💘الجزء سادس عشر💘
#لبنات تصويرة لي لفوق دليلى ماشي طاهرة غير تخربقت😆
عماد طلع لفوق نيشان المكتب حل الباب ودخل:ها واحد السلام عليكم مجمعين بلا بيا
سلم عليهم وجلس من بعد ماهز كاسه:حاسبين حسابي
احمد:شحال فعمرك اسي عماد
عماد غمض عين وحل عين كيحسب:نقولك 20 نقولك 26 ماعرفتش بالضبط هههه
احمد:هههه كنضن 20 حيت موحال واحد بحالك فعمره 26
عماد:سي احمد بدينا تاني
شاف فلارا:يخلي لي باربي شهاد زين
لارا بتاسمات كيعجبها لحال ملي كيمدحو جمالها:شكرا بي بي
عماد شاف فناصر لي داير رجل على رجل وكيكمي:الزعيم لا ماعيطتش انا ماتعيطش نت
ناصر ماجاوبوش مافيه لي يهضر
امين:خاص نهبطو كلشي جا
ناصر وقف هو اللول :يلاه باش نساليو هادشي دغيا
لارا وقفات ودخلات يديها فدراعه:يلاه احياتي
عماد وقف:لابس الكلاس وتاشي حد ماعبرني وقالي بصحة
امين:هههه بوقوس
لارا:ديما بوقوس اصلا
عماد كيقاد التشاوك:اودي لي زين زين يلاه زيدو نهبطو نشوفو واش كاين شي تي تيز
احمد كيضربو على كتافو غير بشوية:فوقاش دير عقلك
عماد:الله يسامحك
خرجو وهبطو لتحت كلشي جا وكيتسناوهم كانو حتى المجلات جاو خصيصا باش يكتبو مقال على الحفل الخطوبة
كلشي كان كيشوف فيهم وشي جبد طليفونو وبدا يصور
لارا بتسامة عريضة على وجهها اطير بالفرحة ناصر مامسوقش كيفكر غير فوقاش يساليو ويمشي بحاله اصلا ماكانش باغي هاد الحفلة والتخربيق ولكن احمد كان باغي يعلن الخطوبة ديالهم ويعرف كلشي بيها
وقفو واحد الشوية يديرو ليقاء مع المجلات طرحو عليهم بزاف دالاسئلة معضمهم جاوبت عليهم لارا وباها سلاو اللقاء ومشاو لطابلة الخاصة بيهم وكل شوية كيجي شي حد يبارك ليهم
نمشيو عند ليلى
ليلى ملي دخلو وهي دايخة وحلا فمها فيهم فالواقع حسن من الجرائد كتشوف الناس فين واصلين وهي فين فلحضة تمنات تكون فبلاصة لارا وتكون هي خطيبة ناصر الزعيم وباها هو احمد ودايرين بيها امين وعماد وتكون عايشة فنفس الرفهية والغنا ولي طلباتها تحضر حطات يديها على الطبلة وكلات وجها بين يديها وهي كتشوف فيهم وكتخايل راسها هي لي تماك وهي لي شادة فناصر لي ماعلا بالوش بالعلام شافت فالحضور كلهم اياكلهم بعنيهم وتاهي منهم تنهدات وهي كتخضر عويناتها
نمشيو عند امين كان كيقلب عليها بعنيه خاصها تكون هنا حيت هي لي مشرفة على الحفل شاف فالبارمان مشى عنده:احم الانسة طاهرة فين هي
توفيق:سي امين واقلة لداخل كتشوف شنو ناقص لا بغيتي نمشي نشوفها ليك
امين:لا بلاش
رجع لبلاصته كيهضر معاهم وكل شوية كيشوف واش جات
شوية كتوقف عليه وحدة كيعرفها مزيان شحال من ليلة دوزها معاها بتاسم ليها:مروى
مروى قربات وباسته من وجهو وهمسات ليه حدا ودنيه:توحشتك
شاف فيها وهو مبتاسم:راكي فبالي
حطات يديها على صدرو:غبرتي عليا
امين:الخدمة وصافي
مروى وهي كتغمزو:ولكن ضاروري نديرو جليسة نشطو شوية
امين:ضاروري
عماد ضار لجيهتهم:مروى نتي هنا
خنزرات ماكتحملوش ديما كيقمعها:اه
عماد:ومالنا على تغوبيش خاصك تبقاي مبتاسمة يلاه كتباني زوينة ههههه ناري تغوبشة ماكتجيش معاك غير حيديها
مروى بقات غير ساكتة ومخنزرة
عماد:هههه مايبقاش فيك الحال ماشي مشكيل لاكنتي مازويناش بزاف
مروة شافت فامين بمعنة قولو يسكت
أمين:عماد سير جيب شي كاس
عماد:قولها تجيبو ليك هي شكا دير
امين شدها من يديها وداها معاه:ماتديش عليه
شدات فدراعه وهوما كيتمشاو حتى وقفو حدا البارمان خداو كاس كاس وبقاو واقفين حداه متكيين على الكنطوار وكيشوفو فالبحر لي كيلمع وريح خفيف بارد كانوالجو زوين بزاف
عندالزعيم كان خاشي يديه فجيبه واقف وكي لعادة سيكار فيديه لارا كتشوف فيه بكل حب تشوفها من لبعيد تعرفها كتبغيه ملي تلاقاو والابتسامة على وجها هي ماشي غير كتبغيه هي كتحماق عليه شاف فيها لقاها مبتاسمة ليه مابغاهاش تبغيه حيت هو ماسح شي حاجة من حياته سميتها الحب اصلا عندو قاعدة فحياته الجنس اللطيف فقط للتسلية ماشي للحب ماشي بنت وماشي جوج لي دازو فحياتو بلا حساب لدرجة انه كيتلاقاهم ماكيعقلش عليهم
شحال من وحدة ماتحكماتش فقلبها وكان المصير ديالها انها تبغيه وطيح على زنافرها ولكن للاسف ختارت الشخص الغلط لي مستحيل يبادلها بنفس الاحساس حيت هو بكل بساطة كيعتبرها وسيلة لتلبية رغباتو لا اكتر
تقدرو تقولو أن ناصر الزعيم حاقد على الجنس اللطيف مع الاحدات انعرفو بزاف دلحوايج
نمشيو عند طاهرة يلاه كانت جاية من ديبو وهي تلاقة سعاد (مديرة لوطيل:اجي نتي فين غادا
طاهرة:غادة نشوف شنو ناقص فالحفلة
سعاد كطلع وتهبط فيها:وبهاد الحالة
طاهرة كتشوف فحوايجها لي ولاو كلهم غبرة وحالتهم حالة وشعرها لي شد ردار لفوق وعاد عراقت بلمشي ولمجي :وي وشغا ندير هدشي لي كاين
سعاد:تحركي لغرفة الموضفين راه تماك حوايج خاصين بالحفل لبسيهم ودوشي حيدي عليا هاد الحالة لكوافورة اتجي تقاد ليك بغيتي تشوهي بلوطيل يقولو المشرفة مبهدلة وهوما كيتسناو ادنى خطأ ويهدرو علينا
طاهرة غير كتشوف فيها حيت اصلا عندها الحق هي كتعتابر وجه الحفل حيت هي المشرفة عليه وخاصها تكون فكامل اناقتها :واخة
💘الجزء سابع عشر💘
دخلات لغرفة الموضفين وبالضبط لحمام الانات دوشات وخرجات حلات الخزانة لخاصة بيها لي كاينة تماك بالساروت ديالها كل موضف فلوطيل عنده هاد الخزانة طبعا ماشي الوضافين لعاديين المهيم جبدات لملابس داخلية لي دايرة تماك احتياط لبساتهم وحلات واحد البلاستيكة كانت محطوطة تماك لقات فيها كسوة كحلة سامبل توبها واقف كلاس هزاتها بين يديها وهي كتشوفها كيف دايرة عجباتها ماكانتش طويلة بزاف تحت الركبة وبلكمام وكتجي لاصقة على الجسم بطريقة زوينة وفيها واحد الفتحة فجنب ديال الكرش عجباتها وبلاستيكة وحدة اخرا فيها صندالة طالون جاية طالعة شوية على الرجل(صورة لتحت😊)
المهيم حطات داكشي ملي شافت لكوافورة جات
طاهرة:عفاك قديلي غا شعري وجهي انا نتكلف بيه
الكوافورة:واخة على خاطرك
جلسات ولكوافورة بدات تقاد ليها شعرها دارتو ليها بوكلي خفيف جاها زوين مع شعرها كحل مغلوق كيلمع
الكوافورة:هانتي
طاهرة وقفات حدا المراية وهي كتشوف فشعرها:زوين شكرا
الكوافورة كطلع وتعبط فيها مع كانت غي بدو بياس فورمتها كتبان منحوتة
الكوافورة:غزالة
طاهرة:ربي يخليك المهيم انا غنقاد وجهي راسي غتصبري شوية ناخد مكياج من عندك
الكوافورة جلسات:ماشي مشكيل
طاهرة هزات لي غتحتاج ودخلات لحمام وبدات تقاد وجها مادارتش بزاف دلمكياج داكشي خفيف ركزات على عنيها كتفاتهم مزيان بالمسكارا مع رموشها كتار زادو بانو عنيها وكبرو ومع شوية دلعكار فشفايفها لكبار شافت راسها فلمراية وهي كتماصي شفايفها عجبها راسها شحال ما قدات
خرجات والكوافورة حلات فمها:جيتي كتحمقي عندك عوينات زوينين
طاهرة بتاسمات ليها:شكرا
الكوافورة ناضت وهي مزال كتشوف فيها:ختي انا غنمشي دابة
طاهرة جبدات 100 درهم وعطاتها ليها
الكوافورة:راه خلصوني
طاهرة:ماشي مشكيل
الكوافورة:شكرا وبالصحة والراحة
مشات وطاهرة هزات الكسوة ولبساتها ولبسات طالون شافت راسها فلمراية بتاسمات :خسارة مادارونيش مالكة الجمال غا ضايعة فهاد المغرب ههههه مسطية أنا
هزات الطابليط ودارت لكيت فودنيها وهزات لبروش لي فيه سميتها وتصويرتها خاص بلوطيل باش يعرفوها خدامة تماك لسقاتو فصدرها وخرجات
بقات غادة كتمشى وعاجبها راسها خصوصا ملي شافت كلشي حل فيها فمو لاوطيل تقلب مشات لرسبشن عند غيتة باش تشوفها:ترااااان
غيتة حانية كتكتب علات راسها وهي تشهق:واهيااا ناري جيتي كتحمقي تبارك الله عليك
طاهرة وهي عاضة على شفايفها وكتلعب بحاجبها:كردشيان
غيتة:هههههههه مت كردشيان لهيه نخاف يعينوك
طاهرة:محضية من عند ربي
غيتة:كوغا كحلتي عويناتك وزدتي شوية دلعكار باش كلشي يتسطى
طاهرة:ههههه لا غي هكا راه بلاصة لخدمة زعمة ماشي حطارة
غيتة:وراه هكا وجيتي موووزة
طاهرة:خليني نمشي نقود راه عندي مايدار
غيتة:قي قل اعود برب الفلق هههه
طاهرة هي غادة:هههه قل أعود برب الفلق من شر ماخلق هههه باااي
بقات غدا حتى وصلات لبلاصة دلحفلة كانت عامرة دنيا وسيرفورا مساكن غادين جاين كيدورو على ناس دايرين خدمتهم والفرقة المسيقية الكلاكسية كتعزف بألحان هادئة ورومانسية
ضورات عنيها على لمكان كله بان ليها كلشي هو هذاك حسات بشي حد.موراها ضارت كانت سعاد:شواقفة كتسناي زيدي ضربي ضورة شوفي واش ناقصة شي حاجة
طاهرة خنزرات فيها:كنعرف لخدمتي بلا ماتقوليلي شغا ندير
سعاد خنزرات فيها تاهي:من نهار رسمك سي امين ونتي مفرعنة
طاهرة مابغاتش طول معاها الموضوع حيت اتعصبها وهي ماغتصبرش:خليني عليك
مشات كدور حتى وقفات حدا البارمان:توفيق كلشي هو هذاك
