مشاااووو لدار العجزة دوزو معاهم فطووررر من داكشي اللمة د الحباب و الصحاااب كتحس راسك وسط فاميلتك ... جات تا اريج و رقية و شيماااء لي غي شافها اسبرو تاا ارض مهزاتو ... تجمعووو كاملين على طبلة الافطار و دخلو البهجة على دوك المسنين مسااكن ... كل مراة فيهم شافت ولدها فاسبرو و شافت بنتها فلامار و رتاط و اريج وخواتاهم فرقية و اسمهان .. تصورو معاهم عطاوهم البيجامات لي شراو ليهم ... دوزو معاهم ليلة زوينة ... ودعووهوم و اريج مشات تتلاقا بشهااب .. ورتاج و لامار دازو لدار مع مدام لا يجوز ... اما اسبرو حلف بحلوفو تايوصل شيماء و رقية تاااالدار قالك خاف عليهم من الشفارة ههه ... غير وصلات لامار عيط عليها اسد ونوه على هادشي لي دارت عجبوووو الحاااال بزااااف و تا طريقة لبسها عجباتو طلع ليها شوية د المعنويات و بدات ترجع ليها ثقة فراسها لان موالفة منو غاتبهديل وهاد مرة مني شكرها تحلات ليها .... دازو الايااام وهي كل نهار يمشيووو يفطرو مع شي جمعية وبعد مرات كيفطرو مع ماماها ... عدنان لقا راسو نهار على نهار كيتعلق برتاااج محملش رااسوووو يبغي وحدة قريبة لاسد وصديقة مراتو من لفوووق ... لقا راسو فعلاااا طايح فيهاااا و حبو ليها بدا ينيسيه انتقامو ... بغا يسيطر على راسو و قطع عليها تاني الهضرة و بدل ارقامو وبلوكاها فمواقه التواصل الاجتماعي باش مايزيدش يغرق فحبو لي كيضنو مستحيل .... ورجعها لكائبتهاااا من جديد كتكون كتهضر معاه بيخير تاكيصبك غاااببرر ... اريج يدات تقرب من شهاااب نهار على نهار و ترتاح ليه .... دارت سيلفي معاه لاحتو فاللانستااا حتاااا كتلقى لايك من يووونس معرفات منين نزلات عليها دوات معاه مجاوبهااااش كاع ... جااا لعييييد دوزوه زوين و لامار عيدهااا ناااااااقص بزااااف ملي اسد بعيد واخا كيعيط فتيليفون مامقنعهاش ... مكرهاتش تاهي يجي راجلها من صلاه العيد بالعبايا و يباااارك ليهاا و دوز معاه صباح العيد مي كاع مالقاااتو ..... حمدات الله غي ملي ماماها معاها ... كرشهاا بدات تبااان وتحرك ليها لبنوووتة فكرشهااا مكرهتااااش كون اول حركة ليها يكون اسد معاها ويحس بيها تاهو ...مي مالقااتووووش فهاد اجممممل ايام الحمل .. شي لي ديما كيخليها تحس بنقص كبيييرررر ... خصووووصي ملي تاهوا يوماين ماعيط و فاش تاصلات لقاتو تيليفون خارج التغطية حتا كيعلمها عادل بلي راااه فشي جزيييرة وشهر عاد يسااالي باش ماتوشش عليه ... و ليوم ككل صباح دوزات حصة فالفرنسية لي بدات تحسن فيها شوية و مشات لدكتورة دير كونتورول ... كتشوف كووووولشي مع ازواجهم وهي بوحدها معها غي رتااج و اسمهان و لي كارد ... محملاتش راااااسها تادخلات لدوش و سدات عليها كااااتبكي ....
لامار : قليتي ليا غااتكون معاااياااا ديما ... قلتي عمرك غاتخليني ... اشنو كان غاينقص نهار لاطيتني شفتني فيه ورجعتي .... شكوووون غايحااسبك عليه ياااك كولشي ديااالك ... لهاد درجة انا و بنتي مامضرووورينش عنننندك كيف قراااب كيف بعاد ... اش هاد العقااااب لي معاقبني بيه .... واخا نكوووون قتلت روووح مديرليش هاكاا ....علااااااش
بقات تبكي تاسمعات دقة د رتاااج فلباااب كتقوليها خصهم يدخلو لدكتورة مسحاات دمووعهااا و دخلات لقاعة الفحص
دخلات و تجبدات على سرير و رتاج شادة ليها صاكها و بدات دكتورة كدوز ليهااا على كرشهااا لي برزات شووية و داك خط البيكيني واااااضح و البوط ديالها بدا يخرج ... نساااات اسد وهي كتشوف فبنتهاا فالايكوو وكل ماشافتها عينيهااا كيدمعووو .... وبحماس كتسول طبيبة فين يديهااا فين رجليهاا .. وهي داخلا فشهر السادس .... سلات لايكو و مشات معاها لبيرو كتلبس كابها
دكتورة : حمد الله وضع االبنيييتة مزيااان تحركاتها تاهوما ودقات القلب منتظمين ... اكيد اسد غايكون فرحان بأميرتو لي جايا فطريق .... شفتو كاع مابقا يجي معاك ؟؟
لامار غي دارت راسها فالارض مكرهاتش ضوور فيها و تقولها واش سوووقك و تحكمات فراسها حيت هذا اول درس تعلماتلو من داك الكتب لي كتقرا هو ضبط النفس ...
رتاج : ااحم لا ... غير مساااافر ..
دكتورة : ااه باقي ماجاش .. الله يجيبو على خير ... فوالا مدام اسماعيلي .. حيدي داك الحديد لول وخودي هذا .. و خودي تاهاد لي فيطامين .. ورجعي عندي فاش دخلي فشهر الساابع ...
هزات لامار لوردونونص ومشاو هي ورتاج هبطوو لبحررر و كلسووو فوق واحد لكرسي حيت جاو لكللينيكط دالمنطقة ... و اسمهان مشات تتقضا شي كتب للامار .. اما هوما بقاو يلعبو برجليهم فالماااا لامار مطلعا سروالها د جين و رتاج غي بشووورط ... و سااااكتين كل وحدة هازة همها .. تاكتعيط اريج
لامار : وي اريج
اريج : فينكم جيت لدار مالقيت حد .. غالي يغفل عليكم الله يستر كتهزقووو
لامار : اااطي حنا حدا البحر هبطي ... غير حدا لكلينيك ..
قطعات وبقاو سااكتين تاجااات لقاتهم طااايح عليهم الضيم ...
اريج : ماااال جددددددكم .. دايرين ليا شغل الحمداوية مقابلين البحر ...
رتاج : كلسي كلسي ونتي جاية بعجاجتك
لامار : دايرة كي زمارة د مول بولو للله يستر
اريج : ههههه هاداك د 10 درياااال
لامار : فين كتعرفيه و نتومااا ماكبرتوش فحومة شعبية بحالي
اريج : واخا هاكاك تاحنا عشنا طفولة عادية عقلتي ارتاج ؟ كنا كنمشيو مع صحاباتنااا تالحومة ديالهم ... كيعجبنا داك جو ... دار لي دزتي حداها تسمعي فيها كوكوطة كتصفرر وريحة لوبيا و العدس
لامار : ههه وسيالة ديال الما هابطة وسط الحومة ديال لي كيسيقوووو ... خصوصي نهار الاحد كيكون الهاراج بزاف حيت دراري مقارنيش وفكل قنت مجموعة كيلعبو البي و فليبيان بنات كالشين كيلعبوو بيديهم كتسمعي طااااق طااااق شربيل ههههه
رتاج : خههههههه عرفتها صبري صبري نتفكر ... اااه كيقولو طاق طاق شربيل حلو بيبان ليل
اريج : ههههه انا بينة ليكم
لامار : ههههه ناري نسيييتهاااا ... ايااااااام و الله
رتاج : وريحة الخبززز كيطيب كتشميها من راس الحومة ممممم ومول الحانوت كولشي كيعرفو و يتقضاو عليه بالكارني ...
لامار : الحوووومة الشعبية مكاينش بحالها توووووحشتهااا بزاف ....توحشت سعاد الخياطة و مولات الصالون خالتي لكبيرة .. تبركيك ... و زريعة فباب داار فصيييف .... واخا الحالة ضعيفة الهناااااا وراحة اابال ...
رتاج : ايااااااام. ... مصاب كون بقينا صغار .. كان كل همناااا منلقااوووش بادي البرلامان فالاولى ...
اريج : كان سميتها المغرب داك ساع ههه
لامار : هههه اماما كانت تعيط ليها الرباااط هههههه كانت كتقولي ديري رباط نشوفو حسن ثاني اش كيقول ...
اريج : كنااا كنتسناتو امتى نكبرو .....وملي كبرناااا تمنينا نرجعو لصغر.... العجب
لامار : كنا زرباانين على طفولتنا ومعارفينش بحقها .... كنا نلبسوو طالووون وونديرو شراوط تحت حوايجنا باش نبانو حاملات ونهزووو صااااك ونتمشاااو كي العيلات الكبااار مبعككين... نهضرو مع الممخباد ياااااختي رااااجلي فاااقصني ... هه ؟ كناااا فرحانين و حنا كنقولوووها ... و حنا كمثلو داك دور ... مكناش عارفين بحقووو ومرارة حقووووو
بعد شهراين .....
