[14/10 23:23] بارت: ج331 كان داير كاسك و لابس غي شورط كحل و تيشورط كحلة بسماطي و كتافو عراض سومر و كيجري و الشتاء كتنقط خفيييفة وخا هاكا جسمو كامل عرقااان و كييجري بحالا هربااااان من شييي حااااجة و عنيه حاااقدين .... وداكرتو رجعات بيه للماضي ... الجدة كطل عليه هو واقف فسرجم جدة : عدنااان ولدي ... اش كدير هنااا ... راه و قت المدرسة هذا عدنان : ( ماضارش عنها ) مابغيتش نمشي ... كتنسنا ماما غادي تجي عندي جدة : وااا ولدي واعدنان راه مابقيناش فالمغرب ... وحتا كون كنا تمااا مكانتش غاتجي حيت هي صاافي تزوجات بواحد الراااجل لابااااس عليه و دات معاها خوك ... و بحال والوو غاتكون قربات تولد شي ولاد اخرين ونتا هنا كاتساناها كون بغاتك كون عيطات تسول فيك عنان : ( حط يديه صغار على وجهو مخبي دموعو ) علاش شنو درت ليها ديما كنت مأدب و كنسمع لهضرة ديالها عمرني درت بساالة فشي حاجة علاش خلاتني و مشاات ... واش كنت كندير لبسالة اجدة ؟؟ جدة : (عنقاتو ) اااجي الحبيب دجداتو اجي ... متبكيش نتا ولد مأدب وزوين ومربي هي لي مامربياااش .. يالاه اجي تفطر باش تمشي تقرا و تولي شي حاجة كبييييييرة فالمستقبل ... عدنان : ( وقف ) انا غانولي لابااااااس عليا كتر من راااجلهااا لي مشات و خلاتني عليه جدة : هاكاااك نبغييك ... كايتفكر عاد ماكيزيد يحمااار و عروقووو كيخرجوووو تاحس برااااسووو عيااا و كلس على واحد الكرسي كيلهت وشاف تيليفون كيصوني ... وحيد الكاسك و دار سماعه وهو متكي على لكرسي كيرد انفاسو عدنان : اش كاين على صباح - السيد لي كلفتينا نجيبوه راه جبناه و حطيناه فديبو تاتجي اسيدي عدنان : مزيان.... انا جاي اسد شافها رجعات تنعس و سكدها فبلاصتها و باس على جبينها و ناض لدوش كيدوش حاط يدو على لحيط و الما كينزل عليه وهو كيفكر لامشااا تاشد هذا لي بغا يلعب معاه موحال يطلع من يدو حي ...و خرج لبس جين ازرق فااااتح و بودي كحل لاكوسط لااااسق على صدرو و فرش سجادة صلا الصبح .. ورجع دار فوقو مونطو قصيرر كحل و ركب ساعتو هو كيشوفها باقا غارقا فنعاس وايقف و داير يديه فجيااابوو ... كيحسها هي متنفسو و فعينيها كينسى كولشي .. عمرو توقع شي نهار غايتزوج بوحدة مامكترثاش لاعاقتووو و كتبيغيه لشخصووو و متقبلاه بعصبيتووو و مزاجيتو .. ابتسم على الاقل كاينة شي حاجة زوينة فحياتو ... و ووقف فالبالكون كان جو زوين و شتاااء خفيفة كتنققققط .... و رجع هبط للمكتب يكمل خدمتو و فدروج تلاقا بيونس لي كان لابس الرسمي و طلة انيقة ... يونس : اسد صباااح الخير اسد : صباح خير ... غاتبدا ؟ يونس : ااه اول نهار ليا فالخدمة مابغيتش نتعطل ... اسد : ناس د الحماااس مزيااان .. هبط يووونس متحمس اااح يا ولدي لهلا يركبك شكاااايتسناك ههههه ..ظ و اسد زاد لمكتب خدم لبيسي كيكمل خدمتو ويرااااجع ضواسا ديالو واش يبان ليه شي خلل ... لامار فتحات عينيها على ضو كيدخل من لبالوكون و تقلبات لساعة كانت 10 د صبح ... وشافت بلاصتو خاوية و فوطة على سرير و ريحة د بارفانو فلبيت و ضربات لوسااادة لامار : هاااادي هي نخررررجك تفووو ... ناضت تاهي لدووش دوشات و خرجات نشفات شعرها و سكداتو و لبسات عليها كيطمة ديال دار سخيخنة وهي كتفكر فشنو وقع مع سارة معرفات كدير تعامل خااافت لاتشتت شملها و يأنبها ضميرها ... فتالي قالت منها لمولاها ماشي شغلي ... و هبطات فدروج كتكتب ليه مسج "شكرااا على الخرجة كانت غزالة" ... وخنزرات و مشات لكوزينة هو كان باقي فالمكتب و صلو لمسج جاتو ضحكة ...
[14/10 23:24] بارت: ج332 رتب وراقو فمجر و ناض كيقلب عليها كانت فكوزينة كتخدم لافيسيل و جا موراها عنقها و باسها من عنقها و هي من ريحتو عرفاتو و ضارت بزربة لامار : فيين كنتي ... اسد : غير فالبيرو .. مابغيتش نفيقك ( باسها من جنب شفايفها ) لامار : هادي هي نخرجووو نفطرووو على برااا اسد : حبيبتي مرة اخرى كنواااعدك دابا مشغووول شوووية دفعاتو عليها لامااار : سيييير بعد مني هادي هي الكلللللمة ... اسد : ( شاد ضحكتو ) وصافي راه قتليك مرة اخرى .... لامار عينيها حماارووو و تعمرو بدموع وهو كلس على صال مونجي اسد : يالاه حييببتي ححطيلنا نفطرو ( كيشوف لساعة ) تابعاني للخدمة ... لامار : ( بعصبية ) غااانعيطك خلاااا دار بوووك لامخرجتيييش عليااااا كتتعصب فياااا بالعااااني ملي مشغووول علاش كالس كطمممع فياااا ( سارة داخلا ) سارة : صباااح الخيير ( قاطعهتها تاقفزات ) لامار : سكككتي نت ... مرة اخرى متعاودش طططمعني ملي مشغووول سير و بلا متوااااعدني الى مغااااتوفيش اسد مبررد و مربع يدو ... اسد : القملة تقلقااات لاماار : ماااتقوووليش القملة ( فيديها مغرف) ولا و الله تانشير عليك بهذا اسد: القملة تشررررملااات لامار : اااااسد😠 اسد : حبيييبتي سارة غي كتشوووف ...بحالا مدايرينش ليها اعتبار واش كالسة ناض عندها و حيدليها المغرف من يديها و عض على لسانو كيضربها سقلات خفاف لوجهها ... اسد : غاااتعاودي تهزي يديك غانقطعهوم ... داكوغ ؟؟؟ لامار ضورات راسهاااا ودمعة دغيا هبطات مسحاااتها ... وهو كيعصب فيها و رجع كلس .. اسد : بغيت اومليط بالمورتاديل سارة : ا اناااا نوجدو ليك .. اسد : لا بغيتو من يديها ... لامار: ( بالحس ) والله لاكليتيه بقات كتحط دوك مواعن فلافيسيل و غي كتلتخ هو كالس داير رجل على رجل و اونفاص مع لباب د جردة لي شتاء بدات كتجهاد وريحة ترااااب و سارة كيشدوها جنون مكرهاتش تكون كاااالسة على رجلييييييه كتبوس فشايفووو لي كيعض فيهم تاولاو حووومر .... اسد : ( رجع ضار بالكرسي ) ممم شي ناس باااقين بااغين لي كريييب لامار غي كترمش و رجع ناض عنها عنقها من لور و سارة مقداتش تشوف وهضر فعنقها اسد : بشوكوولااا هم ؟ و لفريز ياك ... ولا توت ! ضارت عندو بزربة كتسرط فريقها لامار : بغييتهم بشووونتييي و لبنان و صوص كراميل اسد : ( كيدوز لسانو على شفايفووو و سارة كتفرك فيديها ) يالاه طلعي بدلي حوايجك ... ندوزو صباح اونسومبل ( باسها فخدها وهي لمعووو عينييييهااا ) لامار : وعلااااش كنتي كتتتعصب فيااا اسد : ويلا معصبتكش نتي شكون نعصصب ... لامار : شووووف دوز معايا وقت بزااااف راه كاع وقتك كدوزو فالخدمة مشحال هاذا ماعطتني انا وقت ... اسد : صااافي غي طلقيناا ( مشات ) لبببسي مزيان لبرد.... خرجات و خرج تاهو لصالون كيشوف فتيلي و سارة كتجنن فكوزينة ولات زرررقة بالاعصااااااب سارة : مداروووليش تاااا قيمة واقفة حداااهم تفوووو على صبااااااح ... علاااش يخليوني بوووحدي انا ماعلياش الله و لا نسااااا اسد شكون انا .... لامار طلعات لبيت كتقلب شنو تلبس ..جبدات سروال كرونة و كبببيط رقيق بالعنق تاهو كرونة مخدوم بصوف و دارت كاااب بلا يدين فالكحل حيت هادو اوانها المفضلين فشتااا ... و لبسات ليبوط فوق سروال كحل بلا .. و دازت لمرايااا فرحاااانة غادوز هي وياااه صباااح دارت ماااسكرااا و ايلاينر رقيق و طويل زاد جبد عينيها مع لي لونتي جا من داكشي و دارت غي فاغاجو يلاه تفكرات العكر عرفاتو مغايبغيش و مدارتش و لوات شعرها من تحت بزربة بالبابيليز و خلاتو مطلوق مع كاشكوول كحل ... وهزات تا كاشكول ديالووو و صاكها و هبطاااات بحماس كان باقي كالس فصالون و طلعها و هبطها يالاه بغا يهضر و هي تسد الكاااب باااش مايقولهاش بدلي ... حيت طويل شوية عاد سكت و جات دارتليه كاشكوولو تاهو ... و الفرحة فعينيها لامار : تووووحشت الخرجة مع راااااجلي كيف شحال هادي سارة : اا .. غاتخرجووو ... وماو بالايجاب ... سارة : واش نقدر نمشي معاكم .. غانقط بوحدي .... لامار شافت عند اسد.. اسد : مرة اخرى اسارة ... جر لامار و خرجووو وهي قربات تجيها الجلطة .....
