هنية في المريكان (الجزء السادس) | قصص مغربية


أكرم منرفز عياا إلمح والو مبغاوش افهمو راسهم سيد باغي انفارد بمرتو و لكين شكون خلاك قيس لفاهم ديكور معاند و توبة حتى هيا اما هنية بحال الاطرش فزفة .
ملاك:(كتفوه بالعاني) ياالله الباب براكة سيرو نتعسو 
توبة:هههه مزال الحال خلينا مزال 
هنية: طلقي نراريلك بدري انعس
قيس:😂عطيها عطيها تراري بيه و نتا أكرم شوية 
أكرم: وبرا اصاحبي سير تنعس سير را الخدمة تبعاك سير .
قيس:توحشناك و كالنا نونسوك 
توبة : اه بصح و خصوصان انا والله
ملاك وصلات الحد فصبر خرجت جبها فيهم اخوي البيت و ربي كبير 
ملاك:(كتجر فيهم )الباب يالله يالباب منعسوش حنى وزتو فيه او...سدت الباب على وجهم .
ملاك: واو على لصقة الله على راحة دبا مزيان.
أكرم: (حل دراعو ) اجي احبيبتي اجي توحشتك...هزت زيد و مشات تخشات فحياتها لتوحشتو.

توبة:😮والله الا سدتو .
هنية:صافي هاهيا جرات علينا يالله لعندو شي خيمة امشي ليها 
توبة: كتجري علينا و لا كيفاش.
قيس:هههه مسخوطة دارتها.
هنية : اجي بعدا تعشيتو .
قيس: سي 
هنية: شكون سيك ؟
قيس: وي معناها وي اه فهمتي 
توبة:زعمة ايه تعشينا 
هنية: ياك كنعود نكوليك درج درج و بلا حشمة شديني نتحتت ليكم وباااز باااز....رمات كلامها و مشات هلكها جوع عند بالها مزال متعشاو داكشي لكان مصبرها فكوه ....بقات توبة و قيس و كالعادة نفارد بيها 
قيس: (كقرب منها) توحشتيه هاا 
توبة:(متوترا)م م متقربش
قيس:(كلاها مع الحيط) ها انا قربت شغديري هم .
توبة: بابا انا انا متفهمش غلاط هوا لشدني.
قيس جمد بلاصتو دار قافز عند بالو بصح عمو تعصب يالله دار اشدها القها طارت.
توبة:(هاربت تابعاا هنية) تخاف و متحشم يالله تعلم تكاليني.
قيس:(ضرب رجلو مع الارض )😡لطحت فمك ميفكك حد غ جمعهم....دارت بيه مسكين كمدها و مشا اخدم نسا بلي هارون كيتسناه فالمكتب.
~~~~~~~~~~~~~~
نازلا مع دروج فطريقها دخلت البيت فاش نعسين ولديها قربت بالحس باش متفيقهم...كانو ناعسين وشخير خدام غطاتهم و باست راسهم .
هنية: ياربي تحفضهم و تشافيهم يااارب ...بعد مطمنت دبا تمشي تاكل . 

كتغسل الماعن و بالها سااارح البعيد فبحر الاحلام مفيقها من سهوتها غير المعلقة لطاحت دارت مخلوعة 
فتيحة:(شادا قلبها)هذي نتي خلاعتيني علاش مدرتي الحس .
هنية:(فمها عامر) شفتك ممسالة كلت نفك مع كرشي فين كنتي 
فتيحة:(كتمسح اديها)😍واحد زين .
هنية:زين شمن زين 
توبة جايا من اللور هزت تفاحة و عيونها قلوب :ماشي غ زين اححح اقلبي 😍
فتيحة: 😍شفتيه ياك 
توبة:😍شفتو شفتو ...توسدو بعض و سرحو بعييد 
هنيةضربت ببلاطو ديال نحاس حتى تهزو من صوتو المجهد.
توبة و فتيحة؛(قفزو)😨😨واااع اش دكشي اشنو 
هنية:😠تشوفي العمة نتي و هيا من صباح شفتو شفتو شفتو شركونا نشوفو حتى حنا .
فتيحة: غذا و تعرفيه سيرو تنعسو يالله برا برا نطفي ضو.
هنية: و دبا نعرفو دبا 
توبة ؛(جراتها) غدا و تعرفيه صافي زيدي فتيحة بونوي.
هنية :شكلتيليها .
توبة : تصبحي على خير 
هنية: تي و الله لنعسنا لما كلتيها شناهيا 
توبة: نوبوي تصبحي على خير فهمتي دبا 
هنية: ااااه و عودي كوليها من صباح يالله زيدي 
~~~~~~~~~
عند قيس و هارون لخدامين على شي ضواسا فالمكتب اليوم تشغلو مع هنية ولديها مخدموش.
قيس:(كيحك عنيه)كملتي 
هارون:ممم قريب علاش 
قيس : نعاس اصحبي بغيت نعس رحمنا شوية
هارون : إوا سير شكون شدك انا مزال معطل 
جمع الوقفااا خارج مشااا حتى نص طريق و رجع 
هارون:(بلا ميهز راسو ) هههه شتك جيتي ياك لباس
قيس:(رجع هز الوراق) معطتنيش خاطري نخليك غارق
هارون : بصح واخا سيدي (جبد ضواسا اخرين)هاك الله اكتر خيرك دوز معاك هذو انا نعس اوكي ....زاد و خلاه حال فمو زرب عليه زرباا خايبة باش مرا اخرا إوريه التعطال.
قيس:😮وشوفلك لباغي ادير الخير(بالغوات باش اسمعو) وعقل فيها عقل بفف وكنكول البرهوشة لمن طالعت جوج قوالب فنهار واحد واخا نكون إهودي ...مسكين على وعدو و سعدو بات خدام .


