بارت 11
انا: واميمتي كاين شي بانضي تاقدك ويلي ويلي ليومة نمشيو لحبس.(نزلت لرض على ركابيا هزيت ليه راسو ونضرب فحناكو باش يفيق) بيلي وا بيلي هانا كنعيط لك بسميت دلع ديالك هالعار لما نوض من ليوم نعيط لك بيلي وندير لي قلتي وكلامك نسمعو وشعري ندير زيف انا كاع...انا مزاوكة لما نوض راني منحمل ماكلت لحباسات..
لحاج: ناري على لمسخوطة قتلتي لكاوري...
انا: ماحشمتي تسبيها فيا ونتا باقي شاد لعصا...
لحاج: نتي لي ضربتيه(لاح لعصى) انا شاهد شفتك بعويناتي..
انا: ياك أبا لحاج هادي هي رجلة؟؟
لحاج: كاين شي رجلة فلحباسات؟؟ ونتي قلتي ماكلتهم خايبة وانا مضروب على كرشي لالا نتي مولاتها مسوقيش...
انا: راه كاينين بصمات ديالك فلعصا غادي غادي دخل لحبس..
لحاج: اشنوو هاد أشنو هاد صبمات كاعما نكسابهم انا..
انا: راه لبصمة ديالك بحال ملي دير صبعك فلمداد فلكوميسرية...
لحاج: واهيا ناري دير خير مايطرا باس...جيت نعتقك صدقت قاتل روح..نوضي نوضي نهربو..
انا: وا بيلي وا ويليام فيق واللهتا نولي نسمع كلامك غير ماتسيفطناش لحبس..
لحاج: مالو فرجلو؟؟
انا:قرصاتو عقرب..
لحاج: ياشتي كان ميت قبل من ضربو...
انا: واتا نعل شيطان راك حاج زعمة ... واش سيد كان واقف على رجليه وتقول ميت .... ويليااام هئ هئ هئ كنا غنتزوجو ونديرو لولاد..
ويليام: ماحشمتيش نتزوجو كاع؟!!
انا:(شفت فيه لقيتو كيشوفيا وكضحك) واع بسم الله رحمان رحيم رجعتي عوتاني من لموت
لحاج: أولدي خلعتينا علك..هاد لمسخوطة لي ضرباتك انا شاهد لاكنتي باغي تعيط لجوندارم..
ويليام: لحاج معندك صحة هداك هو ضرب؟؟ راني مكنتش مغيب غير بغيت نربي هاد لموصيبة..
لحاج: ههههه وراها تربات قالت لك تولي تسمع لهضرة ودير لي بغيتي انا شاهد..
انا: تقال لك الحاج .. انا مقلت والو (ياله غانهرب وهو يجرني من شعري شكون من غيرو..)
ويليام: غاتولي تقولي ليا بيلي وتسمعي هضراتي وديري زيف..
انا: ايه ندير لخمار لا؟؟
ويليام: لحاج اشنو هاد لخمار؟؟
لحاج: ديك تغنبيرة لي يديرو لعيالات..
ويليام: لحاج واش فهمت لخمار باش نفهم تبنغيرة ولا تغنبيرة ولا منعرف...
انا: شوفو نتوما راكم زدتو فيه انا ماكنسمع لحد من غير لراسي...
لحاج:( شاف فويليام) نعيط لجوندارم
انا:(خرجت عيني) لحاج بعتيني دغيت هادي هي رجلة؟؟
لحاج:(جا حدايا وكهمس) مالك ماكتقنعيش جاب لك الله كاوري وصحيح يرجع من لموت وقلدة وزين اش بغيتي راه دجاجة بكامونها..
ويليام: لحاج راني كنسمعك
انا: (كندوي مع لحاج بشوية)شتي ديك دجاجة لي بكامونها راه عندها غير مع لفرارج كون شتيه قبيلة كعنق فلفروج ديال ولد لحاج سعيد وبوس فيه..
لحاج: هالعار ياكما مريوح؟؟
ويليام: راني واقف هنا نتوما كدويو عليا راه كنسمع كلشي، ونتي غير بلاتي غانرد لك صرف ديال هادشي كلو ومنسيتش فك لحريكة..
انا: شوف الله يرحم باك صدعتي ليا مخي هاد ليام، شفت تالحاج ولا يجي منك مابقات عشرة معاكم هاواحد سلام عليكم انا نمشي فحالاتي..
ويليام: أجي نتي لهنا
انا: مجياش الله يعاونك(تميت غادة وانا نسمعهم كيهضرو)
ويليام: لحاج شحال ديال لحبس لمحاولت لقتل جوج مرات؟؟
لحاج: أودي على حساب لاكان مغربي مؤبد ولاكانو لكور واقلة إعدام، قالك أسيدي كاينين شي كراسا كيربطوك فيهم ويضربوك بضو تاتشعل لك بولة وتمشي عند سيدي ربي، وكاين شنق والله وعلم خالي تانسول لك لمقدم..
ويليام:ممم عندك نمرة ديال جوندارم..
انا:سي وليام عيطتي عليا..؟؟(كنسب تحت من نيفي)
ويليام:(حابس ضحكة) لحاج بغيت نسولك منين نقدر ناخد طوموبيل نعدي بيها؟؟
لحاج: حنا كنعديو بلحمير ولبغال.. ولكن نشوف لك لحديد..
انا:لا مجانش يركب على خوه خخخخ
ويليام:(خنزر فيا تاوحلات ليا) نتي غدا مع 9 نتلاقاو باغي نمشي لفيلاج نتقدى شي لعبات..
انا: لا منصيبش غدا لخميس خاصني نمشي لسوق..
ويليام: سيري بعد غدا
انا: ههه مسطي نتا نمشي لخميس بجمعة؟!!
ويليام: اه مالك سيري جمعة
انا: ههه وراه لامشيت جمعة غانلقاوهم ماكينينش
ويليام:سيري سبت!
انا: واش مكتفهمش نمشي لخميس بسبت فين جات هادي؟؟
ويليام: مفهمتكش اش كتخربقي..؟
لحاج:(باقي غير واقف كيتسنط ليهم) كيشتي دابة أسي ويل ليام كاين سوق خميس زمامرة بلخميش ولاربعة لغايس بلاربعة وتلات كحزلهيه نهار تلات وحد ولادفرج نهار لحد وجمعة كنمشيو نصليو ماكين سوق كيشتي لإمام ديال جامع..
انا: لحاج سيري شرب لفانيد ديالك راك بديتي تهترف..(لحاج جمع جلايل جلابة ديالو وهز ديك لعصا ومشا) ونتا أسي راني عندي شغالاتي ماشي غنبقا مقابلاك..
ويليام: هانية نمشيو لهاد لخميس انا اش تابعني راني فعطلة مهم غدا نتلاقاو
انا:(بان ليا ولد دوار أيمن) أيمن وااا أيمن أجي نقولك
أيمن: أش بغيتي؟؟
انا:هانتا دي لكاوري لدار مي تايكة..
أيمن: وانا أش ليا فهادشي
ويليام: علاش نتي أش تابعك؟؟
انا:ختي كتخدم وخاصني نمشي نصيب ليها سحور راه كتصوم تنين ولخميس..
#عند ويليام
ويليام: ياله سيري فحالك.. ونتا أيمن أجي نقولك
أيمن: أش بغيتي أزماكري
ويليام: وريني طريق لدار مي تايكة ونشري لك لي بغيتي..