نااازل من الطياارة لحية مغووفلة و شعر مخربق وبشرة مبرووووونزية .. كان بسروال مارون و شوميز بلو مارين طاوي ليها اليدين لي ولاو معرقييييييين و سووومر بشمس د الجزيرة وبقوة ما خدم فيها .....جااي و كيرد فشعرو لووور و نظاظرو مخبين عينيه العيانين ... كتافو غي مازادو عراااضووو و قساحو شوميز غادا طرطق عليه ... وماشي باتجاه طموبيلتو و الكارد واقفين مستفين ... وهو غي مغوووبش معاحبووو حال .. لان باش تهندس جزيرة و توقف على كولشي و تأمن المجمعات السكنية ل ناس لي غايجيب يقابلوها و دخليهم الضو و الما و الريزو وخصوصي بغاها تكون بجمال لامااارر ... جزيرة lamar-flowers ... كل حاجة دارها تما الا وابغاها تشبه ليها ... لي دخل لداك جزيرة يشوف ضحكة لامار ... ابتسامتها ... شقاااوتها .. دلعها و الغنج ... وخا كان بعيد و معندوش كيفاش يهضر معاها الا وصورتها ساكنة فعلقووووو و فقلبو مقد ينساها تا ثانبة .. الامر دا منو جهد كبير و بعد مرات مكنعسش و لي كان معدبو كتر هو ريزو مكاينش ومعندوش كيدير تايشوفها من الكام .. .. استقبلوه لي كارد عطاوه سوارت و تيليفون وواحد موراه حط لافاليز فالكوفر .. و ركب.. اول حاجة دار هي بدا يصووني للامار ... كيعطيه تيليقون طافي ...
اسد : علاااااش طافيااه ...
بدت يعاود والووو تاعصبووو و صونا لاسبروو ...
اسبرو : الوووو
اسد : فين لاماار
اسبرو : ااا ا اااه سس س سي اسد ...
اسد : فين لامار اسعيد ... علاش تيليفونها طافي اش واقع ! راها فدار ؟؟؟ هي بيخيير
اسبرو : ا على سلامتكم اسيدي .. م م معرفتش انا فالخدمة فطرنا مجموعين راها غي فدار .. غ غايكون طفا غي من الشارج اسيدي على سلامتكم ...
قطع عليه و لاحو على الكوسان و ديمارا لدارو ف ميكسيكو .. حيت باقي مسالاش ... وصل للمنطقتو .. حلو الرجال لبيبان بزربة قبل لايدخل فيها مسدودة ... و باركا نازززل و كيصوووني والوووو قرب يشخشخو مع الحيط غغدددووو ... و طلع ديريكت لبيتو لاح شوميييزز نصلها و حيد نظاظر و هو باقي كيصوووني تتالتخووو على سرير و بدا يضور و يحك فراسووو متوتر وهو حدرهاااا باش ميطفاش تيليفون و شوقو ليها قاتلو ... خصو غار ايمتا يسمع صوتها و يطمن .. بحال شي واحد كان مبلي و رابطينو و دابا طلقوه و كيقلب على البلية ديالو تاني .... جبد لي طابليط و بدا يلووونصي الكااام .. موحش يشوفها كيفاش و لات و الكريشة واش كبرات ...كيعطيه غير السوااااااد .!!!!
اسد : اش واقع !!!!!! ...
كيشوف لبلايص كاملين لي حاط فيهم الكام فدار غي السواد من غير شي وحدين فجردة ..... اما د دار كحلييين ..
خنززررر شداتو الخلعة اش واقع ليهااا و هز تاني تيليفون كيعيط ل لي كارد مسطريسي ...
اسد : فين لامار ؟؟؟؟؟ فدار !
الكارد : على سلامة اسيدي .. ااه اسيدي راها فداااررر هي و المادموزيل ريتاج
اسد : مووقع عندكم والو ؟؟؟؟
الكارد : لا اسيدي كون هاني مراتك فالحفظ و الصون منهار مشيتي .. غير كون هاني ...
اسد عاد تنفس و قطع عليه
اسد : اش داااايرة الاماار اش دايرة ..
بدا يدوز التسجيلات القدااام ملي مشا اش وقع ...
ودوز 10 ايام قبل ....
رجع لعشر يام لور ... حيت هدا هو ليوم لي ولات الكاميرا سواد... بغا يشوف اش وقع ....اخيييرااااا شافها و بانتليه تكا على سرير كيتفرج فيهاااا عينيه لمعوو بقوة ماتوحشهاا... طالعة فدروووج كتمخخخترر شعرها طوال وساارد و لابسة غير بينوار كحل قصير و باللحفة طالعة على صبعانها و كترد فشعرها لور واضح كانت كتعووم كرشها كبييييرة حداها ... لونصا كام د البيت و بانليه داخلا و لاحت البينوااارر ... تصرفاتها ثقاااالين بقات في يدو بياااس كوحل و صدرها منفووووووخ و كرشها كبييييرة و طايتهاااا واخا بالحمل مقاااادة و لحم مجبدة بسباب سبور و لوووهونش خاااارجين ولونها برونزي بقوة مكتعوم وونبقا فالشمس ... و كلسات مفرقة رجليها وهو مبتتتتسم و ساهي فيهاااا و مغدد يغااا يعضهااا يغزها يااااكلها بقوة مكتجنن فيه بهاد تمختير و الحركات .. وهي كالسة كتنفس دروج عياااووهااا ..
اسد : ( كديورز يديو عليها ) ااي حبيبتي انااا عيااات ... ففففف توحششششششتك تووووحشتك ... اااحح غابلاتي على مك و نشدك مغااانطلقش ...
ناضت دخلات لدووش مابغاش يلونصي لايصدق مقيييم .. وهو شحال محروووم راه على سبة اصلا غي شافهااااا تعدب ... تابنتليه خارجة ببينوار كتنشف فشعرها حراكتها مكيشبعش منهم لدرجة تيليفونو كيصوني مداهاش فيه تانصل داك سلسلة لاحهااا بقوة مكتهز فعنقو ... و سكد كلستو على سرير و كيتفرج ومعظب معاها خصووو يقيييس الشوف مايبرد جوف ... جات معاها الكريشة كيووووووت .. شوفتو فعنيها نساتوو بلي راه الكام ضاعت اش وقع منعرف ! .. وقفات قدام المراياااا و كتنشف فشعرها بفووطة فالجنب ....تابانتلين طلعات حاجبها كديرر حركات مامولفش يشوفهم فيييهاا .. و بدااااات تقرب لمرايا ... وطلعات عينيها تاشافها كتشوف لكاميرا ....
اسد : لاااااا ...
كانت صغيييرة مخبية فوسط النقش د الكادر د المرايا ... شوية بانتليه بعداااات ... قال مدات ماجابت ... و كملات على تسكاد شعرهاا كدندن و تغني ..... و دخلات لدرينسينغ لبسات سالوبيط د الحوااميل فالاسود مع بالغين حمرة وخرجات كتمشا فلبيت وكل مرة كيشوفها كشوف فشي كاام منهادو لي زارع فلبيت ... مكيعرفش هاد تصرفات اش كتعني بيهم واش شافت الكام !!! واش لا .... لا لا لاماااار مكتعييييق تا بحلوف لادخل ... تعيق بكام قد حبة د العدس ... بدات دور مع زاج د البيت و دوز يديها على لي كام لي مستفين و تبتسم تاااوقفاااات انوفااااس مع واحد الكااااام بحالا كتشوف فيه و تراتووووو حركاتها جاوه غرابين بحالا ماشي لامااررر .. وعلا حاجبو وهي بدات كتبتسمممم ليه شوية بشوية تاتقلبات ضحكة و بانو سنينتهااا .. و ضحكة ابدا مكانتش بريئة .. شقلباااااااتووو .... رووونااااااتووو متصورهاش منها .... شافتها اااذن ...
لامار : اااااي احبيبي ... هدااا كامل حب هههه ...
اسد بدااااا غي كييييرمش ...تاجمعات ضحتها و زادت لتيليفون ...
لامار : رجاء ... عيطي لخياط د الاثاث د دار ... بغيتو دابا ....
اسد : اش كديييير هادي ؟؟
بقات كدور و تشووووف و تبتسم لكل كاميرا و هبطات تاتي مع دروووج و كتلوح عينيهاا ... تاكيتلاقاو مع عينين اسد فشي كام كتقشعها .. و بانوليها مدخلين الخياط ...
الخياط : مدام اسماعيلي قالوووولي طلبتيني
لامار : ااممم .. طلبتك .. تفضل كلس ...
كلسو فصالون ...
لامار : بغيت نبدل ديكور ديال الدار ... الواجهة الزجاجية مابقاتش عاجباني .. مليتها نوعا م ..... ووكتسطخيسيني ان بتي بو ..
اسد : نووووو نوو ....
دهههش و صدماتووو بطريقة لونكااااج ديالها و ثقيييلة و كتعبر بتعابير وجهها و مكتحركش يديها كيف موااالفة كانت كاتهضر بيديها و رجليها دابا كتحرك غي عينيها و الحجبان و مرة مرة تعوج راسها مع الحرف .. بقا غي حال فمووو ....
الخياط : اه منحقك الالة تبدلي ... مي شنو المطلوب مني
لامار : ( وقفات كتشوف مع دار ) فوااالااا ... بغيت من داك الكوووطي لهيه حتا لهاد الكوووطي ... كلووووو بريدو نوااااغ فونصي .. ركز ليا على فونصي عفاك .... بغيت الواجهة كولها تغطا بهاد الريدو .. وحتا تريات بغيتهم يتغطاااو .. داكووغ ؟؟ ااه ونسق مع المهندس د راجلي ... بغيت نغير الاثاث د بيتي د نعاس ..
الخياط : اا ؟ و ولاكن .. غاتغلقي دار بزاف ! نشوفو شي كلوغ اخور .. كيف كتشوف لو طيم ديال دار فالبلو على قبل البحر الى درتي الكحل مغايجيش
لامار : لا بالعكس غايجي .. دير اش قتليك و بلا كترة الهضرة و الكلام .. طلع لفوق و عبر شحال غايخصك .. بغيت ثوب كحل فووونصي .. عتم مكبين والو
ويكون على طول كل زاوية فدار ... حتا لاخرها ... مانبغيش روطار ... وجدولي اليوم قبل الغدا .. و غايكون مزيان لاوجد سو سواغ ...
