بعد عشر أيام .. جلال سافر يقضي شغالو لي خلاهم واقفين و يتاابع اخبار مرتضى لي فص ملح و دااب من نهار هرب ماعرفوه منين زاد .. كان جلال متأكد انو خىج من المغرب .. داكشي علاش كلف ناس باش يقلبو عليه و يتفو جهووودهم في البحث .. اما عن نفسيتو هو .. بقاااات مكهربة من ااخر لقااء ليه مع عبيير كيضغط على رااسو فالخدمة ما امكن بااش ميفكرش فيها .. لكن مكلف لي يجيب ليه اخلارها اول بأول .. ..اما هي بعد هاد الأياام من الرااحة النسبية لي قدرات فيها تسترجع ذااتها و نفسها ..
قررات تلتفت لحياتها و مستقبلها .. قبل يومين . بانت لها مسابقة من ماركة مشهورة ديال المجوهرات .. طالبين عارضة للمجورهات ديالهم .. خذات رقمهم و اتصلات بيهم ..
بعد مدة طلبو مها صورها .. صيفطات لهم كااع تصااورها لي دارت فالاعلانات و الفيلم ديالها .. الصدرة تالغلاف و لعبات اكثر على صور الفيلم باش يعرفوها متعودة على الشهرة و لعبة دور البطوولة على الفيلم ..ما هي الا يومين حتى صيفطو ليهابأنهم موافقين و غايعيطو ليها بااش تقرى العقد و تمضيه .. ..
هذا كان خبر احسن ما يقال عنه انووو منقد ليها من القوقعة لي راهي فيها فالمغر .. خصوصا ان الام ديالها جات من العروبية .ولا الدخوول و الخروج بالقااعدة و القانون ..و كيف كل يوم كانو جالسين كيفطرو حتى نقزات خولة و شافت فالأم ديالها حنحناات و خذات نفس عمييييق عاد تكلمات ..
-خولة ..احم ..ماما بغيت ندوي معاك..
- عايشة .." طلعات فيها عينيها" ..ايه دوي اش هاد الصواب نزل عليك دقه ..!!
- خولة ..احم ..انااا .. دابااا هو ..
- المى .." كاتاكل و دوي" ..خولة جاو فيها الخطاب و هي موافقة و الولد باغي يجي يشوفك باش يطلبها منك بااغي موعد زعما بااش يجي يخطبها .." شافت فخولة و غمزاتها" ..
-عايشة .." رمات الخبز لي فيديها و شافت فينم بزوج" ..و تزوجتي بعدا نتي الكبيرة باش تزوج هي؟؟؟؟
- المى .. ههههههههههه شكون قال لك انا بغيت نتزوج امامي ..
- عايشة .. اوا ماعنديش بنات للزواج .. البرهووشة لووخراا شمن زوااج هذا تدوي عليه و هي مزلة يالله بدات القراية فلافاك!؟
- خولة .. و الله اماما و ماتواافقي يجي يخطبني لا قريت ليك .. يالله ..
- عايشة .." مدات يديها ليعاتها بقرصة من فخضنا" ..قريييتييي لراااسك علااه قريتي ليا اناااااا .. الخاتنزة بغييت ندير ليييك قييمة و بغيتك تا تخدمي و ديري داارك و طنووبيييلتك عاااد تفكري فالزوااج ..
- خولة ..ماما غاتكون غير خطووبة. .
- المى .. "طلعات فيها عينيها". . ماما اذا تسنيتيني نتزوج خوليتا غاتبقى باااايرة .. حيت انا جاتني خدمة برا المغرب .. و غانضطر نمشي هاد اليامات .. يا ريت توافقي .. بغيت على الاقل نحضر الخطبة ديالها ..
- عايشة .." ربعات يديها و خزرات فيها" .. شتك نتي مؤخرا وليتي تديري لي قال ليك مخك و متتحسبي حساب لحتى واحد!!!
- المى .." كملات ماكلتها". .خدمتي هكذا !!! و حياتي من هنا للقدام غاتولي هكذا .. معرفتش ايمتا ممكن نرجع .. بالحق انا محتااجة هاد الخدمة بااش نتبت راسي فالوسط الفني ..
- عايشة .." تنهدات و حركات راسها بقلة حيلة" .. ماعرفتش ااش غاندير معاكم ..حمقتووني شيبتوووني .. ربي عطاا لنااس ولاااد مگووودين موگضييين و انا عطااني حريرة و اختها عصيدة .. يخ .. يخ ...
- المى .. ههههههههههه ... شنو دابا!! مازال ما وافقتيش على العريس .. عرفتي شنو انا خصني ضروووري نخلي معاكم راجل بااس نطمأن بعد ما نمشي. .
- عايشة .. اوا الله يمسخك ابنتي ..
- خولة .." بعيييوم مترجية .. " شنوو دابا نقوول ليه!!!! ...
- عايشة .. امري لله ..
- المى .. اتصلي بيه .. و اريه ليا بغيت ندوي معاه ..
- خولة ..." بفرحة" .. اوكي هههه .." جبدات تيليفونهت و اتصلات بعلي .." الوو .. وي علي. .
- علي .. حشيشة گلبي .. اش تم ..
- خولة .. المى بغات تدوي معاك ...
- علي .. ايه مرحبا ..
- المى .." خذات منها تيليفون " .. وي علي .. بغيت نبلغك بلي ماما جات و اذا بغيتي تدوي معاها على ود خولة حدد موعد لي يناسبك و اجي ..
- علي .. "ابتسم ابتسامة عريضة" ..ء ههههههههههه بصح .. اليوووم نجي اليوم ..
- المى .. شمن اليوم مالك هبلتي ..
- علي ..كينااسبني اليوم .. قالت اليوم غانجي هي اليوم سدات مدام ..
- المى .." تأففات و شافت فالام ديالها لي تتشير ليها بلااا ماشي اليوم" .. ااه .. عندي شرط ..
- علي ..كل الشرووط مجاابة الله يا ودي ..ااش حب الخاطر ..
- المى .." ابتسمات و شافت فخولة حيت حساتو فرحان من نبرة صوتو" .. مبغيتكش تجيب معاك صاحبك .. احم .. داك الهيلالي ..مابغيتوش يدخل لدارنا ..
- علي .. جلال مكينش فالمغرب .. و لو كان هنا هاد الشرط مكنتش هانوافق عليه .." زعف عليها" ..
- المى .." ابتسمات بالجنب" .. مزيان لي مكينش ...مافيا ميتساطح مع كمارتو ..المهم ميعادنا العشية ..
- علي .. شوفي .. بما انه ماعندي تا حد غانجي بوحدي .. احم .. اااخولة عارفة هادشي ..
- المى..." بتفهم .." تماااام ...
قطعات معاه و اتجهات لعند خولة مدات ليها تيليفون" .. العشية غايجي .." هزات يديها للفوق " .. هو لي مابغاش انا مدرت واالو ..
-عايشة .. اوااااا ااااش بغيييت ليكم ابناات عايشة .. غاا غباارة .. يالله نوضوو تجمعووجمعو الروينه لي فالصالون ..
- خولة... علاش ماناويااش تحلي لينا الصالون ديال الضياف اعشوشتي !!
- عايشة .." خزرات فيها" .. هذااك نحلو ااذاااا كنت راضية ..
- خولة ..." تفكعات .. ياللخة اماماات واااخة ...عقلي عليييها مزيااان اساخصرتي فبنتك صاالون واااخة اماما...
- المى ..حشووومة علييك اماما ماتقوليش هاد الهضرة .." جلسات حداها تتحلون عليها" .. هادي راه بنتك لي جايايين فيها الخطااب خصك تبينيها كبييرة بااش يقييمووها بالغاالي ..
- عايشة .." مطلعة حااجب و منزلة لاخر" ..اممم .. زعماا تااكلو بنادم بالهضرة ..
- المى .. ههههههههههه تربيييتك ...
- عايشة ..الله يقل حياك ..كون غا طلعتو ليي ..
- خولة .. هههههه كون را كاع مايجيو فيا الخطاب ..
- عايشة .." حتات على صندالتها و شيرات بيها على خولة" ..والله يا ديك الشاالووطية
بقاو مني منك تا صفاو خواطرهم من الضحك عاد نااضت خولة بما انها جايبة العرييس اذا هي معاقبة .. ضرباتها بتسييقة للدار و صايبات الصالون .. اما المى .. تكلفات بالگاطو و التسخار ديال برا .. مشات شرات داكشي لي خاصها تالحلويات و العصائر .. داتهم للدار عاد مشات للمول تشري لخولة فستاان الخطووبة ..و لي غايكون كادو ديالها ..بانت ليها كندورة و مشات شراتها لراسها و خذات قميص لعايشة تا هي مع بليغة و شال. . دات كولشي و كل واحد عطاتو ديالو ... بينما وصلات العشية ..دوشات هي عاد تبعاتها خولة لي كانت مهدوووودة بشقى .. تا هي دوشات و استغلات المى ديك الوقيتة نزلتت فيها للكوزينة لقات عايشة كاتش
ستف الكيسان فالبلاطو ..
- المى ..." جات موراها هراتها" .. ام العرووس ..
- عايشة.. ينعل حسك .." ضرباتها لدراعها" .. خلعتيني ..
- المى .. كين ما يدار ..؟؟فاش نعاون ..
- عايشة .. الله يرضي تليك جبدي دوك طباسل و ستفي الحلوة "شيرات ليها على البلاكار" ..
-المى .." خذات طبسيل تتستف فيه الحلوة " ... ماما ماتبقايش هكذا مكشرة .. عيب .. الراجل جااي يخطب بنتك ماشي يخونها ..
- عايشة .." حطات لي فيديها و شافت فيها" ..كااشي بيدي ..خولة هاجي رااه بنتي الصغييرة .. مزاالة ما عارفاااش الزوااج و المسؤولية .. و هذا لي غانعطيه بنتي انا ماعارفاهش شكون هو ..
- المى ..المهم غايعيش بنك مرتاحة .. حيت هو مرتاح ماديا ..شنو ماشي حسن ما تزوج بشي برهوش تيقرى معاها ولا شي واحد من درب ..مزلوط و ماعندو عشاه!!
-عايشة .. متفقة معاك ..ولكن ماتعرفي مع من تلاقى .. عرفتي ابنتي هاد الزواج كيف داير .. دير فحال مؤسسة ..تقدر تكون ناجة .. و تقدر تكون فاشلة .. ماتعرفيش فاش تدخلي ليه مع من تلاقاي .. كاين لي يتلاقاك قبل زواج بوجه .. و من بعد زواج بوجه اخر ..
- المى .. و شنو الحل نبقاو بلا زواج .. حسن ما نقمرو على هاد المؤسسة ..
- عايشة .. انا مابغيتش بنتي تمشي شهر ولا شهرين و تم جاياني مطلقة .. هادشي كثر هاد الايام ..شوفي غابنت فاطمة .. مشات تزوجاات ماكلات تا شهرين و طلقات رجعات لدار باها .. و حاملة من الفوق ..انا هادشي مابغيتوش لبنتي ..
- المى .." ضحمات بالجنب " ..المكانت اماما ..مامنو هروب ..
- عايشة .." حطات العصير فالثلاجة" .. و ديري حساابك مكين سفر .. تا نتي ..ميمكنش تخليوني بووحدي ..
- المى .." حطات لي فيديها" ..لالا هنا ديري بووز .. كيفاش مكين سفر ؟؟
- عايشة ..مكين سفر يعني مكين سفر .. انا ميمكنش نعاود نخليك تسافري بوحدك .. تجيني فحال الخطرة الاولى ..
- المى ... ماتخافيش عليا ..
- عايشة ..لااا نخااف علييك ... ملي تجيني فنصاص الليل كتبكي و ماقادة تهزي رجل ولا تحطي رجل نخاااف عليييك ..و ملي نسمع كلااام الناااس عليك فااش نكون خاارجة ... نخاااف علييك ...
- المى .. اااه قوولي هكذا .. كلام الناس ..هههه احبيبة .. الناس من ديييما داويين عليا .. اااش الجديد ..؟؟
- عايشة ..الله يهديك ابنتي .. هاد المرة غير ..شاايفيينك دااخلة خاارجة . ااش غايقولو ..
-, المى .."التسمات ليها" ..يا امي انا ديما داخلة خاارجة ..ااش الجديد عمري جلست شي نهار فالدار!!
- عايشة .. " تأففات" ..دابا احبيبة راك وليتي تتباني فالافلام .. و زيد عليها الخرجاات ديالك دابا كثرو ..تغيبي بالأياام و الشهوورة ..و ترجعي .. فين غايقولو تتمشي .." حطات يديها على خصرها " ..ابنتي انا خايفةةعلييك ووكندوي على مصلحتك ..
- المى .. " قربات و شدات لها فيديها" ..يا حبيبتي .. شفتي النااس داويين داويين .. اذا كنت مزيانة غايدويو .. و يخرجو عليا الف حكايه كذووب...و اذا كنت خاايبة .. غايدويو فيا ..النااس مكيدويوش حييت حنا لي خاييبين .. لالا .. كيدويو بااش يبينو رااسهم بلي حسن منا .. كيدويو بااش يتباهاو على بعضياتهم .. كوولهم كيدويو حيت مكيبغيو يعترفوو بلي هووما برووسهم كيغلطو .. !! هوما كيديرو كوولشي و يمكن تيديرو حوايج انا منقدرش نديرهم و فاللخر كيدويو عليا .. هادشي ولفنااه انانا .. و انا نقولها لك مكيهمني تا حماار يدوي عليا .. لي دواا عليا نحط لو صوابعي العشرة على عينيه .. و مكيهموونيش .. و غانساافر و نعيش حيااتي و نخدم على. رااسي .. نوصل لدااكشي لي ميحلمووش هوما يوصلو ليه اماما ..
- عايشة .." شاافت تا عياات و هي تسكت" .. الله يهدييك ابنتي الله يهديك ..
- المى ..حطات يدها على وجهها" .. ضكي ليا ضحكي ..غانبرعك اماما .. وعد مني نطلعك للحج .. يا ديما تتحلمي تزوري داك المقام ...
