلا و دنيهم

هنية فالمقديمة و توبة و راها و صلو المكتب دخلو بلا دقان ...لقو سيد جالس طالق إديه على الكرسي و راسو مرجعو اللور سمع الباب تقاد فالجلسة و آشار لهم اجلسو .
هارون:(ببتسامة )☺جلسو جلسو (آشار الباب)هذاك الباب ديكور إمكن ياك
توبة:😍واااو كيضحك
هنية:(على نيتها)لا مزيناتو كان مسدود و حليناه
هارون:(ضرب بدو المكتب حتى قفزهم)😤وعلاش دخلين بلا إذن.
توبة:😨😨
هنية:😰والغوات لاش (شافت فتوبة)نوضي نتي نعاودوها.
ناضو البنات خرجو دقو جوج مرات عاد عطهم الاذن دخلو مجلسو حتى سمحليهوم 😂الحكام و ميدير 
هارون:😠يالله كنسمع عطوني تفسير 
هنية:(همست التوبة)تي هذا علاش داوي 
توبة:(حتى هيا بنفس الهمس)على دجاج 
هارون : (وقف وإديه فجيابو)طلقونا(شاف فتوبة)سمعيني صوتك 
توبة:(رسها فالارض و كتكل ضفارها متوتوا)انا انا اخويا جبت زاك بغيت نكول فروج على حساب تجريبة حقنتو بمنوم فعال باش نشوف عمل الخلايا نشيط...
هارون:(قطعها)سطوب جوبيني على قد سؤال ماشي عرضي عليا آش قريتي 
توبة:😷😷😑
هارون:(شاف فهنية)😡ونتي 
هنية:بااا دبحو و ماا ريشتو و انا طيبتو و صافي 
هارون:(بعدم فهم)😕كيفاش!؟
هنية:الفروج داوياا على الفروج لنتصحبو جاني من سماا.
هارون:(بنفاذ صبر)😤سحاب فسماء نتي و هيا بسب الكلاخ ديالكم نعستو خمس يام متابعاا و نحمدو الله جات على نعاس شويا و تعرضو حياة غيركم الخطر .
(بالغوات)معاكم كنهضر هزو رسكوم .
توبة:😢خويا انا انا مقص...
هارون:(قطعها)اخير مرا تجيبي شي حيوان الدار وداك المختبر غنسدو
توبة:😱😵سمع انا اناغغ..
هارون:(خنزر فيها)بيتك يالله متزيدي حتى كلمة 
مشات توبة عنيها مغرغرين بالدموع كان قاصح معها و مسمعهاش خلات معاه هنية لمخرجا عنيها و كتسنا نوبتها و هاهيا جات بتخنزيرا منو عرف إخلاعها واخا غ شوية.
هنية:(وقفت)هيهي دوز بخير ماا كتعيط 
هارون:😡غتكْلسي لا 
هنية:(جلست)😑هاانااا
هارون:(قرب حداها)سمعي مزيان و هدرتي مغديش نعودها آخير مرا توصلي شي حاجة ماشي ديالك ...لزمي حودودك راك مُجرد ضايفة و على هذ الاساس مصبر راسي ،والكوزينة عطيها تيساع واش تفاهمنا.
هنية:😮هااا
هارون:😤برا قبل منرتكب فيك شي جاريمة
هنية:(وقفت و راسها عالي)😒هاهيا غذا بلا غوات سلامة ياربي غتفرگع غ بوحداك ...
خرجت خلات بوركان هايج وراها الحصول مصور منها والو كلامو ساط فيه ريح ..خدمتو حسلو و دكشي ليدار خرج إسالي شغو لهملو هذ اليام .


غاديا فالكولوار كتهرنن و مرا مرا تمسح دموعها بكمامها .
توبة:😭كتغوتو عليا غ انا كتحگروني عارفا راسي إهئ إهئ عقلو كتحماو و مكاين ليفك اصلا موحال واش بنتكوم 😭.

