- الجزء 321
- عمار قاد لمحرك وتلاح لعندها جلس مرجع راسو فوق لكنباي لي مكمشة فييه
- خلود قلبها مفزوع من لخلعة : عمااار
- عمار هز عينو فيها معرفاتش كفااش شدها من شعرها حتى شهقات..قربها لوجهو وعينيه لحومر مركزين مع عينيها. نطق بجدية وهو مورك على لفك ديالها : فيين كنتي نااوية تمشي بلا شوااري كيحساب لييك معندكش الرااجل ولا شنو هااا
- خلود طلقات لعنان لدموعها وهو مزال مزير على لفك ديالها ..حتى بدا كيرخف منها بالشوية وقربها لييه خاشيها بين دراعو. .بقات كتبكي وهي موسدة صدرو
- عمار مسح على شعرها بحنية : شش ...صاافي سمحي ليا
- خلود تفكرات لموقف لي شافتو فيه مع ماجدولين وهي تبعد منو كتمسح دموعها بعجرفة. .نطقات بصوت حاد : ااش جاابك لعندي ..سير لعند مرااتك انا دوري سالا كيف قلت لييك
- عمار كيشوف فعينيها لكتحاول تبعدهم علييه : اناا مكنتش معاها برااحتي مبغيتش نجرحها حيت مريضة هادا مكان
- خلود : وحتى دابا دير لييها خاطرها ..وهااد لهدرة ديال مكنتش معاها براحتي بلا تقولها لياا حيت ما منها واالو. ..شفت كلشي بعينيي مغاديش نكدب عينيا باش نتيق كدوبك
- عمار صعرااتو نطق بالغوات : راااه قلت لييك مكنتش معاها برااحتي وااش مكتيقيش فياا
- خلود مدورة وجها جيهت الزاج : اه ..مكنتيقش فييك
- عمار كيحاول اكون هادئ بااش اقدر اوصل لييها لفكرة. .دورها لعندو شاد وجها بايديه بجوج : كنحلف لييك مكنتش معاها بخاطري شحال من مرة خاصي نعاود هاد لهدرة ..اصلا فاش قربات لياا بعدتها فااش عرفتك شفتينا ..خرجت ديك الساعة من بيتها لقيتها سبة بااش نسل راسي بلاما نجرحها
- خلود مطلعة حاجب مع ابتسامة مستفزة : يعني كون معرفتينيش شفتكم كنتي غادي تكمل معاها الليلة
- بعدات عليه موجهة صبعها ليه : متقربش لياا انا مااشي مرااتك واصلا ممطرش تشرح لياا حنى مكتجمعنا حتى حاجة من غير هاد الزواج لمزيف
- عمار شدها من شعرها حتى حساتو تقلع من بلاصتو ..نطق عاض على سنانو :كفااش مكتجمعنا حتى حاجة. .شوفي فعينيا وقولي هاد لهدرة
- خلود مكمشة عينيها بسباب شعرها لي مزير عليه بايدو ..حولات تهدر على الأقل ترجع لييه لعداب لعاشتو طول هاد لمدة : اه مكتجمعنا حتى حاجة
- عمار جلسها فوق رجليه ودور وجها لعندو مجرد مشاف شفايفها كيرجفو طاح علييهم كيلتاهم فييهم بكل قوة وهي كدفعو ولكن معاامن متحكم فييها ممخليش ليها لفرصة فين تبعدو عليها..كيعطي لكل شفة حقها كان هو لمتحكم فالقبلة ..بداها بحنية وفسرعة لبرق قلبها للقبلة شرسة كيبرد فيها غدايد هدرتها لكتسمو فقلبو
- حتى شبع من نكهة شفايفها عاد بعد مبتاسم يله بغات تدفعو باش تبعد ..قربها لييه نطق وهو حاط شفايفو جنب فمها كيحركهم مبتاسم فاش كيحس برجفتهاا .تنهد ونطق بهمس : ودابا كتجمعنا شي حاجة ولا لا
- خلود هزات عينيها كتشوف فييه متنكرش أنها محتاجة لحضنو شحال من مرة كتوحشو أكون فقربها خصوصا أن لوحم جاها علييه. .ولكن كتكتمها فقلبها وتخبي بااش متفرضش راسها علييه بغااتو هو ليتبعها واعرف قيمتها ماشي لعكس هي لتجري موراه
- فالجيهة لخرى.
- كانت متكية ولكماية حداها كتطفي فيها لكارو ..عاقدة حواجبها من شوفاتها كتبان علييها ناوية خزييت. .خسرات ملامح وجها وهي كتهز كأس دالويسكية جغمات منها ورجعات لكأس لبلاصتو بعجرفة
- نطقات عاضة على سنانها: دابا نشوفو هااد اللعب لي كديرو مورايا فيين غاادي اوصلكم
- بتاسمات بمكر وهي كتشعل كارو جديد ..سمعات لباب كيتحل ناضت قافزة فبلاصتها..كتقلب
على لعدسات ديالها. .لقاتهم بسرعة بعد ثوتر كبير رجعاتهم لعينيها وخباات داكشي لكانت كتدير فييه تحت الناموسية. .عاد رجعات لبلاصتها كتمتل البراءة :دخل - لحاجة حلات لباب فايدها ليناا كتبكي : صباح لخير ابنتي
- ماجدولين عوجات سيفتها كتدندن تحت فمها. .نطقات بصوت شبه مسموع :بقات ليا غي هاد الشارفة
- لحاجة جلسات حداها وهي كتسكت فلينا : جبت لييك بنتك قلت مع رااسي غادي تكوني موحشاها
- ماجدولين نطقات عاضة على سنانها : قود* منشوفكش قدامي ..غادي نحسب حد تلاتة نلقاك طرتيي
- لحاجة مخرجة عينيها بالصدمة من تعاملها معاها متوقعاتش هاد التصرف منها ماجدولين عمرها رفعات صوتها عليها
- ماجدولين: غاادي تبقااي تحنزي .طلقي رااسك خلاص
- لحاجة لكلام مشا ليها ولات كتوزع نضراتها بين لينا و ماجدولين : ههه وااش كضحكي معايا
- ماجدولين كتحس بوجودها كيركب فيها الجنون ..وقفات مزيرة على دراع لحاجة جراها موراها حتى قرباتها للباب وهي ضربها ليها بقجة : نشوووف لحماار لولدك عندي هناا روحك غادي تخرج على أيدي
- لحاجة مخرجة عينيها كتحاول تفك ايدها. .حتى طلقاتها بعدما كانت روحها غادي تخرج على ايدها
- لحاجة جلسات كتكحكح. .فحين ماجدولين تلافتت لعند لينا لقاتها كتبكي قصداتها طيرة هزتها بعجرفة علاين تهرس. .و وقفات لحاجة عطاتها ليهاا
- نطقات بصوت حاد موجهة صبعها ليها :غبري من قدامي..وداباا
- لحاجة بغات تخرج ضامة لعندها لينا حتى كتوقفها من جديد:نشوفك عااود نقتلك
- الجزء 322
- لحاجة بغات تخرج ضامة لعندها لينا حتى كتوقفها من جديد:نشوفك عااود نقتلك ...اه نسيت تقولي لشي وااحد هادشي لي وقع الله ارحمك نييت تهنيناا من وجودك
- لحاجة بلعات ريقها وهزات راسها باه بمعنى كلامها مفهوم. .عاد خرجات طيرا كتنجى بروحها هي ولينا
- مجرد مخرجات سدات لباب بجهد : اعععع شحال خيب انك تمثل
- قصدات باكية دلكارو سلات واحد ومشات لجيهة دلبالكو. .دوزات للخط كتسنا جواابو على لمهمة
- نطقات بعصبية فاش تحل لخط : ااااش درتو..ليوم آخر انضاار
- .............: متخافييش الالة كلشي تحت السيطرة. .شوية وتنفاجر لهليكوبتر مبقااش بزااف لقنبلة ..تقريبا شي دقيقة هاكاك
- ماجدولين بمكر : مزياان موتو حسن من وجودو على الأقل نتافع من أملاكو ...
- غيرات نبرة صوتها بطريقة حادة :ليوم خااص كلشي اسالي
- ...........: اكيييد
- فالمستشفى. ..
- ريمااس وقفات باللوطو بعيدة كيف طلب منها فاروق بزز باش خلاها تخرج ولا كيخاف عليها حيت اقدرو انتاقمو منو حتى هو وبالنسبة ريماس هي نقطة ضعفو
- بتاسمات فاش بان ليها جاي لعندها بغات تهبط لعندو وهو اوقفها بايدو..بقات جالسة على اعصابها حتى طلع لعندها مخلاتش ليه لوقت فين اسد لباب واتلافت عندها فيساع ترمات فحضنو تعنق وتبوس دازت على كاع وجهو وعنقو بقات مزيرة عليه. .ضحكاتو بتصرفها لعفوي. .بعدها عليه بشوية وباسها على شفايفها عاد هز عينو فعينيها : توحشتك
- ريماس بتاسمات : حتا انا. .وبزاااف فيين غاابر
- فاروق شد ايديها بجوج باسهم وجلسها فوق رجليه فحين هيا مدورة ايديها على عنقو : الا قلت لييك انا عميل سري غادي تيقي
- ريماس بقات ساكتة معرفاتش علاش محساتش بالصدمة من ديما كيجيها غامض ..صمت طويل حتى نطقات بسؤال كيدل على غباءها لعجيب : شناهيا عميل سري؟
- فاروق :هههه بلاش متفهميهاا
- ريماس مخسرة ملامح وجها وشفتها تحتانية مدلياها : وقولي علاش كتغبر وكلشي عندك بالالغااز
- سكتات شحال عااد نطقات : دابا نتاا عميل سري وااااو
😍 - فاروق هاز حاجبو :فهمتي دابا اشنو كتعني عميل سري!!
- ريماس كتلعب ليه فلحيتو : عااد تفكرت بيلا فايتلي مفرجة ففليم امريكي والبطل ديالو عميل سري😍...كان كيحمق
- فاروق قرصها :شكون لكيحمق
- ريماس تأوهات بالشوية عاد نطقات : ياااه لفيلم لكيحمق ماشي لبطل ...هو بصراحة حتى هو زوين ولكن نتا حسن منو
😒 - فاروق مصغر عينيه : وليتي كتفرفري ..تبدلتي علياا همم
- ريماس : وعااودلي علاش كنتي مشغول
- فاروق عاود لييها كلشي
- ريماس بقات مبلوكية مخرجة عينيها فيه :ههه وااش كتضحك معايا ولاشنو
- فاروق بجدية :كنعني كلامي
- ريماس :دابا ازار عميل سري ؟؟ ...كفااش وسنايا مسكينة ماات الأب ديالها ..بقات فياا
😢. علاما فهمت بيناتهم شي حاجة هي وازار - فاروق : وي راه حاملة بشهرها الأول
- ريماس ضرباتو لصدرو : وانا امتى غادي نحمل😒
- فاروق :هههه حتى نتزوجو مقااد على صداع مع خوك. .فكريني فسميتو
- ريماس بدلع :حبيبي عمار
- فاروق باسها على شفايفها :بديت كنغير انا بوحدي لخاصك تقوليلي حبيبي
- ريماس هازة شوكتها :مسمعتش منك ديك لكلمة
- فاروق باستفهام :شناهيا !!
- ريماس هازة حاجبها بحاليلا كتقوليه من نيتك : مقلتيش ليا واش كتبغيني ولا لا
- فاروق :كنبغيك😒
- ريماس مخنزرة فييه :يخخخ مفييكش الرومنسية. .والله منتزوج بييك بقا تمااك
- فاروق شافها باغة تبعد منو : هه صاافي بردي ...وخاصك تصومي تلات أيام حيت هاد الزواج غادي اوقع بغيتي ولا كرهتيي
- ندخلو لداخل .
- كان واقف مقابل مع ولدو كيشوفو وهو فالقرعة كيلعب برجيلاتو ..كان صغير بزااف مزال محتاج للنمو
- ازار وقف حداه : قريب نحس بالأحساس ديالك
- أمير شاف لعندو : بصااااح ..ولكن شكون
- ازار :احم سنايا
- أمير : وااش كتبغيها
- ازار هز راسو باه :بزااف
- أمير رتب على كتفو :انشالله غادي تفيق وتحسن خاصنا نوقفو معااهم وخصوصا هاد لفترة موت الأب شي حاجة صعيبة
- ازار تنهد: اه بزااف..نخليك دابا
- قبل امشي دار لعندو :مزال مشفتي مرتك .كنضن نقلوها للغرفتها لخاصة
- أمير :اه غادي نمشي دابا
- ازار بتاسم ليه ومشا مبغاش اسولو كيفااش قضية اختفاءو لمفاجئ بطبعو مكيبغيش احكر بزااف. .حل باب غرفتها بعدما نقلوها لغرفة آخر
- قرب لعندها مزال مبغات تحل عينيها. .سمع صوت كيتقدم تجاه لغرفة كان الطبيب
- ازار تلافت عندو :كييف ديرا حالتها..مزال مغادي تحل عينيها
- الطبيب قرب لعندها كيفحصها :خاص افوت منها لبنج. متخافش غادي تحل عينيها خاص الصبر. .من بعد ضروري نديرو ليها التحاليل نشفو وااش الرصاصة مأثراتش عليها
- ازار هز راسو باه :وااش نقدر نبقى حداها
- الطبيب :اه ولكن متطولش بزااف
- ازار هز راسو باه. .جلس حداها بعدما خرج الطبيب
- بتاسم بحب وهو كيلقي لييها الشعر كييف كانت كتكتب لييه حتى هي
- "
💎 إنني أحبّكِي.ولا أريدُ أقراصاً منوّمة لأشواقي،..ولا حبوباً لمقاومة الدوار، إنني بخير هكذا، - إنني بخير هكذا،
- فأنا أكون في أحسن حالاتي ..عندما تهاجمني نوباتُ الهذيان. .
- "💎
- ازار بتاسمة :ملكتي
- الجزء 323
- عمار معلي حاجبو :غاادي تبقاي ساكتة
- خلود بغات تجاوبو وهي تلمح شي حاجة صغيرة كلها سلوكة كيدورو بيها وساعة كتحسب لوقت. .هزات حاجبها باستغراب من الساعة كيبان عليها بحال لكرونو فالعد لعكسي نتبهات بأنه بقات دقيقة
- نطقات موجهة كلامها لعمار وعينيها عليها :عماار
- عمار كيرجع شعرها لور : اشنو دابا كتقلبي علياا. ..اسمي كيخرج من فمك بحال لعسل
- خلود شداتو من فكو ودوراتو لفين كتشوف : شناهيا هااديك
- عمار قفز من بلاصتو مخرج عينيه ورجع شاف فخلود عاد مشا لفين محطوطة :لا ميمكنش
- خلود حسات بالفزعة : اشنو ماالك؟
- عمار مسح على راسو : هاادي قنبلة
- خلود طاحت على ركابيها : هااا كك كفااش هءهءء اشنو كيعني هادشي
- عمار باقي مصدوم بحاليلا كبيتي علييه سطل دلما : بقاات دقيقة وتنفااجر
- دار شاف لعند خلود لكتبكي بهستيرية : ششش ...مستحيل نخلييك تموتي
- شااف تيلي ديالو خدااه بسرعة كيصوني لازار بحكم انو عندو مع هاد لموااقف : الووو
- ازار شاد ايد سنايا وكيهدر معاه بصوت منخافض شوية باش ميصدعهاش كيف معتااقد : عماار. ..ياك لبااس صوتك ماالو
- عمار كيشوف فالقنبلة وفخلود كيحس بقلبو كيضرب : متسولنيش كفااش وعلاش. ..لمهم انا رااكب مع خلود فالهليكوبتر بجوجناا
- ازار : اه. .فينو لمشكل
- عمار عينيه خارجيين لكلام مبقاش بااغي اخرج لييه تلف معرفش ميدير وهو خطوات قليلة كتبعدو على لموت : كيناا قنبلة
- ازار وقف : كك كفااش
- عمار عنق خلود كيحاول اهدء من خوفها : اه وبقاات 30 تانية باش تنفاجر
- ازار تلف ..فيساع طاح فبالو لبوص : لا ميمكنش ...بزاااف هادشي
- تبت رااسو : عمار غادي دير داكشي لكنقول لييك
- خلود شادة كرشها لي بدات كتبان غي لابسة كسيوة مفضفضة مكتكشفش علييها ..هبطات عينيها لقاات الدم هواد معاها : هءءءؤ و ولديي
- عمار كيحاول اركز مع كلام ازار منتابهش لهدرة خلود : اه. ..كنسمعك
- ازار مسح على راسو كيحس بقلبو كيضرب احساس خيب بزااف تكون بعيد على شي واحد عندو معزة فقلبك ..احساس لعجز لا يحسد عليه : قرب للقنبلة ..قولي ألوان الاسلاك وسربي رااسك ...ركز معايا
- عمار : صاافي غادي ندير داكشي
- يله غادي أقرب ليها سمع غوات خلود وهي شادة كرشها وضاية دالدم تحتها ..خرج عينيه كلشي طاح فوق راسو : خلود. ..خلوود مااالك
- خلود بصوت بااكي : ولدي هءءءؤؤ و ولدي
- عمار بقا مبلوكي وكلمة " ولدي " كتردد فالمسمع ديالو حتى فيقو صوت تيلي : اشمن ألوان لقيتي ....عمااار عماار جااوبني
- عمار سحى على راسو جاوب ازار وهو مرفوع :اشنو كنتي كتقول
- ازار تعصب : وااش نتا غادي تموت وكتمركن هااكة. ..شحال بقا ديال لوقت
- عمار باستهزاء : 12تانية
- ازار خرج عينيه : شوف لقنبلة اشمن الوان فالاسلاك
- عمار قرب ليها كيشوف فالاسلاك تنهد بابتسامة شاحبة : صاافي بقاو 5تواني مغادي نستافدو واالو. ..ازار خوياا ربي لياا بنتيي غادي نخليها أمانة عندك
- ازار يله بغا اهدر قطع علييه : عمااار عماااار ...اش كديير
- شاف الاتصال تقطع جلس على ركابيه مهدوم صدمة أخرى نزلات علييه عااود : لا ميمكنش
- ثواني معدودة ونفجراات لهليكوبتر حدا السحااب كا فتاات ولات رمااد كيصب فوق لبحر. .