توفيق شاف فيها وصفر:طاهرة واش هادي نتي
طاهرة:هههه ماتزيدش فيه
توفيق:نتي زوينة بلا والو
طاهرة:شكرا اخويا قولي بعدة تاحاجة ماناقصة
توفيق كيشوف فلقراعي دلمشروبات:لا لحد الان ماناقص والو
تكات على الكنطوار وضارت كتقلب عليه بعنيها
بتاسمات ملي حسات بيه وقف حداها بلا متشوف فيه عرفاته ضارت لجيهته وهي مبتاسمة:سي أمين
هو ماكانش هنا كان ساهي فيها سيد داخ كان شوية وياكلها بعنيه عجباته بزاف وعاد.حركاتها كتزيد تخلي لواحد يتزعط
طاهرة عحبها لحال عرفاته داخ:سي أمين مالك
أمين وعنيه كيبريو بتاسم بتسامة عريضة :جيتي زوينة
طاهرة:شكرا سي أمين
زاد قرب وتكا حداها وعنيه مازال مافارقوها:ماتبق
طاهرة عضات على شفايفها :عادي زميلي فالخدمة
أمين بسيف باش شاد راسه اي حركة كدير كتيرو وعويناتها رماديين كبار كيرمشو بطريقة زوينة وكتحركم بتقالة فلحضة تمنى كن هو لي كيعض على شفايفها ماشي هي:المهيم أنا قلت ماتبقايش تبتاسمي لشيحد
طاهرة عاجبها الوضع وكتهضر بصوت تقيل مايل لتحلوين اصلا هادي عي نبرة دصوتها :ولمن انبتاسم
أمين قرب لودنيها وهمس ليها:ليا
طاهرة علات حاجبها: علاش
أمين:من بعد ونقولك علاش دابة اجي معايا نعرف على صحابي
طاهرة:واخة
تمات غدا وهو موراها كيشوف فيها كي كتحرك وكي كتمشى حس براسه باغيها ديال بصاح ماعرفش شهادشي كيوقع ليه فمدة قصيرة تزعط تاطاح على راسو
💘الجزء ثامن عشر💘
امين تقاد معاها فالمشية :اجي من لهنا
طاهرة شافت فيه:واخة سي امين
تمو غاديين حتى وقفو حدا احمد وناصر لي كانت لاصقة فيه لارا بحاليلا غيهرب ومعاهم عماد
أمين:احم كنعرفكم على الانسة طاهرة هي المشرفة على هاد الحفل وخدامة معانا فلوطيل
كلشي شاف فيها الا ناصر كان مشغول فبورطابلو
أحمد طلعها وهبطها مزيان:مشرفين انسة طاهرة
طاهرة :شرف ليا سي أحمد
عماد حال فمو فيها:أمين وليتي تخدم تيتيز بلا خباري
قرب تا لعندها ومد ليها يديه:معاك عماد اتكوني كتعرفيني ملاكم مشهور زوين كي كتشوفي ناقصاني غير شي وحدة بحالك
طاهرة سلمات عليه:ههه كنعرفك عماد
عماد شاف فامين:شتي سميتي كي كتنطق
أمين :عماد براكة
عماد:راك عارف مانقدرش نصبر ايلا شفت الزين
ناصر علا عنيه يشوف علامن كيهضرو و هو يشوفها كانت مبتاسمة كتشوف فأمين ماعرفش فين شافها اه عاد تفكر هي لي دخلات فيه قبيلة
لارا شافت فيه لقاته كيشوف فيها بغات طرطق ماكتستحملش يشوف فوحدا اخرى من غيرها كتبغي تموت
دخلات يديها فدراعه:ناصر
شاف فيها بمعنى شنو
لارا:شوف فيا شوية
نتر يديه منها وخشة يديه فجيابه وليد لوخرى كيشرب بيها ماعندوش مع تبرهيش ديالها ولفسوش
لارا تنهدات وخنزرات فطاهرة لي ماعلا بالهاش بيهم
نمشيو عند ليلى
كانت واقفة على اعصابها:شوف القحبة مجمعالي معاهم وانا مخلياني هنا وقالتلك ما غتلبس ماغتقاد قحبة لوخرا كتيابق معايا
جبدات طليفون وصيفطات ليها مساج:شوفي دابة جيبني نوقف حداكم
طاهرة وصلها المساج قراتو وهي ترد عليها:تبتي فبلاصتك ماتندمنيش حيت خليتك تجي
ليلى قرات المساج وتعصبات هي جاية على قبل تشوف ناصر الزعيم وصحابه ودابة كتقولها تبتي:شوفي راه والله تاندير ليك الشهة جيبيني بالخاطر راكي عارفاني
طاهرة قرات المساج:بربي وديري شي فضيحة يتا نشتف على مك
ليلى:ايوا جيبيني حداكم
طاهرة:قودي
ليلى:كتسبي يا لقحبة تسناي تشوفي شغا ندير
طاهرة ماجات فين تقرى المساج حتى كتسمعها كتعيط ليها خنزرات وضارت عندها شافتها جاية
ليلى:ختي لعزيزة من قبيلة وانا نقلب عليك
طاهرة ببتسابة صفرا:ااه ختي جيتي
ليلى وقفات حداهم:اه جيت اختي
طاهرة كتشوف فأمين خايفة مايعجبوش لحال:طلباتني بغات تحضر تاهي
أمين شاف فليلى وبتاسم:مرحبا بليلى منورة الحفلة
ليلى :ربي يخليك
وقربات لطاهرة وهمسات ليها:شتي غير مكبرة الموضوع
طاهرة وهي مبتاسمة:هحنا راجعين لدار ونوريك
ليلى رفعات صوتها متعمدة:شنو قلتي
طاهرة شافت كلشي كيشوف فيها:لا والو
عماد:ختك هدي
طاهرة:اه
عماد شاف فيها:زوينة بحالك خاصها تزيد.تكبر شوية
طاهرة عحبها لحال فيها:هههههه مزالة صغيرة
ليلى تعصبات مارضاتش قدام ناصر :بنت ليك اخويا برهوشة
عماد:مالك تقلقتي ازين
ليلى:لا لاش انتقلق
عماد كيشوف فيها صغيرة وزوينة وحركاتها عفويين دغيا كيبان عليها ايلا تقلقات
طاهرة جاها تيصال فلكيت:سمحولي نمشي نشوف شنو ناقص
مشات وأمين حاضيها بعنيه قرب ليه عماد:طحتي اصاحبي
أمين شاف فيه:شنو قلتي
عماد:هههه قلت ليك تزعطتي صافي
أمين بتاسم:بحال داكشي
عماد:ايوا دير لحل
أمين:بحالاش
عماد:كول حليوة ههههه
أمين:لا هي ماشي دهادشي
عماد كيغمزو:ياكما القضية كبيرة داخل فيها الحب
أمين:ماعرفتش
عماد:حالتك صعيبة
جات واحد صاحبة مجلة معروفة:سي ناصر الزعيم تسمحلي ناخد ليكم صورة نت ولانسة لارا
لارا شدات فيه:اه بطبيعت الحال
ناصر كان غيرفض ولكن فاش شاف احمد.كيطلبو بعنيه
لارا شداته من يديه وتمات غادة بيه وقفو حدا البحر وشدات فيه وبتاسمات شافت فيه:ناصر بتاسم عفاك
شاف فيها عندو عزيزة واخة هكاك عاقل عليها ملي كانت صغيرة كان كيعاملها بحال ختو وعمرو فكر يتزوجها ولا يتزوج غيرها
لارا كطلبو:عفاك بتاسم
ناصر بتاسم وشافو فالكميرة وتصورو
لارا طارت عليه عنقاته:كنبغيييي
وهزات راسها كتشوف فيك:اسعد يوم فحياتي هو نهار نتزوجو
شدها من يديها:وزيدي نرجعو
عجبها لحال فاش شدها من يديها مشاو ووقفو حداهم
ليلى غتموت بالفقصة بحاليلا راجلها وداتو ليها كتشوف فيهم
وكتمنى تعيش هاد اللحضة
💘التتمة💘
عماد شاف فيها:ايهو فين سهيتي
ليلى شافت فيه:غير هنا اجي ناخدو سيلفي
عماد:باش توريها لصحاباتك
ليلى:هههه بحال داكشي
جبدات طليفون ومداتو ليها هو جرها وعنقها:هكا حسن
بتاسمات:اه واخة
بتاسمو وتصورو خداو كتر من تصويرة
ليلى:خود وحدا خرا شد فيها كلشي تا ناصر الزعيم
عمادحخساب ليك مصور ديالك ولا شنو
ليلى:عفاااك اخر تصويرة
عماد :اخر تصويرة
هز يديه وصور ومد ليها طليفون:شدي مشقوفك
خداتو و هي فرحانة دخلات الانسقرام والفايسبوك ولاحت تصاور
ليلى:نااري لبنات شحال ايتسطاو
عماد شاف فيها وبتاسم عفوية بزاف
💘الجزء تاسع عشر💘
طاهرة كي لعادة ضربات دورة على المكان وقدات داكشي لي ناقص والانضار كلها عليها لي دازت من حداه كيتبعها بعنيه حاضينها وكلشي باغي غير الفرصة باش يتقرب منها
هي كل شوية كتخنزر فواحد باش ينزل عنيه عصبوها
بدلو المسيقى طلقو وحدة هادئة ورومانسية وقفات مع الجنب وهي كتشوف لي كوبل كيقرصو بتاسمات أكيد فرحانين ومن حقهم يرقصو وهوما ماناقصهم والو لاباس عليهم ماضاربين لحسبة لوالو
نمشيو لجيهة لوخرا
لارا كتشوف فناصر :حياتي خلينا نرقسو تا حنا
ناصر ببرودة:لا
لارا يلاه اتجاوبو وهي تسمع صوت باباها:بنتي لعزيزة تسمحيلي بهاد الرقصة
بتاسمات واخة كانت باغة ناصر هو لي تشطح معاه:أكيد أبابي
مد يديه وهي شدات فيه وباس ليها يديها و مشاو الوسط وبداو يرقصو
عماد بقى كيشوف مع جنابو وهو يشوف ليلى مزال كتصور مشى عندها:احم الانسة ممكن تشرفيني بهاذ الرقصة
ليلى اطير بالفرحة:اه اه
شد ليها فيديها وتم غادي بيها للوسط قربها لعندو بخفة تا تضربات فيه دور يديه على الخصر ديالها وزاد.جبدها لعندو شد فيديها وطلعها بشوية تاحطها على كتافو وشد ليها فاليد لوخرا وزير عليها هدشي كلو وعنيه فعنيها هي كانت غير كتشوف فيه ومبلوكية وكتحس بيديه على الخصر ديالها بدى كيتحرك وهي كتحرك معاه قرب وجهو لوجها:مالك
ليلى كتهز راسها بلا:ماماليش
بتاسم ودورها لجهة لوخرا تاكانت اطيح غير هو كان شادها مزيان:ماتخافيش ماغطيحيش
ليلى:ايوا غي بشوية عليا
عماد كيشوف فيها.... فيها البراءة واخة كطير حتى ملامح دوجها بريئة بقى كيشوف فعنيها وجهها شفايفها نيفها كلشي زوين فيها ومقاد هو هداك صغيورة ويلاه راسها كيضرب لصدرو بتاسم وهو كيشو فها كترمش بعنيها وكتشوف فيه:عنيك زوينين
ليلى:انا اصلا كلي زوينة
ضحك:ههه منين جاك
ليلى:مايحتاجش تقولي نت عارفة راسي زوينة
عماد:متواضعة تبارك الله
ليلى:اه متواضعة شي مانيع
عماد وهو مبتاسم:لا
ليلى بقات كتشوف فيه زوين بزاف والعضلات وشخصيته مرحة وستايلو مبدل من داك النوع لي كيعجبها وعاد بوكسور ولاباس عليه عندو شركة ديال الالات الرياضية وعاد بوتيكات كبار ديال لباس صبور اديداس نايك بيما وعاد نادي ديال الرياضة بأنواعها
ليلى:عماد
شاف فيها:نعام
ليلى:باش كتحس ونت لاباس عليك وعندك لفلوس ولمشاريع
عماد:عادي
ليلى:لا اتكونو فرحانين ومانقصكن والو
عماد بقى يشوف فيها عرفها من لبنات طموحات لي باغين يوصلو ويعيشو فرفاهية
عماد:تانتي دابة ديري لاباس
ليلى ميلات شفايفها:فوقاش تا نشرف
عماد كيضخك على عفويتها:هههههه لا مزالة صغيرة ومزال فين ديري لاباس