اصبحنا و اصبح الملك لله 
صبح جديد مشمس وربيعي على ابطالنا كولشي مجموع على طبلة الفطور فجردة ...الجو لا يخلو من اسئلات العربي و كلاخ ربيعة...مضورين أكرم ضحية اليوم.
العربي:ممم دبا نتا راجل طفلة لمعا جوندارم
أكرم:😐 إيه راجل ملاك
ربيعة :وفين كنتي ؟
توبة :(حابسا ضحكة)فجبال اخالتي 
ربيعة:(طلت عليه) جبال علاه اولدي نتا كنتي تسرح فيه.
أكرم:😕نسرح كيفاش نسرح ..شاف فملاك تشرحلو مفهم هزت كتافها بمعنا حتى انا مفهمت وهمست التوبة تسول هنية.
هنية:المعاز تسرح المعاعز ما خلي سيد 
العربي:😒ومالها تتخليه شفتيها رابطاه راحنا غ سيرين نتعرفو عليه.
ربيعة: ايه ايه غكنسولو فيه .
تدخل عدنان وغمز زهرة قبل متنوض تاني مشحنات بينتهم .
عدنان: بنتي هنية اجي بغيت نهضر معاك 
هنية : واخا اعمي 
زهرة :(حابسا ضحكة) ختي ربيعة اجي معيا ...ربيعة بالفرحات عليها تبعتها .
هارون:(وقف ضحكوه)يالله نتا تهز
أكرم:(نقز واقف عند بالو داوي معاه) واخا هيا الولى 
هارون: لالا ماشي نتا قيس.
قيس و توبة طلقو ضحكة عالمية و هوا غير مخنزر معاجبو حال.
هارون:( كيستفزو) حشومة تخلي سيد عاد حاب اتعرف عليك.
أكرم:(من تحت سنانو) هااارون 
العربي: (كيطل عليه و يقيس فضهرو) تبارك الله تبارك الله.
ملاك:(نساحبت ) هههه نمشي نشوف زيد.
قيس:(وقف)😂سراح واعرا هذي .
توبة:😂نيت كتسرح فالبشار هههه بلا متشوف فيا دوك شوفات هوا لسماك.

زاد هارون و قيس ميتين بضحك على أكرم لشداتو صنارة اليوم العربي إكرهو فمجيتو .

غاديا وفبالها بزاف ديال الفكار لدرجة بدات كتخيل عدنان كيغوت عليها ....كالت مع راسها زدنا فيه بزاف وموحال اكون دوز لينا مصايب لدازو...ساهيا حتى دخلت فحيط وجات على نصها .
هنية:(كتحك نصها)😫 احححح اربي اش هذا...هزت راسها القات عضمة ربي بازيا خاص بلكارد واقف عليها ملامح وجهو عادية ممعصب مناشط مدليها إديه باش إعونها توقف ...هيا غير مخرجة عنيها .
.....:ياك متقصحتي 
هنية:😮هاا
.......:هيهو واش صاڤا 
شاف حتى عيا وتحني عندها هزها من درعانها بجوج حتى وقفها راسو هيا غير كتشوف و تستوعب ..
هنية:(عاد صحات )ش ش شدكشي 
...:كنتسناك تحركي امدموزيل .
هنية: هاا واخا..(زات سبقاه شوية رجعت )شكون نتا
......:انا عماار مكلف بليكارد هنا 
هنية:😕عوومار الكريدي 
عماار: لا امدموزيل انا خدام هنا سميتي عماار ماشي عوماار.
هنية: اه لا تديش عليا ضربني شمس و انا هنية
عماار:☺مشرفين 
هنية:(تفكرت عمها و مشات تجري) ناري نسيتو حيد حيد بلاك..
زادت وخلاتو حاضيها بعينيه من اللور ونص بتيسامة على وجهو كيشوف هذ المخلوقة وهبالها.
ومنها نيت اتمنضر ساعة والو خنشة مغضيا على كاع مفتينها .
عمااار مغربي حر عندو 34عام عازيب ... جاء النيويورك عن طريق الكونطرا خدام فشركة تأمين الخاصة بالحراس شخصيان و البارح بدا الخدمة مع هارون مهمتو احمي عيالات دار بصفة عامة . 

كان كلس على كرسيه فالمكتب وعاطي بضهرو الباب فاش سمع دقان دار و عطى الاذن بدخول .
عدنان:(تقاد فالجلسة) تفضل
هنية:سلم و عليكم 
عدنان: وعليكم سلام جلسي ابنتي
هنية: هنا الله اسمعنا خير ياك مدارو تاني شي زبلا .
عدنان: نونو الحد ساعة مكالمين
هنية: إوا الحمدلله
عدنان: هذ الموضوع متعلق بيهم
هنية: كيفاش بيهم .
عدنان: قررنا ندخلوهم السبيطار.
هنية:(وقفت ) كيفااااش علاش اش درهم ياك هوما صحة سلام.
عدنان:(وقف باش اهدنها)تهدني ابنتي ماشي على صحة البدنية على صحة العقلية المرض النفسي لكيعانيو منو ماشي خطير بزاف و لكين ضروري من علاج .
هنية:(خلاعها شدات رسها شافت فيه) ها نتا اعمي. الله ارحم بيها الولدين شرحلي غير شوية بشوية على قد عقلي .
عدنان: واش كتسمعي بمستشفى المجانين ديال المسطين....كيحاول اشرح بطريقة مبسطة كتر.
هنية:(بحزن شافت فعدنان)برشيد ياك اعمي بغيتوني نحبسهم فبرشيد.
عدنان:(كيحاول اهدنها) انا عارف بالي صعيبة عليك و لكسن فكري فمصلاحت والديك(بقات فيه)😑هذا هو الحل الوحيد للقينا حيت راك شفتي فعينيك شحال من موقف خطير طرا .
هنية:(راسها فالارض خنوها دموعها)انا انا خرجتهم من دوار غير باش ميحطوهم فبرشيد (مسحت دموعها)را منقدرش ندوز نهار بلا بيهم .
عدنان:(عزت عليه) واش مكتقيش فيا .
هنية: لا حاشة بالعكس اعمي .
عدنان: ولديك غيكونو فيد امينة و تحت رعاية طبيب كتعرفيه مزيان لهوا انا .
هنية:(بدهشة ) 😮عمي علاه نتا طبيب.
عدنان: اكيد انا طبيب و إنشاء الله ولديك تحت رعايتي .
هنية:(بتسمت وسط دموعها )لكان هكاك صافي لبغيتوها انا معاكم .
عادنان: اشنو موافقة
هنية: 😊بالفرحات عليا ادويهم عمي 
عدنان :اذن نحسبو هذ المشكيل تحل ياك.
هنية:(باست ادو ) الله اطول فعمرك وخليلك معزيز عليك .
عدنان: هذا واجب ابنتي راك وحدا من بناتي يالله سير فاتحي و لديك فالموضوع باش العشية نديهم


خرجت فرحانة من عندو طمأن قلبها عليهم فاش واحد بحال سي عدنان غيتكلف بيهم ... هوا بدات ليه محبة خاصة عندها ...بتصروفاتو و معمالتو الباها كسب تيقتها العمية ...باش واحد متقف وواعي اعطي قيمة ووقت المسطي را مشي ساهلة . 