أيمن(: تحلو ليه لعينين) بغيت شيباس
ويليام: ها؟؟
أيمن: واشيييبس شييبس
ويليام: اه chips واخة ياله (شريت ليه شيبس وغادي وكنسول فيه على دوار)
انا: إوى قولي فين واليدين رودينا
أيمن: فلرض
انا: كيفاش فلرض
أيمن:(كياكل) ماتو مدفونين فلرض
بارت 12
انا: كيفاش فلرض
أيمن:(كياكل) ماتو مدفونين فلرض
انا: الله يرحمهم باش ماتو
أيمن: تقتلو
انا: كيفاش؟؟؟(صدمني كيفاش هاد لبنت غير كضحك ودايز عليها هادشي)
أيمن: هاد شيبس مداقها سبحان الله بحال بطاطا
انا: ممم وراها بطاطا مقلية
أيمن: هههه كاوري وهبيل هههه مامسكولش واقلة
انا:(هادو واش كلهم مساطين فهاد دوار) مهم قوليا باش ماتو؟؟
أيمن: مانعرف كنت صغير
انا: ممم واش معندهمش عائلة
أيمن: كاين عباس شرير مكنحملوش
انا: شكون هادا
أيمن: خو بات رودينا..
انا: عمها زعمة؟!
أيمن: هههه مكلخ واش ماكيقاريوكمش تما؟؟؟ واراه باها وعباس عندهم نفس لبات ولأم خوت خوووت فهمتييي
انا:(بقيت كنشوف فيه هادا من نيتو) شحال عندك من عام؟؟
أيمن: سبعة
انا: سبع سنين! كتمشي لمدرسة(دار ليا براسو اه) فاش كتقرا؟ نجحتي ولا مزال؟؟
أيمن:اه عامين وانا فتحضيري نجحوني بقرار من الإدارة حيت وااااعر واااعر
انا: لا لاباين واعر
خربقني هاد بعلوك كتر مانا مخربق وصلت لدار تكيت نعس ولاكن تفكيري كلو مع لموت ديال أب وأم رودينا...اوووف تيليفون كيصوني غاتكون 7 لعشية عند سام خرج من خدمة وكيعيط ليا جاوبتو..
انا: أشنو؟!
سام: شكون ديك لبنت مولات شعر لكحل
انا: رودينا بنت الدوار
سام: غانجي لدوار من هنا لسيمانة عندهم تيتيز
انا: غاتجي غانفرع مك
سام: مالك؟؟ عجباتني ديك لبنت..
انا: بعد منها(بنبرة حادة)
سام: اوه كنشم ريحة إعجاب
انا:(بكل برود) مكتعجبنيش وعمرها تعجبني فينما كانت شي موصيبة كتجيبها ديك بنت..
سام: إوى ملي مكتعجبكش انا نجي نخطب..
انا: سام ديك لبنت لا.. راني عارفك أش كتسوى..
سام: مهم مدام عاجبك لحال تما أنا جاي عندك..
انا: جي ولا بقا انا شغلي
سام: شوف غدا ضروري تكونيكطا مع تمنية عدنا صفقة محتاجك حيت شركة لي غنعقدو معاها صفقة باغين يشوفوك وهضرو معاك..
انا: مامساليش..
سام: من نيتك أش عندك أهم؟؟
انا: غانمشي لسوق لخميس
سام: سير بعد غدا راه اجتماع مهم عدنا
انا: ولا مجاتش تمشي لخميس بجمعة
سام: هانية سير سبت
انا: لا أصاحبي سوق لخميس راه نهار لخميس أي نهار أخر مايكون والو...أجي مالي وليت كندوي بحالهم؟؟
سام: ههههههههه ناري جانهار لي نشوف لجليد كيدوي هاكة ههههه أترات فك بنت الدوااار ههه...
انا: قلب عليا نت....ومتبقاش تقوليا لجليد
سام: باقي مفهمتش علاش ...
انا: سام ماباغيش ندوي فداك موضوع
سام: أوكي ولكن ملي غانجي خاصنا ندويو
انا: من نيتك غاتجي؟؟
سام: اه أصاحبي نجي نشوف ليا شي بنت دوار تربى على إيدي
انا: شوف راه ماكينش شراب هنا وحشيش وبنات ليل وماكينش ضو..
سام: كاين حمام؟؟
انا: اه بحال صونا ديال تركيين لي كنمشيو ليه تما
سام: اوووووه فيري نايس...
قطعت مع داك قمقوم ديال خويا مصيبة هادا ملي غايجي كير غير زبايل..ياله غنطفي شمعة ونعس وانا نسمع دقان ..
انا: دخل
عادل: ويليام صافا
انا: ايه صافا فيا نعاس
عادل: كنت بغيت نقول لك رد بالك من ديك رودينا
انا: علاش
عادل: حيت كضحك مع دراري بزاف راك عارفها سايبة معندهاش لي حكمها
انا: اوكي ونتا مالك
عادل: عادي غير قلت لك
انا: كتعجبك؟؟
عادل: اه راها زوينة بغيت نقول لا لا مالي مسطي
انا:(نضت وشنقت عليه) ملي هي كتعجبك علاش كتخسر ليها صمعتها؟؟
عادل:كح كح واللهما انا راه مي تايكة متحملهاش
انا: علاش مكتحملهاش دوي؟؟
عادل: مانعرف علاش حدي كنشوفها ديما بليل معنقة تصويرة بات رودينا وتبكي..
انا: ياله خرج عليا وأخر مرة تفكر فرودينا ولا دوي عليها ياله لباب..
نعست وهاد لبنت فبالي كيفاش ماتو ليها واليديها وهي كضحك هاكة وعايشة حياتها بوحدها.. محسيتش حتى غفيت ...
#نرجعو لرودينا
داخلة كنتسلت لدار تايكة باغة نفيق ويليام دخلت لبيتو لقينو ناعس بلا تيشورط لماسخ لاخر ناشر عليا زينو تف تف ستغفر الله لعضيم مايخيلو لواحد بعقلو..
انا: (غادي يجعر عليا ولكن واللهتا نفيقو ولي ليها ليها) ويلياااام وا بيلي بيلي بيلي بيلي بيليبييييي بيليييي وااااع
ويليام:(فاق قافز وقجني ديريكت قبل مايحل عينيه) انقتلك قبل ماتوصلني..
انا: كح كح واللهما نقتلك كح كح ماعزيش عليا حباسات كحكح راك جيفتييييينييي
ويليام: (طلقني ملي سمع صوتي وحل عينيه) ياربي أش جابني لهاد الدوار ...
انا: والله كون مشيتي لهونولولو ولا بيهاماس..لاش جاي هنا
ويليام: باهاااماس
انا: ايه ايه بحال بحال الله يرزق غير صحة وسلامة..
ويليام:(هز تيليفون لقاها ربعة صباح) واش باغة تصعريني؟؟ لاش جاياني مع صباح..
انا: اييه دارجة تسرحات عندك وياله ربع يااام اييه شوية نعلمك شلحة
ويليام: لاش مفايقة ديلمي؟؟
انا: ايه نوض نوض ياله تابعانا طريق
ويليام: فين راه ربعة صباح
انا:(تميت خارجة من لباب) انا كنتسناك حدى جنان لكرموص
ويليام: اجي مالنا في غادين
خرجت وخليتو حيت إلا قلت ليه واللهما ينوض ليا من مورة 10 دقايق كيبان ليا جاي وعاقدهم بتغي يضارب سلامة من هاد خاينة..
ويليام: تي تسناي ني زربانة... فين غادين؟
انا: سربي وسكت شوية غاتفيق الدوار...
