هنية في المريكان (الجزء الحادي عـشـر) | قصص مغربية

لتخ تيلي مع الارض رابع تيلي اتهرس هذ نهار قمت الاعصاب دخلين فنهار تالت و مكاين لخبار لوالو .

قيس:😠هدشي بزاف مكين اتار لحتى وحدة فيهم.

هارون: 😬ياويل و كون شكي فمحلو برب نشرب من دمو.

أكرم:اشمن شك علامن كدوي.

قيس: هحنا شكين فوحد العصابة .

عدنان: وسكتين عليها اش كتسناو اجيبوهم لينا متلا و لا يصيفطو جتتهم .

هارون: ملاك ضروري من ملاك باش نتحركو هذ اليام جرينا والو .

أكرم: وشنو علاقت ملاك بهدشي .

تحل الباب داخلا منو ملاك عاقد حجبنها وحالتها حالة بستيل سبور سورفيت نواغ وشعر مجموع لبان قدامها تسوسو .

ملاك: بصح عندي علاقة و علاقة كبيرة .

عدنان:بينتي على سلامتك.....عنقها و بعد اما لوخرين رمات سلام من بعيد .

ملاك: تجمعو عندي هنا ....حطت جوا على طبلة.

هارون: اشنو تما ؟

ملاك: ممكين اكون دليل على بلاصت هنية و توبة و لا تهديد .

قيس: حليه نشوفو 

حلات الجوال كان وسطو سيدي صغير عليه وشم تنين الاحمر.

قيس:😬هوا شتي نفس الوشم.

هارون:😠شووو اكرم شعلو نشوفو شنو وسطو .

خداه أكرم من ملاك و شعلو فالبيسي جلسو كاملين متحمسين لشنو غدي إبان فيه 

تشعل بادي بموسيقى خاصة من تورات بانكوك كتمايل راقصة على نغماتها .

قيس:😕اش هدشي؟

أكرم: شووو هاهيا حبست؟

تسمع ضحك عجيب غريب و شكون من غيرو البوص فكرسيه الملاكي خافي وجهو بجنبو كلابو لنبيحهم غاذي و كيزيد .

درت الكاميرة و هنا كانت صدمة على الموشاهدين 

البوص: ملاك 😈كتشوفيها ياك ههههههههه ملاك جيبي صباط و خوديها مممم اه وحدة حيت تانية بغيتها تحركي المرا جايا نجيب ضيوف جداد و شكون عرف إمكان تشرفينا 😉ههههههههه و تقطع الڤيديو....

هارون: ااااااااااع نشرب من دمو شكون شكون هذ الكلب امس ختي و مرتي😬

قيس: (لتخ البسي) موتو على يدي نولي المو كيفاش اعلاقها .

أكرم: تهدنو العصبية مليها نفع المهم عايشين .

عدنان:عايشا حنا شفنا توبة فين هنية وشمن صباط بغاا...(شد راسو)ضياف اشنو قصد بكلامو.

ملاك: بانكوك مممم بانكوك.

هارون:😤المعنى.

ملاك: (وقفت) هذ الفأر كاين فبانكوك اكبر خواف شفتو مكيخرج من جوحرو عندو غير معا تهديد.

أكرم: ها هنا عرفناه فين كابن و لكين اشمن صباط كيقصد .

ملاك: معرفت معرفت هوا ذكر صباط نجيبوه و ندو وحدة هذا كيعني بلي ...

هارون: اشنو كيعني كاملي 😠

قيس: عينو على هنية .

هارون:(شنق عليه) اشنو عودها واش عرف راسك اشكتكول..دفعو.

أكرم : بلا اعصاب عندو صح باش تفسر كلامو.

قيس: كح كح انا داكشي لفهمت .

ملاك:صافي تهدنو واش كولشي نحلوه بصداع بغيت العقل ماشي العنف اوكي.

عدنان: بصح تبتو و لا خرجو عليا براكة مكم لشادة الفراش .

هارون: (جلس) واش نسافرو و لا شنو.

أكرم: ها حنى سفرنا فين غالقوه و زيدون أرضو هديك صعيب نسلكو منها.

توبة: غنحاول تقلب على طريقة نتواصلو معاه .

قيس: ماشي حاولي خصك تالقاي براكة غير شفتا توبة معلقة من رجليها المرا جاية شنو نشوفو .

عدنان: جمعو الوقفا إكون خير و من الاحسن هذ الهضرة متوصلش زهرة.

ملاك: انا غنعلم الفريق ديالي بهدشي و نتوما بالكم مع تليفونات .

هارون:(وقف) انا غنعلمهم اوجدو طيارة.

عدنان:😣ياك عد ندوينا علاش موصير دير لفراسك.

قيس: انا مع هارون ميمكنش نبقاو كالسين.

هارون: تماما حنا شحال من فرقة انا و قيس غنسافرو البانكوك و نتوما تبعو تطورات من هنا.

أكرم: را فيها خطورة عليكم وكر تنين هذاك .

ملاك: متخافش عليهم خوتي سبوعة غير هوا من احسن حتى ليل و صباح على منصق مع شرطة بانكوك ووجد جيهاز تتبع باش نبقاو على تواصل.

أكرم:جيهاز تتبع ضىبيه على حسابي نتي غير علميهم.

قيس:مدام كولشي موجود معلينا غير نبداو.

عدنان:(هز إدو) نيقاش معهكم بلا فيدة راسكم قاصح الله إرجعكم على خير .