- خلات لبعض ابتاسم بانتصار من بينهم ماجدولين. .والبعض الآخر احس بالحزن والانهيار بحال ازار وفخرية لقفز عليها قلبها. .هادي هيا روابط لقلوب بحال شبكة التواصل ..
- وسط زورق لبحر تغطساات شي حاجة قاصحة من لفوق حتى خلات بقبقاات على السطح مع ثلوته باللون الأحمر
- بقااو هابطين وسط ما دالبحر والتيارات ديالو لكثيفة زيادة على ذلك بارد بزاف ..
- عمار شااف خلود كتبعد وهي قريبة لصخر غادي تضرب معااه. .جمع كااع قوتو ومشا لعندها كيسبح بطريقة محترفة حتى شدها من خصرها وهي مغيبة ومرخية كلها دم ..ستجمع جهدو وطلع بييها لسطح وخا كانو بعاد علييه بامتار. .خرج راسو معنقها كينهج وادخل النفس لتقطعات فييه
- نطق بالغوات كيضرب على وجه خلود : خلوود ...حبيبة فييقيي اناا كنبغييك فييقي على قبلي...الله اخليك محتااجك تكوني حدايا. ..خلووووود
- غوت بكاااع جهدو اخرج كااع الطاقة السلبية لتجمعات فقلبو. .دور عينو على لبحر مكينش حس اليابسة ..تنهد بقلق كااع الأحاسيس تخلطو علييه. .
- نطق بصوت مخلوع : لا ميمكنش كين لقرش ...
- رجع شااف فخلود كينزف منهاا الدم : حبيبة تحملي على قبل ولدنا
- يله غادي اسبح وهو اصاادف قرش جااعر قاصدو نيشاان حيت هاد الاخير كيشم ريحة الدم. .خرج عينيه معرف رااسو باش تبلى. .بقا كيوزع عينيه بين خلود و لقرش وهو مصدووم. .
- الجزء 324
- يله غادي اسبح وهو اصاادف قرش جااعر قاصدو نيشاان حيت هاد الاخير كيشم ريحة الدم. .خرج عينيه معرف رااسو باش تبلى. .بقا كيوزع نضراتو بين خلود و لقرش وهو مصدووم. .
- حس بقلبو تفزع من بلاصتو. .غمض عينيه وضغط على راسو وهو كيجدف بدراع والدراع لاخر قابط بيه خلود لي زيدا عليه بتقل جسمها حيت مغيبة .كمل تجديفو وهو كيتلافت عند لقرش كيلقاه قرب لعندهم علاين اوصل لييهم ..كيحاول اكون هاادئ فالسباحة ديالو بااش الأسماك الأخرى متحسش بوجدو وفنفس الوقت ميبينش خوفو من القرش ..
- شاافو كيقرب لعندهم زير على خلود لي بسبابها ضهر لييهم بحكم القرش كيشم الدم وكيتبع لمصدر منين جاي حتى كيلتاهم لفريسة ديالو
- نطق بالغوات وهو كيقوي راسو تابعو شقاء كبير خاصو أكون قدو: ياااااربيي عاااوناااا ...مخصييش نستسلم ..خلوود فيقيي اعععع يااااااربيي
- بقا كيجدف بدراعو محبسش بااقي سابق لقرش ببعض سنتمترات ولكن فالاخير غادي اعيا داكشي علاش كيفكر فشي حاجة لتقدر تسلكهم بلاما اتضررو
- هبط عينو لكسيوة د خلود لي لسقات عليها بسباب لما. .نتابه لواحد سميطة تحت صدرها مباشرة ملفوفة على خصرها ..نترهاا دغياا بعدما توقف تانية على تجديف. .
- دور عينو لجيهت لقرش اشوفو فيين وصل. .خرج عينيه فمو حدا رجلين خلود ..تحكم فراسو ماشي وقت الصدمة دابا. .بعد علييه بقوة وهو كيجدف. .قادها على ضهرو بحاليلا مركبها و دور عليهم السمطة حزماتهم بجوج وخا علاين تقطع ..شافها ممسلكاهش ..بدا كينسل فقاميجتو معرفش كفااش حيدها دغيا. .لخلعة تخليك دير كلشي. .عاود قاد خلود وحزم بيها خصرهم مع بعد. .عاد بدا كيسبح بدرعاتو بجوج بسرعة لبرق فحين كيدخل الأكسجين شهيق زفير باش ميعيااش ..
- تلافت لعند لقرش بعاد عليه بشي عشرين سنتمتر غادي معاهم بنفس السرعة
- نطق بالغوات: اععععع وااااش مبغيتي تباان غي دابا. ..الصبر ..الصبر يااربي عطيني لقوة بااش نقذ مراتي و ولدي
- تغطس وسط لما وهو كيسبح باحترافية مستعمل درعاتو بجوج بحكم خلود حاكمها بالقاميجة ..دور عينو بان لييه الصخر هبط لعندو وخا لما درجة لحرارة ديالو منخافضة بزاف تقريبا تحت الصفر. .تنهد وهو كيستجمع قوتو بان لييه كين فتحات فالصخر تقدر تخرجهم ولكن ماشي مناسبة لحجم لقرش ..من عينيه بان علييه بأنه بتاسم بمكر. .بحكم ميقدرش احل فمو ليدخل لييه لما. .دخل بيين الصخر وخا كيتجرح فصدرو لعاري كااع تخبش. .دور عينو لجيهت لقرش لقاه مزال تابعهم عرفو غادي ادوز من هاد لممرات لكيسلك ..تنهد فخاطرو براحة وكمل تجديفو مستسلمش حتى خرج مبعد من الصخر. .عاد شاف جيهت لقرش اعرف واش خطتو نجحات وفعلا داكشي لكان كاان وااحل بجسمو الضخم وسط ممرات الصخر كيبان علييه جاعر بحاليلا فهم خطة عمار لطاح فيها هو كضحية ..
- غمض عينيه براحة نسبية وطلع بجهدو للسطح ..مجرد مخرج راسو بقا كينهج واعاود حس بجسمو عياا ولكن ملي كيتفكر خلود كيقوى على قبلها وقبل ولدو لعرفو فظروف غير مناسبة. .
- سمع صوت باخرة كتقرب لييهم دور راسو لجيهتها. .بتاسم بالفرحة. .قاد خلود مزيان على ظهرو و سبح بسرعة لعندهم وهو كيغوت بااش انقدوه
- واحد من الصيادة سمع شي غوات معرفش لمصدر ديالو حتى تعاود مرة أخرى عاد تلافت. .خرج عينيه فاش باان لييه شي واحد كيسبح لجيهتهم والدم كيخلط علييه من وراه ..عيط لصحابو اشوفو
- عمار كيغوت بأعلى صوتو باش اسمعوه باغي ادير أي حاجة باش تعيش : عتقووووناااا ....هاااحنااا عتقووناا
- واحد من الصيادة : وقفو لباخرة خااص اوصل عليينا وهبطو سلالم للحبل فلبحر باش اطلع فييه
- مشاو نفدو كلامو فالحين..عمار فرح فاش بانت ليه لباخرة وقفات .قرب لعندهم بمشقة الأنفس حتى هو ولا كينزف منو الدم بسباب لجروح لي فصدرو
- الصياد خاطبو كيشوفو من لفوق بحكم أن لباخرة عالية : طلع فالسلالم رااه هبطناهم
- عمار حرك راسو بالإيجاب : الا كان ممكن شي واحد أنزل اساعدني مرتيي مغيبة
- نزل واحد من الصيادة فالحين شد من عندو خلود بكل احترام بعدما عمار فك عقدة لقاميجة من على خصرهم. .
- عمار :صافي شكرا غادي نطلعها
- الصياد : ماشي مشكيل اخويا. ..متخافش انا دابا معيناش بحالك. .فبلاصت متهدر خاصنا نطلعو دغيا هاد لبلاصة معروفة بسمك لقرش
- عمار عرف راسو فورطة ماشي وقت غيرتو لمفرطة ..خلاه أساعد خلود حتى وصلها لباخرة وحطها نيشان فوق سرير من لخشب كيستعملوه الصيادة
- عمار تطمأن عليها عاد رتاح. .يله غادي اطلع حتى هو لكن سمع صوت مغريبش علييه. .دور عينو بان لييه نفس لقرش جاي لعندو وهاد لمرة جاعر كتر بحاليلا باغي انتاقم منو على المصيدة لي طيحو فيها
- الصيادة طلو علييه من لفوق خرجو عينيهم فاش بان لييهم لقرش
- نطق واحد منهم مخلوع : طلع دغيااا ااااش كتسنااا
- عمار بقا كيشوف فيه بملامح باردة بحاليلا مستاعد اواجهو حيت خلود لي كان خيف عليها راها فأمان نسبي
- هز عينو جيهت الصيادة : عمركم صيدتو لقرش
- الصياد مخرج عينيه : وااا طلللع هاادشي مااشي ديال اللعب. ..غاادي تموت
- الجزء 325
- الصياد مخرج عينيه : وااا طلللع هاادشي مااشي ديال اللعب. ..غاادي تموت
- عمار نثر وااحد لحديدة كانت لاصقة فالباخرة. .وقصدو نيشان فمواجهة معاه
- الصيادة النفس مقطوعة فييهم بالخلعة. .معوليين على موت عمار وتلوت السطح باللون الأحمر ولفو على هاد المنظر بحكم انهم عايشين معظم وقتهم فالبحر
- عمار جمع كااع قوتو ورماها مقنص على فمو لي حالو باش التاهمو فدقة ..بتاسم بانتصار فااش تخشات ليه لحديدة وسط فمو وتغرسات فجوفو ..قلب الدورة تيجاه الباخرة تحت تصفيقاات الصيادة وهوما كيشوف دم لقرش لي علن على موتو ..
- تنهد براحة بحاليلا كان محتاج ارجع دقتو ..عاد طلع لعندهم وهو مهدود على الآخر
- لمح خلود مشا لعندها كيشوفها مغيبة غارقة وسط دمها : خلووود تحمليي على قبليي ...صااافي عارفك قوية ..احبيبة ستحملي على قبل ولدنا
- الصياد : مالهاا
- عمار تلافت عندهم بعدها حس بوجودهم : حاملة. .غادين لمغرب يااك
- الصياد :اه ..ميناء طنجة
- عمار : مزياان
- الصياد خبر القطان باش اتحرك بالباخرة وازيد فالسرعة
- عاد شاف فعمار : معانا وااحد المرأة كبيرة كنقولو لييها دادة كتطيب ليناا ...وكتعرف فهادشي دالاعشاب
- عمار وقف عندو بلهفة :عيط لييهاا ..غاادي تعاونا
- الصياد نفد كلامو ومشا كلمها عاد رجع هو وياها
- عمار شاف لمرأة : الله اخلييك عاوني مرتيي. .حاملة وكتنزف بالدم عندااك تكون خسرات لجنين
- لمرأة : واخة اولدي ..كون هاني والا حتاجيتي شي حاجة عيطلي دادة
- عمار هز راسو باه : شكرا بزااف ...الله اخليك شوفي مالها
- تلافت عند الصياد :شحال ديال لوقت باش غادي نخرجو ليابسة
- الصياد : تقريبا تلاتة دسوايع
- عمار مسح على شعرو وملامحو عامرة خوف على خلود. .كيدعي الله فخاطرو باش لمرأة تقدر تفيدها بشي حاجة
- دازو ساعات. .
- كان واقف عند راسها كيمسح على شعرها الاشقر كيتسناها تحل عويناتها ..بتاسم بحب فاش بدات كترمش بالشوية مخسرة ملامح وجها كتستاعد تفيق
- أمير باسها على شفايفها قبل متحل عويناتها
- يارا شافت فيه وهي تفكر اش وقع : هءءءؤؤ ولدي
- أمير باس جبينها: شش لاش لبكاا ...مبروك علينا بعدا
- يارا كتبتاسم وسط حزنها : بغيت نشوفو
- أمير جلس جنبها فوق السرير ديالها : وااخة رتاحي ليك شوية باش تقدري ترضعيه ..شوية ونقوليهم اجيبوه لييك
- يارا عينيها عمرو بالدموع : بابا صاافي مشا يااك
- أمير شد ايدها ونطق بجدية : لموت علينا حق وهادا هو لمكتاب مخصناش نحزنو علييه. .متبكيش باش تخليه فرحان بعدما مشا عند الله
- يارا كتحاول متطيحش الدموع ولكن ماشي بيدها : وااش دفنتوه
- أمير : مزال ..ازار كيقاد الإجراءات شوية وندفنوه
- يارا بصوت باكي :بغيت نشوفو
- أمير قادها فبلاصتها : كنواعدك فااش تولي شوية غاادي نديك تزوريه فقبرو ...وحاولي متبكيش حيت هاكة غي كتحرقيه
- يارا هزات راسها باه : غاادي نتوحشو بزااف
- أمير باس ايدها من لداخل : انا معااك متخافيش ..وهاهو ولدنا غادي اعمر علينا
- يارا بتاسمات : جيبو لياا منقدرش نتسناا ..محتاجة نسا لحزن
- يله بغا انوض من حداها دخلات حورية فايدها لبيبي مغمض وكنزة جاية معاها
- أمير وقف خداه من عندهم وعطاه ليارا لي مجرد مشافتو نسات هم الدنيا إحساس زويين تشوفي ولدك بين ايديك وابتسامتو لبريئة تداوي جروحك
- حورية : اتربا فعزكم ابنتي
- كنزة : ربي جاابو بااش افرحناا
- يارا معنقاه كتشم ريحتو ..كتشوف ملامحو صغير بزااف : غاادي نديرو فعيني
- هزات راسها لعند أمير لمبتاسم : علاش صغير بزاف
- أمير : حيت ولدتي ولادة مبكرة. .دابا هو خاصو لقرعة باس أكمل النمو ديالو
- يارا بخوف : مغادي اوقع لييه والو يااك
- أمير هز راسو بلا : غاادي اعيش عاادي خاصو غي لعناية
- يارا باستو على جبينو وهي كتشم فريحتو. .بدا ابكي خاافت معرفاتش السبب
- حورية فهماتو :رضعيه ابنتي
- يارا : واخة
- جبدات بزولتها كترضعو وهي كتأمل وجهو : كيحمق. ياربي تخلييه ليناا
- أمير كيشوف فييهم مبتاسم فرحان بولدو : رضعيه حتى أشبع
- يارا خنزرات فيه : غادي تبقا مقابلني
- كنزة حسات بيهم غادي ابداو عوتاني وهي تدخل : اش غادي تسميوه
- أمير باس لبيبي : معرفتش مزال مقررنا
- يارا :انا نسميه
- أمير :لي بغيتي مهم هو أكون بخير
- يارا نطقات وهيا مبتاسمة : غادي نسميه أسامة. .حيت بابا الله ارحمو كان باغي اسم واحد من حفادو على اسم أسامة
- حورية رجعات بيها الذاكرة لهاد اللقطة : اه الله ارحمو ياربي
- يارا مسحات دمعة خانتها : اميين
- أمير باس جبينها : اسم زويين
- يارا كتفات بابتسامة وسط حزنها لعميق عاد شافت فيهم :ماما فينها سنايا
- حورية مبغاتش تقوليها على لوضع ديالها لفيها اكفيها : متفكريش فشي حاجة ابنتي ..ردي لبال لولدك
- يارا سكتات
- خرجات كنزة وحورية لعلى برى
- أمير جلس حداهم معنق يارا وعينو على أسامة : ياربي اخلييكم ليا
- يارا بتاسمات :كيشبه لييك
- أمير : خاصي نرجعو للحضانة
- يارا زيرات عليه : لا خلييه عفااك. .مبغيتوش امشي
- أمير وقف : ضروري على قبل صحتو
- يارا باستو مطولا عاد عطاتو لييه .