وصلنا لواحد الدار من بعد ماتمشينا شي تلث ساعة ودقيت وحلو ليا لباب...
انا: مي عايشة فينها نهيلة
مي عايشة:سيري أبنتي لبيت لي فيه لخامية ..(شافت ويليام) هادا معاك..
انا: اه غير خليه يدخل وصيفطي معاه بانيو ديال لما سخون..
ويليام: رورو ماتقوليش ليا لي فبالي...
انا: اييه ديك لقطة لي كتشوف فالأفلام هي هااادي
ويليام:(تحت من نيفو وهو تابع مي عايشة) بربي تاغنقتلك...
بارت13
🌜
🌜
انا دخلت عند هنية لقيتها عرقانة وكيشدوها وجعات متابعة درت ليها مخاد مورا ضهرها وجبت مخاد موجداهم.. دخل ويليام هاز بانيو ديال ما ووجهو حمر بالأعصاب...
ويليام: what the f*** are u doing؟؟
انا: هانتا كتكعا كتغوت وتعير بلوغتكم غير برد راك غتعصب لينا لبنت باغة تولد
ويليام:(كيدوي كارز على سنانو) وانا لاش جايباني لااااش؟؟ واش انا ديال هادشي؟؟
انا: مالك خايف ؟؟ أودي قالو ناس زمان غير لبس سلهام وقول انا إمام... بقات فلحية وتكلضيمة؟؟
ويليام: ناري غاتجهليني..
هنية:(قفزاتهم) ويييييييي وااااااامي فينك يامجييييد بغيت لك ماتعطات لبويا..
ويليام:(قرب ليا وهمس) أشنو هاد لي تعطات لبوها؟؟
انا: ركلاتو بقرة فلكوري ضرب راسو مع حجرة ودامول أمانة أمانتو...
ويليام: وشكون مجيد؟؟ راجلها؟؟
انا: اييه وباركة من لهضرة واجي هانتا سير تقابل معايا وعطيها بضهو وشد ليها ركابيها بزوج هاكة باش ماتجمعهمش ملي تكون تولد...
ويليام: هادي راه خاصها زوج تناس ..
انا: أجي برك هنا ولدها وانا نشد ركابيها...
ويليام: لالا انا نشد ركابي انا صحيح علك...
انا: خخخخ أودي يا ودي عاقو بك ...
بدات هنية كدفع و ويليام كارز ليها على ركابيها باش متحركشوهي كتزحم وتغوت ربي لي خلقها... غير بدا كخرج راس وهي تبدا تعض فضهر ويليام بحر الألام هي كاتغوت و ويليام كسب فرودينا
رودينا:دفعي دفعي راس بان
هنية:امييييييي يرحق بوك كلب مجيد
ويليام:كنرهك رودينا
رودينا معافرة مع راس هي ترخجو ولد مشا اللّٰه غزال حروفو كحلين او ميغوت ويليام طلق ركابي هنية او بقا تيشوف في ملاك لي حداه عمرو شاف شاف شي بيبي يلاه تزاد اصلا هو بعيد من هاد مجال لكن مع رودينا حلم اصبح حقيقة هههه
ويليام:اريه ليا نشدو
رودينا:(مستغربة
ويليام:انا نغسل ليه (سيد جاتو حنانة )
هنية:ارو ليا ولدي نشوفو نتوما خديتوه
مداتو ليها رودينا فرحة في عين هينة شداتو
هنية:اللّٰه على حبيبي غزال مني يشوفك باباك مجيد غيفرح بزاف خاصني نعيط ليه
ويليام: (حل عينو من صدمة عاد كانت تدعي فيه دابا بغاتو ) عجب معاكم نتوما نسا
رودينا: نوض تهز يلاه ساعتك سلات خرج تسناني برا تنكمل لي بقا ليا كون تحشم
ويليام:منيتك دابا عاد نكون نحشم انا رضيتوني خدوج بيناتكم انا لي ديرا راسي فيك ولكن بلاتي
خرج معصب من تصرفات دوك جوج مخلوقات لي طاح فيهم
رودينا غسلت ولد هنية او لبساتو او كمطاتو حطاتو حدا هنية هي تغسل هينة تحتها او درات ليها ليكوش (معندهوش مع الويز تيحسو بحال بيجبد ليهم شي حاجة من تحت بحالي تا انا ) او حيدت ليها دوك حوايج لي عمرو بدم او نقات حالة مكملت مسكينة تشرعها ولا طالع في سما او ولات عرقانة هي تبجد حدا هنية
هنية:(هزات ولدها او بدات ترضعو لبا حيت مزيان) عرفتي مني تتولي ام اللّٰه على احساس اللّٰه يرزقك رودينا داك كاوري تولدي لينا شي شريخان زين بحال داك هندي
رودينا:كون محشمت راك والدة نزوي مك تتولدي والدتك معمرك باقة تولدي هاداك سميتو شروخان اشمن شريخان مالك مكلوبة مع الفلام رسوم اللّٰه يستر
هنية:اويلي تنتي مالك مزينو راجل شوفي مسكين شبعت فيه عضان مقاليا والو او عاونك في ولادة ولدي غزال
رودينا: رضعي ولدك قبل منعطي لختي شي مسمنة
هنية :اححح على مسمن تشهيتو من يدك
رودينا: باز اختي باز متتحشميش سيري خلني نشمي ندوش او راه باقي تابعني سوق خميس
هنية:ايه واخا جيبي ليا معاك شي لويزات
رودينا:(غادة خارجة من بيت قلزت ليها او خرجت تمشي حمام دوش باش تمشي تشوف ويليام فين هو ) لوز لقيتو ترمتي
هنية: (جاها ضحك ) سيري صكعة سيري
خرجت من عند هنية لقيت خالتي موجدة ليا حمام حامي او حوايج او بنوار دخلت حسيت براحة لقيتها معمرا ليا ما او حاطة ليا كشلي اوا بديت بلازم درت صابون بلدي او تجبدت مع راسي تنسخن عضاماتي
عند ويليام بقيت جالس جالس شوية لقيت تليفون تصوني
سام:فين عشير راه 7:30 هادي واجد
ويليام : ضروري كون هاني راني واجد
بارت14🌜
🌜
سام:مال صوتك عيان اشنو كاين
ويليام:(تيتفكر اشنو داز عليه ) اودي غير خليها على اللّٰه
سام:اشنو دارت ليك ديك بنت تاني هههه
ويليام:دار ليا انا لي جاي متبع كلام واليدة سير تشوف دوار لي تزاديت فيه اودي عليها مسمينو دوار مساخيط عفو
سام:طلقني عاود اشنو وقع
ويليام:سمع اسيدي(عاودت ليه كلشي )
سام:ههههههه ومييييي موصيبة ههههههه
ويليام:دابا انا عاودت ليك نتا تضحك يرحق طواسل مك سير سير
سام:ناري صحبي تحضر ولادة طبيعية راك دكتور ههههه
قطع عليه ويليام او بقا يفكر وصلت 8:00 دوز اجتماع دار معاهم ابيل فيديو او شرح ليهم مشروع او تفاصيل كلهم
رودينا مني درات صابون بلدي نعست مسكينة فاقت تحك عينيها او مع صابون دخل ليها عينيها او هي تبدا تغوت عاد تفكرت ما غسلت وجها
رودينا:اف من صابون بلدي كنتي تعمي ليا هاد عونات زوينين خاصني نحك او غسل شعري عاد نخرج نشوف داك صكع او نمشيو سوق راه طلعت شمس