هارون:(تنهد) اميين امين

~~~~~~~~~~~~~~

ريقها نشف و شفيفها تقشرو كتحل عنيها بتقالة حركت إديها كتحس غير بالفراغ واش من دوخة وعلاش راسها التحت شوية بشوية بدات كتستوعب بلي معلقة ...اخير حاجة عقلات عليها مالي هبطو من الكوبتير كانو غيهربو حكموهم و تدكت شي شوكة فعنقهم .

توبة:(شادة جنب عنقها) اااخخ ياربي رسي واش كاين شي واحد هنا 😭واااا هنية وا فينكم هبطوني.

تحل باب مخزن شراب الخاص بالحانة او ديسكو تينين بلاصة باردة ...هزت راسها و هرب دم من وجها كانت شيشاا و صيااو مع كلاب هايجة .

شيشاا:😈هاااي مم هبطيها 

صيااو:دبا 😈....وكليكات على زير تحكم مهبطة سنسلة باش مربوطة توبة وصلات الارض بسلام تحلو رجليها و ناضت كتسوس فجفافها كلمت تكشيطة حرام فحقها .

توبة:فين هنية هنية فينها.

شيشاا:هههههه مالك زربانة دبا تشرفي عندها .

صيااو:(بدات كتقرب منها) صراحة مكرهتهاش ليا نتمنى البوص ميقتلها حتى إدوزهالي😈.

توبة خلاعها كلامها رجعت اللور وتكمشت أشنو عنات هذي و اش بغات.

شيشاا: (قربت كتالعب فشعرها) هههههه اول فرصة نتي الاولى ( شافت ختها) مكاين لحيدها ليك.

صيااو:(شعو عيونها بمكر) وعد 

شيشاا:(زيرت على شعر توبة) واعد و دبا تحركي نتي .

توبة: (شادة اديها حيت قصحتها) اي غير طلقي طلقي و نمشي .

طلقتها بزعفة و دفعتها تزيد القدام مع سلاح متبت فضهرها وهوما وراها ضحكهم مسموع من بعيد ناشرين الروعب فتوبة مسكينة.

صداع سيوف و لا ماس صوت ممحدد كتحاول تفيق و ضجيج فراسها إديها نيشان العنقها لعطيها الحريق ودراعها لكتحس بيها تنطرت من بلاصتها عاقلة بلي شيشاا لواتها و غرست شوكة فعنقها ملي حاولت تهرب 

كتحسس بديها هذا فراش سرير لونو حمر بحال لون الحيط لجات عينها عليه حست برهبة و جمعت الوقفاا فين هيا واش صوت الماس هذا و شنو لكتسمع .

هنية:(مزيرا على دراعها) اااه واقيلا تهرست و توبة وعتقو روح و فين انا😭.

حبس المبارزة فاش سمع صوتها بتاسم بمكر مسح جبينو وزاد حل الباب طال عليها بصدرو العاري وسيفو طويل.

غير سمعت صوت حبس و تبعو الباب تحل قفزت مزال مكملت فيه حتى شوفة طاحت على طولتها صدمها و خلاعها .....حط سيفو ومشا هزها حطها على سرير وبدا اشوف و تمنضر فوجها مد إدو محيد زغبة خارجة من زيف المخربق زاد زعم و بغا ينصل زيف تحل الباب و دار مخنزر و مكره .

البوص:😠😠

شيشاا: احم سمحلينا بوص جبنا هذ البنت معاها.

صيااو: زيدي ...دفعتها حد رجلو غير هزت راسها تشوف البوص وغيبت تابعة هنية.

البوص:😤شهد الخدمة العوجة اش داكم لشي مخدير .

شيشاا: مبغيناش نخدمو العنف حاولو اهربو.

البوص:(وقف) حطوها حداها و جيبو ميلبسو...وخرج بحالو .

صيااو: اوكي بوص.....تعاونت مع شيشاا حطو توبة حدا هنية و خرجو دبا على شحال غيفيقو تاني

راجعا من بيت زهرة دمعة على طرف عينها توحشتهم بزاااف طاب قلبها عليهم مزال مكاينا حتى خبار لتريحها و تريح مالين دار فطريقها القات عدنان .

فتيحة: سي عدنان واش نحطليك العشاا

عدنان:(لمح البلاطو لهازة مزال عامر) مكلات والو ياك.

فتيحة: مبغاتش اسيدي عيات معاها.

عدنان:(تنهد) ماشي موشكيل غير سيري ترتاحي العشاا مبغيتوش.

فتيحة: واخا اسيدي....ونساحبت مخليا سي عدنان مصارع مع راسو واش إدخل و لا لا حالتها شاطناه مي لفجهدو دايرو خاصها تعاون فراسها ماشي تزيد تهرسهم.

قاطع جبل همو هارون بجنبو قيس لجاو إطلو عليها قبل ميسافرو.

هارون: مغاديش دخل.

عدنان:يالله واخا قطعا علينا الكلام...متجبدوش ليها سفار.

قيس: نجربو حطنا معاها لا كون هاني.

سبقهم هارون حال الباب كانت ناعسة على ضهرها غير سمعتهم و مالت الجنب عاطيا ضهرها ليهم حتى شوفة مبغات تشوفهم علاش كتحملهم ذنب لجرا را ماشي هوما سباب .

واخا هكاك متنازلوش قربو بجوج جالسين حداها واحد باس راسها و تاني إدها .

هارون: مزال مهداك الله علينا براكة متمرضي راسك إنشاء الله دبا إرجعو.

قيس: واعد منا اخالتي نرجعهم نتي غير شدي فراسك واش تبغي إشوفوك فهذ الحالة .

زهرة:😢 لا موجيب دموع فالعينين صافي .

عدنان: خلوها على راحتها غير خرجو.

عاودو باسو راسها و خارجو جارين معهم هم و غم غياب گمرات الدار .

سد الباب وتكا حداها بعد منصل صباطو فالاول عارضت غير حكمها تخشات فصدرو طالقا العينان الشهقتها .

عدنان: شووو صافي غير صبري مزال شوية .

زهرة:😭😭

~~~~~~~~~~~

فاقت مفزوعة ملي حست يد تحطت عليها قلبها مشا إخرج غير شفت شكون رتاحت.

توبة: 😨اوووف هذي نتي خلعتيني.

هنية:(تكورت حداها حاضيا جنبها كترعد) ش ش شفتو والله حتى ش ش شفتو .

توبة: شكون هذا شكون.

هنية: ش ش شمهاروش وجنون سارقينا هز موس لا جنوي 😭عندو گرن واحد .

توبة: 😭حتى انا شفتو خايب خايب وسيف عندو سيف ماشي موس واااع بغيت ماما.

هنية:(سدات فمها) 😭 سكتي ياموصيبة دبا إسمعوك نوضي نوضي .

توبة:😷فين نمشو.

هنية:(بالحس) نهربو .

توبة: لا لا لا غيقتلونا هذ ناس خطيرين ماشي جنون.

هنية:(وقفت) براكة مترعدي هذو غير جنون لبان تاني نقراو اية الكورسي و يهرب غير نوضي نهربو متعكليني.

توبة: صافي صافي غنتبعك (شفت حويجهم) ولكين بتكشايط و الحفا.

هنية:(كتجمع تكشيطها) هانتي ديريها بحال سروال الواسع دخلي شي فشي و تهزي نقلبو .

توبة:(جربت الباب)ااااع هدشي مسدود بساروت مبغاش .

هنية: اجي هنا القيت فين 

توبة:(بجرا طلات)😱اويلي غتقتلينا كغنديرو نقزو را عالي بزاف.

هنية: معالي والو شدي فيا و نشد فيك نوصلو الارض بجوج نتي غ تبعيني .

توبة: الله إخرجها على خير تنقاز من البالكو و تالت إطاج غنتهرسو .

بدون جواب جرتها مافيها ساعة من نيقاش بزز باش طلعتها و رتها فين تحط رجلها غير هودت توبة شوية حبست و هنية فوق راسها شادين فالحديد البالكو. 

الحد ساعة غادين مزيان حتى توشاشت المسخوطة ديال هنية واحد الفأز صغير لترما نيشان التحت على راس شيواحد مهم تسمعت ااااي.

من الخلعة توبة شدت فرجل هنية و هنية إديها زلقو بقات معالقة غير من شراوطها لوحلين بين المسامر .

توبة:(شادة لرجها بجوج إدين )واااااع هربنا هربنا دعيتك الله خرجتي علينا .

هنية: واااااع هههههه و حبسي حبسي ميمتك حبسي😂كتهريني.