تلاقت مع قيس ضربت فيه وزادت حتى وقفها 
قيس:(شدها من دراعها)واش كتبكي !؟
توبة :(نترت إديها)لا كنغني وسع مني حتى نتا
قيس:بلاتي (وقف قدامها)بغيت نسولك 
توبة:(بنفاد صبر)سربي شنو 
قيس:(متوتر كيحك فشعرو)زعما بغيت نگو هوا شفتي 
توبة :😡مالك دوي
قيس:واش نتي كتميلي البنات زعمة واش.....قصت ..
توبة:😤(بالغوات)شنهواااااا لالا صافي 
قيس:😟تهدني انا م....
توبة:(دفعتو وكتشالي بديها)نتا وحد حقير نتا نتا نتا(كتفكر)بغيت بغيت طيارة طيرك كيفاش هذ الجمال كامل تكُول عليه هكا أونوتي شككتي فيها (الفوار خارج من ودنيها من العصاب ضربتو بين رجليه و هربت)شد المك يالله
قيس:😵اااااااي(من حر ضربة تحنى)اااااه وخا على مك يالبرهوشة ولادي ولادي (كيتوجع)ااااي قتليني حسن....كمدها سي قيس نتا لقلبتي عليها.
~~~~~~~~~~~~~
عند ربيعة لهازا مشطة و قرعة ديال زيت العود علم الله من جبدتهوم ،مخلات صالون مخلات جردة كتقلب على شيواحد حتى بنت ليها زهرة هابطا من دروج 
زهرة:اش دكشي فديك واش كتقلبي على شيواحد 
ربيعة :ايه ايه فين ديك الموصيبة شتها غابرا
زهرة :😟واش هنية!؟
ربيعة :هذيك إرضي عليك شفتيها 
زهرة:وي فالكوزينة مع....،😂ومعمن ربيعة طارت و خلاتها بلاكة شافت حتى عيات وجلست فصالون 

فالكوزينة جالسا فتيحة و هنية كيوجدو لسلاد الغذا 
حليمة:ياختي دماك بارد صبنكم سي هارون و مدا منك والو 
هنية:(كتنقي الخيار)وايلي تانتي و بقات فيا غ توبة صيفطها المصنگع كتبكي.
حليمة:دبا تنزل كوني هانيا من جهتها(نتابهات الربيعة)😐خالتي بغيتي شي حاجة.
هنية دارت تشوف بانت ليها مها عينيها خارجين وهزا المشطة و زيت عرفت راسها اليوم تنتف...مبالها غ باب الجردا لمحلول اراااا برع عطات رجليها الريح 
ربيعة :(تبعها)أجي و تي أجي الديك المشعكة
هنية:(كتجري فجردة)ماا حجارك إشدوك بعدي مني
ربيعة:(كتنهج)ويااااا المعفونة لشديتك نكرطو الباباك..(عيات وجلست)المسخوطة غبلاتي لمكويتك يالمگملة شوهتينا
العربي جاي من وراها شافها نشرت رجليها و ركلها 
ربيعة:😭وااااابااا(كتحك رجلها)
العربي:😤تجمعي إتبع بوك البلا مكاين لشوهنا گدك تهزي من تم .
جمعت ربيعة الوقفة لتجيها ضربة تاني دخلت كتوجع حيت بصح قصحها ....اما هنية حبست من جرا مبنت مها ودارت دوميتور الكوزينة القات فتيحة و ليزا جلسين خدات كأس ديال الما و نزلت عليه فدقة.
هنية :اححح الله (جلست) أوووف تهلاكت
حليمة:😂علاش هربتي 
هنية :😑أودي ماا الله إهديها شي مرت كتجيها هذ الحالة عند بالها مزال صغيرة و خسها تمشط شعري ...صباح تبان ليك هزا شراوط تخرقني.
حليمة:😮هتا الهذ دراجة مسكينة الله إشافيها 
هنية:امين يارب
~~~~~~~~~~~~~~~
وصل وقت الغداء كولشي مجموع على طبلة من غير توبة لمنزلاتش مزال مقلقة .
عدنان:فين توبة
زهرة:مبغاتش تنزل
ملاك:إمكن مزال مقلقة من هارون(شافت فيه سيد مشغول فتليفون)
قيس:😂وشكون عرف وقيلا القضية فيها إضراب عن طعام .
هنية طالقا ودنيها وكتصنت سمعت الاضراب و هيا توقف :مسكينة حرام نخليها بوحدها حتى انا معها بصحتكم .
كولشي كيشوف فيها هارون دار نص شوفة ورجع إكمل مكلتو ممساليش الهبالهوم .
العربي:(وقف)🙅إيه إيه حتى انا نضرب 
ربيعة:😒وكْلس اداك شيباني غ خاشي راسك ضرب غ الخوبز وسكت.
العربي:😤سدي دلقوشك لنجبدها معاك ضروك .
هنية:(تدخلت)وبااا نعل شيطان ماشي نضاربو زعمة غ نحبسو الماكلة .
العربي:(رجع کْلس)هوكاك الماكلة لالا غ سيرو ابنيتي مفرشك برضااا.
عدنان:جالسي ابنتي توبة دبا تنزل 
زهرة:وي بصح كولي بعدا 
هنية:🙍لالا اخالتي هذيك صحيبتي حرام نخليها دوزو بخير(مشات)
قيس:ههههه بتوفيق (همس الهارون)قلقتي لينا توت رتاحيتي دبا 
هارون:(مسح فمو)برهوشات خليهم ونوض تخدم را منقصني صداعك 
قيس:(وفق)🙌سيادنا بصحتكم 
زهرة:جلس اولدي تتكمل مكلتك 
هارون:(جرو)براكة عليه تبعنا الخدمة
عدنان:😂شور على ولد خويا
قيس:احفظك اعمي وصي وصي..(كيقاد فالكول)طلق اصاحبي سمعناك 
هارون جبولو الكارد لوطو ركب و آشار القيس اركب حداه
قيس: غ سير عندي ديالي
هارون:😈غتكرب لا 
قيس:ها هوا ركب ودار سمطة شخاص مك مزال 
هارون:دبا مزيان ....(ديمارا و خرجو)العريضات علاش و صيتك
قيس:(كيبدل فالماسق)ممم هذي مزيان(شاف فيه) وي وصيت عليهم غيصيفطوهم سيمانة قبل على حساب تدريبات .
هارون:مممم مزيان


عند هنية لوقفاا قدام باب البيت دقت جوج مرات عاد حلات الباب ..كانت توبة ناعسة على كرشها و خاشية وجها فالمخدة.