- عايشة .. " تنهدات" امنيتتي ..
- المى .. ديين على رقبتي نطلعك الحج السنة المااجية .. وعد مني ..
- عايشة... الله يرضي علييك .. ..يالله تگعدي عليا شووفي ختك واش لبسات ..عريس الغفلة قرب يجي ..
- المى ..هي اللولة ..
طلعات لعند خولة لقاتها لبسات الكسيوة لي جابت ليها .. كانت مزيرة عليها واصلة حد الركبة ..كلها تتلمع ..بلا درعين و جاية بالكول طالع .. معاها طالون فالگري .. جات معاها هي هاديك اللاطاي ..
- المى .. ويينو .. جيتي زويينة ..
- خولة .." داىت يديها على خصرها و بدات تضور" .. ادري اني جمييلة ..يالله اجي ديري ليا الميك اب ..
- المى .. هي اللولة ..
مشات عندها بدات تتصايب ليها الميك اب ..حسات بيها فرحانة .. و مرتااحة ..دااها باالها بعيد .. واش يمكن تحس تا هي بهاد الاحساس لي حاسة بيه خولة شي نهار و لا صاافي ضيعات راسها !!
- المى .."ركزات فيها الشوفه .." .. فرحانه!!!!
- خولة .." ابتسمات" .. بزااف ..
- المى ..و عبد الجليل !!
- خولة ..عبد الجليل ..هههه ..ماالو عبد الجليل .. كنت كنحس معاه بالحنان .. بالحق .. ماعرفتش .. هو كان حنين و عزيز عليا ..
- المى .. كنتي تتقولي كتبغيه!!
- خولة ... وا ماشي حب .. غير ولف ..
- المى .. ههههههههههه و دابا علي هو لي خدا القليب !!
- خولة .." ابتسمت و نزلات راسها" ..معرفتش .. علي باش تنحس معاه ..المهم تنحس بالأمان .. و بلي عندي علامن نحط الراس ... و تا هو وحداني الصراحة غانكون مرتاحة معاه ..
- المى .." كدير ليها اللمسات الأخير فالميك اب .." و انا هادشي لي بغييت تكوني مرتاحة ..
- خولة ..يخلييك ليااا و العقووبة لك .. انشااء الله ..
- المى .." ضحكات بالجنب وناضت وقفات" ..انا خليني نتهنااا غير على راسي برااحة الباال هذا هو الفضل .. نمشي نبدل ..
خلات خولة مابغاتش تزييد تا هضرة و تنغص عليها هاد الليلة لي فرحانة بيها .. مشات بدلات لبسات گندورة بنص كميمات واسعة و قصيرة فالأسود بالمجدول فالأحمر و مخيطة بالأجم. .. مع بليغة كحلة .. جمعات شعرها ذيل حصان و دارت ماساكارا و عكر حمر غامق مات .. جات غزلة ..خصوصا ان وجهها نقي مزينينة غير الشامات لي فيه .. رشات بارفانها. و نزلات لقات عايشة جالسة و حاطة رجل على رجل بقميصها السااتاان السوموو و بليغتها الحمراا و فولارها لي فنفس لون البليغة و مريحة فالصالون ..
المى .. هاي هااي على عوييشتي .. الأناقة و زين عاوتاني .. ههه ..
- عايشة .." نافخة ريشها" .. و شنو يصحابلكم شرفت راني ندك و ندردك عليكم كااملاااات...
-المى .. ههههههههههه نتي راك الفنون ديالنا ..
- عايشة .. ختك وجدات راسها ..
- المى. .. ااه عاد كملت لها المكياج .." سمعو السرسار ديال الدار" .. هاهو جا
- عايشة .. نوضي حلي نووضي .. " حطات يد على يد و طلعات خنافرها للسما" ..نشوفو حريرتكم فين توصلنا ..
- المى ..هاالعاار لاما ضحكي اناري ..
خلات عايشة ماعاجبها حال و مشات للباب حلات عليه .. كان لابس كوسطار فالكحل كولشي كحلةمن غير الشوميز .. جاها مبدل و هو مغير تريحة شعرو .. هاز فيدو كراطن ديال شكلاط و الورد ..
- علي .. سلام ..
- المى .." ابتسمات ليه " .. مرحبا ..تفضل ..
- علي .. شوووكراا .
مد ليها داكشي لي جاب هزاتو و اتجهو للصالون vipديال عايشة😂 غير بان قدامها طلعات و نزلتت فيه بديك الشوفة تا شككاتو فراسو ..مشات عندها سلم عليها و ريح قدامها فين شيرات ليه المى .. و ريحات هي حدا عايشة ..
- المى .." شافتو متوثر بغات تفكو" .. اوا علي .. صافا عليك!!
- علي .. بيخييير اختي يحفظااك ..
- المى .. مزياان .." نغزات عايشة .." ..
- عايشة ..مرحبا .." من فوق خاطرها .." .
- علي ..الله يبارك فيك الحااجة ..
- عايشة .." بصوت غير مسموع ..".. الحاجة هي موك ..احم.. شفتك جاي بووحدك!!ياك لبااس فين واليديك ..
- علي .." حس براسو تجيف ..فتح الشوميز ديالو و طلع عينيه فألمى لي شيرات ليه برااسها زعما طلق راسك" .. هو انا يتيم .. ماعندي حد .. داكشي علاش جيت بوحدي ..
- المى .."طلعات عينينا بانت ليها خولة حابة قبل كاع ما يقولوها ليها ..سمعات الهضرة و عرفات عايشة غاتكحلها .." ..ااه هاهي العروسة جاات ..هههه زربانة ..
- خولة .." وقفات حدا تلي لي غا طلع فيها عينيه حس براسو تبلوكات .. ضربات فيه ريحتها بحال لا بنجاتو .. و خلاش فااش شافها عينيه لمعو فلحظة .. كانت فحال الأميرات ديال القصص .. المكياج بدلها تماما .. مع انو خفيييف و مااشي سموكي ولكن كاان لايق علييها ..
- علي .." عينيه فعينينا" ..اذ هادشي .." بغا يشد لها فيدها و هي تغمزو" ..احم ..ريحي ..
- عايشة .." حطات صبعها على ذقنها و تتشوووف فيهم حتى ريحات حداه و هي ترجع تمطق" ..ماجاوبتينيش اولدي ..ماعمدكش خواالك او عمامك ..شي حد كبير يجي معاك؟؟ راك عارف الأصول يمكن ..
-خولة .." زيرات على سنانها " ..مامااا ..
- عايشة .." خزرات فيها" ..ااش ماما اااش !! ماشي المفرووض يجيب شي حد كبير من عائلتو هادشي لي تنعرف انا
- علي .."حس بيها ضرباتو في مقتل .. تنهد و طلع فيها عينيه .." ..و ولد الخيرية امدام عايشة .. مامنحقوش يخطب!! و يتزوج!! عارف الأصول مزياان و عارف شنو عليا .. و كنت نتمنا واليدييا يكونو معايا " زير على يديه" ..و نكبر ببنتك كثر .. ولكن .. اذا ماشفتهمش .. و ماعرفتهمش!! .. ااش ندير ..!!
- عايشة .." شافت فخولة .." ..انا ..احم ..ماقالو ليا والو...
- المى .." شافت فيه و عينيها مهزوووزين ..حيت كاانت اكثر وحدة حاسة بيييه .. " ..علاش ولد الخيرية ماعندووش الحق يخطب ..عندو قلااك ..يخطب و يتزوج .. و يعييش حيااتو كيف ما بغااها و ختارها ..تا حد ما من حقو يقوول ليه لا على حق من حقوقو اعلي .. و انا كنقولها لك ..انا متأكدة انك كاتبغي خولة و غاتحافض عليها .. حيت شفت خووفك عليها و مراعاتك ليها .. داكشي علاش انا ماعمدي تا ماانع " شافت فعايشة " .. و حتى ماما ماعندها تا ماانع اذا كنتو نتوما متفقين الله يكمل عليكم ..
- علي .." شااف فيها بنضرة مطولة و ابتسم ليها مكانش فبالو غادعمو " .. يحفظااك ..
- عايشة ..دابا
- المى .. دابا انا وياااك غانوضو نجييبو الحلوة و العصيير للعرساان ..
- عايشة .." ناضت وقفات" .. ااش هاد الزربة زربتي عليا ..!؟
- المى .." جراتها معاها .." .. غاتبقاي ديري ليزا فيها الحمااية الشريرة ديال المسلسلات التركية .. و ديري لينا فييلم و فاللخر غايتزوجو .. زيدي زيدي ..اللهم نقصر عليهم مساكن ..
.....
علي .." بالخف كحاز لعند خولة و جرها من خصرها. .. شد لها فعنقها باليد الاخرى و رجرها لعمدو .. قبلها فعنقها قبلات متتالية .." .. علاش مخبيااه عليا ااممم ..
- خولة .."ضرباتها اللقوة و كااع الدم لي فيها طلع ليها لحنااك .." عليييي .. ماما غاتجي تحصلنا ..
- علي .." زاد قربها و عبنيه فعينيها" .. شنو منبووسش مرتي!!
- خولة .." بدلع .. ههههههههههه مزال ما وليتش مرتك ..
- علي .. " كيدوز صبعو على تنقها" .. قرييب احبيبة .. قريييب ..
- خولة .." زعمات و خشات يديها وسط شعرو تتلعب بيه" .. و من هنا لديك السااعة .. خصك تحترم راسك ..
- علي .. ههههههههههه .. شناااوااا ..! من نيتك انا راني كنت معاك محترم للحد ديالي زو دابا صبريي ساالاااا ..
- خولة .." حطات يدها على فمها تضحك" ..هههه حشومه عليك ..
- علي .. " طول فيها الشوفة و هو مبتسم" .. جيتي زوينه.." رجع غوبش فيها" .. شي نهار نشوفك لابسة بحال هاد اللباس و خارجة بيه و لا شافك بيه شي حد غيري .. لحمك نكرطو ليك...
- خولة .. " جاب لها الضحك" .. يااا سلام .. باغي دير ليا فيها سي السيد و تحكم فيا. ..نونو مالاعبيينش .. صاافي هاد العفطة أوووبليِّ...
- علي ..عفطة !! غانگنف حسك .. غانتزوج بعلال القادوس انا. .." نطحها لجبهتها بشوة. .." ..
- خولة ..ههه بزاف علييك ..
- علي...."خزر فيها"... اري يديك ..
- خولة .. اش بغيتيها!!😳😳😳
- علي .. بغيت ناكلها عندك شي اشكال ..!!
- خولة .." مدات لو يدها و بقات تتشووف فيه ااش غايدير .. " هاهي ...
جبد من جيبو بوااطة كحلة .. فتحها و خذا منها خااتم ديال الذهب الأبيض تتوسطو المااسة حقيقية برااقة . كي شاافتو بقاات حاالة عينيها تتشوف فيه .. حتى دخلو لها فصبعها و باش لها يدها من برا و من الداخل و يدو الثانية تتلعب فخصرها ..
- خولة .." تتشووف فيه و عينيها بغاو يدمعو" ..باش عرفتي قياسي ..!!
- علي .." جبد من جيبو خاتم ااخر" ..من هذا .. نهار عيطت لك فاش كنت مريض .. لقيتو فلافابو ديال دوش .. و بقى عندي ..
- خولة .." تتشوووف فخاتمها و فرحاانه بييه" .. ههههههههههه .. مكنتش متوقعة تجيب ليا خاتم اليوم ..
- علي .." مبتسم" .. عجبك!!
- خولة .." شافت فيه" .. وااش نتاا حمق .. راه حمقني ماااشي هي عجبني ..ماعمري توقعت غانلبس خااتم ديال الدياموند ..
- علي .." حط يدو على حنكها" .. معايا مابغيتكش تبقاي تحلمي ..اي حاجة بغيتيها قوليها ليا .." جرها عندو باسها فحنكها خلاها كتموت بالفرحة .." ..
قااطع كلامهم المى لي دقاات قبل لا دخل تحسبااا لأي مشهد خثو يتحذف .. بعدات عليه خولة بطريقة خلاتو يضحك و المى تا هي فهمااتو .. ..
دازت ديك العشية على خير ..بعد ما وافقات عايشة .. بقى معاهم علي حتى تعشاو مجموعين عاد مشا ..لكن طبعا كمل مع خولة السهرة فالتيليفون .. أما المى .. كانت مرتاحة تسبيا انها على الاقل غاتخلي راجل من وراها يااخد باالو من خولة و حتى عايشة .. نعسات ديك الليلة و هي متحمسة للعقد لي هاتمشي توقعو الغد ليه ... ..
صبح صبااح يوم جديييد على المى ..لأول مرة تفيق ناشطة .. يمكن حيت قررات تنسى الماتضي و تبداا من جديد .. و يمكن حيت كااع الضرووف مساعداها انها تنسا ..اول حاجة دارتها فاش فاقت هي حلات السراجم .. و مشات للبلاكار جبدات منو اللبسة لي غاتلبس ..عاد دخلات خذات دوش خفيف ريحات عضاامها من الخموول تاع النعاس..... نشفات شعرها و صايباتو بالسوشوار .. و دارت ميك اب خفيف أحمر و وردي .. و مشات لبسات اللبسة ديالها لي كانت عبارة عن كسيوة فالأسود لاسقة على لحمها و قصيرة حد الفخض .. لبسات معاها سبادري فالأسود و جاكيط ديال جينز محطوطة و طويلة .. هزات صاكها دارت فيه تيليفونها و سوارتهت و خرجات .. دازت من حدا بيت خولة لقاتها مزالة ناعسة و اتجهات للكوزينة لقات خعايشة مكينااش .. فطرات فطورها و رجعات غسلات سنانها و عكرات عاد خرجات ..شدات طاكسي ديريكت للريسطو لي عطاتها سكريتيرة صاحب الاعلان ديال المجوهرات ..كي وصلات جا عندها سيرفور رشدها للطابلة ديال النااس لي كيتسناوها ..كي وصلات بقات واقفة مصدومة تتشوف فيهم ببلااهة مافاهمة وااالو ..