ليلى:ان شاء الله
سلات الاغنية ورجعو لبلاصتهم
ليلى كتقلب بعينيها على ختها وهي تشو فها واقفة هي وأمين وكيهضرو ضورات راسها شافت الزعيم واقف وفيديه كاس وكيهضر مع أحمد وفوجهو الجدية ومركز ونضراتو حادين كيهضر برزانة وحتى حركات ديديه تقال بقات شحال كتشوف فيه هو زوين بزاف طويل وكتافو عراض وصدرو مطراسي كيبان من الكوستيم شعرو رطب مهزوز لفوق بطريقة زوينة ورجالية مارو مفتوح وفالشمس كيبري لحية مطراسية ومقادة دايرة على لفيم زادتو وسامة عنيه مجبدين نايمين وشوفاتو حادين ماتعرفيه لاواش معصب ولا واش مكالمي حروفو كوحل شخصيته قوية وكتميز بلخشونة من النوع لي مهتم بالمضهر ديالو ديما مقاد ومن الشخصيات لي كيتصنتو كتر ملي كيهضرو كلامهم قليل عكس لكلام والضجيج لي كيدور فدماغهم ولكن نهار يهضرو كلشي كيسكت ويتصنت ليهم بتركيز
تنهدات وهي كتشوف لارا لاسقة فيه سعداتها
حسات بعماد وقف حداها شافت فيه:هدشي ممل هنايا ناس كيتجبدو وحاسين براسهم
عماد وهو كيشعل كارو نتر نترة وردعو وكيهضر وهو كيسوط الدخان بطريقة زوينة وبصوت فيه بحة بالدخان :لفلوس حمقات بنادم
ليلى داخت وهي كتشوف فيه ماتنكرش انه عجبها :ونت ماحمقاتكش
عماد دار بتسامة جانبية:انا لفلوس ماكتحكمش فيا أنا كنتحكم فيها وحياتي ماغتوقفش على شحال كنملك ماعنديش مشكل مع الزلط هانيتوون
ليلى:غير كتقول حيت مامجربش الفقر
عماد:نتي ماعارفة والو
ليلى:نمشي لحمام نقاد راسي ونمشي بحالي صافي مليت
عماد شدها من يديها:بهاد السهولة باقي لحال(وغمزها)نخل
ليلى نترات يديها:عطى الله معامن تنشط بنت ليك غا أنا
ومشات لبلاصة دلحمامات ودخلات تقاد راسها خلاتو واقف وكيشوف فيها:هههه واااايلي ضاروري خاص ناخد شي حاجة من عندها
تبعها للحمامات
نمشيو عند أمين وطاهرة
ملي وقف حداها وهو كيشوف فيها توترات شافت فيه:سي أمين مالك كتشوف فيا
أمين بتاسم:عجبتيني
بتاسمت تاهي:بصااح
أمين هز راسو باه وهو مبتاسم
أمين:ملي يسالي هدشي بغيت نشوفك
طاهرة:علاش
أمين:ملي نتشاوفو نقول ليك علاش نخليك دابة
ومشى وخلاها كتشوف فيه وهي مبتاسمة وعاجبها الحال
نمشيو للحمام دخلات قادات شعرها خدات سيلفيات فلحمام حاجة ضارورية عند لبنات وخرجات يلاه اتمشي وهي تشوفه واقف فلكولوار
ليلى قربات ليه:شكا دير هنا
بتاسم:كنتسناك
ليلى:وعلاش
عماد قرب ليها جوج خطوات:ماسخيتش بيك
💘الجزء 20💘
ليلى علات حاجبها:اااه دغيى توحشتيني
عماد كيهز راسو باه :اه
ليلى قربات ليه:مسكين
عماد وهو كيغمزها:يلاه نمشيو من لهنا لشي بلاصة زوينة غي انا وياك
ليلى عارفاه لياش كيلمح بدات تحلون عليه وتقرب ليه عندها خطة فراسها وبغات تطبقها حطات يديها على صدرو وليد لوخرا كتلعب فلكول ديالو :اه ماعنديش مشكيل نمشيو علاش لا
قلبها بين يديه ولصقها مع الحيط قرب ليها :كنت عارف انك ضريفة ماغتقوليش لا
ليلى:مانقدش نقول ليك نت لا
دورات يديها على عنقو وقرباتو ليها :صراحة عجبتيني
عماد داخ وهو كيحس بيها كتلعب فشعرو غير بشوية شاف فشفايفها وقرب بغى يبوسها وهي تعنقو:ماشي دابة
حط راسو على عنقها وباسها:فوقاش
بعدات عليه وحطات يديها على صدرو وكتلعب فصدايف ومرا كتهبط يديها وتشد فجيابو المهيم كتخبش فيه:ياك قلتي غادي نمشيو لشي بلاصة زوينة غير انا وياك ايوا خلي تانمشيو ليها
عماد:ايوا يلاه نمشيو دابة
ليلى:نمشي بعدة نقول لهتي هاني غادة ونمشيو
عماد:واخة
بقات غادة وهي مبتاسمة ليه صيفطات ليه بوسة فلهوى ومشات تقلب على ختها تبعها تاهو باش يودع صحابو
ليلى فرحانة بالانجاز لي دارت مشات عند ختها:ختي انا غنمشي 8 هادي
طاهرة:سيري الشيفور ايوصلك وشوفي يقدر نتعطل شدي غليك لباب ونعسي غدا عندك 8
ليلى :واخة
باستها وضارت شافت فعماد لي كان كيهضر مع أمين وناصر واحمد بقات كتسلت باش مايشوفها هربات خلاتهو واقف
عماد:يلاه انا مشيت
دخل يديه فجيبو مالقاش طليفون قلب فجياب لوخرين والو حتى لبزطام لي فيه لفلوس ولي كارط بونكيغ ماكاينش
عماد حمار وصفار وجميع الالوان تلونهم كيفاش هو يتسرق شكون هذا لي تجرأ وسرقو شاف فدراري:سرقولي طليفوني و بزطامي
امين ماقدش يصبر:هههههههههه
عماد تعصب:لاش كضحك
أمين:ههههه كنتي كطير هاهوما داروها بيك
ناصر بتاسم وهو كيشرب من لكاس ويشوف فيه
أحمد:ههههههه تانت كطير
عماد مارضاش بقى يفكر شكون يقدر يكون سرقوو وشكون هذا لي تجرأ كيتفكر فين كان وشكون وقف حداه وشكون هضر معاه هادوك كاملين مايقدوش يديروها خرج عنيها فاش تفكر ليلى اااه هي عاد طلعات معاه لاش كانت كتحلون عليه عرفها كانتو غي كتريطو وهو كي لحمار دغيى تريط ليها ضرب يديه مع الطبلة وضار كيشوفها فين هي شاف طاهرة واقفة غا بحدها عرفها اتكون هربات مشى كيجري وخلا امين كيعيط عليه
ليلى كتسنى الشيفور وكتشوف موراها واش جاي تعصبات:لقلاااوي
حلات ساك كتشوف طليفون والبزطام بتاسمات:هههه زامل لاخر حساب ليه ساهلة ليه عمرو ينساها هههههه
شافت الشيفور وقف حداها حل ليها لباب وركبات وهي تشوفو جاي كيجري غوتات:سييير دغياااا ماتوقفش
عماد وقف قدام الطموبيل:حباااا
الشيفور وقف حيت كيعرفو
عماد مشى بالزربة حل لباب لي من جيهتها:نزلي القحبة انااا عماااد تكريسيني برهوشة
ليلى تكمشات فبلاصتها:بعد مني ماديت ليك والو
جرها من يديها ونزلها:زيدي قدامي لدين مك هنا غنوريك شكون أنا
ليلى نترات يديها:سير تقود ماغنمشيش معاك الكيدار ماعندي تاشي حاجة ديالك
فك ليها ساك وحلو لقى طليفونو وبزطامو:وهادوو ديالمن
ليلى خدات ساكها:وصافي ديهم وبعد مني
يلاه ضارت باش اتمشي وهو يشدها من يديها وجرها معاه بقى غادي بيها وهي كتغوت مشاو لباركينغ حل باب طموبيل ركبها وركب تاهو وديمارا بالجهد:هنا غنوريك البرهوووشة
ليلى كتغوت:نزلنييييي
عماد:الشهة أنا لي انديرها ليك غنغتاصب مك باش ماتبقايش تلعبي مع لي كبر منك
هي زادت فلغوات وتسرسير وهو مادايهاش فيها مكسيري بجهد
💘الجزء الواحد وا العشرين💘
كانت غادة وكتغوت وكتحاول تحل لباب ولكن كان مشدود اوطوماتيك هو غادي وما عوالش يوقف ليلى عيات بلغوات فتالي حبسات عرفات ان لغوات ماعندو باش يفيدها شافت فيه و ولاات شافت فطريق:فين انمشيو
ماكايجاوبهاش داز الوقت حتى كيوقفو حدا واحد الفلة صغيرة ولكن تصميمها من برا كيبان زوين وراقي حل ليه لحارس لباب و دخل وجى كيجيري حل ليه لباب دطوموبيل
عماد.نزل ونيشان مشى لجيهتها حل لباب وهو كيغوت:نزلي
ليلى شدات فلكوسان:لا بعد مني رجعني منين هزيتيني سمعتيني
جرها وهي كتفركل شاف راسو غتعدبو هزها على كتافو وهي كتغوت وتضرب فيه على ضهرو حل لباب ودخلها لداخل
ليلى:حطني ازاااااامل والله تاندمك وقصتيني
حطها على رجليها وهو يشدها من شعرها ويجرها لعندو تا تخالطات انفاسهم:بربي وماتسكتي وتجمعي فمك يا بنت القحبة يتا ندفنك هنا
وبدا كيضرب برجليه فلبلاصة فين واقف:سمعتيني هنا أنا عماد عمر شي حد.زعم عليا تجيي نتي وتسرقيني وتبداي تريطي فيا البرهوشة
ليلى علات حاجبها وببرودة زادت شعلات فيه لعافية :اووووه خلعتيني رخي مني بقيتيلي غانت
زير على شعرها بزاف وجرها لعندو وباسها شوية وياكل شفايفها باش يبين ليها انهو ماكيتفلاش كتحس بيه كيعضها ماشي كيبوسها بقات تفركل وضرب فيه حتى بعد وهو مزال شاد فشعرها :تزيدي تجربي
هي كتلهت بالجهد:المكبووو
دفعها فوق الفطوي وجا فوقها جالس على كرشها مزال مابرداتلو حيت بصاح قدرات تطمعو وتيقها وكان ناوي يدوز معاها شي ليلة ماتوقعهاش تكريسيه وتهرب ومن لفوق زايداها بالسبان عمر شي وحدة دارتها ليه كان فوقها وشاد يديها لي كتحاول ضربو بيهم وفنفس الوقت ليد لوخرا كتحل سنسلة دلكسوة لي عندها فجنب هبط سنسلة وبدا يحيد الكسوة وهي كتغوت هبطها شوية لتحت حتى بان صدرها بالسوتيان وبدا كيشوف فيها وهي كتغوت ويشوف فصدرة لي كيطلع ويهبط كيرجف تحنى لعندها وخشا صبعو بين سماطي دسوتيان كيستاعد باش يحيدهم وهمس ليها حدا ودنيها:شنو دابة
هي سكتات فهاد اللحضة خافت وخصوصا وانها كتحس بيديه كدوز على صدرها وليد لوخرا مخشية بين سماطي دسوتيان عرفات انهو يقدر يغتاصبها بلا مايخاف شاف فيها:مالك سكتي
شافت فيه وبلعات ريقها تفكرات طاهرة ليغتقتلها هي عاد تقتلو هو بقات كتفكر شغا دير الحل الوحيد هو تبكي وبلا ماتحس بداو ينزلو دموعها:عفاك ماتأدنيش مابغيتش نتغتاصب عفاك خليني نمشي بحالي
دموعها أترو عليه ماكيبغيش شي بنت تبكي ولكن خاصو يعاقبها :نتي درتي دابة لغلاط وسبيتي ماكبر منك خاصك تعاقبي
زادت فلبكى:دير لي بغيتي غي ماتغتاصبنيش عفاك
