حبيبي هتلر (الجزء الاول) | قصص رومانسية بالدارجة المغربية

لجزء 1: 🔥حبيبي هتلر🔥

للكاتبة: 🍓maryam Hibibi🍓 في مدينة *القنيطرة* فواحد المكان سميتوا العلامة ..وبالضبط في القيادة السابعة كانت واحد دار عاد تبنات باين عليها مامبنياش على الصح ..حداها كاميوا كبير عامر بالاثات ..والعمال غادين جاينين كدخلوه ..وحدا لباب واقفة واحد البنت ..جامعا شعرها بشكل مهمل وخصلات منوا طايحة على عينيها ومدايرة نضارات قاع الكاس ولابسة صاية كاروات بالون الابيض والبرتقالي الغامق ومفرفرة بزاف وقبية ديال دراري في الباج ....بنت مكتهتمش براااسها في مرة رغم انها جميلة بعيونها البنية لي كضهر فيهم لمعان متألق غريب عن كل العيون مما كعطيهم اثارة خاصة الشكل...حنيكاتها كرزين بحال ورود الجوري المشهورة بلونها الوردي الهادئ وفمها الاحمر كلون الدم..شعر اسود قاتم مخلط مع اللون البني البارد ..فورمتها حوثة ..صدر واقف ومقلز ههه ومؤخرة عبارة عن وسادة امريكية من النوع الرفيع..لكن مع كل هالد الهضاب وهاد سهول ههه مكتهتمش براسها..من ما كخليها تبان ابشع بنت 

_انا: با وبا وفيا جوع 

_محمد: وتسناي ابنتي قربنا نساليو

_انا:اف ابا راني عيت

_محمد;:هاحنا سالينا ..يالاه دخلي ابنتي الله يرضي عليك

_انا :يالاه

دخلنا لدار لي اول مرة عنشوفها..اف يارب يريحة لغمولية ولغبرة والحيوطة من سيما ممصبغينش اش هادشي اربي 

_انا :هاحاي اميمتي

_محمد: مالكي ابنت

_انا :عنسكنوا هنا

_محمد: اه ابنتي كيجاتك

_انا :كي الجلاخة 

_محمد: لاواه لاواه ههه هادشي ديال بكري شوفي شوفي ديران بكري

انا: اش عنشوف ..الله يرحم باك لاماوريني بيتي

_محمد: راهو لهيه

_انا:علاش ماشي فدارنا جوج طبقات 

_محمد: طبقة كافيانا

_نا :اه تبارك الله ..انا غادة للبيت 

_محمد: سيري ابنتي الله يرضي عليك

_مشيت: كنجري لبيت وكنحلم عيكون غوز وناموسية غوزية وماريوا في البيض وفيه هيلوكاتي ههه او حمام كبير بحال القصص خخ وبحالي كتحلم بيه أي بنت ولكن غير دخلت وهي تشدني الجلطة الدماغية خخخ

كان واحد البيت اش نكوليكم ..طواليط حاشاك ..سداري بوكريشة في القنت او ماريوا ياربي سلامة شاد زيكزاكي شويا ويطيح او مكاينش طواليط او الحيوطة من جير فين احلامي هئ هئ

سمحوا ليا معرفتش راسي سميتي لجين عمري 18 عام ولعام جاي عنقرا في الجامعة وخا معرفاش فين لمهم دابا العطلة وصافي هه بزز باش نجحت في الباك ب 10.00 نيشان.. زوينة مي مكنديهاش فراسي (وصفتها قبل) .. شداتني البكية على زهري العوج او شديت تلفون نهضر مع صاحبتي زينة لي كتسكن في الرباط كنعرفها كانت كتسكن حدايا وصديقتي الانتيم ولكن انا تحولت الان هئ هئ 

_انا: الوا اطريكة الناقصة 

_زينة: فين الساطة اش حدت واش قيتي البيت كما بغيتي

_انا :هئ هئ ماشكيت عليك (عاودت ليها كلشي ) 