توبة:😭وااااع مضحكيش حنا فالموت مضحكيش 😭.

هنية: اووف هههههه مبغات تحبس متحركيش راسك كتهريني 😂ومي كرشي غنموت.

توبة:😨س س سمعونا صافي سمعونا.

هنية:😭واااااا عتقو روح وفينكم وهنا تعلقنا توبة مشاداش بيدي غقشبتي لهزنا .

توبة:😭لا لا عفاك مزال الموت مزال غير شدي مزيان ولا تشد مزيان اه قشبتك تشد مزيان.

كما الكارو الاول تبعو تاني مزال عريان من الفوق و بسروال قندريسي فنواع مع بنضة حمرة فالكرش ستيلو بحال غفريت مصباح علاء دين .

بالو سارح الواقع غير تصاور زات تشبت بيها و بغاها تنهد بعومق راسم فخيالو وغاطس فبحر احلامو حياتو معها ....هز راسو إشوف سماا و غروب شمس لقرب من حضو شاف نجوم ماشي غير سمااا الفأز كان من نصيب صليعتو دقة عمرو اينساها غوت من ألمو.

البوص:(شاد جبينو) اااااااااي ......كانت كافيا باش اتجمعو عليه رجالو بداو اقلبو فيه منين جاتو ضربة هز واحد فيهم راسو جات عينو على جوج معلاقات حماها الغوات وصلات الخبار شيشاا و صيااو.

مُكبير فعينو على شكل نضاضر و بيل فمو مضوي بيه وذن قيس ...شوية بشوية زرع جهاز تتبع قد حبت روز او صغر منها واخا تقلب بالكاشيف متالقاها .

أكرم: (بعد) دبا مزيان واخا تجري او تضرب مغاديش تحرك غير لدخلتي فكومبة حاول طاكي على راسك متجيك حتى ضربة قوية باش متزعزع و طيح.

قيس:(قاد شعرو) كون هاني (شاف عند هارون) مشينا.

هارون:(كيلبس تيشورت ديالو) يالله 

ملاك: (عنقتو) رد بالك واخا و متنساش تعلمنا بأي خطوة قبل مديروها.

هارون: واخاا.

أكرم: حاول متحركش كتفك بزاف على الاقل غير هذ ليلة تبت الخياطة وتجمع اللحم على جيهاز لزرعنا تما.

هارون:(عنقو) رد البال الهنا انا كون هاني من جيهتي قيس طلق يالله نوصلو.

ملاك:الله اوصلكوم على خير .

قيس:امين تهلاي .

بعد وداع و توصيات نطالقو المطار فين كتسناهم الطيارة مسافة طريق وصلو ممعاهم لا كارد لا والو رحلة غتكون سرية باش حتى لكان شي جاسوس متوصلش الخبار البوص و يتخرب كولشي .

حتى من طيارة كانت عسكرية طلعو و زاد بيهم الكابتين لكان تالت شخص معهم المسافة شوية بعيد منعسوش و منين إجي نعاس واحد جابد تيلي و سارح فتصاور حبيبتو و خطيبتو .

هارون قبالتو بلا تيلي مسجل اي تفصيل عليها فدماغو ندم علاش سبها داك نهار كون متسرع مكانت غتمشي و تغبر على عينو للحضة تفكر أول بوسة ليهم ضحك بلا ميشعر .

هارون: ههههه

قيس: (تنهد) تفكرتيها ياك هنا اصحبي كنحس بهنا ( أشار القلبو) كيتقطع.

هارون: (جمع ضحكة و رجع راسو اللور) بحالي انا زيد عليه مخنوق و شيحاجة فحلقي واقفة واش هكا الحب ولا غير ولفتها.

قيس: توتو هداك غداب الفراق و البوعد لكيخليه الحب لمشاا من حداك .

هارون: بفف صعيب بزاف صورتها و هبالها شاغلين بالي.

قيس:(طفا تيلي) دبا القوهم و ديك ساعة نرجعو الحكام سي سيد مكنعرفو بقيمت الحاجة حتى كنخسروها.

هارون:👍👍....إشارا ختم بيها الكلام ورجعو الصمت 

من أوراها غفات العين من كترت العياا و سهير مفيقهم غير طيارة لنزلات نزلو منها من بعد مشكرو الكابتين .

كانت كتسناهم وفبالها كيتعاود كلام شاف ديالها لفيقها مع صباح باش تجيبهم من المطار العسكري غير شافت طيارة و مشات طايرة باللوطو من نوع جيب بلا بيبان بلاصتها قدامهم و نزلات بخطوات تابتة و تخنزيرة كدل على صرامتها و جديتها فالعمل بنت زوينا بملامح شينوية شعرها كحل و بشرتها بيضة زائد عوينتها صغار.

......: سلام العميلة ليسي صيفطني شاف باش نستقبلكم.

قيس: (سلام عليها) اه شكرا قيس الادريسي.

هارون:(مد إدو) هارون الادريسي.

ليسي: تفضلو معايا ترتاحو عاد نبداو البحت ديالنا.