كملت رودينا غسليها او هو رجع دار خالتو دوش بخف (ماشي بحال رودينا 3 سوايع) خرج لاوي فوطة على نصو او جبد بكسور او سروال جين كحل او تريكو تركوا او سبرديلة في نفس لون او دار جيل شعرو او خرج مشا فين كان مقابل مع دار هنية وصل يلاه غيجلس على واحد حجرة تكتبان ليه رودينا خراجة عندو بلاسة صاية تحت ركبة كحلة او قميجة في حمر بكمام مفرفرة مني جيهت كول او خاشياها في صاية او كونفريسة في حمر شعرها جمعاه كوت شوفال جات قوقة
ويليام مع راسو اويلي هادي رودينا ميمكنش لا
وردينا:(وقفت عليه مدرقة عينيها من شعا شمس) يلاه نتحركو راه سوق يكون خدام
ويليام:(باقي مفكسي عليها داخ ) اه ...اه.. شنو
رودينا:نعل شيطان زيد زيد
هوما غادين تبدا يسول فيها
ويليام:اجي نتي كيف درتي تعرفتي تولدي مراة مخفتيش تموت لينا بين يدينا
رودينا:اودي حمد اللّٰه راها ولدت ولد بخير خليتها تتعيط راجلها باش يجي او عرضت لينا سبوع اش باغي كتر
ويليام:ايه منين تعلمتي؟علاش جيباني معاك اصلا ؟شغل رجال هداك
رودينا:(تحت سنانها ) تعرفو غير تكويو
ويليام:سمعت جوبي بعدا منين تعلمتي او نتحاسبو من بعد على تخسار هدرة
رودينا:(تجمعو عينيها بدموع) من ماما اللّٰه يرحمها كانت تتولد عيالات دوار او كنت انا ديما تنمشي معاها علمتني انا دابا درت داكشي لي كانت تتفتاخر بيه او تاكل بيه طرف خبز انا دابا تنديرو اجر على روحها هي او بابا
ويليام:(تاتر بكلامها) سمحليا براكة في راسك من جيهتهم اشنو سبب تماتو (باغيها تعاود ليه )
رودينا:(مسحت دموعها مع بزبة او جمعت راسها) متنحملش نهدر في هاد موضوع نساه
زدت قدامو انا دموع على طرف عيني ( في نفسها)كنحس براسي محتاجة ماما توحشتيها بزاف اححح اماما مشيتي خليتني نتي او بابا كون غير مشيت عندكم تا انا لاش مشيتو خليتونا لاحنين لا رحيم
بقات غراقة في تفكريها في واليديها او ويليام تيفكر كيفاش قيضت والديها لي ميتين
مشاو في جو من صمت توصلو باب سوق هي تغوت رودينا
رودينا:اعععع مي راهو ارهو
ويليام:(قفزتني )اشنو هو
رودينا:جباح اححححح
بارت 15
#عند رودينا
انا: جبااااح احححح
ويليام:(تبعها كزرب) مالك؟ أشنو هاد جباح؟؟
انا: حلوة حلوة حيد حيد من قدامي
ويليام: هادشي كلو على حلوة مالك متصايبيها فداركم
انا: مغاتفهمش حلوة سوق مكينش بحالها
ويليام: ياله نفطرو راك فيقتيني بكري...
انا: (ايه ناكل على حساب لكور والله تاليوم نحلبك) ايه إجي نمشيو لواحد لقهوة..
دخلنا لقهوة ودنيا عامرة وناس مخلطة وكتشم ريحة نعناع عاطية وسفنج ماكين ماحسن من السوق...
سرباي: أش حب لخاطر
انا:(ويليام ياله غايهضر وانا نقطعو) جيب واحد براد دأتاي مشحر يكون كبير ماشي دوك بزقات، وجوج مقالي ديال بيض بالخليع وعاد منوصيكش علي زيت لعود أملو وإيلان وحتى لعسل... ياله سير ومتعطلش علينا عافة خويا..
ويليا:نتي واش ماتحتارمي حد راه راجل معاك... ونتي كادوي..
انا: خلينا من دوك لفهامات راه يسمعو دارجة ديالك يعرفوك كاوري ويضربونا لزنفارة بالأثمنة...
ويليام: أشناهيا زنفارة؟
انا: كمارتك لعوجة..
ويليام:(مخنزر) أجي نقولك فودنك
انا: لا قول من هنا!!
ويليام:(كارز على سنانو) أجي لهناااا
انا:(قربت ليه ومخلوعة دوك تخنزيرات كيطيحو نص ولكن لفقر وشجاعة واللهما نبين ليه)أشنو بغيتي..
ويليام:(شد ليا ودني بيدو ورك عليها حسيتها غتقطع) أخر مرة تقللي من احترامي قدام رجال وتعيريني ولاديري شي شوهة..
انا: أي أي أي ميي واطلق غير طلق اه اه لي بغيتي غير طلق أي ودني غاطير
ويليام:(طلقها) بربي تانخرج معاك لعيب...
انا:(شادة ودني) طيرتي ليا لودن الله يطيرك...
ويليام:(خنزر فيا تاوقف ليا لما فركابي) اش قلت على معيور..
انا: ايه ايه واخة
هههه قالك نحتارمو ههه انا مكنحتارم تاراسي قالو ناس زمان *سوق النسا سوق مطيار يا الداخل ليه رد بالك يوريوك من الربح قنطار وياكلولك راس مالك* ودابة نوريك نسمع هضرتك ونحتارمك..
ويليام: حاجة خرى أشنو هاد لخليع اش جاب لخلعة لبيض؟؟
انا:هاوا سرباي جايب لماكلة ونقولك..(ها صرف غايرجع لك أسي ويل ليام)
ويليام: (حطو ليه لبيض وكيبان ليه فيه داكشي كحل بحال لحم طروفة*راكم عارفين لخليع*) دابة هادا هو بيض بالخليع؟؟
انا:(شفتو قطع طرف ديال خبز وغاياكل) بلاتي بلاتي خاصك بشوية وتعرف راسك اش كدير راه لبيض بلخليع هداك أو
ويليام:(شاف فيا ورجع شاف فطبسيل)واخة هاني بشوية...
ههه كسمع ليا مسكين حط دغمة بشوية على لبيض وكقطع وتم غادي بيها لفمو وبشوية عليه وكيشوف فدغمة...وانا نجمعها بغوتة حتى لاح دغمة من إيدو معرف راسو باش تبلا وخرج فيا عينيه كتسنا اشوف مالي علاش غوت..
انا: (ساست ايديا) إوى هااا لبيض بلخليع كيجاتك لخلعة؟؟
ويليام:(شاف ناس كيشوفو فيهم وكضحكو عليه مرضاش شدني من شعري وجابني عندو) واش بغيتني نخلي لك عشتك علاش كتقلبي عليا هااا
انا:(وكيزيد إكرز ليا على شعري)واااع واااع طلق وامي سمحلي والله غير كنتمازح معاك أوو مابقا حد يضحك مع خوه...
ويليام:(زاد كرز على شعري وجا حدا ودني بداك صوت رجولي باح كيدخل رعب وتبوريشة وكلشي) قلت لك انا ماشي خوك عندي سمية..
انا: صافي صافي بيلي طلق عفاك
ويليام:(طلقها وبتاسم بلاما يعيق) دابة قولي أشنو هاد لخليع؟
انا: هانتا كاتجي على غفلة وتخلع لحم وكتكمش يولي بحال هاكة..
ويليام: باسلة والله
انا: أوكي أوكي هو لحم مخلط بالعطرية كنخليوه تايكرم كيولي مجفف وعاد كيطيب وعاد كتطحن وتخلط مع شحمة وكيديروفيه لخل وشي حوايج خرين منعرف مهم بنين...