- الجزء 326
- دازو أيام. .
- كانت كتحرك ايديها ببطء وعينيها مزال مكمشاهم. .عاد حلاتهم بالشوية كتشوف فالسقف بقات دقائق وهي كتحقق كتحاول ترجع ذاكرتها وتستعقل فين هيا ..سرعان منزلو دموعها على خدها فاش تفكرات الاحدات لوقعو حتى وصلوها لهنا ..زادت فوتيرة دالبكا فاش ستعقلت موت باها بقات كتنخصص فصمت وخا كتحس بقلبها مزال كيضرها
- سمعات لباب تحل دورات عينيها بالشوية لجيهتو لمحات الطبيب ..هاد الاخير لقرب لعندها والابتسامة مرسومة على وجهو : واخيراا حليتي عينيك
- سنايا بغات تهدر ولكن انبوب الأكسجين مزال على فمها. .
- الطبيب فهمها فيساع حيدو من عليها : رتاحي لييك متجهديش رااسك
- سنايا حركات فمها بلاما تنطق جاها تقيل عاد تكلمات بصوت منخافض : قلبي كيضرني بزااف ادكتور
- الطبيب قاد لييها السيروم : مبغيتش نهدر معاك فهاد الموضوع. .حيت يله فقتي حتى تولي شوية وناقشوه
- سنايا حسات بشي حاجة : متخبي عليا واالو ادكتور ..وليت مستعدة لأي خبر مبقيتش كنثأتر 😢
- الطبيب تنهد بحرقة عليها بقات فيه متستاهلش هادشي : فاش كنتي مغيبة هاد الايام. .جرينا لييك فحوصات باش نعرفو واش الرصاصة اثرات على أعضاء لجسم ديالك
- سنايا نطقات بصوت منخافض عوتاني : اه. .واشنو لقيتي
- الطبيب : لأسف. .لفحوصات كتبين عندك ثقب فالقلب يعني ضروري تجري عملية أخرى
- سنايا نزلات دمعة حارة على خدها : اه. .فهمت داكشي علاش كيضرني
- الطبيب بملامح ممحية : انشالله بعد لعملية غادي تولي لبااس...ولكن
- سنايا :ولكن ..غادي نموت يااك
- الطبيب : لا ولكن لأسف الا ملقيتيش متبرع بالقلب غادي. ..
- سنايا قطعاتو مدورة وجها لجيهة لخرا : صافي فهمت
- الطبيب : احم ولكن هادشي مغاديش يأثر على لجنين
- سنايا شافت فيه بصدمة : كك ..كفااش
- الطبيب : اه راااك حاملة بشهر واسبوع
- سنايا بتاسمات وسط دموعها : ههه كفااش غادي نولي أم 😍
- طاح فبالها ازار : مبانش لييك ...
- الطبيب قاطعها : وااش راجلك
- سنايا بغات تقوليه راه مزال ماولا راجلي ساعة خرج مخلاش ليها لفرصة
- حتى سمعات لغوات دخل بعجاجتو بتاسمات ليه فاش جات عينيها فعينيه ..فيساع تقدم بخطواتو لعندها :حبيبة
- سنايا بغات تنطق حتى سكتها بقبلة طويلة بقات مبلوكية .. بعد عليها : متصوريش شحال كنبغييك
- سنايا نطقات بالشوية : هه مجعور
- ازار : باش كتحسي
- سنايا هزات راسها باه : مزيان
- نزلات دمعة من عينيها مسحها ليها :صافي نساي
- سنايا بصوت باكي :بغيت نزور قبرو
- ازار باسها على جبينها : غادي نديك. .خاصك تردي لبال لصحتك ولجنين لغادي أنور حياتنا
- سنايا حنيكاتها توردو بالحشمة : غادي تولي اب
- ازار :بغيت نقوليك شي حاجة
- سنايا باستغراب :شناهيا!!
- ازار :هاني خارج
- سنايا :بغيتك تبقا حدايا
- ازار حط ايدو على شفايفها وبدا كيحرك بطراف صباعو عليهم :شش. ..متخافيش هاني راجع دابا
- سنايا بغات تهدر دخل الطبيب
- ازار باسها على جبينها وخرج
- سنايا : دكتور
- الطبيب دك ليها إبرة فسيروم : نعام ابنتي
- سنايا : مبغيت حتى واحد اعرف بمرضي ..كنتمنى تحقق ليا هاد الطلب
- الطبيب مسح على شعرها : رتاحي متفكريش. ..وبالنسبة لمرضك مغادي نقولها لحتى واحد
- سنايا بتاسمات ليه :شكرا
- خرج الطبيب وخلاها بوحدها تفكرات ختها وماماها نزلو دموعها. .حتى سمعات خطواتو وريحتو سبقاه. تلافتت لعندو موسعة عينيها
- ازار قرب لعندها :دخلو
- بقات ساكتة كتشوف فييهم إحساس فشكل فااش شافت عايدة وخالد داخلين لعندها. .عاد تبعاتهم حورية
- سنايا : ماما😢
- حورية مشات باستها مبغاتش تبكي قدامها باش متزيدش عليها :كبقيتي احبيبة. .ديما كنت كندعي معاك باش تحلي عينيك
- سنايا :انا بخير دابا اماما
- ازار :احم سنايا تكلمي
- شافت فيه حتى جات عندها عايدة : على سلامتك ابنتي .فرحنا فاش عرفناك حليتي عويناتك
- سنايا : ربي يخليك
😊 - خالد :احم كيبقيتي ابنتي
- سنايا هزات راسها باه بحاليلا كتقوليه مزيان
- ازار جلس جنبها فوق السرير فحين لاخرين جلسو فوق لكنباي
- سنايا شدات فايدو :مزيان ملي جبتيهم
- ازار : خالتي ليوم قدامك وقدام واليديا كنطلب ايد بنتك لزواج ومكرهتش دابا
- حورية بتاسمات :نتا واخد لموافقة من عند لمرحوم انا مغادي نزيدكم غي بالخير
- ازار بتاسم :لواليد تكلف
- خالد فرحان بولدو مشا خرج ورجع فجنبو لعدول
- سنايا مخرجة عينيها فازار :من نيتك
- ازار باسها على خدها :علاه كنتفلى ..ليوم تولي مرااتي بااركة من لحزن خااص نتقبلو لواقع وكيف كيقولو لحياة كتستمر
- سنايا تفكرات مرضها بقا فيها لحال فخاطرها مبغاتوش اتعلق بيها وفالاخير تمشي وتخليه
- خالد :سي لعدول دير خدمتك
- لعدول وجه كلامو لازار وسنايا: نتوما هوما لعرسان
- ازار هز راسو باه وهو فرحان
- سنايا كتفات بابتسامة غارقة وسط حشمتها وخا مزال مصدومة بسرعة هاد الزواج
- ازار شافها كتفكر : بغيت نديرو لعقد دابا ومن بعد ما دوز مدة صحيحة على وفات عمي علي نديرو لعرس احتراما له
- سنايا كبر فعينيها إحساس زويين أكون فجنبك شخص تقدر تعول علييه: كنبغييك بزااف
- الجزء 327
- لعدول :فين هوما الشهود
- قاطعو صوت موراه :ها أنا
- سنايا بتاسمات ليه :خوياا لحبيب
- سفيان قرب لعندها مسح على شعرها : عرفتك قوية. .ربي مكينسااش عبدو
- سنايا :لحمدالله على كلي حال
- ازار شاف فسفيان :جلس بينما بدا لعدول
- حرك راسو بالإيجاب ومشا جلس بعدما سلم على خالد وعايدة باحترام
- لعدول : كين غي هاد الشاب ..خاص واحد اخر
- يارا دخلات فايدها أسامة مغمضاه وفجنبها أمير : هاحناا جيناا. .أسامة رحب بخالتو توحشناها
- سنايا موسعة عينيها حسات بسطل دالما تخواا فوق راسها : كك ..كفااش
- أمير فهمها : ولدات ولادة مبكرة. .على سلامتك بعدا
- سنايا :الله اسلمك ..فرحت حيت شفتكم. شحال قلبنا عليك انا ويارا ههه كفااش قاضية اختفاءك
- أمير : قصة طويلة ماشي وقتها
- يارا مشات لعندها باستها : خفت بزااف فاش سمعت لخبار كلهم خباو علياا
- سنايا : انا مزيان متخافيش ...اري نشوف لفنكوش وينوو😍
- يارا : قالي الطبيب مخاصوش لبرد ..غي نوقع فين غادي اطلب مني لعدول ونمشي نرجعو للحضانة
- سنايا : بصح ...تهلاي فييه كيحمق
- ازار همس ليها وهو مبتاسم : قريب حتى حنا نهزو ولدنا بين ايدينا
- سنايا بتاسمات لييه فرحانة
- لعدول بدا فالاجراءات عطاهم وقعو وجات نوبة دالشهود وقعو حتى هوما ..عاد مد لييهم لاكط كيعلنهم زوج وزوجة
- لعدول : مبروك علييكم دوري سالا
- خالد بارك لييهم وخرج مع لعدول وصلو لبرى عاد رجع لقا كلشي كيبارك لييهم والممرضات كيدخلو بوكياات دالورد ..لغرفة كاملة عمرات بحاليلا حديقة
- سنايا كتبتاسم لييهم وقلبها كيحرقها لدرجة عينيها كيغرغرو ..مبغاتهمش احسو بيهاا كمضاتها بابتسامة شاحبة ..بقا فييها ازار بزاف كيبان فرحان مبغاتش تخليه فنص الطريق. .هبطات عينيها لكرشها كتخايل راسها كتعيش احساس الامومة جاها غريب مع أول تجربة ..
- خرج كلشي وخلاوهم بوحدهم
- ازار : لمدام ديالي اشنو ندير فييك هممم
- سنايا كمشات عينيها كتطرد لحريق لزير عليها قلبها : دير لبغيتي هه
- ازار ضحك وباسها على شفايفها بوسة طويلة وحتى هيا كانت متجاوبة معاه ..بعد عليها حابس راسو بزز : خاصك تبراي عندنا بزااف دالحوايج خاص نديروهم
- سنايا شافت فعينيه : اه عندنا بزاف دالحوايج
- فالجيهة لخرى. .
- كان مركز مع السوكان مكيشوفش لجيهتها. .مزال معصب على فعلتها متقبلش فكرة انها تخبي علييه
- خلود كتخطف الشوفة فيه مرة مرة وترجع تشوف قدامها
- عمار : هاحناا وصلنا
- خلود تلافتت عندو شدات فايدو : مغاديش تسمح لياا
- عمار ببرودة : نزلي
- خلود ترمات فحضنو : انا خبيت علييك حيت مكتبغينيش
- عمار هز وجها لعندو : وااش هاد التصرفات كاملة مكتبينش حبي لييك ..طول هاد الايام خليتك على راحتك وبقيت معاك الليل كامل حدا راسك بااش تكون صحتك مزياانة ..مكنقولش هاد لهدرة بااش نمن علييك. .ولكن تصرفك جرحني بزااف .دابا نزلي ماشي وقت لهدرة
- خلود بصوت باكي شدات ايدو حطاتها على كريشتها : سمحليا على قبلو
- عمار مباغيش اضعف قدامها : نزلي باباك كيتسنا. .حتى نخلط علييك خاص نقاد شي أمور بعدا
- خلود : عرفتي شنو بلاما تجي لعندي
- عمار شاف فيها هاز حاجبو : اشنو قلتي
- خلود بغات تنزل شدها من دراعها : ديراها قد راسك وزيداها بهاد لهدرة ..علاش كتقلبي عندك الزهر واحلة فروحك اما كون شفتي نجوم الظهر
- خلود طلقات لعنان لدموعها : رخي منيي
- عمار تنهد : شربي دوك الاعشاب لي بسبابهم نقداتك لمرأة ..خاص نحمدو الله حيت جات فطريقنا
- خلود تفكرات اش وقع لييهم مزال كتحلم بهاد لمشهد كلا ليلة اتر عليها بزاف
- عمار : نزلي حتى نرجع ونوضعو النقط على لحروف
- خلود مبغاتش تزيد تشاد معاه فالهدرة حيت عرفاه فاش كيكون جدي ..نزلات ديك الساعة دخلات بعدما حل ليها لعساس. .
- عمار طمأن بانها دخلات لدارهم عاد قلب الدورة. .تفكر اتصالو لازار طمأنو علييه بيلا راه باقي على قيد لحياة
- سمع صوت تيلي كان ميساج ..فتحو وهو كيسوك كانو نتائج فتح لقبر مصورين ..وقف مفراني فالبلاصة. .خرج عينيه مصدوم ممتيقش ..
- فيساع دوز لييه : وااش هادشي بصح
- .............: اه اسيدي لجتة ديال ماجدولين لي فالقبر
- عمار قطع عليه وهو مخرج عينيه. .كسيرا بسرعة فاش تفكر عائلتو : لا ميمكنش. ..عائلتي فخطر
- الجزء 328
- شد طريق لوطوروت مكسيري بأقصى سرعة. .مكرهش لوطو دير جناوح باش توصل دغيا. .شاف الساعة كيحس بأن لوقت ضدو حيت فيساع كيدوز وكلما تعطل غادي اكون ماشي فصالحو..
- كانت جالسة كتكمي والابتسامة على وجها فرحانة بموتو كتحس بقلبها كينقز من كترة السعادة فاش كتشوفهم مشوشين على عمار وخلود ...قاطع تفكيرها صوت تيلي دوزات لمكالمة ..سرعان موقفات مخرجة عينيها :اشنوو كتقول ..يااك قلتو ماات .كتلعبو مورا ضهري
- زفات بتيلي معصبة بالنسبة ليها كلشي تفضح. .وخطتها فشلات. .خرجات جاعرة كتفكر فشي حل خصوصا انها عرفات بمجيؤو للقصر ..كانت غادة فالكولوار حتى وقفات بحاليلا تفكرات شي حاجة. سرعان مرجعات للبيت هزات فايدها لمسدس دارتو لور دسروال عاد خرجات عوتاني وهاد لمرة عينيها حومر. .هبطات فالدروج قشعات للحاجة وفخرية جالسين فالصالون ولينا فوق الطابي كتلعب بنونوساتها .بتاسمات بمكر وجلسات على سلالم الدرج كتراقب تحركاتهم تحسبا لشي تغيير مفاجئ
- لحاجة ولات كتقفز فنعاسها فاش كتفكر تعامل ماجدولين معاها. ديما كتحاول تخلي لينا بعيدة عليها حيت من معاملتها واضح عليها انها معندهاش قلب وبالنسبة ليها دراري الصغار مكيهموهاش..