_زينة :واااع هههه ناري المسخوطة..واع باك خطار 

_انا: هئ هئ واش انا جايا نشكي ليك همي ونتي كضحكي عليا

_زينة: صافي دابا وتولفي وضبري ليك على شي تيتز

_انا: منعيجي بوه او انا خايبة كي ز* 

_زينة :والله ينعلك هههه راكي توتوزة غير مكديهاش فراسك

_انا: باينة ههه لمهم خلينا من هادشي او عاودي ليا اش درتي مع امجد

_زينة: او امجد تصاحب معايا ههه ولكن عدوز سميانة ونكوليه مبقيتش بغاك

_انا: كون غير يجيني غير شوية من زهرك اطحيبة

_زينة: (طتعيط عليها ماماها) سمحي ليا بب نمشي نتكلم لماما راها فارعة ليا مخي

_انا: الام هي لولة سيري تكلمي ليها 

_زينة: شوف شكون كعطيني موعظة ههه

_انا :ههه سيري تلاحي (قطعت عليها ..اصلا كي عجبني نقطع على بنادم) اف واش هنا عنسكن اربي سلامة

هبطت لبست جلابة وخرجت كندور كنحفض كلشي ههه مول زريعة نبقا نجي نشري من عندو وندوز لجردة ههه لي تما خخ...وهاد مول لمليوي نبقى نجي نفطر عندوا ههه وندوز لديك الغابة لي حدا مدرسة الاعدادية ..ناري الصريع الحيااااااااة والرفاهية ههه كما كال با ديال بكري خخ والله منيتوا كهضر كاليك ديران بكري اربي سلامة 

رجعت لدار وهكا داز شهر او انا على نفس الروتين توحشت زينة بزاااف او توحشت الرباط وخا هنا الصريييع وااع البنااات حماق هنا والمدابيزات بجنااوة وكلشي كعرف لعلامة هنا ههه مكاين غير شلظ ودم وكل مرة غادة لجوطية بلا ريال بلا جوج والمسيرة والخبازة (اسواق ) والمهدية منسيتهاش ههههه وخا مكنعومش بزاف خخ

ليوم مشيت خرجت من دار وقلبي ممهنينيش .دربت دورة شرفية كول اخر مرا عنجي لهنا ..ورجعت لداار وهنا كانت صدمة الكبرى 

هادشي صاادم بزااف وميقدرش يستوعبوا العقل ..

_انا: اااااااااااااااااا (بديتك ندفع فناس لي كغوتوا وكنشوف بابا باغي يدخل لدار لي كتريب كدام عينيا) بابا هئ هئ 

_بابا :ماماك ماماك فدار

_انا: بابا مدخلش هئ هئ 

_بابا :صورة ماماك فدار وهي اخر حاجة عندي (دفعني ودخل)

_انا: بااااااباااااااا (بغيت ندخل وناس كي جروني) هئ هئ باااااباااا متمشيش وتخليني هئ هئ باااااباااا معنديش غيرك بااابااا (طحت) بااابااا 

كبان لي خيال في الغبرة ديال ضار لي كتهدم ...

_بابا: (جا كجرني عنكني) عتقتها هئ هئ عتقت حبيبتي

_انا :(عنكتوا) هئ هئ متخلينيش متخلينيش هئ هئ منقدرش نفكر في الدنيا بلا بيك هئ هئ 

_بابا: (عنكني) هئ هئ سمحي ليا 

_انا: بااااابااا هئ هئ هئ

ناس عيطوا على البانميا والبوليس وكتاشفوا بلي دار كانت مبنية من الرملة لبيضة لي كياكلها نمل وتاكلت وهشيشة وصافي بقينا بلا داار وشنوا عيحدت لينا دابا ...مشينا انا وبابا لوطيل نباتوا فيه نهار وغدا نشوفوا اش عيحدت لينا ...تكيت وعينيا فيهم دموع ..شحال او انا كنشد دموعي ولكن كبيلة مقدرتش نصبر ونشوف اخرم عندي في الدنيا كهجرني (درت يديا على عينا وهبطوا دموع حارين من عينيا وعلى اثرها هبط شلال من الدموع فيه كاع الاحزان لي حدتوا ليا من صغيري ..بمجرد انني نفكر بلي كنت عنفقد اثمن شخص لي في الحياة كيخليني نختنق ..تكيت ونعست وداتني احلام وفزعاتني كوابيس 

اصبحنا واصبح الملك لله 

فقت بشوية وعينيا منفوخين بكترة لبكا ..شفت فناموسية بابا مقيتوش وتخلعت ..نضت بزربا وهزيت تلفون كنصوني عليه