قلبت البيت مالقاتهم وصالون مكينينش فيه إذن بقات جردة كالت مع راسها أجي نخرج ليها من باب الكوزينة و منها تشوف فتيحة .

مع دخلا جات عينها على 1 2 3 ديال البربورات ممدودين واحد فجرجم الكوزينة وفوق البوطاجي كانت ليزا و جوج حدا باب جردة توبة واقفة كطل و فتيحة جالسة على ركابيها .

قربت بالحس تعرف شكيديرو تما و طلقت و دنيها.
فتيحة:😍ياختي ياختي على العضلات من الكومبلي قربو يخرجو.
توبة:😍والحية الحية مرتبة كتر من حياتي
تسرحت وخشات راسها تحتهم تشوف فاش كيشوفو بلا ميردو البال .
هنية:ااااه عوومار الكريدي .
فتيحة كتحس بشيحاجة كتكلها فسيقانها مع عريانين ..المرة الاول ضربة برجلها المرة تانيه بغات تحكها دار اديها وقست شي حاجة كتحرك عند بالها كلب و لا مش فتيحة: واااااااااع 
توبة: وااااااااع ...طاحت فتيحة و طاحت عليها توبة وليزا من خلعت الغوتة خرجت من جيهة تانية الشرجم .
فتيحة: ااااي نوضي بجغتيني نوضي 
توبة : احح بلاتي علاش غوتي 
فتيحة: 😨شوشو شي حاجة كتحرك تحت ضهري 
وقفت توبة بزرباا معونها توقف كيشوفو هنية منشورة التحت كتوجع .
توبة:😱هنية اويلي مالك
هنية:😫مممم و مي عضامي 
فتيحة:(كتحول تسندها)شكديري تحتنا وقفي ...تعونو حتى سندوها.
هنية: يالكافرات بالله عصرتوني 
توبة: شنو كنتي كديري تحتنا .
هنية: اتبعكم البلا كنتفرج فعوومار بحالكم.
توبة :😟شكون.
فتيحة:عماار بغات تكول عماار ياك .
هنية :(غادا كتعرج ) دعيتكم الله دعيتكم الله وفين مي 
فتيحة :(بالغوات حيت بعدت )واجي غير نداووك وااا هنية 
هنية:(بالغوات ) واااااااعطوووني تيساااااع تقتلو الميت و تمشو فكنازتو ومي ضهري 
توبة : مسكينة قتلناها شتي تيتز فين خرجنا ...يالله من بعد و نكملو...خرجت و خلاتها 
فتيحة : أوكي ليزااا ليزااا فينك نوجدو الغدا ليزااا بفف فين غتكون مشات هذي .......ليزا تحت شرجم مغيبة مكاين لشايفها.
~~~~~~~~~~~~
عند العربي و ربيعة لخلاو أكرم شيب ناض فراسو هرب مسكين .
العربي:😠صافي طجطتيه هاهوا مشا 
ربيعة: و نتا لبارك عليه نشركو المغااز 🐐نتا رأس المال و هوا إسرح ليك فين عندك شي فلوس ياك تقعتي.
العربي:(دار رجل على رجل ) ايه و بخيري و خميري (شاف هنية جايا ) تعالي تعالي كلسي معانا
هنية: من امتا و انا نقلب عليكم 
ربيعة : وفين خليتينا ها حنى كنا نقرقبو ناب مع راجل طفلة لفجوندارم.
هنية: وفين مشاا و لا خلعتوه تاني،
العربي: ولواه لواه غ كنا نتعرفو عليه و صافي 
هنية:(بجدية) ماا باا بغيت نهضر معاكم 
العربي:(بجدية) إيه ابنتي كولي شضارك.
هنية:(وقفت ) نمشو البيت و نتكلمو.
ربيعة : إيه مرحبا زيدي .

ناضو البيت مجموعين هنية قلبها كيضرب فتسعين خافت ليفهموها غلاط و يكولو بغات تهنا منهم مدة و هيا ساكتاا و كتشوف حتى فيقتها مها من سهواتها.
ربيعة: رجوع ع الله ابنتي فين سرحتي.
هنية:هاا هانا هانا معاك اماا 

العربي غير حاضيها عارف بنتو فالمواضيع الجدية كتكون مخربقة متعرف متقدم و لا متوخر .
العربي:غا كولي ابنتي حنى غنسمعوك و نفهموك...حس بيها.
هنية:انا انا بغيتكم تبراو و ترجعو كيكنتو انا توحشت باا و ماا لبعقلهم .
ربيعة:(بحزن)وعلاه حنى كرهنا را الحال ميشاور ابنيتي .
هنية: عمي عدنان كالي غيدويكم فسبيطار و كالي اديكم معاه 
العربي: وهذي خبار زينة ومالها شفيها بالفرحات علينا ياك اربيعة .
ربيعة: واي واي حتى حنا نولو بعقلنا ايه شكون بحالنا .
هنية:بصح هيا بغيتو 
العربي:ومالنا منبغو نوضي جمعي لينا شكوشنا . 

ودكشي ليكان جمعت هنية حوايج مها و باها ...ورجعت علمت عمها بموافقتهم .

ملاك ،زهرة ،توبة، أكرم هاز زيد وحتى فتيحة و ليزا لفاقت راسها ... مجموعين قدام الباب برفقت عدنان و شيفور جاو إودعو ربيعة و العربي لممعروش شحال غيغيبو على حساب تفاعلهم مع العيلاج.
هنية هازا شاكوش ومصبرا راسها بزز قلبها كتقطع بغتهم إبراو و فنفس الوقت مقدراش تبعد عليهم .
زهرة:(كتعق ربيعة) الله إجيبكم على خير و بشفاء العاجيل إنشاء الله
ربيعة:(صوت مبحوح) امين ياربي ختي زهرة بنتي امانة عندك .
زهرة:راها واحدا من بناتي متحتاجي توصي.
ربيعة: خيرك عمري نساه .

دموع و خزن الفراق صعيب واخا ماشي مدة طويلة ...شكون غيدير زبايل شكون غدي اضحكهم .

من بعد عيناق دام عدة دقائق مسح دمعة من عينو وباس بنتو فراسها موصيها و مصبرها ...شد من عندها شاكوش و ركب حدا ربيعة لشافتو وتوسدت راسو مكملة على دموعها و زاااد بيهم عدنان الامستشفى الامراض العقلية.


داااز شهر على هنية فدار عائلة الادريسي بلا ولديها ....كل نهار كيعطيها عدنان تقرير موفصل على الحالة ديالهم و رغبتهم فالعلاج ،شئ لكيخليها مرتاحة فمدة قصيرة دارت بلاصتها بينتهم زبايلها نقصو ديما خاشية راسها ففتيحة و توبة تولاتي خطير لتجمعو إرونوها.

هارون غارق فالخدمة و تحضيرات الحفل لبقالو شهر ونص تقربا بموساعدت قيس لولا قليل فاش كيشوف توبة ...بحال هارون لنيقشاتو مع هنية مبقاشت .

اما أكرم عايش الحب مع مرتو لبغا إموت إموت واخا الفنكوش ديمة معدبهم كيجبهم حتى نص علاقة الحميمة و قفزهم 😂حال لعنو الولاد .

عيات زهرة تفصل و تخيط تجمعهم و لا تفاتح ولدها فموضوع زواج ديما هارب ليها و داير سبا بالخدمة واليوم غتشت هذ رمانة حد صبر هوا هذا
~~~~~~~~
مجموعين فصالة من بعيد تعرفهم كيخططو الشيحاجة
غير الله احفظ منهم و صافي تلاتي جديد ضهر فساحة زهرة و بناتها .
زهرة:صافي اليوم هيا اليوم و سلينا
ملاك: اه بصح هدشي طول و حنى بغينا نفرحو بيهم
توبة : انا خايفا غير اعيق بينا ومشي كولشي
ملاك: مكاين لغيخرج علينا قدك من الاول مدخليش معانا.
زهرة: لا لا وجودها ضروري موهيبتها فتمتيل غتنفعنا(شافت فتوبة) وياويلك و تخوي بيا خبارك اجيبوها تالين.
توبة : هههه لا لا كوني هانية صافي مشات
زهرة: 😈الابتيزاز العاطفي ....ضربو كفوف بعض و جمعو الوقفة التطبيق .
~~~~~~~~~~~
عند هنية و فتيحة لكتعلهما طريقة تحضير لازانيا .
هنية:(مخسرا صيفتها) دبا هذ الكارطة هيا العشاا..وكلينا بكري
فتيحة:😒الكارطة حطي حطي نتي غتفرجي و سكتي وتعلمي .
هنية: وكون غمديتيها ليا نضربهاليك و نشوف زهرك و ميمونك و حتى سعدك .
فتيحة : (كتوجد فصوص) لا فكرة حسن اجي لعبوها كااااع حنى اش كلتي .
هنية:دبا لاش كطنزي را كندوي معاك هنتي هذ صفرا تخيليها كبار زعمة راجل وهذي سوطة زعمة عكوزتك .
فتيحة: نوضي من حدايا را كولهم صفرين ..جرات عليها من الكوزينة 
هنية: (كطل عليها من شرجم) و غاا مديها لعبها مع عووومااار ...رمات كلامها و علقت لتجي فيها دقة توشات القلب الحب عدوها لسميه عووومااار
فتيحة:😤عماااار سميتو عماااار 
عماار :😕نعم بغيتي شيحاجة
فتيحة:(خلعها) تف تف بسم الله الرحمان الرحيم احم (صوبت شعرها)هيهي بغيتي شوية فالخوبز مجاكش جوع.
عماار:(مستغرب من تصروفاتها) لا شكرا غنشرب و نمشي.

عينها فبو عضلات و الحية و هوا عينو فزين المسرار هنية ...لمهمها لا زين لالحية عارفة صحبتها طايحة على زنفارها وطيحتها خايبة كون ممتبتينها و شدينها.
كون شحال هذي تلاحت عليه وطيحت براسها قدام رجليه .
الحصول الله اخليهم ليها وخلاص وهنية ديماا دعوت الخير من فها ليها خارجة ياربي تجعلو من نصيبها وتلم شملهم لفيه خير .


غاديا جايا فبيتها وكدعي من قلبها كولشي إدوز مزيان عدنان معضم وقتو كيدوزها مع العربي وربيعة إذن هذي فورصتها طبق خوطتها حيت لكان غتفرش .

سمعت حس للوطو داخلا طلات من شرجم باليها جاي مع قيس و أكرم ...رجعت كلست كتحاول تصرف عاادي
زهرة:أوووف أوووف تهدني اهيا ناري راك نتي لولداه كالم.
~~~~~~~~~~~
كترير بيه فصالون عنكشها مجاه البكا غ داباا مبغا لا رضاعة لا والو مالو واش بيه حتى وحد معرف .
هنية:كلسي راك دوختيني مسكين را ماشي هكاك باش غيسكت
ملاك: وشنو وشنو ندير اختي راكي تشوفيه من صباح مبغاش إسكت .
توبة:(جايا كتجري) ها ها هاهوا جاا جا 
ملاك:(عيات تخنزر فيه تسد فمها والو من تحت سنانها نطقت سميتها) 😬تووووبة
هنية: تي شكون جاا؟
توبة:هاا رجلي خويااا ها شكون جا اه اها رجالها رجالها والله حتى رجلها.
هنية: رجوع الله اتوبة شوية لباس.
ملاك:باه باه لجاا ياك 😬
توبة:(كتحك راسه اه هوا غير نسيت بغيت نكول تلفت 
هنية :لتلفتي شدي لرض 