الخياط : ا و واخا الالة علاش لا ... و تريات اش بغيتو نديرو فيهم
لامار : نفس الثوب ... يتغطاو كاملين ... ( ضارت كنشوف مع دار ) والاسود يليق بمنفاااااااي .....
ضارت ضحكات ليه ضحكة خفيفة سااااااااحرة اسد غي حال فمو مضهشر .. و مشااات كتمختررر تاشافت لواحد الكام مقابلة نيشان مع اسد كيشوف فيها و دارت ليه غمزة على الهدااااااااااوة بشوووية و بالعرض االبطيء وزادت طلعات .. ...
اسد : ( ناض وقف ) نو نوووو نو .. انبوسيبل نو ! م مراتي هادي ؟؟ نوو ... نوو .. شي خلل فالموضوع ! ... انبووسيبل هادي تكوون لامار ؟؟؟ ..
جا الخياط فليل هو و الخدامة ديالو و ضورو دار كاملة بريدو كحل وو غطات الكاميرات كاملين .. وتا بيت نعاس بدلات فراشووو كااامل .. خلات غير الكاميرات ل فبيت بنتهم مابغات تقيس فيه والو ..... اسد صدمااااااتوووو مابقا عارف مايدير غير كيشوف .. و كيرجع فتسجيلات لاي حاجة تاحبس فواحد اللقطة لاحت نيليفونها من سرجم و بدات تبكي و عرف انهااا حيت تعطل ماصوناش عليها ملات من الانتظار ... وكيرجع للقطات وهي فسبور وهي كتقراااا وكوولشي ... بقا غي كيرمش ... لا لا لا ماااقدش يصبر تانهار مزااااااال بلا مطلع فالكاميرا و لا تجاوب وهو اصلا مصبر راسو يكلس هنا يكمل و كيقول نقد نشوفها .. ملي مغايشوفهاش تاهنا .. مايقدش يزيد ... هبط هز تيليفون بانوليه بزاف د ليزابيل من السكريتارياا .و الكارد ... رجع تاصل بسكريتيرة يلاه جات تنهال عليه بلاجوندا د هاد الاسبوع وهو يقاطها ...
اسد : لغي كولشي ...
قطع عليها و ناض ...شحال واقف فللخر هز سوارتو و تيليفون و هرج كيبلس شووميزز ... تالهنا و باركا مايقد يزيد يصبر تااااااانهار مزال وحبيبتو بعيدة ... ومنلفوق تغيرات بحال هاكا .... معارف يفرح و لا يتعصصصب .... ولاكن جامعليها كولشي ... كيتسنا غي يشوفها ...
كالسين فجردة لامار و اريج مكسلين فشميشة .. لامار بكسيوة بيضة مشبكة كتبين دو بياس من تحتها كوحل حيت عاد كانت كتعوم ... و الكسيوة واااسعة على قبل الكرش لي مقنبلة قدااامها و الكتف ديالها طاايح .. و دايرا نضاضر د الشمس كتشوف فواحد كاطالوك و اريج بجين واسع مطوي من تحت و تيشورت بحال سوتيان فوق سرة كري تاهي كتشوف معاها حوايج البنبتات وسبيبطات حيت دينا كضومنضي ويسفطوليها لكوليكشن جديدة عاود مكتملش وخا بيت البنت و لا عامر شراوط ... عاااااد معرفاش الى سي روكان راه داير مارك غايسمية بينتو .. تاااكيتمم داخل عليهم اسبرو مكشكش
اسبرو : اموووووولات الصووون و العراااف.. امداااام المجلاااااات و البرررررستيييييج
طلعات فيه لامار عينيها وهبطات نظاظر
لامار : معااياا ؟؟؟.
اسبرو : علاااااااش طااالبة حووولي ؟؟؟ مفهمتش ؟؟؟ وماااشطين ليه من لفوووق اقول غايدوز عننا ديفيلي ... هايضورة ديالو نقااا من خرزتي مفففهمتش شغاااتكجدري بييييه !!!!!!
لامار : بحالا العيد بقاتليه 5 يام لا !!!!
اريج : أء ؟؟؟ اشمن عيد ! ااء ؟؟؟
اسبرو : وااااقوليهاليها ... شكووون غايدبحوو ؟؟؟ انا ؟؟؟؟؟
اريج : اسبرو عندو الحق الامار اسد مكاينش .وتا خالتي رفية لي تونسنا راه فالحج .. كنضن مكاين لاش ! اولا ؟؟؟ من الاحسن صدقيه راه مكاين لي يدبحو
لامار : ندبحو انا ... ونتي سلخيه .. و اسبرو يشوط ريوس ...
اسبرو : لا لا لا انا غاااااااااااتحمقني .. شهااااد البرود كامل واخا تكوني حاملة بالقطب الشمااالي متكونيش هاكا ... كنقوووووووولك مايمكنننش دببببببحي ( جات اسمهان )
اسمهان : اش واقع مالك نتا تاني كتغوت ...
اسبرو : غااااانغوااااات و نعيط بالعاااداو ... الى موكلا هاد البنت شي كينة ديال الثقة فالنفس راااااك كترتي ليها فلادوووووز اماااااادموزيل .. خشي صبعك قيييها ترد داك شي زيلا غانولي نعيط بالعااااداو معاكم .... وااااابزااااااف ... بزاااف على ثقة فالنفس تامن الحولي قاتلك هي دبحوو ( شاف عنها ) طططلعي ودني نتي كااااع .. هانتي العصر مابقا ليه والو طلعي ودنيه و الفقيه يجي يدير المااااانكيييير .. واش مكتفرقيش بين شغل العالات و شغل رجال
اريج : اويلي على دبحي .. واش منيتك ؟؟؟ ( لامار حاانية على لمجلة كتقلب فوراق مداياهاش فيهم )
اسمهان : لامار .. هداااا لا يجووووز
لامار حداها طلعات فيها عينيهااا وحاجبها بان طالع من فوق نظاظر و رجعات هبطاتهم على المجلة
اسمهان : لا لا .. غانزيدك دروس فالفقه و الدين .. المراة مكدددبحش
اسبرو : يااااك غااا بووولفاف .. و ااانشريييوه ليييييييك .. نشري ليك بوولفاف و تقلية و الكرعين تاااامن الهايضووورة لابغيتي تاكليها نحيبها ليك ... وكولي تاتننفخي ... اصلا نهار ومطال و نتي تعلفي كي البقر د هولاندا .. داك البنت كطلب معاك شرع موولانا ... مكتجي تسرط لقمة تاكتكوني سيفطتييليها لوخرا مكتخليها تاتمدددغ .. (كيحسب بيديه مغدد ) الفطووووور ثلاثة د مرات .. الغداااااا كتبقاي تاكلي فيه تالعشااا .. و العشا كديريه فيه ماكلة صحور تقولي غاتصبحي صايمة .. داك المعدة عندك مبقااااتش كتشوف للدغمة لي مسيفطا ليها ... ولات غي كتشد وتلوووح لمسرااااان يلاه تلحق تكمل معاك .. بالله تا الجهاز الهضمي ديالك غايوقف عليك يوم القيامة غاتحسااااااابي علييييه
لامار : ( بهدوء ) الى مسكتييييش غانتحاسب تاعلى جهازك تنااااسلي ....
اسبرو : غااااااااتسطيني ... وراااا مااااسمكنش دددبحي حووولي .. لا شرعا لا قانونا لا دينياااا
اسمهان : نعم لا يجوووووز لا يجوووووز
اريج : المراة مكدبحش .. خلي يفووت العيد و ديري لي بغيت و لاكن فالدين ديالنا الحولي كيدبحو مول دار .. و اسد مكاينش وحنا غير الععيااا( شافت فاسبرو كطلعو و تتهبطو هو لابس سروال مزززير كري و تيشورت كري داير تنااااسق ورجعات تكمل هضرتها ) غي العيااااااااالات فداااررر ... خص اسد يددبحوو
لامار : ( باقي عينيها فاالمجلة ) ومالي قلت العكس !
اسبرو : اااااااه غايبحو ليها ب 3G .. غاتسيفطليه رقبة د الحولي فاااااكس .. يسيفطليها التقلية فااسناااب .. وااااربي تصبرني
اريج : وفيييين هاد اسد !
اسمهان : وفين هو موسيو اسد ؟ انا لا اراااه !
لامار : قتليكم هو لي غايدبح ..
اسبرو : اناااااا لي غااااندبح شرااااايين ديلمي و نهني راسي منهااااد الدررررركة الزررركة لي طحت معاها
اريج : و فيييين هو اسد !!!!
لامار : غاايجي .....
اسبرو : هاااء ؟؟؟؟ ونتي باش عرفتيها و نتي ماباغا تجاوبيه لا فتيليفونات لي كارد لا عندنا ! ومشقوفك شقفتيه ؟؟؟ باش عرفتيها غايجي ؟ قالهالك مع العصفورة ؟؟
اريج : لاماااار جاوبينا
لامار : ( وقفات ) راه قتليكم غاااايجي ... انا عارفاه ( دارت ليهم غميزة مع ضحيكة و مشات كتمخخختررر شادة على نصها و الكرش مززندة )
اسبرو : ( متبعها كيتفقص ) غااااابراد و ضارب كسوووة
لامار : ( ضارت عندو غي براسها كطلع معاه و تهبط بداك اللبسة الرمادية و التناسق ) ونتا غا عريش د شيبة و نايض فمحبق جيران .. ويلا مافتينيش عليك .. فبرااااادي غانشحرك ... رد لبال الخولي و تهلاو فيه ( مشات )
اسبرو : غاااااااانديرليه سيشواااار ... غااانعكر ليه .. اش بالك نديرو ليك الكرييناات يااك ا اريج ؟؟؟ و بابيون فجنب... واش جايبا حولي دبحيه و لا طحببببة تقوووديها ... تهلاو فيه قالك .. نقشوووو ليه الحنة .. الله ينعل لمااااا يحشم
اسبرو : يااااا ربي غاتسطيني قالك اسد يدبجو واسد فتالي د دنيا .. غايدبحو ليها باغ واتساب و الدم يسيفطوه يسيل فجيمايل .. شهاااد عيد سلووووكة .. فهمتي شي لعبة ؟؟؟؟ ويااااربي شي حد يدير ليه عقلها قبل مانخرجو انا ...