كتهضر ودموع فعنيها وكتميل شفايفها بطريقة زوينة ومقوصة حجبانها بكترة الخوف ومرة مرة كتبلع ريقها هو اصلا مايقدش يغتاصبها غي بغى يخلعها وصافي خاف يتهور ناض من فوقها ووقف بعيد عليها:نوضي تهزي نوصلك لداركم وسمعي هاد لمرة دوزتها المرة جاية ندير معاك لحل
ناضت جالسة طلعات كسوتها وقداتها وهي كتمسح دموعها وقفات وشافت فيه :نت لي بديتي
شاف فيها:مالي شنو درت
قربات ليه:حساب ليك بنات ناس لعبة عندك تابعني تا لحمام باغي تنشط على ضهري انا ماشي من داك النوع لي على بالك انا ماشي قحبة سمعتيني
بقى كيشوف فيها:لا نتي شفارة ياك سمحيلي غلطت فتعبير كان خاص نقول ليك شفارة ياك
ليلى:تستاهل حيت نت قللتي مني سمعتيني
عماد قرب ليها:ومزال زايدة فيه
ليلى رجعات اللور:غير كنشرح ليك دابة ديني لدارنا
خنزر وطلع وهبط فيها:تسناي نبدل عليا
جلسات كتسناه هو طلع لبس عليه بالخف وهبط:تهزي زيدي نمشيو
شافت فيه كان لابس سروال دلكيطة كحل اديداس وتيشيرط بيض وكلاكيطة اديداس بيضة وداير كاسكيط اديداس قالبها اللور هذا هو ستايل ديالو دغيى نزلات عنيها وتبعاتو خرجو وركبو فطوموبيل وحرك بقاو غاديين وساكتين شاف فيها:مالك مغوبشة
دارت ليه بتسامة صفرة:بغيتيني نكركر ولا شنو
بتاسم ماعندوش مع تغوبيش صافي داكشي فات خلعها دابة بغى يقلبها شوية ضحك:رجعيلي بعدة تصاوري لي تصورنا قبيلة مسحيهم
شافت فيه:قلت ليك تصور بسيف
عماد وعنيه على طريق:صافي مابقيتش نتيق فيك نخاف تديهم لشي فقيه نبقى تابعك ونبكي عليك
بلا ماتحس ضحكات:ههههههه اصلا تبعتيني بلا فقيه
ضحك:هههه اياااه
ليلى شافت فيه:اااه هههه مالي كذبت
عماد:مالك نتي هي جنيفر لوبيز ولا هيفاء
ليلى :انا حسن منهم بجوج
عماد:سكتي طموبيل أتقلب بينا
ليلى:ههههه صراحة مالك...انا زوينة
عماد:هههه نتوما لبنات مسطيات
ليلى:زعمة نتوما لي بعقلكم
عماد:واش دابة انبقاو هكا
ليلى:مالنا
عماد:انبقاو كنتناكرو ولا شنو
ليلى:ايوا قولها لراسك
عماد:نساي وقوليلي دابة شنو بان ليك نضريو شي ضورة
ليلى تحمسات:اه اه
زاد فالسرعة وخدم الموسيقى بالجهد هي بدات تصفق وتغوت وهو كيلعب بالطموبيل بحاليلا عمرهم كانو مدابزين
داز لوقت وهوما هكا حيحو مزيان فتالي مشى واسطالا الطموبيل حدا لبحر ونزلو
كانو متكيين على طموبيل وكيشوفو فالبحر كيكون فليل زوين وريح كيضرب بارد على وجههم
ليلى ضورات وجها لجيهتو لقاتو كيقاد شي حاجة فيديه وقفات اونفاص معاه وهي كتشوفو شكا يدير :كتبرم لحشيش المسخوط
شاف فيها :اه عمرك شتي شي حد كيبرم
ليلى:بزااف حومتنا عامرة غا بلحشايشية
عماد:انا ماشي حشايشي غير مرا مرا كنبغي نشط
ليلى:اه باينة دابة كمل خليني نشوف كي كتبرمو
💘الجزء ثاني والعشرين💘
بتاسم وكمل لبريم خدا كارو وحلو وخدا داك التبغ لي فيه دارو فيديه وشد.طرف دلحشيش فرتو لطرافي صغار بزاف وخلطو مع داك تبيغ فوق ورقة دنيبرو خخخخ بزق جناب دلورقة ولواه بحال كي كتلوة لبريوة خخخخ وخدا داك تالي دلكارو البونتة وخرج بسنانو داك لبونجة صغيرة لي كيسفو منها دخان ودخلها وسط داك جوان باش يكمي بيها
هي كانت حاضياه ومركزة كي كيدير حتى كتشوفو كيشعلو وبدا يكميه
عماد وهو كيسوط دخان:وها جوان واجد
ليلى:هدشي عندك متقون لي شافك يقول ولد راس الدرب مايقولش عماد الملاكم لملعق
ضحك:هههه ومالي ماشي بنادم
ليلى:دابة غتبوق ياك
عماد:شوية ماشي بزاف غي كنشط وصافي مابقاتش تشد فيا تبويقة بزاف
ليلى كتشوف فيه عكس كي كان كيحساب ليها كانت كتقول غيكون شي مكبر عايق وحاس براسو وبزينو ساعة العكس انسان متواضع وضحوكي واخة بوقوس وزلايلي ولاباس عليه بتاسمات وهي كتشوفو كيكمي
ليلى:عطيني نجرب
عماد:زيدي تمشي قلاك تجربي
ليلى وهي كترغبو:عفاك عفاك غير جوج نترات وصافي
عماد:وابعدي مني باغة ضبري عليا حساب ليك تبويقة ساهلة خصوصا لاكنتي اول مرا ااااه اولا فايتة مجربة المسخوطة
ليلى:اه مجربة ماشي مرة ماشي جوج عادي مع لبنات(طبعا غي كتكذب)
عماد:ايااه ما سويهلاش مع راسك
ليلى:وادابة ارى
عماد مد ليها:جوج نترات وبراكة
خداتو من عندو:صافي واخة
نترات نترى لولا سفات داك الجوان مزيان وردعاتو وهي تبدا تكح :كح كح كح
بغى ياخدو:اري لهنا غضيعيني فجوان
بعدات يديها:لا مزال
زادت نترى اخرى وردعاتها نفس شي كتكح
عماد:نتي اتخرجي عليا اري داك جوان
ليلى رجعات اللور:صافي غي وحدة اخرى وبراكة والله مانولي نقولك ارى
عماد:واش تسطيتي
ليلى:ماشي سوقك ياك انا لي غنتبوق اووف
عماد:واش كتعرفي راه دونزيت فالحشيش مزيان راه جوان عامر نترة وحدة تصيفط لمريخ
ليلى :واصافي اخر نترة
دارتو ففمها ونترة اخر نترة ورجعاتو ليه وهي كتسوط الدخان:شد عندك تموت
خداه:ونتي خليتي فيه شي حاجة كتنتري نترة وحدة فيها تلاتة دنترات..جوان المكلخة ما كيتكماش هكاك خاص غير بلمهل نترات خفاف
كما داكشي لي بقى وهي تكات حداه على طموبيل
عماد:شوفي عندي مبارة قريبة وخاصني ندرب وهنا دابة جالس معاك
ليلى شافت فيه وغي ساكتة
عماد: وخاصني نفيق بكري نمشي لداك شاركة نشوفها شحال ماضربت الضربة فيها
هي غير ساكتة شاف فيها:نتي هضري مالك ساكتة
غي ساكتة وكتشوف فيه
وقف اونفاص معاها وكيدير باي باي حدا عنيها:هيهوو ناري تبوقتي المسخوطة شوفي هضري ضحكي باش ماتشدش فيك تبويقة
ليلى غي ساكتة
عماد:ليلى ماتبقايش ساكتة راه اتشدك اللقوة
ليلى بقات كتشوف فيه شوية وهي دمع وتبدا تبكي:عماااااد واش انبقى هكا
عماد كيضحك:هههه لا ماتخافيش
ليلى مزال كتبكي:عمااد غير كنكدب عمري كميت لحشيش ناري غنحماق عرفتي كنحس براسي ماشي هي هديك
عماد:شتي نتي هبيلة والله
ليلى:عماد قلبي كيزدح وفيا لبرد بزاف وكنحس بدوخة وحلقي ناشف وبحاليلا مهزوزة فسما واش انبقى هكا هادشي بزاف
عماد :شوفي ماتفكريش هكا نشطي قلبيها ضحك
قربات وحطات راسها على صدرو:عفاك دير شي حاجة كنحس براسي غنحماق
عماد جرها لعندو وعنقها وهي كتبكي:ماتخافيش غير نتي كتنواي راه ماغيوقع اجي نركبو فطوموبيل باش مايبقاش فيك لبرد صافي
هزات راسها بواخة وتم غادي بيها ركبها فطوموبيل وركب تاهو وكسيرا
عماد:ندوزو نشري ليك لما
ليلى:شنو قلتي
عماد:نشري ليك لما
ليلى:كيفااش
عماد رفع صوتو:وااا لما نشريه ليك
ليلى :عمااااد راه كنتلف وكنسى شنو قلتي
عماد عرف ان جوان خدم عليها من لمزيان دابةةاتبقى دخل وتخرج فلهدرة
ليلى:شوف عنداك تغتاصبني راني كنحس
عماد:هادشي لي بقى
ليلى سكتات شحال:شوف عنداك تغتاصبني راني كنحس
عماد شاف فيها:صافي واخة
ليلى:عنداك تغتاصبني راني كنحس
عماد تنهد:وي ليييييك صافي سكتينا
ليلى بدات فلبكى تاني:علاش كتغوت عليا
عماد:صافي ما انبقاش نغوت عليك
ليلى:لا غوتي عليا
عماد:صافي الله يسامح
ليلى:عماااااد
عماد:نعام
ليلى:بغيت نشرب
عماد:ها حنا نوقفو عند شي حانوت
وهو يبان ليه حانوت وقف طموبيل ونزل شرا ليها لما ورجع ركب :هاكي شربي
ليلى:الااااااءح
قرب لعندها وبدا كيشربها وهي كتشوف فيه
عماد:صافي
هزات راسها باه بغى يبعد وهي تشدو من لكول:خليك قريب ماتبعدش
كانو عنيها حومر ونايمين بقى كيشوف فيها:خاص نسوق
ليلى كتهز راسها بلا:وانا بغيتك تبقى قريب هاااء
عماد:وراه خاص نتحركو نمشيو لشي بلاصة وحدا خرى وداك سعات قربي
تقادات فبلاصتها:انا غضبانة منك
هو حرك الطموبيل وهو كيضحك
ضارت شافت فيه وناضت وقربات ليه وهو كيسوق:بغيت نجلس فحجرك
عماد:ليلى جلسي فبلاصتك
ليلى:لاااا هكا كيديرو فالافلام خليني نجلس فحجرك عفاك عفاك عفاك
بقات كترغب شاف فيها:اجي
ضحكات وقربات لعندو هو قلل سرعة دطوموبيل وجرها لعندو حتى جلسها فوق رجليه وكمل سوقان كانت مدورة يديها على عنقو وكتشوف فيه وهو كيسوق :عمااااد
عماد:شنو تاني
ليلى:خدم لي لموسيقى
شاف فيها وبتاسم:واخة
خدم الموسيقى وزاد فيها تا لتالي هي بقات كضحك وتشطح بشعرها وتغوت وهي مزال مدورة يديها على عنقو
عماد.غي كيشوف فيها وكيضحك
💘الجزء تالت والعشرون💘
ليلى شافت فيه وقربات لعندو:مانمشيوش نشطو
عماد :فين
ليلى:فين كنتي بغيتينا نمشيو نشطو قبيلا
عماد:ههههه راكي مبوقة وماعارفاش شكا تقولي عطيني لعنوان نوصلك لداركم قبل مانوصلو لشي مواصل ماشي تالتم راني على سبة
ليلى:تأنا على سبة
عماد:رجعي لبلاصتك
ليلى زادت زيرات على عنقو وقربات كثر:لا
عماد:راكي ماكتخلينيش نشوف طريق مزيان
ليلى كتشوف فيه قربات وباستو هو دغيى فرانة ووقف قبل يديرو شي كسيدة كيحس بشفايفها كيتحركو فوق شفايفو ويديها كتلعب فعنقو كيبغي يبعد وهي ماكتخليهش تقادات فلجلسة كانت جالسة جنب وولات جالسة اون فاص معاه فلحضة نسى راسو ومشا معاها فالخط دور يديه على خصرها وهو كيبوسها حتى كيسمعو صوت لكلاكسون صدعهم هزات راسها وشافت فيه وهي مزال معنقاه:مال هاذو.