تحل الباب دخلو منو بتلاتة هارون قيس و أكرم مزال مكملو حتى سلام 
توبة :(سادا عنيهابزربة دوات) هارون تكلم الماما دبا و دبا بغاتك .
هارون:😕دبا دبا 
ملاك: اه دبا دبا 
قيس : ياك ممريضة
توبة: اه🙊لا لا بغيت نكول لا
أكرم : يالله تطلو عليها كاملن 
ملاك:(بالغوات) لاااااا. ..حتى قفزتهم دارو كاملي كيشوفو فيها .
هارون: حالكم معجبني اش كاين.
ملاك: زعمة عير نتا بغاتك غير نتي ياك اهنية 
هنية غ كتشوف فيهم اش دخلها ياك بينتهم تودات سميتها جوج مرات عاد صحات: هاا اه اه بغات قارون زعمة هارون .
هارون: واخا غنمشي نشوف مالها ...طلع هارون عند مو تحت نضرات ملاك وتوبة غير وصل الفوق علاقت توبة تابعاه بجرا .
ملاك :شد شد شد نتا ولدك ...تبعت ختها بجرا 
أكرم:(شدو ) بلاتي فين غاديا هااي ملاك بفف مشات 
قيس:😮نقطع ادي لمكانت شي خطة هذي (شاف فهنية ) ياك.
هنية: والله اخويا علمي علمك .
أكرم:يااااااع ياااااااع شهاذا ...دارو جيهتو القو زيد تقياا عليه.
قيس:هههههه و محبة من نوع خاص اصاحبي.
هنية: ههههههه ارا ارا نشدو عليك .
أكرم: (كيعيف) ياااع شدي اختي شدي واكل البيض هدشي صفر .
هنية:هههه لواه غ الحليب ارا نبدلو سير مسح حالتك...عطاها و مشا امسح حالتو 
قيس: ههههههه حبيب خالو عبرتي عليه



