[10/11 05:23] بارت: دهاء امراة😈 الجزء المئة وستة وسبعون #بقلمي:#حنونة عند نهاد لي كانت معلقة وشادة بيديها فالحديدة دالبالكون... مشااات خولة كتجري لعندها وهي كتبكي مداتليها يديها خولة: اري اليد لاخرة اهئ اهئ حاولي تهزييها يالاه نهاد تفدي ديريها هزات نهاد اليد لاخرة بالزز ومداتها ليهاا شدااتها خولة من يدهابيديها بزوج وحكماتها مزيااااان بقات كتجرهااا وهي كتبكيي باقصى طاقتهااا واحا ماواكلين والو بزوجات نهار كامل ولكن القضية قضية حياة او موت.. بقات نهاد كطلع راسها برجليها وكتحاول تعاون خولة تاجرااتها للفوق ... ولخيييرا طلعاات نهاد وعنقاااتها حولة بالججهههد مابغاتش طلق منهاااا بقاات كتبكيي ونهاج تاهيي دموعهاا شلال على خدها نهاد كتشهق وكتحاول تهضر: ناااري اخو...لة اهئ اهئئ شكنت غانديير اهئ اهئ خولة لي عينيهااا ولاو حوومر بكترة مابكاو بقاليها غا الدم مابكاتوش: ختي هئ هئ شكرااا حيتاش مادرتيهاش كن غادي نتبعك اهئ اهبقاو معانقات وكايتبااكاو نهاد فاللقطة قررات فيها تنقز قررات قرار اخر انها تعيش وتتقاتل ولكن كان فات الفوت وتلاحت كان عندها الزهر الغريزة ديال الانسان ضد الموت خدمات فاخر لحضة وشدات فالحديدة ندمات علاش حاولات تنتحر وفنفس الوقت عطلت لراسها حافز جديد باش انها تكمل وتعييش وتقاااتل على قبلها هي اولااا وقبل اي واحد وعلى قبل عائلتها وصحاباتها فالمركز التاني ... العميد كان غادي بلامايعرف الوجهة المهم اي معبد يجي باسم الله(خخخخ) كان كايموت بالعطش والعسا ظاهر ليه على وجهو بقى غادي تابانليه واحد المعبد قريب فرح بزااف واحيييرااا..... بالفرحة بقى كايجري واخا مابقا عندو جهد.. قرب للباب وهي تبانليه سارة خارجة شافها بوحدها تصدم سد عينيه وعاود عليهم تاكد بلي هيي فرح ومشى كيجري باتجاهها سارة اول حاجة دارتها دارت تشوف ياكما تايعها ياسين بقاتو باقي ماجا مشات كتجري العميد يونس: ساااااارة سارة جرااتو لمور المعبد: شوووت سكت تخباو فواحد القنت العميد: واخيرااا لقييتك كنت كنقول راك متي مال الجهاز دالتتبع مابقاش خدام؟؟ وعلاش ماسولتيش بما انك فالمعبد وماشي مع لعصابة سارة: شوووت غا بالشوية كنت فاقدة الذاكرة واحد المدة وعاد اليوم استرجعتها فاش لمحتك فالجهة لاخرة دالواد وتفكرت يزاف دالحوايج العميدّ كيفاش؟؟ فاقدة الذاكرة؟؟ سارة: قصة طويلة مهم را قربنا للهدف ديالنا دابا خاصني نكمل بهاد التمتيلية بلي انا باقة فاقدة الذاكرة باش نوصلو لي بغينا.. نتا غاتمشي تانخرج انا والبوص ورجع طلب المساعدة من الكاهن انحاول نعطلو ما امكن العميدّ:وديك المجرمة فيناهي سارة: را محبوسة فواحد البيت مزيان فاش بانت تاهي كان عندها دور باش ترجعلي ذاكرتي.. مهم دابا غانمشي لايجي ياسين بقى هنا تانمشيو ودير داكشي لي قلتليك رجعات سارة حدا الباب والعميد بقى مخبي مور المعبد عند ياسين ياسين: لاش باغة تقتليها جاااااوبييي الوولف: البوص عي را من المخابرات دخلات للسجن متعمدة باش تكسب تقتي وندخلها معانا فالتالي ضرباتني وحبسوني عندهم هربت ليهم وبغيت ننتقم ليها حيتاش ضحكات عليا داكشي لاش بغيت نقتلها ياسين شدها من فكها .زير عليها: نساااي غكرة انك تقتليها فهمتي الوولف: واش بالصح هي مراتك ياسين نترها: اااه داكشي علاش غايخصك من هنا للقدام تحميها ماشي تحاولي تقتليها تفاااهمنا الوولف حنات راسها: وي بوص ياسين: ماغانطلقكش دابا زرباان تانرجع مشى وخلاها وقلبها مكسووور الوولف لي الشر كون كان بنادم كان غايتشكل فسيفتها قلبها هرسولها ياسين زطم علييه وشتتو كلو... كلمة وحدة لي كتعاود ليها فراسها هي مراتي ماتقبلاتهاش ... نزلو دموعها على خدها لي شحاال هادي ماداقت طعمهم ولا حسات بسخونيتهم نازلين مع وجهها.. عتد ياسين لقاها واقفة كتسناه قرر ايعاودليها كولشي على حياتو من الف تال ياء خاصو يكسب تقتها قبل ماتسترجع ذاكرتها بقى كايتأملهاا وكايتأمل وقفتها كتباان منتصبة ظهرها مسطح شعرها المبوكلي لي تايطير فالسما مع الريح يدي كتشد بيها لافخونش لي تايدوزها الريح على عينيها وترجها مور ودنها .. كولشي فيها فشكل كولشي فيها تايجدبوو ليها اكتر وكتر.. هو تايقرب وقلبو تايزيد يزدح.. واخيرا قدر يعترف ليها واخا ماكانش معول كان تايقول ايسالي شغالو ويفك مشاكلو عاد يعترفليها ولكن لساانوو مقلبوو ماقدوش يزيدو يصبرو اكتر ياسين وصل لعندها: يالاه نمشيو لشي بلاصة نهضرو سارة شافت فيه وهي كتحاول تحكم فملاميحها وشوغاتها باش مايحسش: اوكي يالاه فنظركم سارة معامن غادي تختار تكمل طريقها العميد زلا ياسين شارفاات
