جزء مائة وواحد💔
كانت طريق كاملة وهي كتفكر شغا تقول ليه فاش اتشوفو حطها بعيد على الدار خلصاتو:صافي غي سير
نزلات وبقات غادة بخطوات تقيلة وهي حاطة يديها على كرشها
عند عماد
كان فالجردة جالس حتى كتجي مو تجلس حدااه شاف فيها:لواايدة مالك
حسنة:امم مزال ما مليتي
عماد:كيفاش
حسنة:زعمة تعمر دارك بشي بنت تستاهل وديرو وليدات..لخير كاين لاش مزال مطول شكا تسنا..بنت خالتك غزالة وكاملة ومكمولة وكتحماق عليك خاص غير نت تزعم شنو بان ليك
عماد تنهد:لواليدة ملي انبغي نتزوج انا لي غنختارها وداك بنت ختك ماعنديش معاها
حسنة:مالها شنو ناقصها
عماد:لواليدة قلبي لموضوع اصلا فبالي وحدة هي لغندي
حسنة شهقات:شكون هدي وكي درتي تعرفتي عليها ..بنت من واش عائلتها معروفين..دوي
عماد:ههههه بنت لوازييير قرات فلمريكان عاد جات هاد لعام
حسنة:بصاااح
عماد:انوووضي قابلي راجلك قليني علييك..شمن وازير وشمن مريكان...ماعندي
حسنة:ناري كنعرف دوقك ..عنداك تكون بحال داك خيتي لي سمحات فيك فتالي
عماد :لواليدة نتي ما معاك هضرة
وناض وخلاها جالسة كتشوف فيه يلاه ايخرج وهي تعيط ليه ختو سارة
سارة:تسناااااا
شاف فيها:ماالك
سارة:ديني معاك قنطت عافااااااك عفاك راني لابسة ماشطة مقادة
عماد:عندي شي شغال سيري تا لمنبعد
سارة وقغات حداه:شنو هاد شغال
عماد:راكي عارفة البرهووشة
سارة:ربي ربي..غاتشي تشوفهاا
عماد:وي
سارة:ديني معاك
عماد:لا ماشي دابة..حيت خاص ندوي انا وياه راس فراس
سارة:هااااء وانا لابسة ومقادة اتخليني بلاكة واقفة ولا شنو حرام عليك
عماد طلعها وهبطها موجدة راسها وهازة ساكها مابغاش يكردعها:زيدي قدااااامي
سارة فرحات:انمشيو نشوفوها
عماد:لا انديك نساريك نضرب بيك دورة ونرجعك ومنبعد نمشي عندها
سارة:مالي غناكلها
عماد :وازيدي
خرجو حيت كان مخلي طوموبيل على برا سارة تلاحت عليه وعنقاتو وبدات تنقز:دينييييي لماااكدووو بغيت لمااكلة دمااكدو عفاك عفاك عفاك
عماد كيسوووط:نتي عارفة ماعنديش مع ماكدووو غا دلبراهش
سارة مزال معلقة فيه :غير نت لي كيبان ليك دلبراهش..دابة ديني عفااك بليييييييييز بلييييز
عماد:نااري على برهوشة جاب ليا الله واخة غا سكتينا
تعلات لعندو وطبعات ليه بوسة فخدوووو :شكراااااا
وعلات يديها وخربقات ليه شعرووو:ديما كتخليني نرغبك
عماد ماكايحملش لي يخربق ليه شعرو يلاه اتهرب وهو يشدها:شحاال من مرة كنقول ليك شعري بعدي منووو
وشد ليها شعرهاا وبدا يخربقوو تاهوو وهي كتغوت بقا كيضحك كيعجبوو يلعب معاها
سارة غضبانة:ساعة دلمكانة وانا نقاد فيه باش يولي مبوكل هكااااااا حرااام عليك شوف كي تشعكك دابة
عماد:ههههه باش تعلمي تجمعي يديك
سارة :بعد مني يلاااه
شدها وهزها بين يديه:زيدي زيدي البرهوشة بقات ليك غي لغضبة
ركبها وشد لباب ومشا ركب تاهو وكسيرا بالجهد كانت واقفة ومتكية على لحيييط وكتبكي وهي كتشوفو معاها حسات بقلبها كيتعصر ...تفكرات فاش كانت معاه كان كيلعب معاها بحالها ونفس الضحكة كان كيدير فاش كيكون معاها شافت راسها فبلاصتها ..تأكدات راه كان غي كيلعب بيها وداكشي كلو تمتيل ..قلبات الضورة وبقات غادة بالزربة وهي كتبكي شوية بدات كتجري وسط الشانطي بحاليلا هاربة كتفكر فاش شافتهم بجوج وهو ما كيضحكو وهو هازها وهي كتبوسو ..بحاليلا هي عمرها كانت فحياتو طاحت فالارض وهي كتبكي وتسترجع فمخيلتها كل لحضة دوزاتها معاه وكل كلمة قالها ليها وواعدها باش مايسمحش فيها..
تفكرات محجوب وخو غيتة ..هو بحالهم غير هو عرف يلعب عليها وتعطيه راسها بخاطرها..حطات يديها على كرشها وبدات تضرب فيها
هي كتغوت وتبكي:الله يااااخد فييييك لحق كنكرررررررررررر
كانت واحد لمرا غادة جات
وتحنات لعندها:نوضي ابنتي ماديريش هاد الحالة فراسك
ليلى شافت فيها وهي كتبكي:بغيييييت نموووت اخالتي
لمرة قطعات ليها فقلبها عوناتها باش تنوض:مزالة ابنتي صغيرة على هدشي
ليلى غي ساكتة وكتبكي
لمرا:داركم غي هنا
ليلى:انا غنمشي ومشات وخلات لمرا واقفة وكتشوف فيها وهي غادة وكتبكي تنهدات بقات
💔الجزء مائة واتنان💔
بقات كتمشى ودموع مزال فعنيها مابغاوش يحبسو حتى كتلقا راسها حدا دار دحنان ماعر فاتش كي دارت وصلات حيت لمسافة بعيييدة لقات لباب لبرانية محلولة دخلات وطلعات دقات لباب حلات ليها
حنان لباب وتصدمات من حالتها:أويلي مالك
ودخلاتها وشدات لباب ليلى دخلات جلسات وزادت فلبكاا
وكتهضر بين شهقاتها:غي كاان كيضحك عليااااا شتووو بعيني معاهااا
حنان:شكون هذاا
ليلى:عماااد...ب
حنان عنقاتها:صافي صافي ماتبكيش كلهم بحال بحال
ليلى :ختي مابغاتش تولي تشوفني جراات عليااا فاش قلتلها راني حااملة...عندها لحق انا لي ماسمعتش لهضرتها
حنان:صافي كلشي دابة يتحل
جات وفاء وجلسات حداهم حنان شافت فوفاء وقربات لعندها:بغيت ندير لعملية فأقرب وقت بغيت نمشي من لهنااا
وفاء شدات ليها فيديها:صاافي واخة راه تافقت معاها غدا لعملية مع ل2 دلعشية
ليلى كتهز راسها بااه شوية حسات بالردة ناضت كتجري دخلات لحمام ردات خرجات
حنان:دخلي رتاحي ليك شوية هدشي بزاف عليك
ليلى دخلات لبيت وتكات وهي كتبكي كانت حاطة يديها على كرها وكتقول مع راسها كون ماسمحش فيها كون ماخانهاش كانت اتكون فرحانة بهاد لبيبي مستحيل كانت تفرط فيييه عضات على لمخدة وهي كتبكي وتفكر صورتو هو وياها فاش شافتهم
نمشيو عند طااهرة
كانت جالسة فالساحة لكبيرة لي كيتجمعو فيها لمحابسية شافت فالصور شحال عالي ومن لفوق ديالو دايرين سلوكة ديال ضو باش تاواحد مايحاول يهرب ..حطات يديها على جنبها لي كيضرها شوية ملي كتحرك
تفكرات ليلى فاش شافتها قاجة راسها وميتة ماتستاهلش داكشي لي وقع ليها بقات فيها مزال صغيرة..
تفكرات ختها ليلى ندمات حيت جرات عليها هي باقة صغيرة وماعارفاش شكا دير قلبها كيتقطع علم الله كيرا حالتها دابة نزلات دمعة من عنيها كتحس براسها ضعيفة بزاف ويديها مربوطين..ماقادر
طاهرة وهي حاطة يديها على صدرها:خرجيييييي
كريمة مبلوكية كتشوف فجسمها بكل شهوة :مايمكنش خلينا نفوجو شوية
طاهرة دفعاتها وبغات تخرج ولكن كريمة شداااها ولصقااها مع لحيط تا تضربات من جنبها لي مجروح غوتاات من كترة لوجع
كريمة بدات كتحسس ليها فجسمها وعنيها على شفايفها
طاهرة بقات كتشوف مع جنابها وهو يبان ليها واحد سطل دلقزدير دفعاتها بالجهد وهزات داك سطل وعطاتها بيه لرااس تا ضار لجيهة لوخرااا وشدات ليها راسها بين يديها وكتهبطو لتحت وكتطلع ركبتها نيشاان لراااس ..كريمة شداتها طيارة ودوخة..
طاهرة دفعاتا تا تزدحات مع لارض وهزات السطل وخشاتو ليها فراسها ومشات لبسات حوايجها وكريمة طايحة فلارض سخفانة طاهرة قربات ليها وحيدات سطل وجراتها لدوش حيدات ليها حوايجها وطلقات لما عليها شافتها بدات كتفيق وهي تولي تهز سطل وتعطيها لراس تا سخفات
وخرجات من لحمام كتغوت:عتقوووو كريمة سخفانة فلحمااااام اجييو دغيااا
تجمعو لمحابسية ودخلو لقاوها فلحمام طايحة ودم كيسيل من راسها
طاهرة:دخلات دوش وطاحت واقلة لقيتها هكا
مشاو عيطو للكارديانات جاو هزوها وداوها لسبيطار لي فلحبس
طاهرة مشات جلسات فبلاصتها وتكات ترتاح شوية وكتدعي فنفسها تكون كريمة ماتت حيت داك ضرابي لي عطاتها ديال لموت دازو ساعات
نمشيو لواحد لبلاصة بعييدة
شخصية جديدة فقصتنا وايكون عندها دور مهم فالقصة كانت شادة كارو فيديها لي عامرة وشام وجالسة فلمكتب ديالها ومدورة لكرسي لجيهة دلحيط لي كلووو زاااج وكيطل على لكازينوو كاامل ديالها كتشوف ناس كيشطحو وشي كيلعب لقمار شي جالس وكيشرب ..شافت لبناات دايرين خدمتهم ولكليان عاجبو لحال ..