وصل بيت مو دق عاد دخل القاها كالسا كتقرا المصحف .
هارون:سلام قالولي طلبتيني.
زهرة:(حطتو) اه دخل اولدي وعليكم سلام توحشتك و بغيت نكلس معاك فيها شيحاجة (بزعل طفولي ) ولا ياك مخصني موعد حتى انا.
هارون:(جلس حداها شد إدها باسها)لا حاشاا وقتي كولو ليك(بنضرات شك) ممم حاس بلي تحت راسك شي حاجة اري معندك راني عارفك.
زهرة:(تنهدت وجاتو نيشان) واش اولدي مزال مهداك الله .
هارون:(سل إدسو من اديها باللطف) نفس الموضوع تاني واش فين م نشوفك تجبديه.
زهرة: اه اه غنبقا تبعاك بيه تيرطاب داك راس عندك علاش مدير بريي الله اهديك عطيني سبب موقنع
هارون:(سكت مودا وجاوب معندوش سبب)مزال مكنفكر فيه.
زهرة:(تعصبت )كيفاش مزال مكتفكر واش 30عام راك شرفتي (تنهدت )راني بغا نفرح بيك.
هارون:(قبل راسها باللطف محاول انساحب ) تصبحي على خير ....كالها و عطاها بضهرو فطريقو الباب قبل ميوصل سمع صوت شيحاجة تزدحت مع الارض بجهد.

دار مخلوع شاف مو طايحة وفأز كبير مشتت حداها طيحتو عمدا باش إسمعها .
هارون:(كيحاول افيقها) الوليدة واش كتسمعني فيقي عفاك .
زهرة لاعبها و موتا حمار صارعها عيا إفيق فيها والو هزها وحطها فوق سرير و بدا اغوت باش إسمعوه هذي كانت إشارة الملاك و توبة ملاصقين ودنيهم فالباب .

تحل الباب على جهدو داخلين منو جوج عجاجات الخوف المصطنع مالي وجهم.
ملاك :اشنو وقع مال ماما 
توبة:(طاحت حداها تبكي و تنوح)ماما ماما واش كتسمعيني فيقي عفاك .
ملاك:(بنضرات غضب شافت فخوها) 😠عصبتيها ياك عصبتيها تاني.
هارون:(مخلوع عليها ) سربي جيبي طبيب و باركة من تخراج العنين ( تحنى بغا اهزها) ولا انا نديها.
توبة:(عنقتها) لا لا خلي ماما حنى 
ملاك:(طارت من بلاصتها) غنجيبو غنجيبو....ومشاات تجيبو.
هارون:بعدي شوية خنقتيها ..جبد الماء من حداه كيرشها والو مدام زهرة تحل نص عويناا حتى طال و ترجع تسدها الحد ساعة خطتهم مزيان.

بعد خمس دقائق تحل الباب داخل منو طبيب نضاضرو تشوف عوجين كول قميجتو مخربق باينا العمة كان مقجوج.
ملاك :هاطبيب دير خدمتك (بتخنزيرا منها فكرتو فكلامها لحفضو ).
طبيب:م م مالها .
هارون:(مردش ليه البال حيت الخلعة على مو كسياه)كانت وافقا حتى طاحت معرفتش مالها.

دار طبيب خدمتو فحصها مرا مرا امسحو جبينو لبالخلعة كيعرق كيهز راسو فهارون مخنزر و ملاك بحالو تكول حاصل بين جوج سبوعة.
هارون:😠شنو عندها.
طبيب:(كترعد) عندها عندها القب (عفطت عليه ملاك اتوكد)بغيت نكول القلب اه عندها القلب .
توبة:😭ماما إهئ إهئ الله ياماما حبيبتي المن تخليني
هارون:😤سكتينا شوية(شاف فطبيب حاول اتكالما) كيفاش القلب إغماء بسيط سبابو القلب .
طبيب: القلب عضو حساس فجسم الانسان بسبب تقليقة اقدر اوقف.
هارون:واش من نيتك فين قاريها.
ملاك:(تدخلات) واش نتا تفهم حسن من طبيب را خدمتو هذيك الله اهديك.
توبة: هاهيا هاهيها بدات كتقيف..... دارو بفرحة العندها اشوفوها.
هارون: (شاد اديها ) باش كتحسي واش كتسمعيني .
زهرة:مممم ..(كتحول تحل عنيها تقالا لشفتيها تحلف عليها شادا فراش الموت) بغيت بغيت نشرررب.
تسابقو على الكأس السيت الحوسن و جمال تشرب ...هز هارون رسها بشوية شربت رشيفة وردو.
هارون:شوية دبا 
زهرة :حركت راسها
طبيب: باش كتحسي امدام 
زهرة: قلبي قلبي ادكتور قلبي...


تقدم طبيب الجهتها عاود رد صنطات الودنيه وحطهم على قلبها.
طبيب:واش هنا ؟
زهرة:(بصوت عيان )كح كح اه تما تما 
هارون:(جلس حدا راسها) واش مزال مزيرا نديك الكلينك.
زهرة:(مشفتش جيهتو زعمة مقلقة) بنتي توبة حبيبتي.
توبة: 😭ماما خلاعتينا عليك فين غتمشي و تخليني عمرك تعوديها .
طبيب: احم احم 
هارون:(بلا ميشوف فيه) ملاك وريه الباب.
ملاك:شوف بعدا شنو بغا يقول هضر ادكتور شنو عندها.
طبيب:سي هارون ممكين واحد دقيقة...جمع طبيب دوزانو خرج و الحق عليه هارون القدام باب البيت.
هارون: وي كنسمعك.
طبيب :(كيحاول ارتب كليماتو وحاضي مع ملاك لكطل عليه) احم كيف شتي الوضع ديال المريضة شوية صعيب.
هارون:(مخنزر)والمعنى شنو خصني ندير ؟
طبيب:🙍بعدوها على اي حاجة كتوترها و لا تقلق حالتها مستقرة دبا ولكين من بعد معرفناش ضروري من الحيطة و الحذر انا غنوصف ليها شي دواء تخدو إهدن ألام قلبها بشيفاء العاجيل إنشاء الله.
هارون:(تنهد ) أوكي شكرا تقدر تفضل ....يالله غيشد من عندو الورقة طارت بيها ملاك .
هارون:(مزال ماد إدو)😕مالك؟
ملاك:انا غنجيبو بلا متشطن راسك.
هارون:غير طلقي نعطيه الكارد اجيبو دبا.
ملاك:ها لا لا ماما كتعيط بسميتك فنعسها خليك حداها(بحزن) مسكينة مريضة.
هارون:واخا...شاف حتى عيا وزاد تصروفاتها غراب ولكين مرض مو المزيف مخلاليه عقل باش إحلل وناقش .

