الجزء 1
☆عويشة ليتيمة ☆
ناعسة فوق سداري كتشخر بحوايجها موسخين بالغيس و شعرها مشعكك و ريوكها هابطين و مرت باها كالسة كتنقي الخضرة حداها حتى كيسمعو دقان
خديجة (مرت باها ) : عيشة واا عيشة تي نوضي يالبكرة شوفي شكون كيدق فالباب
عويشة : واخديجة تي خليني نرتاح شوية كوليها لبنتك تشوف شكون
خديجة : هاي هاي على الهيشة تحليك الفم ترتاحي شكديري كتهزي الخناش تاع سيمة (حطات داكشي من يدها و طارت عليها بقرسة لفخاضها )
عويشة : ااااي و بعدمني هااء
ناضت كتمسح ريوكها بكمامها و شعرها مشعكك و حالتها حالة حلات لباب
عويشة : ياك لاباس مالكي على هاد الدقان
فتيحة : فين مي
خديجة : هاني ابنيتي تعالاي تعالاي
فتيحة : مي وا مي الحاج تهامي مات 😭😭😭😭
خديجة : هاااويلييي ايمتا و كيفاش حتى مات
عويشة : ناري عمي تهامي مات هننن هئ هئ
فتيحة : صباح امي فاش فاقو لقاو مول الأمانة دا أمانتو و على ما كالو مات موتت الله
خديجة : مسكيين الله يرحمو كان راجل مزيان عمرنا نساو خيرو
فتيحة : راه عيالات دوار كولهوم فالفيرمة كيعزيو و كيعاونو مرات الحاج حيت العشية ايجيو معارف الحاج تهامي
خديجة : تي شوفي الغدارات و تكول وحدة واش جات كاتلي شي حاجة اجي قلتي مراتو علاش مراتو جات ؟
فتيحة : جاااات هي وولادها
خديجة : اييه وانا نفهم وصباري لبس جلابيتي و نتبعك
عويشة : و انا ؟
خديجة : شنو تي كلسي بلاصتك معدك فين تمشيي
عويشة : هننن تانا بغيت نمشي معاكوم
خديجة : (لبسات جلابتها ) اشوفي اديك الهيشة نشوفك كدوري فالفيرمة نبيتك فالموبل هاني علمتك زيدي ابنيتي نمشيو الله على الحاج تهامي مشا بهيبتو و قيمتو هئ هئ هئ
خرجات خديجة و بنتها كيهرنو و بقات عويشة كتبكي على الحاج تهامي عمرها تخيلات انها اتفقد أعز شخص ليها من بعد باها الله يرحمو كاع ناس اللي عزاز عليها مشاو مها و باها و ها دب الحاج تهامي حتى هو مات الشخص الوحيد اللي كان كيحن فيها و شخص اللي كان مهلي فيها و شخص اللي كان فبلاصة باها و اللي عمرو خلاها تحس بالفراغ من جيهتو
انعاودلكوم شوية على عويشة اولا كيفما كيقولولها فدوار عويشة الهيشة حيت غلييضة شوية و عطياها غير لسريط و المريط المهم متحكروهاش واخا غليضة ولكن زوينة عينيها كبار و حروفها كحلين فمها حمر و منفوخ من ععند الله اما واحد سالف عندها طوييل و كحل ورطب فحال الزواي وديما جامعاه كتخليه يتعقد حتى كيتشعكك مهم فنة خاسها اتهلا فراسها من بعد ما مات باها بقات عايش مع مرت باها طبعا الحاج تهامي حيت كان صاحب باها روح بروح مخلاهوم مخصوصين من والو تهلا فيهوم و كان فمتابة باهوم
نسيت معاودتليكومش على الحاج التهامي الملياني الحاج أصلو من دوار مشا صغير للمدينة كمل قرايتو خدم و كافح حتى بنا شركات و ولا رجل اعمال لاباااس عليه تزوج بلالة الياقوت بناني من الكنية اكيد اتعرفو باللي بنت عائلة لاباس عليهوم مهم بغاو بعضياتهوم تزوجو و ولدو توام بنت و دري (جيهان - نوصير ) من بعد ما بداو دراري كيكبرو الحاج تهامي بغا يرجع يعيش فدوار طبعا الياقوت كانت رافضة رفض قاطع تفارقو و جا هو سكن فدوار ولكن بقا كيرجع للمدينة يشوف ولادو و يخدم خدمتو و يعاود يرجع حتى كبر ولدو و هو اللي شد الخدمة كولها و هو رجع لدوار عمر ولادو جاو عندو لدوار حيت الياقوت كانت مكتخليهومش يجيو و كلمة وحدة فمها الا بغاكوم يجي هو
ناضت عويشة لبسات جلابتها و خرجات كدور قدام الفيرمة دتهامي و خايفة لاتشوفها خديجة حتى قشعات شي بنت كالسة حدا الواد ولابسة كولشي بيض بدات كتقرب بشوية بشوية هزات حجرة و ضرباتها لضهرها
البنت : اااي شكون نتي واش حماقيتي
عويشة : و تي سمحيليا سحابليا اشي جنية حق مولانة (قربات لوجها ) مالكي كتبكي واش انا سباب واش قصحتك سمحيليا
البنت :(مسحات دموعها) لا ماشي نتي سباب
عويشة : همم مهم انا عويشة و تي شكون ؟
البنت : انا جيهان بنت الحاج تهامي واش كتعرفيه ؟
عويشة : اااه هئ هئ هئ سمحيلي بزاف كاع مسحابلي والله حق الله حق سيدي ربي
جيهان : (مسحاتلها دموعها ) صافي شوووت ماشي مشكيل
عويشة : يااه نتي ضريفة بزااف فحال باك
جيهان : (نزلات دمعة من عينها و ابتاسمات ) كتعرفي بابا
عويشة : يااء تانتي شكون ميعرفش عمي تهامي كولشي كيحماق عليه فدوار كيتهلا فكولشي و اللي خاساتو شي حاجة كيعطيهالو و كيسيفط ناس للمدينة يخدمو عندو فشركاتو الله يرحمو 😭