- فخرية شافت لحاجة ساهية : لحاجة يااك لبااس. .كتبانيلي كتسهاي بزااف
- لحاجة فاقت من سهوتها :اش قلتي ابنتي
- فخرية معجبهاش حالها : ديما ساكتة و ساهية
- لحاجة : لا ابنتي غي لكبر راك عارفة الصحة على قد لحال
- فخرية : اه الله اشافيك ...سنايا كانت مهلية فصحتك ومقادة لييك نيظامك لغدائي
- لحاجة : لحمدالله على كل حال ..متخافيش لخدامات متبعين ليا نفس لبروغرام
- فخرية :اوا مزيان
- سكتات وهي كتشوف فلينا عاد نطقات: بان ليا خالد وعايدة خارجين الصباح معرفتش مالهم بانو مزروبين
- لحاجة :حتا ارجعو ونسولوهم
- فخرية هزات راسها باه وهي كترشف من كأس قهوتها
- ماجدولين كانت حاطة عليهم لعين ومخسرة ملامح وجها : بشااار مكيتسلاش
- نطقات بعصبية : وااقيلة كيضحكو علياا كوراه مات وشبع موت..من نيتي كنتسنا واحد راجع من لقبر
- جمعات لوقفة وقلبات الدورة طالعة لفوق وراجعة بأدراجها لبيتها ..يله غادي تدخل مع لكولوار لي كيوصل لغرفتها سمعات غواتو على برى كيعرعر واثيري فالسما
- عمار جاعر مجرد مخرج من لوطو بدا كيفرغ الرصاص فالهوى: ماااااجدولييين ....معندك فييييين تهربيي اااه نسيييت نتيي مااشي ماجدوليين
- لكارد مفهمو واالو جاو كيتجراو لعندو
- هدر واحد منهم : محتاجنا فشي حاجة اسيدي
- عمار نطق بعصبية وصوت حاد مورك على لحروف : غاادي تحاصرو لقصر اخرج شي واحد نقتلكم واحد بوااحد
- كلهم حدرو رااسهم ومشاو كينجيو بروحهم فالحين نفدو كلامو
- ماجدولين بقات مركزة كتأكد من الصوت قلبها ضرب فالمية. .هزات المسدس فايدها ونزلات بخطوات سريعة مع الدروج. حتى تعترات رجلها وطاحت عدسة من عينها ليمنى..جمعات ايدها مزيرة عليها كتبرد عصبيتها. .هزات عينيها لقات فخرية و لحاجة واقفين مخرجين عينيهم من منظرها .هي وغوات عمار على برى
- فخرية حسات بشي حاجة ماشي هيا هاديك وجهات كلامها للمربية هزات ليينا بعداتها علييهم
- عمار فرع لباب ودخل كيعرعر :خرررجيي ابنت قح** ليييوم نوري لطاسيلتك كفاااش ضحكي عليا
- ماجدولين بقات مبلوكية كتشوفو واقف يله دور راسو جات عينيها فعينيه ..مخلاتش لييه لفرصة فين أوجه تجاها السلاح ..قصدات للحاجة بجرية قجاتها من عنقها وصاوبات تيجاه راسها السلاح
- عمار مصدوم دابا زاد تأكد بيلا ماشي هي : ااش كديري. ..حيدي السلاح .وشكون نتي و ااش جاابك لعائلتنا
- بتاسمات بمكر : ششش مسيو عماار غواتك صدعني فراسي
- فخرية حسات بركابي تحشو ليها من كترت لخلعة كتفات بنطق كلمة وحدة : و والديي
- ومن بعدها طاحت سخفانة فوق لكنباي ..مقدراتش تحمل لمشهد
- عمار كيحاول اقرب بخطوات بطيئة باش ميتسرعش واندم. .زير على قبضة ايدو فاش بانت ليه فخرية سخفاات والحاجة روحها غادي تخرج على أيد هاد لمجرمة لي نتاحلت شخصية ماجدولين
- شافتو كيقرب لعندها وركات على رأس لحاجة بالمسدس :زيد خطوة نقتلهاا ...نييت هاد لعقروشة قريبة تموت غادي نكون درت فيها خير
- عمار نطق عاض على سنانو : هبطي سلاحك ..انا دابا كنهدر معااك بالخاطر
- بتاسمات باستهزاء وهي قاجة لحاجة : وشكون قاليك هدر بالخاطر
- عمار مقدرش اتحمل نطق بعصبية وهو موجه تيجاها السلاح : الا مبعدتيش سلاحك ..غاادي نتيري فييك هبطيه وخليناا نعرفو اش تحت رااسك
- نتابه للون عينيها لمختالف :لحقييرة
- فهاد الاتناء دخلات عايدة وخالد ..مجرد محطو رجلييهم وسعو عينيهم
- خالد معرف راسو بااش تبلى نطق بصوت متقطع : ع عع عمااار. ..لواليدة اااش وااقع
- خنزرات فيه : سكتنااا اشاارف ولا بااغي حتى نتاا تموت
- عايدة حطات ايديها على قلبهاا : عمار اش وااقع
😱 - عمار كيزيد اقرب لعندها : كلشي بالعقل .انا بااغي نعرفك غي شكون
- نطقات عاضة على سنانها : مكتسمعش قلللت تقررب نقتلهاا
- لحاجة دموع تحجرو فعينيها بقات غي ساكتة كتسنى موتها
- الجزء 329
- عمار :واخة مبقيتش نقرب. ..رخي من دادة بلا مشاكيل حيت فالاخير غادي دخلي لحبس يعني بلاما تزيدي علييك جريمة آخرى
- ضحكات بقهقهة كتستهزء بكلامو :اوووه مسيو عمار شحال بريء ههه كلهم اغبااء ضحكت علييكم كيف بغيت
- خالد غي مخرج عينيه كيحس براسو بحال شي ديكوغاسيو فينما داوه ابقى ..باغي انقد الأم ديالو ولكن مفهمش علاش ماجدولين شاداها اصلا. .أما عايدة جلسات هوادة مع لحيط كتحس بقلبها كيضرب بالخلعة خصوصا انها كتنطق بعصبية من كلامها مبينش عليها كتضحك ..أسئلة كتيرة ستعمرات تفكيرهم ومزال ملقاو لجواب
- عمار كيشوفها جدية حس بالشمة حيت خدعاتهم ولكن شكون هاادي!! كفااش عندها نفس وجه ماجدولين! !..زيادة على ذلك عارفة كااع أفراد لعائلة وابسط الأمور لكتعلق بييه ..وااش نفسها ماجدولين! !..لا ميمكنش هي ماشي هااكة هاادي وحدة أخرى ماجدولين متقدرش تهز فييك لعين ..راسو ضرو بالتفكير. .بغا احماق
- قاطعت تفكيرهم وهوما مصدومين كيشوفو فييها: مبغيتيش تموت بالقنبلة هاا ..ولكن دابا جا لوقت باش تموت نتا وهااد لعقروشة
- بقا مخرج عينيه متصورش لهاد الدرجة بغات تنتاقم منو ولكن بصفتها شكون :كك كفااش
- سكت شحال كيتعايش مع الصدمة عاد نطق : حسابك معايا ..رخي من دادة اش دارت لييك
- خنزرات فيه ونطقات بالغواات: غاادي تبعدووو كلكم ...ولاغادي نقتلهاا كنقسم لييكم لا مبعدتوش غاادي نسيفطها للقبر
- عمار خوا ليها الطريق مكرهش اتيري فيها ولكن لحاجة هي نقطة ضعفو كون كان ازار مغاديش اخوفو موقفها برصاصة فراسها اجيبها كاو مع قنااص ممتاز وعارف راسو اش كيدير
- وجهات كلامها لخالد : هااداك الشاارف قو** من قداميي ..يللله سربيييي خلاص
- خالد خوا لييها الطريق هااز ايدو وهو كيفيبري بالرعدة. .أما عايدة مجرد مجات عينيها فعينين ماجدولين طاحت مناضتش ..غي حومر عينيها خلعوها اما لحطات عليها السلاح كانت غادي تمشي لقبر بلاما تيري فيها
😂. - شافت فييهم كلهم وهي راجعة بلور وايدها قاجة بيها لحاجة :بقااو فبلاصتكم
- عمار مستحملش : وااااش كيحسابليك مغااديش نجبدك وخا تكوني تحت الأرض غادي نقتلك . ..شكون نتيي كفاااش دخلتي لعائلتنا وشكون مسيفطك
- ضحكات بشر :ههههه حتى تشدني بااش تقتلني ...خلي هااد الشارفة معايا حتى نضمن حريتي وديك الساعة نسيفطها لييكم فالكفن
- غيرات نبرة دصوتها للجدية :تحل ليييك لفمم. ..داابا من لخر غاادي ترجعو لور وبالنسبة لدوك الشيخات لي فالباب قوليهم انزلو سلاحهم قبل نقتل هااد لفنكوشة
- عمار : الله انتااقم منك ...هااادشي غاادي اسالي غي سلمي رااسك حيت فالاخير موتك على أيدي ولا لحبس كيتسنااك
- خسرات ملامح وجها بعصبية هدرتو كتدخل من هنا وتخرج من هنا ..تمات مكملة بخطواتها حتى خرجات من لباب دالقصر. .شافت لوطو دعمار. .خبطات لحاجة على راسها :قولييه سوارت قبل نقتلك العقروشة
- لحاجة بصوت بااكي كلها كترجف خصوصا تعرضت لهاد لموقف وهي فهاد لعمر :عمار ولدي سوارت 😢...الله اخلييك متعندهااش
- عمار قرب لعندهم شاف فليكارد : هبطو سلاحكم
- ماجدولين بتاسمات : السوارت البوقوص ..سربيي رااسك
- عمار تنهد بقلة حيلة ورمى لييها السوارت : يله خوديهم وهربيي ..رخي من دادة
- ماجدولين :ههههه ناااري شحال اغبيااء من نيتك غاادي نخليهاا ..هاد لعقروشة هي ورقتي الرابحة
- عمار : شوفيي بلاما تعصبي جديي ...رخي من دادة مشكلتك معايا
- خالد واقف بعيد وشاد فقلبو : ابنتيي مالك وليتي هااكة. .فينهاا ماجدولين لكنعرفو طلقي من داداك
- ماجدولين :واااععع سكت دااك لعيشور قبل نتيري فييه ضرني فراسي
- عمار جمع قبضة ايدو بعصبية وشد لمسدس وجهو ليها: مبغااش ترخي منهاا
- ماجدولين هزات حاجبها :كتحداني
- دغطات على زناد : نتيري ولا بلاش
- خالد مخلوع : لا ابنتييي اااش كديري ...عمااار ديير شي حاجة هدر مع مرتك
- عمار نطق بنفاد صبر : هااادي ماشي ماجدولين غي منتاحلة شخصيتها
- خالد جلس على ركابيه مصدوم : كفااش كناا مغشوشين
- ضروها فراسها بدراما ديالهم كيف سماتها. .بعدات لمسدس وزدحات لحاجة على لكوسان بعدما فتحات لباب. .ودارت لجيهة لخرا موجة لييهم السلاح لي خدعوهاا ..ركبات فيسااع قبل تديماري هبطات الزاج موجهة كلامها لعمار :غادي نتواجهو عن قريب
- كتفات بهاد لجملة وديمارات مكسيريا كطاكي بمراوغتها رصاصات لكارد ..حتى خرجات على برى
- عمار نطق بالغوااات : تبعوهاا ااش كتسنااو
- لكارد فالحين نفدو كلامو غاادين موراها كيتيريو على الله تفش لييها الرويدة
- عمار شاف لوطو دخالد قصدها يله غادي اركب باان لييه ازار فرانة وخرج بعدما حل لباب :ااش واااقع
- عمار بعصبية : اجي ركب ..غاادي نفهمك فالطريق
- ازار عرف ان لموضوع جدي. .طلع معاه و كسيرا عمار على الله انقدو لحاجة من بين ايديها
- ازار كيشوفو كيسوق بسرعة والسلاح فايدو : اااش وااقع بغييت نفهم
- عماار تنهد بعصبية وعاود لييه كلشي بالتفصيل
- ازار بدا كيضحك :ههههه لا بزاااف والله هههههه
- عمار شاف فيه مصدوم : واااش كضحك
- الجزء 330
- ازار :بكترة ماوليت كنتصدم جاني عاادي هااد لخبر
- عمار :بففف ميغد
- وصل على ليكارد لكانو سابقينهم بانت لييه لوطو ديالهم وقفات. .حبس لفراان معصب وهبط الزاج : متقولش لياا تجلات لييكم حيت غادي تكونو كلكم مطرودين
- ازار تنهد : عماار برد ...حتى انا شحال تعصبت ولكن مكيتغير واالو ..ضروري غادي نلقاو حل
- عمار خبط راسو مع الديريكسون : كنت مغشوش كلهم بحال بحال
- ازار : مالك
- عمار تنهد بعصبية :لالة خلود كانت حاملة ومخبية علياا. .ولدي مخبيااه علياا اشنو غادي نتسنا منها
- ازار مسح على شعرو :خلي كلشي للوقت
- عمار حل للباب وخرج :دابا اشنو غادي نديرو ميمكنش دادة تبقى فلحوزة ديالها
- ازار هبط حتى هو سكت شحال عاد نطق :كنحس بهاد خيتي لخدعتنا عندها علاقة مع لبوص ..احساس قوي كيقول لياا هااكة. وبااش اعدبني كيدور على عائلتي كاملة
- عمار بنفاد صبر :ولكن ااش بغااا منك هااد لحيوان
- ازار تنهد :معرفتش ...كلشي دالوقت. .ولكن كنواعدكم قريب هادشي غادي اتحل
- هز عينو فيه بحاليلا تفكر شي حاجة :اجي نتاا لوطو ديالك فيها GPS كفااش نسينا هااد لقضية
- عمار :ااه ..مفهمتش كفااش مفكرتش فييها
- ازار ركب لوطو كيتسناه اركب : طلع دغيااا خااصي نمشي للمركز هادشي طول
- عمار ركب حداه وكسيرا. .كانو ساكتين كاتمين الدقة فقلبهم حيت خرجو بنتيجة وهيا لتعصبو مغادي استفادو والو. .قاطع صوت تفكيرهم رقم مجهول كيتاصل بييهم
- ازار بتاسم باستهزاء وبرك على الاوت باغلوغ : مكنتيش تعدب رااسك مسيفط قح** تخدم لييك
- بادلو نفس الابتسامة وطريقة دالهدرة : لكيعجبني فهاد لعائلة كترة لهدرة وتنفييد والو هه
- غير نبرة دصوتو للجدية : قريب غاي نتوااجهو ..تسناا تيصالي وبلاما تذاكا بزاف غادي تجيبها غي فراسك. .وفعائلتك
- ازار قفل لخط وهو كارز على ايدو ..وهدرتو كتردد فالمسمع ديالو حس براسو مقادر انفع بواالو وبصح كيف قال كينا غي كترة دالهدرة والتنفيد واالو
- فالجيهة لخرى. .
- وقف بيها قدام موبل كبير ..وهو مشبك ايدو مع ايدها
- ريماس شاف فيه :علاش جينا لهنا
- فاروق :هبطي وغادي تفهمي
- ريماس هبطات كيف طلب منها. .بقات كدور فعينيها باغا تكتاشف الارجاء كان شارع كبير ومفيهش الضجيج غي لموبلات اغلبية كلهم زاج
- فاروق شافها ساهية مشا لعندها شدها من خصرها :يله ندخلو
- ريماس دورات ايديها على عنقو : فخبارك توحشتك بزااف
- هبط لعند ودنها وهمس ليها حتا تبورشات : حتا انا احبيبة
- ريماس عاضة على شفتها التحتانية كتستوعب كلمة "حبيبة " خرجات من فمو بطريقة زوينة خصوصا مع ماشي رومنسي ومع بحتو الرجولية خلات قلبها كيرفرف
- بعد عليها مبتاسم ودخل للداخل مشبك صباعو مع صبيعاتها ..ركبو لمصعد موقف بييهم حتى لطاج لفين الابغطمو. .
- ريماس بقات ساكتة كتلعب بشعرها وعينيها مهداوش من دوراان تصرفاتها لعفوية كتخليه ازيد اتعلق بييها
- وصل قدام لباب فتحو ودخلها عاد سدو
- ريماس : دياالمن هاد الابغطمو
- فاروق بتاسم :ديالنا
- ريماس تلافتت لعندو :هااا
- فاروق قرب لعندها هبط لييها تيشورط من على كتيفاتها وباسها حتى رجفات : دوري شوفي وااش عجباتك
- ريماس طارت عليه ببوسة فشفايفو : وااخة
- خلاتو كيضحك ومشات كدور من بيت لبيت وصالونات جوج مفرشين واحد عصري ولاخر تقليدي ..من غير لغرف لي بااقين ممفرشينش كانت ابغطمو كبيرة .مشات للكوزينة مجهزة والحماام حداها. .عجباتها بزااف
- فاروق شدها من خصرها بعدما نساتو وهي كتبقشش وتفلي : نسيتيني
- ريماس عاضة على شفتها : وااو ديالنا يااك
- فاروق هز راسو باه : ولكن لابغيتي نبدلوها ماشي مشكيل
- ريماس :لا لا زويينة عجبتني
- فاروق :خليت بيت النعاس حتى تفرشيه على ذوقك
- ريماس :ههه كحلتيها
- فاروق تبسم : علاش!!
