🌟كاوري في الدوار🌟
🌛بارت:1
دوار المساخيط ساعة تشير إلى 22:00
انا: هانتا غاندخلو لداك لعرس ولي سولك من جيهت من نت؟ قول أهل لعريس... صافي؟
ويليام: كيفاش أهل لعريس؟
انا: وانتا نتا من أهل لعريس...
ويليام:ولكن انا مكنعرفهمش؟!
انا:وااااع.... هانتا ركز حنا غير غانكدبو باش ندخلو لعرس واش فهمتي؟
ويليام:مفهمتش علاش غاندخلو أصلا تما؟؟
انا: إحرق حباب لوعد لي جمعني معاك....ياربي صبر... ياك قلتي ليا بغيتيني نوريك دوار وتقاليد هانا غانوريك أهم حاجة هيا لعرس
ويليام: بفف مكنحملش صداع وزحام
جريتو دخلتو لعرس ولا غايبقا داوي تايفوتنا لعشا.. كنقلب بعيني لقيت بلاصة فواحد طابلة بركتو وصيتو مايتحركش ومشيت نبقشش... دخلت لخيمة صغيرة ديال نقافات بانت ليا لحنة ديال لعروس عاينيا خرجو أخيرا جاب الله همزا... مشيت نتسلت وخونت لحنة لكارمة لي كرطوها من يد لعروسة خشيتها فسوتيامات ودرت رجعت لحفلة لعرس وهو يبان ليا داك ويليام واقف مع عم لعريس ومع هاز فروج كيبان ليا لكاوري غير كبعد عليه هههه خايف.....ناري واااا مي نمشي نعتق قبل مايقفرها عليا وجريو علينا قبل مايحطو لعشا....
ويليام: انا من عائلة لعريس
عم لعريس: ايييه من صباح ونتا تقولها... وا قوليا اشنو كاتجيهم؟
ويليام:(شاف رودينا جايا) قولي ليه انا اش كنجي لعريس
عم لعريس:(تلفت شافها) بنت لمختار اش كديري هنا؟
انا: احم احم جيت مع علي لعرس بنت ولد بات عمت خت بنت لبهلول راها عمتو...
عم لعريس:(بقا مبقلل عينيه كترات عليه) هادا هو علي؟؟ ومالو من صباح وهو يقول راه من عائلة لعريس؟
انا:(جيت قربت ليه) راه مسطي شوية...هربان ليه لفريخ..
عم لعريس: (بتشكيك) انا بان ليا بعقلو وشوفي لبسو حسن من لعريس...
انا:(هاحنا غنتفرشو ويلي مي ليومة تبيتني فلكوري) لا كيشتي مسكين كيشوف دجاج ولفرارج كيصحابهم خوتو وكيبدا يعنق فيهم...
ويليام:(مخرج فيها عينيه وهي كتنعت ليه فالفروج ومخرجة فيه عينيه وهو يفهمها) ختي هئ هئ توحشتك (وجا قرب لفروج وكخنزر في رودينة ومشمئز منو ولكن واخة هكاك باش ميتفرشوش عنق لفروج) ختي شحال وانا نقلب علك... نتا لاش هاز ختي حطها لرض (دغيا دخل فالدور تامن لفروج ماعرف راسو باش تبلا)...
انا:(غنتسطا بضحكة وحابساها) شتي هاوا جاتو لحالة..
عم لعريس: مسكين على مزيناتو دري خسارة أما كون عطيتوو بنتي لالاهم سعدية
انا:سعدية لعمشة بنتك؟
عم لعريس: ايييه الله يزوجها تغبر عليا باغي نتزوج (وغمز رودينة)
ويليام:(شاف لبلان وعصبو حيت سيد شارف وهو يعنق الراجل) تزوجني أنا را كنعرف نطيب أعمي..
عم لعريس: تف تف تف ألعيادو بالله أطلق مني أتاطلق
انا:(ناري سطاني بضحك كرم عليه مطلقوش) سير ألحاج راه مسطي دابة يلصقك....(هرب لحاج) هههههه ماعندي مايتسالك راك تربية إيدي دغيا كتعلم تبارك الله علك هههه
ويليام:(رجع برك فطبلة ديالهم وخنزر) فين كنتي؟
انا: غير هنا... شوف أنعلمك حاجة خرا ترد ليها لبال فلعراس...هانتا شتي هاد قلع
ويليام:(قاطعها)
انا: واااع هادا هادا لاناب ديال طبلة(وشداتو بين يديها كتوريه لقلع) دابة ملي تجي لعرس ديما حسب شحال من قلع كاين فطابلة باش تعرف واش جوج ماكل ولا غير وحدة أو واش كاين ديسير ولا لا... حيت تقدر تصيد تاكل بزاف وجي لحم وتصاب شبعتي يبقى فك لحال...
ويليام: (كيشوف فيها وهو يشد لقلع حسبهم لقاهم تلاتة) دابة تلاتة هي تلاتة أكلات؟
انا: لا لا جوج وديسير
ويليام: أشنو هاد ديسير
انا: desert زعمة
ويليام: كتعرفي الإنجليزية؟؟
انا:نعرف كلشي راه غير ماكينش معامن
ويليام: دابة كل أكلة كيبدلو فيها لاناب
انا: واراه حسن مايمسحو طابلة كيهزو لقلع بكلشي ليه وحطو طبسيل لاخر...
ويليام:ممممم...
انا:سير الله يعفو علك(دار خنزر فيا خلعني)
#عند ويليام
هاد لبنت هبيلة عرفتها دابة تلت يام ودخلت عليا بمصايب أخر يامي نعنق فروج فينك أسام تضحك على صاحبك... اوووف نكمي يعدا نبرد علي راسي ...خاصني نشارجي هاد تيلي باش نعيط لسام نشوف اش واقع تما...بان ليا واحد جينيراتور ومبرونشي فيه بريز واحد وانا نحيدو ودرت شارجور... شوية مابقيتش كنسمع لعرس غير سقيل كنسمع بنادم بدا يغوت... شفت فتيليفون وفجينيراتور وضورت وجهي يمين وشمال عرفت راسي قودتها...هاد بريز هو ديال خيمة العرس... حيدت بزربة شارجوري ورجعت بريزهم رجعات لموسيقى وضو ولاكن عاود مشا مافهمت والو ياك رجعت بريز... ناري واقلة وقع شي مس..حسيت بشي إيد شداتني من كتفي لي ضارني ونانضور إيدي لوخرى غادي نبوط هاد زمر لي شدني...
رودينة:وااااع مضربش مضربش غير انا ألمسخوط...
انا: (وقفت راسي حتى لآخر لحضة) ديري لحس أبنادم تفو كنت غنضربك..
رودينة: إنا حس ندير راه خاصنا نهربو راه لحاج قاليهم مايكون غير لمسطي لي طفا عليهم ضو وراهم كقلبو علك..
انا: ومن بعد؟ يجي نخلي ضاربوه نبرد فيه عصب لي دايرة فيا...
رودينة:(ببرائة وكتسبل فعينيها) انا؟؟ علاش اش درت لك وانا غير كنعلمك قوالب وصافي..
انا:(خنزرت فيها واحدرات عينيها ومع كاين غير دو لقمرة بانت بريئة سهيت فيها) مخلياني نعنق فروج واش نتي مريضة...وزايدان
رودينا:اييه وليام
انا:(غاتعصب ديلمي هادي) إنعل بو نهار لي تلاقيتك فيه
رودينا:مالك انا لي عيطت لك تصايب ليا بارابول؟؟
انا:لا موك لي عيطات..