اريج : والفضيحة فداااك دير عقلها و راه داايراه ... حنا بغينها تخرجوووو يلاه لقااو لاماااااار لي كنعرفو ...
اسبرو : عار ربي واش هادي غاتعقل ؟؟؟ راه غي كالسة كتجنن فينااااا و ترد لينا الصرف ملي قلنا ليها ديري عقلك .. ماهي طليت عليها فالبيت لقيتها راسمة فكرشهاااا العينين و الفم و كالسة كي الهبيلة ضحك تهضر مع الوطه لي راسمة فكرشها ... هاديك عقلها هاديك ؟؟؟
اسمهان : ( تعصبات ) كيفاذ كدوي مع رايها و كتبااات فلحمها ؟؟؟؟؟؟؟ هاااذااااااا لا يجووووز لاااااااامااااااار ( مشاات كاتجري )
اسبرو : ( شاد على ودنيه ) صمممممكتني تفوووو على عاقيسة ..
اريج : اش قصدات لامار بداك غايجي ؟؟؟؟ مفهمتش ؟؟؟
اسبرو : تانا نفهمتش ... تالبارح قالت نفسس الشي لداك الصحافي لي طا كيسول عليه ... قاااتليه قريب يجي وملي سولها امتى قاتلي منعرف مهم غايجي قريب و غالبا فهاد الاسبوع ! ...
اريج : معرفتك كيفاش ثااايقة فراسها كاع قد هاكا ؟ وشنو دارت لي يخليها تعرفو غايجي ؟؟؟؟ ياكما زبلاتها تاني ؟؟؟...
اسبرو : لا لا منضنش ...اسمهان مكتخليهاس تنفنف.. زعما حيت بدلات ديكوور د دار و ولات بداك ريدو بحال السينيمااا غايجي ؟.
اريج : هداااك لي مزال ماتفهمليش علاش دارتوووو ...
رتاج داخلة كتجر فريجليهاا تاااووصلات حداهم وتلاحت على لكرسي مهدودة ...
اسبرو : شااااااااا
رتاج : حاااشااااك
اريج : ماالكي
رتاج : تسخست بناقس منها خدمة .. عرررفتي كنت كنتمنى امتى نتكلف بشي عملية جراحية ... وليوم من صباح ونا نرغب فالجراح يدخلني معاه لبلوك نشوف و نجرب .. اوا مادخلني غي فواحد فيه البوااااسر ييييييييي ماتصوروووش بشااعة و قراااافة المنظر .. بحط نفسي ف مواااائف باااااايخااااا
اسبرو : ههههههه خشيتي راسك فطرمتووو الالة الدكتووورة ههههههه نتي مقراوكش التطبيب نتي قراوك التطرييييم ههههه
رتاج : مع تبنج مع طلق واااااااحد مولاتي حزقة د القطاني رجعاتني لعهد الاسماعيلي ... والله تااشفت مولاي اسمااعيل كيصبع ليا فالبووولة د البلوك .. ترمة بو البواسر ولات تبانلي منها عشرة جيت نجبد فحنك طرمتو باش يخشي الدكتور المقص .. نا انا نجججبد وهي تجبددددددد تافبقت من القلبة و لقيت راس كنجبد فحنك الدكتووورررر .. اهئ اهئ
اريج / اسبرو : واااع ههههههههههههههه
رتاج : مضحكوووووش المررررررض اصحااااب الخصية ....
اريج : وااامي ههههههههه 😂😂😂واش درتي ؟؟؟؟
رتاج : باش منتحشمش حداه ونا كنحبد فحنكو ضحكت وو قتليه وينوووو شحال كيوووت ونتا هااززز المقص 😢
اسبرو : ( تقلب على لكرسي جا لور و رجليه لفوق كيتشندر بضحك ) وااااااامي هههههه 😂😂😂😂😂😂😂
اريج شادة على كرشها و ضحك تاقطعو الحس بالغوتة د لامار من الباكلون
لامار : واااااااسكتو مااااااااينعس حد معااااكم
اسبرو : عهههههه واطلي طلي الالة مرات سيدي .... رتاج هاددي اللخرة دياالها هههههه كانت كتحلم تشد المقص هههههههه دابا بربي لاشداااااتوو
اريج : غير لادفعات مع شي كواافرة ههههههههههه
اسبرو : غاادفعي استقاااالتك بكراااااامة ههههههه
بقاو كيضحكو ولامااررر دوشاات و تلاحت على سرير تنعس شمس جابت ليها شقيقة ... تاكضربها الفيقة على دقة د رجاء...دخلات ليها الكوطي .. و خرجات .. ناض كتكسل و شافت لداك الخصلة لي معلقة ولي كل ماتفتح عينيها .. تفتحهم عليها و تزيد تأصر تبدل فشخصيتها ... كولشي اثاث بيتها تبدل باش لاحت هداك لي فيه الكاميرات .. بقات تشوف لداك لخصلة وتشد فشعرها لي طوال ... وكتحس براسها فهلا انتصرات ...نزلات على سرير كلسات قدام بلاطو شاعلة تلفازة كتشرب حليبها وتفرج ... .. كان بدا ضلام يخيم .. دازت لدرييسنغ كتشوف فليغوب ديالها هادشي لي ولات تلبس بساب للكرش لي كبيرة و مقبلة وهي داخلة فشهرها التاسع ومابقا والو وتشد بنتهها بين ديها .. بدات دوز فالكساوي .. وهزات وحدة كحلة لبساتها جات واووو ... الكووول v طويييييل كيبين صدرها منهنا و منهنا .. و تحت من صدرها صمطة مزيرة و مفرفرة ثوب على لكرش و طويلة فيها فتحات لجناب تالفخاد ... و لبسات صندال ببلا . مشبكة كحلة طالعة مع الرجل .. و جمعات شعرهاا لوور ذيل حصاان مع حلاقات طوال كووحل ... واكتفات لكلووز احمر وماسكارااا بينات عينيهاا ... باقا كتمص فشفايفها تاكتمسع حس طموبيل .. و دارت ضحكة شريييييرة فاالمرايااا و مشات كتمختر لبالكون ...بانتليهااا جاكواارر دوبلفي كحلة دااااخلا كايبان صالون ديااها منداخل كرووونة مشعشع ...حيت كولها شاعلة ضو من داخل ... يلاه كيف تصممات و الماطريكول مكتوبة فيه requin روكان ...و كتشوووف عندو كيبان من زاج شعرو قوووووويي و لحية كبرااااات بزااااف رطيطبة ممشوطة للتحت و مدلي يدو على سرجم لي ولات سمممررررة مع شعر رججوولي و براااسلي كحل طايح على يديه .. وبقات تشوف فيه عاضة على شفتها ...
لامار : ممممم مزيان .. متعطلنيش بزاااف ... ظنييييت تالغدا عاد يمكن تجي هه! باقي مرتاحيتيش تامن السفر ههه.... فالعجلة الندااااامة احبيبي هه ...
بقات تفرج فيه وهو نازل مخخخنزر على عااااادتووووو .كتشوف فيه و تشزوف شحال توووووحشاااااتووو و توحشات تخنزييييرتووو ... البعد زاااادو وسااااامة ولا كيسطي ... و جات معاه لحية كثيييفة و كتاافووو عراااااااض على لول وواقفين قاسحين .. و الصدر مستف كيبان من الشوميز لي لابس مطرطق .. تاكيبان ليها داخل ..... وعضات على شفتها اخيرااا
لامار : هاهو باباك ابنتي جا . خليني نلعبو شوية هه! ...
داخل اسد لدار كيشوف هنا و هنا .. مكاينش الحس حيت كولهم خرجو .. دخل لدااررر كل خطوة كيزيد بيها .. وهو متشوق يشوووفها و وتزحشها بلا قيااااااس .. حاحبو طالع كيشوف مع دار .. تاكتبااانليه هااابطة من دروج .. درجة بدرجججة بالهدااااوة مامجري عليها حد .. كتلوح رجليها البويويضن و فخدها كيبااااان من جناب الغوووب و بدا يطلع فيها عينوووو تالكرشها لي كبرااااات و لي منقصاتها من جادبيتها والو .. تاوصل لوجهاااا لي مكرهش يشدو يااااكلوووو بقوة ماموحشو ... دايرة فيها ابتساااااامة سااااااااححررة و طاااااغية و ملامحها متمردين .. هابطة بشوية عليها وهوووو ساهي فيها وهي كتشوف عندو ... تاوصلات ليه و بعادين على بعضيات غير بخطوات قليلة ...
لامار : اووووووووه شووفووو شكوووون شرفنااااا ... مرحباااا مرحبااا ( كتشوف مع دار ) داااااارك نووراااااات ... اراااااجلي لعزيييييز .... ( قربات لعندو وهو غي كيشوف معاها و قربات بشووووية لحنكوووو تاقربات لودنوو و شعرها غطا كتافو .. و دارت بووووسة فحنكو خفيفة و مقاستوش بيديها كاع و بعدات رااسها و شافت عندو كتبتسم وهو باقي كيشوف زعما اش هاد الاستقبال و قاس بصبعانو فحنكوو و رطع كيشوف فيهم .. و شاف فيها ...
وهي عينيه غايسطويها مكرهاتش طير تعنقووو و تبكي فحظنو و تقول شحال توحشاتو ولاكن لااااااا اول درس تعلماتو كان هو التحكم فالمشااااعر ...