جيهان : سعداتكوم نتوما بعدا شبعتو منو و كتشوفوه قدامكوم كل نهار عكسنا حنا كيجي عندنا مرا فشهراين (يالله جات تكمل الهدرة و هي تسمع شي حد كيعيطلها ) جيهان جيهان
جيهان : وي ؟
الشخص : (مسحلها دموعها و عنقها ) مسحي دموعك و نوضيى يالله تاكلي شي حاجة
جيهان : نوو مبغيتش ناكل والو غير خليني
الشخص : واش حماقيتي مكليتي والو من البارح راه غادي توقعلك شي حاجة غنمشي الا مجيتيش غنتخاصم معاك
جيهان : صافي واخا هانا جاية
(مشا شخص و عويشة بدات تنغز جيهان بالعصية اللي فيدها )
جيهان : وي اعيشة ؟
عويشة : تي مال راجلك مكيقراش السلام
جيهان : ماشي راجلي هادا خويا نوصير
عويشة : اااه هو هادا نَصير سحابني راجلك داكشي علاش كيشبهلك عرفتي ديما كان كيعاودلي عليكوم عمي تهامي
جيهان : (اكتافات بإبتسامة حزينة و ناضت مشات )
عويشة : هاو بسلامة توما مالكوم ناس المدينة مافيكوم صواب
داز النهار دفنو الحاج تهامب و جاو ناس عزاو و مشاو و بداو ناس دوار حتى هوما كيمشيو بشوية بشوية
خديجة : زيدي ابنيتي نمشيو فحالنا لاتصدق ديك الكارتة دايرة شي موصيبة
فتيحة : معرت فين غابرة شتها كاع مجات تعشا
ناضت خديجة و بنتها خارجين تا وقفاتهوم الياقوت
الياقوت : (لابسة جلابة بيضة و حاطة فولار بيض فوق راسها مطلعة حاجب و مهبطة لاخر مهم من شوفتها كتخلع ) خديجة جمعي بناتك و حوايجكوم و اجيو باش نشدو طريق لمدينة
خديجة : (ضارت عندها و علامة إستفهام على وجها ) كيفاش ؟
الياقوت : هادي وصية الحاج الوحيدة قبل ما يموت وصاني باش نديكوم عندي للمدينة
خديجة : ايبه ولكن الالة شنو انديرو فالمدينة
الياقوت : اتخدمو عندي فالفيلة
خديجة : (مقداتها فرحة ) اييه ولكن مالكوم ما تصبرو حتى لصباح ليل هادا
الياقوت : بلا تطوال فالهدرة ديري داكشي اللي قتلك نص ساعة لقاكوم هنا
خديجة : واخا واخا لالة هي دب(ضارت عند فتيحة جراتها من جلايلها ) تي زيدي قدامي دغيا
مشاو لدار ملقاوش عويشة خرجات فتيحة عيات تقلب عليها والو ملقاتهاش و هي طيح فبالها الفيرمة مشات لقاتها مخشية فالكوزينة كتخشي فوجها
فتيحة : اوييلي يالهيشية شكديري فكوزينت ناس
عويشة : هاء راه ديك البنت شهبة اللي عيطاتلي نتعشا
فتيحة : تي شكون هادي
عويشة : بنت عمي تهامي
فتيحة : امم مهم زيدي قدامي تكلمي لمي
عويشة : وا خليني نكمل ماكلتي هااء
فتيحة : اوالله و ما تزيدي تا نعيطلها تجي تخرجك من داك شعكوكة
عويشة : هننن صافي هانا جاية غا سوكتي
فتيحة : يالله هي دب
خرجات فتيحة و عويشة هزات طبسيل دارت فيه شوية شوية من الحاجة و خرجات تابعاها و هي كتاكل حتى وصلو لدار لقات مها مخرجة شاكوش حدا الباب و كالسة بجلابيتها كتسناها يالله شافتها طارت عليها
خديجة : فين كنتي امسخوطة الواليدين هااا فيين
عويشة : اااي هنن وا خديجة تي سايني انشرحلك
خديجة : يالله دوي نسمع
عويشة : راه جوهان ولا جيهان بنت عمي تهامي هي اللي عيطاتلي نتعشا
فتيحة : لاعساك امي اتا تكدب عليك
عويشة : حق مولانة مكنكدب
خديجة : حمدي الله لقيتيني راشقاليا اما كون وريتك نجوم الليل فصباحها هزي حوايجك و زيدي قدامي
عويشة : هاء و فين غاديين
خديجة : لخلا دار بوك زيدي و قطعي الحس
خرجو هازين شاكوشهوم و مشاو للفيرمة لقاو كولشي واقف فالباب و تلاتة دطوموبيلات مستفين
الياقوت : شهاد تعطيلة
خديجة : سمحيلينا الالة راه كنت كنقلب على عويشة عاد لقيتها
الياقوت : يالله ركبو فداك طوموبيل
عويشة : و انا
جيهان : نتي اعيشة اتمشي معايا فطوموبيل دنوصير
الياقوت :(دارت شافت فيها ) عيشة اتمشي مع عائلتها (قالت هاد الكلمة و مشات )
خديجة : سمعتيها اش قاتليك يالله زيدي تركبي
جيهان : عويشة قتليك اتمشي معايا هي اتمشي معايا
(مشات خديجة بشوية لودن دجيهان و هدرات )
خديجة : تي شبغيتي ديري بهاديك راه غا غتدحس عليكوم بهبوراتها هاهيا فتيحة رقيوقة ديوها معاكوم كاع متحسو بيها
جيهان : (شافت فيها و دارت شافت فعويشة )عويشة يالله
عويشة شافت فخديجة و شافت فيها تبعاتها و ركب نوصير القدام هو و جيهان و عويشة ركبات اللور مهم كولشي ركب فطوموبيلات و شدو طريق
طريق كاملة و عويشة كدور عينها فطوموبيل عمرها ما شافت شي طوموبيل فحال هاكدا نغزات جيهان من كتفها
