[6/7 20:31] ss: عند ناصر وصلو للفيرمة كمال:ماكاينينش رجال..غريبة هادي ناصر :خلينا ندخلو ونشوفو كل واحد جبد سلاحو ولبوليس موراهم..لقاو لباب لكبيرة دلفيرمة محلولة زادو ستغربو..دخلو بشوية ماشافو تاشي حد..بقا شي كيشوف فشي. كانو عوالين يلقاو الرجال منتاشرين فكل بلاصة ولكن دنيا خاوية بقاو كيتمشاو وكيشوفو مع جنابهم مامرتاحينش لهاد الهدوء ..حتى وصلو للباب داخلانيية لقاوها تاهي محلولة .دفعوها ودخلو كان ضلام ناصر تنهد:عاقوو بينا وهربوو عماد شعل طليفونو باش يضوي حيت ضلام وخدم ج ب س:ولكن الاشارة كتقول راهم هنا ناصر داير الضو فطليفونو وكيقلب منين يشعل الضو :ايكونو عاقو بج ب س خلاو طليفون ومشاو باش يضيعو لينا الوقت لقا طفايةة ديال ضو وشعلو..مع دورة كيتصدم فاش شاف رشاد قدامو..كلشي تصدم عماد غير شافو ولا كيغليي..لعافية شعلات فيه..ماحسش براسو تا تلاح عليه وهو كيضربو .طيحو فالارض بلكرسي ديالو وبقا كيضرب فيه بكل وحشية ..كلشي بقة واقف وكيتفرج فيه مخليينو يبردد فيه الفقصة ديالو حيت حاسين بيه وعارفين الحالة لي وصل ليها .. عماد فقد شعوور فرشخو مزيان ..فتالي شنق عليه وهو كيغوت:علااااااش هو ماعندو تاشي دنب..باقي صغير يلاه تزاد رشاد كيشوف فيه وحالتو حالة ولا كلو دمايات...رسم بتسامة على وجهو باش يستافزو عماد زاد تعصب وقف ونزل عليه برجليه لوجهو ...كمال قرب لعندو وجرو:صافي اعماد عماد كيغوت ويتنتر منو:رخيييي منييي..باغي نقتلو بيدييي ناصر قرب عند كمال وجرو:خليه كمال:ولكن ناصر قاطعو:نت ماغاديش تحس بيه..راه ولدو ماكملش تا سيمانة وتقتل بطريقة خايبة..تخايلها مع راسك كي غتجيك وباش اتحس..كوكنتي فبلاصتو كنتي ادير كتر كمال تنهد دور وجهو وشاف فلبوليس قرب لعندهم:خرجو على برة راقبو لمكان وشوفو واش كاينة شي حاجة ماشي هي هديك داكشي لي دارو خرجو على برة.. عماد تحنا لعند رشاد شدو من فمو شوية ويهرسو بين يديه:غندمك مزيااان ارشاد. اخر مرة تعاتقت معاك حنيت فيك.حيت بقيتي فيا ولكن هاد المرة ماكاينش شي حد فهاد الدنيا ايفكك من بين يديا .. رشاد غير كيضحك عماد هز يديه تا لسما وجمع معاه بكروشي لوجه وشنق عليه وزير ليه على عنقو:هضر خليني نسمع صوتك لاخر مرة رشاد كيفركل خنقوو...عمااد كيغووت:نت شماااتة خليتي لكبار ومشيتي لصغار لي ضعااف..كيفاش طوعاتك نفسك دويييي رشاد غير ساكت وكيحاول يتنفس..ناصر قرب لعندو حس بشي حاجة ماشي هي هديك تحنا وحل ليه فمو وشاف فعماد ببرودة:طيرو ليه لسانو عماد:شتي ليااام كيف دايرة..حنينا فيك وخليناك تمشي ورجعتي باش تنتاقم..وختاريتي الشخص لغلاط لي يعاونك غدر بيك.. رشاد غير كيشوف بعنيه وكيحس بجسمو كلو كيضرو.. ناصر قرب للقاتل لي مغطيين ليه وجهو وحيد ليه لتام على وجهو:شكون نت القاتل المأجور غيموت بالخلعة هضر وهو كيرجف:ماعرفتش غير جابوني لهنا ناصر علا حاجبو بحاليلا كيققولو من نيتك...وهز يديه تا لسما على شكل بوكس👊 وعطاه لوجه وشدو من لكول ديالو :اتهضر بلا ماتخليني نهضرك بطريقة خايبة بلع ريقو:راني قلت ليك براسي ماعارفش ناصر يلاه ايهضر وهو يسمع طليفونو كيصوني برغم مجهول جاوب :الو بتاسم:سي الزعيم كي جاكم الكادو ديالي ناصر:هدا نت . ومالك كتهضر برقم سري ومبدل صوتك.. ياسين:غيجي نهار انهضر معاك بصوتي لحقيقي..ووجهي مكشوف شنو بان ليك ناصر كيدور عنيه على دار وكيشوف فالسقف بتاسم فاش شاف الكاميرات دار الهوط باغلوغ:عندك الحق فهادي. حيت تاحاجة ماكاتبقة مخبية ياسين:بغيت غير نقولك ماعندي تاشي مشكل معاك ولا مع صحابك..وماعندي تاشي دخل فالقتل ديال ولد عماد ..رشاد بين يديكم خليتو ليكم هدية مني ليكم..نصفيو لخواطر زعمة ههه😉 ناصر:واخة هكاك خاص تشد..وراك غتشد ياسين:ان شاء الله ..نخليكم دابة أمسية سعيدة..اه نسيت ..هداك لي مع رشاد هو القاتل المأجور..لي قتل لولد..تخلص من عند رشاد وقطع القاتل المأجور ولا كيتلون بوحدوو خاف بزاف عارف شكا يتسناه ناصر قرب لعندو هز رجليه وضربو بالجهد تا طاح فالارض رجع هزو بقا كيضرب فيه تا سخفوو .. عماد سمع طليفونو كيصوني كان أمين:الو امين امين:يلاه سليت الاجتماع ياك لاباس عماد شاف فرشاد:لقينا رشاد امين:كيفاش عماد:اجي وغتشوف بعنيك عطاه لعنوان:اميين امين:شنو عماد:دوز لدار وجيب معاك ليلى امين:واخة قطع وبدل طريق نيشان لدار دعماد..دخل وقال لمي فاطمة تكلم ليه ليلى..جلس كيتسناها..شوية شاف مي فاطمة راجعة مي فاطمة:ولدي امين راك عارفها مزال متأزمة وماباغة تشوف حد امين تنهد:اجي معايا..عفاك خاص نهضر معاها طلع هو وياها لبيت دخلات عندها هي لولا :بنتي امين هاهو فلباب دلبيت قالك شي حاجة ضروري ليلى واقفة حدا النموسية ديال تاجدين وفيديه كبوط ديالو كتستنشق ريحتو كتعية تصبر راسها ولكن ملي كتجيها لحالة ..كدخل فحالة اكتئاب وكتولي غير كتبكي غير بحدها هضرات بصوت باكي:مي فاطمة بغيت نبقة بوحدي قبل تكمل هضرتها سمعات صوتو:لقينا هداك لي قتل تاجدين ضارت لعندو بزربة وقربات لعندو:كيفاش
[6/7 20:31] ss: هزات كاب ولبساتو ولكبوط ديال تاجدين فيديها..خرجو من دار ركبو فطوموبيل وكسيرا نيشان للفيرمة..كانت غادة وكتبكي وكتستنشق ريحة دولدها فلكبوط عند ياسين كان فطوموبيل راكب حتى كيشوفها جاية ..نزل خدا منها شانطة..بتاسمات ليه:خليتك كتسنة بزاف بتاسم ليها:لا دار الشانطة فلكوفر حل ليها باب طوموبيل ركبات وركب تاهو ودور ساروت وكسيرا شافت فيه ..كيسوف وباينة فيه كيفكر ...وبالو ماهانيش..مابغاتش تسولو حيت عارفاه ما اايقول ليها والو..ديما كتخس بسه غامض وعندو شي سر..كيتهرب من تساؤلاتها بغات تخليه على راحتو..اهم شي هو انه معاها مزيان وكيعاملها مزيان عند ليلى ..ماحساتش بالوقت تا لقات راسها حدا لفيرمة...نزلو ودخلو لداخل ..كان واحد من رجال دناصر واقف:سي امين اجي معايا تبعوه دخلو للجردة لداخل..شافهم واقفين..ورشاد طايح على ركابيه فكو ليه لحبل...وحداه القاتل المأجور بنفس الوضعية..ليلى غير شافت عماد مشات عندو كتجري عنقاتو وبقات كتبكي عنقها تاهو ..بعدات عليه وهي كتشوف فدوك جوج لي فالارض..ماعرفاتش رشاد حيت كان كلو دم وجهو ماواضحش..شافت فعماد وهي كترجف:شكون فيهم لي قتل ولدي بلا رحمة.. عماد دار اشارة بيديه للقاتل المأجور..كان مهلوك بالعصة..شافت فعماد وقربات للعندو:بغيتو يتعدب عاد يمووت بغيت نشوفو كيبكي..بغيت يديه لي قتل بيها ولدي تقطع أعمااد مزال مابغات تبرد ليي عماد باسها على راسها حاس بيها تاهو مكوي من نفس الناار ..جاب ليها كرسي وجلسها ..جبد موص من جيبو وهي كتشوف فيه..شاف فجوج رجال فهمو قصدو..قربو لعند القاتل المأجور طيحوه فالارض وسرحو ليه يديه مزيان فوق الارض ووهو كيغوت ويطلب فيهم عارف شكا يتسناه..عماد قرب لعندو تحنا لعندو وبدون شفقة..خشا ليه الموص فيديه..ولاخور كيغوت بلوجع..عماد دبح ليه يديه بحاليلا كيقطع شي حاجة...وصوت غواتو وكي كيترجاه..بحال شي ما بارد كينقط فوق العافية لي فقلبوو..طير ليه ليد اللولة ..وداز لتانية نفس الشي..وقف وهو كيشوف فيه كيفركل فبلاصتو ويغوت ربي لي خلقوو ..ليلى كتشوف فيه بدون شفقة هكا بغات تشوفو ..واخة عارفة انه هدشي مستحيل يرجع ليها ولدها لي مات ..ناضت وقربات عند عماد مامستحملاش تشوفو باقي عايش:قتلووو اعمااد عماد جبد سلاح قادو بين يديه يلاه ايتيري فيه وهي تاخدو منو :بغيت نقتلوو بيديي..بغيت انا لي نخرج روحو عماد:واش متأكدة هزات راسها باه ..مد ليها سلاح خداتو وهي كترجف وقربات للعندو ماعارفاش كي دير تخدمو ..قدات سلاح فيديها وتبتاتو اونفاص معاه..ضغطات على زناد وغمضات عنيها .ماجابتهاش فيه..بدات كتبكي وهي كتفكر ولدها وهو مقتوول بقات غير كتيري غير فلخوا ..تا رمات سلاح فالارض وعنقات عماد وهي كتبكي بحرقة:عمااااد مابغاتش تبرد ليييي..عماد مانقدش نعيش بلا ولدي عنقها مزيان ..سمعو رصاص تطلق..ناصر تيرا فالقاتل المأجور .... ناصر شاف فواحد من رجالو :جيب ورقة وستيلو مشا دغية جاب ورقة وستيلوو ورجع ..خداهم من عندو وتحنة لعندو:اتكتب لي هنا سمية دلبووص وكاع داكشي لي كتعرف عليه رشاد مابغاش يشد ستيلو..كمال قرب ونزل عليه لراس بلوور ديال سلاح:كتتب رشاد شاف فيهم خدا ستيلو ويديه كترجف عارف انه بمجرد ماغايقولهم على البوص ايقتلووه..بقة كيفكر شحال بتاسم بمكر وجر الورقة لعندو وكتب فيها.. كلشي كان كيشوف فالورقة ومركزين شغا يكتب ..كلشي تصدم..عماد قرب لعندو وخدا الورقة وهو كيقرا دكشي بصوت مسموع:(ماشي تاجدين لي تقتل..هو باقي عايش)
[6/7 20:32] ss: ليلى غير سمعات داكشي قلبها مشا وجا. ماحساتش براسها تا تحنات عند رشاد: كيييفاششش .شكا تخربق.. رشاد كتب ليهم:هداك ماشي ولدكم بدلتو بولد اخور) ليلى بقات مصدوومة..كتفكر فلبي بي لي كان بين يديها..كيفاش انها ماحساتش بان هداك ماشي ولدها.بالعكس بغاتو بزااف..كانت كتحس بالامومة معاه..ورجعات تفكرات ان ولدها باقي عايش.ماعرفاتش واش تحزن على الولد لي مات ماعندو تاشي دنب ولا تفرح حيت ولدها باقي عايش .شافت فيه خافت يكون غير كيضحك عليهم :واااش بصااح..ماكاضحكشعلييينا ياااك ...عفاااك قولي صراحة..راه قلبي محروق رشاد كيهز راسو باااه ليلى شافت فعماد:عمااااد قالك ولدنا عاايش عماد تحنة لعندو وشنق عليه :شي فلم جديد هدااا ياك رشاد كيهز راسو بلا بالزربة عماد خايف يكون غير كيتفلة عليهم باش مايقتلوهش:رشاااد ياوييلك وكنتي كضحك علينااا رشاد خدا ستيلو وورقة وكتب فيهم:تافقت مع طبيبة وبدلنا ليكم لولاد..بولد كان فعمرو 22 يوم.كانت ايامو معدودة مريض بالقلب..كان كيعيش اخر ايام حياتو ) كان عماد كيقرا داكشي وليلى كتقرا معااه..ليلى بقات كتبكييي:قووولو فين هووو ولدييي عماد جرو لعندو:وفين هو لولد رشاد هز راسو باه وشاف فالورقة وستيلو..عماد مد ليه لورقة وستيلو وكتب فيها:راه فدار ديال منى كتبها وهو مبتاسم .. ليلى وهي كترجف:فييين هي هاد دار دمنى عماااد يلااه نمشيييو عماد يلاه عماد شاف فيها بتاسم بالسيف عليه..ليلى وهي كضحك وسط دموعها وكتهضر بالزربة بحال شي حمقة:ولدنااا باقي عاايش..تاجدين ماماتش .ربي مابغاش يعدبناا .عرفتي.انديرو جنازة جديدة للولد لي مات ياك..