فطيطيم:(عاتا وقفت عليهم معرفوها منين جات) صبيحتي اش كديري مع لكاوري..
انا: غاتمشي فحالك لا!!؟
ويليام: شكون هادي؟؟
انا: هادي هي لي بسبابها تلاقيتك يخزيت تف تف ...
فطيطيم: ههه والله ياختي تاراك كطيحي لباطل
انا: مال مك ماشي بسبابك خسر بارابول؟؟
فطيطيم: ومالي انا لي قلت لك خلي الدوار كلو وطلعي كاوري فوق سطح يصيبو لك؟؟
انا: والله وماتمشي تانوض لمك نضربها لك بنتفة..
فطيطيم: حربش قيسيني نشوفو هاد دصارتك..
ويليام:(بغا يبرد لقضية) بركي أختي تفطري معانا
انا: اييه هي ختك وانا مالي عدوتك؟؟
ويليام:(تحت من نيفو) بلاتي نتي تانكونو بوحدنا..
فطيطيم: سير ألكاوري الله يبيض لك سعد..
انا: راه عندو سمية وهي ويليام..
فطيطيم: علاش ويل ليا ونتا على مزيناتك اش بغاو عندك..
انا: ايييه تعنبي علينا هنا
ويليام: بركي أحتي بركي .. اش بغيتي تفطري
انا:(شعلات فيا لعافية علاش ضريف معاها كتر مني)بركي بركي يبرك علك الحجر
فطيطيم: الله يبارك فك أخويا زين..
انا: بيلي قالت لك خويا..
ويليام: اه عادي راه بحال ختي..
انا:(كنهضر معاه بيني وبينو) ومالي انا ملي نقولك خويا تشعل معايا؟؟
ويليام: نتي ماشي هيا؟؟
انا: اهااااه واخة أسيدي أشنو لفرق بيناتنا...علاش محاملنيش..
فطيطيم:(طلقت ودنها) أش كتوشوشو..؟؟
انا:(قلبت لهضرة) كيبقات ماماك؟؟
بارت 16
فطيطيم: عيانة مسكينة قلبي كتقطع من جيهتها..
انا: الله يشافيها وكير لعريس؟؟(خو فطيطيم غايتزوج سمية ختي)
فطيطيم: غير سطتي على داك أمين فينما نطيب شي حاجة يقولي مرتي طيب حسن منك..
انا: واتا يتزوجها بعدة..
فطيطيم: وياسر(خو أمين كبر مني بعام) قالك ألالة منك مايخلاق
ويليام:(كان كياكل وحلات ليه)كح كح كح
انا:بسم الله عليك هاكة شرب ميهة... ونتي اش كتخربقي مال ياسر؟؟
فطيطيم: وراه قالب علك دنية فينما تمشي مع لكاوري يجي يحيح على مي ويقول وااا جوجوني رودينا هههه...
انا: خخخخ ايه على بو خنونة كبر وبغا يتزوج ههه
ويليام:(جمع لوقفة) انا غادي برا نتساناكم، تساليو تبعوني وراني غنخلص بلاما تبرزطو
انا: (مشا داك راس طنك) قالك تبرزطو على حنا غانخلصو ههه لواه ريح على عينيه...
فطيطيم: أجي نتي علاش متاخديهش؟؟
انا: أش ناخد خوووك؟؟ واقلة تسطيتي..
فطيطيم: ولا لكاوري مالو راه زين وتبوديرة وهانتي سخي وقالي لحاج غاياخد طوكوبيل باين مسك عليه الله..
انا: جايبة لخبار.. زيدي نسيتي شي حاجة مانسيتي والو؟
فطيطيم: ايه قالت ليا مي عايشة عاونك تولدي بنتها هنية وهانتي دري تعولي علييه وزين زين تبارك الله
انا: والله يعطيني وجهك بركاكة لوخرى، ناخدو هو بطاطا راه راجل..
فطيطيم:انا قلت لك راه بطانة كلب عرفاناه راه راجل..
انا:نتي راه لواحد مخصوش يضسرك..
فطيطيم: لامبغيتيهش علميني نبالي بيه
انا: أشنو؟؟
فطيطيم: مالك لمبغيتيش تاخديه ناخدو انا
انا: شدي شدي بزطامي بلاتي..
شدات فطيطيم لبزطام وكتشوف فيا كفضت علا جلايلي وتلاحيت على فطيطيم نتف ونقول منتفت بنت لكلب جعراتني..
انا:ليومة ناكلك باغة تاخدي راجل واش ماتقيلونيش..
شنقات عليا وانا نعضها درباتها بغوتة جات مع ويليام راجع إشوف مالنا تعطلنا بنا ليه كنتنانفو ودخل وسطنا كيفك فينا وهو تجيه واحد قمشة ..
ويليام: الله ينعل ***** (شدنا بزوج من شعرنا) غتريحو لرض ولا نخلطكم بزوج
انا:صافي صافي غير طلق
ويليام:(طلق فطيطيم) سيري فحالك نتي..
انا:فطيطيم دابا ندوز عندك غدا بغيتك تنقشي ليا..
فطيطيم: واخة ألحب نتشاوفو غدا
ويليام:(شاف فيا) ياله كنتو كتناتفو دغيا تصالحتو
انا:واطلق بعدا طلق ... واع طيرتي جلدة يخ على جنس
ويليام:غنهرس لك فمك نتي
انا: ههه غير كنضحك معاك(تخنزيرة عندو واللهتا فايت فيه قتال ولا مجرم) انا وفطيطيم راه بحال طوم وجيري ديما هاكة ههه عادي..
ويليام: احم هداك خوها لي باغي يتزوجك.. كعجبك؟؟
انا:ياسر هههه هداك راه بوخنونة ديال الدوار موحالش يتزوج فحياتو كاااع...
ويليام: ممم اوكي ياله نتقداو..
مشينا تقدينا شلا حوايج ولمونة ديال شهر خلينا لحم هو لخر نمشي عند الجزار صاحبي ههه ديما يتغزل بيا وعطينا عبار بزايد...
انا: سلام عبيبيس
عباس: اح على توت نور
انا:(شفت فويليام كان ضاحك غير سمعو وهو يجمع ضحكة) هههه واتا كيدير لباس علك؟؟
عباس: كنت صافابا واكن دابة ملي شتك فوووق سلك..
انا: إوى هاني جيت عندك بحال ديما وتهالا فيا!!
عباس: أويلي كتوصي فيا انا راني نهزك فبساط ريح ونطير بك ههه
ويليام: مانبوطش خويا وطير دابة نيت؟؟
عباس:(غوبش) شكون هاد خاينة لي داير فيها بيدرة؟؟(زعما لبادر)
انا: (كنغمز فويليام اسكت غتيضيع لينا بيعة وشرية) اه عبيبيس هادا راه ..
ويليام:(قاطعني)
عباس: كيفاش؟؟ تجي من لور ودي لينا نوارة الدوار ولهلا كانت لك
انا: عبيبيس هههه راه غير كيضحك ههه(بيني وبين ويليام كنهضر بشوية) *واش تسطيتي لاش تقول خطيبتي راه غدا الدوار كلو تكون فراسو*
ويليام:(محمر عينيه فعباس) مشغليش.. أجي نتا خرج من ديك بلاصة نوريك متكونش ليا...