عويشة : دب حنا فين سايرين ؟
نوصير : علاش نتي غادية و معارفاش راسك فين غادية
عويشة : مدويتش معاك نتا اصلا
نوصير : شفتيني انا مشوق فهدرتك
جيهان : واش بصح معارفاش ؟
عويشة : حق مولانة معارفة كالولي تعالاي تعاليت
نوصير : (بهمس ) تعالاي تعاليت😏
عويشة : شساير تكول تما
جيهان : متديهاش فيه مهم نتوما غتمشيو معانا لدارنا
الجزء الرابع
عويشة الهويشة
عويشة : و علاش انمشيو معاكوم
جيهان : حتى لتما و تعرفي
عويشة : هووف
جيهان : مالك
عويشة : جاني جووع
جيهان : راه قربنا نوصلو
عويشة : وراه فيا بزااف
نوصير : راه تما شي حاجة دسقاطة عطيهاليها
جيهان : (جبدات ميكة عااامرة بسقاطة و عطاتهالها ) هاكي
عويشة : تي سايرة تفلاي عليا شغيدير ليا هادشي
جيهان : وا عيشة غير طفي بيهوم جوع بيدما نوصلو
ضربات كولشي فدقيقة و تكات طاحت دودة كتشخر و نوصير مكرهش يطير عليها من شعرها يخرجها مكيحملش شي حد يشخر حداه
نوصير : جيهان سكتي علينا هاد الموطور
جيهان : نوصييير حشومة (نغزاتها) عيشة عيشة
عويشة : هممم
جيهان : قادي راسك
عويشة : هممم
نوصير : (بهمس)بقرة
عويشة : (ناضت ) عجل
نوصير : لسانك طول منك
عويشة : حسنمنمك انا
جيهان : نوصير بعد من البنت بركة من بسالة ديالك حشومة
عويشة : هانتي تشوفي ياخييتي
و قف نوصير و وقفو طوموبيلات بجوج موراهوم كولشي نزل بقات اعويشة كالسة اللور كدور فعينها
جيهان : (طلات عليها من شرجم ) عويشة نزلي
عويشة : تي فين انزل
جيهان : راه وصلنا
نزلات عويشة بقات اكتبرقق فعينيها فالفيلة كبييييرة قد القصر اما خديجة و فتيحة غا حالين فامهوم و يوشوشو
عويشة :( نغزات جيهان ) تي هادي هي داركوم
جهان : وي هي هادي
عويشة : هااومالو عمي تهامي مخلي هاد الخيورات و جاي عدنا لدوار
جيهان : اوا بابا كان كيعجبو الجو دالعروبية الله يرحمو مهم زيدي ندخلو
كولشي طلع نيشان لبيتو اما خديجة و فتيحة و عويشة مشاو و كلسو فصالون و كيدورو فعويناتهوم مبهورين حتى جات الياقوت و تابعاها وحدة من الخدم
الياقوت : تبعوها غتديكوم لبيتكوم دوشو و لبسو داكشي اللي اتعطيكوم و اجيو عندي يالله
ناضو تابعين الخدامة دوزاتهوم من واحد الممر طوييييل كولو بيبان ليطابلو معلقين و المرايات حتى وصلات لواحد البيت حلاتو و دخلو كان بيت كبيييير فيه تلاتة دالفروشة و كوافوز و ماريو و دوش و طواليط و فجنب محطوطين فوطايات و طبلة فحال ليشومبر دليزوطيل لكباار دخلاتهوم وراتهوم حوايج اللي غيلبسو و شنو غيديرو و مشات دخلو لدوش بقاو احالين فمهوم دوش كبيير فين لافابو طوييل و مراية و داكشي فدهبي و جميع انواع دشامبوانات
محطوطين و ليباندوش مهم عامر و فيه
جاكوزي و بيكي دوش (دوش ديال زاج ) من بعد صراع طويل ما بين عويشة و فتيحة على شكون ادوش فلجاكوزي طارت عليهوم خديجة بالقريس دخلو
هوما كيتهارنو يدوشو فالبيكي دوش و هيا دخلات دوش فالجاكوزي واخا معرفاتلوش مهم اخربقات من هنا و من هنا سالاو و خرجو لبسو حوايجهوم اللي ايخدمو بيهوم و نشفو شعرهوم و جمعوه كيف قالت ليهوم البنت
عويشة : دب حنا لاش سايرين لبسو فهادشي
لتيحة : اوا راحنا جايين نضربو تمارو على قلبنا شسحابليك جايين نتساراو كاع هادا زهر عدنا
خديجة : توما سكتو و زيدو قدامي
عويشة 👇
الجزء الخامس
عويشة الهيشة
خرجو عند الياقوت باش تقولهوم شغايديرو لقاوها كالسة فالصالون وقفو حداها كيتسناوها تهدر هزات راسها طلعات و هبطات فيهوم و نطقات
الياقوت : (وقفات و نعتات لعويشة ) نتي اول حاجة غديري الريجيم حيت انا مكيخدموش عندي خدامات بهاد الوزن
عويشة : هاء و شغندير ربي عطاني هادشي
اليلقوت : غديري داكشي اللي قتلك (سمعات خديجة و فتيحة كيضحكو و ضارت عندهوم نعتات لخديجة ) نتي اتكلفي بطياب ونتي افتيحة اتعاونيها فالكوزينة لماعن و داكشي و نتي اعيشة اتعاوني لخدامات لوخرين يالله كل وحدة تمشي لخدمتها
قالت هاد الكلمة و طلعات فحالها مشات خديجة و بنتها للكوزينة اما عويشة بقات اوقفة معرفات شنو دير ولا فين اتمشي بقات غير طالعة كتقلب على جيهان باب كيدخلها فباب بيت كيدخلها فبيت دروج كيخرجوها فدروج معرفات فين تمشي شوية وصلات لواحد طبقة فيها ممر طويييل كولو بيبان مشات نيشان للباب اللخر
عويشة : صافي باين هادا هو بيتها
عويشة : جيهان وا جيهان تي فينك