هارون: اوكي ....ركبو معاها و مشاااو ارتاحو و استعدو العمليت البحت بمجرد محطو رجلهم فالبلاد وصلات الاشارة الملاك و فرقتها لفرحو الحد ساعة غذيان مزيان .

~~~~~~~~~~~~~

شيشاا و صيااو الكشاكش خارجين من الفم بالعصاب بجوج محنيات على البالكو.

شيشاا: طلقي إديك باش رفعك.

هنية:وعتقو روح و عيباد الله😭 بعدي و بغات تلوحني.

توبة:😭وااااا هنية و تبتي راك غتلوحيني و عطيها اديك تهزك و تهزني.

هينة:(ربعت اديها) لا لا عتفلعصني كي صباح غ تيساع.....تسمت شااار صوت التكشيطة كتقطع.

صيااو:سربي راك غطيحي

توبة: 😭عطيها و غير عطيها را غنموتو .

هنية:واخاا صافي واخاا...و اخيرا مدات اديها تعاونو مع شي رجال حتى جروها هيا و توبة خرجو رجال و بقاو البنات غير تسد الباب دفعت شيشاا هنية كون مكلات بديها كون جات على فمها منها الارض.

جمعت الوقفاا جنون العبو فوق راسها مشات ليها طايرة بغات ترد ضربتها غير وقفت بينتهم صيااو و توبة.

هنية:😬حيدي حيدي نوري البوها دفيع بشحال طالع تي مال جدك اش مشارك با مع باك.

شيشاا:(مفهماش) حيدي خليها دوز نيت نتاقم منها .

صياا: سطوب بلا قيتال لشفنا ىالبوص اليوم لخرا لينا (شافت فتوبة) من الاحسن تسكتي صحبتك.

هنية:😠شكالت اش كالت سبتني ياك غ كولي اليوم نخلط مهم بجوج.

توبة:(شدتها) لا اهنية عفاك خلينا نفكوها بالعقل هذو را عصابة خطيرة بلا منموتو و لا نكلو قتلات الكلاب.

صيااو:(رمات عليهم ميكة ) شدو لبسو هذو .

توبة:(تحنات تهزها) واا...

هنية:(حيدتها ليها ) طلقي نردها المها غهيا لتعرف ضرب ......جابتها الصياااو فالكمارة.

توبة:😨اش اش اش درتي .

صيااو:😬 انا لغنقتلك بيدي .....مشات ليها وشيشاا كتفرج من بعيد.

هنية:(هزت فأز كبير ديال النحاس) وبالله العالي و تقربي يحتى نخصر وجهاك بهذ لنتي لتقشيرة لوراك يالله دكو..اه نتي دوزي هنا .....خبات توبة ورا ضهرها.

شيشاا:(حبست ختها) صافي خليهم (شافت توبة) لبسو دوك الحوايج اوامير البوص لمبغيتي تعلقي نتي و هيا 

صيااو:😤😤😤....وخوجو زادحين الباب وراهم.

هنية:(كتنهج) طيري بوه طيريه يااااخ على كنس تعرفو غير تحكرو بنادم...نتابهات التوبة لكتبكي و الميكة فيدها.

توبة :😭😭

هنية:(جلست حداها) اويلي مالك كتبكي

توبة:😭هذ العصابة خطيرة شفتيهم كيفاش ديرين راهم وحوش اختي هنية أخيرتنا على إدهم .

هنية متنكىش بلي حتى هيا خايفة مي ضروري جبهة ماشي رباوها و كبروها ولديها باش تحني راس لمن والا .

هنية:(عنقتها) صافي شووو كلمة جوج تبكي و من بعد ضروري نخرجو من هنا و نتفكو منهم اش كتليك ديك صفرة الكمارة غ جاوني منفهم اما و الله لدوزتها ليهم.

توبة:(مسحت دموعها) كاتلي لبسو الحوايج و من الاحسن مديرو حتى شي حاجة را البوص معصب علينا.

هنية: شكووون هذا تاني.

توبة: شاف زعمة الرئيس ديالهم فهمتي .

هنية: اه كولي القايد و صافي فهمتك فهمتك طالقي نشوف جابو لينا.

حلات الميكة كانو فيها جوج لبسات كحلين سروال توب واسع و تيشورت فنفس اللون.

هنية:😮اش هذا اش هذ شراوط 

توبة: انا غالبسهم طلقي هنا مافيا من تعلاق تاني....

لبستهم جاوها هوما هذوك اما هنية متحركتش من بلاصتها .

توبة: اوا سربي را دبا ارجعو لينا.

هنية:(لحتهم) والله للبست انا هدشي واخا ها سروال واسع وداك الفوقاني مالو لسق و فين زيف يالله .

توبة: وغير لبسي عفاك امشو وحيديهم.

هنية: لا هيا لا خليهم تايجو ياجيبو المستور ياخلوني بتكشيطي وخا تشرولات.

توبة: الله اهديك اهنية الله اهديك.

~~~~~~~~~~~

حفرة فجبينو بزز باش حبس منها دم دواها طبيب الخاص و وسي البوص طالعلو القردة و دمو كيغلي غليان من هذ طابع لتطبع سبابو محبوبت القلب نصارف طبيب ناجي بحياتو .

وقف واش امشي عندها دبا و لا حتى إبرد ياك ولكين راها حاولت تهرب خدم قلبو وتراجع شوية رجع كماا و تكاا طلقو دوخة .

البوص: غير صباط خصني غير صباط (بالغوات) شيشااا.

شيشاا :(بجرا جاتو وراسها فالارض)نعم اسيدي.

البوص :ياك متأذت.

شيشاا:😮هاا

البوص بلا ميدوي جبد موس كيلغب بيه عدوه إعود الهضرة.

شيشاا:(سرطت ريقا) لا لا اسيدي كولشي لباس موقع ليها والو.

البوص: زيدو الرجال فكل قنت هذي المرا تانية لتحول فيها تهرب ياك.

شيشاا: وي بوص.

البوص:ممم واخا غدا نشوفها صيفطي ليهم الماكلة ههههههه غذا ميعدنا 😈هينااا هينااا.

نساحبت شيشاا و بقا كيعاود فسميتها و مرا مرا تقيض جبينو إكون حماق زعمة.

نهار طويل و مجبد داز على قيس و هارون برفقة ليسي مخلاو حتى بلاصة ممكين إكون فيها داك التنين رجعو أدراجهم إرتاحو لطاح ضلام غيشوفو أخطر بلاصة فبانكوك .

علمو ملاك بأخير المستجدات عيات معاهم إلغو الخرجة الديك البلاصة والو.

هارون:(قطع عليها)هكا حسن كولشي عندها خطير.

قيس:😠نموت ونعرف فين هوما وليت كنحس راسي ضايع و تقلاب ممنو حتى فايدة.

سيلي:كونو متفألين تنين معروفة عليه خواف و بلايصو كول مرا مبدلهم غيكون صعيب إتجبد مي هذ ليلة غنمشو الوكر من أوكارو الخاصة و على الله إكون تما و لا رجالو.

هارون: واش ضروري بليل زعمة نهار والو.

سيلي:(وقفت) وي بليل كيكونو كع نشطات الشمايت بحالو من بيع الممنوعات حتى التهريب غير وجدو راسكم نخليكم ترتاحو دبا.

قيس: شكرا و سمحيلينا شغالنك معانا.

هارون:(وقف) وي بصح سمحيلينا.

سيلي : نو بالعكس هذا واجيب تما جوج ديال الارواح فخطر و بحال هذ الوحش خصو انقارض باش نزيدو القدام.

خرجت وسد الباب وراها جر رجليه الدوش محتاجو نصل تيشورت و سروال تجين ودخل تحت الرشاشة غير غمض عينو جات صورتها بين خيالو إعيا إتجاهل والو هذ هنية كيسماها موصيبة سكنتو و هبلتو .

هارون:(شد راسو) غير باني عمري نقلقك و لا نسبك مزال قدمنا حيات نعيشوها .

سلا و خرج تبعو قيس حتى هوا خدا دوش الكلام بينتهم قليل كول واحد و فين سارحها لجمعو كيجمعو على الاختيفاء و لا ياك موصل شي دليل تاني .