عباس: (حيد طابلية وتم خارج) ليوم نكرض خويا طراف طراف كيليميني لي حطك
ويليام: أجي نوريك مكلمن
عباس: نتا لاكنتي مكلمن انا راني مكلبن والله يامك تانهتيشرك ليومة
مشيت نجري عيطت لخضارة صحابي وحبسوهم كانو غادي يضاربو وإلا مشاو تجاو جدارمية وساقو لخبار انا داخلة فلمعمعة يديرو ليا نهار..
تمينا راجعين غادين فين نعت لينا لحاج ندوزو باش يشوف شي طوموبيلات...
انا: ولهيلا شوهتينا ليوم قالك خطيبتي ... إمتى قرينا لفاتحة انا وياك..
ويليام:(شد ليا يدي جرها وشبكها مع إيديه) عادي ليوم نقراوها..
انا: (ناري غير شدني جاتني تبوريشة ودراتني كرشي اش هادشي أعباد الله)نتا تعرف لفاتحة بعدا؟؟(قلتها وصوتي خرج باح وحنين شوهني مع لكور)...
ويليام:(بتاسم حيت عاق بيها) اه لوالدة كانت كتحفضنا فرآن ملي كانت كتعلمنا الصالة..
انا: وانا عمرني شتك كتحط راسك لرض..
ويليام: كيفاش؟؟ اه زعمة نصلي؟؟ مكنصليش
انا: وعلاش؟؟
ويليام:(طلق من إيدها) انا مامزيانش معند صالة باش تنفعني..
انا: وشكون قالك هاد لهضرة سيدي ربي دوا معاك؟؟
ويليام:(صدمتو) احم لا ولكن باينة..
انا: وباز كتقولو شي حوايج ماعرفين عليهم لتحق لاباطل، سير صلي وستغفر الله راه واخة تكون قاتل روح إلا كانت التوبة النصوحة راه ربي ماكيخيبش عبدو....
بارت:17🌜
🌜
لحاج:(عاتا خرج ليهم بجلابتو ليمونية كضرب على شعا) سمعت لفقيه ديال جامع وغايديرو رودينا وااااخخخخخخوااا
انا: واسير ألحاج كيما قفزتيني الله يقفزك...
ويليام:(عجباتو هضرت رودينا) لحاج متبقاش تصنط علينا(بنبرة حادة)..
لحاج:واخة أوليدي مايكون غير خاطرك
انا: ايييه لخلعة اش كدير... هاي هاي على لحاج وليموني ولعزارا مايهموني ههه
لحاج: أو مالك منتبوكصوش..
مشينا مع لحاج باش ويليام ياخد شي قرقاشة يعدي بيها ولكن ماعجبو والو قالك هاد طوموبيلات بلاصتهم لافيراي قلت ليهم انا أجيو لوحوهم عدي فدارنا لما ندير لباس...هيييح مايعرفوش للخير.
داز نهار طويل على ابطالنا ويليام او رودينا لي جو بيناتهم مكيخلاش من نكير او ضحك اما فطيطيم فراه دوزتها تاهي معاهم
جا ليل او ليل ياليل كلا مشا دارو او تيفكر في تغير لي طرا في حياه اخر
وردينا دخلت دوشت دوش خفيف او بدلت عليا بيحامة هيلو كيتي كنت شبعانة ويليام صراحة تهلا فينا مسكين مخلا مشرا غير مسايرني في هبالي تخشيت في بلاصتي او انا غير تنفكر فيه معرفتش علاش تنحس الى متنكارتش معاه منتهنا
حطات راسها على مخدة او ابتسامة على وجها او دخلت في نوم عميق
عند ويليام دخلت بحالي دار خالتي تايكة لقيتهم ناعسين حيت في دوار كينعسو بكري دخلت بشوية عليا حيدت سبرديلة غسلت رجلي او يدي او دخلت بيتي حيدت تريكو او سورال بقيت غير بسكور او تخشيت في تخشيت بلاصتي تنفكر في رودينا لي ولات تقريبا عايشة معايا كلا نهار دراما نعست انا تنفكر فيه
🌒اقدار تفعل بينا ماتشاء نتمنى كتير لكن مسحتيل انا نمشي على خطوات تابتة لأن القدر هو متحكمو فين 
🌘
صبح صباح او بدات شمس تتسلل اعيون ابطالنا 
🌞🌞🌞 لي غيديوزو نهار مشوق بزاف كولو احدات مشوقة
🌞🌞🌞 لي غيديوزو نهار مشوق بزاف كولو احدات مشوقة
ويليام فاق حاس براسو خاصو شي حاجة ناض لبس عليه او خرج غسل وجهو قضا حاجتو او مشا يفطر حيت هو اخير لي تيفيق كلهم ناضو يقضيو شغالهم هلي نشا يقسي ما او لي مشا يسرح بهايم او لي تيجمع دار او طيب غدا او يخبز خبز
فطرت كملت فطوري هي ضرب ليا واحد فكرة راس كملت فطوري او جمعت وقفة نقلب على داكشي لي في بالي
فاقت رودينا تتكسل غلست وجهي او لبست سروال جين او تريكو قصير في كحل كولV سبرديلة في كحل خليت شعري مطلوق على راحتو (انضر صورة)خرجت لقيت فطور فوق طبلة ختي مسكينة وجدت كلشي خلاتو ليا تمن دار جمعتها او غسلت معان اللّٰه يخليها ليا مشات تخدم فطرت بقيت جالسة تنخمم شنو غندير هاد نهار نمشي عندو مجاتش اويلي نبقا لاصقة في راجل بزاف تكسلت فوق سداري جماعة يدي مور راسي او تنفكر
تكنسمع بنات تيتجاور او دراري نضت تنجري نطل اشنو واقع شي مدابزة اولا موت خرجت بزربة مع كنت لابسة عليا تكيبانو ليا بنات هازين سطولة او غادين يجيرو اويلي مالهم هادو راه لما موجود عندهم تكنشوف بنت شيخ قبيلة تاهي جايه هازة سطول او تجري اويلي متيقتش عنيني انا نتبعهم تا انا نشوف اشنو واقع حرب نايضة في دوار
ويليام مشبح ليهم في سهريج (سهريج هو داير بحال لابسين تيقسيو منو صحاب دوار او يصبنو فيه عيالات او يشربو بهايم عرفتوه) بنات تيضرو بيه او يشروه بما او تيعوم عاجبو حال
ويليام بغا يعوم عند بالو امريكيا لابسنات موجدين هو يخرج تيضور تكيبان ليه سهريج
ويليام:متقدين هاد دوار ديرين لابسين واخا ماشي مزلج لكن قاضي غراض
حيد سورال او تيركو او سبرديلة او تلاح كيعوم شوية تيكبانو ليه بنات جايبن سطولة او تيضحكو بداو يعيطو بنات اخرين 
🙎🙎🙎🙎🙎🙎🙎
🙎🙎🙎🙎🙎🙎🙎
انا غادة تنقرب سهريج او تشوف جقلة بنات تيغوتو او يرشو ما على شي حد او هو تيضحك اويلي شنو زدت قربت بديت ندخل وسط بنات او انا تندفع فيهم تننتصدم اويلي هادا اش تيدير هنا عريان بقيت تنشوف في بنات فرحانين عمرهم شافو شي واحد بحالو بسيف ينوضو يسكيو كاميلن انا حسيت بعافية شعلت فيا علاش يدير هاد حالة مالو هبل
رودينا:( غوتت على حر جهدها تدارو كاملين ) ويليام ويليام
ويليام:(كنت تنعوم تنكنسمع سميتي ضرت تتبان ليا واقفة بانية شاعلة غير من شوفة لي ديرا فيها )وردينا مالك(تيضحك)
بارت 18 🌜
🌜
رودينا:(معصبة) يميلو ليك انشالله اش ساير دير