[10/11 05:24] بارت: الجزء المئة وسبعة وسبعون بقلمي:#حنونة التتمة مهم تماك فقدتي الذاكرة وجبتك لهنا وقررت ماغانخليكش تشاركي فالعملية .. كان جاني خبر بلي ياسر المدرب ديالك تختطف.. ياسر لي هو اصلا فرد من افرااد العصابة كان طامع فالاول فبلاصة البوص ولكن من بعد سيفطو عمي للمخابرات يخدم كجاسوس للمافيا ..واخا قريب ليا ولكن ماعارفش بلي كنخطط نحبس المافيا و نشتتها.. يسحابليه باغي نسرق الصاروخ باش نحكم ولكن انا باغي ناخدو لبين ايدي امينة او ندمروو لحد الان مزيان .. فاش مشيت لكندا نقلب عليه مابغيتش نديك معايا خوفا من انو يشوفك العميد لي سنين هادي وهو تابعني وانا ماعارفش علاش وشنو السبب... قلت يمكن حيتاش من المخابرات وعاطيينو هاد الضوسي دالمافيا ولكن لمجة عشرين سنة بزااف زلكن عمري بحثت على الدافع لي خلاه يتبع عمي ويتبعني من موراه هاد المدة كاملة.. مي دابا عرفت الدافع هو تابع عمي لي اختطف ليه ولادو لي هما ياسر واشراق سارة تصدماااات وتزنكااات حاولات ماتبينش ولكن باانت فيها الحمد لله ياسين تايشوف بعييد وباقي ساهي ماشافليهاش فوجهها ياسين: وصدق العميد هو السبب باش مات الاب ديالي كان صاحبو بزااف ولكن خوى بيه وسبب فموتو الشيء لي خلا عمي ينتقم ليه ويقتليه عائلتو ويخطف ليه ولادو... سارة شافت فيه: ونتا فاش كتفكر ياسين: كنفكر نهضر معاه فاص ونتاكد من هضرة عمي ماكنتيقش فييه باينة عنجو شي عداوة قديمة مع هاد العميد وكايعرفو مزيان وباغي يعمرني انا ضدو باش ننتقم منو سارة : علاش قلتي بلي نتا رجلي ياسين شاف فيها وهو هاز حاجب: من هادشي كامل هاد السؤال لي جاك فبالك ؟ سارة: اه بغيت نفهم علاش؟ ياسين: فاللول قلتها غا هاكاك ماعرفتش علاش ولكن من بعج عرفت بلي بهاد الطريقة نقدر نتحكم فيك وعلى الاقل نفرض عليك شي حوايج سارة: صافي غي هادشي ياسين: اه وحيتاش.... كلات نهاد وخولة غداهم وتكاو فوق الناموسية بزوج معانقين طاحو كاو عياو هاد النهار كان مليء ببزاف دالاحداث ليهم.. عند اشراق كانت مع الاب ديالها كتعاونو يلبس باش تخرجو اشراق : بابا متاكد الطبيب لي قاليك تخرج ؟ شفتو بحالا زرب شوية سي احمد: اييه هو لي قالهالي دابا سربي نخرجو خرجو ولقاو تريفور تايساينهم سي احمد بالفرنسية: اووه تريفور سمحلنا بزااف صدعنااك تريفور: لا ماكاين صدااع على سلامتك خرجو وداهم وصلهم للفيلا عاونات اشراق باها تاجلس سي احمد : اشراق بنتي جيبيلي شي كاس دالما اشراق: واخا بابا مشات كتحري للكوزينة سي احمد شاف فتريفور: موسيو تريفور انا لاحظت بلي. تقربتي من بنتي ففترة غيابي تريفور حشم: ويي سي احمدّ :داكشي لاش بغيتك تعاوني فواحد الحاجة تريفور: اما هي ؟ احمد: بغيتك تساعدني نقنعو بنتي اشراق تزوج بولد عمها ياسين تريفور تصدم بحالااا صرفقتييه بقى ساكت ماجاوبوش كانت جاية اشراق هازة البلاكو فيه كيسان وقرعة دالزاج دالما.. فاش سمعات اش قال باها طيحاات كولشي فالارض بالصدمة
[10/11 05:24] بارت: جزء 178 بقلمي:#حنونة ياسين دار شاف فيها بعينيه الكحلين الذابلين تحت ولا عينيه كحل بكترة ماسهر هاد الاواخر...و لحيتو السوداء كبرات وزادتو وسامة اكتر : حيتاش كنعرفك مزيااان وحافظك انا عرفتك استرجعتي الذاكرة من اللحظة لي جيت وشفتي فياا .. عينييك وليت حافظهم وكنقراهم فالسما .. شوفاتك هاد الشوفات لي كديري فيا دابا هما لي خلاوني نطيح فيك ونبغييك اما سارة لي فاقدة ذاكرتها ساهلة كان بامكاني نستغلها بذريعة اني رجلها وندير مابغيت مي لا تسنيتك نتي حيتاش انا بغيتك نتي بشخصيتك هادي وبقوتك .. الرجال اغلبية تايبغيو البنت اللينة لي يركبو عليها و يعفطو عليها .. وتانا هاكاك تاانفكر ولكن نتي بنتي وقلبتيلي الموازيين مابقيتش عارف شباغي وشنو ماباغيش.. انا ماعاودلكش باش تعاونيني وماغانخليكش تمشي للعملية .. انا عاودتلك حيتاش ماعنديش لمن نعاود اول مرة نحس براسي بوحدي اول مرة نحس بلي محتاج شي حضن يحضني اول مرة نحتاج نبكي ومانلقاش شي حد لي يمسحلي دموعي .. اول مرة نحس براسي ضعيييف لهاد الدرجة اول مرة نحس بلي عييت من هاد الثقل لي هاز ونبغي نتفك باغي نهرب لشي بلاصة ونرتاح ولكن خاصني نسالي مهامي بعدا.. مكنطلب منك والو غير تكوني معايا.. انا عارفك من النوع لي ماعمرو كان مع شي حد ومن النوع لي مكيعترفش باحاسيسو بسهولة هه(بابتسامة جانبية مستهزئة) تانا كنت بحاالك واحد النهار دابا لا سارة غي كتسمع وكتشوف فيه حسات براسها تاثرات بهضرتو هي كانت توقعات قبل بلي غايعيق بيها استرجعات ذاكرتها ولكن ماشي بهاد السرعة يمكن هي ماشي ممثلة بارعة كما كايسحابليها.. او داكشي ماينفعش مع هاد السيد لي يمكن بالصح ولا حافظها مزياان... ماعرفاتش علاش قنعها واا كيفاش ومافهماش علاش حاسة براسها تيقاتو او باغة تيقو واخاا حاولات ما امكن هضرتو دخل من ودن وتخرج من احرى ولكن بقات كتعاود فالذهن ديالها.. ياسين باقي ماسكتش مازال تايهضر ويعبر ولكن سارة طفلت ودنيها وعقلخا مابغرتش تزيد تسمع كتر بقات غا ساهية كتشوف فيه وطتحازل ماتقتانعش خاص مايقنعهاش .. خاص ديما نسبة الارتياب والشك تبقى واخا تكون قليلة .... خايفة تتبع قلبها وتجيبها فراسها ديما فاش تاتبعز مشاهيرها كتجيبها فراسها .. اصلا هاد الدوامة دخلاتليها حيتاش بقى فيها العميد فاللول ووافقات بسباب مشاعيرها.. استفزها عاطفيا بصوت سارة الداخليّ سارة ماتسمعيش ليه ماتيقيش سارة ماتصنطيش لهضرتو بما انه عاق بيا هو بلعاني بغى يقنعني بلي كايبغيني باش ندير ليه مابغى بلعاني قالي مايخلينيش نمشي للعملية باش نقوليه لا انمشي بغى يكسبني باش نعاونو .. لاش غايبغي هاد الرقاقة دالصاروخ متلا.. سارة خدمي عقلك... ماتيقييهش.... بقات هاكا فصراع داخلي بين العقل والقلب اوو بالضبط بين العقل العملي والعقل العاطفي اما القلب مسكين ماعن و تاشي علاقة بالمشاعر غا ظالمينو.. اشرااق مصدومة وحابسة البكيية بالزز ولكن دموعها لي على سبة خانوها وبداو تاينزلوو شلال على خدودها المتوردة جاية عند باها : بابا انا مانقدرش نتزو.. قاطعها سي احمد: سكتيي نتي دسرتك تامابقيتيش كتحتارميني ولا كتحتارمي قراراتي ماعمري قلتلييك لااا تانتي اليوم ماترفضيييش ويلا ماعجبك حال خرجي عليااا مهم داك ياسر عمرك تحلمي تكوني معاه ويلا عاودت شفتك معاه انا مبري منك مانتي بنتي مانا باك.... مشى وخلاها غغارقة فدمووعها تريفور شاف فاشراق وماستحملش يشوف دموعها مشى نيشان لعندها شدها من كتافها: اشراق ماتخافيش انا انعاونك صافي؟ اشراق كتشهق: ما...بغي....تش ..اهئ اهئ.. ياسين اهئ 😪😪 خوياااا مانقدررررررشش 😢😢😢 تريفور عنقها وباسليها راسها: شوووت صافي ماتبكييش كولشي غايتقاد