شوية و هو يخرج نوصير من دوش ملوي عليه غير فوطة من التحت و عريان من الفوق و شعرو كينقط بالما على صدرو و ليزابدو مطراسيين و العضلات بقات احالة فمها
نوصير :(طلع و هبط فيها ) شكديري هنا
عويشة : (فطنات براسها و ضارت كتغطي عينها ) ااا سحابليا بيت جيهان كاع ماسحابليا نتا هنا
نوصير : اولا بيت جيهان كاين لفوق تانيا متبقايش دخلي بلاما تدقي فالباب
عويشة : اصلا كون سحابليا تا هنا كاع منجي سحابلك مشوقة فيك راه غا غلطت
نوصير : اوا لاغلطتي يالله خرجي ولا عجبك الحال بقاي
عويشة : ااا سير سير شساير تكول
خرجات عويشة كتعتر فرجليها سدات الباب و هبطات اما حناكها ولاو حمرين و مع مطبزين ولاو فحال ماطيشات هههه هبطات لتحت لقات واحد الخدامة سولاتها على بيت جيهان عاد نعتاتلها فين مشات و دخلات لقات جيهان ناعسة فوق فراشها مشات تلاحت حداها جيهان طلعات تالسمة و تردخات غوتات غير غوتة
عويشة : تي مالكي راني غا انا
جيهان : اووف خليعتيني اعويشة
عويشة : سمحيليا ماشي بلعاني
جيهان : اوك ماشي موشكيل غير متعاوديهاش بغيتي تسكتيلي القلب
عويشة : تي بزز باش لقيت بيتك مخليت فين دخلت حتى من بيت خوك دخلت ليه اويلي و لقيتو عري (عاقت براسها و سكتات )
جيهان : (ناضت كلسات ) شنو شنو قلتي
عويشة : ااا دخلت لبيت خوك غا غلطت
جيهان : لا لا مور هاديك شنو لقيتيه
عويشة : هاا والو
جيهان : لا دب غير قولي راك هدرتي
عويشة : اووف لقيتو عريان ولكن ماشي بلعاني انا بغي
جيهان : (قاطعاتها ) لقيتيه عريان ههه و شنو قالك عاوديلي شنو وقع بيناتكوم
عويشة : تي شغايوقع موقع والو صافي غمضت عيني فحال هوكا و خرجت فحالي
جيهان : همم زعما زعما
عويشة : حق مولانة
بقاو كالسين كيتعاودو تا دخلات لياقوت
الياقوت : عييشة
عويشة :( ناضت كتجري ) ها نعام اخالتي الياقوت
الياقوت : (هزات صبعها بقصاوة كتهدر ) اولا اتقوليلي لالة ماشي خالتي تانيا آخر مرا نلقاك كالسة فشي بيت من غير بيتك عنداك يسحابلك جايباكوم باش نوكلكوم و نشربكوم فابور الا كنتي ناوية اتخدمي خدمي الا مكنتيش اتخدمي نقولهالك من هنا برااا اصلا جبتكوم غير على وجه الحاج اما انا مناقسنيش خدامات يالله سييري لخدمتك
عويشة دموع تحجرولها فعينها خرجات كتجري حسات بالقهرة و تجرحات من ديك الهدرة اللي قاتلها اول مرا اتحس بفراغ باها واخا كانت خدمتو على قد الحال كان معيشها فحال الأميرة بنسبة ليها ماشي مهم يشري ليها احسن حوايج و يوكلها أحسن ماكلة و يسكنها فأحسن دار المهم عمرو خلاها تحني راسها لشي حد ولا تخدم تحت رجل شي حد ولا تمد يديها لشي حد هبطات كتجري عينها ضلامو بدموع معرفاتش راسها فين غادة لقات دروج كلسات فيهوم و خشات وجها بين يديها و عطاتها للبكا و شهيق
نرجعو البيت عند جيهان
جيهان : حشومة هادشي اللي كديري لهاد ناس بابا وصاك عليهوم باش تهلاي فيهوم ماشي باش تهينيهوم
الياقوت : نتي بعدا آخر مرا نشوفك كتوشوشي مع الخدامات لا لا و باش مكملاها و مجملاها منعساها فوق فراشك متنسايش كنيتك البناني سهمك ماشي من سهم بنت دوار
جيهان : اولا كنيتي الملياني ماشي البناني و نتي ميمكلكش تنكري هادشي تانيااا نتي هاد ناس مجبتيهومش باش ديري بوصيت بابا ولا باش ديري فيهوم خير ههههه لا لا نتي جبتيهوم باش تنتاقمي من بابا بيهوم
الياقوت : (صرفقاتها) جمعي فمك و احتارميني ولا مغيعجبك حال
جيهان : (شدات فوجها ) هههه علاش كتسكتيني حيت كنقول الهدرة دالحق ياك حيت كنقول داكشي اللي نتي مخططا ليه فبالك مكنتيش دايراني فحسابك اوا الالة من اليوم زيديني فالخطة ديالك حيت مغاديش نسمحلك و نسمح للأنانية ديالك تآدي ناس أبرياء مدارو ليك والو و مآداوك بوالو كيفما أديتينا حنا و حرمتينا من بابانا هاهوا مشا و عمرنا حتى شبعنا منو كولشي بسبابك و بسباب الآنانية ديالك خاسك اللي بغيتيه نتي هو اللي يكون و كولشي
الياقوت : (قاطعاتها) لا لا نتي طوالك لسان و بزااااف (دفعاتها تا طاحت فوق الفراش خرجات و سدات عليها لباب بساروت )
جيهان : كيسحابلك الا عاقبتيني بهاد طريقة غادي نسكت راكي غالطة و بزاف
عند عويشة
بقات فنفس الوضعية كتبكي تا حسات بشي حد نغزها فكتفها
عويشة : (ضارت تشوف شكون و رجعات دورات وجها كتمسح دموعها ) شنو بغيتي
نوصير : واش كنتي كتبكي