رودينا:دابة ماما لاش مدخلها(عينيها غرغرو)...
احم احم نرجعو بيكم لأول نهار تلاقاو فيه هاد زوج...
🌛بارت:2
تلات أيام قبل لعرس فدار مي إزا مت رودينة...
رودينا:ياختي ياختي كان غادي يعدموه كون ما خوه عتقو
فطيطيم: مانعرف اش يعجبك فهاد لمسلسل فيه غير لقتيلة ولمسخ
رودينا: ايييه زين داكشي لي عجبني نيت
فطيطيم: إوى الله يمسخك
رودينا: شتي هادي لملكة طايحة مع خوها
فطيطيم: أويلي حرام
رودينا: دابة كيشتي..(باقة مكملاتش هضرتها وهي تمشي لإداعة ومابقا يبان والو)بنت لكلب قوصتي بغيت لك موصيبة
فطيطيم: تجيك ان شاء الله..
رودينا: نودي سيري لخربتكم ولانود لك ..
فطيطيم: هايا غادة وشوفي شكون يطلع لك فوق دار باش تصيبي هاد لمشقوف...
رودينا: سيري عطك غبارة... انا لي غانصيبو...
رودينا بنت فالعشرين من عمرها زوينة شعر كحل طبيعي حجبانها مطراسين واخة عمرها قاستهم، شفارها كتار ومزينين ليها عينيها لي كيبانو كبار طويلة وعندها طرماحة ولكن صدر يجيب الله وهاديك هي عقدتها...قرات حتى خدات لباك فلمدينة ورجعت لدوار حيت باها توفى وبقات غير هي وختها لي مخطوبة وقريب تزوج...
فطيطيم صاحبة رودينا روح بروح من صغر ولكن ديما مخاصمين ومناتفين عادي، فطيطيم عندها 20 حتى هيا طويلة ورقيقة وبيضة حروفها مزيونين، خرجات من كاطريام وبركات تعاون مها عندها زوج خوتها كبار واحد فيهم هو لي غايتزوج سمية خت رودينا..
خرجت نشوف كيندير نطلع واخة كنخاف من لعلو بغيت نكمل لحلقة ديال صراع العروش game of thrones ، منعرف فين داك سلوم ...هاهوا ياله بغيت نطلع سمعت حس ديال رجلين وانا ندور لقيت واحد زين غير هو كيبان بحال لوحش بديك تخنزيرة ولكن زييين زيين ياختي لحية مطراسية وشعر راجع لور كيبان بحال دوك تركيين وطويل وقلدة ويلي حليت فمي فيه ...
انا:اييه واهيا تعالة نقولك
دري شاف يمين وشمال ورجع شاف فيا ونعت بصبعو واش كنهضر معاه.. هبيل هادا كاين شي حد من غيرو.
انا: اييه اييه معاك داوية تعالة نقولك
الشخص:is she crazy؟!! واش مسطية هادي
انا: تا اش ساير تقول راني ماسمعتكش.. واجي رامنعضكش غير قرب
الشخص: (قرب ليها وقال بدارجة زوينة بحال دراري صغار) شكووون تي؟
انا: انا رودينا..ونتا اش سماك الله
الشخص: روو... أشنو؟؟
انا: رودينااااا
الشخص: ok ok انا ٩ويليام
انا: هههههه شكون سماك وااااع خخخخخ ويل ليام ههههه علاش اصكع مالك على هاد سمية ههههه ويل ليام زوينة هادي خخخخ سخفتيني بضحك
ويليام:(غير كبقلل فعينيه) say what؟؟ أشنو قلتي؟؟
انا: تا اش هاد لهضرة كدوي من إنا دوار نتا؟؟
ويليام: اه؟ انا فدوار لمساخيط
انا: واتا منين جاي راني عمرني شتك
ويليام:(بقا كيشوف فيها عاد فهمها) اه انا من أمريكا
انا: وانا من طايوان خخخخخخ
ويليام: is she really crasy؟؟
هادي واش مسطية نيت؟؟
انا: ايييه فهمتك فهمتك كادوي بلونكلي ايييه راني قارياها غير معكلة ليا شوية ففمي(ويلي طلع عدنا كاوري فدوار وكعرف لدارجة هاي هاي )
ويليام: اووه ناايس
انا: اييه نايس نايس ... إجي نقولك...
من بعد نص ساعة
انا: واهيتا وا اش سماك الله عليمن عليمن ...اييه اييه تما... لا لا رجع..
الحاج تهامي: روداااينا واا روداااينا
انا: واتا لا هربتيييه ...نعام أبا لحاج كنقولك شميتي رودينا روودينا
الحاج تهامي:اييه اييه سميتك كتكعلل ليا لساني... أديك صكعة لكاوري اش كيدير فوق صطحكم؟؟
انا: بالحاج راه شافني باغة نطلع نصيب بارابول وهو يقولي يابنت إزا واللهما تحطي يدك أنا لي نصيبو...
الحاج: أديك سليعفانة لكاوري يعرف شي بنت إزا يالكديديبة
انا: واااا سمحمد ألا هربتي كاع الإداعات...دوز دوز عليمن ..ايه ايه تما.. هزو شوية..(مقابلة تلفازة من شرجم وكتنعت ليه)
الحاج: والله وتوقع ليه شي حاجة..
باقي مكملهاش دري طاح من دار لرض على كتفو..جاب الله جا فوق كومة ديال تبن.. واخة هكاك كيبان ليا شد كتفو...
انا: واهيا مي واهيا سيدي مسعود بلحسين سير ألحاج انا شبغيت لك قوصتي على لولد..
ويليام: shit shit shit
انا: أجي ندير لك تلج توعتي؟؟
ويليام:(شاف فيا وخنزر ودار لي بيدو وقفي حدك تم وانا نفراني) ماوقع والو غير لعضم خرج من بلاصتو...
أويلي مي على لعضم خرج من بلاصتو باقة مخرجة عايني مخلوعة معنديش تافلوس نديه لسبيطار دوار.. اش كيدير هادا؟؟ بان ليا حيد تيشورط ديالو ولواه خشاه ففمو وعض عليه وضرب كتفو لي موعت مع لحيط تاتسمعت واحد طرق خفيفة...
الحاج:(باقي واقف حدايا) واي واي واي صحييح انعام أسي ترررر على لبادر
انا:(باقة مصدومة فلبادر بغيت نقول فكتفو لي دارو) الحاج سير جيب تلج
الحاج: ولا لكبير يتسخر على صغير؟؟
انا: صافي انا غادة نجيب تلج
مشيت دخلت نجري هزيت سوبيرة عمرتها تلج وخرجت لقيت دوار كلو مجموع وديك جلاخة ديال مي تايكة فينما تكون شي موصيبة تلقاها كاينة تامن فطيطيم جاية تشفا...
انا: لحاج حطمتي روكورد هاد لمرة..دقيقة جمعتي فيها الدوار
الحاج: والله يابنتي يارودينا حجي حرام عليا تا كنت واقف عاتا تجمعو علينا..