وتاجدين ايبقة معانا ولدنا ايبقة معانا عنقها ماقدرش يمنع دموعو ينزلوو..تخطلو عليه الاحاسيس فهاد اللحضة.. رشاد شاف فيهم واحد بواحد وفالفرحة لي فعنيهم بتاسم..قرب لعندو لورقة وكتب فيها شي حاجة .شاف فسلاح لي كانت رمات ليلى هزو بلا مايحسو عليه ..وتبتو فتجاه عماد ..باغي يقتلو هكا يكون قدر ينتاقم لخوه لي مات ..عارف انه ايموت ايموت مايمكنش يخليوه عايش..باغي بعدة ييدمرهم عاد يموت ليلى هزات راسها شافت فعماد:يلاه نمشيو نجيبو تاجدين جراتو من يديه.باش يمشيو.قفزوو كاملين فاش سمعو صوت رصاص ...كلشي شاف فعماد لي دم خارج من صدروو ..ليلى شهقات..وهي كتشوفو راجع باللور وطاح على طولتو..غوتاات بالجهد وطاحت على ركابيها قدامو:عماااااد..لاااا..لاااا..عماد. سمعو صوت رصاص تااني...رشاد تيرا فراسو ليلى شادة فيد عمااد وكتغووت:عماااادعفااااك ماتخلينييش عماد نووض الله يخليييك عماد حل عنيه بصعوبة وشاف فيها شد ليها فيديها وزير هضر بصوت تقيل:ماا..تبكيش. ليلى وهي كتبكي كتحاول تمسح دموعها:صااافي هنا ماكانبكيش..ونووض عفااك.. عماد كيهضر بصعووبة:ليلى كنبغيك. ليلى كتهز راسها بلاا:لااا سكت ماتهضرش سمعتيني.ياك ماغاتخلينييش عماد كيحس بصدرو تقال عليه مابقاش عندو الجهد والدوخة شداتو نزلو دموعو خايف يخليها من موراه عارفها اتعظب بزاف:ليلى..نتي عارفة شحال كنبغيك. ناصر تحنة لعندو حط يديه على لبلاصة الضربة وزير:عمااد ماتضرش بزاف سكت وحاول تبقة حال عنيك عماد شاف فيه:نااصر ليلى معاك ليلى غوتاتت:لااااا ليلى معاك نتت لا متيي تا ليلى اتمووت .. كمال مشا كيجري باش يدخل الطموبيل تا لعندهم باش يهزوه لطبيب..مايمكنش يتسناو تا تجي الاسعاف.. عماد حس بداتو ترخااف مابقاش قادر يتنفس ..كيسمع غير صوت ليلى وهي كتغوت وتبكي...ليلى شافتو مابقاش كيجاوبها. شدات راسو بين يديها وهي كتغوت:ماادييييرش فياا بحال هكاااا..عماد ماتمشيش وتخلينيي..عماااد جاوبني. ناصر غير كيشووف خايف بزاف يخسر صااحبو قلبو كيضرب فلمية..امين واقف ومصدووم مايمكنش صاحبو يموت..مايمكنش يتخايلها..عماد راه خوهم .. عماد حل عنيه بصعووبة ولا كولو عرقان..وكيرجف. ولا كيحس بالبرد..شاف فليلى وبتاسم همس ليها بصوت تقيل:لامشيت ماتبكيش عليا ناغانستحملش نخليك كتعدبي ليلى كتغوت بالبكة:عمااااد ماتقوولش هكااا..نت ماعارفش شغا يوقع فيا من موورااك ..انا غنموووت لا متي عماد عنيه تقالو عليه ومابقاش قادر يهضر..شهق وهو كيحاول يتنفس..بقا هكاا. حتى ترخة وغمض عنييه ..ليلى كتزعزعوو:عمااااد مالك..عمااد..حل عنيك..جاوبني شافتو ماكايجاوبهاش بدات كتزعزعو بالجهد وضرب على وجهو وهي كتغوت بهستيرية:عماااااااااااد ..عماااد ماتخلينييش بدات كضرب فوجها وتندب وهي كتغوووت ربي لي خلقها.. ناصر ماقدرش يستحمل ناض ماباغيش يشوف هاد المنضر..دوز يديه على راسو..بالزربة..كيتمنة يكون هدشي غير كابوس
[6/7 20:33] ss: شافتو ماكايجاوبهاش بدات كتزعزعو بالجهد وضرب على وجهو وهي كتغوت بهستيرية:عماااااااااااد ..عماااد ماتخلينييش
بدات كضرب فوجها وتندب وهي كتغوووت ربي لي خلقها.. ناصر ماقدرش يستحمل ناض ماباغيش يشوف هاد المنضر..دوز يديه على راسو..بالزربة..كيتمنة يكون هدشي غير كابوس
كمال جاب الطموبيل ونزل..قرب عند ليلى:خلينا اختي نهزوه نديروه فطوموبيل دغية
ليلى شادو فيه:لااا هو ماغايموتش يااك
كمال:لا ماتهافيش خاص غير ندسوه لطبيب دغية
امين قرب عندها:ليلى خلينا نهزوه نديره فطوموبيل قبل يفوت لحال
ناصر قرب لعندها شدها من دراعها وخيدها..كمال وامين عزوه وركبوه فطوموبيل...امين رمب حداه اللور وكمال ساق الطموبيل
ناصر شاف فليلى:ماتخافيش
ليلى :يلاه نتبعوووهم عفاك اناصر ماتخلي تاحاة توقع ليه
ناصر تنهد:ان شاء الله يلاه نمشيو
مشاو ركبو فطوموبيل وتلحقو عليهم..كانو تابعينهم فنفس الطريق.. كيتسمع صوت ليلى كتشهق بلبكة...مسافة طريق..وكانو فسبيطار. امين نزل كيجري عيط ليهم يجيبو البياص..داكشي لي دارو جابو البياص وحطوه فوقو دخلو بيه كيجري..ودخلو لغرفة الطوارئ..كانت غادة جاية كي شي هبيلة ....الممرضات داخل خارجين لغرفة طوارئ..فوقما تخرج شي وحدة كشدها وتبدة تسول فيها..كتزيد تعصب ملي ماكايعطسوها تاشي جواب...دازو سعتاين تقريبا ومزال مابان والو..كان كلشي حاضر قهاد اللحضة مو لي عقلها خارج بلبكة..وباه لي جالس وكيقرا فالقرأن..وسارة لي متكية على الحيط وكتبكي ..ليلى كانت جالسة وكتشوف فلباب ديال طوارئ عنيها مانزلاتش عليها..طاهرة كانت جالسة حداها وشادة ليها فيديها..وكتبكي معاها..ناصر واقف بعيد عليهم هو وأمين متكيين على الحيط وكيتسناو شي خبار على صاحبهم..وقف حداهم كمال
ناصر:شنو وقع
كمال تنهد:حالتو خطير موحال يعيش..رصاصة دخلات ليه لدماغ لداخل.كيحاولو يحيدوهالو
ناصر:على الله يبقة عاايش.باش نكمل عليه داك ساع
بقاو غير ساكتين
عند ليلى
شافت فطاهرة وهضرات بصوت باكي:عرفتي ومشا تا مات..غنموت معاه
طاهرة:ماتقوليش هكاا دغي ليه بالشيفة
ليلى شافت فواحد من لبوليس هو لي صيفطوه لدار دمنى..كان واقف مع ناصر..ناضت بالزربة مشات عندهم:لقيتو ولدي
البوليسي:للاسف مالقينا والو..قلينا مزيان .ماكاينة تاشي حاجة كدل انه كان شي ولد صغير تماك
ليلى حطات يديها على فمها وشهقات:كان كيضحك عليااا..مايمكننش
ناصر شاف فطاهرة باش تجي عندها..طاهرة ناضت وعنقاتها:اجي معايا
داتها معاها وجلساتها وهي مزال معنقاها ..ختها باقة صغيرة على هاد العداب كلو..باقي ماكنلات تا 19 لعام..نزلظو دموعها على ختها..قطعات ليها فقلبها..
ليلى علات راسها وشافت فختها:ختي انا شنو درت باش يوقع لي هدشي كامل..عماد عمرو أدى شي حد .قلبو بيض..مايستاهلش هدشي..طاهرة..حياتي كضيييع تدمراات ..كنحس براسي غنحمااق
طاهرة ماعرفاتش باش تجاوبها عنقاتها وهي كتسمع صوت بكاها...
عند ناصر
كمال كيشوف فالورقة لي فيديه مدها لناصر
ناصر خداها وقرا داكشي لي مكتوب فيها(انا ماشي غبي خليت ليكم العدااب....(y) ..)
ناصر:شكا يخربق هدا
امين:باينة غير كان كيضيع لينا الوقت باش يقدر يتيري فعماد..الولد بصاح تقتل
ناصر تنهد:حقيير..ولكن ديالاش هاد (y)
كمال:ماعرفتش ايكون كيمعني لشي حاجة
ناصر كمش الورقة:شنو درتي فتسجيلات دلكميرات لي كانو فالفيرمة
كمال:جمعتهم كلهم غدا نعرفو شنو فيهم
امين:خاص ترد ليهم لبال.ماتيق فتاشي حد
كمال:كون هاني داير الاحتياط..فهاد التسجيلات غنعرفو شكون هو هاد البوص
ناصر كيفكر شكون يقدر يكون تنهد وعلا راسو شاف طبيب خارج من غرفة العمليات..مشاو دغية لعندو..ليلى :كيبقى رااجلي..هو بيخيير ماوقع ليه والو..جاوبني
الطبيب حيد لكمامة على وجهو:درنا لي علينا..الكمال لله..انديوه دابة لغرفة العناية المركزة..غنخليوه تحت المراقبة من لهنا لغدة فصباح..نشوفو النتيجة كي غتكون..المهم خليو ايمانكم بالله قوي
ليلى شدات ليه فيديه:شووف..راه هو حياتي وروحي وكلشي. عفاك ماتخليهش يموت الله يخليك..عتق ليا راجلي عفاااااك
الطبيب بقات فيه:شوفي ابنتي دعي معاه ..وانا اندير كتر من جهدي ويكون خير ان شاء الله
ومشا وخلاها كتبكي..شافتهم مخرجينو فلبياص باش يديوه للعناية المركزة..قربات لعندو وشدات ليه فيديه:عماااد عنداك تخليني ..كنبغييييك
الممرضة:عفاك خاص نوصلو للعناية باش نركبو ليه الاجهزة
[6/7 20:33] ss: طاهرة جراتها باش يديوه ليلى تنترات منها وتبعاتهم..دخلوه للعناية وشدو لباب. مشات ووقفات فشرجم لكبير زوجاجي كيطل على الغرفة..بقات حاضياهم وهوما كيركبو ليه الاجهزة..من بعد خرجو..ماعياتش من لوقوف خايفة تمشي وتوقع ليه شي حاجة..داز الوقت جات عندها طاهرة:اجي جلسي ترتاحي
ليلى:لا غير خليني
طاهرة تنهدات ومشات جابت ليها كرسي:جلسي
ليلى جلسات وعنيها على عماد كدعي وتطلب من ربي يبقة عايش وينوض على خير..دازو ساعات ليلة دازت صعيبة عليهم بزااف...ماحساتش براسها تا داتها عنيها..طاهرة كانت جالسة اونفاص معاها وكتحصر على الحالة لي وصلات ليها ..مشات باش هزات واحد لكاب وغطاتها بيه..ومشات جلسات..شافت فمو وباه كيف جالسين مكويين على ولدهم الوحيد.شافت فساعة قرب يصبح لحال .حسات بشي حد جلس حداها دورات وجها كان ناصر حطات راسها على كتافو :هدشي بزااف
ناصر تنهد:كلشي دابة يتقاد
طاهرة:ديما كتقولهالي ولكن ماكايتقاد والو..
ناصر:خاص نصبرو
تنهدات وسكتات شغا يديرو من غير الصبر ..داتها عنيها وهي متكية على كتافو..
دازو ساعاات صبح صباح...وطلع نهار جديد
كانو جالسين كيفطرو
لارا:علاش جينا لهنا ومامشيناش لدار
ياسين:عندي شي خدمة هنا ضارورية نساليها ونرجعو
لارا:واخة ماخاصش نطولو هنا حيت خاص نحضر لواحد الاجتماع
ياسين تنهد:واخة..نخليك دابة
لارا:فين اتمشي
قرب وباس ليها راسها:راني قلت ليك شي شغال عنقديه
بتاسمات ليه:واخة الله يعاونك
بتاسم ليها هز سوارتو وبورطابلو وخرج..ركب فطوموبيل وحرك
لارا ناضت بغات تعيط لباباها ..مشات كتقلب على طليفون مالقاتوش ..شقلبات دار كلها او والو
لارا:استغفر الله فين انكون درتو..زعمة نكون نسيتو فطوموبيل..المشكلة ماعنديش باش نعيط نسول ياسين..نصبر تايجي
مشات شعلات تلفازة وجلسات كتفرج
دازو ساعات
كانو مزالين جالسين فلكولوار حدا الشمبر طبيب قالهم 12 ايدخل يدير ليه فحص يشوف حالتو كيف ولات
جات جنات..وفيديها صنية دلكسان دلقهوة جابتهم من لكافي لي فطبيب. فرقاتها عليهم جلسات حدا طاهرة :ليلى مسكينة غير حلات عنيها شافت فعماد ومزال كتشوف فيه ..الله يكون فعوانها صعيبة بزاف
طاهرة:وياه..مسكينة ماعندها زهر
جنات:ربي كبير
ملاك كانت واقفة معاهم وكتسمعهم شكا يقولو
كمال:موحال واش يعيش رشاد
ملاك:كاين حل واحد باش تقطعو الشك..ديرو فحص dna (الحمض النووي)..وتأكدو واش هداك لي تقتل هو بصاح ولد عماد وليلى ولا بصاح بدل ليهم لولاد
ناصر:خليو نصبرو شوية علامن يفيق عماد على خير
كلشي سكت
ناصر شاف فيهم:عماد ماغاديش يموت بلا ماديرو هاد الحالة
امين:ان شاء الله
كمال:انخليكم دابة عندي شي خدمة.
ناصر:صافي واخة
كمال:لا وقعات شي حاجة عيط لي
ناصر:واخة
كمال شاف فملاك:اتبقاي هنا
ملاك:اه
كمال :صافي واخة
مشا وخلاهم واقفين
ملاك تنهدات وتكات على الحيط:كونا ديما بربعة..مانقدرش نستحمل ينقص واحد فينا ..