صونا ليها طليفون وجاوبات:ااه واخة...كون هاني..شحال بيهم..صافي واخة..غدا ايكونو عندي هنا..شوف انا عاملتها معاك هاد لمرة غير محيت عاونتيني فبزاف دلحوايج..وراه اخر مرة..يلاه تلاح
قطعات ودوزات نمرة اخراا بقى كيصوني فتالي جااوب:الوو عماد
عماد كان سايق غادي لحومتها:وي روبي فين هاد لغبور اساطا
💔الجزء مائة وتلاتة
ة💔 روبي طفات لكارو وبتاسمات :ونتوما لي غبرتو زاعيم كنشوفو غا فجرائيد..وامين بحرى داز داك نهار شرب معايا كاس من تم..اما نت لا ملي دفنوه مازاروه
عماد:هههه لمشاغيل اعشيرتي
روبي:هانتا قلتيها لمشاغيل..شوف الله يعز بيك ويحفضك ليك ماعزيز عليك بغيتك فواحد لبلان ضاروري
عماد:دوي شواقع
روبي:دوز عندي
عماد:دابة؟
روبي:اه داابة راه شي حاجة فوق ضاروري الله يحفضك
عماد قلب الدورة:هنا جاي
ربع ساعة دلمكانة وكان تماك حلو ليه لحراس باب طوموبيل ونزل دخل لداخل صداع ولهراج وشطيح بنادم ناشط وفوطكا ولويسكي كيتساراو فلكيسان على لكليان..كان دايز من حداه سيرفور ببلاطو عامر بلكيسان دلويسكي حبسو وخدا كاس وكمل طريقو
وهي توقفو واحد خيتي شاف فيها وبتاسم:زين مزالة هنا
قربات ليه وطبعات بوسة فحنكو:غبرتي علينا تاتوحشناك😉
عماد رجع اللور:ههههه راه مابقيناش ديال راسنا ازين
لبنت ضحكات:ههههه ياك ما اتزوج
عماد:بحاليلا علمك الله نخليك دابة
لبنت:سعداااتها بييك ااااح قلبي
هو حل باب لمكتب ودخل ناضت سلمات عليه ورحبات بيه جلسو
عماد هبط على لكاس فدقة:شنوو تما
روبي:اممم محتاجة للفرقة ديال الزعيم
عماد:روبي راكي عارفة انا خرجت من لعصاابة
روبي:عارفة ولكن نت لي نقدر تدوي معاه ماغدير والو
عماد:علاش
روبي:واحد خونا عاملها معايا شحال من مرة ودابة وقف عليا محتاجني ومابغيتش ندير معاه لخايب..المهيم هو عندو مافيا ديال لغبرة كيجيبها من روسيا ويبيعها فلمغريب ....تشدو ليه 3 دلبنات من لعصابة ودابة راهم فلحبس وغدا عندهم لجلسة
عماد:او من بعد
روبي:بغاني نهربهم من لحبس حيت مزال ماعتارفو بواالو خايف لا يضغطو عليهم ويعتارفو عاد مشددين عليهم لحراسة فلحبس...
عماد وقف وهو كيفكر:كي غنديرو ليها كي قلتي لفرقة ديال الزعيم هي لي كتعرف لهدشي
روبي:غدا عندهم اول جلسة طبعا ماغيعتارفو بوالو لحد الان..ولكن لجلسات جايين راك عارف
عماد:المهيم عطيني لوقية بالضبط لي غيقدموهم فلمحكمة وتصاور لبنات حين لفاركونيط كتكون عامرة
روبي :تسنا تصاور عندي صيفطهم لي
جبداتهم ووراتهم ليه:هاهوما عماد جلس:واخة ..انا غندوي مع الزعيم
روبي:يتوب عليك ..نسيت .لبراكة فراسك
عماد تفكر جداه:مامشا معاك باس
روبي جلسات حداه:عارفة شحال كانت عندك عزيزة
عماد:الله يرحمها
روبي:الله يرحمها ..
وبقاو كيهضرو ونساو راسهم داز لوقت
عماد شاف فالساعة ل1ونص:نوض نمشي بحالي حسيت براسي بديت نسكر أشعيبية
روبي حطات لكاس:سير سير رد لبال لطريق ورد عليا
عماد:عاد اندوز عند الزعيم يلاه بونوي
وخرج ركب فطوموبيل وكسيرا نيشان لدار دالزعيم..حلو ليه لباب ونزل
دخل لدار لخدامة:سي ناصر راه فلمسبح كيعوم
عماد:واخة
مشى للمسبح المغطى دخل لقاه تحت لما تلاح فوق رولاكس كيتسناه حتة كيشوفو
خارج من لما :الزعيم
ناصر هز فوطة ومسح جسمة وجلس اونفاص معاه:شواقع
عماد:قول بعدة مرحبة
ناصر:عارفك جاي على شي حاجة قول راه بدا يجيني نعاس
عماد:كتفهمني شنو ندخل نيشان فلموضوع ولا نديو ونجيبو فلهضرة هههه
ناصر لاح عليه لفوطة:دوي فكني
عماد قلبها جدية:المهيم عاد كنت عند روبي محتاجا ليك
ناصر:مالها واقعة ليها شي حاجة
عماد:لا ماشي هي
وعاود ليه كلشي
عماد:نت لي تقدر دير هاد المهمة وهي طلباتني باش نهضر معاك ..ماتخويوش بيها
ناصر بقا كيفكر:صافي واخة..ارالي لمعلومات كلها ..وغدا يكونو عندها لبنات
💔الجزء مائة وأربعة
💔 عماد وقف:ادن نوض انا ونمشي بحالي
ناصر:بحال داكشي
عماد:هههه ماكتعرفش شي حاجة سميتها صواب
ناصر:سير سير
عماد خرج وهو كيضحك ركب فطوموبيلتو وكسيرا شاف فساعة كان مشا لحال باش يمشي عندها قرر غدا فصباح يمشي عندها هي اللولا
نمشيو عند ليلى
وفاء كانت دايرة ليلة دجدبة (الجدبة هي الليلة لي كيتجمعو فيها لمجدوبين...كيحي
ليلى كتشوف فناس كي كيجبدووو ويحيروو بشعرهم ..الاجواء كانت مضلمة من غير نور الشموع لخافت ملون ..اللون لحمر طاغي على المكان...وريحة لحنة و لبخور عاطية بجميع انواعها ...وعيساوة كيضربووو وكيجهلوو سواكن حتى كيبداو يغوتو ويطيحو وينوضو ويفركلو فلارض ...
ليلى منضرهم خوفها خصوصا فاش شافت وحدة هازة زيزوار وكتشرط فيديها..غمضات عنيها من المنضر.....ماشي
حنان جلسات حدا ليلى:نوضي خوي قلبك
ليلى:كيفاش
حنان:نوضي حيري باش ترتاحي وتفاجاي...هادو لي كتشوفي راه ماشي كلهم مجدوبين لا فيهم لي مغبون..وجاي يتفاجا....هادو راه خلصووو باش دخلو لهاد الليلة حطو اموال صحيحة..شتي داك مولات لزرق..راه راجلها لاباس عليه عندو شاركات وديوور..وكتجي فكل عام تحضر لليلة تفاجا واخة مامسكوناش...وها
ليلى:لهاد الدرجة الجدبة كتفاجي
حنان:اه نوضي جربي
ليلى:لا خفت
حنان:ماتخافيش نوضي خوي قلبك تخشاي وسطهم وركزي فدقة وفكري فهمووومك ودنيا شنو دارت بيك فكري شحال تعدبتي وشحال بكيتي ..والجدبة اتجي بوحدها
حنان حيدات ليها لمقبط من شعرها وطلقاتو ليها:سيري
ليلى كانت خايفة تخشات وسطهم ترخات مشا بالها لحياتها فين وصلات...عماد...
ليلى جهلات بدات تحير وهي كتبكي خرجات على طوعهااا .مشات لعالام تاني مابقاتش كتحس بناس لي دايرين بيها من غير طبلة دعيساوة لي كتسمع فودنيها كتجهلها كانت كتهز مع الدقة شوية بداات كتغووووت ربي لي خلقهاا وضرب فصدرهاا وتجدب بشعرها عراااقت ولات كتقطر شوية هبطات يديها لكرشها وبدات تضرب فيها بالجهد وهي مزاال كتحير وتبكي
حنان شافتها هكاك ناضت كتجري كتحيد ليها يديها على كرشها وليلى فاقدة شعور كتحرك شعرها وضرب فكرشها وتغوت جات
وفااء وشداتها من يديها وزيرات وتكاتها فلارض وجابت لما رشاتو عليها وحنان جابت لبخور وبدات تبخرهااا ودارت ليها فيديها شوية دلحنة ..من بعد هزوها بجوح ودخلوها لبيت وشدو عليها
وفاء:لااش مخلياها تجدب اصاحبتي واش بغيتيها طيح لولد
حنان:ماحسابلييش
وفاء:نتي مريضة فعقلك كتعصبي والله ..زيدي قدااامي
💔الجزء مائة وستة💔
صبح صباااح بأحدات جديدة
طاهرة فاقت بدلات حوايجها حيت عندها لمحاكمة...كانت كتسناهم يجيو باش يديوها وغتموت بلخلعة ليوووم ايعطيوها لحكم بقات شحال جالسة كتدعي ربي يعاونها..حتى كتسمع صوت كريمة علات راسها شافتها ملوية على راسها لفاصمة ومخنزرة لبنات كيقلو ليها الحمد الله على سلامتك..
مارضاتش تقول ليهم طاهرة ضرباتني خلات داكشي هكاك انها زلقات فلحمام قربات لعند طاهرة
همسات ليها فودنيها:ليوم شهدي على روحك هنا علمتك...ماعندك فين تهربي مني
طاهرة بلعات ريقها خافت حسات فهضرتها ااشر :نشوفووو
كريمة:كتحدايني
طاهرة:لا ولكن ماخايفاش منك كيفما لبارح كنت انقتلك ماتعرفي ليووم نقتلك ديال بصاح خاصك تبداي تخافي مني
كريمة يلاه اتمد يديها تضربها وهوما يجيو لكارديانات:طاهر
ناضت وعنيها فعين كريمة لي غتاكلها مدات يديها مينطوها وداوها معاهم...مشات سنات بانها مشات للجلسة وخرجوها ركبوها فلفاركونيط شافت معاها تلاتة دلبنات مينطوها مع وحدة فيهم وكسيراو نيشان للمحكامة دخلوهم للكاااب لتحت يتسناو نوبتهم حيت كاينين بزاف لي عندهم لمحاكمة دااز لوقة وجات نوبت طاهرة هي وداك لبنات...بداو بداك لبنات هوما لولا ..كانت اول جلسة وقفو قدام لقاضي طرح عليهم بزااف دلاسئلة وهوما نكرو كلشي...قصح لهضرة معاهم او واخة هكاك ماعتارفو بوالو..لقاضي عرف انهم ماغيعتارفو بواالو خاص مزاال يتمرمدو مزيان عاد يعتارفو بسيف عليهم ....أجل ليهم لجلسة جاية وطول فلمدة ..خلاها مداولة...من دابة شهر عاد تكون لجلسة تانية بااش نيت يمرمدوهم ويعدبوهم مزيان...خرجوهم وجات نوبة طاهرة...