- ريماس دورات ايديها على عنقو : مكنعرفش نفرش وداكشي دالدار. .يله كنتعلم شوية لدرجة فااش كنمشي لعندهم للكوزينة كيحسابليهم مريضة
- فاروق هزها بين ايديه :هه مريضة كااع
- ريماس :حطني فين غادي بياا
- فاروق دخل بيها لواحد من لغرف كانت فيه ناموسية فقط حطها وتكا جنبها
- ريماس هازة حاجبها :اشنو باغي دير
- فاروق جرها تحت منو ونعس موصد صدرها :ششش. .عقلك مسخ انا باغي غي نعس
- ريماس ضماتو لعندها كتر وبدات كتحرك صبيعاتها فوق شعرو حتى ترخى
- سكتات شحال عااد نطقات : فااروق
- فاروق بصوت نعسان : اممم ..اش كين
- ريماس هزات وجهو لعندها : هااديك الليلة وااش نسيتيها
- فاروق : انا الليلة
- ريماس خسرات ملامح وجها : صاافي نعس
- فاروق عاد فهمها اش قالت مع فالاول كان غالب عليه النعاس: لا عمري نساها
- ريمااس كتشوف فالسقف : حتا انا
- فاروق : هههه مقزدرة
- ريماس : احم بااش حسيتي
- فاروق ضربها لراسها : شداتك لفاارة عوتاني ..سكتي خليني نعس ولا نوض ندير لييك شي طرح
- ريماس سكتات كتعوج ففمها
- فاروق شافها قطعات حسها هز راسو لعندها : حسيت براسي مالك الدنيا ونتي بين ايدي ..حركتي روجولتي بتحرمياتك ..خليتيني نحس بحرارة دجسمك
- ريماس حشمات بعدات منو عطياه بالظهر
- الجزء 331
- بقا موسع عينيه كيشوف هاد لهبيلة اش كدير : هههه بااز ..غادي تحمقيني
- ريماس جلسات : اجي نتفرجو فشي فيلم
- فاروق : بااغي نعس ..عياان
- ريماس بإلحاح :صاافي نوض عفااك ..نعس عليا ونتا كتفرج
- فاروق تنهد و وقف: كنحس براسي كنربي شي بنت صغيرة
- ريماس ركبات فوق ظهرو كتلعب فشعرو : لا انا كبيرة
- فاروق تنهد ومشا بخطواتو لصالون مجرد موصل خبطها فوق لكنباي: جلسي هاني غادي نركب فيلم
- ريماس حسات بضهرها تقسم : فلعصني نتاا كااع
- فاروق كيقلب فالصدياات : مالك كبرتي علييها
- ريماس خلاتو مضارب ومشات للكوزينة لقات ذرى ..كلاتها حتى تصيب ليها فوشار قداتو ورجعات لعندو لقاتو جالس. .حطات قدامهم لفوشار وتكات على صدرو كتفرج وتنقب ..كان فييلم رومنسي عجبها بزااف خصوصا فااش كتوقع شي لقطة رومانتيك بين الأبطال كتهز عينيها لعندو حتى كيضحك ..داز الوقت وهوما كيتفرجو
- فاروق شافها ساهية ممسوقاش ليه ..كل تركيزها مع لفيلم. .هز حاجبو ومشا طفاا تيفي
- ريماس وقفات مخرجة عينيها : بربي حتى ترجع تشعلو
- فاروق خنزر فيها وتم قاصدها : رجعتي لتشمكير دياالك
- ريماس جلسات مكمشة وسط ضلوعها : مدرت والو
😨 - جرها لعندو محاوط خصرها وعينيه على شفايفها كفااش كتحركهم بطريقة عفوية :اشنو درتي لياا همم
- ريماس حنيكاتها توردو بقات مهبطة راسها حتى هزو لييها: غي اتقادو شي أمور وغادي نمشي عند لواليد ديالك نطلب ايدك
- ريماس باستفهام : شناهيا نطلب ايدك ..ومن عند بابا! !!
- مدات لييه ايدها : هاهياا ..لاش غادي تمشي عند بابا
- فاروق بقا مبلوكي : وااش متأكدة نتي مغربية
- ريماس :نص نص
- فاروق :هه هادشي ليبان لياا ..نص مغريبي والنص لاخر اشنو هو
- ريماس : امريكي ..شحال من عام وانا ساكنة فيها وبوحدي
- فاروق مركز مع السؤال لطرح عليها :عمرك درتي شي علاقة
- ريماس هزات راسها بلا : كاانو عندي أصدقاء صاافي
- فاروق بتاسم : انا كيهمني حاضرك معايا. . لماضي كيبقا مااضي
- ريماس شافت الساعة : خاصي نرجع للدار
- فاروق قاطعها بقبلة شرسة على شفايفها كان هو لمتحكم فييها. .حتى تجاوباات معاه حسات بدم تخلط مع انفاسهم لحارة ..تواني وهوما فالقبل لمتتالية عاد بعدات ريماس بعدما حسات بروحها غادي تخرج
- فاروق فرحاان حيت قلبو دق من جديد و لا عندو هدف فهاد الحياة : مشيناا
- ريماس مزال كتسترجع انفاسها : اه ..وااخة
- نبدلو البلاصة. .
- دخل عندها مبتاسم كيشوفها شادة أسامة بين ايديها كترضعو ..وحورية واقفة حداها كتجمع حوايج لبيبي
- أمير : سلام و علييكم
- يارا حسات بوجودو :اسامة شووف شكون جاا ...باابي
- أمير قرب لعندها سلم على حورية بالايد وباس يارا على جبينها : حبيبة كيبقيتي شوية
- يارا : لحمدالله مبقاش كيجيني لحريق ..شوف أسامة يكما طلعالو لحرارة
- حورية : لا ابنتي غي خيفا علييه داكشي علاش كتشكي فابسط الامور
- يارا عنقاتو كتشم عطرو الطفولي : هادا هو لغادي اعودني على جروحي واذاويها وخا عميقة😢
- أمير :صاافي نسااي ..حاولي تسنااي على قبلي
- يارا هزات راسها باه و وقفات لبسات بانطوفة فرجليها وبين دراعها أسامة مبغاتش تحطو
- أمير : اري لياا نشد ولدي
- يارا مداتو لييه وهي مبتاسمة : غي بالشوية
- شدو من عندها .وراتو كفااش اهزو. .عجبها لحال وهي كتشوف أب و ولدو
- تلافتت عند حورية : صافي اماما جمعتي داكشي لي مهم يله نخرجو
- حورية مدات ليها ساك لبيبي : انا غادي نبقى مع سنايا. .غي سيرو نتوما رتاحي لييك وتهلاي فالبيبي متخليهش اضربو لبرد كيف طلب منك الطبيب ..ومتشدوهش بزااف
- أمير : هه اوامرك. .قولي غي لبنتك تخليه شوية
- يارا خنزرات فيه : يله نمشيو😒
- مشات معاهم حورية حتى وصلو للوطو
- يارا هبطات زاج : بوسي ليا سنايا. .غي نقاد اموري ونزورها
- حورية :انشالله ابنتي ديها غي فصحتك و لبيبي
- أمير لوح ليها بايدو وكسيرا نيشان لفيلة ديالهم
- يارا كتوزع نضراتها بين أسامة وأمير : وااش كنحلم
- أمير :هه علاش
- يارا تنهدات براحة كتحاول متفكرش موت باها باش متعكرش مزاجها : الله اخلييكم لياا ياربي
- أمير شد ايدها باسها : غادي نجيب موربية تعاونك
- يارا : ولكن
- أمير قاطعها : بلا نيقاش خاصك حتى نتي الراحة شوية. .وعااد كلا صباح غادي نوضك بكري نديرو بجوج سبور قبل نمشي للشركة
- يارا كتشوف فجسمها : غلاضيت😢
- امير بغا اعصبها : بزااف خاصك تنقصي
- يارا موسعة عينيها ودموعها علاين اطيحو : وااش بصح😢
- أمير فرانة وسط الشارع قربها لييه باسها على شفايفها مطول والسيارات مورااه بغاو احماقو بلكلاكصون ..متسوق لحتى واحد بالنسبة لييه هو اروي عطشو من نكهات شفايفها لحومر
- يارا بعدات عليه ضامة أسامة : حماقيتي شوف الزحام ورانا
- أمير رجع باسها بعجرفة عاد كسيرا نطق بصوت رجولي وهو مركز مع سوكان : كنبغييك
- يارا بتاسمات :وانا كتر
- أمير كتفا بابتسامة مرة مرة اخطف منها بوسة حتى وصلو. .لقاو لخدامة كتسنا فييهم على برى. .هزات الساك لفيه حوايج أسامة وطلعاتو .فحيين يارا نزلات بالشوية هازة ولدها بين ايديها ..
- الجزء 332
- ساعدها أمير حتى تمشات مع باقا مريضة بحكم العملية دلولادة دازت فظروف غير ملائمة. .مكانوش ضاربين ليها لحساب. .مجرد مدخلو جات عندهم كنزة حيت كانت جالسة فالصالون كتنقي شي أعشاب
- أمير :لواليدة. .مزيان ملي جيتي
- كنزة سلمات علييهم : مرحبا بيكم فداركم
- يارا بتاسمات :ربي اخلييك اخالتي
- كنزة:طلعي رتاحي لييك راه وقفت بيدي على لخدامة عرفاك بغيتي ولدك انعس معاك داكشي علاش درت لكونة والسرير ديالو حدا الناموسية
- يارا: لهلا اخطيك هاني طالعة
- أمير:تسناي نطلع معاك
- فاروق دخل بعجاجتو : اهلا اهلا ..شكون بااغي اشوف عموو
- أمير عنقو :هههه صغر منك اصحبي ودرت لولاد. .كفااش قاضيتك مناويش تبغي حتى نتا وتزوج
- كنزة :هدااو على ولدي ..واصلا رااه حاط عينو
- فاروق كيوزع نضراتو عليهم وهو مبتاسم
- يارا : اوا قولينا شكون. .معلينا غي نجيبوها لييك
- فاروق مسح على راسو : حتا لوقت لمناسب متعمروش راسكم
- يارا كتفات بابتسامة وطلعات ..أما كنزة مشات للكوزينة تعاون لخدامة فتوجاد لماكلة
- أمير مشا جلس فالصالون : اجي نسولك. ..زيد زيد
- فاروق مشا جلس حداه منشور فوق لكنباي :اش كين
- أمير :شكون هاد لبنت لخدات قلبك
- فاروق :ريمااس
- أمير بقا ساكت شحال كيحاول اتفكر هاد الاسم فين سامعو حتى قفز من بلاصتو موسع عينيه :متقولش لياا ريماس لمرابطي. ..لا مستحيل هههه حنا قلنا لييك خطفها صدقتي طيح فييها😂
- فاروق زف عليه بمخدة : رااه خوك لكبير حتارمني
- أمير كيحرك ايدو بمعنى تهدن بزز باش حابس الضحكة
- فاروق تقاد فالجلسة : عاود لياا قاضية اختفاءك
- أمير تنهد :قصة طوييلة
- فاروق: هاني كنسمع
- أمير :غادي نقوليك لمهم
- فاروق :غي طلقنا
- أمير : متسولنيش علاش بغيت نتاحر. .غي فوت هاد السؤال. .معلينا لي كنعقل عليه فاش حليت عيني لقيت راسي فواحد الدار مكنعرفش مولاها ..فاش فقت من لغيبوبة لكنت فيها جمعت لوقفة بزز وخرجت وخا مزال كان راسي كيحرقني وذاكرتي كتمشي وتجي
- فاروق مركز معاه : كمل
- أمير : مهم فااش بديت كنصح شوية وخا كيرجع وضعي كيتدهور من جديد. .مشيت لعند يارا للكلينيك حيت كنت موصي رجالي باش اراقبو تحروكاتها
- فاروق :فخبارك كانت غادي تحماق بلا بييك
- أمير :دارت معايا واحد التصرف لي كينفي كااع حبها. .ولكن دابا عارفها كتبغيني كيف كنبغيها
- فاروق : تهلا فييها ..فرحات فاش عرفتك فين كين وعطيتها عنوانك
- أمير بتاسم : دابا صفحة جديدة لي فاات فاات
- نرجعو عند سنايا ..
- كانت متكية فوق السرير ومذكرتها فايدها بعدما طلبات ماماها تجيبها ليها. .شادة لقلم وشاردة لبعيد كتفكر حملها ومرضها لمفاجئ. عينيها ضروها بالبكا فاش كتفكر ازار. .تنهدات خرج مولاش رجع
- قاطع تفكيرا صوت الطبيب بعدما دخل: اهلن بشمس هاد المستشفى ..شوية دابا
- سنايا بابتسامة شاحبة : قلبي كيعطيني صداع بزاف
- الطبيب تنهد :خااص ضروري نلقاو متبرع .حدما لحمل ديالك باقي فالبدايات ديالو
- سنايا هبطات عينيها لكرشها : مبغيتش نموت حتى اعيش ولدي. .باغا نشدو بين ايديا
- الطبيب مسح على شعرها :ضروري خاصنا نعلمو راجلك
- سنايا هزات راسها بلا : لفييه اكفييه مبغيتوش اتعدب مزال
- الطبيب تنهد : ربي معاك ابنتي
- سنايا كتفات بابتسامة وهي كتشوفو خارج. .تنهدات بقلق وشدات للمذكرة كتكتب ..عن قصتهم
- "💎فكل زمان ومكان هناك حب يتولد عبر الاحساس رغم لبعد ...ابتسامات تكشف عنها الافواه عند رؤية خصوصياته ولتكن صورة له فهي بحد ذاتها تسعد الطرف الآخر. .غريبة هذه لحياة تحقق حلمك لمستحيل حتى تطمأن وترجعه منك فلمحة لبصر 💎"
- سدات لمذكرة فاش شافتو دخل مبتاسم: مرتيي يكما بقيتي كتسناي
- سنايا :مال وجهك كتبان معصب
- ازار تنهد وجلس حداها معنقها بعدما باسها على جبينها : مديريش فبالك .متفكري فوالو
- سنايا حاسة بيه مخبي شي حاجة : بغيت نخرج غدا من لمستشفى منقدرش نبقى فيها مزال
- ازار باسها على شفايفها : ميكون غي خاطرك
- سنايا تخشات فيه كتحاول متحركش بزاف باش متقصحهاش للفتحة : قولي مالك
- ازار كيشم شعرها وايدو كتلعب فيه بإرياحية : اشنو باغا تعرفي بالضبط كين بزاف
- سنايا : قوليا هاد بزااف
- ازار تقاد فالجلسة شاد وجها بين ايديه : اجي يكما كضرك شي حاجة. متكذبيش
- سنايا كتحاول تهرب عينيها من عينيه : لا متخافش ..انا بيخير
- ازار : خاصك تهلاي فصحتك وفولدنا نتوما هوما نقطة ضعفي
- سنايا باستو على صدرو وهزات عينيها لعندو : يله عاود ليا شوشتيني
- ازار : كين واحد لحاجة مكتعرفيهاش عليا
- سنايا باستغراب كتسناه أكمل
- ازار تنهد وعاود لييها كولشي على حياتو وخدمت باباها حتى هي. .بقات مصدومة كتحل فمها مع كل حرف كيقولو
- ازار شافها ساكتة :مغادي تقولي واالو
- سنايا بدات كتبكي: اشنو باغي منك هءءؤؤ شكون هادا لي باغي يأذيك وبسبابو مات بابا هءءءؤ
- ازار عنقها :شش ..قريب غادي نتواجهو ..انا خيف على دادة مسكينة
- سنايا هزات راسها : مالها دادة
- ازار تنهد بقلق وهو جامع ايدو على شكل قبضة. بدا كيعاود ليها قصة ماجدولين
- الجزء 333
- بدا كيعاود ليها قصة ماجدولين ..والقنبلة لي حطات لعمار وخلود فالهليكوبتر ..حيت عمار قال لييه كولشي
- سنايا حاطة ايدها على فمها :يااربي السلامة. .هادشي كيخلع و دادة كفااش. مخلوعا عليها مفهمتش
- ازار :هااد خيتي لي منتاحلة شخصية ماجدولين خطفات معاها دادة باش تضمن خروجها من لقصر بلا مشاكيل
- سنايا عنقاتو : نااري هاادشي بزااف كفااش قادر تحمل. واشنو بغاات منكم هاادي اشنو لهدف ديالها
- ازار باستهزاء: اكيد مسيفطها لبوص ..شكون من غيرو
- سنايا: ودابا اشنو غادي ديرو
- ازار: غادي نتسنى مكالمتو حيت ضروري غادي اتاصل بياا. وبالنسبة لدادة راه درنا بحت على GPS ولكن متوصلنا لوالو ..هادو عارفين اشنو كيديرو
- سنايا : ياربي تسترناا وتكون مع دادة بااش تحمل 😢. .
- ازار نعسها علييه : صاافي متخافيش مستحيل نخلي شي حاجة توقع لييكم نتي و ولدي
- سنايا بتاسمات :حاسة بيها بنت
- ازار :هه مزياان حتى نفكرو فالسمية
- سنايا : واخة
- ازار : نعسي دابا حتى لغدا و نوجد إجراءات باش تخرجي من لمستشفى
- سنايا :بقا حدايا
- ازار باسها فعضمة د عنقها : انا ديماا معااك..متفكري فوالو هادشي غادي اتحل ..غمضي عينيك ونعسي ..