فطرات فطورها و رجعات غسلات سنانها و عكرات عاد خرجات ..شدات طاكسي ديريكت للريسطو لي عطاتها سكريتيرة صاحب الاعلان ديال المجوهرات ..كي وصلات جا عندها سيرفور رشدها للطابلة ديال النااس لي كيتسناوها ..كي وصلات بقات واقفة مصدومة تتشوف فيهم ببلااهة مافاهمة وااالو ..
- المى .. كرولينا؟؟؟؟
- كرولينا .." وقفات و الابتسامة على وجهها" .. ههههههههههه كي جاتك هاد المفاجئة ؟
- المى .." مشات لعنها سلمات معاها" ..كي ديرة .. مفاجأة زوينة هههه ..
- كرولينا .." شيرات ليها على الكرسي" .. تفضلي جلسي ..
- المى .." جلسات و مدات يدها للشخص لي كان مع كرولينا سلمات عليه" .. اوا قولي لي كيفاش تا تلاقينا هنا ههه .. صراحة تصدمت!! واش الماركة ديالك؟؟
- كرولينا ..اممم نسيييتي واش عندي ماركة ديال المجوهرات ..اوا هاني غانتقلق منك ..
- المى .. ههه ..كاع ماتقلقي مني .. مياا فالرااس .. بالحق ماكنتش عارفة سمية الماركة ديالك اصلا ..
- كرولينا .. هههه ماشي مشكل .. المهم انا كنت كنقلب عليك من شحال هادي حتى نمرتك كنلقاها طافيا .. تا دفعتي عااد عرفت بلي راك مبدلة النمة .. صرااحة كنت بااغيااك معايا .. حيت فاش شفتك لابسة الطقم لي كان جلال هداه ليك ..شفت فيك داكشي لي بغييت .. حسيت اني لأول مرة نتقن خدمتي بالحق السر فيك نتي .. فرحت بزاف فاش قدمتب .. و استغربت فنفس الوقت .. كنضن جلال مامخليك ناقصك تا حاجة باش تلغي ترجعي تولي مودل ..و كان بااغيك تخدمي معايا
-المى .." حسات برااسها من الدااخل كترجف .. زيرات على يديها و طلعات فيها عينيها" .. انا و جلال افترقنا .. عافاك اذا كان ممكن مابغيتش نعاود ندي عليه .. ولا حتى تجبديه معايا فالهضرة و لو صدفة ..
- كرولينا .." باستغراب" .. يااء لهاد الدرجة ..بعد داك الحب كامل ..
- المى .. عمر كاان بيناتنا شي حد .. و الله يخليك اجي نشوفو مدمتنا حسن ماندويو علييه .. بليز ..
- كرولينا .. وااخة الالة .. تمام .. المهم "خذات العقد من عند المساعد ديالها" .. هذا هو العقد .. شوفيه .. و قراي بنوذو مزيان .. و اذا كعجباتكش شي حاجة نبدلوها .. غير هو كيف ما خبروك الاعلان غايكون الشوتينغ ديالو فعدة اماكن .. تركيا .. باريس .. مدريد ..و الاجيبت ..ديري بحسابك ..
- المى .. "بفرحة ." .. مزيان .. هكذا افضل ..
- كرولينا .. بالنسبة للخلصة ديالك ياك ما عندك اعتراض عليها !!
- المى .." شافت جهة الخلصة ديالها ..جاها الثمن مزيان و عليهم الاقامة و الماكلة و الطيارة .. " ... انا موافقة على كولشي ...
- كرولينا .. سوو مضي .. هههه و مبرووك علياا و عليك ..
- المى .. ايمتا غانبداو الخدمة !!
- كرولينا .. عندك يومين تضيطي فيهم امورك .. و نتحركو .. الوجهة الاولى ديالنا هي مدريد ..
- المى .. تمام...
تم امضااء العقد من جديد .. لبدأ حياة جديدة .. بعيدة عن جنس آدم عموما .. و عن جلال خصووصا .. فرحات براسها و او حاجة دارتها هي الشووبينغ .. خصوصا انها من الناس لي كيرتااحو فالشوبينغ .. جابت كادواات لرااسها ماخلاات ما دارت ..خذات يوم ليها هي فقط دارت فيه كاع داكشي لي بغات
شرات حوايج ليها و امها و ختها .. و مشات كملات معاهم النهار .. واخة فاش عرفو بصفرها تقلقو لكن في ساع تلاشى داك الحزن حيت عاارفينو لمصلحتها داك السفر ... فديك الوقيتة كانت كارولينا كدوي معوجلال و علماتو بكولشي .. معرفش راسو شنو كان متوقع منها .. يمكن كان متوقع منها كثر من داكشي .. كان خايفها تآدي رووحها بعد ديك الليلة المشؤومة .. لكن للأسف ماعارفش راسو مع من لقاها في سااع بدلات جلدها .. في سااع نساتو و رماتو مور ضهرها .. و هذا هو اصعب احساس .. انك تكون تتفكر فشي حد عندك خلاف معاه سوااء صديق .. ااخ .. حبيب و هو تلقاه عايش ولا على بالو ..ما هاموش حالك نتا كيف ولا النار لي شاعلة فقلبك كيف ..يمكن تكون غلطتو فحقو ااه .. و جرحتيه بأقسى العبارات ااه .. لكن لي كيقهرك .. انو كيشوف راسو بريئ و مادار والو ..ماغلطش فحقك ..كيرد ليك اللومة كاااملة .. وااخة مكيردهااش ليك باللوم و العتاب .. لكن كيردها لك بتصرفااتو فاش كينبدك برا حياتو ..و هاادشي لي دارت المى لجلال ..يمكن تكوون خلاتو يحس براسو مذنب كثر منها .. لدرجة خلاها تتصرف كيف بغاات و كيراقبها و يستنطق اخبارها من بعييد ..
فاتت يومين .. وجاء وقت السفر ... هزات المى باليزتها و خرجات قبل ما يفيق حتى حد ..كانت ضاانة انهم ما فااقوووش .. لكن كاانو فايقيين و حسوو بيها حتى خرجااات عارفيينها ماعندهاش مع الودااع و دائما تتقول ليهم انا نهار غانساافر على برااا غانمشي بلا مانودعكم .. و حلمها هو تحقق و اول درجة من درجات الشهرة بدات تطلع فيهم .. تنهداات و ركبات فالطاكسي لي جا يديها للمطار .. فجأة جاا فباالها جلال ...
فطريقها للمطار دازو على الفيلا لي كان شاري ليها .. طولاات فيها الشوووفة .. و تنهداات باستسلاام ..غمضاات عينيها و حطات رااسها .. سمحاات لنفسها تسمع صوتو كيرننن فودنها و هو كيقول لها " كراميلا " .. سمعات صووتو و هو راايق .. و هو معصصصصب .. خلات رااسها تسترجع لآخخخخر مرة ذكريااتها معاااه .. .. حطات يدها على عنقها تتسترجع اول لمسة .. اول همسة .. ..
كيفااش كان بهاذ القسوة ..كانت تتلوم نفسها مآاااات المراات على لي داارت ... كانتوحااسة برااسها مقجووجة و هي تتغدرو .. و فجأة .. اكتشفاات زواجو .. و من بعد اكتشفات انو عارف مخطها مع مرتضى ..و لي كمل و زاادها هم على هم ... هي الكلمة لي نطق فوجهها .. " بنت الحراام .. حسات بحبوو لي كان تينموو فقلبها كلوو تحططططم ..كي وصلت للمطار .. جرات الفاليز ديالها و هي تتزرب فخطاها .. ما بطى غيير اييمتا توصل و تبعد ..دارت اجرائاتها كاملين و جلسات تتسنى الوقت فاش غاتقلع الطياارة ..
هزات اجونداا و ستيلو توتق فيها ااخر كلماات لجلال .. و حطاات فباالها ااحتماال لو كاان مانطقش بديك الكلمة ليها ..
نهاية الفصل الثاني
هذا ما تبقى لي .. في اللحظة الأخيرة من وداعك لأني استودعتك للأبد ....فقط أرييد الاعتذار .. على نفس وهبتها لك بين ثناياا الخطيئة و الحرام .. .. و أريد الاعتذار على غدر كان خارجاا عن إرادتي .. كنت مهددة .. مجبرة .. و كذلك أعماني كبرياااء أنثى مجرووحة .. ..
نعم .. تسرعت في كثير من الأحيان تسرعت و كذبت .. تسرعت و خنت .. و أنت لم تكن بالملاااك المثالي .. كذلك كذبت .. و خنت ..
في الحقيقة انا أحبك .. أجل أحبك .. ها انا واقفة بكبرياااء منكسر أقر بهااا إلى نفسي العزيزة .. أجل عاشقة الثرااء وقعت بين أحضاان مروضها و أصبحت عاشقة له .. بعد صراااع مطول مع عقلي .. أقر ان قلبي من فااااز .. لكنه فااز بجرح لن يشفى و نزييف لن ينقطع ..
في ودااعك راودتني ذكرياتنا معااا ..ههه .. لم تكن بالكثيرة .. لكنها محفوورة بقلبي الجريح ..!! يااا لغبااائي..بعد كل هذاا تجتاحني رغبة في ضمك الى صدري ..!! لا بل تقبيييلك ..
لا لم يعد من حقي .. لم تعد لي .. لم تكن لي .. كلماات مبعثرة .. أعين مبتلة لااا تقبل الانحنااء .. ..لكن سأتركك لها ..أجل سوف أستسلم و انا متأكدة انها تحضى برجل من ذهب .. برجل فعلا أحسدها عليه .. لكنها في الأخير زوجتك .. و انا الدخيلة ... مع كل هذا الجرح .. و مع كمية الوجع القاابع بدااخلي .. أنا لست ككل النسااء .... لست من النسااء اللواتي حين يشتقن .. يتوسلن و يبكيين .. و يتضاهرن بالمرض بشكل مثييير للشفقة ليسرقن لحظة اهتمااام من رجل ..!!! لااا .. اناا أدفن قلبي قبل ان يهين كرامتي .لن أنحني .. لأنني ابنة النجوم ..و حفيدة الكبرااء...و قبل أن أرحل ...سأتمنى لك الحياة السعيدة بعيدا عني ... اما انا فسأسعى الى تحقيق أحلامي و بلووغ أقصى غايااتي ...
ايام كاتدي ايااام و كاتجيب اياام .. يكدب عليك لي قال الأياام ماكاتنسييش .. الأياام كاتنسي بزااف تالحوايج .. كاتنسييك شكووون تا لا بغيييتي تنسااا .. لكن الجرح .. و الشمته مكيتنساوش .. القلب المكسووو بألم الغدر مكيتنسااش .. ربي انعم علييينا بييها نعمه .. لكن الوقت هو الكفيييل بااش ينسيينا .. ..
حطات المى راسها على ضهر الكنابي .. بعد سنتين .. سنه تاليااها سنة ..خارج أحضان وطنها .. بسنتين قدرات تتبت وجودها فالساحة الفنية .. بدراما لبنانية .. هذا بحكم انها كتثقن اللغات و فينما بغيتيها تتلقاها .. و الأفلام المصرية كذلك لي ولات مطلووبة فيهم عند احسن المخرجين و المنتجين .. لكن تتختار دائما السيناريست لي افلامو تتضرب فالعالم العربي ... قدرات توصل لهدفها ..
كيقولو الأنثى المجروحة نوعان .. نوع كيبكي و كيضعف و كيطيييح .. و نوع كيبكي و كينووض .. المى... بكات و لامت راسها حيت غذرات و لامت راسها حيت عطااتو لواحد ميستهلهاااش عندو مرتو و باغي يدوز وقيته .. ولكن هادشي كان بينها و بين راسها .. حيت الناااس مكيبغيوش يشوفو واحد بزوج شخصيات .. كيبغيو يشوفووك يا ضعيف يااا قوي ... و المى كاانت جبل ... و جبل ما يهزو ريح .. مسحات دموووعها النهاار التاااني .. رمات الكلينيكس مع رساالة الوداع لي كتبات لجلال فالمطار .. و حلفات ماطيح دمعها على لي فااات .. هزات كتافها و راسها .. و داكشي لي جبرات من جلال و الفيكتيمات لي قبل منووو نفعها فاليوم الأسود ..
الكونت ديالها كان عامر و زادت عمراتو .. كارولينا فتحات عليها "طاقة القدر" لي تيقولوو ..بعد اعلان المجوهرات لي صوراتو فعدة بلدان .. و صورها ولاو فكل مكان .. و فالحفلة لي دارت كرولينا للتصاميم الجديدة ديالها .. تعرفات فيها المى على نااس من المستوى لب ني بااغية تعرف .. و كل راجل فالحفلة شاف فيها نضرة ماهيااش ماتاترجعش تشوف فيه مرة اخرى .. لو كانت فقبل كانت ممكن تكون صائدة أثرياء .. اما فديك الوقيتة كانت صاائدة عمل فقط .خصوصا ولات مطلوبة .. فماركات الميك اب و الحواايج .. و فديك الحفلة نيت تعرضو عليها بزااف تالعرووض ..لب حطاتهم بين عينيها و بقات تتختار بعناية و دقة .. تتختار الأفضل و من الأفضل للأفضل .. و خدمتها بدات تتعرف بيها على مغرجين ..منثجين فناني ..لي ولات صورها معاهم فالسوشل ميديا لعلك ترضى
كارولينا كانت هي لي فتحات ليها ابواب الشهرة و هادي حاجة ماغاتنساهاش لانها وقفات معاها واخة ماطلباتهاش منها الا انها كانت تتجري معاها بااش تعرفها على النااس المهمين سوااء فالخليج او لبنان .. و الناس لي عندهم علاقة بالفن طبعا... هكذا بداات مشوارها الفني .. سافرات مع المخرج للبنان و تما كرات ليها دار فحي فخم و بدات حياتها الفنية بالبطوولة في مسلسل. لبناني .. المخرج كان كيآمن بالموهبة ديالها لانو تفرج فاول فيلم ليها و عجباتو فالتمتيل ديالها هذا غير الاعلانات.. و حتى هي ماخيبااتوش و فاجآتو باتقاانها للغة اللبنانية ...