هنية:ممم زين ناعس(جلست حداها)
توبة:(هزت راسهاعنيها حمرين)لا غ متكيا تغديتي 
هنية:كحازي (تكات حداها)راجيت نضامن معاك 
توبة:(نعست على كتفها)واش بصح سمحتي فكرشك على قبلي
هنية:(كتالعب فشعرها)واش مزال مقلقة هم !؟
توبة :(تقادات فالجلسة )لا غ كنتفشش عليهم 
هنية:ههههه و طولنطية مع راسك واخا الالة حتى انا معاك نوضي عطيني شوية
توبة:😮باش عرفتيني كنت كنكول شيحاجة 
هنية:را شوافة هذي وجرك على الله 
توبة:هههه سلوكِي صافي (جبدت الشكلاط🍫من تحت المخدة كانت كتكول فيه)
هنية:(خداتو و بدات كتكول)🍫طلقي هنا نكملوه و نعسو لنوريك سلوكي آش كيدير .
~~~~~~~~~
🌚في المساء
ربيعة فالكوزينة واقفاا على فتيحة مسكينة قربت تلوح حويجها اما ليزا سالكة منها مكتفهمش هضرتها.
ربيعة:🙅زيدي العطرية وربيع 
فتيحة:(كتشرمل اللحم)🙍واخا اخالتي 
ربيعة:وهياتا وديك صفرة(مع ليزا)شعلتي الفاخر
ليزا:😷😷ااا
فتيحة:(عطتها طبسيل)هاكي اخالتي دي هذا راه وجد و الفاخر مشعول
ربيعة:(شداتو )طلقي هنا وتبعيلي لبقا..دات ربيعة طبسيل الجردة فين غيشويو مداتو الملاك لكانت كتعمر القطبان ومشات حدا زهرة لمقابلة شواية ،اما عدنان القا لفوج عليه جلسين هو والعربي بعاد عليهم لعبين ضامة .
زهرة:(كتقلب فالقطبان)مممم هذو وجدو خاص غ دراري دبا (شافت فملاك )نوضي كلمي البنات من صباح منزلو .
ملاك:(حطات دكشي لفديها)واخا دبا 
ربيعة:انا نكمل هذو لبقاو 
~~~~~~~~~~
عند النبات دوزو نهار كامل فنعاس منزلوش شرجم كان محلول داخلا منو ريحة شوا ياسلام 
هنية:(مغمضة عنيها وكتشمشم)الله الله توبة و توبة(كتحركها)
توبة:مممم شنو 😴
هنية:ريحت شوا نوضي نوضي 
توبة:(دات المخدة على راسها)آشمن شوا الله اهديك غير ريحت حزاقك هذاك لشميتي نعسي نعسي .
هنية:(جلست كتحك فعينيها )لالا هذ ريحة مجهدة و مشرملة (شعلت الضو وجرت رجليها جيهت شرجم)😍😍ونوضي شوفي و الله حتى هوا اشمن حزاق
توبة:(فاقت كضرب برجليها)اووووف فينو يالله
هنية:(جراتها جيهت شرجم )شوفي 
توبة:😍😍ناري والله الا شوا (يالله بغات تجري حست براسها مشدودة من القب)😕😕
هنية:(لحتها على نموسية)ياودي ياودي على لاضراب إخليك بالخلا فين اش إسمو باباها (كتفكر)ممم اه الكرامة فين كرامتك
توبة:😑نسيت سمحيلي ولكين را كشويو
هنية : ومن بعد ياك متغدينا نزيدو على باباه العشاا تكون فيك نفس.
توبة:(وقفت)وي عندك صح نكملو باينا كيديرو ها بالعاني باش إستفزونا
✊✊دق دق دق
توبة:(بالحس)سربي نعسو...رجعو البنات البلايصهم وتغطاو جوبات توبة بصوت تقيل و نعسان ..مممم شكون
ملاك :(حلات الباب)انا يالله تعشاو طلبينكم التحت
هنية:(عطتها بضهر)لا آختي غ بصحتكم ديرين إضراب
توبة:بصح سيري علميهم و سدي الباب موراك
ملاك:نعلو شيطان و زيدو مكليتو والو من صباح
هنية:شيطان هوا بنادم اختي باركاا خوك زرادنا الله إجازيه بالخير .
توبة:عندها صح حتى الهنا و باركاا لن نتنازل حتى يتم تقديم الاعتيذار .
ملاك:🙍لبغيتو خطركوم(سدات الباب و خلاتهم)
هنية:مشات (وقفت)ودبا شنديرو
توبة:(مشات جيهت شرجم )😢نتفرجو من بعيد و صافي


داخلين مع الباب مزاجهوم عالي ناشطين توجهو الجردة و كملات اللمة جلسة بغاها الخاطر مع الحباب ..تجمعو على طبلة دخاخن و القطبان ضحك و تقشاب حتى من هارون لِديما مكشر اليوم ضاحك وشادين فزهرة ...غفلين على العُيون لمراقبهم من شرجم ولا نكولو متجاهلينهم .

توبة:(نزلت ريدو )😤آصلان شوا ماشي صيحي يالله
هنية:😒(متكياا) لمالقاتو المعدة (ضربتها بالمخدة)تحركي من تم جبدي منحنجرو مسارني هلكوني شي بشكيطو شي شكلاطات .
توية:😞والو مبقا والو عندي كواشي كليناه حشوما على الاقل إراعيو لينا .
هنية:😥أجي أجي آحبيبتي نعسو هدشي لنقضرو عليه..آشدانا لشي إضراب 
~~~~~~~~~~~
سلات اللوليمة شهية كولها ناض البيتو من غير قيس و هارون لجاتهوم الگانة على لصال مشاو ليه ...تقطع الحس و ضواو نقصو وفبحال هذ الوقت كتجي نوبت المشاش ولا سراق زيت😂.
توبة:(بشوية كتهضر)ااااي عفطي عليا
هنية:ونتي ليلسقاا فنصي كحازي 
توبة:شووو صافي ..هابطين مع دروج بالحس و بلا ضو هنية :تسناي هنا نجيب لبيل من كبوط باا
توبة:😧(شداتها)اويلي غتفيقيه
هنية :لا ميفيقش تسناي...دخلت هنية البيت مها و باها لِسرحين عجول لاخرة حافظة طريق مشات نيشان الكبوط باها لمعلق قلبت جيابو وجبدت البيل رجعت عند توبة لقربات طلقها فسروالها خوافة .
هنية:يالله زيدي
توبة:😶ما هذا
هنية:بيل ورتهو أبي عن جدي الله إرحمو إنفع الضو و العصة..زيدي شحال فيك(كان بيل قديم ديال الحديد لعقلتو عليه😂)
توبة:(تبعها من اللور)هذاك را توحفة ناديرة من الحديد القديم ..و مشاء الله مجهد ضوي ضوي هنا 
هنية:شوو غ بشوية لتفضحينا تحناي ....تحناو المشات على ركبيهوم كيزحفو وصلو تلاجة حلوها .
هنية:😍واخيرٱً جاء الفرج..جبدت ديسير و اللبن وحلوة ديال الكريمة
توبة:😟فين فين(كتقلب )اللحم فينو 
هنية:(فهما عامر)وتي حمدي الله شدي شدي حنجري لنحصلو.
ديسير اللحلوة الفرماج اللبن كول ماهوا صاليح الاكل تحط فالارض مضوين باب تلاجة المحلول هذي تنفع هذي ضر حتى من الخل والخضرة جبدوها ...شوية تشعل عليهوم ضو توبة وحلات ليها و هنية ممسوقاش خدامة كتمضغ .
هارون و قيس (وقفين مصدومين)😲😲
توبة :(ضارت بالعرض البطيئ دموع تحجرو فعينيها فاش شفتهم وفقت)نتوما نتوما ح ح حگارين ديما كديروها 😭😭عديمين المشاعير إهئ إهئ ماما بغيت ماما... دفعتهم مشات كتجري البيتها.
بقات هنية لمزال جالسا طالقا رجليها رجعو شافو فيها 
هنية :(مخنزرا وفمها عامر مضغتو بزربة وتبعتو اللبن )سلامة ياربي حضوني (وقفت كتسوسو فديها) 😠مالنا بنادم كياكول معمركم شتوه (سدت باب تلاجة بجهد)ياااخ وحلوها لينا البشار دقو دقو ديرو الحس آبنادم (كتهز فديها) لاش لاش فيقين لاش حيدو(دفعتهم وزادت نافخة صدرها غ فاتت الكوزينة هيا تعلق تبعت توبة )
آما قيس و هارون كولشي جاهوم على غفلة هههه زربو عليهم
هارون:😮شتي البرهوشات كتهزو
قيس:😧وياه اصاحبي حصلو زيدينها بتخراج العينين
هارون:(شاف روينة)😕هاماج الله استر غ ديال العصة(جبد القرعة ديال الماء شرب منها)شد(لحها القيس)وبونوي
قيس:ههه لاش فيقين زوينة هذي 
هارون:(خارج)هههه زربو علينا غ كمدها
قيس:(تابعو)ههههه هذي كاينا تكركب بونوي
~~~~~~~`~
كانت شادا الباب كتسناها تجي وحاضيا مع جنابها ليبان شيواحد تاني بنتلها جايا كتجري و جها حمر دخلات و سدو الباب .
هنية:((شدا قلبها كتنهج) الله ياربي الله اوووف تهلكت (طاحت على نموسية ).
توبة:(كتغزز ضفارها)ناري شاافونا اش غنديرو تفضحنا
هنية:(تغاطات )مالنا قتلين روح دوزي تنعسي غذا نكملو على إضرابنا غ مكنا واجدين إعاودو راسهم .
توبة:(تخشات حداها)اه بصح من غذا نبداو المهيم شبعنا .
هنية:😴😴
توبة:(طلات عليها)😑مسكينة عيات(باستها فراسها و نعسات)😴😴