- دازت اليلة على خير وجا نهار جديد. .
- عمار غادي جاي بااغي احماق و باه وخالد عند راسو كيهدرو من الصباح خايفين على لحاجة
- شاف جيهت لولد لي شاد لبيسي قدامو : اشنو لقيتي
- هز عينو فيه بعدما كان غارق وسط تركيزو : هادشي صعيب خاص شوية دلوقت باش نعرفو مكانها
- عمار كيحاول اكون هادئ : زعما رااك احسن هااكر ..كنتيقو فييك غي دير جهدك
- لولد هز راسو باه وحدرو كيكمل شغلو
- خالد : يااربي اش هاادشي كيوقع ليينا. ..خاصنا نعلمو لبوليس هادشي طول
- عمار بتاسم باستهزاء :الا علمنااهم غاادي اقتلوها مفكرتيش فييها
- سكت شحال عاد نطق : رااه ولدك عميل سري
- خالد كان شاد كأس دالما ريقو نشف حتى بدأ كيكحب وحلات لييه دبصح ..اما عزيز بقا واقف مخرج عينيه
- عمار كيمسح على راسو : نااري مساكن تصدمو
- قاطعهم صوت موراهم : اشنو مزال ملقيتي لبلاصة
- خالد هز عينو فيه : ن نن نتااا
- ازار باستغراب :ماالكم
- عزيز مبلوكي : نتاا عميل سري وحنا مفراسنا واالو
- ازار شاف فعمار خنزر فيه : لا قولييهم كلشي تمحنتي ملي قلتي غي هاد لمعلومة
- عمار :بففف مناقسكش بعد مني
- ازار مشا عند باه وقفو بعدما كان مكوانسي ومخرج عينيه :لواليد نساا ..وصد هاد لموضوع
- خالد :ولكن...
- ازار قاطعو : متفكرش بزااف ودادة غادي ترجع ميمكنش تبقى ونزيدك متأكد مغاديش ياذيوها هوما حسابهم معايا
- عزيز جلس فالدروج وبالضبط الدرجة لخرا: يااربي اتفك هادشي
- ازار :هاني غادي للمركز
- وجه كلامو للولد : تمشي معايا ولا تبقى هناا
- عمار :غي خلييه
- ازار حرك راسو بالإيجاب ومشا خارج. .ركب لفيراري ديالو وكسيرا للمستشفى ..خلاها ناعسة بينما هو قاد جميع الإجراءات بقا غي تفيق واخرجو..مسافة طريق حتى وقف باللوطو ..خرج بخطوات ثابتة قاصد غرفتها. .حل لباب مبتاسم حتى هز حاجبو كان سفيان متكي حداها كيلعب ليها فشعرها
- سنايا :وااش سافرات داكشي علاش مبقيتي كتسمع عليها والو
- سفيان : حيدي علينا هاد لموضوع ...نتي شوية بعدا
- سنايا يله غادي تنطق وهي تشم ريحتو الرجولية. .تلافتت جيهة لباب وهيا تخرج عينيها
- ازار كيصفق: واااو على زوجتي لمخلصة ...الله الله زيدو هدرو مالكم سكتو
- سفيان بعد عليها عاد وقف :بديتي عوتااني😒
- ازار تم قاصدو جاعر حتى وقفاتو سنايا : حبيبي متبداش من جديد راه بحال خويا
- ازار خنزر فسفيان ومشا وقف عند راسها : هانتي قلتيها بحال خوك ..ماشي خوك
- شاف فسفيان :ولي توزن تصرفاتك قبل ندير فييك شرع ايديا والا كانت صديقتك بزعطة راها مرتي
- سنايا :ازار مالك كتكبر لموضوع
- رمقها بنضرات حادة : اشنو ندير فييك. .مكرهتش نبرد فيك شي صقلة عندك الزهر حاملة
- سنايا الدموع تحجرو فعينيها هبطات راسها وبدات كتبكي
- سفيان : فكها دابا😒
- ازار خنزر فييه نطق وهو موجه صبعو ليه: كيبانلي غادي نوحل معااك
- تنهد جلس حداها كيمسح دموعها : شش صاافي خلينا نتصالحو
- سنايا :هءهءءء بعد منيي متقربش لياا
- ازار : منقربش لييك وااخة
- يله غادي تهز عينيها فيه وهو اطيح على شفايفها كيلتاهم فييهم بشغف
- سفيان تنهد..نطق وهو خارج : حتارمونا حناا زعما
- سنايا كتحاول تبعد فيه ولكن حاكمها. .تفكرات سفيان حسات بحرارة دبشرتها و وجها ولا حمر بحال قرعة دالكيتشوب
- ازار حتى حس على راسو بيلا مريضة عاد بعد عليها : كنغير علييه من لهوى لكتنفسي ..متبقايش ديري عاد لفعاايل
- سنايا مبغاتش تزايد معاه فالهدرة :صافي
- دخلات حورية :صباح الخير
- ازار : كيف بقيتي
- حورية :لحمدالله اولدي...غادي تخرجي ليوم يااك
- سنايا :اه اماما مبقيتش قادرة على هاد لجو
- حورية قربات لعندها باست جبينها : ميكون غي خاطرك
- داز الوقت. .
- كان كيتمشى مع لكولوار هازها بين ايديه
- سنايا كتشوف فالناس حاضينهم : ازار
- ازار : همم اش وااقع
- سنايا حسات بقلبها تزير
- الجزء 334
- سنايا حسات بقلبها تزير عليها مقدراتش تنطق مزال كتفات بالصمت حتى سولها : مالك
- سنايا بتاسمات لييه بزز: كنبغيك
- ازار زاد خشاها فييه :عندي لييك مفاجأة
- سنايا :وااو قولهالي
- ازار خرج لعلى برى ركبها فاللوطو كان سفيان حال لييه لباب :الا قلتها لييك مغاديش تبقى مفاجأة
- سنايا مجرد مضرب فيها برد برى تفكرات لحادثة لوقعات لييهم وكان موت باباها هو النتيجة
- ازار شافها كتفكر باس جبينها :بتاسمي مكيجيش معاك لحزن
- سنايا حركات راسها بالإيجاب وبتاسمات لييه. .سد لباب ودار لعندهم : بغييتكم هاد ليومين تبقاو معانا ..نتوما قراب ليها بزاف
- حورية :انشالله اولدي
- سفيان هاز حاجبو :درتي عقلك
- ازار وجه صبعو لييه : نقص من تعناق فييها ..نشوفك نقتلك كتسمع وزيدون الا بااغي تهدر معاها هدر من بعيد
- سفيان :كالم كاالم ...متنساش انا لكانت كتجي فيا الدقة فااش كتجرحها
- ازار خبطو لراسو :شوفي اخالتي راه مكنجبدوش
- حورية حابسة الضحكة جرات سفيان لي كيضحك حتى هو :متديش علييه
- ركبات حورية مع سفيان فاللوطو ديالو كتفكر انه من نهار مات لمرحوم وهو فجنبها بغاا أبين لييها بأن هاد لعائلة مزال فيها راجل ليحميها ..لطالما كان كيعتابرهم عائلتو ولكن دابا مجبر انه اهتم لأمرهم واوقف قدام أي مكروه اقدر اصيبهم. .ديمارا تابع اللوطو د ازار كيف طلب منهم..
- ازار كان سايق وسنايا موصدة كتفو وحاطة ايدها على قلبها بلاما تخليه احس بشي حاجة
- حتى قفزها :اوااااه متقوليهاش ...نسيت الدوى وشي فحوصات ديالك فالمستشفى
- سنايا مشا بالها لبعيد : لا بلاما تعدب راسك حتى تصيفط شي واحد
- ازار : دابا نشوف ..مشات من بالي هاد لقضية تلاهيت مع داك صديقك ولا منعرف
- سنايا :ازار بديتي
- ازار ضرب الديركسون : قسما بالله ونشوفكم فداك لوضع مرة أخرى غاادي نفلقو ولا نخلي فيه شي عاهة مستديمة. .مكنضلموش
- سنايا باستو على كتفو : راجلي لغيور
- ازار : كيف قلت حتى تكون مدة صحيحة على وفات عمي علي عاد نديرو لعرس
- سنايا بتاسمات
- ازار :على الاقل اربعين يوم ..فكرتيني خاص نديرو صداقة
- سنايا :ماما قالت ليا باغا دير صداقة ...ويارا حتى هي مكرهاتش دير حفلة لولدها ولكن موت بابا منقدروش 😢
- سكتات وهي كتبكي كلما كتفكرو كترجع بيها الذكريات لور :كان باغي اشري ليا سكوتر 😢..كنعقل شحال ضاربنا انا ويارا ههه
- ازار مشبك ايدو مع ايدها ومركز مع الطريق : حتا نوصلو وعاودي ليا علييك ..شحال من حاجة باقا ليا مجهولة
- سنايا بتاسمات وسط دموعها: لمذكرة فيها كلشي
- ازار : هيا خاصي نقراها
- سنايا : تمام
🙈 - فالجيهة لخرى. .بعيدة على كااع الضوضاء
- جالس وفوق راسو لكاسكيط كاع ملامح وجهو مخبية : هاااديك الشارفة ديرا الصداع
- حدر راسو :لا اسيدي غي ساكتة
- وقف كيطفي السيغار ديالو : تهلاو فيها. .ماشي حتى لهاد الدرجة ..الشوراف خليوهم بعاد
- شاف فييه باستغراب :حتا داك لعميل لي سميتو علي كان متقدم فالعمر
- بتاسم باستهزاء وهو كيشعل سيغار جديد :جاا فطريقي كاان خاصو اموت
- يله جا خارج وهو اقاطعو : اشنو بااقي فلائحة د ضحايا
- الراجل بتاسم بخبت وهو كيعري على ريدو كان مغطي سبورة عاامرة تصاور وفالوسط كينا تصويرة ازار عليها خط احمر وعلامة كبيرة
- قرب لجيهتو : هممم مبقاوش بزااف
- الراجل حادر راسو : باقي فاروق بناني
- هز راسو بالنفي : هاداك قتلنا لييه حبيبتو ..ذاق من لعداب هادشي كافي
- الراجل : ادن داكشي لبغينا وصلنا لييه
- نتر من السيغار وهو متبت عينو من تحت لكاسكيط على تصويرة وحدة : شكون هاداك
- الراجل :أمير بناني ومرتو ..ولي بين ايديهم مولودهم لجديد
- بتاسم باستهزاء : ادن نوبتهم ..وصلات لعائلة خاصها تدفع الثمن حيت عندهم سيلا بداك لحقير د ازار
- الراجل مستغرب حدر راسو وخرج وخا عندو فضول اشوف لبوص ديالهم عمرو عرى على وجهو
- سمع الصداع بعجاجتها لمدخلاها معاها: ااااش واااقع هناا
- قربات لعندو : سيدي وااش هادا هو مصيري مطحت على واالو
- وجه ليها لمسدس : نسمع مككك كتهزي صوتك مرة أخرى حسبي راسك تحت التراب ...كتسمعيي ا رؤيا
- رؤيا حدرات راسها : كنعتادر اسيدي
- سكتات شحال عااد نطقات : سمحليا غي بغيت نسولك امتى غادي نديو هاد الشارفة من هناا
- عطاها بالضهر نطق وهو جالس : سمعت بيلا بااغين اديرو صدقة...اذن غادي تنوض لحرب عااد غادي اتقاد كلشي
- رؤيا بتاسمات بمكر وخا كتفكر راسها خسرات عمار فمرة وكااع خطتها مشات هباءا منتورا ..معرفاتش كفااش عاق بيها .حتى وصلو ليها بانه كان طالب أمر باش اتفتح لقبر كون كانت عارفة هاد لمعلومة من قبل كانت غادي دير احتياط منو بااش متكشفش هويتها. .
- نبدلو لبلاصة. .
- كان جالس فالجريدة حدا لابسين كيتسناها تهبط لعندو. .وخا مزال مقلق منها الا انه توحشها حيت كتبقى مراتو لكيبغي رغم انه كتاشف هاد لمشاعر وعتارف بيها فظروف غير ملائمة
- خلود نزلات لعندو خرجات لجريدة كتقلب عليه وايدها على كرشها والايد لاخرة شادة بيها شي وراق. .كانت كتراجع فييهم لفيها
- الجزء 335
- لفيها ممهنيها لقراية هيا لقراية ..تقدمات لعندو كتمشى بكسيوتها زرقاء وشعرها لعسلي كيتطاير وراها كتديه الريح وتجيبو ..بتاسمات فاش جات عينيها فعينيه
- عمار وقف لعندها فيساع هبط على ركبتو وطلع لكسيوة حتى بان سترينغ باس كريشتها لمدورة عاد وقف شد فايدها وجلسها
- خلود: حسابلي مغاديش تجي😢
- عمار : بلاما تشوفي فيا دوك الشوفات مزال مقلق منك
- خلود يله جات تنطق شافت لمربية جاية لعندهم فايدها ليناا لي كتنقز بالفرحة
- وقفات مشات لعندها : وينووو شكون جااا
- عمار شاف فالمربية بمعنى غي سيري
- خلود رجعات لعندو فايدها ليناا : وااش نتا لقلتي لييهم اجيبوها
- عمار بتاسم وخدا من عندها لينا كيبوس فيها : زيين ديال بااباه
- ليناا : با باا بب
😄 - خلود : هههه مزيان ملي جابوها توحشتها
- عمار : هي كون بقيتي من لول متخرجيش من دار راجلك
- خلود مخرجة عينيها : واااش كتحماق علياا ..كفااش بغيتيني نشوف داك لمنظر و نبقى جالسة
- عمار بصوت استفزازي : غرتي علياا
- خلود : اه غرت علييك وغادي نبقى نغير علييك
- لينا كتشوف فييهم كيهدرو بصوت مرتافع ضروها فراسها وهي تنتف عمار ودازت لخلود جراتها من شعرها حتى طيرات ليها الزغبة خخ
- عمار :هههههه عبراات عليييك
- خلود ضرباتو لصدرو : رجع عند مرتك ملي كانت عاجبااك ديك الليلة ماشي من حقي نهدر
- عمار رمقها بنضرات حادة : زميي خليني نعاود لييك
- خلود شدات ليناا : يله عااود😒
- عمار عاود لييها كلشي من الأول حتى الاخيير
- خلود موسعة عينيها : ههه كك كفااش ..وااش خدعاتنا ولكن مفهمتش. ..عندها نفس لوجه وعارفة كااع لعائلة هه مفهمت والو هادشي فشي شكل
- عمار تنهد : متأكد موراها شي سر كبير
- خلود حطات ايديها على فمها : ودادة مسكينة. .اشنو جالس كدير حدايا سير قلب متبقااش جالس
- عمار خنزر فييها : رااه كااع رجالنا كيقلبو وحتى لولد لي احسن هاكر كيبحث و والو هااادو أخطر مما توقعنا
- خلود : الله أكبر. .ياربي تحمي دادة مسكينة هادي شيطان فصفة انسان كفااش قدرات دير هاد لفعلة
- عمار تنهد :متوثريش ممزيانش لصحتك
- شاف فلينا : بنوتي عندي لييك مفاجأة. .غادي تعجبك
- خلود عرفاتو اشنو باغي اقول كتفات بابتسامة
- عمار حط ايدو على كرش خلود : قريب اتزاد عندنا بيبي غادي اكون خوك ولا ختك
- لينا : مم ما باا ممم ههخخخ😄
- عمار باس راسها كيمسح على شعرها رطيطب :الله اخليكم لياا
- خلود ببراءة مصطنعة : هيا سمحتي لياا
- عمار : مزال
- خلود : اشنو ندير باش تسمح لياا😢
- عمار همس ليها : وااخة هاني غادي نوريك اشنو غادي ديري
- شاف جعفر جاي لعندهم : مسيو جعفر وااخة تحضي معاك لينا
- جعفر بتاسم وجلس حداهم شادها فايدها: على رأس والعين حتى هاادي حفيدتي ..يااك ابنتيي
- خلود وقفات: عنداك ليها ابابا راه كتنسى راسها وهي كتمشى رد لبال لاتمشي جيهت لبيسين
- جعفر : كوني هانية ابنتي ..غي ردي لييك لبال وديها فماكلتك.حاملة خاصك تاكلي
- خلود هزات راسها باه دخلات للقصر وتبعها عمار مجرد ما غبى على جعفر هزها بين ايديه: هممم طحتي بين ايديا
- خلود دورات ايديها مور عنقو : انا كلي لييك
- عمار : نتي طبيبة ..زعما الا كانت لممارسة فهاد لحالة مغاديش تاتر على لبيبي
- خلود: وي مغاديش تأتر حيت يله تلت شهور
😳😳 - عمار بتاسم فاش شافها حشمات ..طلع بيها لبيتها ..مجرد محلو رجعات بيه الذاكرة لاول لقاء بيناتهم
- خلود بتاسمات : هه عاقل فااش تلاقينا اول مرة
- عمار هبطها بالشوية حاطها فوق الناموسية : هه اه عاقل درتي لياا فيها متكبرة ومنعرف شنو. ..ولكن كنتي كتباني كتحمقي
- هبط راسو كيشم فشعرها وعنقها حتى دخل معاها فقبلة طويلة ..كانت متجاوبة معاه مع حتى هيا توحشاتو. .حسات براسها باغا كتر خصوصا أن لوحم جاها عليه وخا بدا كيقل
- خلود بعدات عليه شوية : كنبغيك بزااف
- عمار بتاسم برضى اول مرة كيسمعها من فمها: وانا كتر
- خلود عنقاتو وكملو قبلهم لمتتالية بكل شغف وحب حتى لقاو راسهم مجردين من لحوايج تحت غطاء وااحد. .كانت اجسامهم ملتاحمة كجسد وااحد. .هادي اول مرة كيمارسو فيها بهاد الطريقة خصوصا انهم عتارفو بحبهم لبعضياتهم..