من بعد مدة قصيرة من عرض المسلسل بدات تتعرف فالسااحة و تتلااقااا بممثلين كباار عندهم ااسم و مكاانة غالسااحة الفنية .. و مغنيين كذلك كانت تتعرف عليهم فسهرات و مهرجانات .. و هادشي لي خول ليعا انها تولي من الممثلات المطلوبات ..و هنا انتقلات لمصر لي قدمات فيها مجموعة من المسرحيات فمسرح مصر و الأفلام كذلك لي خلات الناااس يتبهرو ماشي غير فالجمال ديالها و انما فالتمثيييل ديالها .. هزااات راسها براااسها و بدووون فتييخ كيف عادتها .. مكانش عندها وقت للرجاال ولا اللعب عليهم ..مع انها كانت قداامها فرص كثييييييييرة و عرووض أكثر من رجاال اعمال مشهورين و تقاال لكنها كانت شااغلة رااسها بخدمتها و من نهار خرجات من المغرب عاهدات رااسها ان ثرائها غاديرو بجهدها ..و فعلا عمرات االكوونت ديالها اكثر و أكثر ..و صيفطات عايشة للحج كيف واعداتها ..صيفطات لها هي و خولة طلعاتهم لعندها و من مصر داتهم لتركيا ضوراتهم ..كانت اي حاجة تديرها تتبغي تشاركها معاهم .. و خصوووصا فديك الوقيتة لي كانت فيها عايشة شاادة الضد مع خولة و علي و وااقفة ليهم فزواجهم بحجة القرااية و حلفات ليهم لا تزوجو ولا يكتب عليها حتى تااخد لا ليسونص ديالها .. و هادشي خلق مشاكل لخولة داكشي علاش المى دوات مع علي باش يصبر مع عايشة حي مابغاتش بناتها كاع يمشيو و يخليوها بوحدها .. واعداتو انها تقنعها تجي تعيش معاها باش تخليهم يتزوجو .. باختصاار المى قدرات تدير لي كانت تتحلم بيه ..بلا ماتعاود تعطي راسها لأي ذكر .. ..
كانت من فيلم لفيلم من هنا لهنا حتى حساات رووحها تهدااات ... و كي سالات اااخر فيلم قررات تمشي "لشرم الشيخ "(مدينة سياحية فمصر ..كاينة ف ملتقى خليج العقبة و خليج السويس ف ساحل البحر الأحمر) بعد ما شدات فيها شاليه تستجم فيه و تريح بالها و تجهز نفسها لإعلاان لمااركة أجنبية مشهووورة ديال الحوايج ..مع الصديق ديالها الأمريكي ''جايسن'' لي تعرفات عليه فإحدا الحفلات هو من أفريقي الأصوول لكن أمريكي الجنسية ..
استنشقاات الهوااء النقي لي توحشااتو فعلا لأنها كانت عايشة فالقاهرة ... الزحاام لي فالقااهرة و الثلوث ديالها خلاها تخنق و تحسس... مع انها وعاشت فيها مدة طويلة .. الا انها مزالة مكتقدرش تستحملها .. و فينما تتسالي شي فيلم كيخصها ضروري تريح راسها و تعطيه عطلة لأن الضغط ولاات تتحس بيه تينتهك من صحتها ...
كانت جاالسة فالجريدة ديال الكومباوند .. حطات راسها على يديها تتفكر داكشي لي داز فهاد العامين ..كيفاش حتى طلعات بسرعة خراافية ولا كاانت تتخايلها .. كيفااش ولات هكذا .. قوتها كاتزييد من نجااحها .. كيفاش ولا عندها جمهوور و تيتهاافت بااش ياخد توقيعها .. او يتصورو معاها .. كيفاش ولات و الكارد وراها حاضي سلامتها .. كيفاش تا هي ولات عندها مديرة اعمالها ... لي تتنضم ليها وقتها و مواعيدها و تتشوف خدمتعا ..كيفاش ولات عايشة حياتها بدون قيووود كيف كانت تتحلم من هذااا زمااان ..لي بغاتها تتشريها .. و لي تشهاتها خاطرها ماتحرمهاش منها .. لكن ..
مع كل هذا النجااح كتجييها نغزة فقلبها بعض الأحياان تتخلييها تدمع .. نغزة الحب لي بقى فقلبها مع كل هادشي لي طرا .. بعد سنتين .. هاهي جالسة و قدامها الطبييعة و المسبح .. كيف كانت قبل سنتين .. لكن الفرق هاد المرة مخلصة من جيبها .. هزات راسها و استنشقااات الهوااء .. فعلا مزالة تتحس بوخز في صدرها ..و فعلا تتجيها اوقات تضعف فيها و تتخليها تختلس النضر بين الحين و الآخر على صورو فاش كيضهر فوسائل التواصل الاجتمااعي ...في كثيير من الأحياان تتحط ااحتماال لوو انو مقاالش لها كديك الهضرة .. و تتكتب ليه رساالة .. رساالة كلها شوووق و تتعبر ليه على مدى استياائها و خيبة أملها من خبر زوااجو .. لكن فالأخير تتمحي كااع داكشي لي اعترفاات بييه و تترميه فالزبل ...فكثييير من الأحياان قرات محاذتثهم على الواتساب .. سمعااات لتسجيلات الصوت لي كان تيصيفط ليها من قبل و كيهددها فيهم تخرج بلا خباارو او تلبس المعري ... ناهييك عن حضنو لي كان مخبأها السري .. و لي تتنعس فيه بدوون كوابيس ..اماا لمستو .. ااااخ من لمستو لي كتخلبها حورية كاتعووم وسط بحر الأشوااق . هادشي كلوو كايجي فباالها بين الفينة و الأخرى .. لكن ...
سرعااان ما كاتنبذ هاد الأفكار ..كاتجري عليهم من باالها .. مكاتبغيش ضعف ولا تعترف بالضعف ..كاتقوول فباالها اااه كانبغييه ولكن غانسااه ..بعد مرور سنة غانسااه بعد مرور سنتين غانسااه المهم اني غانسااه. . و كيف ما نسااني هو و حتى مفكرش يشووفني ولا يسأل عني ولا حتى يعتذر مني تاا انا غانساااه ..
هذا هو الكلام لي تتقنع بيه راسها و تتقو لرااسها بييه بلي هي على صوااب .. لدرجة فيعض الأحيان تتنسى انها مذنبة كذلك .. مااشي غير هو ..
حطات راسها على الكنابي و مدات رجليها فوق الطبلة جاتها كلماات اغنية شرين الجديدة فباالها .."كذابين" ..و لي ولات تتسمع ليها كثييير و حسااتها تتلامس رووحها. .
كل ما أنسالك كلامك برجع أفتكره
في الزمان ده الكدابين اتمكنوا وكتروا
في الزمان ده الكدابين مابقوش بيبتكروا
آه خلاص مبقاش وجودك عندي له معنى
رد طيب فين وعودك مين اللي ضيعنا
حبي ليك كان حلم عمري واتقلب لعنة
-شوف حقيقتك على الطبيعة اعترف خليك شجاع
دي النهاية مش فظيعة لايقة جداً على الوداع
شوف حقيقتك على الطبيعة اعترف خليك شجاع
دي النهاية مش فظيعة شكر على اللي ضاع
هو مين شال ذنب مين إيه اللي أنا عملته
بص بكرة هتبقى فين لو باب أنا قفلته
ظلم حد أكبر حرام بس إنت حللته
لما توعد حد تاني ابقى افتكر يومها
في الحياة حبة معاني نفسي تفهمها
ده اللي زيك عاش أناني حياته حطمها....
قااطع غنااها صوت التسفيييق جااي من جهة باب الجردة ...
- ... الله الله ااايه الصوووت ده .. ما تقلبيه غنا انتي صووتك گاامد طحن ..
- المى .. " ابتسمات ليها" .. لا و اللهي .. يالله درت بلاصتي فالتمثيل و نخليها ..انتي بتخرفي يا عيشة..
- عيشة ..لا و اللهي ما بخرف .." جلسات حداها" .. في ممثلات كثيييير بيغنو .. يعني بغنو و بيمثلو ..
- المى .. "طلعات فيها حاجبها" .. لكن بيفشلو يا حببتي ....
- عيشة .. مش شرط يا روحي ..
- المى ..ههههه خلينا فالتمثيل ..
- عيشة ..طيب برااحتك ..انا شاايفة ان الفيلم الأخير أثر كثيير على نفسيتك على فكرة ..
- المى .. ااه .." تنهدات" .. هاد الفيلم كيفكرني فبزاف تالحوايج عشتهم .. لكن نهايتو كانت سعييدة فالأخير .. غييير نهاتي خاالص هههه ..
- عيشة .. على فكرة انتي مش معتبراني صحبتك خاالص .. لبيه بتخبي عليا .. انا شااايفة انو ورا الجماال دة .. و ورااا القناااع لي انتي حطااه على وشك بنت مكسوورة بگد .. انا عاارفة انوو ورااكي قصة مأثرة بس انتي مش رااضية تحكيلي ..
- المى .." ناضت وقفات .." .. بگد مش عاوزة افتكر .. انا خليت المااضي فالمغرب .. و مش عاوزة افتكر بگد..
- عيشة .. لالا خلاص ماتقووليش .. بس لما تحبي تتكلمي مع حد .. هاتلاقيني بسمعك ..
- المى .." ومات ليها براسها" .. شكرا ..
- عيشة ..طيب .. يالااا ننزل البحر ..
- المى .."طولااات فيها الشووفة" انتي عارفو انا بحبك لييه !!
- عيشة .. ليه بقه !!
- المى .. لأنو اسمك زي اسم ماما .. و حنينة زيها بالضبط ..
- عيشة .. على فكرة انتي مش بس واحد انا ماسكة لها شغلها و بس .. انا بدد بعتبرك صحبتي ..
أما جلال فا من نهار خرجات المى من حياتو خلاها على راحتها .. لكن هو كان المسااند الرسمي ديالها في كل تحركاتها ..اخبارها تيوصلوه اول بأول .. كان عاجبو الحال انها عايشة و مومدياهاش نهائيا فالعلاقات مع الرجال مع انوو لاحظ كمية الرجال لي تيبغيو يتقربو ليها...
ساندها فجميع مراحل حياتها في هاد السنتين .. سمح لنفسو يتطفل على حياتها و هي لي كانت ضلانة انوو بعييد كل البعد عليها انما هو كان كيف ضلها .. و عينيه علبييها و حوالييها ..كيختاار ليها النااس لي تقرب و لي ماتقربش .. فكثييير من الأحياان كان بااغي يمشي يوقف قدامها ..يعطيها لرااسها و يقوول ليها علاااش بعدتي .. باغي يساامحها من اعماااقو لكن مقااادرش ..ماقاادر يدير حتى حااجة من غيير انو يرعاها فقط .. يرعاها و يحضيييها ...
مكانش قاادر يساامح حتى رااسو حيا فعلا كان حااس برااسو مذنب على كلامو ليها .. و هادشي لي كان دااافع قووييي انو يبحث على واليديها الحقيقيين ..و في عز بحثو .. لقى اشياااح صدماااتو و مقدرش يتقهم .. جاتو صدمة ثلاثية الأبعاد .. نهار عرف عائلتها لي تخلاو عليها شكون هوما .. كات بااغي يمشي يخبرها بلي عرف واليدييها .. لكن فااش شاافها وااصلة لداتكشي لي بغاات بدون مادير تصرفات خارجة الطريق مقدرش يعاود يعترض طريقها .. هذا غير كرامتو لي ماقدرش ينزلها للرض .. لأنو فعلا كان غاضب منها مع انو كيحن ليها اكثر من اي شي ااخر .. حتى علاقتو مع ساندي ماعطاهاش ولو ربع فرصة .. من نهار صيفطها لباريس و فتح ليها محل فالشونزيليزيي و دار لها ماركة مصادق عليها ديال الميك اب غييير بااش تبعد عليه ماتلاش قرب ليها.. اما بالنسبة لتوليب لي كبرات و ولات عندها سبع سنواات ..فا طبعا بقات فالقصر و هو خدمتو ما بين لندن و المغرب و المى ...هذا غير زواج عبد الجليل و رجوى لي قلب موازين العائلة من جديد هاد المرة ماشي من عبد العضيم انما من سليمان الأب ديالها اما الجد فحال لا فهم من لي مابغاش جلال يزوجها من مرتضى انها كاتعرف شي واحد ااخر .. و ما واافق ما رفض .. قال لجلال .. شوف لي بان ليك صحيح ديرو ..هكذا أيد زوااج رجوى و عبد الجليل واخة لقى معارضة من العائلة ولكن ما اهتم لأي وااحد و بما ان عبد الجليل ولا قاادر يصرف على زوج ديور و الخير مشا فيديه ووجاتو رجوى برزقها كيف كيقوولو اذا ماغايبقى ليه هو تا مانع داكشي علاش وقف معاه تا تزوجو .. و داها لدارو .. ولكن طلباات انو مدييرش عرس .. شبات الغوب لي كانت تتحلم انها تلبسها و مشات بيها ديريكت لدار راجلها .. و هادشي لي معجبش جلال انها مشات سكيتي ..لكن فاش لقاها متمسكة بقرارها مابغاش يزيرها .. و حتى ملي شاف عبد الجليل كيفاش كيعاملها طمأن عليها هي على الأقل. تنهد و ريح بالو من التفكير ..هاد المدة ديال سنتين خلاتو يفكر فكاع الناس الا راسو .. السنتين لي رهقووه بالجهد ..و خصوصا فاش مرض عبد العظيم مؤخرا و شد الفراش .. مابقاش تيقدر ينوض نهائيا .. اضطر انو يبقى فالمغرب .. و يشرف على رعايتو بنفسو .. هذا غير الأم ديالو لي ولات تطيح بالأعصاب بسبب الخصاام ديالها المستمر مع راجلها بسبب زواج رجوى .. لي كانت فيه هي محايدة لا مؤيدة ولا معارضة .. و هادشي لي بقى فسليمان .. اما تفكيرو المستمر فتووليب لي ماعايشاش حياتها طبيعية خصووصا فهاد السن ولاحض عليها انها منطوية على روحها و ديمة منعزة و هادشي اضطرو انوو يولي يجي للمغرب بزاف هاد الفترة و يقضي معاها معضم اوقاتو خصوصا بعد الخطف حيت ذكرى الخطف معلمة على قلبو من الصغر ... و فكثييير من الأحيان ..كيفكر فساندي ... ياكما فعلا كيضلمها .. ااه كيتعمد يجرحها .. لكن باش تبعد عليه .. لانها اصلا مكانتش متقبلا العلاقة من الأول ..و فجأة ولات باغياهم زوج و زوجة غير بااش تفوع على صحاباتها...داكشي علاش قرر يبعدها .. واخة كاتجي و ترغب فيه يخليها حداه .. لكن بدوون جدوى .. حتى و هو بعيييد على المى ناافر من ساندي ...اما المى .. كي كيذكرها فياالو كيتنهد ..توحشها لأبعد درجة .. جرح غذرها عمرو ينسااه ...