اصبحنا و اصبح الملك لله 

داخل مع الباب كولو عرقان شعرو فازك و تيشورت لصق عليه بارز عضلاتو شحال هذي مدار سبور بكري فطريقو لمح العربي محني على لبسين وجاه الفضول إشوف آشكيدير ..
القا سيد خاشي رجليه فالما بصباطو ساد عينيه وكيغني 
العربي:جيبولي عايشة وااا عايشة وااا عايشة المجدوبة واا..(قاطعو)
هارون:😕آش كدير ؟!
العربي:(هز راسو)هذا نتا الحلوف هيهي بغيت نكول ولدي كنكمد كراوعي آجي آجي حدايا 
هارون:😮لالا شكرا بصحتك (مشا مسكين معجب فهذ لخليقة )نتا لخاصني 
العربي:(بالغوات) وااا رااا زين زين إحيد البرد فالمسارن و بوزلوم من راس وحتى دوخة فركابي واااهيا صافي مشيتي شتعرفو نتوما الدوا البلدي (رجع كيغني)وااا عااايشة وهلي يانا و عاايشة واااعا....تسمعات بشاااااخ مسكين معرف دفعة منين جاتو جاب الله لبسين مغارق و مسلك راسو فالعومان .
العربي:😨(كترعد ) بس بس بسم الله الرحمن الرحيم
ربيعة :🙅وا كيجاتك عاايشة زينااا ياك 
العربي:😬والله والله والله و نشدك يابنت الخماس ن ن ن ن نعصرك.
ربيعة:😈لوصلتي ودنك عضها يا شيباااا العاصية بقاتلك غ عااايشة وتبرد فيها بغتليك جوادها اشدوك ميطلقوك ...مشات و خلاتو هايج وكيتحلف عليها طلع من البسين كولو فازك مشاا بدل عليه بزربااا باش ميفوتو الفطور 
~~~~~~~~~
عند توبة و هنية لشادين طبليط وكيقلبو فاليوتوب على طريقة تسهل الاضراب 😂إحاربو جوع زعمة .
هنية:(خاشية راسها )دبا من هذ جاجة تجبدي العجب يأختي تسليم ياك ممسكونة وديال ماليها هدشي إخدم وحدو.
توبة:😑الله إهديك آشمن مسكونة هذي طبليط لوحة إلكترونية ماشي جاجة تفرجي و سكتي 
هنية:😤 لا نوضي ضربيني حسن شتك بحال لاكطيري لا كتليك لوحة وتكون حتى جليجة مهم دكشي كتحرك وحدو.
توبة:😰بالعمى يأختي غ جوع متديش عليا شوفي هذا نديرو بحالو .
هنية:(كتفرج)ممم و مالو عاكد راسو ياك مفيه سخانة 
توبة :طلقي هنا شمن سخانة هذي كتسمى اليوكا فهمتي .
هنية:😶لا 
توبة:هنتي غتجلسي و تربعي رجليك وسدي عينيك تهدني و سرحي بخيالك واخا 
هنية:صافي فهمنها نمشي نجيب حامضة و زيف 
توبة:(شدتها)اويلي لاش ؟
هنية:حتى نجي و تعرفي (مشات كتجري الكوزينة )
توبة : ياربي آش داني لشي إضراب 😩😢جوع هلكني
~~~~~~~~~
نزلت كتجري دازت من حداهم بحال العجاجة رمات سلام خلاتهم معجبين فيها كانو مجموعين على الفطور ...وصلات الكوزينة من زهرها العوج لقات ليزا 
هنية:😑ناري نتي لبقيتي (شافت فيها)سلام لباس هنتي خليك تم راني مواكلا والو وجوع هلكني نهز شغلي و نزيد سمعتي .
ليزا:😮😮هاا
هنية:والو والو ..مشات التلاجة هزت حامضة و موس وزادت مع طريق قربت فين جالسين و بدات كتحسب و تستاعد 
هنية :هانتي متشوفيش فيهم طبلة عامرة 😢1 2 3
إنطلق العداد هههه سورعة مضاعفة ريح و داز 
زهرة:😮اويلي مال هذي (بالغوات حيت بعدت)عنداك طيحي .
ملاك:ههههه عادي را مزال دايرين إضراب تخاف تنسى راسها لشفتنا كنكلو
قيس:ههههههه كاينا و بلان هوا جوج و تلاقاو كملات 
عدنان :(شاف هارون)ولدي راك عرفها معندها عقل آشنو نعول عليك
هارون:😉كون هاني الوليد نرجع و نحزرها 
زهرة:بنتي مسكينة كتمرض لبقات بلا ماكلة 
قيس:(وفق)هههههه نتي لغتمرضي اخالتي هذيك مسلكاا راسها 
هارون:(باس راس مو و جرو)كوني هانيا نرجع و نصالحها اوكي بقاي على خاطرك
زهرة:😊الله إرضي عليكم و حفضكم
قيس:ههه امين امين ..خرج قيس و هارون الخدمة تبعهم عدنان بقات زهرة و ملاك وربيعة والعربي 
العربي:😠خرجي فيا عنيك حطي طبسيلي 
ربيعة:😬تكول جناباك هذا ديالي 
زهرة و ملاك:😵ناري هاهوما بداو تاني
زهرة:(شادا راسها )ياربي ياربي بلا صداع 
ملاك :(تدخلت )خالتي اجي معايا (جراتها)
ربيعة:وغتسناي نكمل كاسي 
ملاك : حتى نرجعو يالله يالله 
العربي:(شاف فزهرة)شتي هذي (ربيعة)غ ديال العصة تريكت الخلا انا راكنت باغي ختها لكبيرة غ باها شمتني الله إسمح ليه.
زهرة:نعلو شيطان المكتاب هوا هذا صبر و صافي
العربي:اودي انا زين وولد ناس غ هيا لعيشورية و فمها مبري منها