[14/10 23:24] بارت: ج333 خرجات لامار و اسد وهي شادة فيدو يالاه غايمشيو طموبيل هوما يشوفو اسبرو جاي ... لامار : هااا اسبرووو ( مشات بجهتو و اسد تبعها ) ... اسبرو : ياااكما تعطلت سمحوليا راه طريق طويلة و بسيف باش لقيت المركوب حق جغيمة د الحليب لي عاد شربت اسد : كيدرتي ليه ؟ ... للمركوب ؟ اسبرو : اا واحد سيد صاااحبي وصلني ...( كايتهرب بعينيه ) اسد : مم .. مهم .. بقاها هنايا ويلا طرات شي حاجة عيط ليا غايعطيك العساس الرقم اانجي و نقولك اش غادير داكوغ؟ اسبرو : ااا و وااخا اسيييدي ... ابتسمات لامار حيت خدمو ومحشمهاش معاه ومشات ركبات حداه فطموبيل و انطلقو ... يونس وصل لشركة و دخل لمكتب المخصص ليه بصفتو مهندس الخاص بالشركة .. و كلس فرحان بخدمتو جديدة وملي غايوقف على رجليه بدون مساعدة.. بدا فالخدمة حتا كدخل عندو الكاتبة ... الكاتبة : موسيو يونس ... المادموزيل بغاتك يونس بقا كيشوف شكون هادي .. حتا تفكر راه بنت المدير يمكن ...و اشار للكاتبة بلي غايجي ... يونس : اش بغات هادي ؟؟؟ ياكما غاتعاود معايا المقابلة ؟... نااض كان محيد لفيست لابس غي شوميز كري مزير و كرافاط وسروال كحل وشعرو رادو لجنب على عادتو و ملامحو مهدنين ... تاوصل لمكتب المدير و دق .. وسمع صوت انثوي صغير كيقوليه يدخل ... دخل وهو كيشوووف باستغرااب كانت كاالسة و مسرحا رجليها ..رجل فوق رجل من فوق لبيرووو و شادة فيديها المبرض ديال الضفرين كتصايب ضفرانها و شعرها زعععر كيف شي مونيكة مطلوق على كتافها و للقصيصة مقطيا جبهتها واصلة لعينيها كيووووت و لابسة تجين كاع مقطع على ركابي و بودي كحل بسيور من العنق كتبان فتحة دصدر ... شافها بقا غي كيرمش ... اش هاد نوع د المديرة غاتكون عندو ؟ .... واش هادي لي غايتسير هاد الشركة وهي باقا مامسيرا تاراسها وكتبان باقا صغيرة .... عينيها على ضفرانهااا كتسوط عليهم - غاتبقا واقف كتبحلق ... كلس يونس محملش هضرتها معاه حيت مكيحملش لي قلل منو هاكا ...و كلس ... وهي تجمع رجليها و كلسات كتشوف فضفرانها واش مقادين وهو الاعصاب كايطلعو معاه بحالا مادايراش ليه اعتبار ... فديبوو مضلم عامر بكراطن مربوط واحد السيد و شادين ليه فمو بثوب وواقف عند راسو جوج رجال بسلاحهم ... تاكتفتح لباااب بصخبهااا و دخل منها عدنان كيشوف ديريييكت عندو وداك الراجل قرب يحطهم فسروالو حيت معارفش اش واقع وغي شوفة فعدنان وتخنزيرتو وشعرو طويل لي مشدود لوور و دراعوو العراااض كيخلع بنادم ... وواحد من رجالو عطاه سلاح ليديه وشدو ومشا جر كرسي وكلس عليه بالمقلوب مقابل مع المخطوف .. و كيلعب بسلاحو
[14/10 23:24] بارت: ج334 عدنان : شرفتيينا ... سمحلينا على شناعة للاستبقال ... ولاكن هكا كنتستقبلوو ضيوفنا ... كييحس بيه كيتاعفر يهضر و نتر ليه ثوووب - السيد كيتنفس : شكووون نتااا اش بغييييتووو عندي طلقوووني عدنان : تو تو تو .... ماشي بهاد السهووولة موسيو ( شاف عند الحارس قاليه ) اااه موسيوو العالامي ... العالامي : فين كتعرفني و اش بغيتووو مني طلقوووني راه عندي وليداااتي و عائلتي ... عدنان : مسخينااااش بيك .. فريسطو د للاوطيل على لبحر ... حطو للامار داكشي لي بغات كريب بجيميع الانواع ديال لي صوص و لي كخيم و اسد اكتفى بقهوى ... و كيتفرج فيها كالس على لكرسي و حاط يدو على وجهو كيشوف فيها وهي دخلات فدوك طباااسل عمية كتاكل و تصدر اصوات كيضحكو وهو مرة مرة يمسح ليها الشكلاط لي كايسيح من فهما اسد : غي بشوية راه مغايهربش ... لامار : ( كتهضر و فمها عامر ) للذيييييذ اسد : ( بهدوء ) بحااالك ... بقا كيتأملها نهار على نهار كيزيد يعشق فحراكتهاااا الطفولية و عينيها و كيتخيل كيفاش تكون الحياة بلا بيها مكيقدش يتخيلها .... سلات طباسلها وطلبات وحيدين اخرين بقا غي معجب فيها حيت مكانتش كتحملووو ... تاااشبعات عاد رفعات راسها لامار : ونتااا مغاتفطرش اسد : كهمتيني انا ... لامار : ههه باركا زدتي فيه بحالا معرفت شحال كليت اسد كايشوف لطباسل لي فوق طبلة و معلي حاجبو باستغراب اسد : مالك هاد نهار مع لي كخيب ؟ لامار : جاوني على الكانة وصافي ... واحد طبلة كانو كالسين فيها بنات كيشوفو فأسد - لبنااااات شوفو هداك ماشي روكاان؟؟؟؟؟ والله تاهو - قبييييلة شبهتووووو و قلت يمكن غالطة - لا هووو هانتي المرا لي دارو تزوج بيها شفتها فالفايس راها كالسة حداه - مكنضنش يمكن غي اشااعة .. را يمكن كان كايصور شي دعاية زعماا تزووج بصح - اولي العرس كان حقييقي - انا والله مانتيق بداكشي ديوتيب ... ويلي ويلي على حطة ضارب - كيجيب ليااا تمام عرفتو كان دوزوه فواحد اللانترفيو كيهضر و عندو نياااب ااااح شنيفاتو غي دلبوسان - ماعرفتش لبنات فين كايطحو على تيتيز .. علاش مايشوفش لينا زعماااا زهرنا غافلقماقم - اجي ياك حنا معحبات نمشيو نطلبو منو توقيع ؟ نشوةفووو غي عينيه - اويلي تخافي يقمعنا - لا لاا الضراافااات باينة فيه متواضع .. انا غانمشي لابغيتو تبعوني تبعوني - ويلا كان ماشي هو - وانقرب عندو ويبان ... مشات داك لبنت الطويييلة وصلات لطبلتهم وهو كان كيشوف فتيلي و لامار كتشوف فالبحر و الشتا من زاج تاكتشوف ديك بنت وقفات حدا الطبلة و كطل على اسد بغا تهضر و عنيها كلهم اعجاب و لامار مطلعة فيه حاجبها وهو مزال مرد ليها لبال وهي كطل عليه وتأكد منو لامار : كووووليه ...كووليه نت حسسسن ... ديك لبنت شافت فلامار و اسد علا عينيه ... لامار : ( مداات ليها لفورشيط ) شدي هاك ودوزي بالعصير ....
[14/10 23:25] بارت: ج335 ديك لبنت شافت عند لامار و اسد غي كيشوف مفاهم والو ... - باغدون ؟ - مامباغدونياااش ... غاتجمي عنيك ولا غانباغدوني ختي مع هاد طبلة و ندير بيك ميسة😠 - ( شافت فيهاا و رجعات شافت فأسد ) سممحليا انا غي معجبة بييك من زماان و الله و فوقتاش ما خرجات شي مارك جديدة كنمشي انا لولا ناخد منها ..و متبعة ااخبااارك كولها واش نقدر ناخد صورة معااااك تدكااارية ( لاماار كتزييييد تجهل فاش كتشوفو مبتسم ليها حيت طبعو متيقمعش ناس وهي باغاه يجيري عليها ) اسد : اكيد .. مرحبا ... البنت : وااو شكراااا ( بتوتر جبدات تيليفون و لامارررر تزيرااااات و لوخرا شدات تيليفون وشافت عند لامار ) ممكن تصورينا لامار وقفات ضربات ليها يديها و مشات بجيهة الحمام وهو عرفها تقلقات ... لامار دخلات مقننندشة لحمام ولات كتفوووور كتشوف فالمرايا ... لامار : محسااابتنيش دابا طوووم كروز ... مععجبة قااالك لي نت سيري كوييييه يااااك اسي اسد مداايرليش اعتبااار و عاجبك الحال مع داك طورنووفيس ... لا همة لا طرمة .. تفوو و ... غسلات يديها و كلسات على لاشاس يالله اتهبط حوايجها وهي تشوف واحد الولد داااخل وهي تخططططف كتبلع بوطونة د سروااالها .... الولد غي شافها تصدم لامار : ااااش كديييير نتا هنا فطواااليت د بناااااااات عند عدنان ... عدنان : واش انا غانبقا نعاود فنفس الهضرة و لا شنو ؟؟؟؟ العالامي : راااه ميمكنش راااه حاط رزقي كااامل تماااا عدنان : انا ماشي سراااق ... رزقك نردولك و مضوبل لابغيتي ... غي عطني الاسهم ديالك ... و مايخصك خير العالامي : وملي عندك هاد فلوس كاااملة شري اسهم لي راه حاطهم للبيع دالشركة الجديدة راه يلاه طلقها ويلاه معاه شريك واحد ... عدنان : ( كيدوز يدو على جبهتوو كيبرد فراسو ماكيحملش لي يدي ويجيب معاه فالهضرة ورجع شاف فيه ) بغيييت ديااولك ... ياك عندك اكبر نسبة ؟؟؟؟ اوا انا هي لي بغيت ... و فلوسك نردهوم ليك... العالامي : ولاكن هو رااه مغايبغيش نبيع بلا اذنووو ... عدنان : مسألة شهورة قلال و رجع لبلاصتك كأن شيء لم يكن...وتاحد مغايسيق لخبار ... ياك هو مكانش كيتعامل معاك شخصيا .....اذن باش غايعرفك ..نتا و لا أنا ...؟ هم !!! عالامي : ولاكن راه لادرتي شي مشكل راااه غانتسما انا و نا منقدش نتصااادع نعااه ... منقدش عليه اسيدي عندنان رجع شد سلاح و دارو فراسو مزير على سنانو عدنان : المشكككل غايكووون الى بقيتي كتتتعكككس معايااا ... وغااانوريك صداااعي كيداير .. شكل اخوووووور ... عالامي : ( كيشوف لسلاح ) ص صااافي صااافي ... ا ااا انا م موااافق صااافي غي بعدوووو راه مكنحملش سلاح .... بقا كيشوف معاه و ضربو ضربة خفيغة لراس ... عدنان : من صبببح ماشي تاامشحفنااا.... ناض لاح سلاح .... عدنان : طلقو يديه و عطيوه لوراق يوقع و ساليو عليا هادشي .... عند لامار ... لامار : تفوووووو وااااشمقاااريش ولا مااالك مااقريتيش الى طواليت د لبناات ... - و اا ولاكن ( كيقرب و هي بعدات و هزات بابي جينيك ) لامار : بعععععددد لهييييه ولا و الله حتا نهرس ليك راااااسك بهذااا ( داك سيد كيشوف لكاغيط كيفاش غاتهرس ليه راسو بيه ) كترتوووووو اتريكة المكااابيت ... تفوووو نتا راه خاااصك ترباااا على قلة طراااامي جااي لاوطيل مححترم وهاجم على طواليت د لعيالات ... تفو كتافك كي سوميلة د البوووط و باقي فيك خصايل طواليطات اوجه لاشااااس ... تريكة بابي جنيك ... غاااتخرج منهنا ولا غااانخشيك فهاااد تقبة و المرا لي كلسااات تسمح ليهاااا ... نيت وجهك غادمسيح ترامي ... براااا - سكتيييينااا راك فاااهمة غلااااط - اااش غانفهم اااش غانفهم داااخل عليا لطواااليت مسسسلت اش غاتكون باااغي دير هنا مثلاااا بلووومبي ؟؟؟ داخل تسرح القوااادس ؟؟؟؟ تصلي العشا ؟؟ داااخل دير الصفاا و المروى مثلا راااه طواليت هذا ماشي منى