كانت كتوشوش التوبة بشوية غير سمعتو رجعت نعست .
توبة:ماما حبيبتي والله مبقيت نعصبك إهئ إهئ غير حلي عنيك.
هارون:(عزت عليه عنقها) شووو اجي عندي دبا تولي لباس (مسح دموعها)سيري علميهم اوجدو متاكول.
توبة:😢واخا دبا نجيبو.
~~~~~~~~~~~~~
مجموعين على طبلة ديال العشااا عياو ميتسناو تعطلو حتى وحد مبان من الخوت .
قيس:بفف فين هذو العشاء برد
هنية: ناري و زبلانيا لبردت مغيقا فيها ميتكال .
أكرم:شناهيا
هنية: زبلانيا واحد الكارطة صفرة دارتها فتيحة فطاوا 
قيس:😂لازانيا ماشي زبلانيا 
هنية:رضااا هذيك هذيك مهم كارطة صفرة 
أكرم: ههههه شي مصطلاحات عندك علام من فين كتجبديهم.

يالله غتجوبو شافت توبة عنيها حمرين جارا رجليها جهتهم .
هنية:توبة مالك😰؟
توبة:(ترمت فحضنها) 😭ماما اختي مريضة
قيس:(ناض قافز )كيفاش مريضة 
أكرم:(تخلع)شنو عندها واش نجيبو طبيب
توبة:إهئ إهئ طبيب شافها و مشا كالنا قلبها عيان شوية.

صعقتهم بكذوبها مشاا كولشي إجري و تجارا إشوفو حال الحنانة ...فضرف دقيقة دارو بيها كاملين كولشي اسول على حالها و احوالها .
زهرة:(بصوت عيان)كح كح انا لباس لباس
هنية: الله ياخالتي عوينة و صابتك كنتي صحة سلام 
زهرة:(شافت فهارون)ماشي عوينة دوايا عند ولدي.
هارون:(فهمها)مجهديش راسك راك سمعتي طبيب.
هنية:(شافت فهرون)علاه طبيب كان هنا
هارون:وي جابتو ملاك
قيس: من فين دخل كع مشفناه
أكرم: إمكن فاش كنا فجردة مع زيد
هارون: ممكين يالله لطمنتو عليها خلوها ترتاح.
هنية:(وقفت)ميكون عندها باس خالتي دوزي بخير
هارون: شكرا 
زهرة: (بعصبياا )لا لا ..كولشي دار عندها مستغرب من نبرت صوتها لعلات.
زهرة:(وعات على راسها رجعت تكات )بقاو حدايا انا بغتكم كاملين حدايا باش نموت مرتاحة.
هنية:😭إموووت عدووووك لميبغيك اخالتي .
هارون: جاب الموت الكلام راك دبا تصحي غير صبر
أكرم: بصح إنشاء الله مزال توقفي على رجليك.
قيس:واش متاكدين جبتو طبيب.
زهرة:(بغات تلفو) قرب قرب اولدي نشم فيك ريحة مك توحشتها.
قيس:مي
هارون:(خواليه طريق و غمزو إسايس) اجي هنا بلاصتي .
قرب عنقتو حتى جاف مسكين عند بالو محبة هيا غير مغددا من سيرت طبيب لكول مرا جبدها.

سدت الباب و بتيسمت نصر على وجها دبا فاش صدرت طبيب ..دوز تكمل دورها معاهم فطريقها البيت مها تلاقات بتوبة لوصات ليزا على زيد تقابلو هذ ليلة.
ملاك: ودبا الخطوة تانية 
توبة:😈صهير ليل على الله اعطي هذشي ناتيجة مزيانة .
ملاك:اكيد غتكون نتيجة غير صبر ميطل صباح حتى تجمعهم.
توبة:(جرتها )يالله زيدي.

تحل الباب ودخلو منو الحزن و دموع تماسيح نحيط و البكااا تكول عزاا .
هارون:(بنفاد صبر فرعو ودنيه) صااافي براكة من البكاا هنية: غاا سمحلينا اسي قارون القلب طايب.
هارون:(حاول اتمالك اعصابو) فهمتكم غير راها ناعسة دبا سكتو شوية.
قيس:واش كلتوها العمي .
ملاك :(فحضن اكرم كيصبرها زعمة) بابا جاتو خدمة على غفلة باراكة ماما بلا منزيدو نمرضوه.
أكرم:(زاد خشاها فحوضنو) شووو صافي تهدني.
هارون: بصح مكاين لاش نشطنوه


داز الوقت هارون متكي على ادها داتو عينو بجنبو توية مسندا عليه و جيهة تانية هنية ...فوق الفوطوي أكرم فحضنو ملاك و الكرسي متكي عليه قيس راسو عوج.

تسمع صوت خفيف تحت مخدتها سلت اديها بالفن طفاتو كان المنبه لعمراتو على 3:00 ديال صباح دورت راسها فرجاء البيت كولشي ناعس .

عزو عليها و لحظة حن قلبها معطتهاش خطرها تقفزهم فدقيقة تسعين زات تشبتت بيه مخلالها حتى حل جاتو بالخاطر و التهديد مقصح راسو .

ومفيها والو لجاتو بالحيلة و الحيلة حسن من العار رجعت تكات و دعات فخطرها كولشي إدوز مزيان..تنهدت و عاودت تنهدت قبل مطلق حلوقها صامكة وذنيهم.
زهرة:(عنيها مغمضين كارزة على الفراش)واااع سير سير بحالك مبغيتش نمشي مبغيتش.

غواتها لتحسو من البوق خارج ..شي كركبو و شي ناض طافج و شي كان فالاحضان حتى ولا مرمي فالاقدام 

هارون:(قلبو فرفر) مالك الولدية جوبيني حلي عنيك .
توبة:وااااع ماما كتموت ماما
قيس:خالتي واش كتسمعينا خالتي جاوبي
ملاك:(كتحك نصها حيت من خلعة جابها أكرم مزدوحة)بعدو بعدو خلوها تنفس ماما تهدني عفاك.
هنية:بو بو بو غطاط بو بو غطاك شدها بغطاط .
هارون:(مستريسي بزاااف) بلاتي نهزها قيس وجد اللوطو.

زهرة سمعت اللوطو بدات كتهدن تدريجيا و تحل عنيها وجها حمر حيت كانت كتعصر😂وتهز و تحط.
ملاك:هيا هاهيا تهدنات ماما جوبينا.
هارون:(كيمسح جبينها لعرق)غير كبوس تهدني .
توبة:شكون مبغا يخداك منا اماما شكون .
قيس:شنو شفتي خلاك تفزعي.
زهرة:(ريقها نشرف) الماا بغيت الماا 
شربها هارون المااا هلى مهل و عاود حط راسها على المخدة كولشي كيتسناها تهضر.
زهرة:وقف عليا كولو لابس البيض بغا ياخود روحي 
هارون:شكون هذا
زهرة: ملاك الموت جاني ملاك الموت
قيس:😕ملاك الموت و بالبيض ...خنزرت فيه توبة و سكت هذشي مدخلاش ليه الدماغو .
هينة: مسكينة خالتي مزال مشفتي متشوفتي .
هارون:سكتينا(رجع شاف فمو) غير كتبوس علاش مخلوعة.
زهرة:(عنيها عامرين دموع) ياااخوفي ياااخوفس شي نهار اجي اديني مزال مفرحت بيك إهئ إهئ
هارون:(دموعها سلاو معاه) شووو تهدني عمرك مزال طويل.
توبة: إهئ إهئ ماما حبيبتي مزال مفرحت بحفادها(شافت فخوها) حرام نحرموها.
زهرة:(شدت إدو) كح كح كح اه اه قلبي طايب الاعمار بيد الله اولدي معرفت اليوم و لا غذا أومنيتي نشوفك عريس و بولادك .
هارون:إكون خير نتي غير صحي و نتنقشو من بعد بلا مضغطي على راسك كتر .
أكرم:عندو صح صحتك دبا هيا...
ملاك:(من تحت سنانها) ديها فسوق راسك و سكت 
أكرم:😯😯

هنية فين هنية غير حاضيهم من بعيد بقات فيها زهرة لصرعت الدور ...ساهيا حتى جرتها توبة و كلستها حدا مها.
هنية:(شادا إديها) هنا حداك اخالتي قطعتي قلبي.
زهرة: عارفة معزتك عندي ومكانتي عندك راك واحدة من بناتي و بغيتلك غير الخير(شافت فهارون) انا انا كح كح ..
هارون:(خلعتو فاش زيرت على إدو)بشوية عليك متجهديش راسك.
زهرة:(كطلعها بزز)طلب واحد طلب واحد كح كح 
هارون:اشنو طلباتك فوق راسي .

زهرة شدات ادو و حطتها على إيد هنية لتصمرت بلاصتها و هارون تشاوكا اش بغات تصنع مو و الخضرين حلو فمهم من غير ملاك و توبة طبعا .
هارون:(حاول إبعد إيدو) شنو كتحولي ديري 
زهرة:(عاودت جرتها) أزمنتي الوحيدة منك لكانت مك و عزيزة مطيحش كلمتي و تدي سخطي بغيتها عروسة ليك.

سطل ديال الماء بارد بحل التخوا على راسو موقف لا مفرا منهو وباش زات رابطة السانو ها سخط هارضاا معرف ميقدم و لا ميوخر زواج لديما هارب منو هاهوا تحط قدامو ساهي و سارح بخيالو وعى على صوت مو زهرة: سمعني صوتك كح كح كح مبغتيش.
هارون:(كاتم غضبو ) من بعد من بعد صحي ويكون خير صحتك هيا الاولى.
زهرة:(كتحرك راسها برفض ومتشبتا بكلاهما) كح كح انا بغيت كلمة رجال (شادا قلبها) شوف من حالي و رحمني إهئ إهئ واش ممنحقيش نفرح بيك هذا منسوا عندك.
هارون:(سد عينو وتنهد بعومق شعندو ميدير حط كواريه وستسلم) خاطرك ميكون غير خاطرك نتي غير تهدني و تشفاي. 

الفرحة على شوية و تفرشها تحكمت فراسها مزال مسلات باقا هنية لراسها الارض غير ساكتا و كتشوف عرفت تالعب بنفسيتها .
زهرة:كح كح ونتي ابنتي سمعيني جوابك .

مدة صمت لحضة فرح هارون و تمنى من قلبو ترفض و تريحو من هم زواج تقليدي هز راسو فيها بشوفات فشكل إمكن ترجي برفض و لكين هنية قراتهم بطريقة أخرا نزلت راسها الارض حشمانة و حنيكاتها حمارو .
هنية:😳لتشوفيه اخالتي شوار شوارك.

بالفرحة جرتهم بجوج الحوضنها تعنق و تبوس قلبها طااااير ولمعاها طيرين قيس عااااد طفات عليه شمعة وفهم البلان لدار الهارون كون ما توبة غمزت ملاك ميدي ميجيب واخا كعجبوش الحال حيت تخلعو و لكين طال مع راسو هانياا سرو نيت غ القوالب.


🌞اصبحنا و اصبح الملك لله 
صباح زين مدخل الفرحة على قلب زهرة لكتصايب زيفها قدام المراية وجها البشوش كاسياه البهجة ...تفكرت البارح فاش كولشي خرج وخلاها ترتاح خصرت صيفتها فاش جا فبالها هارون لمنطق بحتى كلمة حدو كال ^نتي مولات شي و شوار ^.
زهرة: (هزت كتافها) كولنا تزوجنا زواج تقليدي مالو شخصنا ولدنا و كبرنا دبا تشكر ميمتك عليه.
~~~~~~~~~~~
بالها سارح البعيد مرداتش البال بلي بوحدها بقات فطبلة ديال الفطور كولشي فطر و خرج .
مغمضاتش عينها تفكير شاغل بالها فالقرار لخدات واش مزيان زعمة راها من نهار عرفتو وهوما ديما مشدين وعساك مزوجين .