ساكنين فشالي تابع المونتجعات السياحية حسن من الاوطيل كانت فكرت سيلي باش اتخباو كتر و يبانو بحال سياح ...حيت رجال التنين مكيزكلو والو شحال متخبيتي اجبدوك بمجردة متسول على سميتو تبات متصبح 

~~~~~~~~~~~~

واقفا فجرجم المكتب شحال من مرا عيطتلو فالكولوار تجاهلها و ديما كتوصي تشوفو كتالقاه طار واش كيهرب منها و لا شنو والعربي نفس شي جلس جنبها.

ربيعة :(تنهدت) العربي خاطري مهاني كبتي بيها شي حاجة.

العربي:اودي را غكيجيبليك الله را مكاين والو ....نفس احساسها غير مبغاش ابين كان عدنان كول مرا جابد خبارها و احوالها معاهم دبا والو ديما هارب هدشي خلاه ازيد اشك بلي واقعاا شي حاجة البنتو حبيبتو.

حل الباب بتقالة الخدمة ولا كيجي ليها بزز كترت المشاكيل مخلاو خاطر تفاجئ بوجودهم هنا و حتى سكريتيرا لتخبرو مداها فيها.

عدنان:😰العربي ربيعة...

ربيعة:(بالهفة) على سلمتك اسيدي زيد زيد 

العربي: مالك تخطفتي فاش شفتينا.

عدنان: ها لا لا بالعكس فرحان تفضلو تفضلو جلسو تشربو شي حاجة.

ربيعة : لا لا الله اجازيك بالخير غ بغينا نسولوك على هنية واش لباس.

عدنان:(توتو ) ها هنية لباس لباس عليها غير مسافرة اه مسافرة مع توبة على قبل شي تواب معرفت كاليك فصالا مت فصالة راك عارفة شغل العيالات.

العربي:(بضرات شك) غير مسافرين ممخبي والو ياك.

ربيعة:(وقفت) ومالو شغيخبي نوض خلي سيد سمحلينا الله ارحم بيها الولدين كوليها غنسمعو صوتها فالبورطابل .

عدنان:(وقف) واخا كوني هانيا دبا تكولها ليها.

العربي:(مدخلاش ليه راسو)سلم عليهم بسلامة ...وخرجو.

عدنان: (رجع كلس و تنهد براحة) ياربي تسمحلي كان ضروري نكدب ...

لوطو حمرة من نوع جكوار مسندا على بابها سيلي لمبدلا لوك شعر صفر و العكر حمر جيب نواغ قصيرة وديباردو بيض مع سبرديلة فنفس اللون... مفتينها بارز سيكسي من ملامح وجها باينا كارها راسها مبزز عليها تالبس هكا.

سيلي :(بالغوات معصبة) 😤هاااي سربو را تعطلنا.

قيس :(كيطل عليها من شرجم) 😠وا الاخت تلاحي بحالك شكون نتي .

هارون:(حل الباب ) ونتا لغتلاح را سيلي هديك طلق راسك ديما روطار.

قيس:(تبعو بجرا)😮هذي هذي 

هارون:(سلم عليها) وي هذي ديزولي لتعطلنا .

سيلي: (لحتلو الكونطك) مقصتش نغوت ماشي فمودي.

قيس: واش فغي نتي راك كولك مبدلا.

هارون:(ضربو فصدرو) تحرك المرض و نتا تحليتي (شاف فيها) عادي شرحتلي ملاك الوضع.

سيلي:(ركبت للور ) ضروري من تنكور خدمتنا كتحكم علينا بشي حوايج واخا نكونو كرهينهم.

قيس:(ركب القدام) مي جيتي زوينة كون لبستي العالي كان حسن.

هارون:(سبو بالعربية باش متفهم) 😠وبرب العالي لمتسكتي تانوري الخويا العالي مال جدك هاربك هذ نهار.

قيس:(حك راسو) 😷غير وريتها و صافي سمحلي.

سيلي: 😐واش كاين شي موشكيل .

هارون: نو مكاين والو غير نيقاش بسيط.

قيس:اه مكاين والو يالله تحرك (فخاطرو) غاجيتي نسيب اما نجمعك ونوريك الهارب .

هارون:😒را سمعتك 

قيس:😧هاا

مسافة طريق و كانو قدام حي من الاحياء بانكوك شهيرة بالاجرام وتيجارة المخديرات و حتى سوق الدعارة ...بلاصاو فقنت بعيد شوية قبل مينزلو مدات ليهم سيلي سلاح صغير الضرورة مع موس كيتطوا .

سيلي: (صوبت شعرها) انا غنسبق الحانة الاول غتالقاوني فيها بلا مطولو شوفة فناس باش ميشكو فيكم حاولو تصرفو عادي اوكي واي واحد سول ولا بغا إتكلم متجوبوش خنزر و زيد .

هارون: اوكي كولشي واضح....دار سلاح ورا ضهرو والموس فرجلو.

قيس: اوكي كاتي موفقة.

سيلي : برافو سميتي كاتي يالله نتشوفو الداخل.

دارت ساك فيديها ومسكة فمها وشادة طريق كتعوج وتحلون فمشيتها الانضار عليها دنيا مخلطة بنات كفس منها فالحوايج و اشباه ريجال فكل قنت وصلات الحانة و دخلات مكاين لا كارد لا حيراسة البيبان مترعااا.

شافو أتارها غاب نزلو من اللوطو عاقدين الغوباشة راس غير كيدور و حفض طريق المشياا و القلدة و زيد عليها تبوكيصة هارون جنب قيس الرس فسما ....خلات البنات اتلاحو عليهم كول وحد وفين تجبد هوما غير كيحيدو إديهم و دفعو بلا كلمة واخا قمت الاعصاب باردين .

تفكو من البنات وجاو فاص مع واحد خاينا سروال واسع والفوق عاري الوشم فكول جيهة عضلات زيرو معضم و طانقة فنيف شوفاتو فشكل سارحين من سباط الرأس ....وقفو كيشوفو اش غيصنع و مخلينو على خاطرو.

خاينا:😈ممم جداد وغراب 

هارون و قيس:😠😠صمت..ضربو فيه و زادو داخلين الحانة.

خاينا:(هز يدو الفوق) نتشوفو من بعد ....ضحك مخرج لسانو وعطا إشارة الصحابو لفهمو ديكور و حطو العسة على الباب .

صداع و الهراج و رقيصات على العمود منضر متير الشمأزاز خداو طبلة بعيدة و جلسة مطلبو والو .

هارون: 😤شهاد زفت 

قيس: كالم اسي صبر جاين على غراضنا 

كانت منغامساا فالحديت مع راجل بالفن سرسبت منو كولشي صدرتو وزادت مصيفطاه البيت اتسناها على متسالي طاااير فرحة مسكين محسش بالقالب لطلع معاه .

كاتي:(جبدت تيلي) اااخ على كنس الو فينكم اوكي انا جايا.

مبعادش بزاف نعتو ليها طبلة فشمن قنت و مشات نيشان .

كاتي:(جلست) هاااي

هارون: اشنو كاين لقيتي شي حاجة.

كاتي: هاذي اخير بلاصة جا ليها على معرفت كلباتو هوما لكيجو مرا مرا.

قيس:😕شكون؟

كاتي: شيشاا و صيااو إدو ليمنة جوج خواتات عندي معهم حسااااب خصني غير ندوز.

هارون: وفين غالقهم واش غيجو اليوم.

كاتي : نو اليوم لا خصنا نشوفو مع شيشاا نطيحوها غتوصلنا حتى الدارو اما صيااو صعيبة.

قيس: وعلاش صعيبة 

كاتي: ماشي من محيبي ريجال.

قيس: وايلي شدود .

هارون:(وقف) ممم مزيان يالله نرجعو غدا خصنا نشوفو هذ بنادمة .

جمعو الوقفا جارين قيس لمزال مصمر من منضر غريب عاش حياتو كاملة فالغربة عمرو شاف هذ الكواريت .

دارو سيلي فالوسط و غاديا معنقهم زعمة مقصرة مع جوج فدقة ضحكها اصمكك تعصب هارون كان حتى غيدفعها و غمزو قيس .

مكاملين طريق اللوطو غير وصلو دوروهم صحاب الحال منين خرجو العيلم لله.

قيس:ممم طرح غيسخن الاكشن اولد العم .

هارون: (هارون بدا كيطوي كمامو) نيت فوقتهم نبردو القلب.

سيلي:(حابسهم) هااي هااي بلا متصرعو (شافت فخينا) جوكي حيد رجالك و سير من هنا.

جوكي: نتي لغتمشي هنا غردنا معهم و بختيصار واصلين عليهم ماشي ديمة كاتجينا سلعة جديد والا لا( شاف فصحابو ) هههههه.و بداو كيضحكو.

هارون: مال جدو اش كال .

سيلي: مبغاوش ابعدو 

قيس: علاش غنسولو ندخلو فمو طول و عرض.

سيلي :( هزت اديها) انا غنتفرج من بعيد هوما قلبو عليها 😉تهلاو فيهم.

قيس:😈غير بعدي وهنيتك.

فرح جوكي و عشر على نبابو اليلة ليلتو غمز صحابو....

ل ربعاا شادين واحد كيشوفو وريقهم سايل دياب جيعانة .

تقدم جوكي الجيهت قيس و بدا كيالعب فشعرو و لسانو خارج.

قيس:(كيحاول إتفك مبعد راسو) حيد إدك زمر طلقوني وتفرجو.

هارون:(حاكمينو)هاذ المرض طلق منو وخلينا رجال فرجال.

جوكي:(بدل الوجهة العندو وقف فاص معاه) ممم عنيف ونوعك نادير كيعجبني ...زغبو الله ومد إدو كيقيص فصدرو .

جنون لا الكناوي و الكشاكش تيران هايجا طلقو نترو زمر و بداو بالدق و الكومبة صداع و الهراج مكاين لقرب جوكي سنانو مشااو ويدو تهرست لمعاه رفسو قيس متهناو حتى لاحو شمايت إتلواو فالارض...وكاتي مقبلهم من بعيد .

هارون:(مكره )😬 ياخ تفو على خير يامنا نولو .... تحرك طلقو .

قيس:(وقف كيمسح فمو معصب) 😠فين ديك المرضاا نحيدو من هنا.....شوية وقفت اللوطو قداهم كانت سيلي ركبو معاها وزادت مبعدا..

وجها حمار عيات و عيات متحبسها فالاخر طلقتها و ليليها ليها .

سيلي :واااع ههههههههههههههه سوري مقدرتش والله هههههههه .

هارون:(دور راسو جاتو ضحكة وحبسها)

قيس: (شد كرشو) هههههههه وا سي هارون تحروش تحروش لا لا بزاف الاغتيصاب عشناه.

سيلي: ههههههههه لا غير كنتو شوية و تعيشوه 

هارون: الكبت تفوو عمرها طرات .

قيس:هههههه كترت الهم اضحك والله .

هارون:(تنهد) كنا غير كنسمعو بيها هاحنا عشناها دبا بفف وقتاش اسالي هدشي.

سيلي : (جمعت ضحكة) دبا عاد غيبدا وقت الجيد غير وجدو راسكم المكتر حيت حنا فمستنقع الاجرام.