[14/10 23:25] بارت: ً ج336 عند يونس ... يونس : واخا نعرف علاش عيطتي عليا امدموزيل ؟؟؟ - امم ...قاليا بابا نتا جديد هنا ؟؟؟ ويلاه غاتبدااا ليوووم يونس : وي فغي .. - ( رجعات بكرسي لور : يااااي التسلية لقيت باش ندوز الوقت ) مزيااان .. يلاه نووووض ... دوووك ضواسا لي لهيه ( شاف فيهم يونس كااانووو بزاف مرتبين فواحد مكتبة ) حيددددهمممم كاملين و مسحهم لاكانت عليهم شي غبرة .. و عاود ردهم ... عندي حساسية من الغبرة .... يونس بقا كيرمش يونس : انا راه مهندس ... ماشي عامل النظافة الالة ... وموظف ماشي سطاجير - شنووو دابا ؟؟؟؟ كترفض اواميري ؟؟؟؟؟ كدخل فخدمتي ؟؟؟؟؟ يونس : لا حاشاا ... ولاكن انا هادشي ماشي خدمتي - وليووووم غاتولي خددمتك ( ربعات يديها فوق لمكتب ) يالاه بداااا ... يووونس تننننهد حيت مايقدرش يخسر هاد الخخخدمة لي هو محتاج ليها اذن ماعليه غي بالصبر و ناااض فسخ بوطون د شوميز على كمامو و طلعوووم كون مكانتش المديرة كان غايشنقها بيدووو وهي كتشوف فيه و تبببتسم مستمتعة.. و جبدات كتسكد ضفرانها ويلا نسا شي ضوووسي كتوريه لييه تاكيخنزرر فيها و تسكت .... لامااار داك سيد ماخلا كيدار يبلاصي معاها غي كلمة وحدة والووو بحالا خدامة بالحجر تاكيدخل اسد كايشوف فيها ويشوف فالسيد و من منظرهم وااااضح ان لامار لي هاجما لاخور مخلوع اسد : اش واقع ؟؟؟؟ لامار : اااسد .. ( مشات عندو) دخخخل عندي لطواااليط وااش كتخلي بحال هاد الاشكاال فالاوطييييل دياالك ها ؟؟؟ راااه خصووو لي يجبد ليييه دنيه على هاد الفعايل تفووو كترووو داك السيد غي داير راسو فالارض و اسد جرهااا كارز على سناانو لامار : شنوووو مااااتقوليه وااالو لهاااد درجة مفيك نفس على مرااااتك ... خرجها من المراحيض ونترها من يدو و قفاتو اسد : وااااش باغا تحمقي ديلمي مصاااايبك باقين تابعيني ؟؟؟؟ لامار :وراااا كنقوووليك دخخخخل علياااا اسد ددددخل علياااااا اسد ضورها بجهد يديه على كتافها كارز عليها وشير ليها لشنو مكتوب فوق طواليت اسد : راااك نت لي دااااخلاااا علييه لامار كاتشوف عاد فهمات لبلان و ضارت عندو عينيها معمرين بدموع... لامار : ااانا لي دخلت عندو ؟؟؟ يددددخل فياااا رموك انشااااءالله على صكوووووعيتي راجل وجهو ولا كي بولة الصباااااح بالخلعة... اسد : زييييدي قدااامي جرها من يديها بجهد و هي كتحبد معاه لامار : واااااطلقني طلق رااااه كنعرررف نتمشى وااا نتااااا سبااااب تادخلت بلا مانقراااا نتااااا سباااااب ... تفووووو علاش عاطي لداك تورنوووفيس ووووقت كالسا كتراطا عليك تمااا كي حلوة لعب وكول فاش كتجبدها... تفووووو ونتا عاااحبك الحااااال نتااا هو مااايكل جاكسووون ... واااطلق بنااااادم طلق ... شافتووو والو مطلقش ...اصلا مكيشوفش لشفايفها ...وهوما خارطين غايقطعو طريق .. طريق يمشيو لطموبيل وهي تفلت من يدو وكلسااات لارض مربعة رجليهااا وسسسط طريق و كاااتتبكي ببببجهد كاع لي دايزين كيشوفو هو مالقا فين يحط وجهوو و علا الكاشكووول خبااا بيه وجهوو باش مايعرفووو حد تحشيييييمة لامار : يااااك اسد يااااك ... مقاااادة و لاباسة باش ندوزو صباااح زوين يااااك .... ززززهري و ناعااارفاه ديما مكوز و معمرو عطاني السن لبيض من نهااار تزااااديت وهجم جرااااد ... ( كضرب فوجهها ) الله ياااااخد فيك الحق بنااااقس من خرجة معااااك بقات هاكاك كتهرننن وهو كييييشعععل ملي كيشوف ناس كيشوووفوووو واحد لبوليسي د المرووور جا لعندهم .. الشرطي : واقع هنا شي مشكل ؟؟؟ مالك الالة لاماار طلعات راسها شافت فيه و شافت فأسد و رجعااااات طلقات الحلووووق لامار : بغاااا يغتصاااابنني اشااااااف😣😣😣 ... شدوووه را بغاااا يغتصاااابني 😢 اسد وسع عينيه و ضااار كيدوز يدو على لحيتوووو شي عقل كايقولو هزها لتخها مع الارض هي وداك لبوليسي ... الشرطي : كييفاش ؟؟؟ هادااا حمااااار هذااا لي ( اسد ضار عندو محيد الكاشكول شافو هو يسرط ريقو ) ه هدااااا حماااار لي مخلي شغلوووو و جاي عندك الالة نشد واااحد حناااا اصلا كنحرسوه ... انا لي حمااار ( كيشوف فاسد باسف ) اناااا لي حمار حشاكم اسيدي ... س سمممحلي اسيدي ... محسابتنيش معاك .... ومشا كيزرب قبل لايخلطو لامار : اا .. ا اااجي ..وتاااااا ااااجي ياااودي يا الامن ياااااااودي ( شافت عند اسد لي ولا حمممممممر و بدات تبلع فريقها ) ا نن نتا عاااارفني هبيلة يااااك 😟
[14/10 23:27] بارت: ج337
أسد علاها من دراعها تاكان غايقرطو و كارز على سنانو بالمعقووول و جرها لطموبيل هي فهاد الحالة مكان عليها غي تقطع الحس و ماشيا كدعي مايدير ليها والو ولاحها فطموبيل و ركب تاهو و ززاد كسيرا منييير و هي دارت حزام سلامة و بقات شادة على قلبها وهو كيزعف ويشوف عنها و عند طريق ووجهو حمر و اخر مرة غوت عليها بهاد طريقة كانت فاش فاش خبات عليه امر عزيز .... اسد : صااافي تهنيييتي ؟؟؟؟ ماااابغيتيش ديري عقللللك مزااااال ... وااااش غاتبقااااااي هاكاااا طول عمرك برهوووشة و لا شنو ... قلت مع راااسي داك الشهر لي خليتك فيه فالجزيرة غاديري عقلك و تنضجي ... ساعا بااااقااا ... باااقااا كديري ليا خصااايل الحماااااق لي معندهمش تاشوية د العقل ( كيضرب فالفولون ) زعفتي على بنت مدارت ليك والو مااااشي مشكككل دووووزناها لييييك... دخلتي لطواليط رجال و كالسة تغوووتي بوجهك حمممر ماااااشي مشكل الغلط كيوقع... تكلسيلي فطريق قداااام البشاااار لي يسوا و لي مايسواش غايولي يحل فمووو عليا منقبلهاااااش الامااااار .... براااا فزززنقة فاش تكووووني معااايا ديري عقققلك ... هذاااا لي معاك ...بنادم كيضربليه الف حساااااب عاد يدوي قدااامو ... متجييييش نتي تطيحي بهيبتي و رجولتي لاررررض قدام الزوااااامل .. ديييري عقققلك رااااك شااارفة زعما ماشيي باقا مرااااهقة ... راااحنا مزوجين الامار نضججججي شووووية .... انا باااغي فجنبي مرااااا نعول عليها ماشي بنت نربييييها .... لامار حدها زيرااات على عينيها كتبكي ولات معصوووورة و هضرتو كاملة كتجرحها هي هذا هو طبعها عفوووية و مكتحكمش فغضبهااا مظانتش ردة فهلو تكون قاسية كاع هاكا .. حسابتها غايكون قابل عليها كيف ماهي مضناتش غايمل منها هاكا .. حيت من لول عارفها كيدايرة و باغاها علاش دابا مل منها ؟ .... ومع كل كلمة كيزيد يجرحها كتر و كتر و غي مكتزيد فالبكا و الشهيق و راسها و لا سخون ... اسد : ( ضرب فالفلون بجهد ) ااااامتى غااااديري عقلك امممتى ؟؟؟؟؟؟ تاتخرجييييه ليا انا .... راااه غانصبر و غااانصبر تاااانلسق دين مك مع سي حيط ... هادشي علاش كتقلبي نوووولينعلي يدي عليك ها ؟؟؟؟؟...فعمري 37 سنننة الامااااار و شيب قرب يبااان فشعري ... ماااشي مراااهق باش نقبليك هادشي ... كندوز صرااااط المستيقيم مع الخدمة نجي نفوووج معاااك ديري هاد الخصايل ؟؟؟؟ فدااار مقلناش .... مااامنعناااكش ... تصصصصرفي كيف بغييييتي ولاكن براااا مع ناااس كبرييي بيااااا الامااااااار نحس قدااامي مرااااا ... بنت بعقلهااااا .. بقا غي كينهج وهو صايك وهي دارت راسها على زاج و بدات تشهق تاوصلووو لدااار و فرااناااا تاتسمع صوووت ونزلات كتجري و هو كسيرا مشااا شاعل كارو ... اسبرو شافهاااا و تبعها بالكرسي متحرك فجردة وهي داخلا كنجري عيا مايعيطعليها ماسمعاتوش بقا غي كيشوف من زاج ... و سارة خرجات من كوزينة تشوووف وهي دوز حداها بجال ريح و طلعات كتجري فدروووج لبيتها و سارة بقات كتشوووف سارة : مال هادي ،؟؟؟؟ ااااح دنووووبي هاااذووو الالة لاماااار باش مرررة اخرى تعلمي تقلي ليااا السم باينا غايكون بهدلها فشي قنت اااي خسااارة مكنتش حاضرة نتفررررج .... ودااابا عاااااد غااايحلا عليا داك العصيييير .... اسبرووو شافها من زاج غي كتشفااا و ضحك ماعجبوووش الحااال و خاطرو مشوشة من جيهة لامار .... ضرو خاطرو عليها فاش شافها كتبكي ... عند يونس ... سلا داكشي و بدا ينفض يدو من الغبرة و شاف عنها مخنزر يونس : وهاهوما ترتبو ... دابا لاكان ممكن خصني نرجع للمكتب ... بزاف ماعندي نقضي - ( باقا كتبرض فظفرانها و مامسوقاش ) بحاالاش ... ( يونس غي ساااكت كيستغغغفر الله وهي طلع فيه عينيها العسلين ) ررراه سولت من كقي نعرف اش باغي دير ... يونس : راني هنا خدام .. ماشي سائح امادموزيل ... دونك بزاف مايدااار - ممممممثلا - ( بالحس ) نوض نهرس لمك داك الراس ..