عماد:هههه ماعرفتيش مالهم راه قاطعين عليهم طريق موقفين طموبيل وسط طريق
ليلى خرجات راسها من الشرجم:وااا سيرو تقودوووووو
جرها بالزربة وخرجها من الشرجم:واش تسطيتي
ليلى:لاش كيصدعونا
خرج يديه من شرجم واشار ليهم بمعنى هاهو ايتحرك وديمارا طموبيل وهي مزال جالسة فوقو داز واحد من حداهم بطموبيل:ملي تبغي تبوووس ديها لخلا ماشي وسط شانطي
وكسيرا بالجهد
عماد:صافي هادشي لي بغيتي
هي هزات كتافها وحطات راسها على صدرو وبقات ساكتة
بتاسم وكمل سوقان بقى غي كيدوور شاف فالساعة كانت 10 ونص دليل :ليلى فين داركم نوصلك
ليلى:امم
عماد:راه مشى لحال
ليلى غي ساكتة عرفها نعسات واجى مافيقها وقف فالجنب وبدى يزع زعها
ليلى:اووووف شنو
عماد:لعنوان داركم
ليلى مزال متكية عليه:اتخطبني
عماد:هههه اه
ليلى:خود لاكارط ناسيونال اتلقى لعنوان
عماد:ورجعي لبلاصتك خليني نشوف لكارط
ليلى:لا
عماد تنهد دلا يديه وهز ساك حلو وقلب على لكارط لقاها وقرا العنوان سجلو فج ب س باش توريه طريق
كسيرا وبقى متبع طريق شوية بشوية تا وصلو لاحومة بقى كيشوف حومة شعبية بزاف:ها حنا وصلنا
علات راسها:اه واخة دابة خاص نزل ياك
عماد:لا بغيتي
ليلى:اه خاص نزل وحلي لباب عفاك
عماد:وتا تنوضي عليا
ليلى:واخة
ناضت وجلسات فبلاصتها هو نزل وحل ليها لباب ونزلات كتميل وهو كيشدها وقفات اونفاص معاه:ياك ما غتاصبتيني راه نخصر انا وياك انا وياك انخصرو وياك انا انخصرو
عماد:صافي فهمت..غي سكتي.الحمد الله ملي ماغتاصبتينيش نتي فين داركم
علات راسها:را هي هديك لي بابها دلقزدير ههههه غي كندفعها كطيح هههه
عماد بتاسم:زيدي نوصلك
هز ساكها وتم غادي هو وياها فالدررب وناس كطل من الشراجم ودراري مجمعين فراس درب كيشوفو
ليلى بلغوات وهي كتشوف فيهم:وااااحضيون
شد ليها فمها:زيدي وسكتي
بقات غادة وكتميل تا وصلها لباب دار وعلا راسو كيشوف فدار
ليلى:ارى داك ساك وسير غلي قود بحالك
خرج عنيه فيها:كيفاش
فكات ساك من يديه :كي فاس كي مكناس سير بحالك ابنادم
وضارت دفعات لباب برجليها ودخلات وشدات لباب فوجهو
عماد:بنت لكلبة تانا مسالي داير راسي فبرهوشة
بتاسم فاش تفكر لبوسة:المهيم مابقيتش بلاش
وخشى يديه فجيابو ومشى ركب فطوموبيلتو وكسيرا دوز نمرا دأمين
عماد:فينكم
امين:نت لي فينك
عماد:هنا جاي تسلات بعدة لحفلة لمملة ديالكم
امين:اه
عماد:يلاه ربع ساعة دطريق وهنا عندك
وقطع وكسيرا لاوطيل من بعد ماخدم اغنية وغادي كيغني معاها ومرا مرا كيضحك فاش كيتفكر ليلى لمح شي ضو كيبري كان شي طليفون هزو شاف تصويرتها نساتو وشي صاحبتها كتعيط ليها خشاه فلمجر لي اونفاص معاه لقى سبة باش يولي يشوفه
💘الجزء الرابع والعشرون💘
ليلى غي طلعات لدار حلات لباب دخلات نيشان للبيت تلاحت فوق النموسية ونعسات كتحس براسها كيضرها دغيى داتها عنيها
عماد وصل للاوطيل دخل ونيشان طلع للمكتب لقاهم مجمعين جالسين
عماد جلس :ديما كنجي انا هو تالي
أمين:مشيتي كطير لقيتي طليفونك حيت عيطتي منو قبيلة
عماد بتاسم وهو كيسترجع مع راسو الاحدات:اه
لارا:واش ليقتي لي شفرو ليك
شاف فيها:مازال ماخلاق هذا لي يشفرني راه غير كنت ناسيه فلحمام
امين:سبحان الله ديما دماغك طاير
عماد ناض كب ليه كاس ورجع لبلاصتو:سلات الحفلة باربي مبروك شتك غي نتي لي فرحانة وباينة على وجهك لخطوبة
لارا شافت فناصر لي شاد سيجار فيديه وكيكمي بهدوء وهو ساكت:وي داكشي لي كنقول مع راسي ولكن ماشي مشكل دازت الخطوبة على خير وكلشي عرفني وليت خاطبة ناصر الزعيم
قالتها وجلسات على جناب دلفوطوي لي جالس فيه ناصر وحطات يديها على كتافو وهي مبتاسمة
عماد:ايوا الله يكمل على خير وعقبا ليا بشي فولة ههههه
كلشي كيشوف فيه كان غي هو لي كيضحك:ضحكو مالكم
هز كتافو وهو كيشرب من كاسو
احمد:لعامليات جاين خاص يتأجلو
ناصر شاف فيه:وعلاش
احمد وقف وهو خاشي يديه فجيابو:لحملة دابة نايضة خليو تا تبرد الاوضاع ونكملو داك سعات
ناصر:هضرو على راسكم انا شغالي قاد بيه
امين وقف:ناصر راه عندو الحق مابغيتش يوقع لينا بحال كي وقع ل كريم وولدو عمر فوقت الحملة هوما عاد جاهم ينفدو العملية تا جابوها فراسهم
ناصر:انا ماشي هو كريم ولا ولدو
احمد:حنا دابة كنتناقشو ماشي كندابزو
امين تنهد:ناصر خلي تسالا الحملة المخابارت غا كيدورو ومامخلين تاقنت خاص نجمعو راسنا ونديوها فخدمتنا العادية علامن تستاقر الاوضاع من دابة شهراين يكون كلشي هو هذاك
ناصر هبط على لكاس فدقة وشاف فيه:شهراين قلتي
امين :اه
ناصر:نصبرو شهراين ماشي مشكل
احمد رتاح وجلس :جاتني اخبار من مصادري الخاصة ان عمران منتصر قدم الاستقالة ديالو هدي اعوام
امين:وحاولو معاه يرجع ومابغاش من بعد داكشي لي وقع هدي اعوام قرر يعيش حياتو عادي مع عائلتو
عماد:ماساهلش داك عمران ولكن لقضية ديال كريم وعمر كانت شخصية
احمد:اه المهيم داكشي حنا ماكيهمناش
عماد:هههه كنتي اتمشي فيها تانت داك نهار كريم كان غيزطمك معاه كوراك تعرفتي
احمد شاف فناصر:الحمد الله دايرين بيا ولادي ماعندي مناش نخاف عندك لحق كوما دخلش ناصر وحدرني بأن كريم كيراقبوه الشرطة كون تكشفت دابة نساحبت فالوقت المناسب
ناصر كان غير كيتصنت وساكت
لارا:بابي بقات فيا غير منار كانت صاحبتي
أحمد:فهاد الدنيا ابنتي ماكاينش الصحاب عندك حنا بربعة هوما صحابك سمعتيني
هزات راسها باه
لارا:سمحولي قنطت هنا نهبط لتحت نشم شوية دلهوة
أحمد:ماتعطليش حيت انمشيو
شافت فناصر:ناصر نمشي ولا لا
شاف فيها:لاش كتسوليني
لارا :حيت انولي مراتك خاصك تحكم فيا ولي قلتيها انديرها
ناصر كيشوف فيها :شغلك هذاك سيري ولا جلسي وحياتك ماغندخلكش فيها وتانتي حياتي ماغدخليش فيها
كلشي كان كيشوف فيهم عارفين ان الزعيم ماكيبغيش لارا غير فوق طاقتو داير هاد الخطوبة وعارفين شحال لارا كتبغيه وهدشي ماشي فصاليحها حيت غتعدب معاه بزااف هو طبعو صعيب
بلعات ريقها وشافت فباها وهضرات بحاليلا ما قمعهاش الزعيم او لا غير كتحاول ماتبينش عكس داكشي لي كتحس بيه فلداخل ديالها:بابي هاني مشيت
شافت فناصر لي كيسوط دخان ببرودة وماشافش حتى فيها
خرجات وهبطات لتحت
أحمد تنهد ماعندو مايدير من لول وضح ليه الزعيم هدشي وفهمو ان بنتو ماعمرو يبغيها ووللاسف ماعندو مايدير هو لي دار هدشي كلو وبنتو لي غلطات وختارت الشخص لغلط وبغاتو
كملو هضرتهم فجميع المواضيع اغلبهم كيتعلقو بالخدمة
نهبطو لتحت
لارا جلسات فلكافي لي لتحت وهي كتغلي وكتهضر غي بوحدها معصبة:عارفاه ماكيبغينيش عارفة غير بزز باش دار هاد لخطوبة عارفاه ماكيحسش بيا ولكن بسيييف عليه يبغيني حيت انا لارا بنت احمد مازال ماخلاق هدا لي يرفضني غنتزوجو وغيبغيني اه غيبغيني بالسيف عليه حيت انا زوينة اه زوينة بزاف
كانو الناس جالسين وكيشوفو فيها وفحالتها كي دايرة
طاهرة دخلات للكافي عيات وبغات شي حاجة تشربها تبرد عليها دازت من حداها وهي تشوفها كدوي بوحدها
مشات طلبات عصير ودارت كتشوف فيها مستغربة من حالتها
بلسان طاهرة:بالعكس خاص تكون فرحانة ماشي راه دات ناصر الزعيم الف وحدة تمناه اااح بنادم ما كيعرفش قيمة لي عندو
لارا عيطات لسرباي وكتهضر معاه بطريقة مازويناش:جيب قرعة دلويسكي وماتعطلش
مسكين مشى طاير باش يجيبو
طاهرة:مالها
السرباي:ماعرفتش
طاهرة شافت فيها:شي حاجة
دا ليها لقرعة كب ليها كاس ورجع وقف حدا طاهرة وهوما حاضينها
لارا كتشرب كاس مور كاس:ناصر الزعيم نت ديالي فهمتي بسيف عليك تبغيني
💘الجزء الخامس والعشرون💘