[10/11 05:24] بارت: الجزء 179 بقلمي:#حنونة رجعات سارة وياسين للمعبد مور ماسالاو او سالة ياسين هضرتو اما سارة بقات غاتفكر تاقالتليه يات وبغات ترجع ... قلبات بعينيها ومالقاتش العميد وتنهدات براحة تفكراات القضية ديال ولادو باقيين عايشين وهما ياسر واشراق خاصها تقولهاليه ضروري ولكن ايمتى غايتلاقاو تاني وفين غايكون هو دابا مشات لييتها ولقاتو تماك كايتسناها كان مخنزر ومعصب كايشوف فيها كون كانو نظراتو قرطاس كون قتلووها... سارة فهمااات مالو جا الوقت باش توضح الامور معاه عند العميد من بعد ماشاف ياسين بعد هو وسارة دخل للمعبد وطلب المساعدة من الكاهن لي بصفتو كاهن ماخصةوش يرفض حيتاش المعبد للكل عطااه كلااا و بدل على راحتو شارجا تيليفونو والطابليط وشارجا حتى الشارجور المتنقل باش يبقى يشارجي بيه مشى تايقلب على البيت ديال سارة بالتخبية بغى يحط فيه جهاز اخر ديال التتبع والاتصال لقى بيتها لي عرفها بحوايجها لي معمرين المكان حطو فبلاصة مخبية وفنفس الوقت تقدر تلقاه سارة ومشى خرج فطريقو ضرب فكيم جاي شاعل ومعضب دغياا سلت وهو حاني راسوو.... بقى كايدور من بيت لبيت يتعرف على المعبد ونيت هو غادي وكاغرس كاميرات.. تاضرب فالبيت فين كاينة الوولف لي شافتوو وحلات عينييها بالصدمة مايمكنش لقاااهااا ... العميد بغى يديها ولكن خاصو دعم بقى كايشوف فيها وتايفكر شنو يدير جاتو فكرة شريرة فبالو جبد صاكادو ديالو وهز واحد القرعة ديال الدوا صغيرة وحلها حيد ليها السكوتش بالزربة على فمها ودخل القرعة قبل ماتغوت بقى خانقها وساد ليها نيفها تاسرطات الدوا... رجع ليها السكةتش لفمها بالخف وخرج وعو نااشط عرف راسو شنو دار... شكر الكاهن على تعاونو وخرج قبل مايرجع ياسين... دابا خاصو غا يضبر فين يبات كان غادي وهاز صاكادو ديالو المتقل ب بزاف دالاجهزة والاسلحة الذكية والمتطورة... شعل تيليفونو وبقاو تايجيوه الاتصالات ديال كمال عرف شي حاجة مهمة وصوناليييه فالبلاصة يشوف مالو... خولة ونهاد فاقو من النعاس لقاوها 3 دالصباح خولة: وييلي ويليي نسييت خدمتي نهاد كتفوه: امم الليل هادا معاياش خدامة خولة قفزات دغيا من بلاصتها كتلبس وتمشط: نسيتي راني مع البوليس كنت داخلة مع 00 غايتسيف عليا الشاف كمال نهاد شافت فيها وتفوهات تاني: اهههه امممم صتفي غي سيري انا انرجع نعس خولة: ماقارياااش اليوم الساطة؟ نهاد كتغطي راسها: تال غدا ونمشي عيانة دابا خولة تقكرات بلي عاد دارت عمليةاجهاض بالا زلدات نيت ولا اكتر: ضافي صافي رتااحيي لييك غادي نرجع مع 12 تفيقي ديري الفطور راسك تانجي زنوجد انا الغدا بون نوي بيبي نهاد هزات يدها تحت الغطا بالزز دارت بايباي بالمقلوب: امممم بالسلامة ورجعاتها لبلاصها وغطسللت فنوم عمييق اشراق من بعد ماتكالمات شوبة طلعات لبيتها هي زتريفور تريفور بقى كيفكر شحاااال واش يقولهالها ولا لا خافها لا ترفض ولكن على الاقل يحااول خدا نفس عمييق ونطق بلامايفكر : اشرااق تزوجي بيااا؟؟؟؟ اشراق شافت فييه بالضبط فعينييه بانليها تايهضر بجدية بقات حاضاه شوية نزلو دموعها تاني وطارت عليه عنقاتو اشراق: تريفور ماكنتش عارفاك هاكا شكرا بزااف حيتاش بغيتي تعاونن ولن مايمكنش نضيعليك فرصة انك تاخد شي بنت الناس مزيانة لي تناسبك غا باش تعاوني شكرا بزااااف ونعم الصدييق تريفور بقى غا حال عينيه هو بالصح طلب منها الزواج وتاقرر يعترف ليها بحبو ليها وهي تخسر كولشي.. ولكن هو من النوع الصرييح ماشي لي تايخبي فخاطرو عندو نيشان نيشان حيد ليها يديها وبقى شادهم وشاف فيها بحدة تريفورّ :انا باغي نتزوج بيك بالصح حيتاش كنبغيك ومابغيتكش تكوني لشي احد اخر من غيري
[10/11 05:25] بارت: الجزء 180 بقلمي:#حنونة عند سارة لي كانت غادة دخل لبيتها ترتاح شوية راسها ضارها... هاد النهار داز عندها حاافل مع الدخلة كضرب فكيم كايتسناها كان مربع يديه ومتكي على الحيط مخنزر وجهوو كان حمرر وعينييه الصغييورين ديال اليابانيين الحادين لي زادو صغارو مع التخنزيرة وحمارو من الداخل سارة كتفكر فنفسها: كيغاندير مع هاد السيد مانكرش انو نقدني وؤكن را هو اصلا لي دااني لتماك .... واصلا انا كنت فاقدة ذاكرتي.. خاصني نصاارحوو ماشي شغلي وكيفاش تجرأ يقيسني ... بفف اصلا انا لي خليتو دابا كيغاندير ليه غايصاحابلو ضحكت عليه.. سارة خدمي عقلك من نيتك من ايمتى ونتي كتسوقي لبنادم وكيغايفكر بيك ... اصلا ماشي لخاطري خداتت سارة نفس عميييق يالاه بغات تهضر وهو يدوي كيم قرب ليها بغى يشد ليها فديها وهي تخوي ليه ودارت يديها ورا ظهرها سارة: بغيت نقولك واحد الحاجة كيم مافهم والو قاطعها قبل ماتكمل خاف تقوليه بلي هي مع ياسين: سااارة خاصك تعرفي واحد الحاجة.. ضرووري عافاك سمعيلي بعدااا سارة بنفاذ صبر باغة غي تحلص منو تمشي تكاا وتفكر فحريرتها وترتب افكارها: شنوووو؟؟؟؟ كيم: عارف غاتجيك صعيبة وتقدري كاع ماتيقينيش ولكن غانقوؤك الحقييقة نتي ماشي مرات ياسين هو غي كدب علييك قاطعاتو سارة وهي مربعة يديها: عارفة هادشي :-) حيتاش استرجعت ذاكرتي .. كنبغي نشكرك حيتاش عاونتيتي وكنتي غاضحي بحياتك على قبلي شكرا بزاف هادشي لي نقدر ندير فهاد الساعة .. وانا مدينة ليك بحياتي شي حاجة اخرى كانقدرش نديرها .. ودابا سمحلي ممكن تخليني نرتاح شوية (مشات تتكا فبلاصتها موراه) كيم تصدم فيها ماشي هادي هي سارة لي كايعرف دار بغا يشدها من يدها غي قرب ليها. وهي تغفلو هزاتو فوق كتفها وقلباتو جا على ظهرو فوق الناموسية لواتلييه يدييه لي حكماات مزيااان وخلاتو كايتالم قربات ليه وعينها فعينو سارة كتعصر على الحروف: خخوووياااا عاجي ماشي سارة لي كتعرف دونك ديك البسالة ديالك خليها عندك .. ودابا خرج من بيتي بغيت نرتاح طلقاتوو وبدا كياكمد يدوو لي ضراتوو.. شاف فيها وهو مصدووم تاكد بلي بالصح استرجعلت ذاكرتها وبلي سارة الحقيقية ماشي هي سارة لي كايعرف.. هادي اقوى منها بدرجااااات زادت عجبااتو كتر وكترر وقرر انها غاتكون ديالوو طوال الزمان ولا قصار كيم برد: صافي واخا على خاطرك.. سمحيلي مشى وهو مدهشر من سارة الجديدة بالنسبة ليه والقديمة بالنسبة لينا سارة الاصليية... زادت عجباتو كتر وشخصيتها اقوى باضعاااف وقااسحة... ابتسم ابتسامة جانبية وخرج من بيتها .. سارة تكات على ظهرها ورخات راسها باش تبداا تخدم عقلها لي شحاال ماخدماتو... ظلام الحاال كان ياسين مع الكاهن ياسين: خاصنا نعجلوو نبداو العملية تعطلنا بزااف الكاهن: وجدت كولشي فهاد الاسبوع.. مهم الشخص الخذير تخلصنا منو هو داك المدرب ولكن زادو شددو الحراسة حيتاش عرفو راسهم مهاجمين ياسين دار يدوو فذقنو وكايفكر: اممم مهم كولشي واجد ياك .. صاف هضر نتا مع كيم الكاهن: علاش ماتهضرش معاه نتا حتى لاش غاتبقاو هاكا ياسين يالاه بغى يدوي سمع شي حد كايضحك بالجهد من الغرفة المجااورة... كانو قهقهااات قويية عرفها هيي شاف فالكاهن وناضو بزوج دخلو عليها لقاوهاا كتمووت بالضحك كانت الوولف مسرحة فالارض يديها مكتفين السكوتش لي كان ففمها طاير منو النص وكتخرااا بالضحك ياسين شاف فالكاهن باستفسار: مال هادي؟ وكلتوها شي حاجة؟ الكاهن بعدم فهم: ماعطيناها والو الوولف شافت فيهم: شكوون نتوما ههاهلههاهاهاهاهاهاهاههاهاهههههه الكاهن شاف فياسين ومشى قرب ليها: شدليها راسها تايقلبو ياكما تضربات ولا.. مالقى تاشي اثر : شنو سميتك الوولف كضحك: خخخخخ نتا قولي انا ماعارفااش 😂😂😂😂😂 فين انا وشكون نتا خخخخخخ مالك على داك الموسطاش الطويل فالجناب .. التربة عند تحت النيف مكتنبتش خخخخخهاهاهاههاه دار عند ياسين: فقدات الذاكرة حل ليها فمها بالزز بانليها لسانها كحل الكاهن: شرباات شي دوااا ياسين بقى كايفكر: ماجاش شي واحد لهنا؟؟؟ الكاهن: امم لاا .. (شوية تفكر) اه اه جا واحد الشخص طلب المساعدة ولكن هو كبير فالعمر مكنظنش ايدير شي حاجة بحال هادي ياسين عرفوو العمييد فالبلاصة غي فاش سمع كبير فالعمر
[10/11 05:25] بارت: الجزء 181 بقلمي:#حنونة فبلاصة اخرى اشراق بقات كتشوف فيه شافت الصدق فعيينو وحسات بيه تايدوي من نيتو ولكن ماتقدرش تقبل هي مكتحس بوالو من جيهتو .. واخا وقف معاها شحال من مرة وكان مزياان معاهاا.. ولكن باقي قلبها وعقلها مع ياسر.. تفكرات ياسر وجات فبالها نهاد لي حاملة منوو ... تخربقة ليها الافكار تاني .. تنهداات وقاطع تفكيرها تريفور: انا عارفك باقة كتفكري فداك السيد ولكن خاصك تقبلي انه ماكايبغيكش وكايبغي ديك البنت لي راها حاملة منو داابا تال ايمتى غاتبقاي تابعااه.. <شد ليها فيدها> اشرااق.. مابغيش نفرض عليك شي حاجة ولكن باغيلك غي الخير مابغيتكش تعيشي حياتك تابعة واحد مكايبغيكش ولا مزوجة بواحد مكتبغيه مكيبغيك اشراق بقاات غي سارحة فافكارها هادشي لي قالها زاد فتح عينها على بزاف دالحوايج اشراق حنات راسها وغمضات عينيها؛ ما ماعرفتش... يلا ممكن تخليني بوحدي شوية نفكر تريفور طلقها هز ليها راسها بصبعو: انا غانخليلك الوقت الكافي لي تفكري فيه... انا غانسافر هاد الليلة عندي شي خدمة نهار تبغيني ها نمرتي عندك سولي فيا... خطف بوسة من خدها بالزربة وخرج .. مشى لعند سي احمد للمكتب ديالو دق الباب احمد: وي دخل تريفور دخل عندو وجلس فالكرسي: بغيت ندوي معاك احمد : يلا على زواج اشراق غي بلا ماضيع الحجرة على والو يلا على الخدمة عندنا بزاف مايتقال تريفور: عليهم بزوج.. اولا اشراق ماغاتزوجهاش بياسين.. بغيتك تزوجها ليا انا.. انا عارفك نتا ماباغيش غا داك ياسر ماعرفتش السبب وماكايهمنيش ... احمد شبك يديه مع بعضهم وحطهم على البيرو: احم يلا هاكا واخا مزياان نتا عندي بحال ولدي ياسين .. نيت تاهو رافض الفكرة دونك متفقين تريفور: بلا ماتقولها لاشرتق عرضت عليها الفكرة خليها تلتقبل راسها ونعلمك.. دابا ندويو فالخدمة.. كولشي واجد احمد خنزر: اه كولشب واجد العصابة الثلايية خاصهم يسترجعو القوة ديالهم فعالم المافيا.. باك وعمك وانا تقاتلناا باش نكبرو هاد المافيا ولكن ياسين