وقفات قدام لقاضي وهي كترجف ...لقاضي خدا لملف ديالها قرااه...بما انو هي عتارفت وجميع دلائل كدل انها هي لي قتلات للدفاع عن النفس وماكاين تاشي عائق ولا شي لغز فلقضية كلشي باين
لقاضي تنحنح وضرب بلمطرقة:لحكم نهائي فقضية طاهرة علامي المتهمة بقتل محجوب ولد فلان...15 لسنة ..قابلة للاستناف
طاهرة شهقااات غا شهقة وهي مصدوومة 15 لعااام قليلة غا بلفم ...كيفاش غدير تصبر فداك لحبس كيفاش غدير تعيش مع كريمة 15 لعام يا اما تقتلها ولا كريمة تقتلها...بدات كتبكي جا سكيرطي مينطها وخرجها هبطها لتحت رجع مينطها مع نفس لبنت وركبوهم فلفاركونيط هوما وشي جوج دبنات اخرين وكسيراااو نيشان للحبس
عند ناصر
كان فلمكتب ديالو حتى كيدخل عندو واحد من رجالو:سي ناصر درنا داكشي لي قلتي راهم دابة تابعينهم غير يلقاو لوقت المناسيب غيهجمو على لفاركونيط ويخرجو لبنات
ناصر:أكد.عليهم باش مايوقع تاشي غلاااط..وعلموني
عند ليلى
كانت كتسنة فواحد لغرفة من بعد ما لبسوها كسوة طبية ...كانت اتموت بلخلعة..حتى كتدخل عندها
لمرا لي غتاخد لجانينن جلسات حداها:ماتخافيش ماغيوقع والو كلشي ايدوز مزيان ان شاء الله نتي مزال صغيرة ..ربي دابة يعوضك...ولكن انا هدي هي لفرصة باش يكون عندي شي بي بي فكرشي ..شكرااا بزاااف...كنواعد
ليلى غي ساكتة وخايفة جات الممرضة:تفضلو معايا لغرفة لعملياااات ناضو ودخلو للغرفة
الممرضة:انسة ليلى غنضرب ليك واحد لبرا قبل لبنج باش لبي بي مايوقع ليه والو ..ويترخااا وسط رحيم باش مانلقاوش صعوبة فاش نهزوه من وسط اارحيم..امم هاد الشوكة غدير ليك شوية دلحريق فكرشك غير تحسي بيه قوليهااي باش نضرب ليك شوكة دلبنج
ليلى كتهز راسها بواخة..وضربات ليها الشوكة
الممرصة:خاص نتسناو على لاقل نص ساعة دلماكنة علامن يبدا لمفعول وجلسو كيتسناااو
عند عماد
يلاه وصل لحومتها نزل من طوموبيل ماعرفش كي يدر يخرجها من دار لحل لواحيد هو علي..مشا دق عليه فدارهم جاوباتو مرات عمو طلات عليه من الشرجم:ااه سي عماد اصبار هنا نكلم ليك علي
عماد:واخة
شوية وهو ينزل عندو..
علي تلاح عليه عنقووو:فيين غبرتي اصاحبي حساب لي نسيتينا
عماد:من بعد ونعاود ليك..وقعو شي حوتيج صعاب تلهيت معاهم..وما راك فلبال...دابة بغيتك تمشي وتكلملي ليلى
علي:مافراسك مايتعاود
عماد:كيفاش
علي تنهد وهو كيتفكر داك الليلة:ليلى مسكينة تعدبات هي وختها
وعاود ليه كلشي
عماد بقى غيير مصدووم كيفاش هدشي كلووو اقع وهو مافراسو ما يتعاااود ضرب يديه مع لحيييط وهو معصب عروقو ولاو باينين وعنيه حماارو:فين هي دابة
علي:عند.حنان صاحبتها
عماد:زيد وريني داار
الجزء مائة وسبعة
💔 كانت دار قريبة..دغيا وصل نزل وبدا كيزدح فلباااب شوية ويهرسووو...هبطا
.. سكتات فاش شافت عماد بلعات ريقها بدات غي كتفتف
عماد زاد تعصب فاش عرفها هي نفسها داك لبنت ..كيهضر على سنانو:كلميلي ليلى قلها تهبط
حنان غتموت بلخلعة:ليلى ماكاينااش
بلا مايجاوبها دفعها وجرها من يدييها:زيدي نشوووفو واش ماكايناش
كان مجرجرها فالدروج وهي كتغووت:رخييي منييي وجعتيني
عماد غوووت:هدي هيي داار
علات راسها باه .ودفع لباب برجليه ودخل كيعيط بسميتها:ليللللل
وكيقلب فلبيوت ..شقلب دار بتقلاب تا تأكد راها ماكاينااش..
ضار عند حنان وشدها من عنفقها ولسقها مع لحيط وزيير:أتقوووولي
وغوت تا قفزاات:دووووووي
حنان كتبكي:ماعارفااا
زااد زير تا بدات كتشهق وتحاول تنفس ويديها على يديه باغة تحيدها حمارت وصفارت روحها اتخرج بدات كضربو ليديه باش يرخي...
هو رخف عليها:أتدوي
هزات راسها بااااه رخا منها وهي طاحت فلارض كتكح هو شاف واحد لكرسي جابو وجلس حداها:أنبقااااا
حنان جلسات فلارض وشافت فييه:عاااد جتي..عاد تفكرتييها
غوت عليها:واااا دوي
حنان شافت فالساعة بغات تلعب ليه على اعصابو:أيكون مشا لحال
عماد كيفاش
حنان:ليلى حااملة اسي عماااد ودابة راه كدير لعملية باش تبييع ولدكم هههه
عماااد ولا كيغلي هز رجليه وعطاها لوجه تا تضرب راسها مع لحييييط
حنان بدات كتبكي:جااي كتحكر عليااا انا...شوف نت شنو درتي خديتي لي بغيتي و لحتيها وخليتيها كدور فزناقي ...ولبارح مشات تهضر معاك لقات جايب لجديد كتخونها
عماد مافاهم والو شدها من شعرها ووقفهااا حاجة وحدة لي باغي يعرف ليلى فيين دابة:اتشدي داك لفم ولا نهرسووو ليييك...زيدي وريني فين هو هاد الطبيب
وجرها معاه هبطو وركبو فطوموبيل..
علي مافاهم واالو..
عماد كسيرا بالجهد من بعد ماعطاتو عنوان طبييب
عند طاهرة
طريق كلها وهي كتبكي كيفاش ادوز 15 لعام دلحبس صعيبة بزااف ماكرهاتش تقلب بيهم لفاركووو وتمووت...كانو غاديين تا وصلو لواحد لبلاصة خاوية هوما كانو عارفين الطريق لي غيدوزو منها سبقوهم وحاسبين حسابهم لكلشي..
واحد من الرجال سمع لهضرة فجهاز لاسلكي:راهم قربووو وجدو راسكم ..كاينة فاركونيط وعاد طوموبيل دلبوليس موراهم
وجدو سلاحهم وكل واحد عارف شكا يدير...غير سمعو صوت لحديدة كلشي هز سلاحو وقبل توصل لحداهم تيراو فروايد لفاركونيط بقات غادة وكتلعب فطريق روايد تفشوو..
طاهرة علات راسها طلات من الشرجم شافت شي رجال ملتمين مخرجين راسهم من الطوموبيل هووندا كحلة وفيديهم سلاح وعاد شي وحدين على رجليهم نفس الشي..شداتها لخلعة مافاهمة والو طموبيل كتهز بيهم بحاليلا غطيح غمضات عنيها وهي كتسمع صوت الرصاس بالجهد وطموبيل شوية وتقلب بيهم بقات كتدعي ربي يعاونهم كانو جوج طوموبيلات عامرين برجال ناصر كلهم لابسين لكحل وملتمين ومسلحين قدرو يسيطرو على الوضع وبما ان ناصر موصيهم باش تاشي حد مايموت ..فما قتلو تاواحد اضطرو يتريو فيهم ولكن غير فدراعهم ورجليهم
طاهرة حسات بلفاركونيط وقفات وشيفور كيغوت بحاليلا كيدابز مع شيحد شوية تقطع حسووو..تا صوت رساس مابقاش يتسمع وقع لهدوء علات راسها كتشوف فلبنات...واش خايفين تصدمات مبتاسمين ..الا دوك جوج لي تزادو عليهم تاهوما خايفين وكيبكيو..شهقات فاش تحلات باب لفاركونيط بالجهد
وواحد فيهم هاز شي تصاور فيديه كيشوف فيهم وحدة بوحدة :زيدو نتووما
هوما فهمو راهم ناضو باش يهبطوو...
طاهرة اضطرات تنزل معاهم حيت كانت مينطا مع وحدة فيهم بقا كيشوف فيها:هادي معاكم
بتلاتة:لا غير مينطوها معانا
جبد السلاح وهو قاصد الطاهرة..
طاهرة بلعات ريقها خايفة بزاف صافي غادي يقتلها قرب ليها وبدا يقاد سلاح فيديه وهي تغمض عنيها وبدات تشهد فخاطرها..شهقاات
الراجل قرب ونزل دوك جوج بنات:بغيتو تهربو هربووو داكشي شغالكم وتيرا ليهم تاهوما فلمينوط باش يتحل:شوفو شنو ديرووو حيت لبووليس دابة وهوما جااو...ونتومااا
طاهرة شافت داك جوج بنات مشاو كيجريو هربوو.بقات واقفة كتفكر شغا دير واش تهرب ولا تبقا تسنا لبوليس وترجع لحبس عند كريمة..لا مستحييل ترجع..علات راسها شافتهم كيركبوو فواحد طوموبيل بلا ماتحس
غوتات:تسناااااا
وقفو وشافو فيها مشات كتجري عندهم:ديوني معاكم
راجل:مايمكنش سيري شوفي فين تمشي راه قربو يجيو
طاهرة بدات تبكي:عفااااكم ماعندي فييين نمشي مابغيتش نرجع لحبس مابغيييييتش...م
وسكتات وهي كتبي بقا كيشوف وشاف فصحابو وولا شاف فيها:طلعي
دغيااا ضحكات بلا ماتحس:شكراا
وركبات وهو دغيا كسيراااااو بدلو طريق مشاو من طريق الغابة
💔الجزء مائة وتمانية💔
عند ليلى
داتها سخنات وترخااات وبدات كتحس بلحريق فلتحت دكرشها بلعات ريقها خافت بزاف..غمضات عنيها وهي كتفكر فهدشي لي كديير..هو كيبقاا ولدها وماعندو تاشي دنب ...وهاهي حتى عطاتو لمرا وزرعاتو فكرشها..راه كتبقا هي مووو...واخة تهرب لاخر دنيااا..عمرها تنسى راه عندها ولد عايش وكيتحرك وكيكبر وسط عائلة ماشي عائلتو..كي غدير مع داميرها فاش ايبدا يعاتبها ويقولها بعتي ولدك حيت كنتي معصبة من باه لي سمح فيك شنوو دنبو هو..كي غدير تعشي هانيا ...