لامار : ( باقا كاتشوف فيه و عينيها كلهم شووووووق وحبببببب و هو كتررر ) رجاااااء ... رااجاااااء... ويلي حشوووووومة مول دااااررر رجع من بعد ربع شهووور د الغياااااب ... فين الحليب ؟؟؟؟ و تمر ؟؟؟ واايلي ... اش هاد الاستقباااال البااااارد .... ياااا حراااام مكيليقيش بسياااادتو ابدا ... رررجاااااااء ...
اسد بقا يشوف معاها و يدقق فتفااصيلها الجديدة و دار ضحكة جانبية وحط سوارتو كيضور فراسو و قرب لعندها شدها من يدها كيشوف معاها .. وهي محاااافظة على انوثتها قداااموو و راسها مرفووووع واثقة من شنو كدير .. و رطع قربهااا ليه و قرب بزاااف لوجهها تااقرب يتحط نيفو على نيفها
اسد : توووحشتك .... عااارف ... عارف طوولت ... ماشي بيدي ...
لامار : واش عاتبك شي حد ! قالك شي حط تعطلتي ! اذن لمن كتبرر ؟ ... ( طلع فيها راسو ) بالعكس جيتي قبل الوقت كان كيتسنااك شهر ا اخور علاما كنت كنضن ... اولا !؟
اسد : ماصبرتوش .... كان مصبرني انني كنت كنشوفك ... ملي منعتني .. مقدرتش نزيد ..
لامار : هههههه ( بعدات منو كضضضحك وهو مراقب فيهاااا و وضارت عندو جامعة ضحكتها ومحافظا غير على ابتسمتها ) و انا اش غايصبرني فغيابك !؟؟؟؟؟
اسد : حسيتي بيه اذن !؟؟؟ عرفتي معنى تعيشي بلا بيا
لامار : هه! وعلاش منحسش بيه .. ونا كل ماكتحررك بنتي فكرشي .. كتفكرني بلي مدرتهاش بوووحدي ! ... دارت مور واحد ليلة زويييينة تلاقاو فيها ارواحنا فوق سرير فعلاقة جسدية ....
اسد : وكون مخليتهاش فكرشك و مشيت .. باش كتت غاتفتقديني ؟
لامار : وشكون قالك كنت غانفتقدك اصلا ...!؟
اسد : هههه بغافوو ( كيقرب لعنها وهي ما بعدات ماتوترات ماوالو غي كتشوف فيه بابتسامة ) مزيان مزيان .... تعلمتي معندي مايتسااالك .. اللغة العربية متقونة .. الكلمات محطوطين حدا بعضهم كان معنى و مغزى راس مرفوع ... جيتي مزيانة هاكا بغافو صافي عجبتنيو جيتي واااعرة يلاه سالي عليا هاد المسرحية خلاص راني مووحشك ...
جبدها زدحها معاه و لاكن راسها جا بعيد على راسو بسباب الكرش لي شاداهم وشاف عنهم بضحيكة ساحرة ونياااب باينين
اسد : ههه بنتي بدات تبعدني عليك من دابا ...
لامار : على نتا كنتي قريب ؟ من اساسك بعيد
جابها قدااموووو و جا من موراهااا لقا كيفاش كيشدها بلا متعكلو كرشهها ووبدا يشششم فشعرهااا لي فرح ملي لقاه طوااال وقرب لودنها منتشي
اسد : ريحة شعرك كيف شي مخددررر كيسري فدمي .. كيسفطني لكون اخور مامحطوطش على سطر المجرات ... كون ديالك بوحدك ...سماااه عينيك و ارضووو ريييقك ... وريحتك اروحي اوكسيجينو ( كيستنشقها ) ماتصوووريش شحال توحشتك ... ( كيبووس فيها ويهضر ) عممري انا ... بالله تاكنت مقطووع بلا بيك ..
راسو فعنها ويديه على كرشهاااا و لاماررر ملي كاينة قدامو ومكيشوفش لعنها جمعات ابتسماتها ولات غي كترررررممممش و تغزززز فشفايفهااااا كتحبس فالبككككية و كتحبس فراسهااا ماتغوتش علله و ماتقولش نسيتني ماتقولش طولتي غايابك و ماتقولش توحشتك ... كتحبس فراسها باش ما ضور تعنقوووو وتبكي فكتفو و تعاود ليه هاد الشهور كيف دازو عليها باااردين بلا بيه .... اختصرات هادشي كامل فدمعة هبطات سيالة بالخف هزات صبعها مسحاااتهااا
اسد : خلييييها ... الدموع عمرها كانت ضعف ...
ضااارت عندو كتشوف فيه ...
لامار : المراة ماضعيفاش ... كان حداها الراجل ولا مكاااانش ... هادشي مكينقص ماااكيزيد ... وكيفمااا عودتني و روضتني و علمتيني نبقا ربع شهور بلا بيك ... وشهررر بلا صوتك ... قادة نبقا عمري كامل ... اذن بلا متوسلني مرة اخرى واش افتقدتيني حيت راك علمتي كيفاش نعيش بلا بيك ..... ديرها فراسك ...
اسدد : ممممم .. مممممثلااااا ههه ..... بااااركا مجاتش معاك ... قلنا ليك ديري عقلك ماشي زيدي فيك ضلعة ...
جرها من يدو ...
اسد : اجي معايا نشوفو هاد بين نعاس جديد لي درتي .. اطونسيون الى مكانش سيكسي و كيسخن مابغيتوش...
جرهااا وطلعووو لفووق وهي مورااه تاوصلو وبقا يشوف مع البييت
اسد : باا مال ...
لانار : الى معجبكش بدلووو ... حيت كيف كتشوف راااك رجعتي لدارك ... و صلاحيتي غاتسلا .... و أواامر مستر الرووووكااان خاااصها ترجع تطططبق على اخر تفصيل فهاد دار .. ببأثاثها بببشررهااا ... حييييت مستر الروكان كيعجبو يحرك كولشي على هواه .. ولي معوج كيسرحو .. ولي مسرح كيعوجو تاهوا ... مهم مايخليش الحاجة فطبيعتها البيولوجية.... ( اسد غي تكا على لكوافوز وربع يدووو اصلا هادشي كااان متوقعوووو منهااا ومتنساوهش كيجييد قراءة العيووون ... و قرا من عينيييها شحاااال تووحشتااااتوووو و لاكن باغااا تبان قووووية و بغا يخليها على خاطرها ... و عجباتو هاكاك واااثقة من راسها و رافعاه .. )
اسد : ممم مكدبتيش .. والروكان كيآمرك دابا بواحد البووووسة كبييييييرة راه تووووحشهاااا ومحتاجها بلا قياس .. ومنبعد نكملوو ..
لامار : بوسة ! بحالااا محرمة عليااا ؟؟؟ لأجل غير مسمى ..
اسد : مسمى .... اجلها صالح حتا ترجعتي فيك ثقتي ...
لامار : ( ربعات يديها تاهي و عوجات راسها ) اوااا ...
اسد : مدام ربحتي الرهاااان .... ورجعت و لقيتك فدااارنا ... اااذن نتي قد الثقة .. و قد المسؤوولية .. اوا اجي اوا خلاص شحال غاتججني فيااااا
لامار : مزيان .. انا ربحت الرهاااان .. ( بعدات كضور فالبيت ورجعات شافت فيه ) ولاكن نتا لا ... خسرتيه ! ....
اسد : ( تنهد وضور راسو بآه ) اممم عاررررف ...
لامار : اذن مغاتحلل اابوية .. تاااتربح رهاااااني ... وتكسب حبي لي رشااااااه الغيااااااب من جديد ...
اسد : لامار ... حبي راه كنت مشغووول ... عااااارف تعطلت بزاف خلييييتك فظرووووف صعيبة ... تيقيني مكانش عندي بديل لنا كنت معدب كتر منك ...
لامار : هههه قالك معدب !!!! اوومايكاااد
اسد : لامار مشيت باااش نتفرغ لبنتنا نهار تزااااد و منحرمها مني تالحظة .. اما دابا ( كيقرب عنها و قاس فكرشها ) راها فكريشة د ماماها.. فاالرعاية و الصوووون ...
لامار : مممم .. مزيان ..اوا كان عليك تجي تاتزاد .. يمكن ماكنتيش عارف بلي عاد داخلة فشهر التاسع !!! اااه معدووور معدوور كنتي خداام ومشغول مغاتعرفش اشمن شهر فيه بنتك ... مهم موسيو اسد شرررفتييينا بحظووورك .. وتقد ترجع لابغيتي دابا نعلموك نهار تزاد باش تجي و متحرمها منك تالحظة ... و امها فستين داااهية !! ...
اسد : ههههه مغيااارة دياالي ..... كتغيري من بنتك
لامار : مغاتعصبنيش ...
اسد : مممم واصافي باركا .... ماتوحشتينيش زعما
لامار : تووحشتك ( رجعات كتعاود نفس مقولتو ) ولاكن منقدرش نحل باب.... بديك نتا سديتيه ....
طلقات منو وبعداات كتمشاااا وكحزات ريدو و بدات تشوف للبحر للتحت وهو مراااقبهااا ماينكرش بلي بروودهااا شاعل فيه العافية و لاكن را غا هو لي عندو الكود ديالها ..هو لي كيفهم ليها ... وكواريها تعيا طلعهم تايطيحهم ليهااا .... و رجعااات ضارت عندو وهي متيكا على ااشباااك وعنيها باقين على لبحر وصوووت الموااااج سيد الصمت ..
لامار : مابين كل مد وجزززر ... قدام هاد البحر لي خليتيه خاضيني ... كاتتولد فيا الف خلية نزيد نحقد عليك ( غميزة ) عارفها ياك ...
اسد : الحقد باللغة الحاقدين ..و لا يلغة العاااشقين كاين فرق !