مي تايكة: هاديك اه اش درتي لولد ختي باقي تا ماسخن بلاصتو
الحاج: مادارت والو مسكينة لاتحاماوش عليها
عادل:(ولد مي تايكة ماكحملنيش) هاديك راه واحد شيطانة
انا: إوى شتكم بديتو تعليو صواتكم مانخافوش ؟؟؟ واش سيد بقيت فيه وبغا يصيب ليا بارابول... وانا نقوليه تابلاش وهو يحلف عليا بمي الله يرحمها ... نرجعها فوجهو؟؟
بارت 3
انا: إوى شتكم بديتو تعليو صواتكم مانخافوش ؟؟؟ واش سيد بقيت فيه وبغا يصيب ليا بارابول... وانا نقوليه تابلاش وهو يحلف عليا بمي الله يرحمها ... نرجعها فوجهو؟؟
ويليام: (صدماتو حيت كيفهم) صافي حالتي ماوقع والو..
انا: خخخخ حالتي
ويليام:(شاف فيا وخنزر تاتقطع فيا نفس ناري شحال كخلع ملي غاوبش) كضحكي عليا؟؟
عادل: خاصها تربا أجيو نعايطو لجوندارم
الحاج: نعلو شيطان!! هانتوما دري تعطب هي غاتقابلو تايولي لباس
ويليام: كيفاش؟؟ انا مامحتاجش بيبي سيتر
الحاج: أشنو هاد بيبي؟؟
انا: هانتوما دري ماباغي والو نتوما مالكم مكبرين لقضية راه صحيح تباركالله درب كتفو تارجع لبلاصتو...
ويليام:(بقا كيشوف فيا وهو يبتسم ابتسامة ديال شر) عرفتو اه غانحتاجها نيت صافي ماتعيطو لتاحد هي غاتقابلني هاد شهر لي غنبرك فيه هنا
انا: اه كيفاش ياك..
عادل: هانتو راه داسرة مابغاش تعاونو ياله نعايطو لجوندارم...
انا: لا لا مرحبا أويلي انا نصيب... نضايفو الله يودي ونزورو دوار كلو(كنخنزر فيه وهو كضحك عليا ولد لادينا)
ويليام:(بضحكة شريرة) غدا مع سبعة تكوني حدا راسي(وتم غادي)
رودينا: نكون حدا قزيبتك لا؟؟
ويليام:راني سمعتك
رودينا:(تزنكان)
ويليام:(فهمها ولكن باغي يحرجها) غدا عاولي على راسك تشرحيها ليا
رودينا: بففف يخزيت كنت باركة نتفرج صحة سلام كلو منك أفطيطيم تانشدك...
نعرفكم على بطل ديالنا
وليام شاب في سن 30 غزال طويل او شهب لكن ماشي ديك شهوبية ديال كلي مني مرجل او حرفو قهوين واعرين عندو واحد عينين احححح في شمس تيبانو ليك ماهم خضرين ما زرقين مقهوين مهم كاع الوان فيهم او عندو واحد شوفة اححح (تزعطت فيه) سمر مع بحر مبرونزي او صدر تبارك اللّٰه مبنضر او لي زابدو يختي فراكة نيشن مهم لي شافتو من بنات داور تتقول والله متخليه اخرى
جا من امريكا باش يتعرف على تقاليد المغريب هو من اب امريكي ام مغريبة جا عند خالتو تايكة واخا باه امريكي الى ام ديالو سيمتها زهرة دخلاتو اسلام او او طهر عند طبيب او تزوجو عاد ولادات وليام واخا ماشي اسم ديني لكن جداتو من اب هي لي فرضت سمية او مبغاوش يخصرو ليها خاطر
نرجعو وليام بطل ديالنا هو من اهم رجال اعمال في امريكا عندو شريكة او شركات منتشرة حول بعض دول قرر يهبط مغريب اول مرة ليه او يعرف ام ديالو فين تزادت او كبرت او يشوف يدير مشروع هنا يزيد يكبر بيه شريكاتو
(حيت اب ديالو لباس عليه بزاف خانز فلوس هو تلقا بزهرة هي كانت فتاه طموحة متقلباتش تعيش في دوار مساخيط كانت باغة تخرج او تشوف دنيا واخا بنت لكن قادة متخافش عليها كانت زوينة بزاف طويلة او عامرة صدر كاين او ترمة عينين كبار تحلف عليها مبنت دوار او تتقالات بي منويل هو اب ديال وليام تاهو لا يقل وسامة طويل عامر او سمر تاهو بشمس لكن صدرو او او كان حب من اول نضرة هو كان جاي فاكونس هي خرجت تلقب على خدمة هو كان معكل في عربية لكن تفاهم معاها خدمت عندو خدامة او بدا اعجاب الحب او تزوجو او داها امريكا
داتو تايكة او عادل دارها باش تيجب ليه لي يمسد ليه كتفو وصاو رودينة طيب ليه تشيشة بي ايلان تيرض عضم بلاصتو
الحاج:واش انتي متتعرفيش تقلي شي حد في هاد دوار تواحد مخليته بلا امارة منك ياربي سلامة
ردوينا:(غير تتبحلق فيه) تضلموني هما لي تيجبدوني
الحاج:سيد عاد جا نتي لي جبدتيه وجهك قاصح سيري طيبي ليه او دي ليم ميحنجر خلينا هانين
رودينا مشات تتخبط في رجليها على زهر عندها في اخير يامها تولي خدامة على كاوري هي باقة صغيرة 20عام
الحاج مشا بحالو واخا عارفها مولات زبايل لكن ضريفة او قلبها حنين او مولات خير او صواب حداكة من نهار ماتو والديها هو راض ليهم بال هي او ختها
بارت4
نرجعو بيكم واحد 4 سنين قبل حدت لي ضمر بطلتنا
كانو راجعين من مدينة طموبيل كيضحكو هو مرتو
مختار:دوزنا عشية زينا جبنا داك رزق غيفرحو بنات
ازا:وايه بنات يعجبهم حوايج لي خدينا ليهم شحال باقي باش نوصلو دوار راه مشا حال
مختار:باقي نمشيو نقصرو مع بنات هاد رزق نخبيوه نديرو بيه شي حاجة تكون فيها فايدة
توقفتهم مراة حاملة
مراة:عفاك اسيدي عوني راني كنموت غنولد ملقيت لي يديني سبيطار
مختار:لكن لالة انا راه راجع بحالي داري عند بناتي كيف ندير
مراة:عفاك اسيدي عتقني غادي نولد
ازا:مختار يلاه نديوها مسكينة راه تولد نديرو هاد خير
مختار:بنات(ممرت
ازا:متخافش عليهم
مختار:شوفي راه دوار يلاه نديوها قابلة او بلاش سبيطار
يلاه غتجاوب عايدة هي تنقز
مراة:لالا ضروري سبيطار
هبطات ازا تعاونها تركبها لور تيكيوقفو عليهم واحد 3 ملتمين كلشي بكحل حط موس على ازا في عنقنها
شخص1:خرج شريف خرج
مختار شاف من مراية شد فلوس خباهم في سروال جيهت سمطة خرج
شخص تاني او تالت واقفين
مختار:مالك اسيدي اش كاين حنا راه بيغنا نديو مراة سبيطار