ومالها شفيها راجل زين وبخدمتو فين تالقا بحالو ولهرب الزواج هرب الطاعة خصها دبا غتقنع ولديها ااووه ولديها نساتهم وخايفا من ردت فعلهم وزيد عليها توحشتهم .
هنية:(هازا كفوفها السما) ياااربي تياسر الامور يااربي تفكها من عندك و دير شي تويل ديال الخير .
فتيحة:لولولولولولولوي والله حتى فرحتلك ياختي ممشات حتى درتها.
هنية:😒وصلاتك سخونة ياك
فتيحة: (جلست حداها) ايه حبيبتك قلبي توبة لوخا قفزتني من نعاسي و لكين الخبار لجابت تستاهل مال زين معبس مم.
هنية:(تنهدت) معرفتش اختي خايفة هذا زواج ماشي لعب .
فتيحة:خايفة وشنو خالعك ياختي كون كنت منك نطيير مديا مول شي زين و القامة وزايدها بخايفة بفف انا غ كاارد وحلف لحدر قنانفو تكول غ هوا ليكاين 
هنية: هههه هبيلة تبتي و قلبي عليه و الله تيجي حتى العندك ديري بكلام مك هنية و غ تخرجي بمزية .
فتيحة: كلمك فوق راس و العين احبيبتي بلا بيك كون مشيت خلا ...يالله تهزي من تم و نتي كرمتي على الكرسي را وقت الغذا هذا .
هنية:(وقفت)نمشي نشوف عووومااار ..هربت
فتيحة :😬ااااع و نشدك و عماار سميتو عماار و سري انا لجايا نخفف عليك .