~~~~~~~~~~~~~~

🌞🌞اصبحنا و اصبح الملك لله 

الحالة غدا و كتكفاس بايتين بلا عشاا و متوسدين بعض فنفس البيت الماكلة مزلعة فالارض و الحوايج حتى هوما لرافضا تالبسهم .

عنكشها ضو وحنات راسها ناسيا بلي توبة مسندة عليها تحركت و طاحت تانية على جنب راسها .

توبة: ااااي راسي.

هنية: واش تقصحتي سمحيليا نسيت.

توبة: احح اشداني نتبعك كون غير نعست فوق نموسية

هنية:(جمعت رجليها) وعلاش انا عرفت ياك بقينا على جماعة حتى نعسنا حتى من ديك المسلوتا لاحت لينا دود سخون فالكيسان و مشات .

توبة: اشمن دود الله اهديك هذيك راه إندومي بحال سباكيتي كتزيدي عليها الماا سخون و تكليها.

هنية: شلااا اش جبت لينا كون جابت غ الخبز كالم دير فينا خير (وقفت )تهزي نفرعو لمهم الباب اخرجونا.

توبة: لا لا لختي دقي غ نتي انا خفت.

هنية جمعت الوقفا جاها جوع و العطش البيت مفيه والو بقاا بحويجها البارح تشدات تاني مع شيشاا رمات ليهم الماكلة طرقت البالكو و الباب.

هنية:✊✊✊✊واحلو واااااهيااا ناس وليحابسينا و شكون هنا واااا القايد واا...رجعت اللور 

تحل الباب وشكون من غيرها شيشاا معبسة ومعجبها حال معها ختها .

هنية: 😬على سلامتكم لا نتوما قتلونا كع لا كابينا لا ماا شريب لا ماكلة مالنا على حالتنا طلقونا نمشو .

توبة شفتهم و مشات جرتها تسكت فيها شيشاا و صيااو ضاربين طم كملو الحلا ديال الباب و بان البوص.

جمعت السانها وتكمشت فتوبة كتقرا فنفسها اش حافضة ساعة الخلعة نساتها حتى شكون هياا.

البوص عا جبو الحال راسم على وجهو ضحكة مااكرة كيفو واقف وقفاا روجوليا بصدرو العريض و سروال واسع كيف العادة دار إشارة التوبة تقرب ...خافت و زات تخشات فهنية .

هنية:(ميتاا خلعة كول القاو الحيط اخرج اخرجو منو خشات توبو فضهرها) 😨غ غ سمحلينا متعرف شاي مسكينة والله منغوت.

البوص مفهمهاش هذ المرا شاف فصيااو لفهمت القصد و مشات جرت توبة بزعفة مقاتلة مع هنية .

توبة:😭واااع هنية وااا هنية مبغيتش نمشي.

هنية: (كتجرها) طلقيها وااا طلقيها والله متخليني .

وتبعتها شيشاا تجر البوص غير ساهي فهنية لمقاتلة على جهدها معاهم وبمشقت الانفاس حيدتها ورجعتها اوراها مشاا الخوف وخرجت هنية جبهة لمكتحشم.

يالله غتعود تجبدها وقفها بصوتو وهدر مع توبة تفهمو على موصلو هيا كتلم الانجليزية ..جلس على كرسي مبرد ورجل على رجل اشار ليها القدامو فوق نموسية.

توبة:(همست الهنية) كالي نجلس تما بغا ادوي معايا.