عويشة : الا
نوصير : واش منيتك بكاك كيتسمع حتى لفوق و كتقولي لا
عويشة : اييه كنت كنبكي و من بعد
نوصير : و علاش
عويشة : سوققك
نوصير : الا (كالها بنفس طريقة اللي كتقولها هي ) مهم حيدي حيدي من طريق خليني نمشي فحالي
عويشة : (كحزات ) دووز
نوصير : (هبط شوية و رجع عندها ) مهم الا كانت الواليدة قاتلك شي حاجة ماشي هي هاديك متديهاش فيها هي دايرة هاكداك مع كولشي (قال هاد الكلمات و مشا )
بقات عويشة حاضياه بعينها حتى ختافا من أنضارها
عويشة : (غمضات عينها و استنشقات بعمق ) الله على رويحة (صرفقات راسها ) اويلي اعويشة نوووض ندير شغالي قبل متجي العقروشة تكمل فيا ما خلات
مشات عويشة مرا كتشقا هنا مرا هنا حتى داز نهار
♤بعد مرور أسبوع ♤
دازت سيمانة بسرعة البرق الياقوت غادة و كتقصاح معاهوم فتيحة و خديجة بداو كيتوالفو معاها و عويشة تاهيا مبقاتش كتديها عليها عاطياها غير لسريط و المريط دور دور و تمشي لتلاجة تنقب جيهان فيما تلقى الفرصة و تكون الياقوت خارجة كتطلعها عندها و يكلسو على التجماع و فتيحة كتبغي طرطق اما نوصير قليل فين كيجي للدار مرا كيكون فالخدمة و مرا كيكون مع صحابو و مرا مع شي وحدة ولا جوج ولا عشرة ....😂
♧ نمشيو عند عويشة ♧
مخشية فبلاصتها كل مرا كتقلب لجيهة و تقول واش نعاس بغا يجيها ضارت شافت فتيحة لقاتها نااعسة وحالة فمها اما خديجة شخيرها كيتسمع فالبيت كامل ناضت لبسات بينوار من الفوق مع كان صهد كانت لابسة غير ديباردو و سروال دالبيجامة خرجات كتمشا على صباع رجليها دخلات نيشان للكوزينة حلات تلاجة لقااتها عااامرة خشات راسها فيها و كلسات على الماكلة محسات غير بشي حد نغزها يالله اتغوت و هو يسدلها فمها
نوصير : (كان لابس غير شورط قصير و عريان من الفوق ) شووت سكتينا الموصيبة غير انا
عويشة :كح كح (سرطات داكشي اللي فمها ) تا مالك جاي تسلت دير غا الحس ااو
نوصير : (شعل ضو و دار كيخوي الما ) اوا جينا غير نشربو و انا نلقاك مخشية فالتلاجة معرفتك جن معرفتك بنادم شعلي غا ضو بعدا
عويشة : (حالة فمها فيه ) هاا
نوصير : (شرب و حط الكاس و شاف فيها لقاها ساهية ) هيهووو
عويشة : ها هم احم شوف تانا راه غير جاني العطش و جيت نشرب
نوصير : امم كون مشتكش بعيني كتخشي فوجهك كون تيقتك
عويشة : همم حضيني انا(كتغمض عين و تحل عين) و اصلا تبقاشاي تخرج من بيتك هوكا عييب عيب مكتحشمشاي
نوصير : (صغر عينو و كيقرب ليها بشوية ) اممم علاش عيب شنو فيها
عويشة : (كترجع لور ) تا شوف هوك عريان حشومة و معاك العيالات فدار
نوصير : (كلاها مع البوطاجي ) دب شفتي غير لفوق و درتي هاد الحالة كاملة(اشار بيدو للمعلم ) اما كون شفتي لتحت منعرف شنو غديري
عويشة : ( عويشة مع الكلمة هبطات عينها لقات المعلم قرب يخرج من شورط هزات عينها بزربة بدات كتنفس بصعوبة و كتزيد ترجع اللور ) هااا 😳
نوصير : (دوز صبعانو بشوية فوق عنقها و بقا مهبطهوم حتى وصل لصدرها اللي مبندر و نصو خارج من ديباردو و غطاه بالبينوار ) متبقايش تخرجي من بيتك هوك معاك رجال فدار (غمزها و دار يدو فجيبو و مشا )
عويشة مزال مستوعبات سيناريو اللي داز قدام عينها بقيات غير حالة فمها خرجات من الكوزينة و مشات نيشان لبيتها تخشات ففراشها وبقات ليل كامل و هي كتفكر
♡ أصبحنا و أصبح الملك لله ♡
الخدامات جاو وبداو خدمتهوم و خديجة فاقت و مشات للكوزينة توجد الفطور قبل ميفيقو و وصات فتيحة تفيق عويشة
فتيحة : عويشة تي نوضي بركة من نعاس
عويشة : خليني نزيد عا شوية احمباك راه منعستش ليل كامل
فتيحة : و علاش بسلامة منعستيش ليل كامل
عويشة : ها لا والو امبغاش يجيني نعاس
فتيحة : همم و شوفي نوضي انا نمشي نلحق على مي للكوزينة
عويشة : واخا واخا
بقات عويشة متكية شوية و ناضت لبسات حوايج ديال الخدمة جمعات شعرها كوتشوفال على طولتو و خرجات شافتهوم كالسين كيفطرو يالله اطلع دغية باش متشوفهاش الياقوت و تسمعها الهدرة و هو ينطق نوصير
نوصير : المهم راه ليوم غنمشي على ود داكشي اللي هضرنا فيه البارح فاجتماع
جيهان : خويا كون غير ديتينا معاك قنطت بزاف فهاد المغريب اووف
الياقوت : مكاينش المشي خوك غادي على قبل الخدمة ماشي باش يتسارا و زايدون فين اتخلي قرايتك و تمشي
نوصير : عندها الحق ها الفاكونس قرب نديك فينما بغيتي