ضحكو كاملين هي تيهز مرة جلابة حيدت ديك كرش اصطناعية هما رباعت نصابة قتالة معندهم رحمة مهم فلوس من زهر مختار او عايدة طاحو فيهم
مختار او عايدة تصدمو من مراة هما مساكن نية تاقو بيها
مختار:(تيشوف في عايدة لي ولات تترعد بخوف مع فيها قلب خاف عليها) صافي خودو طموبيل او سيرو انا ناخد مرتي حتا كطيح من يدو ازا صافي مشات
شخص 1:(هبط قاس نبض لقاها ماتت) ان اللّٰه انه لا راجعون اللّٰه يرحم مرتك ماتت مسكينة حنا عاد بغينا نتمتعو بيها شوية
مختار مسكين تصدم ميمكنش مرتو مت بناتو لي صبرت معاه في حلوة مرة تموت بهاد طريقة كيف غيدير مع بنات ميقدروش يتحملو
هو يقوف موراه شخص2
شخص 2:جوج كلمات تحط داكشي لي عندك تمشي بحالك دفن مرتك (تيضور ليه موس في عنقو)
مختار معرف منين جاتو شجاعة هو يضربو حجرو هو يجر ليه عنقو
هرب او هو شاد في عنقو دخل غابة هما بقاو تيشوفو تبعوه جوج اخرين هو شاد في عنقو دم هابط (جرحة كانت غارقة مع موس ماضي ) شوية وقف تيشوف ضوء دوار قريب حاول يزرب تكيطيح مسكين ناض واقف تاني لكن ولا بطيئ مقدرش يزيد يجري تكيبان ليه شي حد جاي ضوء خيفيف باين بدا يعيط بشوي عاونوني عاونوني
حاج هو لي كان مسكين سمع صوت بدا يزرب هو يوقف على راس مختار متكي على شجرة
الحاج:(كيضوي في وجهو تكيتصدم) مختار مختار مالك
مختار:(جبد ديك رزمة عطاها ليه ) هادي امانة عندك عطيها بنات نهار يبغيو يتزوجو او رد ليهم بال راهم في رقبتك
الحاج:مالك تتقول هاد هدرة شكون ضربك
مختار:نوض جري عيط مالين دوار دغيا
الحاج:لا نديك معايا
مختار:نوض نوض مدورش موراك بناتي امانة عيط جدارمية او جي يلاه
مشا مسكين حاج تيتعتر في جلابتو مفهم والو لكن عرف قضية مسهلاش
مختار:يلاه جا ينوض تيكشدو موت هما يوقفو عليه
شخص1:قلبو اشنو هاز
شخص3:(قلبو مزيان كيقبل فيه بحال بطاطة هو موت طالعة فيه) معندو والو
شخص1:تفو ينعل جدو ( هو ينحرو مسكين خلاه تيشهد) زيد كدامي نتهزو بحالنا تنشوفو اش نديرو معاه( متيقصدروش مختار لا بوص ديالهم) مشاو خلاوهم هكاك خارق في دمو مسكين
بارت 5
جا الحاج دخل دارو نيشن حط داك رزق في صنودقة عقلو مع صاحبو مختار رجل اللّٰه يعمرها دار من دين او صواب او اخلاق لاهو لامرتو
مشا بجرا عيط مقدم مقدم تصدم صيفط ولدو يعيط جدامية يجيو يشوفو هاد موصيبة كحلة
مشاو الحاج مقدم او شي رجال تاهما عيطو ليهم من ديورهم هزو بيل كبير كلا واحد زراوط او مشاو وصلو دغيا في خطوة كانو يديرو 3 وصلو بلاصة لقاوهم منحور من عنقو الحاج تصدم هبط طاح مسكين على رجلو من صدمة مقدم حيد سلهام ديالو او غطاه بيه تيجيو جدارمية يشوفو هاد كارتة لي وقعت عليهم......
مكان الى 10 دقايق تيقفو عليهم صباح بدا يبصح تكون 6 صباح ضربتها فيقة حاسة بواحد غمة على قلبها مشات طل من باب طموبيل مكيناش ماشي من عادتهم مشات عند ختها كبيرة
رودينة:فيقي ابكرة نتي حالة فمك
سمية:(تتقلب جيهة اخرى) خلني نعس يكلبة
رودينة:(خورتها وحطاتو ليختها حدا نيفها) شمي ريحتك البكرة نوضي عطك لعبس نتي راه خاصك ترقدي فجافيل سيمانة المعفونة...
سمية:(ناضت طاجة تمسح نيفها) تفو تقبني نتي حسن كح كح
رودينة:(جامعة رجيلها تتهدر بصوت مخنوق) با او مي مزال مجاو عنداك تكون وقعت ليهم شي حاجة
سمية:(ناضت جالسة) اويلي (هزت راسها ساعة في حيط)7هادي صباح مزال موصلو
رودينة:نوضي تهزي نخرجو نشوفو تليفون عند عمي الحاج نعيطو ليهم
ناضت كلا واحدة تجر في رجلها يغلسو وجهم...
سمية اخت رودينة كبر منها بي عامين عندها 22 سنة تاهي زوينة غير هي معفونة شوية قلدة تبارك اللّٰه لي يشوفها يبغي يتزوج غير تيعرفوها معفونة تيقلبو باب مسكينة هي كعما مصوقة هي عندها واحد صدر تبارك اللّٰه محلبة ترمة كلشي موجود هي قرات حد 5 خرجت مسكينة قراية مدخلتش ليها فضلت تخرج تعاون مها واخا هكاك طيباها زين هي معفونة غير متتنقيش حالتها انا شق فراه لالة بنات هي تتشبه رودينة غير كلا او طبيعتها او كلامها او لباسها
خرجو نشفو وجهم كلا لابسة بيجامة مع دوار عادي يلبسو بيجامات
مشاو دار الحاج دقو تعياو والو
رودينة:هادا مالو مكاينش اولا ناعس
سمية:عنداك يكون مات (بدات تجر في رودينة)زيدي صافي مات يعودو يتهمونا
رودينة:(ضربت ليها يديها)حيدي زمرة نتي كيف حبس مالك على هاد هدرة افف
مشاو رجعو دار تيشوفو اشنو كاين سمية مشات توجد فطور اما رودينة قلزت في واحد سرجم بحال محبوسة تتسنا
بارت 6
وصلو جدارمية مكان حادت تصدمو من بشاعة منضر جات فرقة اخرى او بداو يقلبو
جدارمي 1:قلبو جبدو ليها هاد قتال من تحت ارض فوق سما مهم يكون عندي هنا تحركو
كلا جدارمي دا معاه كلب يشم ريحة او يتبع اي حاجة توصلهم شي دليل تيكوصلو جنب طريق لقاو عايدة مجبدة مكسنية حدا طموبيل شابعة موت
رجع واحد منهم يخبرو بجريمة تانية
جدرامي2:سيدي لقينا طموبيل نوع.... طايحة حداها مرة ميتة او طوبيل محلولين بيانها
الحاج:(تهز تاني عرفها عايدة مرت مختار) صافي كملات مراتو سيدي هاديك تاهي قتلوها
جدارمي1:يلاه نتحركو عين مكان عيط نتا سرطة علمية واحد يبقى مع جتة بالي يجيو ليها ذياب او كلاب يهبشوها
الحاج:سيدي شدهم متخليوش هاد قتالة يعشيو حياتهم حرين راه خلا ايتما موراه .....