قطعت الحامض طراف وصوباتو فجوج زيوف واحد دارتو راسها واحد التوبة
هنية:(جلست فالرض)دباا مزيان يالله زيدي نديرو بحالو.

توبة:(كتحول تفك زيف)🙇هدشي مزير علاش درناه هوا كان لبس بنضة فراسو ماشي زيف و حامض
هنية:(سدات عنيها )😌مم يالهبيلة الحامض غحيد لينا دوخة فهمتي .مغيجيناش جوع بزربة 
توبة:😽هاكك عاد فهمت صافي نكملو ....داز وقت الغذا مبنوش فيه كيتسمع غ شخير..مبقاتش جلست يوكا ولات جلست نوم عميق و غوص فبحر الاحلام .

عيات ملاك دق و مكاين لجاوب حلات الباب وسعت عنيها قربت جهتهم كانو جلسين فالارض مسندين على بعض ..فمهوم محلول ريق نازل وعطيانها الشخير و زيد عليها راس محزوم .
ملاك:😮هيهو (كتحرك إديها قدم وجهُم )وسبحان الله هيهو ..هذو ماتو ماشي نعسو 😂والله منفلت المنضر...جبدت تيلي من جيبها صورتهُم خرجت بالحس قبل متفرش.
ملاك :هههههههه وآمي كرشي هههه اليوم ندير الحبيباتي إشهار فبور.
~~~~~~~~
عند ربيعة لمقابلة زهرة فبيت نعاس ملاك كتبدل لزيد حوايجو .
زهرة:وينو الخوينز ديالي ار نشوف رجيلات👼
ربيعة:(كتقلب فجنبها)فينهوما خروقو 
زهرة:اري داك ساك ليوراك فيه كولشي..مدات ليها ساك جبدت منو ليكوش بدات كتلبسو 
ربيعة:فين شراوط و الميكة
زهرة :😮اويلي لاش
ربيعة:كطنزي عليا باش غتخرقي دري
زهرة:هههههه لالا دبا الوقت تبدلت ولينا كنستعملو هذا(وراتها ليكوش)
ربيعة:(عوجت فهما)😒شلا باش بدلتوه بكاغيط ..عار ربي هذا آش غيحبس.وتي جي شوفي يامناا فاش كنا نخرقو فين مكانت شي خامية ولا تريكو نلصقو البنتي هنية على مزينتها كانت تحطها 💩(حشكوم😂)و شربها الخروق لكان من صوف..فين دوك اليام
زهرة:(شبعت ضحك)😂ههههههه الله ياربي الله دوك اليام دازو ههههه دبا تطورت الوقت كولشي تبدل.
ربيعة:(وقفت كتقاد فبجامتها وتحزم زيفها)تي آشمن طورت جاني انا غتخورت خرجو عجب عمرنا شفناه قلت الحيا ولات كِشتا سلامة ياربي .
دخلت عليهم ملاك عنيها مدمعين بسيف من كترت ضحك .
ملاك:اريه اماما رضعو 
ربيعة:(كتشوف فيها)مالك ابنتي ظاربك البرد؟!
زهرة:عندها صح مال عينيك
ملاك :هههههه بلاتي نوريكم(جبدات تيلي ورتهوم طوف ) زهرة دكشي ليكان خصها كملتو اما ربيعة بحال لمصدومة خرجت عنيها وشفت فيهم.
ربيعة :(جلست كتبكي)😭إهئ إهئ الله ياربي الله كبدتي مشات
زهرة:(جمعت ضحكاا مخلوعة) اويلي مالك واختي ربيعة نعلي شيطان.
ربيعة:(كتغوت)وااا عكعوك اعباد الله رزاوني فبنتي (شنقت على ملاك جاب الله حطت ولدها بلاصتو)جبدي جبدي ياسحارة
ملاك:(مفهماتش مالها و زيد عليها مقجوجة)😨طلقي الله إهديك آشنو غنجبد 
زهرة:(كتحول تبعدها )طلقي منها ونتفاهمو آشنو غتجبد.
ربيعة :😬بنتي جبدي بنتي لخزنتي فديك المراية (طاحت على ركبيها كتبكي وتندب)الله ياربي الله بنتي غااا نية مسيكينة مشفتها عروس على زهرها المنحوس إهئ إهئ .
ملاك و زهرة مصدومين من منظرها خلعتهم توترو معرفوش إهدنوها بزز باش جروها البيت فاش ناعساا هنية و توبة غشفتها سكتت و دارت عند ملاك داخت و مفهماش آشنو وقع.
ربيعة:😵دبا هذي بنتي و ديك ليتم شكون 
ملاك :فين اخالتي هنية هاهيا حداك 
زهرة:إمكن كتهضر على تليفون جبديه جبديه
ملاك :(جبداتو) واش هذا اخالتي آشنو فيه فهميني..


ربيعة :(كتفرك إديها) م م م متديش عليا ابنتي نصحبك حبستيها تم(كتشير التيلي)

ملاك: الله إهذيك اخالتي خلعتينا هذا تليفون كندويو فيه و نصورو بيه آجي نوريك ..جبدتها حداها صورتها وراتها وربيعة حشمت من راسها مسكينة فين عمرها شافتو.
ربيعة:غ سمحليا والله حتى حنينة و قلبي هشيش هذ العجب عمرنا شفناه نعرف غ البورطابل لعمودو طويل.
ملاك:(كتحك فعنقها لتطرساو فيه صباع)معلشي أخالتي هذوك لعندهم لنطير مبقاوش اححح وحنينة و بزاااف عنقي قسمتيه.
زهرة:زيدو خرجو را البنات نعسين الحمدلله فاش فكيتوها هنا...خرجو إكملو كلامهم التحت مكيعياوش من جماعة و خصوصان مع ربيعة .
~~~~~~
تعاشت العشيا والحادكات مزال مبانو حتى بداو كتخلعو عليهم جلسين كاملين فصالون معدا هارون و قيس لمكدخلو حتى كتغرب شمس .
عدنان:(بقلق حط كاسو ديال القهوة)نوضي آبنتي شوفي ختك را بزاف هدشي على نعاس.
العربي:(دار رجل على رجل)وشوفي معك حتى ديك الموصيبة نهار كامل خامرة تكول بيتا طحن.
ربيعة :😠الموصيبة هوا نتا فوت عليك البنت 
العربي :(وقف) آصلان مكاين لمضسرها قدك تريكت الخلا (هز إدو )دبا نمرمق ولديك.
ربيعة:(وقفت حتى هيا كطوي كمامها)حربش قرب لمهزوك مكفن .
عدنان:(شد العربي) جلس اصاحبي كلمة جوج تنقشو..نعلو شيطان 
زهرة:(وقفت شدات ربيعة ) تهدني عفاك خلونا نشوفو البنات بعدا ..ملاك سيري شوفي ملهم و هذ المرا متنزليش بلا بيهوم.
ملاك :(وقفت )وخ...،قطعتها توبة لهبطت مع دروج مبوقة حداها هنية لكتبان كتر منها .
توبة :🙀بلاش هااحنى جينا 
هنية:ومتكولو مجينا
زهرة:(خلعوها)اويلي وحدي واش بغيتو تموتو اش هذ الحالة لالا هدشي بزاف (كتعيط الخدامة)فتيحة وا فتيحة وجدي الهذو مياكلو .
فتيحة :(جات كتجري )😮واخا الالة 
توبة : لالا لا حنى مااغديش نتنازلو 
هنية :(عنيها تقال )ايه ايه عندها صح 
عدنان :الله إهديكم واش بغيتو تمرضو 
ملاك :كونو تسمعو ...وليتو بحال الموتا
توبة:كلام واحد كلناه صافي(شافت فهنية)ياك اصحبتي .
هنية :بصح يالله دوزو بخير (جرت توبة)
ربيعة:وهياتا و ديك المتعوسة فين غادا راك لضعفيتي تما بقيتي بلا وتاد 
هنية: غاا هنا غاا هنا (جارا توبة)جنان الكرمة (جردة) إضرب فينا الغربي(البرد) إطلقنا الحال و ندخلو.
زهرة:(شافت فعدنان )واش غيبقاو هكا 😑عزو عليا حلتهم تشفي العدو 
عدنان:مديريش فبالك دبا إتعشاو معنا.(شاف العربي)اش بالك شي طرح.
العربي:هههههه طلق اليوم نغلبك...جبدو ضامة وبداو فالقصارا عدنان قليل فاش كيمشي الكلينيك كاين لمقابل الخدمة دبا همو العربي و مرتو إدويهم ..قرر إكسب تيقتو وديرو صاحبو عاد إبدا معاه العيلاج واخا مسطي مسهالش ونفسو حارة . 