أمين:غنبقاو بربعة ماتخافيش
سكتو وهوما كيسترجعو ايامهم بربعة كي كانت.....احمد لي جمعهم بتلاتة..ناصر وامين وعماد...اول واحد هو ناصر جابو فاش كانت عندو 17 لعام لقاه كيضور فالزنقة ..هارب من دار..وسامح فقرايتو..بقة فيه ..عرض عليه يمشي معاه يتكلف بيه ويقريه..فلول مابغاش مارضاش شي حد يعطف عليه..حتى عرض عليه احمد اقتراح..ان ملي يكبر ويخدم يرد ليه كلشي. يعتابرها دين..وفعلا داه قراه ودخلو لدارو دوز معاه عام .. كمل 18 لعام ..ناصر بغة يبدل الكنية ديالو..حيت كان هاز لكنية دمو..بقة كيفكر ..حتى جات فبالو كنية الزعيم ..احمد عجباتو الكنية.جات مع شخصيتو لقوية .قاد ليه بطاقة بكنية الزعيم .. شاف انه دكي بزااف.وشخصيتو قاصحة..شوية بشوية دخلو لعالم المافيا..عرض عليه يخدم معاه..وهو وافق ..احمد كان عارف ضروفو وداكشي لي داز منو ..عرف انه قلبو قصاح من داكشي لي وقع ليه وانه هو الشخص المناسب للمافيا...ولا كيديه لجميع الصفقات الاجرامية باش يتعلم ..وناصر بدكاء ديالو قدر يفهم كلشي..من بعد ما دار 19 لعام...بان امين..الشخص لي كان كيعاني من باه..لي ماعاطيهش قيمة..كيفضل ديما خوه عليه ..كيعتابرو فاشل ..عمرو عتامد عليه..امين ماقدرش يستحمل تصرف باه..قرر يكون راسو براسو واخة كان باقي شاب مراهق فعمرو 20 عام...خرج من دار من بعد ما كمل قرايتو مشا كيقلب على خدمة فشي شريكة ولكن تا واحد ما قبل ..كاين غير باك صاحبي..تصدم من الواقع المر ..ولكن مافقدش الامال..دفع سي في ديالو لواحد الشريكة..اخر آمل عندو...دخل باش يدير لقاء مع نائب المدير...نفس شي رفضوه .خرج كاره راسو كمب فالمصعد باش يمشي بحالو بالاعصاب مانتابهش لراجل لي معاه فالمصعد كان مرفوع...قطع سي في ديالو ورماه..راجل كيشوف فيه....ماقدرش يستحمل نزلات دمعة حارة من عنيه ..ماعندو مايدير من غير انه يرجع عند باه لاناني..تحل باب المصعد وهو يوقفو الراجل:واش نقدر نعاونك
امين شاف فيه:فاش اتعاوني متلا وانا الشريكة لي دفعت ليها كيرفضوني..كانت هدي اخر فرصة رفضوني تاهوما
[6/7 20:36] ss: بتاسم:انا احمد مول هاد الشريكة
امين بقة غير كيشوف
احمد:تبعني للمكتب..
اميين بلع ريقو وتبعو للمكتب..جلسو..وبدا كيسولو على شنو تخصصو وداكشي دلخدمة..كان تخصصو ادارة اعمال ومشاريع.طلب منو يعاود ليه قصتو..امين عاود ليه كلشي..احمد كان عزيز عليه يعاون شبان لي محتاجين..وخصوصا لي عندهم طموح.عرض عليه يخدم معاه فالشريكة.ويستقبلو فدارو .امين فرح وقبل هدي فرصة حياتو...دخلو لدارو وهنا تلاقة بناصر..فلول ماكانوش متفاهمين .حيت كل واحد وطبعو كانو مختالفين ولكن من بعد قدرو يتفاهمو ولاو صحاب.مع الوقت تزاد تاهو فالمافية....من بعد بان عماد..لي كان عايش فحي شعبي..باغي يولي بوكسور مشهور..كان كيشارك فكومبات عشاوئية ..كيتراهنو عليهم ناس لاباس عليهم..كيتحطو عليهم فلوس كتيرة..ومنهم احمد لي كان كيمشي مرة مرة ملي كيبغي يدوز الوقت..كان ديما كيراهن على عماد..وديما كيربح...قبل يسالي الماتش كيطيح الخصم ديالو كااو..احمد عجبو لكراكطير ديالو..وشخصيتو لمرحة وفنفس الوقت دكية.عرف انه شاب طموح باغي يوصل ولكن الضروف مامساعفاهش..احمد تقرب منو وعرف انه قاري لانفورماتي وخبير فتيكنولوجيا..وعاد محتاج للفلوس باش يعاون عائلتو.كان فعمرو داك ساع 17 لعام.عرض عليه يخدم معاه .وانه غيعاونو باش يوصل للشهرة وي لي بوكسور مشهور.عماد وافق قبل يعرف نوع الخدمة...بدا فالتدريبات فأحسن نادي عند مدرب كبير..قدر يربح فاول كومبا..موراها بدا يلعب خارج لبلاد..دازت ليام والاسم ديالو بدا يتشهر..وجا الوقت لي يبدا فيه لخدمة مع احمد..فلول كان متردد فاش عرف ان الخدمة فيها المافيا ولكن من بعد..قبل جاه لفضول يعرف شنو كاين فعالم المافيا...وهنا تعرف على ناصر وأمين..بشخصيتو المرحة قدر يكسب..تقتهم ويولي صاحبهم..ولاو تلاتة ديال صحاب مختالفين فشخصياتهم..دازو ليام..اسمائهم ولات معروفة كلشي ولا كيهضر عليهم..من بعد بانت روبي..(ديجا هضرت عليها)جابهاا ناصر من بعد مانقدها من تشرد فزناقي..ولات عضوة من لمافيا معاهم...ومانساوش لارا لي تربات وسطهم. كانو هوما العائلة بالنسبة ليها...هدي هي قصتهم
ناصر تنهد نسا راسو وهو كيفكر فالماضي..
دخلات الممرضة باش تبدل لفاصة لعماد..وليلى حاضياها...الممرضة عقمات ليه الجرح لي على صدرو ودارت ليه فاصمة جديدة..ووقفات كتسنة طبيب يجي باش يدير ليه فحص..قدات ليه سيروم..قفزات فاش سمعات صوت جهاز دلقلب..شافت فالخطوط..كيدلو على ان نبضات لقلب ضعيفة..قربات عند عماد قاصت ليه نبض ديالو ضعيف بزاف..خرجات كتجري باش تعيط لطبيب..ليلى خافت ولات كترجف بداو ينزلو دموعها شافت فطاهرة:ماالها شنو واقع
طاهرو بلعات ريقها:ماعرفتش
جا طبيب ومعاه الممرضة دخل كيجري..قرب عند عماد دار ليه فحص ..شاف فالممرضة:بالزربة اري الصدمات الكهربائية..
جابتهم دغية وخدماتهم ومداتهم ليه خداهم بالزربة وحطهم فوق صدرو..وحيدهم بالزربة..عماد كيتهز بكامل جسموو معاه
كلشي تجمع قدام الشرجم الزجاجي..ليلى كتبكي وتطلب من ربي مايوقع ليه كانو مصدومين...وغير كيشوفو كيتسناو شغا يوقع..من غير صوت ليلى لي كتبي بصوت كيقطع فالقلب خايفة يمون ويخليها
الطبيب دار اخر محاولة وحط الصدمات من يديه..شاف فالممرضة وعلامة اليأس على وجهو وهو كيهز راسو بلاا
ليلى غوتاااات وهي كضرب فزاج دشرجم:لااااا مايمكنش.
كلشي شهق صدمة قوية ...سمعو صووت مو كتغوت وهي شادة فصدرها...تا طاحت فالارض..ليلى شافت فييهم:لا لا هو ماماتش ..عماد مايمكنش يموت ويخليني..
مشات كتجري وحلات لباب ودخلات لعندو..وطاهرة تابعاها باش توقفها تنترات منها وهي كتغووت كتشوف فطبيب:عماااااد ماماتش سمعتييينييي..
طبيب:سمحيلي ولكن لمريض جاتو ازمة قلبية خطييرة ما قدرناش..
قاطعاتو وهي كتغوت وحاطة يديها على ودنيها:لاااا سسسكت هو ماماتش شووف هاهو غايفيق غيحل عنيه
تحنات عند عماد وشدات ليه فيديه:عمااااد نوض نمشيو بحالناا عفاااك نوووض ..حل عنيك قلهم راك باقي عايش مايمكنش تخليني موراك..
غوتاات وهي كضرب على صدرو بالجهد:عمااااااد حل عنيييك الله يخليييييك ..
حطات راسها على صدرو وهي كتبكيييي بحرقة :علاااااااش اعمااد علاااش..
طاهرة كتبكي اصعب موقف...على برة بعد على السرجم ووقف بعييد ماستحملش يشوف صاحبو ميت ..باقي ماستوعبها..كيسمع صوت لبكة ولغواات .قلبو كيتقطع علا راسو شاف فامين واقف وكيشوف فالشرجم وعنيه دامعين..شاف فيهم كلهم كيبكيو..حتى من روبي كتبكي حط يديه على صدرو حس بوجع خفيف جا ومشا ولكن ماشي بحال الالم لي كيحس بيه من جيهت صاحبو
لداخل..طاهرة كتجرها باش تخرجها..ولكن هي شادة فيديه ماباغاش ترخي:رخيييي مني هاهو ايحل عنيييه هاهو غينوض وغنمشيو بحالناا..وانجيبو ولدنااا ماغايوقع واالو..ياااك اعماد..حل عنيك عفااك
شافت فالطبيب كترجاه بعنيه:دير شي حاجة عفااك رجع ليا راجلي ماخاصوش يموت الله يخلييك انموت معاه لا مات
غوتاات بالجهد:ماااايمكنش يمووووت
طبيب بقات فيه ولكن ماعندو مايدير
[6/7 20:36] ss: ليلى مزال كطلبوو:عفاااك دير اخر محاااولة.. راه مانقدش نعيش بلا بيه
طبيب تنهد وشاف فالممرضة:اري الصدمات
مداتهم ليه وقرب..ليلى بعدات ومشات لجيهة للوخرا تحنات لعندو وباستو على راسو:عمااااد حل عنيييك على قبليي الله يخليك
بعدات ..طبيب حط الصدمات على صدرو وحيدهم بالزربة..لولا وتانية وتالتة...وليلى كتدعي وتطلب من ربي يحل عنيه ..على برة كانو تاهوما كيطلبو من ربي يحل عنيه ..مو واقفة وكتقرى فالقران
الطبيب شاف فجهاز ديال لقلب مزال مستقيم ..دار اخر محاولة ..حط صدمات..خلاهم محطوطين شحال عاد عزهم بالزربة ومع الهزة تسمع صووت الجهاز..بتااسم بفرحة.. ليلى غير شافت طبيب بتاسم قربات لعندو وهي كترجف:ماماتش ييياك..باقي عايش يالك
طبيب هز راسو باه وهو كيشوف فالجهاز والخطوط كي كيطلعو ويهبطو..:الحمد الله قلبو سترجع نبضااتو..ربي ستاجب لدعوااتك ابنتي..سبحان الله..ربي كبير ابنتي...راجلك رجع ليك..
ليلى بالفرحة طاحت على ركابيها وهي مغطية وجها بيديها وكتبكيي. حسات بروحها رجعات ليها..ناضت وتلاح على عماد وعنقاتو وهي كتبكي:اااخر مرة انسمح لييك تموووت. سمعتييني.. مايمكنش تموت وتخليني
دفنات راسها فصدرو وهي كتبكي..طبيب كيشوف فيها ومبتاسم مخليها على راحتها..كلشي بكة بالفرحة بقاو كيحمدو الله ويشكروه ...
ناصر غمض عنيه برااغدحة فاش سمعهم كيحمدو الله وفرحانين..كان خايف يكون بصاح مات..قرب ووقف قدام الشرجم كيشوف فصاحبو بتاسم وهو كيحمد الله...
الطبيب:سمحيلي ابنتي خاص ندير ليه فحص.
بعدات وخلاتو يدير خدمتو وهي حاضياه..شافت فطاهرة ومشات عنقااتها:ياك قلت ليكم ما ايموتش ويخليني
طاهرة:الحمد الله اختي الحمد الله
ليلى بعدات على طاهرة وشافت فطبيب:هاا.. كي بقة
طبيب بتاسم:حالتو ستاقرات غدا فصباح يحل عنيه وتشوفيه على خير
بتاسمات:الحمد الله
الطبيب:سمحولي ولكن خاص لمريض يرتاح
هزات راسها باه وخرجات ...
طاهرة:يلاه تمشي ترتاحي شوية غدا ونجيو راه ماناعساش مزيان
ليلى:لا غير خليني
طاهرة:خاص ملي يفيق يلقاك بخير ماشي مهلوكة..زيدي ترتاحي وغدا فصباح نجيو..هو ماغايفيقش دابة
ليلى شافت فناصر:او ولدي
ناصر بقة ساكت شحال:من بعد ونهضرو فهاد الموضوع
ليلى قربات لعندو شافت فيه بعنيها الدامعين:زعمة يكون بصاح غير كيضحك علينا
ناصر:يلاه دابة ترتاحي
ليلى:ناصر ما بغيتش نتصدم جوج مرات..راه ولا عندي امل ولدي يكون عايش
طاهرة:ليلى زيدي الله يخليك..من بعد وهضري فهاد الموضوع رتاحي ليك شوية
جراتها وخرجو من سبيطار
طاهرة:اتمشي معايا لدار صافي
ليلى:اصلا مابقيتش حاملة داك الدار
طاهرة حاسة بيها حلات ليها باب الطموبيل ركبات
وركبات تاهي حدا ناصر كسيرا نيشان لدار. نزلو ودخلو..
طاهرة شافت ولادها فصالة مقابلاهم لطاهرة الام..