ريح فالمكتب دياال عبد العظيم .. بعد يوووم تقييييل فالخدمة خصوصا انو كان عندو اجتمااع مع ناس مهمين جاو من الصين للمغرب لعندو خصيصا باش يشوفوه و يعقدو منااقصة معاه ..حط راسو على يديه فوق المكتب ... حتى سمع الباب تسدق ..
-جلال .. دخاال ...
- الخدامة ..سي جلال .. الممرضة ديال الحاج خبراتي بلي راه طالب يشوفك. .
- جلال .." ناض وقف بالمف" .. اش بيه!!
- الخدامة .. قالت ليا اسيدي غير بغا يدوي معاك ..
- جلال .." شير ليها بيديه باش تخرج .. هز تيليفونو و اتجه للغرفة ديال عبد العظيم .. شافتو الممرضة و هي تخرج اتجه لحداه جلس و باس ليه يدو و راسو.." الحاج .. ياك لباس!!
- عبد العظيم .." كيهضر معكل " .. كح .. كح ..جلس حدابا اولدي ..
- جلال .. انا حدااك الحااج ..
- عبد العظيم .. كيف كتشوووف .. مابقى قد ما فاات .. كل نهار كنقول اليوم نهاري .. غدا نهاري.. بغييت نشوف ولدك قبل ما نمووت ..
-جلال ..الحاااج ريح باالك .." زير على قبضة يدو و غزز سنانو" .. مابغيتكش تفكر فهادشي .. العائلة عاامرة ولاااد .. غيير تهنااا .. و حفيدك ولد كمال واالد ولد ..و جا عااش تحت سقفك ..و هاذاا راه خيير الحااج .. اش بغيتي مزال ...
- عبد العظيم.."كيكحب .." بغيت نشووف ولدك اجلال ..خصك تعرف بلي ولادك هوما لي غايهزوووك ..
- جلال .." طبطب على يدو " الحااج فهاد الوقت بحال الولاد بحال اللنات .. و انا عندي توليب بالعالم كامل .. غير حيد ديك الفكرة ديال بنت و ولد حيت ولدك علاياش ربيتيه غايطلع و انا بنتي غانربييها طلع بمياات راجل ..
-عبد العظيم .. هادشي ماشاكش فيه.. ولكن كبير العائلة اولدي خصو يكون ولد .. و انا ماباغيش شي حد من غييرك يورث هاد المنصب عليا .. حيت هاد العلئلة غاتشتت خصوصا اذا كان ولد كمال هو لي غايشدها ..
- جلال .." طول فيه الشوفة .. ماعرف مايقول" .. ولكن ..
- عبد العظيم ..شووف اولدي .. نتااا خااصك تجييب ولد .. ضروري .. ريحني .. قرب ليك مرتك .. ماتبقاوش هكذا .. هادشي مامزيانش تااا لبنتكم ..
- جلال .." حرك رايو بالايجاب كيسايرو" .. من غير هادشي الحااج راك مرتاح؟؟؟
- عبد العظيم .." قادني نجلس !
- جلال .. " هز من دراعو تا حط ليه مخاد تحت ضهرو باش يقدر يجلس" .. هكذا مزيان ..
- عبد العظيم ..مزيان .." طلع فيه راسو " .. الصحة غادية و تترجع للور .. تولدنا كمشة و غانموتو كمشة ..و انا بغييت قبل ما نموت نخلي ورايا كولشي نقي ..بنت كمال خصها تجي ..تا هي ..
- جلال ..راه جات هي و خوها .. غير رتاح ..
- عبد العظيم .. انا عارف مزيان بلي كاتعرفها .. نهار شفتها فالتلفزة حسيت بيها واش هي هاديك .." فعينيه نضرة حنينة " ... هي هااديك .. من شحاال هاد ما شفتها .. ولكن نقدر نعرف ملامحها .. حيت تتشبه لمها بزااف ..
- جلال .." حنا راسو و عض على شفتو .." .. علاش تخلبتو علبها الحاج؟؟
- علد العظيم .. مها لي تخلات علبها .. و انا شرطت على كمال اذا مجابش اللنت مايورينيش وجهو ..كنت باغيها تعيش تحت سقف داري .. و مع ولاد عمامها .. ولكن فديك الوقيتة كمال ركب دماغو .. و بغا يبين راسو واعر .. هز ولادو و مرتو و خرج .. قلبت على مها من بعد ولكن والو .. مالقيتهاش .. كلفت لي يقلب. .. و عرفت بلي سافرات لبلادها .. ولكن بلا بنت .. ماعرفتش فين غانجيبها ولا منين .. و مع ذلك بقييت تنقلب ..عام على عام .. حتى فااتو عشر سنين .. عاد لقبت الخيرية فين كانت .. كلفت لي يسول عليها .. لكن خبروني ان شي وحدة كانت خدامة تما .. تبناتها .. قلبت عليها تما و والو.. لقيتها انتقلات لكازا .. بالسيف لقيتها .. و مشيت عندها بنفسي .. ترجاتني مانديهاش ليها .. و تا انا ماكنتش غاناخدها حيت وجودها غايقلب الموازين و ينوض الصداع فالعائلة ..
- جلال .." ناض وقف و شد راسو" .. و دابا وجودها ماغايقلبش موازين العائلة ..
- عبد العظيم .. دابا الدراري كبرو .. و كل واحد شد بلاصتو ..حرام نحرمها من عائلتها .. هنا خصها تكون .. و بما انك نتا اكثر واحد تتعرفها .. نتا لي غاتكلف و غاتجيبها ...
- جلال .." صدمووو" .. كي غاندير نجيبها؟؟؟؟ عند بالك غاتقتنع .. الدرية هادي هي نقطة ضعفها .. عائلتها لي ماعارفاش .. انا نمشي نگول ليها اجي راني لقيت باك و مك اجي راك من العائلة الهيلالية لي تخلات عليك هادي ستة و عشرين سنة هاهوما دابا باغيينك تلجعي !! اش غانقول ليها الحاج الله يهديك ..
- عبد العظيم .. ولدي جلال .." مابقاش قادر يهضر" .. دير لي كنقوول ليك عليه اجلال ..البنت خصها تعيش تحت جنتح باها .. بانت ليا كاتمااادى ..و اسم الهيلالي غايتوسخ بهاد الطريييقة ..و نتا لي دخلتبها لهاد المجال ..نتاا لي غاتخرجها منو ..و غاتجيبها ..
- جلال .."كيحااول يهدن راسو" ..مايكون غير خاطرك الحاااج ..غير تكالمى ...
استأذن منو و خرج شاااد اعصااابو بالسيف مشى و جاا قداام الييت ديال عبد العظيم شاااد فراسو و يدو الثانية على خصرو .. تلف .. ماعرف ما يدير هبلو بهضرتو وقف قدام الدروووج و تكى على الحديدة ديالهم ..كيغزز فسنانو و يقووول مع راااسو كي غانديير ليها ماباااغيييش يتناازل و يدوي معاها .. ولا باااغي يوقف قدامها و يشووفها ..بعد هاد المدة كااملة جدو حطو قداام الأمر الوااقع و آمرو يجييبها ..كيفاش غاتعيش معاه فدار وحدة!!! .. لا و الزوييينة ان الجد غادي يبغي يزوجها بواحد من ولاد عمامها ..هاد الفكرة غير جات فباالو باانت ليه غير فاازة حدا رجلبه هز رجليييه و ضرببها تا شتتها مع دروو ج خلا الخدامة لي كانت طالعة تنقز و تغوت بقات اا تتشوف فيه بصدمة .. اما هو تحرك ديريكت للمصعد و نزل فحالو .. صاااگ الأوطو ديالو و غبر وجهو من داك القصر لي جااب ليه غا العصب ...
(شرم الشيخ) ... تحديدا على شاطىء شركش باي .. جالسة المى بعد ما عامت حتى بردات جنونها من الماا .. تكات على الرولاكس بعد ما دهنات لحمها باش تبرونزا .. بقاتومتكية تا داتها عنها و هي حااطة الروابة لي كانت تتقرى على عينيها و مشبحة بدو بياس .. حتى جاتها عيشة قفزاتها ..
- عيشة .. قووومي .. يا ألمى ماتقووومي بقى يووه ..
- المى .." ريحات مربعة رجليها .. شنوو بغيتي اااش كين ..
- عيشة .. الست المخبوولة دي بتاعت ماركة **** الب انتي هاتعملي لها اعلان دي .. بتقوول ان الاعلان هايتصور بعد بكرة ..
- المى .. كيفااااش .." حلات فيها عينيها" .. انا عاد جيييت .. تمشي تحلم ..
- عيشة .. لااا ماتجننينيييش .. انتي طبعا مش هترفضي .. ده فصااالحك .. و لاازم تعملبيه ..
- المى .. اتصلي بيها و قووولي لها قالت لك المى شوووفي غييرها ..
- عيشة ..لا و النبي مترفضييش حراام يا بنتي .. بوصي دة غصبااا عليينهم ..
- المى .. عيييشة .. ديري لي قلت ليك ...
- عيشة .." تنهدات " .. طب انا هسييبك تفكري ..
ناضت فحالها و خلات المى غير مقتنعة بالقرار لي اتخدووه اصحاب العمل لي غادير لو اشهار بلا ميرجعو ليها .. حطات راسها بعصبية مزالةكاع ما تهنااات بعطلتها لي عاد بداتها هادي تلاث اياام .. يالله غاتغمض عينيها و سمعات تيليفونها تايصووني ..هزااتو بانت ليها "جايسن" و هي تجااوب ..
- المى .." الحوار بالاينجليزية " ..جاييسن .. اش هادشي دارو لنا؟؟
- جايسن .." ضحك بصوتو الخشن " .. بيني و بينك انا فرحان حيت غانقدر نشوفك فأقرب وقت. .
- المى .. هههه خصك تعرف ان هادشي ماغاديش نوافق عليه .. مستحييل نضغط على راسي كثر من هكذا ..
- جايسن ..كيفااش ألمى ؟؟ ميمكنش ليك ترفضي .. انا اصرييت انك نتي لي تكوني العارضة لي تكون معايا ..
- المى .. جايسن بليز عذرني .. انا عارفو ان الفضل كيرجع ليييك لأنك عارض مشهوور و ليك اسمك فداك المجاال ولكن انا بصح مانقدرش نضغط على راسي اكثر .. نتا عارف اني .. عاد ساليت الفيلم ديالي .. و بصح محتاجة اكثر مسبة من الاسترخااء و الراااحة .. عاد نبدى من جديد ..
- جايسن .. شوفي .. اعتبري هاد المدة كعطلة و كنوااعدك غاتكوون ممتعة ليك .. ماعندكش تيكست حفضييه ولا دور تمثليه .. غانلبسو حوايج و نتصورو .. صافي ..
- المى .."حطات يدها على راسها" .. و الله ما عرفت .. عيت فريمون عييت ..
- جايسن.. اوكي .. اي نوو .. نتي دابا باغية غير تسترخي ..ولكن عزيزتي على الأقل جربي انا كنواعدك ماغاتندميش و هادشي ماغايزييدك الا نجوومية و شهرة .. تقي بيا ..
- المى .. اووف .. مشكلتي انك تتأثر فيا بصح .. ههههه و عندك قدرة رهيييبة على اقنااعي
- جايسن .. هادشي حيت تنفهمك .. و عارفك مزيان .. غير نتي متتبغيش تعطيني فرصة و نزيد نفهمك بعد المرات ..
- المى .. جااايسن .. هههه ماتبداااش عااوتاااني .. خليك فاهمني غيير هكذاا باراكا علييك اذا زدتي تعمقتييي غايضرك رااسك ..
- جايسن .. هههه اوكي .. خلي فباالك راك ديما فباالي ..نتلاقاو غدا ..
- المى .. هههه شكون قال لكوبلي غانجي .. !!
-جايسن .. ههههه راني قلت ليك كانعرفك .. و كانفهمك .. سي يو .. ههه
طفت التيلي و حطاتو حداها .. فكرات تا عياات ولقات انسب حل ليها هو تهز حوايجها و طييير للاس فيغاس .. لي فيها غايتم تصويير الاعلاان ديال السراول تاع ماركة عالمية .. لقاات بلي هادي غاتزيييدها درجة .. لأن فهاد المجال كل ما بنتي اكثر تتولي عندك قيمة و مطلوووبة اكثر ...وهزات تيليفونها و ناضت خبرات عيشة باش تجمع الحوايج ديالهم حيت غاتمشي للقاهرة بااش منها تشد طيااارة لفييغاس .. و داكشي لي كان فعلا .. ديك العشية وصلو للقاهرة جمعو ليها شانطتها و الغد ليه اتجهات للمطااار هي و عيشة لي ماتاتفارقهاااش .. ما هي الا سااعات وصلاات للاس فيغااس و كيف العادة احسن اوطيل على حسابهم .. جلسات فالغرفة ديالها و ارتاااحت و فاش فاقت جابو لها العشااء .. كي تعشاات هي و عاايشة نزلو ضربو دورة و تلاقات بجايسن فنايت كلوب ..بقات معاه هي و اصدقائو مدة عاد رجعو للاوطيل ...