_انا: الوا بابا بابا 

_بابا: (بالفرحة) مالكي ابنتي

_انا: بابا فينك 

_بابا :بنتي عندي ليك خبر سار وعيعجبك 

_انا :شناهو 

_بابا: تلاقيت صاحبي القديم من يامات القراية ومن عاودت ليه المشكيل اصر عليا نسكن عندوا

_انا: (بلهفة) بصح 

_بابا: اه وعندوا مراتوا ضريفة بزااف عتفرحي معاها 

_انا: (عنطير من الفرحة يعني معنبقاوش ساكنين هنا) ااااااااا يس يس شكرا شكرا 

_بابا :هه يالاه غسلي حالتك باش نمشيو

_انا: اه اوكي 

_قطعت على بابا الحبيب او انا فرحانة بزاااف ...وفي ذهني بزاف الافكار وحدة تدي لخرا واش هاد لمرة ضريفة او واش عندها بنت نتوانس معاها او شي تيتيز بوكووووص اح ياقلبي نعم اعرف انك لاتتحمل .. نضت بزربة لبست جلامتي الكحلة لمسخة او درت عليا فورالة حياتي في البيض ولكن مع الوسخ والجادبية الشمسية ولات في الكري لقريب للكحل ههه او سندالة الميكة من كان عندي 15 عام فوقما تقطع نخيطها هههه وصافي حيت حوايجي مشاو مع الدار لي تريبات =( =( 

_بقيت كالسة كنتسنا فبابا وشويا تحل لبابا 

_انا:بابا تعطلتي 

_بابا :سمحي ليا ابنتي غير كان عندنا شي حاجات لمهم يالاه نمشيو 

_انا :اه اوكي (تبعتوا وهبطنا لتحت وبابا خلص وعطا شي فليسات وخرجنا وهنا الصدمة التانية ) واااااااو (كانت واحد االطونوبيل بي ام دابليوا من افضل مخرج نااري الصريع وااع لبنات واش عنركب فهااادي اهيا ربي ) 

تقدمنا او انا غادة بخطوات تابتة بكترة الخلعة يد لفوق ويد لتحت وكتناوبوا مع رجليا تاوصلت ههه

_الرجل: السلام بنتي

_انا: (كنت باغا نتحنا باش نسلم على يدوا زعما الصواب او انا نعطيه بروسية وشد في الطونوبيل)

_الرجل: اي

_انا :ويلي ويلي سمحي ليا

_الرجل: ههههههههههههه فكرتني بياماتنا

_بابا: هههه عقلتي نهار ضربتي استاذ الماط بشمال

_الرجل: هههه وي ونتا جيتي من لور عطيتيه بيدك وكلتي علق

بقاو كضحكوا او انا كنت عنموت بالخلعة حيت ضربتوا مي باين الراجل ضريف ههه 

_الرجل: سمحي ليا بنتي نسيناك ههه انا سميتي مصطفى

_انا: سلام عمي مصطفى

_الرجل :(عجبوا تصرفها ) عيطي عليا بابا

_انا :(شفت في باباب)

_بابا :ههه 

_انا :سلام بابا =) =) 

_الابمصطفى :وهكا نبكغيك تفضلوا

طلعنا في الطونوبيل او انا عنموت بالفرحة ولكن شي حاجة ناقصة ..اه عقلت

_انا: بابا مصطفى وخا ندوزوا من العلامة

_الابمصطفى :العلامة ..اه اوكي 

لمهم دزنا من تما او انا نحل شرجم ودليت راسي

_انا :وشوفيني واامالين العلامة وعنخرج من القهر وااااع وبقيتوا هنا وشوفوني وبا العربي و سمية لمسيمية ودابا بردي غدايدك واااااع وعبقادر وشوف لي تحكر عليه دابا ههه والحريية الحرية (دخلت ) اف رتاحيت

كانوا كشوفوا فيا مصدموين وشويا بدااو يضحكوا وبقينا غادين تاوصلنا لوااحد الفيلا عمري ماشفتها في حياااتي وااعرة بزااف 

الاب مصطفى: دخلوا مرحبا بيكم الدار داركم

بابا: الله يجازيك بخير اصحايبي...