ويليام:(جاي تيضرع عندها) تنعوم مالك صاعرة نتي منفوخة عليا تفشي شوية
رودينا:انا لي غنفشك واش هادي بلاصت عومان اولا فرحان جامع عليك بنات دوار
ويليام:(ضحك مع ضاربة فيه شمس اح اقلبي) هوما لي جاو انا غير تنعوم
رودينا:وراك نتا لي جاي عندهم هادا راه سهريج تنصكيو منو
ويليام:(زاد ضحك) اواه متقوليهاش مفراسيش عند بالي لابسين
هي تنقز بنت شيخ سميتها احسان واحد مسمومة منها مكان كون غير شي زين والو رقيقة بحال سبيسي تحشم تشوف فيها قلتك بغا كاوري طيحو غيطيح فيك نتي بشي ضربة يوضرك
احسان: هاي هاي هاي مالك نتي شغلك خليه يعوم مالو سهريج بنياه نتي اللّٰه يخلف على با(بغا تبان)
رودينا:باك اول شلا كون مفلوس جماعة والله ميتبنا عولنا على باك معاونة لي جات يدي فيها نص سيري خلني ساكتة حسن ليك منجي نسوط في ختي نقلبها ارض ميلقاو ميجمعو فيها
احسان:(خوافة ديرا جبهة قدام بنات او ويليام)حربش تيقصني ا والله تنحرش عليك بنات
رودينا:هكلي على بنات لسميتك بنت شيخ كيف تتقولي قربي عندي والله تندير ليك كيف داير عباس سنفج نخلي ختي مخورة تما
يلاه تزيد تهضر احسان هو يوقف ويليام بعضالتو سداسية او فراكة (لي عنجها شي حوايج تجي هههه)
ويليام:امالكم نتوما حميتو سوق
احسان:(هي تبدا تبوحط احسان شدت ليه في ضراعو )شتيها باغة تحكرني
وردينا:(عافية شعلت فيها مني حطت يديها عليه محست براسها تنترتها ليها) جمعي يدك عليه
احسان:مالك مرتو
وردينا: اه نتي سوقك
احسان:(مخرجة عينها )منين جاك سيد عاد جا كوشتي عليه حيدي والله ميكون ليك
بداو شي يجر من هاد يد شي من يد اخرى او بنات تيتفرجو او شي دراري تاهوما حسدوه اما صغار تيشجعو رودينا
ويليام:(حس براسو بحال شي كورة كلا منين تتجرو هو ينتر يدو منهم بجوج) باركة من تبرهيش ختي احسان سيري بحالك داركم (دار عند دوك بنات) سمحوليا بنات مكنتش عارف تتسقيو منو اخير مرة
بداو عليه لا اويلي فوقما عجبك جي عوم مرحبا بيك جي تال دار تاكل معانا
ويليام:شكرا خالتي تايكة ممخلاني خاص والو
هو يشد وردينا من يديها تم غادي بيها يتفاهم معاها على هاد شوهة لي دارت ليه او على شعر مطلوق هز سروالو او تيشروط ديالو او سبرديلى ديالو تم غادي دايز او بنات بقاو حالين فهم فيه حاسدين رودينا عليه اما حسان خلاه تتخلي بقفصة علاش تميديهاش فيها ولكن حلفت تتعصبها او تاخدو ليها
غادي ويليام جار رودينا لي تتعافر معاه تكتقفو هدرة دراري
دري 1:ايه جاي يبتندر على بنات دوار
دري2:علاه معرفتيش راه باغي ياكل حلوة
دري3:كراه كلاها
معرفو كيفاش تتصاطحو ريوسهم
حيت مني سمعو هدرة رودينا ننترت منو او مشات تجري هو تعصب مشا جمع ليهم رسويهم او صطحهم مع بعضهم خلاهم مكلوبين او خشا سبرديلة في رجلو مشا تبع رودينا يهدينها
كلشي تقلب عليه مسكين
بارت 19 🌜
🌜
مكرهتش نرجع لدوك براهش ونخلي دار بوهوم مزياان ولا نقتل مهم..دمي كيغلي ومعرفتش فين مشات رورو، أخر أيامي وليت كنداع بنت الدوار معرفتش أش وقع ليا ملي دخلت لهاد الدوار وانا شخص أخر.. هربت من حرب العصابات لي مبقيتش باغي نشارك فيها من نهار مات صاحبي وعشيري كان هو خويا تاني...
فلاش باك قبل تمانية أشهر (حوار بالإنجليزية)
ويليام: معرفتش إمتي بدينا فهاد طريق حتى غرقنا بحال هاكة...
نيك:(صاحبي ملي كنا فالروض عائلاتنا كانو صحاب وحنا تعاشرنا قرينا نفس ضومين وكنا مع بعضياتنا شركاء) من إمتى ونتا كتخاف؟؟
انا:(خنزرت فيه) من نيتك معرفت شكون هرب لبارح تخبى وانا كنتقاتل مع ربعة بالرصاص؟؟
نيك: ماشي هكاك أصحبي بنتي ليا غير غانجي فطريقك ونتا قاد بشغالك
انا: مابقيتش باغي هاد صداعات لوالدة كتكبر وخويا كل مرة سهران فقنت خاصني ديما نرد معاهم لبال مع هاد لعصابات...
نيك: وانتا لي دخلتينا لهادشي من نهار لول قلت لك ديك لبنت راها غاتجيب لينا مشاكيل...
انا: متفكرنيش كنت غبي وكنآمن بالحب...
* واحد نهار كان ويليام فنيويورك على قبل واحد صفقة عمل وياله خرج من مقر الشركة المنافسة ليه وهو يتساطح بواحد لبنت عينيها مجلخين بالكحل مع الدموع وشعرها مشعكك شوية وطويلة وبيضة لاطاي عندها بحال عارضات الأزياء وشعرها أشقر وكانت لابسة لبس قصير بزاف ومعري كتر من لمغطي... تلاحت على ويليام طلباتو ورغباتو يعتقها من شي عصابة جاية تابعاها بنسبة لويليام حيت شخصية قوية تجدب ليها وللضعف ديالها واحتياجها ليه وضنو حب من نضرة لولة..عاونها وداها معاه للفيلا وعاود للماماه وباه وعاشت معاهم شي أيام ولكن ديك عصابة عرفاتها فين وجاو عندو طلبو فلوس باش يشري حياتها ولا غايبقاو تايقتلوها... مهم ويليام بغاها وعطاهم لي بغاو ومع قالت ليه راه يتيمة اعلن خطبتهم غير مع واليديه دوز معاها مدة حتى بدات كتغبر بنهار وترجع بليل هو كان مسافر وصاحبو نيك لي كان حاضيها، ملي كان كنصحو مكانش كياخدها بجدية تال نهار رجع ولقى أملاك ديال باه كلها بسمية أمراليس لي هي نفس لبنت وملي حاول يهضر معاها كخرج ليه نفس الأشخاص ديال ديك لعصابة.. مهم بالشمتة والأعصاب دخل للعالم ديالهم وقتل أفراض دوك عصابة غير باش يوصل ليها ولكن لقاها هربات ورجعت ليه الأملاك وعتارفات بلي كلشي كان خطة من لعصابة وكانو كهددوها بحياة باها...واخة هكاك ويليام مسامحهاش وحقد على لبنات ومقدرش يخرج راسو من حرب العصابات*
نيك: شوف ليومة خاصني نمشي لديك عملية تسليم لي غاتكون فالميناء.. انا عارفك عيد ميلاد خوك ماتهزش لهم انا غنتكلف بكلشي وملي نسالي ندوز عندك..