جدارمي1 :كون هاني نجبدو نجبدو واخا يكون تحت ارض
غير سيرو نتوما دابا دوار باش يبقاو دلائل لقينا شي حاجة
مشا حاج قايد او دوك رجال متاسفين او منطقو بتكلمة غير ساكيتن
دخلو جامع نيشين
قايد:انا نتكفل بي جنازة كلها نتوما غتوجدو خيام الحاج نتا خاصك تقولها بنات حيت نتا قريب ليهم بزاف
الحاج:عطيتوني اصعب ختبار اللّٰه ياربي كيف غندير (عيا صابر هما يخرجو دموعو )
دغيا نتاشرت خبار في دوار دراري صغار تيجيرو باغين يمشيو يشوفو
رودينا تتشوفهم غادين يجيرو عيالات تاهما رجال عرفت واقعة شي موصيبة قلبها تهز معرفتش لاش
خرجت تتجري بحفا
رودينا:(شدت واحد دري ) اش واقع
دري: لقاو مراة او راجل مقتولين
رودينا:(شهقت) فين...هوما فين ؟
دري: يلاه نوريك..جري تبعيني
مشات مسكينة تعتر في جلايلها بحفة رجليها ولاو يديوزو بدم هي مرفوعة جاها احساس انهم ولديها ...
الحاج خرج او شاد في راسو توجه دار مختار يعلم بناتو
وصل دق في دار تكتحل ليه سمية
سمية:عمي مختار فين كنتي جينا دقينا عليك تعينا بغينا نهدرو مع با او مي تعطلو
الحاج:(مسكين مقادرش يهدر تتخرج ليه هدرة بزز عارف قضية صعيبة بزاف) اه بنتي كنت في شغل( موصيبة قالا) فين ختك رودينا
سمية:كانت جالسة في سرجم لونها كان مخطوف خايفة على با او مي معرت فين زادت
الحاج تيبان ليه دراري تيجريو او هو يعرف راها تبعتهم
الحاج:دخلي بنتي تنجيب ختك او نجي نشرح ليكم
سمية:فين غادي قوليا واش واقعة شي حاجة اناري راك خلعتني با واش هدر معك
الحاج:خلني بنتي نجيب ختك او نجي صبري متخرجيش صافي
دخلات خلاها تاهي خارقة في همها او عرفت غتكون واقعة شي موصيبة كحلة حيت حست بالحاج متوتر مخلوع
الحاج مسكين مشا يجري هز جلابيتو او عيط ولاو في رجلو كروج باغي يلحقها بالي تشوف باها في ديك حالة ....
بارت 7
لحاج ياله وصل بلاصة غين كانو جوندارم ولاد وبنات الدوار مجموعين حتى بانليه شي وحدين شادين رودينا وهي كتنتر من إيديهم وكتغوت..
#عند رودينا من بعد ماداها داك ولد دوار لفين كاينة جوقة..
قلبي مامطمنيش وقالو راجل ومرتو ماتو وانا با ومي تعطلو تسلت لجوندارم ماشافونيش وانا نمشي نجري حتى كتبان ليا طوموبيلة با محطوطة ولبيبان محلولين، وقفت من جرا وركابيا فشلو وراسي داخ عليا وليت كنهز رجل ونسبقها قدام لوخري وبحالة كنمشي فووق شوك كل خطوة خنجر فقلبي كتغرس عرفت أش غانلقى ولكن مقدرتش نرجع لور حادني وصلت لقيتهم ياله كيغطيو فجثة ديال مي وانا نجهل ملي شفتها وغوت بحر جهدي...
انا: ميييي واميييي
بديت نجري غادة ليها وشدوني شي مرود وانا كنتنتر ونغوت ربي لي خلقني لاااا مييي بان ليا لحاج جاي يجري عندي...
الحاج: طلقوها طلقو لبنت بعدو منها...(شدني عنقني)
انا: با لحاج ماما غير سخفانة قوليهم يخليوني نمشي نفيقها...دوي معاهم الحاج
الحاج:أبنتي لبقاء لله غير صبري
انا:لا لا لا مايمكنش فين بابا
شفت فلحاج لقيتو كيشوف جيهت لغابة وهوما يبانو ليا جوندارم مجموعين فبلاصة خرى قبل مايدوي لحاج دفعتو وبديت كنجري لديك بلاصة، جوندارم حيت جيتهم على غفلة ماشدوني حتى كنت شفت لي شفتو... طحت على ركابية من المنضر لي شفت جالحاج كيجري ويتعكل وطيح ونود برك حدايا وعنقني... دموعي مبغاوش إهبطو كنحس براسي عافية شاعلة فقلبي..
انا: شش ششكون دار فيهم هاد لحالة
لحاج: أبنتي ياله عند ختك راها بوحدها
انا: (بنبرة حادة) شكووووون؟؟؟ شكووون دد دبح با هاكا شكووووووون (غوت حتى كاع ناس سكتو ودارو كيشوفو فيا)
لحاج: أبنتي معرفناش قالو شي قطاطعية
انا:شفارة؟؟ وعلاش يقتلوهم إشفروهم ومشيو.. علاش لقتيلة علااااش؟؟
لحاج:أبنتي ماماك جا أجلها من عند الله ماقتلوهاش وباااك..
انا:(قاطعتو) لا لا هوما لي قتلوها لخلعة لي قتلاتهاا ودبحو ليا بااااا
لحاج: أبنتي نوضي ياله نوضي ختك راه بوحدها...
انا:مغنمشي تاندي با ومي معايا
جوندارم:سيري ألالة بحالك راه غانديو باك لمشرحة
انا:عرفتو شكون قتلو؟؟
جوندارم:انا مسالي لك نتحتو
انا:قوليا غير إمتى مات عفاك(كتجر ليه فيدو) عفاك خليني نعنقو أخر مرة...
جوندارم:(دفعني طحت فالغيس) ق*** عليا من هنا
انا:لحاج نوضني عفاك ... عطيني سباطك عفاك
لحاج: (مزادش لهدرة معاها) اش بغيتي سباط أبنتي؟؟
انا: فيا لأعصاب أبا لحاج كون لقيت لي دارو فبا ومي هادشي ...ها أش غندير ليهم..
تلاحيت على داك جوندارم لي دفعني بزوج سبابط ديال لحاج كل فردة فيد وبركت نطنطن ليه راس وندرب بحر جهدي...
جوندارم:لكلبة لوخرى هادي راه اعتداء على موضف أثناء مزاولة عمله
انا:(شادة راسو بجوج سبابط وكنعض ليه فودنو) واللهما نمشي من هنا تانبرد فك غديدي..
تحماو عليا جوندارم شدوني وانا ندفع فيهم ونغوت جاتني هيستيريا وهو يجي شاف ديالهم عاود ليه لحاج أش وقع وهو يقوليهم طلقوني... وانا عيني باقي فداك لمردة لي باقي كيعاير غير سمعتو قال بنت لمسطية وتفكرت منضر مي مليوحة فلرض وانا نتلاح عليه بنتيف ولقميش ولعضاان .. عاودو شدوني بزز
شاف:هاديك ها واش باغة دوزي ليلة فسيلون؟؟
انا: يجبد مي ولا با عوتاني واللهتا نمشي عليه للحبس
شاف:لاحول ولاقوة إلا بالله ...الله يصبرك أبنتي..ونتا(كهد
رجعني لحاج لدار وخبر سومية لي دارت مندبة، أما انا مبقاوش بغاو إخرجو ليا دموع...من داك نهار وانا راس مالي غير ضحك ولعب باش كنبرد على راسي وعمرني نسيت والديا.. لقضية ديالهم تسدات والمتهمين بقاو مجهولين...