لامار : زدني علماااا
اسد : ( كيقرب عندهت ويهضر بالحس ) .. بلغة الحاقدين يعني حقد .. بلغة العاشقين يعني عشق .... واش زدتي ليا حقد على حقد ... ولا عشق ... على عشق ( حط نيفو على نيفها ) ممممم ( لامار غي ساكتة ) شحال قلتي عند بنتي ؟ داخلة فتاسع ممم .. لا ارووحي .. بنتي دخلات فتاااسع لبااارح ... عندها تسع شهور ... و نهاار و 3 دسوايع ...... بنتي تحركات ليوم فكرشك 4 د مرااات ... بعد مكانت كتحرك قبل ب 10 دمرات ... تخلعت ملي شفت حركتها ولات ماشي بحال لول .. ملي سولت قالولي حيت دابا كبرات و رحم مزير عليهاا و حركتها تباطآت ... داكشي علاش .. و اخر مرة تحركاتها قبل مانجي ب 5 د سوابع ... و هي كتحرك .. يعني غالباا غاتزيدك واحد ركلة و لا جوج غير دابا ... هادشي باش خليني قريب ليك باغي نحس بيها ..
لامار بقات غي كتشوف فيه كيفاش عارف و علاش مدقق حساباتو كتع قد هاكااا تاكتحس بحررركة د بنتها خفيفة فكرشهااا و اسد تبسم حييت تيليفون فيفرا فجيبو و جبدو عندو ووراااه ليها ...
اسد : الحركة الخامسة .... بقات وحدة و بنتي تنعس ...
لامار : باش عرفتيها ياكما موكلني شي كااااميرا تاني ....
اسد : هههه ( ضربلها بصبعانو على سلسلة لي كان جابليها فيها جوهرة هي لي كتعطيه اشارة حركة الجنين كل ماهتز فالجسم لتيليفون ) ... منتسالكش شفتي الكاميرات ... صدمتني ...
لامار : ومازال مشتي والو ...
اسد : عجباتني تقتك فراسك
لامار : ونا عاحبني راسي ...
اسد : وتانا عاجباني ...
لامار : وانا معاجبنيش ...
اسد : ماتكدبيييش ..
لانار : الكدوب فالحب حلال ...
اسد : اذن عااجبك
لانار : اذن معاجباكش ثقتي فراسي ! .
اسد غي سكت ووضحكات ليه منتصرة ... وبعدات منو
للمار : اوووبس ! ... للعنة على لي حلل الكدوب فالحب .... كون كانو حرام كاع مكنتي غاتفضح قدامي .... كتقول عاجباك ثقتي فراسي ونتا كتحرقك على الباااارد ... .هه
عطاتو غميزة
اسد : (تنهد ) لامار باركاااا .. صااافي .. عارف كديري هاكا غير باش تبردي خاطرك ... ولاكن راااه ماشي لخاطري راه مكنتش فديزني لاند كنتسارا .. راه كنت خدااام ... وكانت فرصة تراجعي فيها اغالطك .. ونجي و نلقااااك بهاد الشكل ...
لاماار : وملي هدفك من البعد هو تلقاني هاكا .. مالك كتقولي باااركااا !!!!
اسد : (بنفاد صبر) : حيييييت انا قتلك تغيري مع نااس مع المطتمع برااا .. ماشي معايا ..
لامار : هههههه اااي اسد ... صافي دابا فهمت نتا اش بغيتي ... نتا بغيت عروووسة كراااكيييز ... تشدها هااكااااا بربعة ديال صبعاااان ( كتقلد بيديها ) ووخيووطها تحكم فيهم على هوااااااك ... مرة تقول ليها تغيري مرة تقاول ليها باركا .... مرة تقولهااا نبعدو .. مرة تقلها نقربوووو ... مرة تقوليها كنبغيك مرة تقوليهااا حاقد عليك ... نتا بغيتي عرووسة كراااكيز بلا حول وللا قوة .... ماكتجيد من افعالها غير الطاااااعة لاواامررررر صاحب العرض ... باغي ترد الزواج لعرض تافه على خشبة المسرح .. ( طلعات يديها كتشوف لخاتمها د مارياج ) وااختمي هو الضووء د المسرح ... الى انا حيدتو غايتطفااااا نووور عرضك ... و غاتسالي مسرحيتك لان عروض الكراكيز فالضلام بلا معنى ... داكشي علاش نتا نصصصررر متفارقش معايا و يلا كنت عوجة تسرحني باش الخاتم ميتحيدش من صبعي ...والضو د مسرحيتك ميطفاش و مهزلتك ماتساليش ... حيت لافقديتني صعيب تلقى عروسة كراكيز جديدة تصبر على هبالك ... هدا هو السبب لي متشبت بيا ... كلام العشق و الغرام خليه للامار لقديمة .. ( اسد غي كيرد شعرو لووور ) مرة طلع العروسة تالاعلى غيمة ومرة تهبطها لاعمق بركان يحرق اخر عرق فكبرائها . وملي طلع غضبااانة ... قوليها مالك اش بدلك ؟ ... ههههههه انا لاماااارررر .... ماشي عروسة كراركيز ....
اسد : اش كتروني ؟؟؟ ( جا عنها ) عمرني فكرت نتحكم فيك .. فقط بغيتك تنضجي ...
لاملر : ( وقفات و طلعات يديها ) هاانااا نضجت ..... كييييييف جيتك !!!!!!
اسد : هدا ماشي نضج ... هداااا تمثيييييل لي كالسة تستعرضيه قدامي .... عرفتي شنو هو التمثيل ... هووو تكون دمعة على جفنك و تبداي تغززي فشفايك باش متهبطش ... هو ياكلوك يديك تنعنقيني و تخبيهم وراك .. وهو عينيك يخونك يشوفو عندي و تقلبيها غمزة مستفزة ... اما النضج .. هوووو تفهمي شنو لي خلاني نغبر عليك .....
لامار : هداك ماشي تمثيل ... هداك كبرياء ...
اسد : ممم ومع نتي وليتي كاتقراااي الكتب بزاااف د ثقة فالنفس و حروب العشق ...حفظتي هاد المسطلح دالكبرياء بقوة ماتكرر بين السطور .... ماتكونش مدازتش عينيك ونتي كتقراي على واحد الجملة كتقول : الكبرياء يسقط قتيلا امام رجل عنيد و امراة ذات كبرياء ؟؟؟؟؟
لامار : اااه قريتهاا .... و باش مايموتش الحب لازم واحد يتنازل ..... واحد عندو عناد مغايتنازلش ووحدة عندها كبرياء مغاتنازلش ... اذن داك للحب ميت اساسا ...
اسد : حي ... عنادي كيتنازل ...
تنننهدددد و هبط كلس على ركابيه ....
اسد : كنعتدر ...... انااااا كنعتدر على كل لحظة دوزتيها بلا بيا .... على كل لحظة احتاجيتي ليا ومالقيتنيش ... انا كنعتدر على كل زيارة لدكتورة مكنتش معاك فيها ... انا كنعتدر على كل مرة نضتي بليل مفزوعة و مكنتش حداك .... انا كنعتدر على الشهووور لي خليتك فيهااا .... كعتدر على كل لحظة قسيت فيها عليك ... كنعتدرر
للماررر تنهدات وهبطاااات تاهي على ركابيهاا مفرقاهم على قبل كرشهاااا وهو طلع فيها عينو .... و شافت لعندو ..
لامار : عمر واحد فينا يهبط ... ديما نكونو قد قد .. لا فاش نديرو الذنب ولا فاش ندمو عليه ولا حتا فاش نعتدرو عليه ... معمر نهبطو الرااااس لبعضنا ... حنا قد قد ... ( تنهدات كالسين فالارض ) الاعتدار مغايرجعليش دوك اللحظات ... ولاكن طفااااا واحد الشمعة فقلبي كانت شاعلة كتحرق .. ولوخرين ... يقدو يبردو مع ليااام ... ( ناضت و مدات ليه يدها )
اسد : لامار بااركاااا ..... صافي انا اعتدرت ليك ؟؟؟ باراكا علينا ... راشسي ولا ثقيل علياااا ... عرفتي شحال هادي مشفت نعاااس بحال ناس ؟؟ منهار طحتي على دااااك دروووج ...طنضن عقابي طوول ؟ ... صااافي نتي طللعتي قد الثقة لي درت فيك ... نسيت اش درتي فالماضي ... و تعرفت عليك من جديد ... اذن بااااااركااا
لامار : ( بعد مممدة كتشوف فيه ) .. كون كانت لامار القديمة كانت بعفويتها تلااااااحت عليك ... و قااتلك شحاااال توحشاااتك ... كون كانت لامار القديمة هنا كون شدات وجهك ووبكااااات و قاتليك بلي فكل دقيقة كانت مفركرااااك ... كون قتليك مسمحاك حمد الله غي لي رجعتي لياااااا ... كانت قاتليك شجال من مرة عاودات داك التسجيل ووتفرجات فيه .. كانت قاتليك شحال كانت معدبة و نتا بعيد عليها .... كانت قاتليك شحال باتت كتعاود زبايلها لي دارت معاك لبنتكم .... كانت قاتليك انا مساااامحاااااااك على كولشي غي رجع ليا ومتبعدش مزال ..... كانت قاتليك صافي يلاه نبداو من جديد و نساو الماضي .. كانت غاتنسااا كولشي بقلبها الييض و غاتسولك ببلااااهة كيف داير رووبن ؟؟؟ شفتي خالتي امنة ؟؟؟ اشنو الدول لي زرتيهم كاملين ؟؟؟ ناري البرازيل زوينة واش هي لي كيلعب فيها نايمار ؟؟؟؟؟؟ وتبدا تتقز حداك وتقلب فيك فين الكااادة لي جبتليي ؟؟؟؟؟ .... كانت غي غاتسمع حس طموبيلتيك احتمال تنقز من البالكون وتلسق فيك وتعنق وتبووووووس ..... ( تنهدات ) ولاكت نتا مابغيتيش ديك لامار .... كنتي كتقول عليها هبيلة .. بلا عقل .... ماناضجاش ...برهوشة ... نتا بغيتي هادي ... هاد لمعفرة لي واااااااثقة من راسها ... . هااادي مغاااااحنيش ليك الرااااااس ووتبكي عليك .. هادي مغايطح تادمعة ... هادي هاكا غاتبقا مبتسمة فوجهك بحالااا كاتقوووولك زيييد تكوااا بناري وتحرق مكتهنيييييش.... هادي قرات كل نهار كتاب على الثقة فالنفس ... هادي راسها عمر بما فيه الكفاية على انها تنحننننني لراجل ..... نتا لي بغيها .. اذن تحملهااا ... و شوف لفرق لي بيناتهم وقرر معاك راسي شكون بغيتي فيهم ( جات ماشية و رجعات شافت عندو مصدوم ) ااه بلا متقول ليا رجعي تاني كي كنتي ... حيت ديجا قتليك .. لست عروسة كراكيييييز ....