طاهرة الام:على سلامة. كي بقة عماد
طاهرة:الحمد الله بخير
طاهرو الام:بنتي ليلى على سلامتكم
ليلى وعنيها على دراري :الله يسلمك
مشات وتحنات بتاسمات وهي كتشوف فيهم كيبجغطو تفكرات ولدها..نزلات دمعة حارة على خدها..صعيب تجربي احساس ان ولدك تقتل وهو بي بي ويقولوك ماشي هو لي تقتل ..ماتبقايش عارفة واش تفرحي حيت باقي عايش..ولا تكملي لحزن ديالك على اساس انه ميت تخربقات..قربات وباستهم واحد بواحد وهي كتستنشق ريحتهم..شافت فطاهرة:الله يخليهم لييك
طاهرة:اميين
ليلى:بغيت نتكة شوية
طاهرة:واخة..دوشي عليك بعدة..ونعطيك شي حاجة لبسيها
ليلى هزات راسها باه..طلعو لبيت..جابت ليها لحوايج..وهي دخلات دوش.خرجات لقات طاهرة موجدة ليها لحوايج..لبساتهم وتكات فوق النموسية ..طاهرة غطاتها وتكات حداها وعنقاتها
ليلى غمضات عنيها وهضرات:صدري باقي فيه لحليب بزاف..ادن ولدي باقي عايش..ياكي
طاهرة ماعرفاتش باش تجاوبها:نعسي ورتاحي ماتفكري فوالو
ليلى غمضات عنيها ونعسات كانت عيانة..طاهرة داتها عنيها حتى هي ونعسات حدا ختها
جا نهار جديد
حلات عنيها بشوية مالقاتهاش حداها..ناضت شافت فساعة 9ونص .صباح..نعسو هدشي كامل من لبارح مع 2 دنهار تا لدابة..حيت كانو عيانين ..دخلات لحمام غسلات وجها بالخف..مشات لبيت ماشافتش وليداتها. دخلات وبتاسمات فاش شافتو ناعس وقدامو بدر خاشيه بين دراعو ومعنقو ..قربات لعندهم..ناعسين بحال شي ملاك بجوج..منضرهم كان زوين..قربات وباست ناصر على خدو وتحنات باست تا بدر..ناصر حس بيها حل عنيه بشوية وشاف فيها..بتاسمات ليه:صباح لخير
ناصر بصوت نعسان:صباح النور
[6/7 20:37] ss: طاهرة:لبارح كنت عيانة نعست بزاف
ناصر باس بدر وبعد عليه بشوية شاف فيها وقربها لعندو باسها على راسها:اه عرفتها
طاهرة:وشكون قابل ادراري
بتاسم:بدر بات معايا..وامينة ويوسف مع الوليدة
طاهرة:هههه كورا بيتوها بلا نعاس. خديتي ساهل
ناصر:هدا جهدي
بتاسمات وجراتو لعندها وعنقاتو:كنبغييك بزاف
عنقها تاهو:وانا كنحماق عليك
بتاسمات :يلاه نهبط نفطرو باش نمشيو عند عماد
تنهد:واخة
ناض دخل لحمام دوش وخرج لبس عليه. طاهرة لبسات عليها تاهي ..لقات بدر فايق. هزاتو وردعاتو عطاتو شوية دلحنان خخخ..وهبطو لتحت..لقات ليلى شادة يوسف فيديها وكتلعب معاه:صباح لخير
ليلى:صباح النور..احم يلاه نمشيو لطبيب
طاهرة:اجي نفطرو بعدة ونمشيو
ليلى:مافيا لي ياكل
طاهرة:ولكن
ليلى:عفاك بلاماتبززي عليا
طاهرة تنهدات:واخة
مشات فطرات هي ويوسف ..شرب قهوتو ..طاهرة ناضت رضعات امونة وناصر ووقفات:يلاه نمشيو
ناصر ناض والجريدة فيديه..كيهضرو على عماد ..خرجو وركبو فطوموبيل نيشان لطبيب.. وصلو ودخلو لداخل..لقاو طبيب يلاه خارج من عندو:لمريض حل عنيه وراه بيخير
ليلى قبل يكمل هضرتو دخلات غير شافتو حال عنيه وكيهضر مع مو نزلو دموعها تلاحت عليه وعنقااتو..بتاسم بالسيف عليه واخة وجعاتو فصدرو..عنقها تاهو . عاودولو على حالتها كيف كانت. سمع صوتها وهي كتبكي هضر بصوت تقيل مزال عيان::ششش صافي هنا معاك
ليلى علات راسها وشافت فيه:ماتصورش شحال كنت خايفة توقع ليك شي حاجة. كنت انحماق
بتاسم :مستحيل نخليك ونمشي
رجعات عنقاتو:الله يخليييك ليااا
عماد:وليا تا انا. وانووضي عليا راك فرعتيني فصدري من صباح وانا صابر اواااه..اتقتليني
بتاسمات وشافت فيه:توحشتك
بتاسم ليها تاهو:تا انا...احم فخباارك..فاش كنت ميت..ههه زعمة فغيبوبة ولا ماعرفت شكا يقولوها المهم تانسول الطبيب
ليلى:ايه ايه ومن بعد
عماد:كنت كنحلم بيك غير نتي..
ليلى بتاسمات:بصااح
عماد:حق مولانا.ههه
ليلى بتاسمات وهي كتحمد الله ملي باقي عايش وكتشوف فيه وتسمع صوتو
ناصر كان كيشوف فيه وهو مبتاسم:على سلامتك اصاحبي
عماد:الله يسلمك...احم قالولي كلشي بكة عليا الا نت علاش زعمة مانستاهلش ينزلو دموعك عليا اوااه
ناصر بتاسم:لي يشوفك هكا مايقولش كنتي لبارح اتموت
عماد:اغا كنا كنضحكو معاكم انا وطبيب كميرة خفية هههه
بقاو كيضحكوو..مايمكنش يعيشو بلا روح المرحة ديال عماد كلشي ولف بيه..
[6/7 20:37] ss: نمشيو لبلاصة وحدا خرا
ناضت مصدومة وهي كتقرا فالجريدة:يااااسييين ياااسين
كان كيهضر فطيليفون:وجدو كلشي الانفجار ايكون غدا . من بعد ونهضرو..
وقطع ومشا لعندها:ياك لاباس
لارا وهي كتبكي:عماااد تضرب برصاص وحالتو خطيرة..يلاااه داابة بغيت نشووفو
ياسين ندم ملي مالاحش الجريدة :راه ولا لاباس هضرت مع ناصر وقالي هاد صباح حل عنيه وراه بخير
لارا:لاا واخة هكاك خلينا نمشيو
ياسين:صبري راه مابقاش بزااف ونرجعوو ..
لارا وهي كتمسح دموعها:واعطيني طليفوني نعيط نسول فيه
ياسين:طليفونك مالقيتوش فطوموبيل
لار:اووووف على زهر صافي عطيني نعيط من عندك
ياسين:لارا راهم ايكونو مشغولين معاه بلا ماتشطنيهم خلي غدا ونعطيك هضري معاهم صافي
لارا:ولكن
قاطعها:كلشي ايكون مزيان ..بلا ماتشوشي..يلاه انا مشيت عندي جتماع
قرب لعندها وطبع بوسة على خدها..وخرج..خلاها غير كتشوف تصرفاتو مابقاوش عاجبينها. ستغفرات الله وناضت توضات وصلات.
دازو ساعات
كانو فطبيب...
كمال:للاسف رشاد مات هدي شي نص ساعة
ليلى :وكي غندير نعرف واش ولدي عايش ولا هو لي مات الله ياربي شهاد الموصيبة..مات وخلاني موراه حايرة...باغي يحمقنااا..
ناصر شاف فعماد ورجع شاف فليلى:يقدر يكون غير تفلا علينا..ويقدر يكون كلامو صحيح. المهيم خاص نتوقعو اي حاجة...عماد لا بغتي نظيرو فحص dna باش نحيدو الشك هدا هو الحل الوحيد
عماد بقة ساكت شحال شاف فليلى:شنو بان ليك
ليلى بلعات ريقها:زعمة اتخرجوه من لقبر وديرو الفحص
امين:انفتحو لقبر وناخدو عينة صغيرة منو ونرجعوه داك ساع..ونديرو الفحص
ليلى بقات غير ساكتة خايفة تصدم
عماد:صافي واخة اصلا هدا هو الحل الوحيد
كمال:باقي واحد الحاجة
هضر وشاف فليلى
عماد:احم ليلى واخة تخلينا شوية
ليلى فهماتو:واخة
كمال كانت فيديه واحد الشانطة حلها وجبد منها بي سي شعلو ووراهم واحد سي دي: هدا سي دي فيه تسجيلات ديال الكميرات لي كانو فالفيرمة..
بقة شي كيشوف فشي . دابة غيعرفو شكون هو البوص
كمال يلاه ايركب سي دي وهو يدخل احمد
ناصر:جيتي فالوقت المناسيب
احمد:الله يسمعنا خبار الخير
كمال ركب سي دي وقاد لبي سي باش يشوفو كاملين..بقاو كيتسناااو شغا يطلع فشاشة..
[6/7 20:38] ss: كمال كانت فيديه واحد الشانطة حلها وجبد منها بي سي شعلو ووراهم واحد سي دي: هدا سي دي فيه تسجيلات ديال الكميرات لي كانو فالفيرمة..
بقة شي كيشوف فشي . دابة غيعرفو شكون هو البوص
كمال يلاه ايركب سي دي وهو يدخل احمد
ناصر:جيتي فالوقت المناسيب
احمد:الله يسمعنا خبار الخير
كمال ركب سي دي وقاد لبي سي باش يشوفو كاملين..بقاو كيتسناااو شغا يطلع فشاشة..
شوية تضحات ليهم الصورة..
شافو بنت نازلة من دروج جلسات فالصالة...دازت مدة وهي مزال جالسة..شوية شافو لباب ديال الدار تحلات .. كلشي التصدم فاش شافه داخل ..ماتيقوش عنيهم بقاو شي كيشوف فشي بلا تاشي كلمة..شافوها عنقاتو. وجلسو فالصالة كيدويو...كمال زاد بالفيديو لقدام باغيين المهم..تا كيوصلو لديبو لي فالفيرمة.. للقطة لي دخل فيها رشاد ..شافو كلشي بعنيهم .كمال رجع الفيديو اللور ..تا وصل لشي جتماعات .كلشي كان مسجل.كمال حبس الفيديو وشاف ففيهم..علمة الصدمة على وجهم ..شاف فناصر لي غير كيشوف بعنيه ماقادر يقول والو..كيدورها فدماغو وكيدوز السينتة فراسو..ماقدرش يتيق ..ياسين صاحبو لي كيعاود ليه كلشي يطلع هو البوص..حس براسو غيطرطق
أمين:لا هدشي بزاااف ..البوص هو ياسين
عماد:مازال مابغات تدخل ليا لرااس
أحمد :لكن كيفاااش عمري شكيت فيه
كمال:انا ماعنديش بيه شي علقة ولكن على مابان لليا كنتو كتيقو فيه..هو طلع دكي بزاف..دخل وسطكم باش تكونو قراب ليه.يعرف كلشي عليكم ..صراحة طلع دكي على لي تخايلت
عماد وأمين كيشوفو فناصر هو أكتر واحد كان قريب ليه..شي حوايج مايقدرش يقولهم ليهم..ولكن ياسين يقدر يقول ليه كلشي..كان اكتر واحد كيحتارمو ناصر ..
عماد:صاحبي..هادي هي الدنيا كتصدمنا فشي ناس كانو شي حاجة زوينة فحياتنا..نت عارف هادشي
ناصر شاف فيه:ياسين أعماد..هدااا ياسين
عماد تنهد:عارف راه انا وباقي ماستوعبتها
كمال:دابة كلشي بان.خاص نتصرفو
ناصر غير ساكت كيفكر ..راه صاحبو بحال خوه ..رجع بداكرتو اللور قبل 4 سنين ..كان سكران وسايق شاد طريق بالليل .من بعد ماكان مسافر .. كان معصب بزااف. وصلولو شي معلومات على مو وشي تصاور..ضروه فخاطرو..وباش يبرد مشى شرب تا جاب الكااو ..كان مكسيري بالجهد ...ودماغو خدام لبعيد..مانتابهش لطوموبيل لي قدامو ...كان ايدخل فيها وهو يبدل الاتجاه بصعوبة باش قدر يفراني ويوقف..كان كيلهت رجع راسو اللور كيحاول يكالمي راسو حتى كيسمع دقان فشرجم دور وجهو شافو قدامو ..نزل الزاجة وهو يسمع صوتو:واش نت بخير
ناصر هز راسو باه وحل طوموبيل ونزل يشم شوية دلهوة كيحس براسو مخنوق ..تكة على الطوموبيل ..الشخص بقة كيشوف فيه عرفو سكران ومهموم:ربي كبير..قدم ما كان همك تقيل ربي قادر يخففو عليك..ماتبعدش على الله باش يكون ديما معاك
ناصر شاف فيه بحاليلا فكرو فربي سبحانه وتعالة كان غافل ان ربي كيشوف فيه ..اولا تشغل باش يفكر فهادشي تنهد بصوت مسموع
الشخص التكا حداه:انا ياسين. كنت كنصلي صلاه الفجر وربي جابك فطريقي .لقاء مابيهش
ناصر شاف فيه ..بقة كيفكر لفرق بيناتهم كبير كيقول أنا يلاه راجع من لكازينو سكران ..وهو راجع من الجامع قلبو عامر بذكر الله..كون ماتو فهاد الحادث لي كان ايوقع كون مشا لجنة وربي راضي عليه..وكون مات هو ..ودماغو تقيل بالشراب بأشمن وجه ايقابل ربي..تنهد
ياسين بحاليلا قرا أفكارو:إن الله غفور رحيم..
ناصر بصوت مخنوق:شكون خلاك تقرب من الله وتعرف بقيمتدة الدين ..انا حياتي كلها دمار..مخربقة ومافيها تاشي حاجة زوينة..يدي مسخين بدم عباد الله..خدام فلحرام..وانا اصلا ولد لحرام ..شنو كتوقع من واحد بحالي
ودار بتسامة جانبية بحاليلا كيسهزء من راسو
ياسين بتاسم:ربي ملي كينزل البلاء على عبادو ..كيكون بمتابة اختبار ليهم..خاص تكون صبور وأيمانك بالله قوي باش ربي يبعد عليك البلاء .ويعوضك..ربي ماكايخيبش عباادو..وكل مشكلة وعندها حل أخويا..بعدة اش سماك الله
ناصر:ناصر
ياسين بتاسم:مشرفين..اجي نحيدو من لهنا..داري غير قريبة من لهنا..جلس رتاح شوية
ناصر:ولكن خاص نرجع مايمكنش
ياسين:حالتك ماشي ديال سوقان..يصبح ويفتح
ناصر تنهد كان اصلا عيان وشراب لاعب ليه على دماغو:واخة
ياسين:خلي طوموبيل هنا غدا واجي موراها
ناصر هز راسو باه..ركبو فطوموبيل دياسين .ومشاو لدار..بات معاه داك ليلة..من بعد توطضات علاقتهم ..ناصر رتاح ليه بزاف..ولا فوقما يحتاج لشي شخص يخوي عليه قلبو كيمشي عند ياسين..
ناصر فيقو من ذكرياتو صوت كمال:نااصر
ناصر شاف فيه وتنهد:دير لي بان ليك
كمال حس بيه وانه صعيبة عليه:خاص نقدو بزاف دناس أبرياء
ناصر هز راسو باه
بقاو ساكتين شحال عاد نطق ناصر:هو متعمد يخلينا نشوفو التسجيلات .ماشي صعيبة عليه يلغي خدمة الكمرات..هو كان باغينا نعرفوه
كمال:داكشي لي بان لي..
ناصر جبد طليفونو وصونا عليه بنمرتو لقاه طافي :طافي
أمين:دابة يعيط هو
ماجا فين يكمل هضرتو حتى سمعو طليفون دناصر كيصوني بنمرة مجهولة ناصر عرفو هو:ياسين.
ياسين بقة ساكت شحال:ناصر تصدمتي فيا ياك
[6/7 20:38] ss: ناصر دار الهوط باغلور:أكثر واحد كنت
كنتيق فيه
ياسين:بغيتك تعرف واحد الحاجة..بعيد على المافيا والبوص وهاد التخربيق..راك كنتي صاحبي وخويا..يقدر فواحد اللحضة.قررت باش نقتلك ولكن لا ماقدرتش أنا.ماغدرتش بيك..ولكن كل واحد وعندو هدف فحياتو.كل واحد وعندو قصة فحياتو..كل واحد وعندو أسبابو وضروفو..كل واحد وفقلبو جرح مازال مابرة..وعافية شاعلة فيه وباش تطفة خاص يفش غليلو فهدوك لي كانو سباب باش شعلوها..اولا لا
ناصر:ياسين هاد الهضر ماكاتقالش فطليفون خاص تقولها مباشرة..باش نعرف هاد الاسباب
ياسين بتاسم:ناصر نت عارف وانا عارف ..التقة ماكايناش.