دخلوا كدامي او انا موراهم مصدوة من جمال المنزل ولكن لم تتكتمل صدمتي الا ان احسست بالزلزال الأرضي 

_انا: بابا الارض كتزلزل 

_الاب مصطفى: هههه 

_بابا: هههه 

_انا :(دورت وجهي واذا بتور هائج يتلاوح عليا */العربية كتاكل دق/* ويوقعني ارضا واحسست بعضامي تهرست ولم يعد لها وجود) وعنموووت 

_المرأة: (ناضت عليا بعدا هرساتلي لعنق) ههه سمحي ليا هههههههه وااااههههههه الحماااس وصافي ههههه عتولي عندي بنت ههههه ااااااااااااااااااااااا

_انا :(بيني وبينكم خلعاتني) 

_المرأة: شنوا سميتك

_انا: س..س.سميتي لجين

_المراة :انا سميتي جميلة عيطي عليا بماما 

_انا :م.م..ماما 

_الأم جميلة: اه اه (عنكاتني ومشا الان العمود الفقري) ماما كولي ماما

_انا :(حسيت بالحنان ) ماما (عنكتها) ماما ماما هئ هئ ماما ماما

_الأم جميلة: هئ هئ ماما واااع شحال تمنيت نسمعها هئ هئ بنتي بنتي هئ هئ من ليوم نتي بنتي حيت معنديش البنات عندي غير دري واحد 

_انا: اه اوكي =) =) 

_الأم جميلة :اجي نوريك بيتك =) =) زيدي زيدي 

داتني لبيت ويالاه دخلت ضربني ضو ديال الشمش ..نعم حلمي تحقق الغرفة من اللون الوردي وماريوا في البيض والموفي وحمام هئ هئ حمااام اعباد الله كلوا زاج و بينوار ( البانيوا لعامر ماء) او الكريمات وكاين طابلة كبيرة او مكتبة وحاسوب وتلفووووون بالوري ماها الكرم يالله 

الأم جميلة كيجاتك سمحي ليا حيت اول مرة تكون عندي بنت لذلك معرفتش كفاش نصاغب لبيت

_انا :(هبطوا دموعي)

_الأم جميلة: ياكما خايب

_انا :لا هئ هئ حلمي تحقق

فرحات جميلة مسيكنة من قلبها وخلاتني نرتااح وكنفكر كيفاااش عنعيش من اليوم فهاد العائلة وهاد الرفااهية المطلقة =) =) عنعيش الحلم (واش متأكدة ههه) بقيت كنضحك غير بحدي كول معرف شاش ضربني هههه تاسمعتهم كيعطوا عليا نتغدى وهبطت بزربة وبديك الحالة والحوايج خخخ او انا هابطة فدروج كنشوف جمال ..نن هدا ماشي جمال هادا كتر من جمال ..الحمد لله لي حياني تاشفت توتوز بعينيا هئ هئ

هل تعرفون القمر لا بل هل تعرفون نوره وضيائه ..اكيد رأيتموه لكن هذا الكائن الذي امامي يضاهيه جمالا لا بل يفوقه نورا وضياءه ..اه ليتك كنت مكااانه لأنرت الكون بضيائك 

بقيت واكفة سطوكاج هههه او جميلة عاقت بيا او بتاسمت ابتاسمة غريبة 

_الأم جميلة: بنتي اجي تكلسي

_انا: اه 

بقيت غادة او هو هز راسوا فيا وشاف فيا شوفات ممفهوماش وعاود حنا كياكل اح اقلبي كفاش كياكل متكرهش تنوض تاكلوا ههه..كلست مقابلة معاه اون فاص وكنشوف فيه كياكل اما انا مبقاش فيا جوع غير كنشوف ونخضر عياوناتي في خلق الله وشويا ناض ومشات معاه سهوتي

_هو: ماما انا عنمشي دابا للخدمة

_الأم جميلة: سير اولدي الله يرضي عليك =) =) 

_هو: بسلامة بابا او عمي او ...

_انا: سميتي لجين

_هو: بسلامة =/ 

_انا: =) =) بسلامة 

خرج امير احلامي ودا معاه قلبي

نخليو هاد العاشقة الولهانة ونمشيو عند بطلنا

خرجت من الفيلا او توجهت لطونوبيلتي وكسيريت ..محملتش نعيش مع بنت فنفس الدار وشوفاتها فيه اعجاب ليا ككل فتاة وقوة التحنزيز اربي السلامة لازين لامجي بكري اف اربي كيفاش عنعيش مع هاد لمخلوقة فنس البلاصة