الغد ليه فااقت على اتصاال من جايسن بلي تيتسنااها باش يتجهو للاستديو .. ..
- المى .." تتشير ليه و مبتسمة". . جاايسن .. هااي ..
- جايسن .." واقف و مد ليها يدو " .. وردتي ..
- المى ..السكر الأسمر .. هههه ..
- جايسن .. توحشتك .." باس لها يدها " ..
-المى .." غمزاتو" .. البارح عاد تشاوفنا .. ههههههههههه
- جايسن... البارح ماكتفبييتش فن شوفتك ..
- المى .. يالله تعطلنا ..😊..
اتجهات معاه هي و عيشة للستوديو لب كان فيه التصويير استقبلوها و داوها فين تبدل و دير الميك اب و الشعر و جابسن حتى هو داوه لمكان لي عايلبس فيه .. هو لبس سروال و خلى صدرو عرياان و عضلاتو بااارزة مع لون جسمو الغامق .. و الوشن لي كان فيدو .. اما المى فا عطاوها لبسة متكاملة لي هي سروال و جاكيط من نفس الشكل .. و دارو لها مكياج يومي باش تباان طبييعية .. و بالنسبة لتسريحة الشعر كانت عادية و متماشية مع اللوك .. دارو تصاور مع بعض لي اغلبهم كانو معانقيين و باانو كوبل مع بعض و هذا كان هو الشرط ان الكوليكشن تكون لكوبل .. كيدويو عنه و عنها .. و هوما بزوج بحكم الصداقة الي كانت تتربطهم ماكانش عندهم مشكل فالتصاور .. ...
و كيف كملو التصور بكااع اللبااس لي كان فالكوليكشن اتجهو لريسطو تعشاو لانو كان فاات النهار كاامل فالاعلان لي كانو مزىوبين بيه داكشي علاش زاحمو الوقت ..
......
(في مكان اااخر) .. كلن شخص جاالس كيشووف فالطبييعة لي قداامو .. في فيلا على ااجبل .. كانت على شكل كووخ في تركيا .. تحديدا في () كيكمي الشيشة ديالو .. و الكااس تاع القهوة فيدو .. تيتسنا الشخص لي غايدخل عندو و طاالبو شخصيااا ..
- الخدامة .. " مستر مرتضى .. الشخص لي تتسناه وصل ..
- مرتضى .." شير ليها بيديه" .. دخليه .. بوحدو ..
- الخدامة .. مفهوم ..
دخلاتو لعندو كيف طلب .. و اتجه لعندو وقف قدامو .. مد ليه يديه ..
- .... مرتضى الحااج .. فرصة سعيدة .. شحال هادي و انا تنتمنى نشوفك ..
- مرتضى .. طلع و نزل فيه" .. جلس ..
- ...." جلس قدامو" .. فاش طلبتيني و جايبني تال تركيا .. اكييد شي حاجة مهمة بزاف ...
- مرتضى .. من اللخر ماغاندخلش و نخرج فالهضرة .." حط الأرگيلة ديالو فالجنب و شاف فيه" .. انا هارف مزيااان بلي عندك حسااب معوجلال .. و عاارف مزياان بلي الرجال هي لي تتاخد حقها بيديها ..
- ....." زير على يديه" .. نتا اش عرفك فالحساب لي عندي مع جلال ...
- مرتضى .." ضحك بالجنب .. ههههههههههه .. مراااد .. وااش غاتفلا و لا غاتلعب عليا .. عارف مزيااااان انك من نهار زوج ختو لوااحد ااخر و نتى تدوور مقطووع الرااس ..
- مراد ...ر غزز سنلنو" ..نتا هادشي اااش وصلو ليك!!
- مرتضى .. ههههههههههه كل حااجة فداك القصر تتوصلني اول بأول .. عيني و ودني تماا .. " ناض وقف و تكى على الخشب ديال البالكون" .. و نتااا كنتي بااغي توصل لجلال و تكون يدو ليمنة .. بااش من بعد دير لو القاالب و جلس بلاصتو .. و هادشي كانتي غاديرو .. عن طريق ختو .. تتت .. ولكن للاسف ضيعتي تقة جلال .. رماك ورااه و زوج ختو لوااحد من برااا .. ههه .. شنو ناوي تخلي حقك !!
- مراد .. ناض وقف و خشا يدو فجيبو" .. مانساااش هادشي لي دار ليا .. نتا مزال ماتاتعرفنيش ..
- مرتضى .. " ضربو لكتفو .." .. انا هاادشي علاش جبتك من المغرب لهنا ... باش تحط يدك فيدي.. كل واحد فينا عندو حسااب مع جلال .. و الرجاال مكيخلييوش حساابهم .. تت كيصفييوه ..
- مراد .." طول فيه الشوفة .." .. و شنو النوع ديال التصفية ..!!!
- مرتضى .. " ههههه" .. المهم هو ناخد الموافقة ديالك .. و خصك تعرف بلي مرتضى .. اذا اتفق مع شي واااحد ماااايرجعش فاتفااقو .. حيت من بعد تنحرق الأخضر و الياابس .. و علياا و على أعدائي ...
فمكان اااخر و تحديدا في حي راقي بالدار البيضاء .. .. كلو فيلات و برطمات محترمة .. كوبل كان عايش السعاادة و تاحب .. و كيف كل نهار غير تيرجع من الخدمة كاتستقبلو بوجه بشوش و ضحكة ساحرة تتخليه تالف .. و يا سلام اذا جلاتو للدوش و حيدات عليه تعب يوم طووويييييل من العمل .. كيحمد عليها الله دائما و هي كذلك ... بعد ما مارسو الحب كيف عادتهم كل ليلة ... تكات حدا و حاطة راسها على صدرو .. تتحسسو بيديها و هو تيلعب فشعرها و مبتسم ..
- رجوى .. " طلعات لو راسها" .. دابا اذا منتيش مزوج بيا .. بيمن كنتي غاتزوج!!
- عبد الجليل .." بادلها النظرة و ضحك بتعب" .. هههه .. منين تتجيبي هاد الهضور ..
-رجوى ... وا جاوبني دابااا ..
- عبد الجليل .. " طلع راسها لعندو بزوج صباع من ذقنها و باااسها بوووسة حنيييينة على شفايفها حتى حسات بالسخونية طالعة معاها من جديد " ..لو كان ماتزوجتش بيك كنت دابا مزال حدا الواليدة هههه ... شكون غاتحلى لي من غير النحله ديالي. .؟؟
- رجوى .." ارضى غرورها بهاد الكلام" امم .. هههه عرفتي كنحمد الله حيت تزوجت بييك ..
- عبد الجليل .." باسها فشعرها" ..حتى انا كنحمد عليك الله ااحبيبة ديالي. .
- رجوى .. جوجو .. دابا انا ويااك شحال و حنا مزوجين ..
-عبد الجليل .." واه ماعقلتيش .." ضربها لراسها بصبعو" .. دابا ست شهور ..
- رجوى... و علاااش ماحملتش ..😢
- عبد الجليل .." بقى غا تيشووف من نهار تزوجو اكثر حاجة تتعجبو فيها هي صرتحتها و كلامها المعسوول لي تتستقبلو بيه كل نهاار و لي كيساالي معاااه هو بسااطتها و عفويتها . يعني لي فقلبها على لسانها .." .. حيت مزااال مادرتي عقلك احبيبتي .. ههههه ..
- رجوى .." ناضت و تعمدات على صدرو تتشوف فيه" .. ياااك دابا انا برهوووشة و هبيييلة بااش تقول ليا هكذاا ..
- عبد الجليل .. ههههههههههه انا نقوول ليك و نتي قوولي الله و اعلم .. !!! علاااه لي ترمي كسكسو فالمرقة بلاصة ما ديرو فالكسكاس هادي بعقلها؟؟؟ علاه لي دير اتاااي فالكاااس و تخوي عليييه الماا و تحطوو بعقلها!! اوا قولي ليا اااش غاتقوولي على لي تدير البيض يتقلى و تمشي دوش .. اااش غانقوول عليها ؟؟
- رجوى .." دلات شفتها التحتية" .. واارااه انا ماعمري دخلت للكوزينا و ماما لطيفة علمااتني كيفااش ندير لكسكسوو دابا نفااجئك فير بلااتي ..
- عبد الجليل ... ههههههههههه دابا نشوفو هاد التعلام ديال مك لطيفة واش غاينفع فيك ولا لا .. انا لي واخد خطية .. ههههههههههه ..
- رجوى .." بدلع" .. ههههههههههه حشوومة علييك ...
- عبد الجليل .. " قلبها و تقلب عليها " .. اذا كنتي فااشلة في الطبخ يااا تزيزتي فأنتي بااارعة في أشياااء ألذ ..ههه ..
- رجوى .." حطات يدها على عنقها" .. كنبغييك ..
- عبد الجليل .." تلاح حداها و جرها عندو خشاها فيه و مزير عليها" .. و انا كنبغييك ..
- رجوى ..كاع الحنان لي تحرمت منو من صغري لقيتو معاك .." كتلعب فصدرو .. و تنهدات" ..
- عبد الجليل .." مالنا على هاد التنهيدة هازة جبل فوق راسك ....
- رجوى .. عشت حياتي كاملة و انا فأسرة مفككة .. ماما و بابا مزوجين و صافي .. عمري حسيت انو كين الحب بيناتهم .. و للحظة كنت غانتزوج مىاد على بوونت و نولي عايشة تا انا بحاالها .. و بحال مرات خويا ساندي... عايشين و صافي .. فحال لا مطلقات ..و هوما مزوجات ... الرجال عندنا فالعائلة هوما لي طاغيين .. تصور انا عمري حسيت ان بابا كيبغيني .. منشوفو مىة وحدة بالنهار فالعشاا .. بصح كرهتهم .. و خصوووصا بعد لي داىوه معانا ..
- عبد الجليل...شششت .. مانبغييكش تعايري فعائلتك قدامي غير بااش ترضيني .. انا ماعاجبنيش داكشي لي دارو .. ولكن ماواخدش موقف .. المهم عندي هو اني ديتك .. و حاالف تا نصاالحك معاهم ...
- رجوى .. " انهدات " .. غييير نسى .. عمرهم غايشوفو فوجهي .. من غيير خويا و ماما تا حد فيهم ما بقى كيهمني ..
- عبد الجليل .. رجوى غانتقلق منك .. عمرك ما دوي فيهم قدامي ولا طيحي من قيمة شي واكد عزيز عليك قداامي وااخة تكوني بااغية ترضيني .. انا هادشي ماغايرضينيش انما غايقلقني منك ..
-رجوى .. ", عنقاتو" .. علاااش نتااا حنييين هكذااا علاااش ..
- عبد الجليل .. هههع و الله يا والدييك تا نووض ليك ضبري راااسك ..
- رجوى .." غمضات عينيها" .. هاني نعععععست. .
- عبد الجليل .." باسها فراسها" .. تصبحي على خير احيااتي. .
الحياة بعد المرات تتعطينا على قد نيتنا .. وااخة كاتهجروو لينا فالكثير من الأحياان لكن فالأخير تترحمنا .. جليل كان اااخرة صبر رجوى .. و كيف كيقولو لي صبر كينووول .. فالوقت لي كانت هي تتزيييد تعلق بييه .. ماكاانتش حااسة بلي كانت تتخلييه يبغيها يوم عن يوووم ...
مرت يومين على تصويير الكلييب بفيغاس .. فهاد المدة كانت المى هي و جايسن مامخليين تا قنت .. من نهار تعرفات عليه فاحدى الحفلات لي حضروها ممثلين اجانب و كذلك مغنيين ... تعارفو. و بقى على اتصال معاها خلال ديك السنة لي عرفاتو فيها كان بالنسبة ليها و نعم الصديق .. كان تيسول عليها واخة غير فالتيليفون .. و فاش تاحت لبه فرصة يدير معاها اعلان و يتشارك معاها حاجة تبقى ذكرى بيناتهم ماترددش و رشحها هي اول وحدة .. مع انو كيحس بمشاعر ناحيتها ..الا انها دائما متتعطيهش فرصة .. كانو مرييحين فملهى من الملاهي المشهوورة في لاس فيغاس .. جلسو فالطاولة لي كانو حاجزين .. بوحدهم .. هاد المرة ماخرجاتش معاهم عيشة ..خرجو غير نو ويااها ..
-جايسن ..شنو تشربي!!
- المى .. امم عصير الليمون ..
-جايسن .. هه مزالة متتشربيش .. كي كديري .. انخلطتي فعالم الفنانين و المشاهير و مزال ما عاداوك بالعادة ديالهم ..
- المى .. الريحة ديالو مكتعجبنيش .. زائد ..انو كيدمر الصحة ..هو و الكارو .. يعني نااكل اكل صحي و ندمرها بالمشروب ؟؟
- جايسن ..تمااام عندك الصح هههه ...
طلب هو ويسكي و طلب ليها الليمون ..و بقااو جالسين فبلاصتهم ..
- جايسن.. اوا زعما ماكين تا جديد فحياتك!!
- المى .." ربعات يديها فوق الطبلة " ..اممم .. شمن نووع من الجديد كتقصد ..!!
- جايسن .. مد يديه قبط فيدها و جرها لعندو بقى شاد عليها " .. حتما كين شي حد فحياتك ..
- المى .." تتشووف فيه لي شاادة فيدها" .. لا مكين حتى وااحد ا جايسن .. ديجا خبرتك بلي ماعنديش استعداد نخوض تجارب عاطفية و تنا مزالة عاد تنشق طريييقي ..
- جايسن .."تيلعب فصباعها" .. المى .. عطيني فرصة .. انا غانساعدك توصلي للعالمية .. غانساعدك تشقي طريقك .. فكل درجة غاتلقايني واقف معاك .. و نتي عارفة هادشي مزيان .. خصك غير توافقي ..