شتتنا بطريقة ما وقلب موازين القوى لجيهتو.. بغيتك تسرق داك السلاح قبل منو باش نرجعو القوة ديالنا.. هو بغى يتخلى على العالم دالمافيات ولكن انا باقي باغي القوة تكون فيدي.. وغانعطيك نتا المنصب دالبوص بلاصتي نيت مور ماتزوج ببنتي... تريفور فنفسو: دابا كايقولي لابغيت بنتو خاصني نجيب ليه الرقاقة هه الشارف الحقير لاخر دار ابتسامة صفراء : ايمتى غايبدى ياسين العملية احمد: ماتايقولي والو ولكن جاوني اخيار بلي مشى لليابان يعني قرييب خاصك تبعوو تريفور : اوكي انمشي نوجد دابا راسي ناض بالزربة تسالمو باليد ومشى خرج عند ياسين كان فالحديقة جالس وتايفكر فهاد الحريرة.. يعني وصل العميد ضروري غايكون عرف بلي العملية قرباات ... واحمد تاهووو غاييكون وصلو الخبر.. خاصني نعجلها دغيا ونغفلهم... ولكن ماعندي كينديير بفف خاص الرقاقة توصل للمخابرات يحميوها ولكن العميد مكنتيقش فيه هو هدفو ينتقم منس ماشي ياخد الرقاقة سارة هي الوحيدة لي غاتعاوني مابغييتش ندخلها فهادشي .. وياسر فيينك اياسر محتااجك.. شد راسووو بففف العمييد من جهة واحمد من جهة لي ماعارفش لحد الان لاش تايخطط سارة تاهي ماعارفش الخطوة لي غادير مستحييل تبقى غي جالسة .. وياسر لي غابر .... ياسين بقى حاير بين فكرة واخرى تاصوناليه التيلي قاطع افكاروو المخربقة ياسين: وي السكريتير: بوص لقينا سي ياسر... الليلة غانعاونوه يهرب من السجن لي خارج المدينة.. عندنا رجالنا تماك ياسين :مزيااان مابغييتش تاشي خطأ سمعتيييي السكريتير: ياس بوص.. كاينة حاجة اخرى ياسين: شنو السكريتير: المراقب لي لي درناه يراقب الدار ديال سي احمد لقى بلي عندو علاقة مع واحد الشخص سميتو تريفور هولمز.. ياسين: قلتييي هولمز؟؟؟ هادا اسم نسب واحد من الرؤساء دالمافيا الثلاثية؟؟؟؟ السكريتير: اه اسيدي بحثنا فالخلفية ديالو وداكشي لي لقينا... هو عندو شركة يالاه ندامجات مع شركة سي احمد هادا اسبوع... ولكن المريب ان ديك الشركة غي وهمية بحثنا مزياان فلي ضوسيي لقينا بلي المعلومات غالطة وسي احمد ماعارفش هادشي.. هو غايخرج بخسارة كبيرة مور هاد الاندماج تقدر توصل تال الافلاس ياسين بقى كايفكر منين خرجليا هادا تاني : شوف بغيتك تعرفلي علييه كولشي وراقبوو مزيان بلا مايحس بيكك. وياسر بغيتو الليلة يخرج من داك السجن غدا سكون عندي هنا مفهوووم مابغيتش اخطاء السكريتير: ياس بوص.. وقطع ياسين تكى راسو على يديه: تريفور هولمز ولد ماركوس هولمز واحد من افراد العائلة الثلاثية لاش بان دابا .. غادي يبغي يسترجع القوة دعائلتو ولكن لاش بغى يستغل عمي ويخلييه يفلس؟؟؟؟ عند العميد كان كلوو كايرجف مور ماسمع هادشي ... صحتوو كلها كترعد .. تيليفونو فالارض تايتسمع منو صوت كمال كمال: شاااف ؟؟ شااففف كتسمعني؟؟؟ طاح العميد للارض ونزلوو دمووعو على خدودو لي عمرات بتجااعيد.. كان كايشوف فنقطة وحدة.. ولدو كان قرييب ليه بزااف وهو كاع ماحاس بييه
[10/11 05:26] بارت: الجزء 182 بقلمي:#حنونة صبح الحال على ابطالنا فاليابان او بالاحرى مابقاليه وللو ويصبح هاد النهلر سارة قررات تفيق بكري وتحاول تفكر مزيان فداكشي لاش خططات البارح بالليل ... وجدات راسها لبسات . مشات كتقلب على شي سلاح لقات غا سيف عجبها ولكن خاصها سلاح اسهل واحسن حيتاش المهمة ماشي بسيطة بحال اخر مرة بغات تخرج يالاه حطات يدها على البوانيي شوية حبسات بحالا مصدومة شافت شي حاجة فشكل رجعات لقات جهاز التتبع وفنفس الوقت محمل بجهاز اتصال كايتركب فالوذن وتايبان بيض وصغيير فوق واحد الكوافوز تماك .. هزاتو عرفات شكون حطو تماك ابتاسمات ابتسامة جانبية ركباتو وشغلاتو العميد كان متكي وتحت عينيه كحل دليل على انه ماشافش النعاس بالليل.. كان وجهو صفر وباهت زفمو ناشف وبيض بحالا قايساه الموت كان فواحد المعبد اخر صغير وخاوي قدييم ومظلم ولكن رتاح فيه كان باغي يسد علييه ويراجع افكارو وافعاالو ويراجع راسو والاخطااء لي دار فحياتو. شوية صوناليه التيلي نقز من بلاصتو وجاوب فالبلاصة وللمرة التانييية تايتصدم العميد: كيفاااااااااش؟؟؟؟؟ فبلاصة اخرى كانت خارجة للول مرة تتقضى... بغات اليوم هي لي توجد الغدا بحكم خولة ديما تاتكون خدامة فهاد الوقيتة... قالت تخرج من الوحدة والعزلة جيتلها وتتعامل مع الناس وترجع لطبيعتها باش تبدا القراية هاد السيمانة كانت فالسوبر ماركت كتقضى بالشوية عليها وكتعزل بين الخضرة هو واقف مقابل معاها ولكن ماشافتوش كانت مركزة وحانية راسها... بقى حاضيها ضعاافت بزاااف و ولات كحلة من بعد ماكانت بلقة وبشرتها بيضة.. خرج ليها شوية الكلف فبشرتها وشوية الحبوب. كانت مكرفسة وذابلة واخا كتحااول تقنع راسها بلي راها مزياانة شتف ليها فكرشها ولكن كانت لابسة عباية دخولة واسعة عليها مابانتش ليه الكريشة ...لكن كايبقى هو اكتر منها .. تاهو ضعاف بزاااف وزاد سمار عينيه دخلو بالسهيير وماتقدرش تميز ملاميحو من لحيتو الكثيفة لي غطات ليه النص الكبير فوجهو... تبدل بزاااف هزات راسها شافت فيه بلامبالاة بعينيها الذابلين وعاودات نزلاتو ومشاات ...عرفها ماعرفاتوش بقى فيه الحاال بزااف لدرجة عينيه تغرغرو بالدموع.. منين خرج من السجن او هربوه من السجن وهو متحمس يشوفها لدرجة مادوش ماغسل تاوجهو حوايجو ومابدلهمش... ماحملش راسو كره راسو وكرخ الظروف لي وصلاتو لهاد الحالة كره خدمتو كره المافيااا كره حيااتووو ..