ناصر:وانا باغي نعرف شكون نت ولاش درتي هدشي كامل
ياسين:غدي تعرف..كيف ما نت عاودتيلي على حياتك كلها..تا انا جا الوقت باش نقولك شكون هو ياسين ولكن ماشي دابة ..وسلم لي على هادوك لي حداك
وقطع
ناصر تنهد خشا طليفون فجيبو
كمال:ناصر ماتنساش وعدك ليا
ناصر بقو كيشوف فيه شحال فتالي هز راسو باه :ماناسيش
شوية جا الطبيب:سمحولي ولكن لمريض خاص يرتاح
أمين:واخة
سلمو عليه وخرجو ..دخلات عندو ليلى..لي غتبقة معاه
على برة
كمال:ناصر كنتيق فيك..اي حاجة عرفتيها تاصل بيا
ناصر هز راسو باه وركب فطوموبيلتو ومشا لدار
أمين:صعيبة عليه
كمال:حاس بيه
أمين:ولكن ناصر كلمة هي لكلمة عندو
كمال:عارف
امين:يلاه نخليك دابة
كمال:بسلامة
كل واحد مشا لدارو
عند أمين
دخل لدار لقاها جالسة فصالة كتفرج. مشا وجلس حداها حط يديه على كرشها وباسها على خدها بتاسمات ليه:على سلامة
أمين:الله يسلمك..كيبقة ولدي
جنات :راه مزيان ..
بتاسم وهو كيحرك يديه على كرشها بشوية ..بقات كتشوف فيه..حسات بيه ولا كيتبدل معاها ةلا قريب ليها ..تفكرات الهضرة دطاهرة(خاص تبعدي عليه شي يامات باش يعرف بقيمتك ):أمين
امين:نعام
جنات:هضرت مع ماما طلباتني نحي نجلس معاهم شي يامات..توحشاتني وتا انا توحشت دارنا
أمين بقة ساكت شحال تنهد:صافي سيري لا بغيتي
جنات بتاسمات:غدا فصباح نمشي
أمين:واخة أنوصلك أنا
جنات:بلا مانعدبك غير شيفور
أمين:كيفاش شيفور..بغيتيه يشد معاك طريق ..تبقاي معاه 5دسوايع كاملة
جنات:ايوا صافي قطع لي نمشي فطيارة
أمين وقف:قلت غنوصلك هي غنوصلك
جنات بتاسمات عاجبها لحال:غير مابغيتش نعدبك وصافي
أمين حس على راسو:طيارة خطار على لولد..وعاد لا وقعات شي حاجة لولدي الله يحفض نكون معاك
جنات:صافي لي بان ليك
ياسين:انا غنطلع نرتاح اجي تانتي تنعسي
جناات وقفات:واخة
كان طالع فدروج وهي موراه ..بتاسمات وتحنات :اااي كرشي
دار لعندها بالزربة قرب للعندها :جنااات ماالكي شنو واقع..شنو كيضرك
جنات كتمتل عليه:ماعرفتش شدني شي حريق فلتحت دكرشي
أمين زرب عليها وهزها:يلاه نمشيو لطبيب
جنات:لا لا بلااش وليت لاباس لحريق كيمشي ويجي عاادي
أمين:لا نمشيو نتأكدو
جنات:ولا بلاش. طبيبة قالتلي انه عادي يجي لحريق ويمشي لبي بي كيكبر والرحم كيوساع فهمتي
أمين:واش متأكدة
جنات:ااه
امين تم طالع بيها فدروج
جنات بصوت شوية محلون:أمين صافي نزلني
أمين شاف فيها وبتاسم:علاش مامرتاحاش هكا
جنات دورات يدديها على عنقو:مرتاحة وبزاف
قرب لعندها وطبع قبلة خفيفة على شفايفها...دخلها لبيت وحطها فوق النموسية غطاها. وهي غير كتشوف فيه بتاسم ليها ودخل دوش بالخف وخرج..تكا حداها..جنات قربات لعندو حطات راسها على صدرو..دور يديه على خصرها وقربها لعندو كتر..بتاسمات ..غمضات عنيها ونعسات وهي مرتاحة
جا نهار جديد
كان هاز امونة..وكيلعب معاها..وهي كتشوف فيه..ومرات كتبتاسم ليه ..
طاهرة كتشوف فيه وهي مبتاسمة تفكرات حالتو كيف كانت لبارح ..والهضرة لي قالها..تصدمات بزاف فياسين .بقة فيه لحال بزااف..تنهدات..وهي كتقول مابقات تقة فهاد الدنيا..شافت فيوسف وبدر كيبجغطو ويديرو اصوات زوينة..جاب ليها الله بحاليلا كيهضر هو وخوه خخخ..تحنات وباستهم
وناضت جابت ليه دوة.خدات منو امونة ..باش يشرب الدوة
ناصر بتاسم ليها
طاهرة:مايبقاش فيك الحال كاملين تصدمنا..
ناصر:بلا مانهضرو فهاد الموضوع
سكتات بغات تخليه على راحتو
طاهرة:اندخل ندوش ليهم
ناصر:واخة
عونها دخلاتهم للكوزينة لي فشومبر..كتحطهو وسط لافابو كيجيوها ساهلين فتدواش..ناصر كان واقف وكيشوف فيها كيف كدوش ليهم حاضية معاهم وكتحرك يديها على لحمهم بشوية.وهوما عاجبهم لحال مساعفينها..سمع طليفونو كايصوني جبدو من جيبو وخرج يهضر برة
[6/7 20:39] ss: اصر جاوب وهو عارف شكون المتصل:الو
ياسين:أتلقاني كنتسناك فلخرجة دلمدينة حدا لغابة..ناصر..غير بوحدك ..بلا مانوصيك
وقطع
ناصر دخل لداخل..بدل عليه..وطل على طاهرة:هنا مشيت
طاهرة وهي كتنشف شعر أمونة:ياك قلتي ليوم ما عندك والو اتبقة معانا
ناصر:جالي شي شغال على غفلة..يلاه هنا مشيت
طاهرة:بسلامة
خرج من دار ركب فطوموبيلتو نيشان للخرجة دلمدينة..كان سايق وكيفكر..عندو فضول يعرف لاش كيدير هدشي كامل ..باغي يعرف قصتو ..زاد فالسرعة..حتى وصل لبلاصة فين ايتلاقاو شافو واقف بطوموبيل وجوج طوموبيلات معاه الحراسة ديالو نزل وتمشة لعندو بخطوات تقال..ياسين حل طوموبيل ونزل تاهو..وقف حداه وتسابيح فيديه
ناصر شاف فتسابيح :راه كلشي تكشف بلا ماتبقة تمتل
ياسين بتاسم وهو كيردد الاستغفار:أستغفر الله أستغفر الله أستغفر الله أستغفر الله أستغفر الله ..هدشي لي كندير انا ماعندوش علاقة بالدين ... .هدشي كنديرو لاسباب شخصية وصافي.. انا بصاح شخص ملتزم وكنعرف حدودي بيني وبين الله..كنصلي صلاتي .كنقرا القرآن في سبيل الله.عنداك يحساب ليك ليك انا اهرابي ولا من صحاب داعيش. انا مشكلتي بعيدة كل البعد على هدشي ..عارف ان هدشي غلاط ولكن تا انا انسان وعندي قلب.كيحس وكيحقد.
ناصر ببرودة:هنا كنسمع عاودلي.
ياسين تنهد وشاف لبعيد رجع بأعوام اللور...هو من عائلة ملتزمة قريبة من الله بزاف..باهم رباهم على هاد الاساس.كان عندو خوه كبر منو مزوج وعايشين مجموعين فدار.كلشي كان كيحتارمهم..وعاطيينهم قيمة...باهم كان من ناس لي كيديرو لخير بزااف..كيساهم باش يتبناو مساجيد..كيعلم دراري صغار تجويد القرآن..كينضم مسابقات فتجويد القرآن..لي كيشاركو فيها بزاف دناس حتى من خارج المغرب..والاخ لكبير ديالو كان مهتم تاهو بهادشي..ديما كيحضر مع باه فهاد المسابقات كيسافر معاه ..ياسين داك ساع كان عندو أخر عام فالجامعة باقي شااب..كيصلي كيقرا القرآن ولكن ماملتازمش بحالهم..مزال كيرتاكب اخطاء.عندو حياتو خاصة بيه بعيدة عن الاجواء لي عايشها باه وخوه..باه كان عايق بيه وديما كينصحو وصابر عليه عارفو تاهو ايجي واحد الوقت وايمشي على طريقهم..طريق مستقيم .. ..جا واحد نهار تنضمات فيه مسابقة فتجويد القرآن فأمريكا..طبعا ضاروري يحضرو..الاخ دا معاه الزوجة ديالو .ياسين كان اول مرة ايحضر لشي مسابقة خارج لبلاد.سافرو ..جلسو فواحد الاوطيل ..وفداك العام أمريكا كانت كتعاني من هجومات ارهابية..وفاخر نهار ليهم فأمريكا وقع نفجار فداك الاوطيل بالضبط فلكازينو ليعندهم ماتو بزاف دناس..دنيا تقلبات..جاو لبوليس...شرطة العلمية ..السرية..المهم كلشي.خصوصا وان مصاديرهم اكدو ليهم ان الارهابيين كانو معاهم فالاوطيل..حيت باش يقدرو يفجرو الكازينو خاص يكونو حافضين الاماكن مزيان.وعاد لغاو خدمة الكامرات فداك المدة ....وقع التفتيش..ومحاصرة المكان..ولاو كيشكو فاي واحد. عربي مسلم ..ومن سووء الحض العائلة الوحيدة المسلمة لي كانت حاجزة عندهم هي عائلة ياسين.. لقاو القبض عليهم كاملين حتى من مرات خوه..بداو فتحقيقات والاستجواب فين كنتي فساعة لفلانية..معامن كنتي.بطريقة صارمة.ماحتارموهمش..سبوهم وشتموهم ...جاوب الاب انهم كانو فلبيوت ديالهم نعسو بكري حيت تابعاهم طيارة فصباح بكري.وانهم جاو لهدف واحد وهو المسابقة فتجويد القرآن...تدخل واحد من الشهود. وقال انه شاف ياسين وخوه داخل الكازينو قبل الحادتة....كانت الصدمة قوية بالنسبة الاب..وفنفس الوقت تأكيد شكوك الشرطة الامريكية ..ما بقاش تسجواب عادي تحول لتعديب جسدي ..بأشد الطرق..تكرفسو عليهم مزيان..تلددو فتعديبهم..بصعقات كرباهية..بيتوهم معلقين مع الضرب نهار وليل بجوع والعطش..ومرات خوه كان عداب من نوع اخر..حيدو ليها حجابها..وتعرضات للاغتصاب من طرف الشرطة الامركية..كل ليلة كيغتاصبها واحد مع الضرب والجرح....الاب ماستحملش هاد العذاب مات ..موراه مات الاخ ...بقة هو ..كانت أسوء أيام حياتهم...حتى لواحد نهار قدرو يلقاو المجموعة الارهابية لي فجرات الكازينو..كانو متنكرين فلباس عادي.بلا لحية بلا والو .وواحد فيهم داير راسو مريكاني..ماشكوش فيهم كاع..واخة دارو تفتيش ..مشاو لهادوك لي باين عليهم الوقار والاب مكبر اللحية ولابسين لباس محتشم..قمة الغباء ....من مور هدشي كامل خرجو ياسين ومرات خوه من الحبس وحتى كلمة اعتدار ماسمعوها .بالعكس قالولهم دين الاسلام ماكيجي من موراه غير صداع وانه دين ارهابي .نصحوهم باش يبدلو ديانتهم لا بغاو يعيشو هانيين.ياسين تصدم من منضر مرات خوه وفحالتها كي ولات..رجع للمغريب ..بأب وأخ فصندوق الاموات..ومرات خوه حمقة..وهو مدمر نفسيا وجسمياا..ولي زاد كمل علييه..هو نهار الانفجار..طلع لبيتو باش ينعس ولكن ماجاهش النعاس..جاه لفضول ينزل يشوف لكازينو كيف داير.
[6/7 20:39] ss: مافنيتو والو ولكن باغي يعرف وصافي..نزلو ودخل لداخل وهو مبهور من لمكان..فيه ضجة ولبنات شبه عريانين كيشطحو ويشربو ناشطين عالم واحد اخوور..حتى كيحس بخوه حداه..تبعو فاش شافو خرج من شومبر تا دخل للكازينو ..شرح ليه انه مجرد فضول وصافي..خرج هو وخوه من لكازينو .وواعدو باش مايتكررش هدشي..ولكن باش ايفيد هدشي...التهور ديالو هو لي وصلو لهدشي كون كان معمر راسو بالله بحال خوه وباه..كون مافكرش حتى التفكير انه ينزل للكازينو يشوفو..تفكر لهضرة دباه فاش قاليه شيطان هدفو فهاد الدنيا هو ييوسوس لينا بما لا يرضي الله..ويجرنا لطريق الخطأ بعيد عن طريق الله..وايلا كان ايمانك بالله قوي راك أتغلب على وساويسو ....وهو فديك اللحضة عما ليه شيطان عنيه...ياسين ملي رجع للمغريب تعقد دخل فكآبة لمدة تلتشهور حقد على شي حاجة سميتها امريكا ..ولا الهدف ديالو يدمرهم كي دمرو ليه حياتو وحياة عائلتو..بدا كيفكر شغا يدير ..وبالصدفة واحد النهار كان دايز بالطوموبيل من واحد الزنقة خاوية لمح شي مجموعة ديال رجال واقفين وفيديهم سلاح وواحد اخور طايح فالارض كيترجاهم باش مايقتلوهش..نزل من طموبيل ..وقرب وتخبا وهو حاضيهم..شاف واحد كبير شوية فالسن باينة هو الزعيم ديالهم خدا سلاح وتيرا فيه ..من بعد ركبو فطوموبيلاتهم ومشاو..ياسين صور هدشي لي وقع كامل كانت فبالو فيكرة مشا دغية ركب فطوموبيلتو وتبعهم..بلا مايحسو عليه ..عرف فين كيتجمعو ..ولا كل نهار كيمشي كيراقبهم من لبعيد..لا حض واحد الحاجة ان هاد الزعيم..فوقاش ما كيجي لعندو شي حد كيغطي ليه راسو ويديرو ليه كاسك فهم انه ماباغي تاشي حد يعرفو...دازت ليام ولا عارف شكا يديرو وانهم من المافيات لكبار ..فكر مزيان .هز تصاور لي كان صور ومشا لعند الزعيم ديالهم تا لدار خلاوه يدخل فاش وراهم تصاور..ستقبلو البوص..وراه تصاور..البوص سولو علاش ماعطاهمش للبوليس ..ياسين قدر يقنعو انه الهدف ديالو من هدشي كامل هو يخدم معاه ويولي عضو من المافيا حيت محتاج لفلوس وتاواحد مابغة يخدمو حقد على كلشي..البوص تاق بيه وافق خصوصا فاش شاف انه عندو العزيمة باش يولي من المافيا. ياسين بدا كيخدم معاهم وهو عندو هدف فراسو..كسب تقة البوص تا ولا يديو ليمنى..ولا كيتشاور معاه فكلشي..دوز مدة معاهم..تا لواحد نهار لقاو البوص ميت بسكتة قلبية ..ياسين تكلف بدفين وبكلشي...البوص كان مريض بالقلب..وكيشرب واحد الدوة.خاص ياخد واحد الكمية مايزيد عليها ماينقص منها..ياسين زادو جرعة كبيرة منو عطاه شربو..لبوص نيشان جاتو سكتة قلبية حيت دوة مفعولو قوي..مات داك ساع ..ياسين خدا بلاصتو ولا هو لي كيتحكم فالعصابة ..مشا على نفس السيسطيم دلبوص تاواحد ماعارفو شكون...ولكن بدل بزاف دلحوايج..ولا كيتاجر غير فالاسلحة فقط...بهدف يدمر اي حاجة عندها علاقة بأمريكة. فجر كتر من اوطيل أمريكي ..وبنوك..وشركات..وملاهي..كزينوهات مطاعم..المهم كلشي...كل ما كيتفكر داكشي لي داروه فيه وفعائلتو كيزيد يحق عليهم..صعيبة بزاف
ياسين تنهد:هادي هي قصتي..ومانادم على تاشي حاجة درتها فيهم.حيت مارحموناش نهار طحنا فيديهم ..نار لي فقلبي مستحيل طفاا.لحد الان صورة خويا وباا ميتين بين عنيا ..ومرات خويا لي ولات حمقة فسبيطار ديال المختلين عقلياا حياتها ضاعت..ومي شحال بكات ..هدشي كامل عمري نساه ماحدي عاايش..كنلوم تا رااسي حيت تا انا كنت سباب فهدشي... يكفي عداب الضمير لي كنحس بيه ..