.حلات عنيها على صوت الممرضة:باش كتحسي كنضن لحريق فيك ياك
ليلى شافت ليها فيديها هازة شوكة دلبنج:رخي يديك باش نضرب ليك شوكة دلبنج
جاتها لقوة وهي مزال كتفكر يلاه اتضربها ليها وهي تنووض طافجة:بعدي منيي لاااا ماغنبيعش ولديي
ونزلات من فوق النموسية شداتها دووخة ولحريق غادي وكيجهاد تكات على لحيط
وهي كتبكي:بغييت نمشي بحاالي ..ولدي ماغنبيعووش..ماب
ناضت لمرا لي غتشري من عندها لجنين كتبكي:ياك عاد كنتي متافقة معايا شنو وقع
ليلى:لي وقع اني ندمت مانقدش نتخلا على ولدي
كتقولها وهي حاطة يديها على كرشها
دخلات وفاء :مالكي
ليلى:ماغنبيعش ولدي
وفاء:كيفااش واش تسطيتي ..اريلي داك لبنج..هادي راه هبلات
ليلى بقات كتبعد
ووفاء تابعاها:دابة غير محيت خايفة ملي غتفيقي غترتاحي صافي
ليلى كتهز راسها بلاا:لا مابغيتش
وفاء شداتها وبدات تعنتت معاها باغة تبنجها
وليلى كتغوت ماباغاش..حتى كتغوت لمراا :بعدييي منهااااا ...راه من حقها ترفض...هذاك راه ولدها قطعة منها انا حاسة بيها حيت تا انا باغية لولاد ...صافي خليها تمشي بحالها ..مامكتابليش نجيب لولاد
وفاء:ولكن
قاطعاتها:راااني
ليلى مزال خايفة هزات حوايجها ولبساتهم
الممرضة:ماخاسكي
ليلى هزات راسها باه وخرجات باغة غي فوقاش تبعد من طبيب خايفة يتنادم معاهم لحال ويشدوها...كانت غادة ولحريق كيجهاد..شدات فكرشها وهي كتبكي ماعارفاش فين تمشي خرجات من سبيطار ودارت من واحد جيها وبقات غادة غي بشوية كل خطوة كدير كيضربها ضو فكرشها
عماد وصل لطبيب ونزل كيجري دخل لصبيطار وحنان وعلي تابعيينو..دخل
وبدا كيغوت:فييييين هي ليلى
. تجمعو لاطباء والممرضات وهو كيدفع فيهم
بحال شي تور:ليلى فين هي
وفاء كانت جاية هي وديك لمرا والممرضة
الممرضة:شنو وااقع
شنق عليها:ليلللى فين هي
الممرضة خلعها:واش ليلى علامي
غير عرفها عرفاتها زاد زير عليها:دويي فين هي
جات لمرا وهي كتفكها من بين يديه:رخي منها انا غنقول ليك رخا منها
وشاف فلمارا:فيين هي
لمرا:انا لي كنت اناخد من عندها لجنين وفاخر لحضة رفضات ونساحبات ماقدراتش ديرها..ماقدراتش
رتاح نسبيا:مأكدة
هزات راسها بااه:شكون نت
بتاسم بلا مايحس:انا هو باااه..فين هي دابة
لمرا:راه عااد خرجات دابة تقدر تلقاها فطريق..شوف حالتها صعيبة ماخاصش تحرك بزاف
كان غادي كيجري ورجع عندها تاني:مأكدة ولدي ماوقع ليه والو
بتاسمات:لاا غي سير دغيا وتهلا فيها
هز راسو باه ومشا كيجري باغي غير فوقاش يشوفها يعنقها ويطلب منها سماحة ويديها معاه وعمرو يولي يبعد عليها غير كيتفكر راه هي حاملة كيبتاسم..ركب فطوموبيل وحداه علي وكسيرا غادي بشوية وكيدور كيقلب بعنيه عليها عارف اتكون غير هنا ماعندها فين تبعد عند
ليلى كانت غادة ماقدراتش تستحمل لحريق وقفات تكات على واحد لحيط ترتاح شوية ويديها على كرشها ماندماتش حيت ماطيحاتوش اتقاتل مع زمان وتربيه غي بوحدها وقررات تنسا شي حاجة سميتها عماد واخة صعيبة عليها..بتاسمات فاش شافت شتا بدات كطيح...كتعجبها شتا دصيف .مدات يديها باش تعمر بلما ديال شتا كانت مغمضة عنيها ومستمتعة بشتااا ...حتى كتسمع شي اصوات حداها حلات عنيها
كانو تلاتة دشماكرية واحد فيهم:شوف زين واقف بوحدو..
تاني:وتاتك شتاا ازين ناقصك غي انا
تالت:هههههه اديرونا حب تحت لمطر
بقاو كيضحكو هي حنات راسها وتمات غادا وهو يشدها واحد فيهم من
دراعها:زين فين غادة باقي مادوينا
وشد شعرها وبدا يلعب بيه
تنترات منوو :بعد مني
بتاسم:صعيبة مع راسك اري بوسة وسيري بحالك
تاني:اه بوسة بوسة لواحد وسيري ماتخليناش بلاش
التالتة:ههههه بوش أبوووش ازين
خافت منهم بغات تمشي
وهوما يشدوها بتلاتة :تسنااي ماتكونيش مسموومة خلينا مزيانين معاك طلبنا غا بوسة ماقلنا اري بورطابل ماقلنا اري لي عندك...شتي تعاملنا معاك واخة حنا ماكنرحمو تاشي حد هنايا
ليلى بدات كتبكي:بعدووو منيييييي
قرب واحد بغا يبوسها بالسيف بقات كدفعو وهو كيجرها تاتنترات منوو وطاحت فلارض وغوتااات شدها لوحع بزاف فكرشها بقات كتغوت وكتبكي شافو فيها وشافو فدم لي نازل منها من لتحت خافو ومشاو كيجريو
💔الجزء مائة وتسعة
💔 ليلى كتقطع بلحريق وكتحس بشي حاجة سخونة هابطة منها خافت بزاف وبدات تغوت وتبكي ربي لي خلقها مابغاتش ولدها يطيح مابغاتوش يمووت..حاولات تنوض شدات فلحيط او وقفات نزلات راسها لتحت وهي تشوف الدم هابط وحوايجها كلهم دمايات تا صندالتها غرقانة بالدم ومع شتااا دم ولا سايح فلارض ولحريق كيقطع فيها شهقااات وحطات يديها على فمها
وهي كتبكي:لاااا ياربي ..مابغيتوووش يموت ..لا لا ..ياربي ماعاوني يااربي
بقات كتمشا بشوية باش ترجع لطبيب قربات توصل وهي تشدها الدووخة ودنيا كدور بيها حاولات تكابر اووو واالو ترخاات ورجليها فشلوو عليها غمضات عنيها وطاحت فالارض سخفانة ودموع فعنيها
عماد تعصب مالقااهاش خاف تكون وقعات ليها شي حاجة ولا ما يلقاهاش وعمرو يولي يشوفها...قلب الضورة بالجهد ومشا يقلب مور سبيطار ...كان غادي بشوية وهو يشوف تلاتة دراري غاديين كيجرو جاه احساس خايب بقا سايق بشوية وعنيه على الطريق ..حتى كيلمح شي حاجة طاايحة فالارض قرب وهو خايف من داكشي لي فباالو حتى توضحات ليه صوورة تصدم وقف الطوموبيل بالزربة ونزل كيجري تلاح حداها فالارض وهو كيغوت بسميتها وعلي موراه مصدوم تاهو ....
عماد ولا كي شي حمق كيضرب ليها على وجها ويبعد الشعر لي مغطيييه:ليلى هناااا جيت صافي فيقي عمري نولي نمشي ونخليك كنوااعدك غي فيقي
شاف لتحت كانت غارقة دمايااات زاد تصدم شاف فيها كلها كترجف وداتها سخوونة بزااف ..بدون شعور بداو ينزلو دموعو خايف بزاااف توقع ليها شي حاجة هز راسها بين يديه
وعنقها :ليلللللى سمحيييلي عفاااك...هنا جيييت ..ليللللى
هي ماكتجاوبش هزها بين يديه علي حل ليه باب طوموبيل وركبها اللور ومسح ليها على وجها وطبع بوسة فجبهتها..ومشا كيجري ركب وكسيرا بالجهد نيشان لسبيييطار غير وصل هزها ودخل بيها وبدااا كيغوت باش يجيو دغيا جابو لبياص
وركبوووها:رااها
كان شاد ليها فيديها وهوما داينها تا دخلوها لغرفة الطوارئ ويديه ترخات من يديها بقا واقف ومصدوووم وكيلوووم راسو كيقول هو سبااب ..ولكن راه ماشي لخاطرووو ماحسابليهش ايوقع هدشي كلووو كان ناوي غير يرجع يتزوج بيها..تكا على لحيط وهو كيتسنا الطبيب داز الوقت وهي تخرج عندو طبيبة م
شا عندها كيجري:شنووو
الطبيبة وعلى وجها اليأس:للاسف ماقدرناش نعتقو لجنين كان فات لوقت ..سمحليا ربي يعوضكم ..هي دابة تحت تأتير لمخدر ونفسيتها عيانة بزاف خاص ملي تفيق تعرف كي دير تقولها ليها..بامكانك تدخل تشوفها
ومشات وخلاتو واقف مصدووووم نزلات دمعة حارة من عنيه..عماد.طبعو
شد ليها فيديها وباسها :سمحيلي عفاك ماقدرتش نجي فلوقت لي كنتي محتاجاني فيه
وسكت وهو معنق يديها فتالي رضا بقضاء الله وقدره وحمد الله انها هي عايشة وربي دابة يعوضهم بواحد اخوور
💔 💔الجزء مائة وعشرة💔
عند طاهرة
وصلو لوااحد الديبوو نزلوهم وداوهم جلسو فواحد.لجليسة كاينة تماك عبارة على ربعة دلفوطوي وسط ديبو كبييير..
طاهرة شافت فالراجل:بغيت نمشي لحمام
نعت ليها وناضت مشاات شوية وهي تدخل طوموبيل جيب كحلة عالية مشاو لحراس كيجيرو حلو ليه لباب ..نزل بكل تقة ونزلات من جيها لوخرا روبي
الزعيم وهو كيشوف فلبنات ورجع شاف فرجالو:ماوقع تاشي مشكل
واحد فيهم:لا سيدي ..غير واحد لحاجة بسيطة
الزعيم:شنو
كمل هضرتو:كانت معاهم واحد لبنت طلباتني ورغباتني باش نجيبها معانا مابغاتش ترجع للحبس
الزعيم:وعلاش كتصرف من دماااغك
الراجل:سمح لي اسيدي ..هنا نرجعها منين جات
روبي:لا خليها دابة نشوف قصتها مافيها باس نعاونوها..فين هي
الراجل:راها فلحمام
الزعيم:أنا مشيت هاهوما رجال معاك لا حتاجيتي شي حاجة
روبي:شكرا
هز يديه بمعنى ماشي مشكل يلاه ايركب فطوموبيل و هي تخرج من لحمام علات راسها فيه..كان ملتم تاهو ولابس كلشي كحل بقات حاضياه وهو كيركب وكسيرا بالجهد وخرج من الديبو
روبي شافتها:هادي هي لبنت
لبنات:اه هي
روبي مشات ووقفات حداها كطلع وتهبط فيها:شنو سميتك
طاهرة بقات ساكتة شحال:صوفيا
روبي :اه...لاش بغيتي تجي معاهم
طاهرة:مابغيتش نرجع للحبس
روبي:شنو درتي
طاهرة حسات براسها فلكوميسارية:قتل
روبي علات حاجبها:اها.عاود
طاهرة:قتلت راجل ماما لقيتو كيتعدا على ختي بغا يغتاصبها
روبي بقات كتشوف فيها:شحال حكمو عليك
طاهرة:15 لعام
روبي :اهااا
روبي سكتات وهي كتشوف فيها شافت فعنيها الصدق سهات وهي كتفكر فلماضي ديالها فكراتهاا فراسها:المهيم شنو باغة ديري
طاهرة:نبقا معاكم ماعندي فين نمشي...غير مانرجعش للحبس
روبي:كي جاك لحبس
طاهرة:جحييم
روبي:تعدبتي
طاهرة هزات راسها باه
روبي:نشووفو واش تستاهلي تكوني معانا.
وشافت فلبنات:نوضو جمعو لوقفة
ناضو وركبو فطوموبيل متاجهين للكباري
عند الزعيم غير بعد على ديبو حيد لقناع على راسو وحل ااشرجم شعل كارو وكسيرا بالجهد
نرجعو عند طاهرة
وصلو للكباري دخلو من لباب اللوراني نيشان للمكتب
روبي لقاتو تماك جالس دخلات وجلسات :ها لبناات شاف فيها
وبتاسم:شكراا
ناض وبقا كيشوف فيهم :على سلامتكم
باسو ليه يديه:الله يسلمك اشااف شكرا
شاف فروبي:انا غنمشي دابة ولا حتاجيتي شي حاجة عيطي لي انا فالخدمة
روبي:ماكنضنش صافي التعامول تسالا هنا
خرج ودا معاه لبنات
طاهرة كانت واقفة وعنيها فلحيط لي من زاج كيطل على لكازينووو طبعا لي علا برا ماكيشوفهمش
روبي عمرات كاس وجلسات طلعات رجليها وحطاتهم فوق المكتب:جلسي
طاهرة جلسات اونفاص معاها فالمكتب وكتشوف فروبي وفشكلها كيف داير ..شعرها مقطعاه كي لولد ووشامي لي مغطيين جسمها وحركاتها وهضرتها بحال شي دري...حققات فملامحها واخة هكاك زوينة باينة ماكبيراش فالسن مزالة فالعشرينات... مزال كتبان فيها لانوتة واخة حاولات تخبيها...عوينات
روبي:اتبقاي كتشوفي فيا
طاهرة :لا
روبي رجعات بلكرسي اللور وهبطات على لكاس فدقة:كي كتشوفي هدا لكازينو ديالي وماشي غير كازينو عادي ماشي اي واحد كيدخل ليه ..هاد لكازينو كيوقعو فيه بزاف دلحوايج لي خاصهم مايخرجوش من لهنااا...اسرار وهضرة كتقال خطيرة..يعني خاص تكوني صم بكم 🙈🙉🙊...تاني حاجة كاينين هنا بزاف دلبنات خدامين كاينة لي كتشطح كاينة لي كتغني..كاينة لي كتنعس😉...كاينة لي كتسربي ..وسربايا كاينين بزااف...باش نختاصر عليك...ختاري خدمة من هاد لخدمات..حيت مايمكنش تبقاي غير جالسة....من غير سرباية ..