نرجعو لحاضر أو بالأحرى نهار قبل لعرس لي لكاوري فرتك ليهم
بارت8
فقت صباح غسلت جنابي ونضت لبست سروال دجين وفوق ديال جبادور موف طوييل تال ركبة، راكم عارفين مالين دوار....مشيت لدار مي تايكة دقيت حل داك لي مايتسمى عادل
عادل: صباحاتو الله
انا:فين ناعس داك قمقوم
عادل:كاين شي قمقوم تاقدك
انا:(عارفة عادل خواف) غاتحيد من قدامي ولا نقبر مك هنا نوريك قمقوم شكون (بدا راجع بلور روييجل لاخر... عاتا خرجت منا لغولة) تف تف تف بسم الله رحمان رحيم
مي تايكة(خارجة مشعكة ولكحل دايع ومعمشة شعر واقف حاشة واششعر هادا راه ضرك ديال كرموس لهندي): هاديك ها اش بغيتي عالصباح ومالك شفتي جن؟؟ ولاش مقربة من ولدي...
انا:(كون غير كان جن تقول بسم الله رحمان رحيم يغبر أما نتي راك حقيقة مرة...عرفتي أجي نفقصها نطلع ليها سكر) أويلي أمي تايكة على عاديل مقالش لك باغي يتزوجني داكشي علاش كقرب ليا هاكة؟؟
مي تايكة:(خرجات فيه عينيها) أويلي على زغبي ياك كانقولك فوت علك هادي وختها هااا أدوي هاداك ولد لحرام..
عادل: وامي واللهتا...
انا:(قاطعتو) راه كيبغيني قالك راه كيغير من كاوري ومبغانيش نقابلو دوي معاه أمي تايكة انا مخلياه فحالو وهو فين ماندور تابعني.. وساير يسيفط ليا فسلام هاوا من موراك.. شوفي شوفي..
مي تايكة: كيفاش سلام( وضارت عند ولدها لقاتو كتحلف عليا وفهمات غلط) ...
انا: شتيه راه كحط إيدو على فمو يبوسها ونفخ عليها زعمة كيصيفطها ليا.. مابقا يحشم.. هاكي أمي تايكة هاد صندالة كتقصح..
مي تايكة شدات صندالة بحال دوك ديال حمام ديال ميكة قاصحين صيفطاتها ليه ديريكت لوجه طراسات لي 39 فوجهو وشدات كراطة وتابعاه (سير الله يلقيها لك يابل حمار لاخر تغزل ليا ببنات ونتا حتى تحضيري منجحتي فيه... عند مك صنعة لي باغي تزوج "كضرب فيه بكراطة وهو كطلب مخلاتوش يدوي" بقات لك غير هاد لخطية دور بيها يابل لكلب سير إحرق جد طواسل مك لكلب...) مهم خاليتهم انا وطلعت نشوف زماني ههه بغيت نقول جاري ماهو جاري ماقريب لدواااري تراطاطا.. دخلت لبيت لقيتو مشبح فالسرير لابس شورط وتيشورط وناعس كيبان بحال ملاك خخخ وانا خو شيطان..
انا:(مشيت جبت كاس عامر بلما وكاس خاوي وجيت حدا ودنو وكنهمس) ويليام بول كاع ناس بالو( وكنخوي لما من كاس لكاس بشوية باش اتسمع صوت لما) ويليام فيك لبولة بووول راه كاع ناس بالو ويلييام بول ماتبقاش حابسها..
ويليام حل عينيه شاف فيها وناض يجري ضرب لكاس طاح لرض ومشى جرية وحدة لطواليط ديريكت تفو كون بقا شوية كون طلقها فحوايجو كون شبعت عليه غير ضحك يخ مصدقاتش... ويليام رجع لاوي عليه فوطة لتحت باين طلقها فطريق لحمام ناري شداتني ضحكة غير شفت تخنزيرة وهي توحل ليا...
ويليام: عمرني ضربت ولا غاوت على شي بنت غاتبقاي حتى تكوني نتي لولة...
انا: هيا لاخليتيني نمشي فحالي ومتشوفش كمارتي عوتاني وتهنا مني وبالك يهنى...
ويليام:هادشي لي باغة نتي؟
انا: اه اه هادشي لي باغة...واش نمشي بحالي؟
ويليام: سيرييي... ووجدي ليا حمام
انا: صافي عمرك تشو.... أشنو؟؟ حماام؟؟
ويليام: yep حمام
انا:ولكن واش عارف لحمام اش خاصو باش يوجد؟؟
ويليام: كنت غانقولك غير سيري فحالك ساعة ملي فقت على ضحكك لباسل غيرت رأيي...
انا: بلا بلا نينيني غيرت رأيي (كنت كنعيب فيه وغلضت صوتي وكنشير بيدي حتا شفت فيه ولقيتو مخنزر ونا نجمع طم)انا غانمشي نوجدو..
ويليام:أجي بلاتي أشنو كتعني ديك كلمة لي قلتي بارح؟؟
انا: هااا؟؟ إنا كلمة؟؟ بلعما مقلت شي حاجة (ولد لحرام منساش لبارح ملي قلت ليه قزيبتك)
ويليام:عارفك تفكرتي لكلمة ياله شرحيها ليا..
انا:معنديش مع دارجة بزااف كنعرف للغة لفصحة..
ويليام:هااا؟؟
انا:شتي هانا شرحتها لك ومفهمنيش
ويليام:كضحكي عليا؟؟ راني ماشي حمار را غير ماكنفهمش دارجة لمعقدة..
انا: ماحمارش أخويا شكون سبك؟
ويليام:انا ماخوكش عندي أخ واحد..
انا:ياويلي تامالك داير فيها شد ليا نقطع لك
ويليام:شوفي نتي هضري مقادة راه مكنفهمكش...
انا:انا ندوي معاك بميريكانية (you are stupid) لي هيا بالعربية نتا سطل بلا تقرييب...
جا تبعني غايدربني وانا نعطي رجليا لريح ونضحك وغوت بلي أنمشي نوجد ليه لحمام بغيتو يزلق فيه ان شاء الله يجي على كمارتو بنادم يخ سباحاتو الله كلشي من فطيطيم تانشدها...
خرجت حاقدة على لوضعية عرفتو حمام كيدير راه بيت كبير وكسخن كولو بلحطب كيولي بحال ديك صونة مشيت على وعدي وسعدي وجمعت لحطب حتى تقسم ليا ضهري وشعلت لعافية وسخن ظاك لبيت ولا لبخار يخرج ملي تحلي لباب وعمرت لبرمة لي تما وعيطت ليه يدخل يعوم غير دخل وانا نسد عليه لباب وهربت خخخخ...من بعد نص ساعة رجعت كنسمع...
ويليام:رودينااا
انا:هاني جيت كنت كنزند لك لعافية (حابسة ضحكة)
ويليام: حلي لباب
ياه مامعصبش ياله حليت لباب وانا نلقاه واقف وهاز سطل ديال ما بارد، ياله درت نهرب وهو يخويه عليا واااع...
ويليام: ياله باش تعلمي ديري معايا داك ضحك لباسل...عندك زهر مادرتش لما طايب..سيري دخلي دوشي انا نجيب لك حوايج ونحطهم هنا وملي تسالي بغيت مسمن..