ناصر غير كيشوف فيه وهو مصدوم ماتوقعش هدشي كامل وقع ..بمجرد التفكير ضرو خاطرو..
ياسين حط ليه يديه على كتافو:ناصر انا مابيني وبينك والو..عندي هدف راني غادي عليه..مادخلش باش نبقاو انا وياك مزيانين..بلا مانخسرو الصداقة ديالنا..سير عيش حياتك مع مراتك وولادك..طاهرة راها بنت الناس تكرفسات معاك بزاف عوضها على داكشي لي فات. ..وانا غنبعد عليكم باش مانجبدش ليكم المشاكيل..انا حكيت ليك قصتي باش ماتاخدش عليا نضرة خايبة ..انا ماشي ارهابي وماشي من د اعيش كي كيقولو الصحافة والبوليس ..يلاه نخليك دابة
تم غادي وناصر كيشوف ففيه وكيفكر من بعد عيط ليه:ياسين وقف
ياسين وقف وشاف فيه..ناصر قرب لعندو:هي بصاح صعيب داكشي لي مريتي منو او بزاف..ولكن صافي براكة حبس هدشي وسير من لهنا..نسى هاد الانتقام..خوي لبلاد وسير عيش حياتك تانت .. ..مستاعد نعاونك تخرج خارج لبلاد وتمشي من لهنا بشرط تحبس هدشي
ياسين بقة كيشوف فيه شحال من بعد بتاسم:ناصر نت ماعشتيش داكشي لي عشتو انا..ماغاتحسش بياا..باقي مابرداتلي وعمرها غتبرد..مايمكنش نعيش حياتي وننسى الماضي..
ناصر:نت ديما كنتي كتقولي نسى لماضي وعيش حياتك..وخلي ايمانك بالله قوي وربي كبير غيعوضنا..شنو لفرق دابة شنو لي تبدل. زعمة راك كتعرف الله كتر منيي ...
ياسين:ماغاديش تفهمني..انا مختالف عليك
ناصر:لا راك غالط
ياسين تنهد:ناصر انا غنمشي دابة
تم غادي وهو يسمع صوت ناصر:عطيتك فرصة باش تمشي من لهنا وتنسة عليك الماضي وانا غنعاونك..ولكن نت مابغيتيش.
ياسين :ادن نت ضدي
[6/7 20:40] ss: ناصر قرب لعندو:لا ماشي ضدك..ولكن راه لاكملتي هكا أخرتك ايشدوك ويقتلوك
ياسين:كاينة موتة وحدة ياك
ناصر:ولمن اتخلي لارا
ياسين تنهد:لارا مراتي وكنبغيها ..بغات تبقة معايا راه غتبقة مابغاتش ماغانمنعهاش لقرار فيديها.
ناصر:ومافكرتيش فيها ملي غتعرف هدشي..شغا يوقع فيها
ياسين:داكشي بيني وبينها
ناصر:هي راه ختي وانا لي زوجتها بيك مانبغيهاش تأدى
ياسين:وانا ماغانأديهاش ..راني قات ليك الحل لي بغاتو انديرو معاها ..انا مشييت
ناصر:ادن لي فراسك فراسك
ياسين:لي بغيتي
ناصر:نت لي غتجبرني نكون ضدك
ياسين ركب فطوموبيلتو:واخة هكاك اتبقة صاحبي
ناصر تعصب قرب لعندو وضرب يديه فوق الطموبيل وغوت ليه فوجهو:وااااش ماباغيش تفهم راااه ايقتلووووووك..سير من لهنااا بعد وعيش حياتك مع مرااتك.
الرجال كاملين هزو سلاح على ناصر..ياسين دار ليهم اشارة باش ينزلو سلاحهم:ناصر انا صافي قررت هدا شحال..من نهار رجعت من امريكا حددت مصيري ورسمت حياتي كي غتولي مابقة عندي مانخسر بلا ما تصدع راسك معايا
ياسين شد باب الطوموبيل دور ساروت وكسيرا ورجالو تابعينو ..ناصر بقة واقف وهو كيغلي ملداخل..دوز يديه على شعرو وركب فطوموبيلتو ومشاا
عند امين وجنات
وصلها عند واليديها دخل جلس شوية وناض باش يمشي بحالو..كانت واقفة معاه فلباب :بسلامة ورد بالك لطريق
أمين كيشوف فيها:واخة..فوقاش نرجع موراك
جنات:ماعرفتش المهم تا لسيمانة الجاية
أمين:هدشي كامل.
جنات:بحرة نجلس مع ماما شوية
أمين حط يديه على كرشها:تهلايلي فولدي
بتاسمات:واخة
قرب باسها على خدها:بسلامة.
بتاسمات:بسلامة
ركب فطوموبيلتو خرج يديه من شجرم ودار ليها باي باي ومشا ..دخلات لدار وهي مبتاسمة. باغة تعرف قيمتها عندو ...
داز هاد نهار وجا نهار جديد
حلات عنيها فاش حسات بيه باسها على خدها شافت فيه وبتاسمات:صباح الخير
كمال:صباح النور
دورات يديها على عنقو وجراتو عندها خطفات بوسة على شفايفو وبعدات:كي صبحتي.
هزها بليزار ديالها وتم داخل بيها لحمام:بخيير ..
حيد ليها ليزار وبان جسمها لعاري..خدم رشاش ووقف هو وياها تحنت لما بدا كيدوش ليها ومرة مرة كيخطف ليها بوسة على شفايفها ..دوشو وخرجو لبسو عليهم
ملاك:اليوم اتاخدو عينة من الولد ياك
كمال:ااه..هاد النهار باش نقطعو الشك
ملاك:ايوا على الله..
تفكرات ياسين وتنهدات:وياسين
كمال:ياسين خاص يتعاقب
ملاك عندها ياسين عزيز واخة هكاك:ماكاين تاشي حل
كمال:للأسف لا
ملاك:مزال مامتيقة هدشي والله
كمال:كلشي ممكن فهاد الدنيا
قرب وباسها على خدها:انا مشيت راه تعطلت
ديني معاك غنمشي نشوف عماد
كمال:واخة بدلي عليك دغية
مشات بدلات عليها وخرجو مشاو لصبيطار..هي مشات عند عماد تشوفو كيبقة وهو مشا للمكتب دطبيب لي غيمشي معاهم للمقبرة ياخد عينة من لولد...
دازو ساعات
فالمقبرة ...كان لقبر محفور ..طبيب خدا عينة صغيرة من الولد ..(بلا مانوصف ليكم حالت اولد كيف ولات خخخ الله يدينا فالضو وصافي).من بعد رجعوه لبلاصتو . رجعو لصبيطار خداو من عماد تاهو عينة ودارو الاختبار..غيخرج فلبلاصة
[6/7 20:40] ss: كانو كاملين مجموعين وكيتسناو الطبيب يجي يعطيهم نتائج الاختبار ....
ليلى جالسة حدا عماد فوق البياص وشادة ليه فيديه متوترة وخايفة بزاف ...كلشي كان جالس على اعصابو
طاهرة:ليلى خاص توقعي اي حاجة
ليلى هزات راسها بااه
ناصر شاف فكمال:طبيبة لقيتوها ولا مزال
كمال:مازال ولكن غنلقاوها خلينا نتأكدو بعدة من نتيجة الاختبار
شوية دخل طبيب لعندهم ولورقة فيديهم كلشي شاف فيه كيتسناو شغا يقول
الطبيب مد لعماد الورقة باش يقراها. حلها وشاف داكشي لي مكتوب فيها.ليلى كانت مزيرة ليه على يديه كتسناه شغا يقول عماد شاف فيهم كاملين:ماشي ولدنا..رشاد بصاح بدل لولاد..ولدنا باقي عاايش
ليلى قلبها ولا كيضرب فلمية نزلو دموعها:ولدي بااقي عاايش. الحمد الله ياربي..عنقات عماد وهي كتبكي..عنقها تاهو
ليلى بعدات عليه:غادي نلقاوه ياك اعماد غادي تجيب ليا ولدي
عماد هز راسو باه:كوني هانية انجيبو تا لبين يديك
ليلى:فين يقدر يكون مسكين ..خاص نلقاوه فأقرب وقت ياك اعماد
عماد :اه
ليلى عنقاتو:الحمد الله ياربي
كلشي فرح ليهم غيديرو كتر من جهدهم باش يلقاو تاجدين..
بعد مرور أسبوع
أحمد:نااصر هاديييك راها بنتي كيفاش كتقولي ماتخافش سيمانة هدي ..ماسمعت عليها والو
ناصر:كتيق فيااا
احمد بقة ساكت
ناصر:ياسين ماغايأديهاش انا متأكد..هي لابغات ترجع راه غترجع..مابغاتش راه غتبقة معاه..ياسين ماشي من النوع لي غيبزز عليها.
أحمد:وايلا بغات تبقة معاه.
ناصر تنهد:حياتها هديك ..وياسين راجلها ماغايأديهاش
أحمد تنهد خايف بزاف على بنتوو
ناصر حط ليه يديه على كتافو:ماتخافش ..شتي ياسين واخة هكاك راه قلبو كبير ..وهو كيبغيها ماغايأديهاش
أحمد بقة غير ساكت كيحاول يصبر راسو
فجيهة وحدا خرا
كانت جالسة وكتفرج فتلفازة..كيهضرو على شي انفجار وقع لبارح..عصبها داكشي يلاه اتقلب وهي تبان ليها الصورة دياسين على شاشة ..تصدمات ناضت واقفة قربات لتلفازة باش تأكد..كيقولو انه هو سبب الانفجارات لي وقعو مؤخرا..وانه مطلبو دوليا للشرطة المغربة..والشرطة الامريكية..وخاص الناس ينتابهو ولي شاافو يتصل بيهم..لارا مامتيقاش داكشي لي كتشووف..حسات بالدوخة شدات فلفوطوي باش ماطيحش..جلسات وهي كترجف الدموع بداو كينزلو من عنيها..شافتو خارج من لبيت..شاف فالتلفازة وتنهد بقة غير كيشوف فيها..قرب لعندها وهي ترجع اللور خايفة منو..ياسين جلس حداها:ماتخافيش
لارا وهي كتبكي:ماتقيسنييش بعد مني...
ياسين:خليني نشرح ليك
ناضتمن حداه وصوت بكاها مسموع شافت فيه:كيفاش قدرتي دير هدشييي..ضحكتييي عليااا...نت ارهااابي قتااال...
بقات كتشهق وتبكيي بهسترية تصدمات منو..ياسين ناض عندها ماحملهاش تقول عليه ارهابي شدها من يديها وجرها لعندو بالسيف عليها وهي كتنتر منو وتغوت ..جلسها فوق الفطوي ماخلاهاش تنوض:لارا سمعيني مزيان شنو انقولك..من بعد سيري بحالك لا بغيتي
لارا كزال كتغوت:رخيييي منييي مابغيييت نسمع وااالو تقت فيييك
بقات كتشهق:ياااسين انا وليت كنبغيك بسبابك تبدلت ووليت هكاا..قلت نت هو الراجل لي يستاهل نبغيه..كفرت عن دنوبي ..ونسيت لارا لقديمة باش نبدا حياتي معاك..كنتي شي حاجة كبيرة فعيني اياسين..صدقتي ارهاااابي ..يكفي انني عشت وسط لمافيا حياتي كاملة..زدتيني دابة نت..ارهاااابي...بزااف هادشي بزااف واش انا مانستاهلش نعيش هانية..لول لي بغيتو ماكانش كيبغينيي .ودابة نت ..علاش اش درت ليييكم
وسكتات وهي كتبكي ..ياسين بقة غير كيشوف..نطق بهدوء:صافي ساليتي يمكن لي نهضر
شافت فيه:مابغيت نسمع والو
ياسين:غتسمعيني بالسيف عليك .داك ساع ديري لي بغيتي.
بغات تنوض وهو يرجع يجلسها:لاراا سمعيني لاخر مرة
بقات كتشوف فيه وهي كتبكي...عاود ليها قصتو كاملة
ياسين رخة منها:هدا هو انا ماشي ارهابي..انا غير واحد الشخص كيفش غليلو وصافي.لارا انا كنبغيك. واخة عمري تخايلت اني غنبغيك شي نهار ..ماجاتش فبالي ولكن بغيتك..لارا ما غنأديكش وماغانبززجش عليك تبقاي معايا..بغيتي تمشي سيري..ولكن ديري حاجة وحدة فبالك انك اول وحدة انبغيها فحياتي واخر وحدة..كي كتشوفي انا حياتي مامضموناش..المشاكل بزاف..لي درتيها انا معاك
وناض من حداها...لارا وقفات هي كتشوف فيه هضرتو كتعاود فدماغها قربات لعندو:دابة انا لا قلت ليك بعد من هدشي ماغاتبعدش ياك.
ياسين:لا
لارا غمضات عنيها ورجعات حلاتهم ودموع نازلين:ولكن انا كنبغيك أياسين نت راجلي..خاص نكون معاك فلحلوة والمرة..واخة عارفة ان هدشي اخيرتو ...
وسكتات ورجعات كملات:انا غنبقة معاك حتى لموت اياسين..