جيهان : موااح صافي واخا
الياقوت : عائشة عائشة
عائشة كانت كتصنت مور الباب سمعات هاد الحوار اللي داز كامل تا سمعاتها كتعيطلها قفزات من بلاصتها مشات كتجري عندها
عائشة : (حادرة راسها حشمانة من نوصير) نعام الالة
الياقوت : طلعي لبيت نوصير جمعيلو حوايجو غيسافر
عويشة : ااا واخا الالة
طلعات عويشة جمعاتلو حوايجو فباليز و مشات لبيت جيهان كلسات و حطات يدها على خدها كتخمم
جيهان : عويشتي مالكي مقلقة
عويشة : والو
جيهان : شوفي و كان
عويشة : تي والو والو
جيهان : امم عويشة
عويشة : نعااام
جيهان : متأكدة معندك والو حيت قبايلة ماللي شفتك لتحت فحالة مقلقاك شي حاجة
عويشة : ااا لا عادي
جيهان : زعما متكونيش تقلقتي حيت نوصير غيسافر
عويشة : تي لاش انتقلق يسافر ولا يبرك انا مالي
جيهان : بلاما تخبعي عليا انا عارفاه كيعجبك
عويشة : هاا هاويلي تي مسطية شسايرة تكولي
جيهان : (دوات فحالها ) تي عا كولي كولي بيناتنا
عويشة : الااا اصلا واخا يكون تيعجبني واش خوك ايشوف فوحدة فحالي شو كيدايرة فين نبان كدام بنات المدينة ايخلي طفلات رقيوقات و فنات و ايجي عندي انا 😞
جيهان : علااش حتى نتي زوينة و زينك طبيعي حسن منهوم كاع كولهوم سيليكون ولكن غير خاسك تبدلي شي حوايج فيك و صافي
عويشة : كيفااش
جيهان : متلا الطريقة دالهدرة ديالك لباسك المشية ديالك طريقة باش كتاكلي و اهم حاجة خاسك تنقصي الوزن ماشي باش تعجبي نوصير لا راه الا كان ايبغيك ايبغيك كيفما نتي ولكن لمصلاحتك الغلض خايب على صحتك
عويشة : هاو هاو تي كيغاندير لهادشي
جيهان : هاء و انا شنو كندير انا غنعاونك غنردك فحال شي مانكان
عويشة : شناهيا تاني هاد مانكا
جيهان : مانكان زعما عارضة أزياء
عويشة : اييه اوا الالة اصلا من هادشي كولو هو مشااا يسافر مع راسو فين مسوق ليا انا
جيهان : راه مشا غير على ود الخدمة و غيجي و اصلا مزيان ماللي مشا باش نلقاو الفرصة
عويشة : امم انشاعلاه
جيهان : اه حقا نسييت مسمعتيش شي تقرقيب البارح فليل
عويشة : ااا الاا مسمعتش
جيهان : متأكدة حيت دب انا سمعت تقرقيب ياك و هبطت نشوف و انا نرجع من طريق مبغيتش نقاطعكوم 😂😂😂😂😂😂😂😂😂😂😂😂
عويشة : هااا شنو شنو كيفاش مبغيتيش تقاطعينا
جيهان : شفتكوم بعيني 😌 ولكن رجعت طلعت فحالي ديك ساعة
عويشة : شووت تي سكتي راه غيير ااا
جيهان : يالله عاوديلي كولشييي من a حتى لz
عويشة : ميمشيش عقلك بعيد (عاودات ليها كولشيي)
الجزء الثامن
جيهان : ياااي يااختي اوا شووفليك على نوصير اجي ميكونش تا هوا كتعجبيه
عويشة : الا راه عا كانت فيه زملة و بنتلو فطريق
جيهان : ههههههههه ناري مكتحشميش ياختي واش منيتك واش فخبارك نوصير شحال من وحدة ضايرة بيه كيحماقو على تراب درجليه كلمة وحدة منو المخيرة فالبنات تجي تالعندو تحت رجليه و دير معاه اللي بغا
عويشة : اييه دب شبغيتي تقصدي زعما
جيهان : (ضرباتها بشوية لراسها ) مالك كتفهمي العوج اللي بغيت نقصد انا نوصير لوكان باغي ينعس مع شي وحدة يمشي للفيلة ديالو و يجيب ميات وحدة ماشي غا وحدة يعني هو كتعجبيه نتي
عويشة : اممم شنو غيعجبو فيا متلا و انا دايرة هوك
جيهان : شتي نتي بعدا قبل ما غتبدلي شكلك خسك تبدلي شخصيتك هي اللولة خاصك تيقي فراسك و تولي قوية حيت نوصير خويا و انا كنعرفو شتي دوك بنات كاااع اللي كيعرف مكيعجبوهش اكيدوز معاهوم الوقت و صافي حيت نوصير كتعجبو البنت زينها طبيعي و تايقة فراسها ماشي حتى كتطلي فوجها ميات كيلو دالماكياج و كتزير طرمتها حتى كتبغي تنفاجر و تنفخ شفايفها عاد تجي تبوزا عليه
عويشة : و صافي نشاعلاه يكون خير يالله نخليك انا انهبط نكمل شغالي قبل ما تجي مك
جيهان : واخا سيري ااه و ديري فبالك غدا اتنوضي بكرريييي قبل من الوقت اللي خاس تنوضي فيه
عويشة : لاااش تاني هاد نواض
جيهان : اوا شنو سحابلك الالة ساهل باش تبدلي راه خاصك تبداي سبور و تولي تاكلي غير الماكلة دريجيم و خاصني نديك غدا عند لبنات باش يعلموك كيفاش تولي تهضري و كيفاش تولي تاكلي و كيفاش تولي تمشي بطالون و كيفاش تلبسي و تناصقي الحوايج و من موراها نديك لصالون يديرولك صوان للجسم ديالك و صوان لوجهك و صوان لشعرك و ضفارك و كولشي كولشي حتى صوان لتوتو 😉
عويشة : اهياا ناااري (بصوت باطمة) هادشي كامل كيف غندير ليه اخيتي و اصلا منين انجيب فلوسو