نسحبت ربيعة و زهرة مخليان رجال فرحتهم اما ملاك فجها تيصال ومشات تدوي مع حبيبها .
~~~~~~~~~
ضلام الحال البنات مزال جلسين فجردة الجو زوين وسماء مضوية تجبدو على الربيع مقابلين النجوم رأس مزال محزوم وكيكلو الفرماج بتخبيا بحال الفيران سرقوه من الكوزينة فاش كانت خويا زعمة الحاجة الوحيدة لمغديش إعيقو بيها.
توبة:(مكمش الميكة فديها)دبا هذي فين نخبوها 
هنية:(عنيها فسما طالقا إديها)خبيها فصدرك ميشوفها حد 
توبة:(ضربتها فكرشها)ههههه معلمة عند صح (خشاتها فصدرها)
هنية:(شدات كرشها)😣اححح إنعل حسك موكلين والو وزيدانا بالعصة...كون غكانت فيك شي فايدا سيفطناك تخوني منحنجرو جبتيلنا فرماج دراري صغار حنى ولا فيران .
توبة:😑دبا علاش كتحطمي مشاعيري را دكشي لقدرت عليه مهم نسلكو .
هنية:(كتعيبها)مشاعيري نينين...عار ربي لمحضي النجوم وقطعي حسك هذ العجب لجبتي حدو هر المعدة والقنديشة بدات كطلع.
توبة:(تكمشت حيت حتى هيا هلكها جوع و معندها جهد كتشوف فنجوم) 😍الجو رومانسي ياك.
هنية:😒مممم تسكتي لا 
توبة:😐واخا...مزات حتى كلمة من وراها


وقف بلوطو قدام الباب قبل مينزل شاف تيلي📲 كيصوني كان باه طلع جاج و رجع الكوسان للور باش ياخود راحتو .
قيس:☺(جاوب)وافين الوليد لباس 

باه:هههه لباس اولدي و نتا ..مممم و صلوك شي تصاور
قيس:🙍ميمتي حداك ياك ؟
باه:وي كاينا مالكم ناتي تنقشتو
قيس :راك عارف لكاين ماشي كول مرا تصيفطلي تصاور البنات نختار راني كبرت و نهار نبغي نتزوج انا لغنجيبها.
باه: غير سايس اولدي راك عارف ماماك من محبتها ليك كدير هاكك .
قيس: عارف لكاين ..يالله نخليك سلم عليها و تهلا فيها
باه:واخا اولدي بسلامة و متغبرش سلم على عمك و خالتك و الدراري .
قيس:اوكي باي...قطع عليه تنهد بتعب كيفكر فمو هذي شهرين وهيا تابعاه بزواج كره سيرتو ..كول نهار مسيفطالو تصاور البنات باش إختار واخا شحال من مرا كليها مبغيش نتزوج دبا ونهار إفكر فيها هوا لغيجيبها ،ولكين لفراسها فراسها الله إهديها قاطع جبل همو هارون لدق فزاج .
هارون:😕منويش دخل
قيس:(حل الباب و نزل)ها حنى نزلنا يالله تحرك
هارون:واش نفس الموشكل تاني؟ ( فراسو اش كاين مكيخبي عليه والو)
قيس:وي ديما نفس ديسك.
هارون:(باغي آشد فيه)وايني راك تانت مسخوط آشنو فيها لقبلتي زواج زوين..كون مرضي آصاحبي 
قيس:واش من نيتك 😒تزوجتي حتى نتا لكبر مني بقيت غ انا .
هارون:😉انا ماشي هوا نتا ديرها فبالك(زاد قدامو)
قيس:(هز اديها السما كيدعي)ياااربي تسلط عليه خالتي ميوصل العرض حتى يكون تزوج
هارون:😠راني سمعتك رغنجي لمك
قيس:هههههه متخافش غ دعوت الخير ..تبعو الداخل سلمو على مالين دار جلسو معهم ..قيس مشا الجردة فاش سمع هارون كيسول على توبة وخبروه بلي كاينا هيا و هنية نقز من بلاصتو 'انا خارج طريقي هديك نكلمها'.
هارون:😕اوكي

كيقلب بعينيه حتى قشعهم ناعسين فوق ربيع مستمتعين بالجو قرب جيهتهم إديه فجبابو تيتز صافي .
قيس:😕سلام (كيشوف طروفة ديال الحامض فالارض)واش كتكلو الحامض...هنية و توبة سمعوه وتقادو فالجلسة.
هنية:😃وعليكم سلام لا كنا حزمين بيه
توبة:(مخنزرا فيه هيا و ياه ديما مدبزين شافت فهنية)دبا علاش كتشرحيليه سوقو فينا
هنية :اويلي حشومة سيد غ سولنا
توبة:(وقفت كتسوس فسروالها كانت خاصها غ سبا باش دابز) لا لا ميسولش ماشي سوقو..ي..(يالله غتبدا ديماري قطعها ببرود وبتيسماا على وجهو كتحمق)
قيس:😀تكلمي الخوك..توبة قطع فيها الما و ضو وجها صفار كتخاف منو .
توبة:😨اااا انا زعمة انا ووو...
قيس:😈وي نتي و بوحدك 
توبة:(كتحرك هنية)نوضي يالله نتكلمو بببغنا بجوج
هنية:لا لا اختي سمعتيه بغاك غ نتي انا أُهو أُهو سيري ليجي لينا بجوج .
مشات توبة كتعظ فظفارها من كترت التوتو و الخوف ليسمعها خلا ودنيها ...غير تحركت قيس نفاجر بالظحك حيت عندو كودها ديما جايب ليها تمام .
هنية:(بحزن)مسكينة دم حرب من وجها عنداك غ إصمكها.
قيس:(جلس حداها)لالا ماشي حتى الديك درجة هوضريف كنضن غيتصلحو وغاليباَ غيحزرها.
هنية:(قوست حجبانها)منين جاتو الله إهديك هوا ديما مكشر شفت منو غ العين الحمرة.
قيس:هههه نو بالعكس غير كتجيه فالاوقات الغير مناسيبة .
هنية:(همست)تجيه فراس ..(شافت فيه)كولي نتا دبا نسيبهم .
قيس:(ساهي)من فمك الباب سما ناو...(عاق براسو وحاول إبدل)زعمة بغيت نكول هوا دبا الوليد خو..(قاطعاتو)
هنية:(ضحكها منضرو)هههههه نوض على سلامتك صافي طلقتيها خليها لاش تبعها بلا متمرت راسك .
قيس:(كيرض شعرو لور)بففف محسيتش (شاف فيها بترجي)بليز تبقا بيناتنا اوكي .
هنية :ههههه واخا بيناتنا و البريز لاش.
قيس:ههههه بليز ماشي بريز زعمة عفاك .
هنية:(ضربتو الكتف)ههههه هوكاك كولها من الول حسبني ختك سرك فبير غير هوا ..إحسن عوانك معاها😂.
قيس:(تنهد)عااارف مي شغندير القلب ميشاور .
هنية:وصارحة تواتيتو على مزيناتكم طاح الحك و صاب غطاه .
قيس : هههههه واااايلي ....بقاو عطينها الجماعة قيس رتاح ليها جاتو عفوية ومقبولة دارها ختو ووصاها لضرتها شي حاجا و بغت لونسها هوا فالخيدمة شكراتو بدورها متنكرش بلي جاها ضريف وغيكون نيعماا الاخ لمعندهاش . 
~~~~~~~~
كانت كتعلم ربيعة بحالش تعمر ورقة البسطيلة اليوم هيا لمطيبا العشا على قبل توبة ...مغتقدرش تقوهما .
زهرة:هانتي دهني بزبدة عاد حطي الورقة
ربيعة :هاهيا ...تبعت معها جميع تفاصيل ريزوها مقاد هذ ساعة .
كانت وقفا من وراهوم عنيها عمرين دموع كتشوف كيفاش كطيبو وريحت الحوت لعاطيا فالكوزينة كتسطيها .
توبة:😭حرام عليكوم إهئ إهئ 
زهرة وربيعة :😧😧(هضرو بجوج مرا وحدا)اويلي مالك .
توبة:(هزت اديها بمعنا سطوب)✋✋متزيدو حتى كلمة😢فين هارون.
زهرة:😮فبيتو كيتسناك ....مشات وخلاتهم 
ربيعة:😕مالها مسكينة ؟
زهرة:معرفتش يالله نحمرو هادو لبقاو باش نحطو العشا ....رجعو كيكملو شغالهم .