[14/10 23:27] بارت: ج338
يونس : خصني نخدم على لمشروع جديد ا انسة و باباك كلفني نسق ليه مع الممول الجديد ... صافي ؟ يمكني نمشي دابا - (حطات داكشي و تقادات فالكلسة كتخضر و تعوج ففمها ) ومالك كتقولها بزعفة بحالا انا كنت رابطاك بسناااسل ... سير شكون حيد ليك ... يونس تيهدن و كيصبر فراسو و جا ماشي وهي رجعات رجليها على لمكتب و صفرررات تصفيرة محلونة ووهو وقف شاد عينيه بالاعصاب - قوليهم بجيبو ليا قهوة .... بلا منعدبك تجيبها ليا بيديك .... يونس شاف لسماا و رجع خرج لتخ لباب تاتخطفات على لكرسي - هرررسو حسن ... ( بدات تبتسم ) اااح دمووووو حااامي هههههه يونس قالها لكاتبة و مشا لمكتب ديالو كلس و بقا شاد على لحيتو يونس : مريضة هادي ولا مالها ؟؟؟؟ اشطون كيحسابتها راسها ( ضرب واحد ستلووو ) ... صافي انا هي لي كانت خاصني اسد وصل حدا الشركة و باركا طموبيل و بقا شحاال كالس فيها و الحارس كيتسناه يبغي ينزل باش يفتح ليه لباب ... كيعاود الفيلم قدام عينيه حس براااسو زااد فيه معاها وفرغ فيها كاع اعصااابو ... بحال كانت خاصاه غي داك القطرة ويفيض كاسو ... و كيقول مع راسو ماعليش بحرااا تربا و توعا شوية ... حس بهاد حركات وتصرفاتها لي مكتفكرش فيهم ديما غايبقاو زبايل و مصايب تابعينها فين مامشات وهو باغيها توعا تنضج .. وخا بغاها بعفويتهااا ولاكن مع ناس كيبغيها تكون بشخصيتها و ثقيلة ورزينة ... مسح على راسو و رجع شعرو لور و هز لمونطو ديالو فيدو والحارس فتح ليه لباب و نزل تاجه لباب بعد تحية الحراس ... وزاد بهيبتو المعتادة و الكاتبة تلاقاتو كتعطيه الاجوندا دليوم ... و تاجه لمكتب كلس كيراجع شنو عندو ... لقاءات و اجتماع الشركاء على قبل هاد القضية د الباطوات لي كيغرقو بغا يحقق فيها مزيان مع موظفيه و شركائو عاد يدوز لبراني .... سد الاجوندا و تكا بالكرسي كيضور بيه وخاشي صبعو صغير ففمو كيفكر شكون ممكن يكون ... و يضغط على راسو يتفكر شكون ممكن يكون عدو ليه تاكيحس بطنين قوووووية فودنييييه حاول يصبر ليه شاد على عينيه مي ماااقدش و نااااض شااااد على ودنييييييه ودوووخة فييييه وصوووووت قوي كيقلب ليه رااااسوووووو و طاح على لكرسي كيتتتنفس و طنين كيهدا شوية بشوية .....
[14/10 23:28] بارت: ج339
#عند_عدنان ...
خرج من دوش لاوي عليه غي فوطة و عضلاتو مستفين سمرين و وشم العقرب كبييير فصدرو على ليسر ... و فوطة كينشف بيها شعرو و دار ليه بانضة يلاه غايفتح بلاكار يلبس هو يسمع دقان ومشا لباب فتحها ولقا فهد متكي على جنب لباب فهد : بصحة .. عدنان : هذا نتا ... دخل .. زاد عدنان للبيت وفهد تسناه فصالون تالبس و خرج عندو ... فهد : صونيت عليك بزاف نفطرو بجوج ومكتجاوبش ... قلت غي تكون مشيتي تاني وسييير فوقاش نشوفوك عدنان : ( تكا على لفوطوي ) ههههه لا ... غي كون هاني .. منهنا لفوق ماعندي فين نمشي ( كيشوف فمنحى اخور وعينيه فيهم شرارة طبيرة ) اانا هنا غانبقا .... حتا يتخلصووو لحسابات كاملين .. فهد : ؟؟؟؟ اش كقصد... واقعة شي حاجة اعدنان ؟ عدنان : والو ... قوليا كاين شي جديد ... فهد : اكيد كاين ... هاد نهار غانشووف سي رووووكان مرة اخرى ... كيهدا شوية الغليل لي عندي ملي كنشوف فعينيه مباشرة .... عدنان : نتا مابانليش عدو ... جيتني معجب .. فهد : ههههه انا ماشي معجب .. و ماشي تا عدو ... انا حظو لخااايب ... ( ضحكة شريرة ) عارف راسي ماغانقد ندير تاشي حاجة ندمرو بيها ... مي باركا عليه غي الشوفة فوجهي و يتفكر نهار كانت مرتو مهايا واحد نهار ... هذا كافي يدمرو ... كنحسو مامستحملش يشوف خليقتي ... هادشي لي انا باغي ... لامار غي دخلات جمعات رجليها على لكانابي و عطاتها لبكااا ولات فااااازكة بدموع وهي كتفكر هضرتو كاع متوقاعتها منو ابدا... تاسمعات تيليفونها كايصوني شافت عندو لقاتها ماماها مابغاتش تجاوبها فهاد حالة و طفات تليفيون و تكات كتفكر فهضرتو حرف بحرف وتزيد تعصررر معاهاا تا شوية ناااضت بلا شعووور كتتتهرس كاع اش على لكوافوووز وتغووووت بصوت مبحبح بالبكا لامار : ممملي نتاااا مقابلش عليا و كنحشم بك لاش طاااالبني لززوااااج نتااا كاع ... علاش باااغي تعيش مع برهووووشة علاااااااش ( سارة سمعات تهراس و طلعات كتجري و اسبرو كايسمع من جردة غوات جاي من سرجمها ووقف بلا شعووور كيتصنت وماعرف اش طاري و مايمكنش ليه تايدخل ... وسارة حطات ودنيها على لباب ) لامار بقات غي كتهرس تاتجرحات يديها بزااج دقرعة دريحة وكلسات لارض كتشوف فدم كيقطر و تبكي لامار : اناااا كاع مضحكت عليك .... منلول عارفني كيدايرة ماشي مثلت عليك شخصة اخرى .... منلوووول مااااتربطنيش بيك .... ماشي تهزني من عالمي لعاالمك باش تستهزأ بياااا .... اااه انا برهووووشة ومن لووول راك عاااااارفها ... ماشي تاليووووم .... صااافي نتا دغيا مليتي صااافي ....( بدات تبكي بحرقة حتا كتحس بمغص فكرشششها وجمعات نفسسها شادة على كرشهااا كتنفس و اسد تاهو كيتننفس شااااد على ودنيه وهي على كرشهااا )
[14/10 23:28] بارت: ج340
سارة كتسمعها و تبتسم تابقات كتسمع غي بكاهااا و هبطات فدروج كتفكر سارة : دابا غايكون قال عليها برهوشة ؟؟؟؟؟ نيت غاتكون حشماتو مع شي حد لسانها ديما قاطع ... مممم اذن هاكا ... سااارة نت راه خاااصك تبيني ليه مولات العقل لي ضيع من يدو و بدلها ببروووهشة ..... هادي هي فرررصتك ...( باقا كتفكر وهي تشوف فحردة من زاج اسبرو واقف متتوتر كيشوف للفووق وحلات فمها على عرضووو ) سارة : اش هادشي كنشوف !!!!!!!... هبطات كتجري و خرجات عندو هو شافها ومحسش براسو حيت بالو مع لامار سارة : نتا واقف ؟؟؟؟؟ اسبرو عاد رد لبال بقا غي كيرررمش عرف راسو زبلها بالبياااان بقا غي ساكت وسرط ريقو ( مع راسو : منين خرجااااتلي هادي تاني ) سارة : من لووو اناراه كنت عاااارفها .... حاهنا غانشوووفووو اش غادير ملي يسيق اسد لخباار بلي نتاااا غي كضحك علييييهم اسبرو رجع كلس على لكرشي ديالو ودار فيها نظرة شريرة ... اسبرو : اذاك نصف دائرة ... واش حماقتي ؟ كيفاش لواحد مشلل يمكن ليه يوقف ؟ كنعرف واحد محل كيبع نظيظرات من داكشي البياس الحي .. تقدي تحتاجيهم سارة قربات عندو : نتا عارف و انا عرفا اذن بلا متمثل حدايا وتلعب بأعصابي اسبرو : اومنبعد ؟؟؟ سارة : قلب على اش غاتقول ليهم فاش يعرفوها ... اسبرو : ( حيد ليها شعرها على عينيها ) بنتيليا اختيتوو نتي لي غاتقلبي اش تقوليلهم فاش يكدبوك ... ( غمزها وزاد بالكرسي لباب برا ) سارة : ( مخنزرة ) حمااار لاخور مكيسواااااش .. هااحنا غانشوووفووو ... الى مفضحكككتكش انااا ماشي سااارة عند اسد .. الكاتبة : سيدي الاجتماع واجد .. وما ليها اسد وناض خاشي واحد اليد فجيب و متجه لقاعة الاجتماعات و دخل وهوما يوقفوو و كلس فالكرسي ديالو عاد كلسو إلا فهد على عادتوو غي كالس ببرود كاع ماوقف ... و اسد كيضور عينيه عليهم واش كلشي حااضر .. وشاف واحد كرسي خاوي ... اسد : صباح الخير الكل : صباح نور اسد : شكون مزال ناقص ؟ كلشي شافو لداك لكرسي لي هو اونفاس مع اسد .. الكاتبة : موسيو العالامي اسيدي ... بما أنك هاد مرة طلبتي كاع شركائك يجيو .. تاهو رسلنا ليه ووجدنا ليه الكرسي ... وفرحان بزاف حيت غايتشرف بلقايك لاول مرة اسد : (شاف لساعة ) لا من روطار واااضح انو طايير بالفرحة ... فهد : اوا باش تعرف بلي ماشي كلشي متحمس يشووفك موسيووو الاسماعيلي ... أسد : المهم هو نتا بنتلي محمس تشوفني ... و جاي قبل مني كاع .. بغافو راك غادي مزيان ... فهد غي خنزززر معرف باش يجابو .. اسد : نبداو ؟ ولي دار روطار مرة اخرى ومنضبطش يتحمل مسؤولتو .. ( شاف عند كاتبة ) عطيني ليزاغشيف يلاه غاتجيبهم وهوما يسمعو لباب تفتح و كولشي تلفت غي اسد لي ميمكنش ليه يسمعها ...عينيه باقين على ضوتسا ... كيطلعوه ويهبطوه بطلة انيقة كوستار مارون و شعرو رابطو لورر و نظاظر د الشمس يالاه حيدهم و باقين فيدو ... - ياكما تعطلت .... فهد : ( بصدمة ) عدنااااان ؟؟؟؟؟؟؟
[14/10 23:28] بارت: ج341