طاهرة :كيفاش
روبي:كي سمعتي هنا بلاصة دلخدمة ومهما انكي زعمتي وهربتي من الحبس..خاث تزعمي وتختاري وحدة من هاد لخدمات..او داابة..حيت ماكاينش الوقة
طاهرة حسات بيها زربات عليها كيفاش تختار..المشكلة تاوحدة من دوك لخدمات مامشرفة ماتقدرش دير شي وحدة فيهم..لا كانت اتشطح اتشطح قدام رجال وهوما ايبقاو يشوفو فيها بشوفات مسخة...لا كانت اتغني نفس الشي...وهي مستحيييل تنعس مع شي حد مايمكنش بلعات ريقها وشافت فروبي لي كتشوف فيها وكتسناها تجاوبها:قلتي سرباية لا
روبي علات حاجبة:لا
طاهرةة بقات ساكتة..حاجة وحدة كتعرف ديرها
شافت فروبي:صافي نغني
روبي جمعات الوقفة:غنيلي نسمع
طاهرة خرطات عنيها فيها:كيفاش دابة
روبي:اه دابة حيت غدا اتبداي فلخدمة..وخاص يكون صوتك زوين مايمكنش تغني قدام كليان موهيم بصوت خايب
💔الجزء مائة واحدا عشر💔
روبي:اه دابة حيت غدا اتبداي فلخدمة..وخاص يكون صوتك زوين مايمكنش تغني قدام كليان موهيم بصوت خايب
طاهرة كيفاش اتغني فهاد الوضع بقات كتفكر شغا تغني كلشي تلف ليها تا صوت مشا ليها..ولكن خاص تحاول لا بغات تبقا هنا سهات وهي تفكر اغنية كتعجبها
حاولات تخلي صوتها طبيعي وزوين فالمسمع:احم احم.. يا مرايتي من كم سنة لليوم قد ايش تغيرت؟ يا مرايتي من كم سنة لليوم انا كم مرة خسرت؟ يامرايتي ياللي بتعرفي حكايتي انتي بتعرفي شو شفت وبتعرفي من شو خفي كم مرة بوجهك وقفت قلتلك هيدي نهايتي يا مرايتي ياللي بتعرفي حكايتي زهئانه من كل الدنيا تعبانه مدري شو بني كل يوم عم عيشوا سنه معئول هيدي نهايتي؟ يا مرايتي شو ضيعت شو لئيت وشو باقي فرص يا مرايتي قلبي تعب عن جد من كل القصص يا مرايتي ياللي بتعرفي حكايتي مقهورة من غدر البشر مهمومة قاتلني الضجر في جروح عم تترك أثر ترسم طريق نهايتي يامرايتي ياللي بتعرفي حكايتي مجروح قلبي وما جرحت ع جروح قلبي تمرجحت من يوم يومي ما فرحت قولي لي وين بدايتي؟
طاهرة كانت كتغنيها عاشت مع الاغنية لدرجة دموعها نزلو..حسات بكل كلمة كتقولها كتقصدها هي وحياتها لي دوزات..غناتها من كل قلبها وهي كتسترجع حياتها مع الاغنية
روبي سهات هي تانية لكارو لي فيديها طفا وهي مركزة مع الاغنية والصوت.. مشات تاهي وسط دكرياتها تاهي حسات بالاغنية لامست جزء منها ..فكراتها فماضيها وحياتها لي مشات ...حسات على راسها فاش حسات بطاهرة سلات الاغنية
شافت فيها لقاتها كتمسح دموعها ناضت ووقفات حداها:تعدبتي فحياتك
طاهرة:خديت ناصيبي من مرارة دنيا
روبي:صوتك زوين وحنين كيطرب ..صالحة ..وحنا ماعندناش مغنيات عندهم بحال هاد نوع دالصوت ..ولكليان كيبغي يسمع شي حاجة رومانسية وحنينة ..ادن وجدي راسك غدا اتبداي وجدي تلاتة دلاغاني يكونو زوينين رومانسيين باش غدا اتبداي ديري تدريبات مع الفرقة الموسيقية..وداب
هزات راسها بواخة وتبعاتها هبطات معاها للكاب لتحت فالمصعد بقاو غاديين مع الكولوار..تا حلات واحد لبيت دخلو ..
طاهرة بقات كتشوف ..بيت زوين كبيير وفيه ناموسية فوق نموسية وحيوط مصبوغين بلغووز ورمادي ومعلقين تصاور مغنيات ومغنيين وعاد تلفازة بلازمة كبيرة معلقة فالحيط..لبنات غير شافهم وقفو
وتجمعو عليهم:ختي روبي على سلامة غبرتي علينا ليوم...شكون هدي كلشي كيسول على شكون هي طاهرة
روبي:هدي صوفيا لبنت جديدة لي اتخدم هناا..كمغنية..ش
شافت فالطاهرة:هنا مشيت..ومانبغيش ااصدااع
هزو راسهم كاملات باه وخرجات وشدات لباب ولبنات ضارو بطاهرة شدو ليها فيديها وجلسوها فوق النموسية:هنا اتبداي تنعسي لبنت
تانية:جيبيها حدااية شوفي اصوفيا هديك فيها لهضرة بزاف ما اتخليكش تنعسي اجي حدايا
بقات كل وحدة باغاها تجي حداها
طاهرة صدعوها ناضت:بغيت غير نرتاح عيانة
ناضت وحدة فيهم جابت ليها حوايج وفوطة:دخلي را لحمام دوشي وخرجي تنعسي..ختاري لبلاصة لي بغيتي
طاهرة:شكراا
خدات داكشي ودخلات دوشات بشوية على الجرحة وخرجات مشات لاقرب بلاصة وتلاحت نعسات فيها
وحدة من لبنات:انبقاو نعيطو ليك صووفي...صراحة نتي زوينة بزاف
البنات كلهم:ااه بصاااح
وبقاو كيضحكو بتاسمات ليهم ونعسات كانت عيانة بزاا
💔الجزء مائة واثنى عشر
💔 عند ليلى
كان جالس حداها ويديه فيديها كيتأمل فوجها وكيتسناها تفيق بفارغ الصبر ...شوية حس بيها بدات كتحرك يديها ووجها عليه علامة انها بدات كتفيق بقا حاضيها وهي كتستاعد تفيق وشوية بشوية حلات عويناتها اول حاجة شافت فالسقف باغة تستوعب هي فين ..عاد دورات وجها لجيتوو تصدمات حساب ليها غير كتحلم مامتيقاش راه حداها وشاد ليها فيديها زيرات ليه على يديه
وبداو ينزلو دموعها:عمااد جيتي
عماد بتاسم وهو كيبوس ليها يديها:جيت وعمري نولي نخليك
ليلى بلعات ريقها وهي كنفكر شنو واقع وقلبها بدا يضرب فل100 بجهد شافت فيه تفكرات كلشيي خيانتو ليها سمح فيها...تا وقفات عند ولدها...حطات يديها على كرشها وشافت فيه وهي خايفة وكتهضر بصوت كيرجف
ودموع فعنيها:عماا..د ولدي
غمض عنيه ماعارفش كي غا يقولها ليها بدات تخاف زادت زيرات ليه على يديه
وهي كتهضر بترجي:عماااد ولدي ماوقع ليه وااالو مزال فكرشي يااااك
ماجاوبهاش غير سااااكت ناضت جالسة
وهي كتبكي:جااااوبني
عماد:ختداص ترتااحي ماشي وقت هاد لهضرة
تنترات منو:لااا قووولي شنو واقع
عماد سكت شحال ورجع شاف فيها تنهد:كان مكتاب ليه يمشي من هاد الدنياا
قاطعااتو بصرخة زنزلات الصبيطاار غوتات من كل قلبها وهي كضرب فوجهااا:لاااااا
تخلع عليها ناض كيهدنهااا وهي كتنتر منو حيدات سيرووم تا سال الدم:بببعد منييي كنكرهك..بسباااا
كانت كتهصدضر وضرب ليه فصدرو وهو كيحاول يهدنهااا مالقا مايقووول مالقا مايدير من غير قلبو لي كيتقطع من لدااخل
ليلى كتفكر وتغوت وضرب فيه وهي كتبكي وتشهق:خرررج علياااا ..مابغيتش نشووفك
جاو الممرضات كيجريو دخلو شافت فيهم:عفااكم قوولو يمشي مابغيتش نشووووفو خرجوووه
عليا الممرضة:سمحلي اسيدي خاص تخرج راك شتي حالتها كيف دايرة
وقف وبعد عليها وهي مزال كتشوف فيه وكتبكي وكتقولو خرج عليا..كنكرهك..ه
ليلى بدات كترخا وعنيها على عماد كتقول ليه كنكرهك تا غفات وغمضات عنيها..رجعو علقو ليها سيروم وغطاوها وخرجو عماد بقا واقف حدا لباب مصدوووم ماتوقعش تكون ردة فعلها هكاا عرفها قلبها طاايب بزااف تنهد جلس فوق الكرسي اونفاص مع لباب دلغرفة ديالهااا مزال كلماتها كيترددوو فدماغو...كنكرهك
صبح صبااح بنهاار جديد
حلات عنيها على صوت لبنات كيضحكو ويهضرو غير شافوها حلات عنيها كلهم قالو ليها صباح لخير وهوما مبتاسمين ردات ليهم بصباح النور ناضت غسلات وجهااا وجلسات حداهم كيفطرو نقبات شوية وبداو كيتعارفو كل وحدة وشكا تقول على راسها ..هي قالت ليهم غي سمية وصافي..صوفي..وه
سمعات صوت واحد من الفرقة:ختي اجي باش نبداو التدريبات..اول حاجة شنو هوما لاغاني لي غتغني بقات كتفكر ...
ختارت تلاتة دلاغاني وبداو يتدربو عليهم ماكانت كتعرف كيفاش تعامل مع الموسيقى شوية بشوية علموها تابدات كتطلق
عند روبي كتهضر فالطليفون:اجي شرب معايا كاس ونيت باش نهضرو فهاد الموضوع ..بما انو الاجتماع غيدار هنا فلكازينو فاخاص ندويو فيه..ياك ازعيم
تنهد:صافي هاد الليلة ندوز
روبي:نخلييك دابة بسلامة
ناصر:بسلامة
وقطع وكمل لوراق لي فيديه
عند ليلى
حلات عنيها بالشوية هاد لمرة فاقت وهي عارفة اش كاين غير حلات عنيها بداو ينزلو دموعها ..عنيها طابو بلبكة..حطات يديها على كرشها وهي كتبكي...ندمات حيت كانت باغة طيحو..ومن بعد ولات باغة تبيعوو..حسات ان ربي كيعاقبها على سوء أفكارها..كانت باغة تفرط فكبدتها طرف منها ..زادت كرهات عمااد كتقول هو لي وصلها لهاد لموااصل هو لي خلاها تفكر بديك الطريقة...مسحات
بقات غادة مع لكولوار ..سمعات صوت بي بي صغير كيبكي علات راسها كانت واحد الام شاداه بين يديها واباينة عاد ولدات ودابة خارجة من سبيطار ...كان راجلها شادها من يديها وغاديين كيضحكو وكيسكتوو فل بي بي فرحانين...تكات على لحيط وهي كتبكي...كون ماوقعش هدشي كامل..كون تاهي من دابة تسع شهور هازة ولدها بين يديها وخارجة من سبيطار وعيماد شاد ليها فيديها وفرحانين..بقات كتبكي بحرقة على ولدها لي مشا...وحياتها لي ضاعت وختها لي دخلات بسبابها لحبس...حسات بلقهرة..رجليها فشلو عليها تاطاحت على ركابيها وهي كتبكي...