من بعد دوش سخون حيد بيه تعب الخدمة ..لبس سورال كيطمة كحل مع تيشورت ديالو ..وقف قدام المراية كنشف شعرو سمع دقان فالباب مشا حل .كانت توبة حانيا راسها الارض .
هارون:😕نعم بغيتي شي حاجة ؟

توبة:(راسها مزال فالارض بصوت مبحوح جوبت)كالي قيس بغيتيني .
هارون:لا ماشي نتي 
توبة:😢واخا..ضارت بغات تمشي دموعها هوادين ..محست حتى جرها و خشاها فصدرو العريض زات تخشات فيه وطلقت دموعها.
هارون:شووو هههه البكاية ديالي غير كنضحك معاك فين كنتي غتمشي .
توبة:😭سمحلي انا انا إهئ إهئ 
هارون:(باسها فراسها)شووو صافي را من خوفي عليكوم عتبتك ..(شاد وجها بين إديه)واش فينما نخصم عليك ديري إضراب 
توبة:(حركت راسها بآه)😢
هارون:ههههه حمقة(مسح دموعها) صافي دبا تصلحنا فين بوستي .
توبة:(بفرحة زات عنقاتو وباستو فخدو) 😅اه اه صافي دبا ليفات مات صافيااا للبن.
هارون:(خربق شعرها)هههه يالله نتعشاو
توبة:هههه(كتنقز) يالله يالله مي بلاتي نعلم هنية مسكينة و قفات معايا .
هارون :اوكي سيري ..مشات طايرا الجردة الخبار مسخناها وفرحتها كبيرة القضية فيها البسطيلة .