- المى .." توثراات و ماعرفاات ماتقوول ليه .. عضات على شفتها و سحبات يدها بشوية ..." بصراحة .. اممم .. تنا منقدرش .. مابغييت ندير حتى علااقة تنتمنى تفهمني ا جايسن ..
- جايسن .." ربع يديه و حواجبو معقودين" .. شنو المانع؟؟؟ لوني!!!
- المى .." شيرات بيديها" .. لالا ابدااا .. لونك ماعندو حتى علاقة .. بالعكس انا كنميييل لهاد اللون و دااكشي علاش عزيز عليا و ماابغييتش نخسرك بصح .. بغيتك كصديييق .. بلييز ماتخصرش علاقتنا .. انا متأكدة انها غاتفسد اذا دخلنا فعلاقة حب ...
- جايسن ..علاش تتسبقي الاأحذااث علااش ..!! ممكن نكونو احسن كووبل اذا عطيتي راسك فرصة و عطيتيني تا انا فرصة ..
- المى .. انا ماشي تنسبق الأحذاث .. انا بصح عشت تجربة خايبة. .وومابغيتهاش تكرر .. غير عذرني و خليبنا صحااب بليييز ..
- جايسن .. و لذا واعدتك تكون هاد المرة تجربة ناجحة ..!!
- المى .." تأففات" .. جاايسن المشكل مني مش منك!! انا مابااغيااش نخسرك .. بلييز احترم رغبتي ..
- جايسن .." طلع يديه باستسلام" .. اوكيي .. هههه كوول .. يالله نشطحو ..هكذا مزياان؟؟
- المى .." ابتسمات ليه بارتياااح" .. اوكي مزياان ههههه ...
حطات يدها فيدو و ناضت معاه تتشطح و تشد فكتفو و تلواا و تكوووز على انغاام اغنية .."work-rihana" .. كانت تتميل عليه و هو متبعها فالرقصة كيضحك و يصفق و يشد لها فيدها و مااشيين فالرييتم بزووج تحلف علبييهم غا ريهانا و دراك ..🤣 و منسااجمين لأبعد درجة .. حتى وقفو كاع لي تم دارو دائرة ..و الاكل تيتفرح فيهم و يصفق .. خلقو اومبيونص بزوج لكن ماحساات برااسها تا تجر من يديها جايسن دورات راسها و هي تسسسعق .. بااان ليه شحط قد الخلا شااد جيسن و غافلو لاحو تحت منو و برك علييه هااك باالاك و دقة فينما جاات مرحبة مكيميييززززش .. كان عااطيهاا بالضهههر لكن رييحتو كيف لهااا ان تنسى تلك الراااائحة .. بااقة فبااالها معشششة و متبتةةة .. حطات يدها على فمها تتقووول مع رااسها يااربي نكوون غااالطة .. ياااربي مايكووونش هووو .. ياااربي مااابغيييتش نشوووف وجهو مرة ثااانية .. خلاا فجاايسن غيير لي نسااا لااحو مشبح فالأرض تا حد من لي تما حااول يفكهم حيت متعوديين المشاارباات يتدخلوو فيهم لي كاارد و دااكشي فعلااا لي كاان ..جاو لي كارد ديال البار تيجرووو فجلال فحال لا تيجروو فثوور كاان كلو نفسو تطللللع و تنزل بعصبيةةة و قلبو من كثرة مكيضرب بسرعة و طريييقة جنووونية حس بيه غايخرج .. جروووه وقفوووه و نو كيلهت و ينهججج فحال لا بركاان و انفجر فيييهم .. اما المى كي شاافتو فشلااات ما عرفاات وااش تهرب ولا تشووف جايسن لي خصوو يتهز للسبيطااار ..
- جلال .." تيدوي بالانجليزيه" .. طلقووووو .. فاااااك ... طلااااااق ..
طلقوو منووو و ورااهم الكاارت ..(كارت عباارة كينين منها خمسة .. دايرها البار لأهم الزبائن .. لي واخة يديرو لي دارو تا حد ما يتحاسب معاهم .. ) .. كي شاافو رجعوو للور و طلقو منووو .. مشاااو كيهزووو فجايسن يديوووه من قداامو قبل ما يقتلوو ..
- جلال .. بربييي ماااتبقىىى فز****بوووه .. تذااا ماااصفيييتهاااش ليييك و طرطقت ليك ق****ك راانييي ماااشي هيلاااالي ..
- المى ..بقااات تتشوووف فيييه بصدمة .. ياللخ بغات تهرب و هو يجرها من دراعها بسرعة ماعطااها الفرصة بااش تسلت .. .. لواا لها يدها للور و شااف فيهاااا بوجهووو لي كاانووو كاااع ملامحوو غاااضبة و ثااائرة ..
#فلاش_باااك_ ...
قبل يوم .. كان جلال كيف عادتو .. جالس فالشركة ديالو كيف العادة كينهي اعمالو .. تا سمع رساالة وصلاتو للموبايل ديالو .. حط لي فيدو و فتحها كانت من محسن ..و يااريتو ما فتحها .. كاع صور المى مع جايسن.. صور الاشهار لي مزال كاع ما نزلو .. و صورها معاااه و هووما كيضوورو و شاادة لو فيدوو و كيضوورو .. كاع الاماكن لي مشاو ليهم تصورو و تصيفطو لجلال فالواتسااب .. .. كي شاافهم جمع قبضة يدو و شتت كاااع داااكشي لي قداامو فالبييرو .. كيييقووووول مااابقاااش يفكر فيييها .. كيقووول بعد عليييها لكن كلللل مرة كيلقى رااسو مربوووط فيهااا اكثر و اكثر .. كل مرة كيلقى عييوووونو علييها بلا ميقصددد .. كل ما تتحط صووورة لبها بوووحدهاااا و عريااانة فلباااسها تتشعللل فيييه الناااار .. خلييي تلييك اذااا شاافها مع شي واااحد .. بهااد الصور لي شاااف ماااشي غير الناار لي شعلااات فبييه بركااان تفجر دااااخلووو .. دور لمحسن عرف منووو كااع المعروومااات ديال ديك الاعلان تاع الحواايج .. و عطااه اواامر انو يتمنع من العرض ديالو و تصالور لي فيهم المى كااامليين يتحذفو ..... داكشييي لي كاانوو من تماا شد طيااارتوو ديييريكت للاس فيغاااس .. و كييف نزل مشا كيقللب علييهم دييرييكن و نااوي لووو على خزييت ..
........
- المى ..بقااات تتشوووف فيييه بصدمة .. ياللخ بغات تهرب و هو يجرها من دراعها بسرعة ماعطااها الفرصة بااش تسلت .. .. لواا لها يدها للور و شااف فيهاااا بوجهووو لي كاانووو كاااع ملامحوو غاااضبة و ثااائرة ..
- جلال .. " كيهضر بين سنانو" .. غاتزيدي قداامي بلااا شوووهة .. ولا غانخلييي هاااد البااار ز** و ق*** لي مااا شرااا يتفرج فييك .. يالله هزي صاكك و دردبي قداامي ....
طلق منها و هز يدو للفوق حط بيييها رااسو بعصبية .. خلاها هزاات صااكها و كاادعي فيييه و تسبووو فخااطرها .. ماغاتننكرش ان قلبها دق ثلاد دقااات . كيف شماات رييحتو .. كيف هز فيييها رااسو .. كي شاافت نضرة عيووونو .. لكن سرعااان ما نمااا الكره من جدييييد فقلبها .. هزات الشانطة ديالها و خرجات كاتفووور وقفاااات قداام البااار و هو وراااها .. شاافت فيييه و خزرااات ..
- المى .. شنو باااغي!!؟ هاااا شنوووو .. ب ا غ ي ؟؟
- جلال .." كيغزز فسنانو جرها من دراعها تا حسااتو غايقسمو" ..كيفااش اااش باااغية.. صااافي .. خرجووو رجلييك الشوااري هااااا .. اااش يصحاااب لمكك راااسك قطعتي الوااد و نشفووو رجليييك هااااا .." غوت عليها تا حساات برااسها قااال طنننننن" .. شكوووون هذاااك .. هااااا ..شكووون .. ولاااش تيشد فيييك و عنگي فيييه زمل على ديييلمك الضميييير ..
- المى .." تتجر فيديها منو ..و تتنهج بعصبية" .. و نتاااا سوووووقك يكووون لي بغاااا يكوووون نتااااا ماااالك .. سوووقك فيااا لا تكووون تتصرف عليااا اذااا كنتي تتتصرف قطع عليااااا مصروووفك الله يرحم بابااااك ...
- جلال .." زااادت طلعات لبييه دم .. طلق من يديها و جرها من شعرها طلع ليها وجهها لعندو" .. هااااااؤ هااااي على الزعاااامة.... ااااش تزاااد على ديييلمك ااااش ..
- المىى .." كضرب ليييه فصدروو جعرااات عليييه جراااتو من الشوووميز تا قطعااات لبييه الصداايف كاملييين و جرحااتو بضفاارها فصدروو" .. بعييييد مييي طللللللققق. طلااااااااق اززززممممر .. "طلق منها و بعداات عليييه بقات تتشوووف فيييه كيف اللبؤة لي كااتسناا امتااا تنقض على خصمها" ..بغييييتيييي تعررررف اااش تزاااد عليااا اناااا نقووول ليييك اااش تزااد علياااا تزاااد عليااا كوولشي .. تزاادت عليااا قصوووحية الراااس و القلب .. تزااااادت علبااا الشهرة و النجوووومية .. تزااادو عليااا الأضواااء .. بنيييت راااسييي .. كاتفهم بنيييت رااااس يو عمرييي هانسمحححح ليييك تهدمنيييي .. صااافي .. هناااا و صااافي قبل عااااامين .. خرجت من حياااتك .. خرجت مكسوووورة و قلبي كيييتجر حداااا رجليييك .. خرجت و خليييت لبييك حياااتك تعيييشها كيييف بغيييييتيومعومرتك و بنتك .. هادي عااامين رمييييتيييني برااا حيااانك بأبشع الطرق و استعملتي ضدي سر كشفتوووو لبك غيييير نتاااااا .. هادشي كلووو و كاتقووول ليااا اااا تزاااد عليااا تزااادتوالمى جدييييدة .. ديك لي كااانت فيييوم من الأياااتم كتبغييييك مااااتت صاااافي .. مشاااااات ...و نتاااا لي قتلقييييها .. اااشوكيصحااب ليييك رااااسك بعد هاد السنيييين لي دااازو غادي تلقاااني تنتسنا فيييك و نقووول وااااو رجع لياااا اااااسيييييييديي لنلاااا يقلب جد جدوووودك كااااملييين اذا كنت هاندل رااااسي عمرييي ندلووو لراااجل .. و خصووووصا لوااحد بحااالك
- جلال .. اااش تتخراااي؟؟؟ هااا اااااش ..
كااان قداامو عموووود ديال الصووو باااش مايجييبش فيييها الدقةةة جاابها فالبوووطو تا بين فييه ركبتو .. و طربو بقبضة يدوو كااان بحال ليييي قطعوو لييه الرااس .. عض على سنانو و زاد ضرب مرة بعد مرة ..و هي غا تتشوووف فيييه
- المى .." ربعات يديها" .. من اللخر دابا!! لاش جااي !! شنو باغي مني؟؟ بعد هاد المدة كاملة .. شنو بااغي مني !!
جرها بلا ما يدوي فتح الباب ديال الاوطو و رماها لداخل سد الاوطو باش ماتخرجش و مشا جلس الناحية ديالو و صااگ بأقصى سرعة بعد ما سد الاوطو اوتوماتيك خلاااها تتعوگ و تغوووت و تحيير علييه و تششنتتتف فشعرها بالأعصااب و هو مزير على على الفولووون بيديه و كيعععض حنكو من اللور
- جلال .. يااا غاتسكتي يااا غانخررررج مك من ديك السرجم ..
- المى .. وااا طللللللقنيييي تخرج ازممممر بععععد منيييي خليني نعيييش حياااتي بغيييت نمشي نشوووف جااايسن شنوو درتي فيييه ..
- جلال .." فرانا بالجهد تا كانت غاتجي على وجهها فالزااج القجاامي ..ضار عندها و جلها من فكها تا حس بيه تحفر" .. بااااقي نسمع سميييتو على فمك غاااانننننورييييك اااش كانسوااااا .. تفووووو على ياااامي معاااك تفووو ..
طلق منها بالجهد تل ضاار رااسها هلاها تتنگر .. اتجه ديريمت للاوطيل بعد ما اجرى تليفوون و طلب من محسن يصييفط ليه لي كاارد للاوطيل .. داكشي لي كاان كي وقف نزلها و جرها من دراعها ديريكت للبيت ديالها .. فتح ليها الباب و لاحها الداخل خلاااها تتلعن و تسب فييه ...
-جلال .. غاااتقووودي تكمشي دابااا نعسي شطحي نقزييي بينما وصل غدااا .. عندي معاااك كلام ماهايتأجلش .. يالله روول ..
سد عليها الباب خلاها تتفور و تنقز اكثر حااجة مكانتش تجي فباالها هي هادي .. سد عليها و بقى واقف تا جاو لي كارد اامرهم يبقاو حدا بابها و هو شد البيت لي قدامها اونفااص .. يكمد فييه الفقصة تا يصبح الحااال ...