وعنقاتو وهي كتبكي بتاسم وعنقها تاهو همس ليها:كنبغيك
لارا:تا اناا
بعد وهو كيمسح ليها فدموعها:خاص نبدلو لبلاصة صافي
هزات راسها باه
ياسين:جمعي حوايجك
لارا:واخة
باسها على راسها ومشات تجمع حوايجها..باش يبدلو لبلاصة لبوليس كيقلبو
[6/7 20:42] ss: كانو فالمكتب دكمال
كيتسمع صوت بكاهاا..كانت كتشوف فيها كي كتبكي
كمال:شوفي راك ما اتخرجيش من لهنا تا تعتارفي وتقولينا فين درتو لولد
الطبيبة وهي كتبكي:كنقسم ليك ماعارفة. عطيتولو وهو خداه من تم ماعاودت شفتو..
كمال ضرب يديه فوق المكتب تا قفزات:هاد الهضرة من قبيلة ونتي كتقوليها حنا ماشي مكلخين.
الطبيبة :سي الكوميسير..والله ماعارفة شي حاجة..كوما هددنيش بولدي والله ماكنت اندير داكشي..هو ختاطفلي ولدي وقالي ايقتلو لما عطيتوش الولد خفت بزااف على ولدي..وغير هو لي عندي
وسكتات وهي كتبكي
ليلى قربات لعندها:ولدك هو لي على برة
الطبيبة هزات راسها باه
ليلى خرجات شافتو جالس فوق الكرسي باينة فيه خايف وكيتسنة ماماه تخرج وحداه بوليسي حاضيه..كان صغير يكون عندو داك 6 ولا 5 سنين قربات لعندو وتحنات :حبيبي ماتخافش
شاف فيها بعويناتو فيهم الخوف :ماما فين هي
بتاسمات:هاهي جاية..امم بغيت نسولك
هز راسو باه
ليلى:واش بصاح ختاطفك الشرير ونقداتك ماماك
هز راسو باه:وكان عندو لموص وحطو ليا هنا
حط يديه على عنقو
كيهضر وهو خايف..ليلى عنقاتو:صافي اماما ماتخافش..هو ماغايوليش يجي ليك
هز راسو وشاف فيها:بغيت ماما
ليلى:واخة هاهي تجي لعندك دابة
ناضت ودخلات للمكتب قربات عند طبيبة:عفاك لا كنتي عارفة فين ولدي قوليهالي راه قلبي محروق.راك تانتي ام وغتحسي بيا .رشاد مات ماعندكش مناش تخافي
الطبيبة:كنقسم ليك أختي ماعارفة..راني حاسة بيك والله..ولكن هو لي جبرني نعاونو سمحيلي عفاك
ليلى:صافي سيري عند ولدك ماتخليهش بوحدو
عماد:كيفاش
ليلى شافت فيه:شنو دنبها لاكان هو هددها بولدها..كون كنت تا انا فبلاصتها كنت اندير نفس شي..هي دارت هدشي على قبل ولدها ..صافي غير سيري اختي..انا ماغانرفع تاشي دعوة عليك..
طبيبة :شكراا بزااف..قلبك بيض..ماتصوريش شحال فرحتيني..ربي ماغايخيبكش أختي وان شاء الله تلقاي ولدك قريب
ليلى:ان شاء الله
كمال وعماد بقاو غير كيشوفو..طبيبة خرجات غير شافها ولدها تلاح عليها عنقها هزاتو بين يديها وخرجات ..
عند ليلى
ليلى جلسات فوق الكرسي وهي كتبكي:واش انا ماغانلقاش ولدي
عماد تحنة لعندها:غنلقاوه ان شاء الله ماتخافيش
ليلى شافت فيه:خايفة مانلقاهش..وعمري نشوف ولدي
عماد:تيقي فيا راه غنلقاوه
عنقها وهي كتبكي:نوضي نمشيو..راه لبوليس كيقلبو حتى رجال ديالي كيقلبو..وناصر وامين...كلشي كيقلب..ماعندك مناش تخافي
هزات راسها باه وناضت ..خرجات هي وياه مشاو لدار
عند أمين
كان كيوجد راسو باش يمشي لخدمة حل لبلاكار وهو يشوف حوايجها..تنهد..خدا لفيست وشد لبلاكار..ووقف كيفكر فيها..هاد سيمانة كلها مازالتش من بالو حس بفراغ كبير وهي ماكايناش.مابقاش كيبات فدار بزاف..ولا كيبات فالاوطيل ..تنهد خدا طليفون ودوز نمرتها بقة كيصوني شحال وماجاوباتش..رجع صونا مرة وجوج وتلاتة اوالو ماكاتجاوبش..صيفط ليها ميساج (لاش دايرة داك الطليفون ملي ما اتجاوبيش)
صيفطو وخشاه فجيبو وخرج ركب فطوموبيلتو وكسيرا...جبد طليفون كيشوف واش جاوباتو تنهد فاش مالقا والو رجع صونا عليها
عند جنات
كانت مبتاسمة من لبارح وهو كيصوني وماكاتجاوبوش..باغاه يعرف بقيمتها كتر ...قرات المساج ديالو وضحكات..كتبات ليه(هنا )
امين وقف الطموبيل فالجنب فاش شاف ميساج منها فتحو وقرا (هنا)
علا حاجبو ستافزو ردها..كيفاش من لبارح وهو يصوني ويصيفط فلمساجات.تا تشوش عليها وعيط لمها قالتلو راها ناعسة وما بيها والو .ودابة جاوباتو بهنا..بكل برودة...دوز نمرتها داك ساع بقا كيصوني شحال عاد جاوبات:وي أمين
أمين باقي ماستوعب برودها:عرفتي شغا ديري وجدي راسك انا دابة شاد.طريق لعندك
جنات:أمين مزال باغة نجلس مع دارنا
أمين:راني هضرت
وقطع عليها. جنات بتاسمات وناضت كطير كتجمع حوايجها فشانطة وتشوف شغا تلبس ..
امين بدل طريق ..نيشان لطريق لوطوروت...كان سايق بالجهد...
دازو ساعات..كان قدام دارهم..نزل ودق حلات ليه مات جنات الباب..ستقبلاتو سلم عليها ودخل..جلس ..حطو ليه ضيافة وهي مزال مانزلات..كان كيهضر وعنيه على دروج كيتسناها تنزل..شاف الخدمة مهبطة شانطة ديالها..عطاها ساروت طوموبيل باش تحطها فالكوفر:جنات فين هي
الخدامة:هاهي نازلة اسيدي
الام:ولدي لاش هاد الزربة كون غير بقيتو معانا مزال
امين:مرة الجاية. فهاد ليام مزير بالخدمة
الاب:فيها خير اولدي
شوية شافها نزلة من دروج بلا مايحس وقف ومشا لعندها..بقة كيشوف فيها..كانت مقادة راسها مزيان..جات كيوت..شعرها كحل مطلوق على كتافها ..ولابسة بودي باج لاسق عليها.عندو فتحة من جيهت الصدر مبيناه شوية. مع سروال تجنس..فيه تقاطع. طالع تا لكرشها..مدخلة فيه البودي..وفرجليها صباط طالون فنفس لون لبودي..مع مكياج خفيف ..كيوت..امين سها فيها تا فيقو صوتها:على سلامتك
أمين حس على راسو:الله يسلمك..يلاه زيدي نمشيو
جنات:خلينا نجلسو شوية معاهم.باقي ماشبعت من عائلتي
أمين :اهاا..سيمانة كاملة ومزال باغة تجلسي.زيدي نمشيو راه تابعني شغال
[6/7 20:42] ss: جنات فرحانة ..وماباغاش تبين هي اصلا باغة ترجع معاه توحشاتو غير كتبوحط:صافي واخة
مشاو سلمو على مها وباها خرجو ركبو فطوموبيل ..كان سايق وساكت..وعنيه على طريق..جنات كتشوف فيه..وترها هاد الاهدوء خافت يكون تقلق بصاح ويرجعو كي كانو بدات كتخاف..
أمين وعنيه على طريق:كي بقيتي مزيان
جنات عاد رجعات فيها الروح:الحمد الله ونت
امين شاف وجر يديها لعندو وباسها ورجع شاف فالطريق:دابة وليت مزيان
قلبها ولا كيضرب فلمية
امين بصوت حنين:توحشتك
جنات غطير بالفرحة بتاسمات وهي كتشوف فيه:واش بصاح
امين جرها لعندو حطات راسها على كتافو :اه توحشتك او بزاف
بتاسمات وعلات راسها وشافت فيه:ماتصورش شحال فرحانة
امين بتاسم:جنات
جنات:نعام
امين:صافي والو
جنات:لا عفاك قولي ايبقة راسي كيضرني
امين باسها على خدها:دابة انا سايق تا نوصلو خاص نكون مركز حيت هاد الهضرة مهمة
تنهدات:صافي واخة اجا ما صبرني
بتاسم وكمال سوقانو
دازو ساعات كانو فدار..دخلو وجلسو..جنات كتسناه يهضر بلعات ريقها ماقدراتش تصبر:أمييين شتك نسيتي .وقولي لهضرة لي غتقول
امين بتاسم:ماناسيش
جنات قربات لعندو:وصافي قولي
امين بقا كيشوف فيها شحال شد ليها فيديها بجوج وباسهم بجوج وهمس ليها:كنبغيك
جنات ضربها الضو ماتوقعاتهاش كااع عارفاه كيحس بشي حاجة..وعارفاه ولا كيميل ليها.ولكن ماتوقعاتوش يعتارف بيها دابة ..تغرغرو عنيها بالدموع
امين:بطيبتك وحنانك قدرتي تخليني نبغيك..صبرتي عليا بزاف وتحملتي هضرتي وتصرفاتي لقاسية معاك.قدرتي تخليني ننسى الحب لول .كنت كنقول عمري ننساها ولكن وقع العكس.. .فهاد سيمانة زدت تأكدت اني كنبغيك..خليتي بلاصتك..وعرفت قيمتك.قلالو الناس بحالك ..انا محضوض حيت نتي مراتي وام ولدي ..
عنقاتو وهي اطير بالفرحة هضرتو أترات فيها..حاسة انها أسعد وحدة فهاد الدنيا الراجل لي كتبغيه اخيرا عتارف بحبو ليها.. كانت كتقول مستحيل يبغيها ولكن ربي ماخيبهاش..بعدات عليه:امين انا فرحانة بزاف كنبغييييييك
ورجعات عنقاتو وهي كضحك..بتاسم وعنقها تاهو :كنواعدك كلشي ايكون مزيان
هزات راسها باه وهي معنقاه:عارفة ..لي كنت باغاه وقع شنو بغيت كتر..اكيد كلشي ايكون مزيان
نمشيو لبلاصة وحدا خرا
كان جالس هو وياها فالجردة..وهاز فيديه يوسف..وهي هازة بدر..وامونة فلكروسة ..
طاهرة شافت فيه كان ساهي ..وكيشوف فولدو
طاهرة:فاش كتفكر
ناصر تنهد:كنفكر واش ولادي غيطلعو بحالي
شاف فيها:مابغيتهمش يشبهولي..مابغيتهمش يرتاكبو نفس الاغلاط لي رتاكبت انا..يلعبو بقلوب بنات ناس..وبزاف دلحوايج..
شاف فأمونة:نخاف بنتي تخلص داكشي لي درت..شحال من وحدة دعات فيا..
طاهرة تنهدات:نت تبدلتي..ماتفكرش فهادشي..وعلاش لي مايشبهولكش.راه عندك جانب زوين فشخصيتك نت اب مزيان . شخصيتك لقديمة كانت بسباب داكشي لي عشتيه..ماتخافش ماغايوقع والو من هدشي لي قلتي
بتاسم ليها وجر يديها لعندو باسها:كنبغيك
بتاسمات:تا انا
ناصر:نرجعو لدار
طاهرة:واخة
ناض وحط يوسف فبلاصتو..وخدا منها امين وحطو تاهو فبلاصتو حدا خوه.كانت كريريسة ديال توام.هزاهم بتلاتة..شاف فأمونة كتشوف فيه وكتضحك تحنا لعندها وباسها وبقا كيضحك معاها:بغيتي باباك يهزك
أمونة كتمد ليه يديداتها باش يهزها..هزها بين يديه وباسها.بدا كيقفزها لفوق وطاهرة واقفة وكتشوف فيهم وهي مبتاسمة عاجبها لحال فرحانة كل نهار كيزيد حبها ليه.ولوليداتها..هاد الاعائلة الصغيرة هي حياتها..ناصر شاف فيها وبتاسم..رجع أمونة لبلاصتها وجر لعندو طاهرة باسها على خدها وخشا يديها فدراعو وجر لكروسة ..وهوما كيتمشاو فالحديقة..وناس كيشوفو فيهم كيبانو عائلة زوينة..وصلو لطوموبيل ركبو ومشاو لدار
[6/7 20:43] ss: نهار جديد
كانت جالسة وكتشوف فالساعة تعطل وليل هدا ..خافت تكون وقعات ليه شي حاجة جبدات طليفونها شراه ليها جديد صونات عليه او والو نفس شي ماكايجاوبش..تنهدات بقات غادة جاية فدار جالسة على اعصابها
فجيهة لوخرا
نزل من طوموبيل..وموراه واحد من رجالو..
دخلو لداخل كان صوت الموسيقى مرتافع..وصلو لدخلة دلكازينو كانو واقفين جوج بيادر..شافو فيهم
البيدور كيطلع ويهبط فيه هضر بالانجلش:اماراتي ولا ساعودي
الشخص لي معاه:ايماراتي
البيدور شاف فيه مزيان كان لابس لباس ديال سواعدة .(توب وغترة وشماغ) ووجهو ماباينش مزيان باللحية لي مغطياه وعنيه مكحلين :ومالو ماكايهضرش هو
الشخص:ماكايعرفش يدوي بالانجلش
البيدو شاف فصاحبو:خليجي غبي..
رجع شاف فيه :5دمليون لدخلة
مد ليه لفلوس
الشخص:هاهي 8 دلمليون امراتية
البيدور خداها وشاف فصاحبو:بلا مانفتشوهم 😉
وفتح ليهم الطريق
دخلو لداخل . كيشوفو علام اخور بنات شبه عاريين. وفالاصل هوما رجال شادين جنسيا ..ودارو تحويل فالجنس ديالهم..هاد لكازينو خاص بالشواد جنسيا ..للدعارة..مولاه امريكي فتح هاد لكازينو فالمغرب ..باش يزيد يشجع على هاد الضاهرة كيعطيهم زعمة تاهوما حقوقهم ..وهو فالاصل كيربح لفلوس من مور هاد الكازينو..حيت كيجيو ليه بزاف دلكليان شادين جنسيا..كيحطو فالدخلة 5 دلمليون عاد فاش كيدخلو خاص يخلصو لا بغاو يلبيو غريزتهم الشهوانية مع راجل بحالهم غير هو داير التجميل مرجع راسو بنت..اغلب لكليان من لخاليج وبالضبط من الايمارات..منتاشرة عندهم هاد القاضية..عندهم نقص فالرجولة ..ماعلينا
دخل وجلس وهو كيوزع نضراتو على لكازينو كيشوف راجل مع راجل.فوضعية حقيرة ..رجع بداكيرتو اللور..الاوطيل لي كان جالس فيه هو وعائلتو مولاه هو نفسو مول هاد الكازينو..داك نهار مارحمهمش وطالب لبوليس باش يعدبوهم واخة مامتأدكش من انهم ارهابيين..دابة هاهو جا تا لبين يديه..ومن حسن حضو..هو حاضر فالكازينو ...شاف فالشخص وعطاه اشارة
الشخص جبد طليفونو ودوز شي نمرة:شنو درتي...صافي واخة
قطع وشاف فياسين:سيدي راه عطل كامرات المراقبة:مزيان نوض نبداو باش نمشيو بحالنا من هاد لبلاصة لمسخة
يلاه اينوض وهو يوقف عليه واحد من شواد..لي مايعرفوش يحلف عليه بنت
الشاذ:حبيبي وين رايح
ياسين ستحقرو بعنيه.