- فالجيهة لخرى. .وبالضبط حدا لبحر
- دخل بيها للفيلة كانت صغيرة مكبيرااش بزاف مناسبة لعائلتهم الصغرى ..
- سنايا كدور فعينيها : ديالمن هاد لفيلة
- ازار باسها على شفايفها : ديالنا حنا و ولدنا
- سنايا حطات ايدها على كرشها : غادي نطير بالفرحة
- ازار ضمها لييه وطلعها للفوق. .قاد ليها لمخدة عاد هبط لعندهم ..لمح حورية فالكوزينة كتوجد ليهم لماكلة بايديها والخدامة كتسخر لييها
- سفيان كان عيان ملقا غي الصالون مشا تجبد فييه حتى وقف عند راسو ازار : كين بيت الضياف طلع ترتاح
- سفيان كيتلافت شمال ويمين : وااش كتهدر معايا
- ازار خنزر فيه : مع لي ورااك
- سفيان تلافت وراه : مكين حتى واحد
- ازار جعرو هز مخدة ضربو بيها لراسو :بااركة من التبعصيص ..هاني خارج رد لبال لخالتي وسنايا الا بغات شي حاجة متمشيش عندها نتا سيفط خالتي حورية
- سفيان : أوامر اخرى
- الجزء 336
- ازار :هادشي لكين. .حتى الليل ونرجع خاصي نحل شي أمور
- سفيان بجدية : كون هاني. .خليتي راجل مورااك
- ازار بتاسم لييه وخرج
- جا الليل ..
- صونا لباب مشات لخدامة فتحاتو تبعاتها حورية تشوف شكون حتى بتاسمات فااش شافتهم
- حورية : مرحبا فداكم دخلو
- تقدمات عايدة سلمات عليها وتبعاتها فخرية عزاوها على موت راجلها حيت ولاو عائلة
- خالد سلم عليها هو وعزيز بكل احترام وعزوها حتى هوما حيت مجاتش لفرصة من قبل
- سفيان مشا لعندهم سلم عليهم واحد بواحد
- خالد : تبركالله الدار زويينة ..فينو ازار بعدا
- حورية : قالينا هاني خارج ..دابا تلقاه جااي
- بتاسمو ليها ومشاو جلسو فالصالون ..
- لخدامة جابت لييهم الضيافة بقاو جالسين كيتسناو ازار منها نيت اسولوه وااش لقا شي حاجة. .حيت بالنسبة لييهم اللمة بلا لحاجة مكملاش غي كيكابرو وصاافي اما قلبهم طيب كلا وهمو
- عايدة : سنايا ناعسة
- حورية : بحرى لقيتوني نزلت من عندها خليتها فيقا. .طلعي لعندها
- خالد : غادي نجي معاك
- فخرية : وحنا مامنحقناش نشوفو مرت ولدنا
- عزيز : اه حتى حنا
- حورية : ههه طلعو كاملكم اش خاسرين
- داكشي لدارو طلعو كلهم ..دقات حورية عليها لباب كانت فيقا عاد دخلو موراها
- عايدة باست جبينها : مرت ولدي كيبقاات
- سنايا: لحمدالله. .انا بخير
- خالد : ممتيقينش هادي لدات قلب ازار كنا كنقولو امتى تبان
- فخرية : ربي احفضك ابنتي
- سنايا كتفات بابتسامة كتشكرهم بيها ومن ورى هاد الابتسامة كين جرح كبير كلما كتحرك كتحس بقلبها كيتزير وكيعطيها لحريق حتى كتبغي تغوت وتعبر على آلمها
- قاطعهم صوت موراهم : اهلا اهلا. ..زارتنا لباركة
- سلم عليهم كاملين واحد بواحد عاد مشا جلس حداها باس جبينها : توحشتك
- سنايا بالشوية : هه غي ساعات توحشتيني
- ازار : غي دقيقة غادي نتوحشك
- بقات كتشوف فييه مطولا كفااش كيهدر هاكة وهيا مهددة فاي لحظة بأنها غادي تمشي وتخليه وتحيد من هاد لعالم
- ازار :احم عندي لييكم واحد لخبر
- خالد : خبار لخير
- كلشي كان كيتسناه اهدر
- ازار نطق كيمسح على شعرو مخبي عينيه لتجي فعينيهم : احم قريب غادي اتزاد عندكم حفيد
- عايدة غوتات بالفرحة حتى قفزاتهم : كنحمدك ياربي وكنشكرك
- عنقات خالد : غادي نوليو جدود شرفنا
- حورية بقات مصمرة فبلاصتها بالفرحة وخا مستغربة امتى وقع لحمل مفهمات والو حتى ربطات الاحدات ببعضياتها عرفات انها وقعات شي حاجة بيناتهم من قبل. شافت فسنايا لكتحاول تخبى متشوفش فيها حيت تفرشات
- حورية :مبروك عليينا ..غادي نولي جدة لبناتي بجوج
- عايدة : سعداتك حنا يله غادي نعيشو هاد الاحساس
- عزيز : الله افرحنا حتى حنا
- ازار :هه حتى مرت عمار حاملة مفراسكمش
- فخرية موسعة عينيها : كك كفااش هااا هههه😍..
- عزيز عنقها : موتو حتى حنا غادي اتزاد عندنا حفيد آخر من غير بنتنا لينا
- عايدة مشات لعند سنايا باستها : ياربي تحفضك لينا كيف دخلتي لفرحة لقلوبنا
- سنايا : امين😊
- دازت الليلة على خير وجا نهار جديد. .
- حورية وصلها سفيان للدارها بغات تمشي بكري حيت فالعشية عندهم صداقة على قبر للمرحوم
- سنايا فاقت راسها كيضرها وقلبها كتحسو غادي اوقف. .دورات عينيها ملقاتوش حداها .مقدراتش تبقى ساكتة فيساع طلقات لعنان لدموعها كتبكي وتشهق على قدرها وخصوصا انها كتفكر بزااف د اللحظات جمعوها بباباها صعيب عليها تقبل موتو
- نطقات بصوت باكي : الله ارحمك ابابا واجعلك من أهل الجنة ياارب
- تنهدات بغات تنوض مقدراتش مزال كتجيها الدوخة. .ولكن كابرت بزز باش وقفات مشات للحمام قضات حاجتها وخرجات لعلى برى فالشرفة جلسات بالشوية على واحد لكريسي ..حطات ايديها على كرشها : ياربي تطول عمري حتى نشوف ولدي بين ايديا يااربي
- تفكرات ليوم صداقة باها غادي تقام فدارهم .بغات تصوني لازار باش تعرف فين هو ولكن تيلي بعيد عليها خاصها حتى تنوض تجيبو ..وقفات بالشوية كتطل على جريدة لديرا بالفيلة .حتى وسعات عينيها بزااف دليكارد واقفين على برى والسلاح فايدهم غادين جايين : ويلي وااش هادو لارهاب ..غادي تحمقني ا ازار. .
- بتاسمات وهيا كتفكرو : كنبغيك كتر من حياتي
- فالجيهة لخرى. .
- وقف باللوطو قدام لمستشفى .نزل قاصد غرفة دالطبيب لي جرى لعملية لسنايا. .باغي اياخد لفحوصات ديالها
- وصل لعندو دق فالباب عاد حلو
- الطبيب بتاسم ليه : اهلان مسيو ازار ..تفضل
- ازار سلم عليه وجلس :بغيت ناخد فحوصات مرتي .عطيهوملي دابا الله اخلييك. .زربان
- الطبيب : بصارحة مقدرتش نبقا سااكت ..خاصي نصارحك بواحد لموضوع
- ازار قلبو تفزع :اشنو كين ..متخبيش علياا
- الطبيب : لأسف مدام سنايا كتعاني
- ازار قاطعو مخرج عينيه : منااش كتعاني
- الطبيب حادر راسو : كتعاني من ثقب فالقلب وخاصها عملية فورية ..ولكن
- ازار مزال مصدوم : ولكن شنو
- الطبيب: خاصنا متبرع ..لقلب ديالها متضرر بزااف. .ضروري خاصنا متبرع وفأسرع وقت قبل تمشي من بين ايدينا. .زيادة على ذلك حاملة يعني الا درناها دابا مزيان حدما باقي متطورش حملها ومزال فالاشهر الأولى
- الجزء 337
- ازار حادر راسو وكلام الطبيب كيتردد فالمسمع ديالو حتى قال كلشي بدا كيتقاد وهو اخرب من جديد ..صمت طويل وهو كيحاول استوعب لفكرة حتى هز عينو لعندو ونطق بصوت جدي : انا بااغي نتبرع لييها
- الطبيب مخرج عينيه : اشنو كتقول ..غاادي تموت
- ازار بابتسامة شاحبة : الا مشات معندي منبقى ندير بوحدي. .دير كااع لفحوصات شوف واش قلبي غادي اتوافق معا خلايا جسمها
- الطبيب مزال مصدوم من ردت فعلو : غاادي نلقاو متبرع غي صبر
- ازار عاض على سنانو : نوض دير شغلك ..
- الطبيب تنهد بقلق وناض كيدير لييه كااع لفحوصات لمطلوبة
- داز الوقت عاد خرج على برى ركب وكسيرا غادي لعندها. .مميتقيش انها مريضة ومخبيا علييه كون مقلهاش لييه الطبيب مكانش غادي اعرف. .بالنسبة ليه هو اشوف راحتها الا كان خاصو اضحي بحياتو باش تعيش معندوش مشكيل..وصل قدام لباب وهبط تحت تحية دليكارد ..دخل نيشان طلع لعندها. .حل لباب لقاها مكمشة فناموسية موركة على قلبها..ضرو خاطرو فااش شافها فداك لوضع ..قرب لعندها بالشوية معنقها من لور: حياتي
- سنايا حسات بوجودو وهي دور لعندو : حبيبي جيتي. .فين مشيتي الصباح
- ازار مبغا اقول لييها والو : غي شي خدمة ضرورية. .فطرتي
- سنايا هزات راسها بلا : كنت كنتسناك
- ازار :يله نهبطو
- هزها بين ايديه :يكما ولدي معدبك
- سنايا: قلت لييك حاسة بيها بنت
- ازار :هه مهم منك
- سنايا تخشات فييه حتى هبطو لتحت. .كانت لخدامة موجدة لييهم لفطور..جلسو كياكلو فجو زويين وخا مرة مرة سنايا كتزير على قلبها باش تطرد لألم لي كيجيها. .
- ازار كان كيشوف كلشي على عينيه كلما كتألم كيحس بقلبو كيضرو حتى هو : كولي
- سنايا كتنقب غي شوية. .معندهاش مع لماكلة لمسلوقة مكتبغيهاش ولكن مضطرة تاكلها حيت يله خرجات من لمستشفى. .
- ازار : حتا لشوية ونمشيو لداركم غادي اكونو وجدو كلشي
- سنايا هزات راسها باه كتخبي دموعها
- ازار مشا هزها جلسها على رجليه : متصوريش شحال كنموت علييك
- سنايا تخشات فصدرو :وانا كتر
- ازار بتاسم وهو كيدوز ايدو على شعرها : سنايا
- هزات راسها لعندو: اشنو
- بتاسم وباسها على شفايفها : واالو
- سنايا ضحكات ورجعات تخشات فييه. .
- جات اللعشية..
- كلهم كانو مجموعيين لعيالات فجيهة ورجال فالجيهة لخرى كيتسنتو للقرآن الكريم. .
- حورية جالسة كتشوف لبعيد بجنبها يارا وسنايا متكيين على كتفها وساهيين مخليين دموعهم اياخدو راحتهم
- كنزة خلات أسامة فالبيت لكان ديال يارا وهبطات حداهم. .أما عايدة وفخرية جالسين مقابلين معاهم وفجنبهم ريماس حتى هيا بغات تجي حيت بابات سنايا وعاد انه كان عزيز على فاروق. .
- دازو ساعات وهوما كيتسنتو لكلمات القرآن الكريم بكل تخشع واستعقال ..
- فالجيهة لجالسين فيها الرجالة
- ازار وجه كلامو لامير بعدما سلاو لفقهى :اجي معايا
- أمير وقف تبعو : وااش نحطو لغدا دابا
- ازار هز راسو باه : يله يله نجيو حساب
- أمير تنهد : خاصي نشوف يارا بعدا ..أسامة بوحدو لفوق
- ازار : دابا طلع عندو متخافش
- تكلفو الدراري بتوجاد والسخرة للراجل خلاو كلشي على حقوق وطريقو ..مخلاو حتى حاجة ناقصة بحاليلا الله كاان راضي على علي فااش بعت لييه نساب بحال ازار وأمير بقاو موراه الدراع لحامي لبناتو
- سفيان كان حتى هو كيعاونهم لا بغاو شي حاجة كيوريها لييهم فين كينا بحكم انه عارف الدار وحافضها بلاصة ببلاصة
- دازو ساعات. .
- كانو الناس كيخرجو واحد بواحد بعدما كيعزيوهم ..فهاد الاتناء جا عمار ومعاه خلود
- سلم على ازار : سمح لياا ملقيتش لوقت كنت ناوي نجي بكري عاد لعنوان بقيت كنقلب شحال عاد لقيتو
- شاف فامير : واخيراا شفناك هه
- أمير سلم عليه : رجعنا تلاقيناا
- عمار : منسااش لييك لبلان لي درتي ليناا ديرها فبالك
- خلود قطعاتو : لبراكة فرااسكم ...الله اجعلو من أهل الجنة
- أمير وازار :اميين
- عمار : دخلي غادي تلقاي سنايا لداخل
- دخلات خلود مشات لعندهم سلمات عليهم وحدة بوحدة وعزات لي خاصو اتعزا عاد جلسات حداهم
- أمير : اجي دخل
- عمار قرفد ازار : مزوج وانا مفراسي ميتعاود
- ازار : كتقلب عليا😒
- يارا كانت جالسة حتى عينيها ضروها بالبكا بغات تخرج اضربها لبرد ..تفكرات ولدها توحشاتو
- وجهات كلامها لكنزة : خالتي أسامة ناعس
- كنزة : اه ابنتي ..طلعي شوفيه امكن فااق
- يارا هزات راسها باه وشافت فحورية : ماما هاني طالعة
- حورية كتفات بابتسامة حزينة : طلعي ابنتي
- سنايا متكية على كتف حورية : غاادي نتوحشو بزااف
- حورية نزلو دموعها :خاصنا نرضاو بقضاء لقدر
- سنايا مسحات دموعها : اه
- طلعات يارا للفوق ..حتى حسات بأمير موراها : خلعتيني
- أمير شد فايدها: غي انا ..يله نشوفو ولدنا امكن تسطا بالغوات
- يارا زربات فالمشية خاطرها ممهنيهاش قالت مع راسها غي حزن موت باها ولكن هادشي جهد. .