ضلات الليلة كاملة و هي تتحرت ديك الغرفة ذهابا و إياابا .. فاش جات تخرج لقات لي كاارد و هي ترجع مابغاتش دير الشووهة فالاوطيل .. داكشي علاش مشات كمدات غدايدها فقنت تالبييت فوق كاناابي .. دوات مع عيشة قالت لها ماتطيش عندها لسوييت كانت اااخر وحدة بغاتها تشوفها فيدك الحالة .. حطات راسها على الكانابي و ترخات ..تتفكر و عقلها خدااام ماباااغييش يسكت و يخليها تنعس .. عقل تيقوول لبها اتصلي بالطوارء دياال الاوطيل و شوية ضحك على راسها حيت جلال ااخر واحد يخاف منهم هوما لب يديرو بحسابو .. شافت تا عياات لقاات الحل هو ترخي راسها تال الغد لييه و تشوفو ااش بااغي .. باش تهنى .. غمضات عينيها و ريحات راسها .. حتى غفاات .. اما هو .. لليلة كااملة و هو على القرعة و الكاااس و الكاارو سالا منوو باكية .. و طلب باكية اخرى .. عينيه ولاو كي الجغوة تالدم فاش شافها تتلوز قدام الباشاار و داك جايسن شااد فينا و تيشطح معاها حس براااسو تشلل بما ططاااايب .. ماحملش يشوف شي حد كيقيس فيها بديك الطريقة .. واخة مكانش كيقيس منااطق محرمة .. انما جلال تا لمس اايييد المى عندو محرم على شي وااحد ااخر عيا يقووول لراااسو ماشي سوووقك تا رجع كيقنع رايو بهضرة اووووخرة انها بنت عمو ...
صبح صبااح يوم جديد ..يوم غايكونو فييه احءااث جداد فحياة المى .. يوم غاتغير فييه ماسارااتها ... فاقت كي حلات عينيها و هي تغوت و وقفات .. كان جلال قدام كمارتها و تيشوووف فيها ..كي فاقت .. شاف غساعتو و رجع شاف فيها ..
- جلال ..عندك نص ساعة .. انا نازل لريسطو ... وجدي و تبعيني ..
خرج بلا ما يسمعها اش غاتقول خلاها تتفوور على الصبااح شدات فرايها و دعات فييه دعوة من القلب" .. سير الله ياااخد فيييك الحق على هاد الخلعة لب خلعتيني على بو نبير ..تفو ." ..
هزاات فوطتها و دخلات للدوش .. ضرباتها بحمام خفيف واخة داىت الصابون فالكيس و حكاات ..نشفات شعرها بالسوشوار عادوخرجات من الحمام .. مشات هزات من الفاليز ديالها كولون بالگري فاتح و الگري غامق لبساتو مع تيشرت ابيط و سبادري فالأبيض .. مشطات شعراتها و خلاتو مطلووق .. دارت ملمع شفااه و ايكرون فقط .. هزات تيليفونها و فتحال الباب لقات الكارد تيتسنا سبقها لعمد جلال و الثاني وراها غير وصلات تندو وقفات و ضربات الطبلة بيديها تا تلفتو الناس .. جلال كان تيكمي غا سمع الزدحة غمض عينيه بااش ميتعصبش .. طفا الكارو و شاف فيها مغدد من فعايلها ..
- جلال.. ريحي ..
-المى .. " خزرا فيه و ربعات يديها" ..شووف نقول ليك ..انا مجاياش نجلس .. انا جاية نسمعك زوووج كلمات .. نتااا اوووت من حيااتي .. مابقيييتش بااغية نشووفك علااااش باااغي تفرض علبا راااسك علااش ..
- جلال .. " ضرب الطبلة يديه و غوووت تا قفزات" .. رييحيييييي ...
جلسات بلا ملتعاود معاه الهضرة .. ماعاوداتش دواات تا تكلم هو بخشووونة و صوووت مبحوووح من كثرة الشراب لي سف ..
- جلال ..اش تفطري؟؟
- المى .." ماداتهاش فيه .. شيرات لسيرفور طلبات منو فطورها كيف موالفاه .." ..فاش باغي دوي معايا ..
- جلال .. ""هز تيليفونو .. " تا تفطري ..
خبطات فخضها بالعصااب .. كيستغزها بكل ما أوتي ..مادواتش معاه مزال جا فطورها و فطرات على خاطرها .. اما هو بقى غا تيشووف .. ماشي فيها فتيليفونو لي فاتح بيه الكامرا اللورانية كايشووغ و يرااقبها منها .. مزاالة كيف ما هي تتعوج فاللقمة عاد تسرطها .. تتاكل بزوج صبااعوكيفما تعوذات من ديما .. توحش حركااتها ... شوفااتها كوولشي فيييها لكن حاالف ميعترف بهاادشي حتى لراسو .. .. هكذا بقا حاضيها تا كملات عاد طفا تيليفونو ووقف ..
- جلال .. يالله نوضي ..
- المى .." وقفات و هزات تيليفونها" ..ممكن مرة وحدة فحياتك تتصرف معاايا كأني كاائن حيي عاااقل تيتنفس و عندو احساااس و تقووولي فين غادي بيااا!!
ماجاوبهاش .. جرها من يديها و داها ديريكت للاوطو كيف العادة .. ركبها و ركب تا هو كسيرا فاتجاااه مكان بعييد على المديينة و صخبها شوية .. فلت على الطرييق و وقف فالجنب فااش لقى راسو وصل لمنطقة معزوولةة تا السيارات قلال فيها ..وقف الاوطو و خرج تكى علبها من القدام و جبد كارو بدا كيكمي ..
شافت تاااا عيات و هي تخرج من الاوطو .. مشات وقفات قدامو وربعات يديها تتسناه يهضر... ..
- جلال .." نطر نطرة و صااطو" .. لقيت واليديك .. " حرك يديه بمجموع" .. عائلتك كاملة ..
- المى .." طلعات فيه حاجبها" .. هادي لعبة جديدة .. شمن والبدين .. و شمن عائلة .. انا ماعندي تا عائلة .. من غير عايشة و خولة ..
- جلال .. "بادلها نفس النظرة .." ..و منين جيتي حزقاتك سما مثلا؟؟؟
- المى .." صوتها فلحظة بدا كيرجف" .. واش تدوي بصح!!
- جلال .. داوي بصح .. قلبت عليهم شحال و انا متردد نجي نقول ولا منقولش .. بالحق جييت .. و مضطر نجي ...
- المى .." حسات بحاال لا خوا علبها دلو تالما باارد .. كيفاش تا لقى عائلتها !! كيفاش تا عرفها منين جاات .. و اهم سؤال علاش!!!" . و نتا اش داك تقلب ورايا !! فاش كيهمك هادشي ...؟؟
- جلال .." تىدد .." .. احم ..انا گلت مع راسي .. غاتكوني باغية تعرفيهم...
- المى .. انا خرجت من حياتك شكون قالك تقوول معوراااسك .. علاش اصلا تسمح لراسك تنبش المااضي ديالب و ديال عائلتي ..!!!
- جلال .."ضحك بالجنب" .. عائلنك هي عائلتي الالة عبير ..
- المى .." بعدم فهم" .. كيفاش ؟؟
- جلال ..لي خصك تعرفيه حاليا هو أنك بنت كمال الهيلالي .. لي هو عمي .. الأم ديالك اوروبية .. تولدتي فضروف صعبة عليهم بزوج .. داكشي علاش تخلاو علبك ...
..ديك تخلاو عليك نزلات عليها فحال البرق .. لكن قبل منها .. نتي بنت عمي .. و مك اوروبية .. بالسيف قدرات توصل رايها لحدااه و تكات على الاوطو ..
- المى .. " عينيها لمعو فلحظة بالدموع" .. عايشين؟؟
- جلال .." جاوب بلا ميشوف فيها" .. عايشين؟؟
- المى .." نطقات بدون تفكير .." .. الحلال ولا الحرام!!!
- جلال .." ماقدرش ينطق ديك الكلمة زوج تالمرات .. تحرك للقدام بلا ما يجاوبها و جمع شعرو بيدو .." .. هادشي ماخصكش تفكري فيه!!
- المى .." ابتسمات بالجنب" .. اذا الحرام ..
- جلال .. " ضار عندها" .. كبير العائلة طالب يشوفك .. هو جدك ...
- المى .."طولاااات فيه الشووفة فحال لا تتقول ليه وااش من نيتك!!!" .. كبير العائلة .. ههههههههههه .. شكون هاد كبير العائلة !! مني اييمتا و هو جدي!! " قربات لجلال" .. انا عمري كان ليا جد .. عمر كان ليا ااااب .. عندي ام وحدة هي عايشة .. علاش بااغي دملهم لحياتي .. فين كان هاد كبير العائلة فااش كنت تنتعااير باللقيطة فالمدرسةة!!! .. فين كاان هاد كبير العائلة فاش كنت تنتخبااا تحت البيييرو ديال الاستاااذة باااش مانبكيييش قدامهم و يشوفوني كنبكي !! عند باالك تنا مخبية اني ماااشي بنت عااايشة راااه الناس ماعارفينش!! الرب كلوووو عارفني مااشي بنتها .. الدرب كلووو تيعقل على نهار جابتني ..!! الدرب كلو كااان طمعااان فياااااا حيت انا مجرد لقييطة و كيف كيقووولو كفي القدرة على فمها تطلع البنت لمها .. فين كاان هاااد كبييير العائلة!! هااااا فييين كااان قوووول ليا فين كااان ..كيفااش جاي تقووول ليا نتي بنت عمي .. هااا .. انا مابنت عم حد .. تنا مبنت حد .انااا بنت رااسي .. اناااا ما بنتوحد ..
كانت تدوي و تعبببر بيديها .. و عينيها باااينين فيهم تلدموووع .. شفايفها كيرجعو لكن تااا دمعة مانزلتتها .. تا دمعة ماةخلاتها تنزل .. قرب ليها جلال بغا يعنقها بغا يوااسيها جرحها جرحو .. ماقدرش يشووف المخا و هو فووهمو مزياااان و بدل ماتبادلو العناق .. حبساااتو .. بعداااتو عليها .. شافت فيه من الفوق للتحت و نطقات بعذااااب ..
- .. لا .. مامحتاجاش .. مامحتاجاش عنااقك .. ماباااغاكش توااسيني انا مااشي في هم .. نتا راك تكثر واحد جرحني بديك الكلمة دابا ماتمثلش عليا انك تأثرتي .. سبق ليا قلت ليك ماكنتيش نتا اول وااحد يقوولها لب .. سامعاها بزاااف تالمرات... " جمعات يديها بترجي" .. الله يخليك .. بليييز .. خليني نعيش حياتي .. بعد على طريقي .. ماباغياااش نعرفك .. ولا معرف عائلتك .. سير قووول ليهم المى قالت ليكم هي ماااشي بنتكم .. قووول ليهم ماباغياااش تعرفكم .. ماباغية تعرف حتى سميااتكم .. قول ليهم المى كبرات و مامحتاجة تا واحد ..اجي وصلني منين جبتيني الله يخليك...
ضورات راسها للجهة الثانية و ركبات الاوطو .. شااف تا عيااا مابغااش يزييرها .. حتى ماخلاتوووش يكمل هضرتو .. تبعها للوطو و ديمارا في اتجاع الاوطيل .. شاف لجهتها لقاها حابسة دموعها بالسيف و عااضة على شفتها التحتية .. مضورة راايها فالسرجم و ساااااهية .. تنهد و خلاها تفكر براحتها .. وصلها تال الاوطيل و نزلات قبل من بيا حاضيها و تابعها تال وصلات للغرفة ديالها و هو يشدها من دراعها ضورها لعندو ..
- جلال ... فكري مزيان .. عائلتك باغيينك .. غكري و عاودي فكري فاسم الهلالي .. هذاا حقك ماباغيكش تنازلي عليه ..
- المى .." طلعات فيه عينيها بتعب حساات راسخا فجأة فحال لا هازة جبل تالهموم " .. حقي .. خووودووو ... كووولو مخصنيييش .." نطرات يدها منو" .. طللق مني ..
دخلتت للغرفة ديالها و سداتها فوجهو .. مالقى غير يمشي يتصل بعبد العظيم ... اما هي كي سدات الباب مشا ديريكت للفاليز ديالها .. خرجات منها البوااطة لي فيها العقد ديالها .. هزاتو بين يديها و مشاتوجليات فطرف النموسية ...
بعد اااش!! بعد ااش راجعين!! بعد ستة و عشرين سنه!! لاش راجعين!! شنو باغيين .. حيااتي بلا بيكم كنتو مفكرينها كيف دازت!! انا حتى مكانعرفش ننطق كلمة بابا كيف النااس ! عمري حسيتها ولا عرفت نغمتها كيف دسرة .. عمري عرفت حنانها ولا قسوتها .. عمري عرفت خصاامها ولا ضربها .. كلمة بابا عند البعض مجرد لكمة .. لكن اناااا .. انا حااسة بيييها بكل معانييها لكن عمري جربت الاحساس .. كنت تنتمنى فحالي فحاال البناات يجي بابا يديني من المدرسة ..يشري لي خصني .. نشكي ليه من هادي و هذااا .. كنت متمنية نشوووفو و نلمس وجهو .. كنت متمنية غييير حضن منو ... ولا ماما .. دااااائما كنقووولها لكن عمري حسيتها .. علاش تخليتي عليا .. و اذا كنت من الحراام .." هزات العقد دارتو بين عينيها" .. و اذا كنت جاية فلحضة ماااشي ديال الجدية .. شنووو فيهااا .. علاش ماهزيتينيش بسنانك كيف القطة تتهز ولادها .. علاش ماضميتينيش لحضنك كيف الدجاجة تتضم فلالسها .. علاش خليتيني فملجأ!! علاش راجعين توريوني رااسكم مداام نوووما باختياااركم رميتوووني .. تخليتو عليا!! .. و رااجعيين متوقعيين مني السماااح .. ههههههههههه لاااااا عند بااالكم قلبي حنين!!! فين كانت المحنة فاااش كنتووو تترميو فياااا فييين كاانت...فين كانت .. طلعات رجليها للناموسية غمضااات عينيها معنقة السنسلة .. حااسة براسها تترجف .. عينيها بااغيين يبكيييو لكن عقلها كيعطييهم اوااامر مايبكييوش .. يتفاااسكوو ميستسلمووش ......
....
- جلال .. وي الحاج .. لي عليا راني درتو .. دويت معاها ..قلت ليها لي كين ..ولكن رافضة الاكرة .. و تعصبات بزاف ..
- عبد العظيم .. جيبها ... ولو بالغصب ....جييييبها