كره كاع العوامل والاسباب لي خلاوه مايوقفش مع البنت لي كايبغي ولي حاملة بالبيبي ديالو .. خاصة فاش شافها مكرفسة زاد تكره .. نزلة دمعة يتيمة من عينيه وغررقات وسط الغابة الكثيفة دلحيتوو ..... اي واحد داز من حداه تايبقى فيه تايكبان تايقطع فالقلب بوجهو الحزين وبنيتو الهزيلة تايبان بحال شي يتيم.. وراه اصلا يتييم تربى بلا واليديه تحت رعاية سي احمد... مشى تبعها بالشوية باش ماتعيقش بيه بغا يهضر معاها وماكرهش يعنقها ولكن عارفها غاتكون مقلقة منو واصلا مابغاش تشوفو بهاد الحالة تنهد .بقى تابعها تادخلات لدار جديدة عقل على. العنوان ورجع للوطيل.. ياسين كان فالحديقة جالس جاه اتصال مهم بقى شاد التيلي تايهضر مع شي شخص وهو فرحان... كمل وحط التيلي وعلى وجهو راسم ابتسامة شحاال هادي ماداق وجهو طعمها ولا شافهااا... عينيه تايبريو بالفرحة والسرور واخيراا غايتهنى من هاد الحمل التقيل لي هاز فوق ظهروو وغايعيش بحال اي شخص عادي.. بغى يمشي لعن سارة يطل عليها حس براسو باغي يشوفها ويطمن عليها ..شوية صوناليه التيلي تاني.. لقاع السكريتير ديالو علمو بلي عملية تهريب ياسر من السجن نجحات قطع وزادت فرحة على فرحة
[10/11 05:26] بارت: الجزء 183 بقلمي:#حنونة كان العميد كايجمع حوايجو مور ماتلقى الخبر من كمال بلي مشى مع القوات الخاصة للسجن ومالقاش ياسر يعني هربوه العميد يونس تعصب كان باغي يتلاقاا مع ولدوو ويخلييه يعرف الحقييقة ويعاودلييه السر لي بقى هازو مدة 20 سنة تعصصصب بزاااف وتفقص زدح داك التيلي مع الارض ولكن بالطبع ماوقعلو والو حيتاش هاتف مخابراتي ماشي شينوا... هزوو تاني من بعد ماجاه اتصال اخر .. فاش شاف السمبة قفز من بلاصتو وجاوب دغيااا ... من بعد ماقطع الاتصااال زاااد تعصب اكترر وزادتز فقصة على فقصة كملةليه داكشي لي كان خاصووو. ولكن مايكونش معصب كتر من كمال لي كان ناوي يغدر بالعميد ومشى راسل رؤساء العميد بلي القضية لي شادها هادي 20 سنة ومابغاش يطلق منها را قضية عائلية وقضية انتقااام قبل ماتكوون من اجل تحقيق العدالة وبلي داك الخائن را ولدوو كان جاسوس للمافياا وهادششي كامل دارو كمال لمصلحة العميد باش مايزيدش يتورط فشي حاجة بحال حماية مجرم او التورط معه الخ.. داكشي لاش سيفطوليه قوات خاصة معاه باش يلقيو القبض على ياسر.. وغايستدعييو العميد لي خبى عليهم شحال من حاجة بعدما كانو تايقين فييه وكايوكلوه غي للمهمات الصعبة( بحال مسلم خخخ) اتصلو بيه فالحين وامروه ينسحب من المهمة واستدعاوه العميد حط التيلي بالزربة بدا كايترعد وداايخ ماعارف مايدير مايمكنش يعصي امر مباااشر من الرؤسااء ديالوو غايخرج على راسوو وخدمتو وبلاصتو لي دمر عليها باش يوصلييها...كان مجرد شرطي عادي وولا عميد فالمخابراات المغربية_كندية... بانلييه واحد الجهاز طارت ليه طن فالراس هزوو وبقى متبع الاشارة.. شوية شغلوو وجاوبااتو فالبلاصة سارة كانت خارجة بعدما شغلات جهاز التتبع مشات كتقلب على ياسين بغات تشووفو يمكن لاخر مرة طلات علييه فالحديقة بانليها فرحاان وتايهضر فالتيلي هزاات حاجب وصغرات عينيها فيه وهضرات بالشوية: مال هادا ضااحك هاما وناشط اول مرة نشوفو هاكاا بقاات حاضااه ومتبعة حركات يدييه الرجولية لي مرة مرة تايقيس بيهم لحيتو يحكها ولا يشد فذقنوو بقلت كتامل فتفاصيل وجهو وعينيه لي كايبرييو بالفرحة.. حاها بحال شي دري صغيير فرحاان... بقات كتشوف وتزومي ضحكتوو لحيتو المرتبة وسنانو المستفيين لي زادو ابتسامتو جمالية.. للحظة سرحاات ومشى عقلها معااه بقات مراقبااه تانوضها واحد الصوت ماخافيش عليها من التاملات ديالها... سارة بعداات شوية وجاوبات بهمس: وي شاف العميد: كتسمعيني ؟؟ سارة : ياس شاف العميد: خاصنا نتلاقاو سارة: لقيتيني غانقولهالك اجي حدى الواد فنفس المكان ديال ديك المرة.. قطعو الاتصال ومشاات طلات على ياسين بانليها غادي لجهة غرفتها .. ضرباتها بجرية وحدة قبل مايعيق بيها بلي غابرة... ياسين فطريقو طلاقا بالكاهن لي لهاه بالهضرة على العملية لي غاتكون بعد غدا اجلوها حيتاش تبدلات الخطة
[10/11 05:27] بارت: الجزء 184 بقلمي:#حنونة سارة وصلات للواد لقات العميد كايتسناها على احر من جمر العميد: على سلامتك تعطلتي سارة: جيت باقصى سرعة .. بغيت نطلبك طلب العميد: تانا عندي ليك طلب سارة قاطعاتو: شاف بغيتك تنسحب من المهمة وتكلفهالي و تعطيني بعض الاسلحة العميد قاطعها: هدا كان هو الامر ديالي .. مدليها صاك دكوشاج عامر بكااع الاسلحة ديالو و الاجهزة وحتى الملابس لي غاتحتاج المضادة للرصاص العميد: انا جاني امر من القادة بلي خاصني نرجع ونتخلى على المهمة ولكن نتي غادي تكمليهاا من حقك كعميل شبح انك ماتبعيش الاوامر ديال رؤسائي لانك مامعروفاش عندهم نتي مسجلة فاللائحة السودااء لي عند رؤساء الدول والملوك فقط وهما لي من حقهم يعطيوك اوامر مباشرة ولحد الان ماجاك تاشي امر كاين جهاز تماك بامكانك تواصلي معاهم فاي وقت بغيتي وكاينة لبسة رسمية خاصة برتبتك فيها شارة ديالك خاصة بالعملاء الاشباح... يلا ستدعاوك بسرية لشي مهمة لبسيها ... انا من هنا للقدام ماغانبقاش شاف ديالك اصلا ماعمري كنت... نتي الاوامر غايبقاو يجيوك من الاعلى ولكن غانطلب منك طلب اخير .... انا كنتيق فيك بغيتك طيحي داك ياسين فالشبكة هو واحمد بغييتك تشديهم متلبسين عاد اتصلي بالرؤساء يحميوك من بعد..