سمحوا ليا انا سميتي عدنان عمري 26 عام العمل ديال طبيب وفنفس الوقت رئيس اكبر شركة في العالم ..طبيب هو الحلم لي من صغر او رئيس شركة تحت طلب والدي (سمحوا ليا البنات مي بطلنا معندوش مع الوصف خنوصفوا انا ..احم احم بطلنا سميتوا عدنان وعمروا شبابي 26 سنة كخدم رئيس شركة وفنفس الوقت طبيب لي كانت الهواية تاعوا من صغر ..اما جمالوا فلاعلاقة كيخليك دوخي من النور لي فوجهوا كولي دياير بيل على وجهوا ههه عويناتوا كوحل مدرجين في الوانوا مما كبين غموووض كبير وفم حمر غير ديال البوسان ا حاو شعر في القهوي والكحل مما كعطي بريق خاص وشهوى منوا اضافة الى ذلك بطلنا كلوا عضلات وفورة مقودة بمعنى الكلمة العضلات السداسية ولكن بطلنا ككره النسااء بشكل مفرط والسبب .....نن معنكولوش دابا ههه /مالين المسلسلات الكورية فرشونا هههه/ هه لمهم نخلي لبطل يتكلم) مشيت للخدمة في الطب ومن بعد توجت للخدمة ورجعت لفيلا تاني وكلست في الجردة وهزيت راسي او انا نتصدم 

نمشيو عند بطلتنا 

كليت بزربة وطلعت لفوق كنفكر في القلب لي تسرق مني ..بقيت كالسة في البيروا وكنفك راش عندي راو اش عيحدت وقلبي شحال يقدر يتحمل اواه اول نهار ..عمري توقعت نطيح فشي توتوز او انا لي ديما كنعايرهم وكنكول امبوسيبل نطيح فيهم..اف اول نهار ومقدرتش نخرجوا من بالي..بقيت كالسا مرة نكتب برا نخربق وعييت حرقني راسي ههه بديت كنريش فراسي او كنرجل رجليا ببعضياتهم وكأنني نقدر ننساه او طليت من الباركون او انا كنريش شعري وهنا الموصيبة كان حال فموا فيا وكشوف مصدوم بزاف من الموقف لي فيه انا مي

_عندوا ههه 

هزيت راسي او انا نشوف جنية نن جنية وشوية على هاد الكائن الفضائي عمري توقعت بنت تكون فبحال هادشي ..

عندها 

بقيت مصدومة وشويا هربت بيت وقلبي كضرب بزاف وكنتفكر كيفاش كان مصدوم زعما طاح فيا ..مشيت نغسل راسي او انا نشو وجهي فلمراية

_انا :شكون هادي ..ومي جنية (هربت بزربة وتزدحت مع الحي طاو عاودت هربت تاني ولكن في سرعة خيالية كتاشفت بلي فلمراية هي انا او انا لي شافني بطلي هئ هئ نعم الأن عرفت علاش تصدم فيا هئ هئ عااد عرفت دابا هئ هئ بقيت كنبكي على زهري ولعوج وشفت في المراية

كم انا قبيحة ..نعم انا اقدر شخص في العالم ..حيدت لمضاضر وكاديت شعري والأن انا انثى جميلة وفاثنة =) =) لكن ..معنديش مع داكشي باقا موصلاتني المراهقة 

جمعت شعري ونعست بلا عشا ..اصلا مفياش 

عندوا 

تخلعت منها والله ومشيت تعشيت وطلعت لفوق وكنفكر فداك لمنضر وشوية بتاسمت ولكن كفاش بتاسمت عمري حسيت بالفرح او سعاد واو الحزن الالم الضحك او اي مضاعر بنسبة ليا انا مجرد ألة بدون مشاعر واحاسيس ..مكنقدر نحس بوالوا ونقدر نقتل بدم بارد 

تكيت ويالاه داتني عيني ولكن شكون خلاك ونضت معصب وخارج كنشوف شكون كشخر ولكن صوت كتزاد من لبيت لي حدايا اواه =/قربت لداك لبيت او معصب او بديتك ندق ولكن لاجواب لمن ينادي

عندها 

كانت كتشخر بصوت مرتفع وهادي عادة فيها من كتكون عيانة ومدكدة ههههه واكيد صوت شخيرها عيكون وصل لبطلنا العزيز خخ

فقت مفزوعة على صوت الباب وشعري طالع لسما والجلابة باقا فيها والعمش وداكشي مشاء الله وحليت لباب

_انا :مالنا اش كاين منخافوش

_عدنان: كان مصدوم مسكين تكوانسا من هول المنضر

_انا :(هزيت راسي وهنا تصدمت) نتا نتا هههه س..سمحلي دخل دخل

_عدنان: نن ل..لا غير بغيتك ت..تنقصي من صوت شخيرك لكان ممكن باش ننعس

_انا: اه اها ههه (كتمسع نيفها) انا لي كنتعتاذر ههههه 

تخلع ومشا هههه لمسخوطة دارتها كد راسها وكضحك ههههه 

مشا ورجعات تنعس .