انا:هاكااااواا تامالك تصحبني خدامة عند باك...
ويليام: (شد ليا فكي وكرز عليه وكهضر معصب) جبدي بابا عوتاني وتشوفي اش ندير لك
بارت9
ياله غايطلقني وانا نشد إيدو وضربتها ليه بعضة ودخلت نجري للحمام وسديت لباب..
انا:عانداك دخل راني تعريت..ههه
ويليام:غير بلاتي اندمك...
انا:شوووف هانتا هالعار ماتفكعش، غنصيب لك طرح ديال مسمن ونزيدك ملاوي كاااع ونجي نتصالحو..صافي؟؟
ويليام:(ضحكاتو)
خرجت لقيتو جاب ليا بيجامة ديال رجال ماشي انا لي لبستها بيجامة لي لبساتني كبيييرة وليت كنبان بحال عباس مول لبن من غير شعري لي نشف وكيبان مسبسب خليتوو مطلوق.. صيبت مسمن وملاوي ودرت حتى شفنج وعمرت كاس دأتاي مشحر ومشيت دقيت عليه للبيت دخلت لقيتو داير جينيراتور عندو فلبيت ومخدم لابطوب ديالو وتيلييفون.. بديت كنحط فوق طبلة وكنسمعو كيدوي مع شي دري..ساليت وجيت حداه مديتهاش فلابطوب..
انا:(باغة نتمحلس باش ميكعاش عليا اصدق راجع فكلامو ويعيط لجدارمية) سي ويليام هانتا صيبت لك شهيوات أجي نتصالحو!!
ويليام:سي وليام كاااع ههه(شاف فطبلة ورجع شاف فبيسي) صافي سيري
انا: هالعار متكعاش راه غير كنتمازح معاك
شخص:(بالإنجليزي
انا:مرت باك هادي... دخول شبوقات..
شخص:(بالدرجة) واو كتفهم لإنجليزي وبوكوصة هادشي علاش باغي تبقا تما..
ويليام:(سد لابطوب) شكون قالك جوبيه وياك قلت لك متجبديش بابا عوتاني هااا مكتسمعيش..
انا:تامالك داير بحال لعكوزة غير كتنكر، وانا فين جبدت باك عايرت بات داك لفضولي لي دوا ليا على شعري..
ويليام:أولا هداك خويا ياعني جبدتي با، وتانيا مالكي طالقة عليا سوالفك سيري جمعي داك شعكيكة
انا:شعكيكة هي ديالك انا شعري حرير لهلا يحييك وطول زمان لرجليك بشاار كنضسروه كتيق ... انا غانمشي فحالي نشوفك دور بساحتي نخرج مع خويا فجورنال..
ويليام:(ناض بزربة ومشا سد لباب) بلاتي غانعيط لجوندارم واقلة كتفي باقي مهرس
انا: ههههه ويليام زين تبوكيصة ديال لكور راه غير كنضحك معاك مال قشابتك مواسعاش..
ويليام: غادينديرو قوانين دابة أول حاجة شعرك ديما مجموع
انا:أجي مانديروش بيد فالكحل انا وياك ونتزوجو لا؟؟ أويلي على جمعي شعرك واهاكاوا دير راسك فنخالة ينقبك دجاج ...واش با نتا ولا خويا ولا راجلي ومعلمني حد؟؟
ويليام:(خنزر فيا) تانيا عمرك تقولي ليا خوك انا سميتي ويليام
انا:معجبتنيش سميتك خاصك شي وحدة ساهلة
ويليام:تانتي سميتك طويلة من ليومة غانعيطلك رورو
انا:لواااه بوبي مالي بنت لك كلبة؟؟
ويليام:(كنخلها)
انا:اش كيعيطو لك فبلادكم شي سمية صغيرة؟؟
ويليام: ويليام هي بيلي ولا بيل
انا:بيل واسيباستيان مخيات كانو بكري زوينين واحد هو وكلبو بيض وزوين (صورة لتحت)
ويليام: إوى انا بيل ونتي لكلب هههه
انا:دابة نكرش علك بعضة نوريك لكلب لمسعور ملي كيخرج
ويليام(كضحك حيت رودينا كتعصب وكتحمار وكتولي زوينة) صافي صافي غير ضاحك مهم عيطي ليا بيلي ولحاجة تانية انا غانبقا فدوار شهر وبغيتك نكوني نتي guide ديالي... وتوريني دوار..
انا:وشحال تخلصني؟؟
ويليام:مغندخلكش
انا:واهانتا كتفك بيخير وكتحركو وانا مالي لصقتيني هاد لصقة بحال كولا سبيسيال..
ويليام:دابة موافقة ولا نعيطو لجوندارم؟؟
انا:صافي صافي موافقة ولكن بشرط... علاقتنا تكون مبنية على احترام
ويليام:على نتي كتحتارميني؟؟
انا: انا لا كنحتاامرك خخخخخ
هربت ومشيت لدارنا نعس عييت ليومة... عندي فكرة لغدا ياك باغي يشوف دوار غادي نديه معايا لعرس غدا نغلقووو هههه
#رجعو للحاضر رودينا وويليام سلتو من لعرس ومع كان ضلام شادة ليه فيدو وجراه موراها
ويليام:دابة هادشي لاش جبتينا باش نهربو؟؟
انا:على شكون لي سوطا ضو على لخيمة ديال لعرس مي؟؟
ويليام:وباش عرفتها انا مضوية هلى عرس
انا:ولي تشد إيدك عندك ومتقيسش حاجة بنادم..
ويليام ياله غايهضر وهو يغوت ربي لي خلقو خلعني وزعزع دوار..
ويليام:what the fuck is that؟ what just bite me؟ rourou im gonna fucking kill youuuuu!!!
انا:بسم الله علك نتا فعار الله شتك بديتي تهتهت بلنجليزي واهدا عليا ماقراوناش هادشي لي ساير تقول..
ويليام:(معصب وكحاول يبرد) راه قرصتني شي حاجة
انا:غاتكون غير عقرب هانية متخافش.
ويليام:واش نتي مريضة؟؟
انا:لا لباس عليا ماكنحس بوالو!! راك نتا لي قارصاك لفعة وقدر تموت وتقدر لا
ويليام:(صدماتو ببرودها) إوى؟؟
انا: إوى لجات لموت راه مكتابة وعلينا حق الله يرحمك كنتي الله عمرها دار، لم ولا مكانتش مسمومة راه ربي مزال باغيك.. هتدا جهدي علك
ويليام: لالا نتي واللهتا مريضة
انا: انا حاسة براسي بيخير فوق سلك ونتا دخلاتك لموت ولا مزال؟؟
بارت 10
ويليام:(غير تيشوف فيها وضور فعويناتو خايف من شي عقرب خرى) مغديريش شي حاجة؟؟ ولا مت دابة؟ عاونيني..
وردينا:ايه (غنخرجها منك على ديك تجرجيرة لي درتي ليا بجادرمية
😈😈😈😈😈)ايه بشرط
😈😈😈😈😈)ايه بشرط
ويليام:واش تتضحكي عليا وقت شروط دابة؟؟
رودينا: اشنو على نتا ساهل تانا غنتاهز فرصة بعدا نكونو معادلين
ويليام:(باغة تلعبي معايا واخة) اوكي الله يصبريني قولي موصيبة راني وليت تنحس براسي بحالي رجلي كتنمل عليا
رودينا:(جيتي بين يدي ههه) هنتا تواعدني لي بغيتها ديرها ليا ونعتقك..