- حلات لباب بجهد .حتى قلبها تفزع عليها ..بدات كدور فعينيها بحال لحمقة : اميير هءءءؤ امييير ولدنااا...امييي
ييييير هءءءءءءهءههءءءء ولدنااا اسااامة فييينو - أمير بقا مسمر فالباب كيدور فعينيه
- الجزء 338
- أمير بقا مسمر فالباب كيدور فعينيه عليه مكينش الأثر ديالو. .مشا بجرية كيقلب لبيوتة لاخرين
- ازار سمع الصداع و لبكا لفوق دخلو الشك ..طلع لعندهم بجرية لقا امير كيجري من بلاصة لبلاصة
- نطق بالغوات: اااش وااقع
- أمير مخرج عينيه : ولدي مكينش
- ازار : شوف لتحت تقدر تكون شداه شي وحدة
- يارا طاحت لارض كتبكي وتشهق معرفاتو فين كين. .ناضت كتمسح دموعها بعجرفة شعرها تطلق على طولتو بكترة ما نتفات راسها وهي كتبكي. .هبطات لتحت تبعات أمير بحال لحمقة
- ازار مسح على راسو شاد تيلي فايدو عرفهم غي هوما. .بتاسم فااش شاف نفس الرقم جاوب ديك الساعة : بقااا لييك غي الدراري الصغااار ...كفااااااش قدرتي ديرهااا بااقي مكملش النمو الطبيعي ديالو
- بتاسم باستهزاء وهو كيسوط الدخان: كتهدر بزااف هااا
- ازار : اشنوو باااغي ...وااااش الانتقااام مكفااكش هاادشي
- وقف وخبط لمكتب بعجرفة : مزااال مبرد جوفي ..خاااصي نشوفك كتقطع عااد نهنى
- ازار كيحاول اسيس معااه حيت الا تعصب مغادي اوصل لوالو : اوكي ..تهدن دابا دادة و لبيبي خديتيهم نوبت شكوون هااد لمرة
- نطق وهو غادي جااي : دابا عجبتيني ..هااد لمرة نوبتك نتااا
- ازار باغي اقرع راسو بكترة ما كيمسح علييه : اوكيي خااصنا نتوااجهو
- نطق عاض على سنانو : انا لكنهدر هناا
- ازار كيحاول اتمالك اعصابو : بياان ..كنسمعك
- ضحك باستهزاء :غدا مع 8 غاادي تكون فهاد لعنوان. .وجييب معااك لعائلة نيت باش نتيريو فييهم واحد بوااحد
- ازار جمع ايدو على شكل قبضة : اوكي ..فين بالضبط
- جلس كينثر من السيغار : لعنوان هو هادا *****
- ازار : متأذيش لبيبي حسابك معايا
- قطع علييه وهو كيضحك. .هز علييه لكاسكيط ورجعها فيسااع فاش دخل واحد من رجالو. .
- ازار بقا واقف الدنيا كدور بييه حتى سمع لغوات لتحت وهو انزل ..ضم سنايا لعندو لي واقفة مخلوعة مفاهمة والو كتشوف ختها بغات تحماق بالبكا وأمير كيسكت فييها باين عليه حتى هو حزين
- ازار ضروه فرااسو بالغوااات : صااااافي سكتووو
- كلشي صقل كيشوفو فييه
- ازار كينطق كل حرف بجدية : غداا غادي اكون عندكم ولدكم. .كونو هانيين
- أمير :بااش عرفتيها
- ازار : متفكرش بزااف خلي كلشي علياا
- وجه كلامو لفاروق: اجي معايا
- خرج على برى وفاروق موراه ..ركبو وكسيراو نيشان للمركز
- خلاو الدار نيضا فيها قربالة كلا وهمو ..سنايا ضرها المنظر فقلبها مقدراتش تحمل ..حتى جات لعندها خلود عرفاتها مريضة طلعاتها بزز لبيتها ..نعساتها فوق الناموسية
- خلود : وااش مريضة
- سنايا هزات راسها بلا : انا بيخير
- خلود جلسات حداها مطولة فيها الشوفة : يكما مريضة بالقلب هادو أعراضو
- سنايا طلقات لعنان لدموعها : اه عندي تقب ..وقالي الطبيب خاصي متبرع ولكن مكينش
- خلود حطات ايديها على فمها رجعات بيها الذاكرة لمرض لأم ديالها حتى هيا كانت كتعاني من مرض لقلب. .داكشي علاش بغات تكمل قرايتها فهاد لمجال باش تقدر تساعد كااع لمرضى
- سنايا تنهدات بقلق كتحس بقلبها كيتزير عليها..بقات ساكتة كتفكر منظر ختها وهي كتبكي مبغاتش تجرب إحساسها حيت بينا غادي تعدب حتى هيا
- خلود طمأنات عليها نعسات عاد هبطات لعندهم لقات لوضع تهدن شوية ويارا ضاربين ليها شوكة كتهدر بصوت تقيل والدموع شاقين طريقهم على خدها. .
- فالجيهة لخرى. .
- ازار جالس فالمكتب ديالو وكااع الأوراق والمعلومات قدامو
- فاروق: اشنو نااوي دير
- ازار : هااد لبوص كيعرفني مزياان
- فاروق: كفااش
- ازار : شي واحد قريب لياا ..خاصي نعرفو بطريقتي ماشي حتى اكشف هويتو قدامي خاصي نسبقو بخطوة
- فاروق تنهد : عندك لحق. ..دابا اش لزوم هاد لملفات دالقضيا لقدام
- ازار هز عينو فيه : غادي نراجع كااع لخليات لي قبضنا علييهم ماروبما اكون هاد لحيوان ولد شي واحد
- فاروق سكت شحال عاد نطق : شكون قاليك هو. .اقدر اكون هيا
- ازار شاف فيه شحال : كك كفااش مفكرتش فيها
- تفكر فاش سنايا كانت كتهدر معاه بصفة كويين ولكن ماشي نفس الصوت هادشي كيعني أنها كانت كتغيرو بشي ابليكاسيو
- فاروق : ااش بان لييك
- ازار : اه ..عندك لحق مطاحتش فبالي ..يعني كلشي خاص نشكو فييه
- فاروق : شكون كتظن
- ازار بتاسم باستهزاء : انا عارف كفااش غادي اطيح بين ايدي. .دقائق ونعرفو
- بقااو خداميين مرة على لبسي مرة كيراجعو لملفات لقدام
- كل معلومة كتاشفها ازار كان فاروق كيكتبها فالحيط واسطر علييها ..اي دليل ولو بسيط كيكتبوه ..حتى داز الوقت وهوما خارقين
- فاروق شد كاس دالقهوة فايدو كيشوف فالسبورة عامرة معلومات ..حتى وقف حداه ازار كيجغم من قهوتو بااش اصحصح
- فاروق : اااش باان لييك
- ازار مسح على راسو متصدمش بزااف ولا كيتقبل كلشي : كنت متأكد
- فاروق : مفهمتش
- ازار حط لكأس ولبس لجاكيط ديالو : دابا تفهم
- هز سلاح ديالو دارو لور ضهرو : شحال الساعة
- فاروق : طلع الصباح ..سبعة هاادي
- ازار : مزيان بقات لينا ساعة .وغادي نساليو هادشي
- فاروق حط كاسو وتبعو وهو كيلبس واقاد السلاح حتى هو: وليتي كتخلعني
- خرجو للعلى برى
- الجزء 339
- ركبو للوطو وكسيراو
- فاروق :اشنو غادي نديرو دابا
- ازار :عيط لييهم اجيو لهاد لعنوان****
- فاروق موسع عينيه : عارف راسك اشنو كتقول. .وااش كلهم ولا كفااش
- ازار هز راسو باه : كلهم ..خااص اشوفو كلشي بعينيهم
- فاروق : وااش كلهم كلهم
- ازار : وااااه اصحبي كلهم ..اوو غادي نباتو هنا
- فاروق: وحتى مرتك
- ازار فرانة : نسيتها ..ناااري على خراا ..مخصهاش تبقى بوحدها
- فاروق : وقف بياا هنا ..غادي نقول لرجالنا اجيبو ليا لوطو ديالي
- ازار : تمام ..نزل
- فاروق هبط ولوح لييه بايديه
- ازار كسيرا لعندها مبغاش اخليها بوحدها ..فطريقو صونا ليه تيلي. .هزو لعندو طلع ليه رقم لمستشفى جاوب ديك الساعة : اشنو لقيتي
- الطبيب واقف كيشوف فالفوحوصات : كين تطابق كبير
- ازار بتاسم : اكيد كين تطابق وهو قلبي كينبض باسمها. .معلينا امتى لعملية بغيتك تسرعها فاقرب وقت
- الطبيب تنهد : وااش عاارف راسك اش كدير
- ازار : اه عارف متخافش
- الطبيب : باااين كتبغيها بزااف
- ازار مركز مع الطريق : كتر من رااسي
- الطبيب ثأتر بقصة حبهم عرفو غادي اكون حب حقيقي :حتا تجيبها بااش نبداو فالفوحوصات لي خاص تجرى قبل لعملية
- ازار : واخة ..هادشي ابقا بيني وبينك
- الطبيب : الله أيسر لييكم
- ازار :امين
- قطع عليه وزاد فالسرعة ..
- "💎ماجدوى وجود قلب ان لم يكن انيسه ..انسب حل هو خلعه ومساعدت هواءه ...إنه انسب حل ..اتدري ان الحب ليس شعور فارغ ..إن حدوده أكبر من ذلك وخير مثال التضحية من أجل بقاءه
- #ديفل_كويين💎"
- وصل لدار. .خرج من لوطو بسرعة يله غادي ادخل وهو المحها جالسة حدا سكوترها ساهية وهيا كتشوف فييه
- ازار مشا جلس حداها باس جبينها : حبيبة فيينهم لخريين
- سنايا تخشات فيه كتبكي : سمح لياا
- ازار : علاش
- سنايا هزات عينيها فيه : الا خليتك شي نهار متقلقش مني
- ازار فهمها اشنو بغات تقصد. بتاسم ليها عاد باسها على شفايفها مطول : كنبغييك
- سنايا ضحكات وسط دموعها : ولدك معدبني
- ازار :حتا اتزاد ونتفاهمو معااه هه
- سنايا : هبطت لتحت ملقيت حتى واحد معرفتهمش فين مشاو
- ازار تنهد : اجي معايا ..ولا بغيتي تبقاي
- سنايا : لا رجلي برجلك
- ازار : واخة شدي فيا نهزك
- سنايا دورات ايديها على عنقو عاد هزها بين ايديه. .وصل للوطو حل لباب وركبها عاد دار لجيهة لخرا ركب وكسيرا. .شاف لوقت بقات لييه 15 دقيقة
- سنايا : فيين غاديين
- ازار بتاسم ليها : بااش نساليو هادشي
- سنايا مفهماتوش ..كتفات انها تكا على الزاج وايدها على كريشتها كتغمض عينيها كلما ضرها قلبها
- ازار كيخطف الشوفة فيها عارف انها كتألم فصمت. .نطق بالشوية : غاادي نقاد كلشي ومن بعد نهنييك من هاد لعداب
- زاد فالسرعة حتى كان باغي اطير ..مسافة دالطريق حتى وصلو لحدا واحد الديبو كبير بزااف دايريين بييه الجبال والاراضي لقاحلة مكينش حس دالتراب
- سنايا باستغراب : ااش جابنا لهنا
- ازار دار لعندها : نزلي بالشوية
- نزلات كيف قاليها ..تمو غاديين كيقربو لديبو. .حتى كيبتاسم باستهزاء كانو كااع العائلة هازيين ايديهم ورجال لبوص موجهين لييهم السلاح
- فاروق جا لعندو شاد المسدس فايدو موجهة للرجال ليتهورو : هااحنا جبنااهم ..هادشي لبغيتي تهنيتي
- ازار : وي هادشي لبغيت ..ليوم خاص اتوضعو النقط على لحروف
- فاروق تنهد : مرااتك اصحبي مريضة وجايبها حتى هيا😒
- ازار شد فسنايا :دخل سوق راسك
- فاروق :هاهو ساكت
- قربو حداهم شاد فسنايا بالشوية هاد الاخيرة لي مفاهمة واالو كتشوف السلاح ورجال بلبسة موحدة. .رجعات بيها الذاكرة لنهار لحادث
- شافت فازار : ممكن تفسير
- ازار :غادي تفهمي كلشي. .غي صبري
- سكتات كتشوف فمها ويارا ..امير ..عمار خلود كلشي كلشي واحد بواحد
- كتحس براسها غادي تحماق
- ازار وجه كلامو للراجل ديال البوص : غادي تبقاو مصمرين. .فينو لميخي ديالكم
- نقز وااحد منهم : غاادي تمشي توقف فديك الأرض. .حتى اخرج لبوص ..نفد هادشي قبل نتيريو فهااد لبشار لقدامنا
- ازار : قبل نوقف تماك غادي تخرجو دادة و لبيبي ..بلا كلمة بلا جوج
- نطق نفس الشخص : تيق فراسك
- ازار : وبزااف
- دخل واحد من رجال لبوص ..خرج شاد لحاجة من قرفادتها وفايدها لبيبي كيبكي لي مجرد مشافتو يارا جلسات على ركابيها والدموع فعينيها
- ازار حتى بانت لييه لحاجة وصلات عند لعائلة ويارا خدات ولدها بين ايديها كان كلشي كيعنق فالحاجة. .حين عزيزة عندهم
- لحاجة شافت فازار من بعيد بنضرات باهتة كانت ضعافت شوية بسباب لخلعة لي ركبو فيها حيت معدبوهاش يكفي انهم اخلعوها فقط : الله اخلييك ليا اولدي
- ازار بتاسم ليها
- ...........: غادي تبقى وااقف دوز لفيين قلت لييك
- ازار عارف انهم غادي ابغيو اخدعوه ..ولكن باغي اوضع النقط على لحروف داكشي علاش مشا خلا سنايا مبلوكية كتحاول تفهم تصرفاتو بعد المرات كيجيها غي كيخربق
- سفيان حاس بشي حاجة ماشي حتى لهييه. .مشا تبع ازار لفين وااقف
- ازار شاف فيه : صافي غي دي معااك لعائلة. .خاصي نحل هادشي
- سفيان بتاسم ليه : مستحيل نخلييك نتاا هو ...
- سفيان بتاسم ليه : مستحيل نخلييك نتاا هو الأكسجين لكتنفس منو ختي
- ازار سمع صوت خطوات خارجين من الديبو و كيتقدمو لتيجاهم
- حتى كيبان لييه شخص داير كاسكيط على وجهو لي مخبية ملامحو ولابس مونطو كبير مع بوط و لمسدس فايدو مع كاتم الصوت
- فاروق تكا على اللوطو كيتفرج فهاد لحرب لغادي تنوض ولحد الآن مفهمش لاش بغا اجيب لعائلة. .ديما كيبقى هدفو مجهول مكتعرف اش تحت راسو
- ازار بتاسم باستهزاء : واخيراا
- قرب بخطوات ثابتة كيلعب بالمسدس فايدو : ديما غادي تبقى غبي
- ازار باستغراب : هه هدرتك مغاديش ثأتر فيا
- طلق رصاصة فالأرض حتى غوت كلشي : ششش كااالم كااالم ..خليو غواتكم ملي اموت هااد لحقير قدامكم
- ازار : ههه كيحسابلي ذكا من هاكة
- البوص : اكيد انا ذكا منك ...وخير مثال قلت لييك وقف هنا وقفتي ..مغاديش تسولني علاش
- ازار عرف غادي تكون شي حاجة : علاش!!
- البوص نطق مورك على كلامو : حيت هاد لبلاصة فيها الأغنام عندك الزهر حيت فاش تمشيتي منفاجرتيش هه. .ولكن ماشي ديما غادي اكون الزهر
- سنايا طاحت على ركابيها والدموع هوادين : ازااار ...لا لا 😢
- سفيان مهتمش لكلامو : ماشي غي هو لغادي اموت حتى انا مستاعد نفديه بروحي
- عمار بغا امشي اوقف فنفس لبلاصة وهو اوقفو أمير : متصرعش
- عمار : خااص نبينو لييه حنا مكتخلعناش لموت وايد وحدة عمرنا نتفرقو
- البوص بقا مهبط عينيه ومزير على ايدو كلام سفيان كيتردد فالمسمع ديالو. .عصبوه كلا كيهدر من جيهة وابكي
- سنايا بغات تمشي عند ازار وهي كتبكيي حتى كيوقفها فاروق بزز باش هدات بقات كتنتر مقدراتش تشوفو فهاد لوضع لا هو لا سفيان
- ازار : مغاديش نتعرفو علييك ولا نقوليهم شكون
- البوص ضربو الضوء من كلامو ..عرف رااسو تفضح قدامو وهادا هو الوقت ..بتاسم بمكر وهو كيرمي لمونطو. .خلا كلشي مصدوم وكيدور فعينيه. .حط ايدو على لكاسكيط حيدها حتى تمرى شعرو
- ازار بتاسم : كيف توقعت
- سفيان مشوكي فبلاصتو : ميمكنش😨