كان داخل لوببتال مشا لبيتها مالقاهاش بغى يحمااق خرج كيجري كيقلب فلكولوار..حتى كيشوفها طايحة فلارض وكتبكي..مشا كيجري لعندها
تحنا لعندها :ليييلى نتي لابااس مالك شنو واقع
شافت فيه بعينيها دامعين:كنكرهك سير بحاالك ..لي فيا كافيني
مسح ليها دموعها وقرب باس ليها راسها:سمحيلي
تنترات منوو:ماتقصنيييي
ماداهاش فيها هزها بين يديه وهي كتغوت ودخلها للغرفة حطها فوق النموسية وهي مزال كتقول كنكرررهك...
شاف فيها:كرهيني شحال ما بغيتي..ولكن كلشي غيدووز
وخرج من الغرفة وعيط للممرضة تمشي تشوفها
💔الجزء مائة وتلاتة عشر💔
دازو ساعاات كان برا لغرفة كيدوي مع طبيب
طبيب:صافي بامكانها تخرج غي خاص تاخد راحة ماتعصبش وما تعبش .خاص الاهتمام
عماد:واخة
دوز النمرة وهضر مع سيكرتيرة ديالو:دابة صيفطيلي لمستشفى....شي حوايج دلبنات....جهد 18 لعام...ماتعطليش
قطع وجلس كيتسنا خايف يدخل لعندها تعصب تاني بقا جالس حدا لباب...حتى كيجي شيفور فيديه ساشيات دلحوايج..خداهم وعطاهم للممرضة باش تدخلهم ليها وتلبسهم باش يمشيو دخلات الممرضة عندها عاوناتها باش تلبس
عماد مشى خلص الطبيب ورجع دخل عندها لقاها جالسة وعاطاه بالضهر كتشوف فالشرجم نزل عنيه لكرشها لقاها حاطة يديها عليها ..عرف انها صعيب تنسى داكشي لي وقع...قرب لعندها وهي ساهية ماحاساش بيه..جلس حداها وبقا يشوف فيها...وهي فعالام ااخوي..
حتى كتحس بيديه فوق يديها لي على كرشها:ماتفقصيش راسك
غير سمعات صوتو تنترات وشافت فيه:قولت ليك مابغيتش نشوووفك..واش ماكاتفهمش
تنهد بصوت عالي ماكيستحملش تدوي معاه بهاد الطريقة ماباغيهاش تكرهوو بغى يشد ليها فيديها
وهي تنوض :انا غنمشي بحالي ..كل واحد يعيش حياتو كيف بغى ...بعد مني
هو غير كيشوف فيها..هي ضارت باش تمشي يلاه حطات يديها على لبواني وعو يشدها ويلصقها فلحيط بالجهد:ليلى كوما وقعوليش شي مشاكيل عمري كنت نسمح فيك..انا..
قاطعااتو:ماكيهم
كتهضر وهي كتحاول تبعدو عليها وهو مزير عليها:ماعندك فين تمشي..دابة نتي معصبة وماعارفاش شكا ديري...راه تانا هذاك كان ولدي تانا بقى فيااا
هي بدات كتبكي وغوتات ليه فوجهووو:هوووو ولدي انااا بووووحدي ..وبوووحدي لي تكويييت من جيهتووو ...نت ماعندك تا علاقة بييه سمعتيني ..ماتبقاش تقول ولدي..ولدي انا بوحدي
وسكتات وهي كتبكي هو ماكيبغيهاش تبكي شد وجها بين يديه:صافي ماتبكيش..عمري نولي نخليك...دابة ربي يسهل ونجيبو واحد اخور
دفعااتو:لااا هدشي عمروو غيوقع..مستحيييي
أعماااد..مابقيت
وضارت باغة تمشي..هو مسح على راسو كلمة عمرك تولي تلقاني عصباااتو ..تبعها كيجري..هي كانت غادة بشوية على كرشها.وكتمسح فدموعها..حتى كتحس براسها مهزوزة فالسما
شافت فيه لقاتو هو بدات كضرب فيه:نزلنييييييي
كلشي كان كيتفرج فيهم وهو غي ساكت..يلاه ايخرج من علا لباب
وهو يجي سيكيرتي وقف ليه فوجهو:فين غدي بلبنت
ليلى كتبكي:مابغيتش نمشي معاااه
سيكيرتي:شنو كيجيك
ليلى:تاحاااجة..
هدشي كامل وعماد غي كيشوف
سكيريتي :رخي من لبنت سييبة فدنيا ...طلق لبنت ولا نفرشخ خويا هنايا قدام الناس
عماد اصلا معصب وزاد عصبوووو شاف فااشيفور جاي كيجري حط ليلى:خليها حداك ماترخيهاش
شيفور شدها من دراعها سيكيرتي مشا باغي يفكها من بين يدين الشيفور وهو يشدو عماد جرو من لكوول ديالو وعطاااه بووكس على وجهو..زعزع ليه الجمجمة.
.سيكيرتي حاول يتوقد هز يديه وغفل عماد وعطاه لوجه
ليلى كانت كتنتر باغة تفك من شيفور غير شافت سيكريتي ضرب عماد غوتاات:لااا وبقات كتبكي
عماد شاف ففمو الدم مسحو باطراف صبعانو وتلاح عليه كيضرب فيه طيحو لارض وبقا يضرب كيبرد جنونو تاجاو الناس كيفكوووو..ناض بكل برودة قاد حوايجو وشاف فيه شوفات زعمة عرف راسك معامن..وضار شاف فليلى بلا تاشي كلمة جرها من يديها وتم غادي بيها بالزربة
هي بقات كتبكي وكتنتر منو:مابغيتش نمشي معاااااك
هو زاد زير على يديها وجارها بالجهد تاغوتات بلحريق فكرشها:ااااي كرشي
وشدات فكرشها..شاف فيها وتنهد هزها بين يديه ومشا ركبها فطوموبيل وركب حداها وشيفور كسيراا نيشان لدار مدة قصيرة وكانو حدا الدار نزل وحل لباب لي من جيهتها
وهي باقي كتبكي تحنا لعندها:ليلى نزلي وخلينا نهضرو راكي ماعارفة والو
دورات وجها لجيهة لوخرا وهي كتشهق
عماد:ليلى
شافت فيه بعنيها الدامعين:كنكررر
تنهد ومسح على راسو:واخة..يلاه
ليلى:واش ماكتفهمش ..مابقيتش حاملاك خليني نمشي بحالي
عماد وقف وهو كيسوط ورجع تحنا لعندها جرها وهزها وهي كتغوت دخلها لدار وسط سراخها...تسمع فدار كاملة خرجات مو ومي فاطمة كيجريو يشوفو شنو واقع
حسنة:اويلي شنو واقع..شكون هدي
عماد طالع فدروج مادايهاش فيهم
وحسنة تابعاه:عمااد هضر شكون هادي ومالك معاها
ليلى كضرب فيه وتغوت تا وصل لبيتو حل لباب ودخل وشدها برجليه رجع سدو بساروت ضار لقاها واقفة وكتغوت وتبكي دايرة حاالة وفضيحة ولي زاد عصبوو كضرب فوجها وتنتف فشعرها
بلا مايحس مشا وشدها من دراعها وزير وهو كيفوووت:واااش باغة تحمقيني مالك على هاد الشووهة كلها ماخليتينش نشرح ليك..ماخليتنيش نقولك شنو وقع..مالك اناانية..حسي بيا تا انا شوية..خلينا نجلسو ونهضرو بشوية...لااش كضربي فراااسك.واش تسطيييتي...عاار
كانت ساكتة وكتشوف فيه
غمضات عنيها
وهي كتبكي:قلتي مكبرة الموضووع ياك
رجعات حلات عنيها وتنترات منوو:قلتييي مكبرة المووضوووع نت ماعاارف واالو ماشتييش شنو داز عليا من موراااااك...
وتكات على لحيط وهي كتبكي بقات ساحة تا جلسات فلارض
وهي كتبكي:واش عرفتي شنووو وقع ..واش عرفتي شحال تعدبت
تحنا لعندها وجلس على ركابيه اونفاص معاها وهو كيشوف فيها باغيها تهضر وتخوي قلبها بقى غير كيسمع
ليلى وهي كتبكي وتشهق:محجوووب ضربني وقطع ليا حوايجي وبغة يغتاصبني..تا جات ختي طااهرة وقتلااتو ..ضيعات حياتها على قبلييي..ماحضرتي
بقات كتبكي علات راسها وشافت فيه بقات كضربو على صدرو وهي كتشوف فعنيه:نعست وسط سعايا وشماكرية فزنقة ... من بعد مالقيت فين نمشي من غير حنان لي بغاتني نقصر مع السااعودي..
هو كان كيشوف فيه تأتر من هضرتها ماحسابليهش هادشي كلووو بقات كضرب فيه
وهي كتبكي:ختي جرات عليا بسبابك من لحبس فاش عرفاتني حاملة منك..مابغاتش تولي تشووفني عندها لحق حيت ماسمعتش لهضرتها فاش كانت كتنبهنيي..انا لي خرجت ليها على حيااتهاااا...او
هو مافاهمش شكا تقول هو عمرو خانهااا..بقا كيفكر معامن كان كيضحك عاد تفكر ختووو
مسح ليها على وجها وهي كتنتر منو:هدييك..
قاطعاتو وهي كضرب فييه:خليييني نههضر بااش ماتبقاش تقولي مكبرة لموضوووووووع..س
وهي كتبكي شافت فييييه وقربات لعندو وشدات وجهو بين يديها وحطات راسها على راااسو:قوولي واش مكبرة المووضوووع ...واش زدت فييييه..حرام عليك..علاش مشيتي وخليتيني..علاش قطعتي عليا فاش بغيت نعاود ليك شنو واقع
هو باسها من جبهتها نزلو دموعو بلا مايحس:سمحيييلي
قطعاتو وهي كتغوت:عطيني غاااا بتييسااااع خليني نمشي بحاالي..