اسد شاف عندهم كلهم كيشوفو للباب و طلع عينيه معاه بشوفة باردة ... و عدنان واقف كيشوف فيه و عينه كيتغلغلووو ماعرف يكرهوو ولا يتووحشوو ... يعيا يقسح فقلبو كيبقا خوه الصغييير ... لي دابا كيشوفو كالس بهيييبتوو على لكرسي وكولشي قاطع الحس حداه ...بلاصة مايكون مفتخر بشنو لي وصل ليه خوووه وهو مكرهش يدمر ليه كولشي باااش يحس تاهو بالاحساس د عدنان فاش كان صغير و تسلب منو كولشي و عاش بلا ام بلا اب .... وداكرتو سافرت بيه بلا هواه .... أسد : أنااان ؟؟؟ لاش كابكي ( كيمسح ليه بيديه دموع )ضلبك شي حد عدنان : هئ هئ ماااما اسد غووبش من صغروو عنيف ودغيا كاينفعل و مشا كيجري عند ماماه لي كانت فكوزينة وضربها بركلة وهرب عند عدنان وهي محساتش بضربتو كاع حيت رجيلاتو كانو مزال صغار بزاف أسد : ضلبتها ... ماابكيش ( كيمسح ليه و تا اسد بدا يبكي ببراءة ) انااان عدنان : ( كيسمح دموعو ) هممم أسد : انا غانشرب حليب بزاف باش نكبل كاااااد هاكا ( طول يدو ) ونضلب كولشي لي كيضلبوك عدنان : ( باقا فيه شهقة د البكا ) ررراه انا هو الكبير الحمق .. انا لي خصني ندافع عليك ماشي نتا أسد : هاء نشييييت ( خبع فمو كيضحك ) عدنان : ههههه ( بداو كيضحكو ونساه بكاه ) #عودة أسد : احم .. (تقاد فالكلسة ) ياكما باغينا نقربو ليك الكرسي لتما ؟؟؟ .. عدنان كيشوف فيه كيف ولا مغرووور و حاااس براااسووو ... كيزيد يحقد عليه ... اسد : كنضن روطار لي درتي فطريق كافي ... بلا متزيد حتا حدا لباب .. عدنان : ( عصبووو بهضرتووو ولاكن علا برا دار غي ابتسامة ديال غي بشوية عليك ...ومشا للكرسي و جرو و كلس داير رجل على رجل وكيشوف عند اسد نفس العنين عنهم تمااااااما و نفس النظرة الكبريااااء والغموض ) وسع معانا خاطرك اسي روكان ... ( شاف لسعتو ) معطل غي ب 5 دقائق أسد : ( طلعو و هبطو على داك الكلسة لي داير و هضرتوو و بحال هاد انواع مكيرتاحش ليهم ابدا ... ) داك خمسة دقايق كيتقتلو فيها الارواح ويحياو ... عدنان : الله أكبر اش هاد الفال فأول لقاء حشومة .... اسد : غي وريتك اهمية 5 دقايق لي نتا حاكرها ... ( هبط عينو كيكمل الخدمة و يراجع ضواسا واش يشوف شي حاجة ماشي تالهيه ولي دخلو فيها شك كيسول مولاها ...و عدنان غي كيشوف فيه و سنانو كيحكهوووم و كرهو عاد مكيزيييد فاش كيشوفو بهاد شخصية .... و فهد كيحاول يفهم عدنان اش كيدير هنا يلاه بغا يهضر معاه و غمزو يسكت ... عند لامار ... دخلات دوش غسلات وجهها و كتحاول تنسي حريق لي جاها و مشات دارت اولويز خافت ليغيكل تكون غاتجي حيت وقيتها .. و شافت فمرايا عينيها كي تنفخو ... كتزيد تحسر على حالتها ... حسات بجوع و هبطات لتحت لقات سارة كالسة فصالون كانت كتخطط شنو دير باش تفضح اسبرو ... تاكتشوف لامار نازلة و مشات عنها ... سارة : حبيبة ؟ خلعتني عليك ؟ ياك لاباس ؟ ياكما دابز معاك اسد ... لامار ماعندها كانة غي شافت فيها و مشات لكوزينة جبدات كونفيتير وكلسات كتاكل تاكتسمع دقان فباب جردة و ضارت بمعلقة ففمها كان اسبرو و مشات فتحات ليه ... أسبرو : سمحيليا .. غي شفتك كتبكي واش مقلقتك شي حاجة ... لامار غي شافت لارض أسبرو : كانت كتقوليا الوالدة فاش ضرك شي حاجة قولها ... الى خبيتها بزاف عمرها تبرد لامار تنهدات وهزات قرعة ديالها و جراتو بكرسي تالواحد طبيلة فجردة بعيدة شوية .... وربعات رجليخا فوق واحد كرسي و كلسات كتاكل و هو كيتسناها تهضر .... حيت بقات فيه وسارة طلعات لبيتها كتشوف فراسها فالمرايا ... سارة : ودابا ملي مخاصمين و هي فداك الحالة دابا لي غانصايب راسي .. باش يشوف الفرق مزياااااان .... عالله غييفتح عينيه شوية عند اسد احد المدراء : كيف كتشوف الباطويات لي كلفتني بيه راهم وصلوو تحت تأميني و تحت عيني بسلام ... و تا السلعة راها تسلمات و فلوس دخلات لحساب الشركة ... اسد : ملاحظتي تاحجا مؤخرا ؟ مالقا القبطان تامشكل فالرحلة ؟.. - لا اسيدي حمد الله لحد الان مواجهنا تامشكلة .... و الرحلات الجوية حتا هوما عدنان اسد كيهضر وهو كيحاول يفهم لاش كيشوف لشفايف د ناس ... اسد : ( كيراجع ضواسا د شركات لوخرين ) دونك مابالي تامشكل عندكم يمكلكم تفضلو ....بغيت يبقاو غي لي مكلفين بهاد الشركة ... و اي مشكل واجهتوه متعطلو حتا دقيقة و تعلمو بيه ... واضح ؟ وماو ليه و مشاو مدراء شركات لوخرين حيت هوما كاع مالقا عنهم مشكل د غرق الباطويات و تا فهد خرج حيت هو شريكو فشركة اخرى ... و بقاو غي 5 د موظفين و عدنان ... لي أسدد شوفاتتو مزال متفسرو ليه اسد : اذن موسيو عالامي ... ششرفنااا ( رجع لور و ربع يديه ) ... عدنان : لي بالي هو حنا معندنا تاشي دخل ... لي باغي يغرق الباطوات عندو مشكل معاك نتااا ... اما حنا لا تهدمات الشركة مخسارينش قدك نتا .... ( شاف عند موظفين ) ولا لا ؟؟؟؟ أسد : انا راه قتلك شرفنااا بضوسي لي موجد لاجتماع ... نراجعوه ... مزال مطلبت رائك فالمسألة .... متكونتش متحمس بزاف لشفاية ... واخا ؟ ... عدنان : ونتا باش عرفتني كنتشفا ... أسد : الجواب غالقاوه عندك ماشي عندي ... ( مد يدو يعطيه ضوسي ) ...
[14/10 23:29] بارت: ج342
راجع اسد ضوسي و عدنان كيحاول يضبط فراسو حيت من طريقة اسد فالهضرة عرفو دكي يقدر يضبطو فاي وقت .... دونك مابغاش يجبد المضوع باش مايثير الشكوك ... سلا الاجتماع و اسد غادر للمكتب ديالو و خوات لا صال و عدنان بقا كالس كيضرب بصبعانو فطبلة وكيفكر ... شنو يكون عندو أهم من هاد شركة .... باش نقضي على كاع حوايح مهمين فحياتو فخطرة وحدة .... فيييوووو وحدة ورا لوخرااا .... تحس بيها مزيااان اروووكاان ... بغيت يجي نهار لي لقاااك خاسر كولشي و تاحد مامعاك ونفكرك بهدا لي نسيتوووه ....وتحس بيه مزيان نهار تسلب منو كولشي ... رجع ناض ماشي تاكان غايفتح سانسور و طل بعينو بانليه كالس فالمكتب كيشوف فتيليفون و وقف تنهد ورجع الشر لعينيه و مشا بجيهتو ... عند أسد .. أسد : سيفطلي دابا رقم دالولد لي بحثتو عليه لبارح.. بعد ثواني وصلو المسج و ضار بالكرسي لجيهة زاج لي كيطل على برا كيدوز الاتصال ... وعدنان دق فالباب كيتسنا منو اذن ...مجاوبوش حيت عاطي بظهرو فلخر دخل ... عند لامار ... لامار : سككت مداااافعش عليه قدامي و لاراك غاتخسر معايا اسبرو : ومالك كطيري غاصبري نكمل( قاطعو تيليفون ) صبري صبري ... معرفت كيوقع هاد مشقوف صونا ملي شريتو ماكيصوني فيه غامول اكرا ... آلو ( وسع عينيه وحلات ليه الهضرة و لامار كتسولو بعينيها شكون ) اا .. سي ر روكان ( لامار حيداتليه تيليفووون بغات تقطع و اسبرو كيخطفو ليها من يديها وبعد بالكرسي ديالو ) و وي سيدي اسد : واقع شي حاجة .. ؟ اسبرو : ل لاا .. لا تاحاجا كولشي فأمان الله ... اسد : لامار فدار اسبرو : ا ااه اسيدي هي فداار ( كيشوف فلامار لي كتهرب بعينيها لي بغاو يبكيو ) و و واش ندوزهالك اسيدي ( لامار خنززرات فيه ) اسد : لا... اسبرو : اا و واخا اسيدي .... اسد : أشكادير اسبرو : كنهضر معاكم اسيدي اسد : لااامار ... اسبرو : اااه ل لامار ؟ ك كتاااكل كوفيتير كارموس اسيدي بمعيلقة صغيرة فجردة اسد : مزيان رد ليها لبال .. ( قطع ) عدنان بقا واقف و اسد باقي عاطي بضهرو و شافو مد يدو لواحد كادر " صورة " كان على لمكتب موراه بقا كيشوف فيها و باسها .... و رجع ضار حطو ... هو يلمح عدنان ... لي مافهم والو بلاصة مايحط تيليفون فودنو كيشوف فيه ؟ .......وتاصوت ماكيتسمع ...وماسمعوش فاش دخل اسد : ؟؟؟ اشكادير هنا عدنان : ( قرب كلس ) دقيت بزاف ... معطتنيش اذن و قررت ندخل ... اسد : ياك لاباس ... عدنان شاف للكادر و دور لسانو على شفايفو ... و أسد مراقبوو .... عند لامار ... لامار : اش قال ... اسبرو : وسوووقك ؟؟؟ ياك من قبيلة كالسة شد ليا نقطع ليك مابلاصيت معاك تاكلمة .... دابا بوجهك حمر كتسولي اش قال ... ياك قلتي مكيهمكش لامار : دابا نتا معانااا و لا مع غااانا اسبرو : مع مقديشيوو ... مع الحق انا لامار : كانقولك عايرني فووووجهي ... اش بغيتي كتر من هاكا اسبرو : ونت هذاك وجهك ولا قفاك مقردة ليه فزنقة و كتغرتي اش بغيتي ؟ يشطحلك ؟؟؟ يعلقلك .. ورا باينا غايصبن والديك... راه ديرهالي مرتي نخشي مها فتقبة د طواليط و نخوي الما لامار:ااااه من حقك ضربها نتا كاااع وللكن تعااايرهااا لا اسبرو يلاه جا يهضر وهي تجي سارة غي بغوووب قصيرة كحلة و صباط طالون و مكيااااج ديال الكاباريهات و شعرها دايراها كوتشوفوال وحلاقات مضورين كباااار منقرين و بداو يطلع ها ويهبطوها ... اسبرو : ( كيطلعها ويهبطها لرجليها لي عريانين ) مجاكش لبرد اخيتي ... سارة خنزرات فيه سارة : ونتا شكون باش تاخد راحتك هاكا فهضرة معايا .... ؟ لامار : احترمي راسك ... سارة : اصلا معارفاش لاش جايا عندكم ( مشات كتحلون فاش شافت معبروهاش و شادين ضحكة عليها ) اسبرو : ( شاف عند لامار ) واش كوارعها مخاصمين ؟ لامار : ( شادا ضحكة ) متعاوج الساقين ههههه نوض نهزو السكر نصالحهم اسبرو : انا كتحيني غي نصف دائرة واقفة و معكرة ههه لامار : تاشمن نصف دائرة هاديك بعدة عنها شي حاجة خارجة ... هادي راه طالعة ديييريكت مدارت لاهاه لا هاه اسبرو : مخروووط هههههه لامار : ههههه هادي راه مخبووط هههه
[14/10 23:29] بارت: ج343 اسبرو : خلينا دابا من المخروط و المربوط ... قوليلي بعدا هاد زبيلة شكاتجيكم لامار : مرات خو هذا لي مخدمك اسبرو : انوضي جمعي راسك و بقاي تفششي تما تاتجي شي وحدة تجمعو ليك حب و تبن و تجمع مع والديك بنص وداك ساع يلاه معايا لرومبوان نسعاو لامار : ( شافت فيه مشعشعة ) اووووومنبعد غي تديييه لابغا يبدلني غي بصصصصصصحتو ... اصلا شكون غاتقبل عليه عصصصصبي و حجبانو ديما مهزوزين لسمااا كتر من رجلين ابيضااار .... عند أسد عدنان : مراتك هادي ... اسد غي كيشوف فيه ... عدنان : ممم مزيان ( رجع تقاد فكلسة ) الله يكمل بالخير .. سمحليا مجبتش الهدية د عرسك ...مي راك كتسالهالي ... ( اسد حاس براسو ممارتاحش لشوفاتو و من لول ماباغيش يضسرو تايتيق فيه ) اسد : حياتي شخصية من الاحسن مدخلش فيها باش ماتشوفش لي مايعجبك .. الى معندك ماتقول راه باغي نخرج ... مامساليش و 5 دقايق ديالي ...كتسوا بزاف عدنان : ممم .. بصح .... حيت يقدر الواحد ف ( علا يدو ✋ ) فخمسة دقايق يخسر كولشي اسد : ( وقف و تكا يديه على لمكتب مقرب ليه ) ويقدر يخسر فيها تا كمارة الواحد عدنان : هههههه ( كيضحك ويحك فلحيتو باستفزاز و لي هي اصل هاد ضحكة ناااار فلداخل ديالو ) شفتي الفرق مابين واحد كقلب على العقل ... واحد على العضلات ... اسد :نوغماال كل واحد كيقلب على اش ناقصو ( غمزة ). هز مونطو ديالو و سوارتو و خرج و عدنان تبعوو بعينووو و ضرب بستيييلووو موراه فلباااب ....