ويليام: أوكي ياله طلقينا ألموصيبة
رودينا:موصيبة هو نتا
ويليام:(خنزر فيا وكارز على سنانو) طلقي راااسك..
رودينا:صافي صافي زيد تبعني زيد نخرجو نشوفو واحد عشبة هي لي كتشرب سم من لعضة...
ويليام:ياله سربي...
لبس عليه جاكيط لي كان هاز فيدو وانا درت كنقلب على عشبة لي تجيب ليه تمام حالفة بحلوفي تنرد ليه صرف بضوبل... ويليام مسكين
🚶🚶 غير تابعني ماعلى بالوش بلا لعقرب لي سامة ماكتكونش هنا أغلبية فصحرا وكيكونو صفرين، اما هادو لي عدنا هنا الأعراض ديالهم كتنفخ شوية لبلاصة وكتحمار وبعد مرات تقدر تجيك بحال حمى الباردة... مهم انا عارفة ديك عقرب مادير والو قليل لي كتأتر عليهم وخاصهم يكونو دراري صغار...لكن انا ناوية على خزيت باغة نخرجو من عين برا كيما قالو ناس لوالا (دريها في رجال او نساها اودريها في نسا او بات تسنا) حيت دقة تجيك تجيك واخا معرت اشنو يوقع
🚶🚶 غير تابعني ماعلى بالوش بلا لعقرب لي سامة ماكتكونش هنا أغلبية فصحرا وكيكونو صفرين، اما هادو لي عدنا هنا الأعراض ديالهم كتنفخ شوية لبلاصة وكتحمار وبعد مرات تقدر تجيك بحال حمى الباردة... مهم انا عارفة ديك عقرب مادير والو قليل لي كتأتر عليهم وخاصهم يكونو دراري صغار...لكن انا ناوية على خزيت باغة نخرجو من عين برا كيما قالو ناس لوالا (دريها في رجال او نساها اودريها في نسا او بات تسنا) حيت دقة تجيك تجيك واخا معرت اشنو يوقع
اوا هايا غاتجيك ألكاوري انا تكب عليا لما وتخليني نطيب لك بلهلا يتبتو ليا واااخة .....
هايا لي كنت نقلب عليها عشبة (حريكة )<كلكم تتعرفوها داك نوع حار لي تيجيب حكة او حبوب > احح اولدي أويليام اش تيتنساك سراط هههه
انا:(تحنيت عليها وحاولت نشدها من لتحة وبكم ديالي) هاهي عشبة لي داويك
ويليام:(واش هادي من نيتها عشبة اش غادير ليا واخة ألالة نمشي معاك فهبالك) حمد لله يلاه دغيا داويني
انا:اويلي صبر مالك لاكانت لموت مكتابة كوراك مشيتي عند الله..
ويليام:ودغيا فرعتي ليا راسي بالهضرة وقلت لفعل
انا:(هاوا لفعل دااابة تشوفو)ارا ديك رجل حطها هنا
حطيت رجلو على واحد لحجرة كبيرة وشديت داك سروال بغيت نطلعو باش نشوف لقرصة مع ضو ديال قمرة، واااع على لي مولي عندو ويلي قداش بقيت كنحنزز غير فرجليه وهو بدى كحس بسخونية كحيد جاكيط وشوية ايجيه لبرد وعود يلبسها..بقيت غير كنشوف فرجليه واع عمرني شفت سيقان زينين هزيت فيه عينيا لقيتو كضرب فيا واحد تخنزيرة خافت ندير ليها لحريكة يولي حارقني بحويجي.
غير نتوكل على الله كاينة غير موت وحدة... حكتها ليه واخة هكاك مخلوعة منو مشا داك جهد لي فيا وتخراج عينين او تسنطيح وليت غير باغة نسلت واقلة زدت فيه...
شوية بدا يتلوا حيت العافية شعلت ليه في رجلو وباغي يحكها وانا نشد ليه إيدو
ويليام:اععععععع
انا:(خلعني بديك تخنزيرة وصوتو كزلزل)والو راه دواء داير هكاك صبر صبر
ويليام:what the fu*** did you do to me؟
عرفتو كعا ملي ولا يعاير بلوغتو صافي قفارت يخ يخ وحنا فلخلا قربت نوصل لدار لحاج ولاكن دارنا باقي...
ويليام كيغوت او يضور وعاير وجعر عروقو خرجو بدات تجيه حكة خايبة حيت ديك لي حكيت ليه من نوع مجهد وكتقهر... بكترت غوات مع لقرصة ديال عقرب تاهي، عيا تكا على واحد شجرة ولا سخفان انا فشلو عليها رجليها وليت نخمم عانداك يطمع فيا نهزو لدارهم راني معندي صحة، أجي عنداك تكون عقرب مسمومة نيت او انا كملت عليه بحريكة مشيت لعندو..
انا:اييه اتا مالك(حطيت يدي على جبهتو سخون شوية..كنضرب ليه على وجهو مكتحركش) صافي مي قتلتو ناري تجي تايكة تقتلني وامي مشيت فيها واااع انا شداني نضحك معاه...(بديت غادة جاية ولخلعة كناكل فضفاري كنفكر) ولكن لعقارب هنا ماسامينش تال ديك درجة وااامي عتقيني...
انا: ويليام فيق فيق مالك.. واتوكض معايا واهياتا
ويليام:اممم أي أي ي.....ي
مشا صوت وعينيه بحالة تقلبو انا سكت ليا لقلب واقلة مات..
انا :امي مات صافي غنمشي حبس وهياناري مي بنتك غاتكمل حياتها فلحباسات... لا لا غاندفنو ونهرب أويلي وليت قتالة... وااامي
*واحد لحاج بارك حدى واحد شجرة كياكل فزريعة لبيضة كان مكرمها..شوية كسمع صوت اييه عرفو صوت رودينا تم غادي كتسلت من بعيد بانت ليه واقفة وداوية بوحدها..*
انا: ناري اش غاندير موصيبة
ويليام وقف جمع نوضة من تمتيل ديالو وقف موراها وعلى وجهو بتسامة شر كضحك عليها وهي تامن دموعها نزلو كتصحاب راسها صافي مشات كفتة..شد ليها كتفها ودورها عندو وقال (بوووو)
انا: واااهيا بسم الله رحمان رحيم (غمضت عيني بغيت نقرا قرآن كاع لآيات هربو عليا مابقيت حافضة والو وتقول) اعود بالله من شيطان رجيم (حليت عيني شفتو باقي قدامي) وااااع ميييي وااا عتقو رجع من لموت جن وا مي جن ..
ويليام:كاين شي شيطان تاقدك دوي ها؟!
انا:(عرفتو كان كمتل عليا وعاق بيا ولكن غايكون كاعي على ديك حريكة) واممميي بعد مني واااع(كرز ليا على كتافي..
شوية كانسمع زداو حليت عيني ملقيتوش عاتا شفتو مليوح فلرض ضرت فجنابي وانا نلقا لحاج هاز واحد لعود وضاحك حتى بانت ليه ضرسة لعقل..
انا: لحاج أش درتي؟؟
لحاج:(نافخ صدرو وكفرنس) عتقتك وضربت لبانضي..