عنيها حمارو ودمعو هي من النوع لي مفشة بزاف عاشت فاجواء كلها رفاهية وفخامة ديما لي بغاتها كتحضر واخة تكون بالدهب ولالماس كتحضر باها فششها ووحل فيها تا ولات انانية لدرجة كبيرة ولات كتشوف راسها حسن من كلشي وكلشي ديالها عاشت وسط ربعة درجال من بعد موت مها وهي كتولدها تربات معاهم تاكبرات وكلما كتكبر كتزيد تعلق بناصر الزعيم تا عشقاتو وولات باغاه ليها ف15 لعام بدات كتقرب منو وبدا يدخلها لهوس بيه ولات كتشوفو غير هو حاضياه ومتبعاه كتشعل فيها لعافية ملي كتشوفو مع شي وحدة واخة عارفاها غي ديال ليلة لغد ليه غيلوحها هي بغات تكون فلاصت هادوك لي كيدوزو معاه داك الليلة باغت تكون ليه كلشي غير مايشوفش فوحدا خرا
طاهرة فنفسها:هذا شتو ايخليني كنتسنا قالك نتشاوفو ومزال ماعيط
ماجات فين تكمل هضرتها حتى كيوصلها مساج قراتو دغيا بتاسمات كان كاتب ليها:عنداك تمشي راه نخرجك من قلب داركم نسالي شي حاجة وهنا معاك
لارا هزات راسها وهي تشوف طاهرة واقفة ماحملاتهاش ملي شافتو كيشوف فيها كرهاتها واخة غير شوفة عادية خالية من اي تعبير المهيم طول الشوفة فيها وخصوصا وانها زوينة وعاد معصبة خاصها غي معامن تنوض الصداع رفعات صوتها:هيي نتي
طاهرة شافت فيها وكتشوف مع جنابها واش معاها:معايا
لارا :اه نتي اجي
طاهرة مشات عندها:شنو بغيتي
لارا خنزرات فيها:سكتي انا لي كنهضر هنا سمعتيني
طاهرة عرفاتها سكرانة ماجاوبتهاش
لارا:زيديني قرعة اخرى
طاهرة:راه كاين السيرفور أ أنسة
لارا ضربات يديها مع الطبلة بالجهد:كييفاش كتردي عليا الهضرة
طاهرة بهدوء:لا أ أنسة انا ماخداماش هنا سرباية نعيط ليك لسيرفور يجيب ليك شنو بغيتي
لارا هرسات لكاس لي كان فيديها:لا نتي لي اتجيبي لي شنو بغيت سمعتيني يلاه تحركي دااابة
جات سعاد مديرة الفندق ووقفات حداهم:ياك لاباس الالة لارا
لارا:شي وحدين كيبانولي باغين يخسرو بلاصتهم
سعاد خنزات فطاهرة:شنو درتي ليها باش تقلقات
طاهرة:انا مادرت والو انا ماخداماش هنا سرباية باش نجيب ليها قرعة دلويسكي
لارا:براكة من تقحبين شكا يحساب ليك راسك راكي غي خدامة هنا بكلمة مني تلاحي لزنقة سمعتيني اتزيدي.كلمة وحدة انعرف شغالي
سعاد:طاهرة جيبي للانسة شنو بغات سمعتيني تحركي
طاهرة مابغاتهاش دير ليها هكاك ولكن راه خاص تصبر هي بصاح تقدر تخرجها من الخدمة مشات وجابت ليها داكشي لي بغات
لارا جلسات:فيين التلج واش مكلخة
طاهرة صبرات راسها مابغاتش تغلط:واخة
مشات وجابت ليها التلج وحطاتو حداها يلاه بغات تمشي وهي توقفها:ماقلتش سيري خليك حدا راسي تانقولها ليك
بقات واقفة ولارا كتخنزر فيها شربات جوج كيسان وناضت باش تمشي
لارا قربات تا لوجها:لمرا جاية غندمك سمعتيني
وحطات يديها على وجها وطبطبات ليها على حناكها بطريقة كتستافز بحاليلا كتهينها
طاهرة نترات ليها يديها:ماتوليش ديريها سمعتيني
لارا دفعاتها:شغا ديري اضربيني ولا شنو
بقات كدفعها وناس كيوشوفو :نتي غي حشرة قدامي ندير فيك لي بغيت هذاك شغلي انا لارا
طاهرة ماتحملاتش تصرفها شداتها من يديها وزيرات عليها:تكوني شكون مابغيتي تكوني ماكيهمنيش ماسوقيش لا كنتي قليلة ترابي وهماجية فتصرفك هدشي خاص بيك انا لي كيهمني ماتقسنيش حتارميني سمعتي
لارا شعلات فيها لعافية هزات يديها تا لسما وصقلاتها وبدات تغوت :انااا مامربيااش يالمسخة بزااف عليك هنا غنوريك لارا شكا تسوى
طاهرة شداتها فاش شافتها بغات تولي ضربها دفعاتها تا طاحت الارض
لارا شهقات وبدات كترجف وشياطين سكنوها فديك اللحضة مخرجة عنيها لي ولاو حومر وكتغوت :انا ضربيني نتي عمر شي حد تجرأ ودارها
طاهرة واقفة وكتشوف فيها ولات بحال شي حمقة كتغوت عكس كي كانت فلحفلة ماتنكرش دخلها لخوف وخافت ملي جاي حيت هدي ماشي اي وحدة هدي بنت احمد المعروف وخاطبت ناصر الزعيم يقدرو ينحيوها من هاد الدنيا
جاو السيرفورا وشي حراس هزوها من الارض وهي كتغوت باغة ضرب طاهرة :رخيييو مني كلكم مطرودين سمعتوني
طاهرة مزال واقفة وكتشوف فيها قلبها كيدردك كون حساب ليها هدشي ايوصل لهنا كون من لول جابت ليها الويسكي بلا عكس
أحمد كان هابط كيقلب على بنتو باش يمشي وهو يسمعها كتغوت مشى كيطير عندها غوت:رخيييو منها
طارت عليه عنقاتو وهي كتبكي:بابي بنتك كتضرب عمر شي حد.دارها ولا تجرأ يديرها نت وعمرك ضربتيني تجي مسخة ضربني
أحمد:شكون هادي لي تجرأت تمد.يديها عليك
لارا شافت فطاهرة:هااد المسخة ابابي
أحمد شعلات فيه لعافية قرب لطاهرة هز يديه وصقلها تاشافت النجوم كيدورو حداها
أحمد:مازال ماخلاقش هدا لي يضرب بنتي عتادري منها
طاهرة شادة حنكها ومصدومة كلشي كان كيشوف فيها تمنات الارض تنشق وتبلعها نزلو دموعها حارين على خدودها
أحمد:عتااااذري
سعاد. قربات لطاهرة:عتادري الموصيبة كديريها قد راسك وتجلسي تبكي
طاهرة غير ساكتة ماكتجاوبش مصدومة
جات صاحبتها غيتة كتجري:طااهرة مالك شنو واقع شافتها كتبكي وكلشي داير بيها
أحمد:عندك فرصة باش تبقاي فخدمتك عتادري داابة
💘الجزء سادس والعشرون💘
غيتة مافاهمة والو شافت فسيرفور بمعنة شنو واقع قرب لعندها وعاود ليها كلشي
غيتة بقات فيها قربات لطاهرة وهمسات ليها:من الاحسن تعتاذري
طاهرة شهقات بالجهد وشافت فلارا:سمحيلي
لارا:ماسمعتش
طاهرة:سمحيلي
لارا:المرة جاية عرفي راسك معامن كتعاملي
أحمد:لا بغيتي تبقاي فخدمتك خاص تعرفي تصرفي الكبرياء ماعندو باش يفيدك
وجر بنتو وجلسها فوق كرسي وهو كيمسح على شعرها جابو ليها لما وشربو ليها وجلس حداها كيهدن فيها بحال شي بنية صغيرة
طاهرة كرهات راسها فهاد اللحضة عمرها طاحت فهاد الموقع بقات غادة وغيتة تابعاها:اجي فين غادة
طاهرة معصبة:مابقيتش بغيت نخدم هناااا سمعتيني
ركبات فالمصعد باش تطلع للمكتب دأمين
غيتة بقات غي واقفة وهي مصدومة :الله ياخد.الحق
طاهرة نزلات من المصعد ومسحات دموعها بقات شحال واقفة حدا لباب
لداخل كانو جالسين بتلاتة وكيهضرو حتى كيسمعو الدقان
أمين دخل
دخلات وهي فاقدة الشعور خدودها حومر بلبكة واتار صقلة مرسومين على وجها وعنيها الرمادين تخلطو بلون حمر دامعين وحجبانها مقوساهم بالاعصاب
امين غي شافها فديك لحالة ناض طاير عندها :مالك شنو واقع
طاهرة بقات ساكتة حتى نفاجرت بلبكة:مابقيتش بغيت نخدم هنا
ناصر كان واقف حدا الشرجم لكبير لي من زاج وكيشوف لبعيد غير سمع صوتها لمبحاح بلبكى ضار يشوفها بقى شحال كيشوف فيها وفعنيها لي كيقطرو بالدموع وطريقة لي كتهضر بيها
عماد.كان ساكت وكيشوف مافاهم والو
أمين شدها من يديها وقربها لعندو:ماتبكيش وقوليلي شنو واقع
وحط يديه على حناكها:وشهاد شي لي على وجهك
طاهرة كتفكر داكشي كتزيد تبكي:ماكيهمش انقدم ستقالتي ونمشي بحالي
💘السابع والعشرون💘
طاهرة كتفكر داكشي كتزيد تبكي:ماكيهمش انقدم ستقالتي ونمشي بحالي
أمين بلع ريقو مايمكنش تمشي تنهد جرها من يديها جلسها فوق الفطوي وجلس حداها:ماتبكيش تهدني صافي
طاهرة كتمسح فدموعها:سي أمين انا مايمكنش نبقى فهاد الخدمة صافي
امين:طاهرة قوليلي السباب باش نعرف
طاهرة نزلو تاني دموعها:انا لي فيا كافيني شفت لي يكفي فحياتي مايزيدوش تاهما يكمل عليا ويدلوني
أمين:ششش صافي صافي تهدني
عماد ناض جاب كاس دلما ومدو لامين باش يشربو ليها
عماد بقى واقف وكيتفرج باغي تاهو يفهم
أمين مد ليها لكاس:شربي لما ومن بعد عاوديلي شنو واقع
خدات لكاس شربات جغمة وحطاتو يلاه اتهضر وهي تسمع الدقان
أمين:دخل
دخلات سعاد وعنيها على طاهرة :سمحلي اسي امين كنت كنقلب على طاهرة وقالولي راها هنا ..طاهرة اجي معايا بلا مانصدعو سي امين فهاد التخربيق
طاهرة وقفات وشافت فيها:هدشي كتسميه تخربيق ياك
سعاد.قربات ليها:زيدي.نهضرو
طاهرة:ماعندي فاش نهضر
وشافت فأمين:سي امين سمحلي ولكن ما انبقاش خدامة هنا
أمين وقف:تسناو
وقرب لسعاد:عاوديلي نتي شنو واقع
سعاد :احم وقع سوء تفاهم بسيط بين طاهرة
وشافت فناصر وبلعات ريقها:والانسة لارا
ناصر غير سمع سمية دلارا عرف راها دارت شي كارتة بحال ديما ضار بجسمو كامل وتكا على الحيط كيشو ف هدشي فين ايوصل