الشاذ:اووفا عليك.ليش بس اكيد تعبان..وتبي مين يدلعك..اقول خلينا نروح لأقرب غرفة أعدلك مزاجك هههه😉
الشخص بالانجلش:من بعد نمشيو للحمام ونجيو
الشاذ:اوكي هنا كنتسنة
ياسين قبل ينوض كان خاشي فلكم ديالو واحد لقنبولة صغيورة.حطها تحت طبلة وناض..الشخص..دار نفس الشي فالطبلة لي حداهم بلا مايحسو لوخرين اصلا كلشي مرفوع كيشطحو ويغنيو مامسوقينش. ..ياسين دخل للحمام...لسق تحت لفابو قنبولة وخرج..دار اشارة لشخص باش يخرجو..لي تاهو قدر يوزرع كمية من لقنابل فبلايص متفرقين. خرجو من لكازينو ركبو فطوموبيل..
ياسين دوز شي نمرة:صافي غير نفد
تواني معدودة وهوما يسمعو صوت الانفجار
ياسين زااد فالسرعة تابعدو على لبلاصة وقف الطوموبيل فالجنب جبد شي فلوس :هاك هادي وغبر ..
الشخص كيشوف بزاف ديال لفلوس مافاهم والو :واخة اسيدي ولكن
ياسين:نزل دابة ..وسير بحالك..نسا شي حاجة سميتها لمافية
الشخص:واخة شكرا بزاف
ياسين بقة كيشوف فيه وهو نازل ..دور ساروت كسيرا بالجهد تا وصل حدا الدار..قبل ينزل حيد داك لحية لي كان داير على وجهو ومسح عنيه من لكحول..وحيد داكشي من فوق راسو..بقة غير بلبدعية.كون مشا بلباس عادي وبصفة مغربي غيفتشوف فبحال هاد لحالات ماكايشكوش فالخاليجيين خاص غا لفلوس.نزل من طوموبيل ودخل لدار. غير شافتو جات عندو بالزربة وعنقاتو:ياااسين فين غبرتي..خفت عليك بزاف
ياسين بتاسم:غي مع شي خدمة
لارا بعدات عليه:خلعتيني عليك ..تا طليفون ماجاوبتيش فيه
ياسين جرها من يديها وجلسو فوق الفطوي:هنا معاك دابة
لارا:واخة غير المرة الجاية بدا تجاوب على طليفونك
ياسين خطف بوسة على شفايفها:واخة
بتاسمات:تعشيتي
ياسين بتاسم:مازال
لارا:نوض نحط ليك لعشة
يلاه بغات تنوض وهو يجرها من يديها تا طاحت فوقو:بغيتك نتي مابغيتش لماكلة
بتاسمات وهي كتشوفو كيقرب لشفايفها..دخلو فقبلة دافية..حسات بيه كيهبط ليها سميطات دسوميج.حيدها ليها وهزها بين يديه ودخلها لبيت..
جا نهار جديد
كانت دنيا مقلوبة وصحافة كتصور ..لبوليس منتاشرين فكل مكان. كيخرجو جتت محروقة من لكازينو..لي ولا كلو رماد..كمال كان واقف وكيشوف فهاد المنضر لي قدامو متأكد انه ياسين هو مول هاد لفعلة اصلا باينة..تدخلات الشرطة الامريكية وطالبو الحكومة المغربية باش يتكلفو بهاد القضية كيقولو ان هدشي زاد عن حدو ..وللاسف قبلو الطلب ديالهم وعطاو الموافقة للشرطة الامريكية باش تعاون مع الشرطة المغربية ويشدو هاد الارهابي على حساب قولهم باش يتهناو منو
كمال من بعد ماسلا التحقيق ركب فطوموبيلتو وكسيرا دوز النمرة دناصر بقا كيصوني فتالي جابو:الو
كمال:قريتي داكشي
ناصر تنهد:اه
كمال:دابة ولا معروف غيتشد غيتشد
[6/7 20:44] ss: ناصر بقة غير ساكت
كمال:واش عارف شي حاجة
ناصر:كمال انقولك واحد الحاجة ..ياسين لا جا بين يديا غنجيبو تا لعندك ولكن عفيني من قضية اني نقلب عليه ونتبعو..ياك كنتي باغي تعرف شكون هو البوص صافي عاوناك تعرفو شكون دير خدمتك دابة.ياسين راه صاحبي اه غلط ولكن ماشي لخاطرو
كمال تنهد عارف كلشي ناصر عاود ليه:ناصر دابة القضية دخلات فيها تا الشرطة الأمريكية قدمو طلب باش يتعاونو معانا بحجة انهم هوما المستهدفين من هاد التفجيرات.وللاسف قبلو الطلب ديالهم ومن اليوم ايبداو البحت ..ياسين ولات حياتو فخطار.راه لا تشد ايقتلوه.من الاحسن يسلم راسو وانا بيدي انعاونو باش ما يتأداش.وأنطرح المشكل ديالو قدام القاضي والحكومة الدولية وللضلم لي تعرض ليه هو وعائلتو باش كلشي يعرف الاسباب ..ناصر انعطيك فرصة تلقاه بينك وبينو وتشرح ليه هدشي باش يجي يسلم راسو
ناصر تنهد :غنحاول
كمال:انا عارفك تقدر توصل تا لعندو
ناصر بقة غير ساكت:نخليك دابة
كمال:فكر فهضرتي
ناصر:ان شاء الله
وقطع
دازو ساعات
ناصر كان راكب فطوموبيلتو عيط لعماد:قدرتي تعرف بلاصتو
عماد قدر يقاد لبرنامج لي كان خدام عليه باش يقدر يختارق الهاتف السري:اه سجل العنوان عندك
ناصر سجل العنوان:تبارك الله عليك
عماد:هانية
قطع وشاف فأحمد لي راكب حداه:أحمد مابغيتكش دير شي حاجة ماشي هي هديك
أحمد:انا باغي نهضر غير مع بنتي
ناصر هز راسو باه ..ودور ساروت من بعد ما تأكد انه تاشي حد ما تابعو..خرج على لمدينة وشد.طريق لطوروت فتجاه مدينة وحدا خرا..دازو سعات ماحسش بيها كي دازت وصل للمدينة..جبد طليفونو تأكد من العنوان تنهد وبقا سايق بالشوية.دخل فواحد لحي راقي جاي بعيد على سونطر دلمدينة.معزول..كل شوية كيشوف فالعنوان حتى وصل قدام واحد الدار بعيدة على ديور لوخرين ..كانو واقفين جوج رجال على برة
ناصر:خليك هنا
نزل وقرب لعندهم غير شافوه عرفوه بقة شي كيشوف فشي ..واحد فيهم شاف واش جايب معاه شي بوليس ولا شي حاجة
ناصر:بغيت ندوي مع ياسين
واحد فيه جبد سلاحو وحطو ليه الى راسو:ما تحركش
ولاخور مشا عند احمد ونزلو من طوموبيل ومتبت سلاح عليه هضر فلكيت لي فودنيه:سيدي الزعيم جا هو وشي حد معاه..واخة اسيدي
ناصر واقف وكيتصنت لهضرتو
نزلو السلاح وحلو لباب:تفضلو
دخلو بجوج لدار لداخل مشاو لصالة وبقاو واقفين كيتسناوه ااحمد باغي يشوف غير بنتو..كان جالس على اعصابو..شوية كيسمعها كتعيط لييه دار لجيهت الدروج كانت نازلة كتجري :بااااابي
بتاسم فاش تلاحت عليه وعنقاتو..عنقها تاهو بالجهد دفنات راسها فصدرو وهي كتبكي :توحشتك بزاف ابابي
احمد بتاسم وهز راسها بين يديه:تا انا ابنتي
وباسس ليها راسها وبعد وهو كيشوف فيها واش لاباس واش واقعة ليها شي حاجة:بنتي واش كلشي مزيان
هزات راسها باه:انا لاباس ابابي
ورجعات عنقاتو باغة تشبع منو
ناصر كان كيشوف فيهم حتى كيشوفو نازل من الدروج وتسابيح فيديه وقف حداهم:مرحبا
احمد شاف فيه بلا تاشي كلمة
ياسين:اجي نجلسو ما تبقاوش واقفين
جلسو واحمد شاد فيد بنتو
لارا:نوض نوجد ليكم قهوة
ناضت ودخلات الكوزينة توجد ليهم الضيافة
كانو ساكتين ماكايهضروش
ياسين:احم شنو سر هاد المجية
ناصر شاف فيه:راك عارف
ياسين بتاسم:ماعارف والو
ناصر:القضية دخلات فيها الشرطة الامريكية
ياسين:ماكايهمنيش
ناصر وقف وقرب لعندو:سلم راسك حيت لا شدوك ايقتلوك.كمال غيطرح المشكل ديالك..وتاواحد ماغيرضى بالضلم لي تعردتي ليه من امريكا.
ياسين وقف وقاطعو:ناصر ماغانسلمش راسي.مابقيت كنتيق فتاشي حد انا قررت غنهز مراتي وانمشي من لهنا.فكرت فهضرتك داك النهار وغندير داكشي لي قلتي على قبل لارا صافي
احمد غير سمع هاد الهضرة ناض:كيفاش اتدي معاك لارا واش باغي تدمر حياة بنتي معاك.بنتي اتمشي معايا
لارا كانت خارجة من الكوزينة وفيديها صنية دلقهوة :بابي انا راحتي مع راجلي مشاكيلو هوما مشاكيلي فين ما مشا انمشي معاه
حطات صنية فوق الطبلة وقربات لعند باها شدات ليه يديه وباستها:بنتك كبرات ومابقاتش صغيرة وليت معتامدة على راسي .ياك نت لي قلتيلي خاص نعيش حياتي كيف بغيت.ومع الشخص لي كيبغيني وعارف بقيمتي..وانا هدشي لقيتو مع ياسين راجلي لي كيبغيني وكنبغيه.مانقدش نتخلى عليه
أحمد كيشوف فيها بخوف خايف توقع ليها شي حاجة:صافي دغية صخيتي بيا مابقيتش باباك لي كيبغيك والوحيد لي كيفهمك وكيخاف عليك
لارا بتاسمات:باقي باابي هو باابي نت فقلبي عمرك اتحيد ولكن دابة بزاف دلحوايج تبدلو حياتي ولات مرتابطة مع راجلي..خاص تفهمني
احمد:مانقدش نخليك تبقاي معاه خايف عليك بزااف ابنتي
لارا:انا مع واحد كيبغيني وكيخاف عليا بحالك تماما ماغايخلينيش نتأدة ماتخافيش علياا
احمد:ولكن
لارا:صافي ابابي كون هاني ماغا يوقع والو
احمد بعد عليها وعطاها بالضهر:نتي لي قررتي ادن تحملي العواقيب ديالك
لارا عنقاتو من ضهرو:كنبغيييك ابابي بزااف ولكن راه ولات عندي حياة جديدة
[6/7 20:44] ss: ياسين قرب لعندو:احمد ماتخافش على لارا راه نفديها بحياتي وما يوقع ليها والو
ناصر قرب عند ياسين :خاص تمشيو فأقرب وقت
ياسين شاف فيه:كلشي واجد هاد ليلة انخويو لبلاد وانمشيو من لهنا فمرا
ناصر:فين اتمشيو
ياسين بتاسم وشاف فلارا:انمشيو نعيشو فالسعودية فمكة المكرمة
لارا بتاسمات:اه
ياسين رجع شاف فناصر:قاديت كلشي.خاص غير نمشيو
ناصر:انا غنعاونك فداكشي دلمطار.باش دوزو بأمان
ياسين:ان شاء الله..
لارا:ياسين قاد لينا باصبورات بسميات مزورين
ناصر شاف فياسن:والحاجة
ياسين:الحاجة سبقاتنا هدا شحال راها تماك
لارا كتهضر وتشوف فباها:كلشي ايولي مزيان نهار تهدن الاوضاع غنرجعو نشوفوكم.وتانتومت اتجيو عندنا
احمد غير ساكت ماجاوبهاش شاف فناصر:ناصر صافي يلاه نمشيو
ناصر شاف فياسين :انا غنزيد نأمن ليكم المطار عطيني غير الوقت لي اتمشيو فيه
ياسين:انا راه قاديت كلشي مايحتاجش
ناصر:واخة هكاك غير عطيني المعلومات
ياسين عطاه المعلومات لي غيحتاج
ناصر:صافي واخة
أحمد مشا ووقف حدا لباب:زيد نمشيو
لارا بقة فيها باها مشات لعندو:بابي واش مقلق مني
أحمد:راكي قلتيها نتي كبرتي ووليتي عارفة راسك شكا ديري.
عنقاتو:غنتوحشك ابابي
احمد عية صابر عنقها تاهو:تهلاي فراسك
بتاسمات وشافت فيه:اتبقة ديما فبالي
بقة كيشوف فيها مالقة مايقول رجع عنقها بالجهد وبعد عليها وخرج خلاها واقفة ودموع مغرغرين فعنيها..ناصر تبعو وخرج تاهو شاف فأحمد واقف
ناصر:كون هاني كلشي ايكون مزيان
احمد ركب فطوموبيل بلا تاشي كلمة ناصر تنهد وركب حتى هو دور ساروا وديمارا..وقع الصمت..احمد فهاد اللحضة كان كيسترجع دكرياتو مع بنتو فاش يلاه تولدات ..فاش اول مرة قالت بابي فاش بدات تكبر..دخلات المدرسة..المهيم جميع اللحضات دازو فبالو ماقدرش يحبس دموعو..بدا كيبكي على بنتو الوحيدة
ناصر دور وجهو وشاف فيه تنهد وقف الطموبيل فالجنب وشاف فيه بلا تاشي كلمة
احمد شوية بشوية بدا كيرتافع صوتو بلبكة كيبكي بحرقة
ناصر بقة فيه حط يدو على كتافو:ماتخافش عليها
احمد بصوت باكي:راها بنتي الوحيدة
ناصر:غير تقاد الامور اتبدا تجي تشوفك
احمد مسح دموعو :ماعندي ماندير من غير ندعي ليها وصافي
ناصر:ياسين غيتهلا فيها كون هاني من هاد الناحية
احمد دور وجهو لجيهت الشرجم وهو كيمسح فدموعو:كنتمنى. حيت بيدي غنقتلو لا وقعات ليها شي حاجة
ناصر ديمارا الطموبيل وكمل السوقان