هز راسو بلا وعنقها:ماغانخلي
دفنات راسها وسط صدرو وهي كتبكي
عماد:ليلى راكي فاهمة غلاط
علات راسها وشافت فيه:مابغيت نسمع والو خرج وخليني بوووحدي
باسها فجبهتها ونااض يخليها على راحتها حتى تبرد ويهضر معاها خرج وشد لباب وعي ناضت تلاحت فوق النموسية وهي كتبكي
💔الجزء مائة واربعة عشر💔 خرج وهز يشوف مو واقفة كتسنا غير شافتو مشات عندوو:شكوون هديك ماكان فيه لي يدوي:الواليدة هاهي فلبيت ماتحلوهش عليها كاع..تاشي حد ما يدخل عندها من غير مي فاطمة تطلع ليها شي حاجة تاكلها... وداز من قدامها وخرج خلاها حالة فمها مافاهمة والو داز الوقت شي ساعااات تقريبا بدا يضلام لحال عند الطاهرة كانت واقفة وكتشوف راسها فلمراية لبسوها وقادو ليها شعرها ..تنهدات كارهة راسها ماحاملاش هدشي لي غدير...كيفاش غتقدر توقف وتغني قدام رجال وهوما كيشوفو فيها تنهدات ملي سمعات صوت كيدوي معاها:بسم الله ماشاء الله عليك العفريييتة ...دياماندااااا
خدات كاس دلما وهبطات عليه كانت كترجف هند:أول مرة كيكوون ستريس من بعد اتولفي...يلاه لبنات نوضو تشوفو خدمتكم وحدة من لبناات:انا واجدة ناقصيني غا لفانيد هند حلات لمجر ومداتو ليها:هاهو سيري.وتهلاي راه كليان موهيم لبنت وهي كتعوج:كوني هانية وخرجات هند:ونتي الالة شنو عندك شافت فيها:عندي جلسة خاصة مع سواعدة غنشطح فيها هند:وانوضي..شكا
💔الجزء خمسة عشر💔 عند.عماااد سكر حتى سكر ونزل من طوموبيل وفيديه لقرعة زدحها مع لارض تا تهرسات وهوو معصب ماباغيش يخسرها..خايف تولي تكرهو ديال بصاااح..مايقدرش
الجزء السادس عشر💔 ناصر:زواج ايكون غير على لوراق عتابرها بحال ختك معاك فدار امين تنهد:داكشي لي غيكون ناصر:شنو بان ليك نمشيو غدا نصهرو فلكازينو دروبي ترتاح تانت شوية أمين:ويااه شحال ماتجمعنا صافي واخة نهضرو مع عماد نتصر جلس:داكشي وكملو هضرتهم عند ليلى كانت جلسة فوق النموسية حتى كتشوف لباب تحلات تصدمات وهي كتشوفها داخلة نفس لبنت ديال داك نهار سارة بتاسمات ليها:سلام ليلى وقفات:مصيفطك لياا ياك..باش نزيد نتأكد سارة:اجي نجلسو ونهضرو ليلى:ماعندي فاش نهضر معااااك غنمشي بحالي. تمات غادة لجيهة دلباب وهي تسمعها كتهضر:انا خت عماااد وقفات شحال ورجعات ضارت لجيهتها:كيفاش سارة:اه ختو نتي فهمتي غلااط وقربات وشداتها من يديها اجي نشرح ليك جلسو فوق الفطوي وبدات تعاود ليها كلشي حتى على لموت دجداهم سارة:هو راه مايمكنش يسمح فيك غير ضروف وصافي ليلى بقات كتبكي:ولكن علاش ماعلمنيش مايخلينيش هكاك سارة:راكي عارفة شحال كانت عندو عزيزة هي راه كتر من موو..تلهاا معاها ليلى بقات ساكتة وكتبكي سارة جراتها لعندها وعنقاتها:صافي ماتبكيش..براكة من لبكا..كون تشوفي حالتو تاهو ..مسكين خايف تكرهيه بصاح..هو كيبغيك ليلى غير كتسمع ليها وساكتة سارة ناضت:يلاه نخليك ترتاحي..امم مزال نتشاوفو ونجلسو ونهضرو ياك ليلى هزات راسها باه سارة بتاسمات ليها وخرجات ليلى بقات جالسة وكتفكر فلهضرة دسارة حتى كتحس بباب تحلات شافتو داخل شاف فيها وشد لباب ومشا جلس حداها هز يديها وباسها وهي غير كتشوف:كنبغيك بداو ينزلو دموعها وجرات يديها عندها وغطات بيهم وجها عماد:راه شرحات ليك دكلشي سارة لاش مزالة كتبكي..ياك قلت ليك ندمت ماكاتجاوبوش غير كتبكي ناض :المهيم هنا مشيت تاترتاحي ونهضرو تم خارج وهو يسمع صوتها:عمااد ضار لعندها ناضت كتجري لعندو وعنقاتو وهي كتبكي..عنقها تاهو تاهزها وغطس راسو وسط كيمسح على شعرها عنقها :ششش هنا معاك ليلى وسط شهقاتها:عمرك تولي تمشي وتخليني بتاسم:كنواعدك عمري نخليك ..غير
💔الجزء مائة السابع عشر💔 بقا شحال معنقة هز راسها بين يديه ومسح ليها دموعها:غير ماتبكيش صافي هزات راسها باه عماد هزها بين يديه وحطها فوق النموسية وتكا على يديه جنب وهي قدامو كتشوف فيه حط صبعو على وجها وبدا كيحركهم بشوية:كون تعرفي شحال توحشتك هي غي ساكتة وكتشوف فيه وكتأمل فوجهو.مدات يديها حطاتها على وجهو بتاسم وباس كف يديها ونزل عندها شوية وهو مزال على جنبو..ويديه كتلعب فوجها نسا راسو وسها فعنيها بكترة الشوق لي كيحسو من جيهتها بدا كيقرب وعنيه على شفايفها..وهي غير كتشوف فيه حط شفايفو على شفايفها وهي غمضات عنيها ودفعاتو:مانقدرش
💔الجزء مائة والتامن عشر💟 عصبها بتاسمات ليه بتسامة صفرة وشافت فلفرقة وعطاتهم لاغنية لاتغني وبداو فاللحن هي هزات المكرافون ..وبدات كتغني وكتشوف فالساعودي كيطبل بيديه فرحان ..شوية ناض وبدا يلوح عليها لفلووس..وبدا يقرب منها وهي كترجع للور حتى شد يديها وباسها خنزرات فيه وهو فهم راسو رجع لبلاصتو ..كملات لغناا يلاه اتمشي وهو يوقفها صوتو:يا حلووه..قربي قريي..أبيك فكلام قربات:نعام الساعودي:أيش رأيك أتزوجك مسيار ..واطلعك من هالمكان..وتعيشي
💔الجزء مائة والتاسع عشر💔 هند:هو غي صعيب وسكتي..راه بمجرد يشوف فيك لما يوقف ليك فركاابي..سوليني
💔الجزء مائة وعشرون💔 جا نهاار جديد على ابطالنا غيتبدلو فيه بزاف دلحوايج كان فلمكتب ديالو حتى كيدخل عندو واحد من الرجال ديالو ناصر :شنو راجل :سيدي لمعلومات لي طلبتي على الانسة طاهرة علامي ناصر حط داكشي لي فيديه وخدا من هندو لميلف وبدا كيقرا داكشي لي فيه وفنفس الوقت الراجل كيهضر:ودابة لبوليس كيقلبو عليها كيقولو هربات..اولا تخطفات من طرف شي عصابة ناصر تنهد داكشي لي فبالو بدا كيتوضح الراجل:ماكانتش غي هي كاينين تاشي جوج بنات..اخرين وحدا سميتها صوفيا وتانية ماجدة ناصر سها كيفكر زعمة يقدر يكون غالط وماشي هي...زادت الرغبة ديالو باش هاد نهار يمشي يتأكد..واخة فلاعماق ديالو مأكد بأنها هي دار اشارة للراجل باش يخرج..رجع بلكرسي اللور..وهو كيفكر....لاش باغي يعرف واش هي ولا لا..لاش كيهمو امرها تا لهاد الدراجة..واش حين سميتها بحال سمية دمو..وباغي يفش غليلو فيها..ولا اعجاب. ...ولا .ولا ..ولا.....تفكر لهضرة دأمين أمين كان سكران:أنا درت لغلاط معاها..وعمرها اتسمح لياا..وعاد لاعرفاتني مزوج ..غتكرهني ناصر كيشوف فيه:وشغا دير أمين:غادي نحاول ننساها..وصافي..
💔الجزء مائة و اثنان وعشرون💔 مسحات ليها وجها.وجلسو حداها هند هزات فوطة وبدات تنشف ليها فشعرها وطاهرة ساكتة وكتشوف لبعيد هند:شنو دار ليك طاهرة ببرودة:عرفني شكون وسبني ردني بحال شي مسخة وناضت هزات بيجامة ودخلات لحمام لبساتها وخرجات تحشات فبلاصتها وغمضات عنيها ودغية نعسات نفسيتها عيانة بزاف سوسو:مسكينة قطعات لي فقلبي هند:وياه علم الله شنو قال لها.لادارها فدماغو مايفكها منو غير لموت سوسو:على زهر عندها الزغبية هند:اجي اجي كملي لي نمشي لكليان كيتسنا سوسو:هههه كوراه شبع تكفات هند:ههه وياه..عتقي..لمع
💔الجزء مائة وتلاتة وعشرون💔 عند أمين نزل من بعد ماقاد راسو ولبس سوميج رمادي مغلوق مايل لكحل بينات بنيتو وعضلاتو مع سروال كحل ..جا زوين ونزل وهو كيقاد فساعة لي فيديه وهو كيسمعهم كيهضرو علا عنيه لقاهم كيقادو لبلاصة فصالة لي غيتصورو فيها ويديرو لقاء الصحافي قلب عليها بعنيه وهو يشوفها واقفة وشي وحدة كتقاد ليها فلماكياج كانت عاطياه بالضهر طلعها وهبطها كانت لابسة كسوة كحلة تحت الركبة لاسقة على جسمها بلكمام ومن الصدر مشبكة ومجموعة ب بابيوون على عنقها سلات ليها وضارت وهي تشوفو قدامها نزلات عنيها لارض وهي حشمانة وكتلعب فصبعانهاحشمات وهو يقلب الدورة هضر مع الصحافي باش يبداو ويسالي هادشي قادو ليهم بلاصة صحافي: جالس نت و لمدام هنا جلس وهي جات جلسات حداه وهي حشمانة .. الصحافي:ناخدو ليكم صور نت وياها بعدة..عفاك واخة تشد فيها وتبين لخاتم لي فيديها ولختام ديالك خشا يديه فجيابو وجبد لخاتم دارو فصبعو شاف فيديها كانت جامعاهم عندها وكتشوف فلارض زعم ومد يديه جر يديها عندو وشد فيهم صحافي:مزيان زيدو قربو من بعضكم ونت دور ليد لوخرا على ضهرها وشوفو فلكاميرا وبتاسمو دور يديه على ضهرها حتى كيحس برجفتها شاف فيها:بتاسمي للكاميرا علات راسها بصعوبة وشافت فلكاميرا بالسيف باش بتاسمات مامرتاحاش للوضع خداو ليهم تصاور من بعد جلس الاب والام ديال امين حداهم نفس شي خداو التصاور عاد دازو للقاء..بداو يطرحو عليهم اسئلة وهوما كيجاوبو تا سلاو ومشاو بحالهم جنات ناضت:سمحولي نطلع لبيتي مشات كطير بحاليلا كانو حابسينها أمين:صافي رتاحيتي لطفي:باقي لعرس أمين تنهد وناض وطلع لبيتو بلا تاشي كلمة