سعاد بدات كتعاود.ليهم داكشي لي وقع بالضبط هي بحال هاد المواقيف ماكتكذبش واخة ماعندهاش مع الطاهرة قالت الصراحة وداكشي لي شافت
سعاد:هدشي لي وقع اسي أمين
أمين وجهو حمار وتزنك شاف فطاهرة لي وجها مزال مطراسي بالصقلة وعنيها دامعين قرب ليها:خليك هنا.. هنا جاي صافي
هزات راسها بواخة
يلاه بغى يخرج وهو يشوف أحمد داخل هو وبنتو وهي شادة فيه غير شافت الطاهرة خنزرات فيها:نتي هنا تحركي خرجي من المكتب مابغيتش نشوفك قدامي
طاهرة بغات تخرج وهو يشدها أمين:خليك فين غادا
طاهرة:ماسمعتيها
أمين:تا نقولك انا سيري عاد سيري
لارا:أمين خاصك تجري عليها ضرباتني وانا عمر شي حد ضربني حتى بابي هو لخر عمرو دارها
أحمد:لارا صافي سكتي ماتزديش فيه
لارا:بابي مازدتش فيه هي غير خدامة هنا وكتخلص باش دير داكشي لي كنقولو ليها ماشي باش تبدى تعفر علينا
أمين قرب عند.لارا:وهي ماخداماش عندك وماشي نتي لي كتخلصيها
لارا خرجات عنيها فيه:كيفاش
أمين:لارا الموضفين لي عندي فهاد.لوطيل كلهم كيعرفو خدمتهم وكل واحد.مكلف بالمهمة ديالو ونتي ليوم بغيتي تخرجي على هدشي غير باش تجبدي الصداع وديريلي لفوضة هنا فلوطيل..طاهرة ماقالت تاحجة فيها لعيب نتي لي نوضتي الصداع
وشاف فأحمد:ونت عارف لارا شحال كتكبر فالمواضيع وتزيد وتنقص كيف بغات لاش دغيى مديتي يديك على البنت
أحمد:دابة اتحاسب معايا على ود موضافة
طاهرة:سي أمين انا غنمشي بحالي بلا مايزيد.يكبر الموضوع
امين شدها من يديها ورجعها اللور:طاهرة ماتزديش تعصبيني
لارا واقفة كتشوف فناصر وفتعابير دوجهو كيف دايرين وردة فعلو كيفاش ..خايفة تاهو يغوت عليها ماباغاهش يتقلق منها...ماهامها تاواحد من غيرو هو
امين:احمد نت راك عارف ماكنتحاسبش ولكن الضلم مامزيانش واخة يكون بنادم كيفما بغى يكون ماخاصش نضلموه
احمد دوز يديه على راسو بصاح عندو الحق ولكن لارا بنتو فاش شافها كتبكي وشادينها تعصب وماتحكمش فراسو:صافي ماطرا باس
لارا:كيفاش ما طرا باس وهي طيحاتني
أحمد بحدة:لارا
سكتات وهي كتلعب بصبعانها
احمد:حنا غتمشيو دابة
لارا قربات عند ناصر:واش مقلق مني
كلشي شاف فيها كل همها غير ناصر مايتقلقش
ناصر هبط على داك الكاس لي فيديه:سيري باك.كيتسناك
لارا :لا تقلقتي
ناصر تنهد كيشوف راسو معامن طاح مع وحدة هبيلة ومهووسة :لارا مامساليش لهاد التخربيق ديالك نتي مزال ماغديري عقلك سيري لغاتمشي دابة
أحمد جا وجرها:زيدي مزال انتفاهمو على السكرة هضرت معاك على هدشي
هو جارها وهي طتشوف فناصر لي واقف وكيكب كاس اخر مامسوقش حتى خرجو من المكتب
عماد وقف:دراري انا غنمشي غدا عندي التدريبات ..الانسة الطاهرة مايبقاش فيك الحال كتوقع فأحسن العائلات
وغمزها :مع نتي زوينة راكي تم
أمين:قلتي غتمشي
عماد:هاهو غادي تصبحو على خير
وخرج
ناصر بقى كيشوف فامين كي كيشوف فطاهرة :احم تأنا غنمشي
امين:صافي اتمشي
ناصر وهو كيحط لكاس:اه
هز سوارت دطوموبيل ودار ليه اشارة بيديه انه غادي
خرج وشد لباب بقات غير طاهرة وامين
امين قرب ليها وهو كيشوف فعنيها:قلتي باغة تمشي
شافت فيه وهي كتهز راسها باه:اه
زاد قرب كتر وشدها من يديها وجرها لعندو:وانا مستحيل نخليك تمشي
بلا ماتحس بتاسمات:علاش
بتاسم ملي بتاسمات:حيت نتي دابة وليتي شي حاجة مهمة عندي وضاروري تكوني كاينة
عضات على شفايفها عجباتها هضرتو بأنها مهمة عندو وزادت بتاسمات نسات داكشي لي وقع كلو فهاد اللحضة
أمين كيشوف فشفايفها وبالطريقة كي كتحركم وكي عضات عليهم وميلاتهم وبتاسمات
💘الجزء التامن والعشرون💘
داخ حط يديه على وجها وبدا يدوز صبعانو حتى وقف عند شفايفها من اول مرة شافها وهو كيتمنى يدوق طعمهم ويجربهم حرك يديه ودخلهم مور عنقها وسط شعرها وقربها كتر وعنيه على شفايفها صافي ماقادش يصبر بقى كيقرب وهي مادايرة تا حراكة غير كتشوف فيه غمضات عنيها فاش حسات بشفايفو على شفايفها وفلحضة قفزو بجوج فاش تحلات لباب أمين بعد عليها فاش شاف ناصر داخل
ناصر ماتوقعش يشوفهم فديك الوضعية:نسيت طليفوني
أمين بتاسم ليه وضار هزو من فوق الطبلة ومشى باش يعطيه ليه:هاهو
ناصر خداه وخطف نضرة فطاهرة لي مزنكة فبلاصتها وولا شاف فأمين:هنا مشيت
خرج وشد موراه امين لباب ومشى عند طاهرة لي كانت ملونة بالحشمة
امين كيضحك:مالك
طاهرة كتاكل فدفارها:ناااري حشومة والله
امين :علاش عادي
طاهرة:عندك نت
امين:هذا راه ناصر ماكيهموش هدشي
طاهرة:واخة هكاك
امين جرها لعندو:دابة نساي وقوليلي فاش بقينا
رجعات اللور:سي أمين براكة
بتاسم:عاد كنتي ضريفة شنو وقع
تزنكات هي براسها ماعرفاتش شنو وقع ليها نسات راسها فديك اللحضة:وصافي
امين:يلاه نخرجو من بعد ونكملو هدشي
طاهرة:فين انمشيو
امين:دابة زيدي
هز سوارت دطومزبيل وطليفون:وزيدي
طاهرة:سبقني نت ماخاصش يشوفونا بجوج اصلا خاص نجيب ساكي وسوارت دار
امين:واخة ماتعطليش
هبطو هو خرج يتسناها برى وهي دخلات لغرفة الموضفين هزات داكشي ديالها حلات ساكها جبدات قلوس كان عندها تماك قداتو فشفايفها وقدات شعرها هي مبتاسمة وخرجات دازت عن غيتة
غيتة:الله ياربي خليتيني مشطونة شنو وقع هضري
طاهرة وهي مبتاسمة:والو سي امين ماخلانيش نمشي غنبقا
غيتة :اياااه دغيى نسيتي
طاهرة:خدالي حقي
غيتة:ايوا الحمد الله هدشي كلو وانا مافخباريش
طاهرة:ههههه هانتي كتشوفي
غيتة:وفين غادة دابة بالسلامة
طاهرة غمزاتها:سي امين كيتسناني من بعد ونعاود ليك ماخاصش نتعطل
وصيفطات ليها بوسة فلهوى ومشات
💘الجزءالتاسع والعشرون💘
طاهرة خرجات وقفات حدا لباب دلوطيل وهي كتقلب عليه بعنيها حتى كتبان ليها طوموبيلتو واقفة فالجنب بتاسمات ومشات نيشان حلات لباب وركبات شافت فيه لقاتو مبتاسم
طاهرة:تعطلت عليك
أمين:لا
طاهرة كتفات بابتسامة حتى كتشوفو حيد السمطة وكيقرب ليها رجعات شوية االلور حيت كان قريب ليها وجهو حدا وجها بلعات ريقها وهي مافاهمة والو شنو بغة يدير فهاد اللحضة لغير مناسبة خخخ حتى كتشوفو كيجر سمطة دطوموبيل ركبها ورجع لبلاصتو وهو كيضحط عليها عرف بالها مشى لبعيد كسيرا وهي غي ساكتة وكتشوف فالطريق ماعارقاش فين غيديها
أمين شاف فيها:مالك ساكتة
طاهرة:لا غير كنفكر فين غنمشيو
أمين:لداري
قفزات من بلاصتها وشافت فيه:احم علاش
امين:نجلسو وناخدو راحتنا
طاهرة:كوغا مشينا لشي قهوة حسن بلاش الدار
امين:ماطلعليكش فراسك الزحام وكترة لباشار ماعيتيش
طاهرة بلعات ريقها وهي كتهضر فنفسها:اياااه سيد باغي ينفارد وياخد راحتو
امين:مالك سكتي
طاهرة:لا غي بلاش دار خلينا تمشيو لشي بلاصة اخرى حسن
أمين عرفها خافت شد.يديها وزير عليها وهو كيشو ف فالطريق:مايمشيش
طاعرة بقات ساكتة وكتفكر:صافي واخة
بتاسم ليها
وكمل السوقان حتى كيوصلو لعندو لدار كانت عبارة عن فلة كبيرة دخلو وحلو ليهم الحراس لباب ودخلو لداخل
طاهرة كانت موراه داخلة ومترددة وكتشوف فالدار كيف دايرة من لداخل زوينة بزاف مفرشة بطريقة عصرية فنفس الوقت بلدية كلشي هو هذاك فبلاصتو عجباتها
أمين شاف فيها مزالة واقفة مشى وجرها من يديها:زيدي.جلسي
طاهرة:لا لا مرتاحة
أمين حط يديه على كتافها وليد لوخرا كيحركها بشوية على وجهها:لا عييتي شفتك شحال تعدبتي ليوم
طاهرة بتاسمات:ماشي مشكل المهم هو يكون عجبكم
أمين قرب ليها وهو دايخ ببتسامتها لي ترسمات على وجها تحنا لعندها شوية كان قريب لوجها وبتاسم ليها:نتي كلك كتعجبيني وعاد ماغيعحبنيش داكشي لي درتي
عضات على شفايفها :بصااح
زاد قرب ليها:اه
نزل عنيه لشفايفها لي مزال عاضة عليهم هاد لحركة كتجدبوو همس ليها:قبيلة
شافت فيه وكتهضر بنفس لهمس ديالو:مال قبيلة
كيهضر وهو كيقرب لشفايفها:قاطعنا