هنية:(شدت فيها) تبتي بالي مدغول متمشي فين 

توبة:غير غير خليني انا حداك و نشوفوه اش بغاا ليقتلنا .

البوص: 😎احم احم ...باش قاطع جمعتهم 

هنية: ( تقدمت) رجلي على رجلها الله ارحم والديك زيدي نكلسو ...وكالسو قبلتو عينيه مفكسيان على حوايجها معلي حاجبو معجبوهش مزال مبدلات غير شافت شيشاا ملامحو وشوشت فودنو وبعدت .

البوص:(وجه كلامو التوبة) نتي غدي ترجمي ليها خدمتك ترجمة فهمتي.

توبة:😷😷 حركت راسها بمعني مفهوم.

البوص: ممم مزيان شرحيلها شكون انا بلي نتوما مخطوفين على قبل شي حاجة هيا خداتها والحد الان متعامل معاكم تعامول زوين 😈 شرحي ليها.

توبة:(سرطت ريقها و شافت فهنية لكتسناه ) ال البوص..

هنية: 😱اويلي شكون نبوس...

توبة:(الخلعة و كلاخ هنية غيسالي معها) البوص زعمة القايد ديالهم هذا 

هينة :هاااكك ونسحابو كليك نبوس يالله غنكشكش عليه.

البوص: سوليها على صباط.

توبة:😰هنية كاليك صباط.

هنية:(طلات على رجليها وراتهم) 😟بالعما ياختي منين جاني شي صباط.

توبة:(شافت فيه)م م معرفت صباط.

وقف مخنزر خالعهم رما شي كلام خلا توبة كترعد وهنية غ مخرجة عنيها ساط و خرج .

هينة:(تبعتو وحبستها شيشاا) واا هيا وا القايد وكولينا غ الكابينا وااا فينك و سي القرع واا بوضفيرة بفف مشاا😒نتي غبقاي تباني فوجهي شينهار نطفيك .

شيشاا:😤😤

توبة: (كترعد)هنية م م مشينا فيها.

هنية: مالك تاني بسم الله عليك شت هذ القايد خرج مكشكش وشكالك واش غيعطينا ميتكال.

توبة:😭غيكولنا ماشي ناكلو وا ماما اش هذ الخطية .

هنية: وتي غ كولي اش كاين.

توبة: كاليا لمعرف بلاصت صباط منهنا الغذا غيرمينا الكلاب اختي هنية😭م مبغيتش نموت.

هنية:(عنقتها) هههه و يالهبيلة غ ساير إقجم معاك تعالي تعالي شووو صافي غير سكتي.

توبة:(كتشهق ) هادشي مفيهش ضحك اهنية 😭عطيه صباطو وخلينا نمشو.

هنية:(بقات فيها) شووو صافي احبيبتي را مزال معرفت اشمن صباط .

توبة:(مسحت دموعها وسولات شيشاا لحضيهم مع صيااو) احم اشمن صباط علاش كيدوي البوص ديالكم.

شيشاا:😈 مممم صباط ل.................، عودات ليها كيفاش خداتو ليها ربيعة كتعود و عنيها نار على هنية.

هنية:(وقفت)😠كوليني نتي حسن كوليني.

شيشاا:😬ولا مجا سباط اخيرتكم على يد البوص وانا لغنحرص تعدبو مزيان الموت مغتكونش ساهلة وصلي الهضرتي الصحبتك ومن الحسن متلعبش معانا 😉

وخرجت مطرقا الباب وراها و مخليهم فبحر من الخلعة عند توبة و بوركان شاعل فهنية.

هنية:(لتخت الباب برجلها) يالله غنتوما لتعرفو ضربو البيبان ياااخ 😤.

توبة:(جلست على ركابيها الهضرة كتعاود فودنيها ) اه اه خالتي ربيعة عاد عقلت هوا والله حتى هوا.

هنية:😕خالتك ربيعة شفكرك فيها.

توبة:(شدات راسها تحاول تفمها بالمهل)هانتي شوفي فيا واش عقلتي على صباط لكانت لبساا خالتي ربيعة فاش جبنكم من المركز.

هنية:ممم(كتفكر) ااااه داك صباط على مزيناتو مالو .

توبة:هاااادك الصباط الي بغا هذ البوص و عليه خطفنا فهمتي.

هنية:دبا هذ صداع كامل نايض على صباط بفف إكولها من صباح نعطوه صباطو ونزيدو بحالنا.

توبة: ياك ساهلة منين غنجيبوه و حنا فبانكوك .

هنية:😠 مال بوك نتي نيت شتك بحال لسيرا تسبي لا .

توبة:😤ياربي صبر و هنية حلي ودنيك حنا مبقيناش فالمريكان حنى فمدينة سميتها بانكوك فهمتي انا و ياك مخطوفيييييين ياعني سارقييينا سمعتي دبا.

هنية: هاااكك كولي خونينا وصافي لا تصحبيني مكلاخا كوليله نتكلمو مع عمي عدنان و لا ملاك تمشي تجيب لينا صباط من عند مي و مريضنا معندو باس إوا كيجيتك.

توبة:كيزفت كيغتجيني ساهل واش انا كولي كنترعد لشفتو نخاف غير الهضرة تزاكل وقتلنا.

هنية: مخفتي شاي غنفكوها نتي غير بردي ياك كاليك غدا نجوبوه وغدا جوبيه وصليله كلامي بالحرف(ضربتها فراسها)مالك مكلاخا واش انا نبقا غير تبعاك.

توبة:😒انا لمكلخة اختي غير بردي و جمدي و سدي فمك لصفيوها لينا .

كلمة مني كلمة منك حتا تحل الباب تاني كانت صيااو مع جوج رجال هازين ميكات رماتهم حدا رجليهم وخرجت مطرقة الباب تاني.

توبة:(كتقلب فالميكات) ياربي إكون فيهم ميتكال تهلكنا.

هنية:(كتقلب معاها) ياك ميكونو دايرين لينا شي سطيلة تم.

توبة:😕 سطيلة لاش.

هنية:نتوضاو متلا باينا نبولو فيها وها لاش طلقي هنا.

توبة:(رمات عليها الحوايج) شدي بدلي حالتك وقطعي حسك خصك على سطل.

خدات هنية الحوايج كانو عبارة على كسوة طويلة بالكمام واسعة فالكحل مع زيف مشبك منفس اللون.

هنية:الكسوة هاهيا وهذا لاش اصلاح معرفناح زيف ولا شبكة لغسيل الماعن.

توبة: ( كتحل بطات الماكلة ) لبسي و سكتي واجي نكلو .

بدلات هنية حوايجها لبست الكسوة وخلات زيفها نيت هذاك مساتر والو.

هنية: اري نشوفو اش جابو لينا 

توبة: ها روز ها اللحم و هاديسير والما اشنو بغيتي مزال.

هنية: عطينا غ الروز و ديسير اما دك اللحم غ الله اخلف معرفناه مش و لا كلب المغمضين كيخلطو كولشي.