اصبحنا واصبح الملك لله 

حليت عينيا لمعمشين ههه او نضت كنتكسل ويالاه هزيت راسي او انا نشوف مي حليمة 

_انا :بسم الله الرحمان الرحيم

_الام حليمة: هه سمحي ليا هه مي مازال ممسدقاش ..تانيا نتي زوينة بزااف علاش مكتهتميش برااسك ..ليوم عتفطري ونخرجوا نشيروا ليكواحيد ..اوه شحال كنت نتمنا نكول هاد لكلمة جات معايا ياك هههه نخليك دابا تاتفيقي هههه 

خرجات وخلاتني كنشوف فيها وتصرفاتها هههه

نضت بزربة وجمعت شعري وغسلت وجهي وهبطت بجلابة وكندور عينيا تاجات على حبيب لقلب لي غير شافني وحلات ليه زعما طاح فيا هههه ومالي رازين انا خخ

_انا: صبااحوا

_الام حليمة :اجي حدايا ابنتي ههه وينوا بنتي ههه

مشيت عندها وكلست 

_الام .ح :بنتي نتيا ساليتي لقراية (كتشوف في ولدها)

_انا :مم وي

_الام.ح :ولدي طبيب ونتي اش باغا تكوني (كتغمز فيا )

_انا :انا باغا نولي ..انا 

_الام.ح :كالي باباك بغيتي تولي ممرضة 

_انا :اااا

_عدنان: (وحلات ليه مسكين) 

_انا :(يالاه عنهضر وهي تقاطعني) 

_الام.ح :بنتي ههه هنا مكايناش جامعة الطب كاينة غير فرباط او ولدي نيت غادي رباط يمكنكم تمشيوا مع بعضياتكم ونيت عيفهمك مزيان 

_انا: ا..اهههه..(فهمتها خخ) وي وي 

_عدنان :(مسكين غير كشوف) 

_الام: اش كلتي اولدي

_عدنان :(غصب عنه) لي كلتي اماما 

_الام :اوا دابا نتا ولدي مم او عاونها فلحفاضة باش تقبل 

_عدنان: والحفاضة من لفوق

_الام :اه 

_عدنان: الله يدوز هاد لعام على خير اوك ليوم توجد حوايجها باش نمشيو

انا (غير كنهز راسي لفوق ولتحت وماقاداني فرحة غير خرج وهي تشدني ماما حليمة) 

_الام: مكاين لي يدي ولدي من غيرك

_انا: (مصدومة) 

_الام: خاصك طيحيه فيك فهمتي تكادي وماكي وكوني كي لبنات ودابا يالاه نخرجوا بزربة 

دراتني وباقا مكملت تامكلتي وكتجري ياربي يسمح لي عنعيبها ههه عرفتوا تور من كيكون غادي والارض كتهز كي زنزال اما عضمي فمبقاش فمرة 

وصلنا لطونوبيل وربكنا بزربة وداتني لاسواق هي تختار او انا حالة فمي الحاجة لوحيدة لي قدرت نختار هي جلابة في الكرونة صافي وكلشي مقزب والمكياج كولي غادة نعرس

_انا :صافي اماما باراكا

_الام.ح :لا لا باقي مختارينا كلشي شوفي هادي لا لا هادي حسن..عرفتي شنوا عناخدهم بجوج (حطاتهم ) يالاه زيدي 

مهم دورتني عند كلشي وفلخر داتني عند الكوافورة

_انا :مالنا هنا

_الام ح :(شافت فيا شوفة مكر) تفضلي (جراتني ودخلاتني ) يالاه البنات باليو 

تجمعوا عليا وجروني او انا كنركل .داروا ليا لاسيغ وحيدوا الموسطاج وكادوا ليا شعري وقعوا لي بونت ومشطوه ليا ههه او كادوا ليا ضفار وبردوهم او حيدوا ليا لمضاضر وسهاو فيا ومن بعد بداو يكادوا كانوا باغين يكادوا ليا حجباني مي مبغيتش حيت حرام ..ومن بعد كل هاد المجاهدات شفت راسي فلمراية ...الانوثة والجمال اراه بعينيا 