بالنسبة لواليجيك من نهار ختفيتي ولنا كنهضر معاهم بصوتك غي كايسولو عليك وعلى احوالك وقرايتك وصافي المدرسة ديالك دوزو امتحانات غايكونو راطراباحات من بعد تاتسالي ودوزيهم وكملي حياتك عادي مور العملية.. انا محال واش غانعاود نشوفك .. .. مد ليها يديه تسالمو وشد ليها اليد بيديه بزوج بحالا ممتن ليها وعينيه فيهم بزاااف دالندم والاسى: سمحيلي ابنتي حيتاش دخلتك فهادشي ولكن كنت راسم ليك مستقبل احسن وجمرت باش نوصلك لهاد الرتبة.. من هنا للقدام عيشي حياتك مزياان ورتاحي قراي وسافري الرصيد فالكونط ديالك ماليهش حدوود.. تايعيطولك الرؤساء وقليل فين غايحتاجوك وغا مهمات سهلة بحال حماية الملكات او الرئيسات مهم العائلات الملكية والرئاسية ... اه وبامكانك ترفضي بحكم نتي مابقيتيش مغربية تحت مزلة العاهل المغربي ولنما شبح فينما مشيتي عندك جنسية و الرؤساء كاملين حاكمين فيك لامابغيتيش شي مهمة طلبي رئيس احر يرفضها وغايقبل الطلب .... الى اللقاء.. مشى دغياا قبل لايخونوه جموعو ولا حساس بزااف من مور مالقة ولادو.. زبقات فيه سارة حيتاش عرضها لبزاف دالمخاطر ولكن كان تايق فيها اتجاوزهم وموجد ليها مستقبل ترتاح فيه... عند اشراق كانت كتغدا وكتفكر غا فيه ولفاتو فهاد جوج دالاسابيع ماكانش كايفارقها دابا حساات ببلاصتو خاوية بغات تصونيليه ولكن مابغاتش طيح من قيمتها تاني .. شةية تفكرات اللقطة فاش طلب منها تزوجو ابتاسمات لا اراديا.. ولكن اين فوا جات صورة ياسر قجام وجهعا حسات بقلبهاا ضرهاا توحشااتو بزاااف كتر من حوج اسابيع ماشافتوو ... فاش كتفكر بلي غايكون مع نهاد و عايشين السعادة كقلبها كايتقطع وخاطرها كايضرهااا وكتحس بالخنقة بغاتو من الصغر.. حب الطفوولة صعييب تنسااه بسهوولة ولخا دخل ليها تريفور لخاطرها وولفاتز ولكن تايبقى الحب ديالها هو ياسر... مايمكنش يبان تريفور حداه
[10/11 05:27] بارت: الجزء 185 بقلمي:#حنونة نهاد تغدات هي وخولة وسالات ناضو تعاونو وحدة كاتغسل الماعن ووحدة كتخمل البيت وطالقين الشعبي وناشطاات.. شوية طلقو احيدووس ونسااو الجميع والشقا وبقاو غا كايشطحو على انغامو بكتافهم متبعيين ضربات البنديير وتزنزيناتو و الاقوال او الصياح لي تايصيحو الرجاال دالفرقة الاحيدوسية وهما فرحانات شوية جا اتصال لخولة خسرليها اللحظة مشات كتجري تجاوب هزات التيلي شافت سميتو مرضات ولكن مفروض عليها تجاوبو الشاف ديالها هاداك خولة: وي كمال لي توحشها ومن داك النهار ماشاف كمارتها كان مزير بالخدمة ومالقاش الفرصة فين يوضحليها عارفها مقلقة ولكن ماشي وقتو هادا كمال: ياسر هرب من السجن خاصنا نلقاوه خولة: اوكي هاني جاية دابااا هزات خولة لباسها دغيا لبساتو الصسلاح لبادح والسوارت ومشات طايرة : نهاد هاني غادة خرجاتلي خدمة من الجنب كان برا تايتسناها تخرج من بعد مادوش وقاد الحالة ولا مسلك شويية. واخا باقي ضعييف . بغا يشوفهااا اليوم ويهضر معاها يعاودليها كولشي ويفسر ليهاا شوية تابانتلييه خارجة تصدم ياسر : خولة شتاديير هنا هادي تاني؟ مشات خولة ركبات سيارتها وكسيراات عفطات عفكة وحدة تال للمركز.. بانتليها بلاصة خاوية فالموقف قدام المركز بغات تبلاصتي سيارتها شوية دشداتها وحدة بسوكوتر شوية ماكانت غادخل فيها خولة نزلات ديك البنت وحتى خولة البنتّ ياك لابااس مكتشوفيش؟؟ خولة : نتي لي جاية قدامي اصلاا هادي بلاصة السياراات الخاصة بالشرطة ماشي لي جا غايبلاصي هنا هزات ريحانة البادج وراتولها دفعاتها وجوات بالدارجة: تقودي دابا من قدامي وكملات طريقها تفقصات خولة من طريقتها فالهضرة : نتقاود؟؟؟ غفلاتها ضرباتها لوجهها ببوكس واخا عارفاها من نفس الرتبة ديالها ومامنحقهاش ضربها ولكن مرضاتها ردات عليها ريحانة وبقاو مشادين تحمعو عليهم الشرطة ولكن تاحد ماقرب ليهم بحكم هما غا بوليس عاديين وخولة وريحانة رتبتهم اعلى منهم تاجا الشخص لي غايفكهم بحركة وحدة كمال معصب شد وحدة لاحها فجهة ولاخرة فجهة اخرى صونا ليه تيليفونو ومشى كايجري... سارة كتسمع لييه وعقلهاا فييين صدمها بزاااف ماتوقعلتش هادشي كاامل ... مشى وهي باقة كتفكر فتحليها بيباان جداااد و وراها بلي رتبتها اعلى من رتبتوو بدرجاات وبلي عندها الحق دير لي بغاات هادشي زاد ريحها كتر وشجعها باش تكمل فخطتها بكل اريحية ابتسمت بشرر هزات راسها فالشمس بانتليها بدات كتسخن شوية تكون زصلات 9 تال 10 دالصباح الوقت المناسب باش تبدا الخطة .. بقات كتمشى بالزربة وكتقلب فالصاك دكوشاج(هو داك الصاك ديال الرحالة لي كايسافرو ويهزو مانطهم معاهم وخيمتهم الخ) تشوف الاسلحة والاحهزة طاحت يديها على جهاز التتبع باش كايتبعها عرفاتو صافي تخلى عليها وكان كايدوي بالصح لقات الشارة ديالها هزاتها وعجبااتها بقات غادة كتدندن وكتقلب وهي فرحاانة حساات براسها حرة واخيرااا ولكن خاصها تكمل المهمة كيما سهرات الليل وخططات ليها واحد الشخص كان فوق شجرة كايفكر وساهي تاشافو واقف كايتسنى وشوية شافها جاية سمع الحوار كلووو ... خلاها كيم تابعدات ونزل بالخف وتبعها وهو هاز سيوفو لي ديما معلقين مور ظهروو بغى يعرفها لاش كتخطط وشباغة ديرر.