جيهان : اولا هادشي اكيبالك بزااف اما دغيااا تعلمي و تانيا مضربيش لحساب للفلوس (بهمس) كولشي على حساب اخي العزيز 😌
عويشة :واخا واخا انا مشيت
هبطات عويشة تكمل شغالها يالله سالات مشات ديريكت لبيتها تنعس طاحت دودة
☀️أصبحنا و أصبح الملك لله ☀️
جيهان : (بهمس) عائشة واا عويشة
عويشة : اممم
جيهان : نوضي نوضي
عويشة : (بالغوات) تي سيري خلينا نعس شبغيتي
جيهان : شووت بشوية ازمر واش نسيتي علاش تافقنا البارح
عويشة : (حالة عين و سادة عين شافت فساعة لقاتها 6h رجعات شافت فيها )شوفي بدلت رأيي حتى خوك اسيرو شوفولي شي وحدة خرا مبقيتش باغاه يالله الله يكمل عليكوم بالخير تصبحي على خير (رجعات نعسات و غطات راسها بالملاية)
جيهان : اهاه واخا طلبتي غالموجود نيت واحد صاحبتي كتسنا افوقاش نخطبوها 😌(يالله جات تمشي و هي تشدها من يدها )
عويشة : احمباك نزيد اشوية
جيهان : راه خاسك تنوضي دب قبل ما تنوض الياقوت
عويشة : شوت واخا واخا سيري قبل ما ينوضو هاد الهيوش
جيهان : وشوفي راه لبارح طلبتلك واحد سورفيت من واحد سيت كنضن اتجي قدك زيدي باش تقيسيه
الجزء التاسع
طلعو البنات للبيت لبسو ليسورفيت ديالهوم و قادو مكياج خفييف و خلاو شعرهوم مطلوق
جيهان : وااااو جيتي طوووب بهاد سيرفيت جاتك واااعرة
عويشة : تانتي جاتك زوينة 😍
جيهان : لا لا بلاتي خاسني نصورك
جبدات تيلوفونها ضربو تصاور و خرجو يجريو جيهان مولفة جري مع خرجات من الباب عطاتها بجرية اما عويشة كل دقيقة كتوقف ترتاح بقاو هاكداك حتى وصلو لواحد الكلوب دخلو تسجلو و تافقو مع مول لكلوب باش ايبقاو يجيو كل صباح يديرو رياضة خرجو من تما و رجعو للفيلة عاوتاني كيجريو دخلو جيهان طلعات لبيتها و عويشة مشات كتلست دوشات و بدلات حوايجها ديال الخدمة و خرجات كتعاون الخدمات اما جيهان كانت كتسنا غير الياقوت تمشي لشركة بقات حاضياها يالله خرجات عيطات لعويشة لبسو حوايجهوم و داتها لعند واحد البنات كتعرفهوم باش يعاونوها و يعلموها كاع داكشي اللي باغا تعلمو فالأنوتة و البورجوازية😂
جيهان : مهم اعويشة انا غنمشي لقرايتي و انخليك مع هاد البنات راه وصيتهوم شنو يعلموك و ماللي غيساليو معاك غتديك هاد البنت لصالون و انا ماللي توصل ساعة اللي كتجي ماما فيها للدار انجي موراك نديك صافي
عويشة : بقاي معاك احمباك 🙁
جيهان : مكرهتش مي ميمكنش يالله باي باي
مشات جيهان و بقات عويشة مع البنات بداو كيعلموها شوية بشوية خرجات فيهوم شيييب اباش تعلم كيفاش تكلس و كيفاش تاكل ماللي سالاو داتها البنت للصالون دارولها ليصوان لشعرها و وجها و للجسم ديالها و قادولها ضفارها و دارولها ليبرودوي و داكشي كااامل تا جات موراها جيهان
الجزء العاشر
بقاو هاكدا على نفس ريتم شهراين على قدها شوية بشوية تعلمات عويشة اوبس بغيت نقول عائشة حيت قالك الالة منبقاوش نعيطولها عويشة 😂😂😂😂 معم تعلمات عائشة كاع داكشي اللي كان خاص تعلمو و نقصات بزاااف ديال الوزن ولات هدرتها مقادة فحال لبنات دالمدينة وولات كتعرف تلبس و تناسق الحوايج ولات كتعرف كيفاش تاكل و كيفاش تكلس و كيفاش تمشي بطالون مهم ولات فحال شي بورجوازية 😍
و آخيرا جا نهار اللي كنتسناوه كامليين هاد نهار اللي غيجي فيه نوصير وهاد نهار هو نهار اللي غتبدا فيه قصة نوصير و عائشة 🔥
مع صباح فاقت الياقوت بإتصال من نوصير كيعلمها باللي غيجي ناضت فيقات كولشي ناضو كيوجدو ها اللي كتخملو بيتو ها اللي كيخملو صالونات و عائشة و فتيحة كيصاوبولو الماكلة اللي كتعجبو كيف وصاتهوم الياقوت
اما صكعات دعائشة و جيهان مافراسهومش هادشي كاامل كانو مزال فلاصال كيديرو سبور
جيهان : عائشة انا انمشي لطواليط و نجي باش نمشيو فحالنا راه تعطلنا
عائشة : واخا سيري ها انا كنتسناك
مشات جيهان لطواليط كتغسل فوجها محسات ابشي حد دفعها مع الحيط و سد لباب د طواليط
جيهان : اااي شكادير
أمين : (حط صبعو على فمها)شووت (قرب من فمها و باسها ) جيهان هاد المرة مغاديش نخليك تهربي مني
جيهان : (دفعاتو ) واش حماقيتي آخر مرا تدير معايا شي تصرف فحال هاكدا ولا غنشوهك
أمين : جيهان نتي عارفاني كنبغيك من نهار اللي جيتي لهاد لاصال و انا كنحاول غير نتقرب منك و نهدر معاك و نتي دافعة عليا كبير جيهان عطيني غير فرصة