_انا :شكون هادي 

_الام.ح: تبارك الله عليك ابنتي

_انا :اوااااااااااه هادي انا 

_الام.ح :اه هههه 

بقيت كنشوف فراسي ومصدومة بزاف زعما انها هي هادي اواه بزاف منقدرش نصبر هههه

.خرجاتني بزربة ومشينا لدار ورجعت لمضاضر وخا عيات معايا مي مبغيتش نبان كنغويه ولا شي حاجة ههه وبزربة كادت ليا الباليزة تاعي ولبست جلابة الكرونة لي كانت زوينة مي ممبيناش الفورمة وجمعت شعري وهي كتغوبش هههه معجبهاش نتخلا على جمالي ومن بعد هبطنا 

قيتوا كتسنانا بلاباسوا ورحة لي عاطية لمسافة اميال اه ياقلبي وبابا عنكني مسكين مكانش فخابروا ههههه او من بعد مشينا انا وياه وقلبي كضرب اما هو مكانش منتابه ليا فمرة وبحال لا ممسوقش ليا 

وهنا بدات القصة الحقيقية لحبيبي هتلر بدون معيقات وهنا عنتعلموا انا عزة النفس والكرامة (البطل) قد تقدي على العلاقات الحميمة وايضا انا عدم التقة في النفس و الجراءة الكبيرة (البطلة) قد تدمر هههههه 

وصلنا لرباط لي فيها سكنت وعشت.. بقينا غادين في الغابة الى ان وصلنا الى واحد القصر زوين وكبير بزااف وحدائق كلها ورود واشجار وباينة خاوية ..بقيت كنشوف تاسمعت الحس ديال الباب لي تزدح وخرج ...اويلي زعما خلاني ومشا ولد لحرام 

خرجت بزربا وهازة باليزتي كنجرج فيها

_انا :اهياتا تسناني

_عدنان: (شاف فيها شوفة ديال القتيلة وهي هبط ليها الما في ركابي وكمل طريقوا )

_انا: (تبعتوا وكلي كنترعد وشداتني البكية ..عيونوا لي كتلمع في ضوح النهار و الوجه الخالي من كل التعابير بحال الميت كفزع منقدرش نسا هاد لمنضر فمرا ...) 

دخلنا لقصر وهنا زاد اعجابي بيه ..اكتر من رااائع وجميل جدا جدا ..هزيت راسي قيتوا طلع واخر جملة كالها 

_عدنان: خودي ليك شي غرفة (مشا) 

تلك لجملة كانت كفيلة بهمس الرعب في قلبي بصوتوا الرجولي لي كاعمة سمعتوا من قبل ونضراتوا الخانقة لي كتختارق الاجساد 

طلعت وعينيا مدمعين بكترة الرعب ولوا كنتم في مكاني لقام الخوف بسلب عقولكم وجعل قلوبكم تزداد دقاته ...

ختاريت واحد الغرفة جات في اخر الرصيف لي كان كلوا عامر غرف او دخلت ...كانت زوييينة بزاااف المرايا والالوان الوردية والبيضاء والطواليط الكبير والعامر ورود وبخار لي كدل على نوع الرفيع للحائط لي كمنع دخول الهواء الا الى بغيتيه ولكن ماكان عندي كانة ههه 

تكيت على الناموسية لي كانت كبيرة وزوينة ورائعة وصونيت لزينة (صاحبتها) 

_زينة: فين ازين منتصاحبوش

_انا :ههه علاش لا ههه ناري عندي ليك خبار وااعرة

_زينة:طلقينا هضري 

_انا :احم احم انا فرباط 

زينة لاااااااااااااااااااا متكوليهاااااش 

_انا :(حيدت تلفون وحكيت ودني ورجعتوا) سعر ..صمكتي ليا ودني 

_زينة: هه سمحي ليا غير الفرحة وصافي وشا بصح

_انا: وي هههه 

_زينة: ناري امبوسيبل خاصنا نتلاقاو

_انا: اه وعنوريك واحد الحاجة ههه 

_زينة: شناهي 

_انا: مفاجأة ..لبلاصة المعروفة

_زينة: ناري شوقتيني

_انا : هههه (قطعت عليها) 