ضحكات ليه و خرجات من الباااب ...
اسبرو و اريج و ريتاج صدرووو اسمهان تمشي تشري شي مسائل للامار ... باش يمشيو لديسكووووو ينشطوو واسبرو اول مرة يدخل ليبلايص بحال هادو ... جرروه معاهم ودخلووو الحيحة نايضة لداااخل مكاين غي الزدحة و ستك ستك ستك ... اسبرو شاااااف العراااا و دااااخ و رتاج و اريج داخلين كايدندنو و يشطحو مع موسيقى و كيقلبو فين يكسلسو و واش كاين شي تيتيززز ..
اريج : ( بجهد ) كييجااااك دييسكووو ابنعمي
اسبرو : ( باااجااهد بسباب ديدجي ) وااااااشلااااا ترامي امولاي تهاااااااامي .. توما فين كينوض هاد الخيييررر ....توما علاش هادشي مكاينش براااااا .. شووووووفي داااد مولات الجمرر اااااح
اريج : ز زيد البعلوك زيد .. تقد ليهااا و نتا كامل تجمع غافلقة د تررمتها
جروووه و مشاو لطبلة وهو غايخرا ليهم تمااااا حال فمو كي ضبببببع فاابنااات .. و ضار عند البنات
اسبرو : دابا هادو يكونو عزباااات ؟؟؟
اريج : هههههههه لا مقلقاااات ..... لاقديتي تقب وكدة فيهم انا نعطيهم بكاااارتي كادو
اسبرو : الثب لي تحكري يكوييييييك
رتاج : ثب!!! ههههههههه تلقاه عندك كي مصاصة رضاعة وكتهضر سكت سكت خلينا نتفرجوو .. خرااا و وتقول واش شي حد يحمر العين ..
اريج : غا المبجقل لخووه ....
رتاج : ولفنا الحروشية ياااا ختشي .. والله فشواحد لافكرت ليوووم نحيح ...
جا عنهم البارمان خداو صودا اريج و رتاج وبقاو يشوفو عند اسبرو
اريج : جيب ليه شي عصير د الفريز ياك !! ..
اسبرو : لاااا شربيه نتي .. قالوليك سميتي اميمة ... بغيييت لفووووووطكااا نعااماس
رتاج : احم بغا يقول لافوووكا .. جيبليه واحد الكاااس وبلا زبيب بلا كركاع لي فيه كافيه ..
اسبرو : واااابربي تاتشرب الفووووطكا
اريج : شربتي شي نهار ؟؟؟؟
اسبرو : لاااا بغيت نججججرب
رتاج : كلس على قااااااعك
اسبرو : جيبلي اخوياااا اكبر قرعة نشربهاااا و نعطيهم يكلسو عليها لامسكتونيش .. انا انسااااان راشد ..
مشااا البارمان و هو بقا يشطح براسو
اريج : واااا شوفليك على قلوة المش
رتاج : اول مرة كنتي تاخد شي حاجة خفيفة ماشي ديريكت لفووووطكااا يا جدع را و الله لاهزيتك .. بربي تاتبتك اسمهان برااااا .. تونس نتا و موكة
اسبرو : ششششش رتاااج هاداك العوج كيصفر ليك و لا جاب لي الله وااابابا قداش وجهووو كبر من رغبتي الجنسية
اريج : و الله الى كيشووووف عندها... كنتخيل تصويرة د لاكارت عندو يلاه غاتكون شادة ليه ثقبة د نيف وجهو كبر من دخلة بن كرير ....
رتاج : ايييييييه الحلاوة دي ...و الموهيم نشط ما وجهو يكون تااا تا تجزئة العمران ماسوقيش فيه
اسبرو : ( ضار عنها مخنزر ) غاااااتزدي معاه لشي قنت ولا يقولك داك طنون طلعي رجلييييك نطلعك لمريخ ... ريحي الارض
رتاج : مالي تسطيت نعطي فشلوقي لمن مكاااااان ... شفايف فشلووووقي خااااكا ليهم سوووودانية مايقدوش يبوسو شي حد منغييييررر مولاهم لي مزال نابغا يباااااان ... باغا نششط و نشطح وصااافي ويمشي يقود بحااال خوووتوووو
اسبرو : مووهيم سروالك مايطييييحش ...
اريج : ( جبداتلو حناكو ) خليييييلي الحكاااااام
ناضت رتاج كتمختر عند هداك و كلسو يضككو و يشطحووووو وهي كتحاول تنسى عدنااان و فقصتو بهاد طريقة ..... و اريج و اسبرو شادين نميمة
اريج : شوووو كيداااير شووو ....
اسبرو : غااااااا قلوة و مدهونة بفاااااازلين .. وجهوووو محنك ديري فيه خير عطيه سوتياماتك يهزو ليه داك الحناك
اريج : عمرني شفت شي حد عندو ليهونش فوجهو
اسبرو : وجهو غا ديال يحربو فيه سحوورررر
اريج : معرفتو وجهو ماعرفو فاتح الكاميرا د القدام بالغلط ... يخ
اسبرو : قووليها تبعد من داك المسرفق و تجي تككلس ...خاااايب حنوكو تلعبي فيهم زلايقة ...
اريج بدات كتغممز لي رتاج كتقوليها بعينيها خاااايب .. وهي تصدرووو ومشات عند واحد اخور كتشطح معااااه
اسبرو : ترررر بدل ترمة بفشلووش .. ماااااتماااااش
اريج : ويلي شهاد بموناااانخر مشات عندو ...
اسبرو : اويلي المسخوطة تبعد منووو راه يتسنشقها ييسفطها لبلعوووم ديريكت ... نيفو وسع من فشلوق ميا خليفة
اريج : بدلات بوحنوك ثب الشوارف... ب بوو مناخر الغرارف .. وتي بععععدي عليه المسخوووطة غايتقببببك غي بنييييفوووووو ...
باقين قسارين و رتاج معجبها تاوحد و جات كلسات معاهم كتتشرب فعصيرهااا بلاباي و اسبرو كايجغم من الفوطكا وكتجيه حاارة كيخسر فسسفتو وريجع ليها تاني ... وهي تجي عندهم واحد البنت كتحلووون فالمشية و ضحك و تطرطق فالمسكة و جات مدات يدها لاسبروووو لي تلف
- هاااااااااااي
اسبرو : ااا ه ه هاااااي
مد ليها يدو ...
- اناااا سميتي ألوى و نتا ؟؟
اريج و رتاج شدو ضحكة ...
اسبرو ( داخلاه السكرة ) : و انا أبووووون
رتاج : هههههه ألوى هههه هدا عندو جوج ألواات فخبااارك ولااااهييييلا هههههه
الوى : ابصاااااح ؟؟؟؟؟
اسبرو : ( تقييل بسكرة ) واااااااايه ا الوى ... عندي جوج ألوات زوينات بحااااااالك غي كاااالس عليهم ومرة مرة نهر فيهم ومكنتش عارف بحقهم تاشتك ...
اريج : ههههههههه واااشتي غاكنتي حااااكر أليوااتك ههههههه
رتاج : هههههه هانتا شوووف غدا جبدهم و مشط ليهم الشعكوك و عكر ليهم بحاااال هاد الوى وقسسررر معاهم ههههه
اريج : ههههههه و ينعل بووووو الديييسكو هههه نتا عندي جوووووج ألواااات و كتقلب على الأووووحباااات هههههههه
الوى : ( تاهي مرخية بسكرة و البوووسان ) مااااافهمت منكم تااا لعبة ... واش كيعرف شي وحدة كتشبه لياااا
اريج : ااااه جوووووج تويميااااات غي نتي محطوطين منسوطين .... تاهوما ضاربين البوطووووكس بحالك هههههه
الوى : يااااا ويييييينوووو وبيضين بحالي ؟؟؟؟
رتاج : لا لا هوما زرقييييييين ااا ختشي
اسبرو : ( سكران و حاضي حوايجو ) غوووووووووز
اريج : لوااااااه تيركوااااا تانوض لهيييه .. الاخت الوى تشرفنااااا بيك .. ياالاه دووووكي قلبي على شي فيكتيم .. ما هدا كي شتي عندو جوج كااااافين ووافيييين و كيسمعتي غوووووز .. يلاه ابنتعمي رووولي ...