توبة: هاكي كولي.....وبداو فالماكل دوزو على كولشي من غير اللحم وشربو الماا دبا عاد غينعسو مزيان تسرحو على نموسية ومشاااااو فبحر الاحلام .

~~~~~~~~~~~~~~

عندها كولشي مروان الوراق من كول جيهة و الهاكر على البيسي خدام هيا بالها غير مع تيلي من البارح مكاين تيصال .

أكرم:(حط ليها قهوة)مزال متاصلو .

ملاك:(كتالعب بستيلو من كترت توتور) لا مزال تبعنا الاشارة مزال خدامة و حتى العميلة لمعهم خطها مسدود .

الهاكر:سيفط ميساج مشفر المركز فبانكوك .

ملاك:(طبطبت على كتفو)مزيان على الله إوصلونا خبارهم.

الهاكر:هووب جواب مسربي كليك كولشي مزيان و بلي غير خدامين على خطة جديدة عليها مجوبوش..

أكرم:😕خطة جديدة علم الله لاش كيخططو تاني.

ملاك:(جمعت شعرها) دبا تعرفو نتا غير صبر.

الهاكر:(كيطابي فالبيسي و عينو على شاشة الكبيرة) رسالة مجهولة ممعروفش شكون صيفطها و على شكل ڤيديو .

ملاك: (تحنات تشوف) ڤيديو شكون غيكون مصيفطو؟.

أكرم: حلو و نعرفو إمكن إكون من العصابة ولا المركز سيري.

ملاك:حيد نشوف طلق المايك (شدت الخط)😕شاشة كحلة.

الهاكر :غير صبري مغطين الكاميرة.

أكرم:(حيد ليها المايك و طلق صوت باش إسمعو كاملين)و دبا مزيان ..

دازت شي خمسة دقائق و شاشة مزال كحلة تعصبت ملاك كانت حتى غتقطع و حبسها أكرم .

أكرم:(جلسها)ديما زربانة مالك صبري شوية .

الهاكر:ها هيا هاهيا بانت صورة.

هزت راسها و صدمة شوق حنين لدجة عيونها دمعو على شوية و طيح .

أكرم:(شدها براسو مصدوم ) هوما والله حتى هوما 

فشاشة بانت توبة و هنية مربوطين بسناسل فنفس البيت ظاهر عليهم الخوف و الخلعة من وجهم صفر .

توبة: (صوت غالب عليه البكاا) ختي واش كتسمعيني .

هنية:(كتنغزها) واش هذي تلفازة ؟

توبة: 😤شوو سكتي (رجعت شافت فالكاميرة) حنا مخطوفين 😭...ونفاجرت بالبكا مقدرتش تكمل الهضرة شي لعصب البوص جاب الله فكتها هنية.

هنية:(عنقتها واخا سناسل فديها) شوووو صافي بلا بكاا (هزت راسها فين كانت كتشوف توبة) ختي ملاك لكنتي كتشوفيني و لا كتسمعيني هذ ناس خطفينا على شي صباط (حولات تقوى راسها) احم مهم صباط راه عندي مااا لونو زرق (بترجي) الله ارحم بيها الولدين متكوليش ليها هدشي لطاري لا هيا لا باا بلامتخلعيهم سلمي عليهم و را توحشنكم بزااف حنا بيخير والله غير جيبو الهذو صبطهم باش إطلقونا ......وتقطع الاتصال.

ملاك:(كضرب شاشة بهستيريا)بلاتي متمشوش عفاك هنية باني واش ضربكم 😭.

أكرم:(كيحاول إهدنها)شووو تهدني ملاك شوفي فيا هاااي ملاك(شد راسها بين إديه)قوى راسك باش نعتقهم حنا عرفنا بلاصت صباط سااو مبقا والو.

ملاك:😭شفتي حلتهم كانو خيفين بزاف (مسحت دموعها)صافي ها انا صافي مخصنيش نبكي .

الهاكر:(بقات فيه)احم وصلني ميساج على العنوان .

ملاك:مزيان نتا عاود تاصل بدراري انا وأكرم غنجيبو صباط .

أكرم: (حبسها) لا غير انا شوفي حالتك غير غتخلعيهم و هيا طلبتك ولديها ميعرفوش تحكمي فأعصابك را مبقا والو وفوت كولشي ( باس راسها) غير تهدني .

ملاك:(قناعها كلامو) واخا انا غنجلس تاصل ب بابا غدي إعونك حسن متمشي بوحدك.

أكرم: واخا يالله هاني مشيت......وخرج فطريقو تاصل بعدنان لكان واجد خبرو بكولشي فرح فاش عرفهم لابس و حتى صباط ساهل حالو حيت دبا ربيعة و العربي عندهم حصة مع شي طبيب .

مسافة طريق و كان قدام الكلينك قبل مينزل طلع عدنان و فيدو ميكة.

أكرم: عمي يالله غنزل عندك.

عدنان:(قاد صمطة)لا غير تحرك صباط جبتو ولا نكولو سرقتو وصيت على بحالو غتبدلو الممرضية باش ربيعة متحس بوالو.

أكرم:(ديمارا) احسن مدرتي والله دبا مغبقا حتى إشكال... 

~~~~~~~~~

سلا الجتيماع لكانو منغمسين فيه ليل كامل فمركز سيري البانكوك مسافة طريق وصلو دار خدمو تيليفونات وبداو لزابيل كيطلعو .

هارون:(كيلوي عنقو من كترت العياا) دوز نمرة ملاك نفكو هذ الحريرة.

قيس:(دوز الخط) دبا كيصوني

سيلي:(وقفت ) انا غنوجد قهوة بش إطلقكم العيا.

وجدت القهوة و داز الاتصال بملاك لشبعت فيهم سبان غير خبروها بالخطة زادت تعصبت عليهم ....لزاد صدمهم الڤيديو لسيفطتو وقضية صباط القاو دبا خصهم غير إدوه و تفكو قطع معاها ودازو التخطيط.

سيلي: تينين غدار واخا تعطوه صباط مغديش إطلقهم .

قيس:(شاد راسو معصب) شفتيها ياك شفتيها كيفاش كتبكي لا لا مغنتسنا حتى دقيقة غنتحركو بلا ملاك .

هارون:(ساهي فهنية عاود الڤيديو شحال من مرا) واشكون كليك غنتسناها لفراسي غنديرو ودكشي علاش تفقنا.

سيلي: واش متأكدين را فالامر خطورة كبير غنغمرو بحياتك.

هارون: وشنو تسوى حياتي بلا ختي و مرتي من الاحسن حتى نمشي عاد خبرو ملاك باش متعرقلنا.

قيس:(عنقو) الله ارفقك ورد البال راسك .

سيلي:شد دير هذ سماعة فودن باش نسمعو الحيوار وحاول تبت راسك راك شتي هيا ساهلة دغيا تاقت من خيلل تيصال هاتيفي دبرنا لقاء مع البوص مباشرتا .

هارون:(دار سماعة فوذنو) مبقا والو ونسالو هذ المهزلة كاملة.....