اكيد باغين تعرفوا المفاجأة او عنبشركم بلي ليوم بغيت نلبس مكاد سي تو ههه (بلا متعولوا عيشوفها وعيعرفها عيشوفها فبلاصة خرا مي معيعرفهاش هي.. اربي انا كنحرق الاحدات ههه) 

مشيت بزربة لبلايزا عنبدى نختار هههه واش هادي لا وهادي واعرة لا لا ههه وميمتي كلشي مقزب اش بغيتي عندي اخالتي حليمة هه وفي الاخير ختاريت وبزز وخا ممقتانعاش ههه شورط تجين وطركوا نص كم ومشبك بخيوطا من جيهة الصدر ودرت تاجكيطا في التجين البارد ودرت مضاضر ونااري جيت مقودة ههه واااع ناري تزعطت فراااسي بزااف 

ومن بعد هبطت بزربة وقلبت عليه مي ماقيتوش وخرجت بزربة ولكن مقيتش طونوبيل يعني خرج وخلاني =(

تمشيت بحزن وكلشي حال فموا وتبسبيس وبديت نعلي راسي وحيدت نضاضر وهنا كلشي تزعط فيا بالمعقوول 

بقيت غادة تاوصلت لواحد القهوة عادية ديال البنات ودراري ولي شافني كبقا حال فموا لبنات غاروا مني ههه 

وصلت عند حبينوا زينة لي هزات راسها فيا بتسائل زعما شكون نتي ههه

_انا: صافا حبينوا

زينة مكنهضرش الانجليزية..بلاتي نتي كتهضري عربي 

انا الله يحرق طواسل مك هادي انا لجين كيجيتك

زينة ااااااااااااااااااااااااااااااااااااااااااا

انا ويلي ويلي شوهتينا (كلشي كشوف فينا هه) ويلي لكرد نوضي نخرجوا

خرجنا وهي مصدومة ههه

انا شوهتينا

زينة شكون..وعلاش وكفاش ...درتي عملية تجميل

_انا :الله يعطيك لكرد اش عندير بلبلا هادي انا المكلخة راغير مكنتش كنديها فراسي

زينة: ناااري التقويدة براااسها اح ناااري اح ويلي عنتزعط انا ههه

_انا :الله يعطينا وجهك هادا سميتوا تحرش

بقينا غادين ومرا مرا كتقرس فراسها باش تيق ههه او انا كنضحك تاخرجت فشي حد ..هزيت راسي او انا نشوف عدنان....

توقعاتكم ههههه 

...عيون التقت لتحكي عن عشق لامنتهي....لحضة صمت ...

_انا: (شفت فيه ومدايرة مضاضري اما كولا تحيدوا عيبينوا لمعان عاشق) س..سمحلي

_عدنان :(بصوت حنين باين فيه سها بجمالها) انا لي سمحي ليا (لاول مرة كيكولها وهو براسوا تصدم)

_انا: (فموا لي كتحرك اواه واش معرفنيش ..حيدت لمضاضر ) 

_عدنان: (هنا قلبوا بدا يضرب بسرعة من عيونها المتالقة في وضح نهار لي صعيب يتعرفوا بلي هوما عيون يك المعفونة لي عايش معاها) 

_زينة :(حالا فمها فالمنضر لي كدامها ماشي من عدنان بل من الرومانسية ديال الافلام) سمح لينا باي (جراتني وهوا بقا متبعهم بنضارتوا تاختافاو) 

_انا: واااع ناري ناري شافني ومعرفنيش هئ هئ 

_زينة: شكون هادا شكون شكون

_انا: (عاودت ليها كلشي)

_زينة : ناري ناري ويلي مالسخوطة تصلكطتي

_انا :محشمتي 

_زينة: اجي نشريو شي حاجة 

_انا: مم اوكي 

مشينا شرينا الكوجاك ههه وبقينا غادين تاوكف علينا واحد الدري فموطور

_هو: اح ...الكوجاك كياكل الكوجاك

_انا :والخرا كهضر بالخرا (جريت صاحبتي خخخ ) 

_هو: اليام طويلة 

_انا :(بيني وبينكم خلعني هههه)

_هو: قدرييييييييي ا ن احبك

_زينة: ويلي ههه 

_انا: (جريتها وهربت )