داز داك نهار غير توجاد للحفل خوه وصل وقت الحفلة وماكينش حس نيك كيعيط ليه ولرجالو وتاحد ماكيجاوب دازت شي ساعة مشا لميناء لقا سلعة مكيناش وكاين غير جتتة صاحبو ورجالو مقتولين بوحشية ومن داك نهار قرر يخرج من هاد لحريرة ديال عصابات ولكن حتى نتاقم منهم شر انتقام (لي غتعرفوه من بعد) وملي سالة قرر يمشي لمغريب يريح أعصابو فشي مكان يكون معزول على لعالم وحتى على تيكنولوجيا وجاتو فكرة الأم ديالو باش يمشي للدوار مزيانة وداكشي لي دار...
#نرجعو للحاضر عند ويليام
واقف قدام دار رودينا وكيدق ويتتمنى تكون هنا باغي يشوفها ضارو خاطرو ملي مشات قبيلة بديك طريقة.. وهو يتحل لباب..
سمية(خت رودينا): (كتخنزر) نعام؟!
ويليام:(عمرو دوا معاها غير كيشوفها مرة مرة) سلام!كاينة رودينا؟
سمية: فوت علك ختي الله يرحم باك
ويليام:(تعصب) واش كاينة رودينا..
سمية:اييه لاتنفخش عليا ريشك مالنا منخافوش
ويليام:(كحاول يبرد) واش كاينة ختك؟
سمية: يخوي لك ضراس قلت لك بعد من لبنت راه داوين فيها..
ويليام: ديك لهضرة غير تخربيق متيقيهمش...
سمية: شكون هوما؟؟
ويليام:ولاد الدوار؟؟
سمية: مالهم...
ويليام:ياك هوما لي تدوي عليهم دواو فيها؟؟
سمية: أو على كاع ولاد الدوار باغينها؟؟ انا مادوى معايا حد..
ويليام: مفهمت والو ...علاش علامن كدوي دواو فيها؟؟
سميه: ايه ايه نتا راك كاوري متفهمش...وا دواو فيها زعمة خطبوها!!
ويليام: كيفاش شكون وإمتى؟؟
سمية: ونتا مالك أش حرق شطاطك؟؟
ويليام:(كيبرد وباغي يخلي عشتها) قولي ليا شكون باغي خطبها؟؟
سمية: واراهم خطبوها وقبلو وغدا جايين يتافقو على نهار لعرس..
ويليام:(ضرب يدو مع لباب هرسو وغاوت حتى قفزها) شكوووووون؟؟
سمية: بسم الله علك نتا فعار الله ولقباب سبعة.. ولد عمي ولد عمي باغيها وباه قبل وغايزوجها ليه..
ويليام:(شدها من إيدها) فين رودينا؟؟
سمية:(كتقفقف خلعها) راها فجنان مي لعالية..
طلق منها ونفض حوايجو بأعصاب وتم غادي حتى كسمع (اييه بسس لكاوري) وهو يضور كقلب بعينيه خرج أيمن بعلوك الدوار من واحد لبنيقة..
أيمن: مانشوفوكش!!
ويليام: أش بغيتي مامساليش لك..
أيمن: عارف فين كاين جنان مي لعالية؟؟
ويليام:(عاد سرات معاه حيت معصب مردش لبال) لا ماعرفش..كنتي كتسنط؟؟
أيمن: داير فيها واعر وغادي مغوبش ناوي على خزيت ونتا ماعرفش تاجنان فين جا تر أواه تر...
ويليام: من لخر اش بغيتي؟؟
أيمن: نوصلك؟!
ويليام:ياله أجي وصلني..و أش بغيتي؟؟
أيمن: زرقلاف؟؟
ويليام: اييه شحال؟؟
أيمن: زرقلااف!!
ويليام:(بنفاد صبر) أشنو هادي
أيمن: وا لورقة زرقة
ويليام: وا دوي مقاد
أيمن:(تاهو غير سامع بزرقلاف) ومانعرف مهم عطيني فلوس وصافي
ويليام:واخة ياله طلقني...
بارت 20🌜
🌜
ويليام: توحشتي يتخلا ضاربوك؟!
أيمن: مفهمتش لاكانت عادي مالك سمعتيها غاتزوج وتفكعتي..
ويليام: ماتفكعتش غيير غيير تعصبت
أيمن: ماماتش غير خرجو لي فادو
ويليام: كيفاش؟
أيمن: سير سير راه رودينا تحت ديك شجرة لكبيرة وسط جنان...
ولاد لكلاب عمرهم قسوني بكلامهم هاد سنين كلها ولكن إلا شرفي ولاد لحرام مكرهتش نرجع نريش مهم(هاد هضرة قلتها بصوت عالي عند بالها غير اهي لي كاينة)
ويليام: بلاما ترجعي ليهم راني عصيتهم..
انا:(غير شفتو وتفكرتو كيعوم قلبي بدا كضرب فتسعين) ومن بعد أش بغيتي ميدالية..
ويليام:(حك راسو واقلة معرفش أشنو هي ميداليةهه) جيت نشوفك مالك؟؟
انا: ميل حالك ويموتو عشرة من خوالك ويبقى بوجعران هو خالك..
ويليام: واقلة كتعيري!!
انا: ايه من بعد ... لماسخ لاخر محيد حوايجك وساير تعوم قدام لعيالات محشمتيش ها غير نتا لي عندك لبادر؟!
ويليام: ياكما غرتي؟!
انا: اييه نغير علك نتا راجلي ومافخبريش؟؟
ويليام: إوى وعلاش كاعية؟
انا: دابة اش دخل حمارك لأسبوع لفرس؟!
ويليام:(جا قرب ليا شدني من كتافي) شوفي فيا (هزيت راسي فيه) متكاعش من داكشي لي قالو دوك لكلاب راني ربيتهم..
انا:(ويلي قرب ليا بزاف هادا واش مسطي)وا طلق وبعد لهيه..
ويليام: علاش؟!
انا: أويلي سير بعد دابا يدوز شي حد يشوفنا..
ويليام:(قرب ليا كتر) ومن بعد؟
انا: أويلي باغي تكحل ليا سعدي راني مزال باغة نتزوج...
ويليام:(طلق مني لا ساسني هو مالو) اه باغة تزوجي بولد عمك..من إمتى ونتي مخططة لزواج؟!
انا: اش كتهترف؟ انا وولد عمي؟؟ من نيتك منين جبتي هاد لخوبير..
ويليام: ختك قالت ليا عمك باغي زوجك ولدو وغدا غايجي يدوي معاك على إمتى لعرس...
انا:(بركت على ركابية) لا لا لا مايمكنش..
ويليام:(برك على ركابيه وشد ايديا) مالك إلا معجبكش لحال قولي لو لا..
انا: ههه نتا معارف وااالو غير خليك بعيد..
ويليام:(جرني عندو حتى وجهي ولا قدام وجهو وحيد شعر على عينيا لقاهم مدمعين) إلا معارفش عاودي ليا..
انا: كلشي بدا نهار موت بابا وماما جا عمي وخدا دار با درها بسميتو وخدا دهب مي وحتى الأرض لي كان با يفلح فيها، وخلانا عيشين فدار غير حيت حشم من الدوار.. كون مكانتش مي كتبت واحد لرض بسميت سمية كون متنا بجوع...
ويليام:(باين تعصب) مايقدرش إبزز علك زواج