كانو مزال مجمعين كيما خلتهم طاحت على هنية كيف الباطل مادا برابورها 📡القيس لتزير ونعل شيطان جمع الوقفة مدور وجهو الجيهة لوخرا .
هنية:واااااع حيدي وا الموصيبة قتلتيني (دفعتها)
توبة: هههههه دبا دبا صافي غ نكلو معاهوم تصلحنا
هنية:😀ربي ربي ههههه صافي مبقا بو إضراب
توبة:😁هههه وي وي حبسناه يالله نتعشاو ..جرتها من إديها شوية وقفت هنية بحال لتفكرات شيحاجة .
هنية:😠بلاتي بلاتي 
توبة :😮مالك 
هنية : هيا دبا نتي وخوك تصلحتو 
توبة:ههههه وي صافي تصلحنا
هنية:😤هيا دبا انا لفتة فقصرية ديال الكسكسو.
توبة:(على نيتها) لا نتي هنية 😃
هنية:(نترت إديها) حيدي مكفشك يالغدارة هذ سي قارون ديالكم فاش بغا إسمعنا المنقي زدانا بجوج ..ودبا فاش بغا إحزرك كلمك غ نتي هيا انا قنطرة .
قيس:تهدني را دبا إعتدر منك حتى نتي.
توبة:(حولت تهدنها)وي غ صبري.
هارون كان جاي من وراهم شافهم مناقشين وقف عليهوم مخنزر:اشنو واقع هنا ياك لباس .
قيس:ههه لا لا ماشي شيحاجة غير كنهضرو .
هنية:(شافت فيه شوفة سلامة ياربي )خفتي منو .
قيس:😮لا 
هنية:سكت خفتي منو انت وهذ الغدارة (شافت فهارون) سمع اسي قارون .
هارون: (ببرود)سي هارون
هنية:😤قارون هوا قارون عار ربي كولي واش وجهك هذاك ...(يالله غيهضر معطاتوش مجال)✋سكوت متهضرش اسي فاش بغيتي تعرعر علينا و مخليتي فينا غ لينسيتي جمعتينا بجوج ودبا حزرتيها غاا هيا و انا ؟!
هارون:(حاول اتحكم فاعصابو ببرودة وشوفة فشكل)مالك نتي؟!
هنية:(وترها)ط ط طلب مني سماحة..ن ن ن نسمحلك زعمة.
هارون:(بستهزاء)اوكي سوري ...مشا وخلاها بلاكة كتحول تفهم أشنو كال .
هنية؛(حتى دخل عاد صحات هزات إديها كتهلل)هو نتا 😬سلوكي مكاين شي سلوكي كدك يالمعفر واااا عقل عقل.
توبة: تهدني مالك دبا راه عتذر 
هنية: حيدي عليا هوا كالي سلوكي 
قيس: ههه سوري ماشي سلوكي معناها سمحيلي اوكي علاش كولشي عندك مقلوب .
هنية:(عاد بردات) اااااه و كولوها من صباح صافي ماشي موشكيل تصلحنا شي إكول بريز شي إكول سلوكي عربو معنا شوية .
قيس:ههههه واخا نعربو معاك هانيا.
توبة:ههههه يالله دبا را كيتسناونا
هنية :(شافت قيس كيحاضيها)هههه يالله جمعي الحامض و ندخلو حشومة نخلوهم انا نهز هذو ....خلاتها حتى تحنات تجمع و طارت خلاتهم بجوج وقفين .
توبة:وعقلي فيها علاش هربتي ...يالله غتبعها شدها قيس من دراعها .
قيس:😕بلاتي أشنو ديك الحركة درتي 
توبة: 😮أشمن حركة (عاد تفكرت بلي كوزت عليه)طلق طلق إدي نتا عديم الاخلاق و مونحط.
قيس:😈لمجمعتي نصك غنوريك عديم الاخلاق آش كيدير فتوت 😉.
توبة:(نترت إدو) قليل الحيا ...رماتها فوجهو وطارت من حداه .
قيس:ههههه عقلي عليها.
~~~~~~~~~~~~~~
تجمعت العائلة سعيدة على طبلة ..بداو الخدمات كيحطو طباسل تحت إشراف زهرة لفرحانة حيت و اخيراً توبة طيحت كواريها ،بداو فالماكلة هنية طاحت عمية هيا و توبة جوع و ميدير ..شافتها ربيعة مع كانت حداها طلعت معها بقرصة حتى غوتت كولشي دار مخلوع إشوف مالها .
ربيعة:😠سكتي إسكت البوك الحس .. سمعها العربي ضربها بنانة كانت حداه.
العربي:😬إسكتو البوك نتي نيك ..قرصتيها تاني يالمسمومة.
زهرة و ملاك شدو راسهم حيت ولفو بالمطيفات ضروري شي طرح عاد إدوز نهار..اما سي هارون تزير معجبوش الحال هبط على كأس ديال الماء باش إبردها
هنية:(مزنكة ومقصحة)احححح حرام عليك آما 
عدنان :نوضي ابنتي بدلي بلاصتك سير لهيه....نعت ليها كرسي حدا هارون و مقابل مع قيس لحابس الضحكة لتفرشو اما توبة وجها فطبسيلها خدامة على كرشها .
بدلت هنية البلاصة تحت نضرات مها لجتها الحالة على العصااا ..قشعها العربي زاد خنزر فيها .
العربي:😬نوضي كوليها ..


Tags:
أحدث أقدم