[14/10 23:29] بارت: ج344 عدنان : غاااااتندددددم ... غي بلاتي علييييييك .... ( بدا يهدن فراسو و رجع وقف وقاد كوستارو ... ورجع لداك الكادر هزوو ... عدنان : اذن نت هي لامااار هههه مزياااان .... عند لامار اسبرو غي كيرمش و هي كتهلل ... لامار : ييييمشي يبدلني مااالها تالي د دنياااا تانا نبدلووو و بسيييييييدو يلاه ... اسبرو : اازين ... الجمال الفاتن ... و ايليسااا .. سيدو هذا ليكتهضري عليه راه متلقايهش غي لاتسنتيه يطلق لالة سلمى ويجي يديك نت .. منغير هذا مكنضنش ... لامار : كاااااين الف واااحد ... اسبرو : وباااز باااز اخيتي باز ... واشوفي راسك بيمن مزوجة بنات كيطلبو غاشوفة فيه و نت دايرلك كي اميرات ديزني و زيد كيسول عليك و قالي رد ليها لبال اشبغيتي كتر لامار : يرررد لباااال لراسو يبعد مني انا .... و الله لاسمحت ليه على داك تبهيلة و نورييييه مزيااااااان برهوووشة ااااشكتسواااا .... اسبرو : وهاااا دابا هضرررررتي ازمر ... ماشي قبيلة كالسة عليا طلاق ما لفراق تما غانفلق ختي ... خليك حدا رزقك ويلا دار ليك شي حاجة ربيه ماشي خليه ... لامار ربعات يديها : غاربيه و يلا مترباااش مغانخليهش ... غااانخلي داااار بوه اسبرو : ( ربع يدو ) ااااش غاديرري ليه مثلا ... لامار : غااان ... غاااان ... غاان اسبرو : ديماااري نت حسن لامار : وااخليني نفكر ... غاا غانهرس ليه زاج د طوموليلتو اسبرو : هااااي شلا .. عندو باش يشري 10 منها كااش لامار : غااانقطع ليه حوايجو اسبرو : هذاك راه عندو ماركة بسميييتووو .. غايرخاصو عليه جوج شريوطات ؟ لامار : ا ااايوااا راه بزاااف مايداااار ... غانحسن ليه لحيييتووو اسبرو : ( باااس صبعانو )مممواح غايجي زاااااز شهوة منو كوميسير صافي لامار ناضت لامار : زمررر جيت نفوج معاااك زعماااا ... مشات و رجعات عندو لامار : غانقطع ليه بلووووطوووو من ججججدر اسبرو : لبلووط ؟؟؟ ك كيفاش تقطعي ليه بلووطووو ( مشااات عااد سرااات معاه ) ههههههه اااااه هههه وداك سااع قضي بشمع البلدي اخيييتيي ههههههه راك نت لي غاتبقاي مضرروة ازييين ههههه .
[14/10 23:30] بارت: ج345 أسبرو طلعات لامار هو بقا كيضور فجردة بالكرسي تاكيشوف لعساس مشا كيجري فتح لبيبيان و دخلات رنج د اسد بعجاجتها لي فالماتريكول لوراني مكتوبة Requin ... و نزل ماشي بجيهة اسبرو كيهضر فتيليفون و جامع حجبانو مخنزر ... أسد : سيفطلي عادل للمنكقة .. داابا .. ( رد تيليفون و شاف عند اسبرو ) تبعني نتا ... مشت اسد لصالون القصبي لي فجردة و اسبرو بقا مشعووط مطرطق عينيه مخلوع اسبرو : احافيض سلامة .. صافي الله يرحمك اسبرو مشيتي فيها كفتة مكفتة اخرتك يعمرو بيك الكفايتية الصوصيط ويكفتو بيك... معنديش تا صحة فين يطحيو ضرابي ياربي لللطفك ياااارب .. أسد : راه دويناا .... اسبرو : اا ه هي لولا اسيدي ... سلامة سلامة الله يجعل سلامة ... جر روايض ومشا بجيهة اسد ....وهو كيهرب بعينيه عند يونس ... سلا داك قشلة دوراق لي حداه و تكا على لكرسي كيطرطق فعنقووو و شاف لساعة لقاها وقت الغدا خصو يخرج .. و هز الفيست ديالو كيبلسها وهي دق عليه الكاتبة - المادموزيل بغاتك يونس : شبغااات هادي تاني .... ياك لبوز د الغدا هذا ....صاافي انا جاي ... مشات كاتبة هو تنهد و كيطلب من الله شي صبر معاها و مشا لمكتب ديالها دق و دخل لقاها واقفة كتجمع فصاكها ... - ها جيتي ... شيفورر سافر إرجونص ونا مكنعرفش نصوك بونس : اوا و منبعد.. انا مالي ؟ - كيفاس نتا مالك ... اكيد غاتوصلني لدااار وراااه كيحسن ليك الشرف يونس : شنوووو .. مادموزيل صافا ؟؟؟ ياكما نغالط ليك مع شوافريا ؟؟؟ - تاحد مقالك شيفور عارفيييينك اسيدي مهندس و بزعطة .. دابا كنقولك وصلني لداااار ... ييونس : ففففف.. ( كيرد فشعرو لور ) هادشي بزااف .. جا ماشي هو يسمع من موراه - اااه اوا اذن حسب راسك مطرود و معجباتنيش خدمتك .... يونس ضار لعنظها و بدا يقرب شاعل وهي كتعوج فيه راسهااا شخصيتها قوية و وااااااثقة من نفسها ومكتخافش من هاد تخنزير يونس : سمعي امادموزيل .. انا خدام عند باك ماشي عندك .. دونك معندكش الحق تطردني .. ولا حتا تهددني ... خدمتي كنديرها على الرلس و العين ... شي حاجة اخرى انا مامضطرش نفدها ليك .... جا ماشي و شداتو من كرافاط تابقا يشوف ليديها عاد طلقاتها - اوا سمعني تا نتا ... بما ان بابا مكاينش ...انا هنا لي مديرة و خاصك تخضع لاواميري .. ويلا نقدر نطردك فأي لحظة و من حقي هادي تمنطااااش .. و داك ساع سير تسناااا تاااااايطي بابا من أمريكا منهنا شهر و لا 6 شهور و لا عام يردك ... ضحكات ليه ضحكة خ
[14/10 23:30] بارت: 6 شهور و لا عام يردك ... ضحكات ليه ضحكة خفيفة محلونة و هزات صاكها ماشية و لاحت عليه سوارت طموبيل من موراها تاشدهم ... - سربي ... يونس زيييير على دوك سوااارت و تبعها موكل امرو الله حيت عرفات تستخدم نقطة ضعفو لي هي الخدمة مزياااااااان ... دخلو لسانسور هو الفوار قرب يخرج من ودنيه وهي كتبقاااا كتشوف فيه مبتسمة بشر غي كيشوف فيها كتعوح ملامحها و تشوف لسما بتعفاااار ... وخا تشاطانيت و الجرأة ديالها لا ان ملامحها بريييييئين و طفلة .... .( صورة ) عند اسد ... اسد : غايجي عند واحد السيد دابا سميتو هادل ... غاتحل ودنيك معاه مزيان هو لي غايقولك اش غادير معانا ... اسبرو : واخا اسيدي اسد : غانجربوك هاد الاسبوع الى نتا توفقتي غاتبقا معانا اسبرو : واخا اسيدي اسد : و داك تفتيفة مكنحملهاش تكلم واثق من راسك و علىدي عينيك ... بلا متهرب بيهم راهم مغايديوك فين اسبرو : واخا اسيدي اسد : فين لامار اسبرو : واخا اسيدي اسد : ( تنهد جاتو فيه تكوليخة ديالها ) لاااامار اسبرو : ها ؟ م .. مالها اسيدي ... اسد ناض قبل مايكمل ليه داك شوية د العقل لي خلات ليه و اسبرو عاد رد نفس ملي مشا شوية هو يحس بيه رجع لعندو خطوة و لسق ليه بيدو الموسطاج مزيان حيت كان مدلي ... و مشااا و اسبرو وسع عينيه قرب يحطهم فسروااالووو
[14/10 23:30] بارت: ج346 اسبرو معرف باش تبلا اسبرو : ععععع عرفني ... هاويلي و غدااايدي لاباينا هذا هنا غااااايدفني ... غانضيع فشبااااابي ... ها ؟ عنداك يكون مشا يجيب شي مقدة .... ولا شي جنوي من كوزينة ينحرني .... مشا بكرسي لباب لورانية د كوزينة حيت غي زاجة كتبين و كتسمع شوية... بغا يطل واش يهز شي حاجة يجي ينحرو بيها باش يعععلق.... أسد دخل لدار لاح سوارتو و يدا يقلب عليها بعينو ... ومشا دخل لكوزينة لقاهاااا خاااوية ....هادي هي المرا مغربية فاش كتقلق من راجلها ماكطيبلوش وصافي هههه ... خدا قرعة د الما من ثلاجة كيشرب و سارة كانت داخلا كتقرقب بطالونها تاتكتشوفو واقف عاطي بضهرو كيشرب و هي تحبس و بدات تقاااد فكسوتها وتهبط الفتحة د صدر باش يبان كتر و تمص فشفايفها باش يحمارو بلقطان محلووومين مفروشين اسبرو مطلع فيها حاجبو ... ابتسمات وهو يضور يمشي شافها واقفة بدا يطلعها ويهبطها اسد : معروضين لشي بلاصة ؟ ( بوووم💥💥💥) سارة : ها ؟ لل لا ... ا اا اغي رشقاتلي وصافي نصايب راسي ... بنادم هو لي يتهلا فراسو مرة مرة ... اسد : وحتا فراجلك ... راه غتيجي مسكين مغايلقا ماياكول ... وكليه الطالون ( ابتسم ليها و حط القرعة د الما وجا ماشي و رجع عنها ) ... اسد : اااه طالون ممزيانش للبيبي اطونسيون ... وزاد طلع وهي وقفات مشعوووطة ولات حمممرة كتللللعن فزهههرها ... كاع مداااها فيها .... وزاد قمعها مكلفش راسو تايمدح... سارة : مااشي مشكل شحال ماقسسسحتي فداك الراس احبيبي .. غاادي يرطاب .. يلاه سير تخصاامو تاني .. و مغانبقا نبالك غي انا قدااامك .. هه ! بااااينا قال هاد للهضرة حيت معصب منها ملي مطيباتش ليه و دارها فيووونس .. يييي هذاك حالو ساهل معايا ... ( اسبرو مصغر عينو كيسمع ) وهي جبدات تيليفون من صدرها ... يونس كان صاااايك وطالع لبوه لخز وهي راكبا حداه ... يونس : وي سارة سترة : الو يونس ... شوف بلا متجي للغدا صبحت عيانة راك عارف للوحم وتالامار مخاصمة مع اسد ماطيبات والو ... يونس : ماشي مشكل .. غادي نجيب للغدا فيدي سارة : مكاينش لاش بلا منضيعو لفوس .. قضي باش مكان ( قطعات عليه ).. عند يونس .. - همممم مرااتك ؟ ( كتلعب بزغيباتها وتلويهم فصبعانها) - اه - ياا حاااراام ... مامطبباش للغدا .... عرفتي كو كنت مزوجة ... كتت نعيط لراجلي و نقول ليه اجي تغدا هي بيا الحوبينو... ماشي نهضر معاه هاكا ( غلضات صوتها ) مكاين لاش ضار عنها ..
[14/10 23:31] بارت: ياا حاااراام ... مامطبباش للغدا .... عرفتي كو كنت مزوجة ... كتت نعيط لراجلي و نقول ليه اجي تغدا هي بيا الحوبينو... ماشي نهضر معاه هاكا ( غلضات صوتها ) مكاين لاش ضار عنها .. يونس : حتااارمي راسك ....ماسولك حد كيف غاتصرفي ... دونك باا متخشي نيفك فكولشي ... منين ندور - على ليمن ... كاينا واحد ريسطو من داكشي نتغداو فيها نيت فيا جوع يونس : ماجيعانش - وشكون حاشاها ليك .. يلاه ونسنيي ... - مادموزيل انت ( قاطعاتو ) - باغي تطرررد ابيبي ؟؟؟؟ .. يومس ضرب فالفلون وزاد كسيرا مع مكانتش دايرة سانتير تاكان راسها غايجي فزاااج - ايسيييه دوووووسمون راه باقا محتاجا ضلووووعي اسد طلع لبيت .. فتح لباب لقاها مكمشة على نامسوية و ناااعسة وسط سرير بلا وسادة و بحوايجها دقبيلة معنقة عندها قرعة د كوفيتير ابتسم ... وهزها حطها على لوسادة وجر عليها الكوفرلي غطاها ... و كلس عند راسها كيلعب بشعرها .. اسد : غانبقا على مك بسبان تاتروضاي و تسرحي مع طريق ... نتي مااايصلاحش معاك الزوين ... كامونية احبيبتي ... ( باسها ففمها ) جا نايض لقا راسو باقي باغي وحدة خرى وتكا كايبوس وهي ماهياش فهاد العالم ... بلا مايحس عضها وحسها بدات كتفيق و ناض بزربة لكوافوز دار راسو مشغول مع المجورة ... هي ناضت شافتو من مراية مخنزر و خنزرات تاهي ... وعرفاتو هو لي غكاها و لاحت داك الغطا و رجعات نعسات كيف كانت و رجع عنها غطاها ... و هي لاحتووو و تاهو شد معاها زكارة رجعووو لامار :واااامتغطنيش .... أسد : را الجو بارد لامار : وسوووقك فيا ... خايف عليا لانمرض زعما اسد : لاا ... خايف نوحل فدوا ... لامار : شكيييت عليك ... خنزر فيها و زاد لدوش لامار : تفوووو على كنس ... لاحت داك الغطا و رجعات نعسات كتمص فكونفيتير تاداها نعاس ولات كطيح دودة بلا متحس بحالا شاربة منوم .. هو خرج ورد عليها داك الغطا وطلب غداه ... و صلا وخرج لبالكون شعل كارو زعما ناس صلاو ... وكلس كيفكر فخدمة تاكايبان ليه اسبرو واقف حدا لابسين كايمشي ويجي بحال متوتر من شي حاجة و بغا يحصلووو باش يعترف ليه بكلشي و مايبقاش غامض ويشوف ردة فعلو و يحدرو باش مايبقاش يكدب عليه .. طفا الكارو و هبط فدروج لقا سارة طالعة يلاه جات تهضر تاكان داز بحال ريح ... ورجعات طلعات مقلقة ..
[14/10 23:31] بارت: ج347 فريسطو كيتغداو ... فهد : انا بغيت غي نننفهم علاش دخلتي معاه هو بدات ...على قلة الشركات لي تستثمر فيهم .. عدنان : ( كيايكل ببرود ) مالقيتش ماحسن منها ... فهد : واش منيتك باغيني نتيق ؟ ونت عارفها باطوياتها ولاو يغروقو واحد ورا لاخور ها ؟ عدنان : دابا مغاتخليناش نتغداو فهد : حتا تفهمني عدنان : ونتا علاش شديتي بلاصة معاه وخيليتي خدمتك فهد : حيت عندي اسبابي وراك عارفهم .. عدنان : وتنا عندي اسبابي و نتا راك معارفهومش .. و مغاتعرفهومش .... فهد : عدنان هادي هي الصحبة ياك انا مكنخبي عليك والو .. عدنان : نتاا مكتخبي والو ... هادشي مكيفرضش عليا تانا منخبي عليك وللو ... كل وحدة و قيمة اسرارو عندو فهد : ( لاح الفورشيط و جا نايض هو يردو يكلس ) ... عدنان : كلس تغدا .. باركا من تبرهيش .. اي واحد عندو اسرارو الخاصة ... صافي اسيدي منبعد ونعاودليك فهد : وعد ؟ عدنان : وعد ... فطبلة اخرى موراهم ... - مممممم ( كتشوف فالموني ) بغيت سووشي ... يونس : طلبيه - ونتا اش بغيتي يونس : بغيت نمشي ... - حشوووما كلس تغدا ... دخلتي دخلتي ... ومتخافش انا لي غانخلث ... يونس عاد مكيزيد يتغلغل واخا هو من نوع لي كيضبط اعصابو الا ان هادي قربت تجننو ... تاجا الناذل هو يضور عندو عدنان .. عدنان : راحنا من قبيلة وحنا نتسناو صالاد ... سبق بينا بعدا - المديرة : هيييييه راه حنا لي عيطنالو ... من لادب خليه يكمل معانا ... عدنان : نت مادوا معاك حد - ( ناضت هازة فزرشيت و يونس شد على راسو) غادور قدامك ولانتقب لخويا دوك لعينين عدنان جا نايض ووقف يونس شدو ... يونس : صاافي صاااافي عفاك مسحها فيا موووقع والو متديش عليها ... عدنان : وعلى وجهك ... ( رجع كلس ويونس كيشوف معاهم و ابتسم ليهم اعتدارا ) ... يونس : الى غاديري لينا الشوهة نمشي ناكل فالمكتب حسن عند أسد ... جا عند اسبرو لي كان واقف غي شافو جاي محسش براسو تا طاح لارض وربع .رجليه زعما مكانش واقف.. واسد مخنزر فيه و اسبرو العرق نازلة معاه ... و تحنا عندو على ركابيه كيقيس فالعرق لي نازلة معاه اسد : جاك صهد ؟ اسبرو : ااا ....ااا اه ااسيدي و نتوما اسد : هبط تعوووم ... اسبرو : هااا ... ا لاااا لاااا مايمكنش .... اسد : علاش اسبرو : اا ... يي .. ححح .حححيت انا ... حيت انا اسيدي اسبرووو وكيف كتعرفو اسيدي اشبرو كيدوب فالما .... ويمكن ندوب ... اسد : هم ... ( دفعوو تاطاح فالابيييسن حيت هادي هي طريقة
[14/10 23:32] بارت: اسبرو : اا ... يي .. ححح .حححيت انا ... حيت انا اسيدي اسبرووو وكيف كتعرفو اسيدي اشبرو كيدوب فالما .... ويمكن ندوب ... اسد : هم ... ( دفعوو تاطاح فالابيييسن حيت هادي هي طريقة الوحيدة باش يتفضح .... اسبرو بقا كيخبط بيديه ماعرف مايدير الى دار راسو مشلول غايغرق ويلا استخدم رجليه وطلع غايتفضح بحالا زعما مزال ماتفضح .... و اسد مراااقبوووو ومد ليه يدو شوية اسبرو شد فيها و طلع كلس على لابيسين كيقطر و كيلهت اسد : شتك كاه ما دووبتي هم ؟؟؟؟؟ اسبرو : ها ؟؟؟ اسد : ياك قلتي غادوب ... اسبرو : اا ي م ... غ غي مفهمتوووش مزيان اسيدي ... ااه انا اسبرو .. بصح ماشي هاديك لي كتفشفش و دوب ... ا انا مكندوبش اسد : وشنو نتا اسبرو : قق قويلبات اسيدي ... طلعت قويلبات كاع مكنشنشن ..
[14/10 23:32] بارت: ج348 اسد وقف ودار يدو فجيبو كيشوف معاه تاكيشوف عادل داخل ... عادل : سلام علليكم ... قالولي اسييدي بغيتني ... اسد : ( شدليه على كتافو ) كيف غايديا الاحوال عادل : كولشي مزياان اسيدي غي تهنا ..... اسد : الولد لي هضرت ليك عليه هاهو ... دخلو لهيه وهضرو مزيان ... جيبتي ليه الماطريال ؟ عادل : اه اسيدي راهم فطموبيل ... متخافش مغانطلق منو تايفهم كولشي .. اسد : راه دكي .. ( شاف عندو ) مي مزال مكعرفش يخرج راسو ... اسبرو زي الاطرش فالزفة مابقا عارف مايقدم ولا مايوخر ... كي الميت قدام غسالو اسد : مزيان ... انا مشيت .. نبغي فليل لقا خبار مزيانة ... تحنا عند اسبرو لي كيرجف باللبرد حيت سارد .. نصل ليه الموسطاج لي ملصق و عاد بان ولد صغييير و عادل عارف كولشي ... و خربق ليه فشعرو اسد : سمع ليه مزيان وحل ودنيك ... وهاشي مابقيتش نعاود نشوفو وداك الكرسي تاهوا .... اسبرو : (عينيه فالارض ) سيدي ولاكن لامااار .. لامااار تاقت فيا .... غاتقلق بزاف لاعرفاتني غي كنت كنكدب و استغليلت حنانتها اسد : لامار عارفا مزيان طرف دالخبز شحال صعيب ... خلاهم أسد و مشا كيهضر ( عادل دخليه لراسو مزيان عاقبة الكدوب معايا ..مكندوزهمش جزج مرات ) ... دخل لدار بدل حوايجو ... و لامار باقا ناعسة باسها فجبهتها وحيد ليها داك قرعة لي ردات وجهها وصبعانها كاع كيتلصقو بحلاوة... و هبط يتغدا لقات سارة شداتو عليهم ... و كتحطو على طبلة و طايرة بالفرحة ملي غاتغدا هي وياااه وروووج "لعكر" زاااادت بيناتو كتر ...معارفاش بلي اسد اعدى حاجة عندو هي العكر .... سارة : ها...أسد جيتي ... الغدا وصل و حيت كاينة غي انا وياك ... قلت نحط ... ااه حقا لامار مغاتهبطش ؟ اسد : لا ... ناعسة سارة : اااه ... اا .. شش شفتها قبيلة كتبكي مافهمت والو ياكما شي مشكل ها ؟ تقدر تخوي قلبك .. انااا ديما هنا نسمع ليييك( كلسات حداه كتحاول تقرب ليه هو متحاسش بهاد اللقطات كاع حيت اخر حاجة ممكن يفكر فيها ) اسد : والو .. تناقشنا ...بحال كاع ناس .. قربي لي صوص ... سارة : هي لولا ( قرباتها ليه ) ... هو كياكول وهي غي مراقباااه كتسنى غي شي فرصة يشوف فيها والو عيات ماتهبط فداك صدر .. كلا و مسح فمو وخرج و بقات هي على طبلة شادة على حنكها ..
[14/10 23:33] بارت: شادة على حنكها ... سارة : اااح اسد ااح .... امتى غاتولي تشوف فيا امتى ؟؟؟؟ ... يونس خرج هو و المديرة ديالو ... كتهضر فتيليفون .. - اوووه واش بصح اكيد غاانجي .. جوج دقايق انا حداك .. خطفات ليه سوارت من يدو و ركبات ديمارات و هو بقا مشعوط كيشوف .... ومشا عندها بزربة من زاج لي هبطاتو كتشوف فيه بشر يونس : ياك مكتعرفيش تصوكي ... علاش ضحكككتي عليا - كون مدرتش ليك هاكاك كاع مغاتقبل تغدا معايا ... حسبها عراضة سبيسيال مني ( غمزة ) يلاه شوفليك شي طاكسي و سلم ليا على لمدااام .... زادت خلات موراها غي لعجاج هو مابقا فااااهم والو علاش كدير هادشي معاه و مشا خدا طاكسي و رجع لخدمتو عادل نهار كامل هو مع اسبرو كيفهمووو اش يدير و كيفاش يهتم بالمنطقة و كيفاش يكتب التقارير لاسد كل ليلة .. شكون دخل شكون خرج .. الالعاب البحرية و الصيادين ... فهمووو الخدمة مزيان وبلي اسد مكيحملش الكدووووب .... وخصو يضبط راسو معاه وبلا مايفكر يكدب حيت غايتكشف فرمشة عين ... و يخسبو هو ولامار راس مالو ... يسهر على راحتهم و مصلاحتهم ....وراه المسكن ديالو لي هو قريب ل لفيلاا بحال تشابولا لي كانت عند عادل ... و كيعاود ليه طبع اسد شنو كيبغي و شنو لا و بلي هو أصم مكيسمعش .... ملي كيعاود ليه عليه اسبرو بدل الفكرة ديالو بلي اسد وخا كيبان قاااسح ....حنييين من داخل ديالو و انساني بقا غي كيسمع و كيحاول يعقل على كولشي باش مايدير تاغلط ... حيت الخلصة كبييييرة و فرح ملي اخيرا تفتحات لباب فوجهوووو و يقد يلقا خدماااا وخا صغير فالعمر ... و معامن مع برجوااازي مشهور ... وحس بلي لانار نهار لول لي شافها جابت ليه الحظ ... خرجاتو من العفن لي كان غيه للجنة .... شد طابليت ديالو و جابوليه الحوايج لي غايبقا يلبس و جا تالحلاق قاد ليه شعرو اما الحية باقي مزال مناضتش ليه مزيان .... لبس كلاص مزيان حيت دابا هو واجهة المنطقة
[14/10 23:34] بارت: ج349 ضلام الحال عاد لامار ناضت على كرشها كتغرعر بجوع.... هبطات لتحت كان الحس مقطوع صايبات راسها ماتاكول ... و كلسات تعشات وهي تفكر اسبرو و شعلات ضو د جردة وخرجات كتقلب عليه وهو سمعها و تخبا ورا الحيط .... مقدش يواااجهها كاع ... هي كتعيط وهو قاطع حسو و را الحيط و مزير على عينيه وخا يلاه عرفها مابغاش يخسر قلبها الحنين ودخلات لقلبو حيت ماعندووو حد و حسبها اخت كبيرة ليه .... لامار : غايكون مشا ... ففف كنت غي باغا نعاودليه بلي جا غطاااني ... رجعات دخلات هو سمع باب تسدات عاد خرج من ورا الحيط شاد داك طابليت فيدو والكيت فودنو ... وولابس مزيااان .... اسبرو : سمحيليا الامااار ... كيف قال راجلك .. طرف دخبز اختي صعيييب ... غاتفهمني انا متأكد . ... مشا لتشابولا ديالو كيستف فيها حوايجو لي جابو ليه من لبيت لي كان كاري فيه ... تاكيسمع باب تحلات وشاف لعندها .... اسبرو : اا سيدي ( وقف متوتر ) اسد : ( طلعو و هبطو عجبو شكلو جديد ) تبعني .. تبعووو ماشين لدار جا اسد داخل شافو وقف ورجع عندو اسد : زيد اسبرو : عفاك اسيدي ... مابغيتهاش تشوفني ... اسد : وشجال غاتبقا مخبع عليهم هم ؟؟؟ ... زيد ... اسبرو :مابغيتهاش تقلق ... جردو ودخلو خلاه فصالون وطلع فدروج وهي تقرب عندو سارة ... سارة : ( كيطلعو وتهبطو ) هذااا نتا ؟؟؟؟؟؟؟ ( كاتشوف معاه ) هه!!!!!! شكوووون صغرررك ؟؟؟؟؟ فين اللحية و الكرسي ... اسبرو غي ساكت سارة : عههههههههه طلعتي غي بريهيش اوليدي ونا لي حسابتني راجل بعقلو ههههههه ... ( ربعات يديها ) اوا شنو دابااااا ؟؟؟؟ هم ؟؟؟ بنتي على حقيقتك ... ملول كنت عارفااك حراايمي و نصاااااب .... اسبرو : (كيتفكر لقطات دقبيلة كرهها ) اه انا حرايمي بصح ماشي غداااار بحالك ... سارة : رررد لبال لكلامك اسبرو : انا رااااد لبااااال مزيااااان لكلامي ... نتي لي ولي تردي لباااال مني منهنا لفوووق ....
[14/10 23:34] بارت: ج350 سارة : شكااااتخربق ... اسبرو :انا عارف مزيااان كدوووري بسي أسد .... سارة صدمهااا وبدات تصرط فريقها وتشوف واش جاي شي واحد وجراااتو لجيهة اخرى باش مايسمعوش يونس حيت كاين فلبيت لفوق ... اسد دخل لبيت مابانتلوش ... فتح لبالكون مالقهاش ... يلاه غايخرج وهي تققققفزززز تاغوتاااات كانت غي بفوطة دالحمام قصيرة شادة عليها وشعرها سااارد ... لامار : خخلعينني ديييير الحس ... اسد سد لبالكون باش مايدخل لبرد .. و بدا يشوووف معاهااا بحالا ماشي مرتو ... بحالا هاد الجسد عمرو شافو ... معرفش علاش فكل مرة كيشوفو كيزيد اعجااابووو كتر ... كيثيرو كتر من اي حاجة بحالا لاول مرة .....و هي شادة على قلبها كتلهت من الخلعة ... و شعرها سارد كيقطر على كتااافها ... محسش براسو تاجبدها لعندوزز بجهههد خاشي راسو فشعرهاااا كيشمووو و هي ماعرفات دفعو و لا تخليه ..... وهو خاشي راسو حدا و دنيها و هبط تالعندههم وهضر بالحس تااابورشهااا كاملة ... اسد : باقي عاقل نهار تخلعتي بحال هاكا .... كنت دخلت عليك و نتا خارجة من دوش بفوطة ديالي ( لامار كتفكر داك نهار فالمنطقة الاخرى فاش غسلات شعرها من القش دالغابة لي تلفات فيها ) داااك نهار كنت كنحاول نطيحك فشباااكي ( بالهمس كتر ) امت دابا انا لي كنحاول نطلع من شباكك ... و مقادرش ....) لامار شادة عينييييها و شادة الفوطة بجوج يديها مزيرة عليها عند اسبرو سارة : سسسسسكت ... سككككت واش حماااقتي اش هادشي كتتتتتخربق اسبرو : حشمي على عراضك ... هاد الكبت كامل فيك ؟؟؟؟؟ راك مزوجة زعمااا ... مامشبعكش راجلك ولا شنو سارة : راااك غي كترون هادشي مكاينش و مااااشي منحقك دخخخل راسك فشنو بعيد عليك اسبرو : نت عارفة وناعارف .... شفت كولشي بعيني و نا ماشي حمق .... ( قرب عنها لوا ليها يديها ) اتشوفيني صغير تحكريني .. تقربي لداك سيدة لي لفوووق غاتلقايني انا فطريقك منهنا لقدااام .... و سي اسد راه عمروووو يديها فيك ... وبقاااي كتستغلي ضروفهم فاش يدابزو باش تخشي زنافرك و تبيني صدرك المدلدل لي كيعيف كتر ماكيثير .... راه عمرو غايحاشيها ليك ... و حتا الى حاشها ليك نهار يكونو مدابزين ... غي يتصالحو ينسااااك ... وهكا غاتبقاي كيف داك طبسيل د زيتون لي كيقضيو بيه على ماتحط المااااكلة ... ( لاحها من يدو ) بحاااالو تماما ... رخييييصة بلا قيمة و بلا شررررف ..