[10/11 05:27] بارت: الحزء 185 بقلمي:#حنونة عند نهاد كانت كتخمل وممزكة لاحيدوس مرة تشطح مرة تغني معاهم .. ولات شوية السعادة كدخليها قررات غاتبدااا من جديد تقرا وتخدم وتحقق احلامها وطموحاتها.. حلمها تكون استاذة جامعية... تقري طلبة الادب الانجليزي.. قربات تكمل والامتحانات على الابواب خاصها تكوبيي دروسهاا كاملين وتاخد الاسماء دكتوبة ومراجع جداد باش تبدا القراية لي نساتهاا شحاال هادي.. قررات من غدا تبدا ان شاء الله كان ياسر فالباب باقي تايفكر واش يطلع ولا لا بقى شحاال تماااك استجمع انفاسو وقرر يطلع عندها خدا لاسونسوغ وحار فين كاينة بقى كايدوز من حدا البيبان تاسمع الموسيقى مجهدة حدا واحد الباب.. حط ودنو عليه عرفها هي لي كاينة هنا حيتاش الموسيقى شلحى وهي اصلها شلحة.. زفر ودق عليها نهاد سحابليها خولة لي نسات شي حاجة حلات الباب ماشافتش كاع شكون ودخلات نهاد: مالك شنو نسيتي تاني .. جابك الله تعاونيني فواحد الفوتوي تقيل ماقديتش نحركو بوحدي بقات غادة قدامو وكتلوي بطرماحتها ومع قصيرة جاات كيوت ياسر بقى حاضيها توحشها بزاف ولكن لحد الان ماعارفش ردة فعلها كيغاتكون ولكن غادي يراضيها صحة واحد اللحظة دارت وهي باقة كتدوي تاضربات فيه تشوووكات حلات عينيها تالجذر وبقات مصدومة ... فالمركز المخابرات كانو دخلو للبيرو ديال كمال خولة جالسة فكرسي وريحانة مقابلة معاها وبزوج كون صابو يقتلو بعضياتهم تماك ريحانة كطلع وتنزل فخولة شافت فيها وقلبات عينيها ودارت شافت كمال حاضيها ومربع يديه كايشوف فيها شوفات فشكل كمال مع خولة: كتغبري تاكاتغبري وفاش كتجي كترونيها خولة قلبات عليه عينيها وناضت بغات تخرج ماحاملاهش كمال عصباتو بردة فعلها: خوووووولللللة😠 وقفات خولة قدام الباب دارت شافت فيه دارت ابتسامة استهزاء وخرجات زدحات الباب بالجهد ومشاات كتحري لاقرب طواليط دخلات غسلات وجهها وكتحاول ماتبكيش.. كتعاني من واحد الصراع نفسي مقود.. افكار تايتضاربو فعقلها .. وقلبها ماعاطاهش فرصة حيت لا جات تبعو ماغاتبقى لا طرامة لا ستة حمص بقات كترش راسها وكتهز عينيها فالسما باش مايخرجوش ليها الدموع ساطت بالجهد وغمضات عينيها : ماتبكيش اخولة ماتبكيش نتي اقوى من هاكا ماتبكيش... دارت تخرج تاكادخل فشي حاجة قاسح كان هو من موراها باينة فيه معصب قرب ليها تاتخالطو انفاسهم بحالا بغا يبوسها وعينيه نيشان فعينيها كمال: من ايمتى عميلة عادية كتعصي اوامر الشاف ديالها خولة قوات راسها وشافت فعينيه بكل تحدي وهي مخنزرة ماباغاش تجاوبو حيتاش لا دوات غاتبكي هو عصبو برودها.. وعصباتو حيتاش غبرات عليه ماشافهاش من النهار دالمستشفى ولخا شحال من مرة طلب تجي لعندو ماكانتش كتمشي وهو بحكم كان مزير من جهة بلان ياسر ويونس ومن جهة كان كايتواصل مع الرؤساء على داكشي نسى نهار شافتو مع الطبيبة ومافهمش مالها ايرة هاكا الشئ لي زاد عصبو اكتر كمال زاد قربليها هاد المرة نيفوو قايس نيفها وماكايشوفوش بعضياتهم بكترة ماقراب.. كمال هاد المرة هضر بحنية عارفها لازاد قسح معاها الهضرة ماغاترخضليهش كمال بهمس: تووحشتكك خولة صحتها تبووورشاات كتحس بقلبها قرب يخرج من بلاصتوو كتشم فريحتو القوية لي كتحمقها وكتحس بلحيتو كتلسعهاا فامهم قراب لبعضهم ونيوفهم تاحدو جبهتو على جبهتهاا مابقات كتفكر فوالو نساات كولشي حتى راسها نساتو فديك اللحظة قرب ليها ونزل على شفاهها كايبوس ويجر ويمص وهي كتجااوب معااه بقاو على دا الحال
[10/11 05:28] بارت: الجزء 186 بقلمي:#حنونة وصلات سارة لقمة جبل فوجي سان وبانليها البلان هادشي بعدما لبسات حوايجها وجمييع الاسلحة وجداتهم كل سلاح فين حشاتو بقاتليها غا الطرماحة مادخلاتوش ليها خخخ بقات كتخبى نقزات فوق السور كطل شافت الحراس بزاااااف مستحيل تغلبهم كاملين الحراسة مشددة بزااااف الداخل مايمكنش دخل نهائيا .. قدام الباب كاينين حرااس تايعاينو الهوية ديال الناس لي تايدخلو.. زادو فالعدد دالحراس من نهار مات المدرب حيتاش عارفين راسهم بلي مهاجمين ... المقر كاان كبير بزااااف وكلوو مفخخ ماعرفات مادير.... بقات كتفكر فشي حل وللو هنا فهاد الحالة الحل الوحيد هو دخل بالعقل والذكاء واخا صعيييبة بزااااف لمحات كاميرة قدامها... هزات حاجب وبقات حاضاها كدوور تاقربات دور عندها جات تنقز وهي تعكل جات طايحة مقابلة مع الكاميرة وجات على وجهها... قشعوووها وجاو الحرااس هاجمييين من جميييع القنوت تكبو عليها وشهرو اسلحتهم علييها ضربليها واحد ابرة طاحت ففالبلاصة هزوها كتفوها ودخلوها للمقر حبسوها فواحد الغرفة وخلاوها تماك كيم كان تابعها تامابقاتش كتبانليه .. تعصب فاش لقاها دغيا طارت بقى كايحري فالغابة تايقلب عليها وكايتمنى داكشي لي على بالو مايكونش صحيح عيا مايدور والو مالقاش ليها اثر.. فالتالي قرر يطلع للقمة عرفها غاتكون مشات بوحدها تماك هز التيلي تايصوني على شي حد كان ياسين غادي لبيتها تاوقفو الكاهن مشاو تايراجعو الخطة وتايقادو الاسلحة .. وفعو شي تغييرات على الخطة كان ياسين كايتسنى واحد الشخص بفارغ الصبر لانه هو لي غايفتح ليهم بزاااف دالبيبان وغايعاونهم بزاااف.. كان فرحان لانه متاكد 100% بلي العملية غاتنجح وبلي واخييرا غايتهنى صونا التيلي للكاهن هزو يجاوب تاكايتصدم حل عينيه تالجدر وشااف فياسين وعلى وجهوو باينين تعاابير الصدمة ياسين كان كايشوف فالهريطة دالجبل فاش شافو سطت هز راسو فيه شاف وجهو مابقاش فيه اللون عرف شي حاجة على سارة فالبلاااصة... ياسين ناض طاير عند الكاهن شدوو من لبستو: ماااااك قولي سارة مالها الكاهن دفعو: يالاه نتاكدو واش ماكايناش فغرفتها مشى ياسين طاير ماخلاهش يكمل هضرتووو تبعو الكاهن تايجري زدح ياسين الباب تايلقى الغرفة خااوية.. قلبو بداا كايضرب بالجهد قرب يخرج من بلاصتوو.. ذاتو كلها بدات كترجف مابقى علرف مايدير دار عند الكاهن عاود شدوو تاني ياسين: فييين مشاات (بدا كايمخضو) فيناهييي سارة؟؟ دويي الكاهن حنا راسو: مشات للقمة للمقر ديال العصابةّ... را تبعها كيم هادشي لي كنعرف هاد الساعة طلقو ياسين مشى تايجري للغرفة فين كانو تايخططو هز واحد ساكادو عامر بالاسلحة وخريطة وخرج طاير شدو الكاهن وحبسو بالانجليزية: فييين غادي؟؟ ياسين غاضيع لينا الخطياسين مابقا تايبنليه والو وماكايسمع والووو دفعو جابو على ظهرو ومشى ركب فوق سكوتر جبلي وكسيراااا خلا وراه غا العجاجة غا قلع ياسين بقى تايعو الكاهن تايحري زعما باش يحبسو والووو.. شوية شاف واحد الهيليكوبطيير نازلة قرب المعبد مرونة الدنيا تماااك عرفهم هما لي وصلووو.. بقا كايتسنى الهيليكوبطير تأنسطالا فالارض باش يمشي طاير يدوي معاهم