جيهان : واخا شنو بغيتي دب ؟
أمين : امم عطيني دب نمرتك و الا لقيتي شي وقت مناسب نطلاقاو فشي كافي و نهدرو (مدليها طيليفون )
جيهان : اووف (شداتو من عندو كتبات نمرتها و مشات )
جيهان : عائشة يالله نمشيو
عائشة : مالك تعطلتي اصاحبتي
جيهان : زيدي زيدي حتى لدار و نعاودلك
عائشة : واخا يالله
خرجو لبنات من لاصال ركبات جيهان فطوموبيلتها كتسوك و عائشة حداها وصلو لدار مع دخلة لقاو الياقوت واقفة كتسناهوم
الجزء الحادي عشر
عائشة :( ولات كتصفار و تخضار ) لالة
جيهان : ااا ماما
الياقوت : فين كنتو بسلامة
جيهان : (شافت فعائشة ) عائشة غير سيري نتي
الياقوت : عائشة غتبقا انعاود نسسولكوم فين كنتو
جيهان : كنا فلاصال كنديرو سبور ياك نتي بغيتيها تضعاف اوا هاهيا ضعافت ياكما سحابلك ضعافت بدعاء
الياقوت : ياك الالة و هادشي كامل بلا خباري انا
جيهان : علاش ايكون فخبارك
الياقوت : لقيتيني مامسالياش ليكوم حيت نوصير ايجي ليوم اما كون نقيت ليكوم ودنيكوم واخا من بعد و نتفاهمو (خنزرات فيهوم و مشات )
شافو فبعضياتهوم
عائشة : ياكي ياكي خوك ايجي ليوم و مقايلاهاش ليا
جيهان : والله ما فخباري
عائشة : دب شنو اندير
جيهان : شوفي دب سيري دوشي و من بعد دوزي عندي للبيت يالله موااح
مشات عائشة دوشات و طلعات عندها للبيت جبدات جيهان كاع لكريمات اللي عندها ديال اللحم و ديال شعر و ديال توتو و عطاتها دهناتهوم
عائشة : دب علاش هادشي راه غيرغيشوفني بعينو كاشي ايدخل بيا (ليلة دخلا)
جيهان : اوا منعرف نوصير هادا يقدر يشدك فدوش فالكوزينة فصالة فالبيت فجردة اللهم ديري احتياطك😂😂😂😂😂
عائشة : ههههههه اويلي داكشي اللي بقا و نااري احح ياختي كون تعرفي شحال توحشتو 😍
جيهان : اوا هاهوا جاي ايبقا حداك حتى يطلعلك فراسك (جبدات بلاك كتصاوبلها فشعرها)
عويشة : ايي بشوية كتقصحيني ازمر اجي بعدا شنو كنتي اتعاوديلي شنو وقعلك فطواليط
جيهان : (ولات حمرة) و ناري ياختي مكتنسايش احم مهم أمين طلب نمرتي
عويشة : شكون أمين نااري متقوليليش داك أمين اللي كيدربنا
جيهان : اييه هوو هو وراه هو مال لاصال نيت
عويشة : احح يالمسخوطة مامشيتي تا طيحتيه
جيهان : شتي شتي قتلك انطيحو عرفتي ياختي باسني واحد البوسة حنييينة (شدات فقلبها كنت انسخف ) اييي كنبغيييه 😍
عويشة : سعدااتك نتي بعدا تباسيتي اما انا عمري دقت البوسان كيف داير 😂
جيهان : نتي بعدا اسكتي اتعكفي البوسان فمك ايطيب اصبري 😂😂😂
عويشة : شوفي متكتريليش المكياج اتسمعني ماماك اللي عمري سمعتو
جيهان : نووو انديرلك داكشي خفيف افونطوتان و عكار خفيبف و مسكرة
عويشة : واخا يالله سربي
جيهان : بعدااك صاية و القاميجة اللي كتخدمي بيهوم ولاو كيجيوك كبااار لبسي شي وحدين خرين يكونو قدك
يالله سالات ليها المكياج وهو يصوني طيليفونها
جيهان : نااري أمييين
عويشة : ههههه جاوبي جاوبي فارس أحلامك انا انمشي نبدل حوايجي عنداك متعاوديليش اش قالك
جيهان : واخا واخا ألو
خرجات عائشة هبطات للبلاصة فين كاينين الحوايج دالخدامات جبدات صاية كحلة و قميجة بيضة لبساتها جاتها قرطاااسة مع فورمتها فاش ضعافت ولات فحال الحوتة جمعات شعرها كوتشوفال و خرجات كتعاونهوم فتوجاد
♤ بعد مرور 3 ساعات ♤
الياقوت : يالله سربيو ها نوصير وصل راه فالماطار
وجدو الخدامات طبلة ديال العشا و قادو كولشي عائشة و جيهان غيطيرو بالفرحة و كيتسناو على أحر من الجمر
عائشة : (واقفة مع جيهان فبيتها و كيتسناو شوية سمعو خديجة زغرتات ) هاهوا هاهوا جا
جيهان : يااي يالله زيدي نهبطو
هبطات جيهان كتجري و عائشة و طارت على نوصير بتعنيقة و عائشة واقفات مع الخدامات كيستقبلوه
جيهان : يااي توحشتك 😍😍😍😍
نوصير : (بادلها تعنيقة و خربقلها شعرها) حتى انا توحشتك القطيطة ديالي
جات عندو الياقوت كترحب بيه
الياقوت : مرحبا بيك
نوصير : (باسها) شكرا
لارا : (داخلة و جارة فاليز ديالها ) و أنا مغترحبوش بيا
الياقوت : هههه لارا (عنقاتها ) مرحبااا بيك عندنا
عائشة قلبها بغا يسكت مفهمت والو من غير أنها حسات بقلبها شعلات فيه العافية حسات برجليها كيخويو بيها و جاتها دوخة مشات لبيتها كتجري
لارا : و نتي أجيهان مغترحبيش بيا
جيهان : (بإبتسامة صفراء ) مرحبا بيك ألارا (دارت باش تشوفها ملقاتهاش مشات كتقلب عليها )
Tags:
51