الوى : انا مجيتش عندك جيت عندو .....حشرة كيدايرة
اريج : مكااااااااين البخوووووش قدك يا مجديييخة ... اسمعني اداك ألوى ياااا غاتتتتقلعي من قدامي و سيري قلبي على شي ترررررمة تخشااااي فيها و لا غاااانردك أب بطريبيشتوووو من الأبوووووووبة الكبااااااارررر ونلسق جدك مع الألوات د اسبروووو نيت الاب ديااااالهم مزال مناااااااض .... يلاه روووووولي ... قبل لانجي نأوي جد بابااااك بلا فازلين ....( هاديك شافتها سرسرات وهي تسرسب مع الكراسا ) الوى قاااالك ناااااقصين ألواااات حنا ... ( حيداتليه القرعة ) نوووووض ابووو ألوات نوووض تكككعد را بداو يتزللو عليك ونتا باقي قاااصير ... نوض جمع ألاااويييببك نقودووو
رتاج : وسهرة د الألاااااوي درت معاكم ... بناقس من شي بو ئلوة نمشيو لدار نكملو سهرة مع لامار حسن ... زيدو ا وجوه الألوة زيدو ...
جروو اسبرو بكشايف باش تفارق مع داك القرعة و مشااااو تاوصلو لدار و اسبرو كيهرررنن سكرااان والكارد فتح ليهم مستغرب فاسبرو ... وهوما كايدفعو فيه لداخل ..
اسبرو : وااااااااااسوووقكوم واااااابغيت ألوى واااجييبووولي ألوى .. و لاااا رااا بربي تااااااتهزو الألوى هااااااد ليلة وااااااع وابغيت الوى
اريج : رااااااهم تحتك جوووووج طلع لبيت و را متهر فيهم
اسبرو : ألاويييياااا هوووماااا ألييواااتهاااا ؟؟؟ هاااا ؟؟؟؟؟؟؟؟ ... ألاوياااا مكممشييييين وهي ألاويهااااا مجبدين ... واااااااااابغيييييييييت ألوى .. الأب ديالي قيييييييييم على ألوى جيبولي ألوى الاب ديالي باغا الوى وناااااااا مرضيييييي أبي هو بغا ألوى جيبوووليه ألوى
رتاج : ولااااااباس ملي كتقيم لابااااااس كان يحاسبتني من داك الجنس اللين .. ولاباس ملي طلع كيووووقف
اسبرو : كيووووقف و كيحبوووووو و كيعرف تااااايدير شقليييييييبة ( يلاه ضار هو يشوف طموبيل د روكان وهي طييييييير السكرة بالخلعة باغا يبول فحوايجو الهضرة مشات ليه ) ججججج ج ج ج جااااااا ج ج جاااا جا جا
اريج : امالك اخيييرون
اسبرو : ج ج ج ججاااا جا جاااا جاااااا
رتاج : شكون جااااا
اسبرو : س س سس سكراااااات الموووت شخخخصياااا ججج ج ج جاااااووووو
اريج ضارت شافت طموبيل وهي طيح فخطرة الارض طيحة وحدة جات مربعة رجليها مصدومة كتشوف
رتاج : والله الى جاااااااا نااااري مي ويلي با
اسبرو : وااااا ألاوياااااا وااااا ألاوياااا واااليوم يفقصهووووم لييييي و ألاواياااا غايرزيني فيهم ومنلقا فين نخزن حليبي ووووااا غانويلي نمشي و كنشرش كي بيكوب علال وغايرزيني فالشاكماتي
رتاج : ونتا لاش ؟؟؟؟؟
اسبرو : فقصة مرتووووو ديما كيخرجها فيااا وااااا ألاويااااا ( شاد عليهم ) .. غايلقاها مبجعقة هاكاك ومكتجاوبوش وملبساااا داررررر حق الله و طالياها بالكحل .... غاااايتعصب .. ويلا تعصصصصصب مشييينااا فيها جملة قوووودناها ... اناااا لي شفتوووووووو كيدار داك نهار ل كاااارررررد واااااااا ألاويااا
رتاج : ن ن وووض تكككعد مكيتخاصموش دنيااا ساااكتة .... علاش غايتخاصمو هوما شحال غابرين على بعضيااتهم .. نوووض دغيا نشوفو اش واقع
نوضااتوووو جاا مااشي لجيهة لباب لكبيرة راااجع لبراااا وهي تشدو من قبوووو جراتو
رتاج : اااجي هااااا طرييييق
وشافو عند اريج لي مربعة ل لارض و مطرطقة عينيها فطوموبيل مكترمش و ضرباتها رتاج بركلة جابتها لييييهيه عاد فاقت من السبات
اريج : جااااااا جااااااااا
رتاج : تجيييك مور الودن ...ونووووضي دغياااا ندخلووووو
اريج : كييييفاش غاندخلووو...ندخلو هاكا بداك بورط-كلي ريحتو كاتعطعط بتلسكرة ولامار حااااملة بغيتي يدردبنا مع البااااب يلاه نديو زممرررر يغسل وجهو بعدا ....( دفعاتو قدامها ) ماجاتك الفوطكاا غاليووومااا المطووط ..
ناضضضوووو هزو اسبرو وودخلو من باب كوزينة خشاو ليه راسو فلاففابووو وجبدات اريج بواط د الحوت من الثلاجة وعطاتو يشمهاا كاتوكضو ... ردوه كي شي فروج صابا عليه شتاا بقوة مافزوكووه بالمااا يصحا .... وطلعووو كيتبحلسووو فدروووج واسبرو ماشي باش يسمع فباب بيتهم واش كيتخاصمو يلاه غايحط ودنوو على لباااب وهي تححححل بلي فيها دججججههههددد تااابوووطات ليه رااااسسسووووو السكرررررررة و زاد الضربة دالباااااب
رتاج: ااااررررررربببببح
اريج : ( تحت سنانها كتولول) ويلي ولي ويلي مقلنا تاوكضنااه دارا غايرجع للقرووون الوسطى ...
رتاج : شوفيه واش غايعقلنااا اسبرو عرفتينيييي ؟
اسبرو غي مطرطق عينيه فاسد لي كان خارج منييير مور لامار ...
اريج اااحم .... ا م سسس س سي اسد م مرحبااا ب بغيت نقول على سلااااامتك
رتاج : على سلامتك اسي اسد فااااااجئتيينااااا و الله مرحبااااا بيك فدااارك ...
اسبرو: ااا ا س ااا استاااذ ب بغيت نقول س سي اسد .. م مرحبااااا بيكم ( كيشوف من اسد جوج بسباب ضربة كيهضر مع اسد و عينيه فللباب تما فين كيشوفوو ) داااار داركم و حناااا حمير ف زريبيتكم( اريج عطاتو ركلة منلور ) حشاااكم اسيدي
اسد : ( وازن تسعين ) فييين لامارررر لتحت ؟
اسبرو : خ خليناها ف فدار اسيدي ف فين مشات (ضار عنهم كيندب عارف مكيشوفش لشفايفو ) وألااااوييااااا بعثووو بلاماااااار و لا بالله تايكوينا هنا فين مشااااااااات موووو زبوووور
اريج : ا احم سي اسد خليناها فدار يمكن مشات ت تشوف خوتهاااا ...
اسبرو : هاااااااا رااااهااا جات ( كيشير لواحد الفاز كبير و طويييييل و كرشو خارجة مع حوال ليع الشوف بالضربة حسابتو هي جمد الله اسد مكيسوفش فيه كيشوف لتيلي لي مديرونجيه بالفيفرور لي كارد كيصونيو ومعندوش الخاطر يسمع شي خبار و كيقطع )
اريج : ( تحت سنانها ) بربي و ماااا سكتي تايخشيك فيه .. رتاااج عطيه شي ضربة اخرى على يرجع كي كان ....
شويو وهي طلع اسمهان شافت اسد كيمشي ويجي معصب متوتر صدماتو لامار و شقلباتو .... كانت غايتقرط بيها طالون فدروج و شدات فالحديدة ... عاد رجعات تنفسااااااات و زادت بالمشية ديالها بحال البطة و زادت عند اسد مدات يديها و راسها مرفوع قرب عنقها يطرطق ..
اسمهان : معاااالي السيد اسد .. مرحبااااا بيك فدااارك و عرش الاسمااااعيلي فالترحيييب ...
اسد غي كيشوف معاها مطلع حاجبو ....
اسمهان : نتمنى تكون عجباااتكم نتييييجة مراااااتكم امسيو اسد
اسد : ااه عجباااتني ... لاااا سطااااتني ... هبلااااااااااتني ... ( بعصبية ) برررربي و ماترديها كيف كاااااانت لا داز طرحك على خير ...فلاشيها فووورماطيها شغلك هداك موهيم رجعيها كيكانت
اسبرو : اا ؟؟ ف فلاشيها ؟؟؟ اا اي باااد هي ... ( ضرباتو رتاج يسكت )
اسمهان : و و لاكت كيغاندير ليها اسيدي
اسد :هداك شغلك رديها تنتي كاع لكرش مها وتعاود تولدها من جديد ولا هاد للموصيبة لي طلعات قدامي ليوووم فين مشاات ؟؟؟؟؟؟ لااماااررررر
اريج : ش شش شوف اسي اسد انا فهمتك علاش كاتهضر ... ب باينا غاتكون تصرفات معاك بغرور .. راه غي كتمثل علينا ماشي و لات هاكاك بصح ... غي كترد لينا صرفنا حيت بغينها تنضج ...
اسد : مراااتي كتفهم من كاااع البلايص من غير مخهاااا .... لااااامااااارررر .... ( كيقلب عليه حيت خلاتو خرجاات )
شوية تبان ليه طالعة فدروج كتمخترررر و اريج غمزات ليهم يمشييييو ويخليوهم بجوج ....
لامار : عيييطتيلي
اسد : واش باااغا تسطي يديييلمي ولا مالك ....شهااد تصرفااات دالخراااا
لامار : ( بثقالة ) اش هاد المتسووى كتهضر بيه ؟ احترم راسك ... ونضج شوية .... وسكد لونكاج ديالك كيفاش غانخرجك قدام ناس و المجتمع الراااااقي .... و نتا كتهضر هاكا ؟ غاااايضحكو عليك وويقللو من قييييييمتك .... ( شوفة شريرة ملي ردات الصررررررررف)