💔الجزء مائة واربعة وعشرون💔 نمشيو عند الطاهرة كانت سوسو كتقاد ليها شعرها:صافي احبيبة راكي واجدة طاهرة ناضت وتقابلات مع لمراية كتشوف راسها وخرجات مشات نيشان للخشبة طلعات وبدات كتغني روبي كانت جالسة بعيد عارفة لاساق ناصر لخبار غيحيح عليها .ولكن راه لخدمة هدي وكليان كيسول عليها ونص فيهم جاي على قبلها ..ولكن ماعارفاش لعاصفة لي داخلة دابة للكاباري لاح سوارت للحاريس ودخل ماحدو كيقرب للقاعة لكبيرة دلكباري وهو كيزيد يسمع صوتها بلع ريقو بلاعصاب وقف بعيد وهو كيشوفها واقفة وكتغني شاف فالحضور رجال كيصفقو ويصفرو وغياكلوها بعنيهم شاف فيها وفلباسها..كسوة قصيرة حد لفخاد وبلا كمام وصدرها شوية ويخرج على برة..وشعرها مطلوق على راحتو .وكتغني وكتميل مع لاغنية..عايشة معاها..مستمتعة بلالحان..ولا كيغلي من لدااخل شاف فروبي جالسة وكتفرج بحاليلا مانبهاش باش ماتوليش تغني دخل ومشا نيشان عند روبي ضرب يديه فوق الطبلة بالجهد حتى ناضت طافجة شاف فيها بعنيه لي ولاو حومر ومخنزر:شنووو قلت روبي ناضت واقفة تلفات:راه لكليان كيسول. قاطعها:زطمتي على هضرتي على حسااب زواااامل روبي :لا.. ناصر ضار ومشا طاير طلع فوق الخشابة جرها من يديها ونزلها وهي كتنتر وتغوت وكلشي كيتفرج لحراس ماقدوش يفكوها حيت عارفين هو شكون رجعو لور وهوما براسهم خايفين .روبي غي واقفة وكتشوف كان مزير على يديها وهي كتحالو تفك منوو..داز من وسط ناس وتم غادي بيها كيجرجرها تا دخلها لداك لجلسة لخاصة..شد لباب برجليه وجرها لعندو تا تضربات فصدرو هاد لمرة كانت كتشوف فعنيه وما نزلاتهمش باغة تفهم مالو معاها ولاش داير هادشي كلو معاها ناصر قرب تا لوجها تا تخالطات انفاسهم :ياك قلت ليك شحال هذا انكي رخيسة جمعات قوتها كلها ودفعاتو ولكن ماقدراتش تبعد يديه من يديها وبدات كتغوت وهي كضرب ليه فصدرو ولكن ضرباتها ماحركو فيه والو بحاليلا كضرب شي حيط:بعد مني..شنو بيني وبينك..مالك غي تابعني.عطيني بالتيسااع..اه اسيدي انا موسخة.وماكانسوا
💔الجزء مائة وخمسة وعشرون💔 كان كيهضر بطريقة قاسحها خافت على عنيها منوو..خافت ينوض ويعميهم ليها..حنات راسها وهي كتحس بيه مزال كيشوف فيها.شافت لكسوة زادت طلعات على فهخادها بدات كتحاول تهبط فيها..وتحاول طلعها على صدرها قربات شعرها ونزلاتو على صدرها باش تستر شوية..طلعات معاها سخونية عارفاه دابة شكا يقول فدماغو سمعات صوتو:لاش كتغطي..زعمة كتحشمي بغات تشوف فيه وهي تفكر هضرتو بقات جالسة على اعصابها وريحة السيجار خنقاتها دازت تقريبا ربع ساعة عيات بلجلاس ..علات راسها بشوية وهي تلقاه نعس ..تفاجأت..نعس وخلاها جالسة..بقات كتقول واش تمشي وتخليه..خافت ينوض ويتبعها يفرشخها..قررات تفيقو وتسولو ناضت بشوية:احم ناصر وهي تفكر فاش داك لمرة قالها سي ناصر الزعيم:سي ناصر مافاقش ..قربات بشوية :سي نااصر او واالو زادت قربات تا ولات فوقو حطات يديها على كتافو وهي كترجف وزعزعاتو:سي..نا
💔الجزء مائة و وستة وعشرون💔 يوم جدييييد😆 من بعد متجمعات ليه حوايجو بيديها حسات بقبلة دافية على عنقها ضارت لجيهتو هي كتشوف فعنيه:غنتوحشك بتاسم:أنا كتر..نتي لي مابغيتيش تمشي معايا ليلى:راك عارف عماد:ماشي مشكل الالة غير ملي نجي راه ماغنتفاكش معاك وجدي راسك😉 ليلى بتاسمات:وايلا مابغيتش ماتلا عماد وهو كيبعد خصلة من شعرها على وجها:انغتاصبك داك الساع ليلى:وديرها عماد:على حساب..حيت راه موحشك..ومزال مانسيت داك ليلة😉 ليلى:بالك مع الله عماد:مع الله ومعاك تانتي وطبع بوسة فجبهتها:خاص نمشي ليلى:دابة هاد الزعيم حتى ترشق ليه عاد ايخليني نشوف ختي عماد:هي راه هاربة من لحبس اساطا خاص تهدن لامور.وداك ساع سيري شوفيها ليلى:ماعندها لا طليفون لا والو عماد:تايكون عندك بعدة نتي ليلى:هههه وياه رخا منها وحل لمجر وجاب فيديه واحد لبواطة:هاهو ليلى خداتو وحلاتو دغياااا:أيفووون
💔الجزء مائة وسبعة وعشرون💔 ليلى:عماد مستحيل يبدلني حيت كيبغيني وكنبغيه..ومن طريقة هضرتو فهمت انهو ماكتهموش هضرتك.واصلا ماترباش معاك ..ماحسش بلامومة ديالك..عاد بغيتيه يدير بهضرتك لا.غير خليك عايشة فحلامك وناضت باش تمشي وهي توقفها:وايلا قلت ليك ايجيب عليك وحدا خرا وقدام عنيك ليلى شافت فيها:مستحيل حسنة :ها حنا غنشوفو ليلى كملات طريقها وطلعات لبيت وهي معصبة هضرتها خلعاتها ولكن ماغتديش تستسلم هي مأكدة ان عماد كيبغيها..ومايمك
💔الجزء مائة وتمانية وعشرون💔 عند طاهرة كانت قنطانة بلجلاس موالفة غهاد الوقت كتكون كدير تدريبات مع لفرقة الموسيقية شافت فالساعة 6لارب تنهدات حتى لبنات ماكاينشنش ناضت دوشات باش تفاجة شوية..حلات لماريو دلبنات لخاص لكساوي دلخدمة بقات كتقلب بيديها حتى كطيح فكسوة كحلة سامبل بلكمام وطويلة لاسقة على لجسم وفجناب فتحة طويلة حتى لجيهة دلفخااد عجباتها جبداتها ولبساتها طلقات شعرها ونشفاتو بسوشوار وخلاتو مطلوق على راحتو..جلسات اونفاص حدى لمراية خدات لماسكارا طلعات شفارها مزيان وهزات عكار حمر قداتو فشفايفها ماعجبهاش بزاف هزات كلينيكس ونقسات منو خلاتو بارد ...بتاسمات كانت باغة غير دوز لوقت ناضت شافت واحد صندالة عالية لبساتها وبقات كدور فبلاصتها غادة جاية شافت فساعة 7 لوقت كيطير حتى كدخل عندها سوسو:بسم الله ماشاء الله قمر قمر ونبي قمر طاهرة كضحك:هههه حلفي ياشيخة سوسو وهي كتلوي لمسكة ففمها وتعوج فمشيتها:يااامة رحميني نار ناار طاهرة:ههههه ششش سوسو:ياك ما زعيم طالبك تغني ليه على انفراد😉 طاهرة:دكرنا الله ونبي رسول الله..اش جابو لهضرة سوسو:تي غا وجدي راسك مهما دارك فبالو اتبقاي تشوفيه بزاف..ما غيتهنا حتى😉 طاهرة:كيفاش سوسو:حتى يطرطق لبوشونة ههه كيعجبوه لبنات لي مزال مشدودين والله لا زكلك طاهرة:ايوا لا لحق ودنيه يعضها..انا يلالة متقووبة يجي يحيدها لي من فمي سوسو شهقات:اويلي واش بصااح العفريت طاهرة:لا ولكن هو خاص يفهم هكاا😉 سوسو:ااه بغيتي ديري ليه داخ دوخ ههه طاهرة:اااه...كي
الجزء مائة وتسعة وعشرون💔 الروسي كيهضر معاه:سي الزعيم..مزال شي حاجة ولا صافي ناصر عنيه ايخرجو من باصتهم بلاعصاب وداك لكاس هرسو بين يديه بقوة لي كان ضاغط عليه روسيين خافو:ياك لاباس ناصر شاف فيهم:لاجتماع سالا لي عندو شي شغال ينوض يقضيه مازادوش معاه لهضرة ناضو كيطيرو هو ناض نيشان غادي لعندها ولكرسي لي جا قدامو كيضربو برجليه حتى كيطيح فلارض تا وصل لعندها كانت عاطياه بالضهر شدها من شعرها ولواه علا يديه وهي بدات كتغوت..هز رجليه وخشاها فهاداك لي كان كيرمي عليها لفلوس وقلب الطبلة لي كانت حداه وتم غادي وهو جارها من شعرها وهو ماكيقشعش ستنتن خخ..تا غواتها ماكيسمعوش..دخله
الجزء مائة وتلاتوون💔 حلات لباب ودخلات لقاتو زاقف وخاشي يديه فجيابو شافت فيه بكل برودة حرك يديه بمعنى قربي..قربات تا وقفات اونفاص معاه وحدرات عنيها لتحت..حتة كتحس بيه كيعلي راسها بطراف صبعانو جات عنيها اونفاص مع عنيه نطقات بصوت بحاح بلبكا:قلتي نبدا نحدر عيني ناصر بكل برودة :فوقاش مابغتك تشوفي فيا أتشوفي وفوقاش ما قلت ليك حدري عنيك حدريها طاهرة بنفس لبرود:شنو بان ليك تقتلني حسن ناصر وهو كيهز راسو بلا وغارق فعويناتها رماديين:نتي ماشي ديال لموت.خاص تبقاي حية طاهرة:باش دير فيا مابغيتي ناصر:هانتي فهمتي😉 ومد يديها وفك ليها شعرها تا تطلق كلوو على ضهرها وهبط على وجها :ماتبقايش تجمعي شعرك وبعد شعرها على وجها ورجعو اللور طاهرة:على قبلك انقطعو شدها من شعرها وزير:جربي وغتشوفي ورجع رخف عليها وخشا صبعانو لداخل فشعرها:ديري عقلك طاهرة:دابة لا عرف أمين هدشي لي كدير..شنو غيوقع بتاسم بسخرية وهز كاي ومدو ليها:عمريه واجي نقولك شغا يدير مشات عمرااتو بلويسكي مع تلج ورجعات وقفات حداه ومداتولو ناصر خداع وشرب منو جغمة وشاف فيها:كتسولي على أمين شغا يدر طاهرة علات حاجبها:اه نت راك صاحبو زعمة..وجايب لبنت لي كيبغي وكتعدب فيها وتبوس فيها هادي خيانة ليه ناصر علا حاجبو:قلتي لبنت لي كيبغي هزات راسها باه ناصر:غالطة او غاالطة بزاف اطاهرة جبد طليفونو بقا كيقلب فيه من بعد قربو لوجها:شوفي بقات كتشوف شداتها دوخة..كتشوفو شاد فيديها ولخواتم فيديهم ومبتاسمين بجوج فرحانين..وقرات بخط عريض..رجل الاعمال أمين الراشدي يعلن زواجه واخيرا..قريبا سيقيم حفل الزفافه كتقرا دوك لكلمات وكتحس بلخناجر فقلبها كيقطعو فيها بعد طليفون وخشاه فجيبو وشاف فيها وهو كيكب لويسكي فلارض :نتي داابة بااااااح فحياتو...لدرجة طلب مني باش مانبقاوش نجبدو سميتك قدامو..باغي يعيش حياتو مع مراتو..نتي كنتي غير وسيلة كيتسلا بيها سلا وقتك..حيت نتي ماشي ديال زواج مستحيل يبغيك..قلب على وحدة نقية قالها وهو كيبرك غلى نقية وكمل هضرتو:ماشي وحدة مسخة😉.فهمتي دابة نتي شكا تسواي..ماكتسواي