طاهرة غمضات عنيهاوبلا ماتشعر فاش حسات بيديه دافية كتلعب فعنقها بطريقة زوينة وغي بشوية جابت ليها تبوريشة رجعات حلات حنيها ملي حسات بانفاسو على وجها قلبها بدا كيدردك هو كيعجبها بزاف وعمرها تخيلات واحد.بحالو يطيح فيها صادفات رجال بزاف فحياتها من لي لباس عليهم عمر شي حد فيهم اتر عليها ولا عمر ليها عنيها كانت كتشوف فعنيهم الرغبة الشهوانية وصافي باغين غا يقضيو حاجتهم منها وصافي كانت ديما كتهرب من هدشي عمرها جربات شي علاقة اصلا ماكانش عندها لوقت لهادشي مها ماتت خلات ليها ليلى مزال صغيرة فسن المراهقة كان خاصها ترد ليها لبال وتركز معاها وماتخلي تاشي حاجة خاصاها وتعوضها فمهم لي ماتت واخة كان محتاجا تاهي لهدشي
خرجات من تفكيرها فاش حسات بشي حاجة دافية تحطات على شفايفها بلا ماتحس رجعات اللور خافت لا توقع شي حاجة ماكتر ماتقدرش تحكم فراسها
طاهرة:احم سي امين
امين يلاه بدا يتمتع باللحضة وهي ترجع اللور بلع ريقو :جلسي رتاحي
طاهرة هزات راسها بواخة وجلسات وجا جلس حداها وهي بقات كتشوف فيه هو من نوع رجال لي كيعجبوها زوين وحنين ورومانسي وفنفس الوقت تايق فراسو ماشي من النوع العصبي دغيى كينفاعل دمو بارد ولكن ملي كيتقلب كيتقلب فمرا اوما شي من النوع الغامض هي هدشي لي كيعجبها
امين:مالك.كتشوف
طاهرة بتاسمات:فيك شي حاجة زوبنة كتجدب
امين عجبو لحال:بحالاش
طاهرة:ماعرفتش المهيم شخصيتك زوينة
امين بقى كيشوف فيها شحال خاف يتهور حيت حس براسو مابقاش قادر يتحكم فراسو ملي كيكون قدامها:فيك الجوع
طاهرة:لا كليت
امين وقف وجرها من يديها:ادن نشربو شي حاجة
كان شاد فيديها وغادي بيها وهي كتشوف فيديه لي شداها وعاجبها لحال فلحضة تخايلات راسها مراتو وعايشة معاه نفضات هاد.الافكار من راسها فاش شافتو مدخلها لواحد لكوزينة فصالة لوخرى مفتوحة عليها بطريقة عصرية بحال كونطوار ديال لكازينوهات جلسها فوق الكرسي لي حدا الكنطوار وهو دخل لداخل ووقف اونفاص معاها:انسة شنو تشربي
كيهضر بحال لبارمان
طاهرة تقدات فجلستها دارت رجل على رجل وحطات صبعها على شفايفها بحاليلا كتفكر:اممممم عاصير دسيطخون يكون بارد
قالتها ومن بعد بدات كضحك :هههههه تيقت راسي
امين حمقاتو ضحيكتها وحركاتها:تيقي راسك نتي غي امري وانا نفد
طاهرة:سي امين نت ضريف بزاف
بتاسم ليها :غير مع ناس لي عندهم معزة خاصة فقلبي
طاهرة تكات بيديها على الكونطوار :بغيت نسولك
كان كيحل التلاجة ويجبد العاصير لي بغات وفنفس الوقت كيسمع ليها:وي سولي
طاهرة:عندك شي وحدة فحياتك
امين وهو كيكب لعاصير فلكاس ويدير فيه الثلج وحطو حداها:شنو بان ليك
طاهرة هزات لكاس شربات منو شوية ودارت ليه بيديها حركة👍 زعمة راه زوين:ماعرفتش قولي نت
💘الجزء ثلاتون💘
امين جبد.قرعة دلويسكي وهز كاس فيديه وخرج من الكوزينة وقرب ليها:كون كانت شي وحدة فحياتي ماغنكونش معاك دابة
وغمزها وشدها من يديها وتم غادي بيها تاخرجو لعلا برا لجردة شعل ضواو وهو شدها تا جلسها فواحد لجليسة حدا لابسين عبارة على تلاتة دلفوطوي فلبيض وطبيلة دزاج فالوصط وداير بيهم الورد واونفاص معاهم لابسين كانت زوينة عحباتها مع الليل ولجو مكالمي دار يديه مور ضهرها وفيديه كاس دلويسكي شافت فيه وهي كتشرب من كاسها :دارك زوينة
امين:ماشي حسن منك
بتاسمات ليه وبقات ساكتة ميات سؤال كيدور فراسو:اممم عللش عايش بوحدك فين هوما واليديك
امين هبط على لكاس فدقة ورجع عمرو تاني:عندي جوج دخوت ختي مزوجة عايشة فكنادا ولواليد ولواليدة ماعايشينش معايا عايشين فكندا تاهوما بغاو يبقاو قراب ليها
طاهرة:ااه الله يخليهم ليك
بقاو ساكتين
امين:عاوديلي عليك لحد الان ماعارف عليك والو كنعرف غير ختك ليلى باباك شكا يدير وماماك تاهي عندك خوتك اخرين وكي درتي خدمتي فلوطيل المهيم كلشي
طاهرة بقات كتشوف فيه حطات لكاس من يديها :امم ماما وبابا الله يرحمهم
وسكتات شحال وولا كملات:بابا مات فكسيدة فاش كان عندي 11 لعام وختي ليلى 8سنين بقينا مع ماما لي مسكينة وحلات ماعرفات مادير تزوجات براجل كان كيحساب ليها غيسترها ويجمع بناتها ويعاونها على الزمان ساعة صدق شكل اخور غير وصل لداكشي لي بغة وكتبات ليه داك لخربة لي شتي بسميتو تقلب ولا يضربها ويضربنا تاحنا معاها كيجي كل ليلة سكران لدار وكل ليلة ماما الله يرحمها كتاكل قتلة على والو من بعد خرجات تخدم فديور مرا دلميناج بقينا هكا لفلوس لي صوراتها كيخدها ليها كان خاص ضروري تخبي عليه نص وتعطيه نص واخة هكاك تقاتلات باش قراتنا وكانت كتحاول ماينقصنا والو الله يرحمها داز الوقت مرضات بسرطان وكي كتعرف ناس لي مافحالهومش بحالنا ماكيقدوش على المصاريف ديال هاد المرض ودواياتو لغاليين
وسكتات فاش حسات بدموعها غينزلو دغيى زربات عليهم مسحاتهم :المهيم شرات دوى لي قدرات عليه وتاباقي كان غالي ماشراتوش وراجلها كان كيزيد يكمل بالسب والمعيور ويهددها غيرمينا فالزنقة تفقصات وزادت مرضات ودوى ماكامل حتى كنفيق واحد نهار بغيت نتطمن عليها ساعة ماتحركانش زعزعتها او والو حيت كانت ميتة وحيت فليل ماشرباتش دوى وباتت بالجوع هادي هي صدمة دحياتي نهار ماتت ماما وخلات لي ليلى تحملت مسؤوليتها وخرجت خدمت وفنفس الوقت كنقرا باش ندير شي حاجة فحياتي وكان خاص ضاروري لفلوس باش نقدر نسكت راجل ماما ومايجريش علينا من دار المهيم قريت الفندقة وبفضل واحد الاستادة دخلت لمدراسة خاصة حيت بقيت فيها وهي نيت لي عوناتني وهضرات مع سعاد باش تخدمني فلوطيل
وبتاسمات باش تخفي داك الحزن لي فعنيها وتحاول ماتبكيش
امين بقى يشوف فيها كان كيسمع ليها وحاس بيها شحال تعدبات واخة هي مزال صغيرة على هدشي كبرات فعنيه حيت ما ستسلماتش وتقاتلت مع الزمان وماخرجاتش لطريق وختارت طريق لخاطئ بحال كي كيديرو بزاف دلبنات وفوق هدشي كتبتاسم ليه فوجهو واخة باين لحزن فعنيها
مالقا مايقول من غير انهو جرها لعندو وعنقها هي كانت محتاجة لهاد الحضن حسات بيه حس بيها وحس بدكشي لي كتعانيه خشات راسها فصدرو وعنقاتو تاهي وبالسيف عليها نزلو دموعها حتى شهقات اول مرة من مور موت ماماها شي واحد ايعنقها ويواسيها كانت ديما هي لي كتعنق ليلى وتصبرها وتواسيها وتحن عليها حيت عارفة داكشي باش كتحس
امين زاد جرها لعندو وهو كيمسح غلى شعرها:ششش ماتبكيش كلشي غيولي مزيان تقي بيا
طاهرة غير ساكتة وكتبكي
بقاو شحال هكا حتى كتهز راسها وتشوف فيه:سمحلي عفاك صدعتك بمشاكيلي
بغات ترجع اللور وهو يشد راسها بين يديه ويبوسها فجبهتها:بلعكس حياتك كتهمني وخاص نعرف كلشي عليك
طاهرة حسات براحة معاه خوات قلبها وبكات رتاحت بزاف بتاسمات ليه امين بعد شعرها لي كان على وجها وبدا يمسح ليها دموعها بيديه وهو كيدقق فملاميحها لي ولاو حومر بلبكى وفعويناتها لي كيشوفو فيه بقى شحال كيتأملها بحاليلا اول مرة ايشوفها وبلا مايحس بدا يقرب لشفايفها مابقاش كيقد يتحكم فراسو
طاهرة غير شافتو كيقرب رجعات الاور وناضت:سي امين خاص نمشي تعطلت
شاف فالساعة كانت ل1ونص دليل
وقف :غنوصلك
هزات راسها بواخة ودخلو لداخل هزات ساكها وهو هز سوارت طموبيل :مشينا
طاهرة:يلا
سبقاتو وهو كان موراها حتى كتوقف ودور لجيهتو وبديك الصورة كدخل فيه حتى كانت اطيح كوما شدهاش كان مدور يده على خسرها وجهو اونفاص مع وجها بقات كترمش بعنيها وهو بلع ريقو وقفها على رجليها وهو مزال شادها
وكيشوفو فبعضهم
هو ماقدش يصبر خشا يديه وسط شعرها وجرها لعندو وطار على شفايفها كيبوسها بشفف كيبرد داك اللهفة لي كان كيحس بيها كيجر شفايفها بسنانو ويمص حتى كيقصحها كان فاق الشعور وهي كتحاول تبعد حتى دفعاتو وهي كتلهت خنقها
امين كان حاط رايو على راسها وكيشوف فعنيها مزال باغي يكمل
طاهرة لحد لان شفايفها كيضروها ولكن ماتنكرش عجباتها حسات بيه باغيها