سلكت منها شي مرا تعوقها دغيا تمحات الضحكة ورجعت تقليقة مبالها غير البيت فاش كانو كينعسو ولديها دخلت ليه و تجبدت غاارقاا فنعسها 
~~~~~~~~~~~
كيفو كيفهم و لا كتر منهم بالو ماشي غ سارح طاااير قيس عيا اهاجي و فصل و لكين شكون سمعك .
قيس: هيهو اوووو و بنادم (لا مجيب )هووووب...صيفطلو ستيلو جاه فجبينو.
هارون:😬وا المرض اش كاين.
قيس:(مبرد و طالق درعانو على الكرسي ) ممم نسولك نتا لسارحهم من صباح لمن كنشرح انا .
هارون:(حك بلاصت ضربة)مرديتش البال 100فراس
قيس:بالك شاغلو موضوع البارح فين الموشكيل.
هارون:(تنهد) موشكيل فزواج بوحدة معرفهاش و بزز باش نرضي خاطرة الوليدة ...كيفاش غتكون حياتي معاها ونتا عارف بالي تفاهم بيناتنا ياستحيل إكون.
قيس: الكلمة عطيتيها و راجل كيبقا عند كلمتو معليك غير صبر متعرف اقدر إكون امال من بعد.
هارون:بفف نحاولو وخا بالي شي امال مكاين على قبل الوليدة وزاد عصبني انا مرفضاتش.
قيس:كيما نتا درتي الخاطر المك حتى هيا دارت بخاطرها سو مكاين لاش تلوح عليها اللومة بجوجكم معلقين فهاذ القضية (وقف) يالله تمشي.
هارون:لا غير سير انا حتى ليل .
قيس: عمر الهروب من المشاكيل كان حل .
هارون: انا مهاربش فغي مشغول نسالي و نجي اوكي و دبا الباب وسدو معاك.
زاد قيس و خلي وراه هارون لغارق فهمو و هازها من جيهة تقيلة طولشي ليه حل خاص غير سياسة.



من بعد نهار طويل فسوق تقدات كولشي لخاصها حيدت صباطها و سرحت رجليها كتكمدهم مسائل الخطبة كولها جابتها حتى من الخواتم ختارتهم بنفسها 
دبا خصها غير عدنان إبان و ديرو وقت باش إطلبو اديها من ولديها بطريقة رسمية ... هذ الاخير لفرحو الخبر وخبرها بلي جاي فطريق .

زهرة:مزال مجاا ...كان سوألها الفتيحة لجابت كأس الماا و مداتو ليها.
فتيحة: مزال الالة 
زهرة:(شربت) ممم شكرا وهنية فينهيا 
فتيحة :فجردة مع توبة .
زهرة:(عطاتها الكأس) اوكي شكرا غير سيري.
~~~~~~~~~~
كتقلب فوجها و إديها شوية تحنات تشوف رجليها 
هنية:(شادا كسوتها) حيدي مكافشك واش تصطيتي 
توبة:(كتحول طلعها) وغير خليني نشوف عفاك.
هنية:وسيري التيساع شوفي رجال دايرين بينا و نتي باغا تعريني .
توبة:(رجعت جلست بلاصتها) ماشي موشكيل من خلال فحصي الاديك و وجهك تبيالي بالي واخا نسد عليك نهار كامل فمكينة ديال صابون ميبانش فيك ضااو.
هنية:(كتشم حويجها) وا غ البارح دوشت و مكاينا حتى ريحة شتك غ باغاني نخلي دار عشك و صافي .
توبة: نووو هذا دوش من نوع خاص كولك خاصك إصلاحات من راسك الرجليك ياعني نهار كامل فبيوتي سنتر وشوف و شوف خصني نعلم ماما ونمشو غدا.
هنية:😕فاااش؟
توبة:بفف نساااي (تلاحت عنقتها) واااااو مرت خوياااا واخيران .
هنية: ااااع بعدي قجيتيني كح كح مزال موليت مرتو.

قيس كان وراهم كما العادة فالحضات الحنينية وبتصويرة عالمة من نص📡 توبة من زهرو كيجي معاها ممدودة HD .
قيس:(مسح على وجهو بقلة حلية شي نهار تجلطو)سلام.
هنية:😄وعليكم سلام اجي اجي تكلس.
قيس:(جلس) كيدايرا لباس 
توبة: 😒كنا لباس غ جيتي زحمتينا.
هنية:(نغزتها) اويلي حشومة لا عندك لباس و نتا 
قيس:اولا مسولتكش من الاحسن تكمشي اسنفورة😉..(رجع شاف فهنية) الحمدلله و مبروك الله اكمل بالخير.
توبة:😤😤
هنية:هههه مش و فار تلاقيتو (تنهدت) الله ابارك فيك واخا مزال الحال عليها.
قيس:ههههه لا هذا وقتها 

كان حاضيهم من بعيد ،خبار زواجها صدمو ودمر أحلامو لبناها فالخيال رفقت حبيبت قلبو و هبيلتو كيسماها ...معليش ماشي من نصيبو الله إكمل عليها رجع الخدمتو لبداها إ تأكد من الكارد لجابو جداد ...غافل على العيون لمراقباه من شرجم الكوزينة حوبها ليه نهار على نهار كيزيد متنكرش بلي كيضرها قلبها فاش كتشوفو ساهي فهنية ...نضرت الاعجاب بايناا و مخافيا عليها و لمريحها كتر تيقتها العمية فختها و صحبتها لباغا ليها الخير